Asianet News Malayalam

രണ്ടാം ക്ലാസ് വിദ്യാർത്ഥിനിയെ ലൈംഗികമായി പീഡിപ്പിച്ച 47കാരന് 28 വർഷം കഠിനതടവും പിഴയും ശിക്ഷ

Elsa TJ — Wed, 28 Oct 2026 04:48:52 +0530

പത്തനംതിട്ട: രണ്ടാം ക്ലാസ് വിദ്യാർത്ഥിനിയെ ലൈംഗികമായി പീഡിപ്പിച്ച 47കാരന് 28 വർഷം കഠിനതടവും 1,35,000 രൂപ പിഴയും ശിക്ഷ. പന്തളം തെക്കേക്കര ഭഗവതിക്കുംപടിഞ്ഞാറ് തകരമല കുറ്റിയിൽ വീട്ടിൽ നകുലനെ ആണ് അടൂർ ഫാസ്റ്റ് ട്രാക്ക് കോടതി ജഡ്ജ് മഞ്ജിത്ത്. റ്റി ശിക്ഷിച്ചത്. ഇന്ത്യൻ ശിക്ഷാ നിയമപ്രകാരവും പോക്സോ വകുപ്പ് പ്രകാരവും കുറ്റക്കാരൻ എന്ന് കണ്ടെത്തിയാണ് ശിക്ഷ വിധിച്ചത്. പ്രതിയിൽ നിന്ന് ഈടാക്കുന്ന പിഴത്തുക പീഡനത്തിന് ഇരയായ പെൺകുട്ടിക്ക് നൽകാൻ ജില്ലാ ലീഗൽ സർവീസ് അതോറിറ്റിക്ക് കോടതി നിർദ്ദേശവും നൽകിയിട്ടുണ്ട്. 2018 ജൂണിന്നും സെപ്റ്റംബറിനും ഇടയിലുള്ള ദിവസമാണ് ഇയാൾ പെൺകുട്ടിയെ ലൈംഗികമായി പീഡിപ്പിച്ചത്. എന്നാൽ പീഡന വിവരം കുട്ടി വെളിപ്പെടുത്തിയത് ഈ വർഷം ആദ്യമാണ്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അന്നത്തെ കൊടുമൺ പോലീസ് സ്റ്റേഷൻ ഇൻസ്പെക്ടർ ആയിരുന്ന ശ്രീലാൽ ചന്ദ്രശേഖർ ആണ് എഫ്.ഐ.ആർ രജിസ്റ്റർ ചെയ്ത് അന്വേഷണം പൂർത്തിയാക്കി പ്രതിക്കെതിരെ കോടതിയിൽ കുറ്റപത്രം സമർപ്പിച്ചത്. പത്തനംതിട്ട പോലീസ് സ്റ്റേഷനിൽ രജിസ്റ്റർ ചെയ്ത മറ്റൊരു പോക്സോ കേസിലും ശിക്ഷ അനുഭവിച്ചുവരുന്ന ആളാണ് പ്രതി. പ്രോസിക്യൂഷൻ ഭാഗത്തുനിന്നും 16 സാക്ഷികളെ വിസ്തരിക്കുകയും 17 രേഖകൾ ഹാജരാക്കുകയും ചെയ്തു. പ്രൊസിക്യൂഷന് വേണ്ടി സ്പെഷ്യൽ പബ്ലിക് പ്രൊസി ക്യൂട്ടർ അഡ്വക്കേറ്റ് സ്മിത ജോൺ. പി ഹാജരായി.

ഏഷ്യാനെറ്റ് ന്യൂസ് ലൈവ് കാണാം

സ്മിത്ത് മച്ചാർ ഉൾപ്പടെ ഫ്ളൈ ദുബായ് ജീവനക്കാർക്ക് യുഎഇയുടെ ഉന്നത ബഹുമതി

Elsa TJ — Wed, 28 Oct 2026 04:38:49 +0530

ദുബായ്: ഫ്ലൈ ദുബായ് വിമാനത്തിൽ സഹ പൈലറ്റിന്റെ ആക്രമണം ധീരമായി നേരിട്ട ക്യാപ്റ്റൻ സ്മിത്ത് മച്ചാർ ഉൾപ്പടെ ഫ്ളൈ ദുബായ് ജീവനക്കാർക്ക് യുഎഇയുടെ ഉന്നത ബഹുമതി. ഫസ്റ്റ് ക്ലാസ് ഓർഡർ ഓഫ് ഷെയ്ഖ് സായിദ് - 2 ആണ് ഫ്ലൈ ദുബായ് ജീവനക്കാർക്ക് സമ്മാനിച്ചത്. യുഎഇ പ്രസിഡന്റാണ് ബഹുമതി സമ്മാനിച്ചത്. സെപ്തംബർ അവസാന വാരമാണ് ദുബായിൽനിന്ന് ടെൽ അവീവിലേക്ക് പോവുകയായിരുന്ന ഫ്ലൈ ദുബായ് വിമാനത്തിലെ സഹപൈലറ്റ് ക്യാപ്റ്റനായ സ്മിത് മച്ചാറിനെ ആക്രമിച്ചത്. സഹപൈലറ്റിന്റെ ആക്രമണം ചെറുത്തുനിന്ന സ്മിത് മച്ചാർ വലിയൊരു ദുരന്തമാണ് ഒഴിവാക്കിയത്. ഇതിനിടെ കോക്ക്പിറ്റിന്റെ വാതിൽ തുറന്നതോടെ യാത്രക്കാർ സഹപൈലറ്റിനെ കീഴ്പ്പെടുത്തി. പിന്നാലെ വിമാനത്തിൽ യാത്രചെയ്തിരുന്ന അവധിയിലായിരുന്ന രണ്ട് പൈലറ്റുമാർ വിമാനത്തിന്റെ നിയന്ത്രണം ഏറ്റെടുക്കുകയായിരുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

വിമാനം സൗദി അറേബ്യയിലെ തബൂക്ക് വിമാനത്താവളത്തിൽ സുരക്ഷിതമായി ഇറക്കി. പൈലറ്റായ സ്മിത്ത് മച്ചാറിനെ സഹപൈലറ്റായ ഒമാൻ സ്വദേശി ഹമാം അൽ ഹമ്മാമി ആക്രമിച്ചത്. പൈലറ്റിനെ ആക്രമിച്ച് വിമാനം തകർക്കുക എന്ന ലക്ഷ്യത്തോടെ ആയിരുന്നു നീക്കം. ഗുരുതരമായി പരിക്കേറ്റിട്ടും സ്മിത്ത് മച്ചാർ അക്രമിയെ ചെറുക്കുകയും കോക്ക്പിറ്റിന്റെ വാതിൽ തുറക്കുകയും ചെയ്തോടെ വിമാനത്തിലെ ജീവനക്കാരും യാത്രക്കാരും ചേർന്ന് സഹപൈലറ്റിനെ കീഴ്പ്പെടുത്തുകയായിരുന്നു. 174 യാത്രക്കാരെയാണ് അതിസാഹസികമായി സ്മിത്ത് മച്ചാർ രക്ഷിച്ചത്.

ഏഷ്യാനെറ്റ് ന്യൂസ് ലൈവ് കാണാം

ലഹരി സംഘത്തിനെതിരെ വിവരം നല്‍കി; ആനമങ്ങാട് സ്‌കൂള്‍ വിദ്യാര്‍ത്ഥിക്ക് നേരെ ആക്രമണം

Elsa TJ — Wed, 28 Oct 2026 04:20:50 +0530

മലപ്പുറം: സ്‌കൂളിലെ ലഹരി ഉപയോഗത്തെക്കുറിച്ച് അധ്യാപകര്‍ക്ക് വിവരം നല്‍കിയ പത്താം ക്ലാസ് വിദ്യാര്‍ത്ഥിക്ക് നേരെ ആക്രമണം. ബൈക്കിലെത്തിയ അജ്ഞാത സംഘം വിദ്യാര്‍ത്ഥിയുടെ തലയ്ക്ക് അടിച്ച് പരിക്കേല്‍പ്പിച്ചതായാണ് പരാതി. പെരിന്തല്‍മണ്ണ ആനമങ്ങാട് ഗവ. ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥിക്കാണ് മര്‍ദനമേറ്റത്. സംഭവത്തില്‍ വിദ്യാര്‍ത്ഥിയുടെ രക്ഷിതാക്കള്‍ പെരിന്തല്‍മണ്ണ പൊലീസില്‍ പരാതി നല്‍കി. പാലൊളിപറമ്പിലെ മാതാവിന്റെ വീട്ടില്‍നിന്ന് സ്‌കൂളിലേക്ക് നടന്നു പോകുന്നതിനിടെയാണ് വിദ്യാര്‍ത്ഥിക്ക് നേരെ ആക്രമണമുണ്ടായത്. പിന്നാലെ ബൈക്കിലെത്തിയ സംഘം വിദ്യാര്‍ത്ഥിയെ തടഞ്ഞുനിര്‍ത്തി തലയ്ക്ക് അടിക്കുകയായിരുന്നു. ശരീരത്തിന്റെ വിവിധ ഭാഗങ്ങളിലും തലയിലും പരിക്കേറ്റ വിദ്യാര്‍ത്ഥി പെരിന്തല്‍മണ്ണ ജില്ലാ ആശുപത്രിയില്‍ ചികിത്സ തേടി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഹെല്‍മറ്റ് ധരിച്ചെത്തിയവരായതിനാല്‍ ആക്രമണം നടത്തിയവരെ തിരിച്ചറിയാന്‍ കഴിഞ്ഞിട്ടില്ലെന്നാണ് വിദ്യാര്‍ത്ഥി അറിയിച്ചത്. സംഭവത്തിന് പിന്നില്‍ ആരാണെന്നും ആക്രമണത്തിന് പിന്നിലെ യഥാര്‍ഥ കാരണമെന്താണെന്നും വ്യക്തമാകേണ്ടതുണ്ട്. ലഹരി ഉപയോഗവുമായി ബന്ധപ്പെട്ട വിവരങ്ങള്‍ അധ്യാപകരെ അറിയിച്ചതിന് പിന്നാലെ വിദ്യാര്‍ത്ഥിക്ക് ഭീഷണി ഉണ്ടായിരുന്നതായും പരാതിയില്‍ പറയുന്നു. സ്‌കൂളില്‍ ചില വിദ്യാര്‍ത്ഥികള്‍ ലഹരി ഉപയോഗിക്കുന്നതായി ശ്രദ്ധയില്‍പ്പെട്ടതിനെ തുടര്‍ന്ന് ഇക്കാര്യം അധ്യാപകരുടെ ശ്രദ്ധയില്‍പ്പെടുത്തിയിരുന്നു. ഇതിനു പിന്നാലെയാണ് തനിക്ക് നേരെ ഭീഷണിയുണ്ടായതെന്നാണ് വിദ്യാര്‍ത്ഥി പറയുന്നത്. ലഹരി ഉപയോഗിക്കുന്ന വിദ്യാര്‍ത്ഥികളെക്കുറിച്ച് വിവരം നല്‍കിയതിലുള്ള വിരോധമാണോ ആക്രമണത്തിന് പിന്നിലെന്ന സംശയവും ഉയര്‍ന്നിട്ടുണ്ട്.

സംഭവത്തെ തുടര്‍ന്ന് പെരിന്തല്‍മണ്ണ സബ് ഇന്‍സ്‌പെക്ടറുടെ നേതൃത്വത്തിലുള്ള പൊലീസ് സംഘം സ്‌കൂളിലെത്തി പരിശോധന നടത്തി. വിദ്യാര്‍ത്ഥികളില്‍ ലഹരി ഉപയോഗം വ്യാപിക്കുന്നുണ്ടോയെന്നും പുറത്തുനിന്നുള്ള സംഘങ്ങള്‍ക്ക് ഇതുമായി ബന്ധമുണ്ടോയെന്നും പരിശോധിക്കണമെന്ന ആവശ്യം ഉയര്‍ന്നിട്ടുണ്ട്. വിദ്യാര്‍ത്ഥിക്ക് നേരെ ആക്രമണം നടത്തിയവരെ കണ്ടെത്തുന്നതിനും സംഭവത്തിന്റെ പിന്നിലെ കാരണം വ്യക്തമാക്കുന്നതിനും പൊലീസ് അന്വേഷണം നടത്തിവരികയാണ്. സ്‌കൂള്‍ പരിസരങ്ങളിലും വിദ്യാര്‍ത്ഥികള്‍ സഞ്ചരിക്കുന്ന വഴികളിലും സുരക്ഷ ഉറപ്പാക്കണമെന്നാണ് രക്ഷിതാക്കളുടെ ആവശ്യം. ലഹരി ഉപയോഗവുമായി ബന്ധപ്പെട്ട വിവരങ്ങള്‍ അധ്യാപകരെയോ അധികൃതരെയോ അറിയിക്കുന്ന കുട്ടികള്‍ക്ക് ഭീഷണിയോ ആക്രമണമോ നേരിടേണ്ടിവരുന്ന സാഹചര്യം ഉണ്ടാകരുതെന്നും അവര്‍ ചൂണ്ടിക്കാട്ടുന്നു. സംഭവത്തില്‍ കുറ്റക്കാരെന്ന് കണ്ടെത്തുന്നവര്‍ക്കെതിരെയും വിദ്യാര്‍ത്ഥികള്‍ക്ക് ലഹരി എത്തിക്കുന്ന സംഘങ്ങള്‍ക്കെതിരെയും കര്‍ശന നടപടി സ്വീകരിക്കണമെന്ന ആവശ്യവും ശക്തമാണ്.

ഏഷ്യാനെറ്റ് ന്യൂസ് ലൈവ് കാണാം

കോവിഡ് സമയത്തെ വീട്ടുപ്രാർത്ഥനയ്ക്കിടെ 15കാരിക്ക് പീഡനം, പാസ്റ്റർക്ക് 7 വർഷം തടവും പിഴയും

Elsa TJ — Wed, 28 Oct 2026 02:37:34 +0530

തിരുവനന്തപുരം: കോവിഡ് കാലത്ത് 15 കാരിയെ പീഡിപ്പിച്ച പാസ്റ്റർക്ക് കഠിനതടവും പിഴയും. കാട്ടാക്കട പോക്സോ കോടതിയാണ് ശിക്ഷ വിധിച്ചത്. മംഗലയ്ക്കൽ ഊറ്റുകുഴി പാപ്പനത്ത് സുശീലൻ (73) ആണ് പ്രതി.ഏഴുവർഷം കഠിനതടവും 50,000 രൂപ പിഴയുമാണ് ശിക്ഷ .15 വയസ്സുകാരിയാണ് പീഡനത്തിന് ഇരയായത്. പിഴത്തുക അതിജീവിതയ്ക്ക് നൽകണം. തുക ഒടുക്കിയില്ലെങ്കിൽ രണ്ടുമാസം കൂടി ജയിലിൽ തുടരേണ്ടിവരുമെന്നും വിധി വ്യക്തമാക്കുന്നത്.

2020 കോവിഡ് സമയത്തെ പ്രാർത്ഥനയ്ക്കായി അതിജീവിതയുടെ വീട്ടിലെത്തിയപ്പോഴാണ് പ്രതി കുറ്റകൃത്യം ചെയ്തത്. മാതാവ് അടുക്കളയിൽ പോയ സമയത്ത് കിടപ്പുമുറിയിൽ കയറി പെൺകുട്ടിയെ ഉപദ്രവിക്കുകയായിരുന്നു. പേടി കാരണവും കുട്ടി ആദ്യം വിവരം പുറത്തുപറഞ്ഞിരുന്നില്ല. സ്കൂളിൽ നടത്തിയ കൗൺസിലിങ്ങിലാണ് വിവരം പുറത്തായത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

തുടർന്ന് മാതാപിതാക്കൾ പരാതി നൽകിയതോടെ പൊലീസ് കേസെടുത്തു. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ ഡി.ആർ പ്രമോദ് ഹാജരായി 18 സാക്ഷികളെ വിസ്തരിക്കുകയും 22 രേഖകൾ ഹാജരാക്കുകയും ചെയ്തു കാട്ടാക്കട സബ് ഇൻസ്പെക്ടർ ആയിരുന്ന മനോജാണ് കേസില്‍ കുറ്റപത്രം സമർപ്പിച്ചത്.

ഏഷ്യാനെറ്റ് ന്യൂസ് ലൈവ് കാണാം

പയ്യോളി പോക്സോ കേസ്; പ്രതിയെ അറസ്റ്റ് ചെയ്യാത്ത പൊലീസുകാർക്ക് സസ്പെൻഷൻ

Elsa TJ — Wed, 28 Oct 2026 01:12:10 +0530

പയ്യോളി: കോഴിക്കോട് വടകര പയ്യോളി പോക്സോ കേസിൽ പോലീസുകാർക്കെതിരെ നടപടി. സി ഐ ബാബുമോൻ, സി പി ഒ അബ്ദുൾ ഹമീദ് എന്നിവരെ അന്വേഷണ വിധേയമായി സസ്പെൻഡ് ചെയ്തു. പ്രതി അബ്ദുൽ റഫീഖിനെ അറസ്റ്റ് ചെയ്യാത്തതിലും പ്രതിക്ക് ജാമ്യം ലഭിച്ചതിലും പോലീസിന് വീഴ്ച ഉണ്ടായെന്ന് ആരോപണം ഉയർന്നിരുന്നു. പാറക്കൽ അബ്ദുല്ല എംഎൽഎയും നടപടി ആവശ്യപ്പെട്ട് ആഭ്യന്തരമന്ത്രിയെ സമീപിച്ചിരുന്നു. പത്തുമാസം മുമ്പാണ് അബ്ദുല്‍ റഫീഖിനെതിരെ പോക്‌സോ കേസെടുത്ത് പയ്യോളി പോലീസ് അന്വേഷണം ആരംഭിച്ചത്. കുട്ടിയുടെ അമ്മയുടെ സുഹൃത്തായ ഇയാള്‍ പെണ്‍കുട്ടിയെ വീട്ടില്‍വെച്ച് ലൈംഗികമായി പീഡിപ്പിക്കുകയായിരുന്നു. ഭീഷണിപ്പെടുത്തിയും മര്‍ദ്ദിച്ചും രണ്ടുവര്‍ഷത്തോളം കുട്ടിയെ പീഡനത്തിനിരയാക്കി എന്നാണ് കേസ്. റഫീഖിന് മുൻകൂർ ജാമ്യം ലഭിച്ചതിൽ പെണ്‍കുട്ടിയുടെ കുടുംബവും നാട്ടുകാരും പ്രതിയുടെ വീടിന് മുന്നിലും പയ്യോളി പോലീസ് സ്റ്റേഷനിലും പ്രതിഷേധിച്ചിരുന്നു

[പത്തു മാസം മുമ്പ് സ്കൂളില്‍ നടന്ന കൗണ്‍സിലിങിനിടെയാണ് 13 കാരി താന്‍ നേരിട്ട പീഡനത്തെക്കുറിച്ച് വെളിപ്പെടുത്തിയത്. മാതാവിന്‍റെ സുഹൃത്തില്‍ നിന്നാണ് കുട്ടിക്ക് ലൈംഗിക പീഡനം നേരിടേണ്ടി വന്നത്. ഇക്കഴിഞ്ഞ ജനുവരിയില്‍ വടകര സ്വദേശി റഫീഖ്, കുട്ടിയുടെ മാതാവ് എന്നിവരെ പ്രതിചേര്‍ത്ത് പയ്യോളി പൊലീസ് എഫ്ഐആര്‍ രജിസ്റ്റര്‍ ചെയ്തു. എന്നാല്‍ പൊലീസ് പിടികൂടും മുന്പ് പ്രതി റഫീഖ് വിദേശത്തേക്ക് കടന്നു. കുട്ടിയുടെ മാതാവിനെ അറസ്റ്റ് ചെയ്ത പൊലീസ് റഫീഖിനായി ലുക്ക് ഔട്ട് നോട്ടീസും പുറത്തിറക്കി.

ഇതിനിടെ അന്വേഷണ സംഘം കുറ്റപത്രം സമര്‍പ്പിച്ചത് അറിഞ്ഞ പ്രതി, കഴിഞ്ഞ മാസം അവസാനം നാട്ടിലെത്തി ജാമ്യമെടുക്കുകയായിരുന്നു. ഈ നടപടി നാട്ടുകാരെ പ്രകോപിപ്പിച്ചിരുന്നു. പിന്നാലെ വലിയ രീതിയിലുള്ള പ്രതിഷേധവും പയ്യോളിയിലുണ്ടായി. കഴിഞ്ഞ ദിവസവും ഈ സംഭവത്തില്‍ നാട്ടുകാര്‍ പ്രതിഷേധം സംഘടിപ്പിച്ചിരുന്നു. അന്ന് പ്രതിയുടെ വീട്ടിലേക്കായിരുന്നു മാര്‍ച്ച്. പ്രതിയുടെ മകന്റെ വിവാഹവുമായി ബന്ധപ്പെട്ട ചടങ്ങു നടക്കുന്ന ദിവസമായിരുന്നു നാട്ടുകാരുടെ പ്രതിഷേധം.

ഏഷ്യാനെറ്റ് ന്യൂസ് ലൈവ് കാണാം

തൊടാനൊരുങ്ങി അർണബ്, വിമാന സർവ്വീസുകൾ നിർത്തി വച്ചു, സ്കൂളുകൾക്ക് അവധി

Elsa TJ — Wed, 28 Oct 2026 00:48:59 +0530

ചെന്നൈ: അതിതീവ്ര ചുഴലിക്കാറ്റായ അർണബ് കര തൊടാനൊരുങ്ങുന്നു. വലിയ രീതിയിൽ വിമാന സർവ്വീസുകൾക്ക് മാറ്റമുണ്ടാകുമെന്ന അറിയിപ്പുമായി എയർ ഇന്ത്യ. ഒക്ടോബർ 28ന് വിജയവാഡ, വിശാഖപട്ടണം വിമാന സർവീസുകളെ അർണബ് ചുഴലിക്കാറ്റ് ബാധിച്ചേക്കും. യാത്രയ്ക്ക് മുമ്പ് വിമാനങ്ങളുടെ ഫ്ലൈറ്റ് സ്റ്റാറ്റസ് പരിശോധിക്കണമെന്നാണ് വിമാനകമ്പനി നൽകുന്ന നിർദേശം. ഒഡിഷയിൽ 26 ട്രെയിൻ സർവീസുകളാണ് അർണബ് ചുഴലിക്കാറ്റ് മൂലം റദ്ധാക്കിയത്. ഇതിന് പുറമേ നിരവധി ട്രെയിനുകളുടെ സമയക്രമത്തിൽ മാറ്റമുണ്ട്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഒഡിഷയിൽ 16 ജില്ലകളിലെ സ്കൂളുകൾക്ക് അവധി പ്രഖ്യാപിച്ചു. 48000 ആളുകളെയാണ് ഇവിടെ മാറ്റി പാർപ്പിച്ചു. ഇൻഡിഗോ, ആകാശ എയർ , എയർ ഇന്ത്യ എക്സ്പ്രസ് തുടങ്ങിയവ സർവീസുകൾ റദ്ദാക്കിയതായി വിമാന കമ്പനികൾ വിശദമാക്കുന്നത്. നിരവധി സർവീസുകൾ റദ്ദാക്കി. വിശാഖപട്ടണം, വിജയവാഡ എന്നിവിടങ്ങളിലെ ഇൻഡിഗോ സർവീസുകൾ പൂർണമായും നിർത്തിവച്ചു .

ചുഴലിക്കാറ്റിന്റെ പശ്ചാത്തലത്തിൽ വ്യാമയാന സുരക്ഷ വിലയിരുത്തി കേന്ദ്ര വ്യോമയാന മന്ത്രാലയം അടിയന്തരയോഗം ചേർന്നു.സ്ഥിതി വിലയിരുത്തി മുഖ്യമന്ത്രി എൻ ചന്ദ്രബാബു നായിഡു. സംസ്ഥാനത്ത് രണ്ടായിരത്തിലധികം ദുരിതാശ്വാസ ക്യാമ്പുകൾ സജ്ജമാക്കിയിട്ടുണ്ട്. രക്ഷാപ്രവർത്തനത്തിന് 12 എൻ ഡി ആർ എഫ്, 10 എസ് ഡി ആർ എഫ് സംഘങ്ങളെ നിയോഗിച്ചു. സംസ്ഥാനത്ത് 24 മണിക്കൂറും പ്രവർത്തിക്കുന്ന കൺട്രോൾ റൂമുകൾ തുടങ്ങി

ഏഷ്യാനെറ്റ് ന്യൂസ് ലൈവ് കാണാം

പ്രവചിച്ചതിന്റെ ഇരട്ടിവേഗതയിൽ കരയിലേക്കെത്തും, അർണബ് ചുഴലിക്കാറ്റിൽ പുതിയ മുന്നറിയിപ്പുമായി യുഎസ് നാവികസേന

Elsa TJ — Wed, 28 Oct 2026 00:29:18 +0530

ചെന്നൈ: അർണബ് ചുഴലിക്കാറ്റിന്റെ വേഗം മണിക്കൂറിൽ 222 കിലോമീറ്റർ വരെ ആകാമെന്ന മുന്നറിയിപ്പുമായി യുഎസ് നാവികസേന. കേന്ദ്ര കാലാവസ്ഥ വകുപ്പ് പ്രവചിച്ചതിന്റെ ഇരട്ടി വേഗതയിൽ കാറ്റ് കരയിലേക്കെത്താമെന്നാണ് യുഎസ് നാവികസേനയുടെ ജോയിന്റ് ടൈഫൂണ്‍ വാണിങ് സെന്റർ ആണ് മുന്നറിയിപ്പ് നൽകിയിട്ടുള്ളത്. മണിക്കൂറിൽ 115 മുതൽ 130 കിലോമീറ്റർ വരെ വേഗം കാറ്റിന് ഉണ്ടാകും എന്നായിരുന്നു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അതിതീവ്ര ചുഴലിക്കാറ്റായ അർണബ് നാളെ പുലർച്ചെ കര തൊടുമെന്നിരിക്കെയാണ് യുഎസ് നാവിക സേനയുടെ മുന്നറിയിപ്പ് ആശങ്ക വർദ്ധിപ്പിക്കുന്നത്. ചുഴലിക്കാറ്റ് കരയിൽ കാര്യമായ നാശനഷ്ടമുണ്ടാക്കിയേക്കാമെന്ന മുന്നറിയിപ്പാണ് യുഎസ് നാവിക സേനയുടേത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അർണബ് ചുഴലിക്കാറ്റിനെ അതിതീവ്ര ചുഴലിക്കാറ്റായി പ്രഖ്യാപിച്ചതിന് പിന്നാലെ അതീവ ജാഗ്രതയിൽ ആന്ധ്രയും ഒഡീഷയുമുള്ളത്. ചെന്നൈ, വിശാഖപട്ടണം തീരങ്ങളിൽ കടൽ പ്രക്ഷുബ്ധം. എണ്ണൂർ എക്സ്പ്രസ് വേയിൽ ഗതാഗതം നിരോധിച്ചു. ഒരു ലക്ഷത്തിലേറെ പേരെയാണ് മുന്നൊരുക്കങ്ങളുടെ ഭാഗമായി മാറ്റി താമസിപ്പിച്ചിട്ടുള്ളത്. നൂറോളം ട്രെയിനുകളും 21 വിമാനസർവീസുകളും റദ്ദാക്കിയിട്ടുണ്ട്. അർണബ് അതിതീവ്രചുഴലിക്കാറ്റായി കരയിലേക്ക് നീങ്ങിത്തുടങ്ങിയതോടെ ആന്ധ്രയിലും ഒഡീഷയിലും മഴയും കാറ്റും ശക്തമാണ്. ചെന്നൈ എണ്ണൂർ എക്സ്പ്രസ് വേയിലേക്ക് കടലിരച്ച് കയറിയതോടെ ഇത് വഴിയുള്ള ഗതാഗതം നിർത്തിവച്ചു.

ഏഷ്യാനെറ്റ് ന്യൂസ് ലൈവ് കാണാം

ഗ്രാമവാസികളെ കൂട്ടമായി നദിക്കരയിലേക്ക് ഓടിച്ച ശേഷം കൊന്നു തള്ളി, നൈജീരിയയിൽ കൊല്ലപ്പെട്ടത് 62 പേർ

Elsa TJ — Tue, 27 Oct 2026 23:54:10 +0530

അബുജ: നൈജീരിയിയൽ 62 പേരെ കൊള്ളസംഘം വെടിവച്ചു കൊന്നു. വടക്ക് കിഴക്കൻ നൈജീരിയയിൽ ആണ് സംഭവം. ബിന്നാരി വിഭാഗക്കാരാണ് കൊല്ലപ്പെട്ടത്. 52 പേർക്ക് പരിക്കെന്നും റിപ്പോർട്ടുകളുണ്ട്. കൂടുതൽ മൃതദേഹങ്ങളുണ്ടെന്നും പരിശോധന തുടരുകയാണെന്നും പ്രാദേശിക ഭരണകൂടം വിശദമാക്കി. നൈജീരിയയുടെ വടക്കൻ മേഖലകളിൽ സായുധ കൊള്ളസംഘങ്ങളുടെ ആക്രമം പതിവായിരിക്കുകയാണ്. താരാബ സംസ്ഥാനത്തിലെ കരിം ലാമിഡോ പ്രാദേശിക ഭരണകൂടത്തിന്റെ അധികാര മേഖലയിലാണ് അക്രമം ഉണ്ടായത്. ആളുകളെ വെടിവച്ചു കൊലപ്പെടുത്തിയത് കൂടാതെ അക്രമികൾ വീടുകളും കടകളും വാഹനങ്ങളും ഭക്ഷ്യ വസ്തുക്കളും തീയിട്ട് നശിപ്പിച്ചതായാണ് ആംനെസ്റ്റി ഇൻറർനാഷണൽ വിശദമാക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കൊല്ലപ്പെട്ടവരിൽ ബഹുഭൂരിപക്ഷം പേരെയും അഗ്നിക്കിരയാക്കിയതിനാൽ തിരിച്ചറിയാൻ സാധിക്കാത്ത നിലയിലാണെന്നും ആംനെസ്റ്റി ഇൻറർനാഷണൽ നൈജീരിയ വ്യക്തമാക്കി. നിരവധിപ്പേരെ ഇനിയും കണ്ടെത്താനുണ്ടെന്നാണ് അധികൃതർ വിശദമാക്കുന്നത്. കൊല്ലപ്പെട്ടവരിൽ 15 പേരുടെ മൃതദേഹം ബെന്യൂ നദിയിൽ നിന്നാണ് കണ്ടെത്തിയത്. ഗ്രാമവാസികളെ നദിക്കരയിലേക്ക് കൂട്ടമായി ഓടിച്ച ശേഷമായിരുന്നു അക്രമം എന്നാണ് നിരീക്ഷിക്കുന്നത്. ഓഗസ്റ്റ് മാസത്തിൽ മാത്രം 60 മുതൽ 80 പേരെയാണ് മേഖലയിൽ തട്ടിക്കൊണ്ട് പോയത്. അതിന് മുൻപ് മുസ്ലിം ആരാധനാലയത്തിലേക്ക് ആയുധധാരികൾ ഇരച്ച് കയറി 32 പേരിലേറെപ്പേരെയാണ് ആയുധാരികൾ കൊലപ്പെടുത്തിയത്.

ഏഷ്യാനെറ്റ് ന്യൂസ് ലൈവ് കാണാം

3 വയസുകാരനെ മടിയിലിരുത്തി ഡ്രൈവിംഗ്; നടപടിയെടുത്ത് കഴക്കൂട്ടം ആർടിഒ, ലൈസൻസ് സസ്പെൻഡ് ചെയ്യും

Sumam Thomas — Tue, 27 Oct 2026 22:29:13 +0530

തിരുവനന്തപുരം: 3 വയസുകാരനെ മടിയിലിരുത്തി വാഹനമോടിച്ച സംഭവത്തിൽ നടപടിയെടുത്ത് കഴക്കൂട്ടം ആർടിഒ. ഡ്രൈവർ സൈനുലാബ്ദീനെ ഓഫീസിൽ വിളിച്ചു വരുത്തി. ഇയാളുടെ ലൈസൻസ് സസ്പെൻഡ് ചെയ്യും. അശ്രദ്ധമായും അപകടകരമായും ഓടിച്ചതിന് കേസെടുത്തിട്ടുണ്ട്. കുട്ടി കരഞ്ഞപ്പോൾ മടിയിൽ ഇരുത്തിയതെന്നാണ് ഡ്രൈവറുടെ മൊഴി.

കഴക്കൂട്ടത്ത് നിന്നും കുട്ടിയെ ഡ്രൈവിംഗ് സീറ്റിലിരുത്തി അപകട യാത്ര നടത്തുന്ന ദൃശ്യങ്ങളാണ് പുറത്തുവന്നത്. കുട്ടി കാറിൻ്റെ സ്റ്റിയറിംഗ് നിയന്ത്രിക്കുന്നത് ദൃശ്യത്തിൽ വ്യക്തമാണ്. ഇന്ന് രാവിലെ 7 മണിയോടെയായിരുന്നു സംഭവം. സമീപത്തു കൂടി പോയ കാർ യാത്രികരായ കൊല്ലം ഇളമ്പൽ സ്വദേശികളാണ് ദൃശ്യം പകർത്തിയത്. ദൃശ്യം പകർത്തുന്നത് കണ്ട് അമിത വേഗതയിൽ കാർ മുന്നോട്ടു പോയി. ഏഷ്യാനെറ്റ് ന്യൂസ് വാർത്തയ്ക്ക് പിന്നാലെ മോട്ടോർ വാഹന വകുപ്പ് അന്വേഷണം തുടങ്ങിയിരുന്നു.

സംഭവത്തിൽ ബാലാവകാശ കമ്മീഷൻ കേസെടുത്തിരുന്നു. ജില്ലാ പൊലീസ് മേധാവിയോടും ആർടിഒയോടും കമ്മീഷൻ റിപ്പോർട്ട് ആവശ്യപ്പെട്ടിരുന്നു. മോട്ടോർ വാഹന വകുപ്പ് അന്വേഷണം ആരംഭിച്ചിരുന്നു. തുടര്‍ന്നാണ് കഴക്കൂട്ടം ആര്‍ടിഒ നടപടി എടുത്തിരിക്കുന്നത്.

അർണബ് ചുഴലിക്കാറ്റ്: പൊട്ടിവീണ വൈദ്യുത കമ്പിയിൽ നിന്ന് ഷോക്കേറ്റ് ഒരാൾ മരിച്ചു, സംഭവം ആന്ധ്രയിൽ

Sumam Thomas — Tue, 27 Oct 2026 22:45:53 +0530

ആന്ധ്ര: അർണബ് ചുഴലിക്കാറ്റിൽ ആന്ധ്രയിൽ ഒരു മരണം. ഷോക്കേറ്റാണ് 65 കാരൻ മരിച്ചത്. പൊട്ടിവീണ വൈദ്യുതി ലൈനിൽ നിന്ന് ഷോക്കേറ്റാണ് മരണം. വിശാഖപട്ടണത്ത് 206 മരങ്ങൾ കടപുഴകി. വിമാനങ്ങൾ റദ്ദാക്കുന്നത് തുടരുന്നു. വിശാഖപട്ടണത്തും വിജയവാഡയിലുമായി 21 വിമാനങ്ങൾ റദ്ദാക്കി. കാക്കിനടയിലും മഴ ശക്തമായിട്ടുണ്ട്. വിശാഖപട്ടണത്ത് വൈകീട്ട് 4 മണി വരെ പെയ്തത് 100 മില്ലിമീറ്റ‍ർ മഴയാണ്. 'അർണബ്' കാക്കിനടയിൽ നിന്ന് 140 കിമീ മാത്രം അകലെയാണുള്ളത്. ചുഴലിക്കാറ്റ് രാവിലെ തന്നെ തീരം തൊട്ടേക്കുമെന്നാണ് വിവരം.

പശ്ചിമബംഗാളിൽ ബലാത്സംഗ കേസിലെ പ്രതി കൊല്ലപ്പെട്ടു, ഏറ്റുമുട്ടലിനിടെ വെടിവെച്ചെന്ന് പൊലീസ്, തെളിവെടുപ്പിനിടെ സംഭവം

Sumam Thomas — Tue, 27 Oct 2026 22:58:02 +0530

കൊൽക്കത്ത: പശ്ചിമ ബംഗാളിലെ ഗായ്ഘട്ടയിൽ ബലാംത്സംഗ കേസ് പ്രതി പൊലീസ് ഏറ്റുമുട്ടലിൽ കൊല്ലപ്പെട്ടു. പതിനൊന്നാം ക്ലാസ് വിദ്യാർത്ഥിനിയെ ബലാത്സംഗം ചെയ്ത് കൊലപ്പെടുത്തിയ കേസ്സിലെ പ്രതി പ്രഹ്ളാദ് ദാസാണ് കൊല്ലപ്പെട്ടത്. ചൊവ്വാഴ്ച്ച പുലർച്ചെ തെളിവെടുപ്പിനിടെയായിരുന്നു സംഭവം.

കഴിഞ്ഞ ശനിയാഴ്ച രാത്രി ഗായ്ഘട്ടയിൽ സംഗീത പരിപാടിയിൽ പങ്കെടുക്കാൻ പോയ പ്ലസ് വൺ വിദ്യാർത്ഥിനിയായ 17 കാരിയെ കാണാതായിരുന്നു. പിന്നാലെ നടത്തിയ തിരച്ചിലിലിൽ പെൺകുട്ടിയുടെ മൃതദേഹം അയൽവാസിയുടെ വീടിന് സമീപം കണ്ടത്തുകയായിരുന്നു. രക്തത്തിൽ കുളിച്ച നിലയിലായിരുന്നു മൃതദേഹം. സംഭവത്തിൽ കേസെടുത്ത് അന്വേഷണം ആരംഭിച്ച പൊലീസ് മണിക്കൂറുകൾക്കുള്ളിൽ പെൺകുട്ടിയുടെ ബന്ധുകൂടിയായ പ്രഹ്ളാദ് ദാസിനെ കസ്റ്റഡിയിലെടുത്തു. പിന്നാലെ കോടതിയിൽ ഹാജരാക്കിയ പ്രതിയെ പ്രതിയെ പത്ത് ദിവസത്തെ പൊലീസ് കസ്റ്റഡിയിൽ വിട്ടിരുന്നു. പ്രതിയെ തെളിവെടുപ്പിനായി സംഭവസ്ഥലത്ത് എത്തിച്ചു.

തെളിവെടുപ്പ് പുരോഗമിക്കുന്നതിനിടയിൽ പ്രതി സബ് ഇൻസ്പെക്ടറുടെ സർവീസ് റിവോൾവർ തട്ടിയെടുത്ത് പോലീസിന് നേരെ മൂന്ന് റൗണ്ട് വെടിയുതിർത്ത് രക്ഷപ്പെടാൻ ശ്രമിച്ചെന്നാണ് പൊലീസ് പറയുന്നത്. രക്ഷപെടാനായി തൊട്ടടുത്ത കുളത്തിലേക്ക് ചാടിയ പ്രതിക്ക് നേരെ പൊലീസും വെടിവെച്ചു. ഗുരുതരമായി പരിക്കേറ്റ പ്രതിയെ ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

വെടിവെപ്പിൽ ഒരു സബ് ഇൻസ്പെക്ടർക്ക് പരിക്കേൽക്കുകയും പോലീസിന്റെ വാഹനത്തിന് കേടുപാടുകൾ സംഭവിക്കുകയും ചെയ്തിട്ടുണ്ട്. പശ്ചിമ ബംഗാളിൽ കഴിഞ്ഞ മൂന്ന് മാസത്തിനിടെ നടക്കുന്ന രണ്ടാമത്തെ പോലീസ് ഏറ്റുമുട്ടലാണിത്. മുൻപ് ജൂലൈ മാസത്തിൽ ബാരുഇപൂരിൽ 11 വയസ്സുകാരിയെ പീഡിപ്പിച്ചു കൊന്ന കേസ്സിലെ പ്രതിയും പോലീസ് വെടിവെപ്പിൽ കൊല്ലപ്പെട്ടിരുന്നു.

ചേരാനല്ലൂർ വാഹനാപകടം: ജയബാലകൃഷ്ണന്റെ കുടുംബം ഹൈക്കോടതിയിലേക്ക്, നാളെ റിട്ട് ഹർജി സമർപ്പിക്കും, ജഡ്ജിക്കെതിരെ നടപടി ആവശ്യപ്പെട്ട് കുടുംബം

Sumam Thomas — Tue, 27 Oct 2026 22:27:38 +0530

കൊച്ചി: ചേരാനല്ലൂർ വാഹനാപകടത്തിൽ മരിച്ച ജയബാലകൃഷ്ണന്റെ കുടുംബം ഹൈക്കോടതിയിലേക്ക്. നാളെ റിട്ട് ഹർജി സമർപ്പിക്കും. 17കാരന്റെ ജാമ്യം റദ്ദാക്കണമെന്നാണ് കുടുംബത്തിന്റെ ആവശ്യം. ജഡ്ജിക്കെതിരെ നടപടി വേണമെന്നും കുടുംബം ആവശ്യപ്പെടുന്നു. സ്റ്റേഷനിലെത്തി പൊലീസുമായി ചർച്ച നടത്തിയെന്നും ജയബാലകൃഷ്ണന്റെ മക്കൾ പറഞ്ഞു. നിയമസഹായം പൊലീസ് ഉറപ്പ് നൽകിയിട്ടുണ്ട്. പൊലീസ് നടപടിയിൽ നിലവിൽ തൃപ്തരാണ്. ജഡ്ജിക്ക് എതിരായ നടപടിയിൽ തീരുമാനം വരേണ്ടത് കോടതിയിൽ നിന്നാണ്. 17 കാരന്റെ ജാമ്യം റദാക്കണമെന്ന് ആവശ്യപ്പെട്ട് ജില്ലാ കോടതിയെ കുടുംബം സമീപിക്കും. ജഡ്ജിയെ സർവീസിൽ നിന്നും നീക്കണമെന്ന് ആവശ്യപ്പെട്ട് ഹൈക്കോടതിയിലും ഹർജി നൽകും.

കുട്ടികളുടെ അശ്ലീല ദൃശ്യങ്ങൾ പ്രചരിപ്പിക്കൽ; തടയാൻ ശക്തമായ നിയമനിർമാണത്തിന് കേന്ദ്രം, സുപ്രീം കോടതിയിൽ നിലപാട് അറിയിച്ചു

Sumam Thomas — Tue, 27 Oct 2026 21:26:30 +0530

ദില്ലി: കുട്ടികളുടെ അശ്ലീല ദൃശ്യങ്ങൾ തടയാൻ പുതിയ നിയമനിർമാണം പരിഗണിച്ച് കേന്ദ്രം. കുട്ടികളെ ലൈംഗികമായി ചൂഷണം ചെയ്യുന്ന ദൃശ്യങ്ങൾ പ്രചരിപ്പിക്കുന്നതും മുതിർന്നവരുടെ സമ്മതമില്ലാതെ സ്വകാര്യവും ലൈംഗിക സ്വഭാവമുള്ളതുമായ ദൃശ്യങ്ങൾ പങ്കുവെക്കുന്നതും തടയാൻ സമഗ്രമായ നയരൂപീകരണം പരിഗണനയിലെന്ന് കേന്ദ്രസർക്കാർ സുപ്രീംകോടതിയെ അറിയിച്ചു. ഇതുമായി ബന്ധപ്പെട്ട പൊതുതാൽപര്യ ഹർജി പരിഗണിക്കവെ, ചീഫ് ജസ്റ്റിസ് അധ്യക്ഷനായ ബെഞ്ചിനോടാണ് സോളിസിറ്റർ ജനറൽ തുഷാർ മേത്ത കേന്ദ്രത്തിന്റെ നിലപാട് വ്യക്തമാക്കിയത്. സമ്മതമില്ലാതെ ദൃശ്യങ്ങൾ പ്രചരിപ്പിക്കുന്ന പ്രശ്നത്തിനൊപ്പം, എഐ സാങ്കേതികവിദ്യ ഉപയോഗിച്ച് നിർമിക്കുന്ന വ്യാജചിത്രങ്ങൾ, വ്യക്തികളുടെ മുഖവും ശരീരവും മോർഫ് ചെയ്ത് തയ്യാറാക്കുന്ന ദൃശ്യങ്ങൾ എന്നിവയും ഗൗരവമായി പരിഗണിക്കേണ്ടതുണ്ടെന്ന് കേന്ദ്രം ചൂണ്ടിക്കാട്ടി.

നിർദിഷ്ട നിയമനിർമാണത്തിലൂടെ ഇത്തരം നിയമവിരുദ്ധ ഉള്ളടക്കങ്ങൾ നീക്കം ചെയ്യാനുള്ള ബാധ്യതയ്ക്കപ്പുറം, അവ അപ്‌ലോഡ് ചെയ്യുന്നവരെക്കുറിച്ചുള്ള വിവരം ബന്ധപ്പെട്ട അധികാരികളെ അറിയിക്കാനും ഡിജിറ്റൽ പ്ലാറ്റ്‌ഫോമുകൾക്ക് ബാധ്യത ഏർപ്പെടുത്തുന്നത് പരിഗണിക്കുന്നതായും കേന്ദ്രം നിലപാട് അറിയിച്ചു. ഇരയായ വ്യക്തി തന്നെ പരാതി നൽകണമെന്ന സമീപനത്തിനുപകരം സംഭവത്തെക്കുറിച്ച് അറിവുള്ള മൂന്നാം കക്ഷികൾക്കും സത്യസന്ധമായ പരാതികൾ നൽകാൻ കഴിയുന്ന വ്യവസ്ഥയും നിർദിഷ്ട നിയമത്തിൽ ഉൾപ്പെടുത്തുമെന്നാണ് വിവരം.

ചേരാനല്ലൂര്‍ വാഹനാപകടം: അന്വേഷണത്തിൽ വീഴ്ച വരുത്തിയ ഉദ്യോഗസ്ഥര്‍ക്കെതിരെ നടപടി, നാല് പൊലീസുകാര്‍ക്ക് സസ്പെൻഷൻ

Sumam Thomas — Tue, 27 Oct 2026 20:39:53 +0530

കൊച്ചി: അഡീഷണൽ ജഡ്ജിയുടെ മകനായ 17കാരൻ ഓടിച്ച ബെൻസ് കാറിടിച്ച് 55 കാരൻ മരിച്ച സംഭവത്തിലെ വീഴ്ചയിൽ ഒടുവിൽ പൊലീസുകാർക്കെതിരെ നടപടി. ചേരാനല്ലൂർ പൊലീസ് സ്റ്റേഷനിലെ സിഐയും എസ്എച്ച്ഒയും ഉൾപ്പടെ നാല് പേരെ സസ്പെൻഡ് ചെയ്തു. സിഐ ശ്യാം കുമാർ, എസ് എച്ച് ഒ വിശ്വജിത്ത്, ഗ്രേഡ് എസ് ഐ മനോജ്, സി പി ഒ അരുൺ ജിത്ത് എന്നിവരെയാണ് സസ്പെന്‍ഡ് ചെയ്തിരിക്കുന്നത്. ആഭ്യന്തര മന്ത്രിയുടെ കർശന ഇടപെടലിന് പിന്നാലെയാണ് പൊലീസുകാരെ സസ്പെൻഡ് ചെയ്തത്. പ്രതിയുടെ അച്ഛനായ ജഡ്ജിക്ക് വീഴ്ചയുണ്ടായെന്ന റിപ്പോർട്ട് ഹൈക്കോടതിക്ക് കൈമാറി.

17കാരൻ അമിതവേഗതയിലോടിച്ച കാറിടിച്ച് മരിച്ച ജയബാലകൃഷ്ണന്റെ ചിതയെരിഞ്ഞ് തീരും മുമ്പ് ജാമ്യം. ആഭ്യന്തര മന്ത്രി ഇടപെട്ട് തിരുത്തിയിട്ടും വരുത്തിയ അനാസ്ഥകൾ. നീതിതേടി അച്ഛൻ മരിച്ച അന്ന് രാത്രിക്ക് രാത്രി മക്കൾ സമരമിരിക്കേണ്ടി വന്ന ദുരവസ്ഥ. സർക്കാരും പൊലീസും കടുത്ത വെട്ടിലായതോടെ ഒടുവിൽ നടപടി. നാല് പൊലീസുകാർക്ക് സസ്പെൻഷൻ.

കൃത്യം വകുപ്പുകൾ ചുമത്താതെ എഫ്ഐആർ തയ്യാറാക്കിയതിനും കാറോടിച്ചിരുന്ന 17കാരന്റെ ചിത്രം പകർത്തിയപ്പോൾ ജയബാലകൃഷ്ണന്റെ ബന്ധുക്കളെ വിലക്കി ഡിലീറ്റ് ചെയ്യിപ്പിച്ചതിനുമാണ് പൊലീസുകാർക്കെതിരായ നടപടി. സംഭവത്തിൽ കർശന നടപടിയുണ്ടാകുമെന്ന് ആഭ്യന്തര മന്ത്രി രമേശ് ചെന്നിത്തല ഇന്നും നിയമസഭയിൽ ആവർത്തിച്ചിരുന്നു. മന്ത്രിയുടെ നിർദ്ദേശപ്രകാരം ചേരാനല്ലൂരിലെത്തിയ ക്രമസമാധാന ചുമതലയുള്ള എഡിജിപിയും കുടുംബത്തെ കണ്ട് ആശ്വസിപ്പിച്ചിരുന്നു.

പൊലീസുകാർക്കെതിരെ നടപടി വേണമെന്ന് ആവശ്യപ്പെട്ട് കഴിഞ്ഞ രണ്ട് ദിവസവും കുടുംബം പൊലീസ് സ്റ്റേഷനിൽ കുത്തിയിരുന്ന് പ്രതിഷേധിച്ചിരുന്നു. കാറിന്റെ ആര്‍സി ഉടമ കൂടിയായ 17കാരന്റെ അഡീഷ്ണൽ ജഡ്ജിക്ക് വീഴ്ചയുണ്ടായെന്നാണ് പോർട്ട് ഫോളിയോ ജഡ്ജിയുടെ റിപ്പോർട്ട്‌. ജില്ലാ ജഡ്ജിയുടെ അനുമതി വാങ്ങാതെ പോലിസ് സ്റ്റേഷനിൽ പോയത് തെറ്റാണെന്നതടക്കം ചൂണ്ടിക്കാട്ടിയാണ് ഹൈക്കോടതി അഡ്മിനിസ്ട്രീറ്റീവ് കമ്മറ്റിക്ക് റിപ്പോർട്ട്‌ നൽകിയത്.

ഈ റിപ്പോർട്ടിന്റെ അടിസ്ഥാനത്തിലായിരിക്കും ജഡ്ജിക്കെതിരായ നടപടി. കേസിൽ പ്രതി ചേർക്കപ്പെട്ടതിന് പിന്നാലെ, ആലുവയിലെ വീട്ടിലെത്തി ജഡ്ജിയുടെ മൊഴി പൊലീസ് രേഖപ്പെടുത്തി. മകൻ വാഹനമെടുത്തത് അറിയില്ലെന്നും ഡ്രൈവിംഗ് പഠിച്ചത് യൂട്യൂബ് ചാനൽ നോക്കിയാണെന്നുമാണ് ജഡ്ജി പറഞ്ഞത്. ഞായറാഴ്ച്ച വൈകിയേ എഴുന്നേൽക്കൂ എന്ന് ഫാമിലി വാട്സാപ് ഗ്രൂപ്ലിലിട്ട സന്ദേശവും പൊലീസിനെ കാണിച്ചു.

അന്വേഷണത്തോട് പൂർണ്ണമായി സഹകരിച്ച ജഡ്ജി, മൊഴി ഔദ്യോഗികമായി രേഖപ്പെടുത്താൻ വിസമ്മതിച്ചു. അനുമതി കിട്ടിയാൽ ഉടൻ, പൊലീസ് ജഡ്ജിയെ വിളിച്ചു വരുത്തി മൊഴി രേഖപ്പെടുത്തും. 17 കാരന്റെ ജാമ്യം റദ്ദാക്കാൻ പോലീസ് ജില്ലാ കോടതിയെ സമീപിച്ചിട്ടുണ്ട്. ഇതിനിടെ 17കാരൻ സ്വന്തം ഇൻസ്റ്റഗ്രാം പേജ് ഡിലീറ്റ് ചെയ്തു. മുൻപ് വാഹനമോടിച്ചതിന്റെ തെളിവ് നശിപ്പിക്കാൻ എന്നാണ് പൊലീസ് സംശയം.

പോക്സോ കേസിൽ ജാമ്യത്തിലിറങ്ങിയ പ്രതിയെ വെട്ടിപ്പരിക്കേൽപിച്ചു; ആക്രമിച്ചത് പെൺകുട്ടിയുടെ ബന്ധു, സംഭവം വടകര മയ്യന്നൂരിൽ

Sumam Thomas — Tue, 27 Oct 2026 20:21:41 +0530

കോഴിക്കോട്: പോക്സോ കേസിൽ ജാമ്യത്തിലിറങ്ങിയ പ്രതിയെ പീഡനത്തിനിരയായ പെൺകുട്ടിയുടെ ബന്ധു വീട്ടിൽ കയറി വെട്ടിപ്പരിക്കേൽപ്പിച്ചു. വടകര മയ്യന്നൂർ സ്വദേശി നാസറിനാണ് വെട്ടേറ്റത്. ഗുരുതരമായി പരിക്കേറ്റ നാസറിനെ കോഴിക്കോട് മെഡിക്കൽ കോളേജിലേക്ക് മാറ്റി. ആക്രമണത്തിന് ശേഷം സ്ഥലത്ത് നിന്നും ഓടി രക്ഷപ്പെട്ട പ്രതിക്കായി പൊലീസ് അന്വേഷണം തുടങ്ങി. ഇന്ന് ഉച്ചയ്ക്കാണ് സംഭവം. മയ്യന്നൂരിലെ വീട്ടിൽ വിശ്രമിക്കുകയായിരുന്ന നാസറിനെ ആയുധങ്ങളുമായെത്തിയാണ് വെട്ടിപരിക്കേൽപ്പിച്ചത്.

പെൺകുട്ടിയെ പീഡിപ്പിച്ച കേസിൽ റിമാൻഡിലായിരുന്ന നാസർ കഴിഞ്ഞ ദിവസമാണ് ജാമ്യത്തിലിറങ്ങിയത്. ഇതറിഞ്ഞാണ് പെൺകുട്ടിയുടെ ബന്ധു കൂടിയായ പ്രതി ആക്രമണം ആസൂത്രണം ചെയ്തത്. നാസറിന് കഴുത്തിലും കൈകളിലും ഉൾപ്പെടെ ശരീരത്തിന്റെ പലഭാഗങ്ങളിലും ആഴത്തിൽ വെട്ടേറ്റിട്ടുണ്ട്. വടകര ജില്ലാ ആശുപ്ത്രിയിലെത്തിച്ച നാസറിനെ പരിക്ക് ഗുരുതരമായതിനാൽ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.

പെൺകുട്ടിയെ പീഡിപ്പിച്ചെന്ന പരാതിയിൽ ഈ മാസം മൂന്നിനാണ് നാസർ അറസ്റ്റിലാകുന്നത്. റിമാൻഡിലായിരുന്ന നാസർ കഴിഞ്ഞ ശനിയാഴ്ചയാണ് ജാമ്യം ലഭിച്ച് പുറത്തിറങ്ങിയത്. ആക്രമണത്തിന് ശേഷം സ്ഥലത്ത് നിന്നും രക്ഷപ്പെട്ട പ്രതിക്കായി പൊലീസ് അന്വേഷണം തുടങ്ങി. അക്രമിയെ തിരിച്ചറിഞ്ഞിട്ടുണ്ടെന്നും ഉടൻ പിടികൂടാനാകുമെന്നും പൊലീസ് വ്യക്തമാക്കി.

'എന്ത് തൂഫാനാണിവിടെ നടക്കുന്നത്? തൂഫാൻ നാടിനെ ഇളക്കിമറിക്കണ്ടേ? ഇത് ഒരു തൂഫാനുമല്ല': ജി സുധാകരൻ

Sumam Thomas — Tue, 27 Oct 2026 17:40:46 +0530

തിരുവനന്തപുരം: തൂഫാൻ പദ്ധതിക്കെതിരെ ജി സുധാകരൻ എംഎൽഎ. എന്ത് തൂഫാനാണിവിടെ നടക്കുന്നതെന്ന് ജി സുധാകരൻ നിയമസഭയിൽ ചോദിച്ചു. തൂഫാനെന്നാൽ കൊടുങ്കാറ്റാണ്. അത് നാടിനെ ഇളക്കി മറിക്കണ്ടേ? ഇപ്പോഴത്തേത് ഒരു തൂഫാനുമല്ല എന്നാണ് ജി സുധാകരൻ പറഞ്ഞത്. എല്ലാവരും പറയുന്നു തൂഫാൻ, തൂഫാൻ, തൂഫാൻ എന്ന്. എന്തോന്ന് തൂഫാൻ എന്ന് ജി. സുധാകരൻ ചോദിച്ചു.

മൂന്ന് മുൻ ആരോഗ്യ മന്ത്രിമാർ ഒരുമിച്ച് വാർത്താ സമ്മേളനം നടത്തിയത് ശുദ്ധ മണ്ടത്തരമായി പോയി എന്നും സഭയിൽ ജി സുധാകരൻ വിമർശിച്ചു. ഇതാണോ കമ്മ്യൂണിസ്റ്റ് പാരമ്പര്യമെന്ന് ചോദിച്ച സുധാകരൻ മഹാ മോശം വാർത്താ സമ്മേളനമായിരുന്നു അതെന്നും ചൂണ്ടിക്കാട്ടി.

ചേരാനല്ലൂർ വാഹനാപകടം: 17കാരൻ ബെൻസുമായി പുറത്തുപോകുന്നത് പുലർച്ചെ 1.36ന്, അപകടമുണ്ടായത് 2.20ന്, നിർണായക സിസിടിവി ദൃശ്യങ്ങൾ പുറത്ത്

Sumam Thomas — Tue, 27 Oct 2026 15:19:31 +0530

കൊച്ചി: ചേരാനല്ലൂർ വാഹനാപകടവുമായി ബന്ധപ്പെട്ട് നിർണായക സിസിടിവി ദൃശ്യങ്ങൾ പുറത്ത്. 17കാരൻ ഫ്ലാറ്റിൽ നിന്ന് വാഹനവുമായി പുറത്ത് പോകുന്ന ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത്. ഞായറാഴ്ച പുലർച്ചെ 1.36നുള്ള ദൃശ്യങ്ങളാണിത്. പുലർച്ചെ 2.20നാണ് കണ്ടെയ്നർ റോ‍ഡ‍ിൽ വെച്ച് അപകടമുണ്ടാകുന്നത്. ആലുവയിലെ ഫ്ലാറ്റിൽ നിന്നുമാണ് 17കാരൻ കാറുമായി പുറത്തേക്ക് പോകുന്നത്. അപകടമുണ്ടായതിന് ശേഷം 17ാകാരന്‍റെ പിതാവായ അഡീഷണൽ ജഡ്ജി പറഞ്ഞത് തങ്ങള്‍ക്ക് അറിവുണ്ടായിരുന്നില്ല എന്നാണ്. എപ്പോഴാണ് കാറുമായി പോയത് എന്ന കാര്യം കേസിൽ നിര്‍ണായകമാണ്. കേസുമായി ബന്ധപ്പെട്ട ഏറ്റവും പ്രധാനപ്പെട്ട വിവരമാണിത്. ഫ്ലാറ്റിന് പുറത്ത് നിന്നുള്ള സിസിടിവി ദൃശ്യങ്ങളാണ് ഇപ്പോള്‍ പുറത്തുവന്നിരിക്കുന്നത്.

ചേരാനല്ലൂർ വാഹനാപകടം: 17കാരൻ്റെ അച്ഛനായ ജഡ്ജിയുടെ ഫ്ലാറ്റിൽ പൊലീസ് പരിശോധന; നീക്കം ഹൈക്കോടതി നിർദേശ പ്രകാരം

Aishwarya S Babu — Tue, 27 Oct 2026 22:47:25 +0530

എറണാകുളം: ചേരാനല്ലൂർ വാഹനാപകടത്തിൽ 17കാരൻ്റെ അച്ഛനായ ജഡ്ജിയുടെ ഫ്ലാറ്റിൽ പൊലീസ് പരിശോധന. ആലുവയിലെ ഫ്ലാറ്റിലാണ് പരിശോധന നടത്തുന്നത്. ഹൈക്കോടതിയുടെ നിർദേശ പ്രകാരമാണ് പരിശോധന. സിസിടിവി ദൃശ്യങ്ങൾ അടക്കം പൊലീസ് ശേഖരിക്കും. അതേസമയം, മരിച്ച ജയബാലകൃഷ്ണന്റെ കുടുംബം നാളെ ഹൈക്കോടതിയിൽ റിട്ട് ഹർജി സമർപ്പിക്കും. 17കാരന്റെ ജാമ്യം റദ്ദാക്കണമെന്നാണ് കുടുംബത്തിന്റെ ആവശ്യം. ജഡ്ജിക്കെതിരെ നടപടി വേണമെന്നും കുടുംബം ആവശ്യപ്പെടുന്നു.

ഓൺലൈൻ ടാക്സി ഡ്രൈവർമാരുടെ വേതന വർധന ഉറപ്പാക്കും, തൊഴിൽപ്രശ്നങ്ങൾ പരിഹരിക്കാൻ കർശന നടപടിയെന്ന് മന്ത്രി ബിന്ദു കൃഷ്ണ

Bibin Babu — Tue, 27 Oct 2026 22:25:17 +0530

തിരുവനന്തപുരം: സംസ്ഥാനത്തെ ഓൺലൈൻ ടാക്സി ഡ്രൈവർമാർ നേരിടുന്ന വേതന പ്രശ്നങ്ങൾ ഉൾപ്പെടെയുള്ള തൊഴിൽപരമായ പ്രതിസന്ധികളും പരിഹരിക്കുന്നതിനുള്ള നടപടികൾ സ്വീകരിക്കുമെന്ന് തൊഴിൽ വകുപ്പ് മന്ത്രി ബിന്ദു കൃഷ്ണ അറിയിച്ചു. ഇതുമായി ബന്ധപ്പെട്ട് മന്ത്രിയുടെ അധ്യക്ഷതയിൽ നിയമസഭാ മന്ദിരത്തിലെ കോൺഫറൻസ് റൂമിൽ ചേർന്ന യോഗത്തിലാണ് തീരുമാനം.

ഡ്രൈവർമാരുടെ ദീർഘകാലമായുള്ള വേതന പ്രശ്നങ്ങൾ പരിഹരിക്കുന്നതിനും തൊഴിൽസാഹചര്യങ്ങൾ മെച്ചപ്പെടുത്തുന്നതിനുമായി അടുത്ത ആഴ്ചകളിൽ കമ്പനികളുടെ മാനേജ്‌മെന്റ് പ്രതിനിധികളുമായും തൊഴിലാളി പ്രതിനിധികളുമായും തുടർയോഗങ്ങൾ ചേരും. യാത്രക്കാരുടെ സുരക്ഷ ഉറപ്പാക്കുന്നതിനൊപ്പം തൊഴിലാളികളുടെ അവകാശങ്ങളും സംരക്ഷിക്കേണ്ടതുണ്ട്. ജനങ്ങൾ വ്യാപകമായി ആശ്രയിക്കുന്ന ഓൺലൈൻ ടാക്സി മേഖലയിലെ തൊഴിലാളികളുടെ സംതൃപ്തിയും തൊഴിൽസുരക്ഷയും പ്രധാനമാണെന്നും തൊഴിലാളികളുടെ സംരക്ഷണത്തിനായുള്ള പുതിയ മാർഗനിർദേശങ്ങൾ സർക്കാരിന്റെ പരിഗണനയിലാണെന്നും മന്ത്രി പറഞ്ഞു. യോഗത്തിലെ തീരുമാനങ്ങളുടെ അടിസ്ഥാനത്തിൽ അർഹമായ വേതനം ഉറപ്പാക്കുന്നതിനുള്ള തുടർനടപടികൾ സ്വീകരിക്കും.

റെയിൽവേ സ്റ്റേഷനുകളിലും ബസ് സ്റ്റാൻഡുകളിലും യാത്രക്കാരെ കയറ്റുന്നതിനും ഇറക്കുന്നതിനും ഓൺലൈൻ ടാക്സി ഡ്രൈവർമാർ നേരിടുന്ന ബുദ്ധിമുട്ടുകൾ തൊഴിലാളി പ്രതിനിധികൾ യോഗത്തിൽ ഉന്നയിച്ചു. ഇതിനായി പ്രത്യേക പിക്കപ്പ്–ഡ്രോപ്പ് പോയിന്റുകൾ അനുവദിക്കണമെന്നും അവർ ആവശ്യപ്പെട്ടു. വർഷങ്ങളായി ജോലി ചെയ്യുന്ന ഡ്രൈവർമാരെ മതിയായ കാരണമില്ലാതെ കമ്പനികൾ ആപ്പുകളിൽനിന്ന് ഒഴിവാക്കുന്ന പ്രവണത അവസാനിപ്പിക്കുക, ഓട്ടോ–ടാക്സി നിരക്കുകളിലെ അസന്തുലിതാവസ്ഥ പരിഹരിച്ച് ഏകീകൃത നിരക്ക് സംവിധാനം നടപ്പിലാക്കുക തുടങ്ങിയ ആവശ്യങ്ങളും ഉന്നയിക്കപ്പെട്ടു.

ആയിരക്കണക്കിന് ആളുകൾ ഉപജീവനത്തിനായി ആശ്രയിക്കുന്ന ഈ മേഖലയിലെ പ്രശ്നങ്ങൾ സമയബന്ധിതമായി പരിഹരിക്കുന്നതിന് മാനേജ്‌മെന്റ്, ഡ്രൈവർമാർ, വിവിധ സർക്കാർ വകുപ്പുകളുടെ പ്രതിനിധികൾ എന്നിവരെ ഉൾപ്പെടുത്തി സ്ഥിരം പരാതി പരിഹാര സംവിധാനം രൂപീകരിക്കണമെന്നും തൊഴിലാളി പ്രതിനിധികൾ ആവശ്യപ്പെട്ടു.

മാനേജ്‌മെന്റ് പ്രതിനിധികളുമായുള്ള തുടർചർച്ചകളുടെ പുരോഗതിയും അതിൽ ഉരുത്തിരിയുന്ന തീരുമാനങ്ങളും വിലയിരുത്തി ആവശ്യമായ നടപടികൾ സ്വീകരിക്കുമെന്ന് മന്ത്രി ഉറപ്പുനൽകി. അഡീഷണൽ ലേബർ കമ്മീഷണർ ബീന മോൾ വർഗീസ്, തൊഴിലാളി പ്രതിനിധികൾ, മാനേജ്‌മെന്റ് പ്രതിനിധികൾ എന്നിവർ യോഗത്തിൽ പങ്കെടുത്തു.

സോഷ്യൽ മീഡിയയിൽ 21 ലക്ഷം ഫോളോവേഴ്‌സ്; പക്ഷേ ഇൻഫ്ലുവൻസർക്ക് പഞ്ചായത്ത് തെരഞ്ഞെടുപ്പിൽ ലഭിച്ചത് വെറും 33 വോട്ട്!

Web Desk — Tue, 27 Oct 2026 22:05:49 +0530

ജോധ്പൂർ: സാമൂഹിക മാധ്യമത്തിൽ ലക്ഷക്കണക്കിനു പേർ ഫോളോ ചെയ്യുന്ന ഇൻഫ്ലുവൻസർക്ക് പഞ്ചായത്ത് തെരഞ്ഞെടുപ്പിൽ ലഭിച്ചത് വെറും 33 വോട്ടുകൾ. സർപഞ്ച് സ്ഥാനത്തേക്ക് നടന്ന തെരഞ്ഞെടുപ്പിൽ ഇൻഫ്ലുവൻസർ ഓംപ്രകാശ് ബിഷ്‌ണോയി ആണ് ദയനീയമായി പരാജയപ്പെട്ടത്. രാജസ്ഥാനിലെ ജോധ്പൂർ ജില്ലയിലെ ഓസിയാൻ താലൂക്കിലുള്ള ഇന്ദോൺ കി ധാനി-II ഗ്രാമ പഞ്ചായത്തിലാണ് സംഭവം.

ജ്യോത്സ്യനും ഇൻഫ്ലുവൻസറും യൂട്യൂബറുമാണെന്ന് സ്വയം അവകാശപ്പെടുന്ന ഓംപ്രകാശ് ബിഷ്‌ണോയിക്ക് ഇൻസ്റ്റഗ്രാം, ഫേസ്ബുക്ക്, യൂട്യൂബ് എന്നിവയിലായി ആകെ 21 ലക്ഷത്തിലധികം (2.1 മില്യണ്‍) ഫോളോവേഴ്‌സുണ്ട്. എന്നാൽ 1600 വോട്ടർമാരുള്ള ഗ്രാമത്തിലെ തെരഞ്ഞെടുപ്പിൽ അദ്ദേഹത്തിന് ലഭിച്ചത് 33 വോട്ടുകൾ മാത്രമാണ്. ഈ കനത്ത പരാജയം ഇൻഫ്ലുവൻസറെ ഞെട്ടിച്ചു കളഞ്ഞു.

ഇൻസ്റ്റഗ്രാമിൽ 14 ലക്ഷവും ഫേസ്ബുക്കിൽ 2.32 ലക്ഷവും യൂട്യൂബിൽ 5 ലക്ഷവും ഫോളോവേഴ്‌സാണ് ഓംപ്രകാശ് ബിഷ്‌ണോയിക്കുള്ളത്. സോഷ്യൽ മീഡിയയിലൂടെ വൻ പ്രചാരണം നടത്തിയെങ്കിലും പഞ്ചായത്ത് തെരഞ്ഞെടുപ്പിൽ ഭേദപ്പെട്ട വോട്ടുകൾ നേടാൻ പോലും കഴിഞ്ഞില്ല. ബിഷ്‌ണോയിയെ കൂടാതെ മറ്റു രണ്ടു പേർ കൂടി മത്സര രംഗത്തുണ്ടായിരുന്നു. വിജയിച്ചത് കാർ ബിസിനസ്സുകാരനാണ്. രണ്ടാമതെത്തിയത് അധ്യാപകനാണ്.

ഗ്രാമത്തിലെ എല്ലാ കുട്ടികൾക്കും വിദ്യാഭ്യാസം ഉറപ്പാക്കുക, മൃഗങ്ങളെ സംരക്ഷിക്കുക, ഗ്രാമവാസികൾക്ക് സർക്കാർ പദ്ധതികളുടെ പ്രയോജനം എത്തിക്കുക എന്നിവയാണ് താൻ നൽകിയ വാഗ്ദാനങ്ങളെന്ന് ഓംപ്രകാശ് ബിഷ്ണോയി പറഞ്ഞു. മത്സരിക്കാൻ ജനങ്ങളാണ് പ്രോത്സാഹിപ്പിച്ചതെന്നും അവർ പിന്തുണയ്ക്കുമെന്ന് കരുതിയെന്നും ഇൻഫ്ലുവൻസർ പറഞ്ഞു. വൻ ഭൂരിപക്ഷത്തിൽ വിജയിപ്പിക്കാം, നിങ്ങൾ എന്തായാലും മത്സര രംഗത്തിറങ്ങണം എന്നാണ് ഗ്രാമീണർ തന്നോട് പറഞ്ഞത്. എന്നാൽ വോട്ടെണ്ണിയപ്പോൾ ലഭിച്ചത് വെറും 33 വോട്ടുകൾ മാത്രമാണ്. തനിക്ക് ലഭിച്ച 33 വോട്ടുകളിൽ 11 എണ്ണം സ്വന്തം കുടുംബത്തിൽ നിന്നുള്ളതാണ്. 10 വോട്ടുകൾ നോട്ടയ്ക്കും ലഭിച്ചെന്ന് ഇൻഫ്ലുവൻസർ പറഞ്ഞു.

എങ്കിലും ഈ തോൽവിയിൽ തളരാൻ ഇൻഫ്ലുവൻസർ തയ്യാറല്ല. ആദ്യമായി ഒരു തെരഞ്ഞെടുപ്പിൽ മത്സരിച്ചതിലൂടെ വോട്ടർമാരുമായി നേരിട്ട് ബന്ധം സ്ഥാപിക്കേണ്ടതിന്‍റെ പ്രാധാന്യം എത്രത്തോളമുണ്ടെന്ന് മനസ്സിലാക്കാൻ സാധിച്ചതായി അദ്ദേഹം പറഞ്ഞു. താൻ പിന്മാറില്ലെന്നും ഗ്രാമീണരുടെ ജീവിത നിലവാരം ഉയർത്തുന്നതിനായി തുടർന്നും പ്രവർത്തിക്കുമെന്നും അദ്ദേഹം കൂട്ടിച്ചേർത്തു.

എം രാഘവനെതിരെ നടപടിയുമായി സിപിഎം; കാഞ്ഞങ്ങാട് ഏരിയാ കമ്മിറ്റിയിൽ നിന്ന് പുറത്താക്കി, വിപുലീകൃത ജില്ലാ കമ്മിറ്റിക്ക് മങ്ങലേൽപ്പിക്കുന്ന പ്രവർത്തനം നടത്തിയെന്ന് വിലയിരുത്തൽ

Aishwarya S Babu — Tue, 27 Oct 2026 21:40:51 +0530

കാസർകോട്: കാഞ്ഞങ്ങാട് ഏരിയ കമ്മറ്റി അംഗം എം രാഘവനെതിരെ നടപടിയുമായി സിപിഎം. കാഞ്ഞങ്ങാട് ഏരിയാ കമ്മിറ്റിയിൽ നിന്ന് പുറത്താക്കി. ഇന്ന് ചേർന്ന ജില്ലാ കമ്മിറ്റി നടപടിക്ക് അംഗീകാരം നൽകുകയായിരുന്നു. വിപുലീകൃത ജില്ലാ കമ്മിറ്റിക്ക് മങ്ങലേൽപ്പിക്കുന്ന പ്രവർത്തനം നടത്തിയെന്നാണ് പാർട്ടി വിലയിരുത്തൽ. പാർട്ടി പ്രവർത്തനം അവസാനിപ്പിക്കുന്നു എന്ന് ജില്ലാ കമ്മിറ്റിക്ക് രാഘവൻ കത്ത് നൽകിയിരുന്നു. കോടിയേരി ബാലകൃഷ്ണൻ ആഭ്യന്തര മന്ത്രി ആയിരിക്കെ അഡീഷണൽ പ്രൈവറ്റ് സെക്രട്ടറി ആയിരുന്നു രാഘവൻ.

ജില്ലാ കമ്മിറ്റിയിൽ ഉൾപ്പെടുത്താത്തതിലുള്ള അതൃപ്‌തിക്ക് പിന്നാലെയാണ് പാർട്ടി പ്രവർത്തനം അവസാനിപ്പിക്കുന്നതായി അറിയിച്ച് രാഘവൻ ജില്ലാ കമ്മിറ്റിക്ക് കത്ത് നൽകിയത്. ഒക്ടോബർ 15, 16 തീയതികളിൽ നടന്ന കാസർകോട് വിപുലീകൃത ജില്ലാ കമ്മിറ്റി യോഗത്തിന് പിന്നാലെയാണ് രാജിക്കത്ത് കൈമാറിയത്. കഴിഞ്ഞ ജില്ലാ സമ്മേളനത്തിന് മുന്നോടിയായി തന്നെ എം. രാഘവന്‍റെ പേര് ജില്ലാ കമ്മിറ്റിയിലേക്ക് പരിഗണിക്കപ്പെടുന്നവരുടെ പട്ടികയിൽ ഉണ്ടായിരുന്നുവെന്ന് റിപ്പോർട്ടുകളുണ്ടായിരുന്നു. എന്നാൽ പിന്നീട് ജില്ലാ കമ്മിറ്റി രൂപീകരിച്ചപ്പോൾ രാഘവനെ പരിഗണിച്ചില്ല. ക്ഷണിതാക്കളായി 6 അംഗങ്ങളെ ഉൾപ്പെടുത്തിയപ്പോൾ തന്നെ തഴഞ്ഞതിൽ പ്രതിഷേധിച്ചാണ് രാജി. വളരെ ജൂനിയറായ ആളുകളെപ്പോലും ഉൾപ്പെടുത്തിയപ്പോൾ തന്നെ നേതൃത്വം അവഗണിച്ചതിൽ കടുത്ത നിരാശയിലാണ് ഇദ്ദേഹം. ഇതാണ് നേതൃത്വത്തോടുള്ള അതൃപ്‌തിക്ക് പ്രധാന കാരണമായതെന്നാണ് സൂചന. നേതൃത്വം തന്നെ അവഗണിച്ചെന്ന് രാഘവൻ ജില്ലാ കമ്മിറ്റിക്ക് നൽകിയ കത്തിൽ പറയുന്നു.

ടെഹ്റാൻ ചർച്ചയ്ക്ക് പിന്നാലെ സൗദിയുടെ സുപ്രധാന പ്രതികരണം; 'ഗൾഫ് മേഖലയിലെ സംഘർഷം അവസാനിപ്പിച്ച് ചർച്ചകളിലേക്ക് മടങ്ങണം'

Web Desk — Tue, 27 Oct 2026 21:04:02 +0530

റിയാദ്: മേഖലയിലെ സൈനിക സംഘർഷങ്ങൾ അവസാനിപ്പിച്ച് ചർച്ചകളിലേക്ക് മടങ്ങണമെന്ന് സൗദി. അതേസമയം, മേഖലയുടെ സുരക്ഷ ഉറപ്പാക്കുന്നതിൽ വിദേശ ശക്തികൾക്ക് റോളുണ്ടാകില്ലെന്നാണ് ഇറാൻ നിലപാട്. ചർച്ചകൾ തുടരാൻ തീരുമാനിച്ചാണ് ഇറാനും സൗദിയും പാക്കിസ്ഥാനും തുർക്കിയും പിരിഞ്ഞത്. അതേസമയം, സൗദിയിലേക്ക് ഹൂത്തികൾ നിരന്തരം ആക്രമണം തുടരുകയാണ്. റിയാദിലേക്കും തെക്കൻ മേഖലയിലേക്കും ഹൂത്തികളയച്ച മൂന്ന് ഡ്രോണുകളും 2 ബലിസ്റ്റിക് മിസൈലുകളും സൗദി തകർത്തു.

ടെഹ്റാനിൽ നടന്ന ചർച്ചകൾ വലിയ അഭ്യൂഹങ്ങൾക്കാണ് തുടക്കമിട്ടിരിക്കുന്നത്. ഇറാനുള്ള അന്ത്യ ശാസന സന്ദേശമോ, അതോ ഇറാനെക്കൂടി പരിഗണിച്ച് ഗൾഫ് മേഖല മുന്നോട്ടു പോകുന്നതിനുള്ള തുടക്കമാണോ സൗദിയുടെ പ്രതികരണമെന്നാണ് സംശയം. ഹൂത്തികൾക്കെതിരെ അതിശക്തമായ സൈനിക നടപടിക്ക് തുടക്കമിട്ട സൗദി, ചർച്ചയ്ക്ക് ശേഷം പുറത്തുവിട്ട പ്രസ്താവനയിൽ, സംഘർഷങ്ങളവസാനിപ്പിച്ച് ചർച്ചകളിലേക്ക് മടങ്ങണമെന്നാണ് ആവശ്യപ്പെട്ടത്. പാക്കിസ്ഥാനും തുർക്കിയും തുടക്കമിട്ട മധ്യസ്ഥ നടപടികളെ പിന്തുണയ്ക്കുമെന്നും സൗദി വ്യക്തമാക്കി. ചർച്ചകൾക്കുള്ള വഴി തുറക്കുന്നത് കാത്തിരിക്കുന്നുവെന്നും സൗദി പറഞ്ഞു. ഫലം കണ്ടാൽ സൗദിക്കും ഹൂത്തികൾക്കും ഇടയിൽ വെടിനിർത്തലിന് വഴിയൊരുങ്ങും.

എന്നാൽ, ഇറാനെതിരായ ആക്രമണം അമേരിക്ക പുനരാരംഭിക്കാനിരിക്കെ, ഇത് ഒഴിവാക്കാനുള്ള അവസാന അവസരം എന്ന നിലയിലാണ് മൂന്ന് രാഷ്ട്രങ്ങൾ ഒന്നിച്ച് ഇറാനിലെത്തിയത് എന്നും വിലയിരുത്തലുണ്ട്. അതേസമയം ഗൾഫ് മേഖലയിലെ പ്രശ്നങ്ങളുടെ അടിസ്ഥാന കാരണം ഇസ്രയേലാണെന്ന നിലപാടിൽ ഇറാൻ ഉറച്ചു നിൽക്കുകയാണ്. മേഖലയുടെ സുരക്ഷയിൽ വിദേശ ശക്തികൾക്ക് റോളുണ്ടാകില്ലെന്ന നിലപാടാണ് ഇറാൻ ദേശീയ സുരക്ഷാ പരമാധികാര കൗൺസിൽ മേധാവി മുഹസിൻ റിസായി വ്യക്തമാക്കിയിരിക്കുന്നത്. അമേരിക്കയെ മേഖലയിൽ നിന്ന് പുറത്താക്കി, സുരക്ഷ ഉൾപ്പടെ കാര്യങ്ങൾ ഇറാൻ തീരുമാനിക്കുമെന്ന നിലയിലാണ് ഇറാൻ സ്വയം ഉയർത്തിക്കാട്ടാൻ ശ്രമിക്കുന്നത്. അതിനിടെ മിഡിൽ ഈസ്റ്റിലെ രാജ്യങ്ങൾക്ക് പുറമെ നിന്നുള്ള സുരക്ഷയിൽ എല്ലാക്കാലവും ആശ്രയിക്കാനാവില്ലെന്നും, പുതിയ സുരക്ഷാ ചട്ടക്കൂട് ഒരുക്കണമെന്നും യു.എൻ മേധാവി അന്റോണിയോ ഗുട്ടറസ് നടത്തിയ പ്രസ്താവന ശ്രദ്ധേയമായി. സൗദിയിലെ റിയാദിലേക്കും തെക്കൻ മേഖലയിലേക്കും ഹൂത്തികളയച്ച മൂന്ന് ഡ്രോണുകളും 2 ബലിസ്റ്റിക് മിസൈലുകളും സദി തകർത്തു.

സഹോദരിയില്ലാത്തതിൽ വിഷമം; 101 നിർദ്ധന യുവതികളുടെ വിവാഹച്ചെലവ് ഏറ്റെടുത്ത് മാതൃകയായി യുവ വ്യവസായി

Web Desk — Tue, 27 Oct 2026 20:41:15 +0530

ലഖ്നൌ: സ്വന്തമായി സഹോദരിയില്ലാതെ വളർന്ന യുവാവ്, സഹോദരന്‍റെ സ്ഥാനത്തു നിന്ന് 101 യുവതികളുടെ വിവാഹം നടത്തിക്കൊടുത്തു. സാമ്പത്തികമായി പിന്നോക്കം നിൽക്കുന്ന കുടുംബങ്ങളിലെ പെണ്‍കുട്ടികളുടെ വിവാഹ ചെലവ് വഹിച്ചാണ് യുവാവ് മാതൃകയായത്. വ്യവസായിയായ വിനയ് അഗർവാൾ ആണ് 101 യുവതികളുടെ വിവാഹ ചെലവ് സ്വയം ഏറ്റെടുത്തത്. ഉത്തർപ്രദേശിലെ ഷാജഹാൻപൂരിലാണ് സംഭവം. ഞായറാഴ്ച ഖിർണി ബാഗിൽ നടന്ന ചടങ്ങിൽ 93 യുവതികളുടെ വിവാഹം ഹൈന്ദവാചാര പ്രകാരം നടന്നു. അതേ ചടങ്ങിൽ എട്ട് മുസ്ലിം യുവതികളുടെ നിക്കാഹും നടന്നു. വധൂവരന്മാരെ 101 കാറുകളിലായാണ് വിവാഹ വേദിയിലെത്തിച്ചത്. ആഘോഷപൂർവ്വം 101 യുവതികളുടെ വിവാഹം നടത്തി.

2018 മുതലാണ് താൻ വിവാഹങ്ങൾക്ക് സഹായം നൽകാൻ തുടങ്ങിയതെന്ന് വിനയ് അഗർവാൾ മാധ്യമങ്ങളോട് പറഞ്ഞു. പിന്നീട് അമ്മ സരോജ് അഗർവാളിന്റെ ഉപദേശ പ്രകാരം സംഘടിത രൂപം നൽകി. 2023-ൽ 11 യുവതികളുടെ വിവാഹം നടത്തി. 2024ൽ 21 വിവാഹങ്ങളും കഴിഞ്ഞ വർഷം 51 വിവാഹങ്ങളും നടത്തി. ഈ വർഷം അത് 101-ൽ എത്തിനിൽക്കുന്നുവെന്ന് വിനയ് അഗർവാൾ പറഞ്ഞു. ഇനിയുള്ള വർഷങ്ങളിലും നിർദ്ധന കുടുബത്തിലെ പെണ്‍കുട്ടികളുടെ വിവാഹം നടത്താൻ സഹായിക്കുമെന്ന് അദ്ദേഹം പറഞ്ഞു.

കേവലം വിവാഹ ചടങ്ങുകൾ നടത്തുക മാത്രമല്ല, ഈ ദമ്പതികൾക്ക് ഒരു കുടുംബമായി ജീവിക്കാനുള്ള സാഹചര്യം ഒരുക്കുക കൂടിയാണ് തന്റെ ലക്ഷ്യമെന്ന് അഗർവാൾ പറഞ്ഞു. നവവധൂവരന്മാർക്ക് ടെലിവിഷൻ, ഫ്രിഡ്ജ്, വാഷിംഗ് മെഷീൻ, കട്ടിൽ, അലമാര തുടങ്ങി ആവശ്യമായ വീട്ടുപകരണങ്ങളും സമ്മാനമായി നൽകി.

തന്റെ പരേതനായ പിതാവ് അശോക് അഗർവാളിന്റെ ജന്മദിനത്തോട് അനുബന്ധിച്ച് രാം നവമി സമയത്താണ് ഈ ചടങ്ങ് സംഘടിപ്പിക്കാറുള്ളതെന്ന് വിനയ് അഗർവാൾ പറഞ്ഞു. ഈ വർഷം ഏകദേശം 200 അപേക്ഷകൾ ലഭിച്ചതിൽ നിന്ന് മൂന്ന് ഘട്ടങ്ങളായുള്ള പരിശോധനയ്ക്ക് ശേഷമാണ് 101 വധുക്കളെ തെരഞ്ഞെടുത്തത്. സാമ്പത്തികമായി ശേഷിയുള്ള കുടുംബങ്ങളിൽ നിന്നുള്ളവരുടെ അപേക്ഷകൾ നിരസിച്ചതായി അദ്ദേഹം വ്യക്തമാക്കി. ഇതിനായി മറ്റാരിൽ നിന്നും സാമ്പത്തിക സഹായം സ്വീകരിച്ചിട്ടില്ലെന്നും അദ്ദേഹം കൂട്ടിച്ചേർത്തു. ആളുകൾ സഹായിക്കാൻ മുന്നോട്ട് വരുമ്പോൾ, സ്വന്തം നിലയിൽ വിവാഹം നടത്തിക്കൊടുക്കാനാണ് ആവശ്യപ്പെടാറുള്ളത്. ആവശ്യമെങ്കിൽ താൻ സഹായിക്കാമെന്ന് ഉറപ്പുനൽകുകയും ചെയ്യാറുണ്ടെന്ന് വിനയ് പറഞ്ഞു.

ഇസ്രയേലിൽ കനത്ത പോളിങ്, 49 ശതമാനം പിന്നിട്ടു; ബെഞ്ചമിൻ നെതന്യാഹുവിന് തിരിച്ചടിയായി അറബ് വംശജരുടെ മേഖലയിലെ ശക്തമായ പോളിങ്

Web Desk — Tue, 27 Oct 2026 20:49:21 +0530

ടെൽ അവീവ്: പശ്ചിമേഷ്യൻ യുദ്ധം തുടരുന്നതിനിടെ ഇസ്രയേലിൽ ജനം വിധിയെഴുതുന്നു. രാജ്യത്ത് നടക്കുന്ന പൊതുതെരഞ്ഞെടുപ്പ് വോട്ടെടുപ്പിൻ്റെ ഫലം ഉറ്റുനോക്കുകയാണ് ലോകം. ഇറാൻ യുദ്ധത്തിൻ്റെ ഗതി തന്നെ നിർണയിക്കുന്ന ഫലമാണിത്. പ്രാദേശിക സമയം രാവിലെ ഏഴ് മണിക്ക് തുടങ്ങിയ പോളിംഗ് ഇസ്രയേൽ സമയം രാത്രി പത്ത് മണിക്കാണ് അവസാനിക്കുക. ആദ്യ മൂന്ന് മണിക്കൂർ കൊണ്ട് 16.5 ശതമാനം പേർ വോട്ട് രേഖപ്പെടുത്തിയെന്നാണ് പുറത്തുവരുന്ന കണക്ക്.

2023 ഒക്ടോബർ 7-ലെ ഹമാസ് ആക്രമണത്തിന് ശേഷം നടക്കുന്ന ആദ്യ പൊതുതിരഞ്ഞെടുപ്പാണിത്. അന്ന് നടന്ന വൻ ഭീകരാക്രമണത്തിന്റെയും തുടർന്നുണ്ടായ ഗാസ, ലെബനൻ, ഇറാൻ യുദ്ധങ്ങളുടെയും പശ്ചാത്തലത്തിൽ വൻ ജനപങ്കാളിത്തമാണ് വോട്ടെടുപ്പിൽ ദൃശ്യമാകുന്നത്. ഹമാസ് ആക്രമണത്തിൽ കൊല്ലപ്പെട്ടവരുടെയും ബന്ദികളാക്കപ്പെട്ടവരുടെയും കുടുംബാംഗങ്ങൾ രാവിലെ ടെൽഅവീവിലെ ഹോസ്റ്റേജ് സ്ക്വയറിൽ ഒത്തുകൂടി മൗനം ആചരിച്ച ശേഷമാണ് പോളിങ് ബൂത്തുകളിലേക്ക് പോയത്. ദുരന്തത്തിന് ഉത്തരവാദികളായവരെയും ഇരകളെയും ഓർത്ത് ജനങ്ങൾ വോട്ട് ചെയ്യണമെന്നാണ് അവർ ആവശ്യപ്പെട്ടത്. വോട്ടെടുപ്പ് തുടങ്ങി ആദ്യ 7 മണിക്കൂറിനുള്ളിൽ തന്നെ 44.9% ആളുകൾ വോട്ട് രേഖപ്പെടുത്തി. അറബ് വംശജരായ ഇസ്രയേലികളുടെ മേഖലകളിൽ വൻ പോളിങ് രേഖപ്പെടുത്തുന്നുണ്ട്.

ഇന്ത്യൻ സമയം നാളെ പുലർച്ചയോടെ ഫലം അറിയാനാകും. നിലവിലെ പ്രധാനമന്ത്രി ബെഞ്ചമിൻ നെതന്യാഹുവും, മുൻ സൈനിക മേധാവിയായ ഗാദി ഐസൻകോട്ടും തമ്മിലാണ് പ്രധാന പോരാട്ടം. 120 അംഗ പാർലമെന്റിൽ ഇവരിൽ ആർക്കും ഭൂരിപക്ഷം ലഭിച്ചില്ലെങ്കിൽ അടുത്ത തിരഞ്ഞെടുപ്പ് നടക്കുന്നത് വരെ നെതന്യാഹുവിന് കാവൽ പ്രധാനമന്ത്രിയായി തുടരാനാവും. ഹമാസ് ആക്രമണത്തിലേക്ക് നയിച്ച സുരക്ഷാ വീഴ്‌ചയുടെ ഉത്തരവാദികൾ ആര് എന്നതായിരുന്നു ഇത്തവണത്തെ പൊതുതെരഞ്ഞെടുപ്പിലെ പ്രധാന ചർച്ചാ വിഷയം. ഹമാസ് തട്ടിക്കൊണ്ടുപോയി ബന്ദിയാക്കിയ ഗാഡി മോസസിനൊപ്പമാണ് ഐസൻകോട്ട വോട്ട് ചെയ്യാനെത്തിയത്. ഹമാസിനെ പൂർണ്ണമായും തകർക്കാൻ നെതന്യാഹുവിന് സാധിച്ചില്ലെന്ന് അദ്ദേഹം കുറ്റപ്പെടുത്തി.

എമർജിംഗ് സയൻസ്, ടെക്നോളജി ആൻഡ് ഇന്നൊവേഷൻ കോൺക്ലേവിന് ദില്ലിയിൽ തുടക്കം; ഉദ്ഘാടനം ചെയ്ത് നരേന്ദ്ര മോദി

Aishwarya S Babu — Tue, 27 Oct 2026 20:45:12 +0530

ദില്ലി: എമർജിംഗ് സയൻസ്, ടെക്നോളജി ആൻഡ് ഇന്നൊവേഷൻ കോൺക്ലേവിന് ദില്ലി ഭാരത് മണ്ഡപത്തിൽ തുടക്കമായി. പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. എഐ രാജ്യസുരക്ഷയ്ക്ക് വെല്ലുവിളിയാകാൻ സാധ്യതയുള്ളതിനാൽ സൈബർ സുരക്ഷ ശക്തമാക്കണമെന്ന് പ്രധാനമന്ത്രി പറഞ്ഞു. ഗവേഷണ പ്രവർത്തനങ്ങൾ വേഗത്തിലാക്കാൻ എഐ സഹായിക്കുമെങ്കിലും ഗവേഷകന് പകരമാകില്ല. എഐ, സിന്തറ്റിക് ബയോളജി മേഖലകളിൽ സുരക്ഷ ഉറപ്പാക്കണം. സാങ്കേതികവിദ്യാ വികസനത്തിന് പ്രതിവർഷം 24,000 കോടി രൂപ നിക്ഷേപിക്കുന്നുണ്ടെന്നും ഇന്ത്യയിൽ പേറ്റന്റ് രജിസ്ട്രേഷൻ കുറയുന്നത് ആശങ്കയാണെന്നും മോദി പറഞ്ഞു. ന്യൂതന ആശയങ്ങൾക്കും കണ്ടുപിടിത്തങ്ങൾക്കും പ്രോത്സാഹനം നൽകുന്ന സംസ്കാരം വളർത്തിയെടുക്കണമെന്നും മോദി പറഞ്ഞു. മൂന്ന് ദിവസങ്ങളിലായി നടക്കുന്ന കോൺക്ലേവിൽ 150ലധികം സ്റ്റാർട്ട് ആപ്പ് കമ്പനികളുടെ പ്രദർശനം ഒരുക്കിയിട്ടുണ്ട്.

ഒരു ലക്ഷം പേരെ മാറ്റിപ്പാർപ്പിച്ചു, വിദ്യാഭ്യാസ സ്ഥാപനങ്ങൾക്ക് അവധി, 72 ട്രെയിനുകൾ റദ്ദാക്കി; അർണബ് ചുഴലിക്കാറ്റ് ഭീതിയിൽ രാജ്യം

Web Desk — Tue, 27 Oct 2026 20:26:26 +0530

വിശാഖപട്ടണം: അർണബ് അതിതീവ്രചുഴലിക്കാറ്റായി കരയിലേക്ക് നീങ്ങിത്തുടങ്ങിയതോടെ ആന്ധ്രയിലും ഒഡീഷയിലും മഴയും കാറ്റും ശക്തം. ഒരു ലക്ഷത്തോളം പേരെ ചുഴലിക്കാറ്റ് വീശിയടിക്കാൻ സാധ്യതയുള്ള സ്ഥലങ്ങളിൽ നിന്ന് മാറ്റിപ്പാർപ്പിച്ചു. മുൻകരുതൽ നടപടികളുടെ ഭാഗമായി 72 ട്രെയിനുകൾ ഇന്ത്യൻ റെയിൽവെ റദ്ദാക്കി. ചുഴലിക്കാറ്റ് നാളെ ഉച്ചക്ക് മുൻപ് കരതൊടുമെന്നാണ് മുന്നറിയിപ്പ്.

ഇന്ന് ഉച്ചയ്ക്ക് ശേഷം വിശാഖപട്ടണത്ത് കനത്ത മഴയും ശക്തമായ കാറ്റുമാണ് ഉണ്ടായത്. ബംഗാൾ ഉൾക്കടൽ പ്രക്ഷു‌ബ്‌ധമാണ്. 14 മീറ്റർ വരെ ഉയർന്ന തിരമാലക്കുള്ള മുന്നറിയിപ്പാണ് നൽകിയിരിക്കുന്നത്. ഒഡീഷയിലും കനത്ത മഴയാണ്. നാളെ ഉച്ചയോടെ ആന്ധ്രയിലെ യാനത്തിനും കാക്കിനാടക്കും ഇടയിൽ അർണബ് കരതൊടുമെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിൽ നിന്നുള്ള അറിയിപ്പ്. പിന്നീട് കാറ്റിന് മണിക്കൂറിൽ 150 കിലോമീറ്റർ വരെ വേഗം കൈവരിക്കുമെന്നാണ് പ്രവചനം.

അതിശക്തമായ ചുഴലിക്കാറ്റുകളിൽ ഒന്നാകും അർണബ്. കര തൊട്ട് കഴിയുമ്പോൾ വ്യാപക നാശനശഷ്ടങ്ങൾ ഉണ്ടാകുമെന്നാണ് വിലയിരുത്തൽ. ചുഴലിക്കാറ്റിനെ നേരിടാൻ വിപുലമായ മുൻകരുതലിലാണ് ആന്ധ്ര, ഒഡീഷ സംസ്ഥാനങ്ങൾ. കാക്കിനടയിൽ മാത്രം 89,000 പേരെ മാറ്റിപ്പാർപ്പിച്ചു. ഒ‍ഡീഷയിൽ 48,000 പേരെയും ഒഴിപ്പിച്ചു. വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. 72 ട്രെയിനുകളും നാല് വിമാന സർവീസുകളും റദ്ദാക്കി. കൂടുതൽ സർവീസുകൾ റദ്ദാക്കുമെന്ന് എയർ ഇന്ത്യ മുന്നറിയിപ്പ് നൽകി. പശ്ചിമബംഗാൾ, ജാ‌ർഖണ്ഡ്, ഛത്തീസ്ഗഡ് സംസ്ഥാനങ്ങളിലും 31 വരെ അതീവജാഗ്രത നിർദേശം നൽകിയിട്ടുണ്ട്. അയൽരാജ്യങ്ങളായ ശ്രീലങ്കയിലും നേപ്പാളിലും മുൻകരുതൽ നടപടികൾ സ്വീകരിച്ചിട്ടുണ്ട്.

കോൺഗ്രസ് കേരളയുടെ വിവാദ പോസ്റ്റ്: ചീഫ് ജസ്റ്റിസ് സൂര്യകാന്തിനോട് മാപ്പ് പറഞ്ഞെന്ന് കെപിസിസി; വക്കീൽ നോട്ടീസിന് മറുപടി നൽകി സണ്ണി ജോസഫ്

Aishwarya S Babu — Tue, 27 Oct 2026 20:13:18 +0530

ദില്ലി: കോൺഗ്രസ് കേരളയുടെ വിവാദ പോസ്റ്റിൽ ചീഫ് ജസ്റ്റിസ് സൂര്യകാന്തിനോട് മാപ്പ് പറഞ്ഞെന്ന് കെപിസിസി. സുപ്രീംകോടതി അഭിഭാഷകന്റെ വക്കീൽ നോട്ടീസിന് സണ്ണി ജോസഫ് മറുപടി നൽകി. പോസ്റ്റ് അനുമതിയില്ലാതെ പ്രസിദ്ധീകരിച്ചതാണെന്നും അത് കോൺഗ്രസിന്റെ ഔദ്യോഗിക നിലപാടല്ലെന്നുമായിരുന്നു വിശദീകരണം. ഉത്തരവാദിയായ വ്യക്തിയെ ചുമതലയിൽനിന്ന് നീക്കിയെന്നും മറുപടിയിൽ വ്യക്തമാക്കി. വിജയ് തോട്ടത്തിൽ എന്ന വ്യക്തിയാണ് പോസ്റ്റിട്ടത്.

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്‍റെ രാജി ആവശ്യപ്പെട്ടുള്ള പ്രതിഷേധത്തിന്‍റെ ഭാഗമായി സുപ്രീം കോടതിയിലേക്കുള്ള ഇന്ത്യ സഖ്യത്തിന്‍റെ മാർച്ചിനിടെയായിരുന്നു വിവാദ എക്സ് പോസ്റ്റ് കോൺഗ്രസ് കേരള ഘടകത്തിന്‍റെ ഔദ്യോഗിക എക്സ് പേജിൽ പ്രത്യക്ഷപ്പെട്ടത്. ഇന്ത്യ സഖ്യ നേതാക്കളെ കാണാൻ നിയമപ്രശ്നങ്ങളുള്ളതിനാൽ സാധിക്കില്ലെന്ന് ചീഫ് ജസ്റ്റിസ് അറിയിച്ചതിലുള്ള രോഷമായിരുന്നു കുറിപ്പിലുണ്ടായിരുന്നത്. 'സൂര്യകാന്ത് രാജിവയ്ക്കൂ, പകരം ആളെ ഞങ്ങള്‍ കണ്ടെത്താം' എന്നതടക്കമുള്ള കുറിപ്പ് വിവാദമായതോടെ ഉടനടി പിൻവലിച്ചിരുന്നു.

കുനോ ദേശീയോദ്യാനത്തിൽ ചീറ്റക്കുട്ടി ചത്തത് വെടിയേറ്റെന്ന് സൂചന; അന്വേഷണം ആരംഭിച്ച് സംസ്ഥാന ടൈഗർ സ്ട്രൈക്ക് ഫോഴ്സ്

Aishwarya S Babu — Tue, 27 Oct 2026 20:02:04 +0530

ഭോപ്പാൽ: മധ്യപ്രദേശിലെ കുനോ ദേശീയോദ്യാനത്തിൽ 19 മാസം പ്രായമുള്ള ചീറ്റക്കുട്ടി ചത്തത് വെടിയേറ്റെന്ന് സൂചന. ചീറ്റക്കുട്ടിയുടെ ശരീരത്തിൽനിന്ന് വെടിയുണ്ടയുടെ ചീളുകൾ കണ്ടെത്തി. ഇന്ത്യയിൽ ചീറ്റകളെ പുനരധിവസിപ്പിച്ചശേഷമുള്ള ആദ്യ വേട്ടശ്രമമെന്നാണ് സൂചന. നിർവ എന്ന പെൺചീറ്റയുടെ കുഞ്ഞാണിത്. മൊറേന ജില്ലയിലെ വനമേഖലയിൽ ഞായറാഴ്ച വൈകിട്ടാണ് പരുക്കേറ്റ നിലയിൽ ചീറ്റക്കുഞ്ഞിനെ കണ്ടെത്തിയത്. തുടർന്ന് വിദഗ്ധ ചികില്‍സയ്ക്കായി ജബൽപുരിലേക്ക് മാറ്റി. ശസ്ത്രക്രിയയ്ക്കിടെ ശരീരത്തിൽനിന്ന് വെടിയുണ്ടയുടെ ചീളുകൾ നീക്കം ചെയ്തു. ചികിത്സയ്ക്കിടെയാണ് ചീറ്റക്കുഞ്ഞ് ചത്തത്. സംസ്ഥാന ടൈഗർ സ്ട്രൈക്ക് ഫോഴ്സ് അന്വേഷണം ആരംഭിച്ചു. വേട്ടയാടലിന്റെ സാധ്യതയും മനുഷ്യരുടെ ഇടപെടലും പരിശോധിക്കുന്നുണ്ട്. പ്രദേശത്ത് നാടൻ തോക്കുകളുടെ ഉപയോഗവും അന്വേഷണ വിധേയമാണ്. നേരത്തേ പുള്ളിപ്പുലികളെ വേട്ടയാടിയ സംഭവങ്ങൾ റിപ്പോർട്ട് ചെയ്ത വനമേഖലയാണിത്.

ബൈക്കിന് സൈഡ് കൊടുക്കാത്തതിൽ വിരോധം; ഡിപ്പോയിൽ കയറി കെഎസ്ആർടിസി ബസ്സിന്‍റെ ചില്ല് തകർത്തയാൾ റിമാൻഡിൽ

Web Desk — Tue, 27 Oct 2026 19:32:47 +0530

പത്തനംതിട്ട : യുവാക്കൾ സഞ്ചരിച്ച ബൈക്കിന് കെ എസ് ആർ ടി സി ബസ് സൈഡ് കൊടുത്തില്ല എന്ന കാരണത്താൽ പ്രതികാരം. രാത്രിയിൽ റാന്നി കെ എസ് ആർ ടി സി ഡിപ്പോയ്ക്കുള്ളിൽ കയറി ഒരു കെ എസ് ആർ ടി സി ബസിന്റെ പിൻഭാഗത്തെ എമർജൻസി വാതിലിന്റെ കണ്ണാടി കല്ലുകൊണ്ട് ഇടിച്ചു പൊട്ടിച്ച ശേഷം രക്ഷപ്പെട്ട പ്രതിയെ പിടികൂടി. വിശദമായ അന്വേഷണത്തിന് ഒടുവിലാണ് പ്രതിയെ റാന്നി പൊലീസ് പിടികൂടിയത്. റാന്നി സ്വദേശി നിതിൻ ലെജു (21) ആണ് അറസ്റ്റിൽ ആയത്.

സെപ്റ്റംബർ അഞ്ചാം തീയതി രാവിലെ ആണ് റാന്നി ഡിപ്പോയിലെ കെ എസ് ആർ ടി സി ബസിന്റെ പിൻഭാഗത്തെ ചില്ല് തകർത്ത നിലയിൽ കണ്ടെത്തിയത്. ജീവനക്കാരുടെ പരാതിയിൽ എട്ടാം തീയതി കേസ് രജിസ്റ്റർ ചെയ്തു. പ്രതിയെക്കുറിച്ച് പ്രാഥമികമായി യാതൊരു സൂചനയും ഇല്ലാതിരുന്നത് അന്വേഷണ സംഘത്തിന് വെല്ലുവിളിയായി. നിരവധി സി സി ടി വി ദൃശ്യങ്ങൾ ഉൾപ്പെടെ പരിശോധിച്ച പൊലീസ് സംശയമുള്ള നിരവധി പേരെ ചോദ്യം ചെയ്തു. തുടർന്ന് സംഭവ ദിവസം കെ എസ് ആർ ടി സി പരിസരത്ത് പ്രതിയുടെ സാന്നിധ്യം മനസ്സിലാക്കിയ പൊലീസ്, ഇയാളിലേക്ക് എത്തിച്ചേരുകയായിരുന്നു.

പ്രതി പൊലീസിനോട് കുറ്റസമ്മതം നടത്തി. പ്രതിയും സുഹൃത്തും ഒരുമിച്ച് യാത്ര ചെയ്തപ്പോൾ ഏതോ കെ എസ് ആർ ടി സി ബസ് സൈഡ് കൊടുക്കാത്തതിലുള്ള വിരോധം മൂലമാണ് ഇപ്രകാരം ചെയ്തതെന്ന് പ്രതി പറഞ്ഞു . എസ് ഐ സിബി എസ്, സി പി ഒമാരായ അഞ്‌ജെലോ എം എൻ, പ്രദീപ്‌ പി, പ്രസാദ് എന്നിവർ അടങ്ങിയ സംഘമാണ് പ്രതിയെ അറസ്റ്റ് ചെയ്തത്. റാന്നി ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

പുലർച്ചെ 3 മുതൽ പരിശോധന, 568 ലിറ്റർ ഉപയോഗിച്ച പാചക എണ്ണയും 7,000 വറുത്ത പലഹാരങ്ങളും നശിപ്പിച്ചു; ഓപ്പറേഷൻ തെളിമ 2.0യ്ക്ക് തുടക്കം

Bibin Babu — Tue, 27 Oct 2026 19:22:48 +0530

തിരുവനന്തപുരം: പാചക എണ്ണയുടെ സുരക്ഷിതമല്ലാത്ത പുനരുപയോഗം തടയുന്നതിന് ഭക്ഷ്യസുരക്ഷാ വകുപ്പ് ഓപ്പറേഷൻ തെളിമ 2.0 എന്ന പേരിൽ പരിശോധന നടത്തിയതായി ആരോഗ്യ ദേവസ്വം മന്ത്രി കെ മുരളീധരൻ അറിയിച്ചു. സംസ്ഥാനവ്യാപക പരിശോധനയിൽ 568 ലിറ്റർ ഉപയോഗിച്ച പാചക എണ്ണയും വൃത്തിഹീനമായ സാഹചര്യത്തിൽ നിർമിച്ച 7,000 വറുത്ത പലഹാരങ്ങളും നശിപ്പിച്ചു. ഭക്ഷ്യസുരക്ഷാ മാനദണ്ഡങ്ങൾ പാലിക്കാത്ത 32 സ്ഥാപനങ്ങളുടെ ലൈസൻസ് സസ്പെൻഡ് ചെയ്തായും മന്ത്രി വ്യക്തമാക്കി.

ഒക്ടോബർ 27ന് (ഇന്ന്) പുലർച്ചെ മൂന്ന് മണി മുതൽ സംസ്ഥാനത്തുടനീളം 56 പരിശോധനാ സംഘങ്ങളെ വിന്യസിച്ചായിരുന്നു പരിശോധന. 160 ലഘുഭക്ഷണ നിർമാണ യൂണിറ്റുകളിൽ പരിശോധന നടത്തി. ഉപയോഗിച്ച പാചക എണ്ണയുടെ ഗുണനിലവാരം അളക്കുന്നതിനുള്ള പ്രത്യേക ഉപകരണം ഉപയോഗിച്ച് സ്ഥലത്തുവെച്ചുതന്നെ എണ്ണ പരിശോധിച്ചു.

നിശ്ചിത ഗുണനിലവാര മാനദണ്ഡങ്ങൾ പാലിക്കാത്ത 568 ലിറ്റർ പാചക എണ്ണയും വൃത്തിഹീനമായ സാഹചര്യത്തിൽ നിർമിച്ച് വിതരണത്തിനായി സൂക്ഷിച്ചിരുന്ന 7,000 വറുത്ത പലഹാരങ്ങളുമാണ് നശിപ്പിച്ചത്. നിയമലംഘനങ്ങൾ കണ്ടെത്തിയ സ്ഥാപനങ്ങൾക്ക് തിരുത്തൽ നിർദേശങ്ങൾ ഉൾപ്പെടെ 23 അറിയിപ്പുകൾ നൽകി. ആറു കേസുകൾ തുടർനിയമനടപടികൾക്കായി ശുപാർശ ചെയ്തു. 80 സ്ഥാപനങ്ങൾക്കെതിരെ പിഴയടച്ചുള്ള നടപടികൾക്കും ശുപാർശ നൽകി.

പാചക എണ്ണ ആവർത്തിച്ച് ചൂടാക്കുന്നതും ദീർഘകാലം ഉപയോഗിക്കുന്നതും എണ്ണയുടെ ഗുണനിലവാരം കുറയ്ക്കുകയും ദോഷകരമായ രാസഘടകങ്ങളുടെ അളവ് വർധിപ്പിക്കുന്നതിനും കാരണമാകും. ടോട്ടൽ പോളാർ കോമ്പൗണ്ട്സ് 25 ശതമാനത്തിൽ കൂടുതലുള്ള എണ്ണ വീണ്ടും പാചകത്തിന് ഉപയോഗിക്കാൻ പാടില്ല. ഭക്ഷ്യവ്യാപാര സ്ഥാപനങ്ങൾ എണ്ണയുടെ ഗുണനിലവാരം കൃത്യമായി പരിശോധിക്കുകയും ഉപയോഗശൂന്യമായ എണ്ണ നിയമാനുസൃതമായി സംസ്കരിക്കുകയും വേണം.

വറുത്ത ഭക്ഷ്യവിഭവങ്ങളുടെ ഗുണനിലവാരം ഉറപ്പാക്കുന്നതിനായി നേരത്തേ നടത്തിയ ഓപ്പറേഷൻ തെളിമ ഒന്നാംഘട്ടത്തിന്‍റെ തുടർച്ചയായാണ് രണ്ടാംഘട്ട പരിശോധന സംഘടിപ്പിച്ചത്. സുരക്ഷിതമല്ലാത്ത പാചക എണ്ണയുടെ ഉപയോഗത്തിനും ഭക്ഷ്യസുരക്ഷാ മാനദണ്ഡങ്ങളുടെ ലംഘനങ്ങൾക്കുമെതിരെ കർശന പരിശോധനകളും നടപടികളും തുടരുമെന്നും മന്ത്രി കെ.മുരളീധരൻ പറഞ്ഞു.

'ഞങ്ങൾക്ക് എല്ലാം അറിയാം, എല്ലാം പരിശോധിക്കും...'; സുപ്രീം കോടതിയുടെ നിർണായ നീക്കം; ഗ്യാനേഷ് കുമാറുമായി ബന്ധപ്പെട്ട ഹർജികളിൽ വാദം തുടരും

Web Desk — Tue, 27 Oct 2026 19:15:34 +0530

ഡൽഹി: തീവ്ര വോട്ടർ പട്ടിക പരിഷ്കരണമടക്കം മുഖ്യ തെരഞ്ഞെടുപ്പ് കമ്മീഷനെതിരെ ഉയർന്ന ആരോപണങ്ങൾ പരിശോധിക്കുമെന്ന് സുപ്രീം കോടതി വ്യക്തമാക്കി. എസ്ഐആറിൽ മറ്റ് രണ്ട് തെരഞ്ഞെടുപ്പ് കമ്മീഷണർമാരുടെ എതിർപ്പ് തള്ളി മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ തീരുമാനം ഒറ്റയ്ക്ക് എടുത്തുവെന്നതടക്കം പരിശോധിക്കുമെന്നാണ് സുപ്രീം കോടതി വ്യക്തമാക്കിയിരിക്കുന്നത്.

തങ്ങൾക്ക് എല്ലാം അറിയാമെന്നും എല്ലാം പരിശോധിക്കുമെന്നും ഇന്ന് ഇതുമായി ബന്ധപ്പെട്ട നിരവധി ഹർജികൾ പരിശോധിക്കുന്നതിനിടെ ചീഫ് ജസ്റ്റിസ് സൂര്യകാന്ത് പറഞ്ഞതായി ലൈവ് ലോ റിപ്പോർട്ട് ചെയ്യുന്നു. ചീഫ് ജസ്റ്റിസ് അധ്യക്ഷനും ജസ്റ്റിസുമാരായ ജോയ്മല്യ ബഗ്‌ചി, വി മോഹന എന്നിവർ അംഗങ്ങളുമായ ഡിവിഷൻ ബെഞ്ചാണ് ഇന്ന് ഹർജികൾ പരിഗണിച്ചത്. വിഷയത്തിൽ മുഖ്യ തെരഞ്ഞെടുപ്പ് കമ്മീഷൻ സമർപ്പിച്ച എതിർ സത്യവാങ്മൂലത്തിന് മറുപടി നൽകാൻ ഹർജിക്കാർക്ക് കോടതി പത്ത് ദിവസം സമയം അനുവദിച്ചു. തെരഞ്ഞെടുപ്പ് കമ്മീഷന് അധിക സത്യവാങ്മൂലം സമർപ്പിക്കാൻ രണ്ടാഴ്ച സമയവും കോടതി നൽകി.

രാഹുൽ ഗാന്ധിക്കും ഇന്ത്യ സഖ്യത്തിലെ മറ്റ് നേതാക്കൾക്കും വേണ്ടി സുപ്രീം കോടതിയിലെ മുതിർന്ന അഭിഭാഷകൻ അഭിഷേക് മനു സിങ്‌വിയാണ് ഇന്ന് കോടതിയിൽ ഹാജരായത്. എസ്ഐആറുമായി ബന്ധപ്പെട്ട തീരുമാനങ്ങൾ ഏകകണ്‌ഠമായിരുന്നോ അല്ലേയെന്നത് കണ്ടെത്താൻ തെരഞ്ഞെടുപ്പ് കമ്മീഷനുമായി ബന്ധപ്പെട്ട ഫയലുകൾ പരിശോധിക്കണമെന്ന് അദ്ദേഹം ആവശ്യപ്പെട്ടു. ഈ ഘട്ടത്തിലാണ് തങ്ങൾക്ക് എല്ലാം അറിയാമെന്നും എല്ലാം പരിശോധിക്കുമെന്നും സുപ്രീം കോടതി വ്യക്തമാക്കിയത്. പ്രധാനമായും ഗ്യാനേഷ് കുമാറിൻ്റെ മുഖ്യ തെരഞ്ഞെടുപ്പ് കമ്മീഷണർ സ്ഥാനത്തെ പ്രവർത്തനത്തെ ചോദ്യം ചെയ്യുന്ന ഹർജികളാണ് കോടതിയുടെ പരിഗണനക്കെത്തിയത്.

മകളുടെ മരണവാർത്തയറിഞ്ഞ അമ്മ ഹൃദയാഘാതം മൂലം മരിച്ചു; സംഭവം പാലക്കാട്

Aishwarya S Babu — Tue, 27 Oct 2026 18:55:18 +0530

പാലക്കാട്: പാലക്കാട് മകളുടെ മരണവാർത്തയറിഞ്ഞ അമ്മ ഹൃദയാഘാതം മൂലം മരിച്ചു. ഒറ്റപ്പാലം മനിശ്ശേരി ചുണ്ടിച്ചിപറമ്പിൽ 74 കാരിയായ ശാന്ത ആണ് മരിച്ചത്. മകൾ ശാന്തിയുടെ മരണവാർത്തയറിഞ്ഞതോടെയാണ് അമ്മയ്ക്ക് ഹൃദയാഘാതമുണ്ടായത്. നെഞ്ചുവേദന മൂലം മായന്നൂരിലെ ഭർത്താവിന്റെ വീട്ടിൽ നിന്നും ശാന്തിയെ ഇന്നലെയാണ് വാണിയംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചത്. ശാന്തി ഇന്ന് രാവിലെ ചികിത്സയ്ക്കിടെ മരിക്കുകയായിരുന്നു. മാതാവിന്റെ മൃതദേഹം മനിശ്ശേരിയിലെ വീട്ടിലും മകളുടെ മൃതദേഹം മായന്നൂരിലെ ഭർത്താവിന്റെ വീട്ടിലും എത്തിച്ചു. സംസ്കാരം നാളെ നടക്കും.

20 രൂപയുടെ കചോരി കഴിക്കാൻ സ്കൂട്ടർ നിർത്തി; വ്യവസായിക്ക് നഷ്ടപ്പെട്ടത് 20 ലക്ഷം രൂപ

Sithara Sreelayam — Tue, 27 Oct 2026 18:36:21 +0530

ജയ്പൂർ: രാജസ്ഥാനിലെ ജയ്പൂരിൽ 20 രൂപ വിലയുള്ള കചോരി കഴിക്കാൻ പോയ വ്യവസായിക്ക് നഷ്ടമായത് 20 ലക്ഷം രൂപ. ഭക്ഷണം കഴിക്കാൻ വണ്ടി നിർത്തിയ സമയത്ത്, സ്കൂട്ടറിലെത്തിയ രണ്ട് മോഷ്ടാക്കൾ വ്യവസായിയുടെ 20 ലക്ഷം അടങ്ങിയ ബാഗുമായി കടന്നു കളഞ്ഞു. നഹർഗഢ് പൊലീസ് സ്റ്റേഷൻ അതിർത്തിയിലാണ് സംഭവം നടന്നത്. സംഭവത്തിന്‍റെ ദൃശ്യങ്ങൾ സമീപത്തെ സി സി ടി വി ക്യാമറകളിൽ പതിഞ്ഞിട്ടുണ്ട്.

തിങ്കളാഴ്ച വൈകുന്നേരം 4 മണിയോടെയായിരുന്നു സംഭവം. ചമ്പാലാൽ എന്ന വ്യവസായി കചോരി കഴിക്കാനായി സ്കൂട്ടർ നിർത്തിയ ശേഷം പണമടങ്ങിയ ബാഗ് സ്കൂട്ടറിന്‍റെ മുൻ ഭാഗത്ത് വയ്ക്കുകയായിരുന്നു. സ്കൂട്ടറിൽ ഇരുന്ന് കചോരി കഴിക്കവേ, ഈ സമയത്ത് രണ്ട് പേർ സ്കൂട്ടറിൽ എത്തി തൊട്ടരികിൽ നിർത്തി. സ്കൂട്ടറിന്‍റെ പിന്നിലിരുന്നയാൾ വേഗത്തിൽ ബാഗ് തട്ടിയെടുത്തു. എന്താണ് സംഭവിച്ചതെന്ന് ചമ്പാലാലിന് പെട്ടെന്ന് മനസ്സിലായില്ല. ബാഗ് നഷ്ടമായെന്ന് തിരിച്ചറിഞ്ഞതോടെ ചമ്പാലാലും പ്രദേശത്തുണ്ടായിരുന്നവരും പ്രതികളെ പിന്തുടർന്നെങ്കിലും പിടികൂടാനായില്ല.

ചമ്പാലാലിന്‍റെ പരാതിയുടെ അടിസ്ഥാനത്തിൽ നഹർഗഢ് പൊലീസ് സ്റ്റേഷനിൽ കേസ് രജിസ്റ്റർ ചെയ്തു. ഹെൽമറ്റ് ധരിച്ചിരുന്ന മോഷ്ടാക്കളെ തിരിച്ചറിയാനായി പൊലീസ് പ്രദേശത്തെ കൂടുതൽ സി സി ടി വി ദൃശ്യങ്ങൾ പരിശോധിച്ച് വരികയാണ്.

जयपुर के नाहरगढ़ थाना इलाके में व्यापारी चंपालाल के साथ हैरान करने वाली घटना सामने आई। स्कूटी के आगे 20 लाख रुपये से भरा थैला रखकर 20 रुपये की कचोरी खाना व्यापारी को महंगा पड़ गया। इसी दौरान थैला चोरी हो गया। पूरी घटना CCTV में कैद हुई। सूचना मिलते ही पुलिस ने नाकाबंदी करवाई। पीड़ित की शिकायत पर मामला दर्ज कर जांच शुरू कर दी गई है।

— Ashok Shera (@ashokshera94) October 27, 2026

പി എസ് സിയെ തകർക്കാൻ യുഡിഎഫും ഗവർണറും തമ്മിൽ രഹസ്യ ഡീൽ ഉണ്ടാക്കിയെന്ന് പിണറായി വിജയൻ; രാജേന്ദ്ര ആർലേക്കറിന് മുഖ്യമന്ത്രി യാത്രയയപ്പ് നൽകിയതിലും വിമർശനം

Aishwarya S Babu — Tue, 27 Oct 2026 18:35:11 +0530

ആലപ്പുഴ: പി എസ് സിയെ തകർക്കാൻ രഹസ്യ ഡീൽ നടക്കുന്നുവെന്ന് പ്രതിപക്ഷ നേതാവ് പിണറായി വിജയൻ. ഉന്നത വിദ്യാഭ്യാസ രംഗത്ത് വർഗീയവത്കരണം നടക്കുന്നുവെന്നും യുഡിഎഫും ഗവർണറും തമ്മിൽ അക്കാര്യത്തിൽ രഹസ്യ ഡീൽ ഉണ്ടാക്കിയെന്നും പിണറായി പറഞ്ഞു. ആലപ്പുഴയിൽ പുന്നപ്ര വയലാർ വാരാചരണ സമാപനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

രാജേന്ദ്ര ആർലേക്കറിന് മുഖ്യമന്ത്രി വിഡി സതീശൻ യാത്രയയപ്പ് നൽകിയതിനെയും പിണറായി വിജയൻ വിമർശിച്ചു. എന്താണ് അജണ്ടയെന്ന് അന്ന് വ്യക്തമായില്ലെന്നും ഇപ്പോൾ വ്യക്തമായെന്നും പിണറായി പറഞ്ഞു. പി എസ് സി പിരിച്ചുവിടാനുള്ള ശുപാർശ നൽകാൻ ഗവർണർക്ക് ആര് അധികാരം നൽകിയെന്ന് ചോദിച്ച അദ്ദേഹം പി എസ് സിക്ക് നേരെ ഇഷ്‌ടാനിഷ്ടങ്ങൾ വെച്ച് നടപടി എടുക്കാൻ പറ്റില്ലെന്നും മികവാർന്ന പ്രവർത്തനമാണ് പി എസ് സി നടത്തുന്നതെന്നും പറഞ്ഞു. ആ സ്ഥാപനത്തിൻ്റെ സുതാര്യത നഷ്‌ടപ്പെടുത്താൻ യുഡിഎഫ് ശ്രമിക്കുകയാണ്. യുഡിഎഫും ഗവർണറും തമ്മിൽ അക്കാര്യത്തിൽ രഹസ്യ ഡീൽ ഉണ്ടാക്കി. കേരളത്തെ പിന്നോട്ടാണ് യുഡിഎഫ് നയിച്ചു കൊണ്ടിരിക്കുന്നതെന്നും അതിനെ ചെറുക്കുകയും പ്രതിരോധിക്കുകയും വേണമെന്നും പിണറായി വിജയൻ ആലപ്പുഴയിൽ പറഞ്ഞു.

കടമെടുപ്പ് പരിധി വെട്ടിക്കുറച്ച കേന്ദ്രത്തെ തള്ളാതെ മുഖ്യമന്ത്രി; 'ആര് തിരിച്ചടയ്ക്കും, സെക്രട്ടേറിയറ്റും കളക്ടറേറ്റുകളും ജപ്തി ചെയ്ത് കൊണ്ട് പോകും'

Bibin Babu — Tue, 27 Oct 2026 18:23:55 +0530

തിരുവനന്തപുരം: എൽഡിഎഫ് സർക്കാരിന്‍റെ സാമ്പത്തിക നയങ്ങൾക്കും പ്രവർത്തനങ്ങൾക്കുമെതിരെ രൂക്ഷ വിമർശനവുമായി മുഖ്യമന്ത്രി വി ഡി സതീശൻ. കിഫ്ബി വഴി എടുത്ത കടങ്ങൾ കാരണം സംസ്ഥാനത്തിന്‍റെ കടമെടുപ്പ് പരിധിയിൽ വലിയ കുറവാണ് ഉണ്ടായിരിക്കുന്നതെന്ന് അദ്ദേഹം കുറ്റപ്പെടുത്തി. കിഫ്ബിയുടെ പേരിൽ വലിയ തോതിൽ കടബാധ്യത വരുത്തിവെച്ചത് കഴിഞ്ഞ സർക്കാരാണെന്നും മുഖ്യമന്ത്രി ആരോപിച്ചു. കിഫ്ബി ഉയർന്ന പലിശയ്ക്കാണ് കടം വാങ്ങിയിരിക്കുന്നതെന്നും ഇതിന് സർക്കാർ ഗ്യാരണ്ടി നിൽക്കേണ്ടി വരുന്നുണ്ടെന്നും ധനവകുപ്പ് പോലും അറിയാതെയാണ് കിഫ്ബിയിൽ നിയമനങ്ങൾ നടന്നതെന്നും അദ്ദേഹം കൂട്ടിച്ചേർത്തു.

കഴിഞ്ഞ സർക്കാർ 49788 കോടി കടമെടുത്തു. കിഫ്ബിയും പെൻഷൻ ഫണ്ടും കാരണം യുഡിഎഫ് കടക്കെണിയിലായി. 87000 കോടി കടം കൊടുത്ത് തീർക്കാൻ ബാക്കി വച്ചാണ് എൽഡിഎഫ് സർക്കാർ പോയത്. എന്നിട്ട് കടമെടുക്കുന്നതിനെ പ്രതിപക്ഷം കുറ്റം പറയുന്നു. ഭൂമി ഏറ്റെടുക്കലിലും വൻ ക്രമക്കേടുകളാണ് നടന്നിട്ടുള്ളത്. തെരഞ്ഞെടുപ്പിന് മുൻപ് പരസ്യങ്ങൾക്കായി കോടികൾ ചെലവഴിച്ചെങ്കിലും ഔദ്യോഗിക കണക്കുകളിൽ ഇത് വളരെ കുറച്ചു മാത്രമാണ് കാണിച്ചിരിക്കുന്നത്. വലിയ പലിശയ്ക്ക് എടുത്ത തുകയാണ് ഇത്തരത്തിൽ പരസ്യങ്ങൾക്കായി ധൂർത്തടിച്ചത്. കണ്ണൂരിൽ വലിയ തോതിൽ ഭൂമി ഏറ്റെടുത്തതിന് പിന്നാലെ വീണ്ടും ഭൂമി ഏറ്റെടുക്കാൻ ശ്രമിച്ച സർക്കാർ നടപടിയെയും അദ്ദേഹം ചോദ്യം ചെയ്തു.

സെക്രട്ടേറിയറ്റിന് മുന്നിൽ സമരം ചെയ്ത ഉദ്യോഗാർത്ഥികളുടെയും യുവജനങ്ങളുടെയും വിഷയത്തിലും മുഖ്യമന്ത്രി പ്രതികരിച്ചു. കഴിഞ്ഞ അഞ്ച് കൊല്ലം സെക്രട്ടേറിയറ്റിന് മുന്നിൽ സമരം ചെയ്തവരെ തിരിഞ് നോക്കാത്തവരാണ് ഇപ്പോൾ തല മൊട്ടയടിച്ച ഫോട്ടോയും കൊണ്ട് നടക്കുന്നത്. സമരക്കാരുടെ അഞ്ച് ആവശ്യങ്ങളിൽ നാലും നിറവേറ്റാൻ യുഡിഎഫ് സർക്കാരിന് കഴിഞ്ഞു. അധ്യാപക വിദ്യാർത്ഥി അനുപാതം ഒരു സുപ്രഭാതത്തിൽ കുറയ്ക്കാൻ പറ്റില്ല.

എൽഡിഎഫിന്‍റെ ബുദ്ധിശൂന്യതയാണ് പ്രശ്നങ്ങൾക്കെല്ലാം കാരണം. കെഎഎസ് തെറ്റായ രീതിയിൽ നടപ്പാക്കി. 32 ഒഴിവുണ്ടെന് തെറ്റായ കണക്ക് പിഎസ്‍സിക്ക് നൽകി റാങ്ക് ലിസ്റ്റ് ഇറക്കി. തലമുണ്ഡനം ചെയ്തത് കാണുമ്പോ സങ്കടം ഉണ്ട്. പക്ഷേ വാക്ക് പാലിച്ചില്ലെന്ന് സമരക്കാർ പറയരുതെന്നും അദ്ദേഹം പറഞ്ഞു. എന്നാല്‍, കടപരിധി വെട്ടിക്കുറച്ച കേന്ദ്ര നിലപാടിനെ മുഖ്യമന്ത്രി എതിർത്തുമില്ല. കടം ആര് കൊടുത്ത് തീർക്കും എന്നാണ് വി ഡി സതീശന്‍റെ ചോദ്യം. സർക്കാർ ഗ്യാരണ്ടി കൊടുത്ത പണം സർക്കാർ തന്നെ കൊടുക്കണം.

ഇല്ലെങ്കിൽ സെക്രട്ടേറിയറ്റും കളക്ട്രേറ്റുകളും ജപ്തി ചെയ്ത് പോകും. നികുതിപ്പണം ഉപയോഗിച്ച് ചെയ്ത എന്തു പ്രവർത്തിയും അന്വേഷിക്കും. കിഫ്ബി കമ്രക്കേടുകളും വിശദമായി അന്വേഷിക്കുമെന്നും സതീശൻ വ്യക്തമാക്കി. കടമെടുപ്പിൽ സുപ്രീം കോടതിയിൽ കേസുണ്ടെന്ന് മുൻ ധന മന്ത്രി കെ എൻ ബാലഗോപാൽ മറുപടി നൽകി. കടമെടുപ്പ് വെട്ടിക്കുറച്ചത് കേന്ദ്രത്തിന്‍റെ സമീപനമാണ്. അതിൽ ഭരണഘടനാ പ്രശ്നമുണ്ടെന്നും അദ്ദേഹം ചൂണ്ടിക്കാട്ടി.

ഓപ്പറേഷൻ തെളിമ; സംസ്ഥാത്ത് ഭക്ഷ്യസുരക്ഷ വകുപ്പിന്റെ മിന്നൽ പരിശോധന, കോഴിക്കോട് മാത്രം പിടികൂടിയത് നിലവാരമില്ലാത്ത 440 ലിറ്റർ ഭക്ഷ്യ എണ്ണ

Aishwarya S Babu — Tue, 27 Oct 2026 18:03:30 +0530

കോഴിക്കോട്: ഓപ്പറേഷൻ തെളിമയുടെ ഭാഗമായി സംസ്ഥാന വ്യാപകമായി ഭക്ഷ്യ സുരക്ഷ വകുപ്പിന്റെ മിന്നൽ പരിശോധന. കോഴിക്കോട്, പാലക്കാട്, മലപ്പുറം, എറണാകുളം, തൃശ്ശൂർ, കൊല്ലം ജില്ലകളിൽ മാനദണ്ഡങ്ങൾ പാലിക്കാത്ത കടകൾക്കെതിരെ നടപടിയെടുത്തു. കോഴിക്കോട് ജില്ലയിൽ മാത്രം നിലവാരമില്ലാത്ത 440 ലിറ്റർ ഭക്ഷ്യ എണ്ണയാണ് ഉദ്യോഗസ്ഥർ പിടികൂടി നശിപ്പിച്ചത്.

വൻതോതിൽ എണ്ണക്കടികൾ നിർമ്മിച്ച് റീട്ടെയിൽ കടകളിലേക്കും ഹോട്ടലുകളിലേക്കും വിതരണം ചെയ്യുന്ന സ്ഥാപനങ്ങൾ കേന്ദ്രീകരിച്ചാണ് സംസ്ഥാന വ്യാപകമായി ഭക്ഷ്യസുരക്ഷ വകുപ്പിന്റെ പരിശോധന നടന്നത്. കോഴിക്കോട് ജില്ലയിൽ പുലർച്ചെ ആരംഭിച്ച മിന്നൽ പരിശോധനയിൽ ആവർത്തിച്ച് ഉപയോഗിച്ച 440 ലിറ്റർ ഭക്ഷ്യ എണ്ണയും വൃത്തിഹീനമായ സാഹചര്യത്തിൽ പാകം ചെയ്ത ആയിരത്തോളം എണ്ണക്കടികളും നശിപ്പിച്ചു. ഭക്ഷ്യ എണ്ണയുടെ ഗുണനിലവാരം ഉറപ്പിക്കുന്നതിനായി മൊബൈൽ ഫുഡ് ടെസ്റ്റിംഗ് ലാബിന്റെ സഹായത്തോടെയായിരുന്നു പരിശോധന. ജില്ലയിൽ ലൈസൻസില്ലാതെ പ്രവർത്തിച്ച രണ്ട് സ്ഥാപനങ്ങൾ അടച്ചുപൂട്ടുകയും വൃത്തിഹീനമായി പ്രവർത്തിച്ച നാല് സ്ഥാപനങ്ങൾക്ക് നോട്ടീസ് നൽകുകയും ചെയ്തു.

മലപ്പുറത്ത് എണ്ണക്കടി നിർമ്മാണ കേന്ദ്രങ്ങളിൽ നടത്തിയ പരിശോധനയിൽ 5 ലിറ്റർ പഴകിയ ഭക്ഷ്യ എണ്ണ പിടികൂടി. ഒരു സ്ഥാപനം അടച്ചുപൂട്ടുകയും മൂന്ന് സ്ഥാപനങ്ങളുടെ ലൈസൻസ് റദ്ദാക്കുകയെും ചെയ്തു. പാലക്കാട് നഗരത്തിൽ നാല് സ്ഥാപനങ്ങളിൽ നടത്തിയ പരിശോധനയിൽ നിലവാരമില്ലാത്ത 120 ലിറ്റർ ഭക്ഷ്യ എണ്ണ പിടികൂടി. ഈ സ്ഥാപനങ്ങളിലെ ജോലിക്കാർക്ക് ഹെൽത്ത് കാർഡും ഉണ്ടായിരുന്നില്ല. നിയമലംഘനങ്ങളുടെ ഭാഗമായി നാല് കടകളും പിഴ ഒടുക്കണം. തൃശ്ശൂരിലും എറണാകുളത്തും ഭക്ഷ്യ സുരക്ഷ വകുപ്പ് നടത്തിയ പരിശോധനയിൽ മൂന്ന് സ്ഥാപനങ്ങൾ അടപ്പിച്ചു. എറണാകുളത്ത് സമൂസയിൽ ഉപയോഗിക്കാൻ എത്തിച്ച 30 ചീത്തയായ ക്യാരറ്റും ഉദ്യോഗസ്ഥർ നശിപ്പിച്ചു. കൊല്ലത്ത് സുരക്ഷ മാനദണ്ഡങ്ങൾ പാലിക്കാത്ത നാല് സ്ഥാപനങ്ങളാണ് ഭക്ഷ്യ സുരക്ഷ വകുപ്പ് പൂട്ടിച്ചത്. ഭക്ഷ്യവസ്തുക്കളുടെ നിർമ്മാണത്തിലും സംഭരണത്തിലും നിയമങ്ങൾ പാലിക്കാത്ത സ്ഥാപനങ്ങൾക്കെതിരെ കർശന നടപടി തുടരുമെന്ന് ഭക്ഷ്യസുരക്ഷാ വകുപ്പ് വ്യക്തമാക്കി.

5 മാസം കൊണ്ട് തെളിഞ്ഞു, നികുതി വർധിപ്പിക്കാതെ വരുമാനം കൂട്ടാൻ കഴിഞ്ഞുവെന്ന് മുഖ്യമന്ത്രി; 'ജിഎസ്ടി ചരിത്രത്തിലെ ഏറ്റവും ഉയർന്ന വരുമാനം'

Bibin Babu — Tue, 27 Oct 2026 17:21:50 +0530

തിരുവനന്തപുരം: നികുതി നിരക്കുകൾ വർധിപ്പിക്കാതെ തന്നെ സർക്കാരിന്‍റെ വരുമാനം വർധിപ്പിക്കാൻ സാധിക്കുമെന്ന് കഴിഞ്ഞ അഞ്ച് മാസത്തെ സാമ്പത്തിക വളർച്ച വ്യക്തമാക്കുന്നുവെന്ന് നിയമസഭയിൽ മുഖ്യമന്ത്രി. മുൻ വർഷത്തെ അപേക്ഷിച്ച് സമാന കാലയളവിൽ മൂലധന ചെലവിലും തനത് വരുമാനത്തിലും വലിയ വളർച്ചയാണ് ഉണ്ടായിരിക്കുന്നത്. സംസ്ഥാനത്തിന്‍റെ തനത് വരുമാനത്തിൽ 6,486 കോടി രൂപയുടെ വർധനവാണ് രേഖപ്പെടുത്തിയിരിക്കുന്നത്.

ഇത് മുൻ വർഷത്തെ അപേക്ഷിച്ച് പതിനാറര ശതമാനത്തിലധികം വളർച്ചയാണ് കാണിക്കുന്നത്. ഇതിനുപുറമേ, നോൺ-ടാക്സ് വരുമാനത്തിൽ 19 ശതമാനത്തിന്‍റെ വർധനവും ജിഎസ്ടി ചരിത്രത്തിലെ ഏറ്റവും ഉയർന്ന വരുമാനവും കൈവരിക്കാൻ സാധിച്ചു. കഴിഞ്ഞ വർഷത്തെ അപേക്ഷിച്ച് മൂലധന നിക്ഷേപത്തിൽ 57 ശതമാനത്തന്‍റെ വർധനവാണ് ഉണ്ടായതെന്നും മുഖ്യമന്ത്രി ചൂണ്ടിക്കാട്ടി. ഓണക്കാലത്ത് വിപണിയിലേക്ക് ആവശ്യമായ പണം എത്തിക്കാൻ സാധിച്ചത് സമ്പദ്‌വ്യവസ്ഥയ്ക്ക് ഉണർവേകിയെന്നും എന്നാൽ ഈ നേട്ടങ്ങളിൽ മാത്രം സർക്കാർ പൂർണ്ണമായി തൃപ്തനല്ലെന്നും, ഇതിലും വലിയ ലക്ഷ്യങ്ങളാണ് സർക്കാർ പ്രതീക്ഷിക്കുന്നതെന്നും മുഖ്യമന്ത്രി വ്യക്തമാക്കി.

തുരങ്കപാതയിൽ മുന്നോട്ട്

കോഴിക്കോട്-വയനാട് ജില്ലകളെ ബന്ധിപ്പിക്കുന്ന താമരശ്ശേരി ചുരത്തിന് ബദലായി വിഭാവനം ചെയ്തിട്ടുള്ള തുരങ്കപാത ഏറെ പ്രധാനപ്പെട്ട പദ്ധതിയാണെന്നും മുഖ്യമന്ത്രി സഭയിൽ വ്യക്തമാക്കി. ആനക്കാംപൊയില്‍,കള്ളാടി, മേപ്പാടി തുരങ്കപാതയുടെ നിര്‍മ്മാണ പ്രവര്‍ത്തികള്‍ സുരക്ഷാ മാനദണ്ഡങ്ങള്‍ ഉറപ്പാക്കി പുനരാരംഭിക്കുന്നതിന് അടിയന്തര നടപടി സ്വീകരിക്കുന്നത് സംബന്ധിച്ച സബ്മിഷന് മറുപടി നൽകുകയായിരുന്നു വി ഡി സതീശൻ. താന്‍ ഈ പദ്ധതിക്ക് എതിരാണെന്ന് തെരഞ്ഞെടുപ്പ് കാലത്ത് വ്യാപകമായ പ്രചാരണമുണ്ടായി.ആ പദ്ധതിക്കല്ല എതിര്. ആ പദ്ധതി നടപ്പാക്കുന്നതിന് മുന്‍പ് ആവശ്യമായ പരിസ്ഥിതി ആഘാത പഠനം നടത്താതെ ചെയ്യരുത് എന്നാണ് പറഞ്ഞത്.

കാരണം അത് വളരെ സെന്‍സിറ്റീവ് ആയിട്ടുള്ള മേഖലയാണ്. ഇനി നിര്‍മ്മാണം നടക്കുന്ന സമയത്ത് ഒരപകടം ഉണ്ടായാല്‍ അതിന്‍റെ ഉത്തരവാദിത്വം സർക്കാരിനുണ്ടാകും. ഒരപകടമുണ്ടായിട്ടും സർക്കാർ ശ്രദ്ധിക്കാതെ വീണ്ടും അവിടെ പ്രവര്‍ത്തിക്കാന്‍ അനുമതി കൊടുത്തു എന്നായിരിക്കും ആരോപണം. അപ്പോള്‍ ആവശ്യമായ മുൻകരുകൽ എടുത്തു കൊണ്ട് അപകടസാധ്യത തീരെ ഇല്ലാതാക്കി കൊണ്ട് വിദഗ്ധ കമ്മിറ്റിയുടെ റിപ്പോര്‍ട്ടിന്‍റെ അടിസ്ഥാനത്തില്‍ ഒരു തീരുമാനം എടുക്കും. പാരസ്ഥിക റിപ്പോര്‍ട്ടിലെ കണ്ടീഷന്‍സിന്‍റെ അടിസ്ഥാനത്തില്‍ നിര്‍മ്മാണപ്രവര്‍ത്തനം നടത്തി ഒരു അപകടസാധ്യതയുമില്ലാതെ തുരങ്കപാത യാഥാര്‍ത്ഥ്യമാക്കാന്‍ പറ്റുമോ എന്നാണ് സർക്കാർ നോക്കുന്നത്. റിപ്പോര്‍ട്ട് കിട്ടിയാലുടനെ ആ കാര്യത്തില്‍ ഒരു തീരുമാനം എടുക്കുമെന്നും മുഖ്യമന്ത്രി സഭയെ അറിയിച്ചു.

ഒരു കോടിക്ക് തൊട്ടടുത്ത്, എസ്ഐആറിൽ 99.32 ലക്ഷം വോട്ടർമാർക്ക് വെട്ട്; കർണാടകയിൽ അന്തിമ വോട്ടർ പട്ടിക പ്രസിദ്ധീകരിച്ചു

Bibin Babu — Tue, 27 Oct 2026 16:49:53 +0530

ബെംഗളൂരു: കർണാടകയിലെ അന്തിമ വോട്ടർ പട്ടിക ഔദ്യോഗികമായി പുറത്തിറക്കി. പ്രത്യേക തീവ്ര വോട്ടര്‍ പട്ടക പരിഷ്കരണത്തിന് (എസ്ഐആർ) മുമ്പ് 5,54,32,314 വോട്ടർമാരുണ്ടായിരുന്ന സ്ഥാനത്ത് പുതിയ പട്ടികയിൽ ആകെ വോട്ടർമാരുടെ എണ്ണം 4,55,00,011 ആയി കുറഞ്ഞു. ഏകദേശം 99.32 ലക്ഷം വോട്ടർമാരുടെ കുറവാണ് പട്ടികയിൽ ഉണ്ടായിട്ടുള്ളത്. കരട് പട്ടികയിൽ നിന്ന് ഒഴിവാക്കപ്പെട്ട ഒരു കോടിയിലധികം പേരിൽ നിന്ന് 8.64 ലക്ഷം പുതിയ വോട്ടർമാരെ അന്തിമ പട്ടികയിൽ ഉൾപ്പെടുത്തിയിട്ടുണ്ട്.

മണ്ഡലം തിരിച്ചുള്ള വോട്ടർ പട്ടിക മുഖ്യ തിരഞ്ഞെടുപ്പ് കമ്മീഷന്‍റെ വെബ്സൈറ്റിൽ ലഭ്യമാണ്. പുതിയ കണക്കുകൾ പ്രകാരം ആകെ വോട്ടർമാരിൽ 2.25 കോടിയിലധികം പുരുഷന്മാരും 2.29 കോടിയിലധികം സ്ത്രീകളും 2,841 ട്രാൻസ്ജെൻഡർ വോട്ടർമാരും ഉൾപ്പെടുന്നു. ഇതിൽ 18നും 19നും ഇടയിൽ പ്രായമുള്ള 6.83 ലക്ഷത്തിലധികം യുവ വോട്ടർമാരും, 85 വയസിനു മുകളിലുള്ള 3.92 ലക്ഷത്തിലധികം വോട്ടർമാരുമുണ്ട്.

വിലാസം മാറിപ്പോയവർ, കണ്ടെത്താനാകാത്തവർ എന്നീ വിഭാഗങ്ങളിൽ ഉൾപ്പെടുന്ന 80.62 ലക്ഷം പേരെയുമാണ് കരട് പട്ടികയിൽ നിന്ന് പ്രധാനമായും ഒഴിവാക്കിയത്. ഇതിനുപുറമെ മരിച്ചതായി രേഖപ്പെടുത്തിയ 16.39 ലക്ഷം പേരുടെയും ഇരട്ട വോട്ടുകളുള്ള ഏഴു ലക്ഷത്തോളം പേരുടെയും മറ്റ് വിഭാഗങ്ങളിൽ പെടുന്ന 3.83 ലക്ഷം പേരുടെയും പേരുകൾ ഒഴിവാക്കിയിട്ടുണ്ട്. വോട്ടർ പട്ടികയിൽ തങ്ങളുടെ പേരുണ്ടോ എന്ന് തെരഞ്ഞെടുപ്പ് കമ്മീഷന്‍റെ ഔദ്യോഗിക പോർട്ടലിലൂടെ വോട്ടർമാർക്ക് പരിശോധിക്കാവുന്നതാണ്.

അർണബ് ചുഴലിക്കാറ്റ്: വിശാഖപട്ടണത്തും ഒഡിഷയിലും മഴ കനത്തു; നാല് വിമാന സർവീസുകളും 72 ട്രെയിനുകളും റദ്ദാക്കി, ശ്രീലങ്കയിലും നേപ്പാളിലും ജാഗ്രത നിർദേശം

Aishwarya S Babu — Tue, 27 Oct 2026 16:45:05 +0530

വിശാഖപട്ടണം: അർണബ് അതിതീവ്ര ചുഴലിക്കാറ്റായി കരയിലേക്ക് നീങ്ങാൻ തുടങ്ങിയതോടെ അതീവ ജാഗ്രതയിൽ ആന്ധ്രാപ്രദേശും ഒഡിഷയും. വിശാഖപട്ടണത്തും ഒഡിഷയിലും മഴ കനത്തു. കാറ്റ് ശക്തി പ്രാപിച്ച് തുടങ്ങിയതോടെ ആന്ധ്രാ തീരത്ത് കടൽ പ്രക്ഷുബ്ധമായി. തിരമാലകൾ 14 മീറ്റർ വരെ ഉയരാമെന്ന് മുന്നറിയിപ്പ് നൽകിയിട്ടുണ്ട്. ആന്ധ്രയിലെ കാക്കിനടയിൽ നിന്ന് 89,000 പേരെ ഒഴിപ്പിച്ചു. കാറ്റ് നാളെ പുലർച്ചെ കര തൊടുമെന്നാണ് പ്രവചനം. നാല് വിമാനസർവീസുകൾ റദ്ദാക്കുകയും നാല് എണ്ണം വഴിതിരിച്ചുവിടുകയും ചെയ്തു. 72 ട്രെയിനുകൾ റദ്ദാക്കി. ശ്രീലങ്കയിലും നേപ്പാളിലും ജാഗ്രത നിർദേശം പുറപ്പെടുവിച്ചിട്ടുണ്ട്.

സുരക്ഷാ സന്നാഹങ്ങളൊരുക്കി ആന്ധ്രയും ഒഡിഷയും

ആന്ധ്രയിൽ യാനത്തിനും കാക്കിനടയ്ക്കും ഇടയിലുള്ള മേഖലയിലാകും ഒർണബ് കരയിൽ പ്രവേശിക്കുക. കരതൊട്ട് കഴി‌‌‌ഞ്ഞാൽ മണിക്കൂറിൽ 140 കിലോമീറ്റർ വരെ വേഗത കാറ്റ് കൈവരിച്ചേക്കാമെന്നാണ് മുന്നറിയിപ്പ്. ഇത് മുന്നിൽക്കണ്ട് വലിയ സുരക്ഷാ സന്നാഹങ്ങളൊരുക്കുകയാണ് ആന്ധ്രയും ഒഡിഷയും. കാക്കിനട തീരത്തുനിന്ന് മാത്രം 89,000 പേരെ ദുരിതാശ്വാസ ക്യാമ്പുകളിലേക്ക് മാറ്റി. ആന്ധ്രയിലെ ഹോപ് ഐലൻഡ് പൂർണമായും ഒഴിപ്പിച്ചു. 1400ൽ ഏറെ ദുരിതാശ്വാസ ക്യാന്പുകൾ തയ്യാറാക്കിയിട്ടുണ്ട്. നാലായിരത്തിലേറെ ഗർഭിണികളെ സുരക്ഷിത താവളങ്ങളിലെത്തിച്ചു. കടലിൽ പോയ മീൻപിടിത്ത ബോട്ടുകളെല്ലാം സുരക്ഷിതമായി തീരത്ത് അടുപ്പിച്ചു. അയൽസംസ്ഥാനമായ ഒഡിഷയും കനത്ത ജാഗ്രതയിലാണ്. ഒഡിഷയിൽ പലയിടത്തും മഴ കനത്തു കഴിഞ്ഞു. ആന്ധ്രാ തീരത്ത് ഇന്നും നാളെയും അതിശക്തമായ മഴയുണ്ടാകുമെന്നാണ് മുന്നറിയിപ്പ്. ഒഡിഷയിൽ നാളെ അതിതീവ്ര മഴ മുന്നറിയിപ്പ് നൽകിയിട്ടുണ്ട്. ഛത്തിസ്ഗഡ്, യുപി സംസ്ഥാനങ്ങളിലും മഴ കനക്കുമെന്നാണ് അറിയിപ്പ്.

വിവിഐപികളുടെ യാത്ര ഇനി കൂടുതല്‍ സുരക്ഷിതം; 24 പ്രത്യേക ഹെലികോപ്റ്ററുകള്‍ വാങ്ങാന്‍ വ്യോമസേന

Sangeetha KS — Tue, 27 Oct 2026 16:42:00 +0530

ദില്ലി: രാജ്യത്തെ വിവിഐപികള്‍ക്കായി അത്യാധുനിക ഹെലികോപ്റ്ററുകള്‍ വാങ്ങാന്‍ വ്യോമസേന. 24 പുതിയ 'സ്‌പെഷ്യല്‍ യൂട്ടിലിറ്റി ഹെലികോപ്റ്ററുകള്‍' വാങ്ങാന്‍ ആണ് ഇന്ത്യന്‍ വ്യോമസേന ആലോചിക്കുന്നത്. ഏകദേശം പതിനായിരം കോടി രൂപയാണ് ഹെലികോപ്റ്ററുകള്‍ വാങ്ങാന്‍ ഉള്ള ചെലവ്. പ്രതിരോധ മന്ത്രി രാജ്നാഥ് സിങ്ങിന്റെ അധ്യക്ഷതയില്‍ ചേര്‍ന്ന ഡിഫന്‍സ് അക്വിസിഷന്‍ കൗണ്‍സില്‍ യോഗം പദ്ധതിക്ക് അനുമതി നല്‍കി. നിലവില്‍ രാഷ്ട്രപതി, ഉപരാഷ്ട്രപതി, പ്രധാനമന്ത്രി എന്നിവരുടെ യാത്രകള്‍ക്കായി ഉപയോഗിക്കുന്ന റഷ്യന്‍ നിര്‍മ്മിത എംഐ - 17 ഹെലികോപ്റ്ററുകള്‍ക്ക് പകരമായാണ് ഇവ വാങ്ങുന്നത്.

പരിഗണനയില്‍ എയര്‍ബസ്, ലോക്ക്ഹീഡ് മാര്‍ട്ടിന്‍

പദ്ധതിക്കായി പ്രധാനമായും പരിഗണിക്കുന്ന കമ്പനികള്‍ എയര്‍ബസിന്റെ എച്ച്-725 , യുഎസ് കമ്പനിയായ ലോക്ക്ഹീഡ് മാര്‍ട്ടിന്‍ എന്നിവയാണെന്നാണ് സൂചന. എയര്‍ബസ് ഹെലികോപ്‌റ്റേഴ്‌സ് നിര്‍മ്മിക്കുന്ന ഒരു ദീര്‍ഘദൂര, ഇരട്ട എഞ്ചിന്‍ മിലിട്ടറി ട്രാന്‍സ്‌പോര്‍ട്ട് ഹെലികോപ്റ്ററാണ് എയര്‍ബസ് എച്ച് - 725. 30 ഓളം പേരെ വഹിക്കാന്‍ ശേഷിയുള്ള ഇവയ്ക്ക് മണിക്കൂറില്‍ പരമാവധി 324 കിലോമീറ്റര്‍ വേഗതയില്‍ സഞ്ചരിക്കാന്‍ സാധിക്കും. ലോക്ക്ഹീഡ് മാര്‍ട്ടിന്‍ തങ്ങളുടെ കീഴിലുള്ള സിക്കോര്‍സ്‌കി എന്ന പ്രശസ്ത ഹെലികോപ്റ്റര്‍ കമ്പനി വഴിയാണ് അത്യാധുനിക ഹെലികോപ്റ്ററുകള്‍ നിര്‍മ്മിക്കുന്നത്.

ലോകമെമ്പാടുമുള്ള സൈനിക ആവശ്യങ്ങള്‍ക്കും വിവിഐപി യാത്രകള്‍ക്കും ദുരന്തനിവാരണ പ്രവര്‍ത്തനങ്ങള്‍ക്കും ഇവരുടെ ഹെലികോപ്റ്ററുകള്‍ വ്യാപകമായി ഉപയോഗിക്കുന്നു. രാഷ്ട്രപതി, ഉപരാഷ്ട്രപതി, പ്രധാനമന്ത്രി എന്നിവരുടെ യാത്രയ്ക്കുള്ള പ്രത്യേക ആവശ്യകതകള്‍ കണക്കിലെടുത്താണ് പുതിയ ഹെലികോപ്റ്ററുകളുടെ സാങ്കേതിക മാനദണ്ഡങ്ങള്‍ തയ്യാറാക്കിയിരിക്കുന്നത്.

മാറിയ സുരക്ഷാ മാനദണ്ഡങ്ങള്‍

വിവിഐപികള്‍ക്കായി പ്രത്യേക ഹെലികോപ്റ്ററുകള്‍ വാങ്ങാനുള്ള മുന്‍ പദ്ധതി അഴിമതി വിവാദത്തെത്തുടര്‍ന്ന് റദ്ദാക്കിയിരുന്നു. തുടര്‍ന്ന് നിലവിലുള്ള ഹെലികോപ്റ്ററുകളില്‍ മാറ്റങ്ങള്‍ വരുത്തിയാണ് അവ വിവിഐപി യാത്രകള്‍ക്കായി ഉപയോഗിച്ചുവന്നത്.

'വളർമതിയോട് രാഹുലും പ്രിയങ്കയും മാപ്പ് പറയണം', പ്രതിഷേധം ദേശീയ തലത്തിൽ ചർച്ചയാക്കി ബിജെപി; കേരള സർക്കാരിന് വിമർശനം

Bibin Babu — Tue, 27 Oct 2026 16:27:34 +0530

ദില്ലി: കേരളത്തിലെ എൽപിഎസ്ടി റാങ്ക് ഹോൾഡേഴ്‌സിന്‍റെ പ്രതിഷേധം ദേശീയ തലത്തിൽ ചർച്ചയാക്കി ബിജെപി. വളർമതിയെന്ന യുവതിക്ക് പൊതു മധ്യത്തിൽ മൊട്ടയടിക്കേണ്ടി വന്നുവെന്ന് ബിജെപി നേതാവ് ജി വി എൽ നരസിംഹ റാവു ചൂണ്ടിക്കാട്ടി. ലിസ്റ്റിൽ ഉണ്ടായിട്ടും നിയമനം ലഭിച്ചില്ല, എന്താണ് അവിടെ നടക്കുന്നതെന്നും പ്രശ്നം പരിഹരിക്കാൻ സംസ്ഥാന സർക്കാരിന് ആകുന്നില്ലെന്നും ബിജെപി നേതാവ് കുറ്റപ്പെടുത്തി. രാഹുലും പ്രിയങ്കയും ഇത് കാണുന്നില്ലേ. ഇരട്ടത്താപ്പാണ് ഇരുവർക്കുമെന്നും അദ്ദേഹം പറഞ്ഞു.

സ്വന്തം സർക്കാർ ആയതിനാൽ അവിടെ പോയി പ്രതിഷേധിക്കുന്നില്ല. എന്തുകൊണ്ട് കേരളത്തിൽ ഛാത്രോം കി ഗൂഞ്ച് നടത്തുനില്ല. വളർമതിയോട് രാഹുലും പ്രിയങ്കയും മാപ്പു പറയണം. അധികാരത്തിൽ വരും മുൻപ് സമരക്കാരെ മുഖ്യമന്ത്രി വി ഡി സതീശൻ പിന്തുണച്ചിരുന്നുവെന്നും ജി വി എൽ നരസിംഹ റാവു പറഞ്ഞു. സംസ്ഥാന സർക്കാരിന്‍റെ ഭാഗത്തുനിന്നും കടുത്ത അവഗണന മാത്രമാണ് ഉണ്ടാകുന്നതെന്നാരോപിച്ചാണ് സമര സമിതി നേതാവ് വളർമതി ഇന്നലെ തല മുണ്ഡനം ചെയ്ത് പ്രതിഷേധിച്ചത്.

തങ്ങൾക്ക് ജോലി നൽകുന്നത് വലിയ സാമ്പത്തിക ബാധ്യത വരുത്തിവെക്കുമെന്ന് പറഞ്ഞ് സർക്കാർ ഒഴിയുകയാണെന്നും വളർമതി ആരോപിച്ചു. പ്രതിപക്ഷ നേതാവായിരുന്നപ്പോൾ ഉദ്യോഗാർത്ഥികളുടെ പ്രശ്നങ്ങളിൽ വാചാലനായിരുന്ന ഇന്നത്തെ മുഖ്യമന്ത്രി, പദവിയിലെത്തിയപ്പോൾ തങ്ങളെ പൂർണ്ണമായും അവഗണണിക്കുകയാണെന്നും അവർ ആരോപിച്ചു.

പ്രശ്നപരിഹാരത്തിന് 45 ദിവസം സാവകാശം ചോദിച്ചത് സമരം ഒതുക്കി തീർക്കാനുള്ള വിദ്യാഭ്യാസ മന്ത്രിയുടെ തന്ത്രമാണെന്നും ഇതിനുപിന്നിൽ മുഖ്യമന്ത്രി ഉൾപ്പെടെയുള്ളവർക്ക് കോഴ ലഭിക്കുന്നുണ്ടാകാമെന്നും വളർമതി ആരോപിച്ചു. പഠിച്ച് നേടിയെടുത്ത യോഗ്യത കൊണ്ട് ജോലി ലഭിച്ചേ തീരൂ എന്ന നിലപാടിൽ ഉറച്ച് നിൽക്കുന്നു. മുഖ്യമന്ത്രിയെ വീണ്ടും കാണാൻ ശ്രമിക്കുമെന്നും മാന്യമായ നീതി ലഭിച്ചില്ലെങ്കിൽ മരണം വരെ നിരാഹാര സമരത്തിലേക്ക് കടക്കുമെന്നും ഉദ്യോഗാർത്ഥികൾ വ്യക്തമാക്കി.

ഇന്ത്യ വിടണമെന്ന നോട്ടീസ്: നടൻ ഇമ്രാൻ ഖാന് താൽക്കാലിക ആശ്വാസം, നവംബർ 2ന് ഹർജി പരിഗണിക്കുന്നതു വരെ നടപടിയില്ല

Sithara Sreelayam — Tue, 27 Oct 2026 16:24:40 +0530

മുംബൈ: ഇന്ത്യ വിട്ടുപോകാൻ ആവശ്യപ്പെട്ട് നൽകിയ നോട്ടീസിനെതിരെയുള്ള നിയമ പോരാട്ടത്തിൽ നടൻ ഇമ്രാൻ ഖാന് താൽക്കാലിക ആശ്വാസം. ഒക്ടോബർ 28-നകം രാജ്യം വിടണമെന്ന നോട്ടീസിനെതിരെ ഇമ്രാൻ ഖാൻ നൽകിയ ഹർജിയിൽ മറുപടി നൽകാൻ കൂടുതൽ സമയം വേണമെന്ന് കേന്ദ്ര സർക്കാർ ആവശ്യപ്പെട്ടതിനെ തുടർന്ന് ബോംബെ ഹൈക്കോടതി വാദം കേൾക്കുന്നത് നവംബർ 2 ലേക്ക് മാറ്റി. ഹർജി പരിഗണിക്കുന്നത് വരെ നടനെതിരെ കടുത്ത നടപടികളൊന്നും സ്വീകരിക്കില്ലെന്ന് സർക്കാർ കോടതിയിൽ ഉറപ്പുനൽകി.

ഇമ്രാന് രാജ്യം വിടാൻ ഫോറിനേഴ്സ് റീജിയണൽ രജിസ്ട്രേഷൻ ഓഫീസ് (FRRO) നൽകിയ കാലാവധി അവസാനിക്കാൻ ഒരു ദിവസം ബാക്കിനിൽക്കെയാണ് ഈ നടപടി. യുഎസ് പൗരനും ഓവർസീസ് സിറ്റിസൺ ഓഫ് ഇന്ത്യ കാർഡ് ഉടമയുമായ ഇമ്രാൻ ഖാൻ, തനിക്ക് നൽകിയ നോട്ടീസ് ഏകപക്ഷീയവും സ്വാഭാവിക നീതിക്ക് നിരക്കാത്തതുമാണെന്ന് ചൂണ്ടിക്കാട്ടിയാണ് കോടതിയെ സമീപിച്ചത്.

ചീഫ് ജസ്റ്റിസ് മഹേഷ് ചന്ദ്ര ത്രിപാഠി, ജസ്റ്റിസ് അദ്വൈത് സേത്ന എന്നിവരടങ്ങിയ ഡിവിഷൻ ബെഞ്ചാണ് കേസ് പരിഗണിച്ചത്. കേന്ദ്രസർക്കാരിന് വേണ്ടി സോളിസിറ്റർ ജനറൽ തുഷാർ മേത്ത ഹാജരാകുമെന്ന് രാവിലെ ബെഞ്ചിനെ അറിയിച്ചിരുന്നു. ഇമ്രാന് വേണ്ടി മുതിർന്ന അഭിഭാഷകൻ വെങ്കിടേഷ് ധോണ്ട് ഹാജരായി. എന്നാൽ കൂടുതൽ സമയം വേണമെന്ന് അഡിഷണൽ സോളിസിറ്റർ ജനറൽ ആവശ്യപ്പെട്ടു. തുടർന്ന് കോടതി കേസ് നവംബർ 2 ഉച്ചയ്ക്ക് 3 മണിയിലേക്ക് മാറ്റിവെക്കുകയും ഹർജിയിലുള്ള ഉത്തരവ് അടുത്ത വാദം കേൾക്കുന്നത് വരെ താൽക്കാലികമായി നിർത്തിവെക്കുകയും ചെയ്തു. അടുത്ത തവണ കേസ് പരിഗണിക്കുന്നത് വരെ ഇമ്രാനെതിരെ മറ്റ് നടപടികളൊന്നും ഉണ്ടാകില്ല.

നടപടി ഗ്യാനേഷ് കുമാറിനെതിരായ പ്രതിഷേധത്തിൽ പങ്കെടുത്തതിന്

ഒക്ടോബർ 10-ന് മുംബൈയിലെ ഓഗസ്റ്റ് ക്രാന്തി മൈതാനിയിൽ നടന്ന പ്രതിഷേധത്തിൽ പങ്കെടുത്തതോടെയാണ് ഇമ്രാൻ ഖാനെ മുംബൈ പൊലീസ് കസ്റ്റഡിയിൽ എടുത്തത്. മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജിയാവശ്യപ്പെട്ട് നടന്ന പ്രതിഷേധത്തിനിടെയാണ് ഇമ്രാനെ കസ്റ്റഡിയിലെടുത്തത്. അദ്ദേഹത്തിന്‍റെ പങ്കാളി ലേഖ വാഷിംഗ്ടൺ, കസിൻ സൈൻ മേരി ഖാൻ എന്നിവരെയും കസ്റ്റഡിയിലെടുത്തു. തുടർന്ന് ഒക്ടോബർ 14-ന്, ഫോറിനേഴ്സ് റീജിയണൽ രജിസ്ട്രേഷൻ ഓഫീസ് ഇമ്രാനോട് രാജ്യം വിടാൻ ആവശ്യപ്പെട്ടു. ഒക്ടോബർ 28-നകം ഇന്ത്യ വിടണം എന്നാണ് നോട്ടീസിലുണ്ടായിരുന്നത്. ഇമിഗ്രേഷൻ ആൻഡ് ഫോറിനേഴ്സ് ആക്ട് 2025 ലെ 7(2)(സി), 29 എന്നീ വകുപ്പുകൾ പ്രകാരമാണ് ഈ നോട്ടീസ് നൽകിയത്. കാരണം കാണിക്കൽ നോട്ടീസ് നൽകുകയോ തന്നെ കേൾക്കുകയോ ചെയ്യാതെയാണ് നോട്ടീസ് അയച്ചിരിക്കുന്നതെന്നും ഇത് ഭരണഘടനയുടെ 14, 21 എന്നീ അനുച്ഛേദങ്ങളുടെ ലംഘനമാണെന്നും ചൂണ്ടിക്കാട്ടിയാണ് ഇമ്രാൻ ഖാൻ കോടതിയെ സമീപിച്ചത്.

ട്രംപിനെതിരെ ഗുരുതരമായ ലൈംഗികാരോപണവുമായി മുൻ മിസ് സ്വിറ്റ്‌സർലൻഡ്; ഹൗസ് ഡെമോക്രാറ്റുകളുടെ പുതിയ റിപ്പോർട്ട് പുറത്ത്

Bibin Babu — Tue, 27 Oct 2026 16:06:47 +0530

വാഷിംഗ്ടൺ: യുഎസ് പ്രസിഡന്‍റ് ഡോണൾഡ് ട്രംപിനെതിരെ ഗുരുതര ആരോപണവുമായി മുൻ മിസ് സ്വിറ്റ്‌സർലൻഡ് ആയ ബിയാട്രിസ് കിയൂൽ രംഗത്ത്. 1993 നവംബറിൽ അറ്റ്‌ലാന്‍റിക് സിറ്റിയിലെ പ്ലാസ ഹോട്ടലിൽ വെച്ച് ട്രംപ് തന്നെ ക്രൂരമായ പീഡനത്തിനിരയാക്കിയതായി അവർ പുതിയ റിപ്പോർട്ടിൽ വെളിപ്പെടുത്തി. യുഎസ് ഹൗസ് ജുഡീഷ്യറി കമ്മിറ്റിയിലെ ഡെമോക്രാറ്റുകൾ പുറത്തിറക്കിയ 53 പേജുള്ള പുതിയ റിപ്പോർട്ടിലാണ് ജെഫ്രി എപ്‌സ്റ്റീനുമായുള്ള ട്രംപിന്‍റെ ബന്ധത്തെക്കുറിച്ചുള്ള വെളിപ്പെടുത്തലുകൾക്കൊപ്പം ഈ വിവരങ്ങളും ഉൾപ്പെടുത്തിയിരിക്കുന്നത്.

കോൺഗ്രസ് നിയന്ത്രണത്തിനായി നടക്കാനിരിക്കുന്ന തെരഞ്ഞെടുപ്പിന് തൊട്ടുമുമ്പുള്ള ആഴ്ചയിലാണ് ഈ റിപ്പോർട്ട് പുറത്തുവന്നിരിക്കുന്നത്. ട്രംപിന്‍റെ മുൻകാല പെരുമാറ്റദൂഷ്യങ്ങളെയും ജെഫ്രി എപ്‌സ്റ്റീന്‍റെ ശൃംഖലയുമായുള്ള ബന്ധത്തെയും കുറിച്ച് അന്വേഷണം നടത്തുന്ന ഡെമോക്രാറ്റുകൾ, കുറ്റകൃത്യങ്ങൾ മൂടിവെക്കാൻ നീതിന്യായ വകുപ്പ് ശ്രമിക്കുന്നതായി ആരോപിച്ചു.

അറ്റോർണി ജനറൽ ടോഡ് ബ്ലാൻഞ്ച് സ്വതന്ത്ര സ്പെഷ്യൽ കൗൺസിലിനെ നിയമിക്കണമെന്നും ഹൗസ് ഡെമോക്രാറ്റുകൾ ആവശ്യപ്പെട്ടു. എന്നാൽ ഈ ആരോപണങ്ങളെല്ലാം വൈറ്റ് ഹൗസ് നിഷേധിച്ചു. പ്രസിഡന്‍റ് ട്രംപിന്‍റെ രാഷ്ട്രീയ നേട്ടങ്ങളെയും ജനപ്രീതിയെയും വഴിതിരിച്ചുവിടാനുള്ള ഡെമോക്രാറ്റുകളുടെ നിരാശാജനകമായ ശ്രമം മാത്രമാണിതെന്ന് വൈറ്റ് ഹൗസ് വക്താവ് ലോറ ബിസ് പ്രതികരിച്ചു.

ആരോഗ്യപ്രവർത്തകർ വീടുകളിലെത്തും, രോഗങ്ങൾ കണ്ടുപിടിക്കാൻ പരിശോധനകൾ; പദ്ധതി പ്രഖ്യാപിച്ച് ആരോഗ്യ മന്ത്രി കെ മുരളീധരൻ

Bibin Babu — Tue, 27 Oct 2026 15:44:39 +0530

തിരുവനന്തപുരം: രോഗാവസ്ഥയുടെ അവസാനഘട്ടത്തിൽ മാത്രമല്ല, ദീർഘകാല രോഗങ്ങൾ കണ്ടെത്തുന്ന ഘട്ടം മുതൽ പാലിയേറ്റീവ് പരിചരണം നൽകാൻ സാധിക്കുന്ന സംവിധാനം വികസിപ്പിച്ചെടുക്കുകയാണ് ലക്ഷ്യമെന്ന് ആരോഗ്യമന്ത്രി കെ മുരളീധരൻ. സത്യൻ സ്മാരക ഹാളിൽ ലോക പാലിയേറ്റീവ് ദിനാചരണ സംസ്ഥാനതല ഉദ്ഘാടനത്തിന്റെ ഭാഗമായ രോഗീസംഗമം ഉദ്ഘാടനം ചെയ്യുകയായിരുന്നു മന്ത്രി.

ആരോഗ്യപ്രവർത്തകർ വീടുകളിലെത്തി രോഗങ്ങൾ കണ്ടുപിടിക്കുന്നതിനുള്ള പരിശോധനകൾ നടത്തുന്ന ഹൃദയരാഗം പദ്ധതി ഇടുക്കി, നിലമ്പൂർ, വട്ടിയൂർക്കാവ് നിയോജക മണ്ഡലങ്ങളിൽ പരീക്ഷണാടിസ്ഥാനത്തിൽ നടപ്പാക്കുകയാണ്. പദ്ധതി വിജയകരമായാൽ 140 നിയോജക മണ്ഡലങ്ങളിലേക്കും വ്യാപിപ്പിക്കും. പാലിയേറ്റീവ് പരിചരണത്തെ പദ്ധതിയുമായി ബന്ധിപ്പിക്കും. പാലിയേറ്റീവ് പരിചരണം ആവശ്യമുള്ള സംസ്ഥാനത്തെ മുഴുവൻ രോഗികളെയും കണ്ടെത്തുകയാണ് ലക്ഷ്യമെന്ന് മന്ത്രി കെ മുരളീധരൻ പറഞ്ഞു.

പാലിയേറ്റീവ് പരിചരണത്തിൽ രാജ്യത്തിന് തന്നെ മാതൃകയായ സംസ്ഥാനമാണ് കേരളം എന്നത് ഏറെ അഭിമാനകരമാണ്. ജനകീയ ആരോഗ്യ പ്രവർത്തനമായി പാലിയേറ്റീവ് പരിചരണത്തെ വികസിപ്പിക്കാൻ കഴിഞ്ഞുവെന്നതാണ് കേരളത്തിന്‍റെ നേട്ടം. ശാരീരിക വിഷമതകൾ കുറയ്ക്കുന്നതോടൊപ്പം രോഗിക്ക് മാനസിക, സാമൂഹിക പിന്തുണ കൂടി നൽകുന്നുവെന്ന് ഉറപ്പ് വരുത്താൻ നമുക്ക് കഴിയുന്നു. പാലിയേറ്റീവ് പരിചരണം കാരുണ്യപ്രവർത്തനം മാത്രമല്ല, അവകാശാധിഷ്ഠിതവും ജനകീയവുമായ പ്രവർത്തനമാണ്.

പ്രാഥമിക ആരോഗ്യസംവിധാനത്തെയും പാലിയേറ്റീവ് പരിചരണത്തെയും കൂടുതൽ ശക്തമായി ബന്ധിപ്പിക്കാൻ നമുക്ക് സാധിക്കണം. ചെറുപ്പക്കാർ കൂടുതലായി പാലിയേറ്റീവ് രംഗത്തേക്ക് കടന്നുവരുന്നുവെന്നത് സന്തോഷകരമാണ്. എസ്എസ്എൽസി പാസായവർക്ക് ആരോഗ്യസർവകലാശാലയിൽ പാലിയേറ്റീവ് പരിചരണത്തിൽ സർട്ടിഫിക്കറ്റ് കോഴ്‌സ് ഒരുക്കിയിട്ടുണ്ടെന്നും മന്ത്രി പറഞ്ഞു. വാർഡ് കൗൺസലർ ഷേർളി എസ് അധ്യക്ഷത വഹിച്ച ചടങ്ങിൽ രോഗികളും പാലിയേറ്റീവ് പ്രവർത്തകരും പങ്കെടുത്തു. ആരോഗ്യവകുപ്പ് അഡീഷണൽ ഡയറക്ടർ ഡോ. റീത്ത സന്നിഹിതയായിരുന്നു.

ഡിജിറ്റൽ ഡാറ്റാ നിയമം: മാധ്യമപ്രവർത്തനത്തിന് തിരിച്ചടിയാകുമെന്ന് ഹർജി; കേന്ദ്രത്തിന് നോട്ടീസയച്ച് സുപ്രീം കോടതി

Web Desk — Tue, 27 Oct 2026 15:42:58 +0530

ഡൽഹി: ഡിജിറ്റൽ വ്യക്തിവിവര സംരക്ഷണ നിയമത്തിനെതിരായ ഹർജിയിൽ കേന്ദ്ര സർക്കാരിനും കേന്ദ്ര വിവരസാങ്കേതിക മന്ത്രാലയത്തിനും സുപ്രീം കോടതി നോട്ടീസ് അയച്ചു. നിയമം ഉടനടി സ്റ്റേ ചെയ്യണമെന്ന ഹർജിക്കാരുടെ ആവശ്യം കോടതി തള്ളി. വിഷയത്തിൽ കേന്ദ്രസർക്കാരിൻ്റെ വാദം കൂടി കേട്ട ശേഷം മാത്രം തീരുമാനമെടുക്കാമെന്ന് സുപ്രീം കോടതി വ്യക്തമാക്കി.

മാധ്യമസ്ഥാപനങ്ങളാണ് നിയമത്തിലെ ചില വ്യവസ്ഥകൾ ചോദ്യം ചെയ്ത് സുപ്രീം കോടതിയെ സമീപിച്ചത്. നിയമത്തിൽ മാധ്യമങ്ങൾക്ക് ഇളവുകൾ നൽകാത്തത് രാജ്യത്തെ മാധ്യമസ്വാതന്ത്ര്യത്തെ സാരമായി ബാധിക്കുമെന്നും അന്വേഷണാത്മക മാധ്യമപ്രവർത്തനത്തിന് തടസമാകുമെന്നും ഹർജിക്കാർ ചൂണ്ടിക്കാട്ടി. വ്യക്തികളുടെ സ്വകാര്യ വിവരങ്ങൾ വാർത്തകളിലൂടെ പ്രസിദ്ധീകരിക്കാൻ മുൻകൂർ അനുമതി വാങ്ങണമെന്ന വ്യവസ്ഥ അഴിമതികളും തെളിവുകളും പുറത്തുകൊണ്ടുവരുന്നത് തടയും. വ്യക്തികൾക്ക് സമ്മതം ഏതുസമയത്തും പിൻവലിക്കാൻ നിയമം അനുവാദം നൽകുന്നത് മാധ്യമപ്രവർത്തനത്തെയും വാർത്തകളുടെ സുതാര്യതയെയും പ്രതികൂലമായി ബാധിക്കും. പുതിയ നിയമത്തിലെ വ്യവസ്ഥകൾ വാർത്തകളുടെ സ്രോതസ്സ് വെളിപ്പെടുത്തേണ്ട സാഹചര്യം സൃഷ്ടിക്കുമോ എന്ന ശക്തമായ ആശങ്കയും ഹർജിയിൽ ഉന്നയിച്ചിട്ടുണ്ട്.

ഇഡിക്കും മുൻ ഗവർണർക്കുമെതിരെ നിലപാടെടുത്ത് മന്ത്രി ഷിബു ബേബി ജോൺ; 'ഇഡി നീക്കം ദുരൂഹം, ഗവർണറുടെ നീക്കത്തോട് യോജിപ്പില്ല'

Web Desk — Tue, 27 Oct 2026 15:30:34 +0530

തിരുവനന്തപുരം: പിഎസ്‌സി ബോർഡിനെ പിരിച്ചുവിടാനുള്ള ഗവർണറുടെ കത്തിനെയും പിണറായി വിജയനെതിരായ ഇഡി കേസ് വിഷയത്തെയും മുൻനിർത്തി വിമർശനവുമായി ആർഎസ്പി നേതാവും മന്ത്രിയുമായ ഷിബു ബേബി ജോൺ. പിഎസ്സി അംഗങ്ങളെ കൂട്ടത്തോടെ പിരിച്ചുവിടാൻ ശുപാർശ ചെയ്ത ഗവർണറുടെ നിലപാടിനോട് ആർഎസ്പിക്ക് യോജിപ്പില്ലെന്ന് അദ്ദേഹം വ്യക്തമാക്കി. ഇഡി പറയുന്നത് കേട്ട് അതുപോലെ പ്രവർത്തിക്കാനല്ല യുഡിഎഫ് സർക്കാരിനെ ജനം തെരഞ്ഞെടുത്തിരിക്കുന്നതെന്ന് മാസപ്പടി വിവാദത്തിലും അദ്ദേഹം നിലപാടെടുത്തു.

ഭരണഘടനയുടെ ഏത് അധികാരം ഉപയോഗിച്ചാണ് ഗവർണർ പിഎസ്‌സി അംഗങ്ങളെ പിരിച്ചുവിടാൻ ശുപാർശ ചെയ്തതെന്ന് വ്യക്തമല്ല. ഭരണഘടനാ സ്ഥാപനങ്ങളെ ഇത്തരം നീക്കങ്ങളിലൂടെ തകർക്കുന്നത് അംഗീകരിക്കാനാവില്ല. ഗവർണറുടെ ഈ നിലപാടിനോട് യോജിക്കുന്നില്ലെന്നും അദ്ദേഹം പറഞ്ഞു.

മുൻ മുഖ്യമന്ത്രി പിണറായി വിജയനെതിരായ അന്വേഷണത്തിൽ കേന്ദ്ര ഏജൻസി (ഇഡി) നടത്തിയ അന്വേഷണം കേവലം പ്രഹസനം മാത്രമാണെന്ന് വനം മന്ത്രി ആരോപിച്ചു. മുൻപ് അന്വേഷണം വേഗത്തിലാക്കാതിരുന്ന ഇഡി, ഇപ്പോൾ നടത്തുന്ന ഇടപെടലുകൾക്ക് പിന്നിൽ വ്യക്തമായ രാഷ്ട്രീയമുണ്ട്. ഇത്രയും കാലം കേന്ദ്ര ഏജൻസികൾ എന്തുകൊണ്ട് അടങ്ങിയിരുന്നു എന്ന ചോദ്യം ഇപ്പോഴും ദുരൂഹമായി തുടരുകയാണ്. കഴിഞ്ഞ പിണറായി സർക്കാരിന്റെ കാലത്ത് ഈ വിഷയം കൃത്യമായി അന്വേഷിക്കാതിരുന്ന ഇഡി, ഇപ്പോൾ ഇത്തരമൊരു നീക്കവുമായി രംഗത്തെത്തിയത് ദുരൂഹമാണ്. ഇഡി പറയുന്നത് കേട്ട് അതുപോലെ പ്രവർത്തിക്കാനല്ല ജനങ്ങൾ യുഡിഎഫ് സർക്കാരിനെ തെരഞ്ഞെടുത്തത്. ഏജൻസികളുടെ രാഷ്ട്രീയ കളികൾക്ക് അനുസരിച്ചല്ല, ഭരണഘടനാ തത്ത്വങ്ങളും ജനങ്ങളുടെ വികാരവും ഉൾക്കൊണ്ടാണ് പുതിയ സർക്കാർ മുന്നോട്ട് പോകേണ്ടതെന്നും അദ്ദേഹം മാധ്യമങ്ങളോട് പറഞ്ഞു.

ഷർട്ട് വാങ്ങി, കാറിലിരിക്കുന്ന ഭാര്യയെ കാണിക്കണമെന്ന് പറഞ്ഞ് പുറത്തേക്കിറങ്ങി മുങ്ങി; സിസിടിവി ദൃശ്യങ്ങൾ പങ്കുവെച്ച് കടയുടമ

Web Desk — Tue, 27 Oct 2026 10:05:32 +0530

കണ്ണൂർ: കണ്ണൂർ ആലക്കോട് തുണിക്കടയിൽ നിന്ന് ഷർട്ട് വാങ്ങി പണം കൊടുക്കാതെ യുവാവ് മുങ്ങി. പുറത്തെ കാറിലിരിക്കുന്ന ഭാര്യയെ ഷർട്ട് കാണിക്കാനെന്ന് പറഞ്ഞാണ് ഇയാൾ കടയിൽനിന്ന് ഇറങ്ങിയത്. സിസിടിവി ദൃശ്യങ്ങൾ പ്രചരിച്ചതോടെ യുവാവിന്‍റെ ബന്ധുക്കളെത്തി പണം നൽകി. ആലക്കോടുള്ള ഓർമ്മ ഫാബ്രിക്സിലാണ് സംഭവം നടന്നത്. യുവാവ് ഗിഫ്റ്റ് കൊടുക്കാനായി രണ്ട് ഷർട്ടുകൾ വേണമെന്ന് ആവശ്യപ്പെട്ട് കടയിലേക്ക് എത്തുകയായിരുന്നു. ഷർട്ടുകൾ എടുത്ത ശേഷം ഭാര്യ തൊട്ടപ്പുറത്തായി കാറിൽ ഇരിക്കുന്നുണ്ടെന്നും ഭാര്യയെ കാണിച്ച ശേഷം തിരിച്ചുവരാം എന്നും ഉടമയോട് പറഞ്ഞ് കടയില്‍ നിന്ന് ഇറങ്ങുകയായിരുന്നു.

ഷർട്ട് കവറിൽ ഇട്ടു തരണമെന്നും ഇയാൾ ആവശ്യപ്പെട്ടു. കവറിൽ ഇട്ടു കൊടുത്ത ഉടൻ തന്നെ യുവാവ് അവിടെ നിന്നും കടന്നു കളയുകയായിരുന്നു, ഏറെ സമയം നോക്കിയിട്ടും ഇയാൾ തിരിച്ചുവന്നില്ല. തുടർന്ന് സിസിടിവി ദൃശ്യങ്ങൾ ആലക്കോട് ഉള്ള വാട്സ്ആപ്പ് ഗ്രൂപ്പുകളിൽ കടയുടമ ഷെയർ ചെയ്തു. വീഡിയോ കണ്ട ഒരാൾ ഇയാളെ തിരിച്ചറിഞ്ഞു. പിന്നാലെ കടയുടമ ഇയാളുടെ വീട്ടിലേക്ക് പോകുകയായിരുന്നു.

തടവുകാർ കൂട്ടത്തോടെ ജയിൽ ചാടിയ സംഭവം; തെക്കംപട്ടി സബ് ജയിലിലെ 9 ജീവനക്കാർക്ക് സസ്പെൻഷൻ, തിരച്ചിൽ ഊർജ്ജിതം

Web Desk — Tue, 27 Oct 2026 14:42:33 +0530

തേനി: തമിഴ്നാട്ടിലെ തേനി ആണ്ടിപ്പട്ടിക്ക് സമീപമുള്ള തെക്കംപട്ടി സബ് ജയിലിൽ നിന്ന് വിചാരണ തടവുകാർ കൂട്ടത്തോടെ രക്ഷപ്പെട്ട സംഭവത്തിൽ കടുത്ത നടപടിയുമായി ജയിൽ വകുപ്പ്. ചുമതലയിൽ വീഴ്ച വരുത്തിയതിന് 2 ഹെഡ് കോൺസ്റ്റബിൾമാർ, 7 ജയിൽ വാർഡൻമാർ (ഗ്രേഡ് II ഗാർഡുമാർ) എന്നിവരുൾപ്പെടെ 9 ഉദ്യോഗസ്ഥരെ സർവീസിൽ നിന്ന് സസ്പെൻഡ് ചെയ്തു. സെല്ലിലുണ്ടായിരുന്ന തടവുകാരിൽ ഒരാൾക്ക് അപസ്മാരവും ദേഹാസ്വാസ്ഥ്യവും അഭിനയിച്ചതിനെ തുടർന്ന് സഹായത്തിനായി ഉള്ളിലേക്ക് കയറിയ ജയിൽ ജീവനക്കാരെ തടവുകാർ ആക്രമിക്കുകയായിരുന്നു. തടവുകാരുടെ പെട്ടെന്നുള്ള ആക്രമണത്തിൽ ഡ്യൂട്ടിയിലുണ്ടായിരുന്ന ജയിൽ ഉദ്യോഗസ്ഥൻ തങ്കപാണ്ഡിക്കും മറ്റ് രണ്ട് ജീവനക്കാർക്കും പരുക്കേറ്റു. തങ്കപാണ്ഡിക്ക് തലയ്ക്കാണ് പരുക്കേറ്റത്.

ഉദ്യോഗസ്ഥരെ മർദ്ദിച്ചവശരാക്കിയ ശേഷം 17 ഓളം വരുന്ന വിചാരണ തടവുകാരുടെ സംഘം ജയിൽ വളപ്പിൽ നിന്ന് ചാടിപ്പോവുകയായിരുന്നു. രക്ഷപ്പെട്ട തടവുകാരെ കണ്ടെത്താൻ പ്രത്യേക അന്വേഷണ സംഘ രൂപീകരിച്ച് വ്യാപകമായ തെരച്ചിൽ ആരംഭിച്ചു. ഇതിനോടകം ഏതാനും തടവുകാരെ പോലീസ് വീണ്ടും കസ്റ്റഡിയിലെടുത്തിട്ടുണ്ട്. തേനി കേരള അതിർത്തിയോട് ചേർന്നുള്ള ജില്ലയായതിനാൽ ഇടുക്കി, പാലക്കാട്, പത്തനംതിട്ട അതിർത്തികളിൽ തമിഴ്നാട്-കേരള പോലീസുകൾ വാഹന പരിശോധനയും തിരച്ചിലും കർശനമാക്കിയിട്ടുണ്ട്.

ആൻ്റോ അഗസ്റ്റിനെതിരായ അബ്കാരി കേസ്; ഭാര്യാ മാതാവിൻ്റെ മൊഴി രേഖപ്പെടുത്തി പ്രത്യേക അന്വേഷണ സംഘം

Faseela Moidu — Tue, 27 Oct 2026 14:39:27 +0530

കൽപ്പറ്റ: അബ്കാരി കേസിൽ ആന്‍റോ അഗസ്റ്റിന്റെ ഭാര്യാ മാതാവ് ലില്ലി ജോസിന്‍റെ മൊഴി രേഖപ്പെടുത്തി. സുൽത്താൻ ബത്തേരി കോളിയാടിയിലെ വീട്ടിലെത്തിയാണ് എക്സൈസിൻ്റെ പ്രത്യേക അന്വേഷണ സംഘം ലില്ലി ജോസിൻ്റെ മൊഴി എടുത്തത്. അനധികൃത മദ്യശേഖരം കണ്ടെത്തിയ വീട് ലില്ലിയുടെ പേരിൽ ആണെന്നായിരുന്നു ആന്റോയുടെ വാദം. നേരത്തെ, കേസിൽ ഭാര്യ മാതാവിൻ്റെ മുൻ‌കൂർ ജാമ്യാപേക്ഷ കോടതി തീർപ്പാക്കിയിരുന്നു. കല്പറ്റ ജില്ലാ സെഷൻസ് കോടതിയാണ് മുൻ‌കൂർ ജാമ്യാപേക്ഷ തീർപ്പാക്കിയത്. കേസിൽ ലില്ലി പ്രതിയല്ലാത്തതിനാലാണ് മുൻ‌കൂർ ജാമ്യാപേക്ഷ തള്ളിയത്. പ്രതി ചേർക്കുകയാണെങ്കിൽ ലില്ലിക്ക് നോട്ടീസ് നൽകിയ ശേഷമേ അറസ്റ്റ് നടപടിയിലേക്ക് കടക്കാവൂ എന്നും കോടതി പറഞ്ഞിരുന്നു. അളവിൽ കവിഞ്ഞ മദ്യശേഖരം പിടിച്ചെടുത്ത വീട് ഭാര്യ മാതാവ് ലില്ലിയുടെ പേരിൽ ആണെന്നായിരുന്നു ആന്റോ ആഗസ്റ്റിന്റെ മൊഴി. തുടർന്ന് ലില്ലിയുടെ മൊഴി എടുക്കാൻ എക്സൈസ് നീക്കം തുടങ്ങിയതിനു പിന്നാലെയായിരുന്നു മുൻ‌കൂർ ജാമ്യം തേടി ലില്ലി കോടതിയെ സമീപിച്ചത്.

നിരോധനം മറികടക്കാൻ ഗ്രേ-സോൺ സ്ട്രാറ്റജി, ഇന്ത്യൻ ഉത്പന്നങ്ങൾ പാകിസ്ഥാനിലേക്ക് ഒഴുകുന്നു, വിലക്കിന് പുല്ലുവില

Sangeetha KS — Tue, 27 Oct 2026 14:14:47 +0530

2025 ലെ പഹൽഗാം ഭീകരാക്രമണത്തെ തുടർന്ന് ഇന്ത്യയും പാകിസ്ഥാനും തമ്മിലുള്ള നേരിട്ടുള്ള ഉഭയകക്ഷി വ്യാപാരം പൂർണമായി നിർത്തിവച്ചിരിക്കുകയാണെങ്കിലും, പാകിസ്ഥാനിൽ ഇന്ത്യൻ ഉൽപ്പന്നങ്ങൾക്ക് ആവശ്യക്കാർ ഏറുന്നതായി റിപ്പോർട്ട്. 2026-27 സാമ്പത്തിക വർഷത്തിന്റെ ആദ്യ പാദത്തിൽ പാകിസ്ഥാൻ ഇന്ത്യയിൽ നിന്ന് 6.17 കോടി ഡോളറിന്റെ (ഏകദേശം 5,876 കോടി രൂപ) ഉൽപ്പന്നങ്ങൾ ഇറക്കുമതി ചെയ്തതായി സ്റ്റേറ്റ് ബാങ്ക് ഓഫ് പാകിസ്ഥാന്റെ കണക്കുകൾ. പാകിസ്ഥാൻ പത്രമായ ഡോണിലാണ് കണക്കുകൾ പുറത്തു വന്നിരിക്കുന്നത്. മുൻവർഷം ഇതേ കാലയളവിലെ 3.65 കോടി ഡോളറിനേക്കാൾ 69 ശതമാനത്തിന്റെ കൂറ്റൻ വർധനവാണിത്. അതേസമയം, ഇക്കാലയളവിൽ പാകിസ്ഥാനിൽ നിന്ന് ഇന്ത്യയിലേക്ക് എക്സ്പോർട്ട് ഒന്നും തന്നെ നടന്നിട്ടില്ലെന്നാണ് കണക്കുകൾ പറയുന്നത്.

A striking trade figure in the Pakistan’s new paper “Dawn”: Pakistan’s imports recorded from India rose 68.9% to $61.74 million in July–September 2026, while Pakistan recorded no exports to India.

This raises questions. If direct trade is suspended, what route are these goods taking—and how are their country of origin and source being recorded? Could some be reaching Pakistan through third countries? The figures alone do not establish that, but they deserve clarification.

They also point to continuing demand for Indian goods in Pakistan. If that demand is significant, shouldn’t Islamabad consider what it would take to restore normal relations—including credible action on terrorism and the alleged use of Pakistani soil by terrorist groups?

Here, pertinent to mention that at the @ndtv World Summit, External Affairs Minister S. Jaishankar said India wants normal relations with its neighbours, including Pakistan, but not at the cost of terrorism.

Trade data can reveal an economic reality that politics often tries to keep out of view.

Pakistan’s 2025 trade restrictions covered specified Indian-origin goods and third-country transit routes.

— Ravinder Singh Robin (@rsrobin1) October 27, 2026

വ്യാപാര നിരോധനം നിലനിൽക്കെ ഇന്ത്യൻ ഉൽപ്പന്നങ്ങൾ എങ്ങനെയാണ് പാകിസ്ഥാനിൽ എത്തുന്നത് എന്ന ചോദ്യമാണ് ഇപ്പോൾ ഉയർന്നുവരുന്നത്. യു.എ.ഇ, സിംഗപ്പൂർ, കൊളംബോ തുടങ്ങിയ രാജ്യങ്ങൾ വഴിയാണ് ഈ ഉൽപ്പന്നങ്ങൾ മറിച്ചു വിൽക്കുന്നതെന്ന് സാമ്പത്തിക- ഭൗമരാഷ്ട്രീയ വിദഗ്ധർ ചൂണ്ടിക്കാണിക്കുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പാകിസ്ഥാൻ പ്രധാനമായും ഇന്ത്യയിൽ നിന്ന് ഇറക്കുമതി ചെയ്യുന്നത് ജീവൻ രക്ഷാ മരുന്നുകളും മരുന്ന് നിർമ്മാണത്തിനുള്ള അസംസ്‌കൃത വസ്തുക്കളുമാണ്. ഇതിനുപുറമെ പ്ലാസ്റ്റിക്, പെട്രോളിയം ഉൽപ്പന്നങ്ങൾ, റബ്ബർ, ചായപ്പൊടി, കാപ്പി, പച്ചക്കറികൾ, സുഗന്ധവ്യഞ്ജനങ്ങൾ, ധാന്യങ്ങൾ എന്നിവയും മൂന്നാം രാജ്യങ്ങൾ വഴി പാകിസ്ഥാനിലേക്ക് എത്തുന്നുണ്ട്.

കഴിഞ്ഞ വർഷം പഹൽഗാമിൽ 25 വിനോദസഞ്ചാരികളെ ഭീകരർ വധിച്ച സംഭവത്തെ തുടർന്ന്, വാഗ- അട്ടാരി അതിർത്തി പൂർണമായും അടച്ചുകൊണ്ടാണ് ഇന്ത്യ കടുത്ത നിലപാട് സ്വീകരിച്ചത്. ഭീകരവാദവും വ്യാപാരവും ഒരുമിച്ച് മുന്നോട്ടുപോകില്ല എന്ന നിലപാടിൽ ഇന്ത്യ ഉറച്ചുനിൽക്കുകയും ഇരുരാജ്യങ്ങളും തമ്മിലുള്ള ഉഭയകക്ഷി വ്യാപാരം കൂപ്പുകുത്തുകയും ചെയ്തു. തുടർന്ന് പാകിസ്ഥാനും നിരോധനം പ്രഖ്യാപിച്ചെങ്കിലും, ആഭ്യന്തര വിപണിയിലെ കടുത്ത ക്ഷാമവും ആവശ്യകതയും കാരണം ഇന്ത്യൻ വസ്തുക്കളുടെ ഒഴുക്ക് തടയാൻ അവർക്കായിട്ടില്ല.

ഗ്രേ-സോൺ സ്ട്രാറ്റജി

നേരിട്ടുള്ള വ്യാപാരം സാധ്യമല്ലാത്തതിനാൽ മറ്റ് രാജ്യങ്ങളിലെ ട്രാൻസിറ്റ് ഹബ്ബുകൾ വഴി രേഖകൾ തിരുത്തി ഉൽപ്പന്നങ്ങൾ പാകിസ്ഥാനിൽ എത്തിക്കുന്ന തന്ത്രമാണിത്. ഗ്ലോബൽ ട്രേഡ് റിസേർച്ച് ഇനീഷ്യേറ്റീവിന്റെ (GTRI) കണക്കുകൂട്ടൽ പ്രകാരം, അനൗദ്യോഗികമായി പ്രതിവർഷം 10 ബില്യൺ ഡോളറിന്റെ ഇന്ത്യൻ ഉൽപ്പന്നങ്ങൾ ഇത്തരത്തിൽ പാകിസ്ഥാനിൽ എത്തുന്നുണ്ട്.

റിപ്പോർട്ടുകൾ പറയുന്നത് ഇങ്ങനെ...

രേഖകൾ മാറ്റൽ: ഇന്ത്യയിൽ നിന്ന് പുറപ്പെടുന്ന ചരക്കുകൾ ആദ്യം ദുബായ്, സിംഗപ്പൂർ അല്ലെങ്കിൽ കൊളംബോ എന്നിവിടങ്ങളിലെ ബോണ്ടഡ് വെയർഹൗസുകളിൽ സൂക്ഷിക്കുന്നു.

കൺട്രി ഓഫ് ഒറിജിൻ തിരുത്തും: വെയർഹൗസുകളിൽ വച്ച് ഉൽപ്പന്നങ്ങളുടെ ഉറവിടം (Country of Origin) ഇന്ത്യ എന്നതിന് പകരം യു.എ.ഇ എന്നോ സിംഗപ്പൂർ എന്നോ മാറ്റി പുതിയ രേഖകൾ നിർമ്മിക്കുന്നു.

റീ- എക്സ്പോർട്ട്: തുടർന്ന് പുതിയ കമ്പനിയുടെയും രാജ്യത്തിന്റെയും പേരിൽ ഈ സാധനങ്ങൾ പാകിസ്ഥാനിലേക്ക് കപ്പൽ മാർഗം കയറ്റി അയക്കുന്നു.

2019 ലെ പുൽവാമ ഭീകരാക്രമണത്തിന് പിന്നാലെ ഇന്ത്യ പാകിസ്ഥാന് നൽകിയിരുന്ന 'മോസ്റ്റ് ഫേവേർഡ് നേഷൻ' (MFN) പദവി റദ്ദാക്കിയിരുന്നു. ഇതോടെ 2018-ൽ 2.41 ശതകോടി ഡോളറായിരുന്ന ഉഭയകക്ഷി വ്യാപാരം 2024 ആയപ്പോഴേക്കും 1.2 ബില്യൺ ഡോളറായി കുറഞ്ഞു. പാകിസ്ഥാനെതിരെ ഇന്ത്യയുടെ ഉറച്ച നിലപാട് തുടരുമ്പോഴും, ഇന്ത്യൻ ഉൽപ്പന്നങ്ങളെ ആശ്രയിക്കാതെ പാകിസ്ഥാന് മുന്നോട്ടുപോകാനാകില്ലെന്ന സത്യമാണ് പുതിയ കണക്കുകൾ വെളിപ്പെടുത്തുന്നത്.

'മുട്ടയുടെ കൂടെ ചെമ്പരത്തിമൊട്ടില്ലാതെ ഞാൻ കഴിക്കില്ല'; സൗന്ദര്യചികിത്സാ ആരോപണങ്ങളിൽ പരിഹാസ വീഡിയോയുമായി ശോഭന ജോർജ്

അഫീഫ്. എം — Tue, 27 Oct 2026 14:21:36 +0530

തിരുവനന്തപുരം: ഔഷധി ചെയർപേഴ്സണായിരിക്കെ സൗന്ദര്യചികിത്സ നടത്തിയെന്ന ആരോപണങ്ങളിൽ പരിഹാസ വീഡിയോയുമായി ശോഭന ജോർജ്. ചൊവ്വാഴ്ച സാമൂഹികമാധ്യമങ്ങളിലാണ് ശോഭന ജോർജ് വീഡിയോ പോസ്റ്റ്ചെയ്തത്.

മറ്റൊരു സ്ത്രീയ്ക്കൊപ്പം ഭക്ഷണം കഴിക്കുന്നതിനിടെ ഇവർ ശോഭന ജോർജിനോട് മാഡം എന്താണ് കഴിക്കുന്നതെന്നും മാഡം മുട്ടയാണ് കഴിക്കുന്നതെന്ന് താൻ വിചാരിച്ചെന്നും പറയുന്നതാണ് വീഡിയോയുടെ ആദ്യഭാഗത്തിലുള്ളത്. പൂരിയും സബ്ജിയുമാണ് കഴിക്കുന്നതെന്ന് മറുപടി നൽകുന്ന ശോഭന ജോർജ്, 300 മുട്ട കഴിച്ചുകഴിഞ്ഞില്ലേ എന്ന് പറയുന്നതും മുട്ടയുടെ കൂടെ ചെമ്പരത്തി മൊട്ടില്ലാതെ താൻ കഴിക്കില്ലെന്ന് പറയുന്നതും വീഡിയോയിലുണ്ട്. തുടർന്ന് ഒരു ഓംലറ്റ് കഴിക്കുന്നതുകൊണ്ട് ബുദ്ധിമുട്ടൊന്നും ഇല്ലല്ലോ എന്ന് ചോദിച്ചുകൊണ്ടാണ് ശോഭന ജോർജിന്റെ വീഡിയോ അവസാനിക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

എൽഡിഎഫ് സർക്കാരിന്റെ കാലത്ത് ഔഷധി ചെയർപേഴ്സണായിരിക്കെ ശോഭന ജോർജ് ഔഷധിയുടെ ചെലവിൽ സൗന്ദര്യചികിത്സ നടത്തിയെന്നായിരുന്നു ആരോപണം. കഴിഞ്ഞദിവസം വി പി സജീന്ദ്രൻ എംഎൽഎ ഇക്കാര്യം നിയമസഭയിൽ ഉന്നയിക്കുകയുംചെയ്തു. മുൻ ഔഷധി ചെയർപേഴ്സൺ 300 കോഴിമുട്ട പുഴുങ്ങിത്തിന്നതായും മൂന്നുകിലോ ചെമ്പരത്തിമൊട്ട് ചെവിയിൽ വെച്ച്, നെല്ലിക്കയ്ക്ക് പകരം നാരങ്ങാനീര് കൊണ്ട് തളംവെയ്ക്കുകയും ചെയ്താൽ സൗന്ദര്യം വർധിക്കുമെന്ന് കണ്ടുപിടിച്ചതായി വാർത്ത കണ്ടെന്നായിരുന്നു സജീന്ദ്രന്റെ പരാമർശം. ഈ കണ്ടുപിടിത്തതിന് പേറ്റന്റ് ലഭിച്ചിട്ടുണ്ടോ എന്നും ഈ കണ്ടുപിടിത്തം ഔഷധി അംഗീകരിച്ചിട്ടില്ലെങ്കിൽ മുൻ ചെയർമാന്റെ ചികിത്സാ ചെലവ് തിരിച്ചുപിടിക്കുമോ എന്നും എംഎൽഎ ചോദിച്ചിരുന്നു.

View this post on Instagram

A post shared by Sobhana George (@sobhana.george)

സൗന്ദര്യ ചികിത്സയ്ക്കല്ല ഔഷധി പ്രധാന്യം നൽകുന്നതെന്നായിരുന്നു ചോദ്യത്തിന് ആരോഗ്യമന്ത്രി കെ മുരളീധരന്റെ മറുപടി. ഔഷധിയിലെ ആരോപണങ്ങൾ അന്വേഷിക്കാൻ നിയമിച്ച സമിതിയുടെ റിപ്പോർട്ട് ലഭിച്ചിട്ടുണ്ട്. അതിൽ എംഎൽഎ സൂചിപ്പിച്ചപോലെ അംഗം ചികിത്സ നടത്തിയതായി രേഖയുണ്ട്. അതിൽ നടപടിയൊന്നും സ്വീകരിച്ചിട്ടില്ലെന്നും മന്ത്രി നിയമസഭയിൽ മറുപടി പറഞ്ഞിരുന്നു.

അതേസമയം, ഔഷധിയിലെ സൗന്ദര്യചികിത്സാ ആരോപണം ശോഭന ജോർജ് നിഷേധിച്ചു. ഔഷധിയിൽ താൻ ഒരു ചികിത്സയും നടത്തിയിട്ടില്ലെന്നും ഇതിന് രേഖയുണ്ടെങ്കിൽ പുറത്തുവിടണമെന്നും ശോഭന ജോർജ് ഏഷ്യാനെറ്റ് ന്യൂസിനോട് പ്രതികരിച്ചു. നിയമസഭയിൽ തനിക്കെതിരേ വ്യാജ ആരോപണം ഉന്നയിച്ചതിന് വി പി സജീന്ദ്രനെതിരേ സ്പീക്കർക്ക് പരാതി നൽകുമെന്നും ശോഭന ജോർജ് പറഞ്ഞു.

കർണാടക ഉപമുഖ്യമന്ത്രിയെ ആശുപത്രിയിൽ പ്രവേശിപ്പിച്ചു; ജി പരമേശ്വരയ്ക്ക് ഹൃദയാഘാതമെന്ന് സൂചന

Faseela Moidu — Tue, 27 Oct 2026 14:20:44 +0530

ബെംഗളൂരു: കർണാടക ഉപമുഖ്യമന്ത്രി ജി പരമേശ്വരയെ ആശുപത്രിയിൽ പ്രവേശിപ്പിച്ചു. ജി പരമേശ്വരയ്ക്ക് ഹൃദയാഘാതമെന്നാണ് സൂചന. ബാഡ്മിന്റൺ ടൂർണമെന്റ് ഉദ്ഘാടനത്തിന് എത്തിയപ്പോഴാണ് ജി പരമേശ്വരയ്ക്ക് അസ്വസ്ഥത അനുഭവപ്പെട്ടത്. ഒപ്പമുണ്ടായിരുന്ന എംഎൽസി ഗോവിന്ദരാജു ഉടൻ ആശുപത്രിയിലെത്തിക്കുകയായിരുന്നു. അതിനിടെ, കർണാടക മുഖ്യമന്ത്രി ഡികെ ശിവകുമാർ ആശുപത്രിയിലെത്തി പരമേശ്വരയുടെ വിവരങ്ങൾ ചോദിച്ചറിഞ്ഞു.

നീന്തൽ പരിശീലനത്തിനിടെ വിദ്യാർത്ഥിനിക്ക് നേരെ ലൈംഗികാതിക്രമം, പ്രതി അറസ്റ്റിൽ

Web Desk — Tue, 27 Oct 2026 14:19:54 +0530

തിരുവനന്തപുരം: വർക്കലയിൽ നീന്തൽ പരിശീലനത്തിനിടെ എട്ടാം ക്ലാസുകാരിക്ക് നേരെ ലൈംഗികാതിക്രമം നടത്തിയ പ്രതി അറസ്റ്റിൽ. തിരുവനന്തപുരം പുഞ്ചക്കരി സ്വദേശിയും നീന്തൽ പരിശീലകനുമായ ശരത് ചന്ദ്രനാണ് പോലീസിന്‍റെ പിടിയിലായത്. നീന്തൽ പരിശീലനത്തിനിടെ വെള്ളത്തിനടിയിൽവെച്ച് അധ്യാപകൻ ലൈംഗികാതിക്രമം നടത്തിയെന്നാണ് കുട്ടിയുടെ പരാതി. സംഭവത്തെ തുടർന്ന് സ്കൂൾ മാനേജ്മെന്‍റ് പരിശീലകനെ സ്കൂളിൽ നിന്നും പുറത്താക്കി.

കൗൺസിലിങ്ങിനിടെയാണ് കുട്ടി അതിക്രമത്തിന്‍റെ വിവരങ്ങൾ പുറത്തു പറയുന്നത്. സംഭവത്തിൽ സ്കൂൾ അധികൃതർക്ക് വീഴ്ച പറ്റിയതായി ആരോപണം. അധ്യാപകനെ പുറത്താക്കിയെങ്കിലും പീഡന വിവരം പോലീസിൽ അറിയിച്ചില്ല എന്നാണ് സ്കൂളിനെതിരെയുള്ള ആരോപണം.

കന്നഡ സംസാരിക്കുന്ന ഉദ്യോഗാർത്ഥികളെ തഴയുന്നു, ബെംഗളൂരുവിലെ ഐടി കമ്പനികൾക്ക് മുന്നറിയിപ്പുമായി ഡി.കെ.ശിവകുമാർ

Elsa TJ — Tue, 27 Oct 2026 14:16:40 +0530

ബെംഗളൂരു: ബെംഗളൂരുവിലെ ഐടി കമ്പനികൾ കന്നഡ സംസാരിക്കുന്ന ഉദ്യോഗാർത്ഥികളെ ബോധപൂർവ്വം മാറ്റിനിർത്തുന്നുവെന്ന ഗുരുതരമായ ആരോപണത്തിൽ കടുത്ത പ്രതിഷേധവുമായി കർണാടക. റെസ്യൂമേകളിൽ കന്നഡ മാതൃഭാഷയായി രേഖപ്പെടുത്തിയാൽ തഴയപ്പെടുന്നു എന്ന് സാമൂഹ്യ മാധ്യമങ്ങളിൽ കുറിപ്പും വീഡിയോയും വൈറലായതോടെയാണ് കടുത്ത നിലപാടുമായി സർക്കാർ രംഗത്തെത്തിയത്. കന്നഡികരെ തഴഞ്ഞാൽ സ്വകാര്യ കമ്പനികൾ ശക്തമായ നടപടി നേരിടേണ്ടി വരുമെന്ന് മുഖ്യമന്ത്രി ഡി.കെ.ശിവകുമാർ തന്നെ മുന്നറിയിപ്പ് നൽകി. കന്നഡിഗർ ജോലിക്കായി അപേക്ഷിച്ചാൽ 100ൽ മൂന്നോ നാലോ പേർക്ക് മാത്രമാണ് ജോലി ലഭിക്കുന്നത്.

ഐടി തൊഴിൽ ആഗ്രഹിക്കുന്നവരുടെ സ്വപ്ന ഭൂമിയാണ് ബെംഗളൂരു എന്ന ഇന്ത്യയുടെ സിലിക്കൺ വാലി. രാജ്യത്തിന്റെ ഈ സാങ്കേതിക തലസ്ഥാന നഗരിയിൽ കന്നഡികർ വിവേചനം നേരിടുന്നു എന്ന ആരോപണമാണ് വലിയ സോഷ്യൽ മീഡിയ ഡിബേറ്റിന് വഴിയൊരുക്കിയിരിക്കുന്നത്. റെസ്യൂമെയിൽ മാതൃഭാഷ കന്നഡയെന്ന് രേഖപ്പെടുത്തുന്നവരെ ചില ഐടി കമ്പനികൾ അഭിമുഖത്തിലേക്ക് പോലും പരിഗണിക്കുന്നില്ലെന്ന എക്സിലെ പോസ്റ്റാണ് വലിയ ചർച്ചകൾക്ക് തുടക്കമിട്ടിരിക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ബെംഗളൂരുവിലെ ഇസ്‌തെനോസ് ടെക്നോളജീസ് എന്ന സ്ഥാപനം ക്വാളിറ്റി അനലിസ്റ്റ് തസ്തികയിലേക്ക് തമിഴ്, തെലുങ്ക് ഭാഷാ പരിജ്ഞാനം നിർബന്ധമാക്കിയ പരസ്യം സാമൂഹിക മാധ്യമത്തിൽ പങ്കുവച്ച യുവതിയും ചർച്ചകൾക്ക് ആക്കം കൂട്ടി. സാമൂഹിക മാധ്യമങ്ങളിൽ പ്രതിഷേധം ശക്തമായതോടെ കന്നഡ അനുകൂല സംഘടനകളും പ്രവർത്തകരും വിഷയത്തിൽ ഇടപെടണമെന്ന് സർക്കാരിനോട് ആവശ്യപ്പെട്ടു. ഇതിന് പിന്നാലെയാണ് ഐടി കന്പനികൾക്ക് മുന്നറിയിപ്പുമായി മുഖ്യമന്ത്രി ഡി.കെ.ശിവകുമാർ തന്നെ രംഗത്തെത്തിയിരിക്കുന്നത്. കന്നഡികരുടെ അവകാശങ്ങളും അഭിമാനവും തൊഴിൽ അവസരങ്ങളും അവഗണിക്കാൻ അനുവദിക്കില്ലെന്നും ഏതെങ്കിലും സ്വകാര്യ സ്ഥാപനം മനഃപൂർവം കന്നഡികരെ മാറ്റിനിർത്തുന്നതായി കണ്ടെത്തിയാൽ ഉചിതമായ നടപടിയെടുക്കുമെന്നും മുഖ്യമന്ത്രി എക്സിൽ കുറിച്ചു.

ഈ വിവാദം നേരത്തെ ഉയർന്നപ്പോൾ 2024ൽ സ്വകാര്യ മേഖലയിലെ തൊഴിലുകളിൽ കന്നഡികർക്ക് സംവരണം ഉറപ്പാക്കാനുള്ള ബിൽ കർണാടക മന്ത്രിസഭ അംഗീകരിച്ചിരുന്നു. വ്യവസായ മേഖലയുടെ എതിർപ്പിനെത്തുടർന്നാണ് പിന്നീട് ഈ ബില്ലിൽ നിന്ന് പിന്നോട്ടുപോയത്. പുതിയ വിവാദങ്ങളുടെ പശ്ചാത്തലത്തിൽ ഈ ബില്ലുമായി സർക്കാർ മുന്നോട്ടുപോകണമെന്ന ആവശ്യം തീവ്ര കന്നഡ സംഘടനകൾ ഉയർത്തുമ്പോൾ ഒറ്റപ്പെട്ട സംഭവങ്ങളുടെ പേരിൽ ആകെ ആക്ഷേപിക്കപ്പെടുന്നതിൽ ഐടി മേഖലയും അസ്വസ്ഥമാണ്.

ഏഷ്യാനെറ്റ് ന്യൂസ് ലൈവ് കാണാം

'അർണബ്' അതിതീവ്ര ചുഴലിക്കാറ്റ്; അതീവ ജാഗ്രതയിൽ ആന്ധ്രാപ്രദേശും ഒഡിഷയും, എൺപത്തി ഒമ്പതിനായിരം പേരെ ഒഴിപ്പിച്ചു

Faseela Moidu — Tue, 27 Oct 2026 14:00:20 +0530

ബെംഗളൂരു: 'അർണബ്' അതിതീവ്ര ചുഴലിക്കാറ്റായി കരയിലേക്ക് നീങ്ങാൻ തുടങ്ങിയതോടെ അതീവ ജാഗ്രതയിൽ ആന്ധ്രാപ്രദേശും ഒഡിഷയും. കാറ്റ് ശക്തി പ്രാപിച്ച് തുടങ്ങിയതോടെ ആന്ധ്രാ തീരത്ത് കടൽ പ്രക്ഷുബ്ധമായി. ഒഡിഷയിൽ മഴ കനത്തു. ആന്ധ്രയിലെ കാക്കിനടയിൽ നിന്ന് എൺപത്തി ഒമ്പതിനായിരം പേരെ ഒഴിപ്പിച്ചു. കാറ്റ് നാളെ ഉച്ചയ്ക്ക് 12 മണിക്ക് മുന്നേ കര തൊടുമെന്നാണ് പ്രവചനം.

ആന്ധ്രാപ്രദേശിനെയും ഒഡിഷയെയും ഭീതിയിലാഴ്ത്തി 'അർണബ്' ചുഴലിക്കാറ്റ് തീരത്തേക്ക് അടുക്കുകയാണ്. നിലവിൽ ആന്ധ്രാതീരത്ത് നിന്ന് വെറും 300 കിലോമീറ്റർ മാത്രം അകലെയാണ് അർണബിന്റെ സ്ഥാനം. മണിക്കൂറിൽ 25 കിലോമീറ്റർ വേഗതയിലാണ് ഇത് നിലവിൽ തീരത്തേക്ക് നീങ്ങുന്നത്. നാളെ 12 മണിക്ക് മുന്നേ തൊടുമ്പോൾ കാറ്റിന് മണിക്കൂറിൽ 115 മുതൽ 125 കിലോമീറ്റ‌ർ വരെ വേഗത ഉണ്ടാകുമെന്നാണ് പ്രവചനം. കാറ്റ് തീരത്തോട് അടുക്കെ ആന്ധ്രയിൽ കടൽ പ്രക്ഷുബ്ധമായി. അതിശക്തമായ കാറ്റാണ് വിശാഖപട്ടണത്ത് വീശി അടിക്കുന്നത്.

ആന്ധ്രയിൽ യാനത്തിനും കാക്കിനടയ്ക്കും ഇടയിലുള്ള മേഖലയിലാകും അർണബ് കരയിൽ പ്രവേശിക്കുക. കരതൊട്ട് കഴി‌‌‌ഞ്ഞാൽ മണിക്കൂറിൽ 140 കിലോമീറ്റർ വരെ വേഗത കാറ്റ് കൈവരിച്ചേക്കാമെന്നാണ് മുന്നറിയിപ്പ്. ഇത് മുന്നിൽക്കണ്ട് വലിയ സുരക്ഷാ സന്നാഹങ്ങളൊരുക്കുകയാണ് ആന്ധ്രയും ഒഡിഷയും. കാക്കിനട തീരത്തുനിന്ന് മാത്രം 89,000 പേരെ ദുരിതാശ്വാസ ക്യാമ്പുകളിലേക്ക് മാറ്റി. ആന്ധ്രയിലെ ഹോപ് ഐലൻഡ് പൂർണമായും ഒഴിപ്പിച്ചു. 1400ൽ ഏറെ ദുരിതാശ്വാസ ക്യാമ്പുകൾ തയ്യാറാക്കിയിട്ടുണ്ട്. നാലായിരത്തിലേറെ ഗർഭിണികളെ സുരക്ഷിത താവളങ്ങളിലെത്തിച്ചു. കടലിൽ പോയ മീൻപിടിത്ത ബോട്ടുകളെല്ലാം സുരക്ഷിതമായി തീരത്ത് അടുപ്പിച്ചു. അയൽസംസ്ഥാനമായ ഒഡിഷയും കനത്ത ജാഗ്രതയിലാണ്. ഒഡിഷയിൽ പലയിടത്തും മഴ കനത്തു കഴിഞ്ഞു.

1970ന് ശേഷം 61 ചുഴലിക്കാറ്റുകളാണ് ആന്ധ്ര നേരിട്ടത്. ഇതിൽ 11എണ്ണം അതിതീവ്ര വിഭാഗത്തിൽപ്പെട്ടതായിരുന്നു. ആ അനുഭവസമ്പത്ത് വച്ചാണ് രാജ്യം കണ്ട ഏറ്റവും വലിയ പ്രതിരോധ നടപടികൾ സംസ്ഥാനം കൈക്കൊള്ളുന്നത്. ആന്ധ്രയിലും ഒഡിഷയിലും സ്കൂളുകൾക്ക് ഇതിനകം അവധി പ്രഖ്യാപിച്ചിട്ടുണ്ട്. മുൻകരുതലിന്റെ ഭാഗമായി 53 ട്രെയിനുകൾ റെയിൽവേ റദ്ദാക്കി. വിശാഖപട്ടണം, വിജയവാഡ എന്നിവിടങ്ങളിൽ നിന്നുള്ള വിമാന സർവീസുകളെ അർണബ് ബാധിച്ചേക്കാമെന്ന് എയർ ഇന്ത്യയും മുന്നറിയിപ്പ് നൽകിയിട്ടുണ്ട്.

കോടതിവിധി ലംഘിച്ച; വിനയശ്രീക്കെതിരെ കോടതിയലക്ഷ്യ ഹർജി നല്‍കാന്‍ രാജശ്രീ, കോപ്പിയടി ആരോപണത്തിന് പിന്നാലെ നീക്കം

Web Desk — Tue, 27 Oct 2026 13:50:45 +0530

കണ്ണൂർ: ആത്രേയകം നോവലിനെതിരായ കോപ്പിയടി പരാതിയില്‍ കോടതിയലക്ഷ്യ ഹർജി നല്‍കാന്‍ എഴുത്തുകാരി ആർ രാജശ്രീ. നോവല്‍ മോഷ്ടിച്ചതെന്ന് ആരോപിച്ച ആലപ്പുഴ സ്വദേശി വിനയശ്രീക്കെതിരെയാണ് കോടതിയലക്ഷ്യ ഹർജി നൽകുക. തലശേരി മുന്‍സിഫ് കോടതിയുടെ വിധി ലംഘിച്ചെന്ന് കാട്ടിയാണ് നീക്കം. സാമൂഹ്യമാധ്യമത്തിലൂടെ രാജശ്രീക്ക് എതിരായ അപകീര്‍ത്തി പോസ്റ്റുകള്‍ വിലക്കി കോടതി ഇടക്കാല ഉത്തരവിട്ടിരുന്നു. കേസ് നിലനില്‍ക്കുന്നിതനാൽ കൂടുതല്‍ പ്രതികരണത്തിനില്ലന്നും രാജശ്രീ വ്യക്തമാക്കി.

ആലപ്പുഴ സ്വദേശിനിയായ എഴുത്തുകാരി ഡോ. വിനയശ്രീയാണ് വയലാർ അവാർഡ് നിർണയ സമിതിക്ക് പരാതി നൽകിയത്. താൻ മുമ്പ് എഴുതിയ മൂന്നു പുസ്തകങ്ങളിലെ ആശയങ്ങൾ ചോർത്തിയാണ് ആത്രേയകം നോവൽ എഴുതിയത് എന്നാണ് വിനയശ്രീ ആരോപിക്കുന്നത്. തന്‍റെ പരാതി പരിശോധിച്ച ശേഷം മാത്രമേ അവാർഡ് നൽകാവൂ എന്നാണ് ആവശ്യം. എന്നാല്‍ വിനയശ്രീയുടെ ആരോപണം രാജശ്രീ നിഷേധിച്ചു. വിനയശ്രീ മുമ്പും ആരോപണം ഉന്നയിച്ചതാണെന്നും ഇതിനെതിരെ തലശ്ശേരി കോടതിയിൽ മാനനഷ്‌ടത്തിന് കേസ് കൊടുത്തിട്ടുണ്ട്. കൂടുതൽ പ്രതികരിക്കാനില്ലെന്നും രാജശ്രീ പ്രതികരിച്ചു.

10,000 കോടിയുടെ നഷ്ടം; നവംബർ ഒന്നിലെ റാലി മാറ്റണം, വീണ്ടും ആവശ്യവുമായി വ്യാപാരിസംഘടന; രാഹുൽഗാന്ധിക്കും ഖർഗെയ്ക്കും കത്തയച്ചു

അഫീഫ്. എം — Tue, 27 Oct 2026 13:10:34 +0530

ന്യൂഡൽഹി: നവംബർ ഒന്നിന് രാംലീല മൈതാനത്ത് നടത്താനിരിക്കുന്ന ഇന്ത്യാസഖ്യത്തിന്റെ മഹാറാലി മാറ്റണമെന്ന് വീണ്ടും ആവശ്യപ്പെട്ട് വ്യാപാരിസംഘടന. വ്യാപാരനഷ്ടവും ഗതാഗതക്കുരുക്കും കണക്കിലെടുത്ത് റാലി മാറ്റണമെന്ന് ആവശ്യപ്പെട്ട് ചേംബർ ഓഫ് ട്രേഡ് ആൻഡ് ഇൻഡസ്ട്രി(സിടിഐ) പ്രതിപക്ഷ നേതാവ് രാഹുൽ ഗാന്ധിക്ക് കത്ത് നൽകി. രാഹുൽ ഗാന്ധിക്ക് പുറമേ കോൺഗ്രസ് അധ്യക്ഷനും കത്ത് അയച്ചിട്ടുണ്ട്.

ഉത്സവസീസണായതിനാൽ നവംബർ ഒന്നിലെ റാലി നവംബർ പത്തിന് ശേഷമുള്ള തീയതിയിലേക്ക് മാറ്റിവെക്കണമെന്നാണ് വ്യാപാരിസംഘടനയുടെ അഭ്യർഥന. അല്ലെങ്കിൽ രാംലീല മൈതാനിക്ക് പകരം മറ്റേതെങ്കിലും വേദി കണ്ടെത്തി അവിടെ റാലി സംഘടിപ്പിക്കണമെന്നും സിടിഐ ചെയർമാൻ ബ്രിജേഷ് ഗോയൽ നൽകിയ കത്തിൽ ആവശ്യപ്പെട്ടിട്ടുണ്ട്. രാംലീല മൈതാനിക്ക് പകരം ബുറാരിഗ്രൗണ്ടിലോ ജവഹർലാൽ നെഹ്റു സ്റ്റേഡിയത്തിലോ റാലി നടത്തണമെന്നും കത്തിൽ പറയുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

നവംബർ ഒന്നിന് രാംലീല മൈതാനിയിൽ നടത്താനിരിക്കുന്ന റാലിയിൽ ഏകദേശം 10 ലക്ഷം പേർ അണിനിരക്കുമെന്നാണ് കോൺഗ്രസിന്റെ അവകാശവാദം. എന്നാൽ, നവംബർ ഒന്നിലെ റാലി ഈ മേഖലയിലെ മൊത്ത,ചില്ലറ വ്യാപാരസ്ഥാപനങ്ങളെ ദോഷകരമായി ബാധിക്കുമെന്നാണ് വ്യാപാരികളുടെ വാദം. ഉത്സവകാലമായതിനാൽ വലിയതോതിൽ കച്ചവടം പ്രതീക്ഷിക്കുന്ന സമയമാണെന്നും റാലി കാരണം ഏകദേശം പതിനായിരം കോടി രൂപയുടെ നഷ്ടമുണ്ടാകുമെന്നും വ്യാപാരികൾ പറഞ്ഞു.

റാലി നടക്കുന്നതിനാൽ ഒക്ടോബർ 31നും നവംബർ ഒന്നിനും മേഖലയിലെ റോഡുകളെല്ലാം പൊലീസ് അടയ്ക്കും. ഇതുകാരണം ഒരാൾപോലും കടകളിലേക്ക് എത്തില്ല. ഇത് വ്യാപാരികളുടെ കച്ചവടത്തെ ബാധിക്കുമെന്നും വ്യാപാരികൾ കൂട്ടിച്ചേർത്തു.

അതേസമയം, ഡൽഹിയിലെ വ്യാപാരികളെ തങ്ങൾക്ക് ഇഷ്ടമാണെന്നും അവരുടെ വാക്കുകൾ തങ്ങൾ കേൾക്കുന്നുണ്ടെന്നുമായിരുന്നു കഴിഞ്ഞദിവസം രാഹുൽ ഗാന്ധിയുടെ പ്രതികരണം. സർക്കാർ മെട്രോകളും റോഡുകളും അടച്ച് രാജ്യതലസ്ഥാനത്തെ ലോക്ഡൗണിലാക്കി. വോട്ടുകൾ കവർന്നെടുക്കുമ്പോൾ നിങ്ങളുടെ കടകളും സമ്പാദ്യവും നിങ്ങളുടെ കുട്ടികളുടെ ഭാവിയും ഉൾപ്പെടെ ഇവിടെ ഒന്നും സുരക്ഷിതമല്ല. നാലാംപ്രതിയായ ഗ്യാനേഷ്കുമാറിനെ പുറത്താക്കാൻ നിങ്ങൾ മോദിയോട് ആവശ്യപ്പെടൂ. അങ്ങനെയാണെങ്കിൽ 30 സെക്കൻഡുകൾക്കുള്ളിൽ പ്രതിഷേധം അവസാനിപ്പിക്കാമെന്നും രാഹുൽഗാന്ധി പറഞ്ഞിരുന്നു.

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ്കുമാറിനെ പുറത്താക്കണമെന്ന് ആവശ്യപ്പെട്ടും എസ്ഐആർ ക്രമക്കേടുകളും ഉന്നയിച്ചാണ് നവംബർ ഒന്നിന് ഡൽഹിയിൽ മഹാറാലിക്ക് ആഹ്വാനംചെയ്തിരിക്കുന്നത്. വോട്ട് സംരക്ഷിക്കൂ, രാജ്യത്തെ സംരക്ഷിക്കൂ എന്നതാണ് റാലിയുടെ മുദ്രാവാക്യം. കോൺഗ്രസ് ഉൾപ്പെടെ ഇന്ത്യാസഖ്യത്തിലെ പാർട്ടികൾ റാലിയിൽ പങ്കെടുക്കും.

ഗ്യാനേഷ് കുമാറിനെതിരായ ഹർജി; തെരഞ്ഞെടുപ്പ് കമ്മീഷന് മറുപടി നൽകാൻ കൂടുതൽ സമയം അനുവദിച്ച് സുപ്രീം കോടതി

Faseela Moidu — Tue, 27 Oct 2026 13:03:34 +0530

ദില്ലി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ ഹർജിയിൽ തെരഞ്ഞെടുപ്പ് കമ്മീഷന് മറുപടി നൽകാൻ കൂടുതൽ സമയം അനുവദിച്ച് സുപ്രീം കോടതി. 10 ദിവസം കൂടി സമയമാണ് കോടതി അനുവദിച്ചത്. ദീപാവലി അവധി കഴിഞ്ഞ് കേസ് പരിഗണിക്കും. നിലവിൽ കമ്മീഷൻ നൽകിയ സത്യവാങ്മൂലത്തിന് മറുപടി നൽകാനും ഹർജിക്കാർക്ക് നിർദ്ദേശം നൽകി. തെരഞ്ഞെടുപ്പ് കമ്മീഷന് അധിക സത്യവാ മൂലത്തിന് രണ്ടാഴ്ച സമയവും കോടതി നൽകി.

മദ്യപിച്ച് അലക്ഷ്യമായി കാറോടിച്ച് അപകടമുണ്ടാക്കിയ എക്സൈസ് ഉദ്യോഗസ്ഥന് സസ്പെൻഷൻ

Elsa TJ — Tue, 27 Oct 2026 13:03:18 +0530

തിരുവനന്തപുരം: മദ്യപിച്ച് അലക്ഷ്യമായി കാറോടിച്ച് അപകടമുണ്ടാക്കിയ എക്സൈസ് പ്രിവന്റീവ് ഓഫീസറെ സർവീസിൽ നിന്നും അന്വേഷണ വിധേയമായി സസ്പെൻഡ് ചെയ്തു. നെയ്യാർഡാം എക്സൈസ് ചെക്ക്പോസ്റ്റിൽ സ്പെഷ്യൽ ഡ്യൂട്ടിയിലുണ്ടായിരുന്ന പ്രിവന്റീവ് ഓഫീസർ ഷിജുവിനെയാണ് സസ്പെൻഡ് ചെയ്തത്. ലഹരി വിരുദ്ധ പ്രവർത്തനങ്ങൾക്ക് ചുമതലയുള്ള ഒരു എക്സൈസ് ഉദ്യോഗസ്ഥന്റെ ഭാഗത്തുനിന്നും ഉണ്ടായ ഈ നടപടി ഗുരുതരമായ സ്വഭാവദൂഷ്യവും അച്ചടക്ക ലംഘനവുമാണെന്ന് അധികൃതർ വ്യക്തമാക്കി. കഴിഞ്ഞ ദിവസം രാത്രിയിലാണ് മദ്യലഹരിയിൽ അമിത വേഗതയിലെത്തിയ എക്സൈസ് ഉദ്യോഗസ്ഥന്‍റെ കാർ മറിഞ്ഞത്. ഇയാളെ നാട്ടുകാർ പിടികൂടി പൊലീസിൽ ഏൽപ്പിക്കുകയായിരുന്നു. കട്ടയ്ക്കോട് ഭാഗത്തു നിന്നും കാട്ടാക്കടയിലേക്ക് വരികയായിരുന്നു എക്സൈസ് ഉദ്യോഗസ്ഥൻ.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കട്ടയ്ക്കോട് റോഡിലെ ഒരു ഹോൾസെയിൽ കടയ്ക്ക് മുന്നിൽ വെച്ച് നിയന്ത്രണം വിട്ട കാർ മറിയുകയായിരുന്നു. എതിരെ വന്ന ഒരു ബൈക്ക് യാത്രികൻ അത്ഭുതകരമായാണ് അപകടത്തിൽ നിന്നും രക്ഷപ്പെട്ടത്. അപകടത്തിന് ശേഷം രക്ഷപ്പെടാൻ ശ്രമിച്ച ഉദ്യോഗസ്ഥനെ നാട്ടുകാർ തടഞ്ഞുവെച്ച് പൊലീസിൽ ഏൽപ്പിക്കുകയായിരുന്നു. തുടർന്ന് സ്റ്റേഷനിൽ എത്തിച്ച പൊലീസ്, ഇയാളുടെ വൈദ്യപരിശോധന നടത്തി മദ്യപിച്ചതായി കണ്ടെത്തിയിരുന്നു.

ഏഷ്യാനെറ്റ് ന്യൂസ് ലൈവ് കാണാം

സൗന്ദര്യ ചികിത്സ ആരോപണം; ഔഷധിയിൽ താൻ ഒരു ചികിത്സയും നടത്തിയിയിട്ടില്ല, രേഖ ഉണ്ടെങ്കിൽ പുറത്തു വിടണമെന്ന് ശോഭന ജോർജ്

Faseela Moidu — Tue, 27 Oct 2026 12:10:23 +0530

തിരുവനന്തപുരം: എൽഡിഎഫ് സർക്കാരിന്റെ കാലത്ത് ഔഷധി ചെയർപേഴ്സണായിരിക്കെ സൗന്ദര്യ ചികിത്സാ നടത്തിയെന്ന ആരോപണം നിഷേധിച്ച് ശോഭന ജോർജ്. ഔഷധിയിൽ താൻ ഒരു ചികിത്സയും നടത്തിയിയിട്ടില്ലെന്നും രേഖ ഉണ്ടെങ്കിൽ പുറത്തു വിടണമെന്നും ശോഭന ജോർജ്ജ് ഏഷ്യാനെറ്റ് ന്യൂസിനോട് പറഞ്ഞു. മുട്ടയും ചെമ്പരത്തി മൊട്ടും ഉപയോഗിച്ചാൽ സൗന്ദര്യം കൂടുമോ. വിപി സജീന്ദ്രനെതിരെ സ്പീക്കർക്ക് പരാതി നൽകുമെന്നും തനിക്കെതിരെ സഭയിൽ വ്യാജ ആരോപണം ഉന്നയിച്ചുവെന്നും ശോഭന ജോർജ്ജ് പറഞ്ഞു.

ഔഷധി ചെയർപേഴ്സണായിരിക്കെ ശോഭന ജോർജ് സ്ഥാപനത്തിന്റെ ചെലവിൽ അനധികൃത സൗന്ദര്യചികിത്സ നടത്തിയെന്നാണ് ആരോപണം. 3 കിലോ ചെമ്പരത്തിപ്പൂമൊട്ടും കോഴിമുട്ടകളും ഉപയോഗിച്ചെന്നാണ് ആഭ്യന്തര അന്വേഷണ റിപ്പോർട്ടിൽ പറയുന്നത്. ഔഷധിയുടെ പഞ്ചകർമ ആശുപത്രിയിലെ ഡീലക്സ് എസി മുറിയിൽ നടന്ന ഈ ചിട്ടവട്ടങ്ങൾക്കായി ഔഷധിയുടെ ഔദ്യോഗിക ഫണ്ടും ഡോക്ടർമാരുടെ സേവനവും ദുരുപയോഗം ചെയ്തതായാണ് കണ്ടെത്തൽ.

ബംഗാളിൽ 11ാം ക്ലാസുകാരിയെ ബലാത്സംഗം ചെയ്ത് കൊലപ്പെടുത്തിയ പ്രതി ഏറ്റുമുട്ടലിൽ കൊല്ലപ്പെട്ടു

Web Desk — Tue, 27 Oct 2026 12:35:36 +0530

കൊൽക്കത്ത: പശ്ചിമ ബംഗാളിലെ ഗായ്ഘട്ടയിൽ ബലാംത്സംഗ കേസ് പ്രതി പൊലീസ് ഏറ്റുമുട്ടലിൽ കൊല്ലപ്പെട്ടു. പതിനൊന്നാം ക്ലാസ് വിദ്യാർഥിനിയെ ബലാത്സംഗം ചെയ്ത് കൊലപ്പെടുത്തിയ കേസിലെ പ്രതി പ്രഹ്ലാദ് ദാസാണ് കൊല്ലപ്പെട്ടത്. ചൊവ്വാഴ്ച്ച പുലർച്ചെ തെളിവെടുപ്പിനിടെയായിരുന്നു സംഭവം. കഴിഞ്ഞ ശനിയാഴ്ച രാത്രി ഗായ്ഘട്ടയിൽ സംഗീത പരിപാടിയിൽ പങ്കെടുക്കാൻ പോയ പ്ലസ് വൺ വിദ്യാർത്ഥിനിയായ 17 കാരിയെ കാണാതായിരുന്നു. പിന്നാലെ നടത്തിയ തിരച്ചിലിലിൽ പെൺകുട്ടിയുടെ മൃതദേഹം അയൽവാസിയുടെ വീടിന് സമീപം കണ്ടത്തി. രക്തത്തിൽ കുളിച്ച നിലയിലായിരുന്നു മൃതദേഹം. സംഭവത്തിൽ കേസെടുത്ത് അന്വേഷണം ആരംഭിച്ച പൊലീസ് മണിക്കൂറുകൾക്കുള്ളിൽ പെൺകുട്ടിയുടെ ബന്ധുകൂടിയായ പ്രഹ്ലാദ് ദാസിനെ കസ്റ്റഡിയിലെടുത്തു. പിന്നാലെ കോടതിയിൽ ഹാജരാക്കിയ പ്രതിയെ പ്രതിയെ പത്ത് ദിവസത്തെ പൊലീസ് കസ്റ്റഡിയിൽ വിട്ടിരുന്നു. പ്രതിയെ തെളിവെടുപ്പിനായി സംഭവസ്ഥലത്ത് എത്തിച്ചു.

തെളിവെടുപ്പ് പുരോഗമിക്കുന്നതിനിടയിൽ പ്രതി സബ് ഇൻസ്പെക്ടറുടെ സർവീസ് റിവോൾവർ തട്ടിയെടുത്ത് പൊലീസിന് നേരെ മൂന്ന് റൗണ്ട് വെടിയുതിർത്ത് രക്ഷപ്പെടാൻ ശ്രമിച്ചെന്നാണ് പൊലീസ് പറയുന്നത്. രക്ഷപെടാനായി തൊട്ടടുത്ത കുളത്തിലേക്ക് ചാടിയ പ്രതിക്ക് നേരെ പൊലീസും വെടിവെച്ചു. ഗുരുതരമായി പരിക്കേറ്റ പ്രതിയെ ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വെടിവെപ്പിൽ ഒരു സബ് ഇൻസ്പെക്ടർക്ക് പരിക്കേൽക്കുകയും പൊലീസിന്റെ വാഹനത്തിന് കേടുപാടുകൾ സംഭവിക്കുകയും ചെയ്തിട്ടുണ്ട്. പശ്ചിമ ബംഗാളിൽ കഴിഞ്ഞ മൂന്ന് മാസത്തിനിടെ നടക്കുന്ന രണ്ടാമത്തെ പൊലീസ് ഏറ്റുമുട്ടലാണിത്. മുൻപ് ജൂലൈ മാസത്തിൽ ബാരുഇപൂരിൽ 11 വയസ്സുകാരിയെ പീഡിപ്പിച്ചു കൊന്ന കേസ്സിലെ പ്രതിയും പൊലീസ് വെടിവെപ്പിൽ കൊല്ലപ്പെട്ടിരുന്നു.

കേരളത്തിന് 'അർണബ്' ഭീഷണിയില്ല? സംസ്ഥാനത്ത് മഴയുടെ ശക്തി കുറയുന്നു; ഇന്ന് 7 ജില്ലകളിൽ യെല്ലോ അലർട്ട്, നാളെ മുതൽ ഒരു ജില്ലയിലും മുന്നറിയിപ്പില്ല

Anver Sajad — Mon, 26 Oct 2026 14:02:08 +0530

തിരുവനന്തപുരം: സംസ്ഥാനത്ത് മഴയുടെ ശക്തി കുറയുന്നു. ഇന്ന് 7 ജില്ലകളിൽ മാത്രമാണ് മഴ മുന്നറിയിപ്പുള്ളത്. തിരുവനന്തപുരം, കൊല്ലം, പത്തനംതി,ട്ട ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ ഇന്ന് യെല്ലോ അലർട്ട് ആണ്. ഇ ജില്ലകളിൽ ഒറ്റപ്പെട്ട മഴക്കും ശക്തമായ കാറ്റിനും ഇടിമിന്നലിനും സാധ്യതയുണ്ടെന്നാണ് കാലാവസ്ഥ പ്രവചനം. നാളെമുതൽ സംസ്ഥാനത്ത് ഒരു ജില്ലകളിലും മഴ മുന്നറിയിപ്പ് നൽകിയിട്ടില്ല. ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം അർണബ് ചുഴലിക്കാറ്റായി മാറിയിട്ടുണ്ടെങ്കിലും നിലവിൽ കേരളത്തിന് വലിയ ഭീഷണിയല്ലെന്നാണ് വ്യക്തമാകുന്നത്. അതേസമയം കേരള - കർണാടക - ലക്ഷദ്വീപ് തീരങ്ങളിൽ കാലാവസ്ഥ മോശമായതിനാൽ മത്സ്യത്തൊഴിലാളികൾ കടലിൽ പോകരുതെന്നും നിർദ്ദേശം നൽകിയിട്ടുണ്ട്.

ബംഗാൾ ഉൾക്കടലിൽ 'അർണബ്' ചുഴലിക്കാറ്റ്

അതേസമയം ബംഗാൾ ഉൾക്കടലിൽ രൂപപ്പെട്ട തീവ്ര ന്യൂനമർദം 'അർണബ്' ചുഴലിക്കാറ്റായി മാറിയതായി കാലാവസ്ഥ കേന്ദ്രം അറിയിച്ചിട്ടുണ്ട്. കിഴക്കൻ-മധ്യ ബംഗാൾ ഉൾക്കടലിലും സമീപ പ്രദേശങ്ങളിലും നിലകൊള്ളുന്ന അർണബ് മറ്റന്നാൾ ആന്ധ്രാ തീരത്ത് കരതൊടുമെന്നാണ് പ്രവചനം. മണിക്കൂറിൽ 15 കിലോമീറ്റർ വേഗതയിൽ പടിഞ്ഞാറൻ ദിശയിലേക്ക് നീങ്ങുന്ന അർണബ്, ഇന്ന് അർദ്ധരാത്രിയോടെ കടുത്ത ചുഴലിക്കാറ്റായും ഒക്ടോബർ 27 ഓടെ അതിതീവ്ര ചുഴലിക്കാറ്റായും ശക്തിപ്രാപിക്കും. തുടർന്ന് വടക്കുപടിഞ്ഞാറൻ ദിശയിലേക്ക് നീങ്ങുന്ന അർണബ് ചുഴലിക്കാറ്റ് ഒക്ടോബർ 28 ന് ഉച്ചയ്ക്ക് മുൻപായി ആന്ധ്രാപ്രദേശിലെ ബാപ്പറ്റ്‌ലയ്ക്കും വിശാഖപട്ടണത്തിനും ഇടയിലുള്ള തീരത്തുകൂടി കരതൊടുമെന്നാണ് പ്രതീക്ഷ. നിലവിൽ ഗോപാൽപൂരിൽ നിന്ന് 610 കിലോമീറ്ററും വിശാഖപട്ടണത്ത് നിന്ന് 650 കിലോമീറ്ററും അകലെയാണ് ഇതിന്റെ കേന്ദ്രമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കരതൊടുന്ന സമയത്ത് മണിക്കൂറിൽ 115 മുതൽ 125 കിലോമീറ്റർ വരെയും ചിലപ്പോൾ 140 കിലോമീറ്റർ വരെയും വേഗതയുള്ള ശക്തമായ കാറ്റിന് സാധ്യതയുണ്ട്. ആന്ധ്രാപ്രദേശ്, തെക്കൻ ഒഡീഷ തീരങ്ങൾക്ക് കേന്ദ്ര കാലാവസ്ഥാ വകുപ്പ് റെഡ് അലർട്ട് നൽകിയിട്ടുണ്ട്. ആന്ധ്ര പ്രദേശ്, പശ്ചിമ ബംഗാൾ, ഒഡീഷ, തമിഴ്നാട് സംസ്ഥാനങ്ങളിൽ അർണബ് ആഞ്ഞടിക്കാനാണ് സാധ്യതയെന്നാണ് പ്രവചനം.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കണ്ണൂർ ചൊക്ലിയിലെ 17കാരൻ ശിവസൂര്യയുടെ തിരോധാനം; കാശിയിൽ പോയി പൊലീസ് അന്വേഷിച്ചു, ഇതുവരെ വിവരമില്ലെന്ന് ചെന്നിത്തല

Faseela Moidu — Tue, 27 Oct 2026 12:31:52 +0530

കണ്ണൂർ: കണ്ണൂർ ചൊക്ലിയിലെ 17കാരൻ ശിവസൂര്യയുടെ തിരോധാനവുമായി ബന്ധപ്പെട്ട കേസിൽ പ്രതികരണവുമായി ആഭ്യന്തര മന്ത്രി രമേശ് ചെന്നിത്തല. കാശിയിൽ പോയി പൊലീസ് അന്വേഷിച്ചുവെന്നും ഇതുവരെ വിവരമില്ലെന്നും ചെന്നിത്തല നിയമസഭയിൽ പറഞ്ഞു. കുട്ടിയെ കുറിച്ച് ഒരു തുമ്പും കിട്ടിയിട്ടില്ല. മൊബൈൽ ഗെയിം കളിക്കുന്ന കുട്ടികൾ എന്ത് ചെയ്യുന്നു എന്ന് അറിയുന്നില്ല. മാതാപിതാക്കൾക്ക് വഴക്ക് പറയാൻ പോലും കഴിയാത്ത സ്ഥിതിയാണെന്നും ചെന്നിത്തല പറഞ്ഞു.

ശിവസൂര്യയുടെ തിരോധാനത്തിൽ ക്രൈംബ്രാഞ്ച് അന്വേഷണം നടത്തിയിരുന്നു. കണ്ണൂർ യൂണിറ്റിലെ ഡിവൈഎസ്പി കെ സനിൽകുമാറിനായിരുന്നു അന്വേഷണ ചുമതല. ചൊക്ലി പൊലീസും എസ്ഐടിയും അന്വേഷിച്ചിട്ട് കുട്ടിയെ കണ്ടെത്താനായിരുന്നില്ല. വീട്ടുകാരുടെ ആവശ്യപ്രകാരമാണ് കേസ് ക്രൈംബ്രാഞ്ചിന് കൈമാറിയത്. ഓഗസ്റ്റ് 8നാണ് മൊബൈൽ ഫോൺ വാങ്ങി വെച്ചതിന്‍റെ പേരില്‍ ശിവസൂര്യ വീട് വിട്ടത്. കാശിയിലേക്ക് പോകുന്നുവെന്നും അവിടെയെത്തി ദൈവത്തിൽ അലിയുമെന്നും കുറിപ്പ് എഴുതി വച്ചിരുന്നു. ആദ്യം കേസ് അന്വേഷിച്ച ചൊക്ലി പൊലീസും പിന്നീട് അന്വേഷിച്ച പ്രത്യേക സംഘവും കേരളത്തിലുടനീളം പരിശോധന നടത്തിയിരുന്നു. തുട‍ർന്ന് ബെംഗളൂരു, മൈസൂരു, മംഗളൂരു എന്നിവിടങ്ങളിലും ഒടുവിൽ വാരണാസിയിലും അന്വേഷണം നടത്തി. എന്നാൽ ശിവസൂര്യയെക്കുറിച്ച് യാതൊരു സൂചനയും കിട്ടിയിരുന്നില്ല. ഒരിടത്തെയും സിസിടിവി ക്യാമറയിൽ 17കാരന്‍റെ ദൃശ്യം പതിഞ്ഞിട്ടുമില്ല. ശിവസൂര്യക്ക് ഒളിവിൽ കഴിയാൻ മറ്റാരുടേയോ സഹായം കിട്ടുന്നുണ്ടെന്ന സംശയം പൊലീസിനും വീട്ടുകാർക്കുമുണ്ടായിരുന്നു. എന്നാൽ കാശിയിലെ അന്വേഷണത്തിലും കുട്ടിയെ കുറിച്ച് യാതൊരു വിവരവും ലഭിച്ചില്ലെന്നാണ് ആഭ്യന്തര മന്ത്രി വ്യക്തമാക്കുന്നത്.

ബംഗാൾ ഉൾക്കടലിൽ 'അർണബ്' ചുഴലിക്കാറ്റ് രൂപപ്പെട്ടു, 140 കി മീ വേഗതയോടെ മറ്റന്നാൾ കരതൊടാൻ സാധ്യത, ആന്ധ്രാ തീരത്ത് റെഡ് അലർട്ട്; കേരളത്തിലും മഴ കനക്കും

Anver Sajad — Mon, 26 Oct 2026 10:14:52 +0530

തിരുവനന്തപുരം: ബംഗാൾ ഉൾക്കടലിൽ രൂപപ്പെട്ട തീവ്രന്യൂനമർദം 'അർണബ്' ചുഴലിക്കാറ്റായി മാറി. കിഴക്കൻ-മധ്യ ബംഗാൾ ഉൾക്കടലിലും സമീപ പ്രദേശങ്ങളിലും നിലകൊള്ളുന്ന അർണബ് മറ്റന്നാൾ ആന്ധ്രാ തീരത്ത് കരതൊടുമെന്നാണ് പ്രവചനം. മണിക്കൂറിൽ 15 കിലോമീറ്റർ വേഗതയിൽ പടിഞ്ഞാറൻ ദിശയിലേക്ക് നീങ്ങുന്ന അർണബ്, ഇന്ന് അർദ്ധരാത്രിയോടെ കടുത്ത ചുഴലിക്കാറ്റായും ഒക്ടോബർ 27 ഓടെ അതിതീവ്ര ചുഴലിക്കാറ്റായും ശക്തിപ്രാപിക്കും. തുടർന്ന് വടക്കുപടിഞ്ഞാറൻ ദിശയിലേക്ക് നീങ്ങുന്ന അർണബ് ചുഴലിക്കാറ്റ് ഒക്ടോബർ 28 ന് ഉച്ചയ്ക്ക് മുൻപായി ആന്ധ്രാപ്രദേശിലെ ബാപ്പറ്റ്‌ലയ്ക്കും വിശാഖപട്ടണത്തിനും ഇടയിലുള്ള തീരത്തുകൂടി കരതൊടുമെന്നാണ് പ്രതീക്ഷ. നിലവിൽ ഗോപാൽപൂരിൽ നിന്ന് 610 കിലോമീറ്ററും വിശാഖപട്ടണത്ത് നിന്ന് 650 കിലോമീറ്ററും അകലെയാണ് ഇതിന്റെ കേന്ദ്രമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കരതൊടുന്ന സമയത്ത് മണിക്കൂറിൽ 115 മുതൽ 125 കിലോമീറ്റർ വരെയും ചിലപ്പോൾ 140 കിലോമീറ്റർ വരെയും വേഗതയുള്ള ശക്തമായ കാറ്റിന് സാധ്യതയുണ്ട്. ആന്ധ്രാപ്രദേശ്, തെക്കൻ ഒഡീഷ തീരങ്ങൾക്ക് കേന്ദ്ര കാലാവസ്ഥാ വകുപ്പ് റെഡ് അലർട്ട് നൽകിയിട്ടുണ്ട്. ആന്ധ്ര പ്രദേശ്, പശ്ചിമ ബംഗാൾ, ഒഡീഷ, തമിഴ്നാട് സംസ്ഥാനങ്ങളിൽ അർണബ് ആഞ്ഞടിക്കാനാണ് സാധ്യതയെന്നാണ് പ്രവചനം. കേരളത്തിലും കനത്ത മഴക്ക് സാധ്യതയുണ്ട്.

കേരളത്തിലെ മഴ സാധ്യത

ഓറഞ്ച് അലർട്ട്

26/10/2026: പത്തനംതിട്ട, ഇടുക്കി, പാലക്കാട്, മലപ്പുറം എന്നീ ജില്ലകളിൽ കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കാലാവസ്ഥ വകുപ്പ് അർത്ഥമാക്കുന്നത്.

മഞ്ഞ അലർട്ട്

26/10/2026: തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശൂർ, കോഴിക്കോട്, വയനാട്

27/10/2026: തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, മലപ്പുറം എന്നീ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ അലർട്ട് പ്രഖ്യാപിച്ചിരിയ്ക്കുന്നു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അട്ടപ്പാടിയിലെ ദമ്പതിമാരുടെ നവജാതശിശു മരിച്ചു; മരണം പ്രസവത്തിന് പിന്നാലെ

Web Desk — Tue, 27 Oct 2026 12:22:33 +0530

പാലക്കാട്: അട്ടപ്പാടിയിൽ ശിശുമരണം. അട്ടപ്പാടി ധോണിഗുണ്ട് സ്വദേശികളായ രാജി-സുനീഷ് ദമ്പതിമാരുടെ നവജാതശിശുവാണ് മരിച്ചത്. ജനനസമയത്തുണ്ടായ ഹൃദയസംബന്ധമായ അസുഖത്തെ തുടർന്നാണ് മരണം.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കോഴിക്കോട് മെഡിക്കൽ കോളേജ് ആശുപത്രിയിലായിരുന്നു രാജിയുടെ പ്രസവം. പുലർച്ചെ 3.30ഓടെയാണ് കുഞ്ഞ് ജനിച്ചത്. എന്നാൽ, കുറഞ്ഞ ശരീരഭാരത്തോടെ ജനിച്ച കുഞ്ഞിന്റെ ഹൃദയമിടിപ്പ് നിലച്ചുപോവുകയായിരുന്നു. തുടർന്ന് 4.15ഓടെയാണ് മരണം സ്ഥിരീകരിച്ചത്.

സുഹൃത്തുക്കൾക്കൊപ്പം ക്ഷേത്രക്കുളത്തിൽ കുളിക്കുന്നതിനിടെ കാണാതായി, തിരച്ചിലിനൊടുവിൽ യുവാവിന്‍റെ മൃതദേഹം കണ്ടെത്തി

Web Desk — Tue, 27 Oct 2026 12:20:30 +0530

ആലപ്പുഴ: സുഹൃത്തുക്കൾക്കൊപ്പം ക്ഷേത്രക്കുളത്തിൽ കുളിക്കുന്നതിനിടെ കാണാതായ യുവാവിന്‍റെ മൃതദേഹം കണ്ടെത്തി. കളർകോട് വാർഡിൽ പടിഞ്ഞാറേ വാരിയത്തുവെളിയിൽ പരേതനായ ബാബുവിന്‍റെ മകൻ ബിനു (28) ആണ് മരിച്ചത്. മേസ്തരി ജോലി ചെയ്യുന്ന ബിനുവിനെ ജോലി കഴിഞ്ഞു സുഹൃത്തുക്കൾക്കൊപ്പം തിങ്കളാഴ്ച വൈകുന്നേരം 3.30-ന് കളർകോട് താനാകുളത്തിൽ കുളിക്കാനെത്തിയ ശേഷം നീന്തുന്നതിനിടെയാണ് കാണാതായത്.

നാട്ടുകാർ അറിയിച്ചതനുസരിച്ച് അഗ്നിരക്ഷാസേനാ സ്കൂബാ സംഘമെത്തി പരിശോധിച്ചെങ്കിലും സന്ധ്യയോടെ വെളിച്ചം മങ്ങിയതിനാൽ തിരച്ചിൽ അവസാനിപ്പിക്കേണ്ടിവന്നു. ഇന്ന് രാവിലെ മുതൽ വീണ്ടും സ്കൂബാ സംഘം പരിശോധിക്കുമ്പോഴാണ് എട്ടോടെ കുളത്തിനു വടക്കുവശത്തെ ഓവിനു സമീപത്തുനിന്നു മൃതദേഹം കണ്ടെത്തിയത്.

പോലീസ് ചമഞ്ഞ് ട്രെയിനിൽ നിന്ന് യാത്രക്കാരനെ ഇറക്കി കാട്ടിൽ കൊണ്ടുപോയി, 25000റിയാൽ തട്ടിയെടുത്തു; പരാതി നൽകി യുവാവ്

Web Desk — Tue, 27 Oct 2026 12:10:50 +0530

കാസർകോട്: പോലീസിലെ ഡാൻസാഫ് സംഘം എന്ന വ്യാജേനെ ട്രെയിനിൽ നിന്ന് ഇറക്കി പണം കൈക്കലാക്കിയാതായി പരാതി. മലപ്പുറം ചെമ്മാട് സ്വദേശി ഉമ്മറിന്‍റെ 25000 സൗദി റിയാലാണ് തട്ടിയെടുത്തത്. വരാവൽ എക്സ്പ്രസിൽ ഈ മാസം 20-ന് പുലർച്ചെ 3:15 ഓടെ ആണ് സംഭവം. നാലംഗ സംഘമാണ് പണം തട്ടിയെടുത്തതെന്ന് ചെമ്മാട് സ്വദേശി പറയുന്നു. അതേസമയം തട്ടിയെടുത്തത് ഹവാല പണമെന്ന നിഗമനത്തലാണ് റെയിൽവേ പോലീസ്. ചെമ്മാട് സ്വദേശി ഉമ്മർ ബാവ ഹവാല ഇടപാടിലെ ഇടനിലക്കാരനെന്നും പോലീസ് കണ്ടെത്തിയിട്ടുണ്ട്. കാസർകോട് സ്വദേശിക്കായി കൊണ്ടുവന്ന സൗദി റിയാലാണ് മറ്റൊരു സംഘം തട്ടിയെടുത്തതെന്ന് കരുതുന്നു. സംഭവത്തില്‍ റെയിൽവേ പോലീസ് കേസെടുത്ത് വിശദമായ അന്വേഷണം ആരംഭിച്ചിട്ടുണ്ട്.

പരപ്പനങ്ങാടിയിൽ നിന്നും കഴിഞ്ഞ 20 നാണ് ഉമ്മർ ട്രെയിൻ കയറിയത്. കർണാടകയിലെ ഉഡുപ്പിയിലേക്കാണ് ടിക്കറ്റ് എടുത്തത്. മുന്നിൽ നിന്നും രണ്ടാമത്തെ ജനറൽ കോച്ചിൽ ആണ് യാത്ര ആരംഭിച്ചത്. പുലർച്ചെ 3.15 നു വണ്ടി കാഞ്ഞങ്ങാട് റെയിൽവേ സ്റ്റേഷനിൽ എത്തിയപ്പോൾ പോലീസിലെ ഡാൻസാഫ് സംഘം എന്ന് പറഞ്ഞു പുറത്തേക്കു ഇറക്കുകയായിരുന്നു. പിന്നീട് കാട്ടിൽ കൊണ്ടുപോയി കൈ പിന്നിലാക്കി. തുടർന്ന് ഉമ്മറിന്‍റെ കയ്യിൽ ഉണ്ടായിരുന്ന റിയാൽ കൈക്കലാക്കുകയായിരുന്നു. ഉടൻ തന്നെ സംഘം രക്ഷപ്പെട്ടു. സംശയം തോന്നിയ ഉമ്മർ റെയിൽവേ പോലീസിൽ പരാതിപ്പെടുകയായിരുന്നു. പോലീസ് അന്വേഷണം ആരംഭിച്ചു.

പിഎസ്‍സി പരീക്ഷാ ക്രമക്കേട്; രണ്ട് എഫ്ഐആർ കൂടി രജിസ്റ്റർ ചെയ്ത് ക്രൈം ബ്രാഞ്ച്, രണ്ട് പിഎസ്‍സി അംഗങ്ങളെ ഇന്ന് ചോദ്യം ചെയ്യും

Web Desk — Tue, 27 Oct 2026 07:54:23 +0530

തിരുവനന്തപുരം: പിഎസ്‍സി പരീക്ഷാ ക്രമക്കേടിൽ വില്ലേജ് ഓയില്‍ ഇൻസ്പെക്ടർ, ഫിഷറീസ് എക്സ്റ്റൻഷൻ ഓഫീസർ നിയമനങ്ങളുമായി ബന്ധപ്പെട്ട് ക്രൈംബ്രാഞ്ച് രണ്ട് എഫ്ഐആർ കൂടി രജിസ്റ്റർ ചെയ്തു. എന്നാൽ ഈ കേസുകളിൽ നിലവിൽ ആരെയും പ്രതിയാക്കിയിട്ടില്ല. അതേസമയം, കേസുമായി ബന്ധപ്പെട്ട് രണ്ട് പിഎസ്‍സി അംഗങ്ങളെ ഇന്ന് ക്രൈംബ്രാഞ്ച് ചോദ്യം ചെയ്യും. ചോദ്യം ചെയ്യൽ നടപടികൾ വീഡിയോയിൽ റക്കോർഡ് ചെയ്യും. പിഎസ്‍സി ചെയർമാനെതിരെ മുഖ്യമന്ത്രിക്ക് നൽകിയ കത്തിലെ ആരോപണങ്ങൾ ഒരു അംഗം മൊഴി നൽകുന്നതിനിടയിലും ആവർത്തിച്ചിട്ടുണ്ട്. ചെയർമാൻ എം.ആർ. ബൈജു നാളെ ചോദ്യം ചെയ്യലിന് ഹാജരായേക്കും.

സ്ഥാനമൊഴിയുന്നതിന് തൊട്ടുമുമ്പാണ് ഗവർണർ രാജേന്ദ്ര അർലേർകർ പിഎസ്‌സി ചെയർമാനെ പുറത്താക്കാൻ ശുപാർശ ചെയ്‌തത്. സംസ്ഥാന ചരിത്രത്തിൽ ആദ്യമായാണ് ഒരു ഗവർണർ ‌പിഎസ്‌സി ചെയർമാനും അംഗങ്ങൾക്കുമെതിരെ ഇത്തരമൊരു ശുപാർശ രാഷ്ട്രപതിക്ക് അയക്കുന്നത്. പിഎസ്‌സി ചെയർമാന്‍റെ നിയമനാധികാരി ഗവർണറാണെങ്കിലും പദവിയിൽ നിന്ന് നീക്കം ചെയ്യാനുള്ള അധികാരം രാഷ്ട്രപതിക്കാണ്. രാഷ്ട്രപതിയുടെ നിർദ്ദേശപ്രകാരം സുപ്രീം കോടതിയുടെ അനുമതിയോടും അന്വേഷണത്തോടും കൂടി മാത്രമേ ഭരണഘടനാ സ്ഥാപനത്തിന്റെ തലവനെ സ്ഥാനത്തുനിന്ന് നീക്കാനാകൂ.

പിഎസ്‌സിയുടെ പ്രവർത്തനങ്ങൾക്കെതിരെ രാജ്ഭവന് ഒട്ടേറെ പരാതികൾ ലഭിച്ചിരുന്നു. തുടർന്ന് ക്രൈംബ്രാഞ്ച് ഐ.ജി അജിതാ ബീഗം തയ്യാറാക്കിയ റിപ്പോർട്ടിന്‍റെ അടിസ്ഥാനത്തിലാണ് മുൻ ഗവർണർ തീരുമാനത്തിലേക്ക് എത്തിയത്. ലോക്‌ഭവന്‍റെ ആവശ്യപ്രകാരം ക്രൈംബ്രാഞ്ച് ഡി.ജി.പിക്ക് സമർപ്പിച്ച റിപ്പോർട്ട് പിന്നീട് ഗവർണർക്ക് കൈമാറുകയായിരുന്നു. പരീക്ഷാ ക്രമക്കേടുകളിൽ കേസ് എടുത്ത സാഹചര്യവും ഉത്തരവാദികളായ ഉദ്യോഗസ്ഥർക്കെതിരെ നടപടി വേണമെന്ന നിർദ്ദേശവും ഈ റിപ്പോർട്ടിലുണ്ട്.

ടാറ്റാ സൺസ് തർക്കം മുറുകുന്നു; ചന്ദ്രശേഖരന്റെ നിയമനം ചോദ്യംചെയ്ത് നോയൽ ടാറ്റ, ടിവിഎസ് ഇടപാട് വെളിപ്പെടുത്തിയില്ലെന്നും ആരോപണം; കത്ത് നൽകി

Afeef M — Tue, 27 Oct 2026 11:56:01 +0530

മുംബൈ: ടാറ്റാ സൺസ് എക്സിക്യൂട്ടീവ് ചെയർമാനായി എൻ ചന്ദ്രശേഖരനെ വീണ്ടും നിയമിച്ചത് ചോദ്യംചെയ്ത് ടാറ്റാ ട്രസ്റ്റ്സ് ചെയർമാൻ നോയൽ ടാറ്റ. എൻ ചന്ദ്രശേഖരനെ അഞ്ചുവർഷത്തേക്ക് കൂടി ടാറ്റാ സൺസ് എക്സിക്യൂട്ടീവ് ചെയർമാനായി നിയമിച്ചത് അസാധുവാണെന്ന് ചൂണ്ടിക്കാട്ടി ടാറ്റാ സൺസ് കമ്പനി സെക്രട്ടറി സുപ്രകാശ് മുഖോപാധ്യായ്ക്ക് നോയൽ ടാറ്റ കത്തുനൽകി. സെപ്റ്റംബർ 17-ലെ ബോർഡ് തീരുമാനം ചോദ്യംചെയ്താണ് നോയൽ ടാറ്റ എട്ടുപേജുള്ള കത്ത് കൈമാറിയത്.

സെപ്റ്റംബർ 17-ന് ചേർന്ന ബോർഡ് യോഗത്തിലാണ് എൻ ചന്ദ്രശേഖരനെ അടുത്ത അഞ്ചുവർഷത്തേക്ക് കൂടി എക്സിക്യുട്ടീവ് ചെയർമാനായി നിയമിക്കാൻ തീരുമാനമെടുത്തത്. ടാറ്റാ സൺസ് ബോർഡിലെ നാല് ഡയറക്ടർമാരും ചന്ദ്രശേഖരന്റെ നിയമനത്തെ അനുകൂലിച്ച് വോട്ട് ചെയ്തിരുന്നു. എന്നാൽ, ടാറ്റാ സൺസിൽ 66% ഓഹരിയുള്ള ടാറ്റാ ട്രസ്റ്റിന്റെ ചെയർമാൻ നോയൽ ടാറ്റ മാത്രം ബോർഡ് യോഗത്തിലെ ഈ തീരുമാനത്തെ എതിർത്തു. തുടർന്ന് ഒന്നിനെതിരേ നാലുവോട്ടുകൾക്കാണ് എൻ ചന്ദ്രശേഖരനെ നിയമിക്കാനുള്ള പ്രമേയം യോഗത്തിൽ പാസായത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അതേസമയം, സെപ്റ്റംബർ 17-ലെ യോഗത്തിന്റെ അജണ്ടയിൽ ചന്ദ്രശേഖരന്റെ പുനർനിയമനം ഉൾപ്പെടുത്തിയിരുന്നില്ലെന്നാണ് നോയൽ ടാറ്റയുടെ വാദം. മാത്രമല്ല, ടാറ്റാ സൺസിന്റെ ആർട്ടിക്കിൾ 118 പ്രകാരം സെലക്ഷൻ കമ്മിറ്റി രൂപീകരിച്ചില്ലെന്നും കത്തിൽ പറയുന്നു. എക്സിക്യുട്ടീവ് ചെയർമാനെ തെരഞ്ഞെടുക്കാനായുള്ള സെലക്ഷൻ കമ്മിറ്റി രൂപീകരിക്കണമെന്ന് കഴിഞ്ഞ ഓഗസ്റ്റ് 13-ന് ആവശ്യപ്പെട്ടെങ്കിലും ഇതുണ്ടായില്ലെന്നും കത്തിലുണ്ട്.

ഇതിനുപുറമേ ടിവിഎസ് മോട്ടോർ കമ്പനിയും ഹാന്നോ വൺ വെയർഹൗസിങ് കമ്പനിയും തമ്മിലുള്ള സാമ്പത്തിക ഇടപാടുകൾ ബോർഡിന് മുന്നിൽ വെളിപ്പെടുത്തിയിരുന്നില്ലെന്നും നോയൽ ടാറ്റ കത്തിൽ ആരോപിക്കുന്നുണ്ട്. ചന്ദ്രശേഖരന്റെ ഭാര്യ ലളിതയും മകൻ പ്രണവും ഡയറക്ടർമാരായുള്ള കമ്പനിയാണ് ഹാന്നോ വൺ വെയർഹൗസിങ്. ഈ കമ്പനിക്ക് ടിവിഎസ് മോട്ടോർ കമ്പനി തമിഴ്നാട്ടിലെ ഹൊസൂരിലുള്ള 17.41 ഏക്കർ ഭൂമി 29 വർഷത്തിന് പാട്ടത്തിന് നൽകിയിരുന്നു. ഇവിടെ ടിവിഎസ് കമ്പനിക്കായുള്ള നിർമാണപദ്ധതികളാണ് ഹാന്നോ വൺ നടത്തുന്നത്. ഏകദേശം 106 കോടി രൂപയുടെ പദ്ധതിയാണിത്. ഇതിന്റെ ഭാഗമായി 27 കോടി രൂപ ടിവിഎസ് മോട്ടോർ കമ്പനി ഹാന്നോ വണ്ണിന് നൽകി. ഇതിനൊപ്പം മൈസൂരുവിലെ ടിവിഎസ് ഫാക്ടറിക്ക് സമീപം 330 കോടി രൂപയുടെ പദ്ധതിയും ഹാന്നോ വൺ ഏറ്റെടുത്തിട്ടുണ്ട്. ചന്ദ്രശേഖരന്റെ കുടുംബാംഗങ്ങൾ ഹാന്നോ വൺ കമ്പനിയുടെ ഡയറക്ടർമാരായതിനാൽ ഈ ഇടപാടുകൾക്ക് അദ്ദേഹത്തിന്റെ പുനർനിയമനവുമായി പ്രാധാന്യമുണ്ടെന്നും എന്നാൽ ഇതേക്കുറിച്ച് വെളിപ്പെടുത്തിയില്ലെന്നുമാണ് നോയൽ ടാറ്റയുടെ ആരോപണം.

ഈ ഇടപാടുകൾ വെളിപ്പെടുത്താതെ ടിവിഎസ് മോട്ടോർ ചെയർമാൻ എമരിറ്റസും ടാറ്റാ സൺസ് ഡയറക്ടറുമായ വേണു ശ്രീനിവാസൻ ചന്ദ്രശേഖരന്റെ നിയമനവുമായി ബന്ധപ്പെട്ട നടപടികളിൽ പങ്കെടുത്തതും നോയൽ ടാറ്റാ ചോദ്യംചെയ്തു. ടിവിഎസ് മോട്ടോർ കമ്പനിയുമായുള്ള ഹാന്നോ വണ്ണിന്റെ ഇടപാടുകൾ വോട്ടെടുപ്പിന് മുൻപ് വേണു ശ്രീനിവാസൻ വെളിപ്പെടുത്തണമായിരുന്നു. എന്നാൽ, ഇക്കാര്യം വെളിപ്പെടുത്താതെയാണ് ചന്ദ്രശേഖരനെ നിയമിക്കാൻ അനുകൂലമായി അദ്ദേഹം വോട്ട് ചെയ്തതെന്നും നോയൽ ടാറ്റയുടെ കത്തിലുണ്ട്. സെപ്റ്റംബർ 17-ന് നടന്ന ബോർഡ് യോഗത്തിന്റെ രേഖകൾ, വോട്ടെടുപ്പിന്റെ വിശദാംശങ്ങൾ തുടങ്ങിയവ നൽകണമെന്നും നോയൽ ടാറ്റ കമ്പനി സെക്രട്ടറിക്ക് നൽകിയ കത്തിൽ ആവശ്യപ്പെട്ടിട്ടുണ്ട്.

ആണ്ടിപ്പെട്ടി ജില്ലാ ജയിലിൽ നിന്ന് 17 പേർ ജയിൽ ചാടി, കേരളം-തമിഴ്നാട് ചെക് പോസ്റ്റുകളിൽ ജാഗ്രതാ നിർദേശം

Web Desk — Tue, 27 Oct 2026 11:53:25 +0530

തേനി: തമിഴ്നാട് തേനി ജില്ലയിലെ ആണ്ടിപ്പെട്ടിയിലെ ജില്ലാ ജയിലിൽ നിന്ന് 17 പേർ ജയിൽ ചാടി. സുരക്ഷക്കുണ്ടായിരുന്ന പൊലീസുകാരെ ആക്രമിച്ചാണ് വിചാരണ തടവുകാർ രക്ഷപ്പെട്ടത്. രക്ഷപെട്ടവർക്കായി പൊലീസ് പരിശോധ നടത്തുന്നു. നാല് പേരെ പിടികൂടി. കേരള-തമിഴ്നാട് അതിർത്തിലെ ചെക്ക് പോസ്‌റ്റുകളിലും ജാഗ്രത നിർദേശം നൽകി. രക്ഷപ്പെട്ടവർ ഇടുക്കി വഴി കേരളത്തിലേയ്ക്ക് കടക്കാൻ സാധ്യതയുണ്ടെന്ന നിഗമനത്തിലാണ് നിർദേശം നൽകിയത്. തടവുകാരുടെ ആക്രമണത്തില്‍ നാല് പേര്‍ക്ക് പരിക്കേറ്റു.

തമിഴ്നാട്ടിലെ ആണ്ടിപ്പെട്ടിക്ക് സമീപം തേക്കംപെട്ടിയിലാണ് തേനി ജില്ല ജയിൽ. തേനി, മധുര, ദിണ്ഡുക്കൽ എന്നീ ജില്ലകളിൽ നിന്നുള്ള 386 തടവുകാരാണ് ഇവിടുള്ളത്. നാലു ബ്ലോക്കുകളിലായാണ് തടവുകാരെ പാ‍ർപ്പിച്ചിരിക്കുന്നത്. രാത്രി പതിനൊന്നു മണിയോടെ മൂന്നാം ബ്ലോക്കിലെ ഒരാൾക്ക് അപസ്മാരം ബാധിച്ചതായി സഹതടവുകാർ ജയിൽ ജീവനക്കാരെ അറിയിച്ചു. ഇയാളെ ആശുപത്രിയിലെത്തിക്കാനായി സുരക്ഷ ഡ്യൂട്ടിയിലുണ്ടായിരുന്ന രണ്ടു പേര് ബ്ലോക്ക് തുറന്നു. ഈ സമയം ഇവരെ ആക്രമിച്ച് പരിക്കേൽപ്പിച്ച ശേഷം തടവുകാർ കൂട്ടത്തോടെ ഓടി രക്ഷപെട്ടു. പ്രധാന ഗേറ്റിൽ തടയാൻ ശ്രമിച്ച മറ്റ് രണ്ട്ജീ വക്കാരെയും ഇവർ ആക്രമിച്ചു. താക്കോൽ കൈക്കലക്കി ഗേറ്റ്രി തുറന്നാണ് പുറത്ത് ഇറങ്ങിയത്. നാലു ജയിൽ ജീവനക്കാരും ആശുപത്രിയിൽ ചികിത്സയിലാണ്. സംഭവം അറിഞ്ഞ് മധുര റേഞ്ച് ഐജിയുടെയും തേനി ജില്ല പോലീസ് മേധാവിയുടെയും നേതൃത്വത്തിൽ വൻ പോലീസ് സംഘം സ്ഥലത്തെത്തി.

തമിഴ്നാട്ടിലെ എല്ലാ സ്റ്റേഷനുകളും കേന്ദ്രീകരിച്ച് തെരച്ചിൽ ആരംഭിച്ചു. പുലർച്ചെയോടെ ജയിലിനടുത്തുള്ള മലയടിവാരത്ത് ഒളിവിൽ കഴിഞ്ഞിരുന്ന പ്രവീണിനെ പൊലീസ് പിടികൂടി. തേവാരം സ്വദേശി ചിലമ്പരശൻ, മധുര സുന്ദര രാജപുരം സ്വദേശി രാജ് കമാർ, മേലമട സ്വദേശി രാജ സിക്കന്തർ എന്നിവരെ രാവിലെ പിടികൂടി. ബാക്കിയുള്ള 13 പേരെ പിടികൂടാൻ 25 സംഘങ്ങളെ നിയോഗിച്ചിട്ടുണ്ട്. വിവിധ ജില്ലകൾ കേന്ദ്രീകരിച്ച് തെരച്ചിൽ തുടരുകയാണ്. ഡ്രോൺ ഉപയോഗിച്ചും തെരയുന്നുണ്ട്. ഇടുക്കി, പാലക്കാട് ജില്ലകളിലേക്ക് ഇവർ കടയക്കാൻ സാധ്യതയുള്ളതിനാൽ കേരള പൊലീസിനും വിവരങ്ങൾ കൈമാറിയിട്ടുണ്ട്. ജയിലിൽ സുരക്ഷ വീഴ്ച്ച ഉണ്ടായിട്ടുണ്ടോ എന്ന് കണ്ടെത്താൻ തമിഴ് നാട് ജയിൽ ഡിജിപി സന്ദീപ് റായ് റാത്തോറും നേരിട്ടത്തി പരിശോധന നടത്തി. രണ്ടു ഹെഡ് കോൺസ്റ്റബിൾമാരെയും ഏഴു ജയിൽ ഗാർഡമാരെയും ആണ് സസ്പെൻഡ്‌ ചെയ്തത്.

സൗദി അറേബ്യയിൽ വീണ്ടും ഹൂതി ആക്രമണം; കിഴക്കൻ മേഖലയിൽ മൂന്ന് ബാലിസ്റ്റിക് മിസൈലുകളും തെക്കൻ മേഖലയിൽ നാല് ഡ്രോണുകളും തകർത്തു

Reshma Vijayan — Tue, 27 Oct 2026 11:48:15 +0530

റിയാദ്: സൗദി അറേബ്യയെ ലക്ഷ്യമാക്കി ഹൂതി വിമതർ നടത്തിയ വ്യോമാക്രമണ ശ്രമങ്ങൾ അറബ് സഖ്യസേന വിജയകരമായി പരാജയപ്പെടുത്തി. രാജ്യത്തിന്‍റെ കിഴക്കൻ മേഖല ലക്ഷ്യമാക്കി തൊടുത്തുവിട്ട മൂന്ന് ബാലിസ്റ്റിക് മിസൈലുകളും തെക്കൻ മേഖല ലക്ഷ്യമാക്കി അയച്ച നാല് ഡ്രോണുകളും വ്യോമ പ്രതിരോധ സേന ആകാശത്തുവെച്ചുതന്നെ തകർത്തതായി സഖ്യസേന ഔദ്യോഗിക വക്താവ് ബ്രിഗേഡിയർ ജനറൽ തുർക്കി അൽ മാലികി അറിയിച്ചു.

രാജ്യത്തിന്‍റെ സുരക്ഷയും സമാധാനവും ഉറപ്പുവരുത്തുന്നതിനും, പൗരന്മാരുടെയും പ്രവാസികളുടെയും ജീവനും സ്വത്തിനും സംരക്ഷണം നൽകുന്നതിനുമായി സഖ്യസേനയുടെ സംയുക്ത കമാൻഡ് പ്രത്യേക സൈനിക നടപടികൾ സ്വീകരിച്ചിട്ടുണ്ടെന്ന് കഴിഞ്ഞ ദിവസം വ്യക്തമാക്കിയിരുന്നു. അന്താരാഷ്ട്ര നിയമങ്ങൾക്കനുസൃതമായ ആത്മരക്ഷാ അവകാശം വിനിയോഗിച്ചുകൊണ്ട്, ഹൂതികളുടെ ഭീഷണി ഉറവിടങ്ങൾ നിർവീര്യമാക്കുന്നതിന്റെ ഭാഗമായാണ് ഈ നടപടികൾ സ്വീകരിച്ചതെന്നും ഔദ്യോഗിക വക്താവ് കൂട്ടിച്ചേർത്തു.

കഴിഞ്ഞ ദിവസം തെക്കൻ സൗദി അറേബ്യയിലെ ഖമീസ് മുശൈത്ത്, അഹദ് അൽ റുഫൈദ എന്നീ പ്രദേശങ്ങളിൽ മിസൈൽ അവശിഷ്ടങ്ങൾ പതിച്ച് രണ്ട് പേർക്ക് പരിക്കേറ്റിരുന്നു. ഹൂതി വിമതർ തൊടുത്തുവിട്ട രണ്ട് ബാലസ്റ്റിക് മിസൈലുകൾ ആകാശത്തുവെച്ച് സൗദി സേന തടഞ്ഞുനശിപ്പിച്ചതിനെത്തുടർന്നാണ് അവയുടെ അവശിഷ്ടങ്ങൾ ജനവാസ മേഖലയിൽ പതിച്ചത്. സംഭവത്തിൽ പ്രദേശത്തെ നിരവധി വാഹനങ്ങൾക്കും കെട്ടിടങ്ങൾക്കും കനത്ത നാശനഷ്ടങ്ങൾ സംഭവിച്ചിട്ടുണ്ട്. അപകടത്തിൽ ഒരു സൗദി പൗരനും ഏഷ്യൻ വംശജനായ പ്രവാസിക്കുമാണ് പരിക്കേറ്റതെന്ന് സിവിൽ ഡിഫൻസ് ഔദ്യോഗിക വക്താവ് സ്ഥിരീകരിച്ചു.

സൗദിയിലെ ഖമീസ് മുശൈത്തിലും അഹദ് അൽ റുഫൈദയിലും മിസൈൽ അവശിഷ്ടങ്ങൾ പതിച്ച് രണ്ട് പേർക്ക് പരിക്ക്; വാഹനങ്ങൾക്കും കെട്ടിടങ്ങൾക്കും നാശനഷ്ടം

Reshma Vijayan — Tue, 27 Oct 2026 11:45:41 +0530

റിയാദ്: തെക്കൻ സൗദി അറേബ്യയിലെ ഖമീസ് മുശൈത്ത്, അഹദ് അൽ റുഫൈദ എന്നീ പ്രദേശങ്ങളിൽ മിസൈൽ അവശിഷ്ടങ്ങൾ പതിച്ച് രണ്ട് പേർക്ക് പരിക്കേറ്റു. ഹൂതി വിമതർ തൊടുത്തുവിട്ട രണ്ട് ബാലസ്റ്റിക് മിസൈലുകൾ ആകാശത്തുവെച്ച് സൗദി സേന തടഞ്ഞുനശിപ്പിച്ചതിനെത്തുടർന്നാണ് അവയുടെ അവശിഷ്ടങ്ങൾ ജനവാസ മേഖലയിൽ പതിച്ചത്. സംഭവത്തിൽ പ്രദേശത്തെ നിരവധി വാഹനങ്ങൾക്കും കെട്ടിടങ്ങൾക്കും കനത്ത നാശനഷ്ടങ്ങൾ സംഭവിച്ചിട്ടുണ്ട്.

ഞായറാഴ്ചയുണ്ടായ ഈ സംഭവത്തെത്തുടർന്ന് ഇരു ഗവർണറേറ്റുകളിലും സിവിൽ ഡിഫൻസ് വിഭാഗം അടിയന്തര സുരക്ഷാ നടപടികൾ സ്വീകരിച്ചു. അപകടത്തിൽ ഒരു സൗദി പൗരനും ഏഷ്യൻ വംശജനായ പ്രവാസിക്കുമാണ് പരിക്കേറ്റതെന്ന് സിവിൽ ഡിഫൻസ് ഔദ്യോഗിക വക്താവ് സ്ഥിരീകരിച്ചു. കൂടാതെ, മൂന്ന് പാർപ്പിട കെട്ടിടങ്ങൾക്കും ഏഴ് വാഹനങ്ങൾക്കും വലിയ തോതിൽ നാശനഷ്ടങ്ങൾ സംഭവിച്ചിട്ടുണ്ട്. സംഭവസ്ഥലത്ത് സുരക്ഷാ അധികൃതർ ആവശ്യമായ എല്ലാ മുൻകരുതൽ നടപടികളും പൂർത്തിയാക്കിയിട്ടുണ്ട്.

ചേരാനെല്ലൂരിൽ ബെൻസ് ഇടിച്ച് 55 കാരൻ മരിച്ച സംഭവം; കേസ് ഫയലുകൾ ഡിസിബിക്ക് കൈമാറി

Elsa TJ — Tue, 27 Oct 2026 11:41:55 +0530

ചേരാനല്ലൂർ: ചേരാനല്ലൂർ ബെൻസ് ഇടിച്ചു 55 കാരൻ മരിച്ച കേസിൽ ഡിസിബിക്കു കേസ് ഫയലുകൾ കൈമാറി. ലോ ആൻഡ് ഓർഡർ എഐജി അനൂജ് പലിവാൾ ചേരാനെല്ലൂർ സ്റ്റേഷനിൽ എത്തി. ജഡ്ജിന്റെ മൊഴി ഇന്നലെ എടുത്തു എങ്കിലും ഒഫീഷ്യൽ ആയി രേഖപ്പെടുത്തിയിരുന്നില്ല. അതിനാൽ അനുമതി വാങ്ങിയ ശേഷം പോലീസ് സ്റ്റേഷനിൽ വിളിച്ചു വരുത്തി മൊഴി രേഖപ്പെടുത്തും. തന്റെ അറിവോടെയല്ല മകൻ വാഹനമോടിച്ചതെന്നാണ് ജഡ്ജി മൊഴി നൽകിയിട്ടുള്ളത്. അതേസമയം 17 കാരൻ ഓടിച്ച ബെൻസ് കാർ ഇടിച്ച് തട്ടുകട ഉടമ മരിച്ച കേസിൽ അഡീഷണൽ മജിസ്ട്രേറ്റിന് വീഴ്ച പറ്റി എന്നാണ് റിപ്പോർട്ട്‌. പോർട്ട്ഫോളിയോ ജഡ്‌ജ്‌ ഹൈക്കോടതി അഡ്മിനിസ്ട്രേറ്റിവ് കമ്മിറ്റിക്ക് നൽകിയ റിപ്പോർട്ടിൽ ആണ് ഈ കണ്ടെത്തൽ.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

മകൻ അപകടം ഉണ്ടാക്കി എന്നറിഞ്ഞ ഉടൻ അച്ഛനായ ജഡ്ജി പോലീസ് സ്റ്റേഷനിൽ പോയത് തെറ്റ് ആണ്. ഔദ്യോഗിക ആവശ്യത്തിന് അല്ലാതെ സ്റ്റേഷനിൽ പോകുമ്പോൾ, ജില്ലാ ജഡ്ജിയുടെ അനുമതി വാങ്ങണമായിരുന്നു. ജഡ്ജിയെ സസ്‌പെൻഡ് ചെയ്യുന്ന കാര്യത്തിൽ തീരുമാനം ഇന്ന് ഉണ്ടായേക്കും.ഇതിനിടെ സ്വന്തം ഇൻസ്റ്റാഗ്രാം പേജ് 17കാരൻ ഡിലീറ്റ് ചെയ്തു. മുൻപ് വാഹനമോടിച്ചതിന്റെ തെളിവ് നശിപ്പിക്കാനാണ് ഇതെന്ന് പുറത്ത് വരുന്ന സൂചന. 17 കാരൻ ലൈസൻസ് എടുക്കുന്നത് വിലക്കാൻ എംവിഡി മോട്ടോർ വെഹിക്കിൾ ആക്ട് പ്രകാരം 25 വയസ്സ് വരെ വിലക്കും. അപകടമുണ്ടാക്കിയ ബെൻസിന്റെ ആർസി സസ്പെൻഡ് ചെയ്യും.

ഏഷ്യാനെറ്റ് ന്യൂസ് ലൈവ് കാണാം

മാധ്യമ പ്രവർത്തകയുടെ ഹർജി; രാഹുൽ ഗാന്ധിക്കെതിരെ നോട്ടീസ് അയച്ച് സുപ്രീംകോടതി

Faseela Moidu — Tue, 27 Oct 2026 11:40:07 +0530

ദില്ലി: മാധ്യമ പ്രവർത്തകയുടെ ഹർജിയിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെ നോട്ടീസ് അയച്ച് സുപ്രീംകോടതി. സുപ്രീംകോടതി മാർച്ചിനിടെ ഗർഭിണിയായ മാധ്യമ പ്രവർത്തകയെ രാഹുൽ ഗാന്ധി തള്ളിയെന്ന കേസിലാണ് രാഹുലിനും പൊലീസിനും നോട്ടീസ് അയച്ചിരിക്കുന്നത്. ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചാണ് നോട്ടീസ് അയച്ചത്. മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യ സഖ്യം നടത്തിയ പ്രതിഷേധത്തിനിടെയാണ് സംഭവമെന്നാണ് ഹർജിയിലുള്ളത്.

അതേസമയം, ഉൾപ്പെടെ സമർപ്പിച്ച ഹർജികൾ ഇന്ന് സുപ്രീംകോടതി പരിഗണിക്കും. നേരത്തെ ഹർജി പരിഗണിച്ച കോടതി തെരഞ്ഞെടുപ്പ് കമ്മീഷന് നോട്ടീസ് അയച്ചിരുന്നു. ഇതിനിടെ അദ്ദേഹത്തിന്റെ രാജി ആവശ്യപ്പെട്ട് സിപിഐ ഇന്ന് മനുഷ്യചങ്ങല തീർക്കും. വ്യാഴാഴ്ച പ്രതീകാത്മക വിചാരണയും നവംബർ ഒന്നിന് 'വോട്ട് ബച്ചാവോ ദേശ് ബച്ചാവോ' മഹാറാലിയും അടക്കമുള്ള തുടർ സമരപരിപാടികളുമായി മുന്നോട്ട് പോകുമെന്ന് ഇന്ത്യ സഖ്യം വ്യക്തമാക്കിയിരുന്നു.

അതേസമയം, മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ ആരോപണങ്ങൾ തള്ളി തെരഞ്ഞെടുപ്പ് കമ്മീഷൻ സുപ്രീംകോടതിയിൽ സത്യവാങ്മൂലം നൽകി. എസ്ഐആർ സംബന്ധിച്ച് 2025 ജൂണിലും ഒക്ടോബറിലും 2026 മേയിലും പുറപ്പെടുവിച്ച ഉത്തരവുകൾ കമ്മീഷൻ ഏകകണ്ഠമായാണ് എടുത്തതെന്നും ഹർജിയിലെ ആരോപണങ്ങൾ ഒരു വാർത്താ റിപ്പോർട്ടിനെ മാത്രം അടിസ്ഥാനമാക്കിയുള്ളതാണെന്നും കമ്മീഷൻ വ്യക്തമാക്കി.

തെരഞ്ഞെടുപ്പ് കമ്മീഷന്റെ സത്യവാങ്മൂലത്തിന് വിശദമായ മറുപടി നൽകുമെന്ന് ഇന്ത്യാ സഖ്യ നേതാക്കൾ അറിയിച്ചു. കമ്മീഷൻ എടുത്ത തീരുമാനങ്ങളെയാണ് രണ്ട് കമ്മീഷണർമാർ ചോദ്യം ചെയ്തത്. എന്തുകൊണ്ട് ആദ്യം രണ്ട് കമ്മീഷണർമാരെ അറിയിക്കാതെ തീരുമാനമെടുത്തു എന്നത് വിശദീകരിക്കണം. ഇക്കാര്യം സത്യവാങ്മൂലത്തിൽ വ്യക്തമല്ല എന്ന് ഇന്ത്യാ സഖ്യ നേതാക്കൾ ആരോപിച്ചു. ശിവസേന നേതാവ് സഞ്ജയ് റൗത്തിൻറെ നിലപാടും ഇന്ന് സുപ്രീം കോടതി തേടും. അതേസമയം, പശ്ചിമ ബംഗാളിൽ തെരഞ്ഞെടുപ്പ് കമ്മീഷൻ പോർട്ടൽ പോർട്ടലിൽ മാറ്റം വരുത്തണമെന്ന് ട്രൈബ്യൂണൽ ജഡ്ജിമാർ നിർദേശിച്ചു. ആധാർ ആധികാരികത പരിശോധിക്കാനുള്ള സംവിധാനം അന്തിമ തീരുമാനങ്ങളെ ബാധിക്കുന്നുവെന്നും ട്രൈബ്യൂണൽ ജഡ്ജിമാർ പറഞ്ഞു.

കണ്ണൂർ കണ്ണവത്ത് രണ്ടിടങ്ങളിൽ ബോംബ് സ്ഫോടനം; പൊട്ടിയത് സ്റ്റീല്‍ ബോംബ് ആണെന്ന് നിഗമനം, അന്വേഷണം തുടർന്ന് പൊലീസ്

Web Desk — Tue, 27 Oct 2026 11:11:57 +0530

കണ്ണൂർ: കണ്ണൂർ കണ്ണവത്ത് രണ്ടിടങ്ങളിലുണ്ടായ ബോംബ് സ്ഫോടനങ്ങളിൽ പൊലീസ് അന്വേഷണം തുടരുന്നു. റേഞ്ച് ഓഫീസിന് സമീപവും 500 മീറ്റർ അകലെയുള്ള ചൂണ്ടിയിലുമാണ് സ്റ്റീൽ ബോംബ് രണ്ട് ദിവസം മുമ്പ് രാത്രി പൊട്ടിത്തെറിച്ചത്. ശബ്ദം കേട്ട പ്രദേശവാസികൾ പൊലീസില്‍ വിവരം അറിയിക്കുകയായിരുന്നു. പരിശോധനയില്‍ ബോംബ് പൊട്ടിയതിന്‍റെ അടയാളങ്ങളുണ്ടെന്ന് പൊലീസ് വ്യക്തമാക്കിയിരുന്നു. സംഭവം ഉണ്ടായ രണ്ടിടത്തും സിസിടിവി ക്യാമറകളില്ല. കണ്ണവം ജംഗ്ഷനിലെ പരമാവധി സിസിടിവി ക്യാമറ ദൃശ്യങ്ങൾ പരിശോധിക്കുകയാണ് പൊലീസ്. പ്രദേശത്ത് പൊലീസ് നിരീക്ഷണം ശക്തമാക്കിയിട്ടുണ്ട്. സമീപ സ്ഥലങ്ങളിലും കനത്ത പൊലീസ് പട്രോളിംഗ് ഉണ്ട്.

നെടുമ്പാശേരി അപകടത്തിൽ ആഭ്യന്തരമന്ത്രി ശക്തമായ നിലപാട് എടുത്തു, പക്ഷേ പൊലീസ് മനോഭാവം മാറിയില്ല; നിയമസഭയിൽ വിമർശനവുമായി പിണറായി

Faseela Moidu — Tue, 27 Oct 2026 11:07:13 +0530

തിരുവനന്തപുരം: നെടുമ്പാശേരി അപകടത്തിൽ ആഭ്യന്തരമന്ത്രി ശക്തമായ നിലപാട് എടുത്തുവെന്നും പക്ഷെ പൊലീസ് മനോഭാവം മാറിയില്ലെന്നും, അതാണ് ചേരാനല്ലൂരിൽ കണ്ടതെന്നും പ്രതിപക്ഷ നേതാവ് പിണറായി വിജയൻ. സമ്പന്നരും സ്വാധീനമുള്ളവർക്കും പാവപ്പെട്ടവർക്കും രണ്ട് നീതി. ഇതിൽ സർക്കാരിന് യോജിപ്പില്ലെന്ന് പറയുന്നു. പക്ഷെ ഇത്തരമൊരവസ്ഥ ഗൗരവമായി കാണണമെന്നും പിണറായി നിയമസഭയിൽ ചോദിച്ചു.

ഞങ്ങൾക്കും സമ്പന്നർക്കും രണ്ട് നീതിയാണോയെന്ന് ജയപാലകൃഷ്ണന്റെ മകൾ ചോദിക്കുന്നു. അത് ഗൗരവതരമാണ്. ആഭ്യന്തര മന്ത്രിയുടെ വാക്കും നിലപാടും പോലും പൊലീസ് അംഗീകരിക്കുന്നില്ല. സമ്പന്നർക്കും സാധാരണക്കാർക്കും രണ്ടു നീതിയാണ്. ഞങ്ങൾക്കും സമ്പന്നർക്കും രണ്ടു നീതി എന്ന് ആ കുട്ടിക്ക് ചോദിക്കേണ്ടി വന്നു. ആ ചിത അടങ്ങും മുൻപാണത്. അത് സങ്കടകരവും അപമാനകരവുമാണ്. പൊലീസിലുള്ള വിശ്വാസം നഷ്‌ടപ്പെട്ട പ്രതികരണമാണ് ഉണ്ടാകുന്നതെന്നും പിണറായി പറഞ്ഞു.

ആർടിഐ നിയമത്തിൽ വെള്ളം ചേർക്കുന്ന നിലപാടില്ലെന്ന് ആഭ്യന്തര മന്ത്രി; 'രേഖകൾ പുറത്തുവന്നാൽ അന്വേഷണത്തെ ബാധിക്കും'

Web Desk — Tue, 27 Oct 2026 10:45:31 +0530

തിരുവനന്തപുരം: ആർടിഐ നിയമത്തിൽ വെള്ളം ചേർക്കുന്ന നിലപാടില്ലെന്ന് ആഭ്യന്തര മന്ത്രി വ്യക്തമാക്കി. അതീവ രഹസ്യ സ്വഭാവമുള്ള കേസുകളിലെ വിവരങ്ങൾ പുറത്തുവന്നാൽ അതിന്റെ ഗുണം പ്രതികൾക്കായിരിക്കും ലഭിക്കുകയെന്നും T1, T2 എന്നിവ ചെറിയ സെക്ഷനുകളാണെന്നും മന്ത്രി മന്ത്രി രമേശ് ചെന്നിത്തല പറഞ്ഞു. മൊഴികളും രേഖകളും പുറത്തുവന്നാൽ അത് കേസന്വേഷണത്തെ ബാധിക്കും. നിലവിൽ കുറ്റപത്രം ഉൾപ്പെടെ പരസ്യമാക്കുന്നുണ്ട്. എന്നാൽ അന്വേഷണ സമയത്ത് വിവരങ്ങൾ നൽകുന്നത് ശരിയല്ല എന്നതുകൊണ്ടാണ് ഇത്തരം ഒരു നടപടി സ്വീകരിച്ചത്. കേസ് അന്വേഷണം പൂർത്തിയായാൽ വിവരങ്ങൾ നൽകുമെന്നും അദ്ദേഹം വ്യക്തമാക്കി.

സംസ്ഥാന വിജിലൻസിന്‍റെ ടി സെക്ഷനെ വിവരാവകാശത്തിൽ നിന്നൊഴിവാക്കി സർക്കാർ വിജ്ഞാപനമിറക്കിയിരുന്നു. ടി സെക്ഷനിലേക്ക് കൈമാറുന്ന കേസുകളുടെ വിവരങ്ങൾ ഇനി മുതൽ വിവരാവകാശ നിയമപ്രകാരം കിട്ടില്ല. ഏതൊക്കെ രേഖകൾ ടി സെക്ഷനിലേക്ക് മാറ്റണമെന്ന് വിജിലൻസ് ഡയറക്ടർക്ക് തീരുമാനിക്കാം. രാഷ്‌ട്രീയ നേതാക്കൾ ഉൾപ്പെടുന്ന കേസുകൾ ടി സെക്ഷനിലേക്ക് മാറ്റിയാൽ ആർടിഐ പ്രകാരം പുറത്തുവരില്ല. വിവരാവകാശ നിയമം ആദ്യം വന്നപ്പോൾരഹസ്യ സെക്ഷനായ ടി സെക്ഷനെ ഒഴിവാക്കിയിരുന്നു. എന്നാൽ 2022 ൽ ഈ സെക്ഷൻ വീണ്ടും വിവരാവകാശ പരിധിയിൽപ്പെടുത്തി.

കോവിഡ് കാലത്ത് ആരോഗ്യവകുപ്പ് വാങ്ങിയ ഐഫോണുകൾ കാണാതായത് വിജിലൻസ് അന്വേഷിക്കും; ആഭ്യന്തരമന്ത്രിക്ക് കത്ത് നൽകി ആരോഗ്യമന്ത്രി

Web Desk — Tue, 27 Oct 2026 10:34:58 +0530

തിരുവനന്തപുരം: കോവിഡ് കാലത്ത് ആരോഗ്യവകുപ്പ് വാങ്ങിയ ഐഫോണുകൾ കാണാതായത്വിജിലൻസ് അന്വേഷിക്കും. സംഭവത്തിൽ വിജിലൻസ് അന്വേഷണം ആവശ്യപ്പെട്ട് ആരോഗ്യമന്ത്രി കെ മുരളീധരൻ ആഭ്യന്തരമന്ത്രി രമേശ് ചെന്നിത്തലയ്ക്ക് കത്തുനൽകി.

7.16 കോടി രൂപ മുടക്കി ആരോഗ്യവകുപ്പ് വാങ്ങിയ 224 ഐഫോണുകളിൽ പലതും കാണാനില്ലെന്ന് കഴിഞ്ഞദിവസമാണ് കെ മുരളീധരൻ നിയമസഭയിൽ പറഞ്ഞത്. കോവിഡ് കാലത്ത് വാങ്ങിയ ഈ ഐഫോണുകളിൽ ചിലത് ആശുപത്രികളിൽ കൂട്ടിയിട്ടിരിക്കുകയാണെന്നും മന്ത്രി പറഞ്ഞിരുന്നു. കണ്ണ് പരിശോധനയ്ക്കായുള്ള ഫണ്ടസ് ക്യാമറയിൽ ഘടിപ്പിക്കാനായാണ് ആരോഗ്യവകുപ്പ് ഐഫോണുകൾ വാങ്ങിയിരുന്നത്. ഇതിൽ പലതും കാണാനില്ലെന്ന കണ്ടെത്തലിലാണ് ഇപ്പോൾ വിജിലൻസ് അന്വേഷണം വരുന്നത്.

പ്രവാസികൾക്കായി എൽഡിഎഫ് സർക്കാർ നടപ്പാക്കിയ ഇൻഷുറൻസ് പദ്ധതി നീട്ടുന്നതിൽ അനിശ്ചിതത്വം, മറുനാടൻ മലയാളികൾക്ക് ആശങ്ക

Web Desk — Tue, 27 Oct 2026 10:09:46 +0530

തിരുവനന്തപുരം: മറുനാടൻ മലയാളികൾക്കായി എൽ‌ഡിഎഫ് സർക്കാർ നടപ്പിലാക്കിയ നോർക്ക കെയർ ആരോഗ്യ ഇൻഷുറൻസ് പദ്ധതി നീട്ടുന്നതിൽ അനിശ്ചിതത്വം തുടരുന്നു. ഈ വെള്ളിയാഴ്ച കാലാവധി തീരാനിരിക്കെ പദ്ധതി പുതുക്കുന്നതിൽ അറിയിപ്പുകളില്ല. ഇതോടെ ചികിത്സാ ചെലവിൽ പ്രവാസികൾ ആശങ്കയിലായി. സർക്കാർ അടിയന്തരമായി ഇടപെടണമെന്നാണ് പ്രവാസികളുടെ ആവശ്യം.

വിദേശത്തും ഇതര സംസ്ഥാനങ്ങളിലും കഴിയുന്ന മലയാളികൾക്കും അവരുടെ കുടുംബങ്ങൾക്കും ആരോഗ്യ സുരക്ഷയും അപകട ഇൻഷുറൻസും നൽകുകയാണ് പദ്ധതിയുടെ ലക്ഷ്യം. 18 നും 70 നും ഇടയിൽ പ്രായമുള്ളവർക്ക് പദ്ധതിയിൽ അംഗമാകാം. 5 ലക്ഷം രൂപ മുതൽ 1 കോടി രൂപ വരെയുള്ള 7 വ്യത്യസ്ത പരിരക്ഷ ലഭ്യമാണ്. രാജ്യത്തുടനീളമുള്ള ആയിരക്കണക്കിന് ആശുപത്രികളിൽ ക്യാഷ്‌ലെസ് ചികിത്സാ സൗകര്യം ലഭ്യമായിരുന്നു. ആയുർവേദ, യോഗ, നാചുറോപ്പതി, യുനാനി, സിദ്ധ, ഹോമിയോപ്പതി ചികിത്സകൾക്ക് വർഷത്തിൽ 50,000 രൂപ വരെ പരിരക്ഷ ലഭിച്ചിരുന്നു.

തമിഴ്നാട്ടിലെ ജയിൽച്ചാട്ടം: അപസ്മാരം അഭിനയിച്ച് ആസൂത്രിതനീക്കം, 17 തടവുകാരിൽ നാലുപേർ അറസ്റ്റിൽ; 17 പൊലീസ് സംഘങ്ങൾ, വ്യാപക തെരച്ചിൽ

Afeef M — Tue, 27 Oct 2026 09:59:38 +0530

തേനി: തമിഴ്നാട്ടിലെ തേനി ജില്ലയിലെ ആണ്ടിപ്പെട്ടി തേക്കാംപെട്ടി സബ് ജയിലിൽനിന്ന് രക്ഷപ്പെട്ട 17 തടവുകാരിൽനാലുപേർ പിടിയിലായി. സംസ്ഥാന വ്യാപകമായി പൊലീസ് നടത്തിയ ഊർജിത തെരച്ചിലിനിടെയാണ് ചൊവ്വാഴ്ച മൂന്നുപേരെ കൂടി പിടികൂടിയത്. രക്ഷപ്പെട്ടവരിൽ ഒരാളെ കഴിഞ്ഞദിവസം രാത്രി തന്നെ അറസ്റ്റ് ചെയ്തിരുന്നു.

പ്രവീൺ കുമാർ എന്നയാളാണ് കഴിഞ്ഞദിവസം തന്നെ പൊലീസിന്റെ പിടിയിലായത്. ഇതിനുപിന്നാലെയാണ് തേനി സ്വദേശിയായ ചിലമ്പരശൻ, മധുര സ്വദേശികളായ രാജാ സിക്കന്ദർ, രാജ്കുമാർ എന്നിവരെയും പൊലീസ് പിടികൂടിയത്. ഇനി 13 തടവുകാരെ കൂടി കണ്ടെത്താനുണ്ട്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കഴിഞ്ഞ ദിവസമാണ് സുരക്ഷാ ജീവനക്കാരെ ആക്രമിച്ചശേഷം 17 തടവുകാർ ജയിൽചാടിയത്. തടവുകാരിൽ ഒരാൾ അപസ്മാരബാധിതനായി അഭിനയിച്ച് ആസൂത്രിതമായിട്ടായിരുന്നു ജയിൽച്ചാട്ടം. തടവുകാരന് ആരോഗ്യപ്രശ്നങ്ങളുണ്ടെന്ന വിവരമറിഞ്ഞ് സുരക്ഷാ ജീവനക്കാർ സെല്ലിലേക്ക് വന്നിരുന്നു. ഈ സമയം സുരക്ഷാ ജീവനക്കാരെയും മറ്റ് ജയിൽ ഉദ്യോഗസ്ഥരെയും ആക്രമിച്ചാണ് 17 തടവുകാരും കടന്നുകളഞ്ഞത്.

ജയിൽ ചാടിയ തടവുകാരെ കണ്ടെത്താനായി സംസ്ഥാന വ്യാപകമായി തമിഴ്നാട് പൊലീസ് തെരച്ചിൽ തുടരുകയാണ്. ദക്ഷിണ മേഖലാ ഐജി വിജയേന്ദ്ര ബിദരിയുടെ നേതൃത്വത്തിൽ 17 പ്രത്യേകസംഘങ്ങളായി തിരിഞ്ഞാണ് പൊലീസ് പരിശോധന നടത്തുന്നത്. സംസ്ഥാനത്തെ ബസ് സ്റ്റാൻഡുകൾ, റെയിൽവേ സ്റ്റേഷനുകൾ തുടങ്ങിയവ കേന്ദ്രീകരിച്ചും തെരച്ചിൽ നടക്കുന്നുണ്ട്. തടവുകാർ സംസ്ഥാനം വിടാൻ സാധ്യതയുള്ളതിനാൽ കർണാടക, കേരള അതിർത്തികളിലും ജാഗ്രതാ നിർദേശമുണ്ട്. സംഭവത്തെത്തുടർന്ന് ജയിൽ ഡിജിപി സന്ദീപ് റായി ചൊവ്വാഴ്ച രാവിലെ ചെന്നൈയിൽനിന്ന് തേനിയിലേക്ക് തിരിച്ചു. ജയിലിലെ സുരക്ഷാവീഴ്ചയിലടക്കം ഡിജിപി വിവരങ്ങൾ തേടി. അതിനിടെ, തടവുകാരെ കണ്ടെത്താനായി തേനി പൊലീസ് പൊതുജനങ്ങളോടും സഹായം അഭ്യർഥിച്ചിട്ടുണ്ട്. ഇവരുടെ ചിത്രങ്ങളും പേരുവിവരങ്ങളും തേനി പൊലീസ് പുറത്തുവിട്ടിട്ടുണ്ട്. എന്തെങ്കിലും വിവരം ലഭിക്കുന്നവർ പൊലീസിനെ അറിയിക്കണമെന്നാണ് നിർദേശം.

ഡ്രൈവിംഗ് സീറ്റിൽ സ്റ്റിയറിംഗ് പിടിച്ച് പിഞ്ചുകുഞ്ഞ്, കൂസലില്ലാതെ മാതാപിതാക്കൾ, റോഡിലെ അപകടക്കളി തുടരുന്നു

Elsa TJ — Tue, 27 Oct 2026 09:56:06 +0530

കഴക്കൂട്ടം: പ്രായപൂർത്തിയാവാത്തവർ മൂലം വാഹനാപകടങ്ങൾ പതിവായിട്ടും റോഡിലെ അപകടക്കളി തുടരുന്നു. മൂന്നോ നാലോ പ്രായമുള്ള കുട്ടിയെ ഉപയോഗിച്ച് സ്റ്റിയറിംഗ് നിയന്ത്രിക്കാൻ അനുവദിച്ച് രക്ഷിതാക്കൾ. ഡ്രൈവർ സീറ്റിൽ അച്ഛന്റെ മടിയിൽ ഇരുന്ന് പിഞ്ചുകുഞ്ഞിന്റെ ഡ്രൈവിംഗ്. തിരുവനന്തപുരം കഴക്കൂട്ടത്താണ് സംഭവം. കുട്ടി സ്റ്റിയറിംഗ് പിടിച്ച് നിയന്ത്രിക്കുന്ന ദൃശ്യങ്ങളാണ് പുറത്ത് വന്നിട്ടുള്ളത്. 80-100 കിലോമീറ്റർ വേഗതയിലാണ് ഈ അപകടപ്പാച്ചിൽ. സമീപത്ത് കൂടി വന്ന കാറിലുള്ളവർ വീഡിയോ എടുക്കുന്നത് ശ്രദ്ധയിൽ വന്നതോടെ വീണ്ടും വേഗതയിൽ കാർ മുന്നോട്ട് കുതിക്കുകയാണ്. പതിനേഴുകാരൻ ഓടിച്ച വാഹനം ഇടിച്ച് ഒരാൾ കൊല്ലപ്പെട്ട് ഒരു ദിവസം പിന്നിടും മുൻപാണ് സംഭവം. കൊല്ലം ഇളമ്പൽ സ്വദേശികളാണ് വീഡിയോ ദൃശ്യം പകർത്തിയത്.

അധിക വാഹനങ്ങൾ ഇല്ലാത്ത സമയത്താണ് അപകടക്കളിയെന്നതാണ് വലിയ ദുരന്തം ഒഴിവാക്കിയത്. തിരുവനന്തപുരം കഴക്കൂട്ടം എയർപോർട്ട് റോഡിലാണ് സംഭവം. കണ്ടില്ലെന്ന് നടിക്കാനാവില്ലെന്ന് ബോധ്യമുള്ളതുകൊണ്ടാണ് വീഡിയോ എടുത്തതെന്നാണ് വീഡിയോ എടുത്തതെന്ന് വ്യക്തി പ്രതികരിക്കുന്നത്. അനന്തപുരി ആശുപത്രിക്ക് മുന്നിലുള്ള ഫ്ലൈ ഓവറിലാണ് അപകടക്കളി.

ഏഷ്യാനെറ്റ് ന്യൂസ് ലൈവ് കാണാം

അരുണാചൽ പ്രദേശിൽ ഡാം വിരുദ്ധ സമരം ശക്തമാകുന്നു: പ്രതിഷേധക്കാർ വാഹനങ്ങൾക്ക് തീയിട്ടു, മൂന്ന് പേർ അറസ്റ്റിൽ

Web Desk — Tue, 27 Oct 2026 09:48:29 +0530

ഇറ്റാനഗർ: അരുണാചൽ പ്രദേശിൽ നടക്കുന്ന ഡാം വിരുദ്ധ ജനകീയ പ്രക്ഷോഭം കൂടുതൽ പ്രദേശങ്ങളിലേക്ക് വ്യാപിക്കുകയും അക്രമാസക്തമാകുകയും ചെയ്തു. സംഘർഷവുമായി ബന്ധപ്പെട്ട് പൗരാവകാശ പ്രവർത്തകൻ എബോ മിലി, യുവജന നേതാക്കളായ ഒട്ടുൽ ജെറാങ്, തജോങ് തലോം എന്നിവരുൾപ്പെടെ പ്രമുഖ നേതാക്കളെ പൊലീസ് അറസ്റ്റ് ചെയ്തു. ഈസ്റ്റ് സിയാങ് ജില്ലയിലെ പാസിഘാട്ടിൽ ആരംഭിച്ച പ്രതിഷേധത്തിനിടെ സമരക്കാർ ദേശീയ ജലവൈദ്യുത കോർപ്പറേഷന്‍റെ പ്രാദേശിക ഓഫീസിനും നിരവധി വാഹനങ്ങൾക്കും തീയിട്ടു. പാസിഘാട്ട് പൊലീസ് സ്റ്റേഷനും പ്രാദേശിക ബി.ജെ.പി അധ്യക്ഷന്‍റെയും എം.എൽ.എമാരുടെയും വീടുകൾക്കും നേരെ ആക്രമണമുണ്ടായി.

ക്രമസമാധാനം നിയന്ത്രണവിധേയമാക്കുന്നതിനായി കേന്ദ്ര സർക്കാർ സി.ആർ.പി.എഫ്, ആർ.എ.എഫ് ഉൾപ്പെടെയുള്ള കേന്ദ്ര സുരക്ഷാ സേനയെ സംസ്ഥാനത്തേക്ക് വ്യോമസേന വിമാനങ്ങളിൽ അടിയന്തരമായി എത്തിച്ചു. സ്ഥിതിഗതികൾ കണക്കിലെടുത്ത് ഈസ്റ്റ് സിയാങ് ഉൾപ്പെടെ മൂന്ന് അതിർത്തി ജില്ലകളിൽ അതീവ ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്. സമരക്കാരും സുരക്ഷാ സേനയും തമ്മിലുണ്ടായ കല്ലേറിലും ഏറ്റുമുട്ടലിലും 40-ലേറെ പൊലീസുകാർക്കും നിരവധി സമരക്കാർക്കും പരുക്കേറ്റു.

സിയാങ് നദിയിൽ നിർമ്മിക്കാൻ ഉദ്ദേശിക്കുന്ന കൂറ്റൻ ഡാം പ്രോജക്ട് പ്രാദേശിക ആദിവാസി വിഭാഗങ്ങളുടെ ഭൂമിയെയും ജീവിതസാഹചര്യങ്ങളെയും പരിസ്ഥിതിയെയും പ്രതികൂലമായി ബാധിക്കുമെന്ന് ചൂണ്ടിക്കാട്ടിയാണ് പ്രദേശവാസികളും വടക്കുകിഴക്കൻ ജനകീയ സംഘടനകളും രംഗത്തെത്തിയിരിക്കുന്നത്. അക്രമ മാർഗ്ഗങ്ങൾ ഉപേക്ഷിച്ച് ചർച്ചയ്ക്ക് തയ്യാറാകണമെന്ന് അരുണാചൽ മുഖ്യമന്ത്രി പേമ ഖണ്ഡു പ്രക്ഷോഭകരോട് അഭ്യർത്ഥിച്ചു.

വോട്ട്ചോരി; പ്രതിപക്ഷ പ്രചാരണത്തെ തടുക്കാൻ ബിജെപി, കേന്ദ്രമന്ത്രിമാരെയും, മുഖ്യമന്ത്രിമാരെയും കളത്തിലിറക്കും

Faseela Moidu — Tue, 27 Oct 2026 09:43:57 +0530

ദില്ലി: വോട്ട്ചോരിയിലെ പ്രതിപക്ഷ പ്രചാരണത്തെ തടുക്കാൻ കേന്ദ്രമന്ത്രിമാരെയും മുഖ്യമന്ത്രിമാരെയും കളത്തിലിറക്കാൻ ബിജെപി. ഒന്നിന് ഉത്തർപ്രദേശിൽ യോഗി ആദിത്യനാഥിൻ്റെ പദയാത്രയും ഷിംലയിൽ ഹിമന്ത ബിശ്വ ശർമ്മയുടെ പദയാത്രയും സംഘടിപ്പിക്കും. കേന്ദ്രമന്ത്രിമാരായ ഭൂപേന്ദ്രസിംഗ്, ശിവരാജ് സിംഗ് ചൗഹാൻ എന്നിവരുടെ നേതൃത്വത്തിൽ മേൽനോട്ടസമിതി ഉണ്ടാക്കിയിട്ടുണ്ട്.

അടുത്ത ഒന്ന് മുതൽ മൈതാനത്ത് ബിജെപിയും രംഗത്തിറങ്ങുകയാണ്. ഉത്തർപ്രദേശിൽ യോഗി ആദിത്യനാഥിൻ്റെ പദയാത്ര ഒന്നാം തിയ്യതിയും ഷിംലയിൽ ഹിമന്ത ബിശ്വ ശർമ്മയുടെ പദയാത്രയും നടക്കും. രണ്ടാം തിയ്യതി അമിത് ഷായുടെ പദയാത്രക്കൊപ്പം മുഖ്യമന്ത്രിമാരും പങ്കെടുക്കും. 5 ന് ഹരിയാനയിൽ നയബ് സിംഗ് സൈനിക്കൊപ്പം പ്രതിരോധമന്ത്രി രാജ്നാഥ്‌സിംഗും പദയാത്രക്കിറങ്ങും. ഓരോ ജില്ലാ ആസ്ഥാനങ്ങളിലും പതിനായിരം പേരെ പങ്കെടുപ്പിക്കാനാണ് നിർദ്ദേശം. കേന്ദ്രമന്ത്രിമാരായ ഭൂപേന്ദ്രസിംഗ്, ശിവരാജ് സിംഗ് ചൗഹാൻ എന്നിവരുടെ നേതൃത്വത്തിൽ മേൽനോട്ടസമിതി രൂപീകരിച്ചാണ് പ്രതിരോധ പരിപാടികൾ സംഘടിപ്പിക്കുന്നത്.

അതേസമയം, മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യ സഖ്യം ഉൾപ്പെടെ സമർപ്പിച്ച ഹർജികൾ ഇന്ന് സുപ്രീംകോടതി പരിഗണിക്കും. നേരത്തെ ഹർജി പരിഗണിച്ച കോടതി തെരഞ്ഞെടുപ്പ് കമ്മീഷന് നോട്ടീസ് അയച്ചിരുന്നു. ഇതിനിടെ അദ്ദേഹത്തിന്റെ രാജി ആവശ്യപ്പെട്ട് സിപിഐ ഇന്ന് മനുഷ്യചങ്ങല തീർക്കും. വ്യാഴാഴ്ച പ്രതീകാത്മക വിചാരണയും നവംബർ ഒന്നിന് 'വോട്ട് ബച്ചാവോ ദേശ് ബച്ചാവോ' മഹാറാലിയും അടക്കമുള്ള തുടർ സമരപരിപാടികളുമായി മുന്നോട്ട് പോകുമെന്ന് ഇന്ത്യ സഖ്യം വ്യക്തമാക്കിയിരുന്നു.

തുടരുമോ നെതന്യാഹു, അതോ അടിതെറ്റുമോ? ഇസ്രയേലിൽ ഇന്ന് വിധിയെഴുത്ത്; അഞ്ചുലക്ഷം കന്നിവോട്ടർമാർ

Web Desk — Tue, 27 Oct 2026 09:02:57 +0530

ജെറുസലേം: ഇസ്രയേലിൽ ഇന്ന് വിധിയെഴുത്ത്. ദേശീയ പാർലമെന്റായ നെസെറ്റിലെ 120 സീറ്റുകളിലേക്കുള്ള 26-ാമത് തെരഞ്ഞെടുപ്പാണ് ചൊവ്വാഴ്ച നടക്കുന്നത്. പ്രധാനമന്ത്രി ബെഞ്ചമിൻ നെതന്യാഹുവിന്റെ നേതൃത്വത്തിലുള്ള ഭരണസഖ്യവും മുൻ സൈനിക മേധാവി ഗാഡി ഐസൻകോട്ടിന്റെ നേതൃത്വത്തിലുള്ള പ്രതിപക്ഷസഖ്യവും തമ്മിലാണ് മത്സരം.

2023 ഒക്ടോബർ ഏഴിന് രാജ്യത്തിന് നേരേയുണ്ടായ ഹമാസ് ആക്രമണത്തിന് ശേഷം നടക്കുന്ന ആദ്യത്തെ തെരഞ്ഞെടുപ്പാണിത്. തെരഞ്ഞെടുപ്പിലെ പ്രധാന പ്രചാരണവിഷയവും ഹമാസ് ആക്രമണവും ഇസ്രയേലിന്റെ സൈനിക നടപടികളുമാണ്. ഇസ്രയേലിന്റെ ശത്രുക്കൾക്കെതിരേ രാജ്യം സ്വീകരിച്ച സൈനിക നടപടികളും സൈനിക വിജയങ്ങളും ഉയർത്തിക്കാട്ടിയാണ് ബെഞ്ചമിൻ നെതന്യാഹുവിന്റെ നേതൃത്വത്തിൽ ഭരണപക്ഷമായ ലികുദ് പാർട്ടി തെരഞ്ഞെടുപ്പ് പ്രചാരണം നയിച്ചത്. എന്നാൽ, ഒക്ടോബർ ഏഴിലെ സുരക്ഷാവീഴ്ചയടക്കമാണ് പ്രതിപക്ഷനേതാവായ ഐസൻകോട്ടും അദ്ദേഹത്തിന്റെ പാർട്ടിയായ യാഷാർ പാർട്ടിയും പ്രചാരണത്തിൽ മുഖ്യവിഷയമാക്കിയത്. 1200 പേർ കൊല്ലപ്പെടുകയും 251 പേരെ ബന്ദിയാക്കുകയും ചെയ്ത ഒക്ടോബർ 7 ആക്രമണത്തിൽ അന്വേഷണ കമ്മീഷൻ സ്ഥാപിക്കുമെന്നതാണ് ഐസൻകോട്ടിന്റെ പ്രധാന വാഗ്ദാനം. ഇതിനൊപ്പം ഗാസയുടെ ഭാവി, തീവ്ര യഥാസ്ഥിതികരായ യുവാക്കൾക്ക് നിർബന്ധിത സൈനിക സേവനം തുടങ്ങിയ വിഷയങ്ങളും തെരഞ്ഞെടുപ്പിൽ ചർച്ചയായി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഏകദേശം അഞ്ച് ലക്ഷത്തോളം പുതിയ വോട്ടർമാർ ഇത്തവണത്തെ തെരഞ്ഞെടുപ്പിൽ വോട്ട് രേഖപ്പെടുത്തുമെന്നാണ് പ്രതീക്ഷ. ഇതിന്റെ അടിസ്ഥാനത്തിൽ യുവാക്കളെ ലക്ഷ്യമിട്ടായിരുന്നു തീവ്രവലതുപക്ഷ പാർട്ടികളടക്കം പ്രചാരണം നയിച്ചിരുന്നത്. ചൊവ്വാഴ്ച നടക്കുന്ന തെരഞ്ഞെടുപ്പിൽ വോട്ട് രേഖപ്പെടുത്താനായി വിദേശരാജ്യങ്ങളിലുള്ള പതിനായിരക്കണക്കിന് ഇസ്രേയൽ പൗരന്മാർ നാട്ടിലെത്തിയതായും റിപ്പോർട്ടുകളിൽ പറയുന്നു.

കുളത്തൂപ്പുഴയിൽ 17 കാരൻ ഓടിച്ച ബൈക്ക് അപകടത്തിൽപെട്ടു; ദാരുണാന്ത്യം

Faseela Moidu — Tue, 27 Oct 2026 08:54:24 +0530

കൊല്ലം: കുളത്തൂപ്പുഴയിൽ വാഹനാപകടത്തിൽ 17 കാരൻ മരിച്ചു. കല്ലുവെട്ടാങ്കുഴി ഹയർസെക്കൻഡറി സ്കൂൾ വിദ്യാർത്ഥി ആകാശ് ആണ് മരിച്ചത്. ഇന്നലെ രാത്രിയായിരുന്നു അപകടം ഉണ്ടായത്. ബൈക്ക് നിയന്ത്രണം വിട്ട് അപകടത്തിൽപ്പെടുകയായിരുന്നു. ഗുരുതരമായി പരിക്കേറ്റ ആകാശിനെ തിരുവനന്തപുരം മെഡിക്കൽ കോളേജിലേക്ക് കൊണ്ടുപോകുന്നതിനിടെയാണ് മരിച്ചത്. ആകാശ് ഓടിച്ച ബൈക്ക് അപകടത്തിൽപ്പെടുകയായിരുന്നു. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനൽകും.

മന്ത്രിമാർക്ക് 1.5 ലക്ഷം, എംഎൽഎമാർക്ക് ഒരുലക്ഷം; മറ്റാനുകൂല്യങ്ങളും വർധിപ്പിക്കുമെന്ന് റിപ്പോർട്ട്

Web Desk — Tue, 27 Oct 2026 08:47:06 +0530

തിരുവനന്തപുരം: എംഎൽഎമാരുടെ ശമ്പളം ഒരുലക്ഷം രൂപയായി വർധിക്കാൻ സാധ്യത. മന്ത്രിമാരുടേത് ഒന്നര ലക്ഷമായും വർധിപ്പിച്ചേക്കും. നിയമസഭാംഗങ്ങളുടെ മറ്റാനുകൂല്യങ്ങളും വർധിപ്പിക്കും. ഇത് സംബന്ധിച്ച് പൊതുഭരണ സെക്രട്ടറി ബി അശോക് വർധന ശുപാർശ നൽകിയേക്കും. നിലവിൽ കേരളത്തിലെ എംഎൽഎക്ക് ശമ്പളവും വിവിധ അലവൻസുകളും ഉൾപ്പെടെ പ്രതിമാസം കുറഞ്ഞത് 70,000 രൂപയാണ് കൈയിൽ ലഭിക്കുന്നത്. കേരളത്തിലെ മന്ത്രിക്ക് ശമ്പളവും വിവിധ അലവൻസുകളും ഉൾപ്പെടെ പ്രതിമാസം 97,000 ലഭിക്കും.

എംഎൽഎമാർക്ക് ശമ്പളവും ആനുകൂല്യങ്ങളും കൂട്ടുന്നതിലും ഐപാഡ് വിതരണത്തിലും സർക്കാറിനെതിരെ വിമർശനം ഉയരുന്നു. സർക്കാർ നടപടി ധൂർത്താണെന്ന് വിമർശനമുയർന്നു. അതേസമയം, കോടികൾ ചെലവഴിച്ചുള്ള ഐപാഡ് വിതരണത്തിൽ അടക്കം പ്രതിപക്ഷത്തും മൗനം തുടരുകയാണ്. പിഎസ് സി അംഗങ്ങളുടെ അനുകൂല്യങ്ങളിൽ തൊടില്ലെന്ന മുഖ്യമന്ത്രിയുടെ പരാമർശവും ചർച്ചയാകുന്നു. എൽഡിഎഫ് സർക്കാർ പിഎസ്‍സി അംഗങ്ങളുടെ ശമ്പളം വർധിപ്പിച്ചപ്പോൾ അന്നത്തെ പ്രതിപക്ഷം രൂക്ഷ വിമർശനമുന്നയിച്ചിരുന്നു. എന്നാൽ, കഴിഞ്ഞ ദിവസം പിഎസ്‍സി അംഗങ്ങളുടെ ശമ്പളവും ആനുകൂല്യങ്ങളും വെട്ടിക്കുറക്കില്ലെന്ന് മുഖ്യമന്ത്രി സഭയിൽ അറിയിച്ചു.

വീണാ ജോർജിനെ ആക്രമിച്ചെന്ന കേസ്; പുറത്ത് പരിക്ക് ഉണ്ടായിരുന്നില്ല, പരിയാരത്തെ ഡോക്ടർമാരുടെ മൊഴിയെടുത്ത് എസ്ഐടി

Faseela Moidu — Tue, 27 Oct 2026 08:36:07 +0530

കണ്ണൂർ: കണ്ണൂരിൽ വീണാ ജോർജിനെ കെഎസ്‍യു പ്രവർത്തകർ ആക്രമിച്ചെന്ന കേസിൽ പരിയാരം മെഡി. കോളേജിലെ ഡോക്ടർമാരിൽ നിന്ന് എസ്ഐടി മൊഴിയെടുത്തു. പുറത്ത് കാണത്തക്ക പരിക്ക് വീണാ ജോർജിന് ഉണ്ടായിരുന്നില്ലെന്ന് ഡോക്ടർമാർ മൊഴി നൽകിയതായാണ് സൂചന. തീവ്രപരിചരണ വിഭാഗത്തിൽ പ്രവേശിപ്പിച്ചത് കഴുത്തിൽ നീർക്കെട്ട് ഉണ്ടായിരുന്നതിനാലാണെന്നും മൊഴി നൽകിയിട്ടുണ്ട്. ആശുപത്രിയിൽ നിന്ന് മെഡിക്കൽ രേഖകളും എസ്ഐടി ശേഖരിച്ചു. അതേസമയം, കേസില്‍ തെറ്റായി മൊഴി നല്‍കിയ മുന്‍ഗണ്‍മാനെതിരെ എസ്ഐടി ഉടന്‍ ഡിജിപിക്ക് റിപ്പോര്‍ട്ട് നല്‍കും. വീണയുടെ മുന്‍ ഗണ്‍മാന്‍ അഭിലാഷിനെതിരെ നടപടി ശുപാര്‍ശ ചെയ്തു കൊണ്ടുള്ള റിപ്പോര്‍ട്ടാണ് നല്‍കുക. കെ എസ് യു പ്രവര്‍ത്തകര്‍ ആയുധമുപയോഗിച്ച് അക്രമിച്ചെന്ന മൊഴി വീണയുടെ നിര്‍ദേശ പ്രകാരമാണ് നല്‍കിയതെന്ന് അഭിലാഷ് എസ് ഐ ടിയോട് വെളിപ്പെടുത്തിയിരുന്നു. അഭിലാഷിന്‍റെ മൊഴിയുടെ അടിസ്ഥാനത്തിലായിരുന്നു കെ എസ് യു പ്രവര്‍ത്തകര്‍ക്കെതിരെ വധശ്രമമുള്‍പ്പെടെയുള്ള വകുപ്പുകള്‍ ചുമത്തി പൊലീസ് നേരത്തെ കേസെടുത്തത്.

പ്രിയദർശിനി കാരണം ദുരിതം; സർക്കാരിൽ സമ്മർദം ശക്തമാക്കാൻ സ്വകാര്യ ബസുടമകൾ, സെക്രട്ടറിയേറ്റിന് മുന്നിൽ അനിശ്ചിതകാല നിരാഹാര സമരം

Web Desk — Tue, 27 Oct 2026 08:16:15 +0530

തിരുവനന്തപുരം: സർക്കാരിൽ സമ്മർദം ശക്തമാക്കാൻ സംസ്ഥാനത്തെ സ്വകാര്യ ബസുടമകൾ. ചൊവ്വാഴ്ച മുതൽ സ്വകാര്യ ബസുടമകൾ സെക്രട്ടറിയേറ്റിന് മുന്നിൽ അനിശ്ചിതകാല നിരാഹാര സമരം ആരംഭിക്കും. സർക്കാരിന്റെ പ്രിയദർശിനി പദ്ധതി കാരണം സ്വകാര്യ ബസ് വ്യവസായം കടുത്ത നഷ്ടത്തിലാണെന്നാണ് ബസുടമകളുടെ പരാതി. വിഷയത്തിൽ മുഖ്യമന്ത്രിയെ അടക്കം നേരിട്ടുകണ്ടിട്ടും അനുകൂല നിലപാടുണ്ടായില്ലെന്നും പറയുന്നു. ഈ സാഹചര്യത്തിലാണ് നിരാഹാര സമരത്തിലേക്ക് കടക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

മിനിമം ചാർജ് 20 രൂപയാക്കുക, വിദ്യാർഥികളുടെ കൺസഷൻ ചാർജ് വർധിപ്പിക്കുക, പ്രിയദർശിനി കാരണം ദുരിതം അനുഭവിക്കുന്ന ബസുടമകളെയും ജീവനക്കാരെയും സംരക്ഷിക്കുക തുടങ്ങിയവയാണ് ബസുടമകളുടെ ആവശ്യം. പ്രിയദർശിനി പദ്ധതി നടപ്പാക്കിയ റൂട്ടുകളിൽ സ്വകാര്യ ബസുകൾക്ക് ഡീസലടിക്കാനോ വേതനം നൽകാനോ പോലും വരുമാനം ലഭിക്കുന്നില്ലെന്നാണ് ഉടമകൾ പറയുന്നത്. വിഷയത്തിൽ നേരത്തേ ബസുടമകൾ സെക്രട്ടറിയേറ്റ് മാർച്ച് സംഘടിപ്പിച്ചിരുന്നു. ഇതിന്റെ തുടർച്ചയായാണ് സെക്രട്ടറിയേറ്റിന് മുന്നിൽ നിരാഹാരസമരം ആരംഭിക്കുന്നത്. പരിഹാരമുണ്ടായില്ലെങ്കിൽ നവംബർ ആദ്യവാരം മുതൽ അനിശ്ചിതകാലത്തേക്ക് സ്വകാര്യ ബസ് സമരം ആരംഭിക്കുമെന്നും ബസുടമകൾ പറഞ്ഞിരുന്നു.

100 കോടിയുടെ കൈക്കൂലി കേസ്; തമിഴ്നാട് മുൻ വിദ്യാഭ്യാസ മന്ത്രി അൻപിൽ മഹേഷ് ജയിലിൽ, ടിവികെ പകപോക്കുകയാണെന്ന് ഡിഎംകെ

Web Desk — Tue, 27 Oct 2026 08:12:26 +0530

ചെന്നൈ: 100 കോടി രൂപയുടെ കൈക്കൂലി കേസിൽ അറസ്റ്റിലായ തമിഴ്നാട് മുൻ വിദ്യാഭ്യാസ മന്ത്രി അൻപിൽ മഹേഷിനെ ജയിലിൽ അടച്ചു. നവംബർ 6 വരെ അൻപിൽ മഹേഷിനെ റിമാൻഡ് ചെയ്തിരിക്കുകയാണ്. ചെന്നൈ പുഴൽ ജയിലിലാണ് ഇയാളെ പാർപ്പിച്ചിരിക്കുന്നത്. സ്വകാര്യ സ്‌കൂളുകളുടെ അംഗീകാരത്തിനായി പാർട്ടി ഫണ്ടെന്ന പേരിൽ കോഴ വാങ്ങിയെന്നാണ് കേസ്. കേസുമായി ബന്ധപ്പെട്ട് ടിവികെ പക പോക്കുന്നുവെന്നാണ് ഡിഎംകെയുടെ വിമർശനം. മഹേഷിന്‍റെ മുൻ‌കൂർ ജാമ്യഅപേക്ഷ മദ്രാസ് ഹൈക്കോടതി തള്ളിയിരുന്നു.

പിന്നാലെ ചെന്നൈയിലെ അപാർട്മെന്‍റിൽ നിന്ന് കസ്റ്റഡിയിൽ എടുത്ത മഹേഷിനെ, സിറ്റി പൊലീസ് കമ്മീഷണരുടെ ഓഫീസിൽ എത്തിച്ചു. മുൻ എംഎൽഎ അടക്കം 2 ഡിഎംകെ നേതാക്കൾ വഴി ഇരുന്നുറോളം സ്‌കൂൾ മാനേജമെന്റിൽ നിന്ന് കോഴ വാങ്ങിയെന്നാണ് കേസ്. സ്റ്റാലിൻ മന്ത്രിസഭയിൽ അംഗമായിരുന്ന മഹേഷ്‌ ഉദയനിധിയുടെ അടുത്ത സുഹൃത്തണ്. വിഷയത്തില്‍ പ്രതികരിച്ചുകൊണ്ട്, സ്റ്റാലിൻ രാഷ്ട്രീയം മതിയാക്കണമെന്ന് ടിവികെമന്ത്രി രാജ്‌മോഹൻ പറഞ്ഞു.

യാത്രക്കാരുടെ ശ്രദ്ധയ്ക്ക്... സംസ്ഥാനത്ത് ഇന്ന് ട്രെയിനുകൾ വൈകും, കളമശ്ശേരിയിൽ സിഗ്നൽ നവീകരണം

Elsa TJ — Tue, 27 Oct 2026 08:12:09 +0530

കൊച്ചി:കളമശ്ശേരിയിൽ സിഗ്നൽ നവീകരണം നടക്കുന്നതിനാൽ നടക്കുന്നതിനാൽ ഇന്ന് സംസ്ഥാനത്ത് ട്രെയിനുകൾ വൈകും. പരശുറാം എക്സ്പ്രസ്സും, നേത്രാവതിയും ഉൾപ്പെടെ 8 ട്രെയിനുകളാണ് വൈകുക. മംഗളൂരു കന്യാകുമാരി പരശുറാം എക്സ്പ്രസ് ഒരു മണിക്കൂ‌ർ പതിനഞ്ച് മിനുട്ടും, തിരുവനന്തപുരം - നേത്രാവതി എക്സപ്രസ് ഒരു മണിക്കൂർ ഇരുപത് മിനുട്ടുമാണ് വൈകുക. ഷാലിമാർ തിരുവനന്തപുരം എക്സ്പ്രസ് 50 മിനുട്ടും വൈകും. എറണാകുളം-ബെഗളൂരു വന്ദേഭാരത് തൃശ്ശൂരിൽ നിന്ന് പുറപ്പെടും. ബെഗളൂരു -എറണാകുളം വന്ദേഭാരത് തൃശ്ശൂരിൽ യാത്ര അവസാനിപ്പിക്കും.

ഏഷ്യാനെറ്റ് ന്യൂസ് ലൈവ് കാണാം

ചേരാനെല്ലൂര്‍ അപകടം: 17-കാരന്‍റെ അച്ഛനായ ജഡ്ജിക്ക് വീഴ്ച പറ്റിയെന്ന് റിപ്പോർട്ട്

Web Desk — Tue, 27 Oct 2026 08:01:08 +0530

കൊച്ചി: ചേരാനെല്ലൂരിൽ 17-കാരൻ ഓടിച്ച ബെൻസ് കാർ ഇടിച്ച് തട്ടുകട നടത്തുന്ന ജയബാലകൃഷ്ണൻ മരിച്ച സംഭവത്തിൽ, വാഹനവുമായി പുറത്തിറങ്ങിയ 17കാരന്‍റെ അച്ഛനായ അഡീഷണൽ മജിസ്ട്രേറ്റിന് വീഴ്ച പറ്റിയെന്ന് പോർട്ട്ഫോളിയോ ജഡ്‌ജ്‌ ഹൈക്കോടതി അഡ്മിനിസ്ട്രേറ്റിവ് കമ്മിറ്റിക്ക് റിപ്പോർട്ട് നൽകി. മകൻ അപകടം ഉണ്ടാക്കിയ ഉടൻ, ഔദ്യോഗിക ആവശ്യത്തിനല്ലാതെ ജില്ലാ ജഡ്ജിയുടെ അനുമതി വാങ്ങാതെ പൊലീസ് സ്റ്റേഷനിൽ പോയത് തെറ്റാണെന്നാണ് കണ്ടെത്തൽ. ഈ റിപ്പോർട്ടിന്റെ അടിസ്ഥാനത്തിൽ ജഡ്ജിയെ സസ്പെൻഡ് ചെയ്യുന്ന കാര്യത്തിലും തുടർന്നുള്ള നടപടികളിലും ഇന്ന് തീരുമാനമുണ്ടായേക്കും.

അതേസമയം, കേസുമായി ബന്ധപ്പെട്ട് ജഡ്ജിയെ ആലുവ കമ്പനിപ്പടിയിലെ ഫ്ലാറ്റിലെത്തി പൊലീസ് ചോദ്യം ചെയ്തു. തന്റെ അറിവോടെയല്ല മകൻ വാഹനമോടിച്ചതെന്നാണ് ജഡ്ജി മൊഴി നൽകിയത്. ഇതിനിടെ, മുൻപ് വാഹനമോടിച്ചതിന്റെ തെളിവുകൾ നശിപ്പിക്കുന്നതിനായി 17-കാരൻ സ്വന്തം ഇൻസ്റ്റാഗ്രാം പേജ് ഡിലീറ്റ് ചെയ്തതായും വിവരമുണ്ട്. പ്രതിയായ 17-കാരന് 25 വയസ്സ് വരെ ലൈസൻസ് എടുക്കുന്നത് വിലക്കാൻ മോട്ടോർ വെഹിക്കിൾ ആക്ട് പ്രകാരം എംവിഡി നടപടി സ്വീകരിക്കും. അപകടമുണ്ടാക്കിയ ബെൻസ് കാറിന്റെ ആർസി സസ്പെൻഡ് ചെയ്യും.

ഇതിനിടെ എഡിജിപി പി. വിജയൻ ഇന്ന് കൊച്ചിയിലെത്തും. ആവശ്യങ്ങളിൽ തീരുമാനമായില്ലെങ്കിൽ വൈകിട്ട് 4 മണി മുതൽ വീണ്ടും സമരത്തിലേക്ക് കടക്കുമെന്ന് മരിച്ച ജയബാലകൃഷ്ണന്റെ കുടുംബം അറിയിച്ചിരുന്നു. ഇന്നലെ രാത്രി വരെ ചേരാനല്ലൂർ പോലീസ് സ്റ്റേഷന് മുന്നിൽ പ്രതിഷേധിച്ചിരുന്നുവെങ്കിലും ആഭ്യന്തര മന്ത്രി രമേശ് ചെന്നിത്തലയുമായി സംസാരിച്ചതിനെ തുടർന്ന് രാത്രി 9 മണിയോടെ സമരം അവസാനിപ്പിക്കുകയായിരുന്നു.

പി പി ദിവ്യക്കെതിരായ അന്വേഷണം: കാർട്ടൺ ഇന്ത്യ കമ്പനി ഡയറക്ടറുടെ സഹോദരനെ കണ്ണൂർ വിജിലൻസിൽനിന്ന് മാറ്റണമെന്ന് ആവശ്യം, പരാതി നൽകി ഷമ്മാസ്

Web Desk — Tue, 27 Oct 2026 07:46:21 +0530

കണ്ണൂർ: മുൻ ജില്ലാ പഞ്ചായത്ത് പ്രസിഡന്റ് പി പി ദിവ്യക്കെതിരായ വിജിലൻസ് അന്വേഷണത്തിൽനിന്ന് ഒരു ഉദ്യോഗസ്ഥനെ മാറ്റണമെന്ന് പരാതി. കാർട്ടൺ ഇന്ത്യ കമ്പനി ഡയറക്ടറുടെ സഹോദരനെ കണ്ണൂർ വിജിലൻസിൽനിന്ന് മാറ്റണമെന്നാണ് ആവശ്യം. ഇക്കാര്യം ആവശ്യപ്പെട്ട് കെ.എസ്.യു. സംസ്ഥാന വൈസ് പ്രസിഡന്റ് മുഹമ്മദ് ഷമ്മാസ് ആഭ്യന്തരമന്ത്രിക്ക് പരാതി നൽകി.

കാർട്ടൺ ഇന്ത്യ കമ്പനി ഡയറക്ടർ ബിജു മോഹന്റെ സഹോദരൻ ബിനു മോഹനെ കണ്ണൂർ വിജിലൻസിൽനിന്ന് മാറ്റണമെന്നാണ് മുഹമ്മദ് ഷമ്മാസിന്റെ ആവശ്യം. കണ്ണൂർ വിജിലൻസ് യൂണിറ്റിലെ സിഐയാണ് ബിനു മോഹൻ. ബിനു മോഹനെ കണ്ണൂർ വിജിലൻസിൽനിന്ന് മാറ്റിയില്ലെങ്കിൽ അന്വേഷണത്തെ ബാധിക്കുമെന്നും ഷമ്മാസിന്റെ പരാതിയിൽ പറയുന്നു. പി പി ദിവ്യ കണ്ണൂർ ജില്ലാ പഞ്ചായത്ത് പ്രസിഡന്റായിരിക്കെ കാർട്ടൺ ഇന്ത്യ കമ്പനിക്ക് ടെൻഡർ ഇല്ലാതെ കരാറുകൾ നൽകിയെന്ന പരാതിയിലാണ് വിജിലൻസ് അന്വേഷണത്തിന് ആഭ്യന്തരവകുപ്പ് ഉത്തരവിട്ടത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കെ.എസ്.യു നേതാവായ മുഹമ്മദ് ഷമ്മാസാണ് പി പി ദിവ്യക്കെതിരേ വിജിലൻസ് അന്വേഷണം ആവശ്യപ്പെട്ട് പരാതി നൽകിയിരുന്നത്. ടെൻഡർ ഇല്ലാതെ കാർട്ടൺ കമ്പനിക്ക് കരാർ നൽകിയെന്നും ഇത് ദിവ്യയുടെ ബിനാമി കമ്പനിയാണെന്നുമാണ് പരാതിയുടെ ആരോപണം. പരാതിയിൽ ദിവ്യയുടെയും ഭർത്താവിന്റെയും സ്വത്തുവിവരങ്ങളും വിജിലൻസ് പരിശോധിക്കും. കണ്ണൂർ ജില്ലാ പഞ്ചായത്ത് സെക്രട്ടറിയായിരുന്ന അബ്ദുൾ ലത്തീഫിനെതിരേയും അന്വേഷണമുണ്ടാകും.

വിജിലൻസ് അന്വേഷണത്തിന് സർക്കാർ ഉത്തരവിട്ടതിന് പിന്നാലെ അന്വേഷണവുമായി സഹകരിക്കുമെന്ന് പി പി ദിവ്യ പ്രതികരിച്ചിരുന്നു. അന്വേഷണത്തെ സ്വാഗതംചെയ്യുന്നതായും അപവാദങ്ങൾക്ക് മുന്നിൽ തലകുനിക്കില്ലെന്നും ദിവ്യ ഫെയ്സ്ബുക്കിൽ കുറിച്ചു. അന്വേഷണത്തെ സ്വാഗതം ചെയ്യുന്നതായും പരാതിയിലെ ആരോപണങ്ങൾ തെളിയിച്ചാൽ ഷമ്മാസിന് ഒരു കോടി രൂപ നൽകാമെന്നും കാർട്ടൺ ഇന്ത്യ കമ്പനിയും അറിയിച്ചിരുന്നു.

എംഎൽഎമാർക്ക് ഐപാഡ്, ശമ്പള വർധന; സതീശൻ സർക്കാറിനെതിരെ വിമർശനമുയരുന്നു, പ്രതിപക്ഷത്ത് മൗനം

Prajeesh Ram — Tue, 27 Oct 2026 07:17:24 +0530

തിരുവനന്തപുരം: എംഎൽഎമാർക്ക് ശമ്പളവും ആനുകൂല്യങ്ങളും കൂട്ടുന്നതിലും ഐപാഡ് വിതരണത്തിലും സർക്കാറിനെതിരെ വിമർശനം ഉയരുന്നു. സർക്കാർ നടപടി ധൂർത്താണെന്ന് വിമർശനമുയർന്നു. അതേസമയം, കോടികൾ ചെലവഴിച്ചുള്ള ഐപാഡ് വിതരണത്തിൽ അടക്കം പ്രതിപക്ഷത്തും മൗനം തുടരുകയാണ്. പിഎസ് സി അംഗങ്ങളുടെ അനുകൂല്യങ്ങളിൽ തൊടില്ലെന്ന മുഖ്യമന്ത്രിയുടെ പരാമർശവും ചർച്ചയാകുന്നു. എൽഡിഎഫ് സർക്കാർ പിഎസ്‍സി അംഗങ്ങളുടെ ശമ്പളം വർധിപ്പിച്ചപ്പോൾ അന്നത്തെ പ്രതിപക്ഷം രൂക്ഷ വിമർശനമുന്നയിച്ചിരുന്നു. എന്നാൽ, കഴിഞ്ഞ ദിവസം പിഎസ്‍സി അംഗങ്ങളുടെ ശമ്പളവും ആനുകൂല്യങ്ങളും വെട്ടിക്കുറക്കില്ലെന്ന് മുഖ്യമന്ത്രി സഭയിൽ അറിയിച്ചു.

എംഎൽഎമാരുടെ ശമ്പളവും ആനുകൂല്യങ്ങളും വർധിപ്പിക്കുമെന്ന് പാർലമെന്ററി കാര്യമന്ത്രി സണ്ണി ജോസഫ് കഴിഞഅഞ ദിവസം അറിയിച്ചു. മുഖ്യമന്ത്രിയുടെ സാന്നിധ്യത്തിലായിരുന്നു പ്രഖ്യാപനം. കാര്യോപദേശക സമിതിയിൽ വിഷയം ചർച്ച ചെയ്തുവെന്നും അദ്ദേഹം പറഞ്ഞു. എംഎൽഎ ഹോസ്റ്റൽ താക്കോൽ കൈമാറ്റ വേദിയിലായിരുന്നു മന്ത്രിയുടെ പ്രഖ്യാപനം. മുഖ്യമന്ത്രിയുടെ നിർദേശ പ്രകാരമാണ് ഇക്കാര്യം പറയുന്നതെന്നും സണ്ണി ജോസഫ് പറഞ്ഞു. എംഎൽഎമാർക്കും പേഴ്സണൽ സ്റ്റാഫുകൾക്കും ഐപാഡ് വാങ്ങാനും സർക്കാർ തീരുമാനിച്ചിരുന്നു. ഇതിനായി 480 ഐപാഡുകൾ വാങ്ങാൻ ടെൻഡർ ക്ഷണിച്ചു.

256 GB 13 ഇഞ്ച് ഐപ്പാർഡ് പ്രോ 320 എണ്ണവും 11 ഇഞ്ച് ഐപാഡ് 160 എണ്ണവും ആണ് വാങ്ങുന്നത്. കെൽട്രോൺ വഴി ടെൻഡർ ക്ഷണിച്ചു. 6.71 കോടി രൂപ ചെലവഴിച്ചാണ് ഐ പാഡ് വിതരണം. മന്ത്രിമാർ, പ്രൈവറ്റ് സെക്രട്ടറിമാർ, വകുപ്പ് മേധാവികൾ എന്നിവരുടെ ഔദ്യോഗിക ആവശ്യങ്ങൾക്കായി ലാപ്ടോപ്പുകൾ, ഐപാഡുകൾ, ടാബ്‌ലെറ്റുകൾ എന്നിവയുൾപ്പെടെ വാങ്ങുന്നതിനുള്ള ചെലവ് പരിധി സർക്കാർ അടുത്തിടെ 1.5 ലക്ഷം രൂപയിൽ നിന്ന് 2 ലക്ഷം രൂപയായി ഉയർത്തിയിരുന്നു.

'അർണബ്' അതിതീവ്ര ചുഴലിക്കാറ്റായി മാറി, വിശാഖപ്പട്ടണത്ത് നിന്ന് 350 കിമി അകലെ, കടുത്ത ജാഗ്രത, 53 ട്രെയിനുകൾ റദ്ദാക്കി

Web Desk — Tue, 27 Oct 2026 06:36:44 +0530

ചെന്നൈ: ‘അർണബ്’ അതിതീവ്ര ചുഴലിക്കാറ്റായി മാറി. നിലവില്‍ വിശാഖപ്പട്ടണത്തിന് 350 കിലോമീറ്റര്‍ അകലെയാണ് ചുഴലിക്കാറ്റിന്‍റെ സ്ഥാനം. ആന്ധ്ര, തെലങ്കാന, ഒഡിഷ സംസ്ഥാനങ്ങൾ ജാഗ്രതയിൽ. മുന്നറിയിപ്പിനെ തുടര്‍ന്ന് ഇന്നും നാളെയുമായി 53 ട്രെയിനുകൾ റദ്ദാക്കി. അതേസമയം, കേരളത്തിൽ ഇന്ന് മഴ മുന്നറിയിപ്പ് ഇല്ല. അര്‍ണബ് നാളെ ആന്ധ്രാ തീരത്ത് കരതൊടുമെന്നാണ് പ്രവചനം. മണിക്കൂറിൽ 15 കിലോമീറ്റർ വേഗതയിൽ പടിഞ്ഞാറൻ ദിശയിലേക്ക് നീങ്ങുന്നുവെന്നാണ് റിപ്പോര്‍ട്ട്. തുടർന്ന് വടക്കുപടിഞ്ഞാറൻ ദിശയിലേക്ക് നീങ്ങുന്ന ചുഴലിക്കാറ്റ് ഒക്ടോബ ർനാളെ ഉച്ചയ്ക്ക് മുൻപായി ആന്ധ്രാപ്രദേശിലെ ബാപ്പറ്റ്‌ലയ്ക്കും വിശാഖപട്ടണത്തിനും ഇടയിലുള്ള തീരത്തും കരതൊടുമെന്നാണ് നിഗമനം. ഗോപാൽപൂരിൽ നിന്ന് 610 കിലോമീറ്ററും വിശാഖപട്ടണത്ത് നിന്ന് 650 കിലോമീറ്ററും അകലെയാണ് ഇതിന്റെ കേന്ദ്രമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കരതൊടുന്ന സമയത്ത് മണിക്കൂറിൽ 115 മുതൽ 125 കിലോമീറ്റർ മുതൽ 140 കിലോമീറ്റർ വരെയും വേഗതയുള്ള ശക്തമായ കാറ്റിന് സാധ്യതയുണ്ടെന്നും ഐഎംഡി അറിയിച്ചു. ആന്ധ്രാപ്രദേശ്, തെക്കൻ ഒഡീഷ തീരങ്ങൾക്ക് കേന്ദ്ര കാലാവസ്ഥാ വകുപ്പ് റെഡ് അലർട്ട് നൽകിയിട്ടുണ്ട്. ആന്ധ്ര പ്രദേശ്, പശ്ചിമ ബംഗാൾ, ഒഡീഷ, തമിഴ്നാട് സംസ്ഥാനങ്ങളിൽ അർണബ് ആഞ്ഞടിക്കാനാണ് സാധ്യതയെന്നാണ് പ്രവചനം. കേരളത്തിലും കനത്ത മഴക്ക് സാധ്യതയുണ്ട്.

കേന്ദ്രത്തിനും പ്രതിപക്ഷത്തിനും നിർണായകം; ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യ സഖ്യം സമർപ്പിച്ച ഹർജികൾ ഇന്ന് പരിഗണിക്കും

Web Desk — Tue, 27 Oct 2026 06:29:40 +0530

ദില്ലി: മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യ സഖ്യം ഉൾപ്പെടെ സമർപ്പിച്ച ഹർജികൾ ഇന്ന് പരിഗണിക്കും. നേരത്തെ ഹർജി പരിഗണിച്ച കോടതി തെരഞ്ഞെടുപ്പ് കമ്മീഷന് നോട്ടീസ് അയച്ചിരുന്നു. ഇതിനിടെ അദ്ദേഹത്തിന്റെ രാജി ആവശ്യപ്പെട്ട് സിപിഐ ഇന്ന് മനുഷ്യചങ്ങല തീർക്കും. വ്യാഴാഴ്ച പ്രതീകാത്മക വിചാരണയും നവംബർ ഒന്നിന് 'വോട്ട് ബച്ചാവോ ദേശ് ബച്ചാവോ' മഹാറാലിയും അടക്കമുള്ള തുടർ സമരപരിപാടികളുമായി മുന്നോട്ട് പോകുമെന്ന് ഇന്ത്യ സഖ്യം വ്യക്തമാക്കിയിരുന്നു.

ചേരാനെല്ലൂർ ബെൻസ് അപകടം; മരിച്ച ജയപാലകൃഷ്ണന്‍റെ മകളെ ഫോണിൽ വിളിച്ച് മുഖ്യമന്ത്രി, കുറ്റക്കാർ ആരായാലും കർശന നടപടിയെന്ന് ഉറപ്പ്

Vishnu KV — Tue, 27 Oct 2026 03:08:42 +0530

കൊച്ചി: ചേരാനെല്ലൂരിൽ 17-കാരൻ ഓടിച്ച കാറിടിച്ച് സ്‌കൂട്ടർ യാത്രികനായ ജയപാലകൃഷ്ണൻ മരിച്ച സംഭവത്തിൽ കുടുംബത്തിന് ആശ്വാസവുമായി മുഖ്യമന്ത്രി വിഡി സതീശൻ. അപകടത്തിൽ മരണപ്പെട്ട ജയബാലകൃഷ്ണന്റെ മകൾ ഭദ്രകീർത്തിയെ മുഖ്യമന്ത്രി ഫോണിൽ വിളിച്ചു. കുടുംബത്തിന് ആവശ്യമായ എല്ലാ നിയമസഹായവും ഉറപ്പാക്കുമെന്നും സർക്കാർ കുടുംബത്തിനൊപ്പമുണ്ടാകുമെന്നും മുഖ്യമന്ത്രി അറിയിച്ചു. കുറ്റക്കാർ ആരായാലും വിട്ടുവീഴ്ചയില്ലാത്ത കർശന നടപടിയുണ്ടാകുമെന്നും കുടുംബത്തിന് ഉറപ്പുനൽകിയതായി വിഡി സതീശൻ അറിയിച്ചു.

ആഭ്യന്തര മന്ത്രി രമേശ് ചെന്നിത്തലയും ജയപാലകൃഷ്ണന്‍റെ കുടുംബവുമായി സംസാരിച്ചിരുന്നു. പ്രതികളെ രക്ഷിക്കാൻ ശ്രമം നടക്കുകയാണെന്ന് ആരോപിച്ച് പൊലീസ് സ്റ്റേഷന് മുന്നിൽ നടത്തി വന്ന സമരം താത്ക്കാലികമായി അവസാനിപ്പിച്ചിരിക്കുകയാണ് കുടുംബം. എന്നാൽ പ്രതികൾക്കെതിരെ നടപടിയില്ലെങ്കിൽ സമരം തുടരുമെന്നും കുടുംബം അറിയിച്ചു. പൊലീസ് എന്ത് നടപടി സ്വീകരിക്കുമെന്ന് നാളെ 4 മണി വരെ നോക്കുമെന്ന് വ്യക്തമാക്കിയ കുടുംബം ഉന്നയിച്ച ആവശ്യങ്ങളിൽ നിന്ന് പിന്നോട്ടില്ലെന്നും വ്യക്തമാക്കിയിട്ടുണ്ട്. 17 കാരന്‍റെ ജാമ്യം റദ്ദാക്കണമെന്നും വാഹന ഉടമയായ ജഡ്ജിയെ സസ്പെൻഡ് ചെയ്യണമെന്നുമാണ് കുടുംബത്തിന്‍റെ ആവശ്യം. വിമർശനങ്ങൾക്കൊടുവിൽ 17 കാരന്‍റെ പിതാവായ ജഡ്ജിയെ കേസിൽ പ്രതിചേർത്തിട്ടുണ്ട്.

100% എഥനോളിൽ ഓടുന്ന വാഹനങ്ങൾക്ക് കേന്ദ്ര അനുമതി: മോട്ടോർ വാഹന ചട്ടങ്ങളിൽ നിർണ്ണായക ഭേദഗതി വരുത്തി കേന്ദ്ര സർക്കാർ

Web Desk — Tue, 27 Oct 2026 02:07:37 +0530

ദില്ലി: മോട്ടോർ വാഹന നിയമത്തിൽ നിർണ്ണായക മാറ്റങ്ങളുമായി കേന്ദ്രസർക്കാർ. 100% എഥനോൾ വരെ വാഹനങ്ങളിൽ ഉപയോഗിക്കാൻ അനുമതി നൽകിയാണ് ഭേദഗതി നടപ്പാക്കിയത്. ഇതിനായി കേന്ദ്ര മോട്ടോർ വാഹന ചട്ടങ്ങളിൽ ഭേദഗതി വരുത്തി ഔദ്യോഗികമായി വിജ്ഞാപനം ഇറക്കി. ഇന്ധന ഇറക്കുമതി കുറയ്ക്കാനും മലിനീകരണം നിയന്ത്രിക്കാനും ലക്ഷ്യമിട്ടാണ് കേന്ദ്ര സർക്കാറിന്റെ ഈ നിർണ്ണായക നീക്കം. ഇ 100, ഇ 85 തുടങ്ങിയ ഇന്ധനങ്ങൾ ഉപയോഗിക്കാൻ കഴിയുന്ന ഫ്ലെക്സ് ഫ്യുവൽ വാഹനങ്ങൾക്കാണ് പച്ചക്കൊടി.

നിലവിൽ ഇ-20 വരെ ഉപയോഗിക്കാനായി നിർമ്മിച്ച വാഹനങ്ങളിൽ അതിൽ കൂടുതൽ എഥനോൾ കലർത്താൻ ആകില്ല. എഥനോൾ കൂടുതൽ കലർത്തിയ പെട്രോൾ ഒഴിക്കാവുന്ന വാഹനങ്ങളുടെ നിർമ്മാണം പ്രോത്സാഹിപ്പിക്കുമെന്ന് കേന്ദ്രം വ്യക്തമാക്കി. അതേസമയം നിലവിലുള്ള സാധാരണ പെട്രോൾ കാറുകളിലോ ഇ20 ഇന്ധനം ഉപയോഗിക്കുന്ന വാഹനങ്ങളിലോ ഇ100 ഉപയോഗിക്കാൻ അനുവാദമില്ല. പുതിയ ഭേദഗതിയോടെ മാരുതി സുസുകി, ടൊയോട്ട, ടാറ്റാ മോട്ടോഴ്സ്, ഹ്യുണ്ടായ് തുടങ്ങിയ പ്രമുഖ വാഹന നിർമ്മാതാക്കൾ ഉയർന്ന എഥനോൾ മിശ്രിതത്തിൽ ഓടുന്ന ഫ്ലെക്സ്-ഫ്യുവൽ മോഡലുകൾ വിപണിയിലിറക്കാൻ സജ്ജമാകുകയാണ്.

മാരുതി സുസുകി വേഗൺ ആർ ഫ്ലെക്സ് ഫ്യുവൽ മോഡൽ ഇതിനകം തരംഗമായിരുന്നു. ലൈറ്റ് മോട്ടോർ വെഹിക്കിളിൻറെ ഭാരപരിധിയും പുതിയ ഭേദഗതിപ്രകാരം ഉയർത്തിയിട്ടുണ്ട്. പെട്രോൾ, ഡീസൽ എൽഎംവികളുടെ ഭാരപരിധി 3000കിലോയിൽ നിന്ന് 3500 കിലോ ആയാണ് ഉയർത്തിയത്.

ഗുവാഹത്തിയിലെ ഹോട്ടലിൽ വെടിവെപ്പ്: രണ്ട് സ്ത്രീകൾ ഉൾപ്പെടെ 6 പേർ കൊല്ലപ്പെട്ടു, പ്രതികൾ അറസ്റ്റിൽ

Web Desk — Tue, 27 Oct 2026 01:21:31 +0530

ഗുവാഹത്തി: അസമിലെ ഗുവാഹത്തിയിലുള്ള ഹോട്ടലിൽ വെടിവെപ്പിൽ ആറ് മരണം. ഗുവാഹത്തിയിലെ ജിഎസ് റോഡിലുള്ള ഹോട്ടലിൽ തിങ്കളാഴ്ച രാത്രിയുണ്ടായ വെടിവയ്പിൽ രണ്ട് സ്ത്രീകൾ ഉൾപ്പെടെ ആറ് പേർ മരിച്ചതായി സ്ഥിരീകരിച്ചു. ഗുവാഹത്തിയിലെ ജി.എസ് റോഡിൽ ബോറ സർവീസ് മേഖലയിലുള്ള 'ഹോട്ടൽ ബിലാസ് ഇൻ എന്ന ഹോട്ടലിലാണ് തിങ്കളാഴ്ച വൈകുന്നേരത്തോടെ ദാരുണമായ സംഭവം നടന്നത്. അക്രമികളെന്ന് സംശയിക്കുന്ന രണ്ട് പേരെ പൊലീസ് പിടികൂടി.

വെടിവെപ്പിൽ നാല് പേർ സംഭവസ്ഥലത്തു വെച്ചും രണ്ട് പേർ ആശുപത്രിയിൽ ചികിത്സയിലിരിക്കെയുമാണ് മരണപ്പെട്ടത്. കൊല്ലപ്പെട്ടവരിൽ ഒരേ കുടുംബത്തിലെ നാല് അംഗങ്ങളും ഉൾപ്പെടുന്നു. മരിച്ചവരിൽ സത്യേന്ദ്ര പഥക്, നാരായൺ ദാസ് എന്നിവരെ തിരിച്ചറിഞ്ഞു. ഹോട്ടലിന്റെ സ്വീകരണ കൗണ്ടറിന് സമീപം ഇരുന്നവരാണ് വെടിവയ്പിൽ കൊല്ലപ്പെട്ടത്. ഈ സമയം ഹോട്ടൽ ജീവനക്കാർ ഉൾപ്പെടെ 25 ൽ താഴെ ആളുകളാണ് റസ്റ്ററന്റിൽ ഉണ്ടായിരുന്നത്. പൊലീസ് ആസ്ഥാനത്തുനിന്ന് വെറും രണ്ട് കിലോമീറ്റർ മാത്രം അകലെയുള്ള ഹോട്ടലിലാണ് സംഭവം നടന്നത്.

ആക്രമണത്തിന് പിന്നാലെ പോലീസ് നടത്തിയ അന്വേഷണത്തിൽ സംഭവവുമായി ബന്ധപ്പെട്ട് പ്രതിയായ ഘനകാന്ത ഗൊഗോയ് എന്നയാളെ പൊലീസ് അറസ്റ്റ് ചെയ്തു. ഇയാളിൽ നിന്ന് ഒരു പിസ്റ്റളും പൊലീസ് പിടിച്ചെടുത്തു. ഹോട്ടലിന്റെ കരാറുമായി ബന്ധപ്പെട്ട തർക്കമാണ് വെടിവെപ്പിലേക്ക് നയിച്ചതെന്നാണ് പ്രാഥമിക അന്വേഷണത്തിൽ വ്യക്തമാകുന്നത്. സംഭവത്തിൽ പൊലീസ് കേസ് രജിസ്റ്റർ ചെയ്ത് വിശദമായ അന്വേഷണം നടത്തിവരികയാണ്.

'ഭർത്താവിനൊപ്പം ഹോട്ടൽ മുറിയിലേക്ക്, പെട്ടെന്ന് 28കാരി കുഴഞ്ഞ് വീണ് മരിച്ചു'; 5 സെക്കന്‍റിൽ സംഭവിച്ചതെന്ത്, ഭർത്താവിനെതിരെ കുടുംബം, അന്വേഷണം

Vishnu KV — Tue, 27 Oct 2026 00:48:08 +0530

ഝാൻസി: ഹോട്ടൽ മുറിയിൽ നവവധു ദുരൂഹ സാഹചര്യത്തിൽ മരിച്ച സംഭവത്തിൽ ഭർത്താവിനെതിരെ ആരോപണവുമായി യുവതിയുടെ കുടുംബം. മുസ്കാൻ സിമോലിയ (28) ആണ് ഉത്തര്‍പ്രദേശിലെ ഝാൻസിയിലുള്ള സിപ്രി ബസാർ പൊലീസ് സ്റ്റേഷൻ അതിർത്തിയിലെ ഒരു ഹോട്ടലിൽ വച്ച് കുഴഞ്ഞുവീണ് മരിച്ചത്. ഭർത്താവിനൊപ്പം ഹോട്ടൽ മുറിയിലേക്ക് കയറുന്നതിനിടെ വാതിൽക്കൽ മുസ്കാൻ കുഴഞ്ഞുവീഴുകയായിരുന്നു. ഹോട്ടലിലെ സിസിടിവി ദൃശ്യങ്ങൾ പുറത്തുവന്നതോടെ മകളുടെ മരണത്തില്‍ ദുരൂഹതയുണ്ടെന്ന് ആരോപിച്ച് കുടുംബം രംഗത്തെത്തുകയായിരുന്നു. ജൂൺ 29-നാണ് ഇവരുടെ വിവാഹം കഴിഞ്ഞത്.

സംഭവത്തിൽ മരണത്തിൽ ദുരൂഹതയുണ്ടെന്നും മകളെ ഭർത്താവ് കൊലപ്പെടുത്തിയതാണെന്നും ആരോപിച്ച് പിതാവ് പൊലീസിൽ പരാതി നൽകി. വെള്ളിയാഴ്ച രാത്രിയാണ് ബാങ്ക് മാനേജരായ ഭർത്താവ് നീലേഷിനൊപ്പം മുസ്കാൻ ഹോട്ടലിൽ മുറിയെടുത്തത്. ഹോട്ടലിലെ സിസിടിവി ക്യാമറയിൽ പതിഞ്ഞ ദൃശ്യങ്ങൾ പ്രകാരം, ഭർത്താവിനും ഹോട്ടൽ ജീവനക്കാരനുമൊപ്പം മുറിയിലേക്ക് നടന്നുപോകുന്നതിനിടെ അഞ്ച് സെക്കൻഡിനുള്ളിൽ മുസ്കാൻ വാതിൽക്കൽ വെച്ച് പെട്ടെന്ന് പുറകോട്ട് കുഴഞ്ഞുവീഴുകയായിരുന്നു. വീഴ്ചയിൽ തല നിലത്തടിക്കുകയും ചെയ്തു. ഉടൻതന്നെ ഭർത്താവ് നീലേഷ് യുവതിയെ കോരിയെടുത്ത് മുറിക്കുള്ളിലേക്ക് കൊണ്ടുപോകുന്നത് ദൃശ്യങ്ങളിൽ കാണാം.

പിറ്റേന്ന് രാവിലെ യുവതിയെ ജില്ലാ ആശുപത്രിയിൽ എത്തിച്ചെങ്കിലും മരണപ്പെട്ടതായി ഡോക്ടർമാർ സ്ഥിരീകരിച്ചു. പിതാവിന്റെ ആരോപണങ്ങൾ മകളുടെ തലയിൽ പരിക്കുകളുണ്ടെന്നും ഇത് മർദ്ദനമേറ്റതാണെന്നും മുസ്കാന്റെ പിതാവ് റാംജി ലാൽ അഹിർവാർ ആരോപിച്ചു. നീലേഷിന് മുൻപ് മറ്റൊരു വിവാഹം കഴിഞ്ഞിരുന്ന വിവരവും ഇൻഡോറിൽ ആദ്യ ഭാര്യയുണ്ടെന്ന കാര്യവും പിന്നീട് മാത്രമാണ് തങ്ങൾ അറിഞ്ഞതെന്നും, ഇതിനെച്ചൊല്ലി ഇരുവരും തമ്മിൽ നിരന്തരം തർക്കങ്ങളുണ്ടായിരുന്നതായും പിതാവ് പറഞ്ഞു. ഒക്ടോബർ 28-ന് നടക്കുന്ന റെയിൽവേ ജൂനിയർ എൻജിനീയർ പരീക്ഷയ്ക്കുള്ള തയ്യാറെടുപ്പിനായി ഒക്ടോബർ 10-നാണ് മുസ്കാൻ ത്സാൻസിയിലെ സ്വന്തം വീട്ടിലെത്തിയത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

എന്നാൽ അമ്മായിയെ കാണാനെന്ന വ്യാജേന ഒക്ടോബർ 23-ന് നീലേഷ് എത്തുകയും മുസ്കാനെ ഹോട്ടലിലേക്ക് കൂട്ടിക്കൊണ്ടുപോകുകയുമായിരുന്നു എന്ന് പിതാവ് ആരോപിച്ചു. സംഭവത്തിൽ നീലേഷിനെ പൊലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്. കുഴഞ്ഞുവീഴാനുള്ള വ്യക്തമായ കാരണം പോസ്റ്റ്മോർട്ടം റിപ്പോർട്ട് വന്നതിനു ശേഷം മാത്രമേ വ്യക്തമാകൂ എന്ന് പൊലീസ് അറിയിച്ചു. സിസിടിവി ദൃശ്യങ്ങളിൽ കുഴഞ്ഞുവീഴുന്നത് കാണാമെങ്കിലും അവിടെവെച്ച് മർദ്ദനമേറ്റിട്ടുണ്ടോ എന്ന് വ്യക്തമല്ല. വിഷയം വിശദമായി അന്വേഷിച്ചു വരികയാണെന്ന് ത്സാൻസി എസ്പി പ്രീതി സിങ് അറിയിച്ചു.

ചേരാനല്ലൂർ അപകടം: നീതി ഉറപ്പാക്കും, സർക്കാർ കുടുംബത്തിനൊപ്പം, കേസിൽ കർശന നടപടി സ്വീകരിക്കും: മുഖ്യമന്ത്രി

Sumam Thomas — Mon, 26 Oct 2026 23:40:40 +0530

കൊച്ചി: ചേരാനല്ലൂർ അപകടത്തിൽ മരിച്ച ജയബാലകൃഷ്ണന്റെ മകളുമായി സംസാരിച്ചു മുഖ്യമന്ത്രി വി ഡി സതീശൻ. നീതി ഉറപ്പാക്കുമെന്ന് ഉറപ്പ് നൽകിയ മുഖ്യമന്ത്രി സർക്കാർ കുടുംബത്തൊടൊപ്പമാണെന്നും കേസിൽ കർശന നടപടി സ്വീകരിക്കുമെന്നും കൂട്ടിച്ചേർത്തു. അതേ സമയം പൊലീസ് സ്റ്റേഷന് മുന്നിലെ സമരം താത്ക്കാലികമായി അവസാനിപ്പിച്ചിരിക്കുകയാണ് കുടുംബം. ആഭ്യന്തര മന്ത്രി രമേശ് ചെന്നിത്തല കുടുംബവുമായി സംസാരിച്ചു. നടപടിയില്ലെങ്കിൽ സമരം തുടരുമെന്നും കുടുംബം അറിയിച്ചു. നാളെ 4 മണി വരെ നോക്കുമെന്ന് വ്യക്തമാക്കിയ കുടുംബം ഉന്നയിച്ച ആവശ്യങ്ങളിൽ നിന്ന് പിന്നോട്ടില്ലെന്നും വ്യക്തമാക്കിയിട്ടുണ്ട്.

സ്റ്റേഷന് മുന്നിൽ കുത്തിയിരിപ്പ് സമരം നടത്തി വരികയായിരുന്നു മരിച്ച ജയബാലകൃഷ്ണന്‍റെ കുടുംബം. 17 കാരന്‍റെ ജാമ്യം റദ്ദാക്കണമെന്നും വാഹന ഉടമയായ ജഡ്ജിയെ സസ്പെൻഡ് ചെയ്യണമെന്നുമാണ് ആവശ്യം. വിമർശനങ്ങൾക്കൊടുവിൽ പ്രതിയുടെ അച്ഛനായ ജഡ്ജിയെ കേസിൽ പ്രതിചേർത്തിരിക്കുകയാണ്. 17കാരന് ജാമ്യം കിട്ടിയത് സർപ്രൈസ് ആയി തോന്നിയെന്നായിരുന്നു ആഭ്യന്തരമന്ത്രിയുടെ പ്രതികരണം.

എഡിജിപി പി വിജയൻ നാളെ കൊച്ചിയിലെത്തും. മരിച്ച ജയബാലകൃഷ്ണന്‍റെ കുടുംബവുമായി എഡിജിപി ചർച്ച നടത്തും. ഉന്നയിച്ച ആവശ്യങ്ങളിൽ തീരുമാനമായില്ലെങ്കിൽ നാളെ 4 മണി മുതൽ വീണ്ടും ചേരാനെല്ലൂർ സ്റ്റേഷന് മുന്നിൽ സമരം തുടങ്ങുമെന്ന് കുടുംബം അറിയിച്ചു.

Asianet News Malayalam

രണ്ടാം ക്ലാസ് വിദ്യാർത്ഥിനിയെ ലൈംഗികമായി പീഡിപ്പിച്ച 47കാരന് 28 വർഷം കഠിനതടവും പിഴയും ശിക്ഷ

സ്മിത്ത് മച്ചാർ ഉൾപ്പടെ ഫ്ളൈ ദുബായ് ജീവനക്കാർക്ക് യുഎഇയുടെ ഉന്നത ബഹുമതി

ലഹരി സംഘത്തിനെതിരെ വിവരം നല്‍കി; ആനമങ്ങാട് സ്‌കൂള്‍ വിദ്യാര്‍ത്ഥിക്ക് നേരെ ആക്രമണം

കോവിഡ് സമയത്തെ വീട്ടുപ്രാർത്ഥനയ്ക്കിടെ 15കാരിക്ക് പീഡനം, പാസ്റ്റർക്ക് 7 വർഷം തടവും പിഴയും

പയ്യോളി പോക്സോ കേസ്; പ്രതിയെ അറസ്റ്റ് ചെയ്യാത്ത പൊലീസുകാർക്ക് സസ്പെൻഷൻ

തൊടാനൊരുങ്ങി അർണബ്, വിമാന സർവ്വീസുകൾ നിർത്തി വച്ചു, സ്കൂളുകൾക്ക് അവധി

ഗ്രാമവാസികളെ കൂട്ടമായി നദിക്കരയിലേക്ക് ഓടിച്ച ശേഷം കൊന്നു തള്ളി, നൈജീരിയയിൽ കൊല്ലപ്പെട്ടത് 62 പേർ

3 വയസുകാരനെ മടിയിലിരുത്തി ഡ്രൈവിം​ഗ്; നടപടിയെടുത്ത് കഴക്കൂട്ടം ആർടിഒ, ലൈസൻസ് സസ്പെൻഡ് ചെയ്യും

അർണബ് ചുഴലിക്കാറ്റ്: പൊട്ടിവീണ വൈദ്യുത കമ്പിയിൽ നിന്ന് ഷോക്കേറ്റ് ഒരാൾ മരിച്ചു, സംഭവം ആന്ധ്രയിൽ

'എന്ത് തൂഫാനാണിവിടെ നടക്കുന്നത്? തൂഫാൻ നാടിനെ ഇളക്കിമറിക്കണ്ടേ? ഇത് ഒരു തൂഫാനുമല്ല': ജി സുധാകരൻ

ചേരാനല്ലൂർ വാഹനാപകടം: 17കാരൻ്റെ അച്ഛനായ ജഡ്ജിയുടെ ഫ്ലാറ്റിൽ പൊലീസ് പരിശോധന; നീക്കം ഹൈക്കോടതി നിർദേശ പ്രകാരം

സോഷ്യൽ മീഡിയയിൽ 21 ലക്ഷം ഫോളോവേഴ്‌സ്; പക്ഷേ ഇൻഫ്ലുവൻസർക്ക് പഞ്ചായത്ത് തെരഞ്ഞെടുപ്പിൽ ലഭിച്ചത് വെറും 33 വോട്ട്!

സഹോദരിയില്ലാത്തതിൽ വിഷമം; 101 നിർദ്ധന യുവതികളുടെ വിവാഹച്ചെലവ് ഏറ്റെടുത്ത് മാതൃകയായി യുവ വ്യവസായി

എമർജിംഗ് സയൻസ്, ടെക്നോളജി ആൻഡ് ഇന്നൊവേഷൻ കോൺക്ലേവിന് ദില്ലിയിൽ തുടക്കം; ഉദ്ഘാടനം ചെയ്ത് നരേന്ദ്ര മോദി

ബൈക്കിന് സൈഡ് കൊടുക്കാത്തതിൽ വിരോധം; ഡിപ്പോയിൽ കയറി കെഎസ്ആർടിസി ബസ്സിന്‍റെ ചില്ല് തകർത്തയാൾ റിമാൻഡിൽ

മകളുടെ മരണവാർത്തയറിഞ്ഞ അമ്മ ഹൃദയാഘാതം മൂലം മരിച്ചു; സംഭവം പാലക്കാട്

20 രൂപയുടെ കചോരി കഴിക്കാൻ സ്കൂട്ടർ നിർത്തി; വ്യവസായിക്ക് നഷ്ടപ്പെട്ടത് 20 ലക്ഷം രൂപ

തുരങ്കപാതയിൽ മുന്നോട്ട്

സുരക്ഷാ സന്നാഹങ്ങളൊരുക്കി ആന്ധ്രയും ഒഡിഷയും

വിവിഐപികളുടെ യാത്ര ഇനി കൂടുതല്‍ സുരക്ഷിതം; 24 പ്രത്യേക ഹെലികോപ്റ്ററുകള്‍ വാങ്ങാന്‍ വ്യോമസേന

പരിഗണനയില്‍ എയര്‍ബസ്, ലോക്ക്ഹീഡ് മാര്‍ട്ടിന്‍

മാറിയ സുരക്ഷാ മാനദണ്ഡങ്ങള്‍

ഇന്ത്യ വിടണമെന്ന നോട്ടീസ്: നടൻ ഇമ്രാൻ ഖാന് താൽക്കാലിക ആശ്വാസം, നവംബർ 2ന് ഹർജി പരിഗണിക്കുന്നതു വരെ നടപടിയില്ല

നടപടി ഗ്യാനേഷ് കുമാറിനെതിരായ പ്രതിഷേധത്തിൽ പങ്കെടുത്തതിന്

തടവുകാർ കൂട്ടത്തോടെ ജയിൽ ചാടിയ സംഭവം; തെക്കംപട്ടി സബ് ജയിലിലെ 9 ജീവനക്കാർക്ക് സസ്പെൻഷൻ, തിരച്ചിൽ ഊർജ്ജിതം

ആൻ്റോ അഗസ്റ്റിനെതിരായ അബ്കാരി കേസ്; ഭാര്യാ മാതാവിൻ്റെ മൊഴി രേഖപ്പെടുത്തി പ്രത്യേക അന്വേഷണ സംഘം

ഗ്രേ-സോൺ സ്ട്രാറ്റജി

കർണാടക ഉപമുഖ്യമന്ത്രിയെ ആശുപത്രിയിൽ പ്രവേശിപ്പിച്ചു; ജി പരമേശ്വരയ്ക്ക് ഹൃദയാഘാതമെന്ന് സൂചന

നീന്തൽ പരിശീലനത്തിനിടെ വിദ്യാർത്ഥിനിക്ക് നേരെ ലൈംഗികാതിക്രമം, പ്രതി അറസ്റ്റിൽ

'അർണബ്' അതിതീവ്ര ചുഴലിക്കാറ്റ്; അതീവ ജാഗ്രതയിൽ ആന്ധ്രാപ്രദേശും ഒഡിഷയും, എൺപത്തി ഒമ്പതിനായിരം പേരെ ഒഴിപ്പിച്ചു

ഗ്യാനേഷ് കുമാറിനെതിരായ ഹർജി; തെരഞ്ഞെടുപ്പ് കമ്മീഷന് മറുപടി നൽകാൻ കൂടുതൽ സമയം അനുവദിച്ച് സുപ്രീം കോടതി

മദ്യപിച്ച് അലക്ഷ്യമായി കാറോടിച്ച് അപകടമുണ്ടാക്കിയ എക്സൈസ് ഉദ്യോഗസ്ഥന് സസ്പെൻഷൻ

ബം​ഗാളിൽ 11ാം ക്ലാസുകാരിയെ ബലാത്സം​ഗം ചെയ്ത് കൊലപ്പെടുത്തിയ പ്രതി ഏറ്റുമുട്ടലിൽ കൊല്ലപ്പെട്ടു

ബംഗാൾ ഉൾക്കടലിൽ 'അർണബ്' ചുഴലിക്കാറ്റ്

കേരളത്തിലെ മഴ സാധ്യത

ഓറഞ്ച് അലർട്ട്

മഞ്ഞ അലർട്ട്

അട്ടപ്പാടിയിലെ ദമ്പതിമാരുടെ നവജാതശിശു മരിച്ചു; മരണം പ്രസവത്തിന് പിന്നാലെ

ആണ്ടിപ്പെട്ടി ജില്ലാ ജയിലിൽ നിന്ന് 17 പേർ ജയിൽ ചാടി, കേരളം-തമിഴ്നാട് ചെക് പോസ്റ്റുകളിൽ ജാ​ഗ്രതാ നിർദേശം

ചേരാനെല്ലൂരിൽ ബെൻസ് ഇടിച്ച് 55 കാരൻ മരിച്ച സംഭവം; കേസ് ഫയലുകൾ ഡിസിബിക്ക് കൈമാറി

മാധ്യമ പ്രവർത്തകയുടെ ഹർജി; രാഹുൽ ഗാന്ധിക്കെതിരെ നോട്ടീസ് അയച്ച് സുപ്രീംകോടതി

ഡ്രൈവിംഗ് സീറ്റിൽ സ്റ്റിയറിംഗ് പിടിച്ച് പിഞ്ചുകുഞ്ഞ്, കൂസലില്ലാതെ മാതാപിതാക്കൾ, റോഡിലെ അപകടക്കളി തുടരുന്നു

അരുണാചൽ പ്രദേശിൽ ഡാം വിരുദ്ധ സമരം ശക്തമാകുന്നു: പ്രതിഷേധക്കാർ വാഹനങ്ങൾക്ക് തീയിട്ടു, മൂന്ന് പേർ അറസ്റ്റിൽ

തുടരുമോ നെതന്യാഹു, അതോ അടിതെറ്റുമോ? ഇസ്രയേലിൽ ഇന്ന് വിധിയെഴുത്ത്; അഞ്ചുലക്ഷം കന്നിവോട്ടർമാർ

കുളത്തൂപ്പുഴയിൽ 17 കാരൻ ഓടിച്ച ബൈക്ക് അപകടത്തിൽപെട്ടു; ദാരുണാന്ത്യം

മന്ത്രിമാർക്ക് 1.5 ലക്ഷം, എംഎൽഎമാർക്ക് ഒരുലക്ഷം; മറ്റാനുകൂല്യങ്ങളും വർധിപ്പിക്കുമെന്ന് റിപ്പോർട്ട്

യാത്രക്കാരുടെ ശ്രദ്ധയ്ക്ക്... സംസ്ഥാനത്ത് ഇന്ന് ട്രെയിനുകൾ വൈകും, കളമശ്ശേരിയിൽ സിഗ്നൽ നവീകരണം

ചേരാനെല്ലൂര്‍ അപകടം: 17-കാരന്‍റെ അച്ഛനായ ജഡ്ജിക്ക് വീഴ്ച പറ്റിയെന്ന് റിപ്പോർട്ട്

എംഎൽഎമാർക്ക് ഐപാഡ്, ശമ്പള വർധന; സതീശൻ സർക്കാറിനെതിരെ വിമർശനമുയരുന്നു, പ്രതിപക്ഷത്ത് മൗനം

ഗുവാഹത്തിയിലെ ഹോട്ടലിൽ വെടിവെപ്പ്: രണ്ട് സ്ത്രീകൾ ഉൾപ്പെടെ 6 പേർ കൊല്ലപ്പെട്ടു, പ്രതികൾ അറസ്റ്റിൽ

ചേരാനല്ലൂർ അപകടം: നീതി ഉറപ്പാക്കും, സർക്കാർ കുടുംബത്തിനൊപ്പം, കേസിൽ കർശന നടപടി സ്വീകരിക്കും: മുഖ്യമന്ത്രി

3 വയസുകാരനെ മടിയിലിരുത്തി ഡ്രൈവിംഗ്; നടപടിയെടുത്ത് കഴക്കൂട്ടം ആർടിഒ, ലൈസൻസ് സസ്പെൻഡ് ചെയ്യും

ബംഗാളിൽ 11ാം ക്ലാസുകാരിയെ ബലാത്സംഗം ചെയ്ത് കൊലപ്പെടുത്തിയ പ്രതി ഏറ്റുമുട്ടലിൽ കൊല്ലപ്പെട്ടു

ആണ്ടിപ്പെട്ടി ജില്ലാ ജയിലിൽ നിന്ന് 17 പേർ ജയിൽ ചാടി, കേരളം-തമിഴ്നാട് ചെക് പോസ്റ്റുകളിൽ ജാഗ്രതാ നിർദേശം