Asianet News Malayalam

സെപ്റ്റംബർ ഇൻടേക്കിൽ യു.കെയിൽ പഠിക്കാം, സ്പോട്ട് അഡ്മിഷൻ കൊച്ചിയിൽ

Web Team — Thu, 15 Aug 2024 14:09:18 +0530

യു.കെയിൽ പഠിക്കാനാഗ്രഹിക്കുന്ന വിദ്യാർത്ഥികൾക്ക് സെപ്റ്റംബർ ഇൻടേക്കിൽ ബക്കിങ്ഹാംഷെയർ ന്യൂ യൂണിവേഴ്സിറ്റിയിൽ വിവിധ കോഴ്സുകളിൽ സ്പോട്ട് അഡ്മിഷൻ നേടാൻ അവസരം. പ്രമുഖ വിദേശ വിദ്യാഭ്യാസ സ്ഥാപനമായ ഇ-ടോക് ഗ്ലോബൽ എജ്യുക്കേഷനാണ് ഈ സൗകര്യം ഒരുക്കുന്നത്.

ഓഗസ്റ്റ് 17 ശനിയാഴ്ച്ച ഇ-ടോക് കൊച്ചി ബ്രാഞ്ചിൽ ഒരുക്കുന്ന സ്പോട്ട് അഡ്മിഷനിൽ ബക്കിങ്ഹാംഷെയർ ന്യൂ യൂണിവേഴ്സിറ്റി (Buckinghamshire New University) പ്രതിനിധി സാം പൗൾട്ടൺ പങ്കെടുക്കും.

യു.കെയിലെ പ്രമുഖ സർവകലാശാലയായ ബക്കിങ്ഹാംഷെയർ ന്യൂ യൂണിവേഴ്സിറ്റിയിൽ ലഭ്യമായ കോഴ്സുകൾ -

ബി.എസ്.സി നഴ്സിങ് ബി.എ ഫോട്ടോഗ്രഫി ബി.എസ്.സി സൈബർ സെക്യൂരിറ്റി ബി.എസ്.സി കംപ്യൂട്ടിങ് വിത് വെബ്ഡെവലപ്മെന്റ് ഏവിയേഷൻ മാനേജ്മെന്റ് ബി.എസ്.സി ഹെൽത് ആൻഡ് സോഷ്യൽ സയൻസ് ബി.എസ്.സി പബ്ലിക് ഹെൽത് ബി.എസ്.സി ഫിസിയോതെറപ്പി ബി.എ ഹോസ്പിറ്റാലിറ്റി ഓൻട്രപ്രന്യുർ ബി.എ ഗ്രാഫിക് ഡിസൈൻ എം.ബി.എ ഡാറ്റ സയൻസ് സൈക്കോളജി

കോഴ്സ് വിവരങ്ങൾക്കും അഡ്മിഷനും ബക്കിങ്ഹാംഷെയർ ന്യൂ യൂണിവേഴ്സിറ്റി പ്രതിനിധിയുമായി നേരിട്ട് സംവദിക്കാം. നിലവിൽ യു.കെയിലെ പ്രധാനപ്പെട്ട സർവകലാശാലകൾ അധികവും സെപ്റ്റംബർ ഇൻടേക്ക് നിർത്തിവച്ചിരിക്കുകയാണ്. ഈ സാഹചര്യത്തിലാണ് ഇ-ടോക്കുമായി സഹകരിച്ച് സ്പോട്ട് അഡ്മിഷന് ബക്കിങ്ഹാംഷെയർ ന്യൂ യൂണിവേഴ്സിറ്റി തയ്യാറായത്.

ഇ-ടോക് മുഖാന്തിരം അഡ്മിഷൻ എടുക്കുന്ന വിദ്യാർത്ഥികൾക്ക് ഒരു മാസത്തെ താമസ സൗകര്യവും എയർപോർട്ട് പിക്കപ്പും സൗജന്യമായി നൽകുമെന്ന് ഇ-ടോക് സി.ഇ.ഒ ഉണ്ണി. ടി.ആർ അറിയിച്ചു. കഴിഞ്ഞ 18 വർഷമായി വിദേശ വിദ്യാഭ്യാസ രംഗത്ത് പ്രവർത്തിക്കുന്ന ഇ-ടോക്ക് ഗ്ലോബൽ എജ്യുക്കേഷൻ സർവ്വീസ് ചാർജുകൾ ഈടാക്കാതെ യു.കെയിൽ ഉപരിപഠനത്തിന് സഹായിക്കുന്ന സ്ഥാപനമാണ്.

വെറും 23 വയസ്! ആമസോണിലെ 3.36 കോടി രൂപയുടെ ശമ്പളമുപേക്ഷിച്ച് മെറ്റയിലേക്ക്, ഉയരങ്ങളിലെത്താൻ മനോജിന്റെ നി‌ർദേശങ്ങളിങ്ങനെ

Sangeetha KS — Sat, 30 Aug 2025 16:31:38 +0530

ലോകത്ത് അതിവേഗം വികസിച്ചു കൊണ്ടിരിക്കുകയാണ് ടെക് തൊഴിൽ വിപണി. മേഖലയിലെ വികസനക്കുതിപ്പിനൊപ്പമെത്താൻ മത്സരിക്കുകയാണ് മൈക്രോസോഫ്റ്റ്, ആമസോൺ, ഗൂഗിൾ, മെറ്റ തുടങ്ങിയ ടെക് ഭീമന്മാർ. ഇതിനായി അത്രയും പ്രഗത്ഭരായ ജീവനക്കാരെ എത്ര വലിയ വില കൊടുത്തും റിക്രൂട്ട് ചെയ്യാനും മത്സരിക്കുകയാണ് ഇവർ. ഇത്തരത്തിൽ ഏറ്റവും പുതുതായി മെറ്റ നിയമിച്ച 23കാരനെക്കുറിച്ചാണ് ടെക് ലോകത്തെ ച‌‌ർച്ചകൾ.

ഇന്ത്യൻ-അമേരിക്കൻ മെഷീൻ ലേണിംഗ് എഞ്ചിനീയർ മനോജ് ടുമു ആണ് ഈ താരം. വെറും 23 വയസുകാരനായ മനോജ് ഈയടുത്താണ് ആമസോണിലെ മികച്ച ശമ്പളമുള്ള ജോലി ഉപേക്ഷിച്ച് മെറ്റയിൽ ചേർന്നത്. ആമസോണിൽ 3.36 കോടി രൂപയായിരുന്നു മനോജിന്റെ വാ‌ർഷിക വരുമാനം. എന്നാൽഷ മെറ്റയിൽ നിന്നുള്ള ഓഫ‌ർ 400,000 ഡോളറിൽ കൂടുതലാണെന്നാണ് റിപ്പോ‌ർട്ടുകൾ.

ബിസിനസ് ഇൻസൈഡറിനായി മനോജ് നൽകിയ ലേഖനവും ഏറെ ച‌ർച്ചയാകുന്നുണ്ട്. മികച്ച റെസ്യൂമെയും, പ്രൊഫഷണൽ എക്സ്പീരിയൻസും കരിയർ കെട്ടിപ്പടുക്കാൻ ലക്ഷ്യമിടുന്ന യുവാക്കൾക്ക് ഏറെ ഗുണകരമാകുമെന്ന് മനോജ് പറയുന്നു. കോളജ് പഠനകാലത്തെ ഇന്റേൺഷിപ്പുകളുടെ പ്രാധാന്യവും അദ്ദേഹം എടുത്തുകാട്ടി. പ്രായോഗിക അനുഭവം അറിവ് വർദ്ധിപ്പിക്കുകയും ഉദ്യോഗാ‌ർത്ഥിയുടെ പ്രൊഫൈൽ ശക്തിപ്പെടുത്തുകയും ചെയ്യുന്നുവെന്ന് അദ്ദേഹം ചൂണ്ടിക്കാട്ടി. ജോലിക്ക് അപേക്ഷിക്കുന്നതുമായി ബന്ധപ്പെട്ട തന്റെ സമീപനവും മനോജ് വിവരിച്ചു. റഫറലുകളെ ആശ്രയിക്കുന്നതിനുപകരം, കമ്പനി വെബ്‌സൈറ്റുകളിലൂടെയും ലിങ്ക്ഡ്ഇൻ വഴിയും നേരിട്ടാണ് അപേക്ഷ സമ‌ർപ്പിക്കുന്നത്. റെസ്യൂമെകൾ ശ്രദ്ധാപൂ‌ർവ്വം തയ്യാറാക്കണമെന്ന് മനോജ് വീണ്ടും ഓ‌ർമിപ്പിക്കുന്നു.

അഭിമുഖങ്ങളിൽ വിജയിക്കാൻ കൃത്യമായ തയ്യാറെടുപ്പുകൾ നടത്തേണ്ടത് നിർണായകമാണെന്ന് മനോജ് പറയുന്നു. അഭിമുഖങ്ങളിൽ പറയുന്ന ഉത്തരങ്ങൾ അതത് കമ്പനിയുടെ മൂല്യങ്ങൾ പ്രതിഫലിപ്പിക്കുന്ന തരത്തിലായിരിക്കണമെന്ന് മനോജ് പറഞ്ഞു. ഒരു സ്ക്രീനിംഗ് കോൾ, ആറ് ആഴ്ചയ്ക്കുള്ളിൽ നാല് മുതൽ ആറ് വരെ റൗണ്ട് കോഡിംഗ്, മെഷീൻ ലേണിംഗ്, ബിഹേവിയറൽ അസസ്മെനറ് തുടങ്ങിയവയാണ് മെറ്റയിലെ അഭിമുഖ പ്രക്രിയയിൽ ഉണ്ടായിരുന്നതെന്നും മനോജ് കൂട്ടിച്ചേ‌ർത്തു.

വിദ്യാർഥികൾക്ക് സൗജന്യമായി പി.എസ്.സി പഠിക്കാം; അവസരമൊരുക്കി സംസ്‌കൃത സർവകലാശാല

Sivanand C V — Thu, 30 Oct 2025 18:47:34 +0530

ശ്രീശങ്കരാചാര്യ സംസ്കൃത സർവ്വകലാശാലയുടെ കാലടി മുഖ്യ കാമ്പസില്‍ പ്രവര്‍ത്തിക്കുന്ന യൂണിവേഴ്സിറ്റി എംപ്ലോയ്‍മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യുറോയുടെ ആഭിമുഖ്യത്തില്‍ വിവിധ പി.എസ്.സി. പരീക്ഷകള്‍ക്കുള്ള സൗജന്യ പരീക്ഷാ പരിശീലനം നവംബര്‍ ആദ്യവാരം ആരംഭിക്കുമെന്ന് സര്‍വ്വകലാശാല അറിയിച്ചു.

ഓണ്‍ലൈനായാണ് പരിശീലനം. രാത്രി എട്ട് മുതല്‍ പത്ത് വരെ സംഘടിപ്പിക്കുന്ന പരീശീലന പരിപാടിയില്‍ പങ്കെടുക്കുവാന്‍ ആഗ്രഹിക്കുന്ന വിദ്യാര്‍ത്ഥികള്‍ ഒക്ടോബര്‍ 30 ന് മുമ്പായി ഗൂഗിള്‍ ഫോമില്‍ (https://forms.gle/ANFgEQ3BhdhyktXT9) രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ക്ക് ഫോണ്‍ : 0484-2464498.

എഫ്. വൈ. യു. ജി. പി പരീക്ഷാ തീയതികള്‍ പുതുക്കി നിശ്ചയിച്ചു

ശ്രീശങ്കരാചാര്യ സംസ്കൃത സർവ്വകലാശാലയുടെ ഒന്നും, മൂന്നും സെമസ്റ്റര്‍ എഫ്. വൈ. യു. ജി. പി പരീക്ഷാ തീയതികള്‍ പുതുക്കി നിശ്ചയിച്ചതായി സര്‍വ്വകലാശാല അറിയിച്ചു. കൂടുതല്‍ വിവരങ്ങള്‍ക്ക് www.ssus.ac.in സന്ദര്‍ശിക്കുക.

ഐസിടാക്കിൽ പഠിക്കാം ഇൻഡസ്ട്രി റെഡിനെസ് പ്രോഗ്രാമുകൾ: അപേക്ഷ ക്ഷണിച്ചു

Sivanand C V — Fri, 31 Oct 2025 19:56:48 +0530

കേരള സർക്കാർ പിന്തുണയോടെ ടെക്‌നോപാർക്ക് ആസ്ഥാനമായി പ്രവർത്തിക്കുന്ന ഐസിടാക്ക് (ഐ.സി.ടി. അക്കാദമി ഓഫ് കേരള) തൊഴിലധിഷ്ഠിത ഇൻഡസ്ട്രി റെഡിനെസ് പ്രോഗ്രാമുകളിലേക്ക് അടുത്ത ബാച്ചിലേക്കുള്ള അപേക്ഷകൾ ക്ഷണിച്ചു. തിരുവനന്തപുരം ടെക്‌നോപാർക്കിലെ ഐസിടാക്ക് ക്യാമ്പസിൽ നേരിട്ട് നടത്തുന്ന ഓഫ്‌ലൈൻ ബാച്ചുകളിലേക്കാണ് പ്രവേശനം.

സർട്ടിഫൈഡ് സ്പെഷ്യലിസ്റ്റ് ഇൻ ഫുൾ സ്റ്റാക്ക് ഡെവലപ്‌മെൻ്റ് , ഡേറ്റ സയന്‍സ് & അനലറ്റിക്സ്‌, ആര്‍ട്ടിഫിഷ്യല്‍ ഇന്റലിജന്‍സ് & മെഷീന്‍ ലേണിംഗ്, സൈബര്‍ സെക്യൂരിറ്റി അനലിസ്റ്റ് എന്നീ നൂതന പ്രോഗ്രാമുകളിലേക്കാണ് അപേക്ഷ ക്ഷണിച്ചത്.

ഒരു മാസത്തെ ഇന്റേൺഷിപ്പ് ഉൾപ്പെടെ അഞ്ച് മാസം (500 മണിക്കൂർ) ദൈർഘ്യമുള്ള ഈ പ്രോഗ്രാമിൽ; ഡ്യൂവൽ സർട്ടിഫിക്കേഷൻ, തൊഴിൽ നേടുന്നതിനാവശ്യമായ എംപ്ലോയബിലിറ്റി സ്കില്ലുകളിൽ സമഗ്രമായ പരിശീലനം, പരിചയസമ്പന്നരായ വ്യവസായ വിദഗ്ധർ നയിക്കുന്ന എക്സ്പെർട്ട് സെഷനുകൾ എന്നിവ പ്രധാന സവിശേഷതകളാണ്. പഠന കാലയളവിൽ ആറുമാസത്തേക്ക് ലിങ്ക്ഡ്ഇൻ ലേണിംഗ് അല്ലെങ്കിൽ അൺസ്റ്റോപ്പ് പ്രീമിയം ഉപയോഗിക്കാനുള്ള ലൈസൻസും ഇതോടൊപ്പം ലഭിക്കും.

പഠനത്തിൽ മികവ് പുലർത്തുന്ന യോഗ്യരായ വിദ്യാർത്ഥികൾക്ക് 100% പ്ലേസ്‌മെന്റ് പിന്തുണയ്‌ക്കൊപ്പം ആകർഷകമായ സ്കോളർഷിപ്പുകളും ക്യാഷ്ബാക്ക് ആനുകൂല്യങ്ങളും ഉറപ്പു നൽകുന്നുണ്ട്. എൻജിനീയറിങ്, സയൻസ് ബിരുദധാരികൾ, ഗണിതത്തിലും കമ്പ്യൂട്ടർ ഫണ്ടമെന്റൽസിലും ശക്തമായ അടിത്തറയുള്ള ഏതെങ്കിലും എൻജിനീയറിങ് മേഖലയിൽ ത്രിവത്സര ഡിപ്ലോമയുള്ളവർ, അവസാന വർഷ ബിരുദ പരീക്ഷാഫലം കാത്തിരിക്കുന്നവർ എന്നിവർക്ക് അപേക്ഷിക്കാവുന്നതാണ്.

2025 ഒക്ടോബർ 24 വരെ ഈ പ്രോഗ്രാമുകളിലേക്ക് അപേക്ഷിക്കാം. കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനും: https://ictkerala.org/interest എന്ന വെബ്സൈറ്റ് സന്ദർശിക്കുകയോ അല്ലെങ്കിൽ +91 75 940 51437, 47 127 00 811 എന്ന നമ്പറിലേക്കോ ബന്ധപ്പെടാവുന്നതാണ്.

ക്യൂബക്ക്: കാനഡയിലേക്ക് ചേക്കേറാൻ മികച്ച മാർഗ്ഗം

Web Team — Fri, 12 Sep 2025 19:04:43 +0530

കാനഡയിലേക്കുള്ള കവാടം എന്നാണ് ക്യൂബക്ക് അറിയപ്പെടുന്നത്. പഠനത്തിന് ആയാലും പെർമനന്റ് റസിഡൻസി ആയാലും മികച്ച വിദ്യാഭ്യാസ സ്ഥാപനങ്ങൾ കൊണ്ടും തൊഴിൽ അവസരങ്ങൾ കൊണ്ടും കാനഡയിലേക്ക് ചേക്കേറാൻ ആഗ്രഹിക്കുന്നവർക്ക് ഏറ്റവും മികച്ച അവസരം ഒരുക്കുകയാണ് ക്യൂബക്ക്. ഐടി, ലോജിസ്റ്റിക്സ്, സപ്ലൈചെയിൻ, സയൻസ് അനുബന്ധ ജോലി സാദ്ധ്യതകൾ എന്നിങ്ങിനെ ഏറെ അവസരങ്ങളാണ് ക്യൂബക് ഒളിപ്പിച്ച് വച്ചിരിക്കുന്നത്.

പ്രായപരിധിയില്ല, ഫീസും കുറവ്, ജോലി സാധ്യത കൂടുതല്‍; ഓഡിയോ പ്രൊഡക്ഷന്‍ കോഴ്സിലേക്ക് അപേക്ഷ ക്ഷണിച്ചു

Web Desk — Fri, 20 Feb 2026 21:54:16 +0530

തിരുവനന്തപുരം: സംസ്ഥാന സർക്കാർ സ്വയംഭരണ സ്ഥാപനമായ കേരള മീഡിയ അക്കാഡമിയുടെ ഡിപ്ലോമ ഇന്‍ ഓഡിയോ പ്രൊഡക്ഷന്‍ (Diploma in Audio production) കോഴ്സിൻ്റെ പുതിയ ബാച്ചിലേക്ക് അപേക്ഷ ക്ഷണിച്ചു. സൗണ്ട് എൻജിനീയറിംഗ് , ആര്‍ജെ ട്രയിനിംഗ് , ഡബ്ബിംഗ് , പോഡ്കാസ്റ്റ് , വോയിസ് മോഡുലേഷൻ എന്നീ വിഷയങ്ങൾ ചേർന്നതാണ് ഈ കോഴ്സ്' . ഈ വിഷയങ്ങളിൽ പരിശീലനം നേടി, ഏറെ തൊഴിൽ സാധ്യതയുള്ള സർക്കാർ അംഗീകൃത ഡിപ്ലോമ നേടാം . കേരള മീഡിയ അക്കാഡമിയുടെ തിരുവനന്തപുരം - കൊച്ചി സെൻ്ററുകളിൽ ആണ് ക്ലാസ് നടക്കുന്നത്. വിദ്യാർത്ഥികൾക്ക് അവരവർക്ക് സൗകര്യപ്രദമായ സെൻ്ററിൽ ജോയിൻ ചെയ്യാം.

ഇരു സെൻ്ററുകളിലും പ്രവർത്തിക്കുന്ന അക്കാഡമിയുടെ റേഡിയോ കേരളയുടെ സ്റ്റുഡിയോയിലാണ് ക്ലാസും പരിശീലനവും. രണ്ടര മാസമാണ് കോഴ്സിൻ്റെ കാലാവധി. തിങ്കൾ മുതൽ വെള്ളി വരെ രാവിലെ 10 മുതൽ വൈകിട്ട് 4 മണി വരെയാണ് ക്ലാസ് . പ്ലസ്ടു പാസ്സായിരിക്കണം എന്നതാണ് മിനിമം വിദ്യാഭ്യാസ യോഗ്യത . പ്രായപരിധി ഇല്ല . ഫീസ് 25000 രൂപ . അപേക്ഷ ലഭിക്കേണ്ട അവസാന തീയതി 2026 മാർച്ച് 14 . കൂടുതൽ വിവരങ്ങൾക്ക് ഫോൺ: കൊച്ചി സെൻ്റർ : 7356751960 തിരുവനന്തപുരം സെൻ്റർ : 9744844522 കൂടുതൽ വിവരങ്ങൾ കേരള മീഡിയ അക്കാദമിയുടെ വെബ്സൈറ്റിൽ ലഭ്യമാണ്.

വിദേശത്ത് MBBS, കേരളത്തിലേക്കാൾ താങ്ങാവുന്ന ചെലവിൽ

Web Team — Wed, 10 Jul 2024 17:16:43 +0530

ഡോക്ടറാകാൻ വിദേശത്ത് പോയി പഠിക്കുമ്പോൾ ശ്രദ്ധിക്കേണ്ട പ്രധാനപ്പെട്ട കാര്യം കുറഞ്ഞ ചെലവിൽ ക്വാളിറ്റിയുള്ള വിദ്യാഭ്യാസം നൽകുന്ന രാജ്യങ്ങൾ തെരഞ്ഞെടുക്കുക എന്നതാണ്. കേരളത്തിലെ സ്വാശ്രയ കോളേജുകളെക്കാൾ താങ്ങാവുന്ന ചെലവിലും പരിശീലന സാധ്യതകൾ ഉള്ളതുമായ മെഡിക്കൽ വിദ്യാഭ്യാസത്തിന് അവസരം നൽകുന്ന രാജ്യമാണ് ഉസ്ബെക്കിസ്ഥാൻ. കൂടുതൽ വിവരങ്ങൾക്ക്:> https://bit.ly/3LfimKq

യു.കെ.യിൽ രജിസ്ട്രേഡ് നഴ്സാകാം, ജനറൽ നഴ്സിങ് കഴിഞ്ഞവർക്ക് അവസരം

Web Team — Tue, 16 Jul 2024 15:28:08 +0530

ജനറൽ നഴ്സിങ് പാസ്സായ വിദ്യാർത്ഥികൾക്ക് വലിയ തുക മുടക്കാതെ തന്നെ യു.കെയിൽ രജിസ്ട്രേഡ് നഴ്സാകാം. ഒരു വർഷം കൊണ്ട് ബി.എസ്.സി ഓണേഴ്സ് ബിരുദം നേടാനുള്ള കോഴ്സുകളാണുള്ളത്.

യു.കെയിലെ പബ്ലിക് യൂണിവേഴ്സിറ്റിയായ യൂണിവേഴ്സിറ്റി ഓഫ് സഫോക്കിന്റെ കീഴിലുള്ള കോളേജുകളാണ് ഈ കോഴ്സുകൾ നൽകുന്നത്. ബി.എസ്.സി ഓണേഴ്സ് നഴ്സിങ് ടോപ് അപ്, ബി.എസ്.സി ഓണേഴ്സ് മിഡ് വൈഫറി പ്രൊഫഷണൽ ടോപ് അപ്, ബി.എസ്.സി ഓണേഴ്സ് എൻഹാൻസ്ഡ് മെന്റൽ ഹെൽത് നഴ്സിങ് ടോപ് അപ് എന്നിവയാണ് കോഴ്സുകൾ. കോഴ്സ് ഫീസ് 7500 പൗണ്ട്.

ഈ മൂന്നു കോഴ്സുകൾ പാസ്സാകുന്ന വിദ്യാർത്ഥികൾക്ക് യു.കെയിൽ രജിസ്ട്രേഡ് നഴ്സാകാനുള്ള പരീക്ഷ എഴുതാനുള്ള യോഗ്യത നേടാനാകും - ഇ ടോക് ഗ്ലോബൽ എജ്യുക്കേഷൻ എം.ഡിയും സി.ഇ.ഒയുമായ ടി.ആർ ഉണ്ണി പറയുന്നു. രണ്ടു പരീക്ഷകളാണ് ഇതിനുള്ളത് - സിബിറ്റി എക്സാം, ഒ.എസ്.സി.ഇ എക്സാം (ഓസ്കീ). ഈ പരീക്ഷകൾ വിജയിക്കുന്നവർക്ക് രജിസ്ട്രേഡ് നഴ്സായി യു.കെയിൽ ജോലി ചെയ്യാനാകും.

മൊത്തം 70 സീറ്റുകളാണ് ഈ പ്രോഗ്രാമിനായി യൂണിവേഴ്സിറ്റി ഓഫ് സഫോക് അനുവദിച്ചിരിക്കുന്നത്. ഒരു വർഷമാണ് കോഴ്സ് ദൈർഘ്യം. രണ്ടു വർഷം സ്റ്റേ ബാക്കും ലഭിക്കും. രജിസ്ട്രേ‍ഡ് നഴ്സാകുന്നതിനുള്ള പരീക്ഷ പാസ്സാകുന്നത് വരെ നഴ്സിങ് അസിസ്റ്റന്റ് ആകാനുള്ള യോഗ്യതയാണ് ഈ കോഴ്സുകൾ നൽകുക.

ഐ.ഇ.എൽ.റ്റി.എസ് 6, 5.5 അല്ലെങ്കിൽ ഒ.ഇ.റ്റി സ്കോർ സി, അല്ലെങ്കിൽ പി.റ്റി.ഇ 59 സ്കോർ ഉള്ളവർക്ക് അപേക്ഷിക്കാം. അഡ്മിഷൻ സെപ്റ്റംബറിൽ പൂർത്തിയാകും. ബി.എസ്.സി നഴ്സിങ് കഴിഞ്ഞവർക്കും അപേക്ഷിക്കാം. ബി.എസ്.സി ഓണേഴ്സ് മിഡ് വൈഫറി പ്രൊഫഷണൽ ടോപ് അപ്, ബി.എസ്.സി ഓണേഴ്സ് എൻഹാൻസ്ഡ് മെന്റൽ ഹെൽത് നഴ്സിങ് ടോപ് അപ് കോഴ്സുകൾ ബി.എസ്.സി നഴ്സിങ് കഴിഞ്ഞവർക്ക് തെരഞ്ഞെടുക്കാം. സ്റ്റേബാക്ക് ഉൾപ്പെടുന്ന മൂന്നു വർഷത്തിനുള്ളിൽ ഓസ്കീ പരീക്ഷ എഴുതി രജിസ്ട്രേഡ് നഴ്സാകാൻ കഴിയും.

ഈ കോഴ്സുകൾക്കൊപ്പം യു.കെയിൽ പാർട്ട് ടൈം ജോലി ചെയ്യാം എന്നതിനാൽ പഠനത്തിനും ജീവിതച്ചെലവിനുമുള്ള പണം കണ്ടെത്താനുമാകും. നഴ്സിങ് മേഖലയിൽ പാർട്ട് ടൈം ചെയ്യുന്നവർക്ക് അത് വർക് എക്സ്പീരിയൻസായി ചേർക്കാനുമാകും.

എസ്എസ്എൽസി ഫല പ്രഖ്യാപനം ഇന്ന്, എ പ്ലസുകാരുടെ എണ്ണം കുറഞ്ഞേക്കും

Web Desk — Fri, 15 May 2026 06:32:27 +0530

തിരുവനന്തപുരം: എസ്എസ്എൽസി പരീക്ഷാ ഫലം ഇന്ന് പ്രഖ്യാപിക്കും. ഉച്ചയ്ക്ക് മൂന്നിന് പൊതുവിദ്യാഭ്യാസ പ്രിൻസിപ്പൽ സെക്രട്ടറി ഫലം പ്രഖ്യാപിക്കും. 4.17 ലക്ഷം വിദ്യാർത്ഥികളാണ് പരീക്ഷയെഴുതി ഫലം കാത്തിരിക്കുന്നത്. പുതിയ വിദ്യാഭ്യാസ മന്ത്രി ചുമതലയേൽക്കും മുമ്പ് പ്രഖ്യാപിക്കാൻ കെ.പി.സി.സി നിർദേശം നൽകിയിരുന്നു. ഇത്തവണ എ പ്ലസുകാരുടെ എണ്ണം കുറയാൻ സാധ്യത. പുതുക്കിയ പാഠപുസ്തകവും ചോദ്യ പേപ്പറിന്റെ ഘടനയും മാറ്റിയായിരുന്നു ഇക്കുറി പരീക്ഷ. അതുകൊണ്ട് തന്നെ എ പ്ലസ് കാരുടെ എണ്ണം കുറയാനാണ് സാധ്യത. 99.05 ശതമാനമായിരുന്നു കഴിഞ്ഞ തവണത്തെ വിജയ ശതമാനം. മൂന്നര മുതൽ results.kerala.gov.in, examresults.kerala.gov.in തുടങ്ങിയ സൈറ്റുകളിലും സംസ്ഥാന ഐ ടി മിഷന്റെ 9188619958 എന്ന വാട്സ് ആപ്പ് നന്പറിലും ഫലം ലഭിക്കും.

ഐബിപിഎസ് പരീക്ഷ പാസായാലും ജോലി കിട്ടണമെങ്കിൽ സിബിൽ സ്കോർ മികച്ചതാകണം; രാജ്യസഭയിൽ ജോൺ ബ്രിട്ടാസിന്റെ ചോദ്യത്തിന് കേന്ദ്രത്തിന്റെ മറുപടി

Web Desk — Wed, 18 Mar 2026 12:27:25 +0530

ദില്ലി: ഐബിപിഎസ് (IBPS) വഴി കഠിനമായ പരീക്ഷകൾ പാസായി പൊതുമേഖലാ ബാങ്കുകളിലേക്ക് തെരഞ്ഞെടുക്കപ്പെടുന്ന ഉദ്യോഗാർത്ഥികളുടെ നിയമനം അവരുടെ ക്രെഡിറ്റ് ഹിസ്റ്ററിയുടെയോ സിബിൽ (CIBIL) സ്കോറിന്റെയോ അടിസ്ഥാനത്തിൽ റദ്ദാക്കാൻ ബാങ്കുകൾക്ക് സാധിക്കുമെന്ന് കേന്ദ്രസർക്കാരിന്റെ വെളിപ്പെടുത്തൽ. രാജ്യസഭാ എംപി ജോൺ ബ്രിട്ടാസിന്റെ ചോദ്യത്തിനാണ് മറുപടി. അന്തിമ തീരുമാനമെടുക്കാനുള്ള വിവേചനാധികാരം പൂർണ്ണമായും അതത് ബാങ്കുകൾക്കായിരിക്കുമെന്നും സർക്കാർ വ്യക്തമാക്കി. കഴിഞ്ഞ മൂന്ന് വർഷത്തിനിടെ 20 പേരുടെ നിയമനം മാത്രമേ ഇങ്ങനെ റദ്ദാക്കിയിട്ടുള്ളൂവെന്നും സർക്കാർ വ്യക്തമാക്കി.

വിഷയത്തിൽ കേന്ദ്രത്തെ വിമർശിച്ച് ബ്രിട്ടാസ് രംഗത്തെത്തി. കഠിനമായ പരീക്ഷകൾ പാസായി പൊതുമേഖലാ ബാങ്കുകളിലേക്ക് തിരഞ്ഞെടുക്കപ്പെടുന്ന ഉദ്യോഗാർത്ഥികളുടെ നിയമനം അവരുടെ ക്രെഡിറ്റ് ഹിസ്റ്ററിയുടെയോ സിബിൽ (CIBIL) സ്കോറിന്റെയോ അടിസ്ഥാനത്തിൽ റദ്ദാക്കാൻ ബാങ്കുകൾക്ക് സാധിക്കുമെന്നാണ് കേന്ദ്രസർക്കാരിന്റെ വെളിപ്പെടുത്തൽ ഞെട്ടിക്കുന്നതാണെന്നും ഉദ്യോഗാർത്ഥികളെ അവരുടെ സാമ്പത്തിക പരാധീനതയുടെ പേരിൽ ശിക്ഷിക്കുന്നതിന് തുല്യമാണിതെന്നും അദ്ദേഹം പറഞ്ഞു. ഉദ്യോഗാർത്ഥികൾ വിദ്യാഭ്യാസ ആവശ്യങ്ങൾക്കും ചികിത്സാ ആവശ്യങ്ങൾക്കും വേണ്ടി വായ്പ എടുക്കുന്നതും, ജോലി ഇല്ലാത്തതിനാൽ തിരിച്ചടവ് മുടങ്ങുന്നതും സ്വാഭാവികമാണ്.

കടം വീട്ടാനാണ് ഒരാൾക്ക് ജോലി വേണ്ടത്. എന്നാൽ കടമുണ്ടെങ്കിൽ ജോലി നൽകില്ല എന്ന നിലപാട് ആരെ സഹായിക്കാനാണെന്നും പൊതുമേഖലാ സ്ഥാപനങ്ങളിൽ തുല്യമായ തൊഴിലവസരം എന്നത് ഭരണഘടനാപരമായ അവകാശമാണ്. അത് സാമ്പത്തിക നിലയുടെ പേരിൽ നിഷേധിക്കപ്പെടുന്നത് അപകടകരമായ കീഴ്വഴക്കമാണെന്നും അദ്ദേഹം പറഞ്ഞു. മെറിറ്റും കഴിവും നോക്കി നിയമനം നടത്തേണ്ട സ്ഥാനത്ത് സാമ്പത്തിക പശ്ചാത്തലം നോക്കി വിവേചനം കാണിക്കുന്നത് ജനാധിപത്യത്തിന് ഒട്ടും യോജിച്ചതല്ലെന്നും അദ്ദേഹം പറഞ്ഞു.

പത്താം ക്ലാസ്, പ്ലസ് ടു വിദ്യാര്‍ത്ഥികള്‍ക്കായി സമ്മര്‍ സ്‌കൂൾ രണ്ടാം പതിപ്പുമായി കൊച്ചി ജെയിന്‍ യൂണിവേഴ്‌സിറ്റി; രജിസ്ട്രേഷന്‍ ആരംഭിച്ചു

Web Desk — Wed, 18 Mar 2026 16:57:48 +0530

കൊച്ചി: ഉന്നത വിദ്യാഭ്യാസ രംഗത്തേക്ക് കടക്കുന്ന വിദ്യാര്‍ത്ഥികള്‍ക്കായുള്ള സൗജന്യമായ റസിഡന്‍ഷ്യല്‍ ഫിനിഷിംഗ് സ്‌കൂള്‍ പ്രോഗ്രാം 'ജെയിന്‍ യൂണിവേഴ്സിറ്റി സമ്മര്‍ സ്‌കൂള്‍ - 2026', ഏപ്രില്‍,മെയ് മാസങ്ങളിലായി ജെയിന്‍ യൂണിവേഴ്സിറ്റി കൊച്ചി ക്യാമ്പസില്‍ നടക്കും. കഴിഞ്ഞ വര്‍ഷം ആദ്യമായി സംഘടിപ്പിച്ച സമ്മര്‍ സ്‌കൂളിന് വിദ്യാര്‍ത്ഥികളില്‍ നിന്നും രക്ഷിതാക്കളില്‍ നിന്നും മികച്ച സ്വീകാര്യതയാണ് ലഭിച്ചത്. പ്രമുഖരായ നിരവധി പ്രഭാഷകരുടെ സാന്നിധ്യവും വൈവിധ്യമാര്‍ന്ന സെഷനുകളും കഴിഞ്ഞ തവണത്തെ പ്രത്യേകതയായിരുന്നു. ഇതിൽ നിന്നും പ്രചോദനം ഉൾക്കൊണ്ടുകൊണ്ടാണ് രണ്ടാം പതിപ്പ് വിഭാവനം ചെയ്തിരിക്കുന്നത്.

പത്താം ക്ലാസ്, പ്ലസ് ടു പരീക്ഷകള്‍ പൂര്‍ത്തിയാക്കിയ വിദ്യാര്‍ത്ഥികള്‍ക്കായാണ് രാജ്യത്തെ പ്രമുഖ യൂണിവേഴ്‌സിറ്റികളില്‍ ഒന്നായ ജെയിന്‍ യൂണിവേഴ്‌സിറ്റി സമ്മര്‍ സ്‌കൂള്‍ സംഘടിപ്പിക്കുന്നത്. ആകെ 60 വിദ്യാര്‍ത്ഥികള്‍ക്കാണ് ഈ പരിപാടിയില്‍ പ്രവേശനം ലഭിക്കുക. ഇതില്‍ 30 സീറ്റുകള്‍ പത്താം ക്ലാസ് കഴിഞ്ഞവര്‍ക്കും 30 സീറ്റുകള്‍ പ്ലസ് ടു കഴിഞ്ഞവര്‍ക്കുമാണ് പ്രവേശനം. താല്‍പര്യമുള്ളവര്‍ക്ക് https://jainuniversitykochi.com/summer-school-2026/ എന്ന വെബ്സൈറ്റ് വഴി ഏപ്രില്‍ 14-നകം അപേക്ഷിക്കാം. ക്യാമ്പിൽ പങ്കെടുക്കാനുള്ള തങ്ങളുടെ താല്പര്യവും കാരണവും വ്യക്തമാക്കുന്ന ഒരു മിനിറ്റ് ദൈര്‍ഘ്യമുള്ള വീഡിയോ കൂടി അപേക്ഷയ്ക്കൊപ്പം സമർപ്പിക്കേണ്ടതുണ്ട്.

പരമ്പരാഗത ക്ലാസ് മുറി പഠനത്തിനപ്പുറം, ആധുനിക ലോകത്ത് അത്യന്താപേക്ഷിതമായ പ്രായോഗിക കഴിവുകള്‍ വളര്‍ത്തിയെടുക്കുന്ന രീതിയിലാണ് ഈ പ്രോഗ്രാം വിഭാവനം ചെയ്തിരിക്കുന്നത്. ഓരോ ദിവസവും അക്കാദമിക് മികവിനും വ്യക്തിത്വ വികസനത്തിനും തുല്യ പ്രാധാന്യം നല്‍കുന്ന രീതിയിലുള്ള സമയക്രമമാണ് നിശ്ചയിച്ചിട്ടുള്ളത്. രാവിലെകളിൽ വിമർശനാത്മക ചിന്ത , ആശയവിനിമയ ശേഷി, നേതൃപാടവം, ഡിജിറ്റല്‍ അവബോധം എന്നിവയില്‍ വിദഗ്ധര്‍ ക്ലാസുകള്‍ നയിക്കും.

ഉച്ചയ്ക്ക് ശേഷമുള്ള സെഷനുകളില്‍ വിദ്യാര്‍ത്ഥികള്‍ക്ക് തങ്ങളുടെ അഭിരുചിക്ക് അനുസരിച്ചുള്ള വിവിധ അക്കാദമിക് വിഷയങ്ങളെക്കുറിച്ച് ആഴത്തില്‍ മനസ്സിലാക്കാനും മികച്ച കരിയര്‍ പാത തിരഞ്ഞെടുക്കാനുള്ള വ്യക്തത നേടാനും സാധിക്കും. ലൈഫ് ആന്‍ഡ് ലീഡര്‍ഷിപ്പ് ലാബുകളിലൂടെ തൊഴിലിടങ്ങളിലെ മര്യാദകൾ, കൂട്ടായ്മ, പ്രശ്നപരിഹാര ശേഷി എന്നിവയില്‍ പ്രായോഗിക പരിശീലനം നല്‍കും. വൈകുന്നേരങ്ങളില്‍ സംഗീതം, കഥ പറച്ചില്‍, നൃത്തം, കായിക വിനോദങ്ങള്‍ എന്നിവയിലൂടെ വിദ്യാര്‍ത്ഥികളുടെ ആത്മവിശ്വാസം വര്‍ദ്ധിപ്പിക്കാനും പരസ്പരമുള്ള സൗഹൃദങ്ങള്‍ വളര്‍ത്താനും അവസരമൊരുക്കും.

ക്ലാസ് മുറികള്‍ക്ക് പുറത്തുള്ള അനുഭവങ്ങൾ ഈ സമ്മര്‍ സ്‌കൂളിന്റെ പ്രധാന സവിശേഷതയാണ്. ഇതിന്റെ ഭാഗമായി ഒരു മാതൃകാ ഇക്കോ-ടൂറിസം വില്ലേജ് സന്ദര്‍ശിച്ച് സുസ്ഥിര വികസനത്തെക്കുറിച്ചും പ്രകൃതി സംരക്ഷണത്തെക്കുറിച്ചും വിദ്യാര്‍ത്ഥികള്‍ക്ക് നേരിട്ട് മനസ്സിലാക്കാം. കൂടാതെ, കൊച്ചി വാട്ടർ മെട്രോ പദ്ധതി സന്ദർശിക്കുന്നതിലൂടെ ആധുനിക അടിസ്ഥാന സൗകര്യ വികസനത്തെക്കുറിച്ച് അറിവ് നേടാനും സാധിക്കും. സാമൂഹിക ഉത്തരവാദിത്തവും സഹാനുഭൂതിയും വളർത്തുന്നതിനായി ഒരു വൃദ്ധസദനം സന്ദർശിക്കുന്നതും വിവിധ മേഖലകളിലെ പ്രമുഖരുമായി സംവദിക്കുന്നതും പ്രോഗ്രാമിന്റെ ഭാഗമാണ്. തിരഞ്ഞെടുക്കപ്പെടുന്ന വിദ്യാര്‍ത്ഥികള്‍ക്കുള്ള താമസം, ഭക്ഷണം, പഠന ക്ലാസുകള്‍, സന്ദര്‍ശന യാത്രകള്‍ എന്നിവയുടെ മുഴുവന്‍ ചെലവും യൂണിവേഴ്സിറ്റിയാണ് വഹിക്കുന്നത്.

തിയറി ക്ലാസുകൾക്കപ്പുറം, അതിവേഗം മാറുന്ന ആധുനിക ലോകത്തിന് ആവശ്യമായ പ്രായോഗിക നൈപുണ്യങ്ങൾ വിദ്യാർത്ഥികളിൽ വളർത്തിയെടുക്കുക എന്നതാണ് ഈ സമ്മർ സ്കൂളിന്റെ ലക്ഷ്യമെന്ന് ജെയിൻ യൂണിവേഴ്സിറ്റി ഡയറക്ടർ ഡോ. ടോം ജോസഫ് പറഞ്ഞു. അക്കാദമിക് മികവിനൊപ്പം നേതൃഗുണവും വിമർശനാത്മക ചിന്താശേഷിയുമുള്ള ഒരു പുതിയ തലമുറയെ വാർത്തെടുക്കാൻ ഈ പരിശീലനം വലിയൊരു ചുവടുവെപ്പാകും.പ്രകൃതിയെ അറിഞ്ഞും സമൂഹത്തിലെ വിവിധ തുറകളിലുള്ളവരുമായി സംവദിച്ചുമുള്ള ഇത്തരം അനുഭവങ്ങൾ അവരുടെ ഉപരിപഠനത്തിലും കരിയറിലും വലിയ മാറ്റങ്ങൾ കൊണ്ടുവരുമെന്നും അദ്ദേഹം അഭിപ്രായപ്പെട്ടു. കൂടുതൽ വിവരങ്ങൾക്ക് - +91 7034052828.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

എസ്എസ്എൽസി പരീക്ഷ: 12 മുതൽ ഫീസ് അടയ്ക്കാം, വിവരങ്ങൾ ഇങ്ങനെ

Sivanand C V — Thu, 30 Oct 2025 19:17:41 +0530

2025-26 അധ്യയന വർഷത്തെ എസ്.എസ്.എൽ.സി., ടി.എച്ച്.എസ്.എൽ.സി., എ.എച്ച്.എസ്.എൽ.സി., എസ്.എസ്.എൽ.സി (ഹിയറിംഗ് ഇംപയേർഡ്), ടി.എച്ച്.എസ്.എൽ.സി. (ഹിയറിംഗ് ഇംപയേർഡ്) പരീക്ഷകളുടെ വിജ്ഞാപനം പ്രസിദ്ധീകരിച്ചു. പരീക്ഷകൾ 2026 മാർച്ച് 5ന് ആരംഭിച്ച് മാർച്ച് 30ന് അവസാനിക്കും. പരീക്ഷാഫീസ് പിഴ കൂടാതെ 2025 നവംബർ 12 മുതൽ 19 വരേയും പിഴയോടുകൂടി 21 മുതൽ 26 വരെയും പരീക്ഷാ കേന്ദ്രങ്ങളിൽ സ്വീകരിക്കും.

വിശദവിവരങ്ങൾക്ക്: https://sslcexam.kerala.gov.in, https://thslcexam.kerala.gov.in, http://ahslcexam.kerala.gov.in, https://pareekshabhavan.kerala.gov.in, http://sslchiexam.kerala.gov.in, http://thslchiexam.kerala.gov.in.

എസ്എസ്എൽസി, ഹയർ സെക്കന്ററി പരീക്ഷാ തിയ്യതികൾ പ്രഖ്യാപിച്ചു

സംസ്ഥാനത്ത് എസ്എസ്എൽസി, ഹയർസെക്കൻ്ററി പരീക്ഷാ തിയ്യതികൾ വിദ്യാഭ്യാസ മന്ത്രി വി ശിവൻകുട്ടി പ്രഖ്യാപിച്ചിരുന്നു. 2026 മാർച്ച് 5 ന് തുടങ്ങി മാർച്ച് 30 വരെയാണ് എസ്എസ്എൽസി പരീക്ഷ നടക്കുക. രാവിലെ 9.30 ന് പരീക്ഷകൾ തുടങ്ങും. മെയ് 8നായിരിക്കും എസ്എസ്എൽസി ഫലപ്രഖ്യാപനം. മാർച്ച് 5 മുതൽ 27 വരെ ഹയർ സെക്കൻ്ററി ഒന്നാം വർഷ പരീക്ഷകളും, രണ്ടാം വർഷം മാർച്ച് 6 മുതൽ 28 വരെയും നടക്കും. ഒന്നാംവർഷ പരീക്ഷ ഉച്ചയ്ക്ക് 1.30നും രണ്ടാം വർഷ പരീക്ഷ രാവിലെ 9.30 നും ആരംഭിക്കുമെന്നും സംസ്ഥാനത്ത് 3000 പരീക്ഷ കേന്ദ്രങ്ങളിലാണ് പരീക്ഷ നടക്കുകയെന്നും മന്ത്രി വാർത്താസമ്മേളനത്തിൽ വ്യക്തമാക്കിയിരുന്നു.

തിരുവനന്തപുരം ദൂരദർശനിൽ സീനിയർ കറസ്‌പോണ്ടന്റ് കരാർ നിയമനം

Sivanand C V — Thu, 30 Oct 2025 23:34:01 +0530

കേന്ദ്ര വാർത്താ വിതരണ പ്രക്ഷേപണ മന്ത്രാലയത്തിന് കീഴിലെ തിരുവനന്തപുരം ദൂരദർശൻ കേന്ദ്രത്തിൽ സീനിയർ കറസ്‌പോണ്ടന്റ് തസ്തികയിലേക്ക് കരാർ നിയമനത്തിന് അപേക്ഷ ക്ഷണിച്ചു. ഒരൊഴിവാണുള്ളത്. രണ്ട് വർഷമാണ് കരാർ കലാവധി. അംഗീകൃത സർവകലാശാല/സ്ഥാപനത്തിൽ നിന്ന് ജേണലിസം/ മാസ് കമ്മ്യൂണിക്കേഷൻ/ പ്രസക്തമായ മേഖലയിൽ ബിരുദം/ പിജി ഡിപ്ലോമ എന്നിവയാണ് യോഗ്യത.

അനുബന്ധ മേഖലയിൽ കുറഞ്ഞത് 5 വർഷത്തെ പ്രവ‍ൃത്തി പരിചയം വേണം. ഏകീകൃത പ്രതിമാസ വേതനം 80,000- 1,25,000/- രൂപയാണ്. മലയാളം,ഹിന്ദി, ഇംഗ്ലീഷ് ഭാഷകളിൽ പ്രാവീണ്യം ഉണ്ടായിരിക്കണം. വിജ്ഞാപന തീയതി പ്രകാരം 45 വയസ്സിന് താഴെയുള്ളവർക്ക് അപേക്ഷിക്കാം. പ്രസിദ്ധീകരണ തീയതി മുതൽ 15 ദിവസത്തിനുള്ളിൽ https://avedan.prasarbharati.org എന്ന പിബി വെബ്‌സൈറ്റിൽ അപേക്ഷിക്കാം.

കീം -2025 എം.ബി.ബി.എസ്/ ബി.ഡി.എസ്; താത്ക്കാലിക അലോട്ട്‌മെന്റ് പ്രസിദ്ധീകരിച്ചു

Sivanand C V — Thu, 30 Oct 2025 19:55:48 +0530

കേരളത്തിലെ സർക്കാർ മെഡിക്കൽ കോളേജുകളിലെയും സ്വാശ്രയ മെഡിക്കൽ കോളേജുകളിലെയും 2025 ലെ എം.ബി.ബി.എസ്./ ബി.ഡി.എസ്. കോഴ്‌സുകളിലെ സംസ്ഥാന ക്വാട്ടാ സീറ്റുകളിലേക്കുള്ള മൂന്നാംഘട്ട താത്ക്കാലിക അലോട്ട്‌മെന്റ് പ്രവേശന പരീക്ഷാ കമ്മീഷണറുടെ www.cee.kerala.gov.in വെബ്‌സൈറ്റിൽ പ്രസിദ്ധീകരിച്ചു.

ലിസ്റ്റ് സംബന്ധിച്ച പരാതികളുണ്ടെങ്കിൽ പ്രവേശന പരീക്ഷാ കമ്മീഷണറുടെ ceekinfo.cee@kerala.gov.in ഇമെയിൽ മുഖാന്തിരം ഒക്ടോബർ 31ന് വൈകുന്നേരം 6 മണിക്കുള്ളിൽ അറിയിക്കണം. അന്തിമ അലോട്ട്മെന്റ് നവംബർ 3ന് പ്രസിദ്ധീകരിക്കും. അന്തിമ അലോട്ട്‌മെന്റിന്റെ അടിസ്ഥാനത്തിൽ നവംബർ 8ന് വൈകിട്ട് 4 മണി വരെ വിദ്യാർത്ഥികൾക്ക് അഡ്മിഷൻ നേടാം. വിശദ വിവരങ്ങൾക്ക്: www.cee.kerala.gov.in, 0471 2332120, 2338487.

സി-ഡിറ്റ് കോഴ്സുകൾക്ക് അപേക്ഷിക്കാം

സി-ഡിറ്റിന്റെ പോസ്റ്റ് ഗ്രാജുവറ്റ് ഡിപ്ലോമ, അഡ്വാൻസ്ഡ് ഡിപ്ലോമ, ഡിപ്ലോമ, സർട്ടിഫിക്കറ്റ് തൊഴിൽ അധിഷ്ഠിത ഐടി കോഴ്സുകളിൽ ഒഴിവുള്ള സീറ്റുകളിലേക്ക് പ്രവേശനത്തിന് നവംബർ 1നകം വിവിധ തദ്ദേശസ്വയംഭരണ സ്ഥാപനങ്ങളുടെ പരിധിയിലുള്ള പഠന കേന്ദ്രങ്ങളിൽ അപേക്ഷിക്കണം. കൂടുതൽ വിവരങ്ങൾക്ക്: www.tet.cdit.org.

'വാഴ'യിൽ പറഞ്ഞത് അതിശയോക്തിയല്ല, സത്യത്തിന്‍റെ ഒരറ്റം മാത്രം'; വിദേശ വിദ്യാർത്ഥികളെ പിഴിഞ്ഞൂറ്റി വളരുന്ന യുകെ സർവകലാശാലകൾ, മനുഷ്യക്കടത്തെന്ന് ഗാർഡിയൻ

Web Desk — Tue, 21 Apr 2026 18:20:18 +0530

ലണ്ടൻ: ബ്രിട്ടനിലെ വിദേശ വിദ്യാർഥികളെ ലക്ഷ്യമിട്ട് നടത്തുന്ന തട്ടിപ്പിനെക്കുറിച്ച് ഞെട്ടിക്കുന്ന റിപ്പോർട്ടുമായി ദ ഗാർഡിയൻ പത്രം. ബ്രിട്ടനിലെ സർവ്വകലാശാലകളിൽ ഉന്നതപഠനത്തിന് എത്തുന്ന വിദേശ വിദ്യാർത്ഥികൾ നേരിടുന്ന ഭീകരമായ അവസ്ഥകളെക്കുറിച്ച് റിപ്പോർട്ടിൽ പറയുന്നു. വിദേശ വിദ്യാർത്ഥികളെ കേവലം വരുമാന മാർഗ്ഗമായി മാത്രം കാണുന്ന ബ്രിട്ടീഷ് വിദ്യാഭ്യാസ രംഗത്തെ മനുഷ്യക്കടത്തിനോടാണ് റിപ്പോർട്ട് താരതമ്യപ്പെടുത്തിയത്. ഇന്ത്യയടക്കമുള്ള ഏഷ്യൻ, ആഫ്രിക്കൻ രാജ്യങ്ങളിൽ നിന്നാണ് ബ്രിട്ടനിലേക്ക് കൂടുതൽ വിദ്യാർഥികൾ എത്തുന്നത്. ഏജൻസി ശൃംഖലകൾ വഴിയാണ് ഭൂരിഭാഗം വിദ്യാർത്ഥികളും ബ്രിട്ടനിൽ എത്തുന്നത്. ഉയർന്ന ശമ്പളമുള്ള ജോലിയും പൗരത്വവും വാഗ്ദാനം ചെയ്താണ് ഏജൻസികൾ കുട്ടികളെ ആകർഷിക്കുന്നത്. എന്നാൽ യാഥാർത്ഥ്യം ഇതിന് വിപരീതമാണെന്നും നിലവാരമില്ലാത്ത സർവകലാശാലകളിലാണ് പലരും എത്തിപ്പെടുന്നതെന്നും റിപ്പോർട്ട് ചൂണ്ടിക്കാട്ടുന്നു.

ഭീമമായ തുക ഫീസായി നൽകാൻ പല കുടുംബങ്ങളും വീടും കൃഷിയിടവും പണയപ്പെടുത്തിയാണ് വായ്പ എടുക്കുന്നത്. പഠന ശേഷം ജോലി എന്ന സ്വപ്നത്തിൽ പലരും വീഴുന്നു. എന്നാൽ, ബിരുദം കഴിഞ്ഞാൽ ജോലി ലഭിക്കാത്തതിനാൽ പലരും കടുത്ത കടക്കെണിയിലായി. ബ്രിട്ടനിലെ പ്രാദേശിക വിദ്യാർത്ഥികളേക്കാൾ മൂന്നിരട്ടി ഫീസാണ് വിദേശ വിദ്യാർഥികളിൽ നിന്ന് ഈടാക്കുന്നത്. ബ്രിട്ടനിലെ സർവകലാശാലകളുടെ ആകെ വരുമാനത്തിന്റെ നാലിലൊന്ന് ഭാഗം വിദേശ വിദ്യാർത്ഥികളിൽ നിന്നാണ് വരുന്നത്. സ്വന്തം രാജ്യത്തെ വിദ്യാർത്ഥികളിൽ നിന്നുള്ള ഫീസ് വർദ്ധിപ്പിക്കാതെ വിദേശികളെ പരമാവധി ചൂഷണം ചെയ്താണ് പല സർവകലാശാലകളും ലാഭം കണ്ടെത്തുന്നത്.

പഠനത്തിനായി എത്തുന്നവർക്ക് പലപ്പോഴും താമസസൗകര്യങ്ങളോ കൃത്യമായ മാർഗ നിർദ്ദേശങ്ങളോ മറ്റ് അടിസ്ഥാന സൗകര്യങ്ങളോ ലഭിക്കുന്നില്ല. റാക്കറ്റിന്റെ ഇരകളായി വിദേശ വിദ്യാർത്ഥികൾ മാറുന്നതിനെക്കുറിച്ച് റിപ്പോർട്ട് മുന്നറിയിപ്പ് നൽകുന്നു. ബ്രിട്ടീഷ് സർക്കാർ കുടിയേറ്റം നിയന്ത്രിക്കാൻ നിയമങ്ങൾ കടുപ്പിക്കുമ്പോൾ തന്നെ, സർവകലാശാലകൾ പണം കണ്ടെത്താൻ വിദേശ വിദ്യാർത്ഥികളെ കൂടുതലായി എത്തിക്കുന്നത് വൈരുദ്ധ്യമാണെന്ന് റിപ്പോർട്ടിൽ പറയുന്നു. പഠനത്തിനായി വിദേശത്തേക്ക് പോകുന്ന മലയാളികളടക്കമുള്ള ഉദ്യോഗാർത്ഥികൾക്ക് ഈ റിപ്പോർട്ട് വലിയൊരു ജാഗ്രതാ നിർദ്ദേശമാണ് നൽകുന്നത്.

ഓരോ വർഷവും നാല് ലക്ഷം വിദ്യാർഥി വിസയാണ് നൽകുന്നത്. പല സർവകലാശാലകളും ഇടനിലക്കാർ വഴിയാണ് വിദ്യാർഥികളെ കണ്ടെത്തുന്നത്. ഇന്ത്യക്കാരടക്കം നിരവധി വിദ്യാർഥികളാണ് പറ്റിക്കപ്പെട്ടതെന്നും റിപ്പോർട്ട് പറയുന്നു. ബ്രിട്ടനിൽ മാത്രമല്ല, കാനഡ, യുഎസ്എ, ഓസ്ട്രേലിയ തുടങ്ങി നിരവധി രാജ്യങ്ങളിൽ റാക്കറ്റുകൾ പ്രവർത്തിക്കുന്നുവെന്നും പറയുന്നു. ഏകദേശം 10 ലക്ഷത്തിലേറെ ഇന്ത്യൻ വിദ്യാർഥികളാണ് വിദേശത്തേക്ക് പഠനത്തിനായി പോകുന്നത്. ഇന്ത്യയിൽ നിന്ന് പോകുന്ന വിദ്യാർഥികളിൽ അധികവും ഇടത്തരം താഴ്ന്ന സാമ്പത്തിക സ്ഥിതിയിലുള്ള കുടുംബങ്ങളിൽ നിന്നുള്ളവരാണെന്നും പറയുന്നു.

ലോകത്തെ എവിടെയുമുള്ള മലയാളി വിദഗ്ധർ ഇനി വിരൽത്തുമ്പിൽ; സ്കോളർ കണക്ട് പദ്ധതി 11ന് മുഖ്യമന്ത്രി ഉദ്ഘാടനം ചെയ്യും

Web Desk — Sun, 08 Feb 2026 14:58:06 +0530

തിരുവനന്തപുരം: സംസ്ഥാനത്തെ സർവകലാശാലകളിലെയും കോളേജുകളിലെയും വിദ്യാർത്ഥികളെയും ഫാക്കൽറ്റികളെയും ലോകമെമ്പാടുമുള്ള കേരളീയർക്ക് അക്കാദമിക് വിദഗ്ധരുമായി ഡിജിറ്റലായി ബന്ധിപ്പിക്കാൻ ലക്ഷ്യമിടുന്ന സ്കോളർ കണക്ട് പദ്ധതി ഫെബ്രുവരി 11ന് തുടക്കമാകും. തിരുവനന്തപുരം വിമൻസ് കോളേജിൽ നടക്കുന്ന നാഷണൽ റിസർച്ച് കോൺഫറൻസ്, കേരള ഹയർ എഡ്യൂക്കേഷൻ എക്‌സ്‌പോ 2026 പരിപാടിയിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. കേരള സംസ്ഥാന ഉന്നത വിദ്യാഭ്യാസ കൗൺസിൽ (KSHEC) ആണ് പ്ലാറ്റ് പോം രൂപകൽപ്പന ചെയ്തത്.

മസാച്യുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജി, മെൽബൺ യൂണിവേഴ്സിറ്റി, നാൻയാങ് ടെക്നോളജിക്കൽ യൂണിവേഴ്സിറ്റി, ഡെൽഫ്റ്റ് യൂണിവേഴ്സിറ്റി ഓഫ് ടെക്നോളജി തുടങ്ങിയ പ്രമുഖ സ്ഥാപനങ്ങളിലെ പ്രൊഫസർമാർ ഉൾപ്പെടെ 14 രാജ്യങ്ങളിൽ നിന്നുള്ള 100-ലധികം പ്രവാസി പണ്ഡിതർ മെന്റർമാരായി ഇതിനകം രജിസ്റ്റർ ചെയ്തിട്ടുണ്ട്. രജിസ്റ്റർ ചെയ്ത ആഗോള വിദഗ്ധർക്ക് ഈ മേഖലകളിൽ മാർഗ്ഗനിർദ്ദേശം നൽകാൻ കഴിയും. ബിൽറ്റ്-ഇൻ ഷെഡ്യൂളിംഗ് ടൂളുകളിലൂടെയും എഐ അസിസ്റ്റന്റിലൂടെയും വെർച്വൽ, ഇൻ-പേഴ്‌സൺ ഇടപെടലുകൾ ഈ പ്ലാറ്റ്‌ഫോം വഴി നിർവ്വഹിക്കാനാവും. ഔദ്യോഗിക വെബ് പോർട്ടലും (scholarconnect.kshec.org) ഇതുമായി ബന്ധപ്പെട്ട മൊബൈൽ ആപ്പുകളും 11 ന് അനാച്ഛാദനം ചെയ്യും.

യുവ പ്രതിഭകളുടെ പോരാട്ടം; രാജ്യവ്യാപക ഹാക്കത്തോണിന് തിരുവനന്തപുരം സി.ഇ.ടിയിൽ ഇന്ന് തുടക്കമാവും

Web Desk — Fri, 27 Mar 2026 11:02:36 +0530

തിരുവനന്തപുരം: രാജ്യത്തെ മുൻനിര സാങ്കേതിക വിദ്യാഭ്യാസ സ്ഥാപനങ്ങളിലൊന്നായ തിരുവനന്തപുരം കോളേജ് ഓഫ് എഞ്ചിനീയറിംഗ് ആതിഥേയത്വം വഹിക്കുന്ന ദേശീയതല ഹാക്കത്തോൺ 'CodeReCET 3.0' ന് ഇന്ന് തുടക്കമാകും. 36 മണിക്കൂർ നീണ്ടുനിൽക്കുന്ന ഹാക്കത്തോണിൽ ഇന്ത്യയുടെ വിവിധ ഭാഗങ്ങളിൽ നിന്നുള്ള 84-വിദ്യാർത്ഥികൾ മാറ്റുരയ്ക്കും. ഇന്ന വൈകിട്ട് 4.30 മുതല്‍ 29ന് ഉച്ചക്ക് രണ്ട് മണിവരെ നീണ്ടും നില്‍ക്കുന്നതാണ് ഹാക്കത്തോൺ.

15-ലധികം സാങ്കേതിക മേഖലകളിലായി ലഭിച്ച ആയിരത്തോളം രജിസ്ട്രേഷനുകളിൽ നിന്ന്, കർശനമായ തിരഞ്ഞെടുപ്പ് പ്രക്രിയയിലൂടെയാണ് ഫൈനലിസ്റ്റുകളെ കണ്ടെത്തിയത്. 24 ടീമുകളിലായി 84 വിദ്യാർത്ഥികളാണ് സി.ഇ.ടിയിൽ നടക്കുന്ന അന്തിമഘട്ട മത്സരത്തിൽ പങ്കെടുക്കുന്നത്.

ക്യാമ്പസിലെ സജീവ വിദ്യാർത്ഥി കൂട്ടായ്മകളായ ടിങ്കർഹബ് (TinkerHub CET), ഐ.ഇ.ടി (IET On-Campus CET) എന്നിവർ ചേർന്നാണ് ഈ പരിപാടി സംഘടിപ്പിക്കുന്നത്. പ്രമുഖ എഡ്ജ് AI കമ്പനിയായ 'അർമാഡ' (Armada) ആണ് ഇത്തവണത്തെ ടൈറ്റിൽ സ്പോൺസർ. വെറും മത്സരമെന്നതിലുപരി, വ്യവസായ ലോകത്തെ യഥാർത്ഥ വെല്ലുവിളികൾ (Real-world problem statements) പരിഹരിക്കാനുള്ള അവസരമാണ് അർമാഡയുമായുള്ള സഹകരണത്തിലൂടെ വിദ്യാർത്ഥികൾക്ക് ലഭിക്കുന്നത്.

ഇന്നൊവേഷനും പ്രായോഗിക പഠനത്തിനും മുൻതൂക്കം നൽകുന്ന ഇത്തരം വേദികൾ യുവ എഞ്ചിനീയർമാർക്ക് വലിയ കരുത്താകുമെന്ന് സംഘാടകർ അറിയിച്ചു. വരും ദിവസങ്ങളിൽ വിദ്യാർത്ഥികളുടെ നൂതനമായ പ്രോജക്റ്റുകളും സോഫ്റ്റ്‌വെയർ സൊല്യൂഷനുകളും വിലയിരുത്തി വിജയികളെ പ്രഖ്യാപിക്കും.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

സ്റ്റുഡന്റ് വിസ റദ്ദാക്കി, ഒപിടി പ്രോഗ്രാമിനും ഭീഷണി; അമേരിക്കയിൽ പഠിക്കാൻ മടിച്ച് ഇന്ത്യൻ വിദ്യാർത്ഥികൾ

Web Desk — Fri, 25 Apr 2025 08:00:20 +0530

ദില്ലി: അന്താരാഷ്ട്ര വിദ്യാർത്ഥികൾ അമേരിക്കയിൽ പഠിക്കാൻ മടിക്കുന്നതായി റിപ്പോർട്ട്. യുഎസ് സ്റ്റുഡന്റ് വിസ റദ്ദാക്കൽ, സ്റ്റുഡൻ്റ് ആൻഡ് എക്സ്ചേഞ്ച് വിസിറ്റർ ഇൻഫർമേഷൻ സിസ്റ്റത്തിൽ (SEVIS) നിന്ന് സ്റ്റുഡന്റ് റെക്കോർഡ്സ് ഇല്ലാതാക്കൽ തുടങ്ങിയ നടപടികളിൽ വിദ്യാർത്ഥി സമൂഹവും മാതാപിതാക്കളും ഒരുപോലെ ആശങ്കയിലാണ്. കൂടാതെ, പഠനം പൂർത്തിയാക്കിയ ശേഷം വിദ്യാർത്ഥികൾക്ക് യുഎസിൽ ജോലി ചെയ്യാൻ അനുവാദം നൽകിയിരുന്ന ഓപ്ഷണൽ പ്രാക്ടിക്കൽ ട്രെയിനിംഗ് (ഒപിടി) പ്രോഗ്രാം ട്രംപ് ഭരണകൂടം നിർത്തലാക്കാൻ സാധ്യതയുമുണ്ട്.

'വിസ കാലതാമസം, സുരക്ഷ, രാഷ്ട്രീയ അസ്ഥിരത തുടങ്ങിയ ഘടകങ്ങൾ ചൂണ്ടിക്കാട്ടി 42% അന്താരാഷ്ട്ര വിദ്യാർത്ഥികൾ അമേരിക്കയെ പരിഗണിക്കാൻ സാധ്യത കുറവാണെന്ന് വിവിധ സർവേകളിൽ കണ്ടെത്തിയിട്ടുണ്ട്. അതിനാൽ അമേരിക്ക ഇപ്പോഴും വിദ്യാർത്ഥികളെ ആകർഷിക്കാൻ ശ്രമിക്കുന്നുണ്ടെങ്കിലും വിദ്യാർത്ഥികൾ ഭാവിയെ കുറിച്ചും ഭാവിയിലുണ്ടാകാൻ സാധ്യതയുള്ള വെല്ലുവിളികളെ കുറിച്ചും കൂടുതൽ ബോധവാന്മാരാണ്. കൂടാതെ മുമ്പത്തേക്കാൾ കൂടുതൽ ശ്രദ്ധാപൂർവ്വം അവർ വിവിധ ഓപ്ഷനുകൾ താരതമ്യം ചെയ്യുന്നുണ്ട്'. വൺസ്റ്റെപ്പ് ഗ്ലോബലിന്റെ സ്ഥാപകയും ഡയറക്ടറുമായ അരിത്ര ഘോഷാൽ പറഞ്ഞു.

വിദേശ പഠനങ്ങളുടെ കാര്യത്തിൽ ഇന്ത്യൻ വിദ്യാർത്ഥികൾക്ക് വളരെ വിശാലമായ കാഴ്ചപ്പാടുണ്ട്. ജർമ്മനി, ഫ്രാൻസ്, അയർലൻഡ് തുടങ്ങിയ രാജ്യങ്ങൾ അവരുടെ ഉയർന്ന നിലവാരമുള്ള വിദ്യാഭ്യാസ സംവിധാനങ്ങൾ, മികച്ച കുടിയേറ്റ നയങ്ങൾ, തൊഴിൽ വിപണികൾ എന്നിവയാൽ ജനപ്രീതി നേടിക്കൊണ്ടിരിക്കുകയാണ്. ജർമ്മനിയിൽ എഞ്ചിനീയറിംഗ്, അപ്ലൈഡ് സയൻസസ് മേഖലകളിൽ ട്യൂഷൻ ഫീസ് വളരെ കുറവാണ്. ബിസിനസ്സ്, ഡിസൈൻ, ആരോഗ്യ സംരക്ഷണ സംബന്ധിയായ പ്രോഗ്രാമുകൾ എന്നിവയ്ക്ക് ഫ്രാൻസ് മികച്ച ഓപ്ഷനുകളാണ് വാഗ്ദാനം ചെയ്യുന്നത്. സാങ്കേതികവിദ്യയിലും ലൈഫ് സയൻസസിലും അയർലൻഡ് മികച്ചുനിൽക്കുന്നു.

ജർമ്മൻ അക്കാഡമിക് എക്സ്ചേഞ്ച് സർവീസിന്റെ (DAAD) കണക്കുകൾ പ്രകാരം നിലവിൽ ഏകദേശം 4,05,000 അന്താരാഷ്ട്ര വിദ്യാർത്ഥികൾ ജർമ്മൻ സർവകലാശാലകളിൽ ചേർന്നിട്ടുണ്ട്. ജർമ്മൻ സർവകലാശാലകളിലെ വിദേശ വിദ്യാർത്ഥികളിൽ ഭൂരിഭാഗവും ഇന്ത്യക്കാരാണ്. ഏകദേശം 50,000 ഇന്ത്യക്കാരാണ് ഇത്തരത്തിൽ ജർമ്മൻ സർവകലാശാലകളിൽ പഠിക്കുന്നതെന്നാണ് ഏകദേശ കണക്ക്. ജർമ്മനി, ന്യൂസിലാൻഡ്, ഓസ്‌ട്രേലിയ, അയർലൻഡ്, ഫ്രാൻസ് തുടങ്ങിയ രാജ്യങ്ങളിലും അപേക്ഷകളിൽ വർദ്ധനവ് ഉണ്ടായിട്ടുണ്ട്. താങ്ങാനാവുന്നതോ സൗജന്യമോ ആയ ട്യൂഷൻ ഫീസും മികച്ച എഞ്ചിനീയറിംഗ് പ്രോഗ്രാമുകളും കാരണം 2022നും 2024നും ഇടയിൽ ജർമ്മനിയിൽ ഇന്ത്യൻ വിദ്യാർത്ഥികളുടെ പ്രവേശനത്തിൽ 68% വർദ്ധനവ് ഉണ്ടായെന്ന് അരിത്ര ഘോഷാൽ ചൂണ്ടിക്കാട്ടി.

അതേസമയം, ഇന്ത്യൻ വിദ്യാർത്ഥികളുടെ അപേക്ഷകളിൽ 354% വർദ്ധനവ് ഉണ്ടായതോടെ അന്താരാഷ്ട്രതലത്തിൽ ശ്രദ്ധയാകർഷിക്കുകയാണ് ന്യൂസിലൻഡ്. പഠനാനന്തര വർക്ക് വിസ നയങ്ങളിലെ മാറ്റങ്ങളും ഐടി, ആരോഗ്യ സംരക്ഷണം, ബിസിനസ്സ് എന്നിവയിലെ ബിരുദധാരികൾക്കുള്ള മികച്ച തൊഴിലവസരങ്ങളുമാണ് ഈ വർധനവിന് പ്രധാന കാരണം. യുഎസിനെയും യുകെയെയും അപേക്ഷിച്ച് ന്യൂസിലൻഡ് കൂടുതൽ സുരക്ഷിതമാണെന്ന് വിദ്യാർത്ഥികൾ കരുതുന്നു. ധനകാര്യം, വൈദ്യശാസ്ത്രം എന്നീ മേഖലകളിലെ വിദ്യാർത്ഥികൾ ഓസ്‌ട്രേലിയ, അയർലൻഡ് എന്നീ രാജ്യങ്ങളെയാണ് പരിഗണിക്കുന്നത്. കാനഡ ഇപ്പോഴും ജനപ്രിയമാണെങ്കിലും വിസ പ്രോസസ്സിംഗ് വൈകുന്നതും ഭവന ക്ഷാമവും മൂലം വെല്ലുവിളികൾ നേരിടുന്നുണ്ട്. ഇത് നിരവധി വിദ്യാർത്ഥികളെ യൂറോപ്പിലേക്ക് ചേക്കേറാൻ പ്രേരിപ്പിക്കുകയാണ്.

'റഷ്യ ഉൾപ്പെടെയുള്ള ഇതര ലക്ഷ്യസ്ഥാനങ്ങളെക്കുറിച്ച് ഇന്ത്യൻ വിദ്യാർത്ഥികൾ കൂടുതലായി ആലോചിക്കുന്നുണ്ടെന്നാണ് കണക്കുകൾ വ്യക്തമാക്കുന്നത്. 2024ൽ റഷ്യയിലെ ഇന്ത്യൻ വിദ്യാർത്ഥികളുടെ എണ്ണത്തിൽ 33.7% വർദ്ധിനവാണ് രേഖപ്പെടുത്തിയത്. 2022 മുതൽ 2024 വരെ ജർമ്മനിയിലെ വിദ്യാർത്ഥികളുടെ എണ്ണം 68% വർദ്ധിച്ചിട്ടുണ്ട്. ഫ്രാൻസിൽ, 2022 മുതൽ 2024 വരെ വിദ്യാർത്ഥികളുടെ എണ്ണം 33% വർദ്ധിച്ചു. ഇതേ കാലയളവിൽ വിദ്യാർത്ഥികളുടെ എണ്ണത്തിൽ 354% വർദ്ധിന രേഖപ്പെടുത്തിയ ന്യൂസിലാൻഡിലാണ് ഏറ്റവും കൂടുതൽ തിരക്ക് അനുഭവപ്പെട്ടത്'. ഇൻഫിനിറ്റ് ഗ്രൂപ്പിന്റെ സ്ഥാപകനും സിഇഒയുമായ ഗൗരവ് ബത്ര പറഞ്ഞു.

READ MORE: കശ്മീര്‍ യാത്ര ഒഴിവാക്കിയില്ല; ദാൽ തടാകത്തിൽ ധൈര്യപൂര്‍വം ബോട്ടിംഗ് നടത്തി യുവതി, വീഡിയോ

IELTS എഴുത്ത് പരീക്ഷയിൽ മികച്ച സ്കോർ നേടാം

Web Team — Fri, 12 Sep 2025 16:43:28 +0530

IELTS പരീക്ഷയിൽ ഏറ്റവും ബുദ്ധിമുട്ടേറിയത് എഴുത്ത് പരീക്ഷയാണ്. എന്നാൽ കൃത്യമായ പരിശീലനം ഉണ്ടെങ്കിൽ മികച്ച സ്കോർ നേടാൻ സാധിക്കും. കൃത്യമായ സമയത്തിൽ വ്യക്തമായി ചോദ്യം ആവശ്യപ്പെടുന്ന രീതിയിൽ ഉത്തരം നൽകുക എന്നതാണ് പ്രധാനം. IELTS എഴുത്ത് പരീക്ഷയിൽ മികച്ച സ്കോർ നേടേണ്ടതെങ്ങിനെ എങ്ങിനെ എന്ന് മനസ്സിലാക്കാം.

ജനറൽ നഴ്സിംഗ് പഠിച്ചവർക്ക് യുകെയിൽ രജിസ്റ്റേർഡ് നഴ്സ് ആകാം

Web Team — Mon, 24 Jun 2024 16:01:00 +0530

ജനറൽ നഴ്സിംഗ് പഠിച്ചവർക്ക് കുറഞ്ഞ ചിലവിൽ യുകെയിൽ നിന്നും BSc ഹോണേഴ്സ് ഡിഗ്രി നേടാനും രജിസ്റ്റേർഡ് നഴ്സ് ആയി ജോലി നേടാനും അവസരം. യൂണിവേഴ്സിറ്റി ഓഫ് സഫൊക് ഒരുക്കുന്ന ഒരു വർഷത്തെ BSc (Hons) Nursing (Top Up) കോഴ്‌സിന് 7500 പൗണ്ട് ആണ് ഫീസ്. രണ്ടു വർഷമാണ് സ്റ്റേ ബാക്ക്. കൂടുതൽ അറിയാൻ:> https://bit.ly/3z6R06n