Asianet News Malayalam

ബിഗ് ബോസിന് ശേഷം ഡിപ്രഷനിലായി എന്ന് അനുമോൾ

Nithya G Robinson — Sat, 08 Aug 2026 16:52:53 +0530

ടെലിവിഷൻ ഷോകളിലൂടെ മലയാളികൾക്ക് സുപരിചിതയായ താരമാണ് അനുമോഴൾ. പിന്നീട് ബിഗ് ബോസ് മലയാളം സീസൺ 7ൽ മത്സരാർത്ഥിയായി എത്തിയ അനു, നിരവധി പ്രതിസന്ധികൾ തരണം ചെയ്ത് സീസൺ വിന്നറായാണ് പുറത്തിറങ്ങിയത്. ഷോയ്ക്ക് ശേഷം വന്ന നെഗറ്റീവ് കമന്റുകൾ കാരണം ഡിപ്രഷനിലേക്ക് പോയെന്ന് പറയുകയാണ് അനുമോൾ ഇപ്പോൾ. പ്രോഗ്രാമും മറ്റുമായി മുന്നോട്ട് പോയത് കൊണ്ട് അധികമാർക്കും ഇക്കാര്യം അറിയില്ലെന്നും അനു പറയുന്നു.

"100 ദിവസം ബിഗ് ബോസിൽ എങ്ങനെ അതിജീവിച്ചു എന്നത് എനിക്ക് മാത്രമെ അറിയൂ. ഷോയിൽ നിന്നിറങ്ങി കുറച്ചു നാൾ ഞാൻ ഡിപ്രഷനിലൂടെയാണ് കടന്നു പോയത്. കരയാൻ വേണ്ടി കരയുന്നതല്ല. അത്രയും സഹിക്കാൻ പറ്റാത്ത കാര്യങ്ങളാണ് അവിടെ നടന്നത്. ഇനി വരുന്ന സീസണിൽ എന്റെ അവസ്ഥ ആർക്കും ഉണ്ടാവരുതേ എന്നാണ് ആഗ്രഹം", എന്ന് അനുമോൾ പറയുന്നു. ലക്ഷ്മി നക്ഷത്രയുമായുള്ള അഭിമുഖത്തിൽ ആയിരുന്നു അനുവിന്റെ പ്രതികരണം.

"വിന്നറായിട്ടും അത് അംഗീകരിക്കാത്ത കുറേ ആളുകൾ ഉണ്ട്. ഇപ്പഴും എനിക്ക് എതിരെ നെഗറ്റീവ് കമൻസ് ഇടുന്നവരുണ്ട്. അനുമോൾ വിന്നറാവാൻ പാടില്ലായിരുന്നു അതിനുള്ള യോഗ്യത ഇല്ലെന്ന് പറയും. അതവരുടെ കാഴ്ചപ്പാടല്ലേ വേറെ ആരുടെ എങ്കിലും ആരാധകരായിരിക്കും എന്ന് കരുതും. പക്ഷേ അതൊന്നും അല്ല എന്നെ വേദനിപ്പിച്ചത്. ഈ പ്രോഗ്രാം പോലും കണ്ടിട്ടില്ലാത്ത ആൾക്കാര് വന്ന് ഭയങ്കര മോശമായിട്ട് കമന്റിടും. കൂടുതലും ഫേസ്ബുക്ക് അമ്മാവന്മാരുടെ കമന്റുകളാണ്. ഭയങ്കര മോശമായിട്ടുള്ള കമന്റുകൾ. പറയാൻ പോലും പറ്റില്ല. ഇതൊക്കെ ഇട്ടിട്ട് എന്ത് മനസുഖമാണ് കിട്ടുന്നത്. അയാൾക്ക് എന്നെ വ്യക്തിപരമായി അറിയില്ല. ജീവിതത്തിൽ ഒരിക്കലും രക്ഷപ്പെടാത്ത, വീട്ടിൽ ചൊറിയും കുത്തിയിരിക്കുന്ന ആളുകളാണ് കമന്റിടുന്നത്. അതിൽ അവർക്കൊരു മനസുഖം", എന്നും അനുമോൾ പറയുന്നു.

"നിങ്ങളുടെ നെഗറ്റീവ് കമന്റ് കാണുമ്പോൾ എനിക്ക് പ്രചോദനം ആണ്. എയർ പോർട്ടിൽ എത്തിയപ്പോൾ എന്റെ നമ്പർ ലീക്കായിരുന്നു. അത് നല്ലതായി. എത്രത്തോളും പ്രേക്ഷക പിന്തുണ ഉണ്ടെന്ന് എനിക്ക് അപ്പോഴാണ് മനസിലായത്. ഒരുദിവസം പത്ത് അഞ്ഞൂറ് കോളുകൾ വരും. എന്നെ സ്നേഹിക്കുന്ന കുറേ പേരുള്ളപ്പോൾ ഈ നെഗറ്റീവ് കമന്റുകളൊന്നും എനിക്ക് ഒന്നുമില്ല. അവരോട് എനിക്ക് പുച്ഛം മാത്രം. ചേച്ചിയാണ് എല്ലാ കാര്യങ്ങള്‍ക്കും എനിക്ക് വേണ്ടി നിന്നത്. ജോലി വരെ മാറ്റിവച്ച് ചേച്ചിയാണ് എനിക്ക് വേണ്ടി നിന്നത്. ഇതിനിടയിൽ ചേച്ചി ഗർഭിണി ആയിരുന്നു. അത് അബോഷനായി", എന്നും അനുമോൾ കൂട്ടിച്ചേർത്തു.

കാത്തിരിപ്പുകൾക്ക് വിരാമം, ഇനി 18 ദിവസം മാത്രം; ബിഗ് ബോസ് സീസൺ 8 അഗ്നിപരീക്ഷ ഉടൻ

Nithya G Robinson — Tue, 28 Jul 2026 15:56:41 +0530

ബിഗ് ബോസ് മലയാളം സീസൺ 8ന്റെ അഗ്നിപരീക്ഷ എന്ന പ്രീ- ഷോയ്ക്ക് ആരംഭമാകുന്നു. ഓഗസ്റ്റ് 15 മുതൽ അഗ്നിപരീക്ഷ ആരംഭിക്കും. ഔദ്യോഗിക വിവരം പങ്കുവച്ച് കൗണ്ട് ഡൗൺ പോസ്റ്ററും ഏഷ്യാനെറ്റ് പുറത്തുവിട്ടിട്ടുണ്ട്. കോമണർ മത്സരാർത്ഥികൾക്ക് വേണ്ടിയുള്ള ഷോയാണ് അഗ്നിപരീക്ഷ. നിശ്ചിത ദിവസങ്ങൾ മാത്രമാകും ഷോ ഉണ്ടാകുക. ഇതിൽ നിന്നും തെരഞ്ഞെടുക്കുന്ന മൂന്നോ അതിലധികമോ പേർ ബിഗ് ബോസ് മലയാളം സീസൺ 8ൽ മത്സരാർത്ഥികളായി എത്തും.

എന്താണ് ബിഗ് ബോസ് അഗ്നിപരീക്ഷ

ഏറ്റവും കൂടുതല്‍ കോമണര്‍ മത്സാര്‍ത്ഥികള്‍ പങ്കെടുക്കാന്‍ പോകുന്ന ഒരു സീസണ്‍ ആയിരിക്കും മലയാളം ബിഗ് ബോസ് സീസണ്‍ 8. അഗ്നിപരീക്ഷ എന്ന് പറയുന്നൊരു പ്രീ ഷോ അതായത് സ്പിന്‍ ഓഫ് ആണിത്. പ്രധാന സീസണിന് മുന്‍പ് നിശ്ചിത എപ്പിസോഡുള്ള ചെറിയൊരു സീസണ്‍ ഉണ്ടാവും. ഇതില്‍ പങ്കെടുക്കുന്നവര്‍ എല്ലാം കോമണര്‍ മത്സരാര്‍ത്ഥികളാണ്. അപേക്ഷകർ നൽകുന്ന വീഡിയോയുടെ അടിസ്ഥാനത്തിൽ ഷോര്‍ട് ലിസ്റ്റ് ചെയ്ത് ചെ്ത് ഒടുവിൽ 50 അല്ലെങ്കില്‍ 45 പേരെയാണ് അഗ്നിപരീക്ഷയിൽ ഉണ്ടാകുക. ഇവർ ഷോയിൽ മാറ്റുരയ്ക്കും. ഇവർക്ക് ഓഡിയൻസ് വോട്ടും ഉണ്ടായിരിക്കും. തെലുങ്കിൽ ആറ് പേരെയാണ് മെയ്ൻ സീസണിലേക്ക് നേരിട്ട് തെരഞ്ഞെടുത്തത്.

അഗ്നിപരീക്ഷയിൽ മൂന്ന് ജഡ്ജസ് ഉണ്ട്. ഒരു അവതാരകയും ഉണ്ടായിരിക്കും. ഇവര്‍ മുൻ ബിഗ് ബോസ് വിന്നറുമാരോ റണ്ണറപ്പോ ശ്രദ്ധനേടിയവരോ ഒക്കെ ആയിരിക്കും. ഫിസിക്കല്‍, മെന്‍റല്‍, ഹ്യൂമര്‍, സംവാദം, എല്ലാം മത്സരാർത്ഥികൾ നേരിടേണ്ടി വരും. ഒരു മത്സരാര്‍ത്ഥിക്ക് 3 റെഡ് സിഗ്നല്‍ കിട്ടിയാല്‍ ഔട്ട് ആകും. യെല്ലോ ആണെങ്കില്‍ ഹോള്‍ഡും ഗ്രീന്‍ ആണെങ്കില്‍ സെലക്ടും ആയിരിക്കും. ആറാമത്തെ എപ്പിസോഡ് മുതല്‍ ഇവര്‍ക്ക് വോട്ടിംഗും ഉണ്ടാകും. ഇതെല്ലാം തരണം ചെയ്യുന്നവരാകും മെയ്ന്‍ സീസണിലേക്ക് എത്തുക.

'എനിക്ക് ഫ്രീ ടിക്കറ്റ് വേണ്ട, അവർക്ക് കൊടുക്കാമായിരുന്നു'; കെഎസ്‍ആർടിസി സൗജന്യ യാത്രയിൽ ശോഭ വിശ്വനാഥ്, കയ്യടി

Nithya G Robinson — Sun, 14 Jun 2026 18:59:56 +0530

കോൺഗ്രസ് സർക്കാർ അധികാരത്തിലേറുന്നതിന് മുൻപ് നൽകിയ ഏറ്റവും പ്രധാനപ്പെട്ട വാഗ്ദാനമായിരുന്നു സ്ത്രീകൾക്ക് കെഎസ്ആർടിസിയിൽ സൗജന്യ യാത്ര. ഒരുമാസത്തോളം നീണ്ട കാത്തിരിപ്പിന് ഒടുവിൽ ആ വാഗ്ദാനം നാളെ യാഥാർത്ഥ്യമാകാൻ പോവുകയാണ്. പ്രിയദർശിനി എന്ന് പേരിട്ടിരിക്കുന്ന പദ്ധതി കെഎസ്ആർടിസി ഓർഡിനറി ബസുകളിലാണ് നടപ്പിലാക്കിയിരിക്കുന്നത്. നാളെ പദ്ധതി യാഥാർത്ഥ്യമാകാനിരിക്കെ വിഷയത്തിൽ പ്രതികരണവുമായി എത്തിയിരിക്കുകയാണ് ബിഗ് ബോസ് മലയാളം മുൻ താരവും ബിസിനസുകാരിയുമായ ശോഭ വിശ്വനാഥ്.

തനിക്ക് കെഎസ്ആർടിസിയിൽ ഫ്രീ ടിക്കറ്റ് വേണ്ടെന്നാണ് ശോഭ പറയുന്നത്. അതിന് കാരണവും അവർ വ്യക്തമാക്കുന്നുണ്ട്. "കെഎസ്ആര്‍ടിസിയില്‍ ഞാന്‍ കയറുന്നുണ്ടെങ്കില്‍ പൈസ കൊടുത്ത് ടിക്കറ്റെടുക്കും. എനിക്കിപ്പോള്‍ പൈസ കൊടുത്ത് ടിക്കറ്റെടുക്കാനുള്ള പ്രാപ്തയാണ് ഞാന്‍. അപ്പോള്‍ ഞാന്‍ പൈസ കൊടുത്ത് തന്നെ യാത്ര ചെയ്യും. ബിപിഎല്ലിന് താഴെ ഉള്ളവര്‍ക്ക് ആ ആനുകൂല്യങ്ങള്‍ കൊടുക്കണമായിരുന്നു. ആ അഭിപ്രായം എനിക്കുണ്ട്. ആണിനായാലും പെണ്ണിനായാലും", എന്നായിരുന്നു ശോഭ വിശ്വനാഥിന്റെ വാക്കുകൾ. ഓൺലൈൻ മാധ്യമങ്ങളുടെ ചോദ്യത്തിനായിരുന്നു ശോഭനയുടെ മറുപടി.

വീഡിയോ പുറത്തുവന്നതിന് പിന്നാലെ ശോഭയെ പിന്തുണച്ച് കൊണ്ട് നിരവധി പേർ രംഗത്ത് എത്തി. "അത് പോയിന്റ് ആണ്. ക്യാഷ് കൊടുക്കാൻ പറ്റിയവർ കൊടുക്കട്ടെ. ഡെയ്ലി ബസ് യാത്ര ചെയ്യുന്നത് സർക്കാർ ടീച്ചർമാർ ആണ്. അവർക്ക് ഫ്രീ യാത്ര ഫിനാൻഷ്യലി ആവിശ്യം ഇല്ല. ബട്ട്‌ ദിവസവും ഈ പ്രൈവറ്റ് ജോലി ചെയ്യുന്ന ചേച്ചിമാർ അവർക്കൊക്കെ ഇത് ഉപകാരം ആവും. ഈ തുണിക്കട, ഷോപ്സ്, മാളിലൊക്കെ വർക്ക്‌ ചെയ്യുന്നവർക്കും പിന്നെ തികച്ചും സാദാരണക്കാർക്കും", എന്നാണ് ഒരാളുടെ കമന്റ്.

"കാശ് ഉള്ളവർ അങ്ങനെ തന്നെ വേണം. വരുമാനം കുറവായവർ സൗജന്യമായി യാത്ര ചെയ്യട്ടെ. ഇങ്ങനെ ചിന്തിക്കുന്നവർ വളരെ കുറവാണ് ഈ രാജ്യത്ത്, സൗജന്യമായി കിട്ടുന്നത് അർഹരായവർ മാത്രം കൈപ്പറ്റുന്നതാണ് നാടിനും സമൂഹത്തിനും സർക്കാരിനും നല്ലത്, പൈസയും സാമൂഹിക പ്രേതിബദ്ധതയും ഉള്ളവർ ഈ സൗജന്യം കൈപ്പറ്റരുത്. വയസായവർ, വരുമാനം ഇല്ലാത്തവർ, രോഗികൾ അങ്ങനെ അർഹരായവർ ധാരാളം ഉണ്ട്. സർക്കാർ വേർതിരിവ് കാണിച്ചില്ലെങ്കിലും. അർഹതയില്ലാത്തവർ അതിൽ നിന്നും ഒഴിഞ്ഞു നിൽക്കണം, നല്ല തീരുമാനം. ക്യാഷ് ഉള്ളവർ കൊടുക്കട്ടെ", എന്നിങ്ങനെ പോകുന്നു മറ്റ് കമന്റുകൾ.

'അനീഷേട്ടൻ ട്രെൻഡിങ്ങായി, ഡയലോഗുകൾ റീലുകളായി..അതിൽ ഞാൻ ശരിക്കും ഞെട്ടി'; 'അഗ്നിപരീക്ഷ'ക്കാരോട് അനീഷിന് ചിലത് പറയാനുണ്ട്

Nithya G Robinson — Mon, 03 Aug 2026 14:06:46 +0530

ബിഗ് ബോസ് മലയാളം സീസൺ 7ലെ ഏറ്റവും ശ്രദ്ധേയനായ മത്സരാർത്ഥിയാണ് അനീഷ് തറയിൽ. സീസണിലെ കോമണർ മത്സരാർത്ഥി എന്ന ലേബലിൽ എത്തിയ അനീഷ് ഫസ്റ്റ് റണ്ണറപ്പായാണ് ഷോയിൽ നിന്നും പുറത്തുവന്നത്. ഏറ്റവും കൂടുതൽ ആരാധകരേയും സ്വന്തമാക്കിയ അനീഷ് വരാൻ പോകുന്ന ബിഗ് ബോസ് മലയാളം സീസൺ 8ലെ കോമണർ മത്സരാർത്ഥികൾക്ക് ആശംസകൾ അറിയിക്കുകയാണ് ഇപ്പോൾ. ഷോയ്ക്ക് ശേഷമുള്ള തന്റെ ജീവിതം പറഞ്ഞ അനീഷ്, നിങ്ങൾക്ക് സത്യസന്ധമായ ഒരു ലക്ഷ്യമുണ്ടെങ്കിൽ, ആ ലക്ഷ്യത്തിൽ നിന്ന് ആർക്കും നിങ്ങളെ പിന്തിരിപ്പിക്കാനാവില്ലെന്നും പറഞ്ഞു.

അനീഷ് തറയലിന്റെ വാക്കുകൾ ഇങ്ങനെ

ഞാൻ അനീഷ് തറയിൽ… ബിഗ് ബോസ് ഷോയിലൂടെ ജീവിതം തന്നെ മാറിമറിഞ്ഞ വ്യക്തി എന്ന് പറയുന്നതാവും കൂടുതൽ ശരി. ആ ഷോയ്ക്ക് ശേഷം എവിടെ പോയാലും തിരിച്ചറിയപ്പെടുകയും, സെൽഫി എടുക്കുകയും ഒക്കെ ചെയ്യുമ്പോൾ, കിട്ടിയ അവസരത്തിന്റെ മഹിമ ഈയുള്ളവൻ മനസ്സിലാക്കുന്നു. ചെറിയ കുട്ടികൾ തൊട്ട്മുതിർന്ന തലമുറ വരെ ഉള്ളവരുടെ മനസ്സിൽ കയറുക എന്നത് ഒരിക്കലും ചെറിയ കാര്യമല്ല.ആ തിരിച്ചറിവ് എല്ലായ്‌പ്പോഴും എനിക്കുണ്ട്.

സുപ്രഭാതം എന്ന വാക്ക് ട്രെൻഡിങ് ആയതിൽ എന്റെ ഉള്ളിലെ എഴുത്തുകാരൻ ഏറെ സന്തോഷിക്കുന്നു. റിയാലിറ്റി ഷോ കഴിഞ്ഞ് നിരവധി പരസ്യങ്ങളുടെയും, പ്രോഗ്രാമുകളുടെയും, ഉദ്ഘാടനങ്ങളുടെയും ഭാഗമാവാനും കോളേജ്, സ്കൂൾ തുടങ്ങി അനേകം സ്ഥലങ്ങളിൽ ഗസ്റ്റായി പോവാനും സാധിച്ചു. ഏഷ്യാനെറ്റിന്റെയും ഭാഗമായി.ചുരുക്കിപ്പഞ്ഞാൽ ജീവിതത്തിന് പോസിറ്റീവ് ഗതിവേഗം കൈവന്നു. ബിഗ്ഗ്ബോസ്സിന് ശേഷം നിരവധി പുരസ്കാരങ്ങളും അവാർഡുകളും കിട്ടിയതിലും അഭിമാനമുണ്ട്. ബഹുമാനപ്പെട്ട മുഖ്യമന്ത്രിയുടെ കയ്യിൽ നിന്ന് പുരസ്കാരം ലഭിച്ച നിമിഷം അത്രമേൽ പ്രിയപ്പെട്ടതാണ്.

ഇന്ത്യയുടെ വിവിധ സംസ്ഥാനങ്ങളിൽ നിന്നും, വിവിധ രാജ്യങ്ങളിൽ നിന്നും ഫോൺ കോളുകൾ തേടിയെത്തി. സോഷ്യൽ മീഡിയയിൽ അനീഷേട്ടൻ ട്രെൻഡിങ്ങായി. എന്റെ ഡയലോഗുകൾ ആളുകൾ റീലുകളാക്കി. റീലുകൾ വൈറലായി. ശബ്ദം മിമിക്രിക്കാർ സ്റ്റേജ് ഷോകളിൽ അനുകരിച്ചു. സിനിമ മേഖലയിലും, ടെലിവിഷൻ മേഖലയിലും ഉള്ള നിരവധി പേർ വിളിച്ച് അഭിനന്ദിച്ചപ്പോൾ ശരിക്കും ഞെട്ടലുണ്ടായി. ഒരുപാട് പ്രഗൽഭരുമായി കോൺടാക്ട് വെക്കാനും സാധിച്ചു. നല്ല സൗഹൃദങ്ങളെ ഹൃദയത്തോട് ചേർത്തു വെച്ചു.

കോൺഫിഡന്റ് ഗ്രൂപ്പിന്റെ cash പ്രൈസ് വലിയൊരു സർപ്രൈസ് ആയിരുന്നു. MyG ഗൃഹോപകരണങ്ങൾ തന്നു. രണ്ടാമത്തെ പുസ്‌തകം കതിരാളനും,ആദ്യപുസ്‌തകം എൻ നേരം തുഴഞ്ഞിനും ഒരുപാട് വായനക്കാരുണ്ടായി. മലയാളികളുടെ സ്വീകരണ മുറിയിൽ അനീഷ് തറയിലിനെ എത്തിച്ച ബിഗ് ബോസ്സിനും,ഏഷ്യാനെറ്റിനും എത്ര നന്ദി പറഞ്ഞാലും തീരില്ല. അത് എല്ലാകാലത്തും അങ്ങനെ തന്നെ ആയിരിക്കുകയും ചെയ്യും. ഈ അവസരത്തിൽ കുടുംബത്തിന്റെ സപ്പോർട്ടും, എന്നെ സ്നേഹിക്കുന്നവരുടെ സപ്പോർട്ടും ഭാഗ്യമായി കരുതുന്നു.

ഷോയിൽ കൂടുതൽ കോമണർ മത്സരാർഥികൾ വരണം എന്ന നിലപാടെടുത്ത വ്യക്തിയാണ് ഞാൻ. അതിപ്പോൾ യാഥാർത്ഥ്യമാവുകയാണ്. ബിഗ്ഗ്ബോസ്സിൽ എത്തുന്നതിനു വേണ്ടിയുള്ള അഗ്നി പരീക്ഷയ്ക്ക് തയ്യാറാവുന്ന കോമണർ കണ്ടെസ്റ്റൻസിന് എല്ലാവിധ ആശംസകളും നേരുന്നു. നിങ്ങൾക്ക് സത്യസന്ധമായ ഒരു ലക്ഷ്യമുണ്ടെങ്കിൽ, ആ ലക്ഷ്യത്തിൽ നിന്ന് ആർക്കും നിങ്ങളെ പിന്തിരിപ്പിക്കാനാവില്ല. വിശ്വസിക്കുക, അവനവനിൽ അടിയുറച്ച് വിശ്വസിക്കുക.

ബിഗ് ബോസ് അഗ്നിപരീക്ഷ 15 മുതല്‍; സംപ്രേഷണ സമയം പ്രഖ്യാപിച്ചു

Web Desk — Thu, 13 Aug 2026 17:03:41 +0530

ബിഗ് ബോസ് മലയാളം സീസണ്‍ 8 ല്‍ കോമണര്‍ ടിക്കറ്റില്‍ മത്സരിക്കാന്‍ സാധാരണക്കാര്‍ക്ക് അവസരം ഒരുക്കുന്ന അഗ്നിപരീക്ഷയുടെ സംപ്രേഷണ സമയം പ്രഖ്യാപിച്ചു. ഓഗസ്റ്റ് 15 മുതലാണ് അഗ്നിപരീക്ഷ ആരംഭിക്കുകയെന്ന് അണിയറക്കാര്‍ നേരത്തേ അറിയിച്ചിരുന്നു. അതിന്‍റെ സംപ്രേഷണ സമയമാണ് ഇപ്പോള്‍ പ്രഖ്യാപിച്ചിരിക്കുന്നത്. ഓഗസ്റ്റ് 15 മുതല്‍ തിങ്കള്‍ മുതല്‍ വെള്ളി വരെ രാത്രി 10 മണിക്കും ശനി, ഞായര്‍ ദിവസങ്ങളില്‍ രാത്രി 9 മണിക്കും ഷോ കാണാം. ഏഷ്യാനെറ്റിലും ജിയോ ഹോട്ട്സ്റ്റാറിലും പരിപാടി കാണാനാവും.

ഒരു കൂട്ടം സാധാരണക്കാരിൽ നിന്നും ടാസ്കുകളുടെയും വോട്ടിംഗിന്‍റെയും അടിസ്ഥാനത്തിൽ ഏറ്റവും മികച്ച ഗെയിമേഴ്സിനെ തിരഞ്ഞെടുക്കുകയാണ് അഗ്നിപരീക്ഷയുടെ പ്രധാന ലക്ഷ്യം. അത്തരത്തിൽ തിരഞ്ഞെടുക്കപ്പെട്ടവർക്ക് ബിഗ് ബോസ് മലയാളം സീസണ്‍ 8 ല്‍ മാറ്റുരയ്ക്കാം. മറ്റ് ഭാഷകളിൽ ഇതിന് മുൻപും അഗ്നിപരീക്ഷ നടന്നിട്ടുണ്ട്. എന്നാൽ മലയാളം ബിഗ് ബോസിന്റെ ചരിത്രത്തിൽ ഇതാദ്യമായാണ് അഗ്നിപരീക്ഷ എന്നൊരു പ്രീ ഷോ പ്രധാന സീസണ് മുൻപായി നടക്കുന്നത്. അഗ്നിപരീക്ഷയിൽ പങ്കെടുക്കുന്ന കോമണേഴ്‌സിന് വെല്ലുവിളിയായി മൂന്ന് ജഡ്ജസ് ആണ് ഷോയിൽ ഉണ്ടാവുക. ഒപ്പം ഒരു അവതാരകയും. ബിഗ് ബോസ് മുന്‍ മത്സരാര്‍ഥികളായ അഖില്‍ മാരാര്‍, രഞ്ജിനി ഹരിദാസ്, റിയാസ് സലിം എന്നിവരാണ് വിധികര്‍ത്താക്കളായി എത്തുക. അതോടൊപ്പം അവതാരകയായി ബിഗ് ബോസിലെ മറ്റൊരു മുന്‍ മത്സരാര്‍ഥിയും സീരിയല്‍ നടിയുമായ റെനീഷ റഹ്‍മാനും എത്തും.

ഒഡിഷനുകളിലൂടെ തിരഞ്ഞെടുത്ത 40 മത്സരാർത്ഥികളാണ് അഗ്നിപരീക്ഷയിൽ പങ്കെടുക്കുക. 21 എപ്പിസോഡുകളായിരിക്കും ആകെ ഉണ്ടാവുക. അതില്‍ നിന്നും അന്തിമ വിജയം നേടുന്നവര്‍ക്ക് മുന്നില്‍ സീസണ്‍ 8 ന്‍റെ വാതില്‍ തുറക്കും. പ്രേക്ഷകർക്ക് വോട്ടിംഗ് സൗകര്യവും ഉണ്ടായിരിക്കുന്നതാണ്. പുതുതായി ഒരു പ്രൊമോ വീഡിയോ പുറത്തുവിട്ടുകൊണ്ടാണ് ഏഷ്യാനെറ്റ് അഗ്നിപരീക്ഷയുടെ സംപ്രേഷണ സമയം അറിയിച്ചിരിക്കുന്നത്. ഈ പ്രൊമോ തന്നെ ഷോയുടെ ആവേശം എത്രയായിരിക്കുമെന്ന് പറയുന്നുണ്ട്. കഴിഞ്ഞ ഏഴ് സീസണുകളിലൂടെ ബിഗ് ബോസ് മലയാളം വലിയൊരു ആരാധകവൃന്ദത്തെ നേടിയിട്ടുണ്ട്. അവര്‍ക്ക് മുന്നിലേക്കാണ് അഗ്നിപരീക്ഷ എത്തുന്നത്. അഗ്നിപരീക്ഷയില്‍ വിജയികളായി പ്രധാന സീസണിലേക്ക് എത്തുന്നവര്‍ക്ക് അതിന്‍റേതായ ആത്മവിശ്വാസവും മേല്‍ക്കൈയും ഉറപ്പായും ഉണ്ടാവും. കോമണര്‍ മത്സരാര്‍ഥി ആയിരുന്ന അനീഷ് ആയിരുന്നു സീസണ്‍ 7 ടൈറ്റില്‍ വിജയി.

'ചിലർ ചെയ്യുന്നത് പ്രശസ്തിക്കുവേണ്ടി, ഞാൻ എന്നോട് സത്യസന്ധൻ'; ബിഗ് ബോസിനെ കുറിച്ച് കൊറിയൻ മല്ലു

Nithya G Robinson — Wed, 17 Jun 2026 13:38:10 +0530

ബിഗ് ബോസ് മലയാളം സീസൺ 7 കഴിഞ്ഞതിന് പിന്നാലെ അടുത്ത സീസൺ എപ്പോൾ ആരംഭിക്കുമെന്ന കാത്തിരിപ്പിലായിരുന്നു ബിബി പ്രേമികൾ. ഊഹാപോഹങ്ങള്‍ക്കെല്ലാം ഒടുവിൽ ഏതാനും ദിവസങ്ങൾക്ക് മുൻപ് പുതിയ ലോഗോ അവതരിപ്പിച്ച് ഷോയുടെ അനൗൺസ്മെന്റും അവതാരകനായ മോഹൻലാൽ നടത്തി. കോമണേഴ്സിനുള്ള അഗ്നി പരീക്ഷ എന്ന ഷോയ്ക്ക് അപേക്ഷിക്കാനുള്ള അവസാന തീയതിയും ഇന്നലെയോടെ അവസാനിച്ചു. ഇതിനകം തന്നെ സീസൺ 8ൽ വരാൻ പോകുന്ന സെലിബ്രിറ്റ് മത്സരാർത്ഥികളുടെ പ്രെഡിക്ഷൻ ലിസ്റ്റുമായി റിവ്യൂവർമാർ എത്തി കഴിഞ്ഞു. തതവസരത്തിൽ തന്റെ പേരും പ്രെഡിക്ഷൻ ലിസ്റ്റിൽ വന്നിട്ടുണ്ടെന്നും എന്നാൽ തനിക്ക് ബിഗ് ബോസിലേക്ക് വരാൻ താല്പര്യമില്ലെന്നും പറയുകയാണ് കൊറിയൻ മല്ലു എന്നറിയപ്പെടുന്ന ഡോ. സനോജ് റെജിനോൾഡ്.

താൻ ഒരിക്കലും ബിഗ് ബോസിൽ പോകില്ലെന്ന് പറഞ്ഞ സനോജ്, ചിലർ ചെയ്യുന്നത് പ്രശസ്തിക്കുവേണ്ടിയാണ് ഷോയിൽ പോകുന്നതെന്നും ഞാൻ എന്നോട് സത്യസന്ധൻ ആണെന്നും പറഞ്ഞു. തന്റെ ജീവിതത്തിൽ ഒരു ഹൗസിൽ കയറുന്നതിനേക്കാൾ വലിയ ലക്ഷ്യങ്ങളുണ്ടെന്നും അദ്ദേഹം കൂട്ടിച്ചേർത്തു. ശാസ്ത്രജ്ഞനും (സയന്റിസ്റ്റ്), ഇൻവൈറ്റഡ് പ്രൊഫസറും (ദക്ഷിണ കൊറിയ) കൂടിയാണ് സനോജ്.

കൊറിയൻ മല്ലുവിന്റെ വാക്കുകൾ ഇങ്ങനെ

കഴിഞ്ഞ കുറച്ച് വർഷങ്ങളായി ബിഗ് ബോസ് മലയാളത്തിന്‍റെ ഓരോ പുതിയ സീസണും വരുമ്പോൾ എന്റെ പേരും ചില പ്രെഡിക്ഷന്‍ ലിസ്റ്റുകളിലും സോഷ്യൽ മീഡിയ പോസ്റ്റുകളിലും കാണാറുണ്ട്. പലരും മെസേജ് അയക്കാറുണ്ട്, ചിലർ ഉറപ്പായിട്ട് ഞാൻ പോകുന്നുണ്ടെന്ന് പോലും പറയാറുണ്ട്. സത്യം പറഞ്ഞാൽ, സോഷ്യൽ മീഡിയയിൽ ആക്റ്റീവ് ആയിരിക്കുക എന്നത് ബിഗ് ബോസിലേയ്ക്ക് പോകാനുള്ള സൂചനയല്ല.

നിങ്ങൾ എന്നെ സ്നേഹിച്ച് എന്റെ പേര് പറയുന്നതും ചർച്ച ചെയ്യുന്നതും എനിക്ക് സന്തോഷം തന്നെയാണ്. പക്ഷേ എന്റെ ജീവിതത്തിൽ ഇപ്പോൾ അതിനേക്കാൾ പ്രധാനപ്പെട്ട കാര്യങ്ങളുണ്ട്. ഞാൻ ശ്രദ്ധിക്കുന്നത് എന്റെ സ്വപ്നങ്ങളിലേക്കും ലക്ഷ്യങ്ങളിലേക്കും, ഞാൻ ഉണ്ടാക്കാൻ ആഗ്രഹിക്കുന്ന ഭാവിയിലേക്കുമാണ്.

അതുകൊണ്ട് ഈ വർഷവും പറയട്ടെ ബിഗ് ബോസ് മലയാളം എന്റെ പ്ലാനുകളിൽ ഇല്ല. ഒരു ഷോയിൽ പങ്കെടുക്കുന്നതിനെക്കാൾ വലിയ സ്വപ്നങ്ങളുണ്ട്. ഇനിയും ഒരുപാട് കാര്യങ്ങൾ ചെയ്യാനുണ്ട്. അതിനുവേണ്ടിയാണ് ഞാൻ എന്റെ സമയവും ഊർജവും ചെലവഴിക്കുന്നത്.

എന്നെക്കുറിച്ച് കരുതുന്ന എല്ലാവർക്കും നന്ദി. പക്ഷേ എന്റെ വഴി ഞാൻ തന്നെ തിരഞ്ഞെടുക്കും, ഇപ്പോൾ ആ വഴിയിൽ ബിഗ് ബോസ് ഇല്ല. “എന്റെ ജീവിതത്തിൽ ഒരു ഹൗസിൽ കയറുന്നതിനേക്കാൾ വലിയ ലക്ഷ്യങ്ങളുണ്ട്. അതുകൊണ്ട് ഈ വർഷവും ഉത്തരം അതേ തന്നെയാണ് — ഞാൻ ബിഗ് ബോസ് മലയാളത്തിലേക്ക് പോകുന്നില്ല.”

'ബിൻസി ഉപദ്രവിച്ചു, കൈ കടിച്ച് പറിച്ചു, സ്നേഹം വീഡിയോയിൽ മാത്രം'; ആരോപണവുമായി സഹോദരി

Nithya G Robinson — Thu, 16 Jul 2026 17:34:19 +0530

സമൂഹമാധ്യമങ്ങളിൽ ഇന്ന് അറിയപ്പെടുന്ന താരങ്ങളാണ് ആർജെ ബിൻസിയും സഹോദരി മരിയ ബിജുവും ഇവരുടെ മാതാപിതാക്കളും. ബിഗ്ബോസിലൂടെയാണ് ബിൻസി കൂടുതൽ പ്രശസ്തയായതെങ്കിലും അതിനു ശേഷം പൊതുപരിപാടികളും സമൂഹമാധ്യമങ്ങളിലും ബിൻസിയും ഇവരുടെ കുടുംബവും നിറഞ്ഞുനിൽക്കാറുണ്ട്. സഹോദരി മരിയയും ചുരുങ്ങിയ കാലയളവിനുള്ളിൽ സോഷ്യൽ മീഡിയയിൽ ശ്രദ്ധിക്കപ്പെടുന്ന ആളായി കഴിഞ്ഞു.

പല പൊതുപരിപാടികളിലും ബിൻസി കുടുംബസമേതമാണ് പ്രത്യക്ഷപ്പെടാറുള്ളത്. ബിൻസിയുടെ റീൽ വീഡിയോകളിലും വ്ലോഗുകളിലും സഹോദരിയും മാതാപിതാക്കളും സ്ഥിരം സാന്നിധ്യവുമാണ്. എന്നാൽ ഇപ്പോൾ ബിൻസിയെക്കുറിച്ച് തികച്ചും വ്യത്യസ്തമായൊരു ഇമേജ് മരിയയുടെ സോഷ്യൽ മീഡിയ പേജിലൂടെത്തന്നെ പുറത്തു വന്നിരിക്കുകയാണ്. ബിൻസി തന്നെ ക്രൂരമായി ഉപദ്രവിച്ചുവെന്നും ഏറെ കാലമായി താൻ ഇത് അനുഭവിക്കുകയാണെന്നുമാണ് മരിയ സോഷ്യൽ മീഡിയയിൽ പങ്കുവെച്ച വീഡിയോയിൽ പറയുന്നത്. ശരീരത്തിലെ പാടുകളും കാണിക്കുന്നുണ്ട്.

''കുറേ നാളായി ഞാൻ ഇതൊക്കെ സഹിച്ചുകൊണ്ടിരിക്കുകയാണ്. വീഡിയോയിൽ കാണിക്കുന്ന സ്നേഹം മാത്രമേയുള്ളൂ. എന്റെ മേല് മുഴുവൻ ബിൻസി ഉപദ്രവിച്ചു. കയ്യൊക്കെ കടിച്ച് പറിച്ചു. എനിക്കൊന്നും ചെയ്യാൻ പറ്റുന്നില്ല. എന്നെ ആശുപത്രിയിൽ ആരും കൊണ്ടുപോകുന്നില്ല.‍ അവൾ പാട്ടും വെച്ച് സന്തോഷിച്ച് ഇരിക്കുകയാണ്. കൊച്ചിലെ മുതൽ ‌ഞാൻ ഇതൊക്കെ തന്നെയാണ് അനുഭവിക്കുന്നത്. വീഡിയോയിൽ കാണുന്ന സ്നേഹം മാത്രമേയുള്ളൂ. എന്റെ മേല് മുഴുവൻ ഇതുപോലെയുള്ള പാടുകളാണ്. എന്റെ മുടിയൊക്കെ പിടിച്ച് വലിച്ച് ഉപദ്രവിച്ചു. ആരും വീഡിയോ കണ്ട് വിശ്വസിക്കരുത്. എല്ലാം കണ്ടന്റിന് വേണ്ടി ചെയ്യുന്നതാണ്'', എന്നാണ് മരിയ വീഡിയോയിൽ പറയുന്നത്.

ഇൻസ്റ്റഗ്രാമിലാണ് മരിയയുടെ വീഡിയോ പ്രത്യക്ഷപ്പെട്ടത്. എന്നാൽ പിന്നീട് ഇത് നീക്കം ചെയ്യപ്പെട്ടു. എന്നാൽ ഇതിനകം പല സോഷ്യൽ മീഡിയ പേജുകളും യൂട്യൂബ് ചാനലുകളും വീഡിയോ വന്നു. പല യുട്യൂബർമാരും വീ‍ഡിയോകളും ചെയ്തിട്ടുണ്ട്.

വന്‍ അവസരം, ഇനി മണിക്കൂറുകള്‍ കൂടി മാത്രം; നിങ്ങള്‍ അപേക്ഷിച്ചോ?

Web Desk — Mon, 15 Jun 2026 21:08:46 +0530

മലയാളത്തിലെ ഏറ്റവും ജനപ്രീതി നേടിയ ടെലിവിഷന്‍ റിയാലിറ്റി ഷോ ആയ ബിഗ് ബോസ് മലയാളത്തിന്‍റെ എട്ടാമത്തെ സീസണ്‍ വരികയാണ്. ഇക്കുറി കോമണര്‍ ടിക്കറ്റില്‍ നിരവധി സാധാരണക്കാര്‍ക്ക് ബിഗ് ബോസില്‍ പങ്കെടുക്കാന്‍ അവസരമുണ്ടാവുമെന്ന് അണിയറക്കാര്‍ നേരത്തെ അറിയിച്ചിരുന്നു. ഇതിനായി ഒരു ഷോയും ഇക്കുറി സംഘടിപ്പിക്കുന്നുണ്ട്. സീസണ്‍ 8 അഗ്നിപരീക്ഷ എന്ന പേരില്‍ നടക്കുന്ന ഷോയില്‍ വിജയിക്കുന്നവര്‍ക്ക് ബിഗ് ബോസിലേക്ക് എന്‍ട്രി ലഭിക്കും. ഇതിലേക്ക് അപേക്ഷിക്കേണ്ട വിധം എങ്ങനെയെന്ന് നേരത്തെ അറിയിപ്പ് എത്തിയിരുന്നു. ഇതിനായുള്ള അപേക്ഷകള്‍ അയക്കേണ്ട അവസാന തീയതി ഇന്നാണ്. ഏതാനും മണിക്കൂറുകള്‍ മാത്രമാണ് ഇതിനായി അവശേഷിക്കുന്നത്.

ഇത് സംബന്ധിച്ച് ഏഷ്യാനെറ്റ് നേരത്തേ പുറത്തുവിട്ട പ്രൊമോയില്‍ അഗ്നിപരീക്ഷയില്‍ എങ്ങനെ പങ്കെടുക്കുമെന്ന കാര്യം മോഹന്‍ലാല്‍ തന്നെ അറിയിച്ചിരുന്നു. “സീസണ്‍ 8 അഗ്നിപരീക്ഷയിലൂടെ ബിഗ് ബോസ് ഷോയില്‍ പങ്കെടുക്കാന്‍ ആഗ്രഹിക്കുന്നവര്‍ നിങ്ങളുടെ നിലപാടും വ്യക്തിത്വവും വ്യക്തമാക്കുന്ന, നിങ്ങള്‍ യഥാര്‍ഥത്തില്‍ ആരാണ് എന്ന് വെളിപ്പെടുത്തുന്ന 3 മിനിറ്റില്‍ താഴെയുള്ള ഒരു ഇന്‍ട്രൊഡക്ഷന്‍ വീഡിയോ തയ്യാറാക്കി http://asianet.jiostar.com/bb8 എന്ന വെബ്സൈറ്റില്‍ അപ്‍ലോഡ് ചെയ്യുക”, മോഹന്‍ലാലിന്‍റെ വാക്കുകള്‍. അഗ്നിപരീക്ഷയില്‍ വിജയിച്ചാല്‍ സീസണ്‍ 8 ല്‍ പങ്കെടുക്കാനുള്ള അവസരമാണ് മത്സരാര്‍ഥികളെ കാത്തിരിക്കുന്നത്. അയയ്ക്കുന്ന ഇന്‍ട്രൊഡക്ഷന്‍ വീഡിയോയ്ക്ക് ഉണ്ടാകാവുന്ന പരമാവധി സൈസ് 50 എംബി ആണ്. ജൂണ്‍ 15 ആണ് അവസാന തീയതി.

കോമണര്‍ ആയി എത്തിയ അനീഷ് ആയിരുന്നു ബിഗ് ബോസ് മലയാളം ഏഴാം സീസണിലെ വിജയി. അതിനാല്‍ത്തന്നെ പുതിയ സീസണില്‍ കോമണര്‍ മത്സരാര്‍ഥികള്‍ക്ക് സ്വാഭാവികമായും പ്രാധാന്യം കൂടും. അതേസമയം അഗ്നിപരീക്ഷയോ ബിഗ് ബോസ് സീസണ്‍ എട്ടോ എന്ന് ആരംഭിക്കുമെന്ന വിവരം ഇനിയും പുറത്തെത്തിയിട്ടില്ല. അതിനായുള്ള കാത്തിരിപ്പിലാണ് ബിഗ് ബോസ് ആരാധകര്‍. മോഹന്‍ലാല്‍ തന്നെയാണ് ഇത്തവണയും ബിഗ് ബോസ് മലയാളത്തിന്‍റെ അവതാരകനായി എത്തുക.

'ഉപ്പും മുളകും' ബ്രേക്ക്, ബിഗ് ബോസിന് വേണ്ടിയല്ല; പ്രവചനങ്ങൾ വേണ്ടെന്ന് നടൻ സിദ്ധാർത്ഥ് പ്രഭു

Nithya G Robinson — Sat, 01 Aug 2026 17:41:27 +0530

ബിഗ് ബോസ് മലയാളം സീസൺ 8ന് ആരംഭമാകാൻ പോകുകയാണ്. ഇതിനോട് അനുബന്ധിച്ചുള്ള അഗ്നിപരീക്ഷ എന്ന പ്രീ ഷോ ഓഗസ്റ്റ് 15ന് ആരംഭിക്കും. തതവസരത്തിൽ ബിഗ് ബോസിലേക്ക് ഏതൊക്കെ സെലിബ്രിറ്റികളാകും മത്സരാർത്ഥികളായി എത്തുക എന്ന പ്രെഡിക്ഷൻ ലിസ്റ്റുകളുമായി റിവ്യൂവർമാരും സജീവമാണ്. പ്രെ‍ഡിക്ഷൻ ലിസ്റ്റിൽ ആദ്യം മുതൽ ഉയർന്ന് കേട്ടൊരു പേരൊണ് നടൻ സിദ്ധാർത്ഥ് പ്രഭുവിന്റേത്. തട്ടീം മുട്ടീം എന്ന സീരിയലിലൂടെ മലയാള മിനിസ്ക്രീൻ പ്രേക്ഷകർക്ക് ഏറെ സുപരിചിതനായി മാറിയ സിദ്ധാർത്ഥ്, അടുത്തിടെ ഉപ്പും മുളകും എന്ന പരമ്പരയിൽ ആയിരുന്നു അഭിനയിച്ചിരുന്നത്.

എന്നാൽ ഉപ്പും മുളകിൽ നിന്നും പിന്മാറുന്നതായി ഏതാനും നാളുകൾ മുൻപ് സിദ്ധാർത്ഥ് വെളിപ്പെടുത്തിയിരുന്നു. കാരണം എന്താണെന്ന് വ്യക്തമാക്കിയിരുന്നുമില്ല. സിദ്ധു തിരിച്ച് വരണമെന്ന് ആവശ്യപ്പെട്ട് ആരാധകർ ഒരുവശത്ത് എത്തിയപ്പോൾ ബിഗ് ബോസിൽ പോകാൻ വേണ്ടിയാണ് ബ്രേക്കെടുത്തതെന്ന തരത്തിലും പ്രചരണങ്ങൾ വന്നു. പിന്നാലെ പ്രെഡിക്ഷൻ ലിസ്റ്റിലും സിദ്ധാർത്ഥ് ഇടംപിടിച്ചു. ഇപ്പോഴിതാ ഇതിൽ വ്യക്തത വരുത്തിയിരിക്കുകയാണ് സിദ്ധാർത്ഥ്. താൻ ബിഗ് ബോസിലേക്ക് ഇല്ലെന്നും അതിന് വേണ്ടിയല്ല ഉപ്പും മുളകിൽ നിന്നും ബ്രേക്ക് എടുത്തതെന്നും പറഞ്ഞ സിദ്ധാർത്ഥ്, പ്രചരണങ്ങളും ഊഹാപോഹങ്ങളും വേണ്ടെന്നും ആവശ്യപ്പെട്ടു.

"ഒരു കാര്യം വ്യക്തമാക്കാനുണ്ട്. 'ഉപ്പും മുളകും' സീരിയലിൽ നിന്നുള്ള ബ്രേക്കിന് കാരണം ഞാൻ ബിഗ് ബോസിൽ പങ്കെടുക്കാൻ തയ്യാറെടുക്കുന്നതാണെന്ന തരത്തിൽ നിരവധി പ്രവചനങ്ങളും ഊഹാപോഹങ്ങളും യൂട്യൂബിലും മറ്റും കാണാനിടയായി. അത് പക്ഷേ സത്യമല്ല. അക്കാര്യം ഉറപ്പാണ്. ബിഗ് ബോസിൽ ഞാൻ പങ്കെടുക്കുന്നില്ല. അടിസ്ഥാനരഹിതമായ ഇത്തരം അഭ്യൂഹങ്ങൾ വിശ്വസിക്കുകയോ പ്രചരിപ്പിക്കുകയോ ചെയ്യരുതെന്ന് അഭ്യർത്ഥിക്കുകയാണ്. അങ്ങനെ എന്തെങ്കിലും ഉണ്ടെങ്കിൽ അത് ഞാൻ തന്നെ നിങ്ങളെ അറിയിക്കും", എന്നായിരുന്നു സിദ്ധാർത്ഥ് പ്രഭുവിന്റെ വാക്കുകൾ.

'അയ്യോ വേണ്ട..പക്വത വരട്ടെ'; ബിഗ് ബോസ് വിളിച്ചെന്ന് എൻഡിഎ സ്ഥാനാര്‍ത്ഥിയായിരുന്ന ആതിര

Nithya G Robinson — Fri, 03 Jul 2026 13:35:15 +0530

ഏറെ നാളത്തെ കാത്തിരിപ്പുകൾക്കെല്ലാം ഒടുവിൽ ബിഗ് ബോസ് മലയാളം സീസൺ 8 ആരംഭിക്കാൻ പോവുകയാണ്. ഇത്തവണ രണ്ട് ഷോകളായിരിക്കും ബിഗ് ബോസിന് ഉണ്ടാവുക. ഒന്ന് കോമണേഴ്സിന് വേണ്ടിയുള്ള ബിഗ് ബോസ്. ഇതിൽ ജയിച്ച് കയറുന്ന മൂന്നോ അതിലധികമോ പേർ മെയിൻ ഷോയിൽ പ്രവേശിക്കും. ഇവർക്കൊപ്പം സെലിബ്രിറ്റി അടക്കമുള്ളവർ ഉണ്ടാകും. ബിഗ് ബോസ് വരാൻ പോകുന്നുവെന്ന ഔദ്യോഗിക പ്രഖ്യാപനങ്ങൾ വന്നതിന് പിന്നാലെ പ്രെഡിക്ഷൻ ലിസ്റ്റുകളുമായി പതിവ് പോലെ റിവ്യൂവർമാരും രംഗത്ത് എത്തി. ഒപ്പം ഷോയിലേക്ക് പോകുന്നുണ്ടോന്ന ചോദ്യവുമായി ഓൺലൈൻ മീഡിയക്കാരും സജീവമാണ്.

തതവസരത്തിൽ ബിഗ് ബോസിൽ നിന്നും വിളിവന്നെന്ന് പറയുകയാണ് നിയമസഭാ തെരഞ്ഞെടുപ്പിൽ ഏറ്റുമാനൂരിലെ എൻഡിഎ സ്ഥാനാര്‍ത്ഥി ആയിരുന്ന ആതിര ഡി നായര്‍. തന്റെ ഇപ്പോഴത്തെ മെന്റൽ സ്റ്റെബിലിറ്റിയ്ക്ക് ഷോ പറ്റില്ലെന്നും കുറച്ചു കൂടി പക്വത വരട്ടെ എന്നുമാണ് ആതിര മാധ്യമങ്ങളോട് പറഞ്ഞത്. "സിനിമയിൽ നിന്നൊന്നും വിളിച്ചില്ല. പക്ഷേ ബിഗ് ബോസിൽ നിന്നും എന്നെ വിളിച്ചു. പോകുന്നില്ല. അയ്യോ വേണ്ട. ഫേമസ് ആകുമെന്നത് ശരിയാണ്. പക്ഷേ എന്റെ ഇപ്പോഴത്തെ മെന്റൽ സ്റ്റെബിലിറ്റിയ്ക്ക് അത് പറ്റത്തില്ല. റിസ്കാവും. കുറച്ചു കൂടി ഒന്ന് പക്വത എത്തട്ടെ. എന്നിട്ട് പോകാം", എന്നായിരുന്നു ആതിരയുടെ വാക്കുകൾ.

അഗ്നിപരീക്ഷയാകും ഇത്തവണ ആദ്യം തുടങ്ങുക. തെലുങ്ക് അടക്കമുള്ള ബിഗ് ബോസിൽ ഇത് നടന്നിരുന്നു. ഒരു കൂട്ടം കോമണേഴ്സിന് വേണ്ടിയുള്ളതാണ് അഗ്നിപരീക്ഷ. അപേക്ഷകരിൽ നിന്നും തെരഞ്ഞെടുക്കുന്നവർ ബിഗ് ബോസ് വേദിയിൽ എത്തും. ഇവിടെ വച്ച് ഇവർ തമ്മിൽ മത്സരം നടക്കും. ടാസ്കുകളും ഉണ്ടാകും. അവരെ പിന്തുണയ്ക്കാനും ജഡ്ജസ് ആയും ബിഗ് ബോസിലെ മുൻ മത്സരാർത്ഥികളും ഉണ്ടാകും. അഗ്നിപരീക്ഷ അതിജീവിച്ച് മുന്നോട്ട് പോകുന്നവർ ബിഗ് ബോസ് സീസൺ 8ന്റെ ഭാഗമാകും. തെലുങ്കിൽ ഇത്തരത്തിലെത്തിയൊരു മത്സരാർത്ഥിയായിരുന്നു ആ സീസണിലെ വിജയി.

അടവുകൾ 18ഉം പയറ്റിയവർ, എതിരാളികളെ 'നിലംപരിശാക്കി'യവർ, ബിഗ് ബോസ് കോമണേഴ്‍സിനെ വിറപ്പിക്കാൻ ഈ മൂന്ന് പേര്‍

Web Desk — Fri, 31 Jul 2026 11:42:48 +0530

കാത്തിരിപ്പുകൾക്ക് വിരാമമിട്ടുകൊണ്ട് ബിഗ് ബോസ് മലയാളം സീസൺ എട്ട് ഉടൻ തന്നെ പ്രേക്ഷകർക്ക് മുന്നിൽ എത്തുകയാണ്. പ്രധാന സീസൺ ആരംഭിക്കുന്നതിന് മുൻപ് ഇത്തവണ അഗ്നിപരീക്ഷ എന്നൊരു പ്രീ-ഷോ കൂടി ബിഗ് ബോസ് ഉൾപ്പെടുത്തിയിട്ടുണ്ട്. അഗ്നിപരീക്ഷ ഓഗസ്റ്റ് 15 മുതലാണ് ആരംഭിക്കുന്നത്. അഗ്നിപരീക്ഷ കഴിഞ്ഞാലുടൻ ബിഗ് ബോസ് പ്രധാന ഷോ ആരംഭിക്കും. ഒരു കൂട്ടം സാധാരണക്കാരിൽ നിന്നും ടാസ്കുകളുടെയും വോട്ടിങ്ങിന്റെയും അടിസ്ഥാനത്തിൽ ഏറ്റവും മികച്ച ഗെയിമെഴ്സിനെ തെരഞ്ഞെടുക്കുകയാണ് അഗ്നിപരീക്ഷയുടെ പ്രധാന ലക്‌ഷ്യം. അത്തരത്തിൽ തിരഞ്ഞെടുക്കപ്പെട്ടവർക്ക് പ്രധാന സീസണിൽ മാറ്റുരയ്ക്കാം.

മറ്റ് ഭാഷകളിൽ ഇതിന് മുൻപും അഗ്നിപരീക്ഷ നടന്നിട്ടുണ്ട്. എന്നാൽ മലയാളം ബിഗ് ബോസിന്റെ ചരിത്രത്തിൽ ഇതാദ്യമായാണ് അഗ്നിപരീക്ഷ എന്നൊരു പ്രീ ഷോ പ്രധാന സീസണ് മുൻപായി നടക്കുന്നത്. അഗ്നിപരീക്ഷയിൽ പങ്കെടുക്കുന്ന കോമണേഴ്‌സിന് വെല്ലുവിളിയായി മൂന്ന് ജഡ്ജസ് ആണ് ഷോയിൽ ഉണ്ടാവുക. ഒപ്പം ഒരു അവതാരകയും. കോമണേഴ്‌സ് ആരെല്ലാമായിരിക്കും എന്ന പ്രെഡിക്ഷനൊപ്പം ബിഗ് ബോസ് ആരാധകർ തേടി നടന്ന ആ മൂന്ന് ജഡ്ജസുമാർ ആരെല്ലാമാണ് എന്ന വിവരങ്ങളും പുറത്തുവിടുകയാണ്.

അഗ്നിപരീക്ഷയിൽ കോമണേഴ്‌സിനെ വെള്ളം കുടിപ്പിക്കാനെത്തുന്ന ആ മൂന്നുപേർ ഇവരാണ്. രഞ്ജിനി ഹരിദാസ്, റിയാസ് സലിം , അഖിൽ മാരാർ .... ബിഗ് ബോസ് ആരാധകർക്ക് സുപരിചിതരായ വ്യക്തികൾ. ബിഗ് ബോസ് മലയാളം സീസൺ വണ്ണിലെ ഏറ്റവും ശക്തരായ മത്സരാർഥികളിൽ ഒരാളാണ് രഞ്ജിനി ഹരിദാസ്. ഹൗസിനുള്ളിൽ സ്വന്തം നിലപാടുകൾ മുഖം നോക്കാതെ തുറന്നുപറയുന്ന മത്സരാർത്ഥി. ആർക്ക് മുന്നിലും യാതൊരു പേടിയും കൂടാതെ തന്റെ നിലപാടുകൾ വ്യക്തമാക്കി തല കുനിക്കാതെ നിന്നൊരുത്തി. ഹൗസിനുള്ളിൽ നിരവധി വിഷയങ്ങളിൽ തർക്കങ്ങൾ ഉണ്ടായപ്പോഴും നിലപാടുകളിൽ വിട്ടുവീഴ്ച ചെയ്യാൻ രഞ്ജിനി കൂട്ടാക്കിയില്ല. അതിശക്തമായ മത്സരത്തിനൊടുവിൽ ബിഗ് ബോസ് ഹൗസിൽ 63 ദിവസങ്ങൾ പൂർത്തിയാക്കിയ രഞ്ജിനി, ഒൻപതാം ആഴ്ചയിലെ എലിമിനേഷനിലൂടെയാണ് ഷോയിൽ നിന്നും പുറത്തായത്. ബിഗ് ബോസ് മത്സരാർത്ഥി എന്ന നിലയിൽ മാത്രമല്ല മികച്ച ടെലിവിഷൻ അവതാരിക എന്ന രീതിയിലും രഞ്ജിനി പ്രശസ്തയാണ്.

അടുത്തത് റിയാസ് സലിം . ബിഗ് ബോസ് മലയാളം സീസൺ 4-ലൂടെ മലയാളി പ്രേക്ഷകർക്കിടയിൽ തരംഗമായി മാറിയ ഒരു പ്രമുഖ സോഷ്യൽ മീഡിയ ഇൻഫ്ലുവൻ. ബിഗ് ബോസ് ഷോയ്ക്കുള്ളിലും പുറത്തും LGBTQ+കമ്മ്യൂണിറ്റിയുടെ അവകാശങ്ങളെക്കുറിച്ചും, ഫെമിനിസത്തെക്കുറിച്ചും കൃത്യമായ നിലപാടുകൾ തുറന്നുപറഞ്ഞ് റിയാസ് ശ്രദ്ധനേടി. പുരുഷന്മാർ മേക്കപ്പ് ധരിക്കുന്നതിനെതിരെയുള്ള സമൂഹത്തിന്റെ പരമ്പരാഗത ചിന്താഗതികളെയും റിയാസ് നിരന്തരം ചോദ്യം ചെയ്തിരുന്നു. ഷോയുടെ ചരിത്രത്തിലെ തന്നെ ഏറ്റവും മികച്ച 'ഗെയിം ചേഞ്ചർ' ആയിട്ടാണ് റിയാസ് വിലയിരുത്തപ്പെടുന്നത്. സീസൺ 4 പകുതി പിന്നിട്ടപ്പോഴാണ് റിയാസ് ഒരു വൈൽഡ് കാർഡ് മത്സരാർത്ഥിയായി ബിഗ് ബോസ് ഹൗസിലേക്ക് പ്രവേശിക്കുന്നത്. തന്റെ മികച്ച തന്ത്രങ്ങളിലൂടെയും ശക്തമായ നിലപാടുകളിലൂടെയും റിയാസ് ഫൈനൽ സിക്സിൽ ഇടംനേടുകയും മത്സരത്തിൽ മൂന്നാം സ്ഥാനം സ്വന്തമാക്കുകയും ചെയ്തിരുന്നു. ഷോയിൽ ചെലുത്തിയ വലിയ സ്വാധീനം കണക്കിലെടുത്ത് അവതാരകനായ മോഹൻലാൽ പ്രത്യേക 'ഗെയിം ചേഞ്ചർ' പുരസ്കാരവും റിയാസിന് സമ്മാനിച്ചിരുന്നു. പിന്നീട് വന്ന സീസൺ 5-ലും, കഴിഞ്ഞ സീസൺ 7-ലും അതിഥിയായി വീട്ടിനുള്ളിലെ ടാസ്ക്കുകളിൽ പങ്കെടുക്കാനും റിയാസ് എത്തിയിട്ടുണ്ട്.

മറ്റൊരാളാണ് അഖിൽ മാരാർ. ബിഗ് ബോസ് മലയാളം സീസൺ 5-ലെ ടൈറ്റിൽ വിന്നറാണ് അഖിൽ മാരാർ. ചലച്ചിത്ര സംവിധായകൻ, എഴുത്തുകാരൻ, രാഷ്ട്രീയക്കാരൻ എന്നീ നിലകളിലും അഖിൽ ശ്രദ്ധ നേടിയ വ്യക്തിയാണ്. മികച്ച തന്ത്രങ്ങളിലൂടെയും കൃത്യമായ വാദങ്ങളിലൂടെയും പ്രേക്ഷകരുടെ വലിയ പിന്തുണ നേടിയ അഖിൽ, സീസൺ 5-ൽ 5 ഒന്നാം സ്ഥാനം നേടിയെടുത്തു. ടാസ്ക്കുകളിലെ മികച്ച പ്രകടനവും, ഹൗസിനുള്ളിലെ തമാശകളും, തനതായ കോമഡി ശൈലിയും മാരാരെ ജനപ്രിയനാക്കി.

ഇവർ മൂന്നുപേരുമാണ് അഗ്നിപരീക്ഷയിൽ വിധികർത്താക്കളായി ഷോയിൽ എത്തുന്നത്. ഒന്നിനൊന്ന് മികച്ച ജഡ്ജസുമായിരിക്കും മൂവരും എന്നതിൽ തർക്കം വേണ്ട . അഗ്നിപരീക്ഷയിൽ പങ്കെടുക്കാനെത്തുന്ന കോമണേഴ്‌സ് ഇവരെ എങ്ങനെ നേരിടും എന്ന കാര്യത്തിൽ ആണ് ഇനി ചിന്ത വേണ്ടത് . തന്ത്രശാലികൾ, സംവാദകർ, മൈൻഡ് ഗെയിമാർമാർ എല്ലാമായ ഇവർ മിക്കവാറും കോമണേഴ്‌സിനെ വെള്ളം കുടിപ്പിക്കാനാണ് സാധ്യത. അതോടൊപ്പം അവതാരകയായി എത്തുന്ന റനീഷയും മുൻ ബിഗ് ബോസ് മത്സരാർഥിയാണ്. ബിഗ് ബോസ് സീസൺ 5-ൽ രണ്ടാം സ്ഥാനം കരസ്ഥമാക്കിയ മത്സരാർത്ഥി കൂടിയാണ് റനീഷ. അവതാരക കൂടി കോമണേഴ്‌സിന് വെല്ലുവിളിയാകുന്ന ഘട്ടത്തിൽ അഗ്നിപരീക്ഷ പൊടിപാറും എന്ന കാര്യത്തിൽ തർക്കം വേണ്ട.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ലാലേട്ടാ..ലല ലാ ലാ ലാ..; ബിഗ് ബോസ് അനുമോളേ ചേർത്തണച്ച് മോഹൻലാൽ, ഫോട്ടോ വൈറൽ

Nithya G Robinson — Tue, 04 Aug 2026 15:47:22 +0530

ടെലിവിഷൻ ഷോകളിലൂടെയും പരമ്പരകളിലൂടെയും എത്തി മലയാളികൾക്ക് സുപരിചിതയായി മാറിയ താരമാണ് അനുമോൾ. പിന്നീട് ബിഗ് ബോസ് മലയാളം സീസൺ 7ൽ മത്സരാർത്ഥിയായി എത്തിയതോടെ കേരളക്കരയ്ക്ക് മുഴുവനും അനുമോൾ സുപരിചിതയായി മാറി. പലതരം പ്രതിസന്ധികൾ വന്നിട്ടും 100 ദിവസം ഷോയിൽ അതിജീവിച്ച അനുമോൾ ആ സീസണിന്റെ വിന്നറായാണ് പുറത്തേക്ക് വന്നത്. ഷോയ്ക്ക് ശേഷം തന്റേതായ മേഖലയിലെ കാര്യങ്ങളുമായി മുന്നോട്ട് പോകുന്ന അനുമോൾ പങ്കുവച്ചൊരു പോസ്റ്റ് ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.

നടൻ മോഹൻലാലിനൊപ്പമുള്ള ഫോട്ടോയാണ് അനുമോൾ പങ്കുവച്ചിരിക്കുന്നത്. ബിഗ് ബോസിന് ശേഷം ഇത് ആദ്യമായിട്ടാണ് മോഹൻലാലും അനുമോളും കണ്ടുമുട്ടുന്നത്. ആന്റണി പെരുമ്പാവൂരിന് ഒപ്പമുള്ള ഫോട്ടോയും അനുമോൾ പങ്കുവച്ചിട്ടുണ്ട്. മഞ്ജു വാര്യയുടെ മോഹൻലാൽ എന്ന ചിത്രത്തിലെ ലാലേട്ടാ..ലല ലാ ലാ ലാ.. എന്ന ഗാനവും പശ്ചാത്തലത്തിൽ അനുമോൾ ചേർത്തിട്ടുണ്ട്. ഇരുവരോടുമുള്ള സ്നേഹം പങ്കിട്ടുള്ള കമന്റുകളാണ് പോസ്റ്റിന് താഴെ വരുന്നത്.

അതേസമയം, ബിഗ് ബോസ് മലയാളം സീസൺ 8 വരാൻ പോവുകയാണ്. ഇതിനോട് അനുബന്ധിച്ചുള്ള ബിഗ് ബോസ് മലയാളം സീസൺ 8 അഗ്നിപരീക്ഷ ഓഗസ്റ്റ് 15ന് സംപ്രേഷണം ആരംഭിക്കും. ഇതിൽ കോമണർ മത്സരാർത്ഥികളാണ് മാറ്റുരയ്ക്കുന്നത്. 40 കോമണേഴ്സ് ഉണ്ടാവും. 21 എപ്പിസോഡുകളും അഗ്നിപരീക്ഷയ്ക്ക് ഉണ്ടായിരിക്കും. ഇതിൽ നിന്നും തെരഞ്ഞെടുക്കുന്ന മൂന്നോ അതിലധികമോ മത്സരാർത്ഥികൾ ബിഗ് ബോസ് മലയാളം സീസൺ 8ൽ മത്സരിക്കും. ഇത്തരത്തിൽ തെരഞ്ഞെടുത്തിൽ പ്രധാന സീസണിൽ എത്തിയൊരു മത്സരാർത്ഥിയായിരുന്നു കഴിഞ്ഞ തവണ ബിഗ് ബോസ് വിജയി. സെപ്റ്റംബറിൽ ബിഗ് ബോസ് പ്രധാന സീസൺ ആരംഭിക്കും. അതേസമയം, കുക്ക് വിത്ത് കോമഡിയിൽ അനുമോൾ മത്സരാർത്ഥിയായി എത്തിയരുന്നു. ഫൈനലിസ്റ്റായ ശേഷമായിരുന്നു അനു ഷോയിൽ നിന്നും പുറത്തായത്.

സിംഹാസനങ്ങളിൽ ഇരിപ്പിടം ഉറപ്പിക്കുന്നത് ആരെല്ലാം ? ബിഗ് ബോസ് അഗ്നിപരീക്ഷ പ്രൊമോ

Nithya G Robinson — Thu, 30 Jul 2026 10:25:45 +0530

ഇന്ത്യൻ ടെലിവിഷൻ ചരിത്രത്തിലെ ഏറ്റവും മികച്ച, വലിയ റിയാലിറ്റി ഷോയാണ് ബിഗ് ബോസ്. രാജ്യത്തെ വിവിധ ഭാഷകളിൽ സംപ്രേഷണം ചെയ്യുന്ന ഷോയിൽ വിവിധ മേഖലകളിൽ നിന്നുമുള്ള ഒരു കൂട്ടം മത്സരാർത്ഥികൾ എത്തും. പിന്നീട് പുറം ലോകവുമായി യാതൊരു ബന്ധവും ഇവർക്കുണ്ടാവില്ല. ഇവിടെ അവർക്കായി മെന്റലിയും ഫിസിക്കലും ആയിട്ടുള്ള ടാസ്കുകളും ഉണ്ടാകും. ഇതെല്ലാം അതിജീവിച്ചും ജയിച്ചും മുന്നേറുന്ന ഒരു വ്യക്തി പ്രേക്ഷക പിന്തുണയോടെ സീസൺ വിജയിയായി മാറും. അത്തരത്തിൽ ഏഴ് സീസണുകളാണ് മലയാളത്തിൽ കഴിഞ്ഞത്. ബിഗ് ബോസ് മലയാളം സീസൺ 8 വൈകാതെ ആരംഭിക്കുകയും ചെയ്യും.

പ്രധാന സീസൺ ആരംഭിക്കുന്നതിന് മുൻപ് ഇത്തവണ അഗ്നിപരീക്ഷ എന്നൊരു പ്രീ-ഷോ കൂടി ഉണ്ടാകും. കോമണർ മത്സരാർത്ഥികൾക്ക് വേണ്ടിയുള്ളതാണിത്. ഓഗസ്റ്റ് 15 മുതൽ അഗ്നിപരീക്ഷ ജിയോ ഹോട്സ്റ്റാറിലും ഏഷ്യാനെറ്റ് ചാനലിലും കാണാൻ സാധിക്കും. ഇതോട് അനുബന്ധിച്ചുള്ള പ്രൊമോ വീഡിയോ പുറത്തുവിട്ടിരിക്കുകയാണ് അണിയറപ്രവർത്തകർ ഇപ്പോൾ. അഗ്നിപരീക്ഷ എത്രത്തോളം പ്രയാസകരവും പ്രതിസന്ധി നിറഞ്ഞതുമാണെന്ന് കാണിക്കുന്ന തരത്തിലാണ് പ്രൊമോ ഒരുക്കിയിരിക്കുന്നത്. ഒപ്പം മൂന്ന് സിംഹാസനങ്ങളും അതിൽ ഇൻ എന്നും ഔട്ട് എന്നും രേഖപ്പെടുത്തിരിക്കുന്നതും കാണാം. ആരൊക്കെയാകും ഈ സിംഹാസനത്തിൽ ഇരിപ്പിടം ഉറപ്പിക്കുക എന്നത് കാത്തിരുന്ന് അറിയേണ്ടിയിരിക്കുന്നു. ജഡ്ജസിന്‍റെ ഇരിപ്പിടമാണിതെന്നാണ് സൂചന.

എന്താണ് ബിഗ് ബോസ് അഗ്നിപരീക്ഷ

അഗ്നിപരീക്ഷ എന്ന് പറയുന്നൊരു പ്രീ ഷോ അതായത് സ്പിന്‍ ഓഫ് ആണിത്. പ്രധാന സീസണിന് മുന്‍പ് നിശ്ചിത എപ്പിസോഡുള്ള ചെറിയൊരു സീസണ്‍. ഇതില്‍ പങ്കെടുക്കുന്നവര്‍ എല്ലാം കോമണര്‍ മത്സരാര്‍ത്ഥികളാണ്. അപേക്ഷകർ നൽകുന്ന വീഡിയോയുടെ അടിസ്ഥാനത്തിൽ ഷോര്‍ട് ലിസ്റ്റ് ചെയ്ത് ചെ്ത് ഒടുവിൽ 50 അല്ലെങ്കില്‍ 45 പേരെയാണ് അഗ്നിപരീക്ഷയിൽ ഉണ്ടാകുക. ഇവർ ഷോയിൽ മാറ്റുരയ്ക്കും. ഇവർക്ക് ഓഡിയൻസ് വോട്ടും ഉണ്ടായിരിക്കും. അഗ്നിപരീക്ഷയിൽ മൂന്ന് ജഡ്ജസ് ഉണ്ട്. ഒരു അവതാരകയും ഉണ്ടായിരിക്കും. ഇവര്‍ മുൻ ബിഗ് ബോസ് വിന്നറുമാരോ റണ്ണറപ്പോ ശ്രദ്ധനേടിയവരോ ഒക്കെ ആയിരിക്കും. ഫിസിക്കല്‍, മെന്‍റല്‍, ഹ്യൂമര്‍, സംവാദം, എല്ലാം മത്സരാർത്ഥികൾ നേരിടേണ്ടി വരും. ഒരു മത്സരാര്‍ത്ഥിക്ക് 3 റെഡ് സിഗ്നല്‍ കിട്ടിയാല്‍ ഔട്ട് ആകും. യെല്ലോ ആണെങ്കില്‍ ഹോള്‍ഡും ഗ്രീന്‍ ആണെങ്കില്‍ സെലക്ടും ആയിരിക്കും. ആറാമത്തെ എപ്പിസോഡ് മുതല്‍ ഇവര്‍ക്ക് വോട്ടിംഗും ഉണ്ടാകും. ഇതെല്ലാം തരണം ചെയ്യുന്നവരാകും മെയ്ന്‍ സീസണിലേക്ക് എത്തുക.

'അമ്മ പോയി..' ബിഗ് ബോസ് താരം റോബിൻ രാധാകൃഷ്ണന്റെ മാതാവ് അന്തരിച്ചു

Nithya G Robinson — Fri, 03 Jul 2026 08:14:25 +0530

തിരുവനന്തപുരം: ബിഗ് ബോസ് താരവും ബിജെപി പ്രവർത്തകനുമായ റോബിൻ രാധാകൃഷ്ണന്റെ അമ്മ ബീന അന്തരിച്ചു. കാൻസർ ബാധിതയായിരുന്നു. കഴിഞ്ഞ കുറച്ച് ദിവസങ്ങളായി രോഗമൂർച്ഛിച്ചതിനെ തുടർന്ന് ബീന ചികിത്സയിലായിരുന്നുവെന്നാണ് വിവരം. അമ്മയുടെ വിയോഗ വിവരം റോബിൻ തന്നെയാണ് സോഷ്യൽ മീഡിയയിലൂടെ പങ്കുവച്ചത്.

2026 മാർച്ച് 25നാണ് എൻഡോമെട്രിയൽ കാർസിനോമ കാൻസർ ഉണ്ടെന്ന് കണ്ടെത്തിയതെന്ന് റോബിൻ രാധാകൃഷ്ണൻ പറയുന്നു. പിന്നീട് അങ്ങോട്ട് ആശുപത്രി സന്ദർശനവും ചികിത്സയും വേദയും പ്രാർത്ഥനകളുമായിരുന്നു ജീവിതമെന്ന് റോബിൻ പറയുന്നു. അമ്മ രോഗത്തോട് സധൈര്യം തന്നെ പോരാടിയെന്നും ആ ഘട്ടത്തിലും മറ്റുള്ളവർക്കവർ പ്രചോദനമായി നിന്നുവെന്നും റോബിൻ പറയുന്നു.

“2026 മാർച്ച് 25നാണ് അമ്മയ്ക്ക് സ്റ്റേജ് 4 എൻഡോമെട്രിയൽ കാർസിനോമ ഉണ്ടെന്ന് കണ്ടെത്തുന്നത്. ആ ദിവസം മുതൽ പിന്നീട് അങ്ങോട്ട് ജീവിതം എണ്ണമറ്റ ആശുപത്രി സന്ദർശനങ്ങൾ, ചികിത്സകൾ, വേദന, അനിശ്ചിതത്വം, പ്രാർത്ഥനകൾ എന്നിവയാൽ നിറഞ്ഞ യാത്രയായി മാറി. എന്നിട്ടും എല്ലാ വെല്ലുവിളികളിലൂടെയും അമ്മ അസാധാരണമായ ശക്തിയും ധൈര്യവും പ്രകടിപ്പിച്ചു. ഈ പോരാട്ടത്തിൽ അചഞ്ചലമായ ദൃഢനിശ്ചയത്തോടെ തന്നെ പോരാടി. അവരുടെ പ്രതിരോധശേഷി ചുറ്റുമുള്ള എല്ലാവർക്കും പ്രചോദനം നൽകുന്നതായിരുന്നു. ഏറ്റവും പ്രയാസകരമായ ദിവസങ്ങളിൽ പോലും അമ്മ ഓരോ നിമിഷത്തെയും പ്രതീക്ഷയോടെയും സ്നേഹത്തോടെയുമാണ് നേരിട്ടത്. ധൈര്യത്തിന്റെ യഥാർത്ഥ അർത്ഥം എന്താണെന്ന് അമ്മ ഞങ്ങളെ പഠിപ്പിച്ചു. ധീരമായ പോരാട്ടത്തിനൊടുവിൽ, 2026 ജൂലൈ 3ന് പുലർച്ചെ ഒരു മണിയോടെ അമ്മ ഞങ്ങളെ വിട്ടുപിരിഞ്ഞു. കാൻസർ അമ്മയുടെ ശരീരത്തെ കീഴടക്കിയെങ്കിലും, അമ്മയുടെ കരുത്തിനെയോ സ്നേഹത്തെയോ കീഴടക്കാൻ അതിന് ഒരിക്കലും കഴിഞ്ഞില്ല. അമ്മ എന്നെന്നേക്കുമായി ഞങ്ങളുടെ മനസിൽ നിലകൊള്ളും. അമ്മയുടെ ഓർമ്മകൾ ഞങ്ങൾക്ക് വഴികാട്ടിയാവുകയും, ആ സ്നേഹം ജീവിതകാലം മുഴുവൻ ഞങ്ങളോടൊപ്പം ഉണ്ടാവുകയും ചെയ്യും.അമ്മ.. സമാധാനത്തോടെ വിശ്രമിക്കൂ. അമ്മയെ ഞാൻ ഏറെ സ്നേഹിക്കും, എന്നും ഓർമ്മിക്കും, ഒരിക്കലും മറക്കില്ല”, എന്നായിരുന്നു റോബിന്‍റെ വാക്കുകള്‍.

40 കോമണേഴ്സ്, 21 ദിവസം; 'ഇന്‍ട്രോ കാണാതെ ക്ലൈമാക്സ് കണ്ടിട്ട് കാര്യമുണ്ടോ' ! ബിബി അഗ്നിപരീക്ഷ പ്രൊമോ

Nithya G Robinson — Sat, 01 Aug 2026 19:57:37 +0530

ബിഗ് ബോസ് മലയാളം സീസൺ 8 തുടങ്ങുന്നതിന് മുന്നോടിയായി നടക്കുന്ന അഗ്നിപരീക്ഷ എന്ന പ്രീ ഷോയുടെ പുതിയ പ്രൊമോ എത്തി. അഗ്നിപരീക്ഷയിൽ ജഡ്ജസുകളായി എത്തുന്ന അഖിൽ മാരാർ, രഞ്ജിനി ഹരിദാസ്, റിയാസ് സലീം എന്നിവരുടെ പ്രൊമോയാണ് പുറത്തുവന്നിരിക്കുന്നത്. ഒപ്പം മോഹൻലാലും എത്തുന്നുണ്ട്. ഒഡിഷനുകളിലൂടെ തെരഞ്ഞെടുത്ത 40 കോമണേഴ്സായ മത്സരാർത്ഥികളാണ് അഗ്നിപരീക്ഷയിൽ പങ്കെടുക്കുന്നത്. 21 എപ്പിസോഡുകളായിരിക്കും ഉണ്ടാകുക. ഒപ്പം പ്രേക്ഷകർക്ക് വോട്ടിംഗ് ഫെസിലിറ്റിയും ഉണ്ടായിരിക്കുന്നതാണ്.

വളരെ സ്റ്റൈലിഷും എൻഗേജിങ്ങും ആയിട്ടുള്ള തരത്തിലാണ് പ്രൊമോ വീഡിയോ തയ്യാറാക്കിയിരിക്കുന്നത്. മാസ് ആൻഡ് ക്ലാസി ലുക്കിൽ അഖിൽ മാരാർ, രഞ്ജിനി ഹരിദാസ്, റിയാസ് സലീം എന്നിവരും എത്തുന്നുണ്ട്. ഒപ്പം തീപ്പൊരി ഡയലോഗുകളും.

"ബിഗ് ബോസിലേക്കുള്ള ഈ വാതിൽ തുറക്കാൻ ധൈര്യമുള്ള ആരൊക്കെ ഉണ്ട്? 40 സാധാരണക്കാർ, 21 ദിവസം. ബിഗ് ബോസിൽ എത്തുന്ന സാധാരണക്കാരെ കാത്തിരിക്കുന്ന ആദ്യ കടമ്പയാണ് അഗ്നിപരീക്ഷ എന്ന ഷോ. ഈ യുദ്ധം ജയിക്കുന്ന ഒന്നോ അതിലധികമോ സാധാരണക്കാർ ആയിരിക്കും ഇത്തവണ ബിഗ് ബോസിലേക്ക് എത്തുക. തീക്കളിയാണ്. അത്ര എളുപ്പമല്ല. ബിഗ് ബോസ് പോലെ തന്നെ ടഫ് ആണ്, അഗ്നിപരീക്ഷയും. ഞങ്ങളും നിങ്ങളും കൂടി ഇതിൽ നിന്നും തെരഞ്ഞെടുക്കുന്നത് ഏറ്റവും മികച്ച മത്സരാർത്ഥികളെ ആയിരിക്കും. യെസ് ദ ബെസ്റ്റ് ദ ബെസ്റ്റ്. ഇനി ഈ ഷോ കാണാതെ ബിഗ് ബോസ് കാണുന്നവരോട് ഞങ്ങൾക്ക് ഒന്നേ പറയാനുള്ളൂ. ഇൻട്രോ കാണാതെ ക്ലൈമാക്സ് കണ്ടിട്ട് കാര്യമുണ്ടോ? ടഫ് ആയിരിക്കും. ഇല്ലെങ്കിൽ ഞങ്ങൾ ടഫ് ആക്കും. ഇത്തവണ തീപ്പൊരി പാറും. ഇല്ലെങ്കിൽ ഞങ്ങൾ പാറിക്കും", എന്നാണ് ഇവർ പറയുന്ന സംഭാഷണം.

പിന്നാലെയാണ് മോഹന്‍ലാല്‍ വരുന്നത്. 'കാല് പൊള്ളാതെ തീയിലൂടെ നടക്കാന്‍ കഴിയുമോ? ഒറ്റയ്ക്ക് നിന്ന് തളരാതെ പൊരുതാന്‍ കഴിയുമോ? എങ്കില്‍ നിങ്ങളെ കാത്തിരിക്കുന്നത് ഒരു അഗ്നിപരീക്ഷയാണ്. അതേ, സാധാരണക്കാരില്‍ നിന്ന് അടുത്ത ബിഗ് ബോസ് താരത്തെ തേടി ഒരു അഗ്നിപരീക്ഷ', എന്ന മോഹന്‍ലാല്‍ ഡയലോഗോടെ പ്രൊമോ അവസാനിക്കുകയും ചെയ്യുന്നുണ്ട്. എന്തായാലും കോമണേഴ്സിന് ചെറുതല്ലാത്ത കടമ്പകള്‍ തന്നെ അഗ്നിപരീക്ഷയില്‍ താണ്ടേണ്ടി വരുമെന്നത് പ്രൊമോ തന്നെ സൂചന നല്‍കിയിട്ടുണ്ട്. ഓഗസ്റ്റ് 15ന് അഗ്നിപരീക്ഷ ആരംഭിക്കും.

'ഡാഡീസ് ഹോം', ഹൗസിനെ വിറപ്പിച്ചവർ വീണ്ടും അകത്തേക്ക് ? ആ വൻ പ്രഖ്യാപനവുമായി ടീം ബിഗ് ബോസ്

Nithya G Robinson — Sat, 11 Jul 2026 14:01:08 +0530

സീസൺ 8നായി മലയാളം ബിഗ് ബോസ് പ്രേക്ഷകർ ഒന്നടങ്കം കാത്തിരിക്കുകണ്. ആരൊക്കെയാകും ഇത്തവണ ഹൗസിൽ മാറ്റുരയ്ക്കാൻ എത്തുകയെന്നറിയാൻ ഏവരും അക്ഷമരായി കാത്തിരിക്കുന്നുണ്ട്. ഇതിനകം തന്നെ ആരൊക്കെയാകും ഷോയിലേക്കെത്തുക എന്ന പ്രെഡിക്ഷൻ ലിസ്റ്റുമായി ബിഗ് ബോസ് റിവ്യൂവർമാരും സജീവമായി കഴിഞ്ഞു. ഇത്തവണ രണ്ട് ഷോകളാണ് നടക്കുക എന്നത് ഏറെ ശ്രദ്ധേയമാണ്. കോമണേഴ്സിനുള്ള അഗ്നിപരീക്ഷയാണ് ഒന്ന്. അതിന് ശേഷമാകും ബിഗ് ബോസ് മലയാളം സീസൺ 8 ആരംഭിക്കുക.

അഗ്നിപരീക്ഷയിൽ ജയിച്ച് കയറുന്ന മൂന്നോ അതിലധികമോ മത്സരാർത്ഥികൾ മെയിൻ ബിഗ് ബോസിൽ മാറ്റുരയ്ക്കാനെത്തും. കോമണേഴ്സിനെ തെരഞ്ഞെടുക്കാനുള്ള അണിയറപ്രവർത്തനങ്ങൾ ഒരുവശത്ത് നടക്കുമ്പോൾ അഗ്നിപരീക്ഷയിലേക്ക് പഴയ മത്സരാർത്ഥികളും വിജയികളും എത്തുന്നുവെന്ന പ്രവചനങ്ങളും റിവ്യൂവർമാർ നടത്തുന്നുണ്ട്. ഇവർ മത്സരാർത്ഥികളായിട്ടായിരിക്കില്ല എത്തുക. പകരം അഗ്നിപരീക്ഷയുടെ അവതാരകരും ജഡ്ജസുമായിട്ടായിരിക്കും എത്തുക. അത്തരത്തിൽ ആരൊക്കെയാലും ബിഗ് ബോസിൽ എത്തുകയെന്ന പ്രവചനങ്ങളാണ് റിവ്യൂവർമാർ നടത്തുന്നത്.

അഗ്നിപരീക്ഷയ്ക്ക് എത്തുന്ന മുൻ മത്സരാർത്ഥികളിൽ പ്രധാനികൾ അഖില്‍ മാരാര്‍, സാബു മോന്‍, രഞ്ജിനി ഹരിദാസ്, റിയാസ് സലീം തുടങ്ങിയവരാണ്. ഇതിൽ രഞ്ജി ഹരിദാസ് അവതാരകയായിരിക്കുമെന്നും മറ്റുള്ളവർ ജഡ്ജിംഗ് പാനലിൽ ആയിരിക്കുമെന്നുമാണ് പ്രവചനങ്ങൾ. ഇവർ തകർക്കുമെന്നും അഖിലും റിയാസും പോരടിക്കുമോന്ന് കണ്ട് അറിയണമെന്നും ഇവർ പറയുന്നുണ്ട്.

അതിനിടെ പുതിയ പ്രമോയുമായി ബിഗ് ബോസ് എത്തിയിട്ടുണ്ട്. മോഹൻലാൽ ഇല്ലാതെ ലോഗോയ്ക്ക് ഒപ്പമാണ് പുതിയ അപ്ഡേറ്റ് വന്നിരിക്കുന്നത്. 'ബിഗ് ബോസ് സീസണ്‍ 8, ഉടൻ വരുന്നു', എന്നും ക്യാപ്ഷനായി നൽകിയിട്ടുണ്ട്. എന്തായാലും സീസൺ പോലെ തന്നെ അഗ്നിപരീക്ഷയും പ്രേക്ഷകരിൽ ആവേശം സൃഷ്ടിക്കുമെന്ന കാര്യത്തിൽ തർക്കമില്ല. തെലുങ്ക് ബിഗ് ബോസിൽ അഗ്നിപരീക്ഷ ജയിച്ച് കയറിയ കോമണർ ആയിരുന്നു ആ സീസണിലെ വിജയി.

ബിഗ് ബോസ് 'അഗ്നിപരീക്ഷ' പുതിയ പ്രൊമോ

Nithya G Robinson — Sun, 09 Aug 2026 15:28:21 +0530

ബിഗ് ബോസ് മലയാളം സീസൺ 8ന്റെ പുതിയ പ്രൊമോ പുറത്തുവിട്ടു. അഗ്നിപരീക്ഷയിൽ അവതാരകയായി എത്തുന്ന റെനീഷ റഹീമിനെ അവതരിപ്പിച്ച് കൊണ്ടുള്ളതാണ് പ്രൊമോ. 'ഇവിടെ കളിക്കുന്നതും കളി നിയന്ത്രിക്കുന്നതും ആ ഒരാൾ..', എന്ന ക്യാപ്ഷനോടെ പുറത്തുവന്ന വീഡിയോയിൽ ജഡ്ജസ് ആയി എത്തുന്നത് അഖിൽ മാരാർ, റിയാസ് സലീം, രഞ്ജിനി ഹരിദാസ് എന്നിവരും എത്തുന്നുണ്ട്.

ബിഗ് ബോസ് മലയാളം സീസണിൽ ഇത്തവണ രണ്ട് ഷോകളാണ് നടക്കുക. അതിൽ ആദ്യത്തോട് അഗ്നിപരീക്ഷയാണ്. കോമണേഴ്സിന് വേണ്ടിയുള്ളതാണ് ഈ ഷോ. ഒഡിഷനുകളിലൂടെ തെരഞ്ഞെടുത്ത 40 കോമണേഴ്സായ മത്സരാർത്ഥികളാണ് അഗ്നിപരീക്ഷയിൽ പങ്കെടുക്കുന്നത്. 21 എപ്പിസോഡുകളായിരിക്കും ഉണ്ടാകുക. ഒപ്പം പ്രേക്ഷകർക്ക് വോട്ടിംഗ് ഫെസിലിറ്റിയും ഉണ്ടായിരിക്കുന്നതാണ്. ഓഗസ്റ്റ് 15ന് അഗ്നിപരീക്ഷ ആരംഭിക്കും. ഏഷ്യാനെറ്റിലും ജിയോ ഹോട്സ്റ്റാറിലും ഷോ പ്രേക്ഷകർക്ക് കാണാം.

എന്നെങ്കിലും ലാലേട്ടന് മടുക്കുമല്ലോ? അന്ന് ഞാൻ ബിഗ്‌ ബോസിലേക്ക് പോകും: ധ്യാൻ ശ്രീനിവാസൻ

Nithya G Robinson — Fri, 31 Jul 2026 14:30:34 +0530

വീണ്ടുമൊരു ബിഗ് ബോസ് കാലം മലയാളത്തിൽ വരികയാണ്. ബിഗ് ബോസ് മലയാളം സീസൺ 8ന് മുന്നോടിയായി അഗ്നിപരീക്ഷ എന്ന പേരിയൊരു പ്രീ- ഷോ ഓഗസ്റ്റ് 15 മുതൽ ആരംഭിക്കും. ഇതിനായി കാത്തിരിക്കുകയാണ് ബിഗ് ബോസ് പ്രേമികളെല്ലാവരും. സോഷ്യൽ മീഡിയയിൽ ബിബിയുമായി ബന്ധപ്പെട്ട ചർച്ചകൾ പുരോഗമിക്കവെ ഷോയെ കുറിച്ച് ധ്യാൻ ശ്രീനിവാസൻ പറഞ്ഞ കാര്യങ്ങൾ ശ്രദ്ധനേടുകയാണ്. താൻ ബിഗ് ബോസിലേക്ക് പോയിട്ട് കാര്യമില്ലെന്നും പ്രത്യേകിച്ച് കണ്ടന്റ് ഒന്നും കിട്ടില്ലെന്നും ധ്യാൻ പറയുന്നു. ലാലേട്ടന് മടുക്കുമ്പോൾ പകരം ഹോസ്റ്റായി ബിഗ്‌ബോസിലേക്ക് താൻ പോകുമെന്നും തമാശരൂപേണ ധ്യാൻ പറഞ്ഞു.

വിവ സിനിമ പ്രൊമോഷൻ അഭിമുഖത്തിൽ സംസാരിക്കുകയായിരുന്നു ധ്യാൻ. ബിഗ് ബോസിൽ പോകുമോന്ന ചോദ്യത്തിന്, "ഇല്ല. എനിക്ക് അത്രയും ദിവസം മാറി നില്‍ക്കാന്‍ പറ്റില്ല. ഞാന്‍ മാറി നിന്നാല്‍ മലയാള സിനിമ എന്ത് ചെയ്യും. സമൂഹത്തിന്‍റെ ഒരു ക്രോസ് സെക്ഷനാണ് ബിഗ് ബോസ്. സോഷ്യല്‍ എക്സ്പിരിമെന്‍റ് പോലെ കാണേണ്ട ഒന്ന്. പലതരത്തിലുള്ള സ്വഭാവമുള്ളവരെ വച്ച് നടത്തുന്ന ഒരു സോഷ്യല്‍ എക്സ്പിരിമെന്‍റാണ് ബിഗ് ബോസ്. അങ്ങനെ പ്രത്യേകമായിട്ടൊരു ക്യാരക്ടറൊന്നും എനിക്കില്ല. ഒന്നിനേയും പ്രതിനിധീകരിക്കുന്നുമില്ല. ഞാന്‍ പോയത് കൊണ്ട് ഇവിടെ ഒരു മാറ്റമോ കണ്ടന്‍റോ ഒന്നും ഉണ്ടാകാന്‍ പോകുന്നില്ല. പ്രശ്നം ഉണ്ടാവുമ്പോള്‍ അടി ഉണ്ടാക്കരുതെന്ന് പറയുന്നൊരാളായി മാറും ചിലപ്പോള്‍. അവിടെ വേണ്ടത് അതല്ല. ഷോ സ്ഥിരമായി കാണുന്നൊരാളാണ് ഞാന്‍. ഓരോരുത്തര്‍ക്കും ഓരോരോ സ്വഭാവം ഉണ്ട്. ആ ക്യാരക്ടര്‍ സ്റ്റഡിയാണ് ഷോ. വലിയൊരു സോഷ്യല്‍ എക്സ്പീരിമെന്‍റാണ് അത്. അതുകൊണ്ടാണല്ലോ നമ്മളത് കാണുന്നതും. വിളിച്ചാല്‍, ഞാന്‍ പോയിട്ട് കാര്യമില്ലാത്തത് കൊണ്ട് പോകില്ല. മുന്‍പ് ഗസ്റ്റ് ആയിട്ടൊക്കെ വിളിച്ചിട്ടുണ്ട്. പക്ഷേ പോകാന്‍ പറ്റിയിട്ടില്ല. ലാലേട്ടന്‍ എപ്പോഴെങ്കിലും മാറുമ്പോള്‍ ബിഗ് ബോസ് അവതരിപ്പിക്കാമല്ലോ. എന്നെങ്കിലും ലാലേട്ടന് മടുക്കുമല്ലോ. അപ്പോ ആലോചിക്കാം", എന്നാണ് ധ്യാൻ പറഞ്ഞത്.

മുൻ ബിഗ് ബോസ് താരം അഭിഷേക് ശ്രീകുമാറും വിവ സിനിമയിലുണ്ട്. ധ്യാൻ വന്ന ബിഗ് ബോസ് അടിപൊടിയായിരിക്കുമെന്നാണ് അഭിഷേകിന്റെ അഭിപ്രായം. "അടിപൊളിയായിരിക്കും. ഫുള്‍ കോമഡി ആയിരിക്കും. നമുക്കറിയാമല്ലോ അവിടെ ഫുള്‍ തമ്മിലടി ആണ്. ധ്യാന്‍ ചേട്ടന്‍ പോയാല്‍ കോമഡി ആയിരിക്കും. കോമഡി ഷോ ആയി മാറും", എന്നായിരുന്നു അഭിഷേകിന്റെ മറുപടി.

'ഐ ആം നോട്ട് ദ കിംഗ്, ഐ ആം ദ കിംഗ് മേക്കര്‍'; മാസായി അധികാരത്തിലേറാൻ മോഹൻലാൽ, ബിബി പ്രൊമോ

Nithya G Robinson — Tue, 21 Jul 2026 20:23:07 +0530

പ്രേക്ഷകരുടെ ഏറെ നാളത്തെ കാത്തിരിപ്പുകൾക്കും ആകാംക്ഷകൾക്കും ഒടുവിൽ ബിഗ് ബോസ് മലയാളം സീസൺ 8 വരാൻ പോകുകയാണ്. ആരൊക്കെയാകും ഇത്തവണ ഷോയിൽ മാറ്റുരയ്ക്കാൻ എത്തുകയെന്നറിയാനായി ഏവരും കാത്തിരിക്കുന്നുണ്ട്. റിവ്യൂവർമാരെല്ലാവരും പ്രെഡിക്ഷൻ ലിസ്റ്റുകളുമായി സജീവമായിട്ടുണ്ട്. തതവസരത്തിൽ പ്രേക്ഷകരിൽ ആവേശം നിറച്ചു കൊണ്ട് പുതിയ ബിഗ് ബോസ് പ്രൊമോ പുറത്തുവിട്ടിരിക്കുകയാണ് ജിയോ ഹോട്സ്റ്റാറും ഏഷ്യാനെറ്റും.

പക്കാ ഒരു സിനിമ സ്റ്റൈലിൽ ആണ് പ്രൊമോ ചിത്രീകരിച്ചിരിക്കുന്നത്. കാറോടിച്ച് വരുന്ന മോഹൻലാൽ, വലപിടിച്ച് കിടക്കുന്ന പഴയൊരു ഗ്രന്ഥശാലയ്ക്കുള്ളിലേക്ക് കയറുന്നു. പല പുസ്തകങ്ങളും കടന്ന് അദ്ദേഹം ഒടുവിൽ ചാണക്യന്റെ അർത്ഥശാസ്ത്രം എടുക്കുന്നത് കാണാം. ശേഷം മോഹൻലാലിന്റെ നറേഷനും വരുന്നു. 'പ്രജകളുടെ സന്തോഷമാണ് രാജാവിന്റെ സന്തോഷം. അവരുടെ ക്ഷേമമാണ് രാജാവിന്റെ ക്ഷേമം. സ്വന്തം താല്പര്യങ്ങൾക്കല്ല, പ്രജകളുടെ താല്പര്യങ്ങൾക്കാണ് രാജാവ് മുൻഗണന നൽകേണ്ടത്. ബട്ട് ഐ ആം നോട്ട് ദ കിംഗ്, ഐ ആം ദ കിംഗ് മേക്കര്‍', എന്നാണ് മോഹൻലാലിന്റെ വാക്കുകൾ.

പുത്തന്‍ പ്രൊമോ വന്നതിന് പിന്നാലെ നിരവധി പേരാണ് കമന്‍റുകളുമായി രംഗത്ത് എത്തിയത്. "ഫിഫ കഴിഞ്ഞു അടുത്ത കണ്ടന്റിന് വകുപ്പായി.. അപ്പൊ എങ്ങനെയാ തുടങ്ങുകയല്ലേ, 3 മാസത്തേക്ക് കേരളം കത്താനുള്ളതായി, ബിഗ്ഗ്‌ബോസ് മലയാളത്തിന്റെ എല്ലാ സീസൺസ്സും എടുത്ത് നോക്കിയാൽ ഏറ്റുവും കൂടുതൽ TRP നേടിയത് BBMS -7 ആണ് അത് മറികടക്കാൻ കഴിയുമെന്ന് തോന്നുന്നില്ല. എന്തായാലും BBMS -8 കളർഫുൾ ഗ്രാൻഡ് ആവട്ടെ, ഒരു നേരമ്പോക്കിന് വകയായി, എന്തായാലും ബിബി7 trp തകർകാൻ പറ്റില്ല", എന്നിങ്ങനെ പോകുന്നു. അതേസമയം, ഇത്തവണ ആറ് ഭാഷകളിലെ ബിഗ് ബോസ് സീസണുകള്‍ ഒരുമിച്ചാണ് നടക്കാന്‍ പോകുന്നത്.

'കിച്ചുവിനൊരു കപ്പ്', വിവാദ താരങ്ങൾ മുതൽ പകരക്കാർ വരെ ! 8ന്റെ പണിക്ക് ബിഗ് ബോസ്, പ്രെഡിക്ഷൻ ലിസ്റ്റ്

Nithya G Robinson — Thu, 02 Jul 2026 11:32:30 +0530

ഇന്ത്യൻ ടെലിവിഷൻ ചരിത്രത്തിലെ ഏറ്റവും വലിയ റിയാലിറ്റി ഷോയാണ് ബിഗ് ബോസ്. വിവിധ മേഖലകളിൽ ഉൾപ്പെടുന്നവർ ഒരുമിച്ചൊരു വീട്ടിൽ, പുറംലോകവുമായി യാതൊരുവിധ സമ്പർക്കവുമില്ലാതെ, ടാക്സുകളും അതിജീവനവും നടത്തി 100 ദിവസം കഴിയുന്നതാണ് ഷോ. ഇതിൽ കടമ്പകളെല്ലാം തരണം ചെയ്ത് മുന്നോട്ട് വരുന്ന ഒരാൾ ആ സീസണിലെ കപ്പെടുക്കും. വിവിധ ഭാഷകളിൽ സംപ്രേഷണം ചെയ്യുന്ന ബിഗ് ബോസിന്റെ എട്ടാം സീസൺ ആണ് മലയാളത്തിൽ വരാനിരിക്കുന്നത്. വൈകാതെ തന്നെ ഷോ ആരംഭിക്കും. തതവസരത്തിൽ ആരൊക്കെയാകും ഇത്തവണ മാറ്റുരയ്ക്കാനെത്തുന്ന ശ്രദ്ധേയർ എന്ന പ്രെഡിക്ഷൻ ലിസ്റ്റുകളും പുറത്തുവന്നു കഴിഞ്ഞു.

അൻസിഫ് എന്ന യുട്യൂബറാണ് പ്രെഡിക്ഷൻ ലിസ്റ്റ് പുറത്തുവിട്ടിരിക്കുന്നത്. ഇതിൽ ചിലർ ഒരുപക്ഷേ ഷോയിൽ ഉണ്ടാകാനുള്ള സാധ്യത ഏറെയാണ്. പ്രെഡിക്ഷന് പുറമെ സോഷ്യൽ മീഡിയയിൽ ഉയർന്നു വന്നൊരു പേര് കിച്ചു സുധിയുടേതാണ്. കിച്ചു ബിഗ് ബോസിലേക്ക് പോയാൽ ജനപ്രീതി കൊണ്ടും വലിയൊരു ജനവിഭാഗത്തിന്റെ പിന്തുണ ഉള്ളത് കൊണ്ടും മുന്നോട്ട് പോകുമെന്നും സോഷ്യൽ മീഡിയ ഉപയോക്താക്കൾ പറയുന്നു. മികച്ച രീതിയിൽ കളിച്ചാൽ 'കിച്ചുവിനൊരു കപ്പ്' ഉറപ്പ് എന്ന് പറയുന്നവരും ധാരാളമാണ്. എന്നാൽ ഇത് ബിഗ് ബോസ് ഷോയാണ്. അവിടെ കിച്ചു എത്രമാത്രം അതിജീവിക്കും എന്നത് പ്രധാനമാണ്. ഒപ്പം വരുന്നത് മികച്ച മത്സരാർത്ഥികളും ആയിരിക്കും. അവരെ ബീറ്റ് ചെയ്ത് കിച്ചു മുന്നേറേണ്ടതുണ്ട്. അതേസമയം, ബിഗ് ബോസിൽ കിച്ചു ഉണ്ടോ ഇല്ലയോ എന്ന കാര്യം അവ്യക്തമായി തുടരുകയാണ്. നോക്ക് മക്കളേ നോക്ക് എന്ന ഡയലോഗ് കൊണ്ട് ശ്രദ്ധനേടിയ കണ്ടന്റ് ക്രിയേറ്റർ ആകാശ് പരമേശ്വരന്‍ ഷോയിൽ വരാൻ സാധ്യതയുണ്ടെന്നും പ്രെഡിക്ഷൻ പറയുന്നു. ആകാശ്, നെവിന് പകരക്കാരനാണെന്നാണ് വാദം.

പ്രെഡിക്ഷൻ ലിസ്റ്റിലെ 22 പേർ ഇവർ

സോന നായര്‍- അഭിനേത്രി(സിനിമ-സീരിയല്‍)

ജീവ- അവതാരകന്‍, നടന്‍

ഗ്ലാമി ഗംഗ- ബ്യൂട്ടി വ്ളോഗര്‍

പ്രണവ് കൊച്ചു- വ്ളോഗര്‍

ജാസി ജാസില്‍- ട്രാന്‍സ് കമ്യൂണിറ്റി

രാഹുല്‍ ഈശ്വര്‍- കമന്‍റേറ്റര്‍, അവതാരകന്‍...

ഐശ്വര്യ റംസായ്- അഭിനേത്രി(മൗനരാഗം ഫെയിം)

അഖില്‍ എന്‍- കണ്‍ന്‍റ് ക്രിയേറ്റര്‍

അപ്സര സിജെ- ട്രാന്‍സ് വുമണ്‍(തമിഴ് ബിഗ് ബോസ്)

രോഹന്‍- അവതാരകന്‍

അവന്തിക മോഹന്‍- അഭിനേത്രി

അല്‍ ഫുഡീസ് സൂരജ്- ഫുഡ് വ്ളോഗര്‍

ഷഫീന ബീവി- യുട്യൂബര്‍(രേണു സുധി വിവാദം)

ഹഗ്രി മാഹി- ഫുഡ് വ്ളോഗര്‍(കുക്ക് വിത്ത് കോമാളി)

ആലീസ് ക്രിസ്റ്റ്- അഭിനേത്രി

സിദ്ധാര്‍ത്ഥ് പ്രഭു- നടന്‍

കെന്ന ഷാല്‍ബിന്‍- അവതാരക

ആകാശ് പരമേശ്വരന്‍- കണ്ടന്‍റ് ക്രിയേറ്റര്‍(നോക്ക് മക്കളേ നോക്ക്)

ട്വിങ്കിള്‍ സീതള്‍- അവതാരക

ബിജു സോപാനം- നടന്‍

അനില അനില്‍ കുമാര്‍- ഡാന്‍സര്‍

ക്രിസ്റ്റി സെബാസ്റ്റ്യന്‍- നടന്‍

Asianet News Malayalam

ബിഗ് ബോസിന് ശേഷം ഡിപ്രഷനിലായി എന്ന് അനുമോൾ

കാത്തിരിപ്പുകൾക്ക് വിരാമം, ഇനി 18 ദിവസം മാത്രം; ബി​ഗ് ബോസ് സീസൺ 8 അ​ഗ്നിപരീക്ഷ ഉടൻ

ബി​ഗ് ബോസ് അ​ഗ്നിപരീക്ഷ 15 മുതല്‍; സംപ്രേഷണ സമയം പ്രഖ്യാപിച്ചു

'ചിലർ ചെയ്യുന്നത് പ്രശസ്തിക്കുവേണ്ടി, ഞാൻ എന്നോട് സത്യസന്ധൻ'; ബി​ഗ് ബോസിനെ കുറിച്ച് കൊറിയൻ മല്ലു

'ബിൻസി ഉപദ്രവിച്ചു, കൈ കടിച്ച് പറിച്ചു, സ്നേഹം വീഡിയോയിൽ മാത്രം'; ആരോപണവുമായി സഹോദരി

വന്‍ അവസരം, ഇനി മണിക്കൂറുകള്‍ കൂടി മാത്രം; നിങ്ങള്‍ അപേക്ഷിച്ചോ?

'ഉപ്പും മുളകും' ബ്രേക്ക്, ബി​ഗ് ബോസിന് വേണ്ടിയല്ല; പ്രവചനങ്ങൾ വേണ്ടെന്ന് നടൻ സിദ്ധാർത്ഥ് പ്രഭു

'അയ്യോ വേണ്ട..പക്വത വരട്ടെ'; ബി​ഗ് ബോസ് വിളിച്ചെന്ന് എൻഡിഎ സ്ഥാനാര്‍ത്ഥിയായിരുന്ന ആതിര

അടവുകൾ 18ഉം പയറ്റിയവർ, എതിരാളികളെ 'നിലംപരിശാക്കി'യവർ, ബിഗ് ബോസ് കോമണേഴ്‍സിനെ വിറപ്പിക്കാൻ ഈ മൂന്ന് പേര്‍

ലാലേട്ടാ..ലല ലാ ലാ ലാ..; ബി​ഗ് ബോസ് അനുമോളേ ചേർത്തണച്ച് മോഹൻലാൽ, ഫോട്ടോ വൈറൽ

സിംഹാസനങ്ങളിൽ ഇരിപ്പിടം ഉറപ്പിക്കുന്നത് ആരെല്ലാം ? ബി​ഗ് ബോസ് അ​ഗ്നിപരീക്ഷ പ്രൊമോ

'അമ്മ പോയി..' ബി​ഗ് ബോസ് താരം റോബിൻ രാധാകൃഷ്ണന്റെ മാതാവ് അന്തരിച്ചു

40 കോമണേഴ്സ്, 21 ദിവസം; 'ഇന്‍ട്രോ കാണാതെ ക്ലൈമാക്സ് കണ്ടിട്ട് കാര്യമുണ്ടോ' ! ബിബി അ​ഗ്നിപരീക്ഷ പ്രൊമോ

'ഡാഡീസ് ഹോം', ഹൗസിനെ വിറപ്പിച്ചവർ വീണ്ടും അകത്തേക്ക് ? ആ വൻ പ്രഖ്യാപനവുമായി ടീം ബി​ഗ് ബോസ്

ബി​ഗ് ബോസ് 'അഗ്നിപരീക്ഷ' പുതിയ പ്രൊമോ