Asianet News Malayalam

മമ്മൂട്ടി കമ്പനിയുടെ ആദ്യ ഷോര്‍ട് ഫിലിം, മഞ്ജു വാര്യര്‍- ശ്യാമ പ്രസാദ് ചിത്രം 'ആരോ' റിലീസ് ചെയ്തു

Nithya G Robinson — Sun, 16 Nov 2025 18:51:36 +0530

മമ്മൂട്ടി കമ്പനി നിര്‍മിച്ച ആദ്യ ഷോര്‍ട് ഫിലിം 'ആരോ' റിലീസ് ചെയ്തു. മമ്മൂട്ടി കമ്പനിയുടെ ഒഫീഷ്യല്‍ യുട്യൂബ് ചാനലിലൂടെ ഇപ്പോള്‍ മുതല്‍ ചിത്രം കാണാനാകും. സങ്കൽപ്പങ്ങൾക്കും ഓർമ്മകൾക്കും ഭ്രമകല്പനകൾക്കും യാഥാർഥ്യത്തെക്കാൾ ഭംഗിയാണെന്ന് ധ്വനിപ്പിക്കുന്ന ചിത്രത്തില്‍ മഞ്ജു വാര്യരും ശ്യാമ പ്രസാദുമാണ് പ്രധാന വേഷത്തില്‍ എത്തിയിരിക്കുന്നത്. അസീസ് നെടുമങ്ങാടും ഒരു പ്രധാന വേഷത്തിലെത്തുന്നുണ്ട്.

കഴിഞ്ഞ ദിവസം പുറത്തുവിട്ട മഞ്ജു വാര്യയുടെ പോസ്റ്റര്‍ ഏറെ ശ്രദ്ധനേടിയിരുന്നു. 'ചിലർ ഓർമ്മകളായി നമ്മുടെ ജീവിതത്തിലേക്ക് കടന്നുവരുന്നു, ചിലർ ഉത്തരമില്ലാത്ത ചോദ്യങ്ങളായും' എന്ന കുറിപ്പോടെ ആയിരുന്നു പോസ്റ്റര്‍ പുറത്തുവന്നത്. രഞ്ജിത് സംവിധാനം ചെയ്ത ചിത്രം കൂടിയാണ് ആരോ.

ഏഴോളം സിനിമകൾ നിർമ്മിച്ച മമ്മൂട്ടി കമ്പനി ആദ്യമായാണ്‌ ഒരു ഹൃസ്വ ചിത്രവുമായി പ്രേക്ഷകരുടെ മുന്നിലെത്തുന്നത്. ക്യാപിറ്റോൾ തീയേറ്ററുമായി സഹകരിച്ചാണ് മമ്മൂട്ടി കമ്പനി ഈ ചിത്രം നിർമ്മിച്ചത്. ദേശീയ, അന്തർദേശീയ ചലച്ചിത്രോത്സവങ്ങളിലും ഈ ഹ്രസ്വ ചിത്രം പ്രദർശിപ്പിക്കും.

കഥ, സംഭാഷണം വി. ആർ. സുധീഷ്, കവിത കൽപ്പറ്റ നാരായണൻ, എക്സിക്യൂട്ടീവ് പ്രൊഡ്യൂസർ ജോർജ് സെബാസ്റ്റ്യൻ, ലൈൻ പ്രൊഡ്യൂസർ സുനിൽ സിങ്, ഛായാഗ്രാഹകൻ പ്രശാന്ത് രവീന്ദ്രൻ, പശ്ചാത്തലസംഗീതം ബിജിപാൽ, കലാസംവിധായകൻ സന്തോഷ് രാമൻ, എഡിറ്റർ രതിൻ രാധാകൃഷ്ണൻ, കളറിസ്റ്റ് ലിജു പ്രഭാകർ, പ്രൊഡക്ഷൻ സൗണ്ട് മിക്സർ, സൌണ്ട് ഡിസൈനർ അജയൻ അടാട്ട്, കോസ്റ്റ്യൂം ഡിസൈനർ സമീറ സനീഷ്, മേക്കപ്പ് രഞ്ജിത് അമ്പാടി, അസോസിയേറ്റ് ഡയറക്ടർമാർ ഋത്വിക് ലിമ രാമദാസ്, വിവേക് പ്രശാന്ത് പിള്ളൈ, വിഎഫ്എക്സ് വിശ്വ വിഎഫ്എക്സ്, സൗണ്ട് മിക്സിംഗ് സപ്താ റെക്കോർഡ്സ്, സ്റ്റിൽ ഫോട്ടോഗ്രാഫർമാർ സുജിത് വെള്ളനാട്, സുമിത് വെള്ളനാട്, പബ്ലിസിറ്റി ഡിസൈൻ യെല്ലോ ടൂത്ത്സ്, പിആർഒ വൈശാഖ് വടക്കേവീട്, ജിനു അനിൽകുമാർ, ഡിജിറ്റൽ പിആർ വിഷ്ണു സുഗതൻ എന്നിവരാണ് അണിയറ പ്രവര്‍ത്തകര്‍.

ടീം ഗുണ്ടിന്‍റെ 'അനന്തമഹാസംഭവം'മികച്ച പ്രേക്ഷക പ്രതികരണവുമായി മുന്നേറുന്നു

Web Desk — Tue, 11 Mar 2025 14:11:54 +0530

കണ്ണൂര്‍: വടക്കൻ കേരളത്തിന്റെ തന്നതായ ഭാഷാശൈലിയിൽ ഷോര്‍ട്ട് വീഡിയോ വഴി യൂട്യൂബിൽ തങ്ങളുടെതായ സ്ഥാനം പ്രേക്ഷകർക്കിടയിൽ നേടിയെടുത്ത ടീം ഗുണ്ടിന്‍റെ ഏറ്റവും പുതിയ ഫിലിം 'അനന്തമഹാസംഭവം' മികച്ച പ്രതികരണം നേടിയിരിക്കുകയാണ്.

കണ്ണൂർ ജില്ലയിലെ ഒരു നാട്ടിൻപുറത്തെ വീട്ടിൽ സംഭവിക്കുന്ന മരണവും തുടർന്ന് നടക്കുന്ന സംഭവവികാസങ്ങളും നർമം കലർത്തി ചിരിപ്പിച്ചും ചിന്തിപ്പിച്ചുമാണ് 'ടീം ഗുണ്ട്' ഈ ചിത്രം ഒരുക്കിയിരിക്കുന്നത്. മാർച്ച്‌ 7ന് യൂട്യൂബില്‍ സ്ട്രീമിങ് ചെയ്ത 'അനന്തമഹാസംഭവം' രണ്ടു ലക്ഷത്തിലധികം ആളുകളാണ് ഇതുവരെ കണ്ടിട്ടുള്ളത്.

അജിത്ത് പുന്നാട് കഥയും സംവിധാനവും നിർവഹിച്ച സിനിമയിൽ മറിമായം ഉണ്ണിരാജ് ശ്രദ്ധേയമായ വേഷം കൈകാര്യം ചെയ്തിട്ടുണ്ട്. അങ്ങിങ്ങായി നാട്ടിൻപുറത്തെ രാഷ്ട്രീയവും, കച്ചവടമനോഭാവവും, നഷ്ടപ്രണയവുമൊക്കെ ഉൾക്കൊള്ളിച്ചു പോവുമ്പോഴും കഥയുടെ ക്ലൈമാക്സ്‌ ഭാഗം ഒരു വിങ്ങലായി മുഴുവൻ കൈയ്യടിയും നേടി.

'മലബാർ മാറ്റിനി'യുടെ പ്രൊഡക്ഷനിൽ വിശ്വനാഥൻ വേങ്ങര നിർമിച്ച ചിത്രത്തിന്റെ മ്യൂസിക് നിർവഹിച്ചിരിക്കുന്നത് അജയ് ആണ്, ക്യാമറ എഡിറ്റിംഗ്- പ്രജിത് ഐമാക്സ്. സൂര്യ ശ്യാം ഗോപാൽ ആലപിച്ച 'അകതാരിൻ ആകാശം' എന്ന ഗാനം റിലീസിന് മുൻപ് തന്നെ സോഷ്യൽമീഡിയയിൽ ശ്രദ്ധിക്കപ്പെട്ടിരുന്നു.

ടീം ഗുണ്ടിന്‍റെ ലെ സ്ഥിരം അഭിനേതാക്കളെകൂടാതെ അനീഷ് ചെമ്മരത്തി, ധനേഷ് കോളിയാട്, ബിജൂട്ടൻ, ലീല,സംഗീത ബൈജു, രാജീവ്‌ പാലയോട്, രാജീവൻ പറേങ്ങാട്, കുട്ടൻ(വാവാച്ചി), പ്രിനു പടിയൂർ, പ്രകാശൻ കാഞ്ഞിരോട്, പത്മനാഭൻ തുടങ്ങിയവരും ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്.

'രോമാഞ്ചമാണെങ്കിലും കുളിരാണെങ്കിലും പച്ചത്തെറി കേൾക്കും, പണി വാങ്ങിക്കും': പാർവതി ആര്‍ കൃഷ്ണ

കൊല്ലം സുധിയുടെ ഭാര്യ രേണു സുധിയുടെ അഭിനയ അരങ്ങേറ്റം: 'മോഹം' എത്തി, അഭിനന്ദനവും വിമര്‍ശനവും!

ഹൃദയം തൊടും ഈ ഹ്രസ്വചിത്രം; 'മുബീന' റിലീസ് ആയി

Web Desk — Sun, 22 Mar 2026 13:45:28 +0530

'കണ്ണൂര്‍ കഫേ'യുടെ ബാനറില്‍ ഷിജിത്ത് കല്യാടന്‍ തിരക്കഥയും സംവിധാനവും നിര്‍വ്വഹിച്ച 'മുബീന' എന്ന ഹ്രസ്വചിത്രം 'കണ്ണൂര്‍ കഫേ'യുടെ യൂട്യൂബ് ചാനലില്‍ റിലീസായി. 'കണ്ണൂര്‍ കഫേ' ടീമിന്റെ 'ദി ലേറ്റ് കുഞ്ഞപ്പ' എന്ന ചിത്രം മനോരമ മാക്‌സില്‍ വന്‍ പ്രേക്ഷകശ്രദ്ധ നേടിയതിന് തൊട്ട് പിന്നാലെയാണ് 'മുബീന'യുടെ റിലീസ്. പാര്‍വതി പ്രജീഷ്, രാമകൃഷ്ണന്‍ പഴശ്ശി, സുബജ അനൂപ്, അശ്വിനി കവിനിശ്ശേരി, വിനോദ് നിടുവാളൂര്‍, രാജീവന്‍ പാലയോട്, ഷിജു കല്യാടന്‍, ബിജൂട്ടന്‍ മട്ടന്നൂര്‍, സതീഷ് വയലാറമ്പ്, ഗംഗാധരന്‍ മട്ടന്നൂര്‍, നിഷ നമ്പ്യാര്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.

ഒരു മനുഷ്യന്റെ നിഷ്‌കളങ്കതയെക്കുറിച്ചുള്ള ഹൃദയസ്പര്‍ശിയായ കഥയാണ് ഈ ഹ്രസ്വചിത്രമെന്ന് അണിയറക്കാര്‍ പറയുന്നു. സമൂഹം മുന്‍വിധികളാല്‍ അവനെ തെറ്റിദ്ധരിക്കുമ്പോള്‍ അവന്റെ നിഷ്‌കളങ്കതയെയും നിരപരാധിത്വത്തേയും ചോദ്യം ചെയ്യുകയാണ് ചെയ്യുന്നത്. ഈ ചോദ്യത്തിനുള്ള ഉത്തരമാണ് 'മുബീന'യിലൂടെ പറയുന്നത്. നമ്മുടെ സമൂഹത്തിലെ ഓരോ വ്യക്തിയും കണ്ടിരിക്കേണ്ട വെറും പത്തു മിനിട്ട് മാത്രം ദൈര്‍ഘ്യമുള്ള ഒരു ഹ്രസ്വ ചിത്രമാണ് 'മുബീന'.

നല്ല പ്രതികരണങ്ങളാണ് 'മുബീന'ക്ക് ലഭിച്ചു കൊണ്ടിരിക്കുന്നത്. ഇതുപോലുള്ള നല്ല ചിത്രങ്ങള്‍ ഇനിയും നമ്മുടെ സമൂഹത്തിന്റെ നന്മക്കായി ഉണ്ടാകണമെന്നാണ് യൂട്യൂബിലും മറ്റ് സമൂഹമാധ്യമങ്ങളിലും കൂടി ലഭിക്കുന്ന ഓരോ കമന്റുകളില്‍ നിന്നും അറിയാന്‍ സാധിക്കുന്നത്. കഥ- രാമകൃഷ്ണന്‍ പഴശ്ശി,ഛായാഗ്രഹണം, എഡിറ്റിംങ്-തരുണ്‍ സുധാകരൻ,സംഗീതം- വിഷ്ണു അശോക്, സൗണ്ട് ഡിസൈന്‍, മിക്‌സിംങ്-ചരണ്‍ വിനായക്,മേക്കപ്പ്- ഷാജി മാലൂര്‍, അസിസ്റ്റന്റ് ഡയറക്ടര്‍- ശ്രിന്‍ചു ശ്രീഷന്‍, അസിസ്റ്റന്റ് ക്യാമറാമാന്‍- പ്രവീണ്‍ ടി. ഫിലിപ്പ്,ഡിസൈന്‍- കിനോ.

'വീട്ടുകാർ എനിക്കിട്ടിരിക്കുന്ന വില 100 പവനും 5 ലക്ഷം രൂപയും കാറും'; ശ്രദ്ധനേടി 'ഐഡൻ്റിറ്റി'

Web Team — Sat, 15 Jul 2023 15:43:28 +0530

'ഐഡൻ്റിറ്റി' എന്ന ഷോർട് ഫിലിം ശ്രദ്ധനേടുന്നു. സത്രീപക്ഷ സിനിമകളും ഷോർട്ട് ഫിലിമുകളും ഒരു പാട് കണ്ടിട്ടുണ്ടെങ്കില്ലം വ്യത്യസ്തമായ സമീപനമാണ് ഐഡൻ്റിറ്റിയെ ശ്രദ്ധേയമാകുന്നത്. സ്വന്തമായി ഒരു ജോലി എന്ന സ്വപ്നത്തിന് മുന്നെ തന്നെ കുടുംബത്തിൻ്റെ സമ്മർദം മൂലം വിവാഹത്തിലേക്ക് കടക്കേണ്ടി വന്ന ഒരു പെൺകുട്ടിയുടെ കഥയാണ് ഇത്. അവളുടെ അഗ്രഹങ്ങൾക്കും സ്വപ്നങ്ങൾക്കും പിന്നീട് എന്തു സംഭവിച്ചു എന്നതാണ് ഐഡൻ്റിറ്റി പറയുന്നത്.

പ്രശസ്ത സംവിധായകൻ അമൽ നീരദിൻ്റെ കൂടെ അസിസ്റ്റൻ്റ്റ് ഡയറക്ടർ ആയി പ്രവർത്തിച്ച ഷാരോൺ ആണ് ഈ ചിത്രം സംവിധാനം ചെയ്തിരിക്കുന്നത്. അഷ്ബിൻ അംബ്രോസ് ആണ് ക്യാമറ കൈകാര്യം ചെയ്തത് എഡിറ്റിങ്ങ് മനു മധു, അമൃതേഷ് വിജയൻ്റെതാണ് സംഗീതം, പ്രശ്സത പിന്നണി ഗായിക അഭയ ഹിരൺമയി ഐഡൻ്റിറ്റിയിൽ ഒരു ഗാനം ആലപിച്ചിട്ടണ്ട് , യൂടുബ് ചാനൽ ആയ പ്ലർ മിഷൻൻ്റെ ബാനറിൽ ലൂക്ക യാണ് ഈ ചിത്രം നിർമ്മിച്ചിരിക്കുന്നത്.

ഒരാഴ്ച മുന്‍പാണ് 'ഐഡൻ്റിറ്റി' റിലീസ് ചെയ്തത്. റിലീസ് ചെയ്ത് മണിക്കൂറുകള്‍ക്ക് ഉള്ളില്‍ തന്നെ പ്രേക്ഷകര്‍ ചിത്രം ഏറ്റെടുത്തു. നിരവധി പേരാണ് ചിത്രത്തിന്‍റെ അണിയറ പ്രവര്‍ത്തകരെ അഭിനന്ദിച്ച് കൊണ്ട് രംഗത്തെത്തുന്നത്. 'സൂപ്പർ മെസ്സേജ്. അന്നും ഇന്നു o ഒരു പോലെ സ്ത്രീയുടെ അവസ്ഥ ചുരുങ്ങിയ സമയം കൊണ്ട് വരച്ച കാണിച്ച ടീമിന് അഭിനന്ദനങ്ങൾ, വളരെ കാലിക പ്രസക്തിയുള്ള വിഷയത്തെ വളരെ ഭംഗിയായി തന്നെ നിങ്ങൾ അവതരിപ്പിച്ചിട്ടുണ്ട്.... സ്ത്രീകളെ വില്പന ചരക്കായി മാത്രം കാണുന്ന ഈ സമുഹത്തിന് നേരെയുള്ള പ്രതിഷേധമാണ് നിങ്ങളുടെ ഈ ഷേർട്ട് ഫിലിം', എന്നിങ്ങനെ പോകുന്നു കമന്‍റുകള്‍.

'തങ്ക കുട്ടാ..സിങ്ക കുട്ടാ..'; ഷൈനിന്റെ കലക്കൻ ഡാൻസ്, 'സകലകലാ വല്ലഭൻ' എന്ന് ആരാധകർ

പൂര്‍ണ്ണമായും കാനഡയില്‍ ചിത്രീകരിച്ച ത്രില്ലര്‍ ഷോര്‍ട്ട് ഫിലിം; 'എ ഫിലിം ബൈ' യുട്യൂബില്‍

Web Team — Wed, 02 Oct 2024 23:02:55 +0530

പൂർണ്ണമായും കാനഡയിൽ ചിത്രീകരിച്ച് നവാഗതനായ ശബരീഷ് ഉണ്ണികൃഷ്ണൻ വിജയലക്ഷ്മി തിരക്കഥയെഴുതി സംവിധാനം ചെയ്യുന്ന ഹ്രസ്വ ചിത്രം എ ഫിലിം ബൈ റിലീസ് ആയി. ഒരുകൂട്ടം പുതുമുഖങ്ങളെ കേന്ദ്ര കഥാപാത്രങ്ങളാക്കിയ ചിത്രം മാജിക് മിസ്റ്റ് മീഡിയയുടെ ബാനറിൽ രഞ്ജു കോശിയാണ് നിർമിച്ചിരിക്കുന്നത്. മാജിക് മിസ്റ്റ് മീഡിയയുടെ യുട്യൂബ് ചാനലിലാണ് ചിത്രം റിലീസ് ചെയ്തിരിക്കുന്നത്. പൂർണ്ണമായും ത്രില്ലർ സ്വഭാവത്തിലുള്ള ചിത്രത്തിൻ്റെ ക്യാമറ കൈകാര്യം ചെയ്തിരിക്കുന്നത് അക്ഷയ് മോൻസി ആണ്. തോംസൺ ലൈവ് എമിഗ്രേഷൻ, ശരത്ത് പ്രസാദ്, അശ്വതി നീലമന എന്നിവരാണ് ചിത്രത്തിൻ്റെ സഹനിർമ്മാതാക്കൾ. അഖിൽദാസ് പ്രദീപ്കുമാർ ആണ് ചിത്രത്തിൻ്റെ കനേഡിയൻ സ്പോൺസർ.

നവാഗതരായ സഞ്ജയ് അജിത് ജോൺ, സുഭിക്ഷ സമ്പത്കുമാർ, ശ്രീകാന്ത് ശിവ, ജിതിൻ ഫിലിപ്പ് ജോസ്, റിയ ബെന്നി, ഗുർമീത് ബജ്വാ, റിബിൻ ആലുക്കൽ, ബിനീഷ് ചാക്കോ, നന്ദമോഹൻ ജയകുമാർ, മൻദീപ് സിംഗ് ബജ്വ, അർണി മുറസ്, ഹെൻറി തരകൻ തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ. ശിവകുമാരൻ കെ ആണ് എക്സിക്യൂട്ടീവ് പ്രൊഡ്യൂസർ. കാതൽ ദ കോർ, ഗ്രേറ്റ് ഇന്ത്യൻ കിച്ചൺ എന്നീ സിനിമകളുടെ എഡിറ്റർ ഫ്രാൻസിസ് ലൂയിസ് ആണ് ഈ ചിത്രത്തിൻ്റെ എഡിറ്റർ. സംവിധായകൻ്റെ വരികൾക്ക് അനുപമ ശ്രീദേവി, ശ്രീകാന്ത് അശോകൻ എന്നിവർ ചേർന്നാണ് പാടിയിരിക്കുന്നത്.

മ്യൂസിക്: ഉണ്ണികൃഷ്ണൻ രഘുരാജ്, ആർട്ട് ഡറക്ടർ: ലക്ഷ്മി നായർ, കോസ്റ്റ്യൂംസ്: മരിയ തോമസ്, അസോസിയേറ്റ് ഡയറക്ടർ: ക്രിസ്റ്റി വർഗ്ഗീസ്, അസിസ്റ്റൻ്റ് ഡയറക്ടർ: നന്ദമോഹൻ ജയകുമാർ, സ്ക്രിപ്റ്റ് സൂപ്പർവൈസർ: അർജുൻ സുരേന്ദ്രൻ, അസിസ്റ്റൻ്റ് ഡിഒപി: സാലോവ് സെബാസ്റ്റ്യന്‍, ഡിഐ: വിവേക് വസന്തലക്ഷ്മി, സ്റ്റുഡിയോ: കളറിഷ്ടം, സൗണ്ട് ഡിസൈൻ: സച്ചിൻ ജോസ്, മിക്സ്: ആരോമൽ വൈക്കം, എ വിനയ് എം ജോൺ, വിഎഫ്എക്സ്: ദീപക് ശിവൻ, ഫോളി ആർടിസ്റ്റ്: പാണ്ഡ്യൻ, നന്ദകിഷോർ വി, ലൈൻ പ്രൊഡ്യൂസർ: ക്രിസ്റ്റോ ജോസ്, വിശാൽ ജോൺ, റെക്കോർഡിസ്റ്റ്: അദ്വൈത് സുദേവ്, ഫിനാൻസ് കൺട്രോളർ: അജയ് ബാലൻ, ഫിനാൻസ് സപ്പോർട്ട്: വരലക്ഷ്മി രാജീവ്, റമീസ്, ലൊക്കേഷൻ മാനേജർ: അനേറ്റെ ജോസ്, ചൈത്ര വിജയൻ, പബ്ലിസിറ്റി പോസ്റ്റർ: മിനിഷ് സി എം, അജിത് കുമാർ എ, മോഷൻ പോസ്റ്റർ & ടൈറ്റിൽ: ആൻ്റണി പോൾ, പിആർഒ: പി. ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.

ALSO READ : പെരുമാള്‍ മുരുകന്‍റെ 'കൊടിത്തുണി' ഇനി സിനിമ; മുംബൈ ഫിലിം ഫെസ്റ്റിവലില്‍ ഒഫിഷ്യല്‍ സെലക്ഷന്‍

അച്ചു സുഗന്ധ് ഇനി സംവിധായകന്‍; ആദ്യ ഷോര്‍ട്ട് ഫിലിം പ്രേക്ഷകരിലേക്ക്

Web Team — Sun, 17 Nov 2024 09:03:14 +0530

സാന്ത്വനം എന്ന പരമ്പരയിലൂടെ പ്രേക്ഷകര്‍ക്ക് പ്രിയങ്കരനായി മാറിയ നടനാണ് അച്ചു സുഗന്ധ്. അഭിനയത്തിനൊപ്പം സംവിധാനത്തിലും താല്‍പര്യമുണ്ടെന്ന് അച്ചു മുൻപ് തുറന്നു പറ‍ഞ്ഞിരുന്നു. സാന്ത്വനത്തിലെ താരങ്ങളായ സജിനെയും ഗോപികയെയും പ്രധാന കഥാപാത്രങ്ങളാക്കി ഷോര്‍ട്ട് ഫിലിം ചെയ്യുന്നുണ്ടെന്നും അന്ന് അച്ചു അറിയിച്ചിരുന്നു. പെണ്ണിനെ ഇഷ്ടായോ എന്നാണ് ഷോര്‍ട്ട് ഫിലിമിന് പേരിട്ടത്. ഈ ഹ്രസ്വ ചിത്രത്തിനായി ഏറെക്കാലമായുള്ള കാത്തിരിപ്പിലായിരുന്നു ആരാധകര്‍.

ഇപ്പോഴിതാ കാത്തിരിപ്പ് അവസാനിച്ചെന്ന് അറിയിച്ച് എത്തിയിരിക്കുകയാണ് അച്ചു സുഗന്ത്. അങ്ങനെ കാത്തിരിപ്പിന് വിരാമമിട്ടുകൊണ്ട് ഞങ്ങളുടെ 'പെണ്ണിനെ ഇഷ്ടായോ?' എന്ന കുഞ്ഞു ഷോർട്ട് ഫിലിം ഈ വരുന്ന 22-ാം തീയതി എന്റെ യൂട്യൂബ് ചാനല്‍ വഴി റിലീസ് ആവുകയാണ്. ഇതുവരെയുണ്ടായിരുന്ന സപ്പോർട്ട് തുടർന്നും ഉണ്ടാകും എന്ന് പ്രതീക്ഷിക്കുന്നു, ഷോർട്ട് ഫിലിമിന്റെ പോസ്റ്റർ പങ്കുവെച്ച് നടൻ പറഞ്ഞു. നിരവധി പേരാണ് ആശംസകൾ അറിയിച്ച് എത്തുന്നത്. ബാക്കി ഇനി പെണ്ണിനെ കണ്ടിട്ട് പറയാമെന്ന് ഒരാൾ കമന്റിൽ പറയുന്നു.

സാന്ത്വനം പരമ്പര അവസാനിച്ചിട്ട് കാലം കുറച്ചായെങ്കിലും താരങ്ങളോടുള്ള ഇഷ്ടം ഇന്നും അതേപോലെ നിലനിര്‍ത്തുന്നുണ്ട് പ്രേക്ഷകര്‍. കുടുംബത്തിലെ ഇളയ ആളായ കണ്ണനോട് എല്ലാവര്‍ക്കും പ്രത്യേകമായൊരു വാത്സല്യമുണ്ടായിരുന്നു. പരമ്പരയുടെ ലൊക്കേഷനില്‍ വെച്ച് തന്നെ അച്ചു തനിക്ക് സംവിധായകന്‍ ആവാന്‍ ആഗ്രഹമുണ്ടെന്ന് തുറന്നുപറഞ്ഞിരുന്നു. സഹതാരങ്ങളുടെ രസകരമായ വീഡിയോകള്‍ എടുക്കാന്‍ അച്ചു എന്നും മുന്നിലുണ്ടായിരുന്നു.

അഭിനയിക്കണം എന്നായിരുന്നില്ല, സിനിമ സംവിധാന ചെയ്യണം എന്നതായിരുന്നു അച്ചുവിന്റെ ആഗ്രഹം. അതിന്റെ അടിസ്ഥാനത്തില്‍ ചില സിനിമകളില്‍ അസിസ്റ്റ് ചെയ്തിട്ടുണ്ട്. പിന്നീട്, വാനമ്പാടി എന്ന സീരിയലില്‍ അസോസിയേറ്റ് ആയി പ്രവൃത്തിച്ചു. അതേ ടീം സാന്ത്വനം സീരിയലിന് വേണ്ടി ഒന്നിച്ചപ്പോള്‍ അച്ചുവിന് കണ്ണന്‍ എന്ന കഥാപാത്രത്തെ ലഭിക്കുകയായിരുന്നു.

ALSO READ : ഇന്ദ്രൻസിനൊപ്പം ഷഹീൻ സിദ്ദിഖ്; 'ടൂ മെൻ ആർമി'യുമായി നിസാര്‍

ഏഷ്യാനെറ്റ് ന്യൂസ് ലൈവ് കാണാം

മമ്മൂട്ടി കമ്പനി ഇത് ആദ്യമായി, സംവിധാനം രഞ്ജിത്ത്; പ്രേക്ഷകരിലേക്ക് ആ ചിത്രം

Nirmal Sudhakaran — Sun, 02 Nov 2025 16:46:36 +0530

ഇടവേളയ്ക്ക് ശേഷം രഞ്ജിത്ത് സംവിധാനം ചെയ്ത ഒരു ചിത്രം വരുന്നു. എന്നാല്‍ ഒരു ഫീച്ചര്‍ ചിത്രമല്ല, മറിച്ച് ഷോര്‍ട്ട് ഫിലിം ആണ് ഇത്. ആരോ എന്ന് പേരിട്ടിരിക്കുന്ന ചിത്രത്തില്‍ ശ്യാമപ്രസാദ്, മഞ്ജു വാര്യര്‍, അസീസ് നെടുമങ്ങാട് എന്നിവരാണ് അഭിനയിക്കുന്നത്. രഞ്ജിത്തിന്‍റെ ക്യാപിറ്റോള്‍ തിയറ്ററുമായി ചേര്‍ന്ന് മമ്മൂട്ടി കമ്പനി നിര്‍മ്മിക്കുന്ന ചിത്രമാണിത്. മമ്മൂട്ടി കമ്പനി ആദ്യമായാണ് ഒരു ഹ്രസ്വ ചിത്രം നിര്‍മ്മിക്കുന്നത് എന്നതും പ്രത്യേകതയാണ്. ചിത്രത്തിന്‍റെ ഫസ്റ്റ് ലുക്ക് ഇന്നലെ പുറത്തെത്തിയിരുന്നു. വിവിധ ചലച്ചിത്ര മേളകളിലാവും ചിത്രം പ്രദര്‍ശിപ്പിക്കുക.

ചിത്രത്തിന്‍റെ കഥയും സംഭാഷണവും വി ആര്‍ സുധീഷിന്‍റേതാണ്. കല്‍പ്പറ്റ നാരായണന്‍റെ കവിതയും ചിത്രത്തില്‍ ഉള്‍പ്പെടുത്തിയിട്ടുണ്ട്. എക്സിക്യൂട്ടീവ് പ്രൊഡ്യൂസര്‍ ജോര്‍ജ് സെബാസ്റ്റ്യന്‍, ഛായാഗ്രഹണം പ്രശാന്ത് രവീന്ദ്രന്‍, പശ്ചാത്തല സംഗീതം ബിജിബാല്‍, എഡിറ്റിംഗ് രതിന്‍ രാധാകൃഷ്ണന്‍, പ്രൊഡക്ഷന്‍ ഡിസൈന്‍ സന്തോഷ് രാമന്‍, ഡിഐ ലിജു പ്രഭാകര്‍, ലൈന്‍ പ്രൊഡ്യൂസര്‍ സുനില്‍ സിംഗ്, മേക്കപ്പ് രഞ്ജിത്ത് അമ്പാടി, അസോസിയേറ്റ് ഡയറക്ടേഴ്സ് റിത്വിക് ലിമ രാംദാസ്, വിവേക് പ്രശാന്ത് പിള്ള, സ്റ്റില്‍ ഫോട്ടോഗ്രാഫര്‍, ബിടിഎസ് സുജിത്ത് വെള്ളനാട്, സുമിത് വെള്ളനാട്, പബ്ലിസിറ്റി ഡിസൈന്‍സ് യെല്ലോടൂത്ത്സ്.

2018 ല്‍ മോഹന്‍ലാലിനെ നായകനാക്കി ഒരുക്കിയ ഡ്രാമയ്ക്ക് ശേഷം രഞ്ജിത്തിന്‍റെ സംവിധാനത്തില്‍ ഫീച്ചര്‍ ലെങ്ത് ചിത്രങ്ങള്‍ ഒന്നും വന്നിട്ടില്ല. എന്നാല്‍ എം ടി വാസുദേവന്‍ നായരുടെ രചനകളെ ആസ്പദമാക്കി ഒരുക്കിയ ആന്തോളജിയിലെ ഒരു ലഘു ചിത്രം രഞ്ജിത്ത് സംവിധാനം ചെയ്തിരുന്നു. കടുഗണ്ണാവ ഒരു യാത്രാക്കുറിപ്പ് എന്ന ചിത്രമായിരുന്നു ഇത്. ഇതില്‍ കേന്ദ്ര കഥാപാത്രത്തെ അവതരിപ്പിച്ചത് മമ്മൂട്ടി ആയിരുന്നു.

പ്രാഞ്ചിയേട്ടന്‍ ആൻഡ് ദി സെയിന്‍റ്, ബ്ലാക്ക്, പ്രജാപതി, കൈയൊപ്പ്, പാലേരി മാണിക്യം ഒരു പാതിരാ കൊലപാതകത്തിന്‍റെ കഥ, കടല്‍ കടന്ന് ഒരു മാത്തുക്കുട്ടി, പുത്തന്‍ പണം എന്നീ ചിത്രങ്ങള്‍ മമ്മൂട്ടിയെ നായകനാക്കി രഞ്ജിത്ത് സംവിധാനം ചെയ്തിട്ടുണ്ട്.

IDSFFK: തലസ്ഥാനത്ത് വീണ്ടും കാഴ്ചയുടെ വസന്തം; രാജ്യാന്തര ഡോക്യുമെന്ററി-ഹ്രസ്വ ചലച്ചിത്ര മേളയ്ക്ക് തുടക്കം

Web Team — Sat, 27 Aug 2022 13:57:09 +0530

തിരുവനന്തപുരം: കേരള രാജ്യാന്തര ഡോക്യുമെന്ററി-ഹ്രസ്വ ചലച്ചിത്ര മേളയ്ക്ക് തലസ്ഥാനത്ത് തുടക്കമായി. ആറ് ദിവസമായി നടക്കുന്ന മേളയിൽ 12 വിഭാഗങ്ങളിലായി 262 സിനിമകളാണ് പ്രദര്‍ശനത്തിനെത്തുന്നത്. 44 രാജ്യങ്ങളിൽ നിന്നുള്ളവയാണ് ഈ ചിത്രങ്ങൾ. ലോംഗ് ഡോക്യുമെന്ററി, ഷോർട്ട് ഡോക്യുമെന്ററി, ഷോർട്ട് ഫിക്ഷൻ, ക്യാമ്പസ് ഫിലിംസ് എന്നീ വിഭാഗങ്ങളിലായാണ് മത്സര ചിത്രങ്ങളെ ഉൾപ്പെടുത്തിയിട്ടുള്ളത്. രാജ്യാന്തര വിഭാഗത്തിൽ 56ഉം ബെസ്റ്റ് ഓഫ് ദി വേൾഡ് വിഭാഗത്തിൽ 19ഉം ചിത്രങ്ങൾ ഉൾപ്പെടുത്തിയിട്ടുണ്ട്. 109 വനിതാ സംവിധായകരുടെ ചിത്രങ്ങൾ ഇത്തവണത്തെ മേളയിലുണ്ട്.

കൈരളി തിയേറ്ററിൽ നടന്ന ഉദ്ഘാടന ചടങ്ങിൽ മുഖ്യമന്ത്രി പിണറായി വിജയൻ മേളയ്ക്ക് തിരി തെളിച്ചു. ലൈഫ് ടൈം അച്ചീവ്‌മെന്റ് പുരസ്‌കാരം ഡോക്യുമെന്ററി സംവിധായികയും എഡിറ്ററുമായി റാന മോഹന് അദ്ദേഹം സമ്മാനിച്ചു. യുക്രെയ്ൻ യുദ്ധത്തിന്റെ ഭീകരത തുറന്നുകാട്ടുന്ന മരിയുപോൾസ് 2 ആയിരുന്നു ഉദ്ഘാടന ചിത്രം.

യുദ്ധവും അഭയാര്‍ത്ഥി, തെരുവുജീവിതങ്ങളും പ്രകൃതിയും കഥാപരിസരമായ അനേകം ലഘു ചലച്ചിത്രങ്ങൾ, ബിഗ് സ്ക്രീനിൽ തെളിയുന്നത് പൊള്ളുന്ന ജീവിതങ്ങൾ, ആനിമേഷൻ ചിത്രങ്ങളും അന്താരാഷ്ട്ര വേദികളിൽ പ്രസിദ്ധി നേടിയ ലോകോത്തര സൃഷ്ടികളും... 12 വിഭാഗങ്ങളിലായി മൂന്ന് തിയേറ്ററുകളിലായാണ് ഈ ചിത്രങ്ങളുടെ പ്രദര്‍ശനം നടക്കുക. ജീവിതങ്ങളിലൂടെ രാഷ്ട്രീയ വിനിമയം നടത്തുന്ന ഒരുപിടി മലയാളം ഹ്രസ്വ ചലച്ചിത്രങ്ങളാണ് ഇത്തവണത്തെ പ്രധാന ആകര്‍ഷണം. 1,200ൽ ഏറെ പ്രതിനിധികളും 250 അതിഥികളും നിറഞ്ഞ തിയേറ്ററുകളിലാണ് പ്രദര്‍ശനം.. ബുധനാഴ്ച വരെ വൈകീട്ട് ആറരയ്ക്ക് ആസ്വാദകര്‍ക്കായി കലാപരിപാടികളും ഒരുക്കിയിട്ടുണ്ട്.

രാജ്യാന്തര ഡോക്യുമെന്ററി ഹ്രസ്വചിത്ര മേളയിൽ മികച്ച ലോംഗ് ഡോക്യുമെന്ററിക്കും ,ഹ്രസ്വ ചിത്രത്തിനും രണ്ട് ലക്ഷം രൂപാ വീതം നൽകും. മികച്ച ഷോർട്ട് ഡോക്യുമെന്ററിക്ക് ഒരു ലക്ഷം രൂപയും പ്രശസ്തിപത്രവുമാണ് സമ്മാനം.

പ്രധാന വേഷങ്ങളിൽ ദീപ തോമസ്, ഉണ്ണി ലാലു; 'ഒപ്പീസ് ചൊല്ലാൻ വരട്ടെ'

Web Team — Tue, 19 Jul 2022 07:48:45 +0530

ദീപ തോമസ്, ഉണ്ണി ലാലു എന്നിവര്‍ കേന്ദ്രകഥാപാത്രങ്ങളാകുന്ന 'ഒപ്പീസ് ചൊല്ലാന്‍ വരട്ടെ' എന്ന ഹ്രസ്വചിത്രത്തിന്‍റെ ഫസ്റ്റ് ലുക്ക് പോസ്റ്റർ പുറത്തിറങ്ങി. സൂരജ് കെ.ആർ. ആണ് തിരക്കഥയെഴുതി ചിത്രം സംവിധാനം ചെയ്യുന്നത്.

റൊമാൻസ് കോമഡി വിഭാഗത്തില്‍പ്പെടുന്ന ഹ്രസ്വ ചിത്രം നിര്‍മിക്കുന്നത് ബ്ലോക്ക്ബസ്റ്റർ ഫിലിംസ് ആണ്. യൂട്യൂബ് റിലീസ് ആയാണ് ഒപ്പീസ് ചൊല്ലാൻ വരട്ടെയൊരുക്കുന്നത്. ഛായാഗ്രഹണം ആശംസ് എസ്.പി, സംഗീതം അലോഷ്യ പീറ്റ‍ർ, എഡിറ്റിങ് നബു ഉസ്മാൻ.

Read more: 'ജീവിതത്തേക്കാള്‍ വലിയ പരീക്ഷയില്ല'; ശ്രദ്ധ നേടി ഹ്രസ്വചിത്രം 'ഒരു നിമിഷം'

ഇത് വല്ലാത്തൊരു 'കൊലച്ചതി'; ശ്രദ്ധനേടി ഹ്രസ്വ ചിത്രം

അനസ് റഷാദ് സംവിധാനം ചെയ്ത 'കൊലച്ചതി'(KOLACHATHI ) എന്ന ഹ്രസ്വ ചിത്രം ശ്രദ്ധനേടുന്നു. മതസഹിഷ്ണുതയെ കുറിച്ചും അസഹിഷ്ണുതയെ കുറിച്ചും അതിനോടുള്ള ചില വിമത സമീപനങ്ങളെ കുറിച്ചും പറയുന്ന ചിത്രമാണ് കൊലച്ചതി.

എട്ട് മിനിറ്റും 40 സെക്കന്റും ദൈർഘ്യമുള്ള ചിത്രം കഴിഞ്ഞ മാസമായിരുന്നു പ്രേക്ഷകർക്ക് മുന്നിലെത്തിയത്. ഷിഫാരത്ത് കഥയെഴുതിയ ചിത്രം നിർമിച്ചിരിക്കുന്നത് ബിജോൺ കെ വിനോദാണ്. മികച്ച പ്രതികരണമാണ് ചിത്രത്തിന് പ്രേക്ഷകരിൽ നിന്നും ലഭിച്ചു കൊണ്ടിരിക്കുന്നത്.

കോഴിക്കോട് സ്വദേശിയാണ് അനസ് റഷാദ്. ബാംഗ്ലൂർ ആസ്ഥാനമായുള്ള ഡിസൈൻ കമ്പനിയുടെ ഭാഗമായ ഇദ്ദേഹം, ക്രിയേറ്റീവ് ഡയറക്ടർ, ചലച്ചിത്ര നിർമ്മാതാവ്, ഗ്രാഫിക് ഡിസൈനർ എന്നീ നിലകളിൽ പ്രവർത്തിച്ചിട്ടുണ്ട്. ഡോപ്പ്: കിരൺ ഉണ്ണികൃഷ്ണൻ, എഡിറ്റർ: നിരഞ്ജൻ ബെന്നി അമൃത, ശബ്ദം: അശോക് പോണപ്പൻ, സംഗീതം: ശേഖർ സുധീർ, വർണ്ണം: ജോയ്നർ തോമസ് എന്നിവരാണ് മറ്റ് അണിയറ പ്രവർത്തകർ.

Shruti Haasan : 'ഞാന്‍ ഗുരുതരാവസ്ഥയിലല്ല'; വ്യാജ പ്രചരണങ്ങള്‍ക്കെതിരെ ശ്രുതി ഹാസന്‍

സൈന്‍സ്; ദേശീയ ‍ഡോക്യുമെന്‍ററി, ഹ്രസ്വ ചലച്ചിത്രമേളയിലേക്ക് ചിത്രങ്ങള്‍ ക്ഷണിച്ചു

Nirmal Sudhakaran — Sat, 01 Nov 2025 15:33:06 +0530

സൈന്‍സ് ദേശീയ ‍ഡോക്യുമെന്ററി, ഹ്രസ്വ ചലച്ചിത്രമേളയിലേക്ക് ചിത്രങ്ങള്‍ ക്ഷണിച്ചു. 2026 ഫെബ്രുവരി 6 മുതല്‍ 10 വരെ ഷൊര്‍ണൂര്‍ അനുരാഗ് സിനിമാസിലാണ് ഫെസ്റ്റിവല്‍ നടക്കുക. മേളയുടെ മല്‍സരവിഭാഗത്തിലേക്കാണ് ചിത്രങ്ങള്‍ ക്ഷണിച്ചിരിക്കുന്നത്. ഫെഡറേഷന്‍ ഓഫ് ഫിലിം സൊസൈറ്റീസ് ഓഫ് ഇന്ത്യ കേരള ഘടകമാണ് മേള സംഘടിപ്പിക്കുന്നത്. 2005 ല്‍ ആരംഭിച്ച മേളയുടെ 18-ാമത് എഡിഷനാണ് ഇപ്പോള്‍ നടക്കുന്നത്. 2023 ജനുവരി ഒന്നിന് ശേഷം നിര്‍മ്മിച്ച ‍ഡോക്യുമെന്ററികളും ഹ്രസ്വ ചലച്ചിത്രങ്ങളുമാണ് മേളയിലേക്ക് സമര്‍പ്പിക്കേണ്ടത്.

ഇന്ത്യയ്ക്ക് അകത്തോ പുറത്തോ പ്രവര്‍ത്തിക്കുന്ന ഇന്ത്യക്കാരായ സംവിധായകര്‍ സംവിധാനം ചെയ്തതോ വിദേശികളായ സംവിധായകരുടെ ഇന്ത്യയുമായി ബന്ധപ്പെട്ട ഉള്ളടക്കമുള്ള ചിത്രങ്ങളോ സമര്‍പ്പിക്കാം. ഹ്രസ്വചലച്ചിത്രങ്ങളുടെ പരമാവധി ദൈര്‍ഘ്യം 70 മിനിറ്റ് ആണ്. ഡോക്യുമെന്ററികള്‍ക്ക് ദൈര്‍ഘ്യത്തിന് പരിധി ഇല്ല. മുന്‍ വര്‍ഷങ്ങളില്‍ സൈന്‍സില്‍ സമര്‍പ്പിച്ച ചിത്രങ്ങള്‍ വീണ്ടും സമര്‍പ്പിക്കാന്‍ പാടില്ല. ഏത് ഭാഷയിലും ഉള്ള ചിത്രങ്ങള്‍ ഇംഗ്ലീഷ് സബ്ടൈറ്റിലോടെയോ ഇംഗ്ലീഷിലേക്ക് ഡബ് ചെയ്തോ സമര്‍പ്പിക്കാം. ഡിസംബര്‍ 6 ആണ് ആണ് ചിത്രങ്ങള്‍ സമര്‍പ്പിക്കാനുള്ള അവസാനതീയതി. ഓരോ ചിത്രത്തിനും 1500 രൂപ എന്‍ട്രി ഫീസ് ഉണ്ട്. എന്‍ട്രി ഫീസ് തിരികെ നല്‍കുന്നതല്ല. ചിത്രങ്ങള്‍ സമര്‍പ്പിക്കുന്നതിനും കൂടുതല്‍ വിവരങ്ങള്‍ക്കും www.signsfestival.in എന്ന വെബ്‍സൈറ്റ് സന്ദര്‍ശിക്കാവുന്നതാണ്.

മികച്ച ഡോക്യുമെന്ററിയ്ക്കും മികച്ച ഹ്രസ്വ ചലചിത്രത്തിനും ജോൺ ഏബ്രഹാം പുരസ്കാരങ്ങൾക്കൊപ്പം സിനിമ എക്സ്പിരിമെന്റ, ഫിലിം ഓഫ് റെസിസ്റ്റൻസ് എന്നീ ദേശീയ പുരസ്കാരങ്ങളും മികച്ച മലയാള ചിത്രത്തിന് FFSI പുരസ്കാരവും നൽകും. 50000 രൂപയും പ്രശസ്തിപത്രവും പ്രശസ്ത ചിത്രകാരനും ശില്‍പിയുമായിരുന്ന സി എൻ കരുണാകരൻ രൂപകല്പന ചെയ്ത ശില്പവുമാണ് ജോൺ ഏബ്രഹാം പുരസ്കാരം. ദേശീയ തലത്തിൽ തന്നെ ഡിജിറ്റല്‍ ഡോക്യുമെന്ററികൾക്കും ഹ്രസ്വചിത്രങ്ങൾക്കും വേണ്ടി സംഘടിപ്പിക്കുന്ന മേളകളിൽ സുപ്രധാനമായ ഒന്നാണ് സൈൻസ്. മലയാളത്തിലെ ജനകീയ സിനിമാ പ്രവർത്തനങ്ങളുടെ ഊർജമായിരുന്ന ജോൺ ഏബ്രഹാമിന്റെ ഓർമ്മയ്ക്കായി 1999 ലാണ് ഫെഡറേഷൻ ഓഫ് ഫിലിം സൊസൈറ്റീസ് ഓഫ് ഇന്ത്യ കേരള ഘടകം ജോൺ ഏബ്രഹാം പുരസ്കാരം ഏർപ്പെടുത്തിയത്. 2005 ൽ ഡിജിറ്റൽ വീഡിയോ ഡോക്യുമെന്ററികള്‍ക്കും ഹ്രസ്വ ചിത്രങ്ങള്‍ക്കും പ്രാധാന്യം കൊടുത്തുകൊണ്ട് ദേശീയ മത്സര വിഭാഗം ഉൾപ്പെടുത്തിയാണ് സൈൻസിന് രൂപം കൊടുത്തത്.

വീണ്ടും പ്രേക്ഷകശ്രദ്ധ നേടി 'മൗനരാഗ'ത്തിലെ 'ബൈജു'; വൈറലായി 'ശത്രുഘ്നന്‍റെ വെള്ളിയാഴ്ച'

Web Team — Sat, 21 Oct 2023 14:12:10 +0530

ചുരുക്കം എപ്പിസോഡുകള്‍ക്കുള്ളിൽത്തന്നെ പ്രേക്ഷകമനസുകളില്‍ സ്ഥാനംപിടിച്ച പരമ്പരയിൽ ഒന്നാണ് മൗനരാഗം. പരമ്പരയുടെ ആരാധകര്‍ക്ക് മുഖ്യ കഥാപാത്രങ്ങള്‍ കഴിഞ്ഞാല്‍ ഏറെയിഷ്ടം ബൈജു എന്ന കഥാപാത്രത്തെയാണ്. കോഴിക്കോട് സ്വദേശിയായ കാര്‍ത്തിക് പ്രസാദാണ് ഈ കഥാപാത്രത്തെ അവതരിപ്പിച്ചത്. കോഴിക്കോട് കുതിരവട്ടം ഗോവിന്ദപുരം സ്വദേശിയായ കാര്‍ത്തിക് ഇരുപതോളം വര്‍ഷങ്ങളായി സിനിമ, സീരിയല്‍ രംഗത്തുണ്ട്. പക്ഷെ ആരാധക മനസിലേക്ക് ചേക്കേറിയത് മൗനരാഗത്തിലെ ബൈജുവായ ശേഷമാണ്.

സീരിയലിന് പുറമെ ഷോർട്ട് ഫിലിമുകളിലും സിനിമകളിലും തിളങ്ങിയിട്ടുണ്ട് നടൻ. ഇപ്പോഴിതാ ഓറഞ്ച് മീഡിയ പുറത്തിറക്കിയ ശത്രുഘ്നന്‍റെ വെള്ളിയാഴ്ച എന്ന ഷോർട്ട് ഫിലിമിലൂടെ ശ്രദ്ധ നേടുകയാണ് കാർത്തിക്. എല്ലാവരെയും പോലെ പരാതികളും പരിഭവങ്ങളും ഒരു നൂറ് കൂട്ടം ആവശ്യങ്ങളുമായി ദൈവത്തെ സമീപിക്കലാണ് ശത്രു എന്ന് നാട്ടുകാർ വിളിക്കുന്ന ശത്രുഘ്നന്‍റെ സ്ഥിരം പരിപാടി. അതിനായി എന്നും വഴിപാടും കാണിക്കയും സമർപ്പിക്കുന്നു. എന്നാൽ ഒരു വെള്ളിയാഴ്ച ശത്രുവിന്റെ തിരിച്ചറിവിന്റെ ദിനമായിരുന്നു. ദൈവത്തെ നേരിൽ കാണുന്നതായി സ്വപ്നം കാണുന്നതിലൂടെയാണ് ശത്രുവിനു മാറ്റം സംഭവിക്കുന്നത്.

തനി നാടൻ പശ്ചാത്തലത്തിൽ ഒരുക്കിയിരിക്കുന്ന ഷോർട്ട് ഫിലിം ഏറെ ആസ്വദിച്ചാണ് പ്രേക്ഷകർ ഏറ്റെടുത്തത്. കാർത്തിക്കിന്റെ അഭിനയ മികവിനെ പുകഴ്ത്തി നിരവധി കമന്റുകളും ആരാധകർ നൽകുന്നുണ്ട്. സീരിയല്‍ ജീവിതം ആരംഭിച്ച കാലത്ത് കാർത്തിക്കിന് ലഭിച്ച മിക്കവാറും വേഷങ്ങളെല്ലാം പുരാണ സീരിയലുകളിലായിരുന്നു. 2006ല്‍ ഏഷ്യാനെറ്റില്‍ സംപ്രേഷണം ചെയ്തിരുന്ന ഉണ്ണിയാര്‍ച്ചയിലാണ് ആദ്യമായി കാർത്തിക് ഒരു കഥാപാത്രം ചെയ്യുന്നത്. ഉണ്ണിനമ്പൂതിരി എന്ന കഥാപാത്രം ചെറിയ രീതിയില്‍ ക്ലിക്കായതോടെ അത്തരം കഥാപാത്രങ്ങളായിരുന്നു അധികവും തേടിയെത്തിയത്. സ്വാമി അയ്യപ്പന്‍, ശ്രീ ഗുരുവായൂരപ്പന്‍ തുടങ്ങിയ പരമ്പരകളിലും വേഷങ്ങൾ ലഭിച്ചു. അതേപോലൊരു കഥാപാത്രമാണ് ഷോർട്ഫിലിമിലും.

ALSO READ : മഹാഭാരതം മൂന്ന് ഭാഗങ്ങളായി സിനിമയാക്കാന്‍ 'ദി കശ്‍മീര്‍ ഫയല്‍സ്' സംവിധായകന്‍

സീരിയല്‍ താരങ്ങളുടെ ഷോര്‍ട്ട് ഫിലിം; ശ്രദ്ധ നേടി 'ജിന്നിന്‍റെ ഊദ്'

Web Team — Thu, 26 Sep 2024 21:04:31 +0530

പ്രശസ്ത സീരിയൽ താരങ്ങളായ നലീഫ് ജിയയും കല്യാൺ ഖന്നയും അഞ്ജന മോഹനും കേന്ദ്ര കഥാപാത്രങ്ങളായി അഭിനയിച്ച ജിന്നിന്‍റെ ഊദ് എന്ന ഷോര്‍ട്ട് ഫിലിം ശ്രദ്ധേയമാകുന്നു. 37 മിനിറ്റ് ദൈര്‍ഘ്യമുള്ള ചിത്രത്തിന്‍റെ രചനയും സംവിധാനവും വിഷ്ണു വി ഗോപാല്‍ ആണ്. കളര്‍ മീന്‍ മീഡിയ എന്ന യുട്യൂബ് ചാനലിലൂടെ ഈ മാസം 13 ന് റിലീസ് ചെയ്യപ്പെട്ട ചിത്രം ഇതിനകം മൂന്നര ലക്ഷത്തിലധികം കാഴ്ചകള്‍ നേടിയിട്ടുണ്ട്.

മരിച്ചുപോയ അച്ഛന്റെ ഗന്ധം സൃഷ്ടിക്കാന്‍ ജിന്നിനെ തേടിയെത്തിയ പെൺകുട്ടിയുടെ കഥയാണ് ജിന്നിന്റെ ഊദ്. കളിവഞ്ചി, കൽഹാര, അപർണ @ 31 നോട്ട് ഔട്ട്‌, ആവേശം, മോഡസ് ഓപ്പറാന്‍ഡി തുടങ്ങിയ നിരവധി ഹ്രസ്വ ചിത്രങ്ങളുടെ സംവിധായകനാണ് വിഷ്ണു വി ഗോപാല്‍. രചനയ്ക്കും സംവിധാനത്തിനും പുറമെ ചിത്രത്തിന്‍റെ എഡിറ്റിംഗും നിര്‍വ്വഹിച്ചിരിക്കുന്നത് വിഷ്ണുവാണ്. ഹരിപ്പാട് തൃക്കുന്നപ്പുഴ കുമാരനാശാൻ സ്മാരകത്തിനു സമീപമുള്ള തറവാട്ടില്‍ രണ്ട് ദിവസം കൊണ്ട് ചിത്രീകരണം പൂർത്തിയാക്കിയ ചിത്രമാണിത്. തൃക്കുന്നപ്പുഴ ഗ്രാമപഞ്ചായത്ത് ഓഫീസിലെ ജീവനക്കാരനാണ് വിഷ്ണു വി ഗോപാൽ.

എമ്പുരാന്റെ അസിസ്റ്റന്റ് ക്യാമറാമാനായ അനീഷ് അർജുനനാണ് ഈ ഹ്രസ്വ ചിത്രത്തിന്‍റെ ഛായാഗ്രഹണം നിര്‍വ്വഹിച്ചിരിക്കുന്നത്. പ്രദീപ് പിള്ള, അനസ് ഗേറ്റ് എന്നിവരാണ് നിര്‍മ്മാതാക്കള്‍.

ALSO READ : കാത്തിരിപ്പുകള്‍ക്ക് വിരാമം; 'ഒരു കട്ടില്‍ ഒരു മുറി' റിലീസ് തീയതി പ്രഖ്യാപിച്ചു

ഏഷ്യാനെറ്റ് ന്യൂസ് ലൈവ് കാണാം

സ്നേഹത്തിന് എക്സ്പെയറി ഡേറ്റ് ഉണ്ടോ? പ്രേക്ഷകശ്രദ്ധ നേടി ഹ്രസ്വചിത്രം

Web Team — Sat, 02 Sep 2023 16:22:05 +0530

മനുഷ്യര്‍ക്കിടയിലുള്ള സ്നേഹത്തിന് ഒരു കാലാവധി ഉണ്ടോ? ഈ ചോദ്യം ചോദിച്ചുകൊണ്ട് കഥ പറയുന്ന ഒരു ഹ്രസ്വചിത്രം പ്രേക്ഷകശ്രദ്ധ നേടുകയാണ്. നേഹ ഖയാല്‍ സംവിധാനം ചെയ്തിരിക്കുന്ന ദി എക്സ്പയറി ഡേറ്റ് ഓഫ് ലവ് എന്ന ചിത്രം എംഎല്‍എയും നടനുമായ കെ ബി ഗണേഷ് കുമാറിന്‍റെ സോഷ്യല്‍ മീഡിയ പ്ലാറ്റ്ഫോമുകളിലൂടെ തിരുവോണദിനത്തിലാണ് റിലീസ് ചെയ്യപ്പെട്ടത്. ചിത്രത്തിന്‍റെ ട്രെയ്‍ലര്‍ നേരത്തെ സുരേഷ് ഗോപിയാണ് പുറത്തിറക്കിയത്.

പ്രശസ്ത സംവിധായകന്‍ ജോഷിയുടെ സഹസംവിധായിക ആയിരുന്ന നേഹ ഖയാല്‍ മലയാള സിനിമയിൽ ഗാനങ്ങളും ഹിന്ദുസ്ഥാനി സംഗീതത്തിന് വേണ്ടി നിരവധി ഖയാലുകളും രചിച്ചിട്ടുണ്ട്. ഹിന്ദുസ്ഥാനി സംഗീത രാഗ ഗ്രന്ഥങ്ങളായ സംഗീത് ബഹാർ, രാഗ് ബഹാർ എന്നീ ഗ്രന്ഥങ്ങളുടെ രചയിതാവ് കൂടിയാണ് നേഹ. ദുബൈ വിഷ്യൽ മീഡിയ അസോസിയേറ്റ് ഡയറക്ടർ ആയും പ്രവർത്തിച്ചിട്ടുണ്ട്. പ്രവാസ ജീവിതത്തിനിടയിൽ കണ്ടുമുട്ടിയ ഒരു വിദേശ വനിതയുടെ ജീവിതമാണ് ഈ സിനിമയുടെ പ്രചോദനം. ഒരു കാലഘട്ടത്തിൽ മനുഷ്യത്വപരമായ നന്മയാൽ തീർക്കപ്പെട്ട നിയമങ്ങളും സിദ്ധാന്തങ്ങളും ആധുനിക കാലത്ത് പിന്തുടരപ്പെടുമ്പോൾ അത്‌ കുട്ടികളെ എങ്ങനെ ബാധിക്കുന്നുവെന്നതും സ്ത്രീകൾ അതിനെ നോക്കിക്കാണുന്ന മനോഭാവത്തെയും കുറിച്ചുമാണ് ചിത്രത്തിൽ പ്രതിപാദിച്ചിരിക്കുന്നത്. അനവധി മതങ്ങളും വിശ്യാസങ്ങളും നിലനിൽക്കുന്ന ലോകത്ത് എന്തിന്റെ പേരിൽ ആണെങ്കിലും എക്സ്പെയറി ആവാതെ കാത്ത് സൂക്ഷിക്കേണ്ട ഒന്നാവട്ടെ സ്നേഹം എന്ന് വിളിച്ചു പറയുന്നതിനോടൊപ്പം നമ്മെ വേണ്ടാത്തവരെ ഓർത്ത് കരഞ്ഞു തീർക്കേണ്ട ഒന്നല്ല ജീവിതം എന്നും ചിത്രം ഓർമ്മിപ്പിക്കുന്നു.

മനുഷ്യനാല്‍ നിര്‍മ്മിതമായ നിയമങ്ങള്‍ കാലഘട്ടം അനുസരിച്ചു മാറേണ്ട അനിവാര്യതയും അതിൽ ഓരോ വ്യക്തികൾക്കുള്ള പങ്കാളിത്തവുമാണ് ഈ ചിത്രം ചൂണ്ടിക്കാട്ടുന്നത്. സംവിധായകനും ഗായകനുമായ ഡോ. ഷമീർ ഒറ്റത്തൈക്കൽ പ്രധാന കഥാപാത്രമായി വേഷമിടുന്ന ഈ സിനിമയിൽ നീരദ ഷീൻ നായിക കഥാപാത്രമായി എത്തുന്നു. കൂടാതെ കാജൽ, സിമിമോൾ സേവ്യർ, ഡേവിഡ് ഫ്രാൻസിസ്, അയൻ സാജിദ്, റിദ മിന്ന അൽ സാദിഖ് എന്നിവരും അഭിനയിച്ചിരിക്കുന്നു. നേഹ ഖയാൽ രചിച്ച സോള്‍ ടു സോള്‍ എന്ന ഗാനത്തിന് സ്റ്റാൻലി ഈണം പകർന്നിരിക്കുന്നു. ആലപിച്ചിരിക്കുന്നത് ജോയൽ ജി ബെൻസിയാർ ആണ്. വിനയ് ഗൗഡ ആണ് സിനിമാറ്റോഗ്രഫി. ഫൈൻ ആർട്ട്‌ കൊറിയോഗ്രഫി ഡോ. ഷമീർ ഒറ്റത്തൈക്കൽ, നേഹ ഖയാൽ. നിഷ ഷാജഹാൻ, മോഹൻ അബ്രഹാം, ഷാരോൺ അനിത്, വൈഷ്ണവി മോഹൻ, ഡോ. ഷമീർ ഒറ്റത്തൈക്കൽ കൂടാതെ മയാസ അനലീസ്, നടാശ അനലീസ്, എന്നീ കുട്ടികളുമാണ് ഈ ചിത്രത്തിന് വേണ്ടി ഡബ്ബ് ചെയ്തിരിക്കുന്നത്. റിംന റഷീദ് പ്രൊഡക്ഷൻ വിഭാഗം കൈകാര്യം ചെയ്തിരിക്കുന്നു. എഡിറ്റിംഗ്, ഡബ്ബിങ്, ബാക്ക്ഗ്രൗണ്ട് സ്കോർ, ടൈറ്റിൽസ്, തുടങ്ങി എല്ലാ പോസ്റ്റ് പ്രൊഡക്ഷൻ വർക്കുകളും ഡോ. ഷമീർ ഒറ്റത്തൈക്കൽ ആണ് നിർവഹിച്ചിരിക്കുന്നത്. ഖയാല്‍ ക്രിയേഷന്‍സ്, ഒ എസ് 2 എന്നിവ ചേര്‍ന്നാണ് നിര്‍മ്മാണം. പിആര്‍ഒ എ എസ് ദിനേശ്.

ALSO READ : അഡ്വാന്‍സ് ബുക്കിംഗില്‍ വന്‍ കുതിപ്പ്; റിലീസ്‍ദിന കളക്ഷനില്‍ 'പഠാനെ' മറികടക്കുമോ 'ജവാന്‍'?

ചലച്ചിത്ര മേളകളിൽ തിളങ്ങി ഹ്രസ്വചിത്രം 'എ നൈഫ് ഇൻ ദി മൂൺലൈറ്റ്'

Nirmal Sudhakaran — Sun, 19 Oct 2025 16:57:11 +0530

സർഗ, സുദേവ് ഘോഷ് എന്നിവരെ പ്രധാന കഥാപാത്രങ്ങളാക്കി ഡോ. മനോജ് കോലോത്ത് തിരക്കഥയെഴുതി സംവിധാനം ചെയ്‍ത ഹ്രസ്വ ചിത്രമാണ് എ നൈഫ് ഇൻ ദി മൂൺ ലൈറ്റ്. പോക്സോ അതിജീവിത അവന്തികയുടെ ജീവിതമുന്നേറ്റത്തിൻ്റെ കഥ പറയുന്ന ഈ ചിത്രം രാജ്യത്തിനകത്തും പുറത്തുമുള്ള ചലച്ചിത്രമേളകളിൽ പ്രധാനപ്പെട്ട പുരസ്കാരങ്ങൾ നേടുകയും പതിനെട്ടോളം രാജ്യാന്തര ചലച്ചിത്ര മേളകളിൽ ഒഫിഷ്യൽ സെലക്ഷൻ ലഭിക്കുകയും ചെയ്തിട്ടുണ്ട്.

പെഷാവർ ഇൻ്റർനാഷണൽ ഫിലിം ഫെസ്റ്റിവൽ (മികച്ച നടി, മികച്ച നവാഗത സംവിധായകനും സിനിമയും), ഇൻഡോ ദുബൈ ഇൻ്റർനാഷണൽ ഫിലിം ഫെസ്റ്റിവൽ (മികച്ച ഇൻ്റർനാഷണൽ ഷോർട്ട് ഫിലിം, മികച്ച ഇന്ത്യൻ ഷോർട്ട് ഫിലിം, മികച്ച നവാഗത സംവിധായകൻ), സൗത്ത് ഫിലിം & ആർട്സ് അക്കാദമി ഫെസ്റ്റിവൽ ചിലി (സാമൂഹിക പ്രസക്തിയുള്ള മികച്ച ചിത്രം, മികച്ച രണ്ടാമത്തെ സിനിമയ്ക്കുള്ള ഓഡിയൻസ് അവാർഡ്, മികച്ച നടി, മികച്ച എഡിറ്റർ, മികച്ച തിരക്കഥ, മികച്ച സംവിധായകനും ഛായാഗ്രാഹകനുമുള്ള പ്രത്യേക പരാമർശം), ഗ്ലോബൽ ഇൻഡി ഫിലിം മേക്കർ അവാർഡ് യുകെ (മികച്ച സിനിമയ്ക്കുള്ള സിൽവർ അവാർഡ്), ഇന്ത്യൻ മൂവി അവാർഡ്സ് കൊൽക്കത്ത (മികച്ച ഇന്ത്യൻ ഷോർട്ട് ഫിലിം), പോർച്ചുഗൽ ഇൻഡി ഫിലിം ഫെസ്റ്റിവൽ പോർച്ചുഗൽ (മികച്ച നടി), ബ്രിഡ്ജ് ഫിലിം ഫെസ്റ്റിവൽ കാനഡ (മികച്ച നടി, മികച്ച വിദേശഭാഷാ സിനിമ), ഗ്രേറ്റ് മെസേജ് ഫിലിം ഫെസ്റ്റിവൽ പൂനെ (മികച്ച നവാഗത സംവിധായകൻ) എന്നിവയാണ് ലഭിച്ച പ്രധാന അംഗീകാരങ്ങൾ.

ഹിഡൻ കളേഴ്സിന്റെ ബാനറിൽ നിർമ്മിച്ച ഈ ചിത്രത്തിൻ്റെ ഛായാഗ്രഹണം ദീപു ദാമോദർ നിർവ്വഹിക്കുന്നു. എഡിറ്റിംങ് രതിൻ രാധാകൃഷ്ണൻ, സംഗീതം പ്രമോദ് ഭാസ്കർ, സൗണ്ട് ഡിസൈൻ വൈശാഖ് ശോഭൻ, സിങ്ക് സൗണ്ട് വിഷ്ണു പ്രമോദ്, സൗണ്ട് മിക്സിംഗ് ബിജു പി ജോസ്, മ്യൂസിക് പ്രൊഡക്ഷൻ നിഹിൽ ജിമ്മി, കളറിസ്റ്റ് പ്രഹ്ലാദ് പുത്തഞ്ചേരി, സൗണ്ട് മിക്സിംഗ്, മ്യൂസിക് പ്രൊഡക്ഷൻ ലാൽ സ്റ്റുഡിയോ കൊച്ചി, എൻഎച്ച് ക്യു കൊച്ചി. ഒക്ടോബർ 26 ന് ബജറ്റ് ലാബ് ഷോർട്ട്സ് എന്ന യൂട്യൂബ് ചാനലിലും തുടർന്ന് കേരള സർക്കാറിൻ്റെ ഒടിടി പ്ലാറ്റ്ഫോമായ സി-സ്പേസിലും സിനിമ റിലീസ് ചെയ്യും. പി ആർ ഒ- എ എസ് ദിനേശ്.

ഡിക്സണ്‍ പൊടുത്താസ് നായകനായി ഹ്രസ്വചിത്രം; 'സബ് ഇൻസ്പെക്ടറുടെ തൊപ്പി' വരുന്നു

Nirmal Sudhakaran — Thu, 23 Oct 2025 08:38:08 +0530

പ്രശസ്ത പ്രൊഡക്ഷൻ കൺട്രോളർ ഡിക്സൺ പൊടുത്താസിനെ കേന്ദ്ര കഥാപാത്രമാക്കി സ്റ്റിൽ ഫോട്ടോഗ്രാഫർ മോഹൻ സുരഭി തിരക്കഥയെഴുതി സംവിധാനം ചെയ്യുന്ന ഹ്രസ്വ ചിത്രമാണ് സബ് ഇൻസ്പെക്ടറുടെ തൊപ്പി. ചിത്രീകരണം പൂർത്തിയായ ഈ ചിത്രത്തിൽ ചാക്കോച്ചൻ പുളിങ്കുന്ന്, ആനന്ദു, അജേഷ്, മച്ചാൻ, ഹിൽഡ, അഞ്ജലി, ശിവ ഗംഗ തുടങ്ങിയവരും അഭിനയിക്കുന്നു.

നക്ഷത്ര ഫിലിംസിൻ്റെ ബാനറിൽ അഞ്ജലി നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം അഭിജിത്ത് നിർവ്വഹിക്കുന്നു. കലാസംവിധാനം മോഹൻ, മേക്കപ്പ് പട്ടണം റഷീദ്, വസ്ത്രാലങ്കാരം അഞ്ജലി മഹാദേവൻ, സ്റ്റിൽസ് അനന്ദു ഏറ്റുമാനൂർ. ഇന്ദ്രൻസ് നായകനായി അഭിനയിച്ച വൺ സെക്കൻ്റ്, കാത്തിരിപ്പിനൊടുവിൽ എന്നീ ചിത്രങ്ങൾക്ക് ശേഷം മോഹൻ സുരഭി സംവിധാനം ചെയ്യുന്ന ഹ്രസ്വ ചിത്രമാണ് സബ്ബ് ഇൻസ്പെക്ടറുടെ തൊപ്പി. പി ആർ ഒ- എ എസ് ദിനേശ്.

തെരുവിലേക്ക് വലിച്ചിഴയ്‌ക്കപ്പെട്ട സ്ത്രീ ജീവിതങ്ങളുടെ കഥ പറയുന്ന ‘ഡ്രീം ലാൻഡ്’, പ്രേക്ഷകരിലേക്കെത്തുന്നു

Web Desk — Sat, 15 Mar 2025 23:30:23 +0530

തിരുവനന്തപുരം: മാധ്യമ പ്രവർത്തകൻ ബിജു ഇളകൊളളൂർ രചനയും സംവിധാനവും നിർവഹിച്ച 'ഡ്രീം ലാൻഡ്' എന്ന ഹ്രസ്വ ചിത്രം പ്രേക്ഷകരിലേക്ക് എത്തുന്നു. 'ഡ്രീം ലാൻഡി'ന്‍റെ പ്രിവ്യു പ്രദർശനം മാർച്ച് ആറാം തിയതി എരിസ് പ്ലക്സ് തീയറ്ററിൽ നടന്നു. പ്രത്യേക സാഹചര്യങ്ങളിൽ തെരുവിലേക്ക് വലിച്ചിഴയ്‌ക്കപ്പെട്ട സ്ത്രീ ജീവിതങ്ങളുടെ കഥയാണ് ഈ ഹ്രസ്വചിത്രത്തിന്‍റെ പ്രമേയം. അഞ്ജു ജയപ്രകാശ്, രാജേഷ് രവി, എബിൻ ജെ തറപ്പേൽ, രഞ്ജിനി തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ജെ കെ പ്രൊഡക്ഷൻസിന്റെ ബാനറിൽ ജോൺ പി കോശിയാണ് നിർമാണം. ക്യാമറ പി വി രഞ്ജിത്ത്, എഡിറ്റിംഗ് മനീഷ് മോഹൻ, സംഗീതം അർജുൻ വി അക്ഷയ.

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

അതിനിടെ പുറത്തുവന്ന മറ്റൊരു സിനിമാ വാർത്ത പന്ത്രണ്ട് വർഷത്തിന് ശേഷം നടി ഭാവന തമിഴിലേക്ക് മടങ്ങിയെത്തുന്ന ചിത്രം ‘ദി ഡോറി’ൻ്റെ ടീസർ പുറത്തെത്തി എന്നതാണ്. ഭാവനയുടെ സഹോദരൻ ജയ്‌ദേവ് സംവിധാനം ചെയ്യുന്ന ചിത്രം ജൂൺ ഡ്രീംസ് സ്റ്റുഡിയോസിന്റെ ബാനറിൽ താരത്തിൻ്റെ ഭർത്താവ് നവീൻ രാജൻ ആണ് നിര്‍മ്മിക്കുന്നത്. മലയാളികളുടെ പ്രിയ നടി ഭാവന നീണ്ട കാലത്തെ ഇടവേളയ്ക്ക് ശേഷം ഏറ്റവും ഒടുവിൽ മലയാളത്തിൽ അഭിനയിച്ചത് ഹൊറർ ചിത്രമായ ‘ഹണ്ടി’ല്‍ ആയിരുന്നു. പന്ത്രണ്ട് വർഷങ്ങൾക്ക് മുൻപ് അജിത്തിനൊപ്പം നായികയായി ‘ആസൽ’ എന്ന ചിത്രത്തിന് ശേഷം തമിഴ് സിനിമാലോകത്തേക്കുള്ള ഭാവനയുടെ തിരിച്ചുവരവ് കൂടിയാണ് ‘ദ ഡോർ’ എന്ന ചിത്രം. ഭാവന പ്രധാന കഥാപാത്രത്തെ അവതരിപ്പിക്കുന്ന ചിത്രത്തിൽ ഗണേഷ് വെങ്കിട്ടരാമൻ, ജയപ്രകാശ്, ശിവരഞ്ജിനി, നന്ദകുമാർ, ഗിരീഷ്, പാണ്ടി രവി, സംഗീത, സിന്ധൂരി, പ്രിയ വെങ്കട്ട്, രമേഷ് അറുമുഖം, കപിൽ, ബൈരി വിഷ്ണു, റോഷ്‌നി, സിതിക്, വിനോലിയ തുടങ്ങിയ അഭിനേതാക്കളും ചിത്രത്തിലുണ്ട്. തമിഴിൽ റിലീസിന് ഒരുങ്ങുന്ന സിനിമ ആദ്യ ഘട്ടത്തിന് ശേഷം മലയാളം, തെലുങ്ക്, കന്നഡ ഭാഷകളിലും റിലീസിന് എത്തുമെന്ന് സംവിധായകൻ അറിയിച്ചു. ചിത്രത്തിൽ ഭാവന ഒരു ആർക്കിടെക്റ്റായി പ്രത്യക്ഷപ്പെടുമ്പോൾ ഗണേഷ് വെങ്കിട്ടറാം ഒരു പോലീസ് ഉദ്യോഗസ്ഥന്റെ വേഷത്തിലാണ് എത്തുന്നത്. മാർച്ച് 21ന് തിയറ്റർ റിലീസ് ആയി എത്തുന്ന ആക്ഷൻ ഹൊറർ ത്രില്ലർ സഫയർ സ്റ്റുഡിയോസ് ആണ് വിതരണത്തിന് എത്തിക്കുന്നത്.

സംവിധാനം സഹോദരന്‍, 12 വര്‍ഷത്തിന് ശേഷം ഭാവന വീണ്ടും തമിഴില്‍; 'ദി ഡോര്‍' ടീസര്‍

ക്യാമറയ്ക്ക് പിന്നില്‍ പ്രിയ നടന്‍; അച്ചു സുഗന്ധിന്‍റെ ആദ്യ ഷോര്‍ട്ട് ഫിലിം ഏറ്റെടുത്ത് ആരാധകര്‍

Web Team — Sat, 23 Nov 2024 15:53:45 +0530

"ഒരുപാട് സന്തോഷവും ആത്മവിശ്വാസവും തോന്നുന്ന നിമിഷം.. ഇതുപോലൊരു ഷോർട്ട് ഫിലിം നിങ്ങളിലേക്ക് എത്തിക്കണം എന്നുള്ളത് ഒരുപാട് വർഷങ്ങൾ കൊണ്ടുള്ള ആഗ്രഹമായിരുന്നു.. മാക്സിമം അതിനെ നന്നാക്കാനായി ഞങ്ങൾ ശ്രമിച്ചിട്ടുണ്ട്.. പിന്നെ, ആദ്യത്തെ വർക്കാണ് ഒരുപാട് പോരായ്മകൾ ഉണ്ടാകുമെന്നറിയാം.. അതെല്ലാം ക്ഷമിക്കുക, അഭിപ്രായങ്ങൾ അറിയിക്കുക.." എന്ന് കുറിച്ചാണ് ഷോർട്ട് ഫിലിം റിലീസ് ചെയ്ത വിവരം അച്ചു സുഗന്ത് അറിയിച്ചത്. അച്ചു സുഗന്തിന്റെ യുട്യൂബ് പേജിലൂടെയാണ് ഷോർട്ട് ഫിലിം പുറത്തുവിട്ടത്.

മികച്ച അഭിപ്രായവുമായാണ് ഷോർട്ട് ഫിലിം കണ്ട എല്ലാവരും എത്തിയത്. ആദ്യത്തേതിന്റെയായ യാതൊരു പ്രശ്നവും ഇതിൽ കാണുന്നില്ലെന്നായിരുന്നു എല്ലാവരുടെയും കമന്റ്. ഇനിയും കൂടുതൽ സംവിധാനം ചെയ്യണമെന്നാണ് ആരാധകരുടെ അഭിപ്രായം. കഥാപാത്രങ്ങളായി എത്തിയ സജിനും ഗോപികയ്ക്കും പ്രേക്ഷകരുടെ കൈയടി ലഭിക്കുന്നുണ്ട്.

ALSO READ : അസാധാരണ ത്രില്ലര്‍: 'സൂക്ഷ്‍മദര്‍ശിനി' റിവ്യൂ

ഏഷ്യാനെറ്റ് ന്യൂസ് ലൈവ് കാണാം

രഞ്ജിത്തിന്റെ 'ആരോ' പ്രീമിയർ പ്രഖ്യാപിച്ച് മമ്മൂട്ടി കമ്പനി; പ്രധാന വേഷത്തിൽ ശ്യാമ പ്രസാദും മഞ്ജു വാര്യരും

Nithya G Robinson — Sat, 15 Nov 2025 08:20:12 +0530

മമ്മൂട്ടി കമ്പനി നിർമിക്കുന്ന ആദ്യ ഹ്രസ്വ ചിത്രം 'ആരോ' പ്രീമിയറിന് ഒരുങ്ങുന്നു. നവംബർ 16ന് വൈകുന്നേരം 5 മണിക്ക് പ്രീമിയർ ആരംഭിക്കും. മമ്മൂട്ടി കമ്പനിയുടെ യുട്യൂബ് ചാനലിലൂടെയാണ് പ്രീമിയർ. രഞ്ജിത്ത് സംവിധാനം ചെയ്യുന്ന ഹ്രസ്വ ചിത്രത്തിൽ ശ്യാമ പ്രസാദും മഞ്ജു വാര്യരും ആണ് പ്രധാന വേഷങ്ങളിൽ എത്തുന്നത്. അസീസ് നെടുമങ്ങാടും ഒരു പ്രധാന വേഷത്തിലെത്തുന്നുണ്ട്.

‌ഏഴോളം സിനിമകൾ നിർമ്മിച്ച മമ്മൂട്ടി കമ്പനി ആദ്യമായാണ്‌ ഒരു ഹ്രസ്വ ചിത്രവുമായി പ്രേക്ഷകരുടെ മുന്നിൽ എത്തുന്നത്. ക്യാപിറ്റോൾ തീയേറ്ററുമായി സഹകരിച്ചാണ് മമ്മൂട്ടി കമ്പനി ഈ ചിത്രം നിർമ്മിച്ചത്. സംവിധായകൻ രഞ്ജിത് ഒരിടവേളക്ക് ശേഷം ഒരുക്കുന്ന ചിത്രമെന്ന പ്രത്യേകതയും ഇതിനുണ്ട്. ദേശീയ, അന്തർദേശീയ ചലച്ചിത്രോത്സവങ്ങളിലും ആരോ പ്രദർശിപ്പിക്കും. പ്രിവ്യൂ ഷോകളിൽ ആരോയ്ക്ക് മികച്ച പ്രതികരണം ലഭിച്ചിരുന്നു.

കഥ, സംഭാഷണം വി. ആർ. സുധീഷ്, കവിത കൽപ്പറ്റ നാരായണൻ, എക്സിക്യൂട്ടീവ് പ്രൊഡ്യൂസർ ജോർജ് സെബാസ്റ്റ്യൻ, ലൈൻ പ്രൊഡ്യൂസർ സുനിൽ സിങ്, ഛായാഗ്രാഹകൻ പ്രശാന്ത് രവീന്ദ്രൻ, പശ്ചാത്തലസംഗീതം ബിജിപാൽ, കലാസംവിധായകൻ സന്തോഷ് രാമൻ, എഡിറ്റർ രതിൻ രാധാകൃഷ്ണൻ, കളറിസ്റ്റ് ലിജു പ്രഭാകർ, പ്രൊഡക്ഷൻ സൗണ്ട് മിക്സർ, സൌണ്ട് ഡിസൈനർ അജയൻ അടാട്ട്, കോസ്റ്റ്യൂം ഡിസൈനർ സമീറ സനീഷ്, മേക്കപ്പ് രഞ്ജിത് അമ്പാടി, അസോസിയേറ്റ് ഡയറക്ടർമാർ ഋത്വിക് ലിമ രാമദാസ്, വിവേക് പ്രശാന്ത് പിള്ളൈ, വിഎഫ്എക്സ് വിശ്വ വിഎഫ്എക്സ്, സൗണ്ട് മിക്സിംഗ് സപ്താ റെക്കോർഡ്സ്, സ്റ്റിൽ ഫോട്ടോഗ്രാഫർമാർ സുജിത് വെള്ളനാട്, സുമിത് വെള്ളനാട്, പബ്ലിസിറ്റി ഡിസൈൻ യെല്ലോ ടൂത്ത്സ്, പിആർഒ വൈശാഖ് വടക്കേവീട്, ജിനു അനിൽകുമാർ, ഡിജിറ്റൽ പിആർ വിഷ്ണു സുഗതൻ എന്നിവരാണ് മറ്റ് അണിയറ പ്രവർത്തകർ.

പ്രിവ്യൂ ഷോയിൽ കൈയ്യടി നേടി 'ഡാർക്ക് എന്റ്': കാര്‍ത്തിക് പ്രസാദും ധ്വനി ലക്ഷ്മിയും അഭിനയിച്ച സായ് പ്രിയന്റെ ഹ്രസ്വചിത്രം റിലീസിന്

Shyam Prasad — Sun, 07 Dec 2025 18:21:44 +0530

കോഴിക്കോട്: പ്രിക്സ് പ്രൊഡക്ഷൻസിൻ്റെ നിർമ്മാണത്തിൽ സായ് പ്രിയൻ സംവിധാനം ചെയ്ത ഹ്രസ്വചിത്രം 'ഡാർക്ക് എന്റ്' പ്രിവ്യൂ ഷോ കോഴിക്കോട് ക്രൗൺ തീയറ്ററിൽ വെച്ച് നടന്നു. യുവതലമുറയുടെ ജീവിതത്തെ ആസ്പദമാക്കിയ ഈ ചിത്രം, കാണാനെത്തിയ സിനിമാപ്രവർത്തകരും പ്രേക്ഷകരും നിറഞ്ഞ കൈയടിയോടെയാണ് സ്വീകരിച്ചത്. ചിത്രം ഉടൻതന്നെ യൂട്യൂബിൽ റിലീസ് ചെയ്യാനുള്ള ഒരുക്കത്തിലാണ് അണിയറ പ്രവർത്തകർ.

നിരവധി ഷോര്‍ട്ട് ഫിലിമുകളിലും ടെലിവിഷൻ പരമ്പരകളിലും നിറസാന്നിധ്യമായ കാർത്തിക് പ്രസാദും, നടി ധ്വനി ലക്ഷ്മിയുമാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ജിജി, റിനു ദൂടു, നന്ദന അജിത്, ശ്രീനിവാസ്, ജിനീഷ്, ജിഗേഷ്, ജോമിൻ വി ജിയോ, അനൂപ് അശോകൻ, ഹരി, ഖുശ്‌ബു എന്നിവരാണ് മറ്റ് സഹതാരങ്ങൾ. ഡുഡു ദേവസ്സിയാണ് ചിത്രത്തിനായി കഥയും തിരക്കഥയും ഒരുക്കിയിരിക്കുന്നത്.

ഹരി വയനാട് എക്സിക്യുട്ടീവ് പ്രൊഡ്യൂസറായ ചിത്രത്തിൻ്റെ ഛായാഗ്രഹണം നിതിൻ ഭഗതാണ്. സൽമാൻ സിറാജാണ് എഡിറ്റർ. ബി.ജി.എം. സായ് ബാലനും കളറിംഗ് ഹരി ജി. നായരുമാണ് നിർവഹിച്ചിരിക്കുന്നത്. വൽസൻ മാത്യു (സ്റ്റിൽ), മിഥുൻ പ്രസാദ് (കാസ്റ്റിംഗ്), റഷീദ് അഹമ്മദ് (മേക്കപ്പ്), വേലു (ആർട്ട്), സുജിത് (പ്രൊഡക്ഷൻ കണ്ട്രോളർ), റിനു (കോസ്‌റ്റ്യൂം) എന്നിവരും അണിയറയിൽ പ്രവർത്തിച്ചു. ചിത്രത്തിൻ്റെ യൂട്യൂബ് റിലീസിനായുള്ള തീയതി ഉടൻ പ്രഖ്യാപിക്കുമെന്ന് അണിയറ പ്രവർത്തകർ അറിയിച്ചു.

ഇത് അജിത് മേനോന്‍ ചേട്ടന്‍ തന്നെയോ? താരത്തിന്‍റെ 'പുതിയ മുഖം', 'അനുരാഗി'നെ കണ്ടവർക്കെല്ലാം ഒറ്റ ചോദ്യം

Web Team — Sat, 20 Aug 2022 00:12:53 +0530

സൂപ്പര്‍ ശരണ്യ കണ്ടവരാരും അതിലെ അജിത് മേനോന്‍ എന്ന കഥാപാത്രത്തെ മറക്കില്ല. തെലുങ്കിലെ സൂപ്പര്‍ഹിറ്റ് ചിത്രമായ അര്‍ജ്ജുന്‍ റെഡ്ഡിയിലെ കലിപ്പന്‍ മോഡിലുള്ള നായകന്‍റെ സ്പൂഫ് എന്ന് തോന്നുന്ന തരത്തിലുള്ള കഥാപാത്രമായിരുന്നു അജിത് മേനോന്‍. അത് ഗംഭീരമായി അവതരിപ്പിക്കാന്‍ തന്നെ വിനീത് വാസുദേവിന് സാധിച്ചിരുന്നു. ചിത്രത്തിലെ വിനീതിന്‍റെ ലുക്കും ഏറെ ചര്‍ച്ച ചെയ്യപ്പെട്ടിരുന്നു. ഇപ്പോള്‍ വിനീത് പ്രധാന കഥാപാത്രമായി എത്തിയ, അനുരാഗ് എഞ്ചിനിയറിംഗ് വര്‍ക്ക്സ് എന്ന ഷോര്‍ട്ട് ഫിലിമാണ് സാമൂഹ്യ മാധ്യമങ്ങളില്‍ ശ്രദ്ധേയമായി മാറുന്നത്.

അനുരാഗ് എന്ന പ്രധാന കഥാപാത്രമായി തന്നെയാണ് വീനിത് ചിത്രത്തില്‍ എത്തുന്നത്. ഗ്രാമീണ പശ്ചാത്തലത്തില്‍ പറയുന്ന കഥയില്‍ വിനീതിന്‍റെ ലുക്ക് പ്രേക്ഷകര്‍ ഏറ്റെടുത്തു കഴിഞ്ഞു. സൂപ്പര്‍ ശരണ്യയിലെ അജിത് മേനോന്‍ തന്നെയാണോ ഇതെന്നാണ് കണ്ടവരില്‍ ഏറിയ പങ്കും ചോദിക്കുന്നത്. മികച്ച പ്രണയ മുഹൂര്‍ത്തങ്ങള്‍ക്കൊപ്പം പ്രാദേശിക ഭാഷയിലുള്ള ഡയലോഗുകളും ഷോര്‍ട്ട് ഫിലിമിനെ വേറിട്ടതാക്കുന്നു.

'ലുക്മാനാണ് നായകൻ എന്നറിഞ്ഞപ്പോൾ പരാതി പറഞ്ഞവരുണ്ട്': നടന്റെ വളർച്ചയിൽ അഭിമാനമെന്ന് തരുൺ മൂർത്തി

തണ്ണീര്‍മത്തന്‍ ദിനങ്ങള്‍, സൂപ്പര്‍ ശരണ്യ എന്നീ ചിത്രങ്ങളുടെ സംവിധായകനായി മലയാളികള്‍ക്ക് പ്രിയങ്കരനായി മാറിയ ഗിരീഷ് എ ഡിക്കൊപ്പം റീജു ജോസും ചേര്‍ന്നാണ് നിര്‍മ്മാണം. ഷോര്‍ട്ട് ഫിലിം സംവിധാനം ചെയ്തരിക്കുന്നത് കിരണ്‍ ജോസിയാണ്. കഥയൊരുക്കിയത് ആദര്‍ശ് സദാനന്ദനും കിരണ്‍ ജോസിയും ചേര്‍ന്നാണ്. ക്യാമറയ്ക്ക് പിന്നിലും എഡിറ്റിംഗിലും മികവ് തെളിയിച്ചിരിക്കുന്നത് കഥയില്‍ പങ്കാളിയായ ആദര്‍ശ് തന്നെയാണ്. സംഗീതം മിലന്‍ ജോണ്‍. പാട്ടിന്‍റെ വരികള്‍ സൂപ്പര്‍ ശരണ്യയിലൂടെ വൈറലായ സുഹൈല്‍ കോയയാണ്. സൗണ്ട് എഫക്ട് അരുണ്‍ വെയിലര്‍. നായികയായി എത്തിയ അഖില ഭാര്‍ഗ്ഗവന്‍റെ പ്രകടനവും എടുത്തു പറയേണ്ടതാണ്. ഇതിനകം യൂട്യൂബില്‍ മികച്ച പ്രതികരണം ചിത്രത്തിന് ലഭിച്ചുകഴിഞ്ഞു.