Asianet News Malayalam

മലയാളിയായ ബഷീർ കൈപ്പുറത്തിന് ബിഗ് ടിക്കറ്റിന്‍റെ ഒരു ലക്ഷം ദിർഹം സമ്മാനം!

Web Desk — Mon, 05 Jan 2026 18:00:04 +0530

ദുബായിൽ രണ്ട് പതിറ്റാണ്ടിലേറെയായി വാഹനമോടിക്കുന്ന മലയാളിയായ പ്രവാസി ഡ്രൈവർക്ക് ബിഗ് ടിക്കറ്റ് ഇ-ഡ്രോയിൽ 100,000 ദിർഹം (ഏകദേശം 24 ലക്ഷം) സമ്മാനം. 25 വർഷമായി ദുബായിൽ താമസിക്കുന്ന 57 -കാരനായ മലയാളി ബഷീർ കൈപ്പുറത്താണ് ബിഗ് ടിക്കറ്റ് ഇ-ഡ്രോയിൽ സമ്മാനം നേടിയത്. 276640 എന്ന ടിക്കറ്റ് നമ്പറിലൂടെയാണ് ബഷീർ സമ്മാനം നേടിയതെന്ന് ഗൾഫ് ന്യൂസിന്‍റെ റിപ്പോര്‍ട്ടുകൾ പറയുന്നു. കഴിഞ്ഞ രണ്ട് വർഷമായി തന്‍റെ ദിവസം ഒരിക്കൽ വരുമെന്ന് പ്രതീക്ഷിച്ച് എല്ലാ മാസവും ബിഗ് ടിക്കറ്റ് എന്‍ട്രികൾ വാങ്ങാറുണ്ടെന്ന് ബഷീർ പറഞ്ഞു. നീണ്ട കാത്തിരിപ്പിനൊടുവിൽ ബഷീറിനെ തേടി സമ്മാനമെത്തി.

'നന്ദി വളരെ സന്തോഷം'

ബിഗ് ടിക്കറ്റ് ഷോ അവതാരകൻ റിച്ചാർഡ് സമ്മാന ലബ്ദിയെ കുറിച്ച് വിളിച്ച് അറിയിച്ചപ്പോൾ ബഷീർ സ്തബ്ധനായി. “1,00,000 ദിർഹമോ? ഞാൻ ജയിച്ചോ?” ബഷീർ അവിശ്വാസത്തോടെ ചോദിച്ചു. സമ്മാന നേട്ടം സ്ഥിരീകരിച്ചതിന് ശേഷവും, സ്വയം ആശ്വസിപ്പിക്കാൻ അയാൾ ആവർത്തിച്ചു: “അതെ, ഞാൻ ഒരു ബിഗ് ടിക്കറ്റ് വാങ്ങി. 1,00,000 ദിർഹമോ?”. "ശരി, നന്ദി. എനിക്ക് വളരെ സന്തോഷമുണ്ട്," ഒരു വിധത്തിലായിരുന്നു ബഷീർ പറഞ്ഞൊപ്പിച്ചത്. സമ്മാനത്തുകയുടെ ഒരു ഭാഗം ഇന്ത്യയിലുള്ള തന്‍റെ കുടുംബത്തെ സഹായിക്കാൻ ഉപയോഗിക്കുമെന്ന് ബഷീർ പറഞ്ഞു. അതൊടൊപ്പം ഇനിയും ഭാഗ്യം തന്നോടൊപ്പമുണ്ടാകുമെന്ന ശുഭാപ്തിവിശ്വാസത്തോടെ ബിഗ് ടിക്കറ്റ് നറുക്കെടുപ്പുകളിൽ പങ്കെടുക്കുന്നത് തുടരുമെന്നും അദ്ദേഹം മാധ്യമങ്ങളോട് പറഞ്ഞു.

After 25 years in Dubai, Indian driver Basheer Kaipurath wins Dh100,000 in Big Ticket. Learn about his journey and future plans as he celebrates this life-changing win. pic.twitter.com/coRJSV5zVf

— Gulf News (@gulf_news) January 4, 2026

240 കോടി ലോട്ടറിയും ഇന്ത്യക്കാരന്

മാസങ്ങൾക്ക് മുമ്പ്, യുഎഇയുടെ റെക്കോർഡ് ലോട്ടറിയായ 240 കോടി ലോട്ടറി നേടിയതും ഒരു ഇന്ത്യക്കാരനായിരുന്നു. 23-ാമത് ലക്കി ഡേ പരിപാടിയുടെ ഭാഗമായി ഒക്ടോബർ 18 ന് നടന്ന ആ നറുക്കെടുപ്പിൽ 88 ലക്ഷം ടിക്കറ്റുകളാണ് വിറ്റ് പോയത്. ഇതിൽ അനിൽകുമാർ ബൊള്ള മാധവറാവു ബൊള്ള എന്ന ഇന്ത്യക്കാരനെയായിരുന്നു അന്ന് ഭാഗ്യം കടാക്ഷിച്ചത്.

15 വർഷത്തെ കാത്തിരിപ്പ്; പ്രവാസി മലയാളി ഡ്രൈവർക്ക് 10 കോടിയുടെ ബിഗ് ടിക്കറ്റ് നറുക്കെടുപ്പ് സമ്മാനം!

Web Desk — Sat, 07 Mar 2026 14:16:06 +0530

ഭാഗ്യം പരീക്ഷിക്കാൻ തുടങ്ങിയ പ്രവാസി മലയാളിയുടെ 15 വർഷത്തെ നീണ്ട കാത്തിരിപ്പിന് ഒടുവിൽ ഇരട്ടിമധുരം. ഷാർജയിൽ പിക്ക് അപ്പ് ഡ്രൈവറായി ജോലി ചെയ്യുന്ന മലയാളി വിബീഷ് പള്ളിയാലിക്കാണ് അബുദാബി ബിഗ് ടിക്കറ്റ് നറുക്കെടുപ്പിൽ 1.5 കോടി ദിർഹത്തിന്‍റെ അതായത് ഏകദേശം 34 കോടി രൂപയുടെ ബമ്പർ സമ്മാനം ലഭിച്ചത്. മറ്റ് മൂന്ന് സുഹൃത്തുക്കളുമായി ചേർന്നാണ് വിബീഷ് ഈ ടിക്കറ്റ് എടുത്തത്. സമ്മാനത്തുക പങ്കിടുമ്പോൾ ഏകദേശം 10 കോടി രൂപയോളം വിബീഷിന് ലഭിക്കും.

ഡ്രൈവറായി 10 വർഷം

ഒരു ട്രാൻസ്പോർട്ട് കമ്പനിയിൽ ഡ്രൈവറായ വിബീഷ് വണ്ടിയോടിച്ചു കൊണ്ടിരിക്കുമ്പോഴാണ് ജീവിതം മാറ്റിമറിച്ച ആ ഫോൺ കോൾ അദ്ദേഹത്തെ തേടിയെത്തിയത്. തുടക്കത്തിൽ ഇത് ആരെങ്കിലും തന്നെ പറ്റിക്കാൻ ചെയ്യുന്ന ഒരു തമാശയാണോ എന്ന് പോലും അദ്ദേഹം സംശയിച്ചു. "സാധാരണ മാസാവസാനം ഓഫറുകളെക്കുറിച്ച് പറയാനാണ് കമ്പനിയിൽ നിന്ന് വിളിക്കാറുള്ളത്. എന്നാൽ മാസത്തിന്‍റെ തുടക്കത്തിൽ ഒരു വൈകുന്നേരം വിളിച്ചപ്പോൾ എനിക്ക് അത്ഭുതം തോന്നി. ഉടനെ തന്നെ ഭാര്യയെ വിളിച്ചു കാര്യം പറഞ്ഞു. അവൾ ഓൺലൈനിൽ പരിശോധിച്ചപ്പോഴാണ് വിജയികളുടെ പട്ടികയിൽ എന്‍റെ പേരുണ്ടെന്ന് ഉറപ്പിച്ചത്," വിബീഷ് തന്‍റെ സന്തോഷം പങ്കുവെയ്ക്കുന്നു.

നാട്ടിലേക്ക് മടങ്ങുന്നു

ഒരു സാധാരണ ഡ്രൈവറുടെ ശമ്പളത്തിൽ നിന്ന് ഓരോ മാസവും വലിയ തുക നൽകി ടിക്കറ്റ് എടുക്കുന്നത് വിബീഷിനെ സംബന്ധിച്ചിടത്തോളം വലിയൊരു വെല്ലുവിളിയായിരുന്നു. "ടിക്കറ്റ് എടുക്കുന്ന പണം മറ്റ് കാര്യങ്ങൾക്കായി ഉപയോഗിക്കാമായിരുന്നല്ലോ എന്ന് ഭാര്യ പലപ്പോഴും പരാതിപ്പെടുമായിരുന്നു. ചില മാസങ്ങളിൽ ടിക്കറ്റ് എടുത്ത വിവരം പോലും ഞാൻ അവളോട് പറയാറില്ലായിരുന്നു," വിബീഷ് ഓർമ്മിക്കുന്നു. ഈ വലിയ തുക വിബീഷിന്‍റെയും കുടുംബത്തിന്‍റെയും സ്വപ്നങ്ങൾക്ക് ചിറകേകും. പ്രവാസം അവസാനിപ്പിച്ച് നാട്ടിൽ മടങ്ങിയെത്തി സ്ഥിര താമസമാക്കാനാണ് അദ്ദേഹം ആഗ്രഹിക്കുന്നത്. കൂടാതെ, ബെംഗളൂരുവിൽ പഠിക്കുന്ന തന്‍റെ മകൾ വന്ദനയുടെ ഉപരിപഠനത്തിനും ശോഭനമായ ഭാവി ഉറപ്പുവരുത്താനും ഈ സമ്മാനത്തുക ഉപയോഗിക്കുമെന്ന് വിബീഷ് വ്യക്തമാക്കി.

'ലോട്ടറി അടിച്ചവരുടെ ദുരിതം ഭയങ്കരം, അവർക്ക് പേടി': 25 കോടി നെട്ടൂരുകാരിക്കെന്ന് ഏജന്റ്, ഭാഗ്യവതി അജ്ഞാതയായി തുടരും

Nithya G Robinson — Sun, 05 Oct 2025 14:22:16 +0530

എറണാകുളം: 2025ലെ തിരുവോണം ബമ്പർ BR 105 ലോട്ടറിയുടെ ഭാഗ്യശാലി നെട്ടൂര്‍ സ്വദേശിയായ സ്ത്രീ എന്ന് ഏജന്‍റ്. മണിക്കൂറുകൾ നീണ്ട കാത്തിരിപ്പുകൾക്കെല്ലാം ഒടുവിൽ തിരുവോണം ബമ്പർ ഭാഗ്യശാലി 12 മണിക്ക് മാധ്യമങ്ങളെ കാണുമെന്ന് ഏജന്‍റ് ലതീഷ് അറിയിച്ചിരുന്നു. എന്നാല്‍ അവര്‍ക്ക് അതിന് താല്പര്യമില്ലെന്ന വിവരമാണ് പുറത്തുവരുന്നത്. വിജയ് എന്ന് കരുതുന്ന ആൾ മാധ്യമങ്ങൾക്ക് മുന്നിൽ വരില്ലെന്ന് ലതീഷ് തന്നെ മാധ്യമങ്ങളെ അറിയിച്ചിട്ടുണ്ട്. നെട്ടൂർ സ്വദേശിയായ വനിതയ്ക്കാണ് ലോട്ടറി അടിച്ചതെന്നാണ് തന്റെ അനുമാനമെന്നും ലതീഷ് ഉറപ്പിച്ചു പറയുന്നു. TH 577825 എന്ന നമ്പറിനാണ് 25 കോടിയുടെ ഒന്നാം സമ്മാനം അടിച്ചിരിക്കുന്നത്.

“അവര് പേടിച്ചിരിക്കുകയാണ്. പാവങ്ങളാണ്. അവര് പൊതുവേദിയില്‍ പ്രത്യക്ഷപ്പെടുകയോ പെടാതിരിക്കുകയോ എന്തോ ആകട്ടെ. അത്രയെ എനിക്ക് പറയാന്‍ പറ്റൂ. ആ സ്ത്രീയ്ക്ക് തന്നെയാണ് ലോട്ടറി അടിച്ചിരിക്കുന്നത്. അങ്ങനെയാണ് ഞാന്‍ ഉറച്ച് വിശ്വസിക്കുന്നതും. നാളയോ മറ്റന്നാളോ ബാങ്കില്‍ എത്തുമ്പോള്‍ ഒരുപക്ഷേ നിങ്ങള്‍ക്ക് അറിയാനാകും. അടിച്ച ആള്‍ക്കാരുടെ വീട്ടിലെ ദുരിതങ്ങള്‍ ഭയങ്കരമാണ്. അതൊക്കെ ഓരോരുത്തര്‍ പറഞ്ഞത് കേട്ട് അവര്‍ ഭയന്നിരിക്കയാണ്. സാധാരണ സ്ത്രീയാണത്. നെട്ടൂര് തന്നെ അവരുണ്ട്”, എന്നാണ് ലതീഷ് മാധ്യമങ്ങളോട് പറഞ്ഞത്.

ഒറ്റക്ക് താമസിക്കുന്നൊരു സ്ത്രീയാണ് ഭാഗ്യശാലിയെന്ന് തനിക്ക് ഉറപ്പാണെന്നും സ്ഥിരമായി ലോട്ടറി എടുക്കുന്ന ആളല്ല, ബമ്പറായത് കൊണ്ട് സ്പെഷ്യലായി എടുത്തതാണെന്നും നേരത്തെ ലതീഷ് പറഞ്ഞിരുന്നു. 12 മണിയോടെ ഒരുപക്ഷേ മാധ്യമങ്ങള്‍ക്ക് മുന്നിലെത്താമെന്നും ലതീഷ് അറിയിച്ചു.

അതേസമയം, പൂജ ബമ്പര്‍ ലോട്ടറി ടിക്കറ്റുകള്‍ വില്പനയ്ക്ക് എത്തിയിട്ടുണ്ട്. 12 കോടിയാണ് ഒന്നാം സമ്മാനം. 300 രൂപയാണ് ഒരു ടിക്കറ്റിന്‍റെ വില. രണ്ടാം സമ്മാനമായി ഒരു കോടി രൂപ വീതം ഓരോ പരമ്പരയ്ക്കും മൂന്നാം സമ്മാനമായി 5 ലക്ഷം വീതം 10 പേര്‍ക്ക് (ഓരോ പരമ്പരയിലും രണ്ട് വീതം) ലഭിക്കും. നാലാം സമ്മാനമായി മൂന്നു ലക്ഷം വീതം 5 പരമ്പരകള്‍ക്കും അഞ്ചാം സമ്മാനമായി രണ്ടു ലക്ഷം വീതം 5 പരമ്പരകള്‍ക്കും നല്‍കുന്നു.

കൂലിപ്പണിക്കാരൻ, ജന്മനാ ബധിരനും മൂകനും; ഒരുകോടി ലോട്ടറി അടിച്ചതിന് പിന്നാലെ കൈക്കോട്ടുമായി പാടത്തിറങ്ങി കൃഷ്ണൻ കുട്ടി

Nithya G Robinson — Tue, 02 Sep 2025 11:06:36 +0530

ഒരിക്കലെങ്കിലും ഭാഗ്യം പരീക്ഷിച്ച് നോക്കാത്തവർ വളരെ വിരളമാകും. ഏറ്റവും കൂടുതൽ പേരും അത് തിരയുന്നത് വിവിധ ലോട്ടറികളിലൂടെ ആണ് എന്ന കാര്യത്തിൽ തർക്കവുമില്ല. ആദ്യമായി ലോട്ടറി എടുത്തവരും വർഷങ്ങളായി ഭാഗ്യ പരീക്ഷണം നടത്തുന്നവരും ഇക്കൂട്ടത്തിലുണ്ടാകും. നിനച്ചിരിക്കാതെെ ലോട്ടറികളിലൂടെ കോടിപതികളായവരും നിരവധിയാണ്. അത്തരത്തിൽ കേരള സംസ്ഥാന ഭാഗ്യക്കുറി വകുപ്പിന്റെ സമൃദ്ധി ലോട്ടറിയിലൂടെ കോടിപതി ആയിരിക്കുകയാണ് പാലക്കാട് സ്വദേശിയായ കൃഷ്ണൻ കുട്ടി.

പാലക്കാട് മണ്ണാർക്കാട് സ്വദേശിയാണ് കൃഷ്ണൻ കുട്ടി. ജന്മനാ കേൾവിയും സംസാര ശേഷിയും ഇല്ലാത്ത അദ്ദേഹം കൂലിപ്പണിക്കാരനാണ്. വർഷങ്ങളായി മിക്ക ദിവസവും മൂന്നും നാലും ലോട്ടറി ടിക്കറ്റുകൾ എടുക്കുന്ന ആളായിരുന്നു കൃഷ്ണൻ കുട്ടി. പതിവ് പോലെ ഇക്കഴിഞ്ഞ ശനിയാഴ്ചയും അദ്ദേഹം ടിക്കറ്റെടുത്തു. അതും സമൃദ്ധി ലോട്ടറിയുടെ നാല് ടിക്കറ്റുകൾ. മുൻപ് ചെറിയ സമ്മാനങ്ങൾ അടിച്ചിട്ടുണ്ടെങ്കിലും ഒന്നാം സമ്മാനം കൃഷ്ണൻ കുട്ടിയെ തേടി എത്തുന്നത് ഇത് ആദ്യമായാണ്. MV 122462 എന്ന നമ്പറിലൂടെയാണ് കൃഷ്ണന്‍ കുട്ടി ഭാഗ്യശാലി ആയത്.

"കഴിഞ്ഞ ദിവസം ഉച്ച കഴിഞ്ഞാണ് അച്ഛന് ലോട്ടറി അടിച്ച വിവരം അറിയുന്നത്. വളരെ സന്തോഷം ഉണ്ട്. ഞങ്ങൾ സാധാ കൂലിപ്പണിക്കാരാണ്. അച്ഛനും എനിക്കും കൂലിപ്പണി ആണ്. ഈ ഭാഗ്യം വന്നതിൽ ഒരുപാട് സന്തോഷം", എന്നായിരുന്നു അച്ഛന്റെ ഭാഗ്യത്തിൽ മകന്റെ പ്രതികരണം.

ഭാര്യയും മൂന്ന് മക്കളും ചെറുമക്കളും അടങ്ങുന്നതാണ് കൃഷ്ണൻ കുട്ടിയുടെ കുടുംബം. മൂത്ത മകൻ അനീഷിന്റെ വീട് പാലുകാച്ചൽ ചടങ്ങിനിടെ ആയിരുന്നു ഭാഗ്യദേവത അദ്ദേഹത്തെ തേടി എത്തിയത്. ഇത് കൃഷ്ണൻ കുട്ടിയ്ക്ക് ഇരട്ടി മധുരമേകുകയും ചെയ്തു. ലോട്ടറി അടിച്ച സ്ഥിതിയ്ക്ക് ഇനി എന്താണ് പ്ലാൻ എന്ന് ചോദിച്ചതിന്, കൈക്കോട്ടുമായി പറമ്പിലേക്ക് പോയി പണി തുടരുകയാണ് അദ്ദേഹം ചെയ്തത്.

ഒരുകോടിയില്‍ എത്ര കയ്യില്‍ കിട്ടും ?

ഒരുകോടി ലഭിക്കുന്ന ഭാഗ്യശാലിക്ക് ലഭിക്കുന്നത് 63 ലക്ഷം രൂപയാണ്. 30 ശതമാനമാണ് നികുതി. ഇതോടൊപ്പം ലഭിക്കുന്ന സമ്മാന തുക അനുസരിച്ച് സർചാർജും ആദായ നികുതി വകുപ്പ് ഈടാക്കും. 50 ലക്ഷം രൂപ വരെയുള്ളവയ്ക്ക് സർചാർജില്ല. 1 കോടി മുതൽ 2 കോടി വരെ ഉള്ളവയ്ക്ക് 15 ശതമാനമാണ് സർചാർജ്. നികുതിയും സർചാർജും അടങ്ങിയ തുകയ്ക്ക് മുകളിൽ സെസും ഉണ്ടാകും. ഏജന്റിന് 10 ശതമാനം ഏജൻസി കമ്മീഷൻ ലഭിക്കും. ഇവയെല്ലാം കഴിച്ച് ബാക്കിയുള്ളത് 63 ലക്ഷമാണ്.

'25 കോടിയുടെ ഭാഗ്യവാൻ കൊച്ചിയിൽ തന്നെയാകും, ടിക്കറ്റ് വിറ്റത് നെട്ടൂരിൽ'; ഇത്തവണ വിറ്റത് ആയിരം ടിക്കറ്റെന്ന് ലതീഷ്

Sumam Thomas — Sat, 04 Oct 2025 14:49:01 +0530

കൊച്ചി: ഇത്തവണത്തെ ഓണം ബമ്പർ നറുക്കെടുപ്പിൽ ഒന്നാം സമ്മാനമായ 25 കോടി നേടിയ ഭാഗ്യവാൻ കൊച്ചിയിൽ തന്നെയായിരിക്കുമെന്ന സൂചനയുമായി ടിക്കറ്റ് വിറ്റ ഏജന്റ് ലതീഷ് നെട്ടൂർ. കൊച്ചി നെട്ടൂരിലാണ് ടിക്കറ്റ് വിറ്റതെന്നും ഇത്തവണ വിറ്റത് ആയിരം ടിക്കറ്റാണെന്നും ലതീഷ് മാധ്യമങ്ങളോട് പ്രതികരിച്ചു. വൈറ്റിലയിലെ ഭഗവതി ഏജൻസി വിറ്റ ടിക്കറ്റായ ടിഎച്ച് 577825 എന്ന ടിക്കറ്റിനാണ് ഇത്തവണ ഒന്നാം സമ്മാനം. 800 ടിക്കറ്റാണ് ഇവിടെ നിന്ന് ലതീഷ് വാങ്ങിയത്. ആര്‍ക്കാണ് ടിക്കറ്റ് വിറ്റത് ഒരു പിടിയുമില്ലെന്നാണ് ലതീഷിന്‍റെ പ്രതികരണം. ലോട്ടറി കച്ചവടം ആരംഭിച്ചിട്ട് ഒരു വര്‍ഷം മാത്രമേ ആയിട്ടുള്ളൂവെന്നും ലതീഷ് ഏഷ്യാനെറ്റ് ന്യൂസിനോട് പറഞ്ഞു. എന്നാൽ ബമ്പര്‍ ടിക്കറ്റിൽ ഒരെണ്ണം പോലും താൻ എടുത്തില്ലെന്നും രതീഷിന്‍റെ വാക്കുകള്‍. എറണാകുളത്തും പരിസരത്തും ഭാഗ്യശാലി ഉണ്ടെന്ന പ്രതീക്ഷയിലാണ് ഇദ്ദേഹം.

ഒന്നാം സമ്മാനത്തുകയുടെ പത്ത് ശതമാനമാണ് ലഭിക്കുക. രണ്ടരക്കോടി തനിക്ക് ലഭിക്കുമെന്നാണ് കരുതുന്നത്. എത്ര കിട്ടിയാലും ഹാപ്പിയാണെന്നും ലതീഷ്. ഏറ്റവും കൂടുതൽ ലോട്ടറിയെടുക്കുന്നത് മലയാളികളാണ്. പതിനേഴാമത്തെ വയസ്സിലാണ് ലതീഷ് കൊച്ചി നെട്ടൂരിലെത്തുന്നത്. ഇപ്പോള്‍ അമ്പത് വയസുണ്ട് ലതീഷിന്.

ഏറെ നാളത്തെ കാത്തിരിപ്പുകൾക്കെല്ലാം ഒടുവിൽ 2025ലെ ഓണം ബമ്പർ നറുക്കെടുത്തിരിക്കുകയാണ്. BR 105 എന്ന സീരീയൽ നമ്പറാണ് നറുക്കെടുത്തിരിക്കുന്നത്. 25 കോടി രൂപയുടെ ഒന്നാം സമ്മാനം TH 577825 എന്ന നമ്പറിനാണ് ലഭിച്ചിരിക്കുന്നത്. ആരാകും 25 കോടിയുടെ ഭാഗ്യശാലി എന്നറിയാൻ ഇനിയും കാത്തിരിക്കേണ്ടിയിരിക്കുന്നു. മുൻ വർഷങ്ങളെ പോലെ ഭാഗ്യശാലി രംഗത്ത് വരാനും വരാതിരിക്കാനും സാധ്യതയേറെയാണ്.

കോകിലയെ വിടാതെ ഭാഗ്യം; വീണ്ടും ലോട്ടറി അടിച്ചു, 50 രൂപ മുടക്കിയപ്പോൾ കിട്ടിയ തുക പറഞ്ഞ് ബാല

Nithya Robinson — Wed, 09 Jul 2025 21:03:00 +0530

നടൻ ബാലയുടെ ഭാര്യ കോകിലയ്ക്ക് വീണ്ടും ഭാഗ്യം. ഇത്തവണ ഭാഗ്യതാര എന്ന ലോട്ടറിയിലൂടെയാണ് കോകിലയെ ഭാഗ്യം തേടി എത്തിയത്. തിങ്കളാഴ്ചയായിരുന്നു ഭാഗ്യതാര ബിടി 10 എന്ന സീരീസിലെ ലോട്ടറി നറുക്കെടുത്തത്. ഇതിലൂടെ 100 രൂപയാണ് കോകിലയ്ക്ക് ലഭിച്ചത്. അവസാന അക്കങ്ങളായ 1455 എന്നീ നമ്പറിനാണ് സമ്മാനം.

"ഒരുകോടി ഒന്നും അടിച്ചിട്ടില്ല. നമ്മൾ പോസിറ്റീവ് ആയിട്ടല്ലേ ചിന്തിക്കുന്നത്. അതുകൊണ്ടാണ് ഐശ്വര്യം വരുന്നത്. ഇത്തവണ കിട്ടിയത് 100 രൂപയാണ്. അൻപത് കൊടുത്ത് 100 കിട്ടിയാലും ഐശ്വര്യം ഐശ്വര്യം തന്നെയാണ്. കൊടുക്കാനുള്ള മനസുണ്ടെങ്കിൽ ദൈവം നിങ്ങളെ തെരഞ്ഞെടുക്കും. പോസിറ്റീവ് ആയി ചിന്തിക്കൂ. വേറൊരാളുടെ കുടുംബത്തെ ഒരിക്കലും ശല്യം ചെയ്യരുത്", എന്നാണ് സന്തോഷം പങ്കിട്ട് ബാല കുറിച്ചത്.

കഴി‍ഞ്ഞ ശനിയാഴ്ചയാണ് കോകിലയ്ക്ക് ആദ്യമായി ലോട്ടറി അടിക്കുന്നത്. ഈ സന്തോഷവും ബാല സോഷ്യൽ മീഡിയയിലൂടെ പങ്കുവച്ചിരുന്നു. കാരുണ്യയുടെ 25000 രൂപയായിരുന്നു അന്ന് കോകിലയ്ക്ക് അടിച്ചത്. അവസാന അക്കമായ 4935 എന്ന നമ്പറിലൂടെ ആയിരുന്നു ഭാഗ്യം. 'എന്റെ ഭാഗ്യം നമ്മുടെ ഭാഗ്യം', എന്നായിരുന്നു അന്ന് ബാല സോഷ്യൽ മീഡിയയിൽ കുറിച്ചിരുന്നത്. പിന്നാലെ എന്തെങ്കിലും നല്ല കാര്യം ചെയ്യണമെന്ന് കോകിലയ്ക്ക് ഉപദേശവും നൽകിയിരുന്നു.

View this post on Instagram

A post shared by Filmactor Bala (@actorbala)

അതേസമയം, ഇന്ന് നടത്താനിരുന്ന ധനലക്ഷ്മി ലോട്ടറിയുടെ നറുക്കെടുപ്പ് മാറ്റിവച്ചു. ദേശീയ പണി മുടക്കിന്‍റെ പശ്ചാത്തലത്തിലായിരുന്നു ഇത്. ഈ ലോട്ടറിയുടെ നറുക്കെടുപ്പ നാളെ ഒന്നരയ്ക്ക് നടക്കുമെന്ന് ലോട്ടറി ഡയറക്ടര്‍ അറിയിച്ചിട്ടുണ്ട്. ഒപ്പം മൂന്ന് മണിക്ക് കാരുണ്യ പ്ലസ് ലോട്ടറി നറുക്കെടുപ്പും നടക്കും. ഒരു കോടി രൂപയാണ് രണ്ട് ലോട്ടറികളുടെയും ഒന്നാം സമ്മാനം.

ഓണം ബമ്പര്‍ ഭാഗ്യവാനോ ഭാഗ്യവതിയോ? ഉടനറിയാം, 'വീട് പൂട്ടിയിരിക്കുകയാണ്'; 12 മണിക്ക് മാധ്യമങ്ങളെ കണ്ടേക്കുമെന്ന് ഏജന്‍റ് ലതീഷ്

Sumam Thomas — Sun, 05 Oct 2025 11:12:14 +0530

കൊച്ചി: കേരളം കാത്തിരുന്ന ഓണം ബമ്പര്‍ ഭാഗ്യശാലിയെ ഉടനറിയാം. 12 മണിക്ക് ഭാഗ്യശാലി മാധ്യമങ്ങളെ കണ്ടേക്കുമെന്ന് ടിക്കറ്റ് വിറ്റ ഏജന്‍റ് ലതീഷ് വ്യക്തമാക്കി. ബമ്പറടിച്ച ആളെക്കുറിച്ച് ഏകദേശ സൂചന ലഭിച്ചിട്ടുണ്ടെന്നും അവരുടെ വീട് പൂട്ടിയിരിക്കുകയാണെന്നും ലതീഷ് പറഞ്ഞു. ലോട്ടറി അടിച്ചതെന്ന് കരുതുന്നയാളുടെ വീട് പൂട്ടിയിരിക്കുകയാണ്. വീട്ടിൽ ആരുമില്ലെന്നും ലതീഷ് പറഞ്ഞു. ഭാഗ്യശാലി സ്ത്രീയാണ് എന്ന സൂചനയും പുറത്തുവരുന്നുണ്ട്. ഇന്നലെ അവര്‍ ടിക്കറ്റുമായി കടയിൽ വന്നിരുന്നുവെന്നും തിരക്കും ബഹളവും കണ്ട് തിരികെ പോയെന്നുമുള്ള വിവരവും പുറത്തുവരുന്നുണ്ട്. എന്തായാലും നെട്ടൂര്‍ സ്വദേശിയാണ് എന്ന കാര്യം ഉറപ്പായിക്കഴിഞ്ഞു. ടിക്കറ്റ് എടുക്കുന്നയാളല്ലെന്നും ഓണം ബമ്പര്‍ ആയത് കൊണ്ടാണ് ടിക്കറ്റെടുത്തതെന്നും ലതീഷ് പറഞ്ഞു. എന്തായാലും 12 മണി വരെ ക്ഷമിക്കൂ എന്നാണ് ലതീഷിന്‍റെ വാക്കുകള്‍.

TH 577825 എന്ന നമ്പറിനാണ് 25 കോടി രൂപയുടെ ഒന്നാം സമ്മാനം ലഭിച്ചിരിക്കുന്നത് ആറ്റിങ്ങൽ ഭഗവതി ഏജൻസി എറണാകുളം നെട്ടൂരിൽ വിറ്റ ടിക്കറ്റിനാണ് ഒന്നാം സമ്മാനം. ആ ഭാഗ്യ ടിക്കറ്റ് വിറ്റഴിച്ചത് ലതീഷ് എന്ന ഏജന്റാണ്. കഴിഞ്ഞ 30 വർഷമായി ലോട്ടറി കച്ചവടവുമായി മുന്നോട്ട് പോകുന്ന തനിക്ക് ലഭിച്ച മഹഭാഗ്യമാണിതെന്ന് ലതീഷ് പറയുന്നു.

25 കോടി രൂപയിൽ പത്ത് ശതമാനമാണ് ലതീഷിന് ലഭിക്കുക. അതായത് 2.5 കോടി രൂപ. കമ്മീഷനെ കുറിച്ചുള്ള ചോദ്യത്തിന്, "എന്‍റെ അറിവ് ശരിയാണെങ്കില്‍ പത്ത് ശതമാനം കിട്ടും. രണ്ടരക്കോടി രൂപ. എത്ര കിട്ടിയാലും ഞാന്‍ ഹാപ്പി ആണ്. രണ്ടര കോടിയൊക്കെ എനിക്ക് സ്വപ്നം കാണാൻ പറ്റാത്ത കാര്യമാണ്. ഞാനൊരു രാജാവിനെ പോലെ വാഴും. ഇപ്പോഴേ തലകറഞ്ഞുന്നു. 25 കോടി എനിക്കടിച്ചാല്‍ ചിലപ്പോള്‍ ഭ്രാന്തായി പോകും", എന്നാണ് ലതീഷ് രസകരമായി മറുപടി പറഞ്ഞത്. മലയാളികളാണ് തന്റെ കസ്റ്റമറുകളെന്നും ഇടയ്ക്ക് ഹിന്ദിക്കാർ ടിക്കറ്റ് എടുക്കാറുണ്ടെന്നും ലതീഷ് പറയുന്നുണ്ട്.

'ദൈവാനുഗ്രഹം അല്ലാതെ എന്ത്'; പാതിവഴിയിൽ വീടുപണി മുടങ്ങി; ഒടുവിൽ 5 സ്ത്രീകളെ തേടി ഓണം ബമ്പർ എത്തി

Nithya G Robinson — Sun, 05 Oct 2025 07:59:37 +0530

ഭാഗ്യം അങ്ങനെയാണ്, നിനച്ചിരിക്കാതെ വന്നങ്ങ് സർപ്രൈസ് തരും. അത്തരത്തിൽ ലോട്ടറികളിലൂടെ ഭാഗ്യം തേടി എത്തിയ ഒട്ടനവധി പേരുണ്ട്. പ്രത്യേകിച്ച് കേരള ലോട്ടറിയിൽ. അത്തരത്തിലൊരു വലിയ ഭാഗ്യ പരീക്ഷണത്തിന്റെ നറുക്കെടുപ്പ് കഴിഞ്ഞ ദിവസം നടന്നിരുന്നു. കേരള സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പർ BR 105 നറുക്കെടുപ്പാണിത്. 25 കോടി രൂപ ഒന്നാം സമ്മാനം അടിച്ച TH 577825 എന്ന നമ്പർ ടിക്കറ്റ് വിറ്റത് എറണാകുളം നെട്ടൂരിലുള്ള ലതീഷ് എന്ന ഏജന്റ് ആണ്. ആരാകും ആ ഭാഗ്യശാലി എന്നറിയാൻ ഏജന്‍റിനൊപ്പം മലയാളക്കരയും കാത്തിരിക്കുകയാണ്.

തിരുവോണം ബമ്പറിന്റെ 25 കോടിക്കാരൻ കാണാമറയത്താണെങ്കിലും മൂന്നാം സമ്മാനമായ 50 ലക്ഷം രൂപ ലഭിച്ച സന്തോഷത്തിലാണ് കോട്ടയത്തെ അഞ്ച് സ്ത്രീകൾ. പാതിവഴിയിൽ വീട് നിർമ്മാണം മുടങ്ങിയ സ്ത്രീകൾക്ക് ആശ്വാസമായാണ് ബമ്പറിന്റെ മൂന്നാം സമ്മാനം എത്തിയത്. കോട്ടയം പൂഞ്ഞാർ തെക്കേക്കരയിലെ സൂര്യ എന്ന അയൽക്കൂട്ടത്തിലെ അഞ്ച് പേരാണിത്. സാലി സാബു, രമ്യ അനൂപ്, ഉഷ മോഹിനി, ഉഷ സാബു, സൗമ്യ എന്നിവരാണ് ആ ഭാഗ്യശാലികൾ.

"ഞങ്ങൾ അഞ്ച് പേരും കൂടി ടിക്കറ്റെടുക്കാം എന്ന് തീരുമാനിക്കുകയായിരുന്നു. 100 രൂപ വച്ച് പിരിവെടുത്ത് എന്റെ കയ്യിൽ പൈസ തന്നു. പൂഞ്ഞാറിൽ നിന്നു തന്നെയാണ് ടിക്കറ്റെടുത്തത്. നല്ലൊരു ടിക്കറ്റ് തരണമെന്നാണ് കച്ചവടക്കാരനോട് പറഞ്ഞത്. ഒടുവിൽ ഭാഗ്യം തേടി എത്തി", എന്ന് ഉഷ മോഹിനി ഏഷ്യാനെറ്റ് ന്യൂസിനോട് പറഞ്ഞു.

"സന്തോഷം തോന്നുണ്ട്. ദൈവാനുഗ്രഹം ഞങ്ങൾക്കൊപ്പം ഉണ്ട്. എന്റെയും ചേച്ചിയുടെയും(സൗമ്യ) വീട് ആണ് പണി കഴിയാനുള്ളത്. അടുക്കളയുടെ പണി നടക്കുകയാണ്. പൈസ ഇല്ലാതെ വിഷമിച്ചിരിക്കുകയായിരുന്നു. അപ്പോഴാണ് ഈ ഭാഗ്യം ഞങ്ങളുടെ കൈയ്യിൽ വന്നത്. ദൈവാനുഗ്രഹം അല്ലാതെ എന്ത് പറയാനാണ്. ഒരു സമ്മാനവും കിട്ടുമെന്ന് പ്രതീക്ഷിച്ചതല്ല", എന്ന് രമ്യ അനൂപും പറയുന്നു. മറ്റുള്ളവരും നിനച്ചിരിക്കാതെ വന്നുചേർന്ന സൗഭാഗ്യത്തിന്റെ ഞെട്ടലിലും സന്തോഷത്തിലുമാണ്.

17 പേരാണ് സൂര്യ അയൽക്കൂട്ടത്തിലുള്ളത്. സാലി സാബു, രമ്യ അനൂപ്, ഉഷ മോഹിനി, ഉഷ സാബു, സൗമ്യക്കും ലോട്ടറി അടിച്ചത് മറ്റുള്ളവർക്കും ഏറെ സന്തോഷമായെന്ന് ഇവർ പറയുന്നു. അഞ്ച് പേര് വീതം മുൻപും ലോട്ടറി എടുക്കുമായിരുന്നുവെന്നും ഇവർ പറയുന്നുണ്ട്. എന്തായാലും കടങ്ങൾ വീട്ടണമെന്നും വീട് പണി പൂർത്തിയാക്കണമെന്നുമാണ് നിലവിലെ ഇവരുടെ ആഗ്രഹങ്ങൾ. തിരുവോണം ബമ്പറിന്റെ മൂന്നാം സമ്മാനം 50 ലക്ഷം വീതം 20 പേർക്കാണ് ലഭിക്കുക.

ഇത്തവണത്തെ സമ്മർ ബംപർ ഒന്നാം സമ്മാനം 10 കോടി രൂപ പരപ്പനങ്ങാടി സ്വദേശിക്ക്!

Sumam Thomas — Mon, 30 Mar 2026 17:57:31 +0530

മലപ്പുറം: ഇത്തവണത്തെ സമ്മർ ബമ്പർ ലോട്ടറിയടിച്ചത് പരപ്പനങ്ങാടി നെടുവ സ്വദേശി എൻ വി പത്മനാഭന്. 10 കോടി രൂപയുടെ ഒന്നാം സമ്മാനമാണ് പത്മനാഭന് ലഭിച്ചിരിക്കുന്ന ത്. പരപ്പനങ്ങാടി എസ്‌ബിഐയിലെത്തി പത്മനാഭൻ ടിക്കറ്റ് കൈമാറി. ഇന്നലെ രാവിലെയാണ് താനെടുത്ത ടിക്കറ്റിന് സമ്മാനമുണ്ടെന്ന് അറിഞ്ഞതെന്ന് പത്മനാഭൻ ഏഷ്യാനെറ്റ് ന്യൂസിനോട് പറഞ്ഞു. കഴിഞ്ഞ 26 ന് കോയമ്പത്തൂര്‍ പോയി തിരികെ വരുന്നവഴി പാലക്കാട് ഇറങ്ങി. ഹോട്ടലിൽ കയറി ഭക്ഷണം കഴിച്ചിറങ്ങുന്നതിനിടെ തൊട്ടടുത്തൊരു കട കണ്ടു. അവിടെ നിന്നാണ് ടിക്കറ്റ് എടുത്തതെന്നും ഇന്നലെ രാവിലെയാണ് സമ്മാനമുണ്ടെന്ന് അറിഞ്ഞതെന്നും പത്മനാഭന്‍റെ വാക്കുകള്‍.

41,73,410 ടിക്കറ്റുകളാണ് ഇത്തവണ വിറ്റുപോയത്. ആകെ അച്ചടിച്ചത് 42 ലക്ഷം ടിക്കറ്റുകളായിരുന്നു. സമ്മര്‍ ബമ്പറിന്‍റെ ടിക്കറ്റ് വിൽപ്പനയിൽ റെക്കോര്‍ഡാണിത്. കഴിഞ്ഞ വര്‍ഷം 36 ലക്ഷം ടിക്കറ്റുകളാണ് അച്ചടിച്ചിരുന്നത്. എന്നാൽ, ഇത്തവണ കൂടുതൽ ടിക്കറ്റുകള്‍ അച്ചടിക്കുകയായിരുന്നു. ഒരു കോടിയാണ് രണ്ടാം സമ്മാനം. ഒന്നാം സമ്മാനത്തിന് പുറമെ ഒരു ലക്ഷം രൂപയുടെ അഞ്ച് സമാശ്വാസ സമ്മാനങ്ങളും ഉണ്ടാകും.

10 കോടിയിൽ എത്ര?

പത്ത് കോടിയിൽ 7,01,87,500 കോടി രൂപയാകും വിജയിക്ക് ലഭിക്കുക. നികുതി കഴിഞ്ഞുള്ള തുകയാണിത്. എന്നാൽ ഈ തുകയും ഭാഗ്യശാലിക്ക് സ്വന്തമാകില്ല. കേന്ദ്ര സർക്കാരിന്റെ ആദായനികുതി സർ ചാർജ്, ഹെൽത്ത് ആൻഡ് എജ്യുക്കേഷൻ സെസ് തുടങ്ങിയവ കഴിഞ്ഞുള്ള 6 കോടി 30 ലക്ഷം രൂപയാകും ഭാഗ്യശാലിക്ക് ലഭിക്കുക.

ലോട്ടറി ടിക്കറ്റ് ക്യുആര്‍ കോഡ് സ്‌കാന്‍ ചെയ്തപ്പോൾ 5000 സമ്മാനം, ട്രഷറിയിലെത്തിയപ്പോൾ ട്വിസ്റ്റ്! കയ്യിലുള്ളത് കളര്‍ ഫോട്ടോസ്റ്റാറ്റ്, തട്ടിപ്പുകാരൻ പിടിയിൽ

Athira PN — Mon, 06 Oct 2025 11:20:17 +0530

തൃശൂര്‍: സമ്മാനാര്‍ഹമായ ലോട്ടറി ടിക്കറ്റിന്റെ കളര്‍ പ്രിന്റ് തയ്യാറാക്കി കോപ്പി നല്‍കി പണം തട്ടിയെടുത്ത കേസില്‍ പ്രതി അറസ്റ്റില്‍. കടങ്ങോട് ഇയ്യാല്‍ മനക്കുന്നത്തു പ്രജിഷി (40) നെ യാണ് പോലീസ് അറസ്റ്റ് ചെയ്തത്. വടക്കാഞ്ചേരി മാരിയമ്മന്‍ കോവിലിന് സമീപത്തുള്ള ആരോണ്‍ ലോട്ടറി കടയിലാണ് കഴിഞ്ഞ മാസം 21ന് തട്ടിപ്പ് നടന്നത്. കട നടത്തുന്ന ലിജിയാണ് തട്ടിപ്പിന് ഇരയായത്.

ക്യു. ആര്‍. കോഡ് ഉപയോഗിച്ച് സ്‌കാന്‍ ചെയ്ത് നടത്തിയ പരിശോധനയില്‍ ടിക്കറ്റിന് 5000 രൂപ സമ്മാനം അടിച്ചതായി കാണിച്ചതോടെ ലിജി പണം നല്‍കി. പിന്നീട് ട്രഷറിയില്‍ ടിക്കറ്റ് നല്‍കിയപ്പോഴാണ് യഥാര്‍ത്ഥ ടിക്കറ്റല്ല കളര്‍ ഫോട്ടോസ്റ്റാറ്റ് കോപ്പിയാണെന്ന് മനസിലായത്. തുടര്‍ന്ന് പോലീസില്‍ പരാതി നല്‍കുകയായിരുന്നു. സ്ഥാപനത്തിലെ നിരീക്ഷണ കാമറയില്‍നിന്ന് തട്ടിപ്പുകാരന്റെ സി.സി.ടിവി ദൃശ്യങ്ങളും കൈമാറ്റം ചെയ്ത ലോട്ടറി ഫോട്ടോസ്റ്റാറ്റും പോലീസിന് കൈമാറി. ഇതെ തുടര്‍ന്നുള്ള അന്വേഷണത്തിലാണ് പ്രതി അറസ്റ്റിലായത്. ഓട്ടോറിക്ഷ ഡ്രൈവറായ ഇയാള്‍ ഇതിനു മുന്‍പും വിവിധ സ്ഥലങ്ങളില്‍ തട്ടിപ്പ് നടത്തിയതായി പറയുന്നു.

ഏഷ്യാനെറ്റ് ന്യൂസ് ലൈവ്

സമ്മാനത്തുക 5 കോടി മുതൽ 25 കോടി വരെ; ഇതാ ഓണം ബമ്പർ കോടീശ്വരന്മാരാക്കിയ 11 മഹാഭാഗ്യവാന്മാർ

Nithya G Robinson — Sat, 04 Oct 2025 15:40:07 +0530

'നാളെയാണ്..നാളെയാണ്..നാളെയാണ്..ആ സുദിനം..' ആൾക്കൂട്ടങ്ങൾക്കിടയിൽ ബസ് സ്റ്റാന്റുകളിൽ റോഡ് വക്കുകളിലെല്ലാം മുഴങ്ങി കേൾക്കുന്ന വാക്കുകളാണിത്. ഇത് കേൾക്കുമ്പോൾ ഓരോ മനുഷ്യന്റെ മനസിലൊരു പ്രതീക്ഷയാണ്. ഇന്നല്ലെങ്കിൽ നാളെ നമുക്കുമൊരു ഭാഗ്യം ഉണ്ടാകുമെന്ന പ്രതീക്ഷ. ആ നല്ല നാളയിലേക്കുള്ള പ്രതീക്ഷയിൽ ലോട്ടറി ടിക്കറ്റുകൾ എടുത്തവർ ധാരാളമാണ്. ചിലർക്ക് ഭാഗ്യം വന്നപ്പോൾ മറ്റു ചിലർക്ക് നിർഭാഗ്യവും. എന്നാലും ഭാഗ്യാന്വേഷികൾ ലോട്ടറികൾ എടുത്തു കൊണ്ടേയിരുന്നു. അത്തരത്തിൽ പ്രതീക്ഷയോടെ തിരുവോണം ബമ്പർ ഭാഗ്യക്കുറി ടിക്കറ്റുകൾ എടുത്ത് നിനച്ചിരിക്കാതെ കോടിപതികളായ നിരവധി പേരുണ്ട്. 2025ലെ ഓണം ബമ്പർ നറുക്കെടുപ്പ് നടന്നിരിക്കെ, മുൻകാലങ്ങളിലെ ആ കോടിപതികളെ ഒന്ന് പരിചയപ്പെടാം.

പാലക്കാട് സ്വദേശി മുരളീധരൻ- വർഷം 2013

2013ൽ പാലക്കാട് സ്വദേശിയായ മുരളീധരനെ തേടി ആയിരുന്നു ഓണം ബമ്പറെത്തിയത്. അന്ന് 5 കോടി രൂപയായിരുന്നു ബമ്പറിന്റെ ഒന്നാം സമ്മാനം. ടിക്കറ്റ് വില 100 രൂപയും. ഓണം ബമ്പർ അടിക്കുന്നതിന് മുൻപ് മുരളീധരന് കാരുണ്യ ഭാഗ്യക്കുറിയുടെ 25000 രൂപ അടിച്ചിരുന്നു. ഈ തുക കൊണ്ട് അദ്ദേഹം 150 ബമ്പർ ടിക്കറ്റുകളാണ് എടുത്തതെന്ന് മുരളീധരൻ മുൻപ് ഏഷ്യാനെറ്റ് ന്യൂസ് ഓൺലൈനിനോട് പറഞ്ഞിരുന്നു. 5 കോടി രൂപയിൽ 3 കോടി 12 ലക്ഷം രൂപയാണ് മുരളീധരന് ലഭിച്ചത്. നിലവിൽ ഒരു ജ്വല്ലറി നടത്തുന്ന ഇദ്ദേഹം, പമ്പാ ഗണപതി എന്ന പേരിലൊരു ലോട്ടറി ഏജൻസിയും നടത്തിയിരുന്നു.

അയ്യപ്പന്‍ പിള്ള- വർഷം 2015

2015ൽ ആയിരുന്നു തിരുവനന്തപുരം കീഴാറ്റിങ്ങൽ സ്വദേശി അയ്യപ്പൻ പിള്ളയെ ഓണം ബമ്പർ തുണച്ചത്. അന്ന് 7 കോടി രൂപയായിരുന്നു ഒന്നാം സമ്മാനം. നികുതികളെല്ലാം കഴിച്ച് 4 കോടി 40 ലക്ഷം രൂപ അയ്യപ്പൻ പിള്ളയ്ക്ക് അന്ന് കിട്ടിയിരുന്നു. തന്റെ നാല് മക്കൾക്കും ഓരോ വീടുകൾ വച്ചുനൽകിയ അയ്യപ്പൻ പിള്ള, ബാക്കി തുക വിവിധ സംഘടനകളിൽ നിക്ഷേപിച്ചു.

ഗണേശൻ- വർഷം 2016

2013ന് ശേഷം 2026ൽ വീണ്ടുമൊരു പാലക്കാട് സ്വദേശിയെ ഓണം ബമ്പർ തേടി എത്തി. പാലക്കാട് നെന്മാറ സ്വദേശിയായ ഗണേശൻ ആയിരുന്നു ആ ഭാഗ്യവാൻ. TC 788368 എന്ന നമ്പറിന് എട്ട് കോടി രൂപയായിരുന്നു ഗണേശന് അടിച്ചത്. തൃശൂരിൽ വർക്ക് ഷോപ്പ് ജീവനക്കാരനായിരുന്നു ഇദ്ദേഹം.

മുസ്തഫ- വർഷം 2017

മലപ്പുറം പരപ്പനങ്ങാടി സ്വദേശിയായ മുസ്തഫയെ ഭാഗ്യം തുണച്ച് 2017ലാണ്. AJ 442876 എന്ന നമ്പറിലൂടെ ആയിരുന്നു ഭാഗ്യം. 10 കോടി രൂപയായിരുന്നു ഒന്നാം സമ്മാനം. ഇതിൽ നികുതി കഴിച്ച് 6.30 കോടി രൂപ മുസ്തഫയ്ക്ക് കിട്ടി. എന്നാൽ ലോട്ടറി അടിത്ത് അഞ്ച് വർഷത്തിനിപ്പുറം മുസ്തഫയുടെ കയ്യിൽ ഒന്നുമുണ്ടായില്ല. ഒപ്പം വീട്ടുകാരും. മുസ്തഫയുടെ ഈ ജീവിതം ഏഷ്യാനെറ്റ് ന്യൂസ് റിപ്പോർട്ട് ചെയ്തിരുന്നു. ഭാര്യയും മക്കളും ഉപേക്ഷിച്ച് പോയ ഇദ്ദേഹത്തിന്റെ കയ്യിൽ ബാക്കി അവശേഷിച്ചത് 50 ലക്ഷം രൂപയായിരുന്നു. മ്യൂച്യൽ ഫണ്ടിൽ നിഷേപിച്ചത് കൊണ്ടുമാത്രം അവശേഷിച്ച് തുകയാണിത്.

വത്സല വിജയൻ- വർഷം 2018

ഓണം ബമ്പർ ഭാഗ്യക്കുറിയിലൂടെ ലോട്ടറി അടിച്ച ഏക വനിതയാണ് വത്സല(മുൻപ് ഉണ്ടായിട്ടുണ്ടോ എന്ന കാര്യത്തിൽ വ്യക്തതയില്ല). തൃശൂർ ചിറ്റിലപ്പള്ളി സ്വദേശിയായ ഇവരെ ഭാഗ്യം തേടി എത്തിയത് TB 128092 എന്ന ടിക്കറ്റ് നമ്പറിലൂടെയാണ്. 250 രൂപയായിരുന്നു ടിക്കറ്റ് വില. 10 കോടി രൂപ ഒന്നാം സമ്മനവും. 5 കോടി 30 ലക്ഷം രൂപയായിരുന്നു വത്സലയ്ക്ക് ലഭിച്ചത്. മൂന്ന് മക്കൾക്ക് സമ്മാനത്തുക ഭാഗം വച്ച വത്സല, ബാക്കി തുകയിൽ സ്വന്തമായൊരു വീട് വച്ചു.

ആറ് സുഹൃത്തുക്കളെ തേടിയെത്തിയ ഭാഗ്യം- 2019

ആറ് സുഹൃത്തുക്കളെ തേടിയായിരുന്നു 2019ൽ ഓണം ബമ്പർ എത്തിയത്. റോണി, സുബിൻ തോമസ്, വിവേക്, റംജിൻ, രാജീവൻ, രതീഷ് എന്നിവരാണ് ഭാഗ്യവാന്മാർ. ഇവർ കരുനാഗപ്പള്ളി ചുങ്കത്ത് ജ്വല്ലറിയിലെ ജീവനക്കാരായിരുന്നു. ഇതിൽ രാജീവൻ ഏതാനും വർഷങ്ങൾക്ക് മുൻപ് ഹൃദയാഘാതം മൂലം മരിച്ചിരുന്നു. TM 160869 എന്ന നമ്പറിലൂടെ ആയിരുന്നു ഇവരെ ഭാഗ്യം തേടി എത്തിയത്. ഒരാൾക്ക് 1.26 കോടി രൂപ വച്ച് സമ്മാനത്തുക കിട്ടി. അത്യാവശ്യത്തിന് മാത്രം തുക ചെലവാക്കിയ ഇവർ, ബാക്കി പണം എല്ലാവരും ബാങ്കിൽ നിക്ഷേപിച്ചു.

അനന്തു- 2020

2020ൽ TB 173964 എന്ന നമ്പറിലൂടെ ഭാഗ്യം തേടി എത്തിയത് അനന്തുവിനെ ആയിരുന്നു. ഇടുക്കി കട്ടപ്പന സ്വദേശിയാണ് അനന്തു. 12 കോടി രൂപയായിരുന്നു ഒന്നാം സമ്മാനം. അന്ന് അനന്തുവിന്റെ പെയിന്റിംഗ് തൊഴിലാളിയായ അച്ഛൻ ഓണം ബമ്പർ എടുത്തിരുന്നു. പക്ഷേ അച്ഛന് ഭാഗ്യം നഷ്ടമായി. എങ്കിലും മകനെ ഭാഗ്യദേവത കൈവിട്ടില്ല.

ജയപാലൻ- വർഷം 2021

തൃപ്പുണ്ണിത്തുറ മരട് സ്വദേശിയായ ജയപാലൻ ആയിരുന്നു 2021ലെ ഭാഗ്യശാലി. വർഷങ്ങളായി ഓട്ടോ ഓടിക്കുന്ന ജയപാലൻ സ്ഥിരമായി ലോട്ടറി എടുക്കാറുണ്ടായിരുന്നു. ഒടുവിൽ അദ്ദേഹത്തെ തേടി ഭാഗ്യം എത്തി. 12 കോടി രൂപയായിരുന്നു ഒന്നാം സമ്മാനം. ഇതിൽ 7 കോടി നാലര ലക്ഷം രൂപ ജയപാലന് ലഭിച്ചു. മക്കൾക്ക് വേണ്ടി സ്ഥലം വാങ്ങി വീടുവച്ച അദ്ദേഹം, ബാക്കിത്തുക ബാങ്കിൽ നിക്ഷേപിച്ചിട്ടുണ്ട്. ഇതിന്റെ പലിശ മ്യൂച്വൽ ഫണ്ടിലേക്കും മാറ്റി. കോടീശ്വരനാണെങ്കിലും ജയപാലൻ ഇന്നും ഓട്ടോ ഓടിച്ച് കുടുംബം നോക്കുകയാണ്.

അനൂപ്- വർഷം 2022

2022ലായിരുന്നു ഓണം ബമ്പറിന്റെ സമ്മാനത്തുക ആദ്യമായി 25 കോടിയിലെത്തിയത്. അന്ന് ഭാഗ്യം തേടി എത്തിയത് തിരുവനന്തപുരം സ്വദേശി അനൂപിനെ ആയിരുന്നു. നറുക്കെടുപ്പ് നടന്ന് മണിക്കൂറുകൾക്കകയും പൊതുവേദിയിൽ എത്തിയ അനൂപിന്റെ ആ സമയം വളരെ മോശമായിരുന്നു. സമാധാനം നഷ്ടമായി. കടം ചോദിച്ച് വരുന്നവരുടെ ശല്യം ധാരാളമായതോടെ അനൂപിന് വീട്ടിൽ പോലും കയറാനായിരുന്നില്ല. അനൂപിന്റെ അവസ്ഥ ബിബി വരെ വാർത്തയാക്കി. നിലവിൽ രണ്ട് ഹോട്ടലുകൾ നടത്തുകയാണ് അനൂപ്. ഒപ്പം ലോട്ടറി ഏജൻസിയും തുടങ്ങിയിട്ടുണ്ട്. ഒന്ന്, രണ്ട് വീടും കുറച്ചു സ്ഥലും അനൂപ് വാങ്ങി. ബാക്കിതുക ഫിക്സഡ് ആയി ബാങ്കിൽ നിക്ഷേപിച്ചു.

നാല് സുഹൃത്തുക്കളുടെ ഭാഗ്യം- 2023

തമിഴ്നാട് സ്വദേശികളായ നാല് സുഹൃത്തുക്കൾ ആയിരുന്നു 2023ലോ ഭാഗ്യവാന്മാർ. പാണ്ഡ്യരാജ്, കുപ്പുസ്വാമി, രാമസ്വാമി, നടരാജ് എന്നിവരാണ് കോടിപതികൾ. അസുഖ ബാധിതനായ സുഹൃത്തിനെ കാണാൻ വന്നപ്പോൾ വാളയാറിൽ നിന്നുമായിരുന്നു ടിക്കറ്റെടുത്തത്. നാൽവർസംഘം ടിക്കറ്റുമായി ഭാഗ്യക്കുറി ഓഫീസിൽ നേരിട്ട് എത്തി തുക കൈപ്പറ്റി. എന്നാൽ ഫോട്ടോയൊന്നും എടുക്കരുതെന്ന് ആദ്യമെ തന്നെ ഇവർ ആവശ്യപ്പെട്ടിരുന്നു.

അൽത്താഫ് - 2024

2024ലെ തിരുവോണം ബമ്പർ നറുക്കെടുപ്പിൽ ഭാഗ്യവാനായത് കര്‍ണാടക പാണ്ഡ്യപുര സ്വദേശി അൽത്താഫ് ആണ്. TG 434222 എന്ന നമ്പറിലൂടെ 25 കോടി രൂപയായിരുന്നു അദ്ദേഹത്തിന് ലഭിച്ചത്. നറുക്കെടുപ്പ് കഴിഞ്ഞ് ഇരുപത്തി നാല് മണിക്കൂറിനുള്ളിൽ ഭാഗ്യവാനെ ഏഷ്യാനെറ്റ് ന്യൂസ് വഴി കേരളക്കര കണ്ടിരുന്നു. 15 വർഷമായി ലോട്ടറി എടുക്കുന്ന അൽത്താഫ്, വയനാട്ടിലെ ബന്ധുവീട്ടിൽ എത്തിയപ്പോഴായിരുന്നു ഭാഗ്യ ടിക്കറ്റ് എടുത്തത്. മകളുടെ വിവാഹവും പുതിയ വീടും ആയിരുന്നു അൽത്താഫിന്റെ ആഗ്രഹം. 25 കോടിയിൽ നികുതിയെല്ലാം കഴിഞ്ഞ് 12.8 കോടി രൂപയാണ് അൽത്താഫിന് ലഭിച്ചത്.

വിവാഹ സദ്യ കഴിച്ച് മടങ്ങിയവർക്ക് കോടിപതിയാകാൻ അവസരം! വൈറലായി ഒരു വിവാഹം

Web Desk — Thu, 30 Apr 2026 12:59:50 +0530

തിരുവനന്തപുരം: വിവാഹം കൂടി സദ്യയും കഴിഞ്ഞ് മടങ്ങുമ്പോൾ സമ്മാനമായി ഒരു കോടി രൂപ കൂടി ലഭിച്ചാൽ എങ്ങനുണ്ടാവും.? ഇത്തരത്തിൽ വിവാഹത്തിനെത്തിയ അതിഥികൾക്ക് കോടിപതിയാകാനുള്ള അവസരം ഒരുക്കിയത് നഗരത്തിലെ പ്രമുഖ ബിൽഡറായ എം.എസ് രാജീവ് ആണ്. ഇന്നലെ നാലാഞ്ചിറ ഗിരിദീപം കൺവെൻഷൻ സെന്ററിൽ നടന്ന വിവാഹസത്കാരത്തിൽ പങ്കെടുത്ത അതിഥികൾക്കായിരുന്നു അപ്രതീക്ഷിത സമ്മാനം ലഭിച്ചത്. ഹെതർ ഹോംസ് ഉടമയായ എസ്.എം. രാജീവിൻ്റെയും സചിത്രയുടെയും മകൾ സമൃദ്ധിനിയുടെ വിവാഹത്തിലായിരുന്നു സമ്മാനം.

സദ്യക്കൊടുവിൽ സമ്മാനിച്ച ചെറിയ വെള്ളക്കവറിൽ ഇന്ന് നറുക്കെടുക്കുന്ന ഒരു കോടി രൂപ ഒന്നാം സമ്മാനമുള്ള കാരുണ്യ പ്ലസ് ലോട്ടറിയുടെ രണ്ട് ടിക്കറ്റുകളായിരുന്നു നൽകിയത്. വിവാഹച്ചടങ്ങിൽ നൽകാൻ ആറായിരത്തോളം ലോട്ടറി ടിക്കറ്റുകളാണ് രാജീവ് വാങ്ങിയത്. പാവപ്പെട്ടവരുടെ ചികിത്സാ സഹായത്തിനായി തുടങ്ങിയ കാരുണ്യ ലോട്ടറിയുടെ ഉദ്ദേശ്യവും സമ്മാനമായി ഇതുനൽകുന്നതിന് പ്രേരകമായെന്ന് രാജീവ് പറയുന്നു. മുൻപ്, തന്റെ ഗൃഹപ്രവേശനച്ചടങ്ങിൽ പങ്കെടുത്തവർക്ക് ലോട്ടറി ടിക്കറ്റ് സമ്മാനിച്ചിരുന്നെന്ന് രാജീവ് മാധ്യമങ്ങളോട് പറഞ്ഞു. അന്ന് 50,000 രൂപ പലർക്കായി സമ്മാനം ലഭിച്ചിട്ടുണ്ടെന്നും അദ്ദേഹം പറഞ്ഞു.

ലോട്ടറി എടുക്കുന്നവരിലൂടെ ലഭിക്കുന്ന തുക കൊണ്ട് ആശ്വാസം ആവശ്യമുള്ള രോഗികൾക്ക് കൈത്താങ്ങാകുകയെന്നതാണ് കാരുണ്യ പ്ലസ് ലോട്ടറിയുടെ പിന്നിലെ പ്രധാന ഉദ്ദേശ്യം. വ്യാഴാഴ്ചകളിൽ ഉച്ചയ്ക്ക് മൂന്ന് മണിക്കാണ് നറുക്കെടുപ്പ് നടക്കുക. ഒന്നാം സമ്മാനം ഒരു കോടി രൂപയാണ്. രണ്ടാം സമ്മാനം 30 ലക്ഷം രൂപയും മൂന്നാം സമ്മാനം അഞ്ച് ലക്ഷം രൂപയുമാണ് ലഭിക്കുക. 50 രൂപയാണ് ഭാഗ്യക്കുറിയുടെ വില.

ബുധനാഴ്ച ഭാഗ്യം ആർക്കൊപ്പം? അറിയാം ധനലക്ഷ്മി DL 24 ലോട്ടറി ഫലം

Nithya G Robinson — Wed, 29 Oct 2025 15:21:29 +0530

തിരുവനന്തപുരം: കേരള സംസ്ഥാന ഭാഗ്യക്കുറി വകുപ്പിന്റെ ധനലക്ഷ്മി DL 24ലോട്ടറി ഫലം പ്രഖ്യാപിച്ചു. ഉച്ച തിരിഞ്ഞു മൂന്ന് മണിക്കാണ് നറുക്കെടുപ്പ് നടന്നത്. ഒരു കോടി രൂപയാണ് ധനലക്ഷ്മി ലോട്ടറിയുടെ ഒന്നാം സമ്മാനം. 30ലക്ഷം ആണ് രണ്ടാം സമ്മാനം. മൂന്നാം സമ്മാനമായി അഞ്ചു ലക്ഷം രൂപയും ഭാഗ്യശാലികൾക്ക് ലഭിക്കും.

സമ്മാന അർഹമായ ടിക്കറ്റ് നമ്പറുകൾ

ഒന്നാം സമ്മാനം - ഒരു കോടി രൂപ

DS 806613

സമാശ്വാസ സമ്മാനം -5000 രൂപ

DN 806613

DO 806613

DP 806613

DR 806613

DT 806613

DU 806613

DV 806613

DW 806613

DX 806613

DY 806613

DZ 806613

രണ്ടാം സമ്മാനം - 30 ലക്ഷം രൂപ

DZ 425509

മൂന്നാം സമ്മാനം - 5 ലക്ഷം രൂപ

DT 209564

നാലാം സമ്മാനം - 5,000 രൂപ

2306 2631 2681 2698 3123 3290 3852 4207 4568 4894 5276 6384 7169 7842 8667 8979 9184 9259 9926

അഞ്ചാം സമ്മാനം - 2,000 രൂപ

ആറാം സമ്മാനം - 1,000 രൂപ

ഏഴാം സമ്മാനം - 500 രൂപ

ഏട്ടാം സമ്മാനം - 200 രൂപ

ഒൻപതാം സമ്മാനം - 100 രൂപ

'മേടിച്ച മണി മാളികേം നൂറേക്കർ തോട്ടോം..ഇന്നൊഴിയണം'; ബമ്പർ കൈവിട്ട നിരാശയിൽ മീനാക്ഷിയും, കമന്റ് പൂരം

Nithya G Robinson — Sun, 05 Oct 2025 08:44:33 +0530

കഴിഞ്ഞ ഏതാനും മണിക്കൂറുകളായി കേരളക്കരയിലെ സംസാര വിഷയം തിരുവോണം ബമ്പറിനെ കുറിച്ചാണ്. ആരാകും 25 കോടി അടിച്ച ഭാഗ്യവാനെന്ന കാത്തിരിപ്പിനൊപ്പം തന്നെ ബമ്പർ അടിക്കാത്ത നിരാശയും പലരും പങ്കുവയ്ക്കുന്നുണ്ട്. ഇക്കൂട്ടത്തിൽ മലയാളികളുടെ പ്രിയ താരം മീനാക്ഷി അനൂപും ഉണ്ട്. പതിവ് പോലെ രസകരമായൊരു ക്യാപ്ഷനൊപ്പം തന്നെയാണ് ബമ്പർ ലഭിക്കാത്ത നിരാശ മീനാക്ഷി പങ്കുവച്ചിരിക്കുന്നത്.

"ബമ്പറിൽ '.. 'നമ്പറില്ല'..നമ്പറു..കൊറെയെറക്കാനിരുന്നതാ..", എന്നായിരുന്നു മീനാക്ഷിയുടെ സോഷ്യൽ മീഡിയ ക്യാപ്ഷൻ. ഒരു കയ്യിൽ ഓണം ബമ്പർ ടിക്കറ്റുവച്ച് താടിയിൽ മറ്റേ കയ്യും കൊടുത്തിരിക്കുന്ന ഫോട്ടോയും മീനാക്ഷി ഷെയർ ചെയ്തിട്ടുണ്ട്. പോസ്റ്റ് വന്നതിന് പിന്നാലെ പതിവ് പോലെ കമന്റുകൾ കൊണ്ട് പോസ്റ്റ് നിറഞ്ഞു. രസകരമായ മറുപടിയുമായി മീനാക്ഷിയും.

'സ്വപ്നത്തി മേടിച്ച മണി മാളികേം നൂറേക്കർ തോട്ടോം..ഇന്നൊഴിയണം' എന്നായിരുന്നു ഒരു കമന്റിന് മീനാക്ഷി നൽകിയ രസകരമായ മറുപടി. "ഇത്തവണയും കിട്ടിയില്ല തിങ്കളാഴ്ച മുതൽ പണിക്കു പോണം, വിഷമിക്കേണ്ട അടുത്ത ബമ്പർ എടുത്താൽ മതി, നിന്റെ ഒരു നമ്പറും കേരള ലോട്ടറി വകുപ്പിനോട് നടക്കില്ല മോളെ, ബമ്പറിൽ നമ്പർ ഇല്ലെങ്കിലെന്താ, ബമ്പറിൽ കമ്പമുണ്ടല്ലോ", എന്നിങ്ങനെ പോകുന്നു കമന്റുകൾ. സാരമില്ല, പൂജാ ബമ്പറെടുക്കാം എന്ന് പറഞ്ഞ് മീനാക്ഷിയെ ആശ്വസിപ്പിക്കുന്നവരും നിരവധിയാണ്.

അതേസമം, നറുക്കെടുപ്പ് കഴിഞ്ഞ് മണിക്കൂറുകൾ പിന്നിട്ടിട്ടും ഓണം ബമ്പർ 25 കോടിയുടെ ഭാഗ്യശാലി ഇതുവരെയും രംഗത്ത് എത്തിയിട്ടില്ല. എറണാകുളം നെട്ടൂരിലെ ലതീഷ് എന്ന ഏജന്റിൽ നിന്നുമാണ് TH 577825 എന്ന ഭാഗ്യ ടിക്കറ്റ് വിറ്റു പോയിരിക്കുന്നത്. ആ ഭാഗ്യവാൻ നെട്ടൂരിൽ തന്നെയാകാം എന്നാണ് ലതീഷ് പറയുന്നത്. എന്തായാലും ആ ഭാഗ്യശാലി പൊതുവേദിയിൽ വരുമോ ഇല്ലയോ എന്നത് കാത്തിരുന്ന് അറിയാം.

സുഹൃത്ത് കടമായി നൽകിയ 500 രൂപ ജീവിതം മാറ്റിമറിച്ചു; പച്ചക്കറി കച്ചവടക്കാരൻ കോടീശ്വരനായി; 11 കോടിയുടെ പഞ്ചാബ് ദീപാവലി ബംപർ ജേതാവ് രാജസ്ഥാൻ സ്വദേശി

Kiran Gangadharan — Wed, 05 Nov 2025 08:07:02 +0530

ചണ്ഡീഗഡ്: സുഹൃത്തിൽ നിന്ന് കടം വാങ്ങിയ പണം കൊണ്ട് വാങ്ങിയ ലോട്ടറിക്ക് 11 കോടി രൂപ ഒന്നാം സമ്മാനം അടിച്ചു. പഞ്ചാബ് സംസ്ഥാന സർക്കാരിൻ്റെ ദീപാവലി ലോട്ടറി 2025 ജേതാവിൻ്റെ ജീവിതമാണ് ഒറ്റയടിക്ക് മാറിമറിഞ്ഞത്. പച്ചക്കറി കച്ചവടക്കാരനായ രാജസ്ഥാൻ സ്വദേശി അമിത് സെഹ്‌റയ്ക്കാണ് ലോട്ടറി അടിച്ചത്. സുഹൃത്തിൽ നിന്നും കടം വാങ്ങിയ 500 രൂപ ഉപയോഗിച്ചാണ് പഞ്ചാബിലെ ബത്തിണ്ടയിൽ വച്ച് ഇദ്ദേഹം ദീപാവലി ബംപർ ലോട്ടറി ടിക്കറ്റ് എടുത്തത്.

ലോട്ടറി നടപടിക്രമങ്ങൾ പൂർത്തിയാക്കാൻ ഛണ്ഡീഗഡിലേക്ക് പോകാനുള്ള സാമ്പത്തിക ശേഷി പോലും തനിക്കില്ലെന്നാണ് ഇദ്ദേഹം വാർത്ത അറിഞ്ഞയുടൻ പ്രതികരിച്ചത്. ജയ്‌പൂറിലെ കോട്‌പുട്‌ലി സ്വദേശിയാണ് ഇദ്ദേഹം. ഉന്തുവണ്ടിയിൽ പച്ചക്കറി വിൽക്കലാണ് ജോലി.

ലോട്ടറി പണം ഉപയോഗിച്ച് മക്കൾക്ക് മെച്ചപ്പെട്ട വിദ്യാഭ്യാസം നൽകണമെന്നാണ് ആഗ്രഹമെന്ന് ഇദ്ദേഹം പറഞ്ഞു. ലോട്ടറി പണം നൽകാൻ പണം കടം തന്ന സുഹൃത്തിന് ഒരു കോടി രൂപ നൽകുമെന്നും അദ്ദേഹം വ്യക്തമാക്കി. അഞ്ച് ദിവസം മുൻപാണ് പഞ്ചാബ് സ്റ്റേറ്റ് ലോട്ടറി ദീപാവലി ലോട്ടറി ഫലം 2025 പുറത്തുവന്നത്.

'സുഹൃത്തിന്‍റെ പെണ്‍മക്കളുടെ പഠനത്തിന് 50 ലക്ഷം വീതം: കടം വാങ്ങിയ 1,000 രൂപയ്ക്കെടുത്ത ലോട്ടറിക്ക് 11 കോടി അടിച്ച വിജയി

Web Desk — Wed, 05 Nov 2025 19:13:21 +0530

ജയ്പൂർ ജില്ലയിലെ കോട്‍പുട്‍ലി എന്ന വിദൂര ഗ്രാമത്തിൽ നിന്നുള്ള അമിത് സെഹാരയ്ക്ക് ലോട്ടറി വാങ്ങാന്‍ ആഗ്രഹം. പക്ഷേ അതിനുള്ള പണം കൈയിലില്ലായിരുന്നു. അദ്ദേഹം 1,000 രൂപ കടം വാങ്ങി അതിന് ലോട്ടറി എടുത്തു. ചെറുതെന്തെങ്കിലും അടിച്ചാല്‍ അതൊരു ആശ്വാസമാകുമല്ലോയെന്നേ അദ്ദേഹം അപ്പോൾ കരുതിയുള്ളൂ. എന്നാല്‍ അമിതിനെ ഞെട്ടിച്ച് കൊണ്ട് ഫലം വന്നു. 11 കോടി രൂപയുടെ ഒന്നാം സമ്മാനം!

കോടിപതി, പക്ഷേ വന്ന വഴി മറക്കില്ല

സുഹൃത്തിന്‍റെ കൈയില്‍ നിന്നും കടം വാങ്ങിയ പണം കൊണ്ട് വാങ്ങിയ ലോട്ടറിയുടെ മഹത്വം അദ്ദേഹം മറക്കില്ല. മാധ്യമങ്ങളോട് സംസാരിക്കവെ തന്‍റെ കുടുംബത്തിന് നല്ലൊരു വീട് പണിയുന്നതിനും കുട്ടികൾക്ക് ഏറ്റവും മികച്ച വിദ്യാഭ്യാസം ഉറപ്പാക്കുന്നതിനും വേണ്ടി പണം ബുദ്ധിപൂർവ്വം ചെലവഴിക്കുമെന്നാണ് പറഞ്ഞത്. ഭട്ടിൻഡയിൽ നിന്നാണ് അമിത് ടിക്കറ്റ് വാങ്ങിയത്. അദ്ദേഹം പഞ്ചാബ് സർക്കാരിനും ലോട്ടറി ഏജൻസിക്കും തന്‍റെ നേട്ടത്തില്‍ നന്ദി പറഞ്ഞു. “ഞാൻ ജയ്പൂർ ജില്ലയിലെ കോട്പുട്ലി ഗ്രാമത്തിൽ നിന്നുള്ളയാളാണ്. എന്റെ സന്തോഷം പറഞ്ഞറിയിക്കാൻ കഴിയില്ല. പഞ്ചാബ് സർക്കാരിനും ലോട്ടറി ഏജൻസിക്കും ഞാൻ നന്ദി പറയുന്നു. ഇന്ന് എന്‍റെ എല്ലാ സങ്കടങ്ങളും ഇല്ലാതായി. എനിക്ക് 11 കോടി രൂപ ലഭിച്ചു. ഒരു സുഹൃത്തിനൊപ്പം ഒരു സന്ദർശനത്തിനായി ഞാൻ മോഗയിൽ എത്തി, രണ്ട് ടിക്കറ്റുകൾ വാങ്ങി, ഒന്ന് എനിക്കും ഒന്ന് എന്‍റെ ഭാര്യക്കും. ടിക്കറ്റ് വാങ്ങാൻ ഞാൻ സുഹൃത്തിൽ നിന്ന് 1,000 രൂപ കടം വാങ്ങിയിരുന്നു. ഭാര്യയ്ക്കായി എടുത്ത ടിക്കറ്റിന് 1,000 രൂപയും എന്‍റെതിന് 11 കോടി രൂപയും ലഭിച്ചു. ഞാൻ ഹനുമാന്‍റെ വലിയ ഭക്തനാണ്.”

राजस्थान का रेहड़ीवाला जीता पंजाब में ₹11 करोड़ की लॉटरी◆ दोस्त से 500 उधार लेकर खरीदी पंजाब स्टेट लॉटरी टिकट◆ पत्नी के नाम पर ली गई टिकट पर भी उन्होंने 1,000 रुपये जीते#PunjabLottery #Diwali #Chandigarh #LotteryWinner #Lottery pic.twitter.com/hhruFu4K8D

— News24 (@news24tvchannel) November 5, 2025

സുഹൃത്തിനുള്ള സമ്മാനം

സ്വന്തം കുടുംബത്തെ പരിപാലിക്കുന്നതിനും അവരുടെ ഭാവി സുരക്ഷിതമാക്കുന്നതിനും പുറമേ, ടിക്കറ്റെടുക്കാന്‍ പണം തന്ന് സഹായിച്ച സുഹൃത്തിന്‍റെ രണ്ട് പെൺമക്കൾക്കായി 50 ലക്ഷം രൂപ വീതം നൽകിക്കൊണ്ട് സുഹൃത്തിന് പ്രതിഫലം നൽകാൻ തയ്യാറാണെന്നും അമിത് വെളിപ്പെടുത്തി. "എനിക്ക് എന്‍റെ അമ്മയെ നഷ്ടപ്പെട്ടു, അതിനാൽ പെൺമക്കളുടെ വേദന എനിക്ക് മനസ്സിലാകും. എന്‍റെ സുഹൃത്തിന്‍റെ പെൺമക്കൾക്ക് 50 ലക്ഷം രൂപ വീതം ഞാൻ നൽകും. ബാക്കി പണം എന്‍റെ കുട്ടികളുടെ വിദ്യാഭ്യാസത്തിനും വീട് പണിയുന്നതിനും ഉപയോഗിക്കും. പഞ്ചാബ് സർക്കാരിന്‍റെ ഈ പദ്ധതി പ്രയോജനപ്പെടുത്താൻ ഞാൻ ആളുകളോട് അഭ്യർത്ഥിക്കുന്നു. എല്ലാവരുടെയും ദാരിദ്ര്യം അവസാനിക്കണമെന്ന് ഞാൻ ആഗ്രഹിക്കുന്നു," അമിത് കൂട്ടിച്ചേര്‍ത്തു.

Dhanalekshmi lottery result: ഒരു കോടി ആർക്ക്? അറിയാം ധനലക്ഷ്മി ലോട്ടറി ഫലം

Aavani P K — Thu, 10 Jul 2025 14:24:26 +0530

തിരുവനന്തപുരം: കേരള സംസ്ഥാന ഭാഗ്യക്കുറി വകുപ്പിന്റെ ധനലക്ഷ്മി DL 9 ലോട്ടറി ഫലം പ്രഖ്യാപിച്ചു. ദേശീയ പണിമുടക്കിന്റെ പശ്ചാത്തലത്തിൽ ഇന്നത്തേക്ക് മാറ്റിവെച്ച നറുക്കെടുപ്പാണിത്. ഒരുകോടിയാണ് ഒന്നാം സമ്മാനം. രണ്ടാം സമ്മാനമായി 30 ലക്ഷം രൂപ കിട്ടുമ്പോൾ, അഞ്ചു ലക്ഷമാണ് മൂന്നാം സമ്മാനം. 5000 രൂപ സമാശ്വാസ സമ്മാനമായി പതിനൊന്ന പേർക്ക് ലഭിക്കും.

സമ്മാനർഹമായ ടിക്കറ്റ് നമ്പറുകർ

ഒന്നാം സമ്മാനം [1 കോടി] - DG 106124

രണ്ടാം സമ്മാനം (30 ലക്ഷം) - DK 126232

മൂന്നാം സമ്മാനം (5ലക്ഷം ) - DK 166615

സമാശ്വാസ സമ്മാനം (5000 11 പേർക്ക്) -

DA 106124
DB 106124
DC 106124
DD 106124
DE 106124
DF 106124
DH 106124
DJ 106124
DK 106124
DL 106124
DM 106124

നാലാം സമ്മാനം (5,000) - താഴെ പറയുന്ന നമ്പറുകളിൽ അവസാനിക്കുന്ന ടിക്കറ്റുകൾക്ക്

0104 0164 0611 1846 2015 2286 3749 3848 4840 5698 5863 6045 6506 6977 7109 8060 8241 9030 9526 9768

അഞ്ചാം സമ്മാനം(2000) താഴെ പറയുന്ന നമ്പറുകളിൽ അവസാനിക്കുന്ന ടിക്കറ്റുകൾക്ക്

1531 2035 6417 7910 8138 9335

ആറാം സമ്മാനം(1000) -

0820 0979 0999 1276 1624 1681 1733 2004 2334 2653 2963 2966 3720 3774 3836 3986 5368 5608 5656 5782 5865 6248 6305 6320 6929 7128 7863 8169 8743 9876

ഏഴാം സമ്മാനം (500) -

0082 0103 0190 0374 0414 0431 0454 1015 1056 1184 1234 1324 1582 1590 1633 1885 2007 2272 2314 2348 2381 2430 2548 2554 2768 2815 3051 3429 3638 3794 3948 4007 4055 4299 4312 4452 4473 4513 5339 5450 5472 5543 5575 5671 5793 5796 5852 6109 6567 6600 6616 6667 6900 7063 7131 7174 7451 7550 7725 7733 7828 7995 8460 8532 8853 8880 8994 8999 9051 9117 9229 9586 9803 9818 9916 9917

എട്ടാം സമ്മാനം

0012 0029 0087 0601 0741 0756 0826 0843 0854 0857 0908 1122 1213 1330 1395 1487 1584 1777 1909 1938 1939 2014 2186 2610 2636 2702 2773 3032 3082 3093 3218 3338 3379 3427 3490 3593 3623 3891 3902 3980 4023 4286 4416 4441 4500 4518 4700 4711 4749 4752 4807 4918 4972 5093 5170 5357 5565 5636 5639 5829 5969 6051 6212 6295 6369 6510 6551 6607 6686 6878 7001 7066 7081 7208 7252 7269 7305 7326 7478 7553 7744 8089 8250 8464 8595 8867 9080 9093 9141 9294 9395 9514 9581 9687 9762 9863

ലോട്ടറിയുടെ മേലുള്ള ജിഎസ്ടി വർദ്ധിപ്പിക്കരുത്, കേരള ഭാഗ്യക്കുറിയെ തകർക്കും; കേരള ഭാഗ്യക്കുറി സംരക്ഷണ സമിതി

Athira PN — Tue, 26 Aug 2025 18:11:42 +0530

തിരുവനന്തപുരം : ലോട്ടറിയുടെ മേലുള്ള ജി.എസ്.ടി. വർദ്ധിപ്പിക്കാനുള്ള നീക്കത്തിൽ നിന്നും കേന്ദ്ര സർക്കാർ പിന്തിരിയണമെന്ന് കേരള ഭാഗ്യക്കുറി സംരക്ഷണ സമിതി. നിലവിൽ ലോട്ടറിക്ക് 28 ശതമാനം ജി.എസ്.ടിയുണ്ട്. അത് 40 ശതമാനമായി ഉയർത്താനുള്ള നിർദ്ദേശമാണ് സപ്തംബർ 3-4 തീയതികളിലെ ജി.എസ്.ടി. കൗൺസിൽ പരിഗണിക്കുന്നത്. ഈ നികുതിവർദ്ധന കേരള ഭാഗ്യക്കുറിയെ തകർക്കും. സമൂഹത്തിൽ ഏറ്റവും കൂടുതൽ പ്രയാസമനുഭവിക്കുന്നവരാണ് ലോട്ടറി തൊഴിലാളികൾ. ഭിന്നശേഷിക്കാരും പ്രായമായവരും രോഗികളുമായ രണ്ട് ലക്ഷത്തോളം പേർ ഈ മേഖലയിൽ ഉപജീവനം നടത്തുന്നുണ്ടെന്നും സമിതി ചൂണ്ടിക്കാട്ടി.

ജി.എസ്.ടി. 28 ശതമാനം എന്ന സ്ലാബ് ഒഴിവാക്കുമെന്ന് പറയുകയും ലോട്ടറി മേഖലയിൽ 40 ശതമാനമായി ഉയർത്തുകയും ചെയ്യുന്നത് അനീതിയാണ്. ക്ഷേമനിധി ബോർഡ് നടപ്പാക്കി വരുന്ന പെൻഷൻ, ബോണസ്, ചികിത്സാധനസഹായം, മരണാനന്തര കുടുംബസഹായം, വിദ്യാഭ്യാസ ധനസഹായം, പ്രസവ ധനസഹായം, ഭിന്നശേഷിക്കാർക്കുള്ള മുച്ചക്ര വാഹനങ്ങൾ, എന്നീ ആനുകൂല്യങ്ങളുടെ വിതരണത്തെ പോലും ഈ നികുതി വർദ്ധന പ്രതികൂലമായി ബാധിക്കും. ലോട്ടറിയിൽ നിന്നും ലഭിക്കുന്ന വരുമാനമുപയോഗിച്ചാണ് സംസ്ഥാന സർക്കാർ കാരുണ്യ ചികിത്സാപദ്ധതി നടപ്പാക്കുന്നത്. പ്രതിവർഷം ഏകദേശം 6 ലക്ഷം പേർക്ക് സൗജന്യ ചികിത്സ ലഭിക്കുന്നു. 42 ലക്ഷം കുടുംബങ്ങൾ ഈ സൗജന്യചികിത്സാപദ്ധതിയിൽ ഗുണഭോക്താക്കളാണ്.

എല്ലാ നിയമവ്യവസ്ഥയും പാലിച്ച് സർക്കാർ നേരിട്ട് നടത്തുന്നതാണ് കേരള ഭാഗ്യക്കുറി. 2017ൽ ജി.എസ്.ടി. ആരംഭിച്ചത് മുതൽ 12 ശതമാനം മാത്രമായിരുന്നു ലോട്ടറിക്കുള്ള നികുതി. 2020ൽ അത് 28 ശതമാനമാക്കി വർദ്ധിച്ചു. ഇപ്പോഴാവട്ടെ, 40 ശതമാനമായി ഉയർത്താനുള്ള നീക്കം നടക്കുന്നു. ഫലത്തിൽ 350 ശതമാനത്തിന്റെ വർദ്ധനവ്. മറ്റൊരു മേഖലയിലും ഇത്തരമൊരു ഭീമമായ വർദ്ധനവില്ല. ലോട്ടറിക്ക് ജി.എസ്.ടി. വർദ്ധിപ്പിക്കാനുള്ള നീക്കത്തിൽ നിന്നും പിന്തിരിയണമെന്നാവശ്യപ്പെട്ടുകൊണ്ട് ഭാഗ്യക്കുറി സംരക്ഷണസമിതിയുടെ നേതാക്കൾ എം.പി.മാരുമായി ചേർന്ന് കേന്ദ്ര ധനമന്ത്രിക്ക് നിവേദനം നൽകും.

സെപ്തംബർ 2ന് രാവിലെ 11 മണിക്ക് സംസ്ഥാന കൺവെൻഷൻ എറണാകുളത്ത് ചേരും. ധനമന്ത്രി കെ.എൻ. ബാലഗോപാൽ കൺവെൻഷൻ ഉദ്ഘാടനം ചെയ്യും. സെപ്തംബർ 12ന് തിരുവനന്തപുരത്ത് രാജ്ഭവനിലേക്ക് ഏജന്റുമാരും തൊഴിലാളികളും മാർച്ച് നടത്തും. സപ്തംബർ 15 മുതൽ 18 വരെ ജില്ലകളിൽ കേന്ദ്ര സർക്കാർ ഓഫീസുകൾക്ക് മുമ്പിൽ മാർച്ചും ധർണ്ണയും സംഘടിപ്പിക്കും.

രക്തസാക്ഷി ഫണ്ട് തട്ടിപ്പ്; ടി ഐ മധുസൂദനന്‍റെ രാജി ആവശ്യപ്പെട്ട് നടത്തിയ പ്രകടനത്തിന് നേരെ സിപിഎം അക്രമം

Misriya Chandroth — Sat, 24 Jan 2026 18:58:32 +0530

കണ്ണൂർ: പയ്യന്നൂരിലെ രക്തസാക്ഷി ഫണ്ട് തട്ടിപ്പ് പുറത്തുവന്നതിന് പിന്നാലെ കണ്ണൂർ പയ്യന്നൂരിൽ കോൺഗ്രസും ബിജെപിയും നടത്തിയ പ്രതിഷേധ പ്രകടനത്തിന് നേരെ സിപിഎം അക്രമം. ടിഐ മധുസൂദനൻ എംഎൽഎ രാജിവെക്കണമെന്നാവശ്യപ്പെട്ട് നടത്തിയ പ്രകടനത്തിന് നേരെയാണ് അക്രമം. പരിക്കേറ്റ പ്രതിഷേധക്കാരെ ആശുപത്രിയിലേക്ക് മാറ്റി.രക്തസാക്ഷി ഫണ്ട് തട്ടിപ്പുമായി ബന്ധപ്പെട്ട് വി കുഞ്ഞികൃഷ്ണന്റെ ആരോപണങ്ങൾ എല്ലാം തള്ളുകയാണ് സിപിഎം നേതൃത്വം. പാർട്ടിയെ തകർക്കാനാണ് നീക്കമെന്നും താൻ ഒഴികെ മറ്റെല്ലാവരും കള്ളന്മാർ എന്ന് സ്ഥാപിക്കാനാണ് കുഞ്ഞികൃഷ്ണന്റെ ശ്രമമെന്നുമാണ് എം വി ജയരാജൻ പ്രതികരിച്ചത്. തന്‍റെ ആരോപണങ്ങൾക്ക് കൃത്യമായ മറുപടി പറയാൻ നേതൃത്വം തയ്യാറാകണമെന്ന് കുഞ്ഞികൃഷ്ണൻ ആവർത്തിച്ചു. പയ്യന്നൂർ മേഖലയിൽ കുഞ്ഞികൃഷ്ണനെതിരെ വ്യാപകമായി സിപിഎം പോസ്റ്ററുകൾ പതിച്ചിട്ടുണ്ട്.

ഏഷ്യാനെറ്റ് ന്യൂസിന് നൽകിയ പ്രത്യേക അഭിമുഖത്തിലാണ് സിപിഎമ്മിലെ സാമ്പത്തിക തിരിമറിയുടെ ഉള്ളറക്കഥകൾ വി കുഞ്ഞികൃഷ്ണൻ വെളിപ്പെടുത്തിയത്. ധനരാജ് രക്തസാക്ഷി ഫണ്ട്, പയ്യന്നൂർ ഏരിയ കമ്മിറ്റി ഓഫീസ് നിർമ്മാണ ഫണ്ട്, ടി ഐ മധുസൂദനൻ എംഎൽഎയുടെ നിയമസഭാ തെരഞ്ഞെടുപ്പ് ഫണ്ട് എന്നിവയിൽ ലക്ഷങ്ങളുടെ തട്ടിപ്പ് നടന്നു എന്നായിരുന്നു ആരോപണം. എന്നാൽ പാർട്ടി അന്വേഷണ കമ്മീഷന്‍ പോലും ധനാപഹരണം കണ്ടെത്താൻ കഴിഞ്ഞിട്ടില്ലെന്നും തിരഞ്ഞെടുപ്പ് അടുത്തപ്പോൾ പാർട്ടി എതിരാളികളുടെയും മാധ്യമങ്ങളുടെയും കോടാലി കയ്യായ് വീ കുഞ്ഞികൃഷ്ണൻ മാറുകയാണെന്നും സിപിഎം പ്രതിരോധിച്ചു. ഫണ്ട് തട്ടിപ്പ് ഉണ്ടായിട്ടില്ലെന്നും വരവ് ചെലവ് കണക്കുകൾ കൃത്യസമയത്ത് സമർപ്പിക്കുന്നതിൽ വീഴ്ച മാത്രമാണ് സംഭവിച്ചത് എന്നുമാണ് അന്നത്തെ ജില്ലാ സെക്രട്ടറിയുടെ വിശദീകരണം.

ഒറ്റുകാരനെ ജനം തിരിച്ചറിയുമെന്ന വാചകങ്ങളോടെ പയ്യന്നൂരിൽ പോസ്റ്ററുകളും ഫ്ലക്സുകളും സിപിഎം ഉയർത്തിയിട്ടുണ്ട്. പ്രാദേശിക വിഭാഗീയതയുടെ പേരിൽ പാർട്ടിയെ ഒറ്റുകൊടുത്ത് വിശുദ്ധനാകാനാണ് കുഞ്ഞികൃഷ്ണൻ ശ്രമിക്കുന്നത് എന്നാണ് നേതൃത്വം പറയുന്നത്. അണികളെ കൂടെ നിർത്താനാണ് സിപിഎമ്മിന്റെ പ്രതിരോധമെന്നും താൻ മറ്റൊരു പാർട്ടിയിലേക്ക് ഇല്ലെന്നും വി കുഞ്ഞിക്കൃഷ്ണൻ ഏഷ്യാനെറ്റ് ന്യൂസിനോട് പറഞ്ഞു.

സാമ്പത്തിക തട്ടിപ്പ് ആരോപണം കൊണ്ടുവന്നതിൽ തനിക്ക് തെറ്റുപറ്റിയെന്ന് വി കുഞ്ഞികൃഷ്ണൻ തന്നെ പാർട്ടി കമ്മിറ്റിയിൽ പറഞ്ഞുവന്ന പ്രചാരണങ്ങളും സിപിഎം ജില്ലാ സെക്രട്ടറി ഉൾപ്പെടെ നടത്തുന്നുണ്ട്. ഇത് വാസ്തവവിരുദ്ധമാണെന്ന് കുഞ്ഞികൃഷ്ണൻ വ്യക്തമാക്കിയിട്ടുണ്ട്.

കണ്ണൂർ പാർട്ടിയിലെ കെട്ടടങ്ങാത്ത വിഭാഗീയതകൊണ്ട് കൊടി കീറിയ ഇടമാണ് പയ്യന്നൂർ. നിയമസഭാ തെരഞ്ഞെടുപ്പിന് തൊട്ടുമുൻപ്, രക്തസാക്ഷി ഫണ്ട് തട്ടിപ്പ് എന്ന വൈകാരിക വിഷയത്തെ വീണ്ടും പുറത്തിടുമ്പോൾ ആ വിഭാഗീയത ആളികത്താൻ സാധ്യതയുണ്ട്. അച്ചടക്കത്തിന്‍റെ വാളെടുക്കുക മാത്രമാണ് പാർട്ടിക്ക് മുൻപിലുള്ള പോം വഴി. മറ്റന്നാൾ ചേരുന്ന ജില്ലാ കമ്മിറ്റി യോഗത്തിൽ തീരുമാനം ഉണ്ടായേക്കും.

കിട്ടിയാൽ കിട്ടിയെന്ന് കരുതി 400 മുടക്കി ടിക്കറ്റെടുത്തത് 54 ലക്ഷം പേർ, 216 കോടി വിറ്റുവരവ്; കഴിഞ്ഞ വർഷത്തേക്കാൾ 26 കോടി അധികം

Misriya Chandroth — Sat, 24 Jan 2026 17:39:45 +0530

തിരുവനന്തപുരം: കാത്തുകാത്തിരുന്ന ക്രിസ്മസ് ന്യൂ ഇയർ ബമ്പർ നറുക്കെടുപ്പ് ഫലം പുറത്തുവരുമ്പോൾ ടിക്കറ്റെടുത്ത പലർക്കും നിരാശയാണെങ്കിലും സർക്കാരിന് ബമ്പറടിച്ച അവസ്ഥയാണ്. 20 കോടിയുടെ മഹാഭാഗ്യം XC 138455 എന്ന നമ്പറിനാണ്. എന്നാൽ സർക്കാർ ഖജനാവിനാണ് ക്രിസ്മസ് ന്യൂ ഇയർ ബമ്പറടിച്ചതെന്ന് പറഞ്ഞാല്‍ ഒട്ടും അതിശയോക്തിയാകില്ല. കാരണം കിട്ടിയാൽ കിട്ടിയെന്ന് കരുതി 400 രൂപ മുടക്കി ടിക്കറ്റെടുത്തത് 54,08,880 ലക്ഷം പേരാണ്. ഇതിലൂടെ 216 കോടിയിൽ (216 3,552,000) അധികമാണ് സംസ്ഥാന സർക്കാരിന് വിറ്റുവരവ്. ഇതുകൂടാതെ ടാക്സ് ഇനത്തിലും സർക്കാരിലേക്ക് വരുമാനം ലഭിക്കും. എന്നാൽ ഈ തുക മുഴുവനായും സർക്കാരിലേക്ക് എത്തില്ല. ഏജൻസി കമ്മീഷൻ, അച്ചടിക്കൂലി, ഭരണപരമായ ചെലവുകൾ, സമ്മാനത്തുക എന്നിവ കഴിഞ്ഞുള്ള തുകയാണ് സർക്കാരിലേക്ക് എത്തുക.

2025 നെ അപേക്ഷിച്ച് മികച്ച വിറ്റുവരവാണ് ഈ വർഷം ഉണ്ടായിരിക്കുന്നത്. 2025 ല്‍ അൻപത് ലക്ഷം ക്രിസ്മസ് ന്യൂ ഇയർ ബമ്പർ ടിക്കറ്റുകളാണ് സംസ്ഥാന ലോട്ടറി വകുപ്പ് അച്ചടിച്ചിരുന്നത്. ഇതിൽ 47,65,650 ടിക്കറ്റുകളും വിറ്റുപോയിരുന്നു. ഒരു ടിക്കറ്റ് വില 400 രൂപയായിരുന്നു വില. ഇതിലൂടെ 190 കോടിയിലധികമാണ് അന്ന് സംസ്ഥാന സർക്കാരിന് വിറ്റുവരവ് ലഭിച്ചത്.

ആരാണ് ആ ഭാഗ്യവാൻ?

XC 138455 എന്ന നമ്പറാണ് ക്രിസ്മസ് ന്യൂ ഇയർ ബമ്പർ നറുക്കെടുപ്പില്‍ ഒന്നാം സമ്മാനം നേടിയിരിക്കുന്നത്. സുദീപ് എ എന്ന ഏജന്റ് വിറ്റ ടിക്കറ്റിനാണ് ഒന്നാം സമ്മാനം. കാഞ്ഞിരപ്പള്ളി സ്വദേശിയാണ് സുദീപ്. കാഞ്ഞിരപ്പള്ളി ബസ് സ്റ്റാന്‍റിന് അടുത്തുള്ള കടയിൽ വിറ്റ ടിക്കറ്റാണ് സമ്മാനാർഹമായിരിക്കുന്നത്. കാഞ്ഞിരപ്പള്ളി ന്യൂ ലക്കി സെന്‍റർ എന്ന കടയിലാണ് ഒന്നാം സമ്മാനത്തിന് അര്‍ഹമായ ടിക്കറ്റ് വിറ്റിരിക്കുന്നത്. ഓരോ കോടി രൂപ വീതം 20 പേര്‍ക്ക് രണ്ടാം സമ്മാനമായി ലഭിക്കും. മൂന്നാം സമ്മാനം 10 ലക്ഷം രൂപ വീതം 20 പേർക്കും നാലാം സമ്മാനമായി മൂന്ന് ലക്ഷം രൂപ വീതം 20 പേർക്കും അഞ്ചാം സമ്മാനമായി രണ്ട് ലക്ഷം രൂപ വീതം 20 പേർക്കും ലഭിക്കും.

കിട്ടുന്നതെത്ര?

ഒന്നാം സമ്മാനാർഹന് 20 കോടി രൂപയാണ് ലഭിക്കുന്നതെങ്കിലും ആ തുക മുഴുവനായും അയാൾക്ക് ലഭിക്കില്ല. സമ്മാനത്തുകയിൽ നിന്നും ആദ്യം മാറ്റിവയ്ക്കുന്നത് ഏജന്റ് കമ്മീഷനാണ്. പത്ത് ശതമാനം ആണ് ഏജന്റ് കമ്മീഷൻ. 20 കോടിയിൽ 2 കോടി രൂപ ആ ഇനത്തിൽ പോകും. ബാക്കി തുകയുടെ 30 ശതമാനമാണ് ടിഡിഎസ് അടയ്ക്കേണ്ടത്. അതായത് ഏജന്റ് കമ്മീഷൻ കഴിഞ്ഞുള്ള 18 കോടിയുടെ 30 ശതമാനം. ഈ പിടുത്തം കഴിഞ്ഞാൽ ബാക്കി 12.6 കോടി രൂപയാണ് ഭാഗ്യശാലിക്ക് ലഭിക്കുക. അന്തിമ കണക്കില്‍ മാറ്റങ്ങളുണ്ടായേക്കാം.