Asianet News Malayalam

മുട്ട മസാല ഫ്രൈ ,ഒരു പുതു വിഭവം

Sumam Thomas — Sun, 08 Nov 2026 14:56:09 +0530

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

വേണ്ട ചേരുവകൾ

· മുട്ട 6 എണ്ണം

· മഞ്ഞൾ പൊടി ¼ ടീസ്പൂൺ

· കാശ്മീരി മുളകുപൊടി 2 ടീസ്പൂൺ

· കുരുമുളക് പൊടി ½ ടീസ്പൂൺ

· ഗരം മസാല ¼ ടീസ്പൂൺ

· വെളിച്ചെണ്ണ ½ ടീസ്പൂൺ

· ഉപ്പ്

· വെള്ളം

· വെളിച്ചെണ്ണ വറുക്കാൻ ആവശ്യത്തിന്

തയ്യാറാക്കുന്ന വിധം

ഒരു ഇഡ്ഡലി തട്ടിൽ കുറച്ചു വെളിച്ചെണ്ണ പുരട്ടിയ ശേഷം ഓരോ മുട്ടയും പൊട്ടിച്ചു ഒഴിച്ച് കൊടുക്കാം .ശേഷം ഇഡ്ഡലി പാത്രത്തിൽ വെച്ച് അഞ്ചു മിനിറ്റ് ആവിയിൽ മുട്ട വേവിച്ചെടുക്കാം .വേവിച്ച മുട്ട ഇഡ്ഡലി തട്ടിൽ നിന്നും എടുത്തു മാറ്റാം. ഇനി ഒരു ബൗളിലേക്കു മഞ്ഞൾ പൊടി,കാശ്മീരി മുളകുപൊടി,കുരുമുളക് പൊടി,ഗരം മസാല,ഉപ്പ് ,വെളിച്ചെണ്ണ എന്നിവ ചേർത്ത് നന്നായി മിക്സ് ചെയ്യുക .ശേഷം കുറച്ചു വെള്ളം കൂടി ചേർത്ത മസാല റെഡി ആക്കി എടുക്കുക .ഇനി ഓരോ മുട്ടയിലും മസാല തേച്ചു കൊടുക്കാം .ഒരു പാനിൽ കുറച്ചു വെളിച്ചെണ്ണ ഒഴിച്ച് ചൂടാക്കിയ ശേഷം മസാല പുരട്ടിയ മുട്ട വെളിച്ചെണ്ണയിൽ ഇട്ടു വറുത്തെടുക്കാം .ചെറിയ തീയിൽ വേണം വറുത്തെടുക്കാൻ. മുട്ടയുടെ ഒരു വശം ഫ്രൈ ആയി വന്നാൽ തിരിച്ചിട്ടു കൊടുക്കാം .രണ്ടു വശവും ഫ്രൈ ആയി വന്നാൽ വെളിച്ചെണ്ണയിൽ നിന്നും എടുത്തു മാറ്റാം. ടേസ്റ്റി മുട്ട മസാല ഫ്രൈ തയ്യാർ.

വളരെ ഹെൽത്തിയും രുചികരവുമായ ഗ്രീൻ എഗ്ഗ് തയ്യാറാക്കിയാലോ?

Resmi Sreekumar — Wed, 04 Nov 2026 12:32:19 +0530

വളരെ ഹെൽത്തിയും രുചികരവുമായ ഗ്രീൻ എഗ്ഗ് തയ്യാറാക്കിയാലോ?

വേണ്ട ചേരുവകൾ

1.മുട്ട 4 എണ്ണം

2.മഞ്ഞൾപ്പൊടി കാൽ ടീ സ്പൂൺ

3.ഇഞ്ചി ഒരു ചെറിയ കഷ്ണം

വെളുത്തുള്ളി 4 അല്ലി

മല്ലിയില ചെറുതായി അരിഞ്ഞത് ഒന്നര ടേബിൾ സ്പൂൺ

പുതിനയില ഒന്നര ടേബിൾ സ്പൂൺ

പച്ചമുളക് രണ്ട് എണ്ണം

കറിവേപ്പില ഒരു കതിർപ്പ്

ഉപ്പ് ആവശ്യത്തിന്

4.എണ്ണ ഒരു ടീ സ്പൂൺ

തയ്യാറാക്കുന്ന വിധം

മുട്ട പുഴുങ്ങി രണ്ടായി മുറിച്ചെടുക്കുക. രണ്ടും, മൂന്നും ചേരുവകൾ അരച്ചെടുത്ത് മുട്ടയിൽ പുരട്ടുക. ഫ്രൈ പാനിൽ ഒരു ടീ സ്പൂൺ എണ്ണ ഒഴിച്ച് ചൂടാക്കിയ ശേഷം അരപ്പ് പുരട്ടിയ മുട്ട തിരിച്ചും മറിച്ചും ഇട്ട് വറുത്തെടുക്കുക.

കേരള സ്റ്റൈൽ മുട്ട മസാല എളുപ്പത്തിൽ തയ്യാറാക്കാം

Resmi Sreekumar — Fri, 06 Nov 2026 14:32:34 +0530

വേണ്ട ചേരുവകൾ

മുട്ട 4 എണ്ണം

സവാള 2 എണ്ണം

തക്കാളി 2 എണ്ണം

പച്ചമുളക് 2 എണ്ണം

ഇഞ്ചി-വെളുത്തുള്ളി പേസ്റ്റ് 1 ടീസ്പൂൺ

മുളകുപൊടി 1 ടീസ്പൂൺ

മല്ലിപ്പൊടി 2 ടീസ്പൂൺ

മഞ്ഞൾപ്പൊടി ¼ ടീസ്പൂൺ

ഗരം മസാല ½ ടീസ്പൂൺ

കറിവേപ്പില ആവശ്യത്തിന്

ഉപ്പ് ആവശ്യത്തിന്

എണ്ണ 2 ടേബിൾസ്പൂൺ

വെള്ളം ആവശ്യത്തിന്

മല്ലിയില അല്പം (വേണമെങ്കിൽ)

2. തയ്യാറാക്കുന്ന വിധം

ഘട്ടം 1: മുട്ട വേവിക്കുക

മുട്ട വെള്ളത്തിലിട്ട് 10 മിനിറ്റോളം നന്നായി വേവിക്കുക. തണുത്ത ശേഷം തോട് കളഞ്ഞ് മാറ്റിവയ്ക്കുക.

ഘട്ടം 2: മസാല തയ്യാറാക്കുക

ഒരു പാനിൽ എണ്ണ ചൂടാക്കി കറിവേപ്പിലയും അരിഞ്ഞ സവാളയും ചേർക്കുക. സവാള ഇളം ബ്രൗൺ നിറമാകുന്നതുവരെ വഴറ്റുക.

ഘട്ടം 3: ഇഞ്ചിയും വെളുത്തുള്ളിയും ചേർക്കുക

ഇഞ്ചി-വെളുത്തുള്ളി പേസ്റ്റും പച്ചമുളകും ചേർത്ത് പച്ചമണം മാറുന്നതുവരെ വഴറ്റുക.

ഘട്ടം 4: പൊടികൾ ചേർക്കുക

മഞ്ഞൾപ്പൊടി, മുളകുപൊടി, മല്ലിപ്പൊടി എന്നിവ ചേർത്ത് ചെറിയ തീയിൽ ഇളക്കുക.

ഘട്ടം 5: തക്കാളി ചേർക്കുക

അരിഞ്ഞ തക്കാളിയും ആവശ്യത്തിന് ഉപ്പും ചേർത്ത് തക്കാളി നന്നായി ഉടയുന്നതുവരെ വേവിക്കുക.

ഘട്ടം 6: ഗ്രേവി തയ്യാറാക്കുക

അരക്കപ്പ് വെള്ളം ചേർത്ത് മസാല 5 മിനിറ്റ് തിളപ്പിക്കുക.

ഘട്ടം 7: മുട്ട ചേർക്കുക

വേവിച്ച മുട്ട രണ്ടായി മുറിച്ചോ ചെറിയ വരകൾ ഇട്ടോ മസാലയിൽ ചേർക്കുക. ഗരം മസാലയും ചേർത്ത് 5 മിനിറ്റ് ചെറിയ തീയിൽ വേവിക്കുക.

ഘട്ടം 8: വിളമ്പാം

മല്ലിയില വിതറി തീ അണയ്ക്കുക. സ്വാദിഷ്ടമായ മുട്ട മസാല റെഡി.

ദിവസവും ബദാം കഴിച്ചാൽ ശരീരത്തിൽ സംഭവിക്കുന്ന മാറ്റങ്ങൾ?

Resmi Sreekumar — Tue, 03 Nov 2026 11:22:18 +0530

ബദാമിൽ ധാരാളം പോഷകഗുണങ്ങൾ അടങ്ങിയിരിക്കുന്നു. ദിവസവും ബദാം കഴിച്ചാൽ ശരീരത്തിൽ ഉണ്ടാകുന്ന മാറ്റങ്ങളെ കുറിച്ച് ഗ്യാസ്ട്രോഎൻട്രോളജിസ്റ്റ് ഡോ. സൗരഭ് സേത്തി പറയുന്നു. "ഒന്നാമതായി, നിങ്ങളുടെ ഹൃദയം. ബദാം കഴിക്കുന്നത് എൽ.ഡി.എൽ (LDL) അഥവാ 'മോശം കൊളസ്‌ട്രോൾ' അളവ് ഡെസിലിറ്ററിന് ഏകദേശം 5 മില്ലിഗ്രാം വരെ കുറയ്ക്കുന്നതായി ഒരു മെറ്റാ-അനാലിസിസിൽ കണ്ടെത്തി.

രണ്ടാമതായി, നിങ്ങളുടെ ദഹനവ്യവസ്ഥ. ഒരു പിടി ബദാം - അതായത് ഏകദേശം 23 എണ്ണം - കഴിക്കുമ്പോൾ ഏകദേശം 4 ഗ്രാമോളം നാരുകൾ ലഭിക്കുന്നു, ഇത് ദഹനവ്യവസ്ഥയുടെ ആരോഗ്യത്തെ സഹായിക്കുന്നുവെന്ന് ഡോ. സൗരഭ് സേത്തി ഇൻസ്റ്റഗ്രാമിൽ പങ്കുവച്ച പോസ്റ്റിൽ പറയുന്നു.

മൂന്നാമതായി, രക്തത്തിലെ പഞ്ചസാരയുടെ അളവ്. കാർബോഹൈഡ്രേറ്റുകൾ അടങ്ങിയ ഭക്ഷണത്തോടൊപ്പം ബദാം കഴിക്കുന്നത്, ഭക്ഷണം കഴിച്ചതിനുശേഷം രക്തത്തിലെ ഗ്ലൂക്കോസിന്റെ അളവ് പെട്ടെന്ന് ഉയരുന്നത് തടയാൻ സഹായിക്കും. നാലാമതായി, നിങ്ങളുടെ വിശപ്പ്. ഒരു പിടി ബദാമിൽ 6 ഗ്രാം പ്രോട്ടീനും ആരോഗ്യകരമായ കൊഴുപ്പുകളും അടങ്ങിയിട്ടുണ്ട്. ഇത് വയർ നിറഞ്ഞതായി തോന്നിപ്പിക്കുകയും കൂടുതൽ നേരം വിശപ്പില്ലാതെ ഇരിക്കാൻ സഹായിക്കുകയും ചെയ്യുന്നു. അഞ്ചാമതായി, നിങ്ങളുടെ ചർമ്മം. 24 ആഴ്ചകൾക്ക് ശേഷം ചർമ്മത്തിലെ ചുളിവുകളുടെ തീവ്രതയിൽ 16% കുറവുണ്ടായതായി ഒരു പഠനം കണ്ടെത്തി.

ബദാം കഴിക്കുന്നതിന് പുറമെ മൊത്തത്തിലുള്ള ആരോഗ്യം മെച്ചപ്പെടുത്താൻ സഹായിക്കുന്ന എട്ട് ലളിതമായ ശീലങ്ങളെക്കുറിച്ചും ഡോ. സൗരഭ് സേത്തി പങ്കുവച്ചിട്ടുണ്ട്. രാവിലെ എഴുന്നേറ്റ ഉടൻ ഫോൺ പരിശോധിക്കുന്ന ശീലം മാറ്റുക. രാവിലെ ഏകദേശം 10 മിനിറ്റ് നേരം സൂര്യപ്രകാശം ഏൽക്കുന്നത് മാനസികാവസ്ഥ മെച്ചപ്പെടുത്താനും ശരീരത്തിന് ആവശ്യമായ വിറ്റാമിൻ ഡി ലഭിക്കാനും സഹായിക്കും.

ദഹനം മെച്ചപ്പെടുത്തുന്നതിനായി ഭക്ഷണശേഷം അല്പനേരം നടക്കണമെന്ന് അദ്ദേഹം നിർദ്ദേശിക്കുന്നു. തൈര്, യോഗർട്ട് തുടങ്ങിയവ ഭക്ഷണത്തിൽ ഉൾപ്പെടുത്തുന്നത് കുടലിലെ ഗുണകരമായ ബാക്ടീരിയകളുടെ വളർച്ചയെ സഹായിക്കും. മഞ്ഞൾ, ഇഞ്ചി, ജീരകം, പെരുംജീരകം തുടങ്ങിയ സുഗന്ധവ്യഞ്ജനങ്ങളും ഔഷധസസ്യങ്ങളും ഉപയോഗിക്കുന്നത് ദഹനാരോഗ്യത്തിന് ഗുണകരമാണ്.

View this post on Instagram

A post shared by Saurabh Sethi MD MPH | Gastroenterologist (@doctor.sethi)

പനീറോ സോയ ചങ്ക്സോ? ശരീരഭാരം കുറയ്ക്കാൻ ഏതാണ് കൂടുതൽ നല്ലത്?

Reshma Vijayan — Tue, 03 Nov 2026 13:56:33 +0530

ശരീരഭാരം കുറയ്ക്കാൻ മിക്കവരും ഡയറ്റിൽ ഉൾപ്പെടുത്തുന്ന രണ്ട് ഭക്ഷണങ്ങളാണ് പനീറും സോയയും. ഇവയിലെ കലോറി, കൊഴുപ്പ്, പ്രോട്ടീൻ എന്നിവയുടെ അളവുകൾ തമ്മിൽ വലിയ വ്യത്യാസമുണ്ട്. പനീറും സോയ ചങ്ക്സും പ്രോട്ടീൻ ലഭിക്കുന്നതിനുള്ള ജനപ്രിയമായ രണ്ട് സസ്യാഹാരങ്ങളാണ്. എന്നാൽ ശരീരഭാരം കുറയ്ക്കാൻ ഇവയിൽ ഏതാണ് കൂടുതൽ നല്ലത്?

ശരീരഭാരം കുറയ്ക്കാനുള്ള ഭക്ഷണക്രമത്തിൽ പനീർ ഉൾപ്പെടുത്താവുന്നതാണ്. ഇതിൽ പ്രോട്ടീന് പുറമെ കാൽസ്യം, വിറ്റാമിൻ ബി12 തുടങ്ങിയ പോഷകങ്ങളും അടങ്ങിയിട്ടുണ്ട്. എന്നാൽ ഒരു കാര്യം ശ്രദ്ധിക്കേണ്ടതുണ്ട് - സാധാരണ പനീറിൽ ഗണ്യമായ അളവിൽ കൊഴുപ്പും അടങ്ങിയിരിക്കുന്നു.

പനീറിനെക്കുറിച്ചുള്ള ഒരു അവലോകനത്തിൽ, അതിലെ പോഷക ഘടകങ്ങളിൽ വ്യത്യാസങ്ങൾ ഉണ്ടാകാമെന്നും എന്നാൽ പരമ്പരാഗത പനീറിൽ സാധാരണയായി 16-18% പ്രോട്ടീനും 22-25% കൊഴുപ്പും അടങ്ങിയിട്ടുണ്ടെന്നും ജേണൽ ഓഫ് ഫുഡ് സയൻസ് ആൻഡ് ടെക്നോളജി'യിൽ പ്രസിദ്ധീകരിച്ച പഠനത്തിൽ‌ കണ്ടെത്തി. പനീർ കഴിക്കുമ്പോൾ അതിന്റെ അളവ് പ്രധാനമാണ്. പച്ചക്കറികൾക്കൊപ്പം തയ്യാറാക്കിയ പനീർ വിഭവവും, ധാരാളം എണ്ണയോ വെണ്ണയോ ക്രീമോ ചേർത്ത് പാകം ചെയ്ത പനീർ വിഭവവും തമ്മിൽ വലിയ വ്യത്യാസമുണ്ട്.

സോയ ചങ്ക്സ് അല്പം വ്യത്യസ്തമാണ്. കൊഴുപ്പ് നീക്കം ചെയ്ത സോയാ മാവിൽ നിന്നാണ് ഇവ നിർമ്മിക്കുന്നത്. അതിനാൽ ഇവയിൽ സ്വാഭാവികമായും പ്രോട്ടീൻ കൂടുതലും കൊഴുപ്പ് താരതമ്യേന കുറവുമായിരിക്കും. ഓരോ ഉൽപ്പന്നത്തിനനുസരിച്ചും ഇവയിലെ പോഷകമൂല്യങ്ങളിൽ വ്യത്യാസമുണ്ടാകാം.

സോയ ചങ്ക്സ് ഒരു സമ്പൂർണ്ണ പ്രോട്ടീൻ ഉറവിടമാണ്. കൂടാതെ ഇവയിൽ നാരുകളും (ഫൈബർ) അടങ്ങിയിട്ടുണ്ട്. അതിനാൽ, പ്രോട്ടീൻ ഉപഭോഗം വർദ്ധിപ്പിക്കാൻ ആഗ്രഹിക്കുന്നവർക്ക് ഇതൊരു മികച്ച തിരഞ്ഞെടുപ്പാണെന്ന് ഹെൽത്ത് കോച്ച് റാൽസ്റ്റൺ ഡിസൂസ പറയുന്നു. ശരീരഭാരം കുറയ്ക്കാനുള്ള ഭക്ഷണക്രമത്തിൽ സോയ ഉൾപ്പെടുത്താവുന്നതാണ്; എന്നാൽ സോയ മാത്രം കഴിച്ചതുകൊണ്ട് ശരീരഭാരം കുറയുകയില്ല.

ഭാരം കുറയ്ക്കാൻ സോയ ചങ്ക്സ് ഒരു മികച്ച ഭക്ഷണമാണ്. നിങ്ങൾക്ക് പനീർ ഇഷ്ടമാണെങ്കിൽ, അതിൽ അടങ്ങിയിരിക്കുന്ന കാൽസ്യം, വിറ്റാമിൻ ബി12 എന്നിവ ലഭിക്കാൻ ഇത് സഹായിക്കും. എന്നാൽ, കഴിക്കുന്ന അളവും പാചകക്കുറിപ്പിൽ ചേർക്കുന്ന മറ്റ് ചേരുവകളും ശ്രദ്ധിക്കണം. അതുകൊണ്ട്, ഇവ രണ്ടിലും വച്ച് നോക്കുമ്പോൾ ശരീരഭാരം കുറയ്ക്കാൻ കൂടുതൽ അനുയോജ്യമായത് സോയ ചങ്ക്സ് (soya chunks) ആണ്. എന്നാൽ, ശരീരഭാരം കുറയ്ക്കുന്നതിനായി നിങ്ങൾ പനീർ (paneer) പൂർണ്ണമായും ഒഴിവാക്കേണ്ടതില്ല.

ഹീമോഗ്ലോബിൻ അളവ് കൂട്ടാൻ കഴിക്കേണ്ട 6 ഭക്ഷണങ്ങൾ

Shilpa M — Fri, 06 Nov 2026 13:23:56 +0530

ഹീമോഗ്ലോബിൻ അളവ് കൂട്ടാൻ കഴിക്കേണ്ട 7 ഭക്ഷണങ്ങൾ

വീട്ടിലുണ്ടാക്കാം അടിപൊളി രുചിയിലൊരു മുട്ട ബജി

Reshma Vijayan — Wed, 11 Nov 2026 13:55:36 +0530

വേണ്ട ചേരുവകൾ

മുട്ട നാലെണ്ണം

കടലമാവ് 3/4 കപ്പ്

ഉപ്പ് ആവശ്യത്തിന്

കുക്കിംഗ് സോഡ ഒരു നുള്ള്

കായപ്പൊടി 1/4 ടീസ്പൂൺ

മുളകുപൊടി 1/2 ടീസ്പൂൺ

വെള്ളം ആവശ്യത്തിന്

റിഫൈൻഡ് ഓയിൽ - ആവശ്യത്തിന്

‌തയ്യാറാക്കുന്ന വിധം

മുട്ട വേവിച്ച് തോട് കളഞ്ഞ് പകുതി ആക്കി മുറിച്ചു വയ്ക്കുക. കടലമാവിലേക്ക് ഉപ്പ്, സോഡ, മുളകുപൊടി, കായപ്പൊടി ഇവ ചേർത്തിളക്കി ആവശ്യത്തിന് വെള്ളം ഒഴിച്ച് ഇഡ്ഡലിമാവിൻ്റെ പാകത്തിൽ ബാറ്റർ തയ്യാറാക്കുക. ഒരു കഷ്ണം മുട്ട ബാറ്ററിൽ മുക്കി ചൂടായ എണ്ണയിൽ ഇട്ട് പൊരിച്ചെടുക്കുക. ബാക്കി മുട്ടയും ഇതുപോലെ ചെയ്തെടുക്കാം.

കാട മുട്ട സ്റ്റൂ എളുപ്പത്തിൽ രുചികരമായി എങ്ങനെ തയ്യാറാക്കാം

Gargi Sivaprasad — Fri, 13 Nov 2026 14:41:57 +0530

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

കാട മുട്ട സ്റ്റൂ എളുപ്പത്തിൽ രുചികരമായി എങ്ങനെ തയ്യാറാക്കാം

വേണ്ട ചേരുവകൾ

1. കാട മുട്ട 10 എണ്ണം പുഴുങ്ങിയത്,

ബേബി പൊട്ടറ്റോ 10 എണ്ണം പുഴുങ്ങിയത്

2 . കറുവപ്പട്ട, 1പിസ്, ഏലയ്ക്ക

4, പെരിജീരകം, കുരുമുളക്

3. സവാള 2 എണ്ണം

ഇഞ്ചി 1 പിസ്

പച്ചമുളക് 4 വെളുത്തുള്ളി 3 ഇവ അരിഞ്ഞെടുക്കണം.

4 നെയ് 3 സ്പൂൺ

5 ഉപ്പ്

6 വെളിച്ചെണ്ണ 2 സ്പൂൺ

ഉള്ളി അരിഞ്ഞത്

കറിവേപ്പില ആവശ്യത്തിന്

7 പഞ്ചസാര ഒരു സ്പൂൺ

8 തേങ്ങാ പാൽ ഒന്നാം പാൽ ഒരു കപ്പ്‌,

രണ്ടാം പാൽ രണ്ടുകപ്പ്,

കോൺ ഫ്ളോർ ഒരു സ്പൂൺ

തയ്യാറാക്കുന്ന വിധം

ഒരു ഉരുളി അടുപ്പത്ത് വച്ചു ചൂടാകുമ്പോ നെയ്യ് ചേർക്കണം. ശേഷം രണ്ടാമത്തെ ചേരുവ ചേർത്ത് പൊട്ടിവരുമ്പോൾ മൂന്നാമത്തെ ചേരുവ ചേർത്ത് വഴറ്റണം. ശേഷം രണ്ടാംപാൽ ചേർത്ത് തിളപ്പിക്കണം. മുട്ട, ബേബി പൊട്ടറ്റോ, ഉപ്പ് ഇവ ചേർത്ത് തിളച്ചു വരുമ്പോ കോൺ ഫ്ളോർ പാലിൽ കലക്കി ചേർക്കണം. നന്നായി തിളയ്ക്കുമ്പോൾ ഒന്നാം പാൽ ചേർത്ത് തിളവരുമ്പോൾ പഞ്ചസാര ചേർത്ത് തീ ഓഫ് ചെയ്യുക. വെളിച്ചെണ്ണയിൽ ബാക്കി ചേരുവ വറുത്തിടണം.

രുചി വെറെ ലെവൽ ; മുട്ട പനിയാരം ഈസിയായി തയ്യാറാക്കാം

Gijo Jose — Mon, 09 Nov 2026 13:54:26 +0530

കുട്ടികളുടെ ടിഫിൻ ബോക്സിൽ ഉൾപ്പെടുത്താൻ പറ്റിയ രുചികരവും പോഷകപ്രദവുമായ മുട്ട പനിയാരം എളുപ്പം തയ്യാറാക്കാം.

ആവശ്യമായ ചേരുവകൾ

ദോശമാവ് 1 കപ്പ്

മുട്ട 1–2 എണ്ണം

ചെറുതായി അരിഞ്ഞ സവാള 1 എണ്ണം

ചെറുതായി അരിഞ്ഞ പച്ചമുളക് 1–2 എണ്ണം

കാരറ്റ് 2–3 ടേബിൾസ്പൂൺ (ഗ്രേറ്റ് ചെയ്തതോ ചെറുതായി അരിഞ്ഞതോ)

കറിവേപ്പില ആവശ്യത്തിന്

മല്ലിയില ആവശ്യത്തിന്

ജീരകം ഒരു നുള്ള്

കായം ഒരു നുള്ള്

മുളകുപൊടി ആവശ്യത്തിന് (വേണമെങ്കിൽ മാത്രം)

വെളിച്ചെണ്ണ പനിയാരക്കല്ലിൽ ഒഴിക്കാൻ ആവശ്യത്തിന്

ഉപ്പ് ആവശ്യത്തിന്

തയ്യാറാക്കുന്ന വിധം

ഒരു പാത്രത്തിൽ ദോശമാവും മുട്ടയും ചേർത്ത് നന്നായി ഇളക്കുക. ഇതിലേക്ക് അരിഞ്ഞ സവാള, പച്ചമുളക്, കാരറ്റ്, കറിവേപ്പില, മല്ലിയില എന്നിവ ചേർക്കുക. ജീരകം, കായം, ആവശ്യത്തിന് ഉപ്പ് എന്നിവ ചേർത്ത് നന്നായി യോജിപ്പിക്കുക. കൂടുതൽ എരിവ് വേണമെങ്കിൽ അല്പം മുളകുപൊടിയും ചേർക്കാം. പനിയാരക്കല്ല് ചൂടാക്കി ഓരോ കുഴിയിലും അല്പം വെളിച്ചെണ്ണ ഒഴിക്കുക. തയ്യാറാക്കിയ മാവ് ഓരോ കുഴിയിലും ഒഴിച്ച് മിതമായ തീയിൽ വേവിക്കുക. അടിഭാഗം നന്നായി വെന്തുകഴിഞ്ഞാൽ മറിച്ചിട്ട് മറുഭാഗവും സ്വർണ്ണനിറമാകുന്നതുവരെ വേവിക്കുക. മുട്ട പൂർണമായി വെന്തുവെന്ന് ഉറപ്പാക്കുക. ചൂടോടെ രുചികരമായ മുട്ട പനിയാരം വിളമ്പാം! ചൂടുള്ള മുട്ട പനിയാരം തേങ്ങാച്ചമ്മന്തിയോടോ തക്കാളിച്ചമ്മന്തിയോടോ കൂടി വിളമ്പാം.

കുറിപ്പ്: ക്യാരറ്റിന് പകരമായോ ക്യാറ്റിനോടൊപ്പമോ നിങ്ങളുടെ ഇഷ്ടത്തിനനുസരിച്ച് ഗ്രേറ്റ് ചെയ്തതോ ചെറുതായി അരിഞ്ഞതോ ആയ മറ്റ് പച്ചക്കറികളും ചേർക്കാവുന്നതാണ്. രുചികരവും പോഷകസമൃദ്ധവുമായ മുട്ട പനിയാരം തയ്യാർ!

View this post on Instagram

A post shared by ‍♀️ (@myculinaryvibes)

ഭക്ഷണശേഷം പെരുംജീരകം ചവയ്ക്കുന്നത് ആരോഗ്യത്തിന് നല്ലതാണോ?

Gargi Sivaprasad — Fri, 13 Nov 2026 15:58:52 +0530

വയറ്റിലെ ഗ്യാസ്, ദഹനക്കേട് എന്നിവ കുറയ്ക്കാൻ പെരുംജീരകം പരമ്പരാഗതമായി ഉപയോഗിച്ചുവരുന്നുണ്ട്. എന്നാൽ, ഭക്ഷണശേഷം അല്പം പെരുംജീരകം കഴിക്കുന്നത് യഥാർത്ഥത്തിൽ എത്രത്തോളം പ്രയോജനകരമാണ്? പെരുംജീരകത്തിൽ അനെത്തോൾ (anethole), ഫെൻചോൺ (fenchone), എസ്ട്രാഗോൾ (estragole) തുടങ്ങിയ ഘടകങ്ങൾ അടങ്ങിയിട്ടുണ്ട്.

പെരുംജീരകം പരമ്പരാഗതമായി ഒരു 'കാർമിനേറ്റീവ്' (carminative) ആയി ഉപയോഗിച്ചുവരുന്നു. അതായത്, ഗ്യാസ് മൂലമുണ്ടാകുന്ന അസ്വസ്ഥതകൾ, വയറ്റിൽ ഗ്യാസ് നിറയുക, ദഹനക്കേടുമായി ബന്ധപ്പെട്ട ചില ലക്ഷണങ്ങൾ എന്നിവ കുറയ്ക്കാൻ ഇത് സഹായിച്ചേക്കാം.

പെരുംജീരകത്തിൽ അനെത്തോൾ, ഫെൻചോൺ, എസ്ട്രാഗോൾ തുടങ്ങിയ സംയുക്തങ്ങൾ അടങ്ങിയിട്ടുണ്ട്. ദഹനനാളത്തിൽ ഗ്യാസ് മൂലമുണ്ടാകുന്ന വയറുവേദന, വയറ്റിൽ ഗ്യാസ് നിറയുക, മറ്റ് ദഹനപ്രശ്നങ്ങൾ എന്നിവ പരിഹരിക്കുന്നതിനുള്ള പരമ്പരാഗത ഔഷധങ്ങളായി ഇവ ഉപയോഗിച്ചുവരുന്നു എന്ന് അവർ വിശദീകരിക്കുന്നു.

പെരുംജീരകത്തിൽ കാണപ്പെടുന്ന സംയുക്തങ്ങൾക്ക് ആന്റിസ്പാസ്മോഡിക് ഗുണങ്ങളുണ്ടാകാമെന്ന് ചില ഗവേഷണങ്ങൾ സൂചിപ്പിക്കുന്നു. പെരുംജീരകത്തിന് സ്വാഭാവികമായി മധുരമുള്ള സുഗന്ധമുണ്ട്. പെരുംജീരകം ചവയ്ക്കുന്നത് ഭക്ഷണത്തിനുശേഷം വായയ്ക്ക് പുതുമ നൽകും. ഇത് ഉമിനീർ ഉൽപാദനത്തെ ഉത്തേജിപ്പിക്കുന്നു.

ഭക്ഷണശേഷം അല്പം (½ മുതൽ 1 ടീസ്പൂൺ വരെ) പെരുംജീരകം ചവയ്ക്കുന്നത് ദഹനത്തിന് നല്ലതാണ്. കൂടാതെ ഇത് സ്വാഭാവികമായി വായയിലെ ദുർഗന്ധം അകറ്റുകയും ചെയ്യുന്നു. ഭക്ഷണത്തിന് ശേഷം അല്പം പെരുംജീരകം കഴിക്കുന്നത് പതിവ് ഭക്ഷണക്രമത്തിന്റെ ഭാഗമാക്കാവുന്നതാണ്. ഇവ അതേപടി കഴിക്കുകയോ, പൊടിച്ച് ഭക്ഷണത്തിന് മുകളിൽ വിതറുകയോ, അല്ലെങ്കിൽ പാനീയങ്ങളിൽ ചേർക്കുകയോ ചെയ്യാം. ഇതിൽ അടങ്ങിയിരിക്കുന്ന പൊട്ടാസ്യവും നൈട്രേറ്റും രക്തസമ്മർദ്ദം ക്രമീകരിക്കാൻ സഹായിക്കുന്നു. പെരുംജീരകം കഴിക്കുന്നത് വിശപ്പ് നിയന്ത്രിക്കാനും അമിതമായി ഭക്ഷണം കഴിക്കുന്നത് ഒഴിവാക്കാനും സഹായിക്കുന്നു.

വീട്ടിൽ മുട്ടയും ഉരുളക്കിഴങ്ങും ഉണ്ടെങ്കിൽ എളുപ്പമൊരു വിഭവം തയ്യാറാക്കാം

Resmi Sreekumar — Fri, 30 Oct 2026 13:23:00 +0530

വേണ്ട ചേരുവകൾ

ബട്ടർ 20 ഗ്രാം

ഉരുളകിഴങ്ങു ഒരെണ്ണം ചെറുതായി അരിഞ്ഞു കഴുകി മാറ്റി വയ്ക്കുക

ഉപ്പ് ആവശ്യത്തിന്

കുരുമുളക് പൊടി ആവശ്യത്തിന്

സവാള ഒരെണ്ണം നന്നായി കഴുകി ഒന്നു അരിഞ്ഞു വയ്ക്കുക

തക്കാളി ഒരെണ്ണം അരിഞ്ഞു വയ്ക്കുക

മുട്ട 4 എണ്ണം

ചീസ് 4

മല്ലിയില

തയ്യാറാക്കുന്ന വിധം

ഒരു പാനിലേക്ക് കുറച്ചു ബട്ടർ ഇട്ട് കൊടുത്തു അതിലേക്കു അരിഞ്ഞു വച്ചിരിക്കുന്ന ഉരുളകിഴങ്ങു കുറച്ചു ഉപ്പും കുരുമുളക് പൊടിയും ഇട്ടു അടച്ചു വച്ച് ഒന്ന് വേവിച്ചു എടുക്കുക. ഇനി ഇതിലേക്ക് സവാള അരിഞ്ഞത് ചേർത്തത് ഇട്ടു വഴറ്റി അതിലേക്കു തക്കാളിയും ചേർത്തു വഴറ്റി എടുക്കുക. ഇതെല്ലാം ഒന്ന് വഴണ്ട് കഴിഞ്ഞാൽ മുട്ട ഓരോന്നും പൊട്ടിച്ചു ഒഴിച്ചു കൊടുത്തു മുട്ടയ്ക്ക് ആവശ്യമായ ഉപ്പും കുരുമുളകും ചീസും ഇട്ടു കൊടുത്ത് കുറച്ചു മല്ലിയിലയും ചേർത്ത് ചെറിയ തീയിൽ അടച്ചു വച്ച് ഒന്നു വേവിച്ചു എടുത്താൽ അടിപൊളി മുട്ട ഉരുളകിഴങ്ങു വിഭവം റെഡി.

View this post on Instagram

A post shared by When Viny Cooks (@whenvinycooks)

ദിവസവും ഒരു സ്പൂൺ നെയ്യ് കഴിച്ചാൽ ലഭിക്കുന്ന 6 ഗുണങ്ങൾ

Resmi Sreekumar — Sat, 31 Oct 2026 16:55:56 +0530

ദിവസവും ഒരു സ്പൂൺ നെയ്യ് കഴിച്ചാൽ ലഭിക്കുന്ന 6 ഗുണങ്ങൾ

തെെര് കഴിച്ചാൽ ലഭിക്കുന്ന 6 ഗുണങ്ങൾ

Resmi Sreekumar — Fri, 30 Oct 2026 16:18:28 +0530

തെെര് കഴിച്ചാൽ ലഭിക്കുന്ന 6 ഗുണങ്ങൾ.

വളരെ എളുപ്പത്തിലൊരു മുട്ട തോരൻ തയ്യാറാക്കാം

Shilpa M — Thu, 05 Nov 2026 13:51:46 +0530

വളരെ എളുപ്പത്തിലൊരു മുട്ട തോരൻ തയ്യാറാക്കാം. മുട്ട ഫെസ്റ്റിൽ ശ്രീജ നിഷാദ് തയ്യാറാക്കിയ ലേഖനം

വേണ്ട ചേരുവകൾ

മുട്ട 2 എണ്ണം

1.തേങ്ങ ചിരകിയത് അര കപ്പ്

2.മഞ്ഞൾ പൊടി

3.ചുവന്നുള്ളി 8 എണ്ണം

4.പെരും ജീരകം 1 സ്പൂൺ

5.പച്ചമുളക് 2 എണ്ണം

6.കറിവേപ്പില ഒരു തണ്ട്

7.കടുക് അര സ്പൂൺ

8. ഉപ്പ് ആവശ്യത്തിന്

9. വെളിച്ചെണ്ണ ആവശ്യത്തിന്

തയ്യാറാക്കുന്ന വിധം

ഒരു ചീനച്ചട്ടി അടുപ്പിൽ വച്ചിട്ട് ചട്ടി ചൂടാകുമ്പോൾ വെളിച്ചെണ്ണ ഒഴിക്കുക. അതിലേക്ക് കടുക് ഇടുക. അത്പൊട്ടി വരുമ്പോൾ 1 മുതൽ 5 വരെയുള്ള ചേരുവകൾ ചേർത്ത് അരച്ച അരപ്പ് ഇട്ട് അതിലേക്ക് 2 മുട്ട പൊട്ടിച്ചു ചേർത്ത് ആവശ്യത്തിനു ഉപ്പും, കറിവേപ്പിലയും ചേർത്ത് ചെറിയ തീയിൽ ഇളക്കി കൊടുക്കുക. തോരൻ പരുവം ആകുമ്പോൾ അടുപ്പിൽ നിന്നും മാറ്റിയ ശേഷം കഴിക്കുക.

രുചി വെറെ ലെവൽ ; എളുപ്പം തയ്യാറാക്കാം രുചികരമായ മുട്ടച്ചോറ്

Resmi Sreekumar — Sat, 31 Oct 2026 13:32:09 +0530

വേണ്ട ചേരുവകൾ

1 . ആദ്യം രണ്ട് പേർക്കുള്ള റൈസ് ഉണ്ടാക്കി വയ്ക്കുക (നമുക്ക് ഇഷ്ടമുള്ള ഏത് റൈസ് ആയാലും മതി)

2 നെയ്യ് ഒരു വലിയ സ്പൂൺ (വെളിച്ചെണ്ണ)

3.കടുക് കാൽ ടീസ്പൂൺ

4.ചെറിയ ഉള്ളി അരക്കപ്പ്(സവാള1)

5.വെളുത്തുള്ളി 5 അല്ലി പൊടിയായിട്ട് അരിഞ്ഞത്

ഇഞ്ചി ചെറിയ കഷണം പൊടിയായി അരിഞ്ഞത്

പച്ചമുളക് രണ്ടെണ്ണം പൊടിയായി അരിഞ്ഞത്

6.തക്കാളി പകുതി ചെറുതായി അരിഞ്ഞത്

7. ഫ്രോസൺ ഗ്രീൻപീസ് അരക്കപ്പ്

നമ്മുടെ കയ്യിലുള്ള പച്ചക്കറികൾ എല്ലാം ചെറുതായി അരിഞ്ഞു ചേർക്കാം

8.കുരുമുളക് ക്രഷ് ചെയ്തത് അര ടീസ്പൂൺ

9.ഗരം മസാല അര ടീസ്പൂൺ

10.തേങ്ങാപ്പാൽ(ചൂടുവെള്ളം) രണ്ട് ടേബിൾ സ്പൂൺ

11.കോഴിമുട്ട രണ്ട് എണ്ണം

12.മല്ലിയില പൊടിയായി അരിഞ്ഞത് ഒരു ടേബിൾ സ്പൂൺ

തയ്യാറാക്കുന്ന വിധം

അടി കട്ടിയുള്ള പാത്രം അടുപ്പത്ത് വച്ച് ചൂടാകുമ്പോൾ നെയ്യ് ചേർത്തു കൊടുക്കുക. നെയ്യ് ചൂടാകുമ്പോൾ കടുകിട്ട് പൊട്ടിക്കുക. അതിലേക്ക് ചെറിയ ഉള്ളി ചെറുതായി അരിഞ്ഞത് ചേർത്ത് വഴറ്റുക. മസാലയ്ക്ക് ആവശ്യമായ ഉപ്പ് ചേർത്തു കൊടുക്കുക.

ഉള്ളി വഴന്നു വരുമ്പോൾ അഞ്ചാമത്തെ ചേരുവ ചേർത്തു കൊടുക്കുക. എല്ലാം കൂടി നന്നായി മൂപ്പിച്ച് എടുക്കുക. മൂത്ത് വരുന്ന സമയത്ത് തക്കാളി പൊടിയായിട്ട് അരിഞ്ഞ് ചേർത്തു കൊടുക്കുക. ഫ്രോസൺ ഗ്രീൻപീസ് ചേർത്തു കൊടുക്കുക ഈ സമയത്ത് നമ്മുടെ കയ്യിലുള്ള ഏതു പച്ചക്കറിയും പൊടിയായി അരിഞ്ഞ് ചേർത്തു കൊടുക്കാം. എല്ലാം കൂടി ചേർത്ത് വഴറ്റിയ ശേഷം കുരുമുളക് ചേർത്തു കൊടുക്കുക. ഗരം മസാല ചേർത്തു കൊടുക്കുക.

ചെറിയ തീയിൽ 2 മിനിറ്റ് വഴറ്റുക ശേഷം തേങ്ങാപ്പാല്/ ചൂടുവെള്ളം ചേർത്ത് കൊടുക്കുക. അല്പസമയം അടച്ചു വേവിക്കുക ഈ സമയത്ത് ഉപ്പ് പാകമാണോ എന്ന് നോക്കുക. ആവശ്യമെങ്കിൽ ഉപ്പ് ചേർത്തു കൊടുക്കുക. അതിനുശേഷം രണ്ടു കോഴിമുട്ട പൊട്ടിച്ചൊഴിച്ച് അടച്ച് വയ്ക്കുക

രണ്ട് മിനിറ്റ് അടച്ചുവച്ച ശേഷം കോഴി മുട്ട ചിക്കി എടുക്കുക. മുട്ട വെന്ത ശേഷം വേവിച്ചുവച്ച ചോറ് ചേർത്ത് നന്നായി മിക്സ് ചെയ്യുക. ഉള്ളി വഴറ്റുന്ന സമയത്ത് കറിവേപ്പില ഇഷ്ടമാണെങ്കിൽ ചേർത്തു കൊടുക്കാം. എല്ലാം കൂടി മിക്സ് ചെയ്ത ശേഷം ഒന്ന് തട്ടിപ്പൊത്തി അടച്ചു വയ്ക്കുക. രണ്ട് മിനിറ്റിനു ശേഷം മല്ലിയില വിതറി സർവ് ചെയ്യാവുന്നതാണ്.

ഓട്സ് കഴിച്ചാൽ ലഭിക്കുന്ന 6 ആരോഗ്യഗുണങ്ങൾ

Resmi Sreekumar — Sat, 31 Oct 2026 11:49:39 +0530

ഓട്സ് കഴിക്കുന്നത് കൊളസ്ട്രോൾ കുറയ്ക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നു. ഓട്സിൽ ബീറ്റാ-ഗ്ലൂക്കൻ എന്ന ലയിക്കുന്ന നാരുകൾ ധാരാളമായി അടങ്ങിയിട്ടുണ്ട്.

ഓട്സ് എൽഡിഎൽ അല്ലെങ്കിൽ "മോശം" കൊളസ്ട്രോൾ കുറയ്ക്കുന്നു. വീക്കം കുറയ്ക്കാനും രക്തക്കുഴലുകൾക്ക് വിശ്രമം നൽകാനും സഹായിക്കുന്ന അവെനൻത്രമൈഡുകൾ എന്നറിയപ്പെടുന്ന ആന്റിഓക്‌സിഡന്റുകളും ഓട്സിൽ അടങ്ങിയിട്ടുണ്ട്.

ഓട്സ് കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നു. ഇതിലെ ലയിക്കുന്ന നാരുകൾ കാർബോഹൈഡ്രേറ്റുകളുടെ ദഹനവും ആഗിരണവും മന്ദഗതിയിലാക്കുന്നു. ടൈപ്പ് 2 പ്രമേഹം നിയന്ത്രിക്കുന്നവർക്ക് ഓട്സ് ഒരു മികച്ച ഭക്ഷണമാണ്.

ബീറ്റാ-ഗ്ലൂക്കാൻ കുടലിൽ ജെൽ പോലുള്ള ഒരു മിശ്രിതം രൂപപ്പെടുത്തുന്നു. ഇത് വയറു നിറഞ്ഞതായി അനുഭവപ്പെടാൻ സഹായിക്കുകയും, പെപ്റ്റൈഡ് YY (peptide YY) പോലുള്ള വിശപ്പിനെ നിയന്ത്രിക്കുന്ന ഹോർമോണുകളെ ക്രമീകരിക്കാൻ സഹായിക്കുകയും ചെയ്യുന്നു.

നാരുകളും പ്രോട്ടീനും ധാരാളം ഉള്ളതിനാൽ വളരെ നേരം വയറുനിറഞ്ഞ അനുഭവം നൽകുകയും, അനാവശ്യമായി ഭക്ഷണം കഴിക്കുന്നത് ഒഴിവാക്കുകയും ചെയ്യുന്നു.

ദഹനാരോഗ്യം മെച്ചപ്പെടുത്തുകയും മലബന്ധം അകറ്റുകയും ചെയ്യുന്നു. ഓട്‌സിലുള്ള നാരുകൾ മലത്തിന് വ്യാപ്തി കൂട്ടുകയും, മലവിസർജ്ജനം ക്രമപ്പെടുത്താൻ സഹായിക്കുകയും ചെയ്യുന്നു. കൂടാതെ, ഇ

ഓട്സിനൊപ്പം ആപ്പിൾ, ബെറി, അല്ലെങ്കിൽ പിയർ പോലുള്ള പഴങ്ങളും നട്സ് അല്ലെങ്കിൽ സീഡ്സും ചേർക്കാം. ഇത് കൊളസ്ട്രോൾ നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കും. ഓട്സിൽ പഞ്ചസാര, തേൻ, ക്രീം, അല്ലെങ്കിൽ വെണ്ണ പോലുള്ളവ ചേർക്കുന്നത് ഒഴിവാക്കുക. പകരം, പഴങ്ങളിൽ നിന്നുള്ള സ്വാഭാവിക മധുരം ഉപയോഗിക്കാം.

കിടിലൻ രുചിയിലൊരു വറുത്തരച്ച മുട്ടക്കറി തയ്യാറാക്കാം

Faseela Moidu — Thu, 12 Nov 2026 12:27:45 +0530

വേണ്ട ചേരുവകൾ

മുട്ട 6 എണ്ണം

ഗ്രേവിക്ക്

വെളിച്ചെണ്ണ 2 ടീസ്പൂൺ

ഗ്രാമ്പൂ നാലെണ്ണം

ഏലയ്ക്ക രണ്ടെണ്ണം

പട്ട ഒരിഞ്ചു കഷണം

പെരുഞ്ചീരകം ഒരു ടീസ്പൂൺ

കസ്കസ് അര ടീസ്പൂൺ

ജാതിപത്രി ഒരു ചെറിയ കഷണം

കുരുമുളക് ഒരു ടീസ്പൂൺ

നാളികേരം ചിരകിയത് ഒരു മുറി

വഴറ്റാൻ

വെളിച്ചെണ്ണ നാല് ടേബിൾ സ്പൂൺ

സവാള വലുത് ഒരെണ്ണം

ഉപ്പ് പാകത്തിന്

വെളുത്തുള്ളി ഇഞ്ചി പേസ്റ്റ്-രണ്ട് ടീസ്പൂൺ

പച്ചമുളക് നാലെണ്ണം

മഞ്ഞൾപ്പൊടി അര ടീസ്പൂൺ

മല്ലിപ്പൊടി ഒരു ടീസ്പൂൺ

മുളകുപൊടി ഒരു ടീസ്പൂൺ

തക്കാളി പ്യൂരി രണ്ട് തക്കാളിയുടെ

കറിവേപ്പില രണ്ടു തണ്ട്

പുതിനയില കുറച്ച്

മല്ലിയില കുറച്ച്

ഉണ്ടാക്കുന്ന വിധം

മുട്ട വേവിച്ച് തോട് കളഞ്ഞ് വയ്ക്കുക. എണ്ണ ചൂടാക്കി ഗരംമസാല ചേർത്ത് മൂപ്പിക്കുക. അതിലേക്ക് തേങ്ങ ചിരകിയതും കുരുമുളകും ചേർത്ത് ഇടയ്ക്കിടെ ഇളക്കി നിറം മാറുന്നതു വരെ വറുത്തെടുക്കുക. ചൂടാറുമ്പോൾ വെള്ളം ചേർത്ത് മയത്തിൽ അരച്ചെടുക്കുക.

എണ്ണ ചൂടാക്കി പൊടിയായി മുറിച്ച സവാള ചേർത്ത് വഴറ്റുക. കണ്ണാടിപരുവമാകുമ്പോൾ വെളുത്തുള്ളി ഇഞ്ചി പേസ്റ്റ് ചേർത്ത് പച്ചമണം മാറുന്നതു വരെ വഴറ്റുക. അതിലേക്ക് പച്ചമുളക്, മഞ്ഞൾപ്പൊടി, മല്ലിപ്പൊടി, മുളകുപൊടി ഇവ ചേർത്ത് വഴറ്റുക.

തക്കാളി പ്യൂരി ചേർത്ത് വഴറ്റി എണ്ണ തെളിയുമ്പോൾ ഇലകൾ ചേർത്തിളക്കി കുറച്ചുനേരം കൂടി വഴറ്റി അരച്ചതും ആവശ്യത്തിന് വെള്ളവും ഉപ്പും ചേർത്ത് നന്നായി തിളപ്പിക്കുക. അതിലേക്ക് മുട്ട ചേർത്ത് ഒന്നുകൂടി തിളപ്പിച്ച് സ്റ്റൗവ് ഓഫ് ചെയ്തു അടച്ചു വയ്ക്കുക. ചോറ്, നെയ്യ് ചോറ്, ചപ്പാത്തി, പൊറോട്ട ഇവയുടെ കൂടെ കഴിക്കാൻ പറ്റുന്ന രുചികരമായ മുട്ടക്കറി തയ്യാർ.

ഇഞ്ചി ചായ കുടിച്ചാൽ ലഭിക്കുന്ന 9 ആരോഗ്യ ഗുണങ്ങൾ

Resmi Sreekumar — Mon, 09 Nov 2026 15:29:27 +0530

ഇഞ്ചി ചായ കുടിച്ചാൽ ലഭിക്കുന്ന 9 ആരോഗ്യ ഗുണങ്ങൾ

ബീറ്റ്റൂട്ട് കഴിച്ചാൽ ലഭിക്കുന്ന 7 ആരോഗ്യഗുണങ്ങൾ

Resmi Sreekumar — Wed, 04 Nov 2026 16:24:12 +0530

ബീറ്റ്റൂട്ട് കഴിച്ചാൽ ലഭിക്കുന്ന 7 ആരോഗ്യഗുണങ്ങൾ

ദിവസവും രണ്ട് ഈന്തപ്പഴം കഴിച്ചാൽ ലഭിക്കുന്ന 7 ഗുണങ്ങൾ

Resmi Sreekumar — Mon, 02 Nov 2026 15:51:09 +0530

ഡ്രെെ ഫ്രൂട്സുകളിൽ ഏറ്റവും മികച്ചതാണ് ഈന്തപ്പഴം. പോഷകഘടകങ്ങളാൽ സമ്പന്നമായതിനാൽ ദിവസേനയുള്ള ഭക്ഷണക്രമത്തിൽ ഈന്തപ്പഴം ഉൾപ്പെടുത്തുന്നത് ആരോഗ്യപരമായ നിരവധി ഗുണങ്ങൾ നൽകും. ദൈനംദിന ഭക്ഷണത്തിൽ ഈന്തപ്പഴം ഉൾപ്പെടുത്തുന്നത് നിരവധി രോഗങ്ങളെ അകറ്റി നിർത്തുന്നു.

ഈന്തപ്പഴത്തിൽ നാരുകൾ, വിറ്റാമിനുകൾ (വിറ്റാമിൻ സി, ബി-വിറ്റാമിനുകൾ എന്നിവയുൾപ്പെടെ), ധാതുക്കൾ (പൊട്ടാസ്യം, കാൽസ്യം, മഗ്നീഷ്യം തുടങ്ങിയവ), ആന്റിഓക്‌സിഡന്റുകൾ എന്നിങ്ങനെ ശരീരത്തിന് അത്യന്താപേക്ഷിതമായ പോഷകങ്ങൾ ധാരാളമായി അടങ്ങിയിട്ടുണ്ട്. ഈ പോഷകങ്ങളുടെ സംയോജനം മൊത്തത്തിലുള്ള ആരോഗ്യത്തെ പിന്തുണയ്ക്കുകയും ശരീരത്തിന്റെ പ്രവർത്തനങ്ങൾ മികച്ച രീതിയിൽ നടക്കാൻ സഹായിക്കുകയും ചെയ്യുന്നു. ദിവസവും രണ്ട് ഈന്തപ്പഴം കഴിച്ചാൽ ലഭിക്കുന്ന ആരോഗ്യഗുണങ്ങളെ കുറിച്ചാണ് ഇനി പറയുന്നത്...

ദഹനാരോഗ്യം മെച്ചപ്പെടുത്തും

ലയിക്കുന്നതും ലയിക്കാത്തതുമായ നാരുകൾ ധാരാളമടങ്ങിയ ഈന്തപ്പഴം മലബന്ധം തടയാനും കുടലിനെ ആരോഗ്യകരകമാക്കാനും സഹായിക്കും.

ഹൃദയാരോഗ്യം മെച്ചപ്പെടുത്തും

പൊട്ടാസ്യവും മഗ്നീഷ്യവും ധാരാളമടങ്ങിയ ഇവ, രക്തസമ്മർദ്ദം ക്രമീകരിക്കാനും പക്ഷാഘാതത്തിനുള്ള സാധ്യത കുറയ്ക്കാനും കൊളസ്ട്രോളിന്റെ അളവ് നിയന്ത്രിക്കാനും സഹായിക്കുന്നു.

ക്ഷീണം അകറ്റുന്നു

ഈന്തപ്പഴം ഗ്ലൂക്കോസ്, ഫ്രക്ടോസ്, സുക്രോസ് എന്നിവയുടെ സ്വാഭാവിക ഉറവിടമാണ്. ഇവ ശരീരത്തിന് പെട്ടെന്നും ദീർഘനേരത്തേക്കും ഊർജ്ജം നൽകുന്നു.

എല്ലുകളെ ബലമുള്ളതാക്കും

എല്ലുകളുടെ ബലത്തിന് അത്യന്താപേക്ഷിതമായ കാൽസ്യം, മഗ്നീഷ്യം, ഫോസ്ഫറസ് തുടങ്ങിയ അവശ്യ ധാതുക്കൾ ഈന്തപ്പഴത്തിൽ അടങ്ങിയിട്ടുണ്ട്. ഈന്തപ്പഴം പതിവായി കഴിക്കുന്നത് ഓസ്റ്റിയോപൊറോസിസ് (എല്ലുകളുടെ ബലക്ഷയം) പോലുള്ള അവസ്ഥകളെ തടയാനും, എല്ലുകളുടെ ആരോഗ്യം മൊത്തത്തിൽ മെച്ചപ്പെടുത്താനും സഹായിച്ചേക്കാം.

ഹൃദയാരോഗ്യം മെച്ചപ്പെടുത്തും

ഹൃദയാരോഗ്യത്തിന് ഗുണകരമായ പൊട്ടാസ്യം എന്ന ധാതുവിന്റെ മികച്ച ഉറവിടമാണ് ഈന്തപ്പഴം. രക്തസമ്മർദ്ദത്തെ നിയന്ത്രിക്കാൻ സഹായിക്കുന്ന പൊട്ടാസ്യം, ഉയർന്ന രക്തസമ്മർദ്ദം തടയുന്നതിനും പക്ഷാഘാതത്തിനുള്ള സാധ്യത കുറയ്ക്കുന്നതിനും സഹായിക്കുന്നു. കൂടാതെ, ഈന്തപ്പഴത്തിലുള്ള നാരുകൾ (ഫൈബർ) കൊളസ്ട്രോളിന്റെ അളവ് കുറയ്ക്കാനും അതുവഴി ഹൃദയാരോഗ്യം മെച്ചപ്പെടുത്താനും സഹായിക്കുന്നു.

വിളർച്ച തടയും

ചുവന്ന രക്തകോശങ്ങളുടെ ഉൽപ്പാദനത്തിന് അത്യന്താപേക്ഷിതമായ ഇരുമ്പ് ധാരാളമായി അടങ്ങിയ ഒന്നാണ് ഈന്തപ്പഴം. ഭക്ഷണക്രമത്തിൽ ഈന്തപ്പഴം ഉൾപ്പെടുത്തുന്നത് ഇരുമ്പിന്റെ കുറവ് മൂലമുണ്ടാകുന്ന വിളർച്ച തടയാൻ സഹായിക്കുന്നു.

ഓർമ്മശക്തി കൂട്ടും

ഈന്തപ്പഴത്തിൽ അടങ്ങിയിരിക്കുന്ന ഉയർന്ന അളവിലുള്ള ആന്റിഓക്‌സിഡന്റുകൾ, തലച്ചോറിന്റെ പ്രവർത്തനക്ഷമത കുറയാൻ കാരണമായേക്കാവുന്ന വീക്കം (inflammation), ഓക്സിഡേറ്റീവ് സ്ട്രെസ് എന്നിവ കുറയ്ക്കാൻ സഹായിക്കുന്നു. ഈന്തപ്പഴം പതിവായി കഴിക്കുന്നത് ഓർമ്മശക്തി, ഏകാഗ്രത, തലച്ചോറിന്റെ മൊത്തത്തിലുള്ള ആരോഗ്യം എന്നിവ മെച്ചപ്പെടുത്തുന്നതുമായി ബന്ധപ്പെട്ടിരിക്കുന്നു.

Asianet News Malayalam

മുട്ട മസാല ഫ്രൈ ,ഒരു പുതു വിഭവം

വളരെ ഹെൽത്തിയും രുചികരവുമായ ഗ്രീൻ എഗ്ഗ് തയ്യാറാക്കിയാലോ?

കേരള സ്റ്റൈൽ മുട്ട മസാല എളുപ്പത്തിൽ തയ്യാറാക്കാം

ദിവസവും ബദാം കഴിച്ചാൽ ശരീരത്തിൽ സംഭവിക്കുന്ന മാറ്റങ്ങൾ?

പനീറോ സോയ ചങ്ക്സോ? ശരീരഭാരം കുറയ്ക്കാൻ ഏതാണ് കൂടുതൽ നല്ലത്?

ഹീമോ​ഗ്ലോബിൻ അളവ് കൂട്ടാൻ കഴിക്കേണ്ട 6 ഭക്ഷണങ്ങൾ

വീട്ടിലുണ്ടാക്കാം അടിപൊളി രുചിയിലൊരു മുട്ട ബജി

കാട മുട്ട സ്റ്റൂ എളുപ്പത്തിൽ രുചികരമായി എങ്ങനെ തയ്യാറാക്കാം

രുചി വെറെ ലെവൽ ; മുട്ട പനിയാരം ഈസിയായി തയ്യാറാക്കാം

ഭക്ഷണശേഷം പെരുംജീരകം ചവയ്ക്കുന്നത് ആരോഗ്യത്തിന് നല്ലതാണോ?

വീട്ടിൽ മുട്ടയും ഉരുളക്കിഴങ്ങും ഉണ്ടെങ്കിൽ എളുപ്പമൊരു വിഭവം തയ്യാറാക്കാം

ദിവസവും ഒരു സ്പൂൺ നെയ്യ് കഴിച്ചാൽ ലഭിക്കുന്ന 6 ​ഗുണങ്ങൾ

തെെര് കഴിച്ചാൽ ലഭിക്കുന്ന 6 ​ഗുണങ്ങൾ

വളരെ എളുപ്പത്തിലൊരു മുട്ട തോരൻ തയ്യാറാക്കാം

രുചി വെറെ ലെവൽ ; എളുപ്പം തയ്യാറാക്കാം രുചികരമായ മുട്ടച്ചോറ്

ഓട്സ് കഴിച്ചാൽ ലഭിക്കുന്ന 6 ആരോ​ഗ്യ​ഗുണങ്ങൾ

കിടിലൻ രുചിയിലൊരു വറുത്തരച്ച മുട്ടക്കറി തയ്യാറാക്കാം

ഇഞ്ചി ചായ കുടിച്ചാൽ ലഭിക്കുന്ന 9 ആരോ​ഗ്യ ​ഗുണങ്ങൾ

ബീറ്റ്റൂട്ട് കഴിച്ചാൽ ലഭിക്കുന്ന 7 ആരോ​ഗ്യ​ഗുണങ്ങൾ

ദിവസവും രണ്ട് ഈന്തപ്പഴം കഴിച്ചാൽ ലഭിക്കുന്ന 7 ​ഗുണങ്ങൾ

ഹീമോഗ്ലോബിൻ അളവ് കൂട്ടാൻ കഴിക്കേണ്ട 6 ഭക്ഷണങ്ങൾ

ദിവസവും ഒരു സ്പൂൺ നെയ്യ് കഴിച്ചാൽ ലഭിക്കുന്ന 6 ഗുണങ്ങൾ

തെെര് കഴിച്ചാൽ ലഭിക്കുന്ന 6 ഗുണങ്ങൾ

ഓട്സ് കഴിച്ചാൽ ലഭിക്കുന്ന 6 ആരോഗ്യഗുണങ്ങൾ

ഇഞ്ചി ചായ കുടിച്ചാൽ ലഭിക്കുന്ന 9 ആരോഗ്യ ഗുണങ്ങൾ

ബീറ്റ്റൂട്ട് കഴിച്ചാൽ ലഭിക്കുന്ന 7 ആരോഗ്യഗുണങ്ങൾ

ദിവസവും രണ്ട് ഈന്തപ്പഴം കഴിച്ചാൽ ലഭിക്കുന്ന 7 ഗുണങ്ങൾ