ഒമാനില് ഇന്ന് 21 പേര്ക്ക് കൂടി കൊവിഡ് സ്ഥിരീകരിച്ചു
രാജ്യത്ത് ഇതുവരെ രോഗം സ്ഥിരീകരിച്ചവരുടെ എണ്ണം 298 ആയെന്ന് ഒമാൻ ആരോഗ്യ മന്ത്രാലയം ഇന്ന് പുറത്തിറക്കിയ വാർത്താകുറിപ്പിൽ പറയുന്നു.
മസ്കത്ത്: ഒമാനിൽ ഇന്ന് 21 പേർക്ക് കൂടി കൊവിഡ് 19 വൈറസ് ബാധ സ്ഥിരീകരിച്ചു. ഇതോടെ രാജ്യത്ത് ഇതുവരെ രോഗം സ്ഥിരീകരിച്ചവരുടെ എണ്ണം 298 ആയെന്ന് ഒമാൻ ആരോഗ്യ മന്ത്രാലയം ഇന്ന് പുറത്തിറക്കിയ വാർത്താകുറിപ്പിൽ പറയുന്നു. ഇതിനോടകം 61 പേര് രോഗ വിമുക്തരായെന്നും മന്ത്രാലയം വ്യക്തമാക്കി.
രോഗം സ്ഥിരീകരിച്ചവരുടെ മേഖല തിരിച്ചുള്ള കണക്കുകള് കഴിഞ്ഞ ദിവസം അധികൃതര് പുറത്തുവിട്ടിരുന്നു. ഇതനുസരിച്ച് മസ്കത്ത് ഗവര്ണറേറ്റിലാണ് ഏറ്റവുമധികം പേര്ക്ക് രോഗം സ്ഥിരീകരിച്ചിട്ടുള്ളത്. ഇന്നലെ രാജ്യത്ത് ഒരാള് കൂടി മരണപ്പെടുകയും ചെയ്തു. ഇതോടെ ഒമാനില് കൊവിഡ് ബാധിച്ച് മരിച്ചവരുടെ എണ്ണം രണ്ടായി. 72കാരനായ സ്വദേശിയാണ് ഇന്നലെ മരിച്ചത്. നേരത്തെ മരണപ്പെട്ടയാളും സ്വദേശിയായിരുന്നു.