Asianet News Malayalam

'അബ്ദുൽ ജബ്ബാറിനെ രാത്രി തന്നെ റഫർ ചെയ്തു, സ്വന്തം റിസ്കിൽ വീട്ടിലേക്ക് പോയി'; ചികിത്സാ പിഴവ് പരാതിയിൽ ആശുപത്രി റിപ്പോർട്ട്

Naveen Kumar TV — Tue, 10 Nov 2026 00:09:45 +0530

കൊച്ചി: വടക്കൻ പറവൂർ താലൂക്ക് ആശുപത്രിക്കെതിരായ ചികിത്സാ പിഴവ് പരാതിയിൽ അബ്ദുൽ ജബ്ബാറിനെ രാത്രി തന്നെ റഫർ ചെയ്തിരുന്നുവെന്ന് ആശുപത്രി റിപ്പോർട്ട്. ജൂലൈ 26ന് രാത്രി 11:45നും വെളുപ്പിന് 3:30നും അബ്ദുൽ ജബ്ബാർ ആശുപത്രിയിലെത്തി. രണ്ടാമത് എത്തിയപ്പോൾ കോട്ടയത്തേക്ക് റഫർ ചെയ്തിരുന്നു. അവിടേക്ക് പോകാനാകില്ലെന്നായിരുന്നു മറുപടി. സ്വന്തം റിസ്കിൽ വീട്ടിലേക്ക് പോകുന്നതായി എഴുതി നൽകിയിരുന്നുവെന്ന് ആശുപത്രി അധികൃതർ പറഞ്ഞു. ആശുപത്രി സൂപ്രണ്ട് എറണാകുളം ഡിഎംഒയ്ക്ക് റിപ്പോർട്ട് കൈമാറി. റിപ്പോർട്ട് ഡിഎംഒ, ഡിഎച്ച്എസിന് കൈമാറി.

ചികിത്സ വൈകിയതിനാൽ പറവൂർ കുന്നുകര സ്വദേശി അബ്ദുൽ ജബ്ബാറിൻ്റെ കാൽ മുറിച്ചുമാറ്റേണ്ടി വന്നു എന്നായിരുന്നു പരാതി. ജൂലൈ 26ന് രാത്രി 11 മണിയോടെ ആണ് കടുത്ത കാൽ വേദനയെ തുടർന്ന് 56കാരനായ അബ്ദുൽ ജബ്ബാർ വടക്കൻ പറവൂർ താലൂക്ക് ആശുപത്രിയിൽ എത്തിയത്. വേദന സംഹാരി നൽകി ജൂനിയർ ഡോക്ടർമാർ അബ്ദുൽ ജബ്ബാറിനെ തിരിച്ചയച്ചു. വേദന കൂടിയതോടെ വീണ്ടും ആശുപത്രിയിൽ എത്തിയെങ്കിലും വീണ്ടും വേദന സംഹാരി നൽകി വിട്ടയച്ചു. പിറ്റേദിവസം സർജനെ കണ്ടപ്പോൾ കാലിലേക്കുള്ള രക്തയോട്ടം നിലച്ചുവെന്നായിരുന്നു ഡോക്ടർ പറഞ്ഞതെന്ന് അബ്ദുൽ ജബ്ബാർ പറഞ്ഞു. കാലിലേക്കുള്ള രക്തയോട്ടം പൂർവസ്ഥിതിയിലാക്കാൻ ശ്രമം നടത്തിയെങ്കിലും ചികിത്സ ഫലിച്ചില്ല. തുടർന്ന് വലത് കാൽ മുറിച്ചു മാറ്റുകയായിരുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

രാത്രി രണ്ടുതവണ ആശുപത്രിയിൽ എത്തിയിട്ടും വേദന സഹിക്കുന്നില്ലെന്ന് കരഞ്ഞ് പറഞ്ഞിട്ടും പറവൂർ താലൂക്ക് ആശുപത്രിയിൽ നിന്ന് വിദഗ്ധ ചികിത്സ കിട്ടിയില്ലെന്ന് അബ്ദുൽ ജബ്ബാർ ആരോപിച്ചിരുന്നു. സീനിയർ ഡോക്ടറെ വിളിക്കാനോ റഫർ ചെയ്യാനോ ശ്രമിച്ചില്ലെന്നും അദ്ദേഹം പറഞ്ഞു. കാൽ മുറിച്ചു മാറ്റിയ ശേഷം ചികിത്സ രേഖകൾ തേടി വടക്കൻ പറവൂർ ആശുപത്രിക്ക് വിവരാവകാശ അപേക്ഷ നൽകിയെങ്കിലും കിട്ടിയിട്ടില്ല. പിന്നീട് വീണ്ടും അപേക്ഷിച്ചപ്പോൾ ആശുപത്രി സൂപ്രണ്ട് ഇടപെട്ടെന്നും പരാതി ഒതുക്കിത്തീർക്കാൻ ശ്രമം നടത്തിയെന്നും അബ്ദുൽ ജബ്ബാർ ആരോപിച്ചു. ഹോട്ടൽ ബിസിനസുകാരനായ അബ്ദുൽ ജബ്ബാറിന് കാൽ നഷ്ടപ്പെട്ടതോടെ കച്ചവടം നടത്താൻ കഴിയാതെയായിരുന്നു.

വന്ദേമാതരം മുഴുവനായി ചൊല്ലി, അതൃപ്തി പ്രകടിപ്പിച്ച് ആരോഗ്യമന്ത്രി കെ മുരളീധരൻ

Deepu Divakaran — Mon, 09 Nov 2026 23:20:42 +0530

കാസർകോട്: വേദിയിൽ വന്ദേമാതരം മുഴുവനായി ചൊല്ലിയതിൽ അതൃപ്തി പ്രകടിപ്പിച്ച് ആരോഗ്യ മന്ത്രി കെ മുരളീധരൻ. കാസർകോട് മുള്ളേരിയ കുടുംബാരോഗ്യ കേന്ദ്രത്തിലെ ലാബ് ഉദ്ഘാടന ചടങ്ങിലാണ് സംഭവം. പാടി പൂർത്തിയാക്കുന്നതിന് മുമ്പ് മന്ത്രി വേദിയിൽ ഇരുന്നു. ജില്ലാ കളക്ടറും രാജ്മോഹൻ ഉണ്ണിത്താൻ എംപിയും കല്ലട്ര മാഹിൻ എംഎൽഎയും മന്ത്രിക്കൊപ്പം ഇരുന്നു. കെ നീലകണ്ഠൻ എംഎൽഎ, ഡിസിസി പ്രസിഡന്റ്‌ പി കെ ഫൈസൽ എന്നിവർ പാടി പൂർത്തിയാക്കുന്നത് വരെ വേദിയിൽ നിന്നു.

വന്ദേമാതരത്തിൻ്റെ ആദ്യ രണ്ട് ഖണ്ഡികകൾ ചൊല്ലിയതിന് പിന്നാലെയാണ് മന്ത്രിയും മറ്റുള്ളവരും വേദിയിൽ ഇരിക്കാൻ ശ്രമിച്ചത്. വന്ദേമാതരം തുടർന്നതോടെ മന്ത്രിയും മറ്റുള്ളവരും ഇരുന്നു. ഇതിനിടെ മന്ത്രി അടുത്തുണ്ടായിരുന്നവരോട് സംസാരിക്കുന്നത് പുറത്തുവന്ന ദൃശ്യങ്ങളിൽ കാണാം. ഔദ്യോഗിക പരിപാടികളിൽ വന്ദേമാതരം മുഴുവനായി ആലപിക്കണമെന്ന് കേന്ദ്രസർക്കാർ നിർദേശം നൽകിയിരുന്നെങ്കിലും ആദ്യ രണ്ട് ഖണ്ഡികകൾ ചൊല്ലിയാൽ മതിയെന്ന് കോൺഗ്രസ് നിലപാടെടുത്തിരുന്നു. സംസ്ഥാനത്ത് വന്ദേമാതരം മുഴുവനായി ആലപിക്കില്ലെന്നും സർക്കാർ പരിപാടികളിൽ രണ്ട് ഖണ്ഡികകൾ മാത്രമേ ചൊല്ലൂ എന്നും മന്ത്രി കെ മുരളീധരൻ വ്യക്തമാക്കിയിരുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ക്രിസ്‌റ്റിയാനോ റൊണാള്‍ഡോ വിരമിക്കാനുള്ള യഥാര്‍ഥ കാരണം വെളിപ്പെടുത്തി പോര്‍ച്ചുഗീസ്‌ മാധ്യമപ്രവര്‍ത്തകന്‍, ആ ഒരു കാര്യം നടന്നിരുന്നെങ്കില്‍ !

Vipulnath P — Mon, 09 Nov 2026 23:24:32 +0530

പോര്‍ച്ചുഗല്‍ ദേശീയ ടീമിലേക്ക്‌ തിരിച്ചുവരവിന്‌ ക്രിസ്‌റ്റിയാനോ റൊണാള്‍ഡോ തയ്യാറാണെന്ന വാര്‍ത്തകള്‍ വരുന്നതിനിടെയാണ്‌, സോഷ്യല്‍ മീഡിയയില്‍ അഞ്ച്‌ മിനുട്ട്‌ നീണ്ട വീഡിയോയിലുടെ ക്രിസ്‌റ്റിയാനോ തന്റെ അന്താരാഷ്ട്ര കരിയര്‍ അവസാനിപ്പിക്കുന്ന വിവരം ലോകത്തെ അറിയിച്ചത്‌. പെട്ടെന്ന്‌ ക്രിസ്‌റ്റിയാനോ അങ്ങനെയൊരു തീരുമാനത്തിലെത്താന്‍ കാരണം കോച്ച്‌ ഹോര്‍ഹെ ജെസ്യൂസുമായുള്ള തര്‍ക്കം പരിഹരിക്കപ്പെടാതിരുന്നതാണ്‌. ക്രിസ്റ്റ്യാനോയെ ടീമിലേക്ക്‌ തിരികെയെത്തിക്കാന്‍ പോര്‍ച്ചുഗല്‍ ഫുട്‌ബോള്‍ ഫെഡറേഷന്‍ പ്രസിഡന്റ്‌ പെഡ്രോ പ്രോന്‍സ ശ്രമിച്ചു കൊണ്ടിരിക്കുകയായിരുന്നു. കോച്ച്‌ ഹോര്‍ഹെ ജെസ്യൂസും ഫെഡറേഷന്റെ നിബന്ധനകള്‍ക്ക്‌ വഴങ്ങി ക്രിസ്റ്റ്യാനോയെ ടീമിലെടുക്കുന്നതിനോട്‌ താത്‌പര്യം അറിയിക്കുകയും ചെയ്‌തിരുന്നു.

എന്നാല്‍, ക്രിസ്റ്റ്യാനോ തുടക്കം മുതല്‍ ആവശ്യപ്പെട്ട ഒരു കാര്യം കോച്ച്‌ ഹോര്‍ഹെ ജെസ്യൂസ്‌ തന്നോട്‌ പരസ്യമായി മാപ്പ്‌ പറയണമെന്നതായിരുന്നു. ജെസ്യൂസ്‌ പക്ഷേ, ഒരു താരത്തോടും മാപ്പ്‌ പറയാന്‍ തയ്യാറല്ലെന്ന നിലപാടാണ്‌ സ്വീകരിച്ചത്‌. ഇതാണ്‌, ക്രിസ്‌റ്റിയാനോയെ വിരമിക്കല്‍ തീരുമാനത്തിലേക്ക്‌ നയിച്ചതെന്ന്‌ പോര്‍ച്ചുഗീസ്‌ ജേര്‍ണലിസ്‌റ്റ്‌ പെഡ്രോ സുപെല്‍വേദ വെളിപ്പെടുത്തി.

സെപ്‌തംബര്‍-ഒക്ടോബര്‍ ഫിഫ വിന്‍ഡോയിലാണ്‌ കോച്ചും ക്രിസ്‌റ്റിയാനോയും തമ്മിലുള്ള പ്രശ്‌നങ്ങള്‍ക്ക്‌ തുടക്കം. നോര്‍വെക്കെതിരെ വാം അപ്‌ ചെയ്‌ത ശേഷം കളത്തിലിറങ്ങാന്‍ അനുവദിക്കാതിരുന്നത്‌ ക്രിസ്റ്റ്യാനോയെ അസ്വസ്ഥനാക്കി. മത്സരം കഴിയും മുമ്പെ ടീം വിട്ട താരം ഡെന്‍മാര്‍ക്കിനെതിരായ മത്സരത്തിന്‌ മുമ്പ്‌ അനുമതിയില്ലാതെ പരിശീലന ക്യാമ്പ്‌ വിട്ടു. സെപ്‌തംബര്‍ 24ന്‌ ലിസ്‌ബണില്‍ വെയില്‍സിനെതിരെ ആയിരുന്നു അവസാന അന്താരാഷ്ട്രമത്സരം.

ക്രിസ്റ്റ്യാനോ വിരമിച്ചതിന്‌ ശേഷം കോച്ച്‌ ജെസ്യൂസ്‌ പ്രഖ്യാപിച്ച പോര്‍ച്ചുഗല്‍ ടീമില്‍ ഏഴ്‌ പുതുമുഖങ്ങളുണ്ട്‌. ആല്‍ബര്‍ട്ടോ കോസ്‌റ്റ, അന്റോണിയോ സില്‍വ, മാത്യൂസ്‌ ഫെര്‍നാണ്ടസ്‌, കാര്‍ലോസ്‌ ഫോബ്‌സ്‌, ജിയോവാനി ക്യുന്‍ഡ, റോഡ്രിഗോ മോറ, ഗുസ്‌താവോ വറേല എന്നിവരാണ്‌ ടീമിലെ പുതുമുഖങ്ങള്‍. യുവേഫ നേഷന്‍സ്‌ ലീഗില്‍ ഗ്രൂപ്പിലെ നാല്‌ മത്സരങ്ങളും ജയിച്ച പോര്‍ച്ചുഗല്‍ മികച്ച ഫോമിലാണ്‌. നവംബര്‍ 14ന്‌ ഡെന്‍മാര്‍ക്കിനെയും 17ന്‌ വെയില്‍സിനെയും നേരിടും.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ദുരൂഹതയുടെ അടരുകള്‍; ‘റൂബി’ ടീസർ പുറത്തിറങ്ങി

Web Desk — Mon, 09 Nov 2026 23:16:19 +0530

ഷാ പ്രൊഡക്ഷൻസിന്റെ ബാനറിൽ ഷാജു എസ്, ഫവാസ് എന്നിവർ നിർമ്മിച്ച് സുജൻ ആരോമൽ സംവിധാനം ചെയ്യുന്ന ‘റൂബി’ എന്ന ചിത്രത്തിന്റെ ഔദ്യോഗിക ടീസർ പുറത്തിറങ്ങി. സലാം ബാപ്പുവാണ് ചിത്രം അവതരിപ്പിക്കുന്നത്. ജാഫർ ഇടുക്കി, സുധി കോപ്പ, അതിഥി രവി, ദേവനന്ദ, അപ്പാനി ശരത്, ധ്രുവൻ, പ്രമോദ് വെളിയനാട്, വീണ നായർ, ബാലാജി ശർമ്മ, ജോബി, ആർ.ജെ. അഞ്ജലി, എയ്തൽ ഇവാന ഷെറിൻ തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ.

ദുരൂഹതയും ഉദ്വേഗവും നിറഞ്ഞ ദൃശ്യങ്ങളിലൂടെയാണ് ‘റൂബി’യുടെ ടീസർ പ്രേക്ഷകരെ സിനിമയുടെ ലോകത്തേക്ക് ക്ഷണിക്കുന്നത്. പൊലീസ് അന്വേഷണത്തിന്റെ സൂചനകളും രാത്രിയുടെ നിഗൂഢത നിറഞ്ഞ കാടിന്റെ ദൃശ്യങ്ങളും ഒരു കുട്ടിയുടെ സാന്നിധ്യവും ടീസറിൽ ശ്രദ്ധ നേടുന്നു. കഥാപാത്രങ്ങളുടെ മുഖഭാവങ്ങളും അസ്വാഭാവികമായ സാഹചര്യങ്ങളും ചിത്രത്തിന്റെ പ്രമേയത്തെക്കുറിച്ച് പ്രേക്ഷകരിൽ നിരവധി ചോദ്യങ്ങൾ ഉയർത്തും. ഒരു ചുവന്ന ചിത്രശലഭത്തിന്റെ ദൃശ്യവും ‘IT'S NOT BLOOD’ എന്ന വാചകവും ടീസറിലെ പ്രധാന ആകർഷണങ്ങളാണ്. കാണുന്നതെല്ലാം യാഥാർഥ്യമാണോ എന്ന സംശയം ബാക്കിവെച്ച്, റൂബിയുടെ പിന്നിലെ രഹസ്യം എന്തെന്ന ആകാംക്ഷയോടെയാണ് ടീസർ അവസാനിക്കുന്നത്. സിനിമയുടെ കഥ വെളിപ്പെടുത്താതെ ദുരൂഹതയുടെ അന്തരീക്ഷം സൃഷ്ടിക്കുന്നതാണ് ടീസറിന്റെ അവതരണം.

ചിത്രത്തിന്റെ കഥ, തിരക്കഥ, സംഭാഷണം, എഡിറ്റിംഗ്, സംവിധാനം എന്നിവ നിർവഹിച്ചിരിക്കുന്നത് സുജൻ ആരോമലാണ്. ഗാനരചനയും സംഗീതസംവിധാനവും അദ്ദേഹമാണ്. സബീഖ ഫൈസലും ഗാനരചനയിൽ പങ്കാളിയാണ്. റെജിൻ സാന്റോയാണ് ഛായാഗ്രഹണം നിർവഹി ക്കുന്നത്. അപ്പു കൊല്ലം, ടി.കെ. ദീപ്തികുമാർ എന്നിവർ കലാസംവിധാനം നിർവഹിക്കുന്നു. അനുരാജ് മേടയിൽ പ്രൊഡക്ഷൻ ഡിസൈനറും രാജീവ് കുടപ്പനക്കുന്ന് പ്രൊഡക്ഷൻ കൺട്രോളറു മാണ്. രതീഷ് രവി മേക്കപ്പും വീണ അജി വസ്ത്രാലങ്കാരവും നിർവഹിക്കുന്നു. ത്രില്ലുകൾ ബ്രൂസ് ലീ രാജേഷാണ്. രാജ് മാർത്താണ്ഡമാണ് SFX കൈകാര്യം ചെയ്യുന്നത്. ചീഫ് അസോസിയേറ്റ് ഡയറക്ടർ രാജേഷ് ആർ. കൃഷ്ണ. നജീം എസ്.എ. സ്റ്റിൽസും വിഷ്ണു രഘുനന്ദൻ എം. മാർക്കറ്റിംഗും നിർവഹിക്കുന്നു. റെഡ് ലീഫാണ് പബ്ലിസിറ്റി ഡിസൈൻ. ദുരൂഹതയുടെ പല അടരുകൾ തുറന്നുകാട്ടുന്ന ടീസറിലൂടെ പ്രേക്ഷകരിൽ ആകാംക്ഷയുണർത്തുന്ന ‘റൂബി’ ഡിസംബറിൽ തിയേറ്ററുകളിലെത്തും. പിആർഒ- സതീഷ് എരിയാളത്ത്.

സൂര്യകുമാർ യാദവിനെ വീണ്ടും ക്യാപ്റ്റനാക്കി മുംബൈ; സയ്യിദ് മുഷ്താഖ് അലി ട്രോഫിക്കുള്ള ടീമിനെ പ്രഖ്യാപിച്ചു

Vikas rajagopal — Mon, 09 Nov 2026 22:20:28 +0530

മുംബൈ: സയ്യിദ് മുഷ്താഖ് അലി ട്രോഫി ടി20 ടൂർണമെന്‍റിനുള്ള മുംബൈ ടീമിനെ ഇന്ത്യൻ ടി20 ടീം മുന്‍ ക്യാപ്റ്റനായ സൂര്യകുമാർ യാദവ് നയിക്കും. അഞ്ചു മാസത്തെ ഇടവേളയ്ക്ക് ശേഷമാണ് സൂര്യകുമാർ വീണ്ടും മത്സര ക്രിക്കറ്റിലേക്ക് തിരിച്ചെത്തുന്നത്. നവംബർ 14-നാണ് ടൂർണമെന്‍റിന് തുടക്കമാകുന്നത്. ഛത്തീസ്ഗഢ്, ഗോവ, ഗുജറാത്ത്, ഹൈദരാബാദ്, ഒഡിഷ, ഉത്തരാഖണ്ഡ്, വിദർഭ എന്നിവരടങ്ങുന്ന എലൈറ്റ് ഗ്രൂപ്പ് ഡിയിലാണ് മുംബൈ ഉൾപ്പെട്ടിരിക്കുന്നത്.

ഇന്ത്യൻ ടീമിനൊപ്പമുള്ള ശ്രേയസ് അയ്യരുടെ അഭാവത്തിലാണ് വൈറ്റ് ബോള്‍ ക്രിക്കറ്റില്‍ സൂര്യകുമാർ യാദവിനെ മുംബൈ വീണ്ടും നായകസ്ഥാനത്തേക്ക് പരിഗണിച്ചത്. സൂര്യകുമാറിന്‍റെ അന്താരാഷ്ട്ര തലത്തിലെ പരിചയസമ്പത്തും ആക്രമണോത്സുക ബാറ്റിങ് ശൈലിയും ടീമിന് വലിയ കരുത്താകുമെന്ന് മുംബൈ ക്രിക്കറ്റ് അസോസിയേഷൻ പ്രസ്താവനയിലൂടെ വ്യക്തമാക്കി. ഓൾ റൗണ്ടർ ശിവം ദുബെയും കൈയിലെ പരിക്കിൽ നിന്ന് മോചിതനായി ഷാർദുൽ താക്കൂറും മുംബൈ ടീമിൽ തിരിച്ചെത്തിയിട്ടുണ്ട്. മുംബൈയെ നയിക്കാൻ സാധിച്ചതിൽ അഭിമാനമുണ്ടെന്നും നഗരത്തിന്‍റെ കായിക പാരമ്പര്യം നിലനിർത്താൻ ടീം ഒത്തൊരുമയോടെ പോരാടുമെന്നും സൂര്യകുമാർ പറഞ്ഞു. സർഫറാസ് ഖാനും സഹോദരൻ മുഷീർ ഖാനും മുംബൈ ടീമിലിടം നേടിയിട്ടുണ്ട്. നവംബർ 14-ന് കൊൽക്കത്തയിൽ ഹൈദരാബാദിനെതിരെയാണ് മുംബൈയുടെ ആദ്യ മത്സരം.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

സയ്യിദ് മുഷ്താഖ് അലി ട്രോഫിക്കുള്ള മുംബൈ ടീം: സൂര്യകുമാർ യാദവ് (ക്യാപ്റ്റൻ), അംഗ്രിഷ് രഘുവംശി, ദിവ്യാൻഷ് സക്സേന, സുവേദ് പാർക്കർ, മുഷീർ ഖാൻ, സർഫറാസ് ഖാൻ, സായിരാജ് പാട്ടീൽ, ശിവം ദുബെ, അഥർവ അങ്കോലേക്കർ, ഷംസ് മുലാനി, മാക്സ്‌വെൽ സ്വാമിനാഥൻ, തുഷാർ ദേശ്പാണ്ഡെ, ഷാർദുൽ താക്കൂർ, മോഹിത് അവസ്തി, സിൽവസ്റ്റർ ഡിസൂസ, ഹാർദിക് ടമോെറെ (വിക്കറ്റ് കീപ്പർ).

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

മുഖ്യമന്ത്രി വി ഡി സതീശന്റെ പഴയ മൊബൈൽ നമ്പർ ഉപയോഗിച്ച് തട്ടിപ്പും ഭീഷണിയും; പ്രതി പിടിയിൽ

Web Desk — Mon, 09 Nov 2026 21:57:12 +0530

തിരുവനന്തപുരം: മുഖ്യമന്ത്രി വി ഡി സതീശന്റെ പഴയ മൊബൈൽ നമ്പർ ഉപയോഗിച്ച് തട്ടിപ്പ് നടത്തിയ ആൾ പിടിയിൽ. വെമ്പായം സ്വദേശി ഷംനാദിനെയാണ് കന്റോൺമെന്റ് പൊലീസ് അറസ്റ്റ് ചെയ്തത്.

വി ഡി സതീശൻ പ്രതിപക്ഷ നേതാവായിരുന്നപ്പോൾ ഉപയോഗിച്ചിരുന്ന മൊബൈൽ നമ്പർ ഉപയോഗിച്ചാണ് ഇയാൾ തട്ടിപ്പ് നടത്തിയത്. വി ഡി സതീശൻ ഉപേക്ഷിച്ച മൊബൈൽ നമ്പർ അപേക്ഷ നൽകി സ്വന്തമാക്കിയ പ്രതി, ഈ നമ്പർ ഉപയോഗിച്ച് നിരവധി പേരെ വിളിച്ച് ഭീഷണിപ്പെടുത്തുകയായിരുന്നു.

വൈദ്യുതി പ്രതിസന്ധിയെന്നത് കള്ളക്കഥയോ? | PG Suresh Kumar | News Hour 09 NOV 2026

Remya R — Mon, 09 Nov 2026 21:53:11 +0530

വൈദ്യുതി പ്രതിസന്ധിയെന്നത് കള്ളക്കഥയോ? | PG Suresh Kumar | News Hour 09 NOV 2026

മിൽമയിൽ നിന്ന് നെയ്യ് വാങ്ങാൻ തിരുവിതാംകൂർ ദേവസ്വം ബോർഡ്; രണ്ട് ദിവസത്തിനുള്ളിൽ പതിനായിരം ലിറ്റർ നൽകണമെന്ന് ആവശ്യം

Ameena Shirin — Mon, 09 Nov 2026 21:46:27 +0530

തിരുവനന്തപുരം: ശബരിമല നെയ്യ് ക്രമക്കേടിനിടെ മിൽമയിൽ നിന്ന് നെയ്യ് വാങ്ങാൻ തിരുവിതാംകൂർ ദേവസ്വം ബോർഡ് തീരുമാനം. രണ്ടു ദിവസത്തിനുള്ളിൽ പതിനായിരം ലിറ്റർ നൽകണമെന്നാണ് ആവശ്യപ്പെട്ടത്. ദേവസ്വം ബോർഡ് യോഗത്തിന് പിന്നാലെയാണ് താരുമാനം. അതേസമയം, നെയ്യ് ക്രമക്കേടുമായി ബന്ധപ്പെട്ട് വിജിലൻസ് കേസ് നിലനിൽക്കുന്നതിനാൽ വിജിലൻസിനോട് ഇതിനുള്ള അനുമതി തേടും. അതിനുശേഷം ആയിരിക്കും കരാർ. മിൽമ സ്വന്തം വാഹനത്തിൽ നെയ്യ് നിലക്കൽ എത്തിക്കും. ബാക്കി നെയ്യ് ടെൻഡർ വിളിച്ചാകും മിൽമയിൽ നിന്ന് വാങ്ങുക. നെയ്യ് നൽകാൻ മിൽമയും സന്നദ്ധത അറിയിച്ചു.

മുതിർന്ന പൗരന്മാർക്ക് കരുതലുമായി വിദ്യാർത്ഥി വോളണ്ടിയർ കോർ; യൂറോപ്യൻ മാതൃകയിൽ കെയർ ഗീവേഴ്സ് കോഴ്സും വരുന്നു

Ameena Shirin — Mon, 09 Nov 2026 21:39:45 +0530

തിരുവനന്തപുരം: മുതിർന്ന പൗരന്മാരുടെ ക്ഷേമത്തിനായി പ്ലസ് ടു വിദ്യാർത്ഥികളെ ഉൾപ്പെടുത്തി വോളണ്ടിയർ കോർ വരുന്നു. വിദ്യാർത്ഥികൾ പ്രായമായവരെ സന്ദർശിക്കുന്നതാണ് പദ്ധതി. യൂറോപ്യൻ മാതൃകയിൽ കെയർ ഗീവേഴ്സ് കോഴ്സ് തുടങ്ങാൻ സിലബസ് അന്തിമഘട്ടത്തിലെന്ന് മുഖ്യമന്ത്രി വിഡി സതീശൻ അറിയിച്ചു. നഴ്സിങ്ങിന് തൊട്ടുതാഴെ വരുന്ന ഒരു വർഷത്തെ കോഴ്സായിരിക്കും ഇത്. ഓരോ പഞ്ചായത്തിലും പരിചരണം ആവശ്യമുളള മുതിർന്ന പൗരൻമാരുടെ ഡാറ്റ ശേഖരിക്കും. വിവിധ മേഖലകളിൽ പന്ത്രണ്ട് സ്ഥാപനങ്ങൾ ഇന്ന് വയോജന വകുപ്പുമായി ധാരണപത്രം ഒപ്പിട്ടു.

കൃഷാന്ത് ചിത്രം ‘മാഞ്ചിയം, ദി ബോട്ടണി ഓഫ് എ ക്രൈം’ ടൈറ്റിൽ ലുക്ക് പുറത്ത്; നിർമ്മാണം സ്പൈർ പ്രൊഡക്ഷൻസ്

Web Desk — Mon, 09 Nov 2026 21:33:17 +0530

ഒരു ദേശീയ പുരസ്കാരവും രണ്ട് സംസ്ഥാന ചലച്ചിത്ര അവാർഡുകളും സ്വന്തമാക്കിയിട്ടുള്ള സംവിധായകൻ കൃഷാന്ത് ഒരുക്കുന്ന പുതിയ ചിത്രം ‘മാഞ്ചിയം, ദി ബോട്ടണി ഓഫ് എ ക്രൈം’ എന്ന ചിത്രത്തിൻ്റെ ടൈറ്റിൽ ലുക്ക് പുറത്തിറങ്ങി. സ്പൈർ പ്രൊഡക്ഷൻസിന്റെ ബാനറിൽ സഞ്ചു ഉണ്ണിത്താനാണ് ചിത്രം നിർമ്മിക്കുന്നത്. കൃഷാന്തിന്റെ ആറാമത്തെ സംവിധാന സംരംഭമാണിത്. കൃഷാന്ത് ഫിലിംസും ആയി സഹകരിച്ചാണ് ചിത്രം ഒരുക്കുന്നത്. ചിത്രത്തിൻ്റെ ചിത്രീകരണം ഈ മാസം തന്നെ ആരംഭിക്കും.

നിഗൂഢതയും ഉദ്വേഗവും നിറഞ്ഞ അന്തരീക്ഷമാണ് ടൈറ്റിൽ ലുക്ക് പോസ്റ്ററിന്റെ പ്രധാന ആകർഷണം. ഇടതൂർന്ന വനവും മഴനനഞ്ഞ പ്രകൃതിയും പശ്ചാത്തലമാകുന്ന പോസ്റ്ററിൽ ഒരു പുള്ളിപ്പുലിയുടെ സാന്നിധ്യവും ശ്രദ്ധ നേടുന്നു. 'തൊണ്ടിമാടം പ്രിസൺസ്’ എന്ന് രേഖപ്പെടുത്തിയ പഴയ ജയിൽ കവാടവും ദൃശ്യങ്ങളിൽ ഇടംപിടിച്ചിട്ടുണ്ട്. ‘The Axe Forgets, But The Tree Remembers’ എന്ന ടാഗ്‌ലൈനും ചിത്രത്തിന്റെ പ്രമേയത്തെക്കുറിച്ച് ആകാംക്ഷയുണർത്തുന്നു. ക്രൈം പശ്ചാത്തലത്തിലുള്ള വ്യത്യസ്തമായൊരു സിനിമാനുഭവത്തിലേക്കാണ് ടൈറ്റിൽ ലുക്ക് സൂചന നൽകുന്നത്. ചിത്രത്തിൻ്റെ കഥ ഉണ്ണി കാർത്തികേയന്റേതാണ്. കൃഷാന്തും നടൻ സഞ്ചു ശിവറാമും ചേർന്നാണ് തിരക്കഥ ഒരുക്കിയിരിക്കുന്നത്. ലിജീഷ് കുമാറും രാഹുൽ രാജീവും അധിക തിരക്കഥാ രചനയിൽ പങ്കാളികളാണ്.

സഞ്ചു ശിവറാം, സുധി കോപ്പ, വിൻ സി അലോഷ്യസ്, മണിയൻപിള്ള രാജു, നിരഞ്ജ് മണിയൻപിള്ള രാജു, രാഹുൽ രാജീവ്, നന്ദു, രാധാ ഗോമതി, ദിവ്യ പ്രഭ, നിഷാന്ത് സാഗർ, വിനീത് തട്ടിൽ ഡേവിഡ്, ജോജി കെ ജോൺ, പ്രമോദ് വെളിയനാട്, റൂത്ത് പി. ജോൺ, തുടങ്ങിയവരാണ് ചിത്രത്തിലെ താരനിരയിലുള്ളത്. ടൈറ്റിൽ ലുക്കിലൂടെ തന്നെ ശ്രദ്ധ നേടിയ ‘മാഞ്ചിയം’ ക്രിഷാന്തിന്റെ വ്യത്യസ്തമായ സിനിമാറ്റിക് സമീപനത്തിൽ ഒരുങ്ങുന്ന മറ്റൊരു ചിത്രമെന്ന നിലയിൽ പ്രതീക്ഷയുണർത്തുന്നു. ചിത്രത്തിന്റെ കൂടുതൽ വിവരങ്ങൾ അണിയറപ്രവർത്തകർ വൈകാതെ പുറത്തുവിടും. ദി പ്ലോട്ട് പിക്ചേഴ്സ് ആണ് ചിത്രത്തിൻ്റെ വിദേശ വിതരണാവകാശം സ്വന്തമാക്കിയിരിക്കുന്നത്.

സംവിധാനം: ക്രിഷാന്ത്, നിർമ്മാണം: സഞ്ചു ഉണ്ണിത്താൻ, ബാനർ: സ്പൈർ പ്രൊഡക്ഷൻസ്, കഥ: ഉണ്ണി കാർത്തികേയൻ, തിരക്കഥ: ക്രിഷാന്ത്, സഞ്ചു ശിവറാം, അധിക തിരക്കഥ: ലിജീഷ് കുമാർ, രാഹുൽ രാജീവ്, ഛായാഗ്രഹണം: പ്രയാഗ് മുകുന്ദൻ, സംഗീതം, ഒറിജിനൽ സ്കോർ: മുജീബ് മജീദ്, എഡിറ്റർ: ശശികുമാർ, ചീഫ് അസോസിയേറ്റ് ഡയറക്ടർ: നിഖിൽ പ്രഭാകർ, അസോസിയേറ്റ് ഛായാഗ്രാഹകൻ: നിഖിൽ സുരേന്ദ്രൻ, സൗണ്ട് ഡിസൈൻ: രംഗനാഥ് രവി, ആർട്ട് ഡയറക്ടർ: ആൽവിൻ ജോസഫ്, കോസ്റ്റ്യൂം ഡിസൈനർ: ദിവ്യ ജോബി, മേക്കപ്പ്: അർഷാദ് വർക്കല, എക്സിക്യൂട്ടീവ് പ്രൊഡ്യൂസർമാർ: ബിനു നായർ, രാഹുൽ രാജഗോപാൽ, പ്രൊഡക്ഷൻ കൺട്രോളർ: ജയേഷ് എൽ.ആർ., കാസ്റ്റിംഗ് ഡയറക്ടർ: സനു പടവീടൻ, ഡി.ഐ സ്റ്റുഡിയോ: കളർ പ്ലാനറ്റ്, കളറിസ്റ്റ്: രമേഷ് സി.പി., മീഡിയ ഇന്റഗ്രിറ്റി ആൻഡ് ഹാൻഡ്ലിംഗ്: കളർ ക്യൂബ്സ് ഡി.ഐ.ടി.എക്സ്., വി.എഫ്.എക്സ്.: ശ്രീജിത്ത് കലൈയരശു, ഡിസ്ട്രിബ്യൂഷൻ മാനേജർ: പ്രദീപ് മേനോൻ, ഡിസൈൻസ്: ഇല്ലുമിനാർട്ടിസ്റ്റ്, ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്റർടെയ്ൻമെന്റ്സ്, പി.ആർ.ഒ.: ശബരി.

ലോകം ഉറ്റുനോക്കിയ ജനവിധി, ഡോണൾഡ് ട്രംപിനും റിപ്പബ്ലിക്കൻ പാർട്ടിക്കും കനത്ത തിരിച്ചടി; നിർണായക തെരഞ്ഞെടുപ്പിൻറെ വിശേഷങ്ങൾ; അമേരിക്ക ഈ ആഴ്ച

Remya R — Mon, 09 Nov 2026 20:29:09 +0530

ലോകം ഉറ്റുനോക്കിയ ജനവിധി, ഡോണൾഡ് ട്രംപിനും റിപ്പബ്ലിക്കൻ പാർട്ടിക്കും കനത്ത തിരിച്ചടി; നിർണായക തെരഞ്ഞെടുപ്പിൻറെ വിശേഷങ്ങൾ; അമേരിക്ക ഈ ആഴ്ച

'14 കോടിക്കൊന്നും അവനെ ആരും വാങ്ങില്ല'; ഐപിഎൽ ലേലത്തിന് മുൻപ് ചെന്നൈക്ക് മുന്നറിയിപ്പുമായി ശ്രീകാന്ത്

Gopalakrishnan C — Mon, 09 Nov 2026 20:11:33 +0530

ചെന്നൈ: ഐ.പി.എൽ മിനി താരലേലത്തിന് മുന്നോടിയായി ചെന്നൈ സൂപ്പർ കിങ്സിന് നിർദേശവുമായി മുൻ ഇന്ത്യൻ ക്യാപ്റ്റൻ കൃഷ്ണമാചാരി ശ്രീകാന്ത്. ടീമിലെ യുവ വിക്കറ്റ് കീപ്പർ ബാറ്ററായ കാർത്തിക് ശർമ്മയെ ഒഴിവാക്കി കുറഞ്ഞ തുകയ്ക്ക് തിരിച്ചെടുക്കണമെന്ന് ശ്രീകാന്ത് പറഞ്ഞു. 2026-ലെ ലേലത്തിൽ 14.2 കോടി രൂപയ്ക്കാണ് 20-കാരനായ കാർത്തിക്കിനെ സി.എസ്.കെ സ്വന്തമാക്കിയത്. എന്നാൽ ഈ ഉയർന്ന തുകയ്ക്ക് അനുയോജ്യമായ വിപണി മൂല്യം കാര്‍ത്തിക് ശര്‍മക്കില്ലെന്ന് ശ്രീകാന്ത് യുട്യൂബ് ചാനലില്‍ പറഞ്ഞു.

മാത്യൂ ഷോർട്ട്, സാക്ക് ഫൗൾക്സ്, പ്രശാന്ത് വീർ, മാറ്റ് ഹെൻറി എന്നിവരെ ചെന്നൈ ഉറപ്പായും ഒഴിവാക്കും. ഞാൻ സി.എസ്.കെ മാനേജ്‌മെന്‍റിൽ ഉണ്ടെങ്കിൽ കാർത്തിക് ശർമ്മയെയും റിലീസ് ചെയ്യും. തുടർന്ന് കുറഞ്ഞ തുകയ്ക്ക് അവനെ തിരിച്ചെടുക്കാൻ ശ്രമിക്കും. 5.5 കോടി രൂപയ്ക്ക് വേണമെങ്കിൽ അയാളെ വീണ്ടും വാങ്ങാം; നിലവിലെ ടീം ഘടന വെച്ച് മറ്റൊരു ടീമും കാര്‍ത്തിക് ശര്‍മക്കായി 14 കോടിയൊന്നും മുടക്കാന്‍ തയാറാവില്ലെന്നും ശ്രീകാന്ത് പറഞ്ഞു.

അരങ്ങേറ്റ സീസണിൽ 11 മത്സരങ്ങളിൽ നിന്ന് 32.77 ശരാശരിയിലും 136.57 സ്ട്രൈക്ക് റേറ്റിലും 295 റൺസാണ് കാർത്തിക് നേടിയത്. ലക്നൗവിനെതിരെയുള്ള 71 റൺസ് ഉൾപ്പെടെ രണ്ട് അർധസെഞ്ചുറികളും ഇതിൽ ഉൾപ്പെടുന്നു. 20കാരനാ കളിക്കാരനില്‍ നിന്ന് ഇത് മികച്ച പ്രകടനമാണെങ്കിലും, 14.2 കോടി രൂപ എന്ന തുക സിഎസ്കെയ്ക്ക് വലിയ സാമ്പത്തിക ബാധ്യത ഉണ്ടാക്കുന്നു എന്നാണ് വിലയിരുത്തൽ. ഡൽഹി ക്യാപിറ്റൽസിൽ നിന്ന് അക്സർ പട്ടേൽ, അശുതോഷ് ശർമ്മ എന്നിവരെ ചെന്നൈയിലെത്തിക്കാനും ഡെവാൾഡ് ബ്രെവിസ്, നൂർ അഹമ്മദ് എന്നിവരെ പകരം ഡൽഹിക്ക് കൊടുക്കാനുമുള്ള കൈമാറ്റ ചർച്ചകളും സജീവമാണ്. എന്നാൽ ബ്രെവിസിനെ കൈവിടുന്നതിനെ ശ്രീകാന്ത് ശക്തമായി എതിർത്തു.

ഒറ്റയ്ക്ക് മത്സരം ജയിപ്പിക്കാൻ ശേഷിയുള്ള താരമാണ് ബ്രെവിസെന്നും, അക്സർ പട്ടേൽ സിഎസ്കെയ്ക്ക് നല്ലൊരു ഓപ്ഷനാണെങ്കിലും ബ്രെവിസിനെ നൽകി ആ ട്രേഡ് നടത്തരുതെന്നും അദ്ദേഹം വ്യക്തമാക്കി. സിഎസ്കെ ബാറ്റിങ് നിരയുടെ പ്രധാന കരുത്തായ ബ്രെവിസിനെ ഒരു കാരണവശാലും ഒഴിവാക്കരുതെന്ന് ശ്രീകാന്ത് പറഞ്ഞു. നവംബർ 5-ന് സൺറൈസേഴ്സ് ഹൈദരാബാദുമായി സി.എസ്.കെ നടത്തിയ കളിക്കാരുടെ കൈമാറ്റത്തെക്കുറിച്ചും ശ്രീകാന്ത് സംസാരിച്ചു. ലിവിങ്സ്റ്റൺ (6 കോടി), ജാക്ക് എഡ്വേർഡ്സ് (3 കോടി) എന്നിവരെ സി.എസ്.കെ വാങ്ങിയപ്പോൾ ഖലീൽ അഹമ്മദ് (4.8 കോടി), നാഥൻ എല്ലിസ് (2 കോടി) എന്നിവർ ഹൈദരാബാദിലേക്ക് മാറി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഈ ട്രേഡ് ഒറ്റനോട്ടത്തിൽ സൺറൈസേഴ്സിന് ഗുണം ചെയ്തതുപോലെ തോന്നുമെങ്കിലും, സി.എസ്.കെ മാനേജ്‌മെന്റിന്‍റെ മനസ്സിൽ ഇതിലും വലിയ മറ്റെന്തോ പദ്ധതികൾ ഉണ്ടെന്ന് ശ്രീകാന്ത് പറഞ്ഞു. പുതിയ പേസ് നിരയെ കെട്ടിപ്പടുക്കാനുള്ള നീക്കമായിരിക്കും ഇതെന്ന് ശ്രീകാന്ത് വ്യക്തമാക്കി. തുടർച്ചയായ മൂന്നാം വർഷവും പ്ലേഓഫ് കാണാതെ പുറത്തായ സി.എസ്.കെയെ ഇത്തവണ മുൻ ഇന്ത്യൻ പേസർ സഹീർ ഖാന്‍റെ പരിശീലക സംഘമാണ് ലേലത്തിലേക്ക് നയിക്കുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

സയ്യിദ്‌ മുഷ്‌താഖ്‌ അലി ടൂര്‍ണമെന്റ്‌: സൂര്യകുമാര്‍യാദവ്‌ ക്യാപ്‌റ്റന്‍, ഷര്‍ദുല്‍ താക്കൂര്‍ തിരിച്ചെത്തി, ടീം മുംബൈ തയ്യാര്‍

Web Desk — Mon, 09 Nov 2026 20:10:34 +0530

മുംബൈ: ട്വന്റി20 ലോകകപ്പ്‌ കിരീടം നേടിയ ഇന്ത്യന്‍ ടീമിന്റെ നായകന്‍ സൂര്യകുമാര്‍യാദവ്‌ സയ്യിദ്‌ മുഷ്‌താഖ്‌ അലി ടി20 ട്രോഫിക്കുള്ള മുംബൈ ടീമിനെ നയിക്കും. ലോകകപ്പ്‌ നേട്ടത്തിന്‌ പിന്നാലെ മോശം ഫോമിനെ തുടര്‍ന്ന്‌ ഇന്ത്യന്‍ ടീമില്‍ നിന്ന്‌ പുറത്തായ സൂര്യ കുമാര്‍ യാദവിന്‌ ദേശീയ ടീമില്‍ തിരിച്ചെത്താനുള്ള അവസരമാണ്‌ സയ്യിദ്‌ മുഷ്‌താഖ്‌ അലി ടി20 ടൂര്‍ണമെന്റ്‌. ശ്രേയസ്‌ അയ്യര്‍, ശിവംദുബെ, ഷര്‍ദുല്‍ താക്കൂര്‍, സര്‍ഫറാസ്‌ ഖാന്‍ തുടങ്ങിയ പ്രമുഖ താരങ്ങളും മുംബൈ ടീമില്‍ ഇടംപിടിച്ചിട്ടുണ്ട്‌.

അടുത്തിടെ നിന്ന രഞ്‌ജി ട്രോഫി മത്സരങ്ങള്‍ക്കുള്ള മുംബൈ ടീമില്‍ നിന്ന്‌ ഫോമില്ലായ്‌മയും റെഡ്‌ ബോള്‍ ക്രിക്കറ്റിലെ പരിചയക്കുറവും ചൂണ്ടിക്കാട്ടി സൂര്യകുമാറിനെ ഒഴിവാക്കിയിരുന്നു. എന്നാല്‍, ട്വന്റി20 ഫോര്‍മാറ്റിലേക്ക്‌ സൂര്യകുമാര്‍ യാദവിന്‌ തിരിച്ചുവരവൊരുക്കുന്ന മുംബൈ ക്രിക്കറ്റ്‌ അസോസിയേഷന്‍ താരത്തിന്‌ വലിയ പിന്തുണയാണ്‌ നല്‍കിയിരിക്കുന്നത്‌. നവംബര്‍ 14ന്‌ കൊല്‍ക്കത്തയില്‍ ഹൈദരാബാദിനെതിരെയാണ്‌ മുംബൈയുടെ ആദ്യ മത്സരം.

സൂര്യകുമാര്‍ യാദവ്‌ അവസാനമായി ടി20 മത്സരം കളിച്ചത്‌ ജൂണില്‍ ടി20 മുംബൈ ലീഗിലാണ്‌. നടുവിരലിന്‌ പരിക്കേറ്റ ഷര്‍ദുല്‍ താക്കൂര്‍ പരിക്ക്‌ ഭേദമായി ടീമില്‍ തിരിച്ചെത്തിയത്‌ മുംബൈക്ക്‌ പ്രതീക്ഷയേകുന്നു. അതേസമയം രഞ്‌ജി ട്രോഫി ക്യാപ്‌റ്റന്‍ സിദ്ദേഷ്‌ ലാഡ്‌ വൈറ്റ്‌ ബോള്‍ ക്രിക്കറ്റ്‌ ടൂര്‍ണമെന്റില്‍ നിന്ന്‌ പിന്‍മാറിയിട്ടുണ്ട്‌.

ടീം സ്‌ക്വാഡ്‌: സൂര്യകുമാര്‍ യാദവ്‌ (ക്യാപ്‌റ്റന്‍), അഥര്‍വ അങ്കോലെകര്‍, അംഗ്രിഷ്‌ രഘുവന്‍ഷി (വിക്കറ്റ്‌ കീപ്പര്‍), ഷംസ്‌ മുലാനി, ദിവ്യാന്‍ശ്‌ സക്‌സേന, മാക്‌സ്വെല്‍ സ്വാമിനാഥന്‍, സുവേദ്‌ പര്‍ക്കര്‍, തുഷാര്‍ ദേശ്‌പാണ്ഡെ, മുഷീര്‍ ഖാന്‍, ഷര്‍ദുല്‍ താക്കൂര്‍, സര്‍ഫറാസ്‌ ഖാന്‍, മൊഹിത്‌ അവസ്‌തി, സായ്‌ രാജ്‌ പാട്ടീല്‍, സില്‍വെസ്റ്റര്‍ ഡിസൂസ, ശിവംദുബെ, ഹര്‍ദിക്‌ തമോറെ (വിക്കറ്റ്‌ കീപ്പര്‍).

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ഭൗമ ഒളിപ്പിച്ച മിസ്റ്ററി, പ്രതീക്ഷ ഇരട്ടിയാക്കുന്ന അണിയറപ്രവർത്തകർ| Bouma Movie

Web Desk — Mon, 09 Nov 2026 20:09:55 +0530

നിഗൂഢത നിറഞ്ഞ ദൃശ്യങ്ങളും പിരിമുറുക്കമുള്ള നിമിഷങ്ങളും.. ഭൗമ ഒളിപ്പിച്ച രഹസ്യം.

തടാകത്തിൽ കുളിക്കാനിറങ്ങിയ 5 പേർ മുങ്ങിമരിച്ചു; മരിച്ചത് ഹോസ്റ്റൽ ജീവനക്കാരിയും 4 വിദ്യാർത്ഥികളും, സംഭവം തിരുവണ്ണാമലയിൽ

Nimisha Tom — Mon, 09 Nov 2026 20:07:28 +0530

ചെന്നൈ: തമിഴ്നാട്‌ തിരുവണ്ണാമലയിൽ തടാകത്തിൽ കുളിക്കാൻ ഇറങ്ങിയ 4 പെൺകുട്ടികൾ അടക്കം 5 പേർ മുങ്ങി മരിച്ചു. സർക്കാർ ഹോസ്റ്റലിൽ താമസിച്ച് പഠിക്കുന്ന കുട്ടികളും ഹോസ്റ്റൽ ജീവനക്കാരിയും ആണ് മരിച്ചത്. ദീപാവലി അവധി ആയതിനാൽ സമുദ്രം തടാകത്തിൽ കുളിക്കാൻ എത്തിയപ്പോൾ ആണ് അപകടം. 13നും 16നും ഇടയിൽ പ്രായമുള്ള കുട്ടികൾ ആണ് മരിച്ചത്. 3 പേർക്ക് നീന്തൽ അറിയില്ലായിരുന്നു എന്നാണ് റിപ്പോർട്ട്. 10 പേരടങ്ങുന്ന സംഘം ആണ് എത്തിയത്. മൃതദേഹം പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ടുനൽകും. പൊലീസ് കേസെടുത്തു.

കോൺഗ്രസിനെതിരെ പ്രധാനമന്ത്രിയുടെ 'ദിമാഗി നക്സൽ' പരാമർശം: സംവാദത്തിന് വെല്ലുവിളിച്ച് രാഹുൽ ഗാന്ധി, ഈ മാസം 26-ന് മണിപ്പൂർ സന്ദർശിക്കും

Prabeesh PP — Mon, 09 Nov 2026 20:04:56 +0530

ന്യൂഡൽഹി: കോൺഗ്രസിനെതിരെയുള്ള പ്രധാനമന്ത്രി നരേന്ദ്ര മോദിയുടെ "ദിമാഗി നക്സൽ" പരാമർശത്തിനെതിരെ രൂക്ഷ മറുപടിയുമായി രാഹുൽ ഗാന്ധി. പ്രധാനമന്ത്രിയുടെ പ്രസ്താവനകളിൽ രാജ്യത്തെ ജവാന്മാർക്ക് വിശ്വാസമില്ലെന്നും ജവാന്മാരുടെ മുഖം തന്നെ ഇക്കാര്യം വ്യക്തമാക്കുന്നുണ്ടെന്നും രാഹുൽ ഗാന്ധി പറഞ്ഞു. ആരാണ് രാജ്യദ്രോഹികൾ, ആരാണ് വിദേശശക്തികളുടെ നിയന്ത്രണത്തിൽ പ്രവർത്തിക്കുന്നത് എന്ന വിഷയത്തിൽ പ്രധാനമന്ത്രിയെ രാഹുൽ ഗാന്ധി സംവാദത്തിന് വെല്ലുവിളിച്ചു.

എപ്പോൾ വേണമെങ്കിലും എവിടെ വെച്ചും സംവാദത്തിന് താൻ തയ്യാറാണെന്ന് വ്യക്തമാക്കിയ അദ്ദേഹം, സംവാദത്തിന് ശേഷം ഒരു ജവാന്റെ മുന്നിൽ നിൽക്കാൻ പോലും പ്രധാനമന്ത്രിക്ക് ധൈര്യമുണ്ടാകില്ലെന്നും കൂട്ടിച്ചേർത്തു. രാഹുൽ ഗാന്ധി ഈ മാസം 26-ാം തീയതി മണിപ്പൂർ സന്ദർശിക്കുമെന്ന് സൂചന. അക്രമ സംഭവങ്ങളിൽ കുടിയിറക്കപ്പെട്ടവരെയും കുടുംബാംഗങ്ങൾ നഷ്ടപ്പെട്ടവരെയും അദ്ദേഹം നേരിൽ കാണും. സന്ദർശനത്തിന്റെ ഭാഗമായി ചുരാചന്ദ്പൂരിലും രാഹുൽ ഗാന്ധി എത്തും.

പ്രധാനമന്ത്രി നരേന്ദ്ര മോദിയുടെ പ്രസ്താവന

രാജ്യത്തിന്റെ ആഭ്യന്തര സുരക്ഷ ശക്തമെങ്കിൽ പുറത്തുള്ള ശത്രുക്കൾക്ക് ഒന്നും ചെയ്യാനാകില്ലെന്നും മറിച്ചാണെങ്കിൽ അത് പുറത്തെ ശത്രുക്കൾക്ക് അവസരം നൽകുമെന്നും പ്രധാനമന്ത്രി ഇന്നലെ പറഞ്ഞിരുന്നു. സി.ആർ.പി.എഫ്, കോബ്ര, ബി.എസ്.എഫ്, ഐ.ടി.ബി.പി, എസ്.എസ്.ബി, ഐ.ആർ.ബി, ബസ്തർ ഫൈറ്റേഴ്സ്, സ്പെഷ്യൽ ഫോഴ്സ് കമാൻഡോസ്, വനിതാ സുരക്ഷാ ഉദ്യോഗസ്ഥർ എന്നിവരെല്ലാം രാജ്യത്തിന്റെ ഐക്യവും സുരക്ഷയും ഉറപ്പാക്കാൻ പ്രവർത്തിച്ചു.

മുമ്പ് 20 സംസ്ഥാനങ്ങളിലായി 230 ജില്ലകൾ നക്സൽ ബാധിതമായിരുന്നു. ബിഹാർ, യു.പി, ഛത്തീസ്ഗഡ്, മധ്യപ്രദേശ്, മഹാരാഷ്ട്ര തുടങ്ങിയ സംസ്ഥാനങ്ങളിൽ രാത്രി ജീവിതം ഭയമുള്ളതായിരുന്നുവെന്നും വോട്ട് ചെയ്യാനുള്ള അധികാരം പോലും കവർച്ച ചെയ്യപ്പെട്ടിരുന്നുവെന്നും ഒരു വർഷം 2000 അക്രമങ്ങൾ വരെ നടന്നിരുന്നുവെന്നും മോദി ചൂണ്ടിക്കാട്ടി. 2010-ൽ ദന്തേവാഡയിൽ നക്സലുകൾ സി.ആർ.പി.എഫ് ഉദ്യോഗസ്ഥരെ വധിച്ചു. 2013 വരെ നക്സലുകൾ കൊല്ലപ്പെട്ടതിനേക്കാൾ കൂടുതൽ സുരക്ഷാ ഉദ്യോഗസ്ഥരാണ് കൊല്ലപ്പെട്ടത്.

എന്നാൽ ഇപ്പോൾ ആ സ്ഥിതി മാറിയെന്നും കഴിഞ്ഞ ഒരു വർഷമായി ഡ്യൂട്ടിയിലുള്ള ഒരു സി.ആർ.പി.എഫ് ഉദ്യോഗസ്ഥന്റെയും ജീവൻ നഷ്ടമായിട്ടില്ലെന്നും അദ്ദേഹം വ്യക്തമാക്കി. മുൻ സർക്കാരുകൾ ഉദ്യോഗസ്ഥരുടെ കൈകൾ കെട്ടിയിട്ടപ്പോൾ നിലവിലെ സർക്കാർ സുരക്ഷാ സേനയ്ക്ക് പൂർണ്ണ പ്രവർത്തന സ്വാതന്ത്ര്യം നൽകി. മുൻപ് ഉദ്യോഗസ്ഥർക്കിടയിൽ നിന്ന് ലഭിച്ചിരുന്ന സഹായങ്ങൾ ഇപ്പോൾ അവസാനിപ്പിച്ചു.

നക്സലുകൾ ഇല്ലാതായെങ്കിലും ഭീഷണി തീർന്നിട്ടില്ലെന്ന് പ്രതിപക്ഷത്തെ ലക്ഷ്യമിട്ട് മോദി പറഞ്ഞു. ദിമാഗി നക്സലുകൾ (ബുദ്ധിജീവി നക്സലുകൾ) വിവിധ ഇടങ്ങളിൽ ഇപ്പോഴുമുണ്ട്. ഇന്നും ഭരണഘടനയ്ക്കും ജനാധിപത്യത്തിനും എതിരെ പ്രവർത്തിക്കുന്ന ഇവർ വിവിധ സംഘടനകളിലും നുഴഞ്ഞുകയറിയിട്ടുണ്ടെന്ന് പ്രധാനമന്ത്രി വിമർശിച്ചു.

കത്തിപ്പടരുന്ന പെട്രോൾ - എഥനോൾ മിക്സ് | Munshi 9 Nov 2026

Web Desk — Mon, 09 Nov 2026 20:00:00 +0530

Asianet News Live : https://www.youtube.com/live/x1bfKawndzs കത്തിപ്പടരുന്ന പെട്രോൾ - എഥനോൾ മിക്സ് | Munshi 9 Nov 2026

പശ്ചിമബംഗാളിൽ 12വയസുകാരിയെ പീഡിപ്പിച്ച് കൊലപ്പെടുത്തിയ കേസിലെ പ്രതി ഏറ്റുമുട്ടലില്‍ കൊല്ലപ്പെട്ടു

Nimisha Tom — Mon, 09 Nov 2026 19:34:39 +0530

കൊൽക്കത്ത: പശ്ചിമ ബംഗാളിൽ 12 വയസ്സുകാരിയെ പീഡിപ്പിച്ച് കൊലപ്പെടുത്തിയ കേസിലെ പ്രതി ഏറ്റുമുട്ടലിൽ കൊല്ലപ്പെട്ടു. റായ്ഗഞ്ച് സ്വദേശി ദിലീപ് കുമാറാണ് കൊല്ലപ്പെട്ടത്. പുലർച്ചെ ദിനാജ്പൂരിൽ വെച്ച് പ്രതിയെ പിടികൂടാൻ ശ്രമിക്കുന്നതിനിടെ ഇയാൾ പൊലീസിന് നേരെ വെടിവെക്കുകയായിരുന്നു. സ്വയരക്ഷയ്ക്കായി പൊലീസ് തിരിച്ചും വെടിയുതിർത്തതോടെ ഇയാൾ കൊല്ലപ്പെട്ടു. സുവേന്ദു അധികാരി സർക്കാർ അധികാരമേറ്റശേഷം ബംഗാളിൽ നടക്കുന്ന നാലാമത്തെ ഏറ്റുമുട്ടൽ കൊലപാതകമാണിത്.

ഒളിമ്പിക് അസോസിയേഷൻ തിരഞ്ഞെടുപ്പിൽ പി ടി ഉഷക്ക് കനത്ത തിരിച്ചടി, അഞ്ജു ബോബി ജോര്‍ജിനും സൈനക്കും മിന്നും ജയം

Vikas rajagopal — Mon, 09 Nov 2026 19:33:27 +0530

ദില്ലി: ഇന്ത്യൻ ഒളിമ്പിക് അസോസിയേഷൻ (ഐഒഎ) ഭരണസമിതി തിരഞ്ഞെടുപ്പിന് മുന്നോടിയായി നടന്ന സ്പോർട്സ് പേഴ്സൺസ് ഓഫ് ഔട്ട്സ്റ്റാൻഡിങ് മെറിറ്റ് (എസ്ഒഎം) വോട്ടെടുപ്പിൽ നിലവിലെ പ്രസിഡന്‍റ് പി.ടി. ഉഷയ്ക്ക് തോൽവി. വാശിയേറിയ പോരാട്ടം നടന്ന വനിതാ വിഭാഗത്തിൽ മൂന്ന് വോട്ടിന് ഉഷ അഞ്ചാം സ്ഥാനത്തായി. വനിതാ വിഭാഗത്തിൽ മത്സരിച്ച ആറു പേരിൽ നിന്ന് ഏറ്റവും കൂടുതൽ വോട്ട് ലഭിച്ച നാല് പേരാണ് ഐഒഎ ജനറൽ കൗൺസിലിലേക്ക് തിരഞ്ഞെടുക്കപ്പെടുക. മലയാളി താരമായ അഞ്ജു ബോബി ജോർജ്, സൈന നെഹ്‌വാൾ, റാണി രാംപാൽ, ഡോള ബാനർജി എന്നിവരാണ് എസ്ഒഎം തെരഞ്ഞെടുപ്പില്‍ ഏറ്റവും കൂടുതല്‍ വോട്ട് നേടി ജനറല്‍ കൗണ്‍സിലെത്തിയത്. ഇതില്‍ അഞ്ജു ബോബി ജോർജ് ആണ് ഏറ്റവും കൂടുതൽ വോട്ടുകൾ നേടി ഒന്നാം സ്ഥാനത്തെത്തിയത്.

മുൻനിര താരങ്ങളായ അഞ്ജു ബോബി ജോർജ്, സൈന നെഹ്‌വാൾ, റാണി രാംപാൽ, ഡോള ബാനർജി എന്നിവർ തിരഞ്ഞെടുക്കപ്പെട്ടതോടെ വോട്ടെടുപ്പിൽ അഞ്ചാം സ്ഥാനത്തേക്ക് പിന്തള്ളപ്പെട്ട പി.ടി. ഉഷ പ്രസിഡന്‍റ് തെരഞ്ഞെടുപ്പിനുള്ള പാനലിന് പുറത്തായി. എസ്‌.ഒ.എം പ്രതിനിധിയായി എത്താൻ കഴിയാതിരുന്നതോടെ ഐ.ഒ.എ പ്രസിഡന്‍റ് സ്ഥാനത്തേക്ക് വീണ്ടും മത്സരിക്കാനുള്ള ഉഷയുടെ സാധ്യതകളും മങ്ങി. പി ടി ഉഷയ്ക്ക് ഇനി ഐഒഎ പ്രസിഡന്‍റ് തെരഞ്ഞെടുപ്പിൽ മത്സരിക്കണമെങ്കിൽ ഏതെങ്കിലും ദേശീയ കായിക സംഘടന അവരുടെ പ്രതിനിധി ആയി നാമനിർദേശം ചെയേണ്ടിവരും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

നിലവിലെ സാഹചര്യത്തിൽ അതിന്സാ സാധ്യത വളരെ കുറവാണെന്നാണ് വിലയിരുത്തൽ. ബിജെപി നേതൃത്വം ഉഷയ്ക്കായി കടുത്ത നിലപാട് എടുത്തില്ലെങ്കിൽ മുന്നോട്ടുള്ള വഴി അടയും. അങ്ങനെ സംഭവിച്ചാൽ സൈന നെഹ്‌വാളോ ഗഗൻ നരംഗോ ഐഒഎ പ്രസിഡന്‍റ് ആവുമെന്നാണ് കരുതുന്നത്. എന്നാല്‍ ഇന്ത്യൻ ഒളിംപിക് അസോസിയേഷൻ ആയതിനാൽ അവസാന നിമിഷം വരെയും എന്ത് അട്ടിമറിയും സംഭവിക്കാം.

പുരുഷന്മാരുടെ എസ്‌ഒഎം വിഭാഗത്തിൽ മുന്‍ താരങ്ങളായ ഗഗൻ നരംഗ് (ഷൂട്ടിങ്), കമലേഷ് നവിൻചന്ദ്ര മേത്ത (ടേബിൾ ടെന്നീസ്), യോഗേശ്വർ ദത്ത് (ഗുസ്തി), വിജേന്ദർ സിങ് (ബോക്സിങ്) എന്നിവർ നേരത്തെ തന്നെ എതിരില്ലാതെ തിരഞ്ഞെടുക്കപ്പെട്ടിരുന്നു. ആകെയുള്ള 80 അംഗ 'എസ്ഒഎം' പാനലിൽ നിന്നുള്ള വോട്ടർമാരാണ് എട്ട് പ്രതിനിധികളെ (നാല് പുരുഷന്മാരും നാല് വനിതകളും) ഐഒഎ ജനറൽ അസംബ്ലിയിലേക്ക് തിരഞ്ഞെടുക്കുന്നത്. എസ്‌.ഒ.എം പ്രതിനിധികളായി എത്തുന്ന കായികതാരങ്ങൾക്ക് ഡിസംബർ അഞ്ചിന് നടക്കുന്ന ഐ.ഒഎയുടെ പ്രധാന ഭരണസമിതി തിരഞ്ഞെടുപ്പിൽ നിർണായകമായ വോട്ടവകാശവും എക്സിക്യൂട്ടീവ് കൗൺസിലിലേക്ക് മത്സരിക്കാനുള്ള യോഗ്യതയും ലഭിക്കും.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

സുഹൃത്തുക്കളുടെ ഫണ്‍ റൈഡ്; ‘മെൽകൗ പോണ്ടിച്ചേരി’ ട്രെയ്‍ലര്‍ എത്തി

Web Desk — Mon, 09 Nov 2026 19:30:21 +0530

അർജുൻ അശോകൻ, ബാലു വർഗീസ്, അൽതാഫ് സലിം, ശരത് സഭ, മൊട്ട രാജേന്ദ്രൻ എന്നിവർ പ്രധാന വേഷങ്ങളിലെത്തുന്ന ‘മെൽകൗ പോണ്ടിച്ചേരി’ എന്ന ചിത്രത്തിന്‍റെ ട്രെയ്‍ലര്‍ പുറത്തെത്തി. 1.45 മിനിറ്റ് ആണ് പുറത്തെത്തിയ ട്രെയ്‍ലറിന് ഉള്ളത്. നിഖിൽ മോഹൻ കഥയെഴുതി സംവിധാനം ചെയ്യുന്ന ചിത്രം നവംബർ 13 ന് ആഗോള റിലീസായി തിയേറ്ററുകളിലെത്തും. അരുൺ ഗോപി എക്സൈറ്റ്മെന്റിന്റെ ബാനറിൽ അരുൺ ഗോപിയും ജസ്റ്റിൻ ആൻഡ് മാത്യു എന്റർടെയ്ൻമെന്റ്സിന്റെ ബാനറിൽ ജസ്റ്റിൻ മാത്യുവും ചേർന്നാണ് ചിത്രം നിർമ്മിക്കുന്നത്. സുനന്ദ ഫിലിപ്പ് ജസ്റ്റിൻ, സൗമ്യ ജോൺ അരുൺ എന്നിവരാണ് എക്സിക്യൂട്ടീവ് പ്രൊഡ്യൂസർമാർ. ജോബി ജോർജിൻ്റെ ഗുഡ് വിൽ എന്റർടെയ്ൻമെന്റ്സ് ആണ് ചിത്രം കേരളത്തിലെ തിയേറ്ററുകളിൽ വിതരണം ചെയ്യുന്നത്.

കേരളത്തിൽ നിന്നുള്ള ഒരു സംഘം സുഹൃത്തുക്കൾ പോണ്ടിച്ചേരിയിലേക്ക് നടത്തുന്ന യാത്രയും അവിടെ അരങ്ങേറുന്ന രസകരമായ സംഭവങ്ങളുമാണ് ചിത്രത്തിന്റെ കഥാപശ്ചാത്തലം. സൗഹൃദവും ആഘോഷവും അപ്രതീക്ഷിത സംഭവങ്ങളും ചേർന്നൊരു ഫൺ റൈഡായാണ് ചിത്രം ഒരുങ്ങുന്നത്. അർജുൻ അശോകൻ, ബാലു വർഗീസ്, അൽതാഫ് സലിം, ശരത് സഭ എന്നിവരുടെ കൂട്ടുകെട്ടിനൊപ്പം തമിഴ് ഹാസ്യ താരം മൊട്ട രാജേന്ദ്രനും ചിത്രത്തിൽ പ്രധാന വേഷത്തിലെത്തുന്നു. പുതുമുഖം ശ്രീലക്ഷ്മി വിജയനാണ് ചിത്രത്തിലെ നായിക. സോഷ്യൽ മീഡിയ ഇൻഫ്ലുവൻസറായ അന്നാമ്മയും, ചിത്രത്തിൻ്റെ തിരക്കഥാകൃത്ത് സനൂപ് തൈക്കുടവും ചിത്രത്തിൽ നിർണായക കഥാപാത്രങ്ങളെ അവതരിപ്പിക്കുന്നുണ്ട്.

ദി പ്ലോട്ട് പിക്ചേഴ്സിനാണ് ചിത്രത്തിന്റെ ഓവർസീസ് വിതരണാവകാശം. ചിത്രത്തിന്റെ മ്യൂസിക് അവകാശം സാരേഗാമ സ്വന്തമാക്കിയിട്ടുണ്ട്. ആദ്യ ഗാനമായ ‘മല്ലിക മേനക’ പുറത്തിറങ്ങിയതോടെ ചിത്രത്തിലെ മറ്റു ഗാനങ്ങൾക്കായുള്ള കാത്തിരിപ്പും ആരംഭിച്ചിരിക്കുകയാണ്. ഛായാഗ്രഹണം - സനീഷ് സ്റ്റാൻലി, സംഗീതം - ഇലക്ട്രോണിക് കിളി, എഡിറ്റിംഗ് - സാഗർ ദാസ്, ആർട്ട് - അജി കുട്ടിയാണി, പ്രൊഡക്ഷൻ കൺട്രോളർ - ശിഹാബ് വെണ്ണല, ചീഫ് അസോസിയേറ്റ് ഡയറക്ടർ - പാർത്ഥൻ, മേക്കപ്പ് - ശ്വേതിൻ വി, വസ്ത്രാലങ്കാരം - അക്ഷയ പ്രേംനാഥ്, മെൽവി ജെ, സാന്ദ്ര ജസ്റ്റിൻ, അസോസിയേറ്റ് ഡയറക്ടർ - അരുൺലാൽ കരുണാകരൻ, പ്രൊഡക്ഷൻ എക്സിക്യൂട്ടീവ് - വിനോദ് വേണുഗോപാൽ, സ്റ്റിൽസ് - രാംനാഥ് മാഥൂർ, ഡിസൈൻസ് - ഇല്ലുമിനാർട്ടിസ്റ്റ്, പിആർഒ - ശബരി.

മമ്മൂട്ടിക്കെതിരായ സൈബർ ആക്രമണം: പിന്നിൽ സിപിഎം അല്ലെന്ന് തോമസ് ഐസക്

Sumam Thomas — Mon, 09 Nov 2026 19:07:10 +0530

തിരുവനന്തപുരം: നടൻ മമ്മൂട്ടിക്കെതിരെ നടക്കുന്ന സൈബർ ആക്രമണത്തിൽ സിപിഎമ്മിന് പങ്കില്ലെന്ന് സിപിഎം നേതാവ് തോമസ് ഐസക്. മമ്മൂട്ടി മഹാനടനെന്നും അദ്ദേഹം പ്രതികരിച്ചു. മമ്മൂട്ടി ബിജെപി നേതാവ് ബി ഗോപാലകൃഷ്ണന്റെ വീട് സന്ദർശിച്ച സംഭവത്തെ തുടർന്നുണ്ടായിരിക്കുന്ന സൈബർ ആക്രമണത്തിൽ പ്രതികരിക്കുകയായിരുന്നു തോമസ് ഐസക്.

മമ്മൂട്ടിയെ പിന്തുണച്ച് സിപിഎം തൃശ്ശൂർ ജില്ലാ സെക്രട്ടറി കെ വി അബ്ദുൽ ഖാദർ രംഗത്തെത്തി. ജാതി, മത, രാഷ്ട്രീയ വ്യത്യാസങ്ങൾക്കതീതമായി മനുഷ്യർ മരണം, വിവാഹം തുടങ്ങിയ ചടങ്ങുകളിൽ പങ്കെടുക്കാറുണ്ടെന്ന് പറഞ്ഞ അദ്ദേഹം ഇപ്പോൾ സൃഷ്ടിക്കപ്പെടുന്ന വിവാദങ്ങൾ ഉണ്ടാക്കാനിടയുള്ളഅപകടം ചെറുതാണോ എന്നും ചോദിച്ചു. സ്വന്തം അഭിപ്രായം വച്ചുപുലർത്തുന്ന ഒരാളുടെ വീട്ടിലെ ചടങ്ങിന് മാത്രമെ പോകാൻ പാടുള്ളു എന്നത് പൊളിറ്റിക്കലി കറക്ടായ ഒരു രീതിയാണോ? മമ്മൂട്ടി എന്ന കലാകാരനെ പേരെടുത്ത് വിമർശിക്കുന്നത് എന്തടിസ്ഥാനത്തിലെന്ന് മനസിലാകുന്നില്ല. നമ്മുടെ വൃത്തങ്ങൾ ചുരുക്കുകയല്ല, വിപുലപ്പെടുത്തുകയാണ് വേണ്ടതെന്നും കെ വി അബ്ദുൽ ഖാദർ പറഞ്ഞു.

വെസ്റ്റ് ഇൻഡീസിനോട് പരമ്പര തോറ്റ് ബംഗ്ലാദേശ്; ലോക ടെസ്റ്റ് ചാമ്പ്യൻഷിപ്പ് പോയിന്‍റ് പട്ടികയില്‍ ഇന്ത്യ നാലാമത്

Gopalakrishnan C — Mon, 09 Nov 2026 18:25:17 +0530

ധാക്ക: വെസ്റ്റ് ഇൻഡീസിനെതിരായ രണ്ടാം ടെസ്റ്റ് സമനിലയിൽ കലാശിക്കുകയും പരമ്പര 1-0ന് കൈവിടുകയും ചെയ്തതോടെ ലോക ടെസ്റ്റ് ചാമ്പ്യൻഷിപ്പ് ഫൈനൽ സ്വപ്നങ്ങൾക്ക് തിരിച്ചടി നേരിട്ട് ബംഗ്ലാദേശ്. മത്സരം സമനിലയിലായതോടെ ബംഗ്ലാദേശിന്‍റ് പോയിന്‍റ് ശതമാനം 45.83 ആയി കുറഞ്ഞു. പരമ്പര തോറ്റെങ്കിലും പട്ടികയിൽ അഞ്ചാം സ്ഥാനത്ത് തന്നെയാണ് ബംഗ്ലാദേശ്. എന്നാല്‍ ആദ്യ രണ്ട് സ്ഥാനത്തുള്ള ന്യൂസിലന്‍ഡും ദക്ഷിണാഫ്രിക്കയുമായുള്ള പോയിന്‍റ് വ്യത്യാസം വർധിച്ചത് ബംഗ്ലാദേശിന്‍റെ ഫൈനല്‍ പ്രതീക്ഷകള്‍ക്ക് തിരിച്ചടിയാവും. പരമ്പര വിജയത്തോടെ വെസ്റ്റ് ഇൻഡീസിന്‍റെ പോയിന്‍റ് ശതമാനം 27.38 ആയി ഉയർന്നുവെങ്കിലും എട്ടാം സ്ഥാനത്ത് തന്നെയാണ്. ദക്ഷിണാഫ്രിക്കയോട് പരമ്പര തോറ്റ ഓസ്ട്രേലിയ മൂന്നാം സ്ഥാനത്ത് തുടരുമ്പോൾ ബംഗ്ലാദേശിന് തൊട്ടുമുന്നിൽ ഇന്ത്യ നാലാം സ്ഥാനത്താണ്.

വെസ്റ്റ് ഇന്‍ഡീസിനെതിരായ രണ്ടാം ടെസ്റ്റിന്‍റെ അവസാന ദിനം 369 റൺസ് വിജയലക്ഷ്യവുമായി നാലാം ഇന്നിങ്സ് ബാറ്റിങ്ങിനിറങ്ങിയ ബംഗ്ലാദേശ് വെളിച്ചക്കുറവ് മൂലം കളി നിർത്തുമ്പോൾ 184-4 എന്ന നിലയിലായിരുന്നു. ആദ്യ ഇന്നിങ്സിൽ 242 റൺസുമായി പുറത്താകാതെ നിന്ന തൗഹീദ് ഹൃദോയ് രണ്ടാം ഇന്നിങ്സിലും 82 റൺസോടെ തിളങ്ങി ടീമിന്‍റെ രക്ഷകനായി. ഇതോടെ ഒരു ടെസ്റ്റ് മത്സരത്തിൽ തന്നെ ഇരട്ട സെഞ്ചുറിയും അർധസെഞ്ചുറിയും നേടുന്ന ആദ്യ ബംഗ്ലാദേശ് ബാറ്ററെന്ന ചരിത്രനേട്ടവും ഹൃദോയ് സ്വന്തമാക്കി. 40 റൺസിന് രണ്ട് വിക്കറ്റ് എന്ന നിലയിൽ പതറിയ ബംഗ്ലാദേശിനെ ഹൃദോയും 49 റൺസെടുത്ത മുഷ്ഫിഖുർ റഹീമും ചേർന്നുള്ള 135 റൺസിന്‍റെ മൂന്നാം വിക്കറ്റ് കൂട്ടുകെട്ടാണ് സുരക്ഷിതമായ സമനിലയിലേക്ക് നയിച്ചത്. ഈ ഇന്നിങ്സിനിടെ ടെസ്റ്റ് ക്രിക്കറ്റിൽ 7,000 റൺസ് തികയ്ക്കുന്ന ആദ്യ ബംഗ്ലാദേശ് താരം എന്ന റെക്കോർഡും മുഷ്ഫിഖുർ റഹീം സ്വന്തം പേരിൽ കുറിച്ചു.

നേരത്തെ ഒന്നാം ഇന്നിങ്സിൽ ഹസൻ മഹ്മൂദിന്‍റെ മികച്ച ബൗളിംഗിന്‍റെ (6-90) കരുത്തിലാണ് വെസ്റ്റ് ഇൻഡീസിനെ 356 റൺസിന് ബംഗ്ലാദേശ് പുറത്താക്കിയത്. തുടർന്ന് ഹൃദോയിയുടെ മികച്ച ഇന്നിങ്സിന്‍റെ മികവിൽ 386 റൺസ് നേടിയ ബംഗ്ലാദേശ് 30 റൺസിന്‍റെ ഒന്നാം ഇന്നിങ്സ് ലീഡ് സ്വന്തമാക്കിയിരുന്നു. എന്നാൽ രണ്ടാം ഇന്നിങ്സിൽ കേവം ഹോഡ്ജിന്‍റെ സെഞ്ചുറിയുടെയും (142) അമീർ ജംഗൂവിന്‍റെ (39*) പ്രകടനത്തിന്‍റെയും ബലത്തിൽ 398-6 എന്ന നിലയിൽ വെസ്റ്റ് ഇൻഡീസ് ഇന്നിങ്സ് ഡിക്ലയർ ചെയ്യുകയായിരുന്നു. തൈജുൽ ഇസ്ലാം, നയീം ഹസൻ, മെഹിദി ഹസൻ എന്നിവർ ചേർന്ന് വിൻഡീസിന്റെ രണ്ടാം ഇന്നിങ്സിലെ ആറ് വിക്കറ്റുകൾ പങ്കിട്ടു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

വരും മാസങ്ങളിൽ മുൻനിര ടീമുകൾ തമ്മിൽ നിരവധി ടെസ്റ്റ് പരമ്പരകൾ നടക്കാനിരിക്കുന്നതിനാൽ പോയിന്‍റ് പട്ടികയിൽ വലിയ മാറ്റങ്ങൾക്ക് സാധ്യതയുണ്ട്. ദക്ഷിണാഫ്രിക്കയും ബംഗ്ലാദേശും തമ്മിലും ഇന്ത്യയും ന്യൂസിലൻഡും തമ്മിലും രണ്ട് മത്സരങ്ങളുള്ള ടെസ്റ്റ് പരമ്പരകളിൽ ഉടൻ ഏറ്റുമുട്ടും. കൂടാതെ 2027 തുടക്കത്തിൽ നടക്കുന്ന ഇന്ത്യ-ഓസ്ട്രേലിയ ബോർഡർ-ഗവാസ്കർ അഞ്ച് മത്സര ടെസ്റ്റ് പരമ്പരയും ഫൈനൽ സാധ്യതകളെ നിർണ്ണായകമായി സ്വാധീനിക്കും.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ശ്വാസം മുട്ടി ദില്ലി, വായുമലിനീകരണം അപകടാവസ്ഥയിൽ; മലിനീകരണതോത് 400 കടന്നു, സർക്കാർ കണക്കുകൾ തട്ടിപ്പെന്ന് എഎപി

Aishwarya S Babu — Mon, 09 Nov 2026 18:04:35 +0530

ദില്ലി: ദീപാവലിക്ക് പിന്നാലെ ദില്ലിയിൽ വായുമലിനീകരണം അപകടകരമായ അവസ്ഥയിൽ. പലയിടത്തും മലിനീകരണതോത് 400 കടന്നു. സർക്കാർ കണക്കുകൾ തട്ടിപ്പാണെന്ന് എഎപി വിമർശിച്ചു. ഇന്നലെ വായു മലിനീകരണതോത് ഉയർന്ന സമയത്ത് നിരീക്ഷണ കേന്ദ്രങ്ങൾ പലതും പ്രവർത്തനരഹിതമായിരുന്നു എന്നും റിപ്പോർട്ടുണ്ട്.

ദീപാവലി ആഘോഷങ്ങൾക്ക് പിന്നാലെയാണ് രാജ്യതലസ്ഥാനത്തും സമീപ പ്രദേശങ്ങളിലും വായുമലിനീകരണം വീണ്ടും അതീവ ഗുരുതര അവസ്ഥയിലേക്കെത്തിയത്. പലയിടത്തും കേന്ദ്ര മലിനീകരണ നിയന്ത്രണ ബോർഡിൻ്റെ കണക്കുകൾ പ്രകാരം എക്യുഐ 400ന് മുകളിലാണ് രേഖപ്പെടുത്തിയത്. നഗരത്തിൽ കനത്ത പുകമഞ്ഞിനെ തുടർന്ന് കാഴ്ചാപരിധി ഗണ്യമായി കുറഞ്ഞു. ശ്വാസതടസ്സവും കണ്ണ് നീറ്റലും അടക്കമുള്ള ആരോഗ്യ പ്രശ്നങ്ങൾ പലരും നേരിടുന്നുണ്ട്.

എന്നാൽ സ്വകാര്യ ഏജൻസികളുടെ കണക്കുകൾ പ്രകാരം ഇന്ന് രാവിലെ ദില്ലിയിലെ വായു ഗുണനിലവാര തോത് 1000 കടന്നിട്ടുണ്ട്. ഇതോടൊപ്പം ദീപാവലി ദിവസം രാത്രിയിലെ വായുമലിനീകരണ ഡാറ്റകളിൽ കൃത്രിമമെന്ന റിപ്പോർട്ടുകളും പുറത്തുവന്നു. ഇന്നലെ രാത്രിയിൽ വായു മലിനീകരണതോത് ആയിരത്തിന് മുകളിൽ ഉയർന്നപ്പോൾ നഗരത്തിലെ നിരീക്ഷണ കേന്ദ്രങ്ങൾ പലതും പ്രവർത്തനരഹിതമായി. രാത്രി 10 മണി മുതൽ രാവിലെ 6 മണിവരെയായിരുന്നു ഇതിൽ തടസ്സം നേരിട്ടത്. കഴിഞ്ഞ വർഷം ദീപാവലി രാത്രിയിൽ 29 സ്റ്റേഷനുകളിലാണ് മലിനീകരണതോത് 1000ന് മുകളിൽ രേഖപ്പെടുത്തിയത്. ഈ കണക്കുകൾ മുൻനിർത്തിയാണ് ആംആദ്മി പാർട്ടി സർക്കാരിനെതിരെ രൂക്ഷ വിമർശനം ഉയർത്തുന്നത്. കണക്കുകളിൽ കൃത്രിമം കാണിച്ച് സർക്കാർ ജനങ്ങളുടെ ജീവൻ വെച്ച് കളിക്കുകയാണെന്ന് എഎപി ദില്ലി അധ്യക്ഷൻ സൗരഭ് ഭരദ്വാജ് പറഞ്ഞു. സുപ്രീം കോടതിയുടെ കർശന വിലക്കും നിർദേശങ്ങളും നിലനിൽക്കെയാണ് നഗരത്തില് വ്യാപകമായി പടക്കം പൊട്ടിച്ചത്. അയൽ സംസ്ഥാനങ്ങളിൽ വൈക്കോൽ കത്തിക്കുന്നത് തുടരുന്നതും സ്ഥിതി കൂടുതൽ വഷളാക്കി.

വടക്കൻ പറവൂർ താലൂക്ക് ആശുപത്രിക്കെതിരെ ചികിത്സ പിഴവ് ആരോപണം; സമയത്ത് ചികിത്സ കിട്ടിയില്ല, കാൽ മുറിച്ചുമാറ്റേണ്ടി വന്നു; പരാതിയുമായി 56കാരൻ

Sumam Thomas — Mon, 09 Nov 2026 17:58:20 +0530

കൊച്ചി: വടക്കൻ പറവൂർ താലൂക്ക് ആശുപത്രിക്കെതിരെ ചികിത്സപിഴവ് പരാതി. സ്ട്രോക്ക് വന്നത് തിരിച്ചറിയാതെ ചികിത്സ വൈകിയതിനാൽ 56കാരന്റെ കാൽ മുറിച്ച് മാറ്റേണ്ടി വന്നുവെന്നാണ് പരാതി. കുന്നുകര സ്വദേശി അബ്ദുൾ ജബ്ബാറാണ് ആശുപത്രിക്കെതിരെ പരാതി ഉന്നയിച്ചിരിക്കുന്നത്. ജൂലൈ 26നാണ് രാത്രിയിൽ കാലിന് അസഹ്യമായ വേദന അനുഭവപ്പെട്ടതിനെ തുടർന്ന് വടക്കൻ പറവൂർ താലൂക്ക് ആശുപത്രിയിൽ‌ കുന്നുകര സ്വദേശി അബ്ദുൽ ജബ്ബാർ എത്തിയത്. ഹൗസ് സർജൻസി ചെയ്യുന്ന എംബിബിഎസ് വിദ്യാർത്ഥികളാണ് ആ സമയത്ത് ആശുപത്രിയിൽ ഉണ്ടായിരുന്നതെന്നാണ് അബ്ദുൽ ജബ്ബാർ പറയുന്നത്. അവരോട് വേദനയുള്ള കാര്യം പറഞ്ഞെങ്കിലും ചില വേദനസംഹാരികളും നൽകി ഡ്രിപ്പുമിട്ടതിന് ശേഷം അബ്ദുൽ ജബ്ബാറിനെ അവർ മടക്കി അയച്ചു.

രാത്രി വീണ്ടും വേദനയുണ്ടായതിനെ തുടർന്ന് ഇതേ ആശുപത്രിയിലേക്ക് വന്നെങ്കിലും അപ്പോഴും വേദനസംഹാരികൾ മാത്രമാണ് നൽകിയതെന്ന് അബ്ദുൾ ജബ്ബാർ പറയുന്നു. പിന്നീട് രാവിലെ ആശുപത്രിയിലെത്തി സർജനെ കണ്ടപ്പോഴാണ് സ്ട്രോക്ക് വന്നതാണെന്നും കൃത്യസമയത്ത് ചികിത്സ ലഭിക്കാത്തതിനെ തുടർന്ന് കാലിന്റെ ചലന ശേഷി നഷ്ടപ്പെട്ടുവെന്നും ഡോക്ടർ അറിയിച്ചത്. തുടർന്ന് അങ്കമാലിയിലെ സ്വകാര്യ ആശുപത്രിയിലെത്തി വിദഗ്ധ ചികിത്സ നൽകിയെങ്കിലും കാലിന്റെ ചലന ശേഷി വീണ്ടെടുക്കാനായില്ല. കോട്ടയം മെഡിക്കൽ കോളേജിലും ചികിത്സ തേടി. എന്നാൽ കാൽ മുറിച്ചുമാറ്റേണ്ടി വന്നുവെന്നാണ് 56കാരനായ അബ്ദുൽ ജബ്ബാർ പറയുന്നത്. അബ്ദുൽ ജബ്ബാറിന്റെ പരാതി നേരത്തെ സൂപ്രണ്ടിനെ അടക്കം അറിയിച്ചിരുന്നതാണ്. പക്ഷേ പരാതി ഒതുക്കി തീർക്കാനുളള ശ്രമമാണ് നടത്തിയതെന്നും അബ്ദുൽ ജബ്ബാർ ആരോപിക്കുന്നുണ്ട്.

രോഗബാധയ്ക്കിടയിലും പഴകിയ ഭക്ഷണ വില്‍പ്പന വ്യാപകം; ഹോട്ടലുകളില്‍ പരിശോധന ശക്തമാക്കി

Asmitha Kabeer — Mon, 09 Nov 2026 17:50:00 +0530

മലപ്പുറം: അമരമ്പലത്ത് ഷിഗെല്ല രോഗബാധ സ്ഥിരീകരിച്ചതിനെ തുടര്‍ന്ന് ആരോഗ്യവകുപ്പ് പരിശോധന ശക്തമാക്കി. പൂക്കോട്ടുംപാടം അങ്ങാടിയിലെ ഹോട്ടലുകളിലും കൂള്‍ബാറുകളിലും ഞായറാഴ്ച അതിരാവിലെ മുതല്‍ വ്യാപക പരിശോധന നടത്തി. അമരമ്പലം കുടുംബാരോഗ്യ കേന്ദ്രം മെഡിക്കല്‍ ഓഫിസര്‍ ഡോ. അശ്വതിയുടെ നിര്‍ദേശപ്രകാരം ഹെല്‍ത്ത് ഇന്‍സ്‌പെക്ടര്‍ ഗോകുല്‍ദാസിന്റെ നേതൃത്വത്തിലായിരുന്നു പരിശോധന.

പഞ്ചായത്തിന്‍റെ വിവിധ ഭാഗങ്ങളിലായി പത്തോളം ഹോട്ടലുകളിലാണ് പരിശോധന നടത്തിയത്. ഇതിനിടെ ഹോട്ടലുകളില്‍ സൂക്ഷിച്ചിരുന്ന വന്‍തോതിലുള്ള പഴകിയ ഭക്ഷണസാധനങ്ങള്‍ കണ്ടെത്തി പിടിച്ചെടുത്തു നശിപ്പിച്ചു. ഭക്ഷ്യസുരക്ഷയും ശുചിത്വവും ഉറപ്പാക്കുന്നതിനായി ആരോഗ്യവകുപ്പ് നല്‍കിയ മുന്‍കരുതല്‍ നിര്‍ദേശങ്ങള്‍ പാലിക്കാതെ പ്രവര്‍ത്തിച്ച സ്ഥാപനങ്ങള്‍ക്കും അധികൃതര്‍ നോട്ടീസ് നല്‍കി.

ഭക്ഷണസാധനങ്ങള്‍ ശരിയായ രീതിയില്‍ സൂക്ഷിക്കാത്തതും പഴകിയ ഭക്ഷണങ്ങള്‍ വില്‍പ്പനയ്ക്കായി ഉപയോഗിക്കുന്നതും ഗുരുതരമായ ആരോഗ്യപ്രശ്‌നങ്ങള്‍ക്ക് കാരണമാകുമെന്ന് അധികൃതര്‍ മുന്നറിയിപ്പ് നല്‍കി. ഇത്തരം സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കുമെന്നും നിയമലംഘനം കണ്ടെത്തിയാല്‍ പിഴ ഈടാക്കുമെന്നും ഹെല്‍ത്ത് ഇന്‍സ്‌പെക്ടര്‍ ഗോകുല്‍ദാസ് അറിയിച്ചു.അതേസമയം, പ്രദേശത്ത് നിലവില്‍ പുതിയ ഷിഗെല്ല രോഗബാധാ കേസുകളൊന്നും റിപ്പോര്‍ട്ട് ചെയ്തിട്ടില്ലെന്ന് ആരോഗ്യവകുപ്പ് വ്യക്തമാക്കി. പരിശോധനയ്ക്കായി അയച്ച സാമ്പിളുകളുടെ ഫലം അടുത്ത ദിവസങ്ങളില്‍ ലഭിക്കുമെന്നാണ് പ്രതീക്ഷിക്കുന്നത്. രോഗവ്യാപന സാധ്യത കണക്കിലെടുത്ത് പ്രദേശത്തെ ഹോട്ടലുകളിലും ഭക്ഷണശാലകളിലും പരിശോധന തുടരുമെന്നും അധികൃതര്‍ അറിയിച്ചു.

'ഫയലുകളിൽ തീരുമാനം വൈകരുത്, നിരവധിപേരുടെ ജീവിതപ്രശ്നമാണ്'; വകുപ്പ് സെക്രട്ടറിമാരുടെ യോഗത്തിൽ നിർദേശം നൽകി മുഖ്യമന്ത്രി; ഇനി എല്ലാമാസവും യോഗം

Web Desk — Mon, 09 Nov 2026 17:47:15 +0530

തിരുവനന്തപുരം: ഫയലുകളിൽ തീരുമാനം വൈകരുതെന്ന് ഉന്നത ഉദ്യോഗസ്ഥർക്ക് മുഖ്യമന്ത്രിയുടെ നിർദേശം. മുഖ്യമന്ത്രി വി ഡി സതീശൻ വിളിച്ചുചേർത്ത വകുപ്പ് സെക്രട്ടറിമാരുടെ യോഗത്തിലാണ് ഈ നിർദേശം നൽകിയത്. ഫയലുകളിൽ തീരുമാനം വൈകരുത്, നിരവധി പേരുടെ ജീവിതപ്രശ്നമാണ്. ഫയലുകളുമായി ബന്ധപ്പെട്ട നിയമപ്രശ്നങ്ങൾ സമയബന്ധിതമായി പരിഹരിക്കുന്നതിന് പ്രത്യേക ശ്രദ്ധയും ഇടപെടലും ഉണ്ടാകണമെന്നും മുഖ്യമന്ത്രി ഉദ്യോഗസ്ഥരോട് നിർദേശിച്ചു.

തുടർവിവാദങ്ങളുടെ പശ്ചാത്തലത്തിലാണ് മുഖ്യമന്ത്രി ഉന്നത ഉദ്യോഗസ്ഥരുടെ യോഗം വിളിച്ചുചേർത്തത്. യോഗത്തിൽ വകുപ്പ് സെക്രട്ടറിമാർക്കൊപ്പം മന്ത്രിമാരും പങ്കെടുത്തു. ചില ഉദ്യോഗസ്ഥരുടെ നടപടികളിൽ സർക്കാർ വെട്ടിലായിരുന്നു. ഇതിന് പിന്നാലെയുണ്ടായ കൂട്ട സ്ഥലംമാറ്റത്തിൽ ചില ഉദ്യോഗസ്ഥർക്ക് അതൃപ്തിയും ഉണ്ടായിരുന്നു. ഈ പശ്ചാത്തലത്തിൽ കൂടിയായിരുന്നു തിങ്കളാഴ്ചത്തെ യോഗം.

ജനങ്ങളുടെ പരാതികൾക്ക് വേഗത്തിലും ഫലപ്രദമായും പരിഹാരം കാണുന്നതിനുള്ള 'ജനസ്പർശം' ഫയൽ അദാലത്ത് കാര്യക്ഷമമാക്കാൻ എ.ഐ സാങ്കേതികവിദ്യയുടെ സാധ്യതകൾ പ്രയോജനപ്പെടുത്താൻ യോഗത്തിൽ തീരുമാനമായി. കേന്ദ്ര സർക്കാർ ആവിഷ്കരിക്കുന്ന വിവിധ പദ്ധതികൾ പരമാവധി സംസ്ഥാനത്തിന് പ്രയോജനപ്പെടുത്തുന്നതിനും നിലവിലുള്ള പദ്ധതികളുടെ പുരോഗതി വിലയിരുത്തി അവയുടെ നടത്തിപ്പ് കൂടുതൽ വേഗത്തിലാക്കുന്നതിനും മുഖ്യമന്ത്രി വകുപ്പുകൾക്ക് നിർദേശം നൽകി.വകുപ്പ് സെക്രട്ടറിമാരുടെ ജോലിഭാരം കുറയ്ക്കുന്നതിനും ഫയൽ കൈകാര്യം ചെയ്യൽ കൂടുതൽ കാര്യക്ഷമമാക്കുന്നതിനുമായി ഫയലുകൾ ക്രമീകരിക്കുന്നതിനുള്ള നടപടികൾ സ്വീകരിക്കും. ഇതിന്റെ ഭാഗമായി വകുപ്പ് സെക്രട്ടറിമാരുടെ യോഗം എല്ലാ മാസവും ചേരാനും തീരുമാനിച്ചു. മുഖ്യമന്ത്രിയുടെ ഫ്ലാഗ് ഷിപ്പ് പ്രോഗ്രാമുകൾ വേഗത്തിലാക്കാനും പുരോഗതി വിലയിരുത്താന്നും സെക്രട്ടറിമാർക്ക് നിർദേശം നൽകി.

കുവൈത്തിൽ സബ്സിഡി ഭക്ഷ്യവസ്തുക്കൾ തട്ടിയെടുത്തു; രണ്ട് ഇന്ത്യക്കാർ ഉൾപ്പെടെ നാല് പ്രവാസികൾക്ക് മൂന്ന് വർഷം തടവും നാടുകടത്തലും

Reshma Vijayan — Mon, 09 Nov 2026 17:41:55 +0530

കുവൈത്ത് സിറ്റി: സബ്സിഡി ഭക്ഷ്യവസ്തുക്കൾ തട്ടിയെടുത്ത കേസിൽ കുവൈത്തിൽ രണ്ട് ഇന്ത്യക്കാർ ഉൾപ്പെടെ നാല് പ്രവാസികൾക്ക് മൂന്ന് വർഷം തടവ്. കുവൈത്തിലെ ജഹ്റ ഗവർണറേറ്റിലുള്ള സഹകരണ സംഘത്തിന്റെ ഭക്ഷ്യവിതരണ കേന്ദ്രത്തിൽ നിന്ന് ഭക്ഷ്യവസ്തുക്കൾ അനധികൃതമായി കൈക്കലാക്കിയ കേസിലാണ് ഇവർക്ക് തടവുശിക്ഷ വിധിച്ചത്. ശിക്ഷാകാലാവധി പൂർത്തിയാക്കിയ ശേഷം ഇവരെ രാജ്യത്ത് നിന്ന് നാടുകടത്താനും ക്രിമിനൽ കോടതി ഉത്തരവിട്ടു.

ശിക്ഷിക്കപ്പെട്ടവരിൽ രണ്ട് ഇന്ത്യക്കാർക്ക് പുറമെ ഒരു ഈജിപ്ഷ്യൻ പൗരനും ഒരു ബംഗ്ലാദേശ് പൗരനും ഉൾപ്പെടുന്നു. കേസിൽ ഉൾപ്പെട്ട ഭക്ഷ്യവിതരണ കേന്ദ്രത്തിന്റെ മാനേജർക്ക് 3,000 കുവൈത്ത് ദിനാർ പിഴയും കോടതി വിധിച്ചു. സഹകരണ സംഘത്തിന്റെ ഓഹരി ഉടമകളുടെ അറിവോ അനുമതിയോ ഇല്ലാതെ ഭക്ഷ്യവസ്തുക്കൾ തട്ടിയെടുത്തതാണ് കേസ്. ഓരോ വിൽപ്പന ഇടപാടിലും ഭക്ഷ്യവസ്തുക്കളുടെ അളവിൽ 250 ഗ്രാം മുതൽ 500 ഗ്രാം വരെ കുറവ് വരുത്തി ശേഷിക്കുന്ന സാധനങ്ങൾ അനധികൃതമായി കൈക്കലാക്കുകയായിരുന്നു പ്രതികൾ ചെയ്തിരുന്നതെന്ന് അന്വേഷണത്തിൽ കണ്ടെത്തി.

ഒരു കുവൈത്ത് പൗരൻ നൽകിയ പരാതിയെ തുടർന്നാണ് തട്ടിപ്പ് പുറത്തുവന്നത്. പരാതിയുടെ അടിസ്ഥാനത്തിൽ ക്രിമിനൽ ഇൻവെസ്റ്റിഗേഷൻ വിഭാഗം നടത്തിയ അന്വേഷണത്തിലാണ് ക്രമക്കേടുകൾ കണ്ടെത്തുകയും പ്രതികൾക്കെതിരെ നിയമനടപടികൾ സ്വീകരിക്കുകയും ചെയ്തത്. ജഡ്ജി നാസർ അൽ ബദറിന്റെ അധ്യക്ഷതയിലുള്ള ക്രിമിനൽ കോടതി ബെഞ്ചാണ് കേസിൽ വിധി പ്രഖ്യാപിച്ചത്. സഹകരണ സംഘത്തിന്റെ ഭക്ഷ്യവസ്തുക്കൾ അനധികൃതമായി കൈക്കലാക്കിയതിൽ പ്രതികളുടെ പങ്ക് കണ്ടെത്തിയതിനെ തുടർന്നാണ് തടവും പിഴയും നാടുകടത്തലും ഉൾപ്പെടെയുള്ള ശിക്ഷകൾ വിധിച്ചത്.

ബിഗ് ടിക്കറ്റ് ബിഗ് സ്പിൻ: മൂന്നു വിജയികൾ 250,000 ദിർഹം പങ്കിട്ടു

Web Desk — Mon, 09 Nov 2026 17:37:53 +0530

ബിഗ് ടിക്കറ്റ് സീരീസ് 292 ലൈവ് ഡ്രോയിലെ ബിഗ് സ്പിന്നിൽ ഇന്ത്യയിൽ നിന്നുള്ള പ്രവാസി ഉൾപ്പെടെ മൂന്നു പേർ 250,000 ദിർഹം പങ്കിട്ടു.

ഉത്തർപ്രദേശിൽ നിന്നുള്ള 27 വയസ്സുകാരനായ മെക്കാനിക്ക് പ്രീതം കുമാർ ആണ് ഇന്ത്യയിൽ നിന്നുള്ള വിജയി. പ്രീതം നേടിയത് 100,000 ദിർഹമാണ്.

കഴിഞ്ഞ നാല് വർഷമായി ദുബായിലാണ് പ്രീതം താമസിക്കുന്നത്. മുൻപ് ഒരു സഹപ്രവർത്തകന് ബിഗ് ടിക്കറ്റിലൂടെ സമ്മാനം ലഭിച്ചിരുന്നു. അതാണ് മത്സരത്തിൽ പങ്കെടുക്കാൻ പ്രീതത്തിന് പ്രചോദനമായത്.

സുഹൃത്തുക്കളായ 19 പേർക്കൊപ്പമാണ് അദ്ദേഹം ബിഗ് ടിക്കറ്റ് എടുത്തത്. സമ്മാനത്തുക എല്ലാവരുമായി പങ്കുവെക്കാനാണ് പ്രീതം ആഗ്രഹിക്കുന്നത്.

“ഇതുവരെ ഒരുമിച്ചാണ് പങ്കെടുത്തത്. സമ്മാനം ലഭിച്ചതിൽ വളരെ സന്തോഷം തോന്നുന്നു.” – പ്രീതം പറഞ്ഞു.

രണ്ടാമത്തെ വിജയി ഈജിപ്റ്റിൽ നിന്നുള്ള ഗേസർ എലഗാമിയാണ്. യു.എ.ഇയിൽ 19 വർഷമായി അദ്ദേഹം താമസിക്കുന്നുണ്ട്. അക്കൗണ്ട് മാനേജറായാണ് എലഗാമി ജോലി ചെയ്യുന്നത്. അദ്ദേഹവും 100,000 ദിർഹമാണ് സമ്മാനമായി നേടിയത്.

“ബിഗ് സ്പിന്നിൽ പങ്കെടുക്കാൻ തിരഞ്ഞെടുക്കപ്പെട്ടപ്പോൾ തന്നെ വലിയ സന്തോഷം തോന്നി. എന്റെ ഭാര്യയും അപ്പോൾ ഒപ്പമുണ്ടായിരുന്നു. ഇതൊരു വല്ലാത്ത സർപ്രൈസായിപ്പോയി.” – അദ്ദേഹം പറയുന്നു.

കുട്ടികളുടെ വിദ്യാഭ്യാസത്തിനായി സമ്മാനത്തുക ചെലവഴിക്കാനാണ് അദ്ദേഹം ആഗ്രഹിക്കുന്നത്. കുറച്ചു പണം സ്ഥലം വാങ്ങാനും ഉപയോഗിക്കും.

ബിഗ് സ്പിന്നിലെ മൂന്നാമത്തെ വിജയി പാകിസ്ഥാനിൽ നിന്നുള്ള ഇനാം ഉൾ ഹസ്നൈനാണ്. യു.എ.ഇയിൽ താമസിക്കുന്ന അദ്ദേഹം 50,000 ദിർഹം സമ്മാനമായി നേടി.

നേരിട്ട് ഗെയിം കളിക്കാൻ ഇനാമിന് എത്താൻ കഴിഞ്ഞില്ല. അദ്ദേഹത്തിന് വേണ്ടി ബിഗ് ടിക്കറ്റ് ടീമാണ് മത്സരത്തിൽ പങ്കെടുത്തത്.

നവംബറിൽ 25 മില്യൺ ദിർഹമാണ് ഗ്രാൻഡ് പ്രൈസ്. ഡിസംബർ 3-ന് ഭാഗ്യശാലിയെ തിരിച്ചറിയാം. സമാശ്വാസ സമ്മാനമായി 100,000 ദിർഹം വീതം അഞ്ച് പേർക്ക് ലഭിക്കും. മൂന്നു വീക്കിലി ഇ-ഡ്രോകളും നടക്കും. നാല് വിജയികൾക്ക് ഓരോ ആഴ്ച്ചയും 25,000 ദിർഹം വീതം ലഭിക്കും. ബിഗ് സ്പിൻ മത്സരത്തിൽ പങ്കെടുക്കാൻ അവസരം ലഭിക്കുന്ന മൂന്നു പേരെ ഡിസംബർ 3-ന് നടക്കുന്ന ഡ്രോയിൽ അറിയാം. ഇവർക്ക് ജനുവരി 3-ന് ബിഗ് സ്പിൻ കളിക്കാം. 1 മില്യൺ ദിർഹം വരെ സമ്മാനം നേടാനാണ് അവസരം.

ഡ്രീം കാർ സീരീസിൽ ഡിസംബർ 3-ന് നിസ്സാൻ പട്രോൾ, ജനുവരി 3-ന് ബിഎംഡബ്ല്യു എം440ഐ എന്നിവയാണ് നേടാനാകുക.

സിഐടിയു സംസ്ഥാന പ്രസിഡന്‍റായി ടി പി രാമകൃഷ്ണൻ തുടരും; കെ കെ ജയചന്ദ്രനെ സംസ്ഥാന ജനറൽ സെക്രട്ടറി, വി ശിവൻകുട്ടി ട്രഷറർ

Asmitha Kabeer — Mon, 09 Nov 2026 17:30:56 +0530

കോട്ടയം: സിഐടിയു സംസ്ഥാന പ്രസിഡന്‍റായി ടി പി രാമകൃഷ്ണൻ തുടരും. കെ കെ ജയചന്ദ്രനെ സംസ്ഥാന ജനറൽ സെക്രട്ടറിയായും വി ശിവൻകുട്ടിയെ ട്രഷററായും സംസ്ഥാന സമ്മേളനം തിരഞ്ഞെടുത്തു. കോട്ടയത്ത് നടന്ന സിഐടിയു പതിനാറാം സംസ്ഥാന സമ്മേളനത്തിലാണ് പുതിയ ഭാരവാഹികളെ തിരഞ്ഞെടുത്തത്. നിലവിലെ ജനറൽ സെക്രട്ടറി എളമരം കരീമിന് പകരമാണ് സിപിഎം സംസ്ഥാന സെക്രട്ടേറിയറ്റ് അംഗവും സിഐടിയു സംസ്ഥാന വൈസ് പ്രസിഡന്‍റുമായ കെ കെ ജയചന്ദ്രൻ ജനറൽ സെക്രട്ടറി സ്ഥാനത്തെത്തുന്നത്.

നിലവിലെ ട്രഷറർ പി നന്ദകുമാറിന് പകരമാണ് മുൻ വിദ്യാഭ്യാസ മന്ത്രി വി ശിവൻകുട്ടി ചുമതലയേൽക്കുന്നത്. സംസ്ഥാന നേതൃത്വത്തിൽ മാറ്റങ്ങൾ വരുത്തുന്നതുമായി ബന്ധപ്പെട്ട് നേരത്തെ ചേർന്ന സിപിഎം–സിഐടിയു ഫ്രാക്ഷൻ യോഗത്തിൽ ധാരണയായിരുന്നു. പ്രസിഡന്‍റ് സ്ഥാനത്ത് ടി പി രാമകൃഷ്ണനെ നിലനിർത്തിക്കൊണ്ട് ജനറൽ സെക്രട്ടറി, ട്രഷറർ സ്ഥാനങ്ങളിൽ മാറ്റം വരുത്താനാണ് തീരുമാനിച്ചത്. കെ എൻ ഗോപിനാഥ് ആണ് അസിസ്റ്റന്‍റ് ജനറൽ സെക്രട്ടറി. 47 അംഗ സംസ്ഥാന കമ്മറ്റിയെയും സമ്മേളനം തെരഞ്ഞെടുത്തു.

വൈസ് പ്രസിഡന്‍റുമാർ

1.എ കെ ബാലൻ

2.ജെ മേഴ്സികുട്ടിയമ്മ

3. എം വി ജയരാജൻ

4. കൂട്ടായി ബഷീർ

5. യു പി ജോസഫ്

6. വി ശശികുമാർ

7. സുനിത കുര്യൻ

8. എം കെ കണ്ണൻ

9. എസ് ജയമോഹനൻ

10. നെടുവത്തൂർ സുന്ദരേശൻ

11. പി ആർ മുരളീധരൻ

12. എസ് പുഷ്പലത

13. പി ബി ഹർഷകുമാർ

14. സി വി ചന്ദ്രബാബു

15. ടി കെ രാജൻ

16. ദീപ കെ രാജൻ

17. കെ കെ പ്രസന്നകുമാരി

18. ആർ രാമു

19. എസ് ഹരിലാൽ

20. എൻ കെ രാമചന്ദ്രൻ

21. കടകംപള്ളി സുരേന്ദ്രൻ

22. വി വി ബേബി

സെക്രട്ടറിമാർ

1. കെ എസ് സുനിൽകുമാർ

2. സി കെ ഹരികൃഷ്ണൻ

3. പി പി ചിത്തരഞ്ജൻ

4. അഡ്വ. പി സജി

5. പി പി പ്രേമ

6. ധന്യ ആബീദ്

7. ഒ സി ബിന്ദു

8. പി കെ മുകുന്ദൻ

9. എം ഹംസ

10.പി ഗാനകുമാർ

11. കെ മനോഹരൻ

12. പി പത്മജ

13. മീര നിമേഷ്

14. വി കെ ഷീജ

15. പി കെ സന്തോഷ്

16. എം ജി അജി

17. പി മണിമോഹൻ

18. കെ അനിൽകുമാർ

19. ആർ തിലകൻ

20. എസ് ബി രാജ

21. റെജി സഖറിയ

ക്ഷണിതാക്കൾ:

1. കെ കെ ദിവാകരൻ

2. എസ് ശർമ്മ

3. കെ പി മേരി

മാരുതിയുടെ ആദ്യ 7 സീറ്റർ ഇവി: വൈഎംസി ഒരുങ്ങുന്നു

Prashobh Prasannan — Mon, 09 Nov 2026 17:21:56 +0530

ഇന്ത്യൻ ഇലക്ട്രിക് വാഹന വിപണിയിൽ പുതിയ ചുവടുവെപ്പിനൊരുങ്ങി മാരുതി സുസുക്കി. കമ്പനിയുടെ ആദ്യത്തെ 7 സീറ്റർ ഇലക്ട്രിക് എംപിവി ഇന്ത്യൻ വിപണിയിലെത്തിക്കാനുള്ള തയ്യാറെടുപ്പിലാണ് വാഹന നിർമാതാക്കൾ. വൈഎംസി എന്ന കോഡ് നാമത്തിൽ വികസിപ്പിക്കുന്ന പുതിയ ഇലക്ട്രിക് എംപിവി 2027 ഫെബ്രുവരിയിൽ വിപണിയിൽ അവതരിപ്പിച്ചേക്കുമെന്നാണ് റിപ്പോർട്ടുകൾ. എന്നാൽ ലോഞ്ച് തീയതി സംബന്ധിച്ച് കമ്പനി ഔദ്യോഗിക പ്രഖ്യാപനം നടത്തിയിട്ടില്ല. മാരുതിയുടെ ആദ്യ ഇലക്ട്രിക് എസ്‌യുവിയായ ഇ വിറ്റാരയ്ക്ക് അടിത്തറയാകുന്ന ഹാർടെക്റ്റ്-ഇ പ്ലാറ്റ്‌ഫോമിലായിരിക്കും പുതിയ എംപിവിയും നിർമിക്കുക. അടുത്തിടെ പുറത്തുവന്ന പരീക്ഷണ ചിത്രങ്ങളുടെ അടിസ്ഥാനത്തിൽ വാഹനത്തിന്റെ സാധ്യതയുള്ള ഡിസൈൻ വെളിപ്പെടുത്തുന്ന ചില റെൻഡറുകളും പുറത്തുവന്നിട്ടുണ്ട്.

അടച്ച ഗ്രില്ലും എൽ.ഇ.ഡി ലൈറ്റുകളും; ഡിസൈൻ ഇങ്ങനെ

പുറത്തുവന്ന റെൻഡറുകൾ പ്രകാരം വൈ.എം.സിക്ക് വ്യത്യസ്‍തമായ രൂപകൽപ്പനയായിരിക്കും മാരുതി നൽകുക. മുൻഭാഗത്ത് അടച്ച ഗ്രില്ലും തലകീഴായ എൽ ആകൃതിയിലുള്ള എൽ.ഇ.ഡി ഹെഡ്‌ലാമ്പുകളും പ്രതീക്ഷിക്കുന്നു. മുകൾഭാഗത്ത് പരസ്പരം ബന്ധിപ്പിച്ച എൽ.ഇ.ഡി ഡേടൈം റണ്ണിങ് ലാമ്പുകളും വലിയ എയർ ഡാമും ഫോഗ് ലാമ്പുകളും ഉണ്ടായേക്കും. വശങ്ങളിൽ വലിയ വിൻഡോകൾ, ഉയർന്ന ബോഡി ഡിസൈൻ, പരമ്പരാഗത ഡോർ ഹാൻഡിലുകൾ, വലിയ അലോയ് വീലുകൾ എന്നിവയും പ്രതീക്ഷിക്കാം. പിന്നിൽ തലകീഴായ എൽ ആകൃതിയിലുള്ള എൽ.ഇ.ഡി ടെയിൽലാമ്പുകൾ, റിയർ വൈപ്പർ, ലളിതമായ ബമ്പർ എന്നിവയും ലഭിച്ചേക്കും. അതേസമയം, ഇവ റെൻഡറുകൾ മാത്രമായതിനാൽ അന്തിമ പ്രൊഡക്ഷൻ മോഡലിന്റെ ഡിസൈനിൽ മാറ്റങ്ങളുണ്ടാകാം.

ആഡംബര ക്യാബിൻ; 6, 7 സീറ്റർ ഓപ്ഷനുകൾ

അകത്തളത്തിൽ ഇ വിറ്റാരയ്ക്ക് സമാനമായ ഡ്യുവൽ സ്‌ക്രീൻ സംവിധാനം വൈ.എം.സിയിലും പ്രതീക്ഷിക്കുന്നുണ്ട്. വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സംവിധാനം, ഡിജിറ്റൽ ഇൻസ്ട്രുമെന്റ് ക്ലസ്റ്റർ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവ പ്രധാന ഫീച്ചറുകളായിരിക്കും. ഓട്ടോമാറ്റിക് എ.സി, വെന്റിലേറ്റഡ് ഫ്രണ്ട് സീറ്റുകൾ, വയർലെസ് ചാർജർ, പനോരമിക് സൺറൂഫ്, 360 ഡിഗ്രി ക്യാമറ, ലെവൽ 2 എ.ഡി.എ.എസ് സുരക്ഷാ സംവിധാനങ്ങൾ എന്നിവയും പ്രതീക്ഷിക്കാം. 7 സീറ്റർ ലേഔട്ടിലായിരിക്കും പ്രധാനമായും വാഹനം എത്തുക. കൂടാതെ രണ്ടാം നിരയിൽ ക്യാപ്റ്റൻ സീറ്റുകളുള്ള 6 സീറ്റർ പതിപ്പും അവതരിപ്പിച്ചേക്കുമെന്നാണ് സൂചന.

ഒറ്റ ചാർജിൽ 500 കിലോമീറ്ററിലധികം റേഞ്ച്?

ബാറ്ററി, മോട്ടോർ സംവിധാനങ്ങളുടെ കാര്യത്തിൽ ഇ വിറ്റാരയുമായി സാമ്യമുണ്ടാകുമെന്നാണ് റിപ്പോർട്ടുകൾ. 49 കിലോവാട്ട് അവർ, 61 കിലോവാട്ട് അവർ എന്നിങ്ങനെ രണ്ട് ബാറ്ററി ഓപ്ഷനുകൾ ലഭിച്ചേക്കും. 49 കിലോവാട്ട് അവർ ബാറ്ററി പാക്കിനൊപ്പം 144 ബി.എച്ച്.പി കരുത്തുള്ള ഇലക്ട്രിക് മോട്ടോർ ലഭിക്കുമെന്നാണ് പ്രതീക്ഷ. ഈ സജ്ജീകരണത്തിൽ ഇ വിറ്റാരയ്ക്ക് 440 കിലോമീറ്റർ റേഞ്ചാണ് കമ്പനി അവകാശപ്പെടുന്നത്. കൂടുതൽ ശേഷിയുള്ള 61 കിലോവാട്ട് അവർ ബാറ്ററി പതിപ്പിൽ 174 ബി.എച്ച്.പി കരുത്തുള്ള ഇലക്ട്രിക് മോട്ടോറും ലഭിച്ചേക്കും. ഇ വിറ്റാരയിൽ ഈ ബാറ്ററി പതിപ്പിന് 543 കിലോമീറ്റർ വരെ റേഞ്ചാണ് അവകാശപ്പെടുന്നത്. എന്നാൽ വലിപ്പവും ഭാരവും കൂടുതലായതിനാൽ വൈ.എം.സിയുടെ റേഞ്ച് ഇ വിറ്റാരയേക്കാൾ കുറവായിരിക്കാനാണ് സാധ്യത.

വില 18 ലക്ഷം രൂപ മുതൽ?

2027 ഫെബ്രുവരിയിൽ മാരുതി സുസുക്കി വൈ.എം.സി വിപണിയിൽ അവതരിപ്പിച്ചേക്കുമെന്നാണ് നിലവിലെ റിപ്പോർട്ടുകൾ. ഏകദേശം 18 ലക്ഷം രൂപ മുതൽ 25 ലക്ഷം രൂപ വരെയായിരിക്കും പ്രതീക്ഷിക്കുന്ന എക്‌സ്‌ഷോറൂം വില. വിപണിയിൽ എത്തുമ്പോൾ കിയ കാരൻസ് ക്ലാവിസ് ഇവി, ബി.വൈ.ഡി ഇമാക്‌സ് 7, വിൻഫാസ്റ്റ് വി.എഫ് എം.പി.വി 7 തുടങ്ങിയ മോഡലുകളുമായിരിക്കും പ്രധാന മത്സരം. മാരുതി സുസുക്കിയുടെ ഇലക്ട്രിക് വാഹന നിരയിലെ നിർണായക മോഡലായി മാറാൻ സാധ്യതയുള്ള ഈ 7 സീറ്റർ എംപിവിക്കായി വാഹനപ്രേമികൾ കാത്തിരിക്കുകയാണ്. എന്നാൽ ലോഞ്ച് തീയതി, ബാറ്ററി ശേഷി, റേഞ്ച്, വില എന്നിവ സംബന്ധിച്ച അന്തിമ വിവരങ്ങൾ കമ്പനി ഔദ്യോഗികമായി സ്ഥിരീകരിച്ചിട്ടില്ല.

വിജയ് സുപ്രീംകോടതി ഉത്തരവ് കണ്ടില്ലേ എന്ന് ഡി കെ; മേക്കെദാട്ടു ഡാം നിർമാണം കർണാടകത്തിന്‍റെ അധികാര പരിധിയിൽപ്പെട്ട കാര്യമെന്ന് ഓർമ്മപ്പെടുത്തൽ

Bibin Babu — Mon, 09 Nov 2026 17:18:36 +0530

ബംഗളൂരു: മേക്കെദാട്ടു പ്രോജക്ടിന് എതിരായ കത്തിൽ തമിഴ്നാട് മുഖ്യമന്ത്രിയെ വിമർശിച്ച് ഡി കെ ശിവകുമാർ. സുപ്രീംകോടതി ഉത്തരവ് കണ്ടില്ലേ എന്ന് ഡികെ ചോദിച്ചു. ഉദ്യോഗസ്ഥർ ജോസഫ് വിജയ്‍യെ കാര്യങ്ങൾ ധരിപ്പിക്കും എന്നാണ് പ്രതീക്ഷ. മോദിക്ക് വിജയ് കത്തെഴുതിയ വിഷയത്തിലാണ് പരാമർശം. ഡാം നിർമാണം കർണാടകത്തിന്‍റെ അധികാര പരിധിയിൽപ്പെട്ട കാര്യമാണ്. തമിഴ്നാടിന് നൽകുന്ന വെള്ളത്തിൽ കുറവ് വരുത്തില്ല. വേണമെങ്കിൽ പദ്ധതി പ്രദേശം സന്ദർശിക്കാമെന്നും ഡികെ പറഞ്ഞു.

മേക്കെദാട്ടു അണക്കെട്ട് പദ്ധതിയുമായി ബന്ധപ്പെട്ട് കേന്ദ്ര സർക്കാർ ഉദ്യോഗസ്ഥർ നടത്തിയതായി പറയപ്പെടുന്ന സൈറ്റ് സന്ദർശനത്തിൽ തമിഴ്‌നാട് മുഖ്യമന്ത്രി സി ജോസഫ് വിജയ് ആശങ്ക രേഖപ്പെടുത്തിയിരുന്നു. ഇതുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിക്ക് അദ്ദേഹം കത്തയച്ചിരുന്നു. കാവേരി നദീജല പങ്കിടലിൽ സംസ്ഥാനങ്ങളുടെ അനുമതിയില്ലാതെ പദ്ധതിക്ക് യാതൊരുവിധ സ്റ്റാറ്റ്യൂട്ടറി അല്ലെങ്കിൽ അഡ്മിനിസ്ട്രേറ്റീവ് അനുമതികളും നൽകരുതെന്ന് അദ്ദേഹം ആവശ്യപ്പെട്ടു.

കാവേരി ഡെൽറ്റ മേഖലയിലെ കർഷകർ ഇതിനോടകം തന്നെ കടുത്ത ജലക്ഷാമത്തെ തുടർന്ന് ബുദ്ധിമുട്ടിലാണെന്നും ഇതിനിടയിൽ കേന്ദ്ര ഉദ്യോഗസ്ഥരുടെ ഭാഗത്തുനിന്നുള്ള ഇത്തരം നീക്കങ്ങൾ ആശങ്ക വർദ്ധിപ്പിക്കുന്നുണ്ടെന്നും കത്തിലൂടെ ചൂണ്ടിക്കാണിച്ചു. 2026-27 വർഷത്തിലെ ജലക്ഷാമത്തിനിടയിലും കർണാടക തമിഴ്‌നാടിനുള്ള അർഹമായ ജലം നൽകാൻ തയ്യാറാകുന്നില്ലെന്നും, സുപ്രീം കോടതി വിധിച്ച പ്രകാരമുള്ള ജലവിതരണം ഉറപ്പാക്കേണ്ടത് അത്യാവശ്യമാണെന്നും മുഖ്യമന്ത്രി വ്യക്തമാക്കി.

കർണാടക സർക്കാരിന്‍റെ മേക്കെദാട്ടു പദ്ധതിയുമായി ബന്ധപ്പെട്ട വിശദമായ പദ്ധതി രേഖകൾ പരിശോധിക്കുന്നതും കേന്ദ്ര ഏജൻസികളുടെ സൈറ്റ് സന്ദർശനങ്ങളും ഈ ഘട്ടത്തിൽ അനുചിതമാണെന്ന് അദ്ദേഹം കത്തിൽ ചൂണ്ടിക്കാണിച്ചു. കാവേരി നദിക്ക് കുറുകെ 67.16 ടിഎംസി വലിയ സംഭരണശേഷിയിൽ അണക്കെട്ട് നിർമ്മിക്കാനുള്ള കർണാടകയുടെ നീക്കം തമിഴ്‌നാട്ടിലേക്കുള്ള ജലമൊഴുക്കിനെ സാരമായി ബാധിക്കുമെന്നും സുപ്രീം കോടതി ഉത്തരവുകളുടെ ലംഘനമാണെന്നും വിജയ് ഓർമ്മിപ്പിച്ചു.

പദ്ധതിയുമായി ബന്ധപ്പെട്ട് കേന്ദ്ര മന്ത്രാലയങ്ങൾ നടത്തുന്ന എല്ലാത്തരം പരിശോധനകളും ക്ലിയറൻസുകളും നിർത്തിവയ്ക്കണമെന്നും, കീഴ്വഴക്കങ്ങൾ പാലിച്ച് മറ്റ് സംസ്ഥാനങ്ങളുടെ അനുമതി ഇല്ലാതെ കർണാടക പദ്ധതിയുമായി മുന്നോട്ടുപോകുന്നത് തടയണമെന്നും പ്രധാനമന്ത്രിയോട് അദ്ദേഹം അഭ്യർത്ഥിച്ചു. മേക്കെദാട്ടു വിഷയത്തിൽ തമിഴ്‌നാട് നിയമസഭ പാസാക്കിയ പ്രമേയവും, സുപ്രീം കോടതിയിലും ദേശീയ ഹരിത ട്രിബ്യൂണലിലും ഫയൽ ചെയ്ത കേസുകളും കത്തിൽ ചൂണ്ടിക്കാണിച്ചിട്ടുണ്ട്.

യോഗി ബാബുവും അജു വർഗീസും ഒന്നിക്കുന്ന തമിഴ് ചിത്രം വരുന്നു

Web Desk — Mon, 09 Nov 2026 17:08:25 +0530

യോഗി ബാബുവും അജു വര്‍ഗീസും കേന്ദ്ര കഥാപാത്രങ്ങളെ അവതരിപ്പിക്കുന്ന തമിഴ് ചിത്രം വരുന്നു. മോഹന്‍ലാല്‍ നായകനായി 2019 ല്‍ പുറത്തെത്തിയ ഇട്ടിമാണി മേഡ് ഇന്‍ ചൈനയുടെ സംവിധായകരില്‍ ഒരാളായ ജോജു ആലുക്കയാണ് ചിത്രത്തിന്‍റെ സംവിധാനം. ജോജുവിന്‍റേത് തന്നെയാണ് കഥ. അദ്ദേഹത്തിന്‍റെ ആദ്യ തമിഴ് ചിത്രവുമാണ് ഇത്.

പർണ്ണവി പിക്‌ചേഴ്‌സിന്റെ ബാനറിൽ നിർമ്മിക്കുന്ന ഈ ചിത്രം 2027 ജനുവരി മാസത്തിൽ കഞ്ചിക്കോട്, പൊള്ളാച്ചി, ചെന്നൈ, മലേഷ്യ എന്നീ സ്ഥലങ്ങളിലായി ചിത്രീകരണം ആരംഭിക്കുമെന്ന് ചിത്രത്തിന്റെ അണിയറപ്രവർത്തകർ അറിയിച്ചു. പി ആർ ഒ- എ എസ് ദിനേശ്.

ജിബി- ജോജു എന്നീ ഇരട്ട സംവിധായകരാണ് ഇട്ടിമാണി മേഡ് ഇന്‍ ചൈന എന്ന ചിത്രം ഒരുക്കിയത്. മോഹന്‍ലാല്‍ ഇരട്ട വേഷത്തില്‍ എത്തിയ ചിത്രത്തില്‍ രാധിക ശരത്കുമാര്, സിദ്ദിഖ്, ഹണി റോസ്, കെപിഎസി ലളിത, അജു വര്‍ഗീസ്, സലിം കുമാര്‍, ഹരീഷ് പേരടി എന്നിങ്ങനെ വലിയ താരനിരയും ഉണ്ടായിരുന്നു.

സിയാലിൻ്റെ മൂന്നാമത്തെ ബാറിന് അനുമതി ഇല്ല; ലൈസൻസ് നൽകിയ സാംബശിവ റാവുവിൻ്റെ നടപടി റദ്ദാക്കി സർക്കാർ

Aishwarya S Babu — Mon, 09 Nov 2026 16:38:59 +0530

തിരുവനന്തപുരം: സംസ്ഥാനത്ത് പുതിയ ബാറുകൾക്ക് ലൈസൻസ് അനുവദിച്ച മുൻ എക്സൈസ് കമ്മീഷണർ സീറാം സാംബശിവ റാവുവിൻ്റെ നടപടി സർക്കാർ റദ്ദാക്കി. സിയാലിൻ്റെ മൂന്നാമത്തെ ബാറിന് ലൈസൻസ് അനുവദിച്ചുകൊണ്ടുള്ള ഉത്തരവാണ് റദ്ദാക്കിയത്. കമ്മീഷണർ അനുമതി നൽകിയെങ്കിലും സർക്കാർ എതിർപ്പുയർത്തിയതിനാൽ ഉത്തരവായി പുറത്തിറങ്ങിയിരുന്നില്ല.

എറണാകുളത്ത് രണ്ടും കോട്ടയത്ത് ഒന്നും ബിയർപാലറിന് വിദേശ മദ്യവിൽപ്പനക്കുള്ള ലൈസൻസ് നൽകിയ എക്സൈസ് ഉദ്യോഗസ്ഥരുടെ നടപടിയിൽ എക്സൈസ് മന്ത്രി കർശന നിലപാടുമായി മുന്നോട്ട് പോകുന്നതിനിടെയാണ് സംസ്ഥാനത്ത് പുതിയ രണ്ട് ബാറുകൾക്ക് കൂടി ലൈസൻസ് അനുവദിച്ചിട്ടുണ്ടെന്ന വാർത്ത ഏഷ്യാനെറ്റ് ന്യൂസ് പുറത്ത് വിടുന്നത്. നെടുമ്പാശേരി വിമാനത്താവളത്തിലെ ഡൊമസ്റ്റിക് ലോഞ്ചിലെ രണ്ട് പുതിയ ബാറിനാണ് ലൈസൻസ് നൽകിത്. ട്രാവൽ ഫുഡ് സർവ്വീസസ് ലിമിറ്റഡ് എന്ന കമ്പനിയുടെ അപേക്ഷ പരിഗണിച്ച് എയർപോർട്ട് ലോഞ്ചുകളിൽ നൽകുന്ന എഫ്എൽ 7 ലൈസൻസ് അനുവദിച്ച് സാംബശിവ റാവു ആയിരുന്നു ഉത്തരവിറക്കിയത്. ഇതിനെ തുടർന്ന് സാംബശിവ റാവുവിനെ പുറത്താക്കുകയായിരുന്നു.

ഏഴാമത് കമറുദ്ദീൻ സ്‌മാരക പരിസ്ഥിതി പുരസ്‌കാരം എൻ ബാദുഷയ്ക്ക്

Sreekutty Chandran — Mon, 09 Nov 2026 16:29:53 +0530

തിരുവനന്തപുരം: അന്തരിച്ച പ്രമുഖ പരിസ്ഥിതി പ്രവർത്തകനും കേരള സർവകലാശാല സസ്യശാസ്ത്ര വിഭാഗം മുൻ റീഡറുമായിരുന്ന ഡോ. കമറുദ്ദീന്‍റെ ഓർമയ്ക്കായി ഡോ. ഖമറുദ്ദീൻ ഫൗണ്ടേഷൻ ഫോർ ബയോഡൈവേഴ്സിറ്റി കൺസർവേഷൻ ഏർപ്പെടുത്തിയ ഏഴാമത് പരിസ്ഥിതി പുരസ്‌കാരത്തിന് വയനാടിന്റെ പാരിസ്ഥിതിക പൈതൃക സംരക്ഷകൻ എൻ. ബാദുഷ അർഹനായി. 25,000 രൂപയും പ്രശസ്തി പത്രവും പ്രശംസാഫലകവും അടങ്ങിയതാണ് പുരസ്കാരം.

ലഭിച്ച നാമനിർദേശങ്ങളിൽ ഭൂരിഭാഗവും ജൈവവൈവിധ്യ സംരക്ഷണ മേഖലയിൽ നിന്നുള്ളവയായിരുന്നുവെന്ന് ജൂറി വിലയിരുത്തി. എന്നാൽ, സർക്കാർ സംവിധാനങ്ങളുടെയോ ഔദ്യോഗിക സൗകര്യങ്ങളുടെയോ സഹായമില്ലാതെ സ്വന്തം പരിശ്രമത്തിലൂടെ ജൈവവൈവിധ്യ സംരക്ഷണത്തിലും പരിപോഷണത്തിലും മാതൃകാപരമായി മുന്നിട്ടുനിൽക്കുന്ന നിസ്വാർത്ഥ പരിസ്ഥിതി പ്രവർത്തകരെയാണ് ഈ വർഷത്തെ പുരസ്‌കാരത്തിനായി പരിഗണിച്ചത്. ഈ പ്രവർത്തനമികവ് കണക്കിലെടുത്താണ് 2026-ലെ പുരസ്‌കാര ജേതാവായി എൻ. ബാദുഷയെ ഏകകണ്ഠമായി തെരഞ്ഞെടുത്തതെന്ന് ജൂറി ചെയർമാൻ ഡോ. എഫ്. ജോർജ് ഡിക്രൂസ്, അംഗങ്ങളായ ഡോ. സുഹറാബീവി, ഡോ. മധുസൂദനൻ പിള്ള, ഒ. വി. ഉഷ എന്നിവർ പ്രഖ്യാപിച്ചു.

വയനാടിന്റെ പ്രകൃതിയും പരിസ്ഥിതിയും സംരക്ഷിക്കാൻ പതിറ്റാണ്ടുകളായി പ്രക്ഷോഭ രംഗത്തുള്ള വ്യക്തിയാണ് എൻ. ബാദുഷ. 1976-ൽ ചന്ദനക്കൊള്ളയ്ക്കും ആനവേട്ടയ്ക്കും 22 ആദിവാസികൾ ഉൾപ്പെടെ കൊല്ലപ്പെട്ട സംഭവത്തിനുമെതിരെ നടന്ന പ്രക്ഷോഭങ്ങളിലൂടെയാണ് അദ്ദേഹം ശ്രദ്ധേയനാകുന്നത്. സംസ്ഥാനത്തുടനീളം നടന്ന 'ക്ലിയർ ഫെല്ലിംഗി'നെതിരെയുള്ള ജനകീയ സമരം, ഉയർന്ന മലനിരകളിൽ അക്കേഷ്യയും യൂക്കാലിപ്റ്റസും നടുന്നതിനെതിരായ സമരവും അതിനെത്തുടർന്നുള്ള ജയിൽവാസവും, മാവൂർ ഗ്വാളിയോർ റയൺസിന് വേണ്ടി മുള മുറിക്കുന്നതിനെതിരെയുള്ള പ്രതിഷേധം എന്നിവ അദ്ദേഹത്തിന്റെ പോരാട്ടവീര്യത്തിന് ഉദാഹരണങ്ങളാണ്.

ആദിവാസികൾക്കിടയിൽ പടർന്നുപിടിച്ച കുഷ്ഠരോഗവും ക്ഷയരോഗവും സർക്കാരിന്റെ ശ്രദ്ധയിൽ കൊണ്ടുവരുന്നതിലും അദ്ദേഹം പ്രധാന പങ്കുവഹിച്ചു. ആദിവാസികൾക്ക് പതിച്ചുനൽകാൻ ഉത്തരവായ സുഗന്ധഗിരിയിലെ 3,000 ഏക്കർ ഭൂമി മറ്റ് സ്ഥാപനങ്ങൾക്ക് നൽകുന്നതിനെതിരെയും, ചരിത്രപ്രസിദ്ധമായ എടക്കൽ ഗുഹയെ കരിങ്കൽ മാഫിയയിൽ നിന്ന് സംരക്ഷിക്കുന്നതിനുമായി അദ്ദേഹം ശക്തമായ നിയമപോരാട്ടങ്ങൾ നടത്തി. വയനാട്ടിലെ അനധികൃത ക്വാറികൾക്കും നിയമവിരുദ്ധ ആനപിടുത്തത്തിനുമെതിരെ കോടതിയെ സമീപിച്ച ബാദുഷ, ബന്ദിപ്പൂർ ടൈഗർ റിസർവിലൂടെയുള്ള രാത്രിയാത്രാ നിരോധനത്തിനായി കർണാടക ഹൈക്കോടതിയിലും പോരാടി. ഡോ. കമറുദ്ദീനും പങ്കാളിയായ, നെല്ലിയാമ്പതിയിലെ 4,800 ഏക്കർ കാലാവധി കഴിഞ്ഞ പാട്ടഭൂമി തിരിച്ചുപിടിപ്പിച്ച സമരത്തിലും അദ്ദേഹം സജീവമായിരുന്നു.

വയനാട് വന്യജീവി സങ്കേതത്തിൽ ഒറ്റപ്പെട്ടുപോയ കർഷകരെ മാറ്റിപ്പാർപ്പിക്കാനുള്ള പോരാട്ടത്തിനൊടുവിൽ, കേന്ദ്ര പരിസ്ഥിതി-വനം മന്ത്രാലയത്തിന്റെ ധനസഹായത്തോടെ 14 ഗ്രാമങ്ങളിലെ 800 കർഷക കുടുംബങ്ങളെ വിജയകരമായി പുനരധിവസിപ്പിക്കാൻ അദ്ദേഹത്തിന് കഴിഞ്ഞു. നിലവിൽ തുരങ്കപ്പാതയ്ക്കെതിരെ ഹൈക്കോടതിയിലും സുപ്രീം കോടതിയിലും കേസ് നടത്തുകയും വയനാട്ടിലെ അനിയന്ത്രിത ടൂറിസത്തിനെതിരെ നിരന്തരം ശബ്ദമുയർത്തുകയും ചെയ്യുന്ന ബാദുഷ; കർഷകൻ, സംഘാടകൻ, ഹർജിക്കാരൻ, എഴുത്തുകാരൻ, പ്രസ്ഥാന നിർമാതാവ് എന്നീ നിലകളിലെല്ലാം മാതൃകാപരമായ സേവനമാണ് കാഴ്ചവയ്ക്കുന്നത്.

പരിസ്ഥിതി സംരക്ഷണത്തിലെ ആജീവനാന്ത സമർപ്പണത്തിന് 2012-ൽ സാങ്ച്വറി നേച്ചർ ഫൗണ്ടേഷന്റെ 'വൈൽഡ് ലൈഫ് സർവീസ് അവാർഡും', 2014-ൽ സാഹിത്യകാരൻ എം.ടി. വാസുദേവൻ നായരിൽ നിന്ന് കൂട് മാസികയുടെ ആദ്യ 'പ്രകൃതി മിത്ര അവാർഡും' അദ്ദേഹത്തിന് ലഭിച്ചിട്ടുണ്ട്. 2026 നവംബർ 13 വെള്ളിയാഴ്ച രാവിലെ 10 മണിക്ക് കാര്യവട്ടം സിഎൽഐഎഫ്, സി.വി. രാമൻ ഹാളിൽ നടക്കുന്ന ചടങ്ങിൽ ഗതാഗത വകുപ്പ് മന്ത്രി സി. പി. ജോൺ പുരസ്‌കാരം സമ്മാനിക്കും. സംസ്ഥാന ഉന്നത വിദ്യാഭ്യാസ കൗൺസിൽ വൈസ് ചെയർമാൻ പ്രൊഫ. അച്യുത് ശങ്കർ ചടങ്ങിൽ മുഖ്യപ്രഭാഷണം നടത്തും.

പസഫിക് സമുദ്രത്തിൽ 9 മണിക്കൂർ; വീണത് ക്രൂയിസ് ഷിപ്പില്‍ നിന്ന്? പിയാനിസ്റ്റിനെ രക്ഷപ്പെടുത്തി മത്സ്യത്തൊഴിലാളികൾ

Web Desk — Mon, 09 Nov 2026 16:03:37 +0530

അമേരിക്കയിലെ കാലിഫോർണിയ തീരത്തുനിന്ന് ഏകദേശം 20 മൈൽ അകലെ പസഫിക് സമുദ്രത്തിൽ ഒൻപത് മണിക്കൂറോളം അകപ്പെട്ടുപോയ ക്രൂയിസ് കപ്പലിലെ പിയാനിസ്റ്റിനെ മത്സ്യത്തൊഴിലാളികൾ അത്ഭുതകരമായി രക്ഷപ്പെടുത്തി. മത്സ്യബന്ധനം കഴിഞ്ഞ് മടങ്ങുകയായിരുന്ന രണ്ടുപേരാണ് കടലിൽ ഇയാളെ കണ്ടെത്തിയത്.

നവംബർ ആറിനായിരുന്നു സംഭവം. ലോസ് ആഞ്ചലസ് കൗണ്ടിയിലെ കാറ്റലീന ദ്വീപിന് സമീപം മാർലിൻ മത്സ്യങ്ങളെ പിടിക്കാൻ പോയ സീൻ നോർട്ടൺ, ഗ്രാന്റ് ഗാരറ്റ് എന്നിവർ മടങ്ങുമ്പോഴാണ് കടലിൽ ഒരാൾ കിടക്കുന്നത് ബോട്ടിന്റെ ക്യാപ്റ്റന്റെ ശ്രദ്ധയിൽപ്പെടുന്നത്. തുടർന്ന് ബോട്ട് നിർത്തി പരിശോധിച്ചപ്പോഴാണ് നീന്താൻ പോലും കഴിയാത്ത അവസ്ഥയിൽ പ്രയാസപ്പെടുന്നയാളെ കണ്ടത്. ഇവർ ഉടൻതന്നെ ഇയാളുടെ ഇരുകൈകളിലും പിടിച്ച് ബോട്ടിലേക്ക് വലിച്ചുകയറ്റുകയായിരുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പിന്നാലെ അടിയന്തര സന്ദേശം കൈമാറുകയും ന്യൂപോർട്ട് ബീച്ചിലെ ലൈഫ് ഗാർഡുകൾ സ്ഥലത്തെത്തി തുടർസഹായങ്ങൾ നൽകുകയും ചെയ്തു. ഉടൻതന്നെ ആശുപത്രിയിലെത്തിച്ച ഇയാൾ അപകടനില തരണം ചെയ്തതായി യുഎസ് കോസ്റ്റ് ഗാർഡ് അറിയിച്ചു. മിയാമി ആസ്ഥാനമായി പ്രവർത്തിക്കുന്ന റോയൽ കരീബിയൻ കമ്പനിയുടെ 'ഒവേഷൻ ഓഫ് ദ സീസ്' എന്ന ക്രൂയിസ് കപ്പലിലെ പിയാനിസ്റ്റാണ് രക്ഷപ്പെട്ട വ്യക്തി.

രക്ഷപ്പെടുത്തിയപ്പോൾ കടുത്ത ആഘാതത്തിലായിരുന്ന ഇയാൾ, കൈപിടിച്ച് കയറ്റിയപ്പോൾ നന്ദി പറഞ്ഞു, ഞാൻ മരിച്ചുപോകുമെന്ന് കരുതി എന്നും ഇയാൾ പറഞ്ഞതായും രക്ഷാപ്രവർത്തകർ പറഞ്ഞു. തീരത്തുനിന്ന് ഏറെ അകലെ സമുദ്രത്തിന്റെ നടുവിലാണ് ഇയാൾ ഉണ്ടായിരുന്നതെന്ന് ന്യൂപോർട്ട് ബീച്ച് ലൈഫ് ഗാർഡ് ബറ്റാലിയൻ ചീഫ് ആദം യസെൻഡ വ്യക്തമാക്കി.

സംഭവം സ്ഥിരീകരിച്ച റോയൽ കരീബിയൻ ഗ്രൂപ്പ് തങ്ങളുടെ ജീവനക്കാരന് ആവശ്യമായ എല്ലാ സഹായങ്ങളും നൽകിവരികയാണെന്ന് അറിയിച്ചു. ഇദ്ദേഹത്തിന്റെ സ്വകാര്യത മാനിച്ച് കൂടുതൽ വിവരങ്ങൾ പുറത്തുവിട്ടിട്ടില്ല. പിയാനിസ്റ്റ് എങ്ങനെയാണ് കപ്പലിൽനിന്ന് കടലിലേക്ക് വീണതെന്ന കാര്യത്തിൽ യുഎസ് കോസ്റ്റ് ഗാർഡ് അന്വേഷണം നടത്തിവരികയാണ്.

എസ്ഐആറിൽ യുപിയിൽ 1.27 കോടി ഹിന്ദു വോട്ടർമാരെ ഒഴിവാക്കിയെന്ന് യോഗി ആദിത്യനാഥ്; പരാജയഭീതി കാരണമുള്ള വിചിത്രവാദമെന്ന് സമാജ് വാദി പാർട്ടി

Web Desk — Mon, 09 Nov 2026 16:00:45 +0530

ലഖ്നൗ: ഉത്തർപ്രദേശിൽ 1.27 കോടി ഹിന്ദു വോട്ടർമാരെ എസ്ഐആറിൽ ഒഴിവാക്കിയെന്ന മുഖ്യമന്ത്രി യോഗി ആദിത്യനാഥിന്റെ ആരോപണത്തോട് പ്രതികരിക്കാതെ തെരഞ്ഞെടുപ്പ് കമ്മീഷൻ. നുഴഞ്ഞുകയറ്റക്കാരെ ഉൾപ്പെടുത്തിക്കൊണ്ട് ഹിന്ദുക്കളെ ഒഴിവാക്കി എന്നാണ് യോഗി ആദിത്യനാഥ് കഴിഞ്ഞ ദിവസം ഒരു അഭിമുഖത്തിൽ ആരോപിച്ചത്. അതേസമയം, തോൽവി മുന്നിൽ കണ്ടാണ് യോഗി ആദിത്യനാഥ് ഈ വിചിത്ര വാദം ഉന്നയിക്കുന്നതെന്ന് സമാജ് വാദി പാർട്ടി പ്രതികരിച്ചു.

എസ്ഐആറിൽ രാജ്യത്തൊകമാനം 13 കോടി വോട്ടർമാരെ ഒഴിവാക്കിയതിന്റെ കണക്കുകൾ ബിജെപി നേതാക്കൾ എല്ലാ പദയാത്രകളിലും പറയുന്നുണ്ട്. ഒഴിവാക്കിയതിൽ മൂന്ന് കോടി ബംഗ്ലാദേശി നുഴഞ്ഞുകയറ്റക്കാരാണ് എന്നാണ് അമിത് ഷാ ഹരിയാനയിലും തെലങ്കാനയിലും വ്യക്തമാക്കിയത്. 13 കോടി പേർ ഒഴിവായതിനെ അമിത് ഷാ ന്യായീകരിക്കുമ്പോഴാണ് ഉത്തർപ്രദേശിൽ ഹിന്ദുക്കളെയാണ് ഒഴിവാക്കിയത് എന്ന വാദം മുഖ്യമന്ത്രി യോഗി ആദിത്യനാഥ് ഉയർത്തുന്നത്.

ഉത്തർപ്രദേശിൽ എസ്ഐആർ അന്തിമ പട്ടിക വന്നപ്പോൾ വോട്ടർമാരുടെ എണ്ണത്തിൽ രണ്ട് കോടിയുടെ ഇടിവുണ്ടായിരുന്നു. മരിച്ചുപോയവരുടെ എണ്ണം 40 ലക്ഷം ആണ്. ബാക്കി ഒഴിവായവരിൽ 1 കോടി 27 ലക്ഷം ഹിന്ദുക്കളാണ് എന്നാണ് മുഖ്യമന്ത്രി യോഗി ആദിത്യനാഥ് തുടർച്ചയായി ആരോപിക്കുന്നത്. കഴിഞ്ഞ ദിവസം ഒരു സ്വകാര്യ ടെലിവിഷൻ ചാനലിന് നൽകിയ അഭിമുഖത്തിലും യോഗി ഈ ആരോപണം ആവർത്തിച്ചു. ഉത്തർപ്രദേശിലെ കരട് പട്ടികയിൽനിന്ന് 1.27 കോടി ഹിന്ദു വോട്ടർമാരെ ഒഴിവാക്കിയെന്നും എന്നാൽ, മുസ്ലീം വോട്ടർമാരുടെ എണ്ണം 1.65% വർധിച്ചെന്നുമാണ് യോഗി ആദിത്യനാഥ് പറഞ്ഞത്. എന്തുകൊണ്ടാണ് അഖിലേഷ് യാദവ് എസ്ഐആർ പിൻവലിക്കണമെന്ന് ആവശ്യപ്പെടാത്തതെന്നും മുസ്ലീംവോട്ടർമാരുടെ എണ്ണം വർധിച്ചതാണ് അതിന് കാരണമെന്നും യോഗി പറഞ്ഞു. തെരഞ്ഞെടുപ്പ് കമ്മീഷന് ഇക്കാര്യത്തിൽ പരാതി നൽകിയിട്ടുണ്ടെന്നും യോഗി ആദിത്യനാഥ് പറഞ്ഞു. വോട്ടർമാരെ ഒഴിവാക്കിയതിൽ ഗൂഢാലോചന നടന്നു എന്നും യോഗി ആദിത്യനാഥ് ആരോപിക്കുന്നു.

അതേസമയം, സംസ്ഥാന സർക്കാർ ഉദ്യോഗസ്ഥർ ഇടപെട്ട് നടത്തിയ എസ്ഐആറിൽ ആര് ഗൂഢാലോചന നടത്തിയെന്ന് യോഗി വ്യക്തമാക്കണമെന്ന് സമാജ്‌വാദി പാർട്ടി പ്രതികരിച്ചു. കൂടുതൽ ന്യൂനപക്ഷ വോട്ടർമാരെ ലിസ്റ്റിൽ നിന്ന് ഒഴിവാക്കാനുള്ള തന്ത്രമാണിതെന്നും സമാജ്‌വാദി പാർട്ടി ആരോപിച്ചു. യോഗി ആദിത്യനാഥിന്റെ ആരോപണത്തോട് തെരഞ്ഞെടുപ്പ് കമ്മീഷൻ പ്രതികരിച്ചിട്ടില്ല. എസ്‌ഐആർ പൂർത്തിയായായ എല്ലാ സംസ്ഥാനങ്ങളിലും സാധാരണ വോട്ടർ പട്ടിക പുതുക്കൽ തുടങ്ങിക്കഴിഞ്ഞെന്നും വിട്ടുപോയവർക്ക് തിരിച്ചു ചേർക്കാൻ അപേക്ഷ നൽകാവുന്നതാണെന്നും കമ്മീഷൻ ഉദ്യോഗസ്ഥർ പറയുന്നു. എസ്‌ഐആറിന് ശേഷം ഉത്തർപ്രദേശിലെ മുസ്ലിം വോട്ടർമാരുടെ എണ്ണം 1.85% കൂടി എന്ന റിപ്പോർട്ടുകൾ വന്നിരുന്നു. മതം തിരിച്ചുള്ള കണക്ക് തിരഞ്ഞെടുപ്പ് കമ്മീഷൻ നൽകാത്ത സാഹചര്യത്തിൽ ഹിന്ദുക്കളെ ഒഴിവാക്കി എന്ന വിവരം യോഗി ആദിത്യനാഥിന് എവിടെ നിന്ന് കിട്ടി എന്ന ചോദ്യവും പ്രതിപക്ഷം ഉയർത്തുകയാണ്.

ചൈനീസ് ചാര വനിതയുമായുള്ള ബന്ധം, തെറ്റ് പറ്റിയെന്ന് തുറന്നുസമ്മതിച്ച് എൻവീഡിയ സിഇഒ; രഹസ്യങ്ങൾ ചോർന്നോ എന്നതിൽ അന്വേഷണം

Bibin Babu — Mon, 09 Nov 2026 15:57:10 +0530

വാഷിംഗ്ടൺ: ചൈനീസ് ചാര വനിതയുമായുള്ള ബന്ധത്തിൽ അമേരിക്കൻ ചിപ് നിർമ്മാണ കമ്പനി എൻവീഡിയയുടെ മേധാവിക്കെതിരെ അന്വേഷണം. രഹസ്യങ്ങൾ ചോർന്നോ എന്നതിലടക്കമാണ് അന്വേഷണം. ആലീസ് ഹുവാങ് എന്ന സ്ത്രീയുമായി വിവാഹേതര ബന്ധം ഉണ്ടായിരുന്നെന്ന് ബോർഡിന് മുന്നിൽ ജെൻസൻ ഹുവാങ് തുറന്ന് സമ്മതിച്ചിരുന്നു. എൻവീഡിയയുടെ ചിപ് നിർമാണ വിദ്യ ചോർത്താൻ ശ്രമിച്ചെന്ന് കണ്ടെത്തിയത് അമേരിക്കൻ രഹസ്യാന്വേഷണ ഏജൻസികളാണ്.

ചൈനീസ് ചാരവനിതയുമായി ബന്ധം പുലർത്തിയ എൻവീഡീയയുടെ സിഇഒയ്ക്ക് എതിരെ കമ്പനി ആഭ്യന്തര അന്വേഷണം പ്രഖ്യാപിച്ചിട്ടുണ്ട്. 33 വർഷമായി കമ്പനിയുടെ സിഇഒയാണ് ജെൻസൻ ഹുവാങ്. ഇദ്ദേഹത്തിൽ നിന്ന് ഏതെല്ലാം വിവരങ്ങൾ ചോർന്നു എന്ന വിവരങ്ങൾ അന്വേഷിക്കും. സെൻസിറ്റീവായ വിവരങ്ങൾ ചോർന്നിട്ടില്ല എന്നാണ് കമ്പനിയുടെ പ്രാഥമിക നിഗമനം. ആലീസ് ഹുവാങ് എന്ന ചൈനീസ് ചാര വനിതയുമായി ബന്ധമുണ്ടായിരുന്നു എന്ന് തുറന്ന് സമ്മതിച്ചുകൊണ്ടുള്ള ഹുവാങിന്‍റെ വാർത്താക്കുറിപ്പ് ഇതിനിടെ പുറത്ത് വന്നിരുന്നു.

തെറ്റ് പറ്റിയെന്നും ഭാര്യയോടും മക്കളോടും മാപ്പ് പറയുന്നു എന്നും വിശദീകരിച്ച ഹുവാങ് ഏത് അന്വേഷണത്തിനും തയാറാണെന്നും വാർത്താക്കുറിപ്പിൽ പറയുന്നുണ്ട്. ഹുവാങിൽ നിന്ന് നിർണായക വിവരങ്ങൾ ചോർത്തപ്പെട്ടിട്ടില്ല എന്നാണ് എൻവീഡിയയുടെ നിഗമനം. എഐ ടെക് ലോകത്തെ സുപ്രധാന ചിപ്പ്, പ്രോസസർ നിർമാതാക്കളാണ് എൻവീഡിയ. ഓപ്പൺ എഐയും മെറ്റയും അടക്കം ഉപയോഗിക്കുന്നത് എൻവീഡിയ പ്രോസസറുകളാണ്. ഈ ടെക്നോളജി ചോർത്താൻ ശ്രമിച്ചെന്നാണ് യുഎസ് രഹസ്യാന്വേഷണ ഏജൻസികൾ കണ്ടെത്തിയത്. സിംഗപ്പൂർ ആസ്ഥാനമായ ഒരു സ്റ്റാർട്ടപ്പിന്‍റെ മേധാവിയാണ് ആലിസ് ഹുവാങ്. ആലിസ് വഴി ചൈന എൻവീഡിയയുടെ ടെക് രഹസ്യം ചോർത്താൻ ശ്രമിച്ചെന്നാണ് സിഐഎയുടെ കണ്ടെത്തൽ.

തെരുവ് ഗുണ്ടയെപ്പോലെയാണ് മോദി സർക്കാർ പെരുമാറുന്നത്: എംവി രാഘവൻ അനുസ്മരണത്തിൽ രൂക്ഷ വിമര്‍ശനവുമായി എംഎ ബേബി

Prabeesh PP — Mon, 09 Nov 2026 15:56:22 +0530

തിരുവനന്തപുരം: കേന്ദ്രത്തിലെ നരേന്ദ്ര മോദി സർക്കാരിനെതിരെ രൂക്ഷ വിമർശനവുമായി സിപിഎം നേതാവ് എംഎ ബേബി. എം.വി. രാഘവൻ അനുസ്മരണ ചടങ്ങിൽ സംസാരിക്കുകയായിരുന്നു അദ്ദേഹം. കേന്ദ്രത്തിൽ തെരുവ് ഗുണ്ടയെപ്പോലെ പെരുമാറുന്ന സർക്കാരാണ് മോദിയുടേതെന്ന് എം.എ. ബേബി കുറ്റപ്പെടുത്തി. തിരഞ്ഞെടുപ്പ് കമ്മീഷനെ നിയമിക്കാൻ സുപ്രീം കോടതി നൽകിയ നിർദ്ദേശം വലിച്ചുകീറി കളഞ്ഞ സർക്കാരാണ് നരേന്ദ്ര മോദിയുടേത്. ഇത്തരം വിഷയങ്ങളിൽ അതിതീക്ഷ്ണമായ സമരം ഉയർന്നു വരണമെന്നും ഭരണം എവിടെയൊക്കെ ഉണ്ട് ഇല്ല എന്നതൊന്നും ഒരു വിഷയമല്ലെന്നും അദ്ദേഹം വ്യക്തമാക്കി.

തിരഞ്ഞെടുപ്പ് തോൽവിയും സംഘടനാ മികവും

തിരഞ്ഞെടുപ്പ് തോൽവി സംഭവിക്കുമ്പോൾ ജനങ്ങളെ കുറ്റപ്പെടുത്തുകയല്ല വേണ്ടതെന്നും മറിച്ച് 'ഞാൻ എന്ത് ചെയ്തു' എന്നാണ് ആലോചിക്കേണ്ടതെന്നും എം.എ. ബേബി പറഞ്ഞു. അക്കാര്യത്തിൽ എം.വി. രാഘവൻ ഒരു മികച്ച മാതൃകയാണ്. സംഘടനയെ എങ്ങനെ ചലിപ്പിക്കണം എന്നതിൽ അസാധാരണമായ ജ്ഞാനമാണ് എം.വി. രാഘവന് ഉണ്ടായിരുന്നത്.

വിമർശനങ്ങൾക്കുള്ള മറുപടി

എം.വി. രാഘവനെ കുറ്റം പറഞ്ഞു നടന്ന എം.എ. ബേബിക്ക് അദ്ദേഹത്തിന്റെ പേരിലുള്ള അവാർഡ് നൽകുന്നു എന്ന രീതിയിൽ സോഷ്യൽ മീഡിയയിൽ വിമർശനം ഉയരുന്നതിനോടും അദ്ദേഹം പ്രതികരിച്ചു. അത്തരം വിമർശനങ്ങളിലൊന്നും ഒരു കാര്യവുമില്ലെന്ന് എം.എ. ബേബി വ്യക്തമാക്കി. സംഘടനാപരമായ രീതി അനുസരിച്ച് പാർട്ടിക്ക് നടപടികൾ എടുക്കേണ്ടി വന്നിട്ടുണ്ട്. വി.എസ്. അച്യുതാനന്ദൻ മുഖ്യമന്ത്രിയായിരുന്ന സമയത്ത് സ്വാശ്രയ മെഡിക്കൽ കോളേജ് മാനേജ്മെന്റുകളെ സർക്കാരുമായി സഹകരിപ്പിച്ച് മുന്നോട്ട് കൊണ്ടുപോകാൻ എം.വി. രാഘവൻ നിർണ്ണായക പങ്ക് വഹിച്ചിട്ടുണ്ടെന്നും അദ്ദേഹം ഓർമ്മിപ്പിച്ചു.

കടക്കെണിയിലായാല്‍ ഇപിഎഫും പിപിഎഫും ബാങ്കുകള്‍ പിടിച്ചെടുക്കുമോ? നിയമം പറയുന്നത് എന്ത്?

Balu KG — Mon, 09 Nov 2026 15:53:28 +0530

വായ്പ തിരിച്ചടവ് മുടങ്ങുകയോ കടക്കെണിയിലാവുകയോ ചെയ്യുമ്പോള്‍ പലരെയും അലട്ടുന്ന പ്രധാനപ്പെട്ടൊരു സംശയമാണ്, കയ്യിലുള്ള എംപ്ലോയീസ് പ്രൊവിഡന്റ് ഫണ്ട് അക്കൗണ്ടിലെയും പബ്ലിക് പ്രൊവിഡന്റ് ഫണ്ട് അക്കൗണ്ടിലെയും പണം ബാങ്കുകള്‍ക്കോ കടം കൊടുത്തവര്‍ക്കോ ഈടാക്കാന്‍ കഴിയുമോ എന്നത്. എന്നാല്‍, ഈ രണ്ട് റിട്ടയര്‍മെന്റ് സമ്പാദ്യങ്ങള്‍ക്കും നിയമപ്രകാരം വലിയ സുരക്ഷിതത്വമാണ് ഉള്ളത്.

ഇപിഎഫിന് പൂര്‍ണമായ നിയമസുരക്ഷ

എംപ്ലോയീസ് പ്രൊവിഡന്റ് ഫണ്ട് ആന്‍ഡ് മിസെലീനിയസ് പ്രൊവിഷന്‍സ് ആക്ട് സെക്ഷന്‍ 10 പ്രകാരം ഇപിഎഫ് അംഗത്തിന്റെ അക്കൗണ്ടിലുള്ള തുക ഏതെങ്കിലും കടബാധ്യതയ്‌ക്കോ കോടതി ഉത്തരവുകള്‍ക്കോ വേണ്ടി കണ്ടുകെട്ടാന്‍ കഴിയില്ല.

അതായത് ഭവന വായ്പ, പേഴ്‌സണല്‍ ലോണ്‍, ക്രെഡിറ്റ് കാര്‍ഡ് കുടിശിക തുടങ്ങിയ തിരിച്ചടവുകള്‍ മുടങ്ങിയാലും, കടം കൊടുത്തവര്‍ക്ക് നേരിട്ട് ഇ.പി.എഫ് ഓഫീസിനെ സമീപിച്ച് നിങ്ങളുടെ ഇ.പി.എഫ് ബാലന്‍സ് തുക കൈമാറാന്‍ ആവശ്യപ്പെടാനാവില്ല. ഈ നിയമസംരക്ഷണം പെന്‍ഷന്‍, ഇന്‍ഷുറന്‍സ് പദ്ധതികളിലെ ചില തുകകള്‍ക്കും ബാധകമാണ്.

പി പി എഫ് നിക്ഷേപങ്ങളും സുരക്ഷിതം

ഇപിഎഫ് പോലെതന്നെ പിപിഎഫ് അക്കൗണ്ടുകള്‍ക്കും നിയമപരമായ സംരക്ഷണം ലഭിക്കുന്നുണ്ട്. ഗവണ്‍മെന്റ് സേവിങ്‌സ് പ്രൊമോഷന്‍ ആക്ട് സെക്ഷന്‍ 14എ പ്രകാരവും, പി.പി.എഫ് സ്‌കീം പ്രകാരവും കടബാധ്യതകളുടെ പേരില്‍ കോടതി ഉത്തരവിലൂടെ പി.പി.എഫ് അക്കൗണ്ടിലെ പണം കണ്ടുകെട്ടാന്‍ സാധിക്കില്ല.

ഇതിനര്‍ത്ഥം, സാധാരണ കടം വീണ്ടെടുക്കല്‍ നടപടികള്‍ വഴി ആര്‍ക്കും നിങ്ങളുടെ പി.പി.എഫ് ബാലന്‍സ് ഒറ്റയടിക്ക് പിടിച്ചെടുക്കാനാവില്ല എന്നാണ്. അക്കൗണ്ടില്‍ നിന്ന് പണം പിന്‍വലിച്ചാല്‍ സ്ഥിതി മാറും. ഈ നിയമസംരക്ഷണം സംബന്ധിച്ച് ചില പ്രധാന കാര്യങ്ങള്‍ അറിഞ്ഞിരിക്കേണ്ടതുണ്ട്.

അക്കൗണ്ടിനകത്ത് കിടക്കുന്ന പണത്തിന് മാത്രം: ഈ നിയമപരമായ സംരക്ഷണം ഇപിഎഫ് അല്ലെങ്കില്‍ പിപിഎഫ് അക്കൗണ്ടിനുള്ളില്‍ കിടക്കുന്ന പണത്തിന് മാത്രമാണ് ബാധകം.

സാധാരണ അക്കൗണ്ടിലേക്ക് മാറ്റിയാല്‍: അക്കൗണ്ടില്‍ നിന്ന് പണം പിന്‍വലിച്ച് സാധാരണ ബാങ്ക് അക്കൗണ്ടിലേക്ക് മാറ്റിയാല്‍ ഈ പ്രത്യേക സംരക്ഷണം നഷ്ടപ്പെടാം.

മറ്റ് ആസ്തികള്‍: ഈ അക്കൗണ്ടുകളില്‍ നിന്ന് മുമ്പ് പിന്‍വലിച്ച പണം ഉപയോഗിച്ച് വാങ്ങുന്ന മറ്റ് സ്വത്തുക്കള്‍ക്കോ ആസ്തികള്‍ക്കോ ഇതേ സംരക്ഷണം സ്വയം ലഭിക്കണമെന്നില്ല.

സിവില്‍ പ്രൊസിജര്‍ കോഡ് സെക്ഷന്‍ 60 പ്രകാരവും പിഎഫ്, പി.പി.എഫ് നിക്ഷേപങ്ങളെ കടം കണ്ടുകെട്ടുന്നതില്‍ നിന്നും ഒഴിവാക്കിയിട്ടുണ്ട്. എന്നാല്‍ ഈ പ്രത്യേക സംരക്ഷണമില്ലാത്ത മറ്റ് ആസ്തികള്‍ക്കെതിരെ കടക്കാര്‍ക്ക് നിയമപരമായ നടപടികളുമായി മുന്നോട്ടുപോകാം.

സ്വര്‍ണം വാങ്ങാനൊരുങ്ങുകയാണോ? ഹാള്‍മാര്‍ക്കിങ് ചാര്‍ജ് കൂടി ബില്ലില്‍ ശ്രദ്ധിക്കണം, ഹാള്‍മാര്‍ക്കിങ് നിര്‍ബന്ധമില്ലാത്ത സ്വര്‍ണാഭരണങ്ങള്‍

Sangeetha KS — Mon, 09 Nov 2026 15:40:57 +0530

സ്വര്‍ണം വാങ്ങുമ്പോള്‍ തൂക്കം, പരിശുദ്ധി, പണിക്കൂലി, ജിഎസ്ടി എന്നിവയെല്ലാം നാം പരിശോധിക്കാറുണ്ട്. അതേ സമയം തന്നെ ബില്ലില്‍ ഉള്‍പ്പെടുത്തിയിരിക്കുന്ന ഹാള്‍മാര്‍ക്കിങ് ചാര്‍ജും ശ്രദ്ധിക്കണം. 2021ല്‍ സ്വര്‍ണാഭരണങ്ങള്‍ക്കും സ്വര്‍ണത്തില്‍ നിര്‍മിച്ച മറ്റു വസ്തുക്കള്‍ക്കും ബ്യൂറോ ഓഫ് ഇന്ത്യന്‍ സ്റ്റാന്‍ഡേഡ്‌സ് ഹാള്‍മാര്‍ക്കിങ് നിര്‍ബന്ധമാക്കിയിരുന്നു. എന്നാല്‍ ചില വിഭാഗങ്ങളില്‍പ്പെട്ട സ്വര്‍ണ ഉല്‍പന്നങ്ങള്‍ക്ക് ഈ വ്യവസ്ഥയില്‍ ഇളവുണ്ട്. സ്വര്‍ണത്തിന്റെ പരിശുദ്ധിയുമായി ബന്ധപ്പെട്ട തട്ടിപ്പുകളില്‍നിന്ന് ഉപഭോക്താക്കളെ സംരക്ഷിക്കുകയാണ് ഹാള്‍മാര്‍ക്കിങ്ങിന്റെ ലക്ഷ്യം. പണം നല്‍കി വാങ്ങുന്ന സ്വര്‍ണത്തിന് അവകാശപ്പെടുന്ന അതേ പരിശുദ്ധിയുണ്ടെന്ന് ഉറപ്പാക്കുന്ന സര്‍ട്ടിഫിക്കേഷന്‍ സംവിധാനമാണിത്. ഹാള്‍മാര്‍ക്കില്‍ പ്രധാനമായും മൂന്ന് ഘടകങ്ങളാണുള്ളത്.

1. ബിഐഎസ് ലോഗോ.

2. സ്വര്‍ണത്തിന്റെ പരിശുദ്ധി വ്യക്തമാക്കുന്ന അടയാളം

3. ആറക്ക ആല്‍ഫാന്യൂമെറിക് എച്ച്യുഐഡി നമ്പര്‍.

നിര്‍ബന്ധിത ഹാള്‍മാര്‍ക്കിങ്ങില്‍നിന്ന് ഒഴിവാക്കിയിട്ടുള്ളവ

- രണ്ട് ഗ്രാമില്‍ താഴെ തൂക്കമുള്ള സ്വര്‍ണ ഉല്‍പന്നങ്ങള്‍.

- സ്വര്‍ണം ഉപയോഗിച്ച് നിര്‍മിച്ച വാച്ചുകളും ഫൗണ്ടന്‍ പേനകളും.

- ബാറുകള്‍, പ്ലേറ്റുകള്‍, ഷീറ്റുകള്‍, ഫോയിലുകള്‍, കമ്പികള്‍, വയറുകള്‍, സ്ട്രിപ്പുകള്‍, ട്യൂബുകള്‍, നാണയങ്ങള്‍ തുടങ്ങിയ ഏത് രൂപത്തിലുള്ള സ്വര്‍ണ ബുള്ളിയനും.

- സ്വര്‍ണനൂല്‍ ഉപയോഗിച്ച് നിര്‍മിച്ച ഉല്‍പന്നങ്ങള്‍.

- മെഡിക്കല്‍, ഡെന്റല്‍, വെറ്ററിനറി, ശാസ്ത്രീയ, വ്യാവസായിക ആവശ്യങ്ങള്‍ക്കായി നിര്‍മിക്കുന്ന ഉല്‍പന്നങ്ങള്‍.

- പൂര്‍ണമായും നിര്‍മാണം പൂര്‍ത്തിയാകാത്തതും തുടര്‍നിര്‍മാണത്തിനായി ഉദ്ദേശിച്ചിട്ടുള്ളതുമായ ഉല്‍പന്നങ്ങള്‍.

- ബിഐഎസ് ഹാള്‍മാര്‍ക്കിങ് ചട്ടങ്ങള്‍ 2018 പ്രകാരം ഹാള്‍മാര്‍ക്കിങ് നടത്തുന്നതിനായി ഇന്ത്യയ്ക്ക് പുറത്തുനിന്ന് രാജ്യത്തെ ബിഐഎസ് അംഗീകൃത അസേയിങ് ആന്‍ഡ് ഹാള്‍മാര്‍ക്കിങ് സെന്ററിലേക്ക് കൊണ്ടുവരുന്ന ഉല്‍പന്നങ്ങള്‍.

- രാജ്യാന്തര പ്രദര്‍ശനങ്ങളില്‍ പ്രദര്‍ശിപ്പിക്കാനുള്ള ആഭരണങ്ങള്‍.

- സര്‍ക്കാര്‍ ഏജന്‍സിയുടെ അംഗീകാരമുള്ള ആഭ്യന്തര ബിസിനസ്-ടു-ബിസിനസ് പ്രദര്‍ശനങ്ങള്‍ക്കുള്ള ആഭരണങ്ങള്‍.

- വാര്‍ഷിക വിറ്റുവരവ് 40 ലക്ഷം രൂപ വരെയുള്ള ജ്വല്ലറികള്‍.

'നാൽപ്പതാകുമ്പോൾ വിരമിക്കണമെന്ന് വിചാരിച്ചതാണ്, പക്ഷേ ഇനിയും കിടക്കുന്നു സമയം'; വീഡിയോയുമായി രഞ്ജിനി ഹരിദാസ്

Web Desk — Mon, 09 Nov 2026 15:35:34 +0530

നാൽപതുകളിൽ തന്റെ ജീവിതത്തിൽ സംഭവിച്ച മാറ്റങ്ങളെക്കുറിച്ചും താൻ പഠിച്ചതും അനുഭവിച്ചതുമായ കാര്യങ്ങളെക്കുറിച്ചും തുറന്നു സംസാരിച്ച് അവതാരക രഞ്ജിനി ഹരിദാസ്. നാൽപതുകളിൽ തനിക്കു വേണ്ടിയും ഇഷ്ടമുള്ള കാര്യങ്ങൾക്കു വേണ്ടിയും കൂടുതൽ സമയം കണ്ടെത്താൻ തുടങ്ങിയെന്ന് രഞ്ജിനി പറയുന്നു.

''ഇരുപതുകൾ എനിക്ക് വളരെ നല്ലതായിരുന്നു. മുപ്പതുകളിൽ സാമ്പത്തികമായി നല്ലതായിരുന്നു. സമ്പാദിച്ചു, ലോകം കണ്ടു. ചെറിയ പ്രായത്തിൽ ജോലി ചെയ്യാൻ തുടങ്ങിയതാണ് ഞാൻ. വ്യക്തിപരമായ നഷ്ടങ്ങളും വേർപാടുകളും ഞാൻ നേരിട്ടിട്ടുണ്ട്. ജീവിതത്തിലെ നല്ലതും മോശവുമായ അനുഭവങ്ങൾ ഒരു വ്യക്തിയെന്ന നിലയിൽ എന്നെ മെച്ചപ്പെടുത്തി. ഇപ്പോൾ എനിക്ക് കുറേക്കൂടി പക്വതയും ക്ഷമയുമുണ്ട്. നമ്മളെപ്പോഴും നമ്മളെ താരതമ്യം ചെയ്യേണ്ടത് നമ്മളുമായി തന്നെയാണ്. ഇന്നലെയിലെ നമ്മളിൽ നിന്നും ഇന്ന് മെച്ചപ്പെട്ടാൽ നല്ലത്. നാൽപതുകളിലെത്തുമ്പോൾ നമുക്ക് ചുറ്റുമുള്ളതിലെല്ലാം മൂല്യം കാണും. ഏറ്റവും പ്രധാനം നമ്മൾ സ്വയം വില കൽപ്പിക്കും എന്നതാണ്. നമ്മളെത്തന്നെ മനസിലാക്കും. നമുക്ക് ഇഷ്മുള്ള കാര്യങ്ങൾക്കായി കൂടുതൽ സമയം കണ്ടെത്തും. 40 ൽ വിരമിക്കണമെന്ന് വിചാരിച്ച ആളാണ് ഞാൻ. പക്ഷേ, ഇത് ചെറുപ്പമാണല്ലോ ഇനിയും കിടക്കുന്നല്ലോ 10, 20 വർഷം എന്ന് മനസിലാക്കിയത് ഇവിടെ എത്തിയ ശേഷമാണ്.

സാമ്പത്തിക സ്വാതന്ത്ര്യമാണ് പ്രധാനപ്പെട്ട മറ്റൊരു കാര്യം. അതൊരുപാട് സമാധാനം തരും. നമ്മുടെ സമാധാനം സംരക്ഷിക്കാൻ ഒരുപാട് കാര്യങ്ങളിൽ നോ പറയേണ്ടി വരും. പണ്ടും ഞാൻ അങ്ങനെയൊക്കെ തന്നെയായിരുന്നു. മറ്റൊരു കാര്യം 40 കളിൽ ആരെന്ത് പറഞ്ഞാലും കാര്യമാക്കില്ല എന്നതാണ്. എനിക്കിഷ്ടമുള്ള കാര്യങ്ങളിലാണ് അഭിപ്രായം പറയുക. മറ്റൊരാളുടെ താൽപര്യത്തിനല്ല. നമ്മു‍ടെ ജീവിതം ജീവിക്കേണ്ടത് നമ്മളാണ്'', യൂട്യൂബ് ചാനലിൽ പങ്കുവെച്ച വീഡിയോയിൽ രഞ്ജിനി പറഞ്ഞു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

പശ്ചിമേഷ്യയിൽ സമാധാന നീക്കങ്ങൾ ശക്തം; ഖത്തർ പ്രധാനമന്ത്രി അമേരിക്കയിലേക്ക്, ട്രംപുമായി കൂടിക്കാഴ്ച നടത്തും

Gargi Sivaprasad — Mon, 09 Nov 2026 15:32:25 +0530

ദോഹ: സമാധാന ചർച്ചകൾ സംബന്ധിച്ച അനിശ്ചിതത്വങ്ങൾക്കിടെ ഖത്തർ പ്രധാനമന്ത്രി അമേരിക്കൻ പ്രസിഡന്‍റ് ഡോണൾഡ് ട്രംപിനെ കാണും. ഉപാധികൾ അംഗീകരിച്ചാൽ രണ്ട് ദിവസത്തിനകം ഹോർമൂസ് തുറക്കാൻ തയാറെന്ന് ഇറാൻ അറിയിച്ചു. ഇറാനിൽ ഇന്നലെ രാത്രിയിലുണ്ടായ സ്ഫോടനം സംബന്ധിച്ച കൂടുതൽ വിവരങ്ങൾ പുറത്തു വന്നില്ല. ഹൂതികൾക്ക് ആയുധം നൽകുന്നത് നിർത്തണമെന്ന് ഇറാനോട് യെമൻ ആവശ്യപ്പെട്ടു.

സമാധാനമോ സംഘർഷമോ ലോകമാകെ ചോദിക്കുന്നത് അതാണ്. രണ്ടിനും ഒരുപോലെ സാധ്യത നിലനിൽക്കുമ്പോൾ പ്രധാന മധ്യസ്ഥനാകാൻ ഖത്തർ പ്രധാനമന്ത്രി അമേരിക്കയിലെത്തുകയാണ്. ഇറാന്റെ അവസാന സന്ദേശം കൈമാറുകയും ചർച്ചകൾ സാധ്യമാക്കുകയുമാണ് ലക്ഷ്യം. പിന്നാലെ ചൈനീസ് റഷ്യൻ പ്രസിഡന്‍റുമാരുമായി ട്രംപ് ചർച്ച നടത്തും. നേരത്തെ പുറത്തു വന്ന ഒരു സമാധാന ഉപാധിയിൽ ചൈനയാണ് സമാധാന നീക്കങ്ങളുടെ ഭാഗമായ ഉപാധികൾ പാലിക്കുന്നത് ഉറപ്പാക്കുന്ന ഗ്യാരണ്ടർ. പ്രതിസന്ധി തീർക്കാൻ യുറേനിയം തങ്ങൾ സൂക്ഷിക്കാമെന്ന സമവായ ഫോർമുല മുന്നോട്ടു വെച്ച രാജ്യമാണ് റഷ്യ. അതിനാൽ ഈ ചർച്ചകൾ പ്രധാനമാണ്.

അമേരിക്ക ഉപാധികൾ അംഗീകരിച്ചാൽ രണ്ട് ദിവസത്തിനകം ഹോർമൂസ് തുറക്കുന്ന സമാധാന പദ്ധതിയിൽ തന്നെയാണ് ഇറാൻ ഉറച്ചു നിൽക്കുന്നത്. അതിനിടെ ഇറാനെതിരെ മൂന്നാമതൊരു ആക്രമണത്തിന് കൂടി സാധ്യതയുണ്ടെന്ന വിവരം അമേരിക്കൻ സെൻട്രൽ കമാൻഡ് ഇസ്രയേലിനെ ധരിപ്പിച്ചതായി റിപ്പോർട്ടുകൾ പുറത്തു വന്നു. യുദ്ധമുണ്ടായാൽ തീമഴ പെയ്യുമെന്നു ഇറാൻ മുന്നറിയിപ്പ് നൽകി. അതേസമയം യെമനിൽ ഹൂതികൾ സൗദിയെ ആക്രമിക്കുന്നതും സൗദിയുടെ തിരിച്ചടിയും തുടരുകയാണ്.

എഥനോൾ പെട്രോൾ വിവാദം: വിശദമായി വിലയിരുത്താൻ ഉന്നതതല യോഗം വിളിച്ച് പെട്രോളിയം മന്ത്രാലയം

Sumam Thomas — Mon, 09 Nov 2026 15:30:44 +0530

ദില്ലി: എഥനോൾ പെട്രോൾ വിവാദം വിശദമായി വിലയിരുത്താൻ കേന്ദ്രസർക്കാർ. പെട്രോളിയം മന്ത്രാലയം ഇതിനായി ഉന്നതതല യോഗം വിളിച്ചു ചേർക്കും. കോൺഗ്രസ് ഭരിക്കുന്ന സംസ്ഥാനങ്ങളിലെ നീക്കം രാഷ്ട്രീയ ലക്ഷ്യത്തോടെയുള്ളതാണെന്നാണ് കേന്ദ്രസ‌ർക്കാർ കുറ്റപ്പെടുത്തുന്നത്. കർണാടക സർക്കാർ പെട്രോൾ പമ്പുകളിൽ നടത്തിയ പരിശോധനയിൽ 30 ശതമാനത്തിന് മുകളിൽ വരെ പെട്രോളിൽ എഥനോൾ കണ്ടെത്തിയ സംഭവം വലിയ ചർച്ചയായിരിക്കുകയാണ്. പിന്നാലെ കേരളത്തിലും തെലങ്കാന ഹിമാചൽ എന്നീ സംസ്ഥാനങ്ങളിലും പരിശോധനക്ക് നിർദേശം നൽകിയതിന് പിന്നിൽ രാഷ്ട്രീയ ലക്ഷ്യങ്ങളുണ്ടെന്ന് തന്നെയാണ് കേന്ദ്രസർക്കാർ വിലയിരുത്തൽ.

പുതിയ വിവാദത്തിലൂടെ സമരത്തിന് കാരണം കണ്ടെത്തുകയാണ് കോൺഗ്രസ് എന്നാണ് ഉന്നത വൃത്തങ്ങൾ പറയുന്നത്. ദീപാവലി അവധി കഴിഞ്ഞതോടെ പെട്രോളിയം മന്ത്രാലയത്തിലെ ഉന്നത ഉദ്യോഗസ്ഥർ യോഗം ചേർന്ന് സാഹചര്യം വിലയിരുത്തും. കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിയും സ്ഥിതി നിരീക്ഷിക്കുന്നുണ്ട്. നേരത്തെ ഇ20 പെട്രോളിനെതിരെ വിമർശനം കടുത്തതിന് പിന്നാലെ പ്രധാന വാഹന നിർമ്മാതാക്കളെ അടക്കം അണിനിരത്തി മന്ത്രാലയം വാർത്താ സമ്മേളനം നടത്തിയിരുന്നു.

കർണാടകയിലെ പരിശോധന ഫലം തള്ളിക്കൊണ്ട് എണ്ണ കമ്പനികളുടെ സംയുക്ത പ്രസ്താവനയാണ് കഴിഞ്ഞ ദിവസം പുറത്തിറങ്ങിയത്. ഉന്നത ഉദ്യോഗസ്ഥരും വിദഗ്ധരും ഒരുമിച്ച് വിശദമായ പ്രതികരണം നൽകുന്നതും ആലോചനയിലുണ്ട്. നേരത്തെ കർണാടകയിലെ പെട്രോൾ പമ്പുകളിലടക്കം നടത്തിയ പരിശോധനയിൽ 21 ശതമാനം വരെ മാത്രമാണ് എഥനോൾ ബ്ലെൻഡിംഗ് എന്നാണ് കണ്ടെത്തിയത് എന്നും കേന്ദ്രം ചൂണ്ടിക്കാട്ടുന്നു. നേരത്തെ ഇ20 ജനത പാർട്ടി എന്ന പേരിലുള്ള കൂട്ടായ്മ ജന്തർ മന്ദറിൽ പ്രതിഷേധം സംഘടിപ്പിച്ചിരുന്നു. ഇ20 ജനത പാർട്ടിക്ക് പിന്നിലും കോൺഗ്രസാണെന്നാണ് ബിജെപി ആരോപണം.

ഇഞ്ചി ചായ കുടിച്ചാൽ ലഭിക്കുന്ന 9 ആരോഗ്യ ഗുണങ്ങൾ

Resmi Sreekumar — Mon, 09 Nov 2026 15:29:27 +0530

ഇഞ്ചി ചായ കുടിച്ചാൽ ലഭിക്കുന്ന 9 ആരോഗ്യ ഗുണങ്ങൾ

കാന്‍സര്‍ മരുന്നുകള്‍ക്ക് ഇന്നുമുതല്‍ വന്‍ വിലക്കുറവ്; 1,364 മരുന്നുകളുടെ വില പുതുക്കി, രോഗികള്‍ക്ക് വര്‍ഷം 3,540 കോടി രൂപയുടെ ലാഭം

Sreekutty Chandran — Mon, 09 Nov 2026 15:15:59 +0530

കാന്‍സര്‍ ചികിത്സയ്ക്കുള്ള മരുന്നുകളുടെ വിലയില്‍ പ്രഖ്യാപിച്ച വിലക്കുറവ് ഇന്ന് മുതല്‍ പ്രാബല്യത്തില്‍. വ്യാപാരികള്‍ക്ക് ഈടാക്കാവുന്ന ലാഭവിഹിതത്തിന് സര്‍ക്കാര്‍ നിയന്ത്രണം ഏര്‍പ്പെടുത്തിയതിനെ തുടര്‍ന്ന് 1,364 കാന്‍സര്‍ മരുന്നുകളുടെ പുതുക്കിയ വിലയാണ് ഇന്ന് മുതല്‍ നിലവില്‍ വന്നിരിക്കുന്നത്. ഇതിലൂടെ ഉപഭോക്താക്കള്‍ക്ക് പ്രതിവര്‍ഷം 3,540.38 കോടി രൂപ ലാഭിക്കാനാകുമെന്നാണ് കണക്ക്.

137 കാന്‍സര്‍ മരുന്നുകള്‍ക്കാണ് ദേശീയ ഔഷധ വിലനിര്‍ണയ അതോറിറ്റിയായ എന്‍പിപിഎ ലാഭവിഹിതത്തിന് പരിധി നിശ്ചയിച്ചത്. ഇതിന്റെ ഭാഗമായി വിവിധ കമ്പനികളുടെ ബ്രാന്‍ഡഡ് മരുന്നുകളുടെ വില കുറച്ചിട്ടുണ്ട്. ചില മരുന്നുകള്‍ക്ക് 50 ശതമാനത്തിലേറെയാണ് വിലക്കുറവ്.

ആരോഗ്യ കുടുംബക്ഷേമ മന്ത്രാലയത്തിന് കീഴിലുള്ള ഡയറക്ടറേറ്റ് ജനറല്‍ ഓഫ് ഹെല്‍ത്ത് സര്‍വീസസ് രൂപീകരിച്ച വിദഗ്ധ സമിതി നല്‍കിയ ശുപാര്‍ശകളുടെ അടിസ്ഥാനത്തിലാണ് നടപടി. ഫാര്‍മസ്യൂട്ടിക്കല്‍സ് വകുപ്പിന് കീഴില്‍ പ്രവര്‍ത്തിക്കുന്ന എന്‍പിപിഎയാണ് വില നിയന്ത്രണം നടപ്പാക്കിയത്. കാന്‍സര്‍ ചികിത്സയുടെ ചെലവ് കുറയ്ക്കുകയാണ് ഇതിലൂടെ സര്‍ക്കാര്‍ ലക്ഷ്യമിടുന്നത്. നവംബര്‍ 8 വരെയുള്ള കണക്കനുസരിച്ച് 85 ഔഷധ നിര്‍മാണ കമ്പനികള്‍ 121 മരുന്നുകളുടെ പുതുക്കിയ പരമാവധി ചില്ലറ വില്‍പന വില റിപ്പോര്‍ട്ട് ചെയ്തതായി കേന്ദ്രം അറിയിച്ചു. 679 ബ്രാന്‍ഡുകളുടെ വിലയില്‍ 50 ശതമാനത്തിലധികം കുറവുണ്ടായിട്ടുണ്ട്. ഏറ്റവും ഉയര്‍ന്ന വിലക്കുറവ് 96.45 ശതമാനമാണ്.

ഏതൊക്കെ മരുന്നുകള്‍ക്കാണ് വില കുറഞ്ഞത്?

20ലധികം തരത്തിലുള്ള കാന്‍സറുകളുടെ ചികിത്സയ്ക്ക് ഉപയോഗിക്കുന്ന ഇമ്മ്യൂണോതെറാപ്പി മരുന്നുകളും പുതുക്കിയ വിലനിയന്ത്രണത്തിന്റെ പരിധിയില്‍ വരും. ഡെനോസുമാബ് , പെഗ്ഫില്‍ഗ്രാസ്റ്റിം , ബെവാസിസുമാബ് തുടങ്ങിയ മരുന്നുകളും പട്ടികയിലുണ്ട്. പെംബ്രോളിസുമാബ് , ദുര്‍വാലുമാബ് , ഒസിമെര്‍ട്ടിനിബ് തുടങ്ങിയ വ്യാപകമായി ഉപയോഗിക്കുന്ന കാന്‍സര്‍ മരുന്നുകള്‍ക്കും വിലക്കുറവ് ബാധകമാണ്.

പുതുക്കിയ വില എങ്ങനെ അറിയാം?

പുതുക്കിയ വില നിലവില്‍ വന്നതോടെ മെഡിക്കല്‍ ഷോപ്പുകള്‍ക്കും ആശുപത്രി ഫാര്‍മസികള്‍ക്കും അതില്‍ കൂടുതലുള്ള തുകയ്ക്ക് മരുന്നുകള്‍ വില്‍ക്കാനാകില്ല. മരുന്നുകളുടെ പായ്ക്കറ്റില്‍ രേഖപ്പെടുത്തിയിട്ടുള്ള പുതുക്കിയ പരമാവധി ചില്ലറ വില്‍പന വില പരിശോധിച്ച് ഉപഭോക്താക്കള്‍ക്ക് വില ഉറപ്പാക്കാം.

മികച്ച പ്രതികരണങ്ങളോടെ സൂര്യ - ജിത്തു മാധവൻ ചിത്രം 'സീൻ' മുന്നേറുന്നു; പുതിയ പ്രൊമോ വീഡിയോ പുറത്ത്

Web Desk — Mon, 09 Nov 2026 15:14:24 +0530

സൂര്യയെ നായകനാക്കി ജിത്തു മാധവൻ സംവിധാനം ചെയ്ത തമിഴ് ചിത്രം സീൻ തിയേറ്ററുകളിൽ എത്തിയിരിക്കുകയാണ്. മികച്ച പ്രേക്ഷക പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. സൂര്യയുടെയും നസ്രിയയുടെയും നെസ്ലന്റെയും മികച്ച പ്രകടനമാണ് ചിത്രത്തിന്റെ ഏറ്റവും വലിയ പോസിറ്റിവ് എന്നാണ് പ്രേക്ഷക പ്രതികരണം. ഇപ്പോഴിതാ ചിത്രത്തിന്റെ ഏറ്റവും പുതിയ പ്രൊമോ വീഡിയോ പുറത്തുവായിട്ടിരിക്കുകയാണ് അണിയറപ്രവർത്തകർ. 'രാജാധി രാജു' എന്ന പ്രൊമോ വീഡിയോയാണ് പുറത്തുവന്നിരിക്കുന്നത്.

ബോക്സ് ഓഫീസ് കളക്ഷനിലും ചിത്രം മികച്ച മുന്നേറ്റമാണ് സൃഷ്ടിക്കുന്നത്. മൂന്ന് ദിവസം കൊണ്ട് ആഗോള കളക്ഷനായി 145 കോടിയാണ് ചിത്രം സ്വന്തമാക്കിയിരിക്കുന്നത്. മാസ് ആക്ഷനും നർമവും ത്രില്ലിംഗ് മുഹൂർത്തങ്ങളും കോർത്തിണക്കിയ ട്രെയ്‌ലർ ചിത്രത്തെ ഒരു കംപ്ലീറ്റ് എന്റർടെയ്‌നറാണ് ചിത്രം. കേരളത്തിൽ ശ്രീ ഗോകുലം ഗോപാലന്റെ ശ്രീ ഗോകുലം മൂവീസ് ആണ് ചിത്രം റിലീസിനെത്തിച്ചിരിക്കുന്നത്. ഴഗരം സ്റ്റുഡിയോസിന്റെയും 2D എന്റർടൈൻമെന്റിന്റെയും ബാനറിൽ ജ്യോതികയും സൂര്യയും ചേർന്നാണ് ചിത്രം നിർമ്മിക്കുന്നത്. ജയശ്രീ ദാമോദരനാണ് സഹനിർമ്മാതാവ്.

ഡിഎസ്പി ഇമ്പരാജ് എന്ന പൊലീസ് ഓഫീസറായി സൂര്യ എത്തുന്ന ചിത്രത്തിൽ, താരത്തിന്റെ സ്റ്റൈലിഷും ദൃഢവുമായ മാസ് പരിവശത്തഗിലാണ് സൂര്യയെത്തുന്നത് മികച്ച ദൃശ്യങ്ങളും സുഷിൻ ശ്യാമിന്റെ ശ്രദ്ധേയമായ പശ്ചാത്തലസംഗീതവും ഏറെ പ്രശംസിക്കപ്പെടുന്നുണ്ട്. സൂര്യയ്ക്കും നസ്‌ലനും നസ്രിയ നസീമിനുമൊപ്പം ആനന്ദ് രാജ്, ലാൽ, രാജ് പ്രിയൻ എന്നിവരും ചിത്രത്തിൽ പ്രധാന വേഷങ്ങളിലെത്തുന്നു. ‘രോമാഞ്ചം’, ‘ആവേശം’ എന്നീ ബ്ലോക്ക്ബസ്റ്റർ മലയാള ചിത്രങ്ങൾക്ക് ശേഷം ജിത്തു മാധവൻ സംവിധാനം ചെയ്യുന്ന ആദ്യ തമിഴ് ചിത്രമാണ് ‘സീൻ’. ഈ ചിത്രങ്ങളിലൂടെ മലയാളത്തിൽ ശ്രദ്ധ നേടിയ ജിത്തു മാധവൻ-സുഷിൻ ശ്യാം കൂട്ടുകെട്ട് വീണ്ടും ഒന്നിക്കുന്നു എന്നതും സിനിമയുടെ പ്രധാന പ്രത്യേകതയാണ്.

ഗ്യാനേഷ് കുമാറിനെതിരായ അഴിമതി ആരോപണം; ശക്തമായ തെളിവുകൾ ഇപ്പോഴുമുണ്ടെന്ന് വി.ഒ. സാജൻ | VO Sajan

Web Desk — Mon, 09 Nov 2026 15:02:19 +0530

'ശക്തമായ തെളിവുകൾ ഇപ്പോഴുമുണ്ട്'; ഗ്യാനേഷ് കുമാറിനെതിരായ അഴിമതി ആരോപണത്തിൽ വി.ഒ. സാജൻ വിജിലൻസിന് മുന്നിൽ ഹാജരായി, അന്വേഷണ അട്ടിമറിയിൽ തെളിവുകൾ നൽകുമെന്ന് സാജൻ

ട്രംപിന്റെ പത്തിമടക്കൽ?ഇറാനുമായി രഹസ്യ സന്ധി! പശ്ചിമേഷ്യയിൽ സമാധാനമോ പുതിയ യുദ്ധമോ? US Iran Conflict

Web Desk — Mon, 09 Nov 2026 15:02:00 +0530

പശ്ചിമേഷ്യയിൽ വീണ്ടും സമാധാനത്തിന്റെ വാതിലുകൾ തുറക്കുമോ, അതോ മറ്റൊരു വൻ യുദ്ധത്തിലേക്ക് ലോകം വഴുതിവീഴുമോ? അമേരിക്കൻ ഇടക്കാല തിരഞ്ഞെടുപ്പിൽ സ്വന്തം പാർട്ടിയായ റിപ്പബ്ലിക്കൻസിന് കനത്ത തിരിച്ചടി നേരിട്ടതിന് പിന്നാലെ, ഇറാനുമായി സന്ധിക്ക് തയ്യാറാണെന്ന നിർണായക സൂചന നൽകിയിരിക്കുകയാണ് യുഎസ് പ്രസിഡന്റ് ഡൊണാൾഡ് ട്രംപ്

മകളുടെ ജീവനെടുത്ത അപകടം; നിയമം ലംഘിക്കുന്നവരെ പിടികൂടാൻ ദിവസവും റോഡിൽ കാവലിരുന്ന് പിതാവ്

Web Desk — Mon, 09 Nov 2026 15:00:55 +0530

ഒൻപതു വയസ്സുകാരിയായ മകളുടെ ജീവനെടുത്ത വാഹനാപകടത്തിന് പിന്നാലെ, ഗതാഗത നിയമം പാലിക്കാത്തവർക്കെതിരെ ഒറ്റയാൾ പോരാട്ടവുമായി ഒരു പിതാവ്. തെക്കുകിഴക്കൻ ചൈനയിലെ ജിയാങ്‌സി പ്രവിശ്യയിലാണ് സംഭവം. അപകടകരമായ രീതിയിൽ വാഹനമോടിക്കുന്നവരെ കണ്ടെത്തി അധികൃതർക്ക് മുന്നിലെത്തിക്കാൻ വു ഷിഷെങ് എന്ന പിതാവാണ് ദിവസവും തിരക്കേറിയ ജംങ്ഷനുകളിൽ കാവലിരിക്കുന്നത്.

കഴിഞ്ഞ ഓഗസ്റ്റ് ഒന്നിനായിരുന്നു വു ഷിഷെങിന്റെ ജീവിതം തകർത്ത ആ ദുരന്തം നടന്നത്. ഭാര്യ രണ്ടു പെൺമക്കളുമായി ഇലക്ട്രിക് സ്കൂട്ടറിൽ സഞ്ചരിക്കുമ്പോൾ, ജംങ്ഷനിൽ വെച്ച് ഒരു ടിപ്പർ ലോറി ഇവരെ ഇടിക്കുകയായിരുന്നു. ഒൻപതു വയസ്സുകാരിയായ മൂത്ത മകൾ സിജിൻ സംഭവസ്ഥലത്തുതന്നെ മരിച്ചു. ഭാര്യയ്ക്കും അഞ്ചു വയസ്സുകാരിയായ ഇളയ മകൾക്കും ഗുരുതരമായി പരിക്കേറ്റു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പൊലീസ് നടത്തിയ അന്വേഷണത്തിൽ ലോറി അനുവദനീയമായതിനെക്കാൾ 92 ശതമാനം അധികഭാരം കയറ്റിയിരുന്നതായും വാഹനത്തിന്റെ ബ്രേക്കുകൾക്ക് തകരാറുണ്ടായിരുന്നതായും കണ്ടെത്തി. അപകടത്തിൽ ഡ്രൈവർ കുറ്റക്കാരനാണെന്ന് പൊലീസ് സ്ഥിരീകരിച്ചു. തന്റെ മകളുടെ ശരീരഭാരത്തിന്റെ ഏകദേശം 2,000 മടങ്ങ് ഭാരമാണ് ലോറിയിൽ ഉണ്ടായിരുന്നതെന്ന് വു വേദനയോടെ ഓർക്കുന്നു.

എന്നാൽ, അപകടത്തിന് കാരണക്കാരായ ട്രക്കിങ് കമ്പനിക്കും നിർമാണ കരാറുകാരനും എതിരെ ക്രിമിനൽ നടപടികൾ സ്വീകരിക്കാൻ മതിയായ തെളിവുകളില്ലെന്ന അധികൃതരുടെ നിലപാട് വുവിനെ നിരാശനാക്കി. ഇതോടെ സ്വന്തം ബിസിനസ് താൽക്കാലികമായി നിർത്തിവെച്ച്, ഗതാഗത നിയമലംഘനങ്ങൾ കണ്ടെത്താൻ മുഴുവൻ സമയവും പ്രവർത്തിക്കാൻ അദ്ദേഹം തീരുമാനിക്കുകയായിരുന്നു.

സ്കൂളുകൾക്കും കളിസ്ഥലങ്ങൾക്കും സമീപമുള്ള തിരക്കേറിയ ജംങ്ഷനുകളിലാണ് ഇപ്പോൾ വുവിന്റെ നിരീക്ഷണം. ടിപ്പർ ലോറികൾ, കോൺക്രീറ്റ് മിക്സറുകൾ, ചരക്കുവാഹനങ്ങൾ എന്നിവയുടെ നിയമലംഘനങ്ങൾ അദ്ദേഹം ക്യാമറയിൽ പകർത്തുന്നു. തെറ്റായ ദിശയിൽ വാഹനമോടിക്കൽ, സിഗ്നൽ മറികടക്കൽ, അമിതഭാരം കയറ്റൽ, നമ്പർ പ്ലേറ്റുകൾ മറച്ചുവെക്കൽ തുടങ്ങിയവ കണ്ടെത്തി ദൃശ്യങ്ങൾ ട്രാഫിക് പൊലീസിന് കൈമാറുന്നതിനൊപ്പം സാമൂഹിക മാധ്യമങ്ങളിലും അദ്ദേഹം പങ്കുവെക്കുന്നുണ്ട്. ഇതുവരെ ഇരുപതിലേറെ ഭാരവാഹനങ്ങളുടെ നിയമലംഘനങ്ങളാണ് അദ്ദേഹം ഇങ്ങനെ വെളിച്ചത്തുകൊണ്ടുവന്നത്.

"വലത്തോട്ട് തിരിയുന്നതിന് മുമ്പ് വാഹനം പൂർണമായി നിർത്തണമെന്ന നിയമം ഡ്രൈവർ കൃത്യമായി പാലിച്ചിരുന്നെങ്കിൽ എന്റെ കുഞ്ഞ് ഇന്നും ജീവനോടെ ഉണ്ടാകുമായിരുന്നു" വു പറയുന്നു. ചൈന ജസ്റ്റിസ് ബിഗ് ഡാറ്റ ഇൻസ്റ്റിറ്റ്യൂട്ടിന്റെ കണക്കുകൾ പ്രകാരം, ചൈനയിൽ മരണത്തിനോ പരിക്കുകൾക്കോ കാരണമാകുന്ന റോഡപകടങ്ങളിൽ 32 ശതമാനത്തിലും ഭാരവാഹനങ്ങളാണ് ഉൾപ്പെടുന്നത്.

നവംബർ രണ്ടിന് നടന്ന വിചാരണയിൽ അപകടമുണ്ടാക്കിയ ഡ്രൈവർ കുറ്റം നിഷേധിക്കുകയും വുവിന്റെ ഭാര്യയുടെ അശ്രദ്ധയാണ് അപകടത്തിന് കാരണമെന്ന് ആരോപിക്കുകയും ചെയ്തു. ഡ്രൈവർക്കും വാഹനത്തിന്റെ ഇൻഷുറൻസ് കമ്പനിക്കും നിർമാണ കരാറുകാരനും ഗതാഗത കമ്പനിക്കുമെതിരെ സിവിൽ കേസ് ഫയൽ ചെയ്ത് നഷ്ടപരിഹാരം തേടാനാണ് വുവിന്റെ തീരുമാനം.

കൊച്ചിയിൽ ഗതാഗതം സ്തംഭിപ്പിച്ച് യൂത്ത് ലീഗ് നടത്തിയ റാലിയെ ന്യായീകരിച്ച് ആഭ്യന്തര,വ്യവസായ മന്ത്രിമാർ

Gowry Priya J — Mon, 09 Nov 2026 14:30:08 +0530

കൊച്ചി: കൊച്ചിയിൽ ഗതാഗതം സ്തംഭിപ്പിച്ച് യൂത്ത് ലീഗ് നടത്തിയ റാലിയെ ന്യായീകരിച്ച് ആഭ്യന്തര, വ്യവസായ മന്ത്രിമാർ. റൂട്ട് മാറ്റി ഗതാഗത കുരുക്കിന്റെ വ്യാപ്തി കുറച്ചത് അഭിനന്ദനാർഹമെന്ന് ചെന്നിത്തല. പിന്നാലെ തന്നെ സംഭവത്തെ ന്യായീകരിച്ച് കുഞ്ഞാലിക്കുട്ടിയും രംഗത്തെത്തി. റാലി മാറ്റാൻ തയ്യാറായ യൂത്ത് ലീഗ് നടപടി മാതൃകാപരമെന്ന് ആഭ്യന്തര മന്ത്രി ചെന്നിത്തല പ്രതികരിച്ചത്. കുറച്ച് സമയത്തേക്കല്ലേ ഗതാഗത തടസ്സം ഉണ്ടായുള്ളു എന്നും കലൂരിലായിരുന്നേൽ എന്താകും അവസ്ഥയെന്നുമായിരുന്നു ചെന്നിത്തലയുടെ ചോദ്യം. വലിയ തടസമാകില്ലായിരുന്നോ കേസെടുത്തത് കാര്യമാക്കേണ്ടതില്ലെന്ന് കുഞ്ഞാലിക്കുട്ടി റാലിയുടെ ഉദ്ദേശ ശുദ്ധിയാണ് പ്രധാനമെന്നും കുഞ്ഞാലിക്കുട്ടി പ്രതികരിച്ചത്.

എറണാകുളം മറൈൻഡ്രൈവിൽ യൂത്ത് ലീഗ് സംസ്ഥാന സമ്മേളന ജാഥയ്ക്കിടെ അതിനിടെ ഗതാഗതം തടസ്സപ്പെടുത്തിയതിന് യൂത്ത് ലീഗ് സംസ്ഥാന പ്രസിഡന്റ് മുനവ്വറലി തങ്ങൾ ഉൾപ്പടെയുള്ളവർക്കെതിരെ കേസെടുത്തിരുന്നു. കഴിഞ്ഞ മൂന്ന് ദിവസങ്ങളിലായാണ് എറണാകുളം മറൈൻഡ്രൈവിൽ മുസ്ലിം യൂത്ത് ലീഗ് സംസ്ഥാന സമ്മേളനം നടന്നത്. സമാപന ദിനമായ ഇന്നലെയാണ് റോഡിലൂടെ വൻ ജാഥ നടത്തിയത്. ബോൾഗാട്ടി ജംഗ്ഷൻ മുതൽ മറൈൻഡ്രൈവ് വരെയായിരുന്നു ജാഥ. റോഡ് പൂർണ്ണമായും തടസ്സപ്പെടുത്തിയായിരുന്നു യാത്ര. ചോദ്യം ചെയ്തവർക്ക് നേരെ ആക്രമണം ഉണ്ടായി. ഗതാഗത കുരുക്കിൽ കിടന്നപ്പോൾ ഹോൺ മുഴക്കിയവർക്ക് നേരെ അസഭ്യവർഷവും നടന്നു. പിന്നാലെയാണ് പോലീസ് ഗതാഗതം തടസ്സപ്പെടുത്തിയതിന് കേസെടുക്കുന്നത്.

യൂത്ത് ലീഗ് സംസ്ഥാന പ്രസിഡൻറ് മുനമറലി തങ്ങൾ, സെക്രട്ടറി പികെ ഫിറോസ് ഉൾപ്പെടെ 12 നേതാക്കൾക്കെതിരെയും, കണ്ടാലറിയാവുന്ന രണ്ടായിരത്തോളം പേർക്കെതിരെയുമാണ് കേസ്. എന്നാൽ കേസ് പുത്തരിയല്ലെന്നും, മുൻകൂട്ടി അറിയിച്ചിട്ടും ഗതാഗത നിയന്ത്രണം നടപ്പാക്കാൻ ആകാത്ത പോലീസാണ് കുറ്റക്കാരെന്നുമാണ് കേസിൽ പ്രതിയായ യൂത്ത് ലീഗ് സംസ്ഥാന സെക്രട്ടറി ജിഷാൻ പ്രതികരിക്കുന്നത്. ഭാഗികമായി ഗതാഗതം അനുവദിച്ചുകൊണ്ട് ജാഥ നടത്താൻ അനുമതി നൽകിയിരുന്നുവെന്നും എന്നാൽ നിർദ്ദേശങ്ങൾ പാലിക്കാതെ റോഡ് പ്രവർത്തകർ പൂർണമായും സ്തംഭിപ്പിച്ചതോടെ കേസെടുത്തതെന്നാണ് പോലീസിന്റെ വിശദീകരണം. അക്രമ സംഭവങ്ങളിൽ കൂടുതൽ പരിശോധനയ്ക്ക് ശേഷമാകും നടപടിയിലേക്ക് കടക്കുക.

ഏഷ്യാനെറ്റ് ന്യൂസ് ലൈവ് കാണാം

പിഎം ശ്രീ: എം കെ മുനീറിൻ്റെ പരാമർശത്തിൽ പ്രതികരിച്ച് വിദ്യാഭ്യാസ മന്ത്രി; 'വ്യത്യസ്തമായ അഭിപ്രായങ്ങൾ ഉണ്ട്, പരിശോധിക്കുകയാണ്'

Nirmala babu — Mon, 09 Nov 2026 14:25:47 +0530

മലപ്പുറം: പിഎം ശ്രീയെ സംബന്ധിച്ച് വ്യത്യസ്തമായ അഭിപ്രായങ്ങൾ ഉണ്ടെന്നും എല്ലാ അഭിപ്രായങ്ങളും പരിശോധിക്കുകയാണെന്നും വിദ്യാഭ്യാസ മന്ത്രി എൻ ഷംസുദ്ദീൻ. ഇതുവരെ സർക്കാർ ഒരു തീരുമാനം എടുത്തിട്ടില്ല. കേന്ദ്ര സർക്കാരിന്റെ ഫണ്ട് എല്ലാവർക്കും അവകാശപ്പെട്ടതാണ്. ഫണ്ട് കിട്ടാൻ കേരളത്തിന് അർഹതയും യോഗ്യതയും ഉണ്ടെന്നും മന്ത്രി പറഞ്ഞു. പിഎം ശ്രീ ഉപാധികളോടെ നടപ്പാക്കാമെന്ന ഭരണ പരിഷ്‌കാര കമ്മീഷൻ അധ്യക്ഷൻ എം കെ മുനീറിൻ്റെ പരാമർശത്തിലാണ് വിദ്യാഭ്യാസ മന്ത്രിയുടെ പ്രതികരണം.

കെ എം മുനീറിൻ്റെ പരാമർശം ശ്രദ്ധയിൽ പെട്ടില്ലെന്ന് മന്ത്രി പറഞ്ഞു. കേരളത്തിലെ കുട്ടികളുടെ അവകാശമാണ് ഈ കേന്ദ്ര ഫണ്ട്. നമ്മുടെ നികുതിയുടെ ഒരു വിഹിതമാണ് അങ്ങോട്ട് പോകുന്നത്. സമഗ്രശിക്ഷ വഴിയാണ് ഏറ്റവും അധികം ഫണ്ട് വരുന്നത്. വിവിധ ഇനത്തിൽ കേരളത്തിന് 2000 കോടിയോളം രൂപ കിട്ടാനുണ്ട്. രാഷ്ട്രീയ പശ്ചാത്തലം ഉള്ളതുകൊണ്ട് കുറച്ചു ചർച്ചകൾ വേണ്ടി വരും. വിദ്യാഭ്യാസ വകുപ്പിന് അതിന്റെ ബുദ്ധിമുട്ടുണ്ടെന്നും മന്ത്രി എൻ ഷംസുദ്ദീൻ പറഞ്ഞു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പല പദ്ധതികൾക്കും ഫണ്ടിന്റെ കുറവുണ്ട്. പിഎം ശ്രീയിൽ സംസ്ഥാന സർക്കാരുകൾക്ക് സിലബസ് നിശ്ചയിക്കാനുള്ള സ്ഥിതി ഉണ്ടാകണം. അതാണ് കേരളം ഇപ്പോൾ പരിശോധിക്കുന്നത്. പിഎം ശ്രീയും കേരളത്തിന് തരാനുള്ള ഫണ്ടും കൂട്ടിക്കുഴക്കരുതെന്ന് കേന്ദ്രമന്ത്രിയുമായുള്ള ചർച്ചയിൽ പറഞ്ഞതാണെന്നും മന്ത്രി കൂട്ടിച്ചേർത്തു.

വഖഫ് പുനഃസംഘടനയുമായി ബന്ധപ്പെട്ട് ഇപ്പോൾ ഒരു പ്രശ്നവുമില്ലെന്നും വഖഫ് വകുപ്പ് കൈകാര്യം ചെയ്യുന്ന എൻ ഷംസുദ്ദീൻ പറഞ്ഞു. എല്ലാം ചർച്ചകളിലാണ്. ഒരു തർക്കവുമില്ല. എല്ലാം രമ്യമായി തീരും. ഹജ്ജ് കമ്മറ്റി അതിന്റെ സമയം ആകുമ്പോൾ പുനഃസംഘടിപ്പിക്കും. ചെറിയ മാറ്റങ്ങൾ ചിലപ്പോൾ വന്നേക്കാം. എല്ലാവരെയും വിശ്വാസത്തിലെടുത്താണ് ഈ സർക്കാർ മുന്നോട്ട് പോകുന്നതെന്നും മന്ത്രി വ്യക്തമാക്കി.

2 മാസത്തേക്ക് വൈദ്യുതി ക്ഷാമമുണ്ടാകില്ല, ജിഎൻഎ കരാർ തൽക്കാലമില്ല, പ്രതിസന്ധി കൃത്രിമമായി സൃഷ്ടിക്കപ്പെട്ടതെന്ന് സംശയിച്ച് സർക്കാർ, പരിശോധിക്കും

Nirmala babu — Mon, 09 Nov 2026 14:17:35 +0530

തിരുവനന്തപുരം : സംസ്ഥാനത്ത് അടുത്ത 2 മാസത്തേക്ക് വൈദ്യുതി പ്രതിസന്ധിയുണ്ടാകില്ലെന്ന് സർക്കാർ വ്യത്തങ്ങൾ. നിലവിൽ അടുത്ത രണ്ട് മാസത്തേക്ക് പുറത്തുനിന്ന് വൈദ്യുതി വാങ്ങേണ്ട സാഹചര്യമില്ലെന്ന് മുഖ്യമന്ത്രി വിഡി സതീശനെ കണ്ട് കെ എസ് ഇബി ചെയർമാൻ എൻ പ്രശാന്തും ഊർജ സെക്രട്ടറിയും അറിയിച്ചു. വൈദ്യുതി പ്രതിസന്ധിയില്ലാത്തതിനാൽ തത്കാലം പുതിയ ജി എൻഎ (ഗ്രീൻ എനർജി ഓപ്പൺ ആക്സസ് ) ഹ്രസ്വകാല വൈദ്യുതി കരാർ ഉണ്ടാകില്ല. സുതാര്യമായ ടെൻഡർ നടപടികളോ സംസ്ഥാന വൈദ്യുതി റഗുലേറ്ററി കമ്മീഷന്റെ മുൻകൂർ അനുമതികളോ ഇല്ലാതെ ജി.എൻ.എ വഴി 500 മെഗാവാട്ട് വൈദ്യുതി വാങ്ങാൻ തീരുമാനിച്ചത് നേരത്തെ വിവാദമായിരുന്നു. പിന്നാലെയാണ് തീരുമാനം.

വൈദ്യുതി പ്രതിസന്ധിയില്ലെങ്കിൽ സംസ്ഥാനത്തെ വൈദ്യുതിക്ഷാമം എന്ന പ്രചാരണം കൃത്രിമമായി സൃഷ്ടിക്കപ്പെട്ടതാണോ എന്നാണ് സർക്കാർ സംശയിക്കുന്നത്. വൈദ്യുതിക്ഷാമമെന്ന മുൻ കെ എസ് ഇ ബി ചെയർമാൻ രാജമാണിക്യത്തിന്റെ കുറിപ്പ് ഏത് സാഹചര്യത്തിലാണെന്ന് പരിശോധിക്കാൻ മുഖ്യമന്ത്രി നിർദ്ദേശം നൽകിയിട്ടുണ്ട്. ഉടൻ വൈദ്യുതി കരാറില്ലെങ്കിൽ പവർ കട്ട് അനിവാര്യമെന്നായിരുന്നു രാജമാണിക്യത്തിന്റെ കുറിപ്പ്. അടിയന്തര തീരുമാനമെടുക്കണമെന്ന സമ്മർദത്തിന് പിന്നിലെന്തെന്നായിരുന്നുവെന്ന് പരിശോധിക്കും. പ്രതിസന്ധിയില്ലെങ്കിൽ എന്തിന് ഹിമാചൽ വൈദ്യുതിക്ക് വേണ്ടി സമ്മർദം ചെലുത്തിയെന്നും മുഖ്യമന്ത്രി ആരാഞ്ഞതായാണ് വിവരം.

ഇന്ത്യക്കെതിരായ ഏകദിന പരമ്പര: പരിക്കില്‍ വലഞ്ഞ് ന്യൂസിലന്‍ഡ്; ലോക്കി ഫെര്‍ഗൂസണ്‍ പുറത്ത്, ടീമില്‍ മാറ്റങ്ങള്‍

Web Desk — Mon, 09 Nov 2026 14:09:35 +0530

ഹാമില്‍ട്ടണ്‍: ഇന്ത്യക്കെതിരായ ഏകദിന പരമ്പരയിലെ മൂന്നാം മത്സരത്തിന് മുന്നോടിയായി ന്യൂസിലന്‍ഡ് ടീമില്‍ കൂടുതല്‍ മാറ്റങ്ങള്‍ വരുത്തി. പരിക്കിനെ തുടര്‍ന്ന് പേസര്‍ ബ്ലെയര്‍ ടിക്‌നര്‍ക്ക് പകരക്കാരനായി ക്രിസ്റ്റ്യന്‍ ക്ലാര്‍ക്കിനെ ടീമില്‍ ഉള്‍പ്പെടുത്തി. അതേസമയം, വലതുകാലിലെ പേശിക്കേറ്റ പരിക്ക് മാറാത്തതിനെ തുടര്‍ന്ന് ലോക്കി ഫെര്‍ഗൂസണ് പരമ്പരയിലെ ശേഷിക്കുന്ന രണ്ട് മത്സരങ്ങളും നഷ്ടമാകും. ചൊവ്വാഴ്ച നടക്കുന്ന മൂന്നാം ഏകദിനത്തിന് മുന്നോടിയായാണ് ക്ലാര്‍ക്ക് ടീമിനൊപ്പം ചേരുക.

ഇന്ത്യക്കെതിരായ ടി20 പരമ്പരയ്ക്കിടെയാണ് ഫെര്‍ഗൂസന്റെ വലതുകാലിലെ പേശിക്ക് പരിക്കേറ്റത്. താരം നാലാമത്തെയും അഞ്ചാമത്തെയും ഏകദിനങ്ങളില്‍ കളിക്കില്ലെന്ന് ന്യൂസിലന്‍ഡ് ക്രിക്കറ്റ് സ്ഥിരീകരിച്ചു. രണ്ടാം ഏകദിനത്തില്‍ ബാറ്റ് ചെയ്യുന്നതിനിടെ പന്തുകൊണ്ട് പരിക്കേറ്റ ബ്ലെയര്‍ ടിക്‌നറുടെ കാര്യത്തിലും അനിശ്ചിതത്വം നിലനില്‍ക്കുന്നുണ്ട്. താരത്തിന് കോണ്‍കഷന്‍ പ്രശ്‌നങ്ങളില്ലെന്ന് വ്യക്തമായെങ്കിലും, ഐസിസി നിയമപ്രകാരമുള്ള ഏഴ് ദിവസത്തെ നിര്‍ബന്ധിത വിശ്രമത്തിന് ശേഷമേ അന്താരാഷ്ട്ര ക്രിക്കറ്റിലേക്ക് മടങ്ങിയെത്താനാകൂ. രണ്ടാം ഏകദിനത്തിന്റെ ബാക്കി സമയത്ത് ടിക്‌നര്‍ക്ക് പകരം മാറ്റ് ഫിഷറാണ് പ്ലെയിങ് ഇലവനില്‍ കളിച്ചത്.

ഓക്ലന്‍ഡില്‍ വെച്ച് ഡെവോണ്‍ കോണ്‍വെയുമായി കൂട്ടിയിടിച്ച് തലയ്ക്ക് പരിക്കേറ്റ മാറ്റ് ഹെന്റിയുടെ ആരോഗ്യസ്ഥിതിയെക്കുറിച്ചും ന്യൂസിലന്‍ഡ് വ്യക്തത വരുത്തിയിട്ടുണ്ട്. പ്രാഥമിക പരിശോധനയില്‍ കോണ്‍കഷന്‍ ഇല്ലെന്ന് വ്യക്തമായെങ്കിലും വെല്ലിംഗ്ടണില്‍ നടത്തിയ തുടര്‍പരിശോധനകള്‍ക്ക് ശേഷം നാലാം ഏകദിനത്തില്‍ താരം തിരിച്ചെത്തുമെന്നാണ് പ്രതീക്ഷിക്കുന്നത്. പരിക്കുകള്‍ വില്ലനായതോടെ അവസാന രണ്ട് മത്സരങ്ങള്‍ക്കുള്ള ടീം തയ്യാറെടുപ്പുകളിലും മാറ്റം വരുത്തിയിട്ടുണ്ട്.

മൂന്നാം ഏകദിനത്തിന് ശേഷം വെല്ലിംഗ്ടണിലെ ടെസ്റ്റ് സ്‌ക്വാഡിനൊപ്പം ചേരേണ്ടിയിരുന്ന മാറ്റ് ഹെന്റിയും കൈല്‍ ജാമിസണും നാലാം ഏകദിനം വരെ ഏകദിന ടീമിനൊപ്പം തുടരും. പരിക്കിന്റെ പശ്ചാത്തലത്തില്‍ നാല്, അഞ്ച് ഏകദിനങ്ങള്‍ക്കായി രണ്ട് കളിക്കാരെക്കൂടി ടീമില്‍ ഉള്‍പ്പെടുത്തിയേക്കും. അതേസമയം, ഇന്ത്യക്കെതിരായ ടെസ്റ്റ് പരമ്പരയ്ക്കുള്ള തയ്യാറെടുപ്പുകള്‍ക്കായി അഞ്ച് താരങ്ങളെ മൂന്നാം ഏകദിനത്തിന് ശേഷം സ്‌ക്വാഡില്‍ നിന്ന് ഒഴിവാകും. ടോം ലാഥം, ഡാരില്‍ മിച്ചല്‍, ഹെന്റി നിക്കോള്‍സ്, ഗ്ലെന്‍ ഫിലിപ്‌സ്, നഥാന്‍ സ്മിത്ത് എന്നിവര്‍ വെല്ലിംഗ്ടണിലേക്ക് തിരിക്കും. ടെസ്റ്റ് ടീമിനെ വരും ദിവസങ്ങളില്‍ പ്രഖ്യാപിക്കും.

മൂന്നും നാലും ഏകദിനങ്ങളില്‍ മിച്ചല്‍ സാന്റ്‌നര്‍ തന്നെ ടീമിനെ നയിക്കും. മൂന്നാം ഏകദിനത്തിനുള്ള ടീമില്‍ ക്ലാര്‍ക്ക്, ഫിഷര്‍, ജാമിസണ്‍, ജാക്കബ് ഡഫി എന്നിവര്‍ ബൗളിംഗ് നിരയിലുണ്ട്. ടോം ലാഥത്തിനും ടിം സീഫെര്‍ട്ടിനുമാണ് വിക്കറ്റ് കീപ്പിംഗ് ചുമതല.

രുചി വെറെ ലെവൽ ; മുട്ട പനിയാരം ഈസിയായി തയ്യാറാക്കാം

Gijo Jose — Mon, 09 Nov 2026 13:54:26 +0530

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

കുട്ടികളുടെ ടിഫിൻ ബോക്സിൽ ഉൾപ്പെടുത്താൻ പറ്റിയ രുചികരവും പോഷകപ്രദവുമായ മുട്ട പനിയാരം എളുപ്പം തയ്യാറാക്കാം.

ആവശ്യമായ ചേരുവകൾ

ദോശമാവ് 1 കപ്പ്

മുട്ട 1–2 എണ്ണം

ചെറുതായി അരിഞ്ഞ സവാള 1 എണ്ണം

ചെറുതായി അരിഞ്ഞ പച്ചമുളക് 1–2 എണ്ണം

കാരറ്റ് 2–3 ടേബിൾസ്പൂൺ (ഗ്രേറ്റ് ചെയ്തതോ ചെറുതായി അരിഞ്ഞതോ)

കറിവേപ്പില ആവശ്യത്തിന്

മല്ലിയില ആവശ്യത്തിന്

ജീരകം ഒരു നുള്ള്

കായം ഒരു നുള്ള്

മുളകുപൊടി ആവശ്യത്തിന് (വേണമെങ്കിൽ മാത്രം)

വെളിച്ചെണ്ണ പനിയാരക്കല്ലിൽ ഒഴിക്കാൻ ആവശ്യത്തിന്

ഉപ്പ് ആവശ്യത്തിന്

തയ്യാറാക്കുന്ന വിധം

ഒരു പാത്രത്തിൽ ദോശമാവും മുട്ടയും ചേർത്ത് നന്നായി ഇളക്കുക. ഇതിലേക്ക് അരിഞ്ഞ സവാള, പച്ചമുളക്, കാരറ്റ്, കറിവേപ്പില, മല്ലിയില എന്നിവ ചേർക്കുക. ജീരകം, കായം, ആവശ്യത്തിന് ഉപ്പ് എന്നിവ ചേർത്ത് നന്നായി യോജിപ്പിക്കുക. കൂടുതൽ എരിവ് വേണമെങ്കിൽ അല്പം മുളകുപൊടിയും ചേർക്കാം. പനിയാരക്കല്ല് ചൂടാക്കി ഓരോ കുഴിയിലും അല്പം വെളിച്ചെണ്ണ ഒഴിക്കുക. തയ്യാറാക്കിയ മാവ് ഓരോ കുഴിയിലും ഒഴിച്ച് മിതമായ തീയിൽ വേവിക്കുക. അടിഭാഗം നന്നായി വെന്തുകഴിഞ്ഞാൽ മറിച്ചിട്ട് മറുഭാഗവും സ്വർണ്ണനിറമാകുന്നതുവരെ വേവിക്കുക. മുട്ട പൂർണമായി വെന്തുവെന്ന് ഉറപ്പാക്കുക. ചൂടോടെ രുചികരമായ മുട്ട പനിയാരം വിളമ്പാം! ചൂടുള്ള മുട്ട പനിയാരം തേങ്ങാച്ചമ്മന്തിയോടോ തക്കാളിച്ചമ്മന്തിയോടോ കൂടി വിളമ്പാം.

കുറിപ്പ്: ക്യാരറ്റിന് പകരമായോ ക്യാറ്റിനോടൊപ്പമോ നിങ്ങളുടെ ഇഷ്ടത്തിനനുസരിച്ച് ഗ്രേറ്റ് ചെയ്തതോ ചെറുതായി അരിഞ്ഞതോ ആയ മറ്റ് പച്ചക്കറികളും ചേർക്കാവുന്നതാണ്. രുചികരവും പോഷകസമൃദ്ധവുമായ മുട്ട പനിയാരം തയ്യാർ!

View this post on Instagram

A post shared by ‍♀️ (@myculinaryvibes)

കിട്ടാനുള്ളത് 3500 കോടിയോളം രൂപ; സർക്കാരിൽ നിന്ന് പുതിയ പദ്ധതികൾ ഏറ്റെടുക്കാൻ മടിച്ച് കരാറുകാർ

Gowry Priya J — Mon, 09 Nov 2026 13:29:22 +0530

തിരുവനന്തപുരം: സര്‍ക്കാരില്‍ നിന്നും കിട്ടാനുള്ള കുടിശ്ശിക മൂവായിരത്തിയഞ്ഞൂറ് കോടി രൂപയിലധികം കടന്നതോടെ കരാറുകാര്‍ പുതിയ പദ്ധതികളേറ്റെടുക്കാന്‍ മടിക്കുന്നു. ടാര്‍ ഉള്‍പ്പെടെയുള്ള അസംസ്കൃത വസ്തുക്കളുടെ വില കുതിക്കുന്നതിനൊപ്പം ഒന്നര വര്‍ഷത്തെ പണം കൂടി കുടിശ്ശികയായതോടെ പ്രതിസന്ധിയിലായിരിക്കുകയാണ് കരാറുകാര്‍. ജനുവരി മുതല്‍ കരാറുകള്‍ ഏറ്റെടുക്കാതെ സമരം തുടങ്ങുമെന്ന് കരാറുകാരുടെ സംഘടനകള്‍ അറിയിച്ചു. പൊതുമരാമത്ത് മുതല്‍ തദ്ദേശ സ്വയംഭരണം വരെയുള്ള വകുപ്പുകളില്‍ കരാറുകാര്‍ക്ക് കിട്ടാനുള്ള പണം ഒന്നര വര്‍ഷത്തിലധികമായി കുടിശ്ശികയാണ്. ജല അതോറിറ്റിയില്‍ അറ്റകുറ്റപ്പണികളുടെ മാത്രം കുടിശ്ശിക 250 കോടി രൂപ വരും.ഇതോടെ സമരം തുടങ്ങും മുമ്പ് തന്നെ പണി ഏറ്റെടുക്കാന്‍ കഴിയാത്ത സ്ഥിതിയിലേക്ക് വന്നിരിക്കുകയാണ് കരാറുകാര്‍. പത്തു ലക്ഷത്തില്‍ താഴെ വരുന്ന ചെക്കുകള്‍ മാത്രമാണ് ട്രഷറിയില്‍ നിന്ന് മാറി നല്‍കുന്നതെന്ന് കരാറുകാര്‍ പറയുന്നത്.

പലിശക്ക് പണം കടം വാങ്ങി നിര്‍മാണം പൂര്‍ത്തിയാക്കിയ പദ്ധതികളുടെ പണം കിട്ടാതാകുന്നതോടെ വലിയ സാമ്പത്തിക ബാധ്യതയിലേക്കാണ് കരാറുകാര്‍ നീങ്ങുന്നത്. 3500 കോടി രൂപയിലധികം നിലവില്‍ വിവിധ വകുപ്പുകളില്‍ നിന്നായി കരാറുകാര്‍ക്ക് കിട്ടാനുണ്ട്.ചെറുകിട പദ്ധതികളുടെ പ്രവൃത്തികള്‍ പലതും പാതി വഴിക്ക് നിര്‍ത്തേണ്ട സ്ഥിതിയിലാണെന്നും കരാറുകാര്‍ പറയുന്നു. നിര്‍മാണ സാമഗ്രികളുടെ വില കുതിച്ചുയരുകയാണ്. ക്വാറി ഉല്‍പ്പന്നങ്ങള്‍ക്ക് ദൗര്‍ലഭ്യം നേരിടുന്നു. വന്‍കിട കരാറുകാര്‍ക്ക് കൃത്യമായി പണം അനുവദിക്കുമ്പോള്‍ ചെറുകിട കരാറുകാരോട് സര്‍ക്കാര്‍ അവഗണന കാട്ടുന്നുവെന്നാണ് ആക്ഷേപം. കാലുനുസൃതമായി എസ്റ്റിമേറ്റ് പുതുക്കണമെന്നതടക്കമുള്ള ആവശ്യങ്ങളുന്നയിച്ച് ഈ മാസം 17 ന് വാട്ടര്‍ അതോറിറ്റിക്ക് കീഴിലെ കരാറുകാര്‍ സമരം പ്രഖ്യാപിച്ചിട്ടുണ്ട്. ജല അതോറിറ്റിയുടെ അറ്റകുറ്റപ്പണികളില്‍ നിന്നും വിട്ടു നിന്നു കൊണ്ടാണ് സമരം. ജനുവരി മുതല്‍ ഒരു കരാറും ഏറ്റെടുക്കില്ലെന്ന് ഓള്‍ കേരളാ കോണ്‍ട്രാക്ടേഴ്സ് അസോസിയേഷനും പ്രഖ്യാപിച്ചിട്ടുണ്ട്.

ഏഷ്യാനെറ്റ് ന്യൂസ് ലൈവ് കാണാം

വിജയ് ദേവരകൊണ്ട- രശ്‍മിക ചിത്രം 'രണബാലി' ഒടിടി റിലീസിനൊരുങ്ങുന്നു; എവിടെ കാണാം?

Web Desk — Mon, 09 Nov 2026 13:27:49 +0530

ഇന്ത്യൻ ചരിത്രത്തെയും സംസ്കാരത്തെയും സ്വാധീനിച്ച മുൻതലമുറകളുടെ വീരഗാഥ പ്രമേയമാക്കുന്ന, വിജയ് ദേവരകൊണ്ട- രശ്‍മിക മന്ദാന ചിത്രമാണ് രണബാലി. ഒക്ടോബര്‍ 16ന് ആണ് രണബാലി തിയറ്ററുകളില്‍ എത്തിയത്. മോശമല്ലാത്ത ഒരു കളക്ഷനാണ് ചിത്രത്തിന് നേടാനായത്. ഇപ്പോഴിതാ ചിത്രത്തിൻറെ ഒടിടി സ്ട്രീമിംഗ് സംബന്ധിച്ച വിവരങ്ങളാണ് പുറത്തുവന്നിരിക്കുന്നത്. നെറ്റ്ഫ്ലിക്സ് ആണ് ചിത്രത്തിന്റെ സ്‌ട്രീമിംഗ്‌ അവകാശം സ്വന്തമാക്കിയിരിക്കുന്നത്. നവംബർ 13 മുതൽ ചിത്രം സ്ട്രീമിങ് ആരംഭിക്കും.

രാഹുൽ സംകൃത്യൻ ആണ് രണബാലി സംവിധാനം ചെയ്തിരിക്കുന്നത്. മൈത്രി മൂവി മേക്കേഴ്സിന്‍റെ ബാനറിൽ നവീൻ യെർനേനിയും വൈ. രവിശങ്കറും ചേർന്നാണ് ചിത്രം നിർമ്മിക്കുന്നത്. ചിത്രത്തിൽ രണബാലിയായി വിജയ് ദേവരകൊണ്ട എത്തുമ്പോള്‍ ജയമ്മയായാണ് രശ്മിക മന്ദാന എത്തുന്നത്. രണബാലിയുടേയും ജയമ്മയുടേയും ആഴമേറിയ പ്രണയത്തെ ആഘോഷമാക്കിക്കൊണ്ട് 'എൻന്തയ്യ സാമി' ഗാനം പുറത്തിറങ്ങിയത് ഏവരും ഏറ്റെടുത്തിരുന്നു. പ്രേക്ഷകരിൽ ആകാംക്ഷയും രോമാഞ്ചവും നിറയ്ക്കുന്ന രീതിയിൽ ഇതുവരെ കാണാത്ത അതിശക്തവും തീക്ഷ്ണവുമായ മേക്കോവറിൽ ട്രെയിലറിൽ വിജയ് ദേവരകൊണ്ട എത്തിയിരുന്നു.

1876 മുതൽ 1878 വരെയുള്ള ബ്രിട്ടീഷ് ഭരണകാലത്ത് ജീവൻ നഷ്ടമായ 80 ലക്ഷത്തോളം ഇന്ത്യക്കാരുടെ ഓർമ്മയ്ക്ക് മുന്നിൽ പ്രണാമർപ്പിച്ചുകൊണ്ടാണ് ചിത്രം എത്തുന്നത്. ഇന്ത്യയിൽ അക്കാലത്ത് നടന്ന യഥാർത്ഥ ചരിത്ര സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. "സിംഗനമല ബൊബ്ബിലി രണബാലി" എന്ന വീരയോദ്ധാവായി വിജയ് ദേവരകൊണ്ട ഞെട്ടിക്കുമെന്നാണ് സൂചന. വിജയ് ദേവരകൊണ്ടയും രശ്മിക മന്ദാനയും ഒന്നിക്കുന്ന പാൻ-ഇന്ത്യൻ ചിത്രം ടി-സീരീസ് ആണ് പ്രേക്ഷകർക്ക് മുന്നിൽ അവതരിപ്പിക്കുന്നത്. ഈ ബ്രഹ്മാണ്ഡ ചിത്രത്തിൽ വിജയ് ദേവരകൊണ്ടയോടൊപ്പം കരുത്തുറ്റ പ്രതിനായക കഥാപാത്രമായാണ് 'ദ മമ്മി', 'ദ മമ്മി റിട്ടേൺസ്', 'ബ്ലഡ് ഡയമണ്ട്' തുടങ്ങിയ സിനിമകളിലൂടെ ശ്രദ്ധേയനായ അർണോൾഡ് വോസ്‌ലൂ എത്തുന്നത്. സർ തിയോഡോർ ഹെക്ടർ എന്ന ബ്രിട്ടീഷ് ഉദ്യോഗസ്ഥനായാണ് അദ്ദേഹം വേഷമിടുന്നത്.

ടിക്കറ്റ് ഹരിപ്പാട്ടേക്ക്, ഇറക്കിവിട്ടത് ആലപ്പുഴയിൽ; വിദ്യാര്‍ത്ഥിനിയെ പാതിവഴിയിലുപേക്ഷിച്ച് കെഎസ്ആർടിസി, രാത്രി സ്റ്റാൻഡിൽ കാത്തുനിന്നത് 2 മണിക്കൂർ

Elsa TJ — Mon, 09 Nov 2026 13:15:01 +0530

ആലപ്പുഴ: എറണാകുളത്തുനിന്ന് ഹരിപ്പാട്ടേക്ക് ടിക്കറ്റെടുത്ത് കെഎസ്ആർടിസി ബസിൽ ഒറ്റയ്ക്ക് യാത്രചെയ്ത ബി കോം ഒന്നാംവർഷ വിദ്യാര്‍ത്ഥിനിയെ രാത്രി പാതിവഴിയിലിറക്കിവിട്ടതായി പരാതി. പന്തളം സ്വദേശിനിക്കാണ് ജീവനക്കാരുടെ ഭാഗത്തുനിന്ന് ഈ കടുത്ത ദുരനുഭവമുണ്ടായത്. നവംബർ ഏഴിന് രാത്രി 8.30-ഓടെ ആർപിസി 332 നമ്പർ ബസ് ആലപ്പുഴയിലെത്തിയപ്പോൾ സർവീസ് അവസാനിപ്പിക്കുകയാണെന്ന് പറഞ്ഞ് ജീവനക്കാർ യാത്രക്കാരെ ഇറക്കിവിടുകയായിരുന്നു. ലക്ഷ്യസ്ഥാനത്ത് എത്താൻ പെൺകുട്ടിക്ക് യാതൊരു ബദൽ യാത്രാസൗകര്യവും ഇവർ ഒരുക്കിയില്ല. ബസ് സ്റ്റാൻഡിൽ ഒറ്റയ്ക്ക് രണ്ടുമണിക്കൂറോളം കാത്തുനിന്ന പെൺകുട്ടിയെ ഒടുവിൽ മാതാപിതാക്കൾ എത്തിയാണ് വീട്ടിലേക്ക് കൊണ്ടുപോയത്. തുടർന്ന് ആലപ്പുഴ സൗത്ത് പൊലീസ് സ്റ്റേഷനിൽ പരാതി നൽകി.

ഇതിനുശേഷം ആലപ്പുഴ ഡിപ്പോയിലെ സ്റ്റേഷൻ മാസ്റ്റർക്ക് രേഖാമൂലം പരാതി നൽകാൻ മാതാപിതാക്കൾ ശ്രമിച്ചെങ്കിലും അദ്ദേഹം സ്വീകരിക്കാൻ തയ്യാറായില്ല. പിറ്റേദിവസം രാവിലെ പത്തിന് എത്താനായിരുന്നു സ്റ്റേഷൻ മാസ്റ്ററുടെ മറുപടി. സംഭവമറിഞ്ഞ പന്തളത്തെ ഒരു പൊതുപ്രവർത്തകൻ ബസ് ചേർത്തല ഡിപ്പോയുടേതാണെന്ന് കണ്ടെത്തി അവിടുത്തെ അധികൃതരുമായി ബന്ധപ്പെട്ടു. റോഡിലെ തിരക്കുമൂലമാണ് സർവീസ് ആലപ്പുഴയിൽ അവസാനിപ്പിച്ചതെന്നും ബസ് ഡിപ്പോയിൽ തിരിച്ചെത്തിയെന്നും ജീവനക്കാർ മടങ്ങിയെന്നുമായിരുന്നു ആദ്യ മറുപടി. എന്നാൽ, വിദ്യാര്‍ത്ഥിനിയെ പാതിവഴിയിലിറക്കിവിട്ട നിരുത്തരവാദപരമായ നടപടി ചോദ്യംചെയ്തതോടെ ബസിന് തകരാർ സംഭവിച്ചെന്നായി തിരുത്തി. ജീവനക്കാരെ സംരക്ഷിക്കുന്ന നിലപാടാണ് ആലപ്പുഴയിലെ സ്റ്റേഷൻ മാസ്റ്റർ സ്വീകരിച്ചതെന്നും ചേർത്തല ഡിപ്പോയിൽനിന്നുള്ള വിശദീകരണങ്ങൾ തമ്മിലുള്ള പൊരുത്തക്കേട് അന്വേഷണവിധേയമാക്കണമെന്നും കുടുംബം ആവശ്യപ്പെടുന്നു.

യാത്രക്കാരിൽനിന്ന് ടിക്കറ്റ് തുക ഈടാക്കിയശേഷം യാത്രാസൗകര്യം ഒരുക്കാതെ ജീവനക്കാർ മടങ്ങിയത് കടുത്ത അനാസ്ഥയാണ്. ജീവനക്കാർക്കും ഉദ്യോഗസ്ഥർക്കുമെതിരെ കർശന നടപടി സ്വീകരിക്കണമെന്നും മാനസിക ബുദ്ധിമുട്ട് നേരിട്ട പെൺകുട്ടിക്ക് നഷ്ടപരിഹാരം നൽകണമെന്നും ആവശ്യപ്പെട്ട് കുടുംബം വനിതാ ശിശുക്ഷേമ, യുവജന, ഗതാഗത വകുപ്പുകളിലും പരാതി നൽകിയിട്ടുണ്ട്. ഗതാഗത മന്ത്രിക്കും പരാതി നൽകാനുള്ള നീക്കത്തിലാണ് കുടുംബം.

ഏഷ്യാനെറ്റ് ന്യൂസ് ലൈവ് കാണാം

സുഹൃത്തിനൊപ്പം അപ്പാർട്ട്മെന്റിലെത്തിയ യുവാവിനെ മരിച്ച നിലയിൽ കണ്ടെത്തി

Deepu Divakaran — Mon, 09 Nov 2026 13:01:51 +0530

കാക്കനാട്: സുഹൃത്തിനൊപ്പം ഇടച്ചിറയിലെ അപ്പാർട്ട്മെന്റിലെത്തിയ യുവാവ് മരിച്ചു. ആലുവ ചൂർണിക്കര പള്ളിക്കുന്നം മാടവന ബിജു ജോസഫിന്റെ മകൻ ബ്രൈറ്റ് ബിജു (22) ആണ് മരിച്ചത്. ശനിയാഴ്ച ഉച്ചകഴിഞ്ഞ് മൂന്ന് മണിയോടെയാണ് ബ്രൈറ്റും ചെമ്പുമുക്ക് സ്വദേശിനിയായ സുഹൃത്തും അപ്പാർട്ട്മെന്റിൽ എത്തിയത്.

രാത്രി എട്ട് മണിയോടെ ബ്രൈറ്റ് കുഴഞ്ഞുവീണതായി യുവതി പൊലീസിനെ അറിയിച്ചു. തുടർന്ന് ബ്രൈറ്റിന്റെ സഹോദരനെ വിവരമറിയിച്ച് സ്ഥലത്തെത്തിച്ചു. ഇരുവരും ചേർന്ന് യുവാവിനെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു.

സംഭവവുമായി ബന്ധപ്പെട്ട് യുവതിയുടെ മൊഴിയെടുത്ത പൊലീസ് പിന്നീട് ബന്ധുക്കൾക്കൊപ്പം പോകാൻ അനുവദിച്ചു. ഇതിനിടെ, ബ്രൈറ്റ് കുഴഞ്ഞുവീണ ശേഷം ആശുപത്രിയിലെത്തിക്കുന്നതിൽ കാലതാമസമുണ്ടായെന്ന പരാതിയുമായി ബന്ധുക്കൾ രംഗത്തെത്തി. അപ്പാർട്ട്മെന്റിൽ സെക്യൂരിറ്റി ജീവനക്കാരൻ ഉൾപ്പെടെയുള്ളവർ ഉണ്ടായിരുന്നിട്ടും സഹോദരൻ എത്തുന്നത് വരെ ചികിത്സയ്ക്കായി കൊണ്ടുപോയില്ലെന്നാണ് ബന്ധുക്കളുടെ ആക്ഷേപം.

പോസ്റ്റുമോർട്ടത്തിലെ പ്രാഥമിക കണ്ടെത്തലുകൾ ഹൃദയാഘാതത്തിലേക്കാണ് വിരൽ ചൂണ്ടുന്നതെന്ന് പൊലീസ് വ്യക്തമാക്കി. ബ്രൈറ്റിന്റെ സംസ്കാരം ഇന്ന് രാവിലെ പത്തിന് അശോകപുരം സെന്റ് സെബാസ്റ്റ്യൻ പള്ളിയിൽ നടന്നു. മാതാവ് ടിൻസി. ബ്രിസ്റ്റോ ബിജു, ബെനീറ്റ ബിജു എന്നിവർ സഹോദരങ്ങളാണ്.

ശിവസൂര്യയെ കാണാതായിട്ട് മൂന്ന് മാസം, ലുക്ക് ഔട്ട് നോട്ടീസ് ഇറക്കി ക്രൈംബ്രാഞ്ച്

Web Desk — Mon, 09 Nov 2026 13:00:23 +0530

കണ്ണൂ‍ർ: ചൊക്ലിയിൽ നിന്ന് കാണാതായ പതിനേഴുകാരൻ ശിവസൂര്യക്കായി ലുക്ക് ഔട്ട് നോട്ടീസ് ഇറക്കി ക്രൈംബ്രാഞ്ച്. ശിവസൂര്യയെ കാണാതായിട്ട് മൂന്ന് മാസം പിന്നിടുകയാണ്. മൊബൈൽ ഫോൺ വാങ്ങി വച്ചതിൽ പ്രതിഷേധിച്ച് ഓഗസ്റ്റ് എട്ടിനാണ് കാശിയിലേക്ക് പോകുന്നുവെന്ന് കത്തെഴുതി വച്ച് ശിവസൂര്യ വീട് വിട്ടിറങ്ങിയത്. ഏകദേശം മൂവായിരം രൂപയും കൈയിലുണ്ടായിരുന്നു. ശിവസൂര്യക്കായി വാരണാസിയിലും രാമേശ്വരത്തും ഉൾപ്പടെ പോയി പൊലീസ് പരിശോധിച്ചു. തലശേരി എ എസ് പിയു‌ടെ നേതൃത്വത്തിൽ പ്രത്യേകഅന്വേഷണസംഘം രൂപീകരിച്ച് പരിശോധിച്ചിട്ടും ഫലമുണ്ടായില്ല. അന്വേഷണം ആദ്യഘട്ടത്തിൽ കാര്യമായി നടന്നില്ലെന്ന് കൂടുംബം ആരോപിച്ചിരുന്നു. പിന്നാലെ ആഭ്യന്തരമന്ത്രി രമേശ് ചെന്നിത്തലയെ നേരിട്ട് കണ്ട് ക്രൈംബ്രാഞ്ച് അന്വേഷണം വേണമെന്ന് കുടുംബം ആവശ്യപ്പെട്ടു. ഇതിൻ്റെ അടിസ്ഥാനത്തിൽ കഴിഞ്ഞ മാസം 17നാണ് ക്രൈംബ്രാഞ്ച് അന്വേഷണം ഏറ്റെടുത്തത്. ക്രൈംബ്രാഞ്ചിനും കാര്യമായ പുരോഗതി ഉണ്ടാക്കാൻ കഴിഞ്ഞില്ല. തുട‍ർന്നാണ് ഇപ്പോൾ ലുക്ക് ഔട്ട് നോട്ടീസ് ഇറക്കിയത്.

ഡോക്ടര്‍മാരുടെ അനാസ്ഥയില്‍ വയറ്റില്‍ കത്രികയുമായി 5 വർഷം നരകയാതനയില്‍ കഴിഞ്ഞ വീട്ടമ്മയ്ക്ക് വീടൊരുക്കി കെ സി വേണുഗോപാൽ

Elsa TJ — Mon, 09 Nov 2026 12:56:49 +0530

ആലപ്പുഴ: ഡോക്ടര്‍മാരുടെ അനാസ്ഥയില്‍ വയറ്റില്‍ കത്രികയുമായി 5 വർഷം നരകയാതനയില്‍ കഴിഞ്ഞ വീട്ടമ്മയ്ക്ക് കയറിക്കിടക്കാൻ വീടൊരുങ്ങി. കെ സി വേണുഗോപാൽ എംപിയുടെ ഇടപെടലിൽ ആണ് ഉഷ ജോസഫിന് വീട് വച്ച് നൽകിയത്. പുന്നപ്ര കിഴക്ക് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ 7 ലക്ഷം രൂപ ചെലവിട്ടാണ് വീട് നിർമ്മിച്ചത്. 2021മെയ് മാസത്തിലായിരുന്നു ഉഷ വണ്ടാനം മെഡിക്കൽ കോളേജിൽ ഗർഭാശയ മുഴ നീക്കം ചെയ്യാനായി ശസ്ത്രക്രിയക്ക് വിധേയയായത്. അഞ്ച് വർഷത്തെ തീവ്രമായ വേദനയ്ക്ക് ശേഷം, 2026 ഫെബ്രുവരിയിൽ കൊച്ചിയിലെ സ്വകാര്യ ആശുപത്രിയിൽ നടത്തിയ ശസ്ത്രക്രിയയിലൂടെ വയറ്റിൽ നിന്ന് കത്രിക പുറത്തെടുത്തത്. കത്രിക പോലിരിക്കുന്ന ശസ്ത്രക്രിയ ഉപകരണമായി മൊസ്കിറ്റോ ആർട്ടെറി ഫോർസെപ്സ് ആണ് ഉഷയുടെ വയറ്റിൽ ശസ്ത്രക്രിയയ്ക്കിടെ കുടുങ്ങിയത്.

ഏഷ്യാനെറ്റ് ന്യൂസ് ലൈവ് കാണാം

കണ്ടുപഠിക്കണം; ഹൈജംപ്, ട്രിപ്പിൾ ജംപ്... 6 ഇനങ്ങൾ, 91 -കാരി നേടിയത് 6 ലോകറെക്കോർഡുകൾ!

Web Desk — Mon, 09 Nov 2026 12:55:31 +0530

പ്രായം വെറുമൊരു നമ്പർ മാത്രം! പറഞ്ഞുപറഞ്ഞ് ക്ലീഷേയായ വാക്കുകളാണല്ലേ? എന്നാൽ, ചിലരുടെ കാര്യത്തിൽ അതെത്ര പറഞ്ഞാലും അധികമാകില്ല. അത് സ്വന്തം ജീവിതത്തിലൂടെ തെളിയിക്കുകയാണ് അമേരിക്കയിലെ വെർമോണ്ടിൽ നിന്നുള്ള 91 -കാരിയായ ഫ്ലോറൻസ് മെയ്‌ലർ. 60 -ാം വയസ്സിൽ മാത്രം അത്‌ലറ്റിക്സിലേക്ക് ചുവടുവെച്ച ഫ്ലോറൻസ്, ഇന്ന് വേൾഡ് മാസ്റ്റേഴ്സ് അത്‌ലറ്റിക്സിന്റെ ആറ് ലോകറെക്കോർഡുകൾ തിരുത്തിക്കുറിച്ചാണ് കായികലോകത്തെ അത്ഭുതപ്പെടുത്തുന്നത്.

60-ാം വയസ്സിലെ തുടക്കം

ഒരു സുഹൃത്തിന്റെ നിർബന്ധത്തിന് വഴങ്ങി 60-ാം വയസ്സിലാണ് ഫ്ലോറൻസ് അത്‍ലറ്റിക്സിലേക്ക് വരുന്നത്. വെർമോണ്ട് സീനിയർ ഗെയിംസിൽ ലോംഗ് ജംപിൽ പങ്കെടുക്കാൻ സുഹൃത്തായ ബാർബറ ജോർദാൻ ക്ഷണിച്ചതാണ് ഇവരുടെ ജീവിതത്തിൽ വഴിത്തിരിവായത്. തുടർന്ന് 20 വർഷത്തോളം ഇരുവരും ഒരുമിച്ച് പരിശീലനം നടത്തുകയും മത്സരങ്ങളിൽ പങ്കെടുക്കുകയും ചെയ്തു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

എന്നാൽ, 2020 -ൽ കാൻസർ ബാധയെത്തുടർന്ന് 85 -ാം വയസ്സിൽ ബാർബറ അന്തരിച്ചു. എങ്കിലും, പരിശീലനം പ്രയാസകരമാകുമ്പോൾ തനിക്ക് മുന്നോട്ട് പോകാനുള്ള കരുത്ത് ബാർബറയുടെ ഓർമ്മകളാണെന്ന് ഫ്ലോറൻസ് പറയുന്നു. "പരിശീലനം നടത്തുമ്പോൾ ഞങ്ങൾ പരസ്പരം ചോദ്യം ചെയ്യുകയും പോരായ്മകൾ ചൂണ്ടിക്കാണിക്കുകയും ചെയ്യുമായിരുന്നു. ഇപ്പോൾ ഒറ്റയ്ക്ക് പരിശീലിക്കുന്നത് എളുപ്പമല്ല, എങ്കിലും ബാർബറയുടെ ഓർമ്മകൾ എന്നെ മുന്നോട്ട് നയിക്കുന്നു" ഫ്ലോറൻസ് പറയുന്നു.

6 ലോകറെക്കോർഡുകൾ

90 മുതൽ 94 വരെയുള്ള പ്രായക്കാരുടെ വിഭാഗത്തിലാണ് ഫ്ലോറൻസിന്റെ റെക്കോർഡുകൾ. 2,000 മീറ്റർ സ്റ്റീപ്പിൾചേസ്, 80 മീറ്റർ ഹർഡിൽസ്, പോൾ വോൾട്ട്, ഹൈജംപ്, ട്രിപ്പിൾ ജംപ്, പെന്റാത്‌ലൺ എന്നീ ആറ് ഇനങ്ങളിലാണ് ഈ 91-കാരി ലോകറെക്കോർഡ് സ്ഥാപിച്ചിരിക്കുന്നത്.

'Never too late' എന്നാണ് തന്റെ ജീവിതാനുഭവത്തിൽ നിന്നും ഫ്ലോറൻസിന് ഈ ലോകത്തോട് പറയാനുള്ളത്. മറ്റു അത്‌ലറ്റുകൾ തന്നിൽ നിന്ന് പ്രചോദനം ഉൾക്കൊള്ളുന്നു എന്ന് പറയുമ്പോൾ വലിയ സന്തോഷവും സംതൃപ്തിയും തോന്നാറുണ്ടെന്നും അവർ കൂട്ടിച്ചേർക്കുന്നു.

'ചത്ത ശവമായിട്ടാണ് കിടന്നുറങ്ങുക, എന്നിട്ടും വെളുപ്പിനേ തപ്പാനിറങ്ങി'; ഷിജിനെ പ്രശംസിച്ച് എൽദോ

Web Desk — Mon, 09 Nov 2026 12:54:31 +0530

ബിഗ് ബോസിലെ ആറ്റംബോബ് ടാസ്കിൽ ഷിജിനെ പ്രശംസിച്ച് ഈ സീസണിലെ മൽസരാർത്ഥികളിൽ ഒരാളായിരുന്ന എൽദോ. ഷിജിനെയോർത്ത് ഒരുപാട് അഭിമാനവും സന്തോഷവും തോന്നിയെന്ന് എൽദോ ഇൻസ്റ്റഗ്രാമിൽ പങ്കുവെച്ച വീഡിയോയിൽ പറയുന്നു. ''ഈ സീസൺ മൊത്തത്തിൽ ഒന്ന് തണുത്ത് തുടങ്ങിയതായിരുന്നു. ഞാൻ തന്നെ എല്ലാ എപ്പിസോഡുകളും കാണാറില്ല. പക്ഷേ, ഷിജിൻ ശരിക്കും ഞെട്ടിച്ചു കളഞ്ഞു. പെർഫോമൻസ് ഒക്കെ കഴിഞ്ഞ് ചത്ത ശവമായിട്ടാണ് അവിടെ കിടന്നുറങ്ങാറ്. എന്നിട്ടും അവൻ വെളുപ്പിനേ എഴുന്നേറ്റ് തപ്പാൻ പോയി. ആരെന്തു പറഞ്ഞാലും ആ സമർപ്പണം അഭിനന്ദിച്ചേ പറ്റൂ. ആ അഞ്ച് ലക്ഷം രൂപ അവന് കിട്ടിയപ്പോൾ പ്രേക്ഷകൻ എന്ന നിലയിൽ എനിക്കും സന്തോഷം തോന്നി. കഷ്ടപ്പെടുന്നവർക്ക് ഉറപ്പായും അതിന്റെ ഫലം കിട്ടും. ഈ ആഴ്ച ഷിജിന്റെ കയ്യിലാണ്'', എൽദോ വീഡിയോയിൽ പറഞ്ഞു.

''പ്രിയ സുഹൃത്ത് ശിജിൻ, അഗ്നിപരീക്ഷയിൽ അഖിൽ മാരാരെ തോൽപ്പിച്ച ആ ടാസ്‌കും അതിനുശേഷം നടന്ന ചർച്ചയും ഇന്നും ഓർമയിലുണ്ട്. ബിഗ് ബോസ് ഹൗസിലേക്ക് പോകാൻ ഏറ്റവും യോഗ്യൻ ആരാണ്, അയോഗ്യൻ ആരാണ് എന്ന ചോദ്യത്തിന് അന്ന് ഞാൻ പിന്തുണച്ചത് നിന്നെയായിരുന്നു. ഒരുപക്ഷേ നിനക്കുവേണ്ടി ശബ്ദമുയർത്തിയത് ഞാൻ മാത്രമായിരിക്കാം. അന്ന് ഞാൻ പറഞ്ഞ വാക്കുകൾ ഇന്നും ഓർമയുണ്ട്. ടാസ്‌കുകളിൽ എന്തും കളിക്കാനും വിജയത്തിനായി ഏതറ്റം വരെയും പോകാനും നിനക്ക് കഴിയും. ചരിത്രത്തിലെ ഏറ്റവും വലിയ ബിഗ് ബോസ് ഗെയിമർമാരിലൊരാളായി ശിജിൻ മാറട്ടെ! നിന്റെ ഈ ഗെയിം ഇനിയും തുടരട്ടെ. ഒരുപാട് ഉയരങ്ങൾ കീഴടക്കാൻ സാധിക്കട്ടെ. ഹൃദയം നിറഞ്ഞ ആശംസകൾ!'', എന്നാണ് വീഡിയോയ്ക്കൊപ്പം എൽദോ കുറിച്ചത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ഗുര്‍നൂര്‍ ബ്രാര്‍, ഇന്ത്യന്‍ ക്രിക്കറ്റിന്റെ പുതിയ പ്രതീക്ഷ; സ്‌റ്റെയ്‌നിന്റെ ഉപദേശം കരുത്തായെന്ന് താരം

Web Desk — Mon, 09 Nov 2026 12:47:15 +0530

മുംബൈ: ഇന്ത്യന്‍ ക്രിക്കറ്റിലെ പുത്തന്‍ പ്രതീക്ഷയുടെ പേരാണ് ഗുര്‍നൂര്‍ ബ്രാര്‍. കിവീസിനെതിരെ ആദ്യ രണ്ട് ഏകദിനങ്ങളിലും തിളങ്ങിയ ബ്രാറില്‍ നിന്ന് കൂടുതല്‍ മിന്നും പ്രകടനങ്ങള്‍ പ്രതീക്ഷിക്കുന്നു ആരാധകര്‍. വെല്ലിങ്ടണില്‍ കിവീസിനെ വീഴ്ത്തിയ നാല് വിക്കറ്റ് നേട്ടം. ന്യൂസിലന്‍ഡ് മണ്ണില്‍ ഇന്ത്യന്‍ പേസറുടെ രണ്ടാമത്തെ മികച്ച ബോളിങ് പ്രകടനമാണ്. ഈ പ്രകടനത്തിന് പിന്നാലെ ബ്രാര്‍ ആരാധക ഹൃദയങ്ങിലേക്ക് പറന്നുകയറുകയാണ്. ഐപിഎല്ലിന്റെ ഗ്ലാമറില്‍ നിന്നല്ല 26 കാരനായ ബ്രാറിന്റെ വരവ്. 12 ഫസ്റ്റ് ക്ലാസ് മത്സരങ്ങളുടെ പരിചയമുള്ള സമയത്ത് തന്നെ ഗംഭീറും മുന്‍ സെലക്ഷന്‍ കമ്മിറ്റിയും ബ്രാറില്‍ പ്രതിഭയുണ്ടെന്ന് കണ്ടെത്തി.

വേഗം തന്നെ അവര്‍ ഈ പേസറെ സെന്റര്‍ ഓഫ് എക്‌സലന്‍സിലെത്തിച്ചു. പേസര്‍ക്ക് വേണ്ട കഠിനാധ്വാനവും അച്ചടക്കവുമാണ് താരത്തിന്റെ കരുത്ത്. ഒപ്പം ഉയരവും ബ്രാറിന് ഗുണം ചെയ്യുന്നു. ഉയരമുള്ള ബ്രാറിന് ബാസ്‌ക്കറ്റ് ബോള്‍ താരമാക്കാനായിരുന്നു പിതാവിന് താത്പര്യമെങ്കിലും ബ്രാറിന്റെ ഇഷ്ടം ക്രിക്കറ്റായിരുന്നു. സ്റ്റെയിന്റെ ബോളിങ് സ്‌റ്റൈലിന്റെ ആരാധകനാണ് ബ്രാര്‍, വിക്കറ്റിന് സാഹചര്യങ്ങളെ അമിതമായി ആശ്രയിക്കുരുതെന്ന സ്റ്റെയിന്റെ ഉപദേശവും ബ്രാറിന് കരുത്തായി. ബാറ്റര്‍ക്ക് നിര്‍ബന്ധമായും കളിക്കേണ്ടിവരുന്ന ലെങ്തില്‍ പന്തെറിയാന്‍ പരിശീലിച്ചു. അങ്ങനെ വിക്കറ്റെടുത്ത് ബ്രാറിന്റെ മുന്നേറ്റം.

ഉയരം എങ്ങനെ പ്രയോജനപ്പെടുത്തണമെന്ന് ഇന്ത്യയുടെ ബോളിങ് പരിശീലകന്‍ മോണി മോര്‍ക്കല്‍ കൃത്യമായി സംസാരിക്കുന്നത് ഗുണം ചെയ്യുന്നെന്ന് ബ്രാര്‍ തന്നെ സമ്മതിക്കുന്നു. കൃത്യമായ ലെങ്തില്‍ പന്തെറിഞ്ഞ് ബാറ്റര്‍മാരെ വിഷമിപ്പിക്കുന്നതാണ് ബ്രാറിന്റെ രീതി. നിരവധി പേസര്‍മാരുണ്ടെങ്കിലും സ്ഥിരയുള്ള പേസ് സംഘത്തെ തിരയുകയാണ് ടീം ഇന്ത്യ. ഏകദിനങ്ങളില്‍ മധ്യ ഓവറുകളില്‍ വിക്കറ്റെടുക്കാന്‍ പോന്നൊരു താരമെന്ന തരത്തില്‍ ബ്രാറിന് മുന്‍തൂക്കം ലഭിക്കുമെന്ന കാര്യത്തില്‍ തര്‍ക്കമില്ല.

സ്ഥിരത തുടര്‍ന്നാല്‍ ഇന്ത്യന്‍ പ്രതീക്ഷയായി ബ്രാര്‍ ടീമിലുണ്ടാകുമെന്നുറപ്പ്. 140 കിലോമീറ്ററിലേറെ വേഗവും ബൗണ്‍സുമുള്ള ബ്രാറിന് ഇന്ത്യന്‍ പേസ് സംഘത്തിലെ സ്ഥിര സാന്നിധ്യമാകാന്‍ കിവീസ് പരമ്പര സാഹായിക്കുമോ എന്ന് കാത്തിരിക്കാം.

പെട്രോളിൽ എഥനോളിന്റെ അളവറിയാൻ കേരളത്തിലും പരിശോധന, 4 ജില്ലകളിൽ സാമ്പിളുകൾ ശേഖരിച്ചു; ജനങ്ങൾക്ക് സത്യമറിയാനാകുമെന്ന് മന്ത്രി; ദേശീയ തലത്തിലും ആകാംക്ഷ

Anver Sajad — Mon, 09 Nov 2026 12:47:03 +0530

തിരുവനന്തപുരം: പെട്രോളിൽ എഥനോളിന്‍റെ അളവ് അറിയാൻ കേരളത്തിലും പരിശോധന തുടങ്ങി. കർണാടകയില്‍ എഥനോൾ അളവ് കൂടുതലാണെന്ന കണ്ടത്തലിന് പിന്നാലെയാണ് കേരളത്തിലെ നാല് ജില്ലകളിൽ പരിശോധന നടത്തുന്നത്. തിരുവനന്തപുരം, എറണാകുളം കോഴിക്കോട്, കണ്ണൂർ ജില്ലകളിലെ പമ്പുകളിൽ രാവിലെയോടെ പരിശോധന നടന്നു. ആറു സാമ്പിളുകളാണ് ശേഖരിച്ചരിച്ചത്. ഓയിൽ കമ്പനികളുടെ പ്രതിനിധികളുടെ സാന്നിധ്യത്തിൽ ആയിരുന്നു സാമ്പിൾ ശേഖരണം. മുൻവിധിയോടെയുള്ള പരിശോധന അല്ലെന്നും എന്നാൽ എഥനോള്‍ കൂടുതൽ ഉണ്ടെങ്കിൽ പ്രോസിക്യൂഷൻ നടപടികൾ സ്വീകരിക്കുമെന്നും ഭക്ഷ്യ പൊതുവിതരണ വകുപ്പ് മന്ത്രി അനൂപ് ജേക്കബ് ഏഷ്യാനെറ്റ് ന്യൂസിനോട് പറഞ്ഞു.

ജനങ്ങൾക്ക് സത്യം അറിയാം

കർണാടക സർക്കാർ നടത്തിയ പരിശോധനയിൽ 31 ശതമാനം വരെ എഥനോൾ പെട്രോളിൽ ഉള്ളതായി കണ്ടെത്തിയിരുന്നു. ഇതിനു പിന്നാലെയാണ് മുഖ്യമന്ത്രി വി ഡി സതീശനും ഭക്ഷ്യ പൊതുവിതരണ വകുപ്പ് മന്ത്രിയും തമ്മില്‍ ചർച്ച നടത്തി കേരളത്തിൽ പരിശോധനയ്ക്ക് തീരുമാനിച്ചത്. തിരുവനന്തപുരം, എറണാകുളം കോഴിക്കോട്, കണ്ണൂർ ജില്ലകളിലെ പമ്പുകളിൽ രാവിലെയോടെ പരിശോധന നടന്നു. ആറു സാമ്പിളുകളാണ് ശേഖരിച്ചരിച്ചത്. ഓയിൽ കമ്പനികളുടെ പ്രതിനിധികളുടെ സാന്നിധ്യത്തിൽ ആയിരുന്നു സാമ്പിൾ ശേഖരണം. പരിശോധന ഫലം ലഭിക്കുന്ന മുറയ്ക്കാകും തുടർ നടപടി. എഥനോള്‍ അളവ് കൂടുതലുണ്ടെങ്കിൽ കോടതിയെ സമീപിക്കാനാണ് സംസ്ഥാന സർക്കാർ നീക്കം. ഇക്കാര്യം മന്ത്രി അനൂപ് ജേക്കബ് തന്നെ വ്യക്കമാക്കി. പെട്രോളിൽ എഥനോൾ കലർത്തുന്നതിൽ നേരത്തെ തന്നെ വിമർശനമുണ്ട്. മൈലേജ് കുറയുന്നു, വാഹന തകരാർ സംഭവിക്കുന്നു തുടങ്ങി പരാതികളുണ്ടെന്നും മന്ത്രി വിവരിച്ചു. ഇക്കാര്യത്തിൽ ജനങ്ങളുടെ ആശങ്ക പരിഹരിക്കലാണ് പ്രധാനം. അതിനാണ് സാംപിൾ പരിശോധന നടത്തുന്നതെന്നും പരിശോധന ഫലം വരുമ്പോൾ സത്യം അറിയാനാകുമെന്നും അനൂപ് ജേക്കബ് കൂട്ടിച്ചേർത്തു.

ദേശീയ തലത്തിലും നിർണായകം

അതേസമയം എഥനോള്‍ അളവ് കൂടുതലെന്നുള്ള കർണാടകയുടെ കണ്ടെത്തൽ ദേശീയതലത്തിൽ തന്നെ തർക്കത്തിന് വഴി വച്ചിട്ടുണ്ട്. കർണാടക സർക്കാരിന്‍റെ പരിശോധന ഫലത്തെ കേന്ദ്ര സർക്കാർ തള്ളിക്കളഞ്ഞിരിക്കുകയാണ്. പെട്രോളിയം കമ്പനികളും തള്ളിയിട്ടുണ്ട്. അളവ് ശാസ്ത്രീയമല്ലെന്ന വിമർശനമാണ് ഇവർ മുന്നോട്ട് വച്ചിരിക്കുന്നത്. അതിനാൽ തന്നെ കേരളത്തിലെ പരിശോധന ഫലം എന്താണെന്നറിയാൻ ദേശീയതലത്തിലും ആകാംക്ഷയാണ്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

ദേശീയപാതയില്‍ കാര്‍ പണിമുടക്കി; യാത്രാമധ്യേ കുടുങ്ങിയ കുടുംബത്തിന് രക്ഷകരായി മോട്ടോര്‍ വാഹന വകുപ്പ് ഉദ്യോഗസ്ഥര്‍

Web Desk — Mon, 09 Nov 2026 12:45:20 +0530

മലപ്പുറം: ദേശീയപാത 66ല്‍ കാര്‍ തകരാറിലായി യാത്രാമധ്യേ കുടുങ്ങിയ കുടുംബത്തിന് തുണയായി മോട്ടോര്‍ വാഹന വകുപ്പ് പട്രോളിങ് സംഘം. കോഴിക്കോട് സ്വദേശിയായ ഹവില്‍ദാര്‍ പി. അനൂപും കുടുംബവുമാണ് ഉദ്യോഗസ്ഥരുടെ സമയോചിതമായ ഇടപെടലിലൂടെ ദുരിതത്തില്‍നിന്ന് രക്ഷപ്പെട്ടത്. കോഴിക്കോട്ടുനിന്ന് ഗുരുവായൂരിലേക്ക് ക്ഷേത്രദര്‍ശനത്തിനായി കുടുംബസമേതം യാത്ര ചെയ്യുന്നതിനിടെയാണ് കക്കാട് വെച്ച് കാറിന് തകരാര്‍ സംഭവിച്ചത്. വാഹനത്തിലെ സെന്‍സറിലുണ്ടായ തകരാറിനെ തുടര്‍ന്ന് ആദ്യം എ.സി പ്രവര്‍ത്തനം നിലച്ചു. പിന്നാലെ എന്‍ജിനും പ്രവര്‍ത്തനരഹിതമായി. ഇതോടെ ദേശീയപാതയില്‍ വാഹനം മുന്നോട്ടുകൊണ്ടുപോകാനാകാതെ കുടുംബം കുടുങ്ങി.

സഹായത്തിനായി പലരെയും ബന്ധപ്പെട്ടെങ്കിലും കൃത്യസമയത്ത് സഹായം ലഭിച്ചില്ല. ഇതിനിടെയാണ് ദേശീയപാതയില്‍ പട്രോളിങ് നടത്തുകയായിരുന്ന മോട്ടോര്‍ വാഹന വകുപ്പ് ഉദ്യോഗസ്ഥര്‍ കാര്‍ ശ്രദ്ധിച്ചത്. ഉടന്‍ സ്ഥലത്തെത്തിയ കൊണ്ടോട്ടി എം.വി.ഐ. പി.കെ. മുഹമ്മദ് ഷഫീഖ്, എ. എം. വി. ഐ സൗരഭ് എന്നിവരുടെ നേതൃത്വത്തിലുള്ള സംഘം വാഹനം പരിശോധിച്ച് തകരാര്‍ കണ്ടെത്തി. തുടര്‍ന്ന് വര്‍ക്ക്ഷോപ്പ് ജീവനക്കാരനെ സ്ഥലത്തെത്തിച്ച് ആവശ്യമായ അറ്റകുറ്റപ്പണികള്‍ നടത്തി. വാഹനം പൂര്‍ണമായും പ്രവര്‍ത്തനക്ഷമമായതോടെ കുടുംബത്തിന് യാത്ര തുടരാനായി. പ്രതിസന്ധി ഘട്ടത്തില്‍ സമയോചിതമായി ഇടപെട്ട് സഹായിച്ച മോട്ടോര്‍ വാഹന വകുപ്പ് ഉദ്യോഗസ്ഥര്‍ക്ക് പി. അനൂപും കുടുംബവും നന്ദി അറിയിച്ചു. ദേശീയപാതയിലെ പട്രോളിങ് സംഘത്തിന്റെ ഇടപെടല്‍ കുടുംബത്തിന് വലിയ ആശ്വാസമായി.

യുവ ഡോക്ടർക്കെതിരായ ബലാത്സംഗ കേസ്; ബലാത്സംഗ ആരോപണം കെട്ടിച്ചമച്ചതെന്ന് ഡോ ജോൺസൺ കെ വർഗീസ്, 'പരാതിക്കാരിയുമായി നല്ല സൗഹൃദം'

Prajeesh Ram — Mon, 09 Nov 2026 12:42:13 +0530

കൊച്ചി: യുവ ഡോക്ടർക്കെതിരായ ബലാത്സംഗ കേസിൽ മുൻകൂർ ജാമ്യഹർജി നൽകി ഡോ ജോൺസൺ കെ വർഗീസ്. പരാതിക്കാരിയുടെ കുടുംബ ഡോക്ടർ ആണ് താനെന്നും ദീർഘകാലമായി തനിക്ക് കീഴിൽ ചികിത്സ നടത്തുന്നുണ്ടെന്നും ഡോ ജോൺസൺ കെ വർഗീസ് പറയുന്നു. ബലാത്സംഗ ആരോപണം കെട്ടിച്ചമച്ചതാണ്. പരാതിക്കാരിയുമായി നല്ല സൗഹൃദമെന്നും ഡോക്ടർ മുൻകൂർ ജാമ്യഹർജിയിൽ പറയുന്നു. ബന്ധുവായ നടിയക്കെതിരെയും ഡോക്ടർ ആരോപണം ഉന്നയിക്കുന്നുണ്ട്.

പരാതിക്കാരിയുടെ ബന്ധുവായ നടി പണം തട്ടാൻ ശ്രമിച്ചു. കടവന്ത്രയിലെ ഫ്ലാറ്റിൽ കെട്ടിയിട്ടും നഗ്നനാക്കിയും വീഡിയോ ചിത്രീകരിച്ചു. മൂന്ന് കോടി രൂപ തരാനാണ് ആവശ്യപ്പെട്ടത്. നടി തന്നോട് പണം ആവശ്യപ്പെടുന്ന വാട്സ് അപ്പ് ചാറ്റ് ഉണ്ടെന്നും മർദ്ദനത്തിന് പരാതി നൽകിയ വിരോധമാണ് ബലാത്സംഗ കേസിന് പിന്നിലെന്നും ഡോക്ടർ പറയുന്നു. അതേസമയം, കേസടുത്തതിന് പിന്നാലെ ഡോക്ടർ ഒളിവിലാണ്. ഇയാൾ വിദേശത്തേക്ക് കടന്നതായാണ് പൊലീസിൻ്റെ സംശയം. പ്രതിക്കായി ലുക്ക് ഔട്ട് നോട്ടീസ് ഇറക്കിയിട്ടുണ്ട്.

ബിപി നിയന്ത്രിക്കാൻ കഴിക്കേണ്ട 7 ഭക്ഷണങ്ങൾ

Resmi Sreekumar — Mon, 09 Nov 2026 12:33:59 +0530

ബിപി നിയന്ത്രിക്കാൻ കഴിക്കേണ്ട 7 ഭക്ഷണങ്ങൾ.

വന്യജീവികളെ വേട്ടയാടുകയോ ഉപദ്രവിക്കുകയോ ചെയ്താൽ കടുത്ത ശിക്ഷ; മുന്നറിയിപ്പുമായി സൗദി അധികൃതർ

Gargi Sivaprasad — Mon, 09 Nov 2026 12:22:10 +0530

റിയാദ്: സൗദി അറേബ്യയിലെ വനം വന്യ ജീവി സംരക്ഷിത മേഖലയായ ഇമാം തുർക്കി ബിൻ അബ്ദുല്ല റോയൽ റിസർവ് പരിധിയിൽ വന്യജീവികളെ പിന്തുടരുന്നതും ഉപദ്രവിക്കുന്നതും അവയെ അപകടത്തിലാക്കുന്നതും കുറ്റകരമാണെന്ന് ഡെവലപ്‌മെന്റ് അതോറിറ്റി വീണ്ടും മുന്നറിയിപ്പ് നൽകി. സംരക്ഷിത പ്രദേശത്തിനുള്ളിൽ കഴുതപ്പുലിയെ വാഹനം ഉപയോഗിച്ച് പിന്തുടരുന്ന വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ച പശ്ചാത്തലത്തിലാണ് ഈ നടപടി. വന്യജീവി സംരക്ഷണവുമായി ബന്ധപ്പെട്ട നിയമങ്ങളും നിർദേശങ്ങളും എല്ലാവരും കർശനമായി പാലിക്കണമെന്ന് അതോറിറ്റി വ്യക്തമാക്കി.

വന്യജീവികളെ വേട്ടയാടുന്നത് തടയുക എന്നത് മാത്രമല്ല സംരക്ഷണം കൊണ്ട് ഉദ്ദേശിക്കുന്നത്. അവയുടെ സ്വാഭാവിക വാസസ്ഥലങ്ങളിൽ സുരക്ഷിതമായി ജീവിക്കാനുള്ള സാഹചര്യം ഒരുക്കുക കൂടി ഇതിന്റെ ഭാഗമാണ്. വാഹനങ്ങളിൽ പിന്തുടർന്ന് പേടിപ്പെടുത്തുന്നതും ആക്രമിക്കുന്നതും ഉൾപ്പെടെയുള്ള എല്ലാ പ്രവൃത്തികളിൽ നിന്നും ആളുകൾ വിട്ടുനിൽക്കണം. പരിസ്ഥിതി നിയമങ്ങൾ ലംഘിക്കുന്നവർക്കെതിരെ ശക്തമായ നിയമനടപടികൾ സ്വീകരിക്കുമെന്നും അധികൃതർ കൂട്ടിച്ചേർത്തു.

നിയമപ്രകാരം വേട്ടയാടൽ പൂർണ്ണമായും നിരോധിച്ചിട്ടുള്ള വന്യജീവികളിൽ ഒന്നാണ് വരയൻ കഴുതപ്പുലി. വന്യമൃഗ വേട്ടയുമായി ബന്ധപ്പെട്ട നിയമങ്ങൾ അനുസരിച്ച് ഒരു വരയൻ കഴുതപ്പുലിയെ വേട്ടയാടിയാൽ 80,000 റിയാലാണ് പിഴ. വേട്ടയാടലും വന്യജീവികളെ ഉപദ്രവിക്കുന്ന മറ്റ് രീതികളും വേവ്വേറെ കുറ്റകൃത്യങ്ങളായിട്ടാണ് കണക്കാക്കുന്നത്. ഇത്തരത്തിലുള്ള ഓരോ ലംഘനങ്ങൾക്കും അതിന്റേതായ ശിക്ഷാനടപടികൾ നേരിടേണ്ടി വരും.

പ്രകൃതിയുടെ സന്തുലിതാവസ്ഥ നിലനിർത്തുന്നതിൽ വരയൻ കഴുതപ്പുലികൾ വലിയ പങ്കുവഹിക്കുന്നുണ്ട്. ചത്ത മൃഗങ്ങളുടെ അവശിഷ്ടങ്ങൾ തിന്ന് പരിസരം ശുചിയാക്കാനും പ്രകൃതിയിലെ പോഷകചക്രം കൃത്യമായി നടക്കാനും ഇവ സഹായിക്കുന്നു. അതുകൊണ്ടുതന്നെ, റിസർവുകളിലെ ജൈവവൈവിധ്യം നിലനിർത്താൻ ഇത്തരം ജീവികളുടെ സംരക്ഷണം അത്യാവശ്യമാണ്. വന്യജീവികളെയും അവയുടെ സ്വാഭാവിക വാസസ്ഥലങ്ങളെയും സംരക്ഷിക്കുന്നതിനായി അതോറിറ്റിയുടെ നേതൃത്വത്തിൽ നിരീക്ഷണവും ഫീൽഡ് തലത്തിലുള്ള പരിശോധനകളും തുടരുകയാണ്. പരിസ്ഥിതിയും വന്യജീവികളും സംരക്ഷിക്കപ്പെടേണ്ടത് എല്ലാവരുടെയും സംയുക്ത ഉത്തരവാദിത്തമാണെന്നും ഇതിനായി കൃത്യമായ അവബോധവും ഉത്തരവാദിത്തമുള്ള പെരുമാറ്റവും ഉണ്ടാകണമെന്നും അധികൃതർ ഓർമ്മിപ്പിച്ചു.

പരമ്പര പിടിക്കാന്‍ ഇന്ത്യ, തിരിച്ചടിക്കാന്‍ ന്യൂസിലന്‍ഡ്; മൂന്നാം ഏകദിനം നാളെ ഹാമില്‍ട്ടണില്‍, സാധ്യതാ ഇലവന്‍ അറിയാം

Web Desk — Mon, 09 Nov 2026 12:17:11 +0530

ഹാമില്‍ട്ടണ്‍: ന്യൂസീലന്‍ഡിനെതിരായ ഏകദിന പരമ്പര സ്വന്തമാക്കാന്‍ ടീം ഇന്ത്യ. നാളെ സെഡണ്‍ പാര്‍ക്കിലാണ് മൂന്നാം ഏകദിനം. ആദ്യ രണ്ട് മത്സരങ്ങളും ജയിച്ച ആവേശത്തിലാണെങ്കിലും ബാറ്റിങ്ങിലെ പ്രശ്‌നങ്ങളും മഴ ഭീഷണിയും ഇന്ത്യക്ക് ആശങ്കയാണ്. അഞ്ചില്‍ രണ്ടെണ്ണം ജയിച്ചു, ഒന്ന് കൂടി ജയിച്ചാല്‍ പരമ്പര പിടിക്കാം. പക്ഷേ, അഞ്ചും ജയിക്കലാണ് ഇന്ത്യന്‍ ലക്ഷ്യം. രോഹിത് ശര്‍മയും വിരാട് കോലിയും ശുഭ്മാന്‍ ഗില്ലുമടങ്ങിയ ടീമിന് അടുത്ത കൊല്ലത്തെ ഏകദിന ലോകകപ്പ് അഭിമാന പോരാട്ടമാണ്.

അതിന് മുന്പ് പരമാവധി വിജയങ്ങള്‍ നേടി വെല്ലുവിളികള്‍ മറികടക്കാന്‍ പോന്നൊരു ടീമിനെ തയാറാക്കലാണ് പരിശീലകന്‍ ഗംഭീറിന്റെയടക്കം ലക്ഷ്യം. ട്വന്റി 20യില്‍ നന്നായി തല്ല് വാങ്ങിയെങ്കിലും ഏകദിനത്തിലേക്കെത്തിയപ്പോള്‍ ബോളര്‍മാര്‍ സെറ്റായി. ആദ്യ രണ്ട് മത്സരങ്ങളിലും കിവീസ് ബാറ്റര്‍മാരെ ഇന്ത്യന്‍ പേസര്‍മാര്‍ വിറപ്പിച്ചു. കിവീസ് പേസിന് മുന്നില്‍ ഇന്ത്യന്‍ ബാറ്റര്‍മാരും വിറച്ചെന്നതാണ് പ്രധാന പ്രശ്‌നം. ആദ്യ മത്സരത്തില്‍ രോഹിതും രണ്ടാം മത്സരത്തില്‍ ഗില്ലും പൂജ്യത്തിന് പുറത്തായി. കോലി മിന്നും ഫോം തുടരുമെന്ന് പ്രതീക്ഷ.

ഹിറ്റ്മാന്റെ വെടിക്കെട്ട് കാത്തിരിക്കുന്നു ആരാധകര്‍. ആദ്യ രണ്ട് മത്സരങ്ങളിലും വില്ലനായ മഴ വീണ്ടും പ്രശ്‌നമുണ്ടാക്കാനാണ് സാധ്യത. മത്സരദിനം 85 ശതമാനം വരെ മഴയ്ക്ക് സാധ്യതയെന്നാണ് കാലാവസ്ഥ പ്രവചനം. ട്വന്റി 20യിലെ അവസാന മത്സരരത്തില്‍ ഇതേ വേദിയില്‍ ഇന്ത്യയെ വീഴ്ത്തിയിരുന്നു ന്യൂസീലന്‍ഡ്. പേസ് നിരയുടെ കരുത്തിലാണ് ഇന്ത്യന്‍ മുന്നേറ്റം. ആദ്യ മത്സരത്തില്‍ അന്‍ഷുല്‍ കാംബോജും രണ്ടാം മത്സരത്തില്‍ ഗുര്‍നൂര്‍ ബ്രാറും തിളങ്ങി. അര്‍ഷ്ദീപ് കൂടി വിക്കറ്റെടുത്ത് തുടങ്ങിയാല്‍ ഇന്ത്യ ഹാപ്പി.

മധ്യനിരയില്‍ നമന്‍ ധിര്‍ പരീക്ഷണം ഇന്ത്യ തുടരും. പേസ് നിരയില്‍ മാറ്റമായി മുഹമ്മദ് സിറാജ് എത്തുമോ എന്നതും ആകാംഷ. പരമാവധി യുവതാരങ്ങള്‍ക്ക് അവസരം നല്‍കാനാണ് പരിശീലക തീരുമാനമെങ്കില്‍ ആദ്യ രണ്ട് മത്സരത്തിലെ പ്ലയിങ് ഇലവന്‍ തന്നെ തുടരും.

ഇന്ത്യയുടെ സാധ്യതാ ഇലവന്‍: രോഹിത് ശര്‍മ, ശുഭ്മാന്‍ ഗില്‍ (ക്യാപ്റ്റന്‍), വിരാട് കോലി, ശ്രേയസ് അയ്യര്‍ (വൈസ് ക്യാപ്റ്റന്‍), അക്‌സര്‍ പട്ടേല്‍, കെ എല്‍ രാഹുല്‍, നമന്‍ ധിര്‍, അന്‍ഷൂല്‍ കാംബോജ്, അക്വിബ് നബി, ഗുര്‍നൂര്‍ ബ്രാര്‍, അര്‍ഷ്ദീപ് സിംഗ്.

148 ഡോളറിന്റെ അഡ്വന്റ് കലണ്ടർ വൻ വിവാദത്തിൽ: പണം തിരികെ നൽകാനൊരുങ്ങി കിം കർദാഷിയാന്റെ 'സ്കിംസ്'

Web Desk — Mon, 09 Nov 2026 12:14:19 +0530

കിം കർദാഷിയാന്റെ ഉടമസ്ഥതയിലുള്ള ജനപ്രിയ ഫാഷൻ ബ്രാൻഡായ 'സ്കിംസ്' വൻ വിവാദത്തിൽ. തങ്ങളുടെ പുതിയ അഡ്വന്റ് കലണ്ടറുമായി ബന്ധപ്പെട്ട് ഉയർന്ന രൂക്ഷവിമർശനങ്ങൾക്ക് പിന്നാലെ ഉപഭോക്താക്കൾക്ക് പണം തിരികെ നൽകി വിവാദങ്ങളിൽ നിന്നും തലയൂരാനാണ് ബ്രാൻഡ് ഇപ്പോൾ ശ്രമിക്കുന്നത്. 148 ഡോളർ അതായത് ഏകദേശം 13,000 രൂപ വിലയുള്ള കലണ്ടറിൽ ഹെയർ ടൈകളും കീചെയിനും പോലുള്ള ചെറിയ ആക്സസറികൾ മാത്രമാണ് ഉള്ളതെന്ന് കണ്ടെത്തിയതോടെയാണ് സാമൂഹിക മാധ്യമങ്ങളിൽ വൻ വിമർശനം ഉയർന്നത്.

ക്രിസ്മസ് ആഘോഷങ്ങളുടെ ഭാഗമായി ഡിസംബറിലെ ആദ്യ ദിനങ്ങൾ എണ്ണിത്തിട്ടപ്പെടുത്താൻ ഉപയോഗിക്കുന്ന പ്രത്യേക സമ്മാനപ്പെട്ടിയുടെ രൂപത്തിലുള്ള കലണ്ടറാണ് 'അഡ്വന്റ് കലണ്ടർ'. 'ആക്സസറീസ് അഡ്വന്റ് കലണ്ടർ' എന്ന പേരിൽ അമേരിക്കയിലാണ് സ്കിംസ് ഇത് വിപണിയിലെത്തിച്ചത്. 12 സമ്മാനപ്പെട്ടികളാണ് ഇതിൽ അടങ്ങിയിരിക്കുന്നത്. ഓരോ പെട്ടിയിലും ഉപഭോക്തക്കൾ‍ക്കായി സമ്മാനങ്ങൾ കരുതിയിട്ടുണ്ടാകും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

എന്നാൽ, സ്കിംസ് വിചാരിച്ച രീതിയിലുള്ള പ്രതികരണമല്ല ഉപഭോക്താക്കളുടെ ഭാഗത്തു നിന്നും 'ആക്സസറീസ് അഡ്വന്റ് കലണ്ടറി'ന് ലഭിച്ചത്. കിടക്കയുടെ അടിയിൽനിന്നും കാറിന്റെ സീറ്റിനിടയിൽനിന്നും ലഭിക്കുന്ന തരത്തിലുള്ള നിസ്സാര വസ്തുക്കളാണ് ഇത്രയും ഉയർന്ന തുകയ്ക്ക് സ്കിംസ് നൽകിയതെന്നാണ് ഉപഭോക്താക്കളുടെ പ്രധാന പരാതി. ഒരു ഫാഷൻ ബ്രാൻഡ് ആയിരുന്നിട്ടും, വസ്ത്രങ്ങളൊന്നും ഉൾപ്പെടുത്താതെ ഗുണനിലവാരം കുറഞ്ഞ ഹെയർ ക്ലിപ്പുകൾ, ഹെഡ്ബാൻഡ്, സാറ്റിൻ സ്ക്രഞ്ചി, സ്കിംസ് ബ്രാൻഡഡ് കീചെയിൻ തുടങ്ങിയ ആക്സസറികൾ മാത്രം ഉൾപ്പെടുത്തിയത് വലിയ പരിഹാസങ്ങൾക്കും വഴിവെച്ചു.

വിമർശനങ്ങൾ കണക്കിലെടുത്ത് ഉൽപ്പന്നം വാങ്ങിയ എല്ലാ ഉപഭോക്താക്കൾക്കും 150 ഡോളർ റീഫണ്ട് നൽകുമെന്ന് സ്കിംസ് ഔദ്യോഗികമായി അറിയിച്ചു. ഉൽപ്പന്നം കമ്പനിക്ക് തിരികെ നൽകുന്നവർക്ക് തുക അവരുടെ ബാങ്ക് അക്കൗണ്ടിലേക്ക് നൽകും. ഉൽപ്പന്നം കൈവശം വയ്ക്കാൻ ആഗ്രഹിക്കുന്നവർക്ക് ഭാവിയിൽ സ്കിംസിന്റെ ഉൽപ്പന്നങ്ങൾ വാങ്ങാനായി 150 ഡോളറിന്റെ 'സ്റ്റോർ ക്രെഡിറ്റും' ലഭ്യമാക്കുമെന്ന് വ്യക്തമാക്കുന്ന ഇമെയിൽ സന്ദേശങ്ങൾ കമ്പനി ഉപഭോക്താക്കൾക്ക് അയച്ചുതുടങ്ങിയിട്ടുണ്ട്.

£158 btw https://t.co/gMqSIxcl3w

— ˙˙ molls (@venusiiaa) November 6, 2026

നിലവിൽ സ്കിംസിന്റെ ഔദ്യോഗിക വെബ്സൈറ്റിൽനിന്ന് ഈ കലണ്ടർ പിൻവലിച്ചിട്ടുണ്ട്. 2019 -ൽ സ്ഥാപിതമായ സ്കിംസ് ചുരുങ്ങിയ കാലം കൊണ്ട് ലോകശ്രദ്ധ നേടിയെങ്കിലും ഈ വിവാദത്തിൽ കിം കർദാഷിയാൻ ഇതുവരെ പരസ്യ പ്രതികരണങ്ങൾ നടത്തിയിട്ടില്ല.

സഭ പറഞ്ഞു, മന്ത്രി കേട്ടു! 'സഭ പറയുന്ന ആളെ എടുത്തിരിക്കുമെന്ന് മന്ത്രി ഉറപ്പ് നൽകി, വാക്കുപാലിച്ചു'; പരസ്യമായി നന്ദി പറഞ്ഞ് ബിഷപ്പ് പാംപ്ലാനി

Web Desk — Mon, 09 Nov 2026 12:13:24 +0530

തിരുവനന്തപുരം : റവന്യൂ മന്ത്രി എ. പി. അനിൽ കുമാറിന്റെ സ്റ്റാഫ് സെക്രട്ടറിമാരിൽ സഭ നിർദേശിച്ചയാളെ നിയമിച്ചതിൽ മന്ത്രിയോട് പരസ്യമായി നന്ദി പറഞ്ഞ് തലശ്ശേരി അതിരൂപത ആർച്ച് ബിഷപ്പ് മാർ ജോസഫ് പാംപ്ലാനി. റവന്യൂ വകുപ്പിൽ നിങ്ങൾക്ക് സ്വീകാര്യനായ ആരെയും സജസ്റ്റ് ചെയ്തോളൂ, അവരെ എടുത്തിരിക്കുമെന്ന് മന്ത്രി നേരത്തെ ഉറപ്പു നൽകിയിരുന്നു. മന്ത്രി ഭംഗിവാക്ക് പറഞ്ഞതാണെന്നാണ് ആദ്യം കരുതിയത്. പക്ഷേ ആ ഉറപ്പ് മന്ത്രി പാലിച്ചുവെന്നും ഭൂപ്രശ്നങ്ങളിൽ ഇടപെടാൻ സഭയ്ക്ക് ഇപ്പോൾ സാധിക്കുന്നുണ്ടെന്നും ബിഷപ്പ് പാംപ്ലാനി വ്യക്തമാക്കി. . കാസർകോട് ജെൻസി യുവജന ദിനാഘോഷ വേദിയിൽ വെച്ച് മന്ത്രി എ പി അനിൽ കുമാർ വേദിയിലുള്ളപ്പോഴായിരുന്നു ജോസഫ് പാംപ്ലാനിയുടെ പ്രതികരണം.

'കലൂരിലെ റാലി ബോൾഗാട്ടിയിലേക്ക് മാറ്റിച്ചത് പൊലീസ്, ഗതാഗത തടസത്തിന്‍റെ ഉത്തരവാദിത്വവും അവർക്ക് തന്നെ'; കേസിന് പിന്നാലെ പ്രതികരിച്ച് യൂത്ത് ലീഗ് നേതാവ്

Anver Sajad — Mon, 09 Nov 2026 12:12:52 +0530

കൊച്ചി: യൂത്ത് ലീഗ് റാലിക്കിടെ കൊച്ചിയിൽ ഗതാഗത തടസ്സമുണ്ടായ സംഭവത്തിൽ മുനവ്വറലി തങ്ങളും പി കെ ഫിറോസും ഉൾപ്പെടെ രണ്ടായിരത്തോളം പേർക്കെതിരെ പൊലിസ് കേസെടുത്തതിന് പിന്നാലെ വിശദീകരണവുമായി യൂത്ത് ലീഗ് നേതാക്കൾ. കേസ് തങ്ങൾക്ക് പുത്തരിയല്ലെന്നും എന്നാൽ സംഭവത്തിലെ സത്യം വ്യക്തമാക്കാനാണ് ആഗ്രഹിക്കുന്നതെന്നും യൂത്ത് ലീഗ് നേതാവ് ടി പി എം. ജിഷാൻ ഫേസ്ബുക്കിലൂടെ പ്രതികരിച്ചു. റാലി ആദ്യം കലൂർ സ്റ്റേഡിയം പരിസരത്തുനിന്ന് ആരംഭിക്കാനാണ് തീരുമാനിച്ചിരുന്നതെന്നും എന്നാൽ പോലിസ് കമ്മീഷണറുടെ അടിയന്തര അഭ്യർത്ഥന മാനിച്ചാണ് വഴി മാറ്റിയതെന്നും അദ്ദേഹം കുറിച്ചു. മന്ത്രി ഗഫൂർ, അഡ്വ. ഹാരിസ് ബീരാൻ എം.പി, പി.കെ. ഫിറോസ് ഉൾപ്പെടെയുള്ള നേതാക്കളുമായി കമ്മീഷണർ നടത്തിയ കൂടിക്കാഴ്ചയിലാണ് ബോൾഗാട്ടിയിൽ നിന്ന് റാലി തുടങ്ങിയാൽ ബ്ലോക്കില്ലാതെ കാര്യങ്ങൾ നിയന്ത്രിക്കാമെന്ന് പൊലിസ് അറിയിച്ചത്. ആവശ്യത്തിന് പൊലിസ് സേനയെ വിന്യസിച്ച് ഗതാഗതം നിയന്ത്രിക്കാമെന്ന് കമ്മീഷണർ വാക്ക് നൽകിയതനുസരിച്ചാണ് അവസാന നിമിഷം ബോൾഗാട്ടിയിലേക്ക് റാലി മാറ്റിയതും വൈറ്റ് ഗാർഡ് അംഗങ്ങൾ പരമാവധി ഗതാഗതം സമാധാനപരമാക്കാൻ പരിശ്രമിച്ചതും. എന്നിട്ടും ഗതാഗത തടസ്സവും വീഴ്ചയും ഉണ്ടായിട്ടുണ്ടെങ്കിൽ അതിന്റെ പൂർണ്ണ ഉത്തരവാദിത്തം പൊലീസിനാണെന്ന് യൂത്ത് ലീഗ് വ്യക്തമാക്കി. വോട്ടവകാശത്തെ കൊലപ്പെടുത്തിയ ഇലക്ഷൻ കമ്മീഷണർക്കെതിരെയുള്ള സമരപാതയാണിതെന്നും നിയമം നിയമത്തിന്റെ വഴിക്ക് പോകുമ്പോൾ സമരവുമായി മുന്നോട്ട് പോകുമെന്നും യൂത്ത് ലീഗ് കൂട്ടിച്ചേർത്തു.

യൂത്ത് ലീഗ് നേതാവ് ടി പി എം ജിഷാന്‍റെ ഫേസ്ബുക്ക് കുറിപ്പ്

കേസ് ഞങ്ങൾക്ക് പുത്തരിയല്ല..

എന്നാലും ഈ വാർത്ത വന്നതിനുശേഷം ഒരു സത്യം പറയണം എന്ന് ആഗ്രഹിക്കുന്നു..

ജാഥ ആദ്യം തീരുമാനിച്ചിട്ടുണ്ടായിരുന്നത്,കല്ലൂർ സ്റ്റേഡിയം പരിസരത്തു നിന്ന് ആരംഭിക്കാൻ ആയിരുന്നു.. അതനുസരിച്ച് പ്രവർത്തകരെ വിവരം അറിയിച്ചു..

റാലി തുടങ്ങാൻ ഒരു ദിവസം മാത്രം ബാക്കി നിൽക്കെ കമ്മീഷണർ അടിയന്തര മീറ്റിംഗ് വിളിക്കുന്നു...

ഫിഷറീസ് വകുപ്പ് മന്ത്രി ഗഫൂർ സാഹിബും, അഡ്വ ഹാരിസ് ബീരാൻ എംപിയും, ജനറൽ സെക്രട്ടറി പി കെ ഫിറോസും, മുൻ എംഎൽഎ ഹമീദ് മാഷും, വൈറ്റ് ഗാർഡ് സംസ്ഥാന കോഡിനേറ്റർ ഫൈസൽ തങ്ങളോടൊപ്പം യോഗം ചേർന്നു..

കമ്മീഷണറുടെ അഭ്യർത്ഥന മാനിച്ചുകൊണ്ട് മാത്രമാണ് നേരത്തെ നിശ്ചയിച്ച റൂട്ടിൽ നിന്നും റാലി മാറ്റിയത്... ബോൾഗാട്ടിയിൽ നിന്ന് റാലി ആരംഭിച്ചാൽ ബ്ലോക്കില്ലാതെ പോലീസിന് നിയന്ത്രിക്കാൻ സാധിക്കും എന്ന് കമ്മീഷണർ അറിയിച്ചു.

വേണ്ടത്ര പോലീസ് ഫോഴ്‌സിനെ അയച്ചോളാം എന്നും ഗതാഗതം നിയന്ത്രിച്ചോളാം എന്നും കമ്മീഷണർ വാക്കു നൽകി..

അതനുസരിച്ച് മണിക്കൂറുകൾക്കു മുമ്പേ പ്രവർത്തകരെ സാമൂഹ്യ മാധ്യമങ്ങളിലൂടെ വിവരമറിയിച്ചു... പ്രവർത്തകർ ബസിന്റെ റൂട്ടിൽ മാറ്റങ്ങൾ വരുത്തി.. ഓരോ ജംഗ്ഷനിലും ഞങ്ങളുടെ വൈറ്റ് ഗാർഡ് അംഗങ്ങൾ പരമാവധി ബ്ലോക്കില്ലാതെ നിയന്ത്രിക്കാൻ വേണ്ടി പരിശ്രമിച്ചു.

എന്നിട്ടും വീഴ്ച സംഭവിച്ചിട്ടുണ്ടെങ്കിൽ അത് ഞങ്ങളുടെ തെറ്റല്ല..

ഞങ്ങൾക്ക് പരമാവധി ജനങ്ങളെ ബുദ്ധിമുട്ടിലാക്കാതെ റാലി നടത്താനാണ് മുൻകൂട്ടി അനുവാദം എടുത്തിട്ടുണ്ടായിരുന്നുത്.

ഉത്തരവാദിത്വം നിറവേറ്റേണ്ടത് പോലീസിന്റെ കടമയാണ്..

ഇത് കേവലം ഒരു സമ്മേളനം മാത്രമായിരുന്നില്ല ജന്തർമന്തർ നഗർ എന്നാണ് നമ്മൾ ഈ വേദിയെ പേരിട്ടുണ്ടായിരുന്നുത്.. വോട്ടവകാശത്തെ കൊലപ്പെടുത്തിയ ഇലക്ഷൻ കമ്മീഷണർക്കെതിരെയുള്ള പോരാട്ട പാത കൂടിയായിരുന്നു ഇത്..

നിയമം നിയമത്തിന്റെ വഴിക്ക്..

സമരവും സമ്മേളനവും അതിന്റെ വഴിക്ക്…

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ചൈനീസ് ചാരവനിതയുമായി അവിഹിത ബന്ധമുണ്ടെന്ന് വ്യക്തമാക്കി ട്രംപിന്റെ വിശ്വസ്തൻ, എൻവീഡിയയുടെ മേധാവിക്കെതിരെ അന്വേഷണം

Elsa TJ — Mon, 09 Nov 2026 11:43:29 +0530

ന്യൂയോർക്ക്:ചൈനീസ് ചാര വനിതയുമായുള്ള ബന്ധത്തിൽ അമേരിക്കൻ ചിപ് നിർമ്മാണ കമ്പനി എൻവീഡിയയുടെ മേധാവിക്കെതിരെ അന്വേഷണം.രഹസ്യങ്ങൾ ചോർന്നോ എന്നതിൽ അടക്കം അന്വേഷണം നടക്കും. ആലീസ് ഹുവാങ് എന്ന സ്ത്രീയുമായി വിവാഹേതര ബന്ധം ഉണ്ടായിരുന്നെന്ന് ബോർഡിന് മുന്നിൽ ജെൻസൻ ഹുവാങ് തുറന്ന് സമ്മതിച്ചിരുന്നു. അമേരിക്കൻ രഹസ്യാന്വേഷണ ഏജൻസികളാണ് എൻവീഡിയയുടെ ചിപ് നിർമാണ വിദ്യ ചോർത്താൻ ശ്രമിച്ചെന്ന് കണ്ടെത്തിയത്. ജെൻസൻ ഹുവാങിന്റെ അവിഹിത ബന്ധത്തേക്കുറിച്ച് അന്തർ ദേശീയ മാധ്യമങ്ങൾ വാർത്ത നൽകി രണ്ട് ദിവസത്തിനുള്ളിൽ ഇത്തരത്തിൽ ബന്ധമുള്ളതായി എൻവീഡിയയുടെ മേധാവി കുറ്റസമ്മതം നടത്തിയിരുന്നു.

ഞായറാഴ്ച എൻവീഡിയ ജീവനക്കാർക്ക് അയച്ച സന്ദേശത്തിലാണ് ജെൻസൻ ഹുവാങ് ഇക്കാര്യം വ്യക്തമാക്കിയത്. നിങ്ങളോടും കുടുംബത്തോടും ക്ഷമാപണം നടത്തുന്നുവെന്ന് വ്യക്തമാക്കുന്നതായിരുന്നു ഈ സന്ദേശം. താൻ ചെയ്തതിന് ഒരു ന്യായീകരണമില്ലെന്നും സന്ദേശം വിശദമാക്കിയിരുന്നു. ആർട്ടിഫീഷ്യൽ ഇന്റലിജൻസ് ടെക് ലോകത്തെ സുപ്രധാന ചിപ്പ്, പ്രോസസർ നിർമാതാക്കളാണ് എൻവീഡിയ.ഓപ്പൺ എഐയും, മെറ്റയും അടക്കം ഉപയോഗിക്കുന്നത് എൻവീഡിയ പ്രോസസറുകൾ ആണ്. ചാര വനിതയെ ഉപയോഗിച്ച് ഈ ടെക്നോളജി ചോർത്താൻ ശ്രമിച്ചെന്നാണ് അമേരിക്കയുടെ രഹസ്യാന്വേഷണ ഏജൻസികൾ കണ്ടെത്തിയത്.സിംഗപ്പൂർ ആസ്ഥാനമായ ഒരു സ്റ്റാർട്ടപ്പിന്‍റെ മേധാവിയാണ് ആലീസ് ഹുവാങ്.ആലീസ് വഴി ചൈന എൻവീഡിയയുടെ ടെക് രഹസ്യം ചോർത്താൻ ശ്രമിച്ചെന്നാണ് സിഐഎയുടെ കണ്ടെത്തൽ.

എൻവീഡിയ ബോർഡ് ജെൻസനെതിരെ സ്വതന്ത്ര അന്വേഷണം നടത്തുമെന്ന് വ്യക്തമാക്കിയിരുന്നു. വെള്ളിയാഴ്ചയാണ് ഞെട്ടിപ്പിക്കുന്ന വിവരങ്ങളുമായി വാർത്ത പുറത്ത് വന്നത്. മെഗാസ്പീഡ് എക്സിക്യുട്ടീവ് ആലീസ് ഹുവാങ് ചെനീസ് ചാരവനിതയാണെന്നും റിപ്പോർട്ടുകൾ വ്യക്തമാക്കിയിരുന്നു. അമേരിക്കൻ പ്രസിഡന്റ് ഡൊണാൾഡ് ട്രംപുമായി ഏറെ അടുപ്പമുള്ള വ്യക്തിയാണ് ജെൻസൻ. കഴിഞ്ഞ വർഷം ചൈന സന്ദർശിച്ചപ്പോഴും ഇക്കൊല്ലത്തെ യുകെ സന്ദർശനത്തിലും ജെൻസൻ ട്രംപിനെ അനുഗമിച്ചിരുന്നു. എൻവീഡിയയിൽ നിന്നുള്ള ചിപ്പുകൾ മെഗാസ്പീഡ് കള്ളക്കടത്ത് നടത്തിയെന്ന ആരോപണവും അന്വേഷണ വിധേയമാക്കുമെന്ന് ഏജൻസികൾ വിശദമാക്കിയിട്ടുണ്ട്. 1993ലാണ് ജെൻസൻ എൻവീഡിയ സ്ഥാപിച്ചത്. വീഡിയോ ഗെയിം ഗ്രാഫിക്സ് കാർഡ് കമ്പനിയായി ആയിരുന്നു എൻവീഡിയ പ്രവർത്തനം തുടങ്ങിയത്. സിലിക്കോൺ വാലിയിലെ ഏറ്റവുമധികം കാലം സേവനം ചെയ്ത സ്ഥാപക സിഇഒമാരിൽ ഒരാളാണ് ജെൻസൻ.

ഏഷ്യാനെറ്റ് ന്യൂസ് ലൈവ് കാണാം

തമിഴ്‌നാട്ടിൽ ദീപാവലി രാത്രിയിൽ 9 കൊലപാതകം, പൊലീസുകാരനെയടക്കം തല്ലിക്കൊന്നു; വിജയ് കണ്ണ് തുറക്കണമെന്ന് ഡിഎംകെ, ജനം കണക്ക് പറയിക്കുമെന്ന് ഉദയനിധി

Vishnu KV — Mon, 09 Nov 2026 11:55:15 +0530

ചെന്നൈ: തമിഴ്‌നാട്ടിൽ ദീപാവലി ആഘോഷങ്ങൾക്കിടെ രാത്രിയിൽ നടന്ന വിവിധ അക്രമ സംഭവങ്ങളിൽ ഒൻപത് കൊലപാതകങ്ങൾ റിപ്പോർട്ട് ചെയ്തു. തേനിയിൽ റോഡ് തടഞ്ഞ് ദീപാവലി റീൽസ് ചിത്രീകരണം നടത്തിയത് ചോദ്യം ചെയ്ത പൊലീസുകാരനെ തല്ലിക്കൊന്നു. ഇതുകൂടാതെ തിരുച്ചിറപ്പള്ളിയിൽ മൂന്നും ശിവഗംഗയിൽ രണ്ടും ചെന്നൈ, പെരമ്പല്ലൂർ, കടലൂർ, തേനി എന്നിവിടങ്ങളിൽ ഒന്നുവീതവും കൊലപാതകങ്ങളാണ് നടന്നത്. കടലൂരിലും ശിവഗംഗയിലും ഗുണ്ടാനേതാക്കളാണ് കൊല്ലപ്പെട്ടത്. തിരുച്ചിറപ്പള്ളിയിൽ രണ്ട് പ്രായപൂർത്തിയാകാത്തവരും ചെന്നൈയിൽ ഒരു യുവാവും വെട്ടേറ്റ് മരിച്ചു.

ക്രമസമാധാനം തക‍ർന്നെന്ന് ഡി എം കെ

സംഭവങ്ങൾക്ക് പിന്നാലെ തമിഴ്‌നാട്ടിൽ ക്രമസമാധാനം പൂർണ്ണമായും തകർന്നെന്ന ആരോപണവുമായി പ്രതിപക്ഷം രംഗത്തെത്തി. ക്രമസമാധാന തകർച്ചയിൽ മുഖ്യമന്ത്രി വിജയ് കണ്ണ് തുറക്കണമെന്നും ഡി എം കെ ആവശ്യപ്പെട്ടു. ഈ നിലയിലുള്ള സർക്കാരിന്‍റെ പ്രവർത്തനങ്ങളിൽ ജനം കണക്കു പറയിക്കുന്ന നാൾ വിദൂരമല്ലെന്ന് പ്രതിപക്ഷ നേതാവ് ഉദയനിധി സ്റ്റാലിൽ വ്യക്തമാക്കി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഫോക്‌സ്‌വാഗൺ ടിഗുവാൻ: വൻ ഓഫർ, കാരണം ഇതോ?

Prashobh Prasannan — Mon, 09 Nov 2026 11:53:48 +0530

ഇന്ത്യൻ വാഹന വിപണിയിൽ വൻ ഓഫറുകളുമായി ഫോക്‌സ്‌വാഗൺ. കമ്പനിയുടെ പ്രീമിയം എസ്‌യുവിയായ ടിഗുവാൻ ആർ-ലൈനിന് ഈ മാസം 5.50 ലക്ഷം രൂപ വരെയുള്ള ആനുകൂല്യങ്ങളാണ് പ്രഖ്യാപിച്ചിരിക്കുന്നത്. ഇതിൽ 3.50 ലക്ഷം രൂപയുടെ ക്യാഷ് ഡിസ്കൗണ്ടും 2 ലക്ഷം രൂപയുടെ എക്‌സ്‌ചേഞ്ച് ബോണസും ഉൾപ്പെടുന്നു. വാഹനത്തിന് ഇതുവരെ ലഭിച്ചിട്ടുള്ളതിൽ വച്ച് ഏറ്റവും ഉയർന്ന ഡിസ്കൗണ്ടാണിത്.

എസ്‌യുവിയുടെ വിൽപ്പന അവസാനിപ്പിച്ചതാണ് ഇത്രയും വലിയ വിലക്കുറവിന് പിന്നിലെ പ്രധാന കാരണമെന്നാണ് റിപ്പോർട്ടുകൾ. ഫോക്‌സ്‌വാഗന്റെ ഔദ്യോഗിക വെബ്‌സൈറ്റിൽ നിന്ന് ടിഗുവാൻ ആർ-ലൈൻ നീക്കം ചെയ്തിട്ടുണ്ട്. ഇന്ത്യൻ വിപണിയിൽ മോഡൽ സ്ഥിരമായി നിർത്തലാക്കിയതായും റിപ്പോർട്ടുകളുണ്ട്. ശേഷിക്കുന്ന സ്റ്റോക്ക് വിറ്റഴിക്കുന്നതിന്റെ ഭാഗമായാണ് കമ്പനി വൻ ആനുകൂല്യങ്ങൾ നൽകുന്നതെന്നാണ് സൂചന. 47.11 ലക്ഷം രൂപയാണ് വാഹനത്തിന്റെ എക്‌സ്‌ഷോറൂം വില.

സ്പോർട്ടി ലുക്കിൽ ടിഗുവാൻ ആർ-ലൈൻ

ഫോക്‌സ്‌വാഗൺ ടിഗുവാൻ ആർ-ലൈനിന്റെ പ്രധാന ആകർഷണം സ്പോർട്ടി ഡിസൈനാണ്. ഗ്ലാസ് ഫിനിഷുള്ള തിരശ്ചീന സ്ട്രിപ്പിലൂടെ ബന്ധിപ്പിച്ചിരിക്കുന്ന സ്ലീക്ക് ഹെഡ്‌ലാമ്പുകളാണ് മുൻഭാഗത്തെ സവിശേഷത. 'ആർ' ബാഡ്ജിങ്ങും വാഹനത്തിന് പ്രത്യേക സ്പോർട്ടി ലുക്ക് നൽകുന്നു. 19 ഇഞ്ച് അലോയ് വീലുകൾ, ഡൈനാമിക് ത്രീഡി എൽ.ഇ.ഡി ലൈറ്റുകൾ എന്നിവയും ഡിസൈനിന്റെ ഭാഗമാണ്. അകത്തളത്തിലും പ്രീമിയം ഫീച്ചറുകൾക്ക് പ്രാധാന്യം നൽകിയിട്ടുണ്ട്. സീറ്റുകളിൽ 'ആർ' ബാഡ്ജിങ്ങും ഡാഷ്‌ബോർഡിൽ പ്രകാശിക്കുന്ന 'ആർ' ലോഗോയും നൽകിയിരിക്കുന്നു. മസാജ് ഫംഗ്ഷനോടുകൂടിയ സീറ്റുകൾ, ക്രമീകരിക്കാവുന്ന ലംബർ സപ്പോർട്ട്, ഇഷ്ടാനുസരണം മാറ്റാവുന്ന ആംബിയന്റ് ലൈറ്റിങ് എന്നിവയും വാഹനത്തിലുണ്ട്.

15 ഇഞ്ച് ടച്ച്‌സ്‌ക്രീനും നിരവധി ആധുനിക ഫീച്ചറുകളും

15 ഇഞ്ച് ഇൻഫോടെയ്ൻമെന്റ് ടച്ച്‌സ്‌ക്രീൻ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ത്രീ സോൺ ക്ലൈമറ്റ് കൺട്രോൾ, ഐ.ഡി.എ വോയ്‌സ് അസിസ്റ്റന്റ്, വോയ്‌സ് എൻഹാൻസർ, പനോരമിക് സൺറൂഫ് എന്നിവയാണ് പ്രധാന ഫീച്ചറുകൾ. 21 ലെവൽ 2 എ.ഡി.എ.എസ് സുരക്ഷാ സംവിധാനങ്ങൾ, 9 എയർബാഗുകൾ, ഫ്രണ്ട്, റിയർ ഡിസ്ക് ബ്രേക്കുകൾ, ഹെഡ്-അപ്പ് ഡിസ്‌പ്ലേ എന്നിവയും വാഹനത്തിലുണ്ട്. അന്താരാഷ്ട്ര വിപണിയിൽ പെട്രോൾ, ഡീസൽ, മൈൽഡ് ഹൈബ്രിഡ്, പ്ലഗ്-ഇൻ ഹൈബ്രിഡ് പതിപ്പുകളിൽ ടിഗുവാൻ ലഭ്യമാണ്.

2.0 ലിറ്റർ ടർബോ പെട്രോൾ എൻജിൻ

ഇന്ത്യൻ പതിപ്പിൽ 2.0 ലിറ്റർ ടി.എസ്.ഐ ഇവോ പെട്രോൾ എൻജിനാണ് ടിഗുവാൻ ആർ-ലൈനിന് കരുത്തേകുന്നത്. 7 സ്പീഡ് ഡി.എസ്.ജി ഗിയർബോക്‌സും 4മോഷൻ ഓൾ വീൽ ഡ്രൈവ് സംവിധാനവുമാണ് ട്രാൻസ്മിഷൻ ചുമതലകൾ നിർവഹിക്കുന്നത്. 201 ബി.എച്ച്.പി പരമാവധി കരുത്തും 320 എൻ.എം ടോർക്കുമാണ് ഈ എൻജിൻ ഉൽപ്പാദിപ്പിക്കുന്നത്. മികച്ച പ്രകടനവും ഡ്രൈവിങ് അനുഭവവും ലക്ഷ്യമിട്ടാണ് ഈ പവർട്രെയിൻ ഒരുക്കിയിരിക്കുന്നത്.

രണ്ട് മാസത്തിനിടെ വിറ്റത് വെറും നാല് യൂണിറ്റുകൾ

2025 ഏപ്രിലിലാണ് ഫോക്‌സ്‌വാഗൺ ടിഗുവാൻ ആർ-ലൈൻ ഇന്ത്യൻ വിപണിയിൽ അവതരിപ്പിച്ചത്. അഞ്ച് സീറ്റുകളുള്ള പ്രീമിയം മിഡ്‌സൈസ് എസ്‌യുവിയായ മോഡലിന് തുടക്കത്തിൽ മികച്ച ശ്രദ്ധ ലഭിച്ചിരുന്നു. എന്നാൽ അടുത്തിടെ വിൽപ്പനയിൽ വലിയ ഇടിവുണ്ടായെന്നാണ് കണക്കുകൾ സൂചിപ്പിക്കുന്നത്.

2026 ഓഗസ്റ്റ്, സെപ്റ്റംബർ മാസങ്ങളിൽ ആകെ നാല് യൂണിറ്റുകൾ മാത്രമാണ് വിറ്റഴിച്ചത്. അതേസമയം, വാഹനം നിർത്തലാക്കുന്നതുമായി ബന്ധപ്പെട്ട് കമ്പനി ഇതുവരെ ഔദ്യോഗിക പ്രഖ്യാപനം നടത്തിയിട്ടില്ല. നിലവിൽ ടിഗുവാൻ ആർ-ലൈൻ സ്വന്തമാക്കാൻ ആഗ്രഹിക്കുന്നവർക്ക് 5.50 ലക്ഷം രൂപ വരെയുള്ള ആനുകൂല്യങ്ങൾ മികച്ച അവസരമാണ്. എന്നാൽ ഈ ഓഫർ ശേഷിക്കുന്ന സ്റ്റോക്കിന് മാത്രമായിരിക്കുമെന്നതിനാൽ താൽപ്പര്യമുള്ളവർ ഡീലർഷിപ്പുകളുമായി ബന്ധപ്പെട്ട് ലഭ്യത ഉറപ്പാക്കേണ്ടതുണ്ട്.

മമ്മൂട്ടിയുടെ സന്ദർശന വിവാദം; സൗഹൃദം ഇല്ലാതാക്കാൻ ചില ആളുകൾ ശ്രമിക്കുന്നുവെന്ന് ബി ഗോപാലകൃഷ്ണൻ, സ്നേഹവും സൗഹൃദവും വളരെ വലുത്

Prajeesh Ram — Mon, 09 Nov 2026 11:36:06 +0530

തൃശൂർ: മമ്മൂട്ടിയുടെ സന്ദർശനവുമായി ബന്ധപ്പെട്ട് സാമൂഹ്യമാധ്യമങ്ങളിൽ ഉയർന്ന വിമർശനങ്ങളിൽ പ്രതികരണവുമായി ബിജെപി നേതാവ് ബി ഗോപാലകൃഷ്ണൻ. താൻ വളരെ സന്തുഷ്ടനാണെന്നും സ്നേഹവും സൗഹൃദവും വളരെ വലുതാണെന്നും ബി ഗോപാലകൃഷ്ണൻ പ്രതികരിച്ചു. അതുകൊണ്ടാണ് മമ്മൂട്ടി വന്നത്. മമ്മൂട്ടി മാത്രമല്ല ഉന്നത രാഷ്ട്രീയ നേതാക്കളും വന്നിരുന്നു. കേരളത്തിൽ ഒരുമിച്ചു പോകാൻ ആഗ്രഹിക്കാത്ത ചില ഛിദ്രശക്തികളാണ് ഇതിനെയൊക്കെ എതിർക്കുന്നത്. ഈ സൗഹൃദം ഇല്ലാതാക്കാൻ ചില ആളുകൾ ശ്രമിക്കുന്നുണ്ട്. ഇതൊരു മാതൃകയാക്കി എടുക്കണമെന്നും ബി ഗോപാലകൃഷ്ണൻ പറഞ്ഞു.

പിണറായി വിജയനും എന്റെ മകളുടെ വിവാഹത്തിന് വന്നിരുന്നു. സതീശനും ചെന്നിത്തലയും വന്നിരുന്നു. അവരെല്ലാം എന്റെ സുഹൃത്തുക്കളാണ്. അവരെയെല്ലാം ഞാൻ നേരിട്ട് ക്ഷണിച്ചു അവർ വന്നു. കേരളത്തിൽ സ്നേഹവും സൗഹൃദവും വളർത്തണം. വിവാഹത്തിന് എത്താൻ കഴിയാത്തത് കൊണ്ട് മുൻമന്ത്രി ആർ ബിന്ദു വീട്ടിലേക്ക് വൈകിട്ട് ഓടിയെത്തി. ചില ആളുകൾക്ക് വിരോധം ഉണ്ടാകാറുണ്ട്. അത് കേരളം ഒരുമിച്ചു പോകരുത് എന്ന് ആഗ്രഹിക്കുന്നവരാണ്. ഞാൻ ബിജെപി പ്രവർത്തകനാണ്. എന്റെ രാഷ്ട്രീയ വേറെ വ്യക്തി ബന്ധം വേറെയണ്. സ്നേഹത്തിനും സൗഹൃദത്തിനും ലക്ഷ്മണ രേഖയില്ല. കേരളം ഒരുമിച്ച് പോകരുത് എന്ന് ആഗ്രഹിക്കുന്ന ഛിദ്ര ശക്തികളാണ് എതിർക്കുന്നത്. മമ്മൂട്ടിക്ക് ഇതൊന്നും ഒരു വിഷയമേയല്ല. അദ്ദേഹം മഹാമനസ്കനായ ആളാണെന്നും ബി ഗോപാലകൃഷ്ണൻ പറഞ്ഞു.

സൂര്യ- ജിത്തു മാധവൻ ചിത്രം സീൻ മുന്നേറുന്നു; ബോക്സ് ഓഫീസിൽ ഇതുവരെ നേടിയത് എത്ര?

Web Desk — Mon, 09 Nov 2026 11:31:20 +0530

സൂര്യയെ നായകനാക്കി ജിത്തു മാധവൻ സംവിധാനം ചെയ്ത തമിഴ് ചിത്രം സീൻ തിയേറ്ററുകളിൽ എത്തിയിരിക്കുകയാണ്. മികച്ച പ്രേക്ഷക പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. സൂര്യയുടെയും നസ്രിയയുടെയും നെസ്ലന്റെയും മികച്ച പ്രകടനമാണ് ചിത്രത്തിൻറെ ഏറ്റവും വലിയ പോസിറ്റിവ് എന്നാണ് പ്രേക്ഷക പ്രതികരണം. ബോക്സ് ഓഫീസ് ഇക്കാലക്ഷനിലും ചിത്രം മികച്ച മുന്നേറ്റമാണ് സൃഷ്ടിക്കുന്നത്. മൂന്ന് ദിവസം കൊണ്ട് ആഗോള കളക്ഷനായി 135 കോടിയാണ് ചിത്രം സ്വന്തമാക്കിയിരിക്കുന്നത്.

മാസ് ആക്ഷനും നർമവും ത്രില്ലിംഗ് മുഹൂർത്തങ്ങളും കോർത്തിണക്കിയ ട്രെയ്‌ലർ ചിത്രത്തെ ഒരു കംപ്ലീറ്റ് എന്റർടെയ്‌നറാണ് ചിത്രം. കേരളത്തിൽ ശ്രീ ഗോകുലം ഗോപാലന്റെ ശ്രീ ഗോകുലം മൂവീസ് ആണ് ചിത്രം റിലീസിനെത്തിച്ചിരിക്കുന്നത്. ഴഗരം സ്റ്റുഡിയോസിന്റെയും 2D എന്റർടൈൻമെന്റിന്റെയും ബാനറിൽ ജ്യോതികയും സൂര്യയും ചേർന്നാണ് ചിത്രം നിർമ്മിക്കുന്നത്. ജയശ്രീ ദാമോദരനാണ് സഹനിർമ്മാതാവ്.

ഇഞ്ചുറി സമയത്ത് രണ്ട് ഗോള്‍, ആസ്റ്റണ്‍ വില്ലക്കെതിരെ സമനില പിടിച്ച് മാഞ്ചസ്റ്റര്‍ യുണൈറ്റഡ്; ലാ ലിഗയില്‍ ബാഴ്‌സയ്ക്ക് ജയം

Web Desk — Mon, 09 Nov 2026 11:23:30 +0530

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ യുണൈറ്റഡ് ആസ്റ്റണ്‍ വില്ല മത്സരം ആവേശ സമനിലയില്‍. ഇരു ടീമുകളും നാല് ഗോള്‍ വീതം നേടി. രണ്ട് തവണ രണ്ട് ഗോളിന് പിന്നിലായ ശേഷമാണ് യുണൈറ്റഡ് സമനില പിടിച്ചത് അടി, തിരിച്ചടി, ആവേശം. എല്ലാം ഹൈ വോള്‍ട്ടേജില്‍ പിറന്നൊരു മത്സരമായിരുന്നു ഓള്‍ഡ് ട്രാഫോര്‍ഡിലേത്. പ്രീമിയിര്‍ ലീഗിലെ തുടര്‍ തോല്‍വികള്‍ക്ക് പരിഹാരം തേടിയിറങ്ങിയ യുണൈറ്റഡിനെ ആദ്യ മിനിറ്റില്‍ തന്നെ ആസ്റ്റണ്‍ വില്ല ഞെട്ടിച്ചു. ആലിസണ്‍ എഡ്വേഡിന്റെ ഗോള്‍. നാലാം മിനിറ്റില്‍ നിക്കോളാസ് ജാക്‌സണിലൂടെ ലീഡ് ഇരട്ടിയാക്കി ആസ്റ്റണ്‍ വില്ല

രണ്ട് ഗോളിലും വിനയായത് ഗോളിയുടെ പിഴവ്. രണ്ടെണ്ണം കിട്ടിയ യുണൈറ്റഡ് ഉണര്‍ന്നു. 16- മിനിറ്റില്‍ പെനല്‍റ്റി. ഉന്നം പിഴയ്ക്കാതെ ബ്രൂണോ. പിന്നാലെ ആദ്യ പകുതിക്ക് തൊട്ട് മുമ്പ് യൂറി ടിലമന്‍സ് ചെമ്പടയെ ഒപ്പമെത്തിച്ചു. രണ്ടാം പുകുതിയിലും തുടക്കത്തില്‍ ആസ്റ്റണ്‍ വില്ല ഫയര്‍. 48- മിനിറ്റിലും 53- മിനിറ്റിലും ഗോളുകള്‍ നേടി യുണൈറ്റഡിനെ നോവിച്ചു. 90 മിനിറ്റിലും യുണൈറ്റഡ് 2 ഗോളിന് പിന്നില്‍. എന്നാല്‍ ഇന്‍ജുറി ടൈമില്‍ കളി മാറി. ജോഷ്വ സിര്‍ക്‌സിയിലൂടെ മൂന്നാം ഗോളുമായി യുണൈറ്റഡ്. പിന്നാലെ സമനില ഗോള്‍.

അവസാന നിമിഷങ്ങളില്‍ വീണ്ടും അവസരം ലഭിച്ചെങ്കിലും വിജയം നേടാനായില്ല യുണൈറ്റഡിന്. പോയിന്റ് പട്ടികയില്‍ തരംതാഴ്ത്തലിന്റെ വക്കിലാണ് യുണൈറ്റഡെന്ന ഭയവുമായി കഴിയുന്ന ആരാധകര്‍ക്ക് പ്രതീക്ഷ നല്‍കുന്ന പോരാട്ടവുമായി യുണൈറ്റഡ് മടങ്ങുന്നു. അതേസമയം, ചെല്‍സിയെ വീഴ്ത്തി സണ്ടര്‍ലാന്‍ഡ്. എതിരില്ലാത്ത ഒരു ഗോളിനാണ് ചെല്‍സിയെ സണ്ടര്‍ലന്‍ഡ് വീഴ്ത്തിയത്. 36- മിനിറ്റില്‍ എന്‍സോ ലെ ഫീയുടെ പെനല്‍റ്റിയിലൂടെയാണ് സണ്ടര്‍ലന്‍ഡിന്റെ വണ്ടര്‍ ജയം സണ്ടര്‍ലാന്‍ഡിന് പെനാല്‍റ്റി അനുവദിച്ച തീരുമാനം വിവാദമായി. ഏകപക്ഷീയമായ തീരുമാനമാണ് റഫറിയെടുത്തതെന്ന് പരാതി ഉയര്‍ന്നു. ഈ സീസണില്‍ ലീഗില്‍ സണ്ടര്‍ലാന്‍ഡിന്റെ രണ്ടാമത്തെ മാത്രം വിജയമാണിത്. ടീം ഇപ്പോഴും പ്രീമിയര്‍ ലീഗ് പട്ടികയിലെ അവസാന മൂന്ന് സ്ഥാനങ്ങളില്‍ തുടരുകയാണ്.

ക്രിസ്റ്റല്‍ പാലസിനെ ഒന്നിനെതിരെ മൂന്ന് ഗോളിന് വീഴ്ത്തി ലിവര്‍പൂള്‍. ലിഗില്‍ ക്രിസ്റ്റല്‍ പാലസിന്റെ തുടര്‍ച്ചയായ നാലാം തോല്‍വിയാണിത്. 40- മിനിറ്റില്‍ അലക്‌സിസ് മക് അലിസ്റ്ററാണ് ആദ്യ ഗോള്‍ നേടിയത്. പിന്നാലെ 54- മിനിറ്റില്‍ ഫ്‌ലോറിയന്‍ വിര്‍ട്‌സും 89- മിനിറ്റില്‍ അലക്‌സാണ്ടര്‍ ഇസാകും ഗോളുകള്‍ നേടി. ഇന്‍ജുറി ടൈമില്‍ എഡി എന്‍കെട്ടിയാണ് ക്രിസ്റ്റലിന്റെ ആശ്വാസ ഗോള്‍ നേടിയത്.

ബാഴ്‌സലോണയ്ക്ക് ജയം

സ്പാനിഷ് ലീഗില്‍ തകര്‍പ്പന്‍ ജയവുമായി ബാഴ്‌സലോണ. ഒന്നിന് എതിരെ രണ്ട് ഗോളുകള്‍ക്കാണ് ബാഴ്‌സ അത്ലറ്റിക്കോ മാഡ്രിഡിനെ തോല്‍പ്പിച്ചത്. അത്‌ലറ്റിക്കോ ആദ്യം ഗോള്‍ നേടി മുന്നിലെത്തിയെങ്കിലും ഫെര്‍മിന്‍ ലോപ്പസിന്റെ ഇരട്ട ഗോള്‍ മികവിലാണ് ബാഴ്‌സയുടെ ജയം. ഇതോടെ ലാ ലിഗ പോയിന്റ് പട്ടികയില്‍ ബാഴ്സലോണ മൂന്ന് പോയിന്റ് ലീഡുമായി ഒന്നാം സ്ഥാനത്ത് എത്തി. റയല്‍ മാഡ്രിഡ് രണ്ടാം സ്ഥാനത്തും അത്ലറ്റിക്കോ മാഡ്രിഡ് മൂന്നാം സ്ഥാനത്തുമാണ്.

റിയാദ് ഇന്ത്യൻ ഇന്‍റർനാഷണൽ സ്കൂളിൽ ഇന്ന് മുതൽ ക്ലാസുകൾ പുനരാരംഭിക്കുന്നു

Reshma Vijayan — Mon, 09 Nov 2026 10:55:15 +0530

റിയാദ്: റിയാദ് ഇന്ത്യൻ ഇന്റർനാഷനൽ സ്കൂളിൽ (ഐ.ഐ.എസ്) നേരിട്ടുള്ള ക്ലാസുകൾ തിങ്കളാഴ്ച മുതൽ പുനരാരംഭിക്കുമെന്ന് അധികൃതർ അറിയിച്ചു. സൗദി വിദ്യാഭ്യാസ മന്ത്രാലയത്തിന്റെ നിർദേശപ്രകാരമാണ് സ്കൂളിൽ ഓഫ്‌ലൈൻ പഠനം വീണ്ടും ആരംഭിക്കുന്നത്. ഞായറാഴ്ച ദീവാലി അവധിയായതിനാൽ തിങ്കളാഴ്ച മുതലായിരിക്കും പതിവ് ക്ലാസുകൾ സ്കൂൾ കാമ്പസിൽ നേരിട്ട് നടക്കുകയെന്ന് മാനേജ്മെൻറ് അറിയിച്ചു. വിദ്യാർഥികൾ കൃത്യമായി സ്കൂളിൽ ഹാജരാകണമെന്നും രക്ഷിതാക്കൾ ആവശ്യമായ ക്രമീകരണങ്ങൾ നടത്തണമെന്നും വിദ്യാർഥികൾക്ക് അയച്ച സന്ദേശത്തിൽ അഭ്യർഥിച്ചു.

ശ്രീറാം സാംബശിവ റാവു സത്യസന്ധനായ ഉദ്യോഗസ്ഥൻ, എക്സൈസ് കമ്മീഷണർ സ്ഥാനത്ത് നിന്ന് മാറ്റിയതിൽ സതീശൻ സർക്കാരിനെതിരെ രൂക്ഷവിമർശനവുമായി വാസവൻ

Vishnu KV — Mon, 09 Nov 2026 10:48:51 +0530

കോട്ടയം: എക്സൈസ് കമ്മീഷണർ ശ്രീറാം സാംബശിവ റാവുവിനെ സ്ഥാനത്തുനിന്നു മാറ്റിയ സംഭവത്തിൽ മുഖ്യമന്ത്രി വി ഡി സതീശനും സർക്കാരിനുമെതിരെ രൂക്ഷവിമർശനവുമായി സി പി എം നേതാവും മുൻ സഹകരണ മന്ത്രിയുമായ വി എൻ വാസവൻ. മുൻ സർക്കാരിന്റെ കാലത്ത് നൽകിയ ചുമതലകളെല്ലാം കൃത്യമായും സത്യസന്ധമായും നിയമവും ചട്ടവും പാലിച്ചുകൊണ്ട് നിർവേറ്റിയ വ്യക്തിയാണ് റാവുവെന്ന് വ്യക്തമാക്കിയ വാസവൻ, സർക്കാരിന്റെ ക്രമവിരുദ്ധവും ചട്ടവിരുദ്ധവുമായ പ്രവർത്തനങ്ങൾക്ക് കൂട്ടുനിൽക്കാത്തതാണ് അദ്ദേഹത്തിനെതിരെ നടപടിയെടുക്കാൻ കാരണമെന്ന് ആരോപിച്ചു. ബാർ ലൈസൻസ് വിഷയത്തിൽ ഉമ്മൻ ചാണ്ടി സർക്കാർ ചെയ്ത കാര്യങ്ങൾ തന്നെയാണ് മുൻ എൽ ഡി എഫ് സർക്കാരും ചെയ്തതെന്നും അദ്ദേഹം ചൂണ്ടിക്കാട്ടി. സത്യസന്ധരായ ഉദ്യോഗസ്ഥരെ പീഡിപ്പിക്കുന്ന സമീപനമാണ് സർക്കാരിന്റേതെന്നും വാസവൻ ആരോപിച്ചു. നിലവിലെ ഭരണത്തിൽ മറ്റുമന്ത്രിമാർക്ക് യാതൊരു റോളുമില്ലെന്നും മുഖ്യമന്ത്രിയുടെ 'വൺമാൻ ഷോ' ആണ് സർക്കാരിൽ നടക്കുന്നതെന്നും അദ്ദേഹം കൂട്ടിച്ചേർത്തു.

ബാർ ലൈസൻസിന് റെഡ് സിഗ്നൽ

അതേസമയം പുതിയ മദ്യനയം വരുന്നത് വരെ ബാർ ലൈസൻസുകൾ അനുവദിക്കരുതെന്ന് എക്സൈസ് കമ്മീഷണറുടെ താത്കാലിക ചുമതലയുളള അഡീഷണൽ കമ്മീഷണർ ജയശങ്കർ സർക്കുലർ ഇറക്കി. നയം വരട്ടെയെന്ന് മന്ത്രി പറഞ്ഞിട്ടും ബാർ ലൈസൻസ് അനുവദിച്ചതാണ് സാംബശിവ റാവുവിന്‍റെ കസേര തെറിക്കാൻ കാരണമായത്. പുതിയ ലൈസൻസ് അനുവദിക്കരുതെന്ന് രേഖാമൂലം ഒരു നിർദേശവുമില്ലെന്നായിരുന്നു റാവുവിന്‍റെ വാദം. കമ്മീഷണർ മാറിയതിന് പിന്നാലെയാണ്, താത്കാലിക ചുമതലയുളള ജയശങ്കർ ഉദ്യോഗസ്ഥർക്ക് നിർദേശം നൽകിക്കൊണ്ടുള്ള സർക്കുലർ പുറത്തിറക്കിയത്. അതേസമയം പോകുന്ന പോക്കിൽ സാംബശിവ റാവു നൽകിയ റിപ്പോർട്ടിൽ അന്വേഷണം പ്രഖ്യാപിച്ച് നേരിടാനാണ് സർക്കാർ നീക്കം. രണ്ട് ഉന്നത ഉദ്യോഗസ്ഥർക്കെിരായ ആരോപണം മാത്രമല്ല, റിപ്പോർട്ട് നൽകിയ സാംബശിവ റാവുവിന്‍റെ കാലത്ത് യുദ്ധകാല അടിസ്ഥാനത്തിൽ നൽകിയ ബാർ ലൈസൻസുകളും അന്വേഷിക്കും. മുൻ സ‍ർക്കാരിന്‍റെ കാലത്തെ എക്സൈസ് വകുപ്പിന്‍റെ തീരുമാനങ്ങള്‍ ഉള്‍പ്പെടെ അന്വേഷണ പരിധിയിലേക്ക കൊണ്ടുവരാനാണ് നീക്കം. മന്ത്രിയുടേ പേരും വലിച്ചിഴച്ച് സാംബശിവ റാവു റിപ്പോർട്ട് നൽകിയതിൽ ലിജുവിനെക്കൂടാതെ മന്ത്രിസഭയിലെ മിക്ക അംഗങ്ങള്‍ക്കും അതൃപ്തിയുണ്ട്. അതേസമയം സാംബശിവ റാവുവിനെ ന്യായീകരിച്ച പ്രതിപക്ഷം, സർക്കാർ നീക്കം അഴിമതിക്ക് വേണ്ടിയെന്ന ആരോപണം കടുപ്പിക്കുകയാണ്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ആരാണ് യഥാർത്ഥ ലെജൻഡ് എന്ന് നമുക്ക് കാണാം'; വൈറലായി ബിഗ്ബോസ് ലെഗസി വീക്ക് പ്രമോ

Web Desk — Mon, 09 Nov 2026 10:48:21 +0530

സമൂഹമാധ്യമങ്ങളിൽ വൈറലായി ബിഗ് ബോസിന്റെ ലെഗസി വീക്ക് പ്രമോ. മുൻ സീസണുകളിലെ ചില വിജയികളും മൽസരാർത്ഥികളുമാണ് പ്രമോയിൽ പ്രത്യക്ഷപ്പെടുന്നത്. അവതാരകൻ മോഹൻലാലിന്റെ സ്വാഗും ഡയലോഗുകളും തന്നെയാണ് പ്രമോയിലെ പ്രധാന ആകർഷണം. അഖിൽ മാരാർ, ജാസ്മിൻ ജാഫർ, നൂറ, അനീഷ്, ജിന്റോ, വിഷ്ണു, ബ്ലെസ്ലി, റിയാസ് സലിം എന്നീ മുൻ മൽസരാർത്ഥികളാണ് പ്രമോയിൽ പ്രത്യക്ഷപ്പെടുന്നത്.

''ഇപ്പോഴത്തെ പിള്ളേരൊക്കെ കൊള്ളാം, എന്താ കളി'', എന്ന അഖിൽ മാരാരുടെ ‌ഡയലോഗോടെയാണ് പ്രമോ ആരംഭിക്കുന്നത്. ''അവർ അത്രക്ക് പൊളിയാണോ? അങ്ങനെയാണെങ്കിൽ അവർക്കൊരു പണി കൊടുക്കണ്ടേ എന്ന ഡയലോഗുമായി തുടർന്ന് സ്ക്രീനിൽ പ്രത്യക്ഷപ്പെടുന്നത് ജാസ്മിൻ ജാഫറാണ്. ചുമ്മാ ഒരു പണി ആക്കണ്ട എട്ടിന്റെ പണി തന്നെ കൊടുക്കാം എന്ന മാസ് ഡയലോഗുമായി തുടർന്ന് എത്തുന്നത് നൂറയാണ്. ''നമ്മൾ ഇറങ്ങിയാൽ പിള്ളേർ കുറച്ച് വിയർക്കും'', എന്നാണ് പിന്നീടെത്തുന്ന അനീഷ് പറയുന്നത്. ആരാണ് ശരിക്കും ലെജൻഡ്സ് എന്ന് അവർക്ക് മനസിലാക്കിക്കൊടുക്കണമെന്നാണ് വിഷ്ണു പറുന്നത്. ''പിള്ളേർ ഇതൊക്കെ താങ്ങുമോ ആവോ'', എന്ന് ജിന്റോയും ചോദിക്കുന്നു. പിന്നീട് പണി തുടങ്ങാമെന്നു പറഞ്ഞെത്തുന്നത് ബ്ലെസ്‍ലിയും റിയാസും. ഈ സീസണിലെ 'പിള്ളേർ' തയ്യാറാണോ എന്ന അഖിൽ മാരാറുടെ ചോദ്യത്തിന്, അവർ തയ്യാറല്ലെങ്കിലും തങ്ങൾ തയ്യാറാണെന്നാണ് അനീഷിന്റെ മറുപടി. പിന്നാലെ "ലെറ്റ്സ് ഗോ" എന്ന് നൂറയും ജാസ്മിനും പറയുന്നതോടെ പഴയ താരങ്ങൾ യാത്ര പുറപ്പെടുകയാണ്.

പ്രമോയുടെ അവസാനത്തിൽ അവതാരകൻ മോഹൻലാലാണ് പ്രത്യക്ഷപ്പെടുന്നത്. "പഴയ പടയൊക്കെ തിരിച്ചു വരുന്നുണ്ടല്ലേ, വന്നോട്ടെ. എന്റെ പിള്ളേരെ വെല്ലുവിളിക്കാനാണെങ്കിൽ കയറി വരട്ടെ. ബിഗ് ബോസ് വീട്ടിൽ വന്ന് പണി വാങ്ങാതെ നോക്കണം. ആരാണ് യഥാർത്ഥ ലെജൻഡ് എന്ന് നമുക്ക് കാണാം", എന്ന മോഹൻലാലിന്റെ ഡയലോഗോടെയാണ് പ്രമോ അവസാനിക്കുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

കേരളത്തിൽ 35 % കുറ്റകൃത്യങ്ങൾ കുറഞ്ഞെന്ന് മന്ത്രി രമേശ് ചെന്നിത്തല; 'തൂഫാന് കേന്ദ്ര ആഭ്യന്തര മന്ത്രാലയത്തിന്റെ പിന്തുണ'

Remya Ram — Mon, 09 Nov 2026 10:41:09 +0530

കോഴിക്കോട്: സംസ്ഥാനത്തെ ലഹരി വേട്ടയായ തൂഫാന് കേന്ദ്ര ആഭ്യന്തര മന്ത്രാലയത്തിന്റെ പിന്തുണയുണ്ടെന്നും കേന്ദ്രവുമായി യോജിച്ചു മുന്നോട്ട് പോകുമെന്നും ആഭ്യന്തര മന്ത്രി രമേശ് ചെന്നിത്തല.16-ാം തീയതി തൂഫാന്റെ രണ്ടാം ഘട്ടം ആരംഭിക്കും. ലഹരിക്ക് അടിമകളായവരെ തിരിച്ചു ജീവിതത്തിലേക്ക് കൊണ്ടു വരികയാണ് രണ്ടാം ഘട്ടത്തിന്റെ ലക്ഷ്യം. കേരളത്തിൽ 35 ശതമാനത്തോളം കുറ്റകൃത്യങ്ങൾ കുറഞ്ഞു. സംസ്ഥാനത്തെ സ്കൂൾ ബസുകളിൽ ഒറ്റ ദിവസം നടത്തിയ പരിശോധനയിൽ 57 ഡ്രൈവർമാർ മദ്യപിച്ചു എന്ന് കണ്ടെത്തി. കഴിഞ്ഞ ദിവസമായിരുന്നു പരിശോധന. തനിക്ക് കിട്ടിയ രഹസ്യ വിവരത്തിന്റെ അടിസ്ഥാനത്തിൽ ആയിരുന്നു പരിശോധനയെന്നും രമേശ് ചെന്നിത്തല പറഞ്ഞു.

ജുവനൈൽ ആക്ടിൽ മാറ്റം ആലോചിക്കുന്നുണ്ട്. ഈ ആക്റ്റിന്റെ മറവിൽ എന്തും ചെയ്യാമെന്ന് വിചാരിക്കരുത്. പ്രായപൂർത്തി ആകാത്തവർ വാഹനം ഓടിച്ച് നിരവധി അപകടങ്ങൾ ഉണ്ടാക്കുന്നു. സ്വകാര്യ ബസ്സുകളുടെ അമിത വേഗതയ്ക്കെതിരെ നടപടി എടുക്കും. എസ് പി മാർക്ക് നിർദ്ദേശം നൽകിയിട്ടുണ്ടെന്നും ചെന്നിത്തല പറഞ്ഞു. അതേസമയം, സർക്കാരിന്റെ അനുമതിയില്ലാതെ ബാർ ലൈസൻസ് അനുവദിച്ചതിനെക്കുറിച്ച് വിജിലൻസ് അന്വേഷണം വരുമോ എന്ന ചോദ്യത്തിനോട് ആഭ്യന്തരമന്ത്രി പ്രതികരിച്ചില്ല.

എമിറേറ്റ്സ് ഡ്രോ: വിജയികൾ 23,873; സമ്മാനത്തുക 84,602 ഡോളർ

Web Desk — Mon, 09 Nov 2026 10:39:30 +0530

ഏറ്റവും പുതിയ ഫാസ്റ്റ്5, ഈസി6, മെഗാ7, വൈൽഡ്5 വിജയിച്ച നമ്പറുകൾ എമിറേറ്റ്സ് ഡ്രോ പ്രഖ്യാപിച്ചു. മൊത്തം 23,873 പേരാണ് വിജയിച്ചത്. മൊത്തം സമ്മാനത്തുക 84,602 ഡോളർ. വിജയികളുടെ വിവരങ്ങൾ ചുവടെ.

ഈസി6

ഈസി6 ഗെയിമിൽ മൊത്തം 731 പേരാണ് വിജയികളായത്. സമ്മാനത്തുകയായി ഇവർ നേടിയത് 29,681 ഡോളറാണ്.

വിജയിച്ച നമ്പറുകൾ - 7, 23, 22, 13, 16, 32

ഫാസ്റ്റ്5

ഫാസ്റ്റ്5 വിജയികളുടെ എണ്ണം 16 ആണ്. മൊത്തം സമ്മാനത്തുക 170 ഡോളർ.

വിജയിച്ച നമ്പറുകൾ - 25, 16, 39, 19, 40

മെഗാ7

മെഗാ7 മത്സരത്തിൽ 1,057 പേർ വിജയിച്ചു. മൊത്തം സമ്മാനത്തുക 7,354 ഡോളർ.

വിജയിച്ച നമ്പറുകൾ - 5, 22, 7, 27, 34, 11, 35

വൈൽഡ്5

വിജയിച്ച നമ്പറുകൾ - 1, 21, 9, 49, 6

സ്ക്രാച്ച് ഗെയിം

മൊത്തം വിജയികൾ - 18,825

മൊത്തം സമ്മാനത്തുക - 9,294 ഡോളർ

ഷുവർ1

വിജയി - 1

മൊത്തം സമ്മാനത്തുക - 30,000 ഡോളർ

റാപിഡ് ഗെയിംസ്

മൊത്തം വിജയികൾ - 21,903

മൊത്തം സമ്മാനത്തുക - 11,276 ഡോളർ

കട്ടൻ ചായ ശരീരഭാരം കുറയ്ക്കാൻ സഹായിക്കുമോ?

Resmi Sreekumar — Mon, 09 Nov 2026 10:36:51 +0530

ലോകമെമ്പാടും ഏറ്റവും കൂടുതൽ ഉപയോഗിക്കപ്പെടുന്ന പാനീയങ്ങളിലൊന്നാണ് ബ്ലാക്ക് ടീ (കട്ടൻ ചായ). ആന്റിഓക്‌സിഡന്റ് ഗുണങ്ങളുള്ള 'പോളിഫിനോളുകൾ' ഇതിൽ 'തിയഫ്ലാവിനുകൾ' , 'തിയറൂബിഗിനുകൾ' എന്നിവ കട്ടൻ ചായയിൽ അടങ്ങിയിരിക്കുന്നു.

പഞ്ചസാര ചേർക്കാതെ ബ്ലാക്ക് ടീ കുടിക്കുന്നത് മധുരമുള്ള പാനീയങ്ങൾക്ക് പകരമായി കുറഞ്ഞ കലോറി മാത്രമുള്ള ഒരു നല്ല ബദലായിരിക്കും. പതിവായി ബ്ലാക്ക് ടീ കുടിക്കുന്നത് ഹൃദയാരോഗ്യത്തിന് ഗുണകരമാകാനും രക്തക്കുഴലുകളുടെ പ്രവർത്തനം മെച്ചപ്പെടുത്താനും, ശരീരത്തിന്റെ മൊത്തത്തിലുള്ള മെറ്റബോളിക് ആരോഗ്യം വർദ്ധിപ്പിക്കാനും സഹായിക്കുമെന്ന് ചില പഠനങ്ങൾ സൂചിപ്പിക്കുന്നു.

ബ്ലാക്ക് ടീയിലുള്ള ചില ഘടകങ്ങൾ ശരീരം ഊർജ്ജത്തെയും കൊഴുപ്പിനെയും കൈകാര്യം ചെയ്യുന്ന രീതിയിൽ മാറ്റങ്ങൾ വരുത്തിയേക്കാം. ശരീരഭാരത്തിലും ശരീരഘടനയിലും ചെറിയ മാറ്റങ്ങൾ ഉണ്ടാകുന്നതുമായി ചായയുടെ ഉപയോഗത്തിന് ബന്ധമുണ്ടെന്ന് ചില പഠനങ്ങൾ സൂചിപ്പിക്കുന്നു.

ബ്ലാക്ക് ടീ മാത്രം ഉപയോഗിച്ചുകൊണ്ട് ശരീരഭാരം കുറയ്ക്കാൻ സാധിക്കില്ല. ഉയർന്ന കലോറിയുള്ള പാനീയങ്ങൾക്ക് പകരമായി ബ്ലാക്ക് ടീ ഉപയോഗിക്കുകയും, അതോടൊപ്പം ആരോഗ്യകരമായ ഭക്ഷണക്രമവും പതിവായ ശാരീരിക വ്യായാമവും പിന്തുടരുകയും ചെയ്യുമ്പോഴാണ് ഭാരം കുറയുന്നത്.

സാധാരണ ബ്ലാക്ക് ടീയിൽ കലോറി വളരെ കുറവാണ്. അതിനാൽ, മൊത്തത്തിലുള്ള കലോറി ഉപഭോഗം കുറയ്ക്കാൻ ആഗ്രഹിക്കുന്നവർക്ക് ഇതൊരു നല്ല തിരഞ്ഞെടുപ്പാണ്. പഞ്ചസാര ചേർത്ത ചായ, ശീതളപാനീയങ്ങൾ, മധുരമുള്ള കാപ്പി അല്ലെങ്കിൽ ഉയർന്ന കലോറിയുള്ള മറ്റ് പാനീയങ്ങൾക്ക് പകരം മധുരമില്ലാത്ത ബ്ലാക്ക് ടീ ഉപയോഗിക്കുന്നത് ഒരു ദിവസത്തിൽ ശരീരത്തിലെത്തുന്ന കലോറിയുടെ അളവ് കുറയ്ക്കാൻ സഹായിക്കും. എന്നാൽ, ഇതിലേക്ക് പഞ്ചസാര ചേർക്കുന്നത് അതിലെ കലോറിയുടെ അളവിൽ മാറ്റം വരുത്തിയേക്കാം.

മധുരമുള്ള പാനീയങ്ങൾക്ക് പകരം ബ്ലാക്ക് ടീ ഉപയോഗിക്കുകയാണെങ്കിൽ കാലക്രമേണ ശരീരത്തിലെത്തുന്ന കലോറിയുടെ അളവിൽ വലിയ കുറവുണ്ടാകും. ബ്ലാക്ക് ടീയിൽ സ്വാഭാവികമായും കഫീൻ അടങ്ങിയിട്ടുണ്ട്. ഇത് താൽക്കാലികമായി ജാഗ്രത വർദ്ധിപ്പിക്കുകയും ഊർജ്ജ ചെലവിൽ ചെറിയ സ്വാധീനം ചെലുത്തുകയും ചെയ്യും.

ദിവസവും ഒന്നു മുതൽ മൂന്ന് കപ്പ് വരെ ബ്ലാക്ക് ടീ ആരോഗ്യകരമായ ഭക്ഷണക്രമത്തിന്റെ ഭാഗമായി ഉൾപ്പെടുത്താവുന്നതാണ്. ശരീരഭാരം നിയന്ത്രിക്കാനാണ് നിങ്ങൾ ആഗ്രഹിക്കുന്നതെങ്കിൽ, പഞ്ചസാര ചേർക്കാതെയോ അല്ലെങ്കിൽ വളരെ കുറഞ്ഞ അളവിൽ മാത്രം പഞ്ചസാര ചേർത്തോ ഇത് കഴിക്കുന്നതാണ് ഏറ്റവും ഉചിതം.

ആലുവയിൽ വിദ്യാർത്ഥികളെ ഉപയോഗിച്ച് ഹാലോവിൻ പാർട്ടി, 15കാരിക്ക് നേരെ ലൈംഗികാതിക്രമം; കടവന്ത്ര സ്വദേശി അറസ്റ്റിൽ, പാർട്ടിയിൽ പ്രമുഖരുടെ മക്കളും

Web Desk — Mon, 09 Nov 2026 10:30:17 +0530

ആലുവ: ഹാലോവിൻ ആഘോഷത്തിൽ പങ്കെടുത്ത പ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം. സംഭവത്തിൽ കടവന്ത്ര സ്വദേശിയായ 21കാരൻ അലക്സിനെ ആലുവ പോലീസ് അറസ്റ്റ് ചെയ്തു. 15 വയസ്സുള്ള പെൺകുട്ടിയാണ് അതിക്രമത്തിനിരയായത്. മുപ്പതിലധികം പേർ പങ്കെടുത്ത ഹാലോവിൻ പാർട്ടിക്കിടെയാണ് സംഭവം നടന്നത്. വിദ്യാർത്ഥികൾ ഉൾപ്പെടെ പ്രായപൂർത്തിയാകാത്ത നിരവധി പെൺകുട്ടികളും ആൺകുട്ടികളും പാർട്ടിയിൽ പങ്കെടുത്തിരുന്നു.

ആഘോഷങ്ങൾക്കിടെ മദ്യസൽക്കാരവും ലഹരി ഉപയോഗവും നടന്നതായി പോലീസ് കണ്ടെത്തിയിട്ടുണ്ട്. കടവന്ത്ര സ്വദേശിയായ അലക്സാണ് പാർട്ടി സംഘടിപ്പിക്കുന്നതിനും നേതൃത്വം നൽകുന്നതിനും മുന്നിൽ നിന്നതെന്നുമാണ് വിവരം. അതിഥികളായി പങ്കെടുത്തവരിൽ പ്രമുഖ വ്യക്തികളുടെ മക്കളും ഉൾപ്പെട്ടിട്ടുണ്ടെന്നാണ് ലഭിക്കുന്ന സൂചനകൾ. സംഭവത്തിൽ ലഹരിമരുന്ന് ഉപയോഗത്തെക്കുറിച്ചും പ്രായപൂർത്തിയാകാത്തവർക്ക് മദ്യം വിതരണം ചെയ്തതിനെക്കുറിച്ചും സമഗ്രമായ അന്വേഷണം നടത്തും. പെൺകുട്ടിയുടെ അമ്മ നൽകിയ പരാതിയുടെ അടിസ്ഥാനത്തിലാണ് പോലീസ് കേസ് രജിസ്റ്റർ ചെയ്ത് പ്രതിയെ കസ്റ്റഡിയിലെടുത്തത്.

'ഡാനി'യെന്ന് വിളിപ്പേര്, മൈസൂരിൽ വാഴത്തോട്ടം, കേരളത്തിലേക്ക് ലഹരി കടത്താൻ പുതിയ വിദ്യകൾ, വാഴക്കുല ലോഡുകളിൽ കയറ്റി അയക്കും

Web Desk — Mon, 09 Nov 2026 10:16:06 +0530

കൊച്ചി : ആലുവയിൽ 185 ഗ്രാം എംഡിഎംഎ പിടികൂടിയ സംഭവത്തിലെ അന്വേഷണത്തിന് പിന്നാലെ കൂടുതൽ അറസ്റ്റ്. ഹരിപ്പാട് വയ്യാപുരം സ്വദേശിയാണ ധനേഷ് എസ് നായർ അറസ്റ്റിലായി. ഡാനിയെന്ന വിളിപ്പേരിലറിയപ്പെടുന്ന ഇയാളിൽ നിന്നും 803 ഗ്രാം ഹാഷിഷ് ഓയിലും 8 ഗ്രാം എംഡിഎംഎയും പിടിച്ചെടുത്തു. ബംഗ്ലൂരുവിൽ നിന്ന് കേരളത്തിലേക്കുള്ള ലഹരിക്കടത്തിലെ പ്രധാന കണ്ണിയാണ് ധനേഷെന്നാണ് പൊലീസ് നൽകുന്ന വിവരം. ഇന്നലെ 185 ഗ്രാം എംഡിഎംഎയുമായിഅറസ്റ്റിലായ ഹരികൃഷ്ണന്റെ ഫോണിൽനിന്നാണ് ധനേഷിനെ കുറിച്ച് വിവരം കിട്ടിയത്. മൈസൂരുവിനടുത്തുള്ള നഞ്ചൻഗുഡ്‌വിലാണ് പ്രതിയുടെ താമസം. ലഹരി കടത്താൻ പുതിയ വിദ്യകളാണ് സംഘം ഉപയോഗിക്കുന്നത്. ധനേഷിന് മൈസൂരുവിൽ വാഴത്തോട്ടമുണ്ട്. ഇവിടെ നിന്നും കേരളത്തിലേക്ക് വാഴക്കുലകൾ എത്തിക്കുന്നുണ്ട്. ഈ വാഴക്കുല ലോഡുകളിൽ പൊതിഞ്ഞാണ് ലഹരിക്കടത്തെന്നാണ് പൊലീസ് കണ്ടെത്തൽ.

ലഹരിമരുന്ന് കടത്ത് കേസുമായി ബന്ധപ്പെട്ട് കൊച്ചിയിൽ അറസ്റ്റിലായ ഹരികൃഷ്ണന്റെ ഫോണിൽ നിന്നാണ് മയക്കുമരുന്ന് കടത്താൻ ഉപയോഗിച്ച വിവിധ രീതികളുടെ വിവരങ്ങൾ പോലീസിന് ലഭിച്ചത്. ബാംഗ്ലൂർ-മൈസൂർ മേഖലകളിൽ നിന്ന് കേരളത്തിലേക്ക് നേന്ത്രപ്പഴക്കുലകൾക്കുള്ളിൽ ഒളിപ്പിച്ചാണ് ഇവർ വൻതോതിൽ എംഡിഎംഎ കടത്തിയിരുന്നതെന്ന് പ്രതികളുടെ മൊബൈൽ ഫോണുകളിൽ നിന്നുള്ള വിവരങ്ങളിൽ നിന്നും ദൃശ്യങ്ങളിൽ നിന്നും വ്യക്തമായി.

യുഎസ് തെരഞ്ഞെടുപ്പ്; അടിതെറ്റി വീണ് ട്രംപും റിപബ്ലിക്കൻസും, ചരിത്ര വിജയം സ്വന്തമാക്കി ഡെമോക്രാറ്റുകൾ

Alakananda R — Mon, 09 Nov 2026 10:10:01 +0530

അമേരിക്കൻ തെരഞ്ഞെടുപ്പിൽ ഇങ്ങനെയൊരു വിജയം ഡമോക്രാറ്റുകൾ പോലും പ്രതീക്ഷിച്ചിരിക്കില്ല. കോൺഗ്രസിലെ രണ്ട് സഭകളും ഡമോക്രാറ്റുകൾ കൊണ്ടുപോയി. ജനപ്രതിനിധിസഭയും സെനറ്റും. കാലാകാലമായി റിപബ്ലിക്കൻ ചുവപ്പായിരുന്ന സംസ്ഥാനങ്ങൾ നീലയിൽ കുതിർന്നു. പലതും ചരിത്രം കുറിക്കുന്ന വിജയങ്ങളാണ്. ആദ്യത്തെ ആഫ്രിക്കൻ - അമേരിക്കൻ വനിതാ ഗവർണർ, സെനറ്റിലേക്കുള്ള ആദ്യത്തെ മുസ്ലിം അംഗം, സ്വവർഗാനുരാഗി സെനറ്റംഗമായതും ആദ്യം. സഹകരിക്കുമെന്നാണ് ട്രംപിന്‍റെ പ്രതികരണം. പക്ഷേ, എന്തുപറ്റിയെന്ന ചിന്തകളും വിശകലനങ്ങളും തുടങ്ങിക്കഴിഞ്ഞു റിപബ്ലിക്കൻ പാർട്ടിക്കുള്ളിൽ തന്നെ. പ്രസിഡന്‍റിൽ നിന്ന് അകലം പാലിച്ചവർപോലും തോറ്റു. ഇറാൻ യുദ്ധത്തെ കുറ്റം പറയുന്നു റിപബ്ലിക്കൻ അംഗങ്ങൾ. സാമ്പത്തികമാണ് പ്രശ്നമെന്ന അഭിപ്രായവുമുണ്ട്. പക്ഷേ, പരമ്പരാഗത റിപബ്ലിക്കൻ സംസ്ഥാനങ്ങൾ പോലും കൂറുമാറിയതിന്‍റെ അർത്ഥം വ്യക്തമായിട്ടില്ല പാർട്ടിക്ക്.

ഒഴുകിപ്പരന്ന നീല

നീലയങ്ങനെ പരന്നൊഴുകിപ്പടർന്നത് എങ്ങനെയെന്ന ആലോചന തീർന്നിട്ടില്ല. ട്രംപ് പറന്നുനടന്നാണ് റാലികളിൽ പങ്കെടുത്തത്. ഈ പ്രായത്തിലെ ഒരാൾക്ക് സാധാരണഗതിയിൽ അസാധ്യമായ കാര്യം. എന്നിട്ടും ട്രംപ് പിന്തുണച്ച സ്ഥാനാർത്ഥികൾ തോറ്റു. ട്രംപിനോട് അകലം പാലിച്ചവരും തോറ്റു. റിപബ്ലിക്കൻ പാർട്ടിക്ക് അധികാരം നഷ്ടപ്പെട്ടത്, ഒരു തലമുറക്കാലത്തേക്കാളും അധികാരം നിലനിർത്തിയ ഇടങ്ങളിലാണ്. Rust Belt ട്രംപിനൊപ്പമേ നിന്നിട്ടുള്ളു. വ്യവസായങ്ങൾ തുരുമ്പിച്ചയിടങ്ങളിൽ അവ വീണ്ടെടുക്കും എന്നുറപ്പ് നൽകിയ ട്രംപിനൊപ്പമായിരുന്നു വോട്ടർമാർ. ഇല്ലിനോയി മുതൽ വിസ്കോൺസിൻ വരെ. അത് പോയി. കനേഡിയൻ അതിർത്തി മുതൽ ടെക്സസ് വരെ നീളുന്ന Great Plains -ഉം ട്രംപിനെ പിന്തുണച്ച് പോരുന്നു. ഇത്തവണഅതും പോയി.

കൻസസ് ഡമോക്രാറ്റുകൾക്ക് അവസാനം കിട്ടിയത് 1930 -കളിലാണ്. സൗത്ത് കരോലൈനയിലെ സെനറ്റ് സീറ്റ് നഷ്ടപ്പെട്ടത് 1960 -കളിൽ. ടെക്സസിലെ ചുവപ്പ് ഒരുകാലത്തും മായില്ലെന്ന് വിചാരിച്ചിരുന്നു ഡമോക്രാറ്റുകളും. 1990 -കൾക്ക് ശേഷം ടെക്സസ് അവർക്ക് കിട്ടിയിട്ടില്ല. ഉൾപ്രദേശങ്ങളിലും ലറ്റീനോകൾക്കിടയിലും കിട്ടിയിരുന്നതെല്ലാം അപ്പാടെ പോയി. മധ്യമേഖലയിൽ ഡമോക്രാറ്റുകൾക്ക് ജീവൻ വച്ചു. അയോവ, മിഷിഗൻ, മിനസോട്ട, ഒഹായോ എന്നിവിടങ്ങളിൽ ഗവർണർ സ്ഥാനവും സെനറ്റും ഡമോക്രാറ്റുകൾ നേടി. റിപബ്ലിക്കൻ പാർട്ടി, അതിർത്തികൾ പുനർനിർണയിച്ച് ആധിപത്യം നേടാൻ ശ്രമിച്ചിരുന്നു. ഫലിച്ചില്ലെന്നുവേണം കരുതാൻ. കോടീശ്വരനായ ഇലൺ മസ്ക് റിപബ്ലിക്കൻ പാർട്ടിക്ക് നൽകിയ 168 മില്യൻ ഡോളറിനും ടെക്സസിൽ അധികാരം ഉറപ്പിക്കാനായില്ല. ഫണ്ടിന്‍റെ കാര്യത്തിൽ വളരെപ്പിന്നിലായിരുന്നു ഡമോക്രാറ്റ് പാർട്ടി. മസ്ക് എല്ലാംകൂടി ബില്യനുകളാണ് നൽകിയത്. തന്‍റെ പേര് ബാലറ്റിലുണ്ടായിരുന്നെങ്കിൽ പാർട്ടി തോൽക്കില്ലായിരുന്നു എന്നാണ് തെരഞ്ഞെടുപ്പ് ഫലത്തോടുള്ള പ്രസിഡന്‍റിന്‍റെ പ്രതികരണം.

തോറ്റുപോയ റിപബ്ലിക്കന്മാർ

ടെക്സസിൽ സെനറ്റ് സീറ്റും ഗവർണർ സ്ഥാനവും നേടിയത് ഡമോക്രാറ്റുകളാണ്. സെനറ്ററായത് ജെയിംസ് തലാരിക്ക (James Talarica). ഗവർണറായത് ഗിന ഹിനോജോസ (Gina Hinojosa), ഗവർണറാകുന്ന ആദ്യത്തെ ലറ്റീനോ വംശജ. കൻസസിനും കിട്ടി ഡമോക്രാറ്റിക് സെനറ്ററെ. ഏതാണ്ടൊരു നൂറ്റാണ്ടിന് ശേഷമുള്ള വിജയം. സ്പീക്കറാവുക ഹക്കീം ജെഫ്രീസ് (Hakeem Jeffries) ആണ്. Great American Comeback എന്ന് വിശേഷിപ്പിച്ചു ജെഫ്രീസ്.

30 വർഷം മെയ്ൻ ( Maine) സെനറ്റായിരുന്ന സൂസൻ കോളിൻസിന്‍റെ (Susan Collins) തോൽവി റിപബ്ലിക്കൻ പാർട്ടിയെ ഞെട്ടിച്ചു. ആ സ്ഥാനനഷ്ടം പാർട്ടിയുടെ തോൽവിയുടെ വ്യാപ്തി സൂചിപ്പിച്ചു. ട്രംപിൽ നിന്ന് അകലം പാലിച്ചിട്ടും കോളിൻസിന് വിജയിക്കാനായില്ല.

അയോവ, ഒഹായോ, നോർത്ത് കരോലൈന എന്നിവയെല്ലാം പിടിച്ചെടുത്തു ഡമോക്രാറ്റുകൾ. 1964 ൽ നഷ്ടപ്പെട്ട സൗത്ത് കരോലൈനയും തിരികെപ്പിടിച്ചു. റിപബ്ലിക്കൻ സെനറ്റർ ലിൻഡ്സെ ഗ്രഹാം (Lindsay Graham) മരിച്ചതോടെ, ഗ്രഹാമിന്‍റെ സഹോദരിയാണ് മത്സരരംഗത്തിറങ്ങിയത്. ട്രംപ് നേരിട്ട് തെരഞ്ഞെടുത്ത സ്ഥാനാർത്ഥി. അങ്ങനെ പ്രസിഡന്‍റ് നേരിട്ട് തെരഞ്ഞെടുത്ത, പിന്തുണച്ച പലരും തോറ്റുവെന്നതാണ് സത്യം. ജോർജിയ, ടെക്സസ്, ഒക്കെ ഉദാഹരണങ്ങളാണ്.

ഒഹായോവിൽ വിവേക് രാമസ്വാമി ഇറക്കിയ പ്രചാരണവീഡിയോ വിവാദമായിട്ടും ട്രംപ് പിന്തുണച്ചതും അടിതെറ്റിച്ചുവെന്ന് വേണം കരുതാൻ. ടെക്സസിൽ ട്രംപിന്‍റെ സ്ഥാനാർത്ഥി പാക്സ്റ്റൺ (Paxton) ആണ്. അതും കൈവിട്ടുപോയി. മസ്കിന്‍റെ കോടികളും വെറുതേയായി. തെരഞ്ഞെടുപ്പുഫലം ഏതാണ്ട് വ്യക്തമായശേഷം ട്രൂത്ത് സോഷ്യലിൽ ട്രംപിന്‍റെ അക്കൗണ്ട് നിശബ്ദമായി. മൂന്നുമണിക്കൂറോളം നീണ്ടു. പിന്നെ വന്നത് 'സ്വന്തം പേരില്ലാത്തതിന്‍റെ പേരിലെ തോൽവി' എന്ന അവകാശവാദമാണ്. പക്ഷേ, ഉത്തരവാദിത്തം ഏറ്റെടുത്തില്ല. ഇറാൻ യുദ്ധമല്ല കാരണം, ചുങ്കങ്ങളുമല്ല, അതൊക്കെ ചെറിയ കാരണങ്ങൾ മാത്രം, സ്ഥാനാർത്ഥികളാണ് കാരണമെന്ന് തർക്കിച്ച് ഉറപ്പിച്ചു പ്രസിഡന്‍റ്.

ചില അട്ടിമറികൾ

സെനറ്റിലെ ആദ്യത്തെ മുസ്ലിം അംഗമാവുകയാണ് അബ്ദുൾ എൽ-സയീദ് (Abdul El-Sayed). മിഷിഗൺ നിർണായക സംസ്ഥാനമാണ്. ജോ ബൈഡനൊപ്പമായിരുന്നു 2020 -ൽ. 2024 പക്ഷേ ട്രംപിനൊപ്പമായി. മുസ്ലിം ജനസംഖ്യ ഏറ്റവും കൂടുതലുള്ള സംസ്ഥാനം കൂടിയാണ് മിഷിഗൺ. ചില നഗരങ്ങളിൽ അത് 60 ശതമാനത്തോളമാണ്. രാജ്യത്തെ ഏറ്റവും വലിയ മുസ്ലിം പള്ളിയും മിഷിഗണിലെ ഡിയർബോണിലാണ് (Dearborn). 2024 -ലെ വിജയം പക്ഷേ, ട്രംപിന് ആവർത്തിക്കാനായില്ല. വേറെയും പലതുമുണ്ട് ഈ തെരഞ്ഞെടുപ്പിലെ ചരിത്രം കുറിച്ച വിജയങ്ങൾ.

5 ആഫ്രോ അമേരിക്കൻ വംശജർ ഗവർണർമാരായി. ഇത്രയും നാൾ അത് മൂന്നുവരെയേ എത്തിയിട്ടുള്ളു. 2008 -ൽ അത് രണ്ടായിരുന്നു. പിന്നെ മൂന്നായി. ഇപ്പോൾ 5 ഉം. ആദ്യത്തെ ലറ്റീനോ ഗവർണറും ഇത്തവണത്തെ ചരിത്രമാണ്. സ്വവർഗാനുരാഗിയായ ആദ്യത്തെ പുരുഷസെനറ്ററായി ക്രിസ് പാപ്പാസ് (Chris Pappas). ജനപ്രതിനിധി സഭാംഗമായിരുന്നു ഇതുവരെ. LGBTQ വനിതാ സെനറ്റർ നേരത്തെയുണ്ട്, ടാമി ബാൾഡ്വിൻ (Tammy Baldwin).

വനിതാ ഗവർണർമാരുടെ എണ്ണം കൂടി, 17 ആയി. കൻസസ് അലാസ്ക കൂടിയായാൽ എണ്ണം കൂടും. ജോർജിയയിൽ ആഫ്രോ അമേരിക്കൻ വംശജ ആദ്യമായി ഗവർണ സ്ഥാനത്തെത്തി. അറ്റ്ലാന്‍റയിലെ മേയറായിരുന്ന കെയ്‌ഷ ലാൻസ് ബോട്ടംസ് (Keisha Lance Bottoms). ആദ്യത്തെ തദ്ദേശീയ ഗവർണറെ കിട്ടിയത് ന്യൂ മെക്സിക്കോയ്ക്കാണ്, ഡെബ് ഹാലാൻഡ് (Deb Haaland). ടെക്സസിൽ നാലാമൂഴത്തിന് ഒരുങ്ങിയിരുന്ന ഗ്രെഗ് ആബട്ടിന് തോൽവിയൊരു ഞെട്ടലായി. പകരം ലറ്റീനോ വംശജ ആദ്യമായി അധികാരത്തിലെത്തുകയാണ്. 100 മില്യൺ ഫണ്ടിന്‍റെ ശക്തിയുമായായാണ് ആബട്ട് മത്സരിച്ചത്. ഏറ്റവും പണമൊഴുകിയ തെര‌ഞ്ഞെടുപ്പ് പ്രചാരണമെന്ന റെക്കോർഡ് ടെക്സസിനാണ്. മസ്കിന്‍റെ പണം കിട്ടിയത് റിപബ്ലിക്കൻ പാർട്ടിക്ക്. പക്ഷേ, ജയിച്ചത് ഡമോക്രാറ്റായ ജെയിംസ് ടലറിക്കോ (James Talarico). മസ്ക്, തന്‍റെ കണക്കുകൂട്ടൽ തെറ്റിയെന്ന് പോസ്റ്റുമിട്ടു.

എൽ സായിദിന്‍റെ നന്ദി പ്രസംഗം

അതിർത്തി പുനർനിർണയിച്ച് ഭരണം പിടിക്കാൻ റിപബ്ലിക്കൻ പാർട്ടി ശ്രമിച്ച 15 ഡിസ്ട്രിക്റ്റുകളും ഡമോക്രാറ്റുകൾ നിലനിർത്തി. നാല് സീറ്റ് കൂടുതലും പിടിച്ചെടുത്തു. ഏറ്റവും കൂടുതൽ ചർച്ചചെയ്യപ്പെട്ടത് മിഷിഗനിൽ എൽ സായിദിന്‍റെ (El Sayed) വിജയമാണ്. റിപബ്ലിക്കനായ മൈക് റോജേഴ്സിനെയാണ് സയിദ് തോൽപ്പിച്ചത്. അവസാനനിമിഷം സയിദിനുള്ള പിന്തുണ പിൻവലിച്ചിരുന്നു ഡമോക്രാറ്റായ ഹാലി സ്റ്റീവൻസ് (Haley Stevens), എന്നിട്ട് റോജേഴ്സിന് പിന്തുണ അറിയിച്ചു. അത് വിവാദമായി. ഡമോക്രാറ്റുകൾ, പാലം വലിച്ചുവെന്ന് കുറ്റപ്പെടുത്തി. അത് പക്ഷേ ഫലത്തിൽ പ്രതിഫലിച്ചില്ല. എൽ സയിദിനെ 'ജിഹാദിസ്റ്റ്' എന്നുവിളിച്ച് ആക്ഷേപിച്ചിട്ടുണ്ട് ട്രംപ്. അത് കോളിളക്കമുണ്ടാക്കുകയും ചെയ്തു.

വിജയിച്ചപ്പോൾ അതിനെല്ലാം മറുപടി പറഞ്ഞു എൽ സായിദ്. എൽ സായിദിന്‍റെ വിജയ പ്രസംഗത്തിലെ പല വാചകങ്ങളും പ്രയോഗങ്ങളും സോഷ്യൽ മീഡിയയിൽ ആവർത്തിച്ച് പ്രത്യക്ഷപ്പെട്ടു. വിജയപ്രസംഗം സാധാരണ വോട്ടർമാർക്കും അണികൾക്കുമുള്ള നന്ദി അറിയിക്കാനും മുന്നിലുള്ള ലക്ഷ്യങ്ങൾ വിശദീകരിക്കാനുമാണ് സാധാരണ സ്ഥാനാർത്ഥികൾ വിനിയോഗിക്കുക. പക്ഷേ, സായിദ് അതിൽ വ്യത്യസ്തനായി. അതിൽ ചില വിമർശനങ്ങൾ നേരിട്ടെങ്കിലും. തന്‍റെ വിജയം 'രുചികരമായ വൈരുദ്ധ്യം' എന്ന് വിശേഷിപ്പിച്ചു സായിദ്.

തന്‍റെ പേര് ഉച്ചരിക്കാൻ കഴിയാത്ത പ്രസിഡന്‍റ് ഇനി തന്നെ സെനറ്റർ എന്നുവിളിച്ചാൽ മതിയെന്ന് പരിഹാസിച്ചു. കൈയടിച്ച് ചിരിച്ച് കൊണ്ട് ജെ ഡി വാൻസിനെ 'ഹബീബീ' എന്ന അറബി വാക്കിൽ അഭിസംബോധന. ഇൻഷാള്ളയ്ക്ക് (Inshallah) പകരം ഇനി അൽഹംദുലില്ല (Alhamdulilla) എന്ന് പറയാമെന്ന് അടുത്തത്. അതും വലതുപക്ഷത്തെ പേരെടുത്ത് പരിഹസിച്ച് കൊണ്ട്. തന്നെ സെനറ്ററായി സത്യപ്രതിജ്ഞ ചെയ്യിക്കേണ്ടിവരുമല്ലോ വാൻസ്. 'Wolverine 1, Buckeye 0' എന്ന് അടുത്ത വാചകം. അതൊരു കോളജ് ഫുട്ബോൾ എതിരാളിക്കഥയാണ്. എൽ സായിദ് പഠിച്ച മിഷിഗൺ കോളജിലെ ഫുട്ബോൾ ടീമാണ് വോൾവറിൻ (Wolverine). വാൻസ് പഠിച്ച ഒഹായോ യൂണിവേഴ്സിറ്റിയിലെ ഫുട്ബോൾ ടീമാണ് ബക്കി (Buckeye). ചരിത്രത്തിലിടം നേടിയ ശത്രുക്കളാണ് രണ്ട് ടീമും. അതാണ് എൽ സായിദ് ഉദ്ദേശിച്ചത്.

തെരഞ്ഞെടുപ്പ് പ്രചാരണകാലത്ത് വാൻസ്, സായിദിനെ രൂക്ഷമായി ആക്രമിക്കുകയും ചെയ്തിരുന്നു. അറബി വാക്കുകൾ വേറെയും ഉപയോഗിച്ചു സായിദ്. മെറ്റൽ ഡിറ്റക്ടറിലൂടെ കടന്നുപോകേണ്ടി വരുന്ന ഒരേയൊരു സെനറ്ററായിരിക്കും സായിദ് എന്ന ട്രംപിന്‍റെ പരിഹാസത്തിനും മറുപടി നൽകി സായിദ്. 'പ്രസിഡന്‍റ് ലൈ ഡിറ്റക്ടറിന് (Lie Detector - നുണ പരിശോധനാ ഉപകരണം) മുന്നിലിരിക്കൂ, താൻ മെറ്റൽ ഡിറ്റക്ടറിലൂടെ കടക്കാം' എന്നായി. തന്‍റെ മതവിശ്വാസവും, പലസ്തീൻ അനുകൂല നിലപാടും ഈജിപ്ഷ്യൻ വംശപാരമ്പര്യവും തുറന്ന് പറഞ്ഞ് തന്നെയായിരുന്നു സായിദിന്‍റെ പ്രചാരണം. ഡോക്ടർ കൂടിയാണ് അബ്ദുൾ റഹ്മാൻ മുഹമ്മദ് എൽ സയീദ് (Abdul Rahman Mohammed El Sayed). ഭാര്യ ഇന്ത്യൻ വംശജയാണ്.

ദുൽഖർ- പവൻ സാദിനേനി ചിത്രം ‘ആകാശംലോ ഒക താര’യിൽ കരുത്തുറ്റ കഥാപാത്രമായി ശ്രുതി ഹാസൻ, പുതിയ പോസ്റ്റർ പുറത്ത്

Web Desk — Mon, 09 Nov 2026 10:06:44 +0530

ദുൽഖറിനെ നായകനാക്കി പവൻ സാദിനേനി സംവിധാനം ചെയ്യുന്ന പാൻ ഇന്ത്യൻ ചിത്രം ‘ആകാശംലോ ഒക താര’യിൽ ശ്രുതി ഹാസൻ അവതരിപ്പിക്കുന്ന കഥാപാത്രത്തിൻ്റെ പോസ്റ്റർ പുറത്ത്. ദീപാവലി ആശംസകൾ നേർന്ന് കൊണ്ടാണ് ശ്രുതി ഹാസൻ്റെ പോസ്റ്റർ പുറത്ത് വിട്ടിരിക്കുന്നത്. രോഹിണി എന്നാണ് ചിത്രത്തിൽ ശ്രുതി ഹാസൻ അവതരിപ്പിക്കുന്ന കഥാപാത്രത്തിൻ്റെ പേര്. ചിത്രത്തിലെ കേന്ദ്ര കഥാപാത്രങ്ങളുടെ ജീവിതത്തിൽ നിർണായകമായ സ്വാധീനം ചെലുത്തുന്ന ശക്തമായ കഥാപാത്രമായാണ് ശ്രുതി ഹാസൻ എത്തുന്നത്. സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിക്കുന്ന ചിത്രം നവംബർ 20ന് ആഗോളതലത്തിൽ തിയേറ്ററുകളിലെത്തും. ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നീ ബാനറുകൾ സംയുക്തമായാണ് ചിത്രം അവതരിപ്പിക്കുന്നത്.

പുറത്തുവന്ന പുതിയ പോസ്റ്ററിലൂടെ ചിത്രത്തിലെ ശ്രുതി ഹാസന്റെ കഥാപാത്രത്തിന്റെ സാന്നിധ്യവും പ്രാധാന്യവും കൂടുതൽ വ്യക്തമാകുകയാണ്. കഥയുടെ ഗതിയിലും പ്രധാന കഥാപാത്രങ്ങളുടെ ജീവിതത്തിലും ശ്രദ്ധേയമായ മാറ്റങ്ങൾ സൃഷ്ടിക്കുന്ന നിർണായക വേഷമാണ് ശ്രുതി ഹാസൻ്റേത്. വൈകാരികവും പ്രചോദനാത്മകവുമായ കഥാതലങ്ങൾക്കൊപ്പം, ശക്തമായ കഥാപാത്രങ്ങളെയും അവതരിപ്പിക്കുന്ന സിനിമയിൽ ശ്രുതി ഹാസന്റെ സാന്നിധ്യം പ്രധാന ആകർഷണങ്ങളിലൊന്നായിരിക്കും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പവൻ സാദിനേനിയുടെ വ്യത്യസ്തമായ കഥപറച്ചിൽ ശൈലിയിൽ ഒരുങ്ങുന്ന ചിത്രത്തിൽ ദുൽഖർ സൽമാൻ കൃഷ്‍ണ എന്ന കഥാപാത്രത്തെയാണ് അവതരിപ്പിക്കുന്നത്. പുതുമുഖം സാത്വിക വീരവല്ലിയാണ് നായികയായ കല്പനയായി എത്തുന്നത്. സമൂഹം മുന്നിൽ വെക്കുന്ന അതിർവരമ്പുകൾ മറികടന്ന് സ്വന്തം സ്വപ്നങ്ങളിലേക്ക് മുന്നേറാൻ ശ്രമിക്കുന്ന കല്പനയ്ക്ക് പിന്തുണയുമായി നിൽക്കുന്ന കൃഷ്‍ണയുടെ കഥയാണ് ചിത്രം പറയുന്നത്. പ്രണയവും വൈകാരിക മുഹൂർത്തങ്ങളും ഫീൽ ഗുഡ് ഘടകങ്ങളും സമന്വയിപ്പിച്ചാണ് സിനിമ ഒരുക്കിയിരിക്കുന്നത്. ചിത്രത്തിലെ ‘കുട്ടി കുട്ടി പൂവേ’, ‘കണ്ണേ കണ്ണേ’ എന്നീ ഗാനങ്ങളും ഇതിനോടകം ശ്രദ്ധ നേടിയിട്ടുണ്ട്. ജി.വി. പ്രകാശ് കുമാറാണ് സംഗീതം ഒരുക്കുന്നത്. റൂഹാനി, മുരളി ശർമ, സ്വാസിക എന്നിവരും ചിത്രത്തിലെ പ്രധാന താരനിരയിലുണ്ട്. ‘മഹാനടി’, ‘സീതാ രാമം’, ‘ലക്കി ഭാസ്കർ’ തുടങ്ങിയ ചിത്രങ്ങളിലൂടെ നായകനായി തെലുങ്ക് സിനിമയിൽ ശ്രദ്ധേയമായ സ്ഥാനം നേടിയ ദുൽഖർ സൽമാന്റെ അടുത്ത തെലുങ്ക് റിലീസ് എന്ന പ്രത്യേകതയും ‘ആകാശംലോ ഒക താര’യ്ക്കുണ്ട്. ‘കൽക്കി 2898 എഡി’യിലെ അതിഥിവേഷത്തിലൂടെയും താരം തെലുങ്ക് പ്രേക്ഷകർക്കിടയിൽ ശ്രദ്ധ നേടിയിരുന്നു. തെലുങ്ക്, തമിഴ്, ഹിന്ദി, മലയാളം ഭാഷകളിലായി പാൻ ഇന്ത്യൻ റിലീസായാണ് ചിത്രം ഒരുങ്ങുന്നത്.

രചന, തിരക്കഥ - ഗുന്നം ഗംഗരാജു, കഥ - പവൻ സദിനേനി & വസന്ത് ജുറു, അധിക തിരക്കഥ - വസന്ത് ജുറു, ഛായാഗ്രഹണം - സുജിത് സാരംഗ്, സംഗീതം - ജി വി പ്രകാശ് കുമാർ, എഡിറ്റർ - പ്രവീൺ കെ.എൽ, പ്രൊഡക്ഷൻ ഡിസൈനർ - ശ്വേത സാബു സിറിൽ, എക്‌സിക്യൂട്ടീവ് പ്രൊഡ്യൂസർ - ചന്തു നിമ്മഗദ്ദ, സഹസംവിധായകൻ - സുരേഷ് പരുച്ചൂരി, ലൈൻ പ്രൊഡ്യൂസർ - യെലെപ്പെട്ടി ശ്രീനിവാസ്, പ്രൊഡക്ഷൻ ടീം - ബത്തലൂരി ലോകേഷ് കുമാർ, ജതിൻ സി.എച്ച്, മുവ്വ ഗോപി, തേജ രാംകി, ഡയറക്ഷൻ വിഭാഗം - ഡിപിവി സന്തോഷ്, ഗയം ഈശ്വർ, സൗരബ് റെഡ്ഡി, സിഎച്ച്. നരസിംഹ റെഡ്ഡി, മഹാംകാളി വിനയ് കുമാർ, ചന്ദ്ര ശേഖർ ഹുഗ്ഗിഹെല്ല, വിശാഖ് പട്ടേൽ കോതപ്പള്ളി, കൊങ്ക രോഹൻ, പ്രീതം ശകുനാല, നിമ്മഗദ്ദ ആസീഷ് പ്രീതം, രാം മോഹൻ കോമണ്ഡൂരി, കോസ്റ്റ്യൂം ഡിസൈനർ - പല്ലവി സിംഗ്, കലാസംവിധാനം - വംശി കൃഷ്‍ണ, സൗണ്ട് ഡിസൈനർ - സിങ്ക് സിനിമ, പബ്ലിസിറ്റി ഡിസൈനർ - അനിൽ ഭാനു, വിഎഫ്എക്സ് - എഗ്വൈറ്റ് വിഎഫ്എക്സ്, വിഎഫ്എക്സ് സൂപ്പർവൈസർ - തൗഫീഖ് ഹുസൈൻ, കളറിസ്റ്റ് - ഷൺമുഖ പാണ്ഡ്യൻ എം, സ്റ്റിൽസ്- സായ് ശശാങ്ക്, മാർക്കറ്റിംഗ് - വാൾസ് ആൻഡ് ട്രെൻഡ്സ്, പിആർഒ - ശബരി,

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

വീണ്ടും തിരിച്ച് കയറിത്തുടങ്ങി! സംസ്ഥാനത്ത് സ്വർണ വിലയിൽ വർധനവ്, വെള്ളി വില കുറഞ്ഞു

Sangeetha KS — Mon, 09 Nov 2026 10:00:09 +0530

തിരുവനന്തപുരം: സംസ്ഥാനത്ത് സ്വർണ വിലയിൽ ഇന്ന് വർധനവ്. ഇന്ന് 22 കാരറ്റ് സ്വർണത്തിന് ഗ്രാമിന് 95 രൂപയും പവന് 760 രൂപയുമാണ് കൂടിയിരിക്കുന്നത്. ഇതോടെ ഒരു പവൻ സ്വർണം ഗ്രാമിന് 13,255 രൂപയും പവന് 1,06,040 രൂപയും വിലയായതായി കേരളാ ഗോൾഡ് ആന്റ് സിൽവർ മെർച്ചന്റ്സ് അസോസിയേഷൻ അറിയിച്ചു. അന്താരാഷ്ട്ര വിലയിലെ കയറ്റിറക്കങ്ങളാണ് കേരളത്തിലെയും സ്വർണ വിലയെ സ്വാധീനിക്കാറുള്ളത്. അതേ സമയം, സംസ്ഥാനത്ത് വെള്ളി വില കുറഞ്ഞു. ഇന്ന് ഗ്രാമിന് 205 രൂപയിലും 10 ഗ്രാമിന് 2050 രൂപയിലുമാണ് വ്യാപാരം നടക്കുക.

കഴിഞ്ഞ 10 ദിവസങ്ങളിലെ സ്വർണ നിരക്കുകൾ

നവംബർ 9- 1,06,040 രൂപ

നവംബർ 8- 1,05,280 രൂപ

നവംബർ 7- 1,05,280 രൂപ

നവംബർ 6- 1,05,120 രൂപ

നവംബർ 5- 1,07,080 രൂപ

നവംബർ 4- 1,02,600 രൂപ

നവംബർ 3- 1,02,400 രൂപ

നവംബർ 2- 1,02,200 രൂപ

നവംബർ 1- 1,02,200 രൂപ

ഒക്ടോബർ 31- 1,01,840 രൂപ

ഒക്ടോബ‍‍‌ർ 30- 1,04,320 രൂപ

പെട്രോളിൽ എഥനോളിന്റെ അളവ് കൂട്ടുമെന്ന കേന്ദ്ര പ്രഖ്യാപനം ആശങ്കാജനകമെന്ന് മന്ത്രി അനൂപ് ജേക്കബ്; പെട്രോൾ പരിശോധനയിൽ മുൻ വിധിയില്ല

Remya Ram — Mon, 09 Nov 2026 09:38:57 +0530

തിരുവനന്തപുരം: പെട്രോളിൽ എഥനോളിന്റെ അളവ് കൂട്ടുമെന്ന കേന്ദ്ര പ്രഖ്യാപനം ആശങ്കാജനകമാണെന്ന് മന്ത്രി അനൂപ് ജേക്കബ്. രാജ്യത്തെ ഭക്ഷ്യ ഭദ്രതയെ ബാധിക്കരുതെന്ന് മന്ത്രി പറഞ്ഞു. ഭക്ഷ്യധാന്യങ്ങളുടെ ബഫർ സ്റ്റോക്ക് എഥനോൾ ഉദ്പാദനത്തിന് ഉപയോഗിക്കുമെന്ന് പറയുന്നു. ഭക്ഷ്യധാന്യങ്ങളുടെ ബഫർ സ്റ്റോക്ക് സൂക്ഷിക്കാൻ മതിയായ സംവിധാനം ഒരുക്കുകയാണ് വേണ്ടത്. ഭക്ഷ്യഭദ്രതയെ ബാധിക്കുന്ന തരത്തിൽ കേന്ദ്രം തീരുമാനമെടുക്കരുതെന്ന് എന്നാണ് സംസ്ഥാന സർക്കാരിന്റെ നിലപാടെന്നും മന്ത്രി പറഞ്ഞു. എഥനോളിന്റെ അളവ് കൂട്ടുമെന്ന് കേന്ദ്ര പെട്രോളിയം സഹമന്ത്രി സുരേഷ് ഗോപിയും പ്രതികരിച്ചിരുന്നു.

അതേസമയം, സംസ്ഥാനത്തെ പെട്രോൾ പരിശോധനയിൽ മുൻ വിധി ഇല്ലെന്ന് അനൂപ് ജേക്കബ് പ്രതികരിച്ചു. ആദ്യം പരിശോധന ഫലം വരട്ടെ. കൂടുതൽ അളവിൽ എഥനോൾ കണ്ടെത്തിയാൽ പ്രോസിക്യൂഷൻ നടപടി സ്വീകരിക്കും. പരിശോധന എല്ലാ നടപടി ക്രമങ്ങളും പാലിച്ചാണെന്നും കോടതിയെ സമീപിക്കാനും സർക്കാർ തീരുമാനിച്ചതായും മന്ത്രി കൂട്ടിച്ചേർത്തു. അതേസമയം, പെട്രോളിലെ എഥനോൾ അളവ് സ്ഥിരീകരിക്കാനുള്ള സംസ്ഥാന സർക്കാർ നീക്കം ഒറ്റ പരിശോധനയിൽ അവസാനിപ്പിക്കില്ല. തുടർ പരിശോധനകൾ നടത്തണമെന്നാണ് സർക്കാർ നിർദേശം.

പരിശോധനയിൽ ഓയിൽ കമ്പനികളുടെ പ്രതിനിധികളോടും പങ്കെടുക്കാൻ ആവശ്യപ്പെട്ടു. പരിശോധനയ്ക്കായി പെസോ അംഗീകൃത ബോട്ടിലുകൾ എത്തിച്ചിട്ടുണ്ട്. കർണാടകത്തിൽ വിൽക്കുന്ന പെട്രോളിൽ 26 മുതൽ 31 ശതമാനം വരെ എഥനോൾ അടങ്ങിയിട്ടുണ്ടെന്ന സംസ്ഥാന സർക്കാരിൻ്റെ കണ്ടെത്തലിന് പിന്നാലെയാണ് കേരളത്തിൽ ഇന്ന് പരിശോധന നടക്കുന്നത്. നാല് ജില്ലകളിലെ അഞ്ച് പമ്പുകളിൽ നിന്ന് സാംപിളുകൾ ശേഖരിക്കും. പ്രത്യേക പരിശീലനം കിട്ടിയ ഉദ്യോഗസ്ഥരാണ് പരിശോധന നടത്തുന്നത്. മന്ത്രി അനൂപ് ജേക്കബിൻ്റെ നിർദേശപ്രകാരം, പൊതുവിതരണ ഉപഭോക്തൃകാര്യ കമ്മീഷനാണ് പരിശോധന നടത്തുക.

ചികിത്സാ പിഴവ്, വേണു മരിച്ചിട്ട് ഒരുവർഷം: കുറ്റക്കാർക്കെതിരെ നടപടി ആവശ്യപ്പെട്ട് ഭാര്യ

Deepu Divakaran — Mon, 09 Nov 2026 08:18:54 +0530

കൊല്ലം: ചികിത്സാ പിഴവിനെ തുടർന്ന് ഗൃഹനാഥൻ മരിച്ച സംഭവത്തിൽ കുറ്റക്കാർക്കെതിരെ നടപടി ആവശ്യപ്പെട്ട് കുടുംബം. കൊല്ലം പന്മന സ്വദേശി വേണുവിൻ്റെ കുടുംബമാണ് നീതി തേടുന്നത്. തിരുവനന്തപുരം മെഡിക്കൽ കോളേജിൽ അനാസ്ഥയെ തുടർന്ന് കഴിഞ്ഞ വർഷം നവംബർ അഞ്ചിനാണ് വേണു മരിച്ചത്. ചികിത്സാ പിഴവുണ്ടായെന്ന കണ്ടെത്തലിൽ ഒരുവർഷത്തിനിപ്പുറവും ഒരു നടപടിയും ഉണ്ടായിട്ടില്ലെന്ന് ഭാര്യ സിന്ധു ഏഷ്യാനെറ്റ് ന്യൂസിനോട് പറഞ്ഞു. വീഴ്ച സമ്മതിച്ച ആരോഗ്യ വകുപ്പ് ആർക്കെതിരെയും നടപടി എടുത്തില്ല. കുറ്റക്കാർക്കെതിരെ ഉടൻ നടപടി വേണമെന്നും സിന്ധു ആവശ്യപ്പെട്ടു. വേണുവിനെ ആദ്യമെത്തിച്ച സിഎച്ച്സി, കൊല്ലം ജില്ലാ ആശുപത്രി, തിരുവനന്തപുരം മെഡിക്കൽ കോളേജ് എന്നിവിടങ്ങളിലെ അനാസ്ഥ സമ്മതിക്കുന്നതായിരുന്നു ഡിഎംഇ നിയോഗിച്ച നാലംഗ സമിതിയുടെ കണ്ടെത്തൽ.

തങ്ങളുടെ പരാതിപ്രകാരം ഡിഎംഇ ഓഫീസിൽ നിന്നുള്ള നാലംഗ സംഘം മൊഴി രേഖപ്പെടുത്തിയിരുന്നു. ഇതേ തുടർന്നുള്ള റിപ്പോർട്ട് തങ്ങൾക്ക് അനുകൂലമായിരുന്നു. രണ്ടാമത്തെ റിപ്പോർട്ടിനെക്കുറിച്ച് ഇതുവരെയും ഒരു വിവരമില്ല. പുതിയ സർക്കാർ വന്ന ശേഷം പ്രഖ്യാപിച്ച ജീവനാംശമായ അഞ്ച് ലക്ഷം രൂപ ലഭിച്ചു. കുട്ടികളുടെ പഠനച്ചെലവ് എല്ലാ മാസവും കൃത്യമായി ലഭിക്കുന്നുണ്ട്. മക്കളെ നല്ല നിലയിൽ എത്തിക്കണമെങ്കിൽ ഒരു ജോലി ആവശ്യമാണ്. നാളിതുവരെ അത് സാധിച്ചിട്ടില്ലെന്ന് സിന്ധു പറയുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ചികിത്സാ പിഴവിന് ഉത്തരവാദികളായ ഡോക്ടർമാരുടെ പേരുകൾ ആരോഗ്യ വകുപ്പിൻ്റെ അന്വേഷണ റിപ്പോർട്ടിൽ ഇല്ല. സിസ്റ്റത്തിനുണ്ടായ തകരാർ മൂലം സംഭവിച്ചതായാണ് റിപ്പോർട്ടിലുള്ളതെന്നും കുറ്റക്കാർക്കെതിരെ നടപടി വേണമെന്നും സിന്ധു ആവശ്യപ്പെട്ടു. ഓട്ടോ ഡ്രൈവറായിരുന്നു മരിച്ച വേണു.

ഒറ്റ പരിശോധനയിൽ അവസാനിപ്പിക്കില്ല, പെട്രോളിലെ എഥനോൾ അളവ് കണ്ടെത്താൻ തുടർ പരിശോധനകൾ നടത്താൻ സർക്കാർ നിർദേശം

Naveen Kumar TV — Mon, 09 Nov 2026 08:50:41 +0530

തിരുവനന്തപുരം: പെട്രോളിലെ എഥനോൾ അളവ് സ്ഥിരീകരിക്കാനുള്ള സംസ്ഥാന സർക്കാർ നീക്കം ഒറ്റ പരിശോധനയിൽ അവസാനിപ്പിക്കില്ല. തുടർ പരിശോധനകൾ നടത്തണമെന്ന് സർക്കാർ നിർദേശം. പരിശോധനയിൽ ഓയിൽ കമ്പനികളുടെ പ്രതിനിധികളോടും പങ്കെടുക്കാൻ ആവശ്യപ്പെട്ടു. പരിശോധനയ്ക്കായി പെസോ അംഗീകൃത ബോട്ടിലുകൾ എത്തിച്ചു.

കർണാടകത്തിൽ വിൽക്കുന്ന പെട്രോളിൽ 26 മുതൽ 31 ശതമാനം വരെ എഥനോൾ അടങ്ങിയിട്ടുണ്ടെന്ന സംസ്ഥാന സർക്കാരിൻ്റെ കണ്ടെത്തലിന് പിന്നാലെയാണ് കേരളത്തിൽ ഇന്ന് പരിശോധന നടക്കുന്നത്. നാല് ജില്ലകളിലെ അഞ്ച് പമ്പുകളിൽ നിന്ന് സാംപിളുകൾ ശേഖരിക്കും. പ്രത്യേക പരിശീലനം കിട്ടിയ ഉദ്യോഗസ്ഥരാണ് പരിശോധന നടത്തുന്നത്. മന്ത്രി അനൂപ് ജേക്കബിൻ്റെ നിർദേശപ്രകാരം, പൊതുവിതരണ ഉപഭോക്തൃകാര്യ കമ്മീഷനാണ് പരിശോധന നടത്തുക.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അതിനിടെ, ഇ20 പെട്രോൾ വിവാദം കേന്ദ്ര സർക്കാർ വിലയിരുത്തും. പെട്രോളിയം മന്ത്രാലയത്തിൽ ഉന്നതതല യോഗം ചേരും. ഇ20 പെട്രോളിനെതിരെ കോൺഗ്രസ് ഭരിക്കുന്ന സംസ്ഥാനങ്ങളിലെ പ്രചാരണം ചെറുക്കുമെന്നാണ് ഉന്നത വൃത്തങ്ങൾ പറയുന്നത്. നിലവിലേത് കേന്ദ്ര സർക്കാരിനെതിരായ സമരത്തിന് കാരണം കണ്ടെത്താനുള്ള നീക്കമാണെന്നും ആരോപണമുണ്ട്.

പെട്രോളിൽ അനുവദനീയമായ അളവിൽ കൂടുതൽ എഥനോൾ കലർത്തുന്നുവെന്ന് കർണാടക സർക്കാർ കഴിഞ്ഞ ദിവസം പരിശോധന ഫലം പുറത്തുവിട്ട് വെളിപ്പെടുത്തിയിരുന്നു. കർണാടകത്തിലെ 80 ശതമാനം പമ്പുകളിലും അനുവദനീയമായ 20 ശതമാനത്തേക്കാൾ ഉയർന്ന അളവിൽ എഥനോൾ കലർന്ന പെട്രോളാണ് വിൽക്കുന്നതെന്നാണ് സർക്കാർ വ്യക്തമാക്കിയത്. എന്നാൽ, സർക്കാരിന്റെ പരിശോധനാ ഫലം തള്ളി എണ്ണക്കമ്പനികളും കേന്ദ്ര പെട്രോളിയം മന്ത്രാലയവും രംഗത്തെത്തിയിരുന്നു.

കര്‍ണാടകയില്‍ നിന്നുള്ള പരിശോധന ഫലത്തെ സംശയത്തിന്‍റെ നിഴലില്‍ നിര്‍ത്തി എഥനോള്‍ അളവില്‍ ഇങ്ങനെ വ്യത്യാസം എവിടെയുമില്ലെന്നാണ് മന്ത്രാലയം വാദിച്ചത്. എണ്ണക്കമ്പനികള്‍ കഴിഞ്ഞ ദിവസം നടത്തിയ വിശദീകരണം ഏറ്റെടുത്ത മന്ത്രാലയം രാജ്യമാകെ 893 സാമ്പിളുകള്‍ പരിശോധിച്ചെന്നും 19 ശതമാനം മുതല്‍ 21 ശതമാനം വരെയാണ് എഥനോള്‍ അളവെന്നും ചൂണ്ടിക്കാട്ടി. കര്‍ണാടകയില്‍ നിന്നുള്ള 56 സാമ്പിളുകളും ഇതില്‍ പെടുമെന്ന് മന്ത്രാലയം അവകാശപ്പെട്ടു. എന്നാൽ ബിഐഎസ് മാനദണ്ഡങ്ങള്‍ പാലിക്കാതെയാണ് പെട്രോള്‍ സാംപിളുകള്‍ പരിശോധിച്ചതെന്ന കേന്ദ്ര സര്‍ക്കാര്‍ വാദം കര്‍ണാടക മുഖ്യമന്ത്രി ഡി കെ ശിവകുമാര്‍ തള്ളി. കേന്ദ്രം മൂടിവെക്കാന്‍ ശ്രമിച്ച പരിശോധന റിപ്പോര്‍ട്ടാണ് പുറത്തുവിട്ടതെന്നും മുഖ്യമന്ത്രി പ്രതികരിച്ചു.

കൊച്ചിയിലെ മുസ്ലിം യൂത്ത് ലീഗ് സംസ്ഥാന സമ്മേളനം; ഗതാഗത കുരുക്ക് ഉണ്ടാക്കി, മുനവ്വറലി തങ്ങൾക്കും പികെ ഫിറോസുമുൾപ്പെടെ 12പേർക്കെതിരെ കേസ്

Faseela Moidu — Mon, 09 Nov 2026 08:43:25 +0530

കൊച്ചി: കൊച്ചിയിലെ മുസ്ലിം യൂത്ത് ലീഗ് സംസ്ഥാന സമ്മേളനത്തിൽ റോഡിൽ ഗതാഗത കുരുക്ക് ഉണ്ടാക്കിയതിൽ കേസെടുത്ത് പൊലീസ്. സയ്യിദ് മുനവ്വറലി ശിഹാബ് തങ്ങൾ, പികെ ഫിറോസ് ഉൾപ്പെടെ 12 പേർക്കെതിരെയും, കണ്ടാലറിയാവുന്ന രണ്ടായിരത്തോളം ആളുകൾക്കെതിരെയുമാണ് കേസ്. ഗോശ്രീ പാലം മുതൽ മറൈൻഡ്രൈവ് വരെ റോഡിലൂടെ ജാഥ നടത്തുകയായിരുന്നു. ഗതാഗത കുരുക്കിനെതിരെ സമൂഹമാധ്യമങ്ങളിൽ കടുത്ത വിമർശനം ഉയർന്നിരുന്നു. ജാഥയ്ക്ക് അനുമതിയുണ്ടായിരുന്നുവെങ്കിലും ഗതാഗതക്കുരുക്ക് ഉണ്ടാകാതിരിക്കാൻ ഉള്ള പൊലീസ് നിർദ്ദേശങ്ങൾ പാലിച്ചില്ലെന്ന് കാട്ടിയാണ് കേസെടുത്തത്.

സതീശൻ സർക്കാരിന്റെ നിലപാട് മാറ്റം 56 ദിവസത്തിനുള്ളിൽ, സ്വയം ഭരണ കോളേജുകൾക്ക് മാത്രമല്ല എയ്ഡഡ് മേഖലയിലും കൂടുതൽ ഇളവുകൾ വരുന്നു, എതിർക്കാതെ കെ എസ് യു

Web Desk — Mon, 09 Nov 2026 08:26:31 +0530

തിരുവനന്തപുരം: സംസ്ഥാനത്തെ സ്വയംഭരണ (ഓട്ടോണമസ്) കോളേജുകൾക്ക് പുതിയ കോഴ്‌സുകൾ ആരംഭിക്കുന്നതിനും സീറ്റുകൾ വർധിപ്പിക്കുന്നതിനുമായി ഏർപ്പെടുത്തിയിരുന്ന കർശന മാനദണ്ഡങ്ങളിൽ ഇളവുകൾ അനുവദിച്ചത് 56 ദിവസത്തിനുള്ളിൽ. പുതിയ കോഴ്‌സുകൾ ആരംഭിക്കുന്നതിന് മുൻകൂറായി സർക്കാരിന്റെ എൻ ഒ സി നിർബന്ധമാക്കിക്കൊണ്ട് സെപ്റ്റംബർ 11-നാണ് ഉന്നത വിദ്യാഭ്യാസ വകുപ്പ് സർക്കുലർ ഇറക്കിയിരുന്നത്. എന്നാൽ 56 ദിവസത്തിന് ശേഷം, നവംബർ 6-ലെ പുതിയ സർക്കുലറിലൂടെ ഇതിൽ ഇളവ് വരുത്തി സർക്കാർ മുൻ നിലപാട് തിരുത്തുകയായിരുന്നു.

പുതിയ ഉത്തരവ് പ്രകാരം സ്വയംഭരണ കോളേജുകൾക്ക് ഇനി കോഴ്‌സുകൾക്കായി മുൻകൂർ എൻ ഒസി ആവശ്യമില്ല; പ്രവേശന നടപടികൾ പൂർത്തിയാക്കിയ ശേഷമോ കോഴ്‌സ് ആരംഭിച്ച ശേഷമോ സർക്കാരിനെ വിവരം അറിയിച്ചാൽ മതിയാകും. കൂടാതെ, ഓരോ വർഷവും എൻ ഒസി പുതുക്കണമെന്ന നിയമത്തിൽ ഇളവ് നൽകി അത് മൂന്ന് വർഷത്തിലൊരിക്കലാക്കി മാറ്റിയിട്ടുമുണ്ട്. സർക്കാരിന്റെ പുതിയ ഉത്തരവിനെതിരെ കോൺഗ്രസ് വിദ്യാർത്ഥിയൂണിയൻ എതിർത്തിട്ടില്ല. ഇളവുകൾ ഉന്നത വിദ്യാഭ്യാസ രംഗത്തെ സൗകര്യങ്ങൾ വർധിപ്പിക്കുന്നതിനും വിദ്യാർത്ഥികളുടെ പഠനാവസരങ്ങൾ വേഗത്തിലാക്കുന്നതിനും സഹായിക്കുമെന്ന സർക്കാരിന്റെ വിശദീകരണം തൃപ്തികരമാണെന്നാണ് കെ എസ് യു നിലപാട്.

സ്വയംഭരണ കോളേജുകൾക്ക് പുറമെ ഉന്നത വിദ്യാഭ്യാസ മേഖലയിൽ കൂടുതൽ ഇളവുകൾ കൊണ്ടുവരാനാണ് സർക്കാരിന്റെ തീരുമാനം. എയ്ഡഡ് കോളേജുകൾക്ക് ഡീംഡ് പദവി പരിഗണനയിലുണ്ട്. 'നാക്' അക്രഡിറ്റേഷനിൽ ഉയർന്ന ഗ്രേഡ് നേടി മികച്ച നിലവാരം പുലർത്തുന്ന എയ്ഡഡ് കോളേജുകൾക്ക് കൽപിത സർവകലാശാലാ പദവി നൽകുന്നതിനാണ് സർക്കാരിന്റെ നീക്കം. സംസ്ഥാനത്ത് സ്വകാര്യ സർവ്വകലാശാലകൾ ആരംഭിക്കുന്നതിനുള്ള നിക്ഷേപകരുടെ മാനദണ്ഡങ്ങളിലും സർക്കാർ ഇളവുകൾ ഉൾപ്പെടുത്തുന്നു. സ്വകാര്യ സർവ്വകലാശാലകൾ സ്ഥാപിക്കുന്നത് കൂടുതൽ സുഗമമാക്കുന്ന ഭേദഗതികളോടെയുള്ള പുതിയ ബിൽ ഡിസംബറിൽ നടക്കാനിരിക്കുന്ന നിയമസഭാ സമ്മേളനത്തിൽ അവതരിപ്പിക്കും. സ്വകാര്യ സർവ്വകലാശാലകൾ ആരംഭിക്കുന്നതിനുള്ള ഏക്കർ കണക്കിലെ ഭൂമി ലഭ്യത, കോർപസ് ഫണ്ട് നിക്ഷേപം, മറ്റു ഭരണപരമായ നിയന്ത്രണങ്ങൾ എന്നിവയിലാണ് പ്രധാനമായും ഇളവുകൾ പ്രഖ്യാപിക്കാൻ പോകുന്നത്.

വിനീഷ്യസ്‌ ജൂനിയറിനെ മൗറീഞ്ഞോ കൈവിടുന്നു, റയല്‍മാഡ്രിഡിന്റെ സ്‌റ്റാര്‍ട്ടിംഗ്‌ ലൈനപ്പില്‍ നിന്ന്‌ പുറത്താകുമെന്ന്‌ റിപ്പോര്‍ട്ട്‌

Vipulnath P — Mon, 09 Nov 2026 08:12:10 +0530

റയല്‍ മാഡ്രിഡ്‌ വിട്ട്‌ ഇംഗ്ലീഷ്‌ പ്രീമിയര്‍ ലീഗ്‌ ചാമ്പ്യന്‍മാരായ ആഴ്‌സണലിന്റെ പാളയത്തിലേക്ക്‌ ചേക്കേറാന്‍ ബ്രസീല്‍ വിംഗര്‍ വിനീഷ്യസ്‌ ജൂനിയര്‍ ആഗ്രഹിച്ചിരുന്നു. എന്നാല്‍, ആ ശ്രമം വിജയം കണ്ടില്ല. ഹൊസെ മൗറീഞ്ഞോ പരിശീലകനായി എത്തിയതോടെ റയല്‍ മാഡ്രിഡില്‍ വിനീഷ്യസിന്‌ വലിയ റോള്‍ ലഭിക്കുമെന്ന ധാരണയിലായിരുന്നു ഇതെല്ലാം. എന്നാല്‍, ആ സാഹചര്യമെല്ലാം മാറി. മൗറീഞ്ഞോയുടെ പദ്ധതികളില്‍ നിന്ന്‌ വിനീഷ്യസ്‌ ജൂനിയര്‍ പതിയെ ഔട്ടായിരിക്കുന്നു. ഫോം നഷ്ടവും സസ്‌പെന്‍ഷനുമെല്ലാം വിനീഷ്യസിന്റെ റയല്‍ മാഡ്രിഡ്‌ കരിയര്‍ അവതാളത്തിലാക്കിയെന്ന്‌ പറയാം.

റയല്‍ മാഡ്രിഡിന്റെ സ്റ്റാര്‍ട്ടിംഗ്‌ ലൈനപ്പില്‍ നിന്ന്‌ ബ്രസീലിയന്‍ വിംഗര്‍ പുറത്താകുമെന്നാണ്‌ സ്‌പാനിഷ്‌ മാധ്യമങ്ങള്‍ റിപ്പോര്‍ട്ട്‌ ചെയ്യുന്നത്‌. മൗറീഞ്ഞോ ഇത്‌ സംബന്ധിച്ച്‌ വിനീഷ്യസുമായി ദീര്‍ഘനേരം സംസാരിച്ചതായും സൂചനയുണ്ട്‌. ഒക്ടോബറില്‍ വിയ്യാറയലിനെതിരായ മത്സരത്തില്‍ വിനീഷ്യസ്‌ ചുവപ്പ്‌ കാര്‍ഡ്‌ കണ്ട്‌ പുറത്തായിരുന്നു. തുടര്‍ന്ന്‌ നാല്‌ മത്സരങ്ങളില്‍ വിലക്കും വിധിക്കപ്പെട്ടു. വിനീഷ്യസ്‌ ഇല്ലാതെ അതിന്‌ ശേഷം കളിച്ച മത്സരങ്ങളിലെല്ലാം റയല്‍മാഡ്രിഡ്‌ ജയിച്ചു. ലീഗ്‌ സസ്‌പെന്‍ഷന്‌ ശേഷം യുവേഫ ചാമ്പ്യന്‍സ്‌ ലീഗില്‍ റയല്‍ നിരയില്‍ വിനീഷ്യസ്‌ കളിക്കാനിറങ്ങിയെങ്കിലും കോച്ച്‌ മൗറീഞ്ഞോ താരത്തിന്റെ പ്രകടനത്തില്‍ തൃപ്‌തനായിരുന്നില്ല. തുടര്‍ന്നാണ്‌, ടീം കോമ്പിനേഷനില്‍ വിനീഷ്യസ്‌ യോജിക്കുന്നവനല്ലെന്ന തിരിച്ചറിവ്‌ മൗറീഞ്ഞോക്കുണ്ടായത്‌. തന്റെ പദ്ധതികളില്‍ വിനീഷ്യസിന്‌ കാര്യമായ റോള്‍ ഇനിയുണ്ടാകില്ലെന്ന്‌ മൗറീഞ്ഞോ താരത്തെ അറിയിച്ചിട്ടുണ്ടെന്നാണ്‌ എ എസ്‌ പത്രം റിപ്പോര്‍ട്ട്‌ ചെയ്‌തത്‌.

സൗദി പ്രോ ലീഗ്‌ ക്ലബ്ബുകള്‍ വിനീഷ്യസ്‌ ജൂനിയറിനെ സ്വന്തമാക്കാന്‍ രംഗത്തുണ്ട്‌. എന്നാല്‍, ആഴ്‌സണലില്‍ കളിക്കാനാണ്‌ ബ്രസീലിയന്‍ താരത്തിന്‌ താത്‌പര്യം. ഇംഗ്ലീഷ്‌ ക്ലബ്ബ്‌ പുതിയ ഓഫറുമായി രംഗത്ത്‌ വന്നിട്ടില്ലെങ്കില്‍ സൗദി ക്ലബ്ബുകള്‍ വമ്പന്‍ ട്രാന്‍സ്‌ഫറില്‍ വിനീഷ്യസിനെ സ്വന്തമാക്കിയേക്കും.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

നാല് ദിവസം കൊണ്ട് 500 കോടി നേട്ടത്തിലേക്ക്; തരംഗമായി 'രാമായണ'

Web Desk — Mon, 09 Nov 2026 07:55:14 +0530

നിതേഷ് തിവാരി സംവിധാനം ചെയ്ത ബ്രഹ്‌മാണ്ഡ ചിത്രം 'രാമായണ' തിയേറ്ററുകളിൽ എത്തിയിരിക്കുകയാണ്. ചിത്രത്തിൽ രാമനായി രൺബീർ കപൂറും രാവണനായി യഷും ആണ് എത്തുന്നത്. സായ് പല്ലവിയാണ് ചിത്രത്തിൽ സീതയായി എത്തുന്നത്. ആഗോള ബോക്സ് ഓഫീസ് കളക്ഷനിലും വമ്പൻ നേട്ടമാണ് ചിത്രം കൊയ്യുന്നത്. നാല് ദിവസം കൊണ്ട് 499 കോടി നേട്ടമാണ് ചിത്രം സ്വന്തമാക്കിയിരിക്കുന്നത്.

നമിത് മൽഹോത്രയുടെ പ്രൈം ഫോക്കസ് സ്റ്റുഡിയോസും എട്ട് തവണ ഓസ്കർ പുരസ്കാരം നേടിയ പ്രമുഖ വിഷ്വൽ ഇഫക്റ്റ്സ് സ്റ്റുഡിയോയായ ഡിഎൻഇജിയും യഷിന്‍റെ മോൺസ്റ്റർ മൈൻഡ് ക്രിയേഷൻസും സംയുക്തമായി നിർമ്മിക്കുന്ന ചിത്രം മലയാളം, ഹിന്ദി, കന്നഡ, തെലുങ്ക്, തമിഴ് എന്നീ അഞ്ച് ഭാഷകളിലാണ് പുറത്തിറങ്ങിയിരിക്കുന്നത്.

സോണി പിക്ചേഴ്സ് ആണ് ചിത്രത്തിന്‍റെ അന്താരാഷ്ട്ര വിതരണം ഏറ്റെടുത്തിരിക്കുന്നത്. ഉത്തരേന്ത്യയിൽ ധർമ്മ പ്രൊഡക്ഷൻസാണ് ചിത്രം തിയറ്ററുകളിലെത്തിക്കുന്നത്. ഇന്ത്യൻ സിനിമ കണ്ട ഏറ്റവും വലിയ താരനിരയാണ് ഈ ഇതിഹാസ സിനിമയ്ക്കായി അണിനിരക്കുന്നത്. ഇന്ത്യയിലും അതിരുകൾക്കപ്പുറത്തും തലമുറകളായി ആരാധിക്കപ്പെടുന്ന ധർമ്മബോധത്തിന്‍റെ പ്രതീകമായ ശ്രീരാമനെ രൺബീർ കപൂറാണ് അവതരിപ്പിക്കുന്നത്. സീതാദേവിയായി സായ് പല്ലവി എത്തുമ്പോൾ ലാളിത്യവും കരുത്തും അനുകമ്പയും ആ കഥാപാത്രത്തിന് അവർ പകർന്നു നൽകുന്നു.

പ്രൈം ഫോക്കസ് സ്റ്റുഡിയോസിനൊപ്പം തന്‍റെ മോൺസ്റ്റർ മൈൻഡ് ക്രിയേഷൻസിലൂടെ ഈ ചിത്രം നിർമ്മിക്കുന്ന പാൻ-ഇന്ത്യൻ സൂപ്പർ താരം 'റോക്കിംഗ് സ്റ്റാർ' യഷ്, ലോകസിനിമ കണ്ട ഏറ്റവും ശക്തനും അജയ്യനുമായ പ്രതിനായകന്മാരിൽ ഒരാളായ രാവണനായി ചിത്രത്തിൽ എത്തുന്നു. മലയാളികളുടെ പ്രിയനടി ശോഭന കൈകേയിയായി വേഷമിടുന്നു എന്നതാണ് മലയാളികൾക്ക് ഈ ചിത്രത്തിലെ മറ്റൊരു പ്രധാന ആകർഷണം. പണ്ട് ടെലിവിഷൻ രാമായണ പരമ്പരയിൽ ശ്രീരാമനായി എത്തി ജനഹൃദയങ്ങൾ കീഴടക്കിയ അരുൺ ഗോവിൽ ദശരഥ മഹാരാജാവായി തിരിച്ചെത്തുന്നു.

'ദംഗൽ' എന്ന ചിത്രത്തിലൂടെ ചൈന അടക്കമുള്ള ആഗോള വിപണികളിൽ ബോക്സ് ഓഫീസ് റെക്കോർഡുകൾ സൃഷ്ടിക്കുകയും, അതേസമയം ഇന്ത്യൻ വൈകാരികതയിലും സംസ്കാരത്തിലും ആഴത്തിൽ വേരൂന്നിയ കഥപറച്ചിൽ രീതിയിലൂടെ ലോകമെമ്പാടുമുള്ള പ്രേക്ഷകരെ സ്വീകരിച്ചതുമായ പ്രശസ്ത സംവിധായകൻ നിതീഷ് തിവാരിയെയും, ഇന്ത്യൻ സിനിമയിലെ വിവിധ തലമുറകളിലെ പ്രതിഭകളെയും നമിത് മൽഹോത്രയുടെ 'രാമായണം' ഒന്നിപ്പിക്കുകയാണ്. ലക്ഷ്മണനായി രവി ദുബെയും വിശ്വാമിത്ര മഹർഷിയായി അജിങ്ക്യ ദേവും ഇന്ദ്രദേവനായി കുനാൽ കപൂറൂം ശൂർപ്പണഖയായി രാകുൽ പ്രീത് സിംഗുമാണ് എത്തുന്നത്. ഓസ്കാർ ജേതാക്കളായ സംഗീത ഇതിഹാസങ്ങൾ ഹാൻസ് സിമ്മറും എ ആർ റഹ്മാനും ആദ്യമായി ഒന്നിക്കുന്നു എന്നതാണ് ഈ ചിത്രത്തിന്‍റെ മറ്റൊരു പ്രത്യേകത. ശ്രീധർ രാഘവനാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്.

എട്ട് തവണ അക്കാദമി അവാർഡ് നേടിയ പ്രശസ്ത വി.എഫ്.എക്സ് സ്റ്റുഡിയോയായ ഡിഎൻഇജി ആണ് ചിത്രത്തിലെ ദൃശ്യവിസ്മയങ്ങൾക്ക് പിന്നിൽ. "രാമായണം എന്നത് കേവലം ഒരു കഥ മാത്രമല്ല, അത് നമ്മുടെ ജീവിതത്തിന്‍റെയും സംസ്കാരത്തിന്‍റെയും ഭാഗമാണ്. ഇന്ത്യയുടെ ഏറ്റവും വലിയ ഇതിഹാസം അതിന്‍റെ എല്ലാ ഭൗതിക സൗന്ദര്യത്തോടും അന്തസ്സോടും കൂടെ ലോകത്തിന് മുന്നിൽ അവതരിപ്പിക്കുക എന്നതാണ് തങ്ങളുടെ ലക്ഷ്യ"മെന്ന് നിർമ്മാതാവ് നമിത് മൽഹോത്ര ഇതിനകം വ്യക്തമാക്കിയിട്ടുണ്ട്. രണ്ട് ഭാഗങ്ങളായി പുറത്തിറങ്ങുന്ന ഈ സിനിമാ പരമ്പരയുടെ ആദ്യ ഭാഗം ഇന്ത്യൻ സിനിമയിലെ തന്നെ ഏറ്റവും ചെലവേറിയതും വലിയതുമായ പ്രൊജക്ടുകളിൽ ഒന്നാണ്. പിആർഒ ആതിര ദിൽജിത്ത്.

ദീപാവലി കഴിഞ്ഞു, ദില്ലിയിൽ വായു മലിനീകരണ തോത് അതീവ അപകടാവസ്ഥയിൽ; ഇക്കാര്യങ്ങൾ ശ്രദ്ധിക്കുക

Naveen Kumar TV — Mon, 09 Nov 2026 07:42:13 +0530

ദില്ലി: ദീപാവലി ആഘോഷത്തിന് ശേഷം ദില്ലിയിൽ വായു മലിനീകരണ തോത് അതീവ അപകടാവസ്ഥയിൽ. ചില സ്ഥലങ്ങളിൽ വായു ഗുണനിലവാര സൂചിക (എക്യുഐ) 400 കടന്നു. തിങ്കളാഴ്ച പുലർച്ചെ നഗരത്തിന്റെ പല ഭാഗങ്ങളിലും കനത്ത പുകമഞ്ഞ് രൂപപ്പെട്ടു. ഇത് കാഴ്ചപരിധിയെ സാരമായി ബാധിച്ചു. കോടതി നിർദേശം മറികടന്ന് നഗരത്തിൽ പലയിടത്തും പടക്കം പൊട്ടിച്ചിരുന്നു. ഇതാണ് സാഹചര്യം രൂക്ഷമാകാൻ ഇടയാക്കിയത്. സ്ഥിതി നിരീക്ഷിക്കുന്നതായി സംസ്ഥാന സർക്കാർ അറിയിച്ചു.

വായു ഗുണനിലവാരം മോശമായ സാഹചര്യത്തിൽ സ്വീകരിക്കേണ്ട മുൻകരുതലുകൾ എന്തൊക്കെ?

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അത്യാവശ്യ കാര്യങ്ങൾക്കല്ലാതെ പുറത്തിറങ്ങാതിരിക്കുക.
ഔട്ട്ഡോർ വ്യായാമങ്ങളും പ്രഭാത നടത്തവും പൂർണമായി ഒഴിവാക്കുക.
പുറത്തിറങ്ങേണ്ടി വന്നാൽ എൻ95 നിലവാരമുള്ള മാസ്കുകൾ നിർബന്ധമായും ഉപയോഗിക്കുക.
പുറത്തെ മലിനീകരണം അകത്തേക്ക് കടക്കാതിരിക്കാൻ വീടിന്റെ ജനലുകളും വാതിലുകളും അടച്ചുപൂട്ടിയിടുക.
വീടുകളിൽ എയർ പ്യൂരിഫയറുകൾ ഉപയോഗിക്കുന്നത് വായു ശുദ്ധീകരിക്കാൻ സഹായിക്കും.
ശ്വാസതടസ്സമോ മറ്റ് അസ്വസ്ഥതകളോ അനുഭവപ്പെടുകയാണെങ്കിൽ ഉടൻ തന്നെ വൈദ്യസഹായം തേടുക.

എം എല്‍ എസ്‌ ഗോള്‍ഡന്‍ ബൂട്ടിന്‌ വീണ്ടും മെസിത്തിളക്കം, തുടരെ ഈ നേട്ടം കൈവരിക്കുന്ന ആദ്യ താരം, ചരിത്രം സൃഷ്ടിച്ച്‌ ലിയോ

Web Desk — Mon, 09 Nov 2026 07:20:25 +0530

ന്യൂയോര്‍ക്ക്‌: മേജര്‍ ലീഗ്‌ സോക്കറിന്റെ റെക്കോര്‍ഡ്‌ ബുക്കിലേക്ക്‌ വീണ്ടും ലയണല്‍ മെസിയുടെ കുതിപ്പ്‌. തുടര്‍ച്ചയായി രണ്ട്‌ സീസണില്‍ ഗോള്‍ഡന്‍ ബൂട്ട്‌ പുരസ്‌കാരം നേടുന്ന ആദ്യ എം എല്‍ എസ്‌ പ്ലെയറായിരിക്കുന്നു ഇന്റര്‍മിയാമി ക്യാപ്‌റ്റന്‍. മുപ്പത്തൊമ്പതാം വയസില്‍, യുവതാരങ്ങളെയെല്ലാം പിറകിലാക്കിയാണ്‌ അര്‍ജന്റൈന്‍ താരം മുന്നേറിയത്‌.

2026 സീസണില്‍ ഇന്റര്‍മിയാമിക്കായി കളിച്ച 31 മത്സരങ്ങളില്‍ 26 ഗോളുകള്‍ അടിച്ചുകൂട്ടിയാണ്‌ മെസി മികച്ച ഗോള്‍വേട്ടക്കാരനായത്‌. 22 ഗോളുകള്‍ നേടിയ എഫ്‌ സി ഡാളസിന്റെ പെറ്റാര്‍ മൂസയെ പിറകിലാക്കിയാണ്‌ മെസി ഗോള്‍ഡന്‍ ബൂട്ടില്‍ മുത്തമിട്ടത്‌. 2025 സീസണില്‍ 29 ഗോളുകള്‍ നേടിയും മെസി ഗോള്‍ഡന്‍ ബൂട്ട്‌ സ്വന്തമാക്കിയിരുന്നു.

മേജര്‍ ലീഗ്‌ സോക്കറിന്റെ ചരിത്രത്തില്‍ ഒന്നിലധികം തവണ ഗോള്‍ഡന്‍ ബൂട്ട്‌ നേടുന്ന ആറാമത്തെ താരമാണ്‌ മെസി. ഇത്തവണ മെസി നേടിയ 26 ലീഗ്‌ ഗോളുകളില്‍ ഒന്ന്‌ മാത്രമാണ്‌ പെനാല്‍റ്റിയിലൂടെ സ്‌കോര്‍ ചെയ്‌തത്‌. ഗോളടിക്കുന്നതിനേക്കാള്‍ മെസി ശ്രദ്ധ കൊടുത്തത്‌ സഹതാരങ്ങളെ കൊണ്ട്‌ സ്‌കോര്‍ ചെയ്യിപ്പിക്കാനാണ്‌. പതിനേഴ്‌ അസിസ്‌റ്റുകളാണ്‌ സീസണില്‍ മെസി നടത്തിയത്‌. ഈ കണക്കുകള്‍ പ്രകാരം സീസണില്‍ ആകെ 43 ഗോള്‍ സംഭാവനകളുമായി മെസി മേജര്‍ ലീഗ്‌ സോക്കറില്‍ മുന്നിലെത്തി. കഴിഞ്ഞ മൂന്ന്‌ സീസണുകളില്‍ നിന്ന്‌ മെസി എം എല്‍ എസില്‍ നേടിയത്‌ 75 ഗോളുകളാണ്‌.

ഈ സീസണില്‍ 60 പോയിന്റോടെ ഇന്റര്‍മിയാമി ഈസ്‌റ്റേണ്‍ കോണ്‍ഫറന്‍സില്‍ രണ്ടാം സ്ഥാനത്ത്‌ ഫിനിഷ്‌ ചെയ്‌തു.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ഇറാനെ ആക്രമിക്കാൻ അമേരിക്ക തയ്യാറെടുക്കുന്നതായി സൂചന; ആക്രമണ വിവരം ഇസ്രയേലിനെ അറിയിച്ചു, അമേരിക്കയിൽ തീമഴ പെയ്യിക്കുമെന്ന് ഇറാൻ

Faseela Moidu — Mon, 09 Nov 2026 06:36:44 +0530

വാഷിംങ്ടൺ: ഇറാനെ ആക്രമിക്കാൻ വീണ്ടും അമേരിക്ക തയ്യാറെടുക്കുന്നതായി റിപ്പോർട്ടുകൾ. ആക്രമണ വിവരം ഇസ്രയേലിനെ അറിയിച്ചെന്നാണ് സൂചന. പാലങ്ങൾ, പവർ പ്ലാന്റുകൾ എന്നിവ ആക്രമിക്കാൻ ഒരുക്കമെന്നാണ് വിവരം. ഇറാനിലേക്കുള്ള കരമാർഗ്ഗമുള്ള വിതരണ പാതകൾ തടയുന്നതിനായി ഏർപ്പെടുത്തിയ 'അയൺ ഗേറ്റ്' എന്ന പുതിയ ഉപരോധം നിലവിൽ വന്നതായും ട്രംപ് വ്യക്തമാക്കി. അതേസമയം, വിഷയത്തിൽ പ്രതികരണവുമായി ഇറാൻ രംഗത്തെത്തി. ഇനി ആക്രമിച്ചാൽ തിരിച്ചടിയായി അമേരിക്കയിൽ തീമഴ പെയ്യിക്കുമെന്ന മുന്നറിയിപ്പ് ഇറാൻ നൽകി. അമേരിക്ക ഉപാധികൾ പാലിച്ചാൽ ചർച്ചകൾക്ക് തയ്യാറാണെന്നും ഇറാൻ. അതിനിടെ ഇറാനിലെ ഖെഷം ദ്വീപിൽ നാലിടത്ത് സ്ഫോടനമുണ്ടായി.

ഹോർമുസ് കടലിടുക്കിലെ ഇറാൻ്റെ തന്ത്രപ്രധാന കേന്ദ്രമായ ഖഷ്‌മ് ദ്വീപിൽ ആക്രമണം; പിന്നിൽ അമേരിക്കയെന്ന് ഇറാൻ

Web Desk — Mon, 09 Nov 2026 04:23:43 +0530

ടെഹ്റാൻ: ഹോർമുസ് കടലിടുക്കിലെ ഇറാന്റെ തന്ത്രപ്രധാന ഇടമായ ഖെഷ്‌മ് ദ്വീപിലേക്ക് അമേരിക്കൻ സൈന്യം പ്രൊജക്റ്റൈൽ ആക്രമണം നടത്തിയതായി ഇറാനിയൻ സ്റ്റേറ്റ് മീഡിയ റിപ്പോർട്ട് ചെയ്തു. ഞായറാഴ്ച രാത്രിയിലായിരുന്നു സംഭവം. ഖെഷ്‌മ് ദ്വീപിൽ നാലിടങ്ങളിൽ സ്ഫോടനങ്ങളുണ്ടായതായാണ് റിപ്പോർട്ട്. അതേസമയം, ഹോർമോസ്ഗാൻ പ്രവിശ്യയിലെ ബന്ദർ അബ്ബാസ്, സിരിക് തുടങ്ങിയ നഗരങ്ങളിൽ കേട്ട സ്ഫോടന ശബ്ദങ്ങൾ ഹോർമുസ് കടലിടുക്കിൽ ഇറാനിയൻ സൈന്യം നടത്തിയ പ്രതിരോധ നീക്കങ്ങളുമായി ബന്ധപ്പെട്ടതാണെന്നും റിപ്പോർട്ടുകൾ സ്ഥിരീകരിക്കുന്നു.

ഇറാനിലേക്കുള്ള ആയുധ കടത്തും കടൽപ്പാതകളിലൂടെയുള്ള ഗതാഗതവും പൂർണ്ണമായി തടയുന്നതിനായി 'ടാസ്‌ക് ഫോഴ്‌സ് ഐറൺ ഗേറ്റ്' എന്ന പേരിൽ പുതിയ സൈനിക പ്രവർത്തനം ആരംഭിച്ചതായി യു.എസ് സെൻട്രൽ കമാൻഡ് പ്രഖ്യാപിച്ചു. ലോകചരിത്രത്തിലെ തന്നെ ഏറ്റവും വലിയ നാവിക ഉപരോധമാണ് ഇറാന് മേൽ ഏർപ്പെടുത്തിയിരിക്കുന്നതെന്നും, ഇനി ഇറാനിലേക്ക് സാധനങ്ങൾ എത്തുന്നതും പുറത്തേക്ക് പോകുന്നതും തടയപ്പെടുമെന്നും യു.എസ് പ്രസിഡന്റ് ഡൊണാൾഡ് ട്രംപ് തന്റെ ട്രൂത്ത് സോഷ്യൽ പ്ലാറ്റ്‌ഫോമിൽ വ്യക്തമാക്കി. യുദ്ധം വീണ്ടും ആരംഭിച്ചാൽ അമേരിക്കയ്ക്കുമേൽ "നരകം പെയ്യിക്കും" എന്ന് ഇറാൻ വിദേശകാര്യ മന്ത്രി അബ്ബാസ് അരാഗ്ചി മുന്നറിയിപ്പ് നൽകി. എന്നാൽ, ഇറാന്റെ ആണവ പദ്ധതികളെക്കുറിച്ചും ഹോർമുസ് കടലിടുക്ക് വീണ്ടും തുറക്കുന്നതിനെക്കുറിച്ചുമുള്ള ചർച്ചകളിൽ പുരോഗതിയുണ്ടായാൽ ഇറാനെതിരെയുള്ള ആക്രമണങ്ങൾ ഒഴിവാക്കാൻ സാധ്യതയുണ്ടെന്ന് ഡോണൾഡ് ട്രംപും സൂചിപ്പിച്ചു.

ഹോർമുസ് കടലിടുക്കിൽ അനുമതിയില്ലാതെ സഞ്ചരിച്ച മൂന്ന് എണ്ണക്കപ്പലുകളിൽ സ്ഫോടനവും തീപിടുത്തവും ഉണ്ടായതായി ഇറാന്റെ ഇസ്‌ലാമിക് റെവല്യൂഷണറി ഗാർഡ് കോർപ്സ് സ്ഥിരീകരിച്ചു. സൗദി തലസ്ഥാനമായ റിയാദിലേക്ക് ബാലിസ്റ്റിക് മിസൈൽ ആക്രമണം നടത്തിയതിന് മറുപടിയായി യെമനിൽ പ്രത്യാക്രമണം നടത്തിയ സൗദി സഖ്യസേന, രണ്ട് മിസൈൽ ലോഞ്ചറുകൾ തകർത്തതായി അറിയിച്ചു. ഇതിനിടെ മധ്യ ഗാസയിൽ കനത്ത മഴയെ തുടർന്ന് മണൽതിട്ട ഇടിഞ്ഞുവീണ് നാല് കുട്ടികൾ ഉൾപ്പെടെ അഞ്ച് ഫലസ്തീനികൾ മരണപ്പെട്ട വിവരവും പുറത്തുവന്നിട്ടുണ്ട്.

അമേരിക്കയിലെ ഇടക്കാല തിരഞ്ഞെടുപ്പ് ഫലങ്ങൾ പുറത്തുവന്നതോടെ വാഷിംഗ്ടണുമായുള്ള സമാധാന ചർച്ചകൾ നിശ്ചലമെന്ന് ഇറാൻ വിദേശകാര്യ മന്ത്രി അബ്ബാസ് അരാഗ്ചി പറഞ്ഞു. തിരഞ്ഞെടുപ്പ് ഫലങ്ങൾ സർപ്രൈസ് ആണെന്നും അന്തരീക്ഷം ശാന്തമായാൽ മാത്രമേ മധ്യസ്ഥ ചർച്ചകൾ പുനരാരംഭിക്കാൻ സാധിക്കൂ എന്നും അദ്ദേഹം കൂട്ടിച്ചേർത്തു. അതേസമയം, ഫ്ലോറിഡയിലെ ഗവർണർ സ്ഥാനത്തേക്ക് വിജയിച്ച ബൈറൺ ഡൊണാൾഡ്സ് ഇറാനുമായുള്ള സംഘർഷങ്ങൾ ഉടൻ അവസാനിക്കുമെന്ന പ്രത്യാശ പ്രകടിപ്പിച്ചു. ഇന്ധനവില കുതിച്ചുയരുന്ന സാഹചര്യത്തിൽ ഈ യുദ്ധം അവസാനിക്കുന്നത് സാമ്പത്തിക രംഗത്തിന് ആശ്വാസമാകുമെന്നും, സാധാരണക്കാരുടെ പ്രധാന ആശങ്ക വിലക്കയറ്റമാണെന്നും അദ്ദേഹം ചൂണ്ടിക്കാട്ടി.

ഇസ്രായേലിൽ വമ്പൻ ട്വിസ്റ്റ്; ഐസൻകോട്ടിൻ്റെ പ്രഖ്യാപനം പ്രസിഡൻ്റിൻ്റെ നിർദേശം സ്വീകരിച്ച്; 'നെതന്യാഹുവിൻ്റെ പിന്തുണ സ്വീകരിക്കാൻ തയ്യാർ'

Web Desk — Mon, 09 Nov 2026 02:15:58 +0530

ജറുസലേം: ഇസ്രായേലിൽ പുതിയ സഖ്യസർക്കാർ രൂപീകരിക്കാൻ നിലവിലെ പ്രധാനമന്ത്രി ബെഞ്ചമിൻ നെതന്യാഹുവിനെയും തന്റെ ഭരണസഖ്യത്തിൽ ഉൾപ്പെടുത്താൻ തയ്യാറാണെന്ന് പ്രതിപക്ഷ നേതാവ് ഗാഡി ഐസൻകോട്ട്. സർക്കാർ രൂപീകരിക്കാൻ അറബ് പാർട്ടികളുടെ പിന്തുണ ഒഴിവാക്കുന്നതിൻ്റെ ഭാഗമായാണ് ഈ നീക്കം. ജറുസലേമിലെ പ്രസിഡന്റിന്റെ വസതിയിൽ നടന്ന ചടങ്ങിൽ സംസാരിക്കവെ നെതന്യാഹുവിന്റെ സഖ്യകക്ഷിയും തീവ്രവലതുപക്ഷ ധനകാര്യ മന്ത്രിയുമായ ബെസലേൽ സ്മോട്രിച്ചിനെയും ഒപ്പം കൂട്ടാൻ തയ്യാറാണെന്ന് ഗാഡി ഐസൻകോട്ട് വ്യക്തമാക്കി.

"ഐക്യത്തിനുള്ള സമയമാണിതെന്ന് ലിക്വിഡ് പാർട്ടിയുടെയും റിലീജിയസ് സീയോണിസ്റ്റ് പാർട്ടിയുടെയും അംഗങ്ങൾ യഥാർത്ഥത്തിൽ വിശ്വസിക്കുന്നുണ്ടെങ്കിൽ, എന്റെ നേതൃത്വത്തിലുള്ള സർക്കാരിനെയും ഞാൻ മുന്നോട്ടുവെച്ച തത്വങ്ങളെയും പിന്തുണയ്ക്കാതിരിക്കാൻ അവർക്കാവില്ല," എന്ന് ഐസൻകോട്ട് പറഞ്ഞു. തിരഞ്ഞെടുപ്പിൽ നെതന്യാഹുവിന്റെ പ്രധാന എതിരാളിയായി മത്സരിച്ച ഗാഡി ഐസൻകോട്ടിന് പുതിയ സർക്കാർ രൂപീകരിക്കാൻ ആറാഴ്ചത്തെ സമയമാണ് ലഭിച്ചിട്ടുള്ളത്. ഇസ്രായേലി ജനതയുടെ മുഴുവൻ താല്പര്യങ്ങൾ സംരക്ഷിച്ചുകൊണ്ട് പ്രവർത്തിക്കുമെന്നും സമൂഹത്തിലെ എല്ലാ വിഭാഗങ്ങളെയും പ്രതിനിധീകരിക്കുമെന്നും അദ്ദേഹം പറഞ്ഞു.

അതേസമയം, നവംബർ 3-ന് നടന്ന യു.എസ് ഇടക്കാല തിരഞ്ഞെടുപ്പിൽ ജയിച്ച ഡെമോക്രാറ്റിക് പാർട്ടി ഇസ്രായേലിന് സൈനിക സഹായം നൽകുന്നതിനെ എതിർക്കുന്നുവെന്നും, അതിനാൽ തന്നെ ഇസ്രയേൽ വലിയ അനിശ്ചിതത്വങ്ങൾ നേരിടുന്നുണ്ടെന്നും പ്രസിഡന്റ് ഹെർസോഗ് മുന്നറിയിപ്പ് നൽകി. അമേരിക്കയിലെ പുതിയ രാഷ്ട്രീയ സാഹചര്യങ്ങൾ ചൂണ്ടിക്കാണിച്ച്, ഇസ്രായേലിന് ഇപ്പോൾ ശക്തവും സ്ഥിരതയുള്ളതുമായ ഒരു സർക്കാരാണ് ആവശ്യമെന്ന് ഹെർസോഗ് കൂട്ടിച്ചേർത്തു. 2015 മുതൽ 2019 വരെ ഇസ്രായേൽ സൈനിക തലവനായിരുന്ന ഐസൻകോട്ട്, ഗാസ യുദ്ധത്തിന്റെ ആദ്യ എട്ട് മാസങ്ങളിൽ നെതന്യാഹുവിന്റെ വാർ കാബിനറ്റിൽ നിരീക്ഷകനായിരുന്നു. ഒക്ടോബർ 27-ന് നടന്ന ഇസ്രായേൽ തിരഞ്ഞെടുപ്പിൽ ഐസൻകോട്ടിന്റെ നാല് പാർട്ടികളുടെ സഖ്യം 48 സീറ്റുകളും നെതന്യാഹുവിന്റെ വലതുപക്ഷ സഖ്യം 53 സീറ്റുകളുമാണ് നേടിയത്. ഭൂരിപക്ഷത്തിന് 61 സീറ്റുകൾ ആവശ്യമാണെന്നിരിക്കെ ഇരുവിഭാഗത്തിനും കേവലഭൂരിപക്ഷം തികയ്ക്കാനായില്ല.

പലസ്തീൻ പൗരന്മാരെ പ്രതിനിധീകരിക്കുന്ന അറബ് കക്ഷികൾ റെക്കോർഡ് നേട്ടത്തോടെ 19 സീറ്റുകൾ നേടി. ഐസൻകോട്ടിനെ പ്രധാനമന്ത്രിസ്ഥാനത്തേക്ക് ഇവർ പിന്തുണച്ചെങ്കിലും, അറബ് പാർട്ടികളുമായി ചേർന്ന് സർക്കാരുണ്ടാക്കാൻ ഐസൻകോട്ട് തയാറായിട്ടില്ല. തീവ്ര അൾട്രാ-ഓർത്തഡോക്സ് പാർട്ടികളായ 'യുണൈറ്റഡ് തോറ ജൂഡായിസം', 'ഷാസ്' എന്നിവയുടെ പിന്തുണ ഉറപ്പാക്കാനായാൽ ഐസൻകോട്ടിന് കേവലഭൂരിപക്ഷമായ 61 സീറ്റുകൾ തികയ്ക്കാനും സർക്കാരുണ്ടാക്കാനും സാധിക്കും.

ദീപാവലി ആഘോഷങ്ങൾക്കിടെ നിരവധി അപകടങ്ങൾ: തമിഴ്‌നാട്ടിൽ ഒരു കുട്ടി മരിച്ചു, 269 പേർക്ക് പരിക്കേറ്റു

Web Desk — Mon, 09 Nov 2026 01:10:34 +0530

ചെന്നൈ: ദീപാവലി ആഘോഷങ്ങൾക്കിടെ പടക്കം പൊട്ടിക്കുന്നതിനിടെയുണ്ടായ അപകടങ്ങളിൽ തമിഴ്‌നാട്ടിൽ ഒരു കുട്ടി മരിച്ചു. സംസ്ഥാനത്തുടനീളം 269 പേർക്ക് പൊള്ളലേറ്റ് ചികിത്സ തേടേണ്ടി വന്നതായി ഔദ്യോഗിക കണക്കുകൾ വ്യക്തമാക്കുന്നു. നവംബർ 7 രാവിലെ 7 മണി മുതൽ നവംബർ 8 രാവിലെ 7 മണിവരെയുള്ള 24 മണിക്കൂറിലെ കണക്കുകളാണ് പുറത്തുവന്നിട്ടുള്ളത്.

ആഘോഷങ്ങളുമായി ബന്ധപ്പെട്ട് സംസ്ഥാനത്തെ '108' അടിയന്തര ആംബുലൻസ് ശൃംഖലയിലേക്ക് വൻ കോളുകളുടെ പ്രവാഹമായിരുന്നു. 24 മണിക്കൂറിനുള്ളിൽ 16,079 അടിയന്തര കോളുകളാണ് ലഭിച്ചത്. പടക്കം പൊട്ടിച്ചുള്ള പൊള്ളലേറ്റ അപകടങ്ങളെക്കുറിച്ച് മാത്രം നൂറോളം കോളുകൾ അടിയന്തര സേവനത്തിന് ലഭിച്ചതായി അധികൃതർ വ്യക്തമാക്കി. അപകടങ്ങളെ തുടർന്ന് തഞ്ചാവൂർ ഗവൺമെന്റ് മെഡിക്കൽ കോളേജ് ഉൾപ്പെടെയുള്ള പ്രധാന ആശുപത്രികളിൽ വലിയ തിരക്കാണ് അനുഭവപ്പെട്ടത്. പെരിയാർ നഗർ ഗവൺമെന്റ് ആശുപത്രിയിൽ 64 പേരെ കിടത്തിച്ചികിത്സയ്ക്ക് പ്രവേശിപ്പിച്ചു. തൂത്തുക്കുടി ഗവൺമെന്റ് മെഡിക്കൽ കോളേജ് ആശുപത്രിയിൽ 13 പേരെ കിടത്തിച്ചികിത്സക്ക് പ്രവേശിപ്പിച്ചു. നിസാര പരിക്കേറ്റ 46 പേരെ പ്രാഥമിക ശുശ്രൂഷ നൽകി വിട്ടയച്ചു. ആഘോഷ വേളയിലെ അടിയന്തര സാഹചര്യങ്ങൾ നേരിടാൻ സംസ്ഥാനത്തുടനീളം 1,283 ആംബുലൻസുകളാണ് സജ്ജമാക്കിയിരുന്നത്.

ഇന്ത്യൻ ഒളിമ്പിക് അസോസിയേഷൻ തിരഞ്ഞെടുപ്പ്: പി.ടി ഉഷയെ പുറന്തള്ളാൻ അണിയറ നീക്കം ശക്തം, ഐഒഎയ്ക്ക് പരാതി

Web Desk — Mon, 09 Nov 2026 00:21:45 +0530

ന്യൂഡൽഹി: ഇന്ത്യൻ ഒളിമ്പിക് അസോസിയേഷൻ തിരഞ്ഞെടുപ്പ് നാളെ നടക്കാനിരിക്കെ, നിലവിലെ അധ്യക്ഷയും മുൻ അത്‌ലറ്റുമായ പി.ടി. ഉഷയ്‌ക്കെതിരെ അണിയറയിൽ വൻ ചരടുവലികൾ. മുൻ ആർച്ചർ ഡോള ബാനർജിയുടെ നേതൃത്വത്തിൽ ഉഷയെ പരാജയപ്പെടുത്താൻ നീക്കം നടക്കുന്നതായാണ് പുറത്തുവരുന്ന വിവരങ്ങൾ. പി.ടി. ഉഷയെ പൂർണ്ണമായും ഒഴിവാക്കിക്കൊണ്ടുള്ള പ്രത്യേക പാനൽ രൂപീകരിച്ച് ഡോള ബാനർജി അംഗങ്ങൾക്കിടയിൽ പ്രചരണം ശക്തമാക്കിയിട്ടുണ്ട്. പ്രമുഖ കായികതാരങ്ങളായ അഞ്ജു ബോബി ജോർജ്ജ്, സൈന നെഹ്‌വാൾ എന്നിവരെ ഉൾപ്പെടുത്തിയാണ് ഡോള പാനൽ തയാറാക്കിയിരിക്കുന്നത്.

'ന്യൂ ഭാരത് പാനൽ' എന്ന പേരിൽ ഒരു സന്ദേശം വാട്‌സ്ആപ്പ് വഴി പ്രചരിപ്പിക്കുകയും പാനൽ അംഗങ്ങൾക്ക് അയച്ചുകൊടുക്കുകയും ചെയ്തിട്ടുണ്ടെന്ന് പി.ടി ഉഷ പക്ഷം ആരോപിക്കുന്നു. ഈ സന്ദേശത്തിന്റെ പകർപ്പ് ഏഷ്യാനെറ്റ് ന്യൂസിന് ലഭിച്ചു. ഡോള ബാനർജിക്കെതിരെ ഇന്ത്യൻ ഒളിമ്പിക് അസോസിയേഷൻ ഇലക്ടറൽ ഓഫീസർക്ക് പി.ടി. ഉഷ ഔദ്യോഗികമായി പരാതി നൽകി. തിരഞ്ഞെടുപ്പ് പെരുമാറ്റച്ചട്ടങ്ങൾ ഡോള ലംഘിച്ചെന്നാണ് ഉഷയുടെ പ്രധാന ആരോപണം. അതേസമയം, ഉഷ വിരുദ്ധ ചേരിയും തിരഞ്ഞെടുപ്പ് ഉദ്യോഗസ്ഥർക്ക് പരാതി നൽകിയതായാണ് സൂചന.

നാളെയാണ് ഇന്ത്യൻ ഒളിമ്പിക് അസോസിയേഷനിലെ നാല് സ്ഥാനങ്ങളിലേക്ക് വോട്ടെടുപ്പ് നടക്കുന്നത്. ഈ നാല് സ്ഥാനങ്ങളിലേക്കായി ആറ് മുൻ വനിതാ താരങ്ങളാണ് മത്സരരംഗത്തുള്ളത്. തിരഞ്ഞെടുപ്പിൽ ആകെ 80 കായികതാരങ്ങൾക്കാണ് വോട്ടവകാശമുള്ളത്. നാളത്തെ വോട്ടെടുപ്പിൽ പരാജയപ്പെട്ടാൽ പി.ടി. ഉഷയ്ക്ക് ഇന്ത്യൻ ഒളിമ്പിക് അസോസിയേഷൻ പ്രസിഡന്റ് സ്ഥാനത്തേക്ക് മത്സരിക്കാൻ സാധിക്കില്ല. കഴിഞ്ഞ ദിവസം വരെ മത്സരത്തിൽ പി.ടി. ഉഷയ്ക്ക് വ്യക്തമായ മേൽക്കൈ ഉണ്ടെന്നായിരുന്നു വിലയിരുത്തൽ. എന്നാൽ അവസാന നിമിഷത്തെ അണിയറനീക്കങ്ങൾ വലിയ ആശയക്കുഴപ്പത്തിന് വഴിവെച്ചിട്ടുണ്ട്. ഇതിനിടെ, വോട്ടർമാരായ അംഗങ്ങളെ സ്വാധീനിക്കാൻ ശ്രമങ്ങൾ നടക്കുന്നതായും ആരോപണമുയർന്നിട്ടുണ്ട്. കേരള ഒളിമ്പിക് അസോസിയേഷൻ പ്രസിഡന്റ് സുനിൽ കുമാറിന്റെ നേതൃത്വത്തിലാണ് ഇത്തരം ശ്രമങ്ങൾ നടക്കുന്നതെന്നാണ് പുറത്തുവരുന്ന വിവരം.

മുംബൈ വിമാനത്താവളത്തിൽ അപ്രതീക്ഷിത അപകടം! ടെർമിനൽ രണ്ടിന് പുറത്തുള്ള ഫാൾസ് സീലിങ് അടർന്നുവീണ് സന്ദർശകന് പരിക്ക്

Web Desk — Sun, 08 Nov 2026 23:47:20 +0530

മുംബൈ: മുംബൈയിലെ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളത്തിലെ ടെർമിനൽ 2-ന് പുറത്തുള്ള ഫോൾസ് സീലിംഗിന്റെ ഒരു ഭാഗം തകർന്നു വീണ് ഒരാൾക്ക് പരിക്കേറ്റു. ഞായറാഴ്ചയാണ് അപകടമുണ്ടായത്. വിമാനത്താവളം സന്ദർശിക്കാനെത്തിയ ആൾക്കാണ് പരിക്കേറ്റത്. പരിക്ക് സാരമുള്ളതല്ലെന്നാണ് വിവരം.

അപകടം നടന്ന ഉടൻ തന്നെ വിമാനത്താവളത്തിലെ എമർജൻസി മെഡിക്കൽ ടീം സ്ഥലത്തെത്തി. പരിക്കേറ്റയാൾക്ക് ആവശ്യമായ പ്രഥമശുശ്രൂഷയും പരിചരണവും നൽകി. അപകടത്തിന്റെ യഥാർത്ഥ കാരണം കണ്ടെത്താൻ വിശദമായ അന്വേഷണം ആരംഭിച്ചതായി മുംബൈ വിമാനത്താവള വക്താവ് ഔദ്യോഗിക പ്രസ്താവനയിലൂടെ അറിയിച്ചു. രാജ്യത്തെ വിമാനത്താവളങ്ങളുടെ അടിസ്ഥാന സൗകര്യങ്ങളെക്കുറിച്ചും സുരക്ഷയെക്കുറിച്ചും വീണ്ടും ആശങ്ക ഉയർത്തുന്നതാണ് ഈ സംഭവം. 2024 ജൂൺ 28-ന് ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ ടെർമിനൽ 1-ന്റെ മേൽക്കൂര പെയ്ത കനത്ത മഴയിൽ തകർന്നു വീണ് ഒരാൾ മരിക്കുകയും ഒമ്പത് പേർക്ക് പരിക്കേൽക്കുകയും ചെയ്തിരുന്നു.

ഐഐടി ഡൽഹി, ഐഐടി ജമ്മു എന്നിവിടങ്ങളിൽ നിന്നുള്ള സ്ട്രക്ചറൽ എൻജിനീയർമാർ ഉൾപ്പെട്ട വിദഗ്ധ സമിതി ഡൽഹിയിലെ അപകടത്തെക്കുറിച്ച് അന്വേഷണം നടത്തിയിരുന്നു. നിർമ്മാണത്തിലെ അപാകതകളും കൃത്യമായ അറ്റകുറ്റപ്പണികളുടെ അഭാവവും മഴവെള്ളം കെട്ടിക്കിടക്കാൻ കാരണമായ ഡിസൈനിലെ പിഴവുകളുമാണ് അപകടത്തിന് കാരണമായതെന്ന് സമിതി കണ്ടെത്തിയിരുന്നു. നിലവിൽ മുംബൈ ടി2 ലെ ഈ അപകടത്തിന്റെ പശ്ചാത്തലത്തിലും സുരക്ഷാ പരിശോധനകൾ ശക്തമാക്കിയിട്ടുണ്ട്.

'‌സിന്ധു വിളിമാറി, ചേച്ചിയും അമ്മയും ആന്റിയും അമ്മൂമ്മയുമായി..'; കുറിപ്പുമായി കൃഷ്ണകുമാർ

Web Desk — Sun, 08 Nov 2026 22:44:29 +0530

സിന്ധു കൃഷ്ണയുടെ 55-ാം പിറന്നാൾ ദിനത്തിൽ ആശംസകൾ നേർന്ന് ഭർത്താവും നടനുമായ കൃഷ്ണകുമാർ പങ്കുവെച്ച പോസ്റ്റ് ശ്രദ്ധേയമാകുന്നു. സിന്ധു എന്ന വിളിമാറി ചേച്ചിയും അമ്മയും ആന്റിയും അമ്മൂമ്മയും ആയെന്നും ഒപ്പം താൻ അപ്പൂപ്പനായെന്നും കൃഷ്ണകുമാർ പറയുന്നു. പല കാലഘട്ടത്തിലെ ചിത്രങ്ങളും കൃഷ്ണകുമാർ പോസ്റ്റിനൊപ്പം ചേർത്തിട്ടുണ്ട്.

''ഇന്നു പോസ്റ്റ്‌ ചെയ്തതിലെ ആദ്യ ഫോട്ടോ എടുക്കുമ്പോൾ സിന്ധുവിന് 22-23 പ്രായം കാണും. ഇന്ന് അതേ സിന്ധുവിനു 55 വയസ്സ്. 32 വർഷങ്ങൾക്കു മുൻപ് സിന്ധുവിന്റെ ഭാരം പോലും 55 കിലോ ഇല്ലാ.. ഇന്ന് അങ്ങനെയല്ല. നാല് കുഞ്ഞുങ്ങൾക്ക് ജന്മം നൽകി. വളർത്തി.. പലതരത്തിലുള്ള പോറലുകൾ ഉണ്ട്. ചുളുക്കുകൾ സംഭവിച്ചു. കാലം എല്ലാം മാറ്റും. അന്നത്തെ ഞങ്ങളുടെ സ്വപ്‌നങ്ങൾ, ചിന്തകൾ, മുൻഗണനകൾ, ആഗ്രഹങ്ങൾ.. എല്ലാം മാറി. നമ്മളോടൊപ്പം ഉണ്ടായിരുന്ന ചിലർ, ചർമം, മുടിയുടെ നിറം എല്ലാം മാറി. സിന്ധു എന്ന വിളിമാറി..ചേച്ചി, അമ്മ, ആന്റി, അമ്മൂമ്മ, ഒപ്പം ഞാനും അപ്പൂപ്പനായി..

ആഗ്രഹിച്ചത് പലതും കിട്ടിയില്ല, എന്നാൽ കിട്ടിയതു ചിലത് ആഗ്രഹിച്ചതിനേക്കാൾ മികച്ചതായിരുന്നു. നല്ലതും നല്ലതല്ലാത്തതുമായ പലതും ജീവിതത്തിൽ സംഭവിച്ചു. നന്മകൾ അളന്നു നോക്കിയപ്പോൾ വൻ നേട്ടം.. നല്ലതല്ലാത്തത് എന്നു കരുതിയ പലതും ജീവിതത്തിൽ മുന്നേറാൻ സഹായിച്ച ഇന്ധനമായിരുന്നു, ഊർജമായിരുന്നു..

സിന്ധുവിനോടൊപ്പമുള്ള യാത്ര അതിസുന്ദരമായിരുന്നു.. ആനന്ദകരമായിരുന്നു.. ഇന്നും പ്രകൃതി ഞങ്ങളെ അതീവ ശ്രദ്ധയോടെ കാത്തുസൂക്ഷിച്ചു കൊണ്ടുപോകുന്നു.. യാത്രയിൽ കൂടെ കൂടി ഒരുപാട് ധന്യ നിമിഷങ്ങൾ സമ്മാനിച്ച നാല് മക്കൾക്കും, രണ്ടു മരുമക്കൾക്കും, ഓമിക്കും, ദൈവത്തിനും ഈ സുന്ദര നിമിഷത്തിൽ നന്ദി പറയുന്നു.. കൊച്ചിയിൽ നിൽക്കുന്ന സിന്ധുവിനു മുംബയിൽ നിൽക്കുന്ന കിച്ചുവിന്റെ പിറന്നാൾ ആശംസകൾ'', കൃഷ്ണകുമാർ ഫെയ്സ്ബുക്കിൽ കുറിച്ചു.

മഴയത്തും ചോരാത്ത പോരാട്ടവീര്യം, തിരുവനന്തപുരത്തിന്റെ കൊമ്പൊടിച്ച്‌ കാലിക്കറ്റ്‌ സൂപ്പര്‍ ലീഗ്‌ കേരളയില്‍ സെമി ടിക്കറ്റെടുത്തു

Web Desk — Sun, 08 Nov 2026 22:18:42 +0530

തിരുവനന്തപുരം: സൂപ്പര്‍ ലീഗ്‌ കേരളയില്‍ സെമിഫൈനല്‍ ബെര്‍ത്ത്‌ ഉറപ്പിക്കുന്ന ആദ്യ ടീമായി കാലിക്കറ്റ്‌ എഫ്‌ സി. ചന്ദ്രശേഖരൻ നായർ സ്റ്റേഡിയത്തിൽ തിരുവനന്തപുരം കൊമ്പൻസ് എഫ്‌സിയെ 2-1 ന് വീഴ്ത്തിയാണ് കാലിക്കറ്റിന്റെ കുതിപ്പ്. മാക്സിമിലിയാനോയുടെയും ലിയനാർഡോ ഡേവിഡിന്റെയും ഗോൾക്കരുത്തിലാണ് വിജയം. ശ്രീരാജിന്റെ ബൂട്ടിൽ നിന്നാണ് കൊമ്പൻസിന്റെ ആശ്വാസ ഗോൾ. ഏഴ് റൗണ്ടുകൾ പിന്നിടുമ്പോൾ 17 പോയന്റുമായി കാലിക്കറ്റ് ഒന്നാം സ്ഥാനത്ത് തുടരുന്നു. എട്ട് പോയന്റുള്ള കൊമ്പൻസ് നാലാം സ്ഥാനത്ത്.

മത്സരത്തിന്റെ നാലാം മിനിറ്റിൽ തന്നെ കാലിക്കറ്റ് ലീഡ് സ്വന്തമാക്കി. കൊമ്പൻസ് ഗോൾകീപ്പർ സത്യജിത്, കാലിക്കറ്റ്‌ നായകൻ പ്രശാന്തിനെ ബോക്സിനുള്ളിൽ വീഴ്ത്തിയതിനെത്തുടർന്ന് റഫറി പെനാൽറ്റി വിധിച്ചു. കിക്കെടുത്ത മാക്സിമിലിയാനോക്ക് പിഴച്ചില്ല (1-0). ഗോൾ നേടിയ ശേഷവും കാലിക്കറ്റ്‌ ആക്രമണം തുടർന്നു. ആദ്യ പതിനഞ്ച് മിനിറ്റിനുള്ളിൽ നാല് മികച്ച അവസരങ്ങൾ കൂടി സൃഷ്ടിച്ചു. എന്നാൽ ഭാഗ്യം ആതിഥേയരെ തുണച്ചു. രണ്ട് സുവർണാവസരങ്ങൾ ലിയനാർഡോ ഡേവിഡ് നഷ്ടപ്പെടുത്തി.

മത്സരം അരമണിക്കൂർ പിന്നിട്ടതോടെ കനത്ത മഴ പെയ്തിറങ്ങിയെങ്കിലും പോരാട്ടവീര്യം കുറഞ്ഞില്ല. 40-ാം മിനിറ്റിൽ ബോക്സിന് പുറത്തുനിന്നുള്ള പാട്രിക് മോട്ടയുടെ ഫ്രീകിക്ക് നേരിയ വ്യത്യാസത്തിൽ കാലിക്കറ്റ് പോസ്റ്റിനെ ചാരി പുറത്തേക്ക് പോയി. ആദ്യപകുതിയിൽ കൊമ്പൻസിന്റെ മൂന്നും കാലിക്കറ്റിന്റെ ഒരു കളിക്കാരനും മഞ്ഞക്കാർഡ് കണ്ടു.

രണ്ടാം പകുതി തുടങ്ങി രണ്ടാം മിനിറ്റിൽ മാക്സിമിലിയാനോയുടെ ഷോട്ട് കൊമ്പൻസിന്റെ പോസ്റ്റിലിടിച്ച് മടങ്ങി. എന്നാൽ 51-ാം മിനിറ്റിൽ കാലിക്കറ്റ് ലീഡ് ഉയർത്തി. മാക്സിമിലിയാനോയുടെ ക്രോസ് വലയിലെത്തിച്ച ലിയനാർഡോ ഡേവിഡ്, ആദ്യപകുതിയിൽ നഷ്ടപ്പെടുത്തിയ അവസരങ്ങൾക്ക് പ്രായശ്ചിത്തം ചെയ്തു (2–0). 82-ാം മിനിറ്റിൽ കൊമ്പൻസ് ഒരുഗോൾ മടക്കി. അർജുനിന്റെ പാസ് സ്വീകരിച്ച് ശ്രീരാജാണ് ഗോൾ നേടിയത് (2-1).

എട്ടാം റൗണ്ട് മത്സരങ്ങൾ വെള്ളിയാഴ്ച (നവംബർ 13) തുടങ്ങും. ആദ്യ മത്സരത്തിൽ തിരുവനന്തപുരം കൊമ്പൻസ് എഫ്സിക്ക്‌ ഫോഴ്സ കൊച്ചി എഫ്സിയാണ് എതിരാളികൾ. തിരുവനന്തപുരം ചന്ദ്രശേഖരൻ നായർ സ്റ്റേഡിയമാണ് വേദി. കിക്കോഫ് രാത്രി 7.30ന്. ഇരു ടീമുകളും ആദ്യ പാദത്തിൽ മത്സരിച്ചപ്പോൾ മൂന്ന് ഗോളുകൾക്ക്‌ കൊച്ചി വിജയിച്ചു.

മത്സരം തത്സമയം കാണാൻ: സീ5 (ഇന്ത്യ), ഇത്തിസാലാത്ത് ടിവി (യുഎഇ), സ്റ്റാർസ്പ്ലേ (മിഡിൽ ഈസ്റ്റ് & വടക്കേ ആഫ്രിക്ക മേഖല)

ടിക്കറ്റുകൾക്ക് https://wwwu.superleaguekerala.com/tickets സന്ദർശിക്കുക. സ്റ്റേഡിയത്തിലെ ബോക്സ് ഓഫീസുകളിലും ടിക്കറ്റ് ലഭിക്കും.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ബസ് ഡ്രൈവർ ഉറങ്ങിപ്പോയി, കെഎസ്ആർടിസി ബസ് ഇടിച്ച് 15കാരിക്ക് ദാരുണാന്ത്യം

Sreekutty Chandran — Sun, 08 Nov 2026 22:03:24 +0530

ധനുവച്ചപുരം: കെഎസ്ആർടിസി ബസ് ഇടിച്ച് 15കാരിക്ക് ദാരുണാന്ത്യം. പത്താം ക്ലാസ് വിദ്യാർത്ഥിനിയായ അന്നപൂർണേന്ദു ആണ് മരിച്ചത്. തിരുവനന്തപുരം ധനുവച്ചപുരത്താണ് സംഭവം. അച്ഛന്റെ കൂടെ യാത്ര ചെയ്യുകയായിരുന്നു കുട്ടിയാണ് കൊല്ലപ്പെട്ടത്. ബസ് ഡ്രൈവർ ഉറങ്ങിപ്പോയതായിരുന്നു അപകടത്തിന് കാരണമായത്. അന്നപൂർണേന്ദുവിന്റെ അച്ഛൻ അശോകൻ നിസ്സാര പരിക്കുകളോടെ രക്ഷപ്പെട്ടു. ധനുവച്ചപുരത്ത് നിന്ന് അമരവിള ഭാഗത്തേക്ക് അച്ഛനൊപ്പം പോവുകയായിരുന്നു 15കാരി. അപകടത്തിന് പിന്നാലെ 15കാരി ബസിനടിയിലേക്ക് വീഴുകയായി. അപകടത്തിന് പിന്നാലെ കെഎസ്ആർടിസി ഡ്രൈവർ ഇറങ്ങി ഓടിയതായാണ് ദൃക്സാക്ഷികൾ വിശദമാക്കുന്നത്.

ഏഷ്യാനെറ്റ് ന്യൂസ് ലൈവ് കാണാം

'പിസ ഓര്‍ഡര്‍ ചെയ്‌തിട്ട്‌ അതിന്റെ ബോക്‌സ്‌ തിന്നുന്നു' - തുടര്‍വിജയങ്ങള്‍ക്കിടയിലും ആഴ്‌സണല്‍ കോച്ചിനെതിരെ ക്ലബ്ബ്‌ ആരാധകര്‍

Vipulnath P — Sun, 08 Nov 2026 22:00:11 +0530

ഇംഗ്ലീഷ്‌ പ്രീമിയര്‍ ലീഗില്‍ ആഴ്‌സണല്‍ ഏകപക്ഷീയമായ ഒരു ഗോളിന്‌ ഹള്‍ സിറ്റിയെ തോല്‍പ്പിച്ചെങ്കിലും ആരാധകര്‍ കുറച്ച്‌ കലിപ്പിലാണ്‌. പരിശീലകന്‍ മൈക്കല്‍ അര്‍ട്ടെറ്റയുടെ സ്റ്റാര്‍ട്ടിംഗ്‌ ലൈനപ്പില്‍ കായ്‌ ഹാവെര്‍ട്‌സിന്‌ പ്രാധാന്യം നല്‍കുകയും മികച്ച ഫോമിലുള്ള സ്‌ട്രൈക്കര്‍ വിക്ടര്‍ ഗ്യോക്കിറസിനെ ഉള്‍പ്പെടുത്താതതുമാണ്‌ ആഴ്‌സണല്‍ ആരാധകരെ പ്രകോപിപ്പിച്ചത്‌.

പിസ ഓര്‍ഡര്‍ ചെയ്‌തിട്ട്‌ അതിന്റെ ബോക്‌സ്‌ തിന്നുന്നത്‌ പോലെയാണ്‌ അര്‍ട്ടെറ്റയുടെ ലൈനപ്പ്‌ എന്നാണ്‌ ഒരു ആരാധകന്‍ സോഷ്യല്‍ മീഡിയയില്‍ വിമര്‍ശിച്ചത്‌. അര്‍ട്ടെറ്റയോടുള്ള എല്ലാ ബഹുമാനവും വെച്ചു കൊണ്ടു തന്നെ പറയുന്നു, കായ്‌ ഹാവെര്‍ട്‌സിനെ കണ്ണടച്ച്‌ വിശ്വസിക്കുന്നത്‌ മണ്ടത്തരമാണ്‌ - മറ്റൊരു ആരാധകന്‍ ഇങ്ങനെ എഴുതി.

സ്ഥിരതയില്ലായ്‌മയാണ്‌ കായ്‌ ഹാവെര്‍്‌ടസിന്റെ പ്രധാന പ്രശ്‌നം. ലിവര്‍പൂളിനെതിരെ നിര്‍ണായക മത്സരത്തില്‍ ഗോളടിച്ചെങ്കിലും, പല മത്സരങ്ങളിലും ഹാവെര്‍ട്‌സ്‌ മങ്ങിപ്പോയിരുന്നു. ഗോളടിക്കാന്‍ സുവര്‍ണാവസരം ലഭിച്ചാലും അത്‌ പാഴാക്കുന്നത്‌ ഹാവെര്‍ട്‌സിന്റെ ശീലമാണെന്ന്‌ ആഴ്‌സണല്‍ ആരാധകര്‍ വിമര്‍ശിക്കുന്നു. ചെല്‍സിയില്‍ നിന്ന്‌ 65 മില്യണ്‍ പൗണ്ടിന്റെ ട്രാന്‍സ്‌ഫറിലാണ്‌ താരം ഗണ്ണേഴ്‌സ്‌ നിരയിലെത്തിയത്‌. ആ തുകയ്‌ക്കുള്ള മൂല്യം ഹാവെര്‍ട്‌സില്‍ ഇല്ലെന്നാണ്‌ ആഴ്‌സണല്‍ ആരാധകര്‍ ചൂണ്ടിക്കാട്ടുന്നത്‌. ഈ സീസണില്‍ വിവിധ ചാമ്പ്യന്‍ഷിപ്പുകളഇലായി പതിനഞ്ച്‌ മത്സരങ്ങള്‍ ആഴ്‌സണലിനായി കളിച്ച ഹാവെര്‍ട്‌സ്‌ നേടിയത്‌ നാല്‌ ഗോളുകള്‍ മാത്രം. ഇതാകട്ടെ, ചെല്‍സി, ലിവര്‍പൂള്‍, മാഞ്ചസ്റ്റര്‍ സിറ്റി എന്നീ പ്രമുഖര്‍ക്കെതിരെയാണ്‌. വലിയ മത്സരങ്ങളില്‍ ഗോളടിക്കുന്നുവെന്നതാണ്‌ വിമര്‍ശകര്‍ക്കുള്ള ഹാവെര്‍ട്‌സിന്റെ മറുപടി.

അതേസമയം, ആഴ്‌സണല്‍ പോയിന്റ്‌ ടേബിളില്‍ മുകളില്‍ തിരിച്ചെത്തിയതും അവസാനം കളിച്ച എട്ട്‌ കളികളില്‍ ആറിലും ജയിച്ചതും കോച്ച്‌ മൈക്കല്‍ അര്‍ട്ടെറ്റയുടെ ആത്മവിശ്വാസം വര്‍ധിപ്പിക്കുന്നു. ഹള്‍ സിറ്റിയെ തോല്‍പ്പിച്ചതോടെ ലീഗില്‍ തുടരെ അഞ്ച്‌ ജയവുമായി കുതിപ്പ്‌ തുടരാന്‍ ആഴ്‌സണലിന്‌ സാധിച്ചു. ഹള്‍ സിറ്റിക്കെതിരെ എഴുപത്തിരണ്ടാം മിനുട്ടിലാണ്‌ വിജയഗോള്‍ നേടിയത്‌. ക്യാപ്‌റ്റന്‍ മാര്‍ട്ടിന്‍ ഒഡെഗാര്‍ഡാണ്‌ രക്ഷകനായത്‌.

ലീഗില്‍ 10 മത്സരങ്ങളില്‍ നിന്ന്‌ 27 പോയിന്റ്‌ നേടിയ ആഴ്‌സണല്‍, അഞ്ച്‌ പോയിന്റ്‌ വ്യത്യാസത്തില്‍ ഒന്നാം സ്ഥാനത്ത്‌ തുടരുന്നു. 22 പോയിന്റുള്ള ബ്രൈറ്റണ്‍ ആന്‍ഡ്‌ ഹോവ്‌ ആല്‍ബിയനാണ്‌ സര്‍പ്രൈസ്‌ കുതിപ്പ്‌ നടത്തി രണ്ടാം സ്ഥാനത്തുള്ളത്‌. 21 പോയിന്റുമായി മാഞ്ചസ്‌റ്റര്‍ സിറ്റി മൂന്നാം സ്ഥാനത്തും 18 പോയിന്റുള്ള ലിവര്‍പൂള്‍ നാലാം സ്ഥാനത്തുമാണ്‌.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ഇന്ധനത്തിൽ എന്തെന്ന് അറിയാൻ അവകാശമില്ലേ? | Abgeoth Varghese| News Hour 8 Nov 2026

Remya R — Sun, 08 Nov 2026 21:46:11 +0530

സർവ്വം മായാമോ? ഇന്ധനത്തിൽ എന്തെന്ന് അറിയാൻ അവകാശമില്ലേ? നിരവധി ഉപഭോക്താക്കൾ പ്രതിസന്ധിയിലോ? | Abgeoth Varghese| News Hour 8 Nov 2026

ഇസ്രയേൽ രാഷ്‌ട്രീയത്തിൽ പുതിയ നീക്കങ്ങൾ; സഖ്യ ഉപാധിയില്ലാതെ തന്നെ ഐസൻകോട്ടിനെ പിന്തുണയ്ക്കാൻ അറബ് പാർട്ടി റആം, ലക്ഷ്യം നെതന്യാഹുവിനെ പ്രധാനമന്ത്രി സ്ഥാനത്തുനിന്ന് മാറ്റുക മാത്രം

Web Desk — Sun, 08 Nov 2026 21:30:29 +0530

ഇസ്രയേലിൽ സഖ്യ ഉപാധിയില്ലാതെ തന്നെ ഐസൻകോട്ടിനെ പിന്തുണയ്ക്കാൻ അറബ് പാർട്ടിയായ റആം. സഖ്യമില്ലാതെ പുറത്ത് നിന്ന് പിന്തുണയ്ക്കാനാണ് സാധ്യത. ഇവരുടെ പിന്തുണ ലഭിച്ചാലും ഐസൻകോട്ടിന്‍റെ സഖ്യത്തിന് 56 സീറ്റുകളേ ലഭിക്കു. നെതന്യാഹുവിനെ എത്രയും വേഗം പ്രധാനമന്ത്രി സ്ഥാനത്തുനിന്ന് മാറ്റുക എന്നതാണ് റആം പാർട്ടിയുടെ പ്രധാന ലക്ഷ്യം. ഔദ്യോഗിക സഖ്യ കരാറുകൾ പൂർത്തിയാകാൻ കാത്തുനിൽക്കാതെ ഐസൻകോട്ടിന് സർക്കാർ രൂപീകരിക്കാനും പാർലമെന്റിൽ (ക്നെസെറ്റ്) ഭൂരിപക്ഷം തെളിയിക്കാനും റആം പിന്തുണ നൽകും.

നെസറ്റിൽ കേവലഭൂരിപക്ഷത്തിന് വേണ്ടത് 61 സീറ്റുകളാണ്. അറബ് പാർട്ടികളുടെ മറ്റൊരു സഖ്യമായ ജോയന്‍റ് ലിസ്റ്റ് പിന്തുണ അറിയിച്ചില്ല. ഹമാസിനെ ഭീകരസംഘടനയായി പ്രഖ്യാപിക്കണമെന്ന ഉപാധിയിൽ വിയോജിപ്പ് 8 സീറ്റുകളാണ് റആം പാർട്ടിയ്ക്കുള്ളത് ഇസ്രയേലിലെ അറബ് പൗരൻമാരെ പ്രതിനിധീകരിക്കുന്ന പാർട്ടികളിൽ മിതവാദികളാണ് റആം മൻസൂർ അബ്ബാസ് നയിക്കുന്ന ഇസ്ലാമിക പാർട്ടിയായ റ ആമിന് 8 സീറ്റുകളാണ് ഉള്ളത്. ഇസ്രയേലിലെ അറബ് പൗരൻമാരെ പ്രതിനിധീകരിക്കുന്ന പാർട്ടികളിൽ താരതമ്യേന മിതവാദികളാണ് റആം. ഇവരുടെ പിന്തുണ ലഭിച്ചാലും ഐസൻകോട്ടിന്‍റെ സഖ്യത്തിന് 56 സീറ്റുകളേ ഉണ്ടാകൂ. ഇസ്രയേലി നിയമനിർമാണ സഭയായ നെസറ്റിൽ കേവലഭൂരിപക്ഷത്തിന് വേണ്ടത് 61 സീറ്റുകളാണ്.

തിരുവനന്തപുരം ആറ്റിങ്ങലിൽ ലോഡ്ജ് സെക്യൂരിറ്റി ജീവനക്കാരന് മർദ്ദനം: കുപ്രസിദ്ധ കുറ്റവാളി ആറ്റിങ്ങൽ അയ്യപ്പൻ ഉൾപ്പെടെ അഞ്ചുപേർ പിടിയിൽ

Prajeesh Ram — Sun, 08 Nov 2026 21:28:03 +0530

തിരുവനന്തപുരം: ആറ്റിങ്ങലിൽ ലോഡ്ജ് സെക്യൂരിറ്റി ജീവനക്കാരനെ ക്രൂരമായി മർദ്ദിച്ച സംഭവത്തിൽ കുപ്രസിദ്ധ കുറ്റവാളി ആറ്റിങ്ങൽ അയ്യപ്പൻ ഉൾപ്പെടെ അഞ്ചുപേർ പോലീസിന്റെ പിടിയിലായി. തോട്ടവാരം സ്വദേശികളായ ചിമ്മിനി അനി (40), ബിനു (55), കല്ലുവാതുക്കൽ സ്വദേശി ഗോപകുമാർ (60), ശ്രീകാര്യം സ്വദേശി കൃഷ്ണപ്രസാദ് (31) എന്നിവരാണ് അയ്യപ്പന് പുറമേ അറസ്റ്റിലായ മറ്റു പ്രതികൾ.

ലോഡ്ജിലെ മുറിയിൽ എ.സിക്ക് തണുപ്പ് കുറവാണ് എന്ന് ആരോപിച്ചായിരുന്നു ഇവർ സെക്യൂരിറ്റി ജീവനക്കാരന് നേരെ അതിക്രമം നടത്തിയത്. ജീവനക്കാരനെ മർദ്ദിച്ച ശേഷം ഇയാളുടെ കൈയിലുണ്ടായിരുന്ന പണവും മറ്റു പ്രധാന രേഖകളും പ്രതികൾ സംഘം ചേർന്ന് കൈക്കലാക്കുകയും ചെയ്തു. സംഭവത്തിൽ പരാതി ലഭിച്ചതിനെ തുടർന്ന് പോലീസ് നടത്തിയ അന്വേഷണത്തിലാണ് അഞ്ചംഗ സംഘം പിടിയിലായത്.

'ഇന്ത്യ എന്നാൽ മനുഷ്യരാണ്, സ്ഥലങ്ങളല്ല'; ഒരു വർഷത്തെ ഇന്ത്യൻ ജീവിതം നൽകിയ പാഠം! മടങ്ങിപ്പോകുമ്പോൾ ഹൃദയസ്പർശിയായ വീഡിയോയുമായി സഞ്ചാരി

Web Desk — Sun, 08 Nov 2026 21:26:00 +0530

ഒരു വർഷം ഇന്ത്യയിൽ താമസിച്ചതിലൂടെ ജീവിതത്തെക്കുറിച്ചുള്ള തന്‍റെ കാഴ്ചപ്പാട് തന്നെ മാറിയെന്ന് വെളിപ്പെടുത്തി വിദേശ സഞ്ചാരിയായ ലൂക്കാസ്. ഇന്ത്യയിൽനിന്ന് മടങ്ങുന്നതിന് മുന്നോടിയായി ദില്ലി വിമാനത്താവളത്തിൽവെച്ച് ചിത്രീകരിച്ച വിഡിയോയിലാണ് ഇന്ത്യയിലെ അനുഭവങ്ങളും താൻ പഠിച്ച പാഠങ്ങളും അദ്ദേഹം പങ്കുവെച്ചത്. 'ഒരു സ്ഥലത്തിന്‍റെ ഏറ്റവും വലിയ പ്രത്യേകത അവിടുത്തെ മനുഷ്യരാണ്' എന്ന ലൂക്കാസിന്‍റെ വാക്കുകൾ സമൂഹ മാധ്യമങ്ങളിൽ വലിയ ശ്രദ്ധ നേടി.

ആദ്യകാല അസ്വസ്ഥതകൾ

ഇന്ത്യയിലെത്തിയ ആദ്യദിവസങ്ങളിൽ ഗതാഗതക്കുരുക്കും കടുത്ത ചൂടും തന്നെ ഏറെ അസ്വസ്ഥനാക്കിയിരുന്നുവെന്ന് ലൂക്കാസ് ഓർത്തെടുക്കുന്നു. എന്നാൽ സാഹചര്യങ്ങളുമായി പൊരുത്തപ്പെടാൻ അധികസമയം വേണ്ടിവന്നില്ല. ക്രമേണ ഇന്ത്യയുടെ ജീവിതരീതിയും വൈവിധ്യങ്ങളും മനസ്സിലാക്കാൻ കഴിഞ്ഞെന്നും അദ്ദേഹം കൂട്ടിച്ചേർത്തു.

View this post on Instagram

A post shared by Lukas (@viewfromlukas)

സന്തോഷവും ദേഷ്യവും സങ്കടവും ഒരേസമയം അനുഭവിക്കാവുന്ന രാജ്യമാണ് ഇന്ത്യയെന്നാണ് അദ്ദേഹത്തിന്‍റെ നിരീക്ഷണം. ചിലപ്പോൾ ഒരേ തെരുവിൽ, ഒരേ മിനിറ്റിൽ പോലും വ്യത്യസ്ത വികാരങ്ങൾ അനുഭവിക്കാനാകും. ഇന്ത്യയിലെ ജനങ്ങൾ തങ്ങളുടെ ഭക്ഷണവും വീടുകളും സംസ്കാരവും ജീവിതരീതിയും അദ്ദേഹത്തിന് പരിചയപ്പെടുത്തി. ഈ അനുഭവങ്ങളാണ് തനിക്ക് ഇന്ത്യയിലെ താമസത്തെ അവിസ്മരണീയമാക്കിയതെന്നും ലൂക്കാസ് കൂട്ടിച്ചേർക്കുന്നു.

സ്വന്തം താത്പര്യങ്ങൾ തന്നെ മാറി

തുടക്കത്തിൽ ഓരോ കാര്യവും കാണാൻ മനോഹരമാണോ എന്നായിരുന്നു അദ്ദേഹം ചിന്തിച്ചിരുന്നത്. എന്നാൽ, പിന്നീട് അത് മനസ്സിന് സന്തോഷം നൽകുന്നുണ്ടോ എന്നതിലേക്ക് ചിന്ത മാറി. ഇന്ത്യയിൽനിന്ന് ലഭിച്ച ഏറ്റവും വലിയ പാഠങ്ങളിലൊന്നായി ലൂക്കാസ് ഇതിനെ വിശേഷിപ്പിക്കുന്നു. ഒരു രാജ്യത്തെ ഓർത്തുവെക്കുന്നത് അവിടുത്തെ സ്ഥലങ്ങളുടെ പേരിലല്ല, പരിചയപ്പെട്ട മനുഷ്യരുടെയും അവരോടൊപ്പമുള്ള നിമിഷങ്ങളുടെയും പേരിലാണെന്ന് അദ്ദേഹം പറഞ്ഞു. ഇന്ത്യയ്ക്ക് നന്ദി അറിയിച്ച ലൂക്കാസ് വൈകാതെ വീണ്ടും സന്ദർശിക്കാനാകുമെന്ന പ്രതീക്ഷയും പങ്കുവെച്ചു.

മുഖാമുഖം കൂട്ടിയിടിച്ച് പാസഞ്ചർ ട്രെയിനുകൾ, ഈജിപ്തിൽ വൻ അപകടം, 4 പേർ കൊല്ലപ്പെട്ടു, നിരവധിപ്പേർക്ക് പരിക്ക്, കൊല്ലപ്പെട്ടവരിൽ ലോക്കോ പൈലറ്റും

Sreekutty Chandran — Sun, 08 Nov 2026 21:22:25 +0530

കെയ്റോ: ഈജിപ്തിൽ ട്രെയിനുകൾ കൂട്ടിയിടിച്ച് നാല് മരണം.തെക്കൻ കെയ്റോയ്ക്ക് സമീപം ഗിസയിൽ വച്ചുണ്ടായ അപകടത്തിൽ 88 പേർക്കാണ് പരിക്കേറ്റിട്ടുള്ളത്. രണ്ട് പാസഞ്ചർ ട്രെയിനുകൾ തമ്മിൽ കൂട്ടിയിടിച്ചാണ് അപകടമുണ്ടായത്. നാല് ബോഗികളാണ് കൂട്ടിയിടിയുടെ ആഘാതത്തിൽ പാളം തെറ്റിയത്. ഇവ തലകീഴായി മറിഞ്ഞതാണ് അപകടത്തിന്റെ തോത് വർധിപ്പിച്ചത്. 150 ലേറെ പേർക്ക് സാരമായ പരിക്കേറ്റതായാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. കഫിർ അമർ, അൽ റാഖാ സ്റ്റേഷനുകൾക്കിടയിലാണ് അപകടമുണ്ടായത്. ഗിസയിൽ നിന്ന് ഫായോമിലേക്ക് പോവുകയായിരുന്ന തഹ്യ മിർ ട്രെയിനും കെയ്റോയിൽ നിന്ന് അസ്വാനിലേക്ക് പോവുകയായിരുന്ന ട്രെയിനും തമ്മിലാണ് കൂട്ടിയിടിച്ചത്. കൊല്ലപ്പെട്ടവരിൽ ട്രെയിനിന്റെ ലോക്കോ പൈലറ്റ് ഉൾപ്പെടെയുള്ളവരുണ്ടെന്നാണ് അധികൃതർ വിശദമാക്കുന്നത്. രണ്ട് ആഴ്ച മുൻപാണ് രണ്ട് ഹൈ സ്പീഡ് ട്രെയിനുകൾ കൂട്ടിയിടിച്ച് സ്പെയിനിൽ 64 പേർ കൊല്ലപ്പെട്ടത്.

ഏഷ്യാനെറ്റ് ന്യൂസ് ലൈവ് കാണാം

വീടുകളിൽ മാത്രമല്ല, റെയില്‍വേ സ്റ്റേഷനിലും കവര്‍ച്ച, ഒരേ സംഘമെന്ന സംശയത്തില്‍ പോലീസ്

Web Desk — Sun, 08 Nov 2026 21:17:21 +0530

കോഴിക്കോട്: കൊയിലാണ്ടിയില്‍ വിവിധ പ്രദേശങ്ങളിലുണ്ടായ കവര്‍ച്ചയില്‍ പണവും സ്വര്‍ണവും മൊബൈല്‍ ഫോണും ഉള്‍പ്പെടെ നഷ്ടപ്പെട്ടു. ചേമഞ്ചേരിക്ക് സമീപം പൊയില്‍ക്കാവിലെ വീട്ടില്‍നിന്ന് പന്ത്രണ്ട് പവനും ചേമഞ്ചേരി റെയില്‍വേ സ്റ്റേഷനില്‍നിന്ന് പണവും ഫോണും മോഷണം പോയി. കഴിഞ്ഞ ദിവസം രാത്രിയാണ് വിവിധ സ്ഥലങ്ങളില്‍ മോഷണവും മോഷണ ശ്രമവും ഉണ്ടായത്.

പൊയില്‍ക്കാവില്‍ കരുണാകരനെന്നയാളുടെ വീട്ടില്‍നിന്നാണ് സ്വര്‍ണം നഷ്ടപ്പെട്ടത്. വീടിന്റെ ഇരുമ്പ് ഗ്രില്ല് തകര്‍ത്താണ് മോഷ്ടാവ് അകത്തുകയറിയത്. സമാനമായ രീതിയില്‍ സമീപ പ്രദേശമായ പൂക്കാട് പനായിലും മോഷണശ്രമം നടന്നു. വീട് കുത്തിത്തുറന്നാണ് മോഷ്ടാവ് അകത്തുകയറാന്‍ ശ്രമിക്കുന്നതിനിടെ വീട്ടുകാര്‍ ഉണര്‍ന്നതോടെയാണ് മോഷണശ്രമം പരാജയപ്പെട്ടത്. ചേമഞ്ചേരി റെയില്‍വേ സ്റ്റേഷനിലാണ് മറ്റൊരു മോഷണം നടന്നത്. റെയില്‍വേ ജീവനക്കാരന്‍, ടിക്കറ്റ് കൗണ്ടര്‍ അടച്ച് വീട്ടില്‍ പോയപ്പോഴാണ് മോഷണം നടന്നത്. കൗണ്ടറില്‍ സൂക്ഷിച്ചിരുന്ന പണവും ഔദ്യോഗിക ആവശ്യത്തിന് ഉപയോഗിച്ചിരുന്ന മൊബൈല്‍ ഫോണുമാണ് മോഷ്ടാവ് കവര്‍ന്നത്. ഇതെല്ലാം നടത്തിയത് ഒരേ സംഘമാണെന്നാണ് പൊലീസിന്റെ വിലയിരുത്തല്‍. ഫോറന്‍സിക് സംഘവും വിരലടയാള വിദഗ്ധരും സ്ഥലത്തെത്തി പരിശോധന നടത്തി.

പാലക്കാട് കൊഴിഞ്ഞാമ്പാറയിൽ യുവാവ് മർദ്ദനമേറ്റു മരിച്ച കേസ്: മൂന്നുപേർ കൂടി അറസ്റ്റിൽ

Prabeesh PP — Sun, 08 Nov 2026 21:08:23 +0530

പാലക്കാട്: കൊഴിഞ്ഞാമ്പാറയിൽ സംഘം ചേർന്നുള്ള മർദ്ദനത്തിനിടെ യുവാവ് മരിച്ച കേസിൽ മൂന്നുപേർ കൂടി അറസ്റ്റിലായി. വടകരപ്പതി പരിശക്കൽ വലിയകള്ളിയമ്പാറ സ്വദേശികളായ എസ്. സുധീഷ് (26), ജെ. ശ്രുധീഷ് (23), എസ്. ലോകേഷ് (22) എന്നിവരെയാണ് പോലീസ് അറസ്റ്റ് ചെയ്തത്.

വടകരപ്പതി സ്വദേശി ജെ. ജെയിംസ് രാജ്കുമാർ (38) മർദ്ദനമേറ്റ് മരിച്ച കേസിലാണ് ഈ നടപടി. സംഘർഷത്തിനിടെ ജെയിംസ് തന്റെ ബന്ധുവായ വടകരപ്പതി വലിയകള്ളിയമ്പാറ സ്വദേശി ജെ. ജോണി പ്രവീണിനെ (35) വെട്ടിപ്പരിക്കേൽപ്പിച്ചിരുന്നു. കഴിഞ്ഞ ഞായറാഴ്ച രാത്രി പത്തരയോടെയാണ് കേസിനാസ്പദമായ സംഭവം നടന്നത്.

ചാരന്മാരെ വേണം! പരസ്യം നൽകി അർജന്‍റീന; 24 മണിക്കൂറിനുള്ളിൽ അപേക്ഷിച്ചത് 40,000 -ത്തിലേറെ പേർ!

Web Desk — Sun, 08 Nov 2026 21:03:51 +0530

ചാരന്മാരാകാൻ താൽപര്യമുള്ളവരെ തേടി പരസ്യം നൽകി അർജന്‍റീനയുടെ രഹസ്യാന്വേഷണ ഏജൻസി. പരസ്യം പുറത്തുവന്ന് വെറും 24 മണിക്കൂറിനുള്ളിൽ 40,000 -ത്തിലേറെ അപേക്ഷകളാണ് ഏജൻസിക്ക് ലഭിച്ചതെന്ന് റിപ്പോർട്ട്. രാജ്യത്തിന്‍റെ ചരിത്രത്തിൽ ആദ്യമായാണ് പൊതുജനങ്ങളിൽനിന്ന് നേരിട്ട് രഹസ്യാന്വേഷണ ഉദ്യോഗസ്ഥരെ നിയമിക്കാൻ അപേക്ഷ ക്ഷണിക്കുന്നത്.

ചാരനാകാൻ താത്പര്യമുണ്ടോ?

അർജന്‍റീനയുടെ സ്റ്റേറ്റ് ഇന്‍റലിജൻസ് സെക്രട്ടേറിയറ്റ് (SIDE) നവംബർ മൂന്നിനാണ് പുതിയ റിക്രൂട്ട്മെന്‍റ് ക്യാംപയിൻ ആരംഭിച്ചത്. ബ്യൂണസ് അയേഴ്സ് നഗരത്തിലും സർവകലാശാലകൾക്ക് സമീപവും അമേരിക്കയിലെ പ്രശസ്തമായ അങ്കിൾ സാം റിക്രൂട്ട്മെന്‍റ് പരസ്യത്തിന്‍റെ മാതൃകയിലുള്ള പോസ്റ്ററുകൾ സ്ഥാപിച്ചു. 'മികച്ചവരെ തേടുന്നു' എന്നതായിരുന്നു പരസ്യത്തിലെ സന്ദേശം. യോഗ്യതയുള്ളവരെ കണ്ടെത്തുന്നതിനും രഹസ്യാന്വേഷണ സംവിധാനത്തെ കൂടുതൽ സുതാര്യവും പ്രൊഫഷണലുമാക്കുന്നതിനുമാണ് നീക്കമെന്ന് ഏജൻസി വ്യക്തമാക്കി.

Por primera vez en la historia, abrimos un concurso público para ingresar al Cuerpo de Inteligencia de la Nación.

Esta medida forma parte del proceso de transparencia y profesionalización del Sistema de Inteligencia Nacional, con una carrera basada en el mérito, la formación y los resultados.

https://t.co/T9T1dzpO7T

— Secretaría de Inteligencia (@SIDE_Argentina) November 3, 2026

യോഗ്യത സെക്കൻഡറി വിദ്യാഭ്യാസം

മുൻപ് രഹസ്യാന്വേഷണ മേഖലയിലോ സുരക്ഷാ വിഭാഗത്തിലോ പ്രവർത്തിച്ച പരിചയം നിർബന്ധമില്ല. അർജന്‍റീനൻ പൗരത്വവും സെക്കൻഡറി വിദ്യാഭ്യാസ യോഗ്യതയും ഉള്ളവർക്ക് അപേക്ഷിക്കാം. ബ്യൂണസ് അയേഴ്സിലേക്ക് താമസം മാറാനും തയ്യാറായിരിക്കണം. വൈദ്യപരിശോധന, ശാരീരികക്ഷമതാ പരിശോധന, മാനസിക പരിശോധന, പശ്ചാത്തല പരിശോധന എന്നിവയും തെരഞ്ഞെടുപ്പിന്‍റെ ഭാഗമാണ്.

സ്ട്രാറ്റജിക് അനാലിസിസ്, സൈബർ ഇന്‍റലിജൻസ്, സാങ്കേതികവിദ്യ, വിദേശഭാഷകൾ, പ്രാദേശിക പഠനം, ഓപ്പറേഷൻസ്, കൗണ്ടർ ഇന്‍റലിജൻസ് തുടങ്ങിയ മേഖലകളിലെ വിദഗ്ധരെയാണ് ഏജൻസി തേടുന്നത്. പ്രൊഫൈൽ പരിശോധനയ്ക്കും ഓൺലൈൻ പൊതുവിജ്ഞാന പരീക്ഷയ്ക്കും ശേഷം എഴുത്തുപരീക്ഷ, അഭിമുഖം, ശാരീരിക-മാനസിക പരിശോധനകൾ എന്നിവയുണ്ടാകും. തെരഞ്ഞെടുക്കപ്പെടുന്നവർക്ക് നാഷണൽ ഇന്‍റലിജൻസ് സ്കൂളിൽ പരിശീലനം ലഭിക്കും. എന്നാൽ, പരിശീലനം പൂർത്തിയാക്കുന്നത് നിയമനം ഉറപ്പാക്കുന്നില്ല.

അപകടസാധ്യതയുള്ള ജോലിയെന്ന്!

നവംബർ 30 വരെയാണ് അപേക്ഷ സ്വീകരിക്കുന്നത്. ഒഴിവുകളുടെ എണ്ണമോ ശമ്പളമോ ഏജൻസി വെളിപ്പെടുത്തിയിട്ടില്ല. ജോലിക്ക് നിശ്ചിത സമയമില്ലെന്നും കടുത്ത വെല്ലുവിളികളും യഥാർഥ അപകടസാധ്യതകളുമുണ്ടെന്നും ഏജൻസി മുന്നറിയിപ്പ് നൽകിയിട്ടുണ്ട്. പരസ്യത്തിലൂടെ ഉദ്യോഗാർഥികളെ തേടുന്ന രീതി രഹസ്യാന്വേഷണ ഏജൻസിക്ക് അനുയോജ്യമാണോയെന്ന വിമർശനവും ഇതിനകം ഉയർന്നു കഴിഞ്ഞു.

News Time | ന്യൂസ് ടൈം | 08 November 2026

Web Desk — Sun, 08 Nov 2026 21:00:01 +0530

Asianet News Live : https://www.youtube.com/live/x1bfKawndzs News Time | ന്യൂസ് ടൈം | 08 November 2026

അമേരിക്കയിലെ ബ്ലൂ വേവ്, അടിയൊഴുക്കുകളും പ്രത്യാഘാതങ്ങളും| Lokajalakam 08 Nov 2026

Remya R — Sun, 08 Nov 2026 20:45:41 +0530

അമേരിക്കയിലെ ബ്ലൂ വേവ്, അടിയൊഴുക്കുകളും പ്രത്യാഘാതങ്ങളും; എഐയും രാഷ്ട്രീയമാറ്റവും | Lokajalakam

വടകര മേപ്പയിൽ സ്കൂളിലെ ഷിഗെല്ല ബാധ: യു.പി ക്ലാസുകൾ നാളെ പുനരാരംഭിക്കും; എൽ.പി ക്ലാസുകൾ ബുധനാഴ്ച മുതൽ

Prabeesh PP — Sun, 08 Nov 2026 20:03:58 +0530

വടകര: മേപ്പയിൽ സ്കൂളിൽ ഷിഗെല്ല ബാധ സ്ഥിരീകരിച്ചതിനെ തുടർന്ന് അടച്ചിട്ട സ്കൂളിലെ അധ്യയനം പുനരാരംഭിക്കാൻ തീരുമാനം. ഇന്ന് ചേർന്ന ജനറൽ ബോഡി യോഗത്തിലാണ് ഇത് സംബന്ധിച്ച തീരുമാനങ്ങൾ കൈക്കൊണ്ടത്. യോഗ തീരുമാനപ്രകാരം സ്കൂളിലെ യു.പി. ക്ലാസുകൾ നാളെ പുനരാരംഭിക്കും.

എൽ.പി. ക്ലാസുകൾ ബുധനാഴ്ച മുതലായിരിക്കും പ്രവർത്തനം ആരംഭിക്കുക. സ്കൂൾ തുറക്കുന്നതിന്റെ ഭാഗമായി നാളെ വിദ്യാർത്ഥികൾക്കായി പ്രത്യേക ബോധവൽക്കരണ ക്ലാസ് സംഘടിപ്പിക്കും.ആരോഗ്യവകുപ്പിന്റെ സമഗ്രമായ പരിശോധന പൂർത്തിയായ ശേഷം മാത്രമേ സ്കൂളിൽ ഉച്ചഭക്ഷണ വിതരണം പുനരാരംഭിക്കുകയുള്ളൂ. അതുവരെ കുട്ടികൾക്കുള്ള ഭക്ഷണവും കുടിവെള്ളവും വീടുകളിൽ നിന്ന് തന്നെ കൊണ്ടുവരണമെന്ന് യോഗത്തിൽ നിർദ്ദേശം നൽകിയിട്ടുണ്ട്.

ഏകദിന ക്രിക്കറ്റില്‍ നിന്ന് വിട്ടുനില്‍ക്കാന്‍ തീരുമാനിച്ച് രജത് പട്ടിദാര്‍; ഇന്ത്യ എ ടീമില്‍ ആയുഷ് ബദോണിക്ക് അവസരം

Web Desk — Sun, 08 Nov 2026 19:58:27 +0530

ദില്ലി: പരിക്കുകളും ഫിറ്റ്‌നസ് പ്രശ്‌നങ്ങളും കാരണം ഏകദിന ഫോര്‍മാറ്റില്‍ തന്നെ പരിഗണിക്കരുതെന്ന് ബിസിസിഐയോട് അഭ്യര്‍ത്ഥിച്ച് രജത് പട്ടിദാര്‍. നിലവിലുള്ള പരിക്കുകളില്‍ നിന്ന് പൂര്‍ണമുക്തി നേടുന്നതിനായി താരം തന്റെ കളി താല്‍ക്കാലികമായി നിര്‍ത്തിവെച്ചിരിക്കുകയാണ്. ഈ തീരുമാനത്തെ തുടര്‍ന്ന് ഖത്തറില്‍ നടക്കുന്ന എസിസി മെന്‍സ് റൈസിംഗ് സ്റ്റാര്‍സ് ഏഷ്യ കപ്പിനുള്ള ഇന്ത്യ എ ടീമില്‍ നിന്നും പട്ടിദാറിനെ ഒഴിവാക്കേണ്ടി വന്നു. ഞായറാഴ്ച പുറത്തിറക്കിയ പ്രസ്താവനയിലൂടെ ബിസിസിഐ ഇക്കാര്യം സ്ഥിരീകരിച്ചത്.

രജത് പട്ടിദാറിന് പകരം യുവതാരം ആയുഷ് ബദോണിയെ 15 അംഗ ഇന്ത്യ എ ടീമില്‍ ഉള്‍പ്പെടുത്തിയിട്ടുണ്ട്. റിങ്കു സിംഗിനെ ടീമിന്റെ വൈസ് ക്യാപ്റ്റനായും നിയമിച്ചു. നവംബര്‍ 19 മുതല്‍ 29 വരെ ഖത്തറിലാണ് ടൂര്‍ണമെന്റ് നടക്കുന്നത്. തിലക് വര്‍മയാണ് ടീമിന്റെ നായകന്‍. സമീപകാലങ്ങളിലായി തുടര്‍ച്ചയായ പരിക്കുകള്‍ പട്ടിദാറിനെ അലട്ടുന്നുണ്ട്. 2025 ഒക്ടോബറിലെ ആഭ്യന്തര സീസണിലും അദ്ദേഹത്തിന് കാല്‍മുട്ടിന് പരിക്കേറ്റിരുന്നു. കൂടാതെ 2025 ലെ ഐപിഎല്‍ മത്സരത്തിനിടെ താരത്തിന്റെ വിരലിനും പരിക്കേറ്റിരുന്നു. എന്നാല്‍ നിലവില്‍ താരം ഏത് പരിക്കാണ് നേരിടുന്നതെന്നോ, തിരിച്ചുവരവിനുള്ള സമയപരിധിയോ ബിസിസിഐ വ്യക്തമാക്കിയിട്ടില്ല.

ഇന്ത്യ എ സ്‌ക്വാഡ്: തിലക് വര്‍മ്മ (ക്യാപ്റ്റന്‍), റിങ്കു സിംഗ് (വൈസ് ക്യാപ്റ്റന്‍), അഭിഷേക് ശര്‍മ, വൈഭവ് സൂര്യവംശി, പ്രഭ്‌സിമ്രാന്‍ സിംഗ് (വിക്കറ്റ് കീപ്പര്‍), കുമാര്‍ കുശാഗ്ര (വിക്കറ്റ് കീപ്പര്‍), സൂര്യാംശ് ഷെഡ്‌ജെ, ഷഹബാസ് അഹമ്മദ്, വിപ്രജ് നിഗം, ഹര്‍ഷ് ദുബെ, തനുഷ് കൊട്ടിയാന്‍, ഹര്‍ഷിത് റാണ, പ്രിന്‍സ് യാദവ്, അര്‍ഷദ് ഖാന്‍, ആയുഷ് ബദോണി.

ഗ്രൂപ്പ് ബിയിലാണ് ഇന്ത്യ എ ടീം ഇടംപിടിച്ചിരിക്കുന്നത്. പാകിസ്ഥാന്‍ എ, നേപാള്‍, യുഎഇ എന്നിവരാണ് ഗ്രൂപ്പിലെ മറ്റ് ടീമുകള്‍. നവംബര്‍ 20-ന് നേപാളിനെതിരെയാണ് ഇന്ത്യയുടെ ആദ്യ മത്സരം. തുടര്‍ന്ന് നവംബര്‍ 22ന് പാകിസ്ഥാന്‍ എ ടീമിനെയും, നവംബര്‍ 24-ന് യുഎഇയെയും ഇന്ത്യ നേരിടും. ഗ്രൂപ്പുകളില്‍ നിന്ന് ആദ്യ രണ്ട് സ്ഥാനങ്ങള്‍ നേടുന്ന ടീമുകള്‍ സെമിഫൈനലിലേക്ക് മുന്നേറും. നവംബര്‍ 29-നാണ് ഫൈനല്‍ മത്സരം നടക്കുന്നത്.

പാങ്ങപ്പാറ അഭിറാം കൊലക്കേസ്: ഉമറിനെ കൊല നടന്ന ആളൊഴിഞ്ഞ വയലിൽ എത്തിച്ച് തെളിവെടുത്തു

Web Desk — Sun, 08 Nov 2026 19:50:56 +0530

തിരുവനന്തപുരം പാങ്ങപ്പാറ അഭിറാം കൊലകേസിൽ രണ്ടാം പ്രതിയായ ഉമർ മുഫ്താറിനെ സംഭവ സ്ഥലത്തെത്തിച്ച് തെളിവെടുപ്പ് നടത്തി.കഴക്കൂട്ടം സൈബർ സിറ്റി അസിസ്റ്റന്റ് കമ്മീഷ്ണറിന്റെ നേതൃത്തിലുള്ള അന്വേഷണ സംഘം ആദ്യം ഉമറിന്റെ വീട്ടിലെത്തിച്ച് തെളിവെടുപ്പ് നടത്തിയ ശേഷമാണ് കൊല നടന്ന ആളൊഴിഞ്ഞ വയലിൽ എത്തിച്ച് തെളിവെടുപ്പ് നടത്തിയത്. മാധ്യമങ്ങളുടെ മുന്നിൽ പൊട്ടികരഞ്ഞ ഉമർ തനിക്ക് കൊലപാതകത്തിൽ പങ്കില്ലെന്നും, കൊല്ലപ്പെട്ട അഭിറാമിനെ തനിക്ക് അറിയില്ലെന്നും പറഞ്ഞു. ഉമറിനെ നാളെ വീണ്ടും കൊലപാതകം നടന്ന സ്ഥലത്തെത്തിച്ച് തെളിവെടുപ്പ് നടത്താനാണ് പൊലീസ് തീരുമാനിച്ചിരിക്കുന്നത്.

2026 നവംബർ 1-ന് സുഹൃത്തിനെ കാണാൻ പോകുന്നു എന്ന് പറഞ്ഞ് വീട്ടിൽ നിന്നിറങ്ങിയ അഭിറാമിനെ പിന്നീട് കാണാതാവുകയായിരുന്നു.നവംബർ 2-ന് പാങ്ങപ്പാറയിലെ വിജനമായ ഒരു തോട്ടത്തിൽ ചാക്കിൽ കെട്ടി വാഴയിലകൾ കൊണ്ട് മൂടിയ നിലയിൽ അഭിറാമിന്റെ മൃതദേഹം കണ്ടെത്തി. ശ്വാസം മുട്ടിച്ചാണ് കൊലപ്പെടുത്തിയതെന്ന് പോസ്റ്റ്‌മോർട്ടം റിപ്പോർട്ടിൽ വ്യക്തമായി. പ്രതികൾ യഥാർത്ഥത്തിൽ ലക്ഷ്യമിട്ടത് അഭിറാമിനെ ആയിരുന്നില്ല, മറിച്ച് അഭിറാമിന്റെ മറ്റൊരു സുഹൃത്തിനെയായിരുന്നു.

കേസിലെ ഒന്നാം പ്രതിയായ പതിനേഴുകാരന്റെ മുൻ കാമുകിയുമായി അഭിറാമിന്റെ സുഹൃത്ത് അടുത്തതാണ് പ്രതിയെ പ്രകോപിപ്പിച്ചത്. കൂടാതെ ഈ പെൺകുട്ടിയുടെ ചില ചിത്രങ്ങൾ സോഷ്യൽ മീഡിയയിൽ പ്രചരിച്ചതുമായി ബന്ധപ്പെട്ട തർക്കങ്ങളും ഇതിന് കാരണമായതായി സുഹൃത്തുക്കൾ മൊഴി നൽകിയിട്ടുണ്ട്.

വാണിജ്യവൽക്കരണവും വർഗീയവൽക്കരണവും കേരളത്തിന്റെ ഉന്നത വിദ്യാഭ്യാസ മേഖലയിൽ നടപ്പാക്കാൻ ശ്രമിക്കുന്നുവെന്ന് ആർ.ബിന്ദു

Elsa TJ — Sun, 08 Nov 2026 19:41:47 +0530

തിരുവനന്തപുരം: കേന്ദ്രസർക്കാർ ലക്ഷ്യം വെക്കുന്ന വാണിജ്യവൽക്കരണവും വർഗീയവൽക്കരണവും കേരളത്തിന്റെ ഉന്നത വിദ്യാഭ്യാസ മേഖലയിൽ നടപ്പാക്കാൻ ശ്രമിക്കുന്നുവെന്ന് മുൻ ഉന്നത വിദ്യാഭ്യാസ മന്ത്രി ആർ.ബിന്ദു. ഉന്നത വിദ്യാഭ്യാസ മേഖലയിൽ വലിയ തോതിൽ കച്ചവടത്തിനുള്ള സാധ്യതയുണ്ടെന്ന് ഉത്തരവിറങ്ങി. സ്വകാര്യമേഖലയിൽ സർക്കാരിന്റെ അനുമതി കൂടാതെ നിർലോഭം കോഴ്സുകൾ തുടങ്ങാൻ അനുവാദം നൽകുന്നതാണ് ഈ ഓർഡർ. ഭാവിയിൽ സാധാരണക്കാരായ കുട്ടികൾക്ക് പ്രാപ്യമല്ലാത്ത ഫീസ് അടിച്ചേൽപ്പിക്കുന്നതാവും ഇപ്പോഴത്തെ ഉത്തരവ്.ബിജെപി ആർഎസ്എസ് കേന്ദ്രസർക്കാർ നടപ്പാക്കുന്ന വിദ്യാഭ്യാസ നയം കേരളത്തിൽ നടപ്പാക്കുന്നു എന്നാണ് ഇപ്പോഴത്തെ ഉന്നത വിദ്യാഭ്യാസ മന്ത്രി ആരോപിക്കുന്നത്. സർക്കാർ നീക്കം അപലപനീയമാണെന്നും സ്വാശ്രയ വിദ്യാഭ്യാസ ലോബി ഉന്നത വിദ്യാഭ്യാസ മന്ത്രിയെ കണ്ടുവെന്നുമാണ് മുൻ ഉന്നത വിദ്യാഭ്യാസ മന്ത്രിയുടെ ആരോപണം. പുതിയ ഉത്തരവ് സർക്കാരിന്റെ നിലപാടുകൾക്ക് വിരുദ്ധമാണ്. നയ വ്യതിയാനം വരിക എന്നുള്ളത് ഒട്ടും ഭൂഷണമല്ലെന്നും ആർ ബിന്ദു വിശദമാക്കി.

എയ്ഡഡ് - സ്വാശ്രയ സ്വയംഭരണ കോളേജുകളിൽ പുതിയ സ്വാശ്രയ കോഴ്‌സുകൾ ആരംഭിക്കുന്നതിനും സീറ്റ് വർദ്ധിപ്പിക്കുന്നതിനും സർക്കാരിന്റെ മുൻകൂർ അനുമതി ഒഴിവാക്കിയ നടപടി ഉന്നതവിദ്യാഭ്യാസ മേഖലയിൽ സമഗ്രമായ മാറ്റം ലക്ഷ്യമിട്ടാണെന്നായിരുന്നു ഉന്നതവിദ്യാഭ്യാസ മന്ത്രി റോജി എം ജോൺ വിശദമാക്കിയത്. 2014 ലും 2021 ലും നിയമസഭ പാസാക്കിയ യൂണിവേഴ്‌സിറ്റി ആക്ടുകളിലെ എൻ ഒ സി സംബന്ധിച്ച വ്യവസ്ഥ ഭേദഗതി ചെയ്യാനാണ് സർക്കാർ തീരുമാനമെന്നും റോജി എം ജോൺ വ്യക്തമാക്കിയിരുന്നു.

ഏഷ്യാനെറ്റ് ന്യൂസ് ലൈവ് കാണാം

ലിയാന്‍ഡ്രോ പരേഡസിന്റെ അപ്പീല്‍ ഫിഫ തള്ളി; മൊളീനയുടെ കാര്യത്തില്‍ അര്‍ജന്റീനയ്ക്ക് ആശ്വാസം

Web Desk — Sun, 08 Nov 2026 19:40:50 +0530

സൂറിച്ച്: ലോകകപ്പ് ഫൈനലിലെ തോല്‍വിക്ക് പിന്നാലെ സ്പാനിഷ് താരങ്ങളുമായി കയ്യേറ്റത്തിലേര്‍പ്പെട്ടതിന് വിലക്ക് നരിടുന്ന അര്‍ജന്റൈന്‍ താരം ലിയാന്‍ഡ്രോ പരേഡസിന്റെ അപ്പീല്‍ ഫിഫ തള്ളി. ഇതേസമയം നെഹ്വേല്‍ മൊളീനയുടെ വിലക്ക് ഏഴ് മത്സരങ്ങളില്‍ നിന്ന് നാലായി കുറച്ചു. മൊളീനയുടെ 90,000 ഡോളറിന്റെ പിഴ 60,000 ഡോളറായി കുറച്ചിട്ടുമുണ്ട്. പരേഡസിന്റെ പത്ത് കളിയിലെ വിലക്കും 90,000 ഡോളര്‍ പിഴയു കുറയ്ക്കാനാവില്ലെന്ന് ഫിഫ വ്യക്തമാക്കി. അര്‍ജന്റൈന്‍ ഫുട്‌ബോള്‍ അസോസിയേഷന് ചുമത്തിയ 3.21 ലക്ഷം ഡോളറിന്റെ പിഴയിലും ഇളവില്ല.

ഇതോടെ ഫിഫ നടപടിക്കെതിരെ കായിക തര്‍ക്ക പരിഹാര കോടതിയെ സമീപിക്കുമെന്ന് അര്‍ജന്റൈന്‍ ഫുട്‌ബോള്‍ അസോസിയേഷന്‍ വ്യക്തമാക്കി. ജൂലൈ 19ന് നടന്ന ഫൈനലില്‍ ഒരുഗോളിന് തോറ്റശേഷമാണ് മൊളിനയും പരേഡസും സ്പാനിഷ് താരങ്ങളുമായി ഏറ്റുമുട്ടിയത്. വിജയാഘോഷത്തിനിടെ മൊളീന സ്പാനിഷ് ക്യാപ്റ്റന്‍ റോഡ്രിയെ ഇടിച്ചതോടെയാണ് സംഭവങ്ങളുടെ തുടക്കം. സ്പാനിഷ് താരങ്ങള്‍ ചോദ്യം ചെയ്തതോടെ കൂട്ടത്തല്ലായി മാറി. കോച്ച് സ്‌കലോണി താരങ്ങളെ മയപ്പെടുത്താന്‍ ശ്രമിച്ചെങ്കിലും ഫലമുണ്ടായില്ല.

ലോകകപ്പിന് ശേഷം സംഭവുമായി ബന്ധപ്പെട്ട് പ്രതികരണം നടത്തിയിരുന്നു പരേഡസ്. വിവാദ സംഭവങ്ങള്‍ പരാമര്‍ശിക്കാതെയാണ് പരേഡസ് പ്രതികരിച്ചത്. അര്‍ജന്റീന അര്‍ഹിച്ച സന്തോഷം നല്‍കാന്‍ കഴിയാത്തതില്‍ നിരാശയുണ്ട്. ദേശീയ ടീമിനായി അവസാന നിമിഷം വരെ പൊരുതി. ചരിത്രത്തിലെ ഏറ്റവും മികച്ച അര്‍ജന്റൈന്‍ ടീമിന്റെ ഭാഗമായതില്‍ അഭിമാനമുണ്ടെന്നും പരേഡസ് ഇന്‍സ്റ്റഗ്രാമില്‍ കുറിച്ചു.

സ്പാനിഷ് താരങ്ങളെ കൈയേറ്റം ചെയ്ത സംഭവത്തെക്കുറിച്ച് മൗനംപാലിച്ച പരേഡസ് ക്ഷമാപണം നടത്താനും തയ്യാറായില്ല. അര്‍ജന്റൈന്‍ താരങ്ങള്‍ക്കെതിരെ ഫിഫ അന്വേഷണം പ്രഖ്യാപിച്ചതിന് പിന്നാലെ ആയിരുന്നു പേരേഡസിന്റെ പ്രതികരണം.

ജോര്‍ജ് ജീസസിന് കീഴില്‍ വിടവാങ്ങല്‍ മത്സരം കളിക്കാന്‍ ക്രിസ്റ്റ്യാനോയ്ക്ക് താല്‍പര്യമില്ല; പോര്‍ച്ചുഗല്‍ പ്രതിസന്ധിയില്‍

Web Desk — Sun, 08 Nov 2026 19:20:44 +0530

ലിസ്ബണ്‍: ക്രിസ്റ്റ്യാനോ റൊണാള്‍ഡോയ്ക്ക് വിടവാങ്ങല്‍ മത്സരം നടത്താനുള്ള പോര്‍ച്ചുഗല്‍ ഫുട്‌ബോള്‍ ഫെഡറേഷന്റ ശ്രമങ്ങള്‍ക്ക് തിരിച്ചടി. വിരമിച്ചതിന് ശേഷം വീണ്ടും പോര്‍ച്ചുഗല്‍ ജഴ്‌സി അണിയാന്‍ താല്‍പര്യമില്ലെന്നാണ് റൊണാള്‍ഡോയുടെ നിലപാട്. ക്രിസ്റ്റ്യാനോ റൊണാള്‍ഡോ നാല്‍പ്പത്തിയൊന്നാം വയസ്സില്‍ അന്താരാഷ്ട്ര ഫുട്‌ബോളിനോട് വിട പറഞ്ഞത് വ്യാഴാഴ്ച്ചയാണ്. അടുത്തയാഴ്ചത്തെ യുവേഫ നേഷന്‍സ് ലീഗില്‍ റൊണാള്‍ഡോയെ പോര്‍ച്ചുഗല്‍ ജഴ്‌സിയില്‍ കാണാമെന്ന് ആരാധകരും പോര്‍ച്ചുഗല്‍ ഫുട്‌ബോള്‍ ഫെഡറേഷനും പ്രതീക്ഷിച്ചിരിക്കേ ആയിരുന്നു വിരമിക്കല്‍ പ്രഖ്യാപനം.

ഇതിന് പിന്നാലെയാണ് അര്‍ജന്റൈന്‍ ഫുട്‌ബോള്‍ അസോസിയേഷന്‍ ലിയോണല്‍ മെസ്സിക്ക് നല്‍കിയതുപോലെ റൊണാള്‍ഡോയ്ക്ക് സ്വന്തം നാട്ടുകാര്‍ക്ക് മുന്നില്‍ വിടവാങ്ങല്‍ മത്സരം നടത്താന്‍ പോര്‍ച്ചുഗല്‍ ഫുട്‌ബോള്‍ ഫെഡറേഷന്‍ തീരുമാനിച്ചത്. എന്നാല്‍ തന്റെ വിരമിക്കലിന് കാരണക്കാരനായ ജോര്‍ജ് ജീസസ് പരിശീലിപ്പിക്കുന്ന ദേശീയ ടീമില്‍ കളിക്കില്ലെന്നാണ് റൊണാള്‍ഡോയുടെ ഉറച്ച തീരുമാനമെന്ന് പോര്‍ച്ചുഗലിലെ മാധ്യമങ്ങള്‍ റിപ്പോര്‍ട്ടു ചെയ്യുന്നു. ഇതോടെ റൊണാള്‍ഡോയുടെ വിടവാങ്ങല്‍ മത്സരം എന്ന ഫുട്‌ബോള്‍ ഫെഡറേഷന്റെ മോഹം പ്രതിസന്ധിയിലായി.

നേഷന്‍സ് ലീഗില്‍ വെയ്ല്‍സിനെതിരായ മത്സരത്തിനിടെയാണ് റോണോയും കോച്ച് ജീസസും തെറ്റുന്നത്. പോര്‍ച്ചുഗല്‍ നായകനെ വാംഅപ്പ് ചെയ്യിച്ചെങ്കിലും കോച്ച് കളത്തിലിറക്കിയില്ല. ഡെന്‍മാര്‍ക്കിനെതിരായ മത്സരത്തിലും റോണോയെ കളിപ്പിക്കില്ലെന്ന് ജീസസ് വ്യക്തമാക്കി. കോച്ചിന്റെ തീരുമാനത്തില്‍ അതൃപ്തനായ റൊണാള്‍ഡോ ടീ വിട്ടുപോയി. അനുവാദമില്ലാതെ ടീം വിട്ടതോടെ റൊണാള്‍ഡോയ്ക്ക് ഫുട്‌ബോള്‍ ഫെഡറേഷന്‍ 30 ദിവസത്തെ വിലക്കേര്‍പ്പെടുത്തി. വിലക്ക് കഴിഞ്ഞതോടെ ഈമാസത്തെ മത്സരങ്ങള്‍ക്കുളള ടീമില്‍ കോച്ച് റൊണാള്‍ഡോയുടെ ഉള്‍പ്പെടുത്തിയിരുന്നു.

ജീസസിന് കീഴില്‍ കളിക്കാന്‍ താല്‍പര്യമില്ലാത്തതിനാല്‍ ടീം പ്രഖ്യാപിക്കും മുന്‍പ് കോച്ചിന് സൂചനപോലും നല്‍കാതെ ആയിരുന്നു റൊണാള്‍ഡോയുടെ വിരമിക്കല്‍ പ്രഖ്യാപനം. പ്രശ്‌നം പരിഹരിക്കാന്‍ ഫെഡറേഷന്‍ പ്രസിഡന്റ് പെഡ്രോ പ്രോയന്‍സ ശ്രമിച്ചെങ്കിലും കോച്ചുമായി സംസാരിക്കാന്‍ റൊണാള്‍ഡോ വിസമ്മതിച്ചു. ഇതിഹാസതാരം കടുത്ത നിലപാടിലാണെങ്കിലും വിടവാങ്ങല്‍ മത്സരം നടത്തണമെന്ന് തന്നെയാണ് പോര്‍ച്ചുഗല്‍ ഫുട്‌ബോള്‍ ഫെഡറേഷന്റെ തീരുമാനം. മറ്റൊരു പരിശീലകന് കീഴില്‍ വിടവാങ്ങല്‍ മത്സരം സംഘടിപ്പിക്കാന്‍ കഴിയുമോയെന്നാണ് ആലോചന.

റൊണാള്‍ഡോയുമായി നല്ല ബന്ധമുള്ള മുന്‍കോച്ച് ലൂയി ഫിലിപ് സ്‌കൊളാരിയെ ഒറ്റമത്സരത്തിനായി കൊണ്ടുവരാന്‍ ശ്രമം നടക്കുന്നുണ്ടെന്നാണ് റിപ്പോര്‍ട്ടുകള്‍. താന്‍ മുഖ്യ പരിശീലകനായിരിക്കേ സ്‌കൊളാരിയെ നിയമിക്കുന്നതിനോട് ജോര്‍ജ് ജീസസ് എങ്ങനെ പ്രതികരിക്കുമെന്നതും നിര്‍ണായകം.

ഉപാധി ഇല്ലാതെ അംഗീകരിക്കുന്നു, ഐസൻകോട്ടിനെ പുറത്ത് നിന്ന് പിന്തുണക്കാൻ തീരുമാനിച്ച് അറബ് പാർട്ടിയായ റആം; ഇനി നിർണായകം 'ജോയിന്റ് ലിസ്റ്റ്' തീരുമാനം

Vishnu KV — Sun, 08 Nov 2026 19:12:40 +0530

ടെൽ അവീവ്: ഇസ്രയേൽ രാഷ്ട്രീയത്തിൽ നിർണായക നീക്കവുമായി രാജ്യത്തെ പ്രമുഖ അറബ് പാർട്ടിയായ 'റആം' (Ra'am). പ്രത്യേക സഖ്യ ഉപാധികളൊന്നും മുൻപോട്ടുവെക്കാതെ തന്നെ നിലവിലെ പ്രതിപക്ഷ നേതാവ് ഗാദി ഐസൻകോട്ടിനെ സർക്കാർ രൂപീകരിക്കാൻ പുറത്തുനിന്ന് പിന്തുണയ്ക്കാൻ റആം പാർട്ടി തീരുമാനിച്ചു. ഇസ്രയേലിലെ അറബ് പൗരന്മാരെ പ്രതിനിധീകരിക്കുന്ന പാർട്ടികളിൽ മിതവാദ നിലപാടുള്ള റആമിന് നിലവിൽ നെസറ്റിൽ (ഇസ്രയേൽ പാർലമെന്റ്) 8 സീറ്റുകളാണുള്ളത്. അറബ് പാർട്ടികളുടെ മറ്റൊരു സഖ്യമായ 'ജോയിന്റ് ലിസ്റ്റ്' ഐസൻകോട്ടിന് ഇതുവരെയും പിന്തുണ പ്രഖ്യാപിച്ചിട്ടില്ല. ഹമാസിനെ ഭീകരസംഘടനയായി പരസ്യമായി പ്രഖ്യാപിക്കണമെന്ന ഐസൻകോട്ടിന്റെ ഉപാധിയോട് ജോയിന്റ് ലിസ്റ്റിന് വിയോജിപ്പുള്ളതാണ് ഇതിന് കാരണം. 120 അംഗങ്ങളുള്ള ഇസ്രയേൽ നെസറ്റിൽ കേവലഭൂരിപക്ഷത്തിന് 61 സീറ്റുകളാണ് വേണ്ടത്. റആം പാർട്ടിയുടെ 8 സീറ്റുകളുടെ പിന്തുണ ലഭിച്ചാലും ഐസൻകോട്ടിന്റെ പ്രതിപക്ഷ സഖ്യത്തിന് 56 സീറ്റുകൾ മാത്രമേ തികയ്ക്കാനാകൂ എന്നതിനാൽ ഇസ്രയേലിൽ സർക്കാർ രൂപീകരണ ചർച്ചകൾ ഇനിയും നീളാനാണ് സാധ്യത.

ഐസൻകോട്ടിന്‍റെ 4 ഉപാധികൾ

ഇസ്രയേലിൽ അറബ് പാർട്ടികൾക്ക് മുന്നിൽ സഖ്യരൂപീകരണത്തിന് ഇന്നലെയാണ് 4 ഉപാധികൾ മുന്നോട്ട് വച്ച് യാഷർ പാർട്ടി നേതാവ് ഗാദി ഐസൻകോട്ട് രംഗത്തെത്തിയത്. ജൂത - വലതുപക്ഷ പാർട്ടിയായ ഐസൻകോട്ടിന്‍റെ യാഷറിനെ അറബ് പാർട്ടികളുടെ സഖ്യമായ ജോയന്‍റ് ലിസ്റ്റ് പിന്തുണച്ചേക്കുമെന്ന സൂചനകൾക്കിടെയായിരുന്നു സഖ്യ രൂപീകരണ ഉപാധികൾ പ്രഖ്യാപിച്ചത്. ഹമാസിനെ തീവ്രവാദ സംഘടനയെന്ന് അംഗീകരിക്കണമെന്നതും, ഹമാസ് നിരായുധീകരണത്തെ പിന്തുണയ്ക്കണമെന്നതുമാണ് ഐസൻകോട്ടിന്‍റെ പ്രധാന ഉപാധി. ഇസ്രയേലിനെ ജൂത - ജനാധിപത്യ രാജ്യമായി അംഗീകരിക്കുക, എല്ലാ പൗരൻമാർക്കും സൈനിക - സിവിലിയൻ സർവീസ് നിർബന്ധമാക്കുന്നത് അംഗീകരിക്കുക എന്നിവയാണ് മറ്റ് ഉപാധികൾ. ഇസ്രയേലിലെ അറബ് വംശജരെ പ്രതിനിധീകരിക്കുന്ന, ഇടത് - പലസ്തീൻ ആഭിമുഖ്യമുള്ള പാർട്ടികളുടെ പിന്തുണ ഒരു ഉപാധിയുമില്ലാതെ സ്വീകരിച്ചാൽ അത് യാഷർ പാർട്ടിയുടെ യാഥാസ്ഥിതിക ജൂത വോട്ട് ബാങ്കിൽ ഉലച്ചിലുണ്ടാക്കുമെന്ന വിലയിരുത്തലിലാണ് ഐസൻകോട്ടിന്‍റെ നീക്കം. റാആമിന് പിന്നാലെ ജോയന്‍റ് ലിസ്റ്റ് കൂടി പിന്തുണ പ്രഖ്യാപിച്ചാൽ നാളെ തന്നെ ഐസൻകോട്ടിന് സർക്കാർ രൂപീകരണത്തിലേക്ക് കടക്കാനാകും. പക്ഷേ അക്കാര്യം കണ്ടറിയേണ്ടിവരും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അമേരിക്കയിലെ ബ്ലൂ വേവ്, അടിയൊഴുക്കുകളും പ്രത്യാഘാതങ്ങളും| Lokajalakam 08 Nov 2026

Web Desk — Sun, 08 Nov 2026 19:05:51 +0530

അമേരിക്കയിലെ ബ്ലൂ വേവ്, അടിയൊഴുക്കുകളും പ്രത്യാഘാതങ്ങളും| Lokajalakam 08 Nov 2026

ആര്യ രാജേന്ദ്രൻ തിരുവനന്തപുരം വിടുന്നു| Munshi 8 Nov 2026

Web Desk — Sun, 08 Nov 2026 19:04:32 +0530

ആര്യ രാജേന്ദ്രൻ തിരുവനന്തപുരം വിടുന്നു| Munshi 8 Nov 2026

ഒരൊറ്റ മേശയിൽ മൂന്ന് വൻശക്തികൾ; ഷെൻഷൻ എപെക് ഉച്ചകോടിയിൽ ട്രംപും ഷിയും പുടിനും കൂടിക്കാഴ്ചയ്ക്ക്

Web Desk — Sun, 08 Nov 2026 19:02:45 +0530

ലോക രാഷ്ട്രീയ ചരിത്രത്തിൽ ഇന്നുവരെ കാണാത്ത ഒരു വൻ നയതന്ത്ര നീക്കത്തിനാണോ ആഗോള വേദി ഒരുങ്ങുന്നത്? അമേരിക്കൻ പ്രസിഡൻ്റ് ഡൊണാൾഡ് ട്രംപ്, ചൈനീസ് പ്രസിഡൻ്റ് ഷി ജിൻപിങ്, റഷ്യൻ പ്രസിഡൻ്റ് വ്‌ളാഡിമിർ പുടിൻ—ലോകത്തെ നിയന്ത്രിക്കുന്ന മൂന്ന് വൻശക്തി നേതാക്കൾ ഒരൊറ്റ മേശയ്ക്ക് ചുറ്റുമിരുന്ന് ചർച്ച നടത്തിയാൽ എങ്ങനെയുണ്ടാകും?

ഹംസ സഹൂറിന് സെഞ്ചുറി; അണ്ടര്‍ 19 ഏഷ്യ കപ്പില്‍ ഇന്ത്യക്കെതിരെ പാകിസ്ഥാന് മൂന്ന് വിക്കറ്റ് ജയം

Web Desk — Sun, 08 Nov 2026 19:00:32 +0530

അല്‍ അമീറാത്ത്: അണ്ടര്‍ 19 ഏഷ്യ കപ്പിലെ ഗ്രൂപ്പ് എ പോരാട്ടത്തില്‍ ഇന്ത്യക്കെതിരെ പാകിസ്ഥാന് മൂന്ന് വിക്കറ്റിന്റെ ആവേശകരമായ വിജയം. ഇന്ത്യ ഉയര്‍ത്തിയ 209 റണ്‍സ് വിജയലക്ഷ്യം പിന്തുടര്‍ന്ന പാകിസ്ഥാന്‍ 48.1 ഓവറില്‍ ഏഴ് വിക്കറ്റ് നഷ്ടത്തില്‍ ലക്ഷ്യം മറികടക്കുകയായിരുന്നു. ഏഴാമനായി ഇറങ്ങി സെഞ്ചുറി നേടിയ വിക്കറ്റ് കീപ്പര്‍ ബാറ്റര്‍ ഹംസ സഹൂറിന്റെ (108 പന്തില്‍ പുറത്താവാതെ 100) മികവിലാണ് പാകിസ്ഥാന്‍ ത്രില്ലര്‍ ജയം സന്തമാക്കിയത്. ഇന്ത്യക്ക് വേണ്ടി മനല്‍ ചൗഹാന്‍ മൂന്ന് വിക്കറ്റ് വീഴ്ത്തി. നേരത്തെ ടോസ് നേടി ബാറ്റിംഗിനെത്തിയ ഇന്ത്യ അര്‍ജുന്‍ രജ്പുതിന്റെ (85 പന്തില്‍ 107) സെഞ്ചുറി കരുത്തിലാണ് മാന്യമായ സ്‌കോറിലെത്തിയത്.

മറുപടി ബാറ്റിംഗില്‍ ഒരു ഘട്ടത്തില്‍ 61 റണ്‍സിന് 5 വിക്കറ്റ് എന്ന നിലയില്‍ പതറിയ പാകിസ്ഥാനെ ഹംസ സറൂറിന്റെ പോരാട്ടവീര്യമാണ് മത്സരത്തിലേക്ക് തിരികെ എത്തിച്ചതും വിജയത്തിലെത്തിച്ചതും. ഹസ്‌നൈന്‍ അബ്ബാസ് ദര്‍ (38), സഹൂറിന് വലിയ പിന്തുണ നല്‍കി. ഇരുവരും നേടിയ 107 റണ്‍സാണ് മത്സരത്തില്‍ നിര്‍ണായകമായത്. അബ്ദുള്‍ ഖാദിര്‍ (20), ഉസ്മാന്‍ ഖാന്‍ (16) എന്നിവരാണ് പാക് നിരയില്‍ രണ്ടക്കം കണ്ട മറ്റുതാരങ്ങള്‍.

നേരത്തെ ടോസ് നേടി ബാറ്റിംഗ് തിരഞ്ഞെടുത്ത ഇന്ത്യയ്ക്ക് തുടക്കം പിഴച്ചിരുന്നു. സ്‌കോര്‍ ബോര്‍ഡില്‍ 42 റണ്‍സ് മാത്രമുള്ളപ്പോള്‍ ക്യാപ്റ്റന്‍ ലക്ഷ്യ റായ്ചന്ദ്‌നി (0), ആര്യവീര്‍ സെവാഗ് (22), വി കെ വിനീത് (8), യാഷ്ബര്‍ദ്ധന്‍ ചൗഹാന്‍ (1) എന്നീ നാല് മുന്‍നിര ബാറ്റര്‍മാരെ ഇന്ത്യയ്ക്ക് നഷ്ടമായി. എന്നാല്‍ തകര്‍ച്ചയില്‍ നിന്ന് ടീമിനെ കരകയറ്റിയ അര്‍ജുന്‍ രാജ്പുത് 85 പന്തില്‍ 11 ഫോറുകളും 5 സിക്‌സറുകളും അടക്കം 107 റണ്‍സ് നേടി മികച്ച പ്രതിരോധം തീര്‍ത്തു. അന്‍വയ് ദ്രാവിഡ് (10), മനല്‍ ചൗഹാന്‍ (11), യഷ്‌വീര്‍ ഗൗദ് (4) എന്നിവര്‍ നിരാശപ്പെടുത്തിയത് ഇന്ത്യക്ക് തിരിച്ചടിയായി.

അവസാന ഓവറുകളില്‍ കാവ്യ പട്ടേല്‍ (23) നടത്തിയ പോരാട്ടാണ് ഇന്ത്യയുടെ സ്‌കോര്‍ 200 കടത്തിയത്. മോഹിത് ഉല്‍വയാണ് (7) പുറത്തായ മറ്റൊരു താരം. ഇഷാന്‍ സൂദും (2) പുറത്താവാതെ നിന്നു. പാകിസ്ഥാനായി പേസര്‍മാരായ അലി റാസ, റിസ്വാനുല്ല, സ്പിന്നര്‍ നിഖാബ് ഷഫീഖ് (3) എന്നിവര്‍ മൂന്ന് വിക്കറ്റ് വീതം വീഴ്ത്തി. മുഹമ്മദ് സയാം ഒരു വിക്കറ്റും നേടി. ചൊവ്വാഴ്ച നടക്കുന്ന അടുത്ത മത്സരത്തില്‍ ഇന്ത്യ, യുഎഇയെ നേരിടും.

News@1PM | ഒരുമണി വാർത്ത വിശദമായി | 08 Nov 2026

Web Desk — Sun, 08 Nov 2026 19:00:01 +0530

News@1PM | ഒരുമണി വാർത്ത വിശദമായി | 08 Nov 2026

ബിജെപി സംസ്ഥാന ഉപാധ്യക്ഷൻ ബി ഗോപാലകൃഷ്ണന്റെ വീട്ടിൽ സന്ദർശനം നടത്തി മമ്മൂട്ടി

Web Desk — Sun, 08 Nov 2026 18:56:59 +0530

ബിജെപി സംസ്ഥാന ഉപാധ്യക്ഷൻ ബി ഗോപാലകൃഷ്ണന്റെ വീട്ടിൽ സന്ദർശനം നടത്തി മമ്മൂട്ടി. കഴിഞ്ഞദിവസം വിവാഹിതയായ ഗോപാലകൃഷ്ണന്റെ മകൾക്ക് ആശംസകൾ അർപ്പിക്കുവാൻ ആണ് മമ്മൂട്ടിയെത്തിയത്. ഒരു മണിക്കൂറോളം വീട്ടിൽ ചേല്;അവഴിച്ചതിന് ശേഷമാണ് മമ്മൂട്ടി മടങ്ങിയത്. നിർമ്മാതാവ് ആന്റോ ജോസഫും കൂടെ ഉണ്ടായിരുന്നു. ചേറൂർ ഗാന്ധിനഗർ വസതിയിലാണ് എത്തിയത്. വിവാഹത്തിന് വരാം എന്ന് പറഞ്ഞിരുന്നു. ആലുവ പാലത്തിന്റെ വാഹന ക്യൂവിൽ പെട്ട് തിരികെ പോയിരുന്നു. നവ ദമ്പതികൾക്ക് ആശംസകൾ നൽകി കാപ്പി കുടിച്ച് ഇഷ്ടപ്പെട്ട വിഭവമായ മധുരക്കിഴങ്ങ് കഴിച്ച് മടങ്ങി.

പുസ്തകം വ്യക്തിപരമാണ്, രാഷ്ട്രീയമല്ല; ഓർമ്മക്കുറിപ്പിനെ ചൊല്ലിയുള്ള രാഷ്ട്രീയ തർക്കത്തിന് മറുപടിയുമായി സോണിയ ഗാന്ധി

Elsa TJ — Sun, 08 Nov 2026 18:41:51 +0530

ഡൽഹി: ഓർമ്മക്കുറിപ്പ് പ്രസിദ്ധീകരണത്തിൽ നിന്ന് പെൻഗ്വിൻ ബുക്സിൻ്റെ പിന്മാറ്റത്തിൽ ആദ്യമായി പ്രതികരിച്ച് സോണിയ ഗാന്ധി. സർക്കാരിനെതിരായ എഴുത്തിൽ അസ്വസ്ഥരായിരുന്ന പെൻഗ്വിൻ തിരുത്തലുകൾക്കായി നിരന്തരം സമ്മർദ്ദം ചെലുത്തിയെന്ന് ദി ഗാര്‍ഡിയനോട് സോണിയ വ്യക്തമാക്കി. അതേസമയം ബാബറി മസ്ജിദ് പൊളിക്കുന്ന ദൃശ്യങ്ങള്‍ കണ്ട് കരഞ്ഞെന്ന സോണിയയുടെ പരാമര്‍ശത്തെ, 33 വര്‍ഷം കഴിഞ്ഞുള്ള മുതലക്കണ്ണീരാണെന്ന് ബിജെപി പരിഹസിച്ചു. സോണിയ ഗാന്ധിയുടെ ഓർമ്മക്കുറിപ്പ് ബിലോങ്ങിങ്- എ ജേർണി ഓഫ് ലവ് ചൊവ്വാഴ്ച പുറത്തിറങ്ങാനിരിക്കെയാണ് പ്രസാധകരായി ആദ്യമെത്തിയ പെന്‍ഗ്വിന്‍ ബുക്സിന്‍റെ പിന്മാറ്റത്തിന്‍റെ കാരണം അവര്‍ വിശദമാക്കുന്നത്. കേന്ദ്ര സർക്കാരിനെയും പ്രധാനമന്ത്രി നരേന്ദ്ര മോദിയെയും ആർ.എസ്.എസിനെയും വിമർശിക്കുന്ന ഭാഗങ്ങളില്‍ മാറ്റം വേണമെന്ന് പെന്‍ഗ്വിന്‍ നിരന്തരം ആവശ്യപ്പെട്ടെന്നാണ് സോണിയ പറയുന്നത്. ആ നിലപാട് തന്നെ അത്ഭുതപ്പെടുത്തകയും, നിരാശപ്പെടുത്തുകയും ചെയ്തു. എന്നാൽ പെന്‍ഗ്വിന്‍റെ സമ്മര്‍ദത്തിന് വഴങ്ങിയില്ല. ഇതോടെ അവര്‍ പിന്മാറുകയായിരുന്നുവെന്ന് സോണിയ വ്യക്തമാക്കി.

പുസ്തകം പ്രസിദ്ധീകരിക്കുന്നതിൽ നിന്ന് പ്രസാധകരായ പെൻഗ്വിൻ റാൻഡം ഹൗസ് ഇന്ത്യ ഓഗസ്റ്റില്‍ പിന്മാറിയിരുന്നു. പിന്നാലെയാണ് ഹാര്‍പ്പര്‍ കോളിന്‍സ് പ്രസാധകരായെത്തിയത്. കോണ്‍ഗ്രസിലെ കുടുംബാധിപത്യം ബിജെപി ആയുധമാക്കുമ്പോള്‍ ഗാന്ധി കുടുംബം പാർട്ടി തലപ്പത്ത് തുടരുന്നത് എന്തുകൊണ്ടാണെന്ന ദി ഗാർഡിയൻ്റെ ചോദ്യത്തിൽ നിന്ന് സോണിയ ഗാന്ധി ഒഴിഞ്ഞുമാറി. അക്കാര്യം പാർട്ടിയോട് ചോദിക്കൂ എന്നായിരുന്നു സോണിയയുടെ മറുപടി. അതേസമയം 1992-ൽ ബാബറി മസ്ജിദ് തകർക്കപ്പെടുന്നത് ടെലിവിഷനിൽ കണ്ടപ്പോൾ താൻ കരഞ്ഞുെവെന്ന സോണിയ പരാമർശത്തിനെതിരെ ബിജെപി രംഗത്ത് എത്തി. സോണിയയുടെ മുതലക്കണ്ണീര്‍ ന്യൂനപക്ഷ വോട്ടിന് വേണ്ടിയാണെന്ന് ദില്ലി മന്ത്രി പര്‍വേഷ് വര്‍മ്മ ആരോപിച്ചു. അയോധ്യയിൽ ദീപോത്സവം പുതിയ റെക്കോര്‍ഡ് തീര്‍ക്കുമ്പോള്‍ കോൺഗ്രസിൻ്റെ മനസ്സിൽ ഇപ്പോഴും ബാബർ തന്നെയാണെന്ന് ബിജെപി വക്താവ് സുധാംശു ത്രിവേദിയും വിമര്‍ശിച്ചു.

ഏഷ്യാനെറ്റ് ന്യൂസ് ലൈവ് കാണാം

ഇരുസ്ഥാനാർത്ഥികൾക്കും 671 വോട്ട് വീതം! ഒടുവിൽ പെറുവിൽ മേയറിനെ തീരുമാനിച്ചത് ടോസിട്ട്!

Web Desk — Sun, 08 Nov 2026 18:29:31 +0530

തെരഞ്ഞെടുപ്പിൽ രണ്ട് സ്ഥാനാർഥികൾക്കും ഒരേ വോട്ട് ലഭിക്കുകയെന്നത് അത്യപൂർവ്വതയുള്ള ഒന്നാണ്. എന്നാൽ, ഏറ്റവും കുടുതൽ വോട്ട് രണ്ട് പേർക്ക് തുല്യമായി വന്നാൽ എന്താകും ചെയ്യുകയെന്ന് ആലോചിച്ചിട്ടുണ്ടോ? എന്നാൽ, അങ്ങനെയൊരു അവസ്ഥ തെക്കേ അമേരിക്കൻ രാജ്യമായ പെറുവിലെ ഒരു തെരഞ്ഞെടുപ്പിൽ സംഭവിച്ചു. വീണ്ടുമൊരു തെരഞ്ഞെടുപ്പ് എന്നായിരിക്കും പലരും പ്രതീക്ഷിച്ചത്. എന്നാൽ വ്യത്യസ്തമായൊരു തീരുമാനമായിരുന്നു അവിടെ നടന്നത്. 671 വോട്ടുകൾ വീതം നേടി രണ്ട് സ്ഥാനാർഥികളും സമനില പാലിച്ചതോടെ ഒടുവിൽ ടോസിട്ട് വിജയിയെ തീരുമാനിച്ചു.

രണ്ട് സ്ഥാനാർത്ഥികൾക്ക് 671 വോട്ടുകൾ വീതം!

പെറുവിലെ പുനോ മേഖലയിലുള്ള കോനിമ ജില്ലയിലാണ് സംഭവം. ഒക്ടോബർ നാലിന് നടന്ന തദ്ദേശ തെരഞ്ഞെടുപ്പിൽ സോമോസ് പെറു (Somos Perú) പാർട്ടിയുടെ റൂബൻ ക്വിസ്പെ കപഹാനയും (Rubén Quispe Capajaña), പായിസ് പരാ ടോഡോസ് (País Para Todos) പാർട്ടിയുടെ സലോമിനോ മമാനി ക്വിസ്പെയും (Salomino Mamani Quispe) 671 വോട്ടുകൾ വീതമാണ് നേടിയത്. ആകെ സാധുവായ വോട്ടുകളുടെ 27.739 ശതമാനവും ഇരുവർക്കും ലഭിച്ചെന്ന് റിപ്പോർട്ടുകൾ. വോട്ടർമാർക്ക് രണ്ട് പേരെയും അത്രയ്ക്ക് കാര്യമായിരുന്നെന്ന് പിന്നീട് സമൂഹ മാധ്യമ ഉപയോക്താക്കൾ കുറിച്ചു.

Uma moeda decidiu quem será o próximo prefeito de Conima, distrito da região de Puno, no Peru. A disputa terminou empatada e precisou ser resolvida no cara ou coroa, conforme prevê a legislação eleitoral do país.

️ Os candidatos Rubén Quispe, do partido Somos Perú, e Salomino Mamani, do País para Todos, receberam exatamente 671 votos cada na eleição municipal de 4 de outubro. Após a apuração de 100% das atas, as autoridades realizaram o sorteio nesta quarta-feira (4).

Quispe escolheu o verso da moeda de um sol e saiu vencedor. Após o resultado, afirmou que agora pretende trabalhar pela população local.

No Peru, a legislação determina que empates eleitorais sejam resolvidos por sorteio, que pode ser feito com o lançamento de uma moeda ou com o sorteio de bolinhas.

Reprodução /

— O Bairrista (@O_Bairrista) November 5, 2026

വിജയിയെ തീരുമാനിച്ചത് ടോസിട്ട്

സമനില പരിഹരിക്കാൻ നവംബർ നാലിന് ഹുവാൻകാനെയിലെ പ്രത്യേക തെരഞ്ഞെടുപ്പ് ജൂറിക്ക് (JEE) കീഴിൽ പൊതുജനങ്ങളുടെ സാന്നിധ്യത്തിൽ നറുക്കെടുപ്പ് നടത്തി. ഒരു സോൾ മൂല്യമുള്ള പെറുവിയൻ നാണയമാണ് ഇതിനായി ഉപയോഗിച്ചത്. നാണയത്തിന്‍റെ മറുവശം (സീൽ) തെരഞ്ഞെടുത്തിരുന്ന ക്വിസ്പെയ്ക്ക് അനുകൂലമായാണ് ഫലം വന്നത്. ഇതോടെ അദ്ദേഹം കോനിമയുടെ അടുത്ത മേയറായി തെരഞ്ഞെടുക്കപ്പെട്ടു. വിജയത്തിന് പിന്നാലെ, ജയിക്കണമെന്നത് തന്‍റെ ആഗ്രഹമായിരുന്നെന്നും ദൈവമാണ് തീരുമാനിച്ചതെന്നുമായിരുന്നു ക്വിസ്പെ മാധ്യമങ്ങളോട് പ്രതികരിച്ചത്.

കർണാടക മുഖ്യമന്ത്രിക്ക് നേരെ പ്രതിഷേധം; ഹാസനാംബെ ക്ഷേത്രത്തിൽ വീഡിയോ പ്രദർശിപ്പിച്ച സ്‌ക്രീനിന് നേരെ ചെരുപ്പേറ്

Gijo Jose — Sun, 08 Nov 2026 18:29:25 +0530

ഹാസൻ: കർണാടക മുഖ്യമന്ത്രിക്ക് നേരെ ഭക്തരുടെ കടുത്ത പ്രതിഷേധം. ഹാസനിൽ മുഖ്യമന്ത്രിയുടെ വീഡിയോ പ്രദർശിപ്പിച്ച വലിയ സ്‌ക്രീനിന് നേരെയാണ് ഭക്തർ ചെരുപ്പേറിഞ്ഞത്.

മുഖ്യമന്ത്രി ഹാസനാംബെ ക്ഷേത്രത്തിൽ ദർശനം നടത്തുന്നതിനിടെയായിരുന്നു നാടകീയ സംഭവങ്ങൾ അരങ്ങേറിയത്. ക്ഷേത്ര ഗർഭഗൃഹത്തിൽ വെച്ച് മുഖ്യമന്ത്രി പൂജ നടത്തുന്ന ദൃശ്യങ്ങൾ പുറത്ത് സ്ഥാപിച്ചിരുന്ന വലിയ സ്‌ക്രീനിൽ തത്സമയം പ്രദർശിപ്പിച്ചിരുന്നു.

മുഖ്യമന്ത്രിയുടെ സന്ദർശനത്തിന്റെ പേരിൽ ക്ഷേത്രത്തിൽ സാധാരണക്കാരായ ഭക്തരെ പോലീസ് തടഞ്ഞിരുന്നു. ഇതേത്തുടർന്ന് ദർശനത്തിനായി മണിക്കൂറുകളോളം വരി നിൽക്കേണ്ടി വന്നതോടെയാണ് ഭക്തർ അക്ഷമരാകുകയും പ്രതിഷേധവുമായി രംഗത്തെത്തുകയും ചെയ്തത്.

എട്ട് വർഷങ്ങൾക്ക് ശേഷം ദീപാവലി മുഹൂർത്ത വ്യാപാരം നഷ്ടത്തിൽ അവസാനിച്ചു, സെൻസെക്‌സും നിഫ്റ്റിയും ഇടിഞ്ഞു

Vishnu KV — Sun, 08 Nov 2026 18:20:17 +0530

മുംബൈ: എട്ട് വർഷത്തിനുശേഷം നഷ്ടത്തിൽ വ്യാപാരം അവസാനിപ്പിച്ച് ദിപാവലി മുഹൂർത്ത വ്യാപാര സെഷൻ. 250 പോയിന്റ് നേട്ടത്തോടെ ഒരു ഘട്ടത്തിൽ 81300 എന്ന നിലവാരത്തിലെത്തിയ സെൻസെക്സ് വ്യാപാരത്തിനൊടുവിൽ 28 പോയിന്റ് നഷ്ടത്തോടെ ക്ലോസ് ചെയ്യുകയായിരുന്നു. നിഫ്റ്റി വ്യാപാരത്തിനിടെ 25100 പോയിന്‍റ് തൊട്ടുവെങ്കിലും 43 പോയിന്റ് ഇടിഞ്ഞാണ് വ്യാപാരം അവസാനിപ്പിച്ചത്. ഫാർമ, മീഡിയ സെക്ടറുകൾ നേട്ടമുണ്ടാക്കിയപ്പോൾ ഐ ടി, ബാങ്കിംഗ്, റിയാലിറ്റി ഓഹരികൾ നഷ്ടം നേരിട്ടു. 2.20 മുതൽ 3.30 വരെയായിരുന്നു പ്രത്യേക വ്യാപാരം നടന്നത്. ഒരു മണിക്കൂർ നീളുന്ന വ്യാപാര സെഷൻ നിക്ഷേപകർക്ക് ഐശ്വര്യത്തിനായുള്ള പ്രതീകാത്മക തുടക്കമായാണ് കണക്കാക്കപ്പെടുന്നത്. 1957 ല്‍ ബോംബെ സ്‌റ്റോക്ക് എക്‌സ്‌ചേഞ്ചാണ് മുഹൂര്‍ത്ത വ്യാപാരത്തിന് തുടക്കം കുറിച്ചത്. 1992 മുതല്‍ എന്‍ എസ് ഇയും മുഹൂര്‍ത്തവ്യാപാരത്തിന്റെ ഭാഗമാണ്. നാളെ വിപണിയിൽ പതിവ് വ്യാപാരം പുനരാരംഭിക്കുമെങ്കിലും ദീപാവലി ബലിപ്രതിപാദ ആഘോഷം പ്രമാണിച്ച് മറ്റന്നാൾ സ്റ്റോക്ക് എക്സ്ചേഞ്ചുകൾക്ക് അവധിയായിരിക്കും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

രണ്ട് ദിവസം കൊണ്ട് 101 കോടി നേട്ടവുമായി സൂര്യ- ജിത്തു മാധവൻ ചിത്രം 'സീൻ'

Web Desk — Sun, 08 Nov 2026 18:06:38 +0530

സൂര്യയെ നായകനാക്കി ജിത്തു മാധവൻ സംവിധാനം ചെയ്ത തമിഴ് ചിത്രം സീൻ തിയേറ്ററുകളിൽ എത്തിയിരിക്കുകയാണ്. മികച്ച പ്രേക്ഷക പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. സൂര്യയുടെയും നസ്രിയയുടെയും നെസ്ലന്റെയും മികച്ച പ്രകടനമാണ് ചിത്രത്തിൻറെ ഏറ്റവും വലിയ പോസിറ്റിവ് എന്നാണ് പ്രേക്ഷക പ്രതികരണം. ബോക്സ് ഓഫീസ് ഇക്കാലക്ഷനിലും ചിത്രം മികച്ച മുന്നേറ്റമാണ് സൃഷ്ടിക്കുന്നത്. രണ്ട് ദിവസം കൊണ്ട് ആഗോള കളക്ഷനായി 101 കോടിയാണ് ചിത്രം സ്വന്തമാക്കിയിരിക്കുന്നത്.

സൂര്യയ്ക്കും നസ്‌ലനും നസ്രിയ നസീമിനുമൊപ്പം ആനന്ദ് രാജ്, ലാൽ, രാജ് പ്രിയൻ എന്നിവരും ചിത്രത്തിൽ പ്രധാന വേഷങ്ങളിലെത്തുന്നു. ‘രോമാഞ്ചം’, ‘ആവേശം’ എന്നീ ബ്ലോക്ക്ബസ്റ്റർ മലയാള ചിത്രങ്ങൾക്ക് ശേഷം ജിത്തു മാധവൻ സംവിധാനം ചെയ്യുന്ന ആദ്യ തമിഴ് ചിത്രമാണ് ‘സീൻ’. ഈ ചിത്രങ്ങളിലൂടെ മലയാളത്തിൽ ശ്രദ്ധ നേടിയ ജിത്തു മാധവൻ-സുഷിൻ ശ്യാം കൂട്ടുകെട്ട് വീണ്ടും ഒന്നിക്കുന്നു എന്നതും സിനിമയുടെ പ്രധാന പ്രത്യേകതയാണ്.

പൗരനെന്ന് തെറ്റിദ്ധരിപ്പിച്ച് വോട്ട് ചെയ്തു; ഇന്ത്യക്കാരനെതിരായ കേസിൽ 'എഐ വാദവും'; അഭിഭാഷകരെ രൂക്ഷമായി വിമർശിച്ച് യുഎസ് ജഡ്ജി

Web Desk — Sun, 08 Nov 2026 17:56:24 +0530

ഇന്ത്യയിൽ പൗരത്വ വിവാദം ഇനിയും കെട്ടടങ്ങിയിട്ടില്ല. തെരഞ്ഞെടുപ്പ് അട്ടിമറിക്കാൻ പലരുടെയും പൗരത്വം എടുത്ത് കളയുകയും മറ്റ് ചിലർക്ക് നൽകുകയും ചെയ്തെന്നാണ് പ്രതിപക്ഷത്തിന്‍റെ ആരോപണം. ഇന്ത്യയിൽ എസ്ഐആർ വിവാദങ്ങൾ സജീവമായ സമയത്താണ് വിചിത്രമായൊരു കേസ് യുഎസിൽ നിന്നും പുറത്ത് വന്നത്. പൗരനാണെന്ന് തെറ്റായി അവകാശപ്പെട്ട ഒരു ഇന്ത്യൻ വംശജൻ യുഎസ് തെരഞ്ഞെടുപ്പിൽ വോട്ട് ചെതെന്നായിരുന്നു ആ കേസ്. കേസിനിടെ കോടതിയിൽ നിർമിതബുദ്ധി ഉപയോഗിച്ച് തയ്യാറാക്കിയ വാദങ്ങൾ സമർപ്പിച്ച മൂന്ന് അഭിഭാഷകർക്കെതിരെ രൂക്ഷവിമർശനവുമായി അമേരിക്കൻ ഫെഡറൽ ജഡ്ജി രംഗത്തെത്തി. ഇന്ത്യൻ വംശജനായ പ്രതിയുടെ കേസിൽ സമർപ്പിച്ച ഹർജികളെയാണ് ജഡ്ജി മാർക്ക് പിറ്റ്മാൻ 'ബ്ലാറ്റന്‍റ് എഐ സ്ലോപ്പ്' (വ്യക്തമായ എഐ ചവറ്) എന്ന് വിശേഷിപ്പിച്ചത്. അഭിഭാഷകർക്കെതിരെ നടപടിയുണ്ടാകാമെന്നും അദ്ദേഹം മുന്നറിയിപ്പ് നൽകി.

വോട്ടറെന്ന് തെറ്റായി രേഖ നൽകി

70 -കാരനായ ഖൽവിന്ദർ സിങ് ഭേംഗുരയെ അമേരിക്കൻ പൗരനാണെന്ന് തെറ്റായി അവകാശപ്പെട്ട് വോട്ടർപട്ടികയിൽ പേര് ചേർക്കുകയും 2024 -ലെ ഫെഡറൽ തെരഞ്ഞെടുപ്പിൽ നിയമവിരുദ്ധമായി വോട്ട് ചെയ്യുകയും ചെയ്ത കേസിൽ ഒക്ടോബർ 27 -നാണ് കുറ്റക്കാരനായി കണ്ടെത്തിയത്. അമേരിക്കയിൽ സ്ഥിരതാമസത്തിന് നിയമപരമായ അനുമതിയുള്ളയാളാണ് അദ്ദേഹം.

A federal judge chastised attorneys representing a noncitizen convicted of voting in a federal election for using artificial intelligence in a motion to release their client from detention pending sentencing. https://t.co/oB4ZgdoFWS

— Bloomberg Law (@BLaw) November 5, 2026

ശിക്ഷാവിധിക്ക് മുമ്പ് കസ്റ്റഡിയിൽ തുടരേണ്ടതില്ലെന്ന് ആവശ്യപ്പെട്ട് അഭിഭാഷകരായ മരിയോ ഹെറേര, നിക്കോൾ നോക്സ്, വിൻസെന്‍റ് റെനെ കാരിസാലസ് എന്നിവർ കോടതിയെ സമീപിച്ചു. ശിക്ഷാനിർദേശങ്ങൾ പ്രകാരം പൂജ്യം മുതൽ ആറുമാസം വരെയാണ് തടവുശിക്ഷ ലഭിക്കാവുന്നതെന്നായിരുന്നു ഇവരുടെ വാദം. ഹർജിയുടെ ചില ഭാഗങ്ങൾ ജനറേറ്റീവ് എഐയുടെ സഹായത്തോടെ തയ്യാറാക്കിയതാണെന്നും അവർ വെളിപ്പെടുത്തിയിരുന്നു.

രൂക്ഷമായി വിമർശിച്ച് കോടതി

എന്നാൽ, നിയമവ്യവസ്ഥയെക്കുറിച്ചുള്ള അഭിഭാഷകരുടെ വ്യാഖ്യാനം തീർത്തും തെറ്റാണെന്ന് ജഡ്ജി വിമർശിച്ചു. എഐയെ ആശ്രയിച്ച് ഹർജികൾ തയ്യാറാക്കുന്നത് ഉത്തരവാദിത്വമില്ലാത്ത നിയമപ്രവർത്തനത്തിന്‍റെ ഉദാഹരണമാണെന്നും അദ്ദേഹം ചൂണ്ടിക്കാട്ടി. 'ചാറ്റ്ജിപിടി ഉപയോഗിച്ചുള്ള പ്രതിരോധം' നേരിടേണ്ടിവരുന്ന പ്രോസിക്യൂട്ടർമാരോട് സഹതാപമുണ്ടെന്നും ജഡ്ജി പറഞ്ഞു.

ആവശ്യമില്ലാത്ത ഹർജികൾ ഇനിയും സമർപ്പിച്ചാൽ പിഴ ഉൾപ്പെടെയുള്ള നടപടികൾ സ്വീകരിക്കുമെന്നും നോർത്ത് ടെക്സസിൽ അഭിഭാഷകവൃത്തി നടത്തുന്നതിന് നിയന്ത്രണം ഏർപ്പെടുത്താമെന്നും മുന്നറിയിപ്പുണ്ട്. എന്നാൽ എഐ ഉപയോഗിച്ചത് കോടതി ചട്ടങ്ങളുടെ ലംഘനമല്ലെന്നാണ് അഭിഭാഷകരുടെ നിലപാട്. ഹർജികൾ തങ്ങൾ പരിശോധിച്ച് അന്തിമമാക്കിയതാണെന്നും അവർ വിശദീകരിച്ചു. ഭേംഗുരയുടെ ശിക്ഷാവിധി 2027 ഫെബ്രുവരി 11 -നാണ് നിശ്ചയിച്ചിരിക്കുന്നത്.

നിയമലംഘനം; സൗദിയിൽ 66 റിക്രൂട്ട്‌മെന്‍റ് ഓഫീസുകളുടെ പ്രവർത്തനം നിർത്തിവെപ്പിച്ചു; ഒരു ഓഫീസിന്‍റെ ലൈസൻസ് റദ്ദാക്കി

Reshma Vijayan — Sun, 08 Nov 2026 17:42:00 +0530

റിയാദ്: റിക്രൂട്ട്‌മെന്റ് നയങ്ങളും തൊഴിലാളി സേവന വ്യവസ്ഥകളും ലംഘിച്ചതിനെ തുടർന്ന് സൗദി അറേബ്യയിൽ 66 റിക്രൂട്ട്‌മെന്റ് ഓഫീസുകളുടെ പ്രവർത്തനം ഉടനടി നിർത്തിവെപ്പിക്കുകയും മറ്റൊരു ഓഫീസിന്റെ ലൈസൻസ് റദ്ദാക്കുകയും ചെയ്തതായി മാനവവിഭവശേഷി, സാമൂഹിക വികസന മന്ത്രാലയം വ്യക്തമാക്കി. 2026-ന്റെ മൂന്നാം പാദത്തിൽ രാജ്യത്തെ വിവിധ റിക്രൂട്ട്‌മെന്റ് ഓഫീസുകളിലും കമ്പനികളിലും മന്ത്രാലയം നടത്തിയ പരിശോധനകൾക്ക് ശേഷമാണ് ഈ നിർണായക നടപടി. തൊഴിൽ മേഖലയിലെ നിയമലംഘനങ്ങൾ തടയുക, സേവനങ്ങൾ ക്രമീകരിക്കുക, ഉപഭോക്താക്കളുടെ അവകാശങ്ങൾ പൂർണ്ണമായി സംരക്ഷിക്കുക എന്നിവയാണ് ഇതിലൂടെ ലക്ഷ്യമിടുന്നത്.

റിക്രൂട്ട്‌മെന്റ്, തൊഴിലാളി സേവനങ്ങൾ എന്നിവ നൽകുന്നതിൽ വീഴ്ച വരുത്തുക, ഉപഭോക്താക്കൾക്ക് തിരികെ നൽകാനുള്ള തുക നൽകുന്നതിൽ കാലതാമസം വരുത്തുക, ലഭിച്ച പരാതികളിൽ സമയബന്ധിതമായി പരിഹാരം കാണാതിരിക്കുക തുടങ്ങിയ ഗുരുതര വീഴ്ചകൾ കണ്ടെത്തിയതിനെ തുടർന്നാണ് ആകെ 67 സ്ഥാപനങ്ങൾക്കെതിരെ നിയമനടപടി സ്വീകരിച്ചത്. റിക്രൂട്ട്‌മെന്റ് സ്ഥാപനങ്ങളുടെ പ്രവർത്തനങ്ങളിൽ തുടർന്നും ശക്തമായ നിരീക്ഷണവും പരിശോധനകളും ഉറപ്പുവരുത്തുമെന്നും, വീഴ്ച വരുത്തുന്നവർക്കെതിരെ വിട്ടുവീഴ്ചയില്ലാത്ത നിയമനടപടികൾ സ്വീകരിക്കുമെന്നും മന്ത്രാലയം അറിയിച്ചു.

അംഗീകൃത റിക്രൂട്ട്‌മെന്റ് ഓഫീസുകളുമായും കമ്പനികളുമായും മാത്രം ഇടപാടുകൾ നടത്താൻ ഔദ്യോഗിക ഡിജിറ്റൽ സംവിധതമായ 'മുസാനിദ്' പ്ലാറ്റ്‌ഫോം ഉപയോഗിക്കണമെന്ന് മന്ത്രാലയം ഉപഭോക്താക്കളോട് അഭ്യർഥിച്ചു. മുസാനിദ് വഴി സുരക്ഷിതമായി കരാറുകളിൽ ഏർപ്പെടാനും, സ്ഥാപനങ്ങളുടെ സേവനങ്ങൾ വിലയിരുത്താനും, അപേക്ഷകളുടെ നിലവിലെ സ്ഥിതി പിന്തുടരാനും സാധിക്കും. സേവനങ്ങളുമായി ബന്ധപ്പെട്ട് എന്തെങ്കിലും നിയമലംഘനങ്ങൾ ശ്രദ്ധയിൽപ്പെട്ടാൽ 920002866 എന്ന ഏകീകൃത നമ്പറിലൂടെയോ സ്മാർട്ട്‌ഫോണുകളിൽ ലഭ്യമായ 'മുസാനിദ്' ആപ്പ് വഴിയോ പൊതുജനങ്ങൾക്ക് പരാതി രജിസ്റ്റർ ചെയ്യാവുന്നതാണ്.

കുടിവെള്ള പൈപ്പ് പൊട്ടിയാൽ അതിവേഗം അറ്റകുറ്റപ്പണി, വാട്ടർ അതോറിറ്റിയിൽ സമഗ്ര അഴിച്ചുപണിക്ക് പദ്ധതി; പിജെ ജോസഫിന് അർഹമായ പദവി ഉടൻ നൽകണം: മന്ത്രി മോൻസ്

Anver Sajad — Sun, 08 Nov 2026 17:26:47 +0530

തിരുവനന്തപുരം: കേരള വാട്ടർ അതോറിറ്റിയിൽ സമഗ്രമായ അഴിച്ചുപണി നടത്താൻ ഒരുങ്ങുന്നതായി ജലവിഭവ വകുപ്പ് മന്ത്രി മോൻസ് ജോസഫ് അറിയിച്ചു. വകുപ്പിന്‍റെ പ്രവർത്തനം കൂടുതൽ ജനകീയമാക്കുന്നതിൻ്റെ ഭാഗമായി ഡിസംബർ 31 ന് മുൻപ് പുതിയ ഘടന നടപ്പിലാക്കുമെന്നും ഇതിനായി ഉദ്യോഗസ്ഥരെ പഠനത്തിന് ചുമതലപ്പെടുത്തിയതായും മന്ത്രി വ്യക്തമാക്കി. കാലപ്പഴക്കമുള്ള പൈപ്പുകൾ മാറ്റുന്നതിനൊപ്പം കുടിവെള്ള പൈപ്പുകൾ പൊട്ടുമ്പോൾ അതിവേഗം അറ്റകുറ്റപ്പണി പൂർത്തിയാക്കാനും കുടിവെള്ള വിതരണത്തിൽ പൂർണ്ണ സുതാര്യത ഉറപ്പാക്കാനുമുള്ള പദ്ധതികൾ നടപ്പിലാക്കുമെന്നും അദ്ദേഹം പറഞ്ഞു. കുടിവെള്ള ബില്ലുകളിലെ പരാതികൾ പരിഹരിക്കുന്നതിനായി ഡിസംബർ മുതൽ എല്ലാ ജില്ലകളിലും അദാലത്തുകൾ സംഘടിപ്പിക്കുമെന്നും, പത്തനംതിട്ടയിൽ നാളെ ചേരുന്ന യോഗത്തിൽ ശബരിമലയിലെ കുടിവെള്ള പ്രശ്നങ്ങൾ ചർച്ച ചെയ്ത് പരിഹരിക്കുമെന്നും മന്ത്രി കൂട്ടിച്ചേർത്തു.

യു ഡി എഫ് മദ്യനയം പ്രഖ്യാപിക്കണം

സംസ്ഥാനത്ത് താളംതെറ്റിയ ജലജീവൻ മിഷൻ പദ്ധതി പുനഃസ്ഥാപിക്കാൻ കേന്ദ്ര സർക്കാരിനോട് ആവശ്യപ്പെടുമെന്ന് മന്ത്രി വ്യക്തമാക്കി. പറമ്പിക്കുളം - ആളിയാർ കരാർ പുതുക്കേണ്ട സമയം കഴിഞ്ഞ സാഹചര്യത്തിൽ തമിഴ്‌നാടുമായി ഇരു സംസ്ഥാനങ്ങളും തമ്മിലുള്ള ചർച്ചകൾ നടത്തുമെന്നും അദ്ദേഹം അറിയിച്ചു. ഭരണപരമായ മാറ്റങ്ങൾക്കൊപ്പം മുന്നണി രാഷ്ട്രീയത്തിലെ വിഷയങ്ങളിലും മന്ത്രി തന്‍റെ നിലപാട് വ്യക്തമാക്കി. യു ഡി എഫിന്‍റെ പുതിയ മദ്യനയം ഉടൻ പ്രഖ്യാപിക്കണമെന്നും, ഘടകകക്ഷികളുടെ അഭിപ്രായം വേഗത്തിൽ തേടണമെന്ന പാർട്ടിയുടെ നിലപാട് മുന്നണിയെ അറിയിച്ചിട്ടുണ്ടെന്നും മോൻസ് ജോസഫ് പറഞ്ഞു.

പിജെ ജോസഫിന് പദവി നൽകണം

യു ഡി എഫിലെ സമുന്നതനായ നേതാവാണ് പി ജെ ജോസഫെന്നും അദ്ദേഹത്തിന് അർഹമായ പദവി നൽകാമെന്ന് മുന്നണിയിൽ നേരത്തെ തന്നെ ധാരണയായതാണെന്നും മന്ത്രി ഓർമ്മിപ്പിച്ചു. ഇത്തരത്തിലുള്ള ധാരണകൾ നടപ്പിലാക്കുന്നത് നീണ്ടുപോകുന്നത് മുന്നണിക്ക് നല്ലതല്ലെന്നും അദ്ദേഹം കൂട്ടിച്ചേർത്തു. വാട്ടർ അതോറിറ്റിയുടെ സേവനങ്ങൾ കാര്യക്ഷമമാക്കുന്നതിനൊപ്പം മുന്നണിയിലെ തർക്കങ്ങൾ വേഗത്തിൽ പരിഹരിക്കണമെന്ന നിലപാടാണ് മന്ത്രി മുൻപോട്ടു വെക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ദീപാവലിക്ക് കാർ വാങ്ങുന്നുണ്ടോ? ശ്രദ്ധിക്കേണ്ട കാര്യങ്ങൾ

Prashobh Prasannan — Sun, 08 Nov 2026 17:24:58 +0530

ദീപാവലി, ധന്തേരസ് കാലയളവിൽ പുതിയ കാർ വാങ്ങുന്നത് പലർക്കും ഏറെ പ്രത്യേകതയുള്ള കാര്യമാണ്. ഉത്സവകാലത്ത് ഉപഭോക്താക്കളെ ആകർഷിക്കുന്നതിനായി വാഹന നിർമാതാക്കളും ഡീലർമാരും ആകർഷകമായ ഓഫറുകളാണ് പ്രഖ്യാപിക്കാറുള്ളത്. ആയിരക്കണക്കിന് രൂപയുടെ വിലക്കിഴിവുകൾ, എക്സ്ചേഞ്ച് ബോണസുകൾ, കോർപ്പറേറ്റ് ഡിസ്‍കൌണ്ടുകൾ, സൗജന്യ ആക്‌സസറികൾ തുടങ്ങി നിരവധി ആനുകൂല്യങ്ങൾ ഇവയിൽ ഉൾപ്പെടും. എന്നാൽ, പരസ്യങ്ങളിൽ കാണുന്ന ഓഫറുകൾക്ക് ചില നിബന്ധനകളും വ്യവസ്ഥകളും ബാധകമായിരിക്കാം. അതിനാൽ, ദീപാവലി കാലത്ത് കാറോ ബൈക്കോ വാങ്ങാൻ പദ്ധതിയിടുന്നവർ ഷോറൂമിലെത്തുന്നതിന് മുമ്പ് ചില കാര്യങ്ങൾ ശ്രദ്ധിക്കണം. അല്ലാത്തപക്ഷം ആകർഷകമെന്ന് തോന്നുന്ന ഓഫറുകൾ അധിക ചെലവിന് കാരണമായേക്കാം.

1. കിഴിവ് കണ്ട് പഴയ സ്റ്റോക്ക് വാങ്ങരുത്

ഉത്സവകാലത്ത് പഴയ സ്റ്റോക്കുകൾ വിറ്റഴിക്കുന്നതിനായി ഡീലർമാർ വലിയ വിലക്കിഴിവുകൾ നൽകാറുണ്ട്. കഴിഞ്ഞ വർഷം നിർമിച്ച വാഹനങ്ങൾക്കും ആകർഷകമായ ഓഫറുകൾ ലഭിച്ചേക്കാം. അതിനാൽ വാഹനം ബുക്ക് ചെയ്യുന്നതിന് മുമ്പ് അതിന്റെ നിർമാണ മാസവും വർഷവും പരിശോധിക്കണം. വലിയ കിഴിവ് ലഭിക്കുന്നുവെന്ന കാരണത്താൽ മാത്രം പഴയ സ്റ്റോക്കിലുള്ള വാഹനം തിരഞ്ഞെടുക്കരുത്. പഴയതും പുതിയതുമായ സ്റ്റോക്കുകളുടെ വിലയും ഓഫറുകളും താരതമ്യം ചെയ്തശേഷം തീരുമാനമെടുക്കുന്നതാണ് ഉചിതം.

2. സൗജന്യ ആക്‌സസറികളുടെ പേരിൽ അധിക പണം നൽകേണ്ട

സീറ്റ് കവറുകൾ, ഫ്ലോർ മാറ്റുകൾ, ബോഡി കവറുകൾ, മഡ് ഫ്ലാപ്പുകൾ തുടങ്ങിയവ സൗജന്യമായി നൽകുമെന്ന് ചില ഷോറൂമുകൾ വാഗ്ദാനം ചെയ്യാറുണ്ട്. എന്നാൽ ചില സാഹചര്യങ്ങളിൽ ഇവയുടെ വില അധിക ചാർജായി ബില്ലിൽ ഉൾപ്പെടുത്തിയേക്കാം. അതിനാൽ ഏതൊക്കെ ആക്‌സസറികളാണ് സൗജന്യമായി ലഭിക്കുന്നതെന്ന് മുൻകൂട്ടി ചോദിച്ച് ഉറപ്പാക്കണം. ആവശ്യമില്ലാത്ത ആക്‌സസറികൾ ബില്ലിൽ ഉൾപ്പെടുത്തിയിട്ടുണ്ടെങ്കിൽ അവ ഒഴിവാക്കാനും ആവശ്യപ്പെടാം.

3. ഇൻഷുറൻസ് തിരഞ്ഞെടുക്കുന്നതിന് മുമ്പ് താരതമ്യം ചെയ്യുക

കാർ വാങ്ങുന്ന അതേ ഡീലർഷിപ്പിൽനിന്ന് ഇൻഷുറൻസ് എടുക്കണമെന്ന നിർബന്ധമില്ല. വിവിധ ഇൻഷുറൻസ് കമ്പനികളുടെ പ്രീമിയത്തിലും പോളിസി ആനുകൂല്യങ്ങളിലും വ്യത്യാസമുണ്ടാകാം. അതിനാൽ ഒന്നിലധികം കമ്പനികളുടെ നിരക്കുകൾ പരിശോധിച്ചശേഷം അനുയോജ്യമായ പോളിസി തിരഞ്ഞെടുക്കുക. ഇൻഷുറൻസ് എടുക്കുമ്പോൾ ഇൻഷ്വേർഡ് ഡിക്ലയേർഡ് വാല്യു (ഐഡിവി), സീറോ ഡിപ്രീസിയേഷൻ, അധിക പരിരക്ഷകൾ തുടങ്ങിയ കാര്യങ്ങളും ശ്രദ്ധിക്കണം. കുറഞ്ഞ പ്രീമിയം മാത്രം നോക്കി പോളിസി തിരഞ്ഞെടുക്കുന്നത് ഒഴിവാക്കുക.

4. എക്സ്ചേഞ്ച് ബോണസിനായി പഴയ വാഹനത്തിന്റെ വില കുറയ്ക്കരുത്

പഴയ വാഹനം കൈമാറുമ്പോൾ ലഭിക്കുന്ന എക്സ്ചേഞ്ച് ബോണസ് എല്ലാവർക്കും ഒരുപോലെ ലഭിക്കണമെന്നില്ല. വാഹനത്തിന്റെ പഴക്കം, ആവശ്യമായ രേഖകൾ തുടങ്ങിയവയെ അടിസ്ഥാനമാക്കി നിബന്ധനകൾ മാറാം. എക്സ്ചേഞ്ച് ബോണസ് ലഭിക്കുമെന്ന കാരണത്താൽ മാത്രം പഴയ വാഹനം കുറഞ്ഞ വിലയ്ക്ക് കൈമാറരുത്. ഡീലർഷിപ്പിലെ വിലയിരുത്തലിന് പുറമെ മറ്റ് ഇടങ്ങളിലും വാഹനത്തിന്റെ വിപണിമൂല്യം പരിശോധിക്കുക. ഇതിലൂടെ പഴയ വാഹനത്തിന് ന്യായമായ വില ലഭിക്കുന്നുണ്ടെന്ന് ഉറപ്പാക്കാം.

5. വാഹനം കൈപ്പറ്റുംമുമ്പ് പരിശോധന നടത്തുക

ഉത്സവകാലത്തെ തിരക്കിൽ വാഹനത്തിന്റെ ഡെലിവറി വേഗത്തിലാക്കുന്നതിനിടെ ചിലർ പരിശോധന ഒഴിവാക്കാറുണ്ട്. എന്നാൽ വാഹനം കൈപ്പറ്റുന്നതിന് മുമ്പ് പ്രീ-ഡെലിവറി ഇൻസ്പെക്ഷൻ (പിഡിഐ) നടത്തേണ്ടത് പ്രധാനമാണ്. വാഹനത്തിന്റെ ബോഡി, പെയിന്റ്, ടയറുകൾ, ലൈറ്റുകൾ, എൻജിൻ, ഓഡോമീറ്റർ എന്നിവ പരിശോധിക്കണം. കൂടാതെ വാഹനത്തിലെ ഷാസി നമ്പറും എൻജിൻ നമ്പറും ബന്ധപ്പെട്ട രേഖകളിലുള്ള വിവരങ്ങളുമായി ഒത്തുനോക്കുകയും വേണം. എന്തെങ്കിലും തകരാറുകളോ വ്യത്യാസങ്ങളോ ശ്രദ്ധയിൽപ്പെട്ടാൽ ഡെലിവറി സ്വീകരിക്കുന്നതിന് മുമ്പ് ഡീലറെ അറിയിക്കുക.

6. ഇഎംഐയും ബുക്കിങ് നിബന്ധനകളും മനസ്സിലാക്കുക

കുറഞ്ഞ ഡൗൺ പേയ്‌മെന്റോ ചെറിയ പ്രതിമാസ ഇഎംഐയോ കാണുമ്പോൾ മാത്രം വാഹനവായ്പ എടുക്കാൻ തീരുമാനിക്കരുത്. കുറഞ്ഞ ഇഎംഐ വാഗ്ദാനം ചെയ്യുന്നതിനായി വായ്പയുടെ കാലാവധി നീട്ടിയിരിക്കാം. ഇത് കാലക്രമേണ അടയ്‌ക്കേണ്ട മൊത്തം പലിശ വർധിപ്പിക്കാനും ഇടയാക്കും.

വായ്പ എടുക്കുന്നതിന് മുമ്പ് പലിശനിരക്ക്, പ്രോസസിങ് ഫീസ്, വായ്പയുടെ കാലാവധി, തിരിച്ചടയ്‌ക്കേണ്ട മൊത്തം തുക എന്നിവ വ്യക്തമായി മനസ്സിലാക്കണം. അതുപോലെ ബുക്കിങ് തുക അടയ്ക്കുന്നതിന് മുമ്പ് ബുക്കിങ് റദ്ദാക്കുന്നതിനും പണം തിരികെ ലഭിക്കുന്നതിനുമുള്ള നിബന്ധനകൾ രേഖാമൂലം വാങ്ങി സൂക്ഷിക്കണം.

ഉത്സവകാല ഓഫറുകൾ പ്രയോജനപ്പെടുത്താം; എന്നാൽ എല്ലാ നിബന്ധനകളും പരിശോധിച്ചശേഷം മാത്രം പണം ചെലവഴിക്കുക. വിലക്കിഴിവിനൊപ്പം വാഹനത്തിന്റെ നിർമാണവിവരങ്ങൾ, ഇൻഷുറൻസ്, വായ്പാ വ്യവസ്ഥകൾ, ഡെലിവറിക്ക് മുമ്പുള്ള പരിശോധന എന്നിവയ്ക്കും തുല്യപ്രാധാന്യം നൽകുന്നത് അനാവശ്യ ചെലവുകൾ ഒഴിവാക്കാൻ സഹായിക്കും.

'സ്വാശ്രയ കോഴ്‌സുകൾക്ക് എൻഒസി ഒഴിവാക്കിയത് മാറ്റങ്ങൾക്കുള്ള തുടക്കം, കാലതാമസം ഒഴിവാക്കാൻ'; പിണറായിയുടെ അടക്കം വിമർശനങ്ങൾ വസ്തുതാവിരുദ്ധമെന്നും മന്ത്രി

Anver Sajad — Sun, 08 Nov 2026 17:02:56 +0530

തിരുവനന്തപുരം: എയ്ഡഡ് - സ്വാശ്രയ സ്വയംഭരണ കോളേജുകളിൽ പുതിയ സ്വാശ്രയ കോഴ്‌സുകൾ ആരംഭിക്കുന്നതിനും സീറ്റ് വർദ്ധിപ്പിക്കുന്നതിനും സർക്കാരിന്റെ മുൻകൂർ അനുമതി (എൻ ഒ സി) ഒഴിവാക്കിയ നടപടിയെ ന്യായീകരിച്ച് ഉന്നതവിദ്യാഭ്യാസ മന്ത്രി റോജി എം ജോൺ. ഉന്നതവിദ്യാഭ്യാസ മേഖലയിൽ സമഗ്രമായ മാറ്റം ലക്ഷ്യമിട്ടാണ് ഈ പുതിയ സർക്കുലറെന്നും പുതിയ കോഴ്‌സുകൾ തുടങ്ങുന്നതിനുള്ള അനാവശ്യ കാലതാമസം ഒഴിവാക്കുകയാണ് ലക്ഷ്യമെന്നും മന്ത്രി വ്യക്തമാക്കി. കേരളത്തിൽ മാത്രം നിലനിൽക്കുന്ന എൻ ഒ സി സമ്പ്രദായം മാറ്റുന്നത് ഉന്നതവിദ്യാഭ്യാസ രംഗത്ത് വലിയ മുന്നേറ്റമുണ്ടാക്കുമെന്നും അദ്ദേഹം പറഞ്ഞു. സ്വയംഭരണ കോളേജുകൾക്ക് വാരിക്കോരി ഇളവുകൾ നൽകിയെന്ന പ്രതിപക്ഷത്തിന്റെ ആരോപണം വസ്തുതാവിരുദ്ധമാണെന്ന് മന്ത്രി റോജി എം ജോൺ തിരിച്ചടിച്ചു. എല്ലാ കോളേജുകൾക്കും ഈ ആനുകൂല്യം ലഭിക്കില്ലെന്നും മികച്ച നിലവാരം പുലർത്തുന്ന സ്ഥാപനങ്ങൾക്കാണ് സ്വയംഭരണ പദവി അനുവദിച്ചിട്ടുള്ളതെന്നും അദ്ദേഹം വ്യക്തമാക്കി. മെറിറ്റോ സംവരണ തത്വങ്ങളോ അട്ടിമറിക്കില്ലെന്നും, സർക്കാരിന്റെ ഈ നീക്കം സർക്കാർ കോളേജുകളുടെ പ്രവർത്തനങ്ങളെ യാതൊരു വിധത്തിലും പ്രതികൂലമായി ബാധിക്കില്ലെന്നും മന്ത്രി കൂട്ടിച്ചേർത്തു.

യു ജി സി (UGC) റെഗുലേഷൻ പ്രകാരം സ്വയംഭരണ കോളേജുകൾക്ക് കോഴ്‌സുകൾ തുടങ്ങാൻ സർക്കാരിന്റെയോ സർവ്വകലാശാലയുടെയോ അനുമതി ആവശ്യമില്ലെങ്കിലും, കേരളത്തിൽ സർവ്വകലാശാലയുടെ അനുമതി വേണമെന്ന നിബന്ധന നിലനിർത്തിയിട്ടുണ്ടെന്ന് മന്ത്രി വിശദീകരിച്ചു. സർവ്വകലാശാലയുടെ കൃത്യമായ പരിശോധനയ്ക്കും അനുമതിക്കും ശേഷം വീണ്ടും സർക്കാരിന്റെ എൻ ഒ സി ആവശ്യമില്ലെന്ന നിലപാടാണ് കൈക്കൊണ്ടത്. 2014 ലും 2021 ലും നിയമസഭ പാസാക്കിയ യൂണിവേഴ്‌സിറ്റി ആക്ടുകളിലെ എൻ ഒ സി സംബന്ധിച്ച വ്യവസ്ഥ ഭേദഗതി ചെയ്യാനാണ് സർക്കാർ തീരുമാനമെന്നും പ്രതിപക്ഷ നേതാവ് പിണറായി വിജയൻ വിഷയം പഠിക്കാതെയാണ് സംസാരിക്കുന്നതെന്നും അദ്ദേഹം കുറ്റപ്പെടുത്തി.

പ്രക്ഷോഭമെന്ന് എസ് എഫ് ഐ

അതേസമയം സ്വാശ്രയ കോഴ്‌സുകൾ തുടങ്ങാനുള്ള എൻ ഒ സി ഒഴിവാക്കിയതും, മുൻപ് വർഷാവർഷം നൽകേണ്ടിയിരുന്ന അനുമതി ഇനി മൂന്ന് വർഷത്തിലൊരിക്കൽ പുതുക്കിയാൽ മതിയെന്ന ഇളവും വിദ്യാഭ്യാസ കച്ചവടത്തിന് വഴിയൊരുക്കുമെന്ന വിമർശനം പ്രതിപക്ഷം ആവർത്തിക്കുകയാണ്. എന്നാൽ പ്രതിപക്ഷത്തിന്റെ അഴിമതി ആരോപണം മുൻകാല അനുഭവങ്ങളുടെ വെളിച്ചത്തിലുള്ള ശീലം കൊണ്ടാകാമെന്ന് റോജി എം ജോൺ പരിഹസിച്ചു. സർക്കാരിന്റെ ഇളവുകൾക്കെതിരെ എസ് എഫ് ഐയും പ്രത്യക്ഷ സമരത്തിലേക്ക് കടന്നതോടെ ഉന്നതവിദ്യാഭ്യാസ മേഖലയിൽ വരുംദിവസങ്ങളിൽ പോര് കടുക്കും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

വയനാട്ടിലെ ക്ഷീരകർഷക ദമ്പതികളുടെ പ്രശ്നത്തിൽ ഇടപെട്ട് മന്ത്രി ബിന്ദു കൃഷ്ണ, ഫാം പ്രവർത്തനം തുടരാൻ എല്ലാ പിന്തുണയും ഉറപ്പുനൽകി

Jayalakshmi T — Sun, 08 Nov 2026 16:23:36 +0530

തിരുവനന്തപുരം: വയനാട് ബത്തേരി നെന്മേനി ചമയംകുന്നിൽ പശുഫാം നടത്തുന്ന ക്ഷീരകർഷകരായ സ്റ്റെഫിൻ പോളിന്റെയും ഭർത്താവ് സുഭാഷ് ജോയിയുടെയും പ്രശ്നത്തിൽ ഇടപെട്ട് മൃഗസംരക്ഷണ, ക്ഷീരവികസന വകുപ്പ് മന്ത്രി ബിന്ദു കൃഷ്ണ. കർഷകയായ സ്റ്റെഫിൻ പോളുമായി ഫോണിൽ സംസാരിച്ച മന്ത്രി ആവശ്യമായ എല്ലാ പിന്തുണയും ഉറപ്പുനൽകി. ഏഷ്യാനെറ്റ്‌ ന്യൂസ്‌ വാർത്തക്ക് പിന്നാലെയാണ് മന്ത്രി ബിന്ദു കൃഷ്ണയുടെ ഇടപെടൽ.

ജില്ലയുടെ ചുമതലയുള്ള മന്ത്രി ടി. സിദ്ദിഖുമായി മന്ത്രി ബിന്ദു കൃഷ്ണ വിഷയം സംസാരിച്ചു. ക്ഷീരകർഷക ദമ്പതികൾക്ക് ആവശ്യമായ സഹായങ്ങളും ക്രമീകരണങ്ങളും പ്രാദേശികമായി ഒരുക്കാൻ ഇടപെടലുകൾ നടത്തുന്നുണ്ടെന്ന് മന്ത്രി ടി. സിദ്ദിഖ് മന്ത്രിയെ അറിയിച്ചു.

വിഷയത്തിൽ വിശദമായ പരിശോധന നടത്താൻ ക്ഷീരവികസന വകുപ്പ് ഡെപ്യൂട്ടി ഡയറക്ടറോടും, മൃഗസംരക്ഷണ വകുപ്പ് ജില്ലാ ഓഫീസറോടും മന്ത്രി ബിന്ദു കൃഷ്ണ നിർദേശിച്ചു. ഫാം സന്ദർശിച്ച് സ്ഥിതിഗതികൾ നേരിട്ട് വിലയിരുത്താനും ആവശ്യമായ തുടർനടപടികൾ സ്വീകരിക്കാനുമാണ് നിർദേശം.

നേരത്തെയും വിഷയം വകുപ്പിന്റെ ശ്രദ്ധയിൽപ്പെട്ടതിനെ തുടർന്ന് പരിശോധന നടത്തിയിരുന്നു. അന്ന് നടത്തിയ പരിശോധനയിൽ കർഷകരുടെ ഭാഗത്ത് തെറ്റില്ലെന്നാണ് കണ്ടെത്തിയിരുന്നത്. സമ്പാദ്യവും വായ്പയുമുൾപ്പെടെ രണ്ട് കോടിയോളം രൂപ ചെലവഴിച്ച് എഴുപതിലധികം പശുക്കളുമായി ഫാം നടത്തുന്ന കർഷക ദമ്പതികൾ നേരിടുന്ന പ്രതിസന്ധി ഗൗരവത്തോടെയാണ് സർക്കാർ കാണുന്നത്.

ക്ഷീരമേഖലയിൽ പ്രതിസന്ധികൾ നേരിടുന്ന കർഷകർക്ക് ആവശ്യമായ സംരക്ഷണവും പിന്തുണയും നൽകുക എന്നത് സർക്കാരിന്റെയും ക്ഷീരവികസന വകുപ്പിന്റെയും ഉത്തരവാദിത്തമാണ്. സ്റ്റെഫിൻ പോളിനും സുഭാഷ് ജോയിക്കും ഫാം തടസ്സങ്ങളില്ലാതെ തുടർന്നുകൊണ്ടുപോകുന്നതിനാവശ്യമായ എല്ലാ പിന്തുണയും സർക്കാരിന്റെയും വകുപ്പിന്റെയും ഭാഗത്തുനിന്ന് ഉറപ്പാക്കുമെന്ന് മന്ത്രി ബിന്ദു കൃഷ്ണ അറിയിച്ചു.

പുതിയ നയം വരുന്നത് വരെ ബാ‍ർ ലൈസൻസ് നൽകരുത്, ഒടുവിൽ ഉത്തരവിറക്കി എക്സൈസ് വകുപ്പ്

Web Desk — Sun, 08 Nov 2026 15:53:58 +0530

തിരുവനന്തപുരം. യുഡിഎഫ് സർക്കാരിൻ്റെ പുതിയ മദ്യനയം പ്രഖ്യാപിക്കും വരെ ബാറുകൾക്ക് പുതിയ ലൈസൻസ് നൽകരുതെന്ന് ഉത്തരവിറക്കി എക്സൈസ് വകുപ്പ്. സർക്കാർ നിർദ്ദേശപ്രകാരമാണ് എക്സൈസ് കമ്മീഷണറുടെ ചുമതല വഹിക്കുന്ന അഡി. എക്സൈസ് കമ്മീഷണർ സർക്കുലർ നൽകിയത്. ലൈസൻസുകൾ അനുവദിക്കുന്നത് എക്സൈസ് കമ്മീഷറുടെ സ്ഥാനമാറ്റത്തിനും രണ്ട് ഉദ്യോഗസ്ഥരുടെ സസ്പെൻഷനിലേക്കും എത്തിയിരുന്നു. നിലവിലുള്ള ചട്ടപ്രകാരമാണ് ഉദ്യോഗസ്ഥർ ബാറിന് ലൈസൻസ് നൽകിയതെന്നാണ് പുറത്താക്കപ്പെട്ട എക്സൈസ് കമ്മീഷണർ സീറാം സാമ്പശിവറാവു വ്യക്തമാക്കിയത്. സസ്പെൻ്റ് ചെയ്ത രണ്ട് ഡെപ്യൂട്ടി കമ്മീഷണർമാരുടെ വാദവും ഇതാണ്. പുതിയ നയം വന്നതിന് ശേഷമേ ലൈസൻസ് നൽകാവൂവെന്ന് നിർദ്ദേശിച്ചിരുന്നതായി എക്സൈസ് മന്ത്രി എം ലിജുവും വ്യക്തമാക്കിയിരുന്നുവെങ്കിലും രേഖ മൂലം നിർദ്ദേശിച്ചിരുന്നില്ല. വിവാദത്തിന് പിന്നാലെ പുതിയ ലൈസൻസിന് അപേക്ഷ വന്നപ്പോൾ നയത്തിന് ശേഷം മതിയെന്ന് അന്നത്തെ നികുതി വകുപ്പിൻ്റെ ചുമതല ഉണ്ടായിരുന്ന അഡീ. ചീഫ് സെക്രട്ടറി കെ ആ‍ർ ജ്യോതിലാൽ അറിയിച്ചു. മാത്രമല്ല ഹൈക്കോടതിയിൽ നയം ഉടൻ രൂപീകരിക്കണമെന്ന് നി‍ർദ്ദേശിച്ചിട്ടുണ്ട്. നീട്ടിക്കൊണ്ട് പോകാനാകില്ലെന്നും ഈ മാസം മുപ്പതിനകം നയം വരണമെന്നാണ് കോടതി നിർദ്ദേശം. നിലവിൽ ഇരുപത്തിയൊന്നിലധികം അപേക്ഷകൾ സർക്കാരിന് മുന്നിലുണ്ട്. കൃത്യമായ ഉത്തരവ് നൽകാതെ ഉദ്യോഗസ്ഥരെ ബലിയാടാക്കുന്നുവെന്ന് പ്രതിപക്ഷവും ആരോപണം ഉന്നയിച്ചിരുന്നു. ഇതിന് പിന്നാലെയാണ് പുതിയ സർക്കുലർ.

നിങ്ങളെ ഫാറ്റി ലിവർ അലട്ടുന്നുണ്ടോ? ഈ ഏഴ് ഭക്ഷണങ്ങൾ ഡയറ്റിൽ ഉൾപ്പെടുത്തൂ

Sumam Thomas — Sun, 08 Nov 2026 15:25:26 +0530

ജീവിതശൈലിയിലും ഭക്ഷണരീതികളിലും വന്ന മാറ്റങ്ങൾ കാരണം, സമീപകാലത്തായി 'ഫാറ്റി ലിവർ' (കരലിൽ കൊഴുപ്പ് അടിയുന്ന അവസ്ഥ) രോഗം വളരെ വ്യാപകമായിത്തീർന്നിരിക്കുന്നു. മദ്യപാനം മൂലമുണ്ടാകുന്നതും അല്ലാത്തതുമായ ഫാറ്റി ലിവർ ഇതിൽ ഉൾപ്പെടുന്നു. അമിതവണ്ണം, പഞ്ചസാര അടങ്ങിയതും സംസ്കരിച്ചതുമായ ഭക്ഷണങ്ങളുടെ അമിതമായ ഉപയോഗം, വ്യായാമക്കുറവ്, അമിതമായ മദ്യപാനം എന്നിവ കരലിൽ കൊഴുപ്പ് അടിയുന്നതിന് പ്രധാന കാരണങ്ങളാണ്. കൂടാതെ, പ്രമേഹം, ഉയർന്ന കൊളസ്ട്രോൾ, ചില പ്രത്യേക മരുന്നുകളുടെ ഉപയോഗം എന്നിവയും ഫാറ്റി ലിവർ വരാനുള്ള സാധ്യത വർദ്ധിപ്പിക്കുന്നു. രോഗത്തിന്റെ പ്രാരംഭ ഘട്ടത്തിൽ ഭക്ഷണക്രമത്തിലും ജീവിതശൈലിയിലും വരുത്തുന്ന മാറ്റങ്ങളിലൂടെ സ്വാഭാവികമായിത്തന്നെ ഇത് പരിഹരിക്കാവുന്നതാണ്. ഫാറ്റി ലിവർ സാധ്യത കുറയ്ക്കാൻ കഴിക്കേണ്ട ഭക്ഷണങ്ങളെ കുറിച്ചാണ് ഇനി പറയുന്നത്...

പഞ്ചസാരയോ പാലോ ചേർക്കാത്ത ബ്ലാക്ക് കോഫി, കരൾ എൻസൈമുകളെ സാധാരണ നിലയിലാക്കാൻ സഹായിക്കുകയും കരൾ ഫൈബ്രോസിസ് (liver fibrosis), കൊഴുപ്പ് അടിഞ്ഞുകൂടൽ എന്നിവയ്ക്കുള്ള സാധ്യത കുറയ്ക്കുകയും ചെയ്യുന്നു.

ഇലക്കറികളിൽ ക്ലോറോഫിൽ, വിറ്റാമിൻ കെ, ഗ്ലൂട്ടത്തയോൺ (glutathione) പോലുള്ള ആന്റിഓക്‌സിഡന്റുകൾ എന്നിവ ധാരാളമായി അടങ്ങിയിട്ടുണ്ട്. ഇവ കരളിന്റെ സ്വാഭാവിക വിഷാംശം നീക്കം ചെയ്യൽ പ്രക്രിയകളെ സഹായിക്കുന്നു.

മോണോഅൺസാച്ചുറേറ്റഡ് കൊഴുപ്പുകളും പോളിഫെനോളുകളും ധാരാളമടങ്ങിയ എക്സ്ട്രാ വെർജിൻ ഒലീവ് ഓയിൽ, ഫാറ്റി ലിവർ (കരലിൽ കൊഴുപ്പ് അടിയുന്ന അവസ്ഥ) ഉള്ളവരിൽ കരലിലെ കൊഴുപ്പിന്റെ അളവ് കുറയ്ക്കാനും എൻസൈമുകളുടെ അളവ് മെച്ചപ്പെടുത്താനും സഹായിക്കുന്നു.

സാൽമൺ, മത്തി, ട്യൂണ തുടങ്ങിയ മത്സ്യങ്ങളിൽ ഒമേഗ-3 ഫാറ്റി ആസിഡുകൾ അടങ്ങിയിട്ടുണ്ട്. ഇവ ശരീരത്തിലെ വീക്കം കുറയ്ക്കാനും, കരൾ കോശങ്ങളിൽ അമിതമായ കൊഴുപ്പ് അടിഞ്ഞുകൂടുന്നത് തടയാനും സഹായിക്കുന്നു.

വാൾനട്ട്, ബദാം, ഫ്ലാക്‌സ് സീഡുകൾ, ചിയ സീഡ് എന്നിവയിൽ വിറ്റാമിൻ ഇ, നാരുകൾ, ആരോഗ്യകരമായ സസ്യജന്യ കൊഴുപ്പുകൾ എന്നിവ അടങ്ങിയിട്ടുണ്ട്. ഇവ കരൾ രോഗങ്ങൾ വരാനുള്ള സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നു.

നാരുകളും സസ്യജന്യ പ്രോട്ടീനും ധാരാളമടങ്ങിയ പയർവർഗ്ഗങ്ങൾ ഇവ രക്തത്തിലെ പഞ്ചസാരയുടെയും ട്രൈഗ്ലിസറൈഡുകളുടെയും അളവ് നിയന്ത്രിക്കാൻ സഹായിക്കുന്നു. ഇത് കരൾ രോഗങ്ങൾക്കുള്ള സാധ്യത കുറയ്ക്കുന്നു.

ബെറികൾ, മുന്തിരി, സിട്രസ് പഴങ്ങൾ എന്നിവയിൽ ശക്തമായ ആന്റിഓക്‌സിഡന്റുകളും പോളിഫെനോളുകളും അടങ്ങിയിട്ടുണ്ട്. ഇവ കരൾ കോശങ്ങളെ കേടുപാടുകളിൽ നിന്ന് സംരക്ഷിക്കുന്നു.

സൗദിയിലെ ജനവാസ മേഖലകൾ ലക്ഷ്യമാക്കി വീണ്ടും ഹൂതികളുടെ ആക്രമണം; റിയാദിലേക്കടക്കം തൊടുത്ത ബാലിസ്റ്റിക്, ക്രൂയിസ് മിസൈലുകൾ തകർത്തു

Gargi Sivaprasad — Sun, 08 Nov 2026 15:25:04 +0530

റിയാദ്: റിയാദ് ഉൾപ്പെടെ സൗദി അറേബ്യയിലെ പ്രമുഖ പ്രവിശ്യകളെ ലക്ഷ്യമിട്ട് ഹൂതി ഭീകരർ തൊടുത്തുവിട്ട നിരവധി ബാലിസ്റ്റിക്, ക്രൂയിസ് മിസൈലുകൾ വ്യോമപ്രതിരോധ സേന വിജയകരമായി പ്രതിരോധിച്ച് തകർത്തതായി യെമനിലെ നിയമസാധുതയുള്ള ഭരണകൂടത്തെ പിന്തുണയ്ക്കുന്ന അറബ് സഖ്യസേന അറിയിച്ചു.

തലസ്ഥാനമായ റിയാദ്, കിഴക്കൻ പ്രവിശ്യ, രാജ്യത്തിന്റെ തെക്കൻ മേഖല എന്നിവ ലക്ഷ്യമാക്കിയാണ് ആക്രമണ ശ്രമങ്ങൾ നടന്നതെന്ന് സഖ്യസേന വക്താവ് മേജർ ജനറൽ തുർക്കി അൽ മാലിക്കി വ്യക്തമാക്കി. വ്യോമപ്രതിരോധ സേനയുടെ സമയോചിതമായ ഇടപെടലിലൂടെ വൻ ദുരന്തമാണ് ഒഴിവായത്. കിഴക്കൻ പ്രവിശ്യ ലക്ഷ്യമാക്കി എത്തിയ ഒരു ബാലിസ്റ്റിക് മിസൈലും റിയാദിലേക്ക് തൊടുത്തുവിട്ട രണ്ട് ബാലിസ്റ്റിക് മിസൈലുകളും ആകാശത്തുവെച്ചുതന്നെ വ്യോമസേന തകർത്തു. ഇതിനുപുറമെ, റിയാദ്, തെക്കൻ മേഖലകൾ ലക്ഷ്യമിട്ട് വിക്ഷേപിച്ച രണ്ട് ക്രൂയിസ് മിസൈലുകളും വിജയകരമായി തക‍ത്തതായി മേജർ ജനറൽ തുർക്കി അൽ മാലിക്കി കൂട്ടിച്ചേർത്തു.

അതേസമയം സംഘർഷ ആശങ്കകൾക്കിടെ ഇറാന്റെ ബന്ദർ അബ്ബാസിലും സിരിക്, ജസക്, ഖേഷം ദ്വീപുകളിലും സ്ഫോടനം ഉണ്ടായി. ഹൂതി - സൗദി സംഘർഷത്തിലും സൗദി തലസ്ഥാനത്തേക്ക് ആക്രമണ ശ്രമമുണ്ടായി. ബന്ദഗർ അബ്ബാസിലും സിരികിലും ജസകിലും ഖേഷം ദ്വീപിലും സ്ഫോടനമുണ്ടായെങ്കിവും പിന്നീട് കാര്യമായ വിവരങ്ങൾ പുറത്തു വന്നിട്ടില്ല. അമേരിക്കൻ സെൻട്രൽ കമാൻഡ് ആക്രമണം അവകാശപ്പെടുകയോ, സ്ഫോടനം മാധ്യമങ്ങൾ റിപ്പോർട്ട് ചെയ്തതൊഴിച്ചാൽ ഇറാൻ സ്ഥിരീകരിക്കുകയോ ചെയ്തില്ല. ആക്രമണം കാരണമുള്ള സ്ഫോടമല്ലെന്ന റിപ്പോർട്ടുകളും ഉണ്ടായി. ഹോർമൂസിൽ രണ്ട് കപ്പലുകളെ ഇറാൻ ആക്രമിച്ചു. ഇറാൻ തീരത്ത് നിന്ന് മടങ്ങിയ കാർഗോ ഹൂതികൾ ഇന്നും സൗദി തലസ്ഥാനമായ റിയാദ് ആക്രമിക്കാൻ ശ്രമിച്ചു. ആക്രമണം സൗദി തകർത്തു. ഹൂതി കേന്ദ്രങ്ങളിൽ സൗദി സഖ്യസേന നടത്തിയ ആക്രമണത്തിൽ നിരവധി മരണം റിപ്പോർട്ട് ചെയ്തു.

3 ദിവസം കൊണ്ട് ആഗോളതലത്തിൽ 415 കോടി നേട്ടവുമായി 'രാമായണ'

Web Desk — Sun, 08 Nov 2026 15:14:33 +0530

നിതേഷ് തിവാരി സംവിധാനം ചെയ്ത ബ്രഹ്‌മാണ്ഡ ചിത്രം 'രാമായണ' തിയേറ്ററുകളിൽ എത്തിയിരിക്കുകയാണ്. ചിത്രത്തിൽ രാമനായി രൺബീർ കപൂറും രാവണനായി യഷും ആണ് എത്തുന്നത്. സായ് പല്ലവിയാണ് ചിത്രത്തിൽ സീതയായി എത്തുന്നത്. ആഗോള ബോക്സ് ഓഫീസ് കളക്ഷനിലും വമ്പൻ നേട്ടമാണ് ചിത്രം കൊയ്യുന്നത്. മൂന്ന് ദിവസം കൊണ്ട് 415 കോടി നേട്ടമാണ് ചിത്രം സ്വന്തമാക്കിയിരിക്കുന്നത്.

ദീപാവലി ഭാഗ്യശാലി ആരെല്ലാം ? അറിയാം സമൃദ്ധി SM-80 ലോട്ടറി ഫലം

Ameena Shirin — Sun, 08 Nov 2026 15:11:17 +0530

തിരുവനന്തപുരം: കേരള ഭാഗ്യക്കുറി വകുപ്പ് പുറത്തിറക്കിയ സമൃദ്ധി SM-80 ലോട്ടറിയുടെ ഫലം പ്രഖ്യാപിച്ചു. MX703439 എന്ന നമ്പറിനാണ് ഒന്നാം സമ്മാനം. എല്ലാ ഞായറാഴ്ചകളിലും നറുക്കെടുക്കുന്ന ഭാഗ്യക്കുറിയുടെ ഒന്നാം സമ്മാനം ഒരു കോടി രൂപയാണ്. രണ്ടാം സമ്മാനം 25 ലക്ഷം രൂപയും മൂന്നാം സമ്മാനം 5 ലക്ഷം രൂപയുമാണ് ലഭിക്കുന്നത്. 12 സീരീസുകളിലായിട്ട് 108 ലക്ഷം ടിക്കറ്റുകളാണ് ഓരോ ആഴ്ചയും വിൽക്കുക. ടിക്കറ്റ് വില 50 രൂപ മാത്രമാണ്.

സമൃദ്ധി ലോട്ടറിയുടെ സമ്മാനാർഹമായ നമ്പറുകൾ

ഒന്നാം സമ്മാനം -ഒരു കോടി രൂപ

MX703439

സമാശ്വാസ സമ്മാനം- 5,000 രൂപ

MN703439 MO703439 MP703439 MR703439 MS703439 MT703439 MU703439 MV703439 MW703439 MY703439 MZ703439

രണ്ടാം സമ്മാനം- 25 ലക്ഷം രൂപ

MO128818

മൂന്നാം സമ്മാനം -5 ലക്ഷം രൂപ

MZ218759

നാലാം സമ്മാനം- ഒരു ലക്ഷം രൂപ

അഞ്ചാം സമ്മാനം - 2,000 രൂപ

ആറാം സമ്മാനം - 1,000 രൂപ

ഏഴാം സമ്മാനം - 500 രൂപ

ഏട്ടാം സമ്മാനം - 200 രൂപ

ഒൻപതാം സമ്മാനം - 100 രൂപ

‘ഒറ്റക്കൊമ്പനി’ൽ നായികയായി അഭിനയ; താരത്തിൻ്റെ പിറന്നാൾ ദിനത്തിൽ പുതിയ പോസ്റ്റർ പുറത്ത്

Web Desk — Sun, 08 Nov 2026 15:02:13 +0530

ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിച്ച് നവാഗതനായ മാത്യൂസ് തോമസ് സംവിധാനം ചെയ്യുന്ന സുരേഷ് ഗോപി ചിത്രം ‘ഒറ്റക്കൊമ്പനി’ലെ നായികാ കഥാപാത്രത്തെ അവതരിപ്പിക്കുന്ന അഭിനയയുടെ പുത്തൻ പോസ്റ്റർ പുറത്തിറങ്ങി. അഭിനയയുടെ ജന്മദിനത്തോടനുബന്ധിച്ചാണ് ചിത്രത്തിലെ താരത്തിന്റെ പോസ്റ്റർ അണിയറ പ്രവർത്തകർ പുറത്തുവിട്ടത്. അന്ന എന്നാണ് ചിത്രത്തിൽ അഭിനയ അവതരിപ്പിക്കുന്ന കഥാപാത്രത്തിൻ്റെ പേര്. ചിത്രത്തിൻ്റെ സഹനിർമ്മാണം ബൈജു ഗോപാലൻ, വി.സി. പ്രവീൺ എന്നിവരും എക്സിക്യൂട്ടീവ് പ്രൊഡ്യൂസർ കൃഷ്ണമൂർത്തിയുമാണ്.

ജോജു ജോർജ് ഒരുക്കിയ പണി എന്ന ചിത്രത്തിലെ മികച്ച പ്രകടനത്തിലൂടെ മലയാളത്തിൽ വലിയ പ്രേക്ഷകശ്രദ്ധ നേടിയ നായികയാണ് അഭിനയ. അഭിനയയുടെ പുതിയ പോസ്റ്റർ കൂടി എത്തിയതോടെ ചിത്രത്തിലെ കഥാപാത്രങ്ങളെക്കുറിച്ചുള്ള ആകാംക്ഷ വർധിച്ചിരിക്കുകയാണ്. നേരത്തെ സുരേഷ് ഗോപിയുടെ ജന്മദിനത്തോടനുബന്ധിച്ച് ചിത്രത്തിന്റെ സംഗീത സംവിധായകനായി തെലുങ്ക് സംഗീത സംവിധായകൻ തമനെ ഔദ്യോഗികമായി പ്രഖ്യാപിച്ചിരുന്നു. തെന്നിന്ത്യൻ സംഗീത രംഗത്തെ ശ്രദ്ധേയ സാന്നിധ്യമായ തമൻ സംഗീതസംവിധായകനായി മലയാളത്തിൽ അരങ്ങേറ്റം കുറിക്കുന്ന ചിത്രം കൂടിയാണ് ‘ഒറ്റക്കൊമ്പൻ’. ചിത്രത്തിന്റെ സംഗീതത്തിന് വലിയ പ്രതീക്ഷ നൽകുന്ന പ്രഖ്യാപനമായിരുന്നു ഇത്.

നേരത്തെ പുറത്ത് വന്ന ചിത്രത്തിൻ്റെ ഫസ്റ്റ് ലുക്ക് പോസ്റ്ററിൽ സുരേഷ് ഗോപിയെ മാസ് ലുക്കിലാണ് അവതരിപ്പിച്ചത്. ചിത്രത്തിന്റെ ലൊക്കേഷൻ വീഡിയോയും പുറത്തുവന്നിരുന്നു. ഇവയ്ക്കെല്ലാം മികച്ച പ്രേക്ഷകശ്രദ്ധ ലഭിച്ചിരുന്നു. വലിയ മുതൽമുടക്കിൽ ഒരുങ്ങുന്ന ‘ഒറ്റക്കൊമ്പൻ’ ഒരു മാസ് ആക്ഷൻ ചിത്രമായാണ് അണിയറ പ്രവർത്തകർ ഒരുക്കുന്നത്. സുരേഷ് ഗോപി എന്ന നടനിൽ നിന്നും താരത്തിൽ നിന്നും പ്രേക്ഷകർ പ്രതീക്ഷിക്കുന്ന മാസ് ഘടകങ്ങളെല്ലാം ചിത്രത്തിൽ ഉൾപ്പെടുത്തിയിട്ടുണ്ടെന്നാണ് പുറത്തുവരുന്ന സൂചനകൾ. ലാൽ, ചെമ്പൻ വിനോദ് ജോസ്, വിജയ രാഘവൻ, ലാലു അലക്സ്, കബീർ ദുഹാൻ സിംഗ്, ജോണി ആന്റണി, ബിജു പപ്പൻ, മേഘ്ന രാജ് എന്നിവരും ചിത്രത്തിൽ പ്രധാന വേഷങ്ങളിലെത്തുന്നു. ഇവർക്കൊപ്പം നിരവധി പുതുമുഖങ്ങളടക്കം എഴുപതിലധികം അഭിനേതാക്കൾ ചിത്രത്തിന്റെ ഭാഗമാകുന്നുണ്ട്. അധികം വൈകാതെ തന്നെ ചിത്രം പ്രേക്ഷകരിലേക്ക് എത്തിക്കാനാണ് അണിയറപ്രവർത്തകർ ഒരുങ്ങുന്നത്.

മലയാള സിനിമയിൽ വമ്പൻ പ്രോജക്ടുകളുമായി സജീവമായ ശ്രീ ഗോകുലം മൂവീസിന്റെ പ്രധാന ചിത്രങ്ങളിലൊന്നാണ് ‘ഒറ്റക്കൊമ്പൻ’. ജയസൂര്യ നായകനാകുന്ന ‘കത്തനാർ’, എസ്.ജെ. സൂര്യ നായകനാകുന്ന ‘കില്ലർ’, മോഹൻലാൽ നായകനാകുന്ന ‘ഓപ്പറേഷൻ ഗംഗ’ എന്നിവയും ഗോകുലം മൂവീസിന്റെ ബാനറിൽ ഒരുങ്ങുന്നുണ്ട്. ഈ വമ്പൻ ചിത്രങ്ങളുടെ നിരയിലേക്ക് എത്തുന്ന ‘ഒറ്റക്കൊമ്പൻ’ വലിയ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്.

രചന - ഷിബിൻ ഫ്രാൻസിസ്, ഛായാഗ്രഹണം - ഷാജികുമാർ, സംഗീതം - തമൻ, എഡിറ്റിംഗ്- ഷഫീഖ് വി ബി, ഗാനങ്ങൾ - വയലാർ ശരത്ച്ചന്ദ്ര വർമ്മ, കലാസംവിധാനം - ഗോകുൽ ദാസ്, ആക്ഷൻ - കലയ് കിങ്സൺ, ഫീനിക്സ് പ്രഭു, സ്റ്റണ്ട് ശിവ, സിൽവ, നൃത്ത സംവിധാനം - സാൻഡി, സൗണ്ട് ഡിസൈൻ - എം ആർ രാജാകൃഷ്ണൻ, മേക്കപ്പ്- റോണക്സ് സേവ്യർ, കോസ്റ്റ്യും ഡിസൈൻ - അനീഷ് ഗോപി, അക്ഷയ പ്രേംനാഥ്, പ്രൊഡക്ഷൻ കൺട്രോളർ - സിദ്ദു പനയ്ക്കൽ, കാസ്റ്റിംഗ് ഡയറക്ടർ - ബിനോയ് നമ്പാല, ചീഫ് അസ്സോസ്സിയേറ്റ് ഡയറക്ടേർസ് - കെ.ജെ. വിനയൻ. ദീപക് നാരായൺ , പ്രൊഡക്ഷൻ മാനേജേർ - പ്രഭാകരൻ കാസർകോഡ്, പ്രൊഡക്ഷൻ എക്സി ക്യൂട്ടീവ്സ് - നന്ദു പൊതുവാൾ, ബാബുരാജ് മനിശ്ശേരി, ഫോട്ടോ - റോഷൻ, ജിത്തു ഫ്രാൻസിസ്, ഡിസൈൻ - യെല്ലോ ടൂത്ത്സ്, പിആർഒ - വാഴൂർ ജോസ്, ശബരി.

ടാറ്റ പഞ്ച് ഇവി, നെക്‌സോൺ ഇവി: വമ്പൻ ഓഫറുകൾ!

honey R K — Sun, 08 Nov 2026 14:57:35 +0530

ഇലക്ട്രിക് കാർ വാങ്ങാൻ പദ്ധതിയിടുന്നവർക്ക് സന്തോഷവാർത്തയുമായി ടാറ്റ മോട്ടോഴ്‌സ്. കമ്പനിയുടെ ജനപ്രിയ ഇലക്ട്രിക് എസ്‌യുവികളായ പഞ്ച് ഇവിക്കും നെക്‌സോൺ ഇവിക്കും വൻ വിലക്കുറവും ആനുകൂല്യങ്ങളും പ്രഖ്യാപിച്ചു. പെട്രോൾ, ഡീസൽ, ഇലക്ട്രിക് വാഹനങ്ങൾ ഉൾപ്പെടെയുള്ള മോഡൽ നിരയിലുടനീളം വിവിധ ഓഫറുകളാണ് കമ്പനി നൽകുന്നത്. 2026 നവംബർ 15 വരെയാണ് ഈ ആനുകൂല്യങ്ങൾ ലഭിക്കുക. ഗ്രീൻ ബോണസ്, പ്രത്യേക ഓഫറുകൾ, പഴയ വാഹനം കൈമാറുമ്പോഴുള്ള എക്‌സ്‌ചേഞ്ച് ബോണസ്, സ്‌ക്രാപ്പേജ് ആനുകൂല്യം, നിലവിലെ ഉപഭോക്താക്കൾക്കുള്ള ലോയൽറ്റി ബെനിഫിറ്റുകൾ എന്നിവയാണ് ഓഫറുകളിൽ ഉൾപ്പെടുന്നത്.

പഞ്ച് ഇവിക്ക് 1.45 ലക്ഷം രൂപ വരെ ലാഭിക്കാം

ഫെയ്‌സ്‌ലിഫ്റ്റിന് മുമ്പുള്ള ടാറ്റ പഞ്ച് ഇവി പതിപ്പിനാണ് ഏറ്റവും ഉയർന്ന വിലക്കുറവ് ലഭിക്കുന്നത്. പരമാവധി 1.45 ലക്ഷം രൂപയുടെ ആനുകൂല്യങ്ങളാണ് ഈ മോഡലിന് പ്രഖ്യാപിച്ചിരിക്കുന്നത്. ഇതിൽ 1.10 ലക്ഷം രൂപ വരെയുള്ള ഗ്രീൻ ബോണസും 35,000 രൂപ വരെയുള്ള എക്‌സ്‌ചേഞ്ച് അല്ലെങ്കിൽ സ്‌ക്രാപ്പേജ് ബോണസും ഉൾപ്പെടുന്നു. നിലവിൽ 7.99 ലക്ഷം രൂപ മുതൽ 11.14 ലക്ഷം രൂപ വരെയാണ് പഞ്ച് ഇവിയുടെ എക്‌സ്‌ഷോറൂം വില. 25 കിലോവാട്ട് അവർ, 35 കിലോവാട്ട് അവർ എന്നിങ്ങനെ രണ്ട് ബാറ്ററി പാക്ക് ഓപ്ഷനുകളിലാണ് വാഹനം ലഭിക്കുന്നത്.

ഒറ്റ ചാർജിൽ 365 കിലോമീറ്റർ വരെ സഞ്ചരിക്കാം

25 കിലോവാട്ട് അവർ ബാറ്ററി പതിപ്പ് 81.5 ബി.എച്ച്.പി കരുത്തും 114 എൻ.എം ടോർക്കും നൽകുന്നു. 35 കിലോവാട്ട് അവർ പതിപ്പിന് 122 ബി.എച്ച്.പി കരുത്തും 190 എൻ.എം ടോർക്കുമുണ്ട്. യഥാക്രമം 265 കിലോമീറ്ററും 365 കിലോമീറ്ററുമാണ് കമ്പനി അവകാശപ്പെടുന്ന എം.ഐ.ഡി.സി ഡ്രൈവിങ് റേഞ്ച്.

7.2 കിലോവാട്ട് വരെ ശേഷിയുള്ള എ.സി ചാർജിങ്ങും 50 കിലോവാട്ട് ശേഷിയുള്ള ഡി.സി ഫാസ്റ്റ് ചാർജിങ്ങും വാഹനത്തിൽ ലഭ്യമാണ്. 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സംവിധാനം, ഡിജിറ്റൽ ഇൻസ്ട്രുമെന്റ് ക്ലസ്റ്റർ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, വെന്റിലേറ്റഡ് ഫ്രണ്ട് സീറ്റുകൾ, വയർലെസ് ഫോൺ ചാർജർ, ക്രൂയിസ് കൺട്രോൾ, 360 ഡിഗ്രി ക്യാമറ, ആറ് എയർബാഗുകൾ എന്നിവയാണ് പ്രധാന ഫീച്ചറുകൾ.

നെക്‌സോൺ ഇവിക്ക് 45,000 രൂപ വരെ വിലക്കുറവ്

ടാറ്റ നെക്‌സോൺ ഇവി വാങ്ങുന്നവർക്കും മികച്ച ആനുകൂല്യങ്ങളുണ്ട്. പരമാവധി 45,000 രൂപ വരെയാണ് ലാഭിക്കാനാകുക. 10,000 രൂപയുടെ ഗ്രീൻ ബോണസും 35,000 രൂപ വരെയുള്ള എക്‌സ്‌ചേഞ്ച് അല്ലെങ്കിൽ സ്‌ക്രാപ്പേജ് ബോണസുമാണ് ലഭിക്കുക. 12.49 ലക്ഷം രൂപയാണ് നെക്‌സോൺ ഇവിയുടെ അടിസ്ഥാന വേരിയന്റിന്റെ എക്‌സ്‌ഷോറൂം വില. ഉയർന്ന വേരിയന്റിന് 17.69 ലക്ഷം രൂപയാണ് വില.

രണ്ട് ബാറ്ററി ഓപ്ഷനുകൾ, 465 കിലോമീറ്റർ വരെ റേഞ്ച്

30 കിലോവാട്ട് അവർ മീഡിയം റേഞ്ച്, 40.5 കിലോവാട്ട് അവർ ലോങ് റേഞ്ച് എന്നിങ്ങനെ രണ്ട് ബാറ്ററി ഓപ്ഷനുകളിലാണ് നെക്‌സോൺ ഇവി എത്തുന്നത്. മീഡിയം റേഞ്ച് പതിപ്പിന് ഒറ്റ ചാർജിൽ 325 കിലോമീറ്ററും ലോങ് റേഞ്ച് പതിപ്പിന് 465 കിലോമീറ്ററും സഞ്ചരിക്കാനാകുമെന്നാണ് ടാറ്റയുടെ അവകാശവാദം.

പെർമനന്റ് മാഗ്നറ്റ് സിൻക്രണസ് മോട്ടോറാണ് ഇരു പതിപ്പുകളിലും ഉപയോഗിച്ചിരിക്കുന്നത്. ഇക്കോ, സിറ്റി, സ്‌പോർട്ട് എന്നിങ്ങനെ മൂന്ന് ഡ്രൈവിങ് മോഡുകളും വാഹനത്തിലുണ്ട്. നവംബർ 15 വരെയാണ് പഞ്ച് ഇവിക്കും നെക്‌സോൺ ഇവിക്കും പ്രഖ്യാപിച്ചിരിക്കുന്ന ഓഫറുകൾ ലഭ്യമാകുക. ഇലക്ട്രിക് എസ്‌യുവി വാങ്ങാൻ ആഗ്രഹിക്കുന്നവർക്ക് ഈ ഓഫറുകൾ മികച്ച അവസരമായേക്കും.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.

മുട്ട മസാല ഫ്രൈ ,ഒരു പുതു വിഭവം

Sumam Thomas — Sun, 08 Nov 2026 14:56:09 +0530

വേണ്ട ചേരുവകൾ

· മുട്ട 6 എണ്ണം

· മഞ്ഞൾ പൊടി ¼ ടീസ്പൂൺ

· കാശ്മീരി മുളകുപൊടി 2 ടീസ്പൂൺ

· കുരുമുളക് പൊടി ½ ടീസ്പൂൺ

· ഗരം മസാല ¼ ടീസ്പൂൺ

· വെളിച്ചെണ്ണ ½ ടീസ്പൂൺ

· ഉപ്പ്

· വെള്ളം

· വെളിച്ചെണ്ണ വറുക്കാൻ ആവശ്യത്തിന്

തയ്യാറാക്കുന്ന വിധം

ഒരു ഇഡ്ഡലി തട്ടിൽ കുറച്ചു വെളിച്ചെണ്ണ പുരട്ടിയ ശേഷം ഓരോ മുട്ടയും പൊട്ടിച്ചു ഒഴിച്ച് കൊടുക്കാം .ശേഷം ഇഡ്ഡലി പാത്രത്തിൽ വെച്ച് അഞ്ചു മിനിറ്റ് ആവിയിൽ മുട്ട വേവിച്ചെടുക്കാം .വേവിച്ച മുട്ട ഇഡ്ഡലി തട്ടിൽ നിന്നും എടുത്തു മാറ്റാം. ഇനി ഒരു ബൗളിലേക്കു മഞ്ഞൾ പൊടി,കാശ്മീരി മുളകുപൊടി,കുരുമുളക് പൊടി,ഗരം മസാല,ഉപ്പ് ,വെളിച്ചെണ്ണ എന്നിവ ചേർത്ത് നന്നായി മിക്സ് ചെയ്യുക .ശേഷം കുറച്ചു വെള്ളം കൂടി ചേർത്ത മസാല റെഡി ആക്കി എടുക്കുക .ഇനി ഓരോ മുട്ടയിലും മസാല തേച്ചു കൊടുക്കാം .ഒരു പാനിൽ കുറച്ചു വെളിച്ചെണ്ണ ഒഴിച്ച് ചൂടാക്കിയ ശേഷം മസാല പുരട്ടിയ മുട്ട വെളിച്ചെണ്ണയിൽ ഇട്ടു വറുത്തെടുക്കാം .ചെറിയ തീയിൽ വേണം വറുത്തെടുക്കാൻ. മുട്ടയുടെ ഒരു വശം ഫ്രൈ ആയി വന്നാൽ തിരിച്ചിട്ടു കൊടുക്കാം .രണ്ടു വശവും ഫ്രൈ ആയി വന്നാൽ വെളിച്ചെണ്ണയിൽ നിന്നും എടുത്തു മാറ്റാം. ടേസ്റ്റി മുട്ട മസാല ഫ്രൈ തയ്യാർ.

2027-ഓടെ മൂന്ന് പുതിയ കാറുകളുമായി മഹീന്ദ്ര: അറിയേണ്ടതെല്ലാം

Web Desk — Sun, 08 Nov 2026 14:40:40 +0530

ഇന്ത്യൻ വാഹന വിപണിയിൽ വൻ മുന്നേറ്റത്തിനൊരുങ്ങി മഹീന്ദ്ര ആൻഡ് മഹീന്ദ്ര. 2027 ജൂണിനകം 3 പുതിയ വാഹനങ്ങൾ വിപണിയിലെത്തിക്കുമെന്ന് കമ്പനി സ്ഥിരീകരിച്ചു. പുതിയ മോഡലുകളുടെ പേരുകൾ ഔദ്യോഗികമായി വെളിപ്പെടുത്തിയിട്ടില്ലെങ്കിലും മഹീന്ദ്ര വിഷൻ എസ്, ബി.ഇ 07 ഇലക്ട്രിക് എസ്‌യുവി, സ്കോർപിയോ ലൈഫ്‌സ്റ്റൈൽ പിക്കപ്പ് ട്രക്ക് എന്നിവയായിരിക്കും ഈ നിരയിൽ ഉൾപ്പെടുകയെന്നാണ് റിപ്പോർട്ടുകൾ. മൂന്ന് വാഹനങ്ങളും നിലവിൽ പരീക്ഷണയോട്ടത്തിന്റെ ഘട്ടത്തിലാണ്. വിവിധ അവസരങ്ങളിൽ ഇവയുടെ പരീക്ഷണ മോഡലുകൾ ക്യാമറയിൽ പതിഞ്ഞിട്ടുണ്ട്. വരാനിരിക്കുന്ന ഈ മൂന്ന് വാഹനങ്ങളുടെയും ഡിസൈൻ, ഫീച്ചറുകൾ, മറ്റ് വിവരങ്ങൾ എന്നിവ പരിശോധിക്കാം.

മഹീന്ദ്ര വിഷൻ എസ്; സ്കോർപിയോ കുടുംബത്തിലേക്ക് പുതിയ എസ്‌യുവി

2025ൽ ആദ്യമായി അവതരിപ്പിച്ച വിഷൻ എസ് കൺസെപ്റ്റിന്റെ പ്രൊഡക്ഷൻ പതിപ്പാണ് മഹീന്ദ്രയുടെ പുതിയ എസ്‌യുവി. 4 മീറ്ററിൽ താഴെ നീളമുള്ള കരുത്തുറ്റ എസ്‌യുവിയായിരിക്കും ഇത്. സ്കോർപിയോ കുടുംബത്തിന്റെ ഭാഗമായിട്ടായിരിക്കും വാഹനം വിപണിയിലെത്തുക എന്നാണ് സൂചന.

കൺസെപ്റ്റ് മോഡലിന്റെ രൂപകൽപ്പനയിൽ ഭൂരിഭാഗവും പ്രൊഡക്ഷൻ പതിപ്പിലും നിലനിർത്താൻ സാധ്യതയുണ്ട്. ഉയർന്ന ബോഡി ഡിസൈൻ, ബോക്‌സി രൂപം, തിരശ്ചീന സ്ലാറ്റുകളുള്ള മഹീന്ദ്രയുടെ സിഗ്നേച്ചർ ഗ്രിൽ, എൽ.ഇ.ഡി ഹെഡ്‌ലാമ്പുകൾ, സ്പോർട്ടി ബമ്പർ എന്നിവ വാഹനത്തിന്റെ പ്രധാന ആകർഷണങ്ങളായിരിക്കും. 360 ഡിഗ്രി ക്യാമറ സംവിധാനത്തിനുള്ള ഒ.ആർ.വി.എം ക്യാമറകൾ, വീൽ ആർച്ചുകൾ, സൈഡ് ഫുട്‌സ്റ്റെപ്പ്, ഫ്ലഷ് ഡോർ ഹാൻഡിലുകൾ, പനോരമിക് സൺറൂഫ്, ടെയിൽഗേറ്റിൽ ഘടിപ്പിച്ച സ്പെയർ വീൽ എന്നിവയും പരീക്ഷണ ചിത്രങ്ങളിൽ വ്യക്തമാണ്. അകത്തളത്തിൽ വളഞ്ഞ രീതിയിലുള്ള ഡ്യുവൽ ഡിസ്‌പ്ലേ സംവിധാനം, ത്രീ സ്‌പോക്ക് സ്റ്റിയറിങ് വീൽ, ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവ പ്രതീക്ഷിക്കാം. ഡ്യുവൽ സോൺ ക്ലൈമറ്റ് കൺട്രോൾ, പിൻനിര എ.സി വെന്റുകൾ, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ, വെന്റിലേറ്റഡ് സീറ്റുകൾ, ലെവൽ 2 എ.ഡി.എ.എസ് തുടങ്ങിയ ഫീച്ചറുകളും ലഭിച്ചേക്കും. മഹീന്ദ്രയുടെ പുതിയ എൻ.യു_ഐ.ക്യു പ്ലാറ്റ്‌ഫോമിൽ നിർമിക്കുന്ന ആദ്യ വാഹനമായിരിക്കും വിഷൻ എസ്. പെട്രോൾ, ഡീസൽ, ഇലക്ട്രിക്, ഹൈബ്രിഡ് പവർട്രെയിൻ ഓപ്ഷനുകളെ പിന്തുണയ്ക്കുന്നതാണ് ഈ പ്ലാറ്റ്‌ഫോം.

മഹീന്ദ്ര ബി.ഇ 07; 650 കിലോമീറ്ററിലധികം റേഞ്ച് പ്രതീക്ഷ

മഹീന്ദ്രയുടെ ബി.ഇ ഇലക്ട്രിക് എസ്‌യുവി നിരയിലേക്ക് എത്തുന്ന പുതിയ മോഡലാണ് ബി.ഇ 07. 2027ന്റെ ആദ്യ പകുതിയിൽ വാഹനത്തിന്റെ പ്രൊഡക്ഷൻ പതിപ്പ് വിപണിയിലെത്തുമെന്നാണ് പ്രതീക്ഷ. എം.ജി ഹെക്ടർ ടോമാഹോക്ക് ഇവി, ടാറ്റ ഹാരിയർ ഇവി, വരാനിരിക്കുന്ന ടാറ്റ സഫാരി ഇവി എന്നിവയായിരിക്കും പ്രധാന എതിരാളികൾ. ഏകദേശം 25 ലക്ഷം രൂപ മുതലായിരിക്കും പ്രതീക്ഷിക്കുന്ന വില. 59 കിലോവാട്ട് അവർ, 70 കിലോവാട്ട് അവർ, 75 കിലോവാട്ട് അവർ എന്നിങ്ങനെ ഒന്നിലധികം ബാറ്ററി ഓപ്ഷനുകൾ ലഭിച്ചേക്കും. ഒറ്റ ചാർജിൽ 650 കിലോമീറ്ററിലധികം സഞ്ചരിക്കാൻ കഴിയുമെന്നാണ് പ്രതീക്ഷ.

മഹീന്ദ്രയുടെ ഐ.എൻ.ജി.എൽ.ഒ പ്ലാറ്റ്‌ഫോമിൽ നിർമിക്കുന്ന ബി.ഇ 07ന് ബി.ഇ 06ന്റെ ഡിസൈൻ ശൈലിയുമായി സാമ്യമുണ്ടാകും. അടച്ചിട്ട ഗ്രിൽ, എൽ.ഇ.ഡി പ്രൊജക്ടർ ഹെഡ്‌ലാമ്പുകൾ, എൽ.ഇ.ഡി ഡേടൈം റണ്ണിങ് ലാമ്പുകൾ, വലിയ അലോയ് വീലുകൾ, ഫ്ലഷ് ഡോർ ഹാൻഡിലുകൾ, സി ആകൃതിയിലുള്ള എൽ.ഇ.ഡി ടെയിൽലാമ്പുകൾ എന്നിവയാണ് പ്രതീക്ഷിക്കുന്ന സവിശേഷതകൾ. മൂന്ന് സ്‌ക്രീനുകളുള്ള ഡാഷ്‌ബോർഡ്, ഹർമൻ കാർഡൺ പ്രീമിയം ഓഡിയോ സംവിധാനം, പനോരമിക് സൺറൂഫ്, വയർലെസ് സ്മാർട്ട്ഫോൺ കണക്റ്റിവിറ്റി, വെന്റിലേറ്റഡ് സീറ്റുകൾ, 360 ഡിഗ്രി ക്യാമറ, ലെവൽ 2 എ.ഡി.എ.എസ് തുടങ്ങിയ ഫീച്ചറുകളും വാഹനത്തിലുണ്ടാകും.

സ്കോർപിയോ ലൈഫ്‌സ്റ്റൈൽ പിക്കപ്പ്; സാഹസിക യാത്രകൾക്ക് കരുത്തൻ വാഹനം

2026 ഓഗസ്റ്റിലാണ് സ്കോർപിയോ ലൈഫ്‌സ്റ്റൈൽ പിക്കപ്പ് ട്രക്കിന്റെ പ്രൊഡക്ഷൻ പതിപ്പ് മഹീന്ദ്ര അവതരിപ്പിച്ചത്. സ്കോർപിയോ എന്നിന്റെ അടിസ്ഥാനത്തിൽ നിർമിക്കുന്ന ഈ വാഹനം സാഹസിക യാത്രകൾ ഇഷ്ടപ്പെടുന്നവരെയും ലൈഫ്‌സ്റ്റൈൽ വാഹനങ്ങൾ തേടുന്നവരെയുമാണ് ലക്ഷ്യമിടുന്നത്. വലിയ ക്രോം ഗ്രില്ല്, ചതുരാകൃതിയിലുള്ള എൽ.ഇ.ഡി ഹെഡ്‌ലാമ്പുകൾ, സ്പോർട്ടി ബമ്പർ, കറുത്ത നിറത്തിലുള്ള ചുറ്റുപാടുകളോടുകൂടിയ എൽ.ഇ.ഡി ഫോഗ് ലാമ്പുകൾ എന്നിവയാണ് മുൻഭാഗത്തെ പ്രധാന സവിശേഷതകൾ.

18 ഇഞ്ച് ഡയമണ്ട് കട്ട് അലോയ് വീലുകൾ, ഡ്യുവൽ ക്യാബിൻ സംവിധാനം, ഫെൻഡറിൽ ഘടിപ്പിച്ച സ്‌നോർക്കൽ, എൽ.ഇ.ഡി ടെയിൽലാമ്പുകൾ, കരുത്തുറ്റ പിൻ ബമ്പർ, ടെയിൽഗേറ്റിലെ 'മഹീന്ദ്ര' എംബോസിങ് എന്നിവയും വാഹനത്തിന് വ്യത്യസ്തമായ രൂപം നൽകുന്നു. വാഹനത്തിന്റെ അകത്തളത്തിൽ വലിയ പോർട്രെയ്റ്റ് ശൈലിയിലുള്ള ടച്ച്‌സ്‌ക്രീൻ ഇൻഫോടെയ്ൻമെന്റ് സംവിധാനം, പുതിയ ഫോർ സ്‌പോക്ക് സ്റ്റിയറിങ് വീൽ, അലുമിനിയം ഇൻസേർട്ടുകളുള്ള സെന്റർ കൺസോൾ എന്നിവ പ്രതീക്ഷിക്കാം.

വയർലെസ് സ്മാർട്ട്ഫോൺ കണക്റ്റിവിറ്റി, ഡ്യുവൽ സോൺ ഓട്ടോമാറ്റിക് ക്ലൈമറ്റ് കൺട്രോൾ, ഡിജിറ്റൽ ഡ്രൈവർ ഡിസ്‌പ്ലേ, വെന്റിലേറ്റഡ് സീറ്റുകൾ, പ്രീമിയം ഓഡിയോ സംവിധാനം, ലെവൽ 2 എ.ഡി.എ.എസ്, 540 ഡിഗ്രി ക്യാമറ, ആറ് എയർബാഗുകൾ എന്നിവയും ലഭിച്ചേക്കും. 2027 ജൂണിനകം ഈ മൂന്ന് മോഡലുകളും വിപണിയിലെത്തുന്നതോടെ എസ്‌യുവി, ഇലക്ട്രിക് വാഹന, ലൈഫ്‌സ്റ്റൈൽ പിക്കപ്പ് വിഭാഗങ്ങളിൽ സാന്നിധ്യം ശക്തമാക്കാനാണ് മഹീന്ദ്ര ലക്ഷ്യമിടുന്നത്.

യൂത്ത് കോൺഗ്രസ് നേതാവ് സുഹൈൽ അൻസാരി ഉൾപ്പെട്ട കേസിലെ വഴിത്തിരിവ്, വിശദമായ അന്വേഷണത്തിന് സ്റ്റേറ്റ് ക്രൈം ബ്രാഞ്ച്

Asmitha Kabeer — Sun, 08 Nov 2026 14:33:32 +0530

തിരുവനന്തപുരം: യൂത്ത് കോൺഗ്രസ് സംസ്ഥാന ജനറൽ സെക്രട്ടറി സുഹൈൽ അൻസാരി ഉൾപ്പെട്ട ആത്മഹത്യപ്രേരണ കേസിലുണ്ടായ വഴിത്തിരിവിൽ വിശദമായ അന്വേഷണത്തിന് സ്റ്റേറ്റ് ക്രൈം ബ്രാഞ്ച്. സുഹൈൽ അൻസാരിക്കെതിരെ ഏനാത്ത് പൊലീസ് ആത്മഹത്യ പ്രേരണക്കുറ്റം ചുമത്തിയ സാഹചര്യം ഉൾപ്പെടെ പരിശോധിക്കും. എട്ടു മാസം മുമ്പാണ് സുഹൈൽ അറസ്റ്റിലായത്. സുഹൈലിന്‍റെ പരാതിയിൽ സ്റ്റേറ്റ് ക്രൈംബ്രാഞ്ച് നടത്തിയ അന്വേഷണത്തിൽ ആണ് കേസിൽ വഴിത്തിരിവ് ഉണ്ടായത്. മരിച്ച 35കാരിയുടെ ഭർത്താവ് ഇന്നലെ അറസ്റ്റിലായിരുന്നു.

പത്തനംതിട്ട കടമ്പനാട് സ്വദേശി അനിൽകുമാറാണ് അറസ്റ്റിലായത്. സ്റ്റേറ്റ് ക്രൈം ബ്രാഞ്ച് ആണ് അനിൽ കുമാറിനെ അറസ്റ്റ് ചെയ്തത്. യുവതിയുടെ മരണത്തിൽ എട്ടു മാസം മുൻപ് സുഹൈലിനെ ഏനാത്ത് പൊലീസ് അറസ്റ്റ് ചെയ്തിരുന്നു. കേസിൽ സുഹൈൽ ആണ് ക്രൈംബ്രാഞ്ച് അന്വേഷണം ആവശ്യപ്പെട്ടത്. 35കാരിക്ക് മരിക്കും മുൻപ് ഭർത്താവിന്റെ മർദ്ദനമേറ്റെന്ന ക്രൈം ബ്രാഞ്ച് ഇപ്പോൾ കണ്ടെത്തി. യുവതിയുടെതായി അന്ന് കണ്ടെടുത്ത ആത്മഹത്യാക്കുറിപ്പുകളിലും ക്രൈം ബ്രാഞ്ച് സംശയം രേഖപ്പെടുത്തി.

പത്തനംതിട്ട കടമ്പനാട് സ്വകാര്യ സ്കൂളിലെ റിസപ്ഷനിസ്റ്റും ജീവനക്കാരിയുമായ യുവതിയെ ഫെബ്രുവരി 14ന് പുലർച്ചെ വീട്ടിൽ തൂങ്ങി മരിച്ച നിലയിൽ കണ്ടെത്തുകയായിരുന്നു. സ്വകാര്യ സ്കൂളിൽ സുഹൈലിന്‍റെ സഹപ്രവർത്തകയായിരുന്നു മരിച്ച 35കാരി. യുവതി എഴുതിയെന്ന് കരുതുന്ന ആത്മഹത്യാക്കുറിപ്പിലും ഡയറിക്കുറിപ്പിലും സുഹൈൽ അൻസാരിയിൽ നിന്നുണ്ടായ മാനസികവും ശാരീരികവുമായ പീഡനങ്ങളെക്കുറിച്ച് പരാമർശമുണ്ടായിരുന്നു.

വിമാനത്തിന്റെ നിരക്ക് കണ്ട് ട്രെയിനിന് ടിക്കറ്റെടുത്തു, ആകെ പാളി, വൈകിയത് 8 മണിക്കൂർ; പോസ്റ്റുമായി യുവാവ്

Web Desk — Sun, 08 Nov 2026 14:29:37 +0530

പലപ്പോഴും ആഘോഷസമയങ്ങളിൽ ഇന്ത്യയിലെ ട്രെയിനിലെ തിരക്ക് അല്പം കഠിനമാണ്. അതോടൊപ്പം ട്രെയിൻ വൈകുകയും ചെയ്താൽ പറയേണ്ട അല്ലേ? അതുപോലെ, ദീപാവലി ആഘോഷങ്ങൾക്കായി കുടുംബത്തോടൊപ്പം നടത്തിയ ട്രെയിൻ യാത്ര എട്ടു മണിക്കൂറോളം വൈകിയതിനെ തുടർന്ന് ഒരു സി.ഇ.ഒ പങ്കുവച്ച പോസ്റ്റാണ് ഇപ്പോൾ ശ്രദ്ധിക്കപ്പെടുന്നത്. ഇൻഡോറിൽ നിന്ന് ലഖ്‌നൗവിലേക്ക് യാത്ര ചെയ്ത അനുഭവമാണ് വൈഭവ് ജെയിൻ എന്ന യുവാവ് എക്സിൽ (ട്വിറ്റർ) ഷെയർ ചെയ്തത്.

ഫെസ്റ്റിവൽ സീസണിൽ വിമാനത്തിന്റെ നിരക്ക് കുത്തനെ ഉയർന്നതിനെ തുടർന്നാണ് വൈഭവ് ജെയിനും കുടുംബവും ഇൻഡോർ - ലഖ്‌നൗ മഹാകാൽ എക്സ്പ്രസിൽ ടിക്കറ്റ് ബുക്ക് ചെയ്തത്. കാറില്‍ വരാനുള്ള ഓപ്ഷനുണ്ടായിരുന്നു. എന്നാല്‍, തങ്ങളുടെ രണ്ടു വയസ്സുള്ള മകൾക്ക് ട്രെയിൻ യാത്ര ഒരു നല്ല അനുഭവമായിരിക്കുമെന്നും ഇവർ കരുതി. അങ്ങനെയാണ് ട്രെയിനിന് ടിക്കറ്റ് എടുക്കുന്നത്. എന്നാൽ, ഏകദേശം 14 മണിക്കൂർ കൊണ്ട് പൂർത്തിയാകേണ്ട യാത്ര 7.5 മണിക്കൂറിലധികം വൈകിയാണ് ലക്ഷ്യസ്ഥാനത്ത് എത്തിയത്.

വിമാനയാത്രയ്ക്ക് പകരം ട്രെയിനുകളിലേക്ക് ആളുകളെ ആകർഷിക്കാൻ പിന്നെങ്ങനെ റെയിൽവേയ്ക്ക് കഴിയുമെന്നും യുവാവ് ചോദിക്കുന്നു.

This #Diwali we opted to travel to our home #Lucknow from #indore by train.

Of course, one reason being flights being super expensive.

So we booked our tickets by Mahakal Express (20414).

We had an alternative to drive by car, but thought it would be a good experience for our 2 year old daughter also to travel by train.

But this is already running 7.5 hours late. And we are yet to reach our destination.

In today's world, 8 hours delay is huge. Total journey time 14 hours and train late 8 hours.

How is Indian #Railways thinking to compete with airlines? Complete management

Regretting the decision now.

@RailMinIndia

— Vaibhav Jain, CFA, CMT (@vaibhavjain_vj) November 7, 2026

വൈഭവിന്റെ കുറിപ്പ് സാമൂഹിക മാധ്യമങ്ങളിൽ ശ്രദ്ധിക്കപ്പെട്ടതോടെ നിരവധിപ്പേർ അതിന് കമന്റുകളുമായി രംഗത്തെത്തുകയും ചെയ്തു. മഹാകാൽ എക്സ്പ്രസ് യാത്ര ആരംഭിച്ചപ്പോൾ തന്നെ 6 മണിക്കൂറോളം വൈകിയിരുന്നതായും, സർവീസ് തുടങ്ങിയ ശേഷം 2.5 മണിക്കൂർ മാത്രമാണ് വൈകിയതെന്നും ചിലർ കമന്റ് ചെയ്തു. ദുരന്തോ എക്സ്പ്രസ് പോലെയുള്ള ട്രെയിനുകൾ ഇതിലും 10 മണിക്കൂറിലധികം വൈകാറുണ്ടെന്നായിരുന്നു മറ്റ് ചിലർ പരിഹാസത്തോടെ കുറിച്ചത്.

ഒറ്റക്ക് പൊരുതി അര്‍ജുന്‍, ആര്യവീര്‍ സെവാഗിനും അന്‍വയ് ദ്രാവിഡിനും നിരാശ, ഇന്ത്യക്കെതിരെ പാകിസ്ഥാന് 209 റണ്‍സ് വിജയലക്ഷ്യം

Vikas rajagopal — Sun, 08 Nov 2026 14:25:52 +0530

അൽ അമിറാത്ത്:അണ്ടര്‍ 19 ഏഷ്യാ കപ്പില്‍ ഇന്ത്യക്കെതിരെ പാകിസ്ഥാന് 209 റണ്‍സിന്‍റെ വിജയലക്ഷ്യം. ടോസ് നേടി ബാറ്റിംഗ് തെരഞ്ഞെടുത്ത ഇന്ത്യ അഞ്ചാമനായി ക്രീസിലെത്തി വെടിക്കെട്ട് സെഞ്ചുറി നേടിയ അര്‍ജുന്‍ രജ്‌പുത്തിന്‍റെ സെഞ്ചുറി കരുത്തിൽ 46.3 ഓവറില്‍ 208 റണ്‍സിന് ഓള്‍ ഔട്ടായി.

തുടക്കം മുതല്‍ ഇന്ത്യയെ പേസ് ആക്രമണത്തിലൂടെ പിടിച്ചുകെട്ടിയ പാകിസ്ഥാന്‍ ബാറ്റിംഗ് പ്രതീക്ഷയായിരുന്ന ആര്യവീര്‍ സെവാഗിനെയും അന്‍വയ് ദ്രാവിഡിനെയും പുറത്താക്കി സമ്മര്‍ദ്ദത്തിലാക്കിയപ്പോഴും വെടിക്കെട്ട് ബാറ്റിംഗ് പുറത്തെടുത്ത അര്‍ജുന്‍ രക്ഷകനായി. 80 പന്തില്‍ സെഞ്ചുറി തികച്ച അര്‍ജുന്‍ 85 പന്തില്‍ 107 റണ്‍സെടുത്ത് പുറത്തായി. മുന്‍ ഇന്ത്യൻ ഓപ്പണര്‍ വീരേന്ദര്‍ സെവാഗിന്‍റെ മകനായ ആര്യവീര്‍ സെവാഗ് 22 റണ്‍സെടുത്തപ്പോള്‍ മുന്‍ ഇന്ത്യൻ താരം രാഹുല്‍ ദ്രാവിഡിന്‍റെ മകനായ അന്‍വയ് ദ്രാവിഡ് 10 റണ്‍സെടുത്ത് പുറത്തായി. പാകിസ്ഥാന് വേണ്ടി അലി റാസയും റിസ്‌വാനുള്ളയും നിഖാബ് ഷഫീഖും മൂന്ന് വിക്കറ്റ് വീതം വീഴ്ത്തി.

തുടക്കം മുതല്‍ തകര്‍ച്ച, അര്‍ജുന്‍റെ തിരിച്ചടി

ടോസ് നേടി ക്രീസിലിറങ്ങിയ ഇന്ത്യയെ തുടക്കം മുതല്‍ പാക് പേസര്‍മാര്‍ സമ്മര്‍ദ്ദത്തിലാക്കി. ഇന്നിംഗ്സിലെ രണ്ടാം പന്തില്‍ തന്നെ ഇന്ത്യക്ക് ക്യാപ്റ്റൻ ലക്ഷ്യ രാജേഷ് റായ്‌ചന്ദാനിയെ(0) നഷ്ടമായി. അലി റാസയാണ് ലക്ഷ്യ രാജേഷിനെ ബൗള്‍ഡാക്കി ഇന്ത്യയെ ഞെട്ടിച്ചത്. വി കെ വിനീതും ആര്യവീര്‍ സെവാഗും ചേര്‍ന്ന് എട്ടോവറോളം പിടിച്ചു നിന്നെങ്കിലും വി കെ വിനീതിനെ(8) മചക്കി അലി റാസ രണ്ടാം പ്രഹരമേല്‍പ്പിച്ചു. പിന്നാലെ യാഷ്ബര്‍ധന്‍ ചൗഹാനെ(1) റിസ്‌വാനുള്ള മടക്കിയതോടെ ഇന്ത്യ 22-3ലേക്ക് വീണു.

This one from Arjun Rajput doesn't just clear the ground, it travels all the way into another one! ☄️

Watch India vs Pakistan in the DP World Men's U19 Asia Cup, LIVE NOW on Sony Sports Network TV channels & Sony LIV.

#SonySportsNetwork #SonyLIV #INDvPAK https://t.co/Ji5qKEbyHG

— Sony Sports Network (@SonySportsNetwk) November 8, 2026

പ്രതീക്ഷ നല്‍കിയ ആര്യവീര്‍ സെവാഗിനെ(22) പതിനേഴാം ഓവറില്‍ നിഖാബ് ഷഫീഖ് പുറത്താക്കിയതോടെ ഇന്ത്യ സമ്മര്‍ദ്ദത്തിലായി. അന്‍വയ് ദ്രാവിഡും അര്‍ജുന്‍ രജ്പുത്തും ചേര്‍ന്ന് ഇന്ത്യയെ കരകയറ്റുമെന്ന് പ്രതീക്ഷ നല്‍കിയെങ്കിലും സ്കോര്‍ 86ൽ നില്‍ക്കെ അന്‍വയ് ദ്രാവിഡ് മടങ്ങി. പിന്നീട് മണാൽ ചൗഹാനെ ഒരറ്റത്ത് കാഴ്ചക്കാരനായി നിര്‍ത്തി അര്‍ജുൻ തകര്‍ത്തടിച്ചതോടെ ഇന്ത്യക്ക് പ്രതീക്ഷയായി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

Mohammad Sayyam has been calling the shots today, but Arjun Rajput isn't holding back!

Watch India vs Pakistan in the DP World Men's U19 Asia Cup, LIVE NOW on Sony Sports Network TV channels & Sony LIV.

#SonySportsNetwork #SonyLIV #INDvPAK https://t.co/XhUsMaoEBB

— Sony Sports Network (@SonySportsNetwk) November 8, 2026

43 പന്തില്‍ അര്‍ധസെഞ്ചുറിയിലെത്തിയ അര്‍ജുന്‍ 80 പന്തില്‍ സെഞ്ചുറി തികച്ചു. അര്‍ജുനും മണാലും ചേര്‍ന്ന 64 റണ്‍സ് കൂട്ടുകെട്ട് ഇന്ത്യയെ 150 കടത്തിയെങ്കിലും മണാലിനെ(11) റിസ്‌വാനുള്ള പുറത്താക്കി കൂട്ടുകെട്ട് പൊളിച്ചു. പിന്നാലെ സെഞ്ചുറി തികച്ച അര്‍ജുന്‍ 35ാം ഓവറിലെ രണ്ടാം പന്തില്‍ 107 റണ്‍സുമായി മടങ്ങി.11 ഫോറും അഞ്ച് സിക്സും അടങ്ങുന്നതായിരുന്നു അര്‍ജുന്‍റെ ഇന്നിംഗ്സ്. അര്‍ജുന്‍ പുറത്താകുമ്പോള്‍ 170 റണ്‍സിലെത്തിയ ഇന്ത്യയെ വാലറ്റക്കാരാനായ കാവ്യ പട്ടേലിന്‍റെ(22) ചെറുത്തുനില്‍പാണ് 200 കടത്തിയത്. പാകിസ്ഥാന് വേണ്ടി അലി റാസ 37 റണ്‍സിന് 3 വിക്കറ്റെടുത്തപ്പോൾ റിസ്‌വാനുള്ള 24 റണ്‍സിനും നിഖാബ് ഷഫീഖ് 40 റണ്‍സിനും 3 വിക്കറ്റെടുത്തു. ആദ്യ മത്സരത്തില്‍ ഇന്ത്യ നേപ്പാളിനെയും പാകിസ്ഥാന്‍ യുഎഇയെയും തകര്‍ത്തിരുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

'വഴിയിൽ ഉപേക്ഷിച്ച് പോകില്ല'; നിലപാട് വ്യക്തമാക്കി കെസി വേണുഗോപാൽ; സ്ഥാനത്ത് നിന്ന് പുറത്താക്കും വരെ ഗ്യാനേഷ് കുമാറിനെതിരെ സമരം തുടരും

Web Desk — Sun, 08 Nov 2026 13:58:28 +0530

ഡൽഹി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ സമരത്തിൽ നയം വ്യക്തമാക്കി കെ.സി വേണുഗോപാൽ എംപി. ഗ്യാനേഷ് കുമാറിനെ പുറത്താക്കുന്നത് വരെ സമരം തുടരുമെന്ന് അദ്ദേഹം വ്യക്തമാക്കി. രാജ്യത്തെ തെരഞ്ഞെടുപ്പ് സംവിധാനം പൂർണമായും നിഷ്‌പക്ഷവും സുതാര്യവുമാകുന്നത് വരെ സമരം അവസാനിപ്പിക്കില്ലെന്നും അദ്ദേഹം ഡൽഹിയിൽ പറഞ്ഞു.

രാജ്യത്തുടനീളം എല്ലാ സംസ്ഥാനങ്ങളിലും ജില്ലാ തലത്തിൽ പ്രതിഷേധ പരിപാടികൾ നടന്നുവരികയാണെന്ന് കെ.സി വേണുഗോപാൽ മാധ്യമങ്ങളോട് പറഞ്ഞു. ദീപാവലി ആഘോഷങ്ങളുടെ ഭാഗമായി മാത്രമാണ് ചെറിയൊരു ഇടവേള പ്രതിഷേധ പരിപാടികളിൽ ഉണ്ടായത്. നവംബർ 1-ന് കോൺഗ്രസ് ഡൽഹിയിൽ സംഘടിപ്പിച്ച റാലി സമീപകാലത്ത് രാജ്യം കണ്ട ഏറ്റവും ശക്തമായ പ്രതിഷേധങ്ങളിൽ ഒന്നായിരുന്നു. പ്രധാനമന്ത്രി നരേന്ദ്ര മോദിക്കും കേന്ദ്ര ആഭ്യന്തരമന്ത്രി അമിത് ഷായ്ക്കുമെതിരെയാണ് കോൺഗ്രസ് പോരാടുന്നതെന്നും അദ്ദേഹം പറഞ്ഞു. ഈ സമരം വഴിയിൽ ഉപേക്ഷിക്കില്ലെന്നും അദ്ദേഹം വ്യക്തമാക്കി.

വോട്ടർ പട്ടികയിൽ നിന്ന് പേരുകൾ നീക്കം ചെയ്യുന്നത് രാജ്യത്തെ സാധാരണ വോട്ടർമാരുടെ വോട്ടവകാശം ഇല്ലാതാക്കുമെന്നും വേണുഗോപാൽ ആരോപിച്ചു. പല സർക്കാർ സേവനങ്ങളും ആനുകൂല്യങ്ങളും വോട്ടർ ഐ.ഡി. കാർഡുമായി ബന്ധിപ്പിക്കുന്ന സാഹചര്യത്തിൽ ഇത് സാധാരണക്കാരെ കൂടുതൽ പ്രതികൂലമായി ബാധിക്കും. ഇതിനെതിരെ അടുത്ത ഒന്നര മാസത്തിനുള്ളിൽ പഞ്ചായത്ത് തലത്തിൽ രാജ്യവ്യാപകമായി ‘വോട്ട് ബച്ചാവോ, ദേശ് ബച്ചാവോ’ (വോട്ട് സംരക്ഷിക്കൂ, രാജ്യത്തെ സംരക്ഷിക്കൂ) പ്രചാരണത്തിന് കോൺഗ്രസ് തുടക്കം കുറിക്കുമെന്നും അദ്ദേഹം പറഞ്ഞു.

ബസിൽ വാഴക്കുലയ്ക്കുള്ളിൽ ഒളിപ്പിച്ചു, വീട്ടിലെ പക്ഷിക്കൂടിലും എംഡിഎംഎ; ആലുവയിൽ രണ്ടുപേർ അറസ്റ്റിൽ, കൊച്ചിയിൽ നെട്ടൂർ സ്വദേശിയും അറസ്റ്റിൽ

Web Desk — Sun, 08 Nov 2026 13:47:07 +0530

കൊച്ചി: എറണാകുളത്ത് രണ്ടിടങ്ങളിലായി ലഹരിവേട്ട. ആലുവയിലെ ലോഡ്ജിൽ നടത്തിയ പരിശോധനയിൽ 185 ഗ്രാം എംഡിഎംഎയുമായി രണ്ടുപേരെ പൊലീസ് അറസ്റ്റ് ചെയ്തു. കൊച്ചി നഗരത്തിൽ എംഡിഎംഎയും കഞ്ചാവുമായി മറ്റൊരാളെ എക്സൈസും പിടികൂടി.

കൊച്ചി പള്ളുരുത്തി തെരേഭാഗം കുട്ടത്തിപ്പറമ്പിൽ വീട്ടിൽ ഹരികൃഷ്ണൻ കെഎസ് (32), തോപ്പുംപടി പ്രതീക്ഷ നഗർ കെ വി തോമസ് റോഡിൽ കുരിശിങ്കൽ വീട്ടിൽ ഷിനു സെബാസ്റ്റ്യൻ (34) എന്നിവരാണ് ആലുവയിൽ അറസ്റ്റിലായത്.

എറണാകുളം റൂറൽ ജില്ലാ പൊലീസ് മേധാവി കെഎസ് സുദർശന് ലഭിച്ച രഹസ്യവിവരത്തിന്റെ അടിസ്ഥാനത്തിൽ ആലുവ ഡിവൈഎസ്പി ബൈജു പൗലോസിന്റെ നേതൃത്വത്തിലുള്ള പൊലീസ് സംഘം ആലുവയിലെ പ്രമുഖ ലോഡ്ജിൽ നടത്തിയ പരിശോധനയിലാണ് ഏകദേശം 7.5 ലക്ഷം രൂപ വിലവരുന്ന 185 ഗ്രാം എംഡിഎംഎയുമായി ഹരികൃഷ്ണനെ പിടികൂടിയത്. ഇയാളിൽ നിന്ന് ലഭിച്ച വിവരങ്ങളുടെ അടിസ്ഥാനത്തിൽ കൊച്ചി സിറ്റി പൊലീസുമായി സഹകരിച്ച് നടത്തിയ തുടർ പരിശോധനയിൽ തോപ്പുംപടിയിലുള്ള ഷിനു സെബാസ്റ്റ്യന്റെ വീട്ടിലെ പക്ഷിക്കൂടിനുള്ളിൽ ഒളിപ്പിച്ച നിലയിൽ ഏഴ് ഗ്രാം എംഡിഎംഎ കൂടി കണ്ടെത്തി.

തമിഴ്നാട്ടിൽനിന്നാണ് ലഹരിമരുന്ന് കൊച്ചിയിലെത്തിച്ചതെന്നാണ് അന്വേഷണത്തിൽ വ്യക്തമായത്. ടൂറിസ്റ്റ് ബസിൽ യാത്രക്കാരായെത്തിയ പ്രതികൾ വാഴക്കുലയ്ക്കുള്ളിൽ വിദഗ്ധമായി ഒളിപ്പിച്ചാണ് എംഡിഎംഎ കടത്തിയത്. എറണാകുളം, ആലുവ മേഖലകളിലെ നിരവധി ലഹരിക്കച്ചവടക്കാർക്കും ഉപഭോക്താക്കൾക്കും നേരിട്ട് വിതരണം ചെയ്യുന്നതിനായാണ് ലഹരിമരുന്ന് എത്തിച്ചതെന്നാണ് പോലീസിന് ലഭിച്ച വിവരം.

ലഹരിമരുന്നിന്റെ ഉറവിടവും വിതരണ ശൃംഖലയും കണ്ടെത്തുന്നതിനായി ബംഗളൂരു–തമിഴ്നാട് മേഖലകൾ കേന്ദ്രീകരിച്ച് പൊലീസ് അന്വേഷണം ഊർജിതമാക്കി. ലഹരിമരുന്ന് കടത്തിലും വിതരണത്തിലും കൂടുതൽ പേർക്ക് പങ്കുണ്ടോയെന്നും പോലീസ് അന്വേഷിച്ചുവരികയാണ്.

ആലുവ ഡിവൈഎസ്പി ബൈജു പൗലോസിന്റെയും നാർക്കോട്ടിക് സെൽ ഡിവൈഎസ്പി ബിനുകുമാറിന്റെയും നേതൃത്വത്തിൽ ആലുവ ഈസ്റ്റ് പോലീസ് സ്റ്റേഷൻ ഇൻസ്പെക്ടർ പി.എച്ച്. ഷമീർ, നെടുമ്പാശ്ശേരി ഇൻസ്പെക്ടർ ബി.കെ. അരുൺ, എസ്.ഐമാരായ രഞ്ജിത്ത് മാത്യു, അനൂപ് വി., എ.എസ്.ഐ. നൗഷാദ് കെ.എ., സിവിൽ പോലീസ് ഓഫീസർമാരായ മാഹിൻഷാ അബൂബക്കർ, മനോജ് കെ.എം., മുഹമ്മദ് അമീർ, മുഹമ്മദ് ഷാഹിൻ, അഫ്സൽ, ഗസ്നി, ശ്രീരാജ് എം.എസ്., ഷമീൻ എസ്., അനിൽജിത് എം.ബി. എന്നിവർ ഉൾപ്പെട്ട സംഘമാണ് പരിശോധനയിലും അറസ്റ്റിലും പങ്കെടുത്തത്. ഇവർ മയക്കുമരുന്ന് വാങ്ങിയവരെക്കുറിച്ചും ഇവരിൽ നിന്ന് വാങ്ങുന്നവരെക്കുറിച്ചും പൊലീസ് അന്വേഷണം ആരംഭിച്ചു.

ബെംഗളൂരുവിൽ നിന്ന് 27ഗ്രാം എംഡിഎംഎയും കഞ്ചാവുമായി എത്തിയ നെട്ടൂർ സ്വദേശി അനസ് സിദ്ധിഖിനെയാണ് എറണാകുളം എക്സൈസ് സ്പെഷ്യൽ സ്ക്വാഡ് പിടികൂടിയത്. ഒരാഴ്ചയായി അനസ് എക്സൈസിന്‍റെ നിരീക്ഷണത്തിലായിരുന്നു. കൊച്ചിയിലെ ചെറുകിട ലഹരി വിൽപ്പനക്കാരിൽനിന്ന് പണം മേടിച്ചശേഷം, ബെംഗളൂരുവിലെത്തി ലഹരി വസ്തുക്കൾ വാങ്ങുന്നതായിരുന്നു രീതി. ബെംഗളൂരുവിൽ നിന്ന് വാങ്ങുന്നതിന്‍റെ മൂന്നിരട്ടി വിലക്കായിരുന്നു അനസ് കൊച്ചിയിൽ വിൽപ്പന നടത്തിയിരുന്നത്.

നടിയുടെ ബന്ധുവിനെ പീഡിപ്പിച്ച കേസ്: ഡോ. ജോൺസൺ കെ വർഗീസിനെതിരേ ലുക്കൗട്ട് സർക്കുലർ, പ്രതി വിദേശത്തേക്ക് കടന്നതായും സംശയം

Web Desk — Sun, 08 Nov 2026 13:37:50 +0530

കൊച്ചി: പീഡനക്കേസിൽ പ്രതിയായ കൊച്ചിയിലെ ഡോക്ടർ ജോൺസൺ കെ വർഗീസിനെതിരേ പൊലീസ് ലുക്കൗട്ട് സർക്കുലർ പുറത്തിറക്കി. യുവനടിയുടെ ബന്ധു നൽകിയ പീഡനപരാതിയിൽ കേസെടുത്തതിന് പിന്നാലെ ഡോക്ടർ ഒളിവിലാണ്. ഇതോടെയാണ് പ്രതിക്കെതിരേ പൊലീസ് ലുക്കൗട്ട് സർക്കുലർ പുറത്തിറക്കിയത്. പ്രതി വിദേശത്തേക്ക് കടന്നതായാണ് പൊലീസിന്റെ സംശയം.

അതിനിടെ ഡോ. ജോൺസൺ കെ. വർഗീസിന്റെ മൊബൈൽഫോണിൽനിന്ന് ഒട്ടേറെ യുവതികളുടെ സ്വകാര്യദൃശ്യങ്ങൾ പൊലീസ് കഴിഞ്ഞദിവസം കണ്ടെടുത്തിരുന്നു. ഏകദേശം 12 യുവതികളുടെ സ്വകാര്യദൃശ്യങ്ങളാണ് ഡോക്ടറുടെ മൊബൈൽഫോണിൽനിന്ന് പൊലീസ് കണ്ടെത്തിയത്.

യുവതികൾക്കൊപ്പമുള്ള സ്വകാര്യനിമിഷങ്ങൾ ഡോക്ടർ മൊബൈൽഫോണിൽ പകർത്തി സൂക്ഷിച്ചെന്നാണ് പൊലീസ് പറയുന്നത്. ഇതിൽ ഉൾപ്പെട്ട യുവതികളുടെ പരാതി ലഭിച്ചാൽ ഡോക്ടർക്കെതിരേ കൂടുതൽ കേസുകൾ രജിസ്റ്റർ ചെയ്യുമെന്നും പൊലീസ് പറഞ്ഞു.

യുവനടിയും സുഹൃത്തായ നടനും അടക്കമുള്ള 12 അംഗ സംഘം ഡോക്ടറെ ആക്രമിച്ച് മൊബൈൽഫോണുകളടക്കം 3.25 ലക്ഷം രൂപയുടെ വസ്തുക്കൾ കവർച്ച ചെയ്തെന്ന കേസിലാണ് കഴിഞ്ഞദിവസങ്ങളിൽ പുതിയ വഴിത്തിരിവുണ്ടായത്. യുവനടിയുടെ ബന്ധുവായ സ്ത്രീയാണ് ഡോക്ടർക്കെതിരേ പീഡനപരാതി നൽകിയത്. ഇതോടെ ഡോ. ജോൺസൺ കെ വർഗീസിനെ പ്രതിയാക്കി പൊലീസ് കേസെടുക്കുകയായിരുന്നു.

യുവനടിയും കൂട്ടാളികളും ബന്ധുവിന് ചികിത്സ നൽകണമെന്ന പേരിൽ ഫ്ളാറ്റിലേക്ക് വിളിച്ചുവരുത്തി ക്രൂരമായി മർദിച്ചെന്നും ഫോണുകളും സ്മാർട് വാച്ചു ഇയർപോഡും കവർന്നെന്നുമായിരുന്നു ഡോക്ടർ ആദ്യം നൽകിയ പരാതി. ഈ പരാതിയിൽ കേസെടുത്ത പൊലീസ് യുവനടിയെയും സുഹൃത്തായ നടനെയും മറ്റൊരാളെയും അറസ്റ്റ് ചെയ്തു. ഈ സംഭവത്തിൽ ആകെ 12 പ്രതികളാണുള്ളത്. സംഭവം ഹണിട്രാപ്പ് ആണോ ബ്ലാക്ക്മെയിലിങ് ആണോ എന്നതടക്കം പൊലീസ് പരിശോധിച്ചിരുന്നു. എന്നാൽ, ബന്ധുവായ സ്ത്രീയുമായി ഡോക്ടർക്കുണ്ടായിരുന്ന അടുപ്പവും ഇതേച്ചൊല്ലിയുണ്ടായ പ്രശ്നങ്ങളുമാണ് ആക്രമണത്തിൽ കലാശിച്ചതെന്നായിരുന്നു യുവനടിയുടെ മൊഴി. ഡോക്ടറുടെ ഫോണിലുണ്ടായിരുന്ന ബന്ധുവിന്റെ സ്വകാര്യദൃശ്യങ്ങൾ ഡിലീറ്റ് ചെയ്യാനായാണ് ഡോക്ടറെ വിളിച്ചുവരുത്തിയതെന്നും നടിയും മറ്റുപ്രതികളും പൊലീസിനോട് പറഞ്ഞു. സ്വകാര്യദൃശ്യങ്ങൾ ഡിലീറ്റ് ചെയ്യാനായാണ് ഡോക്ടറുടെ ഫോൺ പിടിച്ചുവാങ്ങിയതെന്നും ഇവരുടെ മൊഴിയിലുണ്ട്. ഈ ഫോണുകളാണ് പ്രതികൾ പൊലീസിന് കൈമാറിയത്. തുടർന്ന് പൊലീസ് ഫോൺ പരിശോധിച്ചതോടെയാണ് കൂടുതൽ യുവതികളുടെ സ്വകാര്യദൃശ്യങ്ങൾ കണ്ടെത്തിയത്.

അതിസമ്മർദ്ദത്തിലും അടിച്ചുപറത്തി, പാകിസ്ഥാനെ തകർത്തെറിഞ്ഞ് 80 പന്തിൽ സെഞ്ചുറി; ആരാണ് അർജുൻ രജ്‌പുത്

Gopalakrishnan C — Sun, 08 Nov 2026 13:36:19 +0530

അൽ അമിറാത്ത്: അണ്ടർ-19 ഏഷ്യാ കപ്പിൽ പാകിസ്ഥാനെതിരായ മത്സരത്തിൽ കൂട്ടത്തകർച്ചയിൽ നിന്ന് ഇന്ത്യയെ ഒറ്റക്ക് കരകയറ്റി തകർപ്പൻ സെഞ്ചുറിയുമായി 19-കാരൻ അർജുൻ രജ്‌പുത്. പാകിസ്ഥാന്‍റെ പേസ് ആക്രമണത്തിന് മുന്നിൽ മുൻനിര ബാറ്റർമാരായാ ആര്യവീര്‍ സെവാഗും അന്‍വയ് ദ്രാവിഡും അടക്കമുള്ളവർ മുട്ടുമടക്കിയപ്പോഴാണ് പഞ്ചാബിൽ നിന്നുള്ള ഈ ഓൾ റൗണ്ടർ ഇന്ത്യയുടെ രക്ഷകനായത്.

മത്സരത്തിൽ ടോസ് നേടി ബാറ്റിംഗിനിറങ്ങിയ ഇന്ത്യ 42/4 എന്ന നിലയിൽ ബാറ്റിംഗ് തകർച്ച നേരിടുമ്പോഴായിരുന്നു അര്‍ജുൻ അഞ്ചാമനായി ക്രീസിലെത്തിയത്. ബാറ്റിംഗ് തകര്‍ച്ചയുടെ സമ്മർദ്ദത്തിനിടയിലും ആക്രമിച്ചു കളിച്ച അര്‍ജുന്‍ 43 പന്തില്‍ അര്‍ധസെഞ്ചുറിയിലെത്തി. അര്‍ധസെഞ്ചുറിയില്‍ നിന്ന് സെഞ്ചുറിയിലെത്താൻ പിന്നീട് വേണ്ടിവന്നത് 37 പന്തുകള്‍ മാത്രമായിരുന്നു. 80 പന്തില്‍ സെഞ്ചുറി തികച്ച അര്‍ജുന്‍ 35ാം ഓവറിലെ രണ്ടാം പന്തില്‍ 85 പന്തില്‍ 107 റണ്‍സെടുത്ത് പുറത്തായി. 11 ഫോറും അഞ്ച് സിക്സും അടങ്ങുന്നതായിരുന്നു അര്‍ജുന്‍റെ ഇന്നിംഗ്സ്.

ആരാണ് അര്‍ജുൻ രജ്‌പുത്

ജലന്ധറിൽ നിന്നുള്ള ഈ 19-കാരന്‍റെ ഇന്ത്യൻ അണ്ടർ-19 ടീമിലേക്കുള്ള വളർച്ച കഠിനാധ്വാനത്തിന്‍റെ കഥയാണ്. ഇടങ്കയ്യൻ മിഡിൽ ഓർഡർ ബാറ്ററും, ആവശ്യമുള്ളപ്പോൾ വിക്കറ്റ് വീഴ്ത്താൻ ശേഷിയുള്ള റൈറ്റ് ആം ഓഫ് സ്പിന്നറുമാണ് അർജുൻ. പഞ്ചാബിന്‍റെ ഏജ്-ഗ്രൂപ്പ് ടൂർണമെന്‍റുകളായ കൂച്ച് ബീഹാർ, വീനു മങ്കാദ് ട്രോഫികളിലെ മികച്ച പ്രകടനമാണ് അർജുനെ ശ്രദ്ധേയനാക്കിയത്. തുടർന്ന് ഷേർ-ഇ-പഞ്ചാബ് ടി20 കപ്പിൽ ലുധിയാന ലയൺസിന് വേണ്ടി മധ്യനിരയിൽ നടത്തിയ വെടിക്കെട്ട് ബാറ്റിംഗ് (മൊഹാലിക്കെതിരെ 46 പന്തിൽ 78 റൺസ്) സെലക്ടർമാരുടെ കണ്ണിലുടക്കി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഈ വർഷം തുടക്കത്തിൽ ശ്രീലങ്കയ്ക്കും ഓസ്‌ട്രേലിയയ്ക്കുമെതിരായ യൂത്ത് ഏകദിന പരമ്പരകളിൽ അർജുൻ തന്‍റെ മികവ് തെളിയിച്ചിരുന്നു. സ്പിന്നർമാർക്കെതിരെ സിംഗിളുകൾ എടുത്തു കളിക്കാനും, അവസാന ഓവറുകളിൽ സ്കോറിംഗ് നിരക്ക് കൂട്ടാനും വലിയ ശേഷിയുള്ള താരമാണ് അർജുൻ. ഇത്തവണത്തെ ഏഷ്യാ കപ്പിലെ ആദ്യ മത്സരത്തിൽ നേപ്പാളിനെതിരെ വെറും 8 റൺസ് വഴങ്ങി 3 വിക്കറ്റുകൾ വീഴ്ത്തി ബൗളറെന്ന നിലയിലും അര്‍ജുന്‍ തിളങ്ങി.

WHAT A WAY TO ANNOUNCE YOURSELF! Arjun Rajput has taken on the challenge, owned the occasion and conquered the big stage!

A magnificent maiden hundred for India U19!

Watch India vs Pakistan in the DP World Men's U19 Asia Cup, LIVE NOW on Sony Sports Network TV channels & Sony LIV.

#SonySportsNetwork #SonyLIV #INDvPAK

— Sony Sports Network (@SonySportsNetwk) November 8, 2026

അടുത്ത യുവരാജ് സിംഗ്'

പാകിസ്ഥാനെതിരായ ഈ കിടിലൻ ഇന്നിംഗ്സിന് പിന്നാലെ കമന്‍റേറ്റർമാർ ഇന്ത്യൻ ക്രിക്കറ്റ് ഇതിഹാസം യുവരാജ് സിംഗുമായാണ് അർജുനെ താരതമ്യം ചെയ്തത്. മധ്യ ഓവറുകളിൽ വിശ്വസ്തനായ ബാറ്ററായും, കൂട്ടുകെട്ടുകൾ പൊളിക്കാൻ ശേഷിയുള്ള ഓഫ് സ്പിന്നറായും തിളങ്ങാൻ അര്‍ജുന് കഴിയും. ഓൾ റൗണ്ടർ ആയതിനാല്‍ വരാനിരിക്കുന്ന ഐപിഎൽ ലേലത്തിലും അർജുന് ആവശ്യക്കാരേറെയുണ്ടാകുമെന്നാണ് കരുതുന്നത്.

SIX AND OUT OF SIGHT!

Mohammad Sayyam goes short, Arjun Rajput goes BIG!

Watch India vs Pakistan in the DP World Men's U19 Asia Cup, LIVE NOW on Sony Sports Network TV channels & Sony LIV.

#SonySportsNetwork #SonyLIV #INDvPAK https://t.co/aodDb4yZ23

— Sony Sports Network (@SonySportsNetwk) November 8, 2026

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

സിനിമകളുടെ പേര് മാറ്റത്തിന് അധികാരമുണ്ടെന്ന് പ്രഖ്യാപിച്ച് സെന്‍സര്‍ ബോര്‍ഡ്; പ്രതിഷേധവുമായി സിനിമാ സംഘടനകള്‍

Web Desk — Sun, 08 Nov 2026 12:03:49 +0530

സിനിമകളുടെ പേര് മാറ്റത്തിന് അധികാരമുണ്ടെന്ന് പ്രഖ്യാപിച്ച് സെന്‍ട്രല്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷന്‍ (സിബിഎഫ്സി). റിലീസ് തീയതി കണക്കാക്കി ചിത്രങ്ങളുടെ സെൻസറിംഗ് നടപടികള്‍ വേഗത്തിൽ പൂർത്തിയാക്കില്ലെന്നും സെൻസർ ബോർഡിന്റെ പുതിയ അഡ്വൈസറി ലെറ്ററില്‍ ഉണ്ട്. പുതിയ സിനിമകളുടെ പ്രൊമോഷന്‍ പരിപാടികളെയും റിലീസിനെത്തന്നെയും സാരമായി ബാധിക്കുന്ന പുതിയ നിർദേശത്തിന് എതിരെ സംസ്ഥാനത്തെ സിനിമാ സംഘടനകൾ കടുത്ത പ്രതിഷേധത്തിലാണ്.

ചലച്ചിത്രങ്ങളുടെ ടീസറിലോ പോസ്റ്ററിലോ സെൻസർ അപേക്ഷയിലോ രേഖപ്പെടുത്തുന്ന പേര് അന്തിമമായി കണക്കാക്കാനാകില്ല എന്നാണ് സെന്‍സര്‍ ബോർഡിന്റെ പുതിയ അറിയിപ്പ്. ഇതുപ്രകാരം പുനഃപരിശോധനാ സമിതിക്ക് സിനിമയുടെ പേര് പരിശോധിക്കാനും മാറ്റം നിർദേശിക്കാനും അധികാരം ഉണ്ട്. സെൻസർ സർട്ടിഫിക്കറ്റ് കിട്ടും മുമ്പ് പേര് പരസ്യപ്പെടുത്തുകയോ അന്തിമമാക്കുകയോ ചെയ്യേണ്ട. ടീസറിലോ ട്രെയിലറിലോ പ്രഖ്യാപിച്ച റിലീസ് തീയതി സർട്ടിഫിക്കേഷൻ നടപടികൾ വേഗത്തിലാക്കാനുള്ള കാരണമായി പരിഗണിക്കില്ല. സ്വന്തമായി നിശ്ചയിച്ച റിലീസ് ഷെഡ്യൂളിന്റെ പേരിൽ ബോര്‍ഡില്‍ നിന്നും ഇളവ് പ്രതീക്ഷിക്കരുത്. അപൂർണ്ണമായ സിനിമകൾ സർട്ടിഫിക്കേഷനായി സമർപ്പിക്കരുത്. ഗ്രാഫിക്സും പശ്ചാത്തല സംഗീതവും സൗണ്ട് മിക്സിംഗും അടക്കം പൂർത്തിയായിരിക്കണം. ഒക്ടോബർ 26 നാണ് സെൻസർ ബോർഡ് പുതിയ നിർദേശങ്ങൾ പുറപ്പെടുവിച്ചത്.

നിലവിൽ സൂപ്പർ താരങ്ങളുടെ ചിത്രങ്ങൾക്കടക്കം നേരത്തെ പേര് പ്രഖ്യാപിച്ച്, പ്രൊമോഷന്‍ നടത്തുന്നത് പതിവാണ്. റിലീസ് തീയതി നേരത്തെ പ്രഖ്യാപിക്കുകയും തിയറ്റർ ലഭ്യത ഉറപ്പാക്കുകയും ചെയ്യാറുണ്ട് നിര്‍മ്മാതാക്കള്‍. കോടികൾ ചെലവഴിച്ച് പ്രീ റിലീസ് പ്രൊമോഷൻ പൂർത്തിയാക്കിയതിന് ശേഷം പേര് മാറ്റാൻ സെൻസർ ബോർഡ് പറഞ്ഞാൽ അത് സിനിമയുടെ നിലനിൽപ്പിനെ തന്നെ ബാധിക്കുമെന്നാണ് സിനിമാ സംഘടനകൾ ചൂണ്ടിക്കാട്ടുന്നത്. നേരത്തെ പ്രഖ്യാപിച്ച റിലീസ് തീയതി മാറ്റേണ്ടി വന്നാൽ ഫെസ്റ്റിവൽ സീസൺ ഉൾപ്പെടെ നഷ്ടമാകാം. സിനിമാ വ്യവസായത്തിന്റെ കടയ്ക്കൽ കത്തി വെക്കുന്ന നിർദേശങ്ങളാണ് സെൻസർ ബോർഡിന്റേത് എന്ന് പ്രൊഡ്യൂസേഴ്സ് അസ്സോസിയേഷൻ കുറ്റപ്പെടുത്തുന്നു. ഇത് സംബന്ധിച്ച തീരുമാനം പുനഃപരിശോധിക്കണമെന്നാവശ്യപ്പെട്ട് കേരള ഫിലിം ചേമ്പർ ഫിലിം സെന്‍സര്‍ ബോർഡിന് കത്തയച്ചിട്ടുമുണ്ട്.

നേരത്തെ കേന്ദ്ര മന്ത്രി സുരേഷ് ഗോപി വക്കീൽ വേഷത്തിൽ എത്തിയ ജാനകി വി. വേഴ്സസ് സ്റ്റേറ്റ് ഓഫ് കേരള എന്ന ചിത്രത്തിന്റെ പേര് മാറ്റണമെന്ന സെൻസർ ബോർഡ് നിലപാട് വലിയ വിവാദങ്ങൾക്ക് കാരണമായിരുന്നു. വിഷയത്തില്‍ സെൻസർ ബോർഡിന് മുമ്പിൽ സിനിമാ സംഘനകൾ കുത്തിയിരുന്ന് സമരം നടത്തിയിരുന്നു. മുഖ്യ കഥാപാത്രത്തിന്റെ പേര് ജാനകി എന്നത് ജാനകി വി ആക്കിയാണ് അന്ന് പ്രശ്നം പരിഹരിച്ചത്.

ദീപാവലി രംഗോലി അബദ്ധത്തിൽ ചവിട്ടി, അല്പം മാഞ്ഞുപോയി, പിന്നാലെ ഡെലിവറി ബോയ് ചെയ്തത്; മനം കവർന്ന് വീഡിയോ

Web Desk — Sun, 08 Nov 2026 13:23:29 +0530

ദീപാവലി ആഘോഷങ്ങളുടെ ഭാഗമായി വീടുകളുടെ മുന്നിൽ മനോഹരമായ രംഗോലികൾ വരയ്ക്കുന്നത് പതിവാണ്. എന്നാൽ, താൻ ഏറെ കഷ്ടപ്പെട്ട് വരച്ച രംഗോലി അല്പം മാഞ്ഞുപോയത് കണ്ടാണ് ദൃഷ്ടി എന്ന യുവതി അത്ഭുതപ്പെട്ടത്. ഇതെങ്ങനെ സംഭവിച്ചു എന്ന് അവർക്ക് മനസിലായില്ല. ഒടുവിൽ അതറിയാനായി വീടിന് മുന്നിലെ സിസിടിവി ദൃശ്യങ്ങൾ പരിശോധിച്ചപ്പോഴാണ് ആ കൗതുകകരമായ കാഴ്ച അവരുടെ കണ്ണിൽ പെട്ടത്.

ഫ്ലിപ്കാർട്ടിന്റെ ഡെലിവറി ഏജന്റ് ഓർഡർ നൽകി മടങ്ങുന്നതിനിടെ അബദ്ധത്തിൽ രംഗോലിയുടെ അരികിൽ ചവിട്ടുകയായിരുന്നു. കോലം അല്പം മാഞ്ഞു എന്ന് മനസ്സിലായതോടെ അയാൾ അവിടെനിന്ന് മടങ്ങിപ്പോകാൻ തയ്യാറായില്ല. താഴെയിരുന്ന് തന്റെ കൈകൾ കൊണ്ട് ആ രംഗോലി പരമാവധി ഭംഗിയായി വീണ്ടും വൃത്തിയാക്കിയ ശേഷമാണ് അയാൾ മടങ്ങിയത്.

'അബദ്ധത്തിൽ സംഭവിച്ചതാണെങ്കിലും, അത് നന്നാക്കാൻ അയാൾ കാണിച്ച ആ മനസ്സ് എന്നെ ഏറെ സ്പർശിച്ചു. ആരും പറയാതെ തന്നെ ഓരോ ചെറിയ വിശദാംശങ്ങളും ശ്രദ്ധിച്ച് അയാൾ അത് ശരിയാക്കാൻ ശ്രമിച്ചു. ആരാണെങ്കിലും അദ്ദേഹത്തിന് എന്റെ നന്ദി' എന്ന് ദൃഷ്ടി കുറിച്ചു.

View this post on Instagram

A post shared by Drashtiiiiii (@drashtiisthisyouu)

ഡെലിവറി ബോയിയുടെ പ്രവൃത്തിയെ പ്രശംസിച്ച് നിരവധിയാളുകളാണ് പോസ്റ്റിന് കമന്റുകളിടുന്നത്. ഉപഭോക്താവ് പരാതിപ്പെടുമോ എന്ന ഭയം കൊണ്ടാകാം അവൻ അത് ചെയ്തതെന്നും, അടുത്ത സ്ഥലത്ത് എത്തുമ്പോൾ വൈകിയതിന് വഴക്ക് കേൾക്കാൻ സാധ്യതയുണ്ടായിട്ടും അതിന് സമയം കണ്ടെത്തിയത് അഭിനന്ദനാർഹമാണെന്നും ആളുകൾ കുറിച്ചു. അബദ്ധം പറ്റിയിട്ടും അത് തിരുത്താൻ കാണിച്ച യുവാവിന്റെ പ്രൊഫഷണലിസവും ആത്മാർത്ഥതയും ആളുകളെ എന്തായാലും ആകർഷിച്ചിട്ടുണ്ട്.

ബസ്തറിലെ സുരക്ഷാ ഉദ്യോഗസ്ഥർക്കൊപ്പം ദീപാവലി ആഘോഷിച്ച് പ്രധാനമന്ത്രി,രാജ്യം നക്സൽ മുക്തമായി, സോണിയഗാന്ധിക്ക് പരോക്ഷവിമർശനം.

S Ajith Kumar — Sun, 08 Nov 2026 13:14:47 +0530

ദില്ലി. നക്സൽ ബാധിതപ്രദേശങ്ങളിൽ സിആ‍ർപിഎഫ് ജവാൻമാർ വീരമൃത്യുവരിച്ചപ്പോൾ കൊട്ടാരത്തിലിരുന്ന ആർക്കും കണ്ണുനീർ വന്നില്ലെന്ന് പ്രധാനമന്ത്രി നരേന്ദ്രമോദി. ബസ്തറിലും ദണ്ഡേവടയിലും രണ്ട് തവണ ഇവിടെ ജവാൻമാ‍ർക്കെതിരെ ആക്രമണമുണ്ടായെന്നും പ്രധാനമന്ത്രി പറഞ്ഞു. ബാബറി മസ്ജിദ് തർക്കുന്നത് ടെലിവിഷനിൽ കണ്ടപ്പോൾ കരഞ്ഞ് പോയെന്ന് സോണിയാഗാന്ധി തൻ്റെ പുസ്തകത്തിൽ പരാമർശിച്ചിരുന്നു. ഈ പരാ‍ർശത്തിനാണ് മോദിയുടെ പരോക്ഷ മറുപടി. നക്സൽ മുക്തമാക്കിയതിന് ശേഷമുള്ള ആദ്യ ദീപാവലിയാണിതെന്ന് മോദി പറ‍ഞ്ഞു. ബസ്തർ മേഖലയിലെ എല്ലാ ജില്ലകളും നക്സൽ മുക്തമാണ്. ഇതിൻ്റെ എല്ലാ ക്രെഡിറ്റും സുരക്ഷാ ഉദ്യോഗസ്ഥർക്കാണ്. 140 കോടി ജനങ്ങളുടെ പേരിൽ നിങ്ങളുടെ സമർപ്പണത്തെ നമിക്കുന്നുവെന്ന് മോദി പറഞ്ഞു.

ആഭ്യന്തരസുരക്ഷ ശക്തം

രാജ്യത്തിൻ്റെ ആഭ്യന്തര സുരക്ഷ ശക്തമെങ്കിൽ പുറത്തുള്ള ശത്രുകൾക്ക് ഒന്നും ചെയ്യാനാകില്ല. മറിച്ചാണെങ്കിൽ പുറത്തെ ശത്രുക്കൾക്ക് അവസരം നല്കുമെന്നും മോദി പറഞ്ഞു.രാജ്യത്തിൻ്റെ ഐക്യവും സുരക്ഷയും ഉറപ്പാക്കാൻ സിആർപിഎഫ്, കോബ്ര, ബിഎസ്എഫ്, ഐടിബിപി, എസ്എസ്ബി, ഐആർബി എന്നിവരെല്ലാം പ്രവർത്തിച്ചു. ബസ്തർ ഫൈറ്റേഴ്സ്, സ്പെഷൽ ഫോഴ്സ് കമാൻഡോസ് , വനിതാ സുരക്ഷാ ഉദ്യോഗസ്ഥർ എല്ലാം ഇതിനായി പ്രവർത്തിച്ചു. 20 സംസ്ഥാനങ്ങളിലായി 230 ജില്ലകൾ നക്സൽ ബാധിതമായിരുന്നു. രാത്രി ജീവിതം ഭയമുള്ളതായിരുന്നു വോട്ട് ചെയ്യാനുള്ള അധികാരം പോലും കവർച്ച ചെയ്യപ്പെട്ടു. ബിഹാർ, യുപി, ഛത്തീസ്ഗഡ്, മധ്യപ്രദേശ്, മഹാരാഷ്ട്ര തുടങ്ങിയ സംസ്ഥാനങ്ങളുടെ സ്ഥിതി ഇതായിരുന്നു. ഒരു വർഷം 2000 അക്രമങ്ങൾ വരെ നടന്നു. 2010 ൽ ഇവിടെ ദന്തേവാഡയിൽ നക്സലുകൾ സിആർപിഎഫ് ഉദ്യോഗസ്ഥരെ വധിച്ചു. 2013 വരെ കണക്ക് നോക്കിയാൽ നക്സലുകൾ കൊല്ലപ്പെട്ടതിനേക്കാൾ സുരക്ഷാ ഉദ്യോഗസ്ഥർ കൊല്ലപ്പെട്ടിട്ടുണ്ട്. ഈ സ്ഥിതി ഇങ്ങനെ തുടരുമെന്നാണ് രാജ്യത്തുണ്ടായിരുന്ന വിചാരം. എന്നാൽ ഇപ്പോഴത് മാറി. കഴിഞ്ഞ ഒരു വർഷമായി ഡ്യൂട്ടിയിലുള്ള ഒരു സിആർപിഎഫ് ഉദ്യോഗസ്ഥന്റെയും ജീവൻ നഷ്ടമായില്ല. നേരത്തെയുള്ള സർക്കാറുകൾ ഉദ്യോഗസ്ഥരുടെ കൈകൾ കെട്ടിയിട്ടു. സുരക്ഷാ സേനയ്ക്ക് എല്ലാ പ്രവർത്തന സ്വാതന്ത്ര്യവും നല്കി. നേരത്തെ ഉദ്യോഗസ്ഥർക്കിടയിൽ നിന്നും അവർക്ക് സഹായം നല്കി, ഇപ്പോൾ അത് അവസാനിപ്പിച്ചു. നക്സലുകൾ ഇല്ലാതായെങ്കിലും ഭീഷണി തീ‍ർന്നിട്ടില്ലെന്ന് പ്രതിപക്ഷത്തെ ലക്ഷ്യമിട്ട് മോദി പറഞ്ഞു . ദിമാഗി നക്സലുകൾ (ബുദ്ധിജീവി നക്സലുകൾ) വിവിധ ഇടങ്ങളിൽ ഇപ്പോഴുമുണ്ട്. ഇന്നും ഭരണഘടനയ്ക്കും ജനാധിപത്യത്തിനും എതിരെ പ്രവർത്തിക്കുന്നു. വിവിധ സംഘടനകളിലും ഇവർ നുഴഞ്ഞുകയറിയിട്ടുണ്ടെന്നും പ്രധാനമന്ത്രി വിമ‍ർശിച്ചു.

മുതലമട സിപിഎം എല്‍സി ഓഫീസിൽ മദ്യപാനം; മൂന്ന് പേർക്ക് സസ്പെൻഷൻ

Faseela Moidu — Sun, 08 Nov 2026 13:11:34 +0530

പാലക്കാട്: പാലക്കാട് മുതലമട സിപിഎം എല്‍സി ഓഫീസിൽ മദ്യപാനം. എല്‍സി സെക്രട്ടറിയുടെ നേതൃത്വത്തിൽ പാർട്ടി ഓഫീസില്‍ മദ്യപിക്കുന്നത് പ്രവർത്തകർ പിടികൂടി. സെക്രട്ടറി ബ്രിജേഷിൻ്റെ നേതൃത്വത്തിലായിരുന്നു മദ്യപാനം. ചോദ്യം ചെയ്തപ്പോൾ ലോക്കൽ സെക്രട്ടറി പ്രവർത്തകരെ പിടിച്ച് ഉന്തുന്നതും പുറത്തുവന്ന ദൃശ്യങ്ങളിലുണ്ട്. സംഭവത്തില്‍ ബ്രിജേഷിനെതിരെ നടപടി ആവശ്യപ്പെട്ട് സിപിഎം പ്രവർത്തകർ നേതൃത്വത്തിന് പരാതി നൽകി. തുടർന്ന് ലോക്കൽ സെക്രട്ടറി ഉൾപ്പെടെ മൂന്ന് പേരെ സസ്പെന്‍റ് ചെയ്തു. പാലക്കാട് മുതലമട ലോക്കൽ സെക്രട്ടറി ബ്രിജേഷ്, പാർട്ടി പ്രവർത്തകരായ സൂര്യപ്രകാശ്, റഷീദ് എന്നിവരെയാണ് സസ്പെൻഡ് ചെയ്തത്. പാർട്ടി ഓഫീസിൽ ഇരുന്ന് മദ്യപിക്കുന്ന ദൃശ്യങ്ങൾ സഹിതം പുറത്തുവന്നതിന് പിന്നാലെയാണ് സിപിഎം പാലക്കാട് ജില്ലാ സെക്രട്ടറി ചെന്താമരാക്ഷൻ ബ്രിജേഷിനെയും രണ്ട് പാർട്ടി പ്രവർത്തകരെയും സസ്പെൻഡ് ചെയ്തത്.

മെഗാ ആഘോഷവുമായി മമ്മൂട്ടിയുടെ ‘മേള’; മാസായി ദീപാവലി സ്പെഷ്യൽ പോസ്റ്റർ

Nithya G Robinson — Sun, 08 Nov 2026 13:10:56 +0530

ദീപാവലി ആശംസകൾക്കൊപ്പം മമ്മൂട്ടി നായകനാകുന്ന നിതീഷ് സഹദേവ് ചിത്രം ‘മേള’യുടെ പുതിയ സ്പെഷ്യൽ പോസ്റ്റർ പുറത്ത്. ദീപാവലി ആഘോഷത്തിന്റെ പശ്ചാത്തലത്തിൽ ഒരുക്കിയ ഈ പോസ്റ്റർ ചിത്രത്തിന്റെ മാസ് എന്റർടെയ്‌നർ സ്വഭാവത്തെ കുറിച്ചുള്ള പ്രേക്ഷകരുടെ കൗതുകവും വർധിപ്പിക്കുന്നു. മമ്മൂട്ടി കമ്പനിയുടെ ബാനറിൽ മമ്മൂട്ടി നിർമ്മിക്കുന്ന ഒൻപതാമത്തെ ചിത്രമാണിത്. മമ്മൂട്ടി കമ്പനി ഇതുവരെ നിർമ്മിച്ചതിൽ ഏറ്റവും വലിയ സിനിമ കൂടിയായ ‘മേള’ 2027ൽ തിയേറ്ററുകളിലെത്തും.

പോസ്റ്ററിൽ മാസ് ലുക്കിൽ കറുത്ത വേഷത്തിൽ നടുവിലെ കസേരയിൽ ഇരിക്കുന്ന മമ്മൂട്ടിയെ ചുറ്റി ചിത്രത്തിലെ സഹതാരങ്ങളെയും കാണാം. പോസ്റ്റർ പങ്ക് വെച്ചതിനൊപ്പം പുറത്ത് വിട്ട, വിഷ്ണു വിജയ് ഒരുക്കിയ പശ്ചാത്തല സംഗീതവും ഇപ്പൊൾ വലിയ പ്രേക്ഷക ശ്രദ്ധ നേടുന്നുണ്ട്. ഫസ്റ്റ് ലുക്ക് പോസ്റ്ററിനൊപ്പം എത്തിയ പശ്ചാത്തല സംഗീതം സമൂഹ മാധ്യമങ്ങളിൽ ട്രെൻഡ് ആയത് പോലെ, ഈ പുത്തൻ പോസ്റ്ററിന് ഒപ്പമെത്തിയ പുതിയ പശ്ചാത്തല സംഗീതവും പ്രേക്ഷകർക്കിടയിൽ ശ്രദ്ധനേടിയിട്ടുണ്ട്.

മമ്മൂട്ടിയുടെ ആക്ഷനും കോമഡിയും മാസ് പ്രകടനങ്ങളും ഒരുമിക്കുന്ന ഒരു ബിഗ് ബജറ്റ് എന്റർടെയ്‌നറായാണ് ചിത്രം ഒരുങ്ങുന്നത്. മേളയുടെ ചിത്രീകരണം ജൂലൈ അവസാനത്തോടെ ആണ് ആരംഭിച്ചത്. ഇപ്പോൾ ചിത്രത്തിൻ്റെ ഷൂട്ടിംഗ് പുരോഗമിക്കുകയാണ്. ജിംഷി ഖാലിദാണ് ചിത്രത്തിന്റെ ഛായാഗ്രഹണം നിർവഹിക്കുന്നത്. സംഗീതമൊരുക്കുന്നത് വിഷ്ണു വിജയ്. വലിയ കാൻവാസിൽ വമ്പൻ താരനിരയെ അണിനിരത്തിയാണ് നിതീഷ് സഹദേവ് ഈ ചിത്രം ഒരുക്കുന്നത്. സംവിധായകനും അനുരാജ് ഒ.ബിയും ചേർന്നാണ് ചിത്രത്തിന്റെ രചന നിർവഹിച്ചിരിക്കുന്നത്.

‘ഫാലിമി’ എന്ന സൂപ്പർഹിറ്റ് ചിത്രത്തിലൂടെ സംവിധാനരംഗത്തെത്തിയ നിതീഷ് സഹദേവ്, തുടർന്ന് തമിഴിൽ ‘തലൈവർ തമ്പി തലൈമയിൽ’ എന്ന വിജയചിത്രവും ഒരുക്കിയിരുന്നു. അതിന് ശേഷം അദ്ദേഹം മലയാളത്തിലേക്ക് മടങ്ങിയെത്തുന്ന സിനിമയെന്ന പ്രത്യേകതയും ‘മേള’യ്ക്കുണ്ട്. മമ്മൂട്ടി കമ്പനിയുടെ മുൻ ചിത്രങ്ങളിൽ നിന്ന് വ്യത്യസ്തമായി, കൂടുതൽ വലിയ നിർമ്മാണച്ചെലവിലും വിപുലമായ കാൻവാസിലും ഒരുങ്ങുന്ന ഈ പ്രോജക്ട് ആരാധകർക്കിടയിൽ ഇതിനോടകം വലിയ പ്രതീക്ഷ സൃഷ്ടിച്ചിട്ടുണ്ട്.

‘കളങ്കാവൽ’ എന്ന ബ്ലോക്ക്ബസ്റ്റർ ചിത്രത്തിന് ശേഷമാണ് മമ്മൂട്ടി കമ്പനി ‘മേള’ നിർമ്മിക്കുന്നത്. പ്രേക്ഷകരുടെയും നിരൂപകരുടെയും പ്രശംസ നേടിയ എട്ട് ചിത്രങ്ങൾക്കു ശേഷം മമ്മൂട്ടി കമ്പനി ഒരുക്കുന്ന ഒൻപതാമത്തെ നിർമ്മാണ സംരംഭമെന്ന നിലയിലും ചിത്രത്തിന് പ്രത്യേക പ്രാധാന്യമുണ്ട്. മമ്മൂട്ടിയുടെ പുതിയ മാസ് അവതാരവും നിതീഷ് സഹദേവിന്റെ സംവിധാനവും ഒത്തുചേരുന്ന സിനിമയ്ക്കായി വലിയ പ്രതീക്ഷയോടെയാണ് ആരാധകർ കാത്തിരിക്കുന്നത്. ദുൽഖർ സൽമാന്റെ വേഫെറർ ഫിലിംസാണ് ചിത്രം കേരളത്തിൽ വിതരണം ചെയ്യുന്നത്.

എക്സിക്യൂട്ടീവ് പ്രൊഡ്യൂസർ : ജോർജ് സെബാസ്റ്റ്യൻ, ലൈൻ പ്രൊഡ്യൂസർ : സുനിൽ സിങ്, കഥ, തിരക്കഥ- നിതീഷ് സഹദേവ്, അനുരാജ് ഓ ബി, പ്രൊജക്റ്റ് ഡിസൈനർ - അഗ്നിവേഷ് രഞ്ജിത്ത്, ഛായാഗ്രഹണം - ജിംഷി ഖാലിദ്, എഡിറ്റർ- ബ്ലെസ് തോമസ്, സംഗീതം - വിഷ്ണു വിജയ്, പ്രൊഡക്ഷൻ ഡിസൈൻ - ഷാജി നടുവിൽ, ആക്ഷൻ- സികെ സ്റ്റണ്ട്സ്, മേക്കപ്പ്- റോണക്സ് സേവ്യർ, സലിം, കോസ്റ്റും ഡിസൈൻ - മെൽവി ജെ , അഭിജിത്, ചീഫ് അസ്സോസിയേറ്റ് ഡയറക്ടർ- രതീഷ് എസ് പിള്ളൈ, പ്രൊഡക്ഷൻ കൺട്രോളർ - അരോമ മോഹൻ, വിഎഫ്എക്സ് സൂപ്പർവൈസർ -തൗഫീഖ് ഹുസൈൻ, വിഎഫ്എക്സ്- എഗ്ഗ് വൈറ്റ് വിഎഫ്എക്സ്, അസ്സോസിയേറ്റ് ഡിറക്ടർസ്- ആഷിഖ് സലാം, റിത്വിക് ലിമ രാമദാസ്, സ്റ്റിൽസ് - നവിൻ മുരളി, ടൈറ്റിൽ ആൻഡ് പോസ്റ്റെർസ് - യെല്ലോടൂത്സ്‌, ഡിജിറ്റൽ മാർക്കറ്റിങ്- വിഷ്ണു സുഗതൻ, പിആർഒ - വൈശാഖ് സി വടക്കേവീട്, ജിനു അനിൽകുമാർ.

അര്‍ഷദീപ് വരുന്നു, ഇനി ബുമ്രയ്ക്കൊപ്പം! കംബാക്കിനുറച്ച് മുംബൈ ഇന്ത്യൻസ്

Hari Krishnan M — Sun, 08 Nov 2026 13:03:25 +0530

അന്തരീക്ഷത്തില്‍പ്പോലും ക്രിക്കറ്റ് തുടിക്കുന്ന വാംഖഡെ. 2027 ഐപിഎല്‍ സീസണിലെ ആദ്യ മത്സരം. ടോസ് വിജയിച്ച നായകൻ രോഹിത് ശര്‍മ ബൗളിങ് തിരഞ്ഞെടുക്കുന്നു. നീലപുതച്ച ഗ്യാലറിയുടെ ആരവങ്ങള്‍ക്കിടയില്‍ ഗാര്‍വാരെ പവലിയൻ എൻഡില്‍ നിന്ന് അര്‍ഷദീപ് സിങ്, മനോഹരമായൊരു ഇൻസ്വിങ്ങര്‍ ഓഫ് സ്റ്റമ്പിനെ നിലം പതിപ്പിക്കുകയാണ്, ശേഷം ടാറ്റ എൻഡില്‍ നിന്ന് സാക്ഷാല്‍ ജസ്പ്രിത് ബുമ്ര...പീക്ക്...

മുംബൈ ഇന്ത്യൻസിനെ പരാജയപ്പെടുത്തണമെങ്കില്‍ 16 ഓവറുകള്‍ മാത്രമാണ് നിങ്ങള്‍ക്ക് മുന്നിലുള്ളതെന്ന് പറയാറുണ്ട്, അവശേഷിക്കുന്ന നാല് ഓവറുകള്‍ ബുമ്രയുടേയതാണ്. ആ പറച്ചിലിന് ഒരുമാറ്റം വരാൻ പോകുന്നു, ഇനി ബുമ്രയുടെ നാല് ഓവറിനൊപ്പം ഒരു സ്പെല്ലുകൂടി അതിജീവിക്കണം, ന്യൂബോളിലും ഡെത്തിലും. യെസ്, വിഖ്യാതമായ ആ ബ്ലൂ ആൻഡ് ഗോള്‍ഡ് ജഴ്സി അര്‍ഷദീപ് സിങ് അണിയാൻ പോകുന്നു...മുംബൈ ഈസ് കുക്കിങ് വെല്‍...

അര്‍ഷദീപിന്റെ വരവ് മുംബൈയെ എത്രത്തോളം ശക്തരാക്കുന്നുവെന്ന് ചോദിച്ചാല്‍ അതിന് ഒരു ഉത്തരമെയുള്ളു. മുംബൈ അവരുടെ ഏറ്റവും മികച്ച കാലത്തിലേക്ക് മടങ്ങിപ്പോകൻ ഒരുങ്ങുന്നു. ഭംഗിവാക്കല്ല ഇത്.

അഞ്ച് തവണ കിരീടം ചൂടിയ മുംബൈ ഇന്ത്യൻസിന്റെ ഡൗണ്‍ഫാളിന്റെ കാരണം തേടിപ്പോകുമ്പോള്‍ അത് എത്തി നില്‍ക്കുന്നത് ബൗളിങ് നിരയിലേക്കാണ്. പ്രത്യേകിച്ചും 2021 സീസണിന് ശേഷം, ബുമ്ര-ട്രെന്റ് ബോള്‍ട്ട് ദ്വയം വേര്‍പിരിഞ്ഞതിന് ശേഷം. ഇവിടെ ബോള്‍ട്ടിന് മുൻപും മുംബൈ ഡൊമിനേറ്റ് ചെയ്തിട്ടില്ലേ എന്ന ചോദ്യം ഉയര്‍ന്നേക്കാം, പക്ഷേ ബോള്‍ട്ടിന്റെ പടിയിറക്കത്തിന് പിന്നാലെ ഒരു ക്വാളിറ്റി ലെഫ്റ്റ് ആം പേസറെ മുംബൈക്ക് കണ്ടെത്താൻ കഴിഞ്ഞിരുന്നില്ല. ബോള്‍ട്ടിന് മുൻപ്, മിച്ചല്‍ ജോണ്‍സണും മിച്ചല്‍ മക്‌ലനഗനുമൊക്കെ മുംബൈക്കൊപ്പമുണ്ടായിരുന്നു.

ഇതോടെ ബുമ്രയെന്ന ഒറ്റപ്പേരിലേക്ക് മാത്രം ബൗളിങ് നിര ചുരുങ്ങിയ സീസണുകളായിരുന്നു പിന്നീട് മുംബൈക്കുണ്ടായത്. എന്നാല്‍, 2025 സീസണിന് മുന്നോടിയായി നടന്ന താരലേലത്തില്‍ ബോള്‍ട്ടിനേയും ഒപ്പം ഐപിഎല്ലിലെ തന്നെ ഏറ്റവും മികച്ച ന്യൂ ബോളര്‍മാരിലൊരാളായ ദീപക് ചാഹറിനെയും മുംബൈ നേടുന്നു. ബോള്‍ട്ട് 2025ല്‍ മികവ് പുലര്‍ത്തിയെങ്കിലും കഴിഞ്ഞ സീസണില്‍ പൂര്‍ണമായും പരാജയപ്പെട്ടു, ചാഹറിനാകട്ടെ രണ്ട് എഡിഷനിലും ഇംപാക്റ്റുണ്ടാക്കാൻ സാധിച്ചതുമില്ല.

2026ലെ ബോള്‍ട്ടിന്റെ എക്കോണമി 11.6 ആണ്, ചാഹറിന്റേത് 10.4 ഉം. ഇരുവരും കൂടെ നേടിയത് 13 വിക്കറ്റുകളും. ഇവിടേക്കാണ് അര്‍ഷദീപ് എത്തുന്നത്. അന്താരാഷ്ട്ര ടി20യിലെ ഇന്ത്യയുടെ ലീഡിങ് വിക്കറ്റ് ടേക്കര്‍, ബുമ്ര കഴിഞ്ഞാല്‍ ഫോര്‍മാറ്റിലെ ഏറ്റവും മികച്ച ഇന്ത്യ പേസറും അര്‍ഷദീപാണ്. എന്നാല്‍, സമീപകാലത്തെ വിക്കറ്റ് ടേക്കറെന്ന നിലയില്‍ അര്‍ഷദീപ് തിളങ്ങുന്നുണ്ടെങ്കിലും ഹൈലി എക്സ്പെൻസീവായാണ് കാണുന്നത്. ദേശീയ കുപ്പായത്തില്‍ ശ്രേയസ് അയ്യറിനും സൂര്യകുമാര്‍ യാദവിനും കീഴില്‍ ഇതായിരുന്നു സ്ഥിതി.

ഐപിഎല്ലിലും വ്യത്യസ്തമായിരുന്നില്ല, 2026ല്‍ 10.21 എക്കോണമിയില്‍ 14 വിക്കറ്റുകള്‍ മാത്രമാണ് നേടാനായതും. പഞ്ചാബിന്റെ ഹോം സ്റ്റേഡിയത്തിലെ വിക്കറ്റ് ബാറ്റിങ്ങിന് അനുകൂലമായതും ഐപിഎല്ലിലെ ഫ്ലാറ്റ് പിച്ചുകളുടെ എണ്ണം വര്‍ധിച്ചതുമൊക്കെ കാരണമായി ചൂണ്ടിക്കാണിക്കാം. ഇവിടെയാണ് മുംബൈയിലേക്ക് വരുമ്പോള്‍ കാര്യങ്ങള്‍ മാറിമറിയാൻ പോകുന്നത്. അത് വിക്കറ്റിന്റെ കാര്യത്തില്‍ അല്ല, മറിച്ച് ക്യാപ്റ്റൻസിയുടെ ഇംപാക്റ്റിലാണ്.

രോഹിത് മുംബൈയുടെ നായകനായി മടങ്ങിയെത്തുമെന്ന കാര്യം ഏറെക്കുറെ ഉറപ്പായിക്കഴിഞ്ഞു. അര്‍ഷദീപിന്റെ അന്താരാഷ്ട്ര കരിയറെടുത്താല്‍ ഏറ്റവും മികച്ച കാലഘട്ടം രോഹിതിന് കീഴിലായിരുന്നു. 27 മത്സരങ്ങളില്‍ നിന്ന് 48 വിക്കറ്റുകള്‍. എക്കോണമി കേവലം 7.8 മാത്രമാണ്. ഒരു കളിയില്‍ ശരാശരി രണ്ട് വിക്കറ്റോളം വീഴ്ത്താൻ അര്‍ഷദീപിന് സാധിക്കുന്നുണ്ട്. താരത്തിന്റെ മികവും എങ്ങനെ ഉപയോഗിക്കണമെന്നതില്‍ കൃത്യമായ ധാരണ രോഹിതിനുണ്ടായിരുന്നു. 2024 ടി20 ലോകകപ്പ് ഫൈനല്‍ ഉദാഹരണമായി കാണാൻ കഴിയും.

സൂര്യക്ക് കീഴില്‍ 38 മത്സരങ്ങളില്‍ നിന്നാണ് 53 വിക്കറ്റ്, എക്കോണമി ഒൻപതിന് മുകളില്‍. ശ്രേയസിനൊപ്പം 20 ടി20യാണ് ഇതുവരെ കളിച്ചത്, നേടിയതാകട്ടെ 24 വിക്കറ്റും, ഇവിടെയും ഒരു ഓവറില്‍ ഒൻപത് റണ്‍സിന് മുകളില്‍ വിട്ടുനല്‍കുന്നുണ്ട്. രോഹിതിന്റെ കീഴിലെ അര്‍ഷദീപ് ഈസ് സംതിങ് എല്‍സ് എന്ന് വ്യക്തമാക്കുന്നതാണ് ഈ കണക്കുകളൊക്കെയും. ബുമ്ര-അര്‍ഷദീപ്. ഇന്ത്യയുടെ ഏറ്റവും മികച്ച ന്യൂബോള്‍, ഡെത്ത് ബൗളര്‍മാര്‍ രോഹിതിന്റെ ക്യാപ്റ്റൻസിയില്‍...

ഹാര്‍ദിക്കിന്റെ പടിയിറക്കം മുംബൈ ഡ്രെസിങ് റൂമിലെ പ്രശ്നങ്ങള്‍ക്കൊക്കെയും പരിഹാരവും കണ്ടെത്താൻ സഹായിച്ചേക്കും, ടോപ് ലെവലിലേക്ക് മടങ്ങിയെത്താനുള്ള ആത്മവിശ്വാസം രോഹിതിന്റെ നേതൃത്വം നല്‍കുമെന്നതില്‍ സംശയമില്ല. കാണാൻ പോകുന്നത് മുംബൈയുടെ കംബാക്ക് തന്നെ...

'രണ്ടാം പിണറായി സർക്കാർ യുഡിഎഫ് സർക്കാരിന് വഴിയൊരുക്കി'; പിണറായി സർക്കാരിലെ മന്ത്രിമാരെ രൂക്ഷമായി വിമർശിച്ച് സിഐടിയു സമ്മേളനം

Web Desk — Sun, 08 Nov 2026 13:02:41 +0530

കോട്ടയം: സിഐടിയു സംസ്ഥാന സമ്മേളനത്തിൽ ഇടത് സർക്കാരിലെ മന്ത്രിമാർക്കെതിരെ രൂക്ഷ വിമർശനം. ഒന്നാം പിണറായി സർക്കാർ രണ്ടാം പിണറായി സർക്കാരിന് വഴിയൊരുക്കിയപ്പോൾ രണ്ടാം പിണറായി സർക്കാർ സതീശൻ സർക്കാരിന് വഴിയൊരുക്കി എന്നാണ് ഉയര്‍ന്ന വിമര്‍ശനം. മന്ത്രി ആയിരുന്ന പി രാജീവിന്‍റേത് തൊഴിലാളി വിരുദ്ധ സമീപനങ്ങളായിരുന്നെന്നും പ്രതിനിധികൾ വിമർശിച്ചു. തൊഴിലാളി നേതാവ് വ്യവസായ മന്ത്രിയായപ്പോൾ പി രാജീവ് തൊഴിലാളികളെ മറന്നുവെന്നും തൊഴിലാളി യൂണിയൻ നേതാക്കൾക്ക് മന്ത്രിയെ കാണാൻ കഴിയാത്ത സ്ഥിതിയുണ്ടായിയെന്നും സമ്മേളനത്തില്‍ വിമര്‍ശനം ഉയര്‍ന്നു.

സിഐടിയു സംസ്ഥാന സമ്മേളനം കോട്ടയത്ത് തുടരുകയാണ്. സംസ്ഥാന ജനറൽ സെക്രട്ടറി എളമരം കരീം ഇന്ന് സംഘടനാ റിപ്പോർട്ട് അവതരിപ്പിക്കും. ഇന്നലെ അവതരിപ്പിച്ച പ്രവർത്തന റിപ്പോർട്ടിന്മേലുള്ള ചർച്ച പൂർത്തിയാക്കി. കഴിഞ്ഞ ഇടത് സർക്കാരിനെതിരെ രൂക്ഷവിമർശനങ്ങളാണ് ചർച്ചകളിൽ ഉയർന്നത്. വിവിധ വിഷയങ്ങളിൽ ഇന്നും ചർച്ച നടക്കുകയാണ്. നാളെയാണ് സമ്മേളനം അവസാനിക്കുക. സമാപന സമ്മേളനത്തിൽ ഒരു ലക്ഷം തൊഴിലാളികളെ പങ്കെടുപ്പിക്കും എന്നാണ് നേതൃത്വം പറയുന്നത്. പ്രതിപക്ഷ നേതാവ് പിണറായി വിജയൻ സമാപന സമ്മേളനം ഉദ്ഘാടനം ചെയ്യും.

സംസ്ഥാനത്തെ ഈസ് ഓഫ് ഡൂയിങ്ങ് കൊണ്ട് എന്ത് പ്രയോജനമുണ്ടായെന്നും സിഐടിയു സംസ്ഥാന സമ്മേളനത്തിൽ ചോദ്യമുയർന്നു. കെ എൻ ബാലഗോപാലിനും കെഎസ്എഫ്ഇ ചെയർമാൻ കെ വരദരാജനുമേതിരെ പരിഹാസവുമുണ്ടായി. രണ്ട് പേർക്കും തൊഴിലാളി ശ്രേഷ്ഠ അവാർഡ് കൊടുക്കണം എന്നാണ് കെഎസ്എഫ്ഇയിലെ തൊഴിലാളികൾ സമ്മേളനത്തില്‍ പറഞ്ഞത്. ചെത്തുതൊഴിലാളി മേഖലയോടുള്ള സമീപനത്തിൽ എം ബി രാജേഷിനും വിമർശനമുണ്ട്. സിഐടിയും സംസ്ഥാന സെന്‍റർ പ്രവർത്തനം നിർജീവമായിരുന്നെന്നും സമ്മേളനത്തിൽ വിമർശനം ഉയര്‍ന്നു.

'ഇത് മാഞ്ചസ്റ്റർ യുണൈറ്റഡ് അർഹിച്ചത്;' റെലഗേഷൻ സോണിലെത്തിയതില്‍ വിമർശനവുമായി ക്ലബ്ബ് ഇതിഹാസം

Hari Krishnan M — Sun, 08 Nov 2026 12:59:14 +0530

ഇംഗ്ലീഷ് പ്രീമിയര്‍ ലീഗില്‍ കനത്ത തിരിച്ചടി നേരിടുന്ന മാഞ്ചസ്റ്റ‍ര്‍ യുണൈറ്റഡിനെതിരെ രൂക്ഷവിമ‍‍‍ര്‍ശനവുമായി ക്ലബ്ബ് ഇതിഹാസം ദിമിത‍ര്‍ ബെ‍ർബ‍‍‍‍‍‍‍റ്റോവ്. നിലവില്‍ ഒൻപത് കളികളില്‍ നിന്ന് ഏഴ് പോയിന്റ് മാത്രമുള്ള യുണൈറ്റഡ് പ്രീമിയർ ലീഗില്‍ 18-ാം സ്ഥാനത്താണ്.

''സത്യം പറഞ്ഞാല്‍ ചിലപ്പോഴൊക്കെ യൂണൈറ്റഡ് കളിക്കുന്ന രീതി നോക്കുമ്പോള്‍, അവര്‍ റെലഗേഷൻ സോണില്‍ എത്താൻ അര്‍ഹരാണെന്ന് തോന്നും,'' ബെര്‍ബറ്റോവ് പറഞ്ഞു. ഈ സീസണിലെ യുണൈറ്റഡിനെ അവസാന ജയം ഓഗസ്റ്റില്‍ ഇപ്‌സിച്ച് ടൗ‍ണിനെതിരെയായിരുന്നു, 5-2ന്. താരതമ്യേന ശക്തരല്ലാത്ത ഇപ്‌സിച്ച് പോലും പോയിന്റ് ടേബിളില്‍ യുണൈറ്റഡിന് മുകളിലാണ്. കഴിഞ്ഞ ഏഴ് മത്സരമായി മൈക്കില്‍ കാരിക്കിന്റെ സംഘത്തിന് ജയമില്ല. 1988ന് ശേഷം ആദ്യമായാണ് യുണൈറ്റഡ് ഇത്രയും വലിയ തിരിച്ചടി ലീഗില്‍ നേരിടുന്നത് പോലും.

കഴിഞ്ഞ വാരം ചെല്‍സിയോട് എതിരില്ലാത്ത രണ്ട് ഗോളിനായിരുന്നു പരാജയം, അതും ആദ്യ പകുതിയില്‍ ആധിപത്യം പുലര്‍ത്തിയതിന് ശേഷം. പ്രതിരോധതാരം ലിസാൻഡ്രൊ മാര്‍ട്ടിനസിന്റെ പിഴവുകളായിരുന്നു തോല്‍വിക്ക് കാരണമായത്.

ചാമ്പ്യൻസ് ലീഗില്‍ റോമയ്ക്ക് എതിരെ നേടിയ വിജയം യുണൈറ്റഡിന്റെ ആത്മവിശ്വാസം ഉയര്‍ത്താൻ പോന്നതാണ്. 17-ാം മിനുറ്റില്‍ രണ്ട് ഗോളിന് പിന്നില്‍ നിന്ന ശേഷമായിരുന്നു യുണൈറ്റഡിന്റെ തിരിച്ചുവരവ്. മാത്തയാസ് കൂന്യയുടെ ഇരട്ടഗോളുകളും ബ്രൂണോ ഫെര്‍ണാണ്ടസിന്റെ ഗോളുമായിരുന്നു കാരിക്കിന്റെ സംഘത്തിന് തുണയായത്.

ഇന്ത്യൻ സമയം ഇന്ന് രാത്രി പത്ത് മണിക്കാണ് അസ്റ്റണ്‍ വില്ലയുമായുള്ള യുണൈറ്റഡിന്റെ മത്സരം. ലീഗിലെ 12-ാം സ്ഥാനക്കാരാണ് വില്ല. ജയിക്കുകയാണെങ്കില്‍ ഒരു സ്ഥാനം മെച്ചപ്പെടുത്തി 16ലേക്ക് എത്താൻ യുണൈറ്റഡിന് സാധിക്കും. ഞായറാഴ്ച ലിവര്‍പൂളാണ് യുണൈറ്റഡിന്റെ അടുത്ത എതിരാളി.

ഒമാൻ കടലിൽ ചരക്കുകപ്പലിന് തീപിടിച്ചു; 22 ജീവനക്കാരെയും സുരക്ഷിതമായി രക്ഷപ്പെടുത്തി യുഎഇ നാഷണൽ ഗാർഡ്

Gargi Sivaprasad — Sun, 08 Nov 2026 12:31:23 +0530

അബുദാബി: ഒമാൻ കടലിൽ തീപിടിത്തമുണ്ടായ ചരക്കുകപ്പലിൽ നിന്ന് 22 ജീവനക്കാരെ യുഎഇ നാഷണൽ ഗാർഡ് വിജയകരമായി രക്ഷപ്പെടുത്തി. കപ്പലിന് തീപിടിച്ചതായി ജീവനക്കാരിൽ നിന്ന് കോസ്റ്റ് ഗാർഡിന് സന്ദേശം ലഭിച്ചതിനെ തുടർന്ന് പ്രത്യേക രക്ഷാപ്രവർത്തന സംഘം ഉടൻ തന്നെ സ്ഥലത്തെത്തുകയായിരുന്നു. കപ്പൽ സ്ഥിതി ചെയ്യുന്ന സ്ഥലം കണ്ടെത്തി നടത്തിയ ദ്രുതഗതിയിലുള്ള ഓപ്പറേഷനിലൂടെ കപ്പലിലുണ്ടായിരുന്ന 22 പേരെയും സുരക്ഷിതമായി പുറത്തെത്തിച്ചു.

കപ്പലിലുണ്ടായിരുന്ന ജീവനക്കാർ അറബ് പൗരന്മാരാണെന്ന് നാഷണൽ ഗാർഡ് വ്യക്തമാക്കി. കപ്പലിൽ തീപിടുത്തമുണ്ടാകാനുള്ള കാരണം വ്യക്തമായിട്ടില്ല. കഴിഞ്ഞ മാസവും അറേബ്യൻ ഉൾക്കടലിൽ തീപിടിച്ച ഒരു എണ്ണക്കപ്പലിൽ (MT GEM No. 2) നിന്ന് 22 ജീവനക്കാരെ യുഎഇ കോസ്റ്റ് ഗാർഡ് സമാനമായ രീതിയിൽ രക്ഷപ്പെടുത്തിയിരുന്നു. ഈ ജീവനക്കാരെല്ലാം സുരക്ഷിതരാണെന്ന് ദുബായിലെ ഇന്ത്യൻ കോൺസുലേറ്റ് പിന്നീട് സ്ഥിരീകരിക്കുകയും ചെയ്തിരുന്നു.

അതേസമയം സംഘർഷ ആശങ്കകൾക്കിടെ ഇറാന്റെ ബന്ദർ അബ്ബാസിലും സിരിക്, ജസക്, ഖേഷം ദ്വീപുകളിലും സ്ഫോടനം. ഹൂതി - സൗദി സംഘർഷത്തിലും സൗദി തലസ്ഥാനത്തേക്ക് ആക്രമണ ശ്രമമുണ്ടായി. ബന്ദഗർ അബ്ബാസിലും സിരികിലും ജസകിലും ഖേഷം ദ്വീപിലും സ്ഫോടനമുണ്ടായെങ്കിവും പിന്നീട് കാര്യമായ വിവരങ്ങൾ പുറത്തു വന്നിട്ടില്ല. അമേരിക്കൻ സെൻട്രൽ കമാൻഡ് ആക്രമണം അവകാശപ്പെടുകയോ, സ്ഫോടനം മാധ്യമങ്ങൾ റിപ്പോർട്ട് ചെയ്തതൊഴിച്ചാൽ ഇറാൻ സ്ഥിരീകരിക്കുകയോ ചെയ്തില്ല. ആക്രമണം കാരണമുള്ള സ്ഫോടമല്ലെന്ന റിപ്പോർട്ടുകളും ഉണ്ടായി. ഹോർമൂസിൽ രണ്ട് കപ്പലുകളെ ഇറാൻ ആക്രമിച്ചു. ഇറാൻ തീരത്ത് നിന്ന് മടങ്ങിയ കാർഗോ ഹൂതികൾ ഇന്നും സൗദി തലസ്ഥാനമായ റിയാദ് ആക്രമിക്കാൻ ശ്രമിച്ചു. ആക്രമണം സൗദി തകർത്തു. ഹൂതി കേന്ദ്രങ്ങളിൽ സൗദി സഖ്യസേന നടത്തിയ ആക്രമണത്തിൽ നിരവധി മരണം റിപ്പോർട്ട് ചെയ്തു.

ഇൻസ്റ്റഗ്രാം മെസേജിനെച്ചൊല്ലി തർക്കം; എറണാകുളത്ത് 17കാരന് ക്രൂരമർദനം, സുഹൃത്തിൻ്റെ അമ്മ അറസ്റ്റിൽ

Naveen Kumar TV — Sun, 08 Nov 2026 12:50:43 +0530

കൊച്ചി: എറണാകുളം എളമക്കരയിൽ ഇൻസ്റ്റഗ്രാം മെസേജിനെച്ചൊല്ലി ഉണ്ടായ തർക്കത്തിൽ 17കാരന് ക്രൂരമർദനം. സുഹൃത്തുക്കളായ പ്രായപൂർത്തിയാകാത്ത കുട്ടികളും അതിലൊരാളുടെ അമ്മയും ചേർന്നാണ് 17കാരനെ മർദിച്ചത്. സംഭവത്തിൽ 40കാരിയായ അമ്മ അറസ്റ്റിലായി.

17കാരൻ്റെ ഇൻസ്റ്റഗ്രാമിൽ നിന്ന് സുഹൃത്തുക്കൾ ചില സ്ത്രീകൾക്ക് മെസേജ് അയച്ചിരുന്നു. ഇതേച്ചൊല്ലിയാണ് തർക്കമുണ്ടായത്. തുടർന്ന് 17കാരനെ കൂട്ടുകാർ വീട്ടിലേക്ക് വിളിച്ചുവരുത്തി ക്രൂരമായി മർദിക്കുകയായിരുന്നു. ഇതിനിടെ, 40കാരിയും 17കാരനെ മർദിച്ചു.

മർദനമേറ്റ വിവരം 17കാരൻ വീട്ടുകാരോട് പറഞ്ഞിരുന്നില്ല. മൂത്രത്തിലൂടെ രക്തം വന്നപ്പോഴാണ് സംഭവം വീട്ടുകാർ അറിഞ്ഞത്. മർദനത്തിൽ ഉൾപ്പെട്ട കുട്ടികൾക്കെതിരെ സോഷ്യൽ ബാക്ക് ഗ്രൗണ്ട് റിപ്പോർട്ട് നൽകും. 17 കാരന്റെ ആരോഗ്യനിലയിൽ നിലവിൽ പ്രശ്നമില്ല.

പ്രോട്ടോണിന്‍റെ എഐ നിരീക്ഷണ വിവാദം: സത്യാവസ്ഥ എന്ത്?

Prashobh Prasannan — Sun, 08 Nov 2026 12:49:49 +0530

എഐ (ആർട്ടിഫിഷ്യൽ ഇന്റലിജൻസ്) ഉപയോഗം വർധിപ്പിക്കുന്നതുമായി ബന്ധപ്പെട്ട വിവാദങ്ങളിൽ വിശദീകരണവുമായി സ്വിസ് ടെക് കമ്പനിയായ പ്രോട്ടോൺ. ജീവനക്കാരുടെ ലാപ്‌ടോപ്പുകളിൽ എഐ ഉപയോഗം നിരീക്ഷിക്കാനുള്ള സോഫ്റ്റ്‌വെയർ സ്ഥാപിച്ചിട്ടില്ലെന്നും എഐ ഉപയോഗം വിലയിരുത്താൻ ജീവനക്കാരെ വീണ്ടും അഭിമുഖം ചെയ്യില്ലെന്നും കമ്പനി വ്യക്തമാക്കി. ഇത്തരം അഭിമുഖങ്ങളുടെ പേരിൽ ആരെയും പിരിച്ചുവിടില്ലെന്നും ഉറപ്പുനൽകി.

പ്രോട്ടോൺ മെയിൽ ഉൾപ്പെടെയുള്ള സ്വകാര്യതയ്ക്ക് പ്രാധാന്യം നൽകുന്ന സേവനങ്ങളിലൂടെ ശ്രദ്ധേയമായ കമ്പനിയാണ് പ്രോട്ടോൺ. സോഫ്റ്റ്‌വെയർ എൻജിനീയർമാരുടെ നിയമനം അവസാനിപ്പിച്ച് എഐ അധിഷ്ഠിത പ്രവർത്തനങ്ങൾക്ക് മുൻഗണന നൽകാൻ കമ്പനി ഒരുങ്ങുന്നതായുള്ള റിപ്പോർട്ടുകൾ നേരത്തെ പുറത്തുവന്നിരുന്നു. ജീവനക്കാരുടെ ലാപ്‌ടോപ്പുകളിൽ എഐ ഉപയോഗം നിരീക്ഷിക്കുന്ന സോഫ്റ്റ്‌വെയർ സ്ഥാപിച്ചതായും എഐ ഉപയോഗം വിലയിരുത്താൻ വീണ്ടും അഭിമുഖം നടത്താൻ പദ്ധതിയിട്ടതായും 404 മീഡിയ റിപ്പോർട്ട് ചെയ്തിരുന്നു.

ആരോപണങ്ങൾ നിഷേധിച്ച് പ്രോട്ടോൺ

ഒക്ടോബർ 31ന് എക്സിലൂടെ പുറത്തുവിട്ട പ്രസ്താവനയിലാണ് കമ്പനി ആരോപണങ്ങൾ നിഷേധിച്ചത്. ജീവനക്കാരുടെ ലാപ്‌ടോപ്പുകളിൽ എഐ ഉപയോഗിച്ച് തയ്യാറാക്കുന്ന കോഡിന്റെ അളവ് നിരീക്ഷിക്കുന്ന സോഫ്റ്റ്‌വെയർ സ്ഥാപിച്ചിട്ടില്ലെന്ന് പ്രോട്ടോൺ വ്യക്തമാക്കി. മൊബൈൽ ഡിവൈസ് മാനേജ്‌മെന്റ് (എംഡിഎം) സോഫ്റ്റ്‌വെയറിന്റെ പ്രവർത്തനത്തെക്കുറിച്ചുള്ള തെറ്റിദ്ധാരണയാണ് ഇത്തരം റിപ്പോർട്ടുകൾക്ക് പിന്നിലെന്നും കമ്പനി വിശദീകരിച്ചു.

സുരക്ഷാ നയങ്ങളിൽ കൂടുതൽ സുതാര്യത

എഐ ഉപയോഗം വർധിപ്പിക്കുമ്പോഴും ഉൽപ്പന്നങ്ങളുടെ സുരക്ഷയിൽ വിട്ടുവീഴ്ച ചെയ്യില്ലെന്ന് പ്രോട്ടോൺ അറിയിച്ചു. കഴിഞ്ഞ ഒരു വർഷത്തിനിടെ സുരക്ഷാ പരിശോധനകൾ കൂടുതൽ ശക്തമാക്കിയിട്ടുണ്ട്. കമ്പനിയുടെ ആഭ്യന്തര എഐ നയങ്ങൾ, കോഡ് പരിശോധനാ രീതികൾ, സുരക്ഷാ നടപടിക്രമങ്ങൾ എന്നിവയും പ്രസിദ്ധീകരിക്കും. നിലവിൽ കമ്പനിക്കുള്ളിൽ മാത്രം ഉപയോഗിക്കുന്ന എഐ അസിസ്റ്റന്റായ ലൂമോയുടെ കൂടുതൽ വികസിത പതിപ്പുകൾ ഉൾപ്പെടെയുള്ള ചില ടൂളുകൾ ഓപ്പൺ സോഴ്‌സായി പുറത്തിറക്കാനും പദ്ധതിയുണ്ട്. ജീവനക്കാർക്ക് എവിടെയൊക്കെ എഐ ഉപയോഗിക്കാം, ഏതൊക്കെ സാഹചര്യങ്ങളിൽ ഉപയോഗിക്കാൻ പാടില്ല തുടങ്ങിയ കാര്യങ്ങളും ഇതിലൂടെ വ്യക്തമാക്കും.

എൻജിനീയർമാരുടെ നിയമനത്തിൽ മാറ്റം

പ്രോട്ടോൺ സിഇഒ ആൻഡി യെൻ 2026 കമ്പനിയുടെ എൻജിനീയർമാരെ നിയമിക്കുന്ന അവസാന വർഷമായിരിക്കുമെന്ന് ജീവനക്കാരോട് പറഞ്ഞതായുള്ള റിപ്പോർട്ടുകൾ നേരത്തെ പുറത്തുവന്നിരുന്നു. അടുത്ത വർഷം മുതൽ എഐ ഉപയോഗിച്ച് ഉൽപ്പന്നങ്ങൾ വികസിപ്പിക്കാൻ കഴിവുള്ളവർക്കായിരിക്കും നിയമനത്തിൽ മുൻഗണനയെന്നും റിപ്പോർട്ടുകളുണ്ടായിരുന്നു. കമ്പനിയുടെ ചീഫ് ടെക്നോളജി ഓഫീസർ ബാർട്ട് ബട്‌ലർ, നിലവിൽ കമ്പനിയുടെ കോഡിന്റെ ഏകദേശം 90 ശതമാനവും എഐയാണ് തയ്യാറാക്കുന്നതെന്ന് പറഞ്ഞതായും റിപ്പോർട്ടിലുണ്ടായിരുന്നു. എന്നാൽ എൻജിനീയറിങ് പ്രവർത്തനങ്ങളിൽ എഐയ്ക്ക് കൂടുതൽ പ്രാധാന്യം നൽകാനുള്ള പദ്ധതിയിൽനിന്ന് കമ്പനി പിന്മാറിയിട്ടില്ല. ജീവനക്കാരുടെയും ഉപഭോക്താക്കളുടെയും ആശങ്കകൾ കൃത്യമായി പരിഹരിക്കാൻ കഴിയാത്തതിൽ ഖേദിക്കുന്നതായും പ്രോട്ടോൺ അറിയിച്ചു.

കാക്കനാട് യുവതിയുടെ മരണത്തിനിടയാക്കിയ അപകടം: സ്വകാര്യ ബസിന്റെ പെർമിറ്റ് സസ്പെൻഡ് ചെയ്തു, നടപടി മറ്റൊരു കേസിൽ

Web Desk — Sun, 08 Nov 2026 12:29:30 +0530

കൊച്ചി: കാക്കനാട് യുവതിയുടെ മരണത്തിനിടയാക്കിയ സ്വകാര്യ ബസിന്റെ പെർമിറ്റ് മറ്റൊരു കേസിൽ സസ്പെൻഡ് ചെയ്തു. ഇൻഫോപാർക്ക്-മട്ടാഞ്ചേരി റൂട്ടിൽ ഓടുന്ന 'മലയിൽ' ബസിന്റെ പെർമിറ്റാണ് ശനിയാഴ്ച മുതൽ 10 ദിവസത്തേക്ക് സസ്പെൻഡ് ചെയ്തത്. ട്രിപ്പ് മുടക്കിയതിനാണ് നടപടി.

കഴിഞ്ഞ ബുധനാഴ്ചയാണ് 'മലയിൽ' ബസ് ഇടിച്ച് ഇൻഫോപാർക്കിലെ ഐടി കമ്പനി ജീവനക്കാരിയായ തൃശ്ശൂർ സ്വദേശിനി അക്ഷര(29) മരിച്ചത്. ജിമ്മിലെ വ്യായാമം കഴിഞ്ഞ് നടന്നുപോവുകയായിരുന്ന അക്ഷരയെ അമിതവേഗത്തിലെത്തിയ ബസ് ഇടിച്ചുവീഴ്ത്തുകയായിരുന്നു. ഈ അപകടത്തിലും ബസിന്റെ പേരിൽ നടപടികൾ ആരംഭിച്ചിട്ടുണ്ട്. അതിനിടെ, പൊലീസിന്റെ ക്ലിയറൻസ് സർട്ടിഫിക്കറ്റ് ഇല്ലാത്ത ഡ്രൈവറെയാണ് ബസിൽ നിയമിച്ചിരുന്നതെന്നും കണ്ടെത്തിയിട്ടുണ്ട്. ബസ് ഡ്രൈവറായ സി കെ ബിനോയ് ലഹരി ഇടപാട് കേസിലും അടിപിടി കേസിലും ഉൾപ്പെടെ പ്രതിയാണെന്നാണ് കണ്ടെത്തൽ.

വിലകൂടിയ കരാറുകളില്ലാതെ തന്നെ ആവശ്യത്തിന് വൈദ്യുതി, കണക്കുകൾ പുറത്ത്; കെഎസ്ഇബി പ്രവചിച്ചതിനേക്കാൾ പീക്ക് ഡിമാൻഡ് കുറഞ്ഞു

Bibin Babu — Sun, 08 Nov 2026 10:05:14 +0530

തിരുവനന്തപുരം: വൈദ്യുതി വാങ്ങൽ കരാറുകളിൽ വലിയ വിവാദങ്ങൾ തുടരുമ്പോൾ വൈദ്യുതി പ്രതിസന്ധിയില്ലാതെ നവംബറിന്‍റെ ആദ്യവാരം. മാസത്തിലെ ആദ്യ ദിവസങ്ങളിൽ വിലകൂടിയ കരാറുകളില്ലാതെ തന്നെ ആവശ്യാനുസരണം വൈദ്യുതി ലഭിച്ചുവെന്നാണ് കണക്കുകൾ വ്യക്തമാക്കുന്നത്. കെഎസ്ഇബി പ്രവചിച്ചതിനേക്കാൾ കുറവാണ് നിലവിൽ പീക്ക് ഡിമാൻഡ്. 5488 മെഗാവാട്ട് പീക്ക് ഡിമാൻഡാണ് കെഎസ്ഇബി പ്രവചിച്ചിരുന്നതെങ്കിലും, ആദ്യ അഞ്ച് ദിവസങ്ങളിൽ 521 മുതൽ 1008 മെഗാവാട്ട് വരെ കുറവാണ് രേഖപ്പെടുത്തിയത്.

വൈദ്യുതി ഉപയോഗവും കണക്കുകൂട്ടിയതിനേക്കാൾ കുറവാണ് ഉണ്ടായിട്ടുള്ളത്. 0.31 എംയു മുതൽ 8.7 എംയു വരെ ഉപഭോഗത്തിൽ കുറവ് വന്നിട്ടുണ്ട്. നിലവിലെ കരാറുകളിലൂടെയും തത്സമയ വിപണിയിൽ നിന്നുമാണ് ആവശ്യങ്ങൾ നിറവേറ്റുന്നത്. ഉപഭോഗം കുറഞ്ഞതിനെ തുടർന്ന് പകൽ സമയങ്ങളിൽ വൻതോതിൽ വൈദ്യുതി സറണ്ടർ ചെയ്യുന്നുമുണ്ട്. ആദ്യ അഞ്ച് ദിവസങ്ങളിൽ 8.59 എംയു മുതൽ 11.35 എംയു വരെ വൈദ്യുതിയാണ് ഇത്തരത്തിൽ സറണ്ടർ ചെയ്തത്. ഈ കണക്കുകൾ കൂടി വിലയിരുത്തിയാകും കേരളത്തിന് ഏത് കരാർ ആണ് വേണ്ടതെന്ന് റെഗുലേറ്ററി കമ്മീഷൻ തീരുമാനിക്കുക. തത്സമയ വിപണിയിൽ ഫെബ്രുവരി വരെ കുറഞ്ഞ വിലയ്ക്ക് വൈദ്യുതി ലഭ്യമാകുമെന്ന റിപ്പോർട്ടുകളും വിലയിരുത്തുമ്പോൾ കേരളത്തിന് പകലും രാത്രിയും വൈദ്യുതി വാങ്ങുന്ന തരത്തിലുള്ള ദീർഘകാല കരാർ ആവശ്യമാണോയെന്ന ചോദ്യവും ഉയർന്നിട്ടുണ്ട്.

അതേസമയം തര്‍ക്കത്തിനൊടുവിലും ജിഎൻഎ ഇടപാടിന് മുഖ്യമന്ത്രി തീരുമാനിച്ചെങ്കിലും കെഎസ്ഇബി തുടര്‍ നീക്കമൊന്നും നടത്തിയിട്ടില്ല. ഇനി സമീപിച്ചാലും റഗുലേറ്ററി കമ്മീഷൻ അനുമതി നൽകാനുള്ള സാധ്യതയുമില്ല. ഈ മാസത്തിന്‍റെ ആദ്യ 5 ദിവസം കേന്ദ്ര വിഹിതത്തിലും ദീര്‍ഘകാല കരാറുകളിലുമായി ദിവസേന സറണ്ടര്‍ ചെയ്തത് 8.59 ദശലക്ഷം യൂണിറ്റ് മുതൽ 11.35 യൂണിറ്റ് വരെയാണ്. പകലാണ് വന്‍ തോതിൽ സറണ്ടര്‍ ചെയ്യുന്നത്. ഇങ്ങനെ വേണ്ടെന്നു വച്ചാലും ഫിക്സഡ് ചാര്‍ജ്ജ് കെഎസ്ഇബി കൊടുക്കണം. ഈ അവസ്ഥയിൽ പകലും രാത്രിയിലും ഒരേ വിലയ്ക്ക് വൈദ്യുതി വാങ്ങുന്ന കരാറിൽ ഏര്‍പ്പെട്ടാൽ 100 മെഗാവാട്ട് വാങ്ങിയാൽ 1.2 ദശലക്ഷം യൂണിറ്റ് ഇപ്പോഴത്തെ നിലയിൽ അധികം സറണ്ടര്‍ ചെയ്യേണ്ടി വരും.

മാത്രവുമല്ല, പവര്‍ എക്സേഞ്ചിൽ നിന്ന് വില കുറഞ്ഞ വൈദ്യുതി പകലും അര്‍ധരാത്രിക്ക് ശേഷവും വാങ്ങാനുമാകില്ല. അഞ്ച് ദിവസം പവര്‍ എക്സേഞ്ചിൽ ഡേ എ എഹഡ് വൈദ്യുതിക്ക് യൂണിറ്റിന് 1.27 രൂപ മുതൽ 2.53 രൂപ വരെ മാത്രമാണ്. പീക്കിൽ പരാമവധി പത്തു രൂപയെത്തിയത് വൈകീട്ട് 5 നും എട്ടിനും ഇടയ്ക്ക് മാത്രം. ഈ സ്ഥിതി ഫെബ്രുവരി വരെ തുടരുമെന്നാണ് വിദഗ്ധ വിലയിരുത്തൽ. മേയ് വരെ വില കൂടിയ വൈദ്യുതി വാങ്ങേണ്ട ആവശ്യമേയില്ലെന്നാണ് ഒടുവിലത്തെ ഉത്തരവിൽ റഗുലേറ്ററി കമ്മീഷൻ നിരീക്ഷിച്ചത്.

ഈ സാഹചര്യത്തിലാണ് 679.5 ദശലക്ഷം യൂണിറ്റ് പകൽ വാങ്ങേണ്ട ജിഎൻഎ ഇടപാടിന് തീരുമാനിക്കുന്നത് .136.9 ദശലക്ഷം യൂണിറ്റായിരുന്നു ഹിമാചൽ ഇടപാടിൽ പകൽ വാഗ്ദാനം. ടെന്‍ഡര്‍ ഇല്ലാതെയും സെബിയും കേന്ദ്ര റഗുലേറ്ററി കമ്മീഷനും അംഗീകരിക്കാത്തതുമായി ഇടപാടിന് സംസ്ഥാന റഗുലേറ്ററി കമ്മീഷൻ അംഗീകരിക്കാൻ സാധ്യതയില്ല. നിലവിലെ സാഹചര്യവും പരിശോധിക്കും. ഇതുവരെ ജിഎൻഎ ഇടപാടിനെക്കുറിച്ച് കെഎസ്ഇബി കമ്മീഷനെ വാക്കാൽ പോലും അറിയിച്ചിട്ടില്ല. ജിഎൻഎയ്ക്കല്ല സിന്നാര്‍ താപനിലയിൽ നിന്ന് 5.18 പൈസയ്ക്ക് 540 മെഗാവാട്ട് 25 വര്‍ഷത്തേയ്ക്ക് ഉറപ്പാക്കുന്നതിനാണ് ഇപ്പോള്‍ ബോര്‍ഡിന്‍റെ മുന്‍ഗണനയെന്നാണ് വിവരം.

സമൂഹ മാധ്യമങ്ങളിൽ വ്യാജ പ്രചാരണം; കോഴിക്കോട് എസ്എംഎ ബാധിതരായ കുട്ടികൾക്കുള്ള ചികിത്സാ ധനസഹായം കുറഞ്ഞു

Faseela Moidu — Sun, 08 Nov 2026 12:07:17 +0530

കോഴിക്കോട്: കോഴിക്കോട് ഓമശ്ശേരി കല്ലുരുട്ടിയിൽ എസ്എംഎ ബാധിതരായ മൂന്ന് കുരുന്നുകളുടെ ചികിത്സാ ധനസഹായ ഫണ്ട് സമാഹരണത്തിന് തിരിച്ചടിയായി വ്യാജ പ്രചാരണം. ചികിത്സയ്ക്ക് ആവശ്യമായ 50 കോടി രൂപ തികഞ്ഞെന്നും ആരും പണം അയക്കരുതെന്നുമാണ് വാട്സ് ആപ്പിലൂടെയുള്ള ഓഡിയോ സന്ദേശം. ഇതിനെതിരെ പൊലീസിൽ പരാതി നൽകാനാണ് സഹായ സമിതിയുടെ തീരുമാനം.

ഇനിയും വേണം 33 കോടി രൂപ

28 ദിവസത്തിനുള്ളിൽ 33 കോടി രൂപ ഇനിയും വേണം എന്നാണ് സഹായ സമിതി അറിയിക്കുന്നത്. 50 കോടി രൂപ പരിധിയുള്ള അക്കൗണ്ടാണ് തുറന്നിരിക്കുന്നതെന്നും എല്ലാദിവസവും കണക്ക് പ്രസിദ്ധീകരിക്കാറുണ്ടെന്നും സഹായ സമിതി വിശദീകരിച്ചു. ദിവസേന ഒരുകോടി രൂപയോളം വന്നുകൊണ്ടിരുന്ന അക്കൗണ്ടിലേക്ക് ഇപ്പോൾ എത്തുന്നത് 31 ലക്ഷം മാത്രമാണെന്നും ഭാരവാഹികൾ വ്യക്തമാക്കി. അരുൺ-ഷാൽമി ദമ്പതികളുടെ ഒന്നരവയസുള്ള കുട്ടികളുടെ സഹായത്തിനായി നാടൊന്നാകെ കൈകോര്‍ക്കുന്നതിനിടെയുള്ള വ്യാജ പ്രചാരണത്തിൽ വീഴരുതെന്നാണ് സഹായ സമിതിയുടെ അപേക്ഷ.

കോഴിക്കോട് മുക്കത്തിനടുത്ത് കല്ലുരുട്ടി സ്വദേശികളായ അരുൺ-ഷാൽമി ദമ്പതികളുടെ ട്രിപ്പ്ലറ്റ് കുഞ്ഞുങ്ങളായ ഡേവിഡ് മാഗ്‌നസ്, ഈഥൻ മോസസ്, ഒലിവർ ജോനാ എന്നിവരുടെ ജീൻ തെറാപ്പിക്കും തുടർചികിത്സയ്ക്കുമായി 50 കോടി രൂപയാണ് വേണ്ടത്. കുരുന്നുകളുടെ ചികിത്സാസഹായത്തിനായി ജനപ്രതിനിധികളും സാമൂഹിക-രാഷ്ട്രീയ നേതാക്കളും നാട്ടുകാരും കൈകോർത്ത് വിപുലമായ ജനകീയ കമ്മിറ്റിക്ക് രൂപം നൽകുകയായിരുന്നു.

സെർവിക്കൽ ക്യാൻസർ ; ഈ ലക്ഷണങ്ങൾ നിർബന്ധമായും അറിഞ്ഞിരിക്കണം

Resmi Sreekumar — Sun, 08 Nov 2026 12:02:23 +0530

സ്ത്രീകളിൽ കണ്ടുവരുന്ന അർബുദമാണ് ഗർഭാശയമുഖ അർബുദം. ഗർഭാശയമുഖത്തെ കോശങ്ങളിൽ ആരംഭിക്കുന്ന ഒരു തരം ക്യാൻസറാണ് സെർവിക്കൽ ക്യാൻസർ. ഗർഭാശയത്തെ യോനിയുമായി ബന്ധിപ്പിക്കുന്ന ഗർഭാശയത്തിന്റെ താഴെയുള്ള ഇടുങ്ങിയ ഭാഗമാണ് ഗർഭാശയമുഖം.

സാധാരണയായി കണ്ടുവരുന്ന ഒന്നാണെങ്കിലും നേരത്തെ കണ്ടെത്തിയാൽ ചികിത്സിച്ചു ഭേദമാക്കാൻ ഏറ്റവും എളുപ്പമുള്ള ക്യാൻസർ തരങ്ങളിൽ ഒന്നാണിത് ഗർഭാശയമുഖ ക്യാൻസർ. രോഗം മൂർച്ഛിച്ച ഘട്ടങ്ങളിൽ പോലും, കൃത്യമായ ചികിത്സയിലൂടെ ഇതിനെ നിയന്ത്രണവിധേയമാക്കാൻ സാധിക്കും.

ഇന്ത്യയില്‍ ഓരോ എട്ടു മിനിറ്റിലും ഒരു സ്ത്രീ സെര്‍വിക്കല്‍ ക്യാന്‍സര്‍ മൂലം മരണമടയുന്നുവെന്നാണു നാഷണല്‍ ഇന്‍സ്റ്റിറ്റ്യൂട്ട് ഓഫ് കാന്‍സര്‍ പ്രിവന്‍ഷന്റെ കണക്ക്. 30 മുതല്‍ 69 വയസ്സിനുള്ളില്‍ പ്രായമുള്ള സ്ത്രീകളെയാണ് ഈ രോഗം ബാധിക്കുന്നത്. ഗർഭാശയമുഖ ക്യാൻസർ (cervical cancer) കേസുകളിൽ 99 ശതമാനത്തിനും കാരണം ഹ്യൂമൻ പാപ്പിലോമ വൈറസ് (HPV) ആണ്.

തൊണ്ട, ജനനേന്ദ്രിയങ്ങൾ, ചർമ്മം എന്നിവയെ ബാധിക്കുന്ന, ലൈംഗിക ബന്ധത്തിലൂടെ പകരുന്ന ഒരു സാധാരണ അണുബാധയാണിത്. മിക്ക കേസുകളിലും, ശരീരത്തിന്റെ പ്രതിരോധ സംവിധാനം വൈറസിനെ നീക്കം ചെയ്യുന്നു. എന്നാൽ, വൈറസ് ബാധ തുടരുന്നത് അസാധാരണമായ കോശങ്ങളുടെ വളർച്ചയ്ക്ക് കാരണമാകാം. ഹോർമോൺ അടങ്ങിയ ഗർഭനിരോധന മാർഗ്ഗങ്ങൾ ഉപയോഗിക്കുന്നവർ, പുകവലിക്കുന്നവർ, ലൈംഗികമായി പകരുന്ന മറ്റ് അണുബാധകളുള്ളവർ എന്നിവർക്ക് ഗർഭാശയമുഖ ക്യാൻസർ വരാനുള്ള സാധ്യത കൂടുതലാണ്.

ആർത്തവവിരാമത്തിന് ശേഷമോ അല്ലെങ്കിൽ ലൈംഗിക ബന്ധത്തിന് ശേഷമോ ഉണ്ടാകുന്ന അസാധാരണമായ രക്തസ്രാവം, യോനിയിൽ നിന്നുള്ള സ്രവം വർദ്ധിക്കുകയോ അതിന് ദുർഗന്ധം അനുഭവപ്പെടുകയോ ചെയ്യുക, നടുവ്, കാലുകൾ, അല്ലെങ്കിൽ ഇടുപ്പ് ഭാഗങ്ങളിൽ വിട്ടുമാറാത്ത വേദന അനുഭവപ്പെടുക, ശരീരഭാരം കുറയുക, അമിതമായ ക്ഷീണം, വിശപ്പില്ലായ്മ, യോനീഭാഗത്ത് അസ്വസ്ഥത അനുഭവപ്പെടുക, കാലുകളിൽ നീര് വരിക എന്നിവയെല്ലാം സെർവിക്കൽ ക്യാൻസറിന്റെ ലക്ഷണങ്ങളാണ്.

പാപ്സ്മിയര്‍ ടെസ്റ്റാണ് സെര്‍വിക്കല്‍ ക്യാന്‍സര്‍ കണ്ടെത്താന്‍ ഏറ്റവും ഫലപ്രദമായ മാർഗം. യോനീമുഖത്തെ മറ്റ് അണുബാധകള്‍ കണ്ടെത്താനും ഈ പരിശോധന നടത്താവുന്നതാണ്. പാപ് ടെസ്റ്റാണ് പൊതുവേ രോഗനിര്‍ണയത്തിന് അംഗീകരിക്കപ്പെട്ട പരിശോധനാ രീതി. ഇതു വളരെ എളുപ്പത്തില്‍ ചെയ്യാവുന്ന പരിശോധനയാണ്.

ഗര്‍ഭാശയമുഖത്തെ കോശങ്ങള്‍ക്ക് എന്തെങ്കിലും മാറ്റമുണ്ടോ, ക്യാന്‍സര്‍ ഉണ്ടോ, ക്യാന്‍സര്‍ വരാന്‍ സാധ്യതയുണ്ടോ എന്നിവയെല്ലാം ഈ പരിശോധനയിലൂടെ അറിയാന്‍ സാധിക്കും. എല്ലാ സ്ത്രീകളും ഈ പരിശോധന നടത്തണം. തികച്ചും വേദനാരഹിതവും പാർശ്വഫലങ്ങളില്ലാത്ത

കാശുകൊടുത്ത് ജീവനുള്ള മീൻ വാങ്ങി, എല്ലാത്തിനെയും തിരിച്ച് കടലിലൊഴുക്കി ദമ്പതികൾ; കോമൺസെൻസില്ലേ എന്ന് നെറ്റിസൺസ്

Web Desk — Sun, 08 Nov 2026 11:56:20 +0530

ധനുഷ്കോടി തീരത്തുനിന്ന് വാങ്ങിയ ജീവനുള്ള മീനുകളെ കടലിലേക്ക് തിരികെവിട്ട് പരിസ്ഥിതി സ്നേഹം പ്രകടിപ്പിക്കാൻ ശ്രമിച്ച ഡെൽഹി ദമ്പതികൾക്ക് സോഷ്യൽ മീഡിയയിൽ വൻ വിമർശനം. ധനുഷ്കോടി ബീച്ചിൽ വച്ച് പ്രദേശത്തെ മീൻപിടുത്തക്കാരിൽ നിന്ന് അഞ്ച് കിലോഗ്രാം ജീവനുള്ള മീനുകളെ പണം കൊടുത്ത് വാങ്ങിയ ശേഷം അവയെ ഇവർ കടലിലേക്ക് തന്നെ ഒഴുക്കി വിടുകയായിരുന്നു.

@AbdruDarlz എന്ന എക്സ് യൂസറാണ് വീഡിയോ സോഷ്യൽ മീഡിയയിൽ ഷെയർ ചെയ്തിരിക്കുന്നത്. വൈകാരികമായി പ്രതികരിച്ചുകൊണ്ട് യുവതി മീനുകളെ കടലിലേക്ക് തുറന്നുവിടുന്ന ദൃശ്യങ്ങൾ ഇതിൽ കാണാം. എന്നാൽ, ഈ പ്രവൃത്തി കരുണയുടെ പ്രതീകമാണോ അതോ വെറും വിവരക്കേടാണോ എന്ന വിഷയത്തിലാണ് സോഷ്യൽ മീഡിയ രണ്ടുചേരിയായി തിരിഞ്ഞ് അഭിപ്രായങ്ങൾ പങ്കുവയ്ക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

'കടലിന് നിങ്ങളുടെ ജീവകാരുണ്യം ആവശ്യമില്ല, നിങ്ങളുടെ തലച്ചോറിനാണ് ഓക്സിജൻ ആവശ്യം. കോമൺസെൻസ് എന്നത് എല്ലാവർക്കും ജന്മാവകാശമായി കിട്ടണമെന്നില്ല' എന്ന അടിക്കുറിപ്പോടെയാണ് വീഡിയോ പോസ്റ്റ് ചെയ്തിരിക്കുന്നത്.

വിഡിയോ വൈറലായതോടെ രൂക്ഷമായ പ്രതികരണങ്ങളാണ് പോസ്റ്റിന് താഴെ ഉയരുന്നത്. 'മീൻ വാങ്ങി കടലിൽ വിട്ടിട്ട് അത് വലിയൊരു രക്ഷാപ്രവർത്തനമായി ചിത്രീകരിക്കുന്നു. മീൻപിടുത്തക്കാർക്ക് പണം കിട്ടി, ദമ്പതികൾക്ക് രക്ഷകരാണെന്ന തോന്നലുമുണ്ടായി, പക്ഷെ കോമൺ സെൻസില്ലാണ്ടായിപ്പോയി' എന്ന് ഒരാൾ കുറിച്ചു. മറ്റുചിലർ ദമ്പതിമാരെ പിന്തുണച്ചും രംഗത്തെത്തി.

A Delhi couple bought 5 kg of live fish from local fishermen at Dhanushkodi beach and released them back into the sea

The ocean didn't need your charity. Your brain needed some oxygen, Common sense is clearly not everyone's birthright!!!? https://t.co/RQAIR5HoyX

— A ɴ ᴅ ʀ ᴜ  (@AndruDarlz) November 7, 2026

'അത് അവരുടെ ഇഷ്ടമാണ്. വീണ്ടും വലയിലാകാനോ മറ്റ് ജീവികളുടെ ഇരയാകാനോ സാധ്യതയുണ്ടെങ്കിലും, ആ മീനുകൾക്ക് ജീവിക്കാൻ ഒരു അവസരം കൂടി നൽകിയെന്ന സന്തോഷത്തിൽ അവർക്ക് ഉറങ്ങാം. അവരുടെ കാഴ്ചപ്പാട് മനസ്സിലാക്കാതെ പരിഹസിക്കരുത്' എന്നായിരുന്നു മറ്റൊരു പ്രതികരണം.

വിവാദ നീക്കവുമായി സർക്കാർ; സംസ്ഥാനത്തെ സ്വയംഭരണ കോളേജുകൾക്ക് വാരിക്കോരി ഇളവുകൾ; വിമർശിച്ച് പ്രതിപക്ഷ നേതാവ്

Web Desk — Sun, 08 Nov 2026 11:38:50 +0530

തിരുവനന്തപുരം: സംസ്ഥാനത്തെ സ്വയംഭരണ കോളേജുകളിൽ പുതിയ കോഴ്‌സുകൾ അനുവദിക്കുന്നതുമായി ബന്ധപ്പെട്ട് ഉന്നത വിദ്യാഭ്യാസ വകുപ്പ് പുതിയ മാർഗ്ഗനിർദ്ദേശങ്ങൾ പുറപ്പെടുവിച്ചു. വർഷാവർഷം അനുമതി പുതുക്കി നൽകുന്ന രീതി അവസാനിപ്പിച്ച് ഇനി മുതൽ മൂന്ന് വർഷത്തിലൊരിക്കൽ എൻഒസി നൽകാൻ തീരുമാനമായി. സ്വയംഭരണ കോളേജുകളിൽ പുതിയ കോഴ്‌സുകൾ ആരംഭിക്കുന്നതിനോ സ്വാശ്രയ സ്ട്രീമിന് കീഴിൽ പുതിയ കോഴ്‌സുകൾ ആരംഭിക്കുന്നതിനോ, സീറ്റ് വർദ്ധനവിനോ സർക്കാരിന്റെ അനുമതി ആവശ്യമില്ല. എന്നാൽ ഈ വിവരം സർക്കാരിനെ മുൻകൂട്ടി അറിയിക്കണം. സർക്കാർ തീരുമാനം സ്വയംഭരണ കോളേജുകൾക്ക് കൊള്ളലാഭം കൊയ്യാൻ അവസരമൊരുക്കുന്നതാണെന്ന് പ്രതിപക്ഷ നേതാവ് പിണറായി വിജയൻ വിമർശിച്ചു.

സ്വാശ്രയ കോളേജുകളിൽ പുതിയ കോഴ്‌സുകൾ ആരംഭിക്കുന്നതിന് സർക്കാരിന്റെ അനുമതി ആവശ്യമാണ്. സർക്കാർ, എയ്ഡഡ്, ഓട്ടോണോമസ് (എയ്ഡഡ്) കോളേജുകളിൽ എയ്ഡഡ് സ്ട്രീമിന് കീഴിൽ പുതിയ കോഴ്‌സുകൾ ആരംഭിക്കുന്നതിനും നിലവിലെ കോഴ്‌സുകളിൽ സീറ്റുകൾ സ്ഥിരമായി വർദ്ധിപ്പിക്കുന്നതിനും സർക്കാരിന്റെ അനുമതി വേണം. എന്നാൽ ഇതിനായി സർക്കാർ ഫീസ് ഈടാക്കില്ല. സ്വാശ്രയ സ്വയംഭരണ കോളേജുകളിൽ പുതിയ കോഴ്‌സുകൾ ആരംഭിക്കുന്നതിനോ, സ്വയംഭരണ (എയ്ഡഡ്) കോളേജുകളിൽ സ്വാശ്രയ സ്ട്രീമിൽ പുതിയ കോഴ്‌സുകൾ ആരംഭിക്കുന്നതിനോ, സീറ്റ് വർദ്ധിപ്പിക്കുന്നതിനോ സർക്കാരിന്റെ അനുമതി ആവശ്യമില്ല. എന്നാൽ സ്വാശ്രയ രീതിയിൽ പുതിയ കോഴ്‌സുകൾ ആരംഭിക്കുന്ന വിവരം സർക്കാരിനെ മുൻകൂട്ടി അറിയിക്കേണ്ടതാണെന്ന് സർക്കുലർ വ്യക്തമാക്കുന്നു.

സ്വാശ്രയ കോളേജുകളിൽ നിലവിലുള്ള കോഴ്‌സുകളിലെ സീറ്റ് വർദ്ധനവിന് അതാത് സർവകലാശാലകൾക്കോ റഗുലേറ്ററി അതോറിറ്റിക്കോ തീരുമാനമെടുക്കാം. ഇതിനായി പ്രത്യേകം സർക്കാർ അനുമതി തേടേണ്ടതില്ല. അനുമതി പത്രത്തിനായി ഒരു കോഴ്‌സിന് 650 രൂപ വീതം ചലാൻ ഫീസും (3 വർഷത്തേക്ക്) 810 രൂപ അഫിഡവിറ്റ് ഫീസും (3 വർഷത്തേക്ക്) അടയ്ക്കണമെന്നാണ് പുതിയ ചട്ടം. 2026-27 അധ്യയന വർഷത്തിൽ അനുമതി ലഭിച്ച കോളേജുകൾ 2029-30-ൽ പുതുക്കുമ്പോൾ 2027-28, 2028-29 വർഷങ്ങളിലെ ഫീസ് ഒടുക്കിയാൽ മതിയെന്ന് സർക്കുലർ വ്യക്തമാക്കുന്നു. ഓരോ അക്കാദമിക് വർഷത്തിലും പ്രവേശന നടപടികൾ പൂർത്തിയായ ശേഷം പുതിയ കോഴ്‌സുകളുടെയും സീറ്റ് വർദ്ധനവിന്റെയും വിവരങ്ങൾ സർവകലാശാലകൾ സർക്കാരിന് നിർബന്ധമായും റിപ്പോർട്ട് ചെയ്യണം. നിലവിലുള്ള നിയമങ്ങളിൽ പ്രതിപാദിക്കാത്ത വിഷയങ്ങൾക്കും, സർവകലാശാല/റഗുലേറ്ററി ബോഡി തീരുമാനങ്ങളിൽ പുനഃപരിശോധനയോ സർക്കാർ ഇടപെടലോ ആവശ്യമുള്ള സാഹചര്യങ്ങളിലും സർക്കാരിന്റെ പ്രത്യേക അനുമതി വാങ്ങേണ്ടതാണ്. ഉന്നത വിദ്യാഭ്യാസ വകുപ്പ് അഡീഷണൽ സെക്രട്ടറി പുറപ്പെടുവിച്ച സർക്കുലർ സംസ്ഥാനത്തെ എല്ലാ സർവകലാശാലകൾക്കും കോളേജ് വിദ്യാഭ്യാസ ഡയറക്ടർക്കും കൈമാറിയിട്ടുണ്ട്.

ദീപാവലി ദിനത്തിൽ 'മൂക്കുത്തി അമ്മൻ 2- മഹാശക്തി'യുടെ സ്പെഷ്യൽ പോസ്റ്റർ റിലീസായി

Web Desk — Sun, 08 Nov 2026 11:36:52 +0530

നയൻതാര നായികയായെത്തിയ, സുന്ദർ സിയുടെ സംവിധാനത്തിൽ ഒരുങ്ങിയ മൂക്കുത്തി അമ്മൻ 2 – മഹാശക്തി തിയേറ്ററുകളിൽ വൻ വിജയത്തിലേക്ക് കുതിക്കുകയാണ്. ഇപ്പോഴിതാ, ചിത്രത്തിലെ രണ്ട് പ്രമുഖ താരങ്ങളായ ഖുശ്ബു സുന്ദറിന്റെയും സ്നേഹയുടെയും സാന്നിധ്യം വെളിപ്പെടുത്തിക്കൊണ്ടുള്ള ദീപാവലി സ്പെഷ്യൽ പോസ്റ്റർ അണിയറപ്രവർത്തകർ പുറത്തിറക്കി. മൂക്കുത്തി അമ്മന്റെ സഹോദരിമാരായാണ് ഇരുവരും ചിത്രത്തിൽ തിളങ്ങുന്നത്.

റിലീസ് ചെയ്ത രണ്ടാം ദിനമായ ശനിയാഴ്ച ചിത്രത്തിന് എല്ലാ സെന്ററുകളിലും ഹൗസ്ഫുൾ, ഫാസ്റ്റ് ഫില്ലിംഗ് ഷോകൾക്കൊപ്പം അധിക പ്രദർശനങ്ങളും ലഭിച്ചു. കഴിഞ്ഞ 24 മണിക്കൂറിൽ ബുക്ക് മൈ ഷോയിലൂടെ മാത്രം 71.75K ടിക്കറ്റുകളാണ് ചിത്രത്തിന്റേതായി വിറ്റഴിഞ്ഞത്. ബുക്കിംഗ് ആരംഭിച്ച ദിവസം മുതൽ ഓരോ മണിക്കൂറിലും ട്രെൻഡിംഗിലാണ് മൂക്കുത്തി അമ്മൻ 2 – മഹാശക്തിയുടെ ടിക്കറ്റ് ബുക്കിംഗ്. വേൽസ് ഇന്റർനാഷണലിന്റെ ബാനറിൽ ഡോ. ഇഷാരി കെ. ഗണേഷ് നിർമ്മിച്ച മൂക്കുത്തി അമ്മൻ 2 – മഹാശക്തിയുടെ രചനയും സംവിധാനവും നിർവ്വഹിച്ചിരിക്കുന്നത് സുന്ദർ സിയാണ്. ചിത്രത്തിന്റെ സംഗീത സംവിധാനം ഹിപ്പ് ഹോപ്പ് തമിഴയാണ് നിർവ്വഹിച്ചിരിക്കുന്നത്. ഖുശ്ബു സുന്ദർ, കുഷ്മിത ഗണേഷ്, ഇഷാൻ സക്സേന, വിഘ്നേഷ് ശിവൻ എന്നിവരാണ് ചിത്രത്തിന്റെ സഹനിർമ്മാതാക്കൾ.

This Diwali, let the divine glory of our beloved Mookuthi Amman illuminate every home. ❤️✨

#MookuthiAmman2

️ https://t.co/muQR2YzuYJ

#Mahasakthi

️ https://t.co/oiLLwcsBAy

A @sundarcoffl Spectacle

#MookuthiAmman2FromToday

#MahasakthiFromToday

@IshariKGanesh @VelsFilmIntl #Nayanthara #VigneshShivan @khushsundar @AvniCinemax_ @Rowdy_Pictures @kushmithaganesh #AnanditaSundar @hiphoptamizha @gopiamar @FennyOliver @ReginaCassandra @iYogiBabu @suneeltollywood @Officialsalaga @mgabhinaya @Venkatt_Ragavan @vichuviswanath @Inban_U @teamaimpr @redgiantmovies_ @Ayngaran_offl @BigfilmsLtd @BhavanaRelease @AAFilmsIndia @asianet @velsmusicintl @vijaytelevision @JioHotstar @kav_pandian @thetabsofficial

— Vels Film International (@VelsFilmIntl) November 8, 2026

നയൻതാര, ദുനിയ വിജയ്, റെജീന കസാൻഡ്ര, ഉർവശി, യോഗി ബാബു, മൈന നന്ദിനി, ഗരുഡ റാം, അഭിനയ, ശ്രുതി എസ്., സിംഗപ്പുലി അണ്ണാവി, വി.ആർ. സ്വാമിനാഥൻ, ശിവകുമാർ എസ്., സുനിൽ വർമ്മ ഇൻഡുകുരി, വർഷിണി വെങ്കട്ട്, പാല കരുപ്പയ്യ, ആനന്ദ അധിഷ്ട ലക്ഷ്മി, നിതിൻ സത്യ, ഡെബ്ലിന ചാക്കി എന്നിവരാണ് മഹാശക്തിയിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഭാവന റിലീസാണ് ചിത്രം കേരളത്തിലെ തിയേറ്ററുകളിൽ വിതരണം ചെയ്യുന്നത്. മാർക്കറ്റിംഗ്: സിനി കണക്റ്റ് കമ്മ്യൂണിക്കേഷൻസ്, പി.ആർ.ഒ: പ്രതീഷ് ശേഖർ.

17കാരൻ്റെ ജാമ്യം റദ്ദാക്കണം; ചേരാനല്ലൂർ അപകടത്തിൽ ജയബാലകൃഷ്ണന്റെ കുടുംബം ഹൈക്കോടതിയിലേക്ക്

Naveen Kumar TV — Sun, 08 Nov 2026 11:28:03 +0530

കൊച്ചി: ചേരാനല്ലൂർ അപകടത്തിൽ 17കാരൻ്റെ ജാമ്യം റദ്ദാക്കണമെന്ന് ആവശ്യപ്പെട്ട് റിവിഷൻ പെറ്റീഷനുമായി കൊല്ലപ്പെട്ട ജയബാലകൃഷ്ണന്റെ കുടുംബം ഹൈക്കോടതിയിലേക്ക്. ജുവനൈൽ ജസ്റ്റിസ് ബോർഡ് നടപടികൾ കഴിഞ്ഞ ദിവസം സ്ത്രീകൾക്കും കുട്ടികൾക്കുമെതിരായ അതിക്രമം പരിഗണിക്കുന്ന കോടതി റദ്ദാക്കിയിരുന്നു. എന്നാൽ 17കാരന് നൽകിയ സ്റ്റേഷൻ ജാമ്യം നിലനിൽക്കുന്നുണ്ട്. ഇതോടെയാണ് റിവിഷൻ പെറ്റീഷനുമായി ജയപാലകൃഷ്ണന്റെ കുടുംബം ഹൈക്കോടതിയെ സമീപിക്കുന്നത്.

17കാരൻ്റെ ജാമ്യം റദ്ദാക്കണമെന്ന് ആവശ്യപ്പെട്ട് സർക്കാരിൻ്റെയും ജയബാലകൃഷ്ണന്റെ കുടുംബത്തിൻ്റെയും ആവശ്യം സ്ത്രീകളുടെയും കുട്ടികളുടെയും കേസുകൾ പരിഗണിക്കുന്ന എറണാകുളം അഡീഷണൽ സെഷൻസ് കോടതി തള്ളിയിരുന്നു. 17കാരനെതിരെ നരഹത്യാക്കുറ്റം ചുമത്തിയ അന്വേഷണ ഉദ്യോഗസ്ഥനെ കോടതി അതിരൂക്ഷമായി വിമർശിച്ചിരുന്നു. അതിക്രൂര കുറ്റകൃത്യം അല്ലെങ്കിൽ പ്രായപൂർത്തിയാകാത്ത ആൾക്കെതിരെ എഫ്ഐആർ ഇടാനാകില്ലെന്ന് പറഞ്ഞ കോടതി, എഫ്ഐആറിലെ തിരുത്തിലും അപ്പീലിലെ പിഴവിലും വിമർശനം ഉയർത്തി. ഈ കേസിൽ എന്ത് പ്രത്യേകതയാണ് ഉള്ളതെന്ന് ചോദിച്ച കോടതി, ചരിത്രത്തിൽ ഇല്ലാത്തത് സംഭവിക്കുന്നു എന്ന പരാമർശവും നടത്തി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അധികാര പരിധിയിൽ ഇല്ലാത്ത ജാമ്യാപേക്ഷ പരിഗണിച്ചെന്ന് ചൂണ്ടിക്കാട്ടിയായിരുന്നു 17കാരന് ജാമ്യം നൽകിയ ജുവനൈൽ ജസ്റ്റിസ് ബോർഡ് ഉത്തരവ് കോടതി റദ്ദാക്കിയത്. കുട്ടിയുടെ അച്ഛനും കേസിലെ രണ്ടാം പ്രതിയായ അഡീഷണൽ ജഡ്ജിക്ക് ഹൈക്കോടതി മുൻകൂർ ജാമ്യം അനുവദിച്ചിരുന്നു. അന്വേഷണത്തോട് സഹകരിക്കുന്നതും ജുഡീഷ്യൽ ഓഫീസറാണെന്നതും ചൂണ്ടിക്കാട്ടിയാണ് ഹൈക്കോടതി മുൻകൂർ ജാമ്യം അനുവദിച്ചത്. എന്തിനാണ് അറസ്റ്റിനുള്ള കടുംപിടിത്തമെന്ന് സർക്കാരിനോട് ഹൈക്കോടതി ചോദിച്ചു. അതേസമയം അച്ഛന് നീതി ലഭിക്കാനുള്ള പോരാട്ടത്തിൽ നിന്ന് പിന്നോട്ടില്ലെന്ന് ജയബാലകൃഷ്ണന്റെ മകൾ ഭദ്രകീർത്തി പ്രതികരിച്ചിരുന്നു.

കഴിഞ്ഞ മാസം 25ന് പുലർച്ചെയാണ് ജഡ്ജിയുടെ മകനായ 17കാരൻ ഓടിച്ച ബെൻസ് കാറിടിച്ച് സ്കൂട്ടർ യാത്രക്കാരനായ മ‍ഞ്ഞാലി സ്വദേശി ജയബാലകൃഷ്ണൻ (55) മരിച്ചത്. അപകടമുണ്ടാക്കിയ വിദ്യാർത്ഥി സ്ഥിരം കാറോടിക്കുന്ന ആളാണെന്ന് പൊലീസ് അറിയിച്ചിരുന്നു. അതിവേഗതയിൽ കാർ ഓടിക്കുന്നതിന്റെ റീൽ ചിത്രീകരിക്കാനായിരുന്നു രാത്രി വൈകി വാഹനവുമായി ഇറങ്ങിയതെന്നാണ് പൊലീസ് പറയുന്നത്. അപകടം സംഭവിക്കുന്നതിന് മുമ്പ് 17കാരൻ 104 കിലോമീറ്റർ വേഗതയിൽ വാഹനം ഓടിക്കുന്ന ദൃശ്യം പൊലീസിന് കിട്ടിയിരുന്നു.

തിലക് വര്‍മയും ധ്രുവ് ജുറെലും വാഷിംഗ്ടണ്‍ സുന്ദറും തിളങ്ങി, ന്യൂസിലന്‍ഡ് എക്കെതിരെ ഇന്ത്യക്ക് കൂറ്റൻ സ്കോര്‍

Gopalakrishnan C — Sun, 08 Nov 2026 11:23:24 +0530

ലിങ്കൺ: ന്യൂസിലൻഡ് എ ടീമിനെതിരായ മൂന്നാം അനൗദ്യോഗിക ടെസ്റ്റ് മത്സരത്തിൽ ഇന്ത്യക്ക് കൂറ്റൻ സ്കോര്‍. രണ്ടാം ദിനം ക്യാപ്റ്റൻ ധ്രുവ് ജുറെലിന്‍റെയും തിലക് വര്‍മയുടെയും വാഷിംഗ്ടണ്‍ സുന്ദറിന്‍റെയും അര്‍ധസെഞ്ചുറികളുടെ കരുത്തില്‍ ഒന്നാം ഇന്നിംഗ്സില്‍ 5 വിക്കറ്റ് നഷ്ടത്തില്‍ 464 റണ്‍സെടുത്ത ഇന്ത്യ ഇന്നിംഗ്സ് ഡിക്ലയര്‍ ചെയ്തു. രണ്ടാം ദിനം കളി നിര്‍ത്തുമ്പോള്‍ ന്യൂസിലന്‍ഡ് എ രണ്ട് വിക്കറ്റ് നഷ്ടത്തില്‍ 36 റണ്‍സെന്ന നിലയില്‍ ബാറ്റിംഗ് തകര്‍ച്ചയെ നേരിടുകയാണ്.

10 റണ്‍സുമായി ഡീന്‍ ഫോക്സ്ക്രോഫ്റ്റും ഒരു റണ്ണുമായി സാക് ഗിബ്സണും ക്രീസില്‍. 19 റണ്‍സെടുത്ത കര്‍ട്ടിസ് ഹീഫിയുടെയും റണ്ണൊന്നുമെടുക്കാതെ റൈസ് മരിയുവിന്‍റെയും വിക്കറ്റുകളാണ് ന്യൂസിലന്‍ഡ് എക്ക് നഷ്ടമായത്. പ്രസിദ്ധ് കൃഷ്ണക്കാണ് രണ്ട് വിക്കറ്റും. ദീര്‍ഘനാളത്തെ ഇടവേളക്ക് ശേഷം റെഡ് ബോള്‍ ക്രിക്കറ്റിൽ തിരിച്ചെത്തിയ ജസ്പ്രീത് ബുംറ ആറോവറില്‍ 11 റണ്‍സ് മാത്രമെ വഴങ്ങിയുള്ളൂവെങ്കിലും വിക്കറ്റൊന്നും വീഴ്ത്താനായില്ല.

Yashaswi Jaiswal - 102 Sai Sudarshan - 88 Tilak Varma - 81 Dhruv Jurel - 71 W Sundar - 50

Team India Declared after posting a huge total 464/5 Time to see Bumrah & Jadeja in action https://t.co/vVGVtHtlDx

— cricmawa (@cricmawa) November 8, 2026

നേരത്തെ രണ്ടാം ദിനം രണ്ട് വിക്കറ്റ് നഷ്ടത്തിൽ 227 റൺസ് എന്ന നിലയിൽ ബാറ്റിംഗ് തുടര്‍ന്ന ഇന്ത്യ എ 5 വിക്കറ്റ് നഷ്ടത്തില്‍ 464 റണ്‍സെടുത്ത് ഒന്നാം ഇന്നിംഗ്സ് ഡിക്ലയര്‍ ചെയ്യുകയായിരുന്നു. 77 റൺസുമായി ക്രീസിലുണ്ടായിരുന്ന സായ് സുദർശന്‍റെ വിക്കറ്റാണ് ഇന്ത്യക്ക് രണ്ടാം ദിനം തുടക്കത്തിലെ നഷ്ടമായത്. 88 റണ്‍സെടുത്ത സായ് സുദർശനെ സാക് ഗിബ്സണ്‍ ബൗള്‍ഡാക്കി. തുടര്‍ച്ചയായ രണ്ടാം മത്സരത്തിലാണ് സുദര്‍ശന് സെഞ്ചുറി നഷ്ടമാവുന്നത്. ഇന്ത്യൻ സ്കോര്‍ 300 കടന്നതിന് പിന്നാലെ 95 പന്തില്‍ 71 റണ്‍സെടുത്ത ക്യാപ്റ്റൻ ധ്രുവ് ജുറെലിന്‍റെ വിക്കറ്റ് ഇന്ത്യക്ക് നഷ്ടമായി. 9 ഫോറും രണ്ട് സിക്സും പറത്തിയാണ് ജുറെല്‍ 71 റണ്‍സടിച്ചത്. തിലക് വര്‍മയും രവീന്ദ്ര ജഡേജയും ചേര്‍ന്ന് 44 റണ്‍സ് കൂട്ടുകെട്ടിലൂടെ ഇന്ത്യയെ 350 കടത്തി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

71 പന്തില്‍ 25 റണ്‍സെടുത്ത ജഡേജയെ ഗിബ്സണ്‍ പുറത്താക്കിയതിന് പിന്നാലെ ക്രീസിലെത്തിയ വാഷിംഗ്ടണ്‍ സുന്ദറിനൊപ്പം 114 റണ്‍സിന്‍റെ സെഞ്ചുറി കൂട്ടുകെട്ടുയര്‍ത്തിയ തിലക് വര്‍മ ഇന്ത്യയെ സുരക്ഷിത സ്കോറിലേക്ക് നയിച്ചു. 164 പന്തില്‍ അഞ്ച് ഫോറും രണ്ട് സിക്സും പറത്തി 81 റണ്‍സോടെ തിലക് വര്‍മയും 107 പന്തില്‍ രണ്ട് ബൗണ്ടറികള്‍ മാത്രം നേടി 50 റണ്‍സോടെ വാഷിംഗ്ടണ്‍ സുന്ദറും പുറത്താകാതെ നിന്നു. ഇന്നലെ ആദ്യ ദിനം യശസ്വി ജയ്സ്വാള്‍(102) ഇന്ത്യക്കായി സെ‍ഞ്ചുറി നേടിയിരുന്നു. ന്യൂസിലന്‍ഡ് എക്കായി സാക് ഗിബ്സണ്‍ രണ്ട് വിക്കറ്റെടുത്തു. മൂന്ന് മത്സര പരമ്പരയിലെ ആദ്യ രണ്ട് ടെസ്റ്റുകളും സമനിലയായിരുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

സൗദി അറേബ്യയുടെ വിവിധ ഭാഗങ്ങളിൽ കനത്ത മഴ; ജാഗ്രതാ മുന്നറിയിപ്പ്

Reshma Vijayan — Sun, 08 Nov 2026 11:10:49 +0530

റിയാദ്: ജിദ്ദ ഉൾപ്പെടെ സൗദി അറേബ്യയുടെ വിവിധ ഭാഗങ്ങളിൽ ശക്തമായ മഴ പെയ്തു. ജിദ്ദ ഗവർണറേറ്റിന്റെ വിവിധ ഭാഗങ്ങളിലും സമീപ പ്രദേശങ്ങളിലും ശനിയാഴ്ച രാവിലെ ആരംഭിച്ച നേരിയ മഴ ഉച്ചയോടെ ശക്തി പ്രാപിക്കുകയായിരുന്നു. മദീന മേഖലയുടെ വിവിധ ഭാഗങ്ങളിലും നേരിയതും മിതമായതുമായ മഴ രേഖപ്പെടുത്തിയിട്ടുണ്ട്.

മക്ക, മദീന, ഹായിൽ, ഖസീം, വടക്കൻ അതിർത്തി മേഖല, കിഴക്കൻ പ്രവിശ്യയുടെ വടക്കൻ ഭാഗങ്ങൾ എന്നിവിടങ്ങളിൽ ഇടിമിന്നലോടുകൂടിയ കനത്ത മഴയ്ക്ക് സാധ്യതയുണ്ടെന്ന് സൗദി ദേശീയ കാലാവസ്ഥാ കേന്ദ്രം അറിയിച്ചു. ജിസാൻ, അസീർ, അൽബാഹ മേഖലകളിലും സമാനമായ രീതിയിൽ മോശം കാലാവസ്ഥ തുടരുമെന്നാണ് പ്രവചനം.

ചില പ്രദേശങ്ങളിൽ ശക്തമായ കാറ്റിനും ആലിപ്പഴ വർഷത്തിനും സാധ്യതയുണ്ട്. അടിച്ചു വീശുന്ന കാറ്റിൽ പൊടിയും മണലും ഉയരുന്നതിനാൽ കാഴ്ചപരിധി ഗണ്യമായി കുറയാനും താഴ്‌വരകളിൽ മലവെള്ളപ്പാച്ചിലുണ്ടാകാനും സാധ്യതയുണ്ടെന്ന് കാലാവസ്ഥാ കേന്ദ്രം മുന്നറിയിപ്പ് നൽകി. തബൂക്ക്, തൈമ, അൽബാഹ, ഹായിൽ തുടങ്ങിയ പ്രദേശങ്ങളിലും മഴ മുന്നറിയിപ്പ് നിലനിൽക്കുന്നുണ്ട്.

റിയാദ് മേഖലയുടെ വടക്കൻ ഭാഗങ്ങളിലും തബൂക്ക്, അൽജൗഫ് എന്നിവിടങ്ങളിലും നേരിയതോ മിതമായതോ ആയ മഴ ലഭിച്ചേക്കും. ചിലയിടങ്ങളിൽ കനത്ത മൂടൽമഞ്ഞിനും സാധ്യതയുണ്ട്. മഴ കനക്കുന്ന സാഹചര്യത്തിൽ താഴ്‌വരകളിലും വെള്ളക്കെട്ടുള്ള പ്രദേശങ്ങളിലും ഇറങ്ങരുതെന്നും ശക്തമായ ഒഴുക്കുള്ള വെള്ളത്തിലൂടെ വാഹനങ്ങൾ ഓടിച്ചു പോകരുതെന്നും സിവിൽ ഡിഫൻസ് ഉൾപ്പെടെയുള്ള അധികൃതർ പൊതുജനങ്ങൾക്ക് ജാഗ്രതാ നിർദേശം നൽകി.

ബ്ലഡ് ഷുഗർ അളവ് കൂടുന്നതിന് കാരണമാകുന്ന 9 ശീലങ്ങൾ

Resmi Sreekumar — Sun, 08 Nov 2026 10:50:49 +0530

പ്രമേഹമുള്ളവർക്ക് മാത്രമല്ല, പൊതുവായ ആരോഗ്യത്തിനും രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തേണ്ടത് അത്യന്താപേക്ഷിതമാണ്.

പ്രമേഹമുള്ളവർക്ക് മാത്രമല്ല, പൊതുവായ ആരോഗ്യത്തിനും രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തേണ്ടത് അത്യന്താപേക്ഷിതമാണ്. രക്തത്തിലെ പഞ്ചസാരയുടെ അളവ് ആരോഗ്യകരമായ നിലയിൽ തുടരുന്നത് ഈ അവസ്ഥയുമായി ബന്ധപ്പെട്ട സങ്കീർണതകൾ തടയാനും മാനസികമായ വ്യക്തത മെച്ചപ്പെടുത്താനും സഹായിക്കുന്നു. കൂടാതെ, രക്തത്തിലെ പഞ്ചസാരയുടെ അളവ് സ്ഥിരമായിരിക്കുന്നത് ദിവസം മുഴുവൻ ഊർജ്ജസ്വലത നിലനിർത്താനും, ക്ഷീണം കുറയ്ക്കാനും, ജീവിതനിലവാരം മെച്ചപ്പെടുത്താനും സഹായിക്കുന്നു. ദിവസം മുഴുവൻ രക്തത്തിലെ പഞ്ചസാരയുടെ അളവിനെ സ്വാധീനിക്കാൻ പല ഘടകങ്ങൾക്കും കഴിയും. ചില ശീലങ്ങൾ ബ്ലഡ് ഷുഗർ അളവ് കൂടുന്നതിന് കാരണമാകുന്നു.

പതിവായി സോഡ, ചോക്ലേറ്റ് മിൽക്ക്, പഴച്ചാറുകൾ എന്നിവ കുടിക്കുന്നത് രക്തത്തിലെ പഞ്ചസാരയുടെ അളവ് പെട്ടെന്ന് ഉയരാൻ കാരണമായേക്കാം. പഞ്ചസാര ചേർത്ത പാനീയങ്ങൾ പതിവായി കുടിക്കുന്നത് ടൈപ്പ് 2 പ്രമേഹം, മെറ്റബോളിക് സിൻഡ്രോം എന്നിവയ്ക്കുള്ള സാധ്യത വർദ്ധിപ്പിക്കും. മധുരമുള്ള പാനീയങ്ങൾ മിതമായി മാത്രം ഉപയോഗിക്കുക. കൂടുതലായും വെള്ളം, മധുരമില്ലാത്ത ചായ, അല്ലെങ്കിൽ എന്നിവ കുടിക്കുക.

ഭക്ഷണം ഒഴിവാക്കുമ്പോൾ ശരീരത്തിൽ സംഭരിച്ചിരിക്കുന്ന ഗ്ലൂക്കോസും (പഞ്ചസാര) സമ്മർദ്ദവുമായി ബന്ധപ്പെട്ട ഹോർമോണായ കോർട്ടിസോളും പുറത്തു വിടുന്നു. ഇവ രണ്ടും രക്തത്തിലെ പഞ്ചസാരയുടെ അളവ് പെട്ടെന്ന് വർദ്ധിക്കാൻ കാരണമാകുന്നു. ദിവസവും പ്രഭാതഭക്ഷണം കഴിക്കുന്നത് പിന്നീട് അമിതമായി ഭക്ഷണം കഴിക്കുന്നത് തടയാനും ഉച്ചഭക്ഷണത്തിനും അത്താഴത്തിനും ശേഷം രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് തടയാനും സഹായിക്കും.

ആവശ്യത്തിന് പ്രോട്ടീനും നാരുകളും (ഫൈബർ) അടങ്ങിയ ഭക്ഷണങ്ങൾ കഴിക്കാതിരിക്കുന്നത് ബ്ലഡ് ഷുഗർ അളവ് കൂട്ടാം. പ്രോട്ടീനും നാരുകളും ദഹനപ്രക്രിയയുടെ വേഗത കുറയ്ക്കുകയും, ഭക്ഷണം കഴിച്ചതിനുശേഷം രക്തത്തിലെ പഞ്ചസാരയുടെ അളവ് പെട്ടെന്ന് ഉയരുന്നത് തടയാൻ സഹായിക്കുകയും ചെയ്യുന്നു. ടൈപ്പ് 2 പ്രമേഹമുള്ളവരിൽ 2020-ൽ നടത്തിയ ഒരു പഠനത്തിൽ, കാർബോഹൈഡ്രേറ്റുകൾക്ക് മുൻപായി പ്രോട്ടീനും പച്ചക്കറികളും കഴിക്കുന്നത് ഭക്ഷണത്തിന് ശേഷമുള്ള രക്തത്തിലെ പഞ്ചസാരയുടെ അളവ് 40% കുറയ്ക്കുന്നതായി കണ്ടെത്തി.

ഫാസ്റ്റ് ഫുഡിൽ ശുദ്ധീകരിച്ച കാർബോഹൈഡ്രേറ്റുകൾ, ആരോഗ്യത്തിന് ഹാനികരമായ കൊഴുപ്പുകൾ, അമിതമായ കലോറി എന്നിവ ധാരാളമായി അടങ്ങിയിട്ടുണ്ട്. ഇവ രക്തത്തിലെ പഞ്ചസാരയുടെ അളവ് പെട്ടെന്ന് ഉയരാൻ കാരണമായേക്കാം. വീട്ടിലുള്ള ഭക്ഷണം കഴിക്കുന്നത് ടൈപ്പ് 2 പ്രമേഹവും അമിതവണ്ണവും ഉണ്ടാകാനുള്ള സാധ്യത കുറയ്ക്കുന്നതുമായി ബന്ധപ്പെട്ടിരിക്കുന്നു.

നിർജ്ജലീകരണം രക്തത്തിലെ പഞ്ചസാരയുടെ അളവ് വർദ്ധിപ്പിക്കും. കാരണം കുറഞ്ഞ അളവിൽ വെള്ളം കുടിക്കുന്നത് വാസോപ്രെസിൻ, കോർട്ടിസോൾ തുടങ്ങിയ ഹോർമോണുകളെ വർദ്ധിപ്പിക്കും. ഈ ഹോർമോണുകൾ ഗ്ലൂക്കോസ് നിയന്ത്രണത്തെ ബാധിക്കുന്നു. ദാഹിക്കുമ്പോൾ മാത്രമല്ല, ദിവസം മുഴുവനും ഇടയ്ക്കിടെ വെള്ളം കുടിക്കുക. വെള്ളം കുടിക്കുന്നത് വർദ്ധിപ്പിക്കുന്നത് ടൈപ്പ് 2 പ്രമേഹം വരാനുള്ള സാധ്യത കുറയ്ക്കാൻ സഹായിക്കും.

വ്യായാമം ചെയ്യാതിരിക്കുന്നത് ടൈപ്പ് 2 പ്രമേഹം ഉൾപ്പെടെയുള്ള പല ആരോഗ്യപ്രശ്നങ്ങൾക്കുമുള്ള സാധ്യത വർദ്ധിപ്പിക്കുന്നു. അത്താഴത്തിന് ശേഷം 10 മിനിറ്റ് നടക്കുന്നത് പോലെയുള്ള ചെറിയ ശാരീരിക പ്രവർത്തനങ്ങൾ പോലും രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും.

മാനസിക സമ്മർദ്ദം ഉണ്ടാകുമ്പോൾ അഡ്രിനാലിൻ, കോർട്ടിസോൾ തുടങ്ങിയ ഹോർമോണുകൾ പുറത്തുവിടപ്പെടുന്നു. ഇവ രക്തത്തിലെ പഞ്ചസാരയുടെ അളവ് വർദ്ധിപ്പിക്കാൻ കാരണമായേക്കാം. തുടർച്ചയായ മാനസിക സമ്മർദ്ദം വിശപ്പ് വർദ്ധിപ്പിക്കാനും, മധുരമുള്ള ഭക്ഷണങ്ങളോട് കൂടുതൽ ആഗ്രഹം തോന്നാനും ഇടയാക്കിയേക്കാം. നടത്തം, ധ്യാനം തുടങ്ങിയ പ്രവർത്തനങ്ങളിലൂടെ മാനസിക സമ്മർദ്ദം കൈകാര്യം ചെയ്യുക.

രാവിലെ കുടിക്കുന്ന ലാറ്റെയോ എനർജി ഡ്രിങ്കോ നിങ്ങളെ ഉന്മേഷവാനാക്കിയേക്കാം. എന്നാൽ അതിൽ ചേർത്തിട്ടുള്ള പഞ്ചസാര രക്തത്തിലെ പഞ്ചസാരയുടെ അളവ് പെട്ടെന്ന് ഉയർത്താൻ കാരണമായേക്കാം. രക്തത്തിലെ പഞ്ചസാരയുടെ അളവ് ക്രമപ്പെടുത്താൻ സഹായിക്കുന്ന നാരുകൾ (fiber), പ്രോട്ടീൻ തുടങ്ങിയ പോഷകങ്ങൾ ഈ പാനീയങ്ങളിൽ അടങ്ങിയിട്ടില്ല. വെറും വയറ്റിൽ ഇവ കുടിക്കുന്നത് രക്തത്തിലെ പഞ്ചസാരയുടെ അളവിൽ കൂടുതൽ ദോഷകരമായ മാറ്റങ്ങൾ ഉണ്ടാക്കിയേക്കാം.

മതിയായ ഉറക്കം ലഭിക്കാത്തത് രക്തത്തിലെ പഞ്ചസാരയുടെ അളവിനെ ബാധിച്ചേക്കാം. ഉറക്കക്കുറവ് രക്തത്തിലെ പഞ്ചസാരയുടെ അളവിലുള്ള വ്യതിയാനങ്ങൾ വർദ്ധിപ്പിക്കുകയും, വിശപ്പ് കൂട്ടുകയും, മധുരമുള്ള ഭക്ഷണങ്ങളോടുള്ള ആഗ്രഹം വർദ്ധിപ്പിക്കുകയും ചെയ്യുന്നു. ദിവസവും കുറഞ്ഞത് ഏഴ് മണിക്കൂറെങ്കിലും ഉറങ്ങുക.

റെഗുലര്‍ ടൈമില്‍ തൃശൂരിന്‌ ആദ്യജയം, കണ്ണൂരിന്‌ ഇരട്ടപ്രഹരം, പ്ലേ ഓഫ്‌ പോര്‌ മുറുകുന്നു

Web Desk — Sun, 08 Nov 2026 10:32:59 +0530

തൃശൂർ: സൂപ്പര്‍ ലീഗ്‌ കേരളയിലെ അവസാന സ്ഥാനക്കാരുടെ പോരില്‍ തൃശൂര്‍ മാജിക്‌ എതിരില്ലാത്ത രണ്ട്‌ ഗോളുകള്‍ക്ക്‌ കണ്ണൂര്‍ വാരിയേഴ്‌സിനെ വീഴ്‌ത്തി. വാലന്റൈന്‍ എക്കേജിയൂബയും ശിലാജിത്‌ സാന്ത്രയുമാണ്‌ സ്‌കോറര്‍മാര്‍. സീസണില്‍ തൃശൂര്‍ ആദ്യമായാണ്‌ നിശ്ചിത സമയത്ത്‌ ജയം നേടുന്നത്‌. പ്ലേ ഓഫ്‌ സ്ഥാനത്തിനായി പൊരുതുന്ന തൃശൂരിന്‌ ഈ വിജയം കരുത്തേകും. ഏഴ്‌ മത്സരങ്ങളില്‍ ഇരുടീമുകള്‍ക്കും ഏഴ്‌ പോയിന്റ്‌ വീതം. ഗോള്‍ ശരാശരിയിലെ മുന്‍തൂക്കത്തില്‍ തൃശൂര്‍ അഞ്ചാം സ്ഥാനത്തും കണ്ണൂര്‍ ആറാം സ്ഥാനത്തും നില്‍ക്കുന്നു.

കണ്ണൂരിന്റെ സ്റ്റെമൻകോവിച്ച് നേടിയ ഗോൾ ഓഫ്‌സൈഡിൽ റദ്ദാക്കിയതിന് പിന്നാലെ ഏഴാം മിനിറ്റിൽ തന്നെ തൃശൂർ ലീഡ് നേടി. സെന്റർ ലൈനിന് സമീപത്തുനിന്ന് സെർജിയോ ഗിൽ നീട്ടിനൽകിയ പന്തിലേക്ക് കുതിച്ചെത്തിയ വാലന്റൈൻ എക്കേജിയൂബയുടെ ഹെഡ്ഡർ കണ്ണൂർ ഗോൾകീപ്പർ ഹജ്മൽ തടുത്തിട്ടെങ്കിലും റീബൗണ്ട് നൈജീരിയക്കാരൻ വലയിലെത്തിച്ചു (1–0).

12-ാം മിനിറ്റിൽ വാലന്റൈന് തൃശൂരിന്റെ ലീഡ് ഉയർത്താനുള്ള അവസരമൊരുങ്ങി. വലതുവിങ്ങിലൂടെ മുന്നേറി ബോക്സിനുള്ളിൽ കടന്ന വാലന്റൈന്റെ ഗ്രൗണ്ടർ ഹജ്മൽ പ്രയാസപ്പെട്ട് രക്ഷിച്ചു.

34-ാം മിനിറ്റിൽ കണ്ണൂർ സമനിലയ്ക്ക് അരികിലെത്തി. ഘാനക്കാരൻ ബോച്ച്വെയുടെ പാസ് കൈക്കലാക്കിയ സ്റ്റെമൻകോവിച്ച് മൂന്ന് പ്രതിരോധക്കാർക്ക് ഇടയിൽ നിന്ന് തൊടുത്ത ഷോട്ട് തൃശൂർ ഗോൾകീപ്പർ കമാലുദ്ധീൻ സുരക്ഷിതമായി കൈപ്പിടിയിലൊതുക്കി. ഇഞ്ചുറി ടൈമിൽ ഫസലുറഹ്‌മാന്റെ ഗോൾ ശ്രമം കമാലുദ്ധീൻ തട്ടിയൊഴിവാക്കിയതിനു പിന്നാലെ ശിലാജിത് സാന്ത്ര തൃശൂരിന്റെ ലീഡ് രണ്ടാക്കി (2-0). ആദ്യപകുതിൽ ആതിഥേയരുടെ വാലന്റൈൻ, മുഹമ്മദ്‌ സഹദ് എന്നിവർ മഞ്ഞക്കാർഡ് കണ്ടു.

രണ്ടാം പകുതി തുടങ്ങി രണ്ടാം മിനിറ്റിൽ പകരക്കാരനായി എത്തിയ അബ്ദുൽ റഹീമിന്റെ പ്ലേസ്‌മെന്റ് തൃശൂർ ഗോൾകീപ്പർ കമാലുദ്ധീൻ മനോഹരമായ ഡൈവിലൂടെ തടഞ്ഞു. രണ്ടാം പകുതിയിൽ അഞ്ച് മാറ്റങ്ങൾ വരുത്തി ഗോൾ തിരിച്ചടിക്കാനുള്ള കണ്ണൂരിന്റെ ശ്രമങ്ങൾ നായകൻ മെയിൽസൺ ആൽവസിന്റെ നേതൃത്വത്തിൽ തൃശൂർ കൃത്യമായി പ്രതിരോധിച്ചതോടെ ആതിഥേയർ നിർണായക വിജയം സ്വന്തമാക്കി. രണ്ടാം പകുതിയുടെ ഇഞ്ചുറി ടൈമിൽ കണ്ണൂരിന്റെ ജോബിൻ ജോസഫ് റെഡ് കാർഡ് കണ്ട് മടങ്ങി.

ഏഴാം റൗണ്ടിലെ അവസാന മത്സരത്തിൽ ഞായറാഴ്ച (നവംബർ 8) തിരുവനന്തപുരം കൊമ്പൻസ് എഫ്സി, കാലിക്കറ്റ്‌ എഫ്സിയുമായി മത്സരിക്കും. തിരുവനന്തപുരം ചന്ദ്രശേഖരൻ നായർ സ്റ്റേഡിയമാണ് വേദി. കിക്കോഫ് രാത്രി 7.30ന്. ഇരു ടീമുകളും ആദ്യ പാദത്തിൽ മത്സരിച്ചപ്പോൾ രണ്ട് ഗോളുകൾക്ക്‌ കാലിക്കറ്റ്‌ വിജയിച്ചു.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

രാജ്യം ഞെട്ടിയ പ്രഖ്യാപനം, നോട്ട് നിരോധനത്തിന് പത്താണ്ട്; ആദ്യ സർജിക്കൽ സ്ട്രൈക്കെന്ന് വിശേഷണം, ഇന്ന് നേട്ടമായി ഉയർത്തിക്കാട്ടാതെ ബിജെപി

Web Desk — Sun, 08 Nov 2026 10:29:17 +0530

നരേന്ദ്ര മോദിയുടെ നോട്ട് നിരോധന പ്രഖ്യാപനത്തിന് ഇന്നേക്ക് പത്ത് വർഷം. മോദി സർക്കാറിന്റെ ആദ്യ സർജിക്കൽ സ്ട്രൈക്കായി വിശേഷിപ്പിക്കപ്പെട്ടെങ്കിലും പത്ത് വർഷത്തിനിപ്പുറം നടപടി നേട്ടമായി ഉയർത്തിക്കാട്ടാൻ ബിജെപിയും മുതിരുന്നില്ല. നോട്ട് നിരോധനം ഇന്ത്യൻ സമ്പദ് വ്യവസ്ഥയിൽ പ്രതിസന്ധിയുണ്ടാക്കി എന്ന വിമർശനം പ്രതിപക്ഷം തുടരുകയാണ്. ഡിജിറ്റൽ പണമിടപാടിലേക്ക് ജനങ്ങളെ അടുപ്പിക്കാനായി എന്നതാണ് നോട്ട് നിരോധനത്തിന്റെ നേട്ടം.

2016 നവംബർ 8 രാത്രി 8 മണി. പ്രധാനമന്ത്രി നരേന്ദ്രമോദി രാജ്യത്തെ അഭിസംബോധന ചെയ്തു. ഇന്ത്യ ഒന്നടങ്കം ഞെട്ടിയ നിമിഷം. അഞ്ഞൂറ് ആയിരം നോട്ടുകൾക്ക് കടലാസിന്റെ വിലപോലുമില്ലാതായി. അന്ന് രാജ്യം മുഴുവൻ പ്രചാരത്തിലുണ്ടായിരുന്ന 15.41 ലക്ഷം കോടി രൂപയുടെ നോട്ടുകളാണ് ഒറ്റയടിക്ക് അസാധുവായത്. ഇത് ആകെ പ്രചാരത്തിലുള്ള നോട്ടുകളുടെ 86.9% മൂല്യം വരും. ജനങ്ങൾക്ക് വലിയ ബുദ്ധിമുട്ട് നടപടി മൂലം ഉണ്ടാകുമെന്ന് കേന്ദ്രസർക്കാറിനും അറിയാമായിരുന്നു. പക്ഷേ കള്ളപ്പണക്കാർക്കെതിരായ യുദ്ധപ്രഖ്യാപനമായി മോദി ജനങ്ങൾക്ക് മുന്നിൽ നടപടിയെ അവതരിപ്പിച്ചു. 50 ദിവസം സമയം തരാൻ ആണ് മോദി ആവശ്യപ്പെട്ടത്. പക്ഷേ നിരോധിച്ച നോട്ടെല്ലാം അതേപടി തിരിച്ചെത്താൻ തുടങ്ങിയതോടെ നടപടി പാളിയെന്ന് വ്യക്തമായി.

ആകെ നിരോധിച്ച 15.41 ലക്ഷം കോടിയിൽ 15.31 ലക്ഷം കോടിയും അഥവാ 99.3 ശതമാനം പണവും അക്കൗണ്ടുകളിലേക്ക് തിരിച്ചെത്തിയതോടെ കള്ളപ്പണക്കാർ കുടുങ്ങുമെന്ന പ്രഖ്യാപനം വെറുതെയായി. എന്നാൽ കള്ളനോട്ടും, ഭീകരർക്കുള്ള ഫണ്ടിങ്ങും അടക്കം തടയാൻ ആയെന്ന വാദമാണ് കേന്ദ്രസർക്കാർ നിരത്തിയത്. കാഷ്ലെസ് എക്കോണമിയിലേക്കുള്ള മാറ്റത്തിന്റെ വേഗം കൂട്ടിയതും നോട്ട് നിരോധനമാണ്. ഇന്ന് ഡിജിറ്റൽ പണമിടപാടിൽ ലോകത്ത് മുന്നിൽ നില്ക്കാൻ അന്നു തുടങ്ങിയ ശീലങ്ങൾ സഹായിച്ചു. പക്ഷേ പിന്നീട് നോട്ട് നിരോധനത്തിന്റെ ക്രെഡിറ്റ് ഏറ്റെടുക്കാൻ നരേന്ദ്രമോദിയോ കേന്ദ്രസർക്കാറോ മുതിർന്നില്ല. ചെറുകിട വ്യാപാരികളും, കർഷകരും നോട്ട് നിരോധനത്തിന്റെ ഇരകളായെന്നാണ് പ്രതിപക്ഷ വിമർശനം. നോട്ട് നിരോധനത്തിന് പിന്നാലെ നടന്ന ഉത്തർ പ്രദേശ് തെരഞ്ഞെടുപ്പിൽ എതിരാളികളെ തളർത്തുകയായിരുന്നു ബിജെപിയുടെ യഥാർത്ഥ ലക്ഷ്യമെന്നും വിമർശനം ഉയർന്നു.

2016 ൽ രാജ്യത്ത് പ്രചാരത്തിലൂണ്ടായിരുന്ന നോട്ടിന്റെ മൂല്യം 17.77 ലക്ഷം കോടി രൂപയായിരുന്നു. ഡിജിറ്റൽ ഇടപാടുകൾക്ക് പ്രചാരം ഏറിയിട്ടും 2026 ൽ ഇത് 43.15 ലക്ഷം കോടിയായി ഉയർന്നു. നോട്ട് ഇടപാടുകളും കള്ളപ്പണവും ചെറുക്കാൻ നോട്ട് നിരോധനത്തിനും കഴി‌ഞ്ഞില്ല. ബാങ്കുകളിൽ ക്യൂ നിന്ന് ജനം വലഞ്ഞ നാളുകൾക്ക് ഉദ്ദേശിച്ച ഫലം കിട്ടാത്തതു കൊണ്ട് കൂടിയാണ് അത് ഇന്ന് നേട്ടമായി ആഘോഷിക്കാൻ സർക്കാർ തയ്യാറാകാത്തത്. എന്നാൽ നരേന്ദ്ര മോദിയുടെ വ്യക്തിപ്രഭാവം കൂട്ടാനും തീരുമാനങ്ങളെടുക്കാനും നടപ്പാക്കാനും കഴിയുന്ന നേതാവ് എന്ന പ്രതിച്ഛായ ഉണ്ടാക്കാനും ആ രാത്രിയിലെ നടുക്കുന്ന പ്രഖ്യാപനം സഹായിച്ചെന്ന് പാർട്ടി കരുതുന്നു.

'നിന്റെ കവാലക്കുറ്റിയ്ക്ക് അടി കിട്ടും'; നോബിയെ പഞ്ഞിക്കിട്ട് മോഹൻലാൽ, പൊട്ടിച്ചിരിച്ച് കൊമ്പൻ

Nithya G Robinson — Sun, 08 Nov 2026 10:22:24 +0530

ബിഗ് ബോസ് മലയാളം സീസൺ 8 സംഭവബഹുലവും രസകരവും ആകാംക്ഷയുളവാക്കുന്നതുമായ രംഗങ്ങളാൽ മുന്നേറുകയാണ്. അറുപത് ദിവസങ്ങൾ പിന്നിട്ട സീസണിൽ ഇപ്പോൾ വീക്കെന്റ് എപ്പിസോഡാണ് നടക്കുന്നത്. കഴിഞ്ഞ ദിവസം വലിയൊരു ഗെയിം ചേയ്ഞ്ചറായി മാറിയ ഷിജിനായിരുന്നു മോഹൻലാലിന്റെ പ്രശംസ നേടിയ താരമെങ്കിൽ, ഇന്ന് നോബിയെ പഞ്ഞിടുകയാണ് മോഹൻലാൽ ചെയ്യുന്നത്. ഐശ്വര്യയുടെ അച്ഛനെ വിളിച്ചതിനെ കുറിച്ച് ചോദിച്ച് കടുത്ത ഭാഷയിൽ തന്നെ നോബിയോട് സംസാരിക്കുന്ന മോഹൻലാലിനെ പ്രൊമോ വീഡിയിൽ കാണാം.

നോബിയുടെ പുതിയ തിയറി എന്ന് പറഞ്ഞാണ് മോഹൻലാൽ വിഷയത്തിലേക്ക് കടക്കുന്നത്. 'നോബിയുടെ പുതിയൊരു തിയറി ഞാൻ കേട്ടു. അതായത് വീട്ടിലുള്ള അച്ഛനെ പറയുന്നത് കൊണ്ട് കുഴപ്പമില്ല. അമ്മയെ പറയാതിരുന്നാൽ മതിയെന്ന്. അച്ഛനും അമ്മയും നമ്മുടെ കുടുംബത്തിലുള്ള ആൾക്കാരല്ലേ. നമ്മളങ്ങനെ പറയാൻ പാടുണ്ടോ?', എന്ന് മോഹൻലാൽ ചോദിക്കുമ്പോൾ, 'സിനിമയിലാണെങ്കിൽ നിന്റെ നന്തയല്ല എന്റെ തന്ത എന്ന് പറയുമ്പോലെ പറഞ്ഞതാണ്', എന്നായിരുന്നു നോബിയുടെ മറുപടി.

'സിനിമയിലെ പോലെ വെളിയിൽ പറഞ്ഞാൽ കവാലക്കുറ്റിയ്ക്ക് അടികിട്ടും', എന്ന് മോഹൻലാൽ നോബിയ്ക്ക് മറുപടിയും നൽകി. ഇത് കേട്ട് വേദിയിലിരുന്ന കാണികളും ഐശ്വര്യയും ഷിജിനും എല്ലാം ചിരിക്കുന്നുണ്ട്. കടൽ കൊമ്പന്റെ പൊട്ടിച്ചിരിയായിരുന്നു ഇതിലെ ഹൈലൈറ്റ്. എന്തായാലും ഇന്ന് എന്തൊക്കെയാകും വീക്കെന്റ് എപ്പിസോഡിൽ മത്സരാർത്ഥികളോട് മോഹൻലാൽ ചോദിക്കുക എന്നത് കാത്തിരുന്ന് അറിയാം.

എട്ട് പേരുള്ള നോമിനേഷൻ ലിസ്റ്റിൽ നിന്നും ആരൊക്കെ പുറത്താകുമെന്നും ഇന്നറിയാനാകും. നൗഫീന, ഐശ്വര്യ, കൊമ്പൻ, മൃദുല, താഷി, വിപിൻ, അഞ്ജലി, നോബി എന്നിവരാണ് ഇത്തവണ നോമിനേഷനില്‍ ഉണ്ടായിരുന്നത്. ഇതില്‍ താഷി, വിപിന്‍, അഞ്ജലി, കൊമ്പന്‍ എന്നിവര്‍ കഴിഞ്ഞ ദിവസം സേഫ് ആയിരുന്നു.

ഹാർദിക് പാണ്ഡ്യ-അര്‍ഷ്ദീപ് സിംഗ് താര കൈമാറ്റം, നിർണായക തീരുമാനമെടുത്ത് മുംബൈയും പഞ്ചാബും; പ്രഖ്യാപനം നാളെ

Vikas rajagopal — Sun, 08 Nov 2026 09:39:00 +0530

മുംബൈ: അടുത്ത ഐപിഎൽ സീസണിന് മുന്നോടിയായി ഹാര്‍ദിക് പാണ്ഡ്യയെയും അര്‍ഷ്ദീപ് സിംഗിനെയും പരസ്പരം കൈമാറാനുള്ള നടപടിക്രമങ്ങള്‍ പൂര്‍ത്തിയാക്കി മുംബൈ ഇന്ത്യൻസും പഞ്ചാബ് കിങ്സും. കൈമാറ്റ നടപടികൾ പൂർത്തിയാക്കുന്നതിനായി ഇരു ഫ്രാഞ്ചൈസികളും തങ്ങളുടെ താൽപ്പര്യപത്രം ബിസിസിഐക്ക് കൈമാറി. ഔദ്യോഗിക കരാറുകളിലെ അന്തിമ ഒപ്പുവെക്കൽ മാത്രമാണ് ഇനി ബാക്കിയുള്ളത്. താരകൈമാറ്റം സംബന്ധിച്ച് നാളെയോ മറ്റന്നാളോ ബിസിസിഐ ഔദ്യോഗിക പ്രഖ്യാപനം നടത്തുമെന്നാണ് റിപ്പോര്‍ട്ട്.

തീരുമാനം എടുക്കാൻ ഹാർദിക് പാണ്ഡ്യ കൂടുതല്‍ സമയം ചോദിച്ചിരുന്നതിനാലാണ് ഇടപാടിൽ ചെറിയ കാലതാമസം നേരിട്ടത്. എന്നാൽ നിലവിൽ ഹാർദിക്കും അർഷ്ദീപും കൈമാറ്റത്തിന് പൂർണ്ണ സമ്മതം അറിയിച്ചതോടെ പ്രതിസന്ധികൾ ഒഴിഞ്ഞു. ഐപിഎൽ ട്രേഡിങ് ചട്ടങ്ങൾ അനുസരിച്ച് കളിക്കാരുടെ ഒപ്പോടുകൂടിയ സമ്മതപത്രവും ഫ്രാഞ്ചൈസികൾ തമ്മിലുള്ള സാമ്പത്തിക കരാറുകളും പൂർത്തിയായാൽ മാത്രമേ ബിസിസിഐ അംഗീകാരം നൽകുകയുള്ളൂ.

പേസ് ബൗളിങ് നിര ശക്തമാക്കാനാണ് മുംബൈ ഇന്ത്യൻസ് അർഷ്ദീപിനെ ടീമിലെത്തിക്കുന്നത്. ജസ്പ്രീത് ബുംറയ്ക്കൊപ്പം ബോൾ ചെയ്യാൻ ശേഷിയുള്ള മികച്ചൊരു ഇന്ത്യൻ ഫാസ്റ്റ് ബൗളറുടെ കുറവ് കഴിഞ്ഞ സീസണുകളിൽ മുംബൈ അനുഭവിച്ചിരുന്നു. ടി20 ക്രിക്കറ്റിൽ പവർപ്ലേയിലും ഡെത്ത് ഓവറുകളിലും ഒരുപോലെ തിളങ്ങുന്ന അർഷ്ദീപിന്‍റെ സാന്നിധ്യം മുംബൈയുടെ ബൗളിങ്ങിന് വലിയ കരുത്തേകും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഹാർദിക്കിന്‍റെ വരവ് പഞ്ചാബ് കിങ്സിന്‍റെ ബാറ്റിങ്-ബൗളിങ് സന്തുലിതാവസ്ഥ മെച്ചപ്പെടുത്തും. എന്നാൽ ടീമിന്‍റെ ക്യാപ്റ്റൻ സ്ഥാനത്തേക്ക് ഹാർദിക് എത്താൻ സാധ്യതയില്ല. നിലവിലെ ക്യാപ്റ്റൻ ശ്രേയസ് അയ്യർ തന്നെ പഞ്ചാബിനെ നയിക്കുന്നത് തുടരുമെന്നാണ് റിപ്പോർട്ടുകൾ നൽകുന്ന സൂചന. സീനിയർ ഓൾറൗണ്ടർ എന്ന നിലയിൽ ടീമിന് വേണ്ട മാര്‍ഗനിര്‍ദേശം നല്‍കുകയാകും ഹാർദിക്കിന്‍റെ പ്രധാന ചുമതല. കന്നി കിരീടം ലക്ഷ്യമിടുന്ന പഞ്ചാബിന് ഹാർദിക്കിന്‍റെ അനുഭവസമ്പത്ത് നിർണായകമാകും.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

'കളി കാണും നേരം'; സോഷ്യോ- പൊളിറ്റിക്കൽ സ്പോർട്സ് മൂവിയുമായി ഡോ. അഭിലാഷ് ബാബു

Web Desk — Sun, 08 Nov 2026 09:34:34 +0530

പരീക്ഷണ സിനിമകളിലൂടെ ശ്രദ്ധേയനായ ഡോ. അഭിലാഷ് ബാബുവിന്റെ അഞ്ചാമത് ഫീച്ചർ സിനിമ അനൗൺസ് ചെയ്തു. വീക്കെൻഡ് അക്കാദമിയയുടെ ബാനറിൽ ജനകീയ ധനസമാഹരണത്തിലൂടെ (ക്രൗഡ് ഫണ്ടിംഗ്) നിർമ്മിക്കുന്ന 'കളി കാണും നേരം' എന്ന (What do they know of F who only F know?) സിനിമയുടെ ചിത്രീകരണം ഉടൻ ആരംഭിക്കും. ഒരു പരീക്ഷണാത്മക സോഷ്യോ-പൊളിറ്റിക്കൽ സ്പോർട്സ് മൂവി എന്നാണ് അനൗൺസ്മെൻറ് പോസ്റ്റിൽ സിനിമയെ വിശേഷിപ്പിച്ചിരിക്കുന്നത്.

ഐ. എഫ്. എഫ്. കെ യിൽ പ്രീമിയർ ചെയ്ത മോക്യുമെൻററി 'മായുന്നു, മാറിവരയുന്നു, നിശ്വാസങ്ങളിൽ...' മോസ്കോ ഇൻറർനാഷണൽ ഫിലിം ഫെസ്റ്റിവലിൽ പ്രീമിയർ ചെയ്ത സ്റ്റിൽ ഇമേജ് ഫിലിം 'കൃഷ്ണാഷ്ടമി' മലയാളത്തിലെ ആദ്യത്തെ ഫീച്ചർ ലെങ്ത് വെർട്ടിക്കൽ ഡോക്യുമെൻററി 'സോഷ്യൽ സ്വാമി', ആന്തോളജി സിനിമയായ 'ആലോകം' എന്നിവയാണ് അഭിലാഷ് ബാബു മുൻപ് സംവിധാനം ചെയ്ത ചലച്ചിത്രങ്ങൾ. പ്രോജക്ട് ഡിസൈനർ ഷാജി എ ജോൺ, വിഷ്വൽ ആർട്ടിസ്റ്റ് ബിനോയ് വിശ്വനാഥൻ, സ്റ്റോറി ബോര്‍ഡ് രാജേഷ് ബി, പി ആർ ഒ- എ എസ് ദിനേശ്.

ഗ്യാനേഷ് കുമാർ രണ്ടുകോടി രൂപ കൈക്കൂലി ചോദിച്ചെന്ന വെളിപ്പെടുത്തൽ; പ്രാഥമിക അന്വേഷണത്തിലേക്ക് കടന്ന് വിജിലൻസ്, കരാറുകാരന്റെ മൊഴിയെടുക്കും

Afeef M — Sun, 08 Nov 2026 09:14:23 +0530

തിരുവനന്തപുരം: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരേ പ്രാഥമിക അന്വേഷണത്തിലേക്ക് കടന്ന് വിജിലൻസ്. കേരളത്തിൽ പൊതുമരാമത്ത് സെക്രട്ടറിയായിരിക്കെ കെഎസ്ടിപി പദ്ധതിയിൽ അഴിമതി നടത്തിയെന്നും ജീവനൊടുക്കിയ പ്രോജക്ട് മാനേജർ ലീ സി ബിന്നിൽനിന്ന് കൈക്കൂലി ചോദിച്ചെന്നുമുള്ള വെളിപ്പെടുത്തലിലാണ് വിജിലൻസ് അന്വേഷണം ആരംഭിച്ചത്. അന്വേഷണത്തിന്റെ ഭാഗമായി ഗ്യാനേഷ് കുമാറിനെതിരേ വെളിപ്പെടുത്തൽ നടത്തിയ കരാറുകാരനായ സാജനിൽനിന്ന് ചൊവ്വാഴ്ച വിജിലൻസ് സംഘം മൊഴിയെടുക്കും.

ഗ്യാനേഷ് കുമാർ പൊതുമരാമത്ത് സെക്രട്ടറിയായിരിക്കെയാണ് ഇന്തോ-മലേഷ്യൻ കൺസോർഷ്യമായ പതി-ബെൽ കെഎസ്ടിപി റോഡ് പദ്ധതിയുടെ കരാർ ഏറ്റെടുത്തത്. സംസ്ഥാനത്തെ പ്രവൃത്തികളുടെ ബില്ലുകൾ മാറിനൽകാത്തതിനാലാണ് പതി-ബെൽ പ്രോജക്ട് മാനേജരായ ലീ സി ബിൻ ജീവനൊടുക്കിയെന്നാണ് ആരോപണം. ഈ സംഭവത്തിലാണ് അന്ന് പൊതുമരാമത്ത് സെക്രട്ടറിയായിരുന്ന ഗ്യാനേഷ് കുമാറിനെതിരേയും ആരോപണമുയർന്നത്.

ജീവനൊടുക്കിയ ലീയോട് ഗ്യാനേഷ് കുമാർ രണ്ടുകോടി രൂപ കൈക്കൂലി ചോദിച്ചിരുന്നതായി പതിബെൽ കമ്പനിയുടെ ഉപകരാറുകാരനായ സാജൻ അടുത്തിടെ വെളിപ്പെടുത്തിയിരുന്നു. ലീയുടെ ആത്മഹത്യയ്ക്ക് കാരണക്കാരൻ ഗ്യാനേഷ് കുമാർ ആണെന്നും സാജൻ ഏഷ്യാനെറ്റ് ന്യൂസിലൂടെ വെളിപ്പെടുത്തി. ഗ്യാനേഷ് കുമാർ കെഎസ്ടിപി കരാർ ഏറ്റെടുത്തിരുന്ന പതിബെലിന് ബില്ലുകൾ മാറിനൽകിയില്ല. ബില്ലുകൾ മാറാൻ രണ്ടുകോടി രൂപയാണ് ഗ്യാനേഷ് കുമാർ കൈക്കൂലി ചോദിച്ചത്. ഇക്കാര്യം ലീ തന്നോട് പറഞ്ഞിരുന്നു. സംഭവത്തിൽ വിജിലൻസ് ആദ്യം നടത്തിയ അന്വേഷണം ഗ്യാനേഷിനെ വെള്ളപൂശാനായിരുന്നുവെന്നും സാജൻ ആരോപിച്ചിരുന്നു.

സാജന്റെ പുതിയ വെളിപ്പെടുത്തലുകളുടെ അടിസ്ഥാനത്തിലാണ് ഗ്യാനേഷ് കുമാറിനെതിരേ അന്വേഷണം നടത്താൻ സർക്കാർ തീരുമാനമെടുത്തത്. തുടർന്ന് വിജിലൻസ് അന്വേഷണത്തിനും ഉത്തരവിട്ടു. ഗ്യാനേഷിനെതിരേ അന്വേഷണം നടത്താമെന്ന് സർക്കാരിന് നിയമോപദേശവും ലഭിച്ചിരുന്നു. വിജിലൻസിന്റെ തിരുവനന്തപുരത്തെ പ്രത്യേക യൂണിറ്റിനാണ് അന്വേഷണച്ചുമതല.

ഓർമ്മക്കുറിപ്പ് പ്രസിദ്ധീകരണത്തിൽ നിന്ന് പെൻഗ്വിൻ ബുക്സിൻ്റെ പിന്മാറ്റം: ആദ്യമായി പ്രതികരിച്ച് സോണിയ ഗാന്ധി

Deepu Divakaran — Sun, 08 Nov 2026 08:34:00 +0530

ദില്ലി: ഓർമ്മക്കുറിപ്പ് പ്രസിദ്ധീകരണത്തിൽ നിന്ന് പെൻഗ്വിൻ ബുക്സ് പിന്മാറിയതിൽ ആദ്യമായി പ്രതികരിച്ച് കോൺഗ്രസ് പാർലമെൻ്ററി പാർട്ടി ചെയർപേഴ്സൺ സോണിയ ഗാന്ധി. സർക്കാരിനെതിരായ എഴുത്തിൽ പെൻഗ്വിൻ അസ്വസ്ഥരായിരുന്നുവെന്ന് സോണിയ ഗാന്ധി പറഞ്ഞു. തിരുത്തലുകൾക്കായി നിരന്തരം സമ്മർദം ചെലുത്തിയെന്നും താൻ വഴങ്ങിയില്ലെന്നും സോണിയ ഗാന്ധി പറഞ്ഞു. ദ ഗാർഡിയനോടാണ് പ്രതികരണം.

പെൻഗ്വിൻ്റെ പിന്മാറ്റത്തിൽ തനിക്ക് നിരാശയുണ്ടെങ്കിലും അത്ഭുതമൊന്നും തോന്നിയില്ലെന്നും പുസ്തകം സെൻസർ ചെയ്യാനുള്ള ഒരു ശ്രമമായാണ് ഇതിനെ കാണുന്നതെന്നും സോണിയ ഗാന്ധി പറഞ്ഞു. സോണിയ ഗാന്ധിയുടെ വരാനിരിക്കുന്ന ഓർമ്മക്കുറിപ്പായ 'ബിലോങ്ങിങ്: എ ജേർണി ഓഫ് ലവ്' (Belonging: A Journey of Love) എന്ന പുസ്തകം പ്രസിദ്ധീകരിക്കുന്നതിൽ നിന്നാണ് പ്രസാധകരായ 'പെൻഗ്വിൻ റാൻഡം ഹൗസ് ഇന്ത്യ' പിന്മാറിയത്. പ്രധാനമന്ത്രി നരേന്ദ്ര മോദി, ആർഎസ്എസ്, ചൈനീസ് കടന്നുകയറ്റം എന്നിവയെ പരാമർശിക്കുന്ന ഭാഗങ്ങളെച്ചൊല്ലിയുള്ള അഭിപ്രായവ്യത്യാസങ്ങളാണ് പെൻഗ്വിൻ്റെ പിന്മാറ്റത്തിന് കാരണമായതെന്ന സൂചനകൾ പുറത്തുവന്നിരുന്നു. എന്നാൽ ബാഹ്യ സമ്മർദങ്ങൾ കാരണമാണ് പിന്മാറിയതെന്ന കാര്യം പ്രസാധകർ നിഷേധിച്ചു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പെൻഗ്വിൻ പിന്മാറിയതിനെത്തുടർന്നുണ്ടായ അനിശ്ചിതത്വങ്ങൾക്കൊടുവിൽ, 'ഹാർപ്പർകോളിൻസ് ഇന്ത്യ' പുസ്തകം പ്രസിദ്ധീകരിക്കുമെന്ന് ഔദ്യോഗികമായി പ്രഖ്യാപിച്ചു. നവംബർ 10ന് പുസ്തകം പുറത്തിറങ്ങാനിരിക്കെയാണ് സോണിയ ഗാന്ധിയുടെ പ്രതികരണം. അതിനിടെ, പാർട്ടി തലപ്പത്ത് ഗാന്ധി കുടുംബം തുടരുന്നത് എന്തിനെന്ന ചോദ്യത്തിൽ നിന്ന് സോണിയ ഗാന്ധി ഒഴിഞ്ഞു മാറി. അക്കാര്യം പാർട്ടിയോട് ചോദിക്കാൻ സോണിയ ഗാന്ധി ദ ഗാർഡിയനോട് പറഞ്ഞു.

വിമർശനം കടുപ്പിച്ച് ബിജെപി

സോണിയ ഗാന്ധിയുടെ പുസ്തകം ചൂണ്ടിക്കാട്ടി ബിജെപി വിമർശനം കടുപ്പിച്ചു. ബാബറി മസ്ജിദ് പൊളിക്കുന്നത് കണ്ടപ്പോൾ കരഞ്ഞെന്ന സോണിയയുടെ വെളിപ്പെടുത്തലിനെയും ബിജെപി പരിഹസിച്ചു. കോൺഗ്രസിൻ്റെ രാമവിരുദ്ധ മുഖം ഒന്നുകൂടെ വ്യക്തമായെന്ന് നേതാക്കൾ പറഞ്ഞു. തീവ്രവാദികൾക്ക് വേണ്ടി കണ്ണീർ ഒഴുക്കുന്ന സോണിയ, രാജ്യത്തെ സൈനികരെ ഓർത്ത് കരഞ്ഞില്ല. അയോധ്യയിൽ ദീപോത്സവം റെക്കോഡ് ഇടുമ്പോഴും ഇപ്പോഴും ബാബർ ആണ് കോൺഗ്രസ് പാർട്ടിയിൽ ഉള്ളതെന്ന് വ്യക്തമായെന്നും ബിജെപി എംപി സുധാംശു ത്രിവേദി പറഞ്ഞു. സോണിയയുടേത് 33 വർഷത്തിന് ശേഷമുള്ള മുതലക്കണ്ണീരാണെന്നാണ് ദില്ലി മന്ത്രിയും ബിജെപി നേതാവുമായ പർവേഷ് വർമ്മയുടെ പരിഹാസം.

പ്രതിപക്ഷ നേതാവ് പിണറായി വിജയന്‍ വാടക വീട് മാറുന്നു; താമസം മാറ്റുന്നത് ഇടപ്പഴഞ്ഞിയിലേക്ക്

Web Desk — Sun, 08 Nov 2026 08:54:30 +0530

തിരുവനന്തപുരം: പ്രതിപക്ഷ നേതാവ് പിണറായി വിജയന്‍ വാടക വീട് മാറുന്നു. ഇടപ്പഴഞ്ഞിയിലെ വാടക വീട്ടിലേക്ക് താമസം മാറ്റും. നിലവിൽ പ്രതിപക്ഷ നേതാവ് ബേക്കറി ജംഗ്ഷനിലെ വാടക വീട്ടിലാണ് താമസം. കൻ്റോൺമെന്റ് ഹൗസിലെ അറ്റകുറ്റപ്പണി നീളാനുള്ള സാഹചര്യം കണക്കിലെടുത്താണ് തീരുമാനം.

അടുത്തിടെ ഉണ്ടായ തീപിടുത്തത്തിൽ കൻ്റോൺമെൻ്റ് ഹൗസിലെ പല ഭാഗങ്ങളും കത്തി നശിച്ചിരുന്നു. കഴിഞ്ഞ ഒക്ടോബർ 17നാണ് പ്രതിപക്ഷ നേതാവിന്റെ ഔദ്യോഗിക വസതിയായ കന്റോൺമെന്റ് ഹൗസിൽ തീപിടുത്തം ഉണ്ടായത്. തീപ്പിടുത്തമുണ്ടായ കന്റോൺമെന്റ് ഹൗസ് കഴിഞ്ഞ ദിവസം പൊതുമരാമത്ത് വകുപ്പ് മന്ത്രി പി കെ ബഷീർ സന്ദർശിച്ചിരുന്നു. അടിയന്തരമായി അറ്റകുറ്റപ്പണികൾ വേഗത്തില്‍ തീർക്കാൻ ബന്ധപ്പെട്ട ഉദ്യോഗസ്ഥർക്ക് നിർദേശം നൽകി എന്ന അറിയിപ്പോടെ സന്ദര്‍ശന വീഡിയോ മന്ത്രി സമൂഹ മാധ്യമങ്ങളിൽ പങ്കുവെച്ചിരുന്നു.

തട്ടിപ്പുണ്ടോ? കേരളത്തിലെ 4 ജില്ലകളിലെ പമ്പുകളിൽ നാളെ എഥനോൾ പരിശോധന ; കർണാടക സർക്കാരിൻ്റെ കണ്ടെത്തൽ തള്ളി കേന്ദ്രം

Deepu Divakaran — Sun, 08 Nov 2026 07:54:33 +0530

തിരുവനന്തപുരം: പെട്രോളിലെ എഥനോൾ അളവുമായി ബന്ധപ്പെട്ട വിവാദത്തിൽ സംസ്ഥാനത്തെ എഥനോൾ പരിശോധന നാളെ. നാല് ജില്ലകളിലെ അഞ്ച് വീതം പെട്രോൾ പമ്പുകളിൽ പരിശോധന നടത്തും. തിരുവനന്തപുരം, എറണാകുളം, കോഴിക്കോട്, കണ്ണൂർ ജില്ലകളിലാണ് പരിശോധന നടക്കുക. പമ്പുകളിൽ നിന്ന് ആറു വീതം സാമ്പിളുകൾ ശേഖരിക്കും. എഥനോൾ അളവ് നോക്കാൻ ഉദ്യോഗസ്ഥർക്ക് പ്രത്യേക പരിശീലനം നൽകി. എഥനോൾ അളവ് കൂടുതൽ ഉണ്ടെങ്കിൽ സംസ്ഥാന സർക്കാർ കർശന നടപടി സ്വീകരിക്കും. കേന്ദ്ര തലത്തിലും വിഷയം ഉന്നയിക്കാനാണ് സർക്കാരിൻ്റെ തീരുമാനം.

പെട്രോൾ ഉൽപന്നങ്ങളിൽ കൂടുതൽ അളവിൽ എഥനോൾ കലർത്തുന്നുവെന്ന പരാതിയിൽ മന്ത്രി അനൂപ് ജേക്കബ് ആണ് പൊതുവിതരണ ഉപഭോക്തൃകാര്യ കമ്മീഷന് പരിശോധനയ്ക്ക് നിർദേശം നൽകിയത്. മുഖ്യമന്ത്രിയുമായി നടത്തിയ ചർച്ചയ്ക്ക് പിന്നാലെയായിരുന്നു പരിശോധനയ്ക്ക് മന്ത്രി നിർദേശം നൽകിയത്. കർണാടകത്തിൽ വിൽക്കുന്ന പെട്രോളിൽ 26 മുതൽ 31 ശതമാനം വരെ എഥനോൾ അടങ്ങിയിട്ടുണ്ടെന്ന സംസ്ഥാന സർക്കാരിൻ്റെ കണ്ടെത്തലിന് പിന്നാലെയാണ് കേരളത്തിലും പരിശോധന നടക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കർണാടകത്തിലെ 80 ശതമാനം പമ്പുകളിലും അനുവദനീയമായ 20 ശതമാനത്തേക്കാൾ ഉയർന്ന അളവിൽ എഥനോൾ കലർന്ന പെട്രോളാണ് വിൽക്കുന്നതെന്നാണ് കർണാടക സർക്കാർ വ്യക്തമാക്കിയത്. എന്നാൽ സംസ്ഥാന സർക്കാർ ഉന്നയിച്ച ഗുരുതര ആരോപണം തള്ളി എണ്ണക്കമ്പനികൾ രംഗത്തെത്തിയിരുന്നു. ഇന്ത്യൻ ഓയിൽ കോർപറേഷൻ, ഭാരത് പെട്രോളിയം, ഹിന്ദുസ്ഥാൻ പെട്രോളിയും എന്നീ കമ്പനികൾ സംയുക്ത പ്രസ്താവനയിലൂടെ ആണ് കർണാടക സർക്കാരിൻ്റെ വാദങ്ങൾ തള്ളിയത്.

അതിനിടെ, പെട്രോളിലെ എഥനോൾ അളവിൽ വ്യതിയാനമുണ്ടെന്ന കർണാടക സർക്കാരിൻ്റെ പരിശോധനാ ഫലം കേന്ദ്ര പെട്രോളിയം മന്ത്രാലയവും തള്ളി. എണ്ണക്കമ്പനികളുടെ വാദം ഏറ്റെടുത്ത മന്ത്രാലയം, കർണാടകത്തിൻ്റെ ഫലം പോലെ എഥനോൾ അളവിൽ എവിടെയും വ്യതിയാനമില്ലെന്നാണ് വിശദീകരണം. രാജ്യത്താകെ 893 സാമ്പിളുകളിൽ നടത്തിയ പരിശോധനയിൽ ഒരു ശതമാനം വരെ മാത്രമാണ് നേരിയ വ്യതിയാനമെന്നാണ് മന്ത്രാലയം പറയുന്നത്. 19 ശതമാനം മുതൽ 21 ശതമാനം വരെയാണ് എഥനോൾ അളവ്. കർണാടകയിൽ നിന്നുള്ള 56 സാമ്പിളുകളും ഇതിൽ പെടും. കർണാടകയുടെ പരിശോധന രീതിയിൽ പ്രശ്‌നങ്ങളുണ്ടെന്നും മന്ത്രാലയം വ്യക്തമാക്കി.

പ്രതികരിച്ച് സുരേഷ് ഗോപി

എഥനോൾ പരിശോധനയിൽ കേന്ദ്ര പെട്രോളിയം മന്ത്രാലയം സഹമന്ത്രി സുരേഷ് ഗോപി പ്രതികരിച്ചു. കർണാടക സർക്കാരോ കേരള സർക്കാരോ പരിശോധന നടത്തട്ടെ. തങ്ങൾക്ക് അതിൻ്റെ സയന്റിഫിക് സപ്പോർട്ടുണ്ട്. ഇരുപതാണ് അംഗീകരിച്ചിട്ടുള്ളത്, അത് കാലക്രമേണ വർധിപ്പിക്കും. സയന്റിഫിക് ഫീസിബിലിറ്റി നോക്കിയിട്ടാണ് വർധിപ്പിക്കുന്നത്. രാഷ്ട്രീയത്തിന് വേണ്ടി സാങ്കേതിക കുത്തിത്തിരിപ്പ് നടത്തരുതെന്നും സുരേഷ് ഗോപി ആവശ്യപ്പെട്ടു

103 കോടി രൂപയുടെ സ്വത്തുക്കൾ മരവിപ്പിച്ചതിന് പിന്നാലെ ആർ പ്രേംകുമാറിനെ ചോദ്യം ചെയ്യുമെന്ന് ഇ ഡി; ബിഎൽഎം കേസിൽ തുടർനടപടി

Asmitha Kabeer — Sun, 08 Nov 2026 08:59:32 +0530

കൊച്ചി: ബിഎൽഎം സാമ്പത്തിക തട്ടിപ്പ് കേസിൽ ആർ പ്രേംകുമാറിനെ ചോദ്യം ചെയ്യുമെന്ന് ഇ ഡി. പരിശോധനയിൽ കണ്ടെത്തിയ വിവരങ്ങളുടെ അടിസ്ഥാനത്തിലാണ് ചോദ്യം ചെയ്യൽ. അടുത്ത ആഴ്ചയോടെ നോട്ടീസ് നൽകും. ആർ പ്രേംകുമാർ വിദേശത്താണെന്നാണ് വിവരം. നോട്ടീസ് കൈപ്പറ്റിയില്ലെങ്കിൽ ലുക്ക്‌ഔട്ട്‌ നോട്ടീസ് അടക്കമുള്ള നടപടിക്രമങ്ങളും എൻഫോഴ്സ്മെന്‍റ് ഡയറക്ടറേറ്റിന്‍റെ പരിഗണനയിലുണ്ട്.

സാമ്പത്തിക തിരിമറി കേസിൽ ബി എൽ എമ്മിന്‍റെ 103 കോടി രൂപയുടെ സ്വത്തുക്കൾ ഇഡി മരവിപ്പിച്ചിരുന്നു. ശതകോടികളുടെ തട്ടിപ്പാണ് പ്രേംകുമാർ നടത്തിയതെന്നും സമഗ്രമായ അന്വേഷണം തുടരുമെന്നും ഇഡി വാർത്താക്കുറിപ്പിൽ അറിയിച്ചു. ബി എൽ എം സ്ഥാപക ചെയർമാൻ പ്രേംകുമാറുമായി ബന്ധപ്പെട്ട് ചെന്നൈ, എറണാകുളം, കോഴിക്കോട്, തൃശൂർ, തിരുവനന്തപുരം, മൂന്നാർ എന്നീ സ്ഥലങ്ങളിലെ 12 ഇടങ്ങളിൽ ഇന്നലെ നടത്തിയ റെയ്ഡിൽ ഗുരുതര തട്ടിപ്പ് കണ്ടെത്തിയെന്നാണ് ഇഡി പറയുന്നത്. ഹൗസിംഗ് സൊസൈറ്റി വഴി സാധാരണക്കാരിൽ നിന്ന് ശേഖരിച്ച നിക്ഷേപത്തുക, ചട്ടവിരുദ്ധമായി സ്വന്തം പേരിലും കുടുംബാംഗങ്ങളുടെ പേരിലും പ്രേംകുമാർ വകമാറ്റി എന്നടക്കം കണ്ടെത്തിയതായി ഇഡി വ്യക്തമാക്കി.

ബിഎൽഎമ്മുമായി ബന്ധപ്പെട്ട പണം കൈകാര്യം ചെയ്യാനായി പ്രേംകുമാറും കൂട്ടാളികളും 320 ബാങ്ക് അക്കൌണ്ടുകൾ ഉപയോഗിച്ചു. ബിഎൽഎമ്മിന്‍റെ ആസ്തികൾ പണയം വച്ചും നിക്ഷേപത്തുക വകമാറ്റിയും വ്യക്തിഗതനേട്ടങ്ങൾ ആർജിച്ചതിനൊപ്പം, കുടുംബാംഗങ്ങളുടെ പേരിൽ വൻതോതിൽ ഭൂമിയും മറ്റും വാങ്ങിക്കൂട്ടുകയും ചെയ്തു. നൂറ് കണക്കിന് കോടി രൂപയുടെ തിരിമറി നടന്നതായാണ് പ്രാഥമിക നിഗമനം എന്നും കള്ളപ്പണനിയമ പ്രകാരം കൂടുതൽ പരിശോധന നടത്തിയാൽ മാത്രമേ തട്ടിപ്പിന്‍റെ വ്യാപ്തി മനസ്സിലാകൂ എന്നും ഇഡി വ്യക്തമാക്കി. ബിഎൽഎമ്മിന്‍റെ എല്ലാ പ്രവർത്തനങ്ങളും പ്രേംകുമാർ നേരിട്ടാണ് നിയന്ത്രിക്കുന്നതെന്ന് റെയ്ഡിൽ ബോധ്യപ്പെട്ടു. പോർഷെ, റോൾസ് റോയ്സ്, വെൽഫയർ ഉൾപ്പെടെ 8 ആഡംബര കാറുകളും 9.6 കോടി രൂപയടെ സ്വർണാഭരണങ്ങളും അടക്കം 103 കോടി രൂപയുടെ സ്വത്തുക്കൾ പിടിച്ചെടുക്കുകയോ മരവിപ്പിക്കുകയോ ചെയതെന്നും ഇഡി അറിയിച്ചു.

കല്ല്യാണം കഴിഞ്ഞാൽ സ്വന്തം വീട്ടിൽ ആഘോഷങ്ങൾ പറ്റില്ലേ? അവിടെ ആണ്‍മക്കളില്ലെങ്കിലെന്ത് ചെയ്യും? വീഡിയോ

Web Desk — Sun, 08 Nov 2026 08:46:54 +0530

വിവാഹശേഷം ഫെസ്റ്റിവലുകളും ആഘോഷങ്ങളുമെല്ലാം ഭർത്താവിന്റെ വീട്ടുകാർക്കൊപ്പം മാത്രം ആഘോഷിക്കേണ്ടിവരാറുണ്ടോ? അത്തരം സാഹചര്യത്തിലൂടെ കടന്നുപോകേണ്ടി വരുന്ന സ്ത്രീകളുണ്ട്. ഇതേക്കുറിച്ച് ഒരു യുവതി ഷെയർ ചെയ്ത പോസ്റ്റാണ് ഇപ്പോൾ സോഷ്യൽ‌ മീഡിയയിൽ ശ്രദ്ധിക്കപ്പെടുന്നത്. ഇതിലെ വിവേചനത്തെ ചോദ്യം ചെയ്യുകയാണ് യുവതി. പ്രത്യേകിച്ചും ആൺമക്കളില്ലാത്ത കുടുംബങ്ങളിലെ വിവാഹിതരായ പെൺമക്കളുടെ മാതാപിതാക്കളുടെ അവസ്ഥയെ കുറിച്ചാണ് യുവതി പറയുന്നത്.

'വിവാഹിതരായ പെൺമക്കൾക്ക് എപ്പോഴാണ് സ്വന്തം മാതാപിതാക്കൾക്കൊപ്പം ഉത്സവങ്ങൾ ആഘോഷിക്കാൻ കഴിയുക? പ്രത്യേകിച്ച് സഹോദരന്മാരില്ലാതെ പെൺമക്കൾ മാത്രമുള്ള കുടുംബങ്ങളിലെ അവസ്ഥ എന്താണ്? മക്കളുടെ വിവാഹശേഷം ഓരോ ദീപാവലിയും ഹോളിയും ഇത്തരം മാതാപിതാക്കൾ തനിച്ചാണോ ആഘോഷിക്കേണ്ടത്?' എന്നാണ് യുവതി ചോദിക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ആൺമക്കൾക്ക് വിവാഹശേഷവും സ്വന്തം മാതാപിതാക്കൾക്കൊപ്പം എല്ലാ ആഘോഷങ്ങളിലും പങ്കുചേരാനും കുടുംബത്തിന്റെ പാരമ്പര്യങ്ങളെല്ലാം നോക്കാനും സാധിക്കാറുണ്ട്. എന്നാൽ, പെൺമക്കൾ സ്വന്തം വീട്ടിൽ പോകാൻ ആഗ്രഹിക്കുമ്പോൾ അതിൽ വിട്ടുവീഴ്ചകൾ ചെയ്യേണ്ടിവരുന്നു, ഏത് കുടുംബത്തിനാണ് മുൻഗണന നൽകേണ്ടതെന്ന ചോദ്യം വരുന്നു. വിവാഹശേഷം ഭർതൃവീട്ടിലെ ആഘോഷങ്ങൾക്കാണ് മുൻഗണന നൽകേണ്ടതെന്നത് ആരും പറയാതെ തന്നെ നിലനിൽക്കുന്ന ഒരു അനാചാരമാണെന്നും യുവതി ചൂണ്ടിക്കാട്ടി.

ആഘോഷങ്ങൾ ഭർത്താവിന്റെയോ ഭാര്യയുടെയോ വീട്ടിൽ മാത്രം വേണമെന്നല്ല. മറിച്ച് എവിടെ ആഘോഷിക്കണം എന്ന് തീരുമാനിക്കാൻ രണ്ടുപേർക്കും തുല്യഅവകാശമുണ്ടായിരിക്കണമെന്നാണ് തന്റെ അഭിപ്രായമെന്ന് യുവതി വ്യക്തമാക്കുന്നു.

'വിവാഹിതരായ സ്ത്രീകളോടാണ്, പ്രത്യേകിച്ച് സഹോദരന്മാരില്ലാത്തവരോട്, നിങ്ങളുടെ അനുഭവങ്ങൾ എന്താണ്? സ്വന്തം വീട്ടുകാർക്കൊപ്പം ആഘോഷിക്കാൻ നിങ്ങൾക്ക് സ്വാതന്ത്ര്യമുണ്ടോ?' എന്ന് ചോദിച്ചുകൊണ്ട് യുവതി പങ്കുവെച്ച പോസ്റ്റിന് താഴെ നിരവധിപ്പേരാണ് അഭിപ്രായങ്ങളുമായി എത്തിയത്.

View this post on Instagram

A post shared by Shefali | All Things Women (@_shefalinath_)

നിരവധി സ്ത്രീകൾ തങ്ങൾക്ക് സ്വന്തം വീട്ടുകാർക്കൊപ്പം ആഘോഷങ്ങളിൽ പങ്കെടുക്കാൻ സാധിക്കാറുണ്ടെന്ന് കമന്റ് ചെയ്തു. 'സപ്പോർട്ടായി നിൽക്കുന്ന ഭർത്താവും ഭർതൃവീട്ടുകാരും ഉണ്ടെങ്കിൽ സ്വന്തം മാതാപിതാക്കൾക്കൊപ്പവും ആഘോഷങ്ങൾ സാധ്യമാണ്' എന്ന് ഒരു യുവതി കുറിച്ചു. 'ഞാൻ എന്റെ മാതാപിതാക്കളുടെ ഏക മകളാണ്. എല്ലാ ആഘോഷങ്ങളും ഞാൻ എന്റെ മാതാപിതാക്കൾക്കൊപ്പമാണ് ആഘോഷിക്കുന്നത്. അതിൽ ഒരു വിട്ടുവീഴ്ചയ്ക്കും ഞാൻ തയ്യാറല്ല' എന്ന് മറ്റൊരാൾ കുറിച്ചു.

കൊച്ചിയിൽ സ്വകാര്യ ബസ് ട്രാഫിക് പൊലീസുകാരനെ ഇടിച്ചിട്ടു; ബസും ഡ്രൈവറും പൊലീസ് കസ്റ്റഡിയിൽ

Bibin Babu — Sun, 08 Nov 2026 08:42:12 +0530

കൊച്ചി: കൊച്ചിയിൽ സ്വകാര്യ ബസ് ട്രാഫിക് പൊലീസുകാരനെ ഇടിച്ചിട്ടു. ഹൈക്കോടതിക്ക് സമീപം ഇന്നലെ വൈകീട്ട് ഏഴരയോടെയാണ് സംഭവം. സിപിഒ ശ്രീദത്ത് ആശുപത്രിയിൽ ചികിത്സ തേടി. അപകടമുണ്ടാക്കിയ മഹാത്മ ബസ് പൊലീസ് കസ്റ്റഡിയിൽ എടുത്തിട്ടുണ്ട്. ഡ്രൈവർ കാക്കനാട് സ്വദേശി അനീഷ് പൊലീസ് കസ്റ്റഡിയിലാണ്. മേനക ഭാഗത്ത് നിന്നും അമിതവേഗതയില്‍ അശ്രദ്ധമായി ഓടിച്ചെത്തിയ ബസ് ബാനര്‍ജി റോഡിലേക്ക് തിരിയവേയാണ് അപകടമുണ്ടായത്.

കൊച്ചിയിൽ അമിത വേഗതയിൽ എത്തിയ സ്വകാര്യ ബസ് ഇടിച്ച് കാൽനടയാത്രക്കാരിയായ യുവതി കഴിഞ്ഞ ദിവസം മരിച്ചിരുന്നു. തൃശൂർ സ്വദേശിയായ അക്ഷരയ്ക്കാണ് ജീവൻ നഷ്ടമായത്. കാക്കനാട് - ഇടച്ചിറ റോഡിൽ ഐഎംജി ജംഗ്ഷനിലാണ് അപകടം ഉണ്ടായത്. ജിമ്മിൽ നിന്ന് മടങ്ങുകയായിരുന്ന യുവതിയെ, ഇടുങ്ങിയ വഴിയിലൂടെ അമിത വേഗതയിൽ എത്തിയ ബസ് ഇടിക്കുകയായിരുന്നു. യുവതിയുടെ ശരീരത്തിലൂടെ ബസ് കയറിയിറങ്ങി.

'മലയിൽ' എന്ന സ്വകാര്യ ബസാണ് അപകടം ഉണ്ടാക്കിയത്. ബസ് അമിത വേഗതയിലായിരുന്നു എന്നാണ് പൊലീസിൽ നിന്ന് ലഭിക്കുന്ന വിവരം. മനപ്പൂർവമുള്ള നരഹത്യാ കുറ്റം ചുമത്തി ബസ് ഡ്രൈവർ ബിനോയ്‍യെ അറസ്റ്റ് ചെയ്തു. ഇൻഫോപാർക്കിലെ ജീവനക്കാരിയായിരുന്നു മരിച്ച അക്ഷര. വിവാഹിതയാണ്. കൊച്ചിയിൽ സ്വകാര്യ ബസുകളുടെ മരണപ്പാച്ചിലിനെതിരെ വ്യാപക പരാതി ഉയരുന്നുണ്ട്.

കൊച്ചിയിലെ സ്വകാര്യ ബസുകളുടെ മരണപ്പാച്ചിലിനെതിരെ കഴിഞ്ഞ ദിവസവും ഹൈക്കോടതി രൂക്ഷവിമര്‍ശനമാണ് ഉന്നയിച്ചത്. എന്തുതരം ഡ്രൈവിംഗ് ആണിതെന്നാണ് കോടതി ചോദിച്ചത്. അപകടകരമായ രീതിയിലും അമിത വേഗത്തിലും സഞ്ചരിക്കുന്ന ബസുകള്‍ക്കെതിരെ കര്‍ശന നടപടി എടുക്കണമെന്നും നിര്‍ദേശിച്ചിരുന്നു. വിഷയത്തില്‍ കൊച്ചി കൊച്ചി കോര്‍പ്പറേഷന് അന്ത്യശാസനം നല്‍കിയ കോടതി നടപടി എടുത്തില്ലെങ്കില്‍ കോര്‍പ്പറേഷന്‍ സെക്രട്ടറിയെ വിളിച്ചുവരുത്തുമെന്നുള്ള താക്കീതും തൽകിയിരുന്നു.

കാളിദാസ് ജയറാമിന്റെ 'മെനി മെനി ഹാപ്പി റിട്ടേൺസി'ലെ 'ചങ്ക് കട്ടോളേ..' ഗാനം എത്തി

Ameena Shirin — Sun, 08 Nov 2026 08:13:22 +0530

അഹമ്മദ് കബീർ സംവിധാനം ചെയ്യുന്ന ഏറ്റവും പുതിയ ചിത്രം 'മെനി മെനി ഹാപ്പി റിട്ടേൺസി'ലെ പുതിയ വീഡിയോ ഗാനം റിലീസ് ചെയ്തു. 'ചങ്ക് കട്ടോളേ..' എന്ന ഗാനത്തിന് സംഗീതം നൽകിയിരിക്കുന്നത് ഗോവിന്ദ് വസന്തയാണ്. ഗോവിന്ദ് വസന്തയ്ക്ക് ഒപ്പം ലൈക ജമാലും ചേർന്നാണ് ഈ പ്രണയ ഗാനം ആലപിച്ചിരിക്കുന്നത്. വിനായക് ശശികുമാറിന്റേതാണ് വരികൾ.

'മെനി മെനി ഹാപ്പി റിട്ടേൺസി'ന്റെ വിതരണാവകാശം സ്വന്തമാക്കിയിരിക്കുന്നത് പ്രമുഖ നിർമ്മാണ കമ്പനിയായ ഭാവന സ്റ്റുഡിയോസ് ആണ്. ഫഹദ് ഫാസിൽ, ശ്യാം പുഷ്‌ക്കരൻ, ദിലീഷ് പോത്തൻ എന്നിവരുടെ ഉടമസ്ഥതയിലുള്ള ഭാവന റിലീസ് 'ബത്‌ലഹേം കുടുംബയൂണിറ്റിൻ്റെ' വൻ വിജയത്തിനു ശേഷമാണ് ഈ ചിത്രത്തിന്റെ ഭാഗമാകുന്നത്. 'ജൂൺ', 'മധുരം' എന്നീ സിനിമകൾക്കും 'കേരള ക്രൈം ഫയൽസ്' എന്ന ഹിറ്റ് പരമ്പരയ്ക്കും ശേഷമാണ് അഹമ്മദ് കബീർ ഈ ചിത്രം ഒരുക്കുന്നത്.

ഒരിടവേളയ്ക്ക് ശേഷം കാളിദാസ് ജയറാം മലയാളത്തിൽ നായകനായി തിരിച്ചെത്തുന്ന ഈ ചിത്രം, നൊസ്റ്റാൾജിയ ഉണർത്തുന്ന ഒരു റോം-കോം ചിത്രമായാണ് അണിയറയിലൊരുങ്ങുന്നത്. പുതുമുഖമായ ലക്ഷ്മി ജ്യോതിഷാണ് ചിത്രത്തിൽ നായികയായി എത്തുന്നത്. കാളിദാസിൻ്റെ അച്ഛൻ കഥാപാത്രമായി ലാൽ ഒരു ശ്രദ്ധേയ വേഷം കൈകാര്യം ചെയ്യുന്നു.

മങ്കി ബിസിനസിന്‍റെ ബാനറിൽ ഹസ്സൻ റഷീദും അഹമ്മദ് കബീറും ചേർന്നാണ് ചിത്രം നിർമ്മിച്ചിരിക്കുന്നത്. '96', 'സോളോ', 'മെയ്യഴകൻ' തുടങ്ങിയ ചിത്രങ്ങളിലൂടെ പ്രശസ്തനായ ഗോവിന്ദ് വസന്തയാണ് ചിത്രത്തിലെ ഗാനങ്ങൾക്ക് സംഗീതം നൽകുന്നത്. 'ആട്ടം' എന്ന സിനിമയിലൂടെ മികച്ച എഡിറ്റിംഗിനുള്ള ദേശീയ പുരസ്‌കാരം നേടിയ മഹേഷ് ഭുവനേന്ദാണ് ചിത്രസംയോജനം നിർവ്വഹിക്കുന്നത് എന്നത് സിനിമയുടെ പ്രധാന ആകർഷണങ്ങളിലൊന്നാണ്.

അഹമ്മദ് കബീർ ചിത്രങ്ങളുടെ പ്രധാന സവിശേഷതയായ ദൃശ്യമനോഹരമായ ഫ്രെയിമുകൾ സമ്മാനിച്ച ജിതിൻ സ്റ്റാനിസ്ലാവസ് തന്നെയാണ് ഈ ചിത്രത്തിന്റെയും ഛായാഗ്രഹണം നിർവ്വഹിക്കുന്നത്. കോ-പ്രൊഡ്യൂസേഴ്സ്: പൗലോസ് തേപ്പാല, വിനീത കോശി, ഓഡിയോഗ്രാഫി: വിഷ്ണു ഗോവിന്ദ്, പ്രൊഡക്ഷൻ ഡിസൈനർ: ശരത് കുമാർ കെ.വി, പ്രൊഡക്ഷൻ കൺട്രോളർ: ഷാഫി ചെമ്മാട്, കോസ്റ്റ്യൂം: മഷർ ഹംസ, മേക്കപ്പ്: റോണക്സ് സേവ്യർ, ലിറിക്സ്: വിനായക് ശശികുമാർ, കളറിസ്റ്റ്: ശ്രീക് വാര്യർ, വി എഫ് എക്സ്: ഡിജിബ്രിക്‌സ്, സ്റ്റിൽസ്: അർജുൻ തോമസ്, പബ്ലിസിറ്റി ഡിസൈൻ: റോസ്റ്റഡ് പെപ്പർ, വിഷ്വൽ പ്രൊമോഷൻസ്: സ്‌നേക്ക്പ്ലാൻ്റ് എൽ.എൽ.പി, പി.ആർ.ഒ: അപർണ ഗിരീഷ്.

ഊരാളുങ്കൽ ഏറ്റെടുത്ത നിർമ്മാണപ്രവൃത്തികൾ ഇഴഞ്ഞുനീങ്ങുന്നു; അന്ത്യശാസനം നൽകി മന്ത്രി പി കെ ബഷീർ

Afeef M — Sun, 08 Nov 2026 08:12:50 +0530

തിരുവനന്തപുരം: ഊരാളുങ്കൽ ലേബർ കോൺട്രാക്ട് കോ ഓപ്പറേറ്റീവ് സൊസൈറ്റി(യുഎൽസിസിഎസ്) ഏറ്റെടുത്ത നിർമ്മാണപ്രവൃത്തികൾ വൈകുന്നതിൽ അന്ത്യശാസനവുമായി പൊതുമരാമത്ത് വകുപ്പ് മന്ത്രി പി കെ ബഷീർ. നിർമ്മാണപ്രവൃത്തികൾ ഫെബ്രുവരിക്കകം പൂർത്തിയാക്കണമെന്നാണ് മന്ത്രിയുടെ അന്ത്യശാസനം. ഊരാളുങ്കൽ ഏറ്റെടുത്ത പ്രവൃത്തികൾ ഇഴഞ്ഞുനീങ്ങുന്നതിൽ പൊതുമരാമത്ത് മന്ത്രിക്ക് കടുത്ത അതൃപ്തിയാണുള്ളത്.

പൊതുമരാമത്ത് വകുപ്പിന്റെ 1600 കോടി രൂപയുടെയും കിഫ്ബിയുടെ 1500 കോടി രൂപയുടെയും കെഎസ്ടിപിയുടെ 700 കോടി രൂപയുടെയും പദ്ധതികളാണ് പൂർത്തിയാകാതെ നീണ്ടുപോകുന്നത്. കോഴിക്കോട്, വയനാട്, പാലക്കാട് ജില്ലകളിലെ നിർമ്മാണപ്രവർത്തനങ്ങളാണ് കൂടുതലായും തടസ്സപ്പെട്ടിരിക്കുന്നത്.

ഫ്ലൈഓവറുകൾ, പാലങ്ങൾ, റോഡുകൾ തുടങ്ങിയവയുടെ നിർമ്മാണങ്ങൾ ഇഴഞ്ഞുനീങ്ങുകയാണ്. ഏറ്റെടുത്ത മുഴുവൻ പ്രവൃത്തികളും ഫെബ്രുവരി മാസത്തിനകം പൂർത്തിയാക്കണമെന്നാണ് മന്ത്രി ഊരാളുങ്കലിന് നൽകിയ കർശന നിർദേശം. കേരളത്തിലെ പദ്ധതികൾ പൂർത്തിയാക്കാതെ മറ്റ് സംസ്ഥാനങ്ങളിൽ വൻതോതിൽ നിർമ്മാണ പ്രവർത്തനങ്ങൾ ഏറ്റെടുക്കുന്നതിലും മന്ത്രി അതൃപ്തി രേഖപ്പെടുത്തി. കഴിഞ്ഞ ദിവസം വിളിച്ചുചേർത്ത പദ്ധതി അവലോകന യോഗത്തിലായിരുന്നു മന്ത്രിയുടെ വിമർശനവും കർശന നിർദേശവും.

ഇസ്രായേൽ സർക്കാർ രൂപീകരണം; ഐസൻകോട്ടിനെ ക്ഷണിക്കാൻ പ്രസിഡന്റ്, 4 ആഴ്ചയ്ക്കകം ഭൂരിപക്ഷം തെളിയിക്കണം

Web Desk — Sun, 08 Nov 2026 08:04:10 +0530

ജെറുസലേം: ഇസ്രായേലിൽ സർക്കാർ രൂപീകരണത്തിന് യാഷർ പാർട്ടി നേതാവ് ഗാദി ഐസൻകോട്ടിനെ ക്ഷണിക്കാൻ പ്രസിഡന്റ് ഇസാക്ക് ഹെർസോഗിന്റെ തീരുമാനം. സർക്കാർ രൂപീകരണത്തിക്കാനുള്ള കത്ത് പ്രസിഡന്റ് ഇന്ന് ഔദ്യോഗികമായി ഗാദി ഐസൻകോട്ടിന് നൽകും. ഐസൻകോട്ട് നാല് ആഴ്ചക്കകം ഭൂരിപക്ഷം തെളിയിക്കണം. 28 ദിവസത്തിനുള്ള ഭൂരിപക്ഷം തെളിയിക്കാനായില്ലെങ്കില്‍ 14 ദിവസം കൂടി നല്‍കും. നിലവിലെ പ്രധാനമന്ത്രി ബെഞ്ചമിൻ നെതന്യാഹുവിന്റെ സഖ്യത്തെ പിളർത്താനുള്ള ശ്രമത്തിലാണ് ഐസൻകോട്ട്.

അതേസമയം, ഇസ്രയേലിൽ അറബ് പാർട്ടികൾക്ക് മുന്നിൽ സഖ്യരൂപീകരണത്തിന് 4 ഉപാധികളാണ് ഗാദി ഐസൻകോട്ട് മുന്നോട്ട് വെച്ചിരിക്കുന്നത്. ജൂത - വലതുപക്ഷ പാർട്ടിയായ ഐസൻകോട്ടിന്‍റെ യാഷറിനെ അറബ് പാർട്ടികളുടെ സഖ്യമായ ജോയന്‍റ് ലിസ്റ്റ് പിന്തുണച്ചേക്കുമെന്ന സൂചനകൾക്കിടെയാണ് സഖ്യ രൂപീകരണ ഉപാധികൾ പ്രഖ്യാപിച്ചത്. ഹമാസിനെ തീവ്രവാദ സംഘടനയെന്ന് അംഗീകരിക്കണമെന്നതും, ഹമാസ് നിരായുധീകരണത്തെ പിന്തുണയ്ക്കണമെന്നതുമാണ് ഐസൻകോട്ടിന്‍റെ പ്രധാന ഉപാധി. ഇസ്രയേലിനെ ജൂത - ജനാധിപത്യ രാജ്യമായി അംഗീകരിക്കുക, എല്ലാ പൗരൻമാർക്കും സൈനിക - സിവിലിയൻ സർവീസ് നിർബന്ധമാക്കുന്നത് അംഗീകരിക്കുക എന്നിവയാണ് മറ്റ് ഉപാധികൾ. ഇസ്രയേലിലെ അറബ് വംശജരെ പ്രതിനിധീകരിക്കുന്ന, ഇടത് - പലസ്തീൻ ആഭിമുഖ്യമുള്ള പാർട്ടികളുടെ പിന്തുണ ഒരു ഉപാധിയുമില്ലാതെ സ്വീകരിച്ചാൽ അത് യാഷർ പാർട്ടിയുടെ യാഥാസ്ഥിതിക ജൂത വോട്ട് ബാങ്കിൽ ഉലച്ചിലുണ്ടാക്കുമെന്ന വിലയിരുത്തലിലാണ് ഐസൻകോട്ടിന്‍റെ നീക്കം.

എക്സൈസ് മന്ത്രി അറിയാതെ സാംബശിവ റാവുവിന്‍റെ കാലത്തെ ബാര്‍ ലൈസന്‍സുകള്‍; വിജിലന്‍സ് അന്വേഷണത്തിന് സാധ്യത

Web Desk — Sun, 08 Nov 2026 06:54:39 +0530

തിരുവനന്തപുരം: മുൻ എക്സൈസ് കമ്മീഷണർ സീറാം സാംബശിവറാവുവിൻ്റെ കാലത്ത് എക്സൈസ് മന്ത്രി അറിയാതെ മൂന്ന് ബിയര്‍ വൈൻ പാര്‍ലറുകള്‍ക്ക് ബാർ ലൈസൻസുകൾ അനുവദിച്ചതിൽ വിജിലൻസ് അന്വേഷണത്തിന് സാധ്യത.അതിവേഗം ലൈസന്‍സ് നൽകിയതിൽ ബാഹ്യ ഇടപെടലെന്ന് വിവരം മന്ത്രിക്ക് കിട്ടിയതിന്‍റ അടിസ്ഥാനത്തിലാണ് നീക്കം. എക്സൈസിലെ രണ്ട് ഉന്നത ഉദ്യോഗസ്ഥർക്കെതിരായ ആരോപണത്തിലും വിജിലൻസ് അന്വേഷണം ശുപാർശ ചെയ്യും. ഇക്കാര്യങ്ങള്‍ ആവശ്യപ്പെട്ട് തിങ്കളാഴ്ച എക്സൈസ് മന്ത്രി എം ലിജു ആഭ്യന്തരമന്ത്രി രമേശ് ചെന്നിത്തലയ്ക്ക് കത്ത് നൽകും.

എറണാകുളത്ത് ജൂണിലാണ് രണ്ട് ബിയര്‍ വൈന്‍ പാര്‍ലറുകളുടെ ബാര്‍ ലൈസന്‍സ് പുതുക്കിയത്. ഇതിലൊന്നിന് അപേക്ഷ നൽകി തൊട്ടടുത്ത ദിവസം ലൈസന്‍സായി. പാലായിൽ സെപ്തംബര്‍ അവസാനമാണ് ബാര്‍ ലൈസന്‍സിനായി അപേക്ഷ നല്‍കിയത്. ഒക്ടോബര്‍ മൂന്നിന് ലൈസന്‍സ് കിട്ടി. നിയമസഭാ ചോദ്യത്തിന് ഉത്തരം നൽകാൻ ബാറുകളുടെ എണ്ണമെടുത്തപ്പോഴാണ് ഈ സര്‍ക്കാരിന്‍റെ കാലത്ത് മൂന്ന് ബാര്‍ ലൈസൻസ് പുതുക്കൽ എക്സൈസ് മന്ത്രി അറിഞ്ഞത്. 2014 ൽ ബാര്‍ പൂട്ടിപ്പോയ ശേഷം ബിയര്‍ വൈൻ പാര്‍ലറുകള്‍ നടത്തിയിരുന്നവയാണ് ഇത്. മൂന്ന് സ്റ്റാര്‍ ഹോട്ടലായി ഉയര്‍ത്തിയിട്ടുണ്ടെങ്കിൽ ബാര്‍ ലൈസൻസ് അനുവദിക്കാമെന്ന് ചട്ടഭേദഗതി 2017 ൽ ഇടതു സര്‍ക്കാര്‍ കൊണ്ടുവന്നിരുന്നു. ഡെപ്യൂട്ടി കമ്മീഷണര്‍മാര്‍ക്ക് ലൈസന്‍സ് പുതുക്കി നൽകാം. പുതിയ നയം തീരുമാനിക്കാനിരിക്കെ സര്‍ക്കാര്‍ അറിയാതെ ലൈസന്‍സ് കൊടുത്ത ഡെപ്യൂട്ടി കമ്മീഷണർമാരായ പി കെ സതീഷ്, ഷിബു പി എൽ എന്നിവരെ സസ്പെന്‍‍ഡ് ചെയ്തു. വിരമിച്ച ഉദ്യോഗസ്ഥരുടെ ഉള്‍പ്പടെ ഇടപെടലിലാണ് അതിവേഗം ലൈസന്‍സ് പുതുക്കിയതിൽ എന്ന വിവരത്തിന്‍റെ അടിസ്ഥാനത്തിലാണ് വിജിലന്‍സ് അന്വേഷണ സാധ്യത തേടുന്നത്.

മുപ്പതോളം വീടുകളിൽ നിന്നായി മോഷ്ടിച്ചത് 100 പവനിലധികം സ്വർണവും ലക്ഷക്കണക്കിന് രൂപയും; പ്രതി പിടിയിൽ

Gowry Priya J — Sun, 08 Nov 2026 06:35:35 +0530

തിരുവനന്തപുരം: മുപ്പതോളം വീടുകളിൽ നിന്നും 100 പവനിലധികം സ്വർണവും ലക്ഷക്കണക്കിന് രൂപയും മോഷ്ടിച്ചയാളെ കണ്ട് നാട്ടുകാർ ഞെട്ടി. നാട്ടുകാർ മാന്യനെന്ന് കരുതിയ മാറനല്ലൂർ സ്വദേശി നിഷാന്താണ് (27) നരുവാമൂട് പൊലീസിന്‍റെ പിടിയിലായത് . റസ്സൽ പുരം ബെവ്കോയിലെ കയറ്റിറക്ക് തൊഴിലാളിയായിരുന്നു നിഷാന്ത്. ഒപ്പം വീട്ടിൽ പശു ഫാം നടത്തി വരികയുമായിരുന്നു.

ആര്യങ്കോട്, കാട്ടാക്കട, മലയിൽകീഴ്, ബാലരാമപുരം സ്റ്റേഷനുകളിലായി നിരവധി കേസുകളിലെ പ്രതിയായ നിഷാന്ത് ആദ്യമായാണ് അറസ്റ്റിലാകുന്നതെന്ന് പൊലീസ് പറഞ്ഞു. വലിയറത്തല ഗോവിന്ദമംഗലം പ്ലാവറത്തലയിൽ വീട് കുത്തി തുറന്ന് മോഷണം നടത്തിയ കേസുമായി ബന്ധപ്പെട്ട അന്വേഷണത്തിലാണ് ഇയാൾ പിടിയിലായത്. തുടർന്ന് നടത്തിയ ചോദ്യം ചെയ്യലിൽ മറ്റ് മോഷണങ്ങളും ഇയാൾ സമ്മതിച്ചുവെന്ന് പൊലീസ് പറയുന്നു.

മോഷ്ടിച്ച് കിട്ടുന്ന പണം കാറുകളും ബൈക്കുകളും വാങ്ങാനാണ് ഉപയാഗിച്ചിരുന്നത്. ഒപ്പം ലക്ഷക്കണക്കിന് രൂപയ്ക്ക് ഭാഗ്യക്കുറി ടിക്കറ്റുകളും വാങ്ങി. ആഡംബര ബൈക്കുകളിൽ കറങ്ങി നടന്ന് വീടുകൾ കണ്ട് വച്ച് പിൻവാതിലുകൾ കമ്പിപ്പാര കൊണ്ട് കുത്തിപ്പൊളിച്ച് അകത്ത് കടന്നായിരുന്നു പ്രതി രാപ്പകൽ വ്യത്യാസമില്ലാതെ മോഷണം നടത്തിയിരുന്നതെന്ന് പൊലീസ് പറഞ്ഞു.

ആലപ്പുഴയിൽ സ്കൂൾ കുട്ടികൾക്ക് വിൽക്കാൻ സൂക്ഷിച്ച 1600 പാക്കറ്റ് നിരോധിത പുകയില ഉൽപന്നങ്ങൾ പിടികൂടി; പ്രതി അറസ്റ്റിൽ

Gowry Priya J — Sun, 08 Nov 2026 05:42:51 +0530

ആലപ്പുഴ: സ്കൂൾ കുട്ടികൾക്കും മറ്റും വിൽക്കുന്നതിനായി സൂക്ഷിച്ച 1600 പാക്കറ്റ് നിരോധിത പുകയില ഉൽപന്നങ്ങളുമായി ഒരാൾ പിടിയിൽ. അരൂക്കുറ്റിയിലെ നദുവത്ത് നഗർ സ്വദേശിയായ അഹമ്മദ് ഹാഷിമിനെയാണ് (51) പൂച്ചാക്കൽ പൊലീസ് അറസ്റ്റ് ചെയ്തത്.

കേരള സർക്കാരിന്‍റെ തൂഫാൻ ലഹരി നിർമാർജന പദ്ധതിയുടെ ഭാഗമായി പൊലീസ് നടത്തിയ പട്രോളിങ്ങിനിടയിലാണ് പ്രതി പിടിയിലായത്. വടുതല കുണ്ടേക്കടവ് ഭാഗത്തുവെച്ച് സ്കൂട്ടറിന്റെ സീറ്റിനടിയിൽ ഒളിപ്പിച്ചു വിൽപ്പന നടത്തുകയായിരുന്ന പുകയില ഉൽപന്നങ്ങൾ പൊലീസ് കണ്ടെത്തുകയായിരുന്നു. തുടർന്ന് നടത്തിയ പരിശോധനയിൽ ഇയാളുടെ വീടിന്റെ കോമ്പൗണ്ടിൽ നിന്നും വിൽപ്പനയ്ക്കായി സൂക്ഷിച്ച നിലയിൽ കൂടുതൽ പുകയില ഉൽപന്നങ്ങൾ പിടിച്ചെടുത്തു.

പൂച്ചാക്കൽ പൊലീസ് സ്റ്റേഷൻ ഇൻസ്പെക്ടർ ലിജിമോൾ പി ടി, അസിസ്റ്റന്റ് പൊലീസ് സബ് ഇൻസ്പെക്ടർ ശിവദാസ പണിക്കർ, സീനിയർ സിവിൽ പൊലീസ് ഓഫീസർ മണിലാൽ, സിവിൽ പൊലീസ് ഓഫീസർമാരായ ബിജീഷ്, കലേഷ്, ജോമോൻ എന്നിവരടങ്ങിയ സംഘമാണ് പ്രതിയെ പിടികൂടിയത്. ചേർത്തല ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

9 At Nine Malayalam News | വാർത്തകൾ വിശദമായി | 07 Nov 2026

Web Desk — Sun, 08 Nov 2026 05:02:08 +0530

9 At Nine Malayalam News | വാർത്തകൾ വിശദമായി | 07 Nov 2026

ഇറാനെതിരെ പുതിയ രണ്ട് നീക്കങ്ങളുമായി അമേരിക്ക; ടാസ്ക് ഫോഴ്സിനെ പ്രഖ്യാപിച്ചു, ആണവ പദ്ധതിയെ കുറിച്ച് വിവരം നൽകിയാൽ രണ്ട് കോടി ഡോളർ പാരിതോഷികം

Web Desk — Sun, 08 Nov 2026 01:57:17 +0530

ടെഹ്റാൻ: ഇറാനെതിരെ പുതിയ നീക്കവുമായി അമേരിക്ക. ഇറാന്‍റെ ആയുധ നീക്കം തടയാനെന്ന പേരിൽ അമേരിക്ക ദൗത്യ സംഘത്തെ നിയോഗിച്ചു. കര വഴിയും കടൽ വഴിയും ഇറാനിലേക്ക് ആയുധ സാമഗ്രികളും ഉത്പന്നങ്ങളും എത്തുന്നത് തടയുകയാണ് ലക്ഷ്യം. ഇറാന്‍റെ ആണവ പദ്ധതികളെ കുറിച്ച് വിവരം നൽകുന്നവർക്ക് രണ്ട് കോടി ഡോളർ വരെ പാരിതോഷികം പ്രഖ്യാപിച്ചു കൊണ്ടുള്ള അസാധാരണ പ്രഖ്യാപനവും യുഎസ് സെൻട്രൽ കമാൻഡ് നടത്തി.

ഒരു ഭാഗത്ത് യുദ്ധം അവസാനിപ്പിക്കണമെന്ന ആവശ്യം ശക്തമാകുന്നതിനിടെയാണ്, മറുഭാഗത്ത് ഇറാനെ പ്രകോപിപ്പിക്കുന്ന പ്രഖ്യാപനങ്ങൾ അമേരിക്ക നടത്തുന്നത്. ആണവ പദ്ധതികൾ, സ്ഥലം, പിന്നിലുള്ള വ്യക്തികൾ തുടങ്ങിയ വിവരം നൽകുന്നവർക്ക് വൻ പാരിതോഷികമാണ് അമേരിക്ക പ്രഖ്യാപിച്ചത്. അമേരിക്കയുടെ പാരിതോഷിക പ്രഖ്യാപനത്തോട് ഇറാൻ ഇതുവരെ പ്രതികരിച്ചിട്ടില്ല.

പല തരത്തിലുള്ള ഉപരോധങ്ങൾക്ക് പിന്നാലെ ഇറാനെ വരിഞ്ഞു മുറുക്കാൻ അയേണ്‍ ഗേറ്റ് എന്ന പേരിൽ ടാസ്ക് ഫോഴ്സിനെ പ്രഖ്യാപിച്ചിരിക്കുകയാണ് അമേരിക്ക. ഇറാനിലേക്ക് കാസ്പിയൻ കടൽ വഴിയും മറ്റും എത്തുന്ന സാമഗ്രികൾ ആയുധ നിർമാണത്തിന് ഉപയോഗിക്കുന്നു എന്നാണ് അമേരിക്കയുടെ ആരോപണം. ഇറാനെതിരായ സാമ്പത്തിക, നാവിക ഉപരോധങ്ങൾക്ക് പുറമെയാണ് പുതിയ ടാസ്ക് ഫോഴ്സ് പ്രഖ്യാപനം. മേഖലയിൽ വലുതെന്തോ സംഭവിക്കാൻ പോകുന്നുവെന്ന പ്രതീതി സൃഷ്ടിക്കുകയാണ് അമേരിക്ക, പല തരത്തിൽ നടക്കുന്ന സമാധാന ചർച്ചകൾ ഇതുവരെ എങ്ങുമെത്തിയിട്ടുമില്ല. അമേരിക്കയുടെ പുതിയ രണ്ട് പ്രഖ്യാപനങ്ങളോട് ഇറാന്‍റെ പ്രതികരണം എന്തായിരിക്കും എന്നാണ് ഇനി അറിയാനുള്ളത്.

അമേരിക്ക കനത്ത തിരിച്ചടി നേരിടേണ്ടി വരുമെന്ന് ഇറാൻ

ഇടക്കാല തെരഞ്ഞെടുപ്പിൽ റിപ്ലബ്ലിക്കൻ പാർട്ടി തിരിച്ചടി നേരിട്ടതിന് പിന്നാലെ അമേരിക്കയ്ക്ക് നേരെ രൂക്ഷമായ മുന്നറിയിപ്പും പരിഹാസവുമായി ഇറാൻ രംഗത്തെത്തി. തങ്ങളുമായി യുദ്ധത്തിന് മുതിർന്നാൽ അമേരിക്ക കനത്ത തിരിച്ചടി നേരിടേണ്ടി വരുമെന്ന് ഇറാൻ മുന്നറിയിപ്പ് നൽകി. നിലവിലെ യുഎസ് ഭരണകൂടത്തിലെ പ്രമുഖരെ പരിഹസിച്ചാണ് ഇറാൻ വക്താക്കൾ രംഗത്തെത്തിയത്. അമേരിക്കൻ വൈസ് പ്രസിഡന്റ് ജെ ഡി വാൻസ് ഇറാന്റെ നിലപാടുകൾക്ക് മുന്നിൽ പൂർണ്ണമായി കീഴടങ്ങിയെന്ന് പരിഹസിച്ച ഇറാൻ നേതൃത്വം, അമേരിക്കൻ പ്രതിരോധ സെക്രട്ടറിയും വിദേശകാര്യ സെക്രട്ടറി മാർക്കോ റൂബിയോയും ഉടൻ തന്നെ സ്ഥാനങ്ങളിൽ നിന്ന് പുറത്താകുമെന്ന് പറഞ്ഞു. യുഎസ് ഭരണകൂടത്തിനുള്ളിലെ ആഭ്യന്തര ഭിന്നതകളും വീഴ്ചകളും ചൂണ്ടിക്കാണിച്ചായിരുന്നു ഇറാന്റെ കടന്നാക്രമണം.

വിമാനം ഹൈജാക്ക് ചെയ്യുമെന്ന് ശുചിമുറിയിൽ ഭീഷണിക്കുറിപ്പ്; ഇൻഡിഗോ വിമാനം ബെംഗളൂരുവിൽ തിരിച്ചിറക്കി

Web Desk — Sun, 08 Nov 2026 01:10:05 +0530

ബെംഗളൂരു: വിമാനം തട്ടിക്കൊണ്ടു പോകുമെന്ന് ശുചിമുറിയിൽ ഭീഷണിക്കുറിപ്പ് കണ്ടെത്തി. ബെംഗളൂരുവിൽ നിന്ന് ലഖ്‌നൗവിലേക്ക് പുറപ്പെട്ട ഇൻഡിഗോ വിമാനത്തിന്‍റെ ശുചിമുറിയിലാണ് വിമാനം ഹൈജാക്ക് ചെയ്യുമെന്ന കുറിപ്പ് കണ്ടെത്തിയത്. കൃത്യം 6.30ന് വിമാനം തട്ടിക്കൊണ്ടുപോകും എന്നായിരുന്നു ഭീഷണി. തുടർന്ന് വിമാനം കെംപെഗൗഡ അന്താരാഷ്ട്ര വിമാനത്താവളത്തിൽ അടിയന്തരമായി തിരികെ ഇറക്കി. വിശദമായ പരിശോധന നടത്തിയെങ്കിലും ഒന്നും കണ്ടെത്താനായിട്ടില്ല.

178 യാത്രക്കാരുമായി വൈകുന്നേരം 5:50 ന് ബെംഗളൂരുവിൽ നിന്ന് പറന്നുയർന്ന 6E451 നമ്പർ വിമാനത്തിലെ ശുചിമുറിയിലാണ് ഒരു യാത്രക്കാരൻ ഈ കുറിപ്പ് കണ്ടത്- "ഈ വിമാനം കൃത്യം 06:30-ന് തട്ടിയെടുക്കും. ഇത് അവഗണിച്ചാൽ പ്രത്യാഘാതം നേരിടേണ്ടി വരും". യാത്രക്കാരൻ വിവരമറിയിച്ചതിനെ തുടർന്ന് ക്യാബിൻ ക്രൂ പൈലറ്റിനെ അറിയിച്ചു. തുടർന്ന് പൈലറ്റ് എയർ ട്രാഫിക് കൺട്രോളുമായി ബന്ധപ്പെട്ട് മുൻകരുതലെന്ന നിലയിൽ വിമാനം ബെംഗളൂരുവിലേക്ക് തിരിച്ചുവിടുകയുമായിരുന്നു.

വിമാനം സുരക്ഷിതമായി നിലത്തിറക്കിയ ശേഷം എല്ലാ യാത്രക്കാരെയും പുറത്തിറക്കി സുരക്ഷാ ഉദ്യോഗസ്ഥർ വിമാനത്തിൽ വിശദമായ പരിശോധന നടത്തി. വിമാനത്തിനുള്ളിൽ ഉണ്ടായിരുന്ന ആരോ തന്നെയാണ് ഈ കുറിപ്പ് വച്ചതെന്നാണ് സംശയം. തുടർന്ന് അന്വേഷണ ഉദ്യോഗസ്ഥർ യാത്രക്കാരെ ചോദ്യം ചെയ്തു. ആരാണ് കുറിപ്പ് വച്ചതെന്ന് കണ്ടെത്താനായിട്ടില്ല. സുരക്ഷാ ഏജൻസികളുടെ പൂർണ്ണ പരിശോധനയ്ക്കും അനുമതിക്കും ശേഷം മാത്രമേ വിമാനം വീണ്ടും പുറപ്പെടുകയുള്ളൂ എന്ന് അധികൃതർ അറിയിച്ചു.

സംഭവത്തെക്കുറിച്ച് ഇൻഡിഗോ പുറത്തിറക്കിയ വാർത്താക്കുറിപ്പിൽ പറയുന്നതിങ്ങനെ- "കൃത്യമായ മാനദണ്ഡങ്ങൾ പാലിച്ചുകൊണ്ട് ബന്ധപ്പെട്ട അധികാരികളെ ഉടൻ തന്നെ വിവരമറിയിക്കുകയും സുരക്ഷാ പരിശോധനകൾക്കായി വിമാനം പുറപ്പെട്ട വിമാനത്താവളത്തിലേക്ക് തന്നെ തിരികെ എത്തിക്കാൻ പൈലറ്റുമാർ തീരുമാനിക്കുകയുമായിരുന്നു. യാത്രക്കാർക്കുണ്ടായ ബുദ്ധിമുട്ടിൽ ഞങ്ങൾ ഖേദിക്കുന്നു. ഭക്ഷണം ഉൾപ്പെടെ എല്ലാവിധ സഹായങ്ങളും യാത്രക്കാർക്ക് നൽകുന്നുണ്ട്".

Asianet News Malayalam

വന്ദേമാതരം മുഴുവനായി ചൊല്ലി, അതൃപ്തി പ്രകടിപ്പിച്ച് ആരോഗ്യമന്ത്രി കെ മുരളീധരൻ

ദുരൂഹതയുടെ അടരുകള്‍; ‘റൂബി’ ടീസർ പുറത്തിറങ്ങി

സൂര്യകുമാർ യാദവിനെ വീണ്ടും ക്യാപ്റ്റനാക്കി മുംബൈ; സയ്യിദ് മുഷ്താഖ് അലി ട്രോഫിക്കുള്ള ടീമിനെ പ്രഖ്യാപിച്ചു

മുഖ്യമന്ത്രി വി ഡി സതീശന്റെ പഴയ മൊബൈൽ നമ്പർ ഉപയോ​ഗിച്ച് തട്ടിപ്പും ഭീഷണിയും; പ്രതി പിടിയിൽ

വൈദ്യുതി പ്രതിസന്ധിയെന്നത് കള്ളക്കഥയോ? | PG Suresh Kumar | News Hour 09 NOV 2026

മുതിർന്ന പൗരന്മാർക്ക് കരുതലുമായി വിദ്യാർത്ഥി വോളണ്ടിയർ കോർ; യൂറോപ്യൻ മാതൃകയിൽ കെയർ ഗീവേഴ്സ് കോഴ്സും വരുന്നു

കൃഷാന്ത് ചിത്രം ‘മാഞ്ചിയം, ദി ബോട്ടണി ഓഫ് എ ക്രൈം’ ടൈറ്റിൽ ലുക്ക് പുറത്ത്; നിർമ്മാണം സ്പൈർ പ്രൊഡക്ഷൻസ്

'14 കോടിക്കൊന്നും അവനെ ആരും വാങ്ങില്ല'; ഐപിഎൽ ലേലത്തിന് മുൻപ് ചെന്നൈക്ക് മുന്നറിയിപ്പുമായി ശ്രീകാന്ത്

ഭൗമ ഒളിപ്പിച്ച മിസ്റ്ററി, പ്രതീക്ഷ ഇരട്ടിയാക്കുന്ന അണിയറപ്രവർത്തകർ| Bouma Movie

പ്രധാനമന്ത്രി നരേന്ദ്ര മോദിയുടെ പ്രസ്താവന

കത്തിപ്പടരുന്ന പെട്രോൾ - എഥനോൾ മിക്സ് | Munshi 9 Nov 2026

പശ്ചിമബം​ഗാളിൽ 12വയസുകാരിയെ പീഡിപ്പിച്ച് കൊലപ്പെടുത്തിയ കേസിലെ പ്രതി ഏറ്റുമുട്ടലില്‍ കൊല്ലപ്പെട്ടു

ഒളിമ്പിക് അസോസിയേഷൻ തിരഞ്ഞെടുപ്പിൽ പി ടി ഉഷക്ക് കനത്ത തിരിച്ചടി, അഞ്ജു ബോബി ജോര്‍ജിനും സൈനക്കും മിന്നും ജയം

സുഹൃത്തുക്കളുടെ ഫണ്‍ റൈഡ്; ‘മെൽകൗ പോണ്ടിച്ചേരി’ ട്രെയ്‍ലര്‍ എത്തി

മമ്മൂട്ടിക്കെതിരായ സൈബർ ആക്രമണം: പിന്നിൽ സിപിഎം അല്ലെന്ന് തോമസ് ഐസക്

ശ്വാസം മുട്ടി ദില്ലി, വായുമലിനീകരണം അപകടാവസ്ഥയിൽ; മലിനീകരണതോത് 400 കടന്നു, സർക്കാർ കണക്കുകൾ തട്ടിപ്പെന്ന് എഎപി

രോഗബാധയ്ക്കിടയിലും പഴകിയ ഭക്ഷണ വില്‍പ്പന വ്യാപകം; ഹോട്ടലുകളില്‍ പരിശോധന ശക്തമാക്കി

ബിഗ് ടിക്കറ്റ് ബിഗ് സ്പിൻ: മൂന്നു വിജയികൾ 250,000 ദിർഹം പങ്കിട്ടു

വൈസ് പ്രസിഡന്‍റുമാർ

മാരുതിയുടെ ആദ്യ 7 സീറ്റർ ഇവി: വൈഎംസി ഒരുങ്ങുന്നു

അടച്ച ഗ്രില്ലും എൽ.ഇ.ഡി ലൈറ്റുകളും; ഡിസൈൻ ഇങ്ങനെ

ആഡംബര ക്യാബിൻ; 6, 7 സീറ്റർ ഓപ്ഷനുകൾ

ഒറ്റ ചാർജിൽ 500 കിലോമീറ്ററിലധികം റേഞ്ച്?

വില 18 ലക്ഷം രൂപ മുതൽ?

യോഗി ബാബുവും അജു വർഗീസും ഒന്നിക്കുന്ന തമിഴ് ചിത്രം വരുന്നു

സിയാലിൻ്റെ മൂന്നാമത്തെ ബാറിന് അനുമതി ഇല്ല; ലൈസൻസ് നൽകിയ സാംബശിവ റാവുവിൻ്റെ നടപടി റദ്ദാക്കി സർക്കാർ

ഏഴാമത് കമറുദ്ദീൻ സ്‌മാരക പരിസ്ഥിതി പുരസ്‌കാരം എൻ ബാദുഷയ്ക്ക്

തെരുവ് ഗുണ്ടയെപ്പോലെയാണ് മോദി സർക്കാർ പെരുമാറുന്നത്: എംവി രാഘവൻ അനുസ്മരണത്തിൽ രൂക്ഷ വിമര്‍ശനവുമായി എംഎ ബേബി

തിരഞ്ഞെടുപ്പ് തോൽവിയും സംഘടനാ മികവും

വിമർശനങ്ങൾക്കുള്ള മറുപടി

കടക്കെണിയിലായാല്‍ ഇപിഎഫും പിപിഎഫും ബാങ്കുകള്‍ പിടിച്ചെടുക്കുമോ? നിയമം പറയുന്നത് എന്ത്?

ഇപിഎഫിന് പൂര്‍ണമായ നിയമസുരക്ഷ

പി പി എഫ് നിക്ഷേപങ്ങളും സുരക്ഷിതം

നിര്‍ബന്ധിത ഹാള്‍മാര്‍ക്കിങ്ങില്‍നിന്ന് ഒഴിവാക്കിയിട്ടുള്ളവ

'നാൽപ്പതാകുമ്പോൾ വിരമിക്കണമെന്ന് വിചാരിച്ചതാണ്, പക്ഷേ ഇനിയും കിടക്കുന്നു സമയം'; വീഡിയോയുമായി രഞ്ജിനി ഹരിദാസ്

പശ്ചിമേഷ്യയിൽ സമാധാന നീക്കങ്ങൾ ശക്തം; ഖത്തർ പ്രധാനമന്ത്രി അമേരിക്കയിലേക്ക്, ട്രംപുമായി കൂടിക്കാഴ്ച നടത്തും

എഥനോൾ പെട്രോൾ വിവാ​ദം: വിശദമായി വിലയിരുത്താൻ ഉന്നതതല യോ​ഗം വിളിച്ച് പെട്രോളിയം മന്ത്രാലയം

ഇഞ്ചി ചായ കുടിച്ചാൽ ലഭിക്കുന്ന 9 ആരോ​ഗ്യ ​ഗുണങ്ങൾ

ഏതൊക്കെ മരുന്നുകള്‍ക്കാണ് വില കുറഞ്ഞത്?

പുതുക്കിയ വില എങ്ങനെ അറിയാം?

മികച്ച പ്രതികരണങ്ങളോടെ സൂര്യ - ജിത്തു മാധവൻ ചിത്രം 'സീൻ' മുന്നേറുന്നു; പുതിയ പ്രൊമോ വീഡിയോ പുറത്ത്

ഗ്യാനേഷ് കുമാറിനെതിരായ അഴിമതി ആരോപണം; ശക്തമായ തെളിവുകൾ ഇപ്പോഴുമുണ്ടെന്ന് വി.ഒ. സാജൻ | VO Sajan

ട്രംപിന്റെ പത്തിമടക്കൽ?ഇറാനുമായി രഹസ്യ സന്ധി! പശ്ചിമേഷ്യയിൽ സമാധാനമോ പുതിയ യുദ്ധമോ? US Iran Conflict

മകളുടെ ജീവനെടുത്ത അപകടം; നിയമം ലംഘിക്കുന്നവരെ പിടികൂടാൻ ദിവസവും റോഡിൽ കാവലിരുന്ന് പിതാവ്

കൊച്ചിയിൽ ഗതാഗതം സ്തംഭിപ്പിച്ച് യൂത്ത് ലീഗ് നടത്തിയ റാലിയെ ന്യായീകരിച്ച് ആഭ്യന്തര,വ്യവസായ മന്ത്രിമാർ

രുചി വെറെ ലെവൽ ; മുട്ട പനിയാരം ഈസിയായി തയ്യാറാക്കാം

കിട്ടാനുള്ളത് 3500 കോടിയോളം രൂപ; സർക്കാരിൽ നിന്ന് പുതിയ പദ്ധതികൾ ഏറ്റെടുക്കാൻ മടിച്ച് കരാറുകാർ

വിജയ് ദേവരകൊണ്ട- രശ്‍മിക ചിത്രം 'രണബാലി' ഒടിടി റിലീസിനൊരുങ്ങുന്നു; എവിടെ കാണാം?

സുഹൃത്തിനൊപ്പം അപ്പാർട്ട്മെന്റിലെത്തിയ യുവാവിനെ മരിച്ച നിലയിൽ കണ്ടെത്തി

ശിവസൂര്യയെ കാണാതായിട്ട് മൂന്ന് മാസം, ലുക്ക് ഔട്ട് നോട്ടീസ് ഇറക്കി ക്രൈംബ്രാഞ്ച്

കണ്ടുപഠിക്കണം; ഹൈജംപ്, ട്രിപ്പിൾ ജംപ്... 6 ഇനങ്ങൾ, 91 -കാരി നേടിയത് 6 ലോകറെക്കോർഡുകൾ!

'ചത്ത ശവമായിട്ടാണ് കിടന്നുറങ്ങുക, എന്നിട്ടും വെളുപ്പിനേ തപ്പാനിറങ്ങി'; ഷിജിനെ പ്രശംസിച്ച് എൽദോ

ഗുര്‍നൂര്‍ ബ്രാര്‍, ഇന്ത്യന്‍ ക്രിക്കറ്റിന്റെ പുതിയ പ്രതീക്ഷ; സ്‌റ്റെയ്‌നിന്റെ ഉപദേശം കരുത്തായെന്ന് താരം

ജനങ്ങൾക്ക് സത്യം അറിയാം

ദേശീയ തലത്തിലും നിർണായകം

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

ബിപി നിയന്ത്രിക്കാൻ കഴിക്കേണ്ട 7 ഭക്ഷണങ്ങൾ

വന്യജീവികളെ വേട്ടയാടുകയോ ഉപദ്രവിക്കുകയോ ചെയ്താൽ കടുത്ത ശിക്ഷ; മുന്നറിയിപ്പുമായി സൗദി അധികൃതർ

148 ഡോളറിന്റെ അഡ്വന്റ് കലണ്ടർ വൻ വിവാദത്തിൽ: പണം തിരികെ നൽകാനൊരുങ്ങി കിം കർദാഷിയാന്റെ 'സ്കിംസ്'

യൂത്ത് ലീഗ് നേതാവ് ടി പി എം ജിഷാന്‍റെ ഫേസ്ബുക്ക് കുറിപ്പ്

ക്രമസമാധാനം തക‍ർന്നെന്ന് ഡി എം കെ

ഫോക്‌സ്‌വാഗൺ ടിഗുവാൻ: വൻ ഓഫർ, കാരണം ഇതോ?

സ്പോർട്ടി ലുക്കിൽ ടിഗുവാൻ ആർ-ലൈൻ

15 ഇഞ്ച് ടച്ച്‌സ്‌ക്രീനും നിരവധി ആധുനിക ഫീച്ചറുകളും

2.0 ലിറ്റർ ടർബോ പെട്രോൾ എൻജിൻ

രണ്ട് മാസത്തിനിടെ വിറ്റത് വെറും നാല് യൂണിറ്റുകൾ

സൂര്യ- ജിത്തു മാധവൻ ചിത്രം സീൻ മുന്നേറുന്നു; ബോക്സ് ഓഫീസിൽ ഇതുവരെ നേടിയത് എത്ര?

ബാഴ്‌സലോണയ്ക്ക് ജയം

റിയാദ് ഇന്ത്യൻ ഇന്‍റർനാഷണൽ സ്കൂളിൽ ഇന്ന് മുതൽ ക്ലാസുകൾ പുനരാരംഭിക്കുന്നു

ബാർ ലൈസൻസിന് റെഡ് സിഗ്നൽ

ആരാണ് യഥാർത്ഥ ലെജൻഡ് എന്ന് നമുക്ക് കാണാം'; വൈറലായി ബിഗ്ബോസ് ലെഗസി വീക്ക് പ്രമോ

എമിറേറ്റ്സ് ഡ്രോ: വിജയികൾ 23,873; സമ്മാനത്തുക 84,602 ഡോളർ

കട്ടൻ ചായ ശരീരഭാരം കുറയ്ക്കാൻ സഹായിക്കുമോ?

യുഎസ് തെരഞ്ഞെടുപ്പ്; അടിതെറ്റി വീണ് ട്രംപും റിപബ്ലിക്കൻസും, ചരിത്ര വിജയം സ്വന്തമാക്കി ഡെമോക്രാറ്റുകൾ

ഒഴുകിപ്പരന്ന നീല

തോറ്റുപോയ റിപബ്ലിക്കന്മാർ

ചില അട്ടിമറികൾ

എൽ സായിദിന്‍റെ നന്ദി പ്രസംഗം

ദുൽഖർ- പവൻ സാദിനേനി ചിത്രം ‘ആകാശംലോ ഒക താര’യിൽ കരുത്തുറ്റ കഥാപാത്രമായി ശ്രുതി ഹാസൻ, പുതിയ പോസ്റ്റർ പുറത്ത്

മുഖ്യമന്ത്രി വി ഡി സതീശന്റെ പഴയ മൊബൈൽ നമ്പർ ഉപയോഗിച്ച് തട്ടിപ്പും ഭീഷണിയും; പ്രതി പിടിയിൽ

പശ്ചിമബംഗാളിൽ 12വയസുകാരിയെ പീഡിപ്പിച്ച് കൊലപ്പെടുത്തിയ കേസിലെ പ്രതി ഏറ്റുമുട്ടലില്‍ കൊല്ലപ്പെട്ടു

എഥനോൾ പെട്രോൾ വിവാദം: വിശദമായി വിലയിരുത്താൻ ഉന്നതതല യോഗം വിളിച്ച് പെട്രോളിയം മന്ത്രാലയം

ഇഞ്ചി ചായ കുടിച്ചാൽ ലഭിക്കുന്ന 9 ആരോഗ്യ ഗുണങ്ങൾ