Asianet News Malayalam

കൊവിഡ് കൂടുതല്‍ ചെറുപ്പക്കാരിലേക്ക്; മുന്നറിയിപ്പുമായി ലോകാരോഗ്യ സംഘടന

Web Team — Thu, 06 Aug 2020 15:57:13 +0530

പ്രായമായവരിലും ആരോഗ്യപ്രശ്‌നങ്ങളുള്ളവരിലുമാണ് കൊവിഡ് 19 ഏറ്റവുമെളുപ്പം പിടിപെടുകയെന്നും, അവരില്‍ തന്നെയാണ് രോഗം കൂടുതല്‍ സങ്കീര്‍ണമാവുകെന്നും ആദ്യം മുതല്‍ തന്നെ വിവിധ പഠനങ്ങളും വിദഗ്ധരും ആവര്‍ത്തിച്ചുപറഞ്ഞിരുന്നു. എന്നാല്‍ ഈ വിഭാഗത്തില്‍ പെടുന്നവരില്‍ മാത്രമേ കൊവിഡ് പ്രശ്‌നമുണ്ടാക്കൂ എന്ന അര്‍ത്ഥം തീര്‍ച്ചയായും ഈ മുന്നറിയിപ്പുകള്‍ക്കില്ലായിരുന്നു.

അതേസമയം യുവാക്കള്‍ ഇത്തരത്തിലുള്ള വിശദീകരണങ്ങള്‍, കൊവിഡ് 19 എന്ന മഹാമാരിയെ നിസാരവത്കരിക്കുന്നതിനായി ഉപയോഗിച്ചു എന്നുവേണം കരുതാന്‍. അത്തരത്തിലുള്ള കണക്കുകളാണ് ഇപ്പോള്‍ പുറത്തുവരുന്നത്.

കഴിഞ്ഞ അഞ്ച് മാസത്തെ സ്ഥിതിഗതികള്‍ വിലയിരുത്തുമ്പോള്‍ ലോകത്താകമാനം കൊവിഡ് ബാധിക്കുന്ന യുവാക്കളുടെ എണ്ണം മൂന്ന് മടങ്ങായി ഉയര്‍ന്നിരിക്കുന്നു എന്നാണ് ലോകാരോഗ്യ സംഘടന വ്യക്തമാക്കുന്നത്. 15 മുതല്‍ 24 വയസ് വരെ പ്രായമുള്ളവരില്‍ 4.5 ശതമാനമായിരുന്നു രോഗത്തിന്റെ തോത് എങ്കില്‍, ഇപ്പോഴത് 15 ശതമാനത്തിലെത്തി നില്‍ക്കുന്നുവെന്നാണ് ലോകാരോഗ്യ സംഘടനയുടെ കണക്ക് ചൂണ്ടിക്കാട്ടുന്നത്.

തങ്ങള്‍ക്ക് രോഗം പിടിപെടില്ലെന്ന ആത്മവിശ്വാസം വലിയ തോതില്‍ യുവാക്കളിലുണ്ടായി എന്നും, അത് മൂലം കൊവിഡ് പ്രതിരോധത്തിനായി സ്വീകരിച്ചിരിക്കുന്ന മാര്‍ഗങ്ങളില്‍ പലതും അവര്‍ ഗൗരവമായി എടുത്തില്ലെന്നും വിദഗ്ധര്‍ വിലയിരുത്തുന്നു. മാസ്‌ക് ധരിക്കുമെങ്കിലും സാമൂഹികാകലം പാലിക്കാതിരിക്കുകയും അനാവശ്യമായി യാത്രകള്‍ നടത്തുകയും ചെയ്തതാണ് യുവാക്കള്‍ക്കിടയില്‍ രോഗവ്യാപനം ശക്തമാക്കിയതെന്നും ഇവര്‍ കുറ്റപ്പെടുത്തുന്നു.

'യുവാക്കള്‍ കൊവിഡിന് അതീതരല്ല. അവര്‍ക്കും രോഗം വരാം. മരണം സംഭവിക്കാം. മറ്റുള്ളവരിലേക്ക് രോഗം എത്തിക്കുകയും ചെയ്യാം. ഞങ്ങളിത് മുമ്പും പറഞ്ഞതാണ്, ഇപ്പോഴും പറയുന്നു, ഇനിയും പറയും...'- ലോകാരോഗ്യ സംഘടന മേധാവി ടെഡ്രോസ് അഥനോം പറയുന്നു.

പല രാജ്യങ്ങളും കൊവിഡിന്റെ രണ്ടാം വരവിന്റെ സൂചനകളില്‍ ആശങ്കപ്പെട്ടിരിക്കുന്ന സാഹചര്യമാണ് നിലവിലുള്ളത്. ഇതിനിടെ യുവാക്കളുടെ അലസമായ സമീപനം കൂടുതല്‍ പ്രതിസന്ധി സൃഷ്ടിച്ചേക്കുമോ എന്ന ഉത്കണ്ഠയും വിദഗ്ധര്‍ പങ്കുവയ്ക്കുന്നുണ്ട്.

Also Read:- ചൈനയില്‍ മറ്റൊരു വൈറസ് കൂടി; ചെള്ള് പരത്തുന്ന രോഗം ബാധിച്ച് 7 മരണം...

തെെസ് വർക്കൗട്ട് ചെയ്യുമ്പോൾ ശ്രദ്ധിക്കേണ്ട ചിലത്...

Ajin J T — Thu, 06 Jun 2019 14:37:55 +0530

തുടകൾ കൂടുതൽ ബലമുള്ളതാക്കാൻ ഏറ്റവും മികച്ചതാണ് തെെസ് വർക്കൗട്ട്. സ്ത്രീകൾക്കും വളരെ എളുപ്പം ചെയ്യാൻ പറ്റുന്ന വർക്കൗട്ടാണ് ഇത്. തെെസ് വർക്കൗട്ട് ചെയ്യുമ്പോൾ നിർബന്ധമായും ശ്രദ്ധിക്കേണ്ട ചില കാര്യങ്ങളുണ്ട്. എന്തൊക്കെയാണെന്ന് അറിയേണ്ടേ....

കേരളത്തെ ഇന്റര്‍നാഷണല്‍ മാര്‍ക്കറ്റിലെത്തിച്ച വി സ്റ്റാറിന്റെ കഥ

Web Team — Thu, 18 Jul 2019 15:09:45 +0530

ആരോഗ്യമുള്ള ജനതക്കായി ഒരു ഇന്റര്‍നാഷണല്‍ ബ്രാന്‍ഡ്, വി സ്റ്റാറിന്

ദിവസവും 40 തവണ പുഷ് അപ്പ് ചെയ്യൂ; അറിയാം ഈ കാലിസ്‌തെനിക് വർക്കൗട്ടിന്‍റെ ഗുണങ്ങള്‍...

Web Team — Sun, 24 Dec 2023 17:39:09 +0530

ശരീരം ഫിറ്റായും ആരോഗ്യത്തോടെയുമിരിക്കണമെന്നാണ് എല്ലാവരുടെയും ആഗ്രഹം. എന്നാല്‍ പലര്‍ക്കും ജിമ്മില്‍ പോകാന്‍ മടിയാണ്. അത്തരക്കാര്‍ക്ക് ചെയ്യാവുന്ന ഒന്നാണ് കാലിസ്‌തെനിക്‌സ് വർക്കൗട്ടുകൾ. ഉപകരണങ്ങളുടെ സഹായം ഇല്ലാതെ വീട്ടില്‍ തന്നെ ചെയ്യാവുന്നവയാണ് കാലിസ്‌തെനിക് വ്യായാമങ്ങള്‍. അതില്‍ ഉള്‍‌പ്പെടുന്ന ഒന്നാണ് പുഷ് അപ്പ്. പുഷപ്പ് തന്നെ പലതരത്തിലുണ്ട്. സ്റ്റാന്റ്അപ്പ് പുഷ് അപ്പ്, വൈഡ് പുഷ് അപ്പ്, നാരോ പുഷ് അപ്പ്, ഫോര്‍വാര്‍ഡ് പുഷ് അപ്പ്, ബാക്ക് വാര്‍ഡ് പുഷ് അപ്പ് അങ്ങനെ പല വിധമാണ്. ഇവ ഏതായാലും ഒരു ഫുള്‍ വര്‍ക്കൗട്ട് ചെയ്ത ഇഫക്ട് ആണ് ഇവയ്ക്കുള്ളത്.

പുഷ്അപ് ചെയ്യുമ്പോൾ കൈപ്പത്തികൾ തറയിൽ തോളകലത്തിൽ നന്നായി അമർത്തിവെച്ചാണ് ചെയ്യേണ്ടത്. യറിന്റെ ഭാഗവും അരക്കെട്ടും ഉൾപ്പെടുന്ന ശരീരത്തിന്റെ മധ്യഭാഗം നേർരേഖയിലായിരിക്കാനും ശ്രദ്ധിക്കണം. ദിവസവും 40 തവണ പുഷ് അപ്പ് ചെയ്യുന്നത് കൊണ്ടുള്ള ഗുണങ്ങള്‍ എന്തൊക്കെയാണെന്ന് നോക്കാം...

ഒന്ന്...

ദിവസവും പുഷ് അപ്പ് ചെയ്യുന്നത് നമ്മുടെ കാര്‍ഡിയോ വസ്‌കുലര്‍ സ്‌ട്രെംഗ്ത്ത് കൂട്ടാന്‍ സഹായിക്കും. ഹൃദയത്തിനും ശ്വാസകോശത്തിനും ഇത് ഗുണം ചെയ്യും. അതിനാല്‍ ദിവസവും കുറഞ്ഞത് 40 തവണ എങ്കിലും പുഷ് അപ്പ് ചെയ്യാം.

രണ്ട്...

മസിൽസ് നല്ല സ്‌ട്രെംഗ്ത്തൻ ആകാനും മസില്‍സ് ടോണ്‍ കൂട്ടുവാനും പുഷ് അപ്പ് ചെയ്യുന്നത് നല്ലതാണ്. പ്രത്യേകിച്ച് കൈകളുടെ മസില്‍സ് നല്ല സ്‌ട്രെംഗ്ത്തൻ ആകാന്‍ ദിവസവും പുഷ് അപ്പ് ചെയ്യാം.

മൂന്ന്...

നമ്മളുടെ ഷോള്‍ഡറിന് ചുറ്റുുമിള്ള മസില്‍സ് കൂടാനും പുഷ് അപ്പ് ചെയ്യുന്നത് നല്ലതാണ്. ദിവസേന പുഷ് അപ്പ് എടുക്കുന്നവരുടെ ഷോള്‍ഡര്‍ മസില്‍സ് നല്ല സ്‌ട്രെംഗ്ത്തന്‍ ആകുന്നതിനും ഇവ സഹായിക്കും.

നാല്...

പുഷ് അപ്പ് ചെയ്യുന്നത് നിങ്ങളുടെ കൈകള്‍ക്കും ഷോള്‍ഡറിനും മാത്രമല്ല, നിങ്ങളുടെ പുറം, വയറ്, ഇടുപ്പ് എന്നിവിടങ്ങളും സ്‌ട്രെംഗ്ത്തന്‍ ആകാന്‍ സഹായിക്കും.

അഞ്ച്...

വയറിലെയും ഇടുപ്പിലെയും കൊഴുപ്പിനെ കത്തിക്കാനും ശരീറഭാരം നിയന്ത്രിക്കാനും വയറ്, ഇടുപ്പ് എന്നിവിടങ്ങള്‍ സ്‌ട്രെംഗ്ത്തന്‍ ആകാനും പതിവായി പുഷ് അപ്പ് ചെയ്യാം.

പുരുഷന്മാർക്കുള്ള നാല് മികച്ച ഡയറ്റ് പ്ലാനുകൾ ‌ഏതൊക്കെയാണ്?

Web Team — Sun, 24 Dec 2023 19:21:37 +0530

ശരീരഭാരം കുറയ്ക്കാൻ നാം എല്ലാവരും ചെയ്ത് വരുന്ന ഒന്നാണ് ഡയറ്റുകൾ. പുരുഷന്മാരിൽ കൂടുതൽ പേരും ഭാരം കുറയ്ക്കുന്നതിന് പ്രധാനമായി ആശ്രയിക്കുന്നത് ജിമ്മ് തന്നെയാകും. പുരുഷന്മാർക്ക് സ്ത്രീകളേക്കാൾ കൂടുതൽ കലോറി ആവശ്യമാണ്. കൂടാതെ അവരുടെ ദൈനംദിന കലോറി ആവശ്യകതകൾ അവരുടെ ഉയരം, ഭാരം, പ്രവർത്തന നില എന്നിവയെ ആശ്രയിച്ചിരിക്കും.

ക്യത്യമായി വ്യായാമം ചെയ്യുന്ന പുരുഷന്മാർക്ക് പ്രതിദിനം ഏകദേശം 2,200 മുതൽ 2,800 കലോറി വരെ ശരീരത്തലെത്തേണ്ടതുണ്ട്. ഈ കലോറികളിൽ ഭൂരിഭാഗവും ആവശ്യമായ പോഷകങ്ങൾ, വിറ്റാമിനുകൾ, ധാതുക്കൾ, നാരുകൾ, ഫൈറ്റോകെമിക്കലുകൾ എന്നിവ അടങ്ങിയ വിവിധ പഴങ്ങളിൽ നിന്നും പച്ചക്കറികളിൽ നിന്നും ലഭിക്കുന്നു.

ഭക്ഷണത്തിൽ നാരുകൾ ഉൾപ്പെടുത്തുന്നത് വിശപ്പ് നിയന്ത്രിക്കാനും പ്രോസ്റ്റേറ്റ് കാൻസർ, കോളൻ ക്യാൻസർ തുടങ്ങിയ ചില രോഗങ്ങളെ അകറ്റാനും സഹായകമാണ്. അതിനാൽ ഭക്ഷണത്തിൽ ധാരാളം നാരുകൾ അടങ്ങിയ ഭക്ഷണങ്ങൾ ഉണ്ടെന്ന് ഉറപ്പാക്കുക. പുരുഷന്മാർക്ക് ഭാരം കുറയ്ക്കാൻ സഹായിക്കുന്ന പ്രധാനപ്പെട്ട നാല് ഡയറ്റ് പ്ലാനുകളെ കുറിച്ചാണ് താഴേ പറയുന്നത്...

പുരുഷന്മാർക്കുള്ള നാല് മികച്ച ഡയറ്റ് പ്ലാനുകൾ...

മെഡിറ്ററേനിയൻ ഡയറ്റ്...

പച്ചക്കറികളും പഴങ്ങളും, പയർവർഗ്ഗങ്ങൾ, പരിപ്പ്, ബീൻസ്, ധാന്യങ്ങൾ, മത്സ്യം, അപൂരിത കൊഴുപ്പുകൾ എന്നിവ അടങ്ങിയതാണ് മെഡിറ്ററേനിയൻ ഡയറ്റ്. മെഡിറ്ററേനിയൻ ഭക്ഷണക്രമം പുരുഷന്മാർക്ക് ടെസ്റ്റോസ്റ്റിറോൺ അളവ് വർദ്ധിക്കുന്നതായി അടുത്തിടെ നടത്തിയ പഠനത്തിൽ കണ്ടെത്തി. മെഡിറ്ററേനിയൻ ഡയറ്റ് ഹൃദയ സംബന്ധമായ അസുഖങ്ങൾ കുറയ്ക്കാൻ സഹായിക്കുമെന്ന് അമേരിക്കൻ ഹാർട്ട് അസോസിയേഷൻ വ്യക്തമാക്കുന്നു.

പാലിയോ ഡയറ്റ്...

പ്രാചീന മനുഷ്യർ കഴിച്ചതിന് സമാനമായ ഭക്ഷണ പദ്ധതിയാണ് പാലിയോ ഡയറ്റ്. കലോറി കുറയ്ക്കാതെ തന്നെ ശരീരഭാരം ഗണ്യമായി കുറയ്ക്കാനും ആരോഗ്യം മെച്ചപ്പെടുത്താനും ഈ ഭക്ഷണക്രമം സഹായകരമാകുമെന്ന് പഠനങ്ങൾ സൂചിപ്പിക്കുന്നു.

ലോ കാർബ് ഡയറ്റ്...

അന്നജം കുറഞ്ഞ ഭക്ഷണക്രമമാണ് മറ്റൊരു ഡയറ്റ് പ്ലാൻ. നല്ല കൊഴുപ്പും പ്രോട്ടീനും അടങ്ങിയ ഭക്ഷണങ്ങളാണ് ഇതിൽ ഉൾപ്പെടുന്നത്.

DASH ഡയറ്റ്...

ഡാഷ് ഡയറ്റ് പ്രധാനമായും ദൈനംദിന ഭക്ഷണശീലത്തിലെ ഉപ്പിൻ്റെ അളവ് കുറയ്ക്കുന്നു. നമ്മൾ കഴിക്കുന്ന മിക്കവാറും ഭക്ഷണങ്ങളിലെല്ലാം സോഡിയം അടങ്ങിയിട്ടുണ്ട്. പഴങ്ങൾ, പച്ചക്കറികൾ, കൊഴുപ്പ് കുറഞ്ഞ പാലുൽപ്പന്നങ്ങൾ, ധാന്യങ്ങൾ, പരിപ്പ്, ബീൻസ് എന്നിവ എന്നിവ അടങ്ങിയ ഭക്ഷണങ്ങൾ ആണ് പ്രധാനമായും ഡാഷ് ഡയറ്റിൽ ഉൾപ്പെടുന്നത്.

ശരീരം ഫിറ്റായിരിക്കാൻ വീട്ടിൽ ചെയ്യേണ്ട അഞ്ച് കാലിസ്‌തെനിക് വർക്കൗട്ടുകൾ ?

പ്ലാങ്ക് വ്യായാമം പതിവായി ചെയ്താൽ ലഭിക്കുന്ന ആരോഗ്യഗുണങ്ങൾ

Web Team — Mon, 25 Dec 2023 16:13:27 +0530

ശരീരം ഫിറ്റായിരിക്കാൻ നാം ദിവസവും വ്യായാമം ചെയ്യാറുണ്ട്. ആരോഗ്യത്തിനും വയർ കുറയ്ക്കുന്നതിനും സൗന്ദര്യത്തിനുമെല്ലാം സഹായിക്കുന്ന നിരവധി വ്യായാമങ്ങളുണ്ട്. അതിലൊന്നാണ് പ്ലാങ്ക്. കൈ മസ്സിലുകൾ, കാലുകളിലെ മസ്സിലുകൾ, നട്ടെല്ല്, വയറ്റിലെ പേശികൾ എന്നിവിടങ്ങൾക്ക് ഏറെ പ്രയോജനകരമായ വ്യായാമമാണ് പ്ലാങ്ക്.

പ്ലാങ്ക് ചെയ്യുമ്പോൾ തടി പെട്ടെന്ന് തന്നെ കുറയുകയും ചെയ്യുന്നു. മാത്രമല്ല കാലുകളിലെയും കൈകളിലെയും മസിലുകളെ ശക്തിപ്പെടുത്താനും സാധിക്കുന്നു. എത്ര നേരം കൂടുതൽ പ്ലാങ്ക് പൊസിഷൻ ഹോൾഡ് ചെയ്യാൻ സാധിക്കുന്നോ അത്രയും നമ്മുടെ ശരീരം കരുത്തുറ്റമാകുന്നു.

ക്രഞ്ചസ്, സിറ്റ്അപ്സ് തുടങ്ങിയ വ്യായാമ രീതിങ്ങളെക്കാൾ പ്ലാങ്ക് കൂടുതൽ ഫലപ്രദമാണ് ജേർണൽ ഓഫ് സ്ട്രെങ്ത് ആൻഡ് കണ്ടിഷനിംഗ് റിസേർച്ചിൽ നടത്തിയ പഠനത്തിൽ പറയുന്നു. കൂടുതൽ സമയം പൊസിഷൻ ഹോൾഡ് ചെയ്യുന്നതു വഴി മാംസ പേശികളും നാഡി വ്യവസ്ഥയും കൂടുതൽ കരുത്തുറ്റമാകുന്നു. പ്ലാങ്ക് തെറ്റായ രീതിയിൽ ചെയ്യുന്നത് കാരണം പലരിലും ഇത് വിപരീത ഫലങ്ങൾ ഉണ്ടാക്കാനിടയുണ്ട്.

നടുവേദന ഉള്ളവർ ദിവസവും അൽപം നേരം പ്ലാങ്ക് ചെയ്യുന്നത് ശീലമാക്കുക. പ്ലാങ്കിലൂടെ ശരീരത്തെ കൃത്യമായ രീതിയിൽ നിലനിർത്തുവാൻ സാധിക്കുന്നതിനാൽ നട്ടെല്ലിനെ ശരിയാക്കുവാനും ഇത് സഹായിക്കുന്നു.

സ്ത്രീകൾക്കും പുരുഷന്മാർക്കും ഒരുപോലെ ചെയ്യുവാൻ പറ്റുന്ന വ്യായാമമാണിത്. പ്ലാങ്ക് സ്ഥിരമായി ചെയ്യുന്നതിലൂടെ മസിൽസ് വളരുകയും കൂടുതൽ ബലപ്പെടുകയും ചെയ്യുന്നു. മറ്റൊന്ന് ശരിയായ ശരീരഘടന നേടിയെടുക്കുന്നതിനും പ്ലാങ്ക് വളരെയധികം സഹായിക്കുന്നുണ്ട്.

പുരുഷന്മാർക്കുള്ള നാല് മികച്ച ഡയറ്റ് പ്ലാനുകൾ ‌ഏതൊക്കെയാണ്?

ശരീരം ഫിറ്റാക്കാം! പ്ലാങ്ക് വ്യായാമത്തിന്റെ ആരോഗ്യഗുണങ്ങൾ അറിയാം

Web Team — Wed, 27 Dec 2023 18:38:20 +0530

ക്രഞ്ചസ്, സിറ്റ്അപ്സ് തുടങ്ങിയ വ്യായാമ രീതിങ്ങളെക്കാൾ ഫലപ്രദമാണ് പ്ലാങ്ക് വ്യായാമമെന്ന് പഠനങ്ങൾ പറയുന്നു

മസില്‍ കൂട്ടാന്‍ നിങ്ങളുടെ ഡയറ്റില്‍ ഈ എട്ട് ഭക്ഷണം ഉറപ്പാക്കൂ

Web Team — Wed, 27 Dec 2023 18:01:55 +0530

മസില്‍ കൂട്ടാന്‍ കൂട്ടാന്‍ ഭക്ഷണത്തില്‍ ശ്രദ്ധ വേണം. മസില്‍ പെരുപ്പിക്കാന്‍ പുരുഷന്മാര്‍ പതിവായി കഴിക്കേണ്ട ഭക്ഷണങ്ങള്‍ ഏതൊക്കെയാണ് ?

കോര്‍ സ്ട്രെങ്തിന് ചെയ്യാവുന്ന കാലിസ്തെനിക്സ് വര്‍ക്കൗട്ട്...

Web Team — Mon, 25 Dec 2023 13:45:31 +0530

ഫിറ്റ്നസ് ആഗ്രഹിക്കുന്നവരായാലും മാര്‍ഷ്യല്‍ ആര്‍ട്സ് പരിശീലിക്കുന്നവരായാലും എല്ലാം കോര്‍ സ്ട്രെങ്ത് കൂട്ടാനാണ് ആദ്യം ശ്രമിക്കുക. അല്ലെങ്കില്‍ കോര്‍ സ്ട്രെങ്തിന് വലിയ പ്രാധാന്യം നല്‍കാറുണ്ട്. ഇത്തരത്തില്‍ കോര്‍ സ്ട്രെങ്ത് വര്‍ധിപ്പിക്കുന്നതിന് വളരെയധികം സഹായകമാകുന്ന വര്‍ക്കൗട്ട് മെത്തേഡാണ് കാലിസ്തെനിക്സ്.

കോര്‍ സ്ട്രെങ്ത് കൂട്ടാനായി നമുക്ക് എളുപ്പത്തില്‍ ചെയ്യാവുന്ന അഞ്ച് തരം കാലിസ്തെനിക്സ് വ്യായാമമുറകളാണ് ഇനി പരിചയപ്പെടുത്തുന്നത്.

ഒന്ന്...

ഹോളോ ബോഡി ഹോള്‍ഡ്:- തറയില്‍ ആദ്യം മലര്‍ന്ന് കിടക്കുക. ശേഷം കൈകാലുകള്‍ ഉയര്‍ത്തണം. എന്നാല്‍ അന്തരീക്ഷത്തില്‍ പരമാവധി ഉയര്‍ത്തുന്നതിന് പകരം തറയോട് കൂടുതല്‍ അടുത്തുനില്‍ക്കും വിധം ഉയര്‍ത്തി- ഹോള്‍ഡ് ചെയ്യുകയാണ് വേണ്ടത്. ഈ സമയത്തെല്ലാം, നടു തറയില്‍ ഊന്നിത്തന്നെ കിടക്കണം. ഈ പൊസിഷൻ എത്ര നേരം ഹോള്‍ഡ് ചെയ്യാൻ സാധിക്കുമോ അത്രയും നേരം ചെയ്യാം. ഇത് മൂന്ന് സെറ്റായി പതിവായി ചെയ്യുന്നത് നല്ലതാണ്. കൂടുതല്‍ വ്യക്തതയ്ക്ക് ചിത്രം നോക്കുക.

രണ്ട്...

സൂപ്പര്‍മാൻ ഹോള്‍ഡ്:- ഇത് പേരില്‍ സൂചിപ്പിക്കും പോലെ തന്നെ പറക്കുന്നത് പോലൊരു പൊസിഷൻ ആണ്. തറയില്‍ കമഴ്ന്നുകിടന്ന ശേഷം കൈകളും കാലുകളും ഉയര്‍ത്തുക. നേരത്തേ പറഞ്ഞത് പോലെ തന്നെ തറയോട് പരമാവധി അടുത്തുനില്‍ക്കും വിധം ഉയര്‍ത്തണം. ഈ സമയത്ത് പിൻഭാഗത്തെയും ഇടുപ്പിലെയും പേശികള്‍ പിടിച്ചുവച്ച് തറയിലേക്ക് ഊന്നണം. ഈ പൊസിഷൻ പറ്റാവുന്നത്ര ഹോള്‍ഡ് ചെയ്യുക. ഇതും മൂന്ന് സെറ്റ് ചെയ്യാം. വ്യക്തതയ്ക്കായി ചിത്രം നോക്കുക.

മൂന്ന്...

വി ഹോള്‍ഡ്:- ഇത് ചെയ്യാൻ ആദ്യം ഇരിക്കുകയാണ് വേണ്ടത്. ശേഷം കാലുകള്‍ പതിയെ ഉയര്‍ത്തിക്കൊണ്ട് വന്ന് 45 ഡിഗ്രി ലെവലില്‍ എത്തിക്കുക. ഈ സമയത്ത് നടുഭാഗം സ്ട്രെയിറ്റായാണ് പിടിക്കേണ്ടത്. ഇത് ചെയ്തുതുടങ്ങുന്ന സമയത്താണെങ്കില്‍ സപ്പോര്‍ട്ടിന് വേണ്ടി കൈകള്‍ തറയിലൂന്നാം. പക്ഷേ യഥാര്‍ത്ഥത്തില്‍ കൈകളും ഉയര്‍ത്തിത്തന്നെയാണ് വയാക്കേണ്ടത്. ഈ പൊസിഷൻ പരമാവധി ഹോള്‍ഡ് ചെയ്യുക. ഇതും മൂന്ന് സെറ്റ് ചെയ്യാവുന്നതാണ്. കൂടുതല്‍ മനസിലാക്കാൻ ചിത്രം നോക്കുക.

നാല്...

ബട്ടര്‍ഫ്ലൈ ഹോള്‍ഡ് :- ഇത് ചെയ്യാൻ ആദ്യം പ്ലാങ്ക് പൊസിഷനെടുക്കാം. ശേഷം ബാലൻസ് ചെയ്ത് ഒരു കാലും ഒരു കയ്യും ഉയര്‍ത്തണം. വിപരീതമായ രീതിയില്‍ വേണം കയ്യും കാലും ഉയര്‍ത്താൻ. അതായത് വലതുകയ്യിനാണെങ്കില്‍ ഇടതുകാല്‍ എന്ന രീതി. ഈ പൊസിഷൻ പരമാവധി ഹോള്‍ഡ് ചെയ്യുക. ശേഷം അടുത്ത കയ്യും കാലും ഉയര്‍ത്തി ഹോള്‍ഡ് ചെയ്യണം. ഇതും മൂന്ന് സെറ്റ് ചെയ്യാം. വ്യക്തതയ്ക്ക് വേണ്ടി ചിത്രം നോക്കൂ.

അഞ്ച്...

പ്ലാങ്ക് ഹോള്‍ഡ്:- ഇത് പലരും പതിവായി ചെയ്യുന്നത് തന്നെ ആയിരിക്കും. പക്ഷേ ഇത് കൃത്യമായി തന്നെ ചെയ്താലേ ഗുണം ലഭിക്കൂ. കൈകള്‍ മടക്കി വയ്ക്കുമ്പോള്‍ കൈമുട്ടുകള്‍ തോളുകളോട് ലൈൻ ചെയ്ത് നില്‍ക്കണം. നടു സ്ട്രെയിറ്റായിരിക്കണം. ഇതാണ് പ്ലാങ്ക് പൊസിഷൻ. ഈ പൊസിഷൻ പരമാവധി ഹോള്‍ഡ് ചെയ്യുക. മൂന്ന് സെറ്റായി ചെയ്തുതീര്‍ക്കാം. കൂടുതല്‍ വ്യക്തത വരാൻ ചിത്രം നോക്കാം.

Also Read:- കാലിസ്തെനിക്സും വെയിറ്റ് ട്രെയിനിംഗും; പ്രാഥമികമായി അറിയേണ്ടത്...

ഫിറ്റ്‌നസ് മെച്ചപ്പെടുത്താന്‍ പരിശീലിക്കാം അഡ്വാന്‍സ്ഡ് കാലിസ്‌തെനിക് വർക്കൗട്ടുകള്‍...

Web Team — Sun, 24 Dec 2023 18:43:42 +0530

നിങ്ങളുടെ കാലിസ്‌തെനിക് വർക്കൗട്ടിന്‍റെ അടുത്ത ഘട്ടത്തിലേക്ക് കടക്കാന്‍ നിങ്ങൾ തയ്യാറാണോ? പുഷ്-അപ്പുകൾ, സ്ക്വാറ്റുകൾ എന്നിവ പോലുള്ള പതിവ് കാലിസ്‌തെനിക്‌സ് വ്യായാമങ്ങൾ ഫിറ്റ്‌നസ് മെച്ചപ്പെടുത്തുന്നതിന് മികച്ചതാണെങ്കിലും കൂടുതല്‍ പേശി വളർച്ച നേടാനും ശരീരം ഫിറ്റായും ഇരിക്കാനും അഡ്വാന്‍സ്ഡ് കാലിസ്‌തെനിക് വർക്കൗട്ടുകള്‍ സഹായിക്കും. അത്തരം ചില വർക്കൗട്ടുകളെ പരിചയപ്പെടാം...

ഹാൻഡ്‌സ്റ്റാൻഡ് പുഷ് അപ്പുകൾ...

തോളുകൾ, ട്രൈസെപ്‌സ്, ശരീരത്തിന്‍റെ മുകൾഭാഗം എന്നിവയെ ലക്ഷ്യം വയ്ക്കുന്ന ഒരു പ്രധാന അഡ്വാൻസ്ഡ് കാലിസ്‌തെനിക്‌സ് വ്യായാമ മുറയാണ് ഹാൻഡ്‌സ്‌റ്റാൻഡ് പുഷ് അപ്പ്. ഇത് ശരീരത്തിന്റെ മുകളിലെ പേശികള്‍ നിർമ്മിക്കുന്നതിന് സഹായിക്കും. ഈ വർക്കൗട്ട് ചെയ്യാനായി ആദ്യം ഒരു മതിലിന് അഭിമുഖമായി കൈകൾ തോളിന്റെ വീതിയിൽ നിലത്ത് വയ്ക്കുക, ചുവരിൽ നിന്ന് ഏകദേശം ഒരു കൈയുടെ നീളത്തിന് വേണം നില്‍ക്കാന്‍. ശേഷം നിങ്ങളുടെ പാദങ്ങൾ മതിലിന് നേരെ ചവിട്ടുക. അതൊടൊപ്പം തല നിലത്ത് മുട്ടാന്‍ ശ്രമിക്കുന്ന പോലെ പുഷ് അപ്പ് ചെയ്യുക.

മസിൽ-അപ്പ്...

പുൾ-അപ്പും ഡിപ്പും സംയോജിപ്പിക്കുന്ന ഒരു വ്യായാമ മുറയാണ് മസിൽ-അപ്പുകൾ. നെഞ്ച്, കൈകൾ, കോർ എന്നിവയെ ലക്ഷ്യമിട്ടാന്‍ ഇവ ചെയ്യുന്നത്. ഇതിനായി നിങ്ങളുടെ കൈപ്പത്തികൾ തോളിന്റെ വീതിയേക്കാൾ അല്പം വീതിയുള്ള ഒരു പുൾ-അപ്പ് ബാറിൽ പിടിച്ച് പതിവ് പതിവ് പുൾ-അപ്പ് ചെയ്യുക. പുൾ-അപ്പിന്റെ മുകളിലേക്ക് എത്തുമ്പോൾ, നിങ്ങളുടെ ശരീരം മുകളിലേക്കും ബാറിനു മുകളിലൂടെയും തള്ളിക്കൊണ്ട് ഡിപ്പ് പൊസിഷനിലേക്ക് മാറുക. ശേഷം ആരംഭ സ്ഥാനത്തേയ്ക്ക് വരുക.

വൺ ആം പുള്‍ അപ്പ് (ഒരു കൈ പുള്‍ അപ്പ്)...

ശരീരത്തിന്റെ മുകള്‍ ഭാഗം സ്‌ട്രെംഗ്ത്തൻ ചെയ്യാനാണ് വൺ ആം പുള്‍ അപ്പ് ചെയ്യുന്നത്. പുറം, കൈത്തണ്ട എന്നിവയെയും ലക്ഷ്യമിടുന്ന വ്യായാമ മുറയാണിത്. പരിചയസമ്പന്നരായ കാലിസ്‌തെനിക്‌സ് പ്രാക്ടീഷണർമാർക്കുള്ളതാണ് ഈ വർക്കൗട്ട്. ശരീരം ഉയർത്താൻ ഇവിടെ ഒരു കൈ മാത്രമാണ് ഉപയോഗിക്കുന്നത്. ഒരു കൈകൊണ്ട് മാത്രം ബാറിൽ പിടിച്ച് ശരീരം സ്വയം ഉയര്‍ത്തുക. ശേഷം ആരംഭ സ്ഥാനത്തേയ്ക്ക് വരുക.

പല്ലില്‍ പോട് വരാനും പല്ല് നശിക്കാനും കാരണമാകുന്ന അഞ്ച് ശീലങ്ങള്‍...

Web Team — Mon, 07 Aug 2023 20:07:32 +0530

പല്ലിന് നിസാരമായ പ്രശ്നമെങ്കിലും ഉണ്ടാകാത്തവരായി ആരും കാണില്ല. എന്നാല്‍ പല്ലില്‍ വലിയ രീതിയില്‍ പോട് വരികയും പല്ലില്‍ ഒരുപാട് ചികിത്സ ആവശ്യമായി വരികയും ചെയ്യുന്ന അവസ്ഥ അല്‍പം പ്രയാസം തന്നെയാണ്.

പലപ്പോഴും അശ്രദ്ധ തന്നെയാണ് പല്ലിന്‍റെ ആരോഗ്യം ഈ വിധം ബാധിക്കപ്പെടുന്നതിലേക്ക് നയിക്കുന്നത്. ഇത്തരത്തില്‍ പല്ലില്‍ പോടുകള്‍ സംഭവിക്കാനും പല്ല് നശിച്ചുപോകാനും തന്നെ കാരണമാകുന്ന അഞ്ച് ശീലങ്ങളെ കുറിച്ചാണിനി പങ്കുവയ്ക്കുന്നത്.

ഒന്ന്...

പല്ല് വേണ്ട വിധം വൃത്തിയായി സൂക്ഷിക്കാതിരിക്കുന്നത് തീര്‍ച്ചയായും പല്ലില്‍ പോട് വരുന്നതിനും പല്ല് നശിക്കുന്നതിനുമെല്ലാം കാരണമാകും. ദിവസത്തില്‍ രണ്ട് തവണ ബ്രഷ് ചെയ്യുകയും പതിവായി ഫ്ലോസിംഗ് ചെയ്യുകയുമെല്ലാം ചെയ്യുന്നവരില്‍ പല്ലിന് പോടുണ്ടാകാനള്ള സാധ്യത വളരെ കുറവാണ്.

രണ്ട്...

മധുരം അടങ്ങിയ ഭക്ഷണ-പാനീയങ്ങള്‍ പതിവാക്കുന്നതും പല്ലില്‍ പോട് വരുത്തും. പ്രത്യേകിച്ച് കൃത്രിമമധുരം അടങ്ങിയ ഭക്ഷണ-പാനീയങ്ങള്‍. അതുപോലെ മധുരം കഴിച്ച ശേഷം വായ് കഴുകാതിരിക്കുന്ന ശീലവും പല്ല് പെട്ടെന്ന് കേടാകുന്നതിലേക്ക് നയിക്കും.

മൂന്ന്...

പുകവലി, മദ്യപാനം, പുകയില ഉപയോഗം എന്നിവയും പല്ലിന് ദോഷം തന്നെ. പല്ലില്‍ കറ പറ്റാനും, പല്ല് പൊടിയാനും, പോട് വരാനും, പല്ല് ക്രമണേ ഇളകിപ്പറിഞ്ഞ് പോരാനുമെല്ലാം ഈ ദുശ്ശീലങ്ങള്‍ കാരണമാകും.

നാല്...

ചിലര്‍ ഭക്ഷണസാധനങ്ങളുടെ പാക്കറ്റോ അല്ലെങ്കില്‍ നട്സിന്‍റെ തോടോ എല്ലാം പല്ല് വച്ച് പൊട്ടിക്കുന്നത് കണ്ടിട്ടില്ലേ? പല്ലിന് കട്ടിയുണ്ടല്ലോ എന്ന ആശ്വാസത്തില്‍ ഇങ്ങനെ പതിവായി ചെയ്യുന്നത് നല്ലതല്ല. കാരണം ഈ ശീലവും പല്ലിന് കേടാണ്.

അഞ്ച്...

കൃത്യമായ ഇടവേളകളില്‍ ഡെന്‍റിസ്റ്റിനെ കണ്ട് പല്ലിന്‍റെ ആരോഗ്യവും ശുചിത്വവുമെല്ലാം ഉറപ്പുവരുത്തുന്നത് എപ്പോഴും നല്ലതാണ്. ഇത് അല്‍പം കൂടി ഗൗരവമുള്ള രോഗങ്ങള്‍ (ക്യാൻസര്‍ അടക്കം) എന്തെങ്കിലും പിടിപെട്ടിട്ടുണ്ട് എങ്കില്‍ നേരത്തെ കണ്ടെത്തുന്നതിനും സഹായിക്കും. എന്നാല്‍ മിക്കവരും വര്‍ഷത്തിലൊരിക്കല്‍ പോലും ഡെന്‍റിസ്റ്റിനെ കാണാറില്ല എന്നതാണ് സത്യം.

Also Read:- പതിവായി ഉരുളക്കിഴങ്ങ് കഴിച്ചാല്‍ അതുകൊണ്ട് ആരോഗ്യത്തിനുണ്ടാകുന്ന മാറ്റങ്ങള്‍...

ഏഷ്യാനെറ്റ് ന്യൂസ് ലൈവ് യൂട്യൂബില്‍ കാണാം:-

youtubevideo

ഫിറ്റ്നസ് രംഗത്ത് മികച്ച ജോലി നേടാം

Marketing Feature — Thu, 08 Apr 2021 11:07:20 +0530

അടുത്ത 5 വർഷത്തിനുള്ളിൽ ഏറ്റവും വളർച്ച നേടാവുന്ന ഒരു മേഖലയായി ഫിറ്റ്നസ് ആൻഡ് ബോഡി ബിൽഡിംഗ് മാറി കഴിഞ്ഞു. ഡിഫൻസ്, പോലീസ്, റെയിൽവേയ്‌സ് എന്നിവിടങ്ങളിൽ സർക്കാർ ജോലി കൂടാതെ സെലിബ്രിറ്റികളുടെയും മറ്റും പേർസണൽ ഫിറ്റ്നസ് ട്രെയിനറായും ജോലി നേടുന്നതിന് ഇവിടെ സാധ്യതയുണ്ട്. IBIS Fitness നൽകുന്ന അമേരിക്കൻ ഡിപ്ലോമ ഇൻ ബോഡി ബിൽഡിംഗ് ഫിറ്റ്നസ് രംഗത്ത് പ്രൊഫഷണൽ ട്രെയിനിങ് നേടുന്നതിനൊപ്പം ശരീരത്തിന് ഹാനികരമല്ലാത്ത രീതിയിൽ സപ്പ്ളിമെന്റുകൾ ഉപയോഗിക്കേണ്ടതെങ്ങിനെ എന്നും നിങ്ങളെ പഠിപ്പിക്കുന്നു. UK, USA, Canada, Australia, Middle East എന്നിങ്ങിനെ വിവിധ രാജ്യങ്ങളിൽ അംഗീകരിച്ചിട്ടുള്ള സർട്ടിഫിക്കേഷനാണ് IBIS Fitness ലഭ്യമാക്കുന്നത്. കൂടുതൽ വിവരങ്ങൾക്ക് https://bit.ly/39OhpXa.

ബാക്ക് മസില്‍ വർക്കൗട്ട് ചെയ്യുമ്പോൾ പ്രധാനമായി ശ്രദ്ധിക്കേണ്ടത്...

Ajin J T — Thu, 06 Jun 2019 14:19:48 +0530

ബാക്ക് മസില്‍ വർക്കൗട്ട് പതിവായി ചെയ്യുന്നവരുണ്ട്. ശരിയായ രീതിയിൽ ബാക്ക് മസില്‍ വർക്കൗട്ട് ചെയ്യേണ്ടത് എങ്ങനെയെന്ന് നോക്കാം.

ശരീരം ഫിറ്റായിരിക്കാൻ വീട്ടിൽ ചെയ്യേണ്ട അഞ്ച് കാലിസ്‌തെനിക് വർക്കൗട്ടുകൾ ?

Web Team — Sun, 24 Dec 2023 19:22:26 +0530

വ്യായാമങ്ങൾ നമ്മുടെ ശരീരത്തിന് പ്രധാനപ്പെട്ടവയാണ്. ശരീരം ഫിറ്റായും ആരോഗ്യത്തോടെയുമിരിക്കാൻ ദിവസവും 20 മിനുട്ടെങ്കിലും വ്യായാമം ചെയ്യാൻ സമയം മാറ്റിവയ്ക്കുക. ശരീരത്തിലെ അമിത കൊഴുപ്പ് കുറയ്ക്കുന്നതിന് സഹായിക്കുന്ന വിവിധ വ്യായാമങ്ങൾ ഇന്നുണ്ട്. അതിലൊന്നാണ് കാലിസ്‌തെനിക്‌സ് വർക്കൗട്ടുകൾ.

ഉപകരണങ്ങളൊന്നും ഉപയോഗിക്കാതെ ചെയ്യുന്നവയാണ് കാലിസ്‌തെനിക്‌സ് വർക്കൗട്ടുകൾ. പുഷ്അപ്പുകൾ, ക്രഞ്ചുകൾ, ബർപീസ് എന്നിവ കാലിസ്‌തെനിക് വ്യായാമങ്ങളുടെ ഉദാഹരണങ്ങളിൽ ഉൾപ്പെടുന്നവയാണ്.

കാലിസ്‌തെനിക്‌സിന് വ്യായാമങ്ങൾ ചെയ്യുന്നത് നിരവധി ആരോഗ്യഗുണങ്ങൾ നൽകുന്നു. ശരീരം ഫിറ്റായി നിലനിർത്താൻ വീട്ടിൽ തന്നെ ചെയ്യേണ്ട അഞ്ച് പ്രധാനപ്പെട്ട കാലിസ്‌തെനിക്‌സ് വർക്കൗട്ടുകളാണ് താഴേ പറയുന്നത്...

പുൾ അപ്പ്...

ശരീരത്തിന്റെ മുകൾ ഭാഗത്തെ ശക്തിപ്പെടുത്താനുള്ള വ്യായാമമാണ് 'പുൾ അപ്പ്' എന്നത്. പുൾ അപ്പ് ബാറിൽ കയറി നിന്ന ശേഷം ഒരു പോലെ കൈപിടിച്ച് നിൽക്കുക. ശേഷം പുൾ ബാർ താഴ്ത്തുക. താഴ്ത്തുന്നതിനനുസരിച്ച് ശരീരം സാവധാനം ഉയരും. പുൾ ബാറിന് മുകളിൽ കഴുത്ത് എത്തുന്ന രീതിയിൽ വേണം ചെയ്യാൻ. ശേഷം സാവധാനം താഴോട്ട് വരിക. വീണ്ടും ഇത് ചെയ്യുക. ‌ പുഷ് അപ്പ്...

മറ്റൊരു വ്യായാമാണ് 'പുഷ് അപ്പ്'. ഷോൾഡറിന് ചുറ്റുുമുള്ള മസിൽസ് കൂട്ടാൻ സഹായിക്കുന്ന ഒന്നാണ് പുഷ് അപ്പ്. ഇത് ഇത്തരത്തിൽ ദിവസേന പുഷ് അപ്പ് എടുക്കുന്നവരുടെ ഷോൾഡർ മസിൽസ് നല്ല സ്‌ട്രെംഗ്ത്തൻ ആകുന്നതിനും അതുപോലെതന്നെ കാലുകൾക്ക് നല്ല ബലം കിട്ടുന്നതിനും ഇത് വളരെയധികം സഹായിക്കുന്നു.

ക്രഞ്ചസ്...

ശരീരഭാരം കുറയ്ക്കാനുള്ള ശ്രമത്തിലാണ് നമ്മളിൽ ഭൂരിഭാഗം പേരും. ശരീരഭാരം കുറയ്ക്കാനായി നാം ചെയ്യുന്ന പ്രധാന വ്യായാമങ്ങളിലൊന്നാണ് ക്രഞ്ചസ്. നിലത്തു മലർന്നു കിടന്ന് കൈകൾ തലയ്ക്കടിയിൽ പിടിച്ച് വയറ്റിലെ മസിലുകൾക്ക് മർദ്ദം കൊടുത്തു നിവരുകയും കിടക്കുകയുമാണ് വേണ്ടത്.

ബർപീസ്...

ശരീരത്തിലെ അമിതകൊഴുപ്പ് കുറയ്ക്കാൻ സഹായിക്കുന്ന മറ്റൊരു വ്യായാമമാണ് ബർപീസ്. ഇത് കാർഡിയോവാസ്‌കുലാർ മസിലുകളെ ശക്തിപ്പെടുത്തുന്നതിന് സഹായിക്കുന്നു.

ജമ്പ് സ്ക്വാറ്റ്...

കലോറി കുറയ്ക്കുന്നതിനും ശരീരഭാരം കുറയ്ക്കുന്നതിനുമുള്ള ഫലപ്രദമായ വ്യായാമമാണ് ജമ്പ് സ്ക്വാറ്റ്. വ്യായാമ ദിനചര്യയിൽ സ്ക്വാറ്റുകൾ ഉൾപ്പെടുത്തുന്നത് വയറിലെ പേശികളെ ടോൺ ചെയ്യാനും വയറിലെ കൊഴുപ്പിന്റെ രൂപം കുറയ്ക്കാനും സഹായിക്കും.

പ്രമേഹമുള്ളവർ ഈ നട്സ് കഴിക്കൂ, രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും

കാലിസ്തെനിക്സ് വര്‍ക്കൗട്ടില്‍ ഡയറ്റ് ഏറെ പ്രധാനം; അറിയേണ്ട ചിലത്...

Web Team — Mon, 25 Dec 2023 14:37:13 +0530

കാലിസ്തെനിക്സ് വര്‍ക്കൗട്ടില്‍ ഡയറ്റ്, അഥവാ നമ്മള്‍ കഴിക്കുന്ന ഭക്ഷണം വളരെ പ്രധാനമാണ്. ഡയറ്റ് കൂടി കൃത്യമായാലാണ് കാലിസ്തെനിക്സ് വ്യായാമമുറകളുടെ യഥാര്‍ത്ഥ ഫലം കാണാനാകൂ.

പ്രോട്ടീൻ ആണ് ഇത്തരത്തില്‍ കാലിസ്തെനിക്സ് വര്‍ക്കൗട്ടുകള്‍ ചെയ്യുന്നവര്‍ ഡയറ്റിലുറപ്പിക്കേണ്ടൊരു ഘടകം. പേശികളുടെ വളര്‍ച്ചയ്ക്കും ശക്തിക്കുമെല്ലാം പ്രോട്ടീൻ അത്യന്താപേക്ഷിതമാണല്ലോ. മുട്ട, ലീൻ മീറ്റ്, മീൻ, ഫുള്‍ ഫാറ്റ് ഗ്രീക്ക് യോഗര്‍ട്ട്, സോയ പ്രോട്ടീൻ/ ടോഫു, പരിപ്പ്- പയര്‍ വര്‍ഗങ്ങള്‍, നട്ട്സ് - സീഡ്സ് എന്നിവയെല്ലാം ഇതിനായി കഴിക്കാവുന്നതാണ്.

കാലിസ്തെനിക്സ് വര്‍ക്കൗട്ട് ചെയ്യുന്നവര്‍ കാര്‍ബും ഡയറ്റിലുറപ്പിക്കേണ്ടകുണ്ട്. കോംപ്ലക്സ് കാര്‍ബ് ആണ് എടുക്കേണ്ടത്. ഹോള്‍ ഗ്രെയിൻ സിറില്‍സ്, ബ്രഡ്, പാസ്ത, സ്റ്റാര്‍ച്ച് കാര്യമായി അടങ്ങിയ പച്ചക്കറികള്‍, പരിപ്പ് വര്‍ഗങ്ങള്‍ എന്നിവയെല്ലാം കഴിക്കാം. ഇവയിലൂടെ ആവശ്യത്തിന് ഫൈബറും ഉറപ്പിക്കാൻ സാധിക്കും. എന്നാല്‍ കാര്‍ബ് അമിതമാകാതെ നോക്കണേ. അമിതമായാല്‍ വണ്ണം കൂടാം, അതുപോലെ പ്രമേഹം പോലുള്ള പ്രശ്നങ്ങളും വരാം.

കാലിസ്തെനിക്സ് വര്‍ക്കൗട്ടിലുള്ളവര്‍ നിര്‍ബന്ധമായും പതിവായി ധാരാളം പച്ചക്കറികളും പഴങ്ങളും ഡയറ്റിലുള്‍പ്പെടുത്തണം. വൈറ്റമിനുകള്‍, ധാതുക്കള്‍, ആന്‍റി-ഓക്സിഡന്‍റ്സ് എന്നിങ്ങനെയുള്ള അവശ്യഘടകങ്ങളെല്ലാം ഉറപ്പിക്കുന്നതിനാണ് പഴങ്ങളും പച്ചക്കറികളും കാര്യമായി കഴിക്കണമെന്ന് പറയുന്നത്. ഇതിലൂടെയും ഫൈബര്‍ കാര്യമായി ലഭിക്കും. ഫൈബറിന് പുറമെയാണ് വൈറ്റമിനുകളും ദാതുക്കളും ആന്‍റി ഓക്സിഡന്‍റ്സും ലഭിക്കുന്നത്. പേശീവളര്‍ച്ചയ്ക്ക് ഈ ഘടകങ്ങളെല്ലാം നിര്‍ബന്ധമായും വേണം.

ഡയറ്റിലുള്‍പ്പെടുത്തേണ്ട ഭക്ഷണങ്ങളുണ്ട് എന്നതിനൊപ്പം തന്നെ ചില ഭക്ഷണങ്ങള്‍ കാലിസ്തെനിക്സ് വര്‍ക്കൗട്ട് ചെയ്യുമ്പോള്‍ ഒഴിവാക്കുകയും വേണം. പ്രോട്ടീൻ പൗഡര്‍, സിമ്പിള്‍ കാര്‍ബ്സ്, ഹൈലി പ്രോസസ്ഡ് ഫുഡ്സ് എന്നിവയാണ് പ്രധാനമായും ഇത്തരത്തില്‍ ഒഴിവാക്കേ ഭക്ഷണങ്ങള്‍. ഇവ മോശം ഫലത്തിലേക്ക് നയിക്കാൻ കാരണമായി തീരുമെന്നതിനാലാണ് ഒഴിവാക്കണമെന്ന് പറയുന്നത്.

Also Read:- കോര്‍ സ്ട്രെങ്തിന് ചെയ്യാവുന്ന കാലിസ്തെനിക്സ് വര്‍ക്കൗട്ട്...

ചെസ്റ്റ് വർക്കൗട്ട്; അറിഞ്ഞിരിക്കേണ്ട ചില കാര്യങ്ങൾ

Ajin J T — Thu, 06 Jun 2019 14:08:16 +0530

നെഞ്ചിന്റെ വികാസത്തിനായി ചെയ്തു വരുന്ന പ്രധാനപ്പെട്ട ഒന്നാണ് ചെസ്റ്റ് വർക്കൗട്ട്. നെഞ്ചിലെ മാംസപേശികളുടെ വികാസത്തിന് ഈ വ്യായാമം ഗുണകരമാണ്. ചെസ്റ്റ് വർക്കൗട്ട് ചെയ്യുമ്പോൾ ശ്രദ്ധിക്കേണ്ട ചില കാര്യങ്ങൾ എന്തൊക്കെയാണെന്ന് നോക്കാം.

കാലിസ്തെനിക്സും വെയിറ്റ് ട്രെയിനിംഗും; പ്രാഥമികമായി അറിയേണ്ടത്...

Web Team — Mon, 25 Dec 2023 10:56:55 +0530

ഫിറ്റ്നസിനായി പലവിധത്തിലുള്ള മാര്‍ഗങ്ങള്‍ നമുക്ക് അവലംബിക്കാവുന്നതാണ്. ചിലര്‍ ഡയറ്റും വീട്ടില്‍ തന്നെയുള്ള വര്‍ക്കൗട്ടുകളും ആയിരിക്കും തെരഞ്ഞെടുക്കുക. മറ്റ് ചിലര്‍ ജിമ്മില്‍ പോയി തന്നെ വര്‍ക്കൗട്ട് ചെയ്യും. ചിലരാകട്ടെ കായികവിനോദങ്ങളിലേര്‍പ്പെടുന്നതാണ് ഫിറ്റ് ആയിരിക്കാൻ ചെയ്യുക. ഇങ്ങനെ പല മാര്‍ഗങ്ങളും ഫിറ്റ്നസിലേക്ക് ഉണ്ട്.

ഇന്ന് വര്‍ക്കൗട്ടിന്‍റെ മേഖലയില്‍ തന്നെ വൈവിധ്യമാര്‍ന്ന പല ശാഖകളും പല ഏരിയകളും വന്നുകഴിഞ്ഞിട്ടുണ്ട്. ഇക്കൂട്ടത്തില്‍ നിങ്ങളില്‍ ചിലരെങ്കിലും കേട്ടിരിക്കാൻ സാധ്യതയുള്ള ഒന്നാണ് കാലിസ്തെനിക്സ്.

പ്രത്യേകിച്ച് ഉപകരണങ്ങളുടെയും മറ്റും സഹായമില്ലാതെ നമ്മുടെ ശരീരത്തിന്‍റെ തന്നെ ഭാരം പ്രയോജനപ്പെടുത്തി ചെയ്യുന്ന വ്യായാമമാണ് കാലിസ്തെനിക്സ് എന്ന് പറയാം. ചിലരെങ്കിലും കാലിസ്തെനിക്സിനെ വെയിറ്റ് ട്രെയിനിംഗായി തെറ്റിദ്ധരിക്കാറുണ്ട്.

എന്നാല്‍ കാലിസ്തെനിക്സും വെയിറ്റ് ട്രെയിനിംഗും വ്യത്യസ്തമാണ്. വെയിറ്റ് ട്രെയിനിംഗില്‍ പുറമെ നിന്ന് ഭാരം എടുക്കുകയാണ് ചെയ്യുന്നത്. ഫ്രീ വെയിറ്റ്സ്, ഡമ്പെല്‍സ്, ബാര്‍ബെല്‍സ് എല്ലാം ഇതിനായി ഉപയോഗിക്കാം. അതേസമയം കാലിസ്തെനിക്സില്‍ കാര്യമായി പുറമെ നിന്നുള്ള ഉപകരണങ്ങളുടെ സഹായം തേടുന്നില്ല.

കാലിസ്തെനിക്സില്‍ നമ്മുടെ ശരീരം കൊണ്ട് തന്നെയാണ് എല്ലാ അഭ്യാസവും ചെയ്യുന്നത്. ഇതിന് സപ്പോര്‍ട്ട് ചെയ്യാൻ പരിമിതമായ സംവിധാനങ്ങള്‍ പ്രയോജനപ്പെടുത്തുമെന്ന് മാത്രം. വെയിറ്റ് ട്രെയിനിംഗ് കൂടുതലായും മസിലുകളെ ശക്തിപ്പെടുത്താനായി എടുക്കുമ്പോള്‍ കാലിസ്തെനിക്സ് ശരീരത്തിന്‍റെ ആകെ വഴക്കത്തിനും മറ്റുമാണ് എടുക്കുന്നത്.

ഇന്ന് പലര്‍ക്കും ഫിറ്റ്നസിന്‍റെ പേരില്‍ മസില്‍ പെരുപ്പിക്കുക എന്നതില്‍ കവിഞ്ഞ് ശരീരത്തെ ആകെയും ഇതുപോലെ വഴക്കമുള്ളതാക്കിയും ശക്തിപ്പെടുത്തിയും എടുക്കുന്നതിനോടാണ് അഭിരുചി കൂടുതല്‍. ഇതിന്‍റെ ഭാഗമായി കാലിസ്തെനിക്സ് വര്‍ക്കൗട്ടിലേക്കും കൂടുതല്‍ പേരെത്തുന്നതായി കാണാം. കായികതാരങ്ങളും സിനിമാതാരങ്ങളും അടക്കം കാലിസ്തെനിക്സിലേക്ക് വലിയ രീതിയില്‍ ചുവടുമാറുന്നതും ഇപ്പോഴത്തെ ട്രെൻഡാണ്.

Also Read:- പുരുഷന്മാർക്കുള്ള നാല് മികച്ച ഡയറ്റ് പ്ലാനുകൾ ‌ഏതൊക്കെയാണ്?

ദിവസവും 40 തവണ പുഷ് അപ്പ് ചെയ്യൂ; ഇത് കാലിസ്തെനിക് വര്‍ക്കൗട്ട്

Web Team — Wed, 27 Dec 2023 17:57:35 +0530

ഉപകരണങ്ങളുടെ സഹായം ഇല്ലാതെ വീട്ടില്‍ തന്നെ ചെയ്യാവുന്നവയാണ് കാലിസ്തെനിക് വ്യായാമങ്ങള്‍. അതില്‍ ഒന്നാണ് പുഷ് അപ്പ്.

മസിൽ പെരുപ്പിക്കാൻ ഡയറ്റില്‍ ഉള്‍പ്പെടുത്തേണ്ട എട്ട് ഭക്ഷണങ്ങള്‍...

Web Team — Sun, 24 Dec 2023 16:32:37 +0530

പുരുഷന്മാര്‍ പലപ്പോഴും ജിമ്മില്‍ പോയി മസില്‍ കൂട്ടാന്‍ ശ്രമിക്കാറുണ്ട്. സിക്സ് പാക്കിനായി കഠിന പരിശ്രമത്തിലാണ് പലരും. എന്നാല്‍ മസില്‍ കൂട്ടാന്‍ ഭക്ഷണകാര്യത്തില്‍ കൂടി ശ്രദ്ധ വേണം. അത്തരത്തില്‍ മസില്‍ പെരുപ്പിക്കാൻ പുരുഷന്മാര്‍ പതിവായി കഴിക്കേണ്ട ഭക്ഷണങ്ങള്‍ ഏതൊക്കെയാണെന്ന് നോക്കാം...

മുട്ട...

പ്രോട്ടീനുകളുടെ കലവറയാണ് മുട്ട. അമിനോ ആസിഡുകളാൽ നിർമിക്കപ്പെട്ട പ്രോട്ടീൻ മസിൽ ഉണ്ടാകാൻ വളരെ പ്രധാനമാണ്. അതിനാല്‍ പുരുഷന്മാര്‍ക്ക് മസില്‍ വര്‍ധിക്കാനും ആരോഗ്യത്തിനുമെല്ലാം ദിവസവും മുട്ട കഴിക്കുന്നത് നല്ലതാണ്.

നേന്ത്രപ്പഴം...

പോഷകങ്ങളാല്‍ സമ്പന്നമാണ് നേന്ത്രപ്പഴം. ശരീരത്തിന് വേണ്ട ഊര്‍ജം പകരാനും മസില്‍ കൂടാനും ഇവ സഹായിക്കും.

ചിക്കൻ...

ചിക്കൻ ബ്രെസ്റ്റ് കഴിക്കുന്നതും മസിൽ ഉണ്ടാകാൻ സഹായിക്കും. ഇവയിലെ പ്രോട്ടീനാണ് ഇതിന് സഹായിക്കുന്നത്.

ഗ്രീക്ക് യോഗർട്ട്...

മസിൽ ഉണ്ടാകാൻ സഹായിക്കുന്ന പ്രോട്ടീനുകള്‍ ധാരാളം അടങ്ങിയതാണ് പാലുൽപന്നങ്ങള്‍. അതിനാല്‍ ഗ്രീക്ക് യോഗർട്ട്, പനീര്‍ പോലെയുള്ളവ ഡയറ്റില്‍ ഉള്‍പ്പെടുത്താം.

മത്സ്യം...

ഒമേഗ 3 ഫാറ്റി ആസിഡും പ്രോട്ടീനുമൊക്കെ അടങ്ങിയ ചൂര, സാല്‍മണ്‍ പോലെയുള്ള ഫാറ്റി ഫിഷുകളും മസില്‍ നിർമിക്കാൻ സഹായിക്കും.

സോയാബീൻ...

വിറ്റാമിനുകളും അയേണും അടങ്ങിയ സോയാബീൻ കഴിക്കുന്നതും പേശികളെ ശക്തിപ്പെടുത്താന്‍ സഹായിക്കും.

നട്സ്...

പ്രോട്ടീനും ആരോഗ്യകരമായ കൊഴുപ്പും അടങ്ങിയ നിലക്കടല, ബദാം തുടങ്ങിയ നട്സുകള്‍ കഴിക്കുന്നതും മസില്‍ വര്‍ധിപ്പിക്കാന്‍ സഹായിക്കും.

ചീര...

അയേണും ഫൈബറും മറ്റ് ആന്‍റി ഓക്സിഡന്‍റുകളും അടങ്ങിയ ചീര പതിവായി കഴിക്കുന്നതും മസിൽ പെരുപ്പിക്കാൻ നല്ലതാണ്.

ശ്രദ്ധിക്കുക: ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.

കണ്‍പീലികള്‍ കൊഴിയുന്നത് തടയാനും കണ്‍പീലികളുടെ വളര്‍ച്ചയ്ക്കും ടിപ്സ്

Web Team — Sat, 15 Jul 2023 17:29:54 +0530

നീണ്ട് ഇടതൂര്‍ന്ന കൺപീലികള്‍ ഇഷ്ടമില്ലാത്തവര്‍ ആരാണ്! എന്നാല്‍ എല്ലാവര്‍ക്കും ഇങ്ങനെയൊരു ഭാഗ്യമുണ്ടാകില്ല. എന്ന് മാത്രമല്ല ഉള്ള കൺപീലികള്‍ കൊഴിഞ്ഞുപോകുന്നതാണ് മറ്റൊരു പ്രശ്നം. ഇതൊഴിവാക്കാനും കണ്‍പീലികള്‍ തിക്ക് ആയി വളരാനും ചെയ്യാവുന്ന ചില കാര്യങ്ങളാണിനി പങ്കുവയ്ക്കുന്നത്.

Asianet News Malayalam

കൊവിഡ് കൂടുതല്‍ ചെറുപ്പക്കാരിലേക്ക്; മുന്നറിയിപ്പുമായി ലോകാരോഗ്യ സംഘടന

തെെസ് വർക്കൗട്ട് ചെയ്യുമ്പോൾ ശ്രദ്ധിക്കേണ്ട ചിലത്...

കേരളത്തെ ഇന്റര്‍നാഷണല്‍ മാര്‍ക്കറ്റിലെത്തിച്ച വി സ്റ്റാറിന്റെ കഥ

ദിവസവും 40 തവണ പുഷ് അപ്പ് ചെയ്യൂ; അറിയാം ഈ കാലിസ്‌തെനിക് വർക്കൗട്ടിന്‍റെ ഗുണങ്ങള്‍...

പുരുഷന്മാർക്കുള്ള നാല് മികച്ച ഡയറ്റ് പ്ലാനുകൾ ‌ഏതൊക്കെയാണ്?

പ്ലാങ്ക് വ്യായാമം പതിവായി ചെയ്താൽ ലഭിക്കുന്ന ആരോ​ഗ്യ​ഗുണങ്ങൾ

ശരീരം ഫിറ്റാക്കാം! പ്ലാങ്ക് വ്യായാമത്തിന്റെ ആരോ​ഗ്യ​ഗുണങ്ങൾ അറിയാം

മസില്‍ കൂട്ടാന്‍ നിങ്ങളുടെ ഡയറ്റില്‍ ഈ എട്ട് ഭക്ഷണം ഉറപ്പാക്കൂ

കോര്‍ സ്ട്രെങ്തിന് ചെയ്യാവുന്ന കാലിസ്തെനിക്സ് വര്‍ക്കൗട്ട്...

ഫിറ്റ്‌നസ് മെച്ചപ്പെടുത്താന്‍ പരിശീലിക്കാം അഡ്വാന്‍സ്ഡ് കാലിസ്‌തെനിക് വർക്കൗട്ടുകള്‍...

പല്ലില്‍ പോട് വരാനും പല്ല് നശിക്കാനും കാരണമാകുന്ന അഞ്ച് ശീലങ്ങള്‍...

ഫിറ്റ്നസ് രംഗത്ത് മികച്ച ജോലി നേടാം

ബാക്ക് മസില്‍ വർക്കൗട്ട് ചെയ്യുമ്പോൾ പ്രധാനമായി ശ്രദ്ധിക്കേണ്ടത്...

ശരീരം ഫിറ്റായിരിക്കാൻ വീട്ടിൽ ചെയ്യേണ്ട അഞ്ച് കാലിസ്‌തെനിക് വർക്കൗട്ടുകൾ ?

കാലിസ്തെനിക്സ് വര്‍ക്കൗട്ടില്‍ ഡയറ്റ് ഏറെ പ്രധാനം; അറിയേണ്ട ചിലത്...

ചെസ്റ്റ് വർക്കൗട്ട്; അറിഞ്ഞിരിക്കേണ്ട ചില കാര്യങ്ങൾ

കാലിസ്തെനിക്സും വെയിറ്റ് ട്രെയിനിംഗും; പ്രാഥമികമായി അറിയേണ്ടത്...

ദിവസവും 40 തവണ പുഷ് അപ്പ് ചെയ്യൂ; ഇത് കാലിസ്തെനിക് വര്‍ക്കൗട്ട്

മസിൽ പെരുപ്പിക്കാൻ ഡയറ്റില്‍ ഉള്‍പ്പെടുത്തേണ്ട എട്ട് ഭക്ഷണങ്ങള്‍...

കണ്‍പീലികള്‍ കൊഴിയുന്നത് തടയാനും കണ്‍പീലികളുടെ വളര്‍ച്ചയ്ക്കും ടിപ്സ്

പ്ലാങ്ക് വ്യായാമം പതിവായി ചെയ്താൽ ലഭിക്കുന്ന ആരോഗ്യഗുണങ്ങൾ

ശരീരം ഫിറ്റാക്കാം! പ്ലാങ്ക് വ്യായാമത്തിന്റെ ആരോഗ്യഗുണങ്ങൾ അറിയാം