Asianet News Malayalam

49കാരിയായ അമ്മ പുനർവിവാഹം ചെയ്തത് 25കാരനെ, ന്യൂസിലാൻഡിൽ നിന്നെത്തി രണ്ടാനച്ഛനെ കൊന്ന് 22കാരൻ

Elsa TJ — Mon, 12 Oct 2026 20:26:45 +0530

റാംപൂർ: 49കാരിയായ അമ്മ 25 കാരനെ വിവാഹം ചെയ്തു. ന്യൂസിലാൻഡിൽ നിന്ന് എത്തി രണ്ടാനച്ഛനെ കൊലപ്പെടുത്തി 22കാരൻ. ഉത്തർ പ്രദേശിലെ റാംപൂറിലാണ് ക്രൂരമായ കൊലപാതകം നടന്നത്. 25കാരനായ നവ്ജ്യോത് സിംഗ് എന്നയാളാണ് വെടിയേറ്റ് കൊല്ലപ്പെട്ടത്. നവ്ജ്യോത് സിംഗിന്റെ സർവ്വീസ് സെന്ററിന്റെ വെളിയിൽ വച്ചാണ് 22കാരൻ രണ്ടാനച്ഛനെ വെടിവച്ച് വീഴ്ത്തിയത്. റാപൂറിലെ മിലാക് ഖാനം എന്ന സ്ഥലത്താണ് അക്രമം നടന്നത്. നവ്ജ്യോതിന്റെ ഭാര്യയും 49കാരിയുമായ കമൽ കൌറിന്റെ മകൻ അവ്ദീപ് സിംഗും ബന്ധുവും ടാക്സി ഡ്രൈവറും ചേർന്നായിരുന്നു കൊലപാതകം നടത്തിയത്. ഇവരെ പൊലീസ് പിടികൂടിയിട്ടുണ്ട്. സംഭവത്തേക്കുറിച്ച് പൊലീസ് വിശദമാക്കുന്നത് ഇപ്രകാരമാണ്. കുടുംബത്തിൽ പ്രശ്നങ്ങൾ ആരംഭിച്ചത് ജനുവരി മാസത്തിലായിരുന്നു. ഭർത്താവ് മരിച്ച 49കാരിയായ കമൽ കൌറിനെ നവ്ജ്യോത് സിംഗ് വിവാഹം കഴിക്കുകയായിരുന്നു. നവ്ജ്യോതിന്റെ ഭാര്യയും മരണപ്പെട്ടിരുന്നു. കമാൽ കൌറിന് രണ്ട് ആൺമക്കളാണ് ഉണ്ടായിരുന്നത്. അവ്ദീപ് സിംഗും ജോഗൻപ്രീത് സിംഗും. ഇവർ രണ്ട് പേരും മൂന്ന് വർഷങ്ങൾക്ക് മുൻപ് ന്യൂസിലാൻഡിലേക്ക് താമസം മാറ്റിയിരുന്നു. അമ്മ വീണ്ടും വിവാഹം ചെയ്യുന്നതിനോട് ഇരുവർക്കും എതിർപ്പുണ്ടായിരുന്നു.

ഇതിന്റെ പേരിൽ നവ്ജ്യോതിനെ 49കാരിയുടെ മക്കൾ ഭീഷണിപ്പെടുത്തുകയും ചെയ്തിരുന്നു. ഭാര്യയുടെ മരണവുമായി ബന്ധപ്പെട്ട് ജയിലിൽ പോയി തിരിച്ചുവന്ന നവ്ജ്യോത് ഒന്നര വർഷം മുൻപാണ് കാർ സർവീസ് സെന്റർ ആരംഭിച്ചത്. ശനിയാഴ്ച വൈകുന്നരം കാറിലെത്തിയ അക്രമികൾ നവ്ജ്യോതിനെ വെടിവയ്ക്കുകയായിരുന്നു. ഇതിന്റെ ദൃശ്യങ്ങൾ സിസിടിവിയിൽ ലഭിച്ചിരുന്നു. സർവീസ് സെന്ററിൽ നിന്ന് വലിച്ച് പുറത്തിറക്കിയ ശേഷമായിരുന്നു 22കാരൻ നവ്ജ്യോതിനെ വെടിവച്ചത്. മൂന്ന് റൌണ്ടിലേറെ വെടി നവ്ജ്യോതിനെ നേരെ ചെയ്തതായാണ് പൊലീസ് വിശദമാക്കുന്നത്. സെപ്തംബർ 22നാണ് അവ്ദീപ് ന്യൂസിലാൻഡിൽ നിന്ന് ഇന്ത്യയിലെത്തിയത്. ഇതിന് ശേഷം ബന്ധുവിനൊപ്പം കൊലപാതകം ആസൂത്രണം ചെയ്തതായാണ് പൊലീസ് വിശദമാക്കുന്നത്.

ഏഷ്യാനെറ്റ് ന്യൂസ് ലൈവ് കാണാം

'കോൺഗ്രസ് 1975ൽ ജനാധിപത്യത്തെ കൊന്നതാണ്'; ജനങ്ങൾക്ക് വേണ്ടത് തെളിവുകളാണ്, ആരോപണങ്ങളല്ലെന്ന് അനുരാഗ് താക്കൂർ

Web Desk — Mon, 12 Oct 2026 18:26:19 +0530

ദില്ലി: കോൺഗ്രസിനെതിരെ രൂക്ഷ വിമർശനവുമായി ബിജെപി നേതാവ് അനുരാഗ് താക്കൂർ. രാഹുൽ ഗാന്ധി നീതിന്യായ വ്യവസ്ഥയെ ഭീഷണിപ്പെടുത്തുകയാണ്. കോൺഗ്രസ് 1975ൽ ജനാധിപത്യത്തെ കൊന്നതാണ്. രാഷ്ട്രപതിക്ക് ആരോപണങ്ങളല്ലാതെ തെളിവുകൾ കൈമാറാൻ കോൺഗ്രസിന് കഴിഞ്ഞില്ല. ജനങ്ങൾക്ക് വേണ്ടത് തെളിവുകളാണ്, അല്ലാതെ ആരോപണങ്ങളല്ലെന്നും ബിജെപി നേതാവ് പറഞ്ഞു.

അതേസമയം, വോട്ട് ചോരി ആരോപണം ഉയർത്തി മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള ഇന്ത്യ സഖ്യത്തിന്‍റെ സുപ്രീം കോടതിയിലേക്കുള്ള 'ദില്ലി ചലോ' മാർച്ച് സംഘ‍ർഷഭരിതമായി. സുപ്രീം കോടതിക്ക് 200 മീറ്റർ അകലെ, ബാരിക്കേഡുകൾ നിരത്തി പൊലീസ് പ്രതിഷേധം തടഞ്ഞതോടെയാണ് രാജ്യ തലസ്ഥാനം വീണ്ടും സംഘർഷഭരിതമായത്. പ്രവർത്തകർ ബാരിക്കേഡ് തള്ളിനീക്കിയും മുകളിൽ കയറിയും പ്രതിഷേധിക്കാൻ നോക്കിയെങ്കിലും നേതാക്കൾ സംയമനം പാലിക്കാൻ നിർദ്ദേശിച്ചു.

ബാരിക്കേഡിന് അടുത്തേക്ക് വന്നവരെ ബലം പ്രയോഗിച്ച് പൊലീസ് തള്ളിമാറ്റി. ഇതിനിടെ പൊലീസും പ്രവർത്തകരും തമ്മിൽ പലതവണ ഉന്തും തള്ളുമുണ്ടായി. പ്രവർത്തകരോട് ശാന്തരാകാൻ നിർദ്ദേശിച്ച നേതാക്കൾ, സംഘർഷം വേണ്ടെന്ന സന്ദേശവും നൽകി. എന്നാൽ പലയിടത്തും പ്രവർത്തകർ പൊലീസുമായി ഏറ്റുമുട്ടുന്ന സാഹചര്യമാണ് നിലവിലുള്ളത്. ഫുട് പാത്തിൽ നിന്നവരെയടക്കം പൊലീസ് ഒഴിപ്പിക്കാൻ നോക്കിയതോടെ സംഘ‍ർഷാവസ്ഥ ശക്തമായിട്ടുണ്ട്. പ്രതിഷേധക്കാരെ വലിച്ചിഴച്ച് കൊണ്ടുപോകാനുള്ള ശ്രമവും പൊലീസിന്‍റെ ഭാഗത്ത് നിന്നുണ്ടായിട്ടുണ്ട്.

ഇതിനിടെ സുപ്രീം കോടതിയി മാർച്ചിനിടെ ഗ്യാനേഷിനെതിരെ രാഹുൽ ഗാന്ധി ഹർജി നൽകി. ഗ്യാനേഷിനെതിരെ ഗുരുതര ആരോപണങ്ങളുള്ള ഹർജി രാഹുൽ ഗാന്ധിക്ക് വേണ്ടി അഭിഭാഷകരാണ് സുപ്രീം കോടതിയിൽ സമർപ്പിച്ചത്. ഇന്ത്യ സഖ്യത്തിന്‍റെ മാർച്ചിനിടെ വൈകുന്നേരം 4.45 നായിരുന്നു ഹർജി സമർപ്പിച്ചത്. എസ് ഐ ആർ അടക്കം തിരഞ്ഞെടുപ്പ് കമ്മീഷന്റെ തീരുമാനങ്ങൾ ചോദ്യം ചെയ്താണ് ഹർജി. മുഖ്യ തിരഞ്ഞെടുപ്പ് കമ്മീഷണർ ഏകപക്ഷീയമായ തീരുമാനങ്ങൾ നടപ്പിലാക്കി എന്നടക്കമുള്ള ആരോപണങ്ങളും ഹർജിയിലുണ്ട്.

എങ്ങും ബാരിക്കേഡ്, സുപ്രീം കോടതിക്ക് 200 മീറ്റർ അകലെ ഇന്ത്യ സഖ്യത്തിന്‍റെ 'ദില്ലി ചലോ' മാർച്ച് തട‌ഞ്ഞ് പൊലീസ്; ഭരണഘടന ഉയർത്തി രാഹുൽ, സംഘർഷഭരിതം

Anver Sajad — Mon, 12 Oct 2026 18:04:22 +0530

ദില്ലി: വോട്ട് ചോരി ആരോപണം ഉയർത്തി മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള ഇന്ത്യ സഖ്യത്തിന്‍റെ സുപ്രീം കോടതിയിലേക്കുള്ള 'ദില്ലി ചലോ' മാർച്ച് സംഘ‍ർഷഭരിതം. സുപ്രീം കോടതിക്ക് 200 മീറ്റർ അകലെ, ബാരിക്കേഡുകൾ നിരത്തി പൊലീസ് പ്രതിഷേധം തടഞ്ഞതോടെയാണ് രാജ്യ തലസ്ഥാനം വീണ്ടും സംഘർഷഭരിതമായത്. പ്രവർത്തകർ ബാരിക്കേഡ് തള്ളിനീക്കിയും മുകളിൽ കയറിയും പ്രതിഷേധിക്കാൻ നോക്കിയെങ്കിലും നേതാക്കൾ സംയമനം പാലിക്കാൻ നിർദ്ദേശിച്ചു. ബാരിക്കേഡിന് അടുത്തേക്ക് വന്നവരെ ബലം പ്രയോഗിച്ച് പൊലീസ് തള്ളിമാറ്റി. ഇതിനിടെ പൊലീസും പ്രവർത്തകരും തമ്മിൽ പലതവണ ഉന്തും തള്ളുമുണ്ടായി. പ്രവർത്തകരോട് ശാന്തരാകാൻ നിർദ്ദേശിച്ച നേതാക്കൾ, സംഘർഷം വേണ്ടെന്ന സന്ദേശവും നൽകി. എന്നാൽ പലയിടത്തും പ്രവർത്തകർ പൊലീസുമായി ഏറ്റുമുട്ടുന്ന സാഹചര്യമാണ് നിലവിലുള്ളത്. ഫുട് പാത്തിൽ നിന്നവരെയടക്കം പൊലീസ് ഒഴിപ്പിക്കാൻ നോക്കിയതോടെ സംഘ‍ർഷാവസ്ഥ ശക്തമായിട്ടുണ്ട്. പ്രതിഷേധക്കാരെ വലിച്ചിഴച്ച് കൊണ്ടുപോകാനുള്ള ശ്രമവും പൊലീസിന്‍റെ ഭാഗത്ത് നിന്നുണ്ടായിട്ടുണ്ട്.

ഹർജി നൽകി രാഹുൽ

അതേസമയം സുപ്രീം കോടതിയി മാർച്ചിനിടെ ഗ്യാനേഷിനെതിരെ രാഹുൽ ഗാന്ധി ഹർജി നൽകി. ഗ്യാനേഷിനെതിരെ ഗുരുതര ആരോപണങ്ങളുള്ള ഹർജി രാഹുൽ ഗാന്ധിക്ക് വേണ്ടി അഭിഭാഷകരാണ് സുപ്രീം കോടതിയിൽ സമർപ്പിച്ചത്. ഇന്ത്യ സഖ്യത്തിന്‍റെ മാർച്ചിനിടെ വൈകുന്നേരം 4.45 നായിരുന്നു ഹർജി സമർപ്പിച്ചത്. എസ് ഐ ആർ അടക്കം തിരഞ്ഞെടുപ്പ് കമ്മീഷന്റെ തീരുമാനങ്ങൾ ചോദ്യം ചെയ്താണ് ഹർജി. മുഖ്യ തിരഞ്ഞെടുപ്പ് കമ്മീഷണർ ഏകപക്ഷീയമായ തീരുമാനങ്ങൾ നടപ്പിലാക്കി എന്നടക്കമുള്ള ആരോപണങ്ങളും ഹർജിയിലുണ്ട്.

സംഘർഷഭരിതമാകുമോ തലസ്ഥാനം

ലോക്സഭ പ്രതിപക്ഷ നേതാവ് രാഹുൽ ഗാന്ധി, കോൺഗ്രസ് അധ്യക്ഷൻ മല്ലികാർജ്ജുൻ ഖർഗെ, കർണാടക മുഖ്യമന്ത്രി ഡി കെ ശിവകുമാർ, തെലങ്കാന മുഖ്യമന്ത്രി രേവന്ത് റെഡ്ഢി, സി പി എം ജനറൽ സെക്രട്ടറി എം എ ബേബി, അഖിലേഷ് യാദവ്, തേജസ്വി യാദവ്, യോഗേന്ദ്ര യാദവ്, നേഹ ബോറ തുടങ്ങി ഇന്ത്യ സഖ്യം നേതാക്കളും ദില്ലി ചലോ മാർച്ചിൽ അണിനിരക്കുന്നുണ്ട്. പൊലീസ് എവിടെ തടയുമോ അവിടെ മുതൽ പ്രക്ഷോഭ സ്ഥലമാക്കാനാണ് ഇന്ത്യ സഖ്യത്തിന്‍റെ നീക്കം. നേതാക്കൾക്കൊപ്പം ആയിരക്കണക്കിന് പ്രവർത്തകരും സുപ്രീം കോടതി പരിസരത്തേക്ക് ഒഴുകിയെത്തിയിട്ടുണ്ട്. അതുകൊണ്ട് തന്നെ രാജ്യതലസ്ഥാനം ഇന്നും സംഘർഷഭരിതമാകാനുള്ള സാധ്യതയുണ്ട്.

മറുനീക്കം ശക്തമാക്കി ബിജെപി, കോൺഗ്രസ് എംപിക്കെതിരെയുള്ള ലൈംഗിക അതിക്രമ പരാതി ആയുധം; എഐസിസി ആസ്ഥാനത്തേക്ക് മാർച്ച്

Aishwarya S Babu — Mon, 12 Oct 2026 17:49:41 +0530

ദില്ലി: 11 വിദ്യാര്‍ത്ഥിനികൾ നൽകിയ ലൈംഗിക അതിക്രമ പരാതിയെ തുടർന്ന് ജവഹർലാൽ നെഹ്റു സർവ്വകലാശാല പുറത്താക്കിയ അധ്യാപകനും കോൺഗ്രസ് എംപിയുമായ ബിമോല്‍ അക്കോയിജത്തിനെതിരെ പ്രതിഷേധം കടുപ്പിച്ച് ബിജെപി. സംഭവത്തിൽ പ്രതിപക്ഷ നേതാവ് രാഹുല്‍ ഗാന്ധിയുടെ മൗനം സ്ത്രീസുരക്ഷയുടെ കാര്യത്തിൽ കോൺഗ്രസിൻ്റെ ഇരട്ടത്താപ്പിൻ്റെ തെളിവാണെന്ന് ബിജെപി വിമർശിച്ചു. ബിമോലിനെ കോൺഗ്രസ് പുറത്താക്കണമെന്ന് ആവശ്യപ്പെട്ട് മഹിളാ മോർച്ച പ്രവർത്തകർ എഐസിസി ആസ്ഥാനത്തേക്ക് നടത്തിയ മാർച്ച് സംഘർഷമായി.

മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെയുള്ള കോൺഗ്രസ് പ്രതിഷേധം ശക്തമാകുമ്പോഴാണ് ബിമോല്‍ അക്കോയിജത്തിനെതിരായ ആരോപണം ഉയർത്തി ബിജെപി മറുനീക്കം ശക്തമാക്കുന്നത്. കോൺഗ്രസ് നേതൃത്വത്തിനും രാഹുൽ ഗാന്ധിക്കും സ്ത്രീ സുരക്ഷയുടെ കാര്യത്തിൽ കപട നിലപാടാണെന്ന് ദില്ലിയിൽ വാർത്താ സമ്മേളനം നടത്തിയ ബിജെപി നേതാക്കളായ ബാരിസുരി സ്വരാജ് , സുധാന്‍ഷു ത്രിവേദി എന്നിവർ ആരോപിച്ചു. കഴിഞ്ഞ മെയ് മാസം മുതല്‍ ഈ ആരോപണങ്ങള്‍ നിലവിലുണ്ടായിട്ടും കോണ്‍ഗ്രസ് അധ്യക്ഷൻ മല്ലികാര്‍ജുൻ ഖര്‍ഗെയോ സോണിയാ ഗാന്ധിയോ പ്രിയങ്ക ഗാന്ധിയോ രാഹുല്‍ ഗാന്ധിയോ ഇതുവരെ വിഷയത്തില്‍ പ്രതികരിക്കുകയോ എംപിക്കെതിരെ അന്വേഷണം പ്രഖ്യാപിക്കുകയോ ചെയ്യാൻ തയ്യാറായിട്ടില്ല. കുറ്റാരോപിതനെ സംരക്ഷിക്കുന്നതിന് തുല്യമാണിതെന്നും ബിജെപി ആരോപിച്ചു.

കഴിഞ്ഞ വെള്ളിയാഴ്ച്ചയാണ് 11 വിദ്യാർത്ഥികളുടെ പരാതിയിന്മേൽ സ്‌കൂൾ ഓഫ് സോഷ്യൽ സയൻസസിനു കീഴിലെ സെന്റർ ഫോർ ദ സ്റ്റഡി ഓഫ് സോഷ്യൽ സിസ്റ്റംസിലെ അധ്യാപകനും ഇന്നർ മണിപ്പുരിൽ നിന്നുള്ള എംപിയുമായ അൻഗോംച ബിമൊൽ അക്കോയിജാമിനെ സർവകലാശാല പുറത്താക്കിയത്. സർവകലാശാലയുടെ ആഭ്യന്തര അന്വേഷണ സമിതിയുടെ ശുപാർശ പ്രകാരമാണ് നടപടി. ഒരു മാസം മുൻപാണ് അക്കോയിജാമിനെതിരെ വിദ്യാർഥിനികൾ ഐസിസിക്ക് പരാതി നൽകിയത്. ക്യാംപസിൽ താമസിക്കുന്ന ബിമോ വിദ്യാർഥികളെ വീട്ടിലേക്ക് ക്ഷണിക്കുകയും ലൈംഗിക താൽപര്യത്തോടെ സമീപിക്കുകയും ചെയ്തിരുന്നതായി പരാതിയിൽ പറയുന്നു. ക്ലാസിൽ അശ്ലീലം നിറഞ്ഞതും അനാവശ്യവുമായ പരാമർശങ്ങൾ അക്കോയിജാം നടത്തിയിരുന്നതായും ചില പരാതികളിലുണ്ട്. എന്നാൽ, ആരോപണങ്ങൾ അക്കോയിജാം നിഷേധിച്ചിരുന്നു. ഇതിന് പിന്നാലെയാണ് വിവിധ സംസ്ഥാനങ്ങളിൽ മഹിളാ മോർച്ചയുടെ നേതൃത്വത്തിൽ പ്രതിഷേധങ്ങൾ സംഘടിപ്പിച്ചത്. ദില്ലിയിൽ രാഹുൽ ഗാന്ധിയുടെ വാർത്താ സമ്മേളനത്തിന് പിന്നാലെയായിരുന്നു മഹിള മോർച്ച പ്രവർത്തകരുടെ എഐസിസി മാർച്ച്. എഐസിസി ആസ്ഥാനത്തുണ്ടായിരുന്ന കോൺഗ്രസ് പ്രവർത്തകർ മാർച്ചിനെ പ്രതിരോധിക്കാൻ ശ്രമിച്ചതോടെയാണ് മാർച്ച് സംഘർഷത്തിൽ കലാശിച്ചത്.

സ്ത്രീ സുരക്ഷയുടെ കാര്യത്തില്‍ കോണ്‍ഗ്രസിന്റെ കപടമുഖം തുറന്നുകാട്ടുമെന്നും എംപിയെ പാര്‍ട്ടിയില്‍ നിന്ന് സസ്പെന്‍ഡ് ചെയ്യണമെന്നും ആവശ്യപ്പെട്ടായിരുന്നു പ്രതിഷേധം. മഹിളാ മോർച്ച ദേശിയ പ്രസിഡൻ്റ് രൂപ് കുമാരി ചൗധരിയുടെ നേതൃത്വത്തിലായിരുന്നു പ്രതിഷേധം. എംപിയെ സംരക്ഷിക്കുന്ന നിലപാടാണ് കോൺഗ്രസ് സ്വീകരിക്കുന്നതെങ്കിൽ പ്രതിഷേധം തുടരുമെന്നും മഹിളാ മോർച്ച നേതാക്കൾ വ്യക്തമാക്കി.

പ്രതിഷേധക്കടലായി രാജ്യതലസ്ഥാനം, ഗ്യാനേഷിനെതിരെ ഹർജി സമ‍ർപ്പിച്ച് രാഹുൽ ഗാന്ധി; തുറന്ന വാഹനത്തിൽ സുപ്രീം കോടതിയിലേക്ക് 'ദില്ലി ചലോ' മാർച്ച്

Anver Sajad — Mon, 12 Oct 2026 17:13:26 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും വോട്ട് ചോരിക്കെതിരെയുള്ള പ്രതിഷേധവുമായി സുപ്രീം കോടതിയിലേക്കുള്ള ഇന്ത്യ സഖ്യത്തിന്‍റെ മാർച്ചിനിടെ ഹർജി നൽകി രാഹുൽ ഗാന്ധി. ഗ്യാനേഷിനെതിരെ ഗുരുതര ആരോപണങ്ങളുള്ള ഹർജി രാഹുൽ ഗാന്ധിക്ക് വേണ്ടി അഭിഭാഷകരാണ് സുപ്രീം കോടതിയിൽ സമർപ്പിച്ചത്. ഇന്ത്യ സഖ്യത്തിന്‍റെ മാർച്ചിനിടെ വൈകുന്നേരം 4.45 നായിരുന്നു ഹർജി സമർപ്പിച്ചത്. എസ് ഐ ആർ അടക്കം തിരഞ്ഞെടുപ്പ് കമ്മീഷന്റെ തീരുമാനങ്ങൾ ചോദ്യം ചെയ്താണ് ഹർജി. മുഖ്യ തിരഞ്ഞെടുപ്പ് കമ്മീഷണർ ഏകപക്ഷീയമായ തീരുമാനങ്ങൾ നടപ്പിലാക്കി എന്നടക്കമുള്ള ആരോപണങ്ങളും ഹർജിയിലുണ്ട്. അതേസമയം രാജ്യതലസ്ഥാനത്തെ പ്രതിഷേധക്കടലാക്കിസുപ്രീം കോടതിയിലേക്കുള്ള ഇന്ത്യ സഖ്യത്തിന്‍റെ 'ദില്ലി ചലോ' മാർച്ച് തുടരുകയാണ്. രണ്ട് മണിയോടെ കോൺസ്റ്റിറ്റ്യൂഷൻ ക്ലബിൽ നിന്ന് ബസിൽ കയറിയ ഇന്ത്യ സഖ്യ നേതാക്കൾ ബാരക്കമ്പ ജംഗ്ഷനടുത്ത് ബസിൽ നിന്നിറങ്ങി സുപ്രീം കോടതിയിലേക്ക് മാർച്ച് ചെയ്യുകയാണ്. ആദ്യം നടന്നു നീങ്ങിയ നേതാക്കൾ സുപ്രീംകോടതിയിലേക്ക് ഒരു കിലോമീറ്റർ മാത്രം അകലമുള്ള മണ്ടി ഹൗസിനടുത്ത് നിന്ന് തുറന്ന വാഹനത്തിലേറിയാണ് മാർച്ച് ചെയ്യുന്നത്. സുപ്രീം കോടതിക്ക് 200 മീറ്റർ അകലെ ബാരിക്കേഡുകൾ ഒരുക്കി കനത്ത സുരക്ഷയാണ് പൊലീസ് ഏർപ്പെടുത്തിയിരിക്കുന്നത്.

സംഘർഷഭരിതമാകുമോ തലസ്ഥാനം

ലോക്സഭ പ്രതിപക്ഷ നേതാവ് രാഹുൽ ഗാന്ധി, കോൺഗ്രസ് അധ്യക്ഷൻ മല്ലികാർജ്ജുൻ ഖർഗെ, കർണാടക മുഖ്യമന്ത്രി ഡി കെ ശിവകുമാർ, തെലങ്കാന മുഖ്യമന്ത്രി രേവന്ത് റെഡ്ഢി, സി പി എം ജനറൽ സെക്രട്ടറി എം എ ബേബി, അഖിലേഷ് യാദവ്, തേജസ്വി യാദവ്, യോഗേന്ദ്ര യാദവ്, നേഹ ബോറ തുടങ്ങി ഇന്ത്യ സഖ്യം നേതാക്കളും സുപ്രീം കോടതി മാർച്ചിൽ അണിനിരക്കുന്നുണ്ട്. പൊലീസ് എവിടെ തടയുമോ അവിടെ മുതൽ പ്രക്ഷോഭ സ്ഥലമാക്കാനാണ് ഇന്ത്യ സഖ്യത്തിന്‍റെ നീക്കം. നേതാക്കൾക്കൊപ്പം ആയിരക്കണക്കിന് പ്രവർത്തകരും സുപ്രീം കോടതി പരിസരത്തേക്ക് ഒഴുകിയെത്തുന്നുണ്ട്. അതുകൊണ്ട് തന്നെ രാജ്യതലസ്ഥാനം ഇന്നും സംഘർഷഭരിതമാകാനുള്ള സാധ്യതയുണ്ട്.

സുപ്രീം കോടതിയിൽ ഹർജി സമർപ്പിച്ചെങ്കിലും ചീഫ് ജസ്റ്റിസിനെ നേരിൽ കണ്ട് നിവേദനം നൽകാനാണ് ഇന്ത്യ സഖ്യത്തിന്‍റെ പദ്ധതി. രാജ്യത്തെ യുവജനങ്ങളും പൗരവകാശ സംഘടനകളും പ്രതിപക്ഷ കക്ഷികളും രാഷ്ട്രീയ - ജാതി - മത ഭേദമന്യേ ഭരണഘടന സംരക്ഷിക്കാനായി തങ്ങളോടൊപ്പം തെരുവിൽ അണിനിരക്കണമെന്ന് രാഹുൽ ഗാന്ധി അഭ്യർത്ഥിച്ചിട്ടുണ്ട്. സമാധാനപരമായി പ്രതിഷേധിക്കാനെത്തിയ രാജ്യത്തെ യുവജനങ്ങൾക്ക് നേരെ പൊലീസിന്റെയും ബി ജെ പി ഗുണ്ടകളുടെയും ഭാഗത്തുനിന്നും ക്രൂരമായ അതിക്രമങ്ങളാണ് ഉണ്ടായതെന്നും, ഇത് അംഗീകരിക്കാനാകില്ലെന്നും രാഹുൽ ഗാന്ധി വ്യക്തമാക്കിയിരുന്നു.

സുപ്രീം കോടതിയിലേക്ക് ഇന്ത്യ സഖ്യം, രാഹുലും പ്രിയങ്കയും നേഹ ബോറയും മുന്നിൽ; ഗ്യാനേഷിന്‍റെ രാജിക്കായി 'ദില്ലി ചലോ' പ്രതിഷേധം ജനസാഗരമായി ഇരമ്പുന്നു

Anver Sajad — Mon, 12 Oct 2026 16:37:46 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും വോട്ട് ചോരിക്കെതിരെയുള്ള പ്രതിഷേധവുമായി സുപ്രീം കോടതിയിലേക്ക് ഇന്ത്യ സഖ്യത്തിന്‍റെ മാർച്ച്. രണ്ട് മണിയോടെ കോൺസ്റ്റിറ്റ്യൂഷൻ ക്ലബിൽ നിന്ന് ബസിൽ കയറിയ ഇന്ത്യ സഖ്യ നേതാക്കൾ ബാരക്കമ്പ ജംഗ്ഷനടുത്ത് ബസിൽ നിന്നിറങ്ങി സുപ്രീം കോടതിയിലേക്ക് മാർച്ച് ചെയ്യുകയാണ്. ലോക്സഭ പ്രതിപക്ഷ നേതാവ് രാഹുൽ ഗാന്ധിയും പ്രിയങ്ക ഗാന്ധിയും നേഹ ബോറയുമടക്കമുള്ളവരാണ് മുൻ നിരയിൽ പ്രതിഷേധം നയിക്കുന്നത്. കോൺഗ്രസ് അധ്യക്ഷൻ മല്ലികാർജ്ജുൻ ഖർഗെ, കർണാടക മുഖ്യമന്ത്രി ഡി കെ ശിവകുമാർ, തെലങ്കാന മുഖ്യമന്ത്രി രേവന്ത് റെഡ്ഢി, സി പി എം ജനറൽ സെക്രട്ടറി എം എ ബേബി, അഖിലേഷ് യാദവ്, തേജസ്വി യാദവ്, യോഗേന്ദ്ര യാദവ് തുടങ്ങി ഇന്ത്യ സഖ്യം നേതാക്കളും സുപ്രീം കോടതി മാർച്ചിൽ അണിനിരക്കുന്നുണ്ട്. പൊലീസ് എവിടെ തടയുമോ അവിടെ മുതൽ പ്രക്ഷോഭ സ്ഥലമാക്കാനാണ് ഇന്ത്യ സഖ്യത്തിന്‍റെ നീക്കം. നേതാക്കൾക്കൊപ്പം വലിയ തോതിൽ പ്രവർത്തകരും സുപ്രീം കോടതി പരിസരത്തേക്ക് ഒഴുകിയെത്തുന്നുണ്ട്. അതുകൊണ്ട് തന്നെ രാജ്യതലസ്ഥാനം ഇന്നും സംഘർഷഭരിതമാകാനുള്ള സാധ്യതയുണ്ട്. ചീഫ് ജസ്റ്റിസിനെ നേരിൽ കണ്ട് നിവേദനം നൽകാനാണ് ഇന്ത്യ സഖ്യത്തിന്‍റെ പദ്ധതി. രാജ്യത്തെ യുവജനങ്ങളും പൗരവകാശ സംഘടനകളും പ്രതിപക്ഷ കക്ഷികളും രാഷ്ട്രീയ - ജാതി - മത ഭേദമന്യേ ഭരണഘടന സംരക്ഷിക്കാനായി തങ്ങളോടൊപ്പം തെരുവിൽ അണിനിരക്കണമെന്ന് രാഹുൽ ഗാന്ധി അഭ്യർത്ഥിച്ചിട്ടുണ്ട്. സമാധാനപരമായി പ്രതിഷേധിക്കാനെത്തിയ രാജ്യത്തെ യുവജനങ്ങൾക്ക് നേരെ പൊലീസിന്റെയും ബി ജെ പി ഗുണ്ടകളുടെയും ഭാഗത്തുനിന്നും ക്രൂരമായ അതിക്രമങ്ങളാണ് ഉണ്ടായതെന്നും, ഇത് അംഗീകരിക്കാനാകില്ലെന്നും രാഹുൽ ഗാന്ധി വ്യക്തമാക്കിയിരുന്നു.

അനുമതി നൽകാതെ ചീഫ് ജസ്റ്റിസ്

അതേസമയം നിയമപ്രകാരം സുപ്രീം കോടതിയെ സമീപിച്ചാൽ ഏത് പരാതിയും പരിഗണിക്കാൻ തയ്യാറാണെന്ന് വ്യക്തമാക്കിയ ചീഫ് ജസ്റ്റിസ് സൂര്യകാന്ത്, പ്രതിപക്ഷ നേതാക്കൾക്ക് സന്ദർശന അനുമതി നിഷേധിച്ചിരുന്നു. കോടതി പരിഗണിക്കുന്ന വിഷയത്തിൽ പ്രതിപക്ഷ നേതാക്കളെ പ്രത്യേകം കണ്ട് നിവേദനം വാങ്ങുന്നത് ഉചിതമാകില്ല എന്ന് ചൂണ്ടിക്കാട്ടിയാണ് കൂടിക്കാഴ്ചയ്ക്ക് ചീഫ് ജസ്റ്റിസ് അനുമതി നിഷേധിച്ചത്. കഴിഞ്ഞയാഴ്ച ഇന്ത്യാ സഖ്യത്തിന്റെ നേതൃത്വത്തിൽ നാല് മാർച്ചുകളാണ് ദില്ലിയിൽ നടന്നത്. വെള്ളിയാഴ്ച രാഷ്ട്രപതിയെ കണ്ട് ഇന്ത്യാസഖ്യം നേതാക്കൾ നിവേദനം നൽകി. പാർലമെന്റിൽ ചേർന്ന പ്രതിപക്ഷ യോഗത്തിലാണ് ഇന്ന് സുപ്രീം കോടതിയെ സമീപിക്കാനുള്ള ധാരണയിൽ എത്തിയത്. മമതാ ബാനർജിയാണ് സുപ്രീം കോടതി ചീഫ് ജസ്റ്റിസിന് നിവേദനം നൽകണം എന്ന നിർദ്ദേശം മുന്നോട്ടുവെച്ചതെന്നാണ് സൂചന. എന്നാൽ എസ് ഐ ആർ ഹർജികൾ അടക്കം വിഷയങ്ങൾ കോടതി പരിഗണിക്കുമ്പോൾ ഈ അസാധാരണ കൂടിക്കാഴ്ചയ്ക്ക് കോടതി തയ്യാറാകുമോ എന്ന സംശയം സഖ്യത്തിലെ തന്നെ ചില നേതാക്കൾ പ്രകടിപ്പിച്ചിരുന്നു. ചരിത്രത്തിൽ ആദ്യം എന്നാണ് ചീഫ് ജസ്റ്റിസുമായുള്ള കൂടിക്കാഴ്ചയെ മല്ലികാർജുൻ ഖാർഗെ അടക്കമുള്ളവർ കഴിഞ്ഞ ദിവസം വിശേഷിപ്പിച്ചത്. എന്നാൽ ഇന്നലെ രാത്രി നാല് കാരണങ്ങൾ ചൂണ്ടിക്കാട്ടിയാണ് ചീഫ് ജസ്റ്റിസ് അനുമതി നിഷേധിച്ചത്. പ്രതിപക്ഷം ഉന്നയിക്കാൻ ആഗ്രഹിക്കുന്ന വിഷയങ്ങൾ താൻ കൂടി ഉൾപ്പെട്ട ബെഞ്ച് പരിഗണിക്കുകയാണെന്ന് ചീഫ് ജസ്റ്റിസ് സൂര്യകാന്ത് വ്യക്തമാക്കി. അതിനാൽ നേതാക്കളെ പ്രത്യേകം കാണുന്നത് ഉചിതമാകില്ല. ഭരണപരമായി തീരുമാനിക്കേണ്ട ചില വിഷയങ്ങൾ തന്നോട് പറയുന്നത് കൊണ്ട് പ്രയോജനമുണ്ടാകില്ല. ഭരണഘടനയുടെ 32 -ാം അനുച്ഛേദപ്രകാരം സുപ്രീം കോടതിയെ സമീപിക്കാൻ അവകാശമുണ്ടെന്നിരിക്കെ പ്രതിപക്ഷം ഹർജി നൽകിയാൽ അത് എത്രയും വേഗം തന്നെ ലിസ്റ്റ് ചെയ്യാമെന്നും ചീഫ് ജസ്റ്റിസ് വ്യക്തമാക്കി. മൗലികാവകാശങ്ങൾ സംരക്ഷിക്കാൻ സുപ്രീം കോടതിയുടെ വാതിലുകൾ എപ്പോഴും തുറന്നു കിടക്കുകയാണെന്നും ചീഫ് ജസ്റ്റിസ് പറഞ്ഞു.

തെരഞ്ഞെടുപ്പ് കമ്മീഷണർക്കെതിരെ ഹർജി നൽകുമെന്ന് രാഹുൽ‌ ഗാന്ധി; 'ഇത് ഒരു ദിവസത്തെ യുദ്ധമല്ല, ഈ യുദ്ധം എപ്പോൾ അവസാനിക്കുമെന്ന് പറയാനാകില്ല'

Faseela Moidu — Mon, 12 Oct 2026 12:41:40 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ നിയമനടപടിക്കൊരുങ്ങുകയാണെന്ന് ലോക്സഭ പ്രതിപക്ഷ നേതാവ് രാഹുൽഗാന്ധി. തെരഞ്ഞെടുപ്പ് കമ്മീഷണർക്കെതിരെ ഹർജി നൽകുമെന്ന് രാഹുൽ‌ ഗാന്ധി പറഞ്ഞു. 5 ക്രിമിനലുകളെ നിയമത്തിന് മുന്നിൽ കൊണ്ടുവരും വരെ പോരാട്ടം തുടരും. മോദി, അമിത്ഷാ, മോഹൻ ഭാഗവത്, ഗ്യാനേഷ് കുമാർ, അജിത് ഡോവൽ എന്നിവരാണ് 5ക്രിമിനലുകൾ. ഇത് ഒരു ദിവസത്തെ യുദ്ധമല്ല, ഈ യുദ്ധം എപ്പോൾ അവസാനിക്കുമെന്ന് പറയാനാകില്ലെന്നും എത്ര കൊല്ലം വേണമെങ്കിലും പോരാടുമെന്നും രാഹുൽ‌ ഗാന്ധി പറഞ്ഞു.

ദില്ലി നഗരം ജയിലിലാണ്. ഇവിടേക്ക് എത്തുന്ന ആളുകളെ തടയുകയാണ്. എല്ലായിടത്തും പൊലീസ് ആണ്. പതിനായിരക്കണക്കിന് സേനകളെ വിന്യസിച്ചിരിക്കുന്നു. മോദിയും സർക്കാരും ഗ്യാനേഷ്കുമാറിനെ സംരക്ഷിക്കുകയാണ്. എത്ര സംരക്ഷിക്കുന്നുവോ പ്രതിഷേധം അത്ര ശക്തമാകും. ആർഎസ്എസ് ബിജെപി ഗുണ്ടകളെകൂടി വിന്യസിച്ചിരിക്കുകയാണ്. അവർ സ്ത്രീകളയും യുവാക്കളെയും തല്ലിച്ചതക്കുന്നു. പ്രതിപക്ഷത്തെയും ഗുണ്ടകളെ ഉപയോഗിച്ച് ആക്രമിക്കുന്നു. എന്തുകൊണ്ട് ഗ്യാനേഷ്കുമാർ രാജിവയ്ക്കുന്നില്ല? പക്ഷേ ഞങ്ങൾ വെറുതെ വിടില്ല. നിങ്ങളെ കുറിച്ചുള്ള എല്ലാ വിവരങ്ങളും ഞങ്ങളുടെ കൈയിലുണ്ട്. നിങ്ങളുടെ അഴിമതികളെ കുറിച്ചുള്ള വിവരങ്ങൾ ഞങ്ങൾക്ക് കിട്ടിയിട്ടുണ്ട്. കാലം കണക്ക് ചോദിക്കാതെ പോകില്ലെന്നും സുപ്രീംകോടതിയിലേക്ക് മാർച്ച് നടത്തുമെന്നും രാഹുൽ‌ ഗാന്ധി പറഞ്ഞു.

ഒന്നരക്ക് കൊണാട്ട് പ്ലേസിലേക്ക് വരാൻ രാഹുൽ ഗാന്ധി ആഹ്വാനം ചെയ്തു. പറ്റിയില്ലെങ്കിൽ 3 മണിക്ക് ഹർജി നൽകുമ്പോൾ ഐക്യദാർഢ്യവുമായി അവിടെ എത്തണം. ഭരണഘടനയേയും, രാജ്യത്തെയും, ജനങ്ങളെയും താൻ സംരക്ഷിക്കുമെന്നും രാഹുൽ‌ ഗാന്ധി പറഞ്ഞു.

സിജെപിക്ക് രാഹുലിന്‍റെ മറുപടി, ഗ്യാനേഷ് കുമാറിനെതിരെ നടക്കുന്നത് ഒറ്റക്കെട്ടായ പ്രതിഷേധം; പ്രക്ഷോഭത്തിന്‍റെ തുടർ ലക്ഷ്യങ്ങളും പ്രഖ്യാപിച്ചു

Bibin Babu — Mon, 12 Oct 2026 16:12:48 +0530

ന്യൂഡൽഹി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ നടക്കുന്നത് വെവ്വേറെ സമരങ്ങളല്ലെന്നും, മറിച്ച് ഒറ്റക്കെട്ടായ ശക്തമായ പ്രതിഷേധമാണെന്നും ലോക്സഭാ പ്രതിപക്ഷ നേതാവ് രാഹുൽ ഗാന്ധി. ഗ്യാനേഷ് കുമാറിന് പിന്നാലെ പ്രധാനമന്ത്രി നരേന്ദ്ര മോദിയെയും കേന്ദ്ര ആഭ്യന്തര മന്ത്രി അമിത് ഷായെയും ലക്ഷ്യമിട്ടാണ് ഈ പ്രതിഷേധമെന്നും രാഹുൽ ഗാന്ധി വ്യക്തമാക്കി. കോൺഗ്രസ് മാർച്ചിന് മുന്നോടിയായി നടത്തിയ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.

ഗ്യാനേഷ് കുമാറിന്‍റെ രാജി ആവശ്യപ്പെട്ട അദ്ദേഹം, പ്രധാനമന്ത്രി മോദിയുടെയും അമിത് ഷായുടെയും ദേശീയ സുരക്ഷാ ഉപദേഷ്താവ് അജിത് ഡോവലിന്‍റെയും സമ്മർദ്ദത്തിന് വഴങ്ങിയാണ് കമ്മീഷണർ പ്രവർത്തിക്കുന്നതെന്നും ആരോപിച്ചു. തെരഞ്ഞെടുപ്പിൽ കൃത്രിമം കാണിച്ചിട്ടില്ലെന്ന് തെളിയിക്കാൻ പ്രതിപക്ഷം ആവശ്യപ്പെടുമ്പോൾ, നരേന്ദ്ര മോദി എന്തിനാണ് ഡൽഹി നഗരം ബാരിക്കേഡുകൾ വെച്ച് തടയുന്നതെന്ന് രാഹുൽ ചോദിച്ചു. ഡൽഹിയിൽ പൊലീസിനെ വിന്യസിച്ച് റോഡുകൾ അടച്ചുപൂട്ടുന്നത് മിഥ്യാധാരണ മാത്രമാണെന്നും, ജനങ്ങളുടെ മനസ്സിനെ ബാരിക്കേഡുകൾ വെച്ച് തടയാനാകില്ലെന്നും അദ്ദേഹം വ്യക്തമാക്കി.

തെരഞ്ഞെടുപ്പുമായി ബന്ധപ്പെട്ട തന്‍റെ ആശങ്കകൾ രാഷ്ട്രപതിയുടെ ഓഫീസോ രാഷ്ട്രപതി തള്ളിക്കളഞ്ഞിട്ടില്ലെന്നും, എന്നാൽ പ്രധാനമന്ത്രിയുടെ ഓഫീസിൽ നിന്നാണ് തിട്ടൂരം വന്നതെന്നും അദ്ദേഹം അവകാശപ്പെട്ടു. അംബാനി, അദാനി, മോദി, ഡോവൽ എന്നിവർക്ക് അനുകൂലമായ ഇന്ത്യ രാജ്യത്തെ ജനങ്ങൾക്കും അവരുടെ കുട്ടികൾക്കും അപകടകരമാണെന്നും രാഹുൽ ഗാന്ധി കൂട്ടിച്ചേർത്തു.

അതേസമയം, മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും വോട്ട് ചോരിക്കെതിരെയുള്ള പ്രതിഷേധവുമായി രാജ്യതലസ്ഥാനത്ത് ഇന്നും പ്രതിപക്ഷ പ്രക്ഷോഭം ശക്തമാണ്. സുപ്രീം കോടതിയിലേക്ക് ഇന്ത്യ സഖ്യം പ്രഖ്യാപിച്ച മാർച്ച് ദില്ലിയിൽ തുടരുകയാണ്. ലോക്സഭ പ്രതിപക്ഷ നേതാവ് രാഹുൽ ഗാന്ധി, കോൺഗ്രസ് അധ്യക്ഷൻ മല്ലികാർജ്ജുൻ ഖർഗെ, സി പി എം ജനറൽ സെക്രട്ടറി എം എ ബേബി, പ്രിയങ്ക ഗാന്ധിയടക്കമുള്ള എം പിമാരും നേഹ ബോറ, യോഗേന്ദ്ര യാദവ് തുടങ്ങി ഇന്ത്യ സഖ്യം നേതാക്കളും സുപ്രീം കോടതി മാർച്ചിൽ അണിനിരക്കുന്നുണ്ട്. ബസുകളിലാണ് എം പിമാരും, നേതാക്കളും സുപ്രീം കോടതി പരിസരത്തേക്ക് പോകുന്നത്. പൊലീസ് എവിടെ തടയുമോ അവിടെ മുതൽ പ്രക്ഷോഭ സ്ഥലമാക്കാനാണ് ഇന്ത്യ സഖ്യത്തിന്‍റെ നീക്കം.

ദില്ലി സംഘർഷഭരിതമാകുമോ? സുപ്രീം കോടതിയിലേക്ക് 'ചലോ ദില്ലി' മാർച്ചുമായി ഇന്ത്യ സഖ്യം; രാഹുൽ ഗാന്ധിയും ഖർഗെയുമടക്കം അണിനിരക്കുന്നു, കനത്ത സുരക്ഷ

Anver Sajad — Mon, 12 Oct 2026 14:40:29 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും വോട്ട് ചോരിക്കെതിരെയുള്ള പ്രതിഷേധവുമായി രാജ്യതലസ്ഥാനത്ത് ഇന്നും പ്രതിപക്ഷ പ്രക്ഷോഭം. സുപ്രീം കോടതിയിലേക്ക് ഇന്ത്യ സഖ്യം പ്രഖ്യാപിച്ച മാർച്ച് ദില്ലിയിൽ തുടങ്ങി. ലോക്സഭ പ്രതിപക്ഷ നേതാവ് രാഹുൽ ഗാന്ധി, കോൺഗ്രസ് അധ്യക്ഷൻ മല്ലികാർജ്ജുൻ ഖർഗെ, സി പി എം ജനറൽ സെക്രട്ടറി എം എ ബേബി, പ്രിയങ്ക ഗാന്ധിയടക്കമുള്ള എം പിമാരും നേഹ ബോറ, യോഗേന്ദ്ര യാദവ് തുടങ്ങി ഇന്ത്യ സഖ്യം നേതാക്കളും സുപ്രീം കോടതി മാർച്ചിൽ അണിനിരക്കുന്നുണ്ട്. ബസുകളിലാണ് എം പിമാരും, നേതാക്കളും സുപ്രീം കോടതി പരിസരത്തേക്ക് പോകുന്നത്. പൊലീസ് എവിടെ തടയുമോ അവിടെ മുതൽ പ്രക്ഷോഭ സ്ഥലമാക്കാനാണ് ഇന്ത്യ സഖ്യത്തിന്‍റെ നീക്കം. നേതാക്കൾക്കൊപ്പം വലിയ തോതിൽ പ്രവർത്തകരും സുപ്രീം കോടതി പരിസരത്തേക്ക് ഒഴുകിയെത്തുന്നുണ്ട്. അതുകൊണ്ട് തന്നെ രാജ്യതലസ്ഥാനം ഇന്നും സംഘർഷഭരിതമാകാനുള്ള സാധ്യതയുണ്ട്. ചീഫ് ജസ്റ്റിസിനെ നേരിൽ കണ്ട് നിവേദനം നൽകാനാണ് ഇന്ത്യ സഖ്യത്തിന്‍റെ പദ്ധതി. രാജ്യത്തെ യുവജനങ്ങളും പൗരവകാശ സംഘടനകളും പ്രതിപക്ഷ കക്ഷികളും രാഷ്ട്രീയ - ജാതി - മത ഭേദമന്യേ ഭരണഘടന സംരക്ഷിക്കാനായി തങ്ങളോടൊപ്പം തെരുവിൽ അണിനിരക്കണമെന്ന് രാഹുൽ ഗാന്ധി അഭ്യർത്ഥിച്ചിട്ടുണ്ട്. സമാധാനപരമായി പ്രതിഷേധിക്കാനെത്തിയ രാജ്യത്തെ യുവജനങ്ങൾക്ക് നേരെ പൊലീസിന്റെയും ബി ജെ പി ഗുണ്ടകളുടെയും ഭാഗത്തുനിന്നും ക്രൂരമായ അതിക്രമങ്ങളാണ് ഉണ്ടായതെന്നും, ഇത് അംഗീകരിക്കാനാകില്ലെന്നും രാഹുൽ ഗാന്ധി വ്യക്തമാക്കിയിരുന്നു.

അനുമതി നൽകാതെ ചീഫ് ജസ്റ്റിസ്

'രാജ്യം മുഴുവൻ ജന്തർ മന്തറായി മാറും', ഔദ്യോഗിക സമരവേദി മാറ്റിയതിൽ രൂക്ഷ വിമർശനവുമായി സിജെപി; 'പ്രധാനമന്ത്രി നാളെ ജനാധിപത്യത്തെയും ഇല്ലാതാക്കും'

Anver Sajad — Mon, 12 Oct 2026 15:45:30 +0530

ദില്ലി: ജന്തർ മന്തറിനെ ഔദ്യോഗിക പ്രതിഷേധ വേദി പട്ടികയിൽ നിന്ന് ഒഴിവാക്കിയ ദില്ലി പോലീസ് നടപടിക്കെതിരെ രൂക്ഷ വിമർശനവുമായി കോക്റോച്ച് ജനതാ പാർട്ടി (സി ജെ പി) രംഗത്തെത്തി. ജനങ്ങളുടെ മൗലികാവകാശങ്ങൾക്ക് മേലുള്ള കടന്നുകയറ്റമാണിതെന്നും ഏകാധിപത്യ പ്രവണതയുടെ ഭാഗമായാണ് ഈ തീരുമാനമെന്നും സി ജെ പി കൺവീനർ അഭിജീത് ദീപ്കെയും കോ-കൺവീനർ സൗരവ് ദാസും വ്യക്തമാക്കി. ആരോടും യാതൊരുവിധ മുൻകൂർ കൂടിയാലോചനകളും നടത്താതെയാണ് കേന്ദ്ര ആഭ്യന്തര മന്ത്രാലയം ഈ ഏകപക്ഷീയമായ തീരുമാനം കൈക്കൊണ്ടതെന്ന് നേതാക്കൾ ആരോപിച്ചു. സർക്കാരിന്റെ ഇത്തരം നീക്കങ്ങൾക്കെതിരെ എക്സ് പ്ലാറ്റ്‌ഫോമിലൂടെയാണ് സി ജെ പി നേതാക്കൾ കടുത്ത പ്രതിഷേധം രേഖപ്പെടുത്തിയത്. ജന്തർ മന്ദിറിനെ ഔദ്യോഗിക സമരവേദിയല്ലാതാക്കി മാറ്റിയ പ്രധാനമന്ത്രി നരേന്ദ്ര മോദി നാളെ രാജ്യത്തെ ജനാധിപത്യത്തെയും പൂർണ്ണമായി ഇല്ലാതാക്കുമെന്നും, സർക്കാരിന്റെ പ്രശ്നം സമരവേദിയല്ല മറിച്ച് ജനങ്ങളുടെ പ്രതിഷേധ സ്വരമാണെന്നും അഭിജീത് ദീപ്കെ അഭിപ്രായപ്പെട്ടു. ജന്തർ മന്ദിർ ഇന്ത്യയിലെ ജനങ്ങളുടെ സ്വത്താണെന്നും, ഈ ഏകപക്ഷീയമായ നടപടി അംഗീകരിക്കില്ലെന്നും സൗരവ് ദാസ് പ്രതികരിച്ചു. വരും ദിവസങ്ങളിൽ രാജ്യം മുഴുവൻ ജന്തർ മന്തറായി മാറുമെന്നും പ്രതിഷേധങ്ങൾ ശക്തമായി തുടരുമെന്നും സി ജെ പി നേതൃത്വം മുന്നറിയിപ്പ് നൽകി.

സമരം ചെയ്യാൻ ഇനി 3 പുതിയ വേദികൾ

രാജ്യ തലസ്ഥാനത്ത് നടക്കുന്ന ജനകീയ പ്രതിഷേധങ്ങളെ നിയന്ത്രിക്കാനും തടയാനും ലക്ഷ്യമിട്ടുള്ള സുപ്രധാന നീക്കമാണ് ദില്ലി പോലീസിന്‍റെ ഭാഗത്ത് നിന്നും ഉണ്ടായത്. പതിറ്റാണ്ടുകളായി ദില്ലിയിലെ സമരകേന്ദ്രമായിരുന്ന ജന്തർ മന്തറിനെ ഔദ്യോഗിക പ്രതിഷേധ വേദികളുടെ പട്ടികയിൽ നിന്ന് ദില്ലി പോലീസ് ഒഴിവാക്കി. ജന്തർ മന്തറിന് പകരം പ്രക്ഷോഭങ്ങൾക്കായി ദില്ലിയിൽ മൂന്ന് പുതിയ കേന്ദ്രങ്ങൾ അനുവദിച്ചിട്ടുണ്ട്. രാംലീല മൈതാൻ, ബുരാരി ഗ്രൗണ്ട്, ഈസ്റ്റ് ഡൽഹിയിലെ സി ബി ഡി (CBD) ഗ്രൗണ്ട് എന്നിവയാണ് പുതുതായി അനുവദിച്ച സമരവേദികൾ. പ്രതിഷേധങ്ങൾ തടസ്സമില്ലാതെ നടത്താൻ ബദൽ വേദികൾ പരിഗണിക്കണമെന്ന് സുപ്രീം കോടതി അടുത്തിടെ നിർദ്ദേശിച്ചിരുന്നു. ഇതിന് പിന്നാലെ കേന്ദ്ര ആഭ്യന്തര മന്ത്രാലയത്തിന്റെ സമിതി നൽകിയ ശുപാർശ കൂടി പരിഗണിച്ചാണ് ദില്ലി പൊലീസിന്‍റെ സുപ്രധാന തീരുമാനം. പ്രതിഷേധ വേദികൾ പുനഃക്രമീകരിച്ചുകൊണ്ട് 2022 ഏപ്രിൽ 28 ലെ മുൻ ഉത്തരവാണ് പോലീസ് ഇപ്പോൾ ഭാഗികമായി ഭേദഗതി ചെയ്തിരിക്കുന്നത്. പ്രധാന സർക്കാർ ഓഫീസുകളും പാർലമെന്റും സ്ഥിതി ചെയ്യുന്ന മേഖലകളിൽ നിന്നുമുള്ള ഈ വേദി മാറ്റം പ്രതിപക്ഷ പ്രക്ഷോഭങ്ങളുടെ നിശബ്ദമാക്കാനുള്ള തന്ത്രമാണെന്ന വിമർശനം ശക്തമാകാനാണ് സാധ്യത.

രാജസ്ഥാനിൽ മുൻ ബിജെപി എംഎൽഎയെ ജനക്കൂട്ടം വടികളും കല്ലുകളും ഉപയോഗിച്ച് അടിച്ച് കൊലപ്പെടുത്തി

Web Desk — Mon, 12 Oct 2026 15:52:45 +0530

ജയ്പൂർ: രാജസ്ഥാനിലെ ഭരത്പൂർ ജില്ലയിൽ നിർത്തിവെച്ചിരുന്ന സ്റ്റോൺ ക്രഷർ യൂണിറ്റ് വീണ്ടും തുറക്കുന്നതിനെച്ചൊല്ലിയുണ്ടായ തർക്കത്തെത്തുടർന്ന് രോഷാകുലരായ ജനക്കൂട്ടം വടികൊണ്ടു അടിച്ചു കൊലപ്പെടുത്തി. ബിജെപി മുൻ എംഎൽഎ അതർ സിങ് ഭദാനയെയാണ് ഭോണ്ട ഗ്രാമത്തിൽ ഞായറാഴ്ച വൈകുന്നേരം ജനക്കൂട്ടം കൊലപ്പെടുത്തിയത്. ഭോണ്ട ഗ്രാമത്തിലെ ക്രഷർ യൂണിറ്റ് പരിസരത്തുവെച്ച് ഒരു സംഘം ഗ്രാമീണർ വടികളും കല്ലുകളും ഉപയോഗിച്ച് ഭദാനയെയും കൂട്ടാളിയെയും ക്രൂരമായി ആക്രമിക്കുകയായിരുന്നു. ഗുരുതരമായി പരിക്കേറ്റ ഭദാനയെ ജയ്പൂരിലെ എസ്.എം.എസ് ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ മരണപ്പെടുകയായിരുന്നു.

മേഖലയിലെ മേച്ചിൽപ്പുറങ്ങൾ കയ്യേറി നിയമവിരുദ്ധമായി എംഎൽഎയും സംഘവും ഖനനം നടത്താൻ ശ്രമിച്ചുവെന്ന് ആരോപിച്ച് ഗ്രാമീണർ രംഗത്ത് വന്നിരുന്നു. പൊലീസ് നൽകുന്ന വിവരപ്രകാരം സംഘർഷമുണ്ടായ ഭോണ്ട ഗ്രാമത്തിൽ അതർ സിങ് ക്രഷർ യൂണിറ്റ് നടത്തിയിരുന്നു. ഇവിടെ അദ്ദേഹം സ്ഥലം പാട്ടത്തിനെടുത്ത് ഖനനവും നടത്തിയിരുന്നു. ഭാര്യയുടെ പേരിലായിരുന്നു അതർ സിങ് ബിസിനസ് നടത്തിയിരുന്നത്. ഭോണ്ട, റായ്പുർ ഗ്രാമങ്ങളിലെ ജനങ്ങൾ കഴിഞ്ഞ രണ്ട് വർഷമായി ക്രഷർ യൂണിറ്റിനെതിരെ പ്രതിഷേധത്തിലായിരുന്നു. ക്രഷർ യൂണിറ്റിലേക്ക് ഖനന പ്രദേശത്തേക്ക് വാഹനങ്ങൾ കടന്നുപോകുന്നത് കന്നുകാലികൾക്കുള്ള മേച്ചിൽപ്പുറങ്ങൾ വഴിയാണെന് ആരോപിച്ചാണ് ഗ്രാമവാസികൾ പ്രക്ഷോഭം നടത്തിയിരുന്നത്.

ക്രഷർ യൂണിറ്റിനെതിരെ പ്രദേശത്തെ ജനം ധർണ നടത്തുകയും വഴി തടയുകയും ചെയ്തിരുന്നു. ഇതിന്‍റെ തുടർച്ചയായാണ് മുൻ ബിജെപി എംഎൽഎക്കെതിരെ ആക്രമണം നടത്തിയത്. സംഭവത്തിൽ ഇരുവിഭാഗത്തിനുമെതിരെ പൊലീസ് കേസെടുത്തിട്ടുണ്ട്. ആക്രമണത്തിന് പിന്നാലെ ഗ്രാമത്തിൽ വലിയ പൊലീസ് സന്നാഹത്തെ വിന്യസിച്ചിട്ടുണ്ട്. ഹരിയാന സ്വദേശിയായ അതർ സിങ് ഭദാന 2003ലാണ് ബയാന നിയമസഭാ മണ്ഡലത്തിൽ നിന്നും രാജസ്ഥാൻ നിയമസഭയിലേക്ക് തെരഞ്ഞെടുക്കപ്പെട്ടത്. 2008 വരെ ഇദ്ദേഹം നിയമസഭാംഗമായിരുന്നു.

ഫോം 6 സുപ്രീംകോടതി അംഗീകരിച്ചിട്ടില്ല, വ്യക്തമാക്കി ചീഫ് ജസ്റ്റിസ്; ഫോമിൽ മാറ്റം വരുത്തിയത് ആരെന്ന് പരിശോധിക്കും

Web Desk — Mon, 12 Oct 2026 14:36:41 +0530

ഡൽഹി: പുതിയ വോട്ടർ രജിസ്‌ട്രേഷനുള്ള ഫോം 6-ൽ വരുത്തിയ മാറ്റങ്ങൾ സുപ്രീം കോടതി അംഗീകരിച്ചിട്ടില്ലെന്ന് ചീഫ് ജസ്റ്റിസ് അധ്യക്ഷനായ ബെഞ്ച് വ്യക്തമാക്കി. മുൻപ് ബിഹാർ എസ്ഐആർ സംബന്ധിച്ച് വിധി പ്രസ്താവിക്കുമ്പോൾ പരിഗണനയിലില്ലാതിരുന്ന നിബന്ധനകളാണ് പുതിയ ഫോമിലുള്ളതെന്നും, ഫോമിൽ മാറ്റം വരുത്തിയത് ആരെന്ന് വിശദമായി പരിശോധിക്കുമെന്നും കോടതി അറിയിച്ചു. പുതിയ വോട്ടർ രജിസ്‌ട്രേഷനായി അപേക്ഷിക്കുമ്പോൾ മാതാപിതാക്കളുടെ പഴയ വോട്ടർപട്ടികയിലെ വിവരങ്ങളോ അല്ലെങ്കിൽ 2002-ലെ വോട്ടർപട്ടികയുമായുള്ള ബന്ധമോ വ്യക്തമാക്കുന്ന അധിക സത്യവാങ്മൂലം സമർപ്പിക്കണമെന്ന നിബന്ധനയാണ് വിവാദത്തിന് കാരണമായത്.

പുതിയ ഫോം 6 അംഗീകരിക്കുകയോ തള്ളുകയോ ചെയ്തിട്ടില്ല. ഫോം 6-ൽ മാറ്റങ്ങൾ വരുത്താൻ സുപ്രീം കോടതി യാതൊരു അനുമതിയും നൽകിയിട്ടില്ലെന്ന് ചീഫ് ജസ്റ്റിസ് വ്യക്തമാക്കി. ഫോമിലെ വ്യവസ്ഥകൾ പരിഷ്കരിച്ചത് ആരുടെ ഉത്തരവുപ്രകാരമാണെന്ന് വ്യക്തമാക്കാൻ കേന്ദ്ര തെരഞ്ഞെടുപ്പ് കമ്മീഷനോട് വിശദീകരണം തേടി നോട്ടീസ് അയച്ചു. ബിഹാർ എസ്ഐആർ കേസിലെ വിധി വന്നിരുന്ന സമയത്ത് ഈ പുതിയ വ്യവസ്ഥകൾ നിലവിലുണ്ടായിരുന്നില്ല. അതിനുശേഷമാണ് ഫോമിൽ മാറ്റങ്ങൾ വന്നത്.

ഈ വിഷയവുമായി ബന്ധപ്പെട്ട ഹർജികൾ കേന്ദ്ര തെരഞ്ഞെടുപ്പ് കമ്മീഷനുമായി ബന്ധപ്പെട്ട മറ്റ് പ്രധാന ഹർജികൾക്കൊപ്പം ഈ മാസം 27-ന് സുപ്രീം കോടതി വീണ്ടും പരിഗണിക്കും.

ജന്തർ മന്തറിനെ ഔദ്യോഗിക പ്രതിഷേധ വേദി പട്ടികയിൽ നിന്ന് ഒഴിവാക്കി, ദില്ലി പൊലീസിൻ്റെ സുപ്രധാന നീക്കം; രാജ്യതലസ്ഥാനത്ത് സമരം ചെയ്യാൻ ഇനി 3 പുതിയ വേദികൾ

Anver Sajad — Mon, 12 Oct 2026 13:55:24 +0530

ദില്ലി: രാജ്യ തലസ്ഥാനത്ത് നടക്കുന്ന ജനകീയ പ്രതിഷേധങ്ങളെ നിയന്ത്രിക്കാനും തടയാനും ലക്ഷ്യമിട്ട് സുപ്രധാന നീക്കവുമായി ദില്ലി പോലീസ്. പതിറ്റാണ്ടുകളായി ദില്ലിയിലെ സമരകേന്ദ്രമായിരുന്ന ജന്തർ മന്തറിനെ ഔദ്യോഗിക പ്രതിഷേധ വേദികളുടെ പട്ടികയിൽ നിന്ന് ദില്ലി പോലീസ് ഒഴിവാക്കി. ജന്തർ മന്തറിന് പകരം പ്രക്ഷോഭങ്ങൾക്കായി ദില്ലിയിൽ മൂന്ന് പുതിയ കേന്ദ്രങ്ങൾ അനുവദിച്ചിട്ടുണ്ട്. രാംലീല മൈതാൻ, ബുരാരി ഗ്രൗണ്ട്, ഈസ്റ്റ് ഡൽഹിയിലെ സി ബി ഡി (CBD) ഗ്രൗണ്ട് എന്നിവയാണ് പുതുതായി അനുവദിച്ച സമരവേദികൾ. പ്രതിഷേധങ്ങൾ തടസ്സമില്ലാതെ നടത്താൻ ബദൽ വേദികൾ പരിഗണിക്കണമെന്ന് സുപ്രീം കോടതി അടുത്തിടെ നിർദ്ദേശിച്ചിരുന്നു. ഇതിന് പിന്നാലെ കേന്ദ്ര ആഭ്യന്തര മന്ത്രാലയത്തിന്റെ സമിതി നൽകിയ ശുപാർശ കൂടി പരിഗണിച്ചാണ് ദില്ലി പൊലീസിന്‍റെ സുപ്രധാന തീരുമാനം. പ്രതിഷേധ വേദികൾ പുനഃക്രമീകരിച്ചുകൊണ്ട് 2022 ഏപ്രിൽ 28 ലെ മുൻ ഉത്തരവാണ് പോലീസ് ഇപ്പോൾ ഭാഗികമായി ഭേദഗതി ചെയ്തിരിക്കുന്നത്. പ്രധാന സർക്കാർ ഓഫീസുകളും പാർലമെന്റും സ്ഥിതി ചെയ്യുന്ന മേഖലകളിൽ നിന്നുമുള്ള ഈ വേദി മാറ്റം പ്രതിപക്ഷ പ്രക്ഷോഭങ്ങളുടെ നിശബ്ദമാക്കാനുള്ള തന്ത്രമാണെന്ന വിമർശനം ശക്തമാകാനാണ് സാധ്യത.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

'ഗ്രാമത്തിലെ മരണങ്ങൾക്ക് കാരണക്കാരി, ദുർമന്ത്രവാദവും ചെയ്യും', മദ്യലഹരിയില്‍ അമ്മയെ തീകൊളുത്തി കൊലപ്പെടുത്തി മകൻ

Web Desk — Mon, 12 Oct 2026 11:23:29 +0530

തെലങ്കാന: തെലങ്കാനയിലെ മേഡക് ജില്ലയിൽ, ദുർമന്ത്രവാദം ആരോപിച്ചും ഗ്രാമത്തിലുണ്ടായ മരണങ്ങൾക്ക് കാരണക്കാരിയെന്ന് പറഞ്ഞും 21-കാരൻ സ്വന്തം അമ്മയെ തീക്കൊളുത്തി കൊലപ്പെടുത്തി. ഓട്ടോറിക്ഷാ ഡ്രൈവറായ ദുർഗേഷ് (21) എന്ന യുവാവാണ് 40-കാരിയായ അമ്മയെ ജീവനോടെ തീക്കൊളുത്തി കൊലപ്പെടുത്തിയത്. തന്‍റെ ഓട്ടോറിക്ഷയിൽ നിന്ന് ഡീസലെടുത്ത് അമ്മയുടെ ശരീരത്തിലൊഴിച്ച് തീക്കൊളുത്തുകയായിരുന്നു. ഗുരുതരമായി പൊള്ളലേറ്റ സായമ്മ സംഭവസ്ഥലത്തുതന്നെ മരിച്ചു. അമ്മ ദുർമന്ത്രവാദം നടത്തുന്നുണ്ടെന്നും വർഷങ്ങൾക്ക് മുമ്പ് ഗ്രാമത്തിലുണ്ടായ മരണങ്ങൾക്ക് കാരണം അമ്മയാണെന്നും ആരോപിച്ചായിരുന്നു ആക്രമണം. ഹൈദരാബാദിൽ നിന്ന് 10 ദിവസം മുമ്പാണ് ദുർഗേഷ് ഗ്രാമത്തിൽ തിരിച്ചെത്തിയത്. ലഹരിക്ക് അടിമയായ ഇയാൾ മദ്യലഹരിയിലാണ് കൃത്യം ചെയ്തതെന്നാണ് പൊലീസിന്‍റെ പ്രാഥമിക നിഗമനം.

പൊലീസ് സംഭവസ്ഥലം സന്ദർശിച്ച് അന്വേഷണം ആരംഭിച്ചു. മൃതദേഹം ജോഗിപേട്ടിലെ ഗവൺമെന്‍റ് ആശുപത്രിയിലേക്ക് പോസ്റ്റ്‌മോർട്ടത്തിനായി മാറ്റി. സായമ്മ ദുർമന്ത്രവാദം നടത്തിയിരുന്നതായി ഗ്രാമവാസികളാരും പറഞ്ഞിട്ടില്ലെന്നും ഇതിന് യാതൊരു തെളിവുമില്ലെന്നും പൊലീസ് വ്യക്തമാക്കി. പ്രതിയായ മകനെ പൊലീസ് കസ്റ്റഡിയിലെടുത്തിട്ടുണ്ട്.

ദില്ലി പ്രതിഷേധം; ഇന്നലെ കസ്റ്റഡിയിലെടുത്തത് 700 പേരെ, ഇന്ത്യാസഖ്യത്തിൻ്റെ സുപ്രീംകോടതി മാർച്ചിൽ ഭിന്നത

Faseela Moidu — Mon, 12 Oct 2026 09:39:32 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് ഇന്നലെ ദില്ലിയിൽ നടത്തിയ പ്രതിഷേധത്തിൽ 700 പേർ കസ്റ്റഡിയിൽ. കപ്സേരയിലെ താൽക്കാലിക തടങ്കൾ കേന്ദ്രത്തിൽ എത്തിച്ചവരിൽ പ്രായപൂർത്തിയാകാത്തവരും ഉൾ‌പ്പെടുന്നതായാണ് വിവരം. ഇവിടേക്ക് കൊണ്ടുപോയ മലയാളി സന്നദ്ധ സംഘടന പ്രവർത്തകൻ ഉൾപ്പെടെയുള്ളവരെ കുറിച്ച് വിവരമില്ല. ഗുരുദ്വാരയിൽ പ്രതിഷേധക്കാർ കയറിയതിൽ പൊലീസ് കേസെടുത്തിരുന്നു. ഗുരുദ്വാരയിൽ കയറി മുദ്രവാക്യം വിളിച്ചതിന് എഎപി നേതാക്കൾക്കെതിരെയാണ് കേസ്. അതേസമയം, പൊലീസ് നടപടി സുപ്രീംകോടതിയിൽ ഉന്നയിക്കാനൊരുങ്ങുകയാണ് അഭിഭാഷക സംഘടന എൽഎഎഫ്സി.

പൊലീസ് കസ്റ്റഡിയിലെടുത്തവരുടെ വിവരശേഖരണം തുടങ്ങി. മെട്രോ സ്റ്റേഷനുകൾ അടച്ച നടപടിയും കോടതിയെ ധരിപ്പിക്കും. അതേസമയം, ഇന്ത്യാസഖ്യ പ്രതിഷേധത്തിൽ ചില വിള്ളലുകൾ രൂപപ്പെട്ടതായി പുറത്തുവരുന്നുണ്ട്. സുപ്രീംകോടതിയിലേക്ക് മാർച്ച് എന്ന പ്രചാരണത്തിൽ ചില കക്ഷികൾക്ക് എതിർപ്പുണ്ടെന്നാണ് വിവരം. കോടതിയുടെ അതൃപ്‌തിക്കിടയാക്കായേക്കുമെന്നാണ് സിപിഐ അടക്കമുള്ള ചില പാർട്ടികളുടെ വാദം. ഭാവിയിലെ ഹർജികളിൽപോലും കോടതിക്ക് അതൃപ്‌തിയുണ്ടാക്കയേക്കാമെന്നാണ് നേതാക്കൾ. ദില്ലി ചലോ മാർച്ചെന്ന പ്രയോഗം മതിയെന്നാണ് നിർദേശം. ഇന്നത്തെ പ്രതിഷേധത്തിൽ പങ്കെടുക്കാൻ കൂടുതൽ നേതാക്കൾക്കും പ്രവർത്തകർക്കും നിർദേശം നൽകിയിട്ടുണ്ട്. അതേസമയം, വരുന്ന മൂന്ന് മണിക്കൂറിൽ ദില്ലിയിൽ ഇടിയോട് കൂടിയ ശക്തമായ മഴയെന്ന് കാലാവസ്ഥ വകുപ്പിൻ്റെ റിപ്പോർട്ടിൽ പറയുന്നു.

'നേതാക്കളെ കാണുന്നത് ഉചിതമല്ല'; ചീഫ് ജസ്റ്റിസുമായുള്ള കൂടിക്കാഴ്ചയ്ക്ക് പ്രതിപക്ഷത്തിന് അനുമതിയില്ല, ഇന്നും ദില്ലി മെട്രോയിൽ നിയന്ത്രണം

Faseela Moidu — Mon, 12 Oct 2026 07:16:14 +0530

ദില്ലി: പ്രതിപക്ഷ നേതാക്കൾ നൽകാൻ ഉദ്ദേശിക്കുന്ന നിവേദനം സുപ്രീം കോടതി ചീഫ് ജസ്റ്റിസ് സ്വീകരിക്കില്ല. ചീഫ് ജസ്റ്റിസുമായുള്ള കൂടിക്കാഴ്ചയ്ക്ക് അനുമതി നൽകിയില്ല. സുപ്രീം കോടതി പരിഗണിക്കുന്ന കേസിലാണ് പ്രതിപക്ഷം നിവേദനം നൽകാൻ ആഗ്രഹിക്കുന്നതെന്നും അതിനാൽ നേതാക്കളെ കാണുന്നത് ഉചിതമാകില്ലെന്നും ചീഫ് ജസ്റ്റിസ് നൽകിയ കത്തിൽ പറയുന്നു. മൗലികാവകാശങ്ങൾ സംരക്ഷിക്കാൻ ഏത് സമയവും കോടതിയുടെ വാതിലുകൾ തുറന്നു കിടക്കുകയാണ്. പ്രതിപക്ഷം ഉന്നയിക്കുന്ന വിഷയങ്ങൾക്ക് ഭരണപരമായ പരിഹാരമാണ് വേണ്ടത്. ഇക്കാര്യത്തിൽ തനിക്ക് വ്യക്തിപരമായി ഒന്നും ചെയ്യാൻ കഴിയില്ലെന്നും ചീഫ് ജസ്റ്റിസ് പ്രതികരിച്ചു. പ്രതിപക്ഷം ഹർജി നൽകുകയാണെങ്കിൽ നിലവിലുള്ള കേസിനൊപ്പം അടിയന്തരമായി പരിഗണിക്കാമെന്നും ചീഫ് ജസ്റ്റിസ് പറഞ്ഞു. അതേസമയം, സുപ്രീം കോടതിയിലേക്കുള്ള പ്രതിപക്ഷ മാർച്ച് സർക്കാർ തടയും. വൈകുന്നേരമാണ് ഇന്ത്യ സഖ്യം സുപ്രീം കോടതിയിലേക്ക് മാർച്ച് നടത്തുക.

ഇന്നും ദില്ലിയിൽ പ്രക്ഷോഭത്തിനൊരുങ്ങി ഇടത് വിദ്യാർഥി സംഘടനകൾ

മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്‍റെ രാജി ആവശ്യപ്പെട്ട് ഇന്നും ദില്ലിയിൽ പ്രക്ഷോഭത്തിനൊരുങ്ങി ഇടത് വിദ്യാർഥി സംഘടനകൾ. ജന്തർ മന്തറിൽ സമരത്തിന് അനുമതി തേടി സിജെപി വീണ്ടും പൊലീസിനെ സമീപിക്കും. ഇന്ത്യാസഖ്യയോഗവും ഇന്ന് ചേരും. വൈകിട്ട് സുപ്രീംകോടതിയിലേക്ക് മാർച്ച് നടത്തും. അതേസമയം, മുഖ്യതെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെ നീക്കണമെന്നാവശ്യപ്പെടുന്ന പ്രമേയം മുഖ്യമന്ത്രി ഇന്ന് നിയമസഭയിൽ അവതരിപ്പിക്കും. എൽഡിഎഫ് പിന്തുണയ്ക്കും. അതേ സമയം ബിജെപി എതിര്‍ക്കും. ഗ്യാനേഷിന് കീഴിൽ നടന്ന തെരഞ്ഞെടുപ്പുകൾ അട്ടിമറിയാണെങ്കിൽ മുഖ്യമന്ത്രി രാജിവയ്ക്കണമെന്നാണ് ബിജെപിയുടെ ആവശ്യം. ഇക്കാര്യം ഉന്നയിച്ച് ഇന്ന് നിയമസഭാ മാർച്ചും നടത്തും.

ഗ്യാനേഷ് കുമാറിന്‍റെ രാജി; ഇന്നും ദില്ലിയിൽ പ്രക്ഷോഭത്തിനൊരുങ്ങി ഇടത് വിദ്യാർഥി സംഘടനകൾ, കേരള നിയമസഭയിൽ പ്രമേയം പാസാക്കും

Faseela Moidu — Mon, 12 Oct 2026 06:14:36 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്‍റെ രാജി ആവശ്യപ്പെട്ട് ഇന്നും ദില്ലിയിൽ പ്രക്ഷോഭത്തിനൊരുങ്ങി ഇടത് വിദ്യാർഥി സംഘടനകൾ. ജന്തർ മന്തറിൽ സമരത്തിന് അനുമതി തേടി സിജെപി വീണ്ടും പൊലീസിനെ സമീപിക്കും. ഇന്ത്യാസഖ്യയോഗവും ഇന്ന് ചേരും. വൈകിട്ട് സുപ്രീംകോടതിയിലേക്ക് മാർച്ച് നടത്തും. അതേസമയം, മുഖ്യതെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെ നീക്കണമെന്നാവശ്യപ്പെടുന്ന പ്രമേയം മുഖ്യമന്ത്രി ഇന്ന് നിയമസഭയിൽ അവതരിപ്പിക്കും. എൽഡിഎഫ് പിന്തുണയ്ക്കും. അതേ സമയം ബിജെപി എതിര്‍ക്കും. ഗ്യാനേഷിന് കീഴിൽ നടന്ന തെരഞ്ഞെടുപ്പുകൾ അട്ടിമറിയാണെങ്കിൽ മുഖ്യമന്ത്രി രാജിവയ്ക്കണമെന്നാണ് ബിജെപിയുടെ ആവശ്യം. ഇക്കാര്യം ഉന്നയിച്ച് ഇന്ന് നിയമസഭാ മാർച്ചും നടത്തും.

'24 മണിക്കൂറിനുള്ളിൽ തീയതി അനുവദിച്ചില്ലെങ്കിൽ...'; ജന്തർ മന്തറിൽ സമരാനുമതി തേടാൻ സിജെപി; രാവിലെ 10 മണിക്ക് പൊലീസിനെ സമീപിക്കും

Deepu Divakaran — Sun, 11 Oct 2026 23:56:28 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജി ആവശ്യപ്പെട്ട് ജന്തർ മന്തറിൽ വീണ്ടും സമരത്തിന് അനുമതി തേടാനായി കോക്റോച്ച് ജനത പാർട്ടി (സിജെപി) നേതാക്കൾ. തിങ്കളാഴ്ച രാവിലെ 10 മണിക്ക് പാർലമെന്റ് സ്ട്രീറ്റ് പൊലീസ് സ്റ്റേഷനിൽ എത്തുമെന്നും ജന്തർ മന്തറിൽ സമരാനുമതിക്കായുള്ള തീയതി ആവശ്യപ്പെടുമെന്നും സിജെപി സഹ കൺവീനർ അശുതോഷ് രംഗ അറിയിച്ചു. 24 മണിക്കൂറിനുള്ളിൽ ജന്തർ മന്തറിൽ പ്രതിഷേധിക്കാനായി ഒരു തീയതി തരണമെന്നും ഇല്ലെങ്കിൽ വീണ്ടും പ്രതിഷേധവുമായി ഇറങ്ങുമെന്നും സിജെപി മുന്നറിയിപ്പ് നൽകി. സൗരവ് ദാസും രത്ന സിങ്ങും അശുതോഷിനൊപ്പം എത്തും.

ദില്ലി പൊലീസ് വിമാനത്തിൽ കയറി കസ്റ്റഡിയിൽ എടുത്ത സിജെപി നേതാക്കളായ അഭിജിത്ത് ദീപ്കെ, സൗരവ് ദാസ്, അശുതോഷ് രംഗ എന്നിവർക്ക് കർശന വ്യവസ്ഥകളോടെ മജിസ്ട്രേറ്റ് ജാമ്യം അനുവദിക്കുകയായിരുന്നു. ജന്തർ മന്തറിലേക്ക് മാർച്ച് നടത്താൻ മുംബൈയിൽ നിന്ന് ശനിയാഴ്ച രാവിലെ ദില്ലിയിലെത്തിയ മൂവരെയും വിമാനത്തിൽ കയറിയാണ് ദില്ലി പൊലീസ് അറസ്റ്റ് ചെയ്തത്. സമാധാന അന്തരീക്ഷം തകർക്കാതിരിക്കാനും സമൂഹത്തിൽ മറ്റ് പ്രശ്നങ്ങളുണ്ടാക്കാതിരിക്കാനുമുള്ള കരുതൽ നടപടിയായാണ് കസ്റ്റഡിയിൽ എടുത്തതെന്നായിരുന്നു പൊലീസിൻ്റെ വിശദീകരണം.

മൂന്നുപേരെയും 24 മണിക്കൂർ നേരം പ്രത്യേക ഇടങ്ങളിൽ കരുതൽ തടങ്കലിൽ പാർപ്പിച്ച ശേഷം ഞായറാഴ്ച രാവിലെ പത്തരക്ക് ദില്ലി കന്റോൺമെന്റ് സ്റ്റേഷനിൽ സ്പെഷൽ എക്സിക്യുട്ടീവ് മജിസ്ട്രേറ്റിന് മുന്നിൽ ഇവരെ ഹാജരാക്കി. സമാധാനം നിലനിർത്തുന്ന പെരുമാറ്റം ഉറപ്പാക്കാമെന്ന ഒരു വർഷത്തേക്കുള്ള ബോണ്ടിന് അമ്പതിനായിരം രൂപ കെട്ടിവെക്കാൻ മജിസ്ട്രേറ്റ് ജാമ്യ ഉത്തരവിൽ നിർദേശിച്ചു. മുത്തശ്ശിയുടെ സംസ്കാര ചടങ്ങുകളിൽ പങ്കെടുക്കാൻ അഭിജിത് ദീപ്കേ മുംബൈക്ക് മടങ്ങി.

മുത്തശ്ശിയുടെ മരണവിവരം അറിയിക്കുന്നതിൽ പോലും ദില്ലി പൊലീസ് മര്യാദ കാട്ടിയില്ലെന്ന് അഭിജിത്ത് ദീപ്കെ ആരോപിച്ചു. ആരോപണം പൊലീസ് നിഷേധിച്ചു. ഗ്യാനേഷ് കുമാറെന്ന ഒറ്റ വ്യക്തിയെ സംരക്ഷിക്കാൻ രാജ്യതലസ്ഥാനത്ത് മോദിയും അമിത് ഷായും കോട്ടകെട്ടിയിരിക്കുന്നത് എന്തിനാണെന്നും ഇത്രയും വലിയ എന്ത് രഹസ്യമാണ് ഗ്യാനേഷ് കുമാറിന് അറിയാവുന്നതെന്നും ഉച്ചയ്ക്ക് പ്രസ് ക്ലബിലെത്തി നടത്തിയ വാർത്താ സമ്മേളനത്തിൽ സിജെപി നേതാക്കൾ ചോദിച്ചിരുന്നു.

ഇന്ത്യാസഖ്യം നേതാക്കൾക്ക് ചീഫ് ജസ്റ്റിസിനെ കാണാൻ അനുമതി കിട്ടിയില്ല; അനുമതി നിഷേധിച്ചതിന്റെ കാരണം ഇമെയിൽ വഴി അറിയിച്ചു

Web Desk — Sun, 11 Oct 2026 22:47:14 +0530

ന്യൂഡൽഹി: ഇന്ത്യാസഖ്യം നേതാക്കൾക്ക് സുപ്രീംകോടതി ചീഫ് ജസ്റ്റിസ് കൂടിക്കാഴ്ചയ്ക്ക് അനുമതി നൽകിയില്ലെന്ന് റിപ്പോർട്ട്. തിങ്കളാഴ്ച സുപ്രീംകോടതിയിലേക്ക് മാർച്ച് സംഘടിപ്പിക്കുമെന്നും തുടർന്ന് ചീഫ് ജസ്റ്റിസിന് നിവേദനം സമർപ്പിക്കുമെന്നുമായിരുന്നു പ്രതിപക്ഷ നേതാവായ രാഹുൽ ഗാന്ധിയുടെ പ്രഖ്യാപനം. എന്നാൽ, കൂടിക്കാഴ്ചയ്ക്കായി ഇന്ത്യാസഖ്യം നൽകിയ അപേക്ഷ ചീഫ് ജസ്റ്റിസ് സൂര്യകാന്ത് നിരസിച്ചതായി വാർത്താ ഏജൻസിയായ എഎൻഐ റിപ്പോർട്ട് ചെയ്തു. ഇതിന്റെ കാരണം വിശദീകരിച്ച് ചീഫ് ജസ്റ്റിസ് നേതാക്കൾക്ക് ഇമെയിൽ അയച്ചതായും റിപ്പോർട്ടിൽ പറയുന്നു.

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെയ്ക്കുക, എസ്ഐആർ നിർത്തലാക്കുക തുടങ്ങിയ ആവശ്യങ്ങൾ ചൂണ്ടിക്കാട്ടിയാണ് ഇന്ത്യാസഖ്യം പ്രതിഷേധം ശക്തമാക്കാൻ തീരുമാനിച്ചത്. ഇതിന്റെ ഭാഗമായി തിങ്കളാഴ്ച സുപ്രീംകോടതിയിലേക്ക് ബഹുജന മാർച്ച് നടത്താനും രാഹുൽ ഗാന്ധി ആഹ്വാനംചെയ്തിരുന്നു. മാർച്ചിന് പിന്നാലെ സുപ്രീംകോടതി ചീഫ് ജസ്റ്റിസിന് നിവേദനം നൽകുമെന്നും രാഹുൽ ഗാന്ധി അറിയിച്ചിരുന്നു.

Yesterday, the nation's young came out in Delhi to peacefully protest. They came with love in their hearts, not hatred or anger. They were beaten, both by cops and BJP goons.

This is not the India we want.

Tomorrow, we will march to the Supreme Court as Indians, united beyond party, gender, caste, community and state.

Youth, all opposition parties, civil society groups, all those who believe in democracy and stand by the Constitution of India, will walk with us.

We will submit a memorandum to the Chief Justice on behalf of the nation, demanding an end to vote chori, halting of SIR and the resignation of Gyanesh Kumar.

Narendra Modi, Amit Shah, Ajit Doval and Mohan Bhagwat cannot silence India's voice. These cowards cannot intimidate us. They will have to step aside.

We will march together, with love, brotherhood and patriotism.

Daro mat.

Tomorrow, all of India will march to the Supreme Court.

कल दिल्ली में देश का युवा शांतिपूर्ण विरोध के लिए सड़कों पर उतरा। उनके दिलों में नफ़रत या गुस्सा नहीं, मोहब्बत थी। लेकिन उन्हें पुलिस और BJP के गुंडों, दोनों ने पीटा।

ऐसा भारत हम नहीं चाहते।

कल, सोमवार 12 अक्टूबर को, हम भारतीय होने के नाते सुप्रीम कोर्ट तक मार्च करेंगे। पार्टी, महिला-पुरुष, जाति, समुदाय और राज्य की हर दीवार से ऊपर उठकर, हम सब एक साथ चलेंगे।

देश का युवा, तमाम विपक्षी दल, सिविल सोसाइटी और लोकतंत्र में विश्वास रखने वाले, भारत के संविधान के साथ खड़े सभी लोग हमारे साथ चलेंगे।

हम देश की ओर से मुख्य न्यायाधीश को एक ज्ञापन सौंपेंगे। हमारी माँग है - वोट चोरी बंद हो, SIR पर रोक लगे और ज्ञानेश कुमार इस्तीफ़ा दें।

नरेंद्र मोदी, अमित शाह, अजित डोभाल और मोहन भागवत भारत की आवाज़ को दबा नहीं सकते। ये कायर हमें डरा नहीं सकते। इन्हें पीछे हटना ही होगा।

हम सब साथ चलेंगे - मोहब्बत, भाईचारे और देशभक्ति के साथ।

डरो मत।

कल पूरा भारत सुप्रीम कोर्ट तक मार्च करेगा।

#ChaloDilli

— Rahul Gandhi (@RahulGandhi) October 11, 2026

അടുത്ത സമര പ്രഖ്യാപനം ഉടനെന്ന സൂചനയുമായി സിജെപി, ദില്ലിയിലുള്ള പാറ്റകൾ തുടരണം വിളി ഉടനെത്തുമെന്ന് അറിയിപ്പ്

Elsa TJ — Sun, 11 Oct 2026 21:39:50 +0530

ഡൽഹി: അടുത്ത സമര പ്രഖ്യാപനം ഉടനെന്ന സൂചന നൽകി സി ജെ പിയുടെ കുറിപ്പ്. ദില്ലിയിലുള്ള പാറ്റകൾ തുടരണമെന്നും വിളി ഉടൻവരുമെന്നുമാണ് പോസ്റ്റ് വിശദമാക്കുന്നത്. ദില്ലിയിലേക്ക് ട്രെയിൻ സർവീസ് വീണ്ടും തുടങ്ങിയെന്നും സി ജെ പി വിശദമാക്കുന്നുണ്ട്. പ്രതിഷേധത്തിനായി ദില്ലിയിലെത്തിയതിന് പിന്നാലെ കസ്റ്റഡിയിൽ എടുത്ത സിജെപി നേതാക്കളായ അഭിജീത് ദിപ്കെ, സൗരവ് ദാസ്, അശുതോഷ് രംഗ എന്നിവരെ ഇന്ന് രാവിലെ 10 മണിയോടെ വിട്ടയച്ചിരുന്നു. ഇവരെ കോടതിയിൽ ഹാജരാക്കിയ ശേഷമാണ് വിട്ടയച്ചത്. ദീപ്കെ ഉൾപ്പെടെയുള്ളവരുടെ അറസ്റ്റ് പോലീസ് രേഖപ്പെടുത്തിയിരുന്നു. ഗുരുഗ്രാമിൽനിന്ന് കസ്റ്റഡിയിലെടുത്ത ധ്രുവ് റാഠിയെയും പോലീസ് വിട്ടയച്ചു.

വരും ദിവസങ്ങളിൽ പ്രതിഷേധങ്ങളിൽ പങ്കെടുത്താൽ നടപടി ഉണ്ടാകുമെന്ന മുന്നറിയിപ്പോടെയാണ് ധ്രുവിനെ ദില്ലി പോലീസ് വിട്ടയച്ചത്. ഇന്നലെ രാവിലെ 10.30 ഓടെ കസ്റ്റഡിയിലെടുത്ത സിജെപി നേതാക്കളെ 24 മണിക്കൂറിന് ശേഷം കോടതിയുടെ നിർദ്ദേശപ്രകാരമാണ് പോലീസ് വിട്ടയച്ചത്. 50,000 രൂപ കെട്ടിവെക്കണമെന്നും, അടുത്ത ഒരു വർഷത്തേക്ക് നല്ല നടപ്പും സമാധാനം പാലിക്കണമെന്നുമുള്ള കർശന വ്യവസ്ഥയിലാണ് സിജെപി നേതാക്കളായ അഭിജീത് ദിപ്കെ, സൗരവ് ദാസ്, അശുതോഷ് രംഗ എന്നിവർക്ക് കോടതി ജാമ്യം അനുവദിച്ചത്.

നേതാക്കളെ വിട്ടയച്ചതിന് പിന്നാലെ പോലീസിന് തങ്ങളെ വിട്ടയക്കേണ്ടി വന്നതാണെന്നും 'കോക്രോച്ചുകൾ ഒരിക്കലും മരിക്കില്ലെ'ന്നും സിജെപി തങ്ങളുടെ സോഷ്യൽ മീഡിയ ഹാന്‍റിലുകളിൽ കുറിച്ചു. അതേസമയം ഇന്നലത്തെ സമരവുമായി ബന്ധപ്പെട്ട് ദില്ലി പോലീസ് ഇതുവരെ 20 എഫ്.ഐ.ആറുകൾ രജിസ്റ്റർ ചെയ്തിട്ടുള്ളത്.അതിനിടെ ഗ്യാനേഷ് കുമാറിന്‍റെ രാജി ആവശ്യം ഉന്നയിച്ച് നാളെ ഇന്ത്യ സഖ്യം വൻ റാലി നടത്തുമെന്ന് രാഹുൽ ഗാന്ധി വിശദമാക്കിയിട്ടുള്ളത്.

ഏഷ്യാനെറ്റ് ന്യൂസ് ലൈവ് കാണാം

ദില്ലി നാളെയും സംഘർഷഭരിതമാകും? പ്രതിഷേധത്തിന് ആഹ്വാനം ചെയ്ത് രാഹുൽ; 'ചീഫ് ജസ്റ്റിസിനെ കാണും, സുപ്രീം കോടതിയിലേക്ക് മാർച്ച്, എല്ലാവരും അണിനിരക്കണം'

Anver Sajad — Sun, 11 Oct 2026 19:13:42 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടും വോട്ട് ചോരിക്കെതിരെയും നാളെ രാജ്യതലസ്ഥാനത്ത് പ്രതിഷേധത്തിന് ആഹ്വാനം ചെയ്ത് പ്രതിപക്ഷ നേതാവ് രാഹുൽ ഗാന്ധി. ചീഫ് ജസ്റ്റിസിനെ കാണുമെന്ന് കോൺഗ്രസ് നേരത്തെ തന്നെ പ്രഖ്യാപിച്ച സാഹചര്യത്തിൽ, സുപ്രീം കോടതിയിലേക്ക് ബഹുജന മാർച്ചായി എത്തുമെന്നാണ് രാഹുലിന്‍റെ പ്രഖ്യാപനം. രാജ്യത്തെ യുവജനങ്ങളും പൗരവകാശ സംഘടനകളും പ്രതിപക്ഷ കക്ഷികളും രാഷ്ട്രീയ - ജാതി - മത ഭേദമന്യേ ഭരണഘടന സംരക്ഷിക്കാനായി നാളെ തങ്ങളോടൊപ്പം തെരുവിൽ അണിനിരക്കണമെന്ന് അദ്ദേഹം അഭ്യർത്ഥിച്ചു. സമാധാനപരമായി പ്രതിഷേധിക്കാനെത്തിയ രാജ്യത്തെ യുവജനങ്ങൾക്ക് നേരെ പൊലീസിന്റെയും ബി ജെ പി ഗുണ്ടകളുടെയും ഭാഗത്തുനിന്നും ക്രൂരമായ അതിക്രമങ്ങളാണ് ഉണ്ടായതെന്നും, ഇത് അംഗീകരിക്കാനാകില്ലെന്നും രാഹുൽ ഗാന്ധി വ്യക്തമാക്കി. നാളെ ഉച്ചക്ക് ഒന്നരക്കായിരിക്കും സുപ്രീം കോടതിയിലേക്കുള്ള മാർച്ചെന്നും രാഹുൽ പ്രഖ്യാപിച്ചു.

ഗ്യാനേഷ് രാജിവയ്ക്കുക, എസ് ഐ ആർ നിർത്തിവയ്ക്കുക

വോട്ട് ചോരി അവസാനിപ്പിക്കുക, പ്രത്യേക തീവ്ര വോട്ടർ പട്ടിക പുനഃപരിശോധന (എസ് ഐ ആർ) നടപടികൾ നിർത്തിവെക്കുക, തെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജി വെക്കുക എന്നീ ആവശ്യങ്ങൾ ഉന്നയിച്ചുകൊണ്ട് സുപ്രീം കോടതി ചീഫ് ജസ്റ്റിസിന് രാജ്യത്തിന്റെ പേരിൽ നിവേദനം സമർപ്പിക്കുമെന്ന് രാഹുൽ ഗാന്ധി അറിയിച്ചു. നരേന്ദ്ര മോദി, അമിത് ഷാ, അജിത് ഡോവൽ, മോഹൻ ഭാഗവത് എന്നിവർക്ക് ഇന്ത്യയുടെ ശബ്ദത്തെ അടിച്ചമർത്താൻ സാധിക്കില്ലെന്നും, ഭീരുക്കൾക്ക് തങ്ങളെ ഭയപ്പെടുത്താനാകില്ലെന്നും രാഹുൽ ഗാന്ധി തുറന്നടിച്ചു. ഇത്തരം ഏകാധിപത്യ നടപടികൾ സ്വീകരിക്കുന്നവർക്ക് അധികാരം ഒഴിയേണ്ടി വരുമെന്നും അദ്ദേഹം കൂട്ടിച്ചേർത്തു. സ്നേഹത്തിന്റെയും സാഹോദര്യത്തിന്റെയും ദേശസ്നേഹത്തിന്റെയും സന്ദേശവുമായി രാജ്യത്തെ ജനങ്ങളെല്ലാം ഒരുമിച്ചുനിന്ന് സുപ്രീം കോടതിയിലേക്ക് മാർച്ച് ചെയ്യുമെന്ന് രാഹുൽ ഗാന്ധി വ്യക്തമാക്കി. "പേടിക്കരുത്" (Daro mat) എന്ന് ആഹ്വാനം ചെയ്തുകൊണ്ട്, ജനാധിപത്യത്തിൽ വിശ്വസിക്കുന്ന എല്ലാവരും ഈ സമരത്തിൽ പങ്കാളികളാകണമെന്നും തെരഞ്ഞെടുപ്പ് പ്രക്രിയയുടെ സുതാര്യത ഉറപ്പാക്കാനായുള്ള പോരാട്ടം ശക്തമായി തുടരുമെന്നും അദ്ദേഹം ആവർത്തിച്ചു വ്യക്തമാക്കി.

അവധിയില്ലാത്ത പ്രക്ഷോഭം, ദില്ലി ഇന്നും സമരഭരിതം

അതേസമയം ഗ്യാനേഷ് കുമാറിന്‍റെ രാജി ആവശ്യപ്പെട്ടുള്ള പ്രക്ഷോഭത്താൽ അവധി ദിവസമായ ഞായറാഴ്ചയും ദില്ലി സമരഭരിതമായി. ഇടത് സംഘടനകളുടെ നേതൃത്വത്തിൽ നടന്ന പ്രതിഷേധത്തിൽ പലയിടത്തും പ്രതിഷേധക്കാരെയും നേതാക്കളെയും പൊലീസ് ബലം പ്രയോഗിച്ച് നീക്കി. പൊലീസ് മർദ്ദിച്ചെന്ന് ജോൺ ബ്രിട്ടാസ് എം പിയും ഇടത് സംഘടന നേതാക്കളും പരാതിപ്പെട്ടു. എസ് എഫ് ഐ, ഡി വൈ എഫ് ആ, ഐസ, എ ഐ എസ് എഫ്, ഫ്രറ്റേണിറ്റി തുടങ്ങി നിരവധി സംഘടനകൾ നടത്തിയ പ്രതിഷേധങ്ങളെല്ലാം സംഘർഷത്തിനിടയാക്കി. ഇടുങ്ങിയ അറകളുള്ള വാഹനങ്ങളിലാണ് പ്രതിഷേധക്കാരെ കസ്റ്റഡിയിൽ എടുക്കുന്നതെന് ഐസ നേതാവ് നേഹ ബോറ ആരോപിച്ചു. ഗ്യാനേഷിന്‍റെ രാജി ആവശ്യപ്പെട്ട് വ്യാപക പ്രതിഷേധം രാജ്യ തലസ്ഥാനത്ത് ഇപ്പോഴും തുടരുകയാണ്.

ഡൽഹി ഒരു പോലീസ് സ്റ്റേറ്റായി മാറി; ഗ്യാനേഷ് കുമാറിനെ സംരക്ഷിക്കാൻ പോലീസിനാകില്ല, സമരക്കാര്‍ക്കെതിരെ ക്രൂരമായ നടപടികളെന്ന് പിണറായി വിജയൻ

Prabeesh PP — Sun, 11 Oct 2026 20:53:45 +0530

തിരുവനന്തപുരം: രാജ്യതലസ്ഥാനത്ത് ജനാധിപത്യവിരുദ്ധമായ നടപടികളാണ് നടക്കുന്നതെന്നും ഡൽഹി പൂർണ്ണമായും ഒരു പോലീസ് സ്റ്റേറ്റായി മാറിയെന്നും പ്രതിപക്ഷ നേതാവ് പിണറായി വിജയൻ. ഡൽഹിയിൽ ചീഫ് ഇലക്ഷൻ കമ്മീഷണർ ഗ്യാനേഷ് കുമാറിനെതിരായ സമരത്തിൽ പങ്കെടുത്ത ശേഷം തിരുവനന്തപുരത്ത് തിരിച്ചെത്തി സംസാരിക്കുകയായിരുന്നു അദ്ദേഹം. പ്രതിഷേധിക്കാൻ ജനങ്ങൾക്ക് അവകാശമുണ്ടെന്ന് വ്യക്തമാക്കിക്കൊണ്ട് സുപ്രീം കോടതി തന്നെ വിഷയത്തിൽ ഇടപെട്ടിട്ടും, കോടതിയുടെ വാക്കുകൾക്ക് വില നൽകാൻ കേന്ദ്ര സർക്കാർ തയ്യാറായില്ലെന്ന് അദ്ദേഹം കുറ്റപ്പെടുത്തി. ഡൽഹിയിൽ എല്ലായിടത്തും പോലീസും കേന്ദ്ര സേനകളും നിറഞ്ഞിരിക്കുകയാണെന്നും സഞ്ചാര സ്വാതന്ത്ര്യം പോലുമില്ലാത്ത അവസ്ഥയാണെന്നും അദ്ദേഹം പറഞ്ഞു.

ജന്തർ മന്തറിൽ ആരും കടക്കാൻ പാടില്ലെന്ന കേന്ദ്ര നിലപാടിനെ ചോദ്യം ചെയ്യാൻ തീരുമാനിക്കുകയായിരുന്നു. എം.എ. ബേബി അടക്കമുള്ള നേതാക്കൾ കേരള ഹൗസിന് പുറത്തേക്ക് ഇറങ്ങിയപ്പോൾ തന്നെ പോലീസ് തടയുകയും ഓരോരുത്തരെയായി റാഞ്ചിയെടുക്കുകയുമായിരുന്നു. ജനറൽ സെക്രട്ടറിയെ ബലം പ്രയോഗിച്ച് അറസ്റ്റ് ചെയ്തു. കൊടും ക്രിമിനലുകളെ കൊണ്ടുപോകുന്നതുപോലെയാണ് ആദ്യം അറസ്റ്റ് ചെയ്തവരെ കൊണ്ടുപോയത്. തങ്ങളെ ബൊലേറോ ജീപ്പിലാണ് മണിക്കൂറുകളോളം എങ്ങോട്ടെന്നില്ലാതെ കൊണ്ടുപോയതെന്നും, ഉച്ചയ്ക്ക് 2.30-ഓടെ മന്ദിർ മാർഗ് സ്റ്റേഷനിൽ എത്തിച്ച ശേഷമാണ് പോലീസുകാർ കൊണ്ടുവന്ന ഭക്ഷണം തന്നതെന്നും അദ്ദേഹം വെളിപ്പെടുത്തി.

എം.പിമാർക്കും പ്രവർത്തകർക്കും ക്രൂരമർദ്ദനം

ഡി.വൈ.എഫ്.ഐ, എസ്.എഫ്.ഐ പ്രവർത്തകരെ പോലീസ് ക്രൂരമായാണ് നേരിട്ടതെന്നും ആദർശിനെപ്പോലുള്ളവർക്ക് ഭീകരമായ മർദ്ദനമേറ്റെന്നും അദ്ദേഹം പറഞ്ഞു. പാർലമെന്റ് അംഗമായ ജോൺ ബ്രിട്ടാസിനെ വാനിലിട്ട് ക്രൂരമായി ഉപദ്രവിച്ചു. ജനാധിപത്യത്തോട് ബഹുമാനമില്ലാത്തവർക്ക് എന്ത് പാർലമെന്റ് അംഗമെന്ന് ചോദിച്ച അദ്ദേഹം, തല്ലി ചെറുപ്പക്കാരെ മാറ്റിനിർത്താമെന്നും പ്രക്ഷോഭകരെ അടിച്ചമർത്താമെന്നും കരുതേണ്ടെന്നും മുന്നറിയിപ്പ് നൽകി.

ഗ്യാനേഷ് കുമാർ രാജിവെക്കണം

ഗ്യാനേഷ് കുമാർ ജനാധിപത്യ വ്യവസ്ഥയുടെ കടക്കലാണ് കത്തിവെച്ചിരിക്കുന്നത്. അത്തരം ഒരു മനുഷ്യന് ആ സ്ഥാനത്ത് തുടരാൻ യാതൊരു അവകാശവുമില്ലെന്നും അദ്ദേഹം പുറത്തുപോകണമെന്നാണ് രാജ്യം മുഴുവൻ ആവശ്യപ്പെടുന്നതെന്നും പിണറായി വിജയൻ പറഞ്ഞു. എവിടെയെല്ലാം ആളുകളുണ്ടോ അവിടെയൊക്കെ കേറി അറസ്റ്റ് ചെയ്തതുകൊണ്ട് മാത്രം ഗ്യാനേഷ് കുമാറിനെ സംരക്ഷിക്കാനാകില്ല. കോടതി അലക്ഷ്യ നടപടികളാണ് ഇവിടെ ഉണ്ടായിരിക്കുന്നത്. ജനങ്ങളാണ് എവിടെയും പരമാധികാരികളെന്നും സമരമുഖത്തേക്ക് കൂടുതൽ ആളുകൾ അണിനിരന്നുകൊണ്ടിരിക്കുകയാണെന്നും അദ്ദേഹം കൂട്ടിച്ചേർത്തു.

'മുത്തശ്ശിയുടെ മരണവിവരം അറിഞ്ഞിട്ട് ഫോൺ പോലും തന്നില്ല, കസ്റ്റഡിയിൽ നേരിട്ടത് വലിയ ട്രോമ', ദില്ലി പൊലീസിന്‍റെ വാദങ്ങൾ തള്ളി അഭിജീത് ദീപ്കെ

Anver Sajad — Sun, 11 Oct 2026 20:14:59 +0530

ദില്ലി: മുത്തശ്ശി മരിച്ച വിവരം കൃത്യമായി അറിയിച്ചെന്ന വാദവുമായി രംഗത്തെത്തിയ ദില്ലി പോലീസിനെതിരെ സി ജെ പി സ്ഥാപകൻ അഭിജിത് ദീപ്കെയുടെ രൂക്ഷ വിമർശനം. മരണ വിവരം അറിയിച്ചപ്പോൾ ബന്ധുക്കളോട് ഒരു മിനിറ്റ് സംസാരിക്കാൻ ഫോൺ തരാൻ ആവശ്യപ്പെട്ടെങ്കിലും തന്നില്ലെന്ന ഗുരുതര ആരോപണമടക്കം ഉന്നയിച്ചാണ് ദീപ്കെ രംഗത്തെത്തിയത്. പുലർച്ചെ മൂന്നരയ്ക്കാണ് പോലീസ് അച്ഛനോട് സംസാരിക്കാൻ ഫോൺ തന്നതെന്നും അദ്ദേഹം വിവരിച്ചു. വലിയ ട്രോമയാണ് തനിക്ക് ദില്ലി പോലീസിൽ നിന്നുണ്ടായതെന്നും ദീപ്കെ വിവരിച്ചു. കസ്റ്റഡിയിലിരിക്കെ അഭിഭാഷകനോടും സംസാരിക്കാൻ അനുവദിച്ചില്ലെന്നും ദീപ്കെ വെളിപ്പെടുത്തി. ദില്ലിയിലെ പൊലീസുകാർ യൂണിഫോമിട്ട ഗുണ്ടകളാണെന്നും അമിത്ഷാ ആണ് അവരെ ഗുണ്ടകളാക്കിയതെന്നും അദ്ദേഹം ആരോപിച്ചു. മോദിയുടെയും ഷായുടെയും ഭീഷണിക്ക് മുന്നിൽ വഴങ്ങില്ലെന്നും ഒരുതവണയല്ല നൂറുതവണ ജയിലിലടച്ചാലും പ്രക്ഷോഭം തുടരുമെന്നും സി ജെ പി സ്ഥാപകൻ വ്യക്തമാക്കി. രാജ്യത്ത് നിലനിൽക്കുന്ന ഏകാധിപത്യത്തിന് അന്ത്യംകുറിക്കുകയാണ് സി ജെ പിയുടെ ലക്ഷ്യമെന്നും ദീപ്കെ പ്രഖ്യാപിച്ചു. മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള പ്രതിഷേധത്തിൽ പങ്കെടുക്കാൻ ഇന്നലെ ദില്ലിയിലേക്ക് എത്തിയപ്പോൾ വിമാനത്തിനുള്ളിൽ വച്ചാണ് ദീപ്കെയെ പൊലീസ് കസ്റ്റഡിയിലെടുത്തത്. ഇതിനിടയിലാണ് ദീപ്കെയും മുത്തശ്ശി മരണപ്പെട്ടത്.

എല്ലാ സഹായവും വാഗ്ദാനം ചെയ്തെന്ന് ദില്ലി പൊലീസ്

അതേസമയം മുത്തശ്ശിയുടെ മരണവിവരമറിഞ്ഞതിന് പിന്നാലെ തന്നെ അഭിജീത് ദീപ്കെയ്ക്ക് എല്ലാ സഹായങ്ങളെല്ലാം വാഗ്ദാനം ചെയ്തിരുന്നെന്നാണ് ദില്ലി പോലീസ് നേരത്തെ അവകാശപ്പെട്ടത്. ദീപ്കെയെ വിട്ടയക്കാൻ വൈകിയെന്നും മുത്തശ്ശിയുടെ സംസ്കാരചടങ്ങുകളിൽ പങ്കെടുക്കാതിരിക്കാനാണ് പൊലീസ് ഇങ്ങനെ ചെയ്തതെന്നുമുള്ള ദീപ്കെയുടെയും കുടുംബത്തിന്‍റെയും ആരോപണം തെറ്റാണെന്നായിരുന്നു ദില്ലി പൊലീസ് പി ആർ ഒയായ ഡി സി പി നേഹ യാദവിന്റെ വിശദീകരണം. ദീപ്കെ പൊലീസ് കസ്റ്റഡിയിലിരിക്കെയുള്ള ദൃശ്യങ്ങൾ സഹിതമാണ് ഡി സി പി വാർത്താസമ്മേളനം നടത്തിയത്. മുത്തശ്ശിയുടെ മരണവിവരവും സംസ്കാരത്തിന്റെ സമയവുമെല്ലാം ദീപ്കെയെ കൃത്യസമയത്ത് തന്നെ അറിയിച്ചിരുന്നതായാണ് ഡി സി പിയുടെ വാദം. വീട്ടിലേക്ക് പോകാനുള്ള യാത്രാസൗകര്യമടക്കം വാഗ്ദാനം ചെയ്തു. എവിടെ വേണമെങ്കിലും യാത്രചെയ്യാമെന്നും ബസോ വിമാനമോ അല്ലെങ്കിൽ മറ്റ് സൗകര്യങ്ങൾ ഒരുക്കാമെന്നും ഒരു പൊലീസ് ഉദ്യോഗസ്ഥൻ ദീപ്കെയോട് പറയുന്നതാണ് പൊലീസ് പുറത്തുവിട്ട ദൃശ്യങ്ങളിലുള്ളത്. തന്റെ ഔദ്യോഗിക ഫോണിൽ നിന്ന് കുടുംബത്തെ വിളിക്കാമെന്നും പൊലീസ് ഉദ്യോഗസ്ഥൻ പറഞ്ഞു. എന്നാൽ, ഇപ്പോൾ തന്റെ പിതാവിനോട് സംസാരിക്കാനാകില്ലെന്ന് ദീപ്കെ മറുപടി പറയുന്നതാണ് വീഡിയോയിൽ ഉള്ളത്. തുടർന്ന് നമുക്ക് എന്ത് ചെയ്യാൻ പറ്റുമെന്ന് നോക്കാമെന്ന് ഉദ്യോഗസ്ഥൻ പറയുന്നതും പൊലീസ് പുറത്തുവിട്ട ദൃശ്യങ്ങളിലുണ്ട്.

ജോലിയിൽ നിന്ന് പിരിച്ചുവിട്ടു, നടപടിക്ക് മുൻകൈ എടുത്തയാളുടെ പേരക്കുട്ടിയെ ക്രൂരമായി കൊലപ്പെടുത്തി, മുൻ സെക്യൂരിറ്റി ജീവനക്കാരനായി തെരച്ചിൽ

Elsa TJ — Sun, 11 Oct 2026 19:59:47 +0530

സെക്കന്ദരാബാദ്: തെലങ്കാനയിലെ സെക്കന്ദരാബാദിന് സമീപത്ത് നിന്ന് കാണാതായ അഞ്ച് വയസുകാരി കൊല്ലപ്പെട്ടനിലയിൽ. കൃഷി ശാസ്ത്രജ്ഞനായ ഫെർണാണ്ടസ് മോസസിന്റെ അഞ്ച് വയസ്സുള്ള മകൾ ഔറേലി മോസസ് ഫെർണാണ്ടസ് ആണ് കൊല്ലപ്പെട്ടത്. ബൊല്ലാറം പോലീസ് സ്റ്റേഷൻ പരിധിയിലെ വില്ല ഓർക്കിഡ്സ് എന്ന വില്ല സമുച്ചയത്തിൽ നിന്ന് ശനിയാഴ്ച വൈകുന്നേരമാണ് ഔറേലി മോസസ് ഫെർണാണ്ടസിനെ കാണാതായത്. വൈകുന്നേരം സ്വന്തം വില്ലയ്ക്ക് സമീപം കളിച്ചുകൊണ്ടിരുന്ന കുട്ടിയെ കാണാതാവുകയായിരുന്നു. കുട്ടിയെ വില്ല സമുച്ചയത്തിലെ മുൻ സെക്യൂരിറ്റി ജീവനക്കാരനാണ് തട്ടിക്കൊണ്ട് പോയതെന്ന് അന്വേഷണത്തിൽ വ്യക്തമായിരുന്നു. ഇയാളുടെ മോശം പെരുമാറ്റത്തിന്റെ പേരിൽ വിക്രമിനെ ജോലിയിൽ നിന്ന് പിരിച്ചുവിട്ടിരുന്നു. വിക്രമിനെ പിരിച്ചുവിടാൻ മുന്നിൽ നിന്നവരിൽ കുട്ടിയുടെ മുത്തശ്ശനും ഉൾപ്പെട്ടിരുന്നു. ഈ വ്യക്തിവൈരാഗ്യമാണ് ക്രൂരമായ കുറ്റകൃത്യത്തിന് പിന്നിലെ പ്രധാന കാരണമെന്നാണ് പോലീസ് വിശദമാക്കുന്നത്. ശനിയാഴ്ച വൈകുന്നേരം വിക്രം 5 വയസുകാരിയുടെ വീട്ടുകാരെ വിളിച്ച് 20 ലക്ഷം രൂപ മോചനദ്രവ്യം ചോദിച്ചിരുന്നു.

പണം നൽകാമെന്ന് കുടുംബം സമ്മതിച്ചെങ്കിലും തുക കൈപ്പറ്റുന്നതിന് പകരം പ്രതി മൊബൈൽ ഫോൺ സ്വിച്ച് ഓഫ് ചെയ്യുകയായിരുന്നു. തുടർന്ന് കുട്ടിയുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിലാണ് പൊലീസ് വ്യാപക തിരച്ചിൽ നടത്തിയത്.ഈ അന്വേഷണത്തിനിടയിലാണ് ഗേറ്റഡ് കമ്മ്യൂണിറ്റിയിലെ ക്ലബ്ബ് ഹൗസിന്റെ സെല്ലാറിലുള്ള ടാങ്കിൽ കൈകാലുകൾ കൂട്ടിക്കെട്ടിയ നിലയിൽ കുട്ടിയുടെ മൃതദേഹം കണ്ടെത്തുകയായിരുന്നു. സിസിടിവി ദൃശ്യങ്ങൾ പരിശോധിച്ചപ്പോൾ വിക്രം കുട്ടിയെ പിന്തുടരുന്നത് വ്യക്തമായി കണ്ടിട്ടുണ്ട്. പോലീസിന്റെ പ്രാഥമിക നിഗമനമനുസരിച്ച് മോചനദ്രവ്യം ആവശ്യപ്പെട്ടതിന് തൊട്ടുപിന്നാലെ തന്നെ കുട്ടിയെ വധിച്ച ശേഷം മൃതദേഹം വാട്ടർ ടാങ്കിൽ തള്ളുകയായിരുന്നു.പ്രതിയെ പിടികൂടാനായി പോലീസ് 10 പ്രത്യേക അന്വേഷണ സംഘങ്ങൾക്ക് രൂപം നൽകിയിട്ടുണ്ട്.

ഏഷ്യാനെറ്റ് ന്യൂസ് ലൈവ് കാണാം

മുത്തശ്ശിയുടെ മരണം: ദീപ്കെയ്ക്ക് എല്ലാസഹായവും വാഗ്ദാനം ചെയ്തെന്ന് ഡൽഹി പൊലീസ്; പൊലീസിന്റെ വാദങ്ങൾ തെറ്റെന്ന് ദീപ്കെ, ഫോൺ പോലും നൽകിയില്ല

അഫീഫ്. എം — Sun, 11 Oct 2026 19:57:40 +0530

ന്യൂഡൽഹി: മുത്തശ്ശിയുടെ മരണവിവരമറിഞ്ഞതിന് പിന്നാലെ തന്നെ അഭിജീത് ദീപ്കെയ്ക്ക് സഹായങ്ങളെല്ലാം വാഗ്ദാനം ചെയ്തിരുന്നതായി ഡൽഹി പൊലീസ്. അഭിജീത് ദീപ്കെ പൊലീസ് കസ്റ്റഡിയിലിരിക്കെയാണ് അദ്ദേഹത്തിന്റെ മുത്തശ്ശി അന്തരിച്ചത്. മരണവിവരം അറിയിച്ചിട്ടും പൊലീസ് ദീപ്കെയെ വിട്ടയക്കാൻ വൈകിയെന്നും സംസ്കാരചടങ്ങുകളിൽ പങ്കെടുക്കാതിരിക്കാനാണ് പൊലീസ് ഇങ്ങനെ ചെയ്തതെന്നുമായിരുന്നു ദീപ്കെയുടെ കുടുംബത്തിന്റെ ആരോപണം. എന്നാൽ, ഈ ആരോപണങ്ങൾ തെറ്റാണെന്നായിരുന്നു ഡൽഹി പൊലീസ് പിആർഒയായ ഡിസിപി നേഹ യാദവിന്റെ വിശദീകരണം. ദീപ്കെ പൊലീസ് കസ്റ്റഡിയിലിരിക്കെയുള്ള വീഡിയോദൃശ്യങ്ങൾ സഹിതമാണ് ഡിസിപി വാർത്താസമ്മേളനം നടത്തിയത്. അതേസമയം, ഡൽഹി പൊലീസിന്റെ വാദങ്ങൾ അഭിജീത് ദീപ്കെ തള്ളി. പലതവണ അഭ്യർഥിച്ചിട്ടും പൊലീസുകാർ ഫോൺ ഉപയോഗിക്കാൻ അനുവദിച്ചില്ലെന്നും അഭിഭാഷകനുമായി ബന്ധപ്പെടാൻ പോലും അനുമതി നൽകിയില്ലെന്നും ദീപ്കെ നാഗ്പുരിൽ മാധ്യമങ്ങളോട് പ്രതികരിച്ചു.

മുത്തശ്ശിയുടെ മരണവിവരവും സംസ്കാരത്തിന്റെ സമയവുമെല്ലാം ദീപ്കെയെ കൃത്യസമയത്ത് തന്നെ അറിയിച്ചിരുന്നതായാണ് ഡിസിപി വാർത്താസമ്മേളനത്തിൽ പറഞ്ഞത്. ഇതിനുപുറമേ വീട്ടിലേക്ക് പോകാനുള്ള യാത്രാസൗകര്യവും വാഗ്ദാനം ചെയ്തു. എവിടെ വേണമെങ്കിലും യാത്രചെയ്യാമെന്നും ബസോ വിമാനമോ അല്ലെങ്കിൽ മറ്റുസൗകര്യങ്ങളോ ഒരുക്കാമെന്നും ഒരു പൊലീസ് ഉദ്യോഗസ്ഥൻ ദീപ്കെയോട് പറയുന്നതാണ് പൊലീസ് പുറത്തുവിട്ട ദൃശ്യങ്ങളിലുള്ളത്. തന്റെ ഔദ്യോഗിക ഫോണിൽനിന്ന് കുടുംബത്തെ വിളിക്കാമെന്നും പൊലീസ് ഉദ്യോഗസ്ഥൻ പറഞ്ഞു. എന്നാൽ, ഇപ്പോൾ തന്റെ പിതാവിനോട് സംസാരിക്കാനാകില്ലെന്നായിരുന്നു ദീപ്കെ പൊലീസുകാരനോട് പറഞ്ഞത്. തുടർന്ന് നമുക്ക് എന്ത് ചെയ്യാൻ പറ്റുമെന്ന് നോക്കാമെന്ന് ഉദ്യോഗസ്ഥൻ പറയുന്നതും പൊലീസ് പുറത്തുവിട്ട ദൃശ്യങ്ങളിലുണ്ട്.

അതേസമയം, ഡൽഹി പൊലീസിന്റെ വാദങ്ങളെല്ലാം അഭിജീത് ദീപ്കെ നിഷേധിച്ചു. പൊലീസ് വന്ന് മരണവിവരം അറിയിച്ചപ്പോൾ തന്റെ ഗ്രാമത്തിലുള്ള ബന്ധുവിനെ വിളിക്കണമെന്നാണ് ആവശ്യപ്പെട്ടത്. രണ്ടുമിനിറ്റ് നേരത്തേക്ക് തന്റെ ഫോൺ നൽകണമെന്നും അഭ്യർഥിച്ചു. എന്നാൽ, പൊലീസ് ഫോൺ നൽകാൻ കൂട്ടാക്കിയില്ല. പകരം നമ്പർ പറഞ്ഞുകൊടുക്കാനാണ് ആവശ്യപ്പെട്ടത്. പക്ഷേ, തനിക്ക് നമ്പർ കാണാതെ അറിയില്ലെന്ന് പറഞ്ഞിട്ടും പൊലീസ് കേട്ടില്ല. നിയമപ്രകാരം തനിക്ക് തന്റെ അഭിഭാഷകനെ വിളിക്കാനുള്ള അവകാശമുണ്ട്. പക്ഷേ, ഡൽഹി പൊലീസ് അതിനും അനുവദിച്ചില്ല. പുലർച്ചെ മൂന്നരയ്ക്ക് വന്നാണ് പൊലീസ് വിവരങ്ങൾ പറയുന്നത്. പിന്നീട് തന്റെ മാതാപിതാക്കളെ വിളിച്ച് താൻ അറസ്റ്റിലാണെന്ന് അറിയിക്കാൻ പറഞ്ഞു. മുത്തശ്ശിയുടെ വേർപാടിൽ ദുഃഖിച്ചിരിക്കുന്നവരെയാണ് പുലർച്ചെ വിളിച്ച് അറസ്റ്റ് വിവരം അറിയിക്കാൻ പറയുന്നത്. ഇത് എന്ത് നിയമനടപടിയാണെന്നും ദീപ്കെ ചോദിച്ചു.

ഡൽഹിയിലെ പൊലീസുകാർ യൂണിഫോമിട്ട ഗുണ്ടകളാണെന്നും ദീപ്കെ ആരോപിച്ചു. അമിത്ഷാ ആണ് അവരെ ഗുണ്ടകളാക്കിയത്. താൻ ഒരു ബോണ്ടിലും ഒപ്പുവെച്ചിട്ടില്ല. ഇനിയും തങ്ങൾ തെരുവിലിറങ്ങും. അമിത് ഷായുടെയും മോദിയുടെയും ഭീഷണിക്ക് മുന്നിൽ വഴങ്ങില്ല. ഒരുതവണയല്ല നൂറുതവണ വേണമെങ്കിലും ജയിലിൽ അടച്ചോളൂ. നിങ്ങളുടെ ഏകാധിപത്യത്തെ ഭയക്കുന്നില്ലെന്നും നിങ്ങളുടെ ഏകാധിപത്യത്തിന് അന്ത്യംകുറിക്കുമെന്നും ദീപ്കെ നാഗ്പുരിൽ പറഞ്ഞു.

#WATCH | Delhi | DCP Neha Yadav says, "As soon as the Delhi Police received information about the passing away of Cockroach Janta Party (CJP) Founder Abhijeet Dipke's grandmother, officers approached him to convey this sad news and offered all possible assistance. They sensitively asked if he needed help with flights, phone calls, or anything else. They repeatedly asked if he wished to speak to his parents, but he declined...Regarding CJP, their past conduct showed a failure to adhere to previously given undertakings and local directives. When permission was granted previously, they did not abide by the law; the crowd they mobilized engaged in heavy stone-pelting, arson, and violence, causing significant damage to public property. Permission for the proposed sit-in protest at Janpath was denied due to the failure to follow prescribed procedures, a history of non-compliance with laws and guidelines, and the prevailing security and law-and-order situation. To ensure Delhi's security and protect the lives and property of its citizens, Section 133 BNSS was imposed in several areas of the city, prohibiting any form of gathering or protest. Abhijeet Dipke and two of their associates were detained on October 10 in connection with a call for a protest at Janpath as permission for the demonstration had not been granted"

— ANI (@ANI) October 11, 2026

തന്റേത് കസ്റ്റഡി ആയിരുന്നില്ല, തട്ടിക്കൊണ്ടുപോകൽ, ഇന്ത്യയിൽ അപ്രഖ്യാപിത അടിയന്തരാവസ്ഥ, രൂക്ഷവിമർശനവുമായി ധ്രുവ് റാഠി

Prabeesh PP — Sun, 11 Oct 2026 19:56:33 +0530

ന്യൂഡൽഹി: മുതിർന്ന അഭിഭാഷകൻ കപിൽ സിബലുമായുള്ള കൂടിക്കാഴ്ചയ്ക്ക് ശേഷം കേന്ദ്ര സർക്കാരിനും പോലീസിനുമെതിരെ രൂക്ഷവിമർശനവുമായി ഇൻഫ്ലുവൻസര്‍ ധ്രുവ് റാഠി. മാധ്യമങ്ങളെ കണ്ട അദ്ദേഹം, രാജ്യത്ത് നിലവിൽ അപ്രഖ്യാപിത അടിയന്തരാവസ്ഥയാണെന്ന് ആരോപിച്ചു. തന്റെ ആദ്യ വാർത്താസമ്മേളനമാണിതെന്നും എന്നാൽ കഴിഞ്ഞ 10 വർഷമായി നമ്മുടെ പ്രധാനമന്ത്രി ഒരു വാർത്താസമ്മേളനം പോലും നടത്തിയിട്ടില്ലെന്നും അദ്ദേഹം ചൂണ്ടിക്കാട്ടി.

തന്റേത് കേവലം കസ്റ്റഡിയിലെടുക്കൽ ആയിരുന്നില്ലെന്നും പോലീസ് തട്ടിക്കൊണ്ടുപോകുകയായിരുന്നുവെന്നും ധ്രുവ് റാഠി ആരോപിച്ചു. 20-ഓളം പോലീസുകാർ വീട്ടുതടങ്കൽ പോലെ വീട്ടിൽ ഇരച്ചുകയറി ഉപദ്രവിക്കുകയായിരുന്നു. ഇതിൽ പലർക്കും യൂണിഫോം പോലും ഉണ്ടായിരുന്നില്ല. അച്ഛനും അമ്മയും വീട്ടിലുള്ളപ്പോഴായിരുന്നു ഈ അതിക്രമം. ഒരു ഗുണ്ടയോടെന്ന പോലെയാണ് പോലീസ് പെരുമാറിയത്. ചെരുപ്പിടാനോ വെള്ളം കുടിക്കാനോ പോലും അനുവദിച്ചില്ലെന്നും ഫോൺ പിടിച്ചെടുത്തതായും അദ്ദേഹം പറഞ്ഞു. താൻ ഇന്ത്യൻ പൗരനല്ലെന്ന രീതിയിൽ നടക്കുന്ന പ്രചാരണങ്ങൾ തെറ്റാണെന്ന് അദ്ദേഹം വ്യക്തമാക്കി. ഗൂഗിൾ ചെയ്താൽ തന്നെ സത്യം മനസ്സിലാക്കാം എന്നും തന്റെ പാസ്‌പോർട്ടിൽ 'ഇന്ത്യൻ' എന്ന് തന്നെയാണ് ഉള്ളതെന്നും അദ്ദേഹം കൂട്ടിച്ചേർത്തു.

നിയമനടപടികളും ഭാവി നിലപാടും

തന്റെ കേസുമായി ബന്ധപ്പെട്ട കാര്യങ്ങളും വോട്ട് ചോർച്ചയുമായി (വോട്ട് ചോരി) ബന്ധപ്പെട്ട നിയമവശങ്ങളും ചോദിച്ചറിയാനാണ് കപിൽ സിബലുമായി ചർച്ച നടത്തിയത്. രാജ്യത്തിന് നിഷ്പക്ഷരായ തിരഞ്ഞെടുപ്പ് കമ്മീഷണർമാർ വേണമെന്നും പ്രതിഷേധങ്ങൾ അക്രമസക്തമാകണമെന്നാണ് ബി.ജെ.പി ആഗ്രഹിക്കുന്നതെന്നും അദ്ദേഹം ആരോപിച്ചു. എത്ര അടിച്ചമർത്തിയാലും സമരം ശക്തമായി തുടരും. വരുംദിവസങ്ങളിൽ സംയുക്ത പ്രതിഷേധങ്ങളാണ് ആവശ്യം. ഭാവിയിലെ പ്രതിഷേധ പ്രകടനങ്ങളുടെ ഭാഗമാകണോ എന്ന് ആലോചിക്കുമെന്നും എന്നാൽ താൻ ഒരു രാഷ്ട്രീയ പാർട്ടിയിലേക്കും ഇല്ലെന്നും ധ്രുവ് റാഠി വ്യക്തമാക്കി. പ്രധാനമന്ത്രിക്ക് എല്ലാവരെയും പേടിയാണെന്നും അദ്ദേഹം ആരോപിച്ചു.

രാജ്യതലസ്ഥാനത്ത് രാത്രിയും പ്രതിഷേധാഗ്നി; വനിതകളുടെ തിരംഗ മാർച്ചുമായി എസ്എഫ്ഐ, പ്രതിഷേധക്കാരെ കസ്റ്റഡിയിലെടുത്ത് പൊലീസ്

Faseela Moidu — Sun, 11 Oct 2026 19:13:35 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജിയാവശ്യപ്പെട്ട് പ്രതിപക്ഷ സംഘടനകൾ ദില്ലിയിൽ നടത്തുന്ന പ്രതിഷേധം ശക്തമാവുന്നു. രാവിലെ മുതൽ നടന്ന പ്രതിഷേധത്തിൻ്റെ തുടർച്ചയെന്നോണം രാത്രിയും സമരം തുടരുകയാണ് വിദ്യാർത്ഥി സംഘടനകൾ. കൊണാട്ട്പ്ലേസിലേക്ക് വീണ്ടും വിദ്യാർഥികൾ മാർച്ചുമായി എത്തി. കൂടാതെ വനിതകളുടെ തിരംഗ മാർച്ചുമായി എസ്എഫ്ഐയും പ്രതിഷേധിക്കുകയാണ്. എസ്എഫ്ഐ നേതാവ് ഐഷി ഘോഷിൻ്റെ നേതൃത്വത്തിലാണ് പ്രതിഷേധം. അതേസമയം, സംഘടിച്ചെത്തിയ വിദ്യാർത്ഥികളെ പൊലീസ് ബലംപ്രയോഗിച്ച് നീക്കുകയാണ്. വിദ്യാർത്ഥികൾ പൊലീസ് ബസ്സിന് മുകളിൽ കയറി നിന്നും പ്രതിഷേധിക്കുകയാണ്.

അവധി ദിവസമായ ഞായറാഴ്ചയും ദില്ലി സമരഭരിതമായ കാഴ്ച്ചയാണ് കാണാനാവുന്നത്. ഇടത് സംഘടനകളുടെ നേതൃത്വത്തിൽ നടന്ന പ്രതിഷേധത്തിൽ പലയിടത്തും പ്രതിഷേധക്കാരെയും നേതാക്കളെയും പൊലീസ് ബലം പ്രയോഗിച്ച് നീക്കി. പൊലീസ് മർദ്ദിച്ചെന്ന് ജോൺ ബ്രിട്ടാസ് എം പിയും ഇടത് സംഘടന നേതാക്കളും പരാതിപ്പെട്ടു. എസ് എഫ് ഐ, ഡി വൈ എഫ് ആ, ഐസ, എ ഐ എസ് എഫ്, ഫ്രറ്റേണിറ്റി തുടങ്ങി നിരവധി സംഘടനകൾ നടത്തിയ പ്രതിഷേധങ്ങളെല്ലാം സംഘർഷത്തിനിടയാക്കി. ഇടുങ്ങിയ അറകളുള്ള വാഹനങ്ങളിലാണ് പ്രതിഷേധക്കാരെ കസ്റ്റഡിയിൽ എടുക്കുന്നതെന് ഐസ നേതാവ് നേഹ ബോറ ആരോപിച്ചു. ഗ്യാനേഷിന്‍റെ രാജി ആവശ്യപ്പെട്ട് വ്യാപക പ്രതിഷേധം രാജ്യ തലസ്ഥാനത്ത് ഇപ്പോഴും തുടരുകയാണ്.

നിയന്ത്രണങ്ങൾ നീക്കിയതോടെ പ്രതിഷേധം ശക്തമായി

ഇന്നലത്തെ നിയന്ത്രണങ്ങൾ നീക്കി മെട്രോ സ്റ്റേഷനുകൾ അടക്കം തുറന്നതോടെ ദില്ലിയിലെ പല മേഖലകളിലും പ്രതിഷേധം തുടരുകയാണ്. കൊണാട്ട് പ്ലേസിലെ സെൻട്രൽ പാർക്കിന് അടുത്ത് എ ഐ എസ് എഫ്, എസ് എഫ് ഐ എന്നീ സംഘടനകളുടെ നേതൃത്വത്തിൽ രാവിലെ 11:30 നാണ് പ്രതിഷേധം തുടങ്ങിയത്. ഇന്നർ സർക്കിളിലേക്ക് കയറിയ ഉടൻ പ്രതിഷേധക്കാരെ പോലീസ് ബലം പ്രയോഗിച്ച് കസ്റ്റഡിയിൽ എടുക്കാൻ തുടങ്ങി. ബസ്സുകളിലേക്ക് പ്രവര്‍ത്തകരം വലിച്ച് കയറ്റാൻ നോക്കിയത് സംഘർഷത്തിന് ഇടയാക്കി. പോലീസിനെ വെട്ടിച്ച് ചിലർ ഓടിയതോടെ ഏറെ നേരം സ്ഥലത്ത് സംഘർഷാവസ്ഥ തുടർന്നു. എസ് എഫ് ഐ അഖിലേന്ത്യാ പ്രസിഡന്റ് ആദർശ് എം സജിക്ക് ഉൾപ്പെടെ പരിക്കേറ്റു. ഇതിനിടയിലാണ് ജോൺ ബ്രിട്ടാസ് എം പി നടപടി ചോദ്യം ചെയ്ത് കൊണാട്ട് പ്ലേസിൽ എത്തിയത്. പോലീസുമായി ജോൺ ബ്രിട്ടാസ് ഏറെ നേരം തർക്കിച്ചു. ഇതോടെ എം പിയേയും പോലീസ് വലിച്ചിഴച്ച് വാഹനത്തിൽ കയറ്റി. കുറച്ചുദൂരം കൊണ്ടു പോയ ശേഷം ഡി സി പിയുടെ നിർദ്ദേശപ്രകാരം ബ്രിട്ടാസിനെ വഴിയിൽ ഇറക്കി വിടുകയായിരുന്നു. തന്നെ പോലീസ് മർദ്ദിച്ചു എന്ന് ജോൺ ബ്രിട്ടാസ് പറഞ്ഞു. ആനി രാജ അടക്കം നേതാക്കളെയും പോലീസ് ബലം പ്രയോഗിച്ച് വാഹനത്തിൽ കയറ്റി. എസ് എഫ് ഐ, ഡി വൈ എഫ് ഐ നേതാക്കളെ സ്റ്റഡിയിലെടുത്ത് നീക്കിയത് ഇടുങ്ങിയ ഇരുമ്പറകൾ ഉള്ള വാഹനത്തിലാണെന്നാണ് പരാതി. വാഹനത്തിനകത്തുവെച്ച് പൊലീസ് മർദ്ദിച്ചെന്നും നേതാക്കൾ പറഞ്ഞു.

ആർകെ ആശ്രം മെട്രോ സ്റ്റേഷന് താഴെയാണ് ഐസയുടെയും ഫ്രറ്റേണിറ്റിയുടെയും നേതൃത്വത്തിൽ ഇന്ന് പ്രതിഷേധങ്ങൾ നടന്നത്. കേരളത്തിൽ നിന്നുള്ള നിരവധി വിദ്യാർത്ഥികളും ഫ്രറ്റേണിറ്റിയുടെ പ്രതിഷേധത്തിൽ ഉണ്ടായിരുന്നു. ഐസയുടെ പ്രകടനം തടഞ്ഞ പോലീസ് ഒരു സംഘത്തെ അറസ്റ്റ് ചെയ്ത് നീക്കിയെങ്കിലും നേഹാ ബോറയുടെ നേതൃത്വത്തിലുള്ളവർ കൊണാട്ട് പ്ലേസിലേക്ക് ഓടിയെത്തി. നേഹയെ കൊണാട്ട് പ്ലേസിൽ നിന്ന് പോലീസ് കസ്റ്റഡിയിലെടുത്തു. പലയിടത്തും മാധ്യമപ്രവർത്തകരെ പോലീസ് പ്രതിഷേധക്കാർക്കൊപ്പം ബസുകളിലേക്ക് കയറ്റിയത് വലിയ പ്രതിഷേധത്തിന് ഇടയാക്കി. ഏഷ്യാനെറ്റ് ന്യൂസ് റിപ്പോർട്ടർ സജിൻ ശോഭ അടക്കമുള്ളവരെ പോലീസ് ബലം പ്രയോഗിച്ച് ബസ്സിൽ കയറ്റി. അരമണിക്കൂർ കഴിഞ്ഞാണ് മാധ്യമപ്രവർത്തകരെ ഇറക്കിവിട്ടത്. യൂത്ത് കോൺഗ്രസ്, എൻ എസ്‌ യു ഐ പ്രവർത്തകർ റായ്‌സീന റോഡിൽ പ്രതിഷേധിച്ചു. ജന്തർ മന്ദറിനകത്തേക്ക് കയറാൻ ഇന്നും പോലീസ് ആർക്കും അനുവാദം നൽകിയില്ല. എന്നാൽ ജന്തർ മന്ദറിന് തൊട്ടടുത്തുള്ള കൊണാട്ട് പ്ലേസും അതിനടുത്തുള്ള ആർ കെ ആശ്രം മാർഗുമെല്ലാം സമര കേന്ദ്രങ്ങളായി മാറുന്ന കാഴ്ചയ്ക്കാണ് ദില്ലി സാക്ഷ്യം വഹിക്കുന്നത്.

യുപി കോൺഗ്രസിൽ കൂട്ടത്തല്ല്; ആരാധന മിശ്ര ചുമതലയേൽക്കുന്നതിന് തൊട്ടുമുൻപ് നാടകീയ രംഗങ്ങൾ

Prabeesh PP — Sun, 11 Oct 2026 18:33:42 +0530

ലഖ്നൗ: ഉത്തർപ്രദേശ് കോൺഗ്രസിൽ പുതിയ നേതൃത്വം വരുന്നതിനിടെ കടുത്ത വിഭാഗീയതയും സംഘർഷവും. പാർട്ടിയുടെ പുതിയ സംസ്ഥാന അധ്യക്ഷയായി ആരാധന മിശ്ര 'മോന' ഔദ്യോഗികമായി ചുമതലയേൽക്കുന്നതിന് തൊട്ടുമുൻപ് പ്രവർത്തകർ തമ്മിൽ ഏറ്റുമുട്ടി. ലഖ്‌നൗവിലെ പാർട്ടി ആസ്ഥാനത്തായിരുന്നു അപ്രതീക്ഷിതമായ ഈ കയ്യാങ്കളി നടന്നത്.

പുതിയ അധ്യക്ഷയുടെ സ്ഥാനാരോഹണവുമായി ബന്ധപ്പെട്ട് വലിയ ആഘോഷങ്ങൾ നടക്കേണ്ട വേദിയിലാണ് പ്രവർത്തകർ ചേരിതിരിഞ്ഞ് ഏറ്റുമുട്ടിയത്. ഇത് പാർട്ടി നേതൃത്വത്തെ ഒന്നാകെ ഞെട്ടിച്ചിരിക്കുകയാണ് എന്ന് പറയേണ്ടി വരും. വളരെ പ്രധാനപ്പെട്ട ഒരു രാഷ്ട്രീയ മാറ്റത്തിന് സാക്ഷ്യം വഹിക്കാൻ നിന്നവർക്ക് മുന്നിലാണ് ഈ നാടകീയ രംഗങ്ങൾ അരങ്ങേറിയത്.

കോൺഗ്രസ് പ്രവർത്തകർ തമ്മിലുണ്ടായ ഈ തർക്കം പെട്ടെന്ന് തന്നെ വലിയൊരു സംഘർഷത്തിലേക്ക് വഴിമാറുകയായിരുന്നു. ലഖ്‌നൗവിലെ പാർട്ടി ആസ്ഥാനത്ത് തടിച്ചുകൂടിയവർ നോക്കിനിൽക്കെയാണ് ഒരു വിഭാഗം ആളുകൾ പരസ്പരം പോരടിച്ചത്. പുതിയ അധ്യക്ഷയ്ക്ക് സ്വാഗതം ആശംസിക്കാൻ എത്തിയവർക്കിടയിലാണ് ഈ അനിഷ്ട സംഭവങ്ങൾ ഉണ്ടായത്.

സ്ഥാനാരോഹണത്തിന് മുൻപേ കയ്യാങ്കളി

ആരാധന മിശ്ര 'മോന' ഔദ്യോഗികമായി ഉത്തർപ്രദേശ് കോൺഗ്രസിന്റെ തലപ്പത്തേക്ക് എത്തുന്നതിന് മണിക്കൂറുകൾക്ക് മുൻപാണ് ഈ പ്രശ്നങ്ങൾ തുടങ്ങിയത്. പുതിയ അധ്യക്ഷയുടെ വരവോടെ പാർട്ടിയിൽ വലിയ ഉണർവ് ഉണ്ടാകുമെന്ന് കരുതിയവർക്ക് ഈ സംഭവം വലിയ നിരാശയാണ് നൽകിയിരിക്കുന്നത്. പ്രവർത്തകരുടെ ഈ അച്ചടക്കമില്ലായ്മ പുതിയ നേതൃത്വത്തിന് വലിയൊരു തലവേദനയായി മാറുകയാണ്.

ലഖ്‌നൗവിലെ ഓഫീസിൽ നടന്ന ഈ കയ്യാങ്കളി പാർട്ടിയുടെ പ്രതിച്ഛായയെ തന്നെ ബാധിക്കുന്ന തരത്തിലുള്ളതാണ്. ഉത്തർപ്രദേശ് പോലൊരു വലിയ സംസ്ഥാനത്ത് പാർട്ടിയെ നയിക്കാൻ ആരാധന മിശ്ര എത്തുമ്പോൾ തന്നെ ഇത്തരം പ്രശ്നങ്ങൾ ഉണ്ടാകുന്നത് ഒട്ടും ആശാവഹമല്ല. പ്രവർത്തകർക്കിടയിലെ ഈ ഭിന്നത പരിഹരിക്കുക എന്നതായിരിക്കും പുതിയ അധ്യക്ഷയ്ക്ക് മുന്നിലുള്ള ആദ്യത്തെ വലിയ വെല്ലുവിളി. ആരാധന മിശ്രയുടെ സ്ഥാനാരോഹണ ചടങ്ങിന്റെ ശോഭ കെടുത്താൻ ഈ കയ്യാങ്കളിക്ക് കഴിഞ്ഞു.

പാർട്ടി ഓഫീസിനുള്ളിൽ തന്നെ പ്രവർത്തകർ പരസ്പരം ഏറ്റുമുട്ടിയത് നേതൃത്വത്തിന്റെ നിയന്ത്രണമില്ലായ്മയാണ് കാണിക്കുന്നത്. വളരെ അച്ചടക്കത്തോടെ നടക്കേണ്ടിയിരുന്ന ഒരു ചടങ്ങാണ് ഇത്തരത്തിൽ അലങ്കോലപ്പെട്ടത്. ലഖ്‌നൗവിലെ കോൺഗ്രസ് ആസ്ഥാനം കുറച്ചുനേരത്തേക്കെങ്കിലും ഒരു യുദ്ധക്കളത്തിന് സമാനമായ അവസ്ഥയിലായിരുന്നു.

നേതൃത്വത്തിന് കനത്ത വെല്ലുവിളി

പുതിയ അധ്യക്ഷയുടെ വരവോടെ ഉത്തർപ്രദേശിൽ കോൺഗ്രസ് വലിയ തിരിച്ചുവരവ് നടത്തുമെന്ന പ്രതീക്ഷകൾക്കിടയിലാണ് ഈ കല്ലുകടി. ലഖ്‌നൗവിലെ പാർട്ടി ആസ്ഥാനത്ത് നടന്ന ഈ അനിഷ്ട സംഭവങ്ങൾ നേതൃത്വത്തിന് വലിയൊരു പാഠം കൂടിയാണ്. പ്രവർത്തകരെ ഒരുമിച്ച് കൊണ്ടുപോകാൻ ആരാധന മിശ്രയ്ക്ക് വലിയ തോതിൽ വിയർപ്പൊഴുക്കേണ്ടി വരുമെന്നാണ് ഈ കയ്യാങ്കളി വ്യക്തമാക്കുന്നത്.

സ്ഥാനാരോഹണ ചടങ്ങിനായി ഒരുക്കിയിരുന്ന വേദിക്ക് സമീപം തന്നെയാണ് പ്രവർത്തകർ തമ്മിൽ വാക്കേറ്റവും ഉന്തും തള്ളും ഉണ്ടായത്. വളരെ പെട്ടെന്നാണ് കാര്യങ്ങൾ കൈവിട്ടുപോകുന്ന അവസ്ഥയിലേക്ക് എത്തിയത് എന്ന് വ്യക്തമാണ്. കോൺഗ്രസ് പ്രവർത്തകർ തമ്മിലുള്ള ഈ ചേരിപ്പോര് പാർട്ടിയുടെ ഭാവി പ്രവർത്തനങ്ങളെയും സാരമായി ബാധിച്ചേക്കാം.

ദില്ലിയിലെ സുരക്ഷാ സാഹചര്യം വിലയിരുത്തി കേന്ദ്രം; ഗ്യാനേഷ് കുമാറിന്റെ നീക്കം എന്ത്?പ്രതിഷേധം തുടരുന്നു

Faseela Moidu — Sun, 11 Oct 2026 18:33:40 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് പ്രതിഷേധം ശക്തമാവുന്നതിനിടെ ദില്ലിയിലെ സുരക്ഷാ സാഹചര്യം വിലയിരുത്തി കേന്ദ്ര സർക്കാർ. സുപ്രീം കോടതി നിയന്ത്രണങ്ങൾ നീക്കാൻ നൽകിയ നിർദ്ദേശം കേന്ദ്ര ആഭ്യന്തര മന്ത്രാലയത്തിൽ ചേർന്ന ഉന്നതല യോഗം വിലയിരുത്തി. തെരുവിൽ പ്രതിഷേധിക്കില്ലെന്ന ബോണ്ട് ആർക്കും ഒപ്പിട്ടു നൽകിയിട്ടില്ലെന്ന് അഭിജിത്ത് ദീപ്കെ അറിയിച്ചു. അതേസമയം, ഗ്യാനേഷ് കുമാറിന്റെ നീക്കം എന്ത് എന്നതിൽ അവ്യക്തത തുടരുകയാണ്. സമരം ശക്തമായതോടെ മുഖ്യതെരഞ്ഞെടുപ്പ് കമ്മീഷണർ സ്ഥാനത്ത് തുടരുമോ എന്നതാണ് ഉറ്റുനോക്കുന്നത്.

അതേസമയം, രാജ്യ തലസ്ഥാനത്ത് ഗ്യാനേഷ് കുമാറിന്റെ രാജി ആവശ്യപ്പെട്ട് വ്യാപക പ്രതിഷേധം തുടരുകയാണ്. പലയിടത്തും പ്രതിഷേധക്കാരെ പൊലീസ് ബലം പ്രയോഗിച്ച് നീക്കി. പൊലീസ് മർദ്ദിച്ചെന്ന് ജോൺ ബ്രിട്ടാസ് എംപിയും ഇടത് സംഘടന നേതാക്കളും പരാതിപ്പെട്ടു. പരിക്കേറ്റ ബ്രിട്ടാസിനെ ആശുപത്രിയിൽ പ്രവേശിപ്പിച്ചു. ഇടതു സംഘടനകളുടെ പ്രതിഷേധത്തിൽ സംഘർഷമുണ്ടായി. പൊലീസ് വാനിൽ മർദ്ദനമെന്ന് ഇടതു സംഘടനകൾ പറയുന്നു. നേഹയെ ഇടുങ്ങിയ അറകളുള്ള വാഹനത്തിലാണ് കസ്റ്റഡിയിലെടുത്തത്.

ഇതിനിടയിലാണ് ജോൺ ബ്രിട്ടാസ് എംപി നടപടി ചോദ്യം ചെയ്ത് കൊണാട്ട് പ്ലേസിൽ എത്തിയത്. പൊലീസുമായി ജോൺ ബ്രിട്ടാസ് ഏറെ നേരം തർക്കിച്ചു. ഇതോടെ എംപിയേയും പൊലീസ് വലിച്ചിഴച്ച് വാഹനത്തിൽ കയറ്റി. കുറച്ചുദൂരം കൊണ്ടു പോയ ശേഷം ഡിസിപിയുടെ നിർദ്ദേശപ്രകാരം ബ്രിട്ടാസിനെ വഴിയിൽ ഇറക്കി വിടുകയായിരുന്നു. തന്നെ പൊലീസ് മർദ്ദിച്ചു എന്ന് ജോൺ ബ്രിട്ടാസ് പറഞ്ഞു. ആനി രാജ അടക്കം നേതാക്കളെയും പൊലീസ് ബലം പ്രയോഗിച്ച് വാഹനത്തിൽ കയറ്റി. എസ്എഫ്ഐ, ഡിവൈഎഫ്ഐ നേതാക്കളെ കസ്റ്റഡിയിലെടുത്ത് നീക്കിയത് ഇടുങ്ങിയ ഇരുമ്പറകൾ ഉള്ള വാഹനത്തിലാണെന്നാണ് പരാതി. വാഹനത്തിനകത്തുവെച്ച് പൊലീസ് മർദ്ദിച്ചെന്നും നേതാക്കൾ പറഞ്ഞു.

പലയിടത്തും മാധ്യമപ്രവർത്തകരെ പൊലീസ് പ്രതിഷേധക്കാർക്കൊപ്പം ബസുകളിലേക്ക് കയറ്റിയത് വലിയ പ്രതിഷേധത്തിന് ഇടയാക്കി. ഏഷ്യാനെറ്റ് ന്യൂസ് റിപ്പോർട്ടർ സജിൻ ശോഭ അടക്കമുള്ളവരെ പോലീസ് ബലം പ്രയോഗിച്ച് ബസ്സിൽ കയറ്റി. അരമണിക്കൂർ കഴിഞ്ഞാണ് മാധ്യമപ്രവർത്തകരെ ഇറക്കിവിട്ടത്. യൂത്ത് കോൺഗ്രസ്, എൻഎസ്‌യുഐ പ്രവർത്തകർ റായ്‌സീന റോഡിൽ പ്രതിഷേധിച്ചു. ജന്തർ മന്ദറിനകത്തേക്ക് കയറാൻ ഇന്നും പൊലീസ് ആർക്കും അനുവാദം നൽകിയില്ല. എന്നാൽ ജന്തർ മന്ദറിന് തൊട്ടടുത്തുള്ള കൊണാട്ട് പ്ലേസും അതിനടുത്തുള്ള ആർ കെ ആശ്രം മാർഗുമെല്ലാം സമര കേന്ദ്രങ്ങളായി മാറുന്ന കാഴ്ചയ്ക്കാണ് ദില്ലി സാക്ഷ്യം വഹിക്കുന്നത്.

അവധിയില്ലാത്ത പ്രക്ഷോഭം, ദില്ലി ഇന്നും സമരഭരിതം, ഇടത് സംഘടനകളുടെ പ്രതിഷേധത്തിൽ പലയിടത്തും സംഘർഷം; നേതാക്കൾക്കടക്കം പരിക്ക്, പ്രതിഷേധം തുടരുന്നു

Anver Sajad — Sun, 11 Oct 2026 17:56:16 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്‍റെ രാജി ആവശ്യപ്പെട്ടുള്ള പ്രക്ഷോഭത്താൽ അവധി ദിവസമായ ഞായറാഴ്ചയും ദില്ലി സമരഭരിതമായി. ഇടത് സംഘടനകളുടെ നേതൃത്വത്തിൽ നടന്ന പ്രതിഷേധത്തിൽ പലയിടത്തും പ്രതിഷേധക്കാരെയും നേതാക്കളെയും പൊലീസ് ബലം പ്രയോഗിച്ച് നീക്കി. പൊലീസ് മർദ്ദിച്ചെന്ന് ജോൺ ബ്രിട്ടാസ് എം പിയും ഇടത് സംഘടന നേതാക്കളും പരാതിപ്പെട്ടു. എസ് എഫ് ഐ, ഡി വൈ എഫ് ആ, ഐസ, എ ഐ എസ് എഫ്, ഫ്രറ്റേണിറ്റി തുടങ്ങി നിരവധി സംഘടനകൾ നടത്തിയ പ്രതിഷേധങ്ങളെല്ലാം സംഘർഷത്തിനിടയാക്കി. ഇടുങ്ങിയ അറകളുള്ള വാഹനങ്ങളിലാണ് പ്രതിഷേധക്കാരെ കസ്റ്റഡിയിൽ എടുക്കുന്നതെന് ഐസ നേതാവ് നേഹ ബോറ ആരോപിച്ചു. ഗ്യാനേഷിന്‍റെ രാജി ആവശ്യപ്പെട്ട് വ്യാപക പ്രതിഷേധം രാജ്യ തലസ്ഥാനത്ത് ഇപ്പോഴും തുടരുകയാണ്.

നിയന്ത്രണങ്ങൾ നീക്കിയതോടെ പ്രതിഷേധം ശക്തമായി

ഇന്നലത്തെ നിയന്ത്രണങ്ങൾ നീക്കി മെട്രോ സ്റ്റേഷനുകൾ അടക്കം തുറന്നതോടെ ദില്ലിയിലെ പല മേഖലകളിലും പ്രതിഷേധം തുടരുകയാണ്. കൊണാട്ട് പ്ലേസിലെ സെൻട്രൽ പാർക്കിന് അടുത്ത് എ ഐ എസ് എഫ്, എസ് എഫ് ഐ എന്നീ സംഘടനകളുടെ നേതൃത്വത്തിൽ രാവിലെ 11:30 നാണ് പ്രതിഷേധം തുടങ്ങിയത്. ഇന്നർ സർക്കിളിലേക്ക് കയറിയ ഉടൻ പ്രതിഷേധക്കാരെ പോലീസ് ബലം പ്രയോഗിച്ച് കസ്റ്റഡിയിൽ എടുക്കാൻ തുടങ്ങി. ബസ്സുകളിലേക്ക് പ്രവര്‍ത്തകരം വലിച്ച് കയറ്റാൻ നോക്കിയത് സംഘർഷത്തിന് ഇടയാക്കി. പോലീസിനെ വെട്ടിച്ച് ചിലർ ഓടിയതോടെ ഏറെ നേരം സ്ഥലത്ത് സംഘർഷാവസ്ഥ തുടർന്നു. എസ് എഫ് ഐ അഖിലേന്ത്യാ പ്രസിഡന്റ് ആദർശ് എം സജിക്ക് ഉൾപ്പെടെ പരിക്കേറ്റു. ഇതിനിടയിലാണ് ജോൺ ബ്രിട്ടാസ് എം പി നടപടി ചോദ്യം ചെയ്ത് കൊണാട്ട് പ്ലേസിൽ എത്തിയത്. പോലീസുമായി ജോൺ ബ്രിട്ടാസ് ഏറെ നേരം തർക്കിച്ചു. ഇതോടെ എം പിയേയും പോലീസ് വലിച്ചിഴച്ച് വാഹനത്തിൽ കയറ്റി. കുറച്ചുദൂരം കൊണ്ടു പോയ ശേഷം ഡി സി പിയുടെ നിർദ്ദേശപ്രകാരം ബ്രിട്ടാസിനെ വഴിയിൽ ഇറക്കി വിടുകയായിരുന്നു. തന്നെ പോലീസ് മർദ്ദിച്ചു എന്ന് ജോൺ ബ്രിട്ടാസ് പറഞ്ഞു. ആനി രാജ അടക്കം നേതാക്കളെയും പോലീസ് ബലം പ്രയോഗിച്ച് വാഹനത്തിൽ കയറ്റി. എസ് എഫ് ഐ, ഡി വൈ എഫ് ഐ നേതാക്കളെ സ്റ്റഡിയിലെടുത്ത് നീക്കിയത് ഇടുങ്ങിയ ഇരുമ്പറകൾ ഉള്ള വാഹനത്തിലാണെന്നാണ് പരാതി. വാഹനത്തിനകത്തുവെച്ച് പോലീസ് മർദ്ദിച്ചെന്നും നേതാക്കൾ പറഞ്ഞു.

ഡൽഹി-ചെന്നൈ ഇൻഡിഗോ വിമാനത്തിൽ പവർ ബാങ്ക് പൊട്ടിത്തെറിച്ച് തീപിടിത്തം; വിമാനം ഹൈദരാബാദിലേക്ക് തിരിച്ചുവിട്ടു

Prabeesh PP — Sun, 11 Oct 2026 17:46:15 +0530

ഹൈദരാബാദ്: ഡൽഹിയിൽ നിന്ന് ചെന്നൈയിലേക്ക് സർവീസ് നടത്തിയ ഇൻഡിഗോ വിമാനത്തിന്റെ ലഗേജ് കമ്പാർട്ട്മെന്റിൽ പവർ ബാങ്ക് പൊട്ടിത്തെറിച്ച് തീപിടിത്തമുണ്ടായി. വൻ സുരക്ഷാ ഭീഷണിയുയർത്തിയ സംഭവത്തെ തുടർന്ന് വിമാനം ഹൈദരാബാദിലേക്ക് തിരിച്ചുവിടുകയും അവിടെ സുരക്ഷിതമായി ഇറക്കുകയും ചെയ്തു.

വിമാനത്തിലെ ഓവർഹെഡ് ലഗേജ് കമ്പാർട്ട്മെന്റിൽ വെച്ചിരുന്ന പവർ ബാങ്കിന്റെ തകരാറിനെ തുടർന്നാണ് തീപിടിത്തമുണ്ടായത്. വിമാനത്തിലുണ്ടായിരുന്ന ഒരു യാത്രികൻ തന്റെ മൊബൈൽ ഫോണിൽ പകർത്തയ ഞെട്ടിക്കുന്ന വീഡിയോ പുറത്തുവന്നിട്ടുണ്ട്. ബാഗുകൾ ഉപയോഗിച്ച് തീകെടുക്കാൻ മറ്റ് യാത്രക്കാർ ശ്രമിക്കുന്ന ദൃശ്യങ്ങൾ ഈ വീഡിയോയിലുണ്ട്.

തുടർന്ന് കാബിൻ ക്രൂ അംഗങ്ങൾ ഫയർ എക്സ്റ്റിൻഗুইഷറുകൾ (തീ അണയ്ക്കുന്ന ഉപകരണങ്ങൾ) ഉപയോഗിച്ച് തീ പൂർണ്ണമായും അണയ്ക്കുകയായിരുന്നു. വിമാനത്തിലുണ്ടായിരുന്ന എല്ലാ യാത്രക്കാരും ജീവനക്കാരും സുരക്ഷിതരാണെന്ന് അധികൃതർ അറിയിച്ചു.

ദില്ലിയിൽ നാടകീയ രംഗങ്ങൾ; വിവിധയിടങ്ങളിൽ പ്രതിഷേധം, ഏഷ്യാനെറ്റ് ന്യൂസ് റിപ്പോർട്ടർ സജിനെ കസ്റ്റഡിയിലെടുത്ത് ദില്ലി പൊലീസ്

Faseela Moidu — Sun, 11 Oct 2026 15:32:35 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് ദില്ലിയിൽ വിവിധയിടങ്ങളിൽ പ്രതിഷേധം ശക്തമാവുന്നു. കൊണാട്ട്പ്ലേസിൽ പ്രതിഷേധത്തിന് അനുമതിയില്ലെന്ന് ചൂണ്ടിക്കാട്ടി പ്രതിഷേധക്കാരെ പൊലീസ് ബലംപ്രയോഗിച്ച് നീക്കുകയാണ്. ഇതിനിടെ പ്രദേശത്തുണ്ടായിരുന്ന മാധ്യമപ്രവർത്തകരേയും ദില്ലി പൊലീസ് കസ്റ്റഡിയിലെടുത്തു. ഏഷ്യാനെറ്റ് ന്യൂസ് റിപ്പോർട്ടർ സജിനേയും പൊലീസ് കസ്റ്റഡിയിലെടുത്തിരുന്നു. ഇവരെ പിന്നീട് വിട്ടയച്ചു.

അതേസമയം, സമരത്തിനായി തെരുവിലിറങ്ങിയ സിജെപി, ഇടത് യുവജന സംഘടനാ പ്രവർത്തകരെ പൊലീസ് ബലം പ്രയോഗിച്ചു നീക്കി. കൊണാട്ട് പ്ലേസിൽ സിജെപി, എസ്എഫ്ഐ, ഡിവൈഎഫ്ഐ, എഐഎസ്എഫ് സംഘടനകളാണ് പ്രതിഷേധിച്ചത്. ഇവരെ പൊലീസ് റോഡിലൂടെ വലിച്ചിഴക്കുകയായിരുന്നു. എസ്എഫ്ഐ ദേശീയ അധ്യക്ഷൻ ആദർശ് എം സജിക്ക് സമരത്തിനിടെ പരിക്ക് പറ്റി. ആദർശിൻ്റെ നെറ്റി പൊട്ടി പരിക്ക് പറ്റിയെന്നാണ് വിവരം. ഡിവൈഎഫ്ഐ നേതാവ് ജെയ്ക്കിനേയും കസ്റ്റഡിയിലെടുത്തിട്ടുണ്ട്. പ്രതിഷേധിച്ച ജോണ്‍ ബ്രിട്ടാസ് എംപിയേയും പൊലീസ് കസ്റ്റഡിയിലെടുത്തു. ബ്രിട്ടാസിനെ ബലംപ്രയോഗിച്ച് പൊലീസ് വാഹനത്തിൽ കയറ്റി. വഴിയിൽ ഇറക്കിവിടുകയായിരുന്നു. പൊലീസ് വാഹനത്തിൽ വെച്ച് മർദ്ദനമേറ്റതായി ബ്രിട്ടാസ് പ്രതികരിച്ചു. പ്രതിഷേധം റിപ്പോർട്ട് ചെയ്ത മാധ്യമപ്രവർത്തകരെയും തടയാൻ ശ്രമമുണ്ടായി.

അതേസമയം, ഗ്യാനേഷ് കുമാറിന്‍റെ രാജി ആവശ്യപ്പെട്ടുള്ള പ്രതിഷേധം നാളെ മുതല്‍ വീണ്ടും ശക്തമാക്കാനാണ് ഇന്ത്യാ സഖ്യത്തിൻ്റെ തീരുമാനം. സുപ്രീംകോടതിയിലേക്ക് മാര്‍ച്ച് നടത്തി നിവേദനം നല്‍കാനാണ് ആലോചന. സിജെപിയുടെ സമരം അനിശ്ചിതത്വത്തിലായതോടെ പ്രതിഷേധത്തില്‍ മേല്‍ക്കോയ്മ നിലനിര്‍ത്താനാകും ഇനിയുള്ള പ്രതിപക്ഷ ശ്രമം. സിജെപിക്കൊപ്പവും ഇന്ത്യ സഖ്യത്തിനൊപ്പവും പ്രതിഷേധ നിരയിലുണ്ടാകുമെന്ന് സിപിഎം വ്യക്തമാക്കി.

അകാശവാണി ഭവന്‍ വളപ്പിലെ മിന്നല്‍ സമരം, ലഞ്ച് മീറ്റിംഗുകള്‍ക്ക് ശേഷം ജന്തര്‍മന്തറിലേക്ക് നടത്തിയ പ്രതിഷേധവും, രാജ് ഘട്ടില്‍ നടത്തിയ പ്രാര്‍ത്ഥനാ യോഗം, രാഷ്ട്രപതിക്ക് നിവേദനം. ശേഷം അടുത്ത ഘട്ടം സമരത്തിലേക്ക് ഇന്ത്യ സഖ്യം കടക്കുകയാണ്. നാളെ ഉച്ചക്ക് ഒരു മണിക്കാണ് യോഗം. ലഞ്ച് മീറ്റിംഗികാനാണ് സാധ്യത. തുടര്‍ന്ന് സുപ്രീംകോടതിയിലേക്ക് പ്രതിഷേധ മാര്‍ച്ച് നടത്താനാണ് നീക്കം. ഗ്യാനേഷ് കുമാറിനെ പുറത്താക്കണമെന്നാവശ്യപ്പെട്ട് രാഷ്ട്രപതിക്ക് നിവേദനും നല്‍കിയതിനൊപ്പം സുപ്രീംകോടതി ചീഫ് ജസ്റ്റിസിനെ കണ്ടും സമാന ആവശ്യം ഉന്നയിക്കാനാണ് നീക്കം. അനുമതി കിട്ടുമയോന്നതില്‍ വ്യക്തതയില്ല. എങ്കിലും നഗരം സ്തംഭിപ്പിച്ച് പ്രതിഷേധിക്കും. രണ്ടാം സ്വാതന്ത്ര്യ സമരമാണെന്നും, ഗ്യാനേഷ് കുമാര്‍ രാജി വച്ചേ പിന്നോട്ടുള്ളൂവെന്നും കോണ്‍ഗ്രസ് വ്യക്തമാക്കി.

രാജ്യത്ത് അപ്രഖ്യാപിത അടിയന്തരാവസ്ഥയാണെന്ന് മല്ലികാർജുൻ ഖർഗെ; 'പ്രതിഷേധങ്ങളെ അടിച്ചൊതുക്കുകയാണ് മോദിയും ഷായും'

Faseela Moidu — Sun, 11 Oct 2026 16:16:37 +0530

ദില്ലി: രാജ്യത്ത് അപ്രഖ്യാപിത അടിയന്തരാവസ്ഥയാണെന്ന് കോൺഗ്രസ് ദേശീയ അധ്യക്ഷൻ മല്ലികാർജുൻ ഖർഗെ. അടിയന്തരാവസ്ഥക്കാലത്ത് താൻ മന്ത്രിയായിരുന്നുവെന്നും ആ കാലത്ത് പോലുമില്ലാതിരുന്ന കാര്യങ്ങളാണ് ഇപ്പോൾ സംഭവിക്കുന്നതെന്നും ഖർഗെ പറഞ്ഞു. പ്രതിഷേധങ്ങളെ അടിച്ചൊതുക്കുകയാണ് മോദിയും ഷായും. ഗ്യാനേഷ് കുമാറിനെ മാത്രം ശിക്ഷിച്ചാൽ പോരാ. ഗ്യാനേഷിനെ കൊണ്ട് എല്ലാം ചെയ്യിക്കുന്ന മോദിയും അമിത് ഷായും ശിക്ഷിക്കപ്പെടണമെന്നും മല്ലികാർജുൻ ഖർഗെ പറഞ്ഞു. കലബുറഗിയിലാണ് ഖർഗെയുടെ പ്രതികരണം.

സംഘർഷഭരിതമായി ദില്ലി; വിദ്യാർഥികളെ റോഡിലൂടെ വലിച്ചിഴച്ച് പൊലീസ്, മാധ്യമപ്രവർത്തകരെയും തടയാൻ ശ്രമം

Faseela Moidu — Sun, 11 Oct 2026 15:00:14 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് നടത്തുന്ന പ്രതിഷേധസമരങ്ങളിൽ ഇന്നും ദില്ലി സംഘർഷഭരിതം. തെരുവിലിറങ്ങിയ സിജെപി, ഇടത് യുവജന സംഘടനാ പ്രവർത്തകരെ പൊലീസ് ബലം പ്രയോഗിച്ചു നീക്കാൻ തുടങ്ങിയതോടെയാണ് സംഘർഷ സാഹചര്യമുണ്ടായത്. കൊണാട്ട് പ്ലേസിൽ സിജെപി, എസ്എഫ്ഐ, ഡിവൈഎഫ്ഐ, എഐഎസ്എഫ് സംഘടനകൾ പ്രതിഷേധിച്ചു. ഇവരെ പൊലീസ് റോഡിലൂടെ വലിച്ചിഴക്കുകയായിരുന്നു. എസ്എഫ്ഐ ദേശീയ അധ്യക്ഷൻ ആദർശ് എം സജിക്ക് സമരത്തിനിടെ പരിക്ക് പറ്റി. ആദർശിൻ്റെ നെറ്റി പൊട്ടി പരിക്ക് പറ്റിയെന്നാണ് വിവരം. ഡിവൈഎഫ്ഐ നേതാവ് ജെയ്ക്കിനേയും കസ്റ്റഡിയിലെടുത്തിട്ടുണ്ട്. പ്രതിഷേധിച്ച ജോണ്‍ ബ്രിട്ടാസ് എംപിയേയും പൊലീസ് കസ്റ്റഡിയിലെടുത്തു. ബ്രിട്ടാസിനെ ബലംപ്രയോഗിച്ച് പൊലീസ് വാഹനത്തിൽ കയറ്റി. വഴിയിൽ ഇറക്കിവിട്ടു. പൊലീസ് വാഹനത്തിൽ വെച്ച് മർദ്ദനമേറ്റതായി ബ്രിട്ടാസ് പ്രതികരിച്ചു. പ്രതിഷേധം റിപ്പോർട്ട് ചെയ്ത മാധ്യമപ്രവർത്തകരെയും തടയാൻ ശ്രമമുണ്ടായി.

അതേസമയം, ഗ്യാനേഷ് കുമാറിന്‍റെ രാജി ആവശ്യപ്പെട്ടുള്ള പ്രതിഷേധം നാളെ മുതല്‍ വീണ്ടും ശക്തമാക്കാന്‍ ഇന്ത്യാ സഖ്യം. സുപ്രീംകോടതിയിലേക്ക് മാര്‍ച്ച് നടത്തി നിവേദനം നല്‍കാനാണ് ആലോചന. സിജെപിയുടെ സമരം അനിശ്ചിതത്വത്തിലായതോടെ പ്രതിഷേധത്തില്‍ മേല്‍ക്കോയ്മ നിലനിര്‍ത്താനാകും ഇനിയുള്ള പ്രതിപക്ഷ ശ്രമം. സിജെപിക്കൊപ്പവും ഇന്ത്യ സഖ്യത്തിനൊപ്പവും പ്രതിഷേധ നിരയിലുണ്ടാകുമെന്ന് സിപിഎം വ്യക്തമാക്കി.

സിജെപി സമരത്തേോട് ഐക്യാദാര്‍ഡ്യം വേണ്ടെന്ന ധാരണ ഇന്ത്യ സഖ്യം യോഗത്തിലുണ്ടായെങ്കിലും, സിപിഎം തൃണമൂല്‍ കോണ്‍ഗ്രസ് തുടങ്ങിയ കക്ഷികള്‍ ഇന്നലെ സിജെപിക്ക് മുന്‍ മുഖ്യമന്ത്രിമാരെയിറക്കി പിന്തുണ അറിയിച്ച് പ്രതിഷേധിച്ചിരുന്നു. കോണ്‍ഗ്രസ് നിലപാട് തള്ളുന്ന സിപിഎം സിജെപിക്കും ഇന്ത്യ സഖ്യത്തിനുമൊപ്പമെന്ന തന്ത്രപരമായ നിലപാടാണെടുക്കുന്നത്.

അതേ സമയം സിജെപി സമരത്തിന് സര്‍ക്കാര്‍ പ്രതിരോധമേര്‍പ്പെടുത്തിയതോടെ ആ ഇടം കൂടി ഉപയോഗിക്കാനാണ് ഇന്ത്യ സഖ്യത്തിന്‍റെ നീക്കം. സിജെപി സമരം പ്രതിപക്ഷ സമരത്തെ ദുര്‍ബലപ്പെടുത്താനാണെന്നാണ് കോണ്‍ഗ്രസിന്‍റെ വിലയിരുത്തല്‍. സിജെപിയുടെ പേര് പറയാതെ രാഹുല്‍ ഗാന്ധി ഒരു ഒഴുക്കന്‍ പിന്തുണയറിയിച്ചതല്ലാതെ സമരത്തെ അടിച്ചമര്‍ത്തുന്ന സര്‍ക്കാര്‍ നടപടിക്കെതിരെ കാര്യമായ വിമര്‍ശനം കോണ്‍ഗ്രസടക്കം പാര്‍ട്ടികളില്‍ നിന്നുണ്ടാകുന്നുമില്ല.

മോദിയും ഷായും ജനങ്ങളോട് യുദ്ധം ചെയ്യുന്നു‌, അടിയന്തരാവസ്ഥ നേരിട്ട് കാണുന്ന സാഹചര്യം; സിജെപി നേതാക്കൾ

Faseela Moidu — Sun, 11 Oct 2026 14:56:59 +0530

ദില്ലി: നരേന്ദ്ര മോദി രാജ്യത്തിന് അപമാനമാണെന്നും കഴിഞ്ഞ മണിക്കൂറുകൾ ഏകാധിപത്യത്തിൻ്റേത് ആയിരുന്നുവെന്നും സിജെപി നേതാക്കൾ. സമാധാന പ്രതിഷേധത്തിന് വന്നവരെ ക്രൂരമായി മർദിച്ചു. അടിയന്തരാവസ്ഥയെ കുറിച്ച് നമ്മൾ കേട്ടതിനേക്കാൾ വലുത് ഇവിടെ നടന്നു. അതിനെ പോലും മോദി മറികടന്നു. ഇതുവരെ കാണാത്ത കാഴ്ചകളാണ് രാജ്യം കാണുന്നത്. മോദിയും ഷായും ജനങ്ങളോട് യുദ്ധം ചെയ്യുന്നുവെന്നും സിജെപി നേതാക്കൾ വാർത്താസമ്മേളനത്തിൽ പറഞ്ഞു. സിജെപി കോ കൺവീനർമാരായ അശുതോഷ് റാങ്ക, സൗരവ് ദാസ്, ലീഗൽ ഹെഡ് രത്ന സിങ്, പോളിസി ലീഡ് മെഹർ എന്നിവരാണ് വാർത്താസമ്മേളനത്തിൽ പങ്കെടുത്തത്.

രാജ്യത്തെ തെരഞ്ഞെടുപ്പ് കമ്മീഷൻ സമ്പൂർണമായി കീഴടങ്ങിയിരിക്കുകയാണ്. വിമാനത്തിൽ കയറി തങ്ങളെ തട്ടിക്കൊണ്ടുപോയതാണ്. അഭിജിത്തിൻ്റെ മുത്തശ്ശി മരിച്ചതാണ്, അത് അറിയിക്കുമ്പോൾ പോലും പൊലീസ് മോശമായി പെരുമാറി. മാതാപിതാക്കളോട് സംസാരിക്കാൻ പോലും അപ്പോൾ അനുവദിച്ചില്ല. ഈ പോരാട്ടം തുടങ്ങിയിട്ടേ ഉള്ളൂ. മോദിയും ഷായും തലകുനിക്കണം. മോദി അമ്മയുടെ മരണം ഇവൻ്റ് ആക്കിയപോലെ അഭിജിത് ചെയ്യില്ല. രാജ്യത്ത് അടിയന്തരാവസ്ഥക്ക് സമാനമായ സാഹചര്യമാണെന്നും സൗരവ് ദാസ് പറഞ്ഞു.

ജനങ്ങളോട് യുദ്ധം ചെയ്യുന്ന സാഹചര്യമാണ്. എല്ലാം അടച്ചിട്ട് ജനങ്ങളെ സമരത്തിന് എതിരാക്കാനാണ് ശ്രമം. എന്നാൽ അത് നടക്കില്ല. വിമാനത്തിൽ സ്റ്റെയർ കേസ് കണക്ട് ചെയ്യുന്നതിന് മുൻപേ പൊലീസ് അതിന് മുകളിൽ ഉണ്ട്. വിജയ് മല്യയെ വിമാനത്തിൽ രക്ഷപ്പെടാൻ സഹായിച്ചവർ ആണിത്. വനിതാ പൊലീസിനെ ഉപയോഗിച്ചാണ് ഫോൺ പിടിച്ചെടുത്തത്. ചട്ടം പാലിച്ചില്ല. ഭരണഘടന നൽകുന്ന അടിസ്ഥാന അവകാശങ്ങൾ പോലും ലംഘിക്കപ്പെട്ടു. തങ്ങളുടെ ഫോൺ ഉപയോഗിച്ച് ഇവർ എന്തൊക്കെ ചെയ്യും എന്ന് ആശങ്കയുണ്ട്. നേരത്തെ ആക്ടിവിസ്റ്റുകളുടെ ഗഡ്ജറ്റുകളിൽ ചെയ്തത് പോലെ എന്തെങ്കിലും ചെയ്തോ എന്ന് ആശങ്കയുണ്ട്. ഹാഷ് വാല്യൂ ഉള്ള സീസ് റിപ്പോർട്ട് ആവശ്യപ്പെട്ടിട്ടും നൽകിയില്ലെന്നും സൗരവ് ദാസ് പറഞ്ഞു.

ഒരൊറ്റ വ്യക്തിയെ സംരക്ഷിക്കാനാണ് ഈ നടപടി എല്ലാം. എന്താണ് ഇങ്ങനെ സംരക്ഷിക്കാൻ കാരണം, സർക്കാരിൻ്റെ എന്ത് വിവരമാണ് ഗ്യാനേഷ് കുമാറിൻ്റെ കൈയിൽ ഉള്ളത്. വാരാണസിയിൽ വോട്ട് എണ്ണിയപ്പോൾ മോദി പുറകിൽ ആയിരുന്നു, ഇത് എങ്ങനെ മുന്നോട്ട് വന്നു എന്ന് ഗ്യാനേഷ് കുമാറിന് അറിയാമോ ? അതാണോ ഇതിന് കാരണം. സർക്കാരിൻ്റെ കൈയിൽ ഉത്തരം ഇല്ലാത്തത് കൊണ്ടാണ് ഇത് നടക്കുന്നത്. കേരളത്തിൽ അടക്കം യുവാക്കൾ തെരുവിൽ ഇറങ്ങണം, ചോദ്യം ഉയർത്തണം. പിണറായി വിജയൻ അടക്കം നാല് മുൻ മുഖ്യമന്ത്രിമാർ തെരുവിൽ പോരാടി. അവരോട് നന്ദി അറിയിക്കുന്നുവെന്നും എല്ലാ പാർട്ടികളും പോരാട്ടത്തിൽ യോജിക്കണമെന്നും നേതാക്കൾ പറഞ്ഞു.

ജോൺ ബ്രിട്ടാസിനെ കസ്റ്റഡിയിലെടുത്ത ശേഷം വഴിയിലിറക്കിവിട്ടു, പൊലീസ് ക്രൂരമായി മർദ്ദിച്ചെന്ന് എംപി, രക്ഷകനായത് ജാർഖണ്ഡ് യുവാവ്

Web Desk — Sun, 11 Oct 2026 13:34:05 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ പ്രതിഷേധിച്ച സിപിഎം രാജ്യസഭാ എംപി ജോൺ ബ്രിട്ടാസിനെ കസ്റ്റഡിയിൽ എടുത്ത ശേഷം ബസില്‍ നിന്ന് വഴിയിൽ ഇറക്കിവിട്ട് ദില്ലി പൊലീസ്. പൊലീസ് തന്നെ ക്രൂരമായി മർദ്ദിച്ചെന്ന് ജോൺ ബ്രിട്ടാസ് ആരോപിച്ചു. നാല് പൊലീസുകാരാണ് അക്രമണത്തിന് പിന്നിലെന്നും അദ്ദേഹം പറഞ്ഞു. സീറ്റിനടിയിലേക്ക് തള്ളിയിട്ട് മുഖം അമര്‍ത്തി മർദ്ദിക്കുകയായിരുന്നുവെന്നും എംപിയാണെന്ന് പറഞ്ഞിട്ട് പോലും മർദ്ദിക്കുകയായിരുന്നുവെന്ന് അദ്ദേഹം മാധ്യമങ്ങളോട് പറഞ്ഞു. ബ്രിട്ടാസിന് ദേഹാസ്വാസ്ഥ്യമുണ്ടായി. ഓട്ടോ പിടിച്ചാണ് ജോണ്‍ ബ്രിട്ടാസ് തിരിച്ചെത്തിയത്.

തന്നെ മർദ്ദിക്കുന്നത് ഡിസിപി അറിഞ്ഞുവെന്നും ഡിസിപിയുടെ നിര്‍ദേശത്തിനെ തുടര്‍ന്നാണ് പുറത്തുവിട്ടതെന്നും അദ്ദേഹം പറഞ്ഞു. പിന്നീട് വഴിയിൽ ഇറക്കിവിടുകയായിരുന്നു. ഇതാണ് എംപിയുടെ അവസ്ഥയാണെങ്കിൽ ബാക്കി കാര്യങ്ങൾ എന്തായിരിക്കുമെന്നും അദ്ദേഹം ചോദിച്ചു. എസ്എഫ്ഐ നേതാക്കളെ അറസ്റ്റ് ചെയ്യുന്ന വിവരം ലഭിച്ചതിനെ തുടർന്നാണ് എത്തിയത്. ബസിലെ മറ്റുള്ളവരും മർദ്ദനത്തിനിരയായി. എന്നെ മർദ്ദിച്ചതിന് ജാർഖണ്ഡ് സ്വദേശി സാക്ഷിയാണെന്നും ഈ പയ്യൻ കാരണമാണ് രക്ഷപ്പെട്ടതെന്നും അദ്ദേഹം വ്യക്തമാക്കി. മാധ്യമപ്രവര്‍ത്തകരുമായി സംസാരിക്കുന്നതിനിടക്കാണ് ജോണ്‍ ബ്രിട്ടാസിനെ കസ്റ്റഡിയില്‍ എടുത്തത്. മറ്റൊരു എംപി എഎ റഹീമും സ്ഥലത്തെത്തി. എസ്എഫ്ഐ നേതാക്കളെയും ദില്ലി പൊലീസ് ക്രൂരമായി മര്‍ദ്ദിച്ചെന്ന് ദേശീയ പ്രസിഡന്‍റ് ആദര്‍ശ് എം. സജി പറഞ്ഞു. ലക്ഷ്യം കാണും വരെ സമരം തുടരുമെന്നും ആദർശ് വ്യക്തമാക്കി. ഡിവൈഎഫ്ഐ നേതാവ് ജെയ്ക്ക് സി. തോമസിനെയും കസ്റ്റഡിയിലെടുത്തു. തനിക്കും ക്രൂരമായി മര്‍ദ്ദനമേറ്റെന്ന് ജെയ്ക്ക് പറഞ്ഞു.

'ഈ ക്രൂരത ചെയ്തവരെ വെറുതെ വിടരുത്'; നാല് പേരെയും അറസ്റ്റ് ചെയ്തെന്ന് പൊലീസ്

Web Desk — Sun, 11 Oct 2026 13:58:46 +0530

ദില്ലി: സമരത്തിനെത്തിയ യുവതിയെയും യുവാവിനെയും റോഡിലിട്ട് ക്രൂരമായി മർദിച്ച സംഭവത്തിൽ നാല് പേരെയും അറസ്റ്റ് ചെയ്തെന്ന് ആവർത്തിച്ച് ദില്ലി പൊലീസ്. മർദിച്ചവരുടെ ചിത്രം അടക്കം ഉൾപ്പെടുത്തി വീണ്ടും പൊലീസ് വിവരങ്ങൾ സോഷ്യൽമീഡിയയിൽ പോസ്റ്റ് ചെയ്തു. അക്രമികൾക്കെതിരെ ശക്തമായ നടപടി തുടരുമെന്നും പൊലീസ്. ഓൺലൈന് മാധ്യമം ചിത്രീകരിച്ച ദൃശ്യങ്ങൾ വലിയതോതില് ചർച്ചയായിരുന്നു.

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജി ആവശ്യപ്പെട്ട് ദില്ലിയിൽ കോക്റോച്ച് ജനത പാർട്ടി ആഹ്വാനം ചെയ്ത മാർച്ചുമായി ബന്ധപ്പെട്ട് ദില്ലി പൊലീസ് സ്വീകരിച്ച നടപടികളെ വിമർശിച്ച് സുപ്രീം കോടതി. ഡെൽഹി മെട്രോ സ്റ്റേഷനുകൾ അടച്ച നടപടിയെ രൂക്ഷഭാഷയിൽ വിമർശിച്ച സുപ്രീം കോടതി, സാഹചര്യമനുസരിച്ച് മെട്രോ, റെയിൽ സർവീസുകൾ നിയന്ത്രിക്കാമെന്നും ഒരുകാരണവശാലും പൂർണമായി നിരോധിക്കരുതെന്നും നിർദ്ദേശിച്ചു. നിയമവ്യവസ്ഥ തകരാറിലാകുന്നതുവരെ മെട്രോ സാധാരണ നിലയിൽ പ്രവർത്തിക്കണം. ഇന്‍റർനെറ്റ് നിരോധനം പാടില്ല. സർക്കാരിനെ മറികടന്ന് ക്രമസമാധാനം നടപ്പാക്കാൻ പൊലീസിന് അധികാരമില്ലെന്ന് സുപ്രീംകോടതി ചൂണ്ടിക്കാട്ടി.

ചെന്നൈ മെട്രോ രണ്ടാംഘട്ടം ഉദ്ഘാടനം ചെയ്ത് മോദി, ടിക്കറ്റെടുത്ത് യാത്ര, ഒപ്പം മുഖ്യമന്ത്രി വിജയ്‌യും; 13,000 കോടിയുടെ വികസന പദ്ധതികൾ ഉദ്ഘാടനം ചെയ്യും

Deepu Divakaran — Sun, 11 Oct 2026 13:24:43 +0530

ചെന്നൈ: ചെന്നൈ മെട്രോയുടെ രണ്ടാംഘട്ടം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. 4,900 കോടി രൂപയോളം ചെലവഴിച്ചു നിർമിച്ച പൂനമല്ലി മുതൽ വടപളനി വരെയുള്ള സർവീസ് ആണ് ഉദ്ഘാടനം ചെയ്തത്. ഉദ്ഘാടനത്തിന് ശേഷം പോരൂർ ബൈപാസ് സ്റ്റേഷനിൽ നിന്ന് പൂനമല്ലി ബൈപാസ് സ്റ്റേഷനിലേക്കും തിരിച്ചും പ്രധാനമന്ത്രി മെട്രോയിൽ യാത്ര ചെയ്തു. ക്യൂആർ കോഡ് സ്കാൻ ചെയ്ത് പണം നൽകി ടിക്കറ്റെടുത്ത ശേഷമായിരുന്നു മോദിയുടെ യാത്ര. മുഖ്യമന്ത്രി സി ജോസഫ് വിജയ്‌യും അദ്ദേഹത്തോടൊപ്പമുണ്ടായിരുന്നു. 13,000 കോടി രൂപയുടെ വികസന പദ്ധതികൾ മോദി ഉദ്ഘാടനം ചെയ്യും

ചെന്നൈ വിമാനത്താവളത്തിൽ ഇറങ്ങിയ മോദിയെ ഗവർണറും മുഖ്യമന്ത്രിയും എത്തിയാണ് സ്വീകരിച്ചത്. പ്രധാനമന്ത്രിയുടെ സന്ദർശനത്തോടനുബന്ധിച്ച് കനത്ത സുരക്ഷയിലാണ് ചെന്നൈ നഗരം. രാവിലെ എട്ടുമണിമുതൽ വൈകുന്നേരം നാലരവരെ ഗതാഗത നിയന്ത്രണങ്ങൾ ഏർപ്പെടുത്തിയിട്ടുണ്ട്.

#WATCH | Chennai, Tamil Nadu: Prime Minister Narendra Modi undertakes a ride on the Chennai Metro from Porur Bypass Station to Poonamallee Bypass Station and back.

CM C. Joseph Vijay also present.

(Source: DD News) https://t.co/OBPay5hnYo

— ANI (@ANI) October 11, 2026

ദേശീയപാത 744ൽ 36 കിലോമീറ്റർ ദൈർഘ്യമുള്ള വടുകപ്പെട്ടി - തെർക്കുവെങ്ങനല്ലൂർ നാലുവരിപ്പാത പ്രധാനമന്ത്രി നാടിന് സമർപ്പിക്കും. ഇതിനുപുറമെ, ദേശീയപാത 744എ-ൽ 30 കിലോമീറ്റർ വരുന്ന മധുര റിംഗ് റോഡും അദ്ദേഹം ഉദ്ഘാടനം ചെയ്യും. ദേശീയപാത 83ലെ നാഗപട്ടണം-തഞ്ചാവൂർ ഭാഗത്ത് വരുന്ന തിരുവാരൂർ ബൈപാസിന്റെ തറക്കല്ലിടലും പ്രധാനമന്ത്രി നിർവഹിക്കും. 750 കോടിയിലധികം രൂപയുടെ റെയിൽവേ അടിസ്ഥാന സൗകര്യ പദ്ധതികളും പ്രധാനമന്ത്രി നാടിന് സമർപ്പിക്കും. അമൃത് ഭാരത് സ്റ്റേഷൻ പദ്ധതിക്ക് കീഴിൽ നവീകരിച്ച പളനി, വെല്ലൂർ കന്റോൺമെന്റ്, അംബാസമുദ്രം, പരമക്കുടി, നാമക്കൽ എന്നീ അഞ്ച് അമൃത് സ്റ്റേഷനുകളും അദ്ദേഹം ഉദ്ഘാടനം ചെയ്യും.

തമിഴ്‌നാട്ടിലെ തുറമുഖങ്ങളുടെ ശേഷി വർദ്ധിപ്പിക്കുന്നതിനും ചരക്കുനീക്കം എളുപ്പമാക്കുന്നതിനുമായി നിരവധി പദ്ധതികൾക്കും പ്രധാനമന്ത്രി തുടക്കം കുറിക്കും. ചെന്നൈയിലെ മണലിയിലുള്ള ചെന്നൈ പെട്രോളിയം കോർപ്പറേഷൻ ലിമിറ്റഡിന്റെ റിഫൈനറിയിൽ ഗ്രൂപ്പ് II/III ലൂബ് ഓയിൽ ബേസ് സ്റ്റോക്ക് പദ്ധതിക്കും പ്രധാനമന്ത്രി തറക്കല്ലിടും.

ഐഐടി മദ്രാസിലെ സുധ ഗോപാലകൃഷ്ണൻ ബ്രെയിൻ സെന്റർ പ്രധാനമന്ത്രി രാജ്യത്തിന് സമർപ്പിക്കും. ഗർഭസ്ഥ ശിശു മുതൽ വാർധക്യം വരെയുള്ള മനുഷ്യന്റെ തലച്ചോറുകളെ ത്രീഡി അറ്റ്‌ലസുകളാക്കി മാറ്റുന്ന ആഗോള ശാസ്ത്ര ദൗത്യത്തിനും അദ്ദേഹം തുടക്കം കുറിക്കും. സ്ട്രോക്ക് ബാധിച്ച തലച്ചോറിന്റെ ആയിരത്തിലധികം മൈക്രോസ്കോപ്പിക് വിവരങ്ങൾ അടങ്ങിയ 'സി-സ്ട്രോക്ക്' എന്ന അറ്റ്‌ലസും അദ്ദേഹം പ്രകാശനം ചെയ്യും. ചെന്നൈയിലെ ജയ്ഗോപാൽ ഗരോഡിയ ഹിന്ദു വിദ്യാലയ മെട്രിക്കുലേഷൻ ഹയർ സെക്കൻഡറി സ്കൂളിന്റെ സുവർണ ജൂബിലി ആഘോഷങ്ങളിലും പ്രധാനമന്ത്രി പങ്കെടുക്കും. സന്ദർശനത്തിനിടെ, ചെന്നൈയിലെ ജലകണ്ഡേശ്വർ ക്ഷേത്രത്തിൽ മോദി ദർശനം നടത്തും.

ദില്ലി പൊലീസിനെ രൂക്ഷഭാഷയിൽ വിമർശിച്ച് സുപ്രീംകോടതി; മെട്രോ സ്റ്റേഷൻ അടയ്ക്കരുത്, ഇന്‍റർനെറ്റ് നിരോധനം പാടില്ല, കേന്ദ്രത്തോടും റിപ്പോർട്ട് തേടി

Web Desk — Sun, 11 Oct 2026 12:25:36 +0530

ദില്ലി : മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജി ആവശ്യപ്പെട്ട് ദില്ലിയിൽ കോക്റോച്ച് ജനത പാർട്ടി ആഹ്വാനം ചെയ്ത മാർച്ചുമായി ബന്ധപ്പെട്ട് ദില്ലി പൊലീസ് സ്വീകരിച്ച നടപടികളെ വിമർശിച്ച് സുപ്രീം കോടതി. ഡെൽഹി മെട്രോ സ്റ്റേഷനുകൾ അടച്ച നടപടിയെ രൂക്ഷഭാഷയിൽ വിമർശിച്ച സുപ്രീം കോടതി, സാഹചര്യമനുസരിച്ച് മെട്രോ, റെയിൽ സർവീസുകൾ നിയന്ത്രിക്കാമെന്നും ഒരുകാരണവശാലും പൂർണമായി നിരോധിക്കരുതെന്നും നിർദ്ദേശിച്ചു. നിയമവ്യവസ്ഥ തകരാറിലാകുന്നതുവരെ മെട്രോ സാധാരണ നിലയിൽ പ്രവർത്തിക്കണം. ഇന്‍റർനെറ്റ് നിരോധനം പാടില്ല. സർക്കാരിനെ മറികടന്ന് ക്രമസമാധാനം നടപ്പാക്കാൻ പൊലീസിന് അധികാരമില്ലെന്ന് സുപ്രീംകോടതി ചൂണ്ടിക്കാട്ടി.

ജീവരക്ഷയും സ്വാതന്ത്ര്യവും ഒരു പോലെ പ്രധാനമാണ്. അത് പൗരനായാലും പൊലീസ് ഓഫീസറായാലും ഒരു പോലെയാണ്. ഇന്നലെ ദില്ലിയിലെ തെരുവിൽ നിന്ന എല്ലാവരെയും കസ്റ്റഡിയിൽ എടുത്ത സ്ഥിതിയുണ്ടായി. പൊതുജനങ്ങളുടെ സ്വതന്ത്ര സഞ്ചാരം ഉറപ്പാക്കണം. നിയമവ്യവസ്ഥ തകരാറിലാകുന്നതുവരെ മെട്രോ സാധാരണ നിലയിൽ പ്രവർത്തിക്കണം. ആളുകളെ കസ്റ്റഡിയിലെടുക്കേണ്ടി വന്ന സാഹചര്യവും അതിന് സ്വീകരിച്ച നടപടികളും വിശദീകരിക്കണമെന്നും കോടതി ആവശ്യപ്പെട്ടു. സംഭവങ്ങളിൽ കേന്ദ്ര ക്യാബിനറ്റ് സെക്രട്ടറിയോട് സുപ്രീം കോടതി റിപ്പോർട്ട് തേടി. ഒപ്പം ക്രമസമാധാനം നിയന്ത്രിച്ച ദില്ലി പൊലീസും മെട്രോ അടച്ച ഡിഎംആർസിയോടും റിപ്പോർട്ട് തേടി.

'ഞാൻ ഇന്ത്യൻ പൗരനാണ്, വീട്ടിൽ അതിക്രമിച്ചു കയറി തട്ടിക്കൊണ്ടുപോകുകയായിരുന്നു'; പാസ്പോർട്ട് ഉയർത്തിക്കാട്ടി ആഞ്ഞടിച്ച് ധ്രുവ് റാഠി

Deepu Divakaran — Sun, 11 Oct 2026 12:13:53 +0530

ദില്ലി: ദില്ലി പൊലീസിനെതിരെ കടുത്ത വിമർശനവുമായി ഡിജിറ്റൽ കണ്ടന്റ് ക്രിയേറ്ററും യൂട്യൂബറുമായ ധ്രുവ് റാഠി. യൂണിഫോമില്ലാതെ വീട്ടിൽ അതിക്രമിച്ചു കയറിയ സംഘം ഉറങ്ങിക്കിടന്ന തന്നെ തട്ടിക്കൊണ്ടുപോകുകയായിരുന്നുവെന്ന് ധ്രുവ് റാഠി സമൂഹമാധ്യമങ്ങളിൽ പങ്കുവെച്ച വീഡിയോയിൽ പറഞ്ഞു. ഇരുപതോളം ആളുകൾ അമ്മയെ തള്ളിമാറ്റി വീടിനകത്തേക്ക് അതിക്രമിച്ചു കയറുകയായിരുന്നുവെന്നും കുറ്റവാളിയെ കൊണ്ടുപോകുന്നതുപോലെയാണ് പെരുമാറിയതെന്നും ധ്രുവ് റാഠി പറഞ്ഞു. താൻ ഇന്ത്യൻ പൗരനാണെന്ന് പാസ്പോ‍ട്ട് ഉയർ‌ത്തിക്കാട്ടി ധ്രുവ് റാഠി വിശദീകരിച്ചു. സിജെപി ആഹ്വാനം ചെയ്ത പ്രതിഷേധത്തിന് മുന്നോടിയായി ശനിയാഴ്ച രാവിലെ ഗുരുഗ്രാമിലെ വീട്ടിൽ നിന്നാണ് ധ്രുവ് റാഠിയെ പൊലീസ് കസ്റ്റഡിയിലെടുത്തത്.

വീട്ടിൽ ഉറങ്ങിക്കിടക്കുമ്പോഴാണ് തന്നെ തട്ടിക്കൊണ്ടുപോയതെന്ന് ധ്രുവ് റാഠി പറയുന്നു. ഇരുപതോളം ആളുകൾ അമ്മയെ തള്ളിമാറ്റി വീടിനകത്തേക്ക് അതിക്രമിച്ചു കയറി. എത്തിയത് പൊലീസുകാരല്ലായിരുന്നു. സാധാരണ വസ്ത്രം ധരിച്ച ആളുകളായിരുന്നു. താൻ പ്രതികരിക്കും മുമ്പ് തന്നെ അക്ഷരാർത്ഥത്തിൽ തട്ടിക്കൊണ്ടുപോയി. ഇതൊരു അറസ്റ്റോ തടങ്കലോ അല്ലാത്തതിനാലാണ് 'തട്ടിക്കൊണ്ടുപോയി' എന്ന വാക്ക് ഉപയോഗിക്കുന്നത്. പൊലീസുകാർ യൂണിഫോമിൽ എത്തിയിരുന്നെങ്കിൽ സന്തോഷത്തോടെ പോകുമായിരുന്നു. അതാണ് നിയമപരമായ അറസ്റ്റ്. വീടിന് പുറത്ത് അമ്പതിലധികം ഗുണ്ടകൾ തമ്പടിച്ചിരുന്നതായി അറിഞ്ഞുവെന്നും ധ്രുവ് റാഠി വീഡ‍ിയോയിൽ വ്യക്തമാക്കി.

I was not arrested or detained, I was KIDNAPPED.

Thank you for your support, here's the full story https://t.co/gcN8cAUOmY

— Dhruv Rathee (@dhruv_rathee) October 11, 2026

ഒരു കുറ്റവാളിയെ കൊണ്ടുപോകുന്നതുപോലെ വലിച്ചിഴച്ചാണ് മുറിയിൽ നിന്ന് താഴേക്ക് കൊണ്ടുപോയതെന്നും ശരീരമാസകലം പരിക്കേറ്റുവെന്നും ധ്രുവ് റാഠി പറഞ്ഞു. ചെരിപ്പ് ധരിക്കാൻ പോലും അവസരം നൽകിയില്ല. പൊലീസ് സ്റ്റേഷനിലെത്തിയ ശേഷം അഭിഭാഷകനെ കാണണമെന്ന് ആവശ്യപ്പെട്ടെങ്കിലും അതിനോ ഫോൺ ഉപയോഗിക്കാനോ അനുവദിച്ചില്ലെന്നും ധ്രുവ് റാഠി ആരോപിച്ചു. തൻ്റെ അറസ്റ്റിനെയും തടങ്കലിനെയും ന്യായീകരിക്കാൻ താൻ വിദേശ പാസ്‌പോർട്ട് ഉള്ളയാളാണെന്ന പ്രചാരണം തികച്ചും അസത്യമാണ്. താൻ ഒരു ഇന്ത്യൻ പൗരനാണ്, ഏതൊരു സാധാരണ പൗരനുമുള്ള അവകാശങ്ങളും തനിക്കുമുണ്ടെന്നും ധ്രുവ് റാഠി ചൂണ്ടിക്കാട്ടി.

ജനാധിപത്യ രാജ്യങ്ങളിൽ ഇങ്ങനെയൊന്നും സംഭവിക്കില്ലെന്നും നരേന്ദ്ര മോദി രാജ്യത്തെ ഏകാധിപത്യ രാജ്യമാക്കി മാറ്റിയെന്നും ധ്രുവ് റാഠി വിമ‍ർശിച്ചു. ഇതൊരു അപ്രഖ്യാപിത അടിയന്തരാവസ്ഥയാണ്. ഇത്തരം കാര്യങ്ങൾ അടിയന്തരാവസ്ഥയിലോ ഉത്തര കൊറിയയിലോ ആണ് നടക്കാറുള്ളത്. എന്നാൽ ഇപ്പോൾ അത് നമ്മുടെ രാജ്യത്തും നടക്കുന്നു. ജനങ്ങളെ എത്രത്തോളം അടിച്ചമർത്തുന്നുവോ അത്രയും ശക്തമായി അവരുടെ ശബ്ദം ഉയർന്നുവരും. എത്രയൊക്കെ അടിച്ചമർത്താൻ ശ്രമിച്ചാലും രാജ്യത്തിന് വേണ്ടി ശബ്ദമുയർത്തുമെന്നും ധ്രുവ് റാഠി പറഞ്ഞു.

നിലവിൽ താൻ സുരക്ഷിതനാണെന്ന് പറഞ്ഞ ധ്രുവ് റാഠി, വീട്ടിൽ നിന്ന് പുറത്തിറങ്ങാതിരിക്കാൻ തൻ്റെ നീക്കങ്ങൾ നിരീക്ഷിച്ചു വീടിന് ചുറ്റും പതിനഞ്ചോളം ആളുകളെ വിട്ടിട്ടുണ്ടെന്നും അപ്രഖ്യാപിത വീട്ടുതടങ്കലിൽ ആക്കിയിരിക്കുകയാണെന്നും ആരോപിച്ചു.

'ഇത്രയും വലിയ ഭീരുവിനെയും ഗുണ്ടയെയും ഇതിന് മുമ്പ് രാജ്യം കണ്ടിട്ടില്ല, പ്രധാനമന്ത്രി മോദി ഇന്ത്യക്ക് നാണക്കേട്'; രൂക്ഷ വിമർശനവുമായി അഭിജീത് ദീപ്കെ

Web Desk — Sun, 11 Oct 2026 12:05:37 +0530

ദില്ലി: പ്രധാനമന്ത്രി നരേന്ദ്ര മോദി ഇന്ത്യക്ക് നാണക്കേടെന്ന് അഭിജീത് ദീപ്കെ. ഇത്രയും വലിയ ഭീരുവിനെയും ഗുണ്ടയെയും ഇതിന് മുൻപ് രാജ്യം കണ്ടിട്ടില്ലെന്ന് അദ്ദേഹം എക്സിൽ പങ്കുവെച്ച കുറിപ്പിൽ വ്യക്തമാക്കി. പുറത്തിറങ്ങിയ ശേഷമുള്ള ആദ്യ പ്രതികരണത്തിലാണ് അദ്ദേഹം പ്രധാനമന്ത്രിയെ രൂക്ഷമായി വിമര്‍ശിച്ചത്. പ്രതികരണവുമായി ധ്രുവ് റാഠിയും രംഗത്തെത്തി. കസ്റ്റഡിയിൽ നിന്ന് പുറത്തിറങ്ങിയ ശേഷമാണ് പുതിയ വീഡിയോയുമായി ധ്രുവ് റാഠി രംഗത്തെത്തിയത്. നടന്നത് തട്ടിക്കൊണ്ടുപോകലാണെന്നും അദ്ദേഹം ആരോപിച്ചു. ഇന്ത്യൻ പൗരനല്ലെന്ന ആരോപണത്തിനും അദ്ദേഹം മറുപടി നൽകി. ഇന്ത്യൻ പാസ്പോർട്ട് ഉയർത്തിക്കാട്ടിയാണ് മറുപടി നൽകിയത്. തന്റെ ഫോൺ പിടിച്ചുവച്ചുവെന്നും ആരുമായി ബന്ധപ്പെടാൻ സാധിച്ചില്ലെന്നും കിടപ്പറയിൽ നിന്നാണ് കസ്റ്റഡിയിലെടുത്തതെന്നും അദ്ദേഹം പറഞ്ഞു.

അതേസമയം, കരുതൽ തടങ്കലിന് ശേഷം, കോക്രോച്ച് ജനതാ പാർട്ടി (സിജെപി) നേതാക്കളായ അഭിജീത് ദിപ്കെ, സൗരവ് ദാസ്, അശുതോഷ് രംഗ എന്നിവരെ ഡൽഹി എക്സിക്യൂട്ടീവ് മജിസ്ട്രേറ്റ് കോടതി മോചിപ്പിച്ചു. സ്പെഷ്യൽ എക്സിക്യൂട്ടീവ് മജിസ്ട്രേറ്റിന് (എസ്ഇഎം) മുൻപിൽ ഹാജരാക്കിയ നേതാക്കളെ, പൊതുസമാധാനം പാലിക്കുമെന്ന ഉറപ്പിലും തലാ 50,000 രൂപയുടെ ജാമ്യ വ്യവസ്ഥയിലുമാണ് മോചിപ്പിക്കാൻ കോടതി ഉത്തരവിട്ടത്. ഒക്ടോബർ 10-ന് ദില്ലി വിമാനത്താവളത്തിൽ വിമാനമിറങ്ങിയ ഉടൻ തന്നെ മൂന്ന് സിജെപി നേതാക്കളെയും പൊലീസ് കസ്റ്റഡിയിലെടുക്കുകയായിരുന്നു. നിശ്ചയിച്ചിരുന്ന ജനാധിപത്യ പ്രതിഷേധങ്ങളിൽ പങ്കാളികളാകുന്നത് തടയാനായിരുന്നു നടപടി.

Modi, as PM, is an embarrassment to India.

Never has this country seen a bigger coward and bully.

— Abhijeet Dipke (@abhijeet_dipke) October 11, 2026

സിജെപി നേതാക്കളെ അറസ്റ്റ് ചെയ്തത് മുൻകരുതൽ നടപടിയെന്ന് ദില്ലി പോലീസ്, പ്രതിഷേധങ്ങളിൽ പങ്കെടുത്താൽ നടപടി ഉണ്ടാകും എന്ന് മുന്നറിയിപ്പ്

Web Desk — Sun, 11 Oct 2026 11:26:22 +0530

ദില്ലി: കോക്ക്റോച്ച് ജനതാ പാർട്ടി നേതാക്കളെ അറസ്റ്റ് ചെയ്തത് ക്രമസമാധാന പാലനത്തിനായുള്ള മുൻകരുതൽ നടപടിയുടെ ഭാഗമാണെന്ന് ദില്ലി പോലീസ്. അറസ്റ്റിലായ നേതാക്കളെ ആവശ്യമായ എല്ലാ നിയമനടപടികളും പൂർത്തിയാക്കിയ ശേഷമാണ് കോടതിയിൽ ഹാജരാക്കിയതെന്നും ഉപാധികളോടെയാണ് ജാമ്യം ലഭിച്ചതെന്നും പോലീസ് അറിയിച്ചു. 50,000 രൂപ കെട്ടിവെക്കണമെന്നും, അടുത്ത ഒരു വർഷത്തേക്ക് നല്ല നടപ്പും സമാധാനം പാലിക്കണമെന്നുമുള്ള കർശന വ്യവസ്ഥയിലാണ് സിജെപി നേതാക്കളായ അഭിജീത് ദിപ്കെ, സൗരവ് ദാസ്, അശുതോഷ് രംഗ എന്നിവർക്ക് ജാമ്യം അനുവദിച്ചത്.

അനുമതിയില്ലാതെ ജന്ദർ മന്തറിലും പരിസരങ്ങളിലും പ്രതിഷേധ സമരം നടത്താൻ ശ്രമിച്ച പശ്ചാത്തലത്തിലാണ് സിജെപി നേതാക്കൾക്കെതിരെ ദില്ലി പോലീസ് മുൻകരുതൽ അറസ്റ്റ് ഉൾപ്പെടെയുള്ള നടപടികൾ സ്വീകരിച്ചത്. അറസ്റ്റ് നടപടിക്കെതിരെ വ്യാപകമായ എതിർപ്പ് രാജ്യത്തിന്‍റെ പല ഭാഗങ്ങളില്‍ നിന്നും ഉയർന്നിരുന്നു. നിയമപരമായി പാലിക്കേണ്ട എല്ലാ നടപടിക്രമങ്ങളും പൂർത്തിയാക്കിയ ശേഷമാണ് നേതാക്കളെ മജിസ്ട്രേറ്റിന് മുന്നിൽ ഹാജരാക്കിയതെന്ന് പോലീസ് ഉദ്യോഗസ്ഥർ അറിയിച്ചു.

സിജെപി നേതാക്കളെയും ധ്രുവ് റാഠിയെയും വിട്ടയച്ചു, ഒരു വർഷത്തേക്ക് സമാധാന അന്തരീക്ഷം തകർക്കുന്ന പ്രവർത്തികളിൽ ഏർപ്പെടരുതെന്ന് മുന്നറിയിപ്പ്

Prajeesh Ram — Sun, 11 Oct 2026 10:32:04 +0530

ദില്ലി: സിജെപി നേതാക്കളായ അഭിജീത് ദിപ്കെ, സൗരവ് ദാസ്, അശുതോഷ് രംഗ എന്നിവരെ വിട്ടയച്ചു. കോടതിയിൽ ഹാജരാക്കിയ ശേഷമാണ് വിട്ടയച്ചത്. ദീപ്കെ ഉൾപ്പെടെയുള്ളവരുടെ അറസ്റ്റ് രേഖപ്പെടുത്തിയിരുന്നു. എക്സിക്യൂട്ടീവ് മജിസ്‌ട്രേറ്റാണ് ഇവരെ വിട്ടയക്കാൻ ഉത്തരവിട്ടത്. ഗുരുഗ്രാമിൽനിന്ന് കസ്റ്റഡിയിലെടുത്ത ധ്രുവ് റാഠിയെയും വിട്ടയച്ചു. ഇനി പ്രതിഷേധങ്ങളിൽ പങ്കെടുത്താൽ നടപടി ഉണ്ടാകുമെന്ന മുന്നറിയിപ്പോടെയാണ് ധ്രുവിനെ വിട്ടയച്ചത്.

ഇന്നലെ രാവിലെ 10.30 ഓടെ കസ്റ്റഡിയിലെടുത്ത സിജെപി നേതാക്കളെ 24 മണിക്കൂറിന് ശേഷമാണ് പോലീസ് വിട്ടയച്ചത്. ഒരു വർഷത്തേക്ക് സമാധാന അന്തരീക്ഷം തകർക്കുന്ന പ്രവർത്തികളിൽ ഏർപ്പെടരുത് എന്ന കർശന നിബന്ധനയിലാണ് ജാമ്യം അനുവദിച്ചത്. തുടർന്ന് നേതാക്കൾ വാഹനത്തിൽ സ്റ്റേഷനിൽ നിന്നും മടങ്ങി. അതേസമയം, പോലീസിന് തങ്ങളെ വിട്ടയക്കേണ്ടി വന്നതാണെന്നും 'കോക്രോച്ചുകൾ ഒരിക്കലും മരിക്കില്ലെ'ന്നും സിജെപി സോഷ്യൽ മീഡിയയിൽ കുറിച്ചു. ഇന്നലത്തെ സമരവുമായി ബന്ധപ്പെട്ട് പോലീസ് ഇതുവരെ 20 എഫ്.ഐ.ആറുകൾ രജിസ്റ്റർ ചെയ്തിട്ടുണ്ട്. നിയമം കൈയിലെടുക്കാൻ ശ്രമിച്ചു, ഔദ്യോഗിക കൃത്യനിർവഹണം തടസ്സപ്പെടുത്തി, പോലീസിനെ ആക്രമിച്ചു തുടങ്ങിയ വകുപ്പുകളാണ് ചുമത്തിയിരിക്കുന്നത്. ഉച്ചയ്ക്ക് 2 മണിക്ക് മാധ്യമങ്ങളെ കാണുമെന്നും തുടർ സമരപരിപാടികൾ പ്രഖ്യാപിക്കുമെന്നും സിജെപി നേതാവ് അശുതോഷ് രംഗ അറിയിച്ചു.

അതേസമയം, ദില്ലി പോലീസ് പറഞ്ഞത് നുണയെന്ന് ദീപ്കെയുടെ കുടുംബം ആരോപിച്ചു. അഭിജിത് ദീപ്കെയെ ബന്ധപ്പെടാൻ ആയില്ലെന്ന് അമ്മ അനിത ദീപ്കെ വ്യക്തമാക്കി. മുത്തശ്ശിയുടെ മരണവിവരം അറിഞ്ഞാൽ അഭിജീത് എന്തായാലും തിരികെയെത്തുമെന്നും സംസ്കാര ചടങ്ങുകൾ അഭിജീത് വന്നതിനുശേഷം മാത്രമേ നടത്തൂവെന്നും കുടുംബം അറിയിച്ചു.

സിജെപിക്ക് ഐക്യദാർഢ്യം: മുംബൈയിൽ നടത്തിയ പ്രതിഷേധത്തിനെതിരെ പൊലീസ്; തുഷാർ ഗാന്ധി, ഇമ്രാൻ ഖാൻ ഉൾപ്പെടെ ഉള്ളവർക്കെതിരെ കേസ്

Deepu Divakaran — Sun, 11 Oct 2026 08:49:13 +0530

മുംബൈ: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജി ആവശ്യപ്പെട്ട് ദില്ലിയിൽ കോക്റോച്ച് ജനത പാർട്ടി (സിജെപി) യുടെ നേതൃത്വത്തിൽ നടന്ന പ്രതിഷേധത്തിന് ഐക്യദാർഢ്യം അറിയിച്ച് മുംബൈയിലെ നടന്ന സിജെപി ഐക്യദാർഢ്യ സംഗമത്തിൽ കേസെടുത്ത് മുംബൈ പൊലീസ്. ശനിയാഴ്ച ഉച്ചകഴിഞ്ഞ് മുംബൈയിലെ ക്രാന്തി മൈതാനത്ത് നിശ്ചയിച്ച സിജെപി ഐക്യദാർഢ്യ സംഗമത്തിൽ തുഷാർ ഗാന്ധി, നടൻ ഇമ്രാൻ ഖാൻ തുടങ്ങി 12 പേർക്കെതിരെയാണ് പൊലീസ് കേസെടുത്തത്. കണ്ടാലറിയാവുന്ന 350 പേർക്കെതിരെയും കേസെടുത്തു. സംഭവത്തിൽ 600 പേരെ പൊലീസ് കസ്റ്റഡിയിലെടുത്തിരുന്നു. മഹാത്മാ ഗാന്ധിയുടെ കൊച്ചുമകൻ കൂടിയായ തുഷാർ ഗാന്ധി, നടൻ ഇമ്രാൻ ഖാൻ, ശിവസേന (ഉദ്ധവ് താക്കറെ) എംഎൽഎ വരുൺ സർദേശായി അടക്കമുള്ളർ പൊലീസിൻ്റെ കസ്റ്റഡിയിലായിരുന്നു.

ദില്ലിയിലെ സിജെപി പ്രതിഷേധത്തിന് ഐക്യാദാർഢ്യം പ്രഖ്യാപിച്ച് തുഷാർ ഗാന്ധിയുടെ നേതൃത്വത്തിലുള്ള 'ഹം ഭാരത് കെ ലോഗ്' എന്ന സംഘടനയുടെ ആണ് ഐക്യദാർഢ്യ സംഗമം ആസൂത്രണം ചെയ്തത്. ക്രാന്തി മൈതാനത്തിലേക്ക് നീളുന്ന റോഡ് പൊലീസ് ബാരിക്കേഡ് വെച്ച് അടച്ചിരുന്നു. ഇതോടെ മൈതാനത്തിന് പുറത്ത് പ്രതിഷേധം സംഘടിപ്പിച്ചതോടെ പൊലീസ് ഇടപെടുകയും പ്രതിഷേധക്കാരെ കസ്റ്റഡിയിലെടുത്ത് നീക്കുകയുമായിരുന്നു. കസ്റ്റഡിയിലായ പ്രതിഷേധക്കാർ, 'ജയ് ഭീം', 'ഇൻക്വിലാബ് സിന്ദാബാദ്' മുഴക്കുകയും ഗ്യാനേഷ് കുമാറിന്റെ രാജി ആവശ്യപ്പെടുകയും ചെയ്തു.

അന്ധേരി വെസ്റ്റിലെ ഡിഎൻ നഗർ പൊലീസ് സ്റ്റേഷനിലേക്കാണ് തുഷാർ ഗാന്ധിയെ പൊലീസ് എത്തിച്ചത്. പൊലീസ് തടങ്കലിലാണെങ്കിലും പ്രതിഷേധത്തിൽ നിന്ന് പിന്നോട്ടുപോകില്ലെന്ന് തുഷാർ ഗാന്ധി വീഡിയോ സന്ദേശത്തിലൂടെ അറിയിച്ചു. തനിക്ക് ഭയമില്ലെന്നും ചുറ്റം നടക്കുന്ന കാര്യങ്ങൾ ഭയപ്പെടുത്തുന്നതാണെന്നും നടൻ ഇമ്രാൻ ഖാൻ കസ്റ്റഡിയിലാകും മുമ്പ് പ്രതികരിച്ചിരുന്നു. കസ്റ്റഡിയിലെടുത്ത ശേഷം ടാർഡിയോ പൊലീസ് സ്റ്റേഷനിലേക്കാണ് ഇമ്രാൻ ഖാനെ മാറ്റിയത്. തുഷാർ ഗാന്ധിയെ വിട്ടയക്കണമെന്ന് ആവശ്യപ്പെട്ട് ആദിത്യ താക്കറെയുടെ നേതൃത്വത്തിലുള്ള ശിവസേന (ഉദ്ധവ് താക്കറെ) നേതാക്കൾ ഡിഎൻ നഗർ പൊലീസ് സ്റ്റേഷനിൽ പ്രതിഷേധിച്ചു.

ബാൽക്കണിയിൽ നിന്ന് വീണ് യുവാവ് മരിച്ചു, സംഭവത്തിൽ ദുരൂഹത; സോഷ്യൽ മീഡിയ ഇൻഫ്ലുവൻസറായ കാമുകിക്കെതിരെ കൊലപാതകക്കുറ്റത്തിന് കേസ്

Web Desk — Sun, 11 Oct 2026 08:11:07 +0530

ലഖ്‌നൗ: ഉത്തർപ്രദേശിലെ ലഖ്‌നൗവിൽ ബാൽക്കണിയിൽ നിന്ന് താഴേക്ക് വീണ് 28 വയസുള്ള കഫേ ഉടമ ശിവാ ശർമ്മ മരിച്ചു. സംഭവത്തിൽ സോഷ്യൽ മീഡിയ ഇൻഫ്ലുവൻസറായ കാമുകി ശ്രദ്ധ ദുബെക്കും മറ്റുള്ളവർക്കുമെതിരെ കൊലപാതകം, ഭീഷണിപ്പെടുത്തൽ തുടങ്ങിയ കുറ്റങ്ങൾ ചുമത്തി പോലീസ് കേസെടുത്തു. മകനെ ശ്രദ്ധ ഭീഷണിപ്പെടുത്തുകയും ശാരീരികമായി ഉപദ്രവിക്കുകയും ചെയ്തിരുന്നതായി ശിവയുടെ അമ്മ രഞ്ജന ശർമ്മ ആരോപിച്ചു. ലഖ്‌നൗവിലെ ഹസ്‌രത്‌ഗഞ്ച് പ്രദേശത്താണ് സംഭവം നടന്നത്. ശനിയാഴ്ച രാത്രി ഒമ്പത് മണിയോടെ ശ്രദ്ധ ദുബെ ഫോണിൽ വിളിച്ച് ശിവ ബാൽക്കണിയിൽ നിന്ന് വീണതായും ആശുപത്രിയിലേക്ക് കൊണ്ടുപോകുകയാണെന്നും അമ്മയെ അറിയിക്കുകയായിരുന്നു.

ലഖ്‌നൗവിലെ കിംഗ് ജോർജ്ജ് മെഡിക്കൽ യൂണിവേഴ്‌സിറ്റി ആശുപത്രിയിൽ എത്തിയ അമ്മ, ഡ്രൈവറായ ഡാനിഷിനോട് കാര്യങ്ങൾ ചോദിച്ചെങ്കിലും തനിക്കൊന്നും അറിയില്ലെന്ന് പറഞ്ഞ് അയാൾ മൃതദേഹം അവിടെ ഉപേക്ഷിച്ച് കടന്നുകളയുകയായിരുന്നു. തുടർന്ന് ഡോക്ടർമാർ ശിവയുടെ മരണം സ്ഥിരീകരിച്ചു. കഴിഞ്ഞ നാല് മാസമായി ശിവയുടെ അശ്ലീല വീഡിയോകൾ പ്രചരിപ്പിക്കുമെന്നും അപമാനിക്കുമെന്നും ഭീഷണിപ്പെടുത്തി ശ്രദ്ധ ബ്ലാക്ക്‌മെയിൽ ചെയ്യുകയായിരുന്നുവെന്ന് യുവാവിന്‍റെ അമ്മ ആരോപിച്ചു. മുൻപും ശിവയുടെ ശരീരത്തിൽ പരിക്കേറ്റ പാടുകൾ കണ്ടിരുന്നു.

ശിവയുടെ വാരിയെല്ലുകൾ, തോൾ, കൈകൾ, തുടകൾ എന്നിവിടങ്ങളിൽ സിഗരറ്റ് കൊണ്ട് പൊള്ളിച്ച പാടുകളുണ്ടായിരുന്നു. താടിയെല്ലിന് ഗുരുതരമായി പരിക്കേൽക്കുകയും കണ്ണിൽ നിന്നും മൂക്കിൽ നിന്നും ചെവിയിൽ നിന്നും രക്തം വരികയും ചെയ്തിരുന്നു. വീഴ്ചയ്ക്ക് മുൻപ് മകനെ ക്രൂരമായി മർദ്ദിച്ചിട്ടുണ്ടെന്നാണ് അമ്മയുടെ ആരോപണം. ശ്രദ്ധ ദുബെ, സഹോദരി രശ്മി ദുബെ, ഡ്രൈവർ ഡാനിഷ്, ആദിൽ എന്നയാൾ, മറ്റ് കണ്ടാലറിയാവുന്ന ചിലർ എന്നിവർക്കെതിരെയാണ് എഫ്.ഐ.ആർ രജിസ്റ്റർ ചെയ്തിരിക്കുന്നത്. പോസ്റ്റ്‌മോർട്ടം റിപ്പോർട്ടിനായി കാത്തിരിക്കുകയാണെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു.

പൈലറ്റുമാർ അനുമതി നൽകും മുമ്പേ പൊലീസുകാർ വിമാനത്തിൽ കയറി; സിജെപി നേതാക്കളെ അറസ്റ്റ് ചെയ്ത രീതിയിൽ എയർ ഇന്ത്യയ്ക്ക് അതൃപ്തി

Deepu Divakaran — Sun, 11 Oct 2026 07:47:35 +0530

ദില്ലി: അഭിജിത്ത് ദീപ്കെ അടക്കമുള്ള സിജെപി നേതാക്കളെ വിമാനത്തിൽ കയറി അറസ്റ്റ് ചെയ്ത രീതിയിൽ എയർ ഇന്ത്യയ്ക്ക് അതൃപ്തി. വിമാനത്തിനകത്തേക്ക് സുരക്ഷാ ഉദ്യോഗസ്ഥർ കയറുന്നതിലെ പ്രോട്ടോകോൾ എന്തെന്ന് വ്യക്തമാക്കണമെന്ന് ആവശ്യപ്പെട്ട് ബ്യൂറോ ഓഫ് സിവിൽ ഏവിയേഷൻ സെക്യൂരിറ്റിക്ക് എയർ ഇന്ത്യ കത്ത് നൽകി. പൈലറ്റുമാർ അനുമതി നൽകും മുമ്പ് തന്നെ സുരക്ഷാ ഉദ്യോഗസ്ഥർ ദീപ്കെയുടെ സീറ്റിനടുത്തേക്ക് എത്തിയിരുന്നു എന്നാണ് റിപ്പോർട്ട്.

ശനിയാഴ്ച രാവിലെ എട്ടുമണിയോടെ ആണ് അഭിജിത്ത് ദീപ്കെ, സൗരവ് ദാസ്, അശുദോഷ് റങ്ക തുടങ്ങിയ സിജെപി നേതാക്കൾ മുംബൈയിൽ നിന്ന് ദില്ലിയിലേക്ക് പുറപ്പെട്ടത്. രാവിലെ 10:20 ഓടെ വിമാനം ദില്ലിയിൽ എത്തി. മൂവരെയും കസ്റ്റ‍ഡിയിലെടുക്കുന്നതിന് മുന്നോടിയായി സിഐഎസ്എഫ് ഉദ്യോഗസ്ഥർ വിമാനത്തിലെ മറ്റ് യാത്രക്കാർക്ക് സന്ദേശം നൽകിയിരുന്നു. പൈലറ്റുമാരും ഇക്കാര്യം യാത്രക്കാരെ അനൗൺസ്മെൻ്റിലൂടെ അറിയിച്ചു. കൂടാതെ, 7എ, 7ബി, 7സി എന്നീ സീറ്റുകളിൽ ഇരുന്ന മൂവരും പുറത്തേക്ക് ഇറങ്ങണമെന്നും പൈലറ്റുമാ‍ർ ആവശ്യപ്പെട്ടു. എന്നാൽ ഇതിനിടെ തന്നെ പൊലീസ് വിമാനത്തിൽ പ്രവേശിച്ച് മൂന്നുപേരെയും അറസ്റ്റ് ചെയ്യുകയായിരുന്നു എന്നാണ് വിവരം. ഇക്കാര്യത്തിൽ പ്രോട്ടോകോൾ ലംഘനം നടന്നിട്ടുണ്ടോ എന്നാണ് എയ‍‍ർ ഇന്ത്യ, ബ്യൂറോ ഓഫ് സിവിൽ ഏവിയേഷൻ സെക്യൂരിറ്റിയോട് ആരായുന്നത്.

അതേസമയം ഇന്നലെ കസ്റ്റഡിയിൽ എടുത്തവരിൽ നാലായിരം പേരെയും വിട്ടയച്ചെന്ന് ദില്ലി പൊലീസ് അറിയിച്ചു. എന്നാൽ സിജെപിയുടെ പ്രധാന നേതാക്കൾ എവിടെ ആണെന്ന് പൊലീസ് വ്യക്തമാക്കുന്നില്ല. മുത്തശ്ശി മരിച്ചതിനാൽ അഭിജിത്ത് ദീപ്‌കെയ്ക്ക് നാട്ടിലേക്ക് മടങ്ങാൻ അനുവാദം നൽകാം എന്ന് പൊലീസ് അറിയിച്ചിരുന്നു. എന്നാൽ, ദീപ്കെയ്ക്ക് ഒപ്പമുള്ള സൗരവ് ദാസ്, അശുദോഷ് റങ്ക എന്നിവർ എവിടെ എന്നതിൽ വ്യക്തതയില്ല.

ഇന്നും സിജെപിയും മറ്റു സംഘടനകളും പ്രതിഷേധത്തിന് ആഹ്വാനം ചെയ്ത സാഹചര്യത്തിൽ ദില്ലിയിൽ കനത്ത സുരക്ഷ തുടരുകയാണ്. മുപ്പതിനായിരം പൊലീസ് ഉദ്യോഗസ്ഥരും 200 കമ്പനി കേന്ദ്രസേനയും സുരക്ഷാ ജോലികളിൽ തുടരുകയാണ്. അടച്ചിട്ട 45 സ്റ്റേഷനുകൾ രാത്രി തുറന്നു. പ്രവർത്തനം സാധാരണ നിലയിൽ എന്ന് ദില്ലി റെയിൽ മെട്രോ കോർപറേഷൻ അറിയിച്ചു. ഇന്നലെ രാത്രി 10 മണിവരെ സ്റ്റേഷനുകൾ അടഞ്ഞുകിടന്നു. എല്ലാ ട്രെയിൻ സർവീസുകളുടെയും നിയന്ത്രണം നീക്കി. ട്രെയിനുകൾ സാധാരണ നിലയിൽ സർവീസ് നടത്തുന്നതായി നോർത്തേൺ റെയിൽവേ അറിയിച്ചു. അതേസമയം പല ട്രെയിനുകളും വൈകി ഓടുകയാണ്.

പ്രതിഷേധക്കാർക്ക് എതിരായ പൊലീസ് നടപടി ചോദ്യം ചെയ്യുന്ന ഹർജി സുപ്രീംകോടതി അവധി ദിനമായ ഇന്ന് പ്രത്യേക സിറ്റിങ് നടത്തി പരിഗണിക്കും. സമരക്കാരെ പൊലീസ് തടഞ്ഞുവെക്കുന്നതും കസ്റ്റഡിയിലെടുക്കുന്നതും ചോദ്യം ചെയ്യുന്ന ഹർജികൾ ആവും കോടതിക്ക് മുന്നിൽ എത്തുക.

ഗ്യാനേഷ് കുമാറിന്റെ രാജിക്കായുള്ള പ്രക്ഷോഭങ്ങളിൽ ദില്ലി ഇന്നും സംഘർഷ ഭൂമിയായേക്കും; രാവിലെ 10 മുതൽ സമരം പ്രഖ്യാപിച്ച് സിജെപ‍ി

Aishwarya S Babu — Sun, 11 Oct 2026 06:07:41 +0530

ദില്ലി: വോട്ട് ചോരി ആരോപണത്തിൽ മുഖ്യ തെരഞ്ഞെടുപ്പ് കമ്മീഷണറുടെ രാജി ആവശ്യത്തിൽ രാജ്യ തലസ്ഥാനം ഇന്നും സംഘർഷ ഭൂമിയാകും. പത്ത് മണിക്ക് വീണ്ടും സമരം നടത്തുമെന്ന് സിജെപ‍ി പ്രഖ്യാപിച്ചു. എവിടെ പൊലീസ് തടയുന്നുവോ അവിടെ സമരം നടത്താനാണ് ആഹ്വാനം. ഇതിനെ കേന്ദ്രസർക്കാർ എങ്ങിനെ നേരിടും എന്നാണ് എല്ലാവരും ഉറ്റുനോക്കുന്നത്. നാളെ ഇന്ത്യ സഖ്യം വൻ റാലി നടത്തുമെന്ന് രാഹുൽ ഗാന്ധിയും പ്രഖ്യാപിച്ചു.

അതേസമയം കസ്റ്റഡിയിൽ എടുത്ത സിജെപി പ്രവർത്തകരെ വിട്ടയച്ചെങ്കിലും പ്രധാന നേതാക്കൾ എവിടെ എന്നതിൽ സൂചന ഒന്നും പൊലീസ് പുറത്തുവിടുന്നില്ല. ഏത് ഏജൻസി ആണ് കസ്റ്റഡിയിൽ വെച്ചിരിക്കുന്നത് എന്ന് പോലും വിവരമില്ലെന്ന് സിജെപി പറയുന്നു. അഭിജിത്, സൗരവ്, അശുതോഷ് എന്നിവരെ ഉടനടി വിട്ടയക്കണം എന്നാവശ്യപ്പെട്ട് ദില്ലി പോലീസ് കമ്മീഷണർക്ക് നിലവിലെ നേതൃത്വം കത്ത് നൽകി.

സിജെപി ഇടത് യുവജന പ്രതിഷേധത്തിനിടെ കോടതി അലക്ഷ്യ നടപടികൾ ഉണ്ടായെന്ന ഹർജികൾ പരിഗണിക്കാൻ, ഞായറാഴ്ച അവധി ദിനമായ ഇന്ന് സുപ്രീംകോടതി പ്രത്യേക സിറ്റിംഗ് നടത്തും. ദില്ലിയിൽ അനാവശ്യമായി മെട്രോ സ്റ്റേഷനുകൾ അടയ്ക്കുകയോ തീവണ്ടി സർവീസുകൾ റദ്ദാക്കുകയോ ചെയ്യരുതെന്ന നിർദേശം ലംഘിച്ചെന്നാണ് അഭിഭാഷകനായ ശൈലേന്ദ്രമണി ത്രിപാഠിയുടെ ഹർജി. സമരനേതാക്കളെ അനധികൃതമായി കസ്റ്റഡിയിൽ എടുത്തതിനെതിരെ ടിഎംസിയുടെ രാജ്യസഭാ എംപി മേനകാ ഗുരുസ്വാമി നൽകിയ ഹർജിയും ഇതോടൊപ്പം പരിഗണിക്കും.

സിജെപി നേതാക്കളൊഴികെ കസ്റ്റഡിയിലെടുത്ത എല്ലാവരെയും വിട്ടയച്ചു; ഡൽഹിയിലെ ഗതാഗത നിയന്ത്രണങ്ങൾ നീക്കി; യുഎൻ മനുഷ്യാവകാശ സംഘടനക്കെതിരെ കേന്ദ്ര സർക്കാർ

Web Desk — Sun, 11 Oct 2026 00:12:24 +0530

ഡൽഹി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജി ആവശ്യപ്പെട്ട് സിജെപിയും ഇടത് വിദ്യാർത്ഥി സംഘടനകളും നടത്തിയ പ്രതിഷേധങ്ങളെത്തുടർന്ന് ഡൽഹിയിൽ കസ്റ്റഡിയിലെടുത്ത ഭൂരിഭാഗം പേരെയും പൊലീസ് വിട്ടയച്ചു. സിജെപി നേതാക്കൾ ഒഴികെ തടങ്കൽ കേന്ദ്രങ്ങളിൽ ഉണ്ടായിരുന്ന മുഴുവൻ പേരെയും മോചിപ്പിച്ചതായി വാർത്താ ഏജൻസികൾ റിപ്പോർട്ട് ചെയ്തു. നിയമനടപടികൾ തുടരുന്നതിനാൽ സി.ജെ.പി നേതാക്കൾ കസ്റ്റഡിയിൽ തന്നെ തുടരും.

അതിനിടെ, കസ്റ്റഡിയിലുള്ള അഭിജീത് ദീപ്‌കെയുടെ മുത്തശ്ശി മരണപ്പെട്ട സാഹചര്യത്തിൽ അദ്ദേഹത്തിന് നാട്ടിലേക്ക് മടങ്ങാൻ സൗകര്യമൊരുക്കുമെന്ന് ഡൽഹി പോലീസ് അറിയിച്ചു. മരണവിവരം കൃത്യസമയത്ത് അറിയിച്ചിരുന്നുവെന്നും മറിച്ചുള്ള പ്രചാരണങ്ങൾ തെറ്റാണെന്നും പോലീസ് വ്യക്തമാക്കി. സമരത്തെ തുടർന്ന് ഡൽഹിയിൽ ഏർപ്പെടുത്തിയ ഗതാഗത നിയന്ത്രണങ്ങൾ പിൻവലിച്ചു. നാളെ മുതൽ ട്രെയിനുകൾ സാധാരണ നിലയിൽ സർവീസ് നടത്തുമെന്ന് നോർത്തേൺ റെയിൽവേ അറിയിച്ചു. ഡൽഹി മെട്രോയുടെ അടച്ചിട്ടിരുന്ന 45 സ്റ്റേഷനുകളും വീണ്ടും തുറന്നുവെന്ന് ഡൽഹി മെട്രോ റെയിൽ കോർപ്പറേഷൻ വ്യക്തമാക്കി.

ദില്ലിയിലെ പ്രതിഷേധക്കാരെയും നേതാക്കളെയും മാധ്യമപ്രവർത്തകരെയും കസ്റ്റഡിയിലെടുത്ത സംഭവത്തിൽ ഐക്യരാഷ്ട്രസഭയുടെ മനുഷ്യാവകാശ സംഘടന ആശങ്ക പ്രകടിപ്പിച്ചു. സമാധാനപരമായ കൂടിച്ചേരലുകൾക്കുള്ള അവകാശം ഹനിക്കരുതെന്നും, അമിതാധികാരപ്രയോഗം ഒഴിവാക്കി ഏകപക്ഷീയമായി കസ്റ്റഡിയിലെടുത്തവരെ വിട്ടയച്ച് ചർച്ചകൾ നടത്തണമെന്നും യു.എൻ ആവശ്യപ്പെട്ടു. എന്നാൽ യു.എൻ മനുഷ്യാവകാശ കൗൺസിലിന്റെ പ്രസ്താവന കേന്ദ്രസർക്കാർ തള്ളി. ജനാധിപത്യ രാജ്യമായ ഇന്ത്യയിൽ സമാധാനപരമായ പ്രതിഷേധങ്ങൾക്ക് പൂർണ്ണ അവകാശമുണ്ടെന്ന് വിദേശകാര്യ മന്ത്രാലയം പ്രതികരിച്ചു. ക്രമസമാധാന പാലനത്തിനായി ഏതൊരു രാജ്യത്തെയും പോലെ ആവശ്യമായ നിയന്ത്രണങ്ങൾ ഏർപ്പെടുത്താൻ സർക്കാരിന് അവകാശമുണ്ട്. ലോകത്ത് നടക്കുന്ന മറ്റു പല പ്രതിഷേധങ്ങളും കണ്ടില്ലെന്ന് നടിക്കുന്ന യു.എൻ നിലപാടിനെയും ഇന്ത്യ വിമർശിച്ചു.

റിയാദ് കിങ് ഖാലിദ് അന്താരാഷ്ട്ര വിമാനത്താവളത്തിന് നേരെ വീണ്ടും ആക്രമണം; നിരവധി പേർക്ക് പരിക്ക്? സർവീസുകൾ നിർത്തിവച്ച് എയർലൈനുകൾ

Web Desk — Sat, 10 Oct 2026 23:36:35 +0530

റിയാദ്: സൗദി അറേബ്യയുടെ തലസ്ഥാനമായ റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തിന് നേരെ വീണ്ടും ഹൂതി ആക്രമണം. വിമാനത്താവളത്തിന് നേരെ ആക്രമണമുണ്ടായതായി സൗദി അറേബ്യൻ സിവിൽ ഏവിയേഷൻ അതോറിറ്റി സ്ഥിരീകരിച്ചു. ആക്രമണത്തിൽ നിരവധി പേർക്ക് പരിക്കേറ്റതായാണ് വിവരങ്ങൾ.

സുരക്ഷ മുൻനിർത്തി റിയാദിലേക്ക് എത്തിയ വിമാനങ്ങളിൽ പലതും ജിദ്ദ ഉൾപ്പെടെയുള്ള സമീപത്തെ വിമാനത്താവളങ്ങളിലേക്ക് വഴിതിരിച്ചുവിട്ടു. സ്ഥിതിഗതികൾ ശാന്തമാകുന്നത് വരെ യാത്രക്കാർ കിങ് ഖാലിദ് വിമാനത്താവളത്തിലേക്ക് എത്തരുതെന്ന് വിവിധ രാജ്യങ്ങളും നയതന്ത്ര കാര്യാലയങ്ങളും ഔദ്യോഗിക മുന്നറിയിപ്പ് നൽകിയിട്ടുണ്ട്.

അകാശ എയർ സർവീസുകൾ ഒക്ടോബർ 13 വരെ റദ്ദാക്കി

സുരക്ഷാ സാഹചര്യം കണക്കിലെടുത്ത് അകാശ എയർ റിയാദിലേക്കും തിരിച്ചുമുള്ള എല്ലാ വിമാന സർവീസുകളും ഒക്ടോബർ 31 റദ്ദാക്കിയതായി അറിയിച്ചു. അടിയന്തര സാഹചര്യങ്ങൾ നേരിടാൻ സൗദിയിലെ ഇന്ത്യൻ എംബസി ജാഗ്രതാ നിർദേശം പുറപ്പെടുവിച്ചിട്ടുണ്ട്.

ഡൽഹിയിൽ സിജെപി നാളെയും സമരം പ്രഖ്യാപിച്ചതിന് പിന്നാലെ ഡിഎംആർസിയുടെ അറിയിപ്പ്: അടച്ചിട്ട 45 മെട്രോ സ്റ്റേഷനുകൾ തുറന്നു

Web Desk — Sat, 10 Oct 2026 23:15:45 +0530

ഡൽഹി: ഡൽഹിയിൽ മെട്രോ സ്റ്റേഷനുകൾ തുറന്നു. ഇന്ന് രാവിലെ മുതൽ അടച്ചിട്ട 45 മെട്രോ സ്റ്റേഷനുകൾ പ്രവർത്തനസജ്ജമാണെന്ന് ഡൽഹി റെയിൽ മെട്രോ കോർപ്പറേഷൻ അറിയിച്ചു. സിജെപിയും ഇടത് വിദ്യാർത്ഥി സംഘടനകളും ചേർന്ന് നടത്തിയ പ്രതിഷേധം തടയുന്നതിൻ്റെ ഭാഗമായാണ് മെട്രോ സ്റ്റേഷനുകൾ അടച്ചിട്ടത്. ഇന്ന് വൈകീട്ട് ആറുമണിക്ക് സ്റ്റേഷനുകൾ തുറക്കുമെന്നായിരുന്നു ആദ്യത്തെ അറിയിപ്പെങ്കിലും തുറന്നിരുന്നു. തുടർന്ന് രാത്രി 10 മണി വരെ നിയന്ത്രണം തുടർന്ന ശേഷമാണ് മെട്രോ സ്റ്റേഷനുകൾ തുറക്കുന്നതായി ഡിഎംആർസി പ്രഖ്യാപിച്ചത്.

അതേസമയം ഇന്നത്തെ സമരത്തെ പൊലീസ് അതിശക്തമായി പ്രതിരോധിച്ച് പരാജയപ്പെടുത്താൻ ശ്രമിച്ചതിന് പിന്നാലെ നാളെ വീണ്ടും സമരം നടത്തുമെന്ന് സിജെപി പ്രഖ്യാപിച്ചു. ജന്തർ മന്തിറിലേക്ക് മാർച്ച് നടത്തുമെന്നാണ് സിജെപിയുടെ പ്രഖ്യാപനം. ഇടത് സംഘടനകളും ഇതിൽ അണിചേരുമെന്നാണ് ലഭിക്കുന്ന വിവരം. നാളെ രാവിലെ പത്തു മണിക്ക് മാർച്ച് നടത്തുമെന്നാണ് സിജെപി നേതാക്കൾ പ്രഖ്യാപിച്ചിരിക്കുന്നത്. പ്രധാനപ്പെട്ട മൂന്ന് നേതാക്കളും പൊലീസിൻ്റെ കസ്റ്റഡിയിലായപ്പോൾ ഇന്ന് മാധ്യമങ്ങളെ കണ്ട സിജെപി നേതാവ് അജിങ്ക്യ ഷിൻഡെ ആണ് സമരത്തിന് ആഹ്വാനം നൽക്കിയിരിക്കുന്നത്. ഇത് പുതിയ പോരാട്ടത്തിന്റെ തുടക്കം എന്ന് അജിങ്ക്യ ഷിൻഡെ വ്യക്തമാക്കി. ഗ്യാനേഷ് കുമാറിന്റെ രാജി ലഭിക്കാതെ സമരത്തിൽ നിന്ന് പിന്മാറില്ലെന്നും സിജെപി വ്യക്തമാക്കി.

ഇതിനിടെ മലയാളി സുപ്രീംകോടതി അഭിഭാഷകൻ ഫിദൽ ടോമിനെ പൊലീസ് മർദിച്ചെന്ന് പരാതി ഉയർന്നിട്ടുണ്ട്. ഡൽഹിയിലെ സഞ്ജയ് കോളനി പൊലീസ് സ്റ്റേഷനിൽ ഇദ്ദേഹം തടങ്കലിലെന്നാണ് ആരോപണം. ഇദ്ദേഹത്തെ ഉടൻ മോചിപ്പിക്കണമെന്നും വൈദ്യപരിശോധന ഉറപ്പാക്കണമെന്ന് അഭിഭാഷക സംഘടനയായ എൽഎഎഫ്‌സി ആവശ്യപ്പെട്ടു.

എവിടെ പൊലീസ് തടയുന്നുവോ അവിടെ സമരം; ജന്തർ മന്തറിലേക്ക് വീണ്ടും സമരം പ്രഖ്യാപിച്ച് കോക്ക്റോച്ച് ജനത പാർട്ടി, 'ഗ്യാനേഷിൻ്റെ രാജിയല്ലാതെ പിറകോട്ടില്ല'

Faseela Moidu — Sat, 10 Oct 2026 22:44:05 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് ജന്തർ മന്തറിലേക്ക് വീണ്ടും സമരം പ്രഖ്യാപിച്ച് കോക്ക്റോച്ച് ജനത പാർട്ടി. നാളെ രാവിലെ പത്തു മണിക്കാണ് സമരം പ്രഖ്യാപിച്ചിരിക്കുന്നത്. അജിങ്ക്യ ഷിൻഡെയാണ് സമരത്തിന് ആഹ്വാനം നൽക്കിയിരിക്കുന്നത്. ഇത് പുതിയ പോരാട്ടത്തിന്റെ തുടക്കമാണെന്നും ഗ്യാനേഷ് കുമാറിന്റെ രാജി ലഭിക്കാതെ പിന്മാറില്ലെന്നും സിജെപി നേതാവ് അജിങ്ക്യ ഷിൻഡെ പറയുന്നു. എവിടെ പൊലീസ് തടയുന്നുവോ അവിടെ സമരം നടത്താനാണ് ആഹ്വാനം.

അതേസമയം, ഇന്ന് രാവിലെ ജന്തർ മന്തറിലേക്ക് കോക്ക്റോച്ച് ജനത പാർട്ടി പ്രഖ്യാപിച്ച മാർച്ച് സർവ്വ സന്നാഹങ്ങളുമായി തടയുകയായിരുന്നു ദില്ലി പൊലീസ്. മാർച്ചിനെത്തിയ സിജെപി നേതാക്കളായ അഭിജീത് ദിപ്കെ, അശുതോഷ് രാൻക, സൗരവ് ദാസ് എന്നിവരെ വിമാനത്തിനുള്ളിൽ നിന്നും നാടകീയമായി കസ്റ്റഡിയിലെടുത്തു. അറസ്റ്റിനെതിരെ സിജെപി കോടതിയെ സമീപിച്ചു. ജന്തർമന്തറിലേക്ക് തിരിച്ച ആയിരത്തിലധികം പ്രതിഷേധക്കാരെ പൊലീസ് പല സ്ഥലങ്ങളിൽ കസ്റ്റഡിയിൽ എടുത്തു. അജ്ഞാത കേന്ദ്രങ്ങളിൽ സിജെപി നേതാക്കൾ കസ്റ്റഡിയിൽ തുടരുകയാണ്.

ദില്ലി അന്താരാഷ്ട്ര വിമാനത്താവളത്തിലായിരുന്നു പൊലീസിന്റെ പ്രതീക്ഷിച്ച നീക്കം. 10.20 ഓടെ മുംബൈ - ദില്ലി എയർ ഇന്ത്യ വിമാനത്തിലേക്ക് ദില്ലി പൊലീസ് ഇരച്ചു കയറി. 15 മിനിറ്റിനകം സിജെപി നേതാക്കാളായ അഭിജീത് ദിപ്കെ, അശുതോഷ് രാൻക, സൗരവ് ദാസ് എന്നിവർ കസ്റ്റഡിയിലായി. 11 മണിയോടെ മാധ്യമങ്ങളുടെ കണ്ണുവെട്ടിച്ച് പ്രത്യേക വാഹനത്തിൽ പൊലീസ് പുറത്തെത്തി. പിന്നാലെ മൂന്നുപേരെയും രഹസ്യ കേന്ദ്രത്തിലേക്ക് മാറ്റി. നേരത്തെ തയ്യാറാക്കിയ വീഡിയോയിൽ ഇനി അജിങ്ക്യ ഷിൻഡേ സമരം നയിക്കുമെന്ന ദീപ്കെയുടെ പ്രഖ്യാപനം.

നേതൃനിര ഇല്ലെങ്കിലും പ്രതിഷേധം തുടരുമെന്ന് സിജെപി വ്യക്തമാക്കി. മുത്തശ്ശി മരിച്ചത് പോലും അഭിജീത് ദീപ്കെയെ അറിയിച്ചില്ലെന്നും നേതാക്കളെ തട്ടികൊണ്ടു പോയെന്നുമാണ് ആരോപണം. രാവിലെ പ്രശസ്ത യൂട്യൂബർ ദ്രുവ് റാത്തിയെയും സിജെപി അഭിഭാഷക സംഘടന നേതാവ് രത്ന സിംഗിനെയും പൊലീസ് കസ്റ്റഡിയിലെടുത്തിരുന്നു. അറസ്റ്റിനെതിരെ സിജെപി മജിസ്ട്രേറ്റ് കോടതിയെ സമീപിച്ചെങ്കിലും രത്ന സിങിനെ വൈകീട്ടോടെ വിട്ടയച്ചതായി പൊലീസ് അറിയിച്ചു.

സുദേശ് എന്ന വനിത ആക്ടിവിസ്റ്റിനെ ജന്തർമന്തർ ഭാഗത്തു നിന്നാണ് പൊലീസ് അറസ്റ്റു ചെയ്തു നീക്കിയത്. പൊലീസിൻ കണ്ണു വെട്ടിച്ച് ഇവിടെയെത്തിയ സുദേശ് മാധ്യമങ്ങളോട് സംസാരിക്കുമ്പോൾ തൂക്കിയെടുത്തു കൊണ്ടു പോകുകയായിരുന്നു. സാമൂഹ്യപ്രവർത്തകൻ ഴോങ് ദ്രെ അടക്കം നാലു പേരെയും ജന്തർ മന്തറിലേക്ക് പോകുന്നതിനു മുമ്പ് പൊലീസ് തടഞ്ഞ് കസ്റ്റഡി കേന്ദ്രങ്ങളിലേക്ക് മാറ്റി. ഐഷി ഘോഷ്, അപരാജിത രാജ എന്നിവരും കസ്റ്റഡിയിലാണ്‌. പൊലീസ് കസ്റ്റഡിയിലായവരുടെ എണ്ണം നാലായിരം കടന്നു. ജന്തർമന്തറിലേക്ക് ഒരാൾ പോലും എത്താത്ത രീതിയിൽ പൊലീസ് കോട്ട കെട്ടി അടച്ചു. അഞ്ച് തട്ടുള്ള ബാരിക്കേഡാണ് അശോക റോഡിൽ നിന്ന് ജന്തർമന്തറിലേക്ക് പോകുന്ന റോഡിൽ സ്ഥാപിച്ചത്. ജന്തർമന്തറിലേക്ക് കൊണാട്ട് പ്ളെയിസ്, വിൻഡ്സർ സർക്കിൾ എന്നിവിടങ്ങളിൽ നിന്നുള്ള പ്രവേശനവും തടഞ്ഞിരിക്കുകയാണ്. നിരവധി പേരെ സൻസദ് മാർഗ്, മണ്ഡി ഹൗസ്, റീഗൽ സിനിമ, മിൻറോ റോഡ് തുടങ്ങിയ ഇടങ്ങളിൽ നിന്നാണ് അറസ്റ്റു ചെയ്തത്. സിപി ഇന്നർ സർക്കിളിൽ നിന്ന് പ്രതിഷേധക്കാരെ നീക്കിയത് സംഘർഷത്തിന് ഇടയാക്കി.

പ്രതിഷേധത്തെ പിന്തുണച്ച ഒരുവിഭാഗം അഭിഭാഷകരെയും പൊലീസ് തടഞ്ഞു. സുപ്രീംകോടതി പരിസരത്ത് നിന്നും ജന്തർ മന്തറിലേക്കായിരുന്നു മാർച്ച്. തല്ക്കാലം ദില്ലിയിൽ വൻ സംഘർഷമില്ലാതെ ഇന്നത്തെ പ്രതിഷേധം നിയന്ത്രിക്കാൻ പൊലീസിന് കഴിഞ്ഞു. വരും ദിവസങ്ങളിലും ജന്തർമന്തറിലേക്കുള്ള പ്രവേശനം വിലക്കിയുള്ള സന്നാഹം ദില്ലി പൊലീസിന് തുടരേണ്ടി വരും.

ഫ്ലൈ ദുബായ് വിമാനത്തിലെ ആക്രമണം; കേസെടുത്ത് എൻഐഎ, വിശദമായ അന്വേഷണം നടത്തും

Faseela Moidu — Sat, 10 Oct 2026 22:22:39 +0530

ദില്ലി: ഫ്ലൈ ദുബായ് വിമാനത്തിലെ ആക്രമണത്തിൽ കേസെടുത്ത് എൻഐഎ. ആക്രമണം എൻഐഎ അന്വേഷിക്കാനാണ് തീരുമാനം. ഇതുമായി ബന്ധപ്പെട്ട് എൻഐഎ കേസ് രജിസ്റ്റർ ചെയ്തു. സംഭവത്തിൽ വിശദമായ അന്വേഷണം നടത്തും. ഫ്ലൈദുബായ് വിമാനം തട്ടിയെടുത്ത് ഇസ്രയേലിലെ ബെൻ ഗൂറിയൻ വിമാനത്താവളത്തിൽ ഇടിച്ചിറക്കാനാണ് സഹപൈലറ്റ് ഹമാം അൽ ഹമാമി ലക്ഷ്യമിട്ടതെന്നാണ് റിപ്പോർട്ട്.

അതിനിടെ, ഫ്ലൈദുബായ് വിമാനം തട്ടിയെടുക്കാനായി ഇന്ത്യൻ ക്യാപ്റ്റൻ സ്മിത്ത് മച്ഛാറിനെ ആക്രമിച്ച സഹപൈലറ്റ് ഹമാം അൽ ഹമാമിക്കെതിരായ യുഎഇയുടെ അന്വേഷണത്തിൻറെ വിവരങ്ങൾ പുറത്ത് വന്നു. ഇസ്രയേലിലെ ബെൻ ഗൂറിയൻ വിമാനത്താവളത്തിൽ ഇടിച്ചിറക്കാനാണ് സഹപൈലറ്റ് ലക്ഷ്യമിട്ടതെന്ന് വ്യക്തമാക്കുന്നതാണ് യുഎഇയുടെ അന്വേഷണവും. വിമാനത്തിലുള്ള യാത്രക്കാരടക്കം ആളുകളെ കൊലപ്പെടുത്തുക എന്ന ലക്ഷ്യത്തോടെയാണ് ബെൻ ഗുറിയൻ വിമാനത്താവളത്തിൽ ഇടിച്ചിറക്കാൻ ഹമാമി പദ്ധതിയിട്ടതെന്നും അന്വേഷണത്തിൽ വ്യക്തമായിട്ടുണ്ട്. ഒമാൻ സ്വദേശിയായ സഹ പൈലറ്റിന് 29 വയസാണുള്ളത്. 2017 ഓസ്ട്രേലിയൻ പഠനകാലം മുതൽ തീവ്രവാദ ആശയങ്ങളിൽ ആകൃഷ്ടനാണ് ഇയാളെന്നും യു എ ഇയുടെ അന്വേഷണത്തിൽ തെളിഞ്ഞിട്ടുണ്ട്. വേൾഡ് ട്രേഡ് സെൻറർ അക്രമണവും പ്രചോദനമായെന്നും യു എ ഇ അന്വേഷണ റിപ്പോർട്ടിലുണ്ട്. എന്നാൽ പുറമെ നിന്ന് ആരുടെയും സഹായം ആക്രമിക്ക് ലഭിച്ചിട്ടില്ല എന്നും മൊഴിയിലുണ്ട്. ആക്രമിയെ കീഴ്പ്പെടുത്തിയത് യാത്രക്കാരും ജീവനക്കാരും ചേർന്നാണെന്നും അന്വേഷണ റിപ്പോ‍ർട്ട് ചൂണ്ടിക്കാട്ടിയിട്ടുണ്ട്.

സൂചന പോലും ഇല്ലാത്ത ആക്രമണം

2020 മുതൽ 2024 വരെ ഹമാമി ഒമാൻ എയറിൽ ജോലി ചെയ്തിരുന്നു. ബോക്സിങ്ങിലടക്കം പരിശീലനം നേടിയിട്ടുണ്ട്. മുമ്പ് രണ്ട് തവണ ടെൽ അവീവിലേക്ക് വിമാനത്തിൽ യാത്ര ചെയ്തയാളാണ് പ്രതിയെന്നും അന്വേഷണത്തിൽ വ്യക്തമായി. തീവ്രവാദ സ്വാധീനത്തിന്റെ സൂചനകൾ പോലുമില്ലാതെ, എല്ലാ പരിശോധനകളും പാസായ ശേഷമാണ് ഫ്ലൈദുബായിയിൽ ഇയാൾക്ക് ജോലി ലഭിച്ചതെന്നും റിപ്പോർട്ട് വ്യക്തമാക്കുന്നു. മച്ഛാറിനെ ആക്രമിച്ച് വിമാനം തട്ടിയെടുക്കാൻ ശ്രമിച്ചതിന് സൂചനകൾ ഒന്നും ഉണ്ടായിരുന്നില്ല എന്നും റിപ്പോർട്ടിലുണ്ട്. പൈലറ്റിനെ ആക്രമിച്ചപ്പോൾ കോക്ക്പിറ്റ് വാതിൽ തുറന്നത് മടക്ക യാത്രയിൽ വിമാനം പറത്തേണ്ടിയിരുന്ന പൈലറ്റ് എന്നും റിപ്പോർട്ട് ചൂണ്ടിക്കാട്ടി. കോഡ് ഉപയോഗിച്ചാണ് വാതിൽ തുറന്നത്. ആക്രമണത്തിൽ ബാഹ്യപ്രേരണ ഉണ്ടായിട്ടില്ലെന്നും പ്രതിയുടെ മൊഴി വ്യക്തമാക്കുന്നു. വിമാനം പിന്നീട് നിയന്ത്രിച്ചതും സൗദിയിൽ ഇറക്കിയതും വിമാനത്തിൽ ഉണ്ടായിരുന്ന മറ്റൊരു പൈലറ്റാണെന്നും യുഎഇ അന്വേഷണ റിപ്പോർട്ടിൽ ചൂണ്ടിക്കാട്ടിയിട്ടുണ്ട്.

അതേസമയം ബെൻ ഗൂറിയൻ വിമാനത്താവളത്തിൽ ഇടിച്ചിറക്കാനാണ് സഹപൈലറ്റ് ലക്ഷ്യമിട്ടതെന്ന് ഇസ്രയേലി മാധ്യമങ്ങളും നേരത്തെ ഇക്കാര്യം റിപ്പോർട്ട് ചെയ്തിരുന്നു. അന്വേഷണത്തിനിടെ ഒമാനി സഹപൈലറ്റ് നൽകിയ മൊഴിയായാണ് ഇവ പുറത്തു വന്നത്. ക്യാപ്റ്റനെ വീഴ്ത്തി, സാധാരണ നിലയിൽ ടെൽ അവീവിലേക്ക് പറന്ന്, സംശയം തോന്നാത്ത വിധം ലാൻഡിങ് അനുമതി വരെ നേടിയെടുക്കാനായിരുന്നു ശ്രമം. ശേഷം ബെൻ ഗുറിയോൺ വിമാനത്താവളത്തിൽ ഇടിച്ചിറക്കാനായിരുന്നു പദ്ധതി. മുൻപും ആക്രമണം നടത്താൻ പദ്ധതിയിട്ടിരുന്നുവെന്നും റിപ്പോർട്ടുകളുണ്ടായിരുന്നു. എന്നാൽ ഇക്കാര്യം യുഎഇ അന്വേഷണ റിപ്പോ‍ർട്ടിലുണ്ടോ എന്നത് വ്യക്തമല്ല.

ദില്ലി പ്രതിഷേധം; പൊലീസ് അടിച്ചമർത്തലിൽ ആശങ്ക അറിയിച്ച് യുഎൻ, കസ്റ്റഡിയിലെടുത്തവരിൽ ബിജെപി മുൻ എംഎൽഎയുടെ മകളും, കോടതിയലക്ഷ്യ ഹർജി നാളെ കോടതിയിൽ

Faseela Moidu — Sat, 10 Oct 2026 22:07:30 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് ദില്ലിയിൽ നടക്കുന്ന പ്രതിഷേധങ്ങൾക്ക് നേരെയുള്ള പൊലീസ് നടപടിയിൽ ആശങ്കയറിയിച്ച് യുഎൻ മനുഷ്യാവകശാ സംഘടന. പ്രതിഷേധക്കാരെയും, നേതാക്കളെയും, മാധ്യമപ്രവർത്തകരെയും കസ്റ്റഡിയിൽ എടുക്കുന്നതിലാണ് യുഎൻ ആശങ്ക അറിയിച്ചിരിക്കുന്നത്. സമാധാനപരമായ കൂടിച്ചേരലുകള്‍ക്കുള്ള അവകാശം ഹനിക്കരുതെന്നും സമാധാനപരമായ പ്രതിഷേധങ്ങള്‍ക്ക് മേൽ അമിതാധികാരപ്രയോഗം പാടില്ലെന്നും യുഎൻ പറഞ്ഞു. ചർച്ചകള്‍ നടക്കുകയാണ് വേണ്ടതെന്നും ഏകപക്ഷീയമായി കസ്റ്റഡിയിലെടുത്തവരെ വിട്ടയക്കണമെന്നും യുഎൻ മനുഷ്യാവകാശ സംഘടന ആവശ്യപ്പെട്ടു.

അതേസമയം, ദില്ലി പൊലീസ് കസ്റ്റഡിയിലെടുത്തവരിൽ ബിജെപി മുൻ എംഎൽഎയുടെ മകളും ഉൾപ്പെടുന്നതായി റിപ്പോർട്ട്. ഉത്തർപ്രദേശിലെ ബിജെപി മുൻ എംഎൽഎ വിക്രം സിങിന്റെ മകൾ യശ്വസിനിയാണ് പിടിയിലായത്. ബംഗ്ലാ സാഹിബിലുളള പാർക്കിലിരിക്കുമ്പോഴാണ് കസ്റ്റഡിയിലെടുത്തത്. യശ്വസിനി ജൂലൈയിലെ സിജെപി സമരത്തിൽ പങ്കെടുത്തിരുന്നു. അതേസമയം, കോടതിയലക്ഷ്യ ഹർജിയിൽ നാളെ വാദം കേൾക്കും. പ്രതിഷേധങ്ങളുമായി ബന്ധപ്പെട്ട് സുപ്രീം കോടതി ഉത്തരവ് പാലിച്ചില്ലെന്ന് കാട്ടി ശൈലേന്ദ്ര മണി ത്രിപാഠിയാണ് കോടതിയെ സമീപിച്ചത്. ഹർജിയിൽ നാളെ പ്രത്യേക വാദം സുപ്രീം കോടതി കേൾക്കും. ജസ്റ്റിസുമാരായ ജോയ്മാല്യ ബാഗ്ചി, വി. മോഹന എന്നിവരടങ്ങുന്ന പ്രത്യേക ബെഞ്ചാണ് കേസ് പരിഗണിക്കുക.

അഭിജീത്തിന് നാട്ടിലേക്ക് മടങ്ങാൻ സൗകര്യമൊരുക്കാമെന്ന് ദില്ലി പോലീസ്, മുത്തശ്ശിയുടെ സംസ്കാര ചടങ്ങിൽ പങ്കെടുക്കാം

Web Desk — Sat, 10 Oct 2026 20:53:06 +0530

ദില്ലി: ദില്ലിയിൽ പോലീസിന്‍റെ കസ്റ്റഡിയിലുള്ള കോക്ക്റോച്ച് ജനത പാർട്ടി അധ്യക്ഷൻ അഭിജീത് ദീപ്കെയെ മുത്തശ്ശി സാവിത്രിഭായ് ശങ്കറാവു ദീപ്കെ (85)യുടെ മരണവുമായി ബന്ധപ്പെട്ട് വിട്ടയക്കുമെന്ന് പൊലീസ്. മഹാരാഷ്ട്രയിലെ ഹിംഗോളി ജില്ലയിലുള്ള സ്വന്തം വസതിയിൽ വെച്ചായിരുന്നു ദീപ്കെയുടെ മുത്തശ്ശിയുടെ അന്ത്യം. എന്നാൽ കസ്റ്റഡിയിലുള്ള അഭിജീതിനെ മുത്തശ്ശിയുടെ മരണവിവരം പോലീസ് അറിയിച്ചില്ലെന്ന തരത്തിൽ സോഷ്യൽ മീഡിയയിൽ പ്രചരിച്ച വാർത്തകൾ ദില്ലി പോലീസ് തള്ളി. വിവരമറിഞ്ഞ ഉടൻ തന്നെ പൂർണ്ണ മാനുഷിക പരിഗണനയോടെ അഭിജീതിനെ മരണവാർത്തയും സംസ്കാരച്ചടങ്ങുകൾ നടക്കുന്ന സമയവും കൃത്യമായി അറിയിച്ചിട്ടുണ്ടെന്ന് പോലീസ് വ്യക്തമാക്കി.

അഭിജീത് ദീപ്കെയ്ക്ക് മുത്തശ്ശിയുടെ മരണവിവരം കൈമാറിയില്ലെന്ന പ്രചാരണം തെറ്റാണെന്നും, അദ്ദേഹത്തെ വിവരം ഉടൻ അറിയിച്ചതായും ദില്ലി പോലീസ് ഔദ്യോഗികമായി അറിയിച്ചു. മാനുഷിക പരിഗണന മുൻനിർത്തി സംസ്കാരച്ചടങ്ങിൽ പങ്കെടുക്കുന്നതിനായി സ്വന്തം നാട്ടിലേക്ക് മടങ്ങാൻ ആവശ്യമായ എല്ലാ യാത്രാസൗകര്യങ്ങളും ചെയ്തുനൽകാമെന്ന് പോലീസ് അഭിജീതിനെ അറിയിച്ചിട്ടുണ്ട്.ഞായറാഴ്ച രാവിലെ 10 മണിക്ക് മഹാരാഷ്ട്രയിലെ ഹിംഗോളിയിലുള്ള സ്വന്തം ഗ്രാമത്തിലാണ് സംസ്കാരച്ചടങ്ങുകൾ നിശ്ചയിച്ചിരിക്കുന്നത്.

തിരഞ്ഞെടുപ്പ് കമ്മീഷനെതിരെയുള്ള സമരവുമായി ബന്ധപ്പെട്ട് ഡൽഹിയിലെത്തിയ അഭിജീതിനെ വിമാനത്താവളത്തിൽ വെച്ചാണ് ഡൽഹി പോലീസ് കസ്റ്റഡിയിലെടുത്തത്. നാട്ടിലേക്ക് മടങ്ങി സംസ്കാരച്ചടങ്ങുകളിൽ പങ്കെടുക്കണമോ അതോ ദില്ലിയിൽ തുടരണമോ എന്ന കാര്യം അഭിജീത് ദീപ്കെയ്ക്ക് തീരുമാനിക്കാം.