Asianet News Malayalam

വിവാഹം കഴിഞ്ഞിട്ട് ഒരുമാസം, ആദ്യ വെബ്സീരിസ് റിലീസ് ചെയ്തിട്ട് 2 ദിവസം, ചലചിത്ര ലോകത്തെ ഞെട്ടിച്ച് ബല്‍രാജ് കളരിക്കലിന്റെ മരണം

Elsa TJ — Sun, 18 Oct 2026 02:17:49 +0530

കൊച്ചി:ചലചിത്ര ലോകത്തെ ഞെട്ടിച്ച് യുവ സംവിധായകന്‍ ബല്‍രാജ് കളരിക്കലിന്‍റെ ആകസ്മിക വിടവാങ്ങല്‍. ഹൃദയാഘാതത്തെ തുര്‍ന്ന് എറണാകുളത്തെ അപ്പാര്‍ട്ട്മെന്‍റില്‍ ഇന്ന് പുലര്‍ച്ചെയായിരുന്നു അന്ത്യം. ബല്‍രാജ് ആദ്യമായൊരുക്കിയ വെബ് സീരിസ് 'കാപ്പി സ്ക്വാഡ്' രണ്ട് ദിവസം മുന്‍പാണ് ഒടിടിയിൽ റിലീസായത്. നീണ്ടകാലത്തെ പ്രണയത്തിനൊടുവില്‍ കഴിഞ്ഞ മാസമായിരുന്നു ബല്‍രാജിന്‍റെ വിവാഹം. ബല്‍രാജിന്‍റെ സ്വപ്നങ്ങള്‍ക്ക് ചിറക് മുളച്ച് വരുന്നതിനിടയിലാണ് യുവസംവിധായകൻ വല്ലാത്തൊരു പോക്ക് പോയത്. കൂട്ടുകാര്‍ക്കൊപ്പം താമസിക്കുന്ന പടമുകളിലെ ഫ്ലാറ്റില്‍ ഇന്നലെ രാത്രി 12 മണിക്ക് ശേഷമാണ ബല്‍രാജ് ഉറങ്ങാന്‍ കിടന്നത്. രാവിലെ എഴുന്നേല്‍ക്കാതായപ്പോള്‍ ഒപ്പമുണ്ടായിരുന്നവര്‍ മുറി തുറന്ന് വിളിച്ചു. അപ്പോഴേക്കും മരണം സംഭവിച്ചിരുന്നു.

ഹൃദയാഘാതമാണ് 28 കാരന്‍റെ ജീവനെടുത്തതെന്ന് ഡോക്ടര്‍മാര്‍ സ്ഥിരീകരിച്ചു. കോട്ടയം മണിമലക്കാരനായ ബല്‍രാജ് നിരവധി ചിത്രങ്ങളിലും വെബ് സീരിസുകളിലുമെല്ലാം സഹസംവിധായകനായി പ്രവര്‍ത്തിച്ച ശേഷമാണ് സ്വതന്ത്രമായി കാപി സ്ക്വാഡ് എന്ന വെബ് സീരിസ് ഒരുക്കിയത്. രണ്ട് ദിവസം മുന്‍പ് ഹോട്ട് സ്റ്റാറില്‍ സീരിസ് റിലീസായതിന്‍റെ സന്തോഷംത്തിലായിരുന്നു ബല്‍രാജ്. 38 എപ്പിസോഡുകളുടെ ചിത്രീകരണം പൂര്‍ത്തിയാക്കിയിട്ടുണ്ട്.

സീരിസിന്‍റെ ഷോ ഡയറക്ടര്‍ക്കൊപ്പമായിരുന്നു താമസം. കേരളാ ക്രൈം ഫയല്‍ സീരിസിന്‍റെയും നിഴല്‍, മധുരം,ഡാഗിനി തുടങ്ങിയ സിനിമകളുടെയുമെല്ലാം ഭാഗമായിരുന്നു ബല്‍രാജ്. ആറു വര്‍ഷം നീണ്ട പ്രണയത്തിനൊടുവില്‍ ഒരു മാസം മുന്‍പ്, സെപ്റ്റംബര്‍ 12നായിരുന്നു ബല്‍രാജിന്‍റെ വിവാഹം. ആതിരയാണ് ഭാര്യ.

ഏഷ്യാനെറ്റ് ന്യൂസ് ലൈവ് കാണാം

'ഇതിന്നോ ആദാമേ..' ചെമ്പൻ വിനോദിന്റെ തകർപ്പൻ പെർഫോർമൻസുമായി 'ഡിസ്കോ'യിലെ ആദ്യ ഗാനം പുറത്തിറങ്ങി

Web Desk — Sat, 17 Oct 2026 22:44:19 +0530

ഉല്ലാസ് ചെമ്പൻ സംവിധാനം ചെയ്യുന്ന ഏറ്റവും പുതിയ ചിത്രമായ 'ഡിസ്കോ' യിലെ ആദ്യ ഗാനം പുറത്തിറങ്ങി. “ഇതിന്നോ ആദാമേ..” എന്നാരംഭിക്കുന്ന, മണികണ്ഠൻ അയ്യപ്പ ഈണം പകർന്ന ഈ ഗാനത്തിന് വരികൾ കുറിച്ചിരിക്കുന്നത് സുഹൈൽ കോയയും ലെമയും ചേർന്നാണ്. ഒരേ സമയം മാർഗംകളിപ്പാട്ടിൻ്റെ താളവും റാപ്പിൻ്റെ ബീറ്റുമുള്ള ഒരു ഡാൻസ് നമ്പറായാണ് ഈ ഗാനം മണികണ്ഠൻ അയ്യപ്പ ഒരുക്കിയിരിക്കുന്നത്. ചെമ്പൻ വിനോദ് ജോസ്, ഹിംന ഹിളാരി, ഹിനിത ഹിളാരി, നൗഷാദ് തൃശ്ശൂർ, മണികണ്ഠൻ അയ്യപ്പ, റോക്കി ഫുവോക്കോ എന്നിവരാണ് ഈ ഗാനം ആലപിച്ചിരിക്കുന്നത്. ഗാനത്തിന്റെ മിക്സിംങ്ങും മാസ്റ്ററിംങ്ങും അബിൻ പോൾ നിർവ്വഹിച്ചിരിക്കുന്നു.

ഉല്ലാസ് ചെമ്പൻ്റെ സഹോദരനും നടനും രചയിതാവുമായ ചെമ്പൻ വിനോദ് തിരക്കഥ രചിച്ച ചിത്രം നിർമ്മിക്കുന്നത് ചെമ്പോസ്കി മോഷൻ പിക്ചേഴ്സിൻ്റെ ബാനറിൽ ചെമ്പൻ വിനോദ് തന്നെയാണ്. അങ്കമാലി ഡയറീസിന് ശേഷം ചെമ്പൻ വിനോദ് ജോസ് എഴുതുന്ന സിനിമയിൽ ആൻ്റണി വർഗീസ് പെപ്പെ ഒരു പ്രധാനവേഷത്തിലെത്തുന്നു എന്ന പ്രത്യേകതയുമുണ്ട്. ചെമ്പൻ വിനോദ് ജോസ്, ദേവ് മോഹൻ, അർജുൻ അശോകൻ, ലുക്മാൻ അവറാൻ, ശ്രീനാഥ് ഭാസി, വിഷ്ണു ഉണ്ണികൃഷ്ണൻ, ഗായത്രി സുരേഷ്, ഫെമിന ജോർജ്, കല്യാണി അനിൽ (സോഷ്യൽ മീഡിയാ ഇൻഫ്ലുവൻസർ), മീര വാസുദേവൻ, സെന്തിൽ കൃഷ്‌ണ, മണികണ്ഠൻ ആചാരി, അപ്പാനി ശരത്, വിനീത് തട്ടിൽ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.

മികച്ച സാങ്കേതികനിരയാണ് ഡിസ്കോ എന്ന ചിത്രത്തിനായി അണിനിരക്കുന്നത്. ഛായാഗ്രഹണം: അർമോ, സംഗീതം: മണികണ്ഠൻ അയ്യപ്പ, എഡിറ്റർ: രോഹിത് വി.എസ് വാരിയത്ത്, പ്രൊഡക്ഷൻ ഡിസൈനർ: ഗോകുൽ ദാസ്, മേക്കപ്പ്: റോണക്സ് സേവ്യർ, ആക്ഷൻ: കലൈ കിംഗ്സൺ, കോസ്റ്റ്യൂംസ്: മെൽവി ജെ, കളറിസ്റ്റ്: അശ്വത് സ്വാമിനാഥൻ, സൗണ്ട് ഡിസൈനർ: ആർ കണ്ണദാസൻ, സൗണ്ട് മിക്സ്: കണ്ണൻ ഗണപത്, എക്സിക്യൂട്ടീവ് പ്രൊഡ്യൂസർ: ശ്രീജിത്ത് ബാലൻ, പ്രൊഡക്ഷൻ കൺട്രോളർ: പ്രണവ് മോഹൻ, ചീഫ് അസോസിയേറ്റ്: മനീഷ് ഭാർഗവൻ, വിഎഫ്എക്സ്: ഐഡൻ്റ് വിഎഫ് എക്സ് ലാബ്സ്, സ്റ്റിൽസ്: ബോയ്ക്, ഡിസൈൻസ്: കൃഷ്ണപ്രസാദ്, മാർക്കറ്റിംഗ് & വിഷ്വൽ പ്രൊമോഷൻസ്: സ്‌നേക്ക്പ്ലാൻ്റ് എൽ.എൽ.പി, പി.ആർ.ഒ: ഹെയിൻസ്.

ജേസൺ സഞ്ജയ് ചിത്രം 'സിഗ്മ' ഒടിടി റിലീസിനൊരുങ്ങുന്നു; എവിടെ കാണാം?

Web Desk — Sat, 17 Oct 2026 22:15:03 +0530

തമിഴ്നാട് മുഖ്യമന്ത്രിയും നടനുമായ വിജയിയുടെ മകൻ ജേസൺ സഞ്ജയ് സംവിധാനം ചെയ്യുന്നുവെന്ന നിലയിൽ ശ്രദ്ധിക്കപ്പെട്ട സിനിമയാണ് 'സിഗ്‍മ'. സുന്ദീപ് കിഷനും ഫരിയ അബ്ദുള്ളയും കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രം ഒക്ടോബർ 2ന് തിയറ്ററുകളിൽ എത്തി. ചിത്രത്തിൻറെ സ്ട്രീമിംഗ് അപ്‌ഡേറ്റ് ആണ് ഇപ്പോൾ പുറത്തുവന്നിരിക്കുന്നത്. ഒക്ടോബർ 30 മുതൽ നെറ്റ്ഫ്ലിക്സിലൂടെ ചിത്രം സ്ട്രീമിംഗ് ആരംഭിക്കുമെന്നാണ് റിപ്പോർട്ടുകൾ. ചിത്രം കേരളത്തിൽ വിതരണം ചെയ്‍തിരിക്കുന്നത് ഗോകുലം ഗോപാലന്റെ ശ്രീ ഗോകുലം മൂവീസ് ആണ്. സിഗ്‍മ ആഗോളതലത്തില്‍ ഇതുവരെ 10 കോടിയാണ് നേടിയിരിക്കുന്നത്.

തമന്‍ എസ് സംഗീതം നൽകുന്ന ചിത്രമാണ് 'സിഗ്‍മ'. ജി കെ എം തമിഴ് കുമരനാണ് സിഗ്മയുടെ നിര്‍മ്മാതാവ്. തമിഴ്നാട്ടിലും തായ്ലന്‍ഡിലുമായാണ് സിനിമയുടെ ചിത്രീകരണം നടന്നത്. രാജു സുന്ദരം, സമ്പത്ത് രാജ്, ശിവ് പണ്ഡിറ്റ്, അന്‍പു ദാസന്‍, യോഗ് ജാപി, മഹാലക്ഷ്‍മി, ഷീല രാജ്‍കുമാര്‍, കമലേഷ്, കിരണ്‍ കൊണ്ഡ എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.

പ്രവീണ്‍ കെ എല്‍ ആണ് എഡിറ്റര്‍. ഛായാഗ്രഹണം കൃഷ്‍ണന്‍ വസന്ത്, ക്രിയേറ്റീവ് പ്രൊഡ്യൂസര്‍ സഞ്ജീവ്, വരികള്‍ വിവേക്, സൂപ്പര്‍ സുബ്ബു, സ്റ്റണ്ട് വെങ്കട്, സില്‍വ, സ്റ്റില്‍സ് സൂര്യ, പബ്ലിസിറ്റി ഡിസൈനര്‍ അനന്ത് കഞ്ചെര്‍ള. പ്രൊഡക്ഷന്‍ കണ്‍ട്രോളര്‍ ജയ് ഗണേഷ് ബി, മേക്കപ്പ് പി എസ് കുപ്പുസാമി, ഡിഐ പ്രസാദ്, കളറിസ്റ്റ് രംഗ, വിഎഫ്എക്സ് ആര്‍ ഹരിഹരസുതന്‍, അഡീഷണല്‍ സ്ക്രീന്‍പ്ലേ കലീല്‍ രാജ, സഞ്ജീവ് എസ്, അജലി അശോക്, ചീഫ് റീ റെക്കോര്‍ഡിംഗ് മിക്സര്‍ എസ് ശിവകുമാര്‍, സൗണ്ട് ഡിസൈന്‍ കൃഷ്‍ണന്‍ സുബ്രഹ്‍മണ്യന്‍, വരുണ്‍ വെങ്കടരാമന്‍, സൗണ്ട് ഡിസൈന്‍ ആന്‍ഡ് മിക്സ് അറ്റ് എ എം സ്റ്റുഡിയോസ്, ചെന്നൈ, പിആര്‍ഒ സുരേഷ് ചന്ദ്ര, വംശി ശേഖര്‍, എക്സിക്യൂട്ടീവ് പ്രൊഡ്യൂസര്‍ സുബ്രഹ്‍മണ്യന്‍ നാരായണന്‍, ഹെഡ് ഓഫ് ലൈക്ക പ്രൊഡക്ഷന്‍സ് ജി കെ എം തമിഴ് കുമരന്‍, നിര്‍മ്മാണം സുബാസ്കരന്‍ എന്നിവരാണ് മറ്റ് അണിയറ പ്രവർത്തകർ.

കാർത്തിക് സുബ്ബരാജ് ചിത്രം 'ദൊറോത്തി' ഒടിടിയിലേക്ക്

Nithya G Robinson — Sat, 17 Oct 2026 22:14:49 +0530

കാർത്തിക് സുബ്ബരാജ് സംവിധാനം ചെയ്ത ഏറ്റവും പുതിയ ചിത്രം ദൊറോത്തി ഒടിടിയിലേക്ക്. ചിത്രം ഒക്ടോബർ 23ന് ഒടിടി റിലീസ് ആരംഭിക്കും. നെറ്റ്ഫ്ലിക്സിനാണ് സ്ട്രീമിംഗ് അവകാശം വിറ്റുപോയിരിക്കുന്നത്. കീർത്തി സുരേഷ്, സനന്ത്, റിഷികാന്ത് എന്നിവർ പ്രധാന കഥാപാത്രങ്ങളായി എത്തിയ ചിത്രമാണ് ദൊറോത്തി. സെപ്റ്റംബർ 25നാണ് ചിത്രം റിലീസ് ചെയ്തത്. മികച്ച പ്രേക്ഷക- നിരൂപക പ്രശംസകളാണ് ചിത്രത്തിന് ലഭിച്ചുകൊണ്ടിരിക്കുന്നത്. കാർത്തിക് സുബ്ബരാജിന്റെ കരിയർ ബെസ്റ്റ് ചിത്രമെന്ന വിശേഷണമാണ് ചിത്രത്തിന് സമൂഹമാധ്യമങ്ങളിലടക്കം ലഭിക്കുന്നത്.

ആക്ഷൻ-റിവഞ്ച് എന്റർടെയ്നറാണ് ചിത്രമെന്നാണ് ട്രെയ്‌ലർ നൽകുന്ന സൂചന. ഇളയരാജയാണ് ചിത്രത്തിന് സംഗീതമൊരുക്കുന്നത്. നേരത്തെ പുറത്തിറങ്ങിയ ചിത്രത്തിന്റെ ടൈറ്റിൽ ടീസറിനും പോസ്റ്ററുകൾക്കും വലിയ സ്വീകാര്യതയായിരുന്നു ലഭിച്ചിരുന്നത്. ചിത്രത്തിന്റെ തമിഴ്‌നാട് വിതരണാവകാശം സ്വന്തമാക്കിയിരിക്കുന്നത് ശക്തി ഫിലിം ഫാക്ടറിയാണ്.

കീർത്തി സുരേഷ് ടൈറ്റിൽ റോളിൽ എത്തുന്ന ചിത്രത്തിൽ സാനന്ത്, റിഷികാന്ത് എന്നിവരും കേന്ദ്രകഥാപാത്രങ്ങളെ അവതരിപ്പിക്കുന്നുണ്ട്. ടൊറന്റോ ഇന്റർനാഷണൽ ഫിലിം ഫെസ്റ്റിവലിലാണ് ചിത്രത്തിന്റെ വേൾഡ് പ്രീമിയർ. ഇളയരാജയാണ് സംഗീത സംവിധാനം. ഒരുപാട് കാലമായി തന്റെ മനസ്സിലുണ്ടായിരുന്ന ചിത്രമാണ് ദൊറോത്തി എന്നാണ് ചിത്രത്തിന്റെ ഫസ്റ്റ്ലുക്ക് പങ്കുവച്ചുകൊണ്ട് കാർത്തിക് സുബ്ബരാജ് സമൂഹമാധ്യമങ്ങളിൽ കുറിച്ചിരുന്നത്.

സൂര്യയെ നായകനാക്കി ഒരുക്കിയ റെട്രോ ആയിരുന്നു കാർത്തിക് സുബ്ബരാജിന്റേതായി അവസാനം പുറത്തിറങ്ങിയ ചിത്രം. വലിയറ പ്രീ റിലീസ് ഹൈപ്പോടെ എത്തിയ ചിത്രത്തിന് തിയേറ്ററുകളിൽ വലിയ ചലനം സൃഷ്ടിക്കാൻ സാധിച്ചിരുന്നില്ല. വ്യത്യസ്തമായ ആഖ്യാന ശൈലികൊണ്ട് തമിഴ് സിനിമയിൽ തന്റേതായ സ്ഥാനം കണ്ടെത്തിയ കാർത്തിക് സുബ്ബരാജിന്റെ പത്താം ചിത്രം കൂടിയാണ് ദൊറോത്തി. കാർത്തിക് സുബ്ബരാജ്- ഇളയരാജ കോംബോ ആദ്യമായി ഒന്നിക്കുന്ന ചിത്രം കൂടിയാണിത്. റെട്രോയ്ക്ക് മുൻപ് പുറത്തിറങ്ങിയ ജിഗർത്താണ്ട ഡബിൾ എക്സ് തിയേറ്ററുകളിൽ മികച്ച പ്രേക്ഷക- നിരൂപക പ്രശംസകൾ ഏറ്റുവാങ്ങിയ ചിത്രം കൂടിയായിരുന്നു. രാഘവ ലോറൻസ്, എസ്.ജെ സൂര്യ, നിമിഷ സജയൻ തുടങ്ങിയവരുടെ മികച്ച പ്രകടനവും ചിത്രത്തിന് മുതൽകൂട്ടായിരുന്നു.

ടോ‍ർച്ച് തെളിച്ച് ദിലീഷ് പോത്തൻ; ഭാവന റിലീസിലൂടെ 'ഭൗമ' തിയേറ്ററുകളിലേക്ക്

Web Desk — Sat, 17 Oct 2026 19:45:11 +0530

ഇരുട്ട് നിറഞ്ഞ വഴിയിൽ ടോർച്ച് തെളിച്ച് നിൽക്കുന്ന ദിലീഷ് പോത്തന്‍റെ ചിത്രവുമായി 'ഭൗമ' പുതിയ പോസ്റ്റർ പുറത്ത്. 'കുമ്പളങ്ങി നൈറ്റ്സ്' മുതൽ ബെത്ലഹേം കുടുംബയൂണിറ്റ് വരെ ഒട്ടേറെ സൂപ്പർഹിറ്റുകൾ മലയാളത്തിന് സമ്മാനിച്ച ഭാവന സ്റ്റുഡിയോസാണ് അവരുടെ ഡിസ്ട്രിബ്യൂഷൻ വിഭാഗമായ ഭാവന റിലീസിലൂടെ ചിത്രത്തിന്‍റെ കേരളത്തിലെ ഡിസ്ട്രിബ്യൂഷൻ നിർവ്വഹിക്കുന്നത്. അടുത്തിടെ ചിത്രത്തിലേതായി എത്തിയ തീർത്തും സമാനതകളില്ലാത്ത രീതിയിലുള്ളൊരു ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ ഏറെ ചർച്ചയായിരുന്നു.

നടന്മാരായ വിനീത്, ദിലീഷ് പോത്തൻ, സാഗർ സൂര്യ എന്നിവരാണ് ചിത്രത്തിലെ പ്രധാന താരങ്ങളായി എത്തുന്നത്. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലായാണ് ചിത്രം റിലീസിനെത്തുന്നത്. രേവതി ശർമ്മ, അതിഥി ബാലൻ, മധുപാൽ, ലെന, മോക്ഷ സെൻഗുപ്ത, മെറിൻ ഫിലിപ്പ്, രഘുനാഥ് പലേരി, ജാഫർ ഇടുക്കി, വിജയ് ബാബു, മണിക്കുട്ടൻ, സജിൻ ചെറുകയിൽ, പ്രവീണ, നിൽജ, ജെയ്ൻ ആൻഡ്രൂസ്, ബിനോജ് വില്യ, കാവ്യ എസ് ഭാനു, നസ്ലിൻ ജമീല, നൗഷാദ്, സെന്തിൽ, ഭഗത് മാനുവൽ തുടങ്ങി വലിയൊരു താരനിരയാണ് ചിത്രത്തിൽ ഒരുമിക്കുന്നത്.

ആറ്റസ് ഫിലിംസിന്‍റെ ബാനറിൽ ബസം കാദിയാർ നിർമ്മിക്കുന്ന ചിത്രം എഴുതി സംവിധാനം നിർവ്വഹിക്കുന്നത് റെജിൻ എസ് ബാബുവാണ്. ഛായാഗ്രഹണം: ശരൺ വേലായുധൻ, എഡിറ്റിംഗ്: സൂരജ് ഇ.എസ്, സംഗീതം: ക്രിസ്റ്റോ സേവ്യർ, എക്സി.പ്രൊഡ്യൂസർ: ഡാനിഷ് കെ.എ, പ്രൊഡക്ഷൻ കൺട്രോളർ: ജോബ് ജോർജ്ജ്, പ്രൊഡക്ഷൻ ഡിസൈനർ: അപ്പുണ്ണി സജൻ, കഥ: ഡോണി കടമ്മനിട്ട, സൗണ്ട് ഡിസൈൻ: ജയദേവൻ ചക്കാടത്ത്, ഫൈനൽ മിക്സ്: എം.ആർ രാജാകൃഷ്ണൻ, കളറിസ്റ്റ്: ലിജു പ്രഭാകർ, കോസ്റ്റ്യും: ഗോപിക ഉണ്ണികൃഷ്ണൻ, മേക്കപ്പ്: റോണി വെള്ളത്തൂവൽ, ചീഫ് അസ്സോസിയേറ്റ് ഡയറക്ടർ: അബ്രു സൈമൺ, സ്റ്റണ്ട്: കലൈ കിങ്സൺ, ആർട്ട് ഡയറക്ടർ: സിബിൻ വർഗ്ഗീസ്, സ്റ്റിൽസ്: ജിതിൻ എസ് ബാബു, പബ്ലിസിറ്റി ഡിസൈൻ: മാ മി ജോ, ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്‍റർടെയ്ൻമെന്‍റ്സ്, പിആർഒ: വാഴൂർ ജോസ്, ആതിര ദിൽജിത്ത്.

സജിൻ ഗോപു- നിഖില വിമൽ ചിത്രം ധൂമകേതു ഒടിടി സ്ട്രീമിംഗ് ആരംഭിക്കുന്നു; എവിടെ കാണാം ?

Shyam Prasad — Sat, 17 Oct 2026 20:37:23 +0530

'നെയ്മറി'ന് ശേഷം സുധി മാഡിസൺ സംവിധാനം ചെയ്ത 'ധൂമകേതു' സിനിമ ഒടിടി റിലീസിനൊരുങ്ങുകയാണ് . ചിത്രത്തിന്റെ ഒടിടി അവകാശം സ്വന്തമാക്കിയിരിക്കുന്നത് നെറ്റ്ഫ്ലിക്സ് ആണെന്നാണ് റിപ്പോർട്ടുകൾ. ഒക്ടോബർ 23 മുതൽ ചിത്രം സ്ട്രീമിംഗ് ആരംഭിക്കുമെന്നും റിപ്പോർട്ടുകളുണ്ട്. 'സൂക്ഷ്മദർശിനി'ക്ക് ശേഷം ഹാപ്പി അവേഴ്സ് എന്‍റർടെയ്ൻമെന്‍റ്സും എ ആൻഡ് എച്ച്എസ് പ്രൊഡക്ഷൻ ഹൗസും ചേർന്ന് നിർമ്മിച്ച ചിത്രം കൂടിയാണിത്.

ടൈം ട്രാവൽ മൂവിയായി എത്തിയിരിക്കുന്ന ചിത്രത്തിൽ രസകരമായതും കൗതുകം നിറയ്ക്കുന്നതുമായ ഒട്ടേറെ മുഹൂർത്തങ്ങള്‍ ഉണ്ടെന്നാണ് പ്രേക്ഷകാഭിപ്രായം. സജിൻ ഗോപു, നിഖില വിമൽ, ഷൈൻ ടോം ചാക്കോ, ഗണപതി, സിദ്ധാർത്ഥ് ഭരതൻ തുടങ്ങിയവരാണ് ചിത്രത്തിലെ പ്രധാന താരങ്ങള്‍. സമീർ താഹിർ, ഷൈജു ഖാലിദ്, സജിൻ അലി, അബ്ബാസ് തിരുനാവായ എന്നിവർ ചേർന്ന് നിർമ്മിക്കുന്ന ചിത്രത്തിന്‍റെ രചന നിർവ്വഹിച്ചിരിക്കുന്നത് സോണിയും മനുവും ചേർന്നാണ്.

വിതരണം : ഭാവന റിലീസ്, ഛായാഗ്രഹണം: ജിൻ്റോ ജോർജ്ജ്, എഡിറ്റർ: വിവേക് ഹർഷൻ, സംഗീത സംവിധാനം: അങ്കിത് മേനോൻ, പ്രൊഡക്ഷൻ ഡിസൈനർ: ഔസേപ്പ് ജോൺ, ശബ്ദലേഖനം: രംഗനാഥ് രവി, വസ്ത്രാലങ്കാരം: മഷർ ഹംസ, ചമയം: ആർ. ജി. വയനാടൻ, പ്രൊഡക്ഷൻ കൺട്രോളർ: ആന്‍റണി തോമസ്, സംഘട്ടനം: സ്റ്റീവൻ കുമാർ, കാസ്റ്റിംഗ് ഡയറക്ടർ: ബിനോയ് നമ്പാല, ചീഫ് അസോസിയേറ്റ് ഡയറക്ടർ: ബോബി സത്യശീലൻ, ഫിനാൻസ് കൺട്രോളർ: ഷൗക്കത്ത് കല്ലൂസ്, സൗണ്ട് മിക്സ്: വിഷ്ണു സുജാതൻ, ഡിസൈൻ: യെല്ലോടൂത്ത്സ്, സ്റ്റിൽസ്: സെറീൻ ബാബു, പ്രൊമോ സ്റ്റിൽസ്: വിഷ്ണു തണ്ടാശ്ശേരി, രോഹിത് കെ. സുരേഷ്, അസോസിയേറ്റ് ഡയറക്ടർമാർ: നിശാന്ത് എസ്. പിള്ള, വാസുദേവൻ വി. യു, ഡി.ഐ: കളർ പ്ലാനറ്റ് സ്റ്റുഡിയോസ്, വി.എഫ്.എക്സ്: പിക്റ്റോറിയൽ വി.എഫ്.എക്സ്, പ്രോലാബ് വി.എഫ്.എക്സ്, പി.ആർ.ഒ: ആതിര ദിൽജിത്ത്.

അനൂപ് മേനോന്റെ 'ഈ തനിനിറ'ത്തിന്റെ വീഡിയോ ജൂക്ക്ബോക്സ് പുറത്തുവിട്ടു

Nithya G Robinson — Sat, 17 Oct 2026 20:26:51 +0530

അനൂപ് മേനോൻ ഇൻവെസ്റ്റിഗേറ്റീവ് ഓഫീസറായി എത്തിയ ഈ തനിനിറം എന്ന ചിത്രത്തിന്റെ വീഡിയോ ജൂക്ക് ബോക്സ് പുറത്തുവിട്ടു. ഫെബ്രുവരിയിൽ ആയിരുന്നു പടത്തിന്റെ റിലീസ്. ധനുഷ് ഫിലിംസിന്റെ ബാനറിൽ എസ് മോഹൻ നിർമ്മിച്ച ഈ ചിത്രം രതീഷ് നെടുമങ്ങാടാണ് സംവിധാനം ചെയ്തത്.

കുറ്റാന്വേഷണ ചിത്രങ്ങൾ പ്രേക്ഷകർക്ക് എന്നും ഇഷ്ടമുള്ള വിഷയമാണ്. അവതരണത്തിലെ മികവും കൗതുകവുമാണ് ഇത്തരം ചിത്രങ്ങളെ വിജയത്തിലേക്ക് എത്തിക്കുന്നത്. ഈ ചിത്രത്തിന്റെ അവതരണത്തിൽ സംവിധായകൻ രതീഷ് നെടുമങ്ങാടിന്, അത് ഭംഗിയായി നിലനിർത്തുവാൻ കഴിഞ്ഞിട്ടുണ്ട്. പ്രേക്ഷകർക്ക് തുടക്കം മുതൽ ആകാംഷയുണ്ടാക്കുകയും അപ്രതീക്ഷിതമായ ചിലവഴിത്തിരിവുകൾ സമ്മാനിക്കുകയും ചെയ്‍തുകൊണ്ടാണ് ചിത്രത്തിന്റെ അവതരണം. രമേഷ് പിഷാരടി, നോബി ജി.സുരേഷ് കുമാർ, പ്രസാദ് കണ്ണൻ, ദീപക് ശിവരാമൻ (അറബിക്കഥ ഫെയിം ) ശൈലജഅമ്പു തങ്കച്ചൻ വിതുര, ആജിത്, രമ്യാ മനോജ്, അനഘ അജിത്, രോഹൻ ലോണ , ആദർശ് ഷേണായ്, രതീഷ് വെഞ്ഞാറമൂട്, രഞ്ജൻദേവ്, ആദർശ് ഷാനവാസ്, ഗൗരി ഗോപൻ , ആതിര എന്നിവരും പ്രധാന വേഷങ്ങളിലെത്തുന്നു.

തിരക്കഥ -അംബിക കണ്ണൻബായ്. ഗാനങ്ങൾ - അനൂപ് മേനോൻ, രാജീവ് ആലുങ്കൽ, വിഷ്‍ണു ഭരത്, സംഗീതം - നിനോയ് വർഗീസ്, രാജ്‍കുമാർ രാധാകൃഷ്‍ണൻ. ഛായാഗ്രഹണം - പ്രദീപ് നായർ. എഡിറ്റിംഗ് അജു അജയ്. കലാസംവിധാനം = അശോക് നാരായണൻ. കോസ്റ്റ്യൂം ഡിസൈൻ - അശോക് നാരായണൻ. മേക്കപ്പ് - റാണാപ്രതാപ്. മേക്കപ്പ്- രാജേഷ് രവി. സ്‌റ്റിൽസ് - സാബി ഹംസ. ചീഫ് അസ്സോസ്സിയേറ്റ് ഡയറക്ടർ - രാജു സമഞ്ജസ, ചീഫ് അസ്സോസ്സിയേറ്റ് ഡയറക്ടേർസ് - ഷാജി വിൻസന്റ് സൂര്യ, പരസ്യകല -എസ്. കെ.ഡി. ഫിനാൻസ് കൺട്രോളർ.- ദില്ലി ഗോപൻ, പ്രൊഡക്ഷൻ കൺട്രോളർ - പ്രതാപൻ കല്ലിയൂർ, പ്രൊജക്റ്റ് ഡിസൈനർ - ആനന്ദ് പയ്യന്നൂർ, പാലാ ഭരണങ്ങാനം,തിരുവനന്തപുരം എന്നിവിടങ്ങളിലായിട്ടാണ് ചിത്രീകരണം പൂർത്തിയായിരിക്കുന്നത്. പിആര്‍ഒ വാഴൂർ ജോസ്.

ഡെയ്ഞ്ചറസ് ഡാനി; 'ബാച്ച്‌ലർ പാർട്ടി Deux'ലെ സൗബിൻ്റെ ക്യാരക്ടർ പോസ്റ്റർ എത്തി

Nithya G Robinson — Sat, 17 Oct 2026 19:27:54 +0530

അമൽ നീരദിൻ്റെ ഏറ്റവും പുതിയ ചിത്രം 'ബാച്ച്‌ലർ പാർട്ടി Deux'- ലെ സൗബിൻ ഷാഹിറിൻ്റെ ക്യാരക്ടർ പോസ്റ്റർ പുറത്ത്. സൗബിൻ അവതരിപ്പിക്കുന്ന ഡാനി എന്ന കഥാപാത്രത്തിന്റെ ലുക്കാണ് പുറത്തുവന്നിരിക്കുന്നത്. കയ്യിൽ ഒരു തോക്കുമായി ചിരിച്ച് നിൽക്കുന്ന സൗബിനെ ആണ് പോസ്റ്ററിൽ കാണാനാവുന്നത്. അടുത്തിടെ നടൻ ടൊവിനോ തോമസിന്റെയും നസ്‌ലൻ്റെയും പോസ്റ്ററുകൾ പുറത്തിറങ്ങിയിരുന്നത് ഏറെ ശ്രദ്ധ നേടിയിരുന്നു. നവംബർ 19നാണ് സിനിമയുടെ വേൾഡ് വൈഡ് റിലീസ്.

14 വർഷങ്ങൾക്ക് ശേഷം ജെൻ - സി വൈബിലാണ്, 2012-ൽ പുറത്തിറങ്ങി തരംഗമായി മാറിയ ആക്ഷൻ ചിത്രം 'ബാച്ച്‌ലർ പാർട്ടി'യുടെ രണ്ടാം ഭാഗം എത്തുന്നത്. റെഡ്-ഗോൾഡൻ റെട്രോ പശ്ചാത്തലത്തിലുള്ള ഫസ്റ്റ് ലുക്ക് തരംഗമായിരുന്നു. സിനിമാ പ്രേമികൾക്കിടയിൽ കൾട്ട് ക്ലാസിക് ആയി മാറിയ ചിത്രത്തിൻ്റെ രണ്ടാം ഭാഗം എന്നതിനാൽ തന്നെ ഏറെ പ്രതീക്ഷയാണ് പ്രേക്ഷകർക്കുള്ളത്.

ഡുഎക്സ് (D'EUX) എന്നത് ഫ്രഞ്ച് ഭാഷയിലുള്ള വാക്കാണ്. ഫ്രഞ്ചിൽ D'EUX എന്നാൽ രണ്ട് എന്നും ‘അവരുടെ’ അല്ലെങ്കിൽ 'അവരെ കുറിച്ച്' എന്നുമാണ് അർത്ഥമാക്കുന്നത്. യങ് ജനറേഷൻ താരങ്ങളെയും മലയാളത്തിലെ മുൻനിര അഭിനേതാക്കളെയും അണിനിരത്തിക്കൊണ്ടാണ് അമൽ നീരദ് ഇത്തവണ വരുന്നത്. നസ്‌ലൻ, കുഞ്ചാക്കോ ബോബൻ, സൗബിൻ ഷാഹിർ, ഷറഫുദ്ദീൻ, ശ്രീനാഥ് ഭാസി, ചന്തു സലീംകുമാർ, ടൊവിനോ തോമസ്, ഷൈൻ ടോം ചാക്കോ, പാരിസ് ലക്ഷ്മി, നാദിയ മൊയ്തു, രജീഷ വിജയൻ, ജ്യോതിർമയി, ഹൻസിക കൃഷ്ണകുമാർ തുടങ്ങി വലിയ താരനിരയാണ് ചിത്രത്തിലുള്ളത്. അമൽ നീരദ് പ്രൊഡക്ഷൻസ്, അൻവർ റഷീദ് എന്‍റർടെയ്ൻമെന്‍റ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകൾ ചേർന്നാണ് സിനിമ നിർമിക്കുന്നത്.

ഛായാഗ്രഹണം: അപ്പു പ്രഭാകർ, എ‍ഡിറ്റർ: വിവേക് ഹർഷൻ, സംഗീതം: ക്രിസ്റ്റോ സേവ്യർ, സംഭാഷണം: ഉണ്ണി ആർ, സൗണ്ട് ഡിസൈൻ: തപസ് നായക്, പ്രൊഡക്ഷൻ ഡിസൈൻ: ജോസഫ് നെല്ലിക്കൽ, ഗാനരചന: റഫീഖ് അഹമ്മദ്, വിനായക് ശശികുമാർ, കോസ്റ്റ്യൂം: മഷർ ഹംസ, മേക്കപ്പ്: റോണക്സ് സേവ്യർ. പിആർഒ: ആതിര ദിൽജിത്ത്.

കീർത്തി സുരേഷ്-രാധിക ആപ്തെ കോമ്പോ; നെറ്റ്ഫ്ലിക്സ് സീരീസ് ‘Akka’ ടീസർ പുറത്ത്

Nithya G Robinson — Sat, 17 Oct 2026 18:06:03 +0530

കീർത്തി സുരേഷും രാധിക ആപ്‌തെയും കേന്ദ്രകഥാപാത്രങ്ങളെ അവതരിപ്പിക്കുന്ന നെറ്റ്ഫ്ലിക്സ് സീരീസ് ‘Akka’യുടെ ടീസർ പുറത്തിറങ്ങി. യഷ് രാജ് ഫിലിംസിന്റെ ബാനറായ വൈആർഎഫ് എന്റർടെയ്ൻമെന്റ് ആണ് സീരീസ് നിർമിക്കുന്നത്. ഒക്ടോബർ 30ന് നെറ്റ്ഫ്ലിക്സിലൂടെ സീരീസിന്റെ സ്ട്രീമിംഗ് ആരംഭിക്കും.

1980കളുടെ പശ്ചാത്തലത്തിൽ സ്ത്രീകൾ തലമുറകളായി കെട്ടിപ്പടുത്ത് ഭരിക്കുകയും സംരക്ഷിക്കുകയും ചെയ്ത പെർണുരു എന്ന സാങ്കൽപ്പിക രാജ്യത്താണ് കഥ നടക്കുന്നത്. ആഴത്തിൽ വേരൂന്നിയ പാരമ്പര്യങ്ങളും അധികാരമാറ്റങ്ങളും കടുത്ത വൈരങ്ങളും നിറഞ്ഞ ഈ ലോകത്ത് ഭവാനി, രുദ്ര എന്നീ കരുത്തുറ്റ സ്ത്രീകഥാപാത്രങ്ങൾ തമ്മിലുള്ള ഏറ്റുമുട്ടലാണ് സീരീസിന്റെ പ്രധാന ആകർഷണം.

ധർമരാജ് ഷെട്ടിയാണ് അക്കയുടെ രചനയും സംവിധാനവും നിർവഹിക്കുന്നത്. അദ്ദേഹത്തിന്റെ ആദ്യ സംവിധാന സംരംഭം കൂടിയാണിത്. പെർണുരുവിന്റെ അധികാരഘടനയും അവിടെ നിലനിൽക്കുന്ന പാരമ്പര്യങ്ങളും വൈരങ്ങളും ഉൾപ്പെടുത്തി, സ്ത്രീകളുടെ നേതൃത്വത്തിലുള്ള ഒരു ഗ്യാങ്സ്റ്റർ ലോകത്തിലൂടെയാണ് സീരീസ് അവതരിപ്പിക്കുന്നത്. കീർത്തി സുരേഷ് ഭവാനിയായും രാധിക ആപ്‌തെ രുദ്രയായും എത്തുന്നു. കീർത്തി സുരേഷ്, രാധിക ആപ്‌തെ എന്നിവർക്കൊപ്പം തൻവി ആസ്മിയും പ്രധാന താരനിരയിലുണ്ട്. സംവിധാനം, രചന: ധർമരാജ് ഷെട്ടി, നിർമ്മാണം: വൈആർഎഫ് എന്റർടെയ്ൻമെന്റ്, എക്സിക്യൂട്ടീവ് പ്രൊഡ്യൂസർമാർ: ആദിത്യ ചോപ്ര, യോഗേന്ദ്ര മൊഗ്രെ, അക്ഷയ് വിധാനി, പിആർഒ: ശബരി എന്നിവരാണ് മറ്റ് അണിയറപ്രവർത്തകർ.

കാർത്തിക് സുബ്ബരാജ് സംവിധാനം ചെയ്ത ദൊറോത്തി എന്ന ചിത്രമാണ് കീര്‍ത്തി സുരേഷിന്‍റേതായി ഏറ്റവും ഒടുവില്‍ റിലീസ് ചെയ്തത്. സനന്ത്, റിഷികാന്ത് എന്നിവരാണ് മറ്റ് സുപ്രധാന വേഷങ്ങളില്‍ എത്തിയത്. പറഞ്ഞ പ്രമേയം കൊണ്ട് ശ്രദ്ധനേടിയ ചിത്രത്തിന് മികച്ച പ്രേക്ഷക- നിരൂപക പ്രശംസകള്‍ ലഭിച്ചിരുന്നു.

വിജയ് സേതുപതി ചിത്രം 'ബത്ത'യുടെ ഒടിടി അവകാശം ആർക്ക്?; എപ്പോൾ മുതൽ കാണാം?

Web Desk — Sat, 17 Oct 2026 17:52:18 +0530

വിജയ് സേതുപതി നായകനായി എത്തിയ ഏറ്റവും പുതിയ ചിത്രമാണ് 'ബത്ത'. ബാലാജി തരണീധരൻ സംവിധാനം ചെയ്യുന്ന ചിത്രമാണ് ബത്ത. പ്രശസ്ത സംവിധായകൻ ആറ്റ്‌ലി അവതരിപ്പിക്കുന്ന ഈ ചിത്രം പ്രിയ ആറ്റ്‌ലി, മുറാദ് ഖേതാനി എന്നിവർ ചേർന്നാണ് നിർമ്മിച്ചത്. ബത്ത ആഗോളതലത്തില്‍ ആകെ 31 കോടിയാണ് നേടിയിരിക്കുന്നത്. തമിഴ്‍നാട്ടില്‍ മാത്രം ചിത്രം 27 കോടിയാണ് നേടിയിരിക്കുന്നത്. അതേസമയം ബത്തയുടെ ഒടിടി അവകാശം സ്വന്തമാക്കിയിരിക്കുന്നത് നെറ്റ്ഫ്ലിക്സ് ആണ്. തിയേറ്ററിൽ മികച്ച പ്രേക്ഷക പ്രതികരണങ്ങളോടെ മുന്നേറുന്ന ചിത്രത്തിന്റെ ഒടിടി സ്ട്രീമിംഗ് ഈ മാസം 29 മുതൽ ആരംഭിക്കുമെന്നാണ് റിപ്പോർട്ടുകൾ.

'നടുവുല കൊഞ്ചം പക്കാത്തെ കാണോം', 'സീതാകാന്തി' എന്നീ ചിത്രങ്ങൾക്ക് ശേഷം വിജയ് സേതുപതിയും ബാലാജി തരണീധരനും ഒന്നിക്കുന്ന മൂന്നാമത്തെ ചിത്രമാണിത്. സായ് അഭ്യങ്കർ ആണ് ചിത്രത്തിന് സംഗീതമൊരുക്കുന്നത്. ഒക്ടോബർ 1 നാണ് ചിത്രം ആഗോളതലത്തിൽ തിയേറ്ററുകളി എത്തിയത്. മലയാളി നടി ലിജോമോൾ ജോസാണ് നായികയായി ചിത്രത്തിൽ എത്തിയിരിക്കുന്നത്. വിന്റേജ് ലുക്കിൽ വിജയ് സേതുപതി ബീഡി വലിച്ച് നിൽക്കുന്ന ബത്തയുടെ ഫസ്റ്റ് ലുക്ക് പോസ്റ്റർ ഏറെ ശ്രദ്ധിക്കപ്പെട്ടിരുന്നു.

അടുത്തിടെ ബത്തയിലേതായി ആദ്യ ഗാനം പുറത്തുവന്നിരുന്നു. സായ് അഭ്യങ്കർ ഒരുക്കിയ ചിത്രത്തിലെ ഗാനം അച്ഛൻ- മകൾ ആത്മബന്ധത്തെ സൂചിപ്പിക്കുന്നതായിരുന്നു. കെ കെ നഗർ ഗാന ജീവ ആണ് ഗാനത്തിന് വരികൾ എഴുതിയിരിക്കുന്നത്.

സിദ്ദിഖ് ചിത്രം ‘ക്രൈം 302’ന്റെ ട്രെയിലർ റിലീസ് ചെയ്തു

Nithya G Robinson — Sat, 17 Oct 2026 17:02:14 +0530

നടൻ സിദ്ദിഖ് കേന്ദ്രകഥാപാത്രത്തെ അവതരിപ്പിക്കുന്ന ‘ക്രൈം 302’ എന്ന സിനിമയുടെ ട്രെയിലർ റിലീസ് ചെയ്തു. ഓരോ അപകടത്തിനും പിന്നിൽ ഒരു രഹസ്യവിം ഓരോ രഹസ്യത്തിനും പിന്നിൽ ഒരു പ്രതികാരവും ഉണ്ടാവുമെന്ന് കാണിക്കുന്ന തരത്തിലാണ് ട്രെയിലർ ഒരുക്കിയിരിക്കുന്നത്. പോലീസ് ഉദ്യോഗസ്ഥനായ സജീർ സൈനുദ്ദീൻ കഥ തിരക്കഥ സംഭാഷണമെഴുതി സംവിധാനം ചെയ്യുന്ന ചിത്രം ഒക്ടോബർ 23ന് തിയറ്ററുകളിൽ എത്തും.

നിഷാ ആന്റ് സാറാ പ്രൊഡക്ഷൻസിന്റെ ബാനറിൽ ഷാജി പുനലാൽ, റാഫിയ സജീർഎന്നിവർ ചേർന്നാണ് ചിത്രം നിർമിക്കുന്നത്. പൊലീസ് ക്രൈം ഇൻവെസ്റ്റിഗേഷൻ ത്രില്ലറായാണ് ക്രൈം 302 ഒരുക്കിയിരിക്കുന്നത്. നടൻ സിദ്ദിഖിന് പുറമെ സാജു നവോദയ (പാഷാണം ഷാജി), ഡ്രാക്കുള സുധീർ, ദിനേശ് പണിക്കർ, ജസീല പർവീൺ, നിധിക്കുട്ടി, ഷിഫാന, രാജൻ ഞ്ഞെക്കാട്, ദീപു നാവായിക്കുളം, ബാലരാമപുരം ശ്രീജിത്ത്, വിശ്വ, സിയാദ് തുടങ്ങിയവരും ചിത്രത്തിൽ അഭിനയിക്കുന്നുണ്ട്.

ഛായാഗ്രഹണം- ജഗദീഷ് വിശ്വം, കിരൺ, സാബു അപ്പുക്കുട്ടൻ; എഡിറ്റിംഗ്-അലൻ, ചീഫ് അസോസിയേറ്റ് ഡയറക്ടർ- മിഥുൻ എസ്. അജയ്, കോ-ഡയറക്ടർ- വിഷ്ണു വെഞ്ഞാറമൂട്, ഷംനാദ് അല്ലു; അസോസിയേറ്റ് ഡയറക്ടർ- പ്രിൻസ് അതി, ഗൗതം; അസിസ്റ്റന്റ് ഡയറക്ടർ- വൈശാഖ്, ശ്രീഹരി, നന്ദ; സംഗീതം- റോയ് അതിമൂടൻ, വിശ്വ മ്യൂസിക്; ഗാനരചന- സജീർ സൈനുദ്ദീൻ, റിയാസ് വട്ടിയൂർക്കാവ്; ഗായകർ- ആയിഷ സജീർ, റോയ് അതിമൂടൻ, വിശ്വ മ്യൂസിക് ഗാനങ്ങളുടെ സംഗീതസംവിധാനം, മിക്സിംഗ്- വിനീത് എസ്തപ്പാൻ (മാട്രിക്സ് സ്റ്റുഡിയോസ്), പശ്ചാത്തലസംഗീതം- സുരേഷ് കാർത്തിക്, ഓഡിയോഗ്രഫി- ശങ്കർ ദാസ് വി.സി., ശബ്ദരൂപകൽപ്പന- ഷൈൻ ബി. ജോൺ, പ്രൊഡക്ഷൻ കൺട്രോളർ- സുനിൽ തിരുവല്ലം, വസ്ത്രാലങ്കാരം- മനു മലയൻകീഴ്, ശ്രീജിത്ത് കുമാരപുരം, മേക്കപ്പ്- രാജേഷ് ചിതറ, കല- സഞ്ജു, മഹേഷ്, വിതരണം- നമോ പിക്ചേഴ്സ്, പി.ആർ.ഒ.- എ.എസ്. ദിനേശ് എന്നിവരാണ് മറ്റ് അണിയറപ്രവർത്തകർ.

രജനികാന്ത്- നെൽസൺ ചിത്രം 'ജയിലർ 2' ഒടിടി അവകാശം ആർക്ക്?

Web Desk — Sat, 17 Oct 2026 16:12:09 +0530

രജനികാന്തിനെ നായകനാക്കി നെൽസൺ സംവിധാനം ചെയ്ത ‘ജയിലർ 2’ തിയേറ്റാറുകളിൽ എത്തിയിരിക്കുകയാണ്. സമ്മിശ്ര പ്രതികരണങ്ങൾക്കിടയിലും കളക്ഷനിൽ ചിത്രം നേട്ടമുണ്ടാക്കുന്നുണ്ട്. കേരളത്തിൽ 800 സ്ക്രീനുകളിൽ ഓൾ ടൈം റെക്കോർഡ് റിലീസായി ആണ് ചിത്രം എത്തിയത്. 4000 ഷോകളാണ് ചിത്രം ആദ്യ ദിനം കേരളത്തിൽ പ്രദര്‍ശിപ്പിച്ചത്. ചിത്രത്തിന്റെ ഒടിടി സ്ട്രീമിംഗ് അവകാശം സ്വന്തമാക്കിയിരിക്കുന്നത് ആമസോൺ പ്രൈം വീഡിയോയാണ്. തിയേറ്റർ പ്രദർശനത്തിന് ശേഷം ചിത്രം ഒടിടിയിൽ സ്ട്രീമിംഗ് ആരംഭിക്കും. എന്നാൽ സ്ട്രീമിംഗ് തിയ്യതി ഇതുവരെ പുറത്തുവന്നിട്ടില്ല.

സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിക്കുന്ന ചിത്രം കേരളത്തിൽ ശ്രീ ഗോകുലം ഗോപാലൻ്റെ ശ്രീ ഗോകുലം മൂവീസാണ് വിതരണം ചെയ്യുന്നത്. ആഗോള ബോക്സ് ഓഫീസില്‍ 211 കോടി രൂപയാണ് ഇതുവരെ ജയിലര്‍ 2 നേടിയത് എന്ന് സാക്നില്‍ക്ക് റിപ്പോര്‍ട്ട് ചെയ്യുന്നു.

മലയാളത്തിന്റെ മെഗാതാരം മോഹൻലാൽ ചിത്രത്തിൽ ഉള്ളത് ചിത്രത്തിന് കേരളത്തിൽ ലഭിക്കുന്ന സ്വീകരണത്തിന് വലിയ കാരണമായിട്ടുണ്ട്. ആദ്യ ഭാഗത്തിൽ അതിഥി വേഷത്തിലെത്തി കൈയടി നേടിയ മോഹൻലാൽ രണ്ടാം ഭാഗത്തിലും എത്തുന്നുവെന്നത് മലയാളി പ്രേക്ഷകരുടെ പ്രതീക്ഷ വർധിപ്പിച്ച ഘടകമാണ്. രജനികാന്തിന്റെയും മോഹൻലാലിന്റെയും സാന്നിധ്യം ചിത്രം ബിഗ് സ്ക്രീനിൽ കാണാനുള്ള ആവേശം പ്രേക്ഷകരിൽ ഉണ്ടാക്കുന്നതിൽ നിർണായകമായിട്ടുണ്ട്. അതിഥി താരങ്ങളെല്ലാം മികച്ച പ്രകടനം തന്നെ ചിത്രത്തില്‍ നടത്തിയിട്ടുണ്ടെന്ന് തിയറ്റര്‍ പ്രതികരണങ്ങള്‍ സൂചിപ്പിക്കുന്നു.

ബ്ലോക്ക്ബസ്റ്റർ വിജയമായ ‘ജയിലറി’ന് ശേഷം മുത്തുവേൽ പാണ്ഡ്യനായി രജനികാന്ത് വീണ്ടും എത്തുന്ന ചിത്രത്തിൽ ശിവ രാജ്കുമാറും തിരിച്ചെത്തുന്നുണ്ട്. സുരാജ് വെഞ്ഞാറമൂട്, എസ്.ജെ. സൂര്യ, വിദ്യ ബാലൻ, മിഥുൻ ചക്രവർത്തി, യോഗി ബാബു, ഹക്കീം ഷാജഹാൻ തുടങ്ങിയവരും താരനിരയിലുണ്ട്. രചന, സംവിധാനം: നെൽസൺ നിർമ്മാതാവ്: കലാനിധി മാരൻ, ബാനർ: സൺ പിക്ചേഴ്സ്, ഛായാഗ്രഹണം: വിജയ് കാർത്തിക് കണ്ണൻ, എഡിറ്റിംഗ്: ആർ. നിർമ്മൽ, സംഗീതം: അനിരുദ്ധ് രവിചന്ദർ.

പ്രൊഡക്ഷൻ ഡിസൈനർ: ഡോ. കെ. കിരൺ, ആക്ഷൻ: ചേതൻ ഡി'സൂസ, കോസ്റ്റ്യൂം ഡിസൈനർമാർ: പല്ലവി സിംഗ്, മുതുൽ ഹഫീസ്, സൗണ്ട് മിക്സ്: സുരേൻ ജി., സൗണ്ട് ഡിസൈൻ: സുരേൻ ജി., എസ്. അളഗിയകൂത്തൻ, കളറിസ്റ്റ്: ആൻഡ്രിയാസ് ബ്രൂക്കൽ, ഡി.ഐ. ലാബ്: അന്നപൂർണ സ്റ്റുഡിയോസ്, വി.എഫ്.എക്സ്. പ്രൊഡ്യൂസർ: സന്തോഷ് രാജു, മേക്കപ്പ്: പട്ടണം റഷീദ്, സി. ഹരിനാഥ്, സ്റ്റിൽസ്: വി. സിത്തിരസു, പബ്ലിസിറ്റി ഡിസൈൻ: കബിലൻ ചെല്ലയ്യ, പ്രൊഡക്ഷൻ കൺട്രോളർമാർ: ഡി. രമേഷ് കുച്ചിരായർ, ആർ. എസ്. സുരേഷ് മണിയൻ, എക്സിക്യൂട്ടീവ് പ്രൊഡ്യൂസർ: സുനിൽ റെഡ്ഡി, പി.ആർ.ഒ: ശബരി.

ജയസൂര്യ - വിനായകൻ ചിത്രം ‘ടൈറ്റൻസി’ന്റെ ജൂക്ക്ബോക്സ് പുറത്ത്

Nithya G Robinson — Sat, 17 Oct 2026 16:01:24 +0530

പ്രിൻസ് ജോയ് സംവിധാനം ചെയ്യുന്ന ജയസൂര്യ-വിനായകൻ ചിത്രം ടൈറ്റൻസിന്റെ ജൂക്ക് ബോക്സ് പുറത്തുവിട്ടു. അഞ്ച് പാട്ടുകളുമായാണ് ഓഡിയോ പുറത്തുവന്നിരിക്കുന്നത്. ഉഷ ഉതുപ്പ്, ജാസി ഗിഫ്റ്റ്, വൈക്കം വിജയലക്ഷ്മി, സുരജ് സന്തോഷ് തുടങ്ങി ഒരുപിടി ഗായകരാണ് ഗാനങ്ങൾ ആലപിച്ചിരിക്കുന്നത്. ഡോൺ വിൻസെന്റ് ആണ് സംഗീത സംവിധാനം. 'എബ്രഹാം ഓസ്‌ലർ’ എന്ന സൂപ്പർഹിറ്റ് ചിത്രത്തിന് ശേഷം നേരമ്പോക്ക് ബാനറിൽ നിർമ്മിക്കുന്ന ചിത്രമാണ് ടൈറ്റൻസ്. U/A 16+ സർട്ടിഫിക്കറ്റ് ലഭിച്ച ചിത്രം ഒക്ടോബർ 22ന് ആഗോളതലത്തിൽ തിയേറ്ററുകളിലെത്തും.

നേരമ്പോക്ക്, മാനുവൽ മൂവി മേക്കേഴ്‌സ്, അവനിർ ടെക് എന്നീ ബാനറുകളിൽ മിഥുൻ മാനുവൽ തോമസും ഇർഷാദ് എം. ഹസനും, ബാബു ഏട്ടൻ ഫിലിംസിന്റെ ബാനറിൽ പ്രദീപ് സി.എസും ചേർന്നാണ് ചിത്രം നിർമ്മിക്കുന്നത്. ‘അനുഗ്രഹീതൻ ആന്റണി’യിലൂടെ ശ്രദ്ധ നേടിയ പ്രിൻസ് ജോയ് സംവിധാനം ചെയ്യുന്ന ‘ടൈറ്റൻസ്’ രചിച്ചിരിക്കുന്നത് ജെയിംസ് സെബാസ്റ്റ്യനാണ്. ജയസൂര്യ, വിനായകൻ എന്നിവർക്കൊപ്പം നിഹാൽ, ബേബി ജീൻ, സണ്ണി വെയ്ൻ, ഇന്ദ്രൻസ്, സുരേഷ് കൃഷ്ണ തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.

വ്യത്യസ്തമായ കഥാപാത്രങ്ങളും നർമ്മവും ഫാന്റസി മുഹൂർത്തങ്ങളും ത്രില്ലിംഗ് രംഗങ്ങളും ചേർന്നൊരു സിനിമാനുഭവമാണ് ചിത്രം ഒരുക്കുന്നത് എന്നാണ് നേരത്തെ പുറത്ത് വന്ന ചിത്രത്തിൻ്റെ ട്രെയ്‌ലർ നൽകിയ സൂചന. മാജിക് ഫ്രെയിംസ് ആണ് ചിത്രം കേരളത്തിൽ വിതരണം ചെയ്യുന്നത്. ഫാർസ് ഫിലിംസാണ് ഓവർസീസ് ഡിസ്ട്രിബ്യൂഷൻ നിർവഹിക്കുന്നത്. 123 മ്യൂസിക്സാണ് ചിത്രത്തിന്റെ ഓഡിയോ, മ്യൂസിക് അവകാശങ്ങൾ സ്വന്തമാക്കിയിരിക്കുന്നത്.

സംവിധാനം: പ്രിൻസ് ജോയ്, രചന: ജെയിംസ് സെബാസ്റ്റ്യൻ, നിർമ്മാതാക്കൾ: മിഥുൻ മാനുവൽ തോമസ്, ഇർഷാദ് എം. ഹസൻ, പ്രദീപ് സി.എസ്., ഛായാഗ്രഹണം: വിഷ്ണു ശർമ്മ, എഡിറ്റിംഗ്: ഷമീർ മുഹമ്മദ്, സംഗീതം: ഡോൺ വിൻസെന്റ്, പ്രൊഡക്ഷൻ ഡിസൈൻ: അരുൺ വെഞ്ഞാറമൂട്, എക്സിക്യൂട്ടീവ് പ്രൊഡ്യൂസർമാർ: സുനിൽ സിങ്, ശ്രീജിത്ത് ഗില്ലി, സജിത്ത് പി.വൈ., ലൈൻ പ്രൊഡ്യൂസർ: റോബിൻ വർഗീസ്, പ്രൊഡക്ഷൻ കൺട്രോളർ: പ്രശാന്ത് നാരായണൻ, ആർട്ട് ഡയറക്ടർ: മഹേഷ് പിറവം, വിഎഫ്എക്സ് ഡയറക്ടർ: വിശാഖ് ബാബു, കോസ്റ്റ്യൂം: സിജി നോബിൾ തോമസ്, മേക്കപ്പ്: റോണക്സ് സേവ്യർ, സൗണ്ട് ഡിസൈൻ: കിഷൻ മോഹൻ, സൗണ്ട് മിക്സിങ്: രാജകൃഷ്ണൻ എം.ആർ., ചീഫ് അസോസിയേറ്റ് ഡയറക്ടർമാർ: രജീഷ് വേലായുധൻ, ബേസിൽ വർഗീസ് ജോസ്, ക്രിയേറ്റീവ് അസോസിയേറ്റ്: ബിനോഷ് ജോർജ്, സംഘട്ടനം: ഫീനിക്സ് പ്രഭു, ഡിജിറ്റൽ പി.ആർ.: യദുൽ ബോസ്, വിവേക് വിനയ്‌രാജ്, സ്റ്റിൽസ്: എസ്.ബി.കെ. ഷുഹൈബ്, ബോയാക്, വിഎഫ്എക്സ്: മൈൻഡ് സ്റ്റെയിൻ സ്റ്റുഡിയോസ്, പിക്റ്റോറിയൽ എഫ്.എക്സ്., ഡിസൈൻസ്: യെല്ലോ ടൂത്ത്സ്, പി.ആർ.ഒ.: വൈശാഖ് സി. വടക്കേവീട്, ജിനു അനിൽകുമാർ. Advertising: bringforth.

എല്ലാവർക്കും നന്ദി; 'ജയിലർ 2' റിലീസിന് പിന്നാലെ പ്രേക്ഷകരോട് കോട്ടയം നസീർ

Nithya G Robinson — Sat, 17 Oct 2026 15:39:55 +0530

രജനികാന്തിന്റെ ഏറ്റവും പുതിയ ചിത്രം ജയിലർ 2ൽ പ്രധാനപ്പെട്ടൊരു വേഷത്തിൽ നടൻ കോട്ടയം നസീറും എത്തിയിരുന്നു. ആമിർ എന്ന കഥാപാത്രത്തെയാണ് അദ്ദേഹം സിനിമയിൽ അവതരിപ്പിച്ചത്. സിനിമയുടെ റിലീസിന് പിന്നാലെ പ്രേക്ഷകരോട് നന്ദി പറഞ്ഞിരിക്കുകയാണ് നസീർ ഇപ്പോൾ. "ഇന്നലെ ജയിലർ 2 റിലീസ് ആയത് മുതൽ പടം കണ്ടിട്ട് ഒരുപാട് പേര് നേരിട്ട് വിളിച്ചും മെസ്സേജ് അയച്ചും അഭിനന്ദനങ്ങൾ അറിയിക്കുക ഉണ്ടായി. എല്ലാവർക്കും എന്റെ ഹൃദയം നിറഞ്ഞ നന്ദി", എന്നായിരുന്നു അദ്ദേഹം സോഷ്യൽ മീഡിയയിൽ കുറിച്ചത്.

ഒക്ടോബര്‍ 15ന് തിയറ്ററുകളില്‍ എത്തിയ ജയിലർ 2 ബോക്സ് ഓഫീസിൽ മികച്ച പ്രതികരണങ്ങൾ നേടുകയാണ്. ആഗോള ബോക്സ് ഓഫീസില്‍ 211 കോടി രൂപയാണ് ഇതുവരെ ജയിലര്‍ 2 നേടിയത് എന്ന് സാക്നില്‍ക്ക് റിപ്പോര്‍ട്ട് ചെയ്യുന്നു. കോട്ടയം നസീറിന് പുറമെ സുരാജ് വെഞ്ഞാറമൂട്, ഹക്കീം ഷാജഹാൻ, മോഹൻലാൽ തുടങ്ങി മലയാള താരങ്ങളും ജയിലറിന്റെ ഭാഗമാണ്. ആദ്യ ഭാഗത്തേക്കാൾ മാസ് ആയി, മെഗാ കാൻവാസിൽ ആണ് രണ്ടാം ഭാഗം ഒരുക്കിയത്. നെൽസൺ ദിലീപ്കുമാർ സംവിധാനം ചെയ്യുന്ന ‘ജയിലർ 2’ ശ്രീ ഗോകുലം ഗോപാലൻ്റെ ശ്രീ ഗോകുലം മൂവീസ് ആണ് കേരളത്തിലും കർണാടകത്തിലും പ്രദർശനത്തിന് എത്തിച്ചത്.

സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിക്കുന്ന ചിത്രം, ബ്ലോക്ക്ബസ്റ്റർ ഹിറ്റായ ആദ്യ ഭാഗത്തിന് ശേഷം മുത്തുവേൽ പാണ്ഡ്യൻ എന്ന കഥാപാത്രമായുള്ള രജനീകാന്തിൻ്റെ രണ്ടാം വരവാണ്. ഡ്രീം ബിഗ് ഫിലിംസ് ആണ് ചിത്രത്തിൻ്റെ കേരളത്തിലെ ഡിസ്ട്രിബുഷൻ പാർട്ണർ. അനിരുദ്ധ് രവിചന്ദർ ആണ് രണ്ടാം ഭാഗത്തിനും സംഗീതവും പശ്ചാത്തല സംഗീതവും ഒരുക്കിയത്.

രചന, സംവിധാനം: നെൽസൺ ദിലീപ്കുമാർ, നിർമ്മാതാവ്: കലാനിധി മാരൻ, ബാനർ: സൺ പിക്ചേഴ്സ്, ഛായാഗ്രഹണം : വിജയ് കാർത്തിക് കണ്ണൻ, എഡിറ്റർ : ആർ നിർമ്മൽ, സംഗീതം: അനിരുദ്ധ് രവിചന്ദർ, പ്രൊഡക്ഷൻ ഡിസൈനർ: ഡോ. കെ. കിരൺ, ആക്ഷൻ: ചേതൻ ഡി'സൂസ, കോസ്റ്റ്യൂം ഡിസൈനർമാർ: പല്ലവി സിംഗ്, മുതുൽ ഹഫീസ്, സൗണ്ട് മിക്സ്: സുരേൻ. ജി, സൗണ്ട് ഡിസൈൻ: സുരേൻ ജി, എസ്. അളഗിയകൂത്തൻ, കളറിസ്റ്റ്: ആൻഡ്രിയാസ് ബ്രൂക്കൽ, ഡിഐ ലാബ്: അന്നപൂർണ സ്റ്റുഡിയോസ്, വിഎഫ്എക്സ് പ്രൊഡ്യൂസർ: സന്തോഷ് രാജു, മേക്കപ്പ്: പട്ടണം റഷീദ്, സി. ഹരിനാഥ്, സ്റ്റിൽസ്: വി. സിത്തിരസു, പബ്ലിസിറ്റി ഡിസൈൻ: കബിലൻ ചെല്ലയ്യ, പ്രൊഡക്ഷൻ കൺട്രോളർ: ഡി. രമേഷ് കുച്ചിരായർ, ആർ. എസ്. സുരേഷ് മണിയൻ, എക്സിക്യൂട്ടീവ് പ്രൊഡ്യൂസർ: സുനിൽ റെഡ്ഡി, കേരളാ ഡിസ്ട്രിബ്യൂഷൻ പാർട്ണർ: ഡ്രീം ബിഗ് ഫിലിംസ്, പിആർഒ : ശബരി.

‘കപ്പലു പാറ്’ എന്ന് വെറുതെ മൂളി; വെറും 10 മിനിറ്റിൽ പിറന്നത് രജനിയുടെ എക്കാലത്തെയും ഹിറ്റ് പാട്ട്! ദേവയുടെ ആ കഥ

Prashobh Prasannan — Sat, 17 Oct 2026 15:28:26 +0530

ഒരു പാട്ടിന്റെ ജനനത്തിന് എപ്പോഴും വലിയ ആസൂത്രണങ്ങളോ നീണ്ട ചർച്ചകളോ ഒന്നും ആവശ്യമമായി വരില്ല. ചിലപ്പോൾ സംഗീതസംവിധായകന്റെ മനസിൽ വെറുതെ പിറക്കുന്ന ഒരു ഈണം.. അതിനൊപ്പം അറിയാതെ മൂളിപ്പോകുന്ന ഏതാനും വരികൾ.. അത്രയും മതിയാകും കാലം ഓർത്തുവയ്ക്കുന്ന ഒരു ഗാനം പിറക്കാൻ. അത്തരമൊരു സർഗാത്മക നിമിഷത്തിൽനിന്നാണ് രജനീകാന്തിന്റെ എക്കാലത്തെയും ജനപ്രിയ ഗാനങ്ങളിലൊന്നായ ‘നാൻ ഓട്ടോക്കാരൻ’ പിറന്നത്. ‘ബാഷാ’ എന്ന ചിത്രത്തിലെ ഈ ഗാനത്തിന് പിന്നിൽ, സംഗീതസംവിധായകൻ ദേവയുടെ സംഗീതജീവിതത്തിലെ കൗതുകകരമായൊരു കഥയുണ്ട്. ‘കപ്പലു പാറ്’ എന്ന താൽക്കാലിക വരികളിൽനിന്നും പിറന്ന ആ പാട്ട് ഒടുവിൽ തമിഴ് സിനിമയിലെ മറക്കാനാകാത്തൊരു ഗാനമായി മാറുകയായിരുന്നു.

ആദ്യം ബോണി എം പരീക്ഷണം

1995ൽ പുറത്തിറങ്ങിയ ‘ബാഷാ’ തമിഴ് സിനിമയുടെ ചരിത്രത്തിൽ പ്രത്യേക സ്ഥാനമുള്ള ചിത്രമാണ്. ഓട്ടോറിക്ഷാ ഡ്രൈവറായ മാണിക്കം എന്ന കഥാപാത്രമായി രജനീകാന്ത് നിറഞ്ഞാടിയ ചിത്രത്തിലെ ഗാനങ്ങളും വലിയ ജനപ്രീതി നേടി. കഥാപാത്രത്തിന്റെ ചുറുചുറുക്കും നഗരജീവിതവുമായുള്ള ബന്ധവും പ്രതിഫലിപ്പിക്കുന്ന ഒരു ഗാനം ഒരുക്കുകയായിരുന്നു സംവിധായകൻ സുരേഷ് കൃഷ്‍ണയുടെയും സംഗീതസംവിധായകൻ ദേവയുടെയും ലക്ഷ്യം. ആദ്യഘട്ടത്തിൽ ബോണി എം പോലുള്ള പാശ്ചാത്യ ബാൻഡുകളുടെ ശൈലിയിൽ ഒരു ഗാനം ഒരുക്കാൻ ശ്രമിച്ചെങ്കിലും കഥാപാത്രത്തിന് ഇണങ്ങുന്ന ഈണം കണ്ടെത്താനായില്ല. അങ്ങനെയാണ് ചെന്നൈ തെരുവുകളിൽ താൻ പാടിവളർന്ന ‘ഗാനാ’ സംഗീതശൈലിയിലേക്ക് ദേവ തിരിയുന്നത്.

പുതിയ ഈണം പരീക്ഷിക്കുന്നതിനിടെ ദേവ ‘കപ്പലു പാറ്’ എന്നു തുടങ്ങുന്ന ചില വരികൾ മൂളിപ്പാടി. ‘കപ്പല് പാറ് കപ്പല് പാറ് .. കപ്പല് മെലേ ഡോറ പാറ്, ഡോറ കീഴേ ആയ പാറ്, ആയ കൈയില കൊഴന്തൈ പാറ്’ എന്നിങ്ങനെയായിരുന്നു ആ വരികളുടെ തുടർച്ച. കപ്പലും അതിലുള്ള വിദേശിയായ ഡോറയും കയ്യിൽ കുഞ്ഞുമായി നിൽക്കുന്ന ആയയായ സ്വദേശി സ്ത്രീയുമൊക്കെ ആയായിരുന്നു ഈ ഡമ്മി വരികളിലെ പരാമർശങ്ങൾ. ഈ താളമാണ് പിന്നീട് ‘നാൻ ഓട്ടോക്കാരൻ’ എന്ന ഗാനത്തിന്റെ അടിത്തറയായത്.

ആ ഡമ്മി വരികളിൽ വലിയ സാഹിത്യഭംഗിയൊന്നും ഉണ്ടായിരുന്നില്ല. എന്നാൽ അതിലൊരു സ്വാഭാവികതയും താളവും ഉണ്ടായിരുന്നു. ദേവയുടെ ഈണം കേട്ട രജനീകാന്തിനും സംവിധായകൻ സുരേഷ് കൃഷ്‍ണയ്ക്കും ആ ശൈലി ഇഷ്‍ടമായി. ഈണം മാറ്റേണ്ടെന്ന നിലപാടിലായിരുന്നു രജനീകാന്ത്. അങ്ങനെ, ഒരു സംഗീതപരീക്ഷണമായി തുടങ്ങിയ ആശയം പതിയെ സിനിമയിലെ പ്രധാന ആകർഷണങ്ങളിലൊന്നായി മാറി.

പത്ത് മിനിറ്റിൽ പിറന്ന വരികൾ

ഈണത്തിന് അനുസരിച്ച് വരികൾ എഴുതാനുള്ള ചുമതല പിന്നീട് ഗാനരചയിതാവ് വൈരമുത്തുവിനായി. വെറും പത്ത് മിനിറ്റിനുള്ളിൽ അദ്ദേഹം വരികൾ തയ്യാറാക്കിയെന്നാണ് കഥകൾ. ദേവയുടെ സംഗീതവും എസ് പി ബാലസുബ്രഹ്മണ്യത്തിന്റെ ശബ്‍ദവും രജനീകാന്തിന്റെ സവിശേഷമായ സ്‍ക്രീൻ പ്രസൻസുമെല്ലാം ഒത്തുചേർന്നപ്പോൾ ‘നാൻ ഓട്ടോക്കാരൻ’ ആരാധകരുടെ മനസിൽ ഇടംപിടിച്ചു. നഗരത്തിന്റെ താളവും സാധാരണക്കാരന്റെ ജീവിതവുമെല്ലാം നിറഞ്ഞുനിന്ന ആ ഗാനം മാണിക്കം എന്ന കഥാപാത്രത്തിന്റെ വ്യക്തിത്വത്തിന്റെ ഭാഗമായി മാറി.

ദേവയുടെ സംഗീതത്തിന്റെ പ്രത്യേകതയും ഇതുതന്നെ ആയിരുന്നു. സങ്കീർണമായ സംഗീതപരീക്ഷണങ്ങൾക്കപ്പുറം ജനങ്ങളുടെ ദൈനംദിന ജീവിതത്തോട് ചേർന്നുനിൽക്കുന്ന ഈണങ്ങളും താളങ്ങളും കണ്ടെത്താനുള്ള അദ്ദേഹത്തിന്‍റെ കഴിവ് ശ്രദ്ധേയമായിരുന്നു. തെരുവുകളിൽനിന്നും സാധാരണ മനുഷ്യരുടെ ജീവിതത്തിൽനിന്നും ഊർജം ഉൾക്കൊണ്ട അദ്ദേഹത്തിന്റെ സംഗീതം, സിനിമയിലെ കഥാപാത്രങ്ങളെ കൂടുതൽ ജനകീയമാക്കുന്നതിൽ വലിയ പങ്കുവഹിച്ചു.

പാട്ടിനൊപ്പം രജനീകാന്ത് മാജിക്കും

‘നാൻ ഓട്ടോക്കാരൻ’ എന്ന ഗാനത്തിന്റെ ജനപ്രീതിക്ക് സംഗീതത്തോടൊപ്പം രജനീകാന്തിന്റെ അവതരണവും നിർണായകമായി. നൃത്തസംവിധായകൻ തരുണ്‍ കുമാറാണ് ഗാനരംഗത്തിന്റെ ചുവടുകൾ ഒരുക്കിയത്. ചിത്രീകരണത്തിന് മുന്നോടിയായി അമ്പതോളം പിന്നണി നർത്തകരെ ഉൾപ്പെടുത്തി പരിശീലനം നടത്തി. പിന്നീട് നൂറിലധികം നർത്തകരുടെ സാന്നിധ്യത്തിലാണ് ചെന്നൈയിലെ വിജയ വാഹിനി സ്റ്റുഡിയോയിൽ ഗാനരംഗം ചിത്രീകരിച്ചത്. നാല് ദിവസം കൊണ്ടാണ് ഈ ഗാന ചിത്രീകരണം പൂർത്തിയാക്കിയത്.

പാട്ടിനിടെ ക്യാമറയിലേക്ക് നേരിട്ട് നോക്കി പുഞ്ചിരിക്കുകയും കൈകൂപ്പി അഭിവാദ്യം ചെയ്യുകയും ചെയ്യുന്ന രജനീകാന്തിന്റെ രംഗങ്ങൾ ഇന്നും ആരാധകർ ഓർത്തെടുക്കാറുണ്ട്. കഥാപാത്രമായി നൃത്തം ചെയ്യുന്നതിനൊപ്പം പ്രേക്ഷകരുമായി നേരിട്ട് സംവദിക്കുന്നതുപോലെയുള്ള ആ അവതരണം ഗാനത്തിന് മറ്റൊരു മാനം നൽകി. ‘അണ്ണാമലൈ’യിലെ ‘വന്തേൻഡാ പാലക്കാരൻ’ എന്ന ഗാനത്തിലും കണ്ടിരുന്ന ഈ ശൈലി, രജനീകാന്തിന്റെ താരപ്രഭയുടെ മറ്റൊരു അടയാളപ്പെടുത്തലായി.

ചെന്നൈ തെരുവുകളിൽനിന്ന് സിനിമയുടെ ഹൃദയത്തിലേക്ക്

ദേവയുടെ സംഗീതയാത്രയെക്കുറിച്ച് പറയുമ്പോൾ ‘ഗാനാ’ ശൈലിയെ മാറ്റിനിർത്താനാകില്ല. ചെന്നൈയുടെ, പ്രത്യേകിച്ച് നഗരത്തിന്റെ വടക്കൻ പ്രദേശങ്ങളുടെ, തെരുവുസംസ്‍കാരവുമായി അടുത്ത ബന്ധമുള്ള ഈ സംഗീതരൂപം സാധാരണ മനുഷ്യരുടെ ജീവിതമാണ് പാടുന്നത്. പ്രണയം, വിരഹം, തമാശ, ദൈനംദിന പ്രയാസങ്ങൾ, സാമൂഹിക യാഥാർഥ്യങ്ങൾ—എല്ലാം ലളിതമായ ഭാഷയിലും സ്വാഭാവികമായ താളത്തിലും ഗാനാ പാട്ടുകളിൽ ഇടംപിടിക്കുന്നു.

ശാസ്ത്രീയ സംഗീതത്തിന്റെ ചിട്ടകളേക്കാൾ പ്രാദേശിക ഭാഷയുടെ ഒഴുക്കിനും താളത്തിന്റെ ഊർജത്തിനുമാണ് ഈ ശൈലി പ്രാധാന്യം നൽകുന്നത്. തൊഴിലാളിവർഗത്തിന്റെയും നഗരത്തിലെ സാധാരണ ജനങ്ങളുടെയും ജീവിതത്തിൽനിന്ന് വളർന്ന ഈ സംഗീതം വിവാഹങ്ങൾ, ആഘോഷങ്ങൾ, തെരുവുപരിപാടികൾ തുടങ്ങി വിവിധ സാമൂഹിക സന്ദർഭങ്ങളുടെ ഭാഗമായിരുന്നു.

ഗാനാ സംഗീതത്തെ തമിഴ് സിനിമയുടെ മുഖ്യധാരയിലേക്ക് കൂടുതൽ ശക്തമായി എത്തിച്ച സംഗീതസംവിധായകരിൽ പ്രധാനിയാണ് ദേവ. 1990കളിൽ അദ്ദേഹത്തിന്റെ സംഗീതത്തിലൂടെ ഈ ശൈലി വലിയൊരു പ്രേക്ഷകസമൂഹത്തിലേക്ക് എത്തി. നാട്ടുഭാഷയും തെരുവുതാളങ്ങളും സിനിമയുടെ സംഗീതഭാഷയാകാമെന്ന് അദ്ദേഹം തെളിയിച്ചു. ജനങ്ങൾക്ക് പരിചിതമായ ശബ്‍ദങ്ങളെ ജനപ്രിയ സിനിമയുടെ ഭാഗമാക്കുന്നതിലായിരുന്നു അദ്ദേഹത്തിന്റെ മികവ്.

ഓർമയിൽ ദേവ

ഒരു സംഗീതസംവിധായകന്റെ സർഗാത്മകത അളക്കേണ്ടത് അദ്ദേഹം ഒരുക്കുന്ന ഈണങ്ങളുടെ സങ്കീർണതകൊണ്ട് മാത്രമല്ല. കേൾക്കുന്നവരുടെ മനസിൽ എത്രകാലം അവ നിലനിൽക്കുന്നു എന്നതും പ്രധാനമാണ്. ദേവയുടെ സംഗീതത്തിന് ആ പ്രത്യേകതയുണ്ടായിരുന്നു. സാധാരണക്കാരന്റെ ഭാഷയും ജീവിതവും താളവും ചേർത്തുപിടിച്ച അദ്ദേഹത്തിന്റെ ഗാനങ്ങൾ, സിനിമ കഴിഞ്ഞാലും ജനങ്ങളുടെ ഓർമകളിൽ തുടർന്നു.

‘കപ്പലു പാറ്’ എന്ന താൽക്കാലിക വരികളിൽനിന്ന് ‘നാൻ ഓട്ടോക്കാരൻ’ എന്ന ജനപ്രിയ ഗാനത്തിലേക്കുള്ള യാത്ര അതിന്റെ മനോഹരമായ ഉദാഹരണമാണ്. വലിയൊരു ഗാനമായി മാറുമെന്ന് ഉറപ്പില്ലാതെ മൂളിയ ഈണം, പിന്നീട് രജനീകാന്തിന്റെ ആരാധകരുടെ ആവേശത്തിന്റെ ഭാഗമായി. ഒരു കഥാപാത്രത്തിന്റെ സ്റ്റൈലിനെയും ഒരു നഗരത്തിന്റെ ജീവിതത്തെയും ഒരുമിച്ച് അടയാളപ്പെടുത്തിയ പാട്ടായി അത് മാറി.

ചില ഗാനങ്ങൾ കേൾക്കുമ്പോൾ ഓർമ വരുന്നത് ഈണമാണ്. ചിലത് കേൾക്കുമ്പോൾ ഒരു കാലഘട്ടം മനസിലേക്ക് തിരിച്ചെത്തും. ‘നാൻ ഓട്ടോക്കാരൻ’ അത്തരമൊരു ഗാനമാണ്. അതിന്റെ താളത്തിൽ മാണിക്കത്തിന്റെ ചുറുചുറുക്കുണ്ട്; രജനീകാന്തിന്റെ താരപ്രഭയുണ്ട്; ചെന്നൈയുടെ തെരുവുകളുടെ ജീവനുണ്ട്. ഒപ്പം ഈണം മൂളിയ ദേവയുടെ സർഗാത്മകതയുമുണ്ട്. ആ ചെറിയ സംഗീതപരീക്ഷണം ഒരു വലിയ ഗാനമായി വളർന്ന കഥ, ദേവയുടെ സംഗീതയാത്രയിലെ കൗതുകകരമായ ഓർമ മാത്രമല്ല. സംഗീതം ചിലപ്പോൾ എത്ര ലളിതമായി പിറക്കാമെന്നും അത്തരം ലാളിത്യം എങ്ങനെ തലമുറകളുടെ മനസിൽ ഇടംനേടാമെന്നും ഓർമിപ്പിക്കുന്ന അനുഭവം കൂടിയാണ്.

കാർത്തിക് സുബ്ബരാജ് ചിത്രം 'ഡൊറോത്തി'യിലെ കല്യാണ വിരുന്ത് വീഡിയോ ഗാനമെത്തി; സംഗീതം ഇളയരാജ

Web Desk — Sat, 17 Oct 2026 15:13:16 +0530

കീർത്തി സുരേഷ്, സനന്ത്, റിഷികാന്ത് എന്നിവരെ പ്രധാന കഥാപാത്രങ്ങളാക്കി കാർത്തിക് സുബ്ബരാജ് ഒരുക്കുന്ന 'ഡൊറോത്തി' തിയേറ്ററുകളിൽ എത്തിയിരിക്കുകയാണ്. സെപ്റ്റംബർ 25 നാണ് ചിത്രം റിലീസ് ചെയ്തത്. മികച്ച പ്രേക്ഷക- നിരൂപക പ്രശംസകളാണ് ചിത്രത്തിന് എല്ലാ കേന്ദ്രങ്ങളിൽ നിന്നും ലഭിച്ചുകൊണ്ടിരിക്കുന്നത്. കാർത്തിക് സുബ്ബരാജിന്റെ കരിയർ ബെസ്റ്റ് ചിത്രമെന്ന വിശേഷണമാണ് ചിത്രത്തിന് സമൂഹമാധ്യമങ്ങളിലടക്കം ലഭിക്കുന്നത്. ഇപ്പോഴിതാ ചിത്രത്തിലെ ഏറ്റവും പുതിയ വീഡിയോ ഗാനം പുറത്തിറങ്ങിയിരിക്കുകയാണ്. ഇളയരാജ ഒരുക്കിയ കല്യാണ വിരുന്ത് എന്ന ഗാനമാണ് ഇപ്പോൾ പുറത്തുവന്നിരിക്കുന്നത്. ചിത്രത്തിന്റെ ഒടിടി അവകാശം സ്വന്തമാക്കിയിരിക്കുന്നത് നെറ്റ്ഫ്ലിക്സ് ആണ്. തിയേറ്റർ പ്രദർശനത്തിന് ശേഷം ചിത്രം ഒടിടി സ്ട്രീമിംഗ് ആരംഭിക്കും.

റിവോൾവർ റീത്തഎന്ന ചിത്രത്തിന് ശേഷം കീർത്തി സുരേഷ് നായികയായി എത്തുന്ന് ചിത്രമായത് കൊണ്ട് തന്നെ താരത്തിന്റെ ആരധകരും വലിയ പ്രതീക്ഷയിലാണ് ചിത്രത്ത നോക്കിക്കാണുന്നത്. അതേസമയം സൂര്യയെ നായകനാക്കി ഒരുക്കിയ റെട്രോ ആയിരുന്നു കാർത്തിക് സുബ്ബരാജിന്റേതായി അവസാനം പുറത്തിറങ്ങിയ ചിത്രം. വലിയറ പ്രീ റിലീസ് ഹൈപ്പോടെ എത്തിയ ചിത്രത്തിന് തിയേറ്ററുകളിൽ വലിയ ചലനം സൃഷ്ടിക്കാൻ സാധിച്ചിരുന്നില്ല. വ്യത്യസ്തമായ ആഖ്യാന ശൈലികൊണ്ട് തമിഴ് സിനിമയിൽ തന്റേതായ സ്ഥാനം കണ്ടെത്തിയ കാർത്തിക് സുബ്ബരാജിന്റെ പത്താം ചിത്രം കൂടിയാണ് ദൊറോത്തി.

കാർത്തിക് സുബ്ബരാജ്- ഇളയരാജ കോംബോ ആദ്യമായി ഒന്നിക്കുന്ന ചിത്രം കൂടിയാണിത്. റെട്രോയ്ക്ക് മുൻപ് പുറത്തിറങ്ങിയ ജിഗർത്താണ്ട ഡബിൾ എക്സ് തിയേറ്ററുകളിൽ മികച്ച പ്രേക്ഷക- നിരൂപക പ്രശംസകൾ ഏറ്റുവാങ്ങിയ ചിത്രം കൂടിയായിരുന്നു. രാഘവ ലോറൻസ്, എസ്.ജെ സൂര്യ, നിമിഷ സജയൻ തുടങ്ങിയവരുടെ മികച്ച പ്രകടനവും ചിത്രത്തിന് മുതൽകൂട്ടായിരുന്നു.

'ഇതിൽ നിന്നും എന്ത് സുഖമാണ് കിട്ടുന്നത്? ദയവായി തെറ്റിദ്ധരിപ്പിക്കാതിരിക്കുക'; പ്രതികരിച്ച് ഡിവൈൻ

Web Desk — Sat, 17 Oct 2026 15:07:07 +0530

സമൂഹമാധ്യമങ്ങളിലൂടെ മലയാളികൾക്ക് പരിചിതയായ വ്യക്തിയാണ് ഡിവൈൻ ക്ലാര ഡോൺ. നടി ഡിംപിള്‍ റോസിന്റെ സഹോദരൻ ഡോൺ ടോണിയുമായുള്ള വിവാഹത്തോടെയാണ് ഡിവൈൻ ശ്രദ്ധയാകര്‍ഷിക്കുന്നത്. നടി മേഘ്ന വിൻസെന്റ് ആയിരുന്നു ഡോണിന്റെ ആദ്യഭാര്യ. ഇരുവരും പിന്നീട് വേർപിരിയുകയായിരുന്നു. സോഷ്യൽ മീഡിയയിൽ സജീവമായ ‍ഡിവൈൻ വീട്ടിലെ പല വിശേഷങ്ങളും വീഡിയോകളിലൂടെ പങ്കുവെക്കാറുണ്ട്. വേദനാജനകമായ ഭൂതകാലമുള്ള ആളുടെ ജീവിതത്തിലേക്ക് എത്തുമ്പോൾ നമ്മള്‍ നേരിടുന്ന ബുദ്ധിമുട്ടുകള്‍ എങ്ങനെയാണ് തരണം ചെയ്യുകയെന്ന് കഴിഞ്ഞ വീഡിയോയിൽ ഡിവൈൻ പറഞ്ഞിരുന്നു. പലരും തെറ്റിദ്ധരിപ്പിക്കുന്ന തമ്പ്നെയിലുകളും ഫോട്ടോകളും നൽകിയതിന് എതിരെയാണ് ഡിവൈന്റെ പ്രതികരണം.

''ഞാൻ കഴിഞ്ഞ ദിവസം ഒരു വീഡിയോ ഇട്ടിരുന്നു. വേദനാജനകമായ ഭൂതകാലമുള്ള ഒരാളെ വിവാഹം കഴിക്കുമ്പോഴുള്ള വെല്ലുവിളികളെ കുറിച്ചാണ് അതിൽ സംസാരിച്ചത്. മിസ് ലീഡ് ചെയ്യുന്ന തമ്പ് നെയിലുകളും ഫോട്ടോകളും വെച്ച് ചിലർ പോസ്റ്റും വാർത്തയുമിട്ട് കണ്ടു. ദയവ് ചെയ്ത് കുട്ടികളുടെ ഫോട്ടോയൊന്നും അത്തരം തമ്പ് നെയിലുകളിൽ വെക്കാതിരിക്കുക. ചിലരോട് നേരിട്ട് വിളിച്ച് ഞാൻ കാര്യങ്ങൾ പറഞ്ഞിട്ടുണ്ട്. എന്റെ ഫോട്ടോ കൊടുത്തോളൂ. പക്ഷേ, തലക്കെട്ടിനായി ഉപയോഗിക്കുന്ന വാക്കുകൾ പലതും തെറ്റിദ്ധരിപ്പിക്കുന്നതാണ്. പലതും അസഹനീയമായ ക്യാപ്ഷനുകളാണ്. ഫോട്ടോസ് ഇടുമ്പോൾ പഴയ വെഡ്ഡിങ് ഫോട്ടോസ് കുത്തി കയറ്റി ഇടാതിരിക്കുക. അതിനുള്ള ബോധമെങ്കിലും കാണിക്കുക. പേജിന് വ്യൂസ് ഉണ്ടാക്കാനും ഫോളോവേഴ്സ് വരാനുമാണ് നിങ്ങൾ ഇങ്ങനെ ചെയ്യുന്നതെന്ന് എനിക്ക് അറിയാം. ഒരു സമയം വരെ ഇത്തരം കാര്യങ്ങൾക്ക് ഞാൻ റിയാക്ട് ചെയ്തിട്ടില്ല. സത്യം പറഞ്ഞാൽ സോഷ്യൽമീഡിയിൽ ഫോട്ടോ ഇടാൻ തന്നെ പേടിയാണിപ്പോൾ. ഒരു മയത്തിൽ ‌തമ്പ്നെയിൽ ഇടുക. ഇതിൽ നിന്നും എന്ത് സുഖമാണ് കിട്ടുന്നത്?'', എന്നാണ് ഡിവൈൻ വീഡിയോയിൽ ചോദിക്കുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

യുവസംവിധായകൻ ബെൽരാജ് കളരിക്കൽ അന്തരിച്ചു; വിയോഗം ആദ്യ വെബ് സീരീസ് 'കാപ്പി സ്‌ക്വാഡ്' റിലീസായതിന് പിന്നാലെ

Web Desk — Sat, 17 Oct 2026 14:59:16 +0530

കൊച്ചി: യുവ സംവിധായകൻ ബെൽരാജ് കളരിക്കൽ (28) അന്തരിച്ചു. ജിയോ ഹോട്ട്സ്റ്റാറിൽ സംപ്രേഷണം ആരംഭിച്ച 'കാപ്പി സ്ക്വാഡ്' എന്ന വെബ് സീരീസിന്റെ സംവിധായകനാണ്. എറണാകുളത്തെ ഹോട്ടൽ മുറിയിൽ ബെൽരാജിനെ മരിച്ച നിലയിൽ കണ്ടെത്തുകയായിരുന്നു. ഹൃദയാഘാതമാണ് മരണകാരണമെന്നാണ് പ്രാഥമിക വിവരം. കോട്ടയം മണിമല സ്വദേശിയാണ്.

സീരീസിന്റെ ഷോ ഡയറക്ടർ ശ്രീകാന്തിനൊപ്പമായിരുന്നു ബെൽരാജ് ഹോട്ടലിൽ താമസിച്ചിരുന്നത്. മുറിയുടെ കോളിങ് ബെൽ പലതവണ അടിച്ചിട്ടും പ്രതികരണമുണ്ടാകാത്തതിനെ തുടർന്ന് നടത്തിയ പരിശോധനയിലാണ് മരിച്ച നിലയിൽ കണ്ടെത്തിയത്. മൃതദേഹം സൺറൈസ് ആശുപത്രിയിൽ നിന്ന് പോസ്റ്റ്മോർട്ടത്തിനായി മെഡിക്കൽ കോളേജിലേക്ക് മാറ്റി. നടപടികൾ പൂർത്തിയാക്കിയ ശേഷം ബന്ധുക്കൾക്ക് വിട്ടുനൽകും.

ഒക്ടോബർ 15നാണ് ബെൽരാജ് സംവിധാനം ചെയ്ത 'കാപ്പി സ്ക്വാഡ്' ജിയോ ഹോട്ട്സ്റ്റാറിൽ സ്ട്രീമിങ് ആരംഭിച്ചത്. സീരീസിന്റെ നാല് എപ്പിസോഡുകൾ ഇതിനോടകം പുറത്തിറങ്ങിയിരുന്നു. ആകെ 36 എപ്പിസോഡുകളുടെ ചിത്രീകരണം പൂർത്തിയാക്കിയിരുന്നു. ആദ്യ സ്വതന്ത്ര സംവിധാന സംരംഭം പ്രേക്ഷകശ്രദ്ധ നേടുന്നതിനിടെയാണ് യുവ സംവിധായകന്റെ അപ്രതീക്ഷിത വിയോഗം.

'നിഴൽ', 'മധുരം', 'ഡാകിനി' തുടങ്ങിയ സിനിമകളിൽ അസിസ്റ്റന്റ് ഡയറക്ടറായും അസോസിയേറ്റ് സംവിധായകനായും ബെൽരാജ് പ്രവർത്തിച്ചിട്ടുണ്ട്. സിനിമാരംഗത്തെ പ്രവർത്തനപരിചയത്തിന് പിന്നാലെ സ്വതന്ത്ര സംവിധായകനായി അരങ്ങേറ്റം കുറിച്ച പ്രോജക്ടായിരുന്നു 'കാപ്പി സ്ക്വാഡ്'.

ഗായകനും നടനുമായ റിനോഷ് ജോർജ് കേന്ദ്രകഥാപാത്രത്തെ അവതരിപ്പിക്കുന്ന കോമഡി ഡ്രാമ വെബ് സീരീസാണ് 'കാപ്പി സ്ക്വാഡ്'. ഫസ്റ്റ് പ്രിന്റ് സ്റ്റുഡിയോസിന്റെ ബാനറിൽ രാഹുൽ റിജി നായരാണ് നിർമാണം. ശ്രീകാന്ത് മോഹൻ ക്രിയേറ്റ് ചെയ്ത സീരീസ് സംവിധാനം ചെയ്തത് ബെൽരാജ് കളരിക്കലാണ്. സീരീസിന് മികച്ച പ്രേക്ഷക പ്രതികരണം ലഭിച്ചുവരുന്നതിനിടെയാണ് സംവിധായകന്റെ വിയോഗം.

കഴിഞ്ഞ സെപ്റ്റംബറിലായിരുന്നു ബെൽരാജിന്റെ വിവാഹം. ആറ് വർഷം നീണ്ട പ്രണയത്തിനൊടുവിലാണ് ആതിരയെ ജീവിതപങ്കാളിയാക്കിയത്. മണിമല കളരിക്കൽ സുരേഷിന്റെയും സ്മിതയുടെയും മകനാണ്. സോജയാണ് സഹോദരി. ആദ്യ സ്വതന്ത്ര സംവിധാന സംരംഭം പ്രേക്ഷകരിലേക്ക് എത്തി ദിവസങ്ങൾക്കകം ബെൽരാജിന്റെ ജീവിതത്തിന് അപ്രതീക്ഷിതമായി വിരാമമായത്.

പ്രശസ്‍ത സംഗീത സംവിധായകന്‍ ദേവ അന്തരിച്ചു

Web Desk — Sat, 17 Oct 2026 12:54:42 +0530

ചെന്നൈ: പ്രശസ്ത തമിഴ് സംഗീത സംവിധായകനും ഗായകനുമായ ദേവ (76) അന്തരിച്ചു. വാർധകൃസഹജമായ അസുഖങ്ങളെ തുടർന്ന് ചെന്നൈ മൈലാപ്പൂരിൽ ആയിരുന്നു അന്ത്യം. അനാരോഗ്യത്തെ തുടര്‍ന്ന് ഇന്ന് രാവിലെ 8.30 ന് ആശുപത്രിയില്‍ പ്രവേശിപ്പിച്ച അദ്ദേഹത്തിന്‍റെ മരണം പെട്ടെന്നായിരുന്നുവെന്ന് തമിഴ് മാധ്യമങ്ങള്‍ റിപ്പോര്‍ട്ട് ചെയ്യുന്നു. നാല് പതിറ്റാണ്ട് നീണ്ട സംഗീത ജീവിതത്തില്‍ തമിഴ്, കന്നഡ, മലയാളം, തെലുങ്ക് ഭാഷകളിലായി നാനൂറിലധികം ചിത്രങ്ങൾക്ക് സംഗീതം നൽകിയ അതുല്യ പ്രതിഭയാണ് വിട വാങ്ങുന്നത്.

1950 നവംബര്‍ 20 ന് ജനിച്ച ദേവനേശന്‍ ചൊക്കലിംഗമാണ് പില്‍ക്കാലത്ത് തമിഴ് സിനിമാഗാനശാഖയുടെ ബ്രാന്‍ഡ് അംബാസിഡര്‍മാരില്‍ ഒരാളായ ദേവയായത്. മെലഡികളിലെ സ്വന്തം ശൈലിയും ഫോക്കിന്‍റെ ഉപയോഗവും അദ്ദേഹത്തെ വേറിട്ട് നിര്‍ത്തി. താന്‍ സംഗീതം പകര്‍ന്ന ചിത്രങ്ങളിലൂടെ ഗാന മ്യൂസിക്കിനെ കൂടുതല്‍ ആസ്വാദകരിലേക്ക് എത്തിക്കുകയും ചെയ്തു അദ്ദേഹം. എണ്‍പതുകളുടെ അവസാനത്തിലും തൊണ്ണൂറുകളുടെ തുടക്കത്തിലുമാണ് ദേവ തന്‍റെ കരിയറിലെ ഏറ്റവും മികച്ച വര്‍ക്കുകള്‍ ചെയ്തത്. മുന്‍നിര സംവിധായകര്‍ക്കൊപ്പം പ്രവര്‍ത്തിച്ചപ്പോള്‍ മറക്കാനാവാത്ത നിരവധി ഗാനങ്ങള്‍ അദ്ദേഹം ആസ്വാദകര്‍ക്ക് സമ്മാനിച്ചു.

തമിഴിലെ സൂപ്പര്‍ താരങ്ങളായ രജനികാന്ത്, കമൽ ഹാസന്‍, വിജയ്, അജിത് കുമാര്‍ തുടങ്ങിയവരുടെ ചിത്രങ്ങളിലെ ഹിറ്റ് ഗാനങ്ങൾ ഒരുക്കിയിട്ടുണ്ട് അദ്ദേഹം. ബാഷ, അണ്ണാമലൈ, ഖുഷി, കാതൽ കോട്ട തുടങ്ങി നിരവധി ശ്രദ്ധേയ ചിത്രങ്ങളിലെ സംഗീത വിഭാഗം കൈകാര്യം ചെയ്തത് ദേവയായിരുന്നു. രജനികാന്ത് ചിത്രങ്ങളുടെ തീം സോഗുകളിലൂടെയും അദ്ദേഹം പലപ്പോഴും കൈയടി നേടി. മധുരസംഗീതത്തിന്റെ തെന്നൽ എന്നാണ് എം എസ് വിശ്വനാഥൻ ദേവയെ വിശേഷിപ്പിച്ചത്. മലയാളത്തിൽ ദി പ്രിൻസ്, ഫാൻ്റം, കിങ് സോളമൻ എന്നീ ചിത്രങ്ങൾക്കും ദേവ സംഗീതം പകര്‍ന്നിട്ടുണ്ട്.

കീർത്തി സുരേഷ് - രാധിക ആപ്തെ - യഷ് രാജ് ഫിലിംസ് ടീം ഒന്നിക്കുന്ന നെറ്റ്ഫ്ലിക്സ് സീരീസ് ‘അക്ക’ ഒക്ടോബർ 30ന്; ടീസർ പുറത്ത്

Web Desk — Sat, 17 Oct 2026 12:52:09 +0530

കീർത്തി സുരേഷും രാധിക ആപ്‌തെയും പ്രധാന വേഷങ്ങളിലെത്തുന്ന നെറ്റ്ഫ്ലിക്സ് സീരീസ് ‘അക്ക’യുടെ ടീസർ പുറത്തിറങ്ങി. കീർത്തി സുരേഷിന്റെ ജന്മദിനത്തോടനുബന്ധിച്ചാണ് ടീസർ പുറത്തുവിട്ടത്. യഷ് രാജ് ഫിലിംസിന്റെ ബാനറായ വൈആർഎഫ് എന്റർടെയ്ൻമെന്റ് നിർമ്മിക്കുന്ന സീരീസ് ഒക്ടോബർ 30ന് നെറ്റ്ഫ്ലിക്സിലൂടെ ആഗോളതലത്തിൽ സ്ട്രീമിങ് ആരംഭിക്കും. 1980കളുടെ പശ്ചാത്തലത്തിൽ സ്ത്രീകൾ തലമുറകളായി കെട്ടിപ്പടുത്ത് ഭരിക്കുകയും സംരക്ഷിക്കുകയും ചെയ്ത പെർണുരു എന്ന സാങ്കൽപ്പിക രാജ്യത്താണ് കഥ നടക്കുന്നത്. ആഴത്തിൽ വേരൂന്നിയ പാരമ്പര്യങ്ങളും അധികാരമാറ്റങ്ങളും കടുത്ത വൈരങ്ങളും നിറഞ്ഞ ഈ ലോകത്ത് ഭവാനി, രുദ്ര എന്നീ കരുത്തുറ്റ സ്ത്രീകഥാപാത്രങ്ങൾ തമ്മിലുള്ള ഏറ്റുമുട്ടലാണ് സീരീസിന്റെ പ്രധാന ആകർഷണം.

ധർമരാജ് ഷെട്ടി രചനയും സംവിധാനവും നിർവഹിക്കുന്ന ‘അക്ക’ അദ്ദേഹത്തിന്റെ ആദ്യ സംവിധാന സംരംഭമാണ്. പെർണുരുവിന്റെ അധികാരഘടനയും അവിടെ നിലനിൽക്കുന്ന പാരമ്പര്യങ്ങളും വൈരങ്ങളും ഉൾപ്പെടുത്തി, സ്ത്രീകളുടെ നേതൃത്വത്തിലുള്ള ഒരു ഗ്യാങ്സ്റ്റർ ലോകത്തിലൂടെയാണ് സീരീസ് അവതരിപ്പിക്കുന്നത്. കീർത്തി സുരേഷ് ഭവാനിയായും രാധിക ആപ്‌തെ രുദ്രയായും എത്തുന്നു. ഇരുവരും അവതരിപ്പിക്കുന്ന കഥാപാത്രങ്ങൾ തമ്മിലുള്ള സംഘർഷങ്ങളും വ്യത്യസ്തമായ കാഴ്ചപ്പാടുകളും കഥയ്ക്ക് സങ്കീർണതയും ഉദ്വേഗവും നൽകുമെന്നാണ് ടീസർ നൽകുന്ന സൂചന. തൻ്റേതായ വിശ്വാസങ്ങളിൽ ഉറച്ചുനിൽക്കുകയും ചുറ്റുമുള്ള ലോകത്തെ ചോദ്യം ചെയ്യുകയും ചെയ്യുന്ന കഥാപാത്രമാണ് രുദ്രയെന്ന് രാധിക ആപ്‌തെ വ്യക്തമാക്കിയിട്ടുണ്ട്. തനിക്കു ലഭിച്ചിട്ടുള്ളതിൽ ഏറ്റവും വ്യത്യസ്തവും ഓർമയിൽ നിൽക്കുന്നതുമായ കഥാപാത്രങ്ങളിലൊന്നാണ് ഭവാനിയെന്ന് കീർത്തി സുരേഷും അഭിപ്രായപ്പെട്ടു.

നെറ്റ്ഫ്ലിക്സിനും വൈആർഎഫ് എന്റർടെയ്ൻമെന്റിനുമൊപ്പമുള്ള തന്റെ ആദ്യ സീരീസാണ് ‘അക്ക’യെന്നും താരം വ്യക്തമാക്കി. ഭവാനിയുടെ പല തലങ്ങളിലൂടെയുള്ള യാത്രയും കഥാപാത്രങ്ങൾ തമ്മിലുള്ള സങ്കീർണമായ ബന്ധങ്ങളും പ്രേക്ഷകർക്ക് പുതിയ അനുഭവമാകുമെന്നാണ് പ്രതീക്ഷയെന്നും കീർത്തി പറഞ്ഞു. നെറ്റ്ഫ്ലിക്സുമായി മുമ്പ് നിരവധി പ്രോജക്ടുകളിൽ സഹകരിച്ചിട്ടുള്ള രാധിക ആപ്‌തെ, വൈആർഎഫ് എന്റർടെയ്ൻമെന്റിനൊപ്പം ഈ സീരീസിൽ പ്രവർത്തിക്കാൻ കഴിഞ്ഞതും വ്യത്യസ്തമായ കഥാപാത്രങ്ങളുള്ള ഈ കഥയുടെ ഭാഗമാകാനായതും സന്തോഷകരമായ അനുഭവമാണെന്ന് പ്രതികരിച്ചു. കീർത്തി സുരേഷിന്റെ ജന്മദിനത്തിൽ ടീസറും റിലീസ് തീയതിയും പ്രഖ്യാപിച്ചതിൽ ഉള്ള സന്തോഷവും രാധിക പങ്ക് വെച്ചു.

സ്ത്രീകൾ കേന്ദ്രകഥാപാത്രങ്ങളാകുന്ന ഗ്യാങ്സ്റ്റർ സാഗ എന്ന നിലയിൽ ‘അക്ക’യുടെ ലോകവും കഥാപാത്രങ്ങളും ശ്രദ്ധേയമാകുന്നു. പാരമ്പര്യങ്ങളും അധികാരവും തമ്മിലുള്ള ഏറ്റുമുട്ടലുകൾക്കൊപ്പം, സ്വന്തം നിയമങ്ങളാൽ നിയന്ത്രിക്കപ്പെടുന്ന പെർണുരുവിലെ ശക്തമായ സ്ത്രീകളുടെ കഥയാണ് സീരീസ് പറയുന്നത്. കീർത്തി സുരേഷ്, രാധിക ആപ്‌തെ എന്നിവർക്കൊപ്പം തൻവി ആസ്മിയും പ്രധാന താരനിരയിലുണ്ട്. ഒക്ടോബർ 30ന് നെറ്റ്ഫ്ലിക്സിലൂടെ സീരീസ് പ്രേക്ഷകരിലേക്ക് എത്തും. സംവിധാനം, രചന: ധർമരാജ് ഷെട്ടി, നിർമ്മാണം: വൈആർഎഫ് എന്റർടെയ്ൻമെന്റ്, എക്സിക്യൂട്ടീവ് പ്രൊഡ്യൂസർമാർ: ആദിത്യ ചോപ്ര, യോഗേന്ദ്ര മൊഗ്രെ, അക്ഷയ് വിധാനി, പിആർഒ: ശബരി.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ബത്ത ആകെ എത്ര നേടി?, കളക്ഷൻ കണക്കുകള്‍

Web Desk — Sat, 17 Oct 2026 11:59:32 +0530

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ദുൽഖർ സൽമാൻ- പവൻ സാദിനേനി ചിത്രം ‘ആകാശംലോ ഒക താര’ ടീസർ പുറത്ത്; റിലീസ് നവംബർ 20ന്

Web Desk — Sat, 17 Oct 2026 11:52:45 +0530

ദുൽഖർ സൽമാനെ നായകനാക്കി പവൻ സാദിനേനി സംവിധാനം ചെയ്യുന്ന പുതിയ തെലുങ്ക് ചിത്രം ‘ആകാശംലോ ഒക താര’ യുടെ ടീസർ പുറത്ത്. നവംബർ 20ന് ആണ് ചിത്രം ആഗോള തലത്തിൽ തീയേറ്ററുകളിലെത്തുക. സന്ദീപ് ഗണ്ണവും രമ്യ ഗണ്ണവും ചേർന്നാണ് ചിത്രം നിർമ്മിക്കുന്നത്. തെലുങ്കിലെ പ്രശസ്ത നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവ സംയുക്തമായി അവതരിപ്പിക്കുന്ന ചിത്രം, തെലുങ്ക്, തമിഴ്, ഹിന്ദി, മലയാളം ഭാഷകളിലായി പാൻ ഇന്ത്യൻ റിലീസായാണ് പ്രദർശനത്തിനെത്തുന്നത്. പുതുമുഖം സാത്വിക വീരവല്ലിയാണ് ചിത്രത്തിലെ നായികാ വേഷം ചെയ്തിരിക്കുന്നത്. സാത്വിക നായികയായി അരങ്ങേറ്റം കുറിക്കുന്ന ചിത്രം കൂടിയാണിത്.

നൂതനമായ കഥപറച്ചിൽ രീതിക്കും തന്റേതായ സിനിമാറ്റിക് സമീപനത്തിനും പേരുകേട്ട സംവിധായകൻ പവൻ സാദിനേനി ഒരുക്കുന്ന ചിത്രത്തിന്റെ പുതിയ ടീസർ, ചിത്രത്തിന്റെ പ്രമേയത്തെ കുറിച്ചുള്ള കൂടുതൽ സൂചനകൾ നൽകുന്നു. സാത്വിക അവതരിപ്പിക്കുന്ന കല്പന എന്ന് പേരുള്ള സ്ത്രീ കഥാപാത്രത്തിന് ഏറെ പ്രാധാന്യമുള്ള ചിത്രം മനസ്സിൽ തൊടുന്ന വൈകാരിക മുഹൂർത്തങ്ങൾ കൊണ്ടും സമ്പന്നമായിരിക്കും എന്നാണ് സൂചന. പ്രണയം, ഫീൽ ഗുഡ് നിമിഷങ്ങൾ എന്നിവയും കോർത്തിണക്കി പ്രേക്ഷകരുടെ മനസ് നിറക്കുന്ന രീതിയിലാണ് ചിത്രം കഥ പറയുകയെന്നും ടീസർ കാണിച്ചു തരുന്നുണ്ട്. ദുൽഖർ സൽമാനും സാത്വിക വീരവല്ലിയും അവതരിപ്പിക്കുന്ന കേന്ദ്ര കഥാപാത്രങ്ങളുടെ ജീവിതത്തിലൂടെയുള്ള ഒരു യാത്രയാണ് ചിത്രത്തിലൂടെ അവതരിപ്പിക്കുന്നതെന്നാണ് സൂചന. സമൂഹം കൽപ്പിച്ചു നൽകിയ ജീവിതത്തിൻ്റെ, സ്വപ്നങ്ങളുടെ അതിർവരമ്പുകൾ എല്ലാം ഭേദിച്ചു കൊണ്ട് തൻ്റെ ലക്ഷ്യത്തിനായി മുന്നേറുന്ന കല്പനയുടെയും അതിനായി കൈ, മെയ് മറന്ന് അവൾക്കൊപ്പം നിൽക്കുന്ന കൃഷ്ണ എന്ന കഥാപാത്രത്തിൻ്റെയും കഥയാണ് ചിത്രം പറയുന്നത്.

ചിത്രത്തിൽ ദുൽഖർ സൽമാൻ അവതരിപ്പിക്കുന്ന കൃഷ്ണ എന്ന കേന്ദ്ര കഥാപാത്രത്തിന്റെ ലുക്ക് നേരത്തേതന്നെ പുറത്തു വരികയും ആരാധകരുടെ ശ്രദ്ധ നേടുകയും ചെയ്തിരുന്നു. തമിഴ് നടി ശ്രുതി ഹാസൻ ആണ് ചിത്രത്തിലെ മറ്റൊരു നിർണ്ണായക കഥാപാത്രത്തെ അവതരിപ്പിക്കുന്നത്. മുരളി ശർമ, സ്വാസിക എന്നിവരും ചിത്രത്തിൻ്റെ താരനിരയിലുണ്ട്. ഇത് കൂടാതെ ചിത്രത്തിലെ ‘കുട്ടി കുട്ടി പൂവേ’ എന്ന ഗാനവും സമൂഹ മാധ്യമങ്ങളിൽ വലിയ പ്രതികരണം നേടിയെടുത്തിട്ടുണ്ട്. ഗാനത്തിന്റെ ദൃശ്യങ്ങൾക്കൊപ്പം അതിന്റെ മേക്കിങ് ദൃശ്യങ്ങളും ശ്രദ്ധേയമായി മാറിയിരുന്നു.

‘മഹാനടി’, ‘സീതാ രാമം’, ‘ലക്കി ഭാസ്കർ’ തുടങ്ങിയ ചിത്രങ്ങളിലെ നായകനായുള്ള ശ്രദ്ധേയമായ പ്രകടനങ്ങളിലൂടെയും പ്രഭാസ് നായകനായ ‘കൽക്കി 2898 എഡി’യിലെ ശ്രദ്ധേയമായ അതിഥി വേഷത്തിലൂടെയും തെലുങ്ക് സിനിമയിൽ വലിയ ജനപ്രീതി നേടിയ ദുൽഖർ സൽമാന്റെ അടുത്ത തെലുങ്ക് റിലീസ് എന്ന പ്രത്യേകതയും ‘ആകാശംലോ ഒക താര’യ്ക്കുണ്ട്. ദേശീയ പുരസ്‌കാര ജേതാവ് ജി വി പ്രകാശ് കുമാർ ആണ് ചിത്രത്തിന് സംഗീതം ഒരുക്കിയത്. അദ്ദേഹം ചിത്രത്തെ കുറിച്ച് പറഞ്ഞ ഗംഭീര അഭിപ്രായങ്ങളും സമൂഹ മാധ്യമങ്ങളിൽ ഏറെ ശ്രദ്ധ നേടിയിരുന്നു.

രചന, തിരക്കഥ - ഗുന്നം ഗംഗരാജു, കഥ - പവൻ സദിനേനി & വസന്ത് ജുറു, അധിക തിരക്കഥ - വസന്ത് ജുറു, ഛായാഗ്രഹണം - സുജിത് സാരംഗ്, സംഗീതം - ജി വി പ്രകാശ് കുമാർ, എഡിറ്റർ - പ്രവീൺ കെ.എൽ, പ്രൊഡക്ഷൻ ഡിസൈനർ - ശ്വേത സാബു സിറിൽ, എക്‌സിക്യൂട്ടീവ് പ്രൊഡ്യൂസർ - ചന്തു നിമ്മഗദ്ദ, സഹസംവിധായകൻ - സുരേഷ് പരുച്ചൂരി, ലൈൻ പ്രൊഡ്യൂസർ - യെലെപ്പെട്ടി ശ്രീനിവാസ്, പ്രൊഡക്ഷൻ ടീം - ബത്തലൂരി ലോകേഷ് കുമാർ, ജതിൻ സി.എച്ച്, മുവ്വ ഗോപി, തേജ രാംകി, ഡയറക്ഷൻ വിഭാഗം - ഡിപിവി സന്തോഷ്, ഗയം ഈശ്വർ, സൗരബ് റെഡ്ഡി, സിഎച്ച്. നരസിംഹ റെഡ്ഡി, മഹാംകാളി വിനയ് കുമാർ, ചന്ദ്ര ശേഖർ ഹുഗ്ഗിഹെല്ല, വിശാഖ് പട്ടേൽ കോതപ്പള്ളി, കൊങ്ക രോഹൻ, പ്രീതം ശകുനാല, നിമ്മഗദ്ദ ആസീഷ് പ്രീതം, രാം മോഹൻ കോമണ്ഡൂരി, കോസ്റ്റ്യൂം ഡിസൈനർ - പല്ലവി സിംഗ്, കലാസംവിധാനം - വംശി കൃഷ്ണ, സൗണ്ട് ഡിസൈനർ - സിങ്ക് സിനിമ, പബ്ലിസിറ്റി ഡിസൈനർ - അനിൽ ഭാനു, വിഎഫ്എക്സ് - എഗ്വൈറ്റ് വിഎഫ്എക്സ്, Vfx സൂപ്പർവൈസർ - തൗഫീഖ് ഹുസൈൻ, കളറിസ്റ്റ് - ഷൺമുഖ പാണ്ഡ്യൻ എം, സ്റ്റിൽസ്- സായ് ശശാങ്ക്, മാർക്കറ്റിംഗ് - വാൾസ് ആൻഡ് ട്രെൻഡ്സ്, പിആർഒ - ശബരി.

വാ വിട്ട വാക്ക്; ബിഗ് ബോസില്‍ ആസിഫിനെ പ്രതിസന്ധിയിലാക്കി കൊമ്പനും ഷിജിനും

Web Desk — Sat, 17 Oct 2026 11:32:53 +0530

ബിഗ് ബോസ് മലയാളം സീസണ്‍ 8 ല്‍ സഹമത്സരാര്‍ഥികളെ പ്രൊവോക്ക് ചെയ്യുന്നതില്‍ മുന്‍പന്തിയില്‍ നില്‍ക്കുന്ന മത്സരാര്‍ഥിയാണ് ആസിഫ്. തന്‍റെ ഭാഗം ഊര്‍ജ്ജസ്വലതയോടെ അവതരിപ്പിക്കാനും എതിരാളിയെ നിഷ്പ്രയാസം അടിച്ചിരുത്താനും ആസിഫിന് പലപ്പോഴും സാധിക്കാറുണ്ട്. എന്നാല്‍ ആവേശം കൂടുമ്പോള്‍ മോശം പദപ്രയോഗങ്ങളും ഒപ്പം വരും എന്നതാണ് ആസിഫ് നേരിടുന്ന പ്രതിസന്ധി. എന്നാല്‍ വിക്കിയും രാഹുലും അടക്കമുള്ള ഹൗസിലെ സൗഹൃദങ്ങള്‍ പലപ്പോഴും ഇത്തരം സന്ദര്‍ഭങ്ങളില്‍ ആസിഫിന്‍റെ രക്ഷയ്ക്ക് എത്തിയിട്ടുണ്ട്. എന്നാല്‍ അവര്‍ക്ക് അതിന് സാധിക്കാതെപോയ ഒരു സന്ദര്‍ഭം ഹൗസില്‍ ഇന്നലെ ഉണ്ടായി.

ഷിജിനും കൊമ്പനുമായി വാക്കുതർക്കം നടക്കുന്നതിനിടയിലായിരുന്നു ഇത്. അടുക്കളയിൽ നിന്നും ഭക്ഷണം മോഷ്ഠിക്കുന്നതിനെപ്പറ്റി പറയുകയായിരുന്നു കൊമ്പനും ഷിജിനും. എല്ലാവർക്കും വിശപ്പുണ്ടെന്നും എന്നാൽ മോഷ്ഠിച്ച് കഴിക്കുന്നത് തെറ്റാണെന്നും അങ്ങനെ ചെയ്യുന്നവരെ കള്ളൻ എന്നാണ് വിളിക്കേണ്ടതെന്നും ഇരുവരും പറയുകയുണ്ടായി. ഇത് കേട്ടെത്തിയ ആസിഫിന് അതത്ര പിടിച്ചില്ല. താൻ മാത്രമല്ല കള്ളനെന്നും ഈ വീട്ടിലുള്ള എല്ലാവരും കള്ളന്മാരാണെന്നും ആസിഫ് പറഞ്ഞു. അതോടൊപ്പം മറ്റൊരു മോശം വാക്ക് കൂടി ആസിഫ് അവിടെ ഉപയോഗിച്ചു. അത് കേട്ടതും കൊമ്പൻ പൊട്ടിത്തെറിച്ചു. ഇത്രയധികം ആളുകൾ കാണുന്ന ഒരു ഷോ, അമ്മമാരും കുട്ടികളും ഉൾപ്പടെ കാണുന്ന ഒരു ഷോയില്‍ ദേഷ്യം വരുമ്പോള്‍ എന്തും വിളിച്ച് പറയാൻ പറ്റില്ലെന്ന് കൊമ്പൻ തുറന്നടിച്ചു. ഒപ്പം ഷിജിനും വിമര്‍ശനവുമായെത്തി.

ആസിഫ് തന്നാലാവും വിധം സംഭവിച്ചതിനെ ന്യായീകരിക്കാന്‍ ശ്രമിച്ചെങ്കിലും അത് ഏല്‍ക്കാതെപോയി. ഷിജിനും കൊമ്പനും ആസിഫിന് നേരെ പൊട്ടിത്തെറിക്കുന്നതാണ് കണ്ടത്. വായിൽ നിന്ന് വരുന്നത് നിയന്ത്രിച്ചില്ലെകിൽ ആളുകൾ എടുത്ത് പെരുമാറുമെന്നും വീട്ടിലെ സ്ലാങ് അല്ല ഒരു ഷോയിൽ വരുമ്പോൾ പ്രകടപ്പിക്കേണ്ടതെന്നും അവര്‍ പറഞ്ഞു. പറഞ്ഞത് തെറ്റാണെ ന്ന് ബോധ്യപ്പെട്ട ആസിഫ് പിന്നീട് എങ്ങനെയെങ്കിലും ഈ സംഭവമൊന്ന് ഒതുക്കുന്നത് സംബന്ധിച്ച ആലോചനയിലായി. താൻ ഡബിൾ മീനിംഗ് അല്ല ഉദ്ദേശിച്ചതെന്നും ആസിഫ് പറഞ്ഞു. പിന്നാലെ ആസിഫിനെ ആശ്വസിപ്പിക്കാനും കാര്യങ്ങള്‍ കോമ്പ്രമൈസ് ആക്കാനും രാഹുല്‍ ഈശ്വര്‍ എത്തി. എന്നാല്‍ ആസിഫിന്‍റെ ഭാഗം ന്യായീകരിക്കാനെത്തിയ രാഹുല്‍ ഈശ്വറിനെ കൊമ്പനും ഷിജിനും ചേര്‍ന്ന് കെട്ടുകെട്ടിച്ചു. ആസിഫ് മോശം പറഞ്ഞതിനെ ന്യായീകരിക്കരുതെന്നായിരുന്നു കൊമ്പന്‍റെ വാക്കുകള്‍. അതോടെ രാഹുല്‍ ആ വിഷയം അവിടെ നിര്‍ത്തി. ആസിഫിന് മിക്കപ്പോഴും രക്ഷകനാവാറുള്ള വിക്കി ഇക്കുറി നിശബ്ദമായിരുന്നു എന്നതും ശ്രദ്ധേയം. പറഞ്ഞത് മോശമാണെന്ന് വിപിനും പറഞ്ഞു. വീക്കെൻഡ് എപ്പിസോഡിൽ മോഹൻലാൽ ഇക്കാര്യം ചര്‍ച്ചയാക്കുമോ എന്നറിയാനുള്ള കാത്തിരിപ്പിലാണ് പ്രേക്ഷകര്‍.

ആ മാന്ത്രിക സംഖ്യയും കടന്നു, കളക്ഷനില്‍ കുതിപ്പുമായി രജനികാന്തിന്റെ ജയിലര്‍ 2

Web Desk — Sat, 17 Oct 2026 11:07:26 +0530

രജനികാന്തിനെ നായകനാക്കി നെൽസൺ സംവിധാനം ചെയ്യുന്ന ‘ജയിലർ 2’ ഒക്ടോബര്‍ 15ന് തിയറ്ററുകളില്‍ എത്തി. കേരളത്തിൽ 800 സ്ക്രീനുകളിൽ ഓൾ ടൈം റെക്കോർഡ് റിലീസായി ആണ് ചിത്രം എത്തിയത്. 4000 ഷോകളാണ് ചിത്രം ആദ്യ ദിനം കേരളത്തിൽ പ്രദര്‍ശിപ്പിച്ചത്. സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിക്കുന്ന ചിത്രം കേരളത്തിൽ ശ്രീ ഗോകുലം ഗോപാലൻ്റെ ശ്രീ ഗോകുലം മൂവീസാണ് വിതരണം ചെയ്യുന്നത്. ആഗോള ബോക്സ് ഓഫീസില്‍ 211 കോടി രൂപയാണ് ഇതുവരെ ജയിലര്‍ 2 നേടിയത് എന്ന് സാക്നില്‍ക്ക് റിപ്പോര്‍ട്ട് ചെയ്യുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

വൻ കുതിപ്പുമായി ദൃശ്യം 3, കളക്ഷൻ കണക്കുകള്‍

Web Desk — Sat, 17 Oct 2026 10:52:52 +0530

ബോളിവുഡ് സിനിമാസ്വാദകർ ഒന്നടങ്കം കാത്തിരുന്ന സിനിമയാണ് ദൃശ്യം 3(ദൃശ്യം ദ കൺക്ലൂഷൻ). മോഹന്‍ലാല്‍ നായകനായ മലയാളം ദൃശ്യം 3യുടെ റിലീസ് കഴിഞ്ഞ് നാലാം മാസങ്ങൾക്കിപ്പുറം റിലീസ് ചെയ്ത ഹിന്ദി പതിപ്പ് പ്രേക്ഷകരെ നിരാശരാക്കിയില്ലെന്നാണ് പ്രേക്ഷക പ്രതികരണങ്ങളിൽ നിന്നും വ്യക്തമാകുന്നത്. അഭിനയത്തിലും മേക്കിങ്ങിലും പുതുമ സൃഷ്ടിച്ച് കൊണ്ടാണ് ചിത്രം എത്തിയിരിക്കുന്നതെന്ന് പ്രേക്ഷകർ പറയുന്നു. ഏറ്റവും മികച്ച രീതിയിലുള്ള എൻഡിംഗ് ആണ് സിനിമയ്ക്ക് നൽകിരിയിരിക്കുന്നതെന്നും ഇവർ പറയുന്നു. ദൃശ്യം 3 ആഗോളതലത്തില്‍ 520 കോടി രൂപയാണ് നേടിയിരിക്കുന്നത്.

പ്രമുഖ നിരൂപകൻ തരൺ ആദർശ് ചിത്രത്തിന് 4.5/5 റേറ്റിംഗ് ആണ് നൽകിയിരിക്കുന്നത്. ഒപ്പം "ഷുവർ-ഷോട്ട് ബ്ലോക്ക്ബസ്റ്റർ" എന്നും അദ്ദേഹം ദൃശ്യം 3യെ വിശേഷിപ്പിച്ചിട്ടുണ്ട്. 'പെർഫക്ട് മൂവി. മലയാളത്തെക്കാൾ അതി ഗംഭീരമായാണ് ഈ സിനിമ ഹിന്ദിയിൽ അവർ ഒരുക്കിയിരിക്കുന്നത്. ദൃശ്യം എന്ന പേര് പോലും ഏറ്റവും പെർഫെക്ട് ആയ ടൈറ്റിൽ ആണ് എന്ന് കൂടി തെളിയിക്കുന്ന സിനിമയാണ് ഇത്. ട്വിസ്റ്റ് എല്ലാം ഗംഭീരം. ഈ കഥ ആണ് ലാലേട്ടനെ വെച്ച് മലയാളത്തിൽ ചെയ്തിരുന്നെങ്കിൽ വേറെ ലെവൽ പടം ആയിരുന്നേനെ. ലാലേട്ടന്റെ ഗംഭീര പെർഫോമൻസും കാണാമായിരുന്നു', എന്ന് ഒരു പ്രേക്ഷകൻ അഭിപ്രായപ്പെടുന്നു.

"തുടക്കം മുതൽ ഒടുക്കം വരെ ദൃശ്യം 3 ഒരു മികച്ച ത്രില്ലിംഗ് അനുഭവം സമ്മാനിക്കുന്നുണ്ട്. മലയാളം പതിപ്പിനേക്കാൾ മികച്ച രീതിയിലാണ് തയ്യാറാക്കിയിരിക്കുന്നത്. മികച്ച തിരക്കഥയും പശ്ചാത്തല സംഗീതവും അതോടൊപ്പം അഭിനേതാക്കളുടെ ശക്തമായ പ്രകടനവും ആണ് പടത്തെ മികച്ചതാക്കിയിരിക്കുന്നത്. സിനിമയെ സംബന്ധിച്ച് ഏറ്റവും പോസിറ്റീവായ കാര്യം, ഇതിലെ ട്വിസ്റ്റുകൾ ഒട്ടും പ്രവചിക്കാൻ കഴിയാത്തവയാണ് എന്നതാണ്", എന്ന് മറ്റൊരു പ്രേക്ഷകനും ട്വിറ്ററിൽ കുറിച്ചിരിക്കുന്നു. ജയ്‌ദീപ് അഹ്ലാവത്തിന്റെ പ്രകടനവും ചിത്രത്തിന് മികവേകുന്നതാണെന്നും ഇവർ പറയുന്നുണ്ട്.

മലയാളം ഒറിജിനലില്‍ നിന്ന് കഥയില്‍ ചില മാറ്റങ്ങളോടെയാവും ഹിന്ദി റീമേക്ക് എത്തുകയെന്ന് ജീത്തു ജോസഫ് തന്നെ നേരത്തെ പറഞ്ഞിരുന്നു. ഹിന്ദി പ്രേക്ഷകരുടെ അഭിരുചി അനുസരിച്ച് തിരക്കഥയില്‍ ചില മാറ്റങ്ങള്‍ വരുത്തുന്നതായാണ് അവര്‍ അറിയിച്ചതെന്നും വരുത്തുന്ന മാറ്റങ്ങളെക്കുറിച്ച് പറഞ്ഞിട്ടുണ്ടെന്നും ജീത്തു അറിയിച്ചിരുന്നു. അഭിഷേക് പഥക് ആണ് ദൃശ്യം ദ കൺക്ലൂഷൻ സംവിധാനം ചെയ്തിരിക്കുന്നത്. അജയ് ദേവ്ഗൺ, തബു, ജയ്ദീപ് അഹ്ലാവത്, ശ്രിയ ശരൺ എന്നിവരാണ് കേന്ദ്രകഥാപാത്രങ്ങൾ.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

മമ്മൂട്ടിയുടെ മരണക്കിണര്‍ അഭ്യാസം; 'മേള'യുടെ ചിത്രീകരണം കോട്ടയത്ത് പുരോഗമിക്കുന്നു

Web Desk — Sat, 17 Oct 2026 10:51:09 +0530

മമ്മൂട്ടിയെ കേന്ദ്ര കഥാപാത്രമാക്കി നിതീഷ് സഹദേവ് സംവിധാനം ചെയ്യുന്ന ആക്ഷൻ കോമഡി ചിത്രം മേള കോട്ടയത്ത് പുരോഗമിക്കുന്നു. കോട്ടയം നാഗമ്പടം മൈതനാത്ത് നടക്കുന്ന ഗ്രേറ്റ് ബോംബെ സർക്കസിന്‍റെ പശ്ചാത്തലത്തില്‍ സിനിമയുടെ ചിത്രീകരണം നടക്കുന്നുണ്ട്. ഇവിടെ മരണക്കിണറിൽ മമ്മൂട്ടി അഭിനയിക്കുന്ന രംഗത്തിന്‍റേതടക്കം ചിത്രീകരണം നടന്നു. മേള എന്ന പേരില്‍ത്തന്നെ കെ ജി ജോര്‍ജിന്‍റെ സംവിധാനത്തില്‍ 1980 ല്‍ പുറത്തിറങ്ങിയ കെ ജി ജോർജിൻ്റെ ക്ലാസിക് ചിത്രത്തില്‍ മരണക്കിണറിലെ മോട്ടോർ സൈക്കിൾ ജമ്പറുടെ വേഷമായിരുന്നു മമ്മൂട്ടിക്ക്. വിജയൻ എന്നായിരുന്നു ആ കഥാപാത്രത്തിൻ്റെ പേര്. രഘു, അഞ്ജലി നായിഡു, ഇരിങ്ങൽ നാരായണി, ശ്രീനിവാസൻ, ഭാസ്‌കര കുറുപ്പ് തുടങ്ങിയവർ ആയിരുന്നു കെ ജി ജോര്‍ജിന്‍റെ മേളയിൽ അഭിനയിച്ചത്.

46 വർഷത്തിന് ശേഷം മമ്മൂട്ടി നായകനാവുന്ന നിതീഷ് സഹദേവിന്‍റെ മേളയും സർക്കസ് പശ്ചാത്തലത്തിലാണ് ഒരുങ്ങുന്നത്. ഫാലിമി എന്ന കുടുംബ ചിത്രത്തിന് ശേഷം നിതീഷ് സഹദേവ് സംവിധാനം ചെയ്യുന്ന ചിത്രമാണിത്. മമ്മൂട്ടി കമ്പനിയാണ് ചിത്രം നിർമ്മിക്കുന്നത്. മമ്മൂട്ടി കമ്പനി നിർമ്മിക്കുന്ന ഒൻപാമത്തെ ചിത്രമാണിത്. ജോർജ് സെബാസ്‌റ്റ്വനാണ് എക്സിക്യൂട്ടിവ് പ്രൊഡ്യൂസർ. നിതിഷ് സഹദേവ്, അനുരാജ് ഒ ബി എന്നിവർ രചനയും വിഷ്‌ണു വിജയ് സംഗീതവും ജിംഷി ഖാലിദ് ഛായാഗ്രഹണവും നിര്‍വ്വഹിക്കുന്നു. പിആര്‍ഒ സലിം പി ചാക്കോ.

സംഗീത സംവിധായകൻ അനിരുദ്ധ് രവിചന്ദറും കാവ്യ മാരനും വിവാഹിതരാകുന്നു; സ്ഥിരീകരിച്ച് തെലങ്കാന മുഖ്യമന്ത്രി

Gopalakrishnan C — Sat, 17 Oct 2026 10:30:42 +0530

ഹൈദരാബാദ്: തമിഴ് സംഗീതസംവിധായകൻ അനിരുദ്ധ് രവിചന്ദറും സൺറൈസേഴ്‌സ് ഹൈദരാബാദ് ടീം ഉടമയും സൺ നെറ്റ്‌വർക്ക് എക്സിക്യൂട്ടീവ് ഡയറക്ടറുമായ കാവ്യ മാരനും വിവാഹിതരാകുന്നു. സൺ ഗ്രൂപ്പ് ചെയർമാൻ കലാനിധി മാരനും ഭാര്യ കാവേരി മാരനും തെലങ്കാന മുഖ്യമന്ത്രി എ. രേവന്ത് റെഡ്ഡിയെ നേരിൽകണ്ട് വിവാഹ റിസപ്ഷനിലേക്ക് ക്ഷണിച്ചതോടെയാണ് മാസങ്ങളായി പ്രചരിച്ചിരുന്ന വാർത്തകൾക്ക് ഔദ്യോഗിക സ്ഥിരീകരണമായത്.

ഹൈദരാബാദിലെ ജൂബിലി ഹിൽസിലുള്ള മുഖ്യമന്ത്രിയുടെ ഔദ്യോഗിക വസതിയിലെത്തിയാണ് മാരൻ കുടുംബം ക്ഷണക്കത്ത് കൈമാറിയത്. തുടർന്ന് തെലങ്കാന മുഖ്യമന്ത്രിയുടെ ഔദ്യോഗിക 'എക്സ്' ഹാൻഡിലിലൂടെ കൂടിക്കാഴ്ചയുടെ ചിത്രങ്ങളും വിവരങ്ങളും പുറത്തുവിടുകയായിരുന്നു. വധൂവരന്മാരുടെ വിവാഹ റിസപ്ഷൻ നവംബർ 21-ന് ചെന്നൈയിൽ വെച്ച് നടക്കുമെന്ന് പോസ്റ്റിൽ വ്യക്തമാക്കുന്നുണ്ട്. നവംബർ 11-ന് ഗ്രീസിൽ വെച്ച് കുടുംബാംഗങ്ങളുടെയും അടുത്ത സുഹൃത്തുക്കളുടെയും സാന്നിധ്യത്തിൽ സ്വകാര്യമായിട്ടായിരിക്കും വിവാഹച്ചടങ്ങുകൾ നടക്കുകയെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.

Sun Group Chairman Shri Kalanithi Maran and his wife, Smt. Kavery Maran, met Hon’ble Chief Minister Shri A. Revanth Reddy at his residence in Jubilee Hills and invited him to the wedding reception of their daughter, Kavya Maran.

The wedding reception of Kavya Maran and Anirudh Ravichander is scheduled to be held in Chennai on November 21. #KalanithiMaran #KavyaMaran

— Telangana CMO (@TelanganaCMO) October 16, 2026

തമിഴ് സിനിമാ ലോകത്തെയും വ്യവസായ-രാഷ്ട്രീയ മേഖലകളിലെയും പ്രമുഖർ ചെന്നൈയിൽ നടക്കുന്ന റിസപ്ഷനിൽ പങ്കെടുക്കും. കഴിഞ്ഞ കുറച്ചുകാലമായി അനിരുദ്ധിന്‍റെയും കാവ്യയുടെയും പ്രണയത്തെക്കുറിച്ചും വിവാഹത്തെക്കുറിച്ചുമുള്ള അഭ്യൂഹങ്ങൾ സോഷ്യൽ മീഡിയയിൽ സജീവമായിരുന്നു. നേരത്തെ 2025-ൽ ഇത്തരത്തിലുള്ള വാർത്തകൾ പ്രചരിച്ചപ്പോൾ അനിരുദ്ധ് തള്ളിപ്പറഞ്ഞിരുന്നെങ്കിലും, കഴിഞ്ഞ ജൂണിൽ നടനും അനിരുദ്ധിന്‍റെ അമ്മാവനുമായ വൈ.ജി. മഹേന്ദ്രൻ ഇവരുടെ വിവാഹം ഉടനുണ്ടാകുമെന്ന സൂചന നൽകിയിരുന്നു.

'ലിയോ', 'ജയിലർ 2', 'വേട്ടയ്യൻ', 'കൂലി' തുടങ്ങിയ ബിഗ് ബജറ്റ് സിനിമകൾക്ക് സംഗീതം നൽകി തെന്നിന്ത്യൻ സിനിമാ ലോകത്ത് തരംഗമായി നിൽക്കുന്ന സംഗീത സംവിധായകനാണ് അനിരുദ്ധ്. സൺ ഗ്രൂപ്പ് ഉടമ കലാനിധി മാരന്‍റെ മകളായ കാവ്യ മാരൻ ഐപിഎല്ലിൽ സൺറൈസേഴ്‌സ് ഹൈദരാബാദിന്‍റെ മത്സരങ്ങളിൽ സജീവ സാന്നിധ്യമായതിലൂടെ ക്രിക്കറ്റ് ആരാധകർക്ക് ഏറെ പ്രിയങ്കരിയാണ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

രചനയും സംവിധാനവും അജിത് പൂജപ്പുര; 'സിദ്ധു' ട്രെയ്‍ലര്‍ എത്തി

Web Desk — Sat, 17 Oct 2026 10:13:10 +0530

പുതുമുഖ ബാലതാരം ആദി കേശവയെ പ്രധാന കഥാപാത്രമാക്കി അജിത് പൂജപ്പുര കഥ, തിരക്കഥ, സംഭാഷണമെഴുതി സംവിധാനം ചെയ്യുന്ന സിദ്ധു എന്ന ചിത്രത്തിന്റെ ട്രെയിലർ റിലീസായി. സമകാലിക സമൂഹത്തിൽ ഏറെ ചർച്ച ചെയ്യപ്പെടുന്ന വിഷയങ്ങൾ കോർത്തിണക്കി, ഒരു സ്കൂൾ വിദ്യാർത്ഥിയുടെ ജീവിതത്തിലൂടെയാണ് ഈ ചിത്രത്തിന്റെ കഥ പുരോഗമിക്കുന്നത്. ഹൃദയസ്പർശിയായ മുഹൂർത്തങ്ങളും ചിന്തിപ്പിക്കുന്ന സംഭവവികാസങ്ങളും ഒത്തുചേരുന്ന ഈ ചിത്രത്തിൽ പ്രേക്ഷകരെ അമ്പരപ്പിക്കുന്ന തരത്തിൽ ഏറെ വ്യത്യസ്തമായ ഒരു കഥാപാത്രത്തെയാണ് ജാഫർ ഇടുക്കി ഈ ചിത്രത്തിൽ അവതരിപ്പിക്കുന്നത്. കൂടാതെ ജസ്റ്റിസ് പഞ്ചാപകേശൻ ജഡ്ജിയുടെ വേഷത്തിൽ തന്നെ അഭിനയിക്കുന്നു എന്ന പ്രത്യേകതയും ചിത്രത്തിനുണ്ട്.

ബാലതാരം ഷിയാര ഫാത്തിമ, ഹോളിവുഡ് താരം സിറിയക് ആലഞ്ചേരി, ജോയ് മാത്യു, ജാഫർ ഇടുക്കി, ബാലാജി ശർമ്മ, അരിസ്റ്റോ സുരേഷ്, സാബു തിരുവല്ല, ദിലീപ് ഖാൻ, ഷൈൻ അനിരുദ്ധൻ, നഗരൂർ ഷാ, തമ്പാനൂർ ഷെരീഫ്, ഡോ. രജിത്കുമാർ, ദീപക്, ട്വിങ്കിൾ, സനൽ, ഗിരീഷ് ചന്ദ്രബാബു, സജീബ്, രാജകുമാരി, ജീവൻ ആനന്ദ്, കൃഷ്ണനുണ്ണി, അഭിലാഷ് ആലപ്പുഴ, ബിജു ദേവു, കണ്ണൻ, ബിനീഷ് എരമല്ലൂർ, മനോജ് സി ബി, രാജീവ് ശങ്കർ, ഷാജഹാൻ പൊന്മുടി, ഗിൽബർട്ട്, ദിനേശ്കുമാർ, ചന്ദ്രകുമാർ, മൻജിത്, സതീഷ്, സുധീരൻ, ഹാഷിം, ലോറൻസ്, ബാബുക്കുട്ടൻ, പ്രസാദ് നിലമേൽ, സ്റ്റാലിൻ, ജേക്കബ് സാം, ജിൻസി ചിന്നപ്പൻ, ശ്വേത വിനോദ്, കാർത്തിക, ഹിമ ബിന്ദു, ജയ ശരത്, നീതു, സിന്ധു വിച്ചൂകുമാർ, വിബില, രഞ്ജിനി, ഷൈല, റാണി, സിമി കൃഷ്ണ തുടങ്ങിയവരാണ് മറ്റു താരങ്ങൾ.

അബിൻ എന്റർടെയ്ൻമെന്റ്സിന്റെ ബാനറിൽ ഡോ. അബിൻ, റീന പട്ടം എന്നിവർ നിർമ്മിക്കുന്ന ഈ ചിത്രത്തിന്റെ എക്സിക്യൂട്ടീവ് പ്രൊഡ്യൂസർ സിറിയക് ആലഞ്ചേരിയാണ് (ആലഞ്ചേരി സിനിമാസ്). സനന്ദ് സതീശൻ ഛായാഗ്രഹണം നിർവ്വഹിക്കുന്നു. വിജു ശങ്കർ എഴുതിയ വരികൾക്ക് സാനന്ദ് ജോർജ്, ഡി ശിവപ്രസാദ് എന്നിവർ സംഗീതം പകരുന്നു. എഡിറ്റിംഗ് അനൂപ് രാജ്, പ്രൊഡക്ഷൻ കൺട്രോളർ രാജീവ് കുടപ്പനക്കുന്ന്, പ്രൊഡക്ഷൻ ഡിസൈനർ ജയൻ മാസ്സ്, മേക്കപ്പ് അനിൽ നേമം, വസ്ത്രാലങ്കാരം ഷിബു പരമേശ്വരൻ, ചീഫ് അസോസിയേറ്റ് ഡയറക്ടർ ഷാജൻ കല്ലായി, ബിജിഎം എമിൽ മുഹമ്മദ്, സ്റ്റിൽസ് ആദിത്യ എ, ഡിസൈൻ മനു ഡാവിഞ്ചി, ജെറിൻ മെഡ്ബൗട്ട് & ബി സൊല്യൂഷൻസ്, പി ആർ ഒ- എ എസ് ദിനേശ്, മനു ശിവൻ.

വിജയ് ദേവരകൊണ്ടയുടെ രണബാലി, ഓപ്പണിംഗ് കളക്ഷൻ റിപ്പോര്‍ട്ട്

Web Desk — Sat, 17 Oct 2026 09:31:10 +0530

ഇന്ത്യൻ ചരിത്രത്തെയും സംസ്കാരത്തെയും സ്വാധീനിച്ച മുൻതലമുറകളുടെ വീരഗാഥ പ്രമേയമാക്കുന്ന, വിജയ് ദേവരകൊണ്ട- രശ്‍മിക മന്ദാന ചിത്രമാണ് രണബാലി. ഒക്ടോബര്‍ 16ന് ആണ് രണബാലി തിയറ്ററുകളില്‍ എത്തിയത്. മോശമല്ലാത്ത ഒരു കളക്ഷനാണ് ചിത്രത്തിനുള്ളത്. ആഗോള ബോക്സ് ഓഫീസില്‍ 16.50 കോടി രൂപയാണ് ഓപ്പണിംഗില്‍ രണബാലി നേടിയിരിക്കുന്നത്.

രാഹുൽ സംകൃത്യൻ ആണ് രണബാലി സംവിധാനം ചെയ്തിരിക്കുന്നത്. മൈത്രി മൂവി മേക്കേഴ്സിന്‍റെ ബാനറിൽ നവീൻ യെർനേനിയും വൈ. രവിശങ്കറും ചേർന്നാണ് ചിത്രം നിർമ്മിക്കുന്നത്. ചിത്രത്തിൽ രണബാലിയായി വിജയ് ദേവരകൊണ്ട എത്തുമ്പോള്‍ ജയമ്മയായാണ് രശ്മിക മന്ദാന എത്തുന്നത്. രണബാലിയുടേയും ജയമ്മയുടേയും ആഴമേറിയ പ്രണയത്തെ ആഘോഷമാക്കിക്കൊണ്ട് 'എൻന്തയ്യ സാമി' ഗാനം പുറത്തിറങ്ങിയത് ഏവരും ഏറ്റെടുത്തിരുന്നു. പ്രേക്ഷകരിൽ ആകാംക്ഷയും രോമാഞ്ചവും നിറയ്ക്കുന്ന രീതിയിൽ ഇതുവരെ കാണാത്ത അതിശക്തവും തീക്ഷ്ണവുമായ മേക്കോവറിൽ ട്രെയിലറിൽ വിജയ് ദേവരകൊണ്ട എത്തിയിരുന്നു.

1876 മുതൽ 1878 വരെയുള്ള ബ്രിട്ടീഷ് ഭരണകാലത്ത് ജീവൻ നഷ്ടമായ 80 ലക്ഷത്തോളം ഇന്ത്യക്കാരുടെ ഓർമ്മയ്ക്ക് മുന്നിൽ പ്രണാമർപ്പിച്ചുകൊണ്ടാണ് ചിത്രം എത്തുന്നത്. ഇന്ത്യയിൽ അക്കാലത്ത് നടന്ന യഥാർത്ഥ ചരിത്ര സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. "സിംഗനമല ബൊബ്ബിലി രണബാലി" എന്ന വീരയോദ്ധാവായി വിജയ് ദേവരകൊണ്ട ഞെട്ടിക്കുമെന്നാണ് സൂചന. വിജയ് ദേവരകൊണ്ടയും രശ്മിക മന്ദാനയും ഒന്നിക്കുന്ന പാൻ-ഇന്ത്യൻ ചിത്രം ടി-സീരീസ് ആണ് പ്രേക്ഷകർക്ക് മുന്നിൽ അവതരിപ്പിക്കുന്നത്. ഈ ബ്രഹ്മാണ്ഡ ചിത്രത്തിൽ വിജയ് ദേവരകൊണ്ടയോടൊപ്പം കരുത്തുറ്റ പ്രതിനായക കഥാപാത്രമായാണ് 'ദ മമ്മി', 'ദ മമ്മി റിട്ടേൺസ്', 'ബ്ലഡ് ഡയമണ്ട്' തുടങ്ങിയ സിനിമകളിലൂടെ ശ്രദ്ധേയനായ അർണോൾഡ് വോസ്‌ലൂ എത്തുന്നത്. സർ തിയോഡോർ ഹെക്ടർ എന്ന ബ്രിട്ടീഷ് ഉദ്യോഗസ്ഥനായാണ് അദ്ദേഹം വേഷമിടുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

'ഞാൻ അവനെ ബ്ലോക്ക് ആക്കിയിരിക്കുകയാണ്, നേരിട്ട് സംസാരിച്ചാൽ പ്രശ്നം മാറുമായിരിക്കും'; തുറന്നുപറഞ്ഞ് രേണു സുധി

Web Desk — Sat, 17 Oct 2026 09:19:38 +0530

കൊല്ലം സുധിയുടെ മൂത്ത മകൻ കിച്ചുവുമായി തനിക്കുണ്ടായ പ്രശ്നങ്ങളെക്കുറിച്ച് പ്രതികരിച്ച് രേണു സുധി. നേരിട്ട് സംസാരിച്ചാൽ ചിലപ്പോൾ പ്രശ്നങ്ങൾ മാറുമായിരിക്കുമെന്നും എന്നാൽ അതിന് താൻ മുതിരുന്നില്ലെന്നും രേണു പറയുന്നു.

''അസുഖം വന്ന് ആറ് മാസത്തിനിടയിൽ എന്നെ കിച്ചു വിളിച്ചിട്ടില്ല. ഞാൻ അവനെ ബ്ലോക്ക് ആക്കിയിരിക്കുകയാണ്. അത് എന്റെ പേഴ്സണൽ കാര്യങ്ങളാണ്. പേഴ്സണൽ ആയിട്ട് എനിക്ക് വന്ന കുറച്ച് വിഷമഘട്ടങ്ങൾ ഉണ്ട്. കിച്ചു നന്നായിട്ട് വരട്ടെ. എല്ലാ മേഖലയിലും മികച്ചതാകാൻ ദൈവം അനുഗ്രഹിക്കട്ടെ. പക്ഷേ, കിച്ചുവുമായി സംസാരിക്കാൻ എനിക്ക് താത്പര്യമില്ല. എന്റെ വീട്ടുകാരൊന്നും അവനെ ബ്ലോക്ക് ആക്കിയിട്ടില്ല. ആരെ വിളിച്ചും അവന് അന്വേഷിക്കാം. അന്വേഷണം ഒന്നും ഉണ്ടായിട്ടില്ല. പക്ഷേ എനിക്ക് കിച്ചുവിനോട് യാതൊരു പിണക്കങ്ങളും ഇല്ല. ഈ വീട്ടിൽ സന്ധ്യാപ്രാർത്ഥനയിൽ കിച്ചുന്റെ പേര് എടുത്ത് പ്രാർത്ഥിച്ചിട്ടാണ് ബാക്കി എല്ലാവരുടെയും പേര് പറയുന്നത്. കിച്ചു അമ്മ എന്ന് തന്നെയാണെന്ന് തോന്നുന്നു ഈ ഇടയിലും ഒരു വീഡിയോയിൽ സംസാരിച്ചത്.

നേരിട്ട് കാണുമ്പോൾ കിച്ചു മിണ്ടുമ്പോൾ ഞാനും മിണ്ടും. നമ്മൾ ഒന്നിക്കണമെന്ന് ആഗ്രഹിക്കുന്നവരേക്കാൾ കൂടുതൽ നമ്മൾ തമ്മിൽ തല്ലണമെന്ന് ആഗ്രഹിക്കുന്നവരാണ്. തമ്മിൽ തല്ലിച്ച് ഇങ്ങനെ ആക്കണം എന്ന് ആഗ്രഹിച്ചവർ അതിന്റെ വഴിക്ക് അത് നടത്തി. റിഥപ്പന് കിച്ചുവിനെ കാണണം എന്നൊക്കെ ആഗ്രഹം ഉണ്ടാകും. പക്ഷേ, അവൻ എന്നോട് പറയാറായില്ല. കിച്ചുവിനെ ഞാൻ പറഞ്ഞ് മനസിലാക്കേണ്ട പ്രായമല്ല , 22 വയസുണ്ട്, സ്വയം മനസ്സിലാക്കിയിട്ട് കാര്യങ്ങൾ ചെയ്യേണ്ട പ്രായമായി. റിഥപ്പനും കിച്ചുവും പരസ്പരം പ്രശ്നമൊന്നുമില്ല. അവർ തമ്മിലുള്ള സ്നേഹത്തിനും അടുപ്പത്തിനും ഞാൻ എതിരല്ല. ഏതൊരു അമ്മക്കും ആഗ്രഹം കാണുമല്ലോ മക്കൾ അടുത്ത് വേണമെന്ന്. അങ്ങനെ ഒരു ആഗ്രഹം ഉണ്ടായിട്ട് കാര്യമില്ലല്ലോ. നേരിട്ട് കിച്ചു വരികയും സംസാരിക്കുകയും ചെയ്താൽ ചിലപ്പോൾ അത് മാറുമായിരിക്കും. അല്ലാതെ ഫോണിൽ കൂടെ ഒരു സംഭാഷണത്തിന് ഞാൻ മുതിരുന്നില്ല'', മെയിൻസ്ട്രീം വണ്ണിനു നൽകിയ അഭിമുഖത്തിൽ രേണു സുധി പറഞ്ഞു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

പുതിയ ആഴ്ചയിൽ ബിഗ് ബോസ് ഹൗസിലെ ലീഡറായി മൃദുല

Nithya G Robinson — Fri, 16 Oct 2026 22:28:37 +0530

ബിഗ് ബോസ് മലയാളം സീസൺ 8 അതിന്റെ നല്പതാം ദിവസത്തിൽ എത്തി നിൽക്കുകയാണ്. ഹൗസിലെ ഏറ്റവും പ്രധാനപ്പെട്ടതും ഒപ്പം ആ വാരം നോമിനേഷൻ മുക്തി ലഭിക്കുന്നതുമായ സ്ഥാനമാണ് ലീഡർ. ഓരോ ആഴ്ചയിലേയും വീക്കിലി ടാസ്കിന്റെ അടിസ്ഥാനത്തിലാണ് ലീഡർ സ്ഥാനത്തേക്ക് മത്സരിക്കേണ്ടവരെ കണ്ടെത്തുന്നത്. ഇവർ തമ്മിൽ ഒരു ടാസ്ക് നടക്കും. ഇതിൽ ജയിച്ച് കയറുന്ന ഒരാൾ ആ വാരം ബിഗ് ബോസ് ഹൗസ് ഭരിക്കും. ഒപ്പം നോമിനേഷൻ മുക്തിയും.

മൃദുലയും ആസിഫുമാണ് ഇക്കുറി ലീഡര്‍ഷിപ്പ് ടാസ്കില്‍ പങ്കെടുക്കുന്നത്. വീക്കിലി ടാസ്കില്‍ കൊലപാതകികളില്‍ ഒരാളായിരുന്നു മൃദുല. കുറ്റവാളിയാണെന്ന് ഭൂരിഭാഗവും തിരിച്ചറിഞ്ഞില്ലെങ്കില്‍ അയാള്‍ അടുത്ത വാരത്തിലെ ലീഡര്‍ഷിപ്പ് ടാസ്കിലേക്ക് എത്തുമെന്ന് ബിഗ് ബോസ് നേരത്തെ അറിയിച്ചിരുന്നു. ഇതിന്റെ അടിസ്ഥാനത്തിലാണ് മൃദുല എത്തിയത്. വീക്കിലി ടാസ്കില്‍ ഏറ്റവും മികച്ച പ്രകടനം നടത്തിയ ആളായി സഹമത്സരാർത്ഥികൾ തെരഞ്ഞെടുത്തത് ആസിഫിനെ ആണ്. അങ്ങനെയാണ് ആസിഫും ലീഡർ സ്ഥാനത്തേക്ക് മത്സരിച്ചത്.

വെളുത്ത നിറമുള്ള ഒരു വലിയ കാന്‍വാസില്‍ രണ്ട് നിറങ്ങളിലുള്ള ചായം പൂശുകയാണ് ആസിഫും മൃദുലയും ചെയ്യേണ്ടത്. ഓരോ മത്സരാര്‍ഥിയും ഓരോ നിറത്തിലുള്ള ചായമാണ് പൂശേണ്ടത്. മൃദുലയ്ക്ക് നീല നിറവും ആസിഫിന് ചുവപ്പ് നിറവുമാണ് ലഭിക്കുന്നത്. കാന്‍വാസിന്‍റെ കൂടുതല്‍ ഭാഗത്ത് സ്വന്തം നിറം പൂശുന്ന മത്സരാര്‍ഥിയാണ് ടാസ്കില്‍ ജയിക്കുക. എന്നാല്‍ ചിലയിടങ്ങളില്‍ ഒന്നിന് മുകളില്‍ ഒന്നായി ഓരോ നിറവും വന്നതിനാല്‍ ഇതിന്‍റെ വിലയിരുത്തല്‍ അല്‍പം ബുദ്ധിമുട്ടാണ്. തർക്കങ്ങൾക്കും ബുദ്ധിമുട്ടുകൾക്കും ഒടുവിൽ മൃദുല വിജയിച്ചതായി നിലവിലെ ലീഡറായ കൊമ്പൻ സ്ഥിരീകരിക്കുകയായിരുന്നു. ഇത് രണ്ടാം തവണയാണ് ഈ സീസണില്‍ ഒരു വനിത ലീഡര്‍ ആകുന്നത്.

ശ്രീനാഥ് ഭാസി ചിത്രം 'ഒറിജിനലി'ന് യു/എ സർട്ടിഫിക്കറ്റ്

Nithya G Robinson — Fri, 16 Oct 2026 21:36:40 +0530

ശ്രീനാഥ് ഭാസി നായകനായി എത്തുന്ന ഏറ്റവും പുതിയ ചിത്രം ഒറിജിനലിന്റെ സെൻസറിംഗ് പൂർത്തിയായി. യു/എ സർട്ടിഫിക്കറ്റാണ് സിനിമയ്ക്ക് ലഭിച്ചിരിക്കുന്നത്. റമീസ് രചനയും സംവിധാനവും നിര്‍വ്വഹിക്കുന്ന 'ഒറിജിനല്‍' ഒക്ടോബർ 23ന് തിയേറ്ററുകളിൽ എത്തും. മാസ് മീഡിയ, സിക്കു ഫിലിംസ് എന്നീ ബാനറുകളിൽ ഒരുങ്ങുന്ന ചിത്രത്തിന്‍റെ സഹനിര്‍മ്മാണം ഹർഷാദ് ആണ്. ചിത്രത്തിന് സംഗീതം ഒരുക്കുന്നത് ഇലക്ട്രോണിക് കിളിയാണ്.

ടൈം ട്രാവൽ, ഫാന്റസി, ഹാസ്യം, ത്രില്ലർ, വൈകാരിക മുഹൂർത്തങ്ങൾ എന്നിവ സമന്വയിപ്പിക്കുന്ന ORIJINAL, സമയത്തിന്റെ ഗതിമാറ്റം അപ്രതീക്ഷിത സംഭവ വികാസങ്ങളിലേക്ക് നയിക്കുന്ന കഥയാണ് പറയുന്നത്. “ഒറിജിനൽ” എന്ന ആശയത്തെ തന്നെ ചോദ്യം ചെയ്യുന്ന അവതരണമാണ് ചിത്രത്തിന്റെ പ്രധാന ആകർഷണം. ശ്രീനാഥ് ഭാസി, അഭിരാം രാധാകൃഷ്ണൻ, രാജേഷ് മാധവൻ, സാഫ് ബോയ്, ബിനു പപ്പു, ഫെമിന ജോർജ്, ശ്രീകാന്ത് വെട്ടിയാർ, ഗോകുലൻ, അനീഷ് ജി, സലീം ഹസൻ, ദിനേശ് പ്രഭാകർ, രാജേഷ് പറവൂർ, ഷമീർ (ചൂരൽ), സുബിൻ ടാർസൻ, അരുൺ പ്രദീപ്, ലാല മലപ്പുറം, സ്റ്റിനി ഫ്രാൻസിസ്, ഹാരിസ് സലീം, വിരു വിവേക് എന്നിവർ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ഷഫീഖ് മുഹമ്മദ് അലിയാണ് ചിത്രത്തിന്റെ എഡിറ്റർ. ഫഹദ് ഫത്‌ലിയാണ് ഛായാഗ്രഹണം നിർവഹിക്കുന്നത്. അർഷാദ് നാക്കോത്ത്, രജീഷ് കെ. സൂര്യ എന്നിവർ ചേർന്നാണ് കലാസംവിധാനം നിർവഹിക്കുന്നത്.

‌മൈൻഡ്സ്റ്റൈൻ സ്റ്റുഡിയോസ് ആണ് വിഷ്വൽ എഫക്റ്റ്സ് ഒരുക്കുന്നത്. അഷ്റ മുഹമ്മദ് എക്സിക്യൂട്ടീവ് പ്രൊഡ്യൂസറായും കാസ്റ്റിങ് ചുമതലയും നിർവ്വഹിക്കുന്നു. സച്ചിൻ സുധാകരൻ, ഹരിഹരൻ എം (സിങ്ക് സിനിമ) എന്നിവർ ചേർന്നാണ് സൗണ്ട് ഡിസൈൻ നിർവ്വഹിക്കുന്നത്. റൊണെക്സ് സേവ്യർ ആണ് മേക്കപ്പ്. സമീറ സനീഷ് വസ്ത്രാലങ്കാരം ഒരുക്കുന്നു. പി.സി. സ്റ്റണ്ട്സ് ആണ് ആക്ഷൻ കൊറിയോഗ്രഫി നിർവഹിക്കുന്നത്. ചിത്രത്തിന്റെ കോൺസെപ്റ്റ് വികസിപ്പിച്ചിരിക്കുന്നത് ജിപിൻ ഗോപിയാണ്. ജാവേദ് ചെമ്പ് പ്രൊഡക്ഷൻ കൺട്രോളറാണ്. ജിഷ്ണു, ശ്രീജിത്ത് പി. എന്നിവർ നൃത്തസംവിധാനം നിർവ്വഹിക്കുന്നു. ശ്രീക് വാര്യർ ആണ് ഡി.ഐ. നിർവ്വഹിക്കുന്നത്. മുത്തു, റമീസ്, റിഷ് എൻ.കെ. എന്നിവർ ഗാനരചന നിർവ്വഹിച്ചിരിക്കുന്നു.

ജയസൂര്യ - ജിതിൻ കെ ജോസ് ചിത്രം 'മായൻ' ഫസ്റ്റ് ലുക്ക് പുറത്ത്

Nithya G Robinson — Fri, 16 Oct 2026 20:17:53 +0530

ജയസൂര്യയെ നായകനാക്കി ജിതിൻ കെ ജോസ് സംവിധാനം ചെയ്യുന്ന മായൻ സിനിമയുടെ ഫസ്റ്റ് ലുക്ക് പുറത്ത്. പൊലീസ് വേഷത്തിൽ, ഒരു സംഘട്ടനം കഴിഞ്ഞ് നിൽക്കുന്ന ലുക്കിലുള്ള ജയസൂര്യയാണ് പോസ്റ്ററിൽ ഉള്ളത്. നടന്‍റെ കൈയിൽ മുറിഞ്ഞുപോയ ഒരു കുരിശ്. പിന്നിൽ ഇരുട്ടും ദുരൂഹതയും നിറഞ്ഞ അന്തരീക്ഷം. ഒപ്പം, ‘Beyond the Shadows’- നിഴലുകൾക്കപ്പുറം എന്ന ടാഗ്‌ലൈനുമായാണ് പോസ്റ്റർ എത്തിയിരിക്കുന്നത്. ചിത്രം ഡിസംബർ 3ന് തിയറ്ററുകളിൽ എത്തും. മാജിക് മൂൺ പ്രൊഡക്ഷൻസിൻ്റെ ബാനറിൽ രാജീവ് ഗോവിന്ദൻ ചിത്രം നിർമിച്ചിരിക്കുന്നത്.

സൂപ്പർ ഹിറ്റ് ചിത്രം കളങ്കാവലിന് ശേഷം ജിതിൻ കെ ജോസ് സംവിധാനം ചെയ്യുന്ന ചിത്രം, ഓർഡിനറി, അനാർക്കലി എന്നീ ബ്ലോക്ക്ബസ്റ്റർ ചിത്രങ്ങൾ നിർമ്മിച്ച രാജീവ് ഗോവിന്ദൻ മാജിക് മൂൺ പ്രൊഡക്ഷൻസ് ബാനറിൽ നിർമ്മിക്കുന്ന മൂന്നാമത്തെ ചിത്രമാണ്. റാഫിയും ജിതിൻ കെ ജോസും ചേർന്നാണ് ചിത്രത്തിന്റെ തിരക്കഥ രചിച്ചത്. "മായൻ ചാപ്റ്റർ 1" എന്ന് പേരിട്ടിരിക്കുന്ന ചിത്രത്തിൻ്റെ ടൈറ്റിൽ ടാഗ് ലൈൻ ബിയോണ്ട് ദ ഷാഡോസ് എന്നാണ്. നൈല ഉഷയാണ് ചിത്രത്തിലെ നായിക. വിജയ് ബാബു, ഐശ്വര്യ രാജ്, ജിബിൻ ഗോപിനാഥ് എന്നിവരും ചിത്രത്തിലെ നിർണായക കഥാപാത്രങ്ങൾക്ക് ജീവൻ നൽകുന്നു. ജയസൂര്യ ഒരു പോലീസ് ഓഫീസറായി വേഷമിടുന്ന ചിത്രം, ഒരു മിസ്റ്ററി ത്രില്ലർ ആണെന്ന സൂചനയാണ് നേരത്തെ പുറത്തു വന്ന ചിത്രത്തിന്റെ ടൈറ്റിൽ വീഡിയോ നൽകിയത്.

പ്രേക്ഷകരിൽ വലിയ ആകാംക്ഷ സൃഷ്ടിക്കുന്ന തരത്തിലുള്ള മിസ്റ്ററി ത്രില്ലർ ആയിരിക്കും ‘മായൻ’ എന്നാണ് ലഭിക്കുന്ന സൂചനകൾ പറയുന്നത്. സാധാരണ മിസ്റ്ററി ത്രില്ലറുകളിൽ നിന്ന് വ്യത്യസ്തമായി, രാജ്യാതിർത്തികൾക്കപ്പുറത്തേക്ക് നീളുന്ന ഒരു ദുരൂഹ ലോകത്തേക്കാണ് ചിത്രം പ്രേക്ഷകരെ കൊണ്ടുപോകുന്നത്. നൂറ്റാണ്ടുകൾ പഴക്കമുള്ള ചില രഹസ്യ ആചാരങ്ങളും, ലോകത്തിന്റെ പല ഭാഗങ്ങളിലായി മറഞ്ഞിരിക്കുന്ന ശക്തികളും തമ്മിലുള്ള ബന്ധമാണ് ചിത്രത്തിന്റെ കഥയുടെ പ്രധാന പശ്ചാത്തലമെന്നാണ് റിപ്പോർട്ടുകൾ വരുന്നത്.

ചിത്രത്തിൻ്റെ ക്യാമറ കൈകാര്യം ചെയ്യുന്നത് ഫൈസൽ അലി, സംഗീതം ഒരുക്കുന്നത് മുജീബ് മജീദ്, എഡിറ്റിംഗ് നിർവഹിക്കുന്നത് പ്രവീൺ പ്രഭാകർ എന്നിവരാണ്. പ്രൊഡക്ഷൻ കൺട്രോളർ - ദീപക് പരമേശ്വരൻ, പ്രൊഡക്ഷൻ ഡിസൈനർ - സുനിൽ ദാസ്, ലൈൻ പ്രൊഡ്യൂസർ - രോഹിത് ആർ നായർ, കോസ്റ്റ്യൂം - സമീറ സനീഷ്, മേക്കപ്പ് - അമൽ ചന്ദ്രൻ, ചീഫ് അസോസിയേറ്റ് ഡയറക്ടർ - ബോസ് വി, വരികൾ - രാജീവ് ഗോവിന്ദൻ, ജിതിൻ കെ ജോസ്, കോ - റൈറ്റർ - ശ്രീഖിൽ ശ്രീനിവാസൻ, സ്റ്റിൽസ് - സിനത് സേവ്യർ, പ്രോജക്ട് ഡിസൈനർ - ആൻ്റണി സ്റ്റീഫൻ, പിആർഒ- വൈശാഖ് സി വടക്കേവീട്, ജിനു അനിൽകുമാർ.

ജയസൂര്യ- വിനായകൻ ചിത്രം ടൈറ്റൻസിന് യു/എ സർട്ടിഫിക്കറ്റ്

Nithya G Robinson — Fri, 16 Oct 2026 19:15:58 +0530

ജയസൂര്യ നായകനായി എത്തുന്ന ഏറ്റവും പുതിയ ചിത്രം 'ടൈറ്റൻസി'ന്റെ സെൻസറിംഗ് പൂർത്തിയാക്കി. യു/എ സർട്ടിഫിക്കറ്റ് ആണ് ചിത്രത്തിന് ലഭിച്ചിരിക്കുന്നത്. ഒപ്പം പുതിയൊരു പോസ്റ്ററും അണിയറ പ്രവർത്തകർ പുറത്തുവിട്ടിട്ടുണ്ട്. മലയാളികൾ ഒന്നടങ്കം കാത്തിരിക്കുന്ന ചിത്രം ഒക്ടോബർ 22ന് തിയറ്ററുകളിൽ എത്തും.

ജയസൂര്യ, വിനായകൻ, ബേബി ജീൻ, നിഹാൽ, സണ്ണി വെയ്ൻ, ഇന്ദ്രൻസ്, സുരേഷ് കൃഷ്ണ എന്നിവർ പ്രധാന വേഷങ്ങൾ ചെയ്യുന്ന ചിത്രം സംവിധാനം ചെയ്യുന്നത് പ്രിൻസ് ജോയ് ആണ്. നേരമ്പോക്ക്, മാനുവൽ മൂവി മേക്കേഴ്‌സ്, അവനിർ ടെക്, എന്നീ ബാനറുകളിൽ മിഥുൻ മാനുവൽ തോമസ്, ഇർഷാദ് എം ഹസൻ എന്നിവരും, ബാബു ഏട്ടൻ ഫിലിംസ് ബാനറിൽ പ്രദീപ് സി എസും ചേർന്നാണ് ചിത്രം നിർമ്മിക്കുന്നത്.

കോമഡി, ത്രിൽ, ഫാൻ്റസി എന്നിവ കോർത്തിണക്കിയാണ് ചിത്രം ഒരുക്കിയിരിക്കുന്നത് എന്ന സൂചനയാണ് ട്രെയ്‌ലർ നൽകുന്നത്. ജയസൂര്യ, വിനായകൻ എന്നിവരുടെ ഗംഭീര പ്രകടനം ആയിരിക്കും ചിത്രത്തിൻ്റെ ഹൈലൈറ്റ് എന്നും ട്രെയ്‌ലർ കാണിച്ചു തരുന്നു. ആദ്യാവസാനം പ്രേക്ഷകരെ ഏറെ രസിപ്പിക്കുന്ന ഒരു കോമഡി ഫാൻ്റസി ത്രില്ലർ ആയിരിക്കും ചിത്രമെന്നാണ് സൂചന.

ജെയിംസ് സെബാസ്ട്യൻ ആണ് ചിത്രം രചിച്ചത്. മാജിക് ഫ്രെയിംസ് കേരളത്തിൽ വിതരണം ചെയ്യുന്ന ചിത്രത്തിന്റെ ഓവർസീസ് ഡിസ്ട്രിബൂഷൻ ഫാർസ് ഫിലിംസ് ആണ്. 123 മ്യൂസിക്സ് ആണ് ചിത്രത്തിന്റെ ഓഡിയോ/ മ്യൂസിക് അവകാശം സ്വന്തമാക്കിയത്. ഛായാഗ്രഹണം - വിഷ്ണു ശർമ്മ, എഡിറ്റർ- ഷമീർ മുഹമ്മദ്, സംഗീതം - ഡോൺ വിൻസെന്റ്, , പ്രൊഡക്ഷൻ ഡിസൈനർ- അരുൺ വെഞ്ഞാറമൂട്, എക്സികുട്ടീവ് പ്രൊഡ്യൂസർ- സുനിൽ സിങ്, ശ്രീജിത്ത് ഗില്ലി, സജിത്ത് പി വൈ, ലൈൻ പ്രൊഡ്യൂസർ- റോബിൻ വർഗീസ്, പ്രൊഡക്ഷൻ കൺട്രോളർ- പ്രശാന്ത് നാരായണൻ, ആർട്ട് ഡയറക്ടർ- മഹേഷ് പിറവം, വിഎഫ്എക്സ് ഡയറക്ടർ- വിശാഖ് ബാബു, വരികൾ- മുത്തു, കോസ്റ്റും - സിജി നോബിൾ തോമസ്, മേക്കപ്പ്- റോണക്സ് സേവ്യർ, സൗണ്ട് ഡിസൈൻ- കിഷൻ മോഹൻ, സൗണ്ട് മിക്സിങ്- രാജകൃഷ്ണൻ എം ആർ, ചീഫ് അസ്സോസിയേറ്റ് ഡയറക്ടർ- രജീഷ് വേലായുധൻ, ബേസിൽ വർഗീസ് ജോസ്, ക്രീയേറ്റീവ് അസ്സോസിയേറ്റ്- ബിനോഷ് ജോർജ്, സംഘട്ടനം- ഫീനിക്സ് പ്രഭു, ഡിജിറ്റൽ പി ആർ - യദുൽ ബോസ്, വിവേക് വിനയ്‌രാജ്, പിആർഒ- വൈശാഖ് സി വടക്കേവീട്, ജിനു അനിൽകുമാർ, സ്റ്റിൽസ് - എസ് ബി കെ ഷുഹൈബ്, ബോയാക്, വിഎഫ്എക്സ്- മൈൻഡ് സ്റ്റെയിൻ സ്റ്റുഡിയോസ്, പിക്റ്റോറിയൽ എഫ് എക്സ്, ഡിസൈൻസ് - യെല്ലോ ടൂത്ത്‌സ്.

'സോണി'യായി നസ്ലെൻ; 'ബാച്ച്‌ലർ പാർട്ടി Deux'ലെ ക്യാരക്ടർ പോസ്റ്റർ പുറത്ത്

Nithya G Robinson — Fri, 16 Oct 2026 18:05:21 +0530

അമൽ നീരദിൻ്റെ ഏറ്റവും പുതിയ ചിത്രം 'ബാച്ച്‌ലർ പാർട്ടി Deux'ലെ പുതിയ ക്യാരക്ടർ പോസ്റ്റർ പുറത്ത്. നസ്ലെൻ അവതരിപ്പിക്കുന്ന കഥാപാത്രത്തിന്റെ ലുക്കാണിത്. സോണി എന്നാണ് ഈ കഥാപാത്ര പേര്. കയ്യിൽ തോക്കുകളുമായി നിൽക്കുന്ന നസ്ലെനെ ആണ് പോസ്റ്ററിൽ കാണാനാവുക. അടുത്തിടെ നടൻ ടൊവിനോ തോമസിന്റെ ക്യാരക്ടർ പോസ്റ്ററും പുറത്തിറങ്ങിയിരുന്നു. നവംബർ 19ന് ചിത്രം തിയറ്ററുകളിൽ എത്തും.

14 വർഷങ്ങൾക്ക് ശേഷം ജെൻ - സി വൈബിലാണ്, 2012-ൽ പുറത്തിറങ്ങി തരംഗമായി മാറിയ സ്റ്റൈലിഷ് ആക്ഷൻ ചിത്രം 'ബാച്ച്‌ലർ പാർട്ടി'യുടെ രണ്ടാം ഭാഗം എത്തുന്നത്. റെഡ്-ഗോൾഡൻ റെട്രോ പശ്ചാത്തലത്തിൽ സ്റ്റൈലിഷ് ലുക്കിലുള്ള ഫസ്റ്റ് ലുക്ക് അടുത്തിടെ തരംഗമായിരുന്നു. സിനിമാ പ്രേമികൾക്കിടയിൽ കൾട്ട് ക്ലാസിക് ആയി മാറിയ ചിത്രത്തിൻ്റെ രണ്ടാം ഭാഗം എന്നതിനാൽ തന്നെ ഏറെ പ്രതീക്ഷയാണ് പ്രേക്ഷകർക്കുള്ളത്. ഡുഎക്സ് (D'EUX) എന്നത് ഫ്രഞ്ച് ഭാഷയിലുള്ള വാക്കാണ്. ഫ്രഞ്ചിൽ D'EUX എന്നാൽ രണ്ട് എന്നും ‘അവരുടെ’ അല്ലെങ്കിൽ 'അവരെ കുറിച്ച്' എന്നുമാണ് അർത്ഥമാക്കുന്നത്.

യങ് ജനറേഷൻ താരങ്ങളെയും മലയാളത്തിലെ മുൻനിര അഭിനേതാക്കളെയും അണിനിരത്തിക്കൊണ്ടാണ് അമൽ നീരദ് ഇത്തവണ വരുന്നത്. നസ്‌ലൻ, കുഞ്ചാക്കോ ബോബൻ, സൗബിൻ ഷാഹിർ, ഷറഫുദ്ദീൻ, ശ്രീനാഥ് ഭാസി, ചന്തു സലീംകുമാർ, ടൊവിനോ തോമസ്, ഷൈൻ ടോം ചാക്കോ, പാരിസ് ലക്ഷ്മി, നാദിയ മൊയ്തു, രജീഷ വിജയൻ, ജ്യോതിർമയി, ഹൻസിക കൃഷ്ണകുമാർ തുടങ്ങി വലിയ താരനിരയാണ് ചിത്രത്തിലുള്ളത്. ഇതുവരെ കാണാത്ത സ്‌റ്റൈലിഷ് ലുക്കിലാണ് ഓരോരുത്തരും പോസ്റ്ററിലുള്ളത്. അമൽ നീരദ് പ്രൊഡക്ഷൻസ്, അൻവർ റഷീദ് എന്‍റർടെയ്ൻമെന്‍റ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകൾ ചേർന്നാണ് സിനിമ നിർമിക്കുന്നത്.

അയ്യയ്യോ.. അമ്മാടി..; ജേസണ്‍ സഞ്‍ജയ്‍യുടെ 'സിഗ്മ' വീഡിയോ ഗാനം എത്തിc

Nithya G Robinson — Fri, 16 Oct 2026 17:03:07 +0530

തമിഴ്നാട് മുഖ്യമന്ത്രി വിജയിയുടെ മകൻ ജേസൺ സഞ്ജയ് ആദ്യമായി സംവിധാനം ചെയ്ത സിഗ്മ എന്ന ചിത്രത്തിലെ വീഡിയോ ഗാനം റിലീസ് ചെയ്തു. 'അയ്യയ്യോ.. അമ്മാടി..' എന്ന ഗാനത്തിന് സംഗീതം നൽകിയിരിക്കുന്നത് തമൻ എസ് ആണ്. വിവേകിന്റേതാണ് വരികൾ. യുവൻ ശങ്കർ രാജ, സഞ്ജന ദിവാകർ കൽമഞ്ജെ എന്നിവർ ചേർന്നാണ് ആലാപനം.

സുന്ദീപ് കിഷനും ഫരിയ അബ്ദുള്ളയും കേന്ദ്രകഥാപാത്രങ്ങളെ അവതരിപ്പിച്ച സിഗ്മ ഒക്ടോബർ 2ന് ആണ് തിയറ്ററുകളിൽ എത്തിയത്. തമന്‍ എസ് സംഗീതം നൽകുന്ന ചിത്രമാണ് 'സിഗ്‍മ'. ജി കെ എം തമിഴ് കുമരനാണ് സിഗ്മയുടെ നിര്‍മ്മാതാവ്. തമിഴ്നാട്ടിലും തായ്ലന്‍ഡിലുമായാണ് സിനിമയുടെ ചിത്രീകരണം നടന്നത്. രാജു സുന്ദരം, സമ്പത്ത് രാജ്, ശിവ് പണ്ഡിറ്റ്, അന്‍പു ദാസന്‍, യോഗ് ജാപി, മഹാലക്ഷ്‍മി, ഷീല രാജ്‍കുമാര്‍, കമലേഷ്, കിരണ്‍ കൊണ്ഡ എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.

മൂക്കുത്തി അമ്മന്‍ 2- 'മഹാശക്തി' നവംബർ 6ന് തിയറ്ററുകളിൽ

Nithya G Robinson — Fri, 16 Oct 2026 16:01:18 +0530

സുന്ദര്‍ സി. സംവിധാനം ചെയ്ത ‘മൂക്കുത്തി അമ്മന്‍’ ചിത്രത്തിന്റെ രണ്ടാം ഭാഗം ‘മഹാശക്തി’ നവംബർ 6ന് തിയറ്ററുകളിൽ എത്തും. ദീപാവലി റിലീസായാണ് ചിത്രം തിയറ്ററിൽ എത്തുക. ചിത്രത്തിന്റേതായി നേരത്തെ പുറത്തിറങ്ങിയ ടീസർ ഏറെ ശ്രദ്ധിക്കപ്പെട്ടിരുന്നു. യുട്യൂബിൽ 7 മല്യണിലധികം കാഴ്ചക്കാതെ നേടിയ ടീസർ ജയിലർ 2വിനൊപ്പം തിയറ്ററുകളിൽ പ്രദർശിപ്പിക്കുന്നുണ്ട്.

ലോകമെമ്പാടുമുള്ള പ്രേക്ഷകരെ ആകര്‍ഷിച്ച മൂക്കുത്തി അമ്മന്റെ ആദ്യഭാഗത്തിനു ശേഷം ഭക്തി, നര്‍മം, സാമൂഹികപ്രസക്തി എന്നിവ സംയോജിപ്പിച്ചാണ് രണ്ടാം ഭാഗം മഹാശക്തി റിലീസിന് ഒരുങ്ങുന്നത്. നയൻതാര, ദുനിയ വിജയ്, റെജീന കാസാൻഡ്ര, ഉർവശി, യോഗി ബാബു, മൈന നന്ദിനി, ഗരുഡ റാം, അഭിനയ, ശ്രുതി എസ്., സിംഗപുലി അണ്ണാവി, വി.ആർ. സ്വാമിനാഥൻ, ശിവകുമാർ എസ്സ് , സുനിൽ വർമ്മ ഇൻഡുകുരി, വർഷിണി വെങ്കട്ട്, പാല കരുപ്പയ്യ, ആനന്ദ അധിഷ്ട ലക്ഷ്മി, നിതിൻ സത്യ, ഡെബ്ലിന ചാക്കി എന്നിവരാണ് മഹാശക്തിയിലെ പ്രധാന കഥാപാത്രങ്ങളെ അവതരിപ്പിക്കുന്നത്.

വിശാലമായ സെറ്റുകള്‍, വലിയ ദൃശ്യങ്ങള്‍, യഥാര്‍ഥ സുന്ദര്‍ സി. ശൈലിയില്‍ ഭക്തി, നിഗൂഢത, മാസ് എന്റര്‍ടെയ്ന്‍മെന്റ് എന്നിവ സംയോജിപ്പിക്കുമെന്ന് വാഗ്ദാനം ചെയ്യുന്ന കഥാസന്ദര്‍ഭത്തോടെയാണ് ചിത്രം തിയറ്ററുകളിലേക്കെത്തുന്നത്. വേൽസ് ഫിലിംസ് ഇന്റർനാഷണലിന്റെ ബാനറിൽ ചിത്രത്തിന്റെ നിർമ്മാണം ഡോ. ഇഷാരി കെ. ഗണേഷ് നിർവഹിക്കുന്നു. മഹാശക്തിയുടെ രചനയും സംവിധാനവും സുന്ദർ സി ആണ്. ചിത്രത്തിന്റെ സംഗീത സംവിധാനം : ഹിപ്പ്‌ഹോപ്പ് തമിഴനാണ് നിർവഹിക്കുന്നത്. ചിത്രത്തിന്റെ സഹനിർമ്മാതാക്കൾ ഖുശ്ബു സുന്ദർ, കുഷ്മിത ഗണേഷ്, ഇഷാൻ സക്സേന, വിഘ്നേഷ് ശിവൻ എന്നിവരാണ്. പി ആർ ഓ : പ്രതീഷ് ശേഖർ.

'വാരണാസി ടീമിന്‍റെ സ്വന്തം കുംഭയ്ക്ക്'; പൃഥ്വിരാരാജിന് ജന്മദിനാശംസകൾ നേർന്ന് രാജമൗലി

Web Desk — Fri, 16 Oct 2026 15:14:49 +0530

ലോകമെമ്പാടുമുള്ള പ്രേക്ഷകർ ആകാംഷയോടെ കാത്തിരിക്കുന്ന ചിത്രമാണ് വാരണാസി. മഹേഷ് ബാബു, പ്രിയങ്ക ചോപ്ര തുടങ്ങിയ വമ്പൻ താരങ്ങൾ അണിനിരക്കുന്ന ചിത്രത്തിൽ മലയാളികളുടെ അഭിമാനമായ പൃഥ്വിരാജ് സുകുമാരനും കേന്ദ്ര കഥാപാത്രത്തെ അവതരിപ്പിക്കുന്നു. കുംഭ എന്നാണ് അദ്ദേഹം വാരണാസിയിൽ അവതരിപ്പിക്കുന്ന കഥാപാത്രത്തിന്റെ പേര്. ഇന്ന് പിറന്നാൾ ആഘോഷിക്കുന്ന പൃഥ്വിരാജിന്‍റെ ലൊക്കേഷൻ ചിത്രങ്ങൾ പങ്കുവച്ച് ലോക സിനിമയിൽ ഇന്ത്യയുടെ അഭിമാന സംവിധായകൻ എസ് എസ് രാജമൗലി സോഷ്യൽ മീഡിയയിൽ കുറിച്ചത് ഇപ്രകാരമാണ് "വാരണാസി ടീമിന്റെ സ്വന്തം “കുംഭ”, പ്രിത്വിരാജിന് ഹൃദയം നിറഞ്ഞ ജന്മദിനാശംസകൾ! അനന്തമായ സാധ്യതകൾ നിറഞ്ഞ ലോകത്ത് പ്രവചനാതീതമായ സാന്നിധ്യം… നിഗൂഢതയും കരുത്തും അതിരുകളില്ലാത്ത കഴിവും ഒത്തുചേരുന്ന അപൂർവ വ്യക്തിത്വം! ജന്മദിനാശംസകൾ പ്രിയപ്പെട്ട പൃഥ്വിരാജ് സുകുമാരൻ".

ലോക സിനിമാലോകം ഏറെ പ്രതീക്ഷയോടെ ഉറ്റുനോക്കുന്ന വാരണാസിയിലെ പൃഥ്വിരാജിന്റെ കഥാപാത്രമായ ‘കുംഭ’യെക്കുറിച്ചുള്ള ഈ വാക്കുകൾ ആരാധകർക്കിടയിലും സിനിമാപ്രേമികൾക്കിടയിലും ശ്രദ്ധ നേടുകയാണ്. എസ് എസ് രാജമൗലി സംവിധാനം ചെയ്യുന്ന ചിത്രത്തിന് സംഗീതം ഒരുക്കുന്നത് എം.എം. കീരവാണിയാണ്. ശ്രീ ദുർഗ ആർട്സും ഷോയിങ് ബിസിനസും ചേർന്നാണ് ചിത്രം നിർമ്മിക്കുന്നത്. ലോകമെമ്പാടും ഏറെ പ്രതീക്ഷയോടെ കാത്തിരിക്കുന്ന ‘വാരണാസി’ 2027 ഏപ്രിൽ 7ന് തിയേറ്ററുകളിൽ ലോകവ്യാപകമായി റിലീസ് ചെയ്യും. പി ആർ ഒ, മാർക്കറ്റിംഗ് കൺസൽട്ടന്റ് : പ്രതീഷ് ശേഖർ.

നന്മ മരം കളി ഹൗസിൽ വേണ്ട!, ബിഗ് ബോസ്സില്‍ രാഹുലും ഷിജിനും നേർക്കുനേർ

Web Desk — Fri, 16 Oct 2026 14:52:52 +0530

ജയിൽ നോമിനേഷനിടയിൽ ബിഗ് ബോസ് ഹൗസിനകത്ത് അടിയോടടി. രാഹുൽ ഈശ്വറും ഷിജിനും ഒരുഭാഗത്ത് അടി, കൊമ്പനും ഐശ്വര്യയും മറ്റൊരു ഭാഗത്ത് അടി. സംഭവം വളരെ സിംപിൾ ആണ്.

അതായത് ഈ ആഴ്ച ജയിൽ നോമിനേഷനിലേക്കുള്ള ആളുകളുടെ പേരുകൾ ഓരോ മത്സരാർത്ഥികളും വന്ന് പറയാൻ ബിഗ് ബോസ് പറഞ്ഞു. ഓരോരുത്തരും അവരവർക്ക് ശരിയെന്ന് തോന്നിയ പേരുകൾ പറഞ്ഞു. കൊമ്പന്റെ ഊഴമെത്തിയപ്പോൾ ഐശ്വര്യയുടെ പേരാണ് ജയിൽ നോമിനേഷനിൽ കൊമ്പൻ പറഞ്ഞത് . അതിനുള്ള കാരണമായി കൊമ്പന്റെ മുഖത്ത് ഐശ്വര്യ തുപ്പിയതും പറഞ്ഞു. അതോടെ ഐശ്വര്യ ദേഷ്യപ്പെട്ടു. അങ്ങനെയെങ്കിൽ കൊമ്പന്റെ ഭാഗത്താണ് തെറ്റെന്നും തന്നെ ട്രിഗ്ഗർ ചെയ്തതുകൊണ്ടാണ് താൻ തുപ്പിയതെന്നും ആ ട്രിഗർ ചെയ്ത കാരണം കൊണ്ട് താൻ കൊമ്പനെ ജയിൽ നോമിനേഷയനിലേയ്ക്ക് വിടുന്നു എന്നും പറഞ്ഞു. അവിടെ തുടങ്ങി രണ്ടും കൂടി അടി. കൊമ്പന്റെ ഭാഗത്തല്ല യഥാർത്ഥത്തിൽ തെറ്റെന്ന് കൊമ്പൻ, താൻ തുപ്പിയിട്ടുണ്ടെങ്കിൽ അത് കൊമ്പന്റെ കയ്യിലിരുപ്പുകൊണ്ടാണെന്ന് ഐശ്വര്യ , രണ്ടുംപേരുടെയും ഭാഗത്ത് നിൽക്കാനാവാതെ സഹമത്സരാർത്ഥികൾ.

മറ്റൊരു ഭാഗത്ത് രാഹുലും ഷിജിനും നേർക്കുനേർ . കാരണം മറ്റൊന്നുമല്ല ഏറ്റവും കൂടുതൽ വോട്ടുകളായി ജയിൽ നോമിനേഷനിൽ എത്തിയത് രാഹുലും നോബിയുമായിരുന്നു. എന്നാൽ ഒരാളെ മാത്രം തെരഞ്ഞെടുക്കാൻ ബിഗ് ബോസ് അനൗൺസ് ചെയ്തു .ആ ദൗത്യം ഏൽപ്പിച്ചത് വൈൽഡ് കാർഡുകളായി എത്തിയ നിലീന, വേദാംഗി , വിപിൻ എന്നിവരെയാണ്. മൂവരും ചേർന്ന് ആലോചിച്ച് ഒരു തീരുമാനമെടുക്കാനായിരുന്നു ബിഗ് ബോസിന്റെ നിർദ്ദേശം. അതിനിടയ്ക്ക് രാഹുൽ ഒരു ഡയലോഗുമായി എത്തി. നോബിയെ ജയിലിലേയ്ക്ക് അയക്കേണ്ട, ഞാൻ പൊയ്ക്കോളാം . അത് കേട്ടതും ഷിജിനങ്ങോട്ട് ദേഷ്യം വന്നു. നിങ്ങൾ നിങ്ങളുടെ കാര്യം പറഞ്ഞാൽ മതിയെന്നും, അവരെ സ്വാധീനിക്കേണ്ടതില്ല, അവർക്ക് തീരുമാനമെടുക്കാനറിയാം, നോബിയെ സംരക്ഷിക്കാൻ നിങ്ങൾ ആരാണ് , നിങ്ങളുടെ ഔദാര്യത്തിൽ വേണോ നോബിയ്ക്ക് ഇവിടെ നിലനിൽക്കാൻ എന്നും പറഞ്ഞ് ഷിജിൻ വൻ ബഹളമുണ്ടാക്കി.

രാഹുൽ വെറുതെ വിടുമോ ? ഷിജിനെതിരെ രാഹുലും പൊട്ടിത്തെറിച്ചു. തന്റെ ട്രാക്ക് ഒത്തില്ലെന്നും നന്മ മരം കളി ഇനി നടക്കില്ലെന്നും മനസ്സിലാക്കിയ രാഹുൽ ശക്തമായി പ്രതിരോധിക്കാൻ ശ്രമിച്ചു. എന്നാൽ ഷിജിന്റെ മുൻപിൽ അത് വർക്കായില്ല. രാഹുലിന്റെ നന്മമരം കളി ഷിജിൻ എല്ലാവരുടെ മുന്നിലും വെച്ച് പൊളിച്ചടുക്കുന്ന കാഴ്ചയാണ് പിന്നീട് പ്രേക്ഷകർ കണ്ടത്. ഇളിഭ്യനായി രാഹുൽ ഒടുവിൽ ഒരു മൂലയ്ക്ക് മിണ്ടാതെ ഇരിക്കുന്നതും കണ്ടു. താഷിയും നോബിയും ഉൾപ്പടെ രാഹുലിന്റെ ആ സംസാരം ശരിയായില്ല എന്ന് രാഹുലിനോട് തന്നെ നേരിട്ട് പിന്നീട് വന്ന് പറയുകയുമുണ്ടായി. എന്തായാലും ചർച്ചകൾക്കൊടുവിൽ നോബിയെ ആണ് ജയിലിലേയ്ക്ക് വിടാൻ തീരുമാനമായത്. രാഹുലിനെതിരെ ശക്തമായി പ്രതികരിക്കാൻ ഷിജിൻ മാത്രമേയുള്ളു എന്ന സംസാരം പ്രേക്ഷകർക്കിടയിലുണ്ട്. മറ്റുള്ളവർക്കെല്ലാം രാഹുലിനെ പേടിയാണ്, അയാൾക്കെതിരെ സംസാരിച്ച് നിൽക്കാൻ കഴിയില്ലെന്ന ധാരണയുണ്ട് , എന്നാൽ ഷിജിൻ മുഖത്തടിച്ച പോലെ കാര്യങ്ങൾ പറയുമെന്നും ഇതുപോലെ ഗെയിമുമായി മുന്നോട്ട് പോകണമെന്നും ബിഗ് ബോസ് ആരാധകർ അഭിപ്രായപ്പെടുന്നുണ്ട്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ക്രാഫ്റ്റ്സ് വില്ലേജ് കലാകാരന്മാർക്ക് ദേശീയതലത്തിൽ അഭിമാനനേട്ടം; രണ്ട് പുരസ്കാരങ്ങൾ

Web Desk — Fri, 16 Oct 2026 14:44:07 +0530

തിരുവനന്തപുരം: പരമ്പരാഗത കരകൗശല മേഖലയിലെ മികവിനും സർഗാത്മകതയ്ക്കുമുള്ള ദേശീയ അംഗീകാരമായി 2025 ലെ ശിൽപഗുരു ദേശീയ അവാർഡുകൾ പ്രഖ്യാപിച്ചപ്പോൾ കേരള ആർട്സ് ആൻഡ് ക്രാഫ്റ്റ്സ് വില്ലേജിലെ കലാകാരന്മാർക്ക് അഭിമാനനേട്ടം. കേന്ദ്ര ടെക്സ്റ്റൈൽ മന്ത്രാലയത്തിന് കീഴിലുള്ള ഹാൻഡിക്രാഫ്റ്റ്സ് ഡെവലപ്‌മെന്റ് കമ്മീഷണർ ആണ് ഈ പുരസ്‌കാരം നൽകുന്നത്. നാളികേരച്ചകിരി ഉപയോഗിച്ചുള്ള ശിൽപ നിർമാണത്തിൽ തിരുവനന്തപുരം കോവളം സ്വദേശിയായ എ. പ്രതാപ് ശിൽപഗുരു പുരസ്‌കാരവും (മൂന്ന് ലക്ഷം രൂപയും 20 ഗ്രാം സ്വർണവും) പേപ്പർ ക്വില്ലിങ് വിഭാഗത്തിൽ തിരുവനന്തപുരം കോവളം സ്വദേശിയായ ആശ ജി. കൃഷ്ണ ദേശീയ പുരസ്കാരവും (രണ്ട് ലക്ഷം രൂപയും പ്രശസ്തിപത്രവും) കരസ്ഥമാക്കി. കേരളത്തിന്റെ പരമ്പരാഗത കരകൗശല പൈതൃകത്തിന് ദേശീയതലത്തിൽ കൂടുതൽ ശ്രദ്ധ നേടിക്കൊടുക്കുന്നതാണ് ഈ നേട്ടം.

പേപ്പർ ക്വില്ലിങ് വിഭാഗത്തിൽ ദേശീയ അവാർഡ് നേടിയ ആശ ജി. കൃഷ്ണ കേരളത്തിൽ നിന്ന് ഈ വിഭാഗത്തിൽ പുരസ്‌കാരം നേടുന്ന ആദ്യ വനിതയെന്ന നേട്ടവും സ്വന്തമാക്കി. പേപ്പർ ക്വില്ലിങ് വിദ്യ ഉപയോഗിച്ച് നിർമിച്ച കഥകളി രൂപത്തിനാണ് ആശയ്ക്ക് പുരസ്‌കാരം ലഭിച്ചത്. ഏകദേശം എട്ടര അടി ഉയരവും 6 അടി വീതിയുമുള്ള ഈ കലാസൃഷ്ടി പൂർത്തിയാക്കാൻ രണ്ടര വർഷമെടുത്തുവെന്ന് ആശ പറഞ്ഞു. കടലാസിന്റെ നേർത്ത ചുരുളുകളെ സൂക്ഷ്മതയോടെയും ക്ഷമയോടെയും ക്രമീകരിച്ച് കേരളത്തിന്റെ തനത് കലാരൂപമായ കഥകളിയെ ആവിഷ്‌കരിച്ച സൃഷ്ടി ആശയുടെ കലാസമർപ്പണത്തിന്റെയും വൈദഗ്ധ്യത്തിന്റെയും തെളിവാണ്. പേപ്പർ ക്വില്ലിങ് പോലുള്ള കലാരീതികളിലൂടെ കേരളത്തിന്റെ സാംസ്‌കാരിക പൈതൃകത്തെ പുതിയ ആവിഷ്‌കാരങ്ങളിലൂടെ അവതരിപ്പിക്കാമെന്നതിന്റെ ഉദാഹരണം കൂടിയാണ് ഈ നേട്ടം.

നാളികേരച്ചകിരി ഉപയോഗിച്ച് അഞ്ചടി നീളത്തിലും മൂന്നടി ഉയരത്തിലുമായി രൂപകൽപ്പന ചെയ്ത ഡ്രാഗൺ ശിൽപത്തിനാണ് എ. പ്രതാപിന് ശിൽപഗുരു പുരസ്‌കാരം ലഭിച്ചത്. പ്രകൃതിദത്തമായ ചകിരിയെ സൂക്ഷ്മമായ കലാവൈദഗ്ധ്യത്തിലൂടെ മനോഹരമായ ശിൽപമാക്കി മാറ്റിയ സൃഷ്ടി പൂർത്തിയാക്കാൻ രണ്ടര മാസമെടുത്തു. നാളികേരച്ചകിരി പോലുള്ള പ്രകൃതിദത്ത വസ്തുക്കളുടെ സാധ്യതകളെ പ്രയോജനപ്പെടുത്തി പരമ്പരാഗത കരകൗശലവിദ്യയെ കലാപരമായ മികവിലേക്ക് ഉയർത്തുന്നതാണ് പ്രതാപിന്റെ സൃഷ്ടി. 1994-ലും 2012-ലും ദേശീയ അവാർഡ് നേടിയിട്ടുള്ള പ്രതാപിന് ഇത് പുരസ്‌കാരങ്ങളുടെ തുട‍ര്‍ച്ചയാണ്. രാഷ്ട്രപതിയിൽ നിന്നും പുരസ്‌കാരം ഏറ്റുവാങ്ങുന്നുവെന്നത് ഏറെ അഭിമാനത്തോടെ കാത്തിരിക്കുന്ന മുഹൂര്‍ത്തമാണെന്ന് പ്രതാപ് പറഞ്ഞു.

കേരളത്തിന്റെ തനത് കരകൗശല പാരമ്പര്യത്തെ സംരക്ഷിക്കുകയും സമകാലിക കലാസങ്കൽപ്പങ്ങളുമായി കൂട്ടിയിണക്കി മുന്നോട്ടുകൊണ്ടുപോകുകയും ചെയ്യുന്ന കേരള ആർട്സ് ആൻഡ് ക്രാഫ്റ്റ്സ് വില്ലേജിന്റെ പ്രവർത്തനങ്ങൾക്ക് ഈ നേട്ടങ്ങൾ കൂടുതൽ കരുത്തേകും. കലാകാരന്മാരുടെ കഴിവുകൾക്ക് ദേശീയതലത്തിൽ അംഗീകാരം ലഭ്യമാക്കുന്നത് പരമ്പരാഗത കരകൗശലവിദ്യകളുടെ സാധ്യതകളും മൂല്യവും പുതുതലമുറയ്ക്ക് പരിചയപ്പെടുത്തുന്നതിന് പ്രചോദനമാകുമെന്ന് ക്രാഫ്റ്റ് വില്ലേജ് ചീഫ് ഓപ്പറേറ്റിങ് ഓഫീസര്‍ ടി.യു ശ്രീപ്രസാദ് പറഞ്ഞു.

പെയിന്‍റ് അടിച്ച് ലീഡര്‍ ആവാം; രസകരമായ ലീഡര്‍ഷിപ്പ് ടാസ്‍കുമായി ബിഗ് ബോസ്

Web Desk — Fri, 16 Oct 2026 14:07:58 +0530

ബിഗ് ബോസ് ഹൗസില്‍ ഒരാഴ്ച ലീഡര്‍ ആവാനുള്ള അവസരം ലഭിച്ചാല്‍ ഒരു മത്സരാര്‍ഥിയും പാഴാക്കാറില്ല. വരുന്ന വാരം നോമിനേഷനില്‍ ഉള്‍പ്പെടില്ല എന്നതാണ് അതിന് പ്രധാന കാരണം. ലീഡര്‍ ആവുന്ന വാരം ക്യാമറ സ്പേസ് സ്വാഭാവികമായി ഉണ്ടായിവരും എന്നതാണ് മറ്റൊരു കാരണം. ഈ സീസണിലെ ആദ്യ ലീഡര്‍ ഇപ്പോള്‍ ഹൗസില്‍ ഇല്ല. ജസീല പര്‍വീണ്‍ ആയിരുന്നു ആ മത്സരാര്‍ഥി. ലീഡര്‍ഷിപ്പ് ടാസ്കുകളില്‍ പലതും ഏറെ ആവേശകരമായിരുന്നു. ഇത്തവണത്തെ ടാസ്കും അത്തരത്തില്‍ ഒന്ന് തന്നെ.

മൃദുലയും ആസിഫുമാണ് ഇക്കുറി ലീഡര്‍ഷിപ്പ് ടാസ്കില്‍ പങ്കെടുക്കുന്നത്. വീക്കിലി ടാസ്കിലെ പ്രകടനം വച്ചാണ് ഇരുവരും ഈ മത്സരത്തിലേക്ക് തിരഞ്ഞെടുക്കപ്പെട്ടത്. വീക്കിലി ടാസ്കില്‍ കൊലപാതകികളില്‍ ഒരാളായിരുന്നു മൃദുല. കുറ്റവാളിയാണെന്ന് ഭൂരിഭാഗവും തിരിച്ചറിഞ്ഞില്ലെങ്കില്‍ അയാള്‍ അടുത്ത വാരത്തിലെ ലീഡര്‍ഷിപ്പ് ടാസ്കിലേക്ക് എത്തുമെന്ന് ബിഗ് ബോസ് നേരത്തെ അറിയിച്ചിരുന്നു. അത് പ്രകാരമാണ് മൃദുല എത്തിയത്. എന്നാല്‍ വീക്ക്ലി ടാസ്കില്‍ ഏറ്റവും മികച്ച പ്രകടനം നടത്തിയതെന്ന് സഹമത്സരാര്‍ഥികള്‍ ചേര്‍ന്ന് തിരഞ്ഞെടുത്താണ് ആസിഫ് ലീഡര്‍ഷിപ്പ് മത്സരത്തിലേക്ക് എത്തിയത്.

ബിഗ് ബോസ് മുന്‍ സീസണുകളില്‍ ഗ്രൂപ്പ് ആയും ഇന്‍ഡിവിജ്വല്‍ ആയും നടത്തിയിട്ടുള്ള ഒരു ടാസ്ക് ആണ് ഇവര്‍ക്ക് ഇത്തവണ ലീഡര്‍ഷിപ്പ് ടാസ്ക് ആയി നല്‍കിയത്. എന്നാല്‍ അതില്‍ ഒരു വ്യത്യാസവും ഉണ്ട്. വെളുത്ത നിറമുള്ള ഒരു വലിയ കാന്‍വാസില്‍ രണ്ട് നിറങ്ങളിലുള്ള ചായം പൂശുകയാണ് വേണ്ടത്. എന്നാല്‍ ഓരോ മത്സരാര്‍ഥിയും ഓരോ നിറത്തിലുള്ള ചായമാണ് പൂശേണ്ടത്. മൃദുലയ്ക്ക് നീല നിറവും ആസിഫിന് ചുവപ്പ് നിറവുമാണ് ലഭിക്കുന്നത്. കാന്‍വാസിന്‍റെ കൂടുതല്‍ ഭാഗത്ത് സ്വന്തം നിറം പൂശുന്ന മത്സരാര്‍ഥിയാണ് ടാസ്കില്‍ ജയിക്കുക. എന്നാല്‍ ചിലയിടങ്ങളില്‍ ഒന്നിന് മുകളില്‍ ഒന്നായി ഓരോ നിറവും വന്നതിനാല്‍ ഇതിന്‍റെ വിലയിരുത്തല്‍ അല്‍പം ബുദ്ധിമുട്ടാണ്. ഒടുവില്‍ വിജയിയെ പ്രഖ്യാപിക്കേണ്ടത് നിലവിലെ ലീഡറായ കൊമ്പന്‍ ആണ്. എന്നാല്‍ തന്നെ ഇതില്‍ നിന്ന് ഒഴിവാക്കി തരാമോ എന്ന് ബിഗ് ബോസിനോട് ചോദിക്കുന്ന കൊമ്പനെ ഇത് സംബന്ധിച്ച് ഏഷ്യാനെറ്റ് പുറത്തുവിട്ടിരിക്കുന്ന പുതിയ പ്രൊമോയില്‍ കാണാം. അടുത്ത വാരത്തിലെ ലീഡര്‍ ആരായിരിക്കുമെന്ന് അറിയാനുള്ള കാത്തിരിപ്പിലാണ് പ്രേക്ഷകര്‍.

അൻപില്‍ അവൻ തമിഴ്‍നാട്ടില്‍ നേടിയത് എത്ര?, കണക്കുകള്‍ പുറത്ത്

honey R K — Fri, 16 Oct 2026 13:47:08 +0530

തമിഴകത്തെ യുവ താരങ്ങളില്‍ ശ്രദ്ധയാകര്‍ഷിച്ച നടനാണ് അശോക് സെല്‍വൻ. അശോക് സെല്‍വൻ നായകനായെത്തിയ പുതിയ ചിത്രമാണ് അൻപില്‍ അവൻ. പ്രീതി മുകുന്ദൻ നായികയായി എത്തിയിരിക്കുുന്നു. അൻപില്‍ അവൻ എട്ട് കോടിയാണ് ഇതുവരെ നേടിയിരിക്കുന്നത്. തമിഴ്‍നാട്ടില്‍ നിന്ന് മാത്രമായിട്ടാണ് ഏഴ് കോടി നേടിയത്.

നവാഗതനായ ആര്‍ കാര്‍ത്തികേയനാണ് ചിത്രം സംവിധാനം ചെയ്യുന്നത്. വിഘ്‍നേശ് ശിവ, അശോക് സെല്‍വൻ എന്നിവര്‍ക്കൊപ്പം ആര്‍ കാര്‍‌ത്തികേയനും ചേര്‍ന്ന് തിരക്കഥ എഴുതുന്നു. പോര്‍ തൊഴില്‍, കര എന്നീ സിനിമകളുടെ സംവിധായകനാണ് വിഘ്‍നേശ് രാജ, അശമീര അയപ്പനാണ് അഡീഷണല്‍ സ്‍ക്രീൻ പ്ലേ.

ടൈറ്റില്‍ പ്രഖ്യാപിച്ച് ടീസര്‍ പുറത്തുവിട്ടിരുന്നു. നവ ദമ്പതികളുടെ കഥയാണ് ചിത്രം പറയുന്നതെന്നാണ് ടീസറില്‍ നിന്ന് വ്യക്തമാകുന്നത്. സാബുമോൻ അബ്‍ദുമസദ്, കതിര്‍ബാലു, മഹാ ഡെല്‍ഹി ഗണേഷ് എന്നിവരും ചിത്രത്തില്‍ വേഷമിടുന്നു.

ഗോവിന്ദ് വസന്തയാണ് സംഗീത സംവിധാനം. ഗാന രചനയും ഗോവിന്ദ് വസന്തയാണ്. ഗൗതം രാജേന്ദ്രൻ ഛായാഗ്രാഹണം നിര്‍വഹിക്കുന്നു. എഡിറ്റര്‍ സെല്‍വ ആര്‍ കെയാണ്. മണികണ്ഠൻ ശ്രീനിവാസൻ കലാ സംവിധാനവും പീറ്റര്‍ ഹെയ്‍ൻ ആക്ഷൻ കൊറിയോഗ്രാഫിയും നിര്‍വഹിക്കുന്നു. അശോക് സെല്‍വനും അഭിനയ സെല്‍വവും ഹാപ്പി ഹൈ പിക്ചേഴ്‍സിന്റെ ബാനറിലും കെ കരുണാമൂര്‍ത്തി അയ്യങ്കരൻ ഇന്റര്‍നാഷണലിന്റെ ബാനറിലും ചിത്രം നിര്‍മിക്കുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

നൗഫിനയുടെ ഓര്‍മ്മപ്പെടുത്തല്‍; ഗേള്‍ഫ്രണ്ടിനോട് ക്ഷമ ചോദിച്ച് ബിഗ് ബോസില്‍ കടല്‍ കൊമ്പന്‍

Web Desk — Fri, 16 Oct 2026 12:59:19 +0530

ബിഗ് ബോസ് സീസൺ എട്ടിൽ ഒട്ടനവധി ആരാധകരുള്ള മത്സരാർഥിയാണ് കൊമ്പൻ. കൊമ്പന്റെ സംസാരവും പാട്ടുകളും പ്രകടനവും കോമഡിയുമൊക്കെ ആളുകൾക്ക് വളരെയിഷ്ടമാണ്. എന്നാൽ ഐശ്വര്യയുമായുള്ള കൂട്ടുകെട്ട് ഒരു ഘട്ടത്തിൽ കൊമ്പന്റെ ഫാൻസിനെ നിരാശപ്പെടുത്തിയിരുന്നു. ഐശ്വര്യയുടെ തന്ത്രങ്ങൾ തിരിച്ചറിഞ്ഞ് അതിൽ നിന്ന് മാറി ഷിജിനുമായി കൂട്ടുകൂടിയ ശേഷമാണ് വീണ്ടും കൊമ്പന്റെ ഗ്രാഫ് ഉയർന്നത്. ഇപ്പോൾ പുതിയതായി ഹൗസിലേക്ക് എത്തിയ നൗഫിന എന്ന വൈൽഡ് കാർഡുമായുള്ള കൊമ്പന്റെ സംഭാഷണവും അതിന് ശേഷമുള്ള കുമ്പസാരവുമാണ് സോഷ്യൽമീഡിയയിൽ വൈറലാവുന്നത്.

ഐശ്വര്യയുമായുള്ള കൂട്ടുകെട്ട് പുറത്തുള്ള ഗേള്‍ഫ്രണ്ട് എങ്ങനെയാവും എടുത്തിട്ടുണ്ടാവുക എന്ന് ചിന്തിച്ചിട്ടുണ്ടോ എന്ന് പുതിയ വൈല്‍ഡ് കാര്‍ഡ് എന്‍ട്രിയായ നൗഫിന കൊമ്പനോട് ചോദിച്ചിരുന്നു. എന്നാൽ കാമുകിയായ പാറുവിന് തന്നെ അറിയാമെന്നും ഹൗസിനകത്ത് താൻ പല ടൈപ് ഗെയിമുകൾ കളിക്കുമെന്ന് പറഞ്ഞ ശേഷമാണ് താൻ ഇങ്ങോട്ട് വന്നതെന്നും കൊമ്പൻ മറുപടി നൽകി. ഗെയിമും തന്ത്രങ്ങളുമെല്ലാം ശരി, പക്ഷേ ആ ഗെയിം സ്ട്രാറ്റജിയിൽ ഐശ്വര്യയുമായുള്ള അടുപ്പം ആ കുട്ടിയ്ക്ക് അംഗീകരിക്കാനാവുമോ എന്നാണ് നൗഫിന തിരിച്ച് ചോദിച്ചത്. അതോടെ കൊമ്പന് പുറത്തുള്ള കാര്യം ഏതാണ്ട് മനസ്സിലായ മട്ടാണ്. മുൻപ് നടന്ന ഒരു വീക്കെൻഡ് എപ്പിസോഡിൽ മോഹൻലാൽ കൊമ്പനുമായി ഇനി ചിലപ്പോൾ പ്രണയമുണ്ടാകുമോ എന്ന് ചോദിച്ചപ്പോൾ ഇപ്പോൾ ഇല്ല എന്നാൽ ഇനി ഉണ്ടായിക്കൂടാതില്ല എന്ന ഒഴുക്കൻ മറുപടിയാണ് ഐശ്വര്യ പറഞ്ഞതെന്നും അത് കേട്ടപ്പോൾ തനിക്ക് പേടിയായെന്നും കൊമ്പൻ നൗഫിനയോട് പറഞ്ഞു. ആ സമയത്ത് താൻ ഐശ്വര്യയോട് തനിയ്ക്ക് പുറത്ത് പ്രണയമുണ്ടെന്ന് പറഞ്ഞിരുന്നുവെന്നും അത് ഷിജിൻ ചേട്ടന് അറിയാമെന്നും കൊമ്പൻ കൂട്ടിച്ചേർത്തു. എന്നാല്‍ താന്‍ അത് അന്ന് പറഞ്ഞത് മൈക്ക് മാറ്റിവെച്ച ശേഷമാണെന്നും കൊമ്പന്‍ നൗഫിനയോട് പറഞ്ഞു.

പിന്നീട് ഗാര്‍ഡന്‍ ഏരിയയിലുള്ള ഒരു ക്യാമറയ്ക്ക് മുന്നിലിരുന്ന് ഗേള്‍ഫ്രണ്ടിനോടായി സംസാരിക്കുന്ന കൊമ്പനെയും പ്രേക്ഷകര്‍ കണ്ടു. 'പാറൂ... ഐശ്വര്യയുമായി എനിക്ക് നല്ല അടുപ്പമുണ്ട് , ഒരു നല്ല സുഹൃത്തായി മാത്രം . എന്നാൽ അവൾ എന്നെ യൂസ് ചെയ്യുകയായിരുന്നു എന്നറിഞ്ഞ നിമിഷം ഞാൻ മാറി നടന്നിട്ടുണ്ട് . എന്റെ ഗെയിം തന്ത്രങ്ങളിൽ നിനക്ക് ഒരുപക്ഷേ ഐശ്വര്യയുമായുള്ള അടുപ്പം അംഗീകരിക്കാൻ ആവില്ലെന്നറിയാം . എന്നാൽ എന്റെ മനസ്സിൽ എന്റെ കാമുകിയായി നീ മാത്രമേയുള്ളു... ഈ ഹൗസിനകത്തേയ്ക്ക് കയറുമ്പോൾ ഞാൻ നിനക്ക് തന്ന ഒരു വാക്കുണ്ട്. ഹൗസിനകത്ത് ഗെയിമിന് വേണ്ടി മാത്രമായിരിക്കും എന്റെ പെർഫോമൻസ് , പുറത്തിറങ്ങുന്ന നിമിഷം ഞാൻ നിന്റെ അപ്പുവായിരിക്കും... എന്റെ ഭാഗത്ത് നിന്നുള്ള എന്തെങ്കിലും പ്രവൃത്തികൾ നിന്നെ വേദനിപ്പിച്ചിട്ടുണ്ടെങ്കിൽ ക്ഷമിക്കണം...നിന്റെ പേര് ഒരു കണ്ടന്റായി വരേണ്ടെന്ന് കരുതിയാണ് ഞാൻ എന്റെ പ്രണയം ഓപ്പണായി പറയാതിരുന്നത് . എന്നാൽ ഷിജിൻ ചേട്ടനോടും ഐശ്വര്യയോടും ഞാൻ ഇക്കാര്യം പറഞ്ഞിട്ടുണ്ട് . ഞാൻ ചെയ്തതോ പറഞ്ഞതോ ആയ എന്തെങ്കിലും കാര്യം നിന്നെ വേദനിപ്പിച്ചിട്ടുണ്ടെങ്കിൽ സോറി ', കൊമ്പന്‍റെ വാക്കുകള്‍.

ബത്ത തമിഴ്‍നാട്ടില്‍ എത്ര നേടി?, കളക്ഷൻ കണക്കുകള്‍

Web Desk — Fri, 16 Oct 2026 12:41:24 +0530

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

അടിനാശം വെള്ളപ്പൊക്കം ഒടിടിയില്‍ എത്തി

Web Desk — Fri, 16 Oct 2026 12:17:36 +0530

അടി കപ്യാരേ കൂട്ടമണി, ഉറിയടി എന്നീ ചിത്രങ്ങൾക്കു ശേഷം എ ജെ വർഗീസ് സംവിധാനം ചെയ്ത അടിനാശം വെള്ളപ്പൊക്കം സിനിമ ഒടിടി സ്‍ട്രീമിംഗ് തുടങ്ങി. സൈന പ്ലേയിലൂടെയാണ് ഒടിടി സ്ട്രീമിംഗ്. ഷൈൻ ടോം ചാക്കോ കേന്ദ്ര കഥാപാത്രമായി എത്തിയ ചിത്രം ഒരു ഫൺ എന്റർടെയ്നറാണ്.

2025 ഡിസംബര്‍ 5നായിരുന്നു ചിത്രത്തിന്‍റെ റിലീസ്. ഫുൾ ഫൺ ത്രില്ലർ ജോണറിലാണ് ഈ ചിത്രത്തിൻ്റെ അവതരണം. സൂര്യഭാരതി ക്രിയേഷൻസിൻ്റെ ബാനറിൽ മനോജ് കുമാർ കെ പിയാണ് ഈ ചിത്രം നിർമ്മിച്ചത്. ആർ ജയചന്ദ്രൻ, എസ് ബി മധു, താര അതിയാടത്ത് എന്നിവരാണ് എക്സിക്യൂട്ടീവ് പ്രൊഡ്യൂസര്‍മാര്‍. ഷൈൻ ടോം ചാക്കോ, ബൈജു സന്തോഷ്, ബാബു ആൻ്റണി, അശോകൻ, മഞ്ജു പിള്ള, തമിഴ് നടൻ ജോൺ വിജയ്, യൂട്യൂബർ ജോൺ വെട്ടിയാർ എന്നിവരും വിനീത് മോഹൻ, സജിത് അമ്പാട്ട്, അരുൺ പ്രിൻസ്, എലിസബത്ത് ടോമി, രാജ് കിരൺ തോമസ്, വിജയകൃഷ്ണൻ എം ബി എന്നീ പുതുമുഖങ്ങളും ഈ ചിത്രത്തിൽ പ്രധാന വേഷങ്ങളിൽ അഭിനയിച്ചിരിക്കുന്നു.

സംവിധായകൻ എ ജെ വർഗീസിൻ്റേതാണ് തിരക്കഥ. മലയാള സിനിമയിൽ ഒരുപിടി മികച്ച ഗാനങ്ങൾ ഒരുക്കിയ സുരേഷ് പീറ്റേഴ്സ് വലിയൊരു ഇടവേളയ്ക്ക് ശേഷം ഈ ചിത്രത്തിൻ്റെ സംഗീതമൊരുക്കുന്നു. ടിറ്റോ പി തങ്കച്ചൻ്റേതാണ് ഗാനങ്ങൾ. ഛായാഗ്രഹണം സൂരജ് എസ് ആനന്ദ്, എഡിറ്റിംഗ് ലിജോ പോൾ, കലാസംവിധാനം ശ്യാം കാർത്തികേയൻ, മേക്കപ്പ് അമൽ കുമാർ കെ സി, കോസ്റ്റ്യൂം ഡിസൈൻ സൂര്യ ശേഖർ, സ്റ്റിൽസ് റിഷാദ്, ചീഫ് അസോസിയേറ്റ് ഡയറക്ടർ ഷഹദ് സി, പ്രൊജക്റ്റ് ഡിസൈൻ സേതു അടൂർ, പ്രൊഡക്ഷൻ എക്സിക്യൂട്ടീവ്സ് പൗലോസ് കുറുമുറ്റം, നജീർ നസീം, നിക്സൺ കുട്ടിക്കാനം, പ്രൊഡക്ഷൻ കൺട്രോളർ മുഹമ്മദ് സനൂപ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

വെറും 5 ആഴ്ചയ്ക്കുള്ളിൽ അര ബില്യൺ വാച്ച് അവേഴ്‌സ്! ചരിത്രത്തിലെ ഏറ്റവും വലിയ ലോഞ്ച് നടത്തി ബിഗ് ബോസ് സൗത്ത്

Web Desk — Fri, 16 Oct 2026 12:10:07 +0530

ജിയോസ്റ്റാറിന്റെ ബിഗ് ബോസ് സൗത്ത് പതിപ്പുകൾ വെറും അഞ്ച് ആഴ്ചയ്ക്കുള്ളിൽ 550 മില്യൺ വാച്ച് അവേഴ്‌സ് പിന്നിട്ടു. തമിഴ്, തെലുങ്ക്, കന്നഡ, മലയാളം എന്നീ നാല് ഭാഷകളിലായി ഫ്രാഞ്ചൈസിയുടെ ചരിത്രത്തിലെ ഏറ്റവും വലിയ ലോഞ്ച് എന്ന നേട്ടവും ഇതിലൂടെ സ്വന്തമാക്കി. ആദ്യമായി നാല് ദക്ഷിണേന്ത്യൻ പതിപ്പുകളും ഒരേ ദിവസം പ്രീമിയർ ചെയ്തതിലൂടെ, ഓരോ വിപണിയുടെയും തനതായ സവിശേഷതകൾ നിലനിർത്തിക്കൊണ്ടുതന്നെ മേഖലയിലാകെ ഒരൊറ്റ വിനോദാനുഭവം സൃഷ്ടിക്കാൻ സാധിച്ചു. ഇതോടെ ഫ്രാഞ്ചൈസിയുടെ ചരിത്രത്തിലെ ഏറ്റവും മികച്ച തുടക്കമാണ് ഈ സീസൺ കുറിച്ചത്. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് മൊത്തം വാച്ച് ടൈമിൽ 20 ശതമാനം വളർച്ചയും രേഖപ്പെടുത്തി.

ഈ സീസണിൽ ബിഗ് ബോസ് സൗത്തിന്റെ 24x7 ലൈവ് ഫീഡിനും മികച്ച പ്രേക്ഷക പ്രതികരണമാണ് ലഭിക്കുന്നത്. ദിവസേനയുള്ള എപ്പിസോഡുകൾക്ക് പുറമെ, ഓരോ 10 പ്രേക്ഷകരിൽ ആറുപേരും 24 മണിക്കൂറും ലഭ്യമായ ലൈവ് ഫീഡും കാണുന്നുണ്ട്. ബിഗ് ബോസ് ഒരു സ്ഥിരമായ വിനോദാനുഭവമായി മാറിയതിന്റെ സൂചനയാണിത്. ഹൗസിനുള്ളിലെ സംഭാഷണങ്ങളും ബന്ധങ്ങളും സംഭവവികാസങ്ങളും അറിയാൻ പ്രേക്ഷകർ ദിവസം മുഴുവൻ പരിപാടിയുമായി ബന്ധപ്പെട്ടുനിൽക്കുന്നു.

ജിയോസ്റ്റാർ സൗത്ത് ക്ലസ്റ്റർ എന്റർടെയ്ൻമെന്റ് ബിസിനസ് മേധാവി കൃഷ്ണൻ കുട്ടി പറയുന്നു- “ഓരോ സീസൺ കഴിയുന്തോറും ബിഗ് ബോസ് പ്രതിഭാസം കൂടുതൽ വലുതായിക്കൊണ്ടിരിക്കുകയാണ്. വെറും അഞ്ച് ആഴ്ചയ്ക്കുള്ളിൽ അര ബില്യൺ വാച്ച് അവേഴ്‌സ് പിന്നിട്ടത് സുപ്രധാനമായ ഒരു നാഴികക്കല്ലാണ്. എന്നാൽ, ഈ നേട്ടത്തിന് പിന്നിലെ കാര്യങ്ങളാണ് കൂടുതൽ പ്രോത്സാഹനം നൽകുന്നത്. ഓരോ സീസണിലും പ്രേക്ഷകർ ഫ്രാഞ്ചൈസിക്കൊപ്പം കൂടുതൽ സമയം ചെലവഴിക്കുന്നു; അത് ദിവസേനയുള്ള എപ്പിസോഡുകളിലൂടെയായാലും 24x7 ലൈവ് ഫീഡിലൂടെയായാലും. നാല് ദക്ഷിണേന്ത്യൻ വിപണികളിലും ഒരേ സമയം ലോഞ്ച് ചെയ്തതിലൂടെ ഒരൊറ്റ വിനോദാനുഭവം സൃഷ്ടിക്കാൻ സാധിച്ചു. അതേസമയം, കണക്റ്റഡ് ടിവിയിലൂടെയുള്ള കാഴ്ചയുടെ വളർച്ച പ്രേക്ഷകരുടെ കാഴ്ചാശീലങ്ങളിൽ വന്നുകൊണ്ടിരിക്കുന്ന മാറ്റങ്ങളെയാണ് സൂചിപ്പിക്കുന്നത്. ഈ പ്രവണതകളെല്ലാം ബിഗ് ബോസ് ഫ്രാഞ്ചൈസിയുടെ ദീർഘകാല വളർച്ചയിൽ ഞങ്ങൾക്ക് വലിയ ആത്മവിശ്വാസം നൽകുന്നു.”

പ്രേക്ഷക സ്വീകാര്യതയ്ക്കൊപ്പം പരസ്യദാതാക്കളുടെ ശക്തമായ പിന്തുണയും ഈ മുന്നേറ്റത്തിന് കരുത്തേകുന്നു. നാല് ദക്ഷിണേന്ത്യൻ പതിപ്പുകളിലുമായി 75-ലധികം ബ്രാൻഡുകൾ പങ്കാളികളായിട്ടുണ്ട്. ആകെ 120-ലധികം സ്പോൺസർഷിപ്പുകളാണ് ലഭിച്ചത്. പങ്കാളികളായ ബ്രാൻഡുകളിൽ പകുതിയിലധികവും ആദ്യമായി പരസ്യം ചെയ്യുന്നവരാണ് എന്നത് ശ്രദ്ധേയമാണ്. മൊത്തം പരസ്യച്ചെലവിന്റെ ഏകദേശം 30 ശതമാനം പ്രാദേശിക പരസ്യദാതാക്കളിൽ നിന്നാണ് ലഭിക്കുന്നത്. ദേശീയ, പ്രാദേശിക ബ്രാൻഡുകളെ ഒരുപോലെ ആകർഷിക്കാനുള്ള ഫ്രാഞ്ചൈസിയുടെ കഴിവാണ് ഇത് വ്യക്തമാക്കുന്നത്.

പ്രധാന സീസൺ ആരംഭിക്കുന്നതിന് മുന്‍പ് തന്നെ, നാല് ദക്ഷിണേന്ത്യൻ വിപണികളിലുമായി ആദ്യമായി സംയോജിത ഡിജിറ്റൽ പ്രീ-ഷോയായ ബിഗ് ബോസ് അഗ്നിപരീക്ഷയിലൂടെ പ്രേക്ഷക പങ്കാളിത്തത്തിന് തുടക്കമിട്ടിരുന്നു. തെലുങ്കിൽ അഗ്നിപരീക്ഷ, കന്നഡയിൽ അഗ്നിപരിക്ഷെ, മലയാളത്തിൽ അഗ്നിപരീക്ഷ, തമിഴിൽ ദ കോമൺ മാൻ എന്നീ പേരുകളിൽ അവതരിപ്പിച്ച ഈ സംരംഭം, ബിഗ് ബോസ് ഹൗസിലേക്ക് പ്രവേശനം നേടുന്നതിനായി മത്സരിക്കാൻ ആഗ്രഹിക്കുന്നവർക്ക് അവസരം നൽകി. ഇതിലൂടെ പ്രേക്ഷക പങ്കാളിത്തം വർധിപ്പിക്കാനും പ്രധാന സീസണിന് മുന്നോടിയായി ആകാംക്ഷ സൃഷ്ടിക്കാനും സാധിച്ചു.

വിജയ് സേതുപതി, നാഗാർജുന, കിച്ച സുദീപ്, മോഹൻലാൽ എന്നിവർ യഥാക്രമം അവതാരകരാകുന്ന ബിഗ് ബോസ് തമിഴ്, ബിഗ് ബോസ് തെലുങ്ക്, ബിഗ് ബോസ് കന്നഡ, ബിഗ് ബോസ് മലയാളം പതിപ്പുകൾ സ്റ്റാർ വിജയ്, സ്റ്റാർ മാ, കളേഴ്സ് കന്നഡ, ഏഷ്യാനെറ്റ് എന്നീ ചാനലുകളിൽ ദിവസേന സംപ്രേഷണം ചെയ്യുന്നു. എപ്പിസോഡുകളും 24x7 ലൈവ് ഫീഡും ജിയോഹോട്ട്സ്റ്റാറിൽ സ്ട്രീം ചെയ്യുന്നു.

കുതിപ്പുമായി ഹിന്ദി ദൃശ്യം 3, കളക്ഷൻ കണക്കുകള്‍

Web Desk — Fri, 16 Oct 2026 11:49:19 +0530

ബോളിവുഡ് സിനിമാസ്വാദകർ ഒന്നടങ്കം കാത്തിരുന്ന സിനിമയാണ് ദൃശ്യം 3(ദൃശ്യം ദ കൺക്ലൂഷൻ). മോഹന്‍ലാല്‍ നായകനായ മലയാളം ദൃശ്യം 3യുടെ റിലീസ് കഴിഞ്ഞ് നാലാം മാസങ്ങൾക്കിപ്പുറം റിലീസ് ചെയ്ത ഹിന്ദി പതിപ്പ് പ്രേക്ഷകരെ നിരാശരാക്കിയില്ലെന്നാണ് പ്രേക്ഷക പ്രതികരണങ്ങളിൽ നിന്നും വ്യക്തമാകുന്നത്. അഭിനയത്തിലും മേക്കിങ്ങിലും പുതുമ സൃഷ്ടിച്ച് കൊണ്ടാണ് ചിത്രം എത്തിയിരിക്കുന്നതെന്ന് പ്രേക്ഷകർ പറയുന്നു. ഏറ്റവും മികച്ച രീതിയിലുള്ള എൻഡിംഗ് ആണ് സിനിമയ്ക്ക് നൽകിരിയിരിക്കുന്നതെന്നും ഇവർ പറയുന്നു. ദൃശ്യം 3 ആഗോളതലത്തില്‍ 515 കോടി രൂപയാണ് നേടിയിരിക്കുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

വിജയ് ദേവെരകൊണ്ടയുടെ രണബലി തിയറ്ററുകളില്‍

Web Desk — Fri, 16 Oct 2026 11:21:57 +0530

ഇന്ത്യൻ ചരിത്രത്തെയും സംസ്കാരത്തെയും സ്വാധീനിച്ച മുൻതലമുറകളുടെ വീരഗാഥ പ്രമേയമാക്കുന്ന, വിജയ് ദേവരകൊണ്ട- രശ്‍മിക മന്ദാന ചിത്രം രണബാലി ഇന്ന് മുതല്‍. രണ്ട് ദിവസം മുൻപ് ആരംഭിച്ച ചിത്രത്തിന്റെ ബുക്കിങ്ങിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. 89000 അഡ്വാൻസ് ടിക്കറ്റുകളാണ് ഇതുവരെ വിറ്റഴിച്ചിരിക്കുന്നത്.

ക്രിസ്റ്റഫര്‍ നോളന്‍ ചിത്രം 'ദി ഒഡീസി'യുടെ ഒടിടി റിലീസ് തീയതി പുറത്ത്

Web Desk — Fri, 16 Oct 2026 10:31:56 +0530

ആഗോള ബോക്സ് ഓഫീസില്‍ ഈ വര്‍ഷം ഏറ്റവും വലിയ വിജയം നേടിയ ചിത്രങ്ങളില്‍ ഒന്നാണ് വിഖ്യാത സംവിധായകന്‍ ക്രിസ്റ്റഫര്‍ നോളന്‍റെ ദി ഒഡീസി. ഗ്രീക്ക് ഇതിഹാസകൃതിയെ ആധാരമാക്കി നോളന്‍ ഒരുക്കിയ ചിത്രം ലോകമെങ്ങുമുള്ള സിനിമാപ്രേമികള്‍ നെഞ്ചേറ്റി. ജൂലൈ 17 ന് തിയറ്ററുകളിലെത്തിയ ചിത്രം ആഗോള ബോക്സ് ഓഫീസില്‍ ഇതിനകം നേടിയത് 1.78 ബില്യണ്‍ ഡോളര്‍ ആണെന്നാണ് റിപ്പോര്‍ട്ട്. ഇപ്പോഴിതാ സിനിമാപ്രേമികള്‍ ആഴ്ചകളായി കാത്തിരുന്ന ഒന്നിന്‍റെ പ്രഖ്യാപനം എത്തിയിരിക്കുകയാണ്. ചിത്രത്തിന്‍റെ ഡിജിറ്റല്‍ റിലീസ് സംബന്ധിച്ചാണ് അത്.

പ്രൈം വീഡിയോ, ആപ്പിള്‍ ടിവി അടക്കമുള്ള പ്ലാറ്റ്ഫോമുകളില്‍ റെന്‍റിനും പര്‍ച്ചേസിനും ആയിരിക്കും ചിത്രം ആദ്യം എത്തുക. നവംബര്‍ 17 മുതല്‍ ഇത് ആരംഭിക്കും. റെന്‍റ്, പര്‍ച്ചേസ് സമയം കഴിഞ്ഞിട്ടായിരിക്കും അതത് പ്ലാറ്റ്ഫോമുകളുടെ സബ്സ്ക്രൈബര്‍മാര്‍ക്കായുള്ള സ്ട്രീമിംഗ്. ജൂലൈ 17 ന് തിയറ്ററുകളിലെത്തിയ ചിത്രമാണ് ഇത്. നിര്‍മ്മാതാക്കളായ യൂണിവേഴ്സല്‍ പിക്ചേഴ്സുമായി മിനിമം 120 ദിവസത്തെ ഒടിടി വിന്‍ഡോയാണ് നോളന്‍ നേടിയെടുത്തിരിക്കുന്നത്. തന്‍റെ സിനിമയുടെ ബിഗ് സ്ക്രീന്‍ എക്സ്പീരിയന്‍സിന് ഏറെ പ്രാധാന്യം കൊടുക്കുന്ന സംവിധായകനാണ് അദ്ദേഹം. ഒടിടിയില്‍ എത്തുന്നത് വരെയും ചിത്രം തിയറ്ററുകളില്‍ തുടരും. ഇന്ത്യന്‍ സിനിമകളെ അപേക്ഷിച്ച് ഹോളിവുഡ് സിനിമകള്‍ക്ക് ഒടിടി വിന്‍ഡോ കൂടുതലാണെങ്കിലും 120 ദിവസമൊക്കെ കിട്ടിയ ചിത്രങ്ങള്‍ കൊവിഡ് കാലത്തിന് ശേഷം അപൂര്‍വ്വമാണ്.

ഹോമര്‍ എഴുതിയ ഗ്രീക്ക് ഇതിഹാസ കാവ്യം ഒഡീസ്സിക്കുള്ള ക്രിസ്റ്റഫര്‍ നോളന്‍റെ ട്രിബ്യൂട്ട് ആണ് ഈ ചിത്രം. ഐമാക്സ് ക്യാമറകളില്‍ പൂര്‍ണ്ണമായും ചിത്രീകരിച്ച ആദ്യ ഫീച്ചര്‍ ചിത്രവുമാണ് ഇത്. മാറ്റ് ഡാമണ്‍ ആണ് ഒഡീസിയസ് ആയി സ്ക്രീനില്‍ എത്തിയത്. അദ്ദേഹത്തിന്‍റെ പ്രകടനവും ചിത്രത്തിലെ മറ്റ് കാസ്റ്റിംഗും ഫാന്‍റസി എലമെന്‍റുകളുടെ ചിത്രീകരണവും ബിഗ് സ്ക്രീന്‍ എക്സ്പീരിയന്‍സുമൊക്കെ പ്രേക്ഷകര്‍ കൈയടികളോടെയാണ് സ്വീകരിച്ചത്. ആദ്യ വാരാന്ത്യത്തിലെ കളക്ഷന്‍ കൊണ്ട് മാത്രം ചിത്രത്തിന്‍റെ ബജറ്റ് റിക്കവറി നടന്നു എന്നതാണ് അത്ഭുതകരം! 250 മില്യണ്‍ ഡോളര്‍ (2411 കോടി രൂപ) ആണ് ചിത്രത്തിന്‍റെ ബജറ്റ് എന്നായിരുന്നു റിപ്പോര്‍ട്ടുകള്‍. റിലീസ് വാരാന്ത്യത്തില്‍ നിന്ന് മാത്രം ആഗോള ബോക്സ് ഓഫീസില്‍ നിന്ന് ചിത്രം നേടിയത് 264 മില്യണ്‍ ഡോളര്‍ ആണെന്നാണ് നിര്‍മ്മാതാക്കളായ യൂണിവേഴ്സല്‍ പിക്ചേഴ്സ് അറിയിച്ചിരിക്കുന്നത്. അതായത് 2546 കോടി രൂപ!

ആഗോള പ്രേക്ഷകര്‍ക്ക് മുന്നിലേക്ക് 'രാമായണ'; ഇംഗ്ലീഷ് ട്രെയ്‍ലറിനും മികച്ച പ്രതികരണം

Web Desk — Fri, 16 Oct 2026 09:13:55 +0530

ഇന്ത്യന്‍ സിനിമയില്‍ ഇതിനകം വന്‍ കാത്തിരിപ്പ് ഉയര്‍ത്തിയിരിക്കുന്ന ചിത്രമാണ് നിതേഷ് തിവാരി സംവിധാനം ചെയ്യുന്ന രാമായണ. രണ്ട് ഭാഗങ്ങളായി തയ്യാറാക്കുന്ന ചിത്രത്തിന്‍റെ ആദ്യ ഭാഗം നവംബര്‍ 5 നാണ് തിയറ്ററുകളില്‍ എത്തുന്നത്. രണ്ട് മാസം മുന്‍പ് പുറത്തെത്തിയ ചിത്രത്തിന്‍റെ ട്രെയ്‍ലര്‍ സിനിമാപ്രേമികള്‍ക്കിടയില്‍ വലിയ തരംഗമാണ് സൃഷ്ടിച്ചത്. വമ്പന്‍ ബജറ്റില്‍ ഒരുങ്ങുന്ന ചിത്രം ശരിക്കും ലക്ഷ്യമാക്കുന്നത് ഇന്ത്യന്‍ പ്രേക്ഷകരെ മാത്രമല്ല. ആഗോള പ്രേക്ഷകരിലേക്ക് എത്തണമെന്നുള്ള ആഗ്രഹവും ഈ പ്രോജക്റ്റിന് പിന്നിലുണ്ട്. അന്തര്‍ദേശീയ പ്രേക്ഷകരെ ലക്ഷ്യമിട്ടുള്ള ഒരു ട്രെയ്‍ലര്‍ ചിത്രത്തിന്‍റേതായി ഇന്നലെ പുറത്തെത്തിയിട്ടുണ്ട്. ഇംഗ്ലീഷിലുള്ള ഈ ട്രെയ്‍ലറിനും മികച്ച പ്രതികരണമാണ് ലഭിക്കുന്നത്.

സോണി പിക്ചേഴ്സ് എന്‍റര്‍ടെയ്ന്‍‍മെന്‍റിന്‍റെ യുട്യൂബ് ചാനലിലൂടെ പുറത്തുവിട്ട ട്രെയ്‍ലറിന് ഇതിനകം ലഭിച്ചിരിക്കുന്നത് 58 ലക്ഷത്തിലധികം കാഴ്ചകള്‍ ആണ്. പതിനായിരത്തിലധികം കമന്‍റുകളും ഈ ട്രെയ്‍ലറിന് ലഭിച്ചിട്ടുണ്ട്. യുട്യൂബിന്‍റെ ട്രെന്‍ഡിംഗ് ലിസ്റ്റിലും ട്രെയ്‍ലര്‍ ഇടം പിടിച്ചിട്ടുണ്ട്. ഭൂരിഭാഗവും മികച്ച പ്രതികരണങ്ങളാണ് ഇതിന് ലഭിച്ചുകൊണ്ടിരിക്കുന്നത്. നേരത്തെ എത്തിയ ഹിന്ദി ട്രെയ്‍ലറിനേക്കാള്‍ ദൈര്‍ഘ്യം കുറഞ്ഞ ട്രെയ്ലറാണ് ഇംഗ്ലീഷില്‍ പുറത്തു വിട്ടിരിക്കുന്നത്. ഹിന്ദി ട്രെയ്‍ലറിന് 4 മിനിറ്റില്‍ അധികം ദൈര്‍ഘ്യം ഉണ്ടായിരുന്നെങ്കില്‍ ഇംഗ്ലീഷ് ട്രെയ്‍ലറിന് 2.36 മിനിറ്റ് ആണ് ദൈര്‍ഘ്യം. രണ്ടും തമ്മില്‍ സീനുകളിലും അവതരണത്തിലും വ്യത്യാസങ്ങളുണ്ട്. അതേസമയം ചിത്രം കാണാന്‍ ആഗോള പ്രേക്ഷകരിലും താല്‍പര്യം സൃഷ്ടിക്കുന്നുണ്ട് പുതിയ ട്രെയ്‍ലര്‍.

നമിത് മൽഹോത്രയുടെ പ്രൈം ഫോക്കസ് സ്റ്റുഡിയോസും എട്ട് തവണ ഓസ്കർ പുരസ്കാരം നേടിയ പ്രമുഖ വിഷ്വൽ ഇഫക്റ്റ്സ് സ്റ്റുഡിയോയായ ഡിഎൻഇജിയും യഷിന്‍റെ മോൺസ്റ്റർ മൈൻഡ് ക്രിയേഷൻസും സംയുക്തമായി നിർമ്മിക്കുന്ന ചിത്രമാണിത്. സോണി പിക്ചേഴ്സ് ആണ് ചിത്രത്തിന്‍റെ അന്താരാഷ്ട്ര വിതരണം ഏറ്റെടുത്തിരിക്കുന്നത്. ഉത്തരേന്ത്യയിൽ ധർമ്മ പ്രൊഡക്ഷൻസാണ് ചിത്രം തിയറ്ററുകളിലെത്തിക്കുന്നത്. ഇന്ത്യൻ സിനിമ കണ്ട ഏറ്റവും വലിയ താരനിരയാണ് ഈ ഇതിഹാസ സിനിമയ്ക്കായി അണിനിരക്കുന്നത്. ഇന്ത്യയിലും അതിരുകൾക്കപ്പുറത്തും തലമുറകളായി ആരാധിക്കപ്പെടുന്ന ധർമ്മബോധത്തിന്‍റെ പ്രതീകമായ ശ്രീരാമനെ രൺബീർ കപൂറാണ് അവതരിപ്പിക്കുന്നത്. സീതാദേവിയായി സായ് പല്ലവി എത്തുമ്പോൾ ലാളിത്യവും കരുത്തും അനുകമ്പയും ആ കഥാപാത്രത്തിന് അവർ പകർന്നു നൽകുന്നു. പ്രൈം ഫോക്കസ് സ്റ്റുഡിയോസിനൊപ്പം തന്‍റെ മോൺസ്റ്റർ മൈൻഡ് ക്രിയേഷൻസിലൂടെ ഈ ചിത്രം നിർമ്മിക്കുന്ന പാൻ-ഇന്ത്യൻ സൂപ്പർ താരം 'റോക്കിംഗ് സ്റ്റാർ' യഷ്, ലോകസിനിമ കണ്ട ഏറ്റവും ശക്തനും അജയ്യനുമായ പ്രതിനായകന്മാരിൽ ഒരാളായ രാവണനായി ചിത്രത്തിൽ എത്തുന്നു.

റെക്കോര്‍ഡുകള്‍ കടപുഴകിയോ?, ജയിലര്‍ 2വിന്റെ കളക്ഷൻ ഞെട്ടിക്കുന്നത്, റിലീസ് ദിവസം രജനികാന്ത് ചിത്രം നേടിയത്

Web Desk — Fri, 16 Oct 2026 08:58:37 +0530

രജനികാന്തിനെ നായകനാക്കി നെൽസൺ സംവിധാനം ചെയ്യുന്ന ‘ജയിലർ 2’ ഒക്ടോബര്‍ 15ന് തിയറ്ററുകളില്‍ എത്തി. കേരളത്തിൽ 800 സ്ക്രീനുകളിൽ ഓൾ ടൈം റെക്കോർഡ് റിലീസായി ആണ് ചിത്രം എത്തിയത്. 4000 ഷോകളാണ് ചിത്രം ആദ്യ ദിനം കേരളത്തിൽ പ്രദര്‍ശിപ്പിച്ചത്. സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിക്കുന്ന ചിത്രം കേരളത്തിൽ ശ്രീ ഗോകുലം ഗോപാലൻ്റെ ശ്രീ ഗോകുലം മൂവീസാണ് വിതരണം ചെയ്യുന്നത്. ആഗോള ബോക്സ് ഓഫീസില്‍ 125.25 കോടി രൂപയാണ് ഓപ്പണിംഗില്‍ ജയിലര്‍ 2 നേടിയത് എന്ന് സാക്നില്‍ക്ക് റിപ്പോര്‍ട്ട് ചെയ്യുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

Asianet News Malayalam

'ഇതിന്നോ ആദാമേ..' ചെമ്പൻ വിനോദിന്റെ തകർപ്പൻ പെർഫോർമൻസുമായി 'ഡിസ്കോ'യിലെ ആദ്യ ഗാനം പുറത്തിറങ്ങി

ജേസൺ സഞ്ജയ് ചിത്രം 'സിഗ്മ' ഒടിടി റിലീസിനൊരുങ്ങുന്നു; എവിടെ കാണാം?

കാർത്തിക് സുബ്ബരാജ് ചിത്രം 'ദൊറോത്തി' ഒടിടിയിലേക്ക്

ടോ‍ർച്ച് തെളിച്ച് ദിലീഷ് പോത്തൻ; ഭാവന റിലീസിലൂടെ 'ഭൗമ' തിയേറ്ററുകളിലേക്ക്

സജിൻ ഗോപു- നിഖില വിമൽ ചിത്രം ധൂമകേതു ഒടിടി സ്ട്രീമിംഗ് ആരംഭിക്കുന്നു; എവിടെ കാണാം ?

അനൂപ് മേനോന്റെ 'ഈ തനിനിറ'ത്തിന്റെ വീഡിയോ ജൂക്ക്ബോക്സ് പുറത്തുവിട്ടു

ഡെയ്ഞ്ചറസ് ഡാനി; 'ബാച്ച്‌ലർ പാർട്ടി Deux'ലെ സൗബിൻ്റെ ക്യാരക്ടർ പോസ്റ്റർ എത്തി

കീർത്തി സുരേഷ്-രാധിക ആപ്തെ കോമ്പോ; നെറ്റ്ഫ്ലിക്സ് സീരീസ് ‘Akka’ ടീസർ പുറത്ത്

വിജയ് സേതുപതി ചിത്രം 'ബത്ത'യുടെ ഒടിടി അവകാശം ആർക്ക്?; എപ്പോൾ മുതൽ കാണാം?

സിദ്ദിഖ് ചിത്രം ‘ക്രൈം 302’ന്റെ ട്രെയിലർ റിലീസ് ചെയ്തു

രജനികാന്ത്- നെൽസൺ ചിത്രം 'ജയിലർ 2' ഒടിടി അവകാശം ആർക്ക്?

ജയസൂര്യ - വിനായകൻ ചിത്രം ‘ടൈറ്റൻസി’ന്റെ ജൂക്ക്ബോക്സ് പുറത്ത്

എല്ലാവർക്കും നന്ദി; 'ജയിലർ 2' റിലീസിന് പിന്നാലെ പ്രേക്ഷകരോട് കോട്ടയം നസീർ

‘കപ്പലു പാറ്’ എന്ന് വെറുതെ മൂളി; വെറും 10 മിനിറ്റിൽ പിറന്നത് രജനിയുടെ എക്കാലത്തെയും ഹിറ്റ് പാട്ട്! ദേവയുടെ ആ കഥ

ആദ്യം ബോണി എം പരീക്ഷണം

പത്ത് മിനിറ്റിൽ പിറന്ന വരികൾ

പാട്ടിനൊപ്പം രജനീകാന്ത് മാജിക്കും

ചെന്നൈ തെരുവുകളിൽനിന്ന് സിനിമയുടെ ഹൃദയത്തിലേക്ക്

ഓർമയിൽ ദേവ

കാർത്തിക് സുബ്ബരാജ് ചിത്രം 'ഡൊറോത്തി'യിലെ കല്യാണ വിരുന്ത് വീഡിയോ ഗാനമെത്തി; സംഗീതം ഇളയരാജ

'ഇതിൽ നിന്നും എന്ത് സുഖമാണ് കിട്ടുന്നത്? ദയവായി തെറ്റിദ്ധരിപ്പിക്കാതിരിക്കുക'; പ്രതികരിച്ച് ഡിവൈൻ

യുവസംവിധായകൻ ബെൽരാജ് കളരിക്കൽ അന്തരിച്ചു; വിയോഗം ആദ്യ വെബ് സീരീസ് 'കാപ്പി സ്‌ക്വാഡ്' റിലീസായതിന് പിന്നാലെ

പ്രശസ്‍ത സംഗീത സംവിധായകന്‍ ദേവ അന്തരിച്ചു

ബത്ത ആകെ എത്ര നേടി?, കളക്ഷൻ കണക്കുകള്‍

ദുൽഖർ സൽമാൻ- പവൻ സാദിനേനി ചിത്രം ‘ആകാശംലോ ഒക താര’ ടീസർ പുറത്ത്; റിലീസ് നവംബർ 20ന്

വാ വിട്ട വാക്ക്; ബിഗ് ബോസില്‍ ആസിഫിനെ പ്രതിസന്ധിയിലാക്കി കൊമ്പനും ഷിജിനും

ആ മാന്ത്രിക സംഖ്യയും കടന്നു, കളക്ഷനില്‍ കുതിപ്പുമായി രജനികാന്തിന്റെ ജയിലര്‍ 2

വൻ കുതിപ്പുമായി ദൃശ്യം 3, കളക്ഷൻ കണക്കുകള്‍

മമ്മൂട്ടിയുടെ മരണക്കിണര്‍ അഭ്യാസം; 'മേള'യുടെ ചിത്രീകരണം കോട്ടയത്ത് പുരോഗമിക്കുന്നു

സംഗീത സംവിധായകൻ അനിരുദ്ധ് രവിചന്ദറും കാവ്യ മാരനും വിവാഹിതരാകുന്നു; സ്ഥിരീകരിച്ച് തെലങ്കാന മുഖ്യമന്ത്രി

രചനയും സംവിധാനവും അജിത് പൂജപ്പുര; 'സിദ്ധു' ട്രെയ്‍ലര്‍ എത്തി

വിജയ് ദേവരകൊണ്ടയുടെ രണബാലി, ഓപ്പണിംഗ് കളക്ഷൻ റിപ്പോര്‍ട്ട്

'ഞാൻ അവനെ ബ്ലോക്ക് ആക്കിയിരിക്കുകയാണ്, നേരിട്ട് സംസാരിച്ചാൽ പ്രശ്നം മാറുമായിരിക്കും'; തുറന്നുപറഞ്ഞ് രേണു സുധി

പുതിയ ആഴ്ചയിൽ ബി​ഗ് ബോസ് ഹൗസിലെ ലീഡറായി മൃദുല

ശ്രീനാഥ് ഭാസി ചിത്രം 'ഒറിജിനലി'ന് യു/എ സർട്ടിഫിക്കറ്റ്

ജയസൂര്യ - ജിതിൻ കെ ജോസ് ചിത്രം 'മായൻ' ഫസ്റ്റ് ലുക്ക് പുറത്ത്

ജയസൂര്യ- വിനായകൻ ചിത്രം ടൈറ്റൻസിന് യു/എ സർട്ടിഫിക്കറ്റ്

'സോണി'യായി നസ്ലെൻ; 'ബാച്ച്‌ലർ പാർട്ടി Deux'ലെ ക്യാരക്ടർ പോസ്റ്റർ പുറത്ത്

അയ്യയ്യോ.. അമ്മാടി..; ജേസണ്‍ സഞ്‍ജയ്‍യുടെ 'സിഗ്മ' വീഡിയോ ​ഗാനം എത്തിc

മൂക്കുത്തി അമ്മന്‍ 2- 'മഹാശക്തി' നവംബർ 6ന് തിയറ്ററുകളിൽ

'വാരണാസി ടീമിന്‍റെ സ്വന്തം കുംഭയ്ക്ക്'; പൃഥ്വിരാരാജിന് ജന്മദിനാശംസകൾ നേർന്ന് രാജമൗലി

നന്മ മരം കളി ഹൗസിൽ വേണ്ട!, ബിഗ് ബോസ്സില്‍ രാഹുലും ഷിജിനും നേർക്കുനേർ

ക്രാഫ്റ്റ്സ് വില്ലേജ് കലാകാരന്മാർക്ക് ദേശീയതലത്തിൽ അഭിമാനനേട്ടം; രണ്ട് പുരസ്കാരങ്ങൾ

പെയിന്‍റ് അടിച്ച് ലീഡര്‍ ആവാം; രസകരമായ ലീഡര്‍ഷിപ്പ് ടാസ്‍കുമായി ബിഗ് ബോസ്

അൻപില്‍ അവൻ തമിഴ്‍നാട്ടില്‍ നേടിയത് എത്ര?, കണക്കുകള്‍ പുറത്ത്

നൗഫിനയുടെ ഓര്‍മ്മപ്പെടുത്തല്‍; ഗേള്‍ഫ്രണ്ടിനോട് ക്ഷമ ചോദിച്ച് ബിഗ് ബോസില്‍ കടല്‍ കൊമ്പന്‍

ബത്ത തമിഴ്‍നാട്ടില്‍ എത്ര നേടി?, കളക്ഷൻ കണക്കുകള്‍

അടിനാശം വെള്ളപ്പൊക്കം ഒടിടിയില്‍ എത്തി

വെറും 5 ആഴ്ചയ്ക്കുള്ളിൽ അര ബില്യൺ വാച്ച് അവേഴ്‌സ്! ചരിത്രത്തിലെ ഏറ്റവും വലിയ ലോഞ്ച് നടത്തി ബിഗ് ബോസ് സൗത്ത്

കുതിപ്പുമായി ഹിന്ദി ദൃശ്യം 3, കളക്ഷൻ കണക്കുകള്‍

വിജയ് ദേവെരകൊണ്ടയുടെ രണബലി തിയറ്ററുകളില്‍

ക്രിസ്റ്റഫര്‍ നോളന്‍ ചിത്രം 'ദി ഒഡീസി'യുടെ ഒടിടി റിലീസ് തീയതി പുറത്ത്

ആ​ഗോള പ്രേക്ഷകര്‍ക്ക് മുന്നിലേക്ക് 'രാമായണ'; ഇംഗ്ലീഷ് ട്രെയ്‍ലറിനും മികച്ച പ്രതികരണം

റെക്കോര്‍ഡുകള്‍ കടപുഴകിയോ?, ജയിലര്‍ 2വിന്റെ കളക്ഷൻ ഞെട്ടിക്കുന്നത്, റിലീസ് ദിവസം രജനികാന്ത് ചിത്രം നേടിയത്

പുതിയ ആഴ്ചയിൽ ബിഗ് ബോസ് ഹൗസിലെ ലീഡറായി മൃദുല

അയ്യയ്യോ.. അമ്മാടി..; ജേസണ്‍ സഞ്‍ജയ്‍യുടെ 'സിഗ്മ' വീഡിയോ ഗാനം എത്തിc

ആഗോള പ്രേക്ഷകര്‍ക്ക് മുന്നിലേക്ക് 'രാമായണ'; ഇംഗ്ലീഷ് ട്രെയ്‍ലറിനും മികച്ച പ്രതികരണം