Asianet News Malayalam

7,050mAh ബാറ്ററിയുമായി വിവോ എസ്2 ഇന്ത്യയിൽ; കർവ്വ്‍ഡ് അമോലെഡ് ഡിസ്പ്ലേയും 50 മെഗാപിക്സൽ ക്യാമറയും

Prashobh Prasannan — Sat, 08 Aug 2026 10:40:19 +0530

ഏകദേശം ഏഴ് വർഷത്തിന് ശേഷം എസ് സീരീസ് വീണ്ടും ഇന്ത്യൻ വിപണിയിലെത്തിച്ച് വിവോ. 2019-ൽ പുറത്തിറങ്ങിയ വിവോ എസ്1-ന്റെ പിൻഗാമിയായാണ് പുതിയ വിവോ എസ്2 അവതരിപ്പിച്ചിരിക്കുന്നത്. 7,050mAh ബാറ്ററി, കർവ്വ്‍ഡ് അമോലെഡ് ഡിസ്പ്ലേ, മീഡിയടെക് ഡൈമെൻസിറ്റി 7360-ടർബോ പ്രോസസർ എന്നിവയാണ് ഫോണിന്റെ പ്രധാന സവിശേഷതകൾ.

വിലയും ലഭ്യതയും

8ജിബി റാം + 128ജിബി സ്റ്റോറേജ് വേരിയന്റിന് 39,999 രൂപയാണ് വില. 8ജിബി റാം + 256ജിബി സ്റ്റോറേജ് മോഡലിന് 49,999 രൂപ നൽകണം. സിൽക്ക് വൈറ്റ്, സഫയർ ബ്ലൂ, റീഗൽ ബ്രോൺസ് എന്നീ മൂന്ന് നിറങ്ങളിലാണ് ഫോൺ ലഭ്യമാകുക. ഓഗസ്റ്റ് 11 മുതൽ വിവോയുടെ ഔദ്യോഗിക വെബ്സൈറ്റ്, ഫ്ലിപ്കാർട്ട്, ആമസോൺ, അംഗീകൃത റീട്ടെയിൽ സ്റ്റോറുകൾ എന്നിവ വഴി വിൽപ്പന ആരംഭിക്കും.

120Hz കർവ്വ്‍ഡ് അമോലെഡ് ഡിസ്പ്ലേ

6.83 ഇഞ്ച് 3ഡി കർവ്വ്‍ഡ് അമോലെഡ് ഡിസ്പ്ലേയാണ് ഫോണിലുള്ളത്. 1.5കെ റെസല്യൂഷൻ, 120Hz റിഫ്രഷ് റേറ്റ്, എച്ച്ഡിആർ10 പ്ലസ് പിന്തുണ, 3,000 നിറ്റ്സ് വരെ ലോക്കൽ പീക്ക് ബ്രൈറ്റ്നസ് എന്നിവയാണ് ഡിസ്പ്ലേയുടെ പ്രധാന സവിശേഷതകൾ. 7.99 മില്ലിമീറ്റർ കനമുള്ള ഫോണിന് ഏകദേശം 197 ഗ്രാം ഭാരമാണുള്ളത്. നിറത്തിനനുസരിച്ച് ഭാരത്തിൽ ചെറിയ വ്യത്യാസം ഉണ്ടായേക്കും.

50 മെഗാപിക്സൽ സോണി ക്യാമറ

50 മെഗാപിക്സൽ സോണി പ്രൈമറി ക്യാമറയും 32 മെഗാപിക്സൽ ഫ്രണ്ട് ക്യാമറയുമാണ് ഫോണിലുള്ളത്. മുൻവശത്തെയും പിൻവശത്തെയും ക്യാമറകൾ ഉപയോഗിച്ച് 4കെ വീഡിയോ റെക്കോർഡ് ചെയ്യാൻ കഴിയും. ഡ്യുവൽ വ്യൂ വീഡിയോ മോഡിന്റെ സഹായത്തോടെ മുൻ-പിൻ ക്യാമറകളിൽ നിന്ന് ഒരേസമയം വീഡിയോ റെക്കോർഡ് ചെയ്യാനും സാധിക്കും. ചിത്രങ്ങളിലെ ആവശ്യമില്ലാത്ത വസ്‍തുക്കൾ നീക്കം ചെയ്യാൻ എഐ ഇറേസ് 2.0 ഫീച്ചറും ഉൾപ്പെടുത്തിയിട്ടുണ്ട്.

മീഡിയടെക് ഡൈമെൻസിറ്റി 7360-ടർബോ പ്രോസസർ

മീഡിയടെക് ഡൈമെൻസിറ്റി 7360-ടർബോ പ്രോസസറാണ് ഫോണിന് കരുത്തേകുന്നത്. 8ജിബി റാമും 256ജിബി വരെ സ്റ്റോറേജും ലഭിക്കും. കൂടാതെ 8ജിബി വരെ എക്സ്റ്റെൻഡഡ് റാം സൗകര്യവും നൽകിയിട്ടുണ്ട്. ഗെയിമിങ് ഉൾപ്പെടെയുള്ള ഭാരമേറിയ ഉപയോഗങ്ങളിൽ ചൂട് നിയന്ത്രിക്കാൻ വലിയ വേപ്പർ ചേംബർ കൂളിങ് സംവിധാനവും ഫോണിലുണ്ട്.

7,050mAh ബാറ്ററിയും 44W ഫ്ലാഷ് ചാർജിങ്ങും

7,050mAh ബാറ്ററിയാണ് ഫോണിന്റെ മറ്റൊരു പ്രധാന പ്രത്യേകത. 44W ഫ്ലാഷ് ചാർജിങ് പിന്തുണയും ലഭിക്കും. പൊടിയിലും വെള്ളത്തിലും നിന്ന് സംരക്ഷണം നൽകുന്ന ഐപി68, ഐപി69 റേറ്റിങ്ങുകളും ഫോണിനുണ്ട്. ആൻഡ്രോയിഡ് 16 അടിസ്ഥാനമാക്കിയുള്ള ഒറിജിൻഒഎസ് 6 ഓപ്പറേറ്റിങ് സിസ്റ്റത്തിലാണ് ഫോൺ പ്രവർത്തിക്കുന്നത്.

ലോഞ്ച് ഓഫറുകളും വാറന്‍റി ൃയും

തിരഞ്ഞെടുത്ത ബാങ്ക് കാർഡുകളും യുപിഐ പേയ്മെന്റുകളും ഉപയോഗിച്ച് വാങ്ങുന്നവർക്ക് 10 ശതമാനം വരെ ഇൻസ്റ്റന്റ് ക്യാഷ്ബാക്ക് ലഭിക്കും. 10 ശതമാനം വരെ എക്സ്ചേഞ്ച് ബോണസ്, 15 മാസം വരെ സീറോ ഡൗൺ പേയ്മെന്റ് സൗകര്യം എന്നിവയും കമ്പനി പ്രഖ്യാപിച്ചിട്ടുണ്ട്. കൂടാതെ ഒരു വർഷത്തെ സൗജന്യ എക്സ്റ്റെൻഡഡ് വാറന്റിയും വിവോ ഉപഭോക്താക്കൾക്ക് നൽകുന്നുണ്ട്.

പിക്സൽ 11 വരുന്നു: ഗൂഗിളിന്‍റെ സർപ്രൈസ് എന്താകും?

Prashobh Prasannan — Sun, 09 Aug 2026 17:36:38 +0530

ഗൂഗിളിന്റെ അടുത്ത തലമുറ പിക്സൽ 11 സീരീസ് അവതരിപ്പിക്കാൻ ഇനി 3 ദിവസം മാത്രം. ഓഗസ്റ്റ് 12ന് അമേരിക്കൻ സമയം ഉച്ചയ്ക്ക് മൂന്നുമണിക്കാണ് പുതിയ പിക്സൽ ഫോണുകളുടെ അവതരണം പ്രതീക്ഷിക്കുന്നത്. ഇന്ത്യൻ സമയം ഓഗസ്റ്റ് 13ന് പുലർച്ചെ 3:30നായിരിക്കും പരിപാടി. പിക്സൽ 11, പിക്സൽ 11 പ്രോ, പിക്സൽ 11 പ്രോ എക്സ്എൽ, പിക്സൽ 11 പ്രോ ഫോൾഡ് എന്നിങ്ങനെ 4 ഫോണുകളാണ് ഗൂഗിൾ അവതരിപ്പിക്കുകയെന്നാണ് സൂചന. അതേസമയം, മെമ്മറി ചിപ്പുകളുടെയും മറ്റ് ഘടകങ്ങളുടെയും വില വർധന പുതിയ ഫോണുകളുടെ വിലയിലും പ്രതിഫലിച്ചേക്കും. മുൻതലമുറ മോഡലുകളെ അപേക്ഷിച്ച് ഓരോ ഫോണിനും 100 ഡോളർ വരെ വില വർധിക്കുമെന്നാണ് റിപ്പോർട്ടുകൾ. ഉപകരണങ്ങളുടെ വിലയിൽ ആഗോളതലത്തിൽ ഉണ്ടായ മാറ്റങ്ങളെക്കുറിച്ച് ഗൂഗിൾ ഡിവൈസസ് ആൻഡ് സർവീസസ് വിഭാഗം വൈസ് പ്രസിഡന്റ് ഷക്കീൽ ബർക്കട്ടും നേരത്തെ പ്രതികരിച്ചിരുന്നു.

പിക്സൽ 11ന് വില എത്ര?

പിക്സൽ 11ന് 899 ഡോളർ, അതായത് ഏകദേശം 85,600 രൂപ മുതൽ വില പ്രതീക്ഷിക്കുന്നു. പിക്സൽ 11 പ്രോയ്ക്ക് 1,099 ഡോളറും പിക്സൽ 11 പ്രോ എക്സ്എല്ലിന് 1,299 ഡോളറുമാകാം വില. ഗൂഗിളിന്റെ ഫോൾഡബിൾ ഫോണായ പിക്സൽ 11 പ്രോ ഫോൾഡിന് 1,899 ഡോളർ, ഏകദേശം 1,80,804 രൂപ വില പ്രതീക്ഷിക്കുന്നുണ്ട്. എന്നാൽ ഇന്ത്യയിലെ വില ഇതിൽനിന്ന് വ്യത്യസ്തമായേക്കാം.

ഡിസ്പ്ലേയിലും വൻ മാറ്റം

പിക്സൽ 11ൽ 6.3 ഇഞ്ച് ആക്റ്റുവ ഒഎൽഇഡി ഡിസ്പ്ലേ ലഭിച്ചേക്കും. ഫുൾ എച്ച്ഡി പ്ലസ് റെസല്യൂഷൻ, 120 ഹെർട്സ് പുതുക്കൽ നിരക്ക്, 3,000 നിറ്റ്സ് പരമാവധി തെളിച്ചം എന്നിവയാണ് പ്രതീക്ഷിക്കുന്നത്. പിക്സൽ 11 പ്രോയിൽ 6.3 ഇഞ്ച് സൂപ്പർ ആക്റ്റുവ എൽടിപിഒ ഒഎൽഇഡി ഡിസ്പ്ലേയും 3,600 നിറ്റ്സ് വരെ തെളിച്ചവും ലഭിച്ചേക്കും. പ്രോ എക്സ്എല്ലിൽ 6.8 ഇഞ്ച് സ്ക്രീനും പ്രോ ഫോൾഡിൽ 8 ഇഞ്ച് അകത്തെ ഡിസ്പ്ലേയും 6.4 ഇഞ്ച് പുറം ഡിസ്പ്ലേയും പ്രതീക്ഷിക്കുന്നു.

ടെൻസർ ജി6 ചിപ്പ് എത്തും

പിക്സൽ 11 സീരീസിലെ പ്രധാന അപ്ഗ്രേഡുകളിലൊന്ന് പുതിയ ടെൻസർ ജി6 പ്രോസസറായിരിക്കും. ടൈറ്റൻ എം3 സുരക്ഷാ ചിപ്പിനൊപ്പമായിരിക്കും പുതിയ പ്രോസസർ എത്തുകയെന്നാണ് സൂചന. ഉയർന്ന മോഡലുകളിൽ 16 ജിബി വരെ റാം ലഭിച്ചേക്കും. എന്നാൽ ഘടകങ്ങളുടെ വില വർധന കണക്കിലെടുത്ത് ചില മോഡലുകളിൽ റാം ശേഷി കുറയ്ക്കാനും ഗൂഗിൾ തീരുമാനിച്ചേക്കുമെന്നാണ് റിപ്പോർട്ടുകൾ.

ക്യാമറയിലും അപ്ഗ്രേഡ്

പിക്സൽ 11ൽ 48 മെഗാപിക്സൽ പ്രധാന ക്യാമറയ്ക്കൊപ്പം 13 മെഗാപിക്സൽ അൾട്രാ വൈഡ് ക്യാമറ ലഭിച്ചേക്കും. 30 മടങ്ങ് സൂപ്പർ റെസ് സൂം പിന്തുണയും പ്രതീക്ഷിക്കുന്നു. പിക്സൽ 11 പ്രോ, പ്രോ എക്സ്എൽ മോഡലുകളിൽ 50 മെഗാപിക്സൽ പ്രധാന ക്യാമറ, 48 മെഗാപിക്സൽ അൾട്രാ വൈഡ് ക്യാമറ, 48 മെഗാപിക്സൽ പെരിസ്കോപ്പ് ടെലിഫോട്ടോ ക്യാമറ എന്നിവ ഉൾപ്പെടുന്ന ട്രിപ്പിൾ ക്യാമറ സംവിധാനം ലഭിച്ചേക്കും. അഞ്ച് മടങ്ങ് ഒപ്റ്റിക്കൽ സൂമിനൊപ്പം 120 മടങ്ങ് പ്രോ സൂമും ലഭിക്കുമെന്നാണ് സൂചന.

ബാറ്ററി ശേഷിയിലും മാറ്റം

പിക്സൽ 11ൽ 4,985 എംഎഎച്ച് ബാറ്ററിയും പിക്സൽ 11 പ്രോയിൽ 4,850 എംഎഎച്ച് ബാറ്ററിയും പ്രതീക്ഷിക്കുന്നു. പ്രോ എക്സ്എല്ലിൽ 5,115 എംഎഎച്ച് ബാറ്ററിയും 45 വാട്ട് വയർഡ് ചാർജിങ്ങും ലഭിച്ചേക്കും. പിക്സൽ 11 പ്രോ ഫോൾഡിൽ 4,806 എംഎഎച്ച് ബാറ്ററിയും 30 വാട്ട് വയർഡ് ചാർജിങ്ങും പ്രതീക്ഷിക്കുന്നു. പ്രോ മോഡലുകളിലും ഫോൾഡബിൾ ഫോണിലും ക്യു2 വയർലെസ് ചാർജിങ് പിന്തുണയും ലഭിച്ചേക്കും. പുതിയ ടെൻസർ ജി6 ചിപ്പിന്റെ മെച്ചപ്പെട്ട ഊർജക്ഷമതയിലൂടെ ബാറ്ററി ബാക്കപ്പ് വർധിപ്പിക്കാനാണ് ഗൂഗിൾ ലക്ഷ്യമിടുന്നതെന്നാണ് സൂചന. ഔദ്യോഗിക അവതരണത്തോടെ മാത്രമേ ഫോണുകളുടെ യഥാർഥ സവിശേഷതകളും വിലയും വ്യക്തമാകൂ.

ഐഫോൺ 17 വില വർധന: ആപ്പിളിന്റെ പുതിയ നീക്കം?

Prashobh Prasannan — Sun, 09 Aug 2026 11:50:25 +0530

ആപ്പിളിന്റെ ഐഫോൺ 17 സീരീസിന് ഉടൻ വില വർധിച്ചേക്കുമെന്ന് സൂചന. നിലവിലെ ഐഫോൺ 17 മോഡലിന്റെ വില ഓഗസ്റ്റ് 10 മുതൽ ഉയർത്തിയേക്കുമെന്നാണ് പുതിയ റിപ്പോർട്ട്. വില വർധന യാഥാർഥ്യമായാൽ നിലവിലെ വിലയിൽ ഫോൺ സ്വന്തമാക്കാൻ ഉപഭോക്താക്കൾക്ക് ഇനി ഏതാനും ദിവസങ്ങൾ മാത്രമായിരിക്കും ലഭിക്കുക. ഐഫോൺ 17 സീരീസിന്റെ അടുത്ത തലമുറ മോഡലുകൾ അടുത്ത മാസം ആപ്പിൾ അവതരിപ്പിക്കുമെന്നാണ് പ്രതീക്ഷ. എന്നാൽ മുൻ വർഷങ്ങളിൽനിന്ന് വ്യത്യസ്തമായി 2026ലെ ഐഫോൺ നിര ഘട്ടംഘട്ടമായാകും അവതരിപ്പിക്കുകയെന്നാണ് റിപ്പോർട്ടുകൾ. ഇതോടെ നിലവിലെ ഐഫോൺ 17 മോഡലുകൾ സാധാരണയേക്കാൾ കൂടുതൽ കാലം വിപണിയിൽ തുടരാനും സാധ്യതയുണ്ട്.

ഓഗസ്റ്റ് 10 മുതൽ വില കൂടുമോ?

വെയ്‌ബോയിലെ ചോർച്ചാ വിവരങ്ങൾക്ക് പേരുകേട്ട ഫിക്സ്ഡ് ഫോക്കസ് ഡിജിറ്റലാണ് ഐഫോൺ 17ന് വില വർധിക്കുമെന്ന സൂചന പുറത്തുവിട്ടത്. ഓഗസ്റ്റ് 10 തിങ്കളാഴ്ച മുതൽ വില വർധന പ്രാബല്യത്തിൽ വരുമെന്നാണ് റിപ്പോർട്ടിലെ അവകാശവാദം. എന്നാൽ വില വർധന സംബന്ധിച്ച വ്യക്തമായ ഉറവിടം ചോർച്ച പുറത്തുവിട്ടയാൾ നൽകിയിട്ടില്ല. ഇത്തരമൊരു മാറ്റം യഥാർഥത്തിൽ ഉണ്ടാകുമോ എന്ന കാര്യത്തിലും അദ്ദേഹത്തിന് സംശയമുള്ളതായി റിപ്പോർട്ടിൽ സൂചനയുണ്ട്. അതിനാൽ നിലവിൽ ഇത് ആപ്പിളിന്റെ ഔദ്യോഗിക തീരുമാനമായി കാണാനാകില്ല.

എന്തുകൊണ്ട് ഐഫോൺ 17ന് വില കൂട്ടും?

ആപ്പിൾ ഈ വർഷം നിരവധി ഉൽപ്പന്നങ്ങളുടെ വില വർധിപ്പിച്ചിരുന്നു. ജൂണിൽ മാക്, ഐപാഡ് ഉൾപ്പെടെയുള്ള നിരവധി ഉൽപ്പന്നങ്ങളുടെ വിലയിൽ കമ്പനി വർധന വരുത്തി. ചില മോഡലുകൾക്ക് 1 ലക്ഷം രൂപ വരെ വില വർധിച്ചിരുന്നു. എന്നാൽ ഐഫോൺ സീരീസിനെ അന്നത്തെ വില വർധനയിൽനിന്ന് ആപ്പിൾ ഒഴിവാക്കിയിരുന്നു. ആപ്പിൾ വാച്ച്, എയർപോഡ്സ് തുടങ്ങിയ ഉൽപ്പന്നങ്ങൾക്കും അന്ന് വില വർധിപ്പിച്ചിരുന്നില്ല. മെമ്മറിയുടെയും സ്റ്റോറേജിന്റെയും വില വർധിക്കുന്നതാണ് സാങ്കേതിക മേഖലയിൽ ഉൽപ്പന്ന വില ഉയരാനുള്ള പ്രധാന കാരണങ്ങളിലൊന്നായി ചൂണ്ടിക്കാണിക്കപ്പെടുന്നത്. ഈ അധിക ചെലവിന്റെ ഒരു ഭാഗം ഐഫോൺ വിലയിലും ഉൾപ്പെടുത്താൻ ആപ്പിൾ ആലോചിക്കുന്നുണ്ടാകാമെന്നാണ് വിലയിരുത്തൽ.

ഐഫോൺ 17 കൂടുതൽ കാലം വിപണിയിൽ തുടരുമോ?

ആപ്പിളിന്റെ 2026ലെ ഐഫോൺ തന്ത്രത്തിലും ഐഫോൺ 17ന് പ്രധാന സ്ഥാനമുണ്ടാകുമെന്നാണ് റിപ്പോർട്ടുകൾ. ഐഫോൺ 18 പ്രോ, ഐഫോൺ 18 പ്രോ മാക്സ് എന്നിവയ്ക്കൊപ്പം കമ്പനിയുടെ ആദ്യ മടക്കാവുന്ന ഐഫോണും സെപ്റ്റംബറിൽ അവതരിപ്പിച്ചേക്കുമെന്നാണ് പ്രതീക്ഷിക്കുന്നത്. എന്നാൽ സാധാരണ ഐഫോൺ 18, ഐഫോൺ 18ഇ മോഡലുകൾ 2027ലെ വസന്തകാലത്തേക്ക് മാറ്റിയേക്കുമെന്നാണ് റിപ്പോർട്ടുകൾ. അങ്ങനെ സംഭവിച്ചാൽ ആപ്പിളിന്റെ പ്രധാന ഐഫോൺ നിരയിൽ വലിയൊരു ഇടവേള ഉണ്ടാകും. ഈ സാഹചര്യത്തിൽ കൂടുതൽ വില കുറഞ്ഞ ഓപ്ഷനായി ഐഫോൺ 17നെ ആപ്പിൾ വിപണിയിൽ നിലനിർത്തിയേക്കും. അതിനാൽ പുതിയ പ്രീമിയം മോഡലുകൾ എത്തുമ്പോഴും ഐഫോൺ 17 വിൽപ്പന തുടരാൻ സാധ്യതയുണ്ട്. ഇതാണ് ഐഫോൺ 17ന്റെ വില സ്വതന്ത്രമായി പരിഷ്കരിക്കാൻ ആപ്പിളിന് കാരണമായേക്കാവുന്ന മറ്റൊരു ഘടകം.

ഐഫോൺ 17 പ്രോ മോഡലുകൾക്കും വില കൂടുമോ?

പുതിയ ചോർച്ചയിൽ ഐഫോൺ 17 സീരീസിലെ എല്ലാ മോഡലുകൾക്കും വില വർധിക്കുമോ എന്ന കാര്യം വ്യക്തമല്ല. ഐഫോൺ 17 പ്രോ, ഐഫോൺ 17 പ്രോ മാക്സ് മോഡലുകളെ വില വർധന ബാധിക്കുമോ എന്നതും ഇതോടെ വ്യക്തമല്ല. ദീർഘകാലം വിപണിയിൽ തുടരുന്ന മോഡലുകൾക്ക് മാത്രമായി വില പരിഷ്കരണം പരിമിതപ്പെടുത്താനും ആപ്പിൾ തീരുമാനിച്ചേക്കാം. പുതിയ തലമുറ പ്രോ മോഡലുകൾ ഉടൻ എത്താനിരിക്കെ നിലവിലെ പ്രോ മോഡലുകൾക്ക് വില കൂട്ടുന്നത് ആപ്പിളിന്റെ ഭാഗത്തുനിന്ന് സങ്കീർണമായ തീരുമാനമായേക്കും. ഐഫോൺ 18 പ്രോ, ഐഫോൺ 18 പ്രോ മാക്സ് മോഡലുകൾക്ക് തന്നെ വലിയ വില വർധനയുണ്ടാകുമെന്ന് നേരത്തെ റിപ്പോർട്ടുകളുണ്ടായിരുന്നു. അമേരിക്കയിൽ ഏകദേശം 300 ഡോളർ വരെയും ഇന്ത്യയിൽ 20,000 രൂപ വരെയും വില ഉയർന്നേക്കുമെന്നാണ് സൂചന.

ഇന്ത്യയിലെ നിലവിലെ ഐഫോൺ 17 വില

നിലവിൽ ഇന്ത്യയിൽ ഐഫോൺ 17ന്റെ വില 82,900 രൂപ മുതലാണ്. ഐഫോൺ 17 പ്രോയ്ക്ക് 1,34,900 രൂപ മുതലും ഐഫോൺ 17 പ്രോ മാക്സിന് 1,49,900 രൂപ മുതലുമാണ് വില. 256 ജിബി സ്റ്റോറേജുള്ള അടിസ്ഥാന പതിപ്പുമായെത്തുന്ന കൂടുതൽ വില കുറഞ്ഞ ഐഫോൺ 17ഇയ്ക്ക് 64,900 രൂപ മുതലാണ് വില. ഏറ്റവും പുതിയ ചോർച്ച ശരിയാണെങ്കിൽ ഈ വിലകളിൽ പ്രതീക്ഷിച്ചതിലും നേരത്തെ മാറ്റമുണ്ടാകാം. എന്നാൽ ആപ്പിളിന്റെ ഔദ്യോഗിക സ്ഥിരീകരണം ഇതുവരെ ലഭിച്ചിട്ടില്ല. ചോർച്ച പുറത്തുവിട്ട ഉറവിടം തന്നെ വില വർധന സംബന്ധിച്ച് വ്യക്തമായ ഉറപ്പ് നൽകിയിട്ടില്ലാത്തതിനാൽ, വില കൂടുമോ എന്ന കാര്യത്തിൽ ഔദ്യോഗിക അറിയിപ്പ് വരുന്നതുവരെ കാത്തിരിക്കുന്നതാണ് ഉചിതം.

18,000 രൂപയ്ക്ക് ഇത്രയും ബാറ്ററിയോ? റെഡ്‍മി 17ന്‍റെ സവിശേഷതകൾ പുറത്ത്

Prashobh Prasannan — Tue, 11 Aug 2026 13:37:35 +0530

ബജറ്റ് സ്‍മാർട്ട്ഫോൺ വിപണിയിൽ പുതിയ മോഡലുമായി റെഡ്‍മി. ചൈനയിൽ അവതരിപ്പിച്ചതിന് പിന്നാലെയാണ് റെഡ്‍മി 17 5ജി തിരഞ്ഞെടുത്ത ആഗോള വിപണികളിലും അവതരിപ്പിച്ചിരിക്കുന്നത്. റെഡ്മി 17 5ജിക്കൊപ്പം റെഡ്മി 17 4ജിയും കമ്പനി പുറത്തിറക്കി. റെഡ്‍മി 17 4ജി ചൈനീസ് വിപണിയിൽ ഇതുവരെ അവതരിപ്പിച്ചിട്ടില്ല. നിലവിൽ മലേഷ്യയിൽ ഷവോമിയുടെ ഓൺലൈൻ സ്റ്റോർ വഴിയാണ് രണ്ട് ഫോണുകളും വിൽപ്പനയ്ക്ക് എത്തിച്ചിരിക്കുന്നത്. 7,500എംഎഎച്ച് ശേഷിയുള്ള വലിയ ബാറ്ററിയാണ് രണ്ട് മോഡലുകളുടെയും പ്രധാന പ്രത്യേകത. ചൈനീസ് പതിപ്പിനെ അപേക്ഷിച്ച് ആഗോള മോഡലുകളിൽ കൂടുതൽ ശേഷിയുള്ള ബാറ്ററിയാണ് നൽകിയിരിക്കുന്നത്.

റെഡ്‍മി 17 5ജി, റെഡ്‍മി 17 4ജി വില

റെഡ്‍മി 17 4ജിയുടെ ഏക പതിപ്പിന് 669 മലേഷ്യൻ റിങ്കിറ്റ് ആണ് വില. ഏകദേശം 16,000 രൂപ വരും ഇത്. 4ജിബി റാമും 128ജിബി സ്റ്റോറേജുമാണ് ഈ പതിപ്പിലുള്ളത്. റെഡ്‍മി 17 5ജിയുടെ അടിസ്ഥാന പതിപ്പിന് 769 മലേഷ്യൻ റിങ്കിറ്റാണ് വില. ഏകദേശം 18,000 രൂപ വരും ഇത്. 4ജിബി റാമും 128ജിബി സ്റ്റോറേജുമാണ് അടിസ്ഥാന മോഡലിലും ലഭിക്കുന്നത്. റെഡ്‍മി 17 5ജിയുടെ 4ജിബി റാം, 256ജിബി സ്റ്റോറേജ് പതിപ്പിന് 869 മലേഷ്യൻ റിങ്കിറ്റാണ് വില. ഏകദേശം 20,000 രൂപ വരും ഇത്.

നാല് നിറങ്ങളിൽ റെഡ്‍മി 17 4ജി

മലേഷ്യയിൽ ഷവോമിയുടെ ഓൺലൈൻ സ്റ്റോർ വഴിയാണ് രണ്ട് ഫോണുകളും നിലവിൽ വിൽക്കുന്നത്. റെഡ്മി 17 4ജി കറുപ്പ്, ഡീപ്പ് ബ്ലൂ, ലോട്ടസ് പർപ്പിൾ, ഓക്ക് ഗ്രീൻ എന്നീ നിറങ്ങളിൽ ലഭിക്കും. റെഡ്‍മി 17 5ജി കറുപ്പ്, ഡീപ്പ് ബ്ലൂ, വിവിഡ് ഓറഞ്ച് എന്നീ നിറങ്ങളിലാണ് വിൽപ്പനയ്ക്ക് എത്തിച്ചിരിക്കുന്നത്.

120 ഹെർട്‍സ് ഡിസ്പ്ലേ

റെഡ്‍മി 17 5ജിയിലും റെഡ്മി 17 4ജിയിലും 6.9 ഇഞ്ച് എച്ച്ഡി പ്ലസ് ഡിസ്പ്ലേയാണ് നൽകിയിരിക്കുന്നത്. 720 x 1,600 പിക്സൽ റെസല്യൂഷനുള്ള സ്ക്രീനിൽ 120 ഹെർട്സ് വരെ റിഫ്രഷ് റേറ്റും 240 ഹെർട്സ് വരെ ടച്ച് സാംപ്ലിങ് റേറ്റും ലഭിക്കും. 16.7 ദശലക്ഷം നിറങ്ങൾ, 83 ശതമാനം എൻടിഎസ്സി കളർ ഗാമറ്റ്, 825 നിറ്റ്സ് വരെ പീക്ക് ബ്രൈറ്റ്നസ് എന്നിവയും ഡിസ്പ്ലേയുടെ പ്രത്യേകതകളാണ്. കോർണിങ് ഗൊറില്ല ഗ്ലാസ് 7ഐ സംരക്ഷണവും നൽകിയിട്ടുണ്ട്. ടിയുവി റൈൻലാൻഡ് ലോ ബ്ലൂ ലൈറ്റ്, സർക്കാഡിയൻ ഫ്രണ്ട്ലി, ഫ്ലിക്കർ ഫ്രീ സർട്ടിഫിക്കേഷനുകളും ഫോണുകൾക്ക് ലഭിക്കുന്നു. പൊടിയും വെള്ളത്തുള്ളികളും പ്രതിരോധിക്കുന്ന ഐപി64 റേറ്റിങ്ങും രണ്ട് മോഡലുകൾക്കുമുണ്ട്.

റെഡ്‍മി 17 5ജിയിൽ സ്നാപ്ഡ്രാഗൺ ചിപ്സെറ്റ്

റെഡ്‍മി 17 5ജിക്ക് ക്വാൽകോമിന്റെ 4 നാനോമീറ്റർ സ്നാപ്ഡ്രാഗൺ 4 ജെൻ 5 ചിപ്സെറ്റാണ് കരുത്തേകുന്നത്. 2.4 ഗിഗാഹെർട്സ് വരെ ക്ലോക്ക് സ്പീഡുള്ള ഒക്ടാകോർ പ്രോസസറിനൊപ്പം അഡ്രിനോ ജിപിയുവും നൽകിയിട്ടുണ്ട്. 4ജിബി എൽപിഡിഡിആർ4എക്സ് റാമും 256ജിബി വരെ യു‌എഫ്എസ് 2.2 സ്റ്റോറേജുമാണ് ലഭിക്കുക. മൈക്രോഎസ്ഡി കാർഡ് ഉപയോഗിച്ച് സ്റ്റോറേജ് 2ടിബി വരെ വർധിപ്പിക്കാനും സാധിക്കും. അതേസമയം റെഡ്‍മി 17 4ജിയിൽ 12 നാനോമീറ്റർ മീഡിയടെക് ഹീലിയോ ജി91-അൾട്ര ചിപ്സെറ്റാണ് ഉപയോഗിച്ചിരിക്കുന്നത്. 2.0 ഗിഗാഹെർട്സ് വരെ ക്ലോക്ക് സ്പീഡ്, മാലി-ജി52 എംസി2 ജിപിയു, 4ജിബി എൽപിഡിഡിആർ4എക്സ് റാം, 128ജിബി ഇഎംഎംസി 5.1 സ്റ്റോറേജ് എന്നിവയാണ് മറ്റ് സവിശേഷതകൾ.

50 മെഗാപിക്സൽ പിൻ ക്യാമറ

ക്യാമറയുടെ കാര്യത്തിൽ രണ്ട് മോഡലുകളിലും സമാനമായ സംവിധാനമാണ് നൽകിയിരിക്കുന്നത്. പിന്നിൽ എഫ്/1.8 അപ്പർച്ചറുള്ള 50 മെഗാപിക്സൽ പ്രധാന ക്യാമറയാണുള്ളത്. മുൻവശത്ത് എഫ്/2.05 അപ്പർച്ചറുള്ള 8 മെഗാപിക്സൽ ക്യാമറയാണ് സെൽഫിക്കും വീഡിയോ കോളുകൾക്കുമായി നൽകിയിരിക്കുന്നത്. രണ്ട് ഫോണുകൾക്കും 1080പി, 30 എഫ്പിഎസ് വരെ വീഡിയോ റെക്കോർഡിങ് സാധിക്കും. സുരക്ഷയ്ക്കായി വശത്ത് ഘടിപ്പിച്ച ഫിംഗർപ്രിന്റ് സ്കാനറും ഫേസ് അൺലോക്ക് സംവിധാനവും ലഭിക്കും.

7,500എംഎഎച്ച് ബാറ്ററി

റെഡ്‍മി 17 5ജിയുടെയും റെഡ്മി 17 4ജിയുടെയും പ്രധാന ആകർഷണം 7,500എംഎഎച്ച് ബാറ്ററിയാണ്. 45വാട്ട് വയർഡ് ഫാസ്റ്റ് ചാർജിങ് പിന്തുണയും 22.5വാട്ട് റിവേഴ്സ് വയർഡ് ചാർജിങ് സൗകര്യവും രണ്ട് ഫോണുകളിലും ലഭിക്കും. ഡ്യുവൽ-ബാൻഡ് വൈ-ഫൈ, ബ്ലൂടൂത്ത്, എൻഎഫ്‍സി, യുഎസ്ബി ടൈപ്പ്-സി പോർട്ട്, 3.5എംഎം ഓഡിയോ ജാക്ക്, ജിപിഎസ്, ഗ്ലോനാസ്, ഗലീലിയോ, ബെയ്ദൂ എന്നിവയാണ് കണക്റ്റിവിറ്റി സംവിധാനങ്ങൾ.

232 ഗ്രാം ഭാരം

വലുപ്പത്തിന്റെ കാര്യത്തിലും രണ്ട് മോഡലുകളും സമാനമാണ്. 170.12 x 78.42 x 8.8 മില്ലിമീറ്ററാണ് ഇരു ഫോണുകളുടെയും അളവ്. ഏകദേശം 232 ഗ്രാം ഭാരവുമുണ്ട്. നിലവിൽ മലേഷ്യൻ വിപണിയിലാണ് റെഡ്‍മി 17 5ജിയും റെഡ്മി 17 4ജിയും വിൽപ്പനയ്ക്ക് എത്തിയിരിക്കുന്നത്. മറ്റ് ആഗോള വിപണികളിലേക്കുള്ള ലഭ്യത സംബന്ധിച്ച വിവരങ്ങൾ ഷവോമി പിന്നീട് പ്രഖ്യാപിച്ചേക്കും.

ഐഫോൺ 17: വിലയുടെ കാര്യത്തിൽ ഒരു അപ്രതീക്ഷിത ട്വിസ്റ്റ്?

Prashobh Prasannan — Tue, 11 Aug 2026 13:10:34 +0530

ഐഫോൺ 17 വാങ്ങാൻ പദ്ധതിയിടുന്നവർക്ക് തിരിച്ചടിയായേക്കാവുന്ന റിപ്പോർട്ടുകളാണ് പുറത്തുവരുന്നത്. മെമ്മറി ഘടകങ്ങളുടെ വില കുത്തനെ ഉയർന്നതോടെ ആപ്പിൾ ഐഫോൺ 17 സീരീസിന്റെ വില വർധിപ്പിച്ചേക്കുമെന്നാണ് പുതിയ സൂചന. നിലവിൽ പല വിപണികളിലും ഐഫോൺ 17 സീരീസിന് വിലവർധന ബാധിച്ചിട്ടില്ലെങ്കിലും സ്ഥിതിഗതികൾ ഉടൻ മാറിയേക്കാമെന്നാണ് റിപ്പോർട്ട്.

ഓഗസ്റ്റ് 10 മുതൽ വില കൂടുമോ?

ഐഫോൺ 17 സീരീസിന്റെ വില പരിഷ്കരിക്കുന്നതുമായി ബന്ധപ്പെട്ട അഭ്യൂഹങ്ങൾ പ്രചരിക്കുന്നതായി വെയ്‌ബോയിലെ ടിപ്സ്റ്റർ ഫിക്സഡ് ഫോക്കസ് ഡിജിറ്റൽ അവകാശപ്പെട്ടു. ഓഗസ്റ്റ് 10 മുതൽ പുതിയ വില പ്രാബല്യത്തിൽ വന്നേക്കുമെന്നാണ് റിപ്പോർട്ടിലെ സൂചന. എന്നാൽ വിലവർധന യഥാർഥത്തിൽ നടപ്പാക്കുമോ എന്ന കാര്യത്തിൽ ടിപ്സ്റ്റർ തന്നെ പൂർണ ഉറപ്പില്ലാത്ത നിലപാടാണ് സ്വീകരിച്ചിരിക്കുന്നത്. ചില ഉൽപ്പാദന ലൈനുകളിലെ ശേഷി 15 മുതൽ 30 ശതമാനം വരെ വർധിപ്പിക്കാനുള്ള പദ്ധതിയും ആപ്പിൾ റദ്ദാക്കിയതായി റിപ്പോർട്ടിൽ പറയുന്നു. എന്നാൽ ഏതൊക്കെ ഉൽപ്പന്നങ്ങളെയാണ് ഇത് ബാധിക്കുന്നതെന്ന് വ്യക്തമാക്കിയിട്ടില്ല.

മെമ്മറി ചിപ്പ് വിലയാണ് പ്രധാന കാരണം

മെമ്മറി ഘടകങ്ങളുടെ വിലയിലുണ്ടായ വലിയ വർധനയാണ് ടെക് കമ്പനികൾക്ക് വെല്ലുവിളിയായിരിക്കുന്നത്. ഡിആർഎഎം, നാൻഡ് ഫ്ലാഷ് സ്റ്റോറേജ് എന്നിവയുടെ വില വർധിച്ചതാണ് പ്രധാന കാരണം. ആർട്ടിഫിഷ്യൽ ഇന്റലിജൻസ് അടിസ്ഥാന സൗകര്യങ്ങൾക്കായുള്ള വർധിച്ചുവരുന്ന ആവശ്യം മെമ്മറി വിപണിയിൽ സമ്മർദം സൃഷ്ടിക്കുന്നതായാണ് വിലയിരുത്തൽ. ഇതിന്റെ ഭാഗമായി ജൂണിൽ ആപ്പിൾ നിരവധി ഉൽപ്പന്നങ്ങളുടെ വില ഉയർത്തിയിരുന്നു. ഇന്ത്യയിൽ മാക്ബുക്ക്, മാക്, ഐപാഡ്, ആപ്പിൾ ടിവി, ഹോംപോഡ് തുടങ്ങിയ ഉൽപ്പന്നങ്ങളുടെ വിലയാണ് വർധിപ്പിച്ചത്. ചില മോഡലുകൾക്ക് 1 ലക്ഷം രൂപ വരെ വില കൂടിയിരുന്നു.

ഐഫോണിന് നേരത്തെ വില കൂട്ടിയത് ജപ്പാനിൽ

ജൂണിലെ വിലവർധനയിൽ ആപ്പിളിന്റെ ഐഫോൺ സീരീസ് പൊതുവെ ഉൾപ്പെട്ടിരുന്നില്ല. ജപ്പാനാണ് ഇതിൽ പ്രധാനപ്പെട്ട അപവാദം. ജപ്പാനിൽ ഐഫോൺ 17ന്റെ വില 11.3 ശതമാനം വരെ വർധിപ്പിച്ചതായാണ് റിപ്പോർട്ടുകൾ. ഇന്ത്യ ഉൾപ്പെടെയുള്ള മറ്റ് വിപണികളിൽ ഐഫോൺ 17 സീരീസിന്റെ വിലയിൽ സമാനമായ വർധന ഇതുവരെ ഉണ്ടായിട്ടില്ല.

ഐഫോൺ 17ന് 12,000 രൂപ വരെ കൂടുമെന്ന അഭ്യൂഹം

ഐഫോൺ 17 സീരീസിന്റെ വില വർധിക്കുമെന്ന റിപ്പോർട്ട് ഇതാദ്യമല്ല. നേരത്തെ പുറത്തുവന്ന റിപ്പോർട്ട് അനുസരിച്ച് സാധാരണ ഐഫോൺ 17 മോഡലിന്റെ വില 12,000 രൂപ വരെ വർധിച്ചേക്കാം. നിലവിൽ 82,900 രൂപയിൽ ആരംഭിക്കുന്ന 256ജിബി മോഡലിന്റെ വില 94,990 രൂപയായി ഉയർന്നേക്കുമെന്നാണ് റിപ്പോർട്ടിൽ പറയുന്നത്. ഐഫോൺ 17 പ്രോ, ഐഫോൺ 17 പ്രോ മാക്സ് മോഡലുകൾക്കും വില വർധനയുണ്ടാകുമെന്ന് സൂചനയുണ്ടെങ്കിലും പുതുക്കിയ വില സംബന്ധിച്ച വിവരങ്ങൾ പുറത്തുവന്നിട്ടില്ല.

ഐഫോൺ 18 സീരീസിനും വില വർധന ഭീഷണി

അടുത്ത തലമുറ ഐഫോൺ സീരീസിനും നിർമാണച്ചെലവ് ഉയരാനുള്ള സാധ്യതയുണ്ടെന്നാണ് റിപ്പോർട്ടുകൾ. ഐഫോൺ 18 പ്രോ മാക്സ് മോഡലിന്റെ ഘടകച്ചെലവ് നിലവിലെ തലമുറയെ അപേക്ഷിച്ച് ഗണ്യമായി ഉയർന്നേക്കാമെന്നാണ് കൗണ്ടർപോയിന്റ് റിസർച്ചിന്റെ കണക്ക്. 1ടിബി സംഭരണ ശേഷിയുള്ള ഐഫോൺ 18 പ്രോ മാക്സിന്റെ ഘടകച്ചെലവ് ഏകദേശം 900 ഡോളറിനടുത്തെത്തിയേക്കുമെന്നാണ് വിലയിരുത്തൽ. ഇതേ ശേഷിയുള്ള ഐഫോൺ 17 പ്രോ മാക്സിന്റെ ഘടകച്ചെലവ് ഏകദേശം 550 ഡോളറായിരുന്നു. നാൻഡ് സ്റ്റോറേജിന്റെയും ഡിആർഎഎം ചിപ്പുകളുടെയും വില വർധനയാണ് പ്രധാനമായും നിർമാണച്ചെലവ് ഉയരാൻ കാരണമാകുന്നത്.

200 ഡോളർ വരെ വില കൂടിയേക്കും

ഐഡിസിയുടെ മറ്റൊരു വിലയിരുത്തൽ പ്രകാരം ഐഫോൺ 18 പ്രോ, ഐഫോൺ 18 പ്രോ മാക്സ് മോഡലുകൾക്ക് നിലവിലെ മോഡലുകളെ അപേക്ഷിച്ച് 200 ഡോളർ വരെ വില വർധിച്ചേക്കാം. എന്നാൽ ഐഫോൺ 17 സീരീസിന്റെ വില വർധന സംബന്ധിച്ച ഏറ്റവും പുതിയ റിപ്പോർട്ടിന് ആപ്പിളിന്റെ ഔദ്യോഗിക സ്ഥിരീകരണം ഇതുവരെ ലഭിച്ചിട്ടില്ല. അതിനാൽ നിലവിലെ വിവരങ്ങളെ അഭ്യൂഹങ്ങളായി മാത്രം കാണുന്നതാണ് ഉചിതം.

സാംസങ് അൾട്രയ്ക്ക് 40,000 രൂപയുടെ കിഴിവ്; ഇപ്പോൾ വാങ്ങണോ?

Prashobh Prasannan — Tue, 11 Aug 2026 15:50:52 +0530

ആമസോണിന്റെ ഗ്രേറ്റ് ഫ്രീഡം സെയിലിൽ സാംസങിന്റെ പ്രീമിയം സ്‍മാർട്ട്ഫോണുകൾക്ക് വൻ വിലക്കുറവ്. ഗാലക്സി എസ്25 അൾട്രയ്ക്ക് 40,000 രൂപ വരെയും പുതിയ ഗാലക്സി എസ്26 അൾട്രയ്ക്ക് 15,000 രൂപ വരെയും ആനുകൂല്യം ലഭിക്കും. ഒരു ലക്ഷത്തിൽ താഴെ വിലയിൽ മുൻനിര സാംസങ് ഫോൺ സ്വന്തമാക്കാൻ ആഗ്രഹിക്കുന്നവർക്ക് എസ്25 അൾട്രയുടെ ഓഫർ ഏറെ ശ്രദ്ധേയമാണ്.

എസ്25 അൾട്രയ്ക്ക് 40,000 രൂപ വരെ ലാഭം

ഗ്രേറ്റ് ഫ്രീഡം സെയിലിൽ ഗാലക്സി എസ്25 അൾട്ര ആമസോണിൽ നിലവിൽ 94,999 രൂപയ്ക്കാണ് ലഭിക്കുന്നത്. ഇന്ത്യയിൽ 1,29,999 രൂപയ്ക്കാണ് ഫോൺ അവതരിപ്പിച്ചത്. അതായത് നേരിട്ട് 35,000 രൂപയുടെ വിലക്കുറവാണ് ഇപ്പോൾ ലഭിക്കുന്നത്. ഇതിന് പുറമെ, തിരഞ്ഞെടുക്കപ്പെട്ട ബാങ്കിന്റെ ക്രെഡിറ്റ് കാർഡ് ഉപയോഗിച്ച് വാങ്ങുമ്പോൾ 5,000 രൂപയുടെ അധിക തൽക്ഷണ ഇളവും ലഭിക്കും. ഈ ബാങ്ക് ഓഫറിന് അർഹതയുള്ളവർക്ക് ആകെ 40,000 രൂപ വരെ ലാഭിക്കാം. പ്രധാനമായി, 35,000 രൂപയുടെ വിലക്കുറവ് ബാങ്ക് ഓഫറിനെ ആശ്രയിച്ചുള്ളതല്ല. അതുകൊണ്ടുതന്നെ ഒരു ലക്ഷം രൂപയിൽ താഴെ ചെലവഴിച്ച് മുൻനിര സാംസങ് ഫോൺ സ്വന്തമാക്കാൻ ആഗ്രഹിക്കുന്നവർക്ക് എസ്25 അൾട്ര മികച്ചൊരു തിരഞ്ഞെടുപ്പായി മാറുന്നു.

മികച്ച സവിശേഷതകളുമായി എസ്25 അൾട്ര

പ്രീമിയം നിലവാരത്തിലുള്ള വലിയ ഡിസ്‌പ്ലേ, ശക്തമായ മുൻനിര ഹാർഡ്‌വെയർ, എസ് പെൻ പിന്തുണ, വൈവിധ്യമാർന്ന ക്യാമറ സംവിധാനം എന്നിവയാണ് എസ്25 അൾട്രയുടെ പ്രധാന സവിശേഷതകൾ. പഴയ പ്രീമിയം സ്മാർട്ട്ഫോണിൽ നിന്ന് പുതിയ ഫോണിലേക്ക് മാറാൻ ആഗ്രഹിക്കുന്നവർക്ക് ഇപ്പോഴും മികച്ച പ്രകടനം നൽകാൻ എസ്25 അൾട്രയ്ക്ക് കഴിയും. നിലവിലെ വില കൂടി പരിഗണിക്കുമ്പോൾ ഫോൺ കൂടുതൽ ആകർഷകമാകുന്നു.

എസ്26 അൾട്രയ്ക്കും വിലക്കുറവ്

പുതിയ ഗാലക്സി എസ്26 അൾട്രയും ആമസോണിൽ വിലക്കുറവിൽ ലഭ്യമാണ്. 1,39,999 രൂപയായിരുന്നു ഫോണിന്റെ ഇന്ത്യയിലെ അവതരണ വില. നിലവിൽ 1,24,999 രൂപയ്ക്കാണ് ഫോൺ ലിസ്റ്റ് ചെയ്തിരിക്കുന്നത്. അതായത് നേരിട്ട് 15,000 രൂപയുടെ വിലക്കുറവ്. നോ കോസ്റ്റ് ഇഎംഐ തിരഞ്ഞെടുക്കുന്ന ഉപഭോക്താക്കൾക്ക് 15,345 രൂപ വരെ അധിക ആനുകൂല്യം ലഭിക്കുമെന്നും ആമസോൺ വ്യക്തമാക്കുന്നു. എന്നാൽ പേയ്‌മെന്റ് രീതിയും ഉപഭോക്താവിന്റെ അർഹതയും അനുസരിച്ച് ആനുകൂല്യത്തിൽ മാറ്റമുണ്ടാകാം. അതിനാൽ ഓർഡർ നൽകുന്നതിന് മുമ്പ് അന്തിമ വില പരിശോധിക്കുന്നത് പ്രധാനമാണ്.

പുതിയ ഹാർഡ്‌വെയറും സ്വകാര്യതാ ഡിസ്‌പ്ലേയും

എസ്25 അൾട്രയെ അപേക്ഷിച്ച് വേഗതയേറിയ പ്രോസസർ, വേഗത്തിലുള്ള ചാർജിങ്, ക്യാമറ സംവിധാനത്തിലെ മെച്ചപ്പെടുത്തലുകൾ എന്നിവയാണ് എസ്26 അൾട്രയുടെ പ്രധാന നേട്ടങ്ങൾ. സ്വകാര്യതാ ഡിസ്‌പ്ലേയാണ് ഫോണിലെ ശ്രദ്ധേയമായ പുതിയ സവിശേഷതകളിലൊന്ന്. ഫോണിന് സമീപം നിൽക്കുന്നവർക്കോ ഇരിക്കുന്നവർക്കോ സ്‌ക്രീനിലെ വിവരങ്ങൾ എളുപ്പത്തിൽ കാണാൻ കഴിയാത്തവിധം ഡിസ്‌പ്ലേ രൂപകൽപ്പന ചെയ്തതാണ് ഈ സംവിധാനം. തിരക്കേറിയ സ്ഥലങ്ങളിൽ സ്ഥിരമായി ഫോൺ ഉപയോഗിക്കുന്നവർക്ക് ഇത് പ്രായോഗികമായൊരു സവിശേഷതയാകാം.

എസ്25 അൾട്രയോ എസ്26 അൾട്രയോ?

ഒരുലക്ഷം രൂപയിൽ താഴെ ബജറ്റിൽ ഫോൺ വാങ്ങാനാണ് ഉദ്ദേശിക്കുന്നതെങ്കിൽ 94,999 രൂപയുടെ എസ്25 അൾട്രയാണ് കൂടുതൽ ആകർഷകമായ തിരഞ്ഞെടുപ്പ്. മുൻനിര നിലവാരത്തിലുള്ള പ്രകടനവും മികച്ച ക്യാമറയും എസ് പെൻ പിന്തുണയും ഉൾപ്പെടെ നിരവധി സവിശേഷതകൾ ഇപ്പോഴും ഫോണിലുണ്ട്. അതേസമയം പണത്തെക്കുറിച്ച് വലിയ ആശങ്കയില്ലെന്നും സാംസങിന്റെ ഏറ്റവും പുതിയ അൾട്ര മോഡൽ തന്നെ വേണമെന്നും ആഗ്രഹിക്കുന്നവർക്ക് എസ്26 അൾട്ര പരിഗണിക്കാം. പുതിയ ഹാർഡ്‌വെയർ, വേഗത്തിലുള്ള ചാർജിങ്, ക്യാമറ മെച്ചപ്പെടുത്തലുകൾ, സ്വകാര്യതാ ഡിസ്‌പ്ലേ തുടങ്ങിയ അധിക സവിശേഷതകൾ ഇതിലുണ്ട്.

എസ്27 അൾട്രയ്ക്കായി കാത്തിരിക്കണോ?

ഇപ്പോൾ ഫോൺ വാങ്ങേണ്ട അടിയന്തര സാഹചര്യമില്ലാത്തവർക്ക് മറ്റൊരു സാധ്യത കൂടിയുണ്ട്. സാംസങ് ഭാവിയിൽ ഗാലക്സി എസ്27 അൾട്ര അവതരിപ്പിക്കുമെന്നാണ് പ്രതീക്ഷിക്കുന്നത്. 5,200 എംഎഎച്ച് മുതൽ 5,500 എംഎഎച്ച് വരെ ശേഷിയുള്ള സിലിക്കൺ-കാർബൺ ബാറ്ററി, 16 മെഗാപിക്സൽ സെൽഫി ക്യാമറ, മെച്ചപ്പെടുത്തിയ 200 മെഗാപിക്സൽ പ്രധാന ക്യാമറ, പുതിയ 50 മെഗാപിക്സൽ അൾട്രാ വൈഡ് ആംഗിൾ, ടെലിഫോട്ടോ ക്യാമറകൾ എന്നിവ എസ്27 അൾട്രയിൽ എത്തിയേക്കുമെന്നാണ് റിപ്പോർട്ടുകൾ. പുതിയ സ്‌നാപ്ഡ്രാഗൺ 8 എലൈറ്റ് ജെൻ 6 പ്രോ ഫോർ ഗാലക്സി ചിപ്‌സെറ്റും പുതിയ ‘പോളർ ഐഡി’ തിരിച്ചറിയൽ സംവിധാനവും ഫോണിൽ ലഭിച്ചേക്കുമെന്നും അഭ്യൂഹങ്ങളുണ്ട്.

എന്നാൽ എസ്27 അൾട്രയുമായി ബന്ധപ്പെട്ട ഈ വിവരങ്ങളെല്ലാം നിലവിൽ ചോർന്ന വിവരങ്ങളും അഭ്യൂഹങ്ങളും മാത്രമാണ്. ഔദ്യോഗികമായി സ്ഥിരീകരിച്ച സവിശേഷതകളല്ല. നേരത്തെ റിപ്പോർട്ട് ചെയ്തിരുന്ന എൽപിഡിഡിആർ6 റാമും യുഎഫ്എസ് 5.0 സ്റ്റോറേജും ഉൾപ്പെടെയുള്ള ചില നവീകരണങ്ങൾ ഒഴിവാക്കിയേക്കുമെന്നും പുതിയ റിപ്പോർട്ടുകളുണ്ട്. അതിനാൽ ഇപ്പോൾ തന്നെ പ്രീമിയം സാംസങ് ഫോൺ വാങ്ങണമെങ്കിൽ 94,999 രൂപയുടെ ഗാലക്സി എസ്25 അൾട്രയാണ് കൂടുതൽ മികച്ച ഡീൽ. ഏറ്റവും പുതിയ മോഡലാണ് ആവശ്യമെങ്കിൽ എസ്26 അൾട്ര തിരഞ്ഞെടുക്കാം. നിലവിലെ ഫോൺ തൃപ്തികരമായി പ്രവർത്തിക്കുന്നുണ്ടെങ്കിൽ എസ്27 അൾട്രയ്ക്കായി കാത്തിരിക്കുന്നതും പരിഗണിക്കാവുന്നതാണ്.

ഗെയിമിംഗ് ലാപ്ടോപ്പുകൾ സ്വപ്‍നവിലയിൽ; ആമസോൺ ഫ്രീഡം സെയിൽ

Prashobh Prasannan — Mon, 10 Aug 2026 08:50:02 +0530

ആമസോൺ ഗ്രേറ്റ് ഫ്രീഡം സെയിൽ 2026 മൂന്നാം ദിവസത്തിലേക്ക് കടന്നിരിക്കുകയാണ്. വിവിധ വിഭാഗങ്ങളിലുള്ള ലാപ്ടോപ്പുകൾക്ക് വൻ വിലക്കുറവാണ് സെയിലിൽ ലഭിക്കുന്നത്. ഗെയിമിംഗ് ലാപ്ടോപ്പ് വാങ്ങാൻ പദ്ധതിയിടുന്നവർക്കും മികച്ച അവസരമാണ് ഇത്തവണത്തെ സെയിൽ ഒരുക്കുന്നത്. അസൂസ്, എംഎസ്ഐ, എച്ച്‌പി, ലെനോവോ തുടങ്ങിയ പ്രമുഖ ബ്രാൻഡുകളുടെ നിരവധി ഗെയിമിംഗ് ലാപ്ടോപ്പുകളാണ് നിലവിൽ ആമസോണിൽ ഓഫർ വിലയിൽ ലഭിക്കുന്നത്. ചില മോഡലുകൾക്ക് നേരിട്ടുള്ള വിലക്കുറവിനൊപ്പം ബാങ്ക് ഓഫറുകളും ക്യാഷ്ബാക്കും എക്സ്ചേഞ്ച് ആനുകൂല്യങ്ങളും ലഭ്യമാണ്.

എച്ച്‌ഡിഎഫ്‌സി കാർഡ് ഉപയോഗിച്ചാൽ അധിക ഡിസ്‍കൌണ്ട്

സെയിൽ സമയത്ത് എച്ച്‌ഡിഎഫ്‌സി ബാങ്ക് ക്രെഡിറ്റ് കാർഡ് ഉപയോഗിച്ച് വാങ്ങുന്നവർക്ക് 10 ശതമാനം വരെ ഇൻസ്റ്റന്റ് ഡിസ്കൗണ്ട് ലഭിക്കും. ഇതിന് പുറമെ ലഭ്യമായ മറ്റ് ഓഫറുകൾ കൂടി പ്രയോജനപ്പെടുത്തിയാൽ ഒരു ലക്ഷം രൂപയ്ക്ക് മുകളിലുള്ള ചില ഗെയിമിംഗ് ലാപ്ടോപ്പുകൾ പോലും ഈ പരിധിക്ക് താഴെ സ്വന്തമാക്കാൻ സാധിക്കും.

എച്ച്‌പി വിക്ടസ് 97,990 രൂപയ്ക്ക്

നിലവിലെ ശ്രദ്ധേയമായ ഡീലുകളിൽ ഒന്നാണ് എഎംഡി റൈസൺ 7 7445എച്ച്എസ് പ്രോസസറും എൻവിഡിയ ആർടിഎക്സ് 4050 ജിപിയുവും ഉൾപ്പെടുന്ന എച്ച്‌പി വിക്ടസ്. 1,66,133.58 രൂപയാണ് ഇതിന്റെ ലിസ്റ്റ് വില. എന്നാൽ ഗ്രേറ്റ് ഫ്രീഡം സെയിലിൽ 97,990 രൂപയ്ക്ക് മോഡൽ സ്വന്തമാക്കാം. ഇന്റൽ കോർ ഐ5 (14-ാം തലമുറ) പ്രോസസറും എൻവിഡിയ ആർടിഎക്സ് 3050 ജിപിയുവും ഉൾപ്പെടുന്ന മറ്റൊരു എച്ച്‌പി വിക്ടസ് മോഡലിന് 92,990 രൂപയാണ് സെയിൽ വില. ഇതിന്റെ ലിസ്റ്റ് വില 1,01,199.59 രൂപയാണ്.

72,000 രൂപയിൽ താഴെ എച്ച്‌പി വിക്ടസ്

എഎംഡി റൈസൺ 7 7445എച്ച്എസ് പ്രോസസറും എൻവിഡിയ ആർടിഎക്സ് 2050 ജിപിയുവും ഉൾപ്പെടുന്ന എച്ച്‌പി വിക്ടസ് മോഡലിന് 71,990 രൂപയാണ് നിലവിലെ സെയിൽ വില. 74,026 രൂപയാണ് ലിസ്റ്റ് വില.

എംഎസ്ഐ സൈബർഗ് 15-ന് 99,990 രൂപ

ഇന്റൽ കോർ 5 (സീരീസ് 2) പ്രോസസറും എൻവിഡിയ ആർടിഎക്സ് 5050 ജിപിയുവും ഉൾപ്പെടുന്ന എംഎസ്ഐ സൈബർഗ് 15 ഗെയിമിംഗ് ലാപ്ടോപ്പും ഒരു ലക്ഷം രൂപയിൽ താഴെ ലഭ്യമാണ്. 1,11,990 രൂപ ലിസ്റ്റ് വിലയുള്ള ഈ മോഡലിന്റെ സെയിൽ വില 99,990 രൂപയാണ്.

അസൂസ് ടഫ് എ15-നും ഓഫർ

2026 മോഡൽ അസൂസ് ടഫ് എ15, എഎംഡി റൈസൺ 7 പ്രോസസറും എൻവിഡിയ ആർടിഎക്സ് 3050 ജിപിയുവുമായി 99,990 രൂപയ്ക്ക് ലഭ്യമാണ്. അതേസമയം 16ജിബി റാമുള്ള മറ്റൊരു ടഫ് എ15 മോഡലിന് 77,990 രൂപയാണ് സെയിൽ വില. ഇതിന്റെ ലിസ്റ്റ് വില 89,990 രൂപയാണ്.

ലെനോവോ എൽഒക്യു, എച്ച്‌പി വിക്ടസ് എന്നിവയും ലിസ്റ്റിൽ

എഎംഡി റൈസൺ 7 പ്രോസസറും എൻവിഡിയ ആർടിഎക്സ് 4050 ജിപിയുവും ഉൾപ്പെടുന്ന ലെനോവോ എൽഒക്യു എസൻഷ്യലിന് 1,04,990 രൂപയാണ് സെയിൽ വില. ബാങ്ക് ഡിസ്കൗണ്ട്, ക്യാഷ്ബാക്ക്, എക്സ്ചേഞ്ച് ആനുകൂല്യങ്ങൾ എന്നിവ ലഭിക്കുന്ന സാഹചര്യത്തിൽ ഇത് ഒരു ലക്ഷം രൂപയിൽ താഴെ സ്വന്തമാക്കാൻ സാധിച്ചേക്കാം. ഇന്റൽ കോർ ഐ7 (13-ാം തലമുറ), എൻവിഡിയ ആർടിഎക്സ് 4050 ജിപിയു എന്നിവയുള്ള എച്ച്‌പി വിക്ടസ് മോഡലിന് 1,02,990 രൂപയാണ് നിലവിലെ സെയിൽ വില.

ഗെയിമിംഗ് ലാപ്ടോപ്പ് വാങ്ങാൻ പദ്ധതിയിടുന്നവർ ഓരോ മോഡലിന്റെയും കോൺഫിഗറേഷൻ, ബാങ്ക് ഓഫർ, എക്സ്ചേഞ്ച് ആനുകൂല്യം എന്നിവ പരിശോധിച്ച ശേഷം മാത്രം വാങ്ങുന്നതാണ് ഉചിതം. സെയിൽ ഓഫറുകളും വിലകളും ആമസോണിൽ മാറാൻ സാധ്യതയുള്ളതിനാൽ വാങ്ങുന്നതിന് മുമ്പ് നിലവിലെ വില ഉറപ്പാക്കുന്നതും പ്രധാനമാണ്.

വില കുത്തനെ കൂടും! ഐഫോൺ 18 പ്രോയിൽ വരുന്നത് ഈ 5 വലിയ മാറ്റങ്ങൾ

Prashobh Prasannan — Tue, 11 Aug 2026 10:16:43 +0530

ആപ്പിളിന്‍റെ അടുത്ത തലമുറ പ്രീമിയം സ്‍മാർട്ട്ഫോണായ ഐഫോൺ 18 പ്രോയുടെ വരവിനായി കാത്തിരിക്കുകയാണ് ടെക് ലോകം. ആപ്പിളിന്റെ പതിവ് അവതരണ രീതിയനുസരിച്ച് സെപ്റ്റംബർ രണ്ടാം വാരത്തിൽ പുതിയ ഐഫോൺ എത്താനാണ് സാധ്യത. സെപ്റ്റംബർ 7നും 9നും ഇടയിൽ അവതരണം നടന്നേക്കുമെന്നാണ് റിപ്പോർട്ടുകൾ. ഔദ്യോഗിക അവതരണത്തിന് ഇനിയും ഏതാനും ആഴ്ചകൾ ബാക്കിയുണ്ടെങ്കിലും ഐഫോൺ 18 പ്രോയെക്കുറിച്ചുള്ള അഭ്യൂഹങ്ങൾ ഇതിനകം സജീവമാണ്. ഹാർഡ്‌വെയറിൽ കാര്യമായ മാറ്റങ്ങളുമായാകും പുതിയ പ്രോ മോഡലുകൾ എത്തുകയെന്നാണ് സൂചന. പുതിയ ഐഒഎസ് 27-നൊപ്പം ഈ മാറ്റങ്ങൾ ആപ്പിളിന്റെ ഏറ്റവും മികച്ച മുൻനിര അനുഭവം നൽകുമെന്നും പ്രതീക്ഷിക്കുന്നു. എന്നാൽ പുതിയ സവിശേഷതകൾക്കൊപ്പം ഐഫോൺ 18 പ്രോയുടെ വിലയും ഉയർന്നേക്കുമെന്നതാണ് ശ്രദ്ധേയമായ കാര്യം.

ഐഫോൺ 18 പ്രോയ്ക്ക് 20,000 രൂപ വരെ വില കൂടുമോ?

കഴിഞ്ഞ ഏതാനും വർഷങ്ങളായി ആപ്പിൾ പ്രോ ശ്രേണിയിലെ ഐഫോണുകളുടെ തുടക്കവിലയിൽ വലിയ മാറ്റം വരുത്തിയിരുന്നില്ല. എന്നാൽ ഇത്തവണ ഈ രീതിക്ക് മാറ്റമുണ്ടായേക്കുമെന്നാണ് റിപ്പോർട്ടുകൾ. ഐഫോൺ 17 പ്രോയുടെ ഇന്ത്യയിലെ തുടക്കവില 1,34,900 രൂപയാണ്. ഐഫോൺ 18 പ്രോയ്ക്ക് ഇതിനെക്കാൾ 20,000 രൂപ വരെ വില കൂടിയേക്കുമെന്നാണ് സൂചന. അങ്ങനെയെങ്കിൽ പുതിയ മോഡലിന്റെ തുടക്കവില ഏകദേശം 1,54,900 രൂപയായേക്കും. അമേരിക്കൻ വിപണിയിൽ 200 മുതൽ 300 ഡോളർ വരെ വില വർധനയുണ്ടാകാമെന്നും റിപ്പോർട്ടുകളുണ്ട്.

വില കൂടാനുള്ള കാരണം എന്ത്?

ആപ്പിളിന്റെ നിർമാണച്ചെലവ് ഇത്തവണ ഏകദേശം 38 ശതമാനം വരെ ഉയർന്നേക്കുമെന്നാണ് റിപ്പോർട്ടുകൾ. മെമ്മറി, റാം ചിപ്പുകളുടെ വില വർധിച്ചതാണ് പ്രധാന കാരണം. കൂടാതെ പുതിയ എ20 പ്രോ ചിപ്‌സെറ്റിന് കൂടുതൽ നിർമാണച്ചെലവുണ്ടാകാനും സാധ്യതയുണ്ട്. ടിഎസ്എംസിയുടെ അത്യാധുനിക 2 നാനോമീറ്റർ സാങ്കേതികവിദ്യ ഉപയോഗിച്ചായിരിക്കും എ20 പ്രോ ചിപ്‌സെറ്റ് നിർമിക്കുകയെന്നാണ് റിപ്പോർട്ടുകൾ. ഇതോടെ ഐഫോൺ 18 പ്രോയ്ക്ക് വില വർധിക്കുന്നത് ഏതാണ്ട് അനിവാര്യമായേക്കാം. എന്നാൽ വില കൂടുന്നതിനൊപ്പം ശ്രദ്ധേയമായ നവീകരണങ്ങളും ആപ്പിൾ അവതരിപ്പിച്ചേക്കുമെന്നാണ് സൂചന. പ്രതീക്ഷിക്കപ്പെടുന്ന പ്രധാന 5 മാറ്റങ്ങൾ ഇവയാണ്.

1. എ20 പ്രോ ചിപ്‌സെറ്റ്

എല്ലാ വർഷവും ആപ്പിൾ സ്വന്തം ചിപ്‌സെറ്റിൽ നവീകരണം കൊണ്ടുവരാറുണ്ട്. ഐഫോൺ 18 പ്രോയിലും ഇതിന് മാറ്റമുണ്ടാകില്ലെന്നാണ് സൂചന. ടിഎസ്എംസിയുടെ 2 നാനോമീറ്റർ നിർമാണ സാങ്കേതികവിദ്യയിൽ നിർമിക്കുന്ന എ20 പ്രോ ചിപ്‌സെറ്റായിരിക്കും ഫോണിന് കരുത്തേകുകയെന്നാണ് റിപ്പോർട്ടുകൾ. കൂടുതൽ വേഗത്തിലുള്ള പ്രകടനത്തിനും മികച്ച വൈദ്യുതി കാര്യക്ഷമതയ്ക്കും പുതിയ നിർമാണ സാങ്കേതികവിദ്യ സഹായിച്ചേക്കും. ചൂട് നിയന്ത്രിക്കുന്നതിനായി വെയ്പർ ചേംബർ സംവിധാനം ഉൾപ്പെടെയുള്ള പുതിയ സാങ്കേതികവിദ്യകളും ആപ്പിൾ പരിഗണിക്കുന്നതായി റിപ്പോർട്ടുകളുണ്ട്. ഗെയിമിങ്, വീഡിയോ എഡിറ്റിങ്, കൃത്രിമ ബുദ്ധി അടിസ്ഥാനമാക്കിയുള്ള പ്രവർത്തനങ്ങൾ എന്നിവ കൂടുതൽ കാര്യക്ഷമമായി കൈകാര്യം ചെയ്യാൻ ഇത് സഹായിച്ചേക്കും.

2. ക്യാമറയിൽ വേരിയബിൾ അപ്പർച്ചർ

ക്യാമറ വിഭാഗത്തിലും വലിയ മാറ്റം പ്രതീക്ഷിക്കുന്നുണ്ട്. ഐഫോൺ 18 പ്രോ ശ്രേണിയിലെ 48 മെഗാപിക്സൽ ഫ്യൂഷൻ പ്രധാന ക്യാമറയിൽ വേരിയബിൾ അപ്പർച്ചർ സംവിധാനം ലഭിച്ചേക്കുമെന്നാണ് അഭ്യൂഹം. ലെൻസിലേക്ക് പ്രവേശിക്കുന്ന പ്രകാശത്തിന്റെ അളവ് നിയന്ത്രിക്കാൻ ഇതിലൂടെ ഉപയോക്താക്കൾക്ക് സാധിക്കും. വ്യത്യസ്ത പ്രകാശ സാഹചര്യങ്ങളിൽ കൂടുതൽ മികച്ച ചിത്രങ്ങൾ പകർത്താൻ ഈ സംവിധാനം സഹായിച്ചേക്കും.

3. കൂടുതൽ ശേഷിയുള്ള ബാറ്ററി

ബാറ്ററി ശേഷിയിലും വർധനയുണ്ടാകുമെന്നാണ് പ്രതീക്ഷ. ഐഫോൺ 18 പ്രോ മാക്‌സിൽ മുൻഗാമിയെക്കാൾ ഏകദേശം 10 ശതമാനം വലുതായ ബാറ്ററി ലഭിച്ചേക്കുമെന്നാണ് ചോർന്ന വിവരങ്ങൾ. ചില പതിപ്പുകളിൽ 5,400 എംഎഎച്ചിൽ കൂടുതലുള്ള ബാറ്ററി ലഭിക്കുമെന്നും റിപ്പോർട്ടുകളുണ്ട്. ഐഫോൺ 18 പ്രോയ്ക്കും വലിയ ബാറ്ററി ലഭിച്ചേക്കാം. കൂടുതൽ കാര്യക്ഷമമായ എ20 പ്രോ ചിപ്‌സെറ്റും മെച്ചപ്പെട്ട ഡിസ്‌പ്ലേയും ചേർന്നാൽ കൂടുതൽ ദൈർഘ്യമുള്ള ബാറ്ററി ഉപയോഗം ലഭിക്കാനിടയുണ്ട്.

4. ഡൈനാമിക് ഐലൻഡ് ചെറുതാകും

ഐഫോൺ 18 പ്രോയിൽ വലിയ രൂപകൽപ്പനാ മാറ്റങ്ങൾ പ്രതീക്ഷിക്കുന്നില്ലെങ്കിലും മുൻഭാഗത്ത് ശ്രദ്ധേയമായ ചില പരിഷ്കാരങ്ങൾ ഉണ്ടായേക്കും. 6.3 ഇഞ്ച്, 6.9 ഇഞ്ച് ഡിസ്‌പ്ലേകൾ തന്നെ പ്രോ മോഡലുകളിൽ തുടർന്നേക്കും. എന്നാൽ കൂടുതൽ കാര്യക്ഷമമായ എൽടിപിഒ പ്ലസ് ഒഎൽഇഡി പാനലുകളിലേക്ക് മാറിയേക്കുമെന്നാണ് റിപ്പോർട്ടുകൾ. ഏറ്റവും ശ്രദ്ധേയമായ മാറ്റം ഡൈനാമിക് ഐലൻഡിന്റെ വലുപ്പം കുറയുന്നതായിരിക്കും. ഫെയ്‌സ് ഐഡിയുമായി ബന്ധപ്പെട്ട ചില ഘടകങ്ങൾ ഡിസ്‌പ്ലേയ്ക്ക് അടിയിലേക്ക് മാറ്റാൻ ആപ്പിൾ ശ്രമിക്കുന്നതായാണ് സൂചന.

5. പുതിയ സി2 മോഡം

ഐഫോൺ 18 പ്രോയിൽ ആപ്പിളിന്റെ പുതിയ സി2 മോഡം അവതരിപ്പിച്ചേക്കുമെന്നും റിപ്പോർട്ടുകളുണ്ട്. മെച്ചപ്പെട്ട 5ജി വേഗത, മികച്ച സിഗ്നൽ സ്വീകരണം, കുറഞ്ഞ വൈദ്യുതി ഉപഭോഗം എന്നിവയാണ് ഇതിലൂടെ പ്രതീക്ഷിക്കുന്നത്. വൈഫൈ, ബ്ലൂടൂത്ത് കണക്റ്റിവിറ്റി മെച്ചപ്പെടുത്തുന്നതിനായി പുതിയ എൻ2 ചിപ്‌സെറ്റും എത്തിയേക്കാം. ഉപഗ്രഹ അധിഷ്ഠിത 5ജി പിന്തുണയും ലഭിച്ചേക്കുമെന്ന് ചില റിപ്പോർട്ടുകൾ സൂചിപ്പിക്കുന്നു.

ഔദ്യോഗിക സ്ഥിരീകരണം വന്നിട്ടില്ല

ഐഫോൺ 18 പ്രോയെക്കുറിച്ച് പുറത്തുവരുന്ന ഈ വിവരങ്ങളൊന്നും ആപ്പിൾ ഔദ്യോഗികമായി സ്ഥിരീകരിച്ചിട്ടില്ല. അതിനാൽ ഇവയെല്ലാം നിലവിൽ അഭ്യൂഹങ്ങളായും ചോർന്ന വിവരങ്ങളായും മാത്രം കാണണം. എന്നാൽ റിപ്പോർട്ടുകൾ ശരിയാണെങ്കിൽ എ20 പ്രോ ചിപ്‌സെറ്റ്, മെച്ചപ്പെട്ട ക്യാമറ, വലിയ ബാറ്ററി, ചെറിയ ഡൈനാമിക് ഐലൻഡ്, പുതിയ മോഡം എന്നിവ ഉൾപ്പെടെയുള്ള നവീകരണങ്ങൾ ഐഫോൺ 18 പ്രോയിൽ പ്രതീക്ഷിക്കാം. വില 20,000 രൂപ വരെ ഉയർന്നാലും ഈ മാറ്റങ്ങൾ പുതിയ മോഡലിന്റെ വില വർധനയെ ന്യായീകരിക്കാൻ പര്യാപ്‍തമാകുമോ എന്നതാണ് ഇനി അറിയേണ്ടത്.

ബാറ്ററി ഭീമൻ എത്തി; റെഡ്‍മി നോട്ട് 17 5ജി ഇന്ത്യയിൽ

Prashobh Prasannan — Sat, 08 Aug 2026 10:11:35 +0530

വൻ ബാറ്ററിയും പുതിയ ഫീച്ചറുകളുമായി റെഡ്‍മി നോട്ട് 17 5ജി ഇന്ത്യൻ വിപണിയിൽ അവതരിപ്പിച്ച് ഷവോമി. 8,000mAh ബാറ്ററി, 120Hz അമോലെഡ് ഡിസ്പ്ലേ, സ്നാപ്ഡ്രാഗൺ 4 ജനറേഷൻ 4 ചിപ്‌സെറ്റ് എന്നിവയാണ് ഫോണിന്റെ പ്രധാന ആകർഷണങ്ങൾ. ചൈനയിൽ അവതരിപ്പിച്ചതിന് പിന്നാലെയാണ് സ്മാർട്ട്ഫോൺ ഇന്ത്യയിലും എത്തിയത്.

വിലയും ലഭ്യതയും

റെഡ്‍മി നോട്ട് 17 5ജിയുടെ 6ജിബി റാം + 128ജിബി സ്റ്റോറേജ് വേരിയന്റിന് 27,999 രൂപയാണ് വില. 8ജിബി റാം + 128ജിബി സ്റ്റോറേജ് മോഡലിന് 30,999 രൂപ നൽകണം. എസ്‌ബിഐ, ആക്സിസ് ബാങ്ക്, കൊട്ടക് ബാങ്ക് ക്രെഡിറ്റ് കാർഡുകൾ ഉപയോഗിച്ച് വാങ്ങുന്നവർക്ക് 3,000 രൂപയുടെ ഇൻസ്റ്റന്റ് ഡിസ്കൗണ്ടും കമ്പനി പ്രഖ്യാപിച്ചിട്ടുണ്ട്. ഓഗസ്റ്റ് 12 മുതൽ ആമസോണിലും ഷവോമി ഇന്ത്യയുടെ ഔദ്യോഗിക ഓൺലൈൻ സ്റ്റോറിലുമാണ് വിൽപ്പന ആരംഭിക്കുക. ആർട്ടിക് ബ്ലൂ, ഡാർക്ക് നൈറ്റ്, സ്റ്റാർലൈറ്റ് പർപ്പിൾ എന്നീ മൂന്ന് നിറങ്ങളിലാണ് ഫോൺ ലഭ്യമാകുക.

അമോലെഡ് ഡിസ്പ്ലേ, ഹൈപ്പർഒഎസ് 3

ആൻഡ്രോയിഡ് 16 അടിസ്ഥാനമാക്കിയുള്ള ഹൈപ്പർഒഎസ് 3-ലാണ് റെഡ്മി നോട്ട് 17 5ജി പ്രവർത്തിക്കുന്നത്. നാല് വർഷത്തെ ഓപ്പറേറ്റിങ് സിസ്റ്റം അപ്ഡേറ്റും ആറ് വർഷത്തെ സുരക്ഷാ അപ്ഡേറ്റുകളും കമ്പനി വാഗ്ദാനം ചെയ്യുന്നു. 6.9 ഇഞ്ച് ഫുൾ എച്ച്ഡി പ്ലസ് ട്രൂകളർ അമോലെഡ് ഡിസ്പ്ലേയാണ് ഫോണിലുള്ളത്. 120Hz റിഫ്രഷ് റേറ്റ്, 1,800 നിറ്റ്സ് പീക്ക് ബ്രൈറ്റ്നസ്, 100 ശതമാനം ഡി.സി.ഐ-പി3 കളർ ഗാമറ്റ്, കോർണിങ് ഗൊറില്ല ഗ്ലാസ് 7ഐ സംരക്ഷണം എന്നിവയും ഡിസ്പ്ലേയുടെ പ്രത്യേകതകളാണ്. നനഞ്ഞ കൈകളിലും മികച്ച ടച്ച് പ്രതികരണം ഉറപ്പാക്കുന്ന ഹൈഡ്രോടച്ച് 2.0 സാങ്കേതികവിദ്യയും ഫോണിലുണ്ട്.

സ്നാപ്ഡ്രാഗൺ 4 ജനറേഷൻ 4 പ്രോസസർ

4 നാനോമീറ്റർ പ്രോസസിൽ നിർമ്മിച്ച സ്നാപ്ഡ്രാഗൺ 4 ജനറേഷൻ 4 ചിപ്‌സെറ്റാണ് റെഡ്മി നോട്ട് 17 5ജിക്ക് കരുത്തേകുന്നത്. 8ജിബി വരെ എൽപിഡിഡിആർ4എക്സ് റാം, 256ജിബി വരെ യു.എഫ്.എസ് 2.2 സ്റ്റോറേജ് എന്നിവ ലഭിക്കും. മൈക്രോ എസ്‌ഡി കാർഡ് ഉപയോഗിച്ച് 2ടിബി വരെ സ്റ്റോറേജ് വർധിപ്പിക്കാനുമാകും. ചൂട് നിയന്ത്രിക്കുന്നതിനായി വേപ്പർ ചേംബർ കൂളിങ് സംവിധാനവും 10,416 ചതുരശ്ര മില്ലിമീറ്റർ ഗ്രാഫൈറ്റ് ഹീറ്റ് ഡിസിപ്പേഷൻ ഏരിയയും നൽകിയിട്ടുണ്ട്. പൊടിയിലും വെള്ളത്തിലും നിന്ന് സംരക്ഷണം നൽകുന്ന ഐപി65 റേറ്റിങ്ങും ഫോണിനുണ്ട്.

50 മെഗാപിക്സൽ ക്യാമറ

50 മെഗാപിക്സൽ പ്രൈമറി ക്യാമറയാണ് പിൻവശത്ത് നൽകിയിരിക്കുന്നത്. എഫ്/1.8 അപ്പർച്ചറോടെയുള്ള ക്യാമറയ്ക്ക് 2 മടങ്ങ് ഡിജിറ്റൽ സൂം പിന്തുണയുണ്ട്. ഇതോടൊപ്പം മറ്റൊരു ക്യാമറയും ഉൾപ്പെടുത്തിയിട്ടുണ്ട്. മുൻവശത്ത് 8 മെഗാപിക്സൽ സെൽഫി ക്യാമറയാണ് നൽകിയിരിക്കുന്നത്. 1080പി റെസല്യൂഷനിൽ 30 എഫ്.പി.എസ് വരെ വീഡിയോ റെക്കോർഡ് ചെയ്യാനും കഴിയും.

8,000mAh ബാറ്ററി; 45W ഫാസ്റ്റ് ചാർജിങ്

8,000mAh ബാറ്ററിയാണ് ഫോണിന്റെ ഏറ്റവും വലിയ പ്രത്യേകത. 45W വയർഡ് ഫാസ്റ്റ് ചാർജിങ്ങിനും 22.5W റിവേഴ്സ് വയർഡ് ചാർജിങ്ങിനും പിന്തുണ ലഭിക്കും. ഒറ്റ ചാർജിൽ ഏകദേശം രണ്ടര ദിവസം വരെ ബാറ്ററി ബാക്കപ്പ് ലഭിക്കുമെന്ന് ഷവോമി അവകാശപ്പെടുന്നു. കമ്പനിയുടെ കണക്കുകൾ പ്രകാരം ഒരു ചാർജിൽ 28 മണിക്കൂറിലധികം യൂട്യൂബ് വീഡിയോ പ്ലേബാക്ക്, 24 മണിക്കൂറിലധികം വാട്സ്ആപ്പ് ഉപയോഗം, 10 മണിക്കൂറിലധികം ഗൂഗിൾ മാപ്സ് നാവിഗേഷൻ, ഏകദേശം 14 മണിക്കൂർ വരെ ബിജിഎംഐ ഗെയിമിങ് എന്നിവ സാധ്യമാകും. 225 ഗ്രാം ഭാരമുള്ള ഫോണിന്റെ കനം 8.4 മില്ലിമീറ്ററാണ്.

200 എംപി ക്യാമറയുമായി മോട്ടറോളയുടെ പുതിയ ഫോൺ; എഡ്‍ജ് 70 നിയോയുടെ ചിത്രങ്ങൾ പുറത്ത്

Prashobh Prasannan — Tue, 11 Aug 2026 12:40:43 +0530

മോട്ടറോളയുടെ പുതിയ സ്മാർട്ട്ഫോൺ എഡ്‍ജ് 70 നിയോയുടെ ചിത്രങ്ങൾ ചോർന്നു. ഫോണിന്റെ ഡിസൈൻ, ക്യാമറ സജ്ജീകരണം, നിറങ്ങൾ എന്നിവ സംബന്ധിച്ച സൂചനകളാണ് പുതിയ ചോർന്ന ചിത്രങ്ങളിലുള്ളത്. ഔദ്യോഗിക ലോഞ്ചിന് മുന്നോടിയായാണ് റെൻഡറുകൾ പുറത്തുവന്നിരിക്കുന്നത്. മോട്ടറോളയുടെ ആൻഡ്രോയിഡ് 17 പരീക്ഷണ പദ്ധതിയിലും എഡ്‍ജ് 70 നിയോയുടെ പേര് നേരത്തെ പ്രത്യക്ഷപ്പെട്ടിരുന്നു. ഇതോടെ പുതിയ സ്‍മാർട്ട്ഫോണിന്റെ ഔദ്യോഗിക അവതരണം ഉടൻ ഉണ്ടായേക്കുമെന്ന സൂചന ശക്തമായിരിക്കുകയാണ്. എന്നാൽ ഫോണിന്റെ ലോഞ്ച് തീയതി, വില, സവിശേഷതകൾ എന്നിവ മോട്ടറോള ഇതുവരെ ഔദ്യോഗികമായി സ്ഥിരീകരിച്ചിട്ടില്ല.

200 മെഗാപിക്സൽ ക്യാമറ

ചോർന്ന റെൻഡറുകളിൽ ഫോണിന്റെ പിൻവശത്ത് ചതുരാകൃതിയിലുള്ള ക്യാമറ മൊഡ്യൂളാണ് കാണുന്നത്. മൂന്ന് ക്യാമറ ലെൻസുകൾ ഉൾപ്പെടുന്ന ക്യാമറ സജ്ജീകരണത്തിൽ 200 മെഗാപിക്സൽ എന്ന രേഖപ്പെടുത്തലും കാണാം. മുൻവശത്ത് വളരെ നേർത്ത ബെസലുകളുള്ള ഫ്ലാറ്റ് ഡിസ്പ്ലേയാണ് നൽകിയിരിക്കുന്നതെന്നാണ് ചിത്രങ്ങളിൽ നിന്ന് വ്യക്തമാകുന്നത്. മധ്യഭാഗത്ത് പഞ്ച്-ഹോൾ സെൽഫി ക്യാമറയും കാണാം. മോട്ടറോളയുടെ പ്രശസ്തമായ ബാറ്റ്വിങ് ലോഗോ പിൻപാനലിന്റെ മധ്യഭാഗത്തായി നൽകിയിട്ടുണ്ട്.

നാല് നിറങ്ങളിൽ ഫോൺ

പുതിയ റെൻഡറുകളിൽ മോട്ടറോള എഡ്‍ജ് 70 നിയോ 4 വ്യത്യസ്ത നിറങ്ങളിലാണ് കാണുന്നത്. ഡാർക്ക് ഗ്രീൻ, ലൈറ്റ് ബ്ലൂ, ഒലീവ് ഗ്രീൻ, ഇളം പിങ്ക് എന്നിവയാണ് ചോർന്ന ചിത്രങ്ങളിലെ നിറങ്ങൾ. പിൻപാനലുകളുടെ ടെക്സ്ചറിലും വ്യത്യാസങ്ങളുണ്ടെന്നാണ് സൂചന. പ്രത്യേകിച്ച് പിങ്ക് നിറത്തിലുള്ള മോഡലിൽ വ്യത്യസ്തമായ പാറ്റേൺ കാണാം. എന്നാൽ ഈ നിറങ്ങൾക്ക് മോട്ടറോള നൽകുന്ന ഔദ്യോഗിക പേരുകൾ ഇതുവരെ പുറത്തുവന്നിട്ടില്ല. സ്‍മാർട്ട്ഫോണുകളുടെ നിറങ്ങൾക്ക് പാന്റോൺ ബ്രാൻഡിങ് ഉപയോഗിക്കുന്ന പതിവ് മോട്ടറോളയ്ക്കുണ്ട്. അതിനാൽ ഔദ്യോഗിക ലോഞ്ചിൽ ഇപ്പോഴത്തെ നിറങ്ങൾക്ക് വ്യത്യസ്‍ത പേരുകൾ ലഭിച്ചേക്കാം.

ആൻഡ്രോയിഡ് 17 പരീക്ഷണത്തിലും

മോട്ടറോളയുടെ ആൻഡ്രോയിഡ് 17 ബീറ്റ പരീക്ഷണ പദ്ധതിയിൽ എഡ്‍ജ് 70 നിയോയുടെ പേര് നേരത്തെ പ്രത്യക്ഷപ്പെട്ടിരുന്നു. ഇന്ത്യയിലെ പരീക്ഷണ പ്രവർത്തനങ്ങളിലാണ് ഫോണിന്റെ പേര് കണ്ടെത്തിയത്. പുതിയ ഫോൺ പുറത്തിറക്കാനുള്ള തയ്യാറെടുപ്പിലാണ് മോട്ടറോള എന്നതിന്റെ ആദ്യ സൂചനകളിലൊന്നായാണ് ഇതിനെ കണക്കാക്കുന്നത്.

എഡ്‍ജ് 2026-മായി ബന്ധമുണ്ടോ?

നേരത്തെയുള്ള റിപ്പോർട്ടുകളിൽ മോട്ടറോള എഡ്‍ജ് 70 നിയോയെ വടക്കേ അമേരിക്കൻ വിപണിയിൽ ജൂണിൽ പുറത്തിറക്കിയ മോട്ടറോള എഡ്‍ജ് 2026-മായി ബന്ധപ്പെടുത്തിയിരുന്നു. എന്നാൽ പുതിയ റെൻഡറുകളിൽ കാണുന്ന 200 മെഗാപിക്സൽ ക്യാമറ ബ്രാൻഡിങ് കണക്കിലെടുക്കുമ്പോൾ രണ്ട് ഫോണുകളുടെയും അന്തിമ സവിശേഷതകളിൽ വ്യത്യാസമുണ്ടാകാൻ സാധ്യതയുണ്ട്.

എഡ്‍ജ് 70 സീരീസിലേക്ക് പുതിയ അംഗം

മോട്ടറോളയുടെ വളർന്നുവരുന്ന എഡ്‍ജ്70 സീരീസിലെ പുതിയ അംഗമായിരിക്കും എഡ്‍ജ് 70 നിയോ. 2025 ഡിസംബറിൽ എഡ്‍ജ് 70 ഇന്ത്യയിൽ അവതരിപ്പിച്ചിരുന്നു. തുടർന്ന് 2026 മാർച്ചിൽ എഡ്‍ജ് 70 ഫ്യൂഷൻ, എഡ്‍ജ് 70 ഫ്യൂഷൻ പ്ലസ് മോഡലുകളും കമ്പനി അവതരിപ്പിച്ചു. ഏപ്രിലിൽ എഡ്‍ജ് 70 പ്രോയും ജൂണിൽ എഡ്‍ജ് 70 പ്രോ പ്ലസും പുറത്തിറങ്ങി. ജൂലൈയിൽ എഡ്‍ജ് 70 മാക്സും സീരീസിലെത്തി. എന്നാൽ എഡ്‍ജ് 70 ഫ്യൂഷൻ പ്ലസ് ഇന്ത്യയിൽ അവതരിപ്പിച്ചിരുന്നില്ല. എഡ്‍ജ് 70 നിയോയുടെ ഇന്ത്യയിലെ ലഭ്യത സംബന്ധിച്ച വിവരങ്ങളും മോട്ടറോള ഇതുവരെ പുറത്തുവിട്ടിട്ടില്ല.

നിലവിൽ പുറത്തുവന്നിരിക്കുന്ന വിവരങ്ങൾ ചോർന്ന റെൻഡറുകളെയും റിപ്പോർട്ടുകളെയും അടിസ്ഥാനമാക്കിയുള്ളതാണ്. ഫോണിന്റെ വില, ക്യാമറയുടെ യഥാർഥ സവിശേഷതകൾ, പ്രോസസർ, ബാറ്ററി ശേഷി, ലോഞ്ച് തീയതി തുടങ്ങിയ വിവരങ്ങൾ മോട്ടറോളയുടെ ഔദ്യോഗിക പ്രഖ്യാപനത്തിന് ശേഷമേ സ്ഥിരീകരിക്കാനാകൂ.

30,000 രൂപയിൽ താഴെ വിലയുള്ള മികച്ച ഗെയിമിംഗ് സ്‍മാർട്ട് ഫോണുകൾ

Prashobh Prasannan — Mon, 10 Aug 2026 08:03:24 +0530

30,000 രൂപയിൽ താഴെ വിലയുള്ള മികച്ച ഗെയിമിങ് ഫോണുകളെക്കുറിച്ച് അറിയാം. പോക്കോ, റിയൽമി, ഇൻഫിനിക്സ്, റെഡ്മി, വിവോ തുടങ്ങിയ ബ്രാൻഡുകളിൽ നിന്നുള്ള 5 മോഡലുകൾ.

ഗെയിമിങ് പ്രകടനം, ഉയർന്ന റിഫ്രഷ് റേറ്റ്, വലിയ ബാറ്ററി, മികച്ച കൂളിങ് സംവിധാനം എന്നിവയുമായി എത്തിയ 5 സ്മാർട്ട്ഫോണുകൾ.

പോക്കോ, റിയൽമി, ഇൻഫിനിക്സ്, റെഡ്മി, വിവോ എന്നിവയുടെ ഗെയിമിങ് കേന്ദ്രീകൃത മോഡലുകളിൽ ശ്രദ്ധേയമായ ഓപ്ഷനുകൾ പരിചയപ്പെടാം.

6.9 ഇഞ്ച് 120 ഹെർട്സ് അമോലെഡ് ഡിസ്പ്ലേയും സ്നാപ്ഡ്രാഗൺ 4 ജെൻ 4 ചിപ്സെറ്റും.

വില: ₹27,999 മുതൽ

ഡൈമെൻസിറ്റി 8400 അൾട്രാ ചിപ്സെറ്റ്, 120 ഹെർട്സ് 1.5കെ അമോലെഡ് ഡിസ്പ്ലേ, 6,550 എംഎഎച്ച് ബാറ്ററി.

വില: ₹27,999 മുതൽ

സ്‍നാപ്ഡ്രാഗൺ 7 ജെൻ 4 ചിപ്സെറ്റ്, 144 ഹെർട്സ് അമോലെഡ് ഡിസ്പ്ലേ, 7,000 എംഎഎച്ച് ബാറ്ററി.

വില: ₹24,999 മുതൽ

ഗെയിമർമാർക്കായി ഷോൾഡർ ട്രിഗറുകൾ, 144 ഹെർട്സ് 1.5കെ അമോലെഡ് ഡിസ്പ്ലേ, ഡൈമെൻസിറ്റി 8350 അൾട്ടിമേറ്റ് ചിപ്സെറ്റ്.

വില: ₹24,999 മുതൽ

120 ഹെർട്സ് ക്വാഡ് കർവ്ഡ് അമോലെഡ് ഡിസ്പ്ലേ, ഡൈമെൻസിറ്റി 7360-ടർബോ ചിപ്സെറ്റ്, 6,500 എംഎഎച്ച് ബാറ്ററി.

വില: ₹29,999 മുതൽ

വൺപ്ലസ് 16 വരുന്നു; സർട്ടിഫിക്കേഷൻ വിവരങ്ങൾ പുറത്ത്, എത്തുന്നത് മോഹവിലയിലോ?

Prashobh Prasannan — Tue, 11 Aug 2026 12:10:14 +0530

വൺപ്ലസ് 15ന്റെ പിൻഗാമിയായി വൺപ്ലസ് 16 ഈ വർഷം രണ്ടാം പകുതിയിൽ വിപണിയിൽ എത്തുമെന്ന് നേരത്തെ സ്ഥിരീകരിച്ചിരുന്നു. പുതിയ ഫ്ലാഗ്ഷിപ്പ് ഫോണിനെക്കുറിച്ചുള്ള കൂടുതൽ വിവരങ്ങൾ കമ്പനി പുറത്തുവിട്ടിട്ടില്ലെങ്കിലും ചൈനയിലെ പുതിയ സർട്ടിഫിക്കേഷൻ ചില പ്രധാന വിവരങ്ങൾ പുറത്തുകൊണ്ടുവന്നിരിക്കുകയാണ്. ചൈനയിൽ ഓപ്പോയുടെ പേരിലാണ് വൺപ്ലസ് 16ന് ലഭിച്ചതെന്ന് കരുതപ്പെടുന്ന റേഡിയോ സർട്ടിഫിക്കേഷൻ സമർപ്പിച്ചിരിക്കുന്നത്. ജിഎസ്എം, ഡബ്ല്യുസിഡിഎംഎ, 5ജി, ഡബ്ല്യുഎഎൽഎൻ തുടങ്ങിയ കണക്റ്റിവിറ്റി സംവിധാനങ്ങൾ ഫോണിൽ ലഭിക്കുമെന്ന് സർട്ടിഫിക്കേഷൻ രേഖ സൂചിപ്പിക്കുന്നു.

സർട്ടിഫിക്കേഷനിൽ മോഡൽ നമ്പർ PYB110

ടിപ്സ്റ്റർ ഡിജിറ്റൽ ചാറ്റ് സ്റ്റേഷൻ വെയ്‌ബോയിൽ പങ്കുവച്ച വിവരങ്ങളിലാണ് പുതിയ സർട്ടിഫിക്കേഷനെക്കുറിച്ച് പറയുന്നത്. ഓപ്പോ ഗ്വാങ്ഡോങ് മൊബൈൽ കമ്മ്യൂണിക്കേഷൻസ് ആണ് അപേക്ഷകനായി രേഖപ്പെടുത്തിയിരിക്കുന്നത്. PYB110 എന്ന മോഡൽ നമ്പറുള്ള ഒരു പുതിയ സ്മാർട്ട്ഫോണിനെക്കുറിച്ചാണ് സർട്ടിഫിക്കേഷൻ രേഖയിലുള്ളത്. ഫോണിന്റെ പേര് രേഖയിൽ വ്യക്തമാക്കിയിട്ടില്ലെങ്കിലും ഇത് വൺപ്ലസ് 16 ആണെന്നാണ് ടിപ്സ്റ്ററുടെ അവകാശവാദം. ജൂലൈ 31നാണ് സർട്ടിഫിക്കേഷൻ സമർപ്പിച്ചത്. ജിഎസ്എം, ഡബ്ല്യുസിഡിഎംഎ, ടിഡി-എൽടിഇ, എൽടിഇ എഫ്ഡിഡി, 5ജി, ഡബ്ല്യുഎഎൽഎൻ തുടങ്ങിയ കണക്റ്റിവിറ്റി സംവിധാനങ്ങൾക്ക് ഫോണിന് പിന്തുണയുണ്ടാകുമെന്നും രേഖ വ്യക്തമാക്കുന്നു.

എൻ79 5ജി ബാൻഡിനും പിന്തുണ

സർട്ടിഫിക്കേഷൻ രേഖയിൽ 4,800 മുതൽ 4,960 മെഗാഹെർട്സ് വരെയുള്ള ഫ്രീക്വൻസി പരിധിയും ഉൾപ്പെടുത്തിയിട്ടുണ്ട്. ഇത് എൻ79 5ജി ബാൻഡുമായി ബന്ധപ്പെട്ടതാണ്. ഇതിന് പുറമെ നിരവധി സെല്ലുലാർ, വയർലെസ് ഫ്രീക്വൻസി പരിധികളും രേഖയിൽ ഉൾപ്പെടുത്തിയിട്ടുണ്ട്. എന്നാൽ ഫോണിന്റെ മറ്റ് ഹാർഡ്വെയർ സവിശേഷതകൾ സർട്ടിഫിക്കേഷനിൽ നിന്ന് വ്യക്തമായിട്ടില്ല.

സ്‍നാപ്ഡ്രാഗൺ 8 എലൈറ്റ് ജെൻ 6 പ്രോ?

വൺപ്ലസ് 16ന് കരുത്തേകുന്നത് സ്നാപ്ഡ്രാഗൺ 8 എലൈറ്റ് ജെൻ 6 പ്രോ ചിപ്സെറ്റായിരിക്കുമെന്ന് ഡിജിറ്റൽ ചാറ്റ് സ്റ്റേഷൻ വീണ്ടും സൂചിപ്പിച്ചിട്ടുണ്ട്. ക്വാൽകോം ഇതുവരെ ഈ ചിപ്സെറ്റ് ഔദ്യോഗികമായി അവതരിപ്പിച്ചിട്ടില്ല. ചോർന്ന വിവരങ്ങൾ പ്രകാരം ക്വാൽകോം 2 നാനോമീറ്റർ നിർമാണ സാങ്കേതികവിദ്യയിൽ സ്നാപ്ഡ്രാഗൺ 8 എലൈറ്റ് ജെൻ 6 സീരീസ് ചിപ്സെറ്റുകൾ വികസിപ്പിക്കുന്നുണ്ട്. അടുത്ത തലമുറ ഓറിയോൺ സിപിയു കോറുകളും അഡ്രിനോ ഗ്രാഫിക്സുമാണ് ഇതിൽ പ്രതീക്ഷിക്കുന്നത്. ഇതിലെ പ്രോ പതിപ്പ് ക്വാൽകോമിന്റെ മൊബൈൽ ചിപ്സെറ്റ് നിരയിലെ ഏറ്റവും ഉയർന്ന മോഡലായിരിക്കുമെന്നാണ് സൂചന.

ഗെയിമിങ്ങിനായി മൂന്ന് പ്രത്യേക സാങ്കേതികവിദ്യകൾ

വൺപ്ലസ് 16ൽ മൂന്ന് പ്രത്യേക ഗെയിമിങ് സാങ്കേതികവിദ്യകൾ ഉൾപ്പെടുത്തുമെന്ന് കമ്പനി നേരത്തെ സ്ഥിരീകരിച്ചിട്ടുണ്ട്. ‘വിൻഡ് ചേസർ ഗെയിമിങ് കോർ’, ‘ഹൈ റിഫ്രഷ് റേറ്റ്’, ‘ഇ-സ്പോർട്സ് ട്രിപ്പിൾ ചിപ്പ്’ എന്നിവയാണ് ഇവ. ഈ സാങ്കേതികവിദ്യകൾ ഗെയിമിങ് പ്രകടനം മെച്ചപ്പെടുത്തുന്നതിനും കൂടുതൽ സുഗമമായ ഗെയിംപ്ലേ നൽകുന്നതിനുമായി ഉപയോഗിക്കുമെന്നാണ് പ്രതീക്ഷിക്കുന്നത്. ചൈനയിൽ ഈ വർഷം രണ്ടാം പകുതിയിലാണ് വൺപ്ലസ് 16 അവതരിപ്പിക്കാൻ പദ്ധതിയിട്ടിരിക്കുന്നത്.

8ജിബി റാം തിരിച്ചെത്തുമോ?

വൺപ്ലസ് 16 സീരീസിൽ 8ജിബി റാം മോഡൽ തിരിച്ചെത്തിയേക്കുമെന്ന റിപ്പോർട്ടുകളും നേരത്തെ പുറത്തുവന്നിരുന്നു. 2023ൽ വൺപ്ലസ് 11 അവതരിപ്പിച്ചതിന് ശേഷം കമ്പനിയുടെ ഫ്ലാഗ്ഷിപ്പ് നിരയിൽ 8ജിബി റാം മോഡൽ ഉണ്ടായിരുന്നില്ല. റിപ്പോർട്ടുകൾ ശരിയാണെങ്കിൽ 8ജിബി റാം, 256ജിബി സ്റ്റോറേജ് പതിപ്പ് വൺപ്ലസ് 16 സീരീസിലെ അടിസ്ഥാന മോഡലായേക്കും.

വില 71,000 രൂപയ്ക്ക് അടുത്തായിരിക്കുമോ?

ചോർന്ന വിവരങ്ങൾ പ്രകാരം 8ജിബി റാം, 256ജിബി സ്റ്റോറേജ് പതിപ്പിന് 4,999 ചൈനീസ് യുവാൻ മുതലായിരിക്കും വില. ഏകദേശം 71,000 രൂപ വരും ഇത്. വൺപ്ലസ് 15 ചൈനയിൽ 2025 ഒക്ടോബറിലാണ് അവതരിപ്പിച്ചത്. 12ജിബി റാം, 256ജിബി സ്റ്റോറേജുള്ള അടിസ്ഥാന മോഡലിന് 3,999 ചൈനീസ് യുവാൻ ആയിരുന്നു വില. ഏകദേശം 56,000 രൂപ വരും ഇത്. എന്നാൽ വൺപ്ലസ് 16ന്റെ അന്തിമ വില, റാം-സ്റ്റോറേജ് വേരിയന്റുകൾ, ഇന്ത്യയിലെ ലഭ്യത എന്നിവ സംബന്ധിച്ച് കമ്പനി ഇതുവരെ ഔദ്യോഗിക വിവരങ്ങൾ പുറത്തുവിട്ടിട്ടില്ല.

സ്‍മാർട്ട്ഫോൺ ക്യാമറ ഇനി വേറെ ലെവൽ! പുതിയ സെൻസറുമായി സാംസങ്ങ്, കുറഞ്ഞ വെളിച്ചത്തിലും മികച്ച ചിത്രങ്ങൾ

Prashobh Prasannan — Mon, 10 Aug 2026 09:50:17 +0530

സ്‍മാർട്ട്ഫോൺ ക്യാമറ സാങ്കേതികവിദ്യയിൽ പുതിയ മുന്നേറ്റവുമായി സാംസങ്. 200 മെഗാപിക്സൽ ഐസോസെൽ എച്ച്പിസി എന്ന പുതിയ ക്യാമറ സെൻസറാണ് കമ്പനി അവതരിപ്പിച്ചത്. ഐസോസെൽ ക്യാമറ സെൻസറുകളിൽ പുതിയ ഡീപ്‌പിക്സ് പിക്സൽ ആർക്കിടെക്ചർ അവതരിപ്പിക്കുന്ന ആദ്യ സെൻസറാണിത്. കൂടുതൽ വെളിച്ചം സ്വീകരിക്കുന്നതിലൂടെ എച്ച്ഡിആർ ഫോട്ടോഗ്രഫി, കുറഞ്ഞ വെളിച്ചത്തിലുള്ള ചിത്രങ്ങളുടെ നിലവാരം, ഇൻ-സെൻസർ സൂം എന്നിവ മെച്ചപ്പെടുത്തുകയാണ് പുതിയ സെൻസറിലൂടെ സാംസങ് ലക്ഷ്യമിടുന്നത്. സെൻസറിന്റെ വൻതോതിലുള്ള ഉൽപ്പാദനം ഇതിനകം ആരംഭിച്ചതായും കമ്പനി അറിയിച്ചു.

60 ശതമാനം കൂടുതൽ ലൈറ്റ് കപ്പാസിറ്റി

സാംസങ്ങിന്റെ വെബ്സൈറ്റ് പ്രകാരം, ഐസോസെൽ എച്ച്പിസിയിൽ അവതരിപ്പിച്ച ഡീപ്‌പിക്സ് പുതിയ പിക്സൽ ആർക്കിടെക്ചറാണ്. കമ്പനിയുടെ ഫ്രണ്ട് ഡീപ് ട്രെഞ്ച് ഐസൊലേഷൻ സാങ്കേതികവിദ്യയെ അടിസ്ഥാനമാക്കിയുള്ളതാണ് ഇത്. മുൻ തലമുറയുമായി താരതമ്യം ചെയ്യുമ്പോൾ ഓരോ പിക്സലിന്റെയും ഫുൾ വെൽ കപ്പാസിറ്റി 60 ശതമാനം വർധിപ്പിക്കാൻ പുതിയ സാങ്കേതികവിദ്യയ്ക്ക് സാധിച്ചിട്ടുണ്ട്. ഇതിലൂടെ ചിത്രങ്ങളിൽ നോയിസ് കുറയ്ക്കാനും ഹൈലൈറ്റുകളും ഷാഡോകളും കൂടുതൽ വ്യക്തമായി പകർത്താനും വിശാലമായ ഡൈനാമിക് റേഞ്ച് ലഭ്യമാക്കാനും സാധിക്കുമെന്ന് സാംസങ് പറയുന്നു.

ഒറ്റ ഫ്രെയിമിൽ 16-ബിറ്റ് എച്ച്ഡിആർ

ഐസോസെൽ എച്ച്പിസിയുടെ പ്രധാന സവിശേഷതകളിലൊന്നാണ് സിംഗിൾ ഫ്രെയിം 16-ബിറ്റ് എച്ച്ഡിആർ പിന്തുണ. സാധാരണ എച്ച്ഡിആർ സംവിധാനങ്ങളിൽ ഒന്നിലധികം ചിത്രങ്ങൾ സംയോജിപ്പിക്കുന്നതിന് പകരം ഒറ്റ എക്സ്പോഷറിലൂടെ തന്നെ മുഴുവൻ ഡൈനാമിക് റേഞ്ചും പകർത്താൻ പുതിയ സെൻസറിന് സാധിക്കും. പരമ്പരാഗത എച്ച്ഡിആറുമായി താരതമ്യം ചെയ്യുമ്പോൾ നാല് മടങ്ങ് വരെ കൂടുതൽ കളർ വിവരങ്ങൾ രേഖപ്പെടുത്താൻ ഇതിലൂടെ സാധിക്കുമെന്നാണ് സാംസങിന്റെ അവകാശവാദം. വീഡിയോ റെക്കോർഡിങ്ങിലും സെൻസർ മികച്ച ശേഷി വാഗ്ദാനം ചെയ്യുന്നു. 8കെ 30 എഫ്പിഎസ്, 4കെ 180 എഫ്പിഎസ്, ഫുൾ എച്ച്ഡി 360 എഫ്പിഎസ് വരെ വീഡിയോ റെക്കോർഡിങ് പിന്തുണയുണ്ട്. എന്നാൽ ഫുൾ എച്ച്ഡി മോഡിൽ ഓട്ടോഫോക്കസ് ലഭ്യമാകില്ല.

4x വരെ സൂമിലും എച്ച്ഡിആർ

ഇൻ-സെൻസർ സൂമിന്റെ വിവിധ തലങ്ങളിലും എച്ച്ഡിആർ പ്രോസസിങ് സാംസങ് ലഭ്യമാക്കിയിട്ടുണ്ട്. 1x, 1.5x, 2x, 3x, 4x സൂം തലങ്ങളിൽ സിംഗിൾ ഫ്രെയിം എച്ച്ഡിആർ പിന്തുണയുണ്ട്. സൂം ചെയ്യുമ്പോഴും ചിത്രത്തിന്റെ നിലവാരവും ഡൈനാമിക് റേഞ്ചും നിലനിർത്തുന്നതിനായി സെൻസർ ഡൗൺസ്കെയിലിങ് സാങ്കേതികവിദ്യയും ഉപയോഗിക്കുന്നു.

കുറഞ്ഞ വെളിച്ചത്തിലും കൂടുതൽ വ്യക്തത

ഹൈ പ്രിസിഷൻ മൈക്രോലെൻസ്, ഹൈ ട്രാൻസ്മിഷൻ എആർഎൽ തുടങ്ങിയ സാങ്കേതികവിദ്യകളും സെൻസറിൽ ഉൾപ്പെടുത്തിയിട്ടുണ്ട്. ഫോട്ടോഡയോഡിലേക്ക് കൂടുതൽ വെളിച്ചം എത്തിക്കുന്നതിനൊപ്പം പ്രകാശത്തിന്റെ പ്രതിഫലനവും ചിതറലും കുറയ്ക്കുകയാണ് ഇവയുടെ ലക്ഷ്യം. ഇതിലൂടെ വിവിധ വെളിച്ച സാഹചര്യങ്ങളിൽ മികച്ച ക്വാണ്ടം എഫിഷ്യൻസി, കൂടുതൽ കൃത്യമായ നിറങ്ങൾ, കൂടുതൽ വ്യക്തതയുള്ള ചിത്രങ്ങൾ എന്നിവ ലഭിക്കുമെന്ന് സാംസങ് പറയുന്നു.

200 എംപി ചിത്രങ്ങൾ 7.5 എഫ്പിഎസ് വരെ

1/1.3 ഇഞ്ച് ഒപ്റ്റിക്കൽ ഫോർമാറ്റും 0.6 മൈക്രോമീറ്റർ പിക്സലുകളുമാണ് ഐസോസെൽ എച്ച്പിസിയിൽ ഉപയോഗിച്ചിരിക്കുന്നത്. 16,384 x 12,288 പിക്സൽ റെസല്യൂഷനാണ് സെൻസറിനുള്ളത്. സൂപ്പർ ക്യുപിഡി ഓട്ടോഫോക്കസ്, ടെറ്റ്രാ-സ്ക്വയർഡ് പിക്സൽ, സ്‍മാർട്ട് ഐഎസ്ഒ പ്രോ എച്ച്ഡിആർ തുടങ്ങിയ സവിശേഷതകളും സെൻസർ പിന്തുണയ്ക്കുന്നു. 200 മെഗാപിക്സൽ ചിത്രങ്ങൾ 7.5 എഫ്പിഎസ് വരെയും 50 മെഗാപിക്സൽ ചിത്രങ്ങൾ 30 എഫ്പിഎസ് വരെയും 12.5 മെഗാപിക്സൽ ചിത്രങ്ങൾ 180 എഫ്പിഎസ് വരെയും പകർത്താൻ സെൻസറിന് സാധിക്കും. അതേസമയം, ഐസോസെൽ എച്ച്പിസി ആദ്യമായി ഉപയോഗിക്കുന്ന സ്‍മാർട്ട്ഫോൺ മോഡൽ ഏതാണെന്ന് സാംസങ് ഇതുവരെ വ്യക്തമാക്കിയിട്ടില്ല.

വാഷിങ് മെഷീൻ വാങ്ങാൻ ഇതിലും നല്ല അവസരം വേണോ? ആമസോണിൽ വമ്പൻ ഓഫറുകൾ

Prashobh Prasannan — Sun, 09 Aug 2026 17:18:59 +0530

ആമസോണിന്റെ ഗ്രേറ്റ് ഫ്രീഡം സെയിൽ 2026 ഓഗസ്റ്റ് 7ന് ആരംഭിച്ചു. വെബ്സൈറ്റിലും മൊബൈൽ ആപ്പിലും ഇപ്പോൾ വിൽപ്പന തുടരുകയാണ്. സ്വാതന്ത്ര്യദിനത്തോട് അനുബന്ധിച്ച് നടക്കുന്ന സെയിലിൽ സ്‍മാർട്ട്ഫോണുകൾ, ടാബ്ലറ്റുകൾ, ലാപ്ടോപ്പുകൾ, സ്‍മാർട്ട് വാച്ചുകൾ, ഓഡിയോ ഉപകരണങ്ങൾ, സ്‍മാർട്ട് ടിവികൾ, ഗൃഹോപകരണങ്ങൾ തുടങ്ങി നിരവധി ഉൽപ്പന്നങ്ങൾക്ക് ഓഫറുകൾ ലഭ്യമാണ്. പുതിയ വാഷിങ് മെഷീൻ വാങ്ങാൻ ആലോചിക്കുന്നവർക്ക് നിലവിലെ സെയിൽ മികച്ച അവസരമാണ്. സാംസങ്, ബോഷ്, വോൾട്ടാസ്, എൽജി തുടങ്ങിയ പ്രമുഖ ബ്രാൻഡുകളുടെ ഓട്ടോമാറ്റിക് വാഷിങ് മെഷീനുകൾക്ക് വലിയ വിലക്കുറവാണ് ലഭിക്കുന്നത്.

55 ശതമാനം വരെ വിലക്കുറവ് ഈ വർഷത്തെ ഗ്രേറ്റ് ഫ്രീഡം സെയിലിൽ പ്രമുഖ ബ്രാൻഡുകളുടെ ഓട്ടോമാറ്റിക് വാഷിങ് മെഷീനുകൾക്ക് 55 ശതമാനം വരെ ഡിസ്കൗണ്ട് ലഭിക്കുന്നുണ്ട്. സാംസങിന്റെ 12 കിലോ, 5 സ്റ്റാർ ഓട്ടോമാറ്റിക് വാഷിങ് മെഷീനായ ഡബ്ല്യുഡബ്ല്യു12ഡിജി6ബി24എഎസ്‍ടിഎൽ മോഡലിന് 60,990 രൂപയായിരുന്നു യഥാർഥ വില. നിലവിൽ 45,990 രൂപയ്ക്ക് ഇത് സ്വന്തമാക്കാം.

ഒമ്പത് കിലോ മോഡലുകൾക്കും ഓഫർ

ഒമ്പത് കിലോ ശേഷിയുള്ള വാഷിങ് മെഷീൻ അന്വേഷിക്കുന്നവർക്ക് വോൾട്ടാസ് ബെക്കോയുടെ ഡബ്ല്യുഎഫ്എൽ1014ബി7ജെവിബികെഎ/എഎക്സ്വി മോഡൽ പരിഗണിക്കാം. 62,990 രൂപ വിലയുണ്ടായിരുന്ന ഈ മോഡൽ ഇപ്പോൾ 37,400 രൂപയ്ക്ക് ലഭ്യമാണ്.

വ്യത്യസ്‍ത കുടുംബ വലുപ്പങ്ങൾക്കും ബജറ്റുകൾക്കും അനുയോജ്യമായ നിരവധി മോഡലുകളാണ് സെയിലിൽ ഉൾപ്പെടുത്തിയിരിക്കുന്നത്. ബാങ്ക് ഓഫറുകളും എക്സ്ചേഞ്ച് ആനുകൂല്യവും വാഷിങ് മെഷീനുകൾ വാങ്ങുമ്പോൾ ബാങ്ക് ഡിസ്കൗണ്ടുകൾ, എക്സ്ചേഞ്ച് ഓഫറുകൾ, ഇഎംഐ സൗകര്യങ്ങൾ എന്നിവ ഉപയോഗിച്ച് വില വീണ്ടും കുറയ്ക്കാം. എച്ച്ഡിഎഫ്‍സി ബാങ്ക് ക്രെഡിറ്റ് കാർഡ്, ഈസിഇഎംഐ ഇടപാടുകൾക്ക് പരമാവധി 10,500 രൂപ വരെ 10 ശതമാനം ഇൻസ്റ്റന്റ് ഡിസ്കൗണ്ട് ലഭിക്കും.

ആമസോൺ പേ യുപിഐ വഴി പണമടയ്ക്കുന്നവർക്ക് അധിക ക്യാഷ്ബാക്കും ലഭിക്കും. ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡ് ഉപയോക്താക്കൾക്ക് ക്യാഷ്ബാക്കിനൊപ്പം റിവാർഡ് പോയിന്റുകളും നേടാം. ആമസോൺ പേ ലേറ്റർ സൗകര്യവും ലഭ്യമാണ്. പ്രൈം അംഗങ്ങൾക്ക് തിരഞ്ഞെടുത്ത ഉൽപ്പന്നങ്ങളിൽ പ്രത്യേക ഓഫറുകളും കൂപ്പണുകളും ലഭിക്കും.

പ്രധാന ഓഫറുകൾ

ബോഷിന്റെ 12 കിലോ, 5 സ്റ്റാർ വാഷിങ് മെഷീന് 85,990 രൂപയായിരുന്നു വില. നിലവിൽ 46,990 രൂപയ്ക്ക് ലഭിക്കും. സാംസങിന്റെ 12 കിലോ, 5 സ്റ്റാർ മോഡൽ 60,990 രൂപയിൽനിന്ന് 45,990 രൂപയായി കുറഞ്ഞു. സാംസങിന്റെ 9 കിലോ എഐ ഇക്കോബബിൾ മോഡലിന് 50,990 രൂപയിൽനിന്ന് 29,740 രൂപയായി വില കുറഞ്ഞിട്ടുണ്ട്. എൽജിയുടെ 9 കിലോ, 5 സ്റ്റാർ സ്‍മാർട്ട് മോഡലിന് 53,990 രൂപയിൽനിന്ന് 30,740 രൂപയാണ് സെയിൽ വില. എൽജിയുടെ 7 കിലോ, 5 സ്റ്റാർ സ്മാർട്ട് ഇൻവെർട്ടർ മോഡൽ 27,490 രൂപയിൽനിന്ന് 18,490 രൂപയ്ക്കും ലഭ്യമാണ്.

വാങ്ങുന്നതിന് മുമ്പ് ശ്രദ്ധിക്കുക

സെയിൽ വിലകൾ സ്റ്റോക്ക്, ബാങ്ക് ഓഫർ, മറ്റ് നിബന്ധനകൾ എന്നിവയ്ക്ക് വിധേയമായിരിക്കും. അതിനാൽ വാങ്ങുന്നതിന് മുമ്പ് നിലവിലെ വിലയും ലഭ്യമായ ഓഫറുകളും പരിശോധിക്കുന്നത് നല്ലതാണ്. പ്രത്യേകിച്ച് ബാങ്ക് ഡിസ്‍കൌണ്ടും എക്സ്ചേഞ്ച് ആനുകൂല്യവും ലഭ്യമാണോയെന്ന് ഉറപ്പാക്കിയ ശേഷം മാത്രം അന്തിമ വില കണക്കാക്കുക.

ആമസോൺ ഗ്രേറ്റ് ഫ്രീഡം സെയിൽ തകൃതി! പ്രീമിയം ഫോണുകൾക്ക് വൻ വിലക്കുറവ്

Prashobh Prasannan — Sun, 09 Aug 2026 10:40:43 +0530

സ്വാതന്ത്ര്യദിനത്തോടനുബന്ധിച്ച് ആമസോൺ ഒരുക്കിയ ഗ്രേറ്റ് ഫ്രീഡം സെയിലിന് മികച്ച പ്രതികരണം. ആദ്യ ദിനം പിന്നിട്ടെങ്കിലും നിരവധി ഇലക്ട്രോണിക് ഉപകരണങ്ങൾക്ക് ആകർഷകമായ ഓഫറുകൾ ഇപ്പോഴും ലഭ്യമാണ്. പ്രീമിയം, മുൻനിര സ്മാർട്ട്ഫോണുകൾ സ്വന്തമാക്കാൻ ആഗ്രഹിക്കുന്നവർക്ക് സെയിൽ മികച്ച അവസരമാണ്.

പ്രീമിയം ഫോണുകൾക്ക് വൻ ഓഫർ

ഇന്ത്യയുടെ 79-ാമത് സ്വാതന്ത്ര്യദിനാഘോഷങ്ങളുടെ പശ്ചാത്തലത്തിലാണ് ആമസോൺ ഗ്രേറ്റ് ഫ്രീഡം സെയിൽ സംഘടിപ്പിച്ചിരിക്കുന്നത്. സ്മാർട്ട്ഫോണുകൾക്ക് പുറമെ സ്മാർട്ട് വാച്ചുകൾ, വയർലെസ് ഇയർഫോണുകൾ, ഹെഡ്ഫോണുകൾ, റഫ്രിജറേറ്ററുകൾ, വാഷിങ് മെഷീനുകൾ, മൈക്രോവേവ് ഓവനുകൾ, ലാപ്ടോപ്പുകൾ, സംഭരണ ഉപകരണങ്ങൾ, ആക്‌സസറികൾ തുടങ്ങിയവയ്ക്കും വിവിധ ഓഫറുകൾ ലഭ്യമാണ്.

നേരിട്ടുള്ള വിലക്കുറവിന് പുറമെ ബാങ്ക് ഓഫറുകൾ, പണം തിരികെ ലഭിക്കുന്ന ആനുകൂല്യങ്ങൾ, പഴയ ഫോൺ കൈമാറുമ്പോഴുള്ള അധിക ആനുകൂല്യങ്ങൾ എന്നിവയും ഉപഭോക്താക്കൾക്ക് ലഭിക്കും. ഇതിലൂടെ ഫോണുകളുടെ യഥാർഥ വാങ്ങൽ ചെലവ് വീണ്ടും കുറയ്ക്കാനാകും.

സാംസങ് ഫോണുകൾക്ക് ശ്രദ്ധേയമായ വിലക്കുറവ്

പ്രീമിയം ഫോണുകളുടെ വില അടുത്തിടെ ഗണ്യമായി ഉയർന്ന സാഹചര്യത്തിലാണ് ഇത്തവണത്തെ സെയിൽ എത്തുന്നത്. സാംസങ് ഗാലക്സി ഇസഡ് ഫോൾഡ് 8 അൾട്രായുടെ പട്ടിക വില 1,99,999 രൂപയാണ്. സെയിൽ കാലയളവിൽ ഇത് 1,90,999 രൂപയ്ക്ക് സ്വന്തമാക്കാം. അതായത് 9,000 രൂപയുടെ വിലക്കുറവ്. സാംസങ് ഗാലക്സി എസ്25 അൾട്രായുടെ പട്ടിക വില 1,29,999 രൂപയാണെങ്കിലും സെയിൽ വില 89,999 രൂപയായി കുറഞ്ഞിട്ടുണ്ട്. മുൻനിര സ്മാർട്ട്ഫോൺ സ്വന്തമാക്കാൻ ആഗ്രഹിക്കുന്നവർക്ക് ശ്രദ്ധേയമായ ഓഫറാണിത്.

ഐഫോൺ 17 സീരീസിനും ഓഫർ

ആപ്പിളിന്റെ മുൻനിര മോഡലുകൾക്കും സെയിലിൽ വിലക്കുറവുണ്ട്. ഐഫോൺ 17 പ്രോ മാക്സിന്റെ പട്ടിക വില 1,49,900 രൂപയാണ്. സെയിൽ വില 1,41,900 രൂപയായി കുറഞ്ഞിട്ടുണ്ട്. ഐഫോൺ 17 പ്രോയ്ക്ക് 1,34,900 രൂപയിൽ നിന്ന് 1,26,900 രൂപയാണ് സെയിൽ വില.

വിവോ, ഷവോമി, ഐക്യൂ മോഡലുകളും കുറഞ്ഞ വിലയിൽ

വിവോ എക്സ്300 അൾട്രായുടെ പട്ടിക വില 1,99,999 രൂപയാണ്. സെയിലിൽ ഇത് 1,59,999 രൂപയ്ക്ക് ലഭിക്കും. വിവോ എക്സ്300 എഫ്ഇയുടെ 1,19,999 രൂപയുടെ പട്ടിക വില 86,999 രൂപയായി കുറഞ്ഞിട്ടുണ്ട്. ഷവോമി 17ടി 84,990 രൂപയിൽ നിന്ന് 64,999 രൂപയ്ക്കും ഐക്യൂ 15 92,999 രൂപയിൽ നിന്ന് 76,998 രൂപയ്ക്കും സ്വന്തമാക്കാം.

എച്ച്ഡിഎഫ്സി ബാങ്ക് കാർഡ് ഉടമകൾക്ക് അധിക ആനുകൂല്യം

തിരഞ്ഞെടുത്ത ഇടപാടുകളിൽ എച്ച്ഡിഎഫ്‍സി ബാങ്ക് ക്രെഡിറ്റ് കാർഡ് ഉപയോഗിക്കുന്നവർക്കും ക്രെഡിറ്റ് കാർഡ് ഇഎംഐ വഴി വാങ്ങുന്നവർക്കും അധികമായി 10 ശതമാനം വരെ തൽക്ഷണ വിലക്കുറവ് ലഭിക്കും. ബാങ്ക് ഓഫറുകളും പണം തിരികെ ലഭിക്കുന്ന ആനുകൂല്യങ്ങളും ഉൾപ്പെടുന്നതിനാൽ ചില ഫോണുകളുടെ ഫലപ്രദമായ വില പട്ടികയിലെ സെയിൽ വിലയിൽനിന്നും കുറയാൻ സാധ്യതയുണ്ട്.

സെയിൽ ഓഫറുകളുടെ ലഭ്യതയും ബാങ്ക് ആനുകൂല്യങ്ങളും മോഡൽ, പേയ്മെന്റ് രീതി, സ്റ്റോക്ക് എന്നിവ അനുസരിച്ച് മാറാം. അതിനാൽ വാങ്ങുന്നതിന് മുമ്പ് ബാധകമായ ഓഫറുകളുടെ നിബന്ധനകൾ പരിശോധിക്കുന്നത് നല്ല തീരുമാനം ആയിരിക്കും.

ആമസോൺ സെയിൽ: എസികൾക്ക് വമ്പൻ വിലക്കുറവ്!

Prashobh Prasannan — Mon, 10 Aug 2026 09:15:51 +0530

ആമസോൺ ഗ്രേറ്റ് ഫ്രീഡം സെയിൽ 2026 ഓഗസ്റ്റ് 7ന് ആരംഭിച്ചതോടെ സ്‍മാർട്ട്ഫോണുകൾ, ലാപ്ടോപ്പുകൾ, ടാബ്‌ലെറ്റുകൾ, സ്മാർട്ട് ടിവികൾ, ഗൃഹോപകരണങ്ങൾ തുടങ്ങി വിവിധ ഉൽപ്പന്നങ്ങൾക്ക് മികച്ച ഓഫറുകളാണ് ലഭിക്കുന്നത്. എസികൾക്കും ഇത്തവണ വലിയ വിലക്കുറവുണ്ട്. കാരിയർ, എൽജി, മിഡിയ, പാനസോണിക്, ഡൈകിൻ, ഹിറ്റാച്ചി, വോൾട്ടാസ്, ലോയിഡ്, ജനറൽ തുടങ്ങിയ പ്രമുഖ ബ്രാൻഡുകളുടെ എസികൾ ഓഫർ വിലയിൽ ലഭ്യമാണ്. സ്പ്ലിറ്റ് ഇൻവെർട്ടർ എസികൾ 20,490 രൂപ മുതൽ ലഭ്യമാണെന്നാണ് ആമസോൺ വ്യക്തമാക്കുന്നത്. തിരഞ്ഞെടുത്ത മോഡലുകൾക്ക് ബാങ്ക് ഓഫറുകൾ, എക്സ്ചേഞ്ച് ആനുകൂല്യങ്ങൾ, കൂപ്പൺ ഡിസ്‍കൌണ്ടുകൾ എന്നിവയും ലഭ്യമാണ്.

എച്ച്‌ഡിഎഫ്‌സി ബാങ്ക് കാർഡ് ഉപയോഗിച്ചാൽ 10 ശതമാനം വരെ ഇളവ്

യോഗ്യമായ എച്ച്‌ഡിഎഫ്‌സി ബാങ്ക് ഇടപാടുകൾ ഉപയോഗിച്ച് എസി വാങ്ങുന്നവർക്ക് 10 ശതമാനം വരെ ഡിസ്കൗണ്ട് ലഭിക്കും. പരമാവധി 10,500 രൂപ വരെയാണ് ഈ ആനുകൂല്യം. പ്രൈം അംഗങ്ങൾക്ക് തിരഞ്ഞെടുത്ത ഉൽപ്പന്നങ്ങളിൽ 10,000 രൂപ വരെ കൂപ്പൺ ഡിസ്‍കൌണ്ടും ലഭിക്കും. എക്സ്ചേഞ്ച് ഓഫറിലൂടെ 6,000 രൂപ വരെ ലാഭിക്കാനും അവസരമുണ്ട്.

മുറിയുടെ വലുപ്പത്തിന് അനുസരിച്ച് എസി തിരഞ്ഞെടുക്കാം

വ്യത്യസ്‍ത മുറികളുടെ വലുപ്പത്തിന് അനുയോജ്യമായ ശേഷിയുള്ള എസികളാണ് സെയിലിൽ ലഭിക്കുന്നത്. ചെറിയ മുറികൾക്ക് 1 ടൺ എസിയും ഏകദേശം 150 ചതുരശ്ര അടി വരെയുള്ള മുറികൾക്കും മാസ്റ്റർ ബെഡ്റൂമുകൾക്കും 1.5 ടൺ മോഡലുകളും പരിഗണിക്കാം. 180 ചതുരശ്ര അടിയോ അതിൽ കൂടുതലോ വലുപ്പമുള്ള മുറികൾക്ക് 2 ടൺ എസികളാണ് അനുയോജ്യം.

27,240 രൂപയ്ക്ക് മിഡിയ എസി

നിലവിലെ മികച്ച ഓഫറുകളിൽ ഒന്നാണ് മിഡിയയുടെ 1.5 ടൺ 3 സ്റ്റാർ എസി. 67,990 രൂപയാണ് ലിസ്റ്റ് വില. എന്നാൽ സെയിൽ വില 27,240 രൂപയാണ്.

30,000 രൂപയിൽ താഴെ ഡൈകിൻ എസി

1.5 ടൺ 3 സ്റ്റാർ ഡൈകിൻ എസിക്ക് 32,990 രൂപയാണ് നിലവിലെ ഓഫർ വില. 56,100 രൂപയാണ് ലിസ്റ്റ് വില. എൽജിയുടെ 1.5 ടൺ 3 സ്റ്റാർ എസി 33,240 രൂപയ്ക്കും ലഭ്യമാണ്.

വോൾട്ടാസ്, പാനസോണിക് മോഡലുകൾക്കും ഓഫർ

വോൾട്ടാസിന്റെ 1.5 ടൺ 5 സ്റ്റാർ എസി 39,990 രൂപയ്ക്ക് ലഭിക്കും. പാനസോണിക്കിന്റെ 1.5 ടൺ 5 സ്റ്റാർ മോഡലിന് 41,740 രൂപയാണ് വില. മറ്റൊരു കാരിയർ 1.5 ടൺ 5 സ്റ്റാർ എസി 42,140 രൂപയ്ക്ക് സ്വന്തമാക്കാം. ലോയിഡിന്റെ 1.5 ടൺ 5 സ്റ്റാർ എസിക്ക് 43,990 രൂപയും ഹിറ്റാച്ചിയുടെ 1.5 ടൺ 5 സ്റ്റാർ മോഡലിന് 45,500 രൂപയുമാണ് ഓഫർ വില.

2 ടൺ എസികൾക്കും മികച്ച ഡീലുകൾ

കാരിയറിന്റെ 2 ടൺ 5 സ്റ്റാർ എസിക്ക് 58,490 രൂപയാണ് സെയിൽ വില. 91,600 രൂപയാണ് ലിസ്റ്റ് വില. ജനറലിന്റെ 1.5 ടൺ 5 സ്റ്റാർ മോഡലിന് 58,640 രൂപയും പാനസോണിക്കിന്റെ 2 ടൺ 4 സ്റ്റാർ എസിക്ക് 61,990 രൂപയുമാണ് ഓഫർ വില.

വിലക്കുറവിന് പുറമെ എനർജി എഫിഷ്യൻസി, സ്‍മാർട്ട് നിയന്ത്രണം, എയർ പ്യൂരിഫിക്കേഷൻ, ഡീഹ്യൂമിഡിഫിക്കേഷൻ, നിശബ്ദമായ കൂളിങ് തുടങ്ങിയ സൗകര്യങ്ങളും വിവിധ മോഡലുകളിൽ ലഭ്യമാണ്. വാങ്ങുന്നതിന് മുമ്പ് മുറിയുടെ വലുപ്പം, എസിയുടെ ശേഷി, സ്റ്റാർ റേറ്റിങ്, വൈദ്യുതി ഉപഭോഗം, ലഭ്യമായ ബാങ്ക്-എക്സ്ചേഞ്ച് ഓഫറുകൾ എന്നിവ പരിശോധിക്കുന്നത് കൂടുതൽ ലാഭകരമായ വാങ്ങലിന് സഹായിക്കും.

ഒറ്റ ചാർജിൽ 3 ദിവസം! 7,000mAh ബാറ്ററിയുമായി മോട്ടോ ജി മാക്‌സ് ഇന്ത്യയിലേക്ക്

Prashobh Prasannan — Tue, 11 Aug 2026 15:30:38 +0530

മോട്ടറോളയുടെ ജി-സീരീസിലെ ഏറ്റവും പുതിയ സ്മാർട്ട്ഫോണായ മോട്ടോ ജി മാക്‌സ് ഓഗസ്റ്റ് 14ന് ഇന്ത്യയിൽ അവതരിപ്പിക്കും. ഉച്ചയ്ക്ക് 12 മണിക്കാണ് ഫോൺ വിപണിയിലെത്തുക. ഫ്ലിപ്‍കാർട്ടിൽ പ്രത്യക്ഷപ്പെട്ട ഫോൺ സംബന്ധിച്ച പേജിലൂടെയാണ് ലോഞ്ച് തീയതിയും പ്രധാന സവിശേഷതകളും നിറവകഭേദങ്ങളും പുറത്തുവന്നത്. 7,000 എംഎഎച്ച് ബാറ്ററിയാണ് ഫോണിന്റെ പ്രധാന ആകർഷണം.

120 ഹെർട്‌സ് ഡിസ്‌പ്ലേ

6.72 ഇഞ്ച് എഫ്എച്ച്ഡി പ്ലസ് ഡിസ്‌പ്ലേയാണ് മോട്ടോ ജി മാക്‌സിൽ ലഭിക്കുക. 120 ഹെർട്‌സ് പുതുക്കൽ നിരക്കുള്ള ഡിസ്‌പ്ലേയ്ക്ക് 1,050 നിറ്റ്‌സ് വരെ പരമാവധി തെളിച്ചം ലഭിക്കും. വെള്ളം തട്ടിയാലും ടച്ച് പ്രതികരണം മെച്ചപ്പെടുത്തുന്നതിനായി വാട്ടർ ടച്ച് 2.0 സാങ്കേതികവിദ്യയും ഫോണിലുണ്ട്.

സ്‌നാപ്ഡ്രാഗൺ ചിപ്‌സെറ്റ്

സ്‌നാപ്ഡ്രാഗൺ 6എസ് ജെൻ 4 ചിപ്‌സെറ്റാണ് മോട്ടോ ജി മാക്‌സിന് കരുത്തേകുന്നത്. എൽപിഡിഡിആർ5എക്‌സ് റാമിനൊപ്പം യുഎഫ്എസ് 3.1 സ്റ്റോറേജും ഫോണിൽ ലഭിക്കും. ആൻഡ്രോയിഡ് 16 ആയിരിക്കും ഫോണിൽനിന്ന് തന്നെ ലഭിക്കുന്ന ഓപ്പറേറ്റിങ് സിസ്റ്റം. രണ്ട് പ്രധാന ആൻഡ്രോയിഡ് പതിപ്പ് നവീകരണങ്ങളും മൂന്ന് വർഷത്തെ സുരക്ഷാ നവീകരണങ്ങളും മോട്ടറോള വാഗ്ദാനം ചെയ്യുന്നുണ്ട്.

50 മെഗാപിക്സൽ സോണി ക്യാമറ

ക്യാമറ വിഭാഗത്തിൽ 50 മെഗാപിക്സൽ സോണി ലൈറ്റിയ 600 പ്രധാന ക്യാമറയാണ് നൽകിയിരിക്കുന്നത്. ഇതിനൊപ്പം 8 മെഗാപിക്സൽ അൾട്രാ വൈഡ് ആംഗിൾ ക്യാമറയുമുണ്ട്. സെൽഫികൾക്കും വീഡിയോ കോളുകൾക്കുമായി 32 മെഗാപിക്സൽ മുൻ ക്യാമറയാണ് ഫോണിലുള്ളത്.

7,000 എംഎഎച്ച് ബാറ്ററി

മോട്ടോ ജി മാക്‌സിന്റെ ഏറ്റവും ശ്രദ്ധേയമായ സവിശേഷത 7,000 എംഎഎച്ച് സിലിക്കൺ-കാർബൺ ബാറ്ററിയാണ്. ഒറ്റ ചാർജിൽ മൂന്ന് ദിവസം വരെ ബാറ്ററി ഉപയോഗിക്കാനാകുമെന്നാണ് മോട്ടറോളയുടെ അവകാശവാദം. 1,000 തവണ വരെ ചാർജ് ചെയ്യാനുള്ള ശേഷിയും ബാറ്ററിക്കുണ്ടെന്നാണ് കമ്പനി പറയുന്നത്.

ഡോൾബി അറ്റ്‌മോസ്, ഐപി64 സംരക്ഷണം

സ്റ്റീരിയോ സ്പീക്കറുകൾക്കൊപ്പം ഡോൾബി അറ്റ്‌മോസ് ശബ്ദസാങ്കേതികവിദ്യയും ഫോണിലുണ്ട്. 3.5 എംഎം ഹെഡ്‌ഫോൺ ജാക്കും നൽകിയിട്ടുണ്ട്. ഐപി64 ജല-പൊടി പ്രതിരോധം, കോർണിങ് ഗൊറില്ല ഗ്ലാസ് സെറാമിക് സംരക്ഷണം, എംഐഎൽ-എസ്‌ടിഡി 810എച്ച് സർട്ടിഫിക്കേഷൻ എന്നിവയും മോട്ടോ ജി മാക്‌സിന്റെ സവിശേഷതകളാണ്.

മൂന്ന് നിറങ്ങളിൽ എത്തും

സാറ്റിൻ ഫിനിഷും പരന്ന ഫ്രെയിമുമായാണ് മോട്ടോ ജി മാക്‌സ് എത്തുന്നത്. പാന്റോൺ തിരഞ്ഞെടുത്ത നിറങ്ങളിലാണ് ഫോൺ വിപണിയിലെത്തുക. നീല, ഇരുണ്ട ചാരനിറം, പിങ്ക് എന്നീ നിറങ്ങളാണ് ഫ്ലിപ്കാർട്ട് പേജിൽ വെളിപ്പെടുത്തിയിരിക്കുന്നത്.

വില എത്ര?

മോട്ടോ ജി മാക്‌സിന്റെ ഇന്ത്യയിലെ വില മോട്ടറോള ഇതുവരെ ഔദ്യോഗികമായി പ്രഖ്യാപിച്ചിട്ടില്ല. നേരത്തെയുള്ള റിപ്പോർട്ടുകൾ പ്രകാരം ഏകദേശം 30,000 രൂപയായിരിക്കും വില. എന്നാൽ കൃത്യമായ വില ഓഗസ്റ്റ് 14ന് നടക്കുന്ന ലോഞ്ച് പരിപാടിയിൽ മാത്രമേ വ്യക്തമാകൂ. ഉച്ചയ്ക്ക് 12 മണിക്ക് നടക്കുന്ന അവതരണ ചടങ്ങിൽ ഫോണിന്റെ വില, വിൽപ്പന തീയതി, ലഭ്യമാകുന്ന പതിപ്പുകൾ എന്നിവ സംബന്ധിച്ച കൂടുതൽ വിവരങ്ങൾ മോട്ടറോള പുറത്തുവിടുമെന്നാണ് പ്രതീക്ഷിക്കുന്നത്.

ഐഫോൺ 18 പ്രോ അടുത്ത മാസം ഇന്ത്യയിൽ; ഐഫോൺ 17 പ്രോയിൽ നിന്ന് അപ്ഗ്രേഡ് ചെയ്യാൻ 12 പ്രധാന കാരണങ്ങൾ

Prashobh Prasannan — Sat, 08 Aug 2026 09:15:57 +0530

ആപ്പിളിന്റെ പുതിയ ഐഫോൺ 18 പ്രോ സീരീസ് അടുത്ത മാസം സെപ്റ്റംബർ 9ന് അവതരിപ്പിക്കുമെന്നാണ് റിപ്പോർട്ടുകൾ. പുറമേയുള്ള ഡിസൈനിൽ വലിയ മാറ്റങ്ങൾ പ്രതീക്ഷിക്കാത്തപ്പോഴും, അകത്തെ സാങ്കേതിക മാറ്റങ്ങൾ ഈ വർഷത്തെ പ്രോ മോഡലുകളെ കഴിഞ്ഞ കുറച്ച് വർഷങ്ങളിലെ ഏറ്റവും വലിയ അപ്ഗ്രേഡുകളിലൊന്നാക്കി മാറ്റുമെന്നാണ് സൂചന. വേഗമേറിയ 2എൻഎം ചിപ്പ്, മെച്ചപ്പെടുത്തിയ ക്യാമറ സംവിധാനം, കൂടുതൽ ശേഷിയുള്ള ബാറ്ററി, ചെറിയ ഡൈനാമിക് ഐലൻഡ് തുടങ്ങിയ നിരവധി മാറ്റങ്ങളാണ് ഐഫോൺ 18 പ്രോയിൽ പ്രതീക്ഷിക്കുന്നത്.

എന്നാൽ ഈ അപ്ഗ്രേഡുകൾക്ക് കൂടുതൽ വില നൽകേണ്ടിവന്നേക്കും. നിലവിലെ തലമുറയെക്കാൾ ഇന്ത്യയിൽ ഐഫോൺ 18 പ്രോ സീരീസിന് ഏകദേശം 20,000 രൂപ വരെ വില കൂടിയേക്കാമെന്നാണ് റിപ്പോർട്ടുകൾ. അങ്ങനെ സംഭവിച്ചാൽ ഐഫോൺ 18 പ്രോയുടെ വില ഐഫോൺ 17 പ്രോയുടെ 1,34,900 രൂപ ആരംഭ വിലയേക്കാൾ കൂടുതലായിരിക്കും. ഐഫോൺ 18 പ്രോ മാക്‌സിന്റെ വില ഐഫോൺ 17 പ്രോ മാക്‌സിന്റെ ₹1,49,900 ലോഞ്ച് വിലയും മറികടന്നേക്കാം. ഐഫോൺ 17 പ്രോ മാക്‌സ് ഉപയോഗിക്കുന്നവർ പുതിയ മോഡലിലേക്ക് മാറണോ എന്നതാണ് പ്രധാന ചോദ്യം. ഔദ്യോഗിക പ്രഖ്യാപനം വരെ കാത്തിരിക്കേണ്ടിവരുമെങ്കിലും, ലഭ്യമായ റിപ്പോർട്ടുകൾ പ്രകാരം ഐഫോൺ 18 പ്രോ മാക്‌സിൽ പ്രതീക്ഷിക്കുന്ന പ്രധാന മാറ്റങ്ങൾ ഇവയാണ്.

1. കൂടുതൽ ശേഷിയുള്ള ബാറ്ററി

സ്മാർട്ട്ഫോൺ ഉപഭോക്താക്കളുടെ പ്രധാന ആവശ്യങ്ങളിലൊന്നാണ് മികച്ച ബാറ്ററി ലൈഫ്. ഐഫോൺ 18 പ്രോ മാക്‌സിൽ ഇതിന് വലിയ പരിഗണന നൽകുമെന്നാണ് സൂചന. പുതിയ മോഡലിൽ മുൻഗാമിയേക്കാൾ ഏകദേശം 10% കൂടുതൽ ശേഷിയുള്ള ബാറ്ററി ലഭിച്ചേക്കും. ഇ-സിം മാത്രം ഉപയോഗിക്കുന്ന പതിപ്പിൽ 5,425എംഎഎച്ച് ബാറ്ററി ലഭിക്കുമെന്നാണ് റിപ്പോർട്ടുകൾ. ഐഫോൺ 17 പ്രോ മാക്‌സിലെ ഏകദേശം 5,088എംഎഎച്ച് ബാറ്ററിയേക്കാൾ ഇത് കൂടുതലാണ്.

2. കൂടുതൽ വേഗതയുള്ള എ20 പ്രോ ചിപ്പ്

ഐഫോൺ 18 പ്രോ സീരീസിൽ ആപ്പിളിന്റെ പുതിയ എ20 പ്രോ പ്രോസസർ എത്തുമെന്നാണ് പ്രതീക്ഷ. ഇത് ടിഎസ്എംസിയുടെ അത്യാധുനിക 2എൻഎം നിർമ്മാണ സാങ്കേതികവിദ്യ ഉപയോഗിച്ച് നിർമിക്കുമെന്നാണ് റിപ്പോർട്ടുകൾ. ഐഫോൺ 17 പ്രോയിലെ പ്രതീക്ഷിക്കുന്ന എ19 പ്രോ ചിപ്പിനെക്കാൾ മികച്ച പ്രകടനം, കുറഞ്ഞ വൈദ്യുതി ഉപയോഗം, മികച്ച താപ നിയന്ത്രണം എന്നിവ പുതിയ ചിപ്പ് നൽകുമെന്നാണ് സൂചന.

3. ക്യാമറയിൽ വലിയ മാറ്റം

ഐഫോൺ 18 പ്രോയിലെ ഏറ്റവും വലിയ അപ്ഗ്രേഡുകളിൽ ഒന്നായി ക്യാമറ സംവിധാനത്തെ കണക്കാക്കുന്നു. 48 മെഗാപിക്സൽ ഫ്യൂഷൻ ക്യാമറയിൽ വേരിയബിൾ അപ്പർച്ചർ സംവിധാനം അവതരിപ്പിച്ചേക്കും. നിലവിലെ ഐഫോണുകളിലെ സ്ഥിരമായ അപ്പർച്ചറിന് പകരം, പ്രകാശത്തിന്റെ അളവ് നിയന്ത്രിക്കാൻ പുതിയ സംവിധാനം സഹായിക്കും. പോർട്രെയിറ്റ് ചിത്രങ്ങൾ, കുറഞ്ഞ വെളിച്ചത്തിലുള്ള ഫോട്ടോഗ്രഫി, ഡെപ്ത് ഇഫക്ടുകൾ എന്നിവയിൽ ഇത് കൂടുതൽ മികച്ച ഫലം നൽകും.

4. മെച്ചപ്പെട്ട ക്യാമറ ഹാർഡ്‌വെയർ

പ്രധാന ക്യാമറ മോഡ്യൂൾ വലുതാകുമെന്നും ടെലിഫോട്ടോ ക്യാമറയിൽ മെച്ചപ്പെടുത്തലുകൾ ഉണ്ടാകുമെന്നും റിപ്പോർട്ടുകളുണ്ട്. ഇത് മികച്ച സൂം നിലവാരവും കുറഞ്ഞ വെളിച്ചത്തിലുള്ള ചിത്രങ്ങളുടെ ഗുണനിലവാരവും വർധിപ്പിച്ചേക്കും.

5. ചെറിയ ഡൈനാമിക് ഐലൻഡ്

ഐഫോൺ 14 പ്രോയിൽ അവതരിപ്പിച്ച ഡൈനാമിക് ഐലൻഡ് ഐഫോൺ 18 പ്രോയിൽ കൂടുതൽ ചെറുതാകുമെന്നാണ് സൂചന. ഫേസ് ഐഡി സംവിധാനത്തിലെ ചില ഘടകങ്ങൾ ഡിസ്പ്ലേയ്ക്ക് അടിയിൽ മാറ്റുന്നതിലൂടെ കൂടുതൽ സ്ക്രീൻ സ്പേസ് ലഭിക്കാം.

6. എൽടിപിഒ+ ഡിസ്പ്ലേ

പ്രോ മോഡലിന് 6.3 ഇഞ്ചും പ്രോ മാക്‌സിന് 6.9 ഇഞ്ചും ഡിസ്പ്ലേ വലുപ്പം തുടരുമെന്നാണ് പ്രതീക്ഷ. എന്നാൽ പുതിയ എൽടിപിഒ+ ഡിസ്പ്ലേ സാങ്കേതികവിദ്യ ഉപയോഗിച്ചേക്കും. ഇത് കൂടുതൽ ഊർജക്ഷമതയും മികച്ച പ്രോമോഷൻ റിഫ്രഷ് റേറ്റും നൽകും.

7. പുതിയ സി2 മോഡം

സ്വന്തം മോഡം സാങ്കേതികവിദ്യ വികസിപ്പിക്കുന്ന ആപ്പിൾ, പുതിയ സി2 മോഡം ഐഫോൺ 18 പ്രോയിൽ അവതരിപ്പിച്ചേക്കും. ഇത് മികച്ച 5ജി വേഗത, കൂടുതൽ സ്ഥിരതയുള്ള സിഗ്നൽ, മികച്ച ബാറ്ററി കാര്യക്ഷമത എന്നിവ നൽകുമെന്നാണ് പ്രതീക്ഷ.

8. സാറ്റലൈറ്റ് വഴി 5ജി കണക്റ്റിവിറ്റി

പരമ്പരാഗത മൊബൈൽ നെറ്റ്‌വർക്ക് ലഭ്യമല്ലാത്ത സ്ഥലങ്ങളിലും ഇന്റർനെറ്റ് ഉപയോഗിക്കാൻ സഹായിക്കുന്ന സാറ്റലൈറ്റ് അധിഷ്ഠിത 5ജി സംവിധാനവും എത്തിയേക്കുമെന്നാണ് റിപ്പോർട്ടുകൾ. യാത്രകളിലും അടിയന്തര സാഹചര്യങ്ങളിലും ഇത് ഉപകാരപ്പെടും.

9. പുതിയ വയർലെസ് ചിപ്പ്

ഐഫോൺ 18 പ്രോ മോഡലുകളിൽ ആപ്പിളിന്റെ പുതിയ എൻ2 വയർലെസ് ചിപ്പ് ലഭിച്ചേക്കും. വൈഫൈ, ബ്ലൂടൂത്ത്, മറ്റ് വയർലെസ് കണക്റ്റിവിറ്റി സംവിധാനങ്ങൾ എന്നിവയിൽ മെച്ചപ്പെട്ട പ്രകടനം പ്രതീക്ഷിക്കുന്നു.

10. പുതിയ നിറങ്ങളും ഡിസൈൻ മാറ്റങ്ങളും

പൂർണമായ ഡിസൈൻ മാറ്റം ഉണ്ടാകില്ലെങ്കിലും ചെറിയ പരിഷ്കാരങ്ങൾ പ്രതീക്ഷിക്കുന്നു. ഡാർക്ക് ചെറി, ലൈറ്റ് ബ്ലൂ, ഡാർക്ക് ഗ്രേ, സിൽവർ തുടങ്ങിയ പുതിയ നിറങ്ങൾ ലഭിച്ചേക്കും. കോസ്മിക് ഓറഞ്ച്, ഡീപ് ബ്ലൂ തുടങ്ങിയ നിറങ്ങൾ ഒഴിവാക്കിയേക്കും. മാഗ്‌സേഫ് ഭാഗത്തെ സെറാമിക് ഷീൽഡ് ഡിസൈനിലും മാറ്റങ്ങൾ ഉണ്ടാകാം.

11. ലളിതമാകുന്ന ക്യാമറ കൺട്രോൾ ബട്ടൺ

ക്യാമറ കൺട്രോൾ ബട്ടണിൽ മാറ്റം വരുത്തിയേക്കും. ടച്ച് സെൻസിറ്റിവിറ്റിയും ഹാപ്റ്റിക് ഫീഡ്ബാക്കും ഒഴിവാക്കി പ്രഷർ സെൻസിറ്റീവ് സംവിധാനം മാത്രം നിലനിർത്തിയേക്കുമെന്നാണ് സൂചന.

12. അല്പം കട്ടിയേറിയ ഡിസൈൻ

കൂടുതൽ ശേഷിയുള്ള ബാറ്ററിയുടെ ഭാഗമായി ഐഫോൺ 18 പ്രോ മാക്‌സിന് ചെറിയ തോതിൽ കനം കൂടിയേക്കും. ഇത് ഫോണിന്റെ ഭാരം അൽപം വർധിപ്പിച്ചേക്കാമെങ്കിലും കൂടുതൽ ദൈർഘ്യമുള്ള ബാറ്ററി ലൈഫിനായി ഈ മാറ്റം ഉപകാരപ്രദമാകുമെന്നാണ് വിലയിരുത്തൽ.

ഐഫോൺ 18 പ്രോ: വലിയ അപ്ഗ്രേഡിനുള്ള സാധ്യത

ഡിസൈൻ മാറ്റങ്ങൾ കുറവായിരുന്നാലും, പ്രകടനം, ക്യാമറ, ബാറ്ററി, കണക്റ്റിവിറ്റി എന്നിവയിൽ ഐഫോൺ 18 പ്രോ സീരീസ് വലിയ മുന്നേറ്റം നടത്തുമെന്നാണ് റിപ്പോർട്ടുകൾ സൂചിപ്പിക്കുന്നത്. ഔദ്യോഗിക വിവരങ്ങൾ ആപ്പിളിന്റെ ലോഞ്ച് ഇവന്റിന് ശേഷമേ സ്ഥിരീകരിക്കാനാകൂ.

ആമസോൺ സെയിലിലെ മികച്ച 5ജി സ്‍മാർട്ട് ഫോൺ ഡീലുകൾ

Prashobh Prasannan — Tue, 11 Aug 2026 13:55:18 +0530

ആമസോൺ ഗ്രേറ്റ് ഫ്രീഡം സെയിൽ 2026: പുതിയ 5ജി സ്‍മാർട്ട്ഫോൺ വാങ്ങാൻ പ്ലാൻ ചെയ്യുന്നവർക്ക് മികച്ച അവസരം. 70,000 രൂപയിൽ താഴെ നിരവധി ജനപ്രിയ 5ജി ഫോണുകൾക്ക് ആകർഷകമായ വിലക്കുറവാണ് ആമസോൺ സെയിലിൽ ലഭിക്കുന്നത്. വൺപ്ലസ്, ഐക്യൂ, ഷവോമി, ഗൂഗിൾ, ഓപ്പോ, സാംസങ്, മോട്ടറോള, വിവോ തുടങ്ങിയ ബ്രാൻഡുകളുടെ മോഡലുകൾ പട്ടികയിലുണ്ട്.

70,000 രൂപയിൽ താഴെ നിരവധി മോഡലുകൾ

വൺപ്ലസ് 15ആർ, ഐക്യൂ 15ആർ, ഷവോമി 17ടി, ഗൂഗിൾ പിക്സൽ 10, ഓപ്പോ റെനോ 16 5ജി, സാംസങ് ഗാലക്സി എസ്25 5ജി, മോട്ടറോള എഡ്ജ് 70 മാക്സ് 5ജി, വിവോ വി70 5ജി എന്നിവയാണ് നിലവിൽ ശ്രദ്ധേയമായ ഡീലുകൾ. 61,999 രൂപയുടെ വൺപ്ലസ് 15ആർ 56,999 രൂപയ്ക്ക് വാങ്ങാം. 56,999 രൂപ വിലയുണ്ടായിരുന്ന ഐക്യൂ 15ആർ-ന് ഇപ്പോൾ 49,999 രൂപയാണ് വില.

പിക്സൽ 10-നും വിലക്കുറവ്

ഗൂഗിൾ പിക്സൽ 10 ആണ് പട്ടികയിലെ മറ്റൊരു പ്രധാന ആകർഷണം. 79,999 രൂപയുടെ എംആർപിയുള്ള ഫോണിന് 66,800 രൂപയാണ് സെയിൽ വില. പഴയ ഫോൺ എക്സ്ചേഞ്ച് ചെയ്യുമ്പോൾ 38,050 രൂപ വരെ അധിക ഇളവ് ലഭിക്കാനും സാധ്യതയുണ്ട്. 84,990 രൂപയുടെ ഷവോമി 17ടി 64,999 രൂപയ്ക്കാണ് ലിസ്റ്റ് ചെയ്തിരിക്കുന്നത്. ഓപ്പോ റെനോ 16 5ജി-യുടെ വില 89,999 രൂപയിൽ നിന്ന് 60,999 രൂപയായി കുറഞ്ഞു.

ഗാലക്സി എസ്25 5ജി 60,000 രൂപയിൽ താഴെ

സാംസങ് ആരാധകർക്കും സെയിലിൽ ശ്രദ്ധേയമായ ഡീലുണ്ട്. 80,999 രൂപയുടെ സാംസങ് ഗാലക്സി എസ്25 5ജി ഇപ്പോൾ 59,999 രൂപയ്ക്ക് ലഭിക്കും. 94,999 രൂപയുടെ മോട്ടറോള എഡ്ജ് 70 മാക്സ് 5ജി-ക്ക് 58,996 രൂപയാണ് സെയിൽ വില. വിവോ വി70 5ജി 65,999 രൂപയിൽ നിന്ന് 59,999 രൂപയ്ക്കും ലഭ്യമാണ്.

ബാങ്ക് ഓഫറുകളും എക്സ്ചേഞ്ച് ഡിസ്കൗണ്ടും

സ്‍മാർട്ട്ഫോണുകളുടെ സെയിൽ വിലയ്ക്ക് പുറമെ ബാങ്ക് ഓഫറുകളും എക്സ്ചേഞ്ച് ഡിസ്കൗണ്ടുകളും ഉപയോഗിച്ച് കൂടുതൽ ലാഭം നേടാം. എച്ച്ഡിഎഫ്സി ബാങ്ക് കാർഡുകൾ, ഈസി ഇഎംഐ ഇടപാടുകൾ എന്നിവയ്ക്ക് 10 ശതമാനം വരെ ഇൻസ്റ്റന്റ് ഡിസ്കൗണ്ട് ലഭിക്കാമെന്നാണ് ഓഫർ വിവരങ്ങൾ വ്യക്തമാക്കുന്നത്. ആമസോൺ പേ ഓഫറുകൾ, കൂപ്പൺ ഡിസ്കൗണ്ടുകൾ, എക്സ്ചേഞ്ച് ബോണസുകൾ, നോ-കോസ്റ്റ് ഇഎംഐ തുടങ്ങിയ ആനുകൂല്യങ്ങളും തിരഞ്ഞെടുത്ത ഉൽപ്പന്നങ്ങൾക്ക് ലഭ്യമാണ്.

വാങ്ങും മുമ്പ് വില പരിശോധിക്കാം

എക്സ്ചേഞ്ച് ഓഫറിലൂടെ ലഭിക്കുന്ന തുക പഴയ ഫോണിന്റെ മോഡൽ, അവസ്ഥ തുടങ്ങിയവ അനുസരിച്ച് മാറാം. അതിനാൽ ഓർഡർ ചെയ്യുന്നതിന് മുമ്പ് ആമസോണിലെ നിലവിലെ വിലയും ബാങ്ക് ഓഫറും എക്സ്ചേഞ്ച് ആനുകൂല്യങ്ങളും പ്രത്യേകം പരിശോധിക്കുന്നത് നല്ലതാണ്. ഫ്ലിപ്‍കാർട്ടിലെ സമാന സെയിൽ ഓഫറുകളുമായി വില താരതമ്യം ചെയ്ത ശേഷമാകാം പുതിയ 5ജി ഫോൺ തിരഞ്ഞെടുക്കുന്നത്.