Asianet News Malayalam

ടിക്കറ്റ് കളയുന്ന ബോക്സിനുള്ളിൽ പൂച്ചയുടെ സുഖനിദ്ര! മുംബൈ മെട്രോയിലെ ‘യാത്രക്കാരി’ വൈറൽ

Web Desk — Sat, 26 Sep 2026 22:14:19 +0530

മുംബൈ മെട്രോ സ്റ്റേഷനിലെ സുതാര്യമായ ടിക്കറ്റ് ഡിസ്പോസൽ ബോക്സിനുള്ളിൽ കയറി സുഖമായി ഉറങ്ങുന്ന പൂച്ചയുടെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. സാധാരണ മെട്രോ യാത്രയ്ക്കിടെ തിരക്കും നീണ്ട ക്യൂകളും പതിവാണെങ്കിലും, ടിക്കറ്റ് കളയാനുള്ള ബോക്സിനെ കിടപ്പുമുറിയാക്കി മാറ്റിയ പൂച്ചയുടെ കാഴ്ച യാത്രക്കാരെയും നെറ്റിസൺസിനെയും ഏറെ ആകർഷിച്ചു.

മെട്രോ ടിക്കറ്റുകൾക്ക് മുകളിലൊരു സുഖനിദ്ര

ഇൻസ്റ്റഗ്രാം ഉപയോക്താവായ ശ്രേയ ഷാജിയാണ് വീഡിയോ പങ്കുവച്ചത്. സുതാര്യമായ ബോക്സിനുള്ളിൽ ഉപേക്ഷിക്കപ്പെട്ട മെട്രോ ടിക്കറ്റുൾക്ക് മുകളിൽ സുഖമായി ചുരുണ്ട് കിടക്കുന്ന് ഉറങ്ങുന്ന വീഡിയോയെ വീ‍ഡിയോയിൽ കാണാം. ബോക്സിന്‍റെ സുതാര്യത കാരണം പൂച്ചയുടെ ഉറക്കവും ഭാവങ്ങളും വ്യക്തമായി കാണാം. മെട്രോ സ്റ്റേഷനിലെ തിരക്കിനിടയിലും യാതൊരു പരിഭ്രമവുമില്ലാതെ പൂച്ച തന്‍റെ ഉറക്കം ആസ്വദിക്കുന്നതാണ് വീഡിയോയിലെ കൗതുകം.

View this post on Instagram

A post shared by Shreya Shaji (@shreyashaji11)

രസകരമായ കുറിപ്പുമായി നെറ്റിസെൺസ്

“ആരോ ടിക്കറ്റ് ആണെന്ന് കരുതി പൂച്ചയെ എടുത്ത് ബോക്സിൽ ഇട്ടതായിരിക്കും” എന്ന അർഥത്തിലുള്ള രസകരമായ ക്യാപ്ഷനോടെയാണ് ശ്രേയ വീഡിയോ പങ്കുവച്ചത്. ഇതോടെ വീഡിയോയ്ക്ക് കൂടുതൽ ശ്രദ്ധ ലഭിച്ചു. ഏകദേശം 5.38 ലക്ഷം കാഴ്ചകളും 28,000 ലൈക്കുകളും വീഡിയോയ്ക്ക് ലഭിച്ചു. പൂച്ചയുടെ ഉറക്കത്തെക്കുറിച്ച് നിരവധി രസകരമായ കമന്‍റുകളാണ് സോഷ്യൽ മീഡിയയിൽ എഴുതപ്പെട്ടത്. മുംബൈ മെട്രോയിലെ ‘ചീഫ് ഫീലൈൻ ഓഫീസർ’ എന്നാണ് ചിലർ പൂച്ചയെ വിശേഷിപ്പിച്ചത്. പ്രത്യേകിച്ച് ഗുണ്ടവലി മെട്രോ സ്റ്റേഷനുമായി ബന്ധപ്പെട്ട് പൂച്ചകൾ യാത്രക്കാരുടെ ശ്രദ്ധ നേടുന്നത് നേരത്തെയും കണ്ടിട്ടുണ്ടെന്ന് റിപ്പോർട്ടുകൾ പറയുന്നു. സാധാരണ യാത്രയ്ക്കിടയിൽ അപ്രതീക്ഷിതമായി കണ്ട ഈ ചെറിയ കാഴ്ചയാണ് ഇപ്പോൾ മുംബൈ മെട്രോയിലെ ഏറ്റവും രസകരമായ വൈറൽ നിമിഷങ്ങളിലൊന്നായി മാറിയത്. അതേസമയം, സോഷ്യൽ മീഡിയയിലെ ശ്രദ്ധയെക്കുറിച്ച് ഒന്നുമറിയാതെ പൂച്ച തന്‍റെ ‘ടിക്കറ്റ് ബോക്സ് കിടക്കയിൽ’തന്‍റെ സുഖ നിദ്ര തുടരുന്നു.

ജീവനക്കാർക്ക് പുത്തൻ ഐഫോൺ സമ്മാനിച്ച് മലയാളി ദമ്പതികൾ; ‘കമ്പനിയിൽ ഒഴിവുണ്ടോ?’എന്ന് നെറ്റിസെൺസ്, വീഡിയോ

Web Desk — Sat, 26 Sep 2026 21:35:54 +0530

ജീവനക്കാർക്ക് പുത്തൻ ഐഫോണുകൾ സമ്മാനിച്ച് വൈറലായിരിക്കുകയാണ് യു.എ.ഇ ആസ്ഥാനമായി പ്രവർത്തിക്കുന്ന മലയാളി സംരംഭക ദമ്പതികൾ. കേരളത്തിൽ ജനിച്ച ഹസീന നിഷാദും ഭർത്താവും കമ്പനി ഉടമയുമായ നിഷാദ് ഹുസൈനുമാണ് ജീവനക്കാർക്കായി വേറിട്ടൊരു സമ്മാന പരിപാടി ഒരുക്കിയത്. സംഭവത്തിന്‍റെ വീഡിയോ സോഷ്യൽ മീഡിയയിൽ വൈറലായതോടെ ‘ഈ കമ്പനിയിൽ ജോലി ഒഴിവുണ്ടോ?’ എന്ന ചോദ്യവുമായി നിരവധി പേരാണ് രംഗത്തെത്തിയത്.

അപ്രതീക്ഷിത സമ്മാനം

മേശപ്പുറത്ത് നിരത്തിവെച്ച നിരവധി സമ്മാനപ്പൊതികളിൽനിന്ന് ഓരോ ജീവനക്കാരനും ഓരോ പാക്കറ്റ് തെരഞ്ഞെടുക്കുകയായിരുന്നു ആദ്യം. പൊതികൾ തുറന്നപ്പോൾ ചിലർക്ക് ലഭിച്ചത് പുത്തൻ ഐഫോണുകൾ. എന്നാൽ ചില ജീവനക്കാരുടെ പെട്ടിയിൽ കണ്ടെത്തിയത് ചോക്ലേറ്റ് ബാറുകളായിരുന്നു. ഇതോടെ ഐഫോൺ ലഭിച്ചവരും ചോക്ലേറ്റ് ലഭിച്ചവരും തമ്മിൽ ചെറിയൊരു വ്യത്യാസം ഉണ്ടായതായി തോന്നിയെങ്കിലും യഥാർഥ സർപ്രൈസ് പിന്നീടായിരുന്നു.

View this post on Instagram

A post shared by Haseena Nishad (@haseena_nishad)

ചോക്ലേറ്റ് ലഭിച്ച ജീവനക്കാർക്കും പിന്നീട് പുത്തൻ ഐഫോണുകൾ സമ്മാനിച്ചു. ഇതോടെ എല്ലാവരുടെയും കൈകളിൽ ഒരേ സമ്മാനമെത്തുകയായിരുന്നു. ജീവനക്കാരുടെ കഠിനാധ്വാനവും കൂട്ടായ പ്രവർത്തനവുമാണ് സ്ഥാപനത്തിന്‍റെ വളർച്ചയ്ക്ക് പിന്നിലെന്നാണ് ഹസീന നിഷാദ് വീഡിയോയ്ക്കൊപ്പമുള്ള കുറിപ്പിൽ വ്യക്തമാക്കി. ഓരോരുത്തരുടെയും പരിശ്രമവും ആശയങ്ങളും സംഭാവനകളും കമ്പനിയുടെ മുന്നേറ്റത്തിൽ പ്രധാനമാണെന്നും അവർ കുറിച്ചു.

ജോലി ഒഴിവുണ്ടോയെന്ന് നെറ്റിസെൺസ്

വീഡിയോയ്ക്ക് ഇതിനകം ദശലക്ഷക്കണക്കിന് കാഴ്ചകളും നിരവധി കമന്‍റുകളും ലഭിച്ചു. ചിലർ മാനേജ്മെന്‍റിന്‍റെ സമീപനത്തെ പ്രശംസിച്ചപ്പോൾ, ‘എനിക്കും ഈ കമ്പനിയിൽ ചേരണം’, ‘ജോലി ഒഴിവുണ്ടോ?’ എന്നിങ്ങനെ തമാശ കലർന്ന പ്രതികരണങ്ങളും ഉണ്ടായി. ഐഫോൺ ലഭിച്ചതിനേക്കാൾ ജീവനക്കാരോട് മാനേജ്മെന്റ് കാണിക്കുന്ന പരിഗണനയാണ് ശ്രദ്ധേയമെന്ന് അഭിപ്രായപ്പെട്ടവരുമുണ്ട്.

ഇഷ്ടമുള്ള വസ്ത്രം ധരിക്കാം, രാത്രി 2 മണിക്കും ഒറ്റയ്ക്ക് പുറത്തിറങ്ങാം; യുഎസിന് പക്ഷേ, മറ്റൊരു മുഖം കൂടിയുണ്ടെന്ന് ഇന്ത്യൻ യുവതി, വീഡിയോ

Web Desk — Sat, 26 Sep 2026 19:47:10 +0530

അമേരിക്കയിൽ 18 വർഷമായി താമസിക്കുന്ന ഇന്ത്യൻ യുവതി ശില്പ നരുള തന്‍റെ വിദേശ ജീവിതത്തിലെ ഏറ്റവും ഇഷ്ടപ്പെട്ട കാര്യങ്ങളിലൊന്ന് പങ്കുവച്ചപ്പോൾ, ഏറ്റെടുത്ത് സോഷ്യൽ മീഡിയ. സ്ത്രീകൾക്ക് അനുഭവപ്പെടുന്ന സുരക്ഷിതത്വവും തങ്ങൾക്ക് ഇഷ്ടമുള്ള വസ്ത്രം ധരിച്ച് പുറത്തിറങ്ങാനുള്ള സ്വാതന്ത്ര്യവുമാണ് അമേരിക്കയിലെ ജീവിതത്തെക്കുറിച്ച് പറയുമ്പോൾ അവർ എടുത്തുപറഞ്ഞത്. ഇൻസ്റ്റഗ്രാമിൽ പങ്കുവച്ച വീഡിയോയാണ് ഇപ്പോൾ ശ്രദ്ധ നേടുന്നത്.

സുരക്ഷ, ഇഷ്ടമുള്ള വസ്ത്രം

അമേരിക്കയിലെ ജീവിതത്തിന്‍റെ നല്ല വശങ്ങൾ പറയുന്നതിനിടെയാണ് സുരക്ഷയെക്കുറിച്ച് ശില്പ സംസാരിച്ചത്. പകൽ സമയത്ത് മാത്രമല്ല, രാത്രി 11 മണിക്കും 12 മണിക്കും പുലർച്ചെ 2 മണിക്കും പോലും തനിച്ച് റോഡിലൂടെ നടക്കുമ്പോൾ പിന്നിൽ നിന്ന് ആരെങ്കിലും വരുമോ, ഉപദ്രവിക്കുമോയെന്ന ഭയം തനിക്കില്ലെന്നാണ് അവർ എടുത്തു പറയുന്നത്.

View this post on Instagram

A post shared by Shilpa Narula (@kanpuriyainusa)

വസ്ത്രധാരണത്തിന്‍റെ പേരിൽ സ്ത്രീകളെ വിലയിരുത്തുന്ന സമീപനവും അമേരിക്കയിൽ കുറവാണെന്ന് ശില്പ അഭിപ്രായപ്പെട്ടു. താൻ എന്ത് ധരിക്കുന്നുവെന്നതിൽ മറ്റുള്ളവർക്ക് വലിയ താൽപര്യമില്ലെന്നും വസ്ത്രം വെറും വസ്ത്രമായി കാണുന്ന മനോഭാവമാണ് അവിടെയുള്ളതെന്നും അവർ കൂട്ടിച്ചേർക്കുന്നു. സ്ത്രീകളുടെ സുരക്ഷ മെച്ചപ്പെടണമെങ്കിൽ നിയമങ്ങൾക്കൊപ്പം സമൂഹത്തിന്‍റെ മനോഭാവത്തിലും മാറ്റം വേണമെന്നാണ് ശില്പയുടെ അഭിപ്രായം.

‍പക്ഷേ, മറ്റൊരു മുഖം കൂടിയുണ്ട്

എന്നാൽ, അമേരിക്കൻ ജീവിതത്തിന് മറ്റൊരു വശമുണ്ടെന്നും അവർ ചൂണ്ടിക്കാട്ടി. അവിടെ പലർക്കും ഏകാന്തത അനുഭവപ്പെടാറുണ്ടെന്നാണ് ശില്പ പറയുന്നത്. ഒറ്റയ്ക്കായിരിക്കുമ്പോഴും സന്തോഷത്തോടെ ജീവിക്കാൻ പഠിച്ചാൽ ജീവിതം കൂടുതൽ എളുപ്പമാകുമെന്നും അവർ കൂട്ടിച്ചേർത്തു. ശില്പ യുടെ വീഡിയോയ്ക്ക് സോഷ്യൽ മീഡിയയിൽ നിരവധി പ്രതികരണങ്ങളും ലഭിച്ചു. സുരക്ഷിതത്വമില്ലാത്ത ഭയം ഇല്ലാതെ ജീവിക്കാനാകുന്നത് യഥാർഥ സ്വാതന്ത്ര്യമാണെന്നും സമൂഹത്തിന്‍റെ മനോഭാവം മാറേണ്ടത് പ്രധാനമാണെന്നും ചിലർ അഭിപ്രായപ്പെട്ടു.

അമ്മയ്ക്ക് വാട്സ്ആപ്പ് സ്റ്റാറ്റസ് ഇടാൻ എഐ മകൻ! ‘ഇങ്ങനെയൊരു മകനെയാണ് അമ്മ ആഗ്രഹിച്ചത്’ എന്ന് യുവാവ്, വീഡിയോ

Web Desk — Sat, 26 Sep 2026 19:31:05 +0530

വാട്സ്ആപ്പിൽ സ്റ്റാറ്റസ് ഇടാൻ സഹായം തേടിയ അമ്മയ്ക്ക് വഴി പറഞ്ഞ് കൊടുത്തത് ഗൂഗിളിന്‍റെ എഐ ചാറ്റ്ബോട്ടായ ജെമിനി. വാട്സാപ്പ് സ്റ്റാറ്റസ് ഇടാൻ മകന്‍റെ സഹായം തേടുന്നതിന് പകരം ജെമിനിയോട് ഓരോ ഘട്ടവും ചോദിച്ച് സ്റ്റാറ്റസ് അപ്‌ലോഡ് ചെയ്യുന്ന അമ്മയുടെ വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ‘എന്‍റെ അമ്മ എപ്പോഴും ആഗ്രഹിച്ചിരുന്ന മകനാണ് ജെമിനി.’ എന്ന കുറിപ്പോടെയാണ് മോഹിത് ശർമ എന്ന ഇൻസ്റ്റഗ്രാം ഉപയോക്താവ് വീഡിയോ പങ്കുവച്ചത്.

സഹായം ജെമിനി വക

വാട്സ്ആപ്പ് എങ്ങനെ തുറക്കണമെന്ന ചോദ്യത്തോടെയാണ് സംഭാഷണം തുടങ്ങുന്നത്. സ്ക്രീനിന്‍റെ താഴെയുള്ള സെർച്ച് ഓപ്ഷൻ ഉപയോഗിച്ച് ‘വാട്ലാപ്പ്’ എന്ന് ടൈപ്പ് ചെയ്യാൻ ജെമിനി നിർദേശിക്കുന്നു. ആപ്പ് തുറന്നെന്ന് അമ്മ അറിയിച്ചതോടെ അടുത്ത ഘട്ടത്തിലേക്ക് എഐ കടക്കാൻ പറയുന്നു. തുടർന്ന് വാട്സ്ആപ്പിലെ ‘അപ്ഡേറ്റ്സ്' വിഭാഗത്തിലേക്ക് എങ്ങനെ എത്താമെന്നും പുതിയ സ്റ്റാറ്റസ് എങ്ങനെ ചേർക്കാമെന്നും ജെമിനി വിശദീകരിച്ച് കൊടുക്കുന്നു.

View this post on Instagram

A post shared by Mohit Sharma (@__sharma.mohit__)

ക്യാമറയോ പെൻസിൽ ഐക്കണോ അമർത്താനും തുടർന്ന് ഫോട്ടോ തെരഞ്ഞെടുക്കാനും ജെമിനി നിർദേശിച്ചു. ഓരോ നിർദേശവും അമ്മ കൃത്യമായി പിന്തുടരുന്നതും തുടർന്ന് അമ്മ “അച്ചാ, ഞാൻ അമർത്തി”, “പെൻസിൽ തന്നെ ചെയ്തു” തുടങ്ങിയ മറുപടികൾ നൽകുന്നതും വീഡിയോയിൽ കാണാം. ഗാലറിയിൽ നിന്ന് ചിത്രം തെരഞ്ഞെടുക്കുകയും പച്ച നിറത്തിലുള്ള അമ്പടയാളം അമർത്തി സ്റ്റാറ്റസ് അപ്‌ലോഡ് ചെയ്യുകയും ചെയ്ത ശേഷം “ഇട്ടു” എന്ന് അമ്മ പറയുമ്പോൾ ജെമിനിയുടെ മറുപടി “ബഹുത് ബഢിയാ” എന്നായിരുന്നു.

വളരെ മികച്ചതെന്ന് നെറ്റിസെൺസ്

വീഡിയോയ്ക്ക് താഴെ നിരവധി പേരാണ് രസകരവും സ്നേഹപൂർവവുമായ പ്രതികരണങ്ങളുമായി എത്തിയത്. പ്രായമായവരെ സഹായിക്കാൻ സമാനമായൊരു സംവിധാനം താൻ നിർമിക്കാൻ ആലോചിച്ചിരുന്നുവെന്നും എന്നാൽ ഗൂഗിൾ തന്നെ അത്തരമൊരു സഹായം ഒരുക്കിയതിനാൽ ഇനി അതിന്‍റെ ആവശ്യമില്ലെന്നുമായിരുന്നു ഒരാളുടെ പ്രതികരണം. ചെറിയ കാര്യങ്ങളിലെ സന്തോഷവും ഈ കാഴ്ചയിലെ മനോഹാരിതയും ചൂണ്ടിക്കാട്ടിയവരും ഏറെയാണ്.

'മെട്രോ നഗരങ്ങളിലെ വീടിന്‍റെ വില കേട്ടാൽ കിളിപോകും'; 1.8 ലക്ഷം ശമ്പളമുള്ള 25 -കാരന്‍റെ കുറിപ്പ് വൈറൽ

Web Desk — Sat, 26 Sep 2026 18:38:32 +0530

മാസം 1.8 ലക്ഷം രൂപ ശമ്പളമുണ്ടായിട്ടും മെട്രോ നഗരങ്ങളിലെ റിയൽ എസ്റ്റേറ്റ് വിലനിലവാരം കണ്ട് അമ്പരന്നിരിക്കുകയാണ് 25 -കാരനായ സൈബർ സെക്യൂരിറ്റി പ്രൊഫഷണൽ. കൈയിൽ അത്യാവശ്യം സമ്പാദ്യമുണ്ടെന്ന ധാരണയിൽ സ്വന്തമായി ഒരു വീടെന്ന സ്വപ്നവുമായി ഇറങ്ങിത്തിരിച്ചപ്പോഴാണ് വിപണിയിലെ യാഥാർത്ഥ്യം ഇദ്ദേഹം തിരിച്ചറിഞ്ഞതെന്ന് അദ്ദേഹം പറയുന്നു.

ചിലവ് ചുരുക്കി ജീവിതം

ഒരു സാധാരണ മധ്യവർഗ കുടുംബത്തിൽ നിന്ന് വരുന്ന ഈ യുവാവ് വളരെ ചെലവ് ചുരുക്കിയാണ് ജീവിക്കുന്നതത്രേ. നഗരത്തിൽ കാറിന് പകരം സ്കൂട്ടറാണ് യാത്രയ്ക്കായി ഉപയോഗിക്കുന്നത്. പാർട്ടികൾക്കോ നൈറ്റ് ക്ലബ്ബുകൾക്കോ മറ്റ് ആഡംബരങ്ങൾക്കോ പണം ചെലവഴിക്കാറുമില്ലെന്ന് അദ്ദേഹം പറയുന്നു. "പേയിംഗ് ഗസ്റ്റ് താമസത്തിന് ശേഷം പ്രതിമാസം ഏകദേശം 31,000 രൂപ മാത്രമാണ് എന്‍റെ ജീവിതച്ചെലവ്. ബാക്കി തുകയിൽ 75,000 രൂപ പ്രതിമാസം SIP വഴി മ്യൂച്വൽ ഫണ്ടുകളിൽ നിക്ഷേപിക്കുന്നു. ശേഷിക്കുന്ന തുക ബാങ്ക് അക്കൗണ്ടിൽ സൂക്ഷിക്കുകയാണ് പതിവ്," യുവാവ് സോഷ്യൽ മീഡിയ പോസ്റ്റിൽ വ്യക്തമാക്കി. സ്വന്തമായി ഒരു ഫ്ലാറ്റ് വാങ്ങുക എന്ന ലക്ഷ്യത്തോടെ ഏകദേശം1.3 കോടി രൂപ ബഡ്ജറ്റ് കണക്കാക്കിയാണ് ഇദ്ദേഹം ബ്രോക്കർമാർ വഴി സ്ഥലം കാണാനിറങ്ങിയത്. ഇന്ദിരാനഗർ, വൈറ്റ്‌ഫീൽഡ് തുടങ്ങിയ ബെംഗളൂരുവിലെ പ്രധാന കേന്ദ്രങ്ങളിലായിരുന്നു അന്വേഷണം.

gen z getting humbled by housing pricesby u/Novus69xD in personalfinanceindia

മറ്റൊരു എസ്ഐപി വേണ്ടിവരുമോ?

എന്നാൽ ഈ തുകയ്ക്ക് വലിയ മെച്ചമില്ലാത്ത പ്രദേശങ്ങളിലെ ഒറ്റപ്പെട്ട കെട്ടിടങ്ങളിൽ അസൗകര്യങ്ങൾ നിറഞ്ഞ ചെറിയ 2BHK ഫ്ലാറ്റുകൾ മാത്രമാണ് ലഭ്യമായിട്ടുള്ളതെന്ന് ഇദ്ദേഹം പറയുന്നു. പൂനെ പോലുള്ള നഗരങ്ങളിലും സ്ഥിതി വ്യത്യസ്തമല്ല. 800 മുതൽ 900 വരെ ഫ്ലാറ്റുകളുള്ള വലിയ ഗേറ്റഡ് കമ്മ്യൂണിറ്റികളിൽ നല്ലൊരു വീട് സ്വന്തമാക്കണമെങ്കിൽ വില 2 കോടി രൂപയ്ക്ക് മുകളിലാണ്. "30 വയസ്സ് വരെ എനിക്ക് വിവാഹത്തെക്കുറിച്ച് ചിന്തകളില്ല. അതിനാൽ അടുത്ത അഞ്ച് വർഷം കൂടി ഇതുപോലെ ലളിതമായി ജീവിച്ച്, നിക്ഷേപങ്ങൾ വളർത്തി, പിന്നീട് വലിയൊരു ലോണെടുത്ത് ഈ വീട് സ്വന്തമാക്കാൻ ശ്രമിക്കണോ? അതോ വീണ്ടും പുതിയൊരു SIP തുടങ്ങണോ?" എന്ന് ഉയർന്ന വിലയിൽ മനംനൊന്ത് യുവാവ് ചോദിക്കുന്നു:

വലിയ വെല്ലുവിളി

ഇന്ത്യൻ റിയൽ എസ്റ്റേറ്റ് വിപണിയിലെ അമിതവിലയെക്കുറിച്ചുള്ള വലിയൊരു ചർച്ചയ്ക്കാണ് ഈ പോസ്റ്റ് വഴിവെച്ചത്. യുവതലമുറ നേരിടുന്ന സാമ്പത്തിക സമ്മർദ്ദങ്ങളെക്കുറിച്ച് നിരവധി പേർ സഹതാപം രേഖപ്പെടുത്തി. "25 വയസ്സുള്ള മറ്റൊരു പ്രൊഫഷണലാണ് ഞാൻ. മിക്ക ആളുകളും 35 - 40 വയസ്സിന് ശേഷം മാത്രം വീട് വാങ്ങുന്നതിന് കൃത്യമായ കാരണമുണ്ട്. അപ്പോഴേക്കും അത്യാവശ്യം സമ്പാദ്യം കൈവശമുണ്ടാകും." എന്നായിരുന്നു ഒരാൾ കുറിച്ചത്. "ആർട്ടിഫിഷ്യൽ ഇന്‍റലിജൻസ് മേഖലയിൽ വലിയ തൊഴിൽ നഷ്ടങ്ങൾ പോലെയുള്ള ഗുരുതര സാഹചര്യങ്ങൾ ഉണ്ടാകാത്തിടത്തോളം ഇന്ത്യയിലെ ഹൗസിംഗ് മാർക്കറ്റ് തകരാൻ സാധ്യതയില്ല." എന്ന് വേറൊരാൾ അഭിപ്രായപ്പെട്ടു. ഏതായാലും വലിയ നഗരങ്ങളിൽ ചുരുങ്ങിയ കാലം കൊണ്ട് ഒരു വീട് സ്വന്തമാക്കുകയെന്നത് ഉയർന്ന ശമ്പളമുള്ള ഐടി പ്രൊഫഷണലുകൾക്ക് പോലും വലിയ വെല്ലുവിളിയാണെന്ന് തെളിയിക്കുന്നതാണ് ഈ സംഭവം.

രാജ്യത്തെ ജനനനിരക്ക് കുത്തനെ താഴേക്ക്, അപ്പോഴും 13 കുട്ടികളുമായി ശ്രദ്ധ നേടി ഒരു ചൈനീസ് കർഷക കുടുംബം!

Web Desk — Sat, 26 Sep 2026 18:16:17 +0530

ചൈനയിൽ ആശങ്കാജനകമായ നിരക്കിൽ ജനനനിരക്ക് കുറയുകയാണ്. ഇതിനിടെ 13 മക്കളുള്ള മധ്യവയസ്കരായ ദമ്പതികളുടെ വാർത്ത ചൈനീസ് സോഷ്യൽ മീഡിയയിൽ വൻ ചർച്ചയായി. ദക്ഷിണ ചൈനയിലെ ഗ്വാങ്‌സി ഷുവാങ് സ്വയംഭരണ മേഖലയിലുള്ള ക്വിൻഷൗ ഗ്രാമത്തിലാണ് ഈ അപൂർവ്വ കുടുംബം താമസിക്കുന്നത്. വരുംതലമുറയുടെ എണ്ണം വർദ്ധിപ്പിക്കുന്നതിനായി ചൈനീസ് ഭരണകൂടം ജനങ്ങൾക്കായി വിവിധ ആനുകൂല്യങ്ങളും നയങ്ങളും പ്രഖ്യാപിക്കുന്നതിനിടയിലാണ് ഇത്രയും വലിയൊരു കുടുംബം മാധ്യമശ്രദ്ധ നേടിയതും.

കർഷക കുടുംബം

ജിപായ് ന്യൂസ് റിപ്പോർട്ട് ചെയ്തതനുസരിച്ച്, 49 വയസ്സുള്ള ഹുവാങ് എന്ന കർഷകനും 42 വയസ്സുള്ള ഭാര്യക്കും കഴിഞ്ഞ 22 വർഷത്തെ ദാമ്പത്യത്തിനിടയിൽ 8 ആൺകുട്ടികളും 5 പെൺകുട്ടികളുമാണ് ഉള്ളത്. ഇവരുടെ ഏറ്റവും മൂത്ത മകൾക്ക് 22 വയസ്. അവൾ വിവാഹിതയാണ്. ഏറ്റവും ഇളയ കുട്ടിയ്ക്ക് രണ്ട് വയസ്സ് മാത്രമാണ് പ്രായം. മക്കളിൽ ആദ്യത്തെ രണ്ടുപേരും അവസാനത്തെ മൂന്നുപേരും പെൺകുട്ടികളാണ്, ഇടയിലുള്ള എട്ടുപേരും ആൺകുട്ടികളാണ്.

കൂടുതൽ മക്കളുള്ളത് സംരക്ഷണം

രാജ്യത്തെ നിർബന്ധിത വിദ്യാഭ്യാസ നിയമങ്ങൾ പാലിച്ചുകൊണ്ട്, കൃത്യസമയത്ത് തന്നെ കുട്ടികളെ സ്കൂളിൽ ചേർക്കാറുണ്ടെന്ന് ഹുവാങ് പറഞ്ഞു. സ്വന്തമായുള്ള 3.3 ഏക്കർ സ്ഥലത്ത് നെൽകൃഷി ചെയ്താണ് ഇവർ ഉപജീവനം കണ്ടെത്തുന്നത്. കുടുംബത്തിന് പ്രതിമാസം 3,500 യുവാന് (ഏകദേശം 43,000 രൂപ) സർക്കാർ സബ്‌സിഡി ലഭിക്കുന്നുണ്ടെന്നും, ഇത് ദാരിദ്ര്യരേഖയ്ക്ക് മുകളിൽ ജീവിക്കാൻ സഹായിക്കുന്നുണ്ടെന്നും പ്രാദേശിക ഭരണകൂടം വ്യക്തമാക്കുന്നു. മുൻപ് ഇവർക്ക് ഇരുനില വീട് നിർമ്മിച്ച് നൽകാനും പ്രാദേശിക അധികൃതർ സാമ്പത്തിക സഹായം നൽകിയിരുന്നു. കൂടുതൽ മക്കളുള്ളത് ഗ്രാമത്തിൽ മറ്റുള്ളവരുടെ ആക്രമണങ്ങളിൽ നിന്നും ഉപദ്രവങ്ങളിൽ നിന്നും സംരക്ഷണം നൽകുമെന്നും, വാർദ്ധക്യകാലത്ത് താൻ ഒറ്റപ്പെടില്ലെന്ന ഉറപ്പ് നൽകുന്നുണ്ടെന്നും ഹുവാങ് പറയുന്നു.

广西的这对夫妇真的是脑袋被驴踢了，别人都富生富养，他们却倒好，一口气生了八男五女，他们的理由是怕老了以后会孤单，所以说他们穷不是没有原因的，他们还想穷三代。好在14亿的人口大国里，他们这是特例。 pic.twitter.com/s2VKWVbSzt

— shenxiao (@Shenxiao123971) September 21, 2026

ചൈനയുടെ 'ഒറ്റക്കുട്ടി' നയം

1970 -കളുടെ അവസാനം മുതൽ നടപ്പിലാക്കിയ കടുത്ത 'ഒറ്റക്കുട്ടി നയം' 2015 -ലാണ് ചൈന അവസാനിപ്പിച്ചത്. തുടർന്ന് രണ്ട് കുട്ടികൾക്കും, 2021 മുതൽ മൂന്ന് കുട്ടികൾക്കും അനുമതി നൽകി. ജനനനിയന്ത്രണ നിയമം ലംഘിക്കുന്നവർക്ക് ചൈനയിൽ കടുത്ത പിഴ ചുമത്താറുണ്ട്. ഹുവാങ്ങിന്‍റെ വീട്ടിൽ പ്രാദേശിക ഉദ്യോഗസ്ഥർ പലതവണ സന്ദർശനം നടത്തുകയും കൂടുതൽ കുട്ടികൾ വേണ്ടെന്ന് ഉപദേശിക്കുകയും ചെയ്തിരുന്നെങ്കിലും അദ്ദേഹം തന്‍റെ തീരുമാനത്തിൽ ഉറച്ചുനിൽക്കുകയായിരുന്നു. അതേസമയം കൂടുതൽ കുട്ടികളുണ്ടായതിനാൽ ഹുവാനെതിരെ പ്രാദേശിക ഭരണകൂടം പിഴ ചുമത്തിയിട്ടുണ്ടോയെന്ന കാര്യം വ്യക്തമല്ല.

സമ്മിശ്ര പ്രതികരണം

സോഷ്യൽ മീഡിയയിൽ ഈ കുടുംബത്തെക്കുറിച്ച് സമ്മിശ്ര പ്രതികരണങ്ങളാണ് ഉയരുന്നത്. കുട്ടികളെ ശരിയായ രീതിയിൽ വളർത്താനും വിദ്യാഭ്യാസം നൽകാനും സാമ്പത്തിക ശേഷിയില്ലാതെ ഇത്രയധികം മക്കൾക്ക് ജന്മം നൽകിയത് ഉത്തരവാദിത്തമില്ലായ്മയാണെന്ന് ഒരു വിഭാഗം വിമർശിക്കുമ്പോൾ, രാജ്യത്തിന്റെ ജനസംഖ്യാ വർദ്ധനവിന് നൽകിയ സംഭാവനയ്ക്ക് സർക്കാർ ഈ കുടുംബത്തെ ആദരിക്കുകയാണ് വേണ്ടതെന്നാണ് മറുവിഭാഗം വാദിക്കുന്നത്.

മദ്യശാലയിൽ കയറിയ കുരങ്ങൻ കുപ്പി തുറന്ന് മദ്യപിച്ചു, 'പൂസായി' പിന്നാലെ ഉറക്കവും; വീഡിയോ വൈറൽ

Web Desk — Sat, 26 Sep 2026 17:36:31 +0530

റാഞ്ചിയിലെ ഒരു മദ്യവിൽപ്പനശാലയിൽ അപ്രതീക്ഷിത അതിഥിയായിയെത്തിയത് ഒരു കുരങ്ങൻ. പിന്നാലെ കുപ്പിയിൽ നിന്നും മദ്യം അകത്താക്കി, പൂസായി ഉറങ്ങിപ്പോയ കുരങ്ങന്‍റെ ദൃശ്യങ്ങൾ സമൂഹ മാധ്യമങ്ങളിൽ വൈറൽ. ജാർഖണ്ഡിലെ റാഞ്ചി ജില്ലയിലെ ഓർമാഞ്ചി ബ്ലോക്ക് ചൗക്കിലുള്ള മദ്യക്കടയിലാണ് സംഭവം നടന്നത്. പെൺകുരങ്ങാണ് കടയ്ക്കുള്ളിൽ കയറിയതെന്ന് റിപ്പോർട്ടുകൾ പറയുന്നു.

മദ്യപിച്ച് പൂസായി, പിന്നാലെ ഉറക്കവും

പകൽ ആളുകൾ കടയിൽ നിൽക്കുമ്പോഴാണ് കുരങ്ങൻ കടയ്ക്കുള്ളിലേക്ക് കയറിയത്. അവിടെമാകെ ചുറ്റിനടന്ന ശേഷം മദ്യക്കുപ്പികളിലൊന്ന് കുരങ്ങൻ കൈക്കലാക്കി. പിന്നാലെ കുപ്പി തുറന്ന് മദ്യം അകത്താക്കുകയായിരുന്നു. മദ്യം കഴിച്ചതോടെ പൂസായ കുരങ്ങൻ കടയ്ക്കുള്ളിൽ തന്നെ കിടന്ന് ഉറക്കവും തുടങ്ങി. അപ്രതീക്ഷിതമായ ഈ കാഴ്ച കണ്ട് കടയിലുണ്ടായിരുന്നവരും സമീപത്തുണ്ടായിരുന്നവരും അമ്പരന്നു. ചുറ്റും കൂടിയവർ സംഭവം തങ്ങളുടെ മൊബൈലുകളിൽ ചിത്രീകരിക്കുകയും പിന്നീട് സമൂഹ മാധ്യമങ്ങളിൽ പങ്കുവയ്ക്കുകയുമായിരുന്നു.

रांची: ठेके में घुसा नया VIP कस्टमर! दारु पीकर बंदर हुआ 'फुल टाइट', बीयर की पेटियों पर बेसुध सोने का वीडियो वायरल > रांची के ओरमांझी ब्लॉक चौक के पास एक हैरान कर देने वाली घटना घाटी> दरअसल रांची के ओरमांझी ब्लॉक चौक के पास वाले दारू दुकान में एक बन्दर घूंस गया> बन्दर अंदर… pic.twitter.com/BEWDbMvOnl

— Arun Shivhare (@ArunShivhare100) September 26, 2026

കടക്കാരനെ അക്രമിച്ചെന്നും റിപ്പോർട്ട്

കുരങ്ങൻ ഉറക്കം പിടിച്ചതോടെ സുരക്ഷിതമായി കടയിൽനിന്ന് മാറ്റാൻ കടയിലുണ്ടായിരുന്നവർ വനംവകുപ്പ് ഉദ്യോഗസ്ഥരെ ബന്ധപ്പെട്ടു. കുരങ്ങന് പരിക്കേൽക്കാതെയും കൂടുതൽ പ്രശ്നങ്ങളുണ്ടാകാതെയും അതിനെ പിടികൂടി സുരക്ഷിതമായി മാറ്റുകയായിരുന്നു ലക്ഷ്യം. അതേസമയം ചില പ്രാദേശിക റിപ്പോർട്ടുകളിൽ അല്പ സമയത്തിന് ശേഷം മയക്കം വിട്ടുണർന്ന കുരങ്ങൻ കടയ്ക്കുള്ളിൽ അക്രമാസക്തമായി പെരുമാറുകയും കുപ്പികൾ മറിച്ചിടുകയും ജീവനക്കാരനെ കടിക്കുകയും ചെയ്തതായി പറയുന്നു. തുടർന്ന് ബിർസ മുണ്ട ജൈവിക ഉദ്യാനത്തിലെ രക്ഷാസംഘമെത്തി കുരങ്ങിനെ പിടികൂടുകയായിരുന്നെന്നും റിപ്പോർട്ടുകളുണ്ട്.

എൽ നിനോ; രാജ്യത്തിന്‍റെ പകുതിയിലേറെ പ്രദേശവും വരൾച്ചാ ഭീഷണിയിൽ, കാർഷികോത്പാദനം കുറയും, വില കുത്തനെ ഉയരും!

Web Desk — Sat, 26 Sep 2026 16:36:41 +0530

മൺസൂൺ മഴയിലുണ്ടായ കുറവ് കേരളത്തിൽ കർക്കിടക മാസത്തിൽ പോലും പവർക്കട്ടിനാണ് വഴിവച്ചത്. എന്നാൽ, ഇത് വെറുമൊരു പവർക്കട്ടിൽ തീരില്ലെന്നാണ് പുറത്ത് വരുന്ന റിപ്പോർട്ടുകൾ ചൂണ്ടിക്കാട്ടുന്നത്. നിലവിൽ തെക്ക് പടിഞ്ഞാറാൻ മൺസൂൺ പിൻവാങ്ങാൻ ആരംഭിച്ചതോടെ രാജ്യത്തിന്‍റെ പകുതിയിലേറെ പ്രദേശത്തെയും കാത്തിരിക്കുന്നത് കടുത്ത വരൾച്ചയാണെന്ന് റിപ്പോർട്ട് പറയുന്നു. സെപ്റ്റംബർ 16 -ലെ ഐഐടി ഗാന്ധിനഗറിന്‍റെ ഇന്ത്യ ഡ്രോട്ട് മോണിറ്റർ കണക്കുകൾ പ്രകാരം രാജ്യത്തിന്‍റെ 52.5 ശതമാനം പ്രദേശത്തും വരൾച്ചാ സാഹചര്യമാണ് നിലനിൽക്കുന്നതെന്ന് പറയുന്നു. ഒരു മാസം മുമ്പ് ഇത് 38.9 ശതമാനമായിരുന്നു. ഒറ്റ മാസത്തിനിടെ 13.6 ശതമാനത്തിന്‍റെ വർദ്ധനവ്!

വരാനിരിക്കുന്നത് കടുത്ത വേനൽ

2015 - 16 കാലത്തെ വരൾച്ചയേക്കാൾ രൂക്ഷമായ ഒരു വരൾച്ചാ കാലമാണ് 2026 -27 -ൽ ഇന്ത്യക്കാരെ കാത്തിരിക്കുന്നതെന്ന് ഐഐടി ബോംബെയിലെ കാലാവസ്ഥാ പഠനകേന്ദ്രത്തിലെ ഗവേഷകർ ചൂണ്ടിക്കാണിക്കുന്നു. തുടർച്ചയായ മഴയ്ക്ക് പകരം ഇടവിട്ട് പെയ്യുന്ന മഴയും മഴകൾക്കിടെയിലെ ദീർഘമായ വരണ്ട ഇടവേളകളുമായിരുന്നു ഇത്തവണത്തെ മൺസൂണിന്‍റെ പ്രത്യേകത. ആന്ധ്രപ്രദേശ്, പഞ്ചാബ്, ഹരിയാന, മഹാരാഷ്ട്ര, പശ്ചിമ ബംഗാൾ, വടക്കൻ കർണാടക, ജാർഖണ്ഡ് എന്നിവിടങ്ങളിൽ ആഴ്ചകളോളം വരണ്ട കാലാവസ്ഥ നിലനിന്നു.

ഉഷ്ണമേഖലാ പസഫിക് സമുദ്രത്തിൽ എൽ നിനോ (El Niño) ശക്തിപ്രാപിക്കുന്നത് തുടരുന്നതിനിടെ, രാജ്യത്തിന്‍റെ ചില ഭാഗങ്ങൾ ഇതിനകം തന്നെ തീവ്രവും അസാധാരണവുമായ വരൾച്ചയായിരുന്നു അനുഭവപ്പെട്ടത്. എൽ നിനോ പ്രതിഭാസം പൂർണ്ണമായി രൂപപ്പെട്ടുകഴിഞ്ഞതായും 2027 ഫെബ്രുവരി വരെ ഇത് തുടരുമെന്നും ലോക കാലാവസ്ഥാ സംഘടനയുടെ (WMO) മുന്നറിയിപ്പിൽ പറയുന്നു. ഇത് രാജ്യത്തിന്‍റെ പല മേഖലകളിലും ദീർഘകാലാടിസ്ഥാനത്തിലുള്ള മഴയിലും താപനിലയിലും വലിയ വ്യത്യാസങ്ങൾക്ക് കാരണമായേക്കാമെന്നും റിപ്പോർട്ടുകൾ പറയുന്നു.

15 ശതമാനം മഴക്കുറവ്

ജൂൺ 1 മുതൽ സെപ്റ്റംബർ 22 വരെ രാജ്യത്ത് സാധാരണ ലഭിക്കേണ്ടത് 832.4 മില്ലിമീറ്റർ മഴയാണ്. എന്നാൽ ലഭിച്ചത് 706.9 മില്ലിമീറ്റർ മഴയും. 15 ശതമാനത്തോളം കുറവാണ് ഉണ്ടായതെന്ന് ഇന്ത്യൻ കാലാവസ്ഥാ വകുപ്പിന്‍റെ (IMD) കണക്കുകൾ പറയുന്നു. രാജ്യത്തെ 42 ശതമാനം പ്രദേശത്ത് സാധാരണ മഴ ലഭിച്ചപ്പോൾ 41 ശതമാനം പ്രദേശങ്ങളിലും സീസണിലെ മഴയിൽ കുറവ് രേഖപ്പെടുത്തി. മഴക്കുറവിനൊപ്പം വരണ്ട ഇടവേളകൾ കൂടിയത് കാര്യങ്ങൾ കൂടുതൽ സങ്കീർണമാക്കുന്നു. പടിഞ്ഞാറൻ ഇന്ത്യയിൽ 79 ശതമാനവും തെക്കൻ ഇന്ത്യയിൽ 67 ശതമാനവും വരൾച്ചാ സാഹചര്യത്തിലാണെന്നും റിപ്പോർട്ട് ചൂണ്ടിക്കാട്ടുന്നു. തീരദേശ ആന്ധ്രയിൽ 37 %, റായലസീമയിൽ 43 %, കേരളത്തിൽ 28 %, മറാത്ത്‌വാഡയിൽ 36 % എന്നിങ്ങനെയാണ് മഴയിൽ രേഖപ്പെടുത്തിയ കുറവ്.

ഏറ്റവും കൂടുതൽ ബാധിച്ചത് നെൽകൃഷിയെ

മഴക്കുറവ് ഏറ്റവും കുടുതൽ പ്രതിസന്ധിയിലാക്കുന്നത് കൃഷിയെയാണ്. സെപ്റ്റംബർ 11 വരെ കൃഷി സ്ഥല വിസ്തൃതി കഴിഞ്ഞ വർഷത്തേക്കാൾ 16.05 ലക്ഷം ഹെക്ടർ കുറഞ്ഞെന്ന് റിപ്പോർട്ടുകൾ പറയുന്നു. ധാരാളം ജലം ആവശ്യമായ നെൽകൃഷിയിലാണ് ഏറ്റവും വലിയ ഇടിവ് രേഖപ്പെടുത്തിയത്. കർണാടക, തെലങ്കാന, ആന്ധ്രപ്രദേശ്, തമിഴ്നാട്, മഹാരാഷ്ട്ര തുടങ്ങിയ സംസ്ഥാനങ്ങളിൽ നെൽകൃഷി വിസ്തൃതിയിൽ ഇതിനകം വലിയ കുറവ് രേഖപ്പെടുത്തിയിട്ടുണ്ട്. ഈ പ്രദേശങ്ങളിൽ വരൾച്ചാ സാഹചര്യം തുടരുമെന്നാണ് ഐഐടി ബോംബെയിലെ ഗവേഷകർ നടത്തിയ കാർഷിക വരൾച്ചാ പ്രവചനം സൂചിപ്പിക്കുന്നത്. നെൽക്കൃഷിയിലുണ്ടായ കുറവ് ഏറ്റവും കൂടുതൽ ബാധിക്കുന്നത് കേരളം പോലൊരു ഉപഭോക്തൃ സംസ്ഥാനത്തെയാണെന്ന് പ്രത്യേകം പറയേണ്ട കാര്യമില്ല.

മുന്നിലുള്ളത് കഠിനമായ നാളുകൾ

രാജ്യത്തെ 55 – 60 ശതമാനം വരെ കൃഷിയിടങ്ങൾ ജലത്തിനായി മഴയെ ആശ്രയിക്കുന്നതിനാൽ വിളകളുടെ ഉൽപ്പാദനത്തെയും വരാനിരിക്കുന്ന കാർ‍ഷിക സീസണിനെയും ഈ വരൾച്ച വലിയ തോതിൽ ബാധിച്ചേക്കാമെന്നും അതേസമയം, ഉഷ്ണമേഖലാ പസഫിക്കിൽ എൽ നിനോ ശക്തിപ്പെടുന്നത് വരും മാസങ്ങളിലും മഴയിലും താപനിലയിലും അസാധാരണമായ വ്യത്യാസങ്ങൾ സൃഷ്ടിക്കുമെന്നും റിപ്പോർട്ടുകൾ പറയുന്നു. മഴക്കുറവും കടുത്ത ചൂടും മൂലമുണ്ടാകുന്ന വരൾച്ച കാർഷികോത്പാദനത്തെ ബാധിക്കുകയും യുഎസിന്‍റെ നേതൃത്വത്തിൽ നടക്കുന്ന പശ്ചിമേഷ്യൻ യുദ്ധം ആഗോളവ്യാപാര ശൃംഖലയെ പ്രതികൂലമായി ബാധിക്കുകയും ചെയ്യുമ്പോൾ കാർഷികോത്പാദനം കുറയുകയും വില കുതിച്ചുയരുകയും ചെയ്യാനുള്ള സാധ്യത വളരെ ഏറെയാണ്. അതായത് വരാനിരിക്കുന്ന നാളുകൾ അത്രശുഭകരമല്ലെന്നാണ് റിപ്പോർട്ടുകൾ ചൂണ്ടിക്കാട്ടുന്നത്.

സ്വപ്നങ്ങളുപേക്ഷിക്കേണ്ട, ഒടുവില്‍ ഒരുപാടാശിച്ച ബിരുദം നേടി ഈ തൊഴിലാളികൾ

Web Desk — Sat, 26 Sep 2026 13:12:37 +0530

സ്വന്തം കുടുംബത്തെ നോക്കാനായി നാടുവിട്ട് ഹോങ്കോങ്ങിൽ ഗാർഹിക ജോലിക്ക് എത്തുമ്പോഴാണ് ഡയാൻ അഗോണോയിക്ക് പ്രിയപ്പെട്ടവരെ പിരിഞ്ഞിരിക്കേണ്ടി വന്നത്. 'എന്റെ മക്കളുടെ ജീവിതത്തിലെ പ്രധാന നിമിഷങ്ങളും ഞങ്ങളുടെ പ്രത്യേക ആഘോഷങ്ങളുമെല്ലാം എനിക്ക് നഷ്ടമായിട്ടുണ്ട്. ചിത്രങ്ങളിൽ ഞാൻ മാത്രമായിരിക്കും എപ്പോഴും ഇല്ലാത്തത്' അവർ ഓർക്കുന്നു. ചെറുപ്പത്തിൽ തന്നെ വിവാഹിതയായ അഗോണോയിക്ക് സർവകലാശാലാ പഠനം പാതിവഴിയിൽ ഉപേക്ഷിക്കേണ്ടി വന്നിരുന്നു. ഭൂരിഭാഗം ജോലികൾക്കും ആവശ്യമായ ബാച്ചിലേഴ്സ് ബിരുദം ഇല്ലാത്തതിനാൽ അവർ വിദേശത്ത് ഗാർഹിക ജോലി തിരഞ്ഞെടുക്കാൻ നിർബന്ധിതയായി.

ഗെലാനി അഗ്യുലാരിയോയുടെ കഥയും വ്യത്യസ്തമല്ല. അഭിഭാഷകയാവുക എന്ന ലക്ഷ്യത്തോടെ പൊളിറ്റിക്കൽ സയൻസിലും പിന്നീട് എജ്യുക്കേഷൻ മേഖലയിലും ബിരുദം നേടാൻ രണ്ടുതവണ ശ്രമിച്ചെങ്കിലും ഗർഭധാരണവും കുടുംബ ഉത്തരവാദിത്തങ്ങളും കാരണം പഠനം മുടങ്ങി. എന്നാൽ, 2024 -ൽ ഇരുവരുടെയും ജീവിതം മാറിമറിഞ്ഞു. ഹോങ്കോങ്ങിലെ വിദേശ ഫിലിപ്പിനോ തൊഴിലാളികൾക്ക് (OFWs) ബിരുദം നേടാൻ സഹായിക്കുന്ന 'ഫുൾഫിൽസ്' എന്ന ലാഭരഹിത സംഘടനയെക്കുറിച്ച് അവർ അറിയാനിടയായി. കോഴ്സുകൾ പൂർണ്ണമായും ഓൺലൈനാണ്. പഠനച്ചെലവിന്റെ 80 ശതമാനവും സംഘടന സബ്‌സിഡിയായി നൽകുന്നതിനാൽ വിദ്യാർത്ഥികൾ ഒരു ടേമിൽ ഏകദേശം 600 ഹോങ്കോങ് ഡോളർ (ഏകദേശം 76 യു.എസ്. ഡോളർ) മാത്രം നൽകിയാൽ മതിയാകും.

ഫിലിപ്പീൻസ് സർക്കാരിന്റെ 'ഇ.ടി.ഇ.ഇ.എ.പി' എന്ന പദ്ധതി പ്രയോജനപ്പെടുത്തിയാണ് ഫുൾഫിൽസ് പ്രവർത്തിക്കുന്നത്. ചുരുങ്ങിയത് അഞ്ച് വർഷത്തെ പ്രവൃത്തിപരിചയമുള്ളവർക്ക് ആ പരിചയസമ്പത്ത് ബിരുദത്തിനാവശ്യമായ ക്രെഡിറ്റുകളാക്കി മാറ്റാൻ ഈ പദ്ധതി സഹായിക്കുന്നു. തുടർന്ന് ആറുമാസത്തെ പഠനം കൊണ്ട് ബിരുദം കരസ്ഥമാക്കാം. എ.എം.എ യൂണിവേഴ്സിറ്റി, ഫിലിപ്പീൻ വിമൻസ് യൂണിവേഴ്സിറ്റി (PWU), യൂണിവേഴ്സിറ്റി ഓഫ് ഫിലിപ്പീൻസ് എന്നിവയുമായി സഹകരിച്ചാണ് ഫുൾഫിൽസ് ഓൺലൈൻ മോഡുലാർ കോഴ്സുകൾ ലഭ്യമാക്കുന്നത്. ഇത് വിദേശത്തുള്ള ഫിലിപ്പീൻകാർക്ക് മുഴുവൻ സമയ ഗാർഹിക ജോലിക്കൊപ്പം തന്നെ മുഴുവൻസമയ വിദ്യാർത്ഥികളാകാനും അവസരമൊരുക്കുന്നുവെന്ന് സംഘടനയുടെ സ്ഥാപകനായ ബഹാ പറയുന്നു.

പി.ഡബ്ല്യു.യു-വിൽ ഹോസ്പിറ്റാലിറ്റി ബിരുദത്തിന് അർഹത നേടിയ അഗ്യുലാരിയോയും അഗോണോയിയും ജോലി ഉപേക്ഷിക്കാതെ തന്നെ മൂന്ന് ടേമുകളിലായി ഒരു വർഷം കൊണ്ടാണ് പഠനം പൂർത്തിയാക്കിയത്.

എന്നാൽ, പഠനത്തിനായി പുലർച്ചെ ഒരു മണി വരെ ഉണർന്നിരിക്കേണ്ടി വന്നത് ആരോഗ്യത്തെ ബാധിച്ചതായി അഗോണോയി പറഞ്ഞു. "അവസാന ടേമിൽ എന്റെ രക്തസമ്മർദ്ദം കുറഞ്ഞു. തുടർന്ന് തൊഴിലുടമ എന്നെ വൈദ്യപരിശോധനയ്ക്ക് അയച്ചു" അവർ ഓർത്തു. സഹപാഠികളുടെ പിന്തുണയോടെയാണ് ഇരുവരും പഠനം മുന്നോട്ട് കൊണ്ടുപോയത്. ബിരുദ പഠനത്തിന് പുറമെ സാമ്പത്തിക സാക്ഷരത, എക്സൽ സോഫ്റ്റ്‌വെയർ ഉപയോഗം തുടങ്ങിയ പ്രായോഗിക കഴിവുകൾ വളർത്തുന്നതിനായി എല്ലാ മാസവും ഫുൾഫിൽസ് പ്രത്യേക വർക്ക്ഷോപ്പുകളും സംഘടിപ്പിക്കുന്നുണ്ട്.

നിലവിൽ അമേരിക്കയിലെ ഹാർവാർഡ് യൂണിവേഴ്സിറ്റിയിൽ ഉന്നത പഠനം ആരംഭിക്കുന്ന ബഹാ, ഫുൾഫിൽസ് വഴി ഇതുവരെ 30-ഓളം സ്കോളർഷിപ്പുകൾ നൽകിയിട്ടുണ്ടെന്നും പദ്ധതി കൂടുതൽ വിപുലീകരിക്കാൻ ആഗ്രഹിക്കുന്നുവെന്നും വ്യക്തമാക്കി.

ബെംഗളൂരുവിൽ നിന്നും ഗുരുഗ്രാമിലേക്ക് മാറിയപ്പോൾ സംഭവിച്ചത്; വൈറലായി യുവതിയുടെ വീഡിയോ

Web Desk — Sat, 26 Sep 2026 14:51:23 +0530

ബെംഗളൂരുവിൽ നിന്നും ഗുരുഗ്രാമിലേക്ക് മാറിയപ്പോഴുള്ള തന്റെ ജോലിയുമായി ബന്ധപ്പെട്ട അനുഭവങ്ങൾ വിവരിച്ച് സോഷ്യൽ മീഡിയ ഇൻഫ്ലുവൻസർ ആസ്ഥ ഗോയൽ പങ്കുവെച്ച വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധിക്കപ്പെടുന്നത്. ഓഫീസുകളിലെ വസ്ത്രധാരണ രീതികളിലെ വ്യത്യാസങ്ങളും, വളർത്തുമൃഗങ്ങളെ ഓഫീസിലേക്ക് കൊണ്ടുപോകാനുള്ള സ്വാതന്ത്ര്യവുമാണ് പ്രധാനമായും അവർ ഇതിൽ ചൂണ്ടിക്കാണിക്കുന്നത്.

ബെംഗളൂരുവിൽ തനിക്ക് ഇഷ്ടമുള്ള, കംഫർട്ടബിളായ എന്ത് വസ്ത്രവും ധരിച്ച് ഓഫീസിൽ പോകാമായിരുന്നു, ആരും അത് ചോദ്യം ചെയ്തിരുന്നില്ലെന്നും ആസ്ഥ പറയുന്നു. എന്നാൽ ഗുരുഗ്രാമിൽ എത്തിയപ്പോൾ അവിടെ കർശനമായ ഡ്രസ് കോഡ് പാലിക്കേണ്ടി വന്നുവെന്നും അവർ വ്യക്തമാക്കി.

View this post on Instagram

A post shared by Astha Goyal (@astha.goyal_27)

താൻ വളർത്തുന്ന പൂച്ചയെ ബെംഗളൂരു ഓഫീസുകളിലേക്ക് ഒപ്പം കൂട്ടാൻ അനുവാദമുണ്ടായിരുന്നു, എന്നാൽ ഗുരുഗ്രാമിൽ ആ സൗകര്യമില്ല. പൂച്ചയെ തനിച്ചാക്കുന്നത് തന്നെ ഏറെ വിഷമിപ്പിക്കുന്നുണ്ടെന്നും അവർ കൂട്ടിച്ചേർത്തു.

ആസ്ഥയുടെ ഈ വീഡിയോയ്ക്ക് താഴെ നിരവധിപ്പേരാണ് തങ്ങളുടെ അഭിപ്രായങ്ങളുമായി രംഗത്തെത്തിയത്. ഗുരുഗ്രാമിലെ എല്ലാ ഓഫീസുകളിലും ഡ്രസ് കോഡ് നിർബന്ധമില്ലെന്നും, താൻ പാർട്ടി വെയറും കാഷ്വൽ വെയറുമെല്ലാം ധരിച്ചാണ് പോകുന്നതെന്നും ചിലർ അഭിപ്രായപ്പെട്ടു. കമ്പനികളെ ആശ്രയിച്ചാണ് ഇതെല്ലാമിരിക്കുന്നത് എന്നായിരുന്നു മറ്റു ചിലരുടെ പ്രതികരണം.

'ഗുരുഗ്രാം ആണ് ബെംഗളൂരുവിനേക്കാൾ നല്ലത്, ബെംഗളൂരുവിന് കാലാവസ്ഥ മാത്രമേയുള്ളൂ നല്ലതായിട്ട്' എന്ന് ഒരാൾ കമന്റ് ചെയ്തു. എന്നാൽ, ഗുരുഗ്രാമിലെ ജീവിതം അത്ര എളുപ്പമല്ലെന്നും, അവിടെ നല്ല ഭക്ഷണം കിട്ടാനുള്ള ഓപ്ഷൻ കുറവാണെന്നും, സുരക്ഷാ പ്രശ്നങ്ങൾ ഉണ്ടെന്നും, കടുത്ത മുടി കൊഴിച്ചിൽ അനുഭവപ്പെടുന്നുണ്ടെന്നും മറ്റ് ചിലർ വിമർശിച്ചു. ഗുരുഗ്രാമിൽ നിന്ന് ബെംഗളൂരുവിലേക്ക് മാറിയെന്നും അവിടുത്തെ ആളുകൾ വളരെ സ്നേഹമുള്ളവരും സഹായമനസ്കരുമാണെന്ന് മറ്റൊരാളും അഭിപ്രായപ്പെട്ടു.

നിങ്ങളുടെ വോട്ട് ആര്‍ക്ക്? ഡൽഹിയിലെ 'ഏറ്റവും തടിയുള്ള നായ' ഏത്? ഓൺലൈനിൽ തരംഗമായി മത്സരം

Web Desk — Sat, 26 Sep 2026 08:20:00 +0530

ഡൽഹിയിലെ നായപ്രേമികൾക്കിടയിൽ കൗതുകമുണർത്തി 'ഫാറ്റ് ഡോഗ്സ് ഓഫ് ഡൽഹി' മത്സരം. ഒരു ഇൻസ്റ്റഗ്രാം പേജിന്റെ നേതൃത്വത്തിലാണ് ഈ ഓൺലൈൻ മത്സരം നടക്കുന്നത്. ഡൽഹിയിലെ ഏറ്റവും തടിയുള്ള നായയെ (Chonkiest Canine) കണ്ടെത്തുക, ഓൺലൈനിൽ ആളുകൾ നൽകുന്ന വോട്ടുകളുടെ അടിസ്ഥാനത്തിലായിരിക്കും. അമേരിക്കയിലെ പ്രശസ്തമായ 'ഫാറ്റ് ബെയർ വീക്ക്' മാതൃകയാക്കിയാണ് ഈ മത്സരം സംഘടിപ്പിച്ചിരിക്കുന്നത്. സെപ്റ്റംബർ 24 മുതൽ 29 വരെയാണ് മത്സരം നടക്കുന്നത്.

മത്സരത്തിന്റെ പ്രത്യേകതകൾ

ഡൽഹിയിലെ വിവിധ ഭാഗങ്ങളിൽ നിന്നുള്ള 64 നായകളാണ് മത്സരത്തിൽ മാറ്റുരയ്ക്കുന്നത്. നായകളുടെ ഫോട്ടോ, പേര്, സ്ഥലം എന്നിവ ഉടമകൾ സമർപ്പിക്കണം. അതിൽ നിന്നാണ് മത്സരാർത്ഥികളെ തിരഞ്ഞെടുത്തത്. നോക്കൗട്ട് റൗണ്ടുകളിലൂടെയാണ് മത്സരം പുരോഗമിക്കുന്നത്. ഒടുവിൽ വിജയിയെ കിരീടം അണിയിക്കും. കുത്ത സിംഗ്, മഹാകുത്തേശ്വർ, ഗജീന്ദർ, ഗോഗോ, ഗൂഗൂ, മോണ്ടി, ബെയർ, ലീല തുടങ്ങിയ രസകരമായ പേരുകളുള്ള നായകളാണ് മത്സരത്തിലുള്ളത്. ഇതിൽ 'ചെബ്‌ഡാക്ക റാസ സിംഗ്' എന്ന മത്സരാർത്ഥിയും വോട്ടർമാരുടെ ശ്രദ്ധ പിടിച്ചുപറ്റിയിട്ടുണ്ട്.

why do i feel like chewbacca raza singh is gonna sweep the fat dogs of Delhi elections pic.twitter.com/IOH3AO6GqL

— basith (@basithladoo) September 24, 2026

പ്രത്യേകിച്ച് 'കുത്ത സിംഗ്' എന്ന നായയ്ക്ക് വൻ ജനപിന്തുണയാണ് ലഭിക്കുന്നത്. പിന്തുണയറിയിച്ച് ആരാധകർ പോസ്റ്ററുകൾ ഇറക്കുകയും സോഷ്യൽ മീഡിയയിൽ പ്രചാരണം നടത്തുകയും ചെയ്യുന്നുണ്ട്. പ്രമുഖ ക്വിക്ക് കൊമേഴ്‌സ് കമ്പനിയായ ബ്ലിങ്കിറ്റും (Blinkit) കുത്ത സിംഗിന് പിന്തുണയുമായി എക്സിൽ (X) രംഗത്തെത്തിയിട്ടുണ്ട്. 'ഡൽഹി രോഹിണിയിലെ കുത്ത സിംഗിന് ഫുൾ സപ്പോർട്ട്' എന്ന് കുറിച്ച കമ്പനി, വിജയിക്കുന്ന നായയ്ക്ക് ഫ്രീ ട്രീറ്റ്സ് നൽകുമെന്നും പ്രഖ്യാപിച്ചിട്ടുണ്ട്.

full support to Kutta Singh from Rohini, free treats for the winner btw woof woof pic.twitter.com/AbOQGIbQvK

— Blinkit (@letsblinkit) September 25, 2026

Everyone pls vote for Kutta Singh for Fattest dog of delhi 2026 Non indian oomfs u can vote aswVote here https://t.co/udtWflmRIT pic.twitter.com/Fr3D5pN9zq

— fka twinks (@rptizm) September 24, 2026

ഈ രസകരമായ മത്സരം സോഷ്യൽ മീഡിയയിൽ വലിയ ചിരിയും കൗതുകവുമാണ് ഉണ്ടാക്കിയിരിക്കുന്നത്. 'ഡൽഹിയിലെ തടിയൻ നായകളെ കണ്ടിട്ട് എനിക്ക് തിരഞ്ഞെടുക്കാൻ കഴിയുന്നില്ല, അവരെല്ലാം എന്റെ ഹൃദയം കവർന്നു' എന്നാണ് ഒരാൾ കുറിച്ചത്. 'ഇത് വളരെ ഗൗരവമുള്ള കാര്യമാണ്, എന്റെ ഫേക്ക് അക്കൗണ്ടുകളിൽ നിന്ന് പോലും ഞാൻ വോട്ട് ചെയ്യുന്നുണ്ട്' എന്ന് മറ്റൊരാൾ തമാശയായി കുറിച്ചു.

ബാങ്കോക്ക് ഹോസ്റ്റലിൽ ഹിന്ദി ബോർഡ്, കഷ്ടം, കാരണം ഇന്ത്യക്കാരുടെ പെരുമാറ്റം തന്നെ!

Web Desk — Sat, 26 Sep 2026 14:29:33 +0530

ബാങ്കോക്കിലെ ഒരു ഹോസ്റ്റലില്‍ കണ്ട ഹിന്ദിയിലുള്ള മുന്നറിയിപ്പ് ബോര്‍ഡിന്റെ അനുഭവവും ഇന്ത്യക്കാരുടെ പെരുമാറ്റത്തെക്കുറിച്ചും തുറന്നുപറഞ്ഞ് ഇന്ത്യന്‍ യാത്രികനായ സ്പർശ് സുനിൽ. തായ്‌ലാൻഡ് യാത്രയ്ക്കിടയിലാണ് അദ്ദേഹം ഈ ദുരനുഭവം പങ്കുവെച്ചത്. വിദേശരാജ്യങ്ങളില്‍ പോകുമ്പോള്‍ നാം എങ്ങനെ പെരുമാറുന്നു എന്നത് നമ്മുടെ രാജ്യത്തിന്റെ പ്രതിച്ഛായയെയാണ് ബാധിക്കുന്നതെന്ന് അദ്ദേഹം ഇന്‍സ്റ്റാഗ്രാം വീഡിയോയിലൂടെ ഓർമ്മിപ്പിച്ചു.

ബാങ്കോക്കിലെ ഒരു ഹോസ്റ്റലിൽ, 'ദയവായി കുടിവെള്ളം നേരിട്ട് കുടിക്കരുത്, അടുക്കളയിൽ നിന്ന് ഗ്ലാസ് ഉപയോഗിക്കുക' എന്നെഴുതിയ ഹിന്ദി ബോർഡ് സ്പർശ് ശ്രദ്ധിച്ചു. ഇത്രയും വ്യക്തമായ നിര്‍ദ്ദേശം ഹിന്ദിയില്‍ മാത്രം എഴുതാനുള്ള കാരണം ഹോസ്റ്റല്‍ ജീവനക്കാരോട് ചോദിച്ചപ്പോള്‍, ചില ഇന്ത്യന്‍ വിനോദസഞ്ചാരികള്‍ വാക്കാല്‍ പറയുന്ന നിര്‍ദ്ദേശങ്ങള്‍ പാലിക്കാറില്ലെന്നും അതുകൊണ്ടാണ് ഇത് എഴുതിവെക്കേണ്ടി വന്നതെന്നുമാണ് അവര്‍ മറുപടി നല്‍കിയത്.

ലൗഡായ പെരുമാറ്റം, മാലിന്യങ്ങള്‍ വലിച്ചെറിയുക, ക്യൂ പാലിക്കാതിരിക്കുക, മസാജ് സെന്ററുകളിലെ സ്ത്രീകളോട് അനുചിതമായി പെരുമാറുക തുടങ്ങിയ സംഭവങ്ങളും അദ്ദേഹം നേരിൽ കണ്ടതായി വീഡിയോയില്‍ പറയുന്നു. വിദേശ രാജ്യങ്ങളില്‍ നാം ഓരോരുത്തരും രാജ്യത്തിന്റെ പ്രതിനിധികളാണെന്നും, ഇത്തരം പ്രവൃത്തികള്‍ ഇന്ത്യയുടെ സല്‍പേരിന് കളങ്കം വരുത്തുമെന്നും അദ്ദേഹം ഓര്‍മ്മിപ്പിച്ചു.

View this post on Instagram

A post shared by Sparsh Sunil (@sparshmusafir)

സ്പർശ് സുനിലിന്റെ വീഡിയോയ്ക്ക് വലിയ സ്വീകാര്യതയാണ് സോഷ്യൽ മീഡിയയിൽ ലഭിച്ചത്. നിരവധി പേര്‍ അദ്ദേഹത്തിന്റെ അഭിപ്രായത്തെ പിന്തുണച്ച് രംഗത്തെത്തി. വിദേശയാത്ര ചെയ്യുമ്പോള്‍ പാലിക്കേണ്ട മര്യാദകളെക്കുറിച്ചും സ്കൂള്‍ തലത്തില്‍ തന്നെ സിവിക് സെൻസ് പഠിപ്പിക്കണമെന്ന ആവശ്യവും കമന്റുകളിലൂടെ പലരും ഉന്നയിച്ചു.

വിദേശ രാജ്യങ്ങള്‍ സന്ദര്‍ശിക്കുമ്പോള്‍ അവിടെയുള്ള നിയമങ്ങളും സംസ്കാരവും മാനിച്ച് ഉത്തരവാദിത്തത്തോടെ പെരുമാറേണ്ടതിന്റെ ആവശ്യകതയാണ് ഈ സംഭവം വീണ്ടും ഓർമ്മിപ്പിക്കുന്നത്.

ഈ ഓട്ടോ ഡ്രൈവറെ നിങ്ങള്‍ക്കറിയുമോ? കണ്ടെത്താൻ സഹായിക്കാമോ? മറക്കാനാവുന്നില്ല അദ്ദേഹത്തെ, പോസ്റ്റുമായി വിദേശ വനിത

Web Desk — Sat, 26 Sep 2026 14:11:45 +0530

ഇന്ത്യയിലെ യാത്രയ്ക്കിടെ തനിക്കുണ്ടായ ഒരു മനോഹരമായ അനുഭവവും, ഒരു വർഷം കഴിഞ്ഞിട്ടും ആ ഓട്ടോ ഡ്രൈവറെ ഓർക്കുന്നതിനെക്കുറിച്ചും ഒരു വിദേശ വനിത സോഷ്യൽ മീഡിയയിൽ പങ്കുവെച്ച വീഡിയോയാണ് ഇപ്പോൾ വൈറലാവുന്നത്. പണം വാങ്ങാൻ വിസമ്മതിച്ച ഒരു ഓട്ടോ ഡ്രൈവറും, തുടർന്ന് അദ്ദേഹത്തിന് നൽകിയ അപ്രതീക്ഷിത സമ്മാനവുമാണ് ഇവിടെ പങ്കുവച്ചിരിക്കുന്നത്.

'givingjoyfully_25' എന്ന ഇൻസ്റ്റാഗ്രാം അക്കൗണ്ടിലൂടെയാണ് ഈ വീഡിയോ ഷെയർ ചെയ്തിരിക്കുന്നത്. യാത്ര അവസാനിച്ചപ്പോൾ യാത്രാക്കൂലി നൽകാൻ ശ്രമിച്ചെങ്കിലും ഡ്രൈവർ അത് വാങ്ങാൻ തയ്യാറായില്ല. 'പണം തരേണ്ടതില്ല' എന്നായിരുന്നു അദ്ദേഹത്തിന്റെ മറുപടി. ഈ നിസ്വാർത്ഥത കണ്ട് ആകൃഷ്ടയായ വിദേശ വനിത അദ്ദേഹത്തിന് നന്ദി പറയുകയും, സ്നേഹസമ്മാനമായി 2,000 രൂപ ടിപ്പായി നൽകാൻ തീരുമാനിക്കുകയും ചെയ്തു.

പണം സ്വീകരിച്ച ഡ്രൈവർ സന്തോഷാധിക്യത്താൽ അവരോട് ആവർത്തിച്ച് നന്ദി പറഞ്ഞു. കുടുംബത്തെക്കുറിച്ചുള്ള ചോദ്യത്തിന് തനിക്ക് ഒരു മകനും മൂന്ന് പെൺമക്കളുമുണ്ടെന്ന് അദ്ദേഹം മറുപടി നൽകി. ഈ സഹായം തനിക്ക് ഏറെ ഉപകാരപ്പെട്ടുവെന്ന് പറഞ്ഞ അദ്ദേഹം അവരെ അനുഗ്രഹിക്കുകയും ചെയ്തു.

View this post on Instagram

A post shared by Tara Ingram (@givingjoyfully_25)

ഒരു വർഷം കഴിഞ്ഞിട്ടും ആ ഡ്രൈവറെ തനിക്ക് മറക്കാനായില്ലെന്നും, അദ്ദേഹം എങ്ങനെയിരിക്കുന്നുവെന്നറിയാൻ ആഗ്രഹമുണ്ടെന്നും യുവതി പറയുന്നു. ആ ഡ്രൈവറെ കണ്ടെത്താൻ സഹായിക്കണമെന്ന അഭ്യർത്ഥനയോടെ പങ്കുവെച്ച ഈ വീഡിയോയ്ക്ക് വലിയ പ്രതികരണമാണ് ലഭിക്കുന്നത്. 'സ്നേഹം എപ്പോഴും വിജയിക്കും', 'നമ്മൾ എന്ത് നൽകുന്നുവോ അതാണ് തിരികെ ലഭിക്കുന്നത്' തുടങ്ങിയ കമന്റുകളാണ് വീഡിയോയ്ക്ക് വരുന്നത്.

ഏത് സാഹചര്യത്തിലും തളരാതെ പരിശ്രമിക്കുക, അതാണ് വിജയത്തിന്റെ രഹസ്യം; സഹിൽ ബ്ലൂം

Web Desk — Sat, 26 Sep 2026 13:47:36 +0530

പ്രതിസന്ധി ഘട്ടങ്ങളിലും പിന്മാറാതെ പ്രയത്നം തുടരേണ്ടതിന്റെ പ്രാധാന്യത്തെക്കുറിച്ച് എഴുത്തുകാരൻ സഹിൽ ബ്ലൂം പങ്കുവെച്ച സന്ദേശം സോഷ്യൽ മീഡിയയിൽ ശ്രദ്ധ നേടുന്നു. പ്രായമാകുന്തോറും, ജീവിതത്തിൽ സാഹചര്യങ്ങൾ എന്തുതന്നെയായാലും മുന്നോട്ടുപോകാൻ തുനിയുക എന്നതാണ് വിജയത്തിന്റെ താക്കോലെന്ന് താൻ തിരിച്ചറിയാൻ തുടങ്ങിയതായി അദ്ദേഹം കുറിച്ചു.

കേൾക്കുമ്പോൾ വളരെ ലളിതമായി തോന്നാമെങ്കിലും, പ്രതിസന്ധികളിൽ പിന്തിരിയാതെ നിലനിൽക്കുക എന്നത് അപൂർവ്വമായി മാത്രം കാണുന്ന ഒന്നാണെന്ന് ബ്ലൂം വ്യക്തമാക്കുന്നു. മറ്റുള്ളവരുടെ പ്രശംസ ലഭിക്കുമ്പോഴും, പ്രതിഫലം ഉറപ്പുള്ളപ്പോഴും, ചെയ്യുന്ന കാര്യങ്ങളിൽ കൃത്യമായ പുരോഗതി കാണുമ്പോഴും പരിശ്രമം തുടരുക എന്നത് ഏവർക്കും എളുപ്പമുള്ള കാര്യമാണ്. എന്നാൽ, ഈ അനുകൂല സാഹചര്യങ്ങളൊന്നും ഇല്ലാത്ത ഘട്ടങ്ങളിൽ ഭൂരിഭാഗം ആളുകളും ശ്രമങ്ങൾ ഉപേക്ഷിക്കാറാണ് പതിവ്. പ്രയാസകരമായ സമയങ്ങളിൽ പോലും നിശ്ചയദാർഢ്യത്തോടെ മുന്നോട്ടുപോകാൻ വളരെ കുറച്ചുപേർ മാത്രമേ തുനിയാറുള്ളൂവെന്ന് അദ്ദേഹം ചൂണ്ടിക്കാട്ടുന്നു.

The older I get, the more I realize that showing up is the key to life.It sounds so simple, but it's surprisingly rare. Because it's easy to do when you're getting patted on the back for it. It's easy when the rewards feel certain. It's easy when the progress is clear.But…

— Sahil Bloom (@SahilBloom) September 23, 2026

സാഹചര്യങ്ങൾ കഠിനമായിരിക്കുമ്പോഴും പരിശ്രമം തുടരാൻ അദ്ദേഹം ഓർമ്മിപ്പിക്കുന്നു. കാര്യങ്ങൾ പ്രയാസകരമായിരിക്കുമ്പോഴും, പ്രവൃത്തികൾ ആരും ശ്രദ്ധിക്കാനില്ലാത്തപ്പോഴും, ചെയ്യാൻ ഒട്ടും താല്പര്യം തോന്നാത്ത സമയത്തും, ഫലം എന്താകുമെന്ന് ഉറപ്പില്ലാത്തപ്പോഴും പിന്തിരിയാതെ മുന്നോട്ടുപോകണമെന്ന് അദ്ദേഹം പറയുന്നു.

തുടർച്ചയായി പരിശ്രമിച്ചുകൊണ്ടേയിരിക്കുന്നവരെ നിസ്സാരരായി കാണരുത് എന്ന് കുറിച്ചുകൊണ്ടാണ് അദ്ദേഹം സന്ദേശം അവസാനിപ്പിച്ചത്. വ്യക്തമായ പ്രതിഫലമോ പുരോഗതിയോ മുന്നിൽ കാണാനില്ലെങ്കിലും നിരന്തര ശ്രമം കൈവിടാതിരിക്കുക എന്ന ആശയത്തിനാണ് അദ്ദേഹത്തിന്റെ വാക്കുകൾ ഊന്നൽ നൽകുന്നത്.

സോഷ്യൽ മീഡിയയിൽ വലിയ പ്രതികരണങ്ങളാണ് ഈ കുറിപ്പിന് ലഭിക്കുന്നത്. 'തീർച്ചയായും, നിങ്ങളുടെ വിജയത്തിന് പിന്നിലെ യഥാർത്ഥ ശക്തി നിരന്തരമായ പ്രയത്നം തന്നെയാണ്' എന്നാണ് ഒരാൾ അഭിപ്രായപ്പെട്ടത്. 'ഇത് തന്നെയാണ് ഞാൻ എന്റെ കുട്ടികൾക്കും പറഞ്ഞു കൊടുക്കാറുള്ളത്' എന്നായിരുന്നു മറ്റൊരു കമന്റ്.

ഓഫീസിലെ മാനസിക പീഡനം, തുറന്നുപറഞ്ഞപ്പോൾ ബ്രെയിൻവാഷെന്ന് എച്ച്.ആർ, ജോലി രാജിവെച്ച് യുവതി

Web Desk — Sat, 26 Sep 2026 11:14:55 +0530

കോർപ്പറേറ്റ് സ്ഥാപനങ്ങളിലെ ചൂഷണങ്ങളെ കുറിച്ചും ഓഫീസ് രാഷ്ട്രീയത്തെ കുറിച്ചും പലരും സാമൂഹിക മാധ്യമങ്ങളിൽ അനുഭവം പങ്കുവയ്ക്കാറുണ്ട്. അതുപോലെ ഒരു അനുഭവമാണ് ഇപ്പോൾ ചർച്ചയാകുന്നത്. ജോലിസ്ഥലത്ത് തനിക്ക് നേരിടേണ്ടിവന്ന ദുരനുഭവങ്ങളും പീഡനങ്ങളും തുറന്നുപറഞ്ഞ് റിതിക എന്ന യുവതി ഇൻസ്റ്റഗ്രാമിൽ പങ്കുവെച്ച വീഡിയോയാണ് ഇപ്പോൾ വൈറലാകുന്നത്. എച്ച്.ആർ. വിഭാഗത്തിൽ നിന്നും മേലുദ്യോഗസ്ഥരിൽ നിന്നും യാതൊരുവിധ നീതിയും ലഭിക്കാതെ വന്നതോടെയാണ് താൻ രാജി വെക്കേണ്ടി വന്നതെന്ന് റിതിക പറയുന്നു.

തനിക്കെതിരെ നടന്ന തൊഴിൽപരമായ പീഡനങ്ങളെക്കുറിച്ച് ആദ്യമായി പരാതിപ്പെട്ടപ്പോൾ, 'ആരാണ് നിങ്ങളെ ബ്രെയിൻ വാഷ് ചെയ്യുന്നത്? ആരാണ് ഇതിനൊക്കെ പ്രേരിപ്പിക്കുന്നത്' എന്നായിരുന്നു എച്ച്.ആർ. റെപ്രസന്റേറ്റീവ് ചോദിച്ചതെന്ന് റിതിക പറയുന്നു. ഈ എച്ച്.ആറിനെതിരെ സീനിയർ എച്ച്.ആറിന് പരാതി നൽകിയിട്ടും യാതൊരു പരിഹാരവും ഉണ്ടായില്ല. തന്നെ നിരന്തരം മാനസികമായി പീഡിപ്പിക്കുകയും ടാർഗറ്റ് ചെയ്യുകയുമാണെന്ന് പരാതിപ്പെട്ടിട്ടും ഫലമുണ്ടായില്ല.

തുടർച്ചയായി പരാതികൾ ഉന്നയിച്ചതോടെ സ്ഥിതി കൂടുതൽ വഷളായി. തന്നെ ജോലിയിൽ നിന്ന് പിരിച്ചുവിടുന്നതിനുള്ള തെളിവുണ്ടാക്കാൻ, സീനിയർ ജീവനക്കാർ ചേർന്ന് ജൂനിയർ ജീവനക്കാരെക്കൊണ്ട് തനിക്കെതിരെ ഇമെയിലുകൾ എഴുതിക്കാൻ സമ്മർദ്ദം ചെലുത്തിയതായി റിതിക ആരോപിക്കുന്നു.

View this post on Instagram

A post shared by Ritica ☺ (@rits.out.loud)

ഈ നീക്കങ്ങളെക്കുറിച്ച് മനസ്സിലാക്കിയ റിതിക, കമ്പനി തനിക്കെതിരെ നടപടി എടുക്കുന്നതിന് മുൻപ് തന്നെ രാജി സമർപ്പിക്കുകയായിരുന്നു. എന്നാൽ, രാജിക്കത്തിന് ശേഷം മാനേജ്മെന്റ് പറഞ്ഞത് റിതിക രാജി വയ്ക്കുമെന്ന് പ്രതീക്ഷിച്ചില്ലായിരുന്നു എന്നും അവളെ കമ്പനി എപ്പോഴും സപ്പോർട്ട് ചെയ്തിരുന്നു എന്നുമാണ്. 'ഇതാണോ നിങ്ങളുടെ പിന്തുണ? ഭാവിയിൽ നിങ്ങൾക്കും ഇതേ സഹായം ലഭിക്കട്ടെ' എന്ന് പരിഹാസത്തോടെ റിതിക മറുപടി നൽകുകയായിരുന്നത്രെ.

റിതികയുടെ വീഡിയോയ്ക്ക് താഴെ നിരവധിപ്പേരാണ് സമാനമായ അനുഭവങ്ങൾ പങ്കുവെച്ച് രംഗത്തെത്തിയത്. കോർപ്പറേറ്റ് ലോകത്തെ ഓഫീസ്‌ രാഷ്ട്രീയത്തെക്കുറിച്ചും ചില മാനേജർമാരുടെ പക്ഷപാതപരമായ പെരുമാറ്റത്തെക്കുറിച്ചും പലരും കമന്റ് ചെയ്തു. അത്തരം നെഗറ്റീവ് അന്തരീക്ഷത്തിൽ നിന്ന് കൃത്യസമയത്ത് ഇറങ്ങിയത് നല്ല തീരുമാനമാണെന്ന് പറഞ്ഞ് പലരും റിതികയെ പിന്തുണക്കുകയായിരുന്നു.

റൂം കീം നഷ്ടപ്പെട്ട് സോനയിൽ ഉറങ്ങി, കമ്പനി പിരിച്ചുവിട്ട യുവതിക്ക് 964 കോടി നഷ്ടപരിഹാരത്തിന് അർഹത

Web Desk — Sat, 26 Sep 2026 10:40:00 +0530

ഓസ്ട്രിയയിലേക്ക് കമ്പനി വക നടന്ന യാത്രയുടെ സമയത്ത് ഹോം കീ നഷ്ടപ്പെട്ട് സോനയിൽ ഉറങ്ങിയതിന്റെ പേരിൽ പിരിച്ചുവിടപ്പെട്ട ടെക് എക്സിക്യൂട്ടീവിന് കോടികളുടെ നഷ്ടപരിഹാരത്തിന് അർഹതയുള്ളതായി കോടതി. ഷാനൻ ബേൺസ് എന്ന യുവതിയാണ് ബ്രിട്ടീഷ് ലേബർ ട്രിബ്യൂണൽ ചരിത്രത്തിലെ ഏറ്റവും വലിയ നഷ്ടപരിഹാരമായ 76 ദശലക്ഷം പൗണ്ടിന് (ഏകദേശം 964 കോടി രൂപ) അർഹയാണെന്ന് കണ്ടെത്തിയത്. കേസ് മുന്നോട്ട് കൊണ്ടുപോകാനും കോടതി അനുമതി നൽകി.

2023 ഏപ്രിലിൽ ഓസ്ട്രിയയിലെ ലോഫറിൽ നടന്ന ടീം ബിൽഡിങ് ട്രിപ്പിനിടയിൽ മദ്യപിച്ചിരുന്ന ഷാനൻ ബേൺസിന് തന്റെ റൂമിന്റെ കീ നഷ്ടപ്പെട്ടു. മുറി തുറക്കാൻ കഴിയാതെ വന്നതോടെ അവർ ഒരു സോനയിൽ ഉറങ്ങുകയായിരുന്നു.

ഇതിനുപിന്നാലെ പ്രൊഫഷണൽ ഉത്തരവാദിത്തമില്ലായ്മ ആരോപിച്ച് 2023 ജൂണിൽ ഗിറ്റ്‌പോഡ് സി.ഇ.ഒ ജോഹാൻസ് ലാൻഡ്ഗ്രാഫ് അവരെ ജോലിയിൽ നിന്ന് പിരിച്ചുവിട്ടു. എ.ഡി.എച്ച്.ഡി (ADHD) ഉള്ള തന്നോട് പുരുഷ സഹപ്രവർത്തകരെ അപേക്ഷിച്ച് വിവേചനം കാണിച്ചുവെന്ന് ചൂണ്ടിക്കാട്ടി അവർ നിയമപോരാട്ടം നടത്തുകയായിരുന്നു.

ഭാവിയിലെ വരുമാനത്തിൽ വരുന്ന നഷ്ടം, ഓഹരി മൂല്യം തുടങ്ങിയവ കണക്കിലെടുത്താണ് 76 ദശലക്ഷം പൗണ്ട് നഷ്ടപരിഹാരം ആവശ്യപ്പെട്ടിരിക്കുന്നത്. കമ്പനി ഇത് 1 ദശലക്ഷമായി പരിമിതപ്പെടുത്താൻ ശ്രമിച്ചെങ്കിലും കോടതി ആ അപേക്ഷ തള്ളി. ഗിറ്റ്‌പോഡിനെ ഓപ്പൺഎഐ (OpenAI) ഏറ്റെടുത്തപ്പോൾ കമ്പനിയിലുണ്ടായിരുന്ന തന്റെ ഓഹരികളുടെ ഭാവി മൂല്യം കൂടി കണക്കിലെടുത്താണ് ഷാനൻ ബേൺസ് ഈ വലിയ തുക ആവശ്യപ്പെട്ടിരിക്കുന്നത്.

നിരവധി അറകളും തുരങ്കങ്ങളും; തുർക്കി - ഇറാന്‍ അതിര്‍ത്തിയിൽ കണ്ടെത്തിയത് നോഹയുടെ പെട്ടകം?

Web Desk — Fri, 25 Sep 2026 22:53:04 +0530

തുർക്കി - ഇറാന്‍ അതിര്‍ത്തിയിലെ മൗണ്ട് അറാറാത്തിന് സമീപമുള്ള ഡുറുപിനാർ രൂപീകരണത്തെ ചുറ്റിപ്പറ്റിയ നോഹയുടെ പെട്ടക രഹസ്യത്തിന് പുതിയ വഴിത്തിരിവ്. പുതിയ കണ്ടെത്തലോടെ ഇത് നോഹയുടെ പെട്ടകമാണെന്ന് ചില ഗവേഷകർ ഉറപ്പിച്ച് പറയുമ്പോൾ മറ്റ് ചിലർ കൂടുതൽ പഠനത്തിന്‍റെ ആവശ്യകതയിലേക്ക് വിരൽ ചൂണ്ടുന്നു. ബോട്ടിന്‍റെ ആകൃതിയിലുള്ള ഏതാണ്ട് 5,000 വര്‍ഷം പഴക്കമുള്ള ഒരു കുന്നിന് സമാനമായ പ്രദേശമാണിത്. തുർക്കിയുടെ ഈ കിഴക്കൻ പർവതനിരകള്‍ 'നോഹയുടെ പെട്ടകാവഷ്ടങ്ങള്‍' എന്ന് നേരത്തെ തന്നെ അറിയപ്പെട്ടിരുന്ന സ്ഥലത്ത് നടത്തിയ ശാസ്ത്രീയ പഠനങ്ങളാണ് പുതിയ വെളിപ്പെടുത്തൽ നടത്തിയത്.

ദുരുപിനാർ രൂപീകരണം

തുര്‍ക്കി അഗ്രിയിലെ (Agri) ഡോഗുബയാസിറ്റ് മേഖലയിൽ (Dogubayazıt region) ഇറാൻ-തുർക്കി അതിർത്തിയിൽ നിന്ന് ഏതാണ്ട് മൂന്ന് കിലോ മീറ്റര്‍ മാത്രം അകലെ സ്ഥിതി ചെയ്യുന്ന 'ദുരുപിനാർ രൂപീകരണ'മാണ് (Durupinar Formation) ഈ കണ്ടെത്തലിന്‍റെ കേന്ദ്രബിന്ദു. 538 അടി ഉയരവും പ്രാഥമികമായി ലിമോണൈറ്റും ചേർന്ന ഭൂമിശാസ്ത്രപരമായ ലാൻഡ്‌മാർക്ക് ആണ് 'ദുരുപിനാർ രൂപീകരണം' എന്ന് അറിയപ്പെടുന്നത്. ഈ അവശിഷ്ടങ്ങൾ ഐതിഹാസികമായ നോഹയുടെ പെട്ടകത്തിന്‍റെ ചില അവശിഷ്ടങ്ങളാണെന്ന് തദ്ദേശീയര്‍ നൂറ്റാണ്ടുകളായി വിശ്വസിക്കുന്നു. ബൈസന്‍റൈന്‍ കാലഘട്ടങ്ങളില്‍ ഈ പ്രദേശത്ത് രക്തരൂക്ഷിതമായ കുരിശുയുദ്ധങ്ങള്‍ നടന്നിരുന്നു.

View this post on Instagram

A post shared by Noah’s Ark Scans (@noahsarkscans)

2021 മുതൽ നടക്കുന്ന ഗവേഷണം

നൂറ്റാണ്ട് പഴക്കമുള്ള തദ്ദേശീയരുടെ ഈ വിശ്വാസത്തിന് മേലെ ഗവേഷണം ചെയ്യുന്നത് മൂന്ന് ടർക്കിഷ്, അമേരിക്കൻ സർവകലാശാലകളാണ്. 2021 മുതല്‍ ഈ പ്രദേശത്ത് ഖനന പ്രവര്‍ത്തനങ്ങള്‍ നടക്കുന്നുണ്ട്. 2022 ഡിസംബറിൽ പ്രദേശത്തെ മണ്ണിടിച്ചിലിൽ ഘടനാപരമായ മാറ്റം സംഭവിച്ച അവശിഷ്ടങ്ങളെക്കുറിച്ച് ശാസ്ത്രീയ ഗവേഷണം നടത്തുന്നതിനായി 'മൗണ്ട് അററാത്ത് ആൻഡ് നോഹസ് ആർക്ക് റിസർച്ച് ടീം' (Mount Ararat and Noah’s Ark Research Team) രൂപീകരിച്ചിരുന്നു. പ്രദേശത്ത് നിന്ന് ഇതിനകം ഏകദേശം മുപ്പതോളം പാറകളുടെയും മണ്ണിന്‍റെയും സാമ്പിളുകൾ ശാസ്ത്രജ്ഞർ ശേഖരിച്ചിട്ടുണ്ട്. ഇവ ഇസ്താംബുൾ ടെക്നിക്കൽ യൂണിവേഴ്സിറ്റിയില്‍ നടത്തിയ പഠനത്തിലാണ് കപ്പലിന്‍റെ പഴക്കം സ്ഥിരീകരിച്ചത്. എന്നാൽ ഇത് ബൈബിളിൽ പറയുന്ന നോഹയുടെ പെട്ടകമാണെന്ന് ഇതുവരെ ശാസ്ത്രീയമായി സ്ഥിരീകരിച്ചിട്ടില്ല.

പഴക്കം 5,500 ഓളം വർഷം

പാറയുടെയും മണ്ണിന്‍റെയും സാമ്പിളുകളുടെ പഠനത്തില്‍ നിന്ന് ബിസി 5500 നും 3000 നും ഇടയിൽ ഈ പ്രത്യേക പ്രദേശത്ത് "കളിമണ്ണും സമുദ്ര വസ്തുക്കളും സമുദ്രവിഭവങ്ങളും" നിലനിന്നിരുന്നുവെന്ന് തെളിയിക്കുന്നതായി പഴയ പഠനങ്ങളിൽ തെളിഞ്ഞിരുന്നു. പുതിയ റഡാർ പരിശോധനകളിൽ നേരെയുള്ള രേഖകൾ, സമകോണത്തിലുള്ള ചേരലുകൾ, വിവിധ ആഴങ്ങളിൽ വലിയ ശൂന്യ ഇടങ്ങൾ എന്നിവ കണ്ടെത്തിയതായി ഗവേഷകർ പറയുന്നു. ഇവയിൽ ചിലത് ഇടനാഴികളോ അറകളോ ആകാമെന്നാണ് ഗവേഷക സംഘത്തിന്‍റെ നിഗമനം. ഏകദേശം 151 അടി നീളമുള്ളതായി കണക്കാക്കുന്ന ഒരു സാധ്യതയുള്ള തുരങ്ക സംവിധാനവും കണ്ടെത്തിയിട്ടുണ്ട്. ശരാശരി 14 അടിയിലധികം ഉയരമുള്ള ഘടനകൾക്കൊപ്പം ഏകദേശം 26, 39, 23 അടി ഉയരമുള്ള മറ്റ് അസാധാരണ മേഖലകളും സ്കാനിൽ പ്രത്യക്ഷപ്പെട്ടതായി റിപ്പോർട്ടുകൾ പറയുന്നു.

View this post on Instagram

A post shared by Daily Mail (@dailymail)

ഏറ്റവും പുതിയ പഠനോപകരണങ്ങൾ

പഠനത്തിനായി അമേരിക്കൻ വ്യോമസേനാ ഗവേഷണവുമായി ബന്ധപ്പെട്ട സാങ്കേതികവിദ്യ ഉപയോഗിച്ച റഡാർ സംവിധാനവും പ്രയോജനപ്പെടുത്തിയതായി റിപ്പോർട്ടിൽ പറയുന്നു. അതേസമയം, റഡാർ ചിത്രങ്ങൾ യഥാർഥ മുറികളുടെയോ തുരങ്കങ്ങളുടെയോ ചിത്രങ്ങളല്ല. മറിച്ച് ഭൂഗർഭത്തിലെ വിവിധ വസ്തുക്കളോടുള്ള റഡാർ തരംഗങ്ങളുടെ പ്രതികരണങ്ങളാണ് അവ. അതിനാൽ കണ്ടെത്തലുകൾക്ക് ഭൗതിക പരിശോധന അനിവാര്യമാണെന്നും റിപ്പോർട്ടിൽ പറയുന്നു. ഡ്രില്ലിങ്ങിലൂടെ ജൈവവസ്തുക്കൾ കൂടുതലുള്ള ഒരു പാളി ലഭിച്ചിരുന്നു. ഇത് ദ്രവിച്ച മരമാണോയെന്ന പരിശോധന നടക്കുകയാണ്. റേഡിയോകാർബൺ ഡേറ്റിങ്ങിലൂടെ അതിന്‍റെ പ്രായം കണ്ടെത്താനുള്ള ശ്രമവും പുരോഗമിക്കുന്നു. കൂടാതെ പ്രദേശത്ത് കോപ്പർ ഏജ് മുതൽ ഇരുമ്പുയുഗം വരെയുള്ള കാലഘട്ടങ്ങളിലെ മൺപാത്രങ്ങളും കണ്ടെത്തിയെന്നും റിപ്പോർട്ടിൽ പറയുന്നു. അതേസമയം ഇവ നോഹയുടെ പെട്ടകവുമായി നേരിട്ട് ബന്ധിപ്പിക്കാൻ കഴിയില്ലെന്ന് ചില ഗവേഷകർ ചൂണ്ടിക്കാണിക്കുന്നു.

ആദ്യം കണ്ടെത്തിയത് 1959 -ൽ

1959 -ൽ വ്യോമനിരീക്ഷണ ചിത്രങ്ങളിലൂടെയാണ് ഡുറുപിനാർ രൂപീകരണം ശ്രദ്ധയിൽപ്പെട്ടത്. പുതിയ കണ്ടെത്തലുകൾ ദുരൂഹത വർധിപ്പിച്ചെങ്കിലും, പെട്ടകത്തിന്റെ അവശിഷ്ടം തന്നെയാണെന്ന അന്തിമ തെളിവിനായി കൂടുതൽ ശാസ്ത്രീയ പരിശോധനകൾക്കായി കാത്തിരിക്കുകയാണ് ഗവേഷകർ. നേരത്തെ നടത്തിയ പഠനങ്ങളിൽ നിന്ന് ലഭിച്ച പ്രാഥമിക കണ്ടെത്തലുകൾ അനുസരിച്ച്, ചാൽക്കോലിത്തിക് കാലഘട്ടത്തിൽ (Chalcolithic period -2500 BC to 700 BC) പ്രദേശത്ത് മനുഷ്യരുടെ പ്രവർത്തനത്തിന് സാധ്യതയുണ്ടെന്ന് അഗ്രി ഇബ്രാഹിം സെസെൻ സർവ്വകലാശാലയിലെ (Agri Ibrahim Cecen University) പ്രൊഫസർ ഡോ. ഫാറൂക്ക് കായ അവകാശപ്പെടിരുന്നു. പ്രദേശത്തിന്‍റെ രൂപീകരണത്തിന്‍റെ അളവുകള്‍ ബൈബിളിലെ ഉല്പത്തി പുസ്തകത്തിൽ കാണുന്ന പെട്ടകത്തിന്‍റെ വിവരണവുമായി പൊരുത്തപ്പെടുന്നതായും ചില ഗവേഷകർ അഭിപ്രായപ്പെടുന്നു.

മാസവരുമാനം 3 ലക്ഷം പക്ഷേ, ഡ്രൈവറെ വയ്ക്കാൻ മടി; സോഷ്യൽ മീഡിയയിൽ ഉപദേശം തേടിയ യുവഡോക്ടറുടെ കുറിപ്പ് വൈറൽ

Web Desk — Fri, 25 Sep 2026 22:23:30 +0530

പ്രതിമാസം 3 ലക്ഷം രൂപ വരുമാനമുണ്ടായിട്ടും ഡ്രൈവറെ നിയമിക്കാൻ മടിച്ച് സോഷ്യൽ മീഡിയയിൽ ഉപദേശം തേടിയ യുവ ഡോക്ടറുടെ കുറിപ്പ് ഓൺലൈനിൽ വൻ ചർച്ചയാകുന്നു. ദിവസവും ഏതാണ്ട് 60 കിലോമീറ്റർ വാഹനം ഓടിക്കണമെന്നും എന്നാൽ ഒരു ഡ്രൈവറെ വയ്ക്കാൻ മടിയാണെന്നും പറഞ്ഞ് കൊണ്ട് 33 -കാരനായ ഒരു ഡോക്ടർ റെഡ്ഡിറ്റിലെഴുതിയ കുറിപ്പാണ് സമൂഹ മാധ്യമത്തിൽ വൈറലായത്.

ദിവസവും 60 കിലോമീറ്റർ

25 കിലോമീറ്റർ അകലെയുള്ള രണ്ട് ആശുപത്രികളിലായി ജോലി ചെയ്യുന്ന തനിക്ക് ദിവസേന 60 കിലോമീറ്ററോളം കാർ ഓടിക്കേണ്ടി വരുന്നുണ്ടെന്ന് ഡോക്ടർ പറയുന്നു. കനത്ത ഗതാഗതക്കുരുക്കും പാർക്കിംഗ് ബുദ്ധിമുട്ടുകളും കാരണം ജോലി കഴിഞ്ഞ് മടങ്ങുമ്പോൾ കടുത്ത ശാരീരിക - മാനസിക ക്ഷീണമാണ് അനുഭവപ്പെടുന്നത്. മാസം 3 ലക്ഷം രൂപ വരുമാനമുണ്ടെങ്കിലും ഡ്രൈവർക്കായി 18,000 രൂപ ചെലവഴിക്കുന്നത് ലാഭകരമാണോ എന്നതായിരുന്നു ഇദ്ദേഹത്തിന്‍റെ സംശയം. എന്നാൽ ചോദ്യം ഉയർന്നതിന് പിന്നാലെ ഡോക്ടറെ പിന്തുണച്ചും എത്രയും വേഗം ഡ്രൈവറെ വയ്ക്കാൻ ഉപദേശിച്ചും നിരവധി പേരാണ് രംഗത്തെത്തിയത്.

should i hire a driverby u/Disastrous-Web9164 in Frugal_Ind

'എത്രയും വേഗം ഒരു ഡ്രൈവറെ നിയമിക്കൂ'

"കടുത്ത ക്ഷീണത്തോടെ വണ്ടി ഓടിക്കുമ്പോഴുണ്ടാകുന്ന അപകടങ്ങളെക്കുറിച്ച് ചിന്തിക്കുക. ഡ്രൈവിംഗിനിടയിൽ ഒരു നിമിഷത്തേക്ക് ശ്രദ്ധ മാറിയാൽ പോലും വലിയ അപകടം സംഭവിച്ചേക്കാം. അത് മറ്റ് മനുഷ്യരുടെ ജീവന് തന്നെ ഭീഷണിയാണ്. അതിനാൽ പണം നോക്കാതെ ഒരു ഡ്രൈവറെ നിയമിക്കൂ." എന്നായിരുന്നു ഒരാൾ അഭിപ്രായപ്പെട്ടത്. "12 വർഷം മുമ്പ് മാസം ഒരു ലക്ഷം രൂപ പോലും വരുമാനമില്ലാത്തപ്പോഴാണ് ഞാൻ ഡ്രൈവറെ നിയമിച്ചത്. അന്ന് പലരും എന്നെ കളിയാക്കിയെങ്കിലും ഞാൻ എടുത്തതിൽ വച്ച് ഏറ്റവും ബുദ്ധിപരമായ തീരുമാനമായിരുന്നു അത്. ഡ്രൈവിംഗ് ക്ഷീണമില്ലാതെ വീട്ടിലെത്താനും ആ സമയം കുടുംബത്തിനും മറ്റ് കാര്യങ്ങൾക്കുമായി മാറ്റിവെക്കാനും എനിക്ക് സാധിച്ചു." എന്നാൽ എന്നായിരുന്നു മറ്റൊരാളുടെ അഭിപ്രായം. "സ്വസ്ഥതയ്ക്കും ജീവിത നിലവാരം ഉയർത്തുന്നതിനും ചെയ്യാവുന്ന ഏറ്റവും മികച്ച കാര്യമാണിത്. എന്നാൽ, നല്ലൊരു ഡ്രൈവറെ കണ്ടെത്താൻ ശ്രദ്ധിക്കുക, നിലവിൽ നിങ്ങൾ പറയുന്ന 18,000 രൂപ എന്നത് കുറഞ്ഞ തുകയാണ്." എന്നും ചിലർ കുറിച്ചു. ചുരുക്കത്തിൽ, പണത്തേക്കാൾ ഉപരി സ്വന്തം സുരക്ഷയ്ക്കും ആരോഗ്യത്തിനും പ്രാധാന്യം നൽകി ഉടൻ തന്നെ ഒരു ഡ്രൈവറെ നിയമിക്കാനാണ് ഭൂരിഭാഗം പേരും ഡോക്ടറോട് ആവശ്യപ്പെട്ടത്.

കോണ്ടം ഉപയോഗിക്കുന്നതെങ്ങനെ? വെള്ളരിക്ക ഉപയോഗിച്ച് വിദശീകരിക്കുന്ന ബീഹാർ അധ്യാപകന്‍റെ ‘റീപ്രൊഡക്ടീവ് ഹെൽത്ത്’ക്ലാസ് വൈറൽ

Web Desk — Fri, 25 Sep 2026 20:51:37 +0530

ബീഹാറിലെ ഒരു ബയോളജി അധ്യാപകൻ ക്ലാസിൽ പ്രത്യുത്പാദന ആരോഗ്യവും ലൈംഗിക വിദ്യാഭ്യാസവും പഠിപ്പിച്ച രീതി സമൂഹ മാധ്യമങ്ങളിൽ വലിയ ചർച്ചയ്ക്ക് വഴിവെച്ചു. കോണ്ടം എങ്ങനെ ശരിയായി ഉപയോഗിക്കണമെന്ന് വിശദീകരിക്കാൻ വെള്ളരിക്ക ഉപയോഗിച്ചുള്ള പ്രായോഗിക ഡെമോൺസ്ട്രേഷനാണ് അധ്യാപകൻ നടത്തിയത്. ഇതിന്‍റെ വീഡിയോ സമൂഹ മാധ്യമങ്ങളിൽ വൈറലായതോടെ അനുകൂലിച്ചും വിമർശിച്ചും നിരവധി പേർ രംഗത്തെത്തി. വീഡിയോയ്ക്ക് ഇതിനകം ഏകദേശം രണ്ട് കോടി കാഴ്ചകൾ ലഭിച്ചു.

വെള്ളരിക്കയും കോണ്ടവും

ചന്ദൻ കുമാർ പണ്ഡിറ്റ് എന്ന അധ്യാപകനാണ് വീഡിയോയിൽ ക്ലാസ് എടുക്കുന്നത്. ഇൻസ്റ്റഗ്രാമിൽ ‘India’s Viral Biology Sir’ എന്ന് സ്വയം വിശേഷിപ്പിക്കുന്ന അദ്ദേഹത്തിന് 25,000-ത്തിലധികം ഫോളോവേഴ്സുണ്ട്. കോണ്ടം ഉപയോഗിക്കുന്ന രീതി വെള്ളരിക്ക ഉപയോഗിച്ച് വിശദീകരിക്കുന്നതിനൊപ്പം, ലൈംഗികമായി പകരുന്ന അണുബാധകളിൽ (STI) നിന്ന് സംരക്ഷണം നേടുന്നതിലും ഗർഭനിരോധനത്തിലും കോണ്ടത്തിനുള്ള പങ്കും അദ്ദേഹം വിശദീകരിക്കുന്നു.

തന്‍റെ പോസ്റ്റിനൊപ്പം ഇത് വിദ്യാഭ്യാസ ആവശ്യത്തിനായുള്ള വീഡിയോയാണെന്നും ബയോളജി സിലബസിലെ ‘Reproductive Health & Birth Control’ വിഷയമാണ് പ്രായോഗികമായി വിശദീകരിക്കുന്നതെന്നും ചന്ദൻ വ്യക്തമാക്കി. ഇത്തരം സെൻസിറ്റീവ് വിഷയങ്ങൾ പുസ്തകത്തിൽ മാത്രം ഒതുക്കാതെ ലളിതവും പ്രായോഗികവുമായ രീതിയിൽ പഠിപ്പിക്കേണ്ടതുണ്ടെന്നും അദ്ദേഹം കൂട്ടിച്ചേർത്തു.

സമ്മിശ്ര പ്രതികരണം

വീഡിയോയെ അനുകൂലിച്ചവർ വിദ്യാർഥികൾക്ക് ലൈംഗികാരോഗ്യം സംബന്ധിച്ച ശരിയായ അറിവ് നൽകേണ്ടതിന്റെ ആവശ്യകത ചൂണ്ടിക്കാട്ടി. എന്നാൽ, ചിലർ ക്ലാസ് മുറിയിലെ ഈ രീതിയെ വിമർശിച്ചു. വിദ്യാർഥികൾക്ക് അസ്വസ്ഥതയുണ്ടാകാമെന്നും ഇത്തരം വിഷയങ്ങൾ കൈകാര്യം ചെയ്യുന്നതിൽ കൂടുതൽ നിയന്ത്രണം വേണമെന്നും ചിലർ അഭിപ്രായപ്പെട്ടു. ചിലർ ആൺ-പെൺ വിദ്യാർഥികൾക്ക് പ്രത്യേകം ക്ലാസുകൾ വേണമെന്ന അഭിപ്രായമായിരുന്നു പങ്കുവച്ചത്.

ബുക്ക് ചെയ്ത എയർബിഎൻബി ഉടമയിൽ നിന്ന് 'സുന്ദരി' എന്ന് സന്ദേശം, ഭയം തോന്നി ബുക്കിംഗ് റദ്ദാക്കിയെന്ന് യുവതി

Web Desk — Fri, 25 Sep 2026 20:26:20 +0530

ജോലി ആവശ്യങ്ങൾക്കായി മറ്റൊരു നഗരത്തിലേക്ക് യാത്ര ചെയ്ത യുവതി, താമസം തുടങ്ങാൻ മണിക്കൂറുകൾ മാത്രം ബാക്കിനിൽക്കെ എയർബിഎൻബി ബുക്കിംഗ് റദ്ദാക്കി. താമസസ്ഥലത്തിന്‍റെ ഉടമ തനിക്ക് ലഭിച്ച തിരിച്ചറിയൽ കാർഡ് കണ്ട ശേഷം 'സുന്ദരി' എന്ന് സന്ദേശമയച്ചതാണ് യുവതിയിൽ ഭയവും ആശങ്കയും ഉണ്ടാക്കിയത്. സംഭവം സോഷ്യൽ മീഡിയയിൽ പങ്കുവെച്ചതോടെ വലിയ ചർച്ചയായി മാറിയിരിക്കുകയാണ്.

ഫോട്ടോ കണ്ടതും 'സുന്ദരി'യെന്ന്!

രാത്രി 10 മണിയോടെ വിമാനം ലാൻഡ് ചെയ്യുന്നതിനാൽ, ഓഫീസിന് അടുത്തുള്ളതും സ്വയം ചെക്ക് - ഇൻ ചെയ്യാനും സൗകര്യമുള്ള സ്ഥലമാണ് യുവതി ബുക്ക് ചെയ്തിരുന്നത്. എന്നാൽ, ഇതിനാവശ്യമായ കോഡ് ലഭിക്കുന്നതിനായി തിരിച്ചറിയൽ രേഖയുടെ പകർപ്പ് മുൻകൂട്ടി അയച്ച് നൽകണമെന്ന് ആവശ്യപ്പെട്ടിരുന്നു. സാധാരണയായി ഇത്തരം സന്ദർഭങ്ങളിൽ നേരിട്ടെത്തുമ്പോഴാണ് പേപ്പർ പൂരിപ്പിച്ചു നൽകാറുള്ളതെങ്കിലും, ഇമിഗ്രേഷൻ ആവശ്യങ്ങൾക്കായിരിക്കാമെന്ന കരുതലിൽ യുവതി ഇത് കാര്യമാക്കിയില്ല. യാത്ര തിരിക്കുന്ന ദിവസം, താമസസ്ഥലത്തിന്‍റെ ഉടമയിൽ നിന്ന് യുവതിക്ക് ഒരു വാട്ട്‌സ്ആപ്പ് കോൾ വന്നു. പക്ഷേ, അവർക്ക് കോൾ എടുക്കാൻ സാധിച്ചില്ല. തുടർന്ന്, "ആക്സസ് കോഡ് ലഭിക്കുന്നതിനായി ഈ നമ്പറിലേക്ക് ഐഡി അയക്കുക" എന്ന് സന്ദേശം ലഭിച്ചു. ഇതിൻപ്രകാരം യുവതി ഐഡി കാർഡ് അയച്ചുകൊടുത്തു. എന്നാൽ, ഇതിന് മറുപടിയായി ഉടമയിൽ നിന്ന് വന്ന "സുന്ദരി" എന്ന സന്ദേശമാണ് യുവതിയെ ഞെട്ടിച്ചത്.

Changed my hotel because he called me "pretty"by u/TealChamaleon in GirlDinnerDiaries

ഭയം തോന്നിയെന്ന് യുവതി

പിന്നീട് ചെക്ക് - ഇൻ കോഡ് നൽകിയെങ്കിലും യുവതിക്ക് അവിടെ പോകാൻ ധൈര്യം വന്നില്ല. തന്‍റെ തിരിച്ചറിയൽ രേഖകളും താൻ തനിച്ചാണെന്നും വൈകി എത്തുമെന്ന വിവരവും ഉടമയ്ക്ക് അറിയാമെന്നതും, അയാൾക്ക് വാതിലുകൾ തുറക്കാൻ കഴിയുമെന്നതും യുവതിയിൽ വലിയ സുരക്ഷാ ഭീതിയുണ്ടാക്കി. "സന്ദേശം കണ്ടതും എനിക്ക് വളരെ അസ്വസ്ഥത തോന്നി. തുടർന്ന് അവിടെയുള്ള താമസം റദ്ദാക്കി, ഇരട്ടി തുക നൽകി മറ്റൊരു ഹോട്ടലിൽ മുറിയെടുത്തു. റദ്ദാക്കൽ സമയം കഴിഞ്ഞതിനാൽ പണം തിരികെ ലഭിക്കില്ലെങ്കിലും സുരക്ഷ മുൻനിർത്തിയാണ് ഇങ്ങനെ ചെയ്തത്. അയാൾ ഒരുപക്ഷേ ഉദ്ദേശിച്ചത് വഷളത്തരമായിരിക്കില്ല, എങ്കിലും എന്‍റെ സുരക്ഷയെക്കുറിച്ചുള്ള തീരുമാനമെടുക്കാൻ ഞാൻ നിർബന്ധിതയായി," യുവതി സോഷ്യൽ മീഡിയയിൽ കുറിച്ചു.

നല്ല തീരുമാനമെന്ന് നെറ്റിസെൺസ്

നിരവധി ആളുകളാണ് യുവതിയുടെ പോസ്റ്റിന് പിന്തുണയുമായി എത്തിയത്. യുവതിയുടേത് അമിത പ്രതികരണമല്ലെന്നും, സ്വന്തം സുരക്ഷ മുൻനിർത്തി എടുത്ത തീരുമാനം പൂർണ്ണമായും ശരിയാണെന്നും ആളുകൾ അഭിപ്രായപ്പെട്ടു. തൊഴിൽപരമായ അതിർവരമ്പുകൾ ലംഘിക്കുന്ന ഇത്തരം പെരുമാറ്റങ്ങൾ അംഗീകരിക്കാനാകില്ലെന്നും, അനാവശ്യ അപകടങ്ങളിൽ ചെന്നുപെടുന്നതിനേക്കാൾ നല്ലത് സ്വന്തം മനസ്സിൽ തോന്നുന്ന സംശയങ്ങളെ വിശ്വസിച്ച് സുരക്ഷിതമായിരിക്കുന്നതാണെന്നും പോസ്റ്റിന് താഴെ നിരവധിപേർ കുറിച്ചു.

കുടുംബ കോടതി കെട്ടിടത്തിൽ നിന്നും യുവതി താഴേക്ക്... വീണതോ ചാടിയതോ?; സിസിടിവി ദൃശ്യങ്ങൾ വൈറൽ

Web Desk — Fri, 25 Sep 2026 19:17:52 +0530

ഡെറാഡൂണിലെ കുടുംബകോടതി കെട്ടിടത്തിൽ നിന്ന് യുവതി താഴേക്ക് വീണ് പരിക്കേറ്റ സംഭവത്തിന്‍റെ സിസിടിവി ദൃശ്യങ്ങൾ സമൂഹ മാധ്യമങ്ങളിൽ വ്യാപകമായി പ്രചരിക്കുന്നു. ബുധനാഴ്ച നടന്ന സംഭവത്തിൽ വലതുകൈയ്ക്ക് ഒടിവേറ്റ യുവതിയെ ചികിത്സയ്ക്കായി സർക്കാർ ഡൂൺ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അതേസമയം യുവതി മനഃപൂർവം ചാടിയതാണോ അതോ അബദ്ധത്തിൽ വീണതാണോയെന്ന കാര്യത്തിൽ പോലീസ് ഇതുവരെ സ്ഥിരീകരണം നൽകിയിട്ടില്ലെന്ന് റിപ്പോർട്ടുകൾ പറയുന്നു.

ചാടിയതോ അതോ വീണതോ?

കോടതി വളപ്പിലെ സിസിടിവി ദൃശ്യങ്ങളിൽ യുവതി പെട്ടെന്ന് ഫ്രെയിമിലേക്ക് എത്തുന്നതും തുടർന്ന് റെയിലിങ്ങിന് സമീപത്തേക്ക് നീങ്ങുന്നതും കാണാം. പിന്നാലെ ഒരു വനിതാ പോലീസ് ഉദ്യോഗസ്ഥയും യുവതിയുടെ അടുത്തേക്ക് എത്തുന്നതും ദൃശ്യങ്ങളിൽ വ്യക്തമാണ്. എന്നാൽ ഉദ്യോഗസ്ഥയ്ക്ക് ഇടപെടാൻ കഴിയുന്നതിന് മുമ്പ് യുവതി താഴേക്ക് വീഴുകയായിരുന്നു. ഈ സമയം അഭിഭാഷകരടക്കം ചിലർ നിന്നിരുന്നതിനിടേയിലേക്കാണ് യുവതി പാഞ്ഞെത്തിയതും റെയിലിങ്ങിന് മുകളിലൂടെ താഴേയ്ക്ക് വീണതും.

Dehradun | Woman Jumps from Court BuildingMeenakshi a resident of Vijay Colony (New Cantt Road), Dehradun has reportedly been involved in a family dispute case with her husband, Sanjeev Kumar which is pending before the courtOn Wednesday, the woman reportedly jumped from… pic.twitter.com/bp2liEVfWs

— Sahil chabra (@sahii199) September 24, 2026

സംഭവത്തിന് പിന്നാലെ അഭിഭാഷകരും മറ്റ് ആളുകളും റെയിലിങ്ങിന് സമീപത്തേക്ക് ഓടിയെത്തുന്നതും ദൃശ്യങ്ങളിൽ വ്യക്തമാണ്. രണ്ടാമത്തെ ദൃശ്യങ്ങളിൽ യുവതി താഴെത്തെ നിലയിൽ വീണ് കിടക്കുന്നതും കാണാം. വിജയ് കോളനി, ന്യൂ കാന്‍റ് റോഡ് സ്വദേശിനിയായ യുവതി ഭർത്താവ് സഞ്ജീവ് കുമാറുമായുള്ള കുടുംബ തർക്കവുമായി ബന്ധപ്പെട്ട കേസിനായി കോടതിയിലെത്തിയതെന്ന് റിപ്പോർട്ടുകൾ പറയുന്നു. ഏറെക്കാലമായി കുടുംബപ്രശ്നം നേരിടുന്ന യുവതിയോട് സംഭവത്തിന് ശേഷം പോലീസ് സംസാരിക്കാൻ ശ്രമിച്ചെങ്കിലും പരിക്കുകൾ കാരണം മൊഴി നൽകാൻ കഴിഞ്ഞില്ലെന്ന് സിറ്റി എസ്പി ശേഖർ സുവാൽ അറിയിച്ചു.

വിവാഹ മോചന ഹർജിയുമായി കോടതിയിൽ

കോടതി രേഖകൾ പ്രകാരം 2019 ഒക്ടോബർ 8 -നാണ് യുവതി ഹരിയാന സ്വദേശിയെ വിവാഹം കഴിച്ചത്. പിന്നീട് വിവാഹ മോചന ഹർജി ഫയൽ ചെയ്ത ഇവർ ഭർത്താവിൽ നിന്ന് പ്രതിമാസ ജീവനാംശം ആവശ്യപ്പെട്ട് കുടുംബ കോടതിയെ സമീപിച്ചു. ഇതിനെ തുടർന്ന് മാസം 5,000 രൂപ നൽകാൻ കോടതി ഉത്തരവിട്ടിരുന്നു. 48 മാസത്തെ കുടിശ്ശികയായി 2.40 ലക്ഷം രൂപയും ബാങ്ക് അക്കൗണ്ടിലേക്ക് സ്ഥിരമായി തുകയും അടയ്ക്കണമെന്നും കോടതി ആവശ്യപ്പെട്ടിരുന്നു. അതേസമയം സംഭവത്തിന്‍റെ യഥാർഥ കാരണം അന്വേഷിക്കുകയാണെന്ന് പോലീസ് അറിയിച്ചു.

സമ്പത്ത് കാട്ടി വീഡിയോ പങ്കുവച്ചു, പിന്നാലെ യൂട്യൂബറുടെ വീട്ടിൽ മോഷണം; 118 പവനും പണവും കവർന്നു, വീഡിയോ

Web Desk — Fri, 25 Sep 2026 18:09:47 +0530

സന്തോഷം പങ്കുവച്ചാൽ കൂടുതൽ സന്തോഷം എന്നല്ലേ ചൊല്ല്? എന്നാൽ അതൊരു ചൊല്ല് മാത്രമാണെന്ന് നഗ‍ർകോവിലിനടുത്തിള്ള ദമ്പതിമാർ. അത്തരമൊരു സന്തോഷ പങ്കിടൽ വലിയൊരു നഷ്ടമാണ് ദമ്പതിമാർക്ക് സമ്മാനിച്ചത്. വീട്ടിൽ സൂക്ഷിച്ച പണത്തിന്‍റെയും സ്വർണത്തിന്‍റെയും വീഡിയോ പങ്കുവച്ച യുട്യൂബർ ദമ്പതിമാരുടെ വീട്ടിൽ കള്ളൻ കയറുകയും സമ്പത്ത് മുഴുവനും മോഷ്ടിക്കുകയും ചെയ്തു.

പൂജാ മുറിയിൽ അഞ്ചൂറിന്‍റെ നോട്ടുകെട്ടുകൾ

കന്യാകുമാരിക്കടുത്ത് നാഗർകോവിലിലെ തമ്മട്ടുകോണത്ത് വിഐപി ഗാർഡനിലെ താമസക്കാരായ പ്രശസ്ത യൂട്യൂബർ ദമ്പതിമാരായ വിനോദ് കുമാറിന്‍റെയും മധുമിതയുടെയും വീട്ടിലാണ് സംഭവം നടന്നത്. മധുമിത അടുത്തിടെ തന്‍റെ പൂജാമുറിയിൽ തങ്ങളുടെ സമ്പത്ത് പ്രദ‍ർശിപ്പിച്ച് കൊണ്ട് ഒരു വീഡിയോ യൂട്യൂബിൽ പങ്കുവച്ചിരുന്നു.

പൂജാമുറിയിൽ അഞ്ചൂറിന്‍റെ നോട്ടുകൾ കൂട്ടിയിട്ട് അതിന് മുന്നിൽ നിന്നും പ്രാർത്ഥിക്കുന്നതായിരുന്നു വീഡിയോ. മറ്റൊരു വീഡിയോയിൽ അഞ്ചൂറിന്‍റെ നോട്ടുകെട്ടുകൾ കിടക്കയിൽ കൂട്ടിയിട്ട നിലയിലായിരുന്നു. വീഡിയോ പങ്കുവച്ചതിന് പിന്നാലെയാണ് കവർച്ച നടന്നതെന്ന് റിപ്പോർട്ടുകൾ പറയുന്നു. യൂട്യൂബ് വീഡിയോ കണ്ടെത്തിയ കള്ളൻ വീട്ടിൽ നിന്നും കൊണ്ട് പോയത് 118 പവൻ സ്വർ‍ണവും പണവും!

അതീവസുരക്ഷാ മേഖല, പക്ഷേ...

സിസിടിവി അടക്കമുള്ള വിഐപി ഗാർഡനിലെ അതീവ സുരക്ഷാ മേഖലയിൽ താമസിക്കുന്ന ഇവരുടെ വീടിന്‍റെ പിൻവാതിൽ തകർത്താണ് കള്ളൻ അകത്ത് കയറിയത്. വീട്ടുകാർ മോഷണം അറിഞ്ഞത് പിറ്റേന്ന് രാവിലെ. പിന്നാലെ ദമ്പതികൾ പോലീസിൽ പരാതി നൽകി. രാജക്കമംഗലം പോലീസ് കേസെടുത്ത് അന്വേഷണം ആരംഭിച്ചു. സിസിടിവി, ഫോൺ കോളുകൾ എന്നിവ ഉൾപ്പെടെ കേന്ദ്രീകരിച്ചുള്ള ശക്തമായ അന്വേഷണത്തിലാണ് പോലീസ് .

അമ്മയുടെ അവസാന 14 ദിവസം ക്യാമറയിൽ പകർത്തി മകൻ; രോഗം തിരിച്ചറിഞ്ഞപ്പോഴേക്കും എല്ലാം അവസാനിച്ചിരുന്നു

Web Desk — Fri, 25 Sep 2026 17:07:14 +0530

ചൈനയിൽ 63 -കാരിയായ അമ്മയുടെ ജീവിതത്തിലെ അവസാന 14 ദിവസങ്ങൾ മകൻ ക്യാമറയിൽ പകർത്തിയ സംഭവം സോഷ്യൽ മീഡിയയിൽ നിരവധി പേരെ കണ്ണീരിലാഴ്ത്തി. ഇന്നർ മംഗോളിയ സ്വദേശിയായ ഗാവോയാണ് അമ്മയുടെ അവസാന നാളുകളിലെ ദൃശ്യങ്ങൾ പങ്കുവെച്ചത്. ഓഗസ്റ്റ് 29 -ന് ചികിത്സയ്ക്കായി മകന്‍റെ നഗരത്തിലെത്തിയപ്പോൾ അമ്മ, കാഴ്ചയിൽ പൂർണ ആരോഗ്യവതിയായിരുന്നു. ഇഷ്ടപ്പെട്ട ചുവന്ന കോട്ടണിഞ്ഞ് റെയിൽവേ സ്റ്റേഷനിൽ നിന്ന് ഊർജസ്വലയായി നടന്നുവരുന്ന അമ്മയുടെ ദൃശ്യങ്ങളാണ് ആദ്യമായി മകൻ പകർത്തിയത്.

ശ്വാസകോശം അണുബാധയെന്ന് സംശയം, പക്ഷേ...

തുടർച്ചയായ ചുമയും പനിയും അനുഭവപ്പെട്ടതിനെ തുടർന്നായിരുന്നു അമ്മ, മകന്‍ താമസിക്കുന്ന നഗരത്തിലേക്ക് ചികിത്സയ്ക്കായി എത്തിയത്. ആദ്യം ശ്വാസകോശത്തിലെ അണുബാധയാണെന്നായിരുന്നു ഡോക്ടർമാരുടെ വിലയിരുത്തലെന്ന് സൗത്ത് ചൈന മോർണിംഗ് പോസ്റ്റ് റിപ്പോർട്ട് ചെയ്യുന്നു. എന്നാൽ, ദിവസങ്ങൾക്കുള്ളിൽ ആരോഗ്യനില അതിവേഗം വഷളായി. ശ്വാസതടസ്സവും ശരീരമാസകലം ശക്തമായ വേദനയും അനുഭവപ്പെട്ടതോടെ വിദഗ്ധ ചികിത്സയ്ക്കായി ബെയ്ജിങ്ങിലേക്ക് മാറ്റി. പിന്നീട് തീവ്രപരിചരണ വിഭാഗത്തിൽ പ്രവേശിപ്പിച്ചപ്പോഴാണ് രക്താർബുദമാണെന്ന (ലുക്കീമിയ) സംശയം ഡോക്ടർമാർ ഉന്നയിച്ചത്. പിന്നാലെ അസ്ഥിമജ്ജ ശേഖരിച്ച് കൂടുതൽ പരിശോധന നടത്തിയെങ്കിലും പരിശോധനാ ഫലം ലഭിക്കുന്നതിന് മുമ്പ് തന്നെ അമ്മ മരിച്ചു.

GaoMongoliasharedmother travelled to his citymedical treatmentdevelopingfeverpersistent cough29aughe captured arrivalRly station. Dressed inred coat, she appeared energetic and in good spirits, walking with confidence and a spring in her step.https://t.co/eX1cVkQUT4

— Sukhi jeevan parashमोदी का परिवार (@JeevanSukhi) September 23, 2026

അപ്രതീക്ഷിത മരണം

ഓഗസ്റ്റ് 29 -ന് എത്തിയ അമ്മ സെപ്റ്റംബർ 11 -നാണ് മരിച്ചത്. രോഗം അതിവേഗം പുരോഗമിച്ചതിനാൽ കുടുംബത്തിനും അമ്മയുടെ രോഗാവസ്ഥയോ വേർപാടോ ഉൾക്കൊള്ളാൻ പോലും സമയം ലഭിച്ചില്ല. ചികിത്സ തുടരണമോ വീട്ടിലേക്ക് മടങ്ങണമോ എന്ന് ഡോക്ടർമാർ ചോദിച്ചപ്പോൾ, കടുത്ത വേദന അനുഭവപ്പെട്ടിരുന്ന അമ്മ വീട്ടിലേക്ക് മടങ്ങാനാണ് ആഗ്രഹം പ്രകടിപ്പിച്ചതെന്ന് മകൻ പറയുന്നു. ഒടുവിൽ ലുക്കീമിയ ബാധിച്ച് പല അവയവങ്ങളും പ്രവർത്തനം നിർത്തിയതിന് പിന്നാലെ തന്‍റെ 63 -മത്തെ വയസിൽ അവർ മരണത്തിന് കീഴടങ്ങി. ഭർത്താവിനും മക്കൾക്കുമൊപ്പമായിരുന്നു അവരുടെ അവസാന മണിക്കൂറുകൾ.

പരാതിയോ പരിഭവമോ ഇല്ലാതെ...

മരണാനന്തര ചടങ്ങുകൾക്കായി എന്ത് വസ്ത്രം ധരിക്കണമെന്ന് പോലും അവർ സ്വയം തെരഞ്ഞെടുത്തു. തന്‍റെ മൃതദേഹം ദഹിപ്പിക്കണമെന്ന് ആവശ്യപ്പെട്ട അവ‍ർ, തനിക്ക് നൽകിയ പിന്തുണയ്ക്ക് നന്ദി പറയാൻ മകന്‍റെ ഭാര്യയുടെ അമ്മയെ ബന്ധപ്പെടുകയും ചെയ്തു. ജീവിതത്തോട് യാതൊരു പരാതിയോ പൂർത്തിയാകാത്ത ആഗ്രഹങ്ങളോ ഇല്ലെന്നും കുടുംബത്തെക്കുറിച്ച് ആശങ്കയില്ലെന്നും അവർ പറഞ്ഞതായി മകൻ പറയുന്നു. “ജീവിതത്തെ ദൈർഘ്യം കൊണ്ടല്ല, ആഴം കൊണ്ടാണ് അളക്കുന്നതെങ്കിൽ, അമ്മയുടെ ജീവിതം സമ്പന്നവും പൂർണവുമായിരുന്നു” എന്നാണ് ഗാവോയുടെ വാക്കുകൾ. അമ്മയുടെ ഓർമകൾ എന്നും നിലനിൽക്കാനാണ് ആ ദൃശ്യങ്ങൾ പകർത്തിയതെന്നും അദ്ദേഹം കൂട്ടിച്ചേർത്തു.

'ഇന്ത്യക്കാരെ സിവിക് സെൻസ് എങ്ങനെ പഠിപ്പിക്കും?' വന്ദേ ഭാരതിൽ മാലിന്യം തള്ളി യാത്രക്കാർ, ചോദ്യവുമായി ഹർഷ് ഗോയങ്ക, വീഡിയോ

Web Desk — Fri, 25 Sep 2026 15:55:13 +0530

അത്യാധുനിക സൗകര്യങ്ങളുള്ള വന്ദേ ഭാരത് ട്രെയിനുകളിലെ യാത്രക്കാരുടെ പെരുമാറ്റത്തെ ചോദ്യം ചെയ്ത് വ്യവസായി ഹർഷ് ഗോയങ്ക രംഗത്ത്. ട്രെയിനിനുള്ളിൽ യാത്രക്കാർ മാലിന്യം വലിച്ചെറിയുന്നതിന്‍റെ ദൃശ്യങ്ങൾ പങ്കുവെച്ചാണ് അദ്ദേഹം ഇന്ത്യക്കാരുടെ സിവിക് സെൻസിനെക്കുറിച്ച് ചോദ്യമുയർത്തിയത്. സെപ്റ്റംബർ 25 -നാണ് ഗോയങ്ക തന്‍റെ എക്സ് ഹാന്‍റിലിൽ വീഡിയോ പങ്കുവെച്ചത്.

അതിവേഗം, വൃത്തിയുള്ളത്

അതിവേഗവും ആധുനികവും സൗകര്യപ്രദവുമായ യാത്രാനുഭവമാണ് വന്ദേ ഭാരത് നൽകുന്നതെന്ന് വീഡിയോയുടെ ആദ്യ പകുതിയിൽ പറയുന്നു. എന്നാൽ രണ്ടാം പകുതിയിൽ യാത്രക്കാർ വൃത്തികേടാക്കായി ട്രെയിനിന്‍റെ ദൃശ്യങ്ങളാണുള്ളത്. യാത്രക്കാർക്ക് സീറ്റിൽ തന്നെ പ്രഭാതഭക്ഷണവും ലഘുഭക്ഷണങ്ങളും പത്രങ്ങളും മറ്റും എത്തിക്കുന്നതും വൃത്തിയുള്ള ടേയ്ലന്‍റും വീഡിയോയിൽ കാണാം. ഭക്ഷണം കഴിച്ചശേഷം ട്രേകളും ജീവനക്കാർ തന്നെ ശേഖരിക്കുന്നതും ആവശ്യമെങ്കിൽ മാലിന്യവും അവ‍ർ തന്നെ ശേഖരിക്കുകയും ചെയ്യുന്നു. ഇതിനൊന്നിനും യാത്രക്കാർ തങ്ങളുടെ സീറ്റിൽ നിന്നും എഴുന്നേൽക്കേണ്ടത് പോലുമില്ല.

How to teach our people civic sense pic.twitter.com/ZEreYIlGW2

— Harsh Goenka (@hvgoenka) September 23, 2026

പക്ഷേ, യാത്രക്കാരുടെ സിവിക് സെന്‍സ്...

എന്നാൽ, ഇതിന് പിന്നാലെ യാത്രക്കാരുടെ ഭാഗത്ത് നിന്നുള്ള ‘സംഭാവന’യാണ് ഗോയങ്ക ചൂണ്ടിക്കാട്ടുന്നത്. ഭക്ഷണപ്പൊതികളുടെ കവറുകൾ സീറ്റ് പോക്കറ്റിലിടുക, പാനീയങ്ങളുടെ കാനുകളും വെള്ളക്കുപ്പികളും തറയിലും സീറ്റുകളിലും ഉപേക്ഷിക്കുക, പത്രങ്ങൾ പോലും തറയിൽ വലിച്ചെറിയുക തുടങ്ങിയ മോശം പ്രവണതകളാണ് യാത്രക്കാരിൽ നിന്നുമുണ്ടാകുന്നതെന്ന് വീഡിയോയിൽ പരാമർശിക്കുന്നു. വീഡിയോ പങ്കുവച്ച് കൊണ്ട് “നമ്മുടെ ആളുകളെ എങ്ങനെ സിവിക് സെൻസ് പഠിപ്പിക്കും?” എന്ന് ചോദ്യം ഹർഷ് ഗോയങ്ക ഉയർത്തുന്നു.

വേണം അല്പം പൗരബോധം

അദ്ദേഹത്തിന്‍റെ പോസ്റ്റ് വളരെ വേഗം സമൂഹ മാധ്യമങ്ങളിൽ വൈറലായി. പിന്നാലെ വലിയൊരു ചർച്ച തന്നെ നടന്നു. അടിസ്ഥാന സൗകര്യങ്ങൾ മാത്രം വികസിപ്പിച്ചാൽ പോരെന്നും പൊതുസ്ഥലങ്ങൾ ഉത്തരവാദിത്തത്തോടെ ഉപയോഗിക്കാനുള്ള ശീലം ജനങ്ങളിൽ വളർത്തണമെന്നും പലരും അഭിപ്രായപ്പെട്ടു. സിവിക് സെൻസ് വിദ്യാഭ്യാസത്തിന്‍റെ ഭാഗമാക്കണമെന്ന നിർദേശവും ചിലർ ഉയർത്തി. ലോകോത്തര സൗകര്യങ്ങൾ ഒരുക്കുന്നതിനൊപ്പം അവ സംരക്ഷിക്കാനുള്ള ഉത്തരവാദിത്തവും പൗരന്മാർ ഏറ്റെടുക്കണമെന്ന് ചർച്ചയിൽ ഉയർന്നുവന്നു.

16 കോടി ലോട്ടറിയടിച്ചു, ഒന്നും സംഭവിക്കാത്തതുപോലെ ലഞ്ച് ബ്രേക്കിനുശേഷം ജോലി തുടർന്ന് യുവതി

Web Desk — Fri, 25 Sep 2026 14:59:54 +0530

ലോട്ടറി അടിച്ചാൽ ജോലിക്ക് പോകാൻ നിൽക്കുന്നവർ അപൂർവമായിരിക്കും. എന്നാൽ 16 കോടിയിലേറെ ഇന്ത്യൻ രൂപ (2 ദശലക്ഷം ഡോളർ) സമ്മാനമായി ലഭിച്ചിട്ടും, ആവേശത്തിൽ തുള്ളിച്ചാടാതെ ഉടൻ തന്നെ ജോലിസ്ഥലത്തേക്ക് തിരികെ പോയ ഒരു യുവതിയുടെ വാർത്തയാണ് ഇപ്പോൾ സാമൂഹിക മാധ്യമങ്ങളിൽ വൈറലാകുന്നത്. അമേരിക്കയിലെ വെർജീനിയയിലാണ് കൗതുകകരമായ ഈ സംഭവം നടന്നത്.

‌വെർജീനിയയിലെ ഒരു സ്ഥാപനത്തിൽ ജോലി ചെയ്യുന്ന യുവതിക്ക് അന്ന് അതീവ സമ്മർദ്ദം നിറഞ്ഞ ഒരു ദിവസമായിരുന്നു. ലഞ്ച് ബ്രേക്ക് കിട്ടിയപ്പോൾ മാനസിക സമ്മർദ്ദം കുറയ്ക്കാൻ അവൾ പുറത്തിറങ്ങി. തുടർന്ന് 'ലവ് ഫുഡ് മാർട്ട്' എന്ന കടയിൽ നിന്ന് 20 ഡോളർ വിലയുള്ള Platinum 7s എന്നൊരു സ്ക്രാച്ച്-ഓഫ് ലോട്ടറി ടിക്കറ്റ് വാങ്ങി.

കടയ്ക്കുള്ളിൽ വെച്ച് തന്നെ ടിക്കറ്റ് സ്ക്രാച്ച് ചെയ്തു നോക്കിയ യുവതി ഞെട്ടിപ്പോയി. ഒന്നാം സമ്മാനമായ 2 ദശലക്ഷം ഡോളറാണ് അവളെ തേടിയെത്തിയത്! എന്നാൽ, ആഹ്ലാദപ്രകടനങ്ങൾക്കോ ഒന്നും നിൽക്കാതെ, ലഞ്ച് ബ്രേക്ക് അവസാനിക്കാറായെന്നും തനിക്ക് ഇനിയും ജോലി തീർക്കാനുണ്ടെന്നും അവൾ ഓർത്തു. ആരും അമ്പരന്നു പോകുന്ന ആ വലിയ സമ്മാന ടിക്കറ്റ് സുരക്ഷിതമായി സൂക്ഷിച്ച ശേഷം അവൾ നേരെ തന്റെ ഓഫീസിലേക്ക് മടങ്ങി. ബാക്കി ജോലികൾ കൃത്യമായി പൂർത്തിയാക്കുകയും ചെയ്തു. സമ്മാനം വാങ്ങാനെത്തിയപ്പോൾ വെർജീനിയ ലോട്ടറി അധികൃതരോട് അവൾ തമാശയായി പറഞ്ഞത്, "എനിക്ക് ജോലിക്ക് തിരികെ പോയി യാതൊന്നും സംഭവിക്കാത്തതുപോലെ നടക്കേണ്ടി വന്നു" എന്നാണ്. യുവതി തന്റെ പേരുവിവരങ്ങൾ പുറത്തുവിട്ടിട്ടില്ല.

സമ്മാനത്തുക കൈപ്പറ്റാൻ ലോട്ടറി അധികൃതർ രണ്ട് വഴികളാണ് മുന്നോട്ട് വെച്ചത്: 30 വർഷങ്ങളായി വാർഷിക ഗഡുക്കളായി മുഴുവൻ തുകയും സ്വീകരിക്കുക. ഒറ്റത്തവണയായി പണമായി തുക കൈപ്പറ്റുക. ഇതിൽ രണ്ടാമത്തെ വഴിയാണ് യുവതി തിരഞ്ഞെടുത്തത്. നികുതിക്ക് മുൻപായി 952,000 ഡോളറാണ് അവൾ ഒറ്റത്തവണയായി കൈപ്പറ്റിയത്. ലോട്ടറി ടിക്കറ്റ് വിറ്റ കടയുടമയ്ക്കും ഇതോടൊപ്പം പ്രത്യേക ബോണസ് ലഭിച്ചു. എന്നാൽ, സമ്മാനത്തുക ലഭിച്ചതിന് ശേഷം യുവതി ജോലിയിൽ നിന്ന് പിന്മാറിയോ എന്ന കാര്യം വ്യക്തമല്ല.

2 വയസുകാരിയുടെ പ്രീസ്‌കൂൾ പ്രവേശനത്തിന് 1.5 ലക്ഷം രൂപ ഡൊണേഷൻ! പോസ്റ്റ്

Web Desk — Fri, 25 Sep 2026 14:37:01 +0530

രണ്ടുവയസ്സുള്ള മകളുടെ പ്രീസ്‌കൂൾ പ്രവേശനത്തിനായി 1.5 ലക്ഷം രൂപ ഡൊണേഷൻ ആവശ്യപ്പെട്ടെന്ന വെളിപ്പെടുത്തലുമായി അഹമ്മദാബാദിലെ സംരംഭകനായ പ്രിതേഷ് ലഖാനി. പ്രമുഖ സോഷ്യൽ മീഡിയ പ്ലാറ്റ്‌ഫോമായ എക്‌സിൽ പ്രിതേഷ് പങ്കുവെച്ച ഈ സംഭവം വലിയ പ്രതിഷേധത്തിനും ചർച്ചകൾക്കുമാണ് വഴിതുറന്നിരിക്കുന്നത്.

മകൾക്ക് അടുത്തിടെ രണ്ട് വയസ്സ് തികഞ്ഞതിനെത്തുടർന്ന്, ഭാവിയിൽ സ്കൂൾ മാറേണ്ട സാഹചര്യം ഒഴിവാക്കാൻ മുൻകൂട്ടി കണ്ട് അനുയോജ്യമായ പ്രീ സ്‌കൂളുകൾ അന്വേഷിക്കുകയായിരുന്നു ലഖാനിയും കുടുംബവും. ഈ തിരച്ചിലിനിടയിലാണ് ഒരു പ്രമുഖ സ്കൂളിൽ പഠിക്കുന്ന കുട്ടിയുടെ രക്ഷിതാവിൽ നിന്ന് ഞെട്ടിക്കുന്ന വിവരം ലഭിച്ചതെന്ന് അദ്ദേഹം വ്യക്തമാക്കുന്നു.

സ്കൂളിൽ പ്രവേശനം ലഭിക്കണമെങ്കിൽ 1.5 ലക്ഷം രൂപ ഡൊണേഷൻ നിർബന്ധമാണെന്നാണ് ആ രക്ഷിതാവ് പറഞ്ഞത്. ഡൊണേഷൻ നൽകാൻ തയ്യാറായില്ലെങ്കിൽ കുട്ടിയെയും മാതാപിതാക്കളെയും പ്രത്യേക അസസ്‍മെന്റിന് വിധേയമാക്കുമെന്നും, അതിൽ യോഗ്യത നേടിയില്ലെന്ന കാരണം പറഞ്ഞ് പ്രവേശനം നിരസിക്കുകയോ അല്ലെങ്കിൽ ഇതിലും വലിയ തുക ഡൊണേഷനായി ആവശ്യപ്പെടുകയോ ചെയ്യുമെന്നും ലഖാനി ആരോപിക്കുന്നു. ഇതിനുപുറമെ, ആദ്യവർഷത്തെ പ്രീസ്‌കൂൾ ഡൊണേഷൻ ഫീസായി 1.25 ലക്ഷം രൂപ വേറെയും നൽകേണ്ടതുണ്ടെന്ന് അദ്ദേഹം കുറിച്ചു. 'പ്രീസ്‌കൂൾ വിദ്യാഭ്യാസം ഇത്രത്തോളം ചെലവേറിയതാകരുത്' എന്നും പ്രിതേഷ് പോസ്റ്റിൽ കൂട്ടിച്ചേർത്തു.

1.5 lakh donation to get admission for a 2-year-old kid.My daughter turns 2 and we are exploring preschools, hoping we won’t have to change later.A parent at this school said the donation is mandatory, or they will test your child and you, fail you and charge more. On top of…

— Pritesh Lakhani (@priteshlakhani) September 23, 2026

പ്രിതേഷ് ലഖാനിയുടെ പോസ്റ്റ് വൈറലായതോടെ, ചെറിയ കുട്ടികളുടെ സ്കൂൾ പ്രവേശനത്തിന്റെ പേരിൽ നടക്കുന്ന തട്ടിപ്പുകൾക്കെതിരെ എക്‌സിൽ രൂക്ഷമായ പ്രതികരണങ്ങളാണ് ഉയർന്നുവരുന്നത്. വൻതുക ഫീസ് ഈടാക്കുന്ന പ്രീസ്‌കൂളുകൾക്ക് പകരം ഹോംസ്‌കൂളിംഗ് പോലുള്ള ബദൽ രീതികൾ തിരഞ്ഞെടുക്കണമെന്ന് ചിലർ അഭിപ്രായപ്പെട്ടു.

'ചെറിയ നഗരത്തിലെ നഴ്സറി പ്രവേശനത്തിന് പോലും 3 ലക്ഷം രൂപയോളമാണ് ഡൊണേഷൻ ചോദിക്കുന്നത്' എന്ന് ഒരാൾ കുറിച്ചപ്പോൾ, 'ഇന്ത്യയിൽ വിദ്യാഭ്യാസത്തിന്റെ എല്ലാ മേഖലകളിലും ഇപ്പോൾ ഡൊണേഷൻ നിർബന്ധമായിരിക്കുകയാണ്' എന്നായിരുന്നു മറ്റൊരാളുടെ പ്രതികരണം.

അഭിഭാഷക ധരിച്ച വസ്ത്രത്തെ കോടതിയില്‍ പരസ്യമായി ചോദ്യം ചെയ്ത് ജഡ്ജി; പോസ്റ്റ് വൈറൽ

Web Desk — Fri, 25 Sep 2026 14:08:17 +0530

കോടതിയിൽ വെച്ച് താൻ ധരിച്ച വസ്ത്രത്തെക്കുറിച്ച് ജഡ്ജി പരസ്യമായി വിമർശനം ഉന്നയിച്ചതായി വെളിപ്പെടുത്തി ടെക്സസ് സ്വദേശിയായ ക്രിമിനൽ ഡിഫൻസ് വക്കീലും മുൻ ടിവി അവതാരകയുമായ മരിയ മെദീന. സോഷ്യൽ മീഡിയയിലാണ് കുറിപ്പ് പങ്കുവെച്ചിരിക്കുന്നത്. സാന്റാ അന്റോണിയോയിലെ ബെക്സാർ കൗണ്ടി ഗവൺമെന്റ് കെട്ടിടത്തിൽ വെച്ചു നടന്ന കോടതി നടപടിക്രമത്തിനിടയിലാണ് സംഭവം. താൻ ധരിച്ചിരുന്ന സ്ലീവ്‌ലെസ്സ് ആയ ഗ്രേ കളർ ഷിഫ്റ്റ് ഡ്രസ് കോടതിക്ക് അനുയോജ്യമല്ലെന്ന് ജഡ്ജി യോലണ്ട ഹഫ് വിമർശിക്കുകയായിരുന്നു എന്ന് മരിയ മെദീന പറയുന്നു.

സംഭവത്തെക്കുറിച്ച് മരിയ മെദീന പറയുന്നത് ഇങ്ങനെ; താൻ ധരിച്ചിരുന്ന വസ്ത്രം മാധ്യമപ്രവർത്തകയായിരുന്ന കാലത്തും മറ്റ് കോടതികളിൽ പോയപ്പോഴും നിരവധി തവണ ധരിച്ചിട്ടുള്ളതാണ്. എന്നാൽ, ജഡ്ജി തന്നെ ബെഞ്ചിന് അടുത്തേക്ക് വിളിപ്പിക്കുകയും, ജൂറി വിചാരണയ്ക്ക് ഈ വസ്ത്രം അനുയോജ്യമാണോ എന്ന് ചോദിച്ച് തമാശ രൂപത്തിൽ പരിഹസിക്കുകയും ചെയ്തു. കാറിൽ ബ്ലേസർ / കോട്ട് കരുതിയിട്ടുണ്ടോ എന്നും ജഡ്ജി ചോദിച്ചു. ഇത് തനിക്ക് ഏറെ നിരാശയുണ്ടാക്കിയെന്നും ലൈസൻസ് ലഭിച്ചതിനുശേഷമുള്ള ആദ്യത്തെ മോശം അനുഭവമാണെന്നും അവർ എക്സ് (X) പ്ലാറ്റ്‌ഫോമിൽ കുറിച്ചു.

എങ്കിലും കോടതിയുടെ അധികാരത്തെയും നിയമങ്ങളെയും താൻ ബഹുമാനിക്കുന്നുവെന്നും ഇനിമുതൽ ഈ ജഡ്ജിയുടെ കോടതിയിൽ വരുമ്പോൾ വസ്ത്രത്തിന് മുകളിൽ കോട്ട് ധരിക്കുമെന്നും അവർ വ്യക്തമാക്കി. ഈ സംഭവത്തിന് സോഷ്യൽ മീഡിയയിൽ സമ്മിശ്ര പ്രതികരണങ്ങളാണ് ലഭിക്കുന്നത്. മരിയ മെദീനയ്ക്ക് പിന്തുണയുമായി എത്തിയ ചിലർ, ജഡ്ജിയുടെ നടപടി തികച്ചും മോശവും അപമാനകരവുമാണെന്നും വസ്ത്രത്തിൽ കുഴപ്പമില്ലെന്നും അഭിപ്രായപ്പെട്ടു. പരസ്യമായി അപമാനിക്കുന്നതിന് പകരം ജഡ്ജിക്ക് ഇത് സ്വകാര്യമായി പറയാമായിരുന്നു എന്നും ചിലർ ചൂണ്ടിക്കാണിച്ചു.

This is what I was wearing today when a judge said that I was inappropriately dressed for court. It’s a dress I’ve worn on air countless times and a dress that I have worn to other courts without issue. I was confused, so I explained that it’s a shift dress… pic.twitter.com/PUIeyOKGFS

— Mariah Medina (@MMedinanews) September 21, 2026

അതേസമയം, കോടതികൾ വളരെ ഗൗരവമുള്ള സ്ഥലങ്ങളാണെന്നും അവിടെ കർശനമായ വസ്ത്രരീതികൾ പാലിക്കണമെന്നും ജഡ്ജിയെ അനുകൂലിച്ചുകൊണ്ട് ചിലർ വാദിച്ചു. സ്ലീവ്‌ലെസ്സ് വസ്ത്രങ്ങൾ ധരിക്കുമ്പോൾ അതിന് മുകളിൽ ജാക്കറ്റോ ബ്ലേസറോ ധരിക്കേണ്ടത് മര്യാദയാണെന്നും ചിലർ അഭിപ്രായപ്പെട്ടു.

സ്റ്റാർബക്സിൽ നിന്നും 500 രൂപ മുടക്കി വാങ്ങിയ ഡ്രിങ്ക്സിൽ ചത്ത ഈച്ച; വീഡിയോയുമായി യുവതി

Web Desk — Fri, 25 Sep 2026 13:15:29 +0530

ഡെൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ ടെർമിനൽ 1-ലുള്ള സ്റ്റാർബക്സിൽ നിന്ന് ഏകദേശം 500 രൂപ മുടക്കി വാങ്ങിയ ഡ്രിങ്ക്സിൽ ചത്ത ഈച്ച. ശിഖ എന്ന യുവതിയാണ് തനിക്ക് കിട്ടിയ ഡ്രിങ്ക്സിൽ ചത്ത ഈച്ചയുണ്ടായിരുന്നതായി ആരോപിച്ച് വീഡിയോ ഷെയർ ചെയ്തിരിക്കുന്നത്. പാനീയത്തിൽ ഈച്ച കിടക്കുന്നതിന്റെ ദൃശ്യങ്ങൾ ഉൾപ്പെടുത്തിയാണ് ശിഖ ഇൻസ്റ്റാഗ്രാമിൽ പോസ്റ്റ് പങ്കുവെച്ചത്.

സ്റ്റാർബക്സിനെയും സ്റ്റാർബക്സ് ഇന്ത്യയെയും ടാഗ് ചെയ്തുകൊണ്ട്, 'ഞങ്ങൾക്ക് ഉത്തരം വേണം, നിങ്ങൾ 500 രൂപ കൊടുക്കുമ്പോൾ നിങ്ങൾക്ക് ലഭിക്കുന്നത് ഇതാണ്! എവിടെയാണ് ശുചിത്വം?' എന്ന് അവർ കുറിച്ചിരിക്കുന്നതും കാണാം. കൂടാതെ, വീഡിയോയിൽ അവർ തുക്കാറാം മുണ്ടെ സർ എവിടെയാണെന്ന് ചോദിക്കുകയും, ഡ്രിങ്ക്സിൽ ചത്ത ഈച്ച കിടക്കുന്നത് കാണിച്ചുകൊണ്ട് സ്റ്റാർബക്സിനോട് വിശദീകരണം ആവശ്യപ്പെടുകയും ചെയ്തു. ഇത്രയും വലിയൊരു ബ്രാൻഡിൽ നിന്ന് ഇത്തരത്തിലുള്ള അനുഭവം താൻ പ്രതീക്ഷിച്ചിരുന്നില്ലെന്നും അവർ വ്യക്തമാക്കി.

സംഭവം ചര്‍ച്ചയായതോടെ സ്റ്റാർബക്സ് ഇന്ത്യ കമന്റ് ബോക്സിൽ മറുപടി നൽകി. 'Hi thatsheengirl, ഈ കാര്യത്തിൽ ഞങ്ങൾ ഖേദിക്കുന്നു. ദയവായി നിങ്ങളുടെ കോൺടാക്റ്റ് നമ്പർ ഇൻബോക്സ് ചെയ്യുക. ഞങ്ങളുടെ കസ്റ്റമർ കെയർ ടീം നിങ്ങളെ ബന്ധപ്പെടുന്നതാണ്' എന്നായിരുന്നു കമന്റ്.

View this post on Instagram

A post shared by SHIKHA | Content Creator (@thatsheengirl)

വീഡിയോ വൈറലായതിന് പിന്നാലെ നിരവധി ട്രോളുകളും രസകരമായ കമന്റുകളുമാണ് സോഷ്യൽ മീഡിയയിൽ ഉണ്ടായത്. 'എക്സോട്ടിക് ചേരുവകൾ അടങ്ങിയ പുതിയ ഫ്ലേവർ ആണിത്' എന്നാണ് ചിലർ കമന്റ് നൽകിയത്. മറ്റൊരാൾ പറഞ്ഞത്, 'ചോദിക്കാതെ തന്നെ കുറച്ച് പ്രോട്ടീൻ കൂടി ചേർത്ത് നിങ്ങളുടെ ആരോഗ്യകാര്യത്തിൽ അവർ ശ്രദ്ധിക്കുന്നു' എന്നാണ്.

കുട്ടികളുടെ കൂടെ നിൽക്കണം, മാതാപിതാക്കളെ നോക്കണം, എയർഫോഴ്സിലെ ജോലിയുപേക്ഷിച്ച് ക്ലോത്തിംഗ് ബ്രാൻഡ്

Web Desk — Fri, 25 Sep 2026 12:36:40 +0530

രാജ്യസേവനത്തിന് ശേഷം കുടുംബത്തോടൊപ്പം കൂടുതൽ സമയം ചെലവഴിക്കാൻ വേണ്ടി ജോലി രാജി വച്ച് എയർ ഫോഴ്സ് മുൻ ഉദ്യോഗസ്ഥ. സ്വന്തം നാട്ടിൽ ക്ലോത്തിംഗ് ബ്രാൻഡ് ആരംഭിക്കുകയായിരുന്നു ഡെറാഡൂൺ സ്വദേശിനിയായ ഇവർ. @thefaujifounder എന്ന ഇൻസ്റ്റാഗ്രാം ഹാൻഡിലിലൂടെയാണ് ഇവർ തന്റെ ജീവിതത്തിലെ ഈ വലിയ മാറ്റത്തെക്കുറിച്ച് തുറന്നുപറഞ്ഞത്.

വ്യോമസേനയിൽ നിന്ന് സംരംഭകയിലേക്ക്

14 വർഷം ഷോർട്ട് സർവീസ് കമ്മീഷൻ (SSC) ഓഫീസറായിട്ടുള്ള സേവനത്തിന് ശേഷമാണ് ഇവർ വ്യോമസേന വിട്ടത്. മക്കളുടെ അടുത്തായിരിക്കാനും, പ്രായമാകുന്ന മാതാപിതാക്കളെ നോക്കാനും, കുടുംബത്തോടൊപ്പം കൂടുതൽ സമയം ചെലവഴിക്കാനും വേണ്ടിയാണത്രെ അവർ ഈ തീരുമാനം എടുത്തത്.

ഫാഷൻ ഡിസൈനിങ്ങിൽ വലിയ സ്വപ്നങ്ങളൊന്നും തനിക്കില്ലായിരുന്നു എന്നും കുട്ടിക്കാലം മുതൽ അത്തരമൊരു ആഗ്രഹമില്ലായിരുന്നു എന്നും യുവതി പറയുന്നു. എന്നാൽ, കുടുംബത്തിനൊപ്പം നിൽക്കുക എന്നത് മാത്രമായിരുന്നു ജോലി ഉപേക്ഷിച്ച് നാട്ടിലേക്ക് തിരികെ വരാനുള്ള കാരണമെന്നാണ് ഇവർ വ്യക്തമാക്കുന്നത്. വീടിന് വെറും 100 മീറ്റർ അകലെയാണ് ഇവർ തന്റെ പുതിയ സ്റ്റോർ ആരംഭിച്ചിരിക്കുന്നത്.

View this post on Instagram

A post shared by Call me Ashh (@thefaujifounder)

'ചിലപ്പോൾ കുടുംബത്തെയും, നമ്മുടെ വേരുകളെയും, അവനവന്റെ സന്തോഷത്തെയും, തിരഞ്ഞെടുക്കുന്നത് ജീവിതത്തിലെ ഏറ്റവും വലിയ കരിയർ തീരുമാനമായി മാറിയേക്കാം' എന്നാണ് ഈ മുൻ വ്യോമസേന ഉദ്യോഗസ്ഥ തന്റെ ഇൻസ്റ്റാഗ്രാം പോസ്റ്റിൽ കുറിച്ചത്. എന്തായാലും, ഇത്തരത്തിൽ ഒരു തീരുമാനമെടുക്കണമെങ്കിൽ അതിന് വലിയ ധൈര്യം തന്നെ വേണം എന്നാണ് സോഷ്യൽ മീഡിയയുടെ അഭിപ്രായം. 'സൈന്യത്തിൽ നിന്ന് സംരംഭകയിലേക്കുള്ള വഴി എളുപ്പമല്ല', 'കുടുംബത്തോടൊപ്പം ചെലവഴിക്കുന്ന സമയത്തിന് വിലമതിക്കാനാവില്ല' എന്നിങ്ങനെ നിരവധി കമന്റുകളാണ് യുവതിയുടെ പോസ്റ്റിന് ഇൻസ്റ്റഗ്രാമിൽ ലഭിച്ചു കൊണ്ടിരിക്കുന്നത്.

കേൾവിശക്തിയില്ലാത്ത ഡ്രൈവർ, ഭിന്നശേഷി സൗഹാർദ്ദപരമായി മാറണ്ടേ ഇന്ത്യയും? പോസ്റ്റ്

Web Desk — Fri, 25 Sep 2026 11:46:41 +0530

അമേരിക്കയിലെ ഒരു ലിഫ്റ്റ് (Lyft) ക്യാബിലുള്ള വ്യത്യസ്തമായ യാത്രാനുഭവത്തെ കുറിച്ചും ഭിന്നശേഷിക്കാരോടുള്ള തികച്ചും സൗഹാർദ്ദപരമായ അന്തരീക്ഷത്തെ കുറിച്ചും ഇന്ത്യൻ സംരംഭകനായ ഗൗരവ് ഖേതർപാൽ എക്സ് (X) ൽ പങ്കുവെച്ച കുറിപ്പാണ് ഇപ്പോൾ സാമൂഹിക മാധ്യമങ്ങളിൽ വലിയ ചർച്ചയാകുന്നത്. കേൾവിയില്ലാത്ത ഒരു ഡ്രൈവറുമായുണ്ടായ അനുഭവവും, ഇന്ത്യയിലെ ഭിന്നശേഷിക്കാർക്കുള്ള അവസരങ്ങളെക്കുറിച്ചുള്ള സംശയവുമാണ് പോസ്റ്റിൽ കാണാനാവുക.

അമേരിക്കയിൽ എത്തിയ ശേഷം ഹോട്ടലിലേക്ക് പോകാൻ ലിഫ്റ്റ് ക്യാബ് ബുക്ക് ചെയ്തതായിരുന്നു ഗൗരവ് ഖേതർപാൽ. ക്യാബ് എത്തുന്നതിന് മുമ്പ് തന്നെ തന്റെ ഡ്രൈവർക്ക് കേൾവിയില്ല എന്ന വിവരം ആപ്പ് അദ്ദേഹത്തിന് നൽകിയിരുന്നു. കൂടാതെ, ഡ്രൈവറുമായി ആശയവിനിമയം നടത്താൻ സഹായിക്കുന്ന അമേരിക്കൻ സൈൻ ലാംഗ്വേജ് വാചകങ്ങളും ആപ്പിൽ കൊടുത്തിട്ടുണ്ടായിരുന്നു.

കാർ എത്തിയപ്പോൾ ഡ്രൈവർ തനിക്ക് സ്വാഗതം ആശംസിച്ചുകൊണ്ട് ഒരു കാർഡ് നീട്ടിയതായി അദ്ദേഹം പറഞ്ഞു. തുടർന്ന് ഗൗരവ് ആംഗ്യഭാഷയിലൂടെ തന്നെ ഡ്രൈവറോടു നന്ദി അറിയിക്കുകയും ചെയ്തു. യുഎസിൽ ഭിന്നശേഷിക്കാർക്ക് ലഭിക്കുന്ന തുല്യ അവസരങ്ങളും ബഹുമാനവും ഇന്ത്യയിലുമുണ്ടാകുമോ എന്ന് അദ്ദേഹം തന്റെ കുറിപ്പിൽ ചോദിക്കുന്നു. സർക്കാർ ജോലികളിലെ സംവരണത്തിനപ്പുറത്തേക്ക് ഭിന്നശേഷിക്കാർക്കായി ഇന്ത്യ കൂടുതൽ കാര്യങ്ങൾ ചെയ്യേണ്ടതുണ്ടെന്നും അദ്ദേഹം കൂട്ടിച്ചേർത്തു.

നിരവധിപ്പേരാണ് പോസ്റ്റിന് കമന്റുകളുമായി എത്തിയത്. മിക്കവരും ഗൗരവിന്റെ അഭിപ്രായത്തെ അനുകൂലിച്ചുകൊണ്ടാണ് കമന്റുകൾ നൽകിയത്. പബ്ലിക് ട്രാൻസ്‌പോർട്ടിലും അടിസ്ഥാന സൗകര്യങ്ങളിലും ഇന്ത്യക്ക് യുഎസിൽ നിന്ന് ഇനിയും ഏറെ പഠിക്കാനുണ്ടെന്ന് ഇവർ ചൂണ്ടിക്കാട്ടി.

Landed in US, booked a cab from @lyft to go to my hotel & saw a note that my driver is deaf/ hard of hearing.The app also prompted me on how to use helpful American Sign Language phrases. And as it turns out, when the cab arrived, my driver was indeed deaf. He handed over a… pic.twitter.com/y7bBNFshEU

— Gaurav Kheterpal (@gauravkheterpal) September 23, 2026

എന്നാൽ, ഇന്ത്യയിലും സമാനമായ മാറ്റങ്ങൾ വരുന്നുണ്ടെന്നും പലരും കുറിച്ചിട്ടുണ്ട്. ഇന്ത്യയിലെ ഊബർ ക്യാബുകളിലും സൊമാറ്റോ, സ്വിഗ്ഗി തുടങ്ങിയ ഡെലിവറി പ്ലാറ്റ്‌ഫോമുകളിലും ഭിന്നശേഷിക്കാർ ജോലി ചെയ്യുന്നുണ്ടെന്നും പലരും ചൂണ്ടിക്കാണിച്ചു. തിരക്കേറിയ ഇന്ത്യൻ നഗരങ്ങളിൽ ഭിന്നശേഷിക്കാരായ ഡ്രൈവർമാർ നേരിടുന്ന പ്രായോഗികമായ ബുദ്ധിമുട്ടുകളെക്കുറിച്ചും ചിലർ ആശങ്ക പ്രകടിപ്പിച്ചു.

ഒരു നല്ല വീടില്ലാതെ വളർന്നവന് മാത്രം മനസിലാകുന്ന സന്തോഷം; അമ്മയ്ക്കും അച്ഛനും സ്വപ്നവീട് സമ്മാനിച്ച് യുവാവ്

Web Desk — Fri, 25 Sep 2026 09:16:46 +0530

ഒരു വീടില്ലാതെ വളരുന്നവർക്ക് സ്വന്തം വീട് എന്നത് ഏറെക്കാലമായി കാണുന്ന ഒരു വലിയ സ്വപ്നത്തിന്റെ സാക്ഷാത്കാരമാണ്. പൂനെയിൽ നിന്നുള്ള റാപ്പറും ഹിപ്-ഹോപ്പ് ആർട്ടിസ്റ്റുമായ ഹരീഷ് താക്കൂർ തന്റെ മാതാപിതാക്കൾക്ക് പുതിയ വീട് വാങ്ങി നൽകിക്കൊണ്ടാണ് ആ കുട്ടിക്കാലത്തെ വലിയ സ്വപ്നം യാഥാർത്ഥ്യമാക്കിയിരിക്കുന്നത്. ഇൻസ്റ്റഗ്രാമിലൂടെയാണ് ഹരീഷ് ഈ സന്തോഷവാർത്ത പങ്കുവെച്ചത്.

ഒരു ലോവർ മിഡിൽ ക്ലാസ് കുടുംബത്തിൽ ജനിച്ച ഹരീഷ്, മാതാപിതാക്കൾക്കും നാല് സഹോദരങ്ങൾക്കുമൊപ്പം 25 വർഷത്തോളം കഴിഞ്ഞത് വെറും 10x10 വലിപ്പമുള്ള ഒരു ചെറിയ മുറിയിലായിരുന്നു. കുടുംബത്തിന് ആവശ്യമുള്ളതെല്ലാം നൽകാൻ അച്ഛൻ കഠിനാധ്വാനം ചെയ്തെങ്കിലും, സാമ്പത്തിക ബുദ്ധിമുട്ടുകൾ കാരണം അക്കാലത്ത് സ്വന്തമായി ഒരു വീട് വാങ്ങാൻ സാധിച്ചില്ല.

'അതുകൊണ്ട് കുട്ടിയായിരിക്കുമ്പോൾ ഞാൻ എനിക്ക് തന്നെ ഒരു വാഗ്ദാനം നൽകി... ഒരു ദിവസം ഞാൻ എന്റെ മാതാപിതാക്കൾക്ക് അവരുടെയാ സ്വപ്നവീട് വാങ്ങി നൽകും' ഹരീഷ് കുറിച്ചു. വർഷങ്ങളുടെ കഠിനാധ്വാനവും മാതാപിതാക്കളുടെ അനുഗ്രഹവും കൊണ്ട് ഒടുവിൽ താൻ ആ വാക്ക് പാലിച്ചതായി ഹരീഷ് പറയുന്നു. 'ഞാൻ വീട്ടിലേക്ക് കയറിവരുമ്പോഴെല്ലാം മാതാപിതാക്കളുടെ പേരുകൾ പതിപ്പിച്ച നെയിം ബോർഡ് കാണുന്നത് ഇപ്പോഴും വിശ്വസിക്കാൻ കഴിയുന്നില്ല' അദ്ദേഹം കൂട്ടിച്ചേർത്തു. 'ഓരോ ഗല്ലി ബോയിക്കും ഈ ദിവസം കാണാൻ കഴിയട്ടെയെന്ന് ഞാൻ ആശ്രഹിക്കുന്നു' എന്നും അദ്ദേഹം പറയുന്നു.

View this post on Instagram

A post shared by HotFix | Harish Thakur (@itshotfix)

നിരവധിപ്പേരാണ് ഹരീഷിനെ അഭിനന്ദിച്ചുകൊണ്ട് പോസ്റ്റിന് കമന്റുകൾ നൽകിയത്. 'നിങ്ങളുടെ മാതാപിതാക്കൾക്ക് അഭിമാനിക്കാവുന്ന നിമിഷമാണിത്', 'സഹോദരാ, നിങ്ങളോട് വലിയ ബഹുമാനം. നിരവധി അഭിനന്ദനങ്ങൾ, ഇനിയും വലിയ വിജയങ്ങൾ ഉണ്ടാകട്ടെ', 'തീർത്തും അഭിമാനകരമായ നിമിഷം. ചില വിജയങ്ങൾ ഒരു അപരിചിതന്റേതായാൽ പോലും സ്വന്തം വിജയം പോലെ തോന്നും', 'സ്വന്തമായി ഒരു വീടില്ലാത്ത കുടുംബത്തിൽ വളർന്നവർക്ക് അറിയാം ഈ നിമിഷത്തിന്റെ ആഴം. ഇതൊരു വീട് മാത്രമല്ല, സുരക്ഷിതത്വവും ജീവിതാഭിലാഷങ്ങളുടെ സാക്ഷാത്കാരവുമാണ്' തുടങ്ങിയ കമന്റുകളാണ് വീഡിയോയ്ക്ക് വരുന്നത്.

തനിത്തങ്കമാണ് നിങ്ങളുടെ ഹൃദയം; പെൻഷനില്ല, ഡ്രൈവർക്കും വീട്ടുജോലിക്കാരിക്കുമായി സേവിംഗ്സ് തുടങ്ങി യുവാവ്

Web Desk — Fri, 25 Sep 2026 08:03:43 +0530

ഡ്രൈവർ, വീട്ടുജോലിക്കാർ തുടങ്ങിയവർക്കൊന്നും പെൻഷനോ പിഎഫോ ഒന്നുമില്ല അല്ലേ? അതിനാൽ തന്നെ ഭാവിയിൽ ഒരു സമ്പാദ്യമുണ്ടാവുക എന്നത് ബുദ്ധിമുട്ടാണ്. ഇത് തിരിച്ചറിഞ്ഞ്, അവരുടെ ഭാവി സുരക്ഷിതമാക്കാൻ വേണ്ടി സേവിംഗ്സ് ആരംഭിച്ച ഒരാളുടെ പോസ്റ്റാണ് ഇപ്പോൾ സാമൂഹിക മാധ്യമങ്ങളിൽ ശ്രദ്ധ നേടിയിരിക്കുന്നത്. നരേഷ് എന്ന യൂസറാണ് എക്സിൽ (ട്വിറ്റർ) ഈ പോസ്റ്റ് ഷെയർ ചെയ്തിരിക്കുന്നത്. തന്റെ ഡ്രൈവർക്കും വീട്ടുജോലിക്കാരിക്കും പെൻഷനോ പ്രൊവിഡന്റ് ഫണ്ടോ ഇല്ലെന്ന് താൻ തിരിച്ചറിഞ്ഞതായി നരേഷ് കുറിച്ചു.

അങ്ങനെ സർക്കാരിന്റെ ചെറുകിട സമ്പാദ്യ പദ്ധതിയായ 'കിസാൻ വികാസ് പത്ര' വഴി ഇവരുടെ ഓരോരുത്തരുടെയും പേരിൽ 25,000 രൂപ നിക്ഷേപിച്ച് അദ്ദേഹം ചെറിയൊരു തുടക്കമിട്ടു. ഈ തുക 10 വർഷം കൊണ്ട് ഇരട്ടിയാകും. എല്ലാ വർഷവും ഇതേ തുക തന്നെ നിക്ഷേപിക്കാനാണ് അദ്ദേഹം ആലോചിക്കുന്നത്. ഇങ്ങനെ റിട്ടയർമെന്റ് ആനുകൂല്യങ്ങൾ ലഭിക്കാത്ത ജീവനക്കാർക്കായി സമാനമായ നിക്ഷേപങ്ങൾ നടത്താൻ മറ്റുള്ളവരോടും നരേഷ് പോസ്റ്റിൽ ആവശ്യപ്പെടുന്നുണ്ട്. 'നിങ്ങൾക്ക് വിശ്വസ്തരായ ചില ജീവനക്കാർ ഉണ്ടെങ്കിൽ, അവരുടെ റിട്ടയർമെന്റിനായി ചെറിയൊരു നിക്ഷേപത്തെക്കുറിച്ച് ചിന്തിക്കുക. 10,000 രൂപ പോലും ഒരു തുടക്കമാണ്' എന്ന് നരേഷ് കുറിക്കുന്നു. ഇത് അവരുടെ വാർദ്ധക്യത്തിൽ സഹായകമാകും എന്നാണ് നരേഷ് പറയുന്നത്.

I realised my two employees, my Driver and my cook/maid/housekeeper don’t have any pension /provident fund. So I made a small beginning by opening a Kisan Vikas Patra for Rs.25,000 for each which will double in 10 years. I’m thinking I’ll contribute this same amount once every… pic.twitter.com/7VRGrYOP4c

— Naresh (@TopDriverIndia) September 23, 2026

ജീവനക്കാരുടെ ശമ്പളത്തിനപ്പുറം അവരുടെ ദീർഘകാല സാമ്പത്തിക സുരക്ഷയെക്കുറിച്ച് ചിന്തിച്ചതിന് നരേഷിനെ പ്രശംസിച്ച് നിരവധി പേർ രംഗത്തെത്തി. നിങ്ങളുടെ ഹൃദയം തനിത്തങ്കമാണ് എന്നായിരുന്നു ഒരാളുടെ കമന്റ്. ഇത് വളരെ നല്ല മാതൃകയാണ് എന്നായിരുന്നു മറ്റ് പലരുടേയും അഭിപ്രായം. എന്തായാലും, നരേഷിന്റെ പോസ്റ്റ് വായിക്കുന്ന ചിലരെങ്കിലും സമാനമായി തങ്ങളുടെ ജോലിക്കാർക്കായി സേവിംഗ്സ് തുടങ്ങിയേക്കാം അല്ലേ?

Asianet News Malayalam

ടിക്കറ്റ് കളയുന്ന ബോക്സിനുള്ളിൽ പൂച്ചയുടെ സുഖനിദ്ര! മുംബൈ മെട്രോയിലെ ‘യാത്രക്കാരി’ വൈറൽ

മെട്രോ ടിക്കറ്റുകൾക്ക് മുകളിലൊരു സുഖനിദ്ര

രസകരമായ കുറിപ്പുമായി നെറ്റിസെൺസ്

ജീവനക്കാർക്ക് പുത്തൻ ഐഫോൺ സമ്മാനിച്ച് മലയാളി ദമ്പതികൾ; ‘കമ്പനിയിൽ ഒഴിവുണ്ടോ?’എന്ന് നെറ്റിസെൺസ്, വീഡിയോ

അപ്രതീക്ഷിത സമ്മാനം

ജോലി ഒഴിവുണ്ടോയെന്ന് നെറ്റിസെൺസ്

സുരക്ഷ, ഇഷ്ടമുള്ള വസ്ത്രം

‍പക്ഷേ, മറ്റൊരു മുഖം കൂടിയുണ്ട്

അമ്മയ്ക്ക് വാട്സ്ആപ്പ് സ്റ്റാറ്റസ് ഇടാൻ എഐ മകൻ! ‘ഇങ്ങനെയൊരു മകനെയാണ് അമ്മ ആഗ്രഹിച്ചത്’ എന്ന് യുവാവ്, വീഡിയോ

സഹായം ജെമിനി വക

വളരെ മികച്ചതെന്ന് നെറ്റിസെൺസ്

'മെട്രോ നഗരങ്ങളിലെ വീടിന്‍റെ വില കേട്ടാൽ കിളിപോകും'; 1.8 ലക്ഷം ശമ്പളമുള്ള 25 -കാരന്‍റെ കുറിപ്പ് വൈറൽ

ചിലവ് ചുരുക്കി ജീവിതം

മറ്റൊരു എസ്ഐപി വേണ്ടിവരുമോ?

വലിയ വെല്ലുവിളി

രാജ്യത്തെ ജനനനിരക്ക് കുത്തനെ താഴേക്ക്, അപ്പോഴും 13 കുട്ടികളുമായി ശ്രദ്ധ നേടി ഒരു ചൈനീസ് കർഷക കുടുംബം!

കർഷക കുടുംബം

കൂടുതൽ മക്കളുള്ളത് സംരക്ഷണം

ചൈനയുടെ 'ഒറ്റക്കുട്ടി' നയം

സമ്മിശ്ര പ്രതികരണം

മദ്യശാലയിൽ കയറിയ കുരങ്ങൻ കുപ്പി തുറന്ന് മദ്യപിച്ചു, 'പൂസായി' പിന്നാലെ ഉറക്കവും; വീഡിയോ വൈറൽ

മദ്യപിച്ച് പൂസായി, പിന്നാലെ ഉറക്കവും

കടക്കാരനെ അക്രമിച്ചെന്നും റിപ്പോർട്ട്

എൽ നിനോ; രാജ്യത്തിന്‍റെ പകുതിയിലേറെ പ്രദേശവും വരൾച്ചാ ഭീഷണിയിൽ, കാർഷികോത്പാദനം കുറയും, വില കുത്തനെ ഉയരും!

വരാനിരിക്കുന്നത് കടുത്ത വേനൽ

15 ശതമാനം മഴക്കുറവ്

ഏറ്റവും കൂടുതൽ ബാധിച്ചത് നെൽകൃഷിയെ

മുന്നിലുള്ളത് കഠിനമായ നാളുകൾ

സ്വപ്നങ്ങളുപേക്ഷിക്കേണ്ട, ഒടുവില്‍ ഒരുപാടാശിച്ച ബിരുദം നേടി ഈ തൊഴിലാളികൾ

ബെംഗളൂരുവിൽ നിന്നും ഗുരുഗ്രാമിലേക്ക് മാറിയപ്പോൾ സംഭവിച്ചത്; വൈറലായി യുവതിയുടെ വീഡിയോ

നിങ്ങളുടെ വോട്ട് ആര്‍ക്ക്? ഡൽഹിയിലെ 'ഏറ്റവും തടിയുള്ള നായ' ഏത്? ഓൺലൈനിൽ തരം​ഗമായി മത്സരം

ബാങ്കോക്ക് ഹോസ്റ്റലിൽ ഹിന്ദി ബോർഡ്, കഷ്ടം, കാരണം ഇന്ത്യക്കാരുടെ പെരുമാറ്റം തന്നെ!

ഏത് സാഹചര്യത്തിലും തളരാതെ പരിശ്രമിക്കുക, അതാണ് വിജയത്തിന്റെ രഹസ്യം; സഹിൽ ബ്ലൂം

ഓഫീസിലെ മാനസിക പീഡനം, തുറന്നുപറഞ്ഞപ്പോൾ ബ്രെയിൻവാഷെന്ന് എച്ച്.ആർ, ജോലി രാജിവെച്ച് യുവതി

റൂം കീം നഷ്ടപ്പെട്ട് സോനയിൽ ഉറങ്ങി, കമ്പനി പിരിച്ചുവിട്ട യുവതിക്ക് 964 കോടി നഷ്ടപരിഹാരത്തിന് അർഹത

നിരവധി അറകളും തുരങ്കങ്ങളും; തുർക്കി - ഇറാന്‍ അതിര്‍ത്തിയിൽ കണ്ടെത്തിയത് നോഹയുടെ പെട്ടകം?

ദുരുപിനാർ രൂപീകരണം

2021 മുതൽ നടക്കുന്ന ഗവേഷണം

പഴക്കം 5,500 ഓളം വർഷം

ഏറ്റവും പുതിയ പഠനോപകരണങ്ങൾ

മാസവരുമാനം 3 ലക്ഷം പക്ഷേ, ഡ്രൈവറെ വയ്ക്കാൻ മടി; സോഷ്യൽ മീഡിയയിൽ ഉപദേശം തേടിയ യുവഡോക്ടറുടെ കുറിപ്പ് വൈറൽ

ദിവസവും 60 കിലോമീറ്റർ

'എത്രയും വേഗം ഒരു ഡ്രൈവറെ നിയമിക്കൂ'

വെള്ളരിക്കയും കോണ്ടവും

സമ്മിശ്ര പ്രതികരണം

ബുക്ക് ചെയ്ത എയർബിഎൻബി ഉടമയിൽ നിന്ന് 'സുന്ദരി' എന്ന് സന്ദേശം, ഭയം തോന്നി ബുക്കിംഗ് റദ്ദാക്കിയെന്ന് യുവതി

ഫോട്ടോ കണ്ടതും 'സുന്ദരി'യെന്ന്!

ഭയം തോന്നിയെന്ന് യുവതി

നല്ല തീരുമാനമെന്ന് നെറ്റിസെൺസ്

കുടുംബ കോടതി കെട്ടിടത്തിൽ നിന്നും യുവതി താഴേക്ക്... വീണതോ ചാടിയതോ?; സിസിടിവി ദൃശ്യങ്ങൾ വൈറൽ

ചാടിയതോ അതോ വീണതോ?

വിവാഹ മോചന ഹർജിയുമായി കോടതിയിൽ

സമ്പത്ത് കാട്ടി വീഡിയോ പങ്കുവച്ചു, പിന്നാലെ യൂട്യൂബറുടെ വീട്ടിൽ മോഷണം; 118 പവനും പണവും കവർന്നു, വീഡിയോ

പൂജാ മുറിയിൽ അഞ്ചൂറിന്‍റെ നോട്ടുകെട്ടുകൾ

അതീവസുരക്ഷാ മേഖല, പക്ഷേ...

അമ്മയുടെ അവസാന 14 ദിവസം ക്യാമറയിൽ പകർത്തി മകൻ; രോഗം തിരിച്ചറിഞ്ഞപ്പോഴേക്കും എല്ലാം അവസാനിച്ചിരുന്നു

ശ്വാസകോശം അണുബാധയെന്ന് സംശയം, പക്ഷേ...

അപ്രതീക്ഷിത മരണം

പരാതിയോ പരിഭവമോ ഇല്ലാതെ...

അതിവേഗം, വൃത്തിയുള്ളത്

പക്ഷേ, യാത്രക്കാരുടെ സിവിക് സെന്‍സ്...

വേണം അല്പം പൗരബോധം

16 കോടി ലോട്ടറിയടിച്ചു, ഒന്നും സംഭവിക്കാത്തതുപോലെ ലഞ്ച് ബ്രേക്കിനുശേഷം ജോലി തുടർന്ന് യുവതി

2 വയസുകാരിയുടെ പ്രീസ്‌കൂൾ പ്രവേശനത്തിന് 1.5 ലക്ഷം രൂപ ഡൊണേഷൻ! പോസ്റ്റ്

അഭിഭാഷക ധരിച്ച വസ്ത്രത്തെ കോടതിയില്‍ പരസ്യമായി ചോദ്യം ചെയ്ത് ജഡ്ജി; പോസ്റ്റ് വൈറൽ

സ്റ്റാർബക്സിൽ നിന്നും 500 രൂപ മുടക്കി വാങ്ങിയ ഡ്രിങ്ക്സിൽ ചത്ത ഈച്ച; വീഡിയോയുമായി യുവതി

കുട്ടികളുടെ കൂടെ നിൽക്കണം, മാതാപിതാക്കളെ നോക്കണം, എയർഫോഴ്സിലെ ജോലിയുപേക്ഷിച്ച് ക്ലോത്തിം​ഗ് ബ്രാൻഡ്

കേൾവിശക്തിയില്ലാത്ത ഡ്രൈവർ, ഭിന്നശേഷി സൗഹാർദ്ദപരമായി മാറണ്ടേ ഇന്ത്യയും? പോസ്റ്റ്

ഒരു നല്ല വീടില്ലാതെ വളർന്നവന് മാത്രം മനസിലാകുന്ന സന്തോഷം; അമ്മയ്ക്കും അച്ഛനും സ്വപ്നവീട് സമ്മാനിച്ച് യുവാവ്

തനിത്തങ്കമാണ് നിങ്ങളുടെ ഹൃദയം; പെൻഷനില്ല, ഡ്രൈവർക്കും വീട്ടുജോലിക്കാരിക്കുമായി സേവിം​ഗ്സ് തുടങ്ങി യുവാവ്

നിങ്ങളുടെ വോട്ട് ആര്‍ക്ക്? ഡൽഹിയിലെ 'ഏറ്റവും തടിയുള്ള നായ' ഏത്? ഓൺലൈനിൽ തരംഗമായി മത്സരം

കുട്ടികളുടെ കൂടെ നിൽക്കണം, മാതാപിതാക്കളെ നോക്കണം, എയർഫോഴ്സിലെ ജോലിയുപേക്ഷിച്ച് ക്ലോത്തിംഗ് ബ്രാൻഡ്

തനിത്തങ്കമാണ് നിങ്ങളുടെ ഹൃദയം; പെൻഷനില്ല, ഡ്രൈവർക്കും വീട്ടുജോലിക്കാരിക്കുമായി സേവിംഗ്സ് തുടങ്ങി യുവാവ്