Asianet News Malayalam

'സ്‌പെയ്‌നില്‍ വംശീയതയില്ലെന്ന്‌ ഇംഗ്ലണ്ട്‌ പരിശീലകനെ ആരെങ്കിലും പറഞ്ഞ്‌ മനസിലാക്കൂ';വിനീഷ്യസും യമാലും നേരിട്ടത്‌ ഫ്യുന്റെ അറിഞ്ഞില്ലേ ?

Web Desk — Sun, 15 Nov 2026 16:28:12 +0530

യുവേഫ നേഷന്‍സ്‌ ലീഗില്‍ സ്‌പെയിന്‍-ഇംഗ്ലണ്ട്‌ മത്സരത്തിന്‌ മുമ്പ്‌ പരിശീലകര്‍ തമ്മില്‍ 'വംശീയ' പോരാട്ടം. സ്‌പെയ്‌നില്‍ വംശീയതയില്ലെന്ന്‌ ഇംഗ്ലണ്ട്‌ പരിശീലകനോട്‌ ആരെങ്കിലും പറഞ്ഞു കൊടുക്കൂ എന്ന്‌ സ്‌പെയിന്‍ മാനേജര്‍ ലൂയിസ്‌ ഡി ലാ ഫ്യുന്റെ പറഞ്ഞതാണ്‌ വലിയ ചര്‍ച്ചയായത്‌. മാഡ്രിഡില്‍ വെച്ച്‌ നടക്കുന്ന ഇംഗ്ലണ്ടിനെതിരായ മത്സരത്തിന്‌ മുന്നോടിയായി നടന്ന വാര്‍ത്താ സമ്മേളനത്തിലാണ്‌ ഫ്യുന്റെ ഇംഗ്ലണ്ട്‌ മാനേജര്‍ തോമസ്‌ ടുഹേലിന്‌ മറുപടി നല്‍കിയത്‌.

മത്സരത്തിന്‌ മുന്നോടിയായി യുവേഫയുടെ വംശീയ വിരുദ്ധ ചട്ടങ്ങളെക്കുറിച്ച്‌ തന്റെ കളിക്കാരെ ഓര്‍മിപ്പിക്കുമെന്ന്‌ ടുഹേല്‍ സൂചിപ്പിച്ചിരുന്നു. നേരത്തെ മാഡ്രിഡില്‍ കളിച്ചപ്പോള്‍ ഇംഗ്ലണ്ട്‌ താരങ്ങള്‍ക്കെതിരെ വംശീയ അധിക്ഷേപം ഉണ്ടായ പശ്ചാത്തലത്തില്‍ മാധ്യമപ്രവര്‍ത്തകര്‍ ചോദ്യം ഉന്നയിച്ചപ്പോഴായിരുന്നു ടുഹേല്‍ ഇക്കാര്യം പറഞ്ഞത്‌. എന്നാല്‍, ഈ മറുപടി സ്‌പെയിന്‍ കോച്ചിനെ ചൊടിപ്പിച്ചു. ഇംഗ്ലണ്ടിലേത്‌ പോലെ തന്നെ സ്‌പെയ്‌നിലും വംശീയതയില്ലെന്നും, തങ്ങളാരും വംശീയവാദികളല്ലെന്നും ഫ്യുന്റെ പറഞ്ഞു. അതേസമയം, സ്‌പെയ്‌നിലെ വംശീയതയെക്കുറിച്ച്‌ താന്‍ ഒന്നും പറഞ്ഞിട്ടില്ലെന്നും മാധ്യമപ്രവര്‍ത്തകര്‍ തന്റെ വാക്കുകള്‍ വ്യാഖ്യാനിച്ചത്‌ ആശയക്കുഴപ്പത്തിനിടയാക്കിയതാണെന്നും തോമസ്‌ ടുഹേല്‍ പറഞ്ഞു.

എന്നാല്‍, സ്‌പെയ്‌നില്‍ വംശീയതയില്ലെന്നത്‌ യാഥാര്‍ഥ്യങ്ങള്‍ക്ക്‌ വിരുദ്ധമാണ്‌. അടുത്തിടെ ഈജിപ്‌ത്‌ ടീം സ്‌പെയ്‌നില്‍ കളിച്ചപ്പോള്‍ മുസ്ലീം വിരുദ്ധ പരാമര്‍ശങ്ങള്‍ കളിക്കാര്‍ക്ക്‌ നേരെ ഉയര്‍ന്നിരുന്നു. ഇതിന്റെ പേരില്‍ ഫിഫ സ്‌പാനിഷ്‌ ഫുട്‌ബോള്‍ ഫെഡറേഷന്‌ പിഴ ചുമത്തിയിരുന്നു. ലാലിഗയില്‍ റയലിന്റെ വിനീഷ്യസ്‌ ജൂനിയറും ബാഴ്‌സയുടെ ലാമിന്‍ യമാലും വംശീയ അധിക്ഷേപം നേരിട്ടിരുന്നു.

സ്‌പെയിന്‍-ഇംഗ്ലണ്ട്‌ മത്സരം ഇന്ത്യന്‍ സമയം തിങ്കള്‍ പുലര്‍ച്ചെയാണ്‌.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

കിവീസിന്‍റെ ചിറകരിഞ്ഞ് ബൗളര്‍മാര്‍, അവസാന ഏകദിനത്തിൽ 22 റൺസിന്‍റെ ആവേശ ജയം, പരമ്പര സ്വന്തമാക്കി ഇന്ത്യ

Gopalakrishnan C — Sun, 15 Nov 2026 15:49:43 +0530

മൗണ്ട് മൗംഗനൂയി: ചെറിയ സ്കോർ പ്രതിരോധിക്കാനിറങ്ങിയ മത്സരത്തില്‍ ബൗളർമാർ അവസരത്തിനൊത്തുയര്‍ന്നപ്പോള്‍ ന്യൂസിലൻഡിനെതിരായ അഞ്ചാമത്തെയും അവസാനത്തെയും ഏകദിനത്തിൽ 22 റൺസിന്‍റെ ആവേശജയവുമായി അഞ്ച് മത്സരങ്ങളടങ്ങിയ ഏകദിന പരമ്പര 3-1ന് സ്വന്തമാക്കി ഇന്ത്യ. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ 42.1 ഓവറിൽ 209 റൺസിന് ഓൾ ഔട്ടായപ്പോൾ, 210 റൺസ് വിജയലക്ഷ്യത്തിലേക്ക് ബാറ്റുവീശിയ കിവീസ് 48.1 ഓവറിൽ 187 റൺസിന് പുറത്തായി.

ഒരാള്‍ പോലും അര്‍ധസെഞ്ചുറി നേടാതിരുന്ന ഇന്നിംഗ്സില്‍ 31 റണ്‍സെടുത്ത ഡീൻ ഫോക്സ്ക്രോഫ്റ്റാണ് കിവീസിന്‍റെ ടോപ് സ്കോറർ. നിക്ക് കെല്ലി(24), ക്യാപ്റ്റൻ മിച്ചല്‍ സാന്‍റ്നര്‍(24), വില്‍ യങ്(22) എന്നിവരാണ് കിവീസി് നിരയില്‍ ഭേദപ്പെട്ട പ്രകടനം പുറത്തെടുത്ത മറ്റ് താരങ്ങള്‍. ഇന്ത്യക്കായി അര്‍ഷ്ദീപ് സിംഗ് മൂന്നും മുഹമ്മദ് സിറാജും അക്സര്‍ പട്ടേലും രണ്ട് വിതവും വിക്കറ്റുകള്‍ വീഴ്ത്തി. സ്വന്തം നാട്ടില്‍ തുടര്‍ച്ചയായി 11 ഏകദിന പരമ്പരകള്‍ നേടിയ കിവീസിന്‍റെ വിജയക്കുതിപ്പിന് കടിഞ്ഞാണിടാനും പരമ്പര നേട്ടത്തോടെ ഇന്ത്യക്കായി. സ്കോര്‍ ഇന്ത്യ 42.1 ഓവറില്‍ 209ന് ഓള്‍ ഔട്ട്, ന്യൂസിലന്‍ഡ് 48.1 ഓവറില്‍ 187ന് ഓള്‍ ഔട്ട്.

അർഷ്ദീപും സിറാജും ആഞ്ഞടിച്ചു; തകർന്നടിഞ്ഞ് കിവീസ്

210 റൺസ് എന്ന താരതമ്യേന ചെറിയ ലക്ഷ്യത്തിലേക്ക് ബാറ്റുവീശിയ ന്യൂസിലൻഡിന് ഇന്ത്യൻ പേസർമാർ തുടക്കം മുതലേ കടിഞ്ഞാണിട്ടു. ആറാം ഓവറിൽ ടിം സൈഫർട്ടിനെ (14) പുറത്താക്കി മുഹമ്മദ് സിറാജാണ് കിവീസ് തകർച്ചയ്ക്ക് തുടക്കമിട്ടത്. രണ്ടാം വിക്കറ്റിൽ വിൽ യങ്ങും (22) നിക്ക് കെല്ലിയും (24) ചേർന്ന് സ്കോർ 64-ൽ എത്തിച്ച് പ്രതീക്ഷ നൽകിയെങ്കിലും ഇരുവരെയും മടക്കി അർഷ്ദീപ് സിങ് കിവീസിനെ പ്രതിരോധത്തിലാക്കി. പിന്നാലെ അപകടകാരിയായ ഫിൻ അലനെ (1) സിറാജ് കൂടി പുറത്താക്കിയതോടെ 64-1 എന്ന നിലയിൽ നിന്ന് ന്യൂസിലൻഡ് 83-4 എന്ന നിലയിലേക്ക് കൂപ്പുകുത്തി.

Axar draws Tickner out, Ishan adds the finishing touches!

Watch HERO VIDA India Tour of New Zealand, 5th ODI, LIVE NOW on Sony Sports Network TV channels, Sony Vizha & Sony LIV.

#SonySportsNetwork #SonyVizha #SonyLIV #NZvIND https://t.co/7LsCShClwF

— Sony Sports Network (@SonySportsNetwk) November 15, 2026

മധ്യനിരയിൽ ഡീൻ ഫോക്സ്ക്രോഫ്റ്റും (31) മൈക്കൽ ബ്രേസ്‌വെല്ലും (19) ചേർന്ന് ചെറുത്തുനിൽപ്പിന് ശ്രമിക്കുകയും ടീം സ്കോർ 100 കടത്തുകയും ചെയ്തു. എന്നാൽ, ഫോക്സ്ക്രോഫ്റ്റിനെ യാഷ് താക്കൂറും ബ്രേസ്‌വെല്ലിനെ ആഖിബ് നബിയും പുറത്താക്കിയതോടെ കിവീസ് വീണ്ടും സമ്മർദ്ദത്തിലായി. അവസാന ഓവറുകളിൽ ക്യാപ്റ്റൻ മിച്ചൽ സാന്റ്നറും (24) ക്രിസ്റ്റ്യൻ ക്ലാർക്കും (16) ഇന്ത്യയ്ക്ക് ഭീഷണിയുയർത്തിയെങ്കിലും സാന്‍റ്നറെ നമൻ ധിറും ക്ലാർക്കിനെ അർഷ്ദീപും മടക്കിയതോടെ കിവീസ് പ്രതീക്ഷകൾ അസ്തമിച്ചു. 49-ാം ഓവറിലെ ആദ്യ പന്തിൽ ബ്ലെയർ ടിക്നറെ (14) അക്സർ പട്ടേലിന്റെ പന്തിൽ വിക്കറ്റ് കീപ്പർ ഇഷാൻ കിഷൻ സ്റ്റംപ് ചെയ്ത് പുറത്താക്കിയതോടെ ഇന്ത്യ പരമ്പര വിജയം ഉറപ്പിച്ചു.

Naman Dhir repays his captain’s faith with the prized wicket of Mitchell Santner!

Watch HERO VIDA India Tour of New Zealand, 5th ODI, LIVE NOW on Sony Sports Network TV channels, Sony Vizha & Sony LIV.

#SonySportsNetwork #SonyVizha #SonyLIV #NZvIND https://t.co/bMOFpHFYP8

— Sony Sports Network (@SonySportsNetwk) November 15, 2026

അക്സറും ഇഷാനും രക്ഷകരായി

നേരത്തെ ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യക്ക് മുൻനിര ബാറ്റർമാരുടെ നിരാശാജനകമായ പ്രകടനം തിരിച്ചടിയായിരുന്നു. സൂപ്പർ താരങ്ങളായ രോഹിത് ശർമ്മ (7), വിരാട് കോലി (5), റുതുരാജ് ഗെയ്‌ക്‌വാദ് (18) എന്നിവർ വേഗത്തിൽ മടങ്ങിയതോടെ ഇന്ത്യൻ സ്കോർ 8.1 ഓവറിൽ 34-3 എന്ന നിലയിലായി. ക്യാപ്റ്റൻ ശ്രേയസ് അയ്യർ (22) പൊരുതിനോക്കിയെങ്കിലും വലിയ സ്കോറിലേക്ക് കടക്കാനായില്ല. തുടർന്ന് ക്രീസിലൊന്നിച്ച അക്സർ പട്ടേലും (46) ഇഷാൻ കിഷനും (46) ചേർന്നാണ് ഇന്ത്യയെ മാന്യമായ സ്കോറിലേക്ക് നയിച്ചത്. വാലറ്റത്ത് നമൻ ധിറും (22) അർഷ്ദീപ് സിങ്ങും (14) മുഹമ്മദ് സിറാജും (14) നിർണ്ണായക സംഭാവനകൾ നൽകിയതോടെ ഇന്ത്യൻ സ്കോർ 200 കടന്നു. ന്യൂസിലൻഡിനായി ജേക്കബ് ഡഫിയും ക്യാപ്റ്റൻ മിച്ചൽ സാന്റ്നറും മൂന്ന് വിക്കറ്റ് വീതവും മാത്യു ഫിഷർ രണ്ട് വിക്കറ്റും വീഴ്ത്തി.

We only believe in Miyan Bhai, because Game Changer player he is.

Watch HERO VIDA India Tour of New Zealand, 5th ODI, LIVE NOW on Sony Sports Network TV channels, Sony Vizha & Sony LIV.

#SonySportsNetwork #SonyVizha #SonyLIV #NZvIND https://t.co/aAjPLB6oON

— Sony Sports Network (@SonySportsNetwk) November 15, 2026

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പരമ്പരയിലെ ആദ്യ രണ്ട് മത്സരങ്ങളിലും ഡക്ക്‌വർത്ത് ലൂയിസ് നിയമപ്രകാരം ജയിച്ച ഇന്ത്യ, മൂന്നാം മത്സരം മഴമൂലം ഉപേക്ഷിച്ചപ്പോൾ നാലാം ഏകദിനത്തിൽ 244 റൺസിന്‍റെ കൂറ്റൻ തോൽവി വഴങ്ങിയിരുന്നു. എന്നാൽ നിർണായക അഞ്ചാം മത്സരത്തിൽ ബൗളർമാരുടെ കരുത്തിൽ തിരിച്ചടിച്ച ഇന്ത്യൻ നിര, നവംബർ 19-ന് വെല്ലിംഗ്ടണിൽ ആരംഭിക്കുന്ന ടെസ്റ്റ് പരമ്പരയ്ക്ക് മുൻപ് ആത്മവിശ്വാസം വാനോളമുയർത്തി.

ഐ.ഒ.എ തിരഞ്ഞെടുപ്പ്: ഐസ് ഹോക്കി അസോസിയേഷൻ അംഗത്വ തർക്കം തള്ളി; പി.ടി. ഉഷയുടെ നാമനിർദ്ദേശം അംഗീകരിച്ചു

Sajish A — Sun, 15 Nov 2026 14:01:40 +0530

ദില്ലി: ഡിസംബർ 5-ന് നടക്കാനിരിക്കുന്ന ഇന്ത്യൻ ഒളിമ്പിക് അസോസിയേഷൻ (ഐഒഎ) തിരഞ്ഞെടുപ്പിൽ മത്സരിക്കാൻ നിലവിലെ പ്രസിഡന്‍റ് പി.ടി. ഉഷയ്ക്ക് വഴിതെളിഞ്ഞു. ഐസ് ഹോക്കി അസോസിയേഷൻ ഓഫ് ഇന്ത്യ പ്രതിനിധിയായി പി.ടി. ഉഷയെയും അസോസിയേഷൻ സെക്രട്ടറി ജനറൽ ഹർജീന്ദർ സിങ്ങിനെയും ഇലക്ടറൽ കോളേജിലേക്ക് നാമനിർദ്ദേശം ചെയ്തതിനെതിരെയുള്ള പരാതികൾ ഐ.ഒ.എ ഇലക്ടറൽ ഓഫീസർ തള്ളി. ഇതോടെ ഇരുവരുടെയും നാമനിർദ്ദേശങ്ങൾ ഔദ്യോഗികമായി അംഗീകരിക്കപ്പെട്ടു.

പി.ടി. ഉഷയ്ക്ക് ദേശീയ ഐസ് ഹോക്കി ഫെഡറേഷനിൽ അംഗത്വമില്ലെന്ന് ആരോപിച്ച് ഐ.എച്ച്.എ.ഐയിലെ ഒരു വിഭാഗം നവംബർ 13-നാണ് കരട് ഇലക്ടറൽ കോളേജിനെതിരെ പരാതി നൽകിയത്. ഹർജീന്ദർ സിങ്ങിന്‍റെ പേര് ഉൾപ്പെടുത്തിയതിനെയും ഇവർ ചോദ്യം ചെയ്തിരുന്നു.

പരാതി തള്ളിയത് രേഖകൾ പരിശോധിച്ച ശേഷം

പരാതിയുടെ അടിസ്ഥാനത്തിൽ ഇലക്ടറൽ ഓഫീസർ ഐസ് ഹോക്കി അസോസിയേഷനോട് വിശദീകരണം തേടുകയും നവംബർ 14-ന് നേരിട്ടുള്ള ഹിയറിങ്ങിന് വിളിക്കുകയും ചെയ്തു. ഹിയറിങ്ങിൽ ഹാജരായ ഹർജീന്ദർ സിങ്ങും ശ്രീനിവാസ് കോട്‌നിയും ഉഷയും ഹർജീന്ദറും അസോസിയേഷനിലെ സജീവ അംഗങ്ങളാണെന്ന് വ്യക്തമാക്കി. നവംബർ 14-ന് നോട്ടറി സാക്ഷ്യപ്പെടുത്തിയ സത്യവാങ്മൂലവും അനുബന്ധ രേഖകളും വിശദീകരണങ്ങളും ഇവർ സമർപ്പിച്ചു.

ഒരു പ്രത്യേക കായിക ഇനവുമായി ബന്ധപ്പെട്ട് പ്രവർത്തിക്കുന്ന വ്യക്തിക്ക് ആ കായിക ഇനത്തിന്‍റെ ദേശീയ ഫെഡറേഷനിൽ മാത്രമേ അംഗത്വം എടുക്കാൻ സാധിക്കൂ എന്നുണ്ടോ, അതോ മറ്റ് ഫെഡറേഷനുകളിലും അംഗമാകാമോ എന്ന കാര്യത്തിൽ ഇലക്ടറൽ ഓഫീസർ ഐ.ഒ.എയുടെ വ്യക്തത തേടിയിരുന്നു. മറ്റൊരു ഫെഡറേഷനിൽ അംഗത്വമുള്ളത് മറ്റൊരു അസോസിയേഷനെ പ്രതിനിധീകരിക്കുന്നതിന് അയോഗ്യതയല്ലെന്ന് ഐ.ഒ.എ മറുപടി നൽകി. ഐ.ഒ.എ ഭരണഘടനയിലോ 2025-ലെ ദേശീയ കായിക ഭരണ നിയമത്തിലോ ഇത്തരം അംഗത്വങ്ങളെ വിലക്കുന്ന വ്യക്തമായ വ്യവസ്ഥകളില്ലെന്ന് അസിസ്റ്റന്‍റ് റിട്ടേണിംഗ് ഓഫീസർ ഉത്തരവിൽ ചൂണ്ടിക്കാട്ടി.

ഈ വർഷം സെപ്റ്റംബറിൽ അംഗീകരിച്ച ഐ.ഒ.എ ഭരണഘടനയുടെ ആർട്ടിക്കിൾ 10.4 പ്രകാരം, ഓരോ യൂണിറ്റും അല്ലെങ്കിൽ ദേശീയ കായിക ഫെഡറേഷനും നാമനിർദ്ദേശം ചെയ്യുന്ന പ്രതിനിധികൾ അതത് സംഘടനയിലെ അംഗങ്ങളായിരിക്കണം. സമർപ്പിക്കപ്പെട്ട രേഖകളും വാദങ്ങളും പരിശോധിച്ച ശേഷമാണ് ഇലക്ടറൽ ഓഫീസർ പരാതികൾ തള്ളി ഇരുവരുടെയും നാമനിർദ്ദേശങ്ങൾ സ്വീകരിച്ചത്.

വീണ്ടും പ്രസിഡന്‍റാകാൻ ഉഷയുടെ നീക്കം

നേരത്തെ സ്പോര്‍ട്സ് പേഴ്സണ്‍ ഓഫ് മെറിറ്റ്(എസ്ഒഎം) വിഭാഗത്തിൽ നാല് വനിതാ പ്രതിനിധികളിൽ ഒരാളായി തിരഞ്ഞെടുക്കപ്പെടാൻ പി.ടി. ഉഷയ്ക്ക് സാധിച്ചിരുന്നില്ല. തുടർന്ന്, പ്രസിഡന്‍റ് സ്ഥാനത്തേക്ക് വീണ്ടും മത്സരിക്കാനുള്ള സാധ്യത നിലനിർത്തുന്നതിനായി വ്യാഴാഴ്ചയാണ് ഐസ് ഹോക്കി അസോസിയേഷൻ തങ്ങളുടെ രണ്ട് പ്രതിനിധികളിൽ ഒരാളായി ഉഷയെ ഐ.ഒ.എ ജനറൽ ബോഡിയിലേക്ക് നാമനിർദ്ദേശം ചെയ്തത്. നേരത്തെ, മുൻ ഐ.ഒ.എ പ്രസിഡന്‍റ് നരീന്ദർ ബത്രയും ഉഷയുടെ നാമനിർദ്ദേശത്തിനെതിരെ രംഗത്തെത്തിയിരുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഐസ് ഹോക്കി അസോസിയേഷനും സ്കീ ആൻഡ് സ്നോബോർഡ് ഇന്ത്യയും ചേർന്ന് നാമനിർദ്ദേശം ചെയ്ത എക്സിക്യൂട്ടീവ് കമ്മിറ്റി അംഗം ഹർപാൽ സിങ്ങിന്റെ കാര്യത്തിലും ബത്ര എതിർപ്പ് ഉന്നയിച്ചിരുന്നു. ഉഷയുടെ യഥാർത്ഥ അംഗത്വ അപേക്ഷ, ഐ.എച്ച്.എ.ഐയിൽ അംഗത്വം നൽകിയ തീയതി, അംഗത്വ വിഭാഗം, ഏത് ഭരണഘടനാ വ്യവസ്ഥ പ്രകാരമാണ് അംഗത്വം നൽകിയത് എന്നിവ പരിശോധിക്കണമെന്ന് ആവശ്യപ്പെട്ട് ബത്ര ഇലക്ടറൽ ഓഫീസർ സഞ്ജയ് കുമാർ ശ്രീവാസ്തവയ്ക്ക് കത്ത് നൽകിയിരുന്നു.ഡിസംബർ 5-ലെ തിരഞ്ഞെടുപ്പിന് മുന്നോടിയായുള്ള അന്തിമ വോട്ടർ പട്ടിക ഇലക്ടറൽ ഓഫീസർ ഇന്ന് വൈകുന്നേരത്തോടെ പ്രസിദ്ധീകരിക്കും.

ദുസ്വപ്നം പോലൊരു പരമ്പര! പക്ഷേ, ലോകകപ്പില്‍ രോ-കോ അല്ലാതെ മറ്റാരുണ്ട്?

Hari Krishnan M — Sun, 15 Nov 2026 13:24:34 +0530

രോഹിത് ശർമ - 0, 23, 0, 7. വിരാട് കോലി - 74, 7, 0, 5. മൂന്ന് സിംഗിള്‍ ഡിജിറ്റ് സ്കോറുകള്‍ വീതം, കോലിക്ക് ഓർത്തുവെക്കാൻ ഒരു അർദ്ധ സെഞ്ചുറി മാത്രം. രോ-കോയ്ക്ക് ഇതെന്ത് പറ്റിയെന്നും ഏകദിന ലോകകപ്പിന് ഇവർ വേണോയെന്ന ചോദ്യവും ഉയർന്ന് കഴിഞ്ഞു. പ്രത്യേകിച്ചും ഓവർസീസ് കണ്ടീഷനിലെ പരാജയങ്ങള്‍ ആവർത്തിക്കുന്നതുകൊണ്ട് തന്നെ. പകരമാരൊക്കെയെന്ന് തിരിച്ചു ചോദിച്ചാല്‍ എന്ത് ഉത്തരമാണ് നല്‍കാനുള്ളതെന്നത് മറ്റൊരു ആശങ്ക. ഒറ്റ സീരീസുകൊണ്ട് രോഹിതിനേയും കോലിയേയും വിലയിരുത്തേണ്ടതുണ്ടോ.

നാലാം ഏകദിനത്തിന് ശേഷം ഇന്ത്യൻ പരിശീലകൻ ഗൗതം ഗംഭീര്‍ പറഞ്ഞ ഒരു വാചകമുണ്ട്. ബാറ്റിങ് നിരയുടെ തകര്‍ച്ച എന്നെ ആശങ്കപ്പെടുത്തുന്നുണ്ട്. കാരണം, 2027 ഏകദിന ലോകകപ്പില്‍ നമുക്ക് ലഭിക്കാൻ സാധ്യതയുള്ള സാഹചര്യങ്ങളോട് ഏറ്റവും അടുത്ത് നില്‍ക്കുന്ന വിക്കറ്റുകളാണ് ന്യൂസിലൻഡിലേത്. യോജിക്കാൻ കഴിയുന്ന നിരീക്ഷണമാണ്. ഇതിനോടൊപ്പം ഒരു കാര്യം കൂടി ഗംഭീര്‍ ചേര്‍ത്തുവെച്ചിരുന്നു. ബാറ്റര്‍മാര്‍ക്ക് കളിക്കാൻ കഴിയാത്ത ഡെലിവെറികള്‍ എന്നൊന്നില്ലായെന്ന്. ഇത് അല്‍പ്പം അണ്‍ഫയര്‍ ആയിപ്പോയില്ലെയെന്ന് പറയാതെ വയ്യ.

ബെ ഓവലിലെ അഞ്ചാം ഏകദിനത്തില്‍ രോഹിതും കോലിയും തുടങ്ങിയത് കണ്‍വിൻസിങ്ങായി തന്നെയാണ്, വെല്‍ ജഡ്‌ജഡായാണ് ഷോട്ടുകള്‍ തിരഞ്ഞെടുത്തതും. എന്നാല്‍, മാത്യു ഫിഷറിന്റെ ലെങ്ത് ബോളിലാണ് രോഹിതിന്റെ സോഫ്റ്റ് ഡിസ്മിസല്‍ സംഭവിക്കുന്നത്, ഫിഷറിന്റെ തന്നെ ഔട്ട് സൈഡ് ഓഫ് സ്റ്റമ്പ് ലൈനില്‍ ബാക്ക് ഓഫ് ഗുഡ് ലെങ്തിലാണ് കോലിയുടെ മടക്കം. രണ്ട് പന്തുകളുടേയും വേഗത മണിക്കൂറില്‍ യഥാക്രമം 146, 145 കിലോമീറ്ററിലായിരുന്നു.

പുറത്തായതിന് തൊട്ടുപിന്നാലെ ഇരുവരും വിക്കറ്റിലേക്ക് നോക്കുകയും സ്റ്റേഡിയം വിടുന്നതിന് മുൻപ് ബിഗ് സ്ക്രീനില്‍ റീപ്ലേ പരിശോധിക്കുന്നതായും കണ്ടിരുന്നു. തീര്‍ച്ചയായും വിക്കറ്റിലെ മാറ്റങ്ങള്‍ ഇരുവരേയും സര്‍പ്രൈസ് ചെയ്തിട്ടുണ്ട് എന്നത് ഇതിലൂടെ വ്യക്തമാണ്. ന്യൂസിലൻഡിലെ ഓവര്‍കാസ്റ്റ് കണ്ടീഷൻസ്, നിരന്തരം മാറമറിയുന്ന കാലവസ്ഥയൊക്കെയും പരമ്പരയില്‍ ബാറ്റര്‍മാര്‍ക്ക് വെല്ലുവിളിയായിട്ടുണ്ട്. പ്രത്യേകിച്ചും ഇന്ത്യൻ ബാറ്റര്‍മാര്‍ക്ക്, പരിചിതമായ സാഹചര്യങ്ങളായിട്ടുകൂടി നാലാം ഏകദിനത്തില്‍ മാത്രമാണ് ന്യൂസിലൻഡിന് മികവ് പുലര്‍ത്താനായത്.

നാല് കളികളില്‍ നിന്ന് 30 റണ്‍സാണ് രോഹിതിന്റെ നേട്ടം, കോലിയുടേത് 86ഉം. കോലിയേക്കാള്‍ ഉപരി ഏകദിന ലോകകപ്പില്‍ സംശയങ്ങളുള്ളത് രോഹിതിന്റെ കാര്യത്തിലാണെന്നാണ് വിലയിരുത്തലുകള്‍. കാരണം, രോഹിതിന്റെ പ്രായം, ഇഞ്ചുറി കണ്‍സേണ്‍സ്, ദക്ഷിണാഫ്രിക്കയിലെ മോശം റെക്കോര്‍ഡ്, യശസ്വി ജയ്സ്വാള്‍ കാത്തിരിക്കുന്നു. മറുവശത്ത് കോലിയുടെ കാര്യത്തില്‍ ഫിറ്റ്നസില്‍ ആശങ്കയില്ല, ദക്ഷിണാഫ്രിക്കയില്‍ ആറ് സെഞ്ചുറി ഉള്‍പ്പെടെ മികച്ച സ്റ്റാറ്റ്സ്, മൂന്നാം നമ്പറില്‍ ഒരു ഐഡിയല്‍ റീപ്ലേസ്മെന്റിനെ കണ്ടെത്താനുമായിട്ടില്ല.

എന്നാല്‍ ഇവിടെ പരിശോധിക്കേണ്ട മറ്റൊരു കാര്യം കൂടിയുണ്ട്. അവസാന പത്ത് മത്സരങ്ങളിലെ ഇരുവരുടേയും പ്രകടനങ്ങള്‍. ശുഭ്മാൻ ഗില്‍ മാത്രമാണ് രോഹിതിനേയും കോലിയേക്കാള്‍ മികവ് പുലര്‍ത്തിയിട്ടുള്ളത്. കഴിഞ്ഞ 10 മത്സരങ്ങളില്‍ രോഹിതിന്റെ നേട്ടം 430 റണ്‍സാണ്, രണ്ട് സെഞ്ചുറിയും ഒരു അര്‍ദ്ധ ശതകവും. കോലിയുടെ നേട്ടം 398 റണ്‍സ്. ഒരു സെ‍ഞ്ചുറിയും മൂന്ന് ഫിഫ്റ്റിയും. ഇക്കാലയളവില്‍ കോലി അഞ്ചും രോഹിത് മൂന്നും പ്രവാശ്യം ഒറ്റയക്കത്തിലും മടങ്ങിയിട്ടുണ്ട്.

കണക്കുകള്‍ വെച്ച് പരിശോധിക്കുകയാണെങ്കില്‍ ഇന്ത്യൻ ടീമിലെ ഏറ്റവും മികച്ച ബാറ്റര്‍മാര്‍ ഗില്ലും രോഹിതും കോലിയും തന്നെയാണ്. 2026 ഐപിഎല്ലിന് ശേഷം നാല് പരമ്പരകളാണ് ഇന്ത്യ കളിച്ചത്. അഫ്ഗാനിസ്ഥാൻ, ഇംഗ്ലണ്ട്, വെസ്റ്റ് ഇൻഡീസ്, ന്യൂസിലൻഡ്...ഈ സീരിസുകളില്‍ ഇരുവരും പരാജയപ്പെട്ടത് ന്യൂസിലൻഡിനെതിരെ മാത്രവും. മറ്റെല്ലാ പരമ്പരകളിലും തിളങ്ങാൻ ഇന്ത്യൻ ഇതിഹാസങ്ങള്‍ക്ക് സാധിച്ചിട്ടുണ്ട്.

2027 ഏകദിന ലോകകപ്പിലേക്ക് വരുമ്പോള്‍ മാറ്റങ്ങള്‍ ഇനി എത്രത്തോളം പ്രായോഗികമാണ് എന്ന ചോദ്യമുണ്ട്. പ്രത്യേകിച്ചും ഇനി ഒരു വര്‍ഷത്തില്‍ താഴെ മാത്രമാണ് ലോകകപ്പ് ആരംഭിക്കാൻ സമയമുള്ളത്. അതിന് മുന്നോടിയായി ഇന്ത്യ കളിക്കാൻ സാധ്യതയുള്ള ഏകദിനങ്ങളുടെ എണ്ണം പോലും ചുരുക്കമാണ്. ഓപ്പണിങ് സ്ഥാനത്തേക്ക് രോഹിതിന് പകരം ജയ്സ്വാളിനെ കൊണ്ടുവന്നാലും അനിവാര്യമായ സമയമോ മത്സരപരിചയമോ ലഭിക്കുകയുമില്ല.

യഥാര്‍ത്ഥത്തില്‍ 2023 ഏകദിന ലോകകപ്പിന് ശേഷം സെന രാജ്യങ്ങളില്‍ ഏറ്റവുമധികം റണ്‍സ് സ്കോര്‍ ചെയ്തിട്ടുള്ള ഇന്ത്യൻ ബാറ്റര്‍മാരില്‍ ഒന്നാമത് രോഹിതും രണ്ടാമത് കോലിയുമാണ്. ശേഷം മാത്രമാണ് നിലവിലെ ഏറ്റവും മികച്ച ഏകദിന ബാറ്ററായ ഗില്‍ വരെയുള്ളു. അതുകൊണ്ട് തന്നെ ഇരുവരുടേയും പരിചയസമ്പത്ത് ഇന്ത്യയെ സംബന്ധിച്ച് ടൂര്‍ണമെന്റില്‍ നിര്‍ണായകമായിരിക്കും, ലോകകപ്പ് നേടണമെന്നുള്ള ഹംഗര്‍ മറ്റാരേക്കാളും രോഹിതിനും കോലിക്കുമുണ്ട്.

റൊണാള്‍ഡോയെ എന്തിന്‌ മിസ്‌ ചെയ്യണം? ഡെന്‍മാര്‍ക്കിനോട്‌ കനത്ത തോല്‍വി, പോര്‍ച്ചുഗല്‍ നാണം കെട്ടു, ആഘോഷിച്ച്‌ ആരാധകര്‍!

Vipulnath P — Sun, 15 Nov 2026 12:19:44 +0530

ക്രിസ്‌റ്റിയാനോ റൊണാള്‍ഡോ അന്താരാഷ്ട്ര കരിയര്‍ അവസാനിപ്പിച്ചതിന്‌ ശേഷം നടന്ന ആദ്യ മത്സരത്തില്‍ പോര്‍ച്ചുഗലിന്‌ വന്‍ തോല്‍വി. യുവേഫ നേഷന്‍സ്‌ ലീഗില്‍ 4-1ന്‌ ഡെന്‍മാര്‍ക്കാണ്‌ പറങ്കിപ്പടയെ തരിപ്പണമാക്കിയത്‌.ഡെന്‍മാര്‍ക്കിനായി പിയറി-എമില്‍ ഹോയ്‌ബര്‍ഗ്‌ (43, പെനാല്‍റ്റി), റാസ്‌മസ്‌ ഹോയുന്‍ഡ്‌ (49,57), ജോക്കിം ആന്‍ഡേഴ്‌സണ്‍ (75) എന്നിവര്‍ ഗോളുകള്‍ നേടി. ഇഞ്ചുറി ടൈമില്‍ ബെര്‍നാഡോ സില്‍വയാണ്‌ പോര്‍ച്ചുഗലിന്റെ ആശ്വാസ ഗോള്‍ നേടിയത്‌.

പരിശീലകന്‍ ഹോര്‍ഹെ ജെസ്യൂസിന്‌ കീഴില്‍ പോര്‍ച്ചുഗല്‍ നേരിടുന്ന ആദ്യ തോല്‍വിയാണിത്‌. ചെയ്‌ത്‌ കൂട്ടിയ കര്‍മങ്ങള്‍ക്കുള്ള തിരിച്ചടിയാണ്‌ ഹോര്‍ഹെ ജെസ്യൂസിന്‌ ലഭിച്ചതെന്ന്‌ ആരാധകര്‍ വിമര്‍ശിച്ചു. പോര്‍ച്ചുഗലിന്റെ തോല്‍വി ആ രാജ്യക്കാര്‍ ഇത്രമേല്‍ ആഘോഷിച്ച മറ്റൊരു സന്ദര്‍ഭമുണ്ടാകില്ല. ബ്രൂണോ ഫെര്‍നാണ്ടസിനെയും സംഘത്തെയും പോര്‍ച്ചുഗല്‍ ടീം ആരാധകര്‍ കൂക്കിവിളിക്കുകയും ചെയ്‌തു. മത്സരത്തിനിടെ റൊണാള്‍ഡോ-ഗ്രേറ്റസ്‌റ്റ്‌ ഓഫ്‌ ഓള്‍ ടൈം എന്ന ബാനര്‍ ഉയര്‍ത്തി ആരാധകര്‍ ഇതിഹാസത്തിന്‌ ആദരം അര്‍പ്പിക്കുകയും ചെയ്‌തു.

മത്സരശേഷം മാധ്യമപ്രവര്‍ത്തകരും പരിശീലകനെ അസ്വസ്ഥപ്പെടുത്തുന്ന ചോദ്യങ്ങളുന്നയിച്ചു. ക്രിസ്‌റ്റിയാനോയെ മിസ്‌ ചെയ്യുന്നുണ്ടോ എന്നായിരുന്നു ചോദിച്ചത്‌. ക്ഷുഭിതനായ ജെസ്യൂസ്‌ തിരിച്ചു ചോദിച്ചത്‌ എന്തിനാണ്‌ അദ്ദേഹത്തെ മിസ്‌ ചെയ്യുന്നത്‌ എന്നാണ്‌. റൊണാള്‍ഡോ ഇപ്പോള്‍ ടീമിന്റെ ഭാഗമല്ല, വിരമിക്കാന്‍ സ്വയം തീരുമാനിമെടുത്തയാളാണ്‌ - ജെസ്യൂസ്‌ പറഞ്ഞു. റൊണാള്‍ഡോയെ കുറിച്ചുള്ള കൂടുതല്‍ ചോദ്യങ്ങള്‍ക്ക്‌ മറുപടി നല്‍കാന്‍ തയ്യാറാകാതെ ജെസ്യൂസ്‌ പെട്ടെന്ന്‌ തന്നെ വാര്‍ത്താ സമ്മേളനം അവസാനിപ്പിച്ചു.

നിലവില്‍ 5 മത്സരങ്ങളില്‍ നിന്ന്‌ 12 പോയിന്റുമായി പോര്‍ച്ചുഗല്‍ തന്നെയാണ്‌ ഗ്രൂപ്പില്‍ മുന്നിലുള്ളത്‌. ചൊവ്വാഴ്‌ച വെയില്‍സിനെതിരെ നടക്കുന്ന മത്സരത്തില്‍ സമനില നേടിയാല്‍ പോലും പോര്‍ച്ചുഗലിന്‌ ഗ്രൂപ്പ്‌ ചാമ്പ്യന്‍മാരായി ക്വാര്‍ട്ടറിലേക്ക്‌ മുന്നേറാം.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

നിരാശപ്പെടുത്തി രോഹിത്തും കോലിയും, അവസാന ഏകദിനത്തിലും ഇന്ത്യയ്ക്ക് അടിതെറ്റി; കിവീസിന് 210 റൺസ് ലക്ഷ്യം

Sajish A — Sun, 15 Nov 2026 11:23:17 +0530

വെല്ലിംഗ്ടണ്‍: ഇന്ത്യക്കെതിരായ ഏകദിന പരമ്പരയിലെ അവസാന മത്സരത്തില്‍ ന്യൂസിലന്‍ഡിന് 210 റണ്‍സ് വിജയലക്ഷ്യം. ടോസ് നഷ്ടമായി ആദ്യം ബാറ്റ് ചെയ്ത ഇന്ത്യ 42.1 ഓവറില്‍ 209 റണ്‍സിന് ഓള്‍ ഔട്ടായി. 46 റണ്‍സ് വീതമെടുത്ത അക്സര്‍ പട്ടേലും ഇഷാന്‍ കിഷനുമാണ് ഇന്ത്യയുടെ ടോപ് സ്കോറര്‍മാര്‍. രോഹിത് ശര്‍മ ഏഴും വിരാട് കോലി അഞ്ചും ക്യാപ്റ്റൻ ശ്രേയസ് അയ്യര്‍ 22 ഉം റണ്‍സെടുത്ത് പുറത്തായി. ന്യൂസിലന്‍ഡിനായി ജേക്കബ് ഡഫിയും ക്യാപ്റ്റൻ മിച്ചല്‍ സാന്‍റ്നറും 3 വിക്കറ്റ് വീതം വീഴ്ത്തിയപ്പോള്‍ മാത്യു ഫിഷര്‍ രണ്ട് വിക്കറ്റെടുത്തു.

ടോസ് നഷ്ടത്തിന് പിന്നാലെ ക്രീസിലിറങ്ങിയ ഇന്ത്യക്ക് ആറാം ഓവറില്‍ തന്നെ തിരിച്ചടിയേറ്റു. പരമ്പരയില്‍ ഇതുവരെ ഫോമിലേക്ക് ഉയരാന്‍ കഴിയാതിരുന്ന രോഹിത് ശര്‍മ 13 പന്തില്‍ 7 റണ്‍സെടുത്ത് മാത്യു ഫിഷറിന് വിക്കറ്റ് സമ്മാനിച്ച് മടങ്ങി. എട്ടാം ഓവറില്‍ വിരാട് കോലിയും വീണു. അഞ്ച് റണ്‍സെടുത്ത കോലിയെ മാത്യു ഫിഷറാണ് മടക്കിയത്. 18 റണ്‍സെടുത്ത റുതുരാജ് ഗെയ്ക്‌വാദും 22 റണ്‍സെടുത്ത ക്യാപ്റ്റൻ ശ്രേയസ് അയ്യരും ചേര്‍ന്ന് ഇന്ത്യയെ കരകയറ്റുമെന്ന് കരുതിയെങ്കിലും ആ പ്രതീക്ഷയും അധികം നീണ്ടില്ല.

EVEN ONE HAND IS ENOUGH

A hand off the bat, but Ishan Kishan still sends it sailing on the grass banks!

Watch HERO VIDA India Tour of New Zealand, 5th ODI, LIVE NOW on Sony Sports Network TV channels, Sony Vizha & Sony LIV.

#SonySportsNetwork #SonyVizha #SonyLIV #NZvIND

— Sony Sports Network (@SonySportsNetwk) November 15, 2026

ഒമ്പതാം ഓവറില്‍ റുതുരാജ് മടങ്ങിയതോടെ ഇന്ത്യ 34-3ലേക്ക് വീണു. പിന്നീട് ശ്രേയസും അക്സര്‍ പട്ടേലും ചേര്‍ന്ന് ഇന്ത്യയെ 86 റണ്‍സിലെത്തിച്ചെങ്കിലും 22 റണ്‍സെടുത്ത ശ്രേയസിനെ മടക്കി ടിക്നര്‍ കൂട്ടുകെട്ട് പൊളിച്ചുയ അക്സറും ഇഷാന്‍ കിഷനും ചേര്‍ന്ന കൂട്ടുകെട്ട് ഇന്ത്യക്ക് മാന്യമായ സ്കോര്‍ ഉറപ്പാക്കാന്‍ പൊരുതിയെങ്കിലും സ്കോര്‍ 121ൽ നില്‍ക്കെ അക്സറിനെ(46) മടക്കിയ ബ്രേസ്‌വെല്‍ ആ പ്രതീക്ഷയും തകര്‍ത്തു.

Rohit Sharma gone

Fisher taken first wicket

#NZvIND https://t.co/kMvomOVw2a

— Sanjay Pipariya (@SanjayPipariya) November 15, 2026

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

നമന്‍ ധിര്‍(22) ഇഷാന്‍ കിഷന് പിന്തുണ നല്‍കിയെങ്കിലും സ്കോര്‍ 150 കടന്നതിന് പിന്നാലെ മടങ്ങിയതോടെ ഇന്ത്യയുടെ പ്രതീക്ഷയറ്റു. അവസാന ബാറ്റര്‍മാരായ മുഹമ്മദ് സിറാജും(14), അര്‍ഷ്ദീപ് സിംഗും(4 പന്തില്‍ 14)നടത്തിയ ചെറുത്തു നില്‍പാണ് ഇന്ത്യയെ 200 കടത്തിയത്. പരമ്പരയിലെ ആദ്യ രണ്ട് കളികളും ജയിച്ച ഇന്ത്യ 2-1ന് മുന്നിലാണ്. മൂന്നാം മത്സരം മഴ മുടക്കിയപ്പോള്‍ നാലാം മത്സരത്തില്‍ ന്യൂസിലന്‍ഡ് കൂറ്റൻ ജയം നേടിയിരുന്നു.

ജപ്പാന്റെ വിജയഗോളില്‍ രൂക്ഷ തര്‍ക്കം, റഫറിയെ ചോദ്യം ചെയ്‌ത്‌ ബ്രസീല്‍, ആഞ്ചലോട്ടിക്കും റഫീഞ്ഞക്കും ചുവപ്പ്‌ കാര്‍ഡ്‌

Vipulnath P — Sun, 15 Nov 2026 11:14:46 +0530

സിംഗപ്പൂരിലെ നാഷണല്‍ സ്റ്റേഡിയത്തില്‍ നടന്ന അന്താരാഷ്ട്ര സൗഹൃദ ഫുട്‌ബോളില്‍ ബ്രസീലിനെ ഇഞ്ചുറി ടൈമില്‍ വീഴ്‌ത്തി ജപ്പാന്‍ (3-2). ജപ്പാന്റെ വിജയഗോളിന്‌ തൊട്ടുമുമ്പ്‌ ഫൗള്‍ ഉണ്ടായിരുന്നുവെന്ന്‌ ആരോപിച്ച്‌ ബ്രസീല്‍ ടീം അംഗങ്ങള്‍ റഫറിയോട്‌ തട്ടിക്കയറിയതായിരുന്നു വിവാദ നിമിഷങ്ങള്‍. ബ്രസീല്‍ കോച്ച്‌ കാര്‍ലോ ആഞ്ചലോട്ടിക്കും ബെഞ്ചിലുണ്ടായിരുന്ന ക്യാപ്‌റ്റന്‍ റാഫീഞ്ഞയ്‌ക്കും ചുവപ്പ്‌ കാര്‍ഡ്‌ കണ്ടു.

കുബോ (15), നകാമുറ (19), സകാമോടോ (90+1) എന്നിവരാണ്‌ ജപ്പാന്റെ സ്‌കോറര്‍മാര്‍. വിനീഷ്യസ്‌ ജൂനിയര്‍ (33,75) ഇരട്ടഗോളുകള്‍ നേടിയതാണ്‌ ബ്രസീലിന്‌ തിരിച്ചുവരവൊരുക്കിയത്‌.

2026 ലോകകപ്പ്‌ പ്രീക്വാര്‍ട്ടറില്‍ ബ്രസീലിനോട്‌ 2-1ന്‌ തോറ്റതിന്റെ കണക്ക്‌ ജപ്പാന്‍ തീര്‍ക്കുകയായിരുന്നു. അവസാനം കളിച്ച പതിമൂന്ന്‌ മത്സരങ്ങളില്‍ ജപ്പാനോട്‌ ബ്രസീല്‍ വഴങ്ങുന്ന രണ്ടാം തോല്‍വിയാണിത്‌. കഴിഞ്ഞ വര്‍ഷം ഒക്ടോബറില്‍ ടോക്കിയോയിലും ജപ്പാന്‍ 3-2ന്‌ ജയിച്ചിരുന്നു.

ആദ്യ 19 മിനിറ്റിനുള്ളില്‍ രണ്ട്‌ ഗോളുകള്‍ നേടി ജപ്പാന്‍ ആഞ്ചലോട്ടിയുടെ മഞ്ഞപ്പടയെ ഞെട്ടിച്ചു. ബ്രൂണോ ഗ്യുമറസിന്റെ അസിസ്‌റ്റില്‍ നിന്ന്‌ കണ്ണഞ്ചിപ്പിക്കുന്ന ലോംഗ്‌ റേഞ്ച്‌ ഗോളുകളിലൂടെ വിനീഷ്യസ്‌ ജൂനിയര്‍ നേടിയ രണ്ട്‌ ഗോളുകള്‍ ജപ്പാനെ ഞെട്ടിച്ചു. എന്നാല്‍, ഇഞ്ചുറി ടൈമില്‍ പകരക്കാരനായി ഇറങ്ങിയ തസുഹിരോ സകാമോട്ടോ ബ്രസീലിന്‌ പ്രഹരമേല്‍പ്പിച്ചുകൊണ്ട്‌ വിജയഗോള്‍ നേടി.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

'അവർ ആഘോഷിക്കട്ടെ'; പാക്കിസ്ഥാനെതിരായ ഇന്ത്യൻ താരങ്ങളുടെ വിജയാഘോഷത്തെ ന്യായീകരിച്ച് ബിസിസിഐ

Gopalakrishnan C — Sun, 15 Nov 2026 10:39:45 +0530

മസ്കറ്റ്: അണ്ടർ-19 ഏഷ്യാ കപ്പ് ഫൈനലിൽ പാക്കിസ്ഥാനെതിരെ നേടിയ ആവേശജയത്തിന് പിന്നാലെ ഇന്ത്യൻ താരങ്ങളുടെ വിജയാഘോഷത്തെച്ചൊല്ലി ഉയർന്ന വിവാദങ്ങളിൽ ടീമിന് പിന്തുണയുമായി ബിസിസിഐ സെക്രട്ടറി ദേവജിത് സൈക്കിയ. തോൽവിയുടെ വക്കിൽ നിന്ന് പൊരുതി നേടിയ വിജയത്തിന് ശേഷം വികാരങ്ങൾ പ്രകടിപ്പിക്കാനും ആഘോഷിക്കാനും യുവതാരങ്ങൾക്ക് അവകാശമുണ്ടെന്ന് സൈക്കിയ വ്യക്തമാക്കി.

ശനിയാഴ്ച ഒമാനിൽ നടന്ന ഫൈനലിൽ ഒരു വിക്കറ്റിനായിരുന്നു ഇന്ത്യയുടെ ത്രസിപ്പിക്കുന്ന ജയം. മത്സരശേഷം ഇന്ത്യൻ താരങ്ങൾ നടത്തിയ ആവേശകരമായ വിജയാഘോഷത്തെക്കുറിച്ച് പ്രതികരിക്കുകയായിരുന്നു സൈക്കിയ. അത് അവരുടെ പോരാട്ടവീര്യത്തെയും ആത്മവിശ്വാസത്തെയുമാണ് കാണിക്കുന്നത്. എത്രത്തോളം ആകാംക്ഷ നിറഞ്ഞ മത്സരമായിരുന്നു അതെന്ന് ഓർക്കുക. ഒരു ഘട്ടത്തിൽ കളി ഇന്ത്യയുടെ കൈവിട്ടുപോയെന്ന് തോന്നിച്ചതാണ്. എന്നിട്ടും ഇന്ത്യ വിജയിച്ചു. ഒരിക്കലും തോൽക്കാൻ മനസില്ലാത്ത അവരുടെ മനോഭാവത്തെയാണ് ഇത് സൂചിപ്പിക്കുന്നതെന്നും സൈക്കിയ പറഞ്ഞു. ഇത്രയും പ്രയാസകരമായ സാഹചര്യത്തിൽ നിന്ന് ഒരു മത്സരം ജയിക്കുമ്പോൾ ആഘോഷിക്കാൻ അവർ തീർച്ചയായും അർഹരാണെന്നും അതിന് അവരെ അനുവദിക്കണമെന്നും സൈക്കിയ കൂട്ടിച്ചേർത്തു.

Young Indian player's aggression to Trophy Chor Porkistan #INDvsPAK #U19Asiacupfinal #BCCI https://t.co/eVaZy9YAIb

— ꯭⃟۞°꯭꯭°︦︦︦⚜{Prayagraj™} (@Shyama374000) November 14, 2026

വിവാദത്തിന് പിന്നിലെന്ത്?

ആദ്യം ബാറ്റ് ചെയ്ത പാക്കിസ്ഥാൻ ഉയർത്തിയ 337 റൺസ് വിജയലക്ഷ്യം അവസാന പന്തിലാണ് ഇന്ത്യ മറികടന്നത്. ഒരു ഘട്ടത്തിൽ എട്ട് വിക്കറ്റ് നഷ്ടത്തിൽ 51 പന്തിൽ 86 റൺസ് വേണമെന്ന അതീവ ദുഷ്കരമായ അവസ്ഥയിലായിരുന്നു ഇന്ത്യ. എന്നാൽ ഒമ്പതാം വിക്കറ്റിൽ ഒന്നിച്ച മണാൽ ചൗഹാനും (32 പന്തിൽ 47) മോഹിത് ഉൽവയും (26 പന്തിൽ പുറത്താകാതെ 49) ഇന്ത്യയ്ക്ക് പുതുജീവൻ നൽകി. ചിഗുരുപാട്ടി വെങ്കടയും നിർണ്ണായക സംഭാവന നൽകി. അവസാന പന്തിൽ ബൗണ്ടറി നേടി മോഹിത് ഉൽവയാണ് ഇന്ത്യയ്ക്ക് അവിസ്മരണീയ വിജയം സമ്മാനിച്ചത്.

This Is Peak Cinema

#U19AsiaCupfinal #U19AsiaCup2026 https://t.co/Aod4WHclWN

— Akshay (@Akshayk_2255) November 14, 2026

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

വിജയത്തിന് പിന്നാലെ ഇന്ത്യൻ താരങ്ങൾ മൈതാനത്തേക്ക് ഓടിയിറങ്ങുകയും മോഹിത് ഉൽവ ദേശീയ പതാക പുതച്ച് ആഹ്ളാദം പ്രകടിപ്പിക്കുകയും ചെയ്തു. എന്നാൽ, ആഘോഷത്തിനിടെ ചില ഇന്ത്യൻ താരങ്ങൾ പാക്കിസ്ഥാൻ വിക്കറ്റ് കീപ്പർ ഹംസ സഹൂറിനും സഹതാരങ്ങൾക്കും നേരെ പ്രകോപനരമായ ആംഗ്യങ്ങൾ കാണിക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് വിമർശനങ്ങൾ ഉയർന്നത്. ആഘോഷങ്ങൾക്കിടെ ഇന്ത്യൻ സപ്പോർട്ട് സ്റ്റാഫ് അംഗങ്ങൾ ഇടപെടുന്നതും ദൃശ്യങ്ങളിലുണ്ടായിരുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

അതിര് കടന്നോ ആഘോഷങ്ങൾ?

ഏഷ്യാ കപ്പ് ഫൈനലിൽ പാക്കിസ്ഥാനെതിരെ അസാധ്യമെന്ന് കരുതിയ നിലയിൽ നിന്ന് തിരിച്ചുവന്ന് നേടിയ വിജയം ആഘോഷിക്കാൻ യുവതാരങ്ങൾക്ക് അർഹതയുണ്ടെന്ന കാര്യത്തിൽ തർക്കമില്ല. എന്നാൽ, വലിയൊരു വിജയത്തിന്റെ ആവേശം പ്രകടിപ്പിക്കുന്നതും പരാജയപ്പെട്ട് നിൽക്കുന്ന എതിർ താരങ്ങൾക്ക് നേരെ പ്രകോപനപരമായ ആംഗ്യങ്ങൾ കാണിക്കുന്നതും തമ്മിൽ വ്യത്യാസമുണ്ടെന്നാണ് ഒരു വിഭാഗം ആരാധകർ ചൂണ്ടിക്കാണിക്കുന്നത്. ഇന്ത്യ-പാക് ഫൈനലിന്‍റെ സമ്മർദ്ദം സ്വാഭാവികമാണെങ്കിലും, താരങ്ങളുടെ എല്ലാ പ്രവൃത്തികളെയും അത് ന്യായീകരിക്കുന്നില്ലെന്ന വിമർശനവും ഉയരുന്നുണ്ട്. എന്നാൽ, താരങ്ങളുടെ ആഘോഷങ്ങളെ ടീമിന്‍റെ പോരാട്ടവീര്യത്തിന്റെ പ്രകടനമായി മാത്രമാണ് ബിസിസിഐ കാണുന്നതെന്ന് സെക്രട്ടറി ദേവജിത് സൈക്കിയ വ്യക്തമാക്കിയതോടെ വിവാദങ്ങളിൽ ബോർഡിന്‍റെ നിലപാട് വ്യക്തമായിരിക്കുകയാണ്.

ചുവപ്പ്‌ കാര്‍ഡും പരിക്കുകളും തൃശൂരിനെ വലച്ചു, വിജയത്തോടെ മലപ്പുറം സൂപ്പര്‍ ലീഗ്‌ കേരളയില്‍ രണ്ടാം സ്ഥാനത്തേക്ക്‌ ഉയര്‍ന്നു

Web Desk — Sun, 15 Nov 2026 09:45:49 +0530

തൃശൂർ: സ്വന്തം തട്ടകത്തില്‍ ആദ്യപകുതിയില്‍ തന്നെ ആള്‍ബലം കുറഞ്ഞിട്ടും തൃശൂര്‍ മാജിക്‌ എഫ്‌ സിയുടെ കിടിലന്‍ പോരാട്ടം. മലപ്പുറത്തെ അടിമുടി വിറപ്പിച്ച ശേഷം കീഴടങ്ങൽ. 2-1ന്‌ മത്സരം ജയിച്ച മലപ്പുറം എഫ്‌ സി സൂപ്പര്‍ ലീഗ്‌ കേരളയുടെ പോയന്റ്‌ പട്ടികയില്‍ രണ്ടാം സ്ഥാനത്തേക്ക്‌ ഉയര്‍ന്നു. എട്ട്‌ മത്സരങ്ങളില്‍ മലപ്പുറത്തിന്‌ 14 പോയിന്റ്‌. ഏഴ്‌ പോയന്റുമായി തൃശൂര്‍ അഞ്ചാം സ്ഥാനത്ത്‌. കോർപറേഷൻ സ്റ്റേഡിയത്തിൽ നടന്ന മത്സരത്തിൽ എൽഫോഴ്സിയും ഗ്രെയ്‌സ് ഒബിയാങുമാണ് മലപ്പുറത്തിനായി വലകുലുക്കിയത്. ശിലാജിത് സന്ത്ര തൃശൂരിന്റെ ആശ്വാസഗോൾ നേടി. ആദ്യപകുതിയിൽ പ്രതിരോധതാരം ഹരികൃഷ്ണൻ ചുവപ്പുകാർഡ് കണ്ട് പുറത്തായതോടെ തൃശൂർ പത്തുപേരുമായാണ് മത്സരം പൂർത്തിയാക്കിയത്.

മത്സരം തുടങ്ങി ഏഴാം മിനിറ്റിൽ തന്നെ തൃശൂരിന് ആദ്യ തിരിച്ചടി. നായകൻ മെയിൽസൺ ആൽവസ് പരിക്കേറ്റ് കളംവിട്ടതോടെ പ്രതിരോധത്തിൽ ഹരികൃഷ്ണൻ പകരക്കാരനായെത്തി. 18-ാം മിനിറ്റിൽ അബ്ദുൽ സമദിനും പരിക്കിനെത്തുടർന്ന് മടങ്ങേണ്ടിവന്നു. കളിയുടെ ആദ്യ ഘട്ടത്തിൽത്തന്നെ രണ്ട് പ്രധാന താരങ്ങളെ നഷ്ടമായത് തൃശൂരിന്റെ തന്ത്രങ്ങൾക്ക് തിരിച്ചടിയായി. ആതിഥേയർക്ക് തുടക്കത്തിലേ പരീക്ഷണവേള. 27-ാം മിനിറ്റിൽ രണ്ട് എതിർതാരങ്ങളെ വെട്ടിയൊഴിഞ്ഞ് എൽഫോഴ്സി ബോക്സിന് പുറത്ത് നിന്ന് നിലംപറ്റെ അടിച്ച ഷോട്ട് തൃശൂർ ഗോൾകീപ്പർ കമാലുദ്ധീൻ രക്ഷപ്പെടുത്തി.

40-ാം മിനിറ്റിൽ ബോക്സിന് തൊട്ടുപുറത്ത് ഹാദ്സിച്ചിനെ ഫൗൾ ചെയ്ത തൃശൂരിന്റെ ഹരികൃഷ്ണന് ചുവപ്പുകാർഡ്. തുടർന്നുള്ള ഫ്രീകിക്ക് എൽഫോഴ്സി കൃത്യമായി വലയിലെത്തിച്ചതോടെ മലപ്പുറത്തിന് ലീഡ് (1–0). എന്നാൽ ആദ്യ പകുതിയുടെ ഇഞ്ചുറി ടൈമിൽ തൃശൂർ തിരിച്ചടിച്ചു. വലതുവിങ്ങിൽ നിന്ന് ശിലാജിത് സന്ത്ര തൊടുത്ത ഫ്രീകിക്ക് ക്ലിയർ ചെയ്യുന്നതിൽ മലപ്പുറം പ്രതിരോധനിരയ്ക്കും ഗോൾകീപ്പർക്കും പിഴച്ചു. ആശയക്കുഴപ്പത്തിനിടെ പന്ത് വലയിലേക്ക് കയറിയതോടെ തൃശൂർ ഒപ്പമെത്തി (1–1).

രണ്ടാം പകുതി തുടങ്ങി രണ്ടാം മിനിറ്റിൽ തന്നെ മലപ്പുറത്തിന് സുവർണാവസരം. മഹ്ദിയുടെ പാസിൽ എൽഫോഴ്സിയുടെഷോട്ട് ഗോൾകീപ്പർ കമാലുദ്ധീൻ തട്ടിയകറ്റി. നിരന്തരം ആക്രമണങ്ങൾ നയിച്ച മലപ്പുറത്തെ പത്തുപേരുമായി ചെറുക്കുന്നതിനിടെ 86-ാം മിനിറ്റിൽ തൃശൂർ ഗോൾ വഴങ്ങി. എൽഫോഴ്സിയുടെ പാസ് ഓടിപ്പിടിച്ച ഗ്രെയ്‌സ് ഒബിയാങ് കൃത്യമായി ഫിനിഷ് ചെയ്തു (2-1). 6964 പേർ മത്സരം കാണാനെത്തി.

എട്ടാം റൗണ്ടിലെ അവസാന മത്സരത്തിൽ ഞായറാഴ്ച (നവംബർ 15) കാലിക്കറ്റ്‌ എഫ്സി, കണ്ണൂർ വാരിയേഴ്‌സ് എഫ്സിയെ നേരിടും. കോഴിക്കോട് ഇ എം എസ് കോർപ്പറേഷൻ സ്റ്റേഡിയമാണ് വേദി. കിക്കോഫ് രാത്രി 7.30ന്. ഇരു ടീമുകളും ആദ്യ പാദത്തിൽ മത്സരിച്ചപ്പോൾ ഒരു ഗോളിന് കാലിക്കറ്റ്‌ വിജയിച്ചു.

മത്സരം തത്സമയം കാണാൻ: സീ5 (ഇന്ത്യ), ഇത്തിസാലാത്ത് ടിവി (യുഎഇ), സ്റ്റാർസ്പ്ലേ (മിഡിൽ ഈസ്റ്റ് & വടക്കേ ആഫ്രിക്ക മേഖല)

ടിക്കറ്റുകൾക്ക് https://wwwu.superleaguekerala.com/tickets സന്ദർശിക്കുക. സ്റ്റേഡിയത്തിലെ ബോക്സ് ഓഫീസുകളിലും ടിക്കറ്റ് ലഭിക്കും.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ഈ അഞ്ച്‌ താരങ്ങള്‍ ജനുവരി ട്രാന്‍സ്‌ഫറില്‍ മാഞ്ചസ്‌റ്റര്‍ യുനൈറ്റഡിലെത്തിയേക്കും; നീക്കങ്ങള്‍ ആരംഭിച്ച്‌ മൗറീസിയോ പോചെറ്റീനോ

Vipulnath P — Sat, 14 Nov 2026 19:57:31 +0530

മൈക്കല്‍ കാരിക്ക്‌ യുഗം മാഞ്ചസ്റ്റര്‍ യുനൈറ്റഡില്‍ അവസാനിച്ചു. നവംബര്‍ 22ന്‌ മാഞ്ചസ്റ്റര്‍ യുനൈറ്റഡ്‌ ലിവര്‍പൂളിനെ നേരിടുമ്പോള്‍ പുതിയ മാനേജര്‍ മൗറീസിയോ പോചെറ്റീനോയുടെ യുഗം ആരംഭിക്കും. പത്ത്‌ മത്സരങ്ങളില്‍ നിന്ന്‌ എട്ട്‌ പോയിന്റ്‌ മാത്രമുള്ള യുനൈറ്റഡ്‌ ലീഗ്‌ ടേബിളില്‍ പതിനെട്ടാം സ്ഥാനത്താണ്‌. അര്‍ജന്റൈന്‍ പരിശീലകന്‌ മുന്നിലുള്ളത്‌ ചെറിയ ദൗത്യമല്ല. ജനുവരി ട്രാന്‍സ്‌ഫറില്‍ പുതിയ കളിക്കാരെ ടീമിലെത്തിച്ച്‌, വലിയ തോതിലുള്ള ഉടച്ചു വാര്‍ക്കല്‍ നടത്തിയിട്ടില്ലെങ്കില്‍ കാരിക്കിന്റെ അവസ്ഥ തന്നെയാകും പോചെറ്റീനോക്കും. ജനുവരി ട്രാന്‍സ്‌ഫറില്‍ പോചെറ്റീനോ മാഞ്ചസ്‌റ്റര്‍ യുനൈറ്റഡിലെത്തിക്കാന്‍ ഉദ്ദേശിക്കുന്ന അഞ്ച്‌ താരങ്ങളുണ്ട്‌.

1- കാല്‍വിന്‍ ബാസെ (ഫുള്‍ഹാം)

പ്രതിരോധം ശക്തമാക്കാന്‍ ഫുള്‍ഹാമിന്റെ നായകനായ നൈജീരിയന്‍ താരം കാല്‍വിന്‍ ബാസെ ടീമിലെത്തണം. കഴിഞ്ഞ വര്‍ഷം ഫുള്‍ഹാമിന്റെ പ്ലെയര്‍ ഓഫ്‌ ദ സീസണ്‍ ആയിരുന്നു കാല്‍വിന്‍. ഡെയ്‌ലിമെയില്‍ റിപ്പോര്‍ട്ട്‌ ചെയ്യുന്നത്‌ മാഞ്ചസ്‌റ്റര്‍ യുനൈറ്റഡിന്റെ സെന്റര്‍ ബാക്ക്‌ സൈനിംഗില്‍ കാല്‍വിന്‍ ഉണ്ടാകുമെന്നാണ്‌. ലെഫ്‌റ്റ്‌ബാക്കിലും കാല്‍വിന്‌ കളിക്കാന്‍ കഴിയുമെന്നത്‌ ശ്രദ്ധേയം.

2- ഫൊലാരിന്‍ ബലോഗണ്‍ (മൊണാക്കോ)

യു എസ്‌ എയുടെ സ്‌ട്രൈക്കറാണ്‌ ബലോഗണ്‍. മൗറീസിയോ പോചെറ്റീനോ യു എസ്‌ എ ടീമിനെ ഒരുക്കിയത്‌ തന്നെ ബലോഗണ്‍ എന്ന ഗോളടിയന്ത്രത്തെ മുന്‍നിര്‍ത്തിയാണ്‌. ഫ്രാന്‍സില്‍ മൊണാക്കോയുടെ താരമായ ബലോഗണ്‍ ഓള്‍ഡ്‌ട്രഫോര്‍ഡ്‌ ക്ലബ്ബിലെത്തുമെന്ന്‌ ടീംടോക്ക്‌ റിപ്പോര്‍ട്ട്‌ ചെയ്‌തു.

3- ടെയ്‌ലര്‍ ആഡംസ്‌ (ബേണ്‍മൗത്ത്‌)

27 വയസുള്ള ടെയ്‌ലര്‍ ആഡംസ്‌ പ്രീമിയര്‍ ലീഗിലെ മികച്ച ഡിഫന്‍സീവ്‌ മിഡ്‌ഫീല്‍ഡര്‍മാരിലൊരാളാണ്‌. പ്രസ്സിംഗ്‌ ചെയ്യാനും ഡിഫന്‍ഡ്‌ ചെയ്യാനും മിഡ്‌ഫീല്‍ഡില്‍ പൊസെഷന്‍ ചെയ്യാനും ഒരു പോലെ ഊര്‍ജസ്വലത കാണിക്കുന്ന പ്ലെയര്‍. എന്‍ ബി സി സ്‌പോര്‍ട്‌സ്‌ നല്‍കുന്ന സൂചന ആഡംസ്‌ മാഞ്ചസ്‌റ്റര്‍ യുനൈറ്റഡിലെത്തുമെന്നാണ്‌.

4- മാലോ ഗുസ്‌തോ, (ചെല്‍സി)

പോചെറ്റീനോ ചെല്‍സി കോച്ചായിരുന്നപ്പോള്‍ മാലോ ഗുസ്‌തോ ടീമിലെ പ്രധാനിയായിരുന്നു. ഫ്രഞ്ച്‌ റൈറ്റ്‌ ബാക്ക്‌ 2023-24 സീസണില്‍ ഒമ്പത്‌ അസിസ്റ്റുകളാണ്‌ നടത്തിയത്‌. സാബി അലോണ്‍സോക്ക്‌ കീഴില്‍ ഗുസ്‌തോക്ക്‌ വലിയ റോള്‍ ഇല്ല. സീസണില്‍ മൂന്ന്‌ മത്സരങ്ങളില്‍ മാത്രമാണ്‌ സ്‌റ്റാര്‍ട്ടിംഗ്‌ ലൈനപ്പില്‍ ഇടം ലഭിച്ചത്‌. പോചെറ്റീനോയുടെ യുനൈറ്റഡ്‌ നിരയില്‍ ഗുസ്‌തോ ഇടം പിടിച്ചേക്കും.

5- അന്റോണീ റോബിന്‍സന്‍ (ഫുള്‍ഹാം)

യു എസ്‌ എ ടീമില്‍ പോചെറ്റീനോക്ക്‌ കീഴില്‍ കളിച്ച താരം. ഫുള്‍ഹാം ലെഫ്‌റ്റ്‌ ബാക്ക്‌ സ്ഥിരമായി പോചെറ്റീനോയുടെ സ്‌റ്റാര്‍ട്ടിംഗ്‌ ലൈനപ്പില്‍ കളിക്കുന്ന താരമാണ്‌. 2028 വരെ ഫുള്‍ഹാമുമായി കരാറുണ്ട്‌. ഈ സീസണില്‍ ലീഗില്‍ എല്ലാ മത്സരത്തിലും ആദ്യ ഇലവനില്‍ കളിച്ചു. പക്ഷേ, ഗോളൊന്നുമില്ല, അസിസ്‌റ്റും. കഴിഞ്ഞ സീസണില്‍ പത്ത്‌ അസിസ്റ്റുകളുണ്ടായിരുന്നു. യുനൈറ്റഡിന്റെ ലെഫ്‌റ്റ്‌ ബാക്ക്‌ പൊസിഷന്‍ കരുത്തുറ്റതാക്കാന്‍ പോചെറ്റീനോ തീരുമാനിച്ചാല്‍ ജനുവരി ട്രാന്‍സ്‌ഫറില്‍ റോബിന്‍സന്‍ റെഡ്‌ ഡെവിള്‍സ്‌ നിരയിലെത്തും.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ലാസ്റ്റ് ബോള്‍ ത്രില്ലർ, അണ്ടര്‍ 19 ഏഷ്യാ കപ്പില്‍ പാകിസ്ഥാനെ അടിച്ചൊതുക്കി ഇന്ത്യക്ക് കിരീടം

Deepu Divakaran — Sat, 14 Nov 2026 19:08:04 +0530

മസ്കറ്റ്:അണ്ടര്‍ 19 ഏഷ്യാ കപ്പില്‍ ആവേശം അവസാന പന്തിലേക്ക് നീണ്ട കലാശപ്പോരാട്ടത്തില്‍ പാകിസ്ഥാനെ ഒരു വിക്കറ്റിന് തകര്‍ത്ത് ഇന്ത്യക്ക് കിരീടം.പാകിസ്ഥാന്‍ ഉയര്‍ത്തിയ 338 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ അവസാന പന്ത് ബൗണ്ടറി കടത്തിയാണ് ലക്ഷ്യത്തിലെത്തിയത്.

ഒരു വിക്കറ്റ് മാത്രം കൈയിലിരിക്കെ അവസാന ഓവറില്‍ 8 റണ്‍സായിരുന്നു ഇന്ത്യക്ക് ജയിക്കാന്‍ വേണ്ടിയിരുന്നത്. ലെഗ് സ്പിന്നറായ അഹമ്മദ് ഹുസൈന്‍ എറിഞ്ഞ ആദ്യ അഞ്ച് പന്തുകളില്‍ 5 റണ്‍സ് മാത്രം നേടിയതോടെ അവസാന പന്തില്‍ ഇന്ത്യയുടെ ലക്ഷ്യം മൂന്ന് റണ്‍സായി. പത്താമനായി ക്രീസിലെത്തി അവിശ്വസനീയ പോരാട്ടം കാഴ്ചവെച്ച മോഹിത് ഉല്‍വ അവസാന പന്ത് ബൗണ്ടറി കടത്തി ഇന്ത്യക്ക് അവിശ്വസനീയ ജയം സമ്മാനിച്ചു. കഴിഞ്ഞ ഏഷ്യാ കപ്പില്‍ ഇന്ത്യയെ തോല്‍പിച്ച് കിരീടം നേടിയ പാകിസ്ഥാനോടുള്ള മധുരപ്രതികാരം കൂടിയായി ഇന്ത്യയുടെ കിരീടനേട്ടം. ഇന്ത്യയുടെ ഒൻപതാം അണ്ടർ 19 ഏഷ്യാ കപ്പ് കിരീടമാണിത്. സ്കോര്‍: പാകിസ്ഥാന്‍ 50 ഓവറില്‍ 337-8, ഇന്ത്യ 50 ഓവറില്‍ 339-9.

INDIA, AGAINST ALL ODDS!

From the brink of defeat to the top of Asia! Mohit Ulva delivers a knock to remember, sealing a sensational win for India in the U19 Asia Cup final against Pakistan!

#SonySportsNetwork #SonyLIV #PAKvIND https://t.co/tcdZduKIs4

— Sony Sports Network (@SonySportsNetwk) November 14, 2026

ഒമ്പതാം വിക്കറ്റില്‍ മണാല്‍ ചൗഹാനൊപ്പം(32 പന്തില്‍ 47) 57 റണ്‍സ് കൂട്ടിച്ചേര്‍ത്ത മോഹിത് ഉല്‍വ അവസാന ബാറ്ററായ ചിഗുരിപതി വെങ്കടിനൊപ്പം 16 പന്തിൽ 30 റണ്‍സ് കൂടി അടിച്ചെടുത്താണ് ഇന്ത്യക്ക് ആവേശജയം സമ്മാനിച്ചത്. 26 പന്തില്‍ 5 ഫോറും മൂന്ന് സിക്സും പറത്തിയ മോഹിത് ഉല്‍വയും അവസാന ബാറ്ററായി ക്രീസിലെത്തി 8 പന്തില്‍ 11 റണ്‍സുമായി പുറത്താകാതെ നിന്ന വെങ്കടയും ഇന്ത്യൻ ജയത്തില്‍ നിര്‍ണായക പങ്കുവഹിച്ചു. നേരത്തെ ക്യാപ്റ്റൻ ലക്ഷ്യ രാജേഷിന്‍റെയും(80) ആര്യവീർ സെവാഗിന്‍റെയും(58) അര്‍ധസെഞ്ചുറികളുടെ കരുത്തില്‍ മികച്ച തുടക്കമിട്ട ഇന്ത്യക്ക് മധ്യ ഓവറുകളില്‍ അടിതെറ്റിയിരുന്നു.

ഓപ്പണിംഗ് വിക്കറ്റില്‍ 95 റണ്‍സ് കൂട്ടിച്ചേര്‍ത്ത് ആര്യവീര്‍ സെവാഗ് മടങ്ങിയതിനുശേഷം കൃത്യമായ ഇടവേളകളില്‍ വിക്കറ്റ് നഷ്ടമായ ഇന്ത്യ 42-ാം ഓവറില്‍ 252-8ലേക്ക് വീണ് തോല്‍വി ഉറപ്പിച്ചതായിരുന്നു. എന്നാല്‍ ഒമ്പതാം വിക്കറ്റില്‍ അര്‍ധസെഞ്ചുറി കൂട്ടുകെട്ടിലൂടെ ഇന്ത്യക്ക് വിജയപ്രതീക്ഷ നല്‍കിയ മണാല്‍ ചൗഹാനും മോഹിത് ഉല്‍വയും ചേര്‍ന്ന് ഇന്ത്യയെ വീണ്ടും ട്രാക്കിലാക്കി. വിജയത്തിന് 29 റണ്‍സകലെ മണാല്‍ ചൗഹാൻ പുറത്തായതോടെ ഇന്ത്യ വീണ്ടും പ്രതിരോധത്തിലായെങ്കിലും മോഹിത് ഉല്‍വയുടെ വീരോചിത പ്രകടനം ഇന്ത്യക്ക് കിരീടം സമ്മാനിച്ചു.

നേരത്തെ ടോസ് നേടി ബാറ്റിംഗ് തെരഞ്ഞെടുത്ത പാകിസ്ഥാന്‍ ഉസ്മാന്‍ ഖാന്‍റെ സെഞ്ചുറിയുടെയും അബ്ദുള്‍ ഖാദിര്‍, ക്യാപ്റ്റൻ ഫര്‍ഹാന്‍ യൂസഫ് എന്നിവരുടെ അര്‍ധസെഞ്ചുറികളുടെയും കരുത്തില്‍ 50 ഓവറില്‍ 9 വിക്കറ്റ് നഷ്ടത്തില്‍ 337 റണ്‍സടിച്ചു. 111 പന്തില്‍ 107 റണ്‍സെടുത്ത ഉസ്മാന്‍ ഖാന്‍ ആണ് പാകിസ്ഥാന്‍റെ ടോപ് സ്കോറര്‍. അബ്ദുള്‍ ഖാദിർ 54 പന്തില്‍ 80 റണ്‍സെടുത്തപ്പോള്‍ ഫര്‍ഹാന്‍ യൂസഫ് 60 പന്തില്‍ 63 റണ്‍സടിച്ചു. ഇന്ത്യക്കായി കാവ് പട്ടേല്‍ നാലു വിക്കറ്റെടുത്തപ്പോള്‍ ചിഗുരപതി വെങ്കട മൂന്ന് വിക്കറ്റെടുത്തു.

സഞ്ജുവിനും വൈഭവിനും അടിതെറ്റി, മുഷ്താഖ് അലി ട്രോഫിയിൽ ബാറ്റിംഗ് വെടിക്കെട്ടുമായി സൂര്യകുമാർ യാദവ്

Gopalakrishnan C — Sat, 14 Nov 2026 17:04:26 +0530

ചണ്ഡീഗ‍ഡ്: മുഷ്താഖ് അലി ട്രോഫി ടി20 ടൂര്‍ണമെന്‍റില്‍ കേരളത്തിനായി ഇറങ്ങിയ ഇന്ത്യൻ ഓപ്പണര്‍ സഞ്ജു സാംസണ് നിരാശ. മധ്യപ്രദേശിനെതിരായ മത്സരത്തില്‍ ഓപ്പണറായി ഇറങ്ങിയ സഞ്ജു നേരിട്ട ആദ്യ പന്ത് തന്നെ ബൗണ്ടറി കടത്തിയെങ്കിലും മൂന്ന് പന്തില്‍ നാലു റണ്‍സ് മാത്രമെടുത്ത് പുറത്തായി. ആവേശ് ഖാന്‍റെ പന്തില്‍ സഞ്ജു ബൗള്‍ഡാവുകയായിരുന്നു.

ന്യൂസിലന്‍ഡിനെതിരായ ടി20 പരമ്പരയില്‍ ഒരു അര്‍ധസെഞ്ചുറി മാത്രം നേടിയ സഞ്ജുവിന് മുഷ്താഖ് അലി ട്രോഫിയിൽ മികച്ച പ്രകടനം പുറത്തെടുക്കേണ്ടത് അനിവാര്യമാണ്. മധ്യപ്രദേശിനെതിരെ ടോസ് നേടി ബാറ്റിംഗിനിറങ്ങിയ കേരളം പവര്‍ പ്ലേയില്‍ 3 വിക്കറ്റ് നഷ്ടമായി ബാറ്റിംഗ് തകര്‍ച്ചയിലാണ്. ഒടുവിൽ വിവരം ലഭിക്കുമ്പോൾ കേരളം 6 ഓവറില്‍ 3 വിക്കറ്റ് നഷ്ടത്തില്‍ 37 റണ്‍സെന്ന നിലയിലാണ്. 12 റണ്‍സോടെ സല്‍മാന്‍ നിസാറും ആറ് റണ്‍സോടെ അഖില്‍ സ്കറിയയും ക്രീസില്‍. മൂന്ന് പന്തില്‍ നാലു റണ്‍സെടുത്ത സഞ്ജുവിന്‍റെയും 5 പന്തില്‍ ഒരു റണ്‍ മാത്രമെടുത്ത അഹമ്മദ് ഇമ്രാന്‍റെയും 10 റണ്‍സെടുത്ത മുഹമ്മദ് അസറുദ്ദീന്‍റെയും വിക്കറ്റുകളാണ് കേരളത്തിന് പവര്‍ പ്ലേയില്‍ നഷ്ടമായത്. കേരളത്തെ സഞ്ജു നയിക്കുമ്പോള്‍ ആര്‍സിബി നായകനായ രജത് പാട്ടീദാറാണ് മധ്യപ്രദേശിനെ നയിക്കുന്നത്.

ചരിത്രനേട്ടത്തിലും വൈഭവിന് നിരാശ

പതിനഞ്ചാം വയസില്‍ ബിഹാര്‍ നായകനായി അരങ്ങേറി റെക്കോര്‍ഡിട്ടെങ്കിലും മറ്റൊരു ഇന്ത്യൻ ഓപ്പണറായ വൈഭവ് സൂര്യവംശിക്കും ആദ്യ മത്സരത്തില്‍ തിളങ്ങാനായില്ല. സൗരാഷ്ട്രക്കെതിരായ മത്സരത്തില്‍ ബിഹാര്‍ അഞ്ച് വിക്കറ്റിന് തോറ്റപ്പോൾ 12 പന്തില്‍ 18 റണ്‍സെടുത്ത വൈഭവിന് മികച്ച പ്രകടനം പുറത്തെടുക്കാനായില്ല. ആദ്യം ബാറ്റ് ചെയ്ത ബിഹാര്‍ 20 ഓവറില്‍ 9 വിക്കറ്റ് നഷ്ടത്തില്‍ 137 റണ്‍സെടുത്തപ്പോള്‍ സൗരാഷ്ട്ര 16.3 ഓവറില്‍ 5 വിക്കറ്റ് നഷ്ടത്തില്‍ ലക്ഷ്യത്തിലെത്തി. 11 പന്തില്‍ 33 റണ്‍സെടുത്ത ഹര്‍ഷവര്‍ധൻ പംഗാലിയാണ് സൗരാഷ്ട്രയുടെ ടോപ് സ്കോററായത്.ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

വെടിക്കെട്ടുമായി സൂര്യ

വെടിക്കെട്ടുമായി സൂര്യ ഇന്ത്യൻ ക്യാപ്റ്റൻ സ്ഥാനവും ടീമിലെ സ്ഥാനവും നഷ്ടമായ സൂര്യകുമാര്‍ യാദവ് ഹൈദരാബാദിനെതിരെ വെടിക്കെട്ട് അര്‍ധസെഞ്ചുറിയുമായി ടീമിനെ ജയത്തിലേക്ക് നയിച്ചു. മുംബൈ ക്യാപ്റ്റനായ സൂര്യകുമാര്‍ 21 പന്തില്‍ 60 റൺസടിച്ചാണ് ഫോമിലേക്ക് മടങ്ങിയെത്തിയത്. ആദ്യം ബാറ്റ് ചെയ്ത ഹൈരാബാദ് 201 ഓവറില്‍ 172 റണ്‍സെടുത്തപ്പോള്‍ മുംബൈ13.1 ഓവറില്‍ ലക്ഷ്യത്തിലെത്തി. സൂര്യകുമാറിന് പുറമെ മുഷീര്‍ ഖാന്‍ 24 പന്തില്‍ 51 റണ്‍സടിച്ചു.

സൂര്യ ഈസ് ബാക്ക്! സെയ്‌ദ് മുഷ്താഖ് അലി ട്രോഫിയില്‍ 15 പന്തില്‍ ഫിഫ്റ്റി, മുംബൈക്ക് ജയം

Hari Krishnan M — Sat, 14 Nov 2026 14:25:52 +0530

ഇന്ത്യൻ ടീമില്‍ നിന്ന് പുറത്താക്കപ്പെട്ടതിന് പിന്നാലെ ആഭ്യന്തര ക്രിക്കറ്റില്‍ തിളങ്ങി സൂര്യകുമാര്‍ യാദവ്. സെയ്‌ദ് മുഷ്താഖ് അലി ട്രോഫിയില്‍ സീസണിലെ ആദ്യ മത്സരത്തില്‍ ഹൈദരാബാദിനെതിരെ 15 പന്തില്‍ അര്‍ദ്ധ സെഞ്ചുറി നേടി മുംബൈയെ വിജയത്തിലേക്ക് നയിച്ചു. ആദ്യം ബാറ്റ് ചെയ്ത ഹൈദരാബാദ് നിശ്ചിത 20 ഓവറില്‍ 172 റണ്‍സില്‍ ഓള്‍ ഔട്ടാകുകയായിരുന്നു. മറുപടി ബാറ്റിങ്ങില്‍ 41 പന്തുകള്‍ ശേഷിക്കെ ഏഴ് വിക്കറ്റിനായിരുന്നു മുംബൈയുടെ ജയം.

21 പന്തില്‍ 60 റണ്‍സ് നേടിയ സൂര്യകുമാര്‍ പുറത്താകാതെ നിന്നു. ആറ് ഫോറും അഞ്ച് സിക്സും ഉള്‍പ്പെട്ടതായിരുന്നു ഇന്നിങ്സ്. 285 സ്ട്രൈക്ക് റേറ്റിലാണ് സൂര്യകുമാര്‍ ബാറ്റ് ചെയ്തത്. സൂര്യക്ക് പുറമെ മുഷീര്‍ ഖാനും മുംബൈക്കായി തിളങ്ങി. 24 പന്തില്‍ താരം 51 റണ്‍സെടുത്തു. അംഗ്രിഷ് രഘുവംശി (13 പന്തില്‍ 27 റണ്‍സ്), ഹാര്‍ദിക്ക് തമോര്‍ (16 പന്തില്‍ 22 റണ്‍സ്), ശിവം ദുബെ ( അഞ്ച് പന്തില്‍ പുറത്താകാതെ 13 റണ്‍സ്) എന്നിവരാണ് മറ്റ് പ്രധാന സ്കോറര്‍മാര്‍.

തുടക്കം മുതലെ ആക്രമണശൈലി സ്വീകരിച്ച സൂര്യകുമാര്‍ നേരിട്ട രണ്ടാം പന്തില്‍ തന്നെ സിക്സര്‍ നേടിയാണ് അക്കൗണ്ട് തുറന്നത്. വേദ് റെഡ്ഡി എറിഞ്ഞ ഒൻപതാം ഓവറില്‍ രണ്ട് വീതം ഫോറും സിക്സും ഉള്‍പ്പെടെ 22 റണ്‍സ് വലം കയ്യൻ ബാറ്റര്‍ നേടി. പ്രണവ് വര്‍മ പന്തെടുത്ത പത്താം ഓവറില്‍ 21 റണ്‍സും താരം നേടി. മിലിന്ദിനെ ബൗണ്ടറിയിലേക്ക് അയച്ചാണ് സൂര്യ അര്‍ദ്ധ ശതകം തികച്ചത്. അര്‍ദ്ധ ശതകം തികയ്ക്കുമ്പോള്‍ 46 റണ്‍സും ബൗണ്ടറിയിലൂടെയായിരുന്നു.

2026 ടി20 ലോകകപ്പ് വിജയത്തിന് ശേഷം ഐപിഎല്ലിലും തിളങ്ങാൻ കഴിയാതെ പോയതോടെയാണ് ഇന്ത്യൻ ടീമില്‍ നിന്ന് താരം പുറത്താക്കപ്പെട്ടതും നായകസ്ഥാനം നഷ്ടമായതും. ശേഷം, പ്രാദേശിക ലീഗില്‍ കളിച്ചെങ്കിലും ഫോമിലേക്ക് മടങ്ങിയെത്തുന്ന സൂചനകള്‍ നല്‍കിയിരുന്നില്ല. ശേഷം മാസങ്ങളോളം ക്രിക്കറ്റില്‍ നിന്ന് വിട്ടുനില്‍ക്കുകയും ചെയ്തു. ഇതിനിടെയാണ് സെയ്ദ് മുഷ്താഖ് അലി ട്രോഫിയില്‍ മുംബൈയുടെ നായകനായി സൂര്യയെ എംസിഎ പ്രഖ്യാപിക്കുന്നത്.

ഏഷ്യാ കപ്പ് കിരീടപ്പോരിൽ ഇന്ത്യക്ക് കനത്ത വെല്ലുവിളി; ഉസ്മാൻ ഖാന്‍റെ സെഞ്ചുറി കരുത്തിൽ പാകിസ്ഥാന് കൂറ്റൻ സ്കോർ

Gopalakrishnan C — Sat, 14 Nov 2026 14:19:09 +0530

മസ്‌കറ്റ്: അണ്ടർ 19 ഏഷ്യാ കപ്പ് കിരീടപ്പോരാട്ടത്തിൽ പാകിസ്ഥാനെതിരെ ഇന്ത്യക്ക് 338 റണ്‍സിന്‍റെ കൂറ്റന്‍ വിജയലക്ഷ്യം. ടോസ് നേടി ബാറ്റിംഗ് തെരഞ്ഞെടുത്ത പാകിസ്ഥാന്‍ ഉസ്മാന്‍ ഖാന്‍റെ സെഞ്ചുറിയുടെയും അബ്ദുള്‍ ഖാദിര്‍, ക്യാപ്റ്റൻ ഫര്‍ഹാന്‍ യൂസഫ് എന്നിവരുടെ അര്‍ധസെഞ്ചുറികളുടെയും കരുത്തില്‍ 50 ഓവറില്‍ 9 വിക്കറ്റ് നഷ്ടത്തില്‍ 337 റണ്‍സടിച്ചു. 111 പന്തില്‍ 107 റണ്‍സെടുത്ത ഉസ്മാന്‍ ഖാന്‍ ആണ് പാകിസ്ഥാന്‍റെ ടോപ് സ്കോറര്‍. അബ്ദുള്‍ ഖാദിർ 54 പന്തില്‍ 80 റണ്‍സെടുത്തപ്പോള്‍ ഫര്‍ഹാന്‍ യൂസഫ് 60 പന്തില്‍ 63 റണ്‍സടിച്ചു. ഇന്ത്യക്കായി കാവ് പട്ടേല്‍ നാലു വിക്കറ്റെടുത്തപ്പോള്‍ ചിഗുരപതി വെങ്കട മൂന്ന് വിക്കറ്റെടുത്തു.

ടോസ് ജയിച്ച് ക്രീസിലിറങ്ങിയ പാകിസ്ഥാന് ഓപ്പണര്‍മാരായ ഉസ്മാന്‍ ഖാനും ഹയാം ഖാനും ചേർന്ന് ഓപ്പണിംഗ് വിക്കറ്റില്‍ 62 റണ്‍സടിച്ച് തകര്‍പ്പന്‍ തുടക്കമിട്ടു. ഹയാം ഖാനെ(21) പുറത്താക്കി കാവ്യ പട്ടേല്‍ ഇന്ത്യക്ക് ബ്രേക്ക് ത്രൂ നല്‍കിയെങ്കിലും രണ്ടാം വിക്കറ്റിൽ 113 പന്തിൽ 135 റണ്‍സിന്‍റെ കൂട്ടുകെട്ടുയര്‍ത്തിയ അബ്ദുള്‍ ഖാദിറും ഉസ്മാന്‍ ഖാനും ചേര്‍ന്ന് പാകിസ്ഥാന്‍റെ വമ്പൻ സ്കോറിന് അടിത്തറയിട്ടു. അബ്ദുള്‍ ഖാദിർ പുറത്തായശേഷം ക്രീസിലെത്തിയ ഫര്‍ഹാന്ഡ യൂസഫിനെ കൂട്ടുപിടിച്ച് സെഞ്ചുറി തികച്ച ഉസ്മാന്‍ ഖാന്‍ പാകിസ്ഥാനെ 20 കടത്തി. സെഞ്ചുറി തികച്ചതിന് പിന്നാലെ ഉസ്മാന്‍ ഖാനെ കാവ്യ പട്ടേല്‍ പുറത്താക്കി ഇന്ത്യക്ക് ആശ്വസിക്കാന്‍ വക നല്‍കി. 11 ഫോറും മൂന്ന് സിക്സും അടങ്ങുന്നതാണ് ഉസ്മാൻ ഖാന്‍റെ ഇന്നിംഗ്സ്. അവസാന ഓവറുകളില്‍ തുടര്‍ച്ചയായി വിക്കറ്റുകള്‍ നഷ്ടമായെങ്കിലും ഫര്‍ഹാന്‍ യൂസഫിന്‍റെ വെടിക്കെട്ട് ഇന്നിംഗ്സ് പാകിസ്ഥാനെ 300 കടത്തി.

USMAN KHAN IS DOMINATING THE U19 ASIA CUP 2026!

- 1st Hundred vs UAE. - 2nd Hundred vs India final.

What a phenomenal talent. https://t.co/2PyuIgKZmJ

— Talha Digital. (@CallMeDigital1_) November 14, 2026

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഗ്രൂപ്പ് ഘട്ടത്തിൽ പാകിസ്ഥാനോട് ഇന്ത്യ മൂന്ന് വിക്കറ്റിന് തോറ്റിരുന്നു. കഴിഞ്ഞ വർഷത്തെ ഫൈനലിൽ ഇന്ത്യയെ 151 റൺസിന് പരാജയപ്പെടുത്തിയാണ് പാകിസ്ഥാൻ തങ്ങളുടെ രണ്ടാം ഏഷ്യാ കപ്പ് കിരീടം സ്വന്തമാക്കിയത്. നിലവിലെ ചാമ്പ്യന്മാരായ പാകിസ്ഥാനെ വീഴ്ത്തി ഇന്ത്യ ഒൻപതാം അണ്ടർ 19 ഏഷ്യാ കപ്പ് കിരീടമാണ് ഇന്ത്യ ലക്ഷ്യമിടുന്നത്. ടൂർണമെന്‍റിലുടനീളം മികച്ച പ്രകടനം പുറത്തെടുത്ത ആര്യവീർ സെവാഗ്, ലക്ഷ്യ രാജേഷ്, വി കെ വിനീത് എന്നിവരിലാണ് ഇന്ത്യയുടെ പ്രധാന ബാറ്റിംഗ് പ്രതീക്ഷകൾ. ഇതുവരെ 31 അണ്ടർ 19 ഏകദിന മത്സരങ്ങളിലാണ് ഇന്ത്യയും പാകിസ്ഥാനും ഏറ്റുമുട്ടിയത്. ഇതിൽ 17 മത്സരങ്ങളിൽ ഇന്ത്യ വിജയിച്ചപ്പോൾ 13 എണ്ണത്തിൽ പാകിസ്ഥാൻ ജയം സ്വന്തമാക്കി; ഒരു മത്സരം ഫലമില്ലാതെ അവസാനിച്ചു. എന്നാൽ 2021-ന് ശേഷമുള്ള കണക്കുകൾ ഇന്ത്യയ്ക്ക് അത്ര അനുകൂലമല്ല. അവസാന ഏഴ് പോരാട്ടങ്ങളിൽ രണ്ടെണ്ണത്തിൽ മാത്രമാണ് ഇന്ത്യയ്ക്ക് ജയിക്കാനായത്.

ഓസീസ് ക്രിക്കറ്റിനെ പിടിച്ചുകുലുക്കി വീണ്ടും വാർണർ; പന്ത് ചുരണ്ടൽ വിവാദത്തിൽ 3 ബൗളർമാരെ പ്രതിക്കൂട്ടിലാക്കി പുതിയ ആരോപണം

Sajish A — Sat, 14 Nov 2026 12:12:54 +0530

സിഡ്‌നി: 2018-ൽ ഓസ്‌ട്രേലിയൻ ക്രിക്കറ്റിനെ പിടിച്ചുകുലുക്കിയ പന്ത് ചുരണ്ടൽ വിവാദത്തിൽ ('സാൻഡ്‌പേപ്പർഗേറ്റ്') ക്രിക്കറ്റ് ഓസ്‌ട്രേലിയയുടെ അന്വേഷണത്തെ ചോദ്യം ചെയ്ത് മുൻ ഓപ്പണർ ഡേവിഡ് വാർണർ. അന്വേഷണ സമയത്ത് ഓസ്‌ട്രേലിയൻ ബൗളിംഗ് നിരയിലെ പ്രമുഖരായ ജോഷ് ഹേസൽവുഡ്, മിച്ചൽ സ്റ്റാർക്ക്, നഥാൻ ലിയോൺ എന്നിവരെ ക്രിക്കറ്റ് ഓസ്‌ട്രേലിയ മന:പൂർവം ചോദ്യം ചെയ്യാതിരുന്നതാണോ എന്ന് വാർണർ സംശയം പ്രകടിപ്പിച്ചു. ശനിയാഴ്ച പങ്കുവെച്ച ഇൻസ്റ്റാഗ്രാം പോസ്റ്റിലൂടെയാണ് വാർണർ ഗുരുതരമായ ഈ ആരോപണങ്ങൾ ഉന്നയിച്ചത്.

സംഭവത്തെക്കുറിച്ച് ബൗളർമാർക്ക് യാതൊരു അറിവുമില്ലായിരുന്നു എന്ന വാദം നിലനിർത്താൻ വേണ്ടി മാത്രമുള്ള ഒരു ഒളിച്ചുകളി ആയിരുന്നു അന്വേഷണമെന്ന് വാർണർ ആരോപിച്ചു. എന്‍റെ അറിവിൽ 2018-ലെ അന്വേഷണത്തിൽ ക്രിക്കറ്റ് ഓസ്‌ട്രേലിയ ജോഷ് ഹേസൽവുഡ്, മിച്ചൽ സ്റ്റാർക്ക്, നഥാൻ ലിയോൺ എന്നിവരെ ചോദ്യം ചെയ്തിട്ടില്ല. അത് ശരിയാണെങ്കിൽ, ബൗളർമാർക്ക് ഇതേക്കുറിച്ച് അറിയില്ലായിരുന്നു എന്ന് ക്രിക്കറ്റ് ഓസ്‌ട്രേലിയയ്ക്ക് എങ്ങനെ വാദിക്കാൻ കഴിയുമെന്നും വാർണർ ഇൻസ്റ്റാഗ്രാമിൽ കുറിച്ചു. ആരെയൊക്കെ കുറ്റക്കാരാക്കണമെന്ന് അവർ തുടക്കത്തിലേ തീരുമാനിച്ചിരുന്നു. അതിനനുസരിച്ച് തട്ടിക്കൂട്ട് അന്വേഷണം നടത്തുകയും, ബൗളർമാർക്ക് ഒന്നുമറിയില്ല എന്ന കള്ളക്കഥ ഇപ്പോഴും നിലനിർത്താൻ ശ്രമിക്കുകയുമാണ്. ഇതിൽ വലിയ ഒളിച്ചുകളി മണക്കുന്നുണ്ടെന്നും വാർണർ കൂട്ടിച്ചേർത്തു.'അസംബന്ധം’: ഉസ്മാൻ ഖവാജയുടെ ആരോപണം തള്ളി പാറ്റ് കമ്മിൻസ്, പന്ത് ചുരണ്ടൽ വിവാദത്തിൽ പങ്കില്ലെന്ന് ഓസ്‌ട്രേലിയൻ നായകൻ

വിവാദത്തിന് തിരികൊളുത്തി ഖവാജയുടെ ആത്മകഥ

മുൻ ഓസ്‌ട്രേലിയൻ ഓപ്പണർ ഉസ്മാൻ ഖവാജയുടെ 'സബർ' എന്ന ആത്മകഥ പുറത്തിറങ്ങിയതോടെയാണ് പന്ത് ചുരണ്ടൽ വിവാദം വീണ്ടും ചർച്ചയായത്. ശിക്ഷിക്കപ്പെട്ട മൂന്ന് താരങ്ങൾക്കപ്പുറം ടീമിലെ മറ്റ് പലർക്കും പന്ത് ചുരണ്ടൽ പദ്ധതിയെക്കുറിച്ച് അറിവുണ്ടായിരുന്നു എന്നാണ് ഖവാജ പുസ്തകത്തിൽ വെളിപ്പെടുത്തിയത്. വാർണർ ഖവാജയുടെ വാദങ്ങളെ പിന്തുണച്ചപ്പോൾ, മൈതാനത്തേക്ക് സാൻഡ്‌പേപ്പർ കൊണ്ടുപോയ കാര്യം മുഴുവൻ ബൗളിംഗ് നിരയ്ക്കും അറിയാമായിരുന്നു എന്ന ആരോപണം ഓസ്‌ട്രേലിയൻ ക്യാപ്റ്റൻ പാറ്റ് കമ്മിൻസ് തള്ളിക്കളഞ്ഞു.

നിലപാടിലുറച്ച് മിച്ചൽ സ്റ്റാർക്ക്

വാർണർ പേരെടുത്തു പറഞ്ഞ മൂന്ന് ബൗളർമാരിൽ ഒരാളായ മിച്ചൽ സ്റ്റാർക്ക്, ഖവാജയുടെ ആരോപണങ്ങളോട് നേരത്തെ തന്നെ പ്രതികരിച്ചിരുന്നു. 2018-ലെ സംഭവത്തെക്കുറിച്ചുള്ള തന്റെ നിലപാടിൽ മാറ്റമില്ലെന്നും, 2021-ൽ ഓസ്‌ട്രേലിയൻ ബൗളിംഗ് ഗ്രൂപ്പ് പുറത്തിറക്കിയ സംയുക്ത പ്രസ്താവനയിൽ ഉറച്ചുനിൽക്കുന്നുവെന്നും സ്റ്റാർക്ക് വ്യക്തമാക്കി. പന്തിന്റെ രൂപം മാറ്റാൻ മൈതാനത്തേക്ക് എന്തെങ്കിലും വസ്തു കൊണ്ടുപോയതായി ഞങ്ങൾക്ക് അറിവില്ലായിരുന്നു. കേപ്ടൗണിലെ ബിഗ് സ്ക്രീനിൽ കണ്ടപ്പോഴാണ് ഞങ്ങളും ഇതറിയുന്നത്, സ്റ്റാർക്ക് പറഞ്ഞു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പഴയ അന്വേഷണം വീണ്ടും സംശയനിഴലിൽ

2018-ലെ അന്വേഷണത്തിൽ പദ്ധതി ആസൂത്രണം ചെയ്തതിന് വാർണറെയും, നടപ്പിലാക്കിയതിന് കാമറൂൺ ബാൻക്രോഫ്റ്റിനെയും, അറിഞ്ഞിട്ടും തടയാത്തതിന് അന്നത്തെ ക്യാപ്റ്റൻ സ്റ്റീവ് സ്മിത്തിനെയും മാത്രമാണ് കുറ്റക്കാരായി കണ്ടെത്തിയത്. സ്മിത്തിനും വാർണർക്കും 12 മാസവും ബാൻക്രോഫ്റ്റിന് ഒൻപത് മാസവും വിലക്ക് ലഭിച്ചിരുന്നു. അതേസമയം, സാൻഡ്‌പേപ്പർ ഉപയോഗിക്കുന്ന കാര്യം മുഴുവൻ ടീമിനും അറിയാമായിരുന്നു എന്ന ഖവാജയുടെ വാദം "നൂറ് ശതമാനം തെറ്റാണ്" എന്നാണ് പാറ്റ് കമ്മിൻസ് പ്രതികരിച്ചത്. എന്നാൽ കമ്മിൻസ് മുൻ സഹതാരത്തെ ഒറ്റുകൊടുക്കുകയാണെന്ന് വാർണർ തിരിച്ചടിച്ചു. വിവാദങ്ങൾക്കിടയിലും പഴയ അന്വേഷണം വീണ്ടും തുറക്കാൻ തക്ക കാരണങ്ങളൊന്നുമില്ലെന്ന് ക്രിക്കറ്റ് ഓസ്‌ട്രേലിയ സിഇഒ ടോഡ് ഗ്രീൻബെർഗ് വ്യക്തമാക്കിയിട്ടുണ്ട്.

ഒറ്റ ഓവറില്‍ തീരുന്ന ടോപ് ഓ‍ര്‍ഡ‍ര്‍, ഇങ്ങനെ കളിച്ചാല്‍ ലോകകപ്പ് കിട്ടുമോ?

Hari Krishnan M — Sat, 14 Nov 2026 11:42:48 +0530

ബെ ഓവലില്‍ മാറ്റ് ഹെൻറിക്ക് ആറേ ആറ് പന്തുകളെ ആവശ്യമുണ്ടായിരുന്നുള്ളു ഇന്ത്യയുടെ പരാജയം ഉറപ്പിക്കാൻ. 2019 ഏകദിന ലോകകപ്പിന്റെ ഓർമകള്‍ ഒരിക്കല്‍ക്കൂടി വേട്ടയാടാനെത്തിയ രാത്രി. അന്ന് വിരാട് കോലി പറഞ്ഞൊരു വാചകമുണ്ട്, 45 minutes of bad cricket puts you out of the tournament. Difficult to take it എന്ന്. ഇക്കുറി 45 മിനുറ്റൊന്നും പോകേണ്ടി വന്നില്ല, അഞ്ച് മിനുറ്റില്‍ ചിത്രം വ്യക്തമായി.

മത്സരശേഷം കായികലേഖരെ കാണാനെത്തിയ ഗൗതം ഗംഭീര്‍ തന്റെ ടീമിനെ പ്രതിരോധിക്കുന്ന പതിവ് നിലപാടായിരുന്നില്ല സ്വീകരിച്ചത്. There are no unplayable deliveries in international cricket എന്നുള്ള ഒറ്റ വാചകത്തിലുണ്ടായിരുന്നു രോഹിതിനും വിരാടിനും ശ്രേയസിനുമുള്ള താക്കീത്. ഗംഭീറിന്റെ വിമര്‍ശനങ്ങള്‍ക്ക് പിന്നില്‍ നാലാം ഏകദിനം മാത്രമായിരുന്നില്ല ഓക്ക്‌ലൻഡിലും വെല്ലിങ്ടണിലും ഇന്ത്യൻ ബാറ്റര്‍മാര്‍ ന്യൂസിലൻഡ് പേസര്‍മാര്‍ക്ക് മുന്നില്‍ വിയര്‍ത്തു.

90 റണ്‍സെടുക്കുമ്പോഴേക്കും ടീം ഓള്‍ ഔട്ടായാല്‍ സ്വാഭാവികമായും ആശങ്കയുണ്ടാകും. എനിക്കും ആശങ്കയുണ്ട്. കാരണം, 2027 ഏകദിന ലോകകപ്പില്‍ നമുക്ക് ലഭിക്കാൻ സാധ്യതയുള്ള സാഹചര്യങ്ങളോട് ഏറ്റവും അടുത്ത് നില്‍ക്കുന്ന വിക്കറ്റുകളാണ് ന്യൂസിലൻഡിലേത്. അതുകൊണ്ട് തന്നെ ഇത്തരം കണ്ടീഷനുകളെ അതിജീവിക്കേണ്ടത് ബാറ്റര്‍മാരുടെ ഉത്തരവാദിത്തമാണ്...ഗംഭീര്‍ ഓര്‍മിപ്പിച്ചു.

മറുവശത്ത് ഇന്ത്യൻ നായകൻ ശ്രേയസ് അയ്യറിന് നിസാഹായ അവസ്ഥയെക്കുറിച്ചായിരുന്നു പറയാനുണ്ടായിരുന്നത്. പുറത്തേക്കും അകത്തേക്കും പന്ത് സീം ചെയ്യുമ്പോള്‍ ഏത് രീതിയില്‍ കളിക്കണമെന്ന് തീരുമാനിക്കാൻ പോലുമാകുന്നില്ലെന്നായിരുന്നു അയ്യരുടെ വാദം. യെസ്, മാറ്റ് ഹെൻറിയുടെ പന്തുകള്‍ പരിശോധിക്കുമ്പോള്‍ അത് വ്യക്തമാകുന്നുമുണ്ട്.

രോഹിത് പുറത്തായ ഡെലിവെറി എക്സ്ട്രാ ബൗണ്‍സും ഔട്ട് സ്വിങ്ങും, കോലിക്ക് ലൊ ബൗണ്‍സും ഇൻസ്വിങ്ങും, ശ്രേയസിന് ഗുഡ് ലെങ്തില്‍ ഇൻസ്വിങ്ങര്‍. വെല്ലിങ്ടണ്‍ ഏകദിനത്തില്‍ കേവലം 135 റണ്‍സ് പിന്തുടരവെ 113-7 എന്ന നിലയിലേക്ക് ഇന്ത്യ തകര്‍ന്നതാണ്, ന്യൂസിലൻഡിന്റെ ഷോര്‍ട്ട് ബോള്‍ തന്ത്രത്തിലായിരുന്നു അന്ന് ബാറ്റിങ് നിര വീണത്. മഴനിയമപ്രകാരം നാല് റണ്‍സിന് ജയിച്ചുകയറി. പക്ഷേ, ഈ പരമ്പരയിലെ ഇന്ത്യൻ ബാറ്റര്‍മാരുടെ പ്രകടനം ശരാശരിക്കും ഏറെ താഴെയാണ്.

ഏറ്റവുമധികം നിരാശപ്പെടുത്തിയിരിക്കുന്നത് രോഹിത് തന്നെയാണ്. രണ്ട് ഡക്കുള്‍പ്പെടെ 23 റണ്‍സാണ് നേട്ടം. രോഹിത് വിരമിക്കണമെന്നും ജയ്സ്വാള്‍ വരണമെന്നുമുള്ള ആവശ്യങ്ങള്‍ ഉയര്‍ന്നുതുടങ്ങിയിരിക്കുന്നു...പക്ഷേ, ഇത് രോഹിതില്‍ മാത്രം ഒതുങ്ങി നില്‍ക്കുന്ന ഒന്നല്ല എന്ന് കണക്കുകളും പ്രകടനങ്ങളും വ്യക്തമാക്കുന്നുണ്ട്.

ആദ്യ ഏകദിനത്തില്‍ കോലി ഒരു അര്‍ദ്ധ സെഞ്ചുറി നേടിയത് മാത്രമാണ് എടുത്ത് പറയാനൊരു ഇന്നിങ്സുള്ളത്. മറ്റാരും 50 തൊട്ടിട്ടില്ല. ശേഷം നടന്ന രണ്ട് ഏകദിനങ്ങളില്‍ കോലിയുടെ സമ്പാദ്യം ഏഴ് റണ്‍സാണ്. ഗില്‍ 37 റണ്‍സ്. ശ്രേയസ് 45 റണ്‍സ്. ടോപ് ഫോറിലുള്ള എല്ലാ ബാറ്റര്‍മാരും ഒരുതവണയെങ്കിലും പൂജ്യത്തിന് പുറത്തായിട്ടുമുണ്ട്.

2023 ലോകകപ്പിന് ശേഷം സെന രാജ്യങ്ങളിലെ ഇന്ത്യൻ ബാറ്റര്‍മാരുടെ പ്രകടനം പരിശോധിച്ചാല്‍ രോഹിത് മാത്രമാണ് മികവ് പുലര്‍ത്തിയിട്ടുള്ളതെന്ന വസ്തുത മറുവശത്തുണ്ട്. ഒൻപത് ഇന്നിങ്സുകളില്‍ നിന്ന് 400 റണ്‍സ്, രണ്ട് സെഞ്ചുറിയും ഒരു ഫിഫ്റ്റിയും. രണ്ടാമതുള്ള കോലിയും രോഹിതും തമ്മില്‍ 101 റണ്‍സിന്റെ വ്യത്യാസമുണ്ട്. ശ്രേയസ് 270 റണ്‍സും ഗില്‍ 268 റണ്‍സും. ശരാശരി 40ന് മുകളിലുള്ളതും രോഹിത് മാത്രമാണ്, 50ല്‍ എത്തി നില്‍ക്കുന്നു. വിദേശ വിക്കറ്റുകളില്‍ ശരാശരിയില്‍ മാത്രം ഒതുങ്ങുന്ന ഫോമുമായി ഇന്ത്യക്ക് ലോകകിരീടം നേടാൻ കഴിയുമോയെന്നത് ചെറുതല്ലാത്ത ചോദ്യവും ആശങ്കയുമാണ്.

ദക്ഷിണാഫ്രിക്ക, സിംബാബ്‌വെ, നമീബിയ എന്നീ രാജ്യങ്ങളിലായാണ് 2027 ഏകദിന ലോകകപ്പ് നടക്കുന്നത്. എന്നാല്‍ 2023 ഏകദിന ലോകകപ്പിന് ശേഷം ദക്ഷിണാഫ്രിക്കയില്‍ ഒരു ഏകദിനം പോലും രോഹിതോ കോലിയോ കളിച്ചിട്ടില്ല എന്ന് ഓര്‍ക്കണം. ഗില്ലാണെങ്കില്‍ കരിയറില്‍ ഇതുവരെയും പ്രോട്ടിയാസിന്റെ മണ്ണില്‍ ഫോര്‍മാറ്റില്‍ ബാറ്റെടുത്തിട്ടില്ല. ആറ് സെഞ്ചുറി ഉള്‍പ്പെടെ കോലിക്ക് ദക്ഷിണാഫ്രിക്കയില്‍ മികച്ച റെക്കോര്‍ഡുണ്ടെങ്കിലും രോഹിതിന്റേയും ശ്രേയസിന്റെയും കാര്യ വ്യത്യസ്തമല്ല.

മറ്റെല്ലാ വിദേശരാജ്യങ്ങളിലെ മൈതാനങ്ങളും കീഴടക്കാൻ കഴിഞ്ഞ രോഹിതിന്റെ ദക്ഷിണാഫ്രിക്കയിലെ ശരാശരി 20ലും താഴെയാണ്. 68 സ്ട്രൈക്ക് റേറ്റില്‍ 256 റണ്‍സാണ് ആകെ സമ്പാദ്യം. ശ്രേയസ് അല്‍പ്പം കൂടി ബെറ്ററാണ്, ആറ് ഇന്നിങ്സുകളില്‍ നിന്ന് 154 റണ്‍സ്. ലോകകപ്പിനൊരുങ്ങുന്ന ഇന്ത്യൻ ടീമിനെ സംബന്ധിച്ച് ടോപ് ഓര്‍ഡറില്‍ രോഹിത്, ഗില്‍, ശ്രേയസ് എന്നിവര്‍ ആശങ്ക തന്നെയാണ്. കോലിയുടെ റെക്കോര്‍ഡ് ചൂണ്ടിക്കാണിക്കുമ്പോഴും കഴിഞ്ഞ ഓസ്ട്രേലിയൻ പര്യടനത്തിലും ഇപ്പോള്‍ ന്യൂസിലൻഡിലും താരം സ്ട്രഗിള്‍ ചെയ്തിരുന്നു.

അഞ്ചാം ഏകദിനം ഇന്ത്യയുടെ ടോപ് ഓര്‍ഡറിനെ സംബന്ധിച്ച് ഏറെ നിര്‍ണായകമാണ്. പ്രത്യേകിച്ചും ലോകകപ്പ് കൂടി പരിഗണിക്കുമ്പോള്‍.

ന്യൂസിലൻഡ് ടെസ്റ്റ് പരമ്പരയ്ക്ക് മുൻപ് ഇന്ത്യൻ ടീമിൽ അപ്രതീക്ഷിത മാറ്റം; കുൽദീപ് പുറത്ത്, പകരക്കാരനായി യുവപേസർ

Sajish A — Sat, 14 Nov 2026 10:55:32 +0530

വെല്ലിംഗ്ടൺ: ന്യൂസിലൻഡിനെതിരായ രണ്ട് മത്സരങ്ങളടങ്ങിയ ടെസ്റ്റ് പരമ്പരയ്ക്കുള്ള ഇന്ത്യൻ ടീമിൽ അവസാന നിമിഷം നിർണ്ണായക മാറ്റം.പേസ് ബൗളര്‍ ഗുർനൂർ ബ്രാറിനെ ടെസ്റ്റ് ടീമിൽ ഉൾപ്പെടുത്തിയപ്പോൾ, സ്പിന്നർ കുൽദീപ് യാദവിനെ ആഭ്യന്തര ക്രിക്കറ്റിൽ കളിക്കുന്നതിനായി ടീമിൽ നിന്ന് ഒഴിവാക്കി. നിലവിൽ നടക്കുന്ന ഏകദിന പരമ്പരയിലെ മികച്ച പ്രകടനമാണ് ബ്രാറിന് തുണയായതെങ്കിൽ, നാലാം ഏകദിനത്തിലെ നിരാശാജനകമായ ബൗളിംഗാണ് കുൽദീപിന് തിരിച്ചടിയായത്.

ഏകദിന പരമ്പരയിൽ ഇന്ത്യയുടെ ഏറ്റവും മികച്ച ബൗളറാണ് 26-കാരനായ ഗുർനൂർ ബ്രാർ. മൂന്ന് മത്സരങ്ങളിൽ നിന്ന് 15.89 ശരാശരിയിൽ ഒൻപത് വിക്കറ്റുകളാണ് ബ്രാര്‍ വീഴ്ത്തിയത്. വെല്ലിംഗ്ടണിൽ നടന്ന മത്സരത്തിൽ 30 റൺസ് വഴങ്ങി നാല് വിക്കറ്റ് വീഴ്ത്തിയതാണ് ബ്രാറിന്‍റെ മികച്ച പ്രകടനം. കുറഞ്ഞ സ്കോർ പ്രതിരോധിച്ച ഇന്ത്യയ്ക്ക് ഡക്ക്‌വർത്ത് ലൂയിസ് നിയമപ്രകാരം നാല് റൺസിന്‍റെ വിജയം നേടിക്കൊടുക്കുന്നതിൽ ഈ പ്രകടനം നിർണ്ണായകമായി.മൗണ്ട് മൗംഗനൂയിയിൽ നടന്ന നാലാം ഏകദിനത്തിൽ ഇന്ത്യൻ വമ്പൻ തോല്‍വി വഴങ്ങിയെങ്കിലും 10 ഓവറിൽ 69 റൺസ് വഴങ്ങി ബ്രാർ രണ്ട് വിക്കറ്റുകൾ നേടിയിരുന്നു.

ടെസ്റ്റ് ടീമിനൊപ്പം ചേരുന്നതിനാൽ ഞായറാഴ്ച നടക്കുന്ന അഞ്ചാമത്തെയും അവസാനത്തെയും ഏകദിനത്തിൽ ബ്രാർ കളിക്കില്ല. ഏകദിന ടീമിൽ ഗുര്‍നൂറിന്‍റെ പകരക്കാരനെ പ്രഖ്യാപിച്ചിട്ടില്ല. അതേസമയം, നവംബർ 19-ന് ആരംഭിക്കുന്ന ഒന്നാം ടെസ്റ്റിന് മുന്നോടിയായി വിക്കറ്റ് കീപ്പർ റിഷഭ് പന്ത് വെല്ലിംഗ്ടണിൽ ടീമിനൊപ്പം ചേർന്നു. വൈറ്റ് ബോള്‍ ക്രിക്കറ്റിലെ അനിശ്ചിതത്വത്തിന് പിന്നാലെയാണ് കുൽദീപ് യാദവിനെ ടെസ്റ്റ് സ്ക്വാഡിൽ നിന്നും ഒഴിവാക്കുന്നത്. ന്യൂസിലൻഡിനെതിരായ ആദ്യ മൂന്ന് ഏകദിനങ്ങളിലും പുറത്തിരുന്ന കുൽദീപിന് നാലാം മത്സരത്തിലാണ് അവസരം ലഭിച്ചത്. എന്നാൽ എട്ട് ഓവറിൽ വിക്കറ്റൊന്നും നേടാതെ 73 റൺസാണ് കുല്‍ദീപ് വഴങ്ങിയത്.

2026-ൽ രണ്ട് ടെസ്റ്റുകൾ കളിച്ച കുൽദീപ് 41.25 ശരാശരിയിൽ നാല് വിക്കറ്റുകൾ മാത്രമാണ് നേടിയത് എങ്കിലും ആഭ്യന്തര ക്രിക്കറ്റിൽ കൂടുതൽ മത്സരപരിചയം നേടുന്നതിന് വേണ്ടിയാണ് താരത്തെ റിലീസ് ചെയ്തതെന്നും, ടെസ്റ്റ് പദ്ധതികളിൽ നിന്ന് പൂർണ്ണമായി ഒഴിവാക്കിയതല്ലെന്നുമാണ് ബിസിസിഐ വൃത്തങ്ങൾ വ്യക്തമാക്കുന്നത്. ഇന്ത്യൻ ടെസ്റ്റ് ടീമിലേക്കുള്ള ഗുർനൂർ ബ്രാറിന്റെ രണ്ടാം വിളിയാണിത്. ഈ വർഷം ആദ്യം അഫ്ഗാനിസ്ഥാനെതിരായ ഏക ടെസ്റ്റിനുള്ള ടീമിൽ ഇടംപിടിച്ചിരുന്നെങ്കിലും അരങ്ങേറ്റത്തിന് അവസരം ലഭിച്ചിരുന്നില്ല. ന്യൂസിലൻഡ് പരമ്പരയിൽ പ്ലേയിംഗ് ഇലവനിൽ ഇടംനേടാനാകുമെന്ന പ്രതീക്ഷയിലാണ് താരം.

ഗുര്‍നൂര്‍ ബ്രാറിന് ഫസ്റ്റ് ക്ലാസ് ക്രിക്കറ്റിലും മികച്ച റെക്കോർഡുണ്ട്. 22 ഫസ്റ്റ് ക്ലാസ് മത്സരങ്ങളിൽ നിന്ന് 26.41 ശരാശരിയിൽ 71 വിക്കറ്റുകളാണ് ഗുര്‍നൂറിന്‍റെ സമ്പാദ്യം. ന്യൂസിലൻഡിലെ പേസ് അനുകൂല പിച്ചുകളിൽ ഗുര്‍നൂര്‍ ബ്രാറിന്‍റെ റെഡ്-ബോൾ പരിചയം ഇന്ത്യയ്ക്ക് കരുത്താകും. നവംബർ 19-ന് വെല്ലിംഗ്ടണിലാണ് ഒന്നാം ടെസ്റ്റ് ആരംഭിക്കുന്നത്. രണ്ടാം ടെസ്റ്റ് നവംബർ 27-ന് ക്രൈസ്റ്റ്ചർച്ചിൽ നടക്കും.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഇന്ത്യൻ ടെസ്റ്റ് ടീം: ശുഭ്മാൻ ഗിൽ (ക്യാപ്റ്റൻ), യശസ്വി ജയ്‌സ്വാൾ, കെ.എൽ. രാഹുൽ (വൈസ് ക്യാപ്റ്റൻ), ദേവദത്ത് പടിക്കൽ, റിഷഭ് പന്ത് (വിക്കറ്റ് കീപ്പർ), ധ്രുവ് ജുറെൽ (വിക്കറ്റ് കീപ്പർ), രവീന്ദ്ര ജഡേജ, അൻഷുൽ കാംബോജ്, ജസ്പ്രീത് ബുംറ, പ്രസിദ്ധ് കൃഷ്ണ, ആകാശ് ദീപ്, സായ് സുദർശൻ, നിതീഷ് കുമാർ റെഡ്ഡി, വാഷിംഗ്ടൺ സുന്ദർ, മുഹമ്മദ് സിറാജ്, ഗുർനൂർ ബ്രാർ.

താരങ്ങളെല്ലാവരും 7-ാം നമ്പര്‍ ജഴ്‌സിയില്‍, ഏഴാം മിനിറ്റില്‍ മത്സരം നിര്‍ത്തിവെക്കും, റൊണാള്‍ഡോക്ക്‌ ആദരമര്‍പ്പിക്കാന്‍ പോര്‍ച്ചുഗല്‍ ടീം

Vipulnath P — Sat, 14 Nov 2026 10:52:22 +0530

യുവേഫ നേഷന്‍സ്‌ ലീഗില്‍ ഡെന്‍മാര്‍ക്കിനെതിരെ പോര്‍ച്ചുഗല്‍ കളിക്കാനിറങ്ങുന്നത്‌ ക്രിസ്‌റ്റിയാനോ റൊണാള്‍ഡോക്ക്‌ ആദരമര്‍പ്പിക്കാന്‍ കൂടിയാണ്‌. ഇന്ത്യന്‍ സമയം ഞായര്‍ രാത്രി 1.15ന്‌ ആരംഭിക്കുന്ന മത്സരത്തിന്‌ പോര്‍ച്ചുഗല്‍ താരങ്ങള്‍ ഗ്രൗണ്ടിലേക്ക്‌ പ്രവേശിക്കുക ക്രിസ്റ്റ്യാനോയുടെ ഐതിഹാസികമായ ഏഴാം നമ്പര്‍ ജഴ്‌സി ധരിച്ചിട്ടാകും. അന്താരാഷ്ട്ര ഫുട്‌ബോളില്‍ നിന്ന്‌ വിരമിക്കല്‍ പ്രഖ്യാപിച്ച ക്രിസ്റ്റ്യാനോ റൊണാള്‍ഡോ പോര്‍ച്ചുഗല്‍ ഫുട്‌ബോള്‍ ഫെഡറേഷന്‍ ഒരുക്കുന്ന ആദരിക്കല്‍ പരിപാടികളോട്‌ സഹകരിക്കുന്നില്ല.വിട പറയല്‍ മത്സരം ആലോചിച്ചെങ്കിലും കോച്ച്‌ ഹോര്‍ഹെ ജെസ്യൂസിന്‌ കീഴില്‍ ഒരു മത്സരം കളിക്കാന്‍ തയ്യാറല്ലെന്ന നിലപാടിലാണ്‌ താരം.

അതേസമയം, യുവേഫയുടെ പ്രത്യേക അനുമതി വാങ്ങി പോര്‍ച്ചുഗല്‍ ഫുട്‌ബോള്‍ ഫെഡറേഷന്‍ ഡെന്‍മാര്‍ക്കിനെതിരായ മത്സരത്തിനിടെ ഇതിഹാസ താരത്തിന്‌ ആദരം അര്‍പ്പിക്കും. ബ്രാഗയിലെ എസ്റ്റാഡിയോ മുനിസിപ്പല്‍ സ്റ്റേഡിയത്തില്‍ നടക്കുന്ന മത്സരത്തിന്‌ മുന്നോടിയായി ഗ്രൗണ്ടിലേക്ക്‌ പ്രവേശിക്കുമ്പോഴാണ്‌ എല്ലാ പോര്‍ച്ചുഗല്‍ താരങ്ങളും റൊണാള്‍ഡോയുടെ ഏഴാം നമ്പര്‍ ജഴ്‌സി ധരിക്കുക.

മത്സരത്തിന്റെ ഏഴാം മിനിറ്റില്‍ കളി കുറച്ച്‌ നേരം നിര്‍ത്തിവെക്കുകയും, കാണികള്‍ എഴുന്നേറ്റ്‌ നിന്ന്‌ കൈയ്യടിച്ച്‌ റൊണാള്‍ഡോയ്‌ക്ക്‌ ആദരമര്‍പ്പിക്കുകയും ചെയ്യും. പോര്‍ച്ചുഗല്‍ ഫുട്‌ബോള്‍ ഫെഡറേഷന്‍ പ്രസിഡന്റ്‌ പെഡ്രോ പ്രോയെങ്ക, പരിശീലകന്‍ ഹൊര്‍ഹെ ജെസ്യൂസ്‌, താരങ്ങളായ ബെര്‍നാഡോ സില്‍വ, റുബന്‍ ഡയസ്‌, ബ്രൂണോ ഫെര്‍നാണ്ടസ്‌ എന്നിവര്‍ ചേര്‍ന്നാണ്‌ ഇങ്ങനെയൊരു ആദരവ്‌ തീരുമാനിച്ചത്‌.

പ്രി മാച്ച്‌ ചടങ്ങുകള്‍ക്ക്‌ ശേഷം പോര്‍ച്ചുഗല്‍ താരങ്ങള്‍ ഏഴാം നമ്പര്‍ ജഴ്‌സിക്ക്‌ പകരം അവരവരുടെ ജഴ്‌സിയിലേക്ക്‌ മാറും. റാഫേല്‍ ലിയോ മാത്രം ഏഴാം നമ്പര്‍ ജഴ്‌സിയില്‍ തുടരും. ക്രിസ്റ്റ്യാനോയുടെ ഐക്കോണിക്‌ ഏഴാം നമ്പറിന്റെ പുതിയ അവകാശി റാഫേല്‍ ലിയോ ആണ്‌.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌:https://www.youtube.com/live/s0LLVQeMmtU?si=31j3tChnat66QzkK

അണ്ടർ 19 ഏഷ്യാ കപ്പ് ഫൈനൽ: കിരീടപ്പോരില്‍ ഇന്ത്യക്കെതിരെ നിര്‍ണായക ടോസ് ജയിച്ച് പാകിസ്ഥാൻ

Gopalakrishnan C — Sat, 14 Nov 2026 10:40:54 +0530

മസ്‌കറ്റ്: അണ്ടർ 19 ഏഷ്യാ കപ്പ് കിരീടപ്പോരാട്ടത്തിൽ ഇന്ത്യക്കെതിരെ നിര്‍ണായക ടോസ് ജയിച്ച പാകിസ്ഥാന്‍ ബാറ്റിംഗ് തെരഞ്ഞെടുത്തു. മസ്‌കറ്റിലെ അൽ അമീറാത്ത് ക്രിക്കറ്റ് ഗ്രൗണ്ടിലാണ് കിരീട പോരാട്ടം. ഗ്രൂപ്പ് ഘട്ടത്തിൽ പാകിസ്ഥാനോട് നേരിട്ട മൂന്ന് വിക്കറ്റ് തോൽവിക്ക് പകരം വീട്ടാനും കിരീടം തിരിച്ചുപിടിക്കാനുമാണ് ഇന്ത്യ ലക്ഷ്യമിടുന്നത്. കഴിഞ്ഞ വർഷത്തെ ഫൈനലിൽ ഇന്ത്യയെ 151 റൺസിന് പരാജയപ്പെടുത്തിയാണ് പാകിസ്ഥാൻ തങ്ങളുടെ രണ്ടാം ഏഷ്യാ കപ്പ് കിരീടം സ്വന്തമാക്കിയത്.

രാവിലെ പിച്ചിലുള്ള ഈർപ്പം കാരണം ആദ്യ ഓവറുകളിൽ പേസർമാർക്ക് മികച്ച സ്വിംഗും മൂവ്‌മെന്‍റും ലഭിക്കാൻ സാധ്യതയുള്ളതിനാല്‍ ടോസ് നേടുന്നവര്‍ ബൗളിംഗ് തെരഞ്ഞെടുക്കുമെന്നായിരുന്നു പ്രതീക്ഷിച്ചിരുന്നത്. എന്നാല്‍ ആരാധകരെ അമ്പരപ്പിച്ച് മികച്ച പേസ് നിരയുള്ള പാകിസ്ഥാന്‍ ബാറ്റിംഗ് തെരഞ്ഞെടുത്തു. ഗ്രൂപ്പ് ഘട്ടത്തിൽ പാകിസ്ഥാനെതിരെ ടോസ് നേടിയ ഇന്ത്യ ആദ്യം ബാറ്റിംഗ് തിരഞ്ഞെടുത്തത് വലിയ തിരിച്ചടിയായിരുന്നു.തുടക്കത്തിലേ വിക്കറ്റുകൾ നഷ്ടപ്പെട്ട് പ്രതിരോധത്തിലായ ഇന്ത്യയെ പാകിസ്ഥാൻ മൂന്ന് വിക്കറ്റിന് പരാജയപ്പെടുത്തിയിരുന്നു.

നിലവിലെ ചാമ്പ്യന്മാരായ പാകിസ്ഥാനെ വീഴ്ത്തി ഇന്ത്യ ഒൻപതാം അണ്ടർ 19 ഏഷ്യാ കപ്പ് കിരീടമാണ് ഇന്ത്യ ലക്ഷ്യമിടുന്നത്. ടൂർണമെന്റിലുടനീളം മികച്ച പ്രകടനം പുറത്തെടുത്ത ആര്യവീർ സെവാഗ്, ലക്ഷ്യ രാജേഷ്, വി കെ വിനീത് എന്നിവരിലാണ് ഇന്ത്യയുടെ പ്രധാന ബാറ്റിംഗ് പ്രതീക്ഷകൾ. എന്നാല്‍ ബൗളിംഗ് പ്രതീക്ഷയായ ഇഷാന്‍ സൂദ് പരിക്കുമൂലം ഫൈനലിനില്ലാത്തത് ഇന്ത്യക്ക് തിരിച്ചടിയാണ്. ഇഷാന്‍ സൂദിന് പകരം വെങ്കടയാണ് ഫൈനലില്‍ ഇന്ത്യക്കായി ഇറങ്ങുന്നത്. സെമി ഫൈനലിൽ അഫ്ഗാനിസ്ഥാനെതിരെ എട്ട് വിക്കറ്റിന്റെ ആധികാരിക വിജയം നേടിയാണ് ലക്ഷ്യ രാജേഷ് നയിക്കുന്ന ഇന്ത്യൻ നിര ഫൈനലിലേക്ക് മുന്നേറിയത്.

സെമിയിൽ അർധസെഞ്ചുറി നേടിയ ആര്യവീർ സെവാഗിന്‍റെയും ക്യാപ്റ്റൻ ലക്ഷ്യയുടെയും പ്രകടനം നിർണ്ണായകമായിരുന്നു. എന്നാൽ ഫൈനലിൽ പാകിസ്ഥാന്‍റെ ശക്തമായ ബൗളിംഗ് നിരയെ മറികടക്കാൻ മറ്റ് ബാറ്റർമാരിൽ നിന്നുംകൂടി മികച്ച പിന്തുണ ഇന്ത്യ പ്രതീക്ഷിക്കുന്നു. മറുവശത്ത്, ഒന്നാം സെമി ഫൈനലിൽ ബംഗ്ലാദേശിനെ പരാജയപ്പെടുത്തിയാണ് ഫർഹാൻ യൂസഫ് നയിക്കുന്ന പാകിസ്ഥാൻ കലാശപ്പോരിന് യോഗ്യത നേടിയത്. ഗ്രൂപ്പ് ഘട്ടത്തിൽ ഇന്ത്യയെ തോൽപ്പിച്ചതിന്‍റെ ആത്മവിശ്വാസവുമായാണ് പാകിസ്ഥാൻ ഇന്നും കളത്തിലിറങ്ങുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഇതുവരെ 31 അണ്ടർ 19 ഏകദിന മത്സരങ്ങളിലാണ് ഇന്ത്യയും പാകിസ്ഥാനും ഏറ്റുമുട്ടിയത്. ഇതിൽ 17 മത്സരങ്ങളിൽ ഇന്ത്യ വിജയിച്ചപ്പോൾ 13 എണ്ണത്തിൽ പാകിസ്ഥാൻ ജയം സ്വന്തമാക്കി; ഒരു മത്സരം ഫലമില്ലാതെ അവസാനിച്ചു. എന്നാൽ 2021-ന് ശേഷമുള്ള കണക്കുകൾ ഇന്ത്യയ്ക്ക് അത്ര അനുകൂലമല്ല. അവസാന ഏഴ് പോരാട്ടങ്ങളിൽ രണ്ടെണ്ണത്തിൽ മാത്രമാണ് ഇന്ത്യയ്ക്ക് ജയിക്കാനായത്.പാകിസ്ഥാൻ അണ്ടർ 19 പ്ലേയിംഗ് ഇലവൻ: ഉസ്മാൻ ഖാൻ, ഹയാം ഖാൻ, അബ്ദുൾ ഖാദിർ, ഫർഹാൻ യൂസഫ് (ക്യാപ്റ്റൻ), അഹമ്മദ് ഹുസൈൻ, അലി റാസ, ഹംസ സഹൂർ (വിക്കറ്റ് കീപ്പർ), ഹസ്നൈൻ അബ്ബാസ് ദാർ, മുഹമ്മദ് സയ്യാം, റിസ്വാനുള്ള, നിഖാബ് ഷഫീഖ്.ഇന്ത്യ അണ്ടർ-19 പ്ലേയിംഗ് ഇലവൻ: ലക്ഷ്യ രാജേഷ് റായ്ചന്ദാനി (ക്യാപ്റ്റൻ), ആര്യവീർ സെവാഗ്, വി.കെ. വിനീത്, യഷ്‌വർദ്ധൻ ചൗഹാൻ, അർജുൻ രജ്പുത്, അൻവയ് ദ്രാവിഡ് (വിക്കറ്റ് കീപ്പർ), മനൽ ചൗഹാൻ, മോഹിത് ഉൽവ, ആര്യൻ സവ്‌സാനി, കാവ്യ പട്ടേൽ, ചിഗുരുപാട്ടി വെങ്കട.

ഡബിളടിച്ച്‌ അര്‍ജുന്‍, ഹോം മാച്ചില്‍ വമ്പോടെ കൊമ്പന്‍സ്‌, സൂപ്പര്‍ ലീഗ്‌ കേരളയില്‍ സെമി സാധ്യത

Web Desk — Sat, 14 Nov 2026 08:26:06 +0530

തിരുവനന്തപുരം: ഹോം മാച്ചില്‍ ഫോഴ്‌സ കൊച്ചിയെ നേരിടാനിറങ്ങുമ്പോള്‍ തിരുവന്തപുരം കൊമ്പന്‍സിന്റെ മനസില്‍ സെമി സ്‌പോട്‌ മാത്രമായിരുന്നു. മികച്ച ഫോമിലുള്ള ഫോഴ്‌സ കൊച്ചിയെ അര്‍ജുന്‍ നേടിയ ഇരട്ട ഗോളുകളുടെയും ശ്രീരാജിന്റെ ഗോളിന്റെയും ബലത്തില്‍ 3-2ന്‌ വീഴ്‌ത്തിയ കൊമ്പന്‍സ്‌ സൂപ്പര്‍ ലീഗ്‌ കേരളയില്‍ സെമി സാധ്യത നിലനിര്‍ത്തി. നിധിന്‍ മധു, പൗളോ ഹെന്‍ റിക്‌ എന്നിവര്‍ ഫോഴ്‌സ കൊച്ചിക്കായി ലക്ഷ്യം കണ്ടു.എട്ട് കളികളിൽ 13 പോയന്റുമായി കൊച്ചി രണ്ടാം സ്ഥാനത്തും 11 പോയന്റുമായി കൊമ്പൻസ് നാലാം സ്ഥാനത്തും തുടരുന്നു.

പുതിയ സൈനിങ് ബെൽഫോർട്ടിനെ ആദ്യ ഇലവനിൽ ഉൾപ്പെടുത്തി ഇറങ്ങിയ കൊമ്പൻസിന്, കൊച്ചി പ്രതിരോധത്തെ മറികടന്ന് ഭീഷണി സൃഷ്ടിക്കാൻ മത്സരത്തിന്റെ തുടക്കത്തിൽ കഴിഞ്ഞില്ല. കൊച്ചിയുടെ ആക്രമണങ്ങളുടെ ചാലകശക്തിയായ രാഹുൽ രാജുവിനെ ഏത് വിധേനയും പൂട്ടുക എന്നതായിരുന്നു കൊമ്പൻസിന്റെ പ്രധാന ടാക്ടിക്കൽ പ്ലാൻ. രാഹുലിന്റെ നീക്കങ്ങൾ നിയന്ത്രിച്ച് കൊച്ചിയുടെ മുന്നേറ്റങ്ങളുടെ താളം തെറ്റിക്കാനായിരുന്നു ശ്രമം.

22-ാം മിനിറ്റിൽ കൊച്ചി ലീഡ് നേടി. ഇടതുവിങ്ങിലൂടെ വേഗത്തിൽ കുതിച്ചുകയറിയ ഹർഷൽ റഹ്‌മാൻ സെക്കൻഡ് പോസ്റ്റിലേക്ക് നൽകിയ ക്രോസ് നിധിൻ മധു ഹെഡ് ചെയ്തു. നിലത്തുകുത്തി ഉയർന്ന പന്ത് ക്ലിയർ ചെയ്യാനുള്ള കൊമ്പൻസ് ഡിഫൻഡർ ഷാനുവിന്റെ ശ്രമം പിഴച്ചു. പന്ത് തലയിൽ തട്ടി വലയിൽ കയറി (1–0).

34-ാം മിനിറ്റിൽ കൊമ്പൻസ് സമനില പിടിച്ചു. അർജുൻ എടുത്ത ഫ്രീകിക്ക് കൊച്ചി ഗോൾകീപ്പർ ദേബ്ജിത് മജുംദാർ തടുത്തെങ്കിലും റീബൗണ്ട് ക്ലിയർ ചെയ്യുന്നതിൽ പ്രതിരോധത്തിന് പിഴച്ചു. വീണുകിട്ടിയ പന്തിലേക്ക് കൃത്യസമയത്ത് ഓടിയെത്തിയ ശ്രീരാജ്, അവസരം പാഴാക്കാതെ പോസ്റ്റിലേക്ക് പ്ലേസ് ചെയ്തു (1–1).

രണ്ടാം പകുതിയുടെ തുടക്കത്തിൽ കൊമ്പൻസ് മുഹമ്മദ്‌ നിഷാം, ഗോകുൽ എന്നിവരെ പകരക്കാരായി കൊണ്ടുവന്നു. 62-ാം മിനിറ്റിൽ എലിട്ടൺ ജൂനിയറിന്റെ 30 വാര അകലെ നിന്നുള്ള കനത്ത ഷോട്ട് കൊമ്പൻസ് ഗോൾകീപ്പർ സപം സിംഗ് കോർണർ വഴങ്ങി രക്ഷപ്പെടുത്തി. 65-ാം മിനിറ്റിൽ കൊമ്പൻസിന്റെ ഗോൾ. ജാവോ പരഡേസിന്റെ പാസ് സ്വീകരിച്ച അർജുൻ പിഴവില്ലാതെ ഫിനിഷ് ചെയ്തു (2-1). അവസാന മിനിറ്റുകളിൽ നിരന്തരം ആക്രമണം നയിച്ച കൊച്ചിയുടെ ഗോൾ ശ്രമങ്ങൾ കൊമ്പൻസ് ഗോൾകീപ്പർ സപം സിംഗ് മികച്ച പ്രകടനത്തോടെ പ്രതിരോധിക്കുന്നതിനിടെ 90-ാം മിനിറ്റിൽ പരഡേസിന്റെ പാസിൽ അർജുൻ വീണ്ടും സ്കോർ ചെയ്തു (3-1). തൊട്ടടുത്ത മിനിറ്റിൽ പൗളോ ഹെൻറിക് കൊച്ചിക്കായി ഒരു ഗോൾ മടക്കി (3-2).

എട്ടാം റൗണ്ടിലെ രണ്ടാം മത്സരത്തിൽ ശനിയാഴ്ച (നവംബർ 14) തൃശൂർ മാജിക് എഫ്സി, മലപ്പുറം എഫ്സിയെ നേരിടും. തൃശൂർ കോർപ്പറേഷൻ സ്റ്റേഡിയമാണ് വേദി. കിക്കോഫ് രാത്രി 7.30ന്. ഇരു ടീമുകളും ആദ്യ പാദത്തിൽ മത്സരിച്ചപ്പോൾ നാല് ഗോളുകൾക്ക്‌ മലപ്പുറം വിജയിച്ചു.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌:https://www.youtube.com/live/s0LLVQeMmtU?si=31j3tChnat66QzkK

2030 ലോകകപ്പിലും അര്‍ജന്റീനക്കൊപ്പം സ്‌കലോണി, റെക്കോര്‍ഡിലേക്കുള്ള കരാറില്‍ ഒപ്പുവെച്ചു, മെസിയില്ലാത്ത അര്‍ജന്റീനയെ വാര്‍ത്തെടുക്കല്‍ വെല്ലുവിളി

Web Desk — Sat, 14 Nov 2026 02:48:30 +0530

ബ്യൂണസ്‌അയേഴ്‌സ്‌: 2030 ലോകകപ്പ്‌ വരെ അര്‍ജന്റീന ഫുട്‌ബോള്‍ ടീമിന്റെ പരിശീലകനായി ലയണല്‍ സ്‌കലോണി തുടരും. സ്‌കലോണി കരാര്‍ പുതുക്കാന്‍ തീരുമാനിച്ച വിവരം അര്‍ജന്റീന ഫുട്‌ബോള്‍ അസോസിയേഷന്‍ പ്രസിഡന്റ്‌ ക്ലോഡിയോ ടാപിയ വാര്‍ത്താ സമ്മേളനത്തില്‍ അറിയിച്ചു. 2022 ഖത്തര്‍ ലോകകപ്പില്‍ അര്‍ജന്റീനയെ ചാമ്പ്യന്‍മാരാക്കിയ സ്‌കലോണി, നാല്‌ വര്‍ഷങ്ങള്‍ക്ക്‌ ശേഷം ലോകകപ്പ്‌ ഫൈനലില്‍ വീണ്ടുമെത്തിച്ച്‌ വിസ്‌മയം സൃഷ്ടിച്ചു. ഫൈനലില്‍ സ്‌പെയ്‌നിനോടേറ്റ പരാജയത്തോടെ ലയണല്‍ സ്‌കലോണി അര്‍ജന്റീനയുടെ പരിശീലക സ്ഥാനത്ത്‌ നിന്ന്‌ ഒഴിയുമെന്ന അഭ്യൂഹം ശക്തമായിരുന്നു. എന്നാല്‍, നാല്‌ വര്‍ഷം കൂടി ദേശീയ ടീമിന്‌ തന്ത്രമൊരുക്കാന്‍ സ്‌കലോണി തീരുമാനിക്കുകയായിരുന്നു. ഇതോടെ, മൂന്നു ലോകകപ്പുകളില്‍ അര്‍ജന്റീനയെ പരിശീലിപ്പിക്കുന്ന ആദ്യ പരിശീലകനായി സ്‌കലോണി മാറും.

ടീമിന്റെ നായകനും നെടുംതൂണുമായ ലയണല്‍ മെസി അന്താരാഷ്ട്ര ഫുട്‌ബോളില്‍ നിന്ന്‌ അടുത്തിടെയാണ്‌ വിരമിച്ചത്‌. മെസിക്ക്‌ പിന്നാലെ, അര്‍ജന്റീന ടീമില്‍ നിന്ന്‌ സ്‌കലോണിയും പടിയിറങ്ങുന്നത്‌ ആരാധകരെ നിരാശപ്പെടുത്തിയേനെ.

2018 ലോകകപ്പില്‍ പ്രീക്വാര്‍ട്ടറില്‍ അര്‍ജന്റീന പുറത്തായതിന്‌ ശേഷമാണ്‌ ലയണല്‍ സ്‌കലോണി ആ വര്‍ഷം സെപ്‌തംബര്‍ 18ന്‌ പരിശീലക സ്ഥാനം ഏറ്റെടുക്കുന്നത്‌. അര്‍ജന്റീന ജഴ്‌സി ഉപേക്ഷിച്ച ലയണല്‍ മെസിയെ ടീമിലേക്ക്‌ തിരികെ കൊണ്ടു വന്നതായിരുന്നു സ്‌കലോണിയുടെ ആദ്യത്തെ പ്രധാന നീക്കം. 2021 കോപ അമേരിക്ക കിരീടം നേടിക്കൊണ്ട്‌ സ്‌കലോണി യുഗം ആരംഭിച്ചു. 2022 ലോകകപ്പും 2024 കോപ അമേരിക്കയും നേടിക്കൊണ്ട്‌ മെസി-സ്‌കലോണി സഖ്യം അര്‍ജന്റീനക്ക്‌ സ്വപ്‌നതുല്യമായ ഫുട്‌ബോള്‍ യുഗം തന്നെയാണ്‌ സമ്മാനിച്ചത്‌. മെസിയില്ലാത്ത അര്‍ജന്റീനയെ, കരുത്തു ചോരാത്ത വിധം അടുത്ത ലോകകപ്പിന്‌ ഒരുക്കുക എന്നതാകും സ്‌കലോണി നേരിടാന്‍ പോകുന്ന വെല്ലുവിളി.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

ഫെര്‍ഗൂസന്റെ സിംഹാസനം പോചെറ്റീനോക്ക്‌ ഫിറ്റാകുമോ? മാഞ്ചസ്‌റ്ററിനെ രക്ഷിക്കാന്‍ ക്രിസ്‌റ്റിയാനോ റൊണാള്‍ഡോ വരുമെന്ന്‌ സൂചന നല്‍കി ട്രെയിനര്‍

Vipulnath P — Sat, 14 Nov 2026 01:10:56 +0530

ഇംഗ്ലീഷ്‌ പ്രീമിയര്‍ ലീഗില്‍ അവസാനം കളിച്ച 10 മത്സരങ്ങളില്‍ ഒരു ജയം മാത്രം. മാഞ്ചസ്റ്റര്‍ യുനൈറ്റഡിന്റെ മാനേജര്‍ സ്ഥാനം മൈക്കല്‍ കാരിക്കിന്‌ നഷ്ടമാകാന്‍ ഇത്രയും തന്നെ ധാരാളം. ഇനിയും കരകയറിയില്ലെങ്കില്‍ മാഞ്ചസ്റ്റര്‍ യുനൈറ്റഡ്‌ പ്രീമിയര്‍ ലീഗില്‍ നിന്ന്‌ തരംതാഴ്‌ത്തപ്പെട്ടേക്കാം. പ്രീമിയര്‍ ലീഗ്‌ സാഹചര്യങ്ങള്‍ നന്നായി അറിയാവുന്ന മൗറീസിയോ പോചെറ്റീനോയാണ്‌ പുതിയ മാനേജര്‍. സതംപ്‌ടണ്‍, ടോട്ടനം ഹോസ്‌പര്‍, ചെല്‍സി ക്ലബ്ബുകളെ പരിശീലിപ്പിച്ചിട്ടുണ്ട്‌. സ്‌പെയ്‌നില്‍ എസ്‌പാനിയോളിനെയും ഫ്രാന്‍സില്‍ പി എസ്‌ ജിയുടെയും പരിശീലകനായിരുന്നു. പി എസ്‌ ജിക്ക്‌ ഫ്രഞ്ച്‌ ലീഗ്‌ കിരീടം നേടിക്കൊടുത്തതും പോചെറ്റീനോയ്‌ക്ക്‌ പൊന്‍തൂവലാണ്‌. 2013 ല്‍ മാഞ്ചസ്റ്ററിന്റെ ഇതിഹാസ പരിശീലകന്‍ അലക്‌സ്‌ ഫെര്‍ഗൂസന്‍ വിരമിച്ചതിന്‌ ശേഷം മാഞ്ചസ്റ്ററിന്‌ ലീഗില്‍ മേല്‍വിലാസം നഷ്ടമായി. ഫെര്‍ഗൂസന്‍ പോയതിന്‌ ശേഷം എട്ടാമത്തെ സ്ഥിരം പരിശീലകനാണ്‌ പോചെറ്റീനോ. പതിമൂന്ന്‌ പ്രീമിയര്‍ ലീഗ്‌ കിരീടങ്ങള്‍ മാഞ്ചസ്റ്ററിന്‌ നേടിക്കൊടുത്ത അലക്‌സ്‌ ഫെര്‍ഗൂസന്‍ ഒഴിച്ചിട്ട സിംഹാസനത്തിലേക്ക്‌ അനുയോജ്യരായവര്‍ ആരും തന്നെ ഇതുവരെ എത്തിയിട്ടില്ല.

അതിനിടെ, മാഞ്ചസ്‌റ്റര്‍ യുനൈറ്റഡിന്റെ മുന്‍ ഫിറ്റ്‌നെസ്‌ കോച്ച്‌ മിക്ക്‌ ക്ലെഗ്‌ ഒരു സൂചന നല്‍കി. ക്രിസ്‌റ്റിയാനോ റൊണാള്‍ഡോ ഒരു ദിവസം മാഞ്ചസ്‌റ്റര്‍ യുനൈറ്റഡിന്റെ പരിശീലകനായി വരുമെന്ന്‌. അന്താരാഷ്ട്ര ഫുട്‌ബോള്‍ കരിയര്‍ അവസാനിപ്പിച്ച ക്രിസ്റ്റ്യാനോ നാല്‍പ്പത്തൊന്നാം വയസില്‍ സൗദി ക്ലബ്ബ്‌ അല്‍ നസറിനായി കളിച്ചു കൊണ്ടിരിക്കുകയാണ്‌. ആയിരം ഗോളുകള്‍ എന്ന ചരിത്ര നേട്ടം കൈവരിക്കുന്നതോടെ പ്ലെയിംഗ്‌ കരിയര്‍ പൂര്‍ണമായി അവസാനിപ്പിക്കാനാണ്‌ താരത്തിന്റെ തീരുമാനം. അലക്‌സ്‌ ഫെര്‍ഗൂസന്‍, ഹൊസെ മൗറീഞ്ഞോ, സിനദിന്‍ സിദാന്‍ എന്നീ വിഖ്യാ പരിശീലകര്‍ക്കൊപ്പം പ്രവര്‍ത്തിച്ചിട്ടുള്ള അനുഭവ സമ്പത്ത്‌ ക്രിസ്റ്റ്യാനോ റൊണാള്‍ഡോക്ക്‌ മികച്ച പരിശീലകനാകാനുള്ള സാധ്യതകള്‍ തുറന്നിടുന്നതാണെന്ന്‌ മിക്ക്‌ ക്ലെഗ്‌ നിരീക്ഷിക്കുന്നു.

മാഞ്ചസ്റ്ററിന്റെ മുന്‍ ഫിറ്റ്‌നെസ്‌ കോച്ച്‌ മിക്ക്‌ ക്ലെഗ്‌ 2000 മുതല്‍ 2011 വരെ ക്ലബ്ബില്‍ പവര്‍ ഡെവലപ്‌മെന്റ്‌ കോച്ചായി പ്രവര്‍ത്തിച്ചിരുന്നു. ഈ കാലയളവില്‍ ക്രിസ്‌റ്റിയാനോ റൊണാള്‍ഡോയുടെ ഓരോ ദിവസവും കടന്നുപോകുന്നത്‌ അടുത്തു നിന്ന്‌ മനസിലാക്കിയ വ്യക്തിയാണ്‌ മിക്ക്‌ ക്ലെഗ്‌. ഒരിക്കല്‍ ക്രിസ്‌റ്റിയാനോ തന്നോട്‌ ഫുട്‌ബോള്‍ ക്ലബ്ബ്‌ പരിശീലകനാകുന്നതിനെ കുറിച്ചും ക്ലബ്ബ്‌ ഉടമയാകുന്നതിനെ കുറിച്ചുമൊക്കെ സംസാരിച്ചിരുന്നതായി ക്ലെഗ്‌ സണ്‍ പത്രത്തിന്‌ നല്‍കിയ അഭിമുഖത്തില്‍ വ്യക്തമാക്കുന്നു. ഒരു കാര്യം മനസില്‍ കുറിച്ചിട്ടാല്‍ അത്‌ പ്രാവര്‍ത്തികമാക്കും വരെ ക്രിസ്റ്റ്യാനോ വിശ്രമിക്കില്ലെന്ന്‌ മുന്‍ ഫിറ്റ്‌നെസ്‌ കോച്ച്‌ പറയുന്നു. പതിനെട്ടാം വയസുള്ളപ്പോള്‍ 2003 ലാണ്‌ ക്രിസ്‌റ്റിയാനോ മാഞ്ചസ്‌റ്ററിലെത്തുന്നത്‌. അന്ന്‌ ജിമ്മില്‍ വര്‍ക്കൗട്ട്‌ ചെയ്യാനെത്തുന്ന യുവതാരം ശ്രദ്ധിച്ചത്‌ റിയാന്‍ ഗിഗ്‌സിനെയാണ്‌. കൂടുതല്‍ കാലം പരിക്കുകള്‍ക്ക്‌ പിടികൊടുക്കാതെ റിയാന്‍ ഗിഗ്‌സ്‌ കരിയര്‍ പരിപാലിക്കുന്നത്‌ ക്രിസ്റ്റ്യാനോയെ ആകര്‍ഷിച്ചിരുന്നു.

അന്ന്‌ തന്നെ കൂടുതല്‍ കാലം കരിയര്‍ ഉണ്ടാകണമെന്ന്‌ ക്രിസ്‌റ്റിയാനോ ആഗ്രഹിക്കുകയും റിയാന്‍ ഗിഗ്‌സിന്റെ ഫിറ്റ്‌നെസ്‌ ദിനചര്യകളും ഡയറ്റും ഫോളോ ചെയ്യാനും ക്രിസ്‌റ്റിയാനോ ആരംഭിച്ചുവെന്ന്‌ ക്രെഗ്‌ ഓര്‍ത്തെടുത്തു. ഒരു പരിശീലകനാകുന്നതിനേക്കാള്‍ ക്ലബ്ബ്‌ ഉടമയാകാനാണ്‌ താത്‌പര്യമെന്ന്‌ സമീപകാലത്ത്‌ റൊണാള്‍ഡോ പല തവണ വ്യക്തമാക്കിയിട്ടുണ്ട്‌. സ്‌പാനിഷ്‌ ക്ലബ്ബ്‌ അല്‍മേരിയയില്‍ 25 ശതമാനം ഓഹരികള്‍ വാങ്ങി അദ്ദേഹം ക്ലബ്ബ്‌ ഉടമസ്ഥതയിലേക്ക്‌ ചുവടുവെച്ചിട്ടുണ്ട്‌. മാഞ്ചസ്‌റ്റര്‍ യുനൈറ്റഡിന്റെ ഉടമസ്ഥത ലഭിക്കുകയാണെങ്കില്‍ ക്ലബ്ബിന്റെ നിലവിലെ അടിസ്ഥാനപരമായ പ്രശ്‌നങ്ങള്‍ പരിഹരിക്കുമെന്ന്‌ 2024 ഗ്ലോബ്‌ സോക്കര്‍ അവാര്‍ഡ്‌ വേദിയില്‍ വെച്ച്‌ റൊണാള്‍ഡോ തുറന്ന്‌ പറഞ്ഞിരുന്നു. മാഞ്ചസ്റ്റര്‍ യുനൈറ്റഡിനോട്‌ വൈകാരികമായി അടുപ്പമുള്ള ക്രിസ്റ്റ്യാനോ റൊണാള്‍ഡോ തന്റെ മുന്‍ ഫിറ്റ്‌നെസ്‌ ട്രെയ്‌നര്‍ സൂചന നല്‍കിയത്‌ പോലെ ഭാവിയില്‍ ഓള്‍ഡ്‌ട്രഫോര്‍ഡ്‌ ക്ലബ്ബിന്റെ ഉടമയായി അവതരിച്ചാല്‍ അത്ഭുതപ്പെടേണ്ടതില്ല...

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK

പിച്ചിന്റെ സ്വഭാവത്തെ കുറ്റപ്പെടുത്തി ശ്രേയസ്‌ അയ്യര്‍, കുഴപ്പം പിച്ചിനല്ലെന്ന്‌ ഗൗതം ഗംഭീര്‍, 2027 ലോകകപ്പില്‍ ഈ കളി മതിയാകില്ല

Web Desk — Sat, 14 Nov 2026 00:41:56 +0530

ന്യൂസിലാന്‍ഡിനെതിരെ നാലാം ഏകദിനത്തില്‍ ഇന്ത്യക്കുണ്ടായ ബാറ്റിംഗ്‌ തകര്‍ച്ച ലോകകപ്പ്‌ തയ്യാറെടുപ്പുകളെ ആശങ്കയിലാഴ്‌ത്തുന്നതാണെന്ന്‌ പരിശീലകന്‍ ഗൗതം ഗംഭീര്‍. ന്യൂസിലാന്‍ഡിലെ വേഗമേറിയ പിച്ചില്‍ ഇന്ത്യ 89 റണ്‍സിന്‌ ഓള്‍ ഔട്ടായത്‌ ഷോക്കിംഗ്‌ ആയിരുന്നു. അടുത്ത വര്‍ഷം ദക്ഷിണാഫ്രിക്കയില്‍ നടക്കാനിരിക്കുന്ന 2027 ഏകദിന ലോകകപ്പിലെ സാഹചര്യങ്ങള്‍ക്ക്‌ സമാനമായ പിച്ചിലാണ്‌ ഈ തകര്‍ച്ചയുണ്ടായത്‌ എന്നതാണ്‌ ഗംഭീറിനെ അസ്വസ്ഥനാക്കുന്നത്‌.

ന്യൂസിലാന്‍ഡ്‌ ടീം 335 റണ്‍സടിച്ചെടുത്ത പിച്ചിലാണ്‌ ഇന്ത്യ 26.4 ഓവറില്‍ കൂടാരം കയറിയത്‌. പിച്ചിന്റെ സ്വഭാവം മാറിയതാണ്‌ ബാറ്റിംഗ്‌ തകര്‍ച്ചക്ക്‌ കാരണമെന്ന ക്യാപ്‌റ്റന്‍ ശ്രേയസ്‌ അയ്യരുടെ വാദം കോച്ച്‌ ഗംഭീര്‍ തള്ളിക്കളയുന്നുണ്ട്‌. മാറ്റ്‌ ഹെന്‍റിയുടെ കൃത്യതയായര്‍ന്ന പന്തുകളെ തന്ത്രപൂര്‍വം പ്രതിരോധിക്കാന്‍ ബാറ്റര്‍മാര്‍ക്ക്‌ കഴിയണമായിരുന്നുവെന്ന്‌ ഗൗതം ഗംഭീര്‍ വാര്‍ത്താ സമ്മേളനത്തില്‍ തുറന്നടിച്ചു.

കുറഞ്ഞ സ്‌കോറിനേക്കാള്‍ തന്നെ ആശങ്കപ്പെടുത്തുന്നത്‌ 26.4 ഓവറിനുള്ളില്‍ ടീം മുഴുവന്‍ പുറത്തായ രീതിയാണെന്ന്‌ ഗംഭീര്‍ പറഞ്ഞു. രണ്ടാം ഏകദിനത്തില്‍ 135 റണ്‍സ്‌ പിന്തുടരുമ്പോഴും ഇന്ത്യ 111 റണ്‍സിന്‌ ഏഴ്‌ വിക്കറ്റ്‌ എന്ന നിലയിലേക്ക്‌ തകര്‍ന്നിരുന്നു.

ആദ്യ 10-15 ഓവറുകള്‍ എങ്ങനെ കളിക്കണമെന്ന്‌ കൂടി അറിഞ്ഞിരിക്കണം. ഇന്ത്യന്‍ പിച്ചുകളില്‍ ആദ്യ 15 ഓവറുകള്‍ ബൗളര്‍മാരെ ആക്രമിച്ചു കളിക്കാന്‍ ഉതകുന്നതാണ്‌. ന്യൂസിലാന്‍ഡില്‍ സാഹചര്യം വ്യത്യസ്‌തമാണ്‌. അവിടെ ക്ഷമയും ശാന്തതയും വേണം. വിക്കറ്റ്‌ നഷ്ടപ്പെടാതെ ആദ്യ പത്ത്‌ ഓവറില്‍ 35-40 റണ്‍സെടുക്കുന്നത്‌ പോലും മികച്ച തുടക്കമായി കണക്കാക്കാമെന്ന്‌ ഗംഭീര്‍ ചൂണ്ടിക്കാട്ടി.

മാറ്റ്‌ ഹെന്‍ റി മികച്ച ലൈനിലും ലെംഗ്‌തിലും പന്തെറിഞ്ഞു. പക്ഷേ, അന്താരാഷ്ട്ര ക്രിക്കറ്റില്‍ പ്രതിരോധിക്കാന്‍ കഴിയാത്ത പന്തുകളില്ല. സാങ്കേതികമായ വിശകലനങ്ങളേക്കാള്‍ മാനസികമായ തയ്യാറെടുപ്പുകള്‍ പ്രധാനമാണ്‌. മുന്‍ മത്സരങ്ങളിലെ പിഴവുകള്‍ തിരിച്ചറിഞ്ഞ്‌, അടുത്ത മത്സരത്തിന്‌ തയ്യാറെടുക്കേണ്ടതുണ്ടെന്നും ഗംഭീര്‍ കൂട്ടിച്ചേര്‍ത്തു.

ഏഷ്യാനെറ്റ്‌ ന്യൂസ്‌ ലൈവ്‌ ലിങ്ക്‌: https://www.youtube.com/live/s0LLVQeMmtU?si=31j3tChnat66QzkK