Asianet News Malayalam

കേരളത്തിലെ നിയമസഭാ തെരഞ്ഞെടുപ്പിൽ വോട്ട് ചെയ്യാനുള്ള ഭാഗ്യം ലഭിച്ചു, നല്ലവരെ തെരഞ്ഞെടുക്കണം; വോട്ട് രേഖപ്പെടുത്തി ഗവർണർ

Web Desk — Thu, 09 Apr 2026 11:02:48 +0530

തിരുവനന്തപുരം: നിയമസഭാ തെരഞ്ഞെടുപ്പിൽ വോട്ട് രേഖപ്പെടുത്തി കേരള ഗവർണർ രാജേന്ദ്ര അർലേക്കർ. എല്ലാവരും വോട്ട് ചെയ്യണം. ജനാധിപത്യം മണ്ണിൽ മാത്രമല്ല, ഹൃദയത്തിലും ഉണ്ടാകണമെന്നും ഗവർണർ കേരളത്തിലെ നിയമസഭാ തെരഞ്ഞെടുപ്പിൽ വോട്ട് ചെയ്യാനുള്ള ഭാഗ്യം ഉണ്ടായെന്നും നല്ലവരെ തെരഞ്ഞെടുക്കണമെന്നും ഗവർണർ പറഞ്ഞു. അതേസമയം ആദ്യ 2 മണിക്കൂറിൽ സംസ്ഥാനത്ത് 10.6 ശതമാനം പോളിംഗ് രേഖപ്പെടുത്തി. മുഖ്യമന്ത്രി പിണറായി വിജയൻ പിണറായി ആർസി അമല സ്‌കൂളിൽ കുടുംബ സമേതമെത്തി വോട്ട് ചെയ്തു. കേന്ദ്രമന്ത്രി സുരേഷ് ഗോപി, നടൻ മോഹൻലാൽ, ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ, ഇടതുമുന്നണി കൺവീനർ ടിപി രാമകൃഷ്ണൻ അടക്കം പ്രമുഖരും രാവിലെ തന്നെ വോട്ട് ചെയ്തു. അതേസമയം കഴിഞ്ഞ തവണത്തേക്കാൾ മികച്ച ഭൂരിപക്ഷവുമായി ഭരണ തുടർച്ച ഉണ്ടാകുമെന്ന് മുഖ്യമന്ത്രി പിണറായി വിജയൻ അവകാശപ്പെട്ടു. നൂറിലേറെ സീറ്റുകളുമായി അധികാരത്തിലെത്തുമെന്ന് കെപിസിസി അധ്യക്ഷനും പ്രതികരിച്ചു.

വിദേശത്ത് പഠിക്കാനും ജോലി ചെയ്യാനും മികച്ച രാജ്യങ്ങള്‍ ഇവ; ശമ്പളത്തിലും വളര്‍ച്ചയിലും സ്വിറ്റ്‌സര്‍ലന്‍ഡ് ഒന്നാമത്

Sangeetha KS — Thu, 09 Apr 2026 11:02:01 +0530

വിദേശത്ത് പോയി പഠിക്കാനും കരിയര്‍ കെട്ടിപ്പടുക്കാനും ആഗ്രഹിക്കുന്ന വിദ്യാര്‍ഥികള്‍ക്കും ഉദ്യോഗാര്‍ഥികള്‍ക്കും വഴികാട്ടിയായി പുതിയ റിപ്പോര്‍ട്ട്. മികച്ച ശമ്പളം, കരിയര്‍ വളര്‍ച്ച, മെച്ചപ്പെട്ട ജീവിതസാഹചര്യം എന്നിവ മുന്‍നിര്‍ത്തി തയ്യാറാക്കിയ 'ഹെന്‍ലി ഓപ്പര്‍ച്യൂണിറ്റി ഇന്‍ഡക്‌സ് 2026' പ്രകാരം സ്വിറ്റ്‌സര്‍ലന്‍ഡാണ് ലോകത്ത് ഒന്നാമത്. പണ്ട് വിസ ലഭിക്കാനുള്ള എളുപ്പം നോക്കിയാണ് ആളുകള്‍ രാജ്യം തിരഞ്ഞെടുത്തിരുന്നതെങ്കില്‍, ഇന്ന് മികച്ച വരുമാനവും ദീര്‍ഘകാലാടിസ്ഥാനത്തിലുള്ള സാമ്പത്തിക ഭദ്രതയുമാണ് ഉദ്യോഗാര്‍ഥികള്‍ പ്രധാനമായും ലക്ഷ്യമിടുന്നത്.

മുന്നില്‍ നില്‍ക്കുന്ന രാജ്യങ്ങള്‍

ഉയര്‍ന്ന ശമ്പളം, മികച്ച സര്‍വ്വകലാശാലകള്‍, തൊഴിലവസരങ്ങള്‍ എന്നിവയില്‍ മുന്നില്‍ നില്‍ക്കുന്ന ആദ്യ 5 രാജ്യങ്ങള്‍ ഇവയാണ്:

സ്വിറ്റ്‌സര്‍ലന്‍ഡ്: 100-ല്‍ 86 പോയിന്റ് നേടിയാണ് ഒന്നാമതെത്തിയത്. ബാങ്കിങ്, ഫാര്‍മസ്യൂട്ടിക്കല്‍സ് മേഖലകളിലെ മികച്ച അവസരങ്ങളാണ് സ്വിറ്റ്‌സര്‍ലന്‍ഡിനെ പ്രിയങ്കരമാക്കുന്നത്.

സിംഗപ്പൂര്‍: ഏഷ്യയിലെ നിക്ഷേപങ്ങളുടെയും വ്യാപാരത്തിന്റെയും കേന്ദ്രമെന്ന നിലയില്‍ രണ്ടാം സ്ഥാനം.

ഓസ്ട്രേലിയ: മികച്ച സര്‍വ്വകലാശാലകളും ഉയര്‍ന്ന ജീവിതനിലവാരവും ഓസ്ട്രേലിയയെ മൂന്നാം സ്ഥാനത്തെത്തിച്ചു.

അമേരിക്കയും ബ്രിട്ടനും: രണ്ട് രാജ്യങ്ങളും നാലാം സ്ഥാനം പങ്കിടുന്നു. ശമ്പളത്തിന്റെ കാര്യത്തില്‍ അമേരിക്കയാണ് ലോകത്ത് ഏറ്റവും മുന്നില്‍ (സ്‌കോര്‍: 100).

കാനഡ: അന്താരാഷ്ട്ര തൊഴിലാളികളെ സ്വീകരിക്കുന്നതിലെ മികവ് കാനഡയെ അഞ്ചാം സ്ഥാനത്തെത്തിച്ചു.

മറ്റു പ്രധാന രാജ്യങ്ങള്‍

പട്ടികയിലെ ആദ്യ 15 സ്ഥാനങ്ങളില്‍ ഇടംപിടിച്ച മറ്റു രാജ്യങ്ങള്‍ താഴെ പറയുന്നവയാണ്:

യുഎഇ (7-ാം സ്ഥാനം): ദുബായ്, അബുദാബി എന്നിവ സംരംഭകര്‍ക്കും ഉന്നത പ്രതിഭകള്‍ക്കും മികച്ച കേന്ദ്രമാണ്.

ഓസ്ട്രിയ (6), ന്യൂസിലന്‍ഡ് (8), ഹോങ്കോങ് & ഇറ്റലി (9), ലാത്വിയ & മാള്‍ട്ട (10), പോര്‍ച്ചുഗല്‍ (11), ഗ്രീസ് (12).

ഇന്ത്യയും വിദേശ രാജ്യങ്ങളും തമ്മിലുള്ള വ്യത്യാസം

റിപ്പോര്‍ട്ട് പ്രകാരം ഇന്ത്യയുടെ മൊത്തം 'ഓപ്പര്‍ച്യൂണിറ്റി സ്‌കോര്‍' 39 മാത്രമാണ്. എന്നാല്‍ അമേരിക്കയുടേത് 79 ആണ്. ഇന്ത്യയില്‍ സാമ്പത്തിക വളര്‍ച്ചയുണ്ടെങ്കിലും മികച്ച സര്‍വ്വകലാശാലകള്‍, വിദേശ നിക്ഷേപം, തൊഴിലവസരങ്ങള്‍ എന്നിവയില്‍ അമേരിക്ക ബഹുദൂരം മുന്നിലാണെന്ന് റിപ്പോര്‍ട്ട് ചൂണ്ടിക്കാട്ടുന്നു.

പഠനം മാത്രം പോരാ, വിസയും പ്രധാനം

ഹാര്‍വാര്‍ഡിലോ ഓക്‌സ്‌ഫോര്‍ഡിലോ പഠിച്ചതുകൊണ്ട് മാത്രം കാര്യമില്ലെന്നും പഠനശേഷം ആ രാജ്യത്ത് ജോലി ചെയ്യാനും താമസിക്കാനുമുള്ള അനുമതി കൂടി ലഭിച്ചാലേ വിദ്യാഭ്യാസത്തിനുള്ള നിക്ഷേപം ഫലം കാണൂ എന്നും വിദഗ്ധര്‍ പറയുന്നു. ഉദാഹരണത്തിന്, അമേരിക്കന്‍ നിക്ഷേപ വിസ വഴി ഗ്രീന്‍ കാര്‍ഡ് സ്വന്തമാക്കുന്ന ഇന്ത്യന്‍ കുടുംബങ്ങളിലെ കുട്ടികള്‍ക്ക് പഠനശേഷം അവിടെത്തന്നെ ജോലി കണ്ടെത്താന്‍ എളുപ്പമാകുന്നു.

വോട്ടിംഗ് ദിനത്തിൽ ഫുൾ കോൺഫിഡൻസ്; അവകാശവാദങ്ങൾ തുടർന്ന് മുന്നണികൾ

Web Desk — Thu, 09 Apr 2026 10:17:27 +0530

പതിനാറാം കേരള നിയമസഭയിലേക്കുള്ള വോട്ടെടുപ്പ് ആരംഭിച്ചു. 140 മണ്ഡലങ്ങളിലെ 30,495 ബൂത്തുകളിലാണ് വോട്ടെടുപ്പ് നടക്കുന്നത്. കേരളം ആര് ഭരിക്കണമെന്ന് 2.71 കോടി വോട്ടർമാരാണ് വിധിയെഴുതുന്നത്. രാവിലെ ഏഴ് മണിക്ക് തന്നെ വോട്ടെടുപ്പ് ആരംഭിച്ചു. മുഖ്യമന്ത്രി പിണറായി വിജയൻ, പ്രതിപക്ഷ നേതാവ് വിഡി സതീശൻ, ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖര്‍, കെപിസിസി അധ്യക്ഷൻ സണ്ണി ജോസഫ് തുടങ്ങിയവര്‍ രാവിലെ തന്നെ പോളിങ് ബൂത്തുകളിലെത്തി വോട്ട് രേഖപ്പെടുത്തി. വോട്ടിംഗ് ദിനത്തിൽ തികഞ്ഞ ആത്മവിശ്വാസത്തിലാണ് മുന്നണികള്‍.

വികസന തുടര്‍ച്ചയ്ക്ക് എൽഡിഎഫ് വരണമെന്ന് മുഖ്യമന്ത്രി

അതിപ്രധാനമായ തെരഞ്ഞെടുപ്പാണിതെന്നും വികസന തുടര്‍ച്ചയ്ക്ക് എൽഡിഎഫ് വരണമെന്നും മുഖ്യമന്ത്രി പിണറായി വിജയൻ പ്രതികരിച്ചു. എൽഡിഎഫിന് മാത്രമേ പ്രതിബദ്ധതയുടെ നാടിന്‍റെ പുരോഗതിയെ മുന്നോട്ടുകൊണ്ടുപോകാനാകൂവെന്നും പിണറായി വിജയൻ വോട്ട് രേഖപ്പെടുത്തിയ ശേഷം മാധ്യമങ്ങളോട് പറഞ്ഞു. പിണറായിയിലെ മുണ്ടയോട് 105-ാം ബൂത്തിലാണ് മുഖ്യമന്ത്രി കുടുംബത്തോടൊപ്പം എത്തി വോട്ട് ചെയ്തത്. പ്രതിസന്ധിക്കിടയിലും നാം മുന്നോട്ട് പോയി. വളരെ കൃത്യതയോടെ നാടിനെ മുന്നോട്ടു നയിക്കാൻ എൽഡിഎഫിന് കഴിഞ്ഞു. കഴിഞ്ഞ പത്ത് വർഷം ജനങ്ങളോടൊപ്പം ആണ് യാത്ര ചെയ്തത്. ആ യാത്രയാണ് ഈ തെരഞ്ഞെടുപ്പിലും തുടരേണ്ടതെന്നും പിണറായി വിജയൻ കൂട്ടിച്ചേര്‍ത്തു.

100-ലധികം സീറ്റുകളുമായി യുഡിഎഫ് അധികാരത്തിൽ തിരിച്ചുവരുമെന്ന് വിഡി സതീശൻ

100-ലധികം സീറ്റുകളുമായി യുഡിഎഫ് അധികാരത്തിൽ തിരിച്ചുവരുമെന്നാണ് പ്രതിപക്ഷ നേതാവ് വിഡി സതീശന്‍റെ പ്രതികരണം. വിഡി സതീശൻ പറവൂരിലെ കേസരി മെമ്മോറിയൽ കോളേജിലാണ് കുടുംബത്തോടൊപ്പം എത്തി വോട്ട് ചെയ്തത്.

മാറ്റം വരും, ജനം മാറ്റം ആഗ്രഹിക്കുന്നുവെന്ന് രാജീവ് ചന്ദ്രശേഖര്‍

മാറ്റം വരുമെന്നും ജനം മാറ്റം ആഗ്രഹിക്കുന്നുവെന്നും ബിജെപി സംസ്ഥാന അധ്യക്ഷനും നേമത്തെ സ്ഥാനാര്‍ഥിയും കൂടിയായ രാജീവ് ചന്ദ്രശേഖര്‍ പറഞ്ഞു. തിരുവനന്തപുരം ജവഹര്‍ നഗര്‍ സ്കൂളിൽ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു രാജീവ് ചന്ദ്രശേഖര്‍. സഭയിൽ ബഹളം ഉണ്ടാക്കാനും ബെഞ്ചിൽ കയറാനും ആകരുത് വോട്ടെന്നും തൂക്ക് സഭ വരുമെന്നും അതിൽ ബിജെപി നിര്‍ണായകമാകുമെന്നും രാജീവ് ചന്ദ്രശേഖര്‍ പറ‍ഞ്ഞു. പാലക്കാട്ടെ നോട്ട് വിവാദത്തിൽ നിയമപരമായ കാര്യങ്ങള്‍ നടക്കട്ടെയെന്നും രാജീവ് ചന്ദ്രശേഖര്‍ പ്രതികരിച്ചു.

നേമത്ത് ഒരു ആശങ്കയ്ക്കും ഇടയില്ല: ശിവൻകുട്ടി

ഇടതു മുന്നണി സർക്കാർ മൂന്നാം തവണയും അധികാരത്തിൽ വരുമെന്ന് നേമത്തെ എൽഡിഎഫ് സ്ഥാനാര്‍ത്ഥി വി ശിവൻകുട്ടി. നേമത്ത് ഒരു ആശങ്കയ്ക്കും ഇടയില്ല. ഇടതുമുന്നണി തന്നെ വിജയിക്കുമെന്നും അദ്ദേഹം പ്രതികരിച്ചു.

തികഞ്ഞ ആത്മവിശ്വാസമെന്ന് സണ്ണി ജോസഫ്

തികഞ്ഞ ആത്മവിശ്വാസമുണ്ടെന്ന് വോട്ട് ചെയ്തശേഷം കെപിസിസി അധ്യക്ഷൻ സണ്ണി ജോസഫ് പ്രതികരിച്ചു. യുഡിഎഫ് തരംഗം, 100 ലധികം സീറ്റ്‌ നേടും. തദ്ദേശത്തിലെ തരംഗം ആവർത്തിക്കും. മൂന്ന് പ്രാവശ്യം ജയിച്ചു, നാലാമതും ജയിക്കും. സർവ്വേകളിൽ ഞാൻ തോൽക്കും എന്ന് കണ്ടു. ജനങ്ങളെ സർവ്വേ എനിക്കറിയാമെന്നും സണ്ണി ജോസഫ് പറഞ്ഞു. പേരാവൂര്‍ നിയോജകമണ്ഡലത്തിലെ ബൂത്ത് നാലിലാണ് (സെന്‍റ് ജോണ്‍ ബാപ്റ്റിസ്റ്റ് ഇംഗ്ലീഷ് മീഡിയം ഹൈസ്കൂളിൽ, കടത്തുംകടവ്) സണ്ണി ജോസഫ് കുടുംബത്തോടൊപ്പം എത്തി വോട്ട് ചെയ്തത്.

എൽഡിഎഫ് വൻ വിജയം നേടുമെന്ന് എംബി രാജേഷ്

എൽഡിഎഫ് വൻ വിജയം നേടുമെന്ന് എംബി രാജേഷ് പ്രതികരിച്ചു. കഴിഞ്ഞ വർഷത്തേക്കാൾ അധികം സീറ്റുകൾ നേടി വീണ്ടും അധികാരത്തിൽ വരും. യുഡിഎഫിനെ ഭരണമേൽപ്പിക്കുന്ന കാര്യം ആലോചിക്കാൻ പോലും കേരളത്തിലെ ജനങ്ങൾക്ക് കഴിയില്ല. തൃത്താലയില്‍ കംഫർട്ടബിൾ ആയി ജയിക്കുമെന്നും എംബി രാജേഷ്. തൃത്താലയിലെ എൽഡിഎഫ് സ്ഥാനാർഥി എം ബി രാജേഷിന് ഷൊർണൂർ മണ്ഡലത്തിലാണ് വോട്ട്. അച്ഛൻ, അമ്മ, സഹോദരൻ എന്നിവർക്കൊപ്പം കയിലിയാട് മാമ്പറ്റപ്പടി കെ വി യുപി സ്കൂളിലെ 141-ാം ബൂത്തിലെത്തിയാണ് എംബി രാജേഷ് വോട്ട് രേഖപ്പെടുത്തിയത്.

കഴക്കൂട്ടത്ത് വിജയം ഉറപ്പെന്ന് കടകംപള്ളി

കഴക്കൂട്ടത്ത് വിജയം ഉറപ്പെന്ന് എൽഡിഎഫ് സ്ഥാനാര്‍ത്ഥി കടകംപള്ളി സുരേന്ദ്രൻ. ജനം വോട്ടിടുന്നത് വികസനത്തിനാണെന്നും കടകംപള്ളി സുരേന്ദ്രൻ പ്രതികരിച്ചു.

അയ്യന്‍റെ സ്വർണ്ണം കട്ടവർക്ക് ജനകീയ കോടതിയിൽ ശിക്ഷ ഇന്നുണ്ടാവും: കെസി വേണുഗോപാൽ

അയ്യന്‍റെ സ്വർണ്ണം കട്ടവർക്ക് ജനകീയ കോടതിയിൽ ശിക്ഷ ഇന്നുണ്ടാവുമെന്ന് കെ സി വേണുഗോപാൽ പ്രതികരിച്ചു. 100 ൽ അധികം സീറ്റ് നേടി യുഡിഎഫ് അധികാരത്തിൽ വരുംമെന്നും അദ്ദേഹം കൂട്ടിച്ചേര്‍ത്തു.

'പ്രേക്ഷകരെ ചിരിപ്പിക്കാൻ എനിക്ക് പാടാണ്, കോമഡി കഥാപാത്രങ്ങൾ എന്റെ മുഖത്തിന് ചേരാത്ത പോലെ തോന്നും'; തുറന്നുപറഞ്ഞ് മമ്മൂട്ടി

Shyam Prasad — Thu, 09 Apr 2026 10:50:40 +0530

മമ്മൂട്ടിയെ നായകനാക്കി മഹേഷ് നാരായണൻ ഒരുക്കുന്ന പേട്രിയറ്റ് റിലീസിനൊരുങ്ങുകയാണ്. മെയ് ഒന്നിനാണ് ചിത്രം തിയേറ്ററുകളിൽ എത്തുന്നത്. മോഹൻലാലും ചിത്രത്തിൽ പ്രധാന വേഷത്തിലെത്തുന്നുണ്ട്. പതിനെട്ട് വർഷങ്ങൾക്ക് ശേഷം മോഹൻലാലും മമ്മൂട്ടിയും ഒന്നിക്കുന്ന ചിത്രം കൂടിയാണ് പേട്രിയറ്റ്. പേട്രിയറ്റ് റിലീസിനോട് അടുത്തിരിക്കെ തന്റെ കോമഡി കഥാപാത്രങ്ങളെ കുറിച്ച് മമ്മൂട്ടി പറഞ്ഞ വാക്കുകളാണ് ചർച്ചയാവുന്നത്. കോമഡി കഥാപാത്രങ്ങൾ തന്റെ മുഖത്തിന് ചേരത്തെ പോലെ തോന്നുമെന്നാണ് മമ്മൂട്ടി പറയുന്നത്. കോമഡി തനിക്ക് പ്രയാസമുള്ള കാര്യമാണെന്നും, താൻ കോമഡി ചെയ്താലും അതൊരു സീരിയസ് കഥാപാത്രമായിരിക്കുമെന്നും മമ്മൂട്ടി കൂട്ടിച്ചേർത്തു.

"പ്രേക്ഷകരെ ചിരിപ്പിക്കാൻ എനിക്ക് പാടാണ്. കോമഡി എനിക്ക് പ്രയാസമുള്ള കാര്യമാണ്. അത് എന്റെ മുഖത്തിന് ചേരാത്ത പോലെ തോന്നും. കോമഡി ഞാൻ ചെയ്താലും അതൊരു സീരിയസ് കഥാപാത്രമായിരിക്കും. പ്രേക്ഷകർക്കാണ് അത് തമാശയായി തോന്നേണ്ടത്. എന്നാൽ എനിക്ക് തമാശ വളരെ ഇഷ്ടമാണ്. പ്രേക്ഷകരും എന്നെ കൂടുതൽ കണ്ടിട്ടുള്ളത് റഫ് ആയ റോളുകളിൽ ആണ്." മമ്മൂട്ടി പറയുന്നു. അനുപമ ചോപ്രയുമായുള്ള അഭിമുഖത്തിനിടെയായിരുന്നു മമ്മൂട്ടിയുടെ പ്രതികരണം.

അതേസമയം ഫഹദ് ഫാസിൽ, കുഞ്ചാക്കോ ബോബൻ, നയൻതാര, രേവതി, ദർശന രാജേന്ദ്രൻ, സെറിൻ ഷിഹാബ് തുടങ്ങീ വലിയ താരനിരതന്നെ ചിത്രത്തിൽ അണിനിരക്കുന്നുണ്ട്. ഛായാഗ്രഹണം - മാനുഷ് നന്ദൻ, സംഗീതം - സുഷിൻ ശ്യാം, എഡിറ്റിംഗ് - മഹേഷ് നാരായണൻ, രാഹുൽ രാധാകൃഷ്ണൻ, പ്രൊഡക്ഷന്‍ ഡിസൈനര്സ്: ഷാജി നടുവിൽ, ജിബിൻ ജേക്കബ്, ഓഡിയോഗ്രാഫി - വിഷ്ണു ഗോവിന്ദ്, പ്രൊഡക്ഷന്‍ കൺട്രോളർ -ഡിക്‌സണ്‍ പൊടുത്താസ്, ലൈൻ പ്രൊഡ്യൂസേഴ്സ് - സുനിൽ സിങ്, നിരൂപ് പിൻ്റോ, ജസ്റ്റിൻ ബോബൻ, ജെസ്‌വിൻ ബോബൻ, സിങ്ക് സൗണ്ട് - വൈശാഖ് പി വി, മേക്കപ്പ് - രഞ്ജിത് അമ്പാടി, ലിറിക്സ് - അൻവർ അലി, സംഘട്ടനം - ദിലീപ് സുബ്ബരായൻ, സ്റ്റണ്ട് സിൽവ, മാഫിയ ശശി, റിയാസ് ഹബീബ്, കോസ്റ്റിയൂം ഡിസൈൻ - ധന്യ ബാലകൃഷ്ണന്‍, നൃത്ത സംവിധാനം - ഷോബി പോൾരാജ്, ചീഫ് അസോസിയേറ്റ് ഡയറക്ടർ - ലിനു ആന്റണി, അസോസിയേറ്റ് ഡയറക്ടര്‍: ഫാന്റം പ്രവീണ്‍, സ്റ്റിൽസ് - നവീൻ മുരളി, വിഎഫ്എക്സ് - ഫയർ ഫ്ലൈ, എഗ്ഗ് വൈറ്റ്, ഐഡൻ്റ് വിഎഫ്എക്സ്, ഫാൻ്റം വിഎഫ്എക്സ്, പിക്ടോറിയൽ വിഎഫ്എക്സ്, ബൈനറി സർക്കസ്, ഡി ഐ കളറിസ്റ്റ് - ആശീർവാദ് ഹദ്കർ, പബ്ലിസിറ്റി ഡിസൈൻ - എയ്സ്തെറ്റിക്ക് കുഞ്ഞമ്മ, ഡിജിറ്റൽ പിആർ: വിഷ്ണു സുഗതൻ, പിആർഓ: വൈശാഖ് സി വടക്കേവീട്, ജിനു അനിൽകുമാർ. ചിത്രം ആന്‍ മെഗാ മീഡിയ പ്രദര്‍ശനത്തിനെത്തിക്കും.

'കുൽദീപിനെ വിശ്വസിക്കണമായിരുന്നു'; മില്ലറുടെ പിഴവിന് ഡൽഹി വലിയ വില നല്‍കേണ്ടിവരുമെന്ന് സ്റ്റെയ്നും റായുഡുവും

Gopalakrishnan C — Thu, 09 Apr 2026 10:44:53 +0530

ഗുജറാത്ത് ടൈറ്റൻസിനെതിരായ മത്സരത്തിൽ ഡേവിഡ് മില്ലർ അവസാന ഓവറിൽ സിംഗിൾ എടുക്കാൻ വിസമ്മതിച്ചത് ഡൽഹി ക്യാപിറ്റൽസിന് ഒരു റണ്ണിന്റെ തോൽവിക്ക് കാരണമായി.

ഗുജറാത്ത് ടൈറ്റൻസിനെതിരായ മത്സരത്തിൽ അവസാന നിമിഷം കൈവിട്ട വിജയം ഡൽഹി ക്യാപിറ്റൽസിന് സീസണിൽ വലിയ വില നൽകേണ്ടി വരുമെന്ന് മുൻ താരങ്ങളായ ഡെയ്‌ൽ സ്റ്റെയ്നും അമ്പാട്ടി റായുഡുവും. അവസാന പന്തിനു തൊട്ടുമുമ്പ് സിംഗിൾ എടുക്കാൻ വിസമ്മതിച്ച ഡേവിഡ് മില്ലറുടെ തീരുമാനം വൻ പിഴവാണെന്ന് ഇരുവരും അഭിപ്രായപ്പെട്ടു.

അവസാന ഓവറിലെ അഞ്ചാം പന്തിൽ സിംഗിൾ എടുക്കാൻ കുൽദീപ് യാദവ് തയ്യാറായിരുന്നുവെന്നും എന്നാൽ മില്ലർ അവസാന നിമിഷം പിന്മാറുകയായിരുന്നുവെന്നും റായുഡു വെളിപ്പെടുത്തി.

ആ പന്തിന് മുമ്പ് അവർ തമ്മിൽ സംസാരിച്ചിരുന്നു. കളി എങ്ങനെയെങ്കിലും ടൈ ആക്കുക എന്നതായിരുന്നു പ്രാഥമിക ലക്ഷ്യം. എന്നാൽ മില്ലർ അവസാന നിമിഷം മനസ്സ് മാറ്റി. ഡൽഹിയെ സംബന്ധിച്ച് ഇത് നിർഭാഗ്യകരമാണ് - അമ്പാട്ടി റായുഡു പറഞ്ഞു.

തൊട്ടുമുമ്പ് 106 മീറ്റർ സിക്സർ അടിച്ച ആത്മവിശ്വാസത്തിലായിരുന്നു മില്ലർ. എന്നാൽ കുൽദീപിന്റെ ബോഡി ലാംഗ്വേജ് നോക്കിയാൽ 'എന്നെ വിശ്വസിക്കൂ' എന്ന് അദ്ദേഹം മില്ലറോട് പറയുന്നത് വ്യക്തമായിരുന്നു.

ലഭിക്കുന്ന റണ്ണുകൾ എടുത്തുകൊണ്ട് കളി ആദ്യം ടൈ ആക്കുകയായിരുന്നു വേണ്ടത്. കുൽദീപിനെ വിശ്വസിക്കാമായിരുന്നു. ഈ ഒരു റണ്ണിന്‍റെ വ്യത്യാസം പ്ലേ ഓഫ് യോഗ്യതയെ വരെ ബാധിച്ചേക്കാം.

76 റൺസിന്റെ മികച്ച ഓപ്പണിംഗ് കൂട്ടുകെട്ടും കെ.എൽ രാഹുലിന്‍റെ തകർപ്പൻ 92 റൺസും ഡൽഹിക്ക് വിജയപ്രതീക്ഷ നൽകിയിരുന്നു. അവസാന ഓവറുകളിൽ മുഹമ്മദ് സിറാജിനെതിരെ 23 റൺസ് അടിച്ചെടുത്ത് മില്ലർ കളി ഡൽഹിക്ക് അനുകൂലമാക്കി മാറ്റുകയും ചെയ്തു. എന്നാൽ രണ്ട് പന്തിൽ രണ്ട് റൺസ് വേണമെന്നിരിക്കെ, അഞ്ചാം പന്തിൽ മില്ലർ റൺ എടുക്കാതിരുന്നത് തിരിച്ചടിയായി.

അവസാന പന്തിൽ ഒരു വിക്കറ്റ് ബാക്കി നിൽക്കെ കുൽദീപ് യാദവ് റണ്ണിനായി ഓടിയെങ്കിലും ജോസ് ബട്ലറുടെ കൃത്യതയാർന്ന ത്രോയിൽ റണ്ണൗട്ടാവുകയായിരുന്നു. ഇതോടെ ഡൽഹിക്ക് ഒരു റണ്ണിന്റെ പരാജയം ഏറ്റുവാങ്ങേണ്ടി വന്നു.

സീസണിലെ ആദ്യ രണ്ട് മത്സരങ്ങളും ജയിച്ച് മികച്ച ഫോമിലായിരുന്ന ഡൽഹിക്ക് ഈ തോൽവി കനത്ത പ്രഹരമാണ്. ടൂർണമെന്‍റിന്‍റെ അവസാന ഘട്ടത്തിൽ പ്ലേ ഓഫ് യോഗ്യത നിർണ്ണയിക്കുമ്പോൾ ഈ ഒരു റണ്ണിന്‍റെ നഷ്ടം വലിയ സ്വാധീനം ചെലുത്തുമെന്ന് സ്റ്റെയ്നും റായുഡുവും മുന്നറിയിപ്പ് നൽകുന്നു.

താരതമ്യേന എളുപ്പത്തിൽ ജയിക്കാമായിരുന്ന കളി തോൽക്കുന്നത് ടീമിന്‍റെ ആത്മവിശ്വാസത്തെയും ബാധിക്കുമെന്നും സ്റ്റെയ്ൻ കൂട്ടിചേർത്തു.

നാട്ടിലേക്ക് മടങ്ങാനിരിക്കെ തിരുവനന്തപുരം സ്വദേശി റിയാദിൽ മരിച്ചു

Reshma Vijayan — Thu, 09 Apr 2026 10:41:35 +0530

റിയാദ്: ദീർഘകാലമായി പ്രവാസിയായിരുന്ന തിരുവനന്തപുരം വെമ്പായം പാലമൂട് സ്വദേശി സിദ്ധീഖ് മൻസിൽ ബാദുഷ പരീത് (66) ഹൃദയാഘാതം മൂലം റിയാദിൽ മരിച്ചു. ചൊവ്വാഴ്ച രാവിലെ നെഞ്ചുവേദന അനുഭവപ്പെട്ടതിനെത്തുടർന്ന് ആംബുലൻസിൽ സുവൈദിയിലെ അൽ ഹമ്മദി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

റിയാദിലെ സ്വകാര്യ കമ്പനിയിൽ 20 വർഷത്തിലധികമായി ഡ്രൈവറായി ജോലി ചെയ്യുകയായിരുന്നു അദ്ദേഹം. ആരോഗ്യപരമായ ബുദ്ധിമുട്ടുകൾ കാരണം രണ്ട് മാസം മുമ്പ് ജോലിയിൽ നിന്ന് വിരമിച്ചിരുന്നു. ഈ മാസം 21-ന് പ്രവാസം അവസാനിപ്പിച്ച് നാട്ടിലേക്ക് മടങ്ങാൻ തയ്യാറെടുക്കുന്നതിനിടെയാണ് അപ്രതീക്ഷിത മരണം സംഭവിച്ചത്. അദ്ദേഹത്തിെൻറ ഭാര്യയും ഇളയ മകനും റിയാദിൽ തന്നെയാണ് താമസം. പരേതനായ പരീതിെൻറയും സുലൈഖയുടെയും മകനാണ്. ജാസിയയാണ് ഭാര്യ. മക്കൾ: സിദ്ധീഖ്, ഷില്ലാജ് (റിയാദ്). മൃതദേഹം റിയാദിൽ ഖബറടക്കുന്നതിനുള്ള നടപടിക്രമങ്ങളുമായി റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ്ങ് ജനറൽ കൺവീനർ റിയാസ് ചിങ്ങത്ത്, ഉമർ അമാനത്ത്, ജാഫർ വീമ്പൂർ, സലീം സിയാംകണ്ടം, നസീർ കണ്ണീരി എന്നിവർ രംഗത്തുണ്ട്.

മുഖ്യമന്ത്രി മുതൽ മോഹൻലാൽ വരെ; വിധിയെഴുതി പ്രമുഖർ, ജനാധിപത്യത്തിന്റെ ഉത്സവക്കാഴ്ചകൾ

Web Desk — Thu, 09 Apr 2026 10:36:44 +0530

വീറും വാശിയും നിറഞ്ഞ 23 ദിവസങ്ങൾ നീണ്ട പ്രചാരണത്തിനൊടുവിൽ കേരളം പോളിംഗ് ബൂത്തിൽ. മുഖ്യമന്ത്രി പിണറായി വിജയൻ, പ്രതിപക്ഷ നേതാവ് വി ഡി സതീശൻ, നടൻ മോഹൻലാൽ തുടങ്ങിയ പ്രമുഖരെല്ലാം രാവിലെ തന്നെ വോട്ട് രേഖപ്പെടുത്തി.

പിണറായിയിലെ മുണ്ടയോട് 105ാം ബൂത്തിലാണ് മുഖ്യമന്ത്രി കുടുംബത്തോടൊപ്പം എത്തി വോട്ട് ചെയ്തത്. വികസന തുടര്‍ച്ചയ്ക്ക് എൽഡിഎഫ് വരണമെന്ന് മുഖ്യമന്ത്രി പറഞ്ഞു.

പ്രതിപക്ഷ നേതാവ് വി ഡി സതീശൻ പറവൂരിലെ കേസരി മെമ്മോറിയൽ കോളേജിലെത്തി വോട്ട് ചെയ്തു. 100ലധികം സീറ്റുകളുമായി യുഡിഎഫ് അധികാരത്തിലെത്തുമെന്ന് വി ഡി സതീശൻ ആത്മവിശ്വാസം പ്രകടിപ്പിച്ചു.

തിരുവനന്തപുരം ജവഹര്‍ നഗര്‍ സ്കൂളിൽ എത്തി വോട്ട് ചെയ്ത് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. കേരളത്തിൽ മാറ്റം വരുമെന്നും ജനം മാറ്റം ആഗ്രഹിക്കുന്നുണ്ടെന്നും രാജീവ് ചന്ദ്രശേഖര്‍ വോട്ട് രേഖപ്പെടുത്തിയ ശേഷം പ്രതികരിച്ചു.

സംസ്ഥാനം ഉറ്റുനോക്കുന്ന നേമം മണ്ഡലത്തിലെ മുടവൻമുകൾ സ്കൂൾ ബൂത്ത് 36ൽ മോഹൻലാൽ വോട്ട് ചെയ്തു. സ്ഥാനാര്‍ത്ഥികളായ വി ശിവൻകുട്ടിയും ശബരിനാഥനും മോഹൻലാലിനൊപ്പമുണ്ടായിരുന്നു.

ശോഭാ സുരേന്ദ്രൻ മണലിത്തറ ജനകീയ വിദ്യാലയത്തിൽ രാവിലെ വോട്ട് രേഖപ്പെടുത്തി. തൃപ്പൂണിത്തുറ എൽ പി ജി സ്കൂളിലാണ് രമേഷ് പിഷാരടി കുടുംബത്തോടൊപ്പം എത്തി വോട്ട് ചെയ്തത്. വോട്ടിന് നോട്ട് ആരോപണം കോൺഗ്രസിന് അനുകൂലമാകുമെന്ന് കരുതുന്നില്ലെന്നായിരുന്നു എൻ എം ആര്‍ റസാഖിന്റെ പ്രതികരണം.

എറണാകുളം തേവര സർക്കാർ ഫിഷറീസ് സ്കൂളിലെത്തി നടൻ പൃഥ്വിരാജും ഭാര്യ സുപ്രിയയും വോട്ട് രേഖപ്പെടുത്തി. ഗുരുവായൂർ ദേവസ്വം ഇംഗ്ലീഷ് മീഡിയം സ്കൂളിലെ 137 നമ്പർ ബൂത്തിലാണ് സുരേഷ് ഗോപി വോട്ട് ചെയ്തത്.

കെപിസിസി അധ്യക്ഷൻ സണ്ണി ജോസഫ്, സിപിഎം സംസ്ഥാന സെക്രട്ടറി എം വി ഗോവിന്ദൻ, ഷാഫി പറമ്പിൽ, ജോസ് കെ മാണി, ടി സിദ്ദിഖ്, കെ മുരളീധരൻ തുടങ്ങിയ പ്രമുഖ നേതാക്കളെല്ലാം വോട്ട് രേഖപ്പെടുത്തി.

ബൈ ബൈ പിണറായി, ഈ തിരഞ്ഞെടുപ്പ് പിണറായി ഭരണത്തിന്‍റെ കലാശക്കൊട്ടും യുഡിഎഫ് സര്‍ക്കാരിന്‍റെ കേളികൊട്ടുമാണെന്ന് കെസി വേണുഗോപാൽ

Web Desk — Thu, 09 Apr 2026 10:40:26 +0530

തിരുവനന്തപുരം: പോളിംഗ് ബൂത്തിലേക്ക് പോകുന്ന ഒരോ മലയാളിയോടും പത്തുകാര്യങ്ങള്‍ ഓര്‍മിപ്പിച്ച് എഐസിസി ജനറല്‍ സെക്രട്ടറി കെസി വേണുഗോപാല്‍. ഈ തിരഞ്ഞെടുപ്പ് പിണറായി ഭരണത്തിന്റെ കലാശക്കൊട്ടും യുഡിഎഫ് സര്‍ക്കാരിന്റെ കേളികൊട്ടുമാണ് ചൂണ്ടിക്കാട്ടിയ വേണുഗോപാൽ പത്തുവര്‍ഷത്തെ കിരാതഭരണത്തില്‍നിന്ന് നാടിന് മോചനമാക്കാൻ ഐക്യ ജനാധിപത്യമുന്നണിയുടെ വിജയം സുനിശ്ചിതമാണെന്നും പറഞ്ഞു. ബിജെപിയുമായും മറ്റു ചില വര്‍ഗീയ സംഘടനകളുമായും സന്ധി ചെയ്ത് എങ്ങനെയും തുടര്‍ഭരണം നേടാനായിരുന്നു മുഖ്യമന്ത്രിയുടെ ശ്രമം. പക്ഷേ അത് കേരളത്തില്‍ വിലപ്പോകില്ല. അത് അവര്‍ക്കും മനസ്സിലായിക്കഴിഞ്ഞു. അതിനാൽ ബൈ ബൈ പിണറായിയെന്നും കെസി വേണുഗോപാൽ ഫേയ്സ്ബുക്കിൽ കുറിച്ചു.

പിണറായി ഭരണത്തിൻ്റെ 'ആ 10' കാലം കഴിഞ്ഞെന്നും ഇനിയൊരു ആപത്തിന് കേരള ജനത നിന്ന് കൊടുക്കില്ലെന്നും പറഞ്ഞ വേണുഗോപാൽ അതിനുള്ള 10 കാരണങ്ങൾ അക്കമിട്ട് നിരത്തുകയും ചെയ്യുന്നുണ്ട്.പിന്‍വാതില്‍ നിയമനങ്ങള്‍ സ്ഥിരമാക്കും, യുവതീപ്രവേശനം നടപ്പാക്കും, സര്‍ക്കാര്‍ ആശുപത്രികളെ കൊലക്കളമാക്കും, സാമ്പത്തികരംഗം കൂപ്പുകുത്തും, ആര്‍ഭാടങ്ങളുടെ ആറാട്ട് തുടരും, നാട് കടുത്ത വിലക്കയറ്റം നേരിടും.

വീട്ടുകരം, വസ്തുക്കരം, വൈദ്യുതി ചാര്‍ജ്, ചികിത്സാനിരക്ക്, ബസ് കൂലി തുടങ്ങിയ എല്ലാ കരങ്ങളും നിരക്കുകളും കുത്തനേ വര്‍ധിപ്പിച്ചുകൊണ്ടിരിക്കും. മുഖ്യമന്ത്രിക്കെതിരേ അരഡസനിലധികം കേസുകള്‍ക്ക് സാധ്യതയുണ്ടെങ്കിലും അവയെല്ലാം ചവിട്ടിയൊതുക്കുമെന്നു കെസി വേണുഗോപാല്‍ ചൂണ്ടിക്കാട്ടി.സഹകരണ പ്രസ്ഥാനങ്ങളെ തുടര്‍ന്നും കൊള്ളയടിക്കും. വന്യജീവി ആക്രമണത്തിന് അറുതി ഉണ്ടാകില്ല. സര്‍ക്കാര്‍ ആശുപത്രികള്‍ കൊലക്കളമായി തുടരും. സ്വന്തം പാര്‍ട്ടിക്കാര്‍ പീഡനക്കേസില്‍ ഉള്‍പ്പെടുന്നതുവരെ സ്ത്രീ സുരക്ഷ (ലവ് യു ടു ദ മൂണ്‍). പാര്‍ട്ടിക്കാരാണെങ്കില്‍ ചായക്കപ്പ് എറിഞ്ഞുടയ്ക്കും. പിന്നെ പീഡകര്‍ക്ക് കവചമൊരുക്കുമെന്നും കെസി വേണുഗോപാല്‍ ചൂണ്ടിക്കാട്ടി.

'പെണ്ണൊരുമ്പെട്ടാൽ ബ്രഹ്മനും തടുക്കാനാകില്ല, ശോഭ കേരള രാഷ്ട്രീയത്തിന് അപമാനം': ശോഭ സുരേന്ദ്രനെ വിമർശിച്ച് രാജ്മോഹൻ ഉണ്ണിത്താൻ

Web Desk — Thu, 09 Apr 2026 10:32:50 +0530

കോഴിക്കോട്: ശോഭ സുരേന്ദ്രനെ രൂക്ഷഭാഷയിൽ വിമർശിച്ച് രാജ്മോഹൻ ഉണ്ണിത്താൻ. പെണ്ണ് ഒരുമ്പെട്ടാൽ ബ്രഹ്മനും തടുക്കാനാവില്ലെന്നും ശോഭ കേരള രാഷ്ട്രീയത്തിന് അപമാനമാണെന്നും രാജ്മോഹൻ ഉണ്ണിത്താൻ പറഞ്ഞു. വീഡിയോ എടുത്ത് പുറത്തുവിട്ട യുവാക്കൾക്ക്‌ സോഷ്യൽ മീഡിയ അവാർഡ് കൊടുക്കണം. പണം കൊടുത്ത സ്ത്രീയെ അറസ്റ്റ് ചെയ്യണമെന്നും ശോഭയെ അയോഗ്യയാക്കണമെന്നും രാജ്മോഹൻ ഉണ്ണിത്താൻ ആവശ്യപ്പെട്ടു. പടനക്കാട് എസ്എൻഎയുപിഎസ് ബൂത്ത് 209ലാണ് രാജ്മോഹൻ ഉണ്ണിത്താൻ വോട്ട് ചെയ്യാനെത്തിയത്. പാലക്കാട് ശോഭ സുരേന്ദ്രൻ വോട്ടിന് പണം നൽകി സ്വാധീനിക്കാൻ ശ്രമിച്ചെന്ന ആരോപണത്തിലാണ് രാജ്മോഹൻ ഉണ്ണിത്താൻ്റെ പ്രതികരണം.

'അയാം വെരി ഹാപ്പി, ആദ്യമായാണ് അരിവാൾ ചുറ്റിക നക്ഷത്രത്തിൽ നിന്ന് മാറി വോട്ട് ചെയ്യുന്നത്'; ഒറ്റപാലത്ത് യുഡിഎഫിന്റെ വിജയം ഉറപ്പെന്ന് പി കെ ശശി

Aishwarya S Babu — Thu, 09 Apr 2026 10:31:52 +0530

പത്തനംതിട്ട: ഒറ്റപാലത്ത് യുഡിഎഫിന്റെ വിജയം ഉറപ്പെന്ന് പി കെ ശശി. കുടുംബത്തോടൊപ്പം ശ്രീകൃഷ്ണപുരം കുക്കിലിയാട് എസ് വി എ യുപി സ്കൂളിൽ എത്തിയാണ് പി കെ ശശി വോട്ട് ചെയ്തത്. വോട്ട് രേഖപ്പെടുത്തിയ ശേഷം 'അയാം വെരി ഹാപ്പി' എന്നായിരുന്നു അദ്ദേഹത്തിൻ്റെ പ്രതികരണം. ആദ്യമായാണ് അരിവാൾ ചുറ്റിക നക്ഷത്രത്തിൽ നിന്ന് മാറി വോട്ട് ചെയ്യുന്നതെന്നും ഒറ്റപ്പാലത്ത് യുഡിഎഫ് ജയം ഉറപ്പാണെന്നും എൽഡിഎഫിന് പരാജയ ഭീതിയാണെന്നും പി കെ ശശി മാധ്യമങ്ങളോട് പറഞ്ഞു.

കേരളത്തിൽ വോട്ടെടുപ്പ് ആരംഭിച്ച് ആദ്യ മൂന്ന് മണിക്കൂറിൽ 16.26 ശതമാനം പോളിംഗ് രേഖപ്പെടുത്തി. മിക്ക ബൂത്തിലും വോട്ടർമാരുടെ നിരയാണ്. അതേസമയം, അൻപതോളം ബൂത്തുകളിൽ വോട്ടിങ് യന്ത്രം പണിമുടക്കി. മിക്കയിടത്തും പ്രശ്നം പരിഹരിച്ചു. തിരുവനന്തപുരം പോത്തൻകോട് തിരുവള്ളൂർ ബൂത്തിലും ആലുംമൂട് ബുത്തിലും വോട്ടിംഗ് വൈകി. കോഴിക്കോട് വളയത്തും ഉടുമ്പൻ ചോലയിൽ മൂന്ന് ബൂത്തുകളിലും യന്ത്ര തകരാർ ഉണ്ടായി. ചാത്തന്നൂർ കോട്ടപ്പുറം ഹൈസ്കൂളിലെ ബൂത്തിലും തടസം നേരിട്ടു.

World Homeopathy Day 2026 : ഹോമിയോപ്പതിയും ആധുനിക ചികിത്സാരീതിയും

Resmi Sreekumar — Thu, 09 Apr 2026 10:28:11 +0530

ഓരോ വർഷവും ഏപ്രിൽ 10-ന് ലോകം ലോക ഹോമിയോപ്പതി ദിനമായി ആചരിക്കുന്നു. ഹോമിയോപ്പതിയുടെ ഉപജ്ഞാതാവായ ഡോ. സാമുവൽ ഹാനിമാൻ്റെ ജന്മദിനത്തോടനുബന്ധിച്ചാണ് ഈ ദിനം ആചരിക്കുന്നത്. ഈ ദിവസം, ഈ വൈവിധ്യമാർന്ന ചികിത്സാ രീതിയുടെ അടിസ്ഥാന തത്വങ്ങളെയും ആഗോളാരോഗ്യരംഗത്തിലെ അതിന്റെ നാൾതോറും ഏറിവരുന്ന പ്രാധാന്യത്തെയും കുറിച്ച് ചിന്തിക്കാനുള്ള അവസരമാണ്.

രണ്ടു നൂറ്റാണ്ടിലേറെ പഴക്കമുള്ള ഹോമിയോപതി “Similia Similibus Curentur " – സമം സമന്യേന ശാന്തി എന്ന അടിസ്ഥാന തത്വത്തിലാണ് അധിഷ്ഠിതമായിട്ടുള്ളത്. രോഗലക്ഷണങ്ങളെ മാത്രം പരിഗണിക്കുന്നതിനുപകരം, രോഗിയെ സമഗ്രമായി കാണുന്ന രീതിയാണ് ഹോമിയോപതി സ്വീകരിക്കുന്നത്.

ശാരീരികവും മാനസികവുമായും വികാരപരവുമായ വ്യക്തിയുടെ അവസ്ഥയെ പരിഗണിച്ച്, ശരീരത്തിന്റെ സ്വാഭാവിക പ്രതിരോധശേഷിയെ ഉത്തേജിപ്പിക്കുകയാണ് ഹോമിയോപതിയുടെ ലക്ഷ്യം.

ആധുനിക ആരോഗ്യരംഗത്തിലെ ഹോമിയോപ്പതി

ഇന്നത്തെ ലോകത്ത് ജീവിതശൈലി രോഗങ്ങളും ദീർഘകാല അസുഖങ്ങളും വർധിച്ചുവരുന്ന സാഹചര്യത്തിൽ, ഹോമിയോപതി സമഗ്രവും വ്യക്തിനിഷ്ഠവുമായ ചികിത്സാരീതിയാണ് നൽകുന്നത്. അലർജികൾ, ശ്വസന സംബന്ധമായ അസുഖങ്ങൾ, ചർമ്മരോഗങ്ങൾ, മൈഗ്രെയ്ൻ, ഹോർമോൺ അസന്തുലിതാവസ്ഥ, വിവിധ ദീർഘകാല രോഗങ്ങൾ തുടങ്ങിയവയിൽ, ശരിയായ രീതിയിൽ തിരഞ്ഞെടുക്കുന്ന ഹോമിയോപതി മരുന്നുകൾ ഗുണകരമായി പ്രവർത്തിക്കുന്നതായി കാണപ്പെടുന്നു.

ഹോമിയോപതിയുടെ പ്രധാന സവിശേഷതകളിലൊന്നാണ് തീരെ കുറഞ്ഞ അളവിലുള്ള മരുന്നുകളും സൗമ്യമായ ചികിത്സയും. മരുന്നുകൾ പ്രത്യേക രീതിയിലുള്ള ആവർത്തനം വഴി തയ്യാറാക്കപ്പെടുന്നതിനാൽ, ശിശുക്കളുൾപ്പടെ എല്ലാ പ്രായക്കാർക്കും സുരക്ഷിതമായി ഉപയോഗിക്കാവുന്നതാണ്.

ഇന്ത്യയിലെ ഹോമിയോപ്പതി

ആഗോള ഹോമിയോപതി രംഗത്ത് ഇന്ത്യക്ക് പ്രമുഖ സ്ഥാനമുണ്ട്. ഹോമിയോപതി ഡോക്ടർമാർ, ആശുപത്രികൾ, വിദ്യാഭ്യാസ സ്ഥാപനങ്ങൾ എന്നിവയുടെ ഏറ്റവും വലിയ ശൃംഖലകളിലൊന്നാണ് ഇന്ത്യയിൽ പ്രവർത്തിക്കുന്നത്. AYUSH മന്ത്രാലയത്തിന്റെ കീഴിൽ ഹോമിയോപതി ദേശീയ ആരോഗ്യരംഗത്തിന്റെ ഭാഗമായി അംഗീകരിക്കപ്പെട്ടിരിക്കുന്നു. ചെലവുകുറഞ്ഞതും ഫലപ്രദവുമായ ചികിത്സയായി ലക്ഷക്കണക്കിന് ആളുകൾ ഹോമിയോപതിയെ ആശ്രയിക്കുന്നു.

ഇന്ത്യൻ ഹോമിയോപതിക് മെഡിക്കൽ അസോസിയേഷൻ (IHMA) പോലുള്ള സംഘടനകൾ, ഹോമിയോപതിയുടെ പ്രൊഫഷണൽ നിലവാരം ഉയർത്തുന്നതിനും വിദ്യാഭ്യാസവും പൊതുജന ബോധവത്കരണവും പ്രോത്സാഹിപ്പിക്കുന്നതിലും നിർണായക പങ്ക് വഹിക്കുന്നു.

കേരളത്തിലെ ഹോമിയോപ്പതി

ഇന്ത്യയിൽ ഹോമിയോപതിയുടെ വളർച്ചയിലും പ്രചരണത്തിലും കേരളത്തിന് പ്രത്യേക സ്ഥാനമുണ്ട്. സംസ്ഥാനത്തെ ഹോമിയോപതി വകുപ്പിന്റെ കീഴിൽ പ്രവർത്തിക്കുന്ന സർക്കാർ ആശുപത്രികളും ഡിസ്പെൻസറികളും ജനങ്ങൾക്ക് എളുപ്പത്തിൽ സേവനം ലഭ്യമാക്കുന്നു.

വിവിധങ്ങളായ നിരവധി രോഗങ്ങൾക്ക് കേരളത്തിലെ ആയിരക്കണക്കിന് ആളുകൾ ദിവസേന ഹോമിയോപതി ചികിത്സ തേടുന്നു. മികച്ച സർക്കാർ-സ്വകാര്യ ഹോമിയോപതി മെഡിക്കൽ കോളേജുകൾ വിദ്യാഭ്യാസത്തിലും ഗവേഷണത്തിലും പ്രൊഫഷണൽ പരിശീലനത്തിലും ശ്രദ്ധേയമായ സംഭാവനകൾ നൽകുന്നു. സൗമ്യവും സമഗ്രവുമായ ഈ ചികിത്സാരീതിയോട് കേരള ജനതയ്ക്ക് ദീർഘകാലമായി വിശ്വാസമുണ്ട്, കൂടാതെ സംസ്ഥാനത്തിന്റെ ആരോഗ്യസംരക്ഷണ സംവിധാനത്തിൽ ഹോമിയോപതി പ്രധാന പങ്ക് വഹിക്കുന്നു.

വ്യക്തിനിഷ്ഠമായ പരിചരണത്തിൽ ആധാരിതമായ സംവിധാനം

രോഗനാമങ്ങളെ മാത്രം കേന്ദ്രീകരിക്കുന്ന മറ്റു ചികിത്സാരീതികളിൽ നിന്ന് വ്യത്യസ്തമായി, ഹോമിയോപതി രോഗിയുടെ സമഗ്ര സ്വഭാവത്തെ മനസ്സിലാക്കാൻ ശ്രമിക്കുന്നു. ഓരോ വ്യക്തിയും വ്യത്യസ്തനാണ്; അതിനാൽ ലക്ഷണങ്ങളുടെ സമഗ്രത, ശരീരഘടന, വ്യക്തിത്വ സ്വഭാവങ്ങൾ എന്നിവ പരിഗണിച്ചാണ് ചികിത്സ തിരഞ്ഞെടുക്കുന്നത്. ഈ വ്യക്തിനിഷ്ഠ സമീപനം ദീർഘകാല രോഗങ്ങളിൽ പ്രത്യേക പ്രാധാന്യമർഹിക്കുന്നു, കാരണം രോഗികൾക്ക് ദീർഘകാലവും വ്യക്തിഗതവുമായ പരിചരണം ആവശ്യമാണ്.

മുന്നോട്ടുള്ള വഴി

രോഗികേന്ദ്രിതവും സംയോജിതവുമായ ചികിത്സാരീതികളുടെ പ്രാധാന്യം ലോകമെമ്പാടുമുള്ള ആരോഗ്യസംവിധാനങ്ങൾ കൂടുതൽ അംഗീകരിച്ചുകൊണ്ടിരിക്കുന്ന സാഹചര്യത്തിൽ, ഹോമിയോപതി അതിൻ്റെ സമഗ്ര ദർശനവും സൗമ്യമായ ചികിത്സാരീതിയും കൊണ്ട് ശ്രദ്ധേയമാകുന്നു.

ലോക ഹോമിയോപ്പതി ദിനം, ഡോ. ഹാനിമാന്റെ മഹത്തായ സംഭാവനയെ അനുസ്മരിക്കുന്നതോടൊപ്പം, രോഗിയെ ചികിത്സയുടെ കേന്ദ്ര ബിന്ദുവിൽ വയ്ക്കുന്ന ഒരു ചികിത്സാശാസ്ത്രത്തിന്റെ ശാശ്വത പ്രസക്തിയെ ഓർമ്മപ്പെടുത്തുന്നു. തുടർച്ചയായ ഗവേഷണവും വിദ്യാഭ്യാസവും ഉത്തരവാദിത്വപരമായ സമീപനവും വഴി, കൂടുതൽ സമതുലിതവും മാനുഷികവുമായ ആരോഗ്യഭാവിക്കായി ഹോമിയോപതി നിർണായക സംഭാവന നൽകാൻ കഴിയും.

ലേഖനം തയ്യാറാക്കിയത് :

ഡോ. പ്രശാന്ത് കുമാർ എം.ഇ

ഹോമിയോപ്പതിക് ക്ലിനിക്ക്

വള്ളിക്കാട്, വടകര

പിണറായി വിജയന് കേരള ജനത ഗുഡ് ബൈ പറയുന്ന ദിവസം, ബിജെപി എല്ലായിടത്തും പണം കൊടുക്കുന്നു: ചെന്നിത്തല

Web Desk — Thu, 09 Apr 2026 10:27:38 +0530

തിരുവനന്തപുരം : കേരളത്തിൽ ഭരണ മാറ്റമുണ്ടാകുമെന്നും യുഡിഎഫ് അധികാരത്തിൽ വരുമെന്നും കോൺഗ്രസ് മുതിർന്ന നേതാവ് രമേശ് ചെന്നിത്തല. ഗുഡ് ബൈ പിണറായി എന്ന് കേരളം പറയും. കേരളത്തിലെ ജനം ഭരണമാറ്റം ആഗ്രഹിക്കുന്നു. ജനങ്ങളാഗ്രഹിക്കുന്നത് കേരളത്തിൽ യുഡിഎഫ് ഭരണം വേണമെന്നാണ്. എല്ലാ സ്ഥലത്തും വലിയ തിരക്കാണ് അനുഭവപ്പെടുന്നത്. യുഡിഎഫ് വരണമെന്നാണ് ജനങ്ങൾക്ക് ആഗ്രഹം. ശബരിമല സ്വർണം കൊള്ളയടിച്ചവർക്ക് ആരും വോട്ട് ചെയ്യില്ല. ബിജെപി എല്ലായിടത്തും പണം കൊടുക്കുന്നു. ബിജെപി അധാർമിക നടപടികൾ ചെയ്യുന്നു. ബിജെപി സിപിഎം ധാരണ ഉണ്ട്. ഹരിപ്പാട് ലോക്സഭ യിൽ സിപിഎം വോട്ട് ബിജെപി ക്ക്‌ പോയെന്നും ചെന്നിത്തല ആരോപിച്ചു.

നൂറിലധികം സീറ്റുമായി യുഡിഎഫ് അധികാരത്തിലെത്തുമെന്ന് വിഡി സതീശൻ

നൂറിലധികം സീറ്റുമായി യുഡിഎഫ് അധികാരത്തിലെത്തുമെന്ന പ്രതീക്ഷ പങ്കുവെച്ച് പ്രതിപക്ഷ നേതാവ് വിഡി സതീശൻ. എല്ലാ ജനങ്ങളും ജനാധിപത്യ പ്രക്രിയയിൽ പങ്കാളികളാകണമെന്നും വോട്ട് ചെയ്യാതെ ആരും മാറി നിൽക്കരുതെന്നും പ്രതിപക്ഷ നേതാവ് പറഞ്ഞു. നൂറിലധികം സീറ്റുമായി യുഡിഎഫ് അധികാരത്തിലേക്ക് തിരിച്ചുവരുമെന്നും അദ്ദേഹം ആവർത്തിച്ചു. വോട്ടെടുപ്പ് ആരംഭിച്ച് ആദ്യ മണിക്കൂറിൽ തന്നെ പ്രതിപക്ഷ നേതാവും വോട്ട് രേഖപ്പെടുത്തി. കേസരി ബാലകൃഷ്ണ മെമ്മോറിയൽ ഗവൺമെന്റ് കോളേജിൽ 135ാം നമ്പർ ബൂത്തിലാണ് വോട്ട് ചെയ്തത്.

തെരഞ്ഞെടുപ്പ് ചൂടിലുരുകി കേരളം, 'കൂൾ' ആയി കുറഞ്ഞ് സ്വർണ വില; സംസ്ഥാനത്തെ ഇന്നത്തെ നിരക്കറിയാം

Sangeetha KS — Thu, 09 Apr 2026 10:09:45 +0530

തിരുവനന്തപുരം: കേരളത്തിൽ തെരഞ്ഞെടുപ്പ് ചൂടേറുമ്പോൾ സംസ്ഥാനത്ത് സ്വർണ വിലയിൽ ഇടിവ്. ഇന്നലെ ഒറ്റയടിക്ക് പവന് 2990 രൂപ വില ഉയർന്നപ്പോൾ ഇന്ന് അതിൽ നിന്നും 1720 രൂപയാണ് കുറഞ്ഞിരിക്കുന്നത്. ഇതോടെ 22 കാരറ്റ് ഒരു ഗ്രാം സ്വർണത്തിന്റെ വില 13,885 രൂപയും ഒരു പവന് 1,11,080 രൂപയും ആയി. ഇന്നലെ ഒരു പവൻ സ്വർണത്തിന്1,12,800 രൂപയായിരുന്നു വില. ഈ മാസം രേഖപ്പെടുത്തിയ ഏറ്റവും കുറഞ്ഞ സ്വർണ വില 1,09,240 രൂപയാണ്. ഏപ്രിൽ 2 ന് ആണ് ഈ വില രേഖപ്പെടുത്തിയിരുന്നത്.

സ്വർണ്ണവിലയിൽ തുടർച്ചയായ മാറ്റങ്ങൾ പ്രകടമാകുന്ന സാഹചര്യമാണ്. 2026 ജനുവരി 29-ന് രേഖപ്പെടുത്തിയ ഗ്രാമിന് 16,395 രൂപയും പവന് 1,31,160 രൂപയുമാണ് കേരളത്തിലെ ഇതുവരെയുള്ള റെക്കോർഡ് നിരക്ക്. അന്താരാഷ്ട്ര വിപണിയിലെ അസ്ഥിരതയും നിലവിലെ യുദ്ധസാഹചര്യങ്ങളും സ്വർണ്ണവിലയെ കാര്യമായി സ്വാധീനിക്കുന്നുണ്ട്. അതേ സമയം സംസ്ഥാനത്ത് വെള്ളി വിലയിൽ മാറ്റമില്ലാതെ തുടരുന്നു. ഒരു ഗ്രാം വെള്ളിക്ക് 260 രൂപയും 10 പവൻ വെള്ളിക്ക് 2600 രൂപയുമാണ് വില വരുന്നത്.

ഈ മാസത്തെ സ്വ‌‍‌ർണ വില ഒറ്റ നോട്ടത്തിൽ

ഏപ്രിൽ 1- രാവിലെ 1,11,080 രൂപ| വൈകീട്ട് 1,12,160 രൂപ

ഏപ്രിൽ 2- രാവിലെ 1,11,040 രൂപ| വൈകീട്ട് 1,09,240 രൂപ

ഏപ്രിൽ 3- രാവിലെ 1,10,680 രൂപ

ഏപ്രിൽ 4- രാവിലെ 1,10, 680 രൂപ

ഏപ്രിൽ 5- 1,10, 680 രൂപ

ഏപ്രിൽ 6- 1,09,360 രൂപ

സ്വർണവിലയിൽ ഈ ട്രെൻഡ് എത്രകാലം തുടരും?

സ്വർണവിലയിൽ ഇപ്പോഴുണ്ടായിക്കൊണ്ടിരിക്കുന്ന ചാഞ്ചാട്ടം ഇനി എത്ര കാലം തുടരുമെന്നതാണ് ഇപ്പോൾ ഉറ്റുനോക്കപ്പെടുന്നത്. പശ്ചിമേഷ്യയിലെ യുദ്ധം ഇനിയും നീളുകയും അതുവഴി ആഗോള സാമ്പത്തിക മാന്ദ്യത്തിലേക്കുള്ള സാഹചര്യമുണ്ടാവുകയും ചെയ്താൽ നിക്ഷേപകരെല്ലാം കൂട്ടത്തോടെ സ്വർണത്തെ ആശ്രയിക്കും. എന്നാൽ ഇറാൻ ഇന്ത്യയടക്കമുള്ള രാജ്യങ്ങളിലേക്ക് ഇന്ധനം കടത്തിവിടാൻ ഹോർമുസ് തുറന്നത് നിക്ഷേപകർക്ക് പ്രതീക്ഷ നൽകി. നിലവിൽ ഡോളറിന്റെ കരുത്തും പലിശ നിരക്കുകളുമാണ് നിക്ഷേപകരുടെ കണക്കുകൂട്ടലുകളെ നിയന്ത്രിക്കുന്നത്. യുഎസ് ഫെഡറൽ റിസർവ് പലിശ നിരക്ക് കുറയ്ക്കാൻ തീരുമാനിച്ചാൽ മാത്രമേ സ്വർണ്ണവിലയിൽ ഇനി ഒരു കയറ്റമുണ്ടാവുകയുള്ളൂവെന്നാണ് അനുമാനം.

യമുനാ നദിയിൽ തേങ്ങ എറിയാനെത്തിയ ദമ്പതികളെ തടഞ്ഞ് യുവതി, പിന്നെ സംഭവിച്ചത് ഇതാണ്; വീഡിയോ

Web Desk — Thu, 09 Apr 2026 10:25:50 +0530

ഡൽഹിയിലെ യമുനാ ഘട്ടിൽ നിന്നുള്ള ഒരു വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധിക്കപ്പെടുന്നത്. സോണാലി സിംഗ് എന്ന യുവതിയാണ് തന്റെ ഇൻസ്റ്റാഗ്രാം പേജിൽ വീഡിയോ ഷെയർ ചെയ്തിരിക്കുന്നത്. വീഡിയോയിൽ നദിയിൽ തേങ്ങ എറിയാൻ എത്തിയ ദമ്പതികളെ അവർ ചോദ്യം ചെയ്യുന്നതാണ് കാണുന്നത്. നദിയിൽ 'വിസർജൻ' (വഴിപാട്) നടത്താൻ എത്തിയതാണോ എന്ന് സോണാലി ദമ്പതികളോട് ചോദിക്കുന്നത് കാണാം. അതെ എന്ന് അവർ മറുപടി നൽകിയപ്പോൾ, നദിയുടെ ആവാസവ്യവസ്ഥയെ ഇത് ദോഷകരമായി ബാധിക്കുമെന്നാണ് സോണാലി അവരോട് പറയുന്നത്.

'ഈ തേങ്ങ നദിയിൽ മുങ്ങിപ്പോകില്ലേ? ഇത് എന്ത് തരം വിശ്വാസമാണ്? ഇതിനുപകരം ഈ തേങ്ങ ഉടച്ച് ഏതെങ്കിലും മൃഗത്തിന് ഭക്ഷണമായി നൽകിക്കൂടെ' എന്നാണ് സോണാലി വീഡിയോയിൽ ചോദിക്കുന്നത്. എന്നാൽ, യുവതി പറയുന്നത് കേൾക്കാതെ ദമ്പതികൾ മറ്റൊരു ബോട്ട് വാടകയ്ക്ക് എടുത്ത് നദിയുടെ മറുഭാഗത്ത് പോയി തേങ്ങ എറിയുകയായിരുന്നു. ഇവരെ തടയാൻ ശ്രമിച്ചിട്ടും ഫലമുണ്ടായില്ലെന്നും സോണാലി വീഡിയോയിൽ പറയുന്നു.

View this post on Instagram

A post shared by Sonali Singh (@soonali_singh)

പുഴകളിൽ തേങ്ങ സമർപ്പിക്കുന്നത് അഹങ്കാരം വെടിയുന്നതിനും, മനസ് ദൈവത്തിന് സമർപ്പിക്കുന്നതിനുമുള്ള പ്രതീകമായിട്ടാണ് കണക്കാക്കപ്പെടുന്നത്. അതേസമയം, മലിനീകരണം കാരണം ഇത്തരം ചടങ്ങുകൾ വേണോ എന്ന കാര്യത്തിൽ സോഷ്യൽ മീഡിയയിൽ ചർച്ച ഉയരാൻ സോണാലി പങ്കുവച്ച വീഡിയോ കാരണമായി. ഏപ്രിൽ 7 ന് പങ്കുവെച്ച ഈ വീഡിയോ ഇതിനോടകം 4.4 കോടിയിലധികം ആളുകൾ കണ്ടുകഴിഞ്ഞു. നിരവധിപ്പേരാണ് വീഡിയോയ്ക്ക് കമന്റുകളുമായി എത്തിയത്. ഒരു വിഭാഗം പേർ ഇത് ആചാരത്തിന്റെ ഭാഗമാണ് എന്നും തേങ്ങ നദിക്ക് ദോഷമൊന്നും വരുത്തില്ല എന്നുമാണ് അഭിപ്രായപ്പെട്ടത്. അതേസമയം, ഇത്തരം ആചാരങ്ങൾ ആർക്കും ദോഷമില്ലാത്ത രീതിയിൽ മാറേണ്ട കാലമായി എന്ന് അഭിപ്രായപ്പെട്ടവരും ഉണ്ട്.

ജനാധിപത്യത്തിന്റെ സൗന്ദര്യം! അമേരിക്കൻ യാത്രയ്ക്ക് മുമ്പ് വോട്ട് ചെയ്യാൻ മോഹൻലാൽ എത്തിയത് കൊച്ചിയിൽ നിന്ന്

Prabeesh PP — Thu, 09 Apr 2026 09:46:11 +0530

തിരുവനന്തപുരം: കേരളം നിയമസഭാ തിരഞ്ഞെടുപ്പിന്റെ പോളിംഗ് ബൂത്തിലേക്ക് നീങ്ങുമ്പോൾ, വോട്ട് എന്ന പൗരന്റെ കടമ നിർവ്വഹിക്കാൻ സൂപ്പർ താരം മോഹൻലാൽ നേരിട്ടെത്തി. തിരുവനന്തപുരം മുടവൻമുകൾ സർക്കാർ ഹൈസ്കൂളിലെ ബൂത്തിലാണ് താരം വോട്ട് രേഖപ്പെടുത്തിയത്. വോട്ട് ചെയ്ത ശേഷം അമേരിക്കയിലേക്ക് പോകാനിരിക്കെയാണ് അദ്ദേഹം വോട്ട് ചെയ്യാനായി മാത്രം കൊച്ചിയിൽ നിന്നും തിരുവനന്തപുരത്തെത്തിയത്. ബൂത്തിൽ അര മണിക്കൂറോളം ക്യൂവിൽ കാത്തിരുന്ന ശേഷമായിരുന്നു മോഹൻലാൽ വോട്ട രേഖപ്പെടുത്തിയത്.

സ്ഥാനാർത്ഥികളായ കെ.എസ്. ശബരീനാഥനും വി. ശിവൻകുട്ടിയും താരത്തോടൊപ്പമുണ്ടായിരുന്നു. ഈ നിമിഷത്തെക്കുറിച്ച് ശബരീനാഥൻ കുറിച്ചത് ഇങ്ങനെ. ജനാധിപത്യത്തിന്റെ സൗന്ദര്യം: "ജനാധിപത്യത്തിന്റെ സൗന്ദര്യം ഇതാണ്. വോട്ട് ചെയ്യുവാൻ വേണ്ടി മാത്രം അമേരിക്കയിലേക്ക് പോകുന്നതിന് മുമ്പ് കൊച്ചിയിൽ നിന്നും മുടവൻമുകൾ സ്‌കൂളിലെത്തിയ ലാലേട്ടൻ....കൂടെ സ്‌ഥാനാർത്ഥികളായ ഞാനും ശിവൻകുട്ടിയും." എത്ര തിരക്കുകൾക്കിടയിലും വോട്ട് രേഖപ്പെടുത്താൻ താരം കാണിച്ച താല്പര്യം എല്ലാവർക്കും മാതൃകയാണെന്ന് അദ്ദേഹം കൂട്ടിച്ചേർത്തു.

ലാലേട്ടന്റെ വരവോടെ മുടവൻമുകൾ സ്കൂൾ പരിസരത്ത് വൻ ജനത്തിരക്കാണ് അനുഭവപ്പെട്ടത്. വോട്ട് രേഖപ്പെടുത്തിയ ശേഷം വിരലിലെ മഷി പുരട്ടിയ അടയാളം കാണിച്ചാണ് അദ്ദേഹം മടങ്ങിയത്. വോട്ട് ചെയ്യുക എന്നത് ഓരോ പൗരന്റെയും ഉത്തരവാദിത്തമാണെന്നും എല്ലാവരും വോട്ട് രേഖപ്പെടുത്തണമെന്നും താരം നേരത്തെ ആഹ്വാനം ചെയ്തിരുന്നു.

ഞങ്ങള്‍ക്കുണ്ടായ കോട്ടങ്ങള്‍ തിരുത്തിക്കൊണ്ട് LDFന്‍റെ പുതിയ സര്‍ക്കാര്‍ മുന്നോട്ട് പോകും: MA ബേബി

Web Desk — Thu, 09 Apr 2026 10:08:35 +0530

ഞങ്ങള്‍ക്കുണ്ടായ കോട്ടങ്ങള്‍ തിരുത്തിക്കൊണ്ട് എല്‍ഡിഎഫിന്‍റെ പുതിയ സര്‍ക്കാര്‍ മുന്നോട്ട് പോകും; വിഡി സതീശന്‍ രാഷ്ട്രീയ വനവാസത്തിന് പോകാന്‍ ഇടയാകാത്ത സാഹചര്യം ഉണ്ടാകട്ടെയെന്നും എംഎ ബേബി

എറണാകുളത്തെ നഗര മണ്ഡലങ്ങളില്‍ മികച്ച പോളിംഗ്

Web Desk — Thu, 09 Apr 2026 10:08:13 +0530

എറണാകുളത്തെ നഗര മണ്ഡലങ്ങളില്‍ മികച്ച പോളിംഗ്, ഏറ്റവും കൂടുതല്‍ പോളിംഗ് രേഖപ്പെടുത്തിയത് തൃപ്പൂണിത്തുറയില്‍

ബിജെപി നിഴലിനോട് യുദ്ധം ചെയ്യുന്നത് നിര്‍ത്തണം, കണ്ണുള്ളവര്‍ എല്ലാം കണ്ടതാണ്: ഷാഫി പറമ്പില്‍

Web Desk — Thu, 09 Apr 2026 10:07:50 +0530

ബിജെപി നിഴലിനോട് യുദ്ധം ചെയ്യുന്നത് നിര്‍ത്തി യാഥാര്‍ത്ഥ്യങ്ങള്‍ അംഗീകരിക്കണം, കണ്ണുള്ളവര്‍ എല്ലാം കണ്ടതാണ്; മൂഡ് ഏതാണെന്ന് ചോദിച്ചാല്‍ അത് ഐക്യ ജനാധിപത്യ മുന്നണിയുടെ തിരിച്ചുവരവിന്‍റെ മൂഡാണെന്ന് ഷാഫി പറമ്പില്‍

സംസ്ഥാനത്ത് പോളിംഗ് ഇതുവരെ 10.06%; ഇനിയുള്ള സമയം പോളിംഗ് ശതമാനം കൂടാൻ സാധ്യത

Web Desk — Thu, 09 Apr 2026 10:06:49 +0530

സംസ്ഥാനത്ത് പോളിംഗ് ഇതുവരെ 10.06%; ഇനിയുള്ള സമയം പോളിംഗ് ശതമാനം കൂടാൻ സാധ്യത, 85 ശതമാനത്തിൽ പോളിംഗ് കൂടാൻ സാധ്യതയെന്ന് തെരഞ്ഞെടുപ്പ് കമ്മീഷന്റെ അനുമാനം

ഇൻസ്റ്റഗ്രാം അക്കൗണ്ട് വേരിഫൈഡ് ആയിതിനു പിന്നാലെ പേരും മാറ്റി രേണു, സുധിയെ ഒഴിവാക്കി

Web Desk — Thu, 09 Apr 2026 10:05:35 +0530

ഇൻസ്റ്റഗ്രാമിൽ സബ്സ്ക്രിപ്ഷൻ ഫീച്ചർ ആരംഭിച്ചതിനു പിന്നാലെ പേരും മാറ്റി സമൂഹമാധ്യമങ്ങളിലെ താരവും അന്തരിച്ച കൊല്ലം സുധിയുടെ ഭാര്യയുമായ രേണു സുധി. രേണു സുധി എന്നത് രേഷ്മ പി. തങ്കച്ചന്‍ എന്നാക്കിയാണ് പേര് മാറ്റിയിരിക്കുന്നത്. അക്കൗണ്ട് വേരിഫൈഡ് ആയതോടെയാണ് ഈ പേരുമാറ്റം. എന്നാൽ, പ്രൊഫൈൽ നെയിം ഇപ്പോഴും രേണു സുധി എന്നു തന്നെയാണ്. നേരത്തെ യൂസർനെയിമിലും പ്രൊഫൈലിലും 'രേണു സുധി' എന്ന് മാത്രമായിരുന്നു ഉണ്ടായിരുന്നത്. നിലവിൽ ഇൻസ്റ്റഗ്രാമിൽ നാലു ലക്ഷത്തിലധികം ഫോളോവേഴ്സ് ആണ് രേണുവിനുള്ളത്.

പേരിനെ ചൊല്ലി രേണുവിന് വലിയ രീതിയിൽ ട്രോളുകളും വിമർശനങ്ങളും നേരിടേണ്ടി വന്നിരുന്നു. ഇപ്പോഴത്തെ ഈ പേരു മാറ്റം, ഈ പരിഹാസങ്ങൾക്കും ട്രോളുകൾക്കും നൽകിയ മറുപടിയാണെന്നാണ് സമൂഹമാധ്യമങ്ങളിൽ ഒരു വിഭാഗം പറയുന്നത്. എന്നാൽ മറ്റൊരു വശത്ത്, ഇൻസ്റ്റഗ്രാം വെരിഫിക്കേഷൻ പ്രക്രിയയിൽ ഔദ്യോഗിക രേഖകളിലുള്ള പേര് ഉപയോഗിക്കേണ്ടതു മൂലമാകാം ഇത്തരത്തിലൊരു മാറ്റം നടത്തിയത് എന്ന വിലയിരുത്തലും ഉയരുന്നുണ്ട്. സുധിയുടെ പേര് ഒപ്പം ചേർത്തുകൊണ്ട് പ്രശസ്തി നേടുകയാണ് രേണു ചെയ്യുന്നത് എന്ന രീതിയിലുള്ള വിമർശനം വലിയ രീതിയിൽ നേരിട്ടത് കൊണ്ട് തന്നെ പലരും 'സുധിയുടെ പേര് ഒഴിവാക്കിയത് നന്നായി' എന്നും പറയുന്നുണ്ട്.

ബിഗ് ബോസ് മലയാളം സീസൺ 7-ലൂടെയും അതിനു മുൻപും വലിയ ആരാധകവൃന്ദത്തെ സ്വന്തമാക്കിയ രേണു, ഷോയ്ക്ക് ശേഷവും ഉദ്ഘാടനങ്ങളും ആൽബം ഷൂട്ടുകളും സ്റ്റേജ് പ്രോഗ്രാമുകളുമായി തിരക്കിലാണ്. ഇൻസ്റ്റഗ്രാമിലെ പുതിയ ഫീച്ചറായ 'സബ്‌സ്‌ക്രിപ്ഷൻ' സേവനം പരീക്ഷിച്ച് നല്ലൊരു തുക തനിക്ക് വരുമാനമായി കിട്ടുന്നുണ്ടെന്നും അത് വേണ്ടെന്നു വെയ്ക്കുന്നില്ലെന്നും രേണു അടുത്തിടെ പറഞ്ഞിരുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

പുതുതലമുറ ഇടതുപക്ഷത്തിന് അനുകൂലമായി വോട്ട് ചെയ്യും: പി രാജീവ് | P Rajeev

Web Desk — Thu, 09 Apr 2026 10:05:22 +0530

പുതുതലമുറ ഇടതുപക്ഷത്തിന് അനുകൂലമായി വോട്ട് ചെയ്യും, ഭരണത്തുടര്‍ച്ച ഈ തെരഞ്ഞെടുപ്പില്‍ ഗുണം ചെയ്യുമെന്നും പി രാജീവ്

രാവിലെ മുതൽ മികച്ച പോളിംഗ്, അത് നല്ലകാര്യം, 2021 നേക്കാൾ മികച്ച ഭൂരിപക്ഷത്തിൽ വിജയിക്കും: വീണ ജോർജ്

Web Desk — Thu, 09 Apr 2026 10:05:16 +0530

ഇടതുപക്ഷ ജനാധ്യപത്യ മുന്നണിക്ക് ആറന്മുള നിയോജക മണ്ഡലത്തിൽ വളരെ മികച്ച ഭൂരിപക്ഷത്തോടെയുള്ള വിജയം ലഭിക്കും, 2021 നേക്കാൾ മികച്ച ഭൂരിപക്ഷം എൽഡിഎഫിന് 2026 ൽ ലഭിക്കും: വീണ ജോർജ്

അയ്യൻ്റെ സ്വർണ്ണം കട്ടവരെ ജനകീയ കോടതിയിൽ ശിക്ഷിക്കുന്ന ദിവസമാണ് ഇന്ന്: കെ സി വേണുഗോപാൽ |KC Venugopal

Web Desk — Thu, 09 Apr 2026 10:05:12 +0530

അയ്യൻ്റെ സ്വർണ്ണം കട്ടവരെ ജനകീയ കോടതിയിൽ ശിക്ഷിക്കുന്ന ദിവസമാണ് ഇന്ന്, ജനകീയ കോടതി അവരെ വെറുതെ വിടില്ല:കെ സി വേണുഗോപാൽ

ഭീകരവാദികളുടെ ഹബ്ബാക്കി പാലക്കാടിനെ ചിലര്‍ മാറ്റി: ശോഭാ സുരേന്ദ്രന്‍ | Shobha Surendran

Web Desk — Thu, 09 Apr 2026 10:04:02 +0530

ഭീകരവാദികളുടെ ഹബ്ബാക്കി പാലക്കാടിനെ ചിലര്‍ മാറ്റി, ജമാഅത്തെ ഇസ്ലാമിയുടെയും പോപ്പുലര്‍ ഫ്രണ്ടിന്‍റെയും തണല്‍പ്പറ്റിക്കൊണ്ട് ഒരു മീഡിയ പ്രവര്‍ത്തനം പാലക്കാടിന്‍റെ മണ്ണില്‍ നടക്കുന്നുവെന്ന് ശോഭാ സുരേന്ദ്രന്‍

ആശുപത്രി പരിസരത്തും മോഷണം, പാർക്ക് ചെയ്ത ഓട്ടോറിക്ഷയുടെ ടയറും ബാറ്ററിയും കവർന്നു, പ്രതികൾ പിടിയിൽ

Web Desk — Thu, 09 Apr 2026 10:01:25 +0530

തിരുവനന്തപുരം: ആശുപത്രി പരിസരത്ത് പാർക്ക് ചെയ്തിരുന്ന ഓട്ടോറിക്ഷയുടെ ഭാഗങ്ങൾ അഴിച്ചെടുത്ത് കടന്നുകളഞ്ഞ രണ്ട് പേരെ മെഡിക്കൽ കോളെജ് പൊലീസ് പിടികൂടി. വട്ടിയൂർക്കാവ്, നെട്ടയം സ്വദേശികളായ മധു (55), ഷിബു (40) എന്നിവരാണ് അറസ്റ്റിലായത്. കഴിഞ്ഞ മാർച്ച് 31-ന് നഗരത്തിലെ സ്വകാര്യ ആശുപത്രിയുടെ പാർക്കിങ് പോയിന്‍റിലായിരുന്നു സംഭവം നടന്നത്. ആശുപത്രിയുടെ പാർക്കിങ് പോയിന്‍റിൽ വാഹനം നിറുത്തിയിട്ടിരുന്ന പനയമുട്ടം സ്വദേശിയുടെ ഉടമസ്ഥതയിലുള്ള ഓട്ടോറിക്ഷയുടെ ഭാഗങ്ങളാണ് പ്രതികൾ മോഷ്ടിച്ചത്.ബാറ്ററിയും അതിന്‍റെ അനുബന്ധ ഭാഗങ്ങളും ടയറും ഉൾപ്പെടെയുള്ളവയാണ് സംഘം അഴിച്ചെടുത്ത് കടന്നത്. മെഡിക്കൽ കോളെജ് പൊലീസ് ഇന്നലെയാണ് പ്രതികളെ കസ്റ്റഡിയിലെടുത്തത്. കോടതിയിൽ ഹാജരാക്കിയ ഇരുവരേയും റിമാൻഡ് ചെയ്തു. ഷിബു മുൻപും മെഡിക്കൽ കോളെജ് പൊലീസ് സ്റ്റേഷനിൽ രജിസ്റ്റർ ചെയ്ത കവർച്ചാ കേസിലെ പ്രതിയാണെന്നും പൊലീസ് അറിയിച്ചു.

രണ്ടര പവന്റെ സ്വർണ മാല പൊട്ടിച്ചെടുത്ത കേസ്

ആലുവ നൊച്ചിമയില്‍ വീടിനകത്ത് ഉറങ്ങുകയായിരുന്ന വയോധികയുടെ രണ്ടര പവന്റെ സ്വർണ മാല പൊട്ടിച്ചെടുത്ത കേസില്‍ അയല്‍വാസി പിടിയിലായി. വായോധികയുടെ കണ്ണില്‍ മുളകുപൊടി വിതറിയാണ് എടത്തല കോമ്പാറ ഇസ്മയില്‍ മുക്ക് മടപ്പാട്ട് വീട്ടില്‍ നിസാര്‍ അസൈനാറാണ് (42) മോഷണം നടത്തിയത്. കോമ്പാറ ഇസ്മയില്‍മുക്ക് മോളത്ത്‌ വീട്ടില്‍ ഹരിഹരന്റെ ഭാര്യ ടി കെ സുമതിയെ(70)യാണ് ഇന്നലെ വൈകുന്നേരം നാസര്‍ ആക്രമിച്ചത്. തുറന്ന് കിടക്കുകയായിരുന്ന പിന്‍വശത്തെ അടുക്കള വാതിലിലൂടെയാണ് മോഷ്ടാവ് അകത്ത് കടന്നത്. തുടര്‍ന്ന് അടുക്കളയില്‍ നിന്നും മുളകുപൊടി എടത്ത് സോഫസെറ്റിയില്‍ കിടന്നുറങ്ങിയ വയോധികയുടെ കണ്ണില്‍ വിതറി. രണ്ടര പവന്‍ തൂക്കമുണ്ടായിരുന്ന സ്വർണ മാല ബലം പ്രയോഗിച്ച് പൊട്ടിച്ചപ്പോള്‍ ഒരു ഭാഗം താഴെ വീണുവെങ്കിലും അവശേഷിക്കുന്ന ഭാഗവും ലോക്കറ്റും മോഷ്ടാവ് കൈക്കലാക്കി. ഇയാളെ എടത്തല പൊലീസ് അറസ്റ്റ് ചെയ്തു. മോഷ്ടിച്ച മാല പൊലീസ് കണ്ടെടുത്തു. സംഭവം സമയത്ത് സുമതി വീട്ടിൽ ഒറ്റക്കായിരുന്നു. സംഭവം നടക്കുന്നതിന് മുൻപ് നാസര്‍ വീട്ടില്‍ വന്ന് സുമതിക്കൊപ്പം താമസിക്കുന്ന മകളും ചെറുമക്കളെല്ലാം എവിടെപ്പോയെന്ന് തിരക്കിയിരുന്നു. ഇതേ തുടര്‍ന്നാണ് പോലീസ് നാസറിനെ കസ്റ്റഡിയിലെടുത്ത് ചോദ്യം ചെയ്തത്. പ്രതിയെ ആലുവ കോടതി റിമാന്റ് ചെയ്തു.

50 വര്‍ഷം കെ എം മാണിയെ വളര്‍ത്തിയെടുത്ത പാലായോട് വിരോധം കാണിച്ചു: ഷോൺ ജോര്‍ജ്

Web Desk — Thu, 09 Apr 2026 10:00:01 +0530

50 വര്‍ഷം കെ എം മാണിയെ വളര്‍ത്തിയെടുത്ത പാലായോട് വിരോധം കാണിച്ചു, പാലായോട് എന്ത് ആത്മാര്‍ത്ഥതയാണ് ജോസ് കെ മാണിക്കുള്ളത്: NDA സ്ഥാനാര്‍ത്ഥി ഷോൺ ജോര്‍ജ്

'സംസ്ഥാനത്ത് തൂക്കുസഭ വരും, ബിജെപി നിർണായക ശക്തിയാകും'; ജനം മാറ്റം ആഗ്രഹിക്കുന്നുവെന്ന് രാജീവ് ചന്ദ്രശേഖർ

Sumam Thomas — Thu, 09 Apr 2026 09:20:10 +0530

തിരുവനന്തപുരം: സംസ്ഥാനത്ത് തൂക്ക് സഭ വരുമെന്നും അതിൽ ബിജെപി നിർണായക ശക്തിയാകുമെന്നും ബിജെപി അധ്യക്ഷൻ രാജീവ് ചന്ദ്രശേഖർ. സഭയിൽ ബഹളം ഉണ്ടാക്കാനും ബെഞ്ചിൽ കയറാനും ആകരുത് വോട്ടെന്നും നേമത്തെ ഇടത് സ്ഥാനാർത്ഥി വി.ശിവൻകുട്ടിയെ പരോക്ഷമായി പരിഹസിച്ച് അദ്ദേഹം പറഞ്ഞു. മാറ്റം വരുമെന്നും ജനം മാറ്റം ആഗ്രഹിക്കുന്നുവെന്നും രാജീവ് ചന്ദ്രശേഖർ ചൂണ്ടിക്കാട്ടി.

ആദ്യ 2 മണിക്കൂറിൽ സംസ്ഥാനത്ത് 10.6 ശതമാനം പോളിംഗ് രേഖപ്പെടുത്തി. രാവിലെ തന്നെ മിക്ക ബൂത്തുകളിലും നീണ്ട നിരയുണ്ട്. ആദ്യ മണിക്കൂറിൽ തന്നെ പ്രധാന നേതാക്കളും സ്ഥാനാർത്ഥികളും വോട്ട് ചെയ്തു. മുഖ്യമന്ത്രി പിണറായി വിജയൻ പിണറായി ആർസി അമല സ്‌കൂളിൽ കുടുംബ സമേതമെത്തി വോട്ട് ചെയ്തു. പ്രതിപക്ഷ നേതാവ് വി.ഡി സതീശൻ, കെപിസിസി അധ്യക്ഷൻ സണ്ണി ജോസഫ്, മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി തങ്ങൾ, കേന്ദ്രമന്ത്രി സുരേഷ് ഗോപി, ബിജെപി സംസ്ഥാന അധ്യക്ഷൻ രാജീവ് ചന്ദ്ര ശേഖർ, ഇടതുമുന്നണി കൺവീനർ ടിപി രാമകൃഷ്ണൻ, അടക്കം പ്രമുഖർ രാവിലെ തന്നെ വോട്ട് ചെയ്തു.

കഴിഞ്ഞ തവണത്തേക്കാൾ മികച്ച ഭൂരിപക്ഷവുമായി ഭരണ തുടർച്ച ഉണ്ടാകുമെന്ന് മുഖ്യമന്ത്രി പിണറായി വിജയൻ അവകാശപ്പെട്ടു. നൂറിലേറെ സീറ്റുകളുമായി അധികാരത്തിലെത്തുമെന്ന് പ്രതിപക്ഷ നേതാവും കെപിസിസി അധ്യക്ഷനും പ്രതികരിച്ചു. ചുരുക്കം ചില മണ്ഡലങ്ങളിൽവോട്ടിങ് യന്ത്രം പണിമുടക്കി. തിരുവനന്തപുരം പോത്തൻകോട് തിരുവള്ളൂർ ബൂത്തിലും ആലുംമൂട് ബുത്തിലും വോട്ടിംഗ് വൈകി.കോഴിക്കോട് വളയത്തുംഉടുമ്പൻ ചോലയിൽ മൂന്ന് ബൂത്തുകളിലും യന്ത്ര തകരാർ. എല്ലായിടത്തും ഇതുവരെ പോളിംഗ് സമാധാനപരം ആണ്.

അയൽവാസി സ്ഥിരം ശല്യക്കാരനായതോടെ പരാതി നൽകി, പിന്നാലെ ഗൃഹനാഥനെ കുത്തിക്കൊല്ലാൻ ശ്രമം, ഒടുവിൽ മച്ചു അറസ്റ്റിൽ

Web Desk — Thu, 09 Apr 2026 09:45:04 +0530

തിരുവനന്തപുരം: മുൻവൈരാഗ്യത്തിന്‍റെ പേരിൽ അയൽവാസിയെ വീട്ടിൽ അതിക്രമിച്ചു കയറി കുത്തിക്കൊലപ്പെടുത്താൻ ശ്രമിച്ച പ്രതിയെ നേമം പൊലീസ് അറസ്റ്റ് ചെയ്തു. നേമം ഉക്കോട്‍ സ്വദേശി മച്ചു എന്ന മണികണ്ഠൻ (52) മച്ചു) ആണ് പിടിയിലായത്. അയൽവാസിയായ കെ.എസ് അജി എന്നയാൾക്ക് നേരെയാണ് ആക്രമണമുണ്ടായത്. സ്ഥിരം പ്രശ്നക്കാരനായ മണികണ്ഠനെതിരെ അജി പൊലീസിൽ പരാതി നൽകിയിരുന്നു. ഇതിലുള്ള വിരോധമാണ് ആക്രമണത്തിന് കാരണമായതെന്ന് പൊലീസ് പറയുന്നു. തിങ്കളാഴ്ച വൈകുന്നേരം 7:30 ഓടെയാണ് കേസിനാസ്പദമായ സംഭവം നടന്നത്. അജിയുടെ വീട്ടിൽ അതിക്രമിച്ചു കയറിയ മണികണ്ഠൻ ബഹളമുണ്ടാക്കുകയും കത്തി ഉപയോഗിച്ച് അദ്ദേഹത്തെ പലതവണ കുത്തി പരിക്കേൽപ്പിക്കുകയായിരുന്നു.മാരകമായി പരിക്കേറ്റ അജി ഇപ്പോൾ നഗരത്തിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്.സംഭവത്തിന് ശേഷം ഒളിവിൽ പോയ പ്രതിയെ നേമം പൊലീസ് പിടികൂടുകയായിരുന്നു. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

ഓൺലൈൻ പർച്ചേസുകൾക്ക് ‘ഭൂമി ഉപയോഗ ഫീസ്’; പാറ്റഗോണിയക്കെതിരെ വൻ വിമര്‍ശനം

Web Desk — Thu, 09 Apr 2026 09:43:30 +0530

പ്രശസ്ത അമേരിക്കൻ ഔട്ട്ഡോർ അപ്പാരൽ ബ്രാൻഡായ പാറ്റഗോണിയ ചൈനയിൽ ഏർപ്പെടുത്തിയ പുതിയ 'എർത്ത് യൂസേജ് ഫീ'ക്കെതിരെ വലിയ വിമർശനം. അമിതമായ റിട്ടേണുകൾ കുറയ്ക്കാനും പരിസ്ഥിതി ആഘാതം ലഘൂകരിക്കാനുമാണ് ഈ നീക്കമെന്നാണ് കമ്പനി അവകാശപ്പെടുന്നത്. എന്നാൽ, ഉപഭോക്താക്കൾക്കിടയിൽ ഇത് കടുത്ത അമർഷത്തിന് കാരണമായി. അലിബാബയുടെ ഉടമസ്ഥതയിലുള്ള Tmall സ്റ്റോറിലൂടെ നടത്തുന്ന പർച്ചേസുകൾക്കാണ് ഈ തുക ഈടാക്കുന്നത്. ആദ്യത്തെ ഉൽപ്പന്നത്തിന് 15 യുവാൻ (ഏകദേശം 175 രൂപ) ഉം ഓരോ അധിക ഉൽപ്പന്നത്തിനും 5 യുവാൻ വീതമാണ് ഭൂമി ഉപയോഗ ഫീസ് (earth usage fee) ആയി ഈടാക്കുന്നത്. വാങ്ങിയ സാധനങ്ങൾ ഉപയോഗിക്കുകയാണ് തിരിച്ചു നൽകിയില്ല എങ്കിൽ ഈ തുക തിരികെ നൽകും. എന്നാൽ, ഗുണനിലവാര പ്രശ്നങ്ങൾ അല്ലാതെ മറ്റ് കാരണങ്ങളാൽ സാധനങ്ങൾ തിരിച്ചയക്കുകയാണെങ്കിൽ ഈ ഫീസ് ലഭിക്കില്ലെന്ന് മാത്രമല്ല, റിട്ടേൺ ഷിപ്പിംഗ് ചെലവും ഉപഭോക്താവ് തന്നെ വഹിക്കേണ്ടി വരും.

അമിതമായ 'റിട്ടേണുകൾ' ആണ് ഈ ഫീസ് ഈടാക്കാൻ കാരണം എന്നാണ് കമ്പനി പറയുന്നത്. കഴിഞ്ഞ വർഷത്തെ 'ഡബിൾ 11' ഷോപ്പിംഗ് ഫെസ്റ്റിവലിലെ കണക്കുകളും പാറ്റഗോണിയ പുറത്തുവിട്ടു. ആകെ 16,179 പാഴ്സലുകൾ അയച്ചതിൽ 11,277 എണ്ണവും തിരിച്ചു വന്നു. ഈ റിട്ടേണുകൾ വഴി മാത്രം ഏകദേശം 40 ടൺ കാർബൺ എമിഷൻ ഉണ്ടായതായാണ് കമ്പനി പറയുന്നത്. ഈ ഭൂമി ഉപയോഗ ഫീസിൽ നിന്നും ശേഖരിക്കുന്ന തുക പരിസ്ഥിതി സംഘടനയായ '1% for the Planet'-ലേക്ക് നൽകുമെന്നും അവർ വ്യക്തമാക്കി.

എന്നാൽ, അതേസമയത്ത് ഈ ഫീസ് ഈടാക്കുന്നത് സോഷ്യൽ മീഡിയയിൽ വലിയ വിമർശനങ്ങൾക്ക് കാരണമായി. വസ്ത്രങ്ങൾ ഫോട്ടോകളിൽ മോഡലുകൾ ധരിച്ചതുപോലെയല്ല നേരിട്ട് ലഭിക്കുമ്പോൾ എന്നും, അതുകൊണ്ടാണ് ആളുകൾ തിരിച്ചയക്കുന്നതെന്നും പലരും ചൂണ്ടിക്കാട്ടി. ബ്രാൻഡിന്റെ പോരായ്മകൾ പരിഹരിക്കാതെ അതിന്റെ ഭാരം ഉപഭോക്താക്കളുടെ തലയിൽ കെട്ടിവെക്കുന്നത് ശരിയല്ലെന്നും വിമർശകർ പറയുന്നു. ഭൂമിയോട് അത്രക്ക് കരുതലുണ്ടെങ്കിൽ ബിസിനസ്സ് നിർത്തുന്നതല്ലേ നല്ലത് എന്നും ആളുകൾ ചോദിക്കുന്നു. എന്നാൽ, ഓൺലൈൻ ഷോപ്പിംഗിന്റെ യഥാർത്ഥ പരിസ്ഥിതി ആഘാതത്തെക്കുറിച്ച് ഉപഭോക്താക്കളെ ബോധവാന്മാരാക്കാനുള്ള ശ്രമമാണിത് എന്നാണ് പാറ്റഗോണിയ പ്രതികരിക്കുന്നത്.

വോട്ടിങ് മെഷീനിൽ വീണാ ജോർജ്ജിന്റെ ഫോട്ടോയ്ക്ക് മാത്രമേ വ്യക്തതയുള്ളൂ; പരാതിയുമായി കോൺഗ്രസ്

Aishwarya S Babu — Thu, 09 Apr 2026 09:38:00 +0530

പത്തനംതിട്ട: കേരളത്തിൽ വോട്ടെടുപ്പ് പുരോഗമിക്കുന്നതിനിടെ പരാതിയുമായി കോൺഗ്രസ്. വോട്ടിങ് മെഷീനിൽ വീണാ ജോർജ്ജിന്റെ ഫോട്ടോയ്ക്ക് മാത്രമേ വ്യക്തതയുള്ളൂ എന്നാണ് പരാതി. മറ്റു സ്ഥാനാർഥികളുടെ ഫോട്ടോ തെളിഞ്ഞു കാണുന്നില്ലെന്നും ആക്ഷേപം ഉയർത്തി. മല്ലപ്പുഴശേരി ബൂത്തിൽ ആണ് ആക്ഷേപം ഉയർന്നത്. ജില്ലാ കളക്ടറെ വിളിച്ച് പരാതി അറിയിച്ചു. പരാതി പരിശോധിക്കുമെന്ന് ജില്ലാ കലക്ടർ എസ് പ്രേം കൃഷ്ണൻ അറിയിച്ചു.

പത്തനംതിട്ട ജില്ലയിൽ ആറന്മുള മണ്ഡലത്തിൽ കനത്ത പോളിങ് ആണ് രേഖപ്പെടുത്തുന്നത്. 17.33 ശതമാനമാണ് പോളിങ്. 2021നെക്കാളും വലിയ ഭൂരിപക്ഷത്തിൽ ആറന്മുളയിൽ എൽഡിഎഫ് വിജയിക്കുമെന്ന് സ്ഥാനാർത്ഥി വീണാ ജോർജ് പറഞ്ഞു. തിരഞ്ഞെടുപ്പിന്റെ ആദ്യഘട്ടം മുതൽ തനിക്കെതിരെ അധിക്ഷേപങ്ങൾ ഉയരുന്നുണ്ടെന്നും ആറന്മുളയിൽ പോളിങ് ശതമാനം ഉയരുമെന്നും അവർ പറഞ്ഞു.

പച്ച പപ്പായയോ പഴുത്ത പപ്പായയോ : രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഏതാണ് നല്ലത്?

Resmi Sreekumar — Thu, 09 Apr 2026 09:34:03 +0530

പച്ച പപ്പായയോ പഴുത്ത പപ്പായയോ : രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഏതാണ് നല്ലത്?

'ബിജെപി നേമം മണ്ഡലത്തിൽ വിതരണം ചെയ്യുന്നത് കോടിക്കണക്കിന് രൂപ, അന്തം വിട്ടുപോകും'; പ്രതികരിച്ച് ശിവൻകുട്ടി

Web Desk — Thu, 09 Apr 2026 09:27:45 +0530

തിരുവനന്തപുരം: വോട്ട് രേഖപ്പെടുത്തി മന്ത്രി വി ശിവൻകുട്ടി. തിരുവനന്തപുരം സെൻട്രൽ ഈഞ്ചയ്ക്കൽ യു പി സ്കൂളിലെ 61-ാം നമ്പർ ബൂത്തിലാണ് ശിവൻകുട്ടി വോട്ട് ചെയ്തത്. ഇടതുമുന്നണിക്ക് അനുകൂലമാണ് ഈ തെരഞ്ഞെടുപ്പെന്നും നല്ല ആത്മവിശ്വാസത്തിലാണ്, ഇടതുമുന്നണി സർക്കാർ മൂന്നാം തവണയും അധികാരത്തിൽ വരും. നേമത്ത് ഒരു ആശങ്കയ്ക്കും ഇടയില്ല. ഇടതുമുന്നണി തന്നെ വിജയിക്കും. ഇതിൽ ഒരു തർക്കത്തിലും ഇടയില്ല. ബിജെപിക്ക് അവരുടെ ആഗ്രഹം പ്രകടിപ്പിക്കാം. ബിജെപി ഈ തെരഞ്ഞെടുപ്പിൽ മദ്യം ഒഴുക്കുകയാണ്. നേമം മണ്ഡലത്തിൽ ബൂത്ത് അടിസ്ഥാനത്തിലാണ് മദ്യം ഒഴുകിയിരിക്കുന്നത്. കോടിക്കണക്കിന് രൂപയാണ് നേമം മണ്ഡലത്തിൽ വിതരണം ചെയ്യുന്നത്. തുക കേട്ടാൽ അന്തം വിട്ടു പോകുമെന്നും ശിവൻകുട്ടി പറഞ്ഞു.

കൂടാതെ, ജനാധിപത്യ പരമായിട്ടുള്ള സംവിധാനം കേരളത്തിൽ ഉണ്ടല്ലോ എന്നും അതിനെ പണാധിപത്യം കൊണ്ട് തകർക്കാനാണ് ശ്രമിക്കുന്നത്. ഭരണ വിരുദ്ധ വികാരം ഇല്ല. ഇടതുമുന്നണിക്ക് അനുകൂലമായ സാഹചര്യമാണ്. ബിജെപി കിറ്റ് കൊടുക്കുന്നു മദ്യം കൊടുക്കുന്നു പണം കൊടുക്കുന്നു ജോലി വാഗ്ദാനം ചെയ്യുന്നു, ഇതെല്ലാം രാജീവ് ചന്ദ്രശേഖർ നേരിട്ടുതന്നെ ചെയ്യുന്നു. ജനാധിപത്യത്തിൽ ഇത്രയും നാണംകെട്ട ജനാധിപത്യത്തിന് അപമാനമാകുന്ന തെരഞ്ഞെടുപ്പ് പ്രക്രിയയാണ് ബിജെപി ചെയ്യുന്നത്. കോൺഗ്രസും ഒട്ടും മോശമല്ല. തെലങ്കാന മുഖ്യമന്ത്രി വന്ന് പറഞ്ഞ കാര്യങ്ങൾ അറിയാമല്ലോ? ഇത്രയും സംസ്കാര ശൂന്യമായ പ്രസ്താവന നടത്താൻ പാടുണ്ടോ? കേരളത്തിലെ ജനങ്ങൾ ഇതെല്ലാം വിലയിരുത്തും എന്നും ശിവൻകുട്ടി പ്രതികരിച്ചു.

എല്ലാവരും വോട്ട് ചെയ്യണം, ജനാധിപത്യ പ്രക്രിയയിൽ പങ്കാളികളാകണം; നൂറിലധികം സീറ്റുമായി യുഡിഎഫ് അധികാരത്തിലെത്തുമെന്ന് വിഡി സതീശൻ

Aishwarya S Babu — Thu, 09 Apr 2026 09:25:27 +0530

കൊച്ചി: നൂറിലധികം സീറ്റുമായി യുഡിഎഫ് അധികാരത്തിലെത്തുമെന്ന് പ്രതിപക്ഷ നേതാവ് വിഡി സതീശൻ. വോട്ടെടുപ്പ് ആരംഭിച്ച് ആദ്യ മണിക്കൂറിൽ തന്നെ പ്രതിപക്ഷ നേതാവും വോട്ട് രേഖപ്പെടുത്തി. കേസരി ബാലകൃഷ്ണ മെമ്മോറിയൽ ഗവൺമെന്റ് കോളേജിൽ 135ാം നമ്പർ ബൂത്തിലാണ് വോട്ട് ചെയ്തത്. എല്ലാ ജനങ്ങളും ജനാധിപത്യ പ്രക്രിയയിൽ പങ്കാളികളാകണമെന്നും വോട്ട് ചെയ്യാതെ ആരും മാറി നിൽക്കരുതെന്നും പ്രതിപക്ഷ നേതാവ് പറഞ്ഞു. നൂറിലധികം സീറ്റുമായി യുഡിഎഫ് അധികാരത്തിലേക്ക് തിരിച്ചുവരുമെന്നും അദ്ദേഹം ആവർത്തിച്ചു.

ആദ്യ മണിക്കൂറിൽ തന്നെ മിക്ക ബൂത്തിലും വോട്ടർമാരുടെ നിരയാണ്. കെപിസിസി അധ്യക്ഷൻ സണ്ണി ജോസഫ്, മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി തങ്ങൾ അടക്കം പ്രമുഖർ വോട്ട് ചെയ്തു. മിക്ക സ്ഥാനാർത്ഥികളും രാവിലെ തന്നെ ബൂത്തിൽ എത്തി. ചിലയിടങ്ങളിൽ മെഷീൻ തകരാർ റിപ്പോർട്ട് ചെയ്തു.

ആദ്യ 2 മണിക്കൂറിൽ സംസ്ഥാനത്ത് 10.6 ശതമാനം പോളിംഗ് രേഖപ്പെടുത്തി. മുഖ്യമന്ത്രി പിണറായി വിജയൻ പിണറായി ആർസി അമല സ്‌കൂളിൽ കുടുംബ സമേതമെത്തി വോട്ട് ചെയ്തു. കേന്ദ്രമന്ത്രി സുരേഷ് ഗോപി, നടൻ മോഹൻലാൽ, ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ, ഇടതുമുന്നണി കൺവീനർ ടിപി രാമകൃഷ്ണൻ അടക്കം പ്രമുഖരും രാവിലെ തന്നെ വോട്ട് ചെയ്തു. കഴിഞ്ഞ തവണത്തേക്കാൾ മികച്ച ഭൂരിപക്ഷവുമായി ഭരണ തുടർച്ച ഉണ്ടാകുമെന്ന് മുഖ്യമന്ത്രി പിണറായി വിജയൻ അവകാശപ്പെട്ടു. നൂറിലേറെ സീറ്റുകളുമായി അധികാരത്തിലെത്തുമെന്ന് കെപിസിസി അധ്യക്ഷനും പ്രതികരിച്ചു.

'ഞങ്ങൾക്കിടയിൽ ഈഗോയില്ല, പേട്രിയറ്റിൽ കഥയാണ് ഹീറോ'; തുറന്നുപറഞ്ഞ് മമ്മൂട്ടി

Shyam Prasad — Thu, 09 Apr 2026 09:24:43 +0530

മമ്മൂട്ടി നായകനായെത്തുന്ന പേട്രിയറ്റ് റിലീസിനൊരുങ്ങുകയാണ്. മഹേഷ് നാരായണൻ സംവിധാനം ചെയ്യുന്ന ചിത്രത്തിൽ മോഹൻലാലും പ്രധാന കഥാപാത്രമായി എത്തുന്നുണ്ട്. പതിനെട്ട് വർഷങ്ങൾക്ക് ശേഷം മമ്മൂട്ടിയും മോഹൻലാലും ഒന്നിക്കുന്ന ചിത്രം കൂടിയാണിത്. കൂടാതെ ഫഹദ് ഫാസിൽ, കുഞ്ചാക്കോ ബോബൻ, നയൻതാര, രേവതി തുടങ്ങീ വമ്പൻ താരങ്ങളും ചിത്രത്തിൽ അണിനിരക്കുന്നുണ്ട്. അടുത്തിടെ പുറത്തുവിട്ട ചിത്രത്തിന്റെ ട്രെയിലറിന് വലിയ സ്വീകാര്യതയായിരുന്നു ലഭിച്ചത്.

ഇപ്പോഴിതാ ചിത്രത്തെ കുറിച്ച് മമ്മൂട്ടി പറഞ്ഞ വാക്കുകളാണ് ചർച്ചയാവുന്നത്. കമൽ ഹാസനും രജനികാന്തും ഒന്നിക്കുന്ന നെൽസൺ ചിത്രത്തിന്റെവ പ്രമോ വീഡിയോയിൽ ആരാണ് സിനിമയിലെ ഹീറോ എന്ന് ഇരുവരും ചോദിക്കുന്ന പോലെ മഹേഷ് നാരായണനോട് ഈ ചിത്രത്തെ കുറിച്ച് എന്തെങ്കിലും ചോദിച്ചിരുന്നോയെന്നായിരുന്നു ചോദ്യം. ഇതിലെ കഥയാണ് ഹീറോ എന്നായിരുന്നു മമ്മൂട്ടിയുടെ മറുപടി. മോഹൻലാലിൽനും തനിക്കുമിടയിൽ അത്തരത്തിലുള്ള ഈഗോ ഇല്ലെന്നും മമ്മൂട്ടി കൂട്ടിച്ചേർത്തു.

"ഇല്ല, ഇതിലെ കഥയാണ് ഹീറോ എന്ന് ഞങ്ങൾക്ക് രണ്ടുപേർക്കും അറിയാം. ഞങ്ങൾക്കിടയിൽ അത്തരം ഈഗോ ഒന്നുമില്ല, മോഹൻലാൽ എൻ്റെ സിനിമകളിൽ അഭിനയിക്കാറുണ്ട്, ഞാൻ അദ്ദേഹത്തിൻ്റെ സിനിമകളിലും അഭിനയിക്കാറുണ്ട്. അടുത്തിടെ മോഹൻലാൽ ദിലീപിൻ്റെ ചിത്രത്തിൽ അഭിനയിച്ചു, അതുപോലെ ഞാൻ യുവാക്കൾക്കൊപ്പമുള്ള ഒരു സിനിമയിൽ കാമിയോ റോളും ചെയ്തു. പേട്രിയാട്ടിൽ ഞങ്ങൾ വെറും രണ്ട് കഥാപാത്രങ്ങളെ മാത്രമാണ് അവതരിപ്പിക്കുന്നത്. ഒരുപാട് കഥാപാത്രങ്ങളുള്ള, കണ്ടന്റിലൂടെ മുന്നോട്ട് പോകുന്ന ഒരു സിനിമയാണിത്." അനുപമ ചോപ്രയുമായുള്ള അഭിമുഖത്തിനിടെയായിരുന്നു മമ്മൂട്ടിയുടെ പ്രതികരണം. അതേസമയം മെയ് 1 നാണ് ചിത്രം തിയേറ്ററുകളിൽ എത്തുന്നത്. സുഷിന് ശ്യാം ആണ് ചിത്രത്തിന് സംഗീതമൊരുക്കുന്നത്.

ഞങ്ങള്‍ നിയമസഭയിലേക്ക് അവസരം ചോദിക്കുന്നത് ജങ്ങളുടെ പ്രശ്നങ്ങള്‍ പരിഹരിക്കാനാണ്: രാജീവ് ചന്ദ്രശേഖര്‍

Web Desk — Thu, 09 Apr 2026 09:10:12 +0530

ഞങ്ങള്‍ അവസരം ചോദിക്കുന്നത് നിയമസഭയില്‍ പോയി കമ്പ്യൂട്ടര്‍ തകര്‍ക്കാനോ ബഹളമുണ്ടാക്കാനോ സ്പീക്കറുടെ മേശപ്പുറത്ത് കയറി ഭരതനാട്യം കളിക്കാനോ അല്ല, ജനങ്ങളുടെ പ്രശ്നങ്ങള്‍ പരിഹരിക്കാനാണ്: രാജീവ് ചന്ദ്രശേഖര്‍

'പ്രതീക്ഷയുണ്ട്, യുഡിഎഫ് അനുകൂല കാറ്റാണ് എല്ലായിടത്തും വീശുന്നത്'; വോട്ട് രേഖപ്പെടുത്തി രമേഷ് പിഷാരടി

Sumam Thomas — Thu, 09 Apr 2026 09:08:39 +0530

കൊച്ചി: യുഡിഎഫിന് അനുകൂലമായ കാറ്റാണെന്ന് രമേഷ് പിഷാരടി. വോട്ടിന് കാശ് എന്നത് കേരളത്തിൽ കാണാത്ത കാഴ്ചയാണെന്നും ജനാധിപത്യ വിരുദ്ധമായ നടപടിയാണെന്നും രമേഷ് പിഷാരടി പ്രതികരിച്ചു. പണവും സാരിയും നൽകുന്നുണ്ട് എന്ന് അറിഞ്ഞിരുന്നു. ദൃശ്യങ്ങൾ പുറത്തുവന്നത് ഇപ്പോൾ മാത്രമാണ്. നിഴൽ എന്ന് പറയുന്നതിനോട് ഒന്നുംപറയാൻ ഇല്ലെന്നും ജനങ്ങൾക്ക് കണ്ടു കഴിയുമ്പോൾ കാര്യം മനസിലാകുമെന്നും രമേഷ് പിഷാരടി വ്യക്തമാക്കി. താൻ ദുർബലനും അരാഷ്ട്രീയ വാദിയും എന്ന് പറയുന്നു. ദുർബലൻ ആണെങ്കിൽ എന്തിനാണ് ഇത്രയും അധിക്ഷേപമെന്നും രമേഷ് പിഷാരടി ചോദിച്ചു. തനിക്കെതിരെ കഥയുണ്ടെന്നും 10ന് ശേഷം പുറത്തുവിടുമെന്നും പറയുന്ന ശോഭയുടെ പ്രസ്താവനയിൽ, അങ്ങനെ ഉണ്ടെങ്കിൽ തെരഞ്ഞെടുപ്പിന് മുൻപ് അല്ലേ പറയേണ്ടതെന്നും പിഷാരടി ചോദിച്ചു. വലത്തോട്ട് മുണ്ട് ഉടുത്ത തന്റെ ഫോട്ടോ മനപ്പൂർവം ഫ്ലിപ് ചെയ്ത് ഇടത്തോട്ട് ആക്കി മാറ്റി പ്രചരിപ്പിച്ച കാഴ്ച വരെ പാലക്കാട് കണ്ടു. തൃപ്പൂണിത്തുറയിലാണ് രമേഷ് പിഷാരടി വോട്ട് ചെയ്തത്. കെ ബാബുവും പിഷാരടിക്കൊപ്പം വോട്ട് ചെയ്യാനെത്തിയിരുന്നു.

പ്രതീക്ഷയുണ്ട്, യുഡിഎഫ് അനുകൂല കാറ്റാണ് എല്ലായിടത്തും വീശുന്നത്; രമേശ് പിഷാരടി

Web Desk — Thu, 09 Apr 2026 09:07:58 +0530

പാലക്കാട് സാരി കൊടുക്കുന്ന കാര്യം പ്രവര്‍ത്തകര്‍ അറിയിച്ചിരുന്നു, പരാതി കൊടുത്തിരുന്നു, ഇന്നലെയാണ് ദൃശ്യങ്ങള്‍ പുറത്തുവന്നത്, പോസ്റ്ററുകള്‍ വ്യാപകമായി നശിപ്പിക്കുന്നു: രമേശ് പിഷാരടി

ഒരുപാട് തവണ വോട്ട് ചെയ്തിട്ടുണ്ട്, ഇന്ന് എല്ലാവരും തെരഞ്ഞെടുപ്പിനെപ്പറ്റി ബോധ്യമുള്ളവരാനാണ്: അഹാന

Web Desk — Thu, 09 Apr 2026 09:07:45 +0530

സോഷ്യൽ മീഡിയ വഴി ഒരുപാട് കാര്യങ്ങൾ അറിയാൻ കഴിയുന്നു, അതിനാൽ എല്ലാവർക്കും നല്ല തീരുമാനം എടുത്ത് വോട്ട് ചെയ്യാൻ കഴിയുമെന്ന് കരുതുന്നു: അഹാന കൃഷണ

വോട്ടിന് നോട്ട് ആരോപണം; കോൺഗ്രസിന് അനുകൂലമാകുമെന്ന് കരുതുന്നില്ലയെന്ന് എൻ എം ആർ റസാഖ്

Web Desk — Thu, 09 Apr 2026 09:07:30 +0530

വോട്ടിന് നോട്ട് ആരോപണം:കോൺഗ്രസിന് അനുകൂലമാകുമെന്ന് കരുതുന്നില്ലയെന്നും, തെറ്റിനെ തെറ്റെന്ന് പറയാൻ ഒരു പെരുമാറ്റച്ചട്ടവും തടസമല്ലയെന്നും പാലക്കാട്ടെ ഇടതുപക്ഷ സ്ഥാനാർഥി എൻ എം ആർ റസാഖ്

വളരെ ബുദ്ധിപൂര്‍വ്വം, വിവേകപൂര്‍വ്വം സമ്മതിദാന അവകാശം വിനിയോഗിക്കുക: ഇടുക്കി രൂപതാ അധ്യക്ഷന്‍

Web Desk — Thu, 09 Apr 2026 09:05:13 +0530

വളരെ ബുദ്ധിപൂര്‍വ്വം, വിവേകപൂര്‍വ്വം സമ്മതിദാന അവകാശം വിനിയോഗിക്കുക: ആരും നിസംഗത കാണിക്കരുതെന്നും ഇടുക്കി രൂപതാ അധ്യക്ഷന്‍

യുഡിഎഫ് നൂറില്‍ കുറയാത്ത സീറ്റ് നേടി വിജയിക്കും: എന്‍ കെ പ്രമചന്ദ്രന്‍ എംപി

Web Desk — Thu, 09 Apr 2026 09:05:08 +0530

യുഡിഎഫിന് നല്ല ആത്മവിശ്വാസം, ഭരണവിരുദ്ധ വികാരം സര്‍ക്കാരിന് തിരിച്ചടി, നൂറില്‍ കുറയാത്ത സീറ്റ് യുഡിഎഫ് നേടും;എന്‍ കെ പ്രമചന്ദ്രന്‍

നല്ല ഭൂരിപക്ഷത്തില്‍ വിജയിക്കുമെന്ന് കടകംപള്ളി സുരേന്ദ്രന്‍

Web Desk — Thu, 09 Apr 2026 09:05:01 +0530

നല്ല ഭൂരിപക്ഷത്തില്‍ വിജയിക്കും, പോറ്റിയുടെ വിഷയത്തില്‍ ക്രൈംബ്രാഞ്ച് അന്വേഷണം ആവശ്യപ്പെട്ടിട്ടുണ്ട്: കടകംപള്ളി സുരേന്ദ്രന്‍

കാത്തിരിപ്പിന്റെ നീണ്ട നിര അവസാനിച്ചു; മോഹൻലാൽ വോട്ട് രേഖപ്പെടുത്തി

Web Desk — Thu, 09 Apr 2026 09:02:42 +0530

മുടവൻമുകൾ സ്കൂളിൽ വോട്ട് രേഖപ്പെടുത്തി മോഹൻലാൽ; വോട്ട് രേഖപ്പെടുത്താൻ കടകംപള്ളിയും പ്രേമചന്ദ്രനും ക്യൂവിൽ

കെ എം മാണിയുടെ ഓര്‍മ്മ ദിവസത്തില്‍ പ്രാര്‍ത്ഥനയുമായി ജോസ് കെ മാണിയും കുടുംബവും

Web Desk — Thu, 09 Apr 2026 09:02:33 +0530

കെഎം മാണിയുടെ സൃമ്തികുടീരത്തില്‍ പ്രാര്‍ത്ഥനയുമായി ജോസ് കെ മാണി, പ്രാര്‍ത്ഥനകള്‍ക്ക് ശേഷം വോട്ട് ചെയ്യാന്‍ പോകും

തീവ്രവാദികള്‍ തമ്പടിച്ചുവെന്ന് പറഞ്ഞിട്ടില്ല: ജി സുധാകരന്‍

Web Desk — Thu, 09 Apr 2026 09:02:29 +0530

തീവ്രവാദികള്‍ തമ്പടിച്ചുവെന്ന് പറഞ്ഞിട്ടില്ല, ഇന്നലെ രാത്രിയും പോസ്റ്ററുകള്‍ നശിപ്പിച്ചു, മാധ്യമങ്ങള്‍ ഒന്നും കാണുന്നില്ല: ജി സുധാകരന്‍

'കേരളത്തിന്റെ ഭാവി നിർണയിക്കുന്ന വോട്ടെടുപ്പ്, വികസനത്തിന് ഇടവേള ഉണ്ടാകരുത്': വോട്ട് രേഖപ്പെടുത്തി മുഖ്യമന്ത്രി പിണറായി വിജയൻ

Sumam Thomas — Thu, 09 Apr 2026 08:30:40 +0530

കണ്ണൂർ: കേരളത്തിന്റെ ഭാവി നിർണയിക്കുന്ന വോട്ടെടുപ്പെന്ന് മുഖ്യമന്ത്രി പിണറായി വിജയൻ. വികസനത്തിന് ഇടവേള ഉണ്ടാകരുതെന്നും വികസന തുടർച്ചയ്ക്ക് എൽഡിഎഫ് വരണമെന്നും മുഖ്യമന്ത്രി പറഞ്ഞു. ആർ സി അമല സ്കൂളിൽ വോട്ട് രേഖപ്പെടുത്തിയതിന് ശേഷം മാധ്യമങ്ങളോട് സംസാരിക്കുകയായിരുന്നു മുഖ്യമന്ത്രി. കുടുംബത്തിനും നേതാക്കള്‍ക്കും ഒപ്പമാണ് മുഖ്യമന്ത്രി വോട്ട് ചെയ്യാനെത്തിയത്.

എം ബി രാജേഷ്

എൽഡിഎഫ് വൻവിജയം നേടുമെന്ന് എം ബി രാജേഷ് പ്രതികരിച്ചു. കഴിഞ്ഞവർഷത്തേക്കാൾ അധികം സീറ്റുകൾ നേടി വീണ്ടും അധികാരത്തിൽ വരും. യുഡിഎഫിനെ ഭരണമേൽപ്പിക്കുന്ന കാര്യം ആലോചിക്കാൻ പോലും കേരളത്തിലെ ജനങ്ങൾക്ക് കഴിയില്ല. തുടക്കം മുതലേ താൻ പറഞ്ഞിരുന്നുവെന്നും തൃത്താല കംഫർട്ടബിൾ ആയി ജയിക്കുമെന്നും എം ബി രാജേഷ് പറഞ്ഞു. രേവന്ത് റെഡ്ഡിക്കെതിരെ മുഖ്യമന്ത്രി പറഞ്ഞ പ്രയോഗം അധിക്ഷേപമല്ലെന്നും എംബി രാജേഷ് പറഞ്ഞു. മുഖ്യമന്ത്രി പറഞ്ഞ ഡാഷ് യുഡിഎഫ് കാർ പൂരിപ്പിക്കുന്നതിന്റെ പ്രശ്നമാണെന്നും മുഖ്യമന്ത്രി നല്ല ഉദ്ദേശത്തോടുകൂടി ആകും അത് പറഞ്ഞതെന്നുമാണ് എം ബി രാജേഷിന്‍റെ വാക്കുകള്‍.

കോഴിക്കോട് സൗത്ത് മണ്ഡലത്തിൽ ബിജെപി സ്ഥാനാർത്ഥിക്കെതിരെ പരാതി, വോട്ടിനായി കിറ്റും പണവുമെന്ന് ആരോപണം

Web Desk — Thu, 09 Apr 2026 08:49:05 +0530

കോഴിക്കോട് : കോഴിക്കോട് സൗത്ത് മണ്ഡലത്തിലെ ബിജെപി സ്ഥാനാർത്ഥി ടി. റനീഷിനെതിരെ എൽഡിഎഫ് പരാതി നൽകി. മണ്ഡലത്തിൽ വോട്ടർമാരെ സ്വാധീനിക്കാൻ സ്ഥാനാർത്ഥി കിറ്റും പണവും നൽകുന്നുവെന്നാരോപിച്ചാണ് എൽഡിഎഫ് തിരഞ്ഞെടുപ്പ് കമ്മീഷന് പരാതി നൽകിയത്. ഭവന സന്ദർശന വേളയിൽ വോട്ടർമാർക്ക് ഭക്ഷ്യവസ്തുക്കൾ അടങ്ങിയ കിറ്റുകളും പണവും വിതരണം ചെയ്തുവെന്ന് എൽഡിഎഫ് ആരോപിക്കുന്നു. തിരഞ്ഞെടുപ്പ് കമ്മീഷൻ നിശ്ചയിച്ചിട്ടുള്ള പരിധിയിൽ കൂടുതൽ തുക പ്രചാരണത്തിനായി ടി. റനീഷ് ചെലവഴിക്കുന്നുണ്ടെന്ന് എൽഡിഎഫ് നേതാക്കൾ ചൂണ്ടിക്കാട്ടി. സമാനമായ രീതിയിൽ ബിജെപി സ്ഥാനാർത്ഥികൾ കിറ്റുകൾ വിതരണം ചെയ്യുന്നുവെന്ന് തൃശ്ശൂരിലും പരാതികൾ ഉയർന്നിട്ടുണ്ട്. അവിടെ ഒളരിയിലെ കാർത്തിക സൂപ്പർമാർക്കറ്റിൽ നിന്ന് ഇലക്ഷൻ സ്ക്വാഡ് കിറ്റുകൾ പിടിച്ചെടുക്കുകയും കേസെടുക്കുകയും ചെയ്തിരുന്നു. പത്രികയിലെ തടസ്സങ്ങൾ: നേരത്തെ പത്രിക സമർപ്പണ വേളയിൽ നോട്ടറിയുടെ ഒപ്പുമായി ബന്ധപ്പെട്ട സാങ്കേതിക പിഴവുകൾ കാരണം ടി. റനീഷിന്റെ പത്രിക തള്ളപ്പെടുമെന്ന സാഹചര്യം ഉണ്ടായെങ്കിലും അവസാന നിമിഷം ഇത് പരിഹരിച്ചിരുന്നു.

'പുതിയ കുട്ടികൾക്ക് പവർകട്ട് എന്താണെന്ന് പോലും അറിയില്ല', ഭരണ നേട്ടങ്ങൾ എണ്ണിപ്പറഞ്ഞ് റിയാസ്, ബേപ്പൂരിൽ സർവ്വകാല റെക്കോർഡ് നേടുമെന്ന് പ്രതികരണം

Web Desk — Thu, 09 Apr 2026 08:46:24 +0530

കോഴിക്കോട്: ബേപ്പൂരിൽ സർവ്വകാല റെക്കോർഡ് വോട്ട് നേടുമെന്ന് എൽഡിഎഫ് സ്ഥാനാർത്ഥി മുഹമ്മദ്‌ റിയാസ്. ഭരണ തുടർച്ച ഉണ്ടാകുമെന്നും ബേപ്പൂരിൽ അൻവർ കള്ളം പറയുകയും തുടർച്ചയായി ചട്ട ലംഘനം നടത്തുന്നു എന്നും റിയാസ് ആരോപിച്ചു. കൂടാതെ ഭരണ നേട്ടങ്ങൾ എണ്ണിപ്പറഞ്ഞു കൊണ്ടാണ് മുഹമ്മദ് റിയാസ് മാധ്യമങ്ങളോട് പ്രതികരിച്ചത്. പുതിയ കുട്ടികൾക്ക് പവർകട്ട് എന്താണെന്ന് പോലും അറിയില്ല, അങ്ങനെയായിരുന്നു കഴിഞ്ഞ പത്ത് വർഷത്തെ ഭരണം. കോണ്‍ഗ്രസ് ഭരിക്കുന്ന കാലത്ത് അതായിരുന്നില്ല അവസ്ഥ. സർക്കാർ ആശുപത്രികൾ അടച്ചു പൂട്ടുന്നില്ല. മുമ്പ് അതുണ്ടായിരുന്നു. സർക്കാർ സ്കൂളുകളില്‍ കുട്ടികളുടെ എണ്ണം വർധിക്കുന്നു ക്ലാസ് മുറികൾ ഹൈടെക് ആവുന്നു. ഈ പത്ത് വർഷത്തില്‍ സർക്കാർ സ്കൂളുകൾ മാറി. യുഡിഎഫ് ഭരിക്കുമ്പോൾ അതല്ലായിരുന്നു അവസ്ഥ എന്നും റിയാസ് പറഞ്ഞു.

കേരളം പോളിങ് ബൂത്തിൽ

2.71 കോടി വോട്ടർമാരാണ് വിധിയെഴുതുന്നത്. 140 മണ്ഡലങ്ങളിലെ 30,495 ബൂത്തുകളിലാണ് വോട്ടെടുപ്പ് നടക്കുന്നത്. 883 സ്ഥാനാർത്ഥികൾ 23 ദിവസം നടത്തിയ ചൂടേറിയ പ്രചാരണത്തിനൊടുവിലാണ് കേരളം പോളിംഗ് ബൂത്തിലെത്തുന്നത്. രാവിലെ എഴുമണിക്ക് തന്നെ വോട്ടെടുപ്പ് ആരംഭിച്ചു. വൈകിട്ട് 6 വരെയാണ് വോട്ടെടുപ്പ്. 2500 പ്രശ്ന ബാധിത ബൂത്തുകളിൽ പ്രത്യേക ജാഗ്രത നിർദേശം ഉണ്ട്. മൂന്ന് മുന്നണികൾക്കും അതി നിര്‍ണായകമാണ് മത്സരം. ഇടതുപക്ഷം ഭരിക്കുന്ന രാജ്യത്തെ ഏക സംസ്ഥാനത്ത് ഭരണ തുടർച്ച തന്നെയാണ് എല്‍ഡിഎഫ് ലക്ഷ്യം. പത്ത് വര്‍ഷം പ്രതിപക്ഷത്തിരുന്ന ശേഷം ഭരണത്തിലേക്ക് തിരികെ എത്താമെന്ന് യുഡിഎഫ് കണക്കുകൂട്ടുന്നുണ്ട്.

'മില്ലറുടെ ആ തീരുമാനം ഞങ്ങൾക്ക് ജയത്തിലേക്കുള്ള വഴി തുറന്നു'; അവസാന പന്തിലെ തന്ത്രത്തെക്കുറിച്ച് ശുഭ്മാൻ ഗിൽ

Gopalakrishnan C — Thu, 09 Apr 2026 08:26:33 +0530

ദില്ലി: ഐപിഎല്ലിൽ ഡൽഹി ക്യാപിറ്റൽസിനെതിരായ ആവേശജയത്തിന് പിന്നാലെ പ്രതികരണവുമായി ഗുജറാത്ത് ടൈറ്റൻസ് നായകൻ ശുഭ്മൻ ഗിൽ. അവസാന പന്തിൽ ഒരു റണ്ണിന് ജയിച്ച മത്സരത്തിൽ, അഞ്ചാം പന്തില്‍ ഡേവിഡ് മില്ലർ സിംഗിൾ എടുക്കാൻ വിസമ്മതിച്ചതാണ് ഗുജറാത്തിന് വിജയപ്രതീക്ഷ നൽകിയതെന്ന് ഗിൽ തുറന്നുപറഞ്ഞു.

അവസാന ഓവറിലെ അഞ്ചാം പന്തിൽ ഡൽഹിക്ക് ജയിക്കാൻ രണ്ട് പന്തിൽ രണ്ട് റൺസായിരുന്നു വേണ്ടിയിരുന്നത്. സ്ട്രൈക്കിലുണ്ടായിരുന്ന ഡേവിഡ് മില്ലർക്ക് ഒരു റൺ എടുത്ത് സ്കോർ തുല്യമാക്കാൻ അവസരമുണ്ടായിരുന്നു. എന്നാൽ കൂടെയുള്ള കുൽദീപ് യാദവിനെ വിശ്വസിക്കാതെ, അവസാന പന്തിൽ സിക്സറിലൂടെയോ ഫോറിലൂടെയോ ഫിനിഷ് ചെയ്യാമെന്ന കണക്കുകൂട്ടലിൽ മില്ലർ സിംഗിൾ വേണ്ടെന്ന് വെച്ചു.

മില്ലർ ആ സിംഗിൾ എടുക്കാതിരുന്നപ്പോൾ, ഞങ്ങൾക്ക് ജയിക്കാൻ കഴിയുമെന്ന് എനിക്ക് തോന്നി, മത്സരശേഷം നടന്ന സമ്മാനദാനച്ചടങ്ങിൽ ഗിൽ പറഞ്ഞു. അവസാന പന്തിൽ എന്ത് പന്തെറിയണം എന്നതിനെക്കുറിച്ച് ടീമിന് വ്യക്തമായ ധാരണയുണ്ടായിരുന്നുവെന്ന് ഗിൽ വെളിപ്പെടുത്തി. യോർക്കർ വേണോ അതോ സ്ലോവർ ബോൾ വേണോ എന്ന ആശയക്കുഴപ്പമുണ്ടായിരുന്നെങ്കിലും പിച്ച് കണക്കിലെടുത്ത് സ്ലോവർ ബോൾ മതിയെന്ന് തീരുമാനിക്കുകയായിരുന്നു. അവിടുത്തെ വിക്കറ്റ് പരിഗണിക്കുമ്പോൾ സ്ലോവർ ബോളുകൾ അടിച്ചുയർത്തുക പ്രയാസകരമായിരുന്നു. പ്രസിദ്ധ് കൃഷ്ണ ആ പന്ത് മനോഹരമായി എറിഞ്ഞു-ഗില്‍ പറഞ്ഞു.

ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിലെ പിച്ചിൽ 210 റൺസ് എന്നത് മികച്ച സ്കോറായിരുന്നുവെന്ന് ഗിൽ പറഞ്ഞു. ഈ വിക്കറ്റിൽ 210 റൺസ് എന്നത് ശരാശരിയേക്കാൾ 10-15 റൺസ് കൂടുതലായിരുന്നു. കൃത്യമായി പന്തെറിഞ്ഞാൽ വിജയിക്കാമെന്ന് ഉറപ്പുണ്ടായിരുന്നുവെന്നും ഗില്‍ കൂട്ടിച്ചേർത്തു.

211 റൺസ് ലക്ഷ്യവുമായിറങ്ങിയ ഡൽഹിക്കായി കെ.എൽ രാഹുലിന്‍റെ (92) തകർപ്പൻ പ്രകടനത്തിന്‍റെ കരുത്തിലാണ് വിജയത്തിന് അടുത്തെത്തിയത്. മില്ലർ 20 പന്തിൽ 41 റൺസുമായി പുറത്താകാതെ നിന്നെങ്കിലും ടീമിനെ വിജയത്തിലെത്തിക്കാനായില്ല. അവസാന പന്തിൽ റണ്ണിനായി ഓടിയ കുൽദീപ് യാദവ് റണ്ണൗട്ടായതോടെ ഡൽഹി 209 റൺസിൽ പോരാട്ടം അവസാനിപ്പിച്ചു. തുടർച്ചയായ രണ്ട് പരാജയങ്ങൾക്ക് ശേഷം ഗുജറാത്ത് ടൈറ്റൻസ് നേടുന്ന ആദ്യ വിജയമാണിത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

'താരങ്ങൾക്ക് പിന്നാലെപോയി ജീവിതം നശിപ്പിക്കരുത്'; യുവാക്കൾക്ക് മുന്നറിയിപ്പുമായി രജനികാന്ത്

Web Desk — Thu, 09 Apr 2026 08:19:12 +0530

താരാരാധനയുമായി ബന്ധപ്പെട്ട് യുവാക്കൾക്ക് മുന്നറിയിപ്പ് നൽകി രജനികാന്ത്. യുവാക്കൾ ഇപ്പോഴും വിദ്യാഭ്യാസത്തെയും ഭാവിയെയും കുറിച്ച് ഗൗരവകരമായി ചിന്തിക്കണമെന്നും മയക്കുമരുന്നിനോ മദ്യത്തിനോ അടിമപ്പെടരുതെന്നും പറഞ്ഞ രജനികാന്ത് താരങ്ങൾക്ക് പിന്നാലെ പോയി എന്തെങ്കിലും പരിക്ക് സംഭവിച്ചയാൾ നഷ്ടം അവർക്ക് തന്നെയാണെന്നും കൂട്ടിച്ചേർത്തു. വിജയ്‌യുടെ കരൂർ ദുരന്തത്തെ ഓര്മിപ്പിച്ചുകൊണ്ടായിരുന്നു രജനികാന്തിന്റെ വാക്കുകൾ.

"യുവാക്കൾ അവരുടെ വിദ്യാഭ്യാസത്തെയും ഭാവിയെയും കുറിച്ച് ഗൗരവമായി ചിന്തിക്കണം. ജീവിതത്തിന്റെ ഈ ഒരു ഘട്ടത്തിൽ അവരുടെ പ്രധാന ഉത്തരവാദിത്വം എന്ന് പറയുന്നത് പഠനത്തിൽ ശ്രദ്ധ കേന്ദ്രീകരിക്കുക എന്നതാണ്. യുവാക്കൾ കുറച്ച് ജാഗ്രത പാലിക്കണം. ഇതുപോലെയുള്ള കാര്യങ്ങൾക്കൊക്കെ പോയി എന്തെങ്കിലും പരിക്ക് പറ്റിയാൽ നഷ്ടം അവരവർക്ക് തന്നെയാണ്. എപ്പോഴും സുരക്ഷയ്ക്ക് തന്നെയാണ് മുൻഗണന നൽകേണ്ടത്. നിങ്ങൾ എപ്പോഴും പഠനത്തിൽ ശ്രദ്ധ കേന്ദ്രീകരിക്കുകയും ആരോഗ്യത്തോടെയിരിക്കുകയും വേണം. ദയവായി മയക്കുമരുന്നിനോ മദ്യത്തിനോ അടിമപ്പെടരുത്. ജീവിതം നിങ്ങളുടെ മാത്രമല്ല, നിങ്ങളുടെ മാതാപിതാക്കളുടെയും പ്രിയപ്പെട്ടവരുടെയുമൊക്കെ നരകമായി മാറിയേക്കാം." രജനികാന്ത് പറയുന്നു.

അതേസമയം നെൽസൺ ദിലീപ് കുമാർ സംവിധാനം ചെയ്യുന്ന ജയിലർ 2 ആണ് രജനികാന്തിന്റേതായി ഇനി പുറത്തിറങ്ങാനിരിക്കുന്ന ചിത്രം. മോഹൻലാൽ, ഷാരൂഖ് ഖാൻ, ശിവരാജ് കുമാർ, വിജയ് സേതുപതി, വിനായകൻ, സുരാജ് വെഞ്ഞാറമൂട് തുടങ്ങീ വലിയ താരനിര അണിനിരക്കുന്ന ചിത്രം കൂടിയാണിത്.

`ദിസ് ഈസ് മൈ മെസേജ്'; മഷി പുരട്ടിയ ചൂണ്ട് വിരൽ ഉയർത്തി കാട്ടി നടൻ മോഹൻലാൽ

Aishwarya S Babu — Thu, 09 Apr 2026 08:15:39 +0530

തിരുവനന്തപുരം: വോട്ട് രേഖപ്പെടുത്തി നടൻ മോഹൻലാലും. നേമം മണ്ഡലത്തിലെ മുടവൻമുകൾ സ്കൂൾ ബൂത്ത് 36ൽ എത്തിയാണ് മോഹൻലാൽ വോട്ട് രേഖപ്പെടുത്തിയത്. `ദിസ് ഈസ് മൈ മെസേജ്' എന്നായിരുന്നു മഷി പുരട്ടിയ ചൂണ്ട് വിരൽ ഉയർത്തി കാട്ടിയുള്ള നടൻ്റെ പ്രതികരണം. വോട്ട് ചെയ്തതിൻ്റെ ചിത്രം മോഹൻലാൽ തന്റെ സാമൂഹിക മാധ്യമ അക്കൗണ്ടുകളിലൂടെ പങ്കുവെച്ചിട്ടുണ്ട്. വോട്ടെടുപ്പ് ആരംഭിക്കുന്നതിന് മുൻപ് തന്നെ മോഹൻലാൽ പോളിങ് ബൂത്തിൽ എത്തിയിരുന്നു. ക്യൂ നിന്ന് തന്നെയാണ് നടൻ വോട്ട് രേഖപ്പെടുത്തിയത്.

മോഹൻലാലിനെ കൂടാതെ മറ്റ് പല സെലിബ്രിറ്റികളും പ്രമുഖരും വോട്ട് ചെയ്യാനെത്തിയിട്ടുണ്ട്. ഗുരുവായൂരിർ ദേവസ്വം ഇംഗ്ലീഷ് മീഡിയം സ്കൂളിലെ 137 നമ്പർ ബൂത്തിലെത്തി സുരേഷ്ഗോപി വോട്ട് ചെയ്തു. കളമശ്ശേരി അംബേദ്കർ തൊഴിൽ പരിശീലന കേന്ദ്രം ബൂത്ത് നമ്പർ 190ൽ സിനിമ താരം അജു വർഗീസ് വോട്ട് ചെയ്യാനെത്തിയിട്ടുണ്ട്. തേവര സർക്കാർ ഫിഷറീസ് സ്കൂളിൽ നടൻ പ്രിഥ്വിരാജും ഭാര്യ സുപ്രിയയും വോട്ട് ചെയ്യാനെത്തിയിട്ടുണ്ട്.

അഞ്ച് വർഷം ആരെന്ന് തീരുമാനിക്കുന്ന 7 സെക്കന്റ്; കേരളം വിധിയെഴുതുമ്പോൾ പോളിംഗ് ബൂത്തുകളിൽ നീണ്ട നിര

Web Desk — Thu, 09 Apr 2026 08:12:48 +0530

കേരളം വിധിയെഴുതുമ്പോൾ പോളിംഗ് ബൂത്തുകളിൽ നീണ്ട നിര; മുൻകാലങ്ങളെ അപേക്ഷിച്ച് ഇത്തവണ യുവാക്കളുടെ എണ്ണം കുറവ്, പ്രമുഖരെല്ലാം ക്യൂവിൽ

നല്ല പ്രതീക്ഷയാണ്, ഇവിടെ ജനകീയ സ്വതന്ത്രൻ ജയിക്കും UDFന്റെ പിന്തുണയോടെ; ജി സുധാകരൻ

Web Desk — Thu, 09 Apr 2026 08:12:34 +0530

നല്ല പ്രതീക്ഷയാണ്, ഒരു മാറ്റവും ഇല്ല, ഇവിടെ UDFന്റെ പിന്തുണയോടെ ജനകീയ സ്വതന്ത്രൻ ജയിക്കും; വോട്ട് ചെയ്തിറങ്ങി ജി സുധാകരൻ

വോട്ടുചെയ്യാതെ ആരും മാറിനിൽക്കരുത്, എല്ലാവരും ജനാധിപത്യ പ്രക്രിയയിൽ പങ്കാളികളാകണം: വി ഡി സതീശൻ

Web Desk — Thu, 09 Apr 2026 08:11:54 +0530

നൂറിൽ അധികം സീറ്റുകൾ നേടി യുഡിഎഫ് അധികാരം പിടിച്ചെടുക്കും, നല്ല രാഷ്ട്രീയ ബോധ്യത്തിന്റെ അടിസ്ഥാനത്തിൽ വോട്ട് ചെയ്യുന്നവരാണ് കേരളത്തിലെ ജനങ്ങൾ, അതാണ് ഞങ്ങളുടെ പ്രതീക്ഷ: : വി ഡി സതീശൻ

'ജനാധിപത്യം വിജയിക്കണം'; വോട്ട് രേഖപ്പെടുത്തിയ ശേഷം ജി സുകുമാരന്‍ നായര്‍

Web Desk — Thu, 09 Apr 2026 08:10:11 +0530

'ജനാധിപത്യം വിജയിക്കണം, മാറ്റം ഉണ്ടാകുമെന്നോ ഇല്ലെന്നോ പറയുന്നില്ല'; വോട്ട് രേഖപ്പെടുത്തിയ ശേഷം ജി സുകുമാരന്‍ നായര്‍

പ്രതീക്ഷയോടെ പ്രതിപക്ഷ നേതാവ്; വി ഡി സതീശൻ വോട്ട് രേഖപ്പെടുത്തി

Web Desk — Thu, 09 Apr 2026 08:09:42 +0530

പ്രതീക്ഷയോടെ പ്രതിപക്ഷ നേതാവ്; വി ഡി സതീശൻ വോട്ട് രേഖപ്പെടുത്തി, അതേസമയം അമ്പലപ്പുഴയിൽ ജി സുധാകരനും പേരാവൂരിൽ KPCC അധ്യക്ഷൻ സണ്ണി ജോസഫും വോട്ട് രേഖപ്പെടുത്താനെത്തി

'വിവാദങ്ങളെ അടിസ്ഥാനമാക്കിയല്ല ജനം വോട്ട് ചെയ്യുന്നത്, അവരുടെ ചിന്താഗതി ഓരോ കാലഘട്ടത്തിലും മാറും'

Web Desk — Thu, 09 Apr 2026 08:08:49 +0530

വിവാദങ്ങളെ അടിസ്ഥാനമാക്കിയല്ല ജനങ്ങള്‍ വോട്ട് ചെയ്യുന്നത്,അവരുടെ ചിന്താഗതി ഓരോ കാലഘട്ടത്തിലും മാറും; ഗുരുവായൂരില്‍ വോട്ട് ചെയ്യാന്‍ കഴിഞ്ഞതിന് ഗുരുവായൂരപ്പന് നന്ദി പറഞ്ഞ് സുരേഷ്ഗോപി

ശബരിയുടെ തോളിൽ കയ്യിട്ട് മോഹൻലാലിനടുത്ത് ശിവൻകുട്ടി; മുടവൻമുകൾ സ്കൂളിൽ നീണ്ട നിര

Web Desk — Thu, 09 Apr 2026 08:08:45 +0530

പോളിംഗ് തുടങ്ങി; മുടവൻമുകൾ സ്കൂളിൽ നീണ്ട നിരയിൽ മോഹൻലാലും, ശബരിയുടെ തോളിൽ കയ്യിട്ട് ശിവൻകുട്ടി

ക്യൂവിൽ ഇടം പിടിച്ച് മോഹൻലാൽ; വോട്ട് ചെയ്യുന്നത് കടുത്ത പോരാട്ടം നടക്കുന്ന നേമം മണ്ഡലത്തിൽ

Web Desk — Thu, 09 Apr 2026 08:06:54 +0530

ക്യൂവിൽ ഇടം പിടിച്ച് മോഹൻലാൽ; വോട്ട് ചെയ്യുന്നത് കടുത്ത പോരാട്ടം നടക്കുന്ന നേമം മണ്ഡലത്തിൽ, കെ എസ് ശബരീനാഥനും വി ശിവൻകുട്ടിയും മോഹൻലാലിനൊപ്പം

'കേരളത്തെ മനസിലാക്കാന്‍ BJPക്ക് കഴിഞ്ഞിട്ടില്ല, ഇവിടെ അക്കൗണ്ട് തുറക്കാനുള്ള സാധ്യത വീണ്ടും കുറഞ്ഞു'

Web Desk — Thu, 09 Apr 2026 08:06:21 +0530

കേരളത്തെ മനസിലാക്കാന്‍ ബിജെപിക്ക് കഴിഞ്ഞിട്ടില്ല, ഇവിടെ അക്കൗണ്ട് തുറക്കാനുള്ള സാധ്യത വീണ്ടും കുറഞ്ഞു; ലീഗിന്‍റെ പല റെക്കോര്‍ഡുകളും ഈ തെരഞ്ഞെടുപ്പില്‍ തിരുത്താന്‍ സാധ്യതയുണ്ടെന്നും പികെ കുഞ്ഞാലിക്കുട്ടി

വോട്ടിങ് ആരംഭിക്കുന്നതിന് മുൻപേ പോളിങ് ബൂത്തുകളിലെത്തി പ്രമുഖർ; പലയിടത്തും വോട്ടർമാരുടെ നീണ്ടനിര

Aishwarya S Babu — Thu, 09 Apr 2026 07:25:19 +0530

തിരുവനന്തപുരം: കേരളത്തിൽ വോട്ടെടുപ്പ് ആരംഭിച്ചു. വോട്ടിങ് ആരംഭിക്കുന്നതിന് മുന്‍പ് തന്നെ പ്രമുഖര്‍ പോളിങ് ബൂത്തുകളിലെത്തി. നേമം മണ്ഡലത്തിലെ മുടവൻമുകൾ സ്കൂൾ ബൂത്ത് 36ൽ മോഹൻലാൽ വോട്ട് ചെയ്യാനെത്തി. കേന്ദ്രമന്ത്രി സുരേഷ് ഗോപി ഗുരുവായൂർ ദേവസ്വം ഇംഗ്ലീഷ് മീഡിയം സ്കൂളിലെ 137 നമ്പർ ബൂത്തിലും വോട്ട് ചെയ്യാനെത്തി.

പ്രതിപക്ഷ നേതാവ് വിഡി സതീശൻ പറവൂരിലെ കേസരി മെമ്മോറിയൽ കോളേജിൽ കുടുംബത്തോടൊപ്പം എത്തി വോട്ട് രേഖപ്പെടുത്തി. ഗുരുവായൂരിലെ എൻഡിഎ സ്ഥാനാർത്ഥി ബി ഗോപാലകൃഷ്ണൻ സുരേഷ് ഗോപിയെ കാണാൻ ബൂത്തിലെത്തിയിരുന്നു. തെരഞ്ഞെടുപ്പിൽ ശുഭ പ്രതീക്ഷയെന്ന് വോട്ട് രേഖപ്പെടുത്തിയ ശേഷം സ്ഥാനാർത്ഥി ബിന്ദു കൃഷ്ണ പറഞ്ഞു. അരുവിക്കരയിൽ യുഡിഎഫ് വൻവിജയം നേടുമെന്നും പരാജയം മുന്നിൽ കണ്ടാണ് തനിക്കെതിരെ വ്യക്തിപരമായി വ്യാജപ്രചാരണം നടത്തിയതെന്നും സ്ഥാനാർത്ഥി ശിവകുമാർ പറഞ്ഞു. നാട്ടിക എൽഡിഎഫ് സ്ഥാനാർത്ഥി ഗീതാഗോപി 139 ആം നമ്പർ ബൂത്തിൽ വോട്ട് രേഖപ്പെടുത്തും. കെഎൻ ബാലഗോപാൽ കൊട്ടാരക്കര ഡയറ്റിലെ 94ാം നമ്പര്‍ ബൂത്തിൽ കുടുംബത്തോടൊപ്പം വോട്ട് ചെയ്യാനെത്തി.

അതേസമയം, യന്ത്രത്തകരാർ മൂലം പാലക്കാട് മണ്ഡലത്തിൽ വെണ്ണക്കര ബൂത്ത് 52ൽ വോട്ടെടുപ്പ് ആരംഭിക്കാനായിട്ടില്ല. വോട്ടിങ് മെഷിൻ പ്രവർത്തിക്കുന്നില്ലെന്നാണ് പരാതി.

പടിക്കല്‍ കലമുടച്ച് ഡേവിഡ് മില്ലര്‍, നിര്‍ണായ നിമിഷത്തില്‍ ഉന്നംതെറ്റാതെ ജോസേട്ടൻ, അവസാന പന്തില്‍ സംഭവിച്ചത്

Gopalakrishnan C — Thu, 09 Apr 2026 08:06:13 +0530

ദില്ലി: ഐപിഎല്ലിൽ ആരാധകരെ മുൾമുനയിൽ നിർത്തിയ പോരാട്ടത്തിൽ ഡൽഹി ക്യാപിറ്റൽസിനെതിരെ ഗുജറാത്ത് ടൈറ്റൻസ് ഒരു റണ്ണിന്‍റെ ആവേശജയം സ്വന്തമാക്കിയപ്പോള്‍ വിനയായത് ഡേവിഡ് മില്ലറുടെ അമിത ആത്മവിശ്വാസം. അവസാന രണ്ടോവറില്‍ 36 റണ്‍സായിരുന്നു ഡല്‍ഹിക്ക് ജയിക്കാന്‍ വേണ്ടിയിരുന്നത്. മുഹമ്മദ് സിറാജ് എറിഞ്ഞ പത്തൊമ്പതാം ഓവറില്‍ 23 റണ്‍സടിച്ച മില്ലറും വിപ്രജ് നിഗമും ചേര്‍ന്നാണ് ഡല്‍ഹിയെ അവിശ്വസനീയ വിജയത്തിന് അടുത്തെത്തിച്ചത്.

പ്രസിദ്ധ് കൃഷ്ണ എറിഞ്ഞ അവസാന ഓവറിൽ ഡൽഹിക്ക് ജയിക്കാൻ 13 റൺസായിരുന്നു വേണ്ടിയിരുന്നത്. ആദ്യ പന്തില്‍ വിപ്രജ് നിഗം ബൗണ്ടറി നേടി. രണ്ടാം പന്തില്‍ നിഗം പുറത്തായി. മൂന്നാം പന്തില്‍ കുല്‍ദീപ് സിംഗിളെടുത്ത് സ്ട്രൈക്ക് മില്ലര്‍ക്ക് കൈമാറി. നാലാം പന്തില്‍ നോ ലുക്ക് സിക്സറിലൂടെ മില്ലര്‍ ലക്ഷ്യം രണ്ട് പന്തില്‍ രണ്ടാക്കി. പിന്നീടായിരുന്നു ആന്‍റി ക്ലൈമാക്സ്. അനായാസം ജയിക്കാമായിരുന്ന അവസരത്തില്‍ അഞ്ചാം പന്തില്‍ അനായസ സിംഗിളെടുത്ത് സ്കോര്‍ തുല്യമാക്കാന്‍ അവസരം ലഭിച്ചിട്ടും മില്ലര്‍ അത് വേണ്ടെന്ന് വെച്ചു. ഇതോടെ ലക്ഷ്യം ഒരു പന്തില്‍ 2 റണ്ണായി. തകര്‍ത്തടിച്ച മില്ലര്‍ക്ക് അനായാസം നേടാവുന്ന കാര്യമെന്ന് ഗുജറാത്ത് താരങ്ങള്‍ പോലും കരുതിയിരിക്കെയാണ് പ്രസിദ്ധ് കൃഷ്ണ മനോഹരമായൊരു സ്ലോ ബൗൺസറിലൂടെ മില്ലറെ ബീറ്റണാക്കിയത്.

Watch it yourself to believe it A nerve-wrecking finish to a #TATAIPL classic @gujarat_titans fans, you can breathe now Updates ▶️ https://t.co/oOdPR1oSeP#TATAIPL | #KhelBindaas | #DCvGT pic.twitter.com/Wh5EQvshqd

— IndianPremierLeague (@IPL) April 8, 2026

ബോൾ മിസ്സായെങ്കിലും കുൽദീപ് യാദവ് സിംഗിളിനായി ഓടി. എന്നാൽ പന്ത് കൈക്കലാക്കിയ വിക്കറ്റ് കീപ്പർ ജോസ് ബട്‌ലർ ഉന്നം തെറ്റാതെ നേരിട്ടുള്ള ത്രോയിലൂടെ കുൽദീപിനെ റണ്ണൗട്ടാക്കിയതോടെ ഗുജറാത്ത് ഒരു റണ്ണിന് വിജയം ഉറപ്പിച്ചു. സ്ലോ ബൗണ്‍സര്‍ വൈഡിനായി മില്ലര്‍ റിവ്യൂ എടുത്തത് ഗുജറാത്തിന്‍റെ വിജയാഘോഷം ഒന്ന് വൈകിപ്പിച്ചെങ്കിലും റിവ്യൂവില്‍ അത് വൈഡല്ലെന്ന് വ്യക്തമായതോടെ ഗുജറാത്ത് താരങ്ങള്‍ അവിശ്വസനീയ ജയത്തിന്‍റെ ആഘോഷത്തിലായി. 2024ലെ ടി20 ലോകകപ്പ് ഫൈനലില്‍ ഇന്ത്യക്കെതിരെ വിജയത്തിനരികെ ഡേവിഡ് മില്ലര്‍ പറത്തിയ സിക്സ് ബൗണ്ടറിയില്‍ സൂര്യകുമാര്‍ യാദവ് ഓടി പിടിച്ചതായിരുന്നു ഇന്ത്യക്ക് കിരീടം സമ്മാനിച്ചത്. എന്നാലിവിടെ വിജയം ഉറപ്പിച്ചിടത്തുനിന്നാണ് മില്ലറുടെ അമിത ആത്മവിശ്വാസം കാരണം ഡല്‍ഹി പടിക്കല്‍ കലമുടച്ചത്. ഈ വിജയത്തോടെ ഗുജറാത്ത് ടൈറ്റൻസ് പോയിന്‍റ് ടേബിളിൽ അക്കൗണ്ട് തുറന്നു. ഇതോടെ ഒരു പോയിന്‍റും നേടാത്ത ഒരേയൊരു ടീമായി സഞ്ജു സാംസണിന്‍റെ ചെന്നൈ സൂപ്പര്‍ കിംഗ്സ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

നല്ല പ്രതീക്ഷയുണ്ട്, എല്ലാ സന്ദേശവും പോസിറ്റീവ്, ജനം മാറ്റം ആഗ്രഹിക്കുന്നു: ആർ ശ്രീലേഖ | R Sreelekha

Web Desk — Thu, 09 Apr 2026 08:06:08 +0530

തിരുവല്ലയിൽ 239 ാം ബൂത്തിൽ വോട്ടിംഗ് മെഷീനിൽ തകരാർ, പോളിങ് തുടങ്ങാൻ വൈകും| Kerala Election 2026

Web Desk — Thu, 09 Apr 2026 08:05:08 +0530

കേരളം പോളിങ് ബൂത്തിലേക്ക് ; തിരുവല്ലയിൽ 239 ാം ബൂത്തിൽ വോട്ടിംഗ് മെഷീനിൽ തകരാർ, പോളിങ് തുടങ്ങാൻ വൈകും, പ്രശ്നം പരിഹരിക്കാൻ ശ്രമം തുടരുന്നു

എസ്ഐആറിന് ശേഷം നടക്കുന്ന ആദ്യ തെരഞ്ഞെടുപ്പ്; കേരളത്തില്‍ പോളിംഗ് ആരംഭിച്ചു| Kerala Election 2026

Web Desk — Thu, 09 Apr 2026 08:03:40 +0530

എസ്ഐആറിന് ശേഷം നടക്കുന്ന ആദ്യ തെരഞ്ഞെടുപ്പ്; കേരളത്തില്‍ പോളിംഗ് ആരംഭിച്ചു, വോട്ടര്‍മാരെ ബൂത്തുകളിലേക്ക് കടത്തിവിട്ട് തുടങ്ങി

പറവൂരിൽ വി ഡി സതീശൻ കുടുംബസമേതം വോട്ട് ചെയ്യാനെത്തി | V. D Satheesan

Web Desk — Thu, 09 Apr 2026 08:03:38 +0530

പറവൂരിൽ പ്രതിപക്ഷ നേതാവ് വി ഡി സതീശൻ കുടുംബത്തോടൊപ്പം വോട്ട് ചെയ്യാനെത്തി; പറവൂര്‍ കേസരി മെമ്മോറിയൽ കോളേജിലെ 135-ാം നമ്പര്‍ ബൂത്തിലാണ് എത്തിയത്

ഇടുക്കി തൊടുപുഴ മണ്ഡലത്തിലെ 229 ബൂത്തിലും മുതിർന്ന പൗരന്മാർക്ക് ആദ്യം മുൻഗണന | Kerala Election 2026

Web Desk — Thu, 09 Apr 2026 08:03:33 +0530

പോളിംഗ് ബൂത്ത് സജീവമായി; വോട്ടർമാരുടെ നീണ്ട നിര, തൊടുപുഴ മണ്ഡലത്തിലെ 229 ബൂത്തിലും മുതിർന്ന പൗരന്മാർക്ക് ആദ്യം മുൻഗണന

പറവൂരില്‍ സകുടുംബം വോട്ട് ചെയ്യാനെത്തി പ്രതിപക്ഷ നേതാവ് വി.ഡി സതീശന്‍

Web Desk — Thu, 09 Apr 2026 08:03:25 +0530

'ക്രമ നമ്പര്‍ 181 ദേവരാഗം വീട്ടില്‍ വി.ഡി സതീശന്‍'; പറവൂരില്‍ സകുടുംബം വോട്ട് ചെയ്യാനെത്തി പ്രതിപക്ഷ നേതാവ് വി.ഡി സതീശന്‍

പോളിംഗ് ദിനത്തില്‍ പഴവങ്ങാടി ഗണപതിയെ തൊഴുതിറങ്ങി നേമത്തെ യുഡിഎഫ് സ്ഥാനാര്‍ത്ഥി കെ.എസ് ശബരിനാഥന്‍

Web Desk — Thu, 09 Apr 2026 08:03:18 +0530

പോളിംഗ് ദിനത്തില്‍ പഴവങ്ങാടി ഗണപതിയെ തൊഴുതിറങ്ങി നേമത്തെ യുഡിഎഫ് സ്ഥാനാര്‍ത്ഥി കെ.എസ് ശബരിനാഥന്‍, ത്രികോണപ്പോരില്‍ അന്തിമ വിജയം യുഡിഎഫിനൊപ്പമെന്ന് ശബരി

'നല്ല ഭരണവും നല്ല നേതാക്കളും വരാൻ പ്രാർത്ഥിക്കുന്നു'; ദുരന്തഭൂമിയിൽ നിന്നും പോളിംഗ് ബൂത്തിലേക്ക്

Web Desk — Thu, 09 Apr 2026 08:03:16 +0530

ദുരന്തഭൂമിയിൽ നിന്നും ആവേശത്തോടെ പോളിംഗ് ബൂത്തിലേക്ക്; ചൂരല്‍മല സെന്‍റ്.സെബാസ്റ്റ്യന്‍സ് പാരീഷ് ഹാളിൽ ക്യൂ തുടങ്ങി,നല്ല ഭരണവും നല്ല നേതാക്കളും വരാൻ പ്രാർത്ഥിക്കുന്നുവെന്ന് വോട്ടർമാർ

രാഷ്ട്രീയ വനവാസത്തിലേക്കോ? രാഷ്ട്രീയ കേരളത്തിന്‍റെ അമരത്തേക്കോ?

Web Desk — Thu, 09 Apr 2026 08:03:13 +0530

രാഷ്ട്രീയ വനവാസത്തിലേക്കോ? രാഷ്ട്രീയ കേരളത്തിന്‍റെ അമരത്തേക്കോ? പ്രതിപക്ഷ നേതാവ് വോട്ട് ചെയ്യാനെത്തുന്ന പറവൂരിലെ പോളിംഗ് ബൂത്തില്‍ നിന്ന് ഏഷ്യാനെറ്റ് ന്യൂസ് സംഘം

കേന്ദ്ര മന്ത്രി ക്യൂവിലാണ്; സുരേഷ് ഗോപി തൃശ്ശൂരിൽ വോട്ട് ചെയ്യാനെത്തി | Suresh Gopi

Web Desk — Thu, 09 Apr 2026 08:03:08 +0530

ഗുരുവായൂര്‍ ദേവസ്വം ഇംഗ്ലീഷ് മീഡിയം സ്കൂളിൽ വോട്ട് ചെയ്യാനെത്തി കേന്ദ്ര സഹമന്ത്രി സുരേഷ് ഗോപി, തദ്ദേശ തെരഞ്ഞെടുപ്പിൽ തിരുവനന്തപുരത്തായിരുന്നു സരേഷ് ഗോപിക്ക് വോട്ട്

വോട്ടെടുപ്പിന് ഒരുങ്ങി ഹൈറേഞ്ച്; കട്ടപ്പനയില്‍ മോക് പോളിംഗ് പുരോഗമിക്കുന്നു

Web Desk — Thu, 09 Apr 2026 08:02:45 +0530

വോട്ടെടുപ്പിന് ഒരുങ്ങി ഹൈറേഞ്ച്; കട്ടപ്പനയില്‍ മോക് പോളിംഗ് പുരോഗമിക്കുന്നു

ഇടടാ താഴെ, ദാ ഇത് കഴിക്ക്; സോപ്പ് കഴിക്കാൻ ശ്രമിച്ച കുരങ്ങന് ഒരമ്മയുടെ സ്നേഹശകാരം, ഉരുളക്കിഴങ്ങ് നൽകി, വീഡിയോ

Web Desk — Thu, 09 Apr 2026 08:01:39 +0530

മനുഷ്യരും മൃഗങ്ങളും തമ്മിലുള്ള സൗഹൃദത്തിന്റെ പല കാഴ്ചകളും സോഷ്യൽ മീഡിയയിൽ വൈറലായി മാറാറുണ്ട്. കൗതുകമുണർത്തുന്ന അത്തരം കാഴ്ചകൾ പലപ്പോഴും ആളുകൾക്ക് വലിയ ഇഷ്ടവുമാണ്. അങ്ങനെയുള്ള ഒരു വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധിക്കപ്പെടുന്നത്. ഒരു കുരങ്ങനോടുള്ള ഒരു അമ്മയുടെ സ്നേഹവും കരുതലുമാണ് വീഡിയോയിൽ കാണുന്നത്.

ഭക്ഷണമാണെന്നു കരുതി സോപ്പ് കടിച്ചു തിന്നാൻ ശ്രമിക്കുന്ന ഒരു കുരങ്ങനെയാണ് വീഡിയോയിൽ കാണുന്നത്. കുരങ്ങൻ സോപ്പ് തിന്നാൻ ശ്രമിക്കുന്നത് കണ്ട സ്ത്രീ ഉടൻ തന്നെ കുരങ്ങനെ വഴക്കുപറഞ്ഞുകൊണ്ട് അവിടേക്ക് എത്തുകയായിരുന്നു. സ്വന്തം കുട്ടികളോടെന്നപോലെ സ്നേഹത്തോടെയും എന്നാൽ ഗൗരവത്തിലും കുരങ്ങനെ അവർ സോപ്പ് തിന്നുന്നതിന് വഴക്ക് പറയുന്നതും കേൾക്കാം. പിന്നാലെ അവർ അതിന് കഴിക്കാനായി ഒരു ഉരുളക്കിഴങ്ങും നൽകുന്നു.

സോപ്പ് കളഞ്ഞ് ഉരുളക്കിഴങ്ങ് വാങ്ങാൻ അവർ കുരങ്ങനോട് ആവശ്യപ്പെടുന്നതും വീഡിയോയിൽ കേൾക്കാം. ഒടുവിൽ കുരങ്ങൻ സോപ്പ് ഉപേക്ഷിച്ച് ഉരുളക്കിഴങ്ങുമായി മടങ്ങുകയും ചെയ്തു. 'അമ്മ എപ്പോഴും അമ്മ തന്നെ' എന്ന കുറിപ്പോടെയാണ് വീഡിയോ പങ്കുവെച്ചിരിക്കുന്നത്. വളരെ പെട്ടെന്നാണ് വീഡിയോ സോഷ്യൽ മീഡിയയിൽ വൈറലായി മാറിയത്. നിരവധിപ്പേരാണ് ഈ മനോഹരമായ വീഡിയോയ്ക്ക് കമന്റുകളുമായി എത്തിയത്. അമ്മ എപ്പോഴും അമ്മ തന്നെ, അമ്മയുടെ ശകാരത്തിൽ നിന്നും കുരങ്ങന് പോലും രക്ഷയില്ല എന്ന കാര്യം പലരും അംഗീകരിച്ചു.

View this post on Instagram

A post shared by P Pritam (CHOPSI) (@the_ultimateboss_pritam119)

'അമ്മമാർക്ക് കുരങ്ങന്മാരെ കൈകാര്യം ചെയ്ത് നല്ല ശീലമുണ്ട്' എന്നായിരുന്നു ഒരാളുടെ രസകരമായ കമന്റ്. 'എന്റെ വീട്ടിലെ അവസ്ഥയും ഇതുതന്നെയാണ്' എന്നായിരുന്നു മറ്റൊരാൾ കുറിച്ചത്. വളരെ വൈകാരികവും മനോഹരവുമാണ് ഈ ദൃശ്യം എന്നാണ് മറ്റ് പലരും ഇതിനെ വിശേഷിപ്പിച്ചത്.

ഗുരുവായൂരിൽ വോട്ട് ചെയ്യാൻ സാധിച്ചു, ഗുരുവായൂരപ്പന് നന്ദി; വോട്ട് രേഖപ്പെടുത്തി സുരേഷ്ഗോപി

Aishwarya S Babu — Thu, 09 Apr 2026 07:55:18 +0530

തൃശ്ശൂർ: ഗുരുവായൂരിൽ വോട്ട് ചെയ്യാൻ സാധിച്ചുവെന്നും ഗുരുവായൂരപ്പന് നന്ദിയുണ്ടെന്നും കേന്ദ്ര സഹമന്ത്രി സുരേഷ്ഗോപി. കേരളത്തിൽ സർപ്രൈസ് ഉണ്ടാകുമെന്നും ബിജെപി നിർണായക ഘടകമാകുമെന്നും അദ്ദേഹം വോട്ട് ചെയ്യാനെത്തിയപ്പോൾ മാധ്യമങ്ങളോട് പറഞ്ഞു. ഗുരുവായൂർ ദേവസ്വം ഇംഗ്ലീഷ് മീഡിയം സ്കൂളിലെ 137ാം നമ്പർ ബൂത്തിലാണ് സുരേഷ് ഗോപി വോട്ട് ചെയ്യാനെത്തിയത്.

പാലക്കാട്ടെ വോട്ടിന് നോട്ട് വിവാദത്തിലും അദ്ദേഹം പ്രതികരിച്ചു. ചില ആൾക്കാരെ ലിസ്റ്റ് ഇട്ട് വെച്ചിട്ടുണ്ട്. അവരെ ഹത്യ ചെയ്തില്ലാതാക്കാൻ ശ്രമിക്കും. അവരെ മുന്നോട്ടു വിട്ടാൽ ആ പാർട്ടിക്ക് ഗുണം ഉണ്ടാകുമെന്ന് എതിരാളികൾക്ക് അറിയാം. എന്നെ എന്തെല്ലാം പറയുകയും ചെയ്യുകയും ചെയ്തു. ജയിച്ചു കയറിപ്പോയാൽ എങ്ങനെയെങ്കിലും ഒഴിവാക്കി എടുക്കാനും നോക്കും. ജയിച്ചിട്ടും എനിക്കെതിരെ ഇപ്പോഴും കോടതിയിൽ പോകുന്നു. ശോഭ ജയിച്ചു വന്നാൽ എംഎൽഎയായി ഇരിക്കാൻ സമ്മതിക്കരുത്. ശോഭ ജയിച്ചു വന്നാൽ കോടതിയിൽ പോകാനുള്ള ഒരു തുണ്ട് ആണ് ഇപ്പോൾ അരങ്ങേറിയത്. ഈ വിവാദങ്ങളൊന്നും ഏൽക്കില്ലെന്നും സുരേഷ്ഗോപി പറഞ്ഞു.

'ക്വാർട്ടറിലും സെമി ഫൈനലിലും മികച്ച വിജയം നേടി ഫൈനലിൽ', തരംഗം യുഡിഎഫിന് ഒപ്പം, മുസ്ലിം ലീഗ് മികച്ച വിജയമുണ്ടാക്കുമെന്നും പാണക്കാട് സാദിഖലി തങ്ങൾ

Web Desk — Thu, 09 Apr 2026 07:54:25 +0530

മലപ്പുറം : നിയമസഭാ തെരഞ്ഞെടുപ്പിൽ വലിയ വിജയ പ്രതീക്ഷ പങ്കുവെച്ച് മുസ്ലിം ലീഗ്. ഇത്തവണ മുസ്ലിം ലീഗിന് മികച്ച വിജയം ലഭിക്കുമെന്നും യുഡിഎഫ് അധികാരത്തിൽ വരുമെന്നും പാണക്കാട് സാദിഖലി തങ്ങൾ. കഴിഞ്ഞ ലോക്സഭ തെരഞ്ഞെടുപ്പ് മുതലുള്ള തരംഗം യുഡിഎഫിന് ഒപ്പമാണ്. ക്വാർട്ടർ ഫൈനലിലും സെമി ഫൈനലിലും മികച്ച വിജയം നേടിയാണ് ഫൈനലിലേക്ക് യുഡിഎഫ് എത്തിയിരിക്കുന്നത്. യുഡിഎഫ് റെക്കോർഡ് വിജയം ഇത്തവണ ഉണ്ടാകുമെന്ന പ്രതീക്ഷയും സാദിഖലി തങ്ങൾ പങ്കുവെച്ചു. എല്ലാ മണ്ഡലങ്ങളിലും നല്ല മത്സരം നടക്കുന്നുണ്ടെന്നും മത്സരിച്ച ഭൂരിപക്ഷം സീറ്റുകളും ലീഗ് നേടുമെന്നുമെന്ന് ദേശീയ ജനറൽ സെക്രട്ടറി പികെ കുഞ്ഞാലിക്കുട്ടിയും മാധ്യമങ്ങളോട് പ്രതികരിച്ചു. ഇത്തവണ ബിജെപി അക്കൗണ്ട് തുറക്കാൻ സാധ്യത കുറവാണെന്ന് കുഞ്ഞാലിക്കുട്ടി പറഞ്ഞു. ബിജെപി ഉത്തരേന്ത്യയിൽ ചെയ്യുന്നതാണ് ഇവിടെ ചെയ്യുന്നതെന്ന് പാലക്കാട്ടെ പണം വിതരണം ചൂണ്ടിക്കാട്ടി കുഞ്ഞാലിക്കുട്ടി പറഞ്ഞു. അത് ഇവിടെ ക്ലച്ച് പിടിക്കില്ല. അതുകൊണ്ടാണ് ഓരോ തിരഞ്ഞെടുപ്പിലും അക്കൗണ്ട് തുറക്കും പിന്നെ ക്ലോസാകുമെന്ന നില ബിജെപിക്ക് വരുന്നതെന്നും കുഞ്ഞാലിക്കുട്ടി പറഞ്ഞു.

'ഫുൾ കോണ്‍ഫിഡൻസില്‍', വോട്ട് രേഖപ്പെടുത്തി സണ്ണി ജോസഫ്, യുഡിഎഫ് തംരംഗമെന്ന് പ്രതികരണം

Web Desk — Thu, 09 Apr 2026 07:53:56 +0530

കണ്ണൂർ: വോട്ടു രേഖപ്പെടുത്തി പേരാവൂരിലെ യുഡിഎഫ് സ്ഥാനാർത്ഥിയും കെപിസിസി പ്രസിഡന്‍റുമായ സണ്ണി ജോസഫ്. പേരാവൂര്‍ നിയോജകമണ്ഡലത്തിലെ ബൂത്ത് 4 (സെന്‍റ് ജോണ്‍ ബാപ്റ്റിസ്റ്റ് ഇംഗ്ലീഷ് മീഡിയം ഹൈസ്കൂളിൽ, കടത്തുംകടവ്) ആണ് സണ്ണി ജോസഫ് കുടുംബത്തോടൊപ്പം എത്തി വോട്ട് ചെയ്തത്. ഫുൾ കോണ്‍ഫിഡൻസിലാണെന്നും കേരളത്തില്‍ യുഡിഎഫ് തംരംഗമാണ്, യുഡിഎഫ് 100 ലധികം സീറ്റുകൾ നേടും, തദ്ദേശ തെരഞ്ഞെടുപ്പിൽ ഉണ്ടായ യുഡിഎഫ് അനുകൂല തരംഗം ആവർത്തിക്കും. പേരാവൂരില്‍ ഞാൻ മൂന്ന് പ്രാവശ്യം ജയിച്ചു. നാലാമതും ജയിക്കും. സർവ്വേകളിൽ ഞാൻ തോൽക്കും എന്ന് കണ്ടു. ജനങ്ങളുടെ സർവ്വേ എനിക്കറിയാം എന്നും സണ്ണി ജോസഫ് പറഞ്ഞു.

വയനാട് ഫണ്ട്‌ വിവാദ വിഷയത്തിലും അദ്ദേഹം പ്രതികരിച്ചു. നികേഷ് കുമാറിനെതിരെ കേസ് കൊടുക്കുമെന്നും കാടടച്ചു വെടി വയ്ക്കുകയാണ്. സത്യം മാത്രം പറയുന്നത് കൊണ്ടാണ് താൻ പ്രകോപിതനാകുന്നത് എന്നും സണ്ണി ജോസഫ് മാധ്യമങ്ങളോട് പറഞ്ഞു. കടുത്ത മത്സരമാണ് പേരാവൂർ നിയോജക മണ്ഡലത്തില്‍ നടക്കുന്നത്. കെകെ ശൈലജയാണ് എല്‍ഡിഎഫിന്‍റെ സ്ഥാനാർത്ഥി. യുഡിഎഫും എല്‍ഡിഎഫും നേക്കുനേർ ഏറ്റുമുട്ടുന്ന മണ്ഡലങ്ങളില്‍ ഒന്നുകൂടിയാണ് പേരാവൂർ.

`മോദിജിയുടെ ബഹനാണ് താൻ'; വട്ടിയൂര്‍ക്കാവിൽ വിജയിക്കുമെന്ന് ആർ ശ്രീലേഖ, പാലക്കാട്ടെ വിവാദം ശോഭാ സുരേന്ദ്രന് ഹൈപ്പായി മാറിയെന്നും പ്രതികരണം

Aishwarya S Babu — Thu, 09 Apr 2026 07:37:07 +0530

തിരുവനന്തപുരം: വോട്ടിന് നോട്ട് വിവാദം പാലക്കാട്ടെ എൻഡിഎ സ്ഥാനാർത്ഥി ശോഭാ സുരേന്ദ്രന് ഹൈപ്പായി മാറിയെന്ന് ആർ ശ്രീലേഖ. വിവാദം എൻഡിഎയെ ബാധിക്കില്ലെന്നും ശോഭാ സുരേന്ദ്രൻ പണം കൊടുത്തതായി വിശ്വസിക്കുന്നില്ലെന്നും അവർ പറഞ്ഞു. വട്ടിയൂർക്കാവിൽ താൻ വിജയിക്കുമെന്നും എൻഡിഎ സ്ഥാനാർത്ഥിയായ ശ്രീലേഖ പ്രതീക്ഷ പ്രകടിപ്പിച്ചു. മോദിജിയുടെ ബഹനാണ് താൻ. വട്ടിയൂർക്കാവിൽ താൻ വിജയിക്കും. കേരളത്തിൽ ബിജെപി ഇത്തവണ അക്കൗണ്ട് തുറക്കുകയും ചെയ്യും. ബിജെപി വിജയിക്കുമെന്ന് ഭയത്താലാണ് ഇത്തരം ആരോപണങ്ങൾ ഉയർത്തുന്നതെന്നും അവർ മാധ്യമങ്ങളോട് പറഞ്ഞു.

'ഒന്നാമനായി വോട്ട്, ഒന്നാമനായി ഫിനിഷ് ചെയ്യും!' തൃത്താലയിൽ സ്വന്തം ബൂത്തിൽ ആദ്യ വോട്ട് രേഖപ്പെടുത്തി ബൽറാം

Prabeesh PP — Thu, 09 Apr 2026 07:36:49 +0530

തൃത്താല: പതിനാറാം കേരള നിയമസഭാ തിരഞ്ഞെടുപ്പിന്റെ വോട്ടെടുപ്പ് പുരോഗമിക്കവെ, തൃത്താല മണ്ഡലത്തിലെ യുഡിഎഫ് സ്ഥാനാർത്ഥി വി.ടി. ബൽറാം വോട്ട് രേഖപ്പെടുത്തി. തന്റെ വീടിനടുത്തുള്ള ബൂത്തിൽ അതിരാവിലെ തന്നെ എത്തിയ അദ്ദേഹം ബൂത്തിലെ ആദ്യ വോട്ടർമാരിൽ ഒരാളായാണ് വോട്ട് ചെയ്തത്. വോട്ടെടുപ്പിന് ശേഷം ഏഷ്യാനെറ്റ് ന്യൂസിനോട് സംസാരിക്കവെ അദ്ദേഹം തന്റെ വിജയപ്രതീക്ഷ പങ്കുവെച്ചു.

'ഒന്നാമനായി വോട്ട് രേഖപ്പെടുത്തി, ഈ പോരാട്ടത്തിൽ ഒന്നാമനായി തന്നെ ഫിനിഷ് ചെയ്യും" എന്ന് അദ്ദേഹം ആത്മവിശ്വാസം പ്രകടിപ്പിച്ചു. കഴിഞ്ഞ തവണത്തെ പരാജയത്തിന് ശേഷം ഇക്കുറി തൃത്താലയിലെ ജനങ്ങൾ തന്നെ കൈവിടില്ലെന്നും മണ്ഡലം യുഡിഎഫ് തിരിച്ചുപിടിക്കുമെന്നും അദ്ദേഹം കൂട്ടിച്ചേർത്തു. കേരളം ഉറ്റുനോക്കുന്ന ഏറ്റവും ശക്തമായ പോരാട്ടം നടക്കുന്ന മണ്ഡലങ്ങളിലൊന്നാണ് തൃത്താല.

എൽഡിഎഫിന് വേണ്ടി സിറ്റിംഗ് എംഎൽഎയും മന്ത്രിയുമായ എം.ബി. രാജേഷും യുഡിഎഫിന് വേണ്ടി വി.ടി. ബൽറാമുമാണ് നേർക്കുനേർ പോരാടുന്നത്. ബിജെപിക്ക് വേണ്ടി വി. ഉണ്ണികൃഷ്ണനും രംഗത്തുണ്ട്. കഴിഞ്ഞ തവണ 3,000-ത്തോളം വോട്ടുകൾക്കാണ് ബൽറാം പരാജയപ്പെട്ടത്. ഇക്കുറി ഭരണവിരുദ്ധ വികാരവും വ്യക്തിപരമായ ബന്ധങ്ങളും തുണയ്ക്കുമെന്നാണ് യുഡിഎഫ് കണക്കുകൂട്ടുന്നത്.

കസബയിൽ മോക്ക് പോളിംഗ് പൂര്‍ത്തിയായി; മഞ്ചേശ്വരവും തൃക്കരിപ്പൂരും കനത്ത മത്സരം

Web Desk — Thu, 09 Apr 2026 07:17:41 +0530

കസബയിൽ മോക്ക് പോളിംഗ് പൂര്‍ത്തിയായി; കാസര്‍കോട് കനത്ത മത്സരം, മഞ്ചേശ്വരവും തൃക്കരിപ്പൂരും നിര്‍ണായകം

വള്ളിക്കുന്ന് മണ്ഡലത്തിലെ തൊണ്ണൂറ്റി നാലാം ബൂത്തിൽ വോട്ടിംഗ് മെഷിന് തകരാർ

Web Desk — Thu, 09 Apr 2026 07:16:35 +0530

മോക്ക് പോളിങ്ങിനിടെ വോട്ടിംഗ് മെഷീൻ തകരാറിലായി; വള്ളിക്കുന്ന് മണ്ഡലത്തിലെ തൊണ്ണൂറ്റി നാലാം ബൂത്തിൽ മെഷിന് തകരാർ, പ്രശ്നം പരിഹരിക്കാൻ ശ്രമം

പ്രചാരണ രംഗത്ത് യുഡിഎഫിന്റെ തെരഞ്ഞെടുപ്പ് മുഖമായ വി ഡി സതീശൻ പോളിംഗ് ബൂത്തിലേക്ക്

Web Desk — Thu, 09 Apr 2026 07:15:34 +0530

ഭൂരിപക്ഷം ഓരോ വട്ടം കൂട്ടുന്ന സ്ഥാനാർത്ഥിയായി വി ഡി സതീശൻ; 7 മണിയോടെ പോളിംഗ് ബൂത്തിലേക്ക് എത്തും, നിർണായക തെരഞ്ഞെടുപ്പിന് ഒരുങ്ങി പറവൂരും

EVM തകരാര്‍; നാദാപുരത്തെ രണ്ട് ബൂത്തുകളിൽ മോക്ക് പോളിംഗ് വൈകി

Web Desk — Thu, 09 Apr 2026 07:15:08 +0530

EVM തകരാര്‍; നാദാപുരം മണ്ഡലത്തിലെ രണ്ട് ബൂത്തുകളിൽ മോക്ക് പോളിംഗ് വൈകി; വൈകിയത് ബൂത്ത് നമ്പര്‍ 51ലും 76ലും, 51ലെ മെഷീൻ മാറ്റി പ്രശ്നം പരിഹരിച്ചു

നഗര വോട്ടര്‍മാര്‍ ഇറങ്ങി തുടങ്ങി, വട്ടിയൂര്‍ക്കാവ് ജവഹര്‍ നഗര്‍ സ്‌കൂളില്‍ നിന്നുള്ള ദൃശ്യങ്ങള്‍

Web Desk — Thu, 09 Apr 2026 07:14:04 +0530

നഗര വോട്ടര്‍മാര്‍ ഇറങ്ങി തുടങ്ങി, വട്ടിയൂര്‍ക്കാവ് ജവഹര്‍ നഗര്‍ സ്‌കൂളില്‍ നിന്നുള്ള ദൃശ്യങ്ങള്‍

തലസ്ഥാനാത്ത് വോട്ടര്‍മാര്‍ എത്തി തുടങ്ങി; നഗരകേന്ദ്രമായ വട്ടിയൂര്‍കാവിൽ VVIP വോട്ടര്‍മാരുമെത്തും

Web Desk — Thu, 09 Apr 2026 07:13:11 +0530

തലസ്ഥാനാത്ത് വോട്ടര്‍മാര്‍ എത്തി തുടങ്ങി; കുടുമ്പിരികൊണ്ട് പ്രചാരണം കൊണ്ട് പരമാവധി വോട്ടര്‍മാരെ എത്തിക്കാനാകുമോ? നഗര കേന്ദ്രമായ വട്ടിയൂര്‍കാവിൽ VVIP വോട്ടര്‍മാരുമെത്തും

പ്രാർത്ഥനയോടെ...പഴവങ്ങാടി ക്ഷേത്രത്തിൽ ദർശനം നടത്തി കെ എസ് ശബരിനാഥൻ

Web Desk — Thu, 09 Apr 2026 07:12:39 +0530

പുതിയ കാലം, പുതിയ ഭാവി ആ ഭാവിയുടെ രാഷ്ട്രീയം പറയുന്നത് യുഡിഎഫ്, കേരളത്തിന്റെയും നേമത്തിന്റെയും ഭാവിക്ക് ഒരു വോട്ടെന്ന് കെ എസ് ശബരിനാഥൻ

'നേരത്തേ വോട്ട് ചെയ്തിട്ട് വേണം പ്രായമുള്ളവരെ കൂടി കൊണ്ടുവരാൻ'

Web Desk — Thu, 09 Apr 2026 07:11:20 +0530

നേരത്തേ തന്നെ വോട്ട് ചെയ്ത് വേണം പ്രായമുള്ളവരെ കൊണ്ടുവരാൻ; കോഴിക്കോട് ബൂത്തുകളിൽ 7 മണിക്ക് തന്നെ വോട്ട് ചെയ്യാൻ വോട്ടര്‍മാര്‍ എത്തി തുടങ്ങി

ഡീലിൽ തുടങ്ങി നോട്ട് വിവാദത്തിൽ അവസാനിച്ച് പാലക്കാട്; കനത്ത സുരക്ഷാ ഒരുക്കി പൊലീസ്

Web Desk — Thu, 09 Apr 2026 07:10:29 +0530

ക്രമീകരണങ്ങൾ പൂർത്തിയായി; ഡീലിൽ തുടങ്ങി നോട്ട് വിവാദം വരെ ഉണ്ടായ പാലക്കാട് പോളിംഗ് ബൂത്തിലേക്ക്, വിവിധയിടങ്ങളിൽ കനത്ത സുരക്ഷാ ഒരുക്കി പൊലീസ്

കേരളം പോളിങ് ബൂത്തിൽ, വോട്ടെടുപ്പ് ആരംഭിച്ചു; പോളിംഗ് ഉയരുമെന്ന പ്രതീക്ഷയിലാണ് രാഷ്ട്രീയ പാർട്ടികൾ

Aishwarya S Babu — Thu, 09 Apr 2026 07:10:08 +0530

തിരുവനന്തപുരം: കേരളത്തിൽ വോട്ടെടുപ്പ് ആരംഭിച്ചു. വൈകിട്ട് ആറ് മണി വരെയാണ് വോട്ടെടുപ്പ് നടക്കുക. രാവിലെ ആറ് മണി മുതൽ തന്നെ വോട്ടർമാർ ബൂത്തിലെത്തി തുടങ്ങിയിരുന്നു. 2.71 കോടി വോട്ടർമാർ 883 സ്ഥാനാർത്ഥികളുടെ വിധി നിർണയിക്കും. ലോക്സഭാ തെരഞ്ഞെടുപ്പിനേക്കാൾ അയ്യായിരം ബൂത്തുകൾ കൂടുതൽ ആണ്. ഒരു ബൂത്തിൽ പരമാവധി 1200 വോട്ടർമാർ മാത്രമാണ് ഉള്ളത്.

പോളിംഗ് ഉയരുമെന്ന പ്രതീക്ഷയിലാണ് പാർട്ടികൾ. പരമാവധി വോട്ടർമാരെ ബൂത്തിലെത്തിക്കാൻ പ്രചാരണ പരിപാടികളുമായി തെരഞ്ഞെടുപ്പ് കമ്മീഷനും രംഗത്തുണ്ടായിരുന്നു. കന്നി വോട്ടർമാരെ മധുരം നൽകിയാണ് സ്വീകരിക്കുക. വൈകീട്ട് ആറു മണിക്ക് ക്യൂവിലുളള എല്ലാവർക്കും ടോക്കൺ നൽകി വോട്ട് ചെയ്യാൻ അനുവദിക്കും. കഴിഞ്ഞ നിയമസഭാ തെരഞ്ഞെടുപ്പിൽ 75.75 ശതമാനം ആയിരുന്നു പോളിംഗ്.

മോക് പോളിങ്ങിനിടെ പലയിടത്തും വോട്ടർ മെഷീൻ തകരാറിലായിരുന്നു. മെഷീനിലെ പ്രശ്നം പരിഹരിച്ച ശേഷമാണ് മോക്ക് പോളിങ് ആരംഭിച്ചത്. ഉടുമ്പൻ ചോലയിൽ മൂന്ന് ബൂത്തുകളിൽ വോട്ടിങ് കേന്ദ്രങ്ങൾ പണിമുടക്കി. നെടുങ്കണ്ടം പഞ്ചായത്ത് യുപി സ്കൂൾ 104ാം നമ്പർ ബൂത്തിലും ശാന്തിഗ്രാം സെൻട്രൽ ഇംഗ്ലീഷ് മീഡിയം സ്കൂൾ 117 നമ്പർ ബൂത്തിലേയും, ഇരട്ടയാർ സെൻറ് തോമസ് ഹൈസ്കൂൾ 115 നമ്പർ ബൂത്തിലെയും വോട്ടിംഗ് യന്ത്രങ്ങളാണ് പണിമുടക്കിയത്. മോക്ക് പോളിലാണ് പ്രശ്നങ്ങൾ കണ്ടെത്തിയത്. വി വി പാറ്റ് മെഷീനുകൾ മാറ്റിവെച്ച് പ്രശ്നം പരിഹരിക്കുമെന്ന് റിട്ടേണിംഗ് ഓഫീസർ അറിയിച്ചു.

ശക്തന്റെ മണ്ണിൽ ട്വിസ്റ്റ് ഉണ്ടാകുമോ?; തൃശ്ശൂരിൽ തിരിച്ചുവരവിന് UDF

Web Desk — Thu, 09 Apr 2026 07:09:45 +0530

ശക്തന്റെ മണ്ണിൽ ട്വിസ്റ്റ് ഉണ്ടാകുമോ?; ശക്തമായ പോരാട്ടം നടക്കുന്ന തൃശ്ശൂരിൽ തിരിച്ചുവരവിന് UDF, തരംഗമുണ്ടെങ്കിൽ 7 സീറ്റ് വരെ ലഭിക്കാൻ സാധ്യത

23 ദിവസത്തെ പോരാട്ടത്തിനും ആവേശത്തിനും ഒടുവിൽ പോളിംഗ് ബൂത്തിലേക്ക്; ഫോൺ സൂക്ഷിക്കാൻ പ്രത്യേക സൗകര്യം

Web Desk — Thu, 09 Apr 2026 07:08:54 +0530

തീവ്ര വോട്ടർ പട്ടിക പരിഷ്കരണത്തിന് ശേഷം പോളിംഗ് ബൂത്തിലേക്ക്; ഇത്തവണ പട്ടികയിൽ 2021 നേക്കാൾ മൂന്ന് ലക്ഷം പേർ അധികം; വിവിധയിടങ്ങളിൽ മോക് പോളിംഗ് പൂർത്തിയാകുന്നു, മൊബൈൽ ഫോൺ സൂക്ഷിക്കാൻ പ്രത്യേക സൗകര്യം

'ആദ്യം വന്ന് വോട്ട് ചെയ്തവരിൽ പലരും ഇന്നില്ല'; ഉയിര്‍പ്പിന്റെ ചൂരൽമല പോളിംഗ് ബൂത്തിലേക്ക്

Web Desk — Thu, 09 Apr 2026 07:07:55 +0530

'ആദ്യം വന്ന് വോട്ട് ചെയ്തവരിൽ പലരും ഇന്നില്ല'; ഉയിര്‍പ്പിന്റെ ചൂരൽമല പോളിംഗ് ബൂത്തിലേക്ക്, പുനരധിവാസത്തിൽ ഇടതിന് അനുകൂലമാകുമോ ചൂരൽമലയുടെ വോട്ട്?

സിപിഎമ്മിന് അഭിമാന പോരാട്ടം;അമ്പലപ്പുഴയില്‍ വോട്ടെടുപ്പ് ഒരുക്കങ്ങള്‍ അന്തിമഘട്ടത്തില്‍

Web Desk — Thu, 09 Apr 2026 07:07:43 +0530

സിപിഎമ്മിന് അഭിമാന പോരാട്ടം;അമ്പലപ്പുഴയില്‍ വോട്ടെടുപ്പ് ഒരുക്കങ്ങള്‍ അന്തിമഘട്ടത്തില്‍, ജി.സുധാകരന് അട്ടിമറി വിജയം ഉണ്ടാകുമോ?

വിധിയെഴുതാൻ കേരളം, മോക് പോളിംഗ് ആരംഭിച്ചു; വോട്ടെടുപ്പ് രാവിലെ 7 മുതൽ, കന്നി വോട്ടർമാരെ മധുരം നൽകി സ്വീകരിക്കും

Aishwarya S Babu — Thu, 09 Apr 2026 06:01:21 +0530

തിരുവനന്തപുരം: കേരളം വിധിയെഴുത്തിന് ഒരുങ്ങുന്നു. പലയിടത്തും മോക് പോളിംഗ് ആരംഭിച്ചു. രാവിലെ 7 മുതൽ വൈകീട്ട് 6 വരെയാണ് വോട്ടെടുപ്പ് നടക്കുക. 2.71 കോടി വോട്ടർമാർ 883 സ്ഥാനാർത്ഥികളുടെ വിധി നിർണയിക്കും. ലോക്സഭാ തെരഞ്ഞെടുപ്പിനേക്കാൾ അയ്യായിരം ബൂത്തുകൾ കൂടുതൽ ആണ്. ഒരു ബൂത്തിൽ പരമാവധി 1200 വോട്ടർമാർ മാത്രമാണ് ഉള്ളത്.

കനത്ത സുരക്ഷയിലാണ് പോളിംഗ് നടക്കുന്നത്. കേന്ദ്ര സേന അടക്കം എഴുപത്തിയാറായിരം സുരക്ഷാ ഉദ്യോഗസ്ഥരെയാണ് വിന്യസിച്ചിരിക്കുന്നത്. 2040 പ്രശ്‌നബാധിത ബൂത്തുകൾ ആണുള്ളത്. ഇത് കേന്ദ്രസേനയുടെ നിയന്ത്രണത്തിൽ ആണ്. എല്ലാ ബൂത്തുകളിലും ഇത്തവണ വെബ്കാസ്റ്റിംഗ് ആണ്. കള്ളവോട്ട് അടക്കം ക്രമക്കേടുകൾ തടയാൻ പ്രത്യേക നിരീക്ഷണവും ഏർപ്പെടുത്തിയിട്ടുണ്ട്.

ഹൈറേഞ്ചിൽ തെരഞ്ഞെടുപ്പ് ചൂട്; രാഷ്ട്രീയ പരീക്ഷണങ്ങളുമായി ഇടുക്കി പോളിംഗിന് റെഡി

Web Desk — Thu, 09 Apr 2026 07:05:18 +0530

ഹൈറേഞ്ചിലും ലോറേഞ്ചിലും തെരഞ്ഞെടുപ്പ് ചൂട്; ഇടുക്കി പോളിംഗിന് റെഡി, റോഷി അഗസ്റ്റിൻ വെന്നിക്കൊടി പാറിക്കുമോ?, സീറ്റ് പിടിക്കാൻ പി എ ജോസഫിന് പകരം അപു ജോൺ ജോസഫ്

എല്ലാം സെറ്റാണ്,മോക് പോളിംഗ് നടപടികള്‍ പുരോഗമിക്കുന്നു, വടക്കാഞ്ചേരി മണലിത്തറ സ്‌കൂളിലെ ദൃശ്യങ്ങള്‍

Web Desk — Thu, 09 Apr 2026 07:05:04 +0530

വടക്കാഞ്ചേരിയില്‍ ഒരുക്കങ്ങളെല്ലാം പൂര്‍ണം; മോക് പോളിംഗ് നടപടികള്‍ പുരോഗമിക്കുന്നു, മണലിത്തറ സ്‌കൂളിലെ ദൃശ്യങ്ങള്‍

ആകാംഷയുടെ കോട്ടയത്ത് കോട്ട കെട്ടാനാകുമോ കോൺഗ്രസിന്?; മോക് പോളിംഗ് തുടങ്ങി

Web Desk — Thu, 09 Apr 2026 07:05:00 +0530

മാറിയ സാഹചര്യത്തിൽ ജനങ്ങളുടെ മനസ്സ് ഇത്തവണ ആരൊക്കൊപ്പം?; കോട്ടയത്ത് 9 മണ്ഡലങ്ങൾ ഉണ്ടെങ്കിലും എല്ലാവരുടെയുടേം ശ്രദ്ധ പാലായിലേക്ക്, മോക് പോളിംഗ് തുടങ്ങി

മങ്കടയില്‍ എല്‍ഡിഎഫ് സ്ഥാനാര്‍ത്ഥിയുടെ ഡ്രൈവര്‍ ലീഗ് പ്രവര്‍ത്തകനെ മര്‍ദിച്ചെന്ന് പരാതി

Web Desk — Thu, 09 Apr 2026 07:02:30 +0530

ഫേസ്ബുക്ക് പോസ്റ്റില്‍ പ്രകോപനം;മങ്കടയില്‍ എല്‍ഡിഎഫ് സ്ഥാനാര്‍ത്ഥിയുടെ ഡ്രൈവര്‍ ലീഗ് പ്രവര്‍ത്തകനെ മര്‍ദിച്ചെന്ന് പരാതി

പലയിടത്തും വോട്ടിങ് മെഷീൻ തകരാർ; പോളിങ് തുടങ്ങാൻ വൈകും, വോ‌ട്ടർമാർ ബൂത്തുകളിലേക്ക് എത്തിതുടങ്ങി

Aishwarya S Babu — Thu, 09 Apr 2026 06:46:12 +0530

തിരുവനന്തപുരം: പോളിങ് തുടങ്ങാനിരിക്കെ പലയിടത്തും വോട്ടിങ് മെഷീൻ തകരാർ. മോക് പോളിങ്ങിനിടെയാണ് വോട്ടിങ് മെഷീൻ തകരാറിലായത്. ആറ്റിങ്ങൽ ആലംകോട് എച്ച് എസ് ബൂത്ത്‌ നമ്പർ 48ലെ വോട്ടിങ് മെഷീൻ തകരാറിലായി. കൂടാതെ, വള്ളിക്കുന്ന് മണ്ഡലത്തിലെ പെരുവള്ളൂർ നൂറുൽ ഇസ്ലാം മദ്രസയിലെ വോട്ടിങ്ങ് മെഷീനും തകരാറിലായിട്ടുണ്ട്. മെഷീൻ തകരാറായതിനെ തുടര്‍ന്ന് നാദാപുരം ബൂത്ത്‌ 51ലും 76ലും മോക് പോളിങ് വൈകി. മെഷീനിലെ പ്രശ്നം പരിഹരിച്ചശേഷമാണ് മോക്ക് പോളിങ് ആരംഭിച്ചത്.

കൊല്ലം ഇരവിപുരം 50ാം നമ്പര്‍ ബൂത്തിൽ (ക്രിസ്തുരാജ് എച്ച്എസ്എസ്) വോട്ടിങ് മെഷീൻ തകരാറിലായി. മെഷീൻ മാറ്റിയ ശേഷമായിരിക്കും വോട്ടിങ് ആരംഭിക്കുക. തിരുവല്ല ഇരതോട് ബൂത്ത് നമ്പർ 239ൽ വോട്ടിങ് മെഷീൻ തകരാറാലായി. ഇവിടെയും പോളിങ് തുടങ്ങാൻ വൈകും. അതേസമയം, പല ബൂത്തുകളിലും വോട്ട് ചെയ്യാനായി ആളുകൾ എത്തിതുടങ്ങിയിട്ടുണ്ട്. ഇടുക്കി തൊടുപുഴ മണ്ഡലത്തിലെ 229 ബൂത്തിലും വയോധികർക്ക് ആണ് മുൻഗണന. മുതിർന്ന പൗരന്മാരെ ആദ്യം വോട്ട് ചെയ്യിച്ച് മാതൃക കാണിക്കുക എന്നതാണ് ലക്ഷ്യം.

ലെബനനിൽ ആക്രണം തുടര്‍ന്ന് ഇസ്രയേൽ, ഒറ്റ രാത്രിയിൽ കൊല്ലപ്പെട്ടത് 254 പേര്‍; വെടിനിര്‍ത്തൽ ധാരണയിൽ ലെബനൻ ഉള്‍പ്പെടില്ലെന്ന് അമേരിക്കയും ഇസ്രയേലും

Jinu Narayanan — Thu, 09 Apr 2026 06:32:50 +0530

ന്യൂയോര്‍ക്ക്: ലെബനനിൽ ആക്രമണം തുടര്‍ന്നതോടെ പശ്ചിമേഷ്യൻ വെടിനിർത്തൽ അനിശ്ചിതത്വത്തിൽ. ലെബനണിൽ ഇസ്രയേൽ ആക്രമണം തുടരുകയാണ്. ഒറ്റ രാത്രി 254 പേരാണ് ലെബനനിൽ കൊല്ലപ്പെട്ടത്. വെടിനിര്‍ത്തൽ പ്രഖ്യാപിച്ചിട്ടും ആക്രമണം തുടരുന്നതിൽ ഇറാൻ ശക്തമായ എതിര്‍പ്പ് അറിയിച്ചു. ഇറാൻ വെടിനിർത്തൽ ധാരണയിൽ ലെബനൻ ഉൾപ്പെടില്ലെന്നാണ് വൈറ്റ് ഹൗസ് അറിയിക്കുന്നത്. ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹവും സമാന നിലപാടുമായി രംഗത്തെത്തി. അതേസമയം,ലെബനിൽ ഇസ്രയേലിന്‍റെ ആക്രമണം ഉടൻ അവസാനിപ്പിക്കണമെന്ന് ഫ്രഞ്ച് പ്രസിഡന്റ് മക്രോൺ ആവശ്യപ്പെട്ടു. ലെബനനിലും വെടിനിർത്തൽ പ്രാബല്യത്തിൽ വരണമെന്നും വെടിനിർത്തൽ നിലനിൽക്കണമെങ്കിൽ ഇത് അനിവാര്യമെന്നും മക്രോൺ വ്യക്തമാക്കി. ഇസ്രയേൽ ആക്രമണത്തിൽ ഇന്നലെ 254 കൊല്ലപ്പെട്ടെന്നും 1155പേര്‍ക്ക് പരിക്കേറ്റെന്നും ലെബനൻ സിവിൽ ഡിഫെൻസ് അറിയിച്ചു.

ഹോര്‍മൂസ് തുറക്കുന്നതിലും ആശയക്കുഴപ്പം

അമേരിക്ക - ഇറാൻ വെടിനിർത്തലിനെ പ്രതിസന്ധിയിലാക്കിയാണ് ഇന്നലെ ലബനനിൽ ഇസ്രയേലിന്‍റെ കനത്ത ആക്രമണം തുടര്‍ന്നത്. വെടിനിർത്തൽ ഇറാനും പ്രഖ്യാപിച്ചെങ്കിലും ഗൾഫ് രാജ്യങ്ങളിലും ഇന്നും ആക്രമണം തുടർന്നു. വെടിനിർത്തലിന്‍റെ ഭാഗമായി തുറക്കാൻ സമ്മതിച്ച ഹോർമൂസ് കടലിടുക്കിലെ ആശയക്കുഴപ്പവും പൂർണമായി തീർന്നിട്ടില്ല. സംഘർഷങ്ങൾക്ക് ശേഷം ഇന്നലെ ബഹ്റൈൻ വ്യോമപാതം തുറന്നു. ചർച്ചകൾക്കായി അമേരിക്കൻ - ഇറാൻ നേതാക്കൾ ഇന്ന് പാക്കിസ്ഥാനിലെത്തിയേക്കും. വെടിനിർത്തൽ കരാർ ലംഘനം ഉണ്ടായതായി മധ്യസ്ഥ രാഷ്ട്രമായ പാക്കിസ്ഥാൻ തന്നെ സ്ഥിരീകരിച്ചു. വെടിനിർത്തൽ ധാരണയിൽ മേഖലയിലെ മറ്റാക്രമണങ്ങളും നിർത്തുമെന്ന് ധാരണയുണ്ടായിരുന്നുവെന്നാണ് ഇറാൻ പറയുന്നത്. എന്നാൽ, ലബനനിൽ വെടിനിർത്തില്ലെന്നാണ് ഇസ്രയേൽ നിലപാട്. ഇതോടെയാണ് വെടിനിർത്തൽ പ്രതിസന്ധിയിലാകുന്നത്. ഹോർമൂസിൽ കപ്പലുകൾ കടന്നു പോകുന്നതിൽ ഇന്നും പ്രതിസന്ധി നിലനിന്നു. ഖത്തറിലേക്ക് ഇന്ന് ഏഴു മിസലുകളും ഡ്രോണുകളും എത്തി. സൗദിയിൽ 9 ഡ്രോണുകൾ എത്തി. കുവൈത്തിലേക്ക് 42 ഡ്രോണുകളാണ് എത്തിയത്. നാലു മിസൈലുകളും. യു.എ.ഇയിലേക്ക് ഇന്ന് 17 മിസൈലുകളും 35 ഡ്രോണുകളും എത്തി. ലബനനിൽ ഇസ്രയേൽ ആക്രമണം തുടർന്നാണ് അത് വെടിനിർത്തൽ കരാറിനെ പ്രതിസന്ധിയിലാക്കും. ഹോർമൂസ് തുറക്കുന്നത് നീളും.

Asianet News Malayalam

മുന്നില്‍ നില്‍ക്കുന്ന രാജ്യങ്ങള്‍

മറ്റു പ്രധാന രാജ്യങ്ങള്‍

വോട്ടിംഗ് ദിനത്തിൽ ഫുൾ കോൺഫിഡൻസ്; അവകാശവാദങ്ങൾ തുടർന്ന് മുന്നണികൾ

നാട്ടിലേക്ക് മടങ്ങാനിരിക്കെ തിരുവനന്തപുരം സ്വദേശി റിയാദിൽ മരിച്ചു

മുഖ്യമന്ത്രി മുതൽ മോഹൻലാൽ വരെ; വിധിയെഴുതി പ്രമുഖർ, ജനാധിപത്യത്തിന്റെ ഉത്സവക്കാഴ്ചകൾ

World Homeopathy Day 2026 : ഹോമിയോപ്പതിയും ആധുനിക ചികിത്സാരീതിയും

പിണറായി വിജയന് കേരള ജനത ഗുഡ് ബൈ പറയുന്ന ദിവസം, ബിജെപി എല്ലായിടത്തും പണം കൊടുക്കുന്നു: ചെന്നിത്തല

നൂറിലധികം സീറ്റുമായി യുഡിഎഫ് അധികാരത്തിലെത്തുമെന്ന് വിഡി സതീശൻ

തെരഞ്ഞെടുപ്പ് ചൂടിലുരുകി കേരളം, 'കൂൾ' ആയി കുറഞ്ഞ് സ്വർണ വില; സംസ്ഥാനത്തെ ഇന്നത്തെ നിരക്കറിയാം

ഈ മാസത്തെ സ്വ‌‍‌ർണ വില ഒറ്റ നോട്ടത്തിൽ

സ്വർണവിലയിൽ ഈ ട്രെൻഡ് എത്രകാലം തുടരും?

യമുനാ നദിയിൽ തേങ്ങ എറിയാനെത്തിയ ദമ്പതികളെ തടഞ്ഞ് യുവതി, പിന്നെ സംഭവിച്ചത് ഇതാണ്; വീഡിയോ

ജനാധിപത്യത്തിന്റെ സൗന്ദര്യം! അമേരിക്കൻ യാത്രയ്ക്ക് മുമ്പ് വോട്ട് ചെയ്യാൻ മോഹൻലാൽ എത്തിയത് കൊച്ചിയിൽ നിന്ന്

ഞങ്ങള്‍ക്കുണ്ടായ കോട്ടങ്ങള്‍ തിരുത്തിക്കൊണ്ട് LDFന്‍റെ പുതിയ സര്‍ക്കാര്‍ മുന്നോട്ട് പോകും: MA ബേബി

എറണാകുളത്തെ നഗര മണ്ഡലങ്ങളില്‍ മികച്ച പോളിംഗ്

ബിജെപി നിഴലിനോട് യുദ്ധം ചെയ്യുന്നത് നിര്‍ത്തണം, കണ്ണുള്ളവര്‍ എല്ലാം കണ്ടതാണ്: ഷാഫി പറമ്പില്‍

സംസ്ഥാനത്ത് പോളിംഗ് ഇതുവരെ 10.06%; ഇനിയുള്ള സമയം പോളിംഗ് ശതമാനം കൂടാൻ സാധ്യത

ഇൻസ്റ്റഗ്രാം അക്കൗണ്ട് വേരിഫൈഡ് ആയിതിനു പിന്നാലെ പേരും മാറ്റി രേണു, സുധിയെ ഒഴിവാക്കി

പുതുതലമുറ ഇടതുപക്ഷത്തിന് അനുകൂലമായി വോട്ട് ചെയ്യും: പി രാജീവ് | P Rajeev

രാവിലെ മുതൽ മികച്ച പോളിംഗ്, അത് നല്ലകാര്യം, 2021 നേക്കാൾ മികച്ച ഭൂരിപക്ഷത്തിൽ വിജയിക്കും: വീണ ജോർജ്

അയ്യൻ്റെ സ്വർണ്ണം കട്ടവരെ ജനകീയ കോടതിയിൽ ശിക്ഷിക്കുന്ന ദിവസമാണ് ഇന്ന്: കെ സി വേണുഗോപാൽ |KC Venugopal

ഭീകരവാദികളുടെ ഹബ്ബാക്കി പാലക്കാടിനെ ചിലര്‍ മാറ്റി: ശോഭാ സുരേന്ദ്രന്‍ | Shobha Surendran

ആശുപത്രി പരിസരത്തും മോഷണം, പാർക്ക് ചെയ്ത ഓട്ടോറിക്ഷയുടെ ടയറും ബാറ്ററിയും കവർന്നു, പ്രതികൾ പിടിയിൽ

രണ്ടര പവന്റെ സ്വർണ മാല പൊട്ടിച്ചെടുത്ത കേസ്

50 വര്‍ഷം കെ എം മാണിയെ വളര്‍ത്തിയെടുത്ത പാലായോട് വിരോധം കാണിച്ചു: ഷോൺ ജോര്‍ജ്

'സംസ്ഥാനത്ത് തൂക്കുസഭ വരും, ബിജെപി നിർണായക ശക്തിയാകും'; ജനം മാറ്റം ആ​ഗ്രഹിക്കുന്നുവെന്ന് രാജീവ് ചന്ദ്രശേഖർ

അയൽവാസി സ്ഥിരം ശല്യക്കാരനായതോടെ പരാതി നൽകി, പിന്നാലെ ഗൃഹനാഥനെ കുത്തിക്കൊല്ലാൻ ശ്രമം, ഒടുവിൽ മച്ചു അറസ്റ്റിൽ

ഓൺലൈൻ പർച്ചേസുകൾക്ക് ‘ഭൂമി ഉപയോഗ ഫീസ്’; പാറ്റഗോണിയക്കെതിരെ വൻ വിമര്‍ശനം

വോട്ടിങ് മെഷീനിൽ വീണാ ജോർജ്ജിന്റെ ഫോട്ടോയ്ക്ക് മാത്രമേ വ്യക്തതയുള്ളൂ; പരാതിയുമായി കോൺ​ഗ്രസ്

പച്ച പപ്പായയോ പഴുത്ത പപ്പായയോ : രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഏതാണ് നല്ലത്?

'ബിജെപി നേമം മണ്ഡലത്തിൽ വിതരണം ചെയ്യുന്നത് കോടിക്കണക്കിന് രൂപ, അന്തം വിട്ടുപോകും'; പ്രതികരിച്ച് ശിവൻകുട്ടി

'ഞങ്ങൾക്കിടയിൽ ഈഗോയില്ല, പേട്രിയറ്റിൽ കഥയാണ് ഹീറോ'; തുറന്നുപറഞ്ഞ് മമ്മൂട്ടി

ഞങ്ങള്‍ നിയമസഭയിലേക്ക് അവസരം ചോദിക്കുന്നത് ജങ്ങളുടെ പ്രശ്നങ്ങള്‍ പരിഹരിക്കാനാണ്: രാജീവ് ചന്ദ്രശേഖര്‍

'പ്രതീക്ഷയുണ്ട്, യുഡിഎഫ് അനുകൂല കാറ്റാണ് എല്ലായിടത്തും വീശുന്നത്'; വോട്ട് രേഖപ്പെടുത്തി രമേഷ് പിഷാരടി

പ്രതീക്ഷയുണ്ട്, യുഡിഎഫ് അനുകൂല കാറ്റാണ് എല്ലായിടത്തും വീശുന്നത്; രമേശ് പിഷാരടി

ഒരുപാട് തവണ വോട്ട് ചെയ്തിട്ടുണ്ട്, ഇന്ന് എല്ലാവരും തെരഞ്ഞെടുപ്പിനെപ്പറ്റി ബോധ്യമുള്ളവരാനാണ്: അഹാന

വോട്ടിന് നോട്ട് ആരോപണം; കോൺഗ്രസിന് അനുകൂലമാകുമെന്ന് കരുതുന്നില്ലയെന്ന് എൻ എം ആർ റസാഖ്

വളരെ ബുദ്ധിപൂര്‍വ്വം, വിവേകപൂര്‍വ്വം സമ്മതിദാന അവകാശം വിനിയോഗിക്കുക: ഇടുക്കി രൂപതാ അധ്യക്ഷന്‍

യുഡിഎഫ് നൂറില്‍ കുറയാത്ത സീറ്റ് നേടി വിജയിക്കും: എന്‍ കെ പ്രമചന്ദ്രന്‍ എംപി

നല്ല ഭൂരിപക്ഷത്തില്‍ വിജയിക്കുമെന്ന് കടകംപള്ളി സുരേന്ദ്രന്‍

കാത്തിരിപ്പിന്റെ നീണ്ട നിര അവസാനിച്ചു; മോഹൻലാൽ വോട്ട് രേഖപ്പെടുത്തി

കെ എം മാണിയുടെ ഓര്‍മ്മ ദിവസത്തില്‍ പ്രാര്‍ത്ഥനയുമായി ജോസ് കെ മാണിയും കുടുംബവും

തീവ്രവാദികള്‍ തമ്പടിച്ചുവെന്ന് പറഞ്ഞിട്ടില്ല: ജി സുധാകരന്‍

കോഴിക്കോട് സൗത്ത് മണ്ഡലത്തിൽ ബിജെപി സ്ഥാനാർത്ഥിക്കെതിരെ പരാതി, വോട്ടിനായി കിറ്റും പണവുമെന്ന് ആരോപണം

'മില്ലറുടെ ആ തീരുമാനം ഞങ്ങൾക്ക് ജയത്തിലേക്കുള്ള വഴി തുറന്നു'; അവസാന പന്തിലെ തന്ത്രത്തെക്കുറിച്ച് ശുഭ്മാൻ ഗിൽ

'താരങ്ങൾക്ക് പിന്നാലെപോയി ജീവിതം നശിപ്പിക്കരുത്'; യുവാക്കൾക്ക് മുന്നറിയിപ്പുമായി രജനികാന്ത്

`ദിസ് ഈസ് മൈ മെസേജ്'; മഷി പുരട്ടിയ ചൂണ്ട് വിരൽ ഉയർത്തി കാട്ടി നടൻ മോഹൻലാൽ

അഞ്ച് വർഷം ആരെന്ന് തീരുമാനിക്കുന്ന 7 സെക്കന്റ്; കേരളം വിധിയെഴുതുമ്പോൾ പോളിംഗ് ബൂത്തുകളിൽ നീണ്ട നിര

നല്ല പ്രതീക്ഷയാണ്, ഇവിടെ ജനകീയ സ്വതന്ത്രൻ ജയിക്കും UDFന്റെ പിന്തുണയോടെ; ജി സുധാകരൻ

വോട്ടുചെയ്യാതെ ആരും മാറിനിൽക്കരുത്, എല്ലാവരും ജനാധിപത്യ പ്രക്രിയയിൽ പങ്കാളികളാകണം: വി ഡി സതീശൻ

'ജനാധിപത്യം വിജയിക്കണം'; വോട്ട് രേഖപ്പെടുത്തിയ ശേഷം ജി സുകുമാരന്‍ നായര്‍

പ്രതീക്ഷയോടെ പ്രതിപക്ഷ നേതാവ്; വി ഡി സതീശൻ വോട്ട് രേഖപ്പെടുത്തി

'വിവാദങ്ങളെ അടിസ്ഥാനമാക്കിയല്ല ജനം വോട്ട് ചെയ്യുന്നത്, അവരുടെ ചിന്താഗതി ഓരോ കാലഘട്ടത്തിലും മാറും'

ശബരിയുടെ തോളിൽ കയ്യിട്ട് മോഹൻലാലിനടുത്ത് ശിവൻകുട്ടി; മുടവൻമുകൾ സ്കൂളിൽ നീണ്ട നിര

ക്യൂവിൽ ഇടം പിടിച്ച് മോഹൻലാൽ; വോട്ട് ചെയ്യുന്നത് കടുത്ത പോരാട്ടം നടക്കുന്ന നേമം മണ്ഡലത്തിൽ

'കേരളത്തെ മനസിലാക്കാന്‍ BJPക്ക് കഴിഞ്ഞിട്ടില്ല, ഇവിടെ അക്കൗണ്ട് തുറക്കാനുള്ള സാധ്യത വീണ്ടും കുറഞ്ഞു'

വോട്ടിങ് ആരംഭിക്കുന്നതിന് മുൻപേ പോളിങ് ബൂത്തുകളിലെത്തി പ്രമുഖർ; പലയിടത്തും വോട്ടർമാരുടെ നീണ്ടനിര

നല്ല പ്രതീക്ഷയുണ്ട്, എല്ലാ സന്ദേശവും പോസിറ്റീവ്, ജനം മാറ്റം ആഗ്രഹിക്കുന്നു: ആർ ശ്രീലേഖ | R Sreelekha

തിരുവല്ലയിൽ 239 ാം ബൂത്തിൽ വോട്ടിംഗ് മെഷീനിൽ തകരാർ, പോളിങ് തുടങ്ങാൻ വൈകും| Kerala Election 2026

എസ്ഐആറിന് ശേഷം നടക്കുന്ന ആദ്യ തെരഞ്ഞെടുപ്പ്; കേരളത്തില്‍ പോളിംഗ് ആരംഭിച്ചു| Kerala Election 2026

പറവൂരിൽ വി ഡി സതീശൻ കുടുംബസമേതം വോട്ട് ചെയ്യാനെത്തി | V. D Satheesan

ഇടുക്കി തൊടുപുഴ മണ്ഡലത്തിലെ 229 ബൂത്തിലും മുതിർന്ന പൗരന്മാർക്ക് ആദ്യം മുൻഗണന | Kerala Election 2026

പറവൂരില്‍ സകുടുംബം വോട്ട് ചെയ്യാനെത്തി പ്രതിപക്ഷ നേതാവ് വി.ഡി സതീശന്‍

പോളിംഗ് ദിനത്തില്‍ പഴവങ്ങാടി ഗണപതിയെ തൊഴുതിറങ്ങി നേമത്തെ യുഡിഎഫ് സ്ഥാനാര്‍ത്ഥി കെ.എസ് ശബരിനാഥന്‍

'നല്ല ഭരണവും നല്ല നേതാക്കളും വരാൻ പ്രാർത്ഥിക്കുന്നു'; ദുരന്തഭൂമിയിൽ നിന്നും പോളിംഗ് ബൂത്തിലേക്ക്

രാഷ്ട്രീയ വനവാസത്തിലേക്കോ? രാഷ്ട്രീയ കേരളത്തിന്‍റെ അമരത്തേക്കോ?

കേന്ദ്ര മന്ത്രി ക്യൂവിലാണ്; സുരേഷ് ഗോപി തൃശ്ശൂരിൽ വോട്ട് ചെയ്യാനെത്തി | Suresh Gopi

വോട്ടെടുപ്പിന് ഒരുങ്ങി ഹൈറേഞ്ച്; കട്ടപ്പനയില്‍ മോക് പോളിംഗ് പുരോഗമിക്കുന്നു

ഇടടാ താഴെ, ദാ ഇത് കഴിക്ക്; സോപ്പ് കഴിക്കാൻ ശ്രമിച്ച കുരങ്ങന് ഒരമ്മയുടെ സ്നേഹശകാരം, ഉരുളക്കിഴങ്ങ് നൽകി, വീഡിയോ

ഗുരുവായൂരിൽ വോട്ട് ചെയ്യാൻ സാധിച്ചു, ഗുരുവായൂരപ്പന് നന്ദി; വോട്ട് രേഖപ്പെടുത്തി സുരേഷ്​ഗോപി

'ഫുൾ കോണ്‍ഫിഡൻസില്‍', വോട്ട് രേഖപ്പെടുത്തി സണ്ണി ജോസഫ്, യുഡിഎഫ് തംരംഗമെന്ന് പ്രതികരണം

'ഒന്നാമനായി വോട്ട്, ഒന്നാമനായി ഫിനിഷ് ചെയ്യും!' തൃത്താലയിൽ സ്വന്തം ബൂത്തിൽ ആദ്യ വോട്ട് രേഖപ്പെടുത്തി ബൽറാം

കസബയിൽ മോക്ക് പോളിംഗ് പൂര്‍ത്തിയായി; മഞ്ചേശ്വരവും തൃക്കരിപ്പൂരും കനത്ത മത്സരം

വള്ളിക്കുന്ന് മണ്ഡലത്തിലെ തൊണ്ണൂറ്റി നാലാം ബൂത്തിൽ വോട്ടിംഗ് മെഷിന് തകരാർ

പ്രചാരണ രംഗത്ത് യുഡിഎഫിന്റെ തെരഞ്ഞെടുപ്പ് മുഖമായ വി ഡി സതീശൻ പോളിംഗ് ബൂത്തിലേക്ക്

EVM തകരാര്‍; നാദാപുരത്തെ രണ്ട് ബൂത്തുകളിൽ മോക്ക് പോളിംഗ് വൈകി

നഗര വോട്ടര്‍മാര്‍ ഇറങ്ങി തുടങ്ങി, വട്ടിയൂര്‍ക്കാവ് ജവഹര്‍ നഗര്‍ സ്‌കൂളില്‍ നിന്നുള്ള ദൃശ്യങ്ങള്‍

തലസ്ഥാനാത്ത് വോട്ടര്‍മാര്‍ എത്തി തുടങ്ങി; നഗരകേന്ദ്രമായ വട്ടിയൂര്‍കാവിൽ VVIP വോട്ടര്‍മാരുമെത്തും

പ്രാർത്ഥനയോടെ...പഴവങ്ങാടി ക്ഷേത്രത്തിൽ ദർശനം നടത്തി കെ എസ് ശബരിനാഥൻ

'സംസ്ഥാനത്ത് തൂക്കുസഭ വരും, ബിജെപി നിർണായക ശക്തിയാകും'; ജനം മാറ്റം ആഗ്രഹിക്കുന്നുവെന്ന് രാജീവ് ചന്ദ്രശേഖർ

വോട്ടിങ് മെഷീനിൽ വീണാ ജോർജ്ജിന്റെ ഫോട്ടോയ്ക്ക് മാത്രമേ വ്യക്തതയുള്ളൂ; പരാതിയുമായി കോൺഗ്രസ്

ഗുരുവായൂരിൽ വോട്ട് ചെയ്യാൻ സാധിച്ചു, ഗുരുവായൂരപ്പന് നന്ദി; വോട്ട് രേഖപ്പെടുത്തി സുരേഷ്ഗോപി