Asianet News Malayalam

അണ്ടര്‍ 23 കോമൺവെൽത്ത് ഫെൻസിങ് ചാമ്പ്യൻഷിപ്; ജോയ്‌സ് അഷിതക്ക് സ്വർണ്ണം, നിവേദ്യക്കും ശ്രുതിക്കും വെങ്കലം

Web Desk — Tue, 11 Aug 2026 17:23:39 +0530

തിരുവനന്തപുരം: നൈജീരിയയിലെ ലാഗോസിൽ നടക്കുന്ന കോമൺവെൽത്ത് ഫെൻസിംഗ് ചാമ്പ്യൻഷിപ്പിൽ തിരുവനന്തപുരം സായ് നാഷണൽ സെന്‍റർ ഓഫ് എക്സലൻസിലെ കായികതാരങ്ങൾക്ക് മികച്ച നേട്ടം. വനിതാ ഫോയിൽ വ്യക്തിഗത ഇനത്തിൽ ജോയ്സ് ആഷിത (തമിഴ്നാട് ) സ്വർണം നേടി. വേഗതയും തന്ത്രപരമായ മികവും കൊണ്ട് ഫോയിൽ മത്സരങ്ങളിൽ ശ്രദ്ധേയയായ ഇരുപതുകാരി ജോയ്‌സ് ആഷിത തന്‍റെ എല്ലാ മത്സരങ്ങളിലും ആധിപത്യം പുലർത്തിയാണ് ഇന്ത്യക്കായി ഏറ്റവും വലിയ നേട്ടം സ്വന്തമാക്കിയത് .

വനിതാ എപ്പി വ്യക്തിഗത ഇനത്തിൽ നിവേദ്യ എൽ നായർ വെങ്കല മെഡൽ സ്വന്തമാക്കി. സായ് സെന്‍ററിൽ ലഭിച്ച മികച്ച സാങ്കേതിക പരിശീലനത്തിന്‍റെയും കഠിനാധ്വാനത്തിന്‍റെയും പ്രതിഫലനമായിരുന്നു നിവേദ്യയുടെ പോരാട്ടത്തിലുടനീളം കണ്ടത്. നിവേദ്യ കഴിഞ്ഞ കോമൺവെൽത്ത് ഫെൻസിംഗ് ചാമ്പ്യൻഷിപ്പിലും വ്യക്തിഗത ഇനത്തിൽ വെങ്കലം നേടിയിരുന്നു. കൂടാതെ ടീം ഇനത്തിൽ വെള്ളിയും. ഇടുക്കി, രാജാക്കാട് സ്വദേശിനിയായ നിവേദ്യയാണ് ചാമ്പ്യൻഷിപ്പിലെ ഇന്ത്യൻ ടീമിലെ ഒരേയൊരു മലയാളി. നിലവിൽ ഡിഗ്രിക്ക് പഠിക്കുന്നു. അന്താരാഷ്ട്ര തലത്തിൽ മികച്ച റെക്കോർഡ് നിവേദ്യക്കുണ്ട്. ഇന്തോനേഷ്യയിലും ബഹ്റൈനിലും വെച്ച് നടന്ന ഏഷ്യൻ ഫെൻസിംഗ് ചാമ്പ്യൻഷിപ്പ്, റിയാദിൽ വെച്ച് നടന്ന ലോക ഫെൻസിംഗ് ചാമ്പ്യൻഷിപ്പ് എന്നിവയിൽ പങ്കെടുത്തിട്ടുണ്ട്.

വനിതാ സാബിർ വ്യക്തിഗത ഇനത്തിൽ ശ്രുതി ജോഷിയും (മുംബൈ) വെങ്കല മെഡൽ നേടി. സീനിയർ കോമൺവെൽത്ത് ചാമ്പ്യൻഷിപ്പിലെ ഈ നേട്ടം സായ് തിരുവനന്തപുരത്തിന്‍റെ മെഡൽ നേട്ടം ഇരട്ടിയാക്കി. മൂവരും 2026 സെപ്റ്റംബർ 19 മുതൽ ഒക്ടോബർ 4 വരെ ജപ്പാനിലെ ഐച്ചി-നഗോയയിൽ നടക്കുന്ന 2026 ഏഷ്യൻ ഗെയിംസിനും യോഗ്യത നേടിയിട്ടുണ്ട്. സായ് റീജിയണൽ സെന്‍റർ, തിരുവനന്തപുരത്ത് കോച്ച് സാഗർ എസ് ലാഗുവിന്‍റെ കീഴിലാണ് മൂന്ന് ഫെൻസിങ് താരങ്ങളുടെയും പരിശീലനം. ഈ നേട്ടത്തോടെ അന്താരാഷ്ട്ര വേദിയിൽ ഇന്ത്യൻ ഫെൻസിംഗ് കൂടുതൽ കരുത്താർജിക്കുകയാണ്.ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ലോക അണ്ടർ-20 അത്‌ലറ്റിക്സ്: ചരിത്രനേട്ടവുമായി ഷാനവാസ് ഖാൻ; ലോങ് ജമ്പിൽ വെങ്കല മെഡൽ

Gopalakrishnan C — Sun, 09 Aug 2026 13:16:29 +0530

ഡാളളസ്: ലോക അണ്ടർ-20 അത്‌ലറ്റിക്സ് ചാമ്പ്യൻഷിപ്പിൽ ഇന്ത്യയ്ക്ക് വീണ്ടും അഭിമാനനിമിഷം. പുരുഷന്മാരുടെ ലോങ് ജമ്പിൽ ഇന്ത്യൻ താരം ഷാനവാസ് ഖാൻ വെങ്കല മെഡൽ സ്വന്തമാക്കി. 7.84 മീറ്റർ ദൂരം ചാടിയാണ് ഇരുപതുകാരനായ ഷാനവാസ് മെഡൽ നേട്ടം കൈവരിച്ചത്. ഇതോടെ ലോകവേദിയിൽ ഒരു അത്‌ലറ്റിക്സ് ചാമ്പ്യൻഷിപ്പിൽ ലോങ് ജമ്പിൽ മെഡൽ നേടുന്ന ആദ്യ ഇന്ത്യൻ പുരുഷ താരമെന്ന ചരിത്രനേട്ടവും ഷാനവാസ് സ്വന്തമാക്കി. ചാമ്പ്യൻഷിപ്പിൽ ഇന്ത്യയുടെ മൂന്നാമത്തെ മെഡലാണിത്. നേരത്തെ ആശിഷ് യാദവും വസന്ത് മേഘ്‌വാളും വെള്ളി മെഡലുകൾ നേടിയിരുന്നു.

ക്വാളിഫയിങ് റൗണ്ടിൽ 7.73 മീറ്റർ കണ്ടെത്തിയാണ് ഷാനവാസ് ഫൈനലിലേക്ക് യോഗ്യത നേടിയത്. ഫൈനലിൽ തന്‍റെ മൂന്നാം ശ്രമത്തിലാണ് ഷാനവാസ് മെഡൽ ഉറപ്പിച്ച 7.84 മീറ്റർ ദൂരം പിന്നിട്ടത്. ആദ്യ രണ്ട് ശ്രമങ്ങളിൽ യഥാക്രമം 7.67 മീറ്ററും 7.72 മീറ്ററുമായിരുന്നു ഷാനവാസ് പിന്നിട്ടത്. നാലാം ശ്രമത്തിൽ 7.52 മീറ്ററിലെത്താനേ കഴിഞ്ഞുള്ളൂ. അവസാന ശ്രമത്തിന് ശേഷം പേശിവലിവ് കാരണം താരം മൈതാനത്ത് വേദനകൊണ്ട് വീണെങ്കിലും, പിന്നാലെ മത്സരിച്ച മറ്റ് താരങ്ങൾക്കാർക്കും ഷാനവാസിന്‍റെ ദൂരം മറികടക്കാൻ സാധിച്ചില്ല. ഇറ്റലിയുടെ ഡാനിയേൽ ഇൻസോളിക്കാണ് (7.97 മീറ്റർ) സ്വർണ്ണം. ഓസ്ട്രേലിയയുടെ മേസൺ മക്ഗ്രോഡർ (7.96 മീറ്റർ) വെള്ളി നേടി. മത്സരത്തിലുണ്ടായിരുന്ന മറ്റൊരു ഇന്ത്യൻ താരം ആർ.സി. ജിതിൻ അർജുനൻ 7.59 മീറ്റർ ദൂരത്തോടെ എട്ടാം സ്ഥാനത്ത് ഫിനിഷ് ചെയ്തു.

Watch Shahnavaz win BRONZE at the World Athletics U20 Championships 2026.He won bronze in the men’s long jump final with a best attempt of 7.84m, which came in his 3rd attempt.No athlete in the field was able to breach the 8m mark. Daniele Inzoli (Italy) – 7.97m… pic.twitter.com/iWzPLb7cFF

— nnis Sports (@nnis_sports) August 9, 2026

നാല് മാസത്തിനിടെ അവിശ്വസനീയ മുന്നേറ്റം

ഉത്തർപ്രദേശിലെ പ്രതാപ്ഗഢ് ജില്ലയിലെ മധായ്പൂർ ഗ്രാമത്തിൽ നിന്നാണ് ഷാ നവാസിന്‍റെ വരവ്. ടാക്സി ഡ്രൈവറായ പിതാവിന്‍റെ മകനായ ഷാ നവാസിന് കായികപശ്ചാത്തലമുള്ള കുടുംബമാണ് തണലായത്. കഴിഞ്ഞ നാല് മാസത്തിനിടെ തന്‍റെ വ്യക്തിഗത മികച്ച ദൂരം 8.30 മീറ്ററായി ഉയർത്താൻ ഷാനവാസിന് സാധിച്ചിരുന്നു. ഏഷ്യൻ തലത്തിൽ ശ്രദ്ധേയനായതിന് പിന്നാലെ ലോക വേദിയിലും പതറാതെ പോരാടി മെഡൽ കൊയ്തതോടെ ഇന്ത്യൻ അത്‌ലറ്റിക്സിന്‍റെ പുതിയ പ്രതീക്ഷയായി മാറിയിരിക്കുകയാണ് ഈ യുവതാരം.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ജാവലിനിൽ വീണ്ടും ഇന്ത്യൻ തിളക്കം; ലോക അണ്ടർ-20 അത്‌ലറ്റിക്സിൽ നീരജ് ചോപ്രയുടെ വഴിയിൽ ആശിഷ് യാദവിന് വെള്ളി

Gopalakrishnan C — Sat, 08 Aug 2026 12:43:22 +0530

യൂജീൻ (യു.എസ്.എ): ലോക അണ്ടർ-20 അത്‌ലറ്റിക് ചാമ്പ്യൻഷിപ്പിൽ ഇന്ത്യയ്ക്ക് തിളക്കമാർന്ന നേട്ടം. പുരുഷന്മാരുടെ ജാവലിൻ ത്രോയിൽ ഇന്ത്യയുടെ പത്തൊൻപതുകാരൻ ആശിഷ് യാദവ് വെള്ളി മെഡൽ നേടി. ചാമ്പ്യൻഷിപ്പിന്‍റെ മൂന്നാം ദിനത്തിൽ ഫൈനൽ പോരാട്ടത്തിലെ മൂന്നാം ശ്രമത്തിൽ 74.09 മീറ്റർ ദൂരം കണ്ടെത്തിയാണ് ആശിഷ് ഇന്ത്യയ്ക്കായി ആദ്യ മെഡൽ സമ്മാനിച്ചത്.

രണ്ടുതവണ ഒളിമ്പിക് മെഡൽ നേടിയിട്ടുള്ള നീരജ് ചോപ്രയ്ക്ക് ശേഷം ലോക അണ്ടർ-20 അത്‌ലറ്റിക്സിൽ ജാവലിൻ ത്രോയിൽ മെഡൽ നേടുന്ന രണ്ടാമത്തെ മാത്രം ഇന്ത്യൻ താരമെന്ന ചരിത്രനേട്ടവും ആശിഷ് സ്വന്തമാക്കി. 2016-ൽ പോളണ്ടിൽ നടന്ന ടൂർണമെന്‍റിൽ 86.48 മീറ്റർ ദൂരം എറിഞ്ഞ് നീരജ് ചോപ്ര സ്വർണ്ണം നേടിയിരുന്നു. നിലവിലും തകരാതെ നിൽക്കുന്ന ലോക ജൂനിയർ റെക്കോർഡോടെയായിരുന്നു അന്ന് നീരജിന്‍റെ സുവർണ്ണ നേട്ടം.

Watch Ashish Yadav land silver at the World U20 Athletics Championships.Bydgoszcz 2016 - Neeraj Chopra Eugene 2026 - Ashish Yadav India finally has another global men's javelin medal. - World Athletics pic.twitter.com/FjPCPTomlU

— RevSportz Global (@RevSportzGlobal) August 8, 2026

ആറാമത്തെയും അവസാനത്തെയും ശ്രമത്തിൽ 80.50 മീറ്റർ ദൂരം എറിഞ്ഞ ദക്ഷിണാഫ്രിക്കയുടെ ജാൻ-ഹെൻഡ്രിക് ഹെയ്മാൻസിനാണ് ഈ ഇനത്തിൽ സ്വർണ്ണം. ഈ സീസണിലെ അണ്ടർ-20 ലോകത്തെ ഏറ്റവും മികച്ച പ്രകടനത്തോടെയാണ് താരം ഒന്നാമതെത്തിയത്. ഫൈനലിൽ മത്സരിച്ച മറ്റൊരു ഇന്ത്യൻ താരമായ ടി. ധരണിധരൻ 72.35 മീറ്റർ ദൂരത്തോടെ ആറാം സ്ഥാനത്ത് ഫിനിഷ് ചെയ്തു.

INDIA’S MEDALIST IN MEN’S JAVELIN THROW AT WORLD U20 ATHLETICS C’SHIP! Neeraj Chopra - Bydgoszcz 2016 Ashish Yadav - Eugene 2026INDIAN WON A MEDAL AFTER 10 YEARS! pic.twitter.com/h3Hs0Iy056

— The Khel India (@TheKhelIndia) August 8, 2026

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

കാര്യവട്ടം സായ് റീജിയണൽ സെന്‍ററിൽ പെൺകുട്ടികൾക്കായുള്ള വോളിബോൾ സെലക്ഷൻ ട്രയൽസ്

Gopalakrishnan C — Sun, 09 Aug 2026 10:19:00 +0530

തിരുവനന്തപുരം: മികച്ച വനിതാ വോളിബോൾ താരങ്ങളെ കണ്ടെത്തി വളർത്തിയെടുക്കുന്നതിനായി തിരുവനന്തപുരത്തെ സ്പോർട്സ് അതോറിറ്റി ഓഫ് ഇന്ത്യ നാഷണൽ സെന്‍റർ ഓഫ് എക്സലൻസ് പെൺകുട്ടികൾക്കായുള്ള സെലക്ഷൻ ട്രയൽസ് സംഘടിപ്പിക്കുന്നു. ഓഗസ്റ്റ് 10, 11 തീയതികളിൽ തിരുവനന്തപുരം കാര്യവട്ടത്തുള്ള സായ് റീജിയണൽ സെന്‍റർ ഇൻഡോർ ട്രെയിനിംഗ് ഹാളിൽ വെച്ചാണ് ട്രയൽസ്.

ഇന്ത്യയിലെ മികച്ച ഹൈ-പെർഫോമൻസ് പരിശീലന കേന്ദ്രങ്ങളിലൊന്നായ സായ് നാഷണൽ സെന്‍റർ ഓഫ് എക്സലൻസ്. ശാസ്ത്രീയ പിന്തുണയോടെയുള്ള ലോകോത്തര പരിശീലനം, സമഗ്രമായ കായിക വികസന സൗകര്യങ്ങൾ എന്നിവയിലൂടെ ഭാവിയിലെ ദേശീയ-അന്തർദേശീയ ചാമ്പ്യന്മാരെ വാർത്തെടുക്കുകയാണ് സായ് ലക്ഷ്യമിടുന്നത്. ഈ സെലക്ഷൻ ട്രയൽസ് രാജ്യത്തെ പ്രതിഭാധനരായ യുവ വനിതാ വോളിബോൾ താരങ്ങൾക്ക് അവരുടെ കഴിവ് തെളിയിക്കാനും സായിയുടെ എലൈറ്റ് പരിശീലന പദ്ധതിയുടെ ഭാഗമാകാനും മികച്ച അവസരമാണ്.

പങ്കെടുക്കുന്ന എല്ലാ താരങ്ങളും 2026 ഓഗസ്റ്റ് 10-ന് രാവിലെ 9.00 മണിക്ക് തിരുവനന്തപുരം കാര്യവട്ടത്തുള്ള സായ് റീജിയണൽ സെന്‍റർ ഇൻഡോർ ട്രെയിനിംഗ് ഹാളിൽ റിപ്പോർട്ട് ചെയ്യണം. ട്രയൽസിൽ പങ്കെടുക്കുന്നവർ ആധാർ കാർഡ്, ജനന സർട്ടിഫിക്കറ്റ്, മെഡിക്കൽ ഫിറ്റ്നസ് സർട്ടിഫിക്കറ്റ്, കായിക നേട്ടങ്ങൾ തെളിയിക്കുന്ന സർട്ടിഫിക്കറ്റുകൾ (ഉണ്ടെങ്കിൽ) എന്നിവ നിർബന്ധമായും ഹാജരാക്കണം. സെലക്ഷൻ ട്രയൽസിൽ പങ്കെടുക്കുന്നതിനുള്ള യാത്ര, താമസം, ഭക്ഷണം എന്നിവയുമായി ബന്ധപ്പെട്ട എല്ലാ ചെലവുകളും മത്സരാർത്ഥികൾ തന്നെ വഹിക്കേണ്ടതാണ്. കൂടുതൽ വിവരങ്ങൾക്ക് 73564 65508 എന്ന നമ്പരിലോ 62825 04408 എന്ന വാട്‌സ്ആപ്പ് നമ്പറിലോ ബന്ധപ്പെടുക.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

‘ഞങ്ങളെ എല്ലാവർക്കും പേടിയായിരുന്നു’; കോമൺവെൽത്ത് ഗെയിംസിലെ അനുഭവങ്ങൾ പ്രധാനമന്ത്രിയോട് പങ്കുവെച്ച് താരങ്ങൾ

Gopalakrishnan C — Mon, 10 Aug 2026 11:19:06 +0530

ദില്ലി: കോമൺവെൽത്ത് ഗെയിംസിൽ ചരിത്രനേട്ടം കൊയ്ത രാജ്യത്തിന്‍റെ അഭിമാനമായ കായികതാരങ്ങളെ വസതിയിൽ ആദരിച്ച് പ്രധാനമന്ത്രി നരേന്ദ്ര മോദി. മെഡൽ തിളക്കവുമായി എത്തിയ കായിക താരങ്ങളുമായി പ്രധാനമന്ത്രി സൗഹൃദ സംഭാഷണം നടത്തി. ബോക്‌സിങ് റിംഗിൽ ഇന്ത്യ സൃഷ്ടിച്ച ആധിപത്യത്തെക്കുറിച്ചും എതിരാളികളിൽ പടർന്ന 'ഇന്ത്യൻ ഭീതി'യെക്കുറിച്ചും താരങ്ങൾ പ്രധാനമന്ത്രിയോട് മനസ്സ് തുറന്നു. ഗ്ലാസ്‌ഗോയിൽ 10 മെഡലുകളുമായാണ് ഇന്ത്യൻ ബോക്‌സിങ് സംഘം തിരിച്ചെത്തിയത്. ഇതിൽ ഏഴ് സ്വര്‍ണവും ഉള്‍പ്പെടുന്നു. ബോക്‌സിങ്ങിന് പുറമേ ജൂഡോയിൽ ചരിത്രത്തിലാദ്യമായി സ്വർണ്ണവും ഡെക്കാത്‌ലണിൽ കന്നി വെള്ളിയും ഇന്ത്യ സ്വന്തമാക്കിയിരുന്നു.

റിംഗിൽ ഇന്ത്യൻ താരങ്ങളുടെ പ്രകടനത്തെ എതിരാളികൾ ഭയപ്പാടോടെയാണ് കണ്ടതെന്ന് ബോക്‌സിങ് താരം സാക്ഷി ചൗധരി പ്രധാനമന്ത്രിയോട് പറഞ്ഞു. ഇന്ത്യൻ താരത്തിനെതിരെയാണ് അടുത്ത മത്സരമെന്ന് അറിയുമ്പോൾ തന്നെ ആദ്യ റൗണ്ടിൽ തോറ്റ് പുറത്താകുമെന്നും മെഡൽ പ്രതീക്ഷ തീർന്നുവെന്നും എതിരാളികൾ ഉറപ്പിച്ചിരുന്നു. അത്രത്തോളം ഭയമായിരുന്നു എല്ലാവർക്കും- സാക്ഷി വ്യക്തമാക്കി. ലോകത്തിന് മുന്നിൽ ഇന്ത്യൻ ബോക്‌സർമാരുടെ മൂല്യം ഉയർന്നോ എന്ന പ്രധാനമന്ത്രിയുടെ ചോദ്യത്തിന് ബോക്സിംഗ് താരം ലോവ്ലിന ബോർഗോഹെയ്ൻ ആണ് മറുപടി നല്‍കിയത്.

തീർച്ചയായും സർ, എല്ലാവരും പേടിയിലായിരുന്നു. ഓരോ വിഭാഗത്തിലും തുടർച്ചയായി ഇന്ത്യ സ്വർണ്ണം നേടുന്നത് വലിയൊരു സ്‌ഫോടനം പോലെയാണ് അനുഭവപ്പെട്ടത്. 'ഖേലോ ഇന്ത്യ' പോലുള്ള പദ്ധതികളിലൂടെ നിരന്തരം മത്സര പരിചയം ലഭിക്കുന്നത് യുവതാരങ്ങൾക്ക് വലിയ കരുത്താകുന്നുണ്ടെന്ന് ലോവ്‌ലിന പറഞ്ഞു.

#WATCH | PM Modi interaction with CWG 2026 medal winners | PM Modi asks Boxer Lovlina Borgohain about her conversation over the map of India at a restaurant in Glasgow; she says, "We had performed so well; it was the last day, everyone had won, and there were Indians all around.… pic.twitter.com/qqlD6n1h5H

— ANI (@ANI) August 10, 2026

കണ്ണീരണിഞ്ഞ നിമിഷം ഓർത്ത് മീരാബായ് ചാനു

കോമൺവെൽത്ത് ഗെയിംസിൽ സ്വർണ്ണ മെഡലിൽ ഹാട്രിക് തികച്ച പ്രമുഖ വെയ്റ്റ്‌ലിഫ്റ്റർ മീരാബായ് ചാനുവും പ്രധാനമന്ത്രിയുമായി ഓർമ്മകൾ പങ്കുവെച്ചു. മെഡൽ നേട്ടത്തിന് ശേഷം ദേശീയ പതാക ഉയരുമ്പോൾ വികാരാധീനയായി കരഞ്ഞതിനെക്കുറിച്ചായിരുന്നു മോദിയുടെ ചോദ്യം. പാരീസ് ഒളിമ്പിക്സിൽ വെറും 1 കിലോഗ്രാമിന്‍റെ വ്യത്യാസത്തിൽ മെഡൽ നഷ്ടമായതിന്‍റെ വേദന മനസ്സിലുണ്ടായിരുന്നുവെന്ന് ചാനു പറഞ്ഞു. കഴിഞ്ഞ നാല് വർഷം പരിക്കുകളും വ്യക്തിപരമായ പ്രതിസന്ധികളും കാരണം വലിയ വെല്ലുവിളികളാണ് നേരിട്ടത്. അതിനാൽ വീണ്ടും വിക്ടറി സ്റ്റാൻഡിൽ നിന്ന് ദേശീയഗാനം കേട്ടപ്പോൾ സന്തോഷം കൊണ്ട് കണ്ണീരടക്കാനായില്ലെന്ന് ചാനു വ്യക്തമാക്കി. മീരാബായ് ചാനു, ലോവ്ലിന ബോർഗോഹെയ്ൻ, സാക്ഷി ചൗധരി, അസ്മിത ദേബ് തുടങ്ങി ഗെയിംസിൽ തിളങ്ങിയ പ്രമുഖ താരങ്ങളെല്ലാം ചടങ്ങിൽ പങ്കെടുത്തു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

കോമൺവെൽത്ത് ഗെയിംസ്: ഇന്ത്യക്ക് വീണ്ടും തിരിച്ചടി; ജൂഡോ താരം തൂലിക മന്നിന് നാഡയുടെ വിലക്ക്

Gopalakrishnan C — Fri, 24 Jul 2026 16:53:47 +0530

ഗ്ലാസ്‌കോ: ഗ്ലാസ്കോയില്‍ കോമൺവെൽത്ത് ഗെയിംസിൽ ഇന്ത്യൻ ക്യാമ്പിനെ ഉലച്ച് വീണ്ടും ഉത്തേജകമരുന്ന് വിവാദം. വനിതകളുടെ 78 കിലോ ഗ്രാം ജൂഡോയില്‍ ഇന്ത്യയുടെ ഉറച്ച മെഡൽ പ്രതീക്ഷയായിരുന്ന തൂലിക മന്നിന് ദേശീയ ഉത്തേജക വിരുദ്ധ ഏജൻസി(നാഡ) ഗെയിംസില്‍ പങ്കെടുക്കുന്നതില്‍ നിന്ന് താത്കാലിക വിലക്കേർപ്പെടുത്തി. ഉത്തേജകമരുന്ന് വിരുദ്ധ ചട്ടം ലംഘിച്ചതിനെ തുടർന്ന് തൂലിക മന്നിനെ കോമൺവെൽത്ത് ഗെയിംസിനുള്ള ഇന്ത്യൻ ടീമിൽ നിന്ന് ഒഴിവാക്കാൻ നാഡ നിര്‍ദേശിക്കുകയായിരുന്നു. 2022 ബർമിംഗ്ഹാം കോമൺവെൽത്ത് ഗെയിംസിൽ 78 കിലോഗ്രാം വിഭാഗത്തിൽ ഇന്ത്യയ്ക്കായി വെള്ളിമെഡൽ നേടിയ താരമാണ് തൂലിക.

മത്സരങ്ങൾ ഇല്ലാത്ത സമയങ്ങളിലും താരങ്ങൾ തങ്ങൾ എവിടെയാണുള്ളതെന്ന വിവരങ്ങൾ ഉത്തേജകമരുന്ന് വിരുദ്ധ ഏജൻസിയെ മുൻകൂട്ടി കൃത്യമായി അറിയിക്കണമെന്ന നിർബന്ധിത ചട്ടമുണ്ട്. കഴിഞ്ഞ 12 മാസത്തിനിടെ മൂന്ന് തവണയാണ് തൂലിക ഈ വിവരങ്ങൾ കൈമാറുന്നതിൽ വീഴ്ച വരുത്തിയത്. ഇതേതുടർന്നാണ് നാഡ താരത്തിന് നോട്ടീസ് അയക്കുകയും താത്കാലിക വിലക്കേർപ്പെടുത്തുകയും ചെയ്തത്.

തൂലിക മന്നിന് പുറമെ ഇന്നലെ മറ്റൊരു ജൂഡോ താരമായ അരുൺ കുമാറിനെയും നാഡ വിലക്കിയിരുന്നു. മത്സരത്തിന് പുറത്തുള്ള ഉത്തേജകമരുന്ന് പരിശോധനയിൽ പരാജയപ്പെട്ടതിനെ തുടർന്നാണ് പുരുഷ വിഭാഗം 73 കിലോ ഗ്രാം വിഭാഗത്തിലെ ഉറച്ച മെഡല്‍ പ്രതീക്ഷയായിരുന്ന അരുൺ കുമാറിനെ ടീമിൽ നിന്ന് ഒഴിവാക്കിയത്. ജൂലൈ 31-നാണ് കോമൺവെൽത്ത് ഗെയിംസിൽ ജൂഡോ മത്സരങ്ങൾ ആരംഭിക്കുന്നത്. ജൂലൈ 27-ന് ഇന്ത്യൻ ടീം ഗ്ലാസ്‌കോയിലേക്ക് തിരിക്കാനിരിക്കെയാണ് രണ്ട് മുൻനിര താരങ്ങൾ വിലക്കുമായി പുറത്തുപോകുന്നത്. ഇത് ഇന്ത്യയുടെ മെഡൽ പ്രതീക്ഷകൾക്ക് കനത്ത ആഘാതമായി.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ഇന്ത്യൻ ഹോക്കി ടീമിന്‍റെ ജേഴ്സി മാറ്റം പ്രസിഡന്‍റ് പോലുമറിഞ്ഞില്ല, വിശദീകരണം തേടി ദിലീപ് ടിർക്കി, ഹോക്കി ഇന്ത്യയില്‍ തർക്കം രൂക്ഷം

Gopalakrishnan C — Fri, 31 Jul 2026 13:50:19 +0530

ദില്ലി: വരാനിരിക്കുന്ന എഫ്.ഐ.എച്ച് ഹോക്കി ലോകകപ്പിന് മുന്നോടിയായി ഇന്ത്യൻ ദേശീയ ടീമിന്‍റെ പരമ്പരാഗത നീല ജേഴ്സി മാറ്റി കാവി നിറമാക്കിയ സംഭവത്തിൽ ഹോക്കി ഇന്ത്യയിൽ വൻ പൊട്ടിത്തെറി. എക്സിക്യൂട്ടീവ് ബോർഡുമായോ തന്നോട് യാതൊരു കൂടിയാലോചനയും നടത്താതെയാണ് ഈ തീരുമാനമെടുത്തതെന്ന് ചൂണ്ടിക്കാട്ടി ഹോക്കി ഇന്ത്യ പ്രസിഡന്‍റും മുൻ ഇന്ത്യൻ ക്യാപ്റ്റനുമായ ദിലീപ് ടിർക്കി രംഗത്തെത്തി. തീരുമാനത്തിന് പിന്നിലെ കാരണം വിശദീകരിച്ച് ഇന്ന് വൈകുന്നേരം 5 മണിക്ക് മുൻപായി സമഗ്രമായ റിപ്പോർട്ട് നൽകണമെന്ന് ഹോക്കി ഇന്ത്യ എക്സിക്യൂട്ടീവ് ഡയറക്ടർ ആർ.കെ. ശ്രീവാസ്തവയോട് ടിർക്കി ഔദ്യോഗികമായി ആവശ്യപ്പെട്ടു.

പരമ്പരാഗതമായ നീല ജേഴ്സി മാറ്റാനുള്ള പ്രധാന കാരണം, ഏത് ഉദ്യോഗസ്ഥന്‍റെയോ കമ്മിറ്റിയുടെയോ അധികാരത്തിന്മേലാണ് ഈ തീരുമാനമെടുത്തത്?, തീരുമാനമെടുക്കുന്നതിൽ പങ്കാളികളായ വ്യക്തികളും കമ്മിറ്റികളും ഏതെല്ലാം?, പരിശീലകർ, ക്യാപ്റ്റൻ, നിലവിലെ താരങ്ങൾ, മുൻ അന്താരാഷ്ട്ര താരങ്ങൾ എന്നിവരുമായി ചർച്ച നടത്തിയിട്ടുണ്ടോ?, ഔദ്യോഗിക പ്രഖ്യാപനത്തിന് മുൻപ് പ്രസിഡന്‍റിനെയോ ഭരണസമിതിയെയോ വിവരം അറിയിക്കാതിരുന്നത് എന്തുകൊണ്ട്? എന്നീ കാര്യങ്ങളിലാണ് ഹോക്കി ഇന്ത്യ പ്രസിഡന്‍റ് വിശദീകരണം തേടിയത്.

തന്‍റെ എതിർപ്പ് കാവി നിറത്തോടല്ല. മറിച്ച് ദേശീയ ടീമിന്‍റെ വ്യക്തിത്വത്തെ തന്നെ ബാധിക്കുന്ന ഇത്രയും വലിയൊരു തീരുമാനം തിരഞ്ഞെടുക്കപ്പെട്ട എക്സിക്യൂട്ടീവ് ബോർഡിൽ ചർച്ച ചെയ്യാതെയും പ്രസിഡന്‍റിനെ അറിയിക്കാതെയും എടുത്തതിലാണെന്നും ദിലീപ് ടിർക്കി പറഞ്ഞു. ലോകകപ്പ് പടിവാതിൽക്കൽ നിൽക്കെ ആവശ്യമില്ലാത്ത രാഷ്ട്രീയ ചർച്ചകളിലേക്ക് ടീമിനെ വലിച്ചിഴയ്ക്കരുതെന്നും, കളിക്കാരുടെ ശ്രദ്ധ മത്സരത്തിൽ മാത്രമായിരിക്കണമെന്നും അദ്ദേഹം ഓർമ്മിപ്പിച്ചു. വിഷയത്തിൽ വ്യക്തത വരുത്താൻ ഒഡീഷ സർക്കാരും ദിലീപ് ടിർക്കിയോട് ഔദ്യോഗികമായി ആവശ്യപ്പെട്ടിട്ടുണ്ട്.

കളിക്കാർ അറിഞ്ഞത് അവസാന നിമിഷം; വിവാദം പുകയുന്നു

നേരത്തെ, നിലവിലെ കളിക്കാരുമായി പോലും ചർച്ച ചെയ്യാതെയാണ് പുതിയ ജേഴ്സി അടിച്ചേൽപ്പിച്ചതെന്ന് വെളിപ്പെട്ടിരുന്നു. കഴിഞ്ഞ ആഴ്ച ജേഴ്സി കൈമാറിയപ്പോൾ മാത്രമാണ് നിറം മാറിയ വിവരം പല പ്രമുഖ താരങ്ങളും അറിയുന്നത്. പൊതുസമൂഹത്തിലും രാഷ്ട്രീയ തലത്തിലും വിഷയം കടുത്ത വിമർശനങ്ങൾക്ക് വഴിവെച്ചതിന് പിന്നാലെയാണ് ഹോക്കി ഇന്ത്യയുടെ ഉള്ളിലും പോര് രൂക്ഷമായത്. ഓഗസ്റ്റ് 15 മുതൽ 30 വരെ നെതർലൻഡ്സിലും ബെൽജിയത്തിലുമായാണ് എഫ്.ഐ.എച്ച് വനിതാ/പുരുഷ ഹോക്കി ലോകകപ്പ് മാമാങ്കം നടക്കുന്നത്. ടൂർണമെന്‍റ് ആരംഭിക്കാൻ ദിവസങ്ങൾ മാത്രം ബാക്കിനിൽക്കെ ഹോക്കി ഇന്ത്യയിലുണ്ടായ ഈ ആഭ്യന്തര തർക്കം ടീമിന്‍റെ തയ്യാറെടുപ്പുകളെ ബാധിക്കുമോ എന്ന ആശങ്കയിലാണ് കായിക പ്രേമികൾ.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ട്രാക്ക് സ്യൂട്ട് പോലുമില്ലാതെ കായികതാരങ്ങൾ, പൂഴ്ത്തി വച്ച ലക്ഷങ്ങൾ വിലയുള്ള മത്സര ഉപകരണങ്ങൾ ഒടുവിൽ പുറത്തിറക്കി സ്പോർട്സ് കൗൺസിൽ

Elsa TJ — Sat, 25 Jul 2026 07:43:49 +0530

തിരുവനന്തപുരം: പൂഴ്ത്തിവെച്ച മത്സര ഉപകരണങ്ങൾ ഒടുവിൽ പുറത്തിറക്കി സ്പോർട്സ് കൗൺസിൽ. ലക്ഷങ്ങൾ വിലയുള്ള സാധനങ്ങൾ വിതരണം ചെയ്യാതെ കൂട്ടിയിട്ടത് വിവാദമായിരുന്നു. വിവാദമായതിന് പിന്നാലെ വിവിധ ജില്ലകളിൽ വിതരണത്തിനുള്ള ശ്രമത്തിന്റെ ഭാഗമായി സ്പോർട്സ് കൗൺസിൽ ആസ്ഥാനത്തുനിന്ന് നീക്കിയ സാധനങ്ങളുടെ ദൃശ്യങ്ങൾ ഏഷ്യാനെറ്റ് ന്യൂസിന് ലഭിച്ചു. വിതരണം ചെയ്യാതെ സാധനങ്ങൾ ഗോഡൗണിൽ കൂട്ടിയിട്ടത് ധനകാര്യ വിഭാഗം കണ്ടെത്തിയിരുന്നു. മുൻപ് ദേശീയ അത്‌ലറ്റിക് മീറ്റിൽ മത്സരിക്കാൻ എത്തിയവർക്ക് ട്രാക് സ്യൂട്ട് പോലും ഇല്ലാതിരുന്നത് വാർത്തയായിരുന്നു.

സംസ്ഥാനത്തെ കായിക താരങ്ങൾ ഔദ്യോഗിക ട്രാക്ക് സ്യൂട്ട് പോലുമില്ലാതെ ദേശീയ മത്സരങ്ങളിൽ പങ്കെടുക്കുമ്പോഴാണ് സ്പോർട്സ് കൗൺസിൽ ആസ്ഥാനത്ത് ലക്ഷങ്ങൾ വില വരുന്ന മത്സര ഉപകരണങ്ങൾ ഉപേക്ഷിച്ച നിലയിൽ കണ്ടെത്തിയത്. സംസ്ഥാനത്ത് 53 സ്പോർട്സ് ഹോസ്റ്റലുകളിലായി 1941 കായിക താരങ്ങളാണ് പരിശീലിക്കുന്നത്. ഇവർക്കുള്ള കിറ്റ് വിതരണം നിലച്ചിട്ട് വർഷങ്ങളായിരുന്നു.

ഏഷ്യാനെറ്റ് ന്യൂസ് ലൈവ് വീഡിയോ കാണാം

കോമൺവെൽത്ത് ഗെയിംസ് ജാവലിൻ ത്രോയിൽ ഇന്ത്യയ്ക്ക് ഇരട്ട മെഡൽ തിളക്കം; നീരജിന് വെള്ളി, യഷ് വീറിന് വെങ്കലം

Gopalakrishnan C — Sat, 01 Aug 2026 11:39:15 +0530

ബർമിംഗ്ഹാം: കോമൺവെൽത്ത് ഗെയിംസ് ജാവലിൻ ത്രോയിൽ ഇന്ത്യയ്ക്ക് ഇരട്ട മെഡൽ ചരിത്രനേട്ടം. ഇന്ത്യൻ സൂപ്പർ താരം നീരജ് ചോപ്ര വെള്ളിയും യുവതാരം യഷ് വീർ സിംഗും വെങ്കലവും സ്വന്തമാക്കി. തകർപ്പൻ ഫോമിലുള്ള ശ്രീലങ്കൻ താരം റുമേഷ് പതിരഗെയ്ക്കാണ് ഈ ഇനത്തിൽ സ്വർണം. യോഗ്യതാ റൗണ്ടിൽ അഞ്ചാം സ്ഥാനത്തായിരുന്നെങ്കിലും, വലിയ വേദികളിൽ തളരാത്ത പ്രകടനം പുറത്തെടുക്കുന്ന പതിവ് തെറ്റിക്കാതെയാണ് നീരജ് ചോപ്ര വെള്ളി മെഡലിലേക്ക് എറിഞ്ഞിട്ടത്. തന്‍റെ രണ്ടാമത്തെ ശ്രമത്തിൽ സീസണിലെ മികച്ച പ്രകടനമായ 85.83 മീറ്റർ ദൂരം കണ്ടെത്തിയാണ് നീരജ് രണ്ടാം സ്ഥാനം ഉറപ്പിച്ചത്. 85.41 മീറ്റർ എറിഞ്ഞ് കരിയർ ബെസ്റ്റ് പ്രകടനത്തോടെ യഷ് വീർ സിംഗ് വെങ്കലം നേടി. 89.75 മീറ്റർ എറിഞ്ഞാണ് ശ്രീലങ്കയുടെ റുമേഷ് പതിരഗെ സ്വർണം നേടിയത്.

A double podium finish to remember! Congratulations to Neeraj Chopra for winning Silver and Yash Vir Singh for securing Bronze in the Men's Javelin Throw at the Commonwealth Games. Two Indians finishing on the podium is a historic first for this event. This is a truly… pic.twitter.com/QmqnW2VJT1

— Dr Mansukh Mandaviya (@mansukhmandviya) July 31, 2026

അവസാന ശ്രമത്തിൽ യഷ് വീറിന്റെ അത്ഭുത കുതിപ്പ്

മത്സരത്തിന്‍റെ അവസാന നിമിഷം വരെ സസ്‌പെൻസ് നിലനിർത്തിയാണ് യഷ് വീർ സിംഗ് വെങ്കല മെഡൽ സ്വന്തമാക്കിയത്. തന്‍റെ അവസാന ശ്രമത്തിൽ കരിയറിലെ ഏറ്റവും മികച്ച ദൂരമായ 85.41 മീറ്റർ കണ്ടെത്തിയാണ് യഷ് വീർ ഇന്ത്യയുടെ മെഡൽ തിളക്കം ഇരട്ടിയാക്കിയത്. മത്സരത്തിൽ പങ്കെടുത്ത മറ്റൊരു ഇന്ത്യൻ താരമായ രോഹിത് യാദവ് 81.56 മീറ്റർ ദൂരത്തോടെ ഏഴാം സ്ഥാനത്ത് ഫിനിഷ് ചെയ്തു. അതേസമയം, ഒളിമ്പിക് ചാമ്പ്യനും കോമൺവെൽത്ത് ഗെയിംസിലെ നിലവിലെ ചാമ്പ്യനുമായ പാകിസ്ഥാന്‍റെ അർഷാദ് നദീമിന് നിരാശാജനകമായ പ്രകടനമാണ് പുറത്തെടുത്തത്. പ്രതീക്ഷകൾക്കൊപ്പം ഉയരാൻ സാധിക്കാതിരുന്ന പാക് താരം 9-ാം സ്ഥാനത്തേക്ക് പിന്തള്ളപ്പെട്ടു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ലോകവേദിയിൽ ഇന്ത്യക്ക് ഇരട്ടനേട്ടം; ബസന്തിനും ഷാനവാസിനും മെഡൽ

Prabeesh PP — Mon, 10 Aug 2026 01:12:34 +0530

ലോക അണ്ടർ 20 അത്‍ലറ്റിക്സ് ചാമ്പ്യൻഷിപ്പിൽ ഇന്ത്യക്ക് അഭിമാനിക്കാൻ ഇരട്ട മെഡൽ നേട്ടം. ഹൈജമ്പിൽ ബസന്ത് കുമാർ മേഘ്‌വാൾ വെള്ളി മെഡൽ നേടിയപ്പോൾ, ലോങ് ജമ്പിൽ ഷാനവാസ് ഖാൻ വെങ്കലം കരസ്ഥമാക്കി. ഒരേ ചാമ്പ്യൻഷിപ്പിലെ ജംപിനങ്ങളിൽ രണ്ട് ഇന്ത്യൻ താരങ്ങൾ മെഡൽ നേടുന്നത് രാജ്യത്തെ കായികപ്രേമികൾക്ക് വലിയ ആവേശമാണ് നൽകുന്നത്.ഇന്ത്യൻ അത്‍ലറ്റിക്സിന്റെ ഭാവി ശോഭനമാണെന്ന് തെളിയിക്കുന്ന പ്രകടനമാണ് ഇരുവരും പുറത്തെടുത്തത്. ലോകത്തിലെ ഏറ്റവും മികച്ച യുവതാരങ്ങൾ മാറ്റുരയ്ക്കുന്ന വേദിയിലാണ് ഈ രണ്ട് മെഡലുകളും ഇന്ത്യ സ്വന്തമാക്കിയത്. ഇത് നിസ്സാരകാര്യമല്ല.

മെഡൽത്തിളക്കത്തിൽ ഇന്ത്യൻ യുവതാരങ്ങൾ

ഹൈജമ്പിൽ നടന്ന വാശിയേറിയ പോരാട്ടത്തിനൊടുവിലാണ് ബസന്ത് കുമാർ മേഘ്‌വാൾ വെള്ളി മെഡലിൽ മുത്തമിട്ടത്. ലോക ജൂനിയർ വേദിയിലെ വെള്ളി മെഡൽ നേട്ടം ബസന്തിന്റെ കരിയറിലെ ഒരു സുപ്രധാന നാഴികക്കല്ലാണ്. ഈ പ്രകടനം താരത്തിന് ഭാവിയിൽ സീനിയർ തലത്തിൽ കൂടുതൽ നേട്ടങ്ങൾ കൈവരിക്കാൻ പ്രചോദനമാകുമെന്നുറപ്പാണ്.

അതേസമയം, ലോങ് ജമ്പിൽ ഷാനവാസ് ഖാൻ കാഴ്ചവെച്ച പ്രകടനം ഇന്ത്യയുടെ മെഡൽ നേട്ടം ഇരട്ടിയാക്കി. വെങ്കല മെഡലാണ് ഷാനവാസ് നേടിയതെങ്കിലും, ലോക ചാമ്പ്യൻഷിപ്പിലെ ഒരു പോഡിയം ഫിനിഷ് എന്നത് ഏതൊരു കായികതാരത്തെ സംബന്ധിച്ചും വലിയ അംഗീകാരമാണ്. ഈ നേട്ടത്തോടെ ഷാനവാസും ഇന്ത്യൻ അത്‍ലറ്റിക്സിലെ ശ്രദ്ധേയ താരമായി മാറുകയാണ്.

ലോകവേദിയിലെ ഇന്ത്യൻ കുതിപ്പ്

അണ്ടർ 20 ലോക അത്‍ലറ്റിക്സ് ചാമ്പ്യൻഷിപ്പിൽ ഒരേസമയം രണ്ട് മെഡലുകൾ വരുന്നത് ഇന്ത്യൻ അത്‍ലറ്റിക്സിന്റെ വളർച്ചയുടെ സൂചനയാണ്. ട്രാക്ക് ഇനങ്ങൾക്ക് പുറമെ ഫീൽഡ് ഇനങ്ങളിലും, പ്രത്യേകിച്ച് ജംപുകളിലും, ഇന്ത്യയുടെ യുവതലമുറ കരുത്തുകാട്ടുന്നു എന്നത് ഏറെ പ്രതീക്ഷ നൽകുന്നു. കൃത്യമായ പരിശീലനവും പ്രോത്സാഹനവും ലഭിച്ചാൽ ഈ താരങ്ങൾക്ക് സീനിയർ തലത്തിലും അത്ഭുതങ്ങൾ സൃഷ്ടിക്കാൻ കഴിയും.

ബസന്ത് കുമാർ മേഘ്‌വാളിന്റെയും ഷാനവാസ് ഖാന്റെയും ഈ വിജയം രാജ്യത്തെ മറ്റ് യുവ കായികതാരങ്ങൾക്കും വലിയ പ്രചോദനമാകും. ലോകവേദിയിൽ ഇന്ത്യയുടെ പതാക ഉയർത്തിയ ഈ രണ്ട് താരങ്ങളെയും രാജ്യം ഒന്നടങ്കം അഭിനന്ദിക്കുകയാണ്. വരും വർഷങ്ങളിൽ ഇന്ത്യൻ അത്‍ലറ്റിക്സിൽ ഇവരിൽ നിന്ന് കൂടുതൽ നേട്ടങ്ങൾ പ്രതീക്ഷിക്കാം.

പരമ്പരാഗത നീല ജേഴ്‌സി മാറ്റി, കാവി നിറമാക്കി; ഇന്ത്യന്‍ ഹോക്കി ടീമിന്റെ ജേഴ്‌സി മാറ്റത്തില്‍ വിശദീകരണവുമായി ഹോക്കി ഇന്ത്യ

Web Desk — Thu, 30 Jul 2026 14:57:26 +0530

ദില്ലി: ഹോക്കി ലോകകപ്പില്‍ ഇന്ത്യന്‍ ടീം കാവി നിറത്തിലുള്ള ജേഴ്‌സി ധരിക്കുമെന്ന് പ്രഖ്യാപിച്ചതിന് പിന്നാലെ വലിയ വിവാദം. ആരാധകരുടെയും ഭാഗത്തുനിന്ന് കടുത്ത എതിര്‍പ്പാണ് ഈ തീരുമാനത്തിനെതിരെ ഉയര്‍ന്നത്. രാജ്യത്തിന്റെ പരമ്പരാഗത നീല ജേഴ്‌സി മാറ്റിയതിനെ ചോദ്യം ചെയ്ത് മുന്‍ ഇന്ത്യന്‍ ക്യാപ്റ്റന്‍ വിരേന്‍ റാസ്‌കിന്‍ഹ ഉള്‍പ്പെടെയുള്ള പ്രമുഖര്‍ രംഗത്തെത്തി. ഇന്ത്യന്‍ ഹോക്കിയുടെ ഐഡന്റിറ്റിയുമായി ദീര്‍ഘകാലമായി ഇഴചേര്‍ന്നുനില്‍ക്കുന്ന നീല നിറം മാറ്റിയത് ലജ്ജാകരമാണെന്നാണ് റാസ്‌കിന്‍ഹ വിമര്‍ശിച്ചത്.

വിമര്‍ശനങ്ങള്‍ ശക്തമായതോടെ വിശദീകരണവുമായി ഹോക്കി ഇന്ത്യ രംഗത്തെത്തി. കളിക്കാരുടെയും പരിശീലകരുടെയും സപ്പോര്‍ട്ട് സ്റ്റാഫിന്റെയും അഭിപ്രായങ്ങള്‍ തേടിയ ശേഷമാണ് ഈ തീരുമാനമെടുത്തതെന്നും സാങ്കേതികപരമായ കാരണങ്ങളാണ് ഇതിന് പിന്നിലെന്നുമാണ് ഫെഡറേഷന്റെ വിശദീകരണം. ''യൂണിഫോം കളര്‍ മാറ്റാനുള്ള തീരുമാനം കളിക്കാരുടെയും സപ്പോര്‍ട്ട് സ്റ്റാഫിന്റെയും ശുപാര്‍ശകളുടെയും അവരുമായുള്ള വിശദമായ ചര്‍ച്ചകളുടെയും അടിസ്ഥാനത്തിലുള്ളതാണ്. ഇതില്‍ പ്രധാന കാരണം സാങ്കേതികപരമാണ്. നിലവിലെ അന്താരാഷ്ട്ര ഹോക്കി ടര്‍ഫുകളുടെ സാധാരണ നിറം നീലയാണ്. അതിനാല്‍ നീല നിറത്തിലുള്ള ജേഴ്‌സി ആശയക്കുഴപ്പമുണ്ടാക്കും.'' ഹോക്കി ഇന്ത്യ പ്രസ്താവനയില്‍ വ്യക്തമാക്കി.

മറ്റ് പല നിറങ്ങളും പരിഗണിച്ച ശേഷമാണ് കാവി തിരഞ്ഞെടുത്തതെന്നും ഫെഡറേഷന്‍ കൂട്ടിച്ചേര്‍ത്തു... ''കോച്ചുമാരുടെയും കളിക്കാരുടെയും നിര്‍ദ്ദേശപ്രകാരം മഞ്ഞ, കാവി തുടങ്ങിയ ബദല്‍ നിറങ്ങള്‍ പരിശോധിച്ചു. തുടര്‍ന്ന് സൂക്ഷ്മമായ പരിശോധനയ്ക്ക് ശേഷം കാവി നിറം അന്തിമമായി തീരുമാനിക്കുകയായിരുന്നു. സാങ്കേതിക ആവശ്യങ്ങള്‍ നിറവേറ്റുന്നതോടൊപ്പം, ധീരതയുടെയും ദേശീയ അഭിമാനത്തിന്റെയും പ്രതീകമായ നമ്മുടെ ദേശീയ പതാകയിലെ നിറങ്ങളിലൊന്ന് എന്ന നിലയിലും കാവിക്ക് വലിയ പ്രാധാന്യമുണ്ട്.'' ഫെഡറേഷന്‍ വ്യക്തമാക്കി.

ദേശീയ ടീമിന്റെ ജേഴ്‌സി കളര്‍ മാറ്റുന്നത് ഇതാദ്യമല്ലെന്നും ഹോക്കി ഇന്ത്യ ഓര്‍മ്മിപ്പിച്ചു. 2014 ലോകകപ്പില്‍ ഇന്ത്യന്‍ ടീം മഞ്ഞ ജേഴ്‌സി അണിഞ്ഞിട്ടുണ്ടെന്നും, പിന്നീട് 2018 ലെ ലോകകപ്പിനായി ആകാശ നീല നിറത്തിലേക്ക് മാറിയെന്നും ഫെഡറേഷന്‍ ചൂണ്ടിക്കാണിച്ചു.

ലോകകപ്പിനുള്ള തയ്യാറെടുപ്പില്‍ ഇന്ത്യ

ഹോക്കി ലോകകപ്പിനായുള്ള ഇന്ത്യയുടെ തയ്യാറെടുപ്പുകളുടെ നിര്‍ണായക ഘട്ടത്തിലാണ് ഈ ജേഴ്‌സി വിവാദം. എഫ്‌ഐഎച്ച് പ്രോ ലീഗിലെ മികച്ച പ്രകടനങ്ങളുടെ ആത്മവിശ്വാസത്തിലാണ് ഹര്‍മന്‍പ്രീത് സിംഗിന്റെ നേതൃത്വത്തിലുള്ള ഇന്ത്യന്‍ സംഘം ലോകകപ്പിനൊരുങ്ങുന്നത്. ബെല്‍ജിയത്തിലും നെതര്‍ലന്‍ഡ്‌സിലുമായി നടക്കുന്ന ടൂര്‍ണമെന്റില്‍, 51 വര്‍ഷത്തെ നീണ്ട കാത്തിരിപ്പിനൊടുവില്‍ രണ്ടാമതൊരു പുരുഷ ഹോക്കി ലോകകപ്പ് കിരീടം സ്വന്തമാക്കുകയാണ് ഇന്ത്യയുടെ ലക്ഷ്യം.

'എന്നെ തൂക്കിലേറ്റാൻ നടന്നവർ ആത്മപരിശോധന നടത്തണം'; വിധിക്ക് പിന്നാലെ പൊട്ടിത്തെറിച്ച് ബ്രിജ് ഭൂഷൺ

Gopalakrishnan C — Mon, 03 Aug 2026 12:25:22 +0530

ദില്ലി: ഗുസ്തി താരങ്ങൾ നൽകിയ ലൈംഗികാതിക്രമ കേസിൽ റൗസ് അവന്യൂ ഡിസ്ട്രിക്റ്റ് കോടതി കുറ്റവിമുക്തനാക്കിയതിന് പിന്നാലെ പ്രതികരണവുമായി മുൻ റെസ്ലിംഗ് ഫെഡറേഷൻ ഓഫ് ഇന്ത്യ അധ്യക്ഷൻ ബ്രിജ് ഭൂഷൺ ശരൺ സിംഗ്. തന്നെ തൂക്കിലേറ്റണമെന്നും ജീവനോടെ കത്തിക്കണമെന്നും ആവശ്യപ്പെട്ടവർ ഇനി ആത്മപരിശോധന നടത്തണമെന്ന് ബ്രിജ് ഭൂഷൺ ശരൺ സിംഗ് പറഞ്ഞു. അനുയോജ്യമായ സമയം വരുമ്പോൾ ഇതിനെല്ലാം മറുപടി നൽകുമെന്നും വിധിക്ക് പിന്നാലെ മാധ്യമങ്ങളോട് സംസാരിക്കവെ ബ്രിജ് ഭൂഷൺ പറഞ്ഞു.

2023-ൽ വിനേഷ് ഫോഗട്ട്, സാക്ഷി മാലിക്, ബജ്‌രംഗ് പുനിയ തുടങ്ങിയ ഗുസ്തി താരങ്ങൾ ജന്തർ മന്തറിൽ സമരം ചെയ്ത് ആരോപണങ്ങൾ ഉന്നയിച്ചത് രാജ്യവ്യാപകമായി വലിയ പ്രതിഷേധങ്ങൾക്ക് വഴിവെച്ചിരുന്നു. എന്നാൽ, വർഷങ്ങൾ നീണ്ട നിയമപോരാട്ടത്തിനൊടുവിൽ കേസിലെ ആരോപണങ്ങളിൽ തെളിവില്ലെന്ന് കണ്ടെത്തി ബ്രിജ് ഭൂഷൺ ശരൺ സിംഗിനെയും മുൻ ഗുസ്തി ഫെഡറേഷൻ അസിസ്റ്റന്റ് സെക്രട്ടറി വിനോദ് തോമറിനെയും കോടതി വെറുതെ വിടുകയായിരുന്നു.

താൻ പറഞ്ഞ വാക്കിൽ ഉറച്ചുനിൽക്കുന്നുവെന്നും നീതി ലഭിച്ചതിൽ വലിയ സന്തോഷമുണ്ടെന്നും പിന്തുണച്ചവർക്ക് നന്ദി അറിയിക്കുന്നതായും ബ്രിജ്ഭൂഷണ്‍ കൂട്ടിച്ചേർത്തു. കേസിന്റെ ആദ്യ ദിവസം ഞാൻ പറഞ്ഞ ഒരു കാര്യമുണ്ട്; എന്‍റെ പേരിൽ ഏതെങ്കിലും ഒരു കുറ്റമെങ്കിലും തെളിയിക്കപ്പെട്ടാൽ ഞാൻ തൂങ്ങിമരിക്കുമെന്ന്. ആ വാക്കിൽ ഞാൻ ഇന്നും ഉറച്ചുനിൽക്കുന്നു. ഇന്ന് കോടതി എന്നെയും വിനോദിനെയും കുറ്റവിമുക്തരാക്കിയിരിക്കുകയാണ്. എനിക്ക് തെറ്റുപറ്റിയിട്ടില്ലെന്ന ബോധ്യമുണ്ടായിരുന്നതിനാൽ നീതി ലഭിക്കുമെന്ന് പൂർണ വിശ്വാസമുണ്ടായിരുന്നു- ബ്രിജ് ഭൂഷൺ പറഞ്ഞു.

#WATCH | Delhi | After being acquitted by Rouse Avenue Court in the women wrestlers alleged sexual harassment case, Brij Bhushan Sharan Singh says, "... I said this was a conspiracy, and if any of the allegations against me are found to be true, I will hang myself. To this day,… https://t.co/6O1R8HjBeD pic.twitter.com/Btlt3pWJZA

— ANI (@ANI) August 3, 2026

വഴിവെച്ചത് വലിയ രാഷ്ട്രീയ വിവാദങ്ങൾക്ക്

2023-ലാണ് ലൈംഗികാതിക്രമം, സ്ത്രീത്വത്തെ അപമാനിക്കൽ, ഭീഷണിപ്പെടുത്തൽ തുടങ്ങിയ വകുപ്പുകൾ ചുമത്തി ഡൽഹി പൊലീസ് ബ്രിജ് ഭൂഷണെതിരെ കുറ്റപത്രം സമർപ്പിച്ചത്. പ്രമുഖ രാഷ്ട്രീയ നേതാക്കളടക്കം ജന്തർ മന്തറിലെ സമരപ്പന്തലിലെത്തി താരങ്ങൾക്ക് പിന്തുണ പ്രഖ്യാപിച്ചിരുന്നു. ഇരുഭാഗത്തിന്‍റെയും വിശദമായ വാദമുഖങ്ങൾ കേട്ട ശേഷം അഡീഷണൽ ചീഫ് ജുഡീഷ്യൽ മജിസ്ട്രേറ്റ് അശ്വനി പൻവാറാണ് കേസിൽ വിധി പ്രസ്താവിച്ചത്. ജൂനിയർ കായികതാരങ്ങൾക്ക് വേണ്ടി നടത്തിയ പോരാട്ടത്തിന്‍റെ വിജയമാണ് ഇതെന്ന് വിശേഷിപ്പിച്ച ബ്രിജ് ഭൂഷൺ, കേസിന്‍റെ വിശദമായ വിധിപ്പകർപ്പ് ലഭിച്ച ശേഷം തുടർനടപടികൾ തീരുമാനിക്കുമെന്നും വ്യക്തമാക്കി.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

'ജേഴ്സി നിറം മാറ്റുന്നതില്‍ അസ്വാഭാവികതയില്ല, ലോകകപ്പില്‍ ശ്രദ്ധിക്കൂ'; ഹോക്കി ടീമിന് നിര്‍ദേശവുമായി ശ്രീജേഷ്

Web Desk — Sun, 02 Aug 2026 13:48:45 +0530

ദില്ലി: വിവാദങ്ങള്‍ മാറ്റിവച്ച് ലോകകപ്പില്‍ ഇന്ത്യയുടെ 50 വര്‍ഷത്തെ മെഡല്‍ വരള്‍ച്ച അവസാനിപ്പിക്കുന്നതില്‍ ശ്രദ്ധ കേന്ദ്രീകരിക്കാന്‍ ഇന്ത്യന്‍ ഹോക്കി ടീമിന് ഇതിഹാസ താരം പി ആര്‍ ശ്രീജേഷിന്റെ ഉപദേശം. അനാവശ്യ ജേഴ്സി വിവാദങ്ങളും മൈതാനത്തിന് പുറത്തെ കോലാഹലങ്ങളും അവസാനിപ്പിക്കാനാണ് ശ്രീജേഷ് ആവശ്യപ്പെട്ടത്. 2014, 2018 ലോകകപ്പുകളില്‍ ഇന്ത്യ വ്യത്യസ്ത ജേഴ്സികള്‍ ധരിച്ചിട്ടുണ്ടെന്നും ജേഴ്സി നിറം മാറ്റുന്നതില്‍ അസ്വാഭാവികമായി ഒന്നുമില്ലെന്നും രണ്ട് തവണ ഒളിമ്പിക് വെങ്കല മെഡല്‍ ജേതാവായ ശ്രീജേഷ് വ്യക്തമാക്കി.

നീല ജേഴ്സികള്‍ നീല ടര്‍ഫില്‍ കാഴ്ചാസുഖം കുറയ്ക്കുന്നു എന്ന വാദത്തെക്കുറിച്ച് തനിക്ക് സംശയമുണ്ടെങ്കിലും, താരങ്ങള്‍ ഈ തീരുമാനത്തെ അംഗീകരിച്ചിട്ടുണ്ടെങ്കില്‍ അവിടെകൊണ്ട് ആ ചര്‍ച്ച അവസാനിക്കണമെന്നും ശ്രീജേഷ് പറഞ്ഞു. ''സത്യം പറഞ്ഞാല്‍, എന്താണ് പ്രശ്നമെന്ന് എനിക്ക് മനസിലാവുന്നില്ല. കാരണം 2014, 2018 ലോകകപ്പുകളിലും ജേഴ്സി നിറം മാറിയിരുന്നു. ഞങ്ങളുടെ ഒരു ട്രെയിനിംഗ് കിറ്റ് പോലും ഓറഞ്ച് നിറത്തിലുള്ളതായിരുന്നു. എന്തുകൊണ്ടാണ് ഈ ലോകകപ്പിന് മുമ്പ് ഇത്രയധികം ചര്‍ച്ചകള്‍ നടക്കുന്നത്? അത് കാവി നിറം ആയതുകൊണ്ടാണോ അതോ നിറം മാറിയതുകൊണ്ടു മാത്രമാണോ?'' ശ്രീജേഷ് ചോദിച്ചു.

ഓഗസ്റ്റ് 15ന് ആരംഭിക്കുന്ന ലോകകപ്പില്‍ ഇന്ത്യന്‍ പുരുഷ-വനിതാ ടീമുകള്‍ തങ്ങളുടെ പരമ്പരാഗത നീല നിറത്തിന് പകരം കാവി ജേഴ്‌സിയാണ് പ്രൈമറി കിറ്റായി ധരിക്കുക. വീരേന്‍ റസ്‌ക്വിന്യ, ധന്‍രാജ് പിള്ള, അജിത് പാല്‍ സിംഗ്, വാസുദേവന്‍ ഭാസ്‌കരന്‍, പര്‍ഗത് സിംഗ് തുടങ്ങിയ മുന്‍ ക്യാപ്റ്റന്മാര്‍ ഉള്‍പ്പെടെ നിരവധി പേര്‍ ഈ നീക്കത്തിനെതിരെ രംഗത്തെത്തിയിരുന്നു. ജേഴ്സി നിറം മാറ്റുന്നതില്‍ തനിക്ക് യാതൊരു പ്രശ്നവുമില്ലെന്നും, എന്നാല്‍ നീല ടര്‍ഫില്‍ കാഴ്ചാസുഖം ലഭിക്കുന്നില്ലെന്ന് ചൂണ്ടിക്കാണിക്കുന്ന കാരണം വിചിത്രമാണെന്നും ശ്രീജേഷ് പറഞ്ഞു.

''നിറം മാറ്റമാണ് പ്രശ്‌നമെങ്കില്‍, 2014ലും 2018ലും മഞ്ഞയും ഇളം നീലയും ജേഴ്‌സി ധരിച്ചപ്പോഴും അതുണ്ടാകേണ്ടിയിരുന്നു. കളിക്കിടെ കാഴ്ചാസുഖം ലഭിക്കുന്നില്ല എന്ന കാരണം കൊണ്ടാണ് നിറം മാറ്റുന്നതെങ്കില്‍, ഇനി ഒരിക്കലും നീല ജേഴ്‌സി ധരിക്കാന്‍ പാടില്ല.'' അദ്ദേഹം വ്യക്തമാക്കി. 2012 ലെ ലണ്ടന്‍ ഒളിമ്പിക്‌സ് മുതല്‍ നീല ടര്‍ഫുകള്‍ ഉപയോഗിക്കുന്നുണ്ടെങ്കിലും, ജേഴ്സി നിറം രണ്ട് തവണ മാത്രമാണ് മാറിയിട്ടുള്ളതെന്നും അദ്ദേഹം ചൂണ്ടിക്കാണിച്ചു. ടോക്യോ, പാരിസ് ഒളിമ്പിക്‌സ് ഉള്‍പ്പെടെയുള്ള എല്ലാ പ്രധാന ടൂര്‍ണമെന്റുകളിലും ഇന്ത്യ നീല ജേഴ്‌സിയിലാണ് കളിച്ചിട്ടുള്ളത്.

മാധ്യമങ്ങളില്‍ കണ്ടതുപോലെയെല്ലാം കളിക്കാരുടെ സമ്മതത്തോടെയാണ് ജേഴ്‌സി മാറ്റം വരുത്തിയിട്ടുള്ളതെങ്കില്‍ പിന്നെ കൂടുതല്‍ ചര്‍ച്ചകളുടെ ആവശ്യമില്ലെന്ന് ശ്രീജേഷ് പറഞ്ഞു. ''കളിക്കാര്‍ ഈ തീരുമാനത്തെ അംഗീകരിച്ചിട്ടുണ്ടെങ്കില്‍, വിഷയം അവിടെ അവസാനിക്കുന്നു. കാരണം കളിക്കളത്തില്‍ പ്രകടനം നടത്തേണ്ടത് കളിക്കാര്‍ തന്നെയാണ്.'' ജേഴ്‌സി വിവാദത്തിന് രാഷ്ട്രീയ നിറം നല്‍കുന്നതിനെതിരെയും അദ്ദേഹം പ്രതികരിച്ചു. ''രാഷ്ട്രീയത്തെ കായികരംഗത്തുനിന്ന് മാറ്റിനിര്‍ത്തണമെന്നാണ് എനിക്ക് പറയാനുള്ളതാണ്. കളിക്കാര്‍ക്കാണ് മുന്‍ഗണന. അവര്‍ക്ക് പ്രശ്‌നമില്ലെങ്കില്‍ പുറത്തുള്ളവര്‍ക്കും പ്രശ്‌നം ഉണ്ടാകേണ്ടതില്ല.'' ശ്രീജേഷ് പറഞ്ഞു.

ഈ ചര്‍ച്ചകള്‍ ടീമിന്റെ പ്രകടനത്തെ ബാധിക്കില്ലെന്ന് ശ്രീജേഷ് പ്രത്യാശ പ്രകടിപ്പിച്ചു. ''പുറത്തുള്ള ഇത്തരം ശബ്ദങ്ങളില്‍ നിന്ന് വിട്ടുനില്‍ക്കാനാണ് ടീം എപ്പോഴും ശ്രമിക്കുന്നത്. കളിക്കാര്‍ക്ക് കാര്യങ്ങള്‍ അറിയാം, എങ്കിലും ഇപ്പോഴും സമയമുണ്ട്. ടീം ഇപ്പോള്‍ യൂറോപ്പിലാണ്, അവര്‍ ഇത്തരം കാര്യങ്ങള്‍ മാറ്റിനിര്‍ത്തി ടൂര്‍ണമെന്റില്‍ പൂര്‍ണ്ണമായും ശ്രദ്ധ കേന്ദ്രീകരിക്കണം.'' ശ്രീജേഷ് നിര്‍ദേശിച്ചു.

കാര്‍ഗില്‍ വിജയ് ദിനത്തില്‍ പാകിസ്ഥാന്‍ താരത്തെ ഇടിച്ചിട്ട് ജദുമണി സിങ്; കോമണ്‍വെല്‍ത്ത് ഗെയിംസ് ബോക്‌സിംഗില്‍ ക്വാര്‍ട്ടറിലേക്ക്

Web Desk — Mon, 27 Jul 2026 10:31:08 +0530

ഗ്ലാസ്ഗോ: കോമണ്‍വെല്‍ത്ത് ഗെയിംസ് ബോക്‌സിങ് റിംഗില്‍ പാകിസ്ഥാന്റെ സുമമ റഹ്മാനെതിരെ ഇന്ത്യക്ക് തകര്‍പ്പന്‍ വിജയം. ആവേശവും വാശിയും നിറഞ്ഞ മത്സരത്തില്‍ എതിരാളിയെ 5-0 എന്ന നിലയില്‍ തകര്‍ത്താണ് ഇന്ത്യയുടെ ജദുമണി സിങ് ക്വാര്‍ട്ടര്‍ ഫൈനലില്‍ പ്രവേശിച്ചത്. 'ഭാരത് മാതാ കി ജയ്', 'ഇന്ത്യാ, ഇന്ത്യാ' എന്നീ മുദ്രാവാക്യങ്ങള്‍ മുഴക്കിയാണ് കാണികള്‍ താരത്തിന് പിന്തുണ നല്‍കിയത്. മത്സരത്തിന്റെ തുടക്കം മുതല്‍ മികച്ച സാങ്കേതിക മികവും സംയമനവുമാണ് ആര്‍മി ബോക്‌സറായ ജദുമണി പുറത്തെടുത്തത്. ആദ്യ റൗണ്ടില്‍ എതിരാളിയുടെ ശൈലി മനസ്സിലാക്കാന്‍ ശ്രദ്ധിച്ച ജദുമണി, പിന്നീട് മികച്ച ഹുക്കുകളിലൂടെയും നേത്രത്തിലുള്ള പഞ്ച് കളിലൂടെയും മത്സരത്തിന്റെ നിയന്ത്രണം ഏറ്റെടുത്തു.

ജദുമണിയുടെ വേഗതയേറിയ ആക്രമണങ്ങള്‍ പാക് താരത്തെ പ്രതിരോധത്തിലാക്കി. മത്സരത്തിനിടയില്‍ ജദുമണി തൊടുത്ത ശക്തമായ വലന്‍കൈയന്‍ പഞ്ചിനെ തുടര്‍ന്ന് റഫറി, സുമമ റഹ്മാന് സ്റ്റാന്‍ഡിങ് കൗണ്ട് നല്‍കേണ്ടി വന്നു. വിജയം ഉറപ്പിച്ചതോടെ അവസാന റൗണ്ടില്‍ ജദുമണി തികഞ്ഞ ആത്മവിശ്വാസത്തോടെയാണ് റിംഗില്‍ നിലയുറപ്പിച്ചത്. എതിരാളിയെ അടുത്തേക്ക് ക്ഷണിച്ച് വരുത്തി, തന്റെ മികച്ച വേഗത ഉപയോഗിച്ച് പ്രതിരോധിച്ച് പോയിന്റുകള്‍ നേടാന്‍ താരത്തിന് സാധിച്ചു.

ജഡ്ജിമാര്‍ എല്ലാവരും ജദുമണിയുടെ പ്രകടനത്തെ അനുകൂലിച്ചതോടെ 5-0 എന്ന വ്യക്തമായ മാര്‍ജിനില്‍ താരം വിജയം സ്വന്തമാക്കുകയായിരുന്നു. കാര്‍ഗില്‍ വിജയ് ദിനത്തില്‍ തന്നെ പാകിസ്താനെതിരെ ഈ വിജയം നേടാനായതിന്റെ ഇരട്ടി മധുരത്തിലാണ് ജദുമണി. മത്സരാനന്തരം താരം തന്റെ വിജയം കാര്‍ഗില്‍ യുദ്ധത്തിലെ ധീരജവാന്മാര്‍ക്കായി സമര്‍പ്പിച്ചു. ''ഈ വിജയം ഞാന്‍ കാര്‍ഗില്‍ ഹീറോകള്‍ക്ക് സമര്‍പ്പിക്കുന്നു. എല്ലാവരെയും പരാജയപ്പെടുത്തി ഇന്ത്യക്കായി സ്വര്‍ണം നേടാനാണ് എന്റെ ആഗ്രഹം.' മത്സരശേഷം ജദുമണി പറഞ്ഞു. ഈ വിജയത്തോടെ ഒരു ജയം കൂടി അകലെയാണ് ജദുമണി കോമണ്‍വെല്‍ത്ത് ഗെയിംസ് മെഡല്‍ ഉറപ്പിക്കുന്നത്.

കോമൺവെൽത്ത് ഗെയിംസിന് ഗ്ലാസ്ഗോയിൽ കൊടിയിറങ്ങി, മെഡൽപട്ടികയിൽ ഇന്ത്യ നാലാമത്; ഇനി 2030-ൽ അഹമ്മദാബാദിൽ

Web Desk — Mon, 03 Aug 2026 02:46:07 +0530

ലണ്ടൻ: ഗ്ലാസ്ഗോയിൽ നടന്ന 2026-ലെ കോമൺവെൽത്ത് ഗെയിംസിന് കൊടിയിറങ്ങി. ഞായറാഴ്ച സമാപിച്ച ഗെയിംസിൽ 39 മെഡലുകളുമായി ഇന്ത്യ മെഡൽ പട്ടികയിൽ നാലാമതെത്തി. 13 സ്വർണവും 17 വെള്ളിയും 9 വെങ്കലവും അടങ്ങുന്നതാണ് ഇന്ത്യയുടെ മെഡൽനേട്ടം. 171 മെഡലുകളുമായി ഓസ്ട്രേലിയയാണ് മെ‍ഡൽപട്ടികയിൽ ഒന്നാമത്. ഇംഗ്ലണ്ട്(110) കാനഡ(62) എന്നീ രാജ്യങ്ങളാണ് തൊട്ടുപിന്നിൽ.

സംഗീതസാന്ദ്രവും വർണശബളവുമായിരുന്നു ഗ്ലാസ്ഗോയിലെ സമാപനച്ചടങ്ങ്. ഓസ്ട്രേലിയൻ ഗായിക ഡെൽറ്റ ഗുഡ്രെം, സ്കോട്ടിഷ് ഗായകൻ കാമി ബാൺസ്, സാൻഡി ടോം തുടങ്ങിയവർ ചടങ്ങിൻ്റെ ഭാഗമായി. ഇന്ത്യയിൽനിന്ന് ശങ്കർ മഹാദേവൻ, മാനുഷി ചില്ലാ‍ർ തുടങ്ങിയവരും സമാപനച്ചടങ്ങിന്റെ വേദിയിലെത്തി.

സ്വർണ മെഡൽ ജേതാവായ ബോക്സ‍ർ ജാസ്മിൻ ലംബോറിയയാണ് സമാപനച്ചടങ്ങിൽ ഇന്ത്യയുടെ പതാകയേന്തിയത്. ഇനി 2030-ൽ ഗുജറാത്തിലെ അഹമ്മദാബാദിലാണ് അടുത്ത കോമൺവെൽത്ത് ഗെയിംസ്. കോമൺവെൽത്ത് ഗെയിംസിന്റെ നൂറാംവാർഷികത്തിലാണ് അഹമ്മദാബാദ് വേദിയാകുന്നത്. ഗ്ലാസ്ഗോയിലെ സമാപചനച്ചടങ്ങിൽ അടുത്ത ഗെയിംസിനായുള്ള ബാറ്റൺ ഇന്ത്യയ്ക്ക് കൈമാറി.

'രാജ്യത്തിന്‍റെ സ്വത്വം മാറ്റാൻ നോക്കേണ്ട'; ഇന്ത്യൻ ഹോക്കി ടീമിന്‍റെ നീല ജേഴ്‌സി കാവിയാക്കിയതിനെതിരെ പ്രിയങ്ക ഗാന്ധി

Gopalakrishnan C — Thu, 30 Jul 2026 17:04:07 +0530

ദില്ലി: ഇന്ത്യൻ ഹോക്കി ടീമിന്‍റെ പരമ്പരാഗത നീല ജേഴ്‌സി മാറ്റി കാവി നിറത്തിലുള്ള ജേഴ്‌സി അവതരിപ്പിച്ച ഹോക്കി ഇന്ത്യയുടെ തീരുമാനത്തിനെതിരെ രൂക്ഷവിമർശനവുമായി കോൺഗ്രസ് എം.പി പ്രിയങ്ക ഗാന്ധി വധ്ര. രാജ്യത്തിന്‍റെ തനിമയും സ്വത്വവും മാറ്റിയെഴുതാനുള്ള വ്യാപക ശ്രമങ്ങളുടെ ഭാഗമാണിതെന്ന് പ്രിയങ്ക കുറ്റപ്പെടുത്തി. വിഷയം കായിക-രാഷ്ട്രീയ മേഖലകളിൽ വലിയ വിവാദത്തിന് തിരികൊളുത്തിയിട്ടുണ്ട്.

യൂണിഫോമുകൾ മാറ്റിയാലും വിദ്യാഭ്യാസ നയങ്ങളിലൂടെ ചരിത്രം തിരുത്തിയെഴുതാൻ നോക്കിയാലും രാജ്യത്തെ യുവാക്കൾക്ക് ഇതിനെക്കുറിച്ച് എന്താണ് പറയാനുള്ളതെന്ന് നാം കണ്ടതാണ്. ജന്തർ മന്ദിറിൽ തടിച്ചുകൂടിയ യുവജനങ്ങൾ വിളിചുപറഞ്ഞത് എന്താണെന്ന് നിങ്ങൾ കേട്ടതാണ്. അതാണ് ഈ രാജ്യത്തിന്‍റെ യഥാർത്ഥ ശബ്ദമെന്ന് പ്രിയങ്കാ ഗാന്ധി പറഞ്ഞു. വിദ്യാഭ്യാസ മേഖലയിലെ മാറ്റങ്ങൾക്കും രാജ്യത്ത് നടക്കുന്ന കേന്ദ്രവിരുദ്ധ യുവജന പ്രക്ഷോഭങ്ങൾക്കും ഒപ്പമാണ് ജേഴ്‌സി വിവാദത്തെയും കോൺഗ്രസ് വീക്ഷിക്കുന്നത്.

#WATCH | Delhi: On Hockey India changed national team jerseys from blue to saffron, Congress MP Priyanka Gandhi Vadra says, "Whether they change uniforms or try to rewrite history through education policy, no matter what they do... You have seen what the youth of our country… pic.twitter.com/EGCcFnxcxA

— ANI (@ANI) July 30, 2026

നെതർലൻഡ്സിലും ബെൽജിയത്തിലുമായി നടക്കാനിരിക്കുന്ന എഫ്.ഐ.എച്ച് ഹോക്കി ലോകകപ്പിന് മുന്നോടിയായാണ് പുരുഷ-വനിതാ ടീമുകളുടെ പ്രധാന ജേഴ്‌സിയുടെ നിറം നീല മാറ്റി കാവി ആക്കി ഹോക്കി ഇന്ത്യ പ്രഖ്യാപിച്ചത്. പതിറ്റാണ്ടുകളായി ഇന്ത്യൻ കായിക ലോകത്തിന്‍റെ സവിശേഷ അടയാളമായിരുന്ന 'നീല' കിറ്റിന് പകരമാണ് പുതിയ നിറം കൊണ്ടുവന്നത്. ഹോക്കി ഇന്ത്യയുടെ നീക്കത്തെ രൂക്ഷമായി വിമർശിച്ച് മുൻ ഇന്ത്യൻ ക്യാപ്റ്റൻ വീരൻ റസ്ക്വിൻഹ നേരത്തെ രംഗത്തെത്തിയിരുന്നു. ഈ തീരുമാനം "നാണക്കേടാണ്" എന്നായിരുന്നു അദ്ദേഹത്തിന്‍റെ പ്രതികരണം.

Presenting the new India jersey! Every stitch tells a story. Every pattern, every colour carries India's pride. Our teams are ready to once again do the country proud at the FIH Hockey World Cup Belgium & Netherlands 2026.: Select 2 (SD+HD)+ Khel & JioHotstar️: August… pic.twitter.com/8GvwbByapq

— Hockey India (@TheHockeyIndia) July 27, 2026

ലോക വേദിയിൽ ഇന്ത്യൻ ഹോക്കിയുടെ വ്യക്തിത്വമാണ്നീല നിറമെന്നും, അതിൽ മാറ്റം വരുത്തുന്നത് ദൗർഭാഗ്യകരമാണെന്നും അദ്ദേഹം ചൂണ്ടിക്കാട്ടി. റസ്ക്വിൻഹയുടെ പ്രസ്താവന സോഷ്യൽ മീഡിയ ഏറ്റെടുത്തതോടെ ആരാധകരിൽ വലിയൊരു വിഭാഗവും നീല ജേഴ്‌സി നിലനിർത്തണം എന്ന ആവശ്യവുമായി രംഗത്തെത്തിയിട്ടുണ്ട്.

I must say that @TheHockeyIndia has done many good things for . But this is embarrassing. The legacy & identity of the Indian team has always been BLUE. I wore the Blue jersey with pride for many years. Fans want to see our Indian team in blue. What is the logic of orange? https://t.co/apDnJkTld4

— Viren Rasquinha (@virenrasquinha) July 29, 2026

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ബോക്സിംഗ് റിംഗിൽ സ്വർണം ഇടിച്ചിട്ട് ഇന്ത്യൻ വനിതകള്‍, പ്രീതിക്കും ജെയ്‌സ്മിനും തങ്കത്തിളക്കം; കോമൺവെൽത്തിൽ ഇന്ത്യയുടെ മെഡൽവേട്ട

Gopalakrishnan C — Sat, 01 Aug 2026 16:25:05 +0530

ഗ്ലാസ്‌കോ: കോമൺവെൽത്ത് ഗെയിംസിന്‍റെ പത്താം ദിനത്തിൽ ബോക്‌സിങ് റിംഗിൽ നിന്ന് ഇന്ത്യയ്ക്ക് ഇരട്ട സ്വർണത്തിളക്കം. വനിതകളുടെ 57 കിലോഗ്രാം ബോക്സിംഗില്‍ ജെയ്‌സ്മിൻ ലമ്പോറിയയും 54 കിലോഗ്രാം വിഭാഗത്തില്‍ പ്രീതി പവാറുമാണ് ഇന്ത്യക്കായി സ്വർണം നേടിയത്. ഫൈനൽ പോരാട്ടത്തിൽ കൃത്യമായ ആക്രമണ ശൈലിയോടെയാണ് പ്രീതി പവാർ റിംഗിലെത്തിയത്. എതിരാളിയായ കാനഡയുടെ സ്കാര്‍ലെറ്റ് ഡെല്‍ഗാഡോയുടെ പ്രതിരോധ തന്ത്രങ്ങളെ തകർത്തുതരിപ്പണമാക്കിയ പ്രീതി, കൃത്യമായ പഞ്ചുകളിലൂടെ 5-0ന് ജയവും സ്വർണം ഉറപ്പിക്കുകയായിരുന്നു. വടക്കന്‍ അയര്‍ലന്‍ഡിന്‍റെ മിഷേലെ വാല്‍ഷിനെ 5-0ന് ഇടിച്ചിട്ടാണ് ജെയ്‌സ്മിൻ ലമ്പോറിയയുടെ സ്വര്‍ണനേട്ടം.

ഇരുവരുടെയും സ്വര്‍ണനേട്ടത്തിന് പിന്നാലെ പുരുഷൻമാരുടെ ട്രിപ്പിള്‍ ജംപില്‍ 16.58 മീറ്റര്‍ ദൂരം ചാടിയ പ്രവീണ്‍ ചിത്രവേല്‍ ഇന്ത്യക്കായി വെള്ളിയും 16.52 ദൂരം താണ്ടിയ പ്രഭു തിരുമാരന്‍ വെങ്കലവും നേടി. ഇന്ന് രണ്ട് സ്വര്‍ണം കൂടി നേടിയതോടെ ഗെയിംസില്‍ ഇന്ത്യയുടെ ആകെ സ്വര്‍ണനേട്ടം ഏഴായി. ഏഴ് സ്വര്‍ണവും 13 വെള്ളിയും 7 വെങ്കലവുമടക്കം 27 മെഡലുകളുമായി മെഡല്‍പ്പട്ടികയില്‍ ആറാം സ്ഥാനത്താണ് ഇന്ത്യ.

AND IT'S GOLD! BOXING: PREETI PAWAR kicks off India's campaign with a GOLD medal! Defeats Scarlett Delgado of Canada 5:0 to clinch the Women's 54kg Commonwealth Games title #Glasgow2026 #Glasgow2026withIAS pic.twitter.com/OOh99KBWCN

— India_AllSports (@India_AllSports) August 1, 2026

56 സ്വര്‍ണവും 31 വെള്ളിയും 45 വെങ്കലവുമടക്കം 132 മെഡലുകളുമായി ഓസ്ട്രേലിയ ആണ് ഒന്നാമത്. 18 സ്വര്‍ണമടക്കം 82 മെഡലുകളുമായി ഇംഗ്ലണ്ട് രണ്ടാമതും 17 സ്വര്‍ണവുമായി കാനഡ മൂന്നാമതുമാണ്. 10 സ്വര്‍ണമടക്കം 34 മെഡലുകളുള്ള സ്കോട്‌ലന്‍ഡും 9 സ്വര്‍ണമടക്കം 18 മെഡലുകളുള്ള നൈജീരിയയുമാണ് ഇന്ത്യക്ക് മുന്നിലുള്ള മറ്റ് രാജ്യങ്ങള്‍.

BREAKING: BOXING: JAISMINE LAMBORIA WINS GOLD MEDAL Beats Michaela Walsh 5:0 in Final (57kg) at Glasgow Commonwealth Games. #Glasgow2026 #Glasgow2026withIAS pic.twitter.com/ShqXvSWZvs

— India_AllSports (@India_AllSports) August 1, 2026

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ഇന്ത്യയിലേക്ക് ചരിത്രപരമായ ചുവടുവെപ്പുമായി കെ-1 വേള്‍ഡ് ജിപി; പ്രതിവര്‍ഷം 10 വമ്പന്‍ ഇവന്റുകള്‍ സംഘടിപ്പിക്കും

Web Desk — Wed, 29 Jul 2026 18:55:23 +0530

മുംബൈ: ഇന്ത്യന്‍ കോംബാറ്റ് സ്‌പോര്‍ട്‌സിന് പുതിയ അധ്യായം കുറിച്ചുകൊണ്ട് ലോകപ്രശസ്ത കിക്ക്ബോക്‌സിംഗ് പ്രൊമോഷന്‍ ടീമായ കെ-1 വേള്‍ഡ് ജിപി. ഇന്ത്യയില്‍ പൂര്‍ണതോതിലുള്ള ഇവന്റ് പരമ്പര ആരംഭിക്കുമെന്ന് അധികൃതര്‍ അറിയിച്ചു. പദ്ധതിപ്രകാരം പ്രതിവര്‍ഷം രാജ്യത്തെ വിവിധ നഗരങ്ങളിലായി 10 അന്താരാഷ്ട്ര ടൂര്‍ണമെന്റുകള്‍ സംഘടിപ്പിക്കാനാണ് ലക്ഷ്യമിടുന്നത്. പ്രഖ്യാപനം യാഥാര്‍ഥ്യമായാല്‍, ഇന്ത്യയിലെ കോംബാറ്റ് സ്‌പോര്‍ട്‌സ് ചരിത്രത്തിലെ ഏറ്റവും വലിയ അന്താരാഷ്ട്ര വിപുലീകരണങ്ങളിലൊന്നായിരിക്കും ഇത്. ഡ്രാക്കോ ഫൈറ്റ് സീരീസ് ആയി ചേര്‍ന്നാണ് കെ-1 വേള്‍ഡ് ജിപി ഇന്ത്യയില്‍ ഈ പദ്ധതി ആവിഷ്‌കരിക്കുന്നത്. 'Unleash the Dragon' എന്ന ടാഗ് ലൈനോടെയാണ് ഡ്രാക്കോ ഫൈറ്റ് സീരീസ് അരങ്ങേറുന്നത്.

ഇന്ത്യയെ ആഗോള കോംബാറ്റ് സ്‌പോര്‍ട്‌സ് കലണ്ടറിലെ പ്രധാന വേദികളിലൊന്നാക്കി മാറ്റുകയാണ് കെ-1 വേള്‍ഡ് ജിപിയുടെ ലക്ഷ്യം. ഔദ്യോഗിക കെ-1 നിയമങ്ങള്‍ അനുസരിച്ച് ലോകോത്തര താരങ്ങളും ഇന്ത്യയിലെ മികച്ച പോരാളികളും ഒരേ വേദിയില്‍ ഏറ്റുമുട്ടുന്ന മത്സരങ്ങളായിരിക്കും ഇവ. കിക്ക്ബോക്‌സിംഗ്, കരാട്ടെ, തായ്‌ക്വോണ്ടോ, മുയ് തായ്, ബോക്‌സിംഗ്, മിക്‌സ്ഡ് മാര്‍ഷ്യല്‍ ആര്‍ട്‌സ് തുടങ്ങി നിരവധി പോരാട്ടകായിക ഇനങ്ങളില്‍ ഇന്ത്യ മികച്ച പ്രതിഭകളെ സൃഷ്ടിച്ചിട്ടുണ്ടെങ്കിലും, സ്വന്തം നാട്ടില്‍ ലോകോത്തര എതിരാളികള്‍ക്കെതിരെ സ്ഥിരമായി മത്സരിക്കാനുള്ള അവസരങ്ങള്‍ ഇതുവരെ വളരെ കുറവായിരുന്നു. ആ കുറവ് നികത്തുക എന്ന ലക്ഷ്യത്തോടെയാണ് കെ-1 വേള്‍ഡ് ജിപി ഇന്ത്യ സീരീസ് അവതരിപ്പിക്കുന്നത്.

സംഘാടകരുടെ വിശദീകരണപ്രകാരം, രാജ്യത്തെ പ്രധാന നഗരങ്ങളിലായി വര്‍ഷം മുഴുവന്‍ 10 പ്രൊഫഷണല്‍ നിലവാരത്തിലുള്ള ഇവന്റുകളാണ് സംഘടിപ്പിക്കുക. ഓരോ മത്സരത്തിലും അന്താരാഷ്ട്ര കിരീടപ്പോരാളികള്‍, ഉയര്‍ന്നുവരുന്ന യുവതാരങ്ങള്‍, ഇന്ത്യയിലെ മികച്ച പോരാളികള്‍ എന്നിവര്‍ പങ്കെടുക്കും. ഇതിലൂടെ ഇന്ത്യന്‍ താരങ്ങള്‍ക്ക് വിദേശത്തേക്ക് പോകാതെ തന്നെ ആഗോള വേദിയില്‍ കഴിവ് തെളിയിക്കാനുള്ള അവസരം ലഭിക്കും. പോരാട്ടരാത്രികളില്‍ മാത്രം ഒതുങ്ങുന്നതല്ല ഈ പദ്ധതിയെന്ന് സംഘാടകര്‍ വ്യക്തമാക്കുന്നു. താരവികസന പരിപാടികള്‍, പുതിയ പ്രതിഭകളെ കണ്ടെത്തല്‍, അന്താരാഷ്ട്ര പരിശീലന അവസരങ്ങള്‍, പ്രചാരണ പ്രവര്‍ത്തനങ്ങള്‍, മാധ്യമ പങ്കാളിത്തങ്ങള്‍, രാജ്യത്തെ ജിമ്മുകളുമായും മാര്‍ഷ്യല്‍ ആര്‍ട്‌സ് അക്കാദമികളുമായും സഹകരണം എന്നിവയും പദ്ധതിയുടെ ഭാഗമാകും.

കെ-1 വേള്‍ഡ് ജിപിയുടെ ആഗോള ശൃംഖലയെ പ്രതിഫലിപ്പിക്കുന്ന തരത്തില്‍ വിവിധ രാജ്യങ്ങളില്‍ നിന്നുള്ള പോരാളികള്‍ മത്സരങ്ങളില്‍ പങ്കെടുക്കുമെന്നാണ് പ്രതീക്ഷ. ലോകമെമ്പാടും അംഗീകരിക്കപ്പെട്ട കെ-1 റൂള്‍സിന് കീഴില്‍ നടക്കുന്ന മത്സരങ്ങളില്‍ നിലവിലെ ചാമ്പ്യന്മാര്‍, മുന്‍നിര റാങ്കുകാര്‍, ഉയര്‍ന്നുവരുന്ന താരങ്ങള്‍ എന്നിവരെ ആരാധകര്‍ക്ക് ഒരേ വേദിയില്‍ കാണാനാകും. കായികരംഗത്തിനപ്പുറം, ടൂറിസം, ഹോസ്പിറ്റാലിറ്റി, ഇവന്റ് പ്രൊഡക്ഷന്‍, ബ്രോഡ്കാസ്റ്റിംഗ്, സ്‌പോണ്‍സര്‍ഷിപ്പ്, പ്രാദേശിക ബിസിനസ് പങ്കാളിത്തങ്ങള്‍ എന്നിവയിലൂടെ സാമ്പത്തിക നേട്ടങ്ങളും ഈ സംരംഭം സൃഷ്ടിക്കുമെന്നാണ് വിലയിരുത്തല്‍. വലിയ അന്താരാഷ്ട്ര കായികമത്സരങ്ങള്‍, ആതിഥേയ നഗരങ്ങളുടെ സമ്പദ്വ്യവസ്ഥയ്ക്കും പ്രാദേശിക കായിക വിപണിക്ക് ആഗോള തലത്തില്‍ ശ്രദ്ധ നേടുന്നതിനും ഗുണകരമാകാറുണ്ടെന്ന് വിദഗ്ധര്‍ ചൂണ്ടിക്കാട്ടുന്നു.

ഇന്ത്യന്‍ പോരാളികള്‍ക്ക് അന്താരാഷ്ട്ര പ്രേക്ഷകരുടെയും ടാലന്റ് സ്‌കൗട്ടുകളുടെയും സ്‌പോണ്‍സര്‍മാരുടെയും പ്രൊഫഷണല്‍ മാനേജ്‌മെന്റ് സ്ഥാപനങ്ങളുടെയും ശ്രദ്ധ നേടാന്‍ ഈ സീരീസ് സഹായിക്കുമെന്നും സംഘാടകര്‍ പ്രതീക്ഷിക്കുന്നു. രാജ്യത്ത് സ്ഥിരമായി ലോകോത്തര മത്സരങ്ങള്‍ സംഘടിപ്പിക്കുന്നത് ഇന്ത്യയിലെ അടുത്ത തലമുറ എലൈറ്റ് കിക്ക്ബോക്‌സര്‍മാരുടെ വളര്‍ച്ചയ്ക്ക് വേഗം പകരുമെന്നാണ് അവരുടെ വിലയിരുത്തല്‍. ഓരോ ഇവന്റും ലോകോത്തര നിലവാരത്തിലുള്ള നിര്‍മ്മാണശൈലിയോടെയായിരിക്കും ഒരുക്കുക. ഉദ്ഘാടനച്ചടങ്ങുകള്‍, ലൈവ് വിനോദപരിപാടികള്‍, ഡിജിറ്റല്‍ കണ്ടന്റ്, അന്താരാഷ്ട്ര സംപ്രേഷണം, ആരാധകര്‍ക്കായി പ്രത്യേക അനുഭവങ്ങള്‍ എന്നിവയും പരിപാടികളുടെ ഭാഗമാകും.

ലോകത്തിലെ പ്രധാന പ്രൊഫഷണല്‍ കോംബാറ്റ് സ്‌പോര്‍ട്‌സ് കേന്ദ്രങ്ങളിലൊന്നായി ഇന്ത്യയെ ഉയര്‍ത്തിക്കൊണ്ടുവരാനുള്ള ദീര്‍ഘകാല പദ്ധതിയുടെ ഭാഗമായാണ് ഈ സംരംഭമെന്ന് കെ-1 വേള്‍ഡ് ജിപി അധികൃതര്‍ വ്യക്തമാക്കുന്നു. സ്ഥിരമായ വാര്‍ഷിക കലണ്ടറിലൂടെ താരങ്ങള്‍ക്ക് ദീര്‍ഘകാല പിന്തുണ ഉറപ്പാക്കുകയും രാജ്യത്ത് ഈ കായിക ഇനത്തിന്റെ ആരാധകവൃന്ദം വിപുലീകരിക്കുകയും ചെയ്യുകയാണ് ലക്ഷ്യം. ആതിഥേയ നഗരങ്ങള്‍, മത്സര തീയതികള്‍, പങ്കെടുക്കുന്ന താരങ്ങള്‍, ടിക്കറ്റ് വില്‍പ്പന, ബ്രോഡ്കാസ്റ്റ് പങ്കാളികള്‍, വാണിജ്യ പങ്കാളിത്തങ്ങള്‍ എന്നിവ സംബന്ധിച്ച കൂടുതല്‍ വിവരങ്ങള്‍ വരും ദിവസങ്ങളില്‍ പ്രഖ്യാപിക്കുമെന്ന് സംഘാടകര്‍ അറിയിച്ചു.

പദ്ധതി പ്രഖ്യാപിച്ചതുപോലെ നടപ്പായാല്‍, കെ-1 വേള്‍ഡ് ജിപിയുടെ ഇന്ത്യ പ്രവേശനം ഇന്ത്യന്‍ കോംബാറ്റ് സ്‌പോര്‍ട്‌സിന്റെ വളര്‍ച്ചയില്‍ ചരിത്രപരമായ നാഴികക്കല്ലായി മാറും. ലോകോത്തര കിക്ക്ബോക്‌സിംഗ് മത്സരങ്ങളുടെ പുതിയ യുഗത്തിന് തുടക്കമിടുന്നതിനൊപ്പം, ആഗോള കെ-1 വേദിയില്‍ ഇന്ത്യയ്ക്ക് ശക്തമായ സ്ഥാനം ഉറപ്പിക്കാനും ഇത് വഴിയൊരുക്കും.

കോമണ്‍വെല്‍ത്ത് ഗെയിംസ്: ഭാരോദ്വഹനത്തിൽ ഗ്യാനേശ്വരിക്ക് വെള്ളി; ശ്രീശങ്കറും സജൻ പ്രകാശും ഫൈനലിൽ

Gopalakrishnan C — Mon, 27 Jul 2026 19:58:09 +0530

ഗ്ലാസ്കോ: കോമണ്‍വെല്‍ത്ത് ഗെയിംസ് ഭാരോദ്വഹനത്തിൽ ഇന്ത്യയ്ക്ക് വീണ്ടും മെഡൽ തിളക്കം. വനിതകളുടെ 53 കിലോഗ്രാം വിഭാഗത്തിൽ ഇന്ത്യയുടെ ഗ്യാനേശ്വരി യാദവ് വെള്ളി മെഡൽ സ്വന്തമാക്കി. സ്നാച്ചിലും(88 കി ലോ) ജെര്‍ക്കിലും(111 കിലോ) ആയി 199 കിലോ ഉയര്‍ത്തിയാണ് ഗ്യാനേശ്വരി യാദവ് വെളളി മെഡല്‍ സ്വന്തമാക്കിയത്. ഇതോടെ കോമണ്‍വെല്‍ത്ത് ഗെയിംസിലെ ഇന്ത്യയുടെ മെഡല്‍നേട്ടം അഞ്ചായി.

അതേസമയം അത്‌ലറ്റിക്സ്, നീന്തൽ, ബോക്സിംഗ് എന്നിവയിൽ ഇന്ത്യൻ താരങ്ങൾ വൻ കുതിപ്പ് തുടരുകയാണ്. മലയാളി താരം എം ശ്രീശങ്കർ 8.01 മീറ്റർ ചാടി പുരുഷന്മാരുടെ ലോംഗ് ജംപ് ഫൈനലിലേക്ക് യോഗ്യത നേടി. ശ്രീശങ്കറിനൊപ്പം 7.77 മീറ്റർ ദൂരം കണ്ടത്തിയ ലോകേഷ് സത്യനാഥനും ഫൈനൽ ബെർത്ത് ഉറപ്പിച്ചു. 13.76 സെക്കൻഡിൽ 110 മീറ്റർ ഹർഡിൽസ് ഫിനിഷ് ചെയ്ത് ഹീറ്റ്സിൽ മൂന്നാമതെത്തിയ തേജസ് ഷിർസെ ഫൈനലിലേക്ക് മുന്നേറി.

Lifting Bharat's pride higher! Many congratulations to Khelo India Athlete Gyaneshwari Yadav on winning a hard-fought Silver in the Women's 53kg Weightlifting event at the Glasgow Commonwealth Games 2026. #Cheer4Bharat #CWG2026 pic.twitter.com/ySbsHNN19E

— Dr Mansukh Mandaviya (@mansukhmandviya) July 27, 2026

പുരുഷന്മാരുടെ 100 മീറ്ററിൽ ഇന്ത്യയുടെ ഗുരീന്ദർവീർ സിംഗിന് സെമിഫൈനൽ കാണാതെ പുറത്താകേണ്ടി വന്നു. 10.39 സെക്കൻഡിൽ ഫിനിഷ് ചെയ്ത ഗുരീന്ദർവീറിന് 28-ാം സ്ഥാനത്തെത്താനേ സാധിച്ചുള്ളൂ. ആദ്യ 17 പേർക്കാണ് സെമിയിലേക്ക് യോഗ്യത ലഭിച്ചത്. മലയാളി നീന്തൽ താരം സജൻ പ്രകാശ് പുരുഷന്മാരുടെ 200 മീറ്റർ ബട്ടർഫ്ലൈ ഇനത്തിൽ ഫൈനലിലേക്ക് യോഗ്യത നേടി. 1:59.58 മിനിറ്റിൽ ഫിനിഷ് ചെയ്താണ് സജന്‍റെ മുന്നേറ്റം. പാരാ നീന്തലിൽ പുരുഷന്മാരുടെ 100 മീറ്റർ ബ്രെസ്റ്റ്‌സ്ട്രോക്ക് SB9 വിഭാഗത്തിൽ സ്വതിക് പാട്ടീൽ ഫൈനലിലെത്തി. ഹീറ്റ്സിൽ 1:15.85 മിനിറ്റിൽ ഫിനിഷ് ചെയ്ത് ആറാം സ്ഥാനക്കാരനായാണ് സ്വതിക് മുന്നേറിയത്.

ബോക്സിംഗ് റിംഗിൽ ഇന്ത്യൻ താരങ്ങൾ തകർപ്പൻ ജയങ്ങളാണ് സ്വന്തമാക്കിയത്. 60 കിലോഗ്രാം വിഭാഗം: പ്രീ-ക്വാർട്ടറിൽ ഇംഗ്ലണ്ടിന്‍റെ വില്യം ഹെവിറ്റിനെ 4-1 ന് പരാജയപ്പെടുത്തി സച്ചിൻ സിവാച്ച് മുന്നേറി. 80 കിലോഗ്രാം വിഭാഗം: ആന്‍റിഗ്വയുടെ സലാൻ ജാനിനെ 5-0 ന് ഏകപക്ഷീയമായി തകർത്ത് അങ്കുഷ് അടുത്ത റൗണ്ടിലേക്ക് കടന്നു. ആർട്ടിസ്റ്റിക് ജിംനാസ്റ്റിക്സില്‍ വനിതകളുടെ വോൾട്ട് ഫൈനലിൽ ഇന്ത്യയുടെ പ്രതിഷ്ഠ സാമന്ത ഏഴാം സ്ഥാനത്ത് ഫിനിഷ് ചെയ്തു.

കോമൺവെല്‍ത്ത് ഗെയിംസിലെ തമിഴ് താരങ്ങൾക്ക് കൈനിറയെ ആദരവുമായി വിജയ്; മലയാളി മെഡൽ ജേതാക്കളെ അവഗണിച്ച് കേരളം

Web Desk — Thu, 06 Aug 2026 10:45:13 +0530

തിരുവനന്തപുരം: ഗ്ലാസ്ഗോ കോമൺവെൽത്ത് ഗെയിംസിൽ രാജ്യത്തിന്‍റെ അഭിമാനമായി മാറിയ മലയാളി താരങ്ങളോട് വീണ്ടും കേരളത്തിന്‍റെ അവഗണന. ഗെയിംസിൽ മെഡൽ നേടിയ കായികതാരങ്ങൾക്ക് കേന്ദ്ര സർക്കാരും മറ്റ് സംസ്ഥാനങ്ങളും സമ്മാനത്തുക പ്രഖ്യാപിച്ചപ്പോൾ കേരളം ഇക്കാര്യം അറിഞ്ഞമട്ടില്ല. ഗ്ലാസ്ഗോയിൽ മെഡൽ നേടിയ മലയാളി താരങ്ങളായ എം. ശ്രീശങ്കറിനും മുഹമ്മദ് ബാസിലിനും ഇതുവരെ ഒരു രൂപ പോലും സമ്മാനത്തുകയായി സംസ്ഥാന സര്‍ക്കാര്‍ പ്രഖ്യാപിച്ചിട്ടില്ല. മറ്റു സംസ്ഥാനങ്ങളിലെ സഹതാരങ്ങൾ സ്വന്തം മണ്ണിൽ വൻ ആദരവും കൈനിറയെ പുരസ്കാരങ്ങളും ഏറ്റുവാങ്ങുമ്പോഴാണ് മലയാളി അത്‌ലറ്റുകൾ കടുത്ത അവഗണന നേരിടുന്നത്. പുരുഷ ലോംഗ് ജംപില്‍ ശ്രീശങ്കര്‍ വെള്ളിയും പാരാ അത്‌ലറ്റിക്സിൽ പുരുഷൻമാരുടെ 100 മീറ്റര്‍ ടി47 വിഭാഗത്തില്‍ മുഹമ്മദ് ബാസിൽ വെള്ളിയും നേടിയിരുന്നു.

ഗെയിംസ് കഴിഞ്ഞ് നാട്ടിൽ തിരിച്ചെത്തിയ ഉടൻ തന്നെ തമിഴ്‌നാട് സർക്കാർ തങ്ങളുടെ മെഡൽ ജേതാക്കളെ ആദരിച്ചു. വെള്ളി മെഡൽ നേടിയ പ്രവീൺ ചിത്രവേലിനും രാജാമുത്തു പാണ്ഡ്യനും 30 ലക്ഷം രൂപ വീതവും വെങ്കല മെഡൽ നേടിയ സെൽവ പ്രഭുവിന് 20 ലക്ഷം രൂപയും തമിഴ്‌നാട് മുഖ്യമന്ത്രി ജോസഫ് വിജയ് നേരിട്ടെത്തി കൈമാറി.

Tamil Nadu Chief Minister C Joseph Vijay provided cash incentives to Commonwealth Games medal winners from the state. Weightlifter Raja Muthupandi and triple jumper Praveen Chithravel, who won silver medals, received ₹30 lakh each, while bronze medallist triple jumper Selva… pic.twitter.com/9j3aPuykoL

— The Federal (@TheFederal_News) August 5, 2026

ഹരിയാന സർക്കാരാകട്ടെ സ്വർണമെഡൽ നേടിയവർക്ക് 1.5 കോടി രൂപ വീതമാണ് പ്രഖ്യാപിച്ചത്. വെള്ളിക്ക് 75 ലക്ഷവും വെങ്കലത്തിന് 50 ലക്ഷവും ഹരിയാന നൽകും. ഏഴ് സ്വർണമടക്കം 10 മെഡലുകളാണ് ഹരിയാന താരങ്ങൾ നേടിയത്. കൂടാതെ കേന്ദ്ര സർക്കാർ സ്വർണത്തിന് 30 ലക്ഷവും വെള്ളിക്ക് 20 ലക്ഷവും വെങ്കലത്തിന് 10 ലക്ഷം രൂപ വീതവും താരങ്ങൾക്ക് നൽകിക്കഴിഞ്ഞു.എന്നാൽ കേരളം ഇതൊന്നും അറിഞ്ഞമട്ടില്ല.

കേരളത്തിലെ കായികതാരങ്ങൾ ഇത്തരം അവഗണന നേരിടുന്നത് ഇതാദ്യമല്ല. പാരിസ് ഒളിംപിക്‌സിൽ മെഡൽ നേടിയ ഹോക്കി താരം പി.ആർ. ശ്രീജേഷിന് സമ്മാനത്തുക പ്രഖ്യാപിക്കുന്നതിൽ വരുത്തിയ വീഴ്ചയും, പിന്നീട് പ്രഖ്യാപിച്ച തുക നൽകാൻ സംഘടിപ്പിച്ച ചടങ്ങ് മന്ത്രിമാരുടെ തമ്മിലടി കാരണം മാറ്റിവെച്ചതും വലിയ വിവാദമായിരുന്നു. അന്ന് ഭരണപക്ഷത്തിനെതിരെ ശക്തമായ വിമർശനം ഉന്നയിച്ച പ്രതിപക്ഷം പിന്നീട് ഭരണത്തിലെത്തിയിട്ടും കായികതാരങ്ങളോടുള്ള മെല്ലെപ്പോക്കിലും അവഗണനയിലും യാതൊരു മാറ്റവുമില്ലെന്നാണ് കായികപ്രേമികൾ ചൂണ്ടിക്കാണിക്കുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

Asianet News Malayalam

അണ്ടര്‍ 23 കോമൺവെൽത്ത് ഫെൻസിങ് ചാമ്പ്യൻഷിപ്; ജോയ്‌സ് അഷിതക്ക് സ്വർണ്ണം, നിവേദ്യക്കും ശ്രുതിക്കും വെങ്കലം

ലോക അണ്ടർ-20 അത്‌ലറ്റിക്സ്: ചരിത്രനേട്ടവുമായി ഷാനവാസ് ഖാൻ; ലോങ് ജമ്പിൽ വെങ്കല മെഡൽ

നാല് മാസത്തിനിടെ അവിശ്വസനീയ മുന്നേറ്റം

ജാവലിനിൽ വീണ്ടും ഇന്ത്യൻ തിളക്കം; ലോക അണ്ടർ-20 അത്‌ലറ്റിക്സിൽ നീരജ് ചോപ്രയുടെ വഴിയിൽ ആശിഷ് യാദവിന് വെള്ളി

കാര്യവട്ടം സായ് റീജിയണൽ സെന്‍ററിൽ പെൺകുട്ടികൾക്കായുള്ള വോളിബോൾ സെലക്ഷൻ ട്രയൽസ്

കണ്ണീരണിഞ്ഞ നിമിഷം ഓർത്ത് മീരാബായ് ചാനു

കോമൺവെൽത്ത് ഗെയിംസ്: ഇന്ത്യക്ക് വീണ്ടും തിരിച്ചടി; ജൂഡോ താരം തൂലിക മന്നിന് നാഡയുടെ വിലക്ക്

കളിക്കാർ അറിഞ്ഞത് അവസാന നിമിഷം; വിവാദം പുകയുന്നു

കോമൺവെൽത്ത് ഗെയിംസ് ജാവലിൻ ത്രോയിൽ ഇന്ത്യയ്ക്ക് ഇരട്ട മെഡൽ തിളക്കം; നീരജിന് വെള്ളി, യഷ് വീറിന് വെങ്കലം

അവസാന ശ്രമത്തിൽ യഷ് വീറിന്റെ അത്ഭുത കുതിപ്പ്

ലോകവേദിയിൽ ഇന്ത്യക്ക് ഇരട്ടനേട്ടം; ബസന്തിനും ഷാനവാസിനും മെഡൽ

മെഡൽത്തിളക്കത്തിൽ ഇന്ത്യൻ യുവതാരങ്ങൾ

ലോകവേദിയിലെ ഇന്ത്യൻ കുതിപ്പ്

ലോകകപ്പിനുള്ള തയ്യാറെടുപ്പില്‍ ഇന്ത്യ

'എന്നെ തൂക്കിലേറ്റാൻ നടന്നവർ ആത്മപരിശോധന നടത്തണം'; വിധിക്ക് പിന്നാലെ പൊട്ടിത്തെറിച്ച് ബ്രിജ് ഭൂഷൺ

വഴിവെച്ചത് വലിയ രാഷ്ട്രീയ വിവാദങ്ങൾക്ക്

കോമൺവെൽത്ത് ​ഗെയിംസിന് ​ഗ്ലാസ്​ഗോയിൽ കൊടിയിറങ്ങി, മെഡൽപട്ടികയിൽ ഇന്ത്യ നാലാമത്; ഇനി 2030-ൽ അഹമ്മദാബാദിൽ

കോമണ്‍വെല്‍ത്ത് ഗെയിംസ്: ഭാരോദ്വഹനത്തിൽ ഗ്യാനേശ്വരിക്ക് വെള്ളി; ശ്രീശങ്കറും സജൻ പ്രകാശും ഫൈനലിൽ

കോമൺവെല്‍ത്ത് ഗെയിംസിലെ തമിഴ് താരങ്ങൾക്ക് കൈനിറയെ ആദരവുമായി വിജയ്; മലയാളി മെഡൽ ജേതാക്കളെ അവഗണിച്ച് കേരളം

കോമൺവെൽത്ത് ഗെയിംസിന് ഗ്ലാസ്ഗോയിൽ കൊടിയിറങ്ങി, മെഡൽപട്ടികയിൽ ഇന്ത്യ നാലാമത്; ഇനി 2030-ൽ അഹമ്മദാബാദിൽ