Asianet News Malayalam

കുട്ടികളിൽ വളർച്ചയ്ക്ക് നൽകേണ്ട ആറ് സൂപ്പർ ഫുഡുകൾ

Resmi Sreekumar — Sat, 27 Jun 2026 17:54:32 +0530

കുട്ടികളിൽ വളർച്ചയ്ക്ക് നൽകേണ്ട ആറ് സൂപ്പർ ഫുഡുകൾ

മുടിക്ക് സ്വാഭാവികമായി കരുത്ത് പകരുന്ന 6 ഭക്ഷണങ്ങൾ

Resmi Sreekumar — Sat, 27 Jun 2026 17:12:16 +0530

മുടിക്ക് സ്വാഭാവികമായി കരുത്ത് പകരുന്ന 6 ഭക്ഷണങ്ങൾ

ഹൃദയാരോഗ്യം മെച്ചപ്പെടുത്താനായി കഴിക്കേണ്ട രണ്ട് ഭക്ഷണങ്ങൾ

Resmi Sreekumar — Sat, 27 Jun 2026 15:46:09 +0530

ഹൃദയാരോഗ്യം മെച്ചപ്പെടുത്താനായി കഴിക്കേണ്ട രണ്ട് ഭക്ഷണങ്ങൾ

ബ്ലൂബെറിയുടെ അതിശയിപ്പിക്കുന്ന ഏഴ് ആരോഗ്യഗുണങ്ങൾ

Resmi Sreekumar — Sat, 27 Jun 2026 14:59:01 +0530

ആന്തോസയാനിനുകൾ പോലുള്ള ആന്റിഓക്‌സിഡന്റുകളും ഉയർന്ന പോഷകഗുണമുള്ളതും കുറഞ്ഞ കലോറിയുള്ളതുമായ പഴമാണ് ബ്ലൂബെറി. ബ്ലൂബെറി ദിവസവും 1-2 കപ്പ് ഭക്ഷണത്തിൽ ചേർക്കുന്നത് മൊത്തത്തിലുള്ള ആരോഗ്യ ഗുണങ്ങൾ നൽകുന്നു. ബ്ലൂബെറിക്ക് നിറം നൽകുന്ന പിഗ്മെന്റുകളായ ആന്തോസയാനിനുകൾ വീക്കത്തിനെതിരെ പോരാടാനും കോശങ്ങളെ ഓക്‌സിഡേറ്റീവ് നാശത്തിൽ നിന്ന് സംരക്ഷിക്കാനും സഹായിക്കുന്നു.

"ബ്രെയിൻ ബെറികൾ" എന്ന് പലപ്പോഴും വിളിക്കപ്പെടുന്ന ഇവ ഓർമ്മശക്തി വർദ്ധിപ്പിക്കുന്നതിനും, ശ്രദ്ധ കേന്ദ്രീകരിക്കുന്നതിനും, പ്രായവുമായി ബന്ധപ്പെട്ട വൈജ്ഞാനിക തകർച്ച വൈകിപ്പിക്കുന്നതിനും സഹായിക്കുമെന്ന് തെളിയിക്കപ്പെട്ടിട്ടുണ്ട്. പതിവായി ബൂബെറി കഴിക്കുന്നത് രക്തസമ്മർദ്ദം കുറയ്ക്കുന്നതിനും, എൽഡിഎൽ (മോശം) കൊളസ്ട്രോൾ കുറയ്ക്കുന്നതിനും, മൊത്തത്തിലുള്ള ധമനിയുടെ പ്രവർത്തനം മെച്ചപ്പെടുത്തുന്നതിനും കാരണമാകുന്നു.

മധുരമുള്ളതാണെങ്കിലും, അവയ്ക്ക് ഗ്ലൈസെമിക് സൂചിക കുറവാണ്. കൂടാതെ ഇൻസുലിൻ സംവേദനക്ഷമത മെച്ചപ്പെടുത്തുകയും ഭക്ഷണത്തിനു ശേഷം ബ്ലഡ് ഷുഗർ അളവ് കൂടുന്നതും തടയുന്നു. ബ്ലൂബെറിയിലെ നാരുകൾ ഗുണം ചെയ്യുന്ന കുടൽ ബാക്ടീരിയകളെ പോഷിപ്പിക്കുന്നു. ഇത് ആരോഗ്യകരവും സന്തുലിതവുമായ ഒരു മൈക്രോബയോമിനെ പ്രോത്സാഹിപ്പിക്കുന്നു.

യുവാക്കളിൽ മെമ്മറി, മാനസികാവസ്ഥ, ശ്രദ്ധ, പെരുമാറ്റം എന്നിവ മെച്ചപ്പെടുത്തുന്നതിൽ ബ്ലൂബെറിയിൽ കാണപ്പെടുന്ന പ്രകൃതിദത്ത സംയുക്തങ്ങൾ തലച്ചോറിന്റെ വികാസത്തെയും വൈകാരിക ക്ഷേമത്തെയും സഹായിച്ചേക്കാമെന്ന് കണ്ടെത്തലുകൾ സൂചിപ്പിക്കുന്നു.

വിറ്റാമിൻ സി, വിറ്റാമിൻ കെ എന്നിവയുടെ മികച്ച ഉറവിടങ്ങളാണ് ബ്ലൂബെറി. ഇത് ശക്തമായ രോഗപ്രതിരോധ ശേഷി നിലനിർത്താനും മെറ്റബോളിസം മെച്ചപ്പെടുത്താനും സഹായിക്കുന്നു.

ബ്ലൂബെറി കഴിക്കുന്നത് കുട്ടികളിലെ വൈജ്ഞാനിക പ്രകടനത്തിന്റെ ചില വശങ്ങൾ മെച്ചപ്പെടുത്തുമെന്ന് അവലോകനത്തിൽ തെളിവുകൾ കണ്ടെത്തി. ബ്ലൂബെറി കഴിക്കുന്ന കുട്ടികൾ മെമ്മറി ടെസ്റ്റുകളിൽ മികച്ച പ്രകടനം കാഴ്ചവച്ചതായി ചില പഠനങ്ങൾ തെളിയിച്ചിട്ടുണ്ട്.

ആന്റിഓക്‌സിഡന്റുകൾ (ആന്തോസയാനിനുകൾ പോലുള്ളവ), വിറ്റാമിൻ എ, സി, ഇ, സിങ്ക് എന്നിവയാൽ സമ്പന്നമായ ബ്ലൂബെറി വീക്കം ശമിപ്പിക്കുകയും, യുവത്വവും തിളക്കവുമുള്ള ചർമ്മം പ്രോത്സാഹിപ്പിക്കുന്നതിന് കൊളാജൻ ഉത്പാദനം വർദ്ധിപ്പിക്കുകയും ചെയ്യുന്നു.

കുട്ടികളിലെ സ്‌കോളിയോസിസിന് 'ആക്ടീവ് അപെക്സ് കൺട്രോൾ' ശസ്ത്രക്രിയ സംസ്ഥാനത്താദ്യമായി കോഴിക്കോട് ആസ്റ്റർ മിംസിൽ

Resmi Sreekumar — Sat, 27 Jun 2026 14:30:14 +0530

കോഴിക്കോട് : 10 വയസ്സിന് താഴെയുള്ള കുട്ടികളുടെ സ്വാഭാവിക ശാരീരിക വളർച്ചയെ ബാധിക്കുന്ന ഏർളി കൺസെറ്റ് സ്കോളിയോസിസ് രോഗത്തിന് നൂതന ആക്ടീവ് അപെക്സ് കൺട്രോൾ ശസ്ത്രക്രിയ കീ ഹോൾ വഴി കോഴിക്കോട് ആസ്റ്റർ മിംസിൽ വിജയകരമായി പൂർത്തിയാക്കി. നട്ടെല്ലിന് വളവ് സംഭവിച്ച രണ്ട് കുട്ടികളിലാണ് ആസ്റ്റർ അഡ്വാൻസ്ഡ് സ്പൈൻ സെന്റർ വിഭാഗം മേധാവി ഡോ.വിനോദ് വിയുടെ നേതൃത്വത്തിലുള്ള വിദഗ്ധ മെഡിക്കൽ സംഘം ഈ അപൂർവ ശസ്ത്രക്രിയ വിജയകരമായി പൂർത്തീകരിച്ചത്.

പരമ്പരാഗത ശസ്ത്രക്രിയകൾ കുട്ടികളുടെ ഉയരത്തെയും ആന്തരികാവയവങ്ങളുടെ വളർച്ചയെയും തടസ്സപ്പെടുത്തുമെന്നതിനാൽ വളരെ ചെറിയ മുറിവുകളിലൂടെ നട്ടെല്ലിന്റെ ഘടന ക്രമീകരിക്കുന്ന അത്യാധുനിക ചികിത്സരീതി ഉപയോഗിച്ചാണ് ഈ ചരിത്രനേട്ടം കൈവരിച്ചത്.

പത്ത് വയസ്സിൽ താഴെയുള്ള കുട്ടികളിൽ കണ്ടുവരുന്ന ഏർലി ഓൺസെറ്റ് സ്കോളിയോസിസ് എന്ന രോഗാവസ്ഥയ്ക്കുള്ള ചികിത്സ അതീവ സങ്കീർണ്ണവും വെല്ലുവിളികൾ നിറഞ്ഞതുമാണ്. നട്ടെല്ലിന്റെ അമിതമായ വളവ് മൂലം കുട്ടികളുടെ നെഞ്ച്, ഹൃദയം, ശ്വാസകോശം എന്നിവയുടെ സ്വാഭാവിക വളർച്ചയെ ഗുരുതരമായി ബാധിക്കുന്ന അവസ്ഥയാണിത്.

കുട്ടികൾ അതിവേഗം വളരുന്ന പ്രായമായതിനാൽ നട്ടെല്ല് കൂട്ടിച്ചേർക്കുന്ന പരമ്പരാഗത ചികിത്സാരീതികളായ സ്പൈനൽ ഫ്യൂഷൻ ശസ്ത്രക്രിയകൾ ഈ സാഹചര്യത്തിൽ സാധിക്കുമായിരുന്നില്ല. ഇത് കുട്ടികളുടെ ഉയരത്തെയും ആന്തരികാവയവങ്ങളുടെ വളർച്ചയെയും ഭാവിയിൽ ദോഷകരമായി ബാധിക്കും എന്നതിനാലാണ് മെഡിക്കൽ സംഘം നൂതന ശസ്ത്രക്രിയ തിരഞ്ഞെടുത്തത്. കുട്ടികളുടെ ഉയരം, ഹൃദയം, ശ്വാസകോശം ഉൾപ്പെടെയുള്ള നെഞ്ചിന്റെ ഭാഗങ്ങൾ എന്നിവയുടെ വളർച്ചയെ തടസ്സപ്പെടുത്താത്ത മാർഗ്ഗമാണ് ആക്ടീവ് അപെക്സ് കൺട്രോൾ ശസ്ത്രക്രിയ.

നിലവിൽ തുടരുന്ന ചികിത്സാരീതികളിൽ നിശ്ചിത ഇടവേളകളിൽ ആവർത്തിച്ചുള്ള ശസ്ത്രക്രിയകളും കനത്ത സാമ്പത്തികച്ചെലവുള്ള പ്രത്യേക ഇംപ്ലാന്റുകളും ആവശ്യമായി വരാറുണ്ട്. തുടരെയുള്ള ശസ്ത്രക്രിയകൾ കുട്ടികളിൽ ശാരീരിക ബുദ്ധിമുട്ടുകൾക്കും സങ്കീർണ്ണതകൾക്കും കാരണമാകും. നൂതന ശസ്ത്രക്രിയയിലൂടെ ഇത്തരം ആവർത്തിച്ചുള്ള സർജറികൾ പൂർണ്ണമായി ഒഴിവാക്കാനും വളരെ ചെറിയ മുറിവുകളിലൂടെ നടത്തുന്ന ശസ്ത്രക്രിയ ആയതിനാൽ കുട്ടികൾക്ക് വേദന കുറയുകയും വേഗത്തിൽ സുഖം പ്രാപിക്കാൻ സാധിക്കുകയും ചെയ്യും.

"ഇതൊരു പരീക്ഷണമല്ല മറിച്ച് വ്യക്തമായ ധാരണയോടെയാണ് രണ്ട് കുട്ടികൾക്കും ഈ ശസ്ത്രക്രിയ നടത്തിയത്. കുട്ടികളുടെ സ്വാഭാവിക ശാരീരിക വളർച്ച ഒട്ടും തടസ്സപ്പെടാതെ അവരുടെ ജീവിതനിലവാരം ഉയർത്താൻ ലഭ്യമായ ഏറ്റവും സുരക്ഷിതവും ഫലപ്രദവുമായ മാർഗമാണെന്ന്" ശസ്ത്രക്രിയയ്ക്ക് നേതൃത്വം നൽകിയ ഡോ.വിനോദ് പറഞ്ഞു. കൂടാതെ കുട്ടികളിലെ ഇത്തരം അതീവ സങ്കീർണ്ണമായ രോഗങ്ങൾ കണ്ടെത്തി കൃത്യമായ ചികിത്സ വിജയകരമായി പൂർത്തിയാക്കാൻ സാധിച്ചത് ആശുപത്രിയുടെ വലിയൊരു മുന്നേറ്റമാണെന്ന് കോഴിക്കോട് ആസ്റ്റർ മിംസ് ചീഫ് ഓപ്പറേറ്റിംഗ് ഓഫീസർ ഡോ. ഗോപിനാഥ് മാമ്പള്ളിക്കളം കൂട്ടിച്ചേർത്തു.

കഴിഞ്ഞ കാൽനൂറ്റാണ്ടായി സംസ്ഥാനത്തെ ആരോഗ്യമേഖലയിൽ വിദഗ്ധ സേവനം നൽകിവരുന്ന കോഴിക്കോട് ആസ്റ്റർ മിംസ് സ്പയിൻ സർജറി രംഗത്ത് നടത്തുന്ന വലിയൊരു ചുവടുവെപ്പാണ് ഈ വിജയമെന്ന് ആശുപത്രി മാനേജ്‌മെന്റ് അറിയിച്ചു. സങ്കീർണ്ണമായ സർജറികൾക്ക് ഉപയോഗിക്കുന്ന അത്യാധുനിക ചികിത്സകൾ തദ്ദേശീയമായിത്തന്നെ ലഭ്യമാക്കുന്നതിൽ ഈ നേട്ടം നിർണ്ണായകമാണെന്നും ഭാവിതലമുറയുടെ ആരോഗ്യസംരക്ഷണത്തിൽ പുതിയൊരു വഴിത്തിരിവാകാൻ ഈ നേട്ടത്തിന് സാധിക്കുമെന്നും ആശുപത്രി അധികൃതർ വ്യക്തമാക്കി.

മുഖക്കുരു ഇനി എളുപ്പം അകറ്റാം ; ഇതാ ആറ് വഴികൾ

Resmi Sreekumar — Sat, 27 Jun 2026 13:14:25 +0530

മുഖക്കുരു ഇനി എളുപ്പം അകറ്റാം ; ഇതാ ആറ് വഴികൾ

ദിവസവും ഒരു വാഴപ്പഴം കഴിക്കുന്നത് പതിവാക്കൂ, കാരണം

Resmi Sreekumar — Sat, 27 Jun 2026 12:20:27 +0530

വാഴപ്പഴം വളരെ പോഷകസമൃദ്ധമായ പഴമാണ്. അവശ്യ വിറ്റാമിനുകൾ, പൊട്ടാസ്യം, ഭക്ഷണ നാരുകൾ എന്നിവ വാഴപ്പഴത്തിൽ അടങ്ങിയിരിക്കുന്നു. അവ ഹൃദയാരോഗ്യത്തെ പിന്തുണയ്ക്കുന്നു.

മഴക്കാലത്ത് വൈറൽ അണുബാധകൾ പിടിപെടാതിരിക്കാൻ ശ്രദ്ധിക്കേണ്ട കാര്യങ്ങൾ

Resmi Sreekumar — Sat, 27 Jun 2026 11:18:30 +0530

മഴക്കാലം കൊടും വേനൽച്ചൂടിൽ നിന്ന് ആശ്വാസം നൽകുമെങ്കിലും, അത് നിരവധി വൈറൽ അണുബാധകൾക്കും കാരണമാകുന്നു. വർദ്ധിച്ചുവരുന്ന ഈർപ്പം, കെട്ടിക്കിടക്കുന്ന വെള്ളം എന്നിവ വൈറസുകളുടെയും ബാക്ടീരിയകളുടെയും പ്രജനന കേന്ദ്രം സൃഷ്ടിക്കുന്നു. ഇച് നിരവധി രോഗങ്ങൾക്ക് ഇടയാക്കും.

വർദ്ധിച്ചുവരുന്ന ഈർപ്പം, ചൂടുള്ള താപനില, മാറിക്കൊണ്ടിരിക്കുന്ന കാലാവസ്ഥാ സാഹചര്യങ്ങൾ എന്നിവ നിരവധി വൈറസുകൾ അതിജീവിക്കാനും കൂടുതൽ കാര്യക്ഷമമായി പടരാനും സഹായിക്കുന്ന ഒരു അന്തരീക്ഷം സൃഷ്ടിക്കുന്നു. അതേസമയം, കെട്ടിക്കിടക്കുന്ന വെള്ളം, മലിനമായ കുടിവെള്ളം, തിരക്കേറിയ ഇൻഡോർ ഇടങ്ങൾ എന്നിവ അണുബാധകളുടെ സീസണൽ വർദ്ധനവിന് കാരണമാകുന്നു.

സീസണൽ കാലാവസ്ഥാ രീതികൾ ശ്വസന, വെക്റ്റർ വഴി പകരുന്ന, ജലത്തിലൂടെ പകരുന്ന പകർച്ചവ്യാധികളുടെ വ്യാപനത്തെ സാരമായി സ്വാധീനിക്കുന്നതായി ലോകാരോഗ്യ സംഘടന വ്യക്തമാക്കുന്നു.

മനുഷ്യർക്ക് അണുബാധയിലേക്കുള്ള സമ്പർക്കം വർദ്ധിപ്പിക്കുന്നതിലും കാലാവസ്ഥ തന്നെ ഒരു പ്രധാന പങ്ക് വഹിക്കുന്നതായി

നാനാവതി മാക്സ് സൂപ്പർ സ്പെഷ്യാലിറ്റി ഹോസ്പിറ്റലിലെ ഇൻഫെക്ഷ്യസ് ഡിസീസസ് & ഇന്റേണൽ മെഡിസിൻ ഡയറക്ടർ ഡോ. ഹർഷദ് ലിമായെ പറയുന്നു.

പനി, ചുമ, ജലദോഷം, ശരീരവേദന, വയറ്റിലെ അണുബാധകൾ, ഡെങ്കി പോലുള്ള രോഗങ്ങൾ, വൈറൽ പനി കേസുകൾ എന്നിവ വർദ്ധിക്കാൻ തുടങ്ങുന്നു. മഴക്കാലത്തിന് മുമ്പും ശേഷവുമുള്ള കാലഘട്ടം പല അണുബാധകളും വേഗത്തിൽ പടരുന്നതിന് അനുയോജ്യമായ അന്തരീക്ഷം സൃഷ്ടിക്കുന്നതായി ഡോ. ഹർഷദ് പറയുന്നു. മൺസൂൺ പൂർണ്ണമായും ആരംഭിക്കുന്നതിന് മുമ്പ്, ഈർപ്പം വർദ്ധിക്കാൻ തുടങ്ങുകയും താപനില ചൂടായി തുടരുകയും ചെയ്യും. ഈ സംയോജനം ചില വൈറസുകൾ കൂടുതൽ കാലം നിലനിൽക്കാനും കൂടുതൽ എളുപ്പത്തിൽ പടരാനും സഹായിക്കുന്നു.

അടച്ചിട്ട മുറികൾ, തിരക്കേറിയ പൊതുഗതാഗതം, സ്കൂളുകൾ, ഓഫീസുകൾ എന്നിവ ചുമ, തുമ്മൽ അല്ലെങ്കിൽ അടുത്ത സമ്പർക്കം വഴി ഇൻഫ്ലുവൻസ പോലുള്ള ശ്വസന വൈറസുകൾ ഒരാളിൽ നിന്ന് മറ്റൊരാളിലേക്ക് പകരുന്നത് എളുപ്പമാക്കുന്നു.ഇൻഫ്ലുവൻസ വൈറസുകളും മറ്റ് ശ്വസന രോഗകാരികളും തിരക്കേറിയ ഇൻഡോർ ക്രമീകരണങ്ങളിൽ പ്രത്യേകിച്ച് വായുസഞ്ചാരം കുറവായിരിക്കുമ്പോൾ, കൂടുതൽ എളുപ്പത്തിൽ പടരുമെന്ന് ലോകാരോഗ്യ സംഘടന പറയുന്നു.

മഴക്കാലരോഗങ്ങൾ പിടിപെടാതിരിക്കാൻ സ്വീകരിക്കേണ്ട പ്രതിരോധ നടപടികൾ

വീടിന് ചുറ്റും വെള്ളം കെട്ടിനിൽക്കാൻ അനുവദിക്കരുത്.

വെള്ളം നിറയ്ക്കുന്ന പാത്രങ്ങൾ മൂടിവയ്ക്കുക.

ഡെങ്കിപ്പനി പ്രതിരോധത്തിനായി പ്രത്യേകിച്ച് പകൽ സമയത്ത് കൊതുക് സംരക്ഷണം ഉപയോഗിക്കുക.

തിളപ്പിച്ചതോ ഫിൽട്ടർ ചെയ്തതോ ആയ വെള്ളം കുടിക്കുക.

കനത്ത മഴക്കാലത്ത് റോഡരികിലെ ഭക്ഷണം ഒഴിവാക്കുക.

കൂടുതൽ തവണ കൈ കഴുകുക, പ്രത്യേകിച്ച് ഭക്ഷണം കഴിക്കുന്നതിന് മുമ്പ്.

മുറികൾ വായുസഞ്ചാരമുള്ളതാക്കുക, പനിയുള്ളപ്പോൾ കുട്ടികളെ സ്കൂളിലേക്ക് അയയ്ക്കുന്നത് ഒഴിവാക്കുക.

പനിച്ചുവിറച്ച് കേരളം; സംസ്ഥാനത്ത് ഷിഗെല്ലയ്‌ക്കൊപ്പം മലേറിയയും സ്ഥിരീകരിച്ചു

Web Desk — Sat, 27 Jun 2026 09:11:52 +0530

സംസ്ഥാനത്ത് പകർച്ചവ്യാധികൾ പടരുന്നു; ഷിഗെല്ലയ്‌ക്കൊപ്പം മലേറിയയും സ്ഥിരീകരിച്ചു, ഇന്നലെ മാത്രം പോസിറ്റീവ് ആയത് 17 പേർ

നിങ്ങൾക്ക് ഉറക്കം കുറവാണോ അതോ അമിതമായി ഉറങ്ങുന്ന ആളാണോ?

Resmi Sreekumar — Fri, 26 Jun 2026 17:37:41 +0530

ശരീരത്തിനും മനസ്സിനും വിശ്രമം നൽകി, ഊർജ്ജം വീണ്ടെടുക്കാൻ സഹായിക്കുന്ന ഒരു സ്വാഭാവിക പ്രക്രിയയാണ് ഉറക്കം. ആരോഗ്യകരമായ ജീവിതത്തിന് ദിവസവും 7-9 മണിക്കൂർ ഉറക്കം അത്യാവശ്യമാണ്. ഇത് ഓർമ്മശക്തി വർദ്ധിപ്പിക്കാനും രോഗപ്രതിരോധ ശേഷി കൂട്ടാനും സഹായിക്കുന്നു. മുതിർന്നവർക്ക് 7–9 മണിക്കൂർ ഉറക്കം ആവശ്യമാണെന്ന് ആരോഗ്യ വിദഗ്ധർ പറയുന്നു.

പതിവായി ആറ് മണിക്കൂറിൽ താഴെയോ 9-10 മണിക്കൂറിൽ കൂടുതലോ ഉറങ്ങുന്നത് ആരോഗ്യപരമായ പ്രതികൂല ഫലങ്ങളുമായി ബന്ധപ്പെട്ടിരിക്കുന്നു. ഉറക്കത്തിന്റെ ദൈർഘ്യം പ്രധാനമാണെങ്കിലും, ഉറക്കത്തിന്റെ സ്ഥിരതയും ഒരുപോലെ പ്രധാനമാണ്.

എല്ലാ ദിവസവും ഏകദേശം ഒരേ സമയത്ത് ഉറങ്ങാൻ പോകുന്നതും ഉണരുന്നതും സർക്കാഡിയൻ താളം നിയന്ത്രിക്കാൻ സഹായിക്കുന്നു.

മറുവശത്ത്, ക്രമരഹിതമായ ഉറക്ക ഷെഡ്യൂളുകൾ മോശം ഉപാപചയ ആരോഗ്യം, മാനസികാവസ്ഥയിലെ അസ്വസ്ഥതകൾ, പകൽ ഉറക്കം എന്നിവയുമായി ബന്ധപ്പെട്ടിരിക്കുന്നു. വേണ്ടത്ര ഉറക്കം ലഭിക്കാത്തത് ശാരീരികവും മാനസികവുമായ ആരോഗ്യത്തെ ബാധിക്കുകയും, പ്രമേഹം, ഹൃദ്രോഗം തുടങ്ങിയ ഗുരുതര രോഗങ്ങൾക്ക് കാരണമാകുകയും ചെയ്യും.

ഉറക്കക്കുറവാണെങ്കിൽ പ്രകടമാകുന്ന ലക്ഷണങ്ങൾ

പകൽ സമയത്തെ അമിതമായ ക്ഷീണം:

ഏകാഗ്രതക്കുറവ്

മൂഡ് മാറ്റങ്ങൾ:

പെട്ടെന്നുള്ള ഉറക്കം: കിടക്കുമ്പോൾ വളരെ പെട്ടെന്ന് ഉറങ്ങിപ്പോകുക

ദീർഘകാല രാത്രി ഷിഫ്റ്റ് ജോലി ചെയ്യുന്നവരിൽ ഉണ്ടാകാവുന്ന ആരോഗ്യപ്രശ്നങ്ങൾ

പൊണ്ണത്തടി

• ടൈപ്പ് 2 പ്രമേഹം

• ഹൃദയ സംബന്ധമായ അസുഖങ്ങൾ

• മാനസികാവസ്ഥ തകരാറുകൾ

അമിത ഉറക്കം മൂലം ഉണ്ടാകാവുന്ന ആരോഗ്യപ്രശ്നങ്ങൾ

ഉറക്ക തകരാറുകൾ:

മാനസിക പ്രശ്നങ്ങൾ: വിഷാദം അമിതമായ ഉത്കണ്ഠ (Anxiety).

മറ്റ് രോഗങ്ങൾ: തൈറോയ്ഡ് തകരാറുകൾ, പ്രമേഹം, ഹൃദ്രോഗം എന്നിവ.

മരുന്നുകളുടെ പാർശ്വഫലങ്ങൾ: ഉറക്കഗുളികകൾ അല്ലെങ്കിൽ ചില ആന്റീഡിപ്രസന്റുകളുടെ ഉപയോഗം.

പോഷകക്കുറവ്

ശരീരഭാരം നിയന്ത്രിക്കുന്നതിന് കഴിക്കേണ്ട കലോറി കുറവുള്ള ഭക്ഷണങ്ങൾ

Ameena Shirin — Fri, 26 Jun 2026 17:08:25 +0530

കലോറി കുറവുള്ള ഭക്ഷണങ്ങൾ കഴിക്കുന്നതിലൂടെ കൊഴുപ്പ് കുറയ്ക്കാനും ശരീരഭാരം, ബ്ലഡ് ഷുഗർ എന്നിവ നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കും. ഈ ഭക്ഷണങ്ങൾ ഡയറ്റിൽ ഉൾപ്പെടുത്തൂ.

മല്ലി വെള്ളം ദിവസവും കുടിക്കുന്നതിന്റെ 7 പ്രധാന ഗുണങ്ങൾ

Ameena Shirin — Fri, 26 Jun 2026 16:59:04 +0530

നിരവധി ഔഷധ ഗുണങ്ങൾ അടങ്ങിയതാണ് മല്ലി. ദിവസവും മല്ലി വെള്ളം കുടിക്കുന്നതിന്റെ ഗുണങ്ങൾ ഇതാണ്.

മുടി കരുത്തോടെയിരിക്കാൻ തേങ്ങാപ്പാൽ ; ഉപയോഗിക്കേണ്ട വിധം

Resmi Sreekumar — Fri, 26 Jun 2026 16:44:44 +0530

മുടിയുടെ സംരക്ഷണത്തിന് ഏറ്റവും മികച്ചതാണ് തേങ്ങാപ്പാൽ. ലോറിക് ആസിഡ്, വിറ്റാമിനുകൾ, പ്രോട്ടീനുകൾ എന്നിവയാൽ സമ്പന്നമായ തേങ്ങാപ്പാൽ മുടിക്ക് പോഷകം നൽകുന്നതിന് സഹായകമാണ്. ഇത് വരണ്ട മുടിയിഴകളെ ആഴത്തിൽ മോയ്സ്ചറൈസ് ചെയ്യുകയും, മുടി ചുരുളുന്നത് കുറയ്ക്കുകയും, കെരാറ്റിൻ ഘടനകളെ ശക്തിപ്പെടുത്തുകയും ചെയ്യുന്നു.

തേങ്ങാപ്പാലിലെ ഫാറ്റി ആസിഡുകൾ വരണ്ടതും പൊട്ടുന്നതുമായ മുടിക്ക് ദീർഘകാല ജലാംശം നൽകുകയും ചെയ്യുന്നു. മുടി പ്രോട്ടീൻ കൊണ്ടാണ് നിർമ്മിച്ചിരിക്കുന്നത് എന്നതിനാൽ, തേങ്ങാപ്പാലിലെ പ്രോട്ടീനുകൾ പൊട്ടലും ചൂടിന്റെ കേടുപാടുകളും കുറയ്ക്കുന്നു. തേങ്ങാപ്പാലിലെ പോഷകങ്ങൾ താരൻ നിയന്ത്രിക്കാനും ചൊറിച്ചിലും വരണ്ടതുമായ തലയോട്ടിക്ക് ആശ്വാസം നൽകാനും സഹായിക്കും.

ഈ രീതിയിൽ ഉപയോഗിക്കാം

ഒന്ന്

കറ്റാർവാഴ ജെൽ തേങ്ങാപ്പാലിൽ യോജിപ്പിച്ച് മുടിയുടെ വേരുകൾ മുതൽ അറ്റം വരെ പുരട്ടുക. 20-40 മിനിറ്റ് നേരം വയ്ക്കുക, തുടർന്ന് വീര്യം കുറഞ്ഞ ഷാംപൂ ഉപയോഗിച്ച് നന്നായി കഴുകുക. ആഴ്ചയിൽ രണ്ടോ മൂന്നോ തവണ കഴുകുക.

രണ്ട്

അര കപ്പ് നെല്ലിക്ക പൊടി, ഒരു കപ്പ് തേങ്ങാപ്പാൽ എന്നിവ എടുത്ത് രണ്ടോ മൂന്നോ തുള്ളി റോസ്മേരി ഓയിലും ചേർത്ത് തലയിൽ തേച്ച് പിടിപ്പിക്കുക. 20 മിനുട്ടിന് ശേഷം കഴുകി കളയുക.

മൂന്ന്

തലമുടി വളർച്ച മെച്ചപ്പെടുത്താൻ തേങ്ങാപ്പാൽ തലയോട്ടിയിൽ പുരട്ടി മൃദുവായി മസാജ് ചെയ്യാം. അത് രക്തയോട്ടം മെച്ചപ്പെടുത്തി ഹെയർ ഫോളിക്കിളുകളിലേയ്ക്കുള്ള പോഷകത്തിൻ്റെ ആഗിരണം മെച്ചപ്പെടുത്തുന്നു.

നാല്

മുടിയിൽ തേങ്ങാപ്പാൽ ഒഴിച്ചതിനു ശേഷം തിളപ്പിച്ചാറിയ വെള്ളം ഉപയോഗിച്ച് കഴുകി കളയാം. ശേഷം വീര്യം കുറഞ്ഞ ഷാമ്പൂവും കണ്ടീഷ്ണറും ഉപയോഗിക്കാവുന്നതാണ്. ഇത് മുടി വരണ്ട് പൊട്ടുന്നത് തടയുന്നു.

അഞ്ച്

ആദ്യം മുട്ട നന്നായി പതപ്പിക്കുക. ഇതിലേക്ക് തേങ്ങാപ്പാൽ ചേർത്ത് വീണ്ടും അടിക്കുക. ശേഷം ഈ പാക്ക് തലയിൽ നന്നായി തേച്ച് പിടിപ്പിക്കുക. ഏകദേശം 20 മിനിറ്റ് ഇട്ടേക്കുക. ശേഷം, പതിവായി ഉപയോഗിക്കുന്ന ഷാംപൂവും തണുത്ത വെള്ളവും ഉപയോഗിച്ച് മുടി നന്നായി കഴുകുക. ആഴ്ച്ചയിൽ ഒരു തവണ ഇത് പുരട്ടാവുന്നതാണ്.

ശ്രദ്ധിക്കൂ, ദിവസവും ഒരു മുട്ട കഴിച്ചാൽ...

Resmi Sreekumar — Fri, 26 Jun 2026 16:22:34 +0530

ഉയർന്ന പോഷകഗുണമുള്ളതും കുറഞ്ഞ കലോറി അടങ്ങിയതുമായ ഒരു ഭക്ഷണമാണ് മുട്ട. ഉയർന്ന നിലവാരമുള്ള പ്രോട്ടീൻ, അവശ്യ അമിനോ ആസിഡുകൾ, വിറ്റാമിനുകൾ ബി 12, ഡി, ആരോഗ്യകരമായ കൊഴുപ്പുകൾ എന്നിവ ഇവ നൽകുന്നു.

ശ്രദ്ധ കേന്ദ്രീകരിക്കാൻ ബുദ്ധിമുട്ടുന്നുണ്ടോ? കാരണം നിർജ്ജലീകരണമാകാം; ഈ മുന്നറിയിപ്പുകൾ അവഗണിക്കരുത്

Ameena Shirin — Fri, 26 Jun 2026 15:24:15 +0530

ചില സമയങ്ങളിൽ നമുക്ക് കാര്യങ്ങളിൽ ശ്രദ്ധ കേന്ദ്രീകരിക്കാൻ ബുദ്ധിമുട്ട് തോന്നുകയും, പെട്ടെന്ന് ദേഷ്യം വരികയും, അല്ലെങ്കിൽ വിട്ടുമാറാത്ത ക്ഷീണം അനുഭവപ്പെടുകയുമൊക്കെ ചെയ്യാറുണ്ട്. പലപ്പോഴും നമ്മൾ ഇതിന് കാരണം അമിത ജോലിഭാരമോ, ഉറക്കക്കുറവോ, മാനസിക സമ്മർദ്ദമോ ആണെന്ന് കരുതി തള്ളിക്കളയാറാണ് പതിവ്. എന്നാൽ ഇതിനെല്ലാം പിന്നിലെ യഥാർത്ഥ കാരണം അതൊന്നുമായിരിക്കില്ല. അത്തരത്തിൽ ഒന്നാണ് നിർജ്ജലീകരണം. ശരീരത്തിലുണ്ടാകുന്ന ജലാംശത്തിന്റെ കുറവ് നമ്മുടെ മസ്തിഷ്കത്തിന്റെ പ്രവർത്തനങ്ങളെ എങ്ങനെയാണ് ബാധിക്കുന്നതെന്ന് മനസിലാക്കാം.

ശരീരത്തിൽ ജലാംശം നിലനിർത്തേണ്ടത് പ്രധാനമാണ്, കാരണം?

മനുഷ്യ മസ്തിഷ്കത്തിന്റെ ഏകദേശം 75 ശതമാനവും ജലം അടങ്ങിയതാണ്. അതിനാൽ തന്നെ തലച്ചോറിന്റെ കാര്യക്ഷമമായ പ്രവർത്തനത്തിന് ആവശ്യത്തിന് വെള്ളം ശരീരത്തിൽ ഉണ്ടാകേണ്ടത് അനിവാര്യമാണ്. തലച്ചോറിലേക്കുള്ള രക്തചംക്രമണം സുഗമമാക്കാനും, നാഡീകോശങ്ങൾ തമ്മിലുള്ള ആശയവിനിമയം മികച്ചതാക്കാനും, ശരീര താപനിലയും ഊർജ്ജ നിലയും നിയന്ത്രിക്കാനും വെള്ളം പ്രധാന പങ്ക് വഹിക്കുന്നു.

നിർജ്ജലീകരണത്തിന്റെ ലക്ഷണങ്ങൾ

ശരീരത്തിൽ വെള്ളം കുറയുന്നു എന്ന് കാണിക്കാൻ എപ്പോഴും കടുത്ത ദാഹം അനുഭവപ്പെടണം എന്നില്ല. പലപ്പോഴും ശരീരം നൽകുന്ന ലളിതമായ ചില സൂചനകൾ നമ്മൾ മാനസിക സമ്മർദ്ദം മൂലമാണെന്ന് കരുതി അവഗണിക്കാറുണ്ട്. ഇക്കാര്യങ്ങൾ ശ്രദ്ധിക്കൂ.

കാര്യങ്ങളിൽ ശ്രദ്ധ കേന്ദ്രീകരിക്കാനുള്ള ബുദ്ധിമുട്ട്

ചിന്തകളിൽ വ്യക്തതക്കുറവ്

2. അടിക്കടിയുണ്ടാകുന്ന തലവേദന

3. കാരണമില്ലാതെ ദേഷ്യവും അസ്വസ്ഥതയും വരിക

4. നന്നായി ഉറങ്ങിയിട്ടും അനുഭവപ്പെടുന്ന കടുത്ത ക്ഷീണം

5. വായ ഉണങ്ങിപ്പോകുക

6. കാര്യങ്ങൾ പെട്ടെന്ന് ഗ്രഹിക്കാനുള്ള ശേഷി കുറയുക

ഈ ലക്ഷണങ്ങൾ സാധാരണയായി തോന്നാമെങ്കിലും ഇവ ശരീരത്തിന്റെ മൊത്തത്തിലുള്ള ആരോഗ്യത്തെ സാരമായി ബാധിക്കും.

വെറും വെള്ളം കുടിച്ചതുകൊണ്ട് മാത്രം ആയോ?

ശരീരത്തിൽ ജലാംശം നിലനിർത്താൻ വെള്ളം കുടിക്കുന്നത് അത്യാവശ്യമാണെങ്കിലും, അതോടൊപ്പം ശരീരത്തിലെ ഫ്ലൂയിഡ്, ഇലക്ട്രോലൈറ്റ് സന്തുലിതാവസ്ഥ നിലനിർത്തുന്നതും പ്രധാനമാണ്. സോഡിയം, പൊട്ടാസ്യം, ക്ലോറൈഡ് തുടങ്ങിയ ഇലക്ട്രോലൈറ്റുകളാണ് നാഡികളുടെ പ്രവർത്തനം, പേശികളുടെ ചലനം, കോശങ്ങളിലേക്കുള്ള വെള്ളത്തിന്റെ സുഗമമായ പ്രവാഹം എന്നിവ നിയന്ത്രിക്കുന്നത്. അമിതമായി വിയർക്കുമ്പോഴും, രോഗബാധയുള്ളപ്പോഴും, കഠിനമായ ശാരീരിക അധ്വാനത്തിൽ ഏർപ്പെടുമ്പോഴും വെറും വെള്ളത്തിന് പകരം ഇലക്ട്രോലൈറ്റുകൾ അടങ്ങിയ പാനീയങ്ങൾ കൂടി ശരീരത്തിൽ എത്തേണ്ടതുണ്ട്.

ദിവസവും ശരീരത്തിൽ ജലാംശം നിലനിർത്താൻ ചെയ്യേണ്ടത്

ദിവസവും രാവിലെ ഒരു ഗ്ലാസ്സ് വെള്ളം കുടിക്കുന്നത് ശീലമാക്കാം.

2. യാത്ര ചെയ്യുമ്പോഴും ജോലിസ്ഥലത്തും എപ്പോഴും ഒരു വാട്ടർ ബോട്ടിൽ കരുതുക.

3. ദാഹം തോന്നുന്നത് വരെ കാത്തുനിൽക്കാതെ കൃത്യമായ ഇടവേളകളിൽ വെള്ളം കുടിക്കുക.

4. ചൂടുള്ള കാലാവസ്ഥയിലും വ്യായാമത്തിന് ശേഷവും കുടിക്കുന്ന വെള്ളത്തിന്റെ അളവ് വർദ്ധിപ്പിക്കുക.

5. ഭക്ഷണത്തിൽ ജലാംശം കൂടുതലുള്ള പഴങ്ങളും പച്ചക്കറികളും ഉൾപ്പെടുത്തുക.

ഈ ശീലങ്ങളിലൂടെ നിങ്ങളുടെ തലച്ചോറിനെ കൂടുതൽ ഉന്മേഷമുള്ളതാക്കി മാറ്റാനും കാര്യങ്ങളിൽ കൂടുതൽ ശ്രദ്ധ കേന്ദ്രീകരിക്കാനും സഹായിക്കും.

വിറ്റാമിൻ ഡിയുടെ കുറവ് പരിഹരിക്കാൻ ഇവ കഴിക്കാം

Resmi Sreekumar — Fri, 26 Jun 2026 14:59:04 +0530

വിറ്റാമിൻ ഡിയുടെ കുറവ് പരിഹരിക്കാൻ ഇവ കഴിക്കാം

ദിവസവും ഗ്രാമ്പു ചായ കുടിക്കുന്നതിന്റെ 7 ആരോഗ്യ ഗുണങ്ങൾ

Ameena Shirin — Fri, 26 Jun 2026 14:40:30 +0530

നിരവധി ആരോഗ്യ ഗുണങ്ങൾ അടങ്ങിയതാണ് ഗ്രാമ്പു. ദിവസവും ഗ്രാമ്പു ചായ കുടിക്കുന്നതിന്റെ ആരോഗ്യ ഗുണങ്ങൾ എന്തൊക്കെയാണെന്ന് അറിയാം.

ഹൃദയാരോഗ്യം മെച്ചപ്പെടുത്താൻ കഴിക്കേണ്ട 7 ഭക്ഷണങ്ങൾ

Resmi Sreekumar — Fri, 26 Jun 2026 13:24:45 +0530

ഹൃദയാരോഗ്യം മെച്ചപ്പെടുത്താൻ കഴിക്കേണ്ട 7 ഭക്ഷണങ്ങൾ

'ഇന്ത്യക്കാരിയായി ജന്മനാട്ടിൽ മരിക്കണം', അമേരിക്കൻ പൗരത്വം ഉപേക്ഷിക്കാൻ കളക്ടറുടെ സഹായം തേടി 94കാരി

Elsa TJ — Fri, 26 Jun 2026 13:20:37 +0530

ബപട്‌ല: ഇന്ത്യക്കാരിയായി മരിക്കണം. അന്തിമ കർമങ്ങൾ ചെയ്യേണ്ടത് പിറന്ന നാട്ടിൽ. 94ാം വയസിൽ അമേരിക്കൻ പൗരത്വം ഉപേക്ഷിക്കാൻ നിയമ സഹായം ആവശ്യപ്പെട്ട് വയോധിക. ജോലി, വിദ്യാഭ്യാസം അടക്കം സാധ്യമായ വഴികളിലൂടെ യുവതലമുറ വിദേശ നാടുകളിലേക്ക് കുടിയേറി പാർക്കാൻ ശ്രമിക്കുന്നതിനിടെയാണ് ജന്മനാട്ടിൽ അന്ത്യവിശ്രമം സാധ്യമാക്കാൻ സഹായം തേടി 94 കാരി അധികൃതരെ സമീപിക്കുന്നത്. ആന്ധ്ര പ്രദേശിലെ ബപട്‌ലയിലാണ് സംഭവം. കൊണ്ട്രഗുണ്ട മഹാലക്ഷ്മമ്മ എന്ന 94കാരിയാണ് അമേരിക്കൻ പൗരത്വം ഉപേക്ഷിക്കാനായി ജില്ലാ കളക്ടറുടെ സഹായം തേടിയിട്ടുള്ളത്. ചൊവ്വാഴ്ചയാണ് ഇവർ കളക്ട്രേറ്റിലെത്തിയത്. ആന്ധ്രാ പ്രദേശിലെ ചിന്താഗുപാല ഗ്രാമവാസിയായ കൊണ്ട്രഗുണ്ട മഹാലക്ഷ്മമ്മ ഭർത്താവിന്റെ മരണശേഷമാണ് അമേരിക്കയിലേക്ക് കുടിയേറിയത്.

ക്യാൻസർ ചികിത്സാ വിദഗ്ധനായ മകനൊപ്പമായിരുന്നു കൊണ്ട്രഗുണ്ട മഹാലക്ഷ്മമ്മ താമസിച്ചിരുന്നത്. 2000 ജൂലൈയിലാണ് ഇവർക്ക് അമേരിക്കൻ പൗരത്വം ലഭിച്ചത്. രണ്ട് ദശാബ്ദത്തോളം അമേരിക്കൻ മണ്ണിൽ ജീവിച്ച ഇവർ 2018ൽ നാട്ടിൽ തിരിച്ചെത്തുകയായിരുന്നു. എങ്കിലും ഇവർ അമേരിക്കൻ പൗരത്വം ഉപേക്ഷിച്ചിരുന്നില്ല. എന്നാൽ പ്രായം ഏറിവരുന്നതിനാലും ശാരീരിക അസ്വാസ്ഥ്യം കൂടിയതിനും പിന്നാലെയാണ് ജന്മനാട്ടിൽ ഇന്ത്യക്കാരിയായി തന്നെ മരിക്കണമെന്ന് അവർ ഉറപ്പിച്ചത്. ഇതിന് പിന്നാലെയാണ് ഇവർ അധികൃതരുടെ സഹായം തേടിയത്. ശിഷ്ടകാലം ഇന്ത്യക്കാരിയായി ജന്മനാട്ടിൽ താമസിക്കണമെന്നാണ് കൊണ്ട്രഗുണ്ട മഹാലക്ഷ്മമ്മ കളക്ടറോട് വിശദമാക്കിയത്. കളക്ടറുടെ മുന്നിൽ വച്ച് ഇത് സംബന്ധിയായ നടപടി ക്രമങ്ങൾ ഇവർ പൂർത്തിയാക്കുകയായിരുന്നു.

ഏഷ്യാനെറ്റ് ന്യൂസ് ലൈവ് വീഡിയോ കാണാം

കൊളസ്‌ട്രോൾ നിയന്ത്രിക്കാൻ നിർബന്ധമായും ഡയറ്റിൽ ഉൾപ്പെടുത്തേണ്ട 7 ഭക്ഷണങ്ങൾ

Ameena Shirin — Fri, 26 Jun 2026 13:07:37 +0530

ആരോഗ്യം നന്നായി നിലനിർത്തുന്നതിന് കൊളസ്‌ട്രോളിന്റെ അളവ് നിയന്ത്രിക്കേണ്ടത് വളരെ പ്രധാനമാണ്. കൊളസ്‌ട്രോൾ കുറയ്ക്കാൻ ഈ ഭക്ഷണങ്ങൾ ഡയറ്റിൽ ഉൾപ്പെടുത്തൂ.

മുടി കൊഴിച്ചിൽ കൂടുന്നുണ്ടോ? ഈ 5 ദൈനംദിന തെറ്റുകൾ ഒഴിവാക്കൂ

Ameena Shirin — Fri, 26 Jun 2026 12:08:29 +0530

ദിവസവും കുറച്ചു മുടി കൊഴിയുന്നത് സ്വാഭാവികമായ കാര്യമാണ്. എന്നാൽ കുളിക്കുമ്പോഴും തലമുടി ചീകുമ്പോഴും സാധാരണയിൽ കൂടുതൽ മുടി കൊഴിയുകയോ, നിങ്ങളുടെ മുടിയുടെ കട്ടി കുറഞ്ഞു വരുന്നതായി തോന്നുകയോ ചെയ്യുന്നുണ്ടെങ്കിൽ അതിനു പിന്നിൽ ചില കാരണങ്ങളുണ്ടാകാം. പാരമ്പര്യവും ചില രോഗങ്ങളും ഇതിന് കാരണമാകാമെങ്കിലും, നമ്മൾ അറിയാതെ ചെയ്യുന്ന ചില ദൈനംദിന ശീലങ്ങൾ മുടി കൊഴിച്ചിൽ വർദ്ധിപ്പിക്കും. ഈ തെറ്റുകൾ ഒഴിവാക്കൂ.

1. അശാസ്ത്രീയമായ ഡയറ്റിംഗും പോഷകാഹാരക്കുറവും

മുടി നന്നായി വളരുന്നതിന് പ്രോട്ടീനുകൾ, അയൺ, സിങ്ക്, വിറ്റാമിൻ ഡി തുടങ്ങിയ പോഷകങ്ങൾ ആവശ്യമാണ്. പെട്ടെന്ന് തടി കുറയ്ക്കാനായി കഠിനമായ ഡയറ്റിംഗ് നോക്കുകയും കലോറി കുറയ്ക്കുകയും ചെയ്യുമ്പോൾ അത് മുടിയുടെ വളർച്ചയെ ദോഷകരമായി ബാധിക്കുന്നു.

2. അമിത സമ്മർദ്ദവും ഉറക്കമില്ലായ്മയും

വിട്ടുമാറാത്ത മാനസിക സമ്മർദ്ദം ശരീരത്തിലെ ഹോർമോൺ സന്തുലിതാവസ്ഥയെ തെറ്റിക്കുകയും മുടിയുടെ വളർച്ചയെ തടസ്സപ്പെടുത്തുകയും ചെയ്യും. ശരീരം കടുത്ത സമ്മർദ്ദത്തിലൂടെ കടന്നുപോകുമ്പോൾ അത് മുടിയുടെ വളർച്ചയ്ക്കുള്ള ഊർജ്ജം കുറയ്ക്കുന്നു. ഇതിന്റെ ഫലമായുണ്ടാകുന്ന മുടി കൊഴിച്ചിൽ പെട്ടെന്ന് പ്രകടമാകണമെന്നില്ല. കൃത്യമായ ഉറക്കമില്ലായ്മയും ഇതിന് കാരണമാകാറുണ്ട്.

3. ഹെയർ സ്റ്റൈലിംഗും മുടി മുറുക്കിക്കെട്ടുന്നതും

മുടി നനഞ്ഞിരിക്കുമ്പോൾ അവയ്ക്ക് ബലം കുറവായിരിക്കും, അതിനാൽ ഈ സമയത്ത് മുടി വളരെ ശ്രദ്ധയോടെ വേണം കൈകാര്യം ചെയ്യാൻ. ദിവസവും മുറുക്കിക്കെട്ടുന്നത് മുടിയുടെ വേരുകൾക്ക് കേടുപാടുകൾ വരുത്തും. കൂടാതെ സ്ഥിരമായി ഹീറ്റിംഗ് ടൂളുകൾ ഉപയോഗിക്കുന്നതും കെമിക്കൽ ട്രീറ്റ്മെന്റുകൾ ചെയ്യുന്നതും മുടിയുടെ സ്വാഭാവിക ഘടന നശിക്കാൻ കാരണമാകും.

4. തലയോട്ടിയുടെ ആരോഗ്യം അവഗണിക്കുന്നത്

ആരോഗ്യമുള്ള മുടിയുടെ അടിസ്ഥാനം തലയോട്ടിയാണ്. തലയോട്ടിയിൽ അമിതമായി എണ്ണമയം പറ്റിപ്പിടിക്കുന്നത്, അന്തരീക്ഷത്തിലെ പൊടിയും അഴുക്കും, ഹെയർ സ്റ്റൈലിംഗ് ഉൽപ്പന്നങ്ങളുടെ അവശിഷ്ടങ്ങൾ എന്നിവ അടിഞ്ഞുകൂടുന്നത് തലയോട്ടിയിൽ ചൊറിച്ചിലിനും അണുബാധയ്ക്കും കാരണമാകും. ഇത് മുടിയുടെ വളർച്ചയെ മന്ദഗതിയിലാക്കുന്നു.

5. സ്വയംചികിത്സകൾ

മുടി കൊഴിച്ചിൽ കാണുമ്പോൾ മിക്ക ആളുകളും അതിന്റെ യഥാർത്ഥ കാരണം കണ്ടെത്താൻ ശ്രമിക്കാതെ, ഇന്റർനെറ്റിൽ കാണുന്ന എണ്ണകളും ഗുളികകളും വാങ്ങി പരീക്ഷിക്കാറുണ്ട്. ശരീരത്തിൽ പോഷകങ്ങളുടെ കുറവുണ്ടെന്ന് കൃത്യമായ പരിശോധനയിലൂടെ കണ്ടെത്താതെ ഇത്തരം സപ്ലിമെന്റുകൾ കഴിക്കുന്നത് ശാസ്ത്രീയമായി ഗുണം ചെയ്യില്ല. തൈറോയ്ഡ് പ്രശ്നങ്ങൾ, വിളർച്ച, ഹോർമോൺ വ്യതിയാനങ്ങൾ അല്ലെങ്കിൽ കഴിക്കുന്ന മറ്റ് മരുന്നുകളുടെ പാർശ്വഫലങ്ങൾ എന്നിവ കൊണ്ടാണോ മുടി കൊഴിയുന്നത് എന്ന് തിരിച്ചറിയാൻ ഒരു ഡോക്ടറുടെ സഹായം തേടേണ്ടത് അത്യാവശ്യമാണ്.

6. ശ്രദ്ധിക്കേണ്ടത്

മുടിയുടെ പരിചരണത്തിൽ വരുത്തുന്ന ചെറിയ മാറ്റങ്ങളും ആരോഗ്യകരമായ ജീവിതശൈലിയും വലിയ വ്യത്യാസങ്ങൾ ഉണ്ടാക്കും. പ്രശ്നം ഗുരുതരമാണെങ്കിൽ സ്വയംചികിത്സയ്ക്ക് മുതിരാതെ ഡോക്ടറെ കാണാൻ മടിക്കരുത്.

കാൽപ്പാദങ്ങളിലെ നീരും തരിപ്പും; അവഗണിക്കാൻ പാടില്ലാത്ത വൃക്കരോഗത്തിന്റെ ലക്ഷണങ്ങൾ

Ameena Shirin — Fri, 26 Jun 2026 11:07:47 +0530

വൃക്കരോഗങ്ങളെ പലപ്പോഴും സൈലന്റ് കില്ലർ എന്നാണ് വിശേഷിപ്പിക്കാറുള്ളത്. കാരണം ഇതിന്റെ പ്രാരംഭ ഘട്ടത്തിൽ പ്രകടമായ ലക്ഷണങ്ങളൊന്നും തന്നെ കാണിച്ചെന്ന് വരില്ല. എന്നാൽ വൃക്കകളുടെ പ്രവർത്തനം മന്ദഗതിയിലാകുമ്പോൾ ശരീരത്തിൽ പ്രത്യേകിച്ച് കാലുകളിൽ ചില മാറ്റങ്ങൾ പ്രകടമാകാറുണ്ട്. ഈ ലക്ഷണങ്ങളെ അവഗണിക്കരുത്.

1. കാലുകളിലും കണങ്കാലിലും പാദങ്ങളിലും ഉണ്ടാകുന്ന നീര്

വൃക്കകളുടെ പ്രവർത്തനം തകരാറിലാകുന്നതിന്റെ ഏറ്റവും പ്രധാനപ്പെട്ട ഒരു ലക്ഷണമാണ് കാലുകളിലെ നീര്. ശരീരത്തിലെ കോശങ്ങളിൽ അമിതമായി ഫ്ലൂയിഡ് അടിഞ്ഞുകൂടുമ്പോഴാണ് ഇത് സംഭവിക്കുന്നത്. ആരോഗ്യമുള്ള വൃക്കകൾ ശരീരത്തിലെ അധികമുള്ള ഉപ്പും വെള്ളവും മൂത്രത്തിലൂടെ പുറന്തള്ളാൻ സഹായിക്കുന്നു. എന്നാൽ വൃക്കകളുടെ പ്രവർത്തനക്ഷമത കുറയുമ്പോൾ, ഈ ദ്രാവകങ്ങൾ പുറത്തുപോകാതെ കാലുകളിലും കണങ്കാലിലും പാദങ്ങളിലും അടിഞ്ഞുകൂടുന്നു. ദീർഘനേരം നിൽക്കുകയോ ഇരിക്കുകയോ ചെയ്യുമ്പോൾ ഈ നീര് കൂടുതൽ പ്രകടമാകാം.

2. കാലുകളിൽ അനുഭവപ്പെടുന്ന ഭാരക്കൂടുതലും വലിഞ്ഞുമുറുകലും

വൃക്കരോഗമുള്ള ചില ആളുകൾക്ക് കാലുകളിൽ വിട്ടുമാറാത്ത ഭാരക്കൂടുതൽ, വലിഞ്ഞുമുറുകൽ അല്ലെങ്കിൽ വേദന എന്നിവ അനുഭവപ്പെടാറുണ്ട്. വൃക്കകളുടെ ഫിൽട്ടറേഷൻ ശേഷി കുറയുന്നത് മൂലമുണ്ടാകുന്ന ദ്രാവക കെട്ടിക്കിടക്കൽ ആണ് ഇതിന് കാരണം. അതേസമയം ശരിയായ രക്തയോട്ടം നടക്കാതെ വരുമ്പോഴും ഇത്തരത്തിൽ പ്രശ്നങ്ങൾ അനുഭവപ്പെടാൻ സാധ്യതയുണ്ട്.

3. പേശികളുടെ ബലഹീനതയും കാലുകളുടെ ശേഷിക്കുറവും

കാലുകളിൽ നീരുള്ളവർക്ക് പേശീബലവും ശരീരതുലനാവസ്ഥയും കുറവായിരിക്കും. ശരീരത്തിലെ ഇലക്ട്രോലൈറ്റുകളുടെ അസന്തുലിതാവസ്ഥ, വിട്ടുമാറാത്ത വീക്കം, മൂത്രത്തിലൂടെയുള്ള പ്രോട്ടീൻ നഷ്ടം എന്നിവ ഇതിന് കാരണമാകാം. കൂടാതെ വൃക്കരോഗവുമായി ബന്ധപ്പെട്ടുണ്ടാകുന്ന കടുത്ത ക്ഷീണം കാരണം ശാരീരിക അധ്വാനം കുറയുന്നതും പേശികൾ കൂടുതൽ ബലഹീനമാകാൻ കാരണമാകാറുണ്ട്.

4. കാലുകളിലെ തരിപ്പും മരവിപ്പും

കാലുകളിലും പാദങ്ങളിലും ഉണ്ടാകുന്ന മരവിപ്പ്, തരിപ്പ് അല്ലെങ്കിൽ പുകച്ചിൽ എന്നിവയാണ് വൃക്കരോഗവുമായി ബന്ധപ്പെട്ട മറ്റൊരു ലക്ഷണം. രക്തത്തിലെ വിഷാംശങ്ങളെ ഫലപ്രദമായി പുറന്തള്ളാൻ വൃക്കകൾക്ക് കഴിയാതെ വരുമ്പോഴാണ് ഇത് സംഭവിക്കുന്നത്. ഇങ്ങനെ രക്തത്തിൽ അടിഞ്ഞുകൂടുന്ന വിഷാംശങ്ങൾ നാഡീവ്യൂഹത്തെ തകരാറിലാക്കുന്നു.

5. വൃക്കകളുടെ ആരോഗ്യം എങ്ങനെ സംരക്ഷിക്കാം?

വൃക്കരോഗങ്ങൾ നേരത്തെ തിരിച്ചറിഞ്ഞാൽ കൃത്യമായ ചികിത്സയിലൂടെ ഒരു പരിധി വരെ തടയാനും നിയന്ത്രിക്കാനും സാധിക്കും. പ്രമേഹവും ഉയർന്ന രക്തസമ്മർദ്ദവുമുള്ളവർ ഇത് കൃത്യമായി നിയന്ത്രിച്ചു നിർത്തേണ്ടത് അത്യാവശ്യമാണ്. കാരണം ഇവ രണ്ടുമാണ് വൃക്കരോഗത്തിനുള്ള പ്രധാന കാരണങ്ങൾ. കൂടാതെ കൃത്യമായ വ്യായാമം, ശരീരഭാരം നിയന്ത്രിക്കൽ, ആവശ്യത്തിന് വെള്ളം കുടിക്കൽ എന്നിവയും വൃക്കകളുടെ ആരോഗ്യം നിലനിർത്താൻ സഹായിക്കും.

വെറും വയറ്റിൽ ചൂട് വെള്ളം കുടിച്ചാൽ ലഭിക്കുന്ന ഗുണങ്ങളെക്കുറിച്ച് അറിയുമോ?

Web Desk — Thu, 25 Jun 2026 18:10:35 +0530

ദിവസവും രാവിലെ ഉറക്കം എഴുന്നേറ്റാൽ ഉടൻ മിക്ക ആളുകളും കുടിക്കുന്നത് ചൂടുള്ള കാപ്പിയും ചായയുമൊക്കെ ആയിരിക്കും. എന്നാൽ ഇത് മാത്രമല്ല വെറും വയറ്റിൽ ചൂട് വെള്ളം കുടിക്കുന്നതും കുടലിന്റെ ആരോഗ്യത്തിന് നല്ലതാണ്. ഗുണങ്ങൾ എന്തൊക്കെയാണെന്ന് അറിയാം.

ചൂടുവെള്ളം കുടിക്കുന്നത് വയറിന്റെ ആരോഗ്യത്തിന് നല്ലതാകുന്നത് എന്തുകൊണ്ട്?

ചൂടുവെള്ളം കുടിക്കുന്നത് കൊണ്ട് ശരീരത്തിന് ലഭിക്കുന്ന ഗുണങ്ങളെ കുറിച്ച് കൃത്യമായി മനസ്സിലാക്കേണ്ടതുണ്ട്. ചൂടുവെള്ളം ദഹനപ്രക്രിയയെ നിർബന്ധപൂർവ്വം വേഗത്തിലാക്കുകയല്ല ചെയ്യുന്നത്, പകരം അത് ദഹനത്തിന് അനുയോജ്യമായ ഒരു സാഹചര്യം ഒരുക്കുന്നു. ഇത് പ്രധാനമായും പല രീതികളിലാണ് സംഭവിക്കുന്നത്. ആദ്യമായി ഇത് തെർമൽ റിലാക്സേഷൻ നൽകാൻ സഹായിക്കുന്നു. അതായത് ഇത് ദഹനനാളിയിലെ പേശികളെ കണ്ടെത്തി ശാന്തമാക്കും. ഇതിലൂടെ ആഹാരപദാർത്ഥങ്ങൾക്ക് തടസ്സമില്ലാതെ മുന്നോട്ട് നീങ്ങാൻ സാധിക്കും. രണ്ടാമതായി, വെള്ളം വയറിനെ ഉത്തേജിപ്പിക്കുകയും അതുവഴി കുടലിന്റെ ചലനങ്ങളെ സുഗമമാക്കുകയും ചെയ്യുന്നു. അതിനൊപ്പം തന്നെ ചൂടുവെള്ളം ദഹനപ്രക്രിയയെ കൂടുതൽ കാര്യക്ഷമമാക്കുന്നു. പെട്ടെന്ന് വയറിന് അസ്വസ്ഥതകൾ ഉണ്ടാകുന്നവർക്ക് ഐസ് വെള്ളം കുടിക്കുമ്പോൾ ഉണ്ടാകാനിടയുള്ള വയറുവേദനയോ ഗ്യാസ് നിറയുന്ന അവസ്ഥയോ ഉണ്ടാക്കാതെ തന്നെ ശരീരത്തിന് ആവശ്യമായ ജലാംശം നൽകാൻ ചൂടുവെള്ളത്തിന് സാധിക്കും.

ചൂടുവെള്ളം കുടിക്കുമ്പോൾ ശ്രദ്ധിക്കേണ്ട ചില കാര്യങ്ങൾ

ചൂടുവെള്ളം കുടിക്കുന്ന സമയമാണ് ഏറ്റവും പ്രധാനം. രാവിലെയാണ് ഇതിന് ഏറ്റവും അനുയോജ്യമായ സമയം. ദിവസത്തിന്റെ തുടക്കത്തിൽ നമ്മുടെ വൻകുടൽ സ്വാഭാവികമായും കൂടുതൽ സജീവമായിരിക്കും. കൂടാതെ ഉണരുമ്പോൾ ശരീരത്തിൽ കോർട്ടിസോൾ ഹോർമോണിന്റെ അളവ് കൂടുതലായിരിക്കുന്നതിനാൽ അത് കുടലിന്റെ ചലനശേഷി വർദ്ധിപ്പിക്കുന്നു. ദിവസത്തിന്റെ ബാക്കി സമയങ്ങളിൽ കുടിക്കുന്നതും നല്ലതാണെങ്കിലും, രാവിലെ കുടിക്കുന്ന അത്രയും ഫലം ലഭിക്കില്ല. ചൂടുവെള്ളത്തിൽ അല്പം നാരങ്ങാനീര് ചേർക്കുന്നത് ദഹനരസങ്ങളെ ഉത്തേജിപ്പിക്കാൻ സഹായിക്കും. അതുപോലെ ഇഞ്ചി ചേർക്കുന്നത് ഓക്കാനം കുറയ്ക്കാനും വയർ എളുപ്പത്തിൽ ശുദ്ധിയാകാനും നല്ലതാണ്. എന്നാൽ ചൂടുവെള്ളത്തിൽ പ്രകൃതിദത്തമല്ലാത്ത മറ്റ് പൊടികൾ ചേർക്കുന്നതും, ആപ്പിൾ സിഡെർ വിനാഗിരി പോലുള്ളവ അമിതമായി ഉപയോഗിക്കുന്നതും ഒഴിവാക്കുന്നതാണ് നല്ലത്.

വിറ്റാമിൻ സി അടങ്ങിയ ഈ ഭക്ഷണങ്ങൾ ചർമ്മം തിളക്കമുള്ളതാക്കും

Resmi Sreekumar — Thu, 25 Jun 2026 17:54:43 +0530

ചർമ്മം തിളക്കമുള്ളതാക്കാൻ ഡയറ്റിൽ ഉൾപ്പെടുത്തേണ്ട 8 ഭക്ഷണങ്ങൾ

Asianet News Malayalam

കുട്ടികളിൽ വളർച്ചയ്ക്ക് നൽകേണ്ട ആറ് സൂപ്പർ ഫുഡുകൾ

മുടിക്ക് സ്വാഭാവികമായി കരുത്ത് പകരുന്ന 6 ഭക്ഷണങ്ങൾ

ഹൃദയാരോഗ്യം മെച്ചപ്പെടുത്താനായി കഴിക്കേണ്ട രണ്ട് ഭക്ഷണങ്ങൾ

ബ്ലൂബെറിയുടെ അതിശയിപ്പിക്കുന്ന ഏഴ് ആരോ​ഗ്യ​ഗുണങ്ങൾ

മുഖക്കുരു ഇനി എളുപ്പം അകറ്റാം ; ഇതാ ആറ് വഴികൾ

ദിവസവും ഒരു വാഴപ്പഴം കഴിക്കുന്നത് പതിവാക്കൂ, കാരണം

മഴക്കാലത്ത് വൈറൽ അണുബാധകൾ പിടിപെടാതിരിക്കാൻ ശ്രദ്ധിക്കേണ്ട കാര്യങ്ങൾ

പനിച്ചുവിറച്ച് കേരളം; സംസ്ഥാനത്ത് ഷിഗെല്ലയ്‌ക്കൊപ്പം മലേറിയയും സ്ഥിരീകരിച്ചു

നിങ്ങൾക്ക് ഉറക്കം കുറവാണോ അതോ അമിതമായി ഉറങ്ങുന്ന ആളാണോ?

ശരീരഭാരം നിയന്ത്രിക്കുന്നതിന് കഴിക്കേണ്ട കലോറി കുറവുള്ള ഭക്ഷണങ്ങൾ

മല്ലി വെള്ളം ദിവസവും കുടിക്കുന്നതിന്റെ 7 പ്രധാന ഗുണങ്ങൾ

മുടി കരുത്തോടെയിരിക്കാൻ തേങ്ങാപ്പാൽ ; ഉപയോ​ഗിക്കേണ്ട വിധം

ശ്രദ്ധിക്കൂ, ദിവസവും ഒരു മുട്ട കഴിച്ചാൽ...

ശ്രദ്ധ കേന്ദ്രീകരിക്കാൻ ബുദ്ധിമുട്ടുന്നുണ്ടോ? കാരണം നിർജ്ജലീകരണമാകാം; ഈ മുന്നറിയിപ്പുകൾ അവഗണിക്കരുത്

ശരീരത്തിൽ ജലാംശം നിലനിർത്തേണ്ടത് പ്രധാനമാണ്, കാരണം?

നിർജ്ജലീകരണത്തിന്റെ ലക്ഷണങ്ങൾ

വിറ്റാമിൻ ഡിയുടെ കുറവ് പരിഹരിക്കാൻ ഇവ കഴിക്കാം

ദിവസവും ഗ്രാമ്പു ചായ കുടിക്കുന്നതിന്റെ 7 ആരോഗ്യ ഗുണങ്ങൾ

ഹൃദയാരോ​ഗ്യം മെച്ചപ്പെടുത്താൻ കഴിക്കേണ്ട 7 ഭക്ഷണങ്ങൾ

'ഇന്ത്യക്കാരിയായി ജന്മനാട്ടിൽ മരിക്കണം', അമേരിക്കൻ പൗരത്വം ഉപേക്ഷിക്കാൻ കളക്ടറുടെ സഹായം തേടി 94കാരി

കൊളസ്‌ട്രോൾ നിയന്ത്രിക്കാൻ നിർബന്ധമായും ഡയറ്റിൽ ഉൾപ്പെടുത്തേണ്ട 7 ഭക്ഷണങ്ങൾ

മുടി കൊഴിച്ചിൽ കൂടുന്നുണ്ടോ? ഈ 5 ദൈനംദിന തെറ്റുകൾ ഒഴിവാക്കൂ

1. അശാസ്ത്രീയമായ ഡയറ്റിംഗും പോഷകാഹാരക്കുറവും

2. അമിത സമ്മർദ്ദവും ഉറക്കമില്ലായ്മയും

കാൽപ്പാദങ്ങളിലെ നീരും തരിപ്പും; അവഗണിക്കാൻ പാടില്ലാത്ത വൃക്കരോഗത്തിന്റെ ലക്ഷണങ്ങൾ

1. കാലുകളിലും കണങ്കാലിലും പാദങ്ങളിലും ഉണ്ടാകുന്ന നീര്

2. കാലുകളിൽ അനുഭവപ്പെടുന്ന ഭാരക്കൂടുതലും വലിഞ്ഞുമുറുകലും

വെറും വയറ്റിൽ ചൂട് വെള്ളം കുടിച്ചാൽ ലഭിക്കുന്ന ഗുണങ്ങളെക്കുറിച്ച് അറിയുമോ?

ചൂടുവെള്ളം കുടിക്കുന്നത് വയറിന്റെ ആരോഗ്യത്തിന് നല്ലതാകുന്നത് എന്തുകൊണ്ട്?

ചൂടുവെള്ളം കുടിക്കുമ്പോൾ ശ്രദ്ധിക്കേണ്ട ചില കാര്യങ്ങൾ

വിറ്റാമിൻ സി അടങ്ങിയ ഈ ഭക്ഷണങ്ങൾ ചർമ്മം തിളക്കമുള്ളതാക്കും

ബ്ലൂബെറിയുടെ അതിശയിപ്പിക്കുന്ന ഏഴ് ആരോഗ്യഗുണങ്ങൾ

മുടി കരുത്തോടെയിരിക്കാൻ തേങ്ങാപ്പാൽ ; ഉപയോഗിക്കേണ്ട വിധം

ഹൃദയാരോഗ്യം മെച്ചപ്പെടുത്താൻ കഴിക്കേണ്ട 7 ഭക്ഷണങ്ങൾ