Asianet News Malayalam

സംസ്ഥാനത്ത് പരക്കെ മഴ; അടുത്ത മൂന്ന് മണിക്കൂറില്‍ 10 ജില്ലകളിൽ ഓറഞ്ച് അലർട്ട്, ഇടിമിന്നലോട് കൂടിയ ശക്തമായ മഴയ്ക്ക് സാധ്യത

Web Desk — Fri, 09 Oct 2026 18:25:16 +0530

തിരുവനന്തപുരം: സംസ്ഥാനത്ത് പരക്കെ മഴ. മധ്യ, തെക്കൻ കേരളത്തിൽ വ്യാപകമായും വടക്കൻ ജില്ലകളിലെ മലയോര മേഖലയിലുമാണ് കനത്ത മഴ. പത്ത് ജില്ലകളിൽ അടുത്ത മൂന്ന് മണിക്കൂർ ഓറഞ്ച് അലർട്ട് പ്രഖ്യാപിച്ചു. ഇടിയോട് കൂടിയ ശക്തമായ മഴയ്ക്കും കാറ്റിനും സാധ്യതയെന്നാണ് മുന്നറിയിപ്പ്. മഴ കനത്തതോടെ തിരുവനന്തപുരത്ത് നെയ്യാർ, അരുവിക്കര അണക്കെട്ടുകളുടെ ഷട്ടറുകൾ തുറന്നു. നെയ്യാർ ഡാമിന്‍റെ നാല് ഷട്ടറുകളും ഇരുപത് സെന്‍റിമീറ്റർ വീതമാണ് ഉയർത്തിയത്. അരുവിക്കര ഡാമിന്‍റെ മൂന്ന് ഷട്ടറുകൾ പത്ത് സെന്‍റീമീറ്റർ കൂടി ഉയർത്തി. ജലനിരപ്പ് ക്രമീകരിക്കുന്നതിന്‍റെ ഭാഗമായാണ് നടപടി.

അടുത്ത മൂന്ന് മണിക്കൂർ പത്ത് ജില്ലകളിൽ ഓറഞ്ച് അലർട്ട്

അടുത്ത 3 മണിക്കൂറിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂർ, മലപ്പുറം, കോഴിക്കോട്, കാസര്‍കോട് എന്നീ ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്. ഈ ജില്ലകളില്‍ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും, മറ്റ് ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

വ്യാപക നാശം വിതച്ച് മഴ

സംസ്ഥാനത്ത് കനത്ത മഴയിലും കാറ്റിലും വ്യാപക നാശനഷ്ടങ്ങളും റിപ്പോർട്ട് ചെയ്തു. എറണാകുളത്ത് കനത്ത മഴയും കാറ്റും അങ്കമാലി കറുകുറ്റിയിൽ താൽക്കാലിക പന്തൽ തകർന്നു. ഡിവൈഎഫ്ഐ നടത്തുന്ന ഓണ നിലാവ് പരിപാടിയുടെ താൽക്കാലിക പന്തലാണ് തകർന്നത്. ആർക്കും പരിക്കില്ല. ആലുവയിൽ കനത്തമഴയിൽ ചില റോഡുകളിൽ വെള്ളക്കെട്ട് രൂപപ്പെട്ടു. കൊല്ലം നിലമേലിൽ എംസി റോഡിൽ വെള്ളം കയറി. ഗതാഗതം തടസ്സപ്പെട്ടു. പത്തനംതിട്ട മലയാലപ്പുഴയിൽ കാറ്റിൽ റോഡിന് കുറുകെ മരം വീണു. കണ്ണൂർ പറശ്ശിനിക്കടവിൽ ഇടിമിന്നലിൽ വ്യാപക നാശമുണ്ടായി. രണ്ട് വീടുകളുടെ ചുമരിൽ വിള്ളൽ വീണു. വയറിങ്ങും ഫ്രിഡ്ജ് ഉൾപ്പെടെയുള്ള ഗൃഹോപകരണങ്ങളും കത്തി നശിച്ചു.

തിരുവനന്തപുരം നഗരസഭയിലെ ഒപ്പ് വിവാദം: മേയർ വി വി രാജേഷിനെതിരെ പ്രതിഷേധവുമായി എല്‍ഡിഎഫ്

Web Desk — Fri, 09 Oct 2026 19:48:56 +0530

തിരുവനന്തപുരം: തിരുവനന്തപുരം നഗരസഭയിലെ ഒപ്പ് വിവാദത്തിനിടെ മേയർ വി വി രാജേഷിനെതിരെ പ്രതിഷേധവുമായി എല്‍ഡിഎഫ്. വ്യാജ ഒപ്പ് കേസില്‍ അന്വേഷണം തുടരുന്നതിനിടെ കൗണ്‍സില്‍ യോഗത്തില്‍ സുഗതന്‍ പങ്കെടുക്കുന്ന ചിത്രങ്ങള്‍ നഗരസഭ പൊലീസീസിന് കൈമാറി. ഇതിനിടെ, സ്പെഷ്യല്‍ കൗണ്‍സില്‍ വിളിക്കണമെന്ന് ആവശ്യപ്പെട്ട് നല്‍കിയ അപേക്ഷയില്‍ എല്‍ഡിഎഫ് പാർലമെന്‍ററി പാര്‍ട്ടി നേതാവ് എസ് പി ദീപക്ക് വ്യാജ ഒപ്പിട്ടുവെന്ന് മേയർ വി വി രാജേഷ് ആരോപിച്ചു.

ഒപ്പ് വിവാദത്തില്‍ കേസെടുത്തതിന് പിന്നാലെ മേയർ വി വി രാജേഷിന്‍റെ രാജി ആവശ്യപ്പെട്ട് എല്‍ഡിഎഫ് സമരം ശക്തമാക്കി. കോർപ്പറേഷൻ ഓഫീസില്‍ മേയറെ എല്‍ഡിഎഫ് അംഗങ്ങള്‍ തടഞ്ഞു. അതേസമയം, വ്യാജ ഒപ്പ് ആരോപണം ഉയർന്ന ദിവസങ്ങളില്‍ കൗണ്‍സിലർ സുഗതൻ യോഗത്തില്‍ പങ്കടുക്കുന്നതിന്‍റ ചിത്രങ്ങള്‍ കോർപ്പറേഷൻ പൊലീസിന് കൈമാറി. കോർപ്പറേഷന്‍റെ ഔദ്യോഗിക ഫോട്ടോഗ്രാഫറുടെ ചിത്രങ്ങളില്‍ സുഗതനുണ്ടെന്ന് മേയർ പറഞ്ഞു. സിപിഎം നേതാവ് എസ് പി ദീപക്ക് തന്നെ ഫെയ്സ്ബുക്കിലിട്ട ചിത്രങ്ങളും കൈമാറിയിട്ടുണ്ട്. ഇതിനിടെ, സെപ്ഷ്യല്‍ കൗണ്‍സില്‍ യോഗത്തില്‍ എസ് പി ദീപക്ക് വ്യാജ ഒപ്പിട്ടെന്ന് ആരോപിച്ച് ബിജെപി പൊലീസില്‍ പരാതി നല്‍കും.

കൗണ്‍സില്‍ യോഗത്തിന്‍റെ സിസിടിവി ദൃശ്യങ്ങള്‍ ആവശ്യപ്പെട്ട് എസ് പി ദീപക്ക് നഗരസഭയില്‍ വിവരാവകാശം നല്‍കിയിരുന്നു. എന്നാല്‍ കൗണ്‍സില്‍ നടക്കുന്ന ദൃശ്യങ്ങള്‍ ലഭ്യമാകുന്ന തരത്തില്‍ സിസിടിവികള്‍ ഇല്ലെന്ന് നഗരസഭ അറിയിച്ചു. ക്യമാറകള്‍ ഉള്ളത് ലോഞ്ചിലും പ്രവേശന കവാടത്തിലും മാത്രമാണെന്നും നഗരസഭ മറുപടി നല്‍കി.

'രണ്ട് കയ്യും കൂട്ടിയിടിച്ചാലല്ലേ കലഹമുണ്ടാകൂ', അടൂർ പ്രകാശിന്‍റെ പരാതിയിൽ പ്രതികരിച്ച് മുഖ്യമന്ത്രി; 'പാർട്ടിക്ക് വിധേയൻ, തെറ്റുണ്ടെങ്കിൽ തിരുത്താം'

Anver Sajad — Fri, 09 Oct 2026 19:47:06 +0530

തിരുവനന്തപുരം: യു ഡി എഫ് കൺവീനർ അടൂർ പ്രകാശ് ഉന്നയിച്ച വിമർശനങ്ങൾക്ക് നേരിട്ട് മറുപടി പറയാനില്ലെന്ന് മുഖ്യമന്ത്രി വി ഡി സതീശൻ. മന്ത്രിസഭാ യോഗത്തിന് ശേഷം നടത്തിയ വാർത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. താൻ പൂർണ്ണമായും പാർട്ടിക്ക് വിധേയനാണെന്നും വിമർശനങ്ങൾക്ക് അതീതനല്ലെന്നും സതീശൻ പറഞ്ഞു. രണ്ടു കയ്യും കൂട്ടിയിടിച്ചാലല്ലേ പാർട്ടിയിൽ കലഹമുണ്ടാകൂ എന്നും തന്നിൽ എന്തെങ്കിലും തെറ്റുണ്ടെങ്കിൽ തിരുത്താൻ തയ്യാറാണെന്നും അദ്ദേഹം വ്യക്തമാക്കി. നയപരമായ കാര്യങ്ങളെല്ലാം പാർട്ടിയുമായി ആലോചിച്ചാണ് തീരുമാനിക്കുന്നത്. പാർട്ടിയിൽ വലുപ്പച്ചെറുപ്പമില്ലാതെ ആർക്കും വിമർശനം ഉന്നയിക്കാമെന്നും ഇതാണ് തന്റെ രീതി എന്നും സതീശൻ കൂട്ടിച്ചേർത്തു.

ഹൈക്കമാൻഡ് ഇടപെടുമോ?

നേരത്തെ ഒരു വാർത്താ ഏജൻസിക്ക് നൽകിയ അഭിമുഖത്തിലും അടൂർ പ്രകാശിന്റെ പരാതി തള്ളി മുഖ്യമന്ത്രി രംഗത്തെത്തിയിരുന്നു. സർക്കാരിന്റെയും പാർട്ടിയുടെയും എല്ലാ തീരുമാനങ്ങളും നിലവിലുള്ള നയങ്ങൾക്കും രീതികൾക്കും അനുസരിച്ചാണ് കൈക്കൊള്ളുന്നത്. മന്ത്രിസഭയിലും പാർട്ടിയുടെയും പൂർണ്ണ അറിവോടെയാണ് കാര്യങ്ങൾ മുന്നോട്ടുപോകുന്നതെന്നും കോൺഗ്രസിലെ മുതിർന്ന നേതാക്കൾ തന്നെയാണ് മന്ത്രിസഭയിലുള്ളതെന്നും വി ഡി സതീശൻ ചൂണ്ടിക്കാട്ടിയിരുന്നു. നയപരവും ഭരണപരവുമായ തീരുമാനങ്ങൾ ഏകപക്ഷീയമായി എടുക്കുന്നുവെന്നും കൺവീനറായ തന്നെ അറിയിക്കുന്നില്ലെന്നും ആരോപിച്ച് അടൂർ പ്രകാശ് കോൺഗ്രസ് ഹൈക്കമാൻഡിനെ സമീപിച്ച സാഹചര്യത്തിലാണ് മുഖ്യമന്ത്രിയുടെ പ്രതികരണം.

മുഖ്യമന്ത്രിയുടെ പ്രവർത്തന ശൈലിയെ വിമർശിച്ചാണ് അടൂർ പ്രകാശ് മല്ലികാർജുൻ ഖർഗെക്ക് പരാതി നല്‍കിയത്. പാർട്ടിയെയും മുന്നണിയേയും അവഗണിച്ച് മുഖ്യമന്ത്രി ഏകപക്ഷീയമായി തീരുമാനങ്ങളെടുക്കുന്നു, മുന്നണി കൺവീനന്നെ നിലയിൽ തന്നെ അവഗണിക്കുന്നു, തീരുമാനങ്ങൾ അറിയുന്നത് മാധ്യമങ്ങളിലൂടെ തുടങ്ങിയ പരാതിയാണ് പാർട്ടി അധ്യക്ഷൻ മല്ലികാർജുൻ ഖർഗയെ നേരിൽ കണ്ട് അടൂർ പ്രകാശ് ധരിപ്പിച്ചത്. മഹിള കോൺഗ്രസ് നേതൃത്വത്തിൻ്റെയും ഘടക കക്ഷികളുടെയും നിലപാടും അടൂർ പ്രകാശ് അറിയിച്ചെന്നാണ് വിവരം. അരമണിക്കൂറോളം നീണ്ട കൂടികാഴ്ചയിൽ ഹൈക്കമാൻഡ് ഇടപെടൽ വേണമെന്ന ശക്തമായ ആവശ്യവും അടൂർ പ്രകാശ് ഉന്നയിച്ചിരുന്നു.

അതേസമയം, സംസ്ഥാന കോൺഗ്രസിലെ പ്രതിസന്ധി പരിഹരിക്കാനുള്ള കൂട്ടായ ചർച്ചയ്ക്ക് ഹൈക്കമാഡ് തലത്തിൽ അനിശ്ചിതത്വം തുടരുകയാണ്. മുഖ്യമന്ത്രിക്കെതിരായ അടൂർ പ്രകാശിൻ്റെ പരാതിയിൽ തുടർനീക്കത്തിന്‍റെ സൂചന തൽക്കാലമില്ല. രാഹുൽ ഗാന്ധി ഉള്‍പ്പെടെയുള്ള നേതാക്കള്‍ ഗ്യാനേഷ് കുമാറിനെതിരായ സമര തിരക്കിലായതിനാൽ പ്രശ്ന പരിഹാരത്തിന് സമയമെടുക്കും. സംസ്ഥാന നേതൃത്വത്തെ വേണ്ടിവന്നാൽ വീണ്ടും ദില്ലിക്ക് വിളിപ്പിച്ചേക്കും.

പൊതുപ്രവർത്തനത്തിൽ സത്യസന്ധതയും സുതാര്യതയും അനിവാര്യം: നിയമസഭാ സ്പീക്കർ

Web Desk — Fri, 09 Oct 2026 19:45:41 +0530

തിരുവനന്തപുരം : സുതാര്യവും കാപട്യമില്ലാത്തതുമായ നേരായ രാഷ്ട്രീയമാണ് പൊതുപ്രവർത്തന രംഗത്തേക്ക് കടന്നുവരുന്ന പുതിയ തലമുറയ്ക്ക് ആവശ്യമെന്ന് സ്പീക്കർ തിരുവഞ്ചൂർ രാധാകൃഷ്ണൻ. സത്യസന്ധതയും സുതാര്യമായ സമീപനവും അനിവാര്യമാണ്. മനുഷ്യസഹജമായ വീഴ്ചകൾ വന്നാൽപോലും സുതാര്യമായ നിലപാടുണ്ടെങ്കിൽ ജനങ്ങൾ അത് സ്വീകരിക്കുമെന്ന് അദ്ദേഹം പറഞ്ഞു. പാർലമെന്ററികാര്യ ഇൻസ്റ്റിറ്റ്യൂട്ട് സംഘടിപ്പിച്ച ദ്വിദിന സ്റ്റുഡന്റ്‌സ് ലീഡേഴ്‌സ് കോൺക്ലേവിന്റെ സമാപന സമ്മേളനം നിയമസഭാ സമുച്ചയത്തിലെ ബാങ്ക്വറ്റ് ഹാളിൽ ഉദ്ഘാടനം ചെയ്യുകയായിരുന്നു അദ്ദേഹം.

നന്മയെ വിതച്ച് നന്മയെ വിളവെടുക്കണം. സോഷ്യൽ മീഡിയ റീലുകളിലൂടെയുള്ള സാങ്കല്പിക ലോകത്ത് മാത്രം ജീവിക്കാതെ, യാഥാർഥ്യങ്ങളെ അഭിമുഖീകരിച്ച് പൊരുതി നിൽക്കണം. തടസ്സങ്ങൾ കണ്ട് തളർന്നു പിന്മാറാതെ നന്മയ്ക്ക് വേണ്ടി അടിയുറച്ച നിലപാടെടുത്താൽ ജനങ്ങളുടെ പിന്തുണ ഉറപ്പായും ലഭിക്കും. മഹാത്മാഗാന്ധി പഠിപ്പിച്ച സത്യസന്ധതയും നിസ്വാർഥതയും പിന്തുടരണമെന്നും അദ്ദേഹം ഓർമ്മിപ്പിച്ചു.

ജനാധിപത്യത്തിന്റെ ശക്തിയായ പ്രായപൂർത്തി വോട്ടവകാശം സംരക്ഷിക്കപ്പെടണം. സ്വന്തം സുഖസൗകര്യങ്ങൾ മാറ്റിവെച്ച് രാജ്യത്തിന് വേണ്ടി പോരാടിയ സ്വാതന്ത്ര്യസമര സേനാനികളുടെ നിസ്വാർഥ മനോഭാവം ഉൾക്കൊള്ളാൻ ശ്രമിക്കണം. ശബ്ദകോലാഹലവും ബഹളവുമല്ല, മറിച്ച് വിഷയങ്ങളിൽ ആഴത്തിലുള്ള അറിവും കാര്യവിവരവും വേണം. വ്യാജമായ പ്രകടനങ്ങൾ ആളുകൾ തിരിച്ചറിയും. ജനങ്ങളുടെ ഹൃദയത്തിൽ ജീവിച്ച്, അവരുടെ പ്രശ്നങ്ങൾ സ്വന്തം പ്രശ്നമായി കണ്ട് മുന്നോട്ടുപോകണമെന്നും അദ്ദേഹം വിദ്യാർഥികളോട് ആഹ്വാനം ചെയ്തു.

മന്ത്രി ഒ ജെ ജനീഷ് അധ്യക്ഷനായ ചടങ്ങിൽ മന്ത്രി ടി സിദ്ദിഖ് മുഖ്യപ്രഭാഷണം നടത്തി. പാർലമെന്ററികാര്യ ഇൻസ്റ്റിറ്റ്യൂട്ട് ഡയറക്ടർ ജനറൽ ഡോ. ജുവൽ ജോൺ ആലപ്പാട്ട്, മുൻ ഡയറക്ടർ ജനറൽ ബിവീഷ് യു സി, രജിസ്ട്രാർ സുദർശൻ എ കെ, മറ്റു ഉദ്യോഗസ്ഥർ തുടങ്ങിയവർ സന്നിഹിതരായി.

സംസ്ഥാന സർക്കാരിന്റെ നൂറുദിന കർമപദ്ധതിയുടെ ഭാഗമായി സംഘടിപ്പിച്ച കോൺക്ലേവിൽ സംസ്ഥാനത്തെ സർക്കാർ / എയ്ഡഡ് കോളേജുകൾ, സർവകലാശാലകൾ എന്നിവിടങ്ങളിലെ തിരഞ്ഞെടുക്കപ്പെട്ട വിദ്യാർഥി പ്രതിനിധികൾ പങ്കെടുത്തു. ജനാധിപത്യം, പാർലമെന്ററി സംവിധാനം, സാമൂഹികനീതി, പൗരബോധം തുടങ്ങിയ വിഷയങ്ങളെ അധികരിച്ച് വിദഗ്ധരുടെ വിവിധ സെഷനുകളും ഒരുക്കിയിരുന്നു.

'സംസ്ഥാന സർക്കാരിന്‍റേത് കൊടും ചതി', പരിസ്ഥിതിലോല മേഖല കരടിനെതിരെ പ്രതിഷേധം കടുപ്പിക്കാൻ സിപിഎം, പത്തനംതിട്ടയിലെ 7 വില്ലേജുകളിൽ 24 ന് ഹർത്താൽ

Anver Sajad — Fri, 09 Oct 2026 19:25:41 +0530

പത്തനംതിട്ട: പത്തനംതിട്ട പരിസ്ഥിതിലോല മേഖല കരടുവിജ്ഞാപനത്തിനെതിരെ പ്രതിഷേധം കടുപ്പിക്കാൻ സി പി എം. കരടുവിജ്ഞാപനത്തിൽ നിന്ന് ജില്ലയിലെ ഏഴ്‌ വില്ലേജുകളെയും ഒഴിവാക്കണമെന്ന് ആവശ്യപ്പെട്ട് ഈ മാസം 24 ന് സി പി എം ഹർത്താൽ പ്രഖ്യാപിച്ചു. കോന്നി താലൂക്കിലെ ചിറ്റാര്‍, സീതത്തോട്, അരുവാപ്പുലം, തണ്ണിത്തോട്, റാന്നി താലൂക്കിലെ വടശേരിക്കര, പെരുനാട്, കൊല്ലമുള എന്നീ വില്ലേജുകളിലാണ്‌ ഹർത്താലെന്ന് സി പി എം ജില്ലാ സെക്രട്ടറി രാജു ഏബ്രഹാം അറിയിച്ചു. ഇതിന്റെ പ്രചാരണാർഥമുള്ള വാഹന ജാഥ ഒക്ടോബർ മൂന്നാം വാരം വില്ലേജുകളിൽ പര്യടനം നടത്തും. കരട്‌ വിജ്ഞാപനം അന്തിമമായാൽ കൃഷി,വീട് നിർമ്മാണം ഉൾപ്പടെ എല്ലാ കാര്യങ്ങൾക്കും വനം വകുപ്പിന്റെ നേതൃത്വത്തിൽ രൂപീകരിക്കുന്ന എൻവയൺമെന്റൽ അതോറിറ്റിയുടെ അനുമതി വാങ്ങണം. ഗാഡ്ഗിൽ കമ്മിറ്റി റിപ്പോർട്ടിൽ പറയുന്നത് ഈ മേഖലകളെല്ലാം വന്യമൃഗങ്ങൾക്ക് സഞ്ചരിക്കാനുള്ള ഇടനാഴികളാക്കി മാറ്റണമെന്നാണെന്നും സി പി എം ജില്ലാ സെക്രട്ടറി ചൂണ്ടിക്കാട്ടി.

'സംസ്ഥാന സർക്കാരിന്‍റേത് കൊടും ചതി'

ഇപ്പോൾ തന്നെ ഈ മേഖലകൾ വന്യമൃഗങ്ങളുടെ വിഹാര കേന്ദ്രങ്ങളാണ്. ഗാഡ്ഗിൽ കമ്മിറ്റിയുടെ ചുവടു പിടിച്ചുള്ള ഉത്തരവ് ഇടുക്കി കളക്ടർ ഇറക്കിക്കഴിഞ്ഞു. അവിടെ 16 ന് ഹർത്താൽ നടത്തുകയാണ്. കേന്ദ്രം ഏഴാം തവണ പുറത്തിറക്കിയ കരട് വിജ്ഞാപനം സംബന്ധിച്ച റീ - നോട്ടിഫിക്കേഷനിൽ പരാതി അറിയിക്കാൻ സെപ്തംബർ 25 വരെ സമയമുണ്ടായിരുന്നു. എന്നാൽ പത്തനംതിട്ട ജില്ലയിലെ ഒരു വില്ലേജിനെയും ഒഴിവാക്കാതിരുന്ന സംസ്ഥാന സർക്കാരിന്റെ നടപടി പത്തനംതിട്ട ജില്ലയോടുള്ള കൊടുംചതിയാണെന്നും സി പി എം ജില്ലാ സെക്രട്ടറി അഭിപ്രായപ്പെട്ടു. ഇപ്പോൾ തന്നെ ഇവിടെ വസ്തു വില്പന നടക്കുന്നില്ല. പട്ടയവും കിട്ടാതെ വരും. ഒന്നിനും കഴിയാതെ വരുന്നതോടെ വെറുംകൈയോടെ സ്വന്തം മണ്ണിൽ നിന്ന് ഇറങ്ങി പോകേണ്ടിവരും. മേഖലയിലെ മതമേലധ്യക്ഷരും രാഷ്ട്രീയപാർട്ടി പ്രവർത്തകരും സാമുദായിക സംഘടനകളുമെല്ലാം ശക്തമായി ആവശ്യമുന്നയിച്ചെങ്കിലും കണ്ണിൽ ചോരയില്ലാത്ത നടപടിയാണ് സംസ്ഥാന സർക്കാർ സ്വീകരിച്ചതതെന്നും സി പി എം ജില്ലാ സെക്രട്ടറി രാജു ഏബ്രഹാം പറഞ്ഞു.

'സ്പോൺസർ ആരെന്ന് പറയില്ല', വിമാനയാത്ര വിവാദം അടഞ്ഞ അധ്യായമെന്ന് മുഖ്യമന്ത്രി; വാടക ഹെലികോപ്റ്റർ കരാര്‍ പുതുക്കില്ല

Web Desk — Fri, 09 Oct 2026 19:21:48 +0530

തിരുവനന്തപുരം: വിമാന യാത്ര വിവാദം അടഞ്ഞ അധ്യായമെന്ന് മുഖ്യമന്ത്രി വി ഡി സതീശന്‍. സ്പോൺസർ ആരെന്ന മാധ്യമ പ്രവര്‍ത്തകരുടെ ചോദ്യത്തിന് നിങ്ങൾ തന്നെ കണ്ടെത്തിയല്ലോ എന്നായിരുന്നു മുഖ്യമന്ത്രിയുടെ മറുപടി. സ്പോൺസർ ആരെന്ന് പറയില്ലെന്നും മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു. വാടക ഹെലികോപ്റ്റർ കരാറിനെ എതിർത്തവരാണ് യുഡിഎഫ്. അതുകൊണ്ടാണ് ഇത് വേണ്ടെന്ന് സര്‍ക്കാര്‍ തീരുമാനിച്ചത്. ഹെലികോപ്റ്റർ കരാർ പുതുക്കുന്നില്ലെന്ന് അദ്ദേഹം വ്യക്തമാക്കി.

മുഖ്യമന്ത്രിയുടെ സ്വകാര്യ വിമാനയാത്രകളുമായി ബന്ധപ്പെട്ട വിവാദം ഇപ്പോഴും രാഷ്ട്രീയ ചര്‍ച്ചയിലാണ്. മുഖ്യമന്ത്രിയുടെ സ്‌പോണ്‍സര്‍ ചെയ്ത ഹെലികോപ്റ്റര്‍, ചാര്‍ട്ടര്‍ വിമാന യാത്രകള്‍ സംബന്ധിച്ച് പ്രതിപക്ഷം ചോദ്യങ്ങള്‍ ഉയര്‍ത്തിയിരുന്നു. എന്നാല്‍, മുഖ്യമന്ത്രിയുടെ വിവാദ വിമാനയാത്രയിൽ ദുരൂഹത നീങ്ങുന്നില്ല. വിമാനയാത്രയുടെ ചെലവ് വഹിച്ചത് ആരെന്നതിൽ അവ്യക്തക തുടരുകയാണ്. ആകാശ യാത്രയിൽ വിവാദം ഉയരെ നിൽക്കുന്നുവെങ്കിലും സ്പോണ്‍സറുടെ പേര് മുഖ്യമന്ത്രി പറയുന്നില്ല. അതേസമയം, ഇടത് സര്‍ക്കാരിന്‍റെ കാലത്ത് ഏറെ വിവാദമായ വാടക ഹെലികോപ്റ്ററിന് ചിപ്സനുമായുള്ള കരാർ പുതുക്കാനില്ലെന്ന് മുഖ്യമന്ത്രി വാര്‍ത്താസമ്മേളനത്തില്‍ വ്യക്തമാക്കി.

പിണറായിക്കും റിയാസിനുമെതിരായ ഇഡി കേസ്: സർക്കാർ അനാവശ്യ ധൃതി കാണിച്ചിട്ടില്ലെന്ന് മുഖ്യമന്ത്രി; 'കോടതി ഉത്തരവ് പ്രകാരം ഉടൻ എഫ്ഐആർ രജിസ്റ്റർ ചെയ്യും'

Anver Sajad — Fri, 09 Oct 2026 19:13:01 +0530

തിരുവനന്തപുരം: മുൻ മുഖ്യമന്ത്രിയും ഇപ്പോഴത്തെ പ്രതിപക്ഷ നേതാവുമായ പിണറായി വിജയനും മുൻ മന്ത്രി പി എ മുഹമ്മദ് റിയാസിനുമെതിരെ എൻഫോഴ്സ്‌മെന്റ് ഡയറക്ടറേറ്റ് (ഇ ഡി) നൽകിയ കത്തിന്റെ അടിസ്ഥാനത്തിൽ കേസ് എടുക്കുന്നതിൽ സർക്കാർ അനാവശ്യ ധൃതിയോ തിടുക്കമോ കാണിച്ചിട്ടില്ലെന്ന് മുഖ്യമന്ത്രി വി ഡി സതീശൻ. വ്യക്തിപരമായ വിഷയങ്ങളിലേക്ക് കടക്കാതെ വ്യക്തമായ നിയമോപദേശം തേടിയാണ് മുന്നോട്ടുപോയത്. സുപ്രീംകോടതി വിധികൾ കർശനമായി പാലിച്ചുകൊണ്ട് കേസെടുക്കാനാണ് തീരുമാനം. പിണറായിക്കും റിയാസിനുമെതിരെ കേസെടുക്കണമെന്ന ഹൈക്കോടതി ഉത്തരവിന്‍റെ പശ്ചാത്തലത്തിലായിരുന്നു മുഖ്യമന്ത്രിയുടെ പ്രതികരണം. പിണറായി വിജയൻ ഉൾപ്പെടെയുള്ള നേതാക്കൾക്കെതിരായ കേസായതിനാലാണ് നടപടികളിൽ തിടുക്കം കൂട്ടാതെ വ്യക്തത വരുത്തിയാണ് സർക്കാർ മുന്നോട്ട് പോകുന്നതെന്നും സതീശൻ വിവരിച്ചു. ആവശ്യമായ നിയമനടപടികൾ പൂർത്തിയാക്കി കോടതി ഉത്തരവ് പ്രകാരം ഉടൻ തന്നെ എഫ് ഐ ആർ രജിസ്റ്റർ ചെയ്യുമെന്നും മുഖ്യമന്ത്രി വ്യക്തമാക്കി.

ഹൈക്കോടതിയുടെ നിർണായക ഉത്തരവ്

മാസപ്പടിയില്‍ ഇ ഡി നല്‍കിയ കത്തില്‍ പിണറായിക്കും റിയാസിനുമെതിരെ അഴിമതിക്ക് കേസെടുക്കണമെന്ന് ഇന്ന് ഉച്ചക്കാണ് ഹൈക്കോടതി നിർണായക ഉത്തരവിട്ടത്. എഫ് ഐ ആർ ഇട്ട് കേസെടുക്കാൻ വിജിലൻസ് ഡയറക്ടർക്ക് ഹൈക്കോതി നിർദ്ദേശം നൽകുകയായിരുന്നു. പ്രാഥമിക അന്വേഷണത്തിന് സർക്കാർ രൂപീകരിച്ച എസ് ഐ ടി ഹൈക്കോടതി റദ്ദാക്കുകയും ചെയ്തു. ഇരുവർക്കുമെതിരെ അഴിമതി തടയല്‍ നിയമ പ്രകാരം എഫ് ഐ ആർ രജിസ്റ്റര്‍ ചെയ്യണമെന്നും ഹൈക്കോടതി ഉത്തരവിലുണ്ട്. ഇതോടെ അഴിമതി കേസിൽ മുന്‍ മുഖ്യമന്ത്രി പിണറായിയും മുന്‍ മന്ത്രി റിയാസും പ്രതിപട്ടികയിൽ ഉൾപ്പെടും. അഴിമതിക്ക് വ്യക്തമായ തെളിവുകളുണ്ടായിട്ടും കേസെടുത്ത് മുന്നോട്ട് പോകുന്നതിന് പകരം ക്രൈംബ്രാഞ്ചിന്‍റെ പ്രത്യേക അന്വേഷണ സംഘത്തെ നിയോഗിച്ചത് നിയമവിരുദ്ധമെന്നും ഹൈക്കോടതി ഉത്തരവിലുണ്ട്. ഇ ഡി ഡി ജി പിക്ക് കൈമാറിയ വിവരങ്ങളും എസ് ഐ ടിയുടെ പക്കലുള്ള വിവരങ്ങളും വിജിലൻസിന് ഉടൻ കൈമാറണം. വിജിലൻസ് ഉടൻ കേസെടുത്ത് അന്വേഷണം നടത്തണം. കാലതാമസമില്ലാതെ അന്വേഷണം പൂർത്തിയാക്കണമെന്നും ഹൈക്കോടതി ഉത്തരവിലുണ്ട്. കേസെടുക്കാൻ മതിയായ തെളിവുകൾ ഇ ഡിയിൽ നിന്നുള്ള വിവരങ്ങളിൽ തന്നെയുണ്ടെന്നും കോടതി നിരീക്ഷിച്ചു. കോടതിയില്‍ മുദ്രവച്ച കവറില്‍ ഇ ഡി സമര്‍പ്പിച്ച കണ്ടെത്തലുകൾ നിര്‍ണായകമായി.

'100 ദിന കർമപദ്ധതി ഫലപ്രദമായി നടപ്പാക്കി, ഫയൽ നീക്കത്തിന് ഫയൽ അദാലത്ത് നടത്തും, വയോജനവകുപ്പിന് പുതിയ നിയമം': മുഖ്യമന്ത്രി വി ഡി സതീശൻ

Sumam Thomas — Fri, 09 Oct 2026 19:09:19 +0530

തിരുവനന്തപുരം: 100 ദിന കർമപദ്ധതി ഫലപ്രദമായി നടപ്പാക്കിയെന്ന് മുഖ്യമന്ത്രി വി ഡി സതീശൻ. 588 പദ്ധതികൾ ലക്ഷ്യമിട്ടെന്നും അവയിൽ 568 പദ്ധതികൾ പൂർണമായി നടപ്പാക്കിയെന്നും മുഖ്യമന്ത്രി പറഞ്ഞു. 20 എണ്ണം വിവിധ ഘട്ടങ്ങളിൽ ഫലപ്രദമായി നടപ്പാക്കാനായി. മന്ത്രിസഭായോഗ തീരുമാനങ്ങൾ വാർത്താസമ്മേളനത്തിൽ വിശദീകരിക്കുകയായിരുന്നു മുഖ്യമന്ത്രി. 96.5 ശതമാനം പദ്ധതികൾ പൂർത്തിയാക്കാൻ സാധിച്ചു. വകുപ്പുതല ഏകോപനവും ഉദ്യോഗസ്ഥ പങ്കാളിത്തവും ഉറപ്പാക്കി. പൊതുജനങ്ങൾക്ക് പുരോഗതി അറിയാൻ പ്രത്യേക പോർട്ടലുണ്ട്.

ഓരോ ഫയലിലും ഓരോ ജീവിത പ്രശ്നങ്ങളുണ്ടെന്ന് പറഞ്ഞ മുഖ്യമന്ത്രി ഫയൽ നീക്കത്തിന് പുതിയ രീതി കൊണ്ടുവരുമെന്നും അറിയിച്ചു. ജനസ്പര്‍ശം എന്ന പേരിൽ ഒക്ടോബർ 15 മുതൽ ഡിസംബർ 31 വരെ ഫയൽ അദ‌ാലത്ത് നടത്തും. പരീക്ഷണാടിസ്ഥാനത്തിലാണ് പദ്ധതി നടപ്പാക്കുന്നത്. വയോജന വകുപ്പിന് പുതിയ നിയമം കൊണ്ടുവരുമെന്നും മുഖ്യമന്ത്രി പറഞ്ഞു. ബില്ലിന്റെ കരട് മന്ത്രിസഭ അംഗീകരിച്ചു. ലോകത്ത് ആദ്യമായാണ് ഇത്തരമൊരു വകുപ്പ്. ഇത് മുഴുവൻ സംസ്ഥാനങ്ങൾക്കും ഒരു മാതൃകയാകും. ഈ സഭാ സമ്മേളനത്തിൽ അത് പാസാക്കാനാണ് ശ്രമമെന്നും മുഖ്യമന്ത്രി പറഞ്ഞു.

ഇഡി കത്തിൽ സർക്കാർ അനാവശ്യ ധൃതി കാണിച്ചില്ലെന്ന് മാസപ്പടി കേസിലെ ഇഡി കത്തിൽ മുഖ്യമന്ത്രി പ്രതികരിച്ചു. വ്യക്തിപരമായ ഒന്നിലേക്കും പോയില്ല. നിയമോപദേശം തേടി. സുപ്രീംകോടതി വിധി അനുസരിച്ച് കേസെടുക്കണമെന്നാണ്. പിണറായി വിജയന് എതിരായ കേസ് ആയതിനാൽ അനാവശ്യ തിടുക്കം ഒന്നും കാണിച്ചിട്ടില്ല. എഫ്ഐആർ ഉടൻ രജിസ്റ്റർ ചെയ്യുമെന്നും മുഖ്യമന്ത്രി പറഞ്ഞു. നിയമം നിയമത്തിന്‍റെ വഴിക്ക് പോകുമെന്ന് നേരത്തെ പറഞ്ഞു.

വോട്ട് നിഷേധിച്ചെന്ന പരാതി കേരളത്തിൽ ഉണ്ടായിട്ടില്ല. ബിജെപിക്ക് ജയസാധ്യതയുള്ള സ്ഥലങ്ങളിൽ മാത്രമാണ് തിരിമറി നടന്നത് എന്ന് കേരളത്തിലെ എസ്ഐആര്‍ വിഷയത്തിൽ മുഖ്യമന്ത്രി പ്രതികരിച്ചു. അടൂര്‍ പ്രകാശിന്‍റെ ആരോപണത്തിൽ മറുപടി പറയുന്നില്ലെന്ന് പറഞ്ഞ മുഖ്യമന്ത്രി താൻ പാര്‍ട്ടിക്ക് വിധേയനാണെന്നും വിമര്‍ശനത്തിന് അതീതനല്ലെന്നും പ്രതികരിച്ചു. തെറ്റുണ്ടെങ്കിൽ തിരുത്താൻ തയ്യാറാണ്. നയപരമായ കാര്യങ്ങളെല്ലാം പാര്‍ട്ടിയുമായി ആലോചിക്കും. വിമാനയാത്ര വിവാദം അടഞ്ഞ അധ്യായമാണെന്നും സ്പോണ്‍സര്‍ ആരെന്ന് പറയില്ലെന്നും മുഖ്യമന്ത്രി പറഞ്ഞു. ഹെലികോപ്റ്റര്‍ കരാര്‍ പുതുക്കുന്നില്ല. കരാറിനെ എതിര്‍ത്തതാണ്, അതുകൊണ്ടാണ് വേണ്ടെന്ന് തീരുമാനിച്ചത്.

തമിഴ്‌നാട് ഉപതെരഞ്ഞെടുപ്പിൽ വിജയ് തേരോട്ടം; ആദ്യ അഗ്നിപരീക്ഷയിൽ ടിവികെയ്ക്ക് ഇരട്ട ജയം, രണ്ട് നിയമസഭാ മണ്ഡലങ്ങളിലും വിജയിച്ചു

Web Desk — Fri, 09 Oct 2026 18:50:49 +0530

ചെന്നൈ: തമിഴ്നാട്ടിൽ ഉപതെരഞ്ഞെടുപ്പ് നടന്ന രണ്ട് നിയമസഭാ മണ്ഡലങ്ങളിലും ടിവികെയ്ക്ക് ജയം. ധാരാപുരത്ത് 9471 വോട്ടിനും, മധുരാന്തകത്ത് 19,000 വോട്ടിനുമാണ് ടിവികെ ജയിച്ചത്. രണ്ടിടത്തും മൂന്നാം സ്ഥാനത്തേക്ക് പിന്തള്ളപ്പെട്ട അണ്ണാഡിഎംകെ, ദയനീയ തോൽവി ഏറ്റുവാങ്ങി. മുഖ്യമന്ത്രി വിജയ്‍യുടെ സദ്ഭരണം വോട്ടർമാർ അംഗീകരിച്ചുവെന്നാണ് ടിവികെയുടെ പ്രതികരണം.

അധികാരത്തിലെത്തി അഞ്ച് മാസം തികുമ്പോഴുള്ള ആദ്യ അഗ്നിപരീക്ഷയിൽ തമിഴകത്തിന്‍റെ ജനനായക പദവി ഉറപ്പിച്ച് വിജയ്. രാജിവെച്ച അണ്ണാഡിഎംകെ എംഎൽഎമാർക്ക് ടിക്കറ്റ് നൽകിയ ടിവികെ നീക്കത്തോട് മുഖം തിരിക്കാതെ വോട്ടർമാർ. ഏപ്രിലിൽ 17,000 വോട്ടിന് അണ്ണാഡിഎംകെ ജയിച്ച ധാരാപുരത്ത് തുടക്കത്തിൽ വിയർത്തെങ്കിലും അഞ്ചാം റൗണ്ടിൽ ലഭിച്ച ലീഡ് ടിവികെ സ്ഥാനാർത്ഥി കൈവിട്ടില്ല. 37 ശതമാനം വോട്ടുവിഹിതവുമായി സത്യഭാമ ജയിച്ചപ്പോൾ, ഏപ്രിലിൽ 81,000 വോട്ട് നേടിയ എഐഎഡിഎംകെ 44ലായിരത്തിലേക്ക് കൂപ്പുകുത്തി. മധുരാന്തകത്ത് ഓരോ റൗണ്ടിലും ലീഡ് വർധിപ്പിച്ച മരഗതം കുമരവേൽ, ഭൂരിപക്ഷം മൂന്നിരട്ടിയാക്കിയാണ് കരുത്തുകാട്ടിയത്. സഖ്യകക്ഷികളെ നഷ്ടമായി, മനസ്സില്ലാമനസ്സോടെ കളത്തിലിറങ്ങിയ ഡിഎംകെ രണ്ടിടത്തും രണ്ടാം സ്ഥാനത്തെത്തിയതും ശ്രദ്ധേയം. അതേസമയം, തനിച്ച് മത്സരിച്ച സിപിഎമ്മിനും സിപിഐക്കും ഒരു ശതമാനം വോട്ട് പോലും ലഭിച്ചില്ല.

ടിവികെ നേതാക്കൾ അവകാശപ്പെട്ടിരുന്ന 50 ശതമാനത്തിലധികം വോട്ടുവിഹിതം ഇല്ലെങ്കിലും വരാൻ പോകുന്ന അഞ്ച് ഉപതെരഞ്ഞെടുപ്പുകളെ ആത്മവിശ്വാസത്തോടെ സമീപിക്കാനുള്ള ഊർജ്ജം വിജയ്ക്ക് ലഭിച്ചു. അണ്ണാഡിഎംകെയിൽ ഇപിഎസിന്‍റെ രാജിക്കായുള്ള മുറവിളി വിമതനേതാക്കൾ ശക്തമാക്കിയേക്കും പുതുച്ചേരിയിൽ മുഖ്യമന്ത്രി എൻ രംഗസ്വാമി ഒഴിഞ്ഞ തട്ടാൻചാവടി മണ്ഡലം ആശോക് ആനന്ദിലൂടെ എൻഡിഎ നിലനിർത്തി. ഏപ്രിലിലെ 4441 വോട്ടിന്ർറെ ഭൂരിപക്ഷം ഇരട്ടിയാക്കാനായതും എൻആർ കോൺഗ്രസിന് നേട്ടമായി.

വിദേശ സന്ദർശനത്തിനിടെ കാല്‍വഴുതി വീണ് എൻ കെ പ്രേമചന്ദ്രൻ എം പിക്ക് പരിക്ക്; ശസ്ത്രക്രിയ നാളെ

Web Desk — Fri, 09 Oct 2026 18:07:24 +0530

ദില്ലി: എന്‍ കെ പ്രേമചന്ദ്രന്‍ എം പിയെ ശസ്ത്രക്രിയയ്ക്കായി ഡല്‍ഹി ഗുരുഗ്രാം മെഡാന്‍റ ആശുപത്രിയില്‍ പ്രവേശിപ്പിച്ചു. ആഫ്രിക്കയിലെ ടാന്‍സാനിയയില്‍ വെച്ച് ശുചിമുറിയില്‍ കാല്‍വഴുതി വീണ് കൈക്കുഴയ്ക്ക് പരിക്കേറ്റിരുന്നു. ഇന്‍റര്‍ പാര്‍ലമെന്‍ററി യൂണിയന്‍ 153-ാമത് അസംബ്ലിയില്‍ പങ്കെടുക്കാനായി ടാന്‍സാനിയയിലെത്തിയപ്പോഴായിരുന്നു അപകടം. ടാന്‍സാനിയയില്‍ ആശുപത്രിയില്‍ പ്രവേശിപ്പിച്ചപ്പോള്‍ ശസ്ത്രക്രിയയാണ് ഡോക്ടര്‍ നിര്‍ദ്ദേശിച്ചത്. ഡോക്ടന്മാരുടെ നിര്‍ദ്ദേശത്തെ തുടര്‍ന്ന് അദ്ദേഹം ദില്ലിയിലേയ്ക്ക് മടങ്ങി വന്നു. ശസ്ത്രക്രിയയ്ക്കായി ആശുപത്രിയില്‍ പ്രവേശിപ്പിച്ചു. നാളെ (10/10/2026) യാണ് ശസ്ത്രക്രിയ നിശ്ചയിച്ചിരിക്കുന്നത്.

'എല്ലാ തീരുമാനങ്ങളും മുതിർന്ന നേതാക്കളു‌ടെ അനുമതിയോടെ'; അടൂർ പ്രകാശിന്റെ പരാതി തള്ളി മുഖ്യമന്ത്രി വി ഡി സതീശൻ

Web Desk — Fri, 09 Oct 2026 17:51:39 +0530

തിരുവനന്തപുരം: നയപരവും ഭരണപരവുമായ തീരുമാനങ്ങള്‍ ഏകപക്ഷീയമായിയെടുക്കുന്നുവെന്നും ഭരണമുന്നണി കണ്‍വീനറായ തന്നെ അറിയിക്കുന്നില്ലെന്നുമുള്ള യുഡിഎഫ് കൺവീനർ അടൂര്‍ പ്രകാശിന്‍റെ പരാതി തള്ളി മുഖ്യമന്ത്രി വി ഡി സതീശന്‍. എല്ലാ തീരുമാനങ്ങളും പാർട്ടി നയങ്ങൾക്കും രീതികൾക്കും അനുസരിച്ചാണെന്ന് മുഖ്യമന്ത്രി പറഞ്ഞു. പാര്‍ട്ടിയുടെയും മന്ത്രിസഭയുടെയും അറിവോടെയാണ് എല്ലാ തീരുമാനങ്ങളുമെടുക്കുന്നതെന്നാണ് വാര്‍ത്താ ഏജന്‍സിക്ക് നല്‍കിയ അഭിമുഖത്തില്‍ വി ഡി സതീശന്‍ വ്യക്തമാക്കിയത്. കോണ്‍ഗ്രസിലെ മുതിര്‍ന്നേ നേതാക്കള്‍ തന്നെയാണ് മന്ത്രിസഭയിലുള്ളതെന്നും വി ഡി സതീശന്‍ പറഞ്ഞു. വിഷയത്തില്‍ ആദ്യമായിട്ടാണ് മുഖ്യമന്ത്രി പ്രതികരിക്കുന്നത്.

STORY | CM Satheesan breaks silence on Adoor Prakash's criticism, says all decisions adhere to party policies

In his first comments on allegations that he kept the convenor of the ruling coalition out of the loop, Keralam Chief Minister V D Satheesan on Friday said that he has taken every decision with the knowledge and consensus of top leaders of the Congress party who make up virtually his entire Cabinet.

(Report By Vijay Joshi/PTI)

READ: https://t.co/VLuZ2SfeBn

— Press Trust of India (@PTI_News) October 9, 2026

അതേസമയം, സംസ്ഥാന കോൺഗ്രസിലെ പ്രതിസന്ധി പരിഹരിക്കാനുള്ള കൂട്ടായ ചർച്ചയ്ക്ക് ഹൈക്കമാഡ് തലത്തിൽ അനിശ്ചിതത്വം തുടരുകയാണ്. മുഖ്യമന്ത്രി വിഡി സതീശനെതിരെ യുഡിഎഫ് കൺവീനർ അടൂർ പ്രകാശിൻ്റെ പരാതിയിൽ തുടർനീക്കത്തിൻ്റെ സൂചന തൽക്കാലമില്ല. രാഹുൽ ഗാന്ധി ഉള്‍പ്പെടെയുള്ള നേതാക്കള്‍ ഗ്യാനേഷ് കുമാറിനെതിരായ സമര തിരക്കിലായതിനാൽ പ്രശ്ന പരിഹാരത്തിന് സമയമെടുക്കും. സംസ്ഥാന നേതൃത്വത്തെ വേണ്ടിവന്നാൽ വീണ്ടും ദില്ലിക്ക് വിളിപ്പിച്ചേക്കും.

'അസുഖമായിട്ടും വീട്ടിൽ പോകാൻ അനുവദിച്ചില്ല, കോളേജിൽ സമ്മർദമുണ്ടെന്ന് ആയേഷ് അമ്മയോട് പറഞ്ഞിരുന്നു'; മരണത്തിൽ ദുരൂഹത ആരോപിച്ച് കുടുംബം

Sumam Thomas — Fri, 09 Oct 2026 14:06:03 +0530

എറണാകുളം: കോതമംഗലം മാർ അത്തനേഷ്യസ് കോളേജ് വിദ്യാത്ഥി ആയേഷിന്റെ മരണത്തിൽ ദുരൂഹത ആരോപിച്ച് ബന്ധുക്കൾ. പ്രണയനൈരാശ്യം കാരണം ആയേഷ് ആത്മഹത്യ ചെയ്തെന്ന് വരുത്തി തീർക്കാൻ കോളേജ് അധികൃതർ ശ്രമിക്കുന്നുവെന്നാണ് പരാതി. അസുഖബാധിതനായിട്ടും വീട്ടിലേക്ക് വരാൻ കുട്ടിയെ അനുവദിച്ചില്ലെന്നും ആരോപണമുണ്ട്.

കോതമംഗം എംഎ കോളെജിലെ രണ്ടാംവർഷ എഞ്ചിനീയറിംഗ് വിദ്യാർത്ഥിയായ ആയേഷിനെ ഇന്നലെ വൈകിട്ടാണ് ഹോസ്റ്റൽ കെട്ടിടത്തിൽ നിന്ന് വീണ് മരിച്ച നിലയിൽ കണ്ടത്. കോളേജിൽ നിന്ന് മടങ്ങിയെത്തി ഹോസ്റ്റൽ റൂമിലെത്തിയ ആയേഷ് ബാഗ് വച്ച് ഉടൻ പുറത്തിറങ്ങി. പിന്നെയാണ് കെട്ടിടത്തിൽ നിന്ന് വീണനിലയിൽ ആയേഷിനെ കണ്ടത്. ആയേഷിന് പ്രണയനൈരാശ്യമുണ്ടായിരുന്നു എന്ന തരത്തിലായിരുന്നു പുറത്തുവന്ന വിവരം.

എന്നാൽ അങ്ങനെ പ്രണയമോ പ്രണയനൈരാശ്യമോ ആയേഷിനുള്ളതായി അറിയില്ലെന്ന് ബന്ധുക്ക‌ൾ. അടുത്ത ബന്ധുക്കളോടോ സുഹൃത്തുക്കളോടോ പോലും പറഞ്ഞിരുന്നില്ല. സംഭവശേഷം കോളേജ് അധികൃതർ‌ വ്യക്തിപരമായ പ്രശ്നങ്ങളാലുള്ള ആത്മഹത്യയെന്ന് വരുത്തിതീർക്കാനുള്ള ശ്രമം നടത്തുന്നുവെന്നാണ് പരാതി. കോളേജിൽ സമർദ്ദമുണ്ടെന്ന് ആയേഷ് അമ്മയോട് പറഞ്ഞിരുന്നുവെന്നും ബന്ധുക്കൾ. കുട്ടിയുടെ മരണവിവരം ബന്ധുക്കളോട് പറയാൻ വൈകിയെന്നും പരാതിയുണ്ട്. ആയേഷിന് അടുപ്പമുള്ള കോളേജിലെയോ ഹോസ്റ്റലിലെയോ വിദ്യാർത്ഥികൾക്ക് ആയേഷിന് ബുദ്ധിമുട്ടുണ്ടായിരുന്നതായി വ്യക്തതയില്ല. തിരുവനന്തപുരം കല്ലറ സ്വദേശിയാണ് മരിച്ച 19കാരൻ ആയേഷ്.

വിവാഹവാഗ്ദാനം നല്‍കി യുവതിയെ പീഡിപ്പിച്ചു, ഗര്‍ഭം അലസിപ്പിക്കാന്‍ മരുന്ന് നല്‍കി; പ്രതി അറസ്റ്റില്‍

Web Desk — Fri, 09 Oct 2026 14:04:44 +0530

മലപ്പുറം: വിവാഹവാഗ്ദാനം നല്‍കി യുവതിയെ ലൈംഗികമായി പീഡിപ്പിക്കുകയും പിന്നീട് ഗര്‍ഭം അലസിപ്പിക്കാന്‍ മരുന്ന് നല്‍കുകയും ചെയ്‌തെന്ന പരാതിയില്‍ യുവാവ് അറസ്റ്റില്‍. കണ്ണൂര്‍ കാരകുണ്ട് സ്വദേശി അലി അക്ബര്‍ (36) ആണ് പരപ്പനങ്ങാടി പൊലീസിന്‍റെ പിടിയിലായത്. വിവാഹബന്ധം വേര്‍പെടുത്തിയ യുവതിയുമായി അടുപ്പം സ്ഥാപിച്ച പ്രതി വിവാഹം കഴിക്കാമെന്ന് വാഗ്ദാനം നല്‍കിയിരുന്നതായാണ് പൊലീസ് പറയുന്നത്. യുവതിയുടെ ആദ്യ വിവാഹത്തിലെ മകളെ സംരക്ഷിക്കുമെന്നും ഇയാള്‍ ഉറപ്പ് നല്‍കിയിരുന്നു. ഈ വിശ്വാസം മുതലെടുത്താണ് യുവതിയെ പീഡിപ്പിച്ചതെന്നാണ് കേസ്. പീഡനത്തെ തുടര്‍ന്ന് യുവതി ഗര്‍ഭിണിയായതായും പിന്നീട് പ്രതി നല്‍കിയ മരുന്ന് കഴിച്ചതിനെ തുടര്‍ന്ന് ഗര്‍ഭം അലസിപ്പോയതായും പരാതിയില്‍ പറയുന്നു.

സംഭവത്തില്‍ യുവതിയുടെ മൊഴിയുടെ അടിസ്ഥാനത്തിലാണ് പൊലീസ് കേസ് രജിസ്റ്റര്‍ ചെയ്ത് അന്വേഷണം നടത്തിയത്. തുടര്‍ന്ന് നടത്തിയ അന്വേഷണത്തിലാണ് അലി അക്ബറിനെ പൊലീസ് പിടികൂടിയത്. പ്രതിയെ ചോദ്യം ചെയ്ത ശേഷം കോടതിയില്‍ ഹാജരാക്കി. പരപ്പനങ്ങാടി ജുഡീഷ്യല്‍ ഫസ്റ്റ് ക്ലാസ് കോടതി പ്രതിയെ തിരൂര്‍ സബ് ജയിലില്‍ റിമാന്‍ഡ് ചെയ്തു.

മാസപ്പടി കേസിൽ സർക്കാരിന് തിരിച്ചടി; എഫ്ഐആർ ഇല്ലാതെ എസ്ഐടി രൂപീകരിച്ചത് നിയമവിരുദ്ധം, സർക്കാർ ഉത്തരവ് റദ്ദാക്കി കോടതി

Sumam Thomas — Fri, 09 Oct 2026 13:07:34 +0530

കൊച്ചി: മാസപ്പടി കേസിൽ എസ്ഐടി രൂപീകരിച്ച സർക്കാർ ഉത്തരവ് റദ്ദാക്കി കോടതി. എഫ്ഐആർ ഇടാതെ എസ്ഐടി രൂപീകരിച്ചത് നിയമവിരുദ്ധമാണെന്ന് കോടതി ചൂണ്ടിക്കാട്ടുന്നു. വിജിലൻസിന് എഫ്ഐആർ ഇട്ട് അന്വേഷിക്കാം. അഴിമതി തടയൽ നിയമപ്രകാരം ഉടൻ കേസെടുക്കണമെന്നും മതിയായ തെളിവുകൾ ഉണ്ടെന്നും കോടതി വ്യക്തമാക്കി. കാലതാമസം ഇല്ലാതെ അന്വേഷണം പൂർത്തിയാക്കണമെന്നും കോടതി നിര്‍ദേശിച്ചു. എല്ലാ തെളിവുകളും ഉടൻ വിജിലൻസിന് കൈമാറണം.

പിണറായിക്കും റിയാസിനും കനത്ത തിരിച്ചടി

അതേ സമയം, മാസപ്പടിയില്‍ ഇഡി നല്‍കിയ കത്തില്‍ പിണറായിക്കും റിയാസിനും കനത്ത തിരിച്ചടിയാണ് നേരിട്ടിരിക്കുന്നത്. ഇരുവര്‍ക്കുമെതിരെ അഴിമതി തടയല്‍ നിയമപ്രകാരം കേസെടുത്ത് അന്വേഷണം നടത്താന്‍ ഹൈക്കോടതി ഉത്തരവ്. പ്രാഥമിക അന്വേഷണത്തിന് ശേഷം കേസെന്ന സര്‍ക്കാര്‍ വാദം തള്ളിയാണ് കോടതി നടപടി. മുദ്രവച്ച കവറില്‍ ഇഡി സമര്‍പ്പിച്ച തെളിവുകളും നിര്‍ണായകമായി.

സിഎംആര്‍എല്‍ എക്സാലോജിക്ക് സാമ്പത്തിക ഇടപാടില്‍ മുന്‍ മുഖ്യമന്ത്രി പിണറായി വിജയനും മുന്‍ മന്ത്രി പി.എ.മുഹമ്മദ് റിയാസും പ്രതിപട്ടികയിലേക്ക്. ഇഡി കത്തില്‍ എഫ് ഐ ആര്‍ ഇടാതെ പ്രാഥമിക അന്വേഷണം തുടരുന്നതിനിടെയാണ് അഴിമതി തടയല്‍ നിയമ പ്രകാരം എഫ് ഐ ആര്‍ രജിസ്റ്റര്‍ ചെയ്യാന്‍ ഹൈക്കോടതിയുടെ നിര്‍ണായക ഉത്തരവ്.

കണ്‍മുന്നില്‍ അഴിമതിക്ക് വ്യക്തമായ തെളിവുകളുണ്ടായിട്ടും കേസെടുത്ത് മുന്നോട്ട് പോകുന്നതിന് പകരം ക്രൈംബ്രാഞ്ചിന്‍റെ പ്രത്യേക അന്വേഷണ സംഘത്തെ നിയോഗിച്ച് പ്രാഥമിക അന്വേഷണം നടത്താനുള്ള സര്‍ക്കാരിന്‍റ തീരുമാനത്തെയാണ് ഹര്‍ജിക്കാരന്‍ ചോദ്യം ചെയ്തത്. ഇതിനൊപ്പം കോടതിയില്‍ മുദ്രവച്ച കവറില്‍ ഇഡി സമര്‍പ്പിച്ച കണ്ടെത്തലുകളും നിര്‍ണായകമായി. ഇഡി അന്വേഷണത്തില്‍ സാമ്പത്തിക ഇടപാടുകളുടെയും ഹവാല കൈമാറ്റത്തിന്‍റെയും വിദേശയാത്രയുടെയുമെല്ലാം തെളിവുകള്‍ ലഭിച്ചിരുന്നു. ഇതെല്ലാം കോടതിക്ക് മുന്നില്‍ സമര്‍പ്പിച്ചു.

ഇവ പൊലീസിന് കൈമാറിയിട്ടും കേസെടുക്കുന്നില്ലെന്ന് വാദിച്ചു. തിരിച്ചറിയാവുന്ന കുറ്റകൃത്യം നടന്നാല്‍ എഫ്‌ഐആർ രജിസ്റ്റർ ചെയ്യേണ്ടത് നിർബന്ധമാണെന്നും ഇനിയൊരു പ്രാഥമിക അന്വേഷണത്തിന്‍റെ ആവശ്യമില്ലെന്നും കോടതിയെ ബോധിപ്പിച്ചു. രേഖകള്‍ മുന്‍നിര്‍ത്തിയുള്ള വാദത്തിനൊടുവിലാണ് എഫ് ആര്‍ രജിസ്റ്റര്‍ ചെയ്യാന്‍ ജസ്റ്റിസ് ബദറുദ്ദിന്‍റെ ഉത്തരവ്.

അഴിമതി തടയില്‍ നിയമപ്രകാരം എഫ് ഐ ആര്‍ റജിസ്റ്റര്‍ ചെയ്യുന്ന മുറക്ക് കള്ളപ്പണം വെളുപ്പിക്കല്‍ തടയല്‍ നിയമപ്രകാരം ഇഡി ഇസിഐആറും ഇടും. സാധാരണ പത്ത് ദിവസമാണ് ഇസിഐആര്‍ റജിസ്റ്റര്‍ ചെയ്യാന്‍ ഇഡി എടുക്കുന്ന സമയമെങ്കില്‍ ഈ കേസില്‍ വിവരങ്ങളെല്ലാം ഇഡിക്ക് മുന്നില്‍ ഉള്ളതിനാല്‍ ഏത് നിമിഷവും തുടര്‍ നടപടികളുണ്ടാകാം.

തിരുവനന്തപുരത്തെ രക്തസാക്ഷി ഫണ്ട് തട്ടിപ്പ് കേസ്: അച്ചടക്ക നടപടി നേരിട്ട മുൻ എൽസി സെക്രട്ടറിക്ക് വീണ്ടും പാർട്ടി ചുമതല

Web Desk — Fri, 09 Oct 2026 13:44:16 +0530

തിരുവനന്തപുരം: രക്തസാക്ഷി വിഷ്ണു ഫണ്ട് തട്ടിപ്പ് കേസിൽ അച്ചടക്ക നടപടി നേരിട്ട മുൻ എൽസി സെക്രട്ടറി രവീന്ദ്രന് വീണ്ടും പാർട്ടി പദവി. രവീന്ദ്രനെ സിഐടിയു ഏരിയ കൺവീനറാക്കി. ഇതിനെതിരെ പാർട്ടിക്ക് പരാതി നൽകിയിരിക്കുകയാണ് വിഷ്ണുവിന്‍റെ കുടുംബം.

രവീന്ദ്രന് ചുമതല നൽകുന്നതിൽ പ്രതിഷേധം ഉള്ളതിനാൽ സിഐടിയു ഏരിയ സമ്മേളനം മാറ്റിവെച്ചിരുന്നു. വി ശിവൻകുട്ടിയുടെ സമ്മർദ്ദത്തെ തുടർന്നാണ് രവീന്ദ്രന് ചുമതല നൽകിയതെന്നാണ് ആക്ഷേപം. രവീന്ദ്രനെ പാർട്ടി നേതൃത്വം സഹായിക്കുന്നതിൽ പ്രതിഷേധിച്ച് കൊല്ലപ്പെട്ട വിഷ്ണുവിൻ്റെ സഹോദരൻ വിനോദ് പാർട്ടി വിട്ടിരുന്നു.

സിപിഎമ്മിന്‍റെ വഞ്ചിയൂർ ബ്രാഞ്ച് അംഗമായിരുന്ന വിഷ്ണു തിരുവനന്തപുരം കൈതമുക്കിൽ വച്ച് 2008 ഏപ്രിൽ ഒന്നിനാണ് കൊല്ലപ്പെട്ടത്. ആർഎസ്എസ് പ്രവർത്തകർ പ്രതികളായ കേസിൽ 2022ൽ എല്ലാവരെയും ഹൈക്കോടതി വെറുതെവിട്ടു. അതിനിടെ വിഷ്ണുവിന്‍റെ കുടുംബത്തെ സഹായിക്കാൻ വഞ്ചിയൂർ ലോക്കൽ കമ്മിറ്റി യുടെ നേതൃത്വത്തിൽ ഫണ്ട് പിരിവ് നടത്തി. 10 ലക്ഷം രൂപയാണ് പിരിച്ചത്. അഞ്ച് ലക്ഷം രൂപ ലോക്കൽ സെക്രട്ടറി സ്വന്തം നിലയിൽ പിൻവലിച്ചെന്ന് വർഷങ്ങൾക്ക് ശേഷം പരാതിയെത്തി. ഈ സംഭവത്തിൽ പാർട്ടി അന്വേഷണവും നടപടിയും വന്നു. നടപടി നേരിട്ട നേതാവിന് വീണ്ടും പദവി നൽകിയിരിക്കുകയാണ്.

‌‌മാസപ്പടി കേസില്‍ പിണറായിക്കെതിരായ അന്വേഷണം; കേസെടുക്കണമെന്ന ഹൈക്കോടതി ഉത്തരവിനെതിരെ സര്‍ക്കാര്‍ അപ്പീൽ നല്‍കിയേക്കില്ല, വിജിലൻസ് കേസെടുക്കും

Web Desk — Fri, 09 Oct 2026 13:33:48 +0530

തിരുവനന്തപുരം: മാസപ്പടിയിൽ കേസെടുക്കണമെന്ന ഹൈക്കോടതി സിംഗിള്‍ ബഞ്ച് ഉത്തരവിനെതിരെ സര്‍ക്കാര്‍ അപ്പീൽ പോകാൻ സാധ്യതയില്ല. ഉത്തരവ് അനുസരിച്ച് വിജിലന്‍സ് കേസെടുക്കും. അതേസമയം പ്രാഥമികാന്വേഷണത്തിന് ശേഷം കേസെന്ന നിലപാട് തള്ളിയത് യുഡിഎഫിനും കോടതി നിര്‍ദ്ദേശ പ്രകാരം കേസ് വരുന്നത് എൽഡിഎഫിനും രാഷ്ട്രീയമായി തിരിച്ചടിയാണ്.

ഇഡി കൈമാറിയ കത്തും തെളിവും പരിഗണിച്ച് മുന്‍ മുഖ്യമന്ത്രി പിണറായി വിജയനും മകള്‍ക്കും മുന്‍ മന്ത്രി മുഹമ്മദ് റിയാസിനുമെതിരെ നേരിട്ട് എഫ്ഐആര്‍ ഇടാൻ യുഡിഎഫ് സര്‍ക്കാര്‍ അനുവദിച്ചിരുന്നില്ല. പകരം ക്രൈംബ്രാഞ്ച് എഡിജിപിയുടെ നേതൃത്വത്തിൽ എസ്ഐടിയെ പ്രാഥമികാന്വേഷണത്തിന് നിയോഗിച്ചു. എസ്ഐടി രൂപീകരിച്ച സർക്കാർ ഉത്തരവ് ഹൈക്കോടതി ഇന്ന് റദ്ദാക്കുകയായിരുന്നു. ഇനി അഴിമതി നിരോധന നിയമപ്രകാരം വിജിലന്‍സ് കേസെടുക്കും. ഡീൽ, രാഷ്ട്രീയമായ പക പോക്കൽ വാദങ്ങളെ ഹൈക്കോടതി ഉത്തരവ് പരിചയാക്കി പ്രതിരോധിക്കാമെന്ന് കണക്കൂക്കൂട്ടിയാണ് സര്‍ക്കാര്‍ നീക്കം. എന്നാൽ വിജിലന്‍സ് മുമ്പാകെ ഫയൽ ഒന്നും നിലവിൽ ഇല്ല. അത് എസ്ഐടിയിൽ നിന്ന് വാങ്ങും. അവര്‍ രേഖപ്പെടുത്തിയ മൊഴികളും വിജിലന്‍സ് ശേഖരിക്കും. ഇഡി കൈമാറിയ കത്തും തെളിവുകളും വിജിലന്‍സ് പരിശോധിക്കും. ഒത്തുകളി ആരോപണം ശക്തമാകുമെന്നതിനാൽ ഡിവിഷൻ ബ‍ഞ്ചിൽ അപ്പീൽ നീക്കത്തിന് യു‍ഡിഎഫ് സര്‍ക്കാര്‍ മുതിരാനിടയില്ലെന്നാണ് വിവരം.

വീണയ്ക്ക് സിഎംആര്‍എൽ നൽകിയ പണം പിണറായിക്കുള്ള കൈക്കൂലിയായി കരുതാമെന്നും കേസെടുക്കാമെന്നുമുള്ള നിയമോപദേശം തള്ളിയാണ് പ്രാഥമികാന്വേഷണത്തിന് സര്‍ക്കാര്‍ തീരുമാനിച്ചത്. അതും മുഖ്യമന്ത്രിയും ആഭ്യന്തരമന്ത്രിയും ചര്‍ച്ച നടത്തിയായിരുന്നു തീരുമാനം. എല്ലാത്തിനും തെളിവുണ്ടെന്ന് നിയമോപദേശം കിട്ടിയെങ്കിലും ഡയറിക്കുറിപ്പ് വെച്ച് കേസെടുക്കാനാവില്ലെന്നാണ് സര്‍ക്കാര്‍ കോടതിയിൽ വാദിച്ചത്. കോടതി ഇത് തള്ളിയതോടെ രാഷ്ട്രീയമായി യുഡിഎഫിനും തിരിച്ചടിയായി. അതേസമയം, പിണറായിക്കെതിരായ നീക്കം പാര്‍ട്ടിയെ ലക്ഷ്യമിട്ടെന്ന് വാദിക്കുന്നതിനിടെ ഇഡി ആവശ്യത്തെ ഹൈക്കോടതി അംഗീകരിച്ചത് സിപിഎമ്മിനും തിരിച്ചടിയായി. ഇഡിയുടെ തുടര്‍നീക്കങ്ങളും പാര്‍ട്ടിയെ പ്രതിരോധത്തിലാക്കും. രാഷ്ട്രീയമായും നിയപരമായും നേരിടുമെന്ന പ്രസ്താവന ആവര്‍ത്തിക്കുന്ന നേതാക്കള്‍ കര്‍ത്തയുടെ ഡയറിയിൽ പേരുള്ള എല്ലാവരിലേക്കും അന്വേഷണം നീങ്ങുമോയെന്നും വെല്ലുവിളിക്കുന്നു.

അതേസമയം, ബിജെപിക്ക് ഒരു പേടിയുമില്ലെന്ന് സംസ്ഥാന ജനറൽ സെക്രട്ടറി ഷോണ്‍ ജോര്‍ജ് പ്രതികരിച്ചു. എന്നാല്‍, പട്ടിക ഷോണ്‍ പരസ്യപ്പെടുത്തിയതിൽ ബിജെപിയിൽ മുതിര്‍ന്ന നേതാക്കള്‍ക്ക് അതൃപ്തിയുണ്ടായി. ഹൈക്കോടതി ഉത്തരവ് പിണറായിക്കെതിരെ കേസെടുക്കാൻ എന്നതിനാൽ അതിന് അപ്പുറത്തേയ്ക്ക് പോകേണ്ടി വരില്ലെന്ന് കണക്കുക്കൂട്ടലാണ് യുഡിഎഫിനുള്ളിലുള്ളത്.

എട്ടുമാസം പ്രായമുള്ള കുഞ്ഞുമായി കിണറ്റില്‍ ചാടി, കുഞ്ഞിന് ജീവൻ നഷ്ടമായി; ആത്മഹത്യാക്കുറിപ്പ് കണ്ടെത്തി, അമ്മക്കെതിരെ കേസ്

Web Desk — Fri, 09 Oct 2026 13:14:39 +0530

മലപ്പുറം: മുണ്ടക്കുളത്ത് എട്ടുമാസം പ്രായമുള്ള കുഞ്ഞുമായി അമ്മ കിണറ്റില്‍ ചാടിയ സംഭവത്തില്‍ പൊലീസ് കേസെടുത്തു. കുഞ്ഞിന്‍റെ മരണവുമായി ബന്ധപ്പെട്ട് മാതാവ് വിഞ്ജുഷയ്ക്കെതിരെയാണ് കൊണ്ടോട്ടി പൊലീസ് കേസ് രജിസ്റ്റര്‍ ചെയ്തത്. സംഭവസ്ഥലത്തുനിന്ന് ആത്മഹത്യാക്കുറിപ്പെന്ന് കരുതുന്ന കുറിപ്പും കണ്ടെത്തിയിട്ടുണ്ട്. വിഞ്ജുഷയെയും മകന്‍ സയാന്‍ സിദ്ധിനെയും ഇന്നലെ രാവിലെ ഒന്‍പതുമണിയോടെയാണ് വീട്ടില്‍നിന്ന് കാണാതായത്. ശ്രീനാഥിന്‍റെ അമ്മ ക്ഷേത്രത്തില്‍നിന്ന് മടങ്ങിയെത്തിയപ്പോഴാണ് ഇരുവരെയും വീട്ടില്‍ കാണാനില്ലെന്ന വിവരം ശ്രദ്ധയില്‍പ്പെട്ടത്. വിഞ്ജുഷയുടെ ഫോണ്‍ വീട്ടില്‍ത്തന്നെ ഉണ്ടായിരുന്നതിനാല്‍ ബന്ധുക്കളും നാട്ടുകാരും ചേര്‍ന്ന് തിരച്ചില്‍ നടത്തി.

ഉച്ചയ്ക്ക് പന്ത്രണ്ടേമുക്കാലോടെ വീട്ടിന് സമീപത്തെ കിണറ്റിലാണ് ഇരുവരെയും കണ്ടെത്തിയത്. മുണ്ടക്കുളം സ്‌കൂള്‍ ഗ്രൗണ്ടിന് സമീപത്തെ കിണര്‍ മൂടിയിരുന്ന വലയുടെ ഒരുഭാഗത്ത് വിടവ് കണ്ടതിനെ തുടര്‍ന്ന് നടത്തിയ പരിശോധനയിലാണ് അമ്മയെയും കുഞ്ഞിനെയും കണ്ടെത്തിയത്. കുഞ്ഞിനെ കൈയില്‍ ചേര്‍ത്തുപിടിച്ച് കിണറിന്‍റെ പടവില്‍ പിടിച്ച നിലയിലായിരുന്നു വിഞ്ജുഷ. നാട്ടുകാര്‍ ഇരുവരെയും പുറത്തെടുത്ത് ഉടന്‍ ആശുപത്രിയിലെത്തിച്ചെങ്കിലും കുഞ്ഞിന്‍റെ ജീവന്‍ രക്ഷിക്കാനായില്ല. പരിക്കേറ്റ വിഞ്ജുഷ തീവ്രപരിചരണ വിഭാഗത്തില്‍ ചികിത്സയിലാണ്. പ്രാഥമിക അന്വേഷണത്തില്‍ ആത്മഹത്യാശ്രമമാണെന്നാണ് പൊലീസിന്‍റെ നിഗമനം. സംഭവത്തിന്‍റെ സാഹചര്യങ്ങള്‍ വ്യക്തമാക്കുന്നതിനായി പൊലീസ് അന്വേഷണം തുടരുകയാണ്.

ബിഎംഎസ് പ്രവര്‍ത്തകന്‍ വിനയൻ കൊലക്കേസ്; സിപിഎം പ്രവര്‍ത്തകനായ ഒന്നാം പ്രതി കുറ്റക്കാരനെന്ന് കോടതി, മറ്റു ഏഴു പ്രതികളേയും വെറുതേ വിട്ടു

Faseela Moidu — Fri, 09 Oct 2026 13:04:00 +0530

കണ്ണൂർ: ബിഎംഎസ് പ്രവര്‍ത്തകന്‍ വടക്കേചാലില്‍ വിനയനെ കൊലപ്പെടുത്തിയ കേസിൽ ഒന്നാം പ്രതി കുറ്റക്കാരനെന്ന് കോടതി. സിപിഎം പ്രവര്‍ത്തകന്‍ ജമീന്‍റവിടെ ബിജുവിനെയാണ് തലശ്ശേരി അഡീഷണല്‍ സെഷന്‍സ് കോടതി കുറ്റക്കാരനെന്ന് കണ്ടെത്തിയത്. ശിക്ഷ ഈ മാസം 12ന് വിധിക്കും. കേസില്‍ മറ്റ് ഏഴു പ്രതികളേയും വെറുതേ വിട്ടു. ടിപി വധക്കേസ് പ്രതി ടികെ രജീഷുള്‍പ്പെടെയുള്ളവരെയാണ് വെറുതെ വിട്ടത്. 2009 മാര്‍ച്ച് 12നാണ് വിനയനെ കൊലപ്പെടുത്തിയത്. ലോക്കൽ പൊലീസ് ആദ്യം പ്രതി ചേർത്ത ആറു പേരെ തുടരന്വേഷണത്തിൽ പ്രതിപ്പട്ടികയിൽ നിന്നും ഒഴിവാക്കിയിരുന്നു. പിന്നീട് ടിപി ചന്ദ്രശേഖരൻ വധക്കേസിൽ അറസ്റ്റിലായ ടികെ രജീഷിനെ ചോദ്യം ചെയ്തപ്പോളാണ് കേസിൽ നിർണായക വിവരങ്ങൾ പൊലീസിന് കിട്ടിയത്. തുടർന്ന് ടികെ രജീഷുൾപ്പെടെ ഏഴു പേരെ കേസിൽ പ്രതി ചേർക്കുകയായിരുന്നു.

വിജയനും മരുമകനും മകളും അഴിമതി നടത്തിയെന്ന് കോടതിക്ക് മനസിലായെന്ന് കെഎം ഷാജഹാൻ, 'ഉളുപ്പും ലജ്ജയും ഇല്ലാത്തതുകൊണ്ട് രാജിവെച്ച് പോകില്ല'

Web Desk — Fri, 09 Oct 2026 12:57:31 +0530

തിരുവനന്തപുരം: സിഎംആർഎൽ എക്സാലോജിക്ക് കേസില്‍ അഴിമതി തടയല്‍ നിയമപ്രകാരം പിണറായി വിജയന് എതിരേയും മുഹമ്മദ് റിയാസിനെതിരേയും കേസെടുക്കാൻ ഹൈക്കോടതി ഉത്തരവായതിന് പിന്നാലെ പ്രതികരിച്ച് പൊതുപ്രവർത്തകൻ കെഎം ഷാജഹാൻ. ആരോപണങ്ങൾ വന്ന അന്ന് മുതൽ സിപിഎം പറഞ്ഞത് കെട്ടി ചമച്ച കേസ് എന്നാണെന്നും പിണറായിക്ക് എതിരായ രാഷ്ട്രീയ നീക്കം എന്നായിരുന്നു വാദം, കോടതി വിധിയോടെ സിപിഎം വാദം എല്ലാം അടപടലം പൊളിഞ്ഞു. കോടതി റിപ്പോർട്ട് പരിശോധിച്ച ശേഷം ആണ് തീരുമാനം എടുത്തിരിക്കുന്നത്. വിജയനും മരുമകനും മകളും അഴിമതി നടത്തി എന്ന് കോടതിക്ക് മനസിലായി. പിണറായിക്ക് ഉളുപ്പും ലജ്ജയും ഇല്ല. അതിനാൽ രാജി വെച്ച് പോകും എന്ന് കരുതുന്നില്ല. കുറച്ചെങ്കിലും വെളിവുണ്ടെങ്കിൽ സിപിഎം കേന്ദ്ര നേതൃത്വം നിലപാട് എടുക്കണം. വിഎസ് ഉണ്ടായിരുന്നെങ്കിൽ തന്‍റെ പോരാട്ടത്തിന് പിന്തുണ നൽകുമായിരുന്നു. വിഎസിനെ മുഴുമിപ്പിക്കാൻ കഴിയാതിരുന്നത് താൻ പൂർത്തിയാക്കിയെന്നും അദ്ദേഹം പറഞ്ഞു.

ഇഡി കത്തില്‍ എഫ് ഐ ആര്‍ ഇടാതെ പ്രാഥമിക അന്വേഷണം തുടരുന്നതിനിടെയാണ് അഴിമതി തടയല്‍ നിയമ പ്രകാരം എഫ് ഐ ആര്‍ രജിസ്റ്റര്‍ ചെയ്യാന്‍ ഹൈക്കോടതിയുടെ നിര്‍ണായക ഉത്തരവ് വന്നിരിക്കുന്നത്. കണ്‍മുന്നില്‍ അഴിമതിക്ക് വ്യക്തമായ തെളിവുകളുണ്ടായിട്ടും കേസെടുത്ത് മുന്നോട്ട് പോകുന്നതിന് പകരം ക്രൈംബ്രാഞ്ചിന്‍റെ പ്രത്യേക അന്വേഷണ സംഘത്തെ നിയോഗിച്ച് പ്രഥാമിക അന്വേഷണം നടത്താനുള്ള സര്‍ക്കാരിന്‍റ തീരുമാനത്തെയാണ് ഹര്‍ജിക്കാരന്‍ ചോദ്യം ചെയ്തത്. ഇതിനൊപ്പം കോടതിയില്‍ മുദ്രവെച്ച കവറില്‍ ഇഡി സമര്‍പ്പിച്ച കണ്ടെത്തലുകളും നിര്‍ണായകമായി.

ഇഡി അന്വേഷണത്തില്‍ സാമ്പത്തിക ഇടപാടുകളുടെയും ഹവാല കൈമാറ്റത്തിന്‍റെയും വിദേശയാത്രയുടെയുമെല്ലാം തെളിവുകള്‍ ലഭിച്ചിരുന്നു. ഇതെല്ലാം കോടതിക്ക് മുന്നില്‍ സമര്‍പ്പിച്ചു. ഇവ പൊലീസിന് കൈമാറിയിട്ടും കേസെടുക്കുന്നില്ലെന്ന് വാദിച്ചു. തിരിച്ചറിയാവുന്ന കുറ്റകൃത്യം നടന്നാല്‍ എഫ്‌ഐആർ രജിസ്റ്റർ ചെയ്യേണ്ടത് നിർബന്ധമാണെന്നും ഇനിയൊരു പ്രാഥമിക അന്വേഷണത്തിന്‍റെ ആവശ്യമില്ലെന്നും കോടതിയെ ബോധിപ്പിച്ചു. രേഖകള്‍ മുന്‍നിര്‍ത്തിയുള്ള വാദത്തിനൊടുവിലാണ് എഫ് ഐ ആര്‍ രജിസ്റ്റര്‍ ചെയ്യാന്‍ ജസ്റ്റിസ് ബദറുദ്ദീന്‍റെ ഉത്തരവ്. അഴിമതി തടയില്‍ നിയമപ്രകാരം എഫ് ഐ ആര്‍ റജിസ്റ്റര്‍ ചെയ്യുന്ന മുറക്ക് കള്ളപ്പണം വെളുപ്പിക്കല്‍ തടയല്‍ നിയമപ്രകാരം ഇഡി ഇസിഐആറും ഇടും. സാധാരണ പത്ത് ദിവസമാണ് ഇസിഐആര്‍ രജിസ്റ്റര്‍ ചെയ്യാന്‍ ഇഡി എടുക്കുന്ന സമയമെങ്കില്‍ ഈ കേസില്‍ വിവരങ്ങളെല്ലാം ഇഡിക്ക് മുന്നില്‍ ഉള്ളതിനാല്‍ ഏത് നിമിഷവും തുടര്‍ നടപടികളുണ്ടാകാം.

ലക്ഷങ്ങൾ ചെലവ് വരുന്ന അതിസങ്കീർണ നട്ടെല്ല് ശസ്ത്രക്രിയ വിജയകരമായി പൂർത്തിയാക്കി മഞ്ചേരി മെഡിക്കൽ കോളേജ്; 69-കാരിക്ക് ആശ്വാസം

Web Desk — Fri, 09 Oct 2026 12:31:36 +0530

മഞ്ചേരി: വർഷങ്ങളായി കടുത്ത നടുവേദനയും കാലുകൾക്ക് ബലക്കുറവും കാരണം ദുരിതത്തിലായിരുന്ന 69-കാരിക്ക് വിജയകരമായി ശസ്ത്രക്രിയ പൂർത്തിയാക്കി മഞ്ചേരി ഗവ. മെഡിക്കൽ കോളേജ് ആശുപത്രി. സ്വകാര്യ ആശുപത്രികളിൽ അഞ്ച് ലക്ഷത്തോളം രൂപ ചെലവ് വരുന്ന അതിസങ്കീർണ്ണമായ നട്ടെല്ല് ശസ്ത്രക്രിയയാണ് ഇവിടെ പൂർണ്ണമായും സൗജന്യമായി ചെയ്ത് നൽകിയത്. മഞ്ചേരി സ്വദേശിയായ പദ്മിനിയെ (69) ട്രാൻസ്ഫോറാമിനൽ ലംബാർ ഇന്റർബോഡി ഫ്യൂഷൻ (TLIF) എന്ന അത്യാധുനിക സർജറിക്കാണ് വിധേയയാക്കിയത്. മഞ്ചേരി മെഡിക്കൽ കോളേജിന്റെ ചരിത്രത്തിൽ ആദ്യമായാണ് ഇത്തരമൊരു സങ്കീർണ്ണ ശസ്ത്രക്രിയ നടക്കുന്നത്.

വർഷങ്ങളായി വിവിധ ആശുപത്രികളിൽ ചികിത്സ തേടിയിട്ടും ഫലമില്ലാതെ വന്നതോടെയാണ് പദ്മിനി മഞ്ചേരി മെഡിക്കൽ കോളേജിൽ എത്തുന്നത്. സർക്കാരിന്റെ കാരുണ്യ ആരോഗ്യ സുരക്ഷാ പദ്ധതിയിൽ ഉൾപ്പെടുത്തിയാണ് ശസ്ത്രക്രിയ സൗജന്യമായി നടത്തിയത്. ഓർത്തോപീഡിക്സ് വിഭാഗം മേധാവിയും സ്പൈൻ സർജനുമായ പ്രൊഫ. ഡോ. ബിന്ദുലാലിന്റെ നേതൃത്വത്തിലായിരുന്നു ഈ ദൗത്യം. അനസ്തേഷ്യ വിഭാഗം മേധാവി ഡോ. ബഷീർ അടങ്ങുന്ന ഡോക്ടർമാരുടെ സംഘവും നഴ്സിംഗ്, പാരാമെഡിക്കൽ ജീവനക്കാരും സർജറിയിൽ പങ്കാളികളായി.

ശസ്ത്രക്രിയ വിജയകരമായതിനെ തുടർന്ന് രോഗിയെ വാർഡിലേക്ക് മാറ്റിയിട്ടുണ്ട്. സാധാരണക്കാർക്ക് താങ്ങാനാകാത്ത വലിയ തുക ചെലവ് വരുന്ന ചികിത്സ സൗജന്യമായി ലഭിച്ചതിന്റെ ആശ്വാസത്തിലാണ് പദ്മിനിയും കുടുംബവും. ഈ അപൂർവ്വ നേട്ടം കൈവരിച്ച ഡോക്ടർമാരെയും മറ്റ് ആരോഗ്യപ്രവർത്തകരെയും മെഡിക്കൽ കോളേജ് പ്രിൻസിപ്പൽ ഡോ. കെ. അബ്ദുൽ മജീദും സൂപ്രണ്ട് ഡോ. എസ്. എ. ഹാഫിസും അഭിനന്ദിച്ചു.

മാസപ്പടി കേസിലെ ഹൈക്കോടതി വിധി സർക്കാരിന് തിരിച്ചടി അല്ല; വിധി പഠിച്ച ശേഷം തീരുമാനം ഉണ്ടാകുമെന്ന് രമേശ് ചെന്നിത്തല

Aishwarya S Babu — Fri, 09 Oct 2026 12:29:47 +0530

കൊച്ചി: മാസപ്പടി കേസിൽ പിണറായി വിജയനും മുഹമ്മദ് റിയാസിനുമെതിരെ കേസെടുക്കാമെന്ന ഹൈക്കോടതി ഉത്തരവിൽ പ്രതികരിച്ച് ആഭ്യന്തര മന്ത്രി രമേശ് ചെന്നിത്തല. ഹൈക്കോടതി വിധി സർക്കാരിന് തിരിച്ചടി അല്ലെന്നും വിധി പഠിച്ച ശേഷം തീരുമാനം ഉണ്ടാകുമെന്നും അദ്ദേഹം പറഞ്ഞു. സുപ്രീംകോടതി വിധിയുടെ അടിസ്ഥാനത്തിലാണ് പ്രാഥമിക അന്വേഷണം നടത്തുന്നതെന്നും അദ്ദേഹം മാധ്യമങ്ങളോട് പറഞ്ഞു.

സിഎംആര്‍എല്‍ എക്സാലോജിക്ക് സാമ്പത്തിക ഇടപാടില്‍ മുന്‍ മുഖ്യമന്ത്രി പിണറായി വിജയനും മുന്‍ മന്ത്രി പി എ മുഹമ്മദ് റിയാസും പ്രതിപട്ടികയിലേക്ക് എത്തുകയാണ്. ഇഡി കത്തില്‍ എഫ് ഐ ആര്‍ ഇടാതെ പ്രാഥമിക അന്വേഷണം തുടരുന്നതിനിടെയാണ് അഴിമതി തടയല്‍ നിയമ പ്രകാരം എഫ് ഐ ആര്‍ രജിസ്റ്റര്‍ ചെയ്യാന്‍ ഹൈക്കോടതിയുടെ നിര്‍ണായക ഉത്തരവ്. കണ്‍മുന്നില്‍ അഴിമതിക്ക് വ്യക്തമായ തെളിവുകളുണ്ടായിട്ടും കേസെടുത്ത് മുന്നോട്ട് പോകുന്നതിന് പകരം ക്രൈംബ്രാഞ്ചിന്‍റെ പ്രത്യേക അന്വേഷണ സംഘത്തെ നിയോഗിച്ച് പ്രഥാമിക അന്വേഷണം നടത്താനുള്ള സര്‍ക്കാരിന്‍റ തീരുമാനത്തെയാണ് ഹര്‍ജിക്കാരന്‍ ചോദ്യം ചെയ്തത്. ഇതിനൊപ്പം കോടതിയില്‍ മുദ്രവച്ച കവറില്‍ ഇഡി സമര്‍പ്പിച്ച കണ്ടെത്തലുകളും നിര്‍ണായകമായി.

മാസപ്പടി കേസ്: പിണറായി വിജയനും മുഹമ്മദ് റിയാസിനും തിരിച്ചടി; എഫ്ഐആര്‍ രജിസ്റ്റര്‍ ചെയ്ത് അന്വേഷണം നടത്താൻ ഹൈക്കോടതി ഉത്തരവ്

Aishwarya S Babu — Fri, 09 Oct 2026 12:18:59 +0530

കൊച്ചി: മാസപ്പടി കേസിൽ ഇഡി നല്‍കിയ കത്തില്‍ പിണറായി വിജയനും മുഹമ്മദ് റിയാസിനും കനത്ത തിരിച്ചടി. ഇരുവര്‍ക്കുമെതിരെ അഴിമതി തടയല്‍ നിയമപ്രകാരം കേസെടുത്ത് അന്വേഷണം നടത്താന്‍ ഹൈക്കോടതി ഉത്തരവ്. പ്രാഥമിക അന്വേഷണത്തിന് ശേഷം കേസെന്ന സര്‍ക്കാര്‍ വാദം തള്ളിയാണ് കോടതി നടപടി. മുദ്രവെച്ച കവറില്‍ ഇഡി സമര്‍പ്പിച്ച തെളിവുകളും നിര്‍ണായകമായി.

ഹൈക്കോടതി ഉത്തരവിൽ പ്രതികരിച്ച് ജോൺ ബ്രിട്ടാസ് എംപി

പിണറായിക്കും റിയാസിനുമെതിരെ കേസെടുക്കാമെന്ന ഉത്തരവിൽ പ്രതികരിച്ച് ജോൺ ബ്രിട്ടാസ് എംപി. നിയമപരമായും രാഷ്ട്രീയപരമായും സിപിഎം നേരിടുമെന്ന് അദ്ദേഹം പറഞ്ഞു. കോടതി എല്ലാം പരിശോധിക്കണം. ഷോൺ ജോർജ് പുറത്തുവിട്ട ലിസ്റ്റിൽ ബിജെപിയുടെ തല തൊട്ടപ്പന്മാരും ഉണ്ട്. അപ്പോൾ അതെല്ലാം കോടതി പരിശോധിക്കണമെന്നും ജോൺ ബ്രിട്ടാസ് ആവശ്യപ്പെട്ടു.

'ഇടതിന്‍റെ വക്കാലത്ത് ഏറ്റെടുക്കേണ്ട കാര്യം അഭിജീത്തിനില്ല'; കേരളത്തിലെ ഭരണമാറ്റത്തിന് പിന്നിൽ എസ്ഐആർ എന്ന ദീപ്കെയുടെ പ്രസ്താവനയിൽ മുസ്ലിം യൂത്ത് ലീഗ്

Web Desk — Fri, 09 Oct 2026 12:08:25 +0530

തിരുവനന്തപുരം: മുൻ മുഖ്യമന്ത്രി പിണറായി വിജയന്‍റെ നേതൃത്വത്തിലുള്ള ഇടത് സർക്കാർ വീഴാൻ കാരണം എസ്ഐആർ ആണെന്ന അഭിജീത് ദീപ്കെയുടെ പ്രസ്താവനയ്ക്കെതിരെ മുസ്ലിം യൂത്ത് ലീഗ് രംഗത്ത്. ഭരണത്തിലെ പ്രശ്നം കൊണ്ടാണ് അധികാരം നഷ്ടമായതെന്ന് സിപിഎം വിലയിരുത്തുന്നെന്നും സിജെപി നേതൃത്വം ഇക്കാര്യം വിശദീകരിക്കണം, ഇടതിന്‍റെ വക്കാലത്ത് ഏറ്റെടുക്കേണ്ട കാര്യം അഭിജീത് ദീപ്കെയ്ക്കില്ല. ഈ പ്രസ്താവന വിശാലമായ എസ് ഐ ആർ വിഷയത്തിൽ ഉയർത്തുന്ന പ്രതിഷേധത്തിന് തിരിച്ചടിയാകുമെന്നും യൂത്ത് ലീഗ് ദേശീയ ജനറൽ സെക്രട്ടറി ഷിബു മീരാൻ പ്രതികരിച്ചു.

വോട്ടർ പട്ടികയില്‍ നിന്നും വോട്ടർമാരെ ഒഴിവാക്കുന്ന നടപടിക്ക് പിന്നിൽ ഗൂഢാലോചന നടന്നതായി സിജെപി സ്ഥാപകൻ അഭിജീത് ദീപ്കെ ഇന്നലെ ആരോപിച്ചിരുന്നു. കേരളത്തിലെ പിണറായിയുടെ തോൽവിയും തമിഴ്നാട്ടിൽ സ്റ്റാലിന്‍റെ തോൽവിയും ആസൂത്രിതമാണെന്നും ഈ തോൽവികൾ യാദൃശ്ചികമായി സംഭവിച്ചതെന്ന് കരുതാനാകില്ല, വോട്ടർമാർ ഒഴിവാക്കപ്പെടുന്നതു കൊണ്ട് ഗുണം ബിജെപിക്ക് മാത്രമാണ്, ജീവിച്ചരിക്കുന്നവകരെ മരിച്ചവരാക്കി മാറ്റുന്നത് എങ്ങനെയാണ്? എന്ന് അഭിജീത് ദീപ്കെ ചോദിച്ചു. അനുവാദമില്ലാതെ സമരം സംഘടിപ്പിച്ചെന്ന ആരോപണത്തിനും അഭിജീത് മറുപടി പറഞ്ഞു. സമരം ചെയ്യുക എന്നത് അവകാശമാണ് ഔദാര്യമല്ലെന്നും അമിത് ഷാ അനുവാദം നൽകാൻ അത് കുടുംബസ്വത്തല്ല, ബെംഗളൂരുവിൽ ഞങ്ങൾ സമാധാനപരമായാണ് പ്രതിഷേധിച്ചത്. ദില്ലിയിൽ എന്തുകൊണ്ട് അത് അനുവദിക്കുന്നില്ല എന്ന് ആദ്ദേഹം ചോദിച്ചു.

കൂടാതെ, രാജ്യത്തെ യുവജനങ്ങൾ നി‍ർഭയരാണെന്നും അവർക്ക് ആകുലതകളില്ല, അറസ്റ്റ് വരിക്കാൻ തയ്യാറാണ്. ജനാധിപത്യത്തെ സംരക്ഷിക്കാൻ മുന്നോട്ട് തന്നെ പോകും. ഈ പോരാട്ടം സിജെപിയുടെ നിലനിൽപിനായുള്ളതല്ല എന്നും അഭിജീത്ത് പ്രതികരിച്ചു. മുഖ്യ തെരഞ്ഞെടുപ്പ് കമ്മീഷണർ രാജിവെക്കണം എന്ന ആവശ്യം ശക്തമാകുകയാണ്. സിജെപിയും കോണ്‍ഗ്രസും മറ്റ് പ്രതിപക്ഷ സംഘടനകളും വിദ്യാത്ഥി സംഘടനകളും ഈ ആവശ്യം ഉന്നയിച്ച് രാജ്യ തലസ്ഥാനത്ത് നാല് ദിവസമായി സമരം സംഘടിപ്പിക്കുകയാണ്.

മാസപ്പടി കേസിലെ ഹൈക്കോടതി വിധി സർവാത്മന സ്വാഗതം ചെയ്യുന്നുവെന്ന് മാത്യു കുഴൽനാടൻ; 'കേസിൽ സർക്കാരിന് തുറന്ന നിലപാട്'

Faseela Moidu — Fri, 09 Oct 2026 12:07:56 +0530

ഇടുക്കി: മാസപ്പടി കേസിലെ ഹൈക്കോടതി വിധി സർവാത്മന സ്വാഗതം ചെയ്യുന്നുവെന്ന് മാത്യു കുഴൽനാടൻ എംഎൽഎ. സിപിഎം വാദങ്ങൾ ദുർബലമെന്ന് തെളിഞ്ഞു. തനിക്ക് തിരിച്ചടി നേരിട്ടപ്പോഴും കേസിൽ പിണറായി കുടുങ്ങുമെന്ന് പറഞ്ഞിരുന്നു. കേസിൽ സർക്കാരിന് തുറന്ന നിലപാട് ആണുള്ളതെന്നും മാത്യു കുഴൽനാടൻ പറഞ്ഞു. സിഎംആർഎൽ എക്സാലോജിക് സാമ്പത്തിക ഇടപാടിൽ പിണറായി വിജയനും മുഹമ്മദ് റിയാസിനുമെതിരെ എഫ്ഐആര്‍ രജിസ്റ്റര്‍ ചെയ്ത് അന്വേഷണം നടത്താനാണ് ഹൈക്കോടതി ഉത്തരവ്. ഇഡി കത്തിൽ കേസ് വൈകുന്നതിന് എതിരെ പൊതുപ്രവർത്തകൻ കെഎം ഷാജഹാൻ നൽകിയ ഹർജിയിലാണ് ജസ്റ്റിസ് എ ബദറുദ്ദീന്റെ ബെഞ്ചിൻ്റെ വിധി.

സർക്കാരും സിപിഎമ്മും പ്രതിരോധത്തിൽ

മാസപ്പടി കേസിൽ പിണറായിക്കും റിയാസിനുമെതിരെ കേസെടുക്കാൻ കോടതി നിർദേശിച്ചതോടെ സർക്കാരും സിപിഎമ്മും പ്രതിരോധത്തിലായിരിക്കുകയാണ്. ഇഡി കണ്ടെത്തിയ തെളിവുകളിൽ നേരിട്ട് കേസെടുത്താൽ വൻ ഡീൽ ആരോപണം കോൺഗ്രസിനെതിരെ വരും എന്ന വിലയിരുത്തൽ നിലവിലുണ്ട്. കൂടാതെ, കർത്തയുടെ ഡയറിക്കുള്ളിൽ കോൺഗ്രസ് നേതാക്കളുടെ പേരുകളും ഉണ്ട്. അതുകൊണ്ടുതന്നെ ഡയറിക്കുറിപ്പ് വെച്ച് അഴിമതി കേസ് എടുക്കാനാവില്ലെന്നായിരുന്നു സർക്കാർ കോടതിയെ അറിയിച്ചത്. എന്നാൽ, കേസെടുക്കാൻ പര്യാപ്തമായ തെളിവുകൾ കത്തിൽ തന്നെ കൈമാറിയിട്ടുണ്ടെന്ന് ഇഡി ഹൈക്കോടതിയിൽ നിലപാട് അറിയിച്ചിരുന്നു. പ്രാഥമിക പരിശോധന നടത്തിയാണ് തങ്ങൾ തെളിവ് കൈമാറിയതെന്നും അതിന് മേൽ വീണ്ടും പ്രാഥമിക പരിശോധന എന്തിനെന്നുമായിരുന്നു ഇഡി നിലപാട്.

ഹൈക്കോടതി ഉത്തരവിൽ പ്രതികരിച്ച് ജോൺ ബ്രിട്ടാസ് എംപി

പുതിയ ആരോപണവുമായി മേയർ വിവി രാജേഷ്; `സ്പെഷ്യൽ കൗൺസിൽ ആവശ്യപ്പെട്ട് നൽകിയ കത്തിൽ എസ്പി ദീപക് കൃത്രിമം നടത്തി'

Aishwarya S Babu — Fri, 09 Oct 2026 12:03:04 +0530

തിരുവനന്തപുരം: നഗരസഭയിലെ ഇടത് അംഗങ്ങൾക്കെതിരെ പുതിയ ആരോപണവുമായി മേയർ വിവി രാജേഷ്. ഇടത് അഗങ്ങൾ സമർപ്പിച്ച കത്തിലെ ഒപ്പുകളിൽ പൊരുത്തക്കേട് ഉണ്ടെന്നും നഗരസഭ ഇക്കാര്യത്തിൽ പരാതി നൽകുമെന്നും വിവി രാജേഷ് പറഞ്ഞു. സ്പെഷ്യൽ കൗൺസിൽ വിളിക്കണം എന്ന് ആവശ്യപ്പെട്ട് നൽകിയ കത്തിൽ കൗൺസിലർ എസ്പി ദീപക് കൃത്രിമം നടത്തിയെന്നാണ് പുതിയ ആരോപണം. ഇക്കാര്യത്തിൽ മ്യൂസിയം പൊലീസ് സ്റ്റേഷനിൽ പരാതി നൽകുമെന്നും മേയർ അറിയിച്ചു. ഇതുസംബന്ധിച്ച രേഖകളും അദ്ദേഹം പുറത്തുവിട്ടു.

വിഴിഞ്ഞം ഹാർബർ വാർഡിലെ ഭവന രഹിതർക്കായുള്ള ഫ്ലാറ്റിന്റെ നിർമാണത്തിൽ അഴിമതി നടന്നെന്നും വിവി രാജേഷ് ആരോപിച്ചു. ഫ്ലാറ്റ് കൈമാറി 6 വർഷം കഴിഞ്ഞപ്പോൾ തന്നെ ഫ്ലാറ്റ് പൊളിഞ്ഞു തുടങ്ങി. തിരുവനന്തപുരം എൻജിനീയറിങ് കോളജിനോട് പരിശോധന നടത്താൻ ആവശ്യപ്പെട്ടെന്നും ഇന്ന് രാവിലെ മുതൽ പരിശോധന ആരംഭിച്ചെന്നും അദ്ദേഹം പറഞ്ഞു. ഫ്ലാറ്റിന്റെ നിർമ്മാണത്തിൽ അഴിമതി ഉണ്ടായി എന്നാണ് വിലയിരുത്തലെന്നും അന്വേഷണ റിപ്പോർട്ടിന്റെ അടിസ്ഥാനത്തിൽ നടപടി ഉണ്ടാകുമെന്നും മേയർ മാധ്യമങ്ങളോട് പറഞ്ഞു.

സിപിഎം നേതാവ് സുരേഷ് ബാബുവിനെതിരായ പീഡന പരാതി ഉടൻ പൊലീസിന് കൈമാറണമെന്ന് സിപിഐ നേതാവ് ആനി രാജ; 'പരാതിക്കാരിക്ക് നീതി ലഭിക്കണം'

Web Desk — Fri, 09 Oct 2026 11:43:03 +0530

ഡൽഹി: സിപിഎം പാലക്കാട് മുൻ ജില്ലാ സെക്രട്ടറി ഇ.എൻ. സുരേഷ് ബാബുവിനെതിരായ പീഡന പരാതി ലഭിച്ചയുടൻ തന്നെ പോലീസിന് കൈമാറണമെന്ന് സി.പി.ഐ ദേശീയ എക്സിക്യൂട്ടീവ് അംഗം ആനി രാജ. പരാതിക്കാരിക്ക് അർഹമായ നീതി ലഭിക്കണം. പാർട്ടിയുടെ തലത്തിൽ സ്വന്തമായ രീതിയിൽ അന്വേഷണം നടത്തുന്നതിൽ തെറ്റില്ല. എങ്കിലും ഒരു പാർട്ടി നേതാവിൽ നിന്ന് ഇത്തരം ഒരു പ്രവർത്തി ഉണ്ടായി എന്നത് വിഷയത്തിന്റെ ഗൗരവം വർദ്ധിപ്പിക്കുന്നുവെന്നും അവർ വ്യക്തമാക്കി.

മുഖ്യമന്ത്രി പിണറായി വിജയനെതിരെ മാസപ്പടി കേസിൽ എഫ്.ഐ.ആർ രജിസ്റ്റർ ചെയ്യണമെന്ന കോടതി ഉത്തരവിനെക്കുറിച്ചുള്ള ചോദ്യത്തിന്, വിഷയത്തെക്കുറിച്ച് വ്യക്തമായി പഠിച്ച ശേഷം മറുപടി പറയാമെന്ന് ആനി രാജ പ്രതികരിച്ചു. അതേസമയം, നാളെ ജന്തർ മന്തറിൽ ഇടത് വിദ്യാർത്ഥി സംഘടനകളുടെ അടക്കം നേതൃത്വത്തിൽ നടക്കുന്ന പ്രതിഷേധ സമരത്തിൽ പങ്കെടുക്കാൻ എത്തിയ വിദ്യാർത്ഥികളെ പോലീസ് അറസ്റ്റ് ചെയ്ത സംഭവം അത്യന്തം അപലപനീയമാണെന്ന് അവർ പറഞ്ഞു. വിദ്യാർത്ഥിനികൾ അടക്കമുള്ളവരെയാണ് പോലീസ് അറസ്റ്റ് ചെയ്ത് മാറ്റിയിരിക്കുന്നത്. കുട്ടികളെ അറസ്റ്റ് ചെയ്ത് ബി.ജെ.പി അനുഭാവിയുടെ റിസോർട്ടിലാണ് പാർപ്പിച്ചിരിക്കുന്നതെന്നത് പ്രകോപനപരവും അംഗീകരിക്കാൻ കഴിയാത്തതുമാണെന്ന് ആനി രാജ കൂട്ടിച്ചേർത്തു.

കോർപ്പറേഷനിലെ ഒപ്പ് വിവാദം; കൗൺസിൽ ഹാളിലെ സിസിടിവി ദൃശ്യങ്ങൾ ലഭ്യമല്ലെന്ന് കോർപ്പറേഷൻ, സുഗതൻ യോഗങ്ങളിൽ പങ്കെടുത്തതിന് തെളിവുണ്ടെന്ന് മേയർ

Faseela Moidu — Fri, 09 Oct 2026 11:39:38 +0530

തിരുവനന്തപുരം: തിരുവനന്തപുരം കോർപ്പറേഷനിലെ ഒപ്പ് വിവാദത്തിൽ കൗൺസിൽ ഹാളിലെ സിസിടിവി ദൃശ്യങ്ങൾ ലഭ്യമല്ലെന്ന് കോർപ്പറേഷൻ. വിവാദവുമായി ബന്ധപ്പെട്ട് ഇടത് കൗൺസിലർ എസ്പി ദീപക് ക്യാമറ ദൃശ്യങ്ങൾ ആവശ്യപ്പെട്ടിരുന്നു. ഇതിലാണ് കോർപ്പറേഷന്റെ മറുപടി. ശക്തമായ നിയമ പോരാട്ടം നടത്തുമെന്നും തെറ്റായ വിവരങ്ങൾ പ്രചരിപ്പിച്ച് തടിതപ്പാനാണ് മേയർ ശ്രമിക്കുന്നതെന്നും ദീപക് മാധ്യമങ്ങളോട് പറഞ്ഞു. അതേസമയം, കൗൺസിലർ സുഗതൻ കൗൺസിൽ യോഗങ്ങളിൽ പങ്കെടുത്തതിന് തെളിവുണ്ടെന്ന് മേയർ വിവി രാജേഷ് പറഞ്ഞു.

ഒപ്പ് വിവാദമായ മൂന്നു യോഗങ്ങളിൽ പങ്കെടുത്തു. കോർപ്പറേഷൻ ഫോട്ടോഗ്രാഫറുടെ കൈവശം ഇതിന്റെ ചിത്രങ്ങളുണ്ട്. തീയതിയും സമയവും ഉൾപ്പെടെ ഈ ചിത്രങ്ങളിൽ ഉണ്ട്. ഈ ചിത്രങ്ങൾ പൊലീസിന് കൈമാറിയിട്ടുണ്ട്. ഏപ്രിൽ 27 ലെ യോഗത്തിൽ സുഗതൻ ഇരിക്കുന്നത് അന്ന്, സിപിഎം നേതാവ് എസ്പി ദീപക്, എഫ് ബിയിൽ ഇട്ട പോസ്റ്റിലുണ്ട്. സ്വന്തം എഫ്ബി പോസ്റ്റെങ്കിലും നോക്കിയിട്ട് വേണം ദീപക് ആരോപണം ഉന്നയിക്കാനാണെന്നും മേയർ വിവി രാജേഷ് പറഞ്ഞു.

മാസപ്പടി കേസിലെ ഹൈക്കോടതി ഉത്തരവ്: 'പിണറായി കുറ്റക്കാരനെന്ന് കോടതിക്ക് ബോധ്യപ്പെട്ടു, പ്രതിപക്ഷ നേതൃസ്ഥാനം ഒഴിയണം': ഷോൺ ജോർജ്

Sumam Thomas — Fri, 09 Oct 2026 11:28:26 +0530

കൊച്ചി: പിണറായി കുറ്റക്കാരനെന്ന് കോടതി ബോധ്യപ്പെട്ടെന്നും രേഖകൾ പരിശോധിച്ച ശേഷമാണ് കോടതിയുടെ ഉത്തരവെന്നും ബിജെപി നേതാവ് ഷോൺ ജോർജ്. പിണറായി പ്രതിപക്ഷ നേതൃസ്ഥാനം ഒഴിയണമെന്നും രാജി വെയ്ക്കണമെന്നും ഷോൺ ജോർജ് ആവശ്യപ്പെട്ടു. രാജി ആവശ്യപ്പെട്ട് ബിജെപി പ്രതിഷേധം ശക്തമാക്കുമെന്നും ഷോണ്‍ അറിയിച്ചു. സിപിഎം ന്യായീകരണവും വാദങ്ങളും ജനം വിലയ്ക്ക് എടുക്കില്ല.

കൊല്ലത്ത് അഭിഭാഷകനെയും സുഹൃത്തിനെയും മർദിച്ച സംഭവം; പൊലീസ് ഉദ്യോഗസ്ഥന് സസ്പെൻഷൻ, പരാതി നൽകിയത് സിസിടിവി ദൃശ്യം സഹിതം

Web Desk — Fri, 09 Oct 2026 11:22:11 +0530

കൊല്ലം: കൊല്ലത്ത് അഭിഭാഷകനെയും സുഹൃത്തിനെയും മർദിച്ചെന്ന പരാതിയിൽ പൊലീസുകാരന് സസ്പെൻഷൻ. ഇരവിപുരം സ്‌റ്റേഷനിലെ സിപിഒ അൽ സഫീറിനെയാണ് സസ്പെൻഡ് ചെയ്തത്. കണ്ണനല്ലൂർ സ്വദേശിയായ ഗുൽസറിനെയും സുഹൃത്തിനെയും അകാരണമായി മർദിച്ചെന്നായിരുന്നു പരാതി. സംഭവത്തിന്‍റെ സിസിടിവി ദൃശ്യം സഹിതം അഭിഭാഷകൻ ഡിജിപിക്കും ആഭ്യന്തര മന്ത്രിക്കും പരാതി നൽകിയിരുന്നു.

മാസപ്പടി കേസ്; ഇഡിയുടേത് രാഷ്ട്രിയ പ്രേരിത കള്ളക്കേസ് ആണെന്ന് എംവി ജയരാജൻ; നിയമപരമായ വഴികൾ സിപിഎം തേടുമെന്ന് പി ജയരാജൻ

Faseela Moidu — Fri, 09 Oct 2026 11:18:00 +0530

തിരുവനന്തപുരം: സിഎംആർഎൽ-എക്സാലോജിക് കേസിൽ ഹൈക്കോടതി വിധിയിൽ പ്രതികരണവുമായി സിപിഎം മുതിർന്ന നേതാക്കളായ പി ജയരാജനും എംവി ജയരാജനും. ഇഡിയുടേത് രാഷ്ട്രിയ പ്രേരിത കള്ളക്കേസ് ആണെന്ന് എംവി ജയരാജൻ പറഞ്ഞു. ഇഡി സർക്കാരിന് നൽകിയ അതേ കത്താണ് കോടതിയിലും. ഇത്തരം ഹർജി വന്നാൽ ബന്ധപ്പെട്ടവരെ കേൾക്കേണ്ടത് സാമാന്യ നീതിയാണ്. അതിവിടെ ഉണ്ടായിട്ടില്ല. ജുഡീഷ്യറിയിൽ നിന്ന് തന്നെ ബന്ധപ്പെട്ടവരെ കേൾക്കാതെ വിധി വരുന്നുവന്നും എംവി ജയരാജൻ പറഞ്ഞു.

നിയമപരമായ തുടർ നടപടി വിധി പകർപ്പ് പരിശോധിച്ച ശേഷം മൊഴിയെടുത്തത് ഭീഷണിപ്പെടുത്തിയാണെന്ന് മൂന്ന് പേർ ഇതിനകം പറഞ്ഞിട്ടുണ്ട്. ഇഡി മെയ്ഡ് മൊഴികൾ കോടതിക്ക് മുന്നിലെത്തിയിരുന്നെങ്കിൽ ഈ വിധി ഉണ്ടാകുമായിരുന്നില്ല. പ്രതിപക്ഷ നേതാക്കളെ വേട്ടയാടുന്ന ഏജൻസിയാണ് ഇഡിയെന്ന കോൺഗ്രസ് നിലപാട് സർക്കാരിന് ഉണ്ടെങ്കിൽ സർക്കാർ തന്നെ അപ്പീൽ പോകേണ്ടതാണെന്നും എംവി ജയരാജൻ പറഞ്ഞു. പിണറായി വിജയൻ വിരുദ്ധ സിന്റിക്കേറ്റാണ് ഷാജഹാൻ പി ജയരാജൻ പറഞ്ഞു. ഹർജിയുമായി പോയ ഷാജഹാൻ ലാവ്ലിൻ കേസിൽ, പിണറായിയെ വേട്ടയാടാൻ മുന്നിൽ നിന്ന ആളാണ്. സ്വാഭാവിക നീതിയുടെ നിഷേധം കോടതിയിൽ നിന്ന് ഉണ്ടായി. നിയമപരമായ വഴികൾ സിപിഎം തേടുമെന്നും പി ജയരാജൻ പറഞ്ഞു.

സിഎംആർഎൽ എക്സാലോജിക് സാമ്പത്തിക ഇടപാടിൽ പിണറായി വിജയനും മുഹമ്മദ് റിയാസിനുമെതിരെ എഫ്ഐആര്‍ രജിസ്റ്റര്‍ ചെയ്ത് അന്വേഷണം നടത്താനാണ് ഹൈക്കോടതി ഉത്തരവ്. ഇഡി കത്തിൽ കേസ് വൈകുന്നതിന് എതിരെ പൊതുപ്രവർത്തകൻ കെ എം ഷാജഹാൻ നൽകിയ ഹർജിയിലാണ് ജസ്റ്റിസ് എ ബദറുദ്ദീന്റെ ബെഞ്ചിൻ്റെ വിധി.

സർക്കാരും സിപിഎമ്മും പ്രതിരോധത്തിൽ

ഹൈക്കോടതി ഉത്തരവിൽ പ്രതികരിച്ച് ജോൺ ബ്രിട്ടാസ് എംപി

'67 മണ്ഡലങ്ങളിൽ അസാധാരണമായി വോട്ട് വർധിച്ചു, പലയിടങ്ങളിലും കുറഞ്ഞു', അഭിജീത്തിന്‍റെ ആരോപണത്തില്‍ പിടിച്ചുകയറാൻ സിപിഎം; പ്രതികരിച്ച് പി രാജീവ്

Web Desk — Fri, 09 Oct 2026 10:52:43 +0530

തിരുവനന്തപുരം: കഴിഞ്ഞ കേരള നിയമ സഭ തെരഞ്ഞെടുപ്പിൽ മുൻ മുഖ്യമന്ത്രി പിണറായി വിജയന്‍റെ നേതൃത്വത്തിലുള്ള ഇടത് സർക്കാർ വീഴാൻ കാരണം എസ്ഐആർ ആണെന്ന അഭിജീത് ദീപ്കെയുടെ പരാമർശത്തിന് പിന്നാലെ കേരള രാഷ്ട്രീയത്തില്‍ വാദ പ്രതിവാദങ്ങങ്ങൾ ശക്തമായിരിക്കുകയാണ്. കേരളത്തിലെ പിണറായിയുടെ തോൽവിയും തമിഴ്നാട്ടിൽ സ്റ്റാലിന്‍റെ തോൽവിയും ആസൂത്രിതമാണെന്നും ഈ തോൽവികൾ യാദൃശ്ചികമായി സംഭവിച്ചതെന്ന് കരുതാനാകില്ല, വോട്ടർമാർ ഒഴിവാക്കപ്പെടുന്നതു കൊണ്ട് ഗുണം ബിജെപിക്ക് മാത്രമാണ്, ജീവിച്ചരിക്കുന്നവകരെ മരിച്ചവരാക്കി മാറ്റുന്നത് എങ്ങനെയാണ്? എന്ന് അഭിജീത് ദീപ്കെ ചോദിച്ചു. പിന്നാലെ ഇതിനെ എതിർത്തുകൊണ്ട് കോണ്‍ഗ്രസ് രംഗത്തെത്തിയിരുന്നു. എന്നാല്‍, കേരളത്തിൽ 67 മണ്ഡലങ്ങളിൽ അസാധാരണമായി വോട്ട് വർധിച്ചു എന്നും ചില മണ്ഡലങ്ങളിൽ വോട്ട് കുറഞ്ഞു എന്നും സിപിഎം നേതാവ് പി രാജീവ് പ്രതികരിച്ചു. വോട്ടിങ് മെഷിനിൽ ക്രമക്കേടുകൾ നടന്നെന്ന് സമ്മതിച്ചത് ഖർഗെയാണെന്നും കേരളത്തിൽ അസാധാരണ സംഭവമുണ്ടായി, തിരഞ്ഞെടുപ്പിന് നേതൃത്വം നൽകിയ ഉദ്യോഗസ്ഥനെ മുഖ്യമന്ത്രിയുടെ സെക്രട്ടറിയായി നീയമിച്ചിരിക്കുന്നു, അഭിജീത്ത് ദീപ്കെ പലതവണ വിഷയം ഉന്നയിച്ചു എന്നും അദ്ദേഹം പറഞ്ഞു.

എന്നാല്‍ സിപിഎം നിലപാടിന് വിരുദ്ധമായ അഭിപ്രായമാണ് മുൻ എംഎൽഎയും സിപിഎം കേന്ദ്ര കമ്മിറ്റി അംഗവുമായ കെകെ ശൈലജ വിഷയത്തില്‍ അറിയിച്ചത്. വോട്ടർപട്ടിക പരിഷ്ക്കരണമാണ് കേരളത്തിൽ എൽഡിഎഫ് പരാജയപ്പെടാൻ കാരണമെന്ന് പയാനാവില്ലെന്നും വോട്ടർപട്ടിക പരിഷ്ക്കരണം പല കാരണങ്ങളിൽ ഒന്നാകാം. ഇടതുപക്ഷത്തിന്‍റെ വോട്ടുകൾ ഒഴിവാക്കാൻ കോൺഗ്രസ് ശ്രമിച്ചിട്ടുണ്ട്. അനധികൃതമായി വോട്ട് ചേർക്കാനും യുഡിഎഫ് എസ്ഐആറിനെ ഉപയോഗിച്ചു. എന്നാൽ അന്നത്തെ എൽഡിഎഫ് സർക്കാർ ജാഗ്രത കിട്ടിയതിനാൽ വലിയ അട്ടിമറി നടന്നിട്ടില്ലെന്നും ശൈലജ പറഞ്ഞു.

ആഞ്ഞടിച്ച് അഭിജീത് ദീപ്കെ

കേരളത്തിലെ തെരഞ്ഞെടുപ്പ് വിജയം കനത്ത യുഡിഎഫ് തരംഗം കൊണ്ട്; സിജെപി ആരോപണം തള്ളി മന്ത്രി സണ്ണി ജോസഫ്

Faseela Moidu — Fri, 09 Oct 2026 10:17:53 +0530

തിരുവനന്തപുരം: കേരളത്തിലെ തെരഞ്ഞെടുപ്പ് വിജയവുമായി ബന്ധപ്പെട്ട് സിജെപി ഉയർത്തിയ ആരോപണം തള്ളി കെപിസിസി അധ്യക്ഷൻ സണ്ണി ജോസഫ്. കേരളത്തിലെ വിജയം കനത്ത യുഡിഎഫ് തരംഗം കൊണ്ടാണെന്നും കേരളത്തിലേതും അട്ടിമറിയാണെങ്കിൽ തദ്ദേശഭരണ തെരഞ്ഞെടുപ്പിൽ യുഡിഎഫിന് വൻവിജയം നേടാൻ എങ്ങനെ കഴിഞ്ഞുവെന്നും സണ്ണി ജോസഫ് പ്രതികരിച്ചു. തദ്ദേശഭരണ തെരഞ്ഞെടുപ്പ് ആ വോട്ടർ പട്ടികയുടെ അടിസ്ഥാനത്തിൽ ആയിരുന്നില്ല. എസ്ഐആർ ഉണ്ടായിരുന്നില്ലെന്നും സണ്ണി ജോസഫ് പറഞ്ഞു. കേരളത്തിലെ എൽ‌ഡിഎഫ് തോൽവി എസ്ഐആർ അട്ടിമറിയുടെ ഫലം എന്നായിരുന്നു സിജെപി ആരോപണം.

കേരളത്തിൽ ഇടതുപക്ഷത്തിന്റെ മൂന്നു സീറ്റുകളിൽ ബിജെപിക്ക് ജയിക്കാനായി. സിജെപിയുടെ ആരോപണത്തിൽ അവർ തന്നെ വിശദീകരിക്കണം. പിന്നിൽ ആരെങ്കിലും ഉണ്ടോ എന്ന് പരിശോധിക്കണമെന്നും സണ്ണി ജോസഫ് പറഞ്ഞു. ബിആർഎം ഷെഫീറിന്റെ ഭാര്യയുടെ നിയമനവുമായി ബന്ധപ്പെട്ട വാർത്തകൾ താനും വായിച്ചുവെന്നാണ് സണ്ണി ജോസഫ് പ്രതികരിച്ചത്. സംഭവം ശ്രദ്ധയിൽപ്പെട്ടോ എന്ന ചോദ്യത്തിനായിരുന്നു മന്ത്രിയുടെ പ്രതികരണം. ഞാനും വാർത്തകൾ വായിച്ചു എന്ന് ആവർത്തിച്ച് സണ്ണി ജോസഫ് കെപിസിസി സർക്കാർ പാർട്ടി ഏകോപനസമിതി- ഏകോപനം എല്ലാ കാലത്തും വേണം. എന്തെങ്കിലും തീരുമാനം ഉണ്ടായാൽ ഹൈക്കമാൻഡ് അറിയിക്കും. മീറ്റർ റീഡർമാർ ഇപ്പോൾ സമരം ചെയ്യേണ്ട ഒരു ആവശ്യവും ഇല്ല. വൈകിട്ട് ചർച്ച നടത്തുമെന്നും മന്ത്രി കൂട്ടിച്ചേർത്തു.

കേരളത്തിൽ സിപിമ്മിന്‍റെ പരാജയകാരണം വോട്ടർപട്ടിക പരിഷ്ക്കരണം ആണെന്ന് പറയാനാവില്ല, വലിയ അട്ടിമറി നടന്നിട്ടില്ലെന്ന് കെകെ ശൈലജ

Vishnu KV — Fri, 09 Oct 2026 10:16:17 +0530

തിരുവനന്തപുരം: വോട്ടർപട്ടിക പരിഷ്ക്കരണമാണ് കേരളത്തിൽ എൽഡിഎഫ് പരാജയപ്പെടാൻ കാരണമെന്ന് പയാനാവില്ലെന്ന് സിപിഎം കേന്ദ്ര കമ്മിറ്റി അംഗം കെകെ ശൈലജ. വോട്ടർപട്ടിക പരിഷ്ക്കരണം പല കാരണങ്ങളിൽ ഒന്നാകാം. ഇടതുപക്ഷത്തിന്‍റെ വോട്ടുകൾ ഒഴിവാക്കാൻ കോൺഗ്രസ് ശ്രമിച്ചിട്ടുണ്ട്. അനധികൃതമായി വോട്ട് ചേർക്കാനും യുഡിഎഫ് എസ്ഐആറിനെ ഉപയോഗിച്ചു. എന്നാൽ അന്നത്തെ എൽഡിഎഫ് സർക്കാർ ജാഗ്രത കിട്ടിയതിനാൽ വലിയ അട്ടിമറി നടന്നിട്ടില്ലെന്നും ശൈലജ പറഞ്ഞു. കേരളത്തിലും തമിഴ്നാട്ടിലും ഉണ്ടായ ഭരണമാറ്റത്തിന് വോട്ടർ പട്ടികയിലെ പ്രത്യേക തീവ്ര പുനഃപരിശോധനയായ എസ്‌ഐആർ കാരണമായെന്ന കോക്രോച്ച് ജനതാ പാർട്ടി (സിജെപി) സ്ഥാപകൻ അഭിജീത് ദീപ്കെയുടെ പരാമർശത്തോട് പ്രതികരിക്കുകയായിരുന്നു കെകെ ശൈലജ.

എന്നാൽ വോട്ടർ പട്ടിക പരിഷ്ക്കരണം കഴിഞ്ഞ നിയമസഭ തെരഞ്ഞെടുപ്പ് ഫലത്തെ സ്വാധീനിച്ചുവെന്ന് സിപിഎം നേതാവ് കെ.എൻ ബാലഗോപാൽ പറഞ്ഞു. ഇത് സാധൂകരിക്കുന്ന കണക്കുകൾ ഉദ്ധരിച്ചുള്ള പഠന റിപ്പോർട്ടുകളുണ്ട്. ബിജെപിയുടെ വിജയത്തിലും അത് പ്രതിഫലിച്ചു. അല്ലാതെയും കോൺഗ്രസ് വോട്ട് മറിച്ചിട്ടുണ്ട്. എസ്ഐആറിന്‍റെ ആനുകൂല്യം യുഡിഎഫിനും ബിജെപിക്കും കിട്ടിയിട്ടുണ്ട്. വരുന്ന ലോക്സഭ തെരഞ്ഞെടുപ്പിലും ബിജെപിക്ക് ഇതിന്‍റെ ആനുകൂല്യം കിട്ടുമെന്നും ബാലഗോപാൽ ആരോപിച്ചു.

അതേസമയം കേരളത്തിൽ ഇടതുപക്ഷ സർക്കാരിന്റെ പരാജയത്തിന് കാരണം ഭരണവിരുദ്ധ വികാരമാണെന്നും തിരഞ്ഞെടുപ്പ് ഫലത്തെ എസ്‌ഐആറുമായി ബന്ധിപ്പിക്കാനാകില്ലെന്നുമാണ് കോൺഗ്രസിന്റെ നിലപാട്. കേരളത്തിലെ തിരഞ്ഞെടുപ്പ് ഫലത്തെ എസ്‌ഐആറുമായി ബന്ധിപ്പിക്കുന്നത് യാഥാർഥ്യങ്ങളിൽനിന്ന് ശ്രദ്ധതിരിക്കാനാണെന്നും ജനവിധിക്ക് പിന്നിൽ ഭരണവിരുദ്ധ വികാരമാണെന്നുമാണ് കോൺഗ്രസ് വാദിക്കുന്നത്. സിജെപിയുടെ ആരോപണങ്ങൾ ബിജെപിക്ക് രാഷ്ട്രീയമായി സഹായകരമാകുന്ന രീതിയിലുള്ളതാണെന്നും കോൺഗ്രസ് വിമർശിക്കുന്നു.

വിവരാവകാശ നിയമപ്രകാരം അപേക്ഷ നൽകുന്നവരെ നിരീക്ഷിക്കാൻ കൊച്ചി കോർപ്പറേഷൻ; അപേക്ഷകരുടെ വിവരങ്ങൾ ശേഖരിച്ച് വിജിലൻസിന് കൈമാറും; എതിർത്ത് എൽഡിഎഫ്

Web Desk — Fri, 09 Oct 2026 09:57:14 +0530

കൊച്ചി: സ്ഥിരമായി വിവരാവകാശ നിയമപ്രകാരം അപേക്ഷ സമർപ്പിക്കുന്നവരെ നിരീക്ഷിക്കാൻ കൊച്ചി കോർപ്പറേഷൻ കൗൺസിൽ യോഗത്തിൽ തീരുമാനം. ഇത്തരം അപേക്ഷകരുടെ വിവരങ്ങൾ ശേഖരിക്കാൻ കോർപ്പറേഷൻ സെക്രട്ടറിക്ക് കൗൺസിൽ യോഗം നിർദ്ദേശം നൽകി. ശേഖരിക്കുന്ന വിവരങ്ങൾ വിജിലൻസിന് കൈമാറി അപേക്ഷകർക്കെതിരെ അന്വേഷണം നടത്താനും യോഗത്തിൽ തീരുമാനമായിട്ടുണ്ട്.

കൗൺസിൽ യോഗത്തിൽ യു.ഡി.എഫ് കൗൺസിലർമാരാണ് സ്ഥിരമായി വിവരാവകാശ അപേക്ഷ നൽകുന്നവരുടെ ചിത്രങ്ങൾ കോർപ്പറേഷൻ ഓഫീസിൽ പതിപ്പിക്കണമെന്ന ആവശ്യം ഉന്നയിച്ചത്. കൂടാതെ അപേക്ഷകരെ 'വിവരാവകാശ തൊഴിലാളികൾ' എന്ന് വിളിച്ച് അധിക്ഷേപിച്ചതായും ആക്ഷേപമുണ്ട്. അതേസമയം, കോർപ്പറേഷന്റെ ഈ നീക്കം തികച്ചും ജനാധിപത്യവിരുദ്ധമാണെന്ന് ചൂണ്ടിക്കാട്ടി കൗൺസിൽ യോഗത്തിൽ ശക്തമായ എതിർപ്പ് ഉയർന്നതായി എൽ.ഡി.എഫ് കൗൺസിലർ എലിസബത്ത് ടീച്ചർ വ്യക്തമാക്കി.

സിസിടിവി ദൃശ്യം നോക്കി രൂപരേഖയുണ്ടാക്കി, താമസസ്ഥലത്ത് എത്തിയപ്പോൾ പൊലീസിനെ ആക്രമിച്ച് പ്രതി; സ്‌കൂട്ടർ മോഷണക്കേസിൽ അറസ്റ്റ്

Web Desk — Fri, 09 Oct 2026 09:35:59 +0530

കാക്കനാട്: ഇൻഫോപാർക്ക് പോലീസ് സ്റ്റേഷൻ പരിധിയിലെ രാജഗിരി കോളേജിന് സമീപത്ത് നിന്നും സുസുക്കി ആക്സിസ് സ്കൂട്ടർ മോഷണം നടത്തിയ കേസിലെ പ്രതിയെ പോലീസ് അറസ്റ്റ് ചെയ്തു. കാക്കനാട് പടമുകൾ സ്വദേശി എബിൻ പീറ്റർ (36) ആണ് അറസ്റ്റിലായത്. ഇൻഫോപാർക്ക് പോലീസ് സ്റ്റേഷൻ സബ്ബ് ഇൻസ്പെക്ടർ സനീഷ് റ്റി.എസ്സിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.

കഴിഞ്ഞ സെപ്റ്റംബർ 28-ന് രാവിലെ 8:20-നും വൈകിട്ട് 3:15-നും ഇടയിലാണ് കേസിനാസ്പദമായ സംഭവം. കാക്കനാട് വില്ലേജ് രാജഗിരി വാലിയിൽ, രാജഗിരി കോളേജിന് സമീപമുള്ള റോഡരികിൽ പാർക്ക് ചെയ്തിരുന്ന കോതമംഗലം പല്ലാരിമംഗലം സ്വദേശിയുടെ സ്കൂട്ടറാണ് പ്രതി മോഷ്ടിച്ചുകൊണ്ട് പോയത്. വാഹന ഉടമയുടെ പരാതിയിൽ ഇൻഫോപാർക്ക് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിക്കുകയായിരുന്നു.

സംഭവം നടന്ന സ്ഥലത്തിന് സമീപത്തെ സി.സി.ടി.വി ദൃശ്യങ്ങളിൽ നിന്ന് ലഭിച്ച പ്രതിയുടെ രൂപരേഖ കേന്ദ്രീകരിച്ച് നടത്തിയ സമഗ്രമായ അന്വേഷണമാണ് പ്രതിയിലേക്ക് എത്തിയത്. പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പ്രതിയുടെ താമസസ്ഥലത്ത് എത്തിയ പോലീസ് സംഘത്തെ ആക്രമിച്ച് രക്ഷപെടാൻ ശ്രമിച്ച എബിൻ പീറ്ററെ പോലീസ് അതിസാഹസികമായി കീഴ്പെടുത്തുകയായിരുന്നു. പ്രതിയുടെ വീടിന് സമീപത്ത് നിന്നും നമ്പർ പ്ലേറ്റ് അഴിച്ചുമാറ്റിയ നിലയിൽ മോഷണം പോയ സ്കൂട്ടർ പോലീസ് കസ്റ്റഡിയിലെടുത്തു. സ്കൂട്ടറിന്റെ നമ്പർ പ്ലേറ്റ് അഴിച്ചുമാറ്റി കടത്തിക്കൊണ്ടുപോയി പൊളിച്ചുവിൽക്കാനുള്ള ശ്രമമാണ് പോലീസിന്റെ സമയോചിതമായ ഇടപെടലിലൂടെ തകർത്തത്. പ്രതി അന്തർസംസ്ഥാന വാഹന മോഷണ ശൃംഖലയിൽപ്പെട്ടയാളാണോ എന്ന കാര്യം പോലീസ് പരിശോധിച്ച് വരികയാണ്. ഇൻഫോപാർക്ക് എസ്.എച്ച്.ഒ സനീഷ് റ്റി.എസ്, എസ്.ഐ നജീബ്, എസ്.സി.പി.ഒ അനീഷ് റ്റി.ജെ, സി.പി.ഒ സുജിത് രാജേന്ദ്രൻ, സി.പി.ഒ സുമേഷ് സി.എസ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

തദ്ദേശ വകുപ്പിലെ ഉദ്യോഗസ്ഥ പോര്; മത്സരവും ചേരിതിരിവും ഇല്ലെന്ന് ദിവ്യ എസ് അയ്യർ, ഭാഗം വ്യക്തമാക്കി ഇൻസ്റ്റഗ്രാമിൽ പോസ്റ്റ്

Web Desk — Fri, 09 Oct 2026 09:30:55 +0530

തിരുവനന്തപുരം: തദ്ദേശ വകുപ്പിലെ ഉദ്യോഗസ്ഥ പോര് വാർത്തകൾക്ക് പിന്നാലെ സോഷ്യല്‍ മീഡിയ പോസ്റ്റുമായി ദിവ്യ എസ് അയ്യർ. പോരും മത്സരവും ഇല്ലെന്നും മനുഷ്യരെ സ്നേഹിക്കുന്നു, പുൽകുന്നു, പുകഴ്ത്തുന്നു എന്ന പഴിയെ ഇതുവരെ കേട്ടിട്ടുള്ളൂ, ഒരാളോടും പോരും മത്സരവും ചേരിതിരിവും ഉണ്ടായിട്ടില്ല. വ്യക്തമായ നിർദേശത്തിന്‍റെ അടിസ്ഥാനത്തിൽ കൃത്യനിർവഹണം നടത്തിയിട്ടുണ്ട്. പ്രചാരണങ്ങൾ ഭാവന വിരാജിതമാണ്. വലിയ സത്യങ്ങളും ചെറിയ നുണകളും തമ്മിലാണ് പോരെന്നും ദിവ്യ ഇൻസ്റ്റഗ്രാമിൽ പങ്കുവെച്ച് പോസ്റ്റില്‍ വ്യക്തമാക്കി. തദ്ദേശ വകുപ്പിലെ മാലിന്യ മുക്ത കേരളം പരിപാടിയിൽ ഉന്നത ഉദ്യോഗസ്ഥരുടെ പോര് രൂക്ഷമാണെന്നും മാലിന്യനിർമാർജനത്തിന് തദ്ദേശ വകുപ്പിന്റേതായി രണ്ട് പദ്ധതികൾ ആവിഷ്കരിച്ചു. നിർമ്മലം പദ്ധതിക്ക് പുറമെ ഐസി 100 ചലഞ്ച് എന്ന പേരിലും പദ്ധതി ആരംഭിച്ചു. തദ്ദേശ വകുപ്പ് സെക്രട്ടറി ടി.വി. അനുപമയും പ്രിൻസിപ്പൽ ഡയറക്ടർ ദിവ്യ എസ്. അയ്യരും തമ്മിലെ തർക്കമാണ് രണ്ട് പദ്ധതികൾക്ക് കാരണമെന്നുമായിരുന്നു പുറത്തുവന്ന വാർത്ത.

ടി.വി. അനുപമയുടെ നേതൃത്വത്തിൽ പ്രഖ്യാപിച്ച നിർമലം പരിപാടിയിൽ തനിക്ക് പ്രാധാന്യമില്ലെന്ന് ദിവ്യ എസ് അയ്യർ മന്ത്രിയെ കണ്ടു പരാതി അറിയിച്ചിരുന്നു. പിന്നാലെയാണ് ഐസി 100 എന്ന പദ്ധതി പ്രഖ്യാപിച്ചത്. പ്രിൻസിപ്പൽ ഡയറക്ടർക്ക് പ്രാതിനിധ്യം ഇല്ലെന്ന പരാതി പരിഹരിക്കാനാണ് രണ്ടു പദ്ധതി പ്രഖ്യാപിക്കേണ്ടി വന്നത്. ഐസി 100 പദ്ധതിയിൽ വകുപ്പ് സെക്രട്ടറി അനുപമയ്ക്ക് റോൾ ഇല്ലെന്നും ആക്ഷേപമുയർന്നു. വാര്‍ത്ത പുറത്ത് വന്നതോടെ എന്നാൽ രണ്ടും വ്യത്യസ്ത പരിപാടികളാണെന്നാണ് തദ്ദേശവകുപ്പിന്‍റെ വിശദീകരണം. ഒക്ടോബർ രണ്ടിന് പറവൂരിൽ മുഖ്യമന്ത്രിയാണ് നിർമ്മലം പരിപാടിയുടെ ഉദ്ഘാടനം നിർവഹിച്ചത്. സർക്കാറിന്‍റെ 100 ദിന കർമ്മപരിപാടിയുടെ ഭാഗമായുള്ള പൊതുജനപങ്കാളിത്തതോടെയുള്ള ക്യാമ്പയിൻ എന്നാണ് വിശേഷിപ്പിച്ചത്. 2031 വരെ നീളുന്ന വിപുലമായ പ്രവർത്തനങ്ങളാണ് ലക്ഷ്യം. നിർമ്മലം പുതുയുഗ ശുചിത്ര കേരളം പദ്ധതിയുടെ ഉത്തരവിറക്കിയത് തദ്ദേശ വകുപ്പ് സെക്രട്ടറി ടിവി അനുപമയായിരുന്നു.

കഴിഞ്ഞ മാസം 30നായിരുന്നു ഉത്തരവിറക്കിയത്. തദ്ദേശ വകുപ്പിലെ വിവിധ ഉദ്യോഗസ്ഥരുടെ ചുമതലകളെ കുറിച്ച് ഉത്തരവിൽ വിശദമായി പറയുന്നുണ്ട്. ഇതി തനിക്ക് കാര്യമായി റോളില്ലെന്ന പരാതി തദ്ദേശ വകുപ്പ് പ്രിൻസിപ്പിൽ ഡയറക്ടർ ദിവ്യ എസ് അയ്യ‍ർക്കുണ്ടെന്നാണ് വിവരം. സംസ്ഥാന ഏകോപനസമിതിയിൽ തദ്ദേശ വകുപ്പ് പ്രിൻസിപ്പൽ ഡയറകടര്‍ അംഗം മാത്രമാണ്. ഡയറക്ടർ മന്ത്രിയെ അതൃപ്തി അറിയിച്ചെന്നാണ് സൂചന. പിന്നാലെ ഐസി 100 ചലഞ്ച് എന്ന പേരിൽ പ്രിൻസിപ്പൽ ഡയറക്ടർ ഉത്തരവിറക്കി. ഉത്തരവ് ഇറക്കിയത് നിർമ്മലത്തിന്‍റെ ഉദ്ഘാടനം നടന്ന ഒക്ടോബർ രണ്ടിനായിരുന്നു.

ചലഞ്ചിലും പറയുന്നത് പൊതുജന പങ്കാളിത്തത്തോടെയുള്ള ജനകീയ ക്യാമ്പയിൻ എന്നാണ്. രണ്ട് പദ്ധതിയുടെയുടെ ഉത്തരവുകളിൽ ഉള്ളത് സമാന പ്രചാരണപരിപാടികണെന്നതും കൗതുകം. രണ്ട് ഉത്തരവുകൾ വിവാദമായതോടെ തർക്കങ്ങളില്ലെന്ന് പറ‍ഞ്ഞ് തദ്ദേശ വകുപ്പ് കൈയൊഴിഞ്ഞു. നിർമ്മലം അഞ്ച് വർഷത്തേക്കുള്ള വിപുലമായ പദ്ധതിയാണെന്നും ഐസി ചലഞ്ച് 100 ദിവസത്തേക്ക് വാർഡുകളിലേക്കുള്ള പദ്ധതിയാണെന്നുമാണ് വിശദീകരണം. നിർമ്മലത്തിൻറെ ഭാഗമാണ് ഐസി ചലഞ്ചെന്നുമാണ് വാദം.

കാസർകോട് ദേശീയ പാതയിൽ ഒരേ സമയം നാലു വാഹനങ്ങൾ അപകടത്തിൽപ്പെട്ടു; ആർക്കും ഗുരുതര പരിക്കില്ല

Web Desk — Fri, 09 Oct 2026 08:52:23 +0530

കാസർകോട്: ദേശീയ പാതയിൽ ഒരേ സമയം നാലു വാഹനങ്ങൾ അപകടത്തിൽപ്പെട്ടു. കാസർകോട് മൊഗ്രാൽ പുത്തൂർ ഗ്രാമപഞ്ചായത്ത് ഓഫീസിന് മുന്നിൽ കല്ലങ്കൈയിയിലാണ് ഇന്ന് പുലർച്ചെ 2:30ന് തുടർച്ചയായി അപകടങ്ങൾ ഉണ്ടായത്. ഹൈവേയിലൂടെ പോവുകയായിരുന്ന കാർ സൈഡിൽ ഇടിച്ചു. പുറകിൽ ഉണ്ടായിരുന്ന ലോറി കാറിലും അതിന്‍റെ പുറകിൽ ഉണ്ടായിരുന്ന മൂകാംബികയിലേക്ക് പോകുകയായിരുന്ന ബസ് ലോറിയിലും ഇടിച്ചു. ഇടിയിൽ കാറിന്‍റെ ചില്ലുകൾ തകർന്നു.ഈവഴി തന്നെ പോവുകയായിരുന്ന ഇരു ചക്ര വാഹനം പെട്ടെന്ന് ബ്രേക്ക്‌ പിടിച്ചതിനാൽ നിയന്ത്രണം വിട്ട് ചില്ലുകളിലേക്ക് മറിയുകയും യാത്രക്കാരനായ ഒരാൾക്ക് പരിക്കേൽക്കുകയും ചെയ്തു.

ഉടൻ തന്നെ ഫയർഫോഴ്സെത്തി പൊട്ടിയ ചില്ലുകൾ റോഡ് സൈഡിലേക്ക് നീക്കം ചെയ്തു. ഇടിച്ച ബസ്സിൽ ഉണ്ടായിരുന്ന യാത്രക്കാർക്ക് ബസ്സിന്‍റെ മുൻവശ വാതിലിലൂടെ പുറത്തിറങ്ങാൻ സാധിക്കാത്തതിനാൽ അഗ്നിരക്ഷാ സേനയുടെ ഏണി വെച്ചു എമർജൻസി ഡോറിലൂടെ സുരക്ഷിതമായി താഴേക്കിറക്കുകയായിരുന്നു. ആർക്കും ഗുരുതര പരിക്കില്ലെന്നാണ് ലഭിക്കുന്ന വിവരം.

സീനിയർ ഫയർ ആൻഡ് റെസ്ക്യൂർ ഓഫീസർ സുകു വർഗീസ്, ഫയർ ആൻഡ് റെസ്ക്യൂ ഓഫീസർമാരായ വൈശാഖ് എം എ, സിറാജ്ജുദ്ധീൻ പി സി , രമേശ്‌, പ്രണവ്, ഹരി കുമാർ, ഒക്കെ പ്രജിത്, അനന്ദു ജെ, ഹോം ഗാർഡുമാരായ രാജേന്ദ്രൻ എ, സുഭാഷ് സി വി എന്നിവർ രക്ഷാപ്രവർത്തനത്തിൽ പങ്കെടുത്തു. നാട്ടുകാരും ഓടികൂടിയിരുന്നു.

വീട്ടിൽ നിന്ന് പുറത്തിറങ്ങാനാവാത്ത സ്ഥിതി, നാട്ടുകാർ രാത്രി സംഘടിച്ചെത്തി; കോഴിക്കോട് തോട്ടുമുക്കത്ത് മലിനജലം റോഡിലേക്ക് ഒഴുക്കിയ ലോറി തടഞ്ഞു

Web Desk — Fri, 09 Oct 2026 08:44:16 +0530

തോട്ടുമുക്കം: മത്സ്യം കൊണ്ടുപോകുന്ന വലിയ ലോറിയില്‍ നിന്ന് മലിന ജലം റോഡിലേക്ക് ഒഴുക്കി വിട്ടതിനെ തുടര്‍ന്ന് നാട്ടുകാര്‍ വാഹനം തടഞ്ഞു. കോഴിക്കോട് തോട്ടുമുക്കം കുരിശുപള്ളിക്ക് സമീപമാണ് സംഭവം. വേസ്റ്റ് കൊണ്ടുപോകുന്ന വാഹനത്തില്‍ നിന്ന് മലിനജലം റോഡിലേക്ക് ഒഴുകുന്നതായും ദുര്‍ഗന്ധം കാരണം പ്രദേശവാസികള്‍ ദുരിതത്തിലാണെന്നും ആരോപിച്ച് നാട്ടുകാര്‍ വാഹനം തടയുകയായിരുന്നു.

കക്കാടംപൊയില്‍ കൊളാജന്‍ മീന്‍ ഫാക്ടറിയിലേക്ക് മത്സ്യവുമായി പോകുകയായിരുന്ന വാഹനമാണ് നാട്ടുകാര്‍ തടഞ്ഞത്. വാഹനത്തില്‍ നിന്ന് മാലിന്യം കലര്‍ന്ന് വെള്ളം റോഡിലേക്ക് ഒഴുക്കിവിടുന്നത് പതിവാണെന്ന് നാട്ടുകാര്‍ പറയുന്നു. ഇതുമൂലം റോഡില്‍ ദുര്‍ഗന്ധം പടരുകയും വീടുകളില്‍ നിന്ന് പുറത്തിറങ്ങാന്‍ പോലും കഴിയാത്ത സാഹചര്യമുണ്ടാകുന്നതായും പ്രദേശവാസികള്‍ കുറ്റപ്പെടുത്തി. നിരവധി തവണ വാഹന ഉടമകളോടും ജീവനക്കാരോടും നാട്ടുകാര്‍ പരാതി പറഞ്ഞിരുന്നു. പരാതിയെ തുടര്‍ന്ന് പലതവണ റോഡ് വൃത്തിയാക്കി നല്‍കുകയും ചെയ്തിട്ടുണ്ട്. എന്നാല്‍ വീണ്ടും സമാനമായ രീതിയില്‍ മാലിന്യവും മലിനജലവും റോഡില്‍ വീഴുന്നത് തുടര്‍ന്നതോടെയാണ് നാട്ടുകാര്‍ പ്രതിഷേധവുമായി രംഗത്തെത്തിയത്. തുടര്‍ന്ന് പഞ്ചായത്ത് അംഗം സന്തോഷ് സെബാസ്റ്റ്യന്റെ നേതൃത്വത്തില്‍ നാട്ടുകാരുമായി നടത്തിയ ചര്‍ച്ചയില്‍ റോഡ് പൂര്‍ണമായും വൃത്തിയാക്കി നല്‍കാമെന്ന് വാഹന ജീവനക്കാര്‍ ഉറപ്പ് നല്‍കി. സംഭവത്തില്‍ ആരോഗ്യവകുപ്പ് അധികൃതര്‍ക്ക് പരാതി നല്‍കാന്‍ നാട്ടുകാര്‍ തീരുമാനിച്ചിട്ടുണ്ട്.

കേരളത്തിലെ ഭരണമാറ്റം; അഭിജീത് ദീപ്കെയുടെ ആരോപണത്തെ എതിർത്ത് കോണ്‍ഗ്രസ്, ഭരണവിരുദ്ധതയാണ് വിജയത്തിന് പിന്നിലെന്ന് വാദം

Web Desk — Fri, 09 Oct 2026 07:57:48 +0530

തിരുവനന്തപുരം: ഇക്കഴിഞ്ഞ കേരള നിയമ സഭ തെരഞ്ഞെടുപ്പിൽ മുൻ മുഖ്യമന്ത്രി പിണറായി വിജയന്‍റെ നേതൃത്വത്തിലുള്ള ഇടത് സർക്കാർ വീഴാൻ കാരണം എസ്ഐആർ എന്ന വാദം തള്ളി കോണ്‍ഗ്രസ്. ഇന്നലെ കോക്റോച്ച് ജനതാ പാർട്ടി സ്ഥാപകൻ അഭിജീത് ദീപ്കെ കേരളത്തിലെയും തമിഴ്നാട്ടിലെയും ഭരണമാറ്റത്തിന് കാരണം എസ്ഐആർ ആണെന്ന് അഭിപ്രായപ്പെട്ടിരുന്നു. പിന്നാലെ വലിയ രീതിയിലുള്ള വിമർശനവും ഉയർന്നു. ഇത് ഏറ്റുപിടിച്ച് ബിജെപിയും രംഗത്തെത്തിയിട്ടുണ്ട്. എന്നാല്‍ കേരളത്തിൽ കണ്ടത് ഭരണ വിരുദ്ധ വികാരമാണെന്നും കേരളത്തിലെ തെരഞ്ഞെടുപ്പ് ഫലവും എസ്ഐആറുമായി മായി ബന്ധമില്ല, സിജെപിയുടെ ഈ ആരോപണം ബിജെപിയെ സഹായിക്കാനാണ് എന്നുമാണ് കോണ്‍ഗ്രസ് നിലവില്‍ ഈ വിഷയത്തിൽ ഉയർത്തുന്ന പ്രതിരോധം.ക്രമക്കേട് നടന്നിട്ടുണ്ടെങ്കില്‍ മുഖ്യമന്ത്രി രാജിവെക്കണം എന്നാണ് ബിജെപിയുടെ ആവശ്യം.

ആഞ്ഞടിച്ച് അഭിജീത് ദീപ്കെ

ജി ബൈജുവിൻ്റെ സെക്രട്ടറി നിയമനം: ഉദ്യോഗസ്ഥയ്ക്കെതിരായ പരാതിയിൽ നിയമോപദേശം തേടി തിരുവിതാംകൂര്‍ ദേവസ്വം ബോർഡ്

Aishwarya S Babu — Fri, 09 Oct 2026 07:51:10 +0530

തിരുവനന്തപുരം: 2023ലെ തിരുവിതാംകൂര്‍ ബോര്‍ഡ് സെക്രട്ടറി നിയമനത്തിൽ ഉദ്യോഗസ്ഥയ്ക്കെതിരായ അച്ചടക്ക നടപടി ആവശ്യത്തിൽ നിയമോപദേശം തേടി ബോര്‍ഡ്. തിരുവാഭരണം കമ്മീഷണറായിരുന്ന ജി ബൈജുവിനെ സ്പെഷൽ റൂള്‍സിന് വിരുദ്ധമായി സ്ഥലം മാറ്റത്തിലൂടെ സെക്രട്ടറിയാക്കിയെന്ന പരാതിയിലാണ് ഉപദേശം തേടിയത്. നിലവിൽ ദേവസ്വം മന്ത്രിയുടെ പേഴ്സണൽ സ്റ്റാഫംഗമാണ് ബൈജു.

2023 ജൂണ്‍ 13ന് ജി ബൈജുവിനെ സെക്രട്ടറിയായി സ്ഥലം മാറ്റി ബോര്‍ഡ് ഇറക്കിയ ഉത്തരവ് 2022 ജൂണ്‍ 20ന് നിലവിൽ വന്ന സ്പെഷൽ റൂള്‍സിന് വിരുദ്ധമെന്നാണ് പരാതി. ഡെപ്യൂട്ടി കമ്മീഷണര്‍ തസ്തികയിൽ ബിരുദമുള്ളവരെ സ്ഥാനക്കറ്റം വഴി നിയമിക്കണമെന്നാണ് സ്പെഷൽ റൂള്‍സിലെ നിര്‍ദേശം. വകുപ്പുതല പ്രൊമോഷൻ സമിതി അംഗീകരിച്ച പട്ടികയിലുള്ളവരെയാണ് സ്ഥാനക്കയറ്റത്തിന് പരിഗണിക്കേണ്ടത്. ഇതിന് വിരുദ്ധമായി തിരുവാഭരണം കമ്മീഷണറായിരുന്ന ബൈജുവിനെ സ്ഥലം മാറ്റിയതെന്നാണ് വാദം.

തിരുവാഭരണം കമ്മീഷണര്‍ പദവിയ്ക്ക് ബൈജുവിന് 2022 ജൂണ്‍ രണ്ടിന് താത്കാലികമായാണ് സ്ഥാനക്കയറ്റം നൽകിയത്. ബോര്‍ഡിനെ തെറ്റിദ്ധരിപ്പിച്ചും മാനദണ്ഡം മറികടന്നും സെക്രട്ടറി നിയമനത്തിന് വഴിയൊരുക്കിയ ഉദ്യോഗസ്ഥയ്ക്കെതിരെ നടപടിയെടുക്കണമെന്ന ആവശ്യത്തിലാണ് ലോ ഓഫീസറുടെ ഉപദേശം ബോര്‍ഡ് തേടിയത്. അതേസമയം ബൈജുവിന്‍റെ വിദ്യാഭ്യാസ യോഗ്യതയുടെ വിവരങ്ങള്‍ ബോര്‍ഡിൽ നിന്ന് വിരമിച്ച തിരുവനന്തപുരം സ്വദേശി സുനിൽകുമാര്‍ തേടിയിരുന്നു. മറുപടിയില്ലാത്തതിനാൽ സംസ്ഥാന വിവരാവകാശ കമ്മീഷനിൽ അപ്പീൽ നൽകി. ബൈജു എതിര്‍ത്തെങ്കിലും രഹസ്യാത്മതയുള്ളതായി കാണാൻ കഴിയില്ലെന്ന് വ്യക്തമാക്കി വിവരങ്ങള്‍ നൽകാൻ നിര്‍ദേശിച്ചു.

ബൈജു മധുര കാമരാജ് സര്‍വകലാശാലയിൽ നിന്ന് 2016 ഏപ്രിലിൽ ഇംഗ്ലീഷ് ബിരുദം നേടിയെന്ന് സര്‍വീസ് ബുക്കിൽ രേഖപ്പെടുത്തിയെന്ന് അക്കൗണ്ട്സ് ഓഫീസ് അറിയിച്ചെന്നായിരുന്നു ബോര്‍ഡ് മറുപടി. പഠിച്ചത് ഫുള്‍ ടൈമോ പാര്‍ട്ട് ടൈമോ എന്ന വിവരം ബോര്‍ഡിൽ ഇല്ല. പരീക്ഷയ്ക്ക് അനുമതിയോ അവധിയോ തേടിയിട്ടില്ലെന്നും ബോര്‍ഡ് മറുപടി നൽകി. പിന്നാലെ സര്‍ട്ടിഫിക്കറ്റുകളുടെ ആധികാരികത പരിശോധിക്കണമെന്നാവശ്യപ്പെട്ട് സുനിൽകുമാര്‍ ദേവസ്വം വിജിലന്‍സ് എസ്പിയെ സമീപിച്ചു. കാമരാജ് സര്‍വകലാശാലയിൽ അന്വേഷിച്ചെങ്കിലും മറുപടി കിട്ടിയില്ലെന്ന് വിജിലന്‍സ് എസ്പി ഏഷ്യാനെറ്റ് ന്യൂസിനോട് പറഞ്ഞു. ബൈജു സര്‍വീസിൽ നിന്ന് വിരമിച്ചതിനാൽ മറ്റേതെങ്കിലും ഏജന്‍സി അന്വേഷിക്കമെന്ന നിലപാട് എടുത്തു. സ്പെഷൽ റൂള്‍സ് വരുന്നതിന് ദിവസങ്ങള്‍ക്ക് മുമ്പ് കമ്മീഷണര്‍ കേഡറിൽ ബൈജുവെത്തിയെന്ന് വിജിലന്‍സ് പറയുമ്പോള്‍ അത് താത്കാലിക സ്ഥാനക്കയറ്റമെന്നാണ് പരാതിക്കാരുടെ വാദം.

പത്തനംതിട്ട സിപിഎമ്മിൽ പൊട്ടിത്തെറി; ബിജെപി വിട്ടെത്തിയ ആളെ ക്ഷണിതാവാക്കിയതിൽ പരസ്യ പ്രതിഷേധം ശക്തം, സാമൂഹിക മാധ്യമങ്ങളിൽ മുതിർന്ന നേതാക്കൾക്കെതിരെ രൂക്ഷ പരിഹാസം

Aishwarya S Babu — Fri, 09 Oct 2026 06:55:59 +0530

പത്തനംതിട്ട: വിപുലീകൃത ജില്ലാ കമ്മിറ്റി യോഗത്തിന് പിന്നാലെ പത്തനംതിട്ട സിപിഎമ്മിൽ പൊട്ടിത്തെറി. അടുത്തിടെ ബിജെപി വിട്ടെത്തിയ ആളെ ജില്ലാ കമ്മിറ്റിയിൽ ക്ഷണിതാവാക്കിയതിൽ പരസ്യ പ്രതിഷേധം ശക്തം. പന്തളത്തെ ഏരിയ കമ്മിറ്റി അംഗങ്ങൾ ഉൾപ്പെടെ നേതൃത്വത്തിനെതിരെ ഫേസ്ബുക്ക് പോസ്റ്റുകളുമായി രംഗത്തെത്തി. രൂക്ഷമായ വാക്കുകളിലാണ് മുതിർന്ന നേതാക്കൾക്കെതിരായ പരിഹാസം. ജനീഷ് കുമാർ എംഎൽഎയെ വെട്ടി നിരത്തിയതിലെ അതൃപ്തിയും ശക്തമാകുകയാണ്.

അതേസമയം, സിപിഎം കേന്ദ്രകമ്മറ്റി യോഗം ഇന്ന് മുതൽ നടക്കും. കേരളത്തിലെ വിപുലീകൃത സംസ്ഥാന കമ്മറ്റി കൈക്കൊണ്ട തീരുമാനങ്ങൾ കേന്ദ്ര കമ്മറ്റിയിൽ റിപ്പോർട്ട് ചെയ്യും. സംസ്ഥാന സെക്രട്ടറി എംവി ഗോവിന്ദന് എതിരെ അച്ചടക്ക നടപടിയെടുത്തതും കേന്ദ്രകമ്മറ്റിയെ അറിയിക്കും. പോളിറ്റ് ബ്യൂറോ, കേന്ദ്രകമ്മറ്റി എന്നിവയുടെ പ്രവർത്തന വിലയിരുത്തലും യോഗത്തിലുണ്ടാകും. ഗ്യാനേഷ് കുമാറിനെതിരായ സമരത്തിൽ ഇനിയുള്ള പാർട്ടി നിലപാടും യോഗത്തിൽ ചർച്ചയാകും.

മാസപ്പടി കേസ്: പിണറായിക്കും മുഹമ്മദ് റിയാസിനും നിർണായകം; ഇരുവർക്കുമെതിരെ അഴിമതിക്ക് കേസെടുക്കണമെന്ന ഹർജിയിൽ വിധി ഇന്ന്

Aishwarya S Babu — Fri, 09 Oct 2026 06:30:46 +0530

കൊച്ചി: സിഎംആർഎൽ എക്സാലോജിക് സാമ്പത്തിക ഇടപാടിൽ പ്രതിപക്ഷ നേതാവ് പിണറായി വിജയനും മുഹമ്മദ് റിയാസിനും നിർണായക ദിനം. ഇരുവർക്കുമെതിരെ അഴിമതിക്ക് കേസെടുക്കണമെന്ന ഹർജിയിൽ ഹൈക്കോടതി വിധി ഇന്ന്. ഇഡി കത്തിൽ കേസ് വൈകുന്നതിന് എതിരെ പൊതുപ്രവർത്തകൻ കെ എം ഷാജഹാൻ നൽകിയ ഹർജിയിലാണ് വിധി പറയുക. കേസെടുക്കാൻ പര്യാപ്തമായ തെളിവുകൾ കത്തിൽ തന്നെ കൈമാറിയിട്ടുണ്ടെന്ന് ഇഡി ഹൈക്കോടതിയിൽ നിലപാട് അറിയിച്ചിരുന്നു. പ്രാഥമിക പരിശോധന നടത്തിയാണ് തങ്ങൾ തെളിവ് കൈമാറിയതെന്നും അതിന് മേൽ വീണ്ടും പ്രാഥമിക പരിശോധന എന്തിനെന്നുമായിരുന്നു ഇഡി നിലപാട്.

എന്നാൽ, ഡയറിക്കുറിപ്പ് വെച്ച് അഴിമതി കേസ് എടുക്കാനാവില്ലെന്നായിരുന്നു സർക്കാർ കോടതിയെ അറിയിച്ചത്. മൊഴിവിവരങ്ങൾ തെളിവായുണ്ടല്ലോ എന്ന് കോടതി സർക്കാരിനോട് ചോദിച്ചിരുന്നു. പ്രാഥമിക അന്വേഷണം നടത്താനുള്ള സമയപരിധി പോലും കഴിഞ്ഞെന്ന് കോടതിയിൽ ഇഡി ഉന്നയിച്ചിരുന്നു. ജസ്റ്റിസ് എ ബദറുദ്ദീന്റെ ബഞ്ചാണ് ഹർജിയിൽ വിധി പറയുക.

കോൺഗ്രസിനെ വെട്ടിലാക്കാൻ കേരളത്തിൽ സമരവുമായി ബിജെപി; തെരഞ്ഞെടുപ്പ് അട്ടിമറിച്ചെങ്കിൽ കേരള മുഖ്യമന്ത്രിയും രാജിവെക്കണമെന്ന് ആവശ്യം

Aishwarya S Babu — Fri, 09 Oct 2026 06:11:15 +0530

തിരുവനന്തപുരം: ഗ്യാനേഷ് കുമാറിനെതിരെ സമരം ചെയ്യുന്ന കോൺഗ്രസിനെ വെട്ടിലാക്കാൻ കേരളത്തിൽ സമരവുമായി ബിജെപി. എസ്ഐആർ വഴി തെരഞ്ഞെടുപ്പ് അട്ടിമറിച്ചെങ്കിൽ കേരള മുഖ്യമന്ത്രിയും രാജിവെക്കണമെന്നാണ് ആവശ്യം. തിങ്കളാഴ്ച നിയമസഭ തുടങ്ങുന്ന പശ്ചാത്തലത്തിൽ സഭക്ക് മുന്നിലേക്ക് തുടർച്ചയായി സമരം നടത്താനാണ് തീരുമാനം. കോൺഗ്രസ്സും ഇടത് പാർട്ടികളും ദില്ലിയിൽ ഒരുമിച്ച് സമരം ചെയ്യുന്നതിനെയും രാഷ്ട്രീയമായി നേരിടാനാണ് ബിജെപി തീരുമാനം.

ഐ ടി മേഖലയെ നയിക്കാൻ ഇനി ടെക് കേരളം ബ്രാൻഡ്ട മന്ത്രി പി കെ കുഞ്ഞാലിക്കുട്ടി ഉദ്ഘാടനം ചെയ്തു

Bibin Babu — Fri, 09 Oct 2026 02:46:47 +0530

തിരുവനന്തപുരം: പരമ്പരാഗത ഐ ടി സേവനങ്ങൾക്കപ്പുറം ഭാവി സാങ്കേതികതകളിലേക്ക് കേരളത്തിന്റെ ഐ ടി മേഖലയെ നയിക്കുക എന്ന ലക്ഷ്യത്തോടെ ടെക് കേരളം എന്ന ബ്രാൻഡ് അവതരിപ്പിക്കുകയാണെന്ന് വിവരസാങ്കേതികവിദ്യ, നിർമിത ബുദ്ധി, ഭാവി സാങ്കേതികവിദ്യ വകുപ്പ് മന്ത്രി പി കെ കുഞ്ഞാലിക്കുട്ടി. സംസ്ഥാനത്തെ ടെക്നോളജി മേഖലയെ ഏകോപിപ്പിക്കുന്ന 'ടെക് കേരളം' ബ്രാൻഡും ഐ ടി പാർക്ക് അഫിലിയേഷൻ പദ്ധതിയും ടെക് കേരളം പോർട്ടലും ടെക്നോപാർക്ക് ട്രാവൻകൂർ ഹാളിൽ നടന്ന ചടങ്ങിൽ മന്ത്രി ഉദ്ഘാടനം ചെയ്തു.

സെമികോൺ കേരളം കൺസോർഷ്യം, മേക്കർ ഹബ് എന്നിവയും ചടങ്ങിൽ പ്രഖ്യാപിച്ചു. ടെക്നോപാർക് ഫേസ് ത്രീ ക്യാമ്പസ്സിൽ രണ്ട് ലക്ഷം ചതുരശ്ര അടി വിസ്തീർണമുള്ള പ്രീ ഫാബ്രിക്കേറ്റഡ് കെട്ടിടത്തിന്റെ നിർമാണോദ്ഘാടനവും മന്ത്രി നിർവഹിച്ചു. ടെക്നോപാർക് ഫേസ് വണ്ണിൽ തുടങ്ങുന്ന പദ്ധതിക്കായി ടെക്നോപാർക്കും കാസ്പിയൻ ടെക് പാർക്ക്‌സും തമ്മിൽ ധാരണാപത്രം കൈമാറി. ഐ ടി വകുപ്പിന്റെ പേരുതന്നെ മാറ്റിക്കൊണ്ട് ഈ മേഖലയിൽ മാറ്റത്തിന്റെ സന്ദേശം നൽകാനാണ് ഈ സർക്കാർ ശ്രമിച്ചതെന്ന് മന്ത്രി പി കെ കുഞ്ഞാലിക്കുട്ടി പറഞ്ഞു.

അതിന്റെ ഗുണഫലങ്ങൾ കണ്ടു തുടങ്ങി. മറ്റ് സംസ്ഥാനങ്ങളിൽ നിന്നുള്ള കമ്പനികൾ കേരളത്തിലേക്ക് വരാൻ കൂടുതൽ താല്പര്യം കാണിക്കുന്നു. ഭാവി സാങ്കേതിക വിദ്യയുടെ എല്ലാ മേഖലകളിലും കേരളത്തിന്റെ വളർച്ച ഉറപ്പാക്കുന്നതിനാണ് പ്രഥമ പരിഗണന നൽകുന്നതെന്നും മന്ത്രി പറഞ്ഞു. വി മുരളീധരൻ എം എൽ എ അധ്യക്ഷനായ ചടങ്ങിൽ ഐ ടി വകുപ്പ് സ്‌പെഷ്യൽ സെക്രട്ടറി സീറാം സാംബശിവ റാവു, ടെക്നോപാർക്ക് സി ഇ ഒ സച്ചിൻ കുമാർ യാദവ്, ഇൻഫോപാർക്ക്, സൈബർപാർക്ക് സി ഇ ഒ സുശാന്ത് കുറുന്തിൽ തുടങ്ങിയവർ പങ്കെടുത്തു.

ടെക് കേരളം ബ്രാൻഡിംങിലൂടെ സംസ്ഥാനത്തെ ഐ ടി സ്ഥാപനങ്ങളെ സാങ്കേതിക സ്ഥാപനങ്ങൾ, ഗവേഷണ സ്ഥാപനങ്ങൾ, സ്റ്റാർട്ടപ്പുകൾ, വ്യവസായങ്ങൾ എന്നിവയുമായി ബന്ധിപ്പിക്കുന്ന ആവാസ വ്യവസ്ഥ ഒരുക്കുകയാണ് സർക്കാർ. ആർട്ടിഫിഷ്യൽ ഇന്റലിജൻസ്, ഐ ഒ ടി, ക്വാണ്ടം മെക്കാനിക്‌സ്, സെമി കണ്ടക്ടർ, ഏവിയേഷൻ, ലോജിസ്റ്റിക്‌സ് എന്നിവയെല്ലാം സംയോജിപ്പിക്കുന്ന ബൃഹത്തായ ശൃംഖലയായി കേരളത്തിന്റെ ഐ ടി മേഖലയെ പരിവർത്തിപ്പിക്കുക എന്നതാണ് ലക്ഷ്യം.

പരമ്പരാഗതമായി സർക്കാരിൻറെ കീഴിലുള്ള ഐ ടി പാർക്കുകളെ മാത്രം കേന്ദ്രീകരിച്ച് നിലകൊണ്ട ഐ ടി മേഖലയെ വിപുലീകരിക്കുക എന്ന ലക്ഷ്യത്തോടെയാണ് ഐ ടി പാർക്‌സ് അഫീലിയേഷൻ പദ്ധതി ആരംഭിക്കുന്നത്. സ്വകാര്യ കമ്പനികൾക്കും കോ വർക്കിങ് സ്‌പേസുകൾക്കും സ്വകാര്യ ടെക്ക് പാർക്കുകൾക്കും സർക്കാർ ഐ ടി പാർക്കുകളുടെ അഫീലിയേഷൻ നേടിയെടുക്കാൻ സാധിക്കും. ബ്രാൻഡിങ്, മാർക്കറ്റിങ്, മെൻറർഷിപ്പ്, നെറ്റ്‌വർക്കിങ് എന്നിവയിലെല്ലാം സർക്കാരിന്റെ പിന്തുണയും ഐ ടി തൊഴിൽ മേളകളിൽ പങ്കെടുക്കാനുള്ള അവസരവും ഇതിലൂടെ കൈവരുന്നു.

കേരളത്തിലെ ആവാസവ്യവസ്ഥകളുടെ റെഡ് ലിസ്റ്റ്; നയരേഖ പുറത്തിറക്കി

Bibin Babu — Fri, 09 Oct 2026 02:07:50 +0530

തിരുവനന്തപുരം: കേരളത്തിലെ വിവിധ ആവാസവ്യവസ്ഥകളുടെ നിലവിലെ സ്ഥിതിയും ശോഷണവും ശാസ്ത്രീയമായി വിലയിരുത്തുന്നതിനായി കേരളസംസ്ഥാന ജൈവവൈവിധ്യബോർഡിന്റെ നേതൃത്വത്തിൽ നടപ്പാക്കുന്ന ''ആവാസവ്യവസ്ഥകളുടെ റെഡ് ലിസ്റ്റ് വിലയിരുത്തലും കേരളത്തിലെ സവിശേഷ ആവാസവ്യവസ്ഥകളുടെ ആഗോള ആവാസവ്യവസ്ഥാ വർഗീകരണവും'' പദ്ധതിരേഖാ സമാഹാരം പുറത്തിറക്കി.

സെക്രട്ടേറിയറ്റിലെ മന്ത്രിയുടെ ചേംബറിൽ നടന്ന ചടങ്ങിൽ പരിസ്ഥിതി മന്ത്രി സണ്ണി ജോസഫ് പദ്ധതിരേഖാ സമാഹാരം പ്രകാശനം ചെയ്തു. സംസ്ഥാന സർക്കാരിന്റെ 100 ദിന കർമപരിപാടിയുടെ ഭാഗമായാണ് പദ്ധതി നടപ്പാക്കുന്നത്. അന്താരാഷ്ട്ര പ്രകൃതി സംരക്ഷണ സംഘടനയായ ഐ.യു.സി.എൻ.-ന്റെ ആവാസവ്യവസ്ഥകളുടെ റെഡ് ലിസ്റ്റ് വിലയിരുത്തൽ പതിപ്പ് 2.0 മാനദണ്ഡങ്ങൾ അടിസ്ഥാനമാക്കിയുള്ള സംസ്ഥാനതല പഠനമാണിത്. പശ്ചിമഘട്ടത്തിലെ ഉയർന്ന പ്രദേശങ്ങൾ മുതൽ നദീതടങ്ങൾ, തീരദേശ മേഖലകൾ, തണ്ണീർത്തടങ്ങൾ എന്നിവ വരെയുള്ള വിവിധ ആവാസവ്യവസ്ഥകളുടെ സ്ഥിതിയാണ് പഠനവിധേയമാക്കുന്നത്. ഗൂഗിൾ എർത്ത് എൻജിൻ, സെന്റിനൽ ഉപഗ്രഹചിത്രങ്ങൾ, ആർ അധിഷ്ഠിത സ്ഥിതിവിവര വിശകലനം, ക്യുജിഐഎസ് ഭൂപട സാങ്കേതികവിദ്യ എന്നിവ ഉപയോഗിച്ചാണ് പഠനം.

പിണറായി വിജയനും മുഹമ്മദ് റിയാസിനും അതിനിർണായക ദിനം; മാസപ്പടി കേസിൽ എഫ്ഐആർ രജിസ്റ്റർ ചെയ്യണമെന്ന ഹർജിയിൽ വിധി ഇന്ന്

Web Desk — Fri, 09 Oct 2026 01:51:40 +0530

കൊച്ചി: മാസപ്പടി കേസിൽ പ്രതിപക്ഷ നേതാവ് പിണറായി വിജയനും മുഹമ്മദ് റിയാസിനും ഇന്ന് നിർണായകം. പിണറായിക്കും റിയാസിനുമെതിരെ എഫ്ഐആർ രജിസ്റ്റർ ചെയ്യണമെന്ന ഹർജിയിൽ ഇന്ന് ഹൈക്കോടതി സിംഗിൾ ബെഞ്ച് വിധി പറയും. ജസ്റ്റിസ് എ ബദറുദ്ദീൻ്റെ ബെഞ്ചാണ് വിധി പറയുക. എഫ്ഐആർ രജിസ്റ്റർ ചെയ്യണമെന്ന് എൻഫോഴ്സ്മെൻ്റ് ഡയറക്ടറേറ്റും പ്രാഥമിക അന്വേഷണം വേണമെന്ന നിലപാട് സർക്കാരും സ്വീകരിച്ചിരുന്നു. പൊതുപ്രവർത്തകനായ കെ എം ഷാജഹാനാണ് ഹർജി നൽകിയത്.

പ്രതിപക്ഷ നേതാവ് പിണറായി വിജയൻ, മകൾ വീണ വിജയൻ, മുൻ മന്ത്രി മുഹമ്മദ് റിയാസ് എന്നിവർക്കെതിരെ അഴിമതി നിരോധന നിയമപ്രകാരം കേസ് രജിസ്റ്റർ ചെയ്യണമെന്നായിരുന്നു ഇ ഡി ശുപാർശ ചെയ്തത്. പ്രാഥമിക പരിശോധന നടക്കുന്നുണ്ടെന്നും ആദ്യം തന്നെ എഫ് ഐ ആർ രജിസ്റ്റർ ചെയ്യണമെന്ന് നിർബന്ധമില്ലെന്നുമാണ് സർക്കാരിന്റെ വാദം. എന്നാൽ, അഴിമതിക്ക് കൃത്യമായ തെളിവുകളുണ്ടെന്നും അന്വേഷണ ഏജൻസി ശേഖരിച്ച വിവരങ്ങൾ തന്നെയാണ് കൈമാറിയതെന്നും അതിനാൽ എഫ് ഐ ആർ രജിസ്റ്റർ ചെയ്ത് അന്വേഷണം നടത്തണമെന്നമാണ് ഇ ഡിയുടെ നിലപാട്.

പിണറായിക്ക് പ്രതിരോധം തീർക്കാൻ പാർട്ടി

മാസപ്പടി കേസിൽ ഇ ഡിയുടെ കുരുക്ക് മുറുക്കുന്നതിനിടെ പിണറായി വിജയന് സംരക്ഷണ കവചമൊരുക്കാനുള്ള നീക്കത്തിലാണ് സി പി എം. കോൺഗ്രസൊഴികെ ദേശീയ തലത്തിലുള്ള പ്രതിപക്ഷ പാർട്ടി നേതാക്കളെ പങ്കെടുപ്പിച്ച് കേരളത്തിൽ ഒക്ടോബർ പകുതിയോടെ പ്രക്ഷോഭ പരിപാടികൾ തുടങ്ങാനാണ് തീരുമാനം.

ശബരിമല തിരുവാഭരണ പാത ദേശീയപാതയായി ഉയർത്തണം; പൊതുമരാമത്ത് മന്ത്രിക്ക് കത്ത് നൽകി അബിൻ വർക്കി എംഎൽഎ

Anver Sajad — Thu, 08 Oct 2026 23:35:29 +0530

പത്തനംതിട്ട: ശബരിമല ശ്രീധർമ്മശാസ്ത്രാവിന്റെ തിരുവാഭരണ ഘോഷയാത്ര കടന്നുപോകുന്ന തിരുവാഭരണ പാത ദേശീയപാതയായി ഉയർത്താനുള്ള നടപടി സ്വീകരിക്കണമെന്ന് ആവശ്യപ്പെട്ട് അബിൻ വർക്കി കോടിയാട്ട് എം.എൽ.എ പൊതുമരാമത്ത് വകുപ്പ് മന്ത്രി പി.കെ. ബഷീറിനെ നേരിൽ കണ്ട് കത്ത് നൽകി.

ശബരിമല തീർത്ഥാടനവുമായി ചരിത്രപരമായും ആചാരപരമായും ബന്ധമുള്ള ഈ പാതയിലൂടെ ഓരോ വർഷവും നിരവധി ഭക്തജനങ്ങളാണ് കടന്നുപോകുന്നത്. ശബരിമലയിലെത്തുന്ന തീർത്ഥാടകരുടെ എണ്ണം വർഷംതോറും വർദ്ധിച്ചുവരുന്ന സാഹചര്യത്തിൽ, തിരുവാഭരണ പാതയുടെ സമഗ്ര വികസനം കാലഘട്ടത്തിന്റെ ആവശ്യമാണെന്ന് അബിൻ വർക്കിഎം.എൽ.എ നൽകിയ കത്തിൽ ചൂണ്ടിക്കാട്ടുന്നു.

റോഡിന്റെ വീതി വർദ്ധിപ്പിക്കൽ, ഗതാഗത സൗകര്യങ്ങൾ മെച്ചപ്പെടുത്തൽ, സുരക്ഷാ സംവിധാനങ്ങൾ ശക്തിപ്പെടുത്തൽ ഉൾപ്പെടെയുള്ള വികസന പ്രവർത്തനങ്ങൾക്ക് ദേശീയപാത നിലവാരത്തിലേക്കുള്ള ഉയർത്തൽ ഏറെ സഹായകരമാകും. ശബരിമല തീർത്ഥാടനത്തിന്റെ ദേശീയ പ്രാധാന്യവും തിരുവാഭരണ പാതയുടെ ചരിത്ര-ആചാര പ്രാധാന്യവും പരിഗണിച്ച്, ഈ പാത ദേശീയപാതയായി ഉയർത്തുന്നതിനുള്ള നടപടികൾ സ്വീകരിക്കണമെന്ന് അബിൻ വർക്കി എംഎൽഎ മന്ത്രിയോട് ആവശ്യപ്പെട്ടു.

നേരത്തെ കേന്ദ്ര ഉപരിതല ഗതാഗത ഹൈവേ വകുപ്പ് മന്ത്രി നിതിൻ ഗഡ്കരിയുമായി നടത്തിയ കൂടിക്കാഴ്ച്ചയിലും അബിൻ വർക്കി എംഎൽഎ ഈ ആവശ്യം ഉന്നയിച്ചിരുന്നു.

പി എം മനോജ് പ്രതിപക്ഷ നേതാവിൻ്റെ ഓഫീസിലേക്ക്; പിണറായി വിജയൻ്റെ അഡീ. പ്രൈവറ്റ് സെക്രട്ടറിയാകും

Deepu Divakaran — Thu, 08 Oct 2026 22:46:26 +0530

തിരുവനന്തപുരം: പ്രതിപക്ഷ നേതാവ് പിണറായി വിജയൻ്റെ ഓഫീസിലേക്ക് പി എം മനോജ്. പിണറായി വിജയൻ്റെ അഡീഷണൽ പ്രൈവറ്റ് സെക്രട്ടറിയായി പി എം മനോജിനെ നിയമിക്കും. പ്രസ് സെക്രട്ടറിയുടെ ഉത്തരവാദിത്തം പി എം മനോജിന് നൽകും.

മുഖ്യമന്ത്രിയായിരിക്കെ പിണറായി വിജയൻ്റെ പ്രസ് സെക്രട്ടറിയായിരുന്നു പി എം മനോജ്. പിആർഡിയുടെയും മാധ്യമങ്ങളുടെയും ചുമതലയാണ് മനോജ് വഹിച്ചിരുന്നത്. 2025ൽ പി എം മനോജിൽ നിന്ന് പിആർഡിയുടെ ചുമതല അഡീഷണൽ പ്രൈവറ്റ് സെക്രട്ടറിയായിരുന്ന സി എം രവീന്ദ്രനും മീഡിയ സെക്രട്ടറി പ്രഭാവർമയ്ക്കും നൽകിയിരുന്നു. സിപിഎം മുഖ്യപത്രമായ ദേശാഭിമാനിയുടെ റെസിഡൻ്റ് എഡിറ്റർ സ്ഥാനത്തുനിന്ന് 2019ലാണ് മനോജ് മുഖ്യമന്ത്രിയുടെ പ്രസ് സെക്രട്ടറി സ്ഥാനത്തേക്ക് എത്തിയത്.

കേരളത്തിലെ സഹകരണ സംഘങ്ങളിലും ബാങ്കുകളിലും 550 കോടി തട്ടിപ്പ്, 17 ഇടങ്ങളിൽ പരിശോധനയുടെ വിശദാംശങ്ങൾ പുറത്തുവിട്ട് ഇഡി

Anver Sajad — Thu, 08 Oct 2026 22:27:34 +0530

കൊച്ചി: സഹകരണ സംഘങ്ങളിലെയും ബാങ്കുകളിലേയും പരിശോധനയിൽ കോടികളുടെ ക്രമക്കേടുകൾ കണ്ടെത്തിയെന്ന് എൻഫോഴ്സ്മെന്‍റ് ഡയറക്ട്രേറ്റ് (ഇ ഡി). 550 കോടിയുടെ തട്ടിപ്പിലാണ് അന്വേഷണം നടക്കുന്നതെന്നും ഇ ഡി അറിയിച്ചു. 27 കേസുകളിലാണ് അന്വേഷണം. എറണാകുളം അങ്കമാലി അർബൻ സഹകരണ സംഘത്തിലെ 1.82 കോടിയുടെ രണ്ട് സ്ഥിരനിക്ഷേപങ്ങൾ മരവിപ്പിച്ചതായും ഇ ഡി അറിയിച്ചു. 33.82 കോടി രൂപ വരുന്ന 159 വായ്പകളിൽ ഗുരുതരമായ ക്രമക്കേടുകൾ കണ്ടെത്തി. തെന്നല സഹകരണ ബാങ്കിലെ 24.50 ലക്ഷം ബാലൻസുള്ള 20 സ്ഥിര നിക്ഷേപങ്ങൾ മരവിപ്പിച്ചെന്നും ഇ ഡി വാർത്താക്കുറിപ്പിൽ അറിയിച്ചു. ഇന്നലെയാണ് സഹകരണ ബാങ്കുകളിലേയും സംഘങ്ങളിലേയും തട്ടിപ്പ് കേസുകളുമായി ബന്ധപ്പെട്ട് കേരളത്തിലെ 17 സ്ഥലങ്ങളിൽ ഒരേസമയം ഇ ഡി പരിശോധന നടത്തിയത്.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

വർക്കലയിൽ വീട് കുത്തിത്തുറന്ന് മോഷണം; പതിനാറാം ദിവസം പ്രതി പിടിയിൽ, കവർന്നത് 10 പവനും 20,000 രൂപയും

Web Desk — Thu, 08 Oct 2026 22:22:05 +0530

തിരുവനന്തപുരം: വർക്കലയിൽ വീട് കുത്തിത്തുറന്ന് പത്തര പവൻ സ്വർണാഭരണങ്ങളും 20,000 രൂപയും മോഷ്ടിച്ച കേസിൽ 16-ാം നാൾ പ്രതി പിടിയിൽ. കൊല്ലം കരിക്കോട് സ്വദേശി മുഹമ്മദ് ഷെരീഫ് ആണ് പിടിയിലായത്. കുരയ്ക്കണ്ണി ഷൈലാമൻസിലിൽ അജ്മലും മാതാവും താമസിക്കുന്ന വീട്ടിലാണ് മോഷണം നടന്നത്.

അഭിഭാഷകനും സുഹൃത്തിനും പൊലീസ് മർദനമെന്ന് പരാതി, സംഭവം കൊല്ലത്ത്; പരാതി നൽകി ബാർ അസോസിയേഷൻ

Web Desk — Thu, 08 Oct 2026 22:05:10 +0530

കൊല്ലം: കൊല്ലത്ത് അഭിഭാഷകനും സുഹൃത്തിനും പൊലീസ് മർദനമെന്ന് പരാതി. കണ്ണനല്ലൂർ സ്വദേശി അഡ്വക്കേറ്റ് ഗുൽസറിനെയും സുഹൃത്തിനെയും ഇരവിപുരം പൊലീസ് മർദ്ദിച്ചെന്നാണ് പരാതി. സിപിഒ അൽ സഫീറിനെതിരെയാണ് ബാർ അസോസിയേഷൻ പരാതി നൽകി. അകാരണമായി മർദ്ദിച്ചെന്നാണ് ഗുൽസർ പറയുന്നത്. സംഭവ സമയത്തെ സിസിടിവി ദൃശ്യങ്ങൾ പുറത്ത് വന്നിട്ടില്ല. അഭിഭാഷകനും സുഹൃത്തും പ്രകോപനമുണ്ടാക്കിയെന്നാണ് പൊലീസിന്‍റെ വിശദീകരണം.

പ്രിയദർശനി ബസിൽ വിദ്യാർത്ഥിനിക്ക് നേരെ ലൈംഗിക അതിക്രമം, ബഹളം വെച്ചപ്പോൾ യുവാവ് ഇറങ്ങിയോടി

Web Desk — Thu, 08 Oct 2026 21:55:56 +0530

കോഴിക്കോട്: കോഴിക്കോട് പ്രിയദർശനി ബസിൽ വിദ്യാർത്ഥിനിക്ക് നേരെ യുവാവിന്‍റെ ലൈംഗിക അതിക്രമം. വിദ്യാർത്ഥിനി ബഹളം വെക്കുകയും ദൃശ്യങ്ങൾ പകർത്തുകയും ചെയ്തപ്പോൾ യുവാവ് ഇറങ്ങി ഓടി. ഇക്കഴിഞ്ഞ അഞ്ചാം തീയതിയാണ് സംഭവം. പ്രതിയെ പിടികൂടാൻ കഴിഞ്ഞിട്ടില്ലെന്ന് പൊലീസ് വ്യക്തമാക്കി.

കേരളത്തിൽ അതിശക്ത മഴ മുന്നറിയിപ്പ്, അടുത്ത മൂന്ന് മണിക്കൂറിൽ 2 ജില്ലകളിൽ ഓറഞ്ച് അലർട്ട്; വിവിധ ജില്ലകളിൽ മഞ്ഞ അലർട്ട് പ്രഖ്യാപിച്ചു

Anver Sajad — Thu, 08 Oct 2026 19:54:25 +0530

തിരുവനന്തപുരം: കേരളത്തിൽ അടുത്ത മൂന്ന് മണിക്കൂറിൽ 2 ജില്ലയിൽ അതിശക്ത മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. ആലപ്പുഴ, കോട്ടയം ജില്ലകളിലാണ് മുന്നറിയിപ്പ്. ഈ ജില്ലകളിൽ അടുത്ത മൂന്ന് മണിക്കൂർ സമയത്തേക്ക് ഓറഞ്ച് അലർട്ട് പ്രഖ്യാപിച്ചിട്ടുണ്ട്. ഇവിടെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്. വിവിധ ജില്ലകളിൽ ഇന്ന് ഇടിമിന്നലോടു കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയുള്ള ശക്തമായ കാറ്റിനും സാധ്യതയുണ്ടെന്നും കാലാവസ്ഥാ പ്രവചനത്തിൽ പറയുന്നു. ഇത് പ്രകാരം കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം ജില്ലകളിൽ ഇന്ന് യെല്ലോ അലർട്ടും പ്രഖ്യാപിച്ചിട്ടുണ്ട്. അതേസമയം, കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസ്സമില്ലെന്നും കേന്ദ്ര കാലാവസ്ഥ വകുപ്പ് വ്യക്തമാക്കി.

അടുത്ത മൂന്ന് മണിക്കൂറിലെ ദിനാന്തരീക്ഷാവസ്ഥ

അടുത്ത 3 മണിക്കൂറിൽ കേരളത്തിലെ ആലപ്പുഴ, കോട്ടയം (ഓറഞ്ച് അലർട്ട് : അടുത്ത മൂന്ന്‌ മണിക്കൂർ മാത്രം) ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും;മറ്റു ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

അടുത്ത 5 ദിവസത്തേക്കുള്ള മഴ സാധ്യത പ്രവചനം

വിവിധ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ (Yellow) അലർട്ട് പ്രഖ്യാപിച്ചിരിക്കുന്നു.

08/10/2026: കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം

09/10/2026: കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂർ, കാസറഗോഡ്

10/10/2026: പത്തനംതിട്ട, കോട്ടയം, എറണാകുളം, ഇടുക്കി

എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

മത്സ്യത്തൊഴിലാളി ജാഗ്രത നിർദേശം

കേരള - കർണാടക- ലക്ഷദ്വീപ് തീരങ്ങളിൽ ഇന്ന് (08/10/2026) മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

റോഡരികിലൂടെ നടന്നുപോകുകയായിരുന്ന വയോധികനെ ടോറസ് ലോറിയിടിച്ചു, കാൽനടയാത്രക്കാരന് ദാരുണാന്ത്യം

Web Desk — Thu, 08 Oct 2026 19:28:44 +0530

കാവാലം: ടോറസ് ലോറിയിടിച്ച് റോഡരികിലൂടെ നടന്നുപോകുകയായിരുന്ന വയോധികന് ദാരുണാന്ത്യം. കാവാലം പുതിയറയിൽ എ എസ് മോഹനൻ വൈദ്യർ (72) ആണ് മരിച്ചത്. കാവാലം എസ് ബി ഐ ജങ്ഷന് സമീപം ഇന്ന് രാവിലെ 10:40നായിരുന്നു നാടിനെ നടുക്കിയ അപകടം. റോഡരികിൽ നിർത്തിയിട്ടിരുന്ന ടോറസ് ലോറി പെട്ടെന്ന് മുന്നോട്ടെടുത്തപ്പോൾ ഇടിച്ചുവീഴ്ത്തുകയായിരുന്നു. ഡ്രൈവർ ഇദ്ദേഹത്തെ കണ്ടിരുന്നില്ല. കേൾവിശേഷിയില്ലാത്തയാളാണ് അപകടത്തിൽപ്പെട്ടത്. ഇടതുകാലും വലതുകൈയും ചതഞ്ഞരഞ്ഞ് ഗുരുതരമായി പരുക്കേറ്റ ഇദ്ദേഹത്തെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പ്രദേശത്ത് ദീർഘകാലം നിലത്തെഴുത്ത് ആശാനായി പ്രവർത്തിച്ചിരുന്ന വ്യക്തിയാണ് മരിച്ച എ എസ് മോഹനൻ വൈദ്യർ. പോസ്റ്റ്‌മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും. ഭാര്യ: പരേതയായ ഓമന. സംസ്കാരം നാളെ ഉച്ചയ്ക്ക് 1.30ന് നാരകത്തറ കൃഷ്ണപുരം ശാന്തിതീരം ശ്മശാനത്തിൽ നടക്കും.

ബെംഗളുരുവിൽ വാഹനാപകടത്തിൽ മലയാളി നഴ്സിന് ദാരുണാന്ത്യം; മരിച്ചത് മലപ്പുറം സ്വദേശിയായ 26കാരൻ

Aishwarya S Babu — Thu, 08 Oct 2026 19:04:37 +0530

ബെംഗളുരു: ബെംഗളുരുവിൽ വാഹനാപകടത്തിൽപ്പെട്ട് മലയാളി നഴ്സിന് ദാരുണാന്ത്യം. മലപ്പുറം കൊണ്ടോട്ടി കീശ്ശേരി സ്വദേശി കണിയാരുതൊടി വീട്ടിൽ രഞ്ജിത്ത് സി ആണ് മരിച്ചത്. 26 വയസ്സായിരുന്നു. ബെംഗളുരുവിലെ സ്വകാര്യ ആശുപത്രിയിൽ എമർജൻസി വിഭാഗത്തിൽ നഴ്സ് ആയിരുന്നു. ഇന്ന് പുലർച്ചെ മൂന്ന് മണിയോടെയാണ് അപകടമുണ്ടായത്. താമസസ്ഥലത്തു നിന്ന് ആശുപത്രിയിലേക്ക് ജോലിക്ക് പോകവേ കുടിൽഗേറ്റ് എന്ന സ്ഥലത്ത് വെച്ചാണ് ബൈക്ക് അപകടത്തിൽപ്പെട്ടത്. സംഭവസ്ഥലത്ത് വെച്ചുതന്നെ മരണപ്പെട്ടു. മൃതദേഹം പോസ്റ്റുമോർട്ടത്തിന് ശേഷം നാട്ടിലേക്ക് കൊണ്ടുപോയി.

ആശ്വാസം, കാട്ടാക്കടയിൽ നിന്ന് കാണാതായ മൂന്നംഗ കുടുംബത്തെ കണ്ടെത്തി, ആതിര അമ്മയെ വിളിച്ചു

Web Desk — Thu, 08 Oct 2026 19:00:16 +0530

തിരുവനന്തപുരം: തിരുവനന്തപുരം ജില്ലയിലെ കാട്ടാക്കടയില്‍നിന്ന് കാണാതായ ദമ്പതികളെയും കുട്ടിയെയും കണ്ടെത്തിയതായി വിവരം. ഇവർ എറണാകുളത്തുണ്ടെന്ന് ആതിര അമ്മയെ വിളിച്ചറിയിച്ചു. പൂവച്ചല്‍ വീരണകാവ് സ്വദേശി ശങ്കര്‍, ഭാര്യ ആതിര, മൂന്നു വയസുള്ള മകള്‍ ധ്വനി എന്നിവരെ കാണാതായതെന്നാണ് വീട്ടുകാർ പരാതി നൽകിയത്. ഈ മാസം ആറാം തീയതി മുതല്‍ ഇവരെ കാണാനില്ലെന്നാരോപിച്ച് ആതിരയുടെ അമ്മയാണ് കാട്ടാക്കട പൊലീസില്‍ പരാതി നല്‍കിയത്. പരാതിക്ക് പിന്നാലെ മാധ്യമങ്ങളിൽ വാർത്ത വന്നു. വാർത്തകൾ കണ്ട് ആതിര ഫോണിൽ വിളിച്ചെന്നാണ് അമ്മ പറയുന്നത്.

കൂടുതൽ വൈദ്യുതി വാങ്ങാൻ കെഎസ്ഇബി; ഹ്രസ്വകാല കരാറിന് ടെൻഡർ വിളിച്ചു

Aishwarya S Babu — Thu, 08 Oct 2026 18:53:13 +0530

തിരുവനന്തപുരം: വേനൽക്കാലത്തേയ്ക്ക് കൂടുതൽ വൈദ്യുതി വാങ്ങാൻ കെഎസ്ഇബി. ജനുവരി മുതൽ മേയ് വരെ പീക്ക് സമയത്തേയ്ക്ക് ഉള്‍പ്പടെ വൈദുതി വാങ്ങാൻ ടെന്‍ഡര്‍ വിളിച്ചു. ജനുവരിയിൽ 2400 മെഗാവാട്ടിന് ടെന്‍ഡര്‍. ഫെബ്രുവരിയിൽ 2700 മെഗാവാട്ടും മാര്‍ച്ചിൽ 3000 മെഗാവാട്ടും വാങ്ങാനാണ് ശ്രമം. ഏപ്രിൽ, മേയ് മാസങ്ങളിൽ 3900 മെഗാവാട്ട് വീതം വാങ്ങാനാണ് ടെന്‍ഡര്‍ വിളിച്ചത്.

വന്ദേമാതരം സെമിനാർ പ്രതിഷേധത്തിനെതിരെ നടപടി; എസ്എഫ്ഐ, കെഎസ്‍യു, എംഎസ്എഫ് പ്രവർത്തകരായ 5 വിദ്യാർഥികൾക്ക് സസ്പെൻഷൻ

Anver Sajad — Thu, 08 Oct 2026 18:46:02 +0530

കാസർകോട്: കാസർകോട് കേന്ദ്ര സർവകലാശാലയിൽ നടന്ന വന്ദേമാതരം ദേശീയ സെമിനാറിനിടെ പ്രതിഷേധിച്ച സംഭവത്തിൽ വിദ്യാ‍ർഥികൾക്കെതിരെ നടപടി. അഞ്ച് വിദ്യാർത്ഥികളെ രണ്ട് ആഴ്ചത്തേക്ക് സസ്പെൻഡ് ചെയ്തു. സയിദ് അലി (എസ് എഫ് ഐ), ആവേദ് (എസ് എഫ് ഐ), മുഹമ്മദ് യാസീൻ (കെ എസ് യു), താജുദ്ദീൻ (എം എസ് എഫ്), മുഹമ്മദ് ഷബീർ (എം എസ് എഫ്) എന്നിവർക്കെതിരെയാണ് നടപടി സ്വീകരിച്ചിരിക്കുന്നത്. സർവകലാശാലയെ അപകീർത്തിപ്പെടുത്തുന്ന രീതിയിൽ പെരുമാറിയെന്ന് സസ്പെൻഷൻ ഉത്തരവിൽ ചൂണ്ടിക്കാണിക്കുന്നു. പ്രബന്ധ അവതരണം തടസ്സപ്പെട്ടതിനെ തുടർന്ന് പരിപാടിയുടെ പ്രധാന സംഘാടകനും പ്രോക്‌ടറുമായ കെ ശ്രീകുമാർ തന്നെയാണ് സസ്പെൻഷൻ ഉത്തരവ് പുറപ്പെടുവിച്ചത്.

25 പേർക്കെതിരെ കേസ്

വന്ദേമാതരം സെമിനാർ സംഘാടനത്തെച്ചൊല്ലി ക്യാമ്പസിൽ കഴിഞ്ഞദിവസങ്ങളിലും ശക്തമായ പ്രതിഷേധം ഉയർന്നിരുന്നു. പ്രോക്ടർ കെ ശ്രീകുമാർ പ്രസംഗിക്കുന്നതിനിടെ വിദ്യാർത്ഥികൾ 'ഗോ ബാക്ക്' വിളികളുമായി എത്തുകയും മൈക്ക് ഓഫ് ചെയ്ത് ലൈബ്രറി ഹാളിലെ സെമിനാർ തടസ്സപ്പെടുത്തുകയും ചെയ്തു. ഇതേത്തുടർന്ന് എ ബി വി പി, എസ് എഫ് ഐ, കെ എസ്‌ യു, എം എസ് എഫ് പ്രവർത്തകർ ചേരിതിരിഞ്ഞ് വാഗ്വാദമുണ്ടായി. സെമിനാർ അലങ്കോലപ്പെടുത്തിയതിന് കണ്ടാലറിയാവുന്ന 25 പേർക്കെതിരെ പൊലീസ് കേസ് രജിസ്റ്റർ ചെയ്തിട്ടുണ്ട്.

അതേസമയം, വന്ദേമാതരം സെമിനാറിനെതിരെ വൻ വിമർശനവുമായി എസ് എഫ് ഐ സംസ്ഥാന സെക്രട്ടറി പി എസ് സഞ്ജീവ് അടക്കമുള്ളവർ രംഗത്തെത്തി. സർവകലാശാലാ വി സി ഒന്നാന്തരം ആർ എസ് എസുകാരനാണെന്നും വിദ്യാർത്ഥികളെ പുറത്താക്കിയാണ് സെമിനാർ നടത്തിയതെന്നും അദ്ദേഹം ചൂണ്ടിക്കാട്ടി. വന്ദേമാതരത്തിലെ ആദ്യ വരികൾ എല്ലാ വിദ്യാർത്ഥികളും പാടുമെങ്കിലും അതിനപ്പുറമുള്ളത് വിഭജനത്തിന്റെ അജണ്ടയാണെന്നും സംഘപരിവാർ ലക്ഷ്യമിടുന്നത് വർഗീയ തന്ത്രമാണെന്നും സഞ്ജീവ് കുറ്റപ്പെടുത്തി. പ്രതിഷേധിച്ച വിദ്യാർത്ഥികളെ കേരള പൊലീസ് ആക്രമിക്കുകയാണുണ്ടായതെന്നും, വിദ്യാർത്ഥികൾക്കെതിരായ പരാമർശത്തിൽ ഗവർണർക്കെതിരെ പ്രതിഷേധം കടുപ്പിക്കുമെന്നും എസ് എഫ് ഐ വ്യക്തമാക്കി.

സതീശൻ സർക്കാർ പിണറായിയുടെ ആവർത്തനം, എസ്ഐആർ പ്രശ്നമെങ്കിൽ സതീശൻ രാജിവയക്കണ്ടേ? ചോദ്യങ്ങളുമായി ബിജെപി

Anver Sajad — Thu, 08 Oct 2026 18:34:34 +0530

തിരുവനന്തപുരം: വി ഡി സതീശൻ സർക്കാരിനെ വിമർശിച്ച് ബി ജെ പി. നാല് മാസം പൂർത്തിയാക്കിയ കോൺഗ്രസ് സർക്കാർ പിണറായി സർക്കാരിന്റെ ആവർത്തനം മാത്രമാണെന്നും ഇത് ജനങ്ങൾക്ക് വ്യക്തമായിട്ടുണ്ടെന്നും ബി ജെ പി കുറ്റപ്പെടുത്തി. പ്രതിപക്ഷ നേതാവായിരുന്നപ്പോൾ വി ഡി സതീശൻ ഉന്നയിച്ച അഴിമതിയും ധൂർത്തും തന്നെ അദ്ദേഹം ഇപ്പോൾ ഭരണത്തിലിരുന്ന് ചെയ്തുവരികയാണെന്നും പി എസ് സി റാങ്ക് ഹോൾഡർമാരെ ഈ സർക്കാർ നോക്കുകുത്തികളാക്കി മാറ്റുകയാണെന്നും നേതാക്കൾ ആരോപിച്ചു. സംസ്ഥാന കമ്മിറ്റി യോഗത്തിലെ ചർച്ചകൾക്ക് ശേഷം ബി ജെ പി നേതാക്കളായ എം ടി രമേശ്, എസ് സുരേഷ്, ശോഭ സുരേന്ദ്രൻ എന്നിവരാണ് മാധ്യമങ്ങളോട് ഇക്കാര്യം പറഞ്ഞത്.

രാഹുൽ ഗാന്ധിക്കും വിമർശനം

എസ് ഐ ആർ വിഷയത്തിലും തെരഞ്ഞെടുപ്പ് സമ്പ്രദായത്തെക്കുറിച്ചും ആവർത്തിച്ച് നുണ പ്രചരിപ്പിക്കുകയാണ് രാഹുൽ ഗാന്ധിയും കോൺഗ്രസുമെന്ന് ബി ജെ പി നേതാക്കൾ പറഞ്ഞു. തെരഞ്ഞെടുപ്പുകൾ അസാധുവാണെങ്കിൽ കേരളത്തിൽ നടന്ന തെരഞ്ഞെടുപ്പും റദ്ദാക്കണമെന്നും അതിൽ നിന്ന് ലാഭമുണ്ടായ വി ഡി സതീശൻ എന്തുകൊണ്ട് രാജിവെക്കുന്നില്ലെന്നും ബി ജെ പി ചോദിച്ചു. സതീശന് ഒരു നിമിഷം പോലും തുടരാൻ അർഹതയില്ലെന്നും അദ്ദേഹത്തിന്റെ രാജി ആവശ്യപ്പെട്ട് നിയമസഭയ്ക്ക് അകത്തും പുറത്തും ബി ജെ പി പ്രക്ഷോഭം ആരംഭിക്കുമെന്നും അവർ അറിയിച്ചു. ദില്ലിയിൽ ജനാധിപത്യം തകർക്കാൻ കോൺഗ്രസ് നടത്തിയ സമരങ്ങളിൽ വിദേശ ഫണ്ടിംഗ് ഉണ്ടായിരുന്നുവെന്നും, ബി ജെ പി ഗ്യാനേഷ് കുമാറിനെയല്ല മറിച്ച് ജനാധിപത്യത്തെയാണ് സംരക്ഷിക്കുന്നതെന്നും നേതാക്കൾ വ്യക്തമാക്കി.

സുഗതൻ കേസിൽ ഭരണമില്ലാത്തതിന്റെ അമർഷം കാരണം ഒരു സാധു മനുഷ്യനെയും ജനപ്രതിനിധിയെയും കള്ളക്കേസിൽ കുടുക്കാൻ ശ്രമിക്കുകയാണെന്ന് നേതാക്കൾ വിമർശിച്ചു. അതേസമയം, മുൻ ഡി ജി പി ആർ ശ്രീലേഖ കൗൺസിലർ സ്ഥാനത്ത് രാജി പ്രഖ്യാപനം നടത്തിയ കാര്യങ്ങളൊന്നും യോഗത്തിൽ ചർച്ച ചെയ്തിട്ടില്ലെന്നും അവർ രാജി വെച്ചിട്ടില്ലെന്നും ഇന്നത്തെ യോഗത്തിൽ പങ്കെടുത്തിരുന്നുവെന്നും മാധ്യമങ്ങളുടെ ചോദ്യങ്ങൾക്ക് മറുപടിയായി നേതാക്കൾ വ്യക്തമാക്കി. പാർട്ടിയിൽ യാതൊരുവിധ പ്രതിസന്ധിയുമില്ലെന്നും ബി ജെ പി നേതാക്കൾ കൂട്ടിച്ചേർത്തു.

മുൻവൈരാഗ്യത്തിന്‍റെ പേരിൽ ക്രൂരത; യുവാവിന് നേരെ ആസിഡ് ആക്രമണം നടത്തി, പ്രതിക്ക് 10 വർഷം കഠിനതടവും പിഴയും

Web Desk — Thu, 08 Oct 2026 18:33:47 +0530

കൊച്ചി: ആസിഡ് ആക്രമണ കേസിലെ പ്രതിക്ക് 10 വർഷം കഠിനതടവും പിഴയും ശിക്ഷ വിധിച്ച് കോടതി. ഫോർട്ടുകൊച്ചി സ്വദേശി ബോണി (51)യാണ് ശിക്ഷിക്കപ്പെട്ടത്. മുൻ വൈരാഗ്യത്തിന്‍റെ പേരില്‍ ഇയാൾ യുവാവിനെതിരെ ആസിഡ് ആക്രമണം നടത്തുകയായിരുന്നു. ആക്രമണത്തില്‍ യുവാവിന്‍റെ ഇടതു കണ്ണിന് പൂർണമായും വലത് കണ്ണിനു ഭാഗികമായും കാഴ്ച നഷ്ടപ്പെട്ടിരുന്നു. ഫോർട്ട് കൊച്ചി പോലീസ് സ്റ്റേഷൻ എസ്ഐ എസ് രാജേഷിന്‍റെ നേതൃത്വത്തിലാണ് കേസ് രജിസ്റ്റർ ചെയ്തു അന്വേഷണം നടത്തിയത്. പ്രതിക്ക് കോടതി 10 വർഷം കഠിനതടവും 10000 രൂപ പിഴയും ശിക്ഷ വിധിച്ചു.

മാസപ്പടി കേസ്: പിണറായി വിജയനും മുഹമ്മദ് റിയാസിനും നിർണായകം; എഫ്ഐആർ രജിസ്റ്റർ ചെയ്യണമെന്ന ഹർജിയിൽ വിധി നാളെ

Aishwarya S Babu — Thu, 08 Oct 2026 18:18:42 +0530

കൊച്ചി: മാസപ്പടി കേസിൽ പ്രതിപക്ഷ നേതാവ് പിണറായി വിജയനും മുഹമ്മദ് റിയാസിനും നാളെ നിർണായകം. പിണറായിക്കും റിയാസിനുമെതിരെ എഫ്ഐആർ രജിസ്റ്റർ ചെയ്യണമെന്ന ഹർജിയിൽ നാളെ ഹൈക്കോടതി സിംഗിൾ ബെഞ്ച് വിധി പറയും. ജസ്റ്റിസ് എ ബദറുദ്ദീൻ്റെ ബെഞ്ചാണ് വിധി പറയുക. എഫ്ഐആർ രജിസ്റ്റർ ചെയ്യണമെന്ന് എൻഫോഴ്സ്മെൻ്റ് ഡയറക്ടറേറ്റും പ്രാഥമിക അന്വേഷണം വേണമെന്ന നിലപാട് സർക്കാരും സ്വീകരിച്ചിരുന്നു. പൊതുപ്രവർത്തകനായ കെ എം ഷാജഹാനാണ് ഹർജി നൽകിയത്.

പിണറായിക്ക് പ്രതിരോധം തീർക്കാൻ പാർട്ടി

പുതിയ അതിഥി നേത്ര, പന്ത്രണ്ടാമത്തെ പൊന്നോമന; കോഴിക്കോട് അമ്മത്തൊട്ടിലിൽ ഏഴ് ദിവസം പ്രായമായ പെണ്‍കുഞ്ഞിനെ ലഭിച്ചു

Web Desk — Thu, 08 Oct 2026 17:51:46 +0530

കോഴിക്കോട്: കോഴിക്കോട് അമ്മത്തൊട്ടിലിൽ പുതിയ അതിഥിയെത്തി. ഏഴ് ദിവസം പ്രായമായ പെണ്‍കുഞ്ഞിനെയാണ് ലഭിച്ചത്. കുഞ്ഞിന് നേത്ര എന്ന് പേര് നൽകി. കോഴിക്കോട് അമ്മത്തൊട്ടിലിൽ എത്തുന്ന പന്ത്രണ്ടാമത്തെ കുഞ്ഞാണ് നേത്ര. കുഞ്ഞ് പൂർണ ആരോഗ്യവതിയെന്ന് അധികൃതർ അറിയിച്ചു. ഇതോടെ കോഴിക്കോട് അമ്മത്തൊട്ടിൽ വഴി ശിശുക്ഷേമ സമിതിയുടെ സംരക്ഷണയിൽ എത്തിയത് 7 പെൺകുട്ടികളും 5 ആൺകുട്ടികളുമാണ്. കേരളം സംസ്ഥാന ശിശുക്ഷേമ സമിതിയുടെ സംരക്ഷണയിൽ പ്രവർത്തിക്കുന്ന അമ്മത്തൊട്ടിലുകളിലെത്തിയതിൽ 1003-ാമത്തെ കുഞ്ഞാണ് നേത്ര.

കോഴിക്കോട് ബീച്ച് ആശുപത്രിക്ക് സമീപം അത്യാധുനിക സൗകര്യങ്ങളോടെ സ്ഥാപിച്ച അമ്മത്തൊട്ടിൽ ഒരു വർഷം പിന്നിടുമ്പോൾ ഇവിടെ എത്തുന്ന 12-ാമത്തെ കുഞ്ഞാണിത്. ബുധനാഴ്ച വൈകുന്നേരം 5.30 ഓടെയാണ് വെറും 7 ദിവസം മാത്രം പ്രായവും 2.89 കിലോഗ്രാം തൂക്കവുമുള്ള പെൺകുരുന്നിനെ അമ്മത്തൊട്ടിലിൽ കണ്ടെത്തിയത്. ലോക കാഴ്ച ദിനത്തിൽ കിട്ടിയ കുഞ്ഞിന് അതുകൊണ്ട് തന്നെ നേത്ര എന്ന് പേരിട്ടു.

കുഞ്ഞ് തൊട്ടിലിലെത്തിയ ഉടൻ തൊട്ടിലിനോട് ചേർന്നുള്ള ബീച്ച് ആശുപത്രി നഴ്സിംഗ് സ്റ്റേഷനിൽ അലാറം മുഴങ്ങി. നിമിഷങ്ങൾക്കകം നഴ്സുമാർ ഓടിയെത്തി കുഞ്ഞിനെ ഏറ്റെടുത്ത് തീവ്രപരിചരണ വിഭാഗത്തിലേക്ക് മാറ്റി. ഡോക്ടർമാരുടെ പ്രാഥമിക പരിശോധനയിൽ കുഞ്ഞ് പൂർണ ആരോഗ്യവതി ആണെന്ന് കണ്ടെത്തി. കുഞ്ഞിനെ സന്ദർശിച്ച് ആരോഗ്യസ്ഥിതി വിലയിരുത്താൻ കോഴിക്കോട് ജില്ലാ ശിശുക്ഷേമ സമിതി സെക്രട്ടറി ശ്രീദേവ് പറമ്പിൽ ബീച്ച് ആശുപത്രിയിലെത്തിയിരുന്നു.

ആലപ്പുഴയിൽ കെഎസ്ആർടിസി ഡ്രൈവറെ നടുറോഡിലിട്ട് തല്ലിയ കേസ്; 5 വിദ്യാർത്ഥികൾ അറസ്റ്റിൽ

Web Desk — Thu, 08 Oct 2026 17:51:23 +0530

ആലപ്പുഴ: ആലപ്പുഴ കൃഷ്ണപുരത്ത് കെഎസ്ആര്‍ടിസി ബസ് ഡ്രൈവറെ നടുറോഡിലിട്ട് തല്ലിയ കേസില്‍ അ‍ഞ്ച് ചെറുപ്പക്കാര്‍ അറസ്റ്റില്‍. ദേശീയപാതയില്‍ ഇന്നലെ രാത്രിയോടെയായിരുന്നു സംഭവം. സൈഡ് കൊടുക്കുന്നതിനെ ചൊല്ലിയുണ്ടായ വാക്കുത്തര്‍ക്കമാണ് കയ്യാങ്കളിയിലും കേസിലും കലാശിച്ചത്.

തിരുവനന്തപുരത്ത് നിന്ന് പളനിയിലേക്ക് പോവുകയായിരുന്ന കെഎസ്ആര്‍ടിസി ബസിന്‍റെ ഡ്രൈവറോടാണ് ചെറുപ്പക്കാര്‍ വാക്കുത്തര്‍ക്കത്തിലേര്‍പ്പെട്ടത്. റോഡ് നിയമങ്ങള്‍ ലംഘിച്ച് ഡ്രൈവര്‍ വണ്ടിയോടിച്ചെന്നാണ് ചെറുപ്പക്കാര്‍ പറയുന്നത്. എന്നാല്‍ ബസിന് മുന്നോട്ട് പോകാന്‍ കഴിയാത്ത വിധം ചെറുപ്പക്കാര്‍ ബസിന് മുന്നിലൂടെ ബൈക്കോടിച്ചെന്നും ഹോണടിച്ചപ്പോള്‍ പ്രകോപിതരായി ഡ്രൈവറെ തെറി പറയുകയായിരുന്നെന്നും ബസ് ജീവനക്കാര്‍ വാദിക്കുന്നു. ബസിന്‍റെ ഇരുവശത്തും കൂടി ബൈക്കുകള്‍ ഓടിച്ച് തെറിവിളി തുടര്‍ന്നതോടെ വാഹനം നിര്‍ത്തിയെന്നും ആ സമയം ചെറുപ്പക്കാര്‍ ഡ്രൈവര്‍ പ്രവീണിനെ മര്‍ദിച്ചെന്നും ബസിലുണ്ടായിരുന്ന സഹ ഡ്രൈവര്‍ പറഞ്ഞു.

എന്നാല്‍ വാക്കുത്തര്‍ക്കമുണ്ടായപ്പോള്‍ ബസിന്‍റെ ഡ്രൈവറാണ് ആദ്യം മര്‍ദിച്ചതെന്ന മൊഴിയാണ് പിടിയിലായ ചെറുപ്പക്കാര്‍ പൊലീസിന് നല്‍കിയിരിക്കുന്നത്. വധശ്രമമടക്കം ജാമ്യമില്ലാത്ത വകുപ്പുകള്‍ ചുമത്തിയാണ് ഇരുപത് വയസ് മാത്രം പ്രായമുള്ള അഞ്ച് ചെറുപ്പക്കാരെയും പൊലീസ് അറസ്റ്റ് ചെയ്തത്. അറസ്റ്റിലായ എല്ലാവരും വിദ്യാര്‍ത്ഥികളുമാണ്.

എസ്ഐആർ വിരുദ്ധ സമരം തുടരുന്നതിനിടെ നിർണായക അറിയിപ്പുമായി സംസ്ഥാന തെരഞ്ഞെടുപ്പ് ഓഫീസർ; വോട്ടർ പട്ടികയിൽ പേര് ചേർക്കാൻ 15 മുതൽ അവസരം

Web Desk — Thu, 08 Oct 2026 17:25:13 +0530

തിരുവനന്തപുരം: സംസ്ഥാനത്തുടനീളം വോട്ടർ പട്ടികയിൽ പേര് ചേർക്കുന്നതിനും നിലവിലുള്ള വിവരങ്ങളിൽ തിരുത്തലുകൾ വരുത്തുന്നതിനുമായി ഒക്ടോബർ 15 മുതൽ 31 വരെ പ്രത്യേക എൻറോൾമെന്റ് ഡ്രൈവ് സംഘടിപ്പിക്കുമെന്ന് മുഖ്യ തിരഞ്ഞെടുപ്പ് ഓഫീസർ ഡോ. സജിത്ത് ബാബു അറിയിച്ചു. ജനങ്ങൾക്ക് വളരെ എളുപ്പത്തിൽ സേവനം ലഭ്യമാക്കുന്നതിനായി ഈ ദിവസങ്ങളിൽ സംസ്ഥാനത്തെ എല്ലാ വില്ലേജ് ഓഫീസുകൾ കേന്ദ്രീകരിച്ചും പ്രത്യേക ഹെൽപ് ഡെസ്ക്കുകൾ പ്രവർത്തിക്കുന്നതായിരിക്കുമെന്ന് അദ്ദേഹം വ്യക്തമാക്കി. സംസ്ഥാന മുഖ്യ തെരഞ്ഞെടുപ്പ് ഓഫീസറുടെ ഫെയ്‌സ്ബുക് ഹാൻ്റിൽ വഴിയടക്കമാണ് അറിയിപ്പ് പുറപ്പെടുവിച്ചത്.

അപേക്ഷാ നടപടികൾ കൂടുതൽ ലളിതമാക്കുന്നതിന്റെ ഭാഗമായി അധികമായി സമർപ്പിക്കേണ്ടിയിരുന്ന ഡിക്ലറേഷൻ ഫോം പൂർണ്ണമായും ഒഴിവാക്കിയിട്ടുണ്ട്. അപേക്ഷകർ ഇനിമുതൽ സിറ്റിസൺ സർവീസ് പോർട്ടൽ അല്ലെങ്കിൽ വോട്ടർ ഹെൽപ്പ്‌ലൈൻ ആപ്പ് വഴി ഫോം 6 മാത്രം ഓൺലൈനായി സമർപ്പിച്ചാൽ മതിയാകും. അപേക്ഷയോടൊപ്പം ഫോട്ടോ, വയസ്സ്, മേൽവിലാസം എന്നിവ തെളിയിക്കുന്നതിനായി തിരഞ്ഞെടുപ്പ് കമ്മീഷൻ നിർദ്ദേശിച്ചിട്ടുള്ള 12 അംഗീകൃത രേഖകളിൽ ഏതെങ്കിലും ഒന്നാണ് ഹാജരാക്കേണ്ടത്. എന്നാൽ, തിരിച്ചറിയൽ രേഖയായി ആധാർ കാർഡാണ് നൽകുന്നതെങ്കിൽ അതിനോടൊപ്പം നൽകിയിട്ടുള്ള 11 രേഖകളിൽ മറ്റൊന്നു കൂടി അപേക്ഷകർ നിർബന്ധമായും സമർപ്പിക്കേണ്ടതുണ്ട്. യുവവോട്ടർമാരുടെ പങ്കാളിത്തം ഉറപ്പാക്കുന്നതിനായി 'ക്യാംപസ് ടു ബൂത്ത്' എന്ന പേരിൽ പ്രത്യേക പ്രചാരണ പരിപാടിയും സംഘടിപ്പിക്കുന്നുണ്ട്. നവംബർ 2 മുതൽ ഒരാഴ്ചക്കാലമാണ് ക്യാംപസുകൾ കേന്ദ്രീകരിച്ചുള്ള സ്പെഷ്യൽ ഡ്രൈവ് നടക്കുക. "Step Forward, Get Counted" (മുന്നോട്ട് വരൂ, വോട്ടർ പട്ടികയിൽ ഇടം നേടൂ) എന്ന സന്ദേശമുയർത്തിയാണ് തിരഞ്ഞെടുപ്പ് കമ്മീഷൻ ഈ ക്യാമ്പയിൻ നടപ്പിലാക്കുന്നത്.

ശിവസൂര്യയുടെ തിരോധനം; ക്രൈംബ്രാഞ്ച് പ്രാഥമിക അന്വേഷണം തുടങ്ങി, അച്ഛൻ മൊഴിയെടുത്തു

Nirmala babu — Thu, 08 Oct 2026 17:15:47 +0530

കണ്ണൂർ: കണ്ണൂർ പെരിങ്ങത്തൂരിലെ ശിവസൂര്യയുടെ തിരോധനത്തില്‍ ക്രൈംബ്രാഞ്ച് പ്രാഥമിക അന്വേഷണം തുടങ്ങി. ശിവസൂര്യയുടെ വീട്ടിൽ ക്രൈംബ്രാഞ്ച് സംഘം പരിശോധന നടത്തി. അച്ഛൻ ജിഗീഷിൻ്റെയും ആക്ഷൻ കമ്മിറ്റി ഭാരവാഹിളുടേയും മൊഴിയെടുത്തു. അന്വേഷണം ക്രൈംബ്രാഞ്ച് ഏറ്റെടുക്കുന്നതിൻ്റെ ഭാഗമായാണ് പ്രാഥമിക പരിശോധന നടത്തിയത്. 17കാരനെ കാണാതായിട്ട് ഇന്ന് രണ്ട് മാസം തികഞ്ഞു.

ഓഗസ്റ്റ് 8നാണ് മൊബൈൽ ഫോൺ വാങ്ങി വെച്ചതിന്‍റെ പേരില്‍ ശിവസൂര്യ വീട് വിട്ടത്. കാശിയിലേക്ക് പോകുന്നുവെന്നും അവിടെയെത്തി ദൈവത്തിൽ അലിയുമെന്നും കുറിപ്പ് എഴുതി വച്ചിരുന്നു. ആദ്യം കേസ് അന്വേഷിച്ച ചൊക്ലി പൊലീസും പിന്നീട് അന്വേഷിച്ച പ്രത്യേക സംഘവും കേരളത്തിലുടനീളം പരിശോധന നടത്തിയിരുന്നു. തുട‍ർന്ന് ബെംഗളൂരു, മൈസൂരു, മംഗളൂരു എന്നിവിടങ്ങളിലും ഒടുവിൽ വാരണാസിയിലും അന്വേഷണം നടത്തി. എന്നാൽ ശിവസൂര്യയെക്കുറിച്ച് യാതൊരു സൂചനയും കിട്ടിയിരുന്നില്ല. ഒരിടത്തെയും സിസിടിവി ക്യാമറയിൽ 17കാരന്‍റെ ദൃശ്യം പതിഞ്ഞിട്ടുമില്ല. ശിവസൂര്യക്ക് ഒളിവിൽ കഴിയാൻ മറ്റാരുടേയോ സഹായം കിട്ടുന്നുണ്ടെന്ന സംശയം പൊലീസിനും വീട്ടുകാർക്കുമുണ്ട്. ക്രൈംബ്രാഞ്ച് അന്വേഷണത്തിലൂടെ ശിവസൂര്യയെ കണ്ടെത്താനാകുമെന്നാണ് കുടുംബത്തിന്‍റെ പ്രതീക്ഷ.

കാരുണ്യ ആരോഗ്യ പദ്ധതിക്ക് 600 കോടി രൂപ അനുവദിച്ച് സംസ്ഥാന സർക്കാർ

Web Desk — Thu, 08 Oct 2026 17:08:00 +0530

തിരുവനന്തപുരം: കാരുണ്യ ആരോഗ്യ പദ്ധതിക്ക് 600 കോടി രൂപ അനുവദിച്ച് സംസ്ഥാന സർക്കാർ. എൽഡിഎഫ് സർക്കാരിന്റെ കാലത്തെ കടം തീർക്കാനാണ് പണം അനുവദിച്ചതെന്ന് മുഖ്യമന്ത്രിയുടെ ഓഫീസ് വ്യക്തമാക്കി. കാരുണ്യ ആരോഗ്യ സുരക്ഷാ പദ്ധതിയിലെ ക്ലെയിമുകൾക്ക് 307.10 കോടി രൂപയും കാരുണ്യ ബെനവലൻ്റ് പദ്ധതിക്ക് 293.62 കോടി രൂപയും അനുവദിച്ചു. ബജറ്റിൽ കാരുണ്യക്കായി 592 കോടി ആണ് വകയിരുത്തിയിരുന്നത്. കാരുണ്യ പദ്ധതി വഴി സൗജന്യ ചികിത്സ നൽകിയ വകയിൽ സർക്കാർ ആശുപത്രികൾക്ക് ലഭിക്കാനുള്ള കോടികളും കുടിശ്ശികയായി കിടക്കുകയാണ്. പണം ലഭിക്കുന്നതോടെ ആശുപത്രികള്‍ക്ക് ആശ്വാസമാകും.

മെസിയുടെ പേരിലെ തട്ടിപ്പ്: അഴിമതി തടയൽ വകുപ്പ് ചുമത്തുന്ന കാര്യത്തിൽ സർക്കാർ തീരുമാനം ഉടൻ

Web Desk — Thu, 08 Oct 2026 17:04:50 +0530

തിരുവനന്തപുരം: ഫുട്ബോൾ താരം ലയണൽ മെസ്സിയെയും അർജൻ്റീന ടീമിനെയും കേരളത്തിൽ കൊണ്ടുവരാനെന്ന പേരിൽ സംസ്ഥാനത്ത് നടന്ന തട്ടിപ്പിൽ അഴിമതി തടയൽ വകുപ്പ് ചുമത്തുന്ന കാര്യത്തിൽ സർക്കാർ തീരുമാനം ഉടൻ. മുൻ മന്ത്രി അബ്ദുറഹ്മാനെതിരെ ഉള്‍പ്പെടെ വിജിലൻസ് കേസെടുക്കണമെന്ന എസ്ഐടി റിപ്പോർട്ട് ഡിജിപി ആഭ്യന്തര സെക്രട്ടറിക്ക് നൽകിയിരുന്നു. ഈ റിപ്പോർട്ട് ആഭ്യന്തരവകുപ്പ് മന്ത്രിയുടെ ഓഫീസിന് കൈമാറിയിട്ടുണ്ട്. അഴിമതി കേസെടുക്കുന്നതിൽ ഡിജിപിയുമായും എസ്ഐടി തലവൻ പി വിജയനുമായും ആഭ്യന്തര ചർച്ചകള്‍ ഇതിനകം നടത്തിയിട്ടുണ്ട്. വി അബ്ദുറഹ്മാൻ, പ്രൈവറ്റ് സെക്രട്ടറി സത്യപാലൻ, സ്പോർട്സ് കൗണ്‍സിൽ മുൻ പ്രസിഡൻ്റ് യു ഷറഫലി എന്നിവരെ പ്രതിയാക്കി എസ്ഐടി മൂവാറ്റുപുഴ വിജിലൻസ് കോടതിയിൽ റിപ്പോർട്ട് നൽകും.

തട്ടിപ്പ് അന്വേഷിക്കുന്ന പ്രത്യേക സംഘം കഴിഞ്ഞ ദിവസം ഡിജിപിക്ക് പ്രാഥമിക അന്വേഷണ റിപ്പോർട്ട് സമർപ്പിച്ചു. അഴിമതി നിരോധന വകുപ്പ് കൂടി ചുമത്തി അന്വേഷണം വേണമെന്നാണ് അന്വേഷണ സംഘത്തിന്‍റെ ശുപാർശ. മെസ്സിയെ കേരളത്തിലേക്ക് കൊണ്ടുവരാനെന്ന പേരിൽ നടന്നത് ചട്ടലംഘനങ്ങൾ ആണെന്നും വിദേശ യാത്ര വഴി സർക്കാരിന് നേട്ടമുണ്ടായില്ലെന്നും റിപ്പോര്‍ട്ടിൽ പറയുന്നു. പേഴ്സൺ സറ്റാഫ് അംഗങ്ങളുടെ കത്തിടപാടുകൾ സെക്രട്ടറിയേറ്റ് മാനുവലിന് വിരുദ്ധമാണെന്നും റിപ്പോര്‍ട്ടര്‍ ബ്രോഡ്കാസ്റ്റ് കമ്പനിക്ക് വഴിവിട്ട സഹായം നൽകിയെന്നും റിപ്പോർട്ടിൽ ചൂണ്ടിക്കാട്ടുന്നു. അഴിമതി നിരോധന വകുപ്പ് പ്രകാരം അന്വേഷണം വേണമെന്നാണ് എസ്ഐടിയുടെ ആവശ്യം. പ്രത്യേകം കേസെടുക്കണോ എന്നത് ഡിജിപി പരിശോധിക്കും.

'ഡിഗ്രിക്ക് മാത്രം ഇന്ന് വിലയില്ല; യുവാക്കളെ സ്കിൽ പ്രോഗ്രാമുകളിലൂടെ പാകപ്പെടുത്തിയാൽ അദ്ഭുതങ്ങൾ സൃഷ്ടിക്കാം': പി കെ കുഞ്ഞാലിക്കുട്ടി

Gopalakrishnan C — Thu, 08 Oct 2026 16:52:47 +0530

തിരുവനന്തപുരം: കേവലം ഡിഗ്രിക്ക് മാത്രം ഇന്ന് യാതൊരു വിലയുമില്ലാത്ത അവസ്ഥയാണെന്നും, നൂതന ആശയങ്ങളുള്ള കേരളത്തിലെ വിദ്യാർഥികളെ മികച്ച സ്കിൽ പ്രോഗ്രാമുകളിലൂടെ പാകപ്പെടുത്തിയാൽ സംസ്ഥാനത്ത് അദ്ഭുതങ്ങൾ സൃഷ്ടിക്കാൻ കഴിയുമെന്നും മന്ത്രി പി.കെ. കുഞ്ഞാലിക്കുട്ടി. തൊഴിൽ നേടുന്നതിനപ്പുറം അവരെ മികച്ച സംരംഭകരും ക്രിയേറ്റർമാരുമായി മാറ്റാൻ ഇതിലൂടെ സാധിക്കും. മുഖ്യമന്ത്രിയുടെ നൂറുദിന കർമപരിപാടിയിൽ ഉൾപ്പെടുത്തി സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളിലെ വിദ്യാർഥികൾക്കായി നടപ്പാക്കുന്ന 'സ്കിൽ കേരളം- എമർജിങ് ടെക്നോളജി സ്കില്ലിങ് പ്രോഗ്രാമി'ന്‍റെ ഉദ്ഘാടനം തിരുവനന്തപുരത്ത് നിർവഹിച്ച് സംസാരിക്കുകയായിരുന്നു കുഞ്ഞാലിക്കുട്ടി. ഐ.സി.ടി. അക്കാദമി ഓഫ് കേരളയുടെ നേതൃത്വത്തിൽ 'ആക്സിലറേറ്റ് കേരള'യുടെ ഭാഗമായാണ് പദ്ധതി നടപ്പാക്കുന്നത്.

സർവകലാശാലാ കാമ്പസുകൾ വെറുതെ തല്ലുകൂടാനുള്ള സ്ഥലമല്ലെന്ന തിരിച്ചറിവ് എല്ലാവർക്കും ഉണ്ടാകണം. അങ്ങനെ തല്ലുകൂടുന്നവരെ പുതിയ ജെൻ സി സമൂഹം ഒറ്റപ്പെടുത്തും. അതുകൊണ്ടുതന്നെ പുതിയ വിദ്യാഭ്യാസ സാഹചര്യങ്ങൾക്കനുസരിച്ച് രാഷ്ട്രീയക്കാരും മാറേണ്ടതുണ്ട്. ഇത്തരം സംരംഭങ്ങളെ പ്രോത്സാഹിപ്പിക്കാൻ സംസ്ഥാനത്തെ എല്ലാ സർവകലാശാലകളും സജ്ജമാണ്. ഐ.ടി മേഖലയിലെ മാറ്റങ്ങൾ യുവാക്കൾ കാണുന്നുണ്ട്. കഴിവുകൾ വികസിപ്പിക്കാനുള്ള സാഹചര്യങ്ങൾ നാട്ടിൽ തന്നെയുണ്ടാകുമെന്ന ആത്മവിശ്വാസം അവരിലുണ്ടായാൽ പിന്നെ യുവാക്കളെ പിടിച്ചാൽ കിട്ടില്ല. യുവാക്കളുടെ വികാരങ്ങളെ മാനിച്ചുകൊണ്ടേ ഏത് സർക്കാരിനും മുന്നോട്ട് പോകാനാകൂവെന്നും മന്ത്രി വ്യക്തമാക്കി. എമേർജിങ് ടെക്നോളജിയിലെ വൻ സാധ്യതകൾ പ്രയോജനപ്പെടുത്താൻ സർവകലാശാലകളും സർക്കാരും ഒന്നിച്ചുചേർന്നുള്ള ദൗത്യമാണ് സ്കിൽ കേരള പദ്ധതിയെന്നും അദ്ദേഹം കൂട്ടിച്ചേർത്തു. ചടങ്ങില്‍ ഐ.സി.ടി അക്കാദമി ഓഫ് കേരളയുടെ സി.ഇ ഓ മുരളീധരന്‍ മണ്ണിംഗല്‍ സ്വാഗതം ആശംസിച്ചു.

തിരുവനന്തപുരം ഹിൽട്ടൺ ഗാർഡൻ ഇൻ ഹോട്ടലിൽ നടന്ന ചടങ്ങിൽ ഉന്നതവിദ്യാഭ്യാസ, സാമൂഹികനീതി വകുപ്പ് മന്ത്രി റോജി എം. ജോൺ പദ്ധതിയുടെ പോർട്ടൽ പ്രകാശനം ചെയ്തു. വ്യവസായമേഖലയുമായി സഹകരിച്ചുള്ള സർട്ടിഫിക്കേഷനും ഇതിലൂടെ ഉറപ്പുനൽകുന്നു.പദ്ധതിയിലൂടെ സംസ്ഥാനത്തെ പതിനായിരം വിദ്യാർഥികൾക്ക് 17 എമർജിങ് ടെക്നോളജി ഡൊമെയ്‌നുകളിലായി 70-ലധികം കോഴ്സുകൾ പഠിക്കാൻ അവസരം ലഭിക്കും. വിദ്യാർഥികൾക്കും വിദ്യാഭ്യാസ സ്ഥാപനങ്ങൾക്കും യാതൊരു സാമ്പത്തിക ബാധ്യതയുമില്ലാതെ, പൂർണമായും സർക്കാരിന്റെ സാമ്പത്തിക സഹായത്തോടെയാണ് പരിശീലനം നൽകുന്നത്. വിദ്യാർഥികൾക്കുള്ള പരിശീലനത്തിന് പുറമെ അധ്യാപകർക്കുള്ള ഫാക്കൽറ്റി ഡെവലപ്‌മെൻ്റ് പ്രോഗ്രാം, വ്യവസായമേഖലയുമായി ചേർന്നുള്ള ശിൽപശാലകൾ എന്നിവയും പദ്ധതിയുടെ ഭാഗമായി ഒരുക്കിയിട്ടുണ്ട്. സംസ്ഥാന ഇലക്ട്രോണിക്സ്-വിവരസാങ്കേതികവിദ്യാ വകുപ്പ് സ്പെഷ്യൽ സെക്രട്ടറി സീറാം സാംബശിവ റാവു, എ.പി.ജെ. അബ്ദുൽ കലാം സാങ്കേതിക സർവകലാശാല (കെ.ടി.യു) വൈസ് ചാൻസലർ പ്രൊഫ. (ഡോ.) സിസ തോമസ്, സംസ്ഥാനത്തെ വിവിധ ഉന്നതവിദ്യാഭ്യാസ സ്ഥാപനങ്ങളിൽ നിന്നുള്ള ഡയറക്ടർമാർ, ഡീനുകൾ, പ്രിൻസിപ്പൽമാർ തുടങ്ങിയവർ ചടങ്ങിൽ സംബന്ധിച്ചു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

പത്തനംതിട്ട സിപിഎമ്മിൽ വിഭാഗീയത രൂക്ഷം; ജില്ലാ സെക്രട്ടറിയേറ്റിലെ ഏക ഒഴിവ് നികത്താനായില്ല, പന്തളം ഏരിയ കമ്മിറ്റിയിലും പൊട്ടിത്തെറിക്ക് സാധ്യത

Aishwarya S Babu — Thu, 08 Oct 2026 16:10:34 +0530

പത്തനംതിട്ട: തെറ്റുതിരുത്തലിനായി ചേർന്ന വിപുലീകൃത ജില്ലാ കമ്മിറ്റിക്ക് പിന്നാലെ പത്തനംതിട്ട സിപിഎമ്മിൽ വിഭാഗീയത രൂക്ഷമാകുന്നു. തർക്കം മുറുകിയതോടെ ജില്ലാ സെക്രട്ടറിയേറ്റിലെ ഏക ഒഴിവ് നികത്താൻ കഴിയാതെയാണ് ഇന്നലെ യോഗം സമാപിച്ചത്. കെ യു ജനീഷ്കുമാർ എംഎൽഎയെ വെട്ടിനിരത്തിയതിന്റെയും ഏരിയ സെക്രട്ടറിമാരെ തഴഞ്ഞ് അനർഹരെ ജില്ലാ കമ്മിറ്റിയിൽ തിരുകി കയറ്റിയതിന്റെയും അമർഷം പാർട്ടിക്കുള്ളിൽ ശക്തമാണ്. പന്തളം ഏരിയ കമ്മിറ്റിയിൽ പൊട്ടിത്തെറിക്ക് സാധ്യതയുണ്ട്. ഉദയഭാനു വിഭാഗം ആണ് ജനീഷ് കുമാറിനെ വെട്ടിയത്. സ്വർണ്ണകൊള്ള കേസിൽപെട്ട എ. പദ്മകുമാറിന്റെ ഒഴിവിൽ സമ്മേളനശേഷം ഒരാളെ ഉൾപ്പെടുത്തുമെന്നാണ് നേതൃത്വം വിശദീകരിക്കുന്നത്.

കോൺഗ്രസ് നേതാവ് ബിആർഎം ഷെഫീറിന്റെ ഭാര്യയ്ക്ക് വിദ്യാഭ്യാസ വകുപ്പിൽ കരാർ നിയമനം; പ്രതിഷേധിച്ച് ഡിവൈഎഫ്ഐ

Web Desk — Thu, 08 Oct 2026 15:51:16 +0530

തിരുവനന്തപുരം: കെപിസിസി ജനറൽ സെക്രട്ടറി ബിആര്‍എം ഷഫീറിന്‍റെ ഭാര്യയ്ക്ക് വിദ്യാഭ്യാസ വകുപ്പിൽ താല്‍ക്കാലിക നിയമനം നൽകിയത് വിവാദത്തിൽ. സീമാറ്റിൽ റിസര്‍ച്ച് ഓഫീസറായാണ് ഷാനി ഷെഫീറിന് നിയമനം നൽകിയത്. നിയമനത്തിനെതിരെ സീമാറ്റിൽ ഡിവൈഎഫ്ഐ പ്രവര്‍ത്തകര്‍ പ്രതിഷേധിച്ചു. സീമാറ്റ് ഡയറക്ടറെ ഡിവൈഎഫ്ഐ ഉപരോധിക്കുന്നു

യുഡിഎഫ് അധികാരത്തിൽ വന്നതിന് പിന്നാലെ എൻജിഒ അസോസിയേഷന്‍റെ സമ്മേളനത്തില്‍ വെച്ച് പൊലീസിൽ സ്ഥലം മാറ്റം ചോദിച്ച അളിയനോട് പോയി പണി നോക്കാൻ പറഞ്ഞെന്നാണ് കെപിസിസി ജനറൽ സെക്രട്ടറി ബിആര്‍എം ഷഫീര്‍ പ്രസംഗിച്ചത്. അളിയനോട് അങ്ങനെ പറഞ്ഞത് അഭിമാനത്തോടെ അവതരിപ്പിച്ച സദസ്സിന് ആവേശം കൊള്ളിച്ചു. എന്നാലിപ്പോള്‍ ഭാര്യയ്ക്ക് താല്‍ക്കാലികമായെങ്കിലും പണി തരപ്പെടുത്തി. മാസം നാൽപതിനായിരം രൂപയാണ് ശമ്പളം. ഒഴിവ് വന്നപ്പോള്‍ അപേക്ഷിച്ചെന്നും ആരുടെയും അവസരം തട്ടിയെടുത്തിട്ടില്ലെന്നും ബിആര്‍എം ഷഫീര്‍ വിശദീകരിക്കുന്നു.

ബയോഡേറ്റ ലഭിച്ചപ്പോള്‍ യോഗ്യതയുടെ അടിസ്ഥാനത്തിലാണ് നിയമനം നടത്തിയത് എന്നാണ് സീമാറ്റിന്‍റെ പ്രതികരണം. സീ മാറ്റിൽ മുന്‍ സര്‍ക്കാര്‍ നിയമിച്ച സിപിഎം നേതാക്കളുടെ ബന്ധുക്കളെ ഉള്‍പ്പടെ ആരെയും പിരിച്ചുവിട്ടിട്ടില്ലെന്ന് വിദ്യാഭ്യാസ വകുപ്പ് പറയുന്നു. അധ്യാപക പരിശീലനത്തിനായുള്ള സ്ഥാപനത്തിൽ പുതിയ സര്‍ക്കാര്‍ കൂടുതൽ പേരെ നിയമിച്ചു. ബന്ധു നിയമനം മുന്‍ സര്‍ക്കാരിനെതിരെ പ്രചാരണ വിഷയമാക്കിയ യുഡിഎഫ് അധികാരത്തിലെത്തിയപ്പോള്‍ ബന്ധുക്കള്‍ക്ക് ജോലി തരപ്പെടുത്തുന്നു എന്നാണ് ആക്ഷേപം ഉയരുന്നത്.

രഹസ്യവിവരത്തെ തുടർന്ന് പരിശോധന, കൂടുതൽ പേർ ഉൾപ്പെട്ടിട്ടുണ്ടോ എന്ന് സംശയം; 5.38 ഗ്രാം എംഡിഎംഎയുമായി യുവാവ് പിടിയിൽ

Web Desk — Thu, 08 Oct 2026 15:40:36 +0530

അരൂർ: ഓപ്പറേഷൻ തൂഫാന്‍റെ ഭാഗമായി സംസ്ഥാനത്തുടനീളം നടത്തിവരുന്ന ശക്തമായ പരിശോധനയിൽ 5.38 ഗ്രാം എംഡിഎംഎയുമായി യുവാവ് പിടിയിൽ. അരൂർ ചന്തിരൂർ സ്വദേശി അഫ്സൽ (34) ആണ് അരൂർ പൊലീസിന്‍റെ പിടിയിലായത്. ആലപ്പുഴ ജില്ലാ പൊലീസ് മേധാവി വിഷ്ണു പ്രദീപ് ടി കെ ഐപിഎസിന് ലഭിച്ച രഹസ്യവിവരത്തെ തുടർന്ന് ചേർത്തല ഡിവൈഎസ്പി മഞ്ജു ലാലിന്‍റെ നേതൃത്വത്തിൽ അരൂർ സി ഐ അജയ് മോഹൻ ഉൾപ്പെട്ട അന്വേഷണസംഘമാണ് ചന്തിരൂർ ഭാഗത്തുവെച്ച് പ്രതിയെ പിടികൂടിയത്.

ഇയാളെ കേന്ദ്രീകരിച്ച് കൂടുതൽ അന്വേഷണം നടത്തിവരികയാണെന്നും ലഹരിക്കടത്തിൽ കൂടുതൽ പേർ ഉൾപ്പെട്ടിട്ടുണ്ടോ എന്ന് പരിശോധിക്കുമെന്നും പൊലീസ് അറിയിച്ചു. എസ് എച്ച് ഒ അബീഷിന്‍റെ നേതൃത്വത്തിൽ എസ് ഐ നന്ദുനാരായണൻ, ഡാൻസാഫ് സ്ക്വാഡ് എന്നിവരും അന്വേഷണസംഘത്തിലുണ്ടായിരുന്നു.

കനത്ത മഴ; അടുത്ത മൂന്ന് മണിക്കൂറിൽ മൂന്ന് ജില്ലകളിൽ ഓറഞ്ച് അലർട്ട്, ഇടിമിന്നലിനും സാധ്യത

Aishwarya S Babu — Thu, 08 Oct 2026 15:17:53 +0530

തിരുവനന്തപുരം: സംസ്ഥാനത്ത് ശക്തമായ മഴ. അടുത്ത മൂന്ന് മണിക്കൂറിലേക്ക് മൂന്ന് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട ജില്ലകളിലാണ് അലർട്ട് പ്രഖ്യാപിച്ചിരിക്കുന്നത്. ഈ ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. അതേസമയം, ഇന്ന് മുതൽ മൂന്ന് ദിവസത്തേക്ക് സംസ്ഥാനത്ത് വിവിധ ജില്ലകളിൽ ശക്തമായ മഴയ്ക്ക് സാധ്യതയുണ്ട്. ഇന്ന് ഏഴ് ജില്ലകളിലും നാളെ ഒൻപത് ജില്ലകളിലും ഒക്ടോബർ 10ന് നാല് ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.

എഗ്ഗ് ഫ്രൈഡ് റൈസ് അടക്കം നിർത്തലാക്കി; സ്കൂളുകളിലെ ഉച്ചഭക്ഷണ വിതരണം അവതാളത്തിലെന്ന് വി ശിവൻകുട്ടി

Web Desk — Thu, 08 Oct 2026 15:04:16 +0530

തിരുവനന്തപുരം: സ്കൂളുകളിലെ ഉച്ചഭക്ഷണ വിതരണ പദ്ധതി അവതാളത്തിലെന്ന് മുൻ വിദ്യാഭ്യാസ മന്ത്രി വി ശിവൻകുട്ടി. 23.5 ലക്ഷം വിദ്യാർത്ഥികൾക്കാണ് ഉച്ചഭക്ഷണം വിതരണം ചെയ്യുന്നത്. മനുഷ്യത്വരഹിതമായ നടപടിയാണ് ഇപ്പോൾ നടക്കുന്നത്. ഓഗസ്റ്റ്, സെപ്റ്റംബർ മാസങ്ങളിലെ ഉച്ചഭക്ഷണ വിതരണത്തിനുള്ള തുക കുടിശികയാണ്. അങ്കണവാടികളിലെ പോഷകാഹാര വിതരണവും വലിയ പ്രതിസന്ധിയിലാണെന്ന് മുൻ വിദ്യാഭ്യാസ മന്ത്രി പറഞ്ഞു.

തദ്ദേശ സ്ഥാപനങ്ങളിൽ നിന്ന് ഫണ്ട് ലഭിക്കാൻ കാലതാമസം നേരിടുകയാണ്. ഇതാണ് പ്രതിസന്ധിക്ക് കാരണം. ഇടതുപക്ഷം കൊണ്ടുവന്ന മാതൃകാ മെനു നടപ്പാക്കണമെന്ന് ശിവൻകുട്ടി ആവശ്യപ്പെട്ടു. അരിയും പച്ചക്കറിയും പുറത്തുനിന്ന് വിലകൊടുത്ത് വാങ്ങേണ്ട അവസ്ഥയാണ്. അധ്യാപകർ സ്വന്തം കയ്യിൽ നിന്ന് പൈസ എടുത്ത് സാധനം വാങ്ങേണ്ട സ്ഥിതിയാണ് നിലവിലുള്ളത്. പലരും സ്വർണ്ണം പണയം വെച്ച് പോലും സാധനങ്ങൾ വാങ്ങുകയാണ്. ചോറും രണ്ട് കറിയും മാത്രം ആണ് ഇപ്പോൾ നൽകുന്നത്. എഗ്ഗ് ഫ്രൈഡ് റൈസ് അടക്കം നൽകുന്നത് നിർത്തലാക്കി. ക്ഷേമ ആശ്വാസ പദ്ധതികളോട് പുറം തിരിഞ്ഞു നിൽക്കുന്ന സമീപനമാണ് സർക്കാരിന്‍റേതെന്ന് വി ശിവൻകുട്ടി വിമർശിച്ചു.

ഇന്ത്യയിൽ തന്നെ ശ്രദ്ധിക്കപ്പെടുന്ന മേളയാണ് സ്കൂൾ ഒളിമ്പിക്സ്. കഴിഞ്ഞ സർക്കാർ 25000 കുട്ടികൾക്ക് താമസവും ഭക്ഷണവും എല്ലാം നൽകി. ഒരു പരാതിയും ഉണ്ടായിരുന്നില്ല. ഇപ്പോൾ സ്വർണ്ണ കപ്പ് പോലും കാണാൻ ഇല്ല. ഓരോ മേളയും കഴിയുമ്പോൾ അടുത്ത മേള എവിടെ നടത്തണം എന്ന് തീരുമാനിക്കും. ഇത്തവണ അത് ഉണ്ടായില്ല. പതാക പോലും കാണാൻ ഇല്ലാത്ത സ്ഥിതിയാണെന്ന് ശിവൻകുട്ടി പറഞ്ഞു.

തിരുവനന്തപുരത്ത് ഒരു കുടുംബത്തിലെ മൂന്നുപേരെ കാണാതായി; അന്വേഷണം

Web Desk — Thu, 08 Oct 2026 15:04:13 +0530

തിരുവനന്തപുരം: തിരുവനന്തപുരം കാട്ടാക്കടയിൽ ഒരു കുടുംബത്തിലെ മൂന്ന് പേരെ കാണാതായതായി പരാതി. പൂവച്ചൽ വീരണകാവ് സ്വദേശി ശങ്കർ, ഭാര്യ ആതിര, 3 വയസ്സുള്ള മകൾ എന്നിവരെയാണ് കാണാതായത്. ഈ മാസം ആറാം തീയതി മുതലാണ് ഇവരെ കാണാതായത്. സംഭവത്തില്‍ ആതിരയുടെ അമ്മ കാട്ടാക്കട പൊലീസിൽ പരാതി നൽകി. കുടുംബത്തിന് കടബാധ്യത ഉണ്ടായിരുന്നതായി ബന്ധുക്കൾ പോലീസിന് മൊഴി നൽകി. പൊലീസ് അന്വേഷണം ആരംഭിച്ചു.

ഓപ്പറേഷൻ തൂഫാന് ശേഷം മറ്റൊരു പദ്ധതിയുമായി ആഭ്യന്തര വകുപ്പ് ഗാർഹിക പീഡനങ്ങൾ അവസാനിപ്പിക്കാൻ സ്പീക് അപ്

Web Desk — Thu, 08 Oct 2026 14:36:43 +0530

തിരുവനന്തപുരം: ഗാർഹിക പീഡനങ്ങള്‍ക്കെതിരെ സ്പീക് അപ് പദ്ധതിയുമായി ആഭ്യന്തരവകുപ്പ്. ഗാർഹിക പീഡനങ്ങൾ കൂടി വരുന്ന പശ്ചാത്തലത്തിലാണ് പുതിയ പദ്ധതിയെന്ന് ആഭ്യന്തരമന്ത്രി പറഞ്ഞു. പരാതി നൽകുന്ന സ്ത്രീകളുടെ വിവരങ്ങള്‍ രഹസ്യമായി സൂക്ഷിക്കുമെന്ന് നോ‍ഡൽ ഓഫീസർ ഐജി അജീതാ ബീഗം പറ‌ഞ്ഞു

സ്ത്രീധനത്തിന്റെ പേരിൽ കൊടിയ പീഡനങ്ങളുടെ മുറിപ്പാടുമായുള്ള കൊല്ലത്തെ യുവതിയുടെ ചിത്രം ഇപ്പോൾ വലിയ ചർച്ചയാകുന്നുണ്ട്. സ്ത്രീധന പീഡനത്തിനിരയായി ജീവൻ നഷ്ടമായ വിസ്മയെയും ഉത്തരയെയും ഈ നാട് മറന്നിട്ടില്ല. അന്നുയർന്ന പ്രതിക്ഷേധങ്ങൾക്കും പ്രഖ്യാപിക്കപ്പെട്ട വിവിധ പദ്ധതികൾക്കും സ്ത്രീധനമെന്ന വിപത്തിനെ ചെറുക്കുന്നതിന് ഇനിയും കഴിഞ്ഞിട്ടില്ല. പരാതികൾ വീണ്ടും വീണ്ടും ഉയരുന്ന പശ്ചാത്തലത്തിലാണ് പുതിയ പദ്ധതി. സതിയെന്ന ദുരാചാരത്തെ കുഴിച്ചുമൂടിയെങ്കിലും വീടിൻെറ അകത്തളങ്ങളിൽ പുതിയ രൂപത്തിൽ സതി തുടരുന്നവെന്ന് പറഞ്ഞുകൊണ്ടാണ് സ്പീക് അപ് പദ്ധതി ആഭ്യന്തര മന്ത്രി പ്രഖ്യാപിക്കുന്നത്.

കഴി‍ഞ്ഞ ഏഴുവർഷത്തിനിടെ ഗാർഹിക പീഡനത്തിൽ ജീവനൊടുക്കിയത് 92 സ്ത്രീകളാണ്. 15,000 ത്തോളം പരാതികളാണ് പൊലീസിന് മുന്നിലെത്തിയത്. വിസ്മയയുടെ മരണത്തിന് അപരാജിത എന്ന പദ്ധതി പൊലിസ് ആവിഷ്കരിച്ചിരുന്നു. തുടക്കത്തിൽ സമഗ്രമായി നടന്നുവെങ്കിലും ഉദ്യോഗസ്ഥ മാറ്റവും ഭരണമാറ്റവുമുണ്ടായതോടെ പദ്ധതി മെല്ലപ്പോക്കിലായി. ഓരോ മരണവും ചർച്ചയാകുമപോൾ നടത്തുന്ന പ്രഖ്യാപനങ്ങളും പദ്ധതികളും കാര്യക്ഷമമായി തുടർന്ന് കൊണ്ട് പോകാനാകാത്തത് പ്രധാന പ്രശ്നമാണ്.

ശക്തമായ മഴ വരുന്നൂ; ഇന്ന് ഏഴ് ജില്ലകളിൽ യെല്ലോ അലർട്ട്, നാളെ ഒൻപതിടത്ത്

Web Desk — Thu, 08 Oct 2026 14:31:43 +0530

തിരുവനന്തപുരം: ഇന്ന് മുതൽ മൂന്ന് ദിവസം സംസ്ഥാനത്ത് വിവിധ ജില്ലകളിൽ ശക്തമായ മഴയ്ക്ക് സാധ്യത. ഇന്ന് ഏഴ് ജില്ലകളിലും നാളെ ഒൻപത് ജില്ലകളിലും ഒക്ടോബർ 10ന് നാല് ജില്ലകളിലും യെല്ലോ അലർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.

യെല്ലോ അലർട്ട്

08-10-2026: കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം

09-10-2026: കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂർ, കാസറഗോഡ്

10-10-2026: പത്തനംതിട്ട, കോട്ടയം, എറണാകുളം, ഇടുക്കി

കാലാവസ്ഥാ വകുപ്പ് ഇന്ന് ഉച്ചയ്ക്ക് 1.30ന് പുറപ്പെടുവിച്ച അറിയിപ്പ് പ്രകാരം അടുത്ത മൂന്ന് മണിക്കൂറിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

തിരുവനന്തപുരം നഗരസഭയിലെ വ്യാജ ഒപ്പ് പ‌രാതി; മേയർ വി വി രാജേഷ് ഉൾപ്പെടെ 3 പേർക്കെതിരെ കേസ്

Sumam Thomas — Thu, 08 Oct 2026 08:16:09 +0530

തിരുവനന്തപുരം: തിരുവനന്തപുരം നഗരസഭയിലെ വ്യാജ ഒപ്പ് പരാതിയിൽ മേയർ വിവി രാജേഷ് ഉൾപ്പെടെ 3 പേർക്കെതിരെ കേസെടുത്തു. വാഴോട്ടുകോണം കൗൺസിലർ സുഗതൻ, നഗരസഭ സെക്രട്ടറി എന്നിവർ ഉൾപ്പെടെ 3 പേർക്കെതിരെയാണ് കേസെടുത്തിരിക്കുന്നത്. സിപിഎം നേതാവ് എസ് പി ദീപക്കിന്റെ പരാതിയുടെ അടിസ്ഥാനത്തിലാണ് മ്യൂസിയം പൊലീസ് പ്രാഥമിക അന്വേഷണത്തിനൊടുവിൽ ഇപ്പോൾ കേസെടുത്തിരിക്കുന്നത്. കേസെടുത്ത് അന്വേഷണം നടത്തേണ്ടതുണ്ടെന്ന് കന്റോൺമെന്റ് അസിസ്റ്റന്റ് കമ്മീഷണർ പ്രാഥമിക പരിശോധനയ്ക്ക് ശേഷം കമ്മീഷണർക്ക് റിപ്പോർട്ട് നൽകിയിരുന്നു.

കാലടി സംസ്കൃത സർവ്വകലാശാല ക്യാമ്പസിലെ തെരഞ്ഞെടുപ്പ് മാറ്റി; ഇത് അട്ടിമറി, കോടതിയിൽ പോകുമെന്ന് എസ്എഫ്ഐ

Sithara Sreelayam — Thu, 08 Oct 2026 14:06:16 +0530

കൊച്ചി: കാലടി സംസ്കൃത സർവ്വകലാശാല ക്യാമ്പസിലെ തെരഞ്ഞെടുപ്പ് മാറ്റി. ഒക്ടോബര്‍ 16 ന് നിശ്ചയിച്ച തെരഞ്ഞെടുപ്പാണ് മാറ്റിയത്. നാമനിര്‍ദേശ പത്രിക സമർപ്പണവും സൂക്ഷ്മ പരിശോധനയും പൂര്‍ത്തിയായ ശേഷമാണ് തെരഞ്ഞെടുപ്പ് മാറ്റിയത്. പുതുക്കിയ തീയതി ഇതുവരെ പ്രഖ്യാപിച്ചിട്ടില്ല. തെരഞ്ഞെടുപ്പ് അട്ടിമാറിക്കാനുള്ള ശ്രമമാണെന്ന് എസ് എഫ് ഐ ആരോപിച്ചു. എന്നാൽ തുടര്‍ച്ചയായി പെരുമാറ്റച്ചട്ടം ലംഘിച്ച സാഹചര്യത്തിലാണ് തെരഞ്ഞെടുപ്പ് താത്കാലികമായി നിര്‍ത്തിവച്ചതെന്ന് സർവ്വകലാശാല വിശദീകരിച്ചു.

ഈ മാസം 16 ന് തെരഞ്ഞെടുപ്പ് നടത്താനാണ് സർവ്വകലാശാല തീരുമാനിച്ചിരുന്നത്. എന്നാൽ തെരഞ്ഞെടുപ്പ് മാറ്റിവച്ചതായി ഇന്ന് രാവിലെ സർവ്വകലാശാല അധികൃതർ വിദ്യാർത്ഥികളെ അറിയിക്കുകയായിരുന്നു. തുടർച്ചയായി പെരുമാറ്റച്ചട്ടം ലംഘിച്ചു എന്ന് ആരോപിച്ചാണ് സർവ്വകലാശാല തെരഞ്ഞെടുപ്പ് മാറ്റിവച്ചത്. തെരഞ്ഞെടുപ്പ് 16 ന് തന്നെ നടത്തുന്നതിനായി കോടതിയിൽ പോകുമെന്ന് എസ് എഫ് ഐ വ്യക്തമാക്കി. യൂണിയൻ തെരഞ്ഞെടുപ്പ് മാറ്റിവച്ചതിൽ എസ് എഫ് ഐ പ്രതിഷേധിച്ചു. ക്യാമ്പസിൽ പ്രതിഷേധ പ്രകടനം നടത്തി.

കായിക മന്ത്രി ഒ ജെ ജനീഷിനെരെയുള്ള കരിങ്കൊടി പ്രതിഷേധം: എസ് ടി പ്രമോട്ടറെ പിരിച്ചുവിട്ട് സർക്കാർ

Faseela Moidu — Thu, 08 Oct 2026 14:00:01 +0530

കാസർകോട്: കായിക മന്ത്രി ഒ ജെ ജനീഷിനെരെയുള്ള കരിങ്കൊടി പ്രതിഷേധത്തിൽ എസ് ടി പ്രമോട്ടറെ പിരിച്ചുവിട്ട് സർക്കാർ. ബേഡഡുക്ക പഞ്ചായത്ത് പരിധിയിലെ എസ് ടി പ്രമോട്ടറായ എച്ച് രോഹിണിയെ ആണ് പിരിച്ചുവിട്ടത്. കുറ്റിക്കോൽ പഞ്ചായത്തിന് മുൻപിൽ വച്ച് മന്ത്രിയെ കരിങ്കൊടി കാണിച്ച സംഭവത്തിലാണ് നടപടി. പയർപള്ളം സ്വദേശിയായ രോഹിണിയെ ആണ് പിരിച്ചുവിട്ടത്. തിരുവനന്തപുരത്ത് നടന്ന യൂത്ത് കോൺഗ്രസ് - എസ്എഫ്ഐ സംഘർഷത്തിൻ്റെ പശ്ചാത്തലത്തിലാണ് ജനീഷിന് നേരെ വ്യാപകമായ പ്രതിഷേധം നടന്നത്. നിരവധി ജില്ലകളിൽ മന്ത്രിയെ കരിങ്കൊടി കാട്ടിയും വാഹനം തടഞ്ഞും പ്രതിപക്ഷ സംഘടനകൾ പ്രതിഷേധിച്ചിരുന്നു. ഡിവൈഎഫ്ഐ, എസ്എഫ്ഐ, യുവമോർച്ച എന്നീ സംഘടകളുടെ പ്രതിഷേധമാണ് നടന്നത്.

മന്ത്രി ഇടപെട്ടു, നാട്ടികയിലെ ടോൾ പിരിവ് നിർത്തിവച്ചു; തീരുമാനം പണി തീരാത്ത റോഡിലെ ടോൾ പിരിവിനെതിരെ പ്രതിഷേധം ഉയർന്നതോടെ

Sithara Sreelayam — Thu, 08 Oct 2026 13:47:36 +0530

തൃശൂർ: പ്രതിഷേധം ശക്തമായതോടെ നാട്ടികയിലെ ടോൾ പിരിവ് നിർത്തിവെക്കാൻ പൊതുമരാമത്ത് മന്ത്രി പി കെ ബഷീർ നിർദേശം നൽകി. കൊടുങ്ങല്ലൂർ - കപ്രിക്കാട് സ്‌ട്രെച്ചിൽ സർവീസ് റോഡിന്‍റെയും പാലത്തിന്‍റെ അപ്രോച്ച് റോഡിന്‍റെയും പണി പൂർത്തിയായിട്ടില്ല. ഇപ്പോൾ ടോൾ തുടങ്ങിയാൽ ഈ മേഖലയിൽ ഗതാഗത കുരുക്ക് ഉണ്ടാകുമെന്ന് കലക്ടറുടെയും പൊലീസിന്‍റെയും റിപ്പോർട്ട്‌ ഉണ്ട്. ഇതിന്‍റെ അടിസ്ഥാനത്തിൽ ആണ് ടോൾ പിരിവ് താത്കാലികമായി നിർത്തിവെക്കാൻ മന്ത്രി പി കെ ബഷീർ നിർദേശം നൽകിയത്.

നിർമ്മാണം പൂർത്തിയാക്കാത്ത റോഡിൽ ടോൾ പിരിക്കാൻ അനുവദിക്കില്ലെന്ന് പറഞ്ഞ് രാവിലെ മുതൽ യുഡിഎഫ് പ്രവർത്തകരാണ് സമരം നടത്തിയത്. പ്രതിഷേധ സമരം പൊലീസ് തടഞ്ഞതോടെ പ്രവർത്തകർ റോഡിൽ കുത്തിയിരുന്നു. ഇവരെ അറസ്റ്റ് ചെയ്യാൻ പൊലീസ് ശ്രമിച്ചതോടെ സംഘർഷാവസ്ഥയായി. നേതാക്കളെയും പ്രവർത്തകരെയും പൊലീസ് ബലം പ്രയോഗിച്ച് അറസ്റ്റ് ചെയ്ത് നീക്കി. തുടർന്ന് ടോൾ പിരിവ് തുടങ്ങിയിരുന്നു. വാഹനങ്ങൾ ഫാസ്റ്റ് ട്രാക്ക് സംവിധാനം വഴി സ്കാൻ ചെയ്താണ് ടോൾ ഈടാക്കിയത്.

കോൺഗ്രസ് നേതാക്കളായ ജോസ് വള്ളൂർ, ശോഭ സുബിൻ, ജന പ്രതിനിധികളായ സി എം നൗഷാദ്, പി വിനു തുടങ്ങിയ നേതാക്കളെയാണ് പൊലീസ് അറസ്‌റ്റ് ചെയ്തത്. ഇവരെ പിന്നീട് പൊലീസ് വാഹനത്തിൽ സ്റ്റേഷനിലേക്ക് മാറ്റി. സംഭവമറിഞ്ഞ് സ്ഥലത്തേക്ക് കൂടുതൽ പ്രവർത്തകർ എത്തിയിരുന്നു. സംഘർഷം കണക്കിലെടുത്ത് വൻ പൊലീസ് സംഘം സ്ഥലത്ത് ക്യാമ്പ് ചെയ്തിരുന്നു. എന്നാൽ മന്ത്രി ഇടപെട്ട് നിലവിൽ ടോൾ പിരിക്കുന്നത് നിർത്തി വച്ചിരിക്കുകയാണ്.

ഷുഹൈബ് വധക്കേസ്: വിചാരണ കോടതി മാറ്റണമെന്ന പ്രതികളുടെ ആവശ്യം തള്ളി സുപ്രീംകോടതി

Aishwarya S Babu — Thu, 08 Oct 2026 13:26:11 +0530

ദില്ലി: തലശ്ശേരി ഷുഹൈബ് വധക്കേസിലെ വിചാരണ കോടതി മാറ്റണമെന്ന പ്രതികളുടെ ആവശ്യം തള്ളി. സുപ്രീംകോടതിയാണ് തള്ളിയത്. ആകാശ് തില്ലങ്കേരി അടക്കം പ്രതികളുടെ ആവശ്യമാണ് ജസ്റ്റിസ് കെ വി വിശ്വനാഥൻ അധ്യക്ഷനായ ബെഞ്ച് തള്ളിയത്. ഷുഹൈബ് വധക്കേസിലെ വിചാരണ വൈകിപ്പിക്കാനുള്ള നീക്കം എന്ന സർക്കാർ വാദം സുപ്രീം കോടതി അംഗീകരിക്കുകയായിരുന്നു. 2018ഫെബ്രുവരിയിൽ യൂത്ത് കോൺഗ്രസ് നേതാവായ ഷുഹൈബിനെ സിപിഎം ഡിവൈഎഫ്ഐ പ്രവർത്തകരായ 17 പ്രതികൾ ചേർന്ന് കൊലപ്പെടുത്തിയെന്നാണ് കേസ്.

കേന്ദ്രമന്ത്രി നിതിൻ ഗഡ്കരിയുമായി കൂടികാഴ്ച നടത്തി മുഖ്യമന്ത്രി വിഡി സതീശൻ; വിവിധ ദേശീയ പാത പദ്ധതികളുടെ നടപടികൾ വേഗത്തിലാക്കുന്നതടക്കം ചർച്ചയായി

Aishwarya S Babu — Thu, 08 Oct 2026 13:15:42 +0530

ദില്ലി: കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിയുമായി കൂടിക്കാഴ്ച നടത്തി മുഖ്യമന്ത്രി വിഡി സതീശൻ. വിവിധ ദേശീയ പാത പദ്ധതികളുടെ നടപടികൾ വേഗത്തിലാക്കുന്നതടക്കം നിർണായക തീരുമാനങ്ങൾ കൂടിക്കാഴ്ചയിലെടുത്തെന്ന് മുഖ്യമന്ത്രി അറിയിച്ചു. പ്രതിരോധ മന്ത്രി രാജ്നാഥ് സിങ്ങുമായും അദ്ദേഹം കൂടിക്കാഴ്ച നടത്തിയിരുന്നു.

കേരളത്തിലെ ദേശീയപാത വികസനം ഉൾപ്പെടെയുള്ള വിവിധ അടിസ്ഥാന സൗകര്യ വികസന പദ്ധതികൾ സംബന്ധിച്ച് കേന്ദ്ര റോഡ് ഗതാഗത-ഹൈവേ മന്ത്രി നിതിൻ ഗഡ്കരിയുമായി കൂടിക്കാഴ്ച നടത്തി. യോഗത്തിൽ കേരളത്തിന്റെ റോഡ്-ഗതാഗത മേഖലയുടെ വികസനം വേഗത്തിലാക്കുന്നതിനുള്ള നിരവധി നിർണായക തീരുമാനങ്ങൾ ഉണ്ടായെന്ന് മുഖ്യമന്ത്രി സാമൂഹിക മാധ്യമങ്ങളിൽ കുറിച്ചു.

ദേശീയപാത 66 വികസനത്തിലെ കാലതാമസം പരിഹരിച്ച് നിർമാണ പ്രവർത്തനങ്ങൾ വേഗത്തിലാക്കാൻ അടിയന്തര നടപടി സ്വീകരിക്കുമെന്ന് കേന്ദ്രമന്ത്രി ഉറപ്പ് നൽകി. എൻഎച്ച് 966 കോഴിക്കോട്–പാലക്കാട് പദ്ധതിയുടെ തുടർ അംഗീകാരം മൂന്ന് മാസത്തിനകം നൽകുമെന്ന് ഉറപ്പ് ലഭിച്ചെന്നും പദ്ധതിക്കാവശ്യമായ സ്ഥലമേറ്റെടുപ്പ് നടപടികൾ 80 ശതമാനം പൂർത്തിയായിട്ടുണ്ടെന്നും അദ്ദേഹം കുറിച്ചു. ദേശീയപാത വികസനത്തിന് ആവശ്യമായ പുഴമണലും ക്വാറി മെറ്റീരിയലും ലഭ്യമാക്കുന്നതിനുള്ള നടപടികൾ വേഗത്തിലാക്കും. ശബരിമല റോപ്പ് വേ പദ്ധതിയുടെ ഡിപിആർ തയ്യാറാക്കി ആവശ്യമായ കേന്ദ്ര-സംസ്ഥാന അനുമതികൾ വേഗത്തിലാക്കാനും പദ്ധതി രണ്ട് വർഷത്തിനകം പൂർത്തിയാക്കുന്നതിനുള്ള നടപടികൾ സ്വീകരിക്കാനും ധാരണയായി.

വെസ്റ്റേൺ എറണാകുളം ബൈപ്പാസ്, കോതമംഗലം–മൂവാറ്റുപുഴ ബൈപ്പാസുകൾ, കോഴിക്കോട് അന്താരാഷ്ട്ര വിമാനത്താവളത്തിലേക്കുള്ള കണക്റ്റിവിറ്റി എന്നിവ ഉൾപ്പെടെ കേരളത്തിലെ മറ്റ് റോപ്പ് വേ പദ്ധതികളും വേഗത്തിലാക്കണമെന്ന് ആവശ്യപ്പെട്ടതായി അദ്ദേഹം അറിയിച്ചു. കേരളത്തിന്റെ റോഡ്-ഗതാഗത അടിസ്ഥാന സൗകര്യ വികസനത്തിന് കേന്ദ്ര-സംസ്ഥാന സഹകരണത്തോടെ പദ്ധതികൾ സമയബന്ധിതമായി മുന്നോട്ടുകൊണ്ടുപോകുന്നതിനുള്ള നിർണായക തീരുമാനങ്ങളാണ് കൂടിക്കാഴ്ചയിൽ ഉണ്ടായത്.

'പ്രസ്താവന മലപ്പുറത്തെ അവഹേളിക്കുന്നത്': വിദ്വേഷ പരാമർശത്തില്‍ സിപിഎം നേതാവ് പി നന്ദകുമാറിനെതിരെ സമസ്തയുടെ പ്രമേയം

Web Desk — Thu, 08 Oct 2026 13:08:22 +0530

മലപ്പുറം: മലപ്പുറത്തിന് എതിരായ വിദ്വേഷ പരാമർശത്തില്‍ സിപിഎം നേതാവ് പി നന്ദകുമാറിനെതിരെ മുശാവറ യോഗത്തിൽ സമസ്തയുടെ പ്രമേയം. നന്ദകുമാറിന്റെ പ്രസ്താവന മലപ്പുറത്തിനെ അവഹേളിക്കുന്നതെന്ന് സമസ്ത വിമര്‍ശിച്ചു. സിപിഎം ജില്ലാ നേതാവ് നടത്തിയ പ്രസ്താവന അപലപനീയവും പ്രതിഷേധാര്‍ഹവുമെന്നാണ് പ്രമേയത്തിൽ ചൂണ്ടിക്കാട്ടുന്നത്.

മതസൗഹാർദ്ദത്തിനും മനുഷ്യ സ്നേഹത്തിനും പേര് കേട്ട ജില്ലയാണ് മലപ്പുറം. നന്ദകുമാറിന്റെ പ്രസ്താവന വസ്തുതകള്‍ക്ക് നിരക്കാത്തത്. ഇത്തരം പ്രസ്താവനകള്‍ ജനങ്ങള്‍ക്കിടയില്‍ വിദ്വേഷം സൃഷ്ടിക്കാനും പരസ്പരം അകറ്റാനും ഉപകരിക്കൂവന്നും സമസ്‌ത പ്രമേയത്തില്‍ പറയുന്നു. രാജ്യത്ത് വര്‍ഗീയ കലഹങ്ങള്‍ ഏറ്റവും കുറവുള്ള ജില്ലയായാണ് മലപ്പുറത്തെ നിഷ്പക്ഷമതികള്‍ വിലയിരുത്താറുള്ളതെന്നും പ്രമേയത്തിൽ പറയുന്നു. മലപ്പുറം ജില്ലയുടെ ഈ മാതൃക തുടര്‍ന്നും നിലനിര്‍ത്താന്‍ എല്ലാവരും സഹകരിച്ച് പ്രവര്‍ത്തിക്കണമെന്നും സമസ്‌ത മുശാവറ യോഗം അഭ്യർത്ഥിച്ചു.

മത മൗലിക വർഗീയ വാദികളുടെ കൂടാണ് മലപ്പുറമെന്നായിരുന്നു നന്ദകുമാറിന്‍റെ പരാമർശം. പ്രതിപക്ഷ നേതാവ് പിണറായി വിജയൻ ഉൾപ്പെടെ ഉണ്ടായിരുന്ന വേദിയിലാണ് ഇത്തരം ഒരു വിവാദ പരാമർശം നന്ദകുമാർ നടത്തിയത്. വിപുലീകൃത ജില്ലാ കമ്മിറ്റിയിലെ പ്രസംഗത്തിലാണ് നന്ദകുമാറിന്‍റെ പരാമർശം ഉണ്ടായത്. പരാമർശം വിവാദമായെങ്കിലും മുൻ എംഎൽഎ കൂടിയായ സിപിഎം നേതാവ് നന്ദകുമാര്‍ നിലപാട് തിരുത്തിയിട്ടില്ല.

പാർട്ടിക്ക് ലഭിക്കുന്ന പരാതികളിൽ പാർട്ടിക്ക് നിലപാട് ഉണ്ടെന്ന് ടിപി രാമകൃഷ്ണൻ; 'സുരേഷ് ബാബുവിനെതിരെ പരാതി ലഭിച്ചതായി തനിക്ക് അറിയില്ല'

Faseela Moidu — Thu, 08 Oct 2026 12:49:17 +0530

ദില്ലി: പാലക്കാട് സിപിഎം മുൻ ജില്ലാ സെക്രട്ടറി ഇഎൻ സുരേഷ് ബാബുവിനെതിരെ പരാതി ലഭിച്ചതായി തനിക്ക് അറിയില്ലെന്ന് എൽഡിഎഫ് കൺവീനർ ടിപി രാമകൃഷ്ണൻ. പാർട്ടിക്ക് ലഭിക്കുന്ന പരാതികളിൽ പാർട്ടിക്ക് നിലപാട് ഉണ്ട്. പാർട്ടിക്ക് ലഭിച്ച പരാതികളിൽ ആദ്യം അന്വേഷണം നടത്തുക പാർട്ടിയാണ്. പൊലീസിന് പരാതി കൈമാറിയാൽ അത് പാർട്ടിക്ക് വിധേയമല്ല. പരാതി ലഭിച്ചാൽ പാർട്ടി അന്വേഷണം നടത്തുക എന്നത് സ്വാഭാവികമാണാണെന്നും ടിപി രാമകൃഷ്ണൻ‌ പറഞ്ഞു.

പീഡന പരാതികൾ പൊലീസിന് കൈമാറുന്നത് കോൺഗ്രസിന്റെ സംഘടനാ ശൈലിയാണ്. പക്ഷേ പാർട്ടിക്ക് ഒരു പ്രത്യേക രീതിയുണ്ട്. ആ വഴിയെ പോകൂ. പരാതി കിട്ടിയാൽ അത് അന്വേഷിക്കാനുള്ള സംവിധാനം പാർട്ടിക്ക് ഉണ്ട്. ഇത്തരം പരാതികളിൽ പാർട്ടി ഭരണഘടന ഉയർത്തിപ്പിടിക്കും. അതുവഴി ഒരു അന്വേഷണം നടത്തും. പികെ ശ്രീമതി ടീച്ചർ പറഞ്ഞത് പാർട്ടി നിലപാട് ആണ്. ഇത്തരമുള്ള പരാതികൾ പൊലീസിന് കൈമാറുമോ എന്നതിൽ ആലോചിച്ച് മറുപടി പറയാമെന്നും ടിപി രാമകൃഷ്ണൻ പറഞ്ഞു.

ഇന്ത്യ സഖ്യത്തിൽ കോൺഗ്രസ് വ്യത്യസ്തമായി സമീപനം നടത്തുകയാണ്. യോജിച്ച് മുന്നോട്ട് പോകുന്നില്ല, കേരളത്തിലും കേന്ദ്രത്തിലും കോൺഗ്രസിന് ഈ സമീപനമാണ്. ഇന്ത്യ ബ്ലോക്ക് സഖ്യത്തെ കോൺഗ്രസ് ശക്തിപ്പെടുത്തണം. ബിജെപി സമീപനം -കോൺഗ്രസ് ആ സമീപനത്തിൽ മാറ്റം വന്നാൽ യോജിച്ച് പോകാം. കേരളത്തിൽ ആ സമീപനം കൂടുകയാണ്. ദേശീയത്തിലും കേരളത്തിലും ഈ സമീപനം പ്രകടനം. എംഎ ബേബി പറഞ്ഞത് ജനാധിപത്യത്തിന് വേണ്ടി ഈ സമരത്തിന് കോൺഗ്രസിന് ഒപ്പം നിൽക്കും. അല്ലാത്ത പക്ഷം ഇന്ത്യ സഖ്യത്തിൽ കോൺഗ്രസ് വ്യത്യസ്തമായി സമീപനം ഇന്ത്യ സഖ്യത്തിൽ തുടരുകയാണ്. ഇത്തരം പ്രശ്നങ്ങൾ സിപിഎം ചോദ്യം ചെയ്യും. യോജിക്കുന്ന സമീപനം വേണമെന്നും ടിപി രാമകൃഷ്ണൻ പറഞ്ഞു.

അടൂർ പ്രകാശിന്‍റെ അതൃപ്തി; 'ഹൈക്കമാൻഡ് വലിയ തിരക്കിലാണ്, രാഹുലും പ്രിയങ്കയും ഖാർഗേജിയും സമരമുഖത്താണ്', സമയമെടുക്കുമെന്ന് സണ്ണി ജോസഫ്

Web Desk — Thu, 08 Oct 2026 12:35:07 +0530

തിരുവനന്തപുരം: മുഖ്യമന്ത്രി വി. ഡി. സതീശനെതിരായ യുഡിഎഫ് കൺവീനർ അടൂർ പ്രകാശിന്റെ പരാതി പരിഹരിക്കാൻ സമയമെടുക്കുമെന്ന് കെപിസി പ്രസിഡന്‍റും മന്ത്രിയുമായ സണ്ണി ജോസഫ്. വിഷയം ഹൈക്കമാന്റിന്റെ പരിഗണനയിലാണ്, പരിഹരിക്കാൻ സമയമെടുക്കും. മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്‍റെ രാജിക്കായി ഹൈക്കമാന്‍റ് സമരമുഖത്താണെന്നും കെപിസിസി പ്രസിഡന്‍റ് കൂടിയായ സണ്ണി ജോസഫ് വ്യക്തമാക്കി. കെപിസിസി ആസ്ഥാനത്ത് വച്ച് നടന്ന വാർത്താ സമ്മേളനത്തിനിടെയാണ് യുഡിഎഫ് കൺവീനർ അടൂർ പ്രകാശ് മുഖ്യമന്ത്രി വി.ഡി സതീശനെതിരെ അതൃപ്തി തുറന്നുപറഞ്ഞത്.

സംഭവത്തിൽ അടൂർ പ്രകാശിനോട് വിവരം തേടിയിരുന്നു. ദില്ലിയിൽ വച്ചാണ് ഇത് സംബന്ധിച്ച് വിവരം തേടിയതെന്നും മാധ്യമങ്ങൾ ചോദിച്ചതിന്‍റെ അടിസ്ഥാനത്തിലാണ് താൻ പ്രതികരിച്ചതെന്ന് അടൂർ പ്രകാശ് വിശദീകരിച്ചതായും സണ്ണി ജോസഫ്. മാധ്യമങ്ങൾ വാർത്ത ഹൈലൈറ്റ് ചെയ്തതാണെന്നാണ് അടൂർ പ്രകാശ് പറഞ്ഞത്. ഗ്യാനേഷ് കുമാറിനെതിരായ സമരമുഖത്ത് ഒന്നിച്ചു നിൽക്കുമ്പോൾ മറ്റു വിഷയങ്ങൾക്ക് പ്രസക്തിയില്ലെന്നും, കെപിസിസി യോഗം 13 ന് ചേരുമെന്നും സണ്ണി ജോസഫ് പറഞ്ഞു. സമരവേദിയിൽ വച്ചും അടൂർ പ്രകാശ് വിയോജിപ്പ് പ്രകടിപ്പിച്ചതോടെയാണ് കെപിസിസി പ്രസിഡന്‍റ് ഇക്കാര്യത്തിൽ വ്യക്തത വരുത്തിയത്.

കേരളത്തിലെ വൈദ്യുതി പ്രതിസന്ധി പരിഹരിക്കാൻ ശ്രമം തുടരുന്നുണ്ടെന്നും മന്ത്രി പറഞ്ഞു. എൻ.ടി പി.സിയുടെ ഭാഗത്തുനിന്ന് ഉണ്ടായ പ്രതികരണം അനുകൂലമാണ്. എൻ.ടി.പി.സിയുടെ പൂളിൽ നിന്ന് കേരളത്തിന് ആവശ്യമായ വൈദ്യുതി ലഭ്യമാക്കുന്നത് സംബന്ധിച്ച് യോഗത്തിൽ ചർച്ച ചെയ്തു. കേരളത്തിന്റെ ആവശ്യങ്ങളോട് അനുഭാവപൂർണ്ണമായ സമീപനം സ്വീകരിക്കാമെന്ന് എൻ.ടി.പി.സി ചെയർമാൻ ഉറപ്പ് നൽകിയിട്ടുണ്ടെന്നും സണ്ണി ജോസഫ് വ്യക്തമാക്കി. സമരം നടത്തുന്ന മീറ്റർ റീഡിങ് ജീവനക്കാരുമായി ചർച്ച നടത്തും. സംസ്ഥാനത്തെ വൈദ്യുതി പ്രതിസന്ധിക്ക് പരിഹാരം കാണാൻ സർക്കാർ അടിയന്തര ഇടപെടലുകളാണ് നടത്തിവരുന്നതെന്നും മന്ത്രി വ്യക്തമാക്കി.

ആര്‍ സുഗതന്റെ വ്യാജ ഒപ്പ് വിവാദം; മേയർ വി വി രാജേഷിന്റെ നിർണായക നീക്കം, എസ് പി ദീപക്കിനെതിരെ മാനനഷ്ടക്കേസ് ഫയൽ ചെയ്തു

Web Desk — Thu, 08 Oct 2026 11:55:08 +0530

തിരുവനന്തപുരം: തിരുവനന്തപുരം കോർപ്പറേഷനിലെ കൗൺസിലർ ആര്‍ സുഗതന്റെ വ്യാജ ഒപ്പ് വിവാദത്തിൽ സിപിഎം കൗണ്‍സിലർ എസ് പി ദീപക്കിനെതിരെ മാനനഷ്ടക്കേസ് ഫയൽ ചെയ്ത് മേയർ വി വി രാജേഷ്. 5 കോടി രൂപയുടെ മാനനഷ്ടക്കേസ് വി വി രാജേഷ് ഫയൽ ചെയ്തിരിക്കുന്നത്. എസ് പി ദീപക് ആരോപണം പിൻവലിക്കണമെന്നും വി വി രാജേഷ് ആവശ്യപ്പെടുന്നു. വ്യാജ ഒപ്പ് ആരോപണത്തിൽ മേയർ രാജേഷ് ഉൾപ്പെടെ മൂന്ന് പേർക്കെതിരെ പൊലീസ് കേസെടുത്തിരുന്നു.

മേയർ രാജേഷിനെതിരെ കേസെടുത്ത് പൊലീസ്

തിരുവനന്തപുരം വാഴക്കോണം കൗൺസിലർ സുഗതന്റെ ഒപ്പ് കൗൺസിൽ ബുക്കിൽ വ്യാജമായി രേഖപ്പെടുത്തിയെന്ന കോർപ്പറേഷൻ എൽഡിഎഫ് പാർലമെന്ററി പാർട്ടി ലീഡർ എസ് പി ദീപക്കിന്റെ പരാതിയിൽ കേസെടുത്ത മ്യൂസിയം പൊലീസ് അന്വേഷണം ആരംഭിച്ചു. തിരുവനന്തപുരം മേയർ വി വി രാജേഷിനെ ഒന്നാം പ്രതിയാക്കിയാണ് കേസെടുത്തിരിക്കുന്നത്. ചരിത്രത്തിൽ ആദ്യമായാണ് ഒരു മേയർക്കെതിരെ ക്രിമിനൽ കേസ് രേഖപ്പെടുത്തിയിരുക്കുന്നതെന്നും, വ്യാജ ഒപ്പ് ചമക്കുന്നത് ഗുരുതര കുറ്റമാണെന്നും, സുഗതനെ സ്വാതന്ത്രസമര സേനാനിയെന്ന പോലെ ബിജെപി വരവേറ്റതിന്റെ ഔചിത്യം തനിക്ക് മനസ്സിലാകുന്നിലെന്നും എസ് പി ദീപക്ക് മാധ്യമങ്ങളോട് പറഞ്ഞു.

കെഎഫ്സി വായ്പ തട്ടിപ്പ്; പി വി അൻവറിന് വീണ്ടും തിരിച്ചടി, വിജിലൻസ് കേസ് റദ്ദാക്കണം എന്ന ഹർജി തള്ളി ഹൈക്കോടതി

Web Desk — Thu, 08 Oct 2026 12:17:42 +0530

കൊച്ചി: കെഎഫ്സി വായ്പാ തട്ടിപ്പിലെ വിജിലന്‍സ് കേസ് റദ്ദാക്കണമെന്നാവശ്യപ്പെട്ട് മുന്‍ എംഎല്‍എ പി വി അന്‍വർ നൽകിയ ഹ‍ർജി ഹൈക്കോടതി വീണ്ടും തള്ളി. ഇത് രണ്ടാം തവണയാണ് ആവശ്യം ഹൈക്കോടതി തള്ളുന്നത്. ഇരുപത്തിരണ്ടരക്കോടിയുടെ ക്രമക്കേടിലാണ് അൻവറിനെയും ഉദ്യോഗസ്ഥരെയും പ്രതിയാക്കി വിജിലൻസ് കേസെടുത്തത്.

വായ്പ ക്രമക്കേടിൽ 22.30 കോടി രൂപ നഷ്ടമുണ്ടാക്കിയെന്നായിരുന്നു വിജിലൻസ് പ്രാഥമിക കണ്ടെത്തൽ. എന്നാൽ വിജിലൻസ് കേസിന് പിന്നാലെ ഇഡിയും അന്വേഷണം തുടങ്ങിയിട്ടുണ്ടെന്നും എഫ്ഐആർ റദ്ദാക്കുന്നത് സ്വതന്ത്ര അന്വേഷണത്തെ ബാധിക്കുമെന്നും പരാതിക്കാരനായ മുരുഗേഷ് നരേന്ദ്രൻ ഹൈക്കോടതിയെ അറിയിച്ചു. അൻവറിനെതിരായ തെഴിലുവളും ഹാജരാക്കി. ഇതോടെയാണ് ഹ‍ർ‍ജിയുമായി മുന്നോട്ട് പോകുന്നില്ലെന്ന് അൻവറിന്‍റെ അഭിഭാഷകൻ അറിയിക്കുകയും ഹൈക്കോടതി ഹർജി തള്ളുകയുമായിരുന്നു. ഇക്കഴിഞ്ഞ മാര്‍ച്ചിലും സമാന ആവശ്യവുമായി അൻവർ എത്തിയെങ്കിലും കേസ് ഹൈക്കോടതി തള്ളിയിരുന്നു.

കെ.എഫ്.സി തട്ടിപ്പിൽ കഴിഞ്ഞ വര്‍ഷം ജൂലൈ 29തിനാണ് അന്‍വര്‍ അടക്കമുള്ളവര്‍ക്കെതിരെ തിരുവനന്തപുരത്തെ വിജിലന്‍സ് കേസെടുത്തത്. കേരള ഫിനാന്‍സ് കോര്‍പ്പറേഷന്‍ മലപ്പുറം ബ്രാഞ്ച് ചീഫ് മാനേജര്‍ അബ്ദുല്‍മനാഫ്, ഡെപ്യൂട്ടി മാനേജര്‍ മിനി, ജൂനിയര്‍ ടെക്നിക്കല്‍ ഓഫീസര്‍ മുനീര്‍ അഹമ്മദ് പി, പി വി അന്‍വര്‍, പി വി അന്‍വറിന്റെ ഡ്രൈവറും മാലംകുളം കണ്‍സ്ട്രക്ഷന്‍സ് പ്രൈവറ്റ് ലിമിറ്റഡ് കമ്പനി ഡയറക്ടറുമായ സിയാദ് എന്നിവരെ ഒന്ന് മുതല്‍ 5 വരെ പ്രതികളായാണ് കേസെടുത്തത്.

കാറിന് മുകളിലേക്ക് കൂറ്റൻ പാറക്കല്ല് പതിച്ച് കാർ യാത്രക്കാരന് ദാരുണാന്ത്യം, ഭാര്യയ്ക്കും ബന്ധുവിനും പരിക്ക്, അപകടം നീലഗിരിയിൽ

Sumam Thomas — Thu, 08 Oct 2026 11:57:13 +0530

നീലഗിരി: നീലഗിരിയിൽ കൂറ്റൻ പാറക്കല്ല് റോ‍ഡിലേക്ക് വീണ് കാർ യാത്രക്കാരന് ദാരുണാന്ത്യം. ഊട്ടി സ്വദേശി ബി കൃഷ്ണമൂർത്തിയാണ് മരിച്ചത്. ഭാര്യയ്ക്കും ബന്ധുവിനും ഗുരുതരമായി പരിക്കേൽക്കുകയും ചെയ്തു. കഴിഞ്ഞ കുറച്ചുദിവസങ്ങളായി നീലഗിരി മേഖലയിൽ കനത്ത മഴ പെയ്യുന്നുണ്ട്. കുനൂർ മേട്ടുപ്പാളയം റോഡിലാണ് ദാരുണമായ ഈ സംഭവം നടന്നിരിക്കുന്നത്. വ്യോമസേനയിലെ മുൻ ഉദ്യോഗസ്ഥനായ ബി കൃഷ്ണമൂർത്തിയും ഭാര്യയും മകനുമടക്കം അഞ്ച് പേരാണ് മേട്ടുപ്പാളയത്തെ ബന്ധുവിന്റെ വീട്ടിലേക്ക് ചടങ്ങിൽ പങ്കെടുക്കാൻ പോയത്. ഇതിനിടെയാണ് അപകടമുണ്ടായത്.

കൂറ്റൻ പാറക്കല്ലുകൾ അപ്രതീക്ഷിതമായി റോ‍ഡിന്റെ ഒരു വശത്ത് നിന്ന് വീഴുകയായിരുന്നു. മുൻവശത്ത് ഇടതുനിരയിലാണ് കൃഷ്ണമൂർത്തി ഇരുന്നത്. ഈ ഭാഗത്തേക്കാണ് കല്ലുകൾ പതിച്ചത്. തൊട്ടുപിന്നിലിരുന്ന ഭാര്യ ദേവകി, ബന്ധുവായ ചിന്താമണി എന്നിവർക്കാണ് ഗുരുതരമായി പരിക്കേറ്റിരിക്കുന്നത്. കൃഷ്ണമൂർത്തിയെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. മകനാണ് വാഹനമോടിച്ചിരുന്നത്. ഇവർക്ക് കാര്യമായ പരിക്കില്ല. ഇവിടങ്ങളിൽ കഴിഞ്ഞ ദിവസങ്ങളിൽ വ്യാപകമായി മഴ പെയ്യുന്നുണ്ട്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

രണ്ട് ഐഎഎസ് ഉദ്യോഗസ്ഥർ തമ്മിൽ തർക്കമില്ലെന്ന് മന്ത്രി കെഎം ഷാജി; 'രണ്ട് ഉത്തരവുകൾ ഇറങ്ങിയതിൽ അസ്വാഭാവികതയില്ല'

Faseela Moidu — Thu, 08 Oct 2026 11:45:22 +0530

പത്തനംതിട്ട: രണ്ട് ഐഎഎസ് ഉദ്യോഗസ്ഥർ തമ്മിൽ തർക്കമില്ലെന്ന് മന്ത്രി കെഎം ഷാജി. രണ്ട് ഉത്തരവുകൾ ഇറങ്ങിയതിൽ അസ്വാഭാവികതയില്ലെന്നും ഇനിയും ഉത്തരവുകൾ ഇറങ്ങാനുണ്ടെന്നും മന്ത്രി പറഞ്ഞു. ഉദ്യോഗസ്ഥർ തമ്മിൽ തർക്കമില്ല, ചലഞ്ച് മാത്രമാണ്. ടിവി അനുപമയും ദിവ്യ എസ് അയ്യരും തമ്മിലുള്ള തർക്കത്തെക്കുറിച്ചായിരുന്നു മന്ത്രിയുടെ പ്രതികരണം. മാലിന്യനിർമാർജനത്തിന്റെ കാര്യത്തിൽ എല്ലാവരും തമ്മിൽ ചലഞ്ച് നല്ലതാണ്. നാട്ടുകാരും അത് ഏറ്റെടുക്കണമെന്നും മന്ത്രി കൂട്ടിച്ചേർത്തു.

മാലിന്യ മുക്ത കേരളം പരിപാടിയിൽ ഉന്നത ഉദ്യോഗസ്ഥരുടെ പോര് രൂക്ഷമായതോടെയാണ് മാലിന്യനിർമാർജനത്തിന് തദ്ദേശ വകുപ്പിന്റേതായി രണ്ട് പദ്ധതികൾ ആവിഷ്കരിക്കുകയായിരുന്നു. നിർമ്മലം പദ്ധതിക്ക് പുറമെ ഐസി 100 ചലഞ്ച് എന്ന പേരിലും പദ്ധതി ആരംഭിച്ചു. തദ്ദേശ വകുപ്പ് സെക്രട്ടറി ടിവി അനുപമയും പ്രിൻസിപ്പൽ ഡയറക്ടർ ദിവ്യ എസ് അയ്യരും തമ്മിലെ തർക്കമാണ് കാരണമെന്ന് പറയുന്നു. ടിവി അനുപമയുടെ നേതൃത്വത്തിൽ പ്രഖ്യാപിച്ച നിർമലം പരിപാടിയിൽ തനിക്ക് പ്രാധാന്യമില്ലെന്ന് ദിവ്യ എസ് അയ്യർ മന്ത്രിയെ കണ്ടു പരാതി അറിയിച്ചു. പിന്നാലെയാണ് ഐസി 100 എന്ന പദ്ധതി പ്രഖ്യാപിച്ചത്. പ്രിൻസിപ്പൽ ഡയറക്ടർക്ക് പ്രാതിനിധ്യം ഇല്ലെന്ന പരാതി പരിഹരിക്കാനാണ് രണ്ടു പദ്ധതി പ്രഖ്യാപിക്കേണ്ടി വന്നത്. ഐസി 100 പദ്ധതിയിൽ വകുപ്പ് സെക്രട്ടറി അനുപമയ്ക്ക് റോൾ ഇല്ലെന്നും ആക്ഷേപമുയർന്നു.

വാര്‍ത്ത പുറത്ത് വന്നതോടെ എന്നാൽ രണ്ടും വ്യത്യസ്ത പരിപാടികളാണെന്നായിരുന്നു തദ്ദേശവകുപ്പിന്‍റെ വിശദീകരണം. ഒക്ടോബർ രണ്ടിന് പറവൂരിൽ മുഖ്യമന്ത്രിയാണ് നിർമ്മലം പരിപാടിയുടെ ഉദ്ഘാടനം നിർവഹിച്ചത്. സർക്കാറിന്‍റെ 100 ദിന കർമ്മപരിപാടിയുടെ ഭാഗമായുള്ള പൊതുജനപങ്കാളിത്തതോടെയുള്ള ക്യാമ്പയിൻ എന്നാണ് വിശേഷിപ്പിച്ചത്. 2031 വരെ നീളുന്ന വിപുലമായ പ്രവർത്തനങ്ങളാണ് ലക്ഷ്യം. നിർമ്മലം പുതുയുഗ ശുചിത്ര കേരളം പദ്ധതിയുടെ ഉത്തരവിറക്കിയത് തദ്ദേശ വകുപ്പ് സെക്രട്ടറി ടിവി അനുപമയായിരുന്നു.

കളമശ്ശേരി സ്പാ പീഡനം: ഇനി പിടിയിലാവാനുള്ളത് രണ്ട് പേർ, മജിസ്‌ട്രേറ്റ് ഇന്ന് യുവതിയുടെ മൊഴി രേഖപ്പെടുത്തും

Web Desk — Thu, 08 Oct 2026 11:30:00 +0530

കൊച്ചി: കളമശ്ശേരി സ്പാ കൂട്ടബലാത്സംഗ കേസിൽ മജിസ്‌ട്രേറ്റ് ഇന്ന് യുവതിയുടെ മൊഴി രേഖപ്പെടുത്തും. പൊലീസ് ഇന്നലെ രാത്രി യുവതിയുടെ മൊഴി എടുത്തിരുന്നു. സംഭവത്തിൽ രണ്ട് പേർ കൂടി പിടിയിലാവാൻ ഉണ്ട്. രണ്ടു പേരുടെ വിവരങ്ങളും അതിജീവിത പൊലീസിനോട്‌ പറഞ്ഞിട്ടുണ്ട്. അന്വേഷണം ശരിയായി നടക്കുന്നുണ്ടെന്ന് യുവതിയുടെ ഭർത്താവ് പറഞ്ഞു.

എം ഡി എം എ ഉൾപ്പെടെ ലഹരി ശരീരത്തിനകത്തേക്ക് എത്തിയിട്ടുണ്ട്. ലഹരി വസ്തുക്കൾ വെള്ളത്തിൽ കലർത്തി കുടിപ്പിച്ചു. പ്രതി ശ്രീരാജിന്‍റെ ഭാര്യയും സഹോദരിയും കാണാൻ വന്നിരുന്നു. എന്നാൽ അന്വേഷണവുമായി മുന്നോട്ടു പോവുക തന്നെ ചെയ്യും എന്ന് യുവതിയുടെ ഭർത്താവ് പറഞ്ഞു. പണം വാങ്ങി കേസിൽ നിന്ന് പിന്മാറുന്നു എന്ന തരത്തിൽ തെറ്റിദ്ധാരണ പരത്തുന്ന വാർത്തകൾ പ്രചരിപ്പിക്കരുതെന്നും ഭർത്താവ് അഭ്യർത്ഥിച്ചു. ഇനി ഒരാൾക്കും ഈ അവസ്ഥ വരരുതെന്നും യുവതിയുടെ ഭർത്താവ് പറഞ്ഞു.

ആക്രമണം നേരിട്ട യുവതി അന്വേഷണവുമായി സഹകരിക്കുന്നുണ്ടെന്ന് കൊച്ചി സിറ്റി പൊലീസ് കമ്മീഷണർ പറഞ്ഞു. പ്രതികൾക്ക് ഗുണ്ടാ ബന്ധം ഉണ്ടോയെന്ന് പരിശോധിക്കും. സ്പാ ജീവനക്കാർക്ക് പൊലീസ് ക്ലിയറൻസ് കർശനമാക്കുന്നതും പൊലീസിന്‍റെ പരിഗണനയിലുണ്ട്. ഒക്ടോബർ രണ്ടിനാണ് കൊച്ചിയെ ഞെട്ടിച്ച സംഭവം നടന്നത്. സ്പായിലെ ജോലിക്കായുള്ള ഇന്‍റർവ്യൂവിന്‍റെ പേരിൽ വിളിച്ചു വരുത്തിയാണ് യുവതിയെ കൂട്ട ബലാത്സംഗം ചെയ്തത്. പത്തടിപ്പാലത്തെ സ്പായിൽ മാനേജരായി അവസരമുണ്ടെന്ന് പ്രതികൾ ഓൺലൈനിൽ പരസ്യം ചെയ്തിരുന്നു. ഈ ജോലിക്കായി യുവതിയും അപേക്ഷിച്ചു. രണ്ടാം തീയതി അഭിമുഖത്തിനെത്തി. ജോലി ലഭിച്ചെന്ന് പറഞ്ഞ് പ്രതികൾ യുവതിയെ വീണ്ടും വിളിച്ചു വരുത്തുകയായിരുന്നു. സ്പായിലെത്തിയ യുവതിയെ മറ്റൊരു യുവതി അടക്കമുള്ള പ്രതികൾ അതിക്രൂരമായി പീഡിപ്പിച്ചു. അടുത്ത ദിവസമാണ് യുവതിക്ക് ഇവിടെ നിന്നും പുറത്തിറങ്ങാനായത്. തുടർന്ന് ചികിത്സ തേടുകയും പൊലീസിനെ അറിയിക്കുകയും ചെയ്തു. കേസിൽ ഒന്നാം പ്രതി ശ്രീരാജ്, മൂന്നാം പ്രതി ജിത്ത് മാർട്ടിൻ എന്നിവരെ ആദ്യം അറസ്റ്റ് ചെയ്തു. ഒളിവിലായിരുന്ന രണ്ടാം പ്രതി അമ്മു എന്ന ശരണ്യയെയും നാലാം പ്രതി ജിതിനെയും വയനാട്ടിലെ പുൽപ്പള്ളിയിൽ നിന്നാണ് പൊലീസ് അറസ്റ്റ് ചെയ്തത്.

രാജി വിവാദം; വിശദീകരിക്കാന്‍ ഒരുങ്ങി കൗൺസിലർ ആർ ശ്രീലേഖ, ഞായറാഴ്ച വരെ കാത്തിരിക്കണമെന്ന് ഫേസ്ബുക്ക് പോസ്റ്റ്

Web Desk — Thu, 08 Oct 2026 11:15:04 +0530

തിരുവനന്തപുരം: തിരുവനന്തപുരം കോർപ്പറേഷൻ കൗൺസിലർ സ്ഥാനത്ത് നിന്ന് രാജിവെച്ചെന്ന വാർത്തയെ കുറിച്ച് വിദശീകരിക്കാൻ ആഗ്രഹിക്കുന്നുവെന്ന് ആർ ശ്രീലേഖ. എന്തുകൊണ്ടാണ് മാധ്യമങ്ങള്‍ ശ്രീലേഖ രാജിവെച്ചു എന്ന് പറഞ്ഞ് 3, 4 ദിവസം ആഘോഷിച്ചതെന്ന് വിശദീകരിക്കാന്‍ ആഗ്രഹിക്കുന്നു. അതിനായി ഞായറാഴ്ച വരെ കാത്തിരിക്കണമെന്നാണ് ശ്രീലേഖ ഫേസ്ബുക്ക് പോസ്റ്റിൽ കുറിക്കുന്നത്. തിരുവനന്തപുരം ശാസ്തമംഗലം കൗണ്‍സിലറാണ് ആർ ശ്രീലേഖ.

സെപ്റ്റംബർ 30ന് മേയർ വി വി രാജേഷിന് കൗൺസിലർ സ്ഥാനത്തു നിന്ന് സ്വകാര്യ കാരണങ്ങൾ കൊണ്ട് രാജി വെക്കുന്നതായി അറിയിച്ച് കത്ത് നൽകിയിട്ടുണ്ടെന്ന് ആർ ശ്രീലേഖ ശാസ്തമംഗലത്തെ 'കൗൺസിലർ അറിയിപ്പ്' എന്ന വാട്സ്ആപ്പ് ഗ്രൂപ്പിൽ അറിയിച്ചിരുന്നു. പിന്നീട് വാട്സ്ആപ്പ് ഗ്രൂപ്പിലിട്ട സന്ദേശം ശ്രീലേഖ പിൻവലിക്കുകയും ചെയ്തു. ശാരീരിക അസ്വസ്ഥതകളാണ് പ്രശ്നമെന്ന നിലയിലാണ് രാജിനാടകത്തെ പിന്നീട് നേതാക്കൾ വിശേഷിപ്പിച്ചത്. പാർട്ടിയോടുള്ള അതൃപ്തിയല്ല ശാരീരിക അസ്വസ്ഥതയായിരുന്നു ശ്രീലേഖയുടെ പ്രശ്നമെന്നായിരുന്നു നേതാക്കളുടെ വിശദീകരണം.

നിലവിൽ പ്രതിസന്ധി ഒഴിഞ്ഞെങ്കിലും രാജിക്കാര്യം വാർ‍ഡിലെ വോട്ടർമാരെ അറിയിച്ച് പിന്നീട് പിൻവാങ്ങേണ്ടി വന്ന നാടകത്തിന്റെ നാണക്കേട് ശ്രീലേഖക്കുണ്ട്. പദവിക്കായി വിലപേശി എന്ന നിലക്കുള്ള ആക്ഷേപങ്ങൾ ഇനിയും നേരിടേണ്ടിവരും. വെറും കൗൺസിലറായി നാല് വർഷത്തോളം ശ്രീലേഖ തുടരുമോ, അപ്രതീക്ഷിത ഭീഷണി നീക്കങ്ങളും തുടരുമോ എന്ന പ്രശ്നം ബിജെപിക്കും മുകളിലുണ്ട്. എല്ലാം നാടകം ജനം കാണുന്നുണ്ടെന്ന പരിഹാസമാണ് കോൺഗ്രസും സിപിഎമ്മും ഉയർത്തുന്നത്.

പാലക്കാട് ജില്ലാ സെക്രട്ടറിക്കെതിരെയുള്ള പീഡന പരാതി അതീവ ഗുരുതരമെന്ന് മന്ത്രി ബിന്ദു കൃഷ്ണ;'സിപിഎം പീഡന പരാതികൾ പാർട്ടിക്കുള്ളിൽ ഒത്തുതീർപ്പാക്കുന്നു'

Faseela Moidu — Thu, 08 Oct 2026 10:31:08 +0530

ദില്ലി: പാലക്കാട് സിപിഎം സെക്രട്ടറിക്ക് എതിരെയുള്ള പീഡന പരാതി അതീവ ഗുരുതരമെന്ന് മന്ത്രി ബിന്ദു കൃഷ്ണ. സിപിഎം പീഡന പരാതികൾ പാർട്ടിക്കുള്ളിൽ ഒത്തുതീർപ്പാക്കുന്നുവെന്നും തെറ്റുകൾ ചെയ്താൽ നിയമപരമായി ശിക്ഷിക്കണമെന്നും ബിന്ദു കൃഷ്ണ പറഞ്ഞു. പീഡന പരാതികൾ ഒത്തുതീർപ്പാക്കി രാജ്യത്തെ നിയമത്തോടുള്ള വെല്ലുവിളിയാണ് സിപിഎം നടത്തുന്നത്. എന്തുവന്നാലും പാർട്ടിക്കുള്ളിൽ തീർക്കുന്ന ഇത്തരം രീതി ശരിയല്ല. പരാതിയുമായി യുവതി മുന്നോട്ടു വന്നാൽ സംസ്ഥാന സർക്കാർ മുൻഗണന നൽകുമെന്നും പിന്തുണയ്ക്കുമെന്നും ബിന്ദു കൃഷ്ണ പറഞ്ഞു.

പരാതികളുമായി മുന്നോട്ടു വരാത്തത് ഇത്തരം ആളുകൾക്കുള്ള പ്രോത്സാഹനമാണ്. മുന്നോട്ടുവരണമെന്നാണ് പറയുന്നത്, വേണ്ട സംരക്ഷണം പരാതിക്കാരിക്ക് പൊതുസമൂഹത്തിൽ നൽകും. ആരെയും പേടിച്ച് പിന്മാറരുത്. മറിച്ച് നിയമ സംരക്ഷണം ഉറപ്പാക്കാൻ സർക്കാർ പ്രതിജ്ഞാബദ്ധമാണ്. സിപിഎമ്മിന്റെ ഇത്തരം രീതികൾ ശരിയല്ല. സ്ത്രീകൾക്കെതിരെയുള്ള അതിക്രമങ്ങളിൽ രാഷ്ട്രീയം കലർത്തരുതെന്നും ശക്തമായ നടപടി വേണമെന്നും ബിന്ദു കൃഷ്ണ പറഞ്ഞു.

എറണാകുളം ജനറൽ ആശുപത്രിയിലെ ഒങ്കോളജി ഐസിയുവിൽ ദുരിതം; എസി തകരാറിലായിട്ട് രണ്ടാഴ്ച

Web Desk — Thu, 08 Oct 2026 10:08:52 +0530

കൊച്ചി: എറണാകുളം ജനറൽ ആശുപത്രിയിൽ ഒങ്കോളജി ഐസിയുവിൽ ദുരിതം. എസി തകരാറിലായിട്ട് രണ്ടാഴ്ചയായി. ചൂട് സഹിക്കാനാകാതെ വലയുകയാണ് ക്യാൻസർ രോഗികൾ. 16 കിടക്കകളുള്ള ഐസിയുവിൽ കീമോ കഴിഞ്ഞവരുമുണ്ട്. എസിക്ക് പകരം ഫാൻ വച്ചിട്ടുണ്ടെങ്കിലും ചൂട് സഹിക്കാനാകുന്നില്ലെന്ന് രോഗികൾ പറയുന്നു. കംപ്രസർ‍ കേടായതാണ് എന്നാണ് ആശുപത്രി അധികൃതർ പറയുന്നത്. ഓർഡർ നൽകിയിട്ടുണ്ടെന്നും വിശദീകരണം.

ആശുപത്രിയുടെ അഞ്ചാം നിലയിലാണ് ഓങ്കോളജി ഐസിയു പ്രവർത്തിക്കുന്നത്. കീമോ കഴിഞ്ഞ രോഗികളെ സംബന്ധിച്ച് എസി ഇല്ലാതിരിക്കുക എന്നാൽ ദുരിതമാണ്. എത്രയും വേഗം പ്രശ്നം പരിഹരിക്കണമെന്ന് രോഗികളുടെ ബന്ധുക്കൾ ആവശ്യപ്പെടുന്നു.

സ്വാതന്ത്ര്യ സമര സേനാനി സോഷ്യോ വാസു അന്തരിച്ചു; അന്ത്യം കോഴിക്കോട് ചെറുവണ്ണൂരിലെ വസതിയിൽ വെച്ച്

Faseela Moidu — Thu, 08 Oct 2026 09:34:17 +0530

കോഴിക്കോട്: സ്വാതന്ത്ര്യ സമര സേനാനി സോഷ്യോ വാസു (പി വാസു,103) അന്തരിച്ചു. വാർധക്യ സഹജമായ അസുഖത്തെ തുടർന്ന് ചികിത്സയിലായിരുന്നു. കോഴിക്കോട് ചെറുവണ്ണൂരിലെ വസതിയിലായിരുന്നു അന്ത്യം. ക്വിറ്റ് ഇന്ത്യ സമരത്തിൽ പങ്കെടുത്തിട്ടുണ്ട്. സമരത്തിൽ പങ്കെടുത്തതിനാൽ ബ്രിട്ടീഷ് പൊലീസിൻ്റെ ക്രൂരമായ മർദനത്തിന് ഇരയായിരുന്നു. ജയിൽ വാസവും അനുഭവിച്ചിട്ടുണ്ട്.

കാസർകോട് കേന്ദ്ര സർവകലാശാലയിലെ വന്ദേമാതരം പ്രതിഷേധം; കണ്ടാലറിയാവുന്ന 25 വിദ്യാർത്ഥികൾക്കെതിരെ കേസ്

Faseela Moidu — Thu, 08 Oct 2026 09:21:44 +0530

കാസർകോട്: കേന്ദ്ര സർവകലാശാലയിൽ വന്ദേമാതരം ദേശീയ സെമിനാറിനിടെ പ്രതിഷേധിച്ച വിദ്യാർത്ഥികൾക്കെതിരെ കേസ്. കണ്ടാലറിയാവുന്ന 25 പേർക്കെതിരെയാണ് പൊലീസ് കേസെടുത്തത്. ബേക്കൽ പൊലീസ് സ്വമേധയാ കേസെടുക്കുകയായിരുന്നു. സംഘം ചേർന്ന് സെമിനാർ അലങ്കോലപ്പെടുത്തി എന്നാണ് എഫ്ഐആറിൽ പറയുന്നത്.

കാസർകോട് കേന്ദ്ര സർവകലാശാലയിലെ വി.സി ഒന്നാന്തരം ആർ.എസ്.എസുകാരനാണെന്നും വിദ്യാർത്ഥികളെ പുറത്തിറക്കിയാണ് വന്ദേമാതരം സെമിനാർ നടത്തിയതെന്നും എസ്.എഫ്.ഐ സംസ്ഥാന സെക്രട്ടറി പി.എസ്. സഞ്ജീവ് പ്രതികരിച്ചു. വന്ദേമാതരത്തിലെ ആദ്യ വരികൾ എസ്.എഫ്.ഐ ഉൾപ്പെടെ രാജ്യത്തിലെ എല്ലാ വിദ്യാർത്ഥികളും പാടുമെന്നും, എന്നാൽ അതിനപ്പുറമുള്ളത് വിഭജനത്തിന്റെ അജണ്ടയാണെന്നും അദ്ദേഹം പറഞ്ഞു. എല്ലാ സർവകലാശാലകളിലും ഇത്തരം പരിപാടികൾ നടത്താനാണ് സംഘപരിവാർ ഉദ്ദേശിക്കുന്നത്. ജനഗണമന ഇവരുടെ വിഷയമേയല്ലെന്നും വന്ദേമാതരത്തെ മാത്രം ഉയർത്തിക്കാട്ടുന്നത് വർഗീയ തന്ത്രമാണെന്നും കുറ്റപ്പെടുത്തി. ഇതിനെതിരെ പ്രതിഷേധിച്ചപ്പോൾ കേരള പൊലീസ് എസ്.എഫ്.ഐയെ ആക്രമിക്കുകയാണ് ചെയ്തതെന്നും സഞ്ജീവ് ആരോപിച്ചു.

വന്ദേമാതരം സെമിനാറിനെച്ചൊല്ലി ഇന്നലേയും പ്രതിഷേധം തുട‍‍ർന്നിരുന്നു. പരിപാടിയുടെ പ്രധാന സംഘാടകനും പ്രോക്ടറുമായ കെ ശ്രീകുമാറിനെതിരെ വിദ്യാ‍ർത്ഥികളുടെ പ്രതിഷേധമുണ്ടായി. ശ്രീകുമാർ പ്രസംഗിക്കുന്നതിനിടെ ഗോ ബാക്ക് വിളികളുമായി വിദ്യാർത്ഥികൾ എത്തുകയായിരുന്നു. വിദ്യാർ‌ത്ഥികൾ മൈക്ക് ഓഫ് ചെയ്തതോടെ ലൈബ്രറി ഹാളിൽ നടന്ന സെമിനാർ തടസ്സപ്പെട്ടു. സെമിനാർ നിർത്തിവെക്കണമെന്ന് ആവശ്യപ്പെട്ടായിരുന്നു പ്രതിഷേധം. എബിവിപി പ്രവ‍ർത്തകരും എസ്എഫ്ഐ, എൻഎസ്‍യുഐ, എംഎസ്എഫ് പ്രവർത്തകരും രണ്ട് വിഭാഗങ്ങളായി തിരിഞ്ഞ് വാഗ്വാദം ഉണ്ടാവുകയും ചെയ്തു.

ഗ്യാനേഷ് കുമാറിനെതിരായ അന്വേഷണം; മുമ്പ് അവസാനിപ്പിച്ച കൂടുതൽ കേസുകളിൽ പുനഃപരിശോധന, മൂന്ന് ദിവസത്തിനകം റിപ്പോർട്ട് നൽകാൻ വിജിലൻസ് ഡയറക്ടറുടെ നിർദേശം

Web Desk — Thu, 08 Oct 2026 08:59:47 +0530

തിരുവനന്തപുരം: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ കൂടുതൽ കേസുകളിൽ വിജിലൻസിൻ്റെ പുനപരിശോധന. നേരത്തെ അവസാനിപ്പിച്ച ചില കേസുകളാണ് വിജിലൻസ് പുനപരിശോധിക്കുന്നത്. കെ എസ് ടി പി അഴിമതിയുമായി ബന്ധപ്പെട്ട് കോഴിക്കോട് രജിസ്റ്റർ ചെയ്ത കേസുകളിലെ പുനപരിശോധന നടക്കുകയാണ്. മുൻ മന്ത്രി കെ എം മുനീറിനെതിരെ മുമ്പ് അന്വേഷണo നടന്ന കേസുകളിൽ ഉൾപ്പെടെയാണ് പരിശോധന. അഴിമതി കേസുകളിലെ അന്വേഷണം ഉമ്മൻചാണ്ടി സർക്കാരിൻ്റെ കാലത്ത് അവസാനിപ്പിച്ചിരുന്നു.

പതിബെൽ പ്രോജക്ട് മാനേജറുടെ ആത്മഹത്യയിലേക്ക് നയിച്ച കേസ് അന്വേഷിച്ചത് തിരുവനന്തപുരം സ്പെഷ്യൽ ഇൻവസ്റ്റിഗേഷൻ യൂണിറ്റാണ്. ഗ്യാനേഷ് കുമാർ പൊതുമരാമത്ത് സെക്രട്ടറിയായിരുന്ന കാലത്തെ ഈ കേസുമായി ബന്ധപ്പെട്ടാണ് സർക്കാർ പുനരന്വേഷണത്തിന് ഉത്തരവിട്ടത്. എന്നാൽ കെ എസ് ടി പി പദ്ധതിയുമായി ബന്ധപ്പെട്ട് നിരവധി കേസുകൾ അന്ന് വിജിലൻസ് അന്വേഷിച്ചിരുന്നു. മലബാർ മേഖലയിൽ അന്വേഷിച്ച ആ കേസുകളെല്ലാം വിജിലൻസ് നേരത്തെ തീർപ്പാക്കിയതാണ്. എന്നാൽ ഈ കേസുകളിലും ഗ്യാനേഷ് കുമാറിനെതിരായ മൊഴികൾ പരിശോധിച്ച് പ്രാഥമിക റിപ്പോർട്ട് നൽകാനാണ് കോഴിക്കോട്, തിരുവനന്തപുരം എസ് പി മാർക്ക് വിജിലൻസ് ഡയറക്ടർ മനോജ് എബ്രഹാം നൽകിയ നിർദേശം. മൂന്ന് ദിവസത്തിനകം പരിശോധന റിപ്പോർട്ട് നൽകാൻ വിജിലൻസ് ഡയറക്ടർ നിർദേശിച്ചു. അതിനു ശേഷമായിരിക്കും പുനരന്വേഷണം സംബന്ധിച്ച് വിജിലൻസ് തീരുമാനമെടുക്കുക.

കരുതലോടെ നീങ്ങാൻ വിജിലൻസ്

രാജ്യം ശ്രദ്ധിക്കുന്ന അന്വേഷണത്തിനാണ് സംസ്ഥാനത്തെ ആഭ്യന്തര വകുപ്പ് നിർദേശം നൽകിയിരിക്കുന്നത്. കെപിസിസി നിർവ്വാഹക സമിതി അംഗത്തിൻെറ പരാതിയിൽ തുടർ നടപടിയെടുക്കാൻ രമേശ് ചെന്നിത്തല നിർദ്ദേശിച്ച ഫയൽ വിജിലൻസ് ‍ഡയറക്ടർ‍ക്ക് കൈമാറിയിരിക്കുകയാണ്. 2007ൽ തീർപ്പാക്കിയ ഫയൽ വീണ്ടും തുറക്കുമ്പോൾ വിജിലൻസിന് മുന്നിൽ കടമ്പകളേറെയാണ്. പതിബെൽ കമ്പനിയുടെ പ്രോജക്ട് ഡയറക്ടർ ലീ സീ ബിൻ ജീവനൊടുക്കുന്നതിലേക്ക് നയിച്ച അഴിമതിയിലാണ് അന്വേഷണം. മരണത്തെ കുറിച്ച് വിജിലൻസിന് അന്വേഷിക്കാൻ പരിമിതിയുണ്ട് . അഴിമതിയിൽ മാത്രമാണ് അന്വേഷണം. ഗ്യാനേഷിനെതിരെ തെളിവുകള്‍ ലഭിച്ചില്ലെന്ന് എഴുതി അടച്ച ഫയലാണ് തുറക്കുന്നത്.

അന്നത്തെ മൊഴികള്‍ വിജിലൻസ് പരിശോധിക്കും. പൊതുഭരണ- ധന വകുപ്പുകളിലെയും കെഎസ്ടിപി ഉദ്യോഗസ്ഥരുടെയും മൊഴികളുണ്ട്. പതിബല്ലിന്‍റെ പ്രതിനിധികളുടെ മൊഴിയും ഉണ്ട്. ലീസിബെൻ അഴിമതി ചൂണ്ടികാട്ടി എഴുതിയതായി പറയുന്ന കുറിപ്പ് വിജിലൻസ് ഉദ്യോഗസ്ഥർ വായിച്ചിട്ടില്ല. ഈ കത്ത് ലഭിക്കാൻ വി എസ് സർക്കാരിൻെറ കാലത്ത് ശ്രമം നടത്തിയെങ്കിലും അന്വേഷണ ഏജൻസികള്‍ക്ക് ലഭിച്ചില്ലെന്നാണ് വിവരം. പക്ഷെ ബില്ലുകള്‍ മാറുന്നതിലെ കാലതാമസത്തെ കുറിച്ച് പതിബെൽ കമ്പനിയിലെ പ്രതിനിധികള്‍ മൊഴിയിൽ പറയുന്നുണ്ട്. സാങ്കേതിക കാരണങ്ങള്‍ ചൂണ്ടികാട്ടി പിഡബ്ള്യുഡി ഉദ്യോഗസ്ഥർ ആ ആരോപണങ്ങളെ മറികടന്നിട്ടുമുണ്ട്. മുമ്പ് മൊഴി നൽകിയ എല്ലാവരെയുടെയും മൊഴി വീണ്ടും രേഖപ്പെടുത്തുന്നതിലായിരിക്കും അന്വേഷണത്തിൻെറ തുടക്കം. അതേസമയം ഗ്യാനേഷ് കുമാറിനെതിരെ അന്വേഷണത്തിന് മുൻകൂർ അനുമതി വേണ്ടിവരുമെന്നാണ് വിജിലൻസ് കണക്കുകൂട്ടൽ. 20 വ‍ർഷമെന്ന കാലയളവ് പുനരന്വേഷണത്തിന് തടസമല്ലെന്നാണ് ഡിജിപിയുടെ നിയമോപദേശം. എന്നാൽ പ്രാഥമിക അന്വേഷണത്തിന് ശേഷമേ കേസ് രജിസ്റ്റർ ചെയ്യുന്ന കാര്യത്തിൽ തീരുമാനമുണ്ടാവുകയുള്ളൂ.

കേരളത്തിന് എയിംസ്: കേരള ബിജെപിയെ വെട്ടിലാക്കി ഹൈക്കോടതിയിൽ കേന്ദ്രം നൽകിയ സത്യവാങ്മൂലം

Elsa TJ — Thu, 08 Oct 2026 08:15:26 +0530

ഡൽഹി:കേരളത്തിന് എയിംസ് അനുവദിക്കാതിരിക്കുന്നതിന് കേന്ദ്രം ഉന്നയിക്കുന്ന വാദം വസ്തുതകൾക്ക് നിരക്കാത്തത്. നീതി ആയോഗിന്റെ ഹെൽത്ത് ബുക്കിൽ ആദ്യ അഞ്ച് സ്ഥാനങ്ങളിലുള്ള സംസ്ഥാനങ്ങളിൽ എയിംസ് ഇല്ലാത്തത് കേരളത്തിന് മാത്രമാണ്. കേരളത്തിന് പിന്നാലെ പട്ടികയിലുള്ള തമിഴ്നാടിനും ഗുജറാത്തിനും ഹിമാചൽ പ്രദേശിനും എയിംസ് അനുവദിച്ചത് മോദി സർക്കാരാണ്. ഹൈക്കോടതിയിൽ കേന്ദ്രം നൽകിയ സത്യവാങ്മൂലത്തിൽ കേരള ബിജെപി വെട്ടിലായിരിക്കുകയാണ്. എയിംസ് വരുമെന്ന് കേന്ദ്ര മന്ത്രി സുരേഷ് ഗോപി ആവർത്തിച്ച് പറയുന്നതിനിടയിലാണ് സംസ്ഥാന ബിജെപിയെ വെട്ടിലാക്കി ഹൈക്കോടതിയിൽ കേന്ദ്രം സത്യവാങ്മൂലം നൽകിയത്. 2024ൽ ലോക് സഭാ തെരഞ്ഞെടുപ്പിൽ തൃശൂരിൽ എംപിയായി മത്സരിക്കുമ്പോഴും പിന്നീട് മന്ത്രിയായപ്പോഴും സുരേഷ് ഗോപി ഉറപ്പ് നൽകിയതാണ് എയിംസ് വരുമെന്നുള്ളത്.

എയിംസ് അനുവദിക്കുന്നത് കേന്ദ്ര സർക്കാരിന്റെ നയപരമായ കാര്യമാണെന്നാണ് കേന്ദ്രം ഹൈക്കോടതിയിൽ നൽകിയ സത്യവാങ്മൂലത്തിൽ വിശദമാക്കുന്നത്. അവകാശവാദങ്ങൾക്ക് അപ്പുറത്ത് എയിംസ് അനുവദിക്കുന്നത് കേന്ദ്രത്തിന്റെ തീരുമാനമെന്ന് വ്യക്തമാക്കുന്നതാണ് സത്യവാങ്മൂലം. ആരോഗ്യ രംഗത്ത് കേരളം ഏറെ മെച്ചപ്പെട്ട അവസ്ഥയിലാണ്. പിന്നോക്കം നിൽകുന്ന സംസ്ഥാനങ്ങൾക്കാണ് ഇക്കാര്യത്തിൽ പരിഗണനയെന്നും കേന്ദ്രം നൽകുന്നുണ്ട്.

ഏഷ്യാനെറ്റ് ന്യൂസ് ലൈവ് കാണാം

ശിവസൂര്യയെ കാണാതായിട്ട് ഇന്ന് കൃത്യം 2 മാസം; കേരളത്തിലുടനീളം പരിശോധിച്ചിട്ടും കണ്ടെത്തിയില്ല, ക്രൈംബ്രാഞ്ച് അന്വേഷണത്തിൽ പ്രതീക്ഷയെന്ന് കുടുംബം

Sumam Thomas — Thu, 08 Oct 2026 07:30:54 +0530

കണ്ണൂർ: കണ്ണൂർ പെരിങ്ങത്തൂരിലെ 17കാരൻ ശിവസൂര്യയെ കാണാതായിട്ട് ഇന്ന് രണ്ട് മാസം. അന്വേഷണം ക്രൈംബ്രാഞ്ച് ഏറ്റെടുക്കുമെന്ന് ആഭ്യന്തരമന്ത്രി രമേശ് ചെന്നിത്തല കുടുംബത്തിനും ആക്ഷൻ കമ്മിറ്റിക്കും ഉറപ്പ് നൽകിയിരുന്നു. ക്രൈംബ്രാഞ്ച് അന്വേഷണം ഉടൻ ഉണ്ടാകുമെന്ന പ്രതീക്ഷയിലാണ് കുടുംബം. മൊബൈൽ ഫോൺ വാങ്ങി വെച്ചതിന്‍റെ പേരിലാണ് ശിവസൂര്യ ഓഗസ്റ്റ് 8ന് വീട് വിട്ടത്. കാശിയിലേക്ക് പോകുന്നുവെന്നും അവിടെയെത്തി ദൈവത്തിൽ അലിയും എന്ന് കുറിപ്പ് എഴുതി വച്ചിരുന്നു. ആദ്യം കേസ് അന്വേഷിച്ച ചൊക്ലി പൊലീസും പിന്നീട് അന്വേഷിച്ച പ്രത്യേക സംഘവും കേരളത്തിലുടനീളം പരിശോധന നടത്തിയിരുന്നു.

തുട‍ർന്ന് ബെംഗളൂരു, മൈസൂരു, മംഗളൂരു എന്നിവിടങ്ങളിലും ഒടുവിൽ വാരണാസിയിലും അന്വേഷണം നടത്തി. എന്നാൽ ശിവസൂര്യയെക്കുറിച്ച് യാതൊരു സൂചനയും കിട്ടിയിരുന്നില്ല. ഒരിടത്തെയും സിസിടിവി ക്യാമറയിൽ 17കാരന്‍റെ ദൃശ്യം പതിഞ്ഞിട്ടുമില്ല. ശിവസൂര്യക്ക് ഒളിവിൽ കഴിയാൻ മറ്റാരുടേയോ സഹായം കിട്ടുന്നുണ്ടെന്ന സംശയം പൊലീസിനും വീട്ടുകാർക്കുമുണ്ട്. ക്രൈംബ്രാഞ്ച് അന്വേഷണത്തിലൂടെ ശിവസൂര്യയെ കണ്ടെത്താനാകുമെന്നാണ് കുടുംബത്തിന്‍റെ പ്രതീക്ഷ.

കെഎസ്ആർടിസി ഡ്രൈവറെ മർദിച്ച് ബൈക്ക് യാത്രക്കാർ, കാരണം സൈഡ് നൽകുന്നതിലെ തർക്കം, സംഭവം കായംകുളത്തിനടുത്ത് കൃ‍ഷ്ണപുരത്ത്

Sumam Thomas — Thu, 08 Oct 2026 06:53:05 +0530

ആലപ്പുഴ: കെഎസ്ആർടിസി ഡ്രൈവറെ മർദിച്ച് ബൈക്ക് യാത്രികരായ യുവാക്കൾ. കായംകുളത്തിനടുത്ത് കൃഷ്ണപുരത്താണ് സംഭവം. ആക്രമണത്തിൽ തലയ്ക്ക് പരുക്കേറ്റ ഡ്രൈവർ പ്രവീണിനെ ആശുപത്രിയിൽ പ്രവേശിപ്പിച്ചു. സൈഡ് നൽകുന്നതുമായി ബന്ധപ്പെട്ട തർക്കമാണ് അടിപിടിയിൽ കലാശിച്ചത്. മൂന്ന് ബൈക്കിലായി എത്തിയവർ ബസ് തടഞ്ഞു നിർത്തി മർദിക്കുകയായിരുന്നു. തിരുവനന്തപുരത്ത് നിന്ന് പളനിയ്ക്ക് പോകുകയായിരുന്നു ബസ്. ഇന്നലെ രാത്രിയായിരുന്നു സംഭവം.

വാടാനപ്പള്ളി കടപ്പുറത്തെ ഗുണ്ടാനേതാവിന്റെ കൊലപാതകം: വാരിയെല്ല് തകർന്നു, ജനനേന്ദ്രിയത്തിലും ഗുരുതരപരിക്ക്; മൂന്ന് പ്രതികൾ പിടിയിൽ

അഫീഫ്. എം — Thu, 08 Oct 2026 02:46:13 +0530

തൃശ്ശൂർ: വാടാനപ്പള്ളിയിൽ ഗുണ്ടാനേതാവായ യുവാവ് കൊല്ലപ്പെട്ട സംഭവത്തിൽ മൂന്ന് പ്രതികൾ പിടിയിലായി. വാടാനപ്പള്ളി സ്വദേശികളായ ഫായിസ്, ഷെഹിൻ, ബിലാൽ എന്നിവരാണ് പിടിയിലായത്. കേസിൽ ഇനി രണ്ടുപേർ കൂടി പിടിയിലാകാനുണ്ട്. ബിൻഷാദ്, റയീസ് എന്നിവരാണ് പിടിയിലാകാനുള്ളത്. ഇവർക്കായി പൊലീസിന്റെ തെരച്ചിൽ തുടരുകയാണ്.

വാടാനപ്പള്ളി സ്വദേശിയായ സലാമിനെയാണ് ഫസൽ നഗർ കടപ്പുറത്ത് കഴിഞ്ഞദിവസം മരിച്ചനിലയിൽ കണ്ടെത്തിയത്. സംഭവം കൊലപാതകമാണെന്ന് പൊലീസിന്റെ പ്രാഥമിക അന്വേഷണത്തിലും പോസ്റ്റ്മോർട്ടത്തിലും തെളിഞ്ഞിരുന്നു. അതിക്രൂരമായാണ് യുവാവിനെ കൊലപ്പെടുത്തിയതെന്നാണ് പോസ്റ്റ്മോർട്ടം റിപ്പോർട്ട്. ശരീരമാസകലം മുറിവുകളുണ്ട്. മർദനമേറ്റ് വാരിയെല്ല് തകർന്നനിലയിലായിരുന്നു. ജനനേന്ദ്രിയത്തിലും ഗുരുതര പരിക്കേറ്റിട്ടുണ്ട്. സ്ഥലത്തെ കുപ്രസിദ്ധ ഗുണ്ടയായിരുന്നു കൊല്ലപ്പെട്ട സലാം.

ചൊവ്വാഴ്ച രാത്രിയാണ് പ്രതികളും സലാമും തമ്മിൽ തർക്കമുണ്ടായതെന്നാണ് വിവരം. പ്രതികളിൽ ബിൻഷാദ് അടക്കമുള്ളവരും ഗുണ്ടകളാണ്. തർക്കത്തിന് പിന്നാലെ ഇവർ ഇടിക്കട്ട ഉൾപ്പെടെ ഉപയോഗിച്ച് സലാമിനെ ആക്രമിക്കുകയായിരുന്നു.

Asianet News Malayalam

അടുത്ത മൂന്ന് മണിക്കൂർ പത്ത് ജില്ലകളിൽ ഓറഞ്ച് അലർട്ട്

വ്യാപക നാശം വിതച്ച് മഴ

തിരുവനന്തപുരം നഗരസഭയിലെ ഒപ്പ് വിവാദം: മേയർ വി വി രാജേഷിനെതിരെ പ്രതിഷേധവുമായി എല്‍ഡിഎഫ്

ഹൈക്കമാൻഡ് ഇടപെടുമോ?

പൊതുപ്രവർത്തനത്തിൽ സത്യസന്ധതയും സുതാര്യതയും അനിവാര്യം: നിയമസഭാ സ്പീക്കർ

'സംസ്ഥാന സർക്കാരിന്‍റേത് കൊടും ചതി'

ഹൈക്കോടതിയുടെ നിർണായക ഉത്തരവ്

വിദേശ സന്ദർശനത്തിനിടെ കാല്‍വഴുതി വീണ് എൻ കെ പ്രേമചന്ദ്രൻ എം പിക്ക് പരിക്ക്; ശസ്ത്രക്രിയ നാളെ

'എല്ലാ തീരുമാനങ്ങളും മുതിർന്ന നേതാക്കളു‌ടെ അനുമതിയോടെ'; അടൂർ പ്രകാശിന്റെ പരാതി തള്ളി മുഖ്യമന്ത്രി വി ഡി സതീശൻ

വിവാഹവാഗ്ദാനം നല്‍കി യുവതിയെ പീഡിപ്പിച്ചു, ഗര്‍ഭം അലസിപ്പിക്കാന്‍ മരുന്ന് നല്‍കി; പ്രതി അറസ്റ്റില്‍

ഹൈക്കോടതി ഉത്തരവിൽ പ്രതികരിച്ച് ജോൺ ബ്രിട്ടാസ് എംപി

സർക്കാരും സിപിഎമ്മും പ്രതിരോധത്തിൽ

ഹൈക്കോടതി ഉത്തരവിൽ പ്രതികരിച്ച് ജോൺ ബ്രിട്ടാസ് എംപി

പുതിയ ആരോപണവുമായി മേയർ വിവി രാജേഷ്; `സ്പെഷ്യൽ കൗൺസിൽ ആവശ്യപ്പെട്ട് നൽകിയ കത്തിൽ എസ്പി ദീപക് കൃത്രിമം നടത്തി'

സർക്കാരും സിപിഎമ്മും പ്രതിരോധത്തിൽ

ഹൈക്കോടതി ഉത്തരവിൽ പ്രതികരിച്ച് ജോൺ ബ്രിട്ടാസ് എംപി

ആഞ്ഞടിച്ച് അഭിജീത് ദീപ്കെ

കേരളത്തിലെ തെരഞ്ഞെടുപ്പ് വിജയം കനത്ത യുഡിഎഫ് തരംഗം കൊണ്ട്; സിജെപി ആരോപണം തള്ളി മന്ത്രി സണ്ണി ജോസഫ്

കാസർകോട് ദേശീയ പാതയിൽ ഒരേ സമയം നാലു വാഹനങ്ങൾ അപകടത്തിൽപ്പെട്ടു; ആർക്കും ഗുരുതര പരിക്കില്ല

ആഞ്ഞടിച്ച് അഭിജീത് ദീപ്കെ

ജി ബൈജുവിൻ്റെ സെക്രട്ടറി നിയമനം: ഉദ്യോഗസ്ഥയ്ക്കെതിരായ പരാതിയിൽ നിയമോപദേശം തേടി തിരുവിതാംകൂര്‍ ദേവസ്വം ബോർഡ്

ഐ ടി മേഖലയെ നയിക്കാൻ ഇനി ടെക് കേരളം ബ്രാൻഡ്ട മന്ത്രി പി കെ കുഞ്ഞാലിക്കുട്ടി ഉദ്ഘാടനം ചെയ്തു

കേരളത്തിലെ ആവാസവ്യവസ്ഥകളുടെ റെഡ് ലിസ്റ്റ്; നയരേഖ പുറത്തിറക്കി

പിണറായിക്ക് പ്രതിരോധം തീർക്കാൻ പാർട്ടി

ശബരിമല തിരുവാഭരണ പാത ദേശീയപാതയായി ഉയർത്തണം; പൊതുമരാമത്ത് മന്ത്രിക്ക് കത്ത് നൽകി അബിൻ വർക്കി എംഎൽഎ

പി എം മനോജ് പ്രതിപക്ഷ നേതാവിൻ്റെ ഓഫീസിലേക്ക്; പിണറായി വിജയൻ്റെ അഡീ. പ്രൈവറ്റ് സെക്രട്ടറിയാകും

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

വർക്കലയിൽ വീട് കുത്തിത്തുറന്ന് മോഷണം; പതിനാറാം ദിവസം പ്രതി പിടിയിൽ, കവർന്നത് 10 പവനും 20,000 രൂപയും

അഭിഭാഷകനും സുഹൃത്തിനും പൊലീസ് മർദനമെന്ന് പരാതി, സംഭവം കൊല്ലത്ത്; പരാതി നൽകി ബാർ അസോസിയേഷൻ

പ്രിയദർശനി ബസിൽ വിദ്യാർത്ഥിനിക്ക് നേരെ ലൈംഗിക അതിക്രമം, ബഹളം വെച്ചപ്പോൾ യുവാവ് ഇറങ്ങിയോടി

അടുത്ത മൂന്ന് മണിക്കൂറിലെ ദിനാന്തരീക്ഷാവസ്ഥ

അടുത്ത 5 ദിവസത്തേക്കുള്ള മഴ സാധ്യത പ്രവചനം

മത്സ്യത്തൊഴിലാളി ജാഗ്രത നിർദേശം

റോഡരികിലൂടെ നടന്നുപോകുകയായിരുന്ന വയോധികനെ ടോറസ് ലോറിയിടിച്ചു, കാൽനടയാത്രക്കാരന് ദാരുണാന്ത്യം

ബെംഗളുരുവിൽ വാഹനാപകടത്തിൽ മലയാളി നഴ്സിന് ദാരുണാന്ത്യം; മരിച്ചത് മലപ്പുറം സ്വദേശിയായ 26കാരൻ

ആശ്വാസം, കാട്ടാക്കടയിൽ നിന്ന് കാണാതായ മൂന്നം​ഗ കുടുംബത്തെ കണ്ടെത്തി, ആതിര അമ്മയെ വിളിച്ചു

കൂടുതൽ വൈദ്യുതി വാങ്ങാൻ കെഎസ്ഇബി; ഹ്രസ്വകാല കരാറിന് ടെൻഡർ വിളിച്ചു

25 പേർക്കെതിരെ കേസ്

സതീശൻ സർക്കാർ പിണറായിയുടെ ആവർത്തനം, എസ്ഐആർ പ്രശ്നമെങ്കിൽ സതീശൻ രാജിവയക്കണ്ടേ? ചോദ്യങ്ങളുമായി ബിജെപി

രാഹുൽ ഗാന്ധിക്കും വിമർശനം

മുൻവൈരാഗ്യത്തിന്‍റെ പേരിൽ ക്രൂരത; യുവാവിന് നേരെ ആസിഡ് ആക്രമണം നടത്തി, പ്രതിക്ക് 10 വർഷം കഠിനതടവും പിഴയും

മാസപ്പടി കേസ്: പിണറായി വിജയനും മുഹമ്മദ് റിയാസിനും നിർണായകം; എഫ്ഐആർ രജിസ്റ്റർ ചെയ്യണമെന്ന ഹർജിയിൽ വിധി നാളെ

പിണറായിക്ക് പ്രതിരോധം തീർക്കാൻ പാർട്ടി

ആലപ്പുഴയിൽ കെഎസ്ആർടിസി ഡ്രൈവറെ നടുറോഡിലിട്ട് തല്ലിയ കേസ്; 5 വിദ്യാർത്ഥികൾ അറസ്റ്റിൽ

ശിവസൂര്യയുടെ തിരോധനം; ക്രൈംബ്രാഞ്ച് പ്രാഥമിക അന്വേഷണം തുടങ്ങി, അച്ഛൻ മൊഴിയെടുത്തു

കാരുണ്യ ആരോ​ഗ്യ പദ്ധതിക്ക് 600 കോടി രൂപ അനുവദിച്ച് സംസ്ഥാന സർക്കാർ

മെസിയുടെ പേരിലെ തട്ടിപ്പ്: അഴിമതി തടയൽ വകുപ്പ് ചുമത്തുന്ന കാര്യത്തിൽ സർക്കാർ തീരുമാനം ഉടൻ

കോൺഗ്രസ് നേതാവ് ബിആർഎം ഷെഫീറിന്റെ ഭാര്യയ്ക്ക് വിദ്യാഭ്യാസ വകുപ്പിൽ കരാർ നിയമനം; പ്രതിഷേധിച്ച് ഡിവൈഎഫ്ഐ

കനത്ത മഴ; അടുത്ത മൂന്ന് മണിക്കൂറിൽ മൂന്ന് ജില്ലകളിൽ ഓറഞ്ച് അലർട്ട്, ഇടിമിന്നലിനും സാധ്യത

എഗ്ഗ് ഫ്രൈഡ് റൈസ് അടക്കം നിർത്തലാക്കി; സ്കൂളുകളിലെ ഉച്ചഭക്ഷണ വിതരണം അവതാളത്തിലെന്ന് വി ശിവൻകുട്ടി

തിരുവനന്തപുരത്ത് ഒരു കുടുംബത്തിലെ മൂന്നുപേരെ കാണാതായി; അന്വേഷണം

ഓപ്പറേഷൻ തൂഫാന് ശേഷം മറ്റൊരു പദ്ധതിയുമായി ആഭ്യന്തര വകുപ്പ് ​ഗാർഹിക പീഡനങ്ങൾ അവസാനിപ്പിക്കാൻ സ്പീക് അപ്

ശക്തമായ മഴ വരുന്നൂ; ഇന്ന് ഏഴ് ജില്ലകളിൽ യെല്ലോ അലർട്ട്, നാളെ ഒൻപതിടത്ത്

യെല്ലോ അലർട്ട്

തിരുവനന്തപുരം ന​ഗരസഭയിലെ വ്യാജ ഒപ്പ് പ‌രാതി; മേയർ വി വി രാജേഷ് ഉൾപ്പെടെ 3 പേർക്കെതിരെ കേസ്

കാലടി സംസ്കൃത സർവ്വകലാശാല ക്യാമ്പസിലെ തെരഞ്ഞെടുപ്പ് മാറ്റി; ഇത് അട്ടിമറി, കോടതിയിൽ പോകുമെന്ന് എസ്എഫ്ഐ

കായിക മന്ത്രി ഒ ജെ ജനീഷിനെരെയുള്ള കരിങ്കൊടി പ്രതിഷേധം: എസ് ടി പ്രമോട്ടറെ പിരിച്ചുവിട്ട് സർക്കാർ

ഷുഹൈബ് വധക്കേസ്: വിചാരണ കോടതി മാറ്റണമെന്ന പ്രതികളുടെ ആവശ്യം തള്ളി സുപ്രീംകോടതി

മേയർ രാജേഷിനെതിരെ കേസെടുത്ത് പൊലീസ്

കെഎഫ്സി വായ്പ തട്ടിപ്പ്; പി വി അൻവറിന് വീണ്ടും തിരിച്ചടി, വിജിലൻസ് കേസ് റദ്ദാക്കണം എന്ന ഹർജി തള്ളി ഹൈക്കോടതി

കളമശ്ശേരി സ്പാ പീഡനം: ഇനി പിടിയിലാവാനുള്ളത് രണ്ട് പേർ, മജിസ്‌ട്രേറ്റ് ഇന്ന് യുവതിയുടെ മൊഴി രേഖപ്പെടുത്തും

രാജി വിവാദം; വിശദീകരിക്കാന്‍ ഒരുങ്ങി കൗൺസിലർ ആർ ശ്രീലേഖ, ഞായറാഴ്ച വരെ കാത്തിരിക്കണമെന്ന് ഫേസ്ബുക്ക് പോസ്റ്റ്

എറണാകുളം ജനറൽ ആശുപത്രിയിലെ ഒങ്കോളജി ഐസിയുവിൽ ദുരിതം; എസി തകരാറിലായിട്ട് രണ്ടാഴ്ച

സ്വാതന്ത്ര്യ സമര സേനാനി സോഷ്യോ വാസു അന്തരിച്ചു; അന്ത്യം കോഴിക്കോട് ചെറുവണ്ണൂരിലെ വസതിയിൽ വെച്ച്

കാസർകോട് കേന്ദ്ര സർവകലാശാലയിലെ വന്ദേമാതരം പ്രതിഷേധം; കണ്ടാലറിയാവുന്ന 25 വിദ്യാർത്ഥികൾക്കെതിരെ കേസ്

കരുതലോടെ നീങ്ങാൻ വിജിലൻസ്

കേരളത്തിന് എയിംസ്: കേരള ബിജെപിയെ വെട്ടിലാക്കി ഹൈക്കോടതിയിൽ കേന്ദ്രം നൽകിയ സത്യവാങ്മൂലം

ആശ്വാസം, കാട്ടാക്കടയിൽ നിന്ന് കാണാതായ മൂന്നംഗ കുടുംബത്തെ കണ്ടെത്തി, ആതിര അമ്മയെ വിളിച്ചു

കാരുണ്യ ആരോഗ്യ പദ്ധതിക്ക് 600 കോടി രൂപ അനുവദിച്ച് സംസ്ഥാന സർക്കാർ

ഓപ്പറേഷൻ തൂഫാന് ശേഷം മറ്റൊരു പദ്ധതിയുമായി ആഭ്യന്തര വകുപ്പ് ഗാർഹിക പീഡനങ്ങൾ അവസാനിപ്പിക്കാൻ സ്പീക് അപ്

തിരുവനന്തപുരം നഗരസഭയിലെ വ്യാജ ഒപ്പ് പ‌രാതി; മേയർ വി വി രാജേഷ് ഉൾപ്പെടെ 3 പേർക്കെതിരെ കേസ്