Asianet News Malayalam

താരനെ അകറ്റാൻ ഇതാ ആറ് പ്രതിവിധികൾ

Resmi Sreekumar — Sat, 26 Sep 2026 16:47:38 +0530

താരനെ അകറ്റാൻ ഇതാ ആറ് പ്രതിവിധികൾ

ക്യാൻസർ സാധ്യത കുറയ്ക്കുന്ന ആറ് ദൈനംദിന ശീലങ്ങൾ

Resmi Sreekumar — Fri, 25 Sep 2026 16:15:37 +0530

ശരീരത്തിലെ ചില കോശങ്ങൾ അനിയന്ത്രിതമായി വളരുകയും ശരീരത്തിന്റെ മറ്റ് ഭാഗങ്ങളിലേക്ക് പടരുകയും ചെയ്യുന്ന ഒരു രോഗമാണ് ക്യാൻസർ.

ശരീരത്തിലെ ചില കോശങ്ങൾ അനിയന്ത്രിതമായി വളരുകയും ശരീരത്തിന്റെ മറ്റ് ഭാഗങ്ങളിലേക്ക് പടരുകയും ചെയ്യുന്ന ഒരു രോഗമാണ് ക്യാൻസർ. ജീവിതശെെലിയിൽ ചില മാറ്റങ്ങൾ വരുത്തുന്നത് ക്യാൻസറിനെ ഒരു പരിധി വരെ തടയാൻ സാധിക്കും. ക്യാൻസർ സാധ്യത കുറയ്ക്കുന്ന ആറ് ദൈനംദിന ശീലങ്ങളെ കുറിച്ചാണ് ഇനി പറയുന്നത്.

പഴങ്ങൾ, പച്ചക്കറികൾ, ധാന്യങ്ങൾ, കൊഴുപ്പ് കുറഞ്ഞ പ്രോട്ടീൻ എന്നിവ അടങ്ങിയ ഭക്ഷണം കഴിക്കുന്നതിൽ ശ്രദ്ധ കേന്ദ്രീകരിക്കുക. സംസ്കരിച്ച ഭക്ഷണങ്ങൾ, ചുവന്ന മാംസം (red meat), മധുരം ചേർത്ത പാനീയങ്ങൾ എന്നിവയുടെ ഉപയോഗം കുറയ്ക്കാൻ ശ്രമിക്കുക. ആരോഗ്യകരവും സമീകൃതവുമായ ഒരു ഭക്ഷണക്രമം, ആരോഗ്യകരമായ ശരീരഭാരം നിലനിർത്താനും മറ്റ് ആരോഗ്യപരമായ അപകടസാധ്യതകൾ നിയന്ത്രിക്കാനും സഹായിക്കും.

ഹോർമോണുകളെ ക്രമീകരിക്കാനും ശരീരത്തിലെ വീക്കം കുറയ്ക്കാനും സഹായിക്കുന്നതിനായി ഓരോ ആഴ്ചയും കുറഞ്ഞത് 150 മിനിറ്റ് മിതമായ വ്യായാമമോ (വേഗത്തിലുള്ള നടത്തം, സൈക്ലിംഗ് തുടങ്ങിയവ) അല്ലെങ്കിൽ 75 മിനിറ്റ് തീവ്രമായ വ്യായാമമോ ശീലമാക്കുക.

ആരോഗ്യകരമായ ശരീരഭാരം നിലനിർത്തുക എന്നുള്ളതാണ് മറ്റൊരു കാര്യം. ശരീരത്തിലെ അമിത കൊഴുപ്പ് നിയന്ത്രണവിധേയമാക്കുക. കാരണം, അമിതവണ്ണം ഇൻസുലിൻ, ഈസ്ട്രജൻ എന്നിവയുടെ അളവിൽ മാറ്റം വരുത്തുകയും അതുവഴി കോശങ്ങളുടെ വളർച്ച വേഗത്തിലാക്കുകയും ചെയ്യുന്നു.

മാനസിക സമ്മർദ്ദം നിയന്ത്രിക്കാൻ പ്രത്യേകം ശ്രദ്ധിക്കുക. രോഗപ്രതിരോധ സംവിധാനത്തെ ശക്തിപ്പെടുത്തുന്നതിനായി ധ്യാനം, ആഴത്തിലുള്ള ശ്വസനരീതികൾ, പതിവായുള്ള വ്യായാമങ്ങൾ തുടങ്ങിയവ പതിവാക്കുക.

ചിലതരം ക്യാൻസറുകളെ തടയാൻ വാക്സിനുകൾ സഹായിക്കും. ഉദാഹരണത്തിന്, ഗർഭാശയമുഖ ക്യാൻസർ (cervical cancer) അടക്കമുള്ളവയുടെ സാധ്യത കുറയ്ക്കുന്ന എച്ച്.പി.വി. (HPV) വാക്സിനും, കരൾ ക്യാൻസറിനെതിരെ സംരക്ഷണം നൽകുന്ന ഹെപ്പറ്റൈറ്റിസ് ബി വാക്സിനും എടുക്കുക.

ദീർഘകാല ഉറക്കക്കുറവ് ചില ക്യാൻസറുകളുടെ സാധ്യത വർദ്ധിപ്പിക്കും. മോശം ഉറക്കവും ക്യാൻസറും തമ്മിൽ സങ്കീർണ്ണമായ, പരസ്പരബന്ധിതമായ ഒരു ബന്ധമാണുള്ളത്. ഉറക്കക്കുറവ് ക്യാൻസർ സാധ്യത കൂട്ടാം.

വൻകുടൽ ക്യാൻസർ : 40 കഴിഞ്ഞവർ ഈ ലക്ഷണങ്ങൾ അവഗണിക്കരുത്

Resmi Sreekumar — Fri, 25 Sep 2026 14:47:07 +0530

കേരളത്തിന്റെ ആരോഗ്യമേഖല ഇന്ന് അഭിമുഖീകരിക്കുന്ന ഏറ്റവും വലിയ വെല്ലുവിളികളിൽ ഒന്നായി അർബുദ രോഗങ്ങൾ മാറിക്കഴിഞ്ഞു. ഇതിൽ തന്നെ വർദ്ധിച്ചുവരുന്ന കാൻസർ നിരക്കാണ് ആരോഗ്യപ്രവർത്തകരെ ഏറ്റവും കൂടുതൽ ആശങ്കപ്പെടുത്തുന്നത്. പണ്ടുകാലങ്ങളിൽ വാർദ്ധക്യസഹജമായ ഒരു രോഗമായി മാത്രം കണക്കാക്കപ്പെട്ടിരുന്ന പല അർബുദങ്ങളും ഇന്ന് ചെറുപ്പക്കാരിലേക്കും മധ്യവയസ്കരിലേക്കും അതിവേഗം പടർന്നുപിടിക്കുന്ന കാഴ്ചയാണ് നാം ദൈനംദിനമെന്നോണം കാണുന്നത്. ഇതിൽ തന്നെ നാം ഏറ്റവും ഗൗരവത്തോടെയും ജാഗ്രതയോടെയും കാണേണ്ട ഒന്നാണ് വൻകുടലിലെ ക്യാൻസർ അഥവാ കൊളോറെക്ടൽ കാൻസർ (Colorectal Cancer).

ദഹനവ്യവസ്ഥയുടെ സുപ്രധാന ഭാഗമായ വൻകുടലിനെയും മലാശയത്തെയും ബാധിക്കുന്ന ഈ അർബുദം ലോകമെമ്പാടും മരണകാരണമാകുന്ന കാൻസറുകളുടെ പട്ടികയിൽ മുൻപന്തിയിലാണ് നിൽക്കുന്നത്. മുൻകാലങ്ങളിൽ അൻപതോ അറുപതോ വയസ്സിനു മുകളിൽ പ്രായമുള്ളവരിലായിരുന്നു ഈ രോഗം കൂടുതലായി കണ്ടുവന്നിരുന്നതെങ്കിൽ, ഇന്നത്തെ കേരളത്തിന്റെ സാഹചര്യം തികച്ചും വ്യത്യസ്തമാണ്.

നാൽപ്പത് വയസ്സ് കഴിഞ്ഞവരിൽ, ചിലപ്പോൾ അതിനു താഴെ പ്രായമുള്ള യുവാക്കളിൽ പോലും വൻകുടൽ കാൻസർ സർവസാധാരണമായി മാറിക്കൊണ്ടിരിക്കുകയാണ്. തുടക്കത്തിൽ തന്നെ കണ്ടെത്തിയാൽ പൂർണ്ണമായും ഭേദമാക്കാൻ കഴിയുന്ന ഒന്നാണ് ഈ രോഗം. എന്നാൽ, നിർഭാഗ്യവശാൽ മിക്ക രോഗികളും വളരെ വൈകിയാണ് കൃത്യമായ ചികിത്സയ്ക്കായി ഡോക്ടർമാരെ സമീപിക്കുന്നത്.

നാൽപ്പത് വയസ്സ് പിന്നിട്ട ഓരോ വ്യക്തിയും തങ്ങളുടെ ശരീരത്തിലുണ്ടാകുന്ന ചെറിയ മാറ്റങ്ങളെപ്പോലും കൃത്യമായി നിരീക്ഷിക്കേണ്ടതിന്റെ ആവശ്യകതയിലേക്കാണ് ദിനംപ്രതി വർദ്ധിച്ചുവരുന്ന ഈ അർബുദ നിരക്ക് വിരൽചൂണ്ടുന്നത്.

വൻകുടൽ ക്യാൻസർ ഉണ്ടാകുന്നത് എങ്ങനെ?

നമ്മുടെ ദഹനവ്യവസ്ഥയുടെ അവസാന ഭാഗമാണ് വൻകുടലും മലാശയവും. നാം കഴിക്കുന്ന ഭക്ഷണത്തിൽ നിന്നും അവശ്യ പോഷകങ്ങളും വെള്ളവും വലിച്ചെടുത്ത ശേഷം അവശേഷിക്കുന്ന മാലിന്യങ്ങളെ ശരീരത്തിൽ നിന്ന് മലമായി പുറന്തള്ളാൻ സഹായിക്കുന്നത് ഈ പ്രധാന അവയവങ്ങളാണ്. വൻകുടലിന്റെ ആവരണത്തിലുണ്ടാകുന്ന ചില കോശങ്ങളുടെ അനിയന്ത്രിതവും അസാധാരണവുമായ വളർച്ചയാണ് പിന്നീട് കാൻസറായി മാറുന്നത്. മിക്കവാറും ഈ വളർച്ച ആരംഭിക്കുന്നത് 'പോളിപ്പുകൾ' (Polyps) എന്ന് വിളിക്കപ്പെടുന്ന വളരെ ചെറിയ മുഴകളായാണ്.

തുടക്കത്തിൽ ഈ മുഴകൾ അർബുദ സ്വഭാവം ഇല്ലാത്തവയായിരിക്കും (Benign). എന്നാൽ പത്തോ പതിനഞ്ചോ വർഷങ്ങൾ പിന്നിടുമ്പോൾ ഇവയിൽ ചിലത് കാൻസറായി (Malignant) രൂപാന്തരപ്പെടാൻ വലിയ സാധ്യതയുണ്ട്. അതുകൊണ്ടുതന്നെ കൊളോണോസ്കോപ്പി പോലെയുള്ള പരിശോധനകളിലൂടെ വൻകുടലിന്റെ ഉൾഭാഗം പരിശോധിച്ച് ഈ പോളിപ്പുകളെ തുടക്കത്തിൽ തന്നെ കണ്ടെത്തി നീക്കം ചെയ്യുന്നത് വൻകുടൽ കാൻസറിനെ പ്രതിരോധിക്കാനുള്ള ഏറ്റവും മികച്ചതും ശാസ്ത്രീയവുമായ മാർഗ്ഗമാണ്.

രോഗകാരണങ്ങളും മാറുന്ന ജീവിതശൈലിയും

ജനിതകപരമായ കാരണങ്ങൾ വൻകുടൽ ക്യാൻസറിന് കാരണമാകാമെങ്കിലും, ഇന്ന് കേരളത്തിൽ നാം കാണുന്ന ഭൂരിഭാഗം കേസുകൾക്കും പിന്നിൽ തികച്ചും അനാരോഗ്യകരമായ ജീവിതശൈലിയാണ് മുഖ്യ വില്ലനാകുന്നത്. നാരുകൾ (Dietary Fiber) തീരെയില്ലാത്ത ഭക്ഷണക്രമം, ഫാസ്റ്റ് ഫുഡുകളുടെ അമിത ഉപയോഗം, കൃത്രിമ നിറങ്ങളും പ്രിസർവേറ്റീവുകളും അടങ്ങിയ സംസ്കരിച്ച മാംസത്തിന്റെ സ്ഥിരമായ ഉപയോഗം, ബീഫ്, മട്ടൺ, പോർക്ക് തുടങ്ങിയ ചുവന്ന മാംസത്തിന്റെ നിരന്തരമുള്ള ഉപഭോഗം എന്നിവ കുടലിലെ കാൻസർ സാധ്യത വലിയ തോതിൽ വർദ്ധിപ്പിക്കുന്നു.

മാംസാഹാരങ്ങൾ ദഹിക്കാൻ കൂടുതൽ സമയമെടുക്കുന്നതിനാൽ അവ കുടലിൽ കൂടുതൽ നേരം തങ്ങിനിൽക്കുകയും ഇത് കുടലിന്റെ ഭിത്തികളിൽ കേടുപാടുകൾ സൃഷ്ടിക്കുകയും ചെയ്യുന്നു. ഇതിനുപുറമെ, ദിനചര്യയിൽ വ്യായാമമില്ലായ്മ, ചെറുപ്പത്തിൽ തന്നെയുണ്ടാകുന്ന അമിതവണ്ണം, പുകവലി, അമിതമായ മദ്യപാനം എന്നിവയും കാൻസർ സാധ്യതയെ പലമടങ്ങ് വേഗത്തിലാക്കുന്നു. നാൽപ്പത് വയസ്സാകുമ്പോഴേക്കും മനുഷ്യശരീരത്തിലെ കോശങ്ങളുടെ സ്വാഭാവിക പ്രതിരോധശേഷിയിലും വിഭജന പ്രക്രിയയിലും മാറ്റങ്ങൾ വന്നുതുടങ്ങും.

നാൽപ്പത് കഴിഞ്ഞവർ നിർബന്ധമായും ശ്രദ്ധിക്കേണ്ട ലക്ഷണങ്ങൾ

വൻകുടൽ ക്യാൻസറിന്റെ ഏറ്റവും വലിയ പ്രത്യേകതയും അപകടവും, അതിന്റെ പ്രാരംഭദശയിൽ യാതൊരുവിധ ലക്ഷണങ്ങളും പുറത്തുകാണിക്കില്ല എന്നതാണ്. രോഗം കുറച്ചുകൂടി വളർന്ന് കുടലിന്റെ പ്രവർത്തനങ്ങളെ ബാധിച്ചു തുടങ്ങുമ്പോഴാണ് ശരീരത്തിൽ ചില ബുദ്ധിമുട്ടുകൾ അനുഭവപ്പെട്ടു തുടങ്ങുന്നത്. ഇതിൽ ഏറ്റവും പ്രധാനപ്പെട്ടതും എന്നാൽ ആളുകൾ ഏറ്റവും കൂടുതൽ തെറ്റിദ്ധരിക്കുന്നതുമായ ലക്ഷണമാണ് മലത്തിലൂടെ രക്തം പോകുന്നത്.

മലവിസർജ്ജന സമയത്ത് ചുവന്ന നിറത്തിലോ അല്ലാതെയോ രക്തം കാണപ്പെടുന്നത് അല്ലെങ്കിൽ മലം കറുത്ത നിറത്തിൽ പോകുന്നത് വൻകുടൽ ക്യാൻസറിന്റെ ഒരു പ്രധാന സൂചനയാണ്. എന്നാൽ ബഹുഭൂരിപക്ഷം ആളുകളും ഇതിനെ പൈൽസ് അഥവാ അർശസ്സ് ആണെന്ന് സ്വയം തെറ്റിദ്ധരിക്കുകയും, മെഡിക്കൽ സ്റ്റോറുകളിൽ നിന്ന് സ്വന്തമായി മരുന്നുകൾ വാങ്ങി കഴിക്കുകയും ചെയ്യുന്നു.

മാസങ്ങളോളം പൈൽസിനുള്ള ചികിത്സ സ്വന്തമായി ചെയ്ത ശേഷം, രോഗം കുറയാതെ വരുമ്പോഴും കടുത്ത വേദന അനുഭവപ്പെടുമ്പോഴും മാത്രം വിദഗ്ദ്ധ പരിശോധനയ്ക്ക് എത്തുന്നവരാണ് ഏറെയും. ആ സമയത്ത് അർബുദം വൻകുടൽ വിട്ട് കരൾ ഉൾപ്പെടെയുള്ള മറ്റ് അവയവങ്ങളിലേക്ക് പടർന്നിട്ടുണ്ടാകും. അതിനാൽ മലത്തിലൂടെ രക്തം പോകുന്നത് ഒരിക്കലും നിസ്സാരമായി കാണരുത്.

രക്തം പോകുന്നതുപോലെ തന്നെ ഗൗരവമുള്ള മറ്റൊരു ലക്ഷണമാണ് മലവിസർജ്ജന ശീലങ്ങളിൽ ഉണ്ടാകുന്ന പെട്ടെന്നുള്ള മാറ്റങ്ങൾ. അതുവരെ കൃത്യമായി എല്ലാ ദിവസവും ശോധനയുണ്ടായിരുന്ന ഒരാൾക്ക് പെട്ടെന്ന് വിട്ടുമാറാത്ത മലബന്ധം അനുഭവപ്പെടുക, അല്ലെങ്കിൽ ചില ദിവസങ്ങളിൽ കടുത്ത മലബന്ധവും മറ്റു ചില ദിവസങ്ങളിൽ കടുത്ത വയറിളക്കവും ഉണ്ടാവുക എന്നിവ ശ്രദ്ധിക്കേണ്ട കാര്യങ്ങളാണ്.

ഇവയ്ക്കൊപ്പം തന്നെ ശ്രദ്ധിക്കേണ്ട മറ്റൊരു കാര്യമാണ് അകാരണമായ ശരീരഭാരം കുറയലും കടുത്ത ക്ഷീണവും. നാം പ്രത്യേകിച്ച് വ്യായാമങ്ങളോ കടുത്ത ഭക്ഷണനിയന്ത്രണമോ ചെയ്യാതെ തന്നെ ശരീരഭാരം മാസങ്ങൾക്കുള്ളിൽ ക്രമാതീതമായി കുറയുന്നുണ്ടെങ്കിൽ അത് ക്യാൻസറിന്റെ ഒരു പ്രാരംഭ ലക്ഷണമാകാം.

വൻകുടലിലെ മുഴകളിൽ നിന്ന് വളരെ ചെറിയ അളവിൽ നിരന്തരം രക്തം വാർന്നുപോകുന്നത് പലപ്പോഴും നാം അറിയാറില്ല. ഇത് കാലക്രമേണ ശരീരത്തിൽ ഇരുമ്പിന്റെ അംശം കുറയാനും വിളർച്ച അഥവാ അനീമിയ ഉണ്ടാകുന്നതിനും കാരണമാകുന്നു. രക്തക്കുറവ് കാരണം ശരീരകോശങ്ങൾക്ക് ആവശ്യമായ ഓക്സിജൻ ലഭിക്കാതെ വരുമ്പോൾ എപ്പോഴും കടുത്ത ക്ഷീണവും തളർച്ചയും അനുഭവപ്പെടും. ഇതിനുപുറമെ, അടിവയറ്റിൽ അനുഭവപ്പെടുന്ന വിട്ടുമാറാത്ത വേദന, പേശിവലിവ്, എപ്പോഴും ഗ്യാസ് നിറഞ്ഞിരിക്കുന്നതുപോലുള്ള തോന്നൽ, മലവിസർജ്ജനം കഴിഞ്ഞാലും കുടൽ പൂർണ്ണമായും ഒഴിവായില്ലെന്നും വീണ്ടും പോകണമെന്നുമുള്ള തോന്നൽ നിലനിൽക്കുക എന്നിവയും വൻകുടൽ അർബുദത്തിന്റെ ലക്ഷണങ്ങളായി കണക്കാക്കി അടിയന്തര വൈദ്യസഹായം തേടേണ്ടതാണ്.

ലജ്ജ മാറ്റിവെച്ച് വൈദ്യസഹായം തേടേണ്ടതിന്റെ ആവശ്യകത

നമ്മുടെ സമൂഹത്തിൽ ഇപ്പോഴും നിലനിൽക്കുന്ന ഒരു വലിയ പ്രശ്നമാണ് സ്വകാര്യ ഭാഗങ്ങളുമായി ബന്ധപ്പെട്ട അസുഖങ്ങളെക്കുറിച്ച് തുറന്നുപറയാനുള്ള മടി. പ്രത്യേകിച്ചും മലവിസർജ്ജനവുമായി ബന്ധപ്പെട്ട ബുദ്ധിമുട്ടുകൾ അടുത്ത കുടുംബാംഗങ്ങളോട് പോലും പലരും മറച്ചുവെക്കുന്നു. നാൽപ്പത് വയസ്സ് കഴിഞ്ഞവർ തങ്ങളുടെ ശരീരത്തിൽ കാണുന്ന ഇത്തരം മാറ്റങ്ങളെ പ്രായാധിക്യം കൊണ്ടാണെന്ന് സ്വയം ആശ്വസിക്കാൻ ശ്രമിക്കുന്നു.

മുകളിൽ പറഞ്ഞ ലക്ഷണങ്ങളിൽ ഏതെങ്കിലും ഒന്ന് രണ്ടോ മൂന്നോ ആഴ്ചകളിൽ കൂടുതൽ നീണ്ടുനിൽക്കുന്നുണ്ടെങ്കിൽ ഒരു ഗ്യാസ്ട്രോഎൻട്രോളജിസ്റ്റിനെയോ ഗ്യാസ്ട്രോ സർജനെയോ കണ്ട് കൃത്യമായ പരിശോധനകൾ നടത്തേണ്ടത് അത്യന്താപേക്ഷിതമാണ്. രോഗനിർണ്ണയത്തിനായി ഇന്ന് ഏറ്റവും മികച്ച സംവിധാനങ്ങൾ ലഭ്യമാണ്. അതിൽ ഏറ്റവും പ്രധാനപ്പെട്ടതാണ് കൊളോണോസ്കോപ്പി.

ഒരു ചെറിയ ക്യാമറ ഘടിപ്പിച്ച ഫ്ലെക്സിബിൾ ആയ ട്യൂബ് മലദ്വാരത്തിലൂടെ കടത്തിവിട്ട് വൻകുടലിന്റെയും മലാശയത്തിന്റെയും ഉൾഭാഗം പൂർണ്ണമായും പരിശോധിക്കുന്ന ശാസ്ത്രീയ രീതിയാണിത്. കാൻസർ മുഴകളോ, കാൻസറായി മാറാൻ സാധ്യതയുള്ള പോളിപ്പുകളോ വൻകുടലിൽ ഉണ്ടെങ്കിൽ കൃത്യമായി കണ്ടെത്താൻ ഇതിലൂടെ സാധിക്കും.

കുടുംബ ചരിത്രവും ജനിതക ഘടകങ്ങളും

വൻകുടൽ കാൻസറിന്റെ കാര്യത്തിൽ കുടുംബ ചരിത്രത്തിന് വലിയ പങ്കുണ്ട്. മാതാപിതാക്കൾ, സഹോദരങ്ങൾ, മക്കൾ എന്നിവർക്കാർക്കെങ്കിലും വൻകുടൽ കാൻസറോ കുടലിലെ പോളിപ്പുകളോ വന്നിട്ടുണ്ടെങ്കിൽ നിങ്ങൾക്ക് ഈ രോഗം വരാനുള്ള സാധ്യത സാധാരണക്കാരേക്കാൾ ഇരട്ടിയാണ്.

ലിഞ്ച് സിൻഡ്രോം (Lynch syndrome), ഫെമിലിയൽ അഡിനോമാറ്റസ് പോളിപ്പോസിസ് (Familial adenomatous polyposis - FAP) തുടങ്ങിയ ജനിതക അവസ്ഥകൾ ഉള്ള കുടുംബങ്ങളിൽ ചെറുപ്പത്തിൽ തന്നെ കാൻസർ വരാനുള്ള സാധ്യത വളരെ കൂടുതലാണ്. അതിനാൽ ഇത്തരം കുടുംബ പശ്ചാത്തലമുള്ളവർ നാൽപ്പത് വയസ്സ് വരെ കാത്തിരിക്കാതെ അതിനു മുൻപ് തന്നെ ഡോക്ടറെ കണ്ട് കൃത്യമായ സ്ക്രീനിംഗ് ആരംഭിക്കേണ്ടതാണ്.

ആധുനിക ശസ്ത്രക്രിയാ രീതികളും ചികിത്സാ പുരോഗതിയും

വൻകുടൽ കാൻസർ സ്ഥിരീകരിച്ചാൽ രോഗികൾ ആദ്യം ഭയപ്പെടുന്നത് വലിയ ശസ്ത്രക്രിയകളെയും അതിനുശേഷമുള്ള ജീവിതത്തെയുമോർത്താണ്. വയറു പൂർണ്ണമായും കീറിയുള്ള വലിയ ശസ്ത്രക്രിയകളും, മലം പോകുന്നതിനായി വയറ്റിൽ സഞ്ചി വെക്കേണ്ടി വരുമോ എന്നതുമാണ് എല്ലാവരുടെയും പ്രധാന ഭയം. എന്നാൽ ആധുനിക ഗ്യാസ്ട്രോ സർജറി രംഗം വലിയ കുതിച്ചുചാട്ടമാണ് ഈ മേഖലയിൽ നടത്തിയിരിക്കുന്നത്. ഇന്ന് വൻകുടൽ കാൻസർ ചികിത്സയ്ക്ക് ലാപ്രോസ്കോപ്പിക് അഥവാ കീഹോൾ ശസ്ത്രക്രിയാ രീതിയാണ് വ്യാപകമായി ഉപയോഗിക്കുന്നത്.

വയറ്റിൽ വലിയ മുറിവുകൾ ഉണ്ടാക്കാതെ, ചെറിയ സുഷിരങ്ങളിലൂടെ അത്യാധുനിക ക്യാമറകളുടെയും അതിസൂക്ഷ്മ ഉപകരണങ്ങളുടെയും സഹായത്തോടെ കാൻസർ ബാധിച്ച ഭാഗം കൃത്യമായി മുറിച്ചുമാറ്റുന്ന രീതിയാണിത്. കൊളോറെക്ടൽ കാൻസറുകൾക്ക് കീഹോൾ ശസ്ത്രക്രിയ ചെയ്യുന്നത് രോഗിക്ക് വലിയ ആശ്വാസമാണ് നൽകുന്നത്.

ശസ്ത്രക്രിയയ്ക്ക് ശേഷമുള്ള വേദന വളരെ കുറവായിരിക്കും എന്നതും, അണുബാധയ്ക്കുള്ള സാധ്യത കുറയുന്നതും, പെട്ടെന്ന് തന്നെ ആശുപത്രി വിടാനും സാധാരണ ജീവിതത്തിലേക്ക് മടങ്ങാനും സാധിക്കും എന്നതും ലാപ്രോസ്കോപ്പിക് ശസ്ത്രക്രിയയുടെ വലിയ ഗുണങ്ങളാണ്. കാൻസറിന്റെ ഘട്ടമനുസരിച്ച് ശസ്ത്രക്രിയയ്ക്ക് മുൻപോ ശേഷമോ കീമോതെറാപ്പിയോ റേഡിയേഷനോ ചിലപ്പോൾ ആവശ്യമായി വന്നേക്കാം. ഇന്നത്തെ ടാർഗെറ്റഡ് തെറാപ്പികളും രോഗപ്രതിരോധ ശേഷി വർദ്ധിപ്പിക്കുന്ന ഇമ്മ്യൂണോതെറാപ്പികളും അർബുദ ചികിത്സയെ മുൻപെന്നത്തേക്കാളും കൂടുതൽ ഫലപ്രദമാക്കിയിട്ടുണ്ട്.

ശരിയായ ജീവിതശൈലിയിലൂടെ രോഗപ്രതിരോധം

കാൻസർ വന്നിട്ട് അത് ചികിത്സിക്കുന്നതിനേക്കാൾ വരാതെ നോക്കുക എന്നതാണ് ഏറ്റവും ബുദ്ധിപരമായ കാര്യം. വൻകുടൽ കാൻസറിന്റെ കാര്യത്തിൽ നമ്മുടെ ജീവിതശൈലിയിലെ ചെറിയ മാറ്റങ്ങൾ പോലും വലിയൊരു പ്രതിരോധമാണ് തീർക്കുന്നത്. നമ്മുടെ ദൈനംദിന ഭക്ഷണത്തിൽ നാരുകൾ ധാരാളമായി അടങ്ങിയ ഭക്ഷണങ്ങൾ ഉൾപ്പെടുത്താൻ പ്രത്യേകം ശ്രദ്ധിക്കണം.

ഇലക്കറികൾ, ബ്രൊക്കോളി, ക്യാരറ്റ് തുടങ്ങിയ പച്ചക്കറികൾ, തവിടുള്ള കുത്തരി, ചെറുധാന്യങ്ങൾ, ഓട്സ്, വിവിധതരം പഴവർഗ്ഗങ്ങൾ എന്നിവ കുടലിന്റെ ആരോഗ്യത്തിന് വളരെ അത്യാവശ്യമാണ്. നാരുകൾ അടങ്ങിയ ഭക്ഷണം കുടലിലൂടെയുള്ള മാലിന്യങ്ങളുടെ സുഗമമായ സഞ്ചാരത്തിന് സഹായിക്കുകയും അർബുദത്തിന് കാരണമാകുന്ന വിഷാംശങ്ങളെ ശരീരത്തിൽ നിന്ന് വേഗത്തിൽ പുറന്തള്ളുകയും ചെയ്യുന്നു.

ദിവസവും ആവശ്യത്തിന് വെള്ളം കുടിക്കുന്നത് കുടലിന്റെ പ്രവർത്തനം സുഗമമാക്കും. എണ്ണയിൽ വറുത്തതും പൊരിച്ചതുമായ ഭക്ഷണങ്ങൾക്ക് പകരം ആവിയിൽ വേവിച്ച നാടൻ ഭക്ഷണങ്ങൾ ശീലമാക്കുക. ദിവസവും കുറഞ്ഞത് മുപ്പത് മിനിറ്റെങ്കിലും വ്യായാമം ചെയ്യുന്നത് കുടലിന്റെ സ്വാഭാവിക ചലനങ്ങളെ ഉദ്ദീപിപ്പിക്കാനും ക്യാൻസറിന് കാരണമാകുന്ന അമിതവണ്ണം കുറയ്ക്കാനും വലിയ തോതിൽ സഹായിക്കും.

(പ്രമുഖ ഗ്യാസ്ട്രോഎൻട്രോളജി സർജൻ ഡോ. ബൈജു സേനാധിപൻ തയ്യാറാക്കിയ ലേഖനം)

ശ്വാസകോശത്തെ സംരക്ഷിക്കാൻ കഴിക്കേണ്ട 6 ഭക്ഷണങ്ങൾ

Resmi Sreekumar — Fri, 25 Sep 2026 13:37:19 +0530

മനുഷ്യശരീരത്തിന്‍റെ ശരിയായ പ്രവര്‍ത്തനത്തില്‍ മുഖ്യ പങ്ക് വഹിക്കുന്ന അവയവങ്ങളില്‍ ഒന്നാണ് ശ്വാസകോശം. ശ്വാസകോശത്തെ സംരക്ഷിക്കാൻ ഭക്ഷണക്രമം പ്രധാന പങ്കാണ് വഹിക്കുന്നത്. നിങ്ങളുടെ ഡയറ്റിൽ ഉൾപ്പെടുത്തേണ്ട ഭക്ഷണങ്ങൾ.

ഇലക്കറികളിൽ കോശങ്ങളിലെ വീക്കം കുറയ്ക്കുന്ന കരോട്ടിനോയിഡുകൾ, ഇരുമ്പ്, വിറ്റാമിനുകൾ എന്നിവ അടങ്ങിയിട്ടുണ്ട്. ഇലക്കറികൾ വീക്കം കുറയ്ക്കുകയും കോശങ്ങൾക്കുണ്ടാകുന്ന കേടുപാടുകളെ പ്രതിരോധിക്കുകയും മഗ്നീഷ്യം, വിറ്റാമിൻ കെ1 തുടങ്ങിയ പ്രധാന പോഷകങ്ങൾ നൽകുകയും ചെയ്തുകൊണ്ട് ശ്വാസകോശാരോഗ്യം മെച്ചപ്പെടുത്തുന്നു.

ബീറ്റ്‌റൂട്ടിൽ നൈട്രേറ്റുകൾ ധാരാളമായി അടങ്ങിയിട്ടുള്ളത് കൊണ്ട് തന്നെ രക്തക്കുഴലുകളെ അയവുള്ളതാക്കുകയും ശരീരത്തിലെ ഓക്സിജൻ ആഗിരണം മെച്ചപ്പെടുത്തുകയും ചെയ്യുന്നു.

ക്വെർസെറ്റിൻ, വിറ്റാമിൻ സി എന്നിവയാൽ സമ്പന്നമായ ആപ്പിൾ പതിവായി കഴിക്കുന്നത് കാലക്രമേണ ശ്വാസകോശത്തിന്റെ മൊത്തത്തിലുള്ള പ്രവർത്തനത്തെ സഹായിക്കുന്നു.

ശ്വാസനാളിയിലെ വീക്കം കുറയ്ക്കാനും ശ്വസനപ്രക്രിയ മെച്ചപ്പെടുത്താനും സഹായിക്കുന്ന ഒമേഗ-3 ഫാറ്റി ആസിഡുകൾ ധാരാളമായി അടങ്ങിയിട്ടുള്ളതിനാൽ വാൾനട്ട് ശ്വാസകോശത്തിന്റെ ആരോഗ്യത്തെ സഹായിക്കുന്നു.

ഇഞ്ചി ശ്വാസകോശത്തിന് നല്ലതാണ്. കാരണം, വീക്കം കുറയ്ക്കാനും ശ്വാസനാളികളിൽ നിന്ന് കഫം നീക്കം ചെയ്യാൻ സഹായിക്കാനും കഴിയുന്ന സജീവ ഘടകങ്ങൾ ഇതിൽ അടങ്ങിയിട്ടുണ്ട്.

മഞ്ഞളും അതിലെ സജീവ ഘടകമായ കുർക്കുമിനും ശരീരത്തെ ഓക്സിഡേറ്റീവ് സ്ട്രെസ് കൈകാര്യം ചെയ്യാനും ശ്വാസനാളത്തിലെ വീക്കം കുറയ്ക്കാനും സഹായിച്ചുകൊണ്ട് ശ്വാസകോശാരോഗ്യം സംരക്ഷിക്കുന്നു.

മധുരക്കിഴങ്ങ് കഴിച്ചാൽ ലഭിക്കുന്ന 7 ആരോഗ്യഗുണങ്ങൾ

Resmi Sreekumar — Sat, 26 Sep 2026 10:04:54 +0530

മധുരക്കിഴങ്ങ് കഴിച്ചാൽ ലഭിക്കുന്ന 7 ആരോഗ്യഗുണങ്ങൾ

സ്ത്രീകളിലെ ഹൃദയാഘാതം ; ഈ ലക്ഷണങ്ങൾ അവഗണിക്കരുത്

Resmi Sreekumar — Sat, 26 Sep 2026 13:16:38 +0530

പല കേസുകളിലും ഹൃദയാഘാതം സംഭവിക്കുന്നതിന് മുമ്പ് തന്നെ ചില ലക്ഷണങ്ങൾ പ്രകടമാകാറുണ്ട്. ക്യത്യമായ സമയത്ത് ഈ ലക്ഷണങ്ങൾ തിരിച്ചറിഞ്ഞാൽ ഹൃദയത്തിന് ആവശ്യമാണ് പരിരക്ഷ നൽകാൻ സാധിക്കും. 95 ശതമാനം സ്ത്രീകളും ഹൃദയാഘാതത്തിന് മുന്‍പുള്ള മാസത്തില്‍ ബുദ്ധിമുട്ടുകള്‍ അനുഭവിച്ചിരുന്നതായി അടുത്തിടെ നടത്തിയ പഠനത്തിൽ കണ്ടെത്തിയിട്ടുണ്ട്.

സ്ത്രീകളിലും പുരുഷന്മാരിലും ഹൃദയാഘാതത്തിന്റെ ഏറ്റവും സാധാരണമായ ലക്ഷണമായി കണക്കാക്കപ്പെടുന്നത് നെഞ്ചുവേദനയാണ്. സ്ത്രീകളെ സംബന്ധിച്ചിടത്തോളം, പുരുഷന്മാരിൽ കാണപ്പെടുന്നതിൽ നിന്ന് വ്യത്യസ്തമെന്ന് തോന്നാവുന്ന ലക്ഷണങ്ങളുമായാണ് അവർ ഹൃദ്രോഗത്തെ ബന്ധപ്പെടുത്താറുള്ളത്.

ഉറക്കമില്ലായ്മയും സാധാരണയില്‍ നിന്ന് അധികമായുള്ള ക്ഷീണവും ശ്വാസം എടുക്കാനുള്ള ബുദ്ധിമുട്ടുകളുമാണ് പൊതുവെ ഹൃദയാഘാതത്തിന്റെ ലക്ഷണങ്ങള്‍. ഈ ലക്ഷണങ്ങള്‍ കൃത്യമായി തിരിച്ചറിഞ്ഞ് ചികിത്സ നല്‍കിയാല്‍ ഹൃദയാഘാതത്തിലേക്ക് എത്താതെ ജീവന്‍ രക്ഷിക്കാന്‍ കഴിയും. നെഞ്ച് വേദന മാത്രമാണ് ഹൃദയാഘാതത്തിന്റെ ലക്ഷണമെന്ന് കരുതരുതെന്നാണ് ഹാര്‍വാര്‍ഡ് ഹെല്‍ത്തിലെ സര്‍വേ നടതതിയ പഠനത്തിൽ വ്യക്തമാക്കുന്നു.

ഇന്ത്യയിൽ പുരുഷന്മാരേക്കാൾ കൂടുതൽ സ്ത്രീകളിലാണ് ഹൃദ്രോഗങ്ങൾ കണ്ടുവരുന്നത്. പുരുഷന്മാരിൽ 13.5% (ലക്ഷം പേരിൽ 13,504) എന്ന നിരക്കിനെ അപേക്ഷിച്ച് സ്ത്രീകളിൽ ഇത് 17% (ലക്ഷം പേരിൽ 17,006) ആണെന്ന് NSO Health Survey 2025 നടത്തിയ പഠനത്തിൽ പറയുന്നു. സ്ത്രീകളിൽ മുൻകൂട്ടി കാണിക്കുന്ന ചില ലക്ഷണങ്ങളെ കുറിച്ചറിയാം.

ഒരു സംഭവത്തിന് തൊട്ടുമുമ്പുള്ള ദിവസങ്ങളിലോ ആഴ്ചകളിലോ അസാധാരണമായ ക്ഷീണം അനുഭവപ്പെടുക, ശാരീരിക പ്രവർത്തനങ്ങൾക്കിടയിലോ വിശ്രമവേളയിലോ ഉണ്ടാകുന്ന ശ്വാസംമുട്ടൽ, ഓക്കാനം, ഛർദ്ദി അല്ലെങ്കിൽ ദഹനക്കേട് പോലുള്ള അസ്വസ്ഥത അനുഭവപ്പെടുക, തലകറക്കം അല്ലെങ്കിൽ തണുത്ത വിയർപ്പ്, ഉത്കണ്ഠ അനുഭവപ്പെടുകയോ എന്തോ വലിയ ദുരന്തം സംഭവിക്കാൻ പോകുന്നുവെന്ന് തോന്നുകയോ ചെയ്യുന്നത് സ്ത്രീകളിൽ പ്രകടമാകുന്ന ചില പ്രധാനപ്പെട്ട ലക്ഷണങ്ങളാണ്.

പുരുഷന്മാരിലും സ്ത്രീകളിലും ഹൃദയാഘാത ലക്ഷണങ്ങൾ വ്യത്യസ്തമായി കാണപ്പെടുന്നതിന് പല കാരണങ്ങളുണ്ട്. ശാരീരിക ഘടന ഇതിൽ ഒരു പ്രധാന പങ്ക് വഹിക്കുന്നു. സ്ത്രീകളിൽ കൊറോണറി ധമനികൾക്ക് വലിപ്പം കുറവായതിനാൽ അവയിലുണ്ടാകുന്ന തടസ്സങ്ങൾ തിരിച്ചറിയുന്നത് കൂടുതൽ പ്രയാസകരമായേക്കാം. ഹോർമോണുകളുടെ സ്വാധീനമാണ് മറ്റൊരു ഘടകം. ഈസ്ട്രജൻ ഹൃദയാരോഗ്യത്തിന് സംരക്ഷണം നൽകുന്നുണ്ടെങ്കിലും ആർത്തവവിരാമത്തിന് ശേഷം ഇതിന്റെ അളവ് കുറയുന്നത് ഹൃദ്രോഗസാധ്യത വർദ്ധിപ്പിക്കുന്നു.

ജീവിതശൈലിയിലെ മാറ്റങ്ങൾ ഹൃദ്രോഗവും ഹൃദയാഘാതവും തടയാൻ സഹായിക്കുന്നു. ഹൃദ്രോഗം തടയുന്നതിനായി സ്ത്രീകൾക്ക് പല കാര്യങ്ങളും ചെയ്യാവുന്നതാണ്. ഒന്നാമതായി, പഴങ്ങൾ, പച്ചക്കറികൾ, ധാന്യങ്ങൾ, കൊഴുപ്പ് കുറഞ്ഞ പ്രോട്ടീൻ അടങ്ങിയ ഭക്ഷണങ്ങൾ എന്നിവ ഉൾപ്പെടുന്ന, ഹൃദയാരോഗ്യത്തിന് ഗുണകരമായ ഭക്ഷണക്രമം പിന്തുടരുക. കൂടാതെ, ആഴ്ചയിൽ കുറഞ്ഞത് 30 മിനിറ്റെങ്കിലും വ്യായാമം ചെയ്യണം. യോഗ, ധ്യാനം, ആഴത്തിലുള്ള ശ്വസനരീതികൾ തുടങ്ങിയവയിലൂടെ മാനസിക സമ്മർദ്ദം നിയന്ത്രിക്കണം. പുകവലിയും മദ്യപാനവും ഒഴിവാക്കണം. രക്തസമ്മർദ്ദം, കൊളസ്ട്രോൾ, ഗ്ലൂക്കോസ് എന്നിവയുടെ അളവ് കൃത്യമായ ഇടവേളകളിൽ പരിശോധിക്കുകയും വേണം.

‌വീട്ടിൽ എലി ശല്യം രൂക്ഷമാണോ? ഇവ ഉപയോഗിച്ച് നോക്കൂ

Resmi Sreekumar — Fri, 25 Sep 2026 15:27:45 +0530

‌വീട്ടിൽ എലി ശല്യം രൂക്ഷമാണോ? ഇവ ഉപയോഗിച്ച് നോക്കൂ

ബ്ലഡ് ഷുഗർ അളവ് നിയന്ത്രിക്കാൻ സഹായിക്കുന്ന ആറ് ഭക്ഷണങ്ങൾ

Resmi Sreekumar — Sat, 26 Sep 2026 15:37:13 +0530

ബ്ലഡ് ഷുഗർ അളവ് നിയന്ത്രിക്കാൻ സഹായിക്കുന്ന ആറ് ഭക്ഷണങ്ങൾ

തക്കാളി കഴിക്കുന്നത് കൊണ്ടുള്ള 7 ആരോഗ്യഗുണങ്ങൾ

Resmi Sreekumar — Fri, 25 Sep 2026 16:41:02 +0530

തക്കാളി കഴിക്കുന്നത് കൊണ്ടുള്ള 7 ആരോഗ്യഗുണങ്ങൾ

ശ്വാസകോശം തകരാറിലാണോ? ഈ 10 ലക്ഷണങ്ങൾ അവഗണിക്കരുത്

Resmi Sreekumar — Fri, 25 Sep 2026 10:30:40 +0530

ശ്വസന ആരോഗ്യത്തെക്കുറിച്ച് അവബോധം വളർത്തുന്നതിനും മെച്ചപ്പെട്ട പരിചരണത്തിനും പ്രതിരോധത്തിനും വേണ്ടി എല്ലാ വർഷവും സെപ്റ്റംബർ 25 ന് ലോക ശ്വാസകോശ ദിനം ആഗോളതലത്തിൽ ആചരിക്കുന്നു. "ജീവിതകാലം മുഴുവൻ ശ്വാസകോശ ആരോഗ്യം" എന്നതാണ് 2026-ലെ ലോക ശ്വാസകോശ ദിനത്തിന്റെ പ്രമേയം.

ശ്വാസകോശ രോഗങ്ങളും ശ്വാസകോശ ക്യാൻസറും തുടക്കത്തിൽ ശ്രദ്ധയിൽപ്പെടാത്തത്ര ചെറിയ ലക്ഷണങ്ങളോടെയാകാം ആരംഭിക്കുന്നത്. ഇവ പ്രായമാകുന്നതിന്റെയോ ശാരീരികക്ഷമത കുറയുന്നതിന്റെയോ ഭാഗമാണെന്ന് തെറ്റിദ്ധരിക്കാൻ സാധ്യതയുണ്ട്. ശ്വാസകോശ രോഗങ്ങളുടെ പ്രാരംഭ ലക്ഷണങ്ങൾ തിരിച്ചറിയുന്നതും എത്രയും വേഗം ഡോക്ടറെ കാണുന്നതും വളരെ പ്രധാനമാണ്. രോഗം ഗുരുതരമായതോ ജീവന് ഭീഷണിയാകുന്നതോ ആയ അവസ്ഥയിലേക്ക് നീങ്ങുന്നതിന് മുൻപ് തന്നെ ചികിത്സയും ആവശ്യമായ സഹായവും തേടുന്നത് ഗുണകരമാകും. ശ്വാസകോശ രോഗത്തിന്റെ ചില പ്രധാനപ്പെട്ട ലക്ഷണങ്ങളെ കുറിച്ചാണ് ഇനി പറയുന്നത്.

ശ്വാസംമുട്ടൽ ശ്വാസകോശ സംബന്ധമായ രോഗങ്ങളുടെ ഒരു സാധാരണ ലക്ഷണമാണ്. കാര്യമായ ശാരീരിക അധ്വാനമൊന്നുമില്ലാത്തപ്പോൾ ശ്വാസംമുട്ടൽ അനുഭവപ്പെടുകയോ, പതിവിലും കൂടുതൽ ശ്വാസംമുട്ടൽ ശ്രദ്ധയിൽപ്പെടുകയോ ചെയ്താൽ ഒരു ഡോക്ടറെ കണ്ട് പരിശോധന നടത്തേണ്ടത് പ്രധാനമാണ്. എന്തെങ്കിലും ആരോഗ്യപ്രശ്നമുണ്ടെന്നതിന്റെ സൂചനയായിരിക്കാം ഇത്.

നമ്മളിൽ പലർക്കും ഇടയ്ക്കിടെ ചുമ ഉണ്ടാകുന്നത് സ്വാഭാവികമാണ്. ചിലപ്പോൾ ഇത് ആഴ്ചകളോളം നീണ്ടുനിൽക്കുകയും അസ്വസ്ഥതയുണ്ടാക്കുകയും ഉറക്കം തടസ്സപ്പെടുത്തുകയും കടുത്ത ക്ഷീണം ഉണ്ടാക്കുകയും ചെയ്തേക്കാം. എന്നാൽ, മൂന്നാഴ്ചയിലധികം നീണ്ടുനിൽക്കുന്ന ചുമ ശ്വാസകോശ രോഗങ്ങളുടെയും ശ്വാസകോശ ക്യാൻസറിന്റെയും സാധാരണ ലക്ഷണമാണ്.

ചുമയ്ക്കുമ്പോൾ രക്തം പുറത്ത് വരുന്നത് വളരെ അപകടകരമായ അവസ്ഥയിലാണ് ശ്വാസകോശം എന്നതിന്‍റെ ലക്ഷണമാണ്. ഇത്തരം ലക്ഷണങ്ങളെ നിസ്സാരമായി അവഗണിക്കരുത്.

ശ്വാസകോശ രോഗങ്ങളുടെ ഒരു സാധാരണ ലക്ഷണമാണ് അമിതമായ ക്ഷീണം. ഇത് വെറുമൊരു ക്ഷീണമല്ല. ഉറങ്ങിയാൽ പോലും മാറാത്ത, നിരന്തരമായതോ അതിശക്തമായതോ ആയ ക്ഷീണമാണിത്. വ്യക്തമായി ചിന്തിക്കാനും കാര്യങ്ങൾ ഓർമ്മിച്ചുവെക്കാനും ഇത് ബുദ്ധിമുട്ടുണ്ടാക്കിയേക്കാം.

ശ്വാസമെടുക്കുമ്പോൾ ഉണ്ടാകുന്ന ഉയർന്ന ശബ്ദത്തിലുള്ള ഒരു ചൂളംവിളി പോലെയുള്ള ശബ്ദമാണ് 'വീസിംഗ്' (wheezing). സാധാരണയായി ശ്വാസം പുറത്തേക്ക് വിടുമ്പോഴാണ് ഈ ശബ്ദം കേൾക്കാറുള്ളത്. ആസ്ത്മ, ക്രോണിക് ഒബ്‌സ്ട്രക്റ്റീവ് പൾമണറി ഡിസീസ് (COPD) എന്നിവയാണ് വീസിംഗിന്റെ പ്രധാന കാരണങ്ങൾ. എന്നാൽ ജലദോഷം അല്ലെങ്കിൽ ശ്വാസകോശത്തിലുണ്ടാകുന്ന മറ്റ് അണുബാധകൾ മൂലവും ഇത് സംഭവിക്കാം.

ശ്വാസകോശത്തിലുണ്ടാകുന്ന അണുബാധയാണ് 'ചെസ്റ്റ് ഇൻഫെക്ഷൻ' (നെഞ്ചിലെ അണുബാധ) എന്നത് കൊണ്ട് അർത്ഥമാക്കുന്നത്. ശ്വാസകോശത്തിനുള്ളിലെ ചെറിയ വായു അറകളെയാണ് (air sacs) അണുബാധ ബാധിക്കുന്നതെങ്കിൽ അതിനെ 'ന്യൂമോണിയ' എന്ന് വിളിക്കുന്നു. ശ്വാസനാളങ്ങളെയാണ് (airways) ബാധിക്കുന്നതെങ്കിൽ അതിനെ 'ബ്രോങ്കൈറ്റിസ്' എന്നും വിളിക്കുന്നു. നെഞ്ചിൽ അണുബാധയുണ്ടാകുമ്പോൾ ശ്വാസനാളങ്ങളിൽ വീക്കം സംഭവിക്കുകയും, അവയിൽ കൂടുതൽ കഫമോ പഴുപ്പോ ഉൽപ്പാദിപ്പിക്കപ്പെടുകയും ചെയ്യുന്നു. ഇത് ശ്വാസനാളങ്ങളെ അടയുന്നതിനും ശ്വസിക്കാൻ ബുദ്ധിമുട്ടുണ്ടാക്കുന്നതിനും കാരണമായേക്കാം.

ശ്വാസകോശം അപകടത്തിലാകുന്നതോടെ പല സുപ്രധാന അവയവങ്ങള്‍ക്കും ആവശ്യത്തിന് ഓക്സിജന്‍ ലഭിക്കാത്ത സാഹചര്യം ഉണ്ടാകും. ഇത് നിരന്തരമായ നെഞ്ചു വേദന ഉള്‍പ്പെടെ പലതരം സങ്കീര്‍ണതകളിലേക്ക് നയിക്കാം. നെഞ്ചുവേദനയെ എപ്പോഴും ഗൗരവമായി കാണണം. പ്രത്യേകിച്ച് വേദന ഒരു മാസത്തിലധികം നീണ്ടുനിൽക്കുകയോ, ശ്വാസമെടുക്കുമ്പോഴോ ചുമയ്ക്കുമ്പോഴോ വേദന കൂടുകയോ ചെയ്യുകയാണെങ്കിൽ അത് കൂടുതൽ ശ്രദ്ധിക്കേണ്ടതുണ്ട്.

ചുമയ്ക്കുമ്പോൾ നെഞ്ചിന് അസ്വസ്ഥത, നെഞ്ചില്‍ കഫം കെട്ടിക്കിടക്കല്‍ എന്നിവയെല്ലാം ശ്വാസകോശ പ്രശ്നത്തിന്‍റെ സൂചനയാണ്. ഇത് ഒരാഴ്ചയില്‍ കൂടുതല്‍ തുടര്‍ന്നാല്‍ ഉടനടി ഡോക്ടറുടെ സഹായം തേടേണ്ടതാണ്. ചികിത്സ തേടാന്‍ വൈകിയാല്‍ ശ്വാസകോശം കൂടുതല്‍ ദുര്‍ബലമായി ആരോഗ്യനില വഷളാകാന്‍ സാധ്യതയുണ്ട്.

പ്രത്യേകിച്ച് ശ്രമമൊന്നും കൂടാതെ അപ്രതീക്ഷിതമായി ശരീരഭാരം കുറയുകയാണെങ്കിൽ, അത് അവഗണിക്കാതിരിക്കുന്നതാണ് നല്ലത്. ഇത് ഗുരുതരമായ ഏതെങ്കിലും രോഗത്തിന്റെ ലക്ഷണമാകാം. പെട്ടെന്നോ വ്യക്തമായ കാരണമില്ലാതെയോ ശരീരഭാരം കുറയുന്നതിനെക്കുറിച്ച് ഡോക്ടറോട് സംസാരിക്കേണ്ടത് പ്രധാനമാണ്.

ഉയർന്ന രക്തസമ്മർദ്ദം ; ശരീരം മുൻകൂട്ടി കാണിക്കുന്ന ചില ലക്ഷണങ്ങൾ

Resmi Sreekumar — Sat, 26 Sep 2026 16:30:42 +0530

ധമനികളുടെ ഭിത്തികളിൽ രക്തം ചെലുത്തുന്ന മർദ്ദം തുടർച്ചയായി വളരെ കൂടുതലായിരിക്കുമ്പോഴാണ് ഉയർന്ന രക്തസമ്മർദ്ദം (ഹൈപ്പർടെൻഷൻ) ഉണ്ടാകുന്നത്.

ധമനികളുടെ ഭിത്തികളിൽ രക്തം ചെലുത്തുന്ന മർദ്ദം തുടർച്ചയായി വളരെ കൂടുതലായിരിക്കുമ്പോഴാണ് ഉയർന്ന രക്തസമ്മർദ്ദം (ഹൈപ്പർടെൻഷൻ) ഉണ്ടാകുന്നത്. ഉയർന്ന രക്തസമ്മർദ്ദം ചെറുപ്പക്കാരെ മുമ്പെന്നത്തേക്കാളും കൂടുതലായി ബാധിക്കുന്നതിനാൽ ഇത് കൂടുതൽ ആശങ്കാജനകമായി മാറുകയാണ്.

ഉദാസീനമായ ജീവിതശൈലി, വിട്ടുമാറാത്ത സമ്മർദ്ദം, സംസ്കരിച്ച ഭക്ഷണ ഉപഭോഗം, പൊണ്ണത്തടി, ഉറക്കക്കുറവ്, അമിതമായ സ്‌ക്രീൻ സമയം എന്നിവ ഇതിന് കാരണമാകുന്ന ഘടകങ്ങളാണ്. ഉയർന്ന രക്തസമ്മർദ്ദം കാലക്രമേണ രക്തക്കുഴലുകൾക്ക് നിശബ്ദമായും ക്രമേണയും കേടുപാടുകൾ വരുത്തുന്നു എന്നതാണ് പ്രധാന ആശങ്കകളിലൊന്ന്.

തുടർച്ചയായ ഉയർന്ന സമ്മർദ്ദം ധമനികളുടെ ഭിത്തികളെ ദോഷകരമായി ബാധിക്കുകയും, അവയുടെ ഇലാസ്തികത കുറയ്ക്കുകയും ചുരുങ്ങിപ്പോകാനുള്ള സാധ്യത വർദ്ധിപ്പിക്കുകയും ചെയ്യുന്നു. ഇത് സുപ്രധാന അവയവങ്ങളിലേക്കുള്ള രക്തയോട്ടം തടസ്സപ്പെടുത്തുന്നതിനും ദീർഘകാലാടിസ്ഥാനത്തിലുള്ള ആരോഗ്യപ്രശ്നങ്ങളുടെ സാധ്യത വർദ്ധിപ്പിക്കുന്നതിനും കാരണമാകുന്നു.

ഉയർന്ന രക്തസമ്മർദ്ദം വൃക്കകളെയും കാര്യമായി ബാധിക്കുന്നു. സൂക്ഷ്മമായ രക്തക്കുഴലുകളിലൂടെ മാലിന്യങ്ങൾ അരിച്ചെടുക്കുന്ന വൃക്കകളിലെ ഈ കുഴലുകൾക്ക്, ഉയർന്ന രക്തസമ്മർദ്ദം മൂലം കാലക്രമേണ കേടുപാടുകൾ സംഭവിക്കാം. ഇത് ദീർഘകാല വൃക്കരോഗത്തിലേക്കോ വൃക്കകളുടെ പ്രവർത്തനം പൂർണ്ണമായി നിലയ്ക്കുന്ന അവസ്ഥയിലേക്കോ (kidney failure) നയിച്ചേക്കാം

കണ്ണുകളെയും ഇത് ബാധിച്ചേക്കാം. ഉയർന്ന രക്തസമ്മർദ്ദം റെറ്റിനയിലെ ചെറിയ രക്തക്കുഴലുകൾക്ക് കേടുപാടുകൾ വരുത്തുകയും, കാഴ്ച മങ്ങുന്നതിനോ 'ഹൈപ്പർടെൻസീവ് റെറ്റിനോപ്പതി' (hypertensive retinopathy) എന്ന അവസ്ഥയ്‌ക്കോ കാരണമാവുകയും ചെയ്തേക്കാം. ഗുരുതരമായ സാഹചര്യങ്ങളിൽ, ഇത് കാഴ്ച നഷ്ടപ്പെടുന്നതിലേക്ക് നയിച്ചേക്കാം.

ആദ്യമായി ബാധിക്കപ്പെടുന്ന അവയവങ്ങളിൽ ഒന്ന് പലപ്പോഴും ഹൃദയമാണ്. രക്തം പമ്പ് ചെയ്യുന്നതിനായി ഹൃദയത്തിന് കൂടുതൽ കഠിനമായി പ്രവർത്തിക്കേണ്ടി വരുന്നത് ഉയർന്ന രക്തസമ്മർദ്ദം മൂലമാണ്. ഇത് ക്രമേണ ഹൃദയം വലുതാകുക, ഹൃദയസ്തംഭനം (heart failure), ഹൃദയമിടിപ്പിലെ താളപ്പിഴകൾ, ഹൃദയാഘാതം എന്നിവയിലേക്ക് നയിച്ചേക്കാം. രോഗലക്ഷണങ്ങൾ തീവ്രമാകുന്നതുവരെ പല രോഗികളും ഹൃദയത്തിലുണ്ടാകുന്ന ഈ സമ്മർദ്ദത്തെക്കുറിച്ച് അറിയാതെ പോകുന്നു.

നെഞ്ചുവേദനയോ അസ്വസ്ഥതയോ, ശ്വാസംമുട്ടലോ ശ്വസിക്കാൻ ബുദ്ധിമുട്ടോ, പെട്ടെന്നുണ്ടാകുന്ന കടുത്ത തലവേദന, കാഴ്ചയിൽ പെട്ടെന്നുണ്ടാകുന്ന മാറ്റങ്ങൾ, മരവിപ്പോ ബലഹീനതയോ, സംസാരിക്കാൻ ബുദ്ധിമുട്ടോ ആശയക്കുഴപ്പമോ, കടുത്ത നടുവേദനയോ വയറുവേദനയോ, മൂക്കിൽ നിന്നുള്ള രക്തസ്രാവം, ക്രമരഹിതമായ ഹൃദയമിടിപ്പ്, ചെവിയിലെ മുഴക്കം (ടിന്നിറ്റസ്) എന്നിവയെല്ലാം ബിപി കൂടിയതിന്റെ ലക്ഷണങ്ങളാണ്.

എന്താണ് അനലോഗ് പനീർ? എങ്ങനെ തിരിച്ചറിയാം?

Resmi Sreekumar — Fri, 25 Sep 2026 16:53:37 +0530

പാലിൽ നിന്നല്ലാതെ ഉൽപാദിപ്പിക്കുന്നവ പനീർ എന്ന പേരിൽ വിൽക്കേണ്ടതില്ലെന്ന കടുത്ത നിലപാടെടുത്ത് ഭക്ഷ്യസുരക്ഷാ അതോറിറ്റിയായ എഫ്.എസ്.എസ്.എ.ഐ (FSSAI). പാലുൽപ്പന്നങ്ങൾക്ക് പകരം സസ്യഎണ്ണയും വെജിറ്റബിൾ പ്രോട്ടീനും ഉപയോഗിച്ചുണ്ടാക്കുന്ന ഉൽപ്പന്നങ്ങൾ 'പനീർ' എന്ന പേരിൽ വിൽക്കുന്നത് തടയാൻ കർശന നിയമനിർമ്മാണത്തിനൊരുങ്ങുകയാണ്.

എന്താണ് അനലോഗ് പനീർ? എങ്ങനെ തിരിച്ചറിയാം?

പരമ്പരാഗത പനീറിന് സമാനമായ രൂപവും ഘടനയും രുചിയും നൽകുന്നതിനായി തയ്യാറാക്കിയ പാലുൽപ്പന്നമല്ലാത്ത ഒരു ബദൽ ഉൽപ്പന്നമാണ് അനലോഗ് ചീസ് അഥവാ അനലോഗ് പനീർ. പുതിയ പാൽ പിരിച്ചെടുത്ത് ഉണ്ടാക്കുന്ന സാധാരണ പനീറിൽ നിന്ന് വ്യത്യസ്തമായി, സസ്യ എണ്ണകൾ, അന്നജം, പാൽ ഘടകങ്ങൾ അല്ലെങ്കിൽ പാൽപ്പൊടി മറ്റ് ഭക്ഷ്യ അഡിറ്റീവുകൾ എന്നിവ ഉപയോഗിച്ചാണ് അനലോഗ് പനീർ നിർമ്മിക്കുന്നത്.

പാൽ, പാലിലെ കൊഴുപ്പ്, പാലിലെ പ്രോട്ടീൻ തുടങ്ങിയ ഘടകങ്ങൾക്ക് ഭാഗികമായോ പൂർണ്ണമായോ പകരമായി സസ്യജന്യ വസ്തുക്കളും എമൽസിഫൈയിംഗ് സാൾട്ടുകൾ, ഹൈഡ്രോകോളോയിഡുകൾ, പ്രിസർവേറ്റീവുകൾ, അസിഡിഫൈയിംഗ് ഏജന്റുകൾ, ചിലപ്പോൾ രുചി വർദ്ധിപ്പിക്കുന്ന ഘടകങ്ങൾ തുടങ്ങിയ അഡിറ്റീവുകളും ചേർത്ത് നിർമ്മിക്കുന്ന, ചീസിന് സമാനമായ ഉൽപ്പന്നങ്ങളാണ് 'ചീസ് അനലോഗുകൾ' എന്ന് പറയുന്നതെന്ന് നാഷണൽ ഇൻസ്റ്റിറ്റ്യൂട്ട്സ് ഓഫ് ഹെൽത്ത് (NIH) നടത്തിയ ഗവേഷണം വ്യക്തമാക്കുന്നു.

അനലോഗ് പനീറിന് സോയയുടെയോ പാം ഓയിലിന്റെയോ മണം അനുഭവപ്പെടും. അമിതമായി വെളുത്ത ഈ പനീറിന് നല്ല മിനുസവുമുണ്ടാകും. റബ്ബർ പോലെ അമിതമായി വലിയുന്നതായി തോന്നാം. കത്തികൊണ്ട് മുറിക്കുമ്പോൾ പൊടിഞ്ഞുപോകുന്നുണ്ടെങ്കിൽ അത് യഥാർഥ പനീർ ആയിരിക്കണമെന്നില്ല. വേവിക്കുമ്പോൾ അമിതമായി വെള്ളം പുറന്തള്ളുകയോ ആകൃതി നഷ്ടപ്പെട്ട് അലിഞ്ഞുപോകുകയോ ചെയ്യും.

ഇത് ഉൽപ്പാദിപ്പിക്കാൻ ചെലവ് വളരെ കുറവാണ്. അതുകൊണ്ടാണ് പാൽ ഉപയോഗിച്ചുണ്ടാക്കുന്ന പനീറിന് (dairy paneer) പകരമായി റെസ്റ്റോറന്റുകളും ഭക്ഷണശാലകളും ചിലപ്പോൾ ഇത് ഉപയോഗിക്കുന്നത്. പരമ്പരാഗത പനീറിൽ ഉയർന്ന ഗുണമേന്മയുള്ള പ്രോട്ടീൻ, കാൽസ്യം, വിറ്റാമിൻ ബി12 എന്നിവ സ്വാഭാവികമായി ധാരാളമായി അടങ്ങിയിട്ടുണ്ട്; എന്നാൽ അനലോഗ് പനീറിൽ സസ്യജന്യ കൊഴുപ്പുകൾ, അന്നജം, വിവിധ അഡിറ്റീവുകൾ എന്നിവ കൂടുതലായി അടങ്ങിയിരിക്കാനും പോഷകമൂല്യം കുറവായിരിക്കാനും സാധ്യതയുണ്ട്.

ഉപയോഗിക്കുന്ന ചേരുവകൾക്കനുസരിച്ച്, ചില ഉൽപ്പന്നങ്ങളിൽ പൂരിത കൊഴുപ്പിന്റെ (saturated fat) അളവ് കൂടുതലായിരിക്കാനും ഇടയുണ്ട്. വിലകുറഞ്ഞ പച്ചക്കറികളോ പാം ഓയിലുകളോ ഉയർന്ന അളവിൽ കഴിക്കുന്നത് ചീത്ത കൊളസ്ട്രോൾ വർദ്ധിപ്പിക്കുകയും ഹൃദ്രോഗ സാധ്യത വർദ്ധിപ്പിക്കുകയും ചെയ്യുന്നു.

പാൽമണം തന്നെയാണ് യഥാർഥ പനീർ തിരിച്ചറിയാനുള്ള ഏറ്റവും മികച്ച വഴിയെന്ന് ഡയറ്റീഷ്യൻ അർച്ചന ബത്ര പറയുന്നു.യഥാർത്ഥ പനീറിന് നേരിയ ഓഫ് വൈറ്റ് നിറമായിരിക്കും. മിനുസപ്രതലത്തിന് പകരം മാറ്റ് ഫിനിഷ് പ്രതലമായിരിക്കും യഥാർഥ പനീറിന്.

ശ്വാസകോശത്തെ ബാധിക്കുന്ന ഏഴ് കാര്യങ്ങൾ

Resmi Sreekumar — Sat, 26 Sep 2026 12:51:41 +0530

ശ്വാസകോശത്തിന് സംഭവിക്കുന്ന കേടുപാടുകളെക്കുറിച്ച് ചിന്തിക്കുമ്പോൾ പലപ്പോഴും ആദ്യം മനസ്സിലെത്തുന്നത് പുകവലിയാണ്.

ശ്വാസകോശത്തിന് സംഭവിക്കുന്ന കേടുപാടുകളെക്കുറിച്ച് ചിന്തിക്കുമ്പോൾ പലപ്പോഴും ആദ്യം മനസ്സിലെത്തുന്നത് പുകവലിയാണ്. ശ്വാസകോശാരോഗ്യം സംരക്ഷിക്കുന്നതിന് പുകവലി ഒഴിവാക്കുന്നത് ഫലപ്രദമായ മാർഗ്ഗമാണെങ്കിലും, അതുവഴി മാത്രം ഭാവിയിലുണ്ടാകാവുന്ന ആരോഗ്യപ്രശ്നങ്ങളിൽ നിന്ന് പൂർണ്ണമായ സംരക്ഷണം ലഭിക്കണമെന്നില്ല.

ദൈനംദിന ജീവിതത്തിൽ ശ്വാസകോശം പലതരം പാരിസ്ഥിതിക ഘടകങ്ങളുമായി സമ്പർക്കത്തിൽ വരുന്നുണ്ട്. പ്രത്യേകിച്ച്, മോശം വായുനിലവാരവുമായി നിരന്തരം സമ്പർക്കമുണ്ടാകുന്നത് ശ്വാസകോശാരോഗ്യത്തെ കാര്യമായി ബാധിച്ചേക്കാം. ചില ശീലങ്ങളും ജീവിതശൈലീപരമായ തീരുമാനങ്ങളും ശ്വാസകോശ സംബന്ധമായ പ്രശ്നങ്ങൾക്ക് കാരണമായേക്കാം. ശ്വാസകോശത്തിന്റെ ആരോഗ്യത്തെ ബാധിക്കുന്ന ഏഴ് കാര്യങ്ങളെ കുറിച്ചാണ് ഇനി പറയുന്നത്.

ആരോഗ്യത്തിന് ഹാനികരമായതോ മലിനമായതോ ആയ വായു ശ്വസിച്ചുകൊണ്ട് ചെലവഴിക്കുന്ന സമയം ഒരു പ്രധാന ആശങ്കാവിഷയമാണ്. ഗതാഗതം, സൂക്ഷ്മ കണികകൾ, വ്യവസായശാലകളിൽ നിന്നുള്ള പുക എന്നിവ മൂലമുണ്ടാകുന്ന മലിനീകരണം ശ്വാസനാളത്തിൽ അസ്വസ്ഥതയുണ്ടാക്കുകയും, അതുവഴി ശ്വാസംമുട്ടൽ (wheezing), ചുമ തുടങ്ങിയ ലക്ഷണങ്ങളിലേക്ക് നയിക്കുകയും ചെയ്തേക്കാം. ദീർഘനേരം പുറത്ത് ചെലവഴിക്കുന്നതോ ഹാനികരമായ വസ്തുക്കളുമായി നിരന്തരം സമ്പർക്കമുണ്ടാകുന്ന ജോലികളിൽ ഏർപ്പെടുന്നതോ ആയ സാഹചര്യങ്ങളിൽ ഈ അപകടസാധ്യത വർദ്ധിക്കുന്നു. മലിനീകരണം ശ്വാസകോശത്തെ ബാധിക്കുന്നത് കുറയ്ക്കുന്നതിനായി മോശം കാലാവസ്ഥയുള്ളപ്പോൾ അടിസ്ഥാനപരമായ മുൻകരുതലുകൾ പാലിക്കുകയും ആവശ്യമെങ്കിൽ സംരക്ഷണ മാർഗ്ഗങ്ങൾ സ്വീകരിക്കുകയും ചെയ്യേണ്ടത് അത്യാവശ്യമാണ്.

വീടിനുള്ളിലെ വായു മലിനീകരണം മറ്റൊരു പ്രധാന ആരോഗ്യപ്രശ്നമാണ്. പാചകം ചെയ്യുമ്പോഴുണ്ടാകുന്ന പുക, ജൈവ ഇന്ധനങ്ങൾ (biomass fuels) കത്തിക്കുമ്പോഴുണ്ടാകുന്ന പുക, ചന്ദനത്തിരി, കൊതുക് തിരി എന്നിവയിൽ നിന്നുള്ള പുക, കൂടാതെ വായുസഞ്ചാരക്കുറവ് എന്നിവയാണ് ഇത്തരത്തിലുള്ള മലിനീകരണത്തിന് കാരണമാകുന്നത്. വായുസഞ്ചാരം കുറഞ്ഞ മുറികളിൽ ദീർഘനേരം ചെലവഴിക്കുന്നത് ശ്വസനവ്യവസ്ഥയെ അസ്വസ്ഥതയുണ്ടാക്കുന്ന ഘടകങ്ങളുമായി സമ്പർക്കത്തിലാക്കുന്നു.

നിർമ്മാണം, ഉൽപ്പാദനം, ലബോറട്ടറികൾ, ഫാക്ടറികൾ എന്നിവിടങ്ങളിൽ ജോലി ചെയ്യുന്നവർക്ക് പൊടിപടലങ്ങൾ, രാസവസ്തുക്കളിൽ നിന്നുള്ള പുക, അല്ലെങ്കിൽ വ്യാവസായിക അവശിഷ്ടങ്ങൾ എന്നിവ പതിവായി നേരിടേണ്ടി വന്നേക്കാം. ഇവയുമായുള്ള ദീർഘകാല സമ്പർക്കം ശ്വാസകോശ സംബന്ധമായ രോഗങ്ങൾക്കും മറ്റ് ആരോഗ്യപ്രശ്നങ്ങൾക്കും കാരണമായേക്കാം.

വ്യായാമമില്ലായ്മ ശ്വാസകോശത്തിന്റെ പ്രവർത്തനത്തെ പരോക്ഷമായി ബാധിച്ചേക്കാവുന്ന മറ്റൊരു ഘടകമാണ്. പുകവലിയോ മലിനീകരണമോ പോലെ ശ്വാസകോശത്തെ നേരിട്ട് ദോഷകരമായി ബാധിക്കുന്നില്ലെങ്കിലും ഹൃദയ-ശ്വസന സംബന്ധമായ മൊത്തത്തിലുള്ള ക്ഷമതയെ കുറയ്ക്കാൻ ഇടയാക്കും. ശാരീരികക്ഷമതയുള്ളവരെ അപേക്ഷിച്ച്, നിഷ്ക്രിയമായ ജീവിതശൈലി നയിക്കുന്നവർക്ക് ദൈനംദിന പ്രവർത്തനങ്ങൾക്കിടയിൽ പെട്ടെന്ന് ശ്വാസംമുട്ടൽ അനുഭവപ്പെടാം.

വിട്ടുമാറാത്ത ചുമ, ശ്വാസം എടുക്കുമ്പോഴുണ്ടാകുന്ന ശബ്ദം (വീസിംഗ്), നെഞ്ചിലെ അസ്വസ്ഥത, അല്ലെങ്കിൽ കാരണം വ്യക്തമല്ലാത്ത ശ്വാസംമുട്ടൽ എന്നിവയെ കാലാവസ്ഥാ വ്യതിയാനം കൊണ്ടോ മലിനീകരണം കൊണ്ടോ ഉണ്ടാകുന്നവയായി മാത്രം കണക്കാക്കരുത്. ഇത്തരം ദീർഘകാല ലക്ഷണങ്ങൾ ആസ്ത്മ, ശ്വാസനാളത്തെ ബാധിക്കുന്ന വിട്ടുമാറാത്ത രോഗങ്ങൾ, അണുബാധകൾ അല്ലെങ്കിൽ മറ്റ് ശ്വാസകോശ സംബന്ധമായ പ്രശ്നങ്ങൾ എന്നിവയുടെ സൂചനയാകാം.

ചുരുക്കത്തിൽ, ശ്വാസകോശാരോഗ്യം എന്നത് സിഗരറ്റ് വലിക്കാതിരിക്കുന്നതിലും അപ്പുറമുള്ള കാര്യമാണ്. നിങ്ങളുടെ ശ്വാസകോശം നിരന്തരം വിവിധ പാരിസ്ഥിതിക സാഹചര്യങ്ങളുമായി സമ്പർക്കത്തിലാകുന്നതിനാൽ, ദൈനംദിന ജീവിതത്തിലെ ശീലങ്ങൾ വളരെ പ്രധാനമാണ്. ശ്വാസകോശാരോഗ്യം മെച്ചപ്പെടുത്തുന്നതിനായി മലിനമായ വായുവുമായുള്ള സമ്പർക്കം കുറയ്ക്കുക, വീടിനുള്ളിലെ വായുസഞ്ചാരം വർദ്ധിപ്പിക്കുക, ജോലിസ്ഥലത്തെ സുരക്ഷാ മാനദണ്ഡങ്ങൾ പാലിക്കുക, ശാരീരിക പ്രവർത്തനങ്ങളിൽ ഏർപ്പെടുക എന്നിവ അത്യന്താപേക്ഷിതമാണ്. ശ്വസനവുമായി ബന്ധപ്പെട്ട അസാധാരണമായതോ വിട്ടുമാറാത്തതോ ആയ പ്രശ്നങ്ങളെ ഒരിക്കലും അവഗണിക്കരുത്.

കിടിലൻ രുചിയിലൊരു പനീർ ടിക്ക എളുപ്പം തയ്യാറാക്കാം

Resmi Sreekumar — Fri, 25 Sep 2026 12:36:44 +0530

വേണ്ട ചേരുവകൾ

പനീർ 1 ബൗൾ (മുഴുവനായിട്ടുള്ള പനീർ)

മുളകുപൊടി ആവശ്യത്തിന്

കുരുമുളകുപൊടി അര ടീസ്പൂൺ

ഗരം മസാല അര ടീസ്പൂൺ

മഞ്ഞൾപൊടി ആവശ്യത്തിന്

ഇഞ്ചി വെളുത്തുള്ളി പേസ്റ്റ് 1 സ്പൂൺ

തൈര് ഒന്നര സ്പൂൺ

ബട്ടർ 1 സ്പൂൺ

ഉപ്പ് ആവശ്യത്തിന്

തയ്യാറാക്കുന്ന വിധം

ആദ്യം പനീർ ചെറിയ ക്യൂബുകളായി മുറിച്ചെടുക്കുക. മുറിച്ചെടുത്ത പനീർ കഷ്ണങ്ങളിൽ ഒരു ഫോർക്ക് ഉപയോഗിച്ച് ചെറിയ ദ്വാരങ്ങളിടുക. മുളകുപൊടി, കുരുമുളകുപൊടി, ഗരംമസാല മഞ്ഞൾപാടി, ഇഞ്ചി വെളുത്തുള്ളി അരച്ചത്, ഉപ്പ് എന്നിവയും തൈരും ചേർത്ത് നന്നായി യോജിപ്പിച്ച് പേസ്റ്റാക്കുക. ശേഷം ഈ പേസ്റ്റ് പനീറിൽ പുരട്ടി 20 മിനുട്ട് നേരം സെറ്റാകാൻ വയ്ക്കുക. ശേഷം ഒരു പാനിൽ അൽപം ബട്ടർ ഇടുക. ഇത് നന്നായി ചൂടായി കഴിഞ്ഞാൽ പനീർ ഇട്ട് ഇരുവശവും ബ്രൌൺ നിറമാകുന്നവരെ മൊരിച്ചെടുക്കുക. രുചികരമായ പനീർ ടിക്ക തയ്യാറായി.

തുടർച്ചയായി ക്ഷീണം അനുഭവപ്പെടുന്നുണ്ടോ ? ഈ പോഷകത്തിന്റെ കുറവ് കൊണ്ടാകാം

Resmi Sreekumar — Fri, 25 Sep 2026 14:57:31 +0530

ശരീരത്തിന് ആവശ്യമായ അളവിൽ വിറ്റാമിൻ ഡി ലഭിക്കാത്ത അവസ്ഥയാണ് വിറ്റാമിൻ ഡിയുടെ കുറവ്. എല്ലാ പ്രായത്തിലുമുള്ളവരിലും വിറ്റാമിൻ ഡി-യുടെ കുറവ് വ്യാപകമായി കാണപ്പെടുന്നു. ജീവിതശൈലി, സൂര്യപ്രകാശം കുറച്ചുമാത്രം ഏൽക്കുന്നത്, അനാരോഗ്യകരമായ ഭക്ഷണക്രമം എന്നിവയെല്ലാം ഇതിന് കാരണമാകാമെന്ന് ഡോക്ടർമാർ പറയുന്നു.

ധാരാളം സൂര്യപ്രകാശം ലഭ്യമാണെങ്കിലും, ഇന്ത്യയിലുടനീളം വിറ്റാമിൻ ഡി-യുടെ കുറവ് വ്യാപകമായിത്തന്നെ തുടരുന്നു. ഉയർന്ന രക്തസമ്മർദ്ദത്തിനും പ്രമേഹത്തിനും വലിയ തോതിൽ ശ്രദ്ധ ലഭിക്കുമ്പോൾ വിറ്റാമിൻ ഡി-യുടെ കുറവ് ശരീരത്തിലെ മിക്ക ആന്തരിക അവയവ വ്യവസ്ഥകളെയും നിശബ്ദമായി ബാധിക്കുന്നുണ്ടെന്ന് ആരോഗ്യവിദഗ്ധർ ചൂണ്ടിക്കാട്ടുന്നു. ഇത് വിട്ടുമാറാത്ത ക്ഷീണം, പേശീബലക്കുറവ്, ഉത്സാഹക്കുറവ് എന്നിവയ്ക്ക് കാരണമാകുന്നു.

വായു മലിനീകരണം, വീടിനുള്ളിലെ ജോലി ദിനചര്യകൾ, സൺസ്‌ക്രീൻ ഉപയോഗം എന്നിവ ചർമ്മ സംശ്ലേഷണത്തിന് ആവശ്യമായ UVB രശ്മികളെ തടയുന്നു. ഇത് നിർണായക പോഷകത്തിന്റെ ദീർഘകാല കുറവിലേക്ക് നയിക്കുന്നു. മെലാനിൻ ധാരാളമായി അടങ്ങിയ ഇന്ത്യൻ ചർമ്മത്തിന് ആവശ്യമായ അളവിൽ വിറ്റാമിൻ ഡി ഉൽപ്പാദിപ്പിക്കാൻ സ്വാഭാവികമായും കൂടുതൽ സമയം സൂര്യപ്രകാശം ഏൽക്കേണ്ടതുണ്ട്.

കാൽസ്യം, പ്രതിരോധ സംവിധാനം, തലച്ചോറിലെ രാസപ്രവർത്തനങ്ങൾ എന്നിവയെ നിയന്ത്രിക്കുന്ന ഒരു സുപ്രധാന ഹോർമോണായാണ് വിറ്റാമിൻ ഡി പ്രവർത്തിക്കുന്നത്. ഇതിന്റെ അളവ് കുറയുന്നത് മാനസികാവസ്ഥയിലെ മാറ്റങ്ങൾ, ഏകാഗ്രതക്കുറവ്, പേശികളുടെ സ്ഥിരതയിലുള്ള കുറവ്, ഇടയ്ക്കിടെയുണ്ടാകുന്ന സീസണൽ അണുബാധകൾ എന്നിവയ്ക്ക് കാരണമായേക്കാം. എന്നാൽ പലപ്പോഴും പോഷകാഹാരക്കുറവാണ് ഇതിന് കാരണമെന്ന് രോഗികൾ തിരിച്ചറിയാറില്ല.

ഹോർമോൺ വ്യതിയാനങ്ങൾ നേരിടുന്ന സ്ത്രീകളിലും അക്കാദമിക് സമ്മർദ്ദം നേരിടുന്ന കൗമാരക്കാരിലും ഉയർന്ന അപകടസാധ്യത കാണിക്കുന്നു. വിറ്റാമിൻ ഡിയുടെ അപര്യാപ്തതകൾ ശരിയായി കണ്ടെത്തി പരിചരണത്തിലൂടെ പരിഹരിച്ചുകഴിഞ്ഞാൽ, വിട്ടുമാറാത്ത ക്ഷീണം, ആർത്തവ അസ്വസ്ഥത, പ്രഭാത ക്ഷീണം എന്നിവ അകറ്റാമെന്ന് വിദഗ്ധർ ചൂണ്ടിക്കാട്ടുന്നു.

ദീർഘകാലമായുള്ള പോഷകക്കുറവ് അവഗണിക്കുന്നത് പ്രായമായവരിൽ അസ്ഥികളുടെ ബലം നേരത്തെ നഷ്ടപ്പെടുക, സന്ധി വേദന, ഉപാപചയ പ്രവർത്തനങ്ങളിലെ തകരാറുകൾ, ഇടയ്ക്കിടെയുള്ള വീഴ്ചകൾ എന്നിവയ്ക്കുള്ള സാധ്യത വർദ്ധിപ്പിക്കുന്നു.

വിറ്റാമിൻ ഡി-യുടെ കുറവ് : പ്രധാന ലക്ഷണങ്ങൾ

നിരന്തരമായ ക്ഷീണവും തളർച്ചയും

എല്ലുകളിലും സന്ധികളിലും വേദന

പേശികളിൽ ബലഹീനതയും വേദനയും

അമിതമായ മുടി കൊഴിച്ചിൽ

പെട്ടെന്ന് അണുബാധകളും രോഗങ്ങളും ഉണ്ടാവുക

ഉത്കണ്ഠയും മാനസികാവസ്ഥയിലെ മാറ്റങ്ങളും

ഇങ്ങനെ സൂക്ഷിച്ചാൽ പനീർ കേടാകില്ല ; ഇതാ മൂന്ന് എളുപ്പവഴികൾ

Resmi Sreekumar — Fri, 25 Sep 2026 11:22:00 +0530

ധാരാളം പോഷകഗുണങ്ങളുള്ള ഭക്ഷണമാണ് പനീർ. ഏത് വിഭവത്തിലും ഇത് ചേർക്കുന്നത് രുചി വർദ്ധിപ്പിക്കാനുള്ള കഴിവുണ്ട്. പ്രോട്ടീൻ ധാരാളമായി അടങ്ങിയിട്ടുള്ളതിനാൽ പനീർ പലപ്പോഴും ദൈനംദിന ഭക്ഷണക്രമത്തിൽ ഉൾപ്പെടുത്താറുണ്ട്.

പനീർ ഉപയോഗിച്ച് വിഭവങ്ങൾ തയ്യാറാക്കുന്നത് എളുപ്പമാണെങ്കിലും അതിന്റെ പുതുമയും രുചിയും നിലനിർത്താൻ ശരിയായ രീതിയിൽ സൂക്ഷിക്കേണ്ടത് അത്യാവശ്യമാണ്. ശരിയല്ലാത്ത രീതിയിൽ സൂക്ഷിച്ചാൽ പനീർ മഞ്ഞനിറമാകുകയോ പുളിക്കുകയോ ചെയ്തേക്കാം. പനീർ കേടാകാതെ സൂക്ഷിക്കാനുള്ള മൂന്ന് എളുപ്പവഴികളെ കുറിച്ചാണ് ഇനി പറയുന്നത്.

പനീർ വെള്ളത്തിൽ ഇടുക എന്നതാണ് ആദ്യം ശ്രദ്ധിക്കേണ്ടത്. പനീർ സൂക്ഷിച്ചുവയ്ക്കാനുള്ള ഏറ്റവും എളുപ്പമുള്ള മാർഗ്ഗം അത് വെള്ളത്തിൽ പൂർണ്ണമായും മുക്കിവയ്ക്കുക എന്നതാണ്. ഒരു പാത്രത്തിൽ പനീർ കഷ്ണം വച്ച് അതിൽ വെള്ളം നിറച്ച് ഫ്രിഡ്ജിൽ സൂക്ഷിക്കുക. പനീർ രണ്ടോ മൂന്നോ ദിവസം വരെ കേടുകൂടാതെയിരിക്കാൻ ദിവസവും വെള്ളം മാറ്റിക്കൊടുക്കണം.

നനഞ്ഞ മസ്ലിൻ തുണിയിൽ പനീർ പൊതിഞ്ഞ് വയ്ക്കുക. പനീർ ഉണങ്ങിപ്പോകാതിരിക്കാൻ, അത് നനഞ്ഞ മസ്ലിൻ തുണിയിൽ പൊതിഞ്ഞ് ഒരു പാത്രത്തിൽ സൂക്ഷിക്കുക. ഈർപ്പം നിലനിർത്താനായി ഓരോ 4-5 മണിക്കൂറിലും തുണിയിൽ അല്പം വെള്ളം തളിച്ചുകൊടുക്കുക. പനീർ കൂടുതൽ കാലം സൂക്ഷിക്കുന്നതിനായി പാത്രം ഫ്രിഡ്ജിൽ വയ്ക്കുക.

പനീർ ഉപ്പുവെള്ളത്തിൽ സൂക്ഷിക്കുന്നത് കേടാകാതിരിക്കാൻ സഹായകമാണ്. ഒരു പാത്രത്തിലെ വെള്ളത്തിൽ ഒരു ടീസ്പൂൺ ഉപ്പ് ചേർത്ത് അതിൽ പനീർ കഷ്ണം മുക്കിവയ്ക്കുക. പാത്രം ഫ്രിഡ്ജിൽ സൂക്ഷിക്കുകയും രണ്ടു ദിവസത്തിലൊരിക്കൽ വെള്ളം മാറ്റുകയും ചെയ്യുക. ഈ രീതി പനീർ ഒരാഴ്ച വരെ കേടുകൂടാതെ സൂക്ഷിക്കാൻ സഹായിക്കും.

വായു കടക്കാത്ത പാത്രങ്ങളിലാക്കി ഫ്രീസറിൽ സൂക്ഷിച്ചാൽ പനീർ 6 മാസം വരെ കേടുകൂടാതെയിരിക്കും. എന്നിരുന്നാലും, ഈ കാലയളവിനുശേഷം പനീറിന്റെ സ്വാഭാവികമായ ഘടനയിൽ നേരിയ മാറ്റം വരാൻ സാധ്യതയുണ്ട്. മികച്ച ഗുണനിലവാരം ലഭിക്കുന്നതിന്, ഫ്രീസറിൽ വച്ച് 3 മാസത്തിനുള്ളിൽ ഇത് ഉപയോഗിക്കുന്നതാണ് ഉചിതം.

പാക്കറ്റ് പൊട്ടിക്കാത്ത പനീർ ഉണ്ടെങ്കിൽ അത് അതേപടി ഫ്രീസറിൽ സൂക്ഷിക്കുക. വിഭവങ്ങളിൽ ഉപയോഗിക്കുന്നതിന് മുൻപ്, പനീർ കഷ്ണം കുറഞ്ഞ ചൂടുള്ള വെള്ളത്തിൽ കുറഞ്ഞത് 15 മിനിറ്റെങ്കിലും മുക്കിവയ്ക്കുക. ശേഷം ആവശ്യാനുസരണം കഷ്ണങ്ങളാക്കി ഉപയോഗിക്കാം. ഇങ്ങനെ ചെയ്താൽ പനീർ കൂടുതൽ കാലം കേടുകൂടാതെ സൂക്ഷിക്കാനും രുചികരമായ പനീർ വിഭവങ്ങൾ ആസ്വദിക്കാനും നിങ്ങൾക്ക് സാധിക്കും.

ശരീരഭാരം കുറയ്ക്കാൻ ഫ്ളാക്സ് സീഡ് ; കഴിക്കേണ്ട വിധം

Resmi Sreekumar — Sat, 26 Sep 2026 09:28:48 +0530

ധാരാളം ഡയറ്ററി ഫൈബർ നൽകുന്നതിലൂടെ ഫ്ലാക്സ് സീഡുകൾ ശരീരഭാരം കുറയ്ക്കാൻ സഹായിക്കുന്നു. ഇവ വയറു നിറഞ്ഞതായി തോന്നിപ്പിക്കുകയും മൊത്തത്തിലുള്ള കലോറി ഉപഭോഗം കുറയ്ക്കുകയും ചെയ്യുന്നു. ലയിക്കുന്ന നാരുകൾ ദഹനം മന്ദഗതിയിലാക്കുന്നു; ഇത് വിശപ്പ് നിയന്ത്രിക്കാനും അമിതമായി ഭക്ഷണം കഴിക്കുന്നത് തടയാനും സഹായിക്കുന്നു.

ഫ്ളാക്സ് സീഡ് കുറഞ്ഞ കലോറിയിൽ സസ്യജന്യ ഒമേഗ-3 ഫാറ്റി ആസിഡുകളും പ്രോട്ടീനും നൽകുന്നു. ഇത് പതിവായി കഴിക്കുന്നത് ആരോഗ്യകരമായ ദഹനത്തെ സഹായിക്കുകയും രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്തുകയും ചെയ്യുന്നു.

ആരോഗ്യപരമായ ഗുണങ്ങൾ തെളിയിക്കപ്പെട്ടിട്ടുള്ള ഒമേഗ-3 ഫാറ്റി ആസിഡുകളാൽ സമ്പന്നമാണ് ഫ്ലാക്സ് സീഡുകൾ (ചണവിത്ത്). ഹൃദ്രോഗത്തിന് കാരണമായേക്കാവുന്ന ശരീരത്തിലെ വീക്കം കുറയ്ക്കാനും, ഓട്ടോഇമ്മ്യൂൺ രോഗങ്ങളെ പ്രതിരോധിക്കാനും, ചിലതരം ക്യാൻസറുകൾ വരാനുള്ള സാധ്യത കുറയ്ക്കാനും ഇവ സഹായിക്കുന്നു.

കുടലിലൂടെ ഭക്ഷണം മുന്നോട്ട് നീങ്ങുന്നതിനും വൻകുടലിൽ തടസ്സങ്ങൾ ഉണ്ടാകാതെ സൂക്ഷിക്കുന്നതിനും നാരുകൾ അടങ്ങിയ ഭക്ഷണം കഴിക്കുന്നത് അത്യന്താപേക്ഷിതമാണ്. രക്തത്തിലെ പഞ്ചസാരയുടെ അളവ് ക്രമീകരിക്കുന്നതിനും, ഒപ്പം ആരോഗ്യകരമായ ശരീരഭാരം നിലനിർത്തുന്നതിനും ഇത് വളരെയധികം സഹായിക്കുന്നു.

വിശപ്പ് കുറയ്ക്കാനും ദഹനം മെച്ചപ്പെടുത്താനും സഹായിക്കുന്നതിനായി ഫ്ലാക്‌സ് സീഡ് പൊടി (flaxseed) 1 മുതൽ 2 ടേബിൾസ്പൂൺ വരെ വെള്ളത്തിലോ സ്മൂത്തിയിലോ ഭക്ഷണത്തിലോ ചേർത്ത് ദിവസവും കഴിക്കുക.

രാവിലെ കഴിക്കുന്ന സ്മൂത്തിയിൽ ഒരു ടേബിൾ സ്പൂൺ ഫ്ലാക്‌സ് സീഡ് പൊടിച്ചത് ഭക്ഷണത്തിൽ ചേർക്കുന്നത് എളുപ്പത്തിലും രുചികരവുമായ ഒരു മാർഗമാണ്.

ശരീരഭാരം കുറയ്ക്കാൻ ഏറ്റവും പ്രചാരമുള്ള ഒരു മാർഗ്ഗമാണ് ഫ്ളാക്സ് സീഡ് പാനീയം ഉണ്ടാക്കുന്നത്. ഒരു ടേബിൾസ്പൂൺ മുഴുവനായോ പൊടിച്ചതോ ആയ ഫ്ളാക്സ് സീഡുകൾ ഒരു ഗ്ലാസ് വെള്ളത്തിൽ രാത്രി മുഴുവൻ മുക്കിവയ്ക്കുക. രാവിലെ, ഇളക്കി ഒഴിഞ്ഞ വയറ്റിൽ കുടിക്കുക. ഈ ഫ്ളാക്സ് സീഡ് പാനീയം മെറ്റബോളിസം വർദ്ധിപ്പിക്കാനും വിശപ്പ് കുറയ്ക്കാനും ദഹനം മെച്ചപ്പെടുത്താനും സഹായിക്കും.

ദിവസവും ഒരു വാഴപ്പഴം കഴിച്ചോളൂ, കാരണം

Resmi Sreekumar — Sat, 26 Sep 2026 14:26:30 +0530

ദിവസവും ഒരു വാഴപ്പഴം കഴിച്ചോളൂ, കാരണം

ഡയറ്റും വ്യായാമവും ചെയ്ത് വണ്ണം കുറച്ചോ? ഇനി ഭാരം കൂടാതെയിരിക്കാൻ നാല് കാര്യങ്ങൾ ശ്രദ്ധിച്ചോളൂ

Resmi Sreekumar — Sat, 26 Sep 2026 08:58:22 +0530

ഡയറ്റും വ്യായാമവും ചെയ്തുമെല്ലാം അമിതവണ്ണം കുറയ്ക്കാറുണ്ട്. നിങ്ങൾ വിചാരിച്ച ഭാരം എത്തിക്കഴിഞ്ഞാൽ പിന്നെ അത് എങ്ങനെ കൂടാതെ കൊണ്ട് പോകാമെന്നതിനെ കുറിച്ച് പലരും ചിന്തിക്കാറുണ്ട്. പലർക്കും യഥാർത്ഥ വെല്ലുവിളി തുടങ്ങുന്നത് ഈ ഘട്ടത്തിലാണ്. മാസങ്ങളോളം നീണ്ട ഡയറ്റിംഗിനും വ്യായാമത്തിനും ശേഷം, അല്പം അയവുവരുത്താനും ശരീരഭാരം കൂടാൻ കാരണമായ പഴയ ശീലങ്ങളിലേക്ക് പതുക്കെ മടങ്ങാനും എളുപ്പമാണ്.

കുറച്ച ഭാരം നിലനിർത്താനുള്ള നാല് വഴികളെ കുറിച്ച് 'TrainedByYVS'-ന്റെ സ്ഥാപകനും ട്രാൻസ്‌ഫോർമേഷൻ കോച്ചുമായ യാഷ് വർദ്ധൻ സ്വാമി വ്യക്തമാക്കുന്നു. കുറച്ച ഭാരം തിരികെ കൂടാതെ ശരീരഭാരം നിലനിർത്താനുള്ള 4 എളുപ്പവഴികളെ കുറിച്ച യാഷ് പറയുന്നു.

ഭാരം കുറയ്ക്കാനായി കഴിച്ചിരുന്ന അതേ ഡയറ്റ് ഫോളോ ചെയ്യണമെന്നില്ല. എന്നാൽ, പഴയ ഭക്ഷണരീതിയിലേക്ക് പൂർണ്ണമായും മടങ്ങുന്നത് ഭാരം കൂട്ടാം. അടിസ്ഥാനപരമായ കാര്യങ്ങൾ ശ്രദ്ധിക്കുക. സമീകൃതാഹാരം കഴിക്കുക, ആവശ്യത്തിന് പ്രോട്ടീൻ ഉറപ്പാക്കുക, പഴങ്ങളും പച്ചക്കറികളും ഉൾപ്പെടുത്തുക, സംസ്കരിച്ച ഭക്ഷണങ്ങൾ എത്ര തവണ കഴിക്കുന്നു എന്നതിൽ ശ്രദ്ധ പുലർത്തുക എന്നിവയാണ് ശ്രദ്ധിക്കേണ്ട കാര്യങ്ങൾ.

ഇടയ്ക്കിടെ ഇഷ്ടഭക്ഷണങ്ങൾ കഴിക്കുന്നതിനും തെറ്റില്ല. നിങ്ങളുടെ സാധാരണ ജീവിതശൈലിയുമായി യോജിച്ചുപോകുന്ന ഒരു ഭക്ഷണരീതി കണ്ടെത്തുക എന്നതാണ് ഇതിന്റെ ലക്ഷ്യം.

വെറുതെ ഭാരം കുറയ്ക്കാൻ വേണ്ടിയല്ല വ്യായാമം ചെയ്യുന്നത്. മറിച്ച്, കരുത്തുള്ളവരും ഊർജ്ജസ്വലരും ആരോഗ്യവാന്മാരുമായിരിക്കാൻ വേണ്ടിയാണ്. ഇതിൽ സ്ട്രെങ്ത് ട്രെയിനിംഗ് (കരുത്ത് വർദ്ധിപ്പിക്കാനുള്ള വ്യായാമം), നടത്തം അല്ലെങ്കിൽ മറ്റ് വ്യായാമങ്ങൾ പതിവായി തന്നെ ചെയ്യുക.

ഭാരം അല്പം കൂടിയാൽ തളരേണ്ട കാര്യമില്ല. ശരീരഭാരത്തിൽ സ്വാഭാവികമായ ഏറ്റക്കുറച്ചിലുകൾ ഉണ്ടാകാം. എന്നാൽ, അനാരോഗ്യകരമായ ശീലങ്ങൾ പതിയെ വീണ്ടും ജീവിതത്തിന്റെ ഭാഗമായി മാറുന്നതാണ് ശരീരഭാരം കൂട്ടാം. വ്യായാമം മുടങ്ങുന്നതോ, പുറത്തുനിന്നുള്ള ഭക്ഷണം പതിവാക്കുന്നതോ, മാനസിക സമ്മർദ്ദമുണ്ടാകുമ്പോൾ ഇടയ്ക്കിടെ ഭക്ഷണം കഴിക്കാൻ തോന്നുകയോ ചെയ്യുന്നതെല്ലാം ശരീരഭാരം കൂട്ടാം. അതിനാൽ ഇക്കാര്യങ്ങൾ ശ്രദ്ധിക്കുക.

ചിലരെ സംബന്ധിച്ചിടത്തോളം, പ്രശ്നം ഒരിക്കലും ഭക്ഷണം മാത്രമായിരുന്നില്ല. മാനസിക സമ്മർദ്ദം, വിരസത, വൈകാരികമായ കാരണങ്ങളാൽ ഭക്ഷണം കഴിക്കൽ (emotional eating), അതുപോലെ എന്നിവയെല്ലാം ഇതിൽ വലിയൊരു പങ്ക് വഹിക്കുന്നുണ്ട്. നിങ്ങളെ അമിതമായി ഭക്ഷണം കഴിക്കാൻ പ്രേരിപ്പിക്കുന്ന ഘടകങ്ങൾ തിരിച്ചറിയേണ്ടത് പ്രധാനമാണ്.

മണിക്കൂറോളം ഇരുന്ന് റീൽസ് കാണുന്നവരാണോ ? എങ്കിൽ സൂക്ഷിക്കുക പണികിട്ടും

Resmi Sreekumar — Sat, 26 Sep 2026 14:57:28 +0530

ഫോൺ എടുത്ത് കഴിഞ്ഞാൽ മണിക്കൂറോളം ഇരുന്ന് റീൽസ് കാണുന്ന നിരവധി പേർ ഇന്ന് നമ്മുക്കിടയിലുണ്ട്. എന്നാൽ ഈ ശീലം നിങ്ങളുടെ തലച്ചോറിനെ തന്നെ ബാധിക്കാമെന്ന് പഠനം പറയുന്നു. ഏകാഗ്രതയും സ്വയം നിയന്ത്രണവുമായി ബന്ധപ്പെട്ട തലച്ചോറിലെ ഭാഗങ്ങളെ ഹ്രസ്വമായ വീഡിയോകൾ താൽക്കാലികമായി പ്രവർത്തനരഹിതമാക്കിയേക്കാമെന്ന് സമീപകാല പഠനം സൂചിപ്പിക്കുന്നു.

ഇൻസ്റ്റാഗ്രാം റീൽസ്, യൂട്യൂബ് ഷോർട്ട്സ് തുടങ്ങിയ ഹ്രസ്വമായ ഉള്ളടക്കങ്ങൾ തലച്ചോറിൽ പെട്ടെന്നുള്ള 'ഡോപാമിൻ' ഉൽപ്പാദനത്തിന് കാരണമാകുന്നു. ഇത് കൂടുതൽ നേരം റീൽസ് കാണാൻ ഇടയാക്കുകയും സമയബോധം നഷ്ടപ്പെടുത്തുകയും ചെയ്യുന്നു. എന്നാൽ, ഇവയുടെ സ്വാധീനം വെറുതെ സമയം കളയുന്നതിലും അപ്പുറമാണെന്ന് സമീപകാല ഗവേഷണങ്ങൾ സൂചിപ്പിക്കുന്നു.

ഹ്രസ്വമായ വീഡിയോകൾ കാണുന്നത് തലച്ചോറിലെ 'കോഗ്നിറ്റീവ് കൺട്രോൾ' അഥവാ ചിന്താപരമായ നിയന്ത്രണവുമായി ബന്ധപ്പെട്ട ഭാഗങ്ങളുടെ പ്രവർത്തനത്തെ താൽക്കാലികമായി കുറയ്ക്കുമെന്ന് ഗവേഷകർ അടുത്തിടെ കണ്ടെത്തി. ശ്രദ്ധ കേന്ദ്രീകരിക്കാനും ശ്രദ്ധ നിയന്ത്രിക്കാനും തീരുമാനങ്ങൾ എടുക്കാനും സഹായിക്കുന്ന തലച്ചോറിന്റെ ഭാഗങ്ങളുടെ പ്രവർത്തനത്തെ മന്ദഗതിയിലാക്കാൻ ഇത്തരം വീഡിയോകൾക്ക് കഴിയുമെന്ന് ഒരു പഠനം വ്യക്തമാക്കുന്നു.

56 യുവാക്കൾ ഹ്രസ്വമായ വീഡിയോകൾ സ്വതന്ത്രമായി കാണുമ്പോൾ അവരുടെ തലച്ചോറ് എങ്ങനെ പ്രതികരിക്കുന്നു എന്ന് 'ന്യൂറോഇമേജ്' (NeuroImage) എന്ന ജേണലിൽ പ്രസിദ്ധീകരിച്ച പഠനത്തിൽ പറയുന്നു. തലച്ചോറിലെ പ്രവർത്തനങ്ങൾ നിരീക്ഷിക്കാൻ 'ഫങ്ഷണൽ മാഗ്നെറ്റിക് റെസോണൻസ് ഇമേജിംഗ്' (fMRI) സംവിധാനവും, ഗ്ലൂട്ടാമേറ്റ് (glutamate), ഗാബ (GABA) തുടങ്ങിയ ന്യൂറോട്രാൻസ്മിറ്ററുകളുടെ അളവ് അളക്കാൻ 'പ്രോട്ടോൺ മാഗ്നെറ്റിക് റെസോണൻസ് സ്പെക്ട്രോസ്കോപ്പി'യും ഗവേഷകർ ഉപയോഗിച്ചതായി റിപ്പോർട്ടുകൾ വ്യക്തമാക്കുന്നു.

മസ്തിഷ്കത്തിലെ 'കോഗ്നിറ്റീവ് കൺട്രോൾ നെറ്റ്‌വർക്കി'ൽ ഉൾപ്പെടുന്ന രണ്ട് മേഖലകളെയാണ് ഈ പഠനം പരിശോധിച്ചത്. പെരുമാറ്റം നിയന്ത്രിക്കുക, മാറുന്ന സാഹചര്യങ്ങളോട് പ്രതികരിക്കുക, ശ്രദ്ധയും പ്രവൃത്തികളും നിയന്ത്രിക്കുക തുടങ്ങിയ പ്രവർത്തനങ്ങളിൽ ഈ മേഖലകൾ നിർണായക പങ്ക് വഹിക്കുന്നു.

ഒരേ ഇരിപ്പ് തുടരുന്നത് കടുത്ത കഴുത്തുവേദന, നടുവേദന, തോളെല്ല് വേദന എന്നിവയ്ക്ക് കാരണമാകും. ദീർഘനേരം ഫോൺ സ്ക്രീനിലേക്ക് നോക്കുന്നത് കണ്ണുകൾ വരണ്ടുപോകാനും, കണ്ണിന് മങ്ങലുണ്ടാകാനും, തലവേദനയ്ക്കും കാരണമാകും. രാത്രി വൈകി റീൽസ് കാണുന്നത് ഉറക്കത്തെ സഹായിക്കുന്ന മെലാടോണിൻ ഹോർമോണിന്റെ ഉത്പാദനം തടസ്സപ്പെടുത്തുകയും ഇൻസോമ്നിയ (ഉറക്കമില്ലായ്മ) ഉണ്ടാക്കുകയും ചെയ്യുന്നു.

Asianet News Malayalam

താരനെ അകറ്റാൻ ഇതാ ആറ് പ്രതിവിധികൾ

ക്യാൻസർ സാധ്യത കുറയ്ക്കുന്ന ആറ് ദൈനംദിന ശീലങ്ങൾ

വൻകുടൽ ക്യാൻസർ : 40 കഴിഞ്ഞവർ ഈ ലക്ഷണങ്ങൾ അവഗണിക്കരുത്

ശ്വാസകോശത്തെ സംരക്ഷിക്കാൻ കഴിക്കേണ്ട 6 ഭക്ഷണങ്ങൾ

മധുരക്കിഴങ്ങ് കഴിച്ചാൽ ലഭിക്കുന്ന 7 ആരോ​ഗ്യ​ഗുണങ്ങൾ

സ്ത്രീകളിലെ ഹൃദയാഘാതം ; ഈ ലക്ഷണങ്ങൾ അവ​ഗണിക്കരുത്

‌വീട്ടിൽ എലി ശല്യം രൂക്ഷമാണോ? ഇവ ഉപയോ​ഗിച്ച് നോക്കൂ

ബ്ലഡ് ഷു​​ഗർ അളവ് നിയന്ത്രിക്കാൻ സഹായിക്കുന്ന ആറ് ഭക്ഷണങ്ങൾ

തക്കാളി കഴിക്കുന്നത് കൊണ്ടുള്ള 7 ആരോ​ഗ്യ​ഗുണങ്ങൾ

ശ്വാസകോശം തകരാറിലാണോ? ഈ 10 ലക്ഷണങ്ങൾ അവ​ഗണിക്കരുത്

ഉയർന്ന രക്തസമ്മർദ്ദം ; ശരീരം മുൻകൂട്ടി കാണിക്കുന്ന ചില ലക്ഷണങ്ങൾ

എന്താണ് അനലോഗ് പനീർ? എങ്ങനെ തിരിച്ചറിയാം?

ശ്വാസകോശത്തെ ബാധിക്കുന്ന ഏഴ് കാര്യങ്ങൾ

കിടിലൻ രുചിയിലൊരു പനീർ ടിക്ക എളുപ്പം തയ്യാറാക്കാം

തുടർച്ചയായി ക്ഷീണം അനുഭവപ്പെടുന്നുണ്ടോ ? ഈ പോഷകത്തിന്റെ കുറവ് കൊണ്ടാകാം

ഇങ്ങനെ സൂക്ഷിച്ചാൽ പനീർ കേടാകില്ല ; ഇതാ മൂന്ന് എളുപ്പവഴികൾ

ശരീരഭാരം കുറയ്ക്കാൻ ഫ്ളാക്സ് സീഡ് ; കഴിക്കേണ്ട വിധം

ദിവസവും ഒരു വാഴപ്പഴം കഴിച്ചോളൂ, ​കാരണം

ഡയറ്റും വ്യായാമവും ചെയ്ത് വണ്ണം കുറച്ചോ? ഇനി ഭാരം കൂടാതെയിരിക്കാൻ നാല് കാര്യങ്ങൾ ശ്രദ്ധിച്ചോളൂ

മണിക്കൂറോളം ഇരുന്ന് റീൽസ് കാണുന്നവരാണോ ? എങ്കിൽ സൂക്ഷിക്കുക പണികിട്ടും

മധുരക്കിഴങ്ങ് കഴിച്ചാൽ ലഭിക്കുന്ന 7 ആരോഗ്യഗുണങ്ങൾ

സ്ത്രീകളിലെ ഹൃദയാഘാതം ; ഈ ലക്ഷണങ്ങൾ അവഗണിക്കരുത്

‌വീട്ടിൽ എലി ശല്യം രൂക്ഷമാണോ? ഇവ ഉപയോഗിച്ച് നോക്കൂ

ബ്ലഡ് ഷുഗർ അളവ് നിയന്ത്രിക്കാൻ സഹായിക്കുന്ന ആറ് ഭക്ഷണങ്ങൾ

തക്കാളി കഴിക്കുന്നത് കൊണ്ടുള്ള 7 ആരോഗ്യഗുണങ്ങൾ

ശ്വാസകോശം തകരാറിലാണോ? ഈ 10 ലക്ഷണങ്ങൾ അവഗണിക്കരുത്

ദിവസവും ഒരു വാഴപ്പഴം കഴിച്ചോളൂ, കാരണം