Asianet News Malayalam

ബിഗ് ബോസില്‍ വീണ്ടും എവിക്ഷൻ, ഒരാള്‍ കൂടി പുറത്ത്

Web Desk — Sun, 01 Nov 2026 22:25:14 +0530

മാസ് എവിക്ഷന് ശേഷം വൈൽഡ് കാർഡ് ആയി വീട്ടിലേക്കെത്തിയ ഒരു മത്സരാർത്ഥി കൂടി വീടിനോട് വിട പറഞ്ഞിരിക്കുകയാണ്. വേദാങ്കി ആണ് ഈ ആഴ്ചയിൽ എവിക്റ്റ് ആയിരിക്കുന്ന മത്സരാർത്ഥി. വൈൽഡ് കാർഡ് ആയി വന്നവരിൽ ആക്റ്റീവ് ആണെന്ന് ആദ്യ ദിവസംതന്നെ തോന്നിപ്പിച്ച മത്സരാര്‍ഥിയായിരുന്നെങ്കിലും വേദാങ്കിക്ക് ഇന്ന് പടിയിറങ്ങേണ്ടി വന്നു. താൻ നൂറ് ശതമാനം നീതി പുലര്‍ത്തിയാണ് ബിഗ് ബോസില്‍ നിന്നതെന്ന് വേദാങ്കി പിന്നീട് മോഹൻലാലിനോട് പ്രതികരിച്ചു.

വേദാങ്കി എന്തുകൊണ്ട് പുറത്തായി?

ഫെമിനിസ്റ്റ് കണ്ടന്റ് ക്രിയേറ്റർ എന്ന നിലയിൽ സോഷ്യൽ മീഡിയയിൽ പലർക്കും പരിചിതയായിരുന്ന വേദാങ്കിയുടെ വീട്ടിലെ ലക്ഷ്യം രാഹുൽ ഈശ്വറായിരുന്നു. രാഹുൽ ഈശ്വർ തന്നെയായിരിക്കും തന്റെ എതിരാളി എന്ന് സ്റ്റാബ്ലിഷ്‌ ചെയ്തുകൊണ്ടാണ് വേദാങ്കി വീട്ടിലേക്കെത്തുന്നത്. വന്ന ദിവസംതന്നെ വീട്ടിലുള്ളവരെ പ്രൊവോക് ചെയ്ത്കൊണ്ടായിരുന്നു വേദാങ്കിയുടെ തുടക്കംപോലും. അതിനെ പ്രതിരോധിച്ചതാകട്ടെ രാഹുൽ ഈശ്വറും. പക്ഷെ അതേ രാഹുൽ തന്നെ വേദാങ്കിയുടെ 'ഫ്രെനിമി' ആയി മാറിയത് വീടിനകത്തും പുറത്തും ചർച്ചകളുണ്ടാക്കിയിട്ടുമുണ്ട്.

ഫെമിനിസ്റ്റ് എന്ന ലേബലിൽ എത്തിയ വേദാങ്കിയുടെ പല പ്രവർത്തികളും അതിനു എതിരായ തരത്തിൽ ഉള്ളതായിരുന്നു എന്നത് പറയാതിരിക്കാനാവില്ല. ഷിബിനെ, ശ്രീലക്ഷ്മി, ഗൗതം എന്നിവർക്കിടയിലുണ്ടായ പ്രശ്നത്തെ കുറിച്ച് പലപ്പോഴും ശക്തമായി സംസാരിച്ചിരുന്ന ആളാണ് വേദാങ്കി. എന്നാൽ അതേ വേദാങ്കി ഒരു ടാസ്കിനിടെ ഐശ്വര്യയോട് സംസാരിച്ച രീതി മോശമായിരുന്നു എന്ന് വീടിനകത്തും പുറത്തും പലരും അഭിപ്രായപ്പെട്ടിട്ടുമുണ്ട്. നോബിയുടെ അമ്മയുടെ രോഗവുമായി ബന്ധപ്പെട്ട വേദാങ്കി നടത്തിയ പരാമർശവും ഒരിക്കലും ഒരാളിൽനിന്ന് ഉണ്ടാകാൻ പാടില്ലാത്തതാണ്. അത്തരത്തിൽ വളരെ സെലക്ടീവ് ആയ ഫെമിനിസമാണ് വേദാങ്കിയുടേത് എന്നൊരു ഇമേജ് തുടക്കത്തിൽത്തന്നെ പ്രേക്ഷകർക്ക് ഉണ്ടായി. പ്രേക്ഷകരുമായി കണക്റ്റ് ആവാനോ നല്ലൊരു ഇമ്പാക്റ്റ് സൃഷ്ടിക്കാനോ വേദാങ്കിക്ക് ഒരു സമയത്തും കഴിഞ്ഞിട്ടുമില്ല. പകരം നെഗറ്റീവ് ഇമേജ് ആണ് വേദാങ്കി തുടക്കം മുതൽ ഉണ്ടാക്കിയിരുന്നത്.

നിലീനയും വേദാങ്കിയും തമ്മിൽ നോമിനേഷൻ സമയത്ത് കൺഫെഷൻ റൂമിൽ വച്ചുനടന്ന സംസാരം വളരെ ആർട്ടിഫിഷ്യൽ ആയാണ് പ്രേക്ഷകർക്ക് അനുഭവപ്പെട്ടത്. അതിനാടകീയമായി പരസ്പരം സംസാരിച്ച നിലീനയുടെയും വേദാങ്കിയുടെയും വാക്കുകൾ പുറത്ത് വലിയ രീതിയിൽ ട്രോൾ ചെയ്യപ്പെടുകയും ചെയ്തിരുന്നു. വൈൽഡ് കാർഡ് ആയെത്തിയ നൗഫീന ഇടപെട്ട് നിലീനയെ കൂടി ആ നോമിനേഷനിൽ ഉൾപ്പെടുത്തിയിരുന്നില്ല എങ്കിൽ ഒരുപക്ഷേ ആ ആഴ്ചയിൽ നിലീനയ്ക്ക് പകരം വേദാങ്കി ആയിരുന്നേനെ എവിക്റ്റ് ആവുക. അതിനടുത്ത ആഴ്ചയിൽ എവിക്ഷൻ ഇല്ലാതിരുന്നതും തുണയായത് വേദാങ്കിയ്ക്ക് തന്നെയാണ്.

ആരെ ടാർഗെറ്റ് ചെയ്യുമെന്ന് വേദാങ്കി അവകാശപ്പെട്ടോ, അതേ രാഹുൽ ഈശ്വർ ആണ് അവിടെ വേദാങ്കിയുടെ സന്തതസഹചാരി ആയിരുന്നത് എന്നതാണ് ഏറ്റവും വലിയ വിരോധാഭാസം. രാഹുൽ തന്നെ മനഃപൂർവ്വം മാനിപ്പുലേറ്റ് ചെയ്യുന്നു എന്ന് പറയുമ്പോഴും വേദാങ്കി രാഹുലിനെ തന്നെയാണ് എന്തിനും ഏതിനും അപ്പ്രോച്ച് ചെയ്തിരുന്നത് എന്നതും നിഷേധിക്കാനാവാത്ത വസ്തുതയാണ്. എന്നാൽ ആ സൗഹൃദത്തിൽ വേദാങ്കി അസ്വസ്ഥത പ്രകടിപ്പിക്കുകയും രാഹുലിനെ കുറിച്ച് മറ്റുള്ളവരോട് നെഗറ്റീവ് ആയി സംസാരിക്കുകയും ചെയ്തിട്ടുമുണ്ട്. അങ്ങനെ ആണെങ്കിൽ രാഹുലിനെ പൂർണ്ണമായി ഒഴിവാക്കിക്കൂടെ എന്ന ചോദ്യം വീടിനകത്തും പുറത്തുമുള്ളവർ ചോദിച്ചിട്ടുമുണ്ട്. അതിനു വേദാങ്കി കൃത്യമായ ഒരുതരം നൽകിയതായി തോന്നിയിട്ടില്ല. രാഹുലാണ്‌ തന്നെ എപ്പോഴും അപ്പ്രോച്ച് ചെയ്യുന്നത് എന്ന വേദാങ്കിയുടെ മറുപടി അത്ര വിശ്വാസയോഗ്യമായ തോന്നിയിട്ടുമില്ല.

അവസാന ആഴ്ചയിൽ താഷി, നേഹ എന്നിവർക്കിടയിൽ വേദാങ്കിയുമായി ബന്ധപ്പെട്ടുണ്ടായ പ്രശ്നം വേദാങ്കിയുടെ വിശ്വാസ്യത വീണ്ടും കുറയ്ക്കുന്നതായിരുന്നു. നേഹയോടും മൃദുലയോടും സംസാരിച്ച രീതിയിലായിരുന്നില്ല വേദാങ്കി താഷിയോടും നോബിയോടും സംസാരിച്ചത്. തന്നോട് താഷി flirt ചെയ്തു എന്ന് അവകാശപ്പെട്ട വേദാങ്കി അക്കാര്യത്തെക്കുറിച്ച് താഷി ചോദിച്ചപ്പോൾ താനത് തമാശ രൂപത്തിലാണ് അവരോട് പറഞ്ഞത് എന്നായിരുന്നു വേദാങ്കിയുടെ മറുപടി. താഷിയുമായി വാക്കുതർക്കത്തിന് താല്പര്യമില്ലാത്തതുകൊണ്ടാണ് അങ്ങനെ പറഞ്ഞത് എന്നായിരുന്നു അക്കാര്യത്തെക്കുറിച്ചുള്ള വേദാങ്കിയുടെ വിശദീകരണം. ഒട്ടും ന്യായമായിരുന്നില്ല വേദാങ്കിയുടെ ഈ പ്രവർത്തികൾ. ഒരളെക്കുറിച്ച് നമ്മളൊരു അലിഗേഷൻ ഉന്നയിക്കുമ്പോൾ അതിനു നൽകേണ്ട മിനിമം വ്യക്തത പോലും നൽകാൻ വേദാങ്കി തയാറായിട്ടില്ല.

പുരോഗമനകാരി എന്ന് അവകാശപ്പെടുന്ന വേദാങ്കി പലപ്പോഴും അവിടെ ഏജ് ഷെമിങ് അടക്കം നടത്തിയതും പ്രേക്ഷകർ കണ്ടു. അവരുടെ വാക്കുകളും പ്രവർത്തിയും തമ്മിലെ പൊരുത്തക്കേടുകൾ തന്നെയാണ് വേദാങ്കിക്ക് പുറത്തേക്കുള്ള വഴിയൊരുക്കിയത് എന്ന് പറയാം.

ഒരിക്കൽ നേഹ പറഞ്ഞതുപോലെ കടുപ്പമുള്ള വാക്കുകൾ സംഭാഷണത്തിനിടെ എടുത്തിടാനും പറയുന്നത് പോയിന്റ് ആണെന്ന് തോന്നിപ്പിക്കാനുമുള്ള ശ്രമങ്ങൾക്ക് അപ്പുറം കൃത്യമായി സംസാരിക്കാൻ വേദാങ്കിക്ക് കഴിഞ്ഞിട്ടുണ്ടോ എന്നും സംശയമാണ്. ഏതായാലും വേദാങ്കിയുടെ പുരാതവൾ രാഹുൽ ഈശ്വറിന്റെ ഗെയ്മിനെ എങ്ങനെ ബാധിക്കും എന്നാണ് ഇനി അറിയേണ്ടത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

'പുതപ്പിനടിയിൽ ഉണ്ടായിരുന്ന നോബിക്ക് ഇതൊന്നും ബാധകമല്ലേ?'; കുറിപ്പുമായി റിനി ആൻ ജോർജ്

Web Desk — Wed, 04 Nov 2026 15:31:05 +0530

ബിഗ് ബോസ് ഹൗസിൽ താഷിയും നേഹയും തമ്മിലുള്ള പ്രണയവും നേഹയുടെ മാതാപിതാക്കളുടെ വരവുമെല്ലാം വലിയ ചർച്ചയായി മാറിയിരുന്നു. ഇക്കാര്യത്തിൽ പ്രതികരിച്ച് രംഗത്തെത്തിയിരിക്കുകയാണ് ഇത്തവണത്തെ മൽസരാർത്ഥികളിൽ ഒരാളായിരുന്ന റിനി ആൻ ജോർജ്. മലയാളികളുടെ സദാചാര കണ്ണും മര്യാദ പഠിപ്പിക്കലും ഒക്കെ സ്ത്രീകളോട് മാത്രമാണെന്നും പുതപ്പിനടിയിൽ ഉണ്ടായിരുന്ന നോബിക്ക് ഇതൊന്നും ബാധകമല്ലേ എന്നും റിനി ചോദിക്കുന്നു.

"കേരള സമൂഹം എന്ത് മാത്രം സ്ത്രീ വിരുദ്ധമാണ് എന്നതിന്റെ നേർക്കാഴ്ചയാണ് ബിഗ്‌ബോസ് എന്ന ഷോ നമ്മുക്ക് കാണിച്ചു തരുന്നത്. കാലാകാലങ്ങളിൽ നീണ്ടു നിൽക്കുന്ന മാനസിക പിരിമുറുക്കങ്ങൾ ആണ് സ്ത്രീ മത്സരാർത്ഥികൾക്ക് പ്രേക്ഷകർ സമ്മാനിക്കുന്നത്. അതിന്റെ ഏറ്റവും പുതിയ ഉദാഹരണമാണ് ഫാത്തിമ നേഹയുടേത്. അവളുടെ മാതാവിന് നേരെ ഉണ്ടാകുന്ന സൈബർ ആക്രമണങ്ങളും സമ്മർദ്ദങ്ങളും ആണ് അവരെ ബിഗ്‌ബോസ് വേദിയിൽ എത്തിച്ചതും ആ കുട്ടിക്ക് അത് ഒരു വലിയ മാനസിക സമ്മർദ്ദം സൃഷ്ടിച്ചതും. ലോലിറ്റ എന്ന പെൺകുട്ടിയെ മാത്രം ടാർഗറ്റ് ചെയ്തു കൊണ്ട്‌ ഒരു ഹേറ്റ് ക്യാമ്പയിൻ തന്നെ സൃഷ്ടിച്ചു. സ്ട്രോങ്ങ് ആയി അഭിപ്രായങ്ങൾ പറഞ്ഞ ഷിബിനയെ പുറത്താക്കി. നോബിയുടെയും നിലീനയുടെയും വിഷയത്തിൽ നിലീന മാത്രം കുറ്റക്കാരി ആയി മുദ്രകുത്തപെട്ടു. എന്നാൽ പുതപ്പിനടിയിൽ ഉണ്ടായിരുന്ന നോബിക്ക് ഈ സദാചാരം ഒന്നും ബാധകമല്ല. അങ്ങനെ മലയാളികളുടെ സദാചാര കണ്ണും മര്യാദ പഠിപ്പിക്കലും ഒക്കെ സ്ത്രീകളോട് മാത്രമാണ് എന്നതാണ് വസ്തുത.

ഒരു സ്ത്രീ കരഞ്ഞാൽ സഹതാപ നാട്ട്യം, ഒരു സ്ത്രീ സ്ട്രോങ്ങ് ആയി അഭിപ്രായം പറഞ്ഞാൽ അവൾ അഹങ്കാരി, ഒരു സ്ത്രീ ദേഷ്യപ്പെട്ടാൽ അവൾ മാനസിക രോഗി, ഒരു സ്ത്രീ മോഡേൺ ആയി വസ്ത്രം ധരിച്ചാൽ അവൾ അഴിഞ്ഞാട്ടക്കാരി. ഇങ്ങനെ പോകും മലയാളികൾ സ്ത്രീ മത്സരാർത്ഥികൾക്ക് അല്ലെങ്കിൽ പൊതുവെ സ്ത്രീകൾക്ക് കൊടുക്കുന്ന ടാഗുകൾ. എന്നാൽ പുരുഷ മത്സരാർത്ഥി അല്ലെങ്കിൽ പുരുഷൻ ദേഷ്യപ്പെട്ടാൽ അത് ഫയർ. ബിഗ്‌ബോസ് തുടങ്ങിയ കാലം മുതൽ അതിലെ സ്ത്രീ മത്സരാത്ഥികൾ ഇത്തരത്തിൽ കടുത്ത സൈബർ ആക്രമങ്ങൾക്കും സദാചാര വിചാരണകൾക്കും ഇരകൾ ആകുകയാണ്. പിന്നീടുള്ള അവരുടെ ജീവിതത്തെ പോലും തകർക്കുന്ന അവസ്ഥയാണ് പലപ്പോഴും.

ഒരാളുടെ ഗെയിം സ്ട്രാറ്റജി കൊണ്ട്, ഫെമിനിസ്റ്റുകളായ സ്ത്രീകൾ പുറത്തായി എന്നൊക്കെ മേന്മ പറയുന്നവരോട് സ്ത്രീപക്ഷം സംസാരിക്കുന്ന സ്ത്രീകളെ വെറുക്കുന്ന ഒരു സമൂഹമാണ് കേരളം എന്ന സത്യം മറന്നു പോകരുത്. ഒരു റേപിസ്റ് അല്ലെങ്കിൽ ഒരു ക്രിമിനൽ നേരിടുന്നതിനേക്കാൾ ഹേറ്റ് ഒരു ഫെമിനിസ്റ്റ് നേരിടുന്ന രാജ്യമാണ് ഇന്ത്യ. അതുകൊണ്ട് തന്നെ അങ്ങനെ ഉള്ള സ്ത്രീകൾ പെട്ടെന്ന് പുറത്താകുന്നത് ആരുടെയും മിടുക്ക് അല്ല ആഴത്തിലുള്ള സ്ത്രീ വിരുദ്ധതയാണ് അത് ചൂണ്ടികാണിക്കുന്നത്. ഇത്തവണത്തെ ബിഗ്‌ബോസിൽ ഏകദേശം തുല്യമാണ് സ്ത്രീ പുരുഷ മത്സരാർത്ഥികളുടെ എണ്ണം എന്നിട്ടും എത്രയോ സ്ത്രീകളെ ഓരോ കാരണം പറഞ്ഞു പ്രേക്ഷകർ പുറത്താക്കി. അപ്പോഴും നിർഗുണരായ യാതൊരു കണ്ടെന്റും കൊടുക്കാത്ത എത്രയോ പുരുഷ മത്സരാർത്ഥികൾ അവിടെ സേഫ് ആയി നില്കുന്നു എന്നതും ഓർക്കുക. അതും ഏറ്റവും കൂടുതൽ പ്രേക്ഷകരും സ്ത്രീകൾ ആയിട്ടുള്ള ഒരു ഷോ ആണ് എന്നുള്ളതാണ് വിരോധാഭാസം.

സ്ത്രീകളെ കൂട്ടം ചേർന്ന് അപമാനിക്കുന്നതും ബുള്ളി ചെയ്യുന്നതും അവരുടെ വേദനകൾ കണ്ടു രസിക്കുന്നതും അത് തങ്ങളുടെ വിജയവും ആയി കണ്ടു ഒരു തരം ആത്മസംതൃപ്തി അനുഭവിക്കുകയും അതിൽ വിനോദം കണ്ടെത്തുന്നവരുമാണ് പൊതുവെ മലയാളികൾ. മന്ത്രി കൊച്ചമ്മ വരുന്നുണ്ടേ, രാക്ഷസി രാക്ഷസി, ആണല്ല പെണ്ണല്ല അടിപൊളി വേഷം എന്ന ഗാനരംഗങ്ങളൊക്കെ കണ്ട് ആസ്വദിച്ചു പാടി നടന്ന മലയാളിക്ക് ഇതൊക്കെ സ്വാഭാവികമായി തോന്നുന്നതിൽ യാതൊരു അത്ഭുതവും ഇല്ല. "ഇത് ഒരു ഗെയിം ഷോ മാത്രമാണ് ഓരോ കാര്യങ്ങളെയും ഇഴ കീറി പോസ്റ്റ്മോർട്ടം ചെയ്ത് പരിശോധിക്കേണ്ട ആവശ്യമില്ല. അവരും മനുഷ്യരാണ് അവർക്ക് പുറത്തു ഒരു ജീവിതം ഉണ്ടെന്ന് മറന്നു പോകരുത് എന്ന് പ്രബുദ്ധ മലയാളികളോട് അപേക്ഷിക്കുന്നു കേരളത്തിന്റെ മഹാ നടൻ എന്നത് തന്നെ എന്ത് മാത്രം പിന്തിരിപ്പൻ സമൂഹമാണ് കേരളം എന്നതിന്റെ മകുടോദാഹരണമാണ്", റിനി ഫെയ്സ്ബുക്കിൽ കുറിച്ചു.

'25 ലക്ഷം തിരികെ കൊടുത്താല്‍ രാഹുല്‍ ബിഗ് ബോസില്‍ നിന്ന് പുറത്ത് വരുമോ'? ചോദ്യവുമായി മോഹന്‍ലാല്‍

Web Desk — Sat, 31 Oct 2026 19:00:14 +0530

ബിഗ് ബോസ് മലയാളം സീസണ്‍ 8 ലെ ഏറ്റവും താരമൂല്യമുള്ള മത്സരാര്‍ഥിയാണ് രാഹുല്‍ ഈശ്വര്‍. കിരണ്‍ ടിവി അവതാരകനായും മലയാളി ഹൗസില്‍ മത്സരാര്‍ഥിയായുമൊക്കെ എത്തി പിന്നീട് ചാനല്‍ ചര്‍ച്ചകളില്‍ സ്ഥിരം സാന്നിധ്യമായും മലയാളികള്‍ക്ക് സുപരിചിതനാണ് രാഹുല്‍ ഈശ്വര്‍. പുരുഷന്മാരുടെ അവകാശത്തിന് വേണ്ടി വാദിക്കുന്ന മെന്‍സ് കമ്മിഷന്‍റെ രൂപീകരണത്തിന് ശ്രമിക്കുമെന്നാണ് ബിഗ് ബോസില്‍ എത്തുന്നതിന് മുന്‍പ് രാഹുല്‍ പറഞ്ഞിരുന്നത്. എന്നാല്‍ ഷോയില്‍ പ്രേക്ഷകര്‍ കാണുന്നത് മറ്റൊരു രാഹുലിനെയാണ്. മിക്ക സഹമത്സരാര്‍ഥികളോടും സൗമ്യമായും നയപരമായും മാത്രം ഇടപെടുന്ന രാഹുല്‍ ഈശ്വര്‍. ബുദ്ധി ഉപയോഗിച്ചുള്ള ഗെയിമുകളിലൊക്കെ അദ്ദേഹം തിളങ്ങുന്നുമുണ്ട്. ഒരു പ്രത്യേക ടാസ്കില്‍ വിജയിച്ച രാഹുല്‍ ഈ വാരം പുറത്തായില്ലെങ്കില്‍ 12-ാം ആഴ്ച വരെ ഹൗസില്‍ സേഫ് ആയിരിക്കും. ഇന്നത്തെ എപ്പിസോഡില്‍ മോഹന്‍ലാല്‍ രാഹുലിനോട് ഒരു ചോദ്യം ചോദിക്കുന്നുണ്ട്.

ബിഡ്ഡിംഗ് ടാസ്കില്‍ ഇത്തവണത്തെ സമ്മാനത്തുകയായ 50 ലക്ഷത്തിന്‍റെ പകുതി പരമാവധി തുകയാക്കി ബിഡ് ചെയ്യാനായിരുന്നു ടാസ്ക്. ഏറ്റവും ഉയര്‍ന്ന തുക ബിഡ് ചെയ്യുന്നവരായിരുന്നു വിജയിക്കുന്നത്. എന്നാല്‍ മറ്റാരും പറയാത്ത യുണീക് തുക ആയിരിക്കണം പറയേണ്ടത്. അത്തരത്തില്‍ ബിഡ് ചെയ്ത് വിജയിച്ചത് രാഹുല്‍ ഈശ്വര്‍ ആയിരുന്നു. 24,99,999.95 എന്നതായിരുന്നു അദ്ദേഹത്തിന്‍റെ തുക. രാഹുലിന് ഇത് നേട്ടമായെങ്കിലും ഫിനാലെ വിജയിയുടെ തുക 25 ലക്ഷമായി ചുരുങ്ങിയത് ഹൗസിന് അകത്തും പുറത്തും ചര്‍ച്ചയായിരുന്നു.

ആശയങ്ങളുടെ ഉത്സവം- അഗോറയില് രജിസ്റ്റര് ചെയ്യാൻ ഇവിടെ ക്ലിക് ചെയ്യുക

കോണ്‍ഫിഡന്‍സ് അളക്കാന്‍ ബിഗ് ബോസ് നല്‍കിയ തുകയില്‍ നിങ്ങള്‍ വീണു എന്നാണ് മോഹന്‍ലാല്‍ ഇന്നത്തെ എപ്പിസോഡില്‍ രാഹുലിനോട് പറയുന്നത്. എന്നാല്‍ ഈ തുക തിരികെ കൊടുക്കാന്‍ അവസരം ലഭിച്ചാല്‍ താന്‍ കൊടുക്കുമെന്നാണ് രാഹുലിന്‍റെ മറുപടി. എന്തെങ്കിലും ടാസ്ക് ആയിട്ട്, ഇത് തിരിച്ചുകൊടുക്കാന്‍ അവസരം വരുന്നുണ്ടെങ്കില്‍ ഞാന്‍ സൂപ്പര്‍ കോണ്‍ഫിഡന്‍റ് ആണ് ഇത് തിരിച്ചു കൊടുക്കാന്‍. തിരിച്ച് ആ പൂളിലേക്ക് ഇടും. 12 ആഴ്ച വരെ നോമിനേഷന്‍ ഫ്രീ വേണ്ട, രാഹുലിന്‍റെ വാക്കുകള്‍. എന്നാല്‍ 25 ലക്ഷം രൂപ താന്‍ തിരിച്ച് കൊടുത്താല്‍ തന്‍റെയടുത്തേക്ക് വരാന്‍ രാഹുല്‍ തയ്യാറാണോ എന്നാണ് മോഹന്‍ലാലിന്‍റെ മറുചോദ്യം. ഏഷ്യാനെറ്റ് പുറത്തുവിട്ട പ്രൊമോയിലാണ് ഈ രംഗം ഉള്ളത്. കാണികളില്‍ ആകാംക്ഷയുണ്ടാത്തുന്ന രംഗമാണ് ഇത്.

'ശശിക്കും എനിക്കുമിടയിൽ ഒരു ഏജന്റിന്റെയും ഇടപെടൽ ആവശ്യമില്ല..'; സായ് കൃഷ്ണയ്ക്ക് മറുപടിയുമായി ശ്രീലക്ഷ്മി അറക്കൽ

Web Desk — Fri, 13 Nov 2026 10:58:06 +0530

ബിഗ്ബോസ് ഹൗസിനുള്ളിൽ വെച്ച് സഹമൽസരാ‍ർത്ഥിയായ ഷിബിനയുടെ വസ്ത്രത്തിൻ്റെ വള്ളി അഴിക്കുകയും അതിൽ ചെരുപ്പ് കെട്ടിത്തൂക്കുകയും ചെയ്ത സംഭവത്തിൽ ഗൗതം ശശിയും, അതിനെ പ്രോത്സാഹിപ്പിച്ചതിന് ശ്രീലക്ഷ്മി അറക്കലും വലിയ വിമർശനങ്ങൾ നേരിട്ടിരുന്നു. പിന്നീട് ശശി ഉള്ളയിടം സ്ത്രീകൾക്ക് സുരക്ഷിതമല്ലെന്ന സഹമത്സരാർത്ഥി നോബിയുടെ ആരോപണവുമെത്തി. ഷോയിൽ നിന്ന് പുറത്തായ ശേഷം ശ്രീലക്ഷ്മി ഇതിനെല്ലാമെതിരെ ശക്തമായി രംഗത്തുവന്നു. ഗൗതം സ്ത്രീകളെ ബഹുമാനിക്കുന്ന വ്യക്തിയാണെന്നും ശ്രീലക്ഷ്മി വ്യക്തമാക്കിയിരുന്നു. ഇപ്പോഴിതാ ലെഗസി വീക്കിന്റെ ഭാഗമായി ബിഗ്ബോസിലെത്തിയ സായ് ക‍ൃഷ്ണ ഈ വിഷയം വീണ്ടും ചർച്ചയാക്കിയതോടെ വീണ്ടും ഗൗതമിനെ പിന്തുണച്ച് രംഗത്തെത്തിയിരിക്കുകയാണ് ശ്രീലക്ഷ്മി. ശശി കാരണമല്ല താൻ ബിഗ്ബോസിൽ നിന്നും പുറത്തായതെന്നും സായ് കൃഷ്ണക്ക് മറുപടിയായി ശ്രീലക്ഷ്മി പറയുന്നുണ്ട്.

''ശശിയും ഞാനും തമ്മിലുള്ളത് ഒരു ജെനുവിൻ ബോണ്ട് ആണ്. ഏത് ഏജന്റ് വിചാരിച്ചാലും തകർക്കാൻ കഴിയുന്ന ഒന്നല്ല ഞങ്ങൾക്കിടയിലുള്ള സൗഹൃദം. ശശിയും ഞാനും ഒരുമിച്ച് ചെയ്ത ഒരു കാര്യത്തിന് ശശിക്ക് എത്രത്തോളം നെഗറ്റീവ് ഇംപാക്ട് ഉണ്ടാകുമെന്ന പേടിയിലാണ് അതിന്റെ ഉത്തരവാദിത്തം ഞാൻ ഏറ്റെടുത്തത്. ശശി കാരണമല്ല ഞാൻ ബിഗ് ബോസിൽ നിന്ന് പുറത്തായത്. മാസ് എവിക്ഷൻ ഇല്ലായിരുന്നെങ്കിൽ ഒരുപക്ഷേ ഞാൻ അവിടെത്തന്നെ തുടർന്നേനെ. ഇനി അഥവാ ശശി കാരണമാണ് ഞാൻ പുറത്തായതെങ്കിൽ പോലും എനിക്കതിൽ ഒരു വിഷമവുമില്ല. കാരണം, ബിഗ് ബോസ് എന്ന ഗെയിമിനും അതിനപ്പുറമാണ് ശശിയെപ്പോലെ ഒരാളെ ജീവിതത്തിൽ ഒരു സുഹൃത്തായി ലഭിക്കുക എന്നത്.

എന്റെ ജീവിതത്തിൽ ഒരുപാട് മനുഷ്യരെ കണ്ടിട്ടുണ്ട്. പക്ഷേ, യഥാർത്ഥത്തിൽ നിഷ്കളങ്കരും ശുദ്ധമായ മനസ്സുള്ളവരുമായ മനുഷ്യരെ വിരലിലെണ്ണാവുന്നവരിൽ മാത്രം ഞാൻ കണ്ടിട്ടുള്ളൂ. അത്തരത്തിൽ ഒരാളാണ് ഗൗതം ജി. ശശി. അങ്ങനെയൊരാളെ എനിക്ക് സുഹൃത്തായി സമ്മാനിച്ചതിന് ഈ ബിഗ് ബോസ് ഷോയോട് എനിക്ക് എന്നും നന്ദിയുണ്ടാകും.

എനിക്ക് വേണ്ടി ആരും സംസാരിക്കേണ്ടതില്ല. എന്റെയും ശശിയുടെയും ഇടയിലുള്ള കാര്യങ്ങൾ ഞങ്ങൾ തന്നെ ഉടനടി സംസാരിക്കും. ഞങ്ങളുടെ സൗഹൃദത്തിനിടയിൽ ഒരു ഏജന്റിന്റെയും ഇടപെടൽ ആവശ്യമില്ല. ശശിയെ നേരിൽ കാണാനും, "നീ കാരണമല്ല ഞാൻ പുറത്തായത്" എന്ന് അവനോട് നേരിട്ട് പറയാനും ഞാൻ കാത്തിരിക്കുകയാണ്. ചില ബന്ധങ്ങൾ ഒരു ഗെയിമിന്റെ ഭാഗമല്ല. ജീവിതം സമ്മാനിക്കുന്ന ഏറ്റവും മനോഹരമായ സൗഹൃദങ്ങളാണ്'', ശ്രീലക്ഷ്മി ഫെയ്സ്ബുക്കിൽ കുറിച്ചു.

'നിന്റെ കവാലക്കുറ്റിയ്ക്ക് അടി കിട്ടും'; നോബിയെ പഞ്ഞിക്കിട്ട് മോഹൻലാൽ, പൊട്ടിച്ചിരിച്ച് കൊമ്പൻ

Nithya G Robinson — Sun, 08 Nov 2026 10:22:24 +0530

ബിഗ് ബോസ് മലയാളം സീസൺ 8 സംഭവബഹുലവും രസകരവും ആകാംക്ഷയുളവാക്കുന്നതുമായ രംഗങ്ങളാൽ മുന്നേറുകയാണ്. അറുപത് ദിവസങ്ങൾ പിന്നിട്ട സീസണിൽ ഇപ്പോൾ വീക്കെന്റ് എപ്പിസോഡാണ് നടക്കുന്നത്. കഴിഞ്ഞ ദിവസം വലിയൊരു ഗെയിം ചേയ്ഞ്ചറായി മാറിയ ഷിജിനായിരുന്നു മോഹൻലാലിന്റെ പ്രശംസ നേടിയ താരമെങ്കിൽ, ഇന്ന് നോബിയെ പഞ്ഞിടുകയാണ് മോഹൻലാൽ ചെയ്യുന്നത്. ഐശ്വര്യയുടെ അച്ഛനെ വിളിച്ചതിനെ കുറിച്ച് ചോദിച്ച് കടുത്ത ഭാഷയിൽ തന്നെ നോബിയോട് സംസാരിക്കുന്ന മോഹൻലാലിനെ പ്രൊമോ വീഡിയിൽ കാണാം.

നോബിയുടെ പുതിയ തിയറി എന്ന് പറഞ്ഞാണ് മോഹൻലാൽ വിഷയത്തിലേക്ക് കടക്കുന്നത്. 'നോബിയുടെ പുതിയൊരു തിയറി ഞാൻ കേട്ടു. അതായത് വീട്ടിലുള്ള അച്ഛനെ പറയുന്നത് കൊണ്ട് കുഴപ്പമില്ല. അമ്മയെ പറയാതിരുന്നാൽ മതിയെന്ന്. അച്ഛനും അമ്മയും നമ്മുടെ കുടുംബത്തിലുള്ള ആൾക്കാരല്ലേ. നമ്മളങ്ങനെ പറയാൻ പാടുണ്ടോ?', എന്ന് മോഹൻലാൽ ചോദിക്കുമ്പോൾ, 'സിനിമയിലാണെങ്കിൽ നിന്റെ നന്തയല്ല എന്റെ തന്ത എന്ന് പറയുമ്പോലെ പറഞ്ഞതാണ്', എന്നായിരുന്നു നോബിയുടെ മറുപടി.

'സിനിമയിലെ പോലെ വെളിയിൽ പറഞ്ഞാൽ കവാലക്കുറ്റിയ്ക്ക് അടികിട്ടും', എന്ന് മോഹൻലാൽ നോബിയ്ക്ക് മറുപടിയും നൽകി. ഇത് കേട്ട് വേദിയിലിരുന്ന കാണികളും ഐശ്വര്യയും ഷിജിനും എല്ലാം ചിരിക്കുന്നുണ്ട്. കടൽ കൊമ്പന്റെ പൊട്ടിച്ചിരിയായിരുന്നു ഇതിലെ ഹൈലൈറ്റ്. എന്തായാലും ഇന്ന് എന്തൊക്കെയാകും വീക്കെന്റ് എപ്പിസോഡിൽ മത്സരാർത്ഥികളോട് മോഹൻലാൽ ചോദിക്കുക എന്നത് കാത്തിരുന്ന് അറിയാം.

എട്ട് പേരുള്ള നോമിനേഷൻ ലിസ്റ്റിൽ നിന്നും ആരൊക്കെ പുറത്താകുമെന്നും ഇന്നറിയാനാകും. നൗഫീന, ഐശ്വര്യ, കൊമ്പൻ, മൃദുല, താഷി, വിപിൻ, അഞ്ജലി, നോബി എന്നിവരാണ് ഇത്തവണ നോമിനേഷനില്‍ ഉണ്ടായിരുന്നത്. ഇതില്‍ താഷി, വിപിന്‍, അഞ്ജലി, കൊമ്പന്‍ എന്നിവര്‍ കഴിഞ്ഞ ദിവസം സേഫ് ആയിരുന്നു.

'എന്തൊരു ഭീരു, ബാക്കി മറുപടി രാഹുല്‍ പുറത്ത് വരുമ്പോള്‍ തരും'; അഖിൽ മാരാർക്കെതിരെ ദീപ

Nithya G Robinson — Tue, 10 Nov 2026 16:03:11 +0530

രാഹുൽ ഈശ്വറിനെതിരെ അഖിൽ മാരാർ നടത്തിയ പരാമർശങ്ങൾക്കെതിരെ രാഹുലിന്റെ ഭാര്യ ദീപ രംഗത്ത്. ഷിജിന് പുറത്ത് വലിയ പിന്തുണയുണ്ടെന്നറിഞ്ഞ് ഭ്രാന്തായവരാണ് രാഹുൽ ഈശ്വർ അടക്കമുള്ളവരെന്ന് അഖിൽ മാരാർ ഒരു യൂട്യൂബ് ചാനലിൽ നൽകിയ അഭിമുഖത്തിൽ ആരോപിച്ചിരുന്നു. 'വിവരം കെട്ടവർ' എന്നും രാഹുൽ അടക്കമുള്ള ചിലരെ അഖിൽ മാരാർ വിശേഷിപ്പിച്ചിരുന്നു. പറയുന്നത് രാഹുല്‍ കേള്‍ക്കുന്നില്ലെന്നുള്ള പൂര്‍ണ ധൈര്യത്തോടെയാണ് അഖിൽ ഇത്തരം പ്രസ്താവനകൾ നടത്തുന്നതെന്നാണ് ദീപ പറയുന്നത്.

''എന്തൊരു ഭീരുവാണ്. ഇത് പറയുന്നത് രാഹുല്‍ കേള്‍ക്കുന്നില്ല, അറിയുന്നില്ല, മറുപടി കിട്ടില്ല എന്നുളള ഒരു പൂര്‍ണ ധൈര്യത്തോടെ ഇരുന്നങ്ങ് വായില്‍ വരുന്ന എന്ത് പച്ചത്തെറിയും വിളിച്ച് പറയുകയാണ് ഒരാളെ. രാഹുല്‍ പുറത്ത് ഉണ്ടെങ്കില്‍ ഇത്രയും പറയാനുളള ധൈര്യം ഈ അഖില്‍ മാരാറിന് ഉണ്ടാകുമോ. ഈ സീസണ്‍ തുടങ്ങിയ ദിവസം തൊട്ട് രാഹുല്‍ ഈശ്വര്‍ എന്ന വ്യക്തിയെ എത്രത്തോളം മോശമായി കാണിക്കാമോ അതിന് കിണഞ്ഞ് പരിശ്രമിക്കുകയാണ് അഖില്‍ മാരാര്‍. മുന്‍ വൈരാഗ്യമോ, മറ്റൊരു വ്യക്തിയില്‍ നിന്ന് പൈസ വാങ്ങി ചെയ്യുന്ന കൊട്ടേഷനോ ആകാം, എന്തുമാകാം. ഈ ചാനല്‍ ഒരു അഭിമുഖത്തിന് തന്നെ വിളിച്ചിരുന്നു. പല ചാനലുകള്‍ക്കും കൊടുത്തിട്ടും ഈ ചാനലിന് ഞാന്‍ അഭിമുഖം കൊടുത്തിട്ടില്ല. കാരണം ഇത്രയും മോശപ്പെട്ട വ്യക്തികളെ പ്രോത്സാഹിപ്പിക്കുന്ന ഒരു ചാനലുമായി ബന്ധപ്പെടാന്‍ എനിക്ക് താല്‍പര്യമില്ല. ഒരു ഗെയിമും കളിക്കാതെയാണോ ആ ഹൗസിലെ 14 പേരില്‍ നിന്നും ഡയറക്ട് ടിക്കറ്റ് ടു വീക്ക് 12 ലേക്ക് രാഹുലിന് കയറാന്‍ സാധിച്ചത്.

രാഹുലും അഖില്‍ മാരാരും തമ്മിലുളള ഏറ്റവും വലിയ വ്യത്യാസം ഈ വീഡിയോയില്‍ കാണാന്‍ കഴിയും. രാഹുലിന്റെ വായില്‍ നിന്ന് ഒരിക്കലും ഈ ഭാഷ വരില്ല. രാഹുലിന്റെ വായില്‍ നിന്ന് ഇങ്ങനെ ഒരു ഭാഷ വന്നുവെന്ന് പറഞ്ഞ് ഞങ്ങളുടെ മക്കള്‍ക്ക് അച്ഛനെക്കൊണ്ട് ഒരു അപമാനം ഉണ്ടാകില്ല. ഇദ്ദേഹം ഇത്രയും മോശപ്പെട്ട ഒരു വ്യക്തിയാണെന്ന് കേരളം വ്യക്തമായി തിരിച്ചറിഞ്ഞത് കൊണ്ടാവും തിരഞ്ഞെടുപ്പില്‍ നിന്നപ്പോള്‍ എട്ട് നിലയില്‍ പൊട്ടിയത്. തോല്‍വിയൊക്കെ ആര്‍ക്കും ഉണ്ടാവാം. പക്ഷേ അതിന് ഇങ്ങനെയൊരു കാരണം കൂടിയുണ്ട് എന്ന് തിരിച്ചറിയുമ്പോഴാണ് ആ തോല്‍വിക്കൊരു പ്രസക്തി ഉണ്ടാകുന്നത്. ബാക്കി മറുപടി രാഹുല്‍ പുറത്ത് വരുമ്പോള്‍ തരും'', എന്നാണ് ദീപ ഇൻസ്റ്റഗ്രാമിൽ പങ്കുവെച്ച വീഡിയോയിൽ പറയുന്നത്.

'എനിക്ക് നിന്നെ പഴയ പോലെ കാണാനാവില്ല..'; താഷിയോട് തുറന്നടിച്ച് നേഹ

Web Desk — Wed, 28 Oct 2026 22:55:09 +0530

ബിഗ് ബോസ് വീട്ടിൽ മറ്റൊരു പ്രണയ വിവാദം കൂടി കത്തിപ്പടരുന്നു. നേഹയും താഷിയും തമ്മിലെ ബന്ധമാണ് ഇപ്പോൾ പ്രേക്ഷകർക്കിടയിലെ ചർച്ചയവിഷയം. കഴിഞ്ഞ ദിവസം മൃദുല നേഹയോട് പോയി പറയുന്നു താഷി വേദാങ്കിയോട് ഫ്ലെർട്ട് ചെയ്യുന്നെന്ന് . അത് കേട്ട നേഹ ആകെ വിഷമിക്കുന്നു, നേരെ വേദാങ്കിയെ വിളിച്ച് സംഭവത്തിന്റെ സത്യാവസ്ഥ ചോദിക്കുന്നു . താഷി ഫ്ലെർട്ട് ചെയ്യുന്നുണ്ടെന്ന് വേദാങ്കി നേഹയോട് ഉറച്ച് പറയുന്നു . അത് കേട്ട് നേഹ പൊട്ടിക്കരയുന്നു, മൃദുല നേഹയെ ആശ്വസിപ്പിക്കുന്നു . ഒടുവിൽ നേഹ നേരിട്ട് താഷിയോട് ഇതേപ്പറ്റി ചോദിക്കുന്നു, താൻ ഒരുതരത്തിലും അങ്ങനൊന്ന് ചെയ്തിട്ടില്ലെന്ന് താഷി നേഹയോട് പറയുന്നു,

എന്നാൽ അത് വിശ്വസിക്കാൻ പ്രയാസമാണെന്ന് പറഞ്ഞ് നേഹ പ്രതികരിക്കുന്നു . ശെരി താങ്ക്യൂ ഫോർ എവെരിതിങ് എന്നും പറഞ്ഞ് താഷി എണീറ്റ് പോകുന്നു , ദേഷ്യം വന്ന നേഹ ബെഡ്റൂമിലെത്തി സാധനങ്ങൾ എറിഞ്ഞ് പൊട്ടിക്കുന്നു . എന്തൊക്കെയാണ് ഇപ്പോൾ നടന്നതെന്ന് മനസ്സിലാവാത്ത ബിഗ് ബോസ് പ്രേക്ഷകർ കണ്ണും തള്ളി ഇരിക്കുന്നു . ബിഗ് ബോസിലെ അവസാന എപ്പിസോഡ് കണ്ട് കാര്യം നേരെ പിടി കിട്ടാത്ത പ്രേക്ഷകരാണ് നിലവിലുള്ളത് . അതെന്താണെന്ന് വിശദമായൊന്ന് പറയാം .

അതായത് താഷിയുടെയും നേഹയുടെയും സംസാരത്തിന്റെ അടിസ്ഥാനത്തിൽ ഇരുവരും തമ്മിൽ പ്രണയമായിരുന്നു എന്നാണ് മനസ്സിലാക്കാൻ കഴിയുന്നത് . എന്നാൽ ലവ് കോമ്പോകൾ യാതൊരു മടിയുമില്ലാതെ പ്രേക്ഷകർക്ക് മുന്നിൽ ഇട്ടുകൊടുത്തിരുന്ന ബിഗ് ബോസ് നേഹ താഷി ലവ് ട്രാക്ക് കൃത്യമായി എപ്പിസോഡിൽ കാണിച്ചിട്ടില്ല . എപ്പിസോഡിലെന്നല്ല , ലൈവിലും ഈ ഭാഗങ്ങൾ കട്ട് ചെയ്ത് കളഞ്ഞിട്ടുണ്ട്. ഇരുവരും തമ്മിൽ ഫ്യൂച്ചറിനെ പറ്റി കൃത്യമായി പ്ലാൻ ചെയ്തിരുന്നെന്നും വേദാങ്കിയോട് ഫ്ലെർട്ട് ചെയ്യുന്നുണ്ടെങ്കിൽ പിന്നെ തന്നോട് പറഞ്ഞതിൽ ട്രൂ ആയ ഒന്നും ഉണ്ടായിരുന്നില്ലേ എന്നുമാണ് നേഹ ചോദിക്കുന്നത് . തനിക്ക് ഇതുവരെ ഉണ്ടായ മൂന്ന് പ്രണയങ്ങളും ഈ സെയിം പാറ്റേൺ കാരണം അവസാനിച്ചതാണെന്നും ഇനിയും വയ്യെന്നും പറഞ്ഞ് പൊട്ടിക്കരയുന്ന നേഹയെയും കാണാമായിരുന്നു.

എന്തുകൊണ്ട് ഇവരുടെ പ്രണയം ഒരു എപ്പിസോഡിൽ പോലും ബിഗ് ബോസ് കാണിച്ചില്ല , ലൈവിൽ പോലും എഡിറ്റ് ചെയ്ത് കളഞ്ഞു , മോഹൻലാൽ വന്ന വീക്കെൻഡ് എപ്പിസോഡിൽ പോലും നിലീന നോബി , ഐശ്വര്യ കൊമ്പൻ വിഷയങ്ങൾ എടുത്തിട്ടപ്പോൾ ഇക്കാര്യം ചോദിച്ചില്ല തുടങ്ങിയ ചോദ്യങ്ങളാണ് ഇപ്പോൾ ബിഗ് ബോസ് പ്രേക്ഷകർ ചോദിക്കുന്നത് . അതേസമയം താഷി വേദാങ്കിയോട് തന്നെ താൻ ഫ്ലെർട്ടിങ് നടത്തിയോ എന്ന് തുറന്ന് ചോദിക്കുന്ന ക്ലിപ്പും ഇപ്പോൾ വൈറലായിട്ടുണ്ട് . അതിൽ കൃത്യമായൊരുത്തരം വേദാങ്കി പറയുന്നില്ലെങ്കിലും തനിക്ക് ചേർന്ന ആളല്ല വേദാങ്കി എന്ന് താഷി മുഖത്ത് നോക്കി പറയുന്നതും കാണാം . എങ്കിൽ പിന്നെ മൃദുലയുടെ തന്ത്രമായിരുന്നോ നേഹയെ ഇമോഷണലി തളർത്തി ഗെയിമിൽ നിന്നും പിന്നോട്ട് വലിക്കുക എന്ന ചോദ്യവും പ്രേക്ഷകർ ചോദിക്കുന്നുണ്ട് . എന്തായാലും ബിഗ് ബോസിൽ സംഭവബഹുലമായ കാര്യങ്ങളാണ് നടന്നുകൊണ്ടിരിക്കുന്നത് . അടുത്ത ദിവസത്തെ എപ്പിസോഡിലെങ്കിലും കാര്യങ്ങൾ കൃത്യമായി മനസ്സിലാക്കാമെന്ന പ്രതീക്ഷയിൽ കട്ട കാത്തിരിപ്പിലാണ് ബിഗ് ബോസ് ആരാധകർ.

'സ്കൂളിൽ പോലും ഞാനിതുവരെ ലീഡറായിട്ടില്ല..'; ബിഗ് ബോസ് വീട്ടിലെ പുതിയ ലീഡറായി വിക്കി

Web Desk — Sat, 31 Oct 2026 14:19:27 +0530

ബിഗ് ബോസ് സീസൺ എട്ടിൽ ഒൻപതാമത്തെ ആഴ്ചയിലെ ലീഡറായി തെരഞ്ഞെടുക്കപ്പെട്ടിരിക്കുകയാണ് വിക്കി. ഇത്തവണ ഗൗതമിനെയും വിക്കിയെയുമാണ് ലീഡറാവാൻ സഹമത്സരാർത്ഥികൾ നോമിനേറ്റ് ചെയ്തത് . ഇരുവരും തമ്മിൽ ശക്തമായ പോരാട്ടം നടത്തിയാണ് ഒടുവിൽ ടാസ്കിൽ വിജയിച്ച് വിക്കി ലീഡറായത്. ടാസ്ക് ഇപ്രകാരമായിരുന്നു-- ഇരുവർക്കുമായി ഗാർഡൻ ഏരീയയിൽ തല ഉള്ളിലേയ്ക്ക് ഇട്ട് ഇരിക്കാൻ കഴിയുന്ന സുതാര്യമായ രണ്ട് ബോക്സുകൾ സ്ഥാപിച്ചിരുന്നു. ഓരോ ലീഡർ മത്സരാർത്ഥിയെയും പിന്തുണയ്ക്കുന്ന രണ്ടുപേർ ആദ്യം ബോക്‌സിന് എതിർവശത്തുള്ള സ്റ്റാർട്ടിങ് പോയിന്റിൽ നിൽക്കണം.

അവരിലൊരാൾ അവിടെ വെച്ചിരിക്കുന്ന കപ്പിൽ വെള്ളം നിറച്ച് ആ വ്യക്തിയെ രണ്ടാമത്തെയാൾ പുറത്ത് കയറ്റി ആദ്യം ടയറിനുള്ളിലൂടെയും പിന്നീട് ടാങ്കിന് മുകളിലൂടെയും നടന്ന് പിന്തുണയ്ക്കുന്ന മത്സരാർഥിയുടെ എതിരാളിയുടെ ബോക്സിനടുത്തെത്തി കൈവശമുള്ള ഗ്ലാസ്സിലെ വെള്ളം തലായിരിക്കുന്ന ബോക്സിനുള്ളിലേയ്ക്ക് ഒഴിക്കണം. ഓരോ തവണയും വെള്ളമൊഴിച്ച് കഴിഞ്ഞാൽ പുറത്തുള്ള വ്യക്തി താഴെ ഇറങ്ങുകയും അയാളെ ചുമന്നിരുന്ന വ്യക്തി കപ്പിൽ വെള്ളവുമായി അടുത്ത റൗണ്ടിന് തയ്യാറാകുകയും വേണം. ബോക്സിനുള്ളിൽ ഇത്തരത്തിൽ വെള്ളം നിറയുന്നതിനനുസരിച്ച് ബുദ്ധിമുട്ട് അനുഭവപ്പെട്ടാൽ അവിടെ നിൽക്കുന്ന ലീഡർ മത്സരാർത്ഥിക്ക് നൽകിയിരിക്കുന്ന കയർ പിടിച്ച് താഴേക്ക് വലിക്കാം.

കയർ വലിക്കുന്നതോടെ ബോക്സിനുള്ളിലെ വെള്ളം താഴേയ്ക്ക് ഒഴുകുകയും മത്സരം അവസാനിക്കുകയും ചെയ്യും. ആദ്യം കയർ വലിച്ച് മത്സരം അവസാനിപ്പിക്കുന്നയാൾ പരാജയപ്പെടുകയും കയർ വലിക്കാതെ ടാസ്കിൽ തുടരുന്നയാൾ വിജയിക്കുകയും അടുത്ത ആഴ്ചയിലെ ലീഡർ ആവുകയും ചെയ്യും. വിക്കി തന്റെ പിന്തുണക്കാരായി തെരഞ്ഞെടുത്തത് ഷിജിൻ, ആസിഫ് എന്നിവയായിരുന്നു. അതേസമയം ഗൗതം തെരഞ്ഞെടുത്തത് താഷി, വേദാങ്കി എന്നിവരെയാണ്. ടാസ്ക് പൂർത്തിയാക്കി ഏറ്റവുമധികം സമയം കയർ വലിക്കാതെ പിടിച്ച് നിന്ന വിക്കി വിജയിക്കുകയും ബോക്സിൽ വെള്ളം നിറഞ്ഞ് അസ്വസ്ഥനായ ഗൗതം കയർ വലിച്ച് ടാസ്കിൽ പരാജയപ്പെടുകയുമുണ്ടായി.

ലീഡറായി തെരഞ്ഞെടുക്കപ്പെട്ട ശേഷം കണ്ണിൽ നിന്നും സന്തോഷത്തിന്റെ കണ്ണുനീർ വന്ന് ചിരിക്കുന്ന വിക്കിയെ ആണ് പിന്നീട് പ്രേക്ഷകർ കണ്ടത്. താൻ ഇതുവരെ സ്കൂളിൽ പോലും ലീഡറായിട്ടില്ല എന്നും ആദ്യമായാണ് ഒരു ലീഡറൊക്കെ ആവുന്നത് എന്നും പറഞ്ഞ് കരയുന്ന വിക്കിയെയും പ്രേക്ഷകർ കണ്ടു. എന്തായാലും വിക്കിയുടെ ലീഡർ ഷോ കാണാൻ കാത്തിരിക്കുകയാണ് ബിഗ് ബോസ് ആരാധകർ. പക്ഷാഭേദങ്ങൾ മാറ്റിനിർത്തി മികച്ച ലീഡറാവാൻ വിക്കിയ്ക്ക് കഴിയുമോ ഇല്ലയോ എന്ന് കാണാൻ തയ്യാറായിരിക്കുകയാണ് പ്രേക്ഷകർ.

ഇതുവരെ കണ്ടതല്ല! എട്ടാം വാരം വന്‍ വീക്കിലി ടാസ്‍കുമായി ബിഗ് ബോസ്

Web Desk — Tue, 27 Oct 2026 19:33:28 +0530

ബിഗ് ബോസ് മലയാളം സീസണ്‍ 8 എട്ടാം വാരത്തിലെ വീക്കിലി ടാസ്കിന് ഇന്ന് തുടക്കം. മുന്‍ ആഴ്ചകളിലെ വീക്കിലി ടാസ്കുകളില്‍ നിന്ന് വ്യത്യസ്തമായി മുഴുവന്‍ മത്സരാര്‍ഥികളെയും രണ്ട് ടീമുകളാക്കി തിരിച്ചുള്ള വിവിധ മത്സരങ്ങളാണ് ബിഗ് ബോസ് ഇത്തവണത്തെ വീക്കിലി ടാസ്ക് ആയി നടത്തുന്നത്. നൗഫിന, വേദാംഗി, ആസിഫ്, ഐശ്വര്യ, നോബി, അഞ്ജലി, നേഹ എന്നിവരാണ് ഒരു ടീം. ഗൗതം ശശി, കടല്‍ കൊമ്പന്‍, ഷിജിന്‍, വിക്കി തഗ്, താഷി, മൃദുല, വിപിന്‍ എന്നിവര്‍ മറ്റൊരു ടീമുമെന്ന് ഏഷ്യാനെറ്റ് പുറത്തുവിട്ടിരിക്കുന്ന പുതിയ പ്രൊമോയില്‍ ഉണ്ട്. ഇന്നലെ നടന്ന ബിഡ്ഡിംഗ് ടാസ്കിലൂടെ 12-ാം ആഴ്ചയിലേക്ക് നേരിട്ട് പ്രവേശനം ലഭിക്കാന്‍ സാധ്യതയുള്ള രാഹുല്‍ ഈശ്വറും പ്രൊമോയില്‍ ഉണ്ട്. എന്നാല്‍ ഒരു ടീമിന്‍റെയും കുപ്പായത്തില്‍ അല്ല.

പരാജയപ്പെടുന്ന ടീമിലെ ഒരാള്‍ ഇനി ഒരു ഗെയിമും കളിക്കാനാവാതെ ടീമില്‍ നിന്ന് പുറത്താക്കപ്പെടുമെന്ന് ബിഗ് ബോസ് അറിയിക്കുന്നുണ്ട്. ഇവര്‍ക്ക് ലീഡര്‍ഷിപ്പ് എന്ന മോഹം ഇനി എന്നേക്കുമായി അവസാനിക്കുമെന്നും ബിഗ് ബോസ് പറയുന്നു. മുന്‍ ആഴ്ചകളിലെ വീക്കിലി ടാസ്കുകളേക്കാളൊക്കെ ആവേശകരമാവും എട്ടാം വാരത്തിലെ വീക്കിലി ടാസ്ക് എന്ന് ചുരുക്കം. അതേസമയം അന്‍പത് ദിനങ്ങള്‍ പിന്നിട്ടിരിക്കുന്ന സീസണ്‍ 8 പ്രേക്ഷകരില്‍ വലിയ ആവേശമുണ്ടാക്കിക്കൊണ്ടാണ് മുന്നേറുന്നത്. അഗ്നിപരീക്ഷയും വൈല്‍ഡ് കാര്‍ഡുകളുടെ എണ്ണക്കൂടുതലും നാടകീയ സംഭവങ്ങളും ഒക്കെ കൊണ്ട് മുന്‍ സീസണുകളില്‍ നിന്നൊക്കെ വേറിട്ട് നില്‍ക്കുന്ന സീസണാണ് ഇത്തവണത്തേത്. ടാസ്കുകളിലും മൊത്തത്തിലുള്ള ഗെയിമുകളുടെ ഡിസൈനിലുമൊക്കെ മാറ്റം കൊണ്ടുവരാന്‍ ബിഗ് ബോസ് ടീം ഇക്കുറി കാര്യമായി ശ്രദ്ധിച്ചിട്ടുണ്ട്.

ഇതിനകം പ്രേക്ഷകപ്രീതി കാര്യമായി നേടിയിട്ടുള്ള മത്സരാര്‍ഥികളുമുണ്ട്. ഷിജിനും കടല്‍ കൊമ്പനും രാഹുല്‍ ഈശ്വറുമൊക്കെ അക്കൂട്ടത്തില്‍ പെടും. ഇന്നലത്തെ ബിഡ്ഡിംഗ് ടാസ്കില്‍ രാഹുല്‍ ഈശ്വര്‍ വന്‍ മികവാണ് കാട്ടിയത്. സീസണ്‍ 8 ടൈറ്റില്‍ വിജയിയുടെ പ്രൈസ് മണിയുടെ പകുതി പരമാവധി ബിഡ് ചെയ്യാനാണ് ബിഗ് ബോസ് അവസരം നല്‍കിയത്. ഷിജിന്‍ 24,99,999 ആണ് ബിഡ് ചെയ്തതെങ്കില്‍ രാഹുല്‍ ബിഡ് ചെയ്തത് 24,99,999.95 എന്ന തുകയ്ക്ക് ആയിരുന്നു. കേവലം 95 പൈസയുടെ വ്യത്യാസത്തില്‍ രാഹുല്‍ ഷിജിനെ മറികടന്ന് ടാസ്ക് ജയിച്ചു.

'ഷിജിൻ തൂക്കിയില്ലേ..അവൻ പൊളിയാണ്, കൊമ്പനും'; ബിഗ് ബോസിനെ കുറിച്ച് വിൻസി അലോഷ്യസ്

Nithya G Robinson — Thu, 12 Nov 2026 13:18:40 +0530

ബിഗ് ബോസ് മലയാളം സീസൺ 8 അവസാനഘട്ടത്തിലേക്ക് കടക്കാൻ പോവുകയാണ്. ഇനി വെറും മുപ്പത്തി നാല് ദിവസം മാത്രമാണ് ഷോ അവസാനിക്കാനായി ബാക്കിയുള്ളത്. ഇതിനകം തന്നെ ബിഗ് ബോസ് പ്രേമികളുടെ മനസിൽ പല മത്സരാർത്ഥികളും ഇടംപിടിച്ചു കഴിഞ്ഞു. സീസൺ തുടങ്ങുന്നതിന് മുൻപ് കോമണേഴ്സിന് വേണ്ടി അഗ്നിപരീക്ഷ എന്ന പ്രീ ഷോയിലൂടെ പ്രേക്ഷകർക്ക് സുപരിചിതനായി മാറിയ ഷിജിൻ ആണ് അതിൽ ഒരാൾ. തിരുവനന്തപുരം സ്വദേശിയായ ഷിജിൻ അപ്രതീക്ഷിതമായിട്ടായിരുന്നു സീസണിൽ എൻട്രി ആവുന്നത്. നല്ലൊരു മത്സരാർത്ഥി ആവില്ലെന്ന് പറഞ്ഞവരെ കൊണ്ട് മാറ്റി പറയിച്ച്, ഇന്ന് മലയാളം ബിഗ് ബോസ് സീസൺ 8ലെ ഏറ്റവും മികച്ച, ജനപ്രിയ മത്സരാർത്ഥിയായി മാറാൻ ഷിജിന് സാധിച്ചു എന്നത് ഏറ്റവും വലിയ കാര്യമാണ്. ഹൗസിനുള്ളിലേത് പോലെ തന്നെ ഷിജിൻ പുറത്തും വലിയ ചർച്ചയാണ്. അനുകൂലിക്കുന്നവരും പ്രതികൂലിക്കുന്നവരും ഇക്കൂട്ടത്തിലുണ്ട്.

ഇപ്പോഴിതാ ഷിജിനോടുള്ള ഇഷ്ടം പറഞ്ഞ് രംഗത്ത് എത്തിയിരിക്കുകയാണ് നടി വിൻസി അലോഷ്യസ്. കഴിഞ്ഞ ആഴ്ചയിലെ 'ആറ്റം ബോംബ്' എന്ന ടാസ്ക് ഏറ്റവും മികച്ച രീതിയിൽ വിജയിച്ച ഷിജിനെ കുറിച്ചാണ് വിൻസി പറയുന്നത്. ഒപ്പം കൊമ്പനോടുള്ള ഇഷ്ടവും വിൻസി പങ്കിടുന്നുണ്ട്. ഓൺലൈൻ മാധ്യമങ്ങളുടെ ചോദ്യത്തിന് മറുപടി നൽകുകയായിരുന്നു താരം. ബിഗ് ബോസിൽ തനിക്ക് ഇഷ്ടമില്ലാത്ത ആളാരാണെന്ന് പറയാൻ താല്പര്യമില്ലെന്നും വിൻസി കൂട്ടിച്ചേർത്തു.

'ഷിജിൻ തൂക്കിയില്ലേ..ഞാൻ ഷിജിന് കട്ട സപ്പോർട്ട് ആണ്. അവൻ അടിപൊളിയാണ്. പിന്നെ കൊമ്പനും അടിപൊളി ആണ്. അവർ രണ്ടുപേരും എന്റെ ഫേവറേറ്റ്സ് ആണ്. ഇഷ്ടമില്ലാത്ത ആളെ കുറിച്ച് പറയുന്നില്ല. അങ്ങനെ ഒരാളുണ്ടാവും പക്ഷേ ഞാൻ പറയില്ല. അത് പറഞ്ഞിട്ട് എന്നെ എയറിൽ കയറ്റാനല്ലേ. എനിക്ക് ഇഷ്ടമുള്ളവരെ പറഞ്ഞു. നെഗറ്റീവ് ഒന്നും എന്നിൽ നിന്നും കിട്ടില്ല', എന്നായിരുന്നു വിൻസി അലോഷ്യസിന്റെ വാക്കുകൾ. പിന്നാലെ നിരവധി പേരാണ് കമന്റുമായി രംഗത്ത് എത്തിയത്. 'ആരായാലും നല്ലത് കണ്ടാൽ നല്ലതാണെന്ന് പറഞ്ഞു സപ്പോർട്ട് കൊടുക്കും. ഇനി ഈ പാവത്തിനെ പിആർ ആക്കും. അതുകൊണ്ട് അതിനെ അങ്ങ് വിട്ടേക്ക്', എന്ന് പറയുന്നവരും ഇക്കൂട്ടത്തിലുണ്ട്.

'ബിഗ് ബോസ് സീസൺ 7ലെ വിജയി അനുമോൾ തന്നെ, ആരെന്തു പറഞ്ഞാലും'; മനസുതുറന്ന് താരം

Nithya G Robinson — Wed, 11 Nov 2026 08:18:11 +0530

ബിഗ്ബോസിൽ പിആർ നൽകിയതുമായി ബന്ധപ്പെട്ട്, സീസൺ 7 ലെ വിജയി അനുമോൾക്കെതിരെയുള്ള ചർച്ചകൾ അടുത്തിടെ വീണ്ടും സജീവമായിരുന്നു. ഇപ്പോഴിതാ ഇതിനെല്ലാമുള്ള പരോക്ഷ മറുപടിയുമായി രംഗത്തെത്തിയിരിക്കുകയാണ് അനുമോൾ. ബിഗ്ബോസ് വിജയിയായതിന്റെ ഒന്നാം വാർഷികത്തിലാണ് അനുമോൾ കുറിപ്പ് പങ്കുവെച്ചത്.

''2025 നവംബർ 9-നാണ് ബിഗ് ബോസ് സീസൺ 7 വിജയി എന്നെ Announce ചെയ്തത്. ഓഗസ്റ്റ് 2 മുതൽ നവംബർ 9 വരെയുള്ള ആ 100 ദിവസങ്ങൾ… ചിരിച്ചും കരഞ്ഞും വഴക്കിട്ടും ഒരുപാട് സാഹചര്യങ്ങളിലൂടെ കടന്നുപോയ ദിവസങ്ങൾ. ഇതെല്ലാം ഇന്ന് ഓർക്കുമ്പോൾ ഒരുപാട് സന്തോഷവും സങ്കടവും അഭിമാനവും തോന്നുന്നുണ്ട്. ഞാൻ ആ ഹൗസിൽ എന്താണ് ചെയ്തതെന്നും എങ്ങനെയാണ് നിന്നതെന്നും എനിക്ക് നന്നായിട്ടറിയാം. 24 മണിക്കൂറും ലൈവ് കണ്ടവർക്കും അറിയാം. ഒന്നും പ്രീ പ്ലാന്ഡ ചെയ്തോ പഠിച്ചോ ആയിരുന്നില്ല ഞാൻ അവിടെ പോയത്. നന്നായിട്ട് നിൽക്കണം, എന്റെ പരമാവധി കൊടുക്കണം എന്നൊരു ആഗ്രഹം മാത്രമായിരുന്നു.

ഒരു വർഷം കഴിഞ്ഞിട്ടും എന്റെ വിജയത്തെക്കുറിച്ചും PR-നെക്കുറിച്ചും ചിലർ ഇപ്പോഴും സംസാരിക്കുന്നുണ്ട്. ആരെന്ത് പറഞ്ഞാലും എനിക്കൊരു പ്രശ്നവുമില്ല. എനിക്ക് കിട്ടേണ്ടത് എനിക്ക് കിട്ടി. എന്നെ സ്നേഹിച്ച് വിശ്വസിച്ച് വോട്ട് ചെയ്ത ഒരുപാട് ആളുകളുണ്ട്. അവരുടെ സ്നേഹമാണ് എന്റെ ഏറ്റവും വലിയ സന്തോഷം. ആദ്യം ദൈവത്തിന് നന്ദി. എന്റെ ഫാമിലിക്ക്, എന്നെ സ്നേഹിച്ചവർക്കും വോട്ട് ചെയ്ത് എന്നെ കൂടെ നിന്ന ഓരോരുത്തർക്കും ഒരുപാട് നന്ദി.

ഈ വലിയ പ്ലാറ്റഫോം തന്ന ഏഷ്യാനെറ്റിനും സ്പോൺസേഴ്സിനും പ്രത്യേകം നന്ദി. ഈ യാത്രയിൽ എന്നെ പ്രോത്സാഹിപ്പിക്കുകയും പിന്തുണയ്ക്കുകയും ചെയ്ത നമ്മുടെ സ്വന്തം ലാലേട്ടനും ഒരുപാട് നന്ദി. എത്ര വർഷം കഴിഞ്ഞാലും ഒരു കാര്യം മാറാൻ പോകുന്നില്ല. ബിഗ് ബോസ് സീസൺ 7 ലെ വിജയി അനുമോൾ തന്നെയാണ്. എനിക്ക് കിട്ടേണ്ട കപ്പ് എനിക്ക് കിട്ടി. അതിൽ എന്നും അഭിമാനമുണ്ട് എത്ര വർഷം കഴിഞ്ഞാലും ആ 100 ദിവസങ്ങളും ആ കപ്പും എന്റെ ജീവിതത്തിൽ എന്നും ഒരു വലിയ ഓർമ്മയായിരിക്കും'', എന്നായിരുന്നു അനുമോളുടെ വാക്കുകൾ.

'ഗോഡ് ഓഫ് തീവ്സ്'; മറ്റാര്‍ക്കും സാധിക്കാത്ത നേട്ടം സ്വന്തമാക്കി ബിഗ് ബോസില്‍ ഷിജിന്‍

Web Desk — Sat, 07 Nov 2026 22:48:55 +0530

ബിഗ് ബോസ് മലയാളം സീസണ്‍ 6 ലെ ആവേശകരമായ വീക്കിലി ടാസ്കില്‍ അന്തിമ വിജയം ഷിജിന്. ഒരു യുദ്ധമുഖത്തെ അനുസ്മരിപ്പിക്കുന്ന രീതിയില്‍ സെറ്റ് ചെയ്ത, ഗ്രനേഡുകളുടെയും ആറ്റം ബോംബുകളുടെയും മാതൃകകള്‍ തയ്യാറാക്കിയിരുന്ന സ്ഥലത്തായിരുന്നു കഴിഞ്ഞ വാരത്തിലെ വീക്കിലി ടാസ്ക്. മറ്റൊരാളുടെ ഗ്രനേഡുമായി ബങ്കറില്‍ കയറേണ്ടിയിരുന്ന ടാസ്കില്‍ അന്തിമ വിജയം ലഭിക്കുന്നയാളാണ് അടുത്ത വാരത്തിലെ ലീഡര്‍ ആവേണ്ടിയിരുന്നത്. ഈ വിജയം നേടിയത് നേഹയാണ്. അങ്ങനെ നേഹ അടുത്ത വാരത്തിലെ ലീഡറുമായി. എന്നാല്‍ ടാസ്കിലെ ഏറ്റവും വലിയ വിജയം അതായിരുന്നില്ല.

ടാസ്കില്‍ ബിഗ് ബോസ് നല്‍കിയ ആറ്റം ബോംബിന്‍റെ മാതൃക നിശ്ചിത സ്ഥലത്തു നിന്ന് മോഷ്ടിച്ച് ഒളിപ്പിച്ചുവച്ച് മോഹന്‍ലാല്‍ വരുന്ന എപ്പിസോഡില്‍ എടുത്ത് കൊടുക്കുന്ന ആളായിരുന്നു ടാസ്കിലെ അന്തിമ വിജയി. അയാള്‍ക്ക് ബിഡ്ഡിംഗ് ടാസ്കില്‍ രാഹുല്‍ ഈശ്വറിന്‍റെ വിജയം മൂലം ടൈറ്റില്‍ വിജയിയില്‍ നിന്ന് നഷ്ടമാവുന്ന 25 ലക്ഷത്തില്‍ നിന്ന് 5 ലക്ഷം പ്രൈസ് മണിയായി ലഭിക്കുമെന്ന് ബിഗ് ബോസ് അറിയിച്ചിരുന്നു. ഷിജിനാണ് ആ വിജയി ആയത്.

നാടകീയതകളും ട്വിസ്റ്റുകളും ആവോളം നിറഞ്ഞ ടാസ്ക് ആണ് കാണികള്‍ക്ക് ഇതിലൂടെ ലഭിച്ചത്. സ്റ്റാന്‍ഡില്‍ നിന്ന് ആറ്റം ബോംബ് മാതൃക ആദ്യം മോഷ്ടിച്ചത് ഗൗതം ആയിരുന്നു. എന്നാല്‍ ഗൗതം ഇത് മോഷ്ടിക്കുന്നത് മറ്റൊരു മത്സരാര്‍ഥിയായ നൗഫിന കണ്ടതാണ് കളിയില്‍ വഴിത്തിരിവായത്. നൗഫിന ഇത് സുഹൃത്തായ മൃദുലയോടും പറഞ്ഞു. ഗൗതം ആറ്റം ബോംബ് എടുക്കുന്നതല്ലാതെ എവിടെ വച്ചു എന്നത് നൗഫിന കണ്ടിരുന്നില്ല. എന്നാല്‍ ഗാര്‍ഡന്‍ ഏരിയയില്‍ ഒരിടത്തേക്ക് പോകുന്നത് നൗഫിന കണ്ടിരുന്നു. ഒരു തൂണിന്‍റെ മുകളിലാണ് ഗൗതം ഇത് വച്ചത്. അവിടെനിന്ന് നൗഫിനയുടെ സാന്നിധ്യത്തില്‍ ആറ്റം ബോംബ് എടുത്തത് മൃദുല ആയിരുന്നു.

അവരിരുവരും ചേര്‍ന്ന് പിന്നീട് ഹൗസിന് പുറത്തേക്കുള്ള പ്രധാന വാതിലിനോട് ചേര്‍ന്നുള്ള ദ്വാരത്തില്‍ ഇത് വച്ചു. അവിടെ നിന്നാണ് ഷിജിന്‍ ആറ്റം ബോംബ് കണ്ടെത്തിയത്. കണ്ടെത്തിയ സാധനം ഉപയോഗിക്കാത്ത സ്മോക്കിംഗ് റൂമിന് സമീപം കുഴിച്ചിടുകയാണ് ഗൗതം ചെയ്തത്. മോഹന്‍ലാല്‍ പറഞ്ഞതിന് ശേഷമാണ് ഷിജിന്‍ ഇത് എടുത്തുകൊണ്ട് വന്നത്. 4,99,999.95 രൂപയാണ് ഷിജിന് ഇതിലൂടെ സമ്മാനത്തുകയായി ലഭിക്കുന്നത്.

'എനിക്ക് തെറ്റ് പറ്റിയിട്ടുണ്ട്, നേഹ അങ്ങനെയല്ല, എനിക്കുണ്ടായത് വേറൊരാൾക്കും സംഭവിക്കരുത്': ജാസ്മിൻ ജാഫർ

Nithya G Robinson — Wed, 04 Nov 2026 08:04:45 +0530

ബിഗ്ബോസ് മലയാളം സീസൺ 8 മൽസരാർത്ഥി നേഹയുടെ മാതാപിതാക്കൾ ഹൗസിൽ നേരിട്ടെത്തി സംസാരിച്ചതിലും അതോടനുബന്ധിച്ചു നടന്ന വിഷയങ്ങളിലും തന്റെ അഭിപ്രായം തുറന്നുപറഞ്ഞ് സോഷ്യൽ മീഡിയ ഇൻഫ്ളുവൻസറും ബിഗ്ബോസ് മുൻ മൽസരാർത്ഥിയുമായിരുന്ന ജാസ്മിൻ ജാഫർ. ഇതേ അവസ്ഥയിലൂടെ അല്ലെങ്കിൽ ഇതിനേക്കാൾ മോശമായ അവസ്ഥയിലൂടെ കടന്നുപോയ ആളാണ് താനെന്നും തനിക്കും കുടുംബത്തിനും ഉണ്ടായ അവസ്ഥയും വേദനയും മറ്റാർക്കും ഉണ്ടാവരുതെന്ന് കരുതി കൂടിയാണ് ഇപ്പോഴിത് പറയുന്നതെന്നും ജാസ്മിൻ വ്യക്തമാക്കി.

''സമൂഹത്തിന്റെ കുറ്റപ്പെടുത്തൽ സഹിക്കാനാവാതെ വന്നപ്പോഴാകും അങ്ങോട്ട് റിക്വസ്റ്റ് ചെയ്ത് നേഹയുടെ ഫാമിലി ഷോയിൽ വന്നത്. ഇവിടെ വരെ എത്തിക്കാതെ കൺഫെഷൻ റൂമിലെ കോളിലോ ഒരു ലെറ്ററിലോ ഇത് ബിഗ് ബോസിന് തീർക്കാമായിരുന്നു എന്നത് സത്യമാണ്. പക്ഷെ ഷോയിൽ വന്ന് പൊട്ടിത്തെറിച്ചപ്പോൾ അവരുടെ മകളെ അടിക്കാനുള്ള ആയുധമാണ് ഇപ്പോൾ നാട്ടുകാർക്ക് ഇട്ട് കൊടുത്തിരിക്കുന്നതെന്ന് നേഹയുടെ മാതാപിതാക്കൾ ആലോചിച്ചില്ല. പിന്നെ എല്ലാവരും മനുഷ്യരല്ലേ. ഇമോഷൻസ് പുറത്ത് വരും. നേഹയുടെ മാതാപിതാക്കൾക്ക് അവളോട് സ്നേഹമില്ലാത്തതായോ ടോക്സിക്ക് പാരന്റിങ്ങായോ തോന്നിയില്ല. മകൾ എന്ന രീതിയിൽ ഉത്കണ്ഠ കാണും. മതവും ഒരു വിഷയമാണ്.

നേഹ സ്ട്രോങ്ങായി മാതാപിതാക്കളോട് ഉത്തരങ്ങൾ പറഞ്ഞു. ഒരു ആണും പെണ്ണും അടുത്തിരുന്നാലോ കയ്യിൽ പിടിച്ചാലോ കാമമായി മാത്രമെ കേരള സമൂഹത്തിലെ ഒരു വിഭാഗം ചിത്രീകരിക്കാറുള്ളൂ. ഇതെല്ലാം അറിയാവുന്നതുകൊണ്ട് തന്നെ അകലം പാലിച്ചാണ് ആ കൊച്ച് നിന്നത്. നേഹ ആ സിറ്റുവേഷൻ നന്നായി കൈകാര്യം ചെയ്തു. അതുപോലെ താഷി... അവൻ തകർന്ന് തരിപ്പണമായി. അവളെ യൂസ് ചെയ്യുന്നതായി തോന്നിയില്ല. പുള്ളി ബ്രേക്ക് ഡൗണായിപ്പോയി. ആ ഷോയിൽ മനുഷ്യത്വം കാണിക്കാൻ പറ്റില്ല. നേഹ ഇപ്പോൾ എത്തിയിരിക്കുന്നത് വല്ലാത്തൊരു സിറ്റുവേഷനിലാണ്. ബെത്‍ലഹേം കുടുംബ യൂണിറ്റ് കണ്ടപ്പോൾ എല്ലാവർക്കും ഓക്കെയായിരുന്നല്ലോ. എല്ലാവരും കയ്യടിച്ചു. ഇപ്പോൾ എന്തിനാണ് പ്രായ വ്യത്യാസം പറഞ്ഞ് ബഹളം വെയ്ക്കുന്നത്?. നിങ്ങൾ നിങ്ങളുടെ മോളെ വിശ്വസിക്കുക. വിഷമിക്കാതിരിക്കുക എന്നാണ് നേഹയുടെ മാതാപിതാക്കളോട് പറയാനുള്ളത്. അവൾ തിരിച്ച് വരുന്നത് വരെ സമാധാനത്തിൽ ഇരിക്കുക. ആളുകൾ പറയുന്നത് കേൾക്കാൻ നിൽക്കണ്ട. എനിക്കുണ്ടായത് വേറൊരാൾക്കും സംഭവിക്കരുത്. എന്നെ വെച്ച് നോക്കുമ്പോൾ നേഹ പൊന്നാണ്. എനിക്ക് തെറ്റ് പറ്റിയിട്ടുണ്ട്. അവൾ അതൊന്നും ചെയ്തിട്ടില്ല. ആ ചെറുക്കനേയും വിട്ടേക്കൂ'', എന്ന് ജാസ്മിൻ പറയുന്നു.

'അവളുടെ അടുത്തിരിക്കാൻ കഴിഞ്ഞിരുന്നെങ്കിലെന്ന് ആഗ്രഹിക്കുന്നു'; നേഹയെ ഓര്‍ത്ത് ശ്രീലക്ഷ്‍മി അറക്കല്‍

Web Desk — Tue, 03 Nov 2026 15:03:41 +0530

നാടകീയമായ മുഹൂർത്തങ്ങൾക്കാണ് കഴിഞ്ഞ ദിവസം ബിഗ്ബോസ് ഹൗസ് സാക്ഷ്യം വഹിച്ചത്. താഷിയോടുള്ള നേഹയുടെ അടുപ്പത്തെക്കുറിച്ച് സംസാരിക്കാൻ നേഹയുടെ മാതാപിതാക്കൾ നേരിട്ട് ബിഗ് ബോസ് വേദിയിൽ എത്തിയിരുന്നു, ഇപ്പോഴിതാ ഇതേക്കുറിച്ച് പ്രതികരിച്ച് രംഗത്തു വന്നിരിക്കുകയാണ് ഈ സീസണിലെ മൽസരാർത്ഥികളിൽ ഒരാളായ ശ്രീലക്ഷ്‍മി അറക്കൽ.

''ഇന്നത്തെ എപ്പിസോഡ് കണ്ടപ്പോൾ എന്റെ കണ്ണുനിറഞ്ഞുപോയി. എനിക്ക് നേഹയെ അറിയാം, അവൾ കുടുംബത്തെ എത്രത്തോളം സ്നേഹിക്കുന്നുണ്ടെന്നും ആ കുടുംബത്തിന് അവളോടുള്ള സ്നേഹവും എനിക്ക് നന്നായറിയാം. പക്ഷേ ഇന്ന് നടന്ന കാര്യങ്ങളൊക്കെ കണ്ടപ്പോൾ സത്യത്തിൽ ഹൃദയം തകരുന്നതുപോലെ തോന്നി. ആദ്യമായിട്ടാണ് എനിക്ക് മോഹൻലാൽ സാറിനോട് ഇത്രയധികം ആദരവും നന്ദിയും തോന്നുന്നത്. രണ്ട് പക്ഷത്തെയും പിന്തുണയ്ക്കാനും അവരുടെ വികാരങ്ങൾ മനസിലാക്കാനും കാര്യങ്ങൾ കൈവിട്ടുപോകാതെ ചേർത്തുപിടിക്കാനും അദ്ദേഹം പരമാവധി ശ്രമിച്ചു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

എങ്കിലും, അതൊക്കെ കണ്ടപ്പോൾ മനസിന് വലിയൊരു വിഷമം. ഞാൻ ഇപ്പോഴും ആ വീട്ടിനുള്ളിൽ ഉണ്ടായിരുന്നെങ്കിൽ, നേഹയുടെ മാതാപിതാക്കളുടെ വികാരങ്ങളുടെ ആഴവും തീവ്രതയും അവളെ മനസിലാക്കാൻ തീർച്ചയായും ശ്രമിക്കുമായിരുന്നു. ഈ വൈകാരിക നിമിഷങ്ങൾക്കിടയിൽ അവൾക്ക് മനസിലാക്കാൻ പറ്റാതെ പോയ ചില കാര്യങ്ങൾ കാണിച്ചുകൊടുക്കാൻ ഞാൻ ആഗ്രഹിച്ചേനെ. എന്റെ മനസിലുണ്ടായിരുന്ന കാര്യങ്ങൾ തുറന്നുപറഞ്ഞതിന് ആസിഫിനോട് എനിക്ക് കടുത്ത സ്നേഹം തോന്നുന്നുണ്ട്. എന്റെ സ്വന്തം സഹോദരങ്ങളെപ്പോലെയാണ് ഞാൻ നേഹയെയും ആസിഫിനെയും സ്നേഹിക്കുന്നത്. അതുകൊണ്ടുതന്നെ, എന്റെ മനസിലുള്ള അതേ വികാരങ്ങൾ ആസിഫ് പറയുമ്പോൾ നെഞ്ചിലൊരു കനത്ത ഭാരം വന്നുനിറയുന്നതുപോലെ തോന്നും. വാക്കുകൾ കൊണ്ട് വിവരിക്കാൻ പറ്റാത്തത്ര സങ്കടമുണ്ട്.

ആ വീടിന് പുറത്തേക്ക് ഇറങ്ങുന്നതിന് മുൻപ് ഞാൻ രണ്ട് ഉമ്മകൾ കൊടുത്തു- ഒന്ന് ആസിഫിനും ഒന്ന് നേഹയ്ക്കും. അത് വെറുമൊരു സ്നേഹപ്രകടനമായിരുന്നില്ല. ഹൃദയം നിറഞ്ഞ് നൽകിയതായിരുന്നു. കപടതയില്ലാത്ത സ്നേഹത്തിൽ നിന്നാണ് അത് വന്നത്, ആ വീട്ടിൽ നിന്നിറങ്ങിയ ശേഷവും ആ സ്നേഹത്തിന് ഒരു മാറ്റവും വന്നിട്ടില്ല. അതുകൊണ്ടാവും ഈ കാര്യങ്ങളൊക്കെ ഇത്രയധികം അലട്ടുന്നത്. നേഹയുടെ മനസിലൂടെ ഇപ്പോൾ എന്തൊക്കെയാവും കടന്നുപോകുന്നുണ്ടാവുക എന്ന് എനിക്ക് ചിന്തിക്കാൻ പോലും പറ്റുന്നില്ല. ഈ ഒരു സമയത്ത് അവളുടെ അടുത്തിരിക്കാനും കൈകൾ ചേർത്തുപിടിച്ച്, ഈ സങ്കടങ്ങളെല്ലാം നേരിടാൻ അവളെ സഹായിക്കാനും സാധിച്ചിരുന്നെങ്കിലെന്ന് ഞാൻ ആഗ്രഹിച്ചുപോകുകയാണ്. വിക്കിയും ശശിയും അവളുടെ കൂടെ ഉറച്ചുനിൽക്കുമെന്നും, അവളെ വൈകാരികമായി സംരക്ഷിക്കുമെന്നും, ഈ നിമിഷത്തിൽ അവൾക്ക് ധൈര്യം നൽകുമെന്നും ഞാൻ ആത്മാർത്ഥമായി ആഗ്രഹിക്കുന്നു. എല്ലാറ്റിലുമുപരി നേഹ അർഹിക്കുന്ന സ്നേഹവും കരുതലും ആശ്വാസവും അവൾക്ക് തിരികെ കിട്ടട്ടെ. ഇന്ന് ഞാൻ ഇതൊക്കെ പുറത്തുനിന്ന് കാണുകയാണ്. പക്ഷേ എന്റെ മനസ് ഇപ്പോഴും ആ വീട്ടിനുള്ളിൽ തന്നെയാണ്... എന്റെ ആളുകൾക്കൊപ്പം!'', ശ്രീലക്ഷ്‍മി ഇൻസ്റ്റഗ്രാമിൽ കുറിച്ചു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

'ഷിജിൻ കാല് പിടിച്ച് മാപ്പ് പറഞ്ഞിട്ടും ബിഗ് ബോസ് വീട്ടിൽ പ്രശ്നം തീർന്നില്ലേ?'; സത്യാവസ്ഥയെന്ത്?

Web Desk — Thu, 29 Oct 2026 15:32:10 +0530

ബിഗ് ബോസ് സീസൺ എട്ടിലെ മത്സരാർത്ഥി ഷിജിനും വൈൽഡ് കാർഡായി ഹൗസിലെത്തിയ നൗഫിനയും കൂടി നടന്ന ഒരു സംഭാഷണവും അതിന് ശേഷം പൊട്ടിക്കരഞ്ഞ് വിഷമിച്ചിരിക്കുന്ന ഷിജിന്റെ ദൃശ്യവുമാണ് ഇപ്പോൾ സോഷ്യൽമീഡിയയിൽ വൈറലാവുന്നത്. കഴിഞ്ഞ ആഴ്ചയിലെ വീക്കെൻഡ് എപ്പിസോഡിൽ തന്നെ ഒന്നിനും കൊള്ളാത്തവളെന്ന് ഷിജിൻ പരാമർശം ഉന്നയിച്ചെന്നു പറഞ്ഞ് നൗഫിന പൊട്ടിക്കരഞ്ഞിരുന്നു. ഷിജിൻ അങ്ങനെ പറഞ്ഞെന്ന വാദവുമായി മൃദുലയും എത്തിയിരുന്നു.

എന്നാൽ താൻ അങ്ങനെയല്ല ഉദ്ദേശിച്ചതെന്നും, ഒരിക്കലും അങ്ങനെ പറയാൻ തനിയ്ക്ക് കഴിയില്ലെന്നും, അങ്ങനെ താൻ പറഞ്ഞെന്ന് പറയുന്ന കാര്യം ഓർമ്മപോലും ഇല്ലെന്നും ഷിജിൻ ഇതിന് മറുപടിയായി നൽകിയിരുന്നു. എന്നാൽ ഷിജിൻ മനഃപൂർവം നാടകം കളിക്കുകയാണെന്നും ഇത് അംഗീകരിക്കാനാവില്ലെന്ന നിലപാടിലുമായിരുന്നു നൗഫിന. എങ്കിൽ പോലും ഷിജിൻ നൗഫിനയോട് അറിഞ്ഞോ അറിയാതെയോ താൻ വേദനിപ്പിച്ചിട്ടുണ്ടെങ്കിൽ മാപ്പെന്ന് പറഞ്ഞിരുന്നു. അപ്പോൾ പോലും മാപ്പ് ഞാൻ സ്വീകരിക്കുന്നു, എന്നാൽ പറഞ്ഞ വാക്ക് മറക്കാൻ കഴിയില്ലെന്നായിരുന്നു നൗഫിനയുടെ പ്രതികരണം. ഈ വിഷയത്തിൽ മാപ്പ് പറഞ് ഷിജിൻ പ്രശ്നം തീർക്കാൻ ശ്രമിച്ചെങ്കിലും പോലും പലയാവൃത്തി പലരും ഈ വിഷയം വീണ്ടും എടുത്തിട്ടിരുന്നു.

പ്രത്യേകിച്ചും ആസിഫ് . ഷിജിൻ ഏതെങ്കിലും വിഷയത്തിൽ പ്രതികരണവുമായി വന്നാൽ ഉടൻ തന്നെ ആർക്കും വേണ്ടാത്തവരെന്ന് പറഞ്ഞവനല്ലെടാ നീ എന്നും പറഞ്ഞ് ആസിഫ് ഷിജിനെ മാനസികമായി പല തവണ തളർത്തിയിരുന്നു. പലപ്പോഴും വളരെ വിഷമിച്ചിരുന്ന, കൺഫെഷൻ റൂമിലേയ്ക്ക് ഒന്ന് വിളിക്കുമോ എന്ന് ബിഗ് ബോസിനോട് റിക്വസ്റ്റ് ചെയ്യുന്ന, തളർന്നിരിക്കുന്ന ഷിജിനെ പ്രേക്ഷകർ കണ്ടിരുന്നു . ഏറ്റവും ഒടുവിൽ വൈറലായ ക്ലിപ്പിൽ നൗഫിനയുടെ കാലുപിടിച്ച് മാപ്പ് പറയുന്ന ഷിജിനെയാണ് കാണാൻ കഴിഞ്ഞത്. ചേച്ചി ഞാൻ മോശമായി ഉദ്ദേശിച്ചിട്ടില്ല, എനിക്ക് ഓർമ്മയില്ല, ഒരിക്കലും ഞാൻ വേദനിപ്പിക്കാനായി ഇങ്ങനെ ചെയ്യില്ല, എനിക്ക് നേരെ സംസാരിക്കാൻ പറ്റാത്തതുകൊണ്ടാവും ചിലപ്പോൾ ഞാൻ പറയുന്നത് മനസ്സിലാവാത്തത് , ചേച്ചി എന്നോട് ക്ഷമിക്ക്, എനിക്ക് സത്യമായും അങ്ങനൊരു കാര്യം ഓർമ്മയിൽ ഇല്ല... ഇതും പറഞ്ഞ് ഷിജിൻ നൗഫിനയുടെ കാലുപിടിച്ചാണ് മാപ്പ് പറഞ്ഞത്.

സത്യത്തിൽ ഈ ക്ലിപ്പ് കണ്ട പ്രേക്ഷകരുടെ കണ്ണും കൂടെ നിറഞ്ഞിരുന്നു എന്ന് വേണം പറയാൻ . ഒരാൾ അയാളുടെ തെറ്റ് ഏറ്റ് പറഞ്ഞ് കാലു പിടിക്കുന്നു . അപ്പോൾ പോലും നൗഫിന ക്ഷമിക്കാം പക്ഷെ ആ വാക്ക് മറക്കാനാവില്ലെന്ന നിലപാടിൽ നിൽക്കുന്നു . ഈ വിഷയം ഇനിയും എടുത്തിട്ട് സംസാരിക്കരുതെന്ന് ഷിജിൻ അപേക്ഷിച്ചപ്പോൾ ശെരി ഇനി താൻ അത് പറയില്ലെന്ന് നൗഫിന പറയുകയുമുണ്ടായി. സത്യത്തിൽ ഷിജിൻ നൗഫിനയെപ്പറ്റി അത്തരമൊരു പരാമർശം പറഞ്ഞിട്ടുണ്ടോ എന്ന കാര്യത്തിൽ തന്നെ ക്ലാരിറ്റി ഇല്ല . ലീക്കായ പല ക്ലിപ്പുകളിലും ഷിജിൻ അത്തരമൊരു വാക്ക് നൗഫിനയെ ഉദ്ദേശിച്ച് പറഞ്ഞില്ലെന്ന് തന്നെയാണ് വെളിവാകുന്നത്. വീക്കെൻഡ് എപ്പിസോഡിലും ഷിജിൻ പറഞ്ഞ പ്രകാരം ബിഗ് ബോസ് ആ സീൻ പ്ലെ ചെയ്ത് കാണിച്ചിരുന്നില്ല . മൃദുല നടത്തിയ തന്ത്രപരമായ നീക്കമാകാം ഒരുപക്ഷെ ഇതിന് പിന്നിലെന്ന നിഗമനത്തിലാണ് വൈറൽ ക്ലിപ്പുകൾ കണ്ട ബിഗ് ബോസ് പ്രേക്ഷകർ ധരിച്ചിട്ടുള്ളത് . സംഭവത്തിന്റെ സത്യാവസ്ഥ ഇതുവരെ പുറത്ത്‌വന്നിട്ടില്ല.

എങ്കിലും നൗഫിനയുടെ കാലുപിടിക്കേണ്ട അവസ്ഥയിലേയ്ക്ക് ഹൗസിലെ സഹമത്സരാർത്ഥികളെല്ലാം ഈ വിഷയം കൊണ്ടുചെന്നെത്തിച്ചു എന്നതിലാണ് കാര്യം. ഷിജിൻ എന്ന മത്സരാർത്ഥിയെ മറ്റ് മത്സരാർത്ഥികളെല്ലാം ചേർന്ന് അറ്റാക്ക് ചെയ്യുന്നുണ്ടെന്നും എന്നാൽ അവർ തന്നെ ഷിജിന് വോട്ട് നേടിക്കൊടുക്കാൻ കാരണമാകുന്നെന്നുമാണ് നിലവിൽ ബിഗ് ബോസ് ആരാധകരുടെ അഭിപ്രായം . എന്തായാലും നൗഫിനയുടെ വിഷയം ക്ലിപ്പ് സഹിതം വീക്കെൻഡ് എപ്പിസോഡിൽ തുറന്ന് കാട്ടണമെന്നും സത്യം പുറത്തുകൊണ്ടുവരണമെന്നുമാണ് ആരാധകർ ആവശ്യപ്പെടുന്നത്.

'മൃദുലയിൽ നിന്ന് എനിക്കും ചില അനുഭവങ്ങളുണ്ട്, വീഡിയോ പുറത്തുവിട്ടതിന് നന്ദി'; വെളിപ്പെടുത്തി ജസീല

Nithya G Robinson — Tue, 03 Nov 2026 12:20:11 +0530

ബിഗ് ബോസിൽ വൈൽഡ് കാർഡ് മത്സരാർഥിയായ നൗഫീനയെ ഷിജിൻ ‘ആർക്കും വേണ്ടാത്ത ആൾ’ എന്ന് വിളിച്ചെന്നാരോപിച്ച് മൃദുല വിജയ് രംഗത്തെത്തിയിരുന്നു. ഷിജിൻ അങ്ങനെ പറഞ്ഞിട്ടില്ലെന്ന് വീക്കെൻഡ് എപ്പിസോഡിൽ മോഹൻലാൽ വ്യക്തമാക്കുകയും ചെയ്തു. എന്നാൽ വീഡിയോ കാണിക്കണം എന്ന ആവശ്യവുമായി മൃദുല വീണ്ടും രംഗത്തെത്തി. എന്നാൽ വീഡിയോയിൽ ഷിജിൻ, നൗഫീനയെക്കുറിച്ച് അത്തരമൊരു പരാമർശം നടത്തുന്നതായി കാണുന്നുമുണ്ടായിരുന്നില്ല. ബിഗ്ബോസ് ആ ദൃശ്യം പുറത്തുവിട്ടതിനു പിന്നാലെ, ഈ വിഷയത്തെ മുൻനിർത്തി മൃദുലക്കെതിരെ കൂടുതൽ ആരോപണങ്ങളുമായി രംഗത്തെത്തിയിരിക്കുകയാണ് മുൻ മത്സരാർത്ഥി ജസീല പർവീൺ.

''ബിഗ് ബോസ് വീടിനുള്ളിൽ ഇങ്ങനെയൊരു സംഭവം ക്യാമറയിൽ പതിഞ്ഞിട്ടുണ്ടെന്ന് തെളിയിച്ചതിനും ഈ ദൃശ്യങ്ങൾ പുറത്തുവിട്ടതിനും ഏഷ്യാനെറ്റിനോട് ഞാൻ മനസറിഞ്ഞ് നന്ദി പറയുന്നു. ബിഗ് ബോസ് വീടിനുള്ളിൽ വെച്ച് ഈ വ്യക്തിയിൽ നിന്ന് വ്യക്തിപരമായി എനിക്ക് ഒരുപാട് അനുഭവങ്ങൾ ഉണ്ടായിട്ടുണ്ട്. വർഷങ്ങളായി പരിചയമുള്ള ഒരാളിൽ നിന്ന് ചില കാര്യങ്ങൾ സംഭവിച്ചപ്പോൾ ഞാൻ സത്യത്തിൽ ഞെട്ടിപ്പോയി. ഇത്രയും വിശ്വസിച്ച ഒരാളിൽ നിന്ന് ഇങ്ങനെയൊന്ന് ഞാൻ ഒരിക്കലും പ്രതീക്ഷിച്ചില്ല. എല്ലാവർക്കും അവരവരുടെ ഗെയിം കളിക്കാം. ഒരാളെ നോമിനേറ്റ് ചെയ്യുന്നതും സ്ട്രാറ്റജികൾ മെനയുന്നതും മത്സരിക്കുന്നതുമെല്ലാം ഒരു റിയാലിറ്റി ഷോയുടെ ഭാഗമാണ്. അതിൽ എനിക്ക് യാതൊരു പ്രശ്നവുമില്ല. പക്ഷേ, അടിസ്ഥാനപരമായി ഒരു ഗെയിമും മനുഷ്യത്വം മറന്നുള്ളതാകരുത്.

നോമിനേഷനല്ല, ആ വ്യക്തിയിൽ നിന്ന് എനിക്കുണ്ടായ അനുഭവവും, ആവ്യക്തിയിലുള്ള വിശ്വാസം കാരണം ഞാൻ മാനസികമായി സ്വാധീനിക്കപ്പെടുകയും മാനിപ്പുലേറ്റ് ചെയ്യപ്പെടുകയും ചെയ്തു എന്ന തിരിച്ചറിവാണ് എന്നെ വിഷമിപ്പിച്ചത്. പല കാര്യങ്ങളും സംഭാഷണങ്ങളും ഞാൻ നേരിട്ട് കണ്ടിട്ടുണ്ട്. ആ നിമിഷങ്ങളൊക്കെ ക്യാമറയിൽ പതിഞ്ഞിട്ടുണ്ടോ എന്ന് എനിക്ക് ഉറപ്പില്ലായിരുന്നു. എന്റെ അനുഭവങ്ങൾ എങ്ങനെ തെളിയിക്കുമെന്ന് ഞാൻ ഒരുപാട് ആലോചിച്ചിട്ടുണ്ട്. ഇപ്പോൾ ഈ ദൃശ്യങ്ങൾ കണ്ടപ്പോൾ, ഞാൻ നേരിട്ട് കണ്ട മറ്റു കാര്യങ്ങളും സംഭവങ്ങളും ഇതുപോലെ റെക്കോർഡ് ആയിട്ടുണ്ടാകും എന്നൊരു പ്രതീക്ഷ വരുന്നുണ്ട്. ഈ വ്യക്തി പുറത്തുവരുമ്പോൾ എനിക്ക് ചോദിക്കാനും സംസാരിക്കാനും നിരവധി കാര്യങ്ങളുണ്ട്. ഞാൻ വെറുതെ പറയുന്നതല്ല, സ്വന്തം കണ്ണുകൊണ്ട് കാണുകയും കാതുകൊണ്ട് കേൾക്കുകയും ചെയ്ത അനുഭവങ്ങളിൽ നിന്നാണ് പറയുന്നത്. ഗെയിം കളിക്കണം എന്നത് ശരി തന്നെ. എന്നാൽ മറ്റൊരാളുടെ വിശ്വാസം മുതലെടുത്തും വികാരങ്ങൾ വെച്ചും കളിക്കരുത്. അതാണ് സ്ട്രാറ്റജിയും ഒരു വൃത്തികെട്ട കളിയും തമ്മിലുള്ള വ്യത്യാസം.

ഈ സംഭവങ്ങൾ പുറത്തുകൊണ്ടുവന്നതിന് ചാനലിന് എന്റെ നന്ദി. ഈ ഗെയിം ഒരു ദിവസം അവസാനിക്കും. പക്ഷേ നമ്മൾ മറ്റുള്ളവരോട്, പ്രത്യേകിച്ചും നമ്മളെ വിശ്വസിക്കുന്നവരോട് പെരുമാറുന്ന രീതി ഗെയിമിനേക്കാൾ എത്രയോ വലുതാണ്'', എന്ന് ജസീല ഇൻസ്റ്റഗ്രാമിൽ കുറിച്ചു.

'എനിക്ക് നിന്നെ ഇപ്പോഴും ഇഷ്ടമാണ്..'; ബിഗ് ബോസ്സിൽ നാടകീയ രംഗങ്ങൾ, താഷിയോട് പ്രണയം തുറന്നുപറഞ്ഞ് നേഹ

Web Desk — Fri, 30 Oct 2026 15:25:42 +0530

"ഇനി നമ്മൾ തമ്മിൽ യാതൊരു ബന്ധവുമില്ല", എല്ലാം കഴിഞ്ഞെന്ന് പറഞ്ഞ് അവസാനിപ്പിച്ച നേഹ വീണ്ടും താഷിയുമായി പ്രണയത്തിലാണെന്ന് തുറന്ന് പറയുന്ന കാഴ്ചകളാണ് ബിഗ് ബോസിൽ കാണാൻ കഴിയുന്നത് . കഴിഞ്ഞ ദിവസമാണ് വേദാങ്കിയുമായി താഷി ഫ്ലർട്ട് ചെയ്യുന്നെന്ന് കേട്ട് നേഹ പൊട്ടിത്തെറിച്ചത് . തനിക്ക് ഇത് അംഗീകരിക്കാനാവില്ലെന്നും വേദാങ്കി വെറുതെ വന്ന് കാര്യം ഇങ്ങനൊരു ആരോപണം ഉന്നയിക്കുമോ, അവൾക്ക് ബോധമില്ലേ എന്നുമാണ് നേഹ പ്രതികരിച്ചിരുന്നത് . എന്നാൽ താൻ ഏത് ടോണിലാണ് സംസാരിച്ചതെന്നും, ഏത് സാഹചര്യത്തിലാണെന്നും നോക്കി വേണം വിലയിരുത്താനെന്നും വിശ്വാസമില്ലെങ്കിൽ കൂടുതലൊന്നും പറയാനില്ല എന്നുമായിരുന്നു താഷിയുടെ മറുപടി . അത് കേട്ട് ദേഷ്യം വന്ന നേഹ ബെഡ്‌റൂമിൽ ചെന്ന് തന്റെ സാധനങ്ങൾ എറിഞ്ഞ് പൊട്ടിക്കുകയുണ്ടായി . ഇനി താഷിയെ വിശ്വസിക്കില്ലെന്നും എല്ലാം അവന്റെ ഗെയിം തന്ത്രങ്ങൾ ആയിരുന്നെന്നും നൗഫിനയോടും മൃദുലയോടും ഇനി താൻ അത്തരത്തിൽ താഷിയോട് ക്ലോസായി പെരുമാറുന്നെന്ന് തോന്നിയാൽ തന്നെ അടിച്ചുകൊള്ളൂ എന്നും നേഹ പറയുകയുമുണ്ടായി. ശരി അങ്ങാനാവട്ടെ എന്ന് മൃദുലയും നൗഫിനയും പറഞ്ഞു . എന്നാൽ ആ പറഞ്ഞ വാക്കിന് ഒരു വിലയുമില്ലാതെ വെറും ഇരുപത്തിനാല് മണിക്കൂറിനുള്ളിൽ വീണ്ടും താഷിയുമായി അടുക്കുന്ന നേഹയെ ആണ് പ്രേക്ഷകർ കണ്ടത് .

'എനിക്ക് നിന്നെ ഇപ്പോഴും ഇഷ്ട്ടമാണ്, എന്നാൽ എനിക്ക് പൊസസീവ്‌നെസ്സ് ഉണ്ട് കോംപ്ലിമെന്റുകൾ ഓക്കേ, പക്ഷേ മറ്റൊരു സ്ത്രീയെയും സുന്ദരിയായിട്ടുണ്ട് എന്ന് പറഞ്ഞുകൂടാ, എനിക്ക് അറിയാം എന്റെ ചിന്താഗതികൾ ഇടുങ്ങിയതാണെന്ന്, എന്നാൽ എനിക്ക് ഓപ്പൺ ആവാൻ കഴിയില്ല . പുറത്തിറങ്ങിയ ശേഷം രണ്ടുപേർക്കും ഈ ഇഷ്ട്ടം ഇതുപോലെ ഉണ്ടെങ്കിൽ എന്റെയും നിന്റെയും വീട്ടുകാർ സമ്മതിച്ചാൽ നമുക്ക് തീരുമാനത്തിലെത്താം . പക്ഷേ ഇവിടെ ഞാൻ ഇനി നിന്നോട് വലിയ അടുപ്പമൊന്നും കാണിക്കില്ല . കാരണം നമ്മൾ അടി ആയപ്പോൾ ഞാൻ മൃദുലയോടും നൗഫിനയോടും പറഞ്ഞു ഇനി നിന്നെ ഓർത്തിരിക്കില്ലെന്ന് . എന്നാൽ എനിക്കതിനാവുന്നില്ല . അവർ ഇതറിഞ്ഞാൽ എന്നോട് ദേഷ്യപ്പെടും . അതുകൊണ്ടാണ് അടുപ്പം കാണിക്കാത്തത്. എനിക്ക് നിന്നെ ഇഷ്ട്ടം തന്നെയാണ് .' ഇതാണ് നേഹ താഷിയോട് പറഞ്ഞത് .

നേഹ തന്റെ ഇഷ്ട്ടം തുറന്ന് പറഞ്ഞപ്പോൾ നാണം വന്ന് ബ്ലഷായ താഷിയെയാണ് പിന്നീട് പ്രേക്ഷകർ കണ്ടത് . നേഹ പറഞ്ഞ എല്ലാ കാര്യങ്ങളും അംഗീകരിക്കാനാവില്ലെന്നും മറ്റൊരു സ്ത്രീയെ കോംപ്ലിമെൻറ് ചെയ്തു എന്നതിന്റെ അർഥം അവരെ ലവ് ചെയ്യുന്നു എന്നല്ല എന്നും ഈ ചിന്താഗതി മാറ്റേണ്ടതുണ്ട് , പുറത്തിറങ്ങിയ ശേഷം ബാക്കി കാര്യങ്ങൾ സംസാരിക്കാം എന്നുമാണ് താഷി പ്രതികരിച്ചത് . ഈ ലവ് ട്രാക്ക് വീണ്ടും ഓൺ ആയതറിയാതെ നേഹയും താഷിയും പിരിഞ്ഞെന്നോർത്ത് ഇരിക്കുന്ന ഹൗസിലെ മറ്റ് മത്സരാർത്ഥികളുടെ കാര്യമാണ് കോമഡി . ഇവർ തമ്മിൽ എന്താണ് നടക്കുന്നതെന്ന് ആർക്കും ഒരെത്തും പിടിയും കിട്ടിയിട്ടില്ല . എന്തൊക്കെയായാലും വീക്കെൻഡ് എപ്പിസോഡിൽ മോഹൻലാൽ ഇക്കാര്യം ഇരുവരോടും ചോദിക്കണമെന്നാണ് ബിഗ് ബോസ് ആരാധകരുടെ പ്രതികരണം . സംഭവം സീരിയസാണോ അതോ ഗെയിം ആണോ എന്നെങ്കിലും ഉറപ്പ് വരുത്താമല്ലോ എന്നും നമ്മൾ മണ്ടന്മാർ ആകേണ്ടതില്ലല്ലോ എന്നും ബിഗ് ബോസ് ആരാധകർ പ്രതികരിക്കുന്നുണ്ട്.

'മാ‍ഡം വിളിയും പെൺകോന്തൻ വിളിയും ശരിയായില്ല..'; ബിഗ്ബോസ് താരങ്ങളെ വിമർശിച്ച് നന്ദന

Web Desk — Thu, 12 Nov 2026 20:39:37 +0530

‌മുൻ സീസണുകളിലെ ചില വിജയികളും മൽസരാർത്ഥികളും ഷോയിലെത്തുന്ന ലെഗസി വീക്ക് ബിഗ് ബോസിൽ പുരോഗമിച്ചുകൊണ്ടിരിക്കുകയാണ്. ജാസ്മിൻ ജാഫർ, റിഷി കുമാർ, സായ് കൃഷ്ണ, ഗബ്രി ജോസ്, ജിന്റോ, അൻസിബ, അഖിൽ മാരാർ, നൂറ, അനീഷ്, ജിന്റോ, വിഷ്ണു, ബ്ലെസ്ലി, റിയാസ് സലിം തുടങ്ങിയവരാണ് പല ഘട്ടങ്ങളിലായി ലെഗസി വീക്കിന്റെ ഭാഗമായി ഹൗസിലെത്തിയത്. ഇതിനിടെ, സീസൺ 8-ലെ മൽസരാർത്ഥികളിൽ ഒരാളായ വിക്കിയും റിയാസ് സലീമും തമ്മിലുണ്ടായ തർക്കം വലിയ ചർച്ചയായിരുന്നു. റിയാസിനെ 'മാഡം' എന്ന് വിക്കി വിളിച്ചതാണ് വലിയ വിമർശനങ്ങൾക്ക് കാരണമായത്. രാഹുൽ ഈശ്വറിന് "പെൺകോന്തൻ" എന്നു വിശേഷിപ്പിച്ച റോബിൻ രാധാകൃഷ്ണനെതിരെയും വിമർശനങ്ങൾ ശക്തമായി. ഇപ്പോഴിതാ ഇക്കാര്യത്തിൽ തന്റെ നിലപാട് വ്യക്തമാക്കി രംഗത്തെത്തിയിരിക്കുകയാണ് ബിഗ്ബോസ് മുൻതാരം കൂടിയായ നന്ദന. ഇത്തരത്തിലുള്ള പരാമർശങ്ങൾ ശരിയല്ലെന്ന് നന്ദന പറയുന്നു.

"റിയാസിനെ വിക്കി മാഡം എന്ന് വിളിച്ചത് വളരെ മോശമായി. നമ്മൾ ഒരു ജെൻഡറിനെ വിലയിരുത്താറായിട്ടില്ല. എന്തെങ്കിലും ഉണ്ടെങ്കിൽ നമ്മുടെ മനസ്സിൽ വയ്ക്കുകയാണ് വേണ്ടത്. അല്ലാതെ മുഖത്ത് നോക്കി 'ഓക്കേ മാഡം' എന്നൊക്കെ പറയുമ്പോൾ അയാൾക്കും മോശമാവില്ലേ," എന്നായിരുന്നു റിയാസ്-വിക്കി വിഷയത്തിൽ നന്ദനയുടെ പ്രതികരണം. സീസൺ 4 മത്സരാർഥിയായ റോബിൻ രാധാകൃഷ്ണൻ, രാഹുൽ ഈശ്വറിനെ 'പെങ്കോന്തൻ' എന്ന് വിളിച്ചതും തനിക്ക് മോശമായി തോന്നിയെന്നാണ് നന്ദന പറഞ്ഞത്. ഇത്തരം പ്രയോഗങ്ങൾ മറ്റൊരാളെ അപമാനിക്കുന്നതിന് തുല്യമാണെന്നും നന്ദന കൂട്ടിച്ചേർത്തു.

"മെൻസ് കമ്മിഷൻ ഉലത്തും എന്ന് പറഞ്ഞാണ് ഇതിനകത്തേക്ക് കയറി വന്നത്. വന്നതിനുശേഷം പുള്ളിക്കാരൻ മെൻസ് കമ്മിഷൻ രണ്ട് ദിവസം കഴിഞ്ഞപ്പോൾ മറന്നു. പിന്നീട് ഞാൻ കാണുന്നത് കുറെ സ്ത്രീകളുടെ കൂടെ ഇങ്ങനെ നിൽക്കുന്നതും നടക്കുന്നതുമൊക്കെയാണ്. അത് ഞാൻ ഒരിക്കലും താങ്കളെപ്പോലെ ഒരു വ്യക്തിയിൽനിന്ന് ഒട്ടും പ്രതീക്ഷിച്ചില്ല," എന്നായിരുന്നു റോബിന്റെ വാക്കുകൾ.

'കടൽ കൊമ്പനെ പോലെയായാൽ ജീവിതം എത്രയോ സുന്ദരമാണെന്ന് മനസിലാകും'; പ്രശംസിച്ച് യുവ കൃഷ്ണ

Web Desk — Fri, 30 Oct 2026 07:41:10 +0530

ബിഗ് ബോസ് മലയാളം സീസൺ 8-ലെ മത്സരാർത്ഥിയായ 'കടൽ കൊമ്പൻ' എന്ന ശ്രീരാജിനെ തനിക്ക് ഇഷ്ടമാണെന്ന് തുറന്നു പറഞ്ഞ് നടനും ഈ സീസണിലെ മൽസരാർത്ഥിയുമായ മൃദുലയുടെ ഭർത്താവുമായ യുവ കൃഷ്ണ. കൊമ്പന്റെ കുട്ടിത്തം തനിക്ക് ഇഷ്ടമാണെന്നും എന്നാൽ അമിതമായി ആളുകളെ വിശ്വസിക്കുന്നു എന്നതാണ് കൊമ്പന്റെ ഒരു നെഗറ്റീവ് ആയി തോന്നിയിട്ടുള്ളത് എന്നും യുവ കൃഷ്ണ പറയുന്നു. പുറമേ നിന്ന് നോക്കുന്നവർക്ക് ഭയങ്കര ജാഡയാണ് എന്നൊക്കെ തോന്നുമെങ്കിലും താനും അത്തരത്തിലുളള ഒരാൾ ആണെന്നും യുവ കൃഷ്ണ കൂട്ടിച്ചേർത്തു.

''ബിഗ്ബോസ് മലയാളം സീസൺ 8 നേഴ്സറിയാണെന്നു തോന്നുന്നത് കൊമ്പന്റെ ചില കാര്യങ്ങൾ കാണുമ്പോളാണ്. കൊമ്പന്റെ ഉള്ളിലെ ആ കുട്ടിയെ ഭയങ്കരമായി, താലോലിച്ച് അവൻ കാത്തുസൂക്ഷിക്കുന്നുണ്ട്. നമ്മളൊക്കെ പലപ്പോഴും നമ്മുടെ ഉള്ളിലുള്ള കുട്ടിയെ അടിച്ചമർത്താനാണ് ശ്രമിച്ചിട്ടുള്ളത്. പക്ഷേ, ഒരിക്കലും അതങ്ങനെ അടിച്ചമർത്തേണ്ട സാധനമല്ല. അതിന് അടിച്ചമർത്താതെ കൂടെ കൊണ്ടുനടന്നാൽ നമ്മൾ ഇപ്പോൾ ജീവിക്കുന്ന ജീവിതത്തേക്കാൾ എത്രയോ സൗന്ദര്യമാണ് ഈ ജീവിതത്തിനെന്ന് നമുക്ക് അനുഭവിച്ചറിയാൻ പറ്റും. ഞാനും അങ്ങനെ ചെയ്യുന്ന ആളാണ്. എന്നെ കാണുമ്പോൾ ആളുകൾ വിചാരിക്കും, ഭയങ്കര ജാഡയാണ് എന്നൊക്കെ. പക്ഷേ, ഞാൻ ഭയങ്കര ചൈൽഡിഷ് ആയിട്ടുള്ള ഒരാളാണ്. നല്ല കമ്പനിയായിട്ടുള്ള ആളുകളുടെയടുത്ത് ആ വൈബാണ്.

അമിതമായി ആളുകളെ വിശ്വസിക്കുന്നു എന്നതാണ് കൊമ്പന്റെ ഒരു നെഗറ്റീവ് ആയി തോന്നിയിട്ടുള്ളത്. ആദ്യം ഐശ്വര്യയെ അമിതമായി വിശ്വസിച്ചു. പിന്നീട് ഷിജിനെ വിശ്വസിച്ചു. അവരുടെ ഭാഗത്തു നിന്നും പ്രതീക്ഷിക്കാത്ത ഒരു അറ്റാക്ക് വരുമ്പോൾ അവൻ ആകെ ഡൗൺ ആയിപ്പോകും. ഐശ്വര്യയുടെ കാര്യത്തിൽ നമ്മളത് കണ്ടതാണ്'', ജിഞ്ചർ മീഡിയക്കു നൽകിയ അഭിമുഖത്തിൽ യുവ കൃഷ്ണ പറഞ്ഞു.

'സ്വാഭാവികമായി സംഭവിച്ചതാണ്, അതാണ് ഇപ്പോഴത്തെ പ്രയോറിറ്റി'; നേഹയോടുള്ള പ്രണയത്തെക്കുറിച്ച് താഷി

Web Desk — Wed, 11 Nov 2026 20:28:19 +0530

ബിഗ് ബോസ് മലയാളം സീസൺ 8 ലെ പ്രേക്ഷകർ അടുത്തിടെയായി ഏറ്റവുമധികം ചർച്ച ചെയ്യുന്ന ഒരു വിഷയമാണ് താഷി-നേഹ പ്രണയം. ഇൻഫ്ളുവൻസർ എന്ന ലേബലിലാണ് നേഹ ബിഗ് ബോസിൽ എത്തിയതെങ്കിൽ ബിഗ് ബോസിനു മുന്നോടിയായി കോമണേഴ്സിനു വേണ്ടി നടത്തിയ അഗ്നിപരീക്ഷയിലൂടെയാണ് താഷി ഈ സീസണിലേക്ക് തിരഞ്ഞെടുക്കപ്പെട്ടത്. ബിഗ് ബോസ് വീട്ടിൽ നേഹയും താഷിയും തമ്മിലുള്ള അടുപ്പം പുറത്ത് വലിയ ചർച്ചകൾക്ക് കാരണമായതിനു പിന്നാലെ നേഹയുടെ മാതാപിതാക്കളും ബിഗ് ബോസിലെത്തിയിരുന്നു. താഷിയോടുള്ള നേഹയുടെ അടുപ്പം തങ്ങൾക്ക് ഇഷ്ടമല്ലെന്ന രീതിയിലാണ് മാതാപിതാക്കൾ സംസാരിച്ചത്. താൻ ചെയ്യരുതെന്ന് പറഞ്ഞ കാര്യം തന്നെ നേഹ ചെയ്തില്ലേ എന്നായിരുന്നു ഉമ്മയുടെ ചോദ്യം. താഷിയെ ഇഷ്ടമാണെന്നും എന്നാൽ ഇക്കാര്യം സ്വന്തം വീട്ടുകാരെ ബോധ്യപ്പെടുത്താനായിരിക്കും തന്റെ ശ്രമമെന്നും നേഹ വ്യക്തമാക്കിയിരുന്നു.

ഇപ്പോഴിതാ ലെഗസി വീക്കിന്റെ ഭാഗമായി ബിഗ് ബോസിലെത്തിയ റിയാസ് സലീമിനോട് നേഹയുമായുള്ള അടുപ്പത്തെക്കുറിച്ച് തുറന്നു സംസാരിച്ചിരിക്കുകയാണ് താഷി. നേഹയോടുള്ള പ്രണയം സ്വാഭാവികമായി സംഭവിച്ചതാണ് എന്നാണ് റിയാസിനോട് താഷി പറയുന്നത്. നേഹയുടെ വീട്ടുകാർ വരുന്നതു വരെ അതൊരു ഫ്ളാറ്റ് ലൈനിലാണ് പൊയ്ക്കോണ്ടിരുന്നതെന്നും അതിനു ശേഷം ആ ബന്ധം വളരെ ദൃഢമായെന്നും ഇപ്പോൾ താൻ ഈ റിലേഷൻഷിപ്പിനാണ് ഏറ്റവുമധികം മുൻതൂക്കം കൊടുക്കുന്നതെന്നും താഷി പറയുന്നു. ''മുൻപ് ഇതൊരു ഹൈ‍ഡ് ആൻഡ് സീക്ക് ഗെയിം പോലെയായിരുന്നു. നേഹ തുറന്നു സമ്മതിച്ചതിനു ശേഷം അത് കൂടുതൽ സ്ട്രോങ്ങ് ആയി'', എന്നും താഷി കൂട്ടിച്ചേർത്തു. ഇവിടെ വന്നത് എന്തിനാണെന്ന് മറക്കരുതെന്നും അത് ഓർമ വേണം എന്നുമായിരുന്നു തുടർന്ന് റിയാസിന്റെ ഉപദേശം.