Asianet News Malayalam

ബോട്ടിലിരുന്ന് വെള്ളത്തിലുള്ള സ്രാവിനെ താലോലിക്കാനാഞ്ഞ് യുവതി, തലനാരിഴയ്ക്ക് അക്രമത്തിൽ നിന്നും രക്ഷപ്പെട്ടു

Web Desk — Wed, 28 Oct 2026 12:30:21 +0530

ബോട്ടിൽ നിന്ന് വെള്ളത്തിലേക്ക് കൈ നീട്ടി തൊടാൻ ശ്രമിച്ച യുവതിയെ അക്രമിക്കാനാഞ്ഞ് സ്രാവ്. ജോർജിയയിലെ ടൈബി ഐലൻഡിന് സമീപം സമുദ്ര ഗവേഷണ ബോട്ടിൽ നടന്ന ഞെട്ടിക്കുന്ന സംഭവത്തിന്റെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. തൊടാൻ ശ്രമിച്ച യുവതിയെ പെട്ടെന്ന് തിരിഞ്ഞ് ആക്രമിക്കാൻ ആഞ്ഞടുക്കുകയായിരുന്നു ഗ്രേറ്റ് വൈറ്റ് ഷാർക്ക്.

വിമുക്ത ഭടന്മാർക്കും അവരുടെ കുടുംബങ്ങൾക്കുമായി സൗജന്യ ഫിഷിംഗ് ട്രിപ്പുകൾ സംഘടിപ്പിക്കുന്ന സംഘടനയായ 'നോട്ട് ലക്കി ഫിഷിംഗി'ന്റെ സ്ഥാപകനും മുൻ ആർമി റെഞ്ചറുമായ ജിമ്മി ലീ ആർമൽ ആണ് ഈ ദൃശ്യങ്ങൾ ഫേസ്ബുക്കിൽ പങ്കുവെച്ചത്. സ്രാവുകളിൽ ടാഗ് ഘടിപ്പിക്കുന്ന ഗവേഷണ യാത്രയ്ക്കിടെയായിരുന്നു ഈ സംഭവം. സ്രാവുകളുടെ സഞ്ചാരപഥവും ജീവിതരീതികളും പഠിക്കുന്നതിനായാണ് അവയെ പിടിച്ച് ടാഗ് ചെയ്ത് തിരികെ വിടുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ബോട്ടിലുണ്ടായിരുന്ന ജെൻ എന്ന യുവതിയാണ് വെള്ളത്തിലുണ്ടായിരുന്ന ഗ്രേറ്റ് വൈറ്റ് ഷൈർക്കിനെ താലോലിക്കാൻ ശ്രമിച്ചത്. എന്നാൽ, നിമിഷനേരം കൊണ്ട് സ്രാവ് പെട്ടെന്ന് തിരിഞ്ഞ് അവരുടെ കൈക്ക് നേരെ കടിക്കാൻ വരികയായിരുന്നു. ഭയപ്പെടുത്തുന്ന രംഗമായിരുന്നെങ്കിലും ജെൻ യഥാർത്ഥത്തിൽ അപകടത്തിലായിരുന്നില്ലെന്ന് ആർമൽ വ്യക്തമാക്കി.

"ക്രൂ അംഗങ്ങളുടെ പൂർണ്ണ നിയന്ത്രണത്തിലായിരുന്നു സ്രാവ്. അതിനാൽ ആർക്കും പരിക്കേറ്റില്ല. എന്നാൽ, ഈ ജീവികൾ എത്രത്തോളം ശക്തരും അപകടകാരികളുമാണെന്ന് ഈ സംഭവം നമ്മെ ഓർമ്മിപ്പിക്കുന്നു. അവ അർഹിക്കുന്ന ആദരവ് നാം നൽകേണ്ടതുണ്ട്" ആർമൽ കൂട്ടിച്ചേർത്തു.

എന്നാൽ, സുരക്ഷിതമായ അവസരം ലഭിക്കാത്തതിനാലും ക്രൂവിന്റെയും സ്രാവിന്റെയും സുരക്ഷ മുൻനിർത്തിയും ഈ സ്രാവിൽ ടാഗ് പതിപ്പിക്കാൻ സാധിച്ചില്ലെന്നും, അതിനെ സുരക്ഷിതമായി കടലിലേക്ക് തന്നെ തുറന്നുവിട്ടെന്നും അദ്ദേഹം പറഞ്ഞു.

ഗ്രേറ്റ് വൈറ്റ് ഷാർക്ക്സ് (Great White Sharks)

നാഷണൽ ജിയോഗ്രാഫിക്കിന്റെ റിപ്പോർട്ട് അനുസരിച്ച്, ലാംനിഡേ കുടുംബത്തിലെ മകെരൽ ഷാർക്ക് വർഗ്ഗത്തിൽപ്പെട്ടവയാണിവ. അടിവശത്തെ വെള്ള നിറം കാരണമാണ് ഇവയ്ക്ക് ഈ പേര് ലഭിച്ചത്. ശരീരത്തിന്റെ മുകൾഭാഗം ചാരനിറത്തിലോ തവിട്ടുനിറത്തിലോ ആയിരിക്കും. 1975-ൽ പുറത്തിറങ്ങിയ പ്രശസ്തമായ Jaws എന്ന സിനിമയിലൂടെ ലോകമെമ്പാടും ഏറ്റവും കൂടുതൽ ശ്രദ്ധിക്കപ്പെട്ട സ്രാവ് വർഗ്ഗമാണിത്.

'ജീവിതത്തിലാദ്യമായി കിട്ടിയതാ'; കണ്ണ് നിറഞ്ഞ് ട്രക്ക് ഡ്രൈവർ, തൊഴിലുടമ നല്‍കിയ ദീപാവലി സമ്മാനം, വീഡിയോയ്‍ക്ക് 2 മില്ല്യണ്‍ കാഴ്ച്ചക്കാര്‍

Web Desk — Wed, 11 Nov 2026 11:31:46 +0530

ഓർക്കാപ്പുറത്ത് സമ്മാനം കിട്ടുക, ഏതൊരു മനുഷ്യനെയും ആനന്ദത്തിലും ആഹ്ലാദത്തിലുമാക്കാൻ അതിന് സാധിക്കും. അതിനൊരുദാഹരണമാണ് ഇപ്പോൾ സോഷ്യൽ മീഡിയയിൽ ശ്രദ്ധിക്കപ്പെട്ടു കൊണ്ടിരിക്കുന്ന ഈ ഒരു വീഡിയോ. ഒരു ട്രക്ക് ഡ്രൈവർക്ക് ട്രക്കുടമ നൽകിയ അപ്രതീക്ഷ സമ്മാനമാണ് വീഡിയോയിൽ. 11 വർഷമായി ഇവിടെ ജീവനക്കാരനാണ് ഡ്രൈവറായ യുവാവ്. തനിക്ക് കിട്ടിയ സമ്മാനങ്ങൾ ഏറെ ആവേശത്തോടെ തുറന്നുനോക്കുന്ന യുവാവിനെ വീഡിയോയിൽ കാണാം.

സുരേഷ് മൗര്യ എന്ന ഡ്രൈവറാണ് വീഡിയോ സോഷ്യൽ മീഡിയയിൽ ഷെയർ ചെയ്തിരിക്കുന്നത്. പുതിയൊരു ഷർട്ട്, പാന്റ്, മിൽട്ടൺ ടിഫിൻ ബോക്സ് സെറ്റ്, മിൽട്ടൺ തെർമോ ഫ്ലാസ്ക്, ഒരു കിലോ കാജു കട്ലി, 1000 രൂപ എന്നിവയടങ്ങുന്നതാണ് ഈ സമ്മാനപ്പൊതി. ഈ സമ്മാനപ്പൊതി യുവാവിനെ എത്രമാത്രം സന്തോഷിപ്പിച്ചു എന്നറിയാൻ ഈ വീഡിയോ കണ്ടാൽ മാത്രം മതി. ആവർത്തിച്ചാവർത്തിച്ച് യുവാവ് തന്റെ സന്തോഷം പ്രകടിപ്പിക്കുന്നത് വീഡിയോയിൽ കാണാം. തന്റെ ജോലിക്കുള്ള അംഗീകാരമായി ഇങ്ങനെ ഒരു സമ്മാനം തനിക്ക് കിട്ടുന്നത് ആദ്യമായിട്ടാണ് എന്നും യുവാവ് പറയുന്നുണ്ട്.

View this post on Instagram

A post shared by Suresh Maurya Suresh (@suresh_mauryaup61)

രണ്ട് മില്ല്യണിലധികം ആളുകളാണ് ഇൻസ്റ്റഗ്രാമിൽ ഷെയർ ചെയ്തിരിക്കുന്ന ഈ വീഡിയോ കണ്ടിരിക്കുന്നത്. നിരവധിപ്പേരാണ് വീഡിയോയ്ക്ക് കമന്റുകൾ നൽകിയിരിക്കുന്നതും. സുരേഷിന്റെ ആത്മാർത്ഥത തിരിച്ചറിയുകയും സമ്മാനം നൽകുകയും ചെയ്ത തൊഴിലുടമയെ പലരും അഭിനന്ദിച്ചു. 'ആദ്യമായിട്ടാണ് ഇങ്ങനെ ഒരു സമ്മാനം കിട്ടുന്നത് എന്ന് യുവാവ് പറഞ്ഞപ്പോൾ ഞാൻ കരഞ്ഞുപോയി' എന്നായിരുന്നു ഒരാളുടെ കമന്റ്. 'ആ ലഞ്ച് ബോക്സ് എപ്പോഴും ഭക്ഷണത്താൽ നിറഞ്ഞിരിക്കട്ടെ' എന്നായിരുന്നു മറ്റൊരാൾ കമന്റ് നൽകിയത്. ഒരു സമ്മാനം എത്ര വലിയ സന്തോഷമാണ് ഒരാളിൽ ഉണ്ടാക്കുന്നത് എന്നതിന്റെ തെളിവാണ് ഈ മനോഹരമായ വീഡിയോ എന്ന കാര്യത്തിൽ സംശയമില്ല.

പൊന്നാങ്ങളയുടെ കിടിലന്‍ സർപ്രൈസ്; 14,000 കിലോമീറ്റർ താണ്ടി സഹോദരിയുടെ ബിരുദദാനച്ചടങ്ങിലെത്തി യുവാവ്

Web Desk — Tue, 27 Oct 2026 11:00:55 +0530

എത്രയെത്ര ദൂരത്താണെങ്കിലും കുടുംബബന്ധങ്ങളുടെ ആഴം അങ്ങനെയൊന്നും ഇല്ലാതാകില്ലെന്ന് തെളിയിക്കുന്ന അനേകം വീഡിയോകൾ നമ്മൾ സോഷ്യൽ മീഡിയയിൽ കാണുന്നുണ്ടാകും. അതുപോലെ ഒരു വീഡിയോയാണ് ഇപ്പോൾ ശ്രദ്ധ നേടുന്നത്. വിദേശത്തുനിന്ന് 14,000 കിലോമീറ്റർ യാത്ര ചെയ്ത് അനിയത്തിയുടെ ബിരുദദാന ദിനത്തിൽ അപ്രതീക്ഷിതമായി മുന്നിലെത്തിയ ഒരു സഹോദരന്റെ സർപ്രൈസ് ആണ് ഈ വൈറലാകുന്ന വീഡിയോ.

തരുൺ എന്ന യുവാവാണ് തന്റെ സഹോദരിക്ക് നൽകിയ മനോഹരമായ സർപ്രൈസിന്റെ വീഡിയോ ഇൻസ്റ്റാഗ്രാമിലൂടെ പങ്കുവെച്ചത്. 'സഹോദരിയുടെ ബിരുദദാനച്ചടങ്ങിൽ സർപ്രൈസായി പങ്കെടുക്കാൻ നിങ്ങൾ 14,000 കിലോമീറ്റർ വിമാനത്തിൽ പറക്കുമ്പോൾ...' എന്ന ക്യാപ്ഷനോടെയാണ് വീഡിയോ ആരംഭിക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പൊടുന്നനെ സഹോദരനെ മുന്നിൽ കണ്ടതും വൈകാരികമായിട്ടാണ് പെൺകുട്ടി പ്രതികരിച്ചത്. സന്തോഷം അടക്കാനാവാതെ അവൾ സഹോദരനെ കെട്ടിപ്പിടിക്കുന്നതും വീഡിയോയിൽ കാണാം.

View this post on Instagram

A post shared by DC Tarun (@dctarun)

സർപ്രൈസിനു പിന്നിലെ ഒരു രസകരമായ അനുഭവവും തരുൺ പോസ്റ്റിൽ കുറിച്ചിട്ടുണ്ട്. താൻ എത്തുന്നതിന് ഒരു മണിക്കൂർ മുമ്പ് തന്നെ 'അവൻ വന്നോ' എന്ന് തങ്ങളുടെ വലിയമ്മ അനിയത്തിയോട് ചോദിച്ചിരുന്നു. എങ്കിലും തരുണിനെ നേരിട്ട് കണ്ട നിമിഷത്തിൽ സഹോദരി വൈകാരികമായി പ്രതികരിക്കുകയായിരുന്നു.

വീഡിയോ സോഷ്യൽ മീഡിയയിൽ വൈറലായതോടെ നിരവധിയാളുകളാണ് ആശംസകളുമായി എത്തിയത്. 'ഏറ്റവും മനോഹരമായ അനുഭവം', 'വളരെ മനോഹരം', 'സഹോദരനും സഹോദരിയും തമ്മിലുള്ള ഈ സ്നേഹം കാണാൻ ഏറെ ഇഷ്ടം' എന്നിങ്ങനെ പോകുന്നു ആളുകളുടെ കമന്റുകൾ.

കാശുകൊടുത്ത് ജീവനുള്ള മീൻ വാങ്ങി, എല്ലാത്തിനെയും തിരിച്ച് കടലിലൊഴുക്കി ദമ്പതികൾ; കോമൺസെൻസില്ലേ എന്ന് നെറ്റിസൺസ്

Web Desk — Sun, 08 Nov 2026 11:56:20 +0530

ധനുഷ്കോടി തീരത്തുനിന്ന് വാങ്ങിയ ജീവനുള്ള മീനുകളെ കടലിലേക്ക് തിരികെവിട്ട് പരിസ്ഥിതി സ്നേഹം പ്രകടിപ്പിക്കാൻ ശ്രമിച്ച ഡെൽഹി ദമ്പതികൾക്ക് സോഷ്യൽ മീഡിയയിൽ വൻ വിമർശനം. ധനുഷ്കോടി ബീച്ചിൽ വച്ച് പ്രദേശത്തെ മീൻപിടുത്തക്കാരിൽ നിന്ന് അഞ്ച് കിലോഗ്രാം ജീവനുള്ള മീനുകളെ പണം കൊടുത്ത് വാങ്ങിയ ശേഷം അവയെ ഇവർ കടലിലേക്ക് തന്നെ ഒഴുക്കി വിടുകയായിരുന്നു.

@AbdruDarlz എന്ന എക്സ് യൂസറാണ് വീഡിയോ സോഷ്യൽ മീഡിയയിൽ ഷെയർ ചെയ്തിരിക്കുന്നത്. വൈകാരികമായി പ്രതികരിച്ചുകൊണ്ട് യുവതി മീനുകളെ കടലിലേക്ക് തുറന്നുവിടുന്ന ദൃശ്യങ്ങൾ ഇതിൽ കാണാം. എന്നാൽ, ഈ പ്രവൃത്തി കരുണയുടെ പ്രതീകമാണോ അതോ വെറും വിവരക്കേടാണോ എന്ന വിഷയത്തിലാണ് സോഷ്യൽ മീഡിയ രണ്ടുചേരിയായി തിരിഞ്ഞ് അഭിപ്രായങ്ങൾ പങ്കുവയ്ക്കുന്നത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

'കടലിന് നിങ്ങളുടെ ജീവകാരുണ്യം ആവശ്യമില്ല, നിങ്ങളുടെ തലച്ചോറിനാണ് ഓക്സിജൻ ആവശ്യം. കോമൺസെൻസ് എന്നത് എല്ലാവർക്കും ജന്മാവകാശമായി കിട്ടണമെന്നില്ല' എന്ന അടിക്കുറിപ്പോടെയാണ് വീഡിയോ പോസ്റ്റ് ചെയ്തിരിക്കുന്നത്.

വിഡിയോ വൈറലായതോടെ രൂക്ഷമായ പ്രതികരണങ്ങളാണ് പോസ്റ്റിന് താഴെ ഉയരുന്നത്. 'മീൻ വാങ്ങി കടലിൽ വിട്ടിട്ട് അത് വലിയൊരു രക്ഷാപ്രവർത്തനമായി ചിത്രീകരിക്കുന്നു. മീൻപിടുത്തക്കാർക്ക് പണം കിട്ടി, ദമ്പതികൾക്ക് രക്ഷകരാണെന്ന തോന്നലുമുണ്ടായി, പക്ഷെ കോമൺ സെൻസില്ലാണ്ടായിപ്പോയി' എന്ന് ഒരാൾ കുറിച്ചു. മറ്റുചിലർ ദമ്പതിമാരെ പിന്തുണച്ചും രംഗത്തെത്തി.

A Delhi couple bought 5 kg of live fish from local fishermen at Dhanushkodi beach and released them back into the sea

The ocean didn't need your charity. Your brain needed some oxygen, Common sense is clearly not everyone's birthright!!!? https://t.co/RQAIR5HoyX

— A ɴ ᴅ ʀ ᴜ  (@AndruDarlz) November 7, 2026

'അത് അവരുടെ ഇഷ്ടമാണ്. വീണ്ടും വലയിലാകാനോ മറ്റ് ജീവികളുടെ ഇരയാകാനോ സാധ്യതയുണ്ടെങ്കിലും, ആ മീനുകൾക്ക് ജീവിക്കാൻ ഒരു അവസരം കൂടി നൽകിയെന്ന സന്തോഷത്തിൽ അവർക്ക് ഉറങ്ങാം. അവരുടെ കാഴ്ചപ്പാട് മനസ്സിലാക്കാതെ പരിഹസിക്കരുത്' എന്നായിരുന്നു മറ്റൊരു പ്രതികരണം.

ചപ്പാത്തി പരത്തും, കൃഷിപ്പണിയും; തൊട്ടടുത്ത നിമിഷം ലക്ഷങ്ങളുടെ ഡിസൈനർ വസ്ത്രത്തിൽ റാംപിൽ! ഇന്ത്യൻ മോഡലുകളുടെ വൈറൽ ട്രെൻഡ്

Web Desk — Sat, 31 Oct 2026 11:11:54 +0530

ഒരു വശത്ത് വീട്ടുജോലികൾ, കൃഷിപ്പണികൾ, നാട്ടിൻപുറത്തെ സാധാരണ ജീവിതം. മറുവശത്ത് ആഡംബര വസ്ത്രങ്ങളും മേക്കപ്പും അന്താരാഷ്ട്ര ഫാഷൻ റാംപുകളും. ഇൻസ്റ്റഗ്രാമിൽ തരംഗമായി മാറുകയാണ് ഇന്ത്യൻ ഫാഷൻ മോഡലുകളുടെ 'ഹോംടൗൺ വേഴ്‌സസ് റൺവേ' (Hometown vs Runway) ട്രെൻഡ്. കഴിഞ്ഞ ഏതാനും ആഴ്ചകളായി നൂറുകണക്കിന് മോഡലുകളാണ് ഈ ആശയത്തിൽ വീഡിയോകൾ പങ്കുവെക്കുന്നത്.

'നാടനി'ൽ നിന്ന് റാംപിലേക്ക്!

View this post on Instagram

A post shared by Deeksha (@officialdeeksha03)

'സ്വാമി പർദേശ്' എന്ന ഗർവാലി ഗാനത്തിന്‍റെ പശ്ചാത്തലത്തിലാണ് മിക്ക വീഡിയോകളും ഒരുക്കിയിരിക്കുന്നത്. മേക്കപ്പില്ലാതെ സാധാരണ വസ്ത്രങ്ങളിൽ നാട്ടിലെ ജീവിതം അവതരിപ്പിച്ചശേഷം പാട്ടിന്‍റെ താളം മാറുന്നതോടെ ആഡംബര ഫാഷൻ വേഷങ്ങളിൽ റാംപിൽ പ്രത്യക്ഷപ്പെടുന്നതാണ് വീഡിയോകളുടെ പ്രത്യേകത.

View this post on Instagram

A post shared by Karan (@karankarki0)

മോഡൽ ദീക്ഷ വീട്ടിലിരുന്ന് ചപ്പാത്തി പരത്തുന്ന ദൃശ്യങ്ങൾക്ക് പിന്നാലെ ലാക്മെ ഫാഷൻ വീക്കിൽ റാംപിൽ നടക്കുന്ന രംഗങ്ങളാണ് പങ്കുവെച്ചത്. കരൺ നാട്ടിൽ വെള്ളം ചുമന്നുകൊണ്ടുപോകുന്ന ദൃശ്യങ്ങൾക്കുശേഷം റാംപിലെത്തുന്നു. മഹാരാഷ്ട്രയിൽ നിന്നുള്ള സാക്ഷി കുംഭാർ കൃഷിപ്പണികൾ ചെയ്യുന്ന ദൃശ്യങ്ങളിൽനിന്ന് പെടുന്നനെ കറുത്ത ഹൈഫാഷൻ വസ്ത്രത്തിൽ ലാക്മെ ഫാഷൻ വീക്കിലെത്തുന്നതും ശ്രദ്ധേയമായി.

View this post on Instagram

A post shared by Sakshi Kumbhar (@sakshikumbharr)

നകുൽ ഭരദ്വാജ് വീട്ടുജോലികളിൽനിന്ന് വെർസാച്ചെയുടെ ഫാഷൻ റാംപിലേക്കുള്ള മാറ്റമാണ് പങ്കുവെച്ചത്. രാജ് ഡോബാൽ വിറക് വെട്ടുന്ന ദൃശ്യങ്ങൾക്കുശേഷം ലാക്മെ റാംപിലെത്തി. ബെംഗളൂരുവിൽ നിന്നുള്ള സംഗീത രമേശും ചപ്പാത്തി പരത്തുന്നതിൽനിന്ന് വെള്ളി നിറത്തിലുള്ള വസ്ത്രത്തിൽ റാംപിലെത്തുന്ന ദൃശ്യങ്ങൾ പങ്കുവെച്ചു.

View this post on Instagram

A post shared by Nakul Bhardwaj (@nakulbhardwaj.01)

വേരുകൾ മറക്കാതെ...

മോഡലുകളുടെ തിളക്കമാർന്ന പ്രൊഫഷണൽ ജീവിതത്തിനപ്പുറമുള്ള സാധാരണ ജീവിതം കൂടി പരിചയപ്പെടുത്തുന്നതാണ് ഈ ട്രെൻഡിന്‍റെ ആകർഷണം. സ്വന്തം നാടിനെയും വേരുകളെയും മറക്കാതെ ആഗോള ഫാഷൻ ലോകത്ത് ഇടംനേടുന്ന പുതിയ തലമുറയുടെ ആത്മവിശ്വാസവും വീഡിയോകൾ വ്യക്തമാക്കുന്നു.

വിമാനത്തിനുള്ളിൽ നായ മൂത്രമൊഴിച്ചു; ദുർഗന്ധം സഹിച്ച് യാത്ര തുടരാൻ യാത്രക്കാർ! പൈലറ്റിന്‍റെ വിചിത്ര വോട്ടെടുപ്പ്, വീഡിയോ വൈറൽ

Web Desk — Fri, 30 Oct 2026 18:19:36 +0530

വിമാനത്തിനുള്ളിൽ നായ മൂത്രമൊഴിച്ചതിനെത്തുടർന്ന് യാത്രക്കാർക്ക് മുന്നിൽ വിചിത്രമായൊരു തെരഞ്ഞെടുപ്പുകൾ വെച്ച് പൈലറ്റ്. വിമാനം വൃത്തിയാക്കാൻ കാത്തിരുന്ന് യാത്ര വൈകിപ്പിക്കണോ, അതോ നായ മൂത്രത്തിന്‍റെ ദുർഗന്ധം സഹിച്ച് കൃത്യസമയത്ത് യാത്ര തുടരണമോ എന്നായിരുന്നു പൈലറ്റിന്‍റെ ചോദ്യം. ഡെൽറ്റ എയർലൈൻസിന്‍റെ വിമാനത്തിലുണ്ടായ സംഭവത്തിന്‍റെ ദൃശ്യങ്ങൾ ഇപ്പോൾ സമൂഹ മാധ്യമങ്ങളിൽ വൈറൽ.

രണ്ട് സാധ്യതകൾ മുന്നോട്ട് വച്ച് പൈലറ്റ്

ന്യൂയോർക്കിലെ ലാ ഗാർഡിയ വിമാനത്താവളത്തിൽനിന്ന് പുറപ്പെടാനിരുന്ന വിമാനത്തിലാണ് സംഭവമെന്ന് റിപ്പോർട്ടുകൾ പറയുന്നു. ആദ്യ യാത്രയ്ക്കിടെ വിമാനത്തിനുള്ളിൽ ഒരു നായ മൂത്രമൊഴിച്ചതായും ക്യാബിൻ വൃത്തിയാക്കാൻ സമയം ആവശ്യമാണെന്നും പൈലറ്റ് യാത്രക്കാരെ അറിയിച്ചു. അങ്ങനെ വിമാനം വൃത്തിയാക്കേണ്ടി വരുമ്പോൾ വിമാനം വൈകുമെന്ന് അറിയിച്ച പൈലറ്റ് യാത്രക്കാർക്ക് മുന്നിൽ രണ്ടാമത്തെ സാധ്യത മുന്നോട്ട് വച്ചു. അത്, നായ മൂത്രത്തിന്‍റെ ദുർഗന്ധം സഹിച്ച് നിശ്ചയിച്ച സമയത്ത് തന്നെ വിമാനം പുറപ്പെടാമെന്നായിരുന്നു.

View this post on Instagram

A post shared by Jennifer Coffey (@jennifercoffey)

വീഡിയോ വൈറൽ

ടെലിവിഷൻ അവതാരക ജെന്നിഫർ കോഫിയാണ് സംഭവത്തിന്‍റെ വീഡിയോ ഇൻസ്റ്റഗ്രാമിൽ പങ്കുവച്ചത്. ദുർഗന്ധം സഹിച്ച് സമയത്ത് വീട്ടിലെത്താൻ ആഗ്രഹിക്കുന്നവർ കൈ ഉയർത്തി അറിയിക്കണമെന്ന് പൈലറ്റ് ആവശ്യപ്പെട്ടതായും അവർ കുറിച്ചു. പിന്നാലെ യാത്രക്കാർ കൈ ഉയർത്തി അഭിപ്രായം രേഖപ്പെടുത്തുന്നതും വീഡിയോയിൽ കാണാം. എന്നാൽ, കോഫി ഈ വിമാനത്തിലെ യാത്രക്കാരിയായിരുന്നില്ലെന്ന് റിപ്പോർട്ടുകൾ പറയുന്നു. വോട്ടെടുപ്പിന്‍റെ അന്തിമഫലവും വിമാനം വൈകിയോയെന്ന കാര്യവും വ്യക്തമല്ല.

നായ മൂത്രം 'അത്ര പ്രശ്നമല്ലെ'ന്ന് നെറ്റിസെൺസ്

വീഡിയോ പുറത്തുവന്നതോടെ വളർത്തുമൃഗങ്ങളെ വിമാനത്തിൽ അനുവദിക്കുന്നതിനെക്കുറിച്ച് വലിയ ചർച്ചയാണ് നടക്കുന്നത്. വളർത്തുമൃഗങ്ങളെ വിമാനത്തിൽ കൊണ്ടുപോകരുതെന്ന് ചിലർ അഭിപ്രായപ്പെട്ടപ്പോൾ, യാത്ര വൈകിക്കുന്നതിനേക്കാൾ ദുർഗന്ധം സഹിച്ച് ലക്ഷ്യസ്ഥാനത്തെത്തുന്നതാണ് നല്ലതെന്ന് മറ്റുചിലർ പ്രതികരിച്ചു. നായയുടെ മൂത്രത്തിന്‍റെ പേരിൽ യാത്ര തടസ്സപ്പെടുത്തേണ്ടതില്ലെന്നും ചിലർ അഭിപ്രായപ്പെട്ടു. അതേസമയം സംഭവത്തിൽ ഡെൽറ്റ എയർലൈൻസ് ഇതുവരെ ഔദ്യോഗിക പ്രതികരണം നടത്തിയിട്ടില്ല.

566 ദിവസത്തെ കാത്തിരിപ്പ്, സർപ്രൈസായി മകൻ മുന്നിൽ, പൊട്ടിപ്പോയി; വൈകാരികം ഈ വീഡിയോ

Web Desk — Tue, 03 Nov 2026 11:12:39 +0530

വിദേശത്തുള്ള പ്രിയപ്പെട്ടവരെ പലപ്പോഴും ആളുകൾ മിസ് ചെയ്യാറുണ്ട്. വീട്ടിലെ ആഘോഷങ്ങളിൽ എന്ന് മാത്രമല്ല, ഓരോ ദിവസവുമെന്നോണം അവരെ ഓർക്കുകയും മിസ് ചെയ്യുകയും ചെയ്യുന്ന മാതാപിതാക്കളുണ്ട്. പക്ഷേ, പലരും ഇന്ന് ജീവിതം കരുപ്പിടിപ്പിക്കാനായി വിദേശത്ത് ജോലി ചെയ്യുന്നവരാണ്. ഇനി ഓർത്തുനോക്കൂ, തീരെ പ്രതീക്ഷിക്കാത്ത നേരം, ഓർക്കാപ്പുറത്ത് അവർ മുന്നിലെത്തിയാലുണ്ടാകുന്ന ആഹ്ലാദം! അതിന് കയ്യും കണക്കുമുണ്ടാകില്ല അല്ലേ? അതുപോലെ, നീണ്ട 566 ദിവസത്തെ കാത്തിരിപ്പിനൊടുവിൽ അപ്രതീക്ഷിതമായി വീട്ടിലേക്ക് മടങ്ങിയെത്തി കുടുംബത്തിന് സർപ്രൈസ് നൽകിയിരിക്കയാണ് ഒരു യുവാവ്. ഈ കൂടിക്കാഴ്ചയുടെ വീഡിയോയാണ് ഇപ്പോൾ വൈറലായി മാറുന്നത്. 'yxshh_view' എന്ന ഇൻസ്റ്റാഗ്രാം അക്കൗണ്ടിലാണ് വീഡിയോ പങ്കുവെച്ചിരിക്കുന്നത്. യുവാവിന്റെ അമ്മയുടെ പ്രതികരണമാണ് ഈ വീഡിയോയിൽ ഏറ്റവും വൈകാരികം.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

'566 ദിവസങ്ങൾക്ക് ശേഷം അവരെ അത്ഭുതപ്പെടുത്താം' എന്നും വീഡിയോയിൽ കുറിച്ചിട്ടുണ്ട്. അപ്രതീക്ഷിതമായി വീട്ടിൽ മകനെ കണ്ടതും കുടുംബാംഗങ്ങൾ വിങ്ങിപ്പൊട്ടുകയായിരുന്നു. ഓടിയെത്തി മകനെ കെട്ടിപ്പിടിക്കുന്ന അമ്മയേയും വീഡിയോയിൽ കാണാം. നമ്മുടെ കണ്ണ് നനയിക്കുന്നതാണ് ഈ രംഗം. '566 ദിവസങ്ങൾ, ഒടുവിൽ ആ നിമിഷമെത്തി' എന്നാണ് വീഡിയോയുടെ ക്യാപ്ഷൻ.

View this post on Instagram

A post shared by @yxshh_view

സോഷ്യൽ മീഡിയ പ്രതികരണങ്ങൾ

വൈറലായ ഈ വീഡിയോയ്ക്ക് താഴെ നിരവധി ആളുകളാണ് പ്രതികരണങ്ങളുമായി എത്തിയത്. അച്ഛന്റെ ഭാവങ്ങളെക്കുറിച്ചാണ് പലരും എടുത്തുപറഞ്ഞത്. 'എപ്പോഴും ശക്തനായിരിക്കാൻ ശ്രമിക്കുന്ന അച്ഛൻ' എന്നും, 'അച്ഛൻ തന്റെ വികാരങ്ങളെ അടക്കിവെക്കാൻ പരമാവധി ശ്രമിക്കുന്നുണ്ട്' എന്നും ആളുകൾ കുറിച്ചു.

'ഒരു അപരിചിതന്റെ പ്രിയപ്പെട്ട നിമിഷം കണ്ട് ഒരിക്കൽ കൂടി കണ്ണുനിറഞ്ഞു' എന്നാണ് മറ്റൊരാൾ വീഡിയോയ്ക്ക് കമന്റായി കുറിച്ചത്. 'വളരെ മനോഹരം', എന്നും 'കണ്ണ് നിറഞ്ഞു' എന്നും ആളുകൾ വീഡിയോയ്ക്ക് താഴെ കുറിച്ചിട്ടുണ്ട്.

കടയിലേക്ക് കയറിവന്ന് യുവാവിനെ കെട്ടിപ്പിടിച്ച് കുരങ്ങ്! തിരിച്ച് കെട്ടിപ്പിടിക്കൂവെന്ന് നെറ്റിസൺസ്; വീഡിയോ

Web Desk — Mon, 26 Oct 2026 15:59:58 +0530

ഒഡീഷയിലെ ഒരു മൊബൈൽ റിപ്പയർ ഷോപ്പിൽ നിന്നുള്ളൊരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായി മാറിക്കൊണ്ടിരിക്കുന്നത്. അപ്രതീക്ഷിതമായി ഷോപ്പിലെത്തിയ കുരങ്ങ് കടയിലെ യുവാവിനെ കെട്ടിപ്പിടിക്കുന്നതാണ് വീഡിയോയിൽ ഉള്ളത്. ആയിരക്കണക്കിനാളുകളെയാണ് വീഡിയോ ആകർഷിച്ചിരിക്കുന്നത്.

വീഡിയോയിൽ, യുവാവ് ഫോണിൽ നോക്കി കടയിലിരിക്കുന്നതാണ് കാണുന്നത്. പെട്ടെന്ന് ഒരു കുരങ്ങൻ അങ്ങോട്ട് വരുന്നു. കടയിലുണ്ടായിരുന്ന മറ്റൊരു യുവാവ് ആ സമയം കുരങ്ങിനെ കാണിച്ചുകൊടുക്കുകയും പിന്നീട് പുറത്തേക്കിറങ്ങി പോവുകയും ചെയ്യുന്നു. കുരങ്ങ് കടയിലിരിക്കുന്ന യുവാവിനെ കെട്ടിപ്പിടിക്കുന്നതാണ് പിന്നെ കാണുന്നത്. ആദ്യം ഒന്ന് അമ്പരന്നെങ്കിലും യുവാവ് യാതൊരു പരിഭ്രാന്തിയും കൂടാതെ തികച്ചും ശാന്തനായി ഇരിക്കുന്നത് കാണാം. കുരങ്ങിനെ തള്ളിമാറ്റാനോ ഭയപ്പെടുത്തുന്ന രീതിയിൽ എഴുന്നേൽക്കാനോ യുവാവ് മുതിർന്നില്ല. കുറച്ചു സമയം ചിലവഴിച്ച ശേഷം കുരങ്ങ് ശാന്തമായി മടങ്ങിപ്പോവുകയും ചെയ്തു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

കടയുടമയുടെ ശാന്തമായ പെരുമാറ്റത്തെയും കുരങ്ങിന്റെ സ്നേഹപ്രകടനത്തെയും പ്രശംസിച്ച് നിരവധി ആളുകളാണ് കമന്റ് നൽകിയിരിക്കുന്നത്. 'ഇത്രയും മനോഹരമായ ഒരു കാഴ്ച കാണുമ്പോൾ ആർക്കാണ് അതിനെ ഒന്നു കെട്ടിപ്പിടിക്കാൻ തോന്നാത്തത്?' എന്ന് ഒരാൾ കുറിച്ചു. കടയുടമ തിരികെ കുരങ്ങിനെ കെട്ടിപ്പിടിക്കണമായിരുന്നു എന്ന് മറ്റു ചിലർ അഭിപ്രായപ്പെട്ടു.

'മഞ്ഞ ഷർട്ട് ഇട്ടയാൾ തിരിഞ്ഞുപോലും നോക്കാതെ ഓടിക്കളഞ്ഞു' എന്നാണ് മറ്റൊരാൾ കുറിച്ചത്. 'ആരെങ്കിലും ആക്രമിക്കാൻ വരികയാണെന്നാണ് ആദ്യം കരുതിയത്, എന്നാൽ സുഹൃത്ത് സുഖവിവരങ്ങൾ അന്വേഷിക്കാൻ എത്തിയതായിരുന്നു' എന്നിങ്ങനെയുള്ള കമന്റുകൾ നൽകിയവരുമുണ്ട്. ഇത് എഐ ആണോ എന്ന് സംശയം പ്രകടിപ്പിച്ചവരുമുണ്ട്.

We all need a hug sometimes.. https://t.co/9MS9gdOWCx

— Buitengebieden (@buitengebieden) October 24, 2026

എന്നാൽ, വന്യമൃഗങ്ങളിൽ നിന്ന് ഇത്തരം പെരുമാറ്റം വളരെ അപൂർവ്വമാണെന്നും, ഇവർ തമ്മിൽ മുൻപും പരിചയമുണ്ടായിരിക്കാം എന്നും ചിലർ സംശയം പ്രകടിപ്പിച്ചു. വന്യമൃഗങ്ങൾ അടുത്തു വരുമ്പോൾ പരിഭ്രമിക്കാതെ, ശാന്തനായി ഇരുന്ന യുവാവിന്റെ പെരുമാറ്റത്തെയും ആളുകൾ പ്രശംസിക്കുന്നുണ്ട്. അതേസമയം തന്നെ വന്യമൃഗങ്ങളുടെ പെരുമാറ്റം നമുക്ക് പ്രവചിക്കാൻ സാധിക്കില്ലെന്നും അതിനാൽ ശ്രദ്ധയോടെയാവണം അവ അടുത്ത് വരുമ്പോൾ പെരുമാറേണ്ടത് എന്നാണ് വിദഗ്ദ്ധർ എപ്പോഴും പറയുന്നത്.

വിവാഹ ഫോട്ടോഷൂട്ടിനിടെ പറന്നുയർന്ന് നവവധു! ഫോട്ടോഗ്രാഫറുടെ ഇടപെടലിൽ രക്ഷ, വീഡിയോ വൈറൽ

Web Desk — Sun, 01 Nov 2026 09:11:54 +0530

വിവാഹത്തിന് മുന്നോടിയായുള്ള ഫോട്ടോഷൂട്ട് ജീവിതത്തിലെ മനോഹരമായാരു ഓർമയാക്കാനായിരുന്നു നവവധുവിന്‍റെ ആഗ്രഹം. എന്നാൽ, കൂറ്റൻ ബലൂണുകൾക്കൊപ്പം നടത്തിയ ഫോട്ടോഷൂട്ട് അപ്രതീക്ഷിതമായൊരു അപകടത്തിന് വഴിതെളിച്ചു. ഫോട്ടോഷൂട്ടിനിടെ വീശിയ ശക്തമായ കാറ്റിൽ ബലൂണുകൾക്കൊപ്പം നവവധുവും പറന്നുപോകുമെന്ന് തോന്നിച്ച ദൃശ്യങ്ങളാണ് ഇപ്പോൾ സമൂഹ മാധ്യമങ്ങളിൽ വലിയ ശ്രദ്ധനേടുന്നത്.

ഭയം നിറച്ചൊരു ബലൂൺ ഫോട്ടോഷൂട്ട്

തുർക്കിയിലെ ഇസ്താംബൂളിൽ പ്രസിദ്ധമായ ബോസ്ഫറസ് കടലിടുക്കിന് സമീപമായിരുന്നു സംഭവം. പ്രീ-വെഡ്ഡിങ് ഫോട്ടോഷൂട്ടിന്‍റെ ഭാഗമായി വലിപ്പമേറിയ ബീജ് നിറത്തിലുള്ള ബലൂണുകൾ കൂട്ടിക്കെട്ടിയ ചരട് ഒരു പൂച്ചെണ്ട് പോലെ കൈയിൽ പിടിച്ചാണ് യുവതി ചിത്രങ്ങൾക്കായി പോസ് ചെയ്തത്. എന്നാൽ തീരപ്രദേശത്തെ ശക്തമായ കാറ്റ് ഫോട്ടോഷൂട്ടിന്‍റെ താളം തെറ്റിച്ചു. പെട്ടെന്നുണ്ടായ ശക്തമായ കാറ്റിൽ ബലൂണുകൾ ഉയരുകയും അതിന്‍റെ ശക്തിയിൽ യുവതി കടൽഭിത്തിയുടെ ഭാഗത്തേക്ക് വലിച്ചിഴയ്ക്കപ്പെടുകയും ചെയ്തു.

Bride SWEPT OFF her feet as GIANT BALLOONS catch wind in Turkey's Bosphorus Strait https://t.co/6PNUWdo8AZ

— RTVisual (@RT_Visual_on_X) October 30, 2026

സഹചര്യം മുന്നിൽ കണ്ട ഫോട്ടോഗ്രാഫ‍ർ

ബലൂണുകൾ ദൂരെയ്ക്ക് നീങ്ങാൻ തുടങ്ങിയപ്പോൾ കാലുറപ്പിച്ച് നിൽക്കാൻ കഴിയാതെ നവവധു നിലത്തുനിന്ന് ഉയർന്നുപോകുമെന്ന അവസ്ഥയിലായി. സമീപത്തെ കെട്ടിടത്തിലേക്ക് നവവധു വലിച്ചിഴയ്ക്കപ്പെടാനുള്ള സാധ്യതയും ഉണ്ടായിരുന്നു. അപകടസാഹചര്യം തിരിച്ചറിഞ്ഞ ഫോട്ടോഗ്രാഫർ ഉടൻ ഇടപെട്ട് നവവധുവിനെ പിടിച്ചുനിർത്തി. ഇതോടെ കൂടുതൽ അപകടമുണ്ടാകാതെ രക്ഷപ്പെട്ടു. യുവതിക്ക് പരിക്കുകളൊന്നും സംഭവിച്ചില്ലെന്ന് റിപ്പോർട്ടുകൾ പറയുന്നു.

She was supposed to float down the aisle, not float away before the wedding even started.

A bride-to-be was posing for photos by the water, holding a big bunch of balloons, when a gust of wind hit them head-on. Suddenly she was being dragged toward the seawall, and for a second, it looked like she might actually lift off the ground. Her photographer jumped in and grabbed her right before she slammed into a building. And like a true champ, she shook it off and finished the whole photoshoot. That photographer deserves a tip and a seat at the head table.

Would you have let go of the balloons, or held on for the perfect shot?

— Tony Lane (@TonyLaneNV) October 30, 2026

ആദ്യമൊന്ന് ഭയന്നെങ്കിലും നവവധു ഫോട്ടോഷൂട്ട് പൂർത്തിയാക്കി. പിന്നാലെ സംഭവത്തിന്‍റെ ദൃശ്യങ്ങൾ ഓൺലൈനിൽ പ്രചരിച്ചതോടെ നിരവധി പേരാണ് പ്രതികരണങ്ങളുമായി രംഗത്തെത്തിയത്. വിവാഹചിത്രങ്ങൾക്ക് ഭംഗി കൂട്ടാൻ ഉപയോഗിച്ച ബലൂണുകൾ തന്നെ അപകടകാരിയായതിന്‍റെ വിരോധാഭാസവും പലരും ചൂണ്ടിക്കാട്ടി.

ഡെലിവറി ബോയ്ക്ക് സർപ്രൈസായി പുത്തൻ സ്കൂട്ടർ; അനന്ത് അംബാനിയുടെ സമ്മാനം; വീഡിയോ

Web Desk — Mon, 26 Oct 2026 14:16:35 +0530

ഡെലിവറി ജോലി ചെയ്ത് ജീവിക്കുന്ന ഒരു യുവാവിന്റെ വികാരാധീനമായ വീഡിയോ ആണ് ഇപ്പോൾ സോഷ്യൽ മീഡിയയിൽ വലിയ രീതിയിൽ ശ്രദ്ധ നേടുന്നത്. കടുത്ത വെല്ലുവിളികൾക്കിടയിലും സൈക്കിളിൽ ഡെലിവറി നടത്തിയിരുന്ന സുജിത് എന്ന ബ്ലിങ്കിറ്റ് ഡെലിവറി ജീവനക്കാരനാണ് അപ്രതീക്ഷിതമായി ഒരു പുത്തൻ സ്കൂട്ടർ സമ്മാനമായി ലഭിച്ചത്.

സോഷ്യൽ വർക്കറായ ഹുസൈൻ മൻസൂരിയാണ് സുജിതിന് ഈ വലിയ സർപ്രൈസ് ഒരുക്കിയത്. കണ്ണുകൾ കെട്ടി നിൽക്കുന്ന സുജിതിനോട് കണ്ണുകളിലെ കെട്ടഴിക്കാൻ ആവശ്യപ്പെടുന്നതും, മുന്നിൽ നിൽക്കുന്ന പുതിയ സ്കൂട്ടർ കണ്ട് വിശ്വസിക്കാനാകാതെ യുവാവ് വികാരാധീനനാവുന്നതുമാണ് വീഡിയോയിലുള്ളത്. വ്യവസായ പ്രമുഖൻ അനന്ത് അംബാനിയുടെ വകയായാണ് ഈ സ്കൂട്ടർ സമ്മാനമായി നൽകിയതെന്ന് ഹുസൈൻ മൻസൂരി വീഡിയോയിൽ വ്യക്തമാക്കുന്നുണ്ട്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

'PinkiPragya' എന്ന എക്സ് (ട്വിറ്റർ) അക്കൗണ്ടിൽ ഷെയർ ചെയ്തിരിക്കുന്ന വീഡിയോ ചുരുങ്ങിയ സമയം കൊണ്ടാണ് വൈറലായത്. 'പണമുണ്ടാകുന്നത് ഒരു കാര്യമാണ്, എന്നാൽ വലിയൊരു മനസ്സുണ്ടാകുക എന്നത് മറ്റൊന്നാണ്. സമ്പന്നരായ എല്ലാവർക്കും മറ്റൊരാളെ സന്തോഷം കൊണ്ട് സമ്പന്നനാക്കാൻ കഴിയില്ല' എന്ന അടിക്കുറിപ്പോടെയാണ് ഈ വീഡിയോ പങ്കുവെക്കപ്പെട്ടത്.

വീഡിയോ കണ്ട നിരവധി ആളുകളാണ് കമന്റുകളുമായി എത്തിയത്. 'എനിക്ക് വാക്കുകളില്ല... ആ യുവാവിന്റെ പ്രതികരണം കണ്ടപ്പോൾ കണ്ണീര് അടക്കാൻ കഴിഞ്ഞില്ല' എന്ന് ഒരാൾ കുറിച്ചു. 'വലിയൊരു മനസ്സുള്ള വ്യക്തിയാണ് അദ്ദേഹം' എന്നായിരുന്നു അനന്ത് അംബാനിയെ കുറിച്ച് മറ്റൊരാളുടെ വാക്കുകൾ.

Anant Ambani’s gift to this Blinkit delivery boy will genuinely leave you speechless. ❤️

While the delivery boy was working hard on his bicycle to earn a living, Anant Ambani, through Hussain Mansuri Ji, did something that may have turned his entire year around.

Because having money is one thing, but having a big heart is something else entirely. Not everyone who is rich knows how to make someone else feel rich in happiness.

— Pinki (@PinkiPragya) October 24, 2026

'വളരെ മനോഹരമായ ഒരു പ്രവൃത്തി! നമ്മളാൽ കഴിയുന്ന രീതിയിൽ ഇത്തരം മനുഷ്യരെ സഹായിക്കാൻ ഇത് പ്രചോദനമാകട്ടെ. ബ്ലിങ്കിറ്റ്, സൊമാറ്റോ തുടങ്ങിയവയിൽ നിന്ന് ഓർഡർ ചെയ്യുമ്പോൾ ചെറിയൊരു തുകയെങ്കിലും ടിപ്പ് നൽകാൻ നാം ശ്രദ്ധിക്കണം' എന്ന് വേറൊരാൾ അഭിപ്രായപ്പെട്ടു.

തിരക്കുകളിൽ നിന്നെല്ലാമൊഴിഞ്ഞ് ശാന്തത തേടി; ബെംഗളൂരു വിട്ട് ഗോവയിലേക്ക്, ദമ്പതികൾക്ക് ചെലവായത്

Web Desk — Mon, 02 Nov 2026 17:25:27 +0530

നഗരത്തിരക്കുകളിൽ നിന്ന് മാറി കൂടുതൽ ശാന്തമായൊരു ജീവിതം തേടി ബെംഗളൂരുവിൽ നിന്ന് ഗോവയിലേക്ക് ചേക്കേറിയിരിക്കയാണ് ഈ ദമ്പതികൾ. ഒരു വർഷത്തെ കൃത്യമായ പ്ലാനിംഗിന് ശേഷമാണ് രാധിക, ഏകാൻഷ് ദമ്പതികൾ തങ്ങളുടെ പുതിയ ജീവിതത്തിലേക്ക് ചുവടുവെച്ചത്. ഗോവയിലെത്തി ഒരു മാസം പൂർത്തിയാകുമ്പോൾ, വീട് മാറുന്നതിനും പുതിയ താമസസൗകര്യമൊരുക്കുന്നതിനുമായി തങ്ങൾക്ക് ചെലവായ തുക സോഷ്യൽ മീഡിയയിലൂടെ പങ്കുവെച്ചിരിക്കുകയാണ് ഇവർ.

ഇൻസ്റ്റഗ്രാമിലൂടെ പങ്കുവെച്ച വീഡിയോയിൽ തങ്ങളുടെ ഓരോ ഘട്ടത്തിലെയും ചെലവുകൾ രാധിക വിശദീകരിക്കുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

പ്രധാന ചെലവുകൾ

ബെംഗളൂരുവിലെ ഹൗസിംഗ് സൊസൈറ്റിയിൽ നിന്ന് സാധനങ്ങൾ മാറ്റുന്നതിനും സ്റ്റോറേജിനുമായി 15,000 രൂപ ചെലവായി.

സാധനങ്ങൾ ഗോവയിലെത്തിക്കാൻ 24,000 രൂപ നൽകേണ്ടിവന്നു.

കാർ സർവീസിംഗ്, പുകപരിശോധന (PUC), പെട്രോൾ എന്നിവയുൾപ്പെടെ ബെംഗളൂരുവിൽ നിന്ന് ഗോവയിലേക്കുള്ള കാർ യാത്രയ്ക്ക് 10,000 രൂപയായി.

ഗോവയിലെത്തിയ ശേഷം അനുയോജ്യമായ വീട് കണ്ടുപിടിക്കാൻ മൂന്ന് ആഴ്ചയോളം എടുത്തു. ഈ സമയത്ത് എയർ ബിഎൻബികളിൽ താമസിച്ച വകയിൽ 45,000 രൂപ ചെലവായെങ്കിലും, ബെംഗളൂരുവിൽ നൽകേണ്ടിയിരുന്ന സാധാരണ വീട്ടുവാടകയ്ക്ക് തുല്യമായതിനാൽ ഇവർ ഇത് അധിക ചെലവുകളുടെ കൂട്ടത്തിൽ ഉൾപ്പെടുത്തിയിട്ടില്ല.

വ്യത്യസ്ത ലൊക്കേഷനുകളിൽ വീട് തിരഞ്ഞുനടന്ന വകയിൽ പെട്രോളിന് 5,000 രൂപയും, ഈ ദിവസങ്ങളിലെ ഭക്ഷണത്തിനും ഗ്രോസറിക്കുമായി 12,000 രൂപയും ചെലവായി.

പുതിയ വീട് കണ്ടെത്തിയ ശേഷം എയർ കണ്ടീഷണർ, വാഷിംഗ് മെഷീൻ ഇൻസ്റ്റലേഷൻ, കാർപെന്റർ, പ്ലംബർ സേവനങ്ങൾക്കായി 9,500 രൂപ ചെലവിട്ടു.

ഇതെല്ലാം കണക്കുകൂട്ടി ആകെ 75,500 രൂപയാണ് ബെംഗളൂരുവിൽ നിന്ന് ഗോവയിലേക്ക് മാറാൻ തങ്ങൾക്ക് അധിക ചെലവുവന്നതെന്ന് രാധിക വ്യക്തമാക്കുന്നു.

View this post on Instagram

A post shared by Radhika and Ekansh (@radhi.and.ekansh)

സാധാരണയായി അഞ്ചു ദിവസത്തെ ഗോവ ട്രിപ്പിനായി ആളുകൾ 30,000 മുതൽ 40,000 രൂപ വരെ ചെലവഴിക്കാറുണ്ട്. അതിനോട് താരതമ്യം ചെയ്യുമ്പോൾ, ഒരു പുതിയ ജീവിതം ആരംഭിക്കാൻ 75,000 രൂപ ചെലവഴിച്ചത് തികച്ചും ലാഭകരവും മൂല്യമുള്ളതുമായ തീരുമാനമായിരുന്നു എന്നാണ് ദമ്പതികളുടെ അഭിപ്രായം.

വെറും രണ്ടര വയസ് പ്രായം, തബലയിൽ 12 താളങ്ങൾ വായിച്ച് റെക്കോർഡ് നേടി സ്വരശ്രീ

Web Desk — Mon, 26 Oct 2026 10:36:22 +0530

വെറും രണ്ടര വയസ്സ് മാത്രം പ്രായം. സംഗീത ലോകത്ത് അത്ഭുതം സൃഷ്ടിച്ചിരിക്കുകയാണ് കർണാടകയിൽ നിന്നുള്ള സ്വരശ്രീ ഹെഗ്ഡെ എന്ന ഈ കൊച്ചുമിടുക്കി. തബലയിൽ 12 വെവ്വേറെ താളങ്ങൾ കൃത്യമായി വായിച്ചാണ് സ്വരശ്രീ 'ഇന്ത്യാ ബുക്ക് ഓഫ് റെക്കോർഡ്സിൽ' (India Book of Records) ഇടം നേടിയത്. ഉത്തര കന്നഡ ജില്ലയിലെ ഹൊന്നാവർ സ്വദേശിയായ സ്വരശ്രീയുടെ തബല വാദനത്തിന്റെ വീഡിയോ സോഷ്യൽ മീഡിയയിൽ പങ്കുവെച്ചതോടെ വലിയ ശ്രദ്ധയാണ് ലഭിക്കുന്നത്. രണ്ടുവയസ്സും പത്തുമാസവും മാത്രം പ്രായമുള്ള ഈ പെൺകുട്ടിയുടെ അപാരമായ താളബോധത്തെയും ഏകാഗ്രതയെയും പ്രശംസിച്ച് നിരവധി പേരാണ് രംഗത്തെത്തിയത്.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

ഇന്ത്യൻ ശാസ്ത്രീയ സംഗീതത്തിൽ അടിസ്ഥാന ഘടകമാണ് 'താളം'. തബലയിൽ താളം പിടിക്കുന്നതിന് മികച്ച ഏകാഗ്രതയും കൈകളുടെ കൃത്യമായ ചലനങ്ങളും ആവശ്യമാണ്. ഇത്ര ചെറിയ പ്രായത്തിൽ തന്നെ 12 താളങ്ങൾ മനഃപാഠമാക്കി തബലയിൽ പകർത്തിയത് അവിശ്വസനീയമായ നേട്ടമായാണ് ആളുകൾ കാണുന്നത്.

Her name is Swarshri Hegde she is 2 years 10 months old. But at this little age only she has made into India Book of Records for reciting,playing 12 taals in Tabala. She is from Honnavara Uttara Kannada Karnataka. Congratulations to little Swarshri https://t.co/U5TjJKT35N

— Adarsh Hegde (@adarshahgd) October 24, 2026

സോഷ്യൽ മീഡിയയിൽ പ്രചരിക്കുന്ന വീഡിയോയ്ക്ക് താഴെ ആശംസകളുടെ പ്രവാഹമാണ്. 'ഉത്തര കന്നഡയ്ക്ക് തന്നെ അഭിമാന നിമിഷമാണിത്' എന്ന് ഒരാൾ കുറിച്ചപ്പോൾ, 'സരസ്വതീ ദേവിയുടെ അനുഗ്രഹം നേരിട്ട് ലഭിച്ച കുട്ടി' എന്നാണ് മറ്റൊരാൾ വിശേഷിപ്പിച്ചത്. 'ജനിക്കുന്നതിന് മുൻപേ തന്നെ മാതാപിതാക്കൾ കുട്ടിക്ക് 'സ്വരശ്രീ' എന്ന് പേരിട്ടത് എത്ര അർത്ഥവത്തായി' എന്നും, 'അമ്മയുടെ ഗർഭപാത്രത്തിൽ വച്ച് തന്നെ ഈ മിടുക്കി തബല പഠനം തുടങ്ങി കാണും' എന്നും ആളുകൾ കുറിച്ചു. അതേസമയം, ഇത്ര ചെറിയ കുഞ്ഞുങ്ങളെ ഇങ്ങനെ കഠിനമായ പാഠങ്ങൾ പഠിപ്പിക്കേണ്ടതുണ്ടോ, ചെയ്യിക്കേണ്ടതുണ്ടോ എന്ന കാര്യത്തിലും ചർച്ചകൾ സജീവമാണ്.

"ഇന്ന് എനിക്ക് ഒരു പുരുഷനെപ്പോലെ തോന്നി"; രാത്രി 2 മണിക്ക് മുംബൈയിലെ ക്യാബ് യാത്രാ അനുഭവം പങ്കുവെച്ച് യുവതി, വീഡിയോ

Web Desk — Fri, 30 Oct 2026 16:22:43 +0530

രാത്രി രണ്ടുമണിക്ക് മുംബൈയിൽ ക്യാബിൽ യാത്ര ചെയ്തപ്പോഴുണ്ടായ വേറിട്ട അനുഭവം പങ്കുവെച്ച യുവതിയുടെ വിഡിയോ സമൂഹ മാധ്യമങ്ങളിൽ വലിയ ശ്രദ്ധ നേടി. വനിതാ ഡ്രൈവർ ഓടിച്ചിരുന്ന ക്യാബിലെ യാത്രയിൽ തനിക്ക് അനുഭവപ്പെട്ട സുരക്ഷിതത്വവും ആശ്വാസവുമാണ് യുവതി വീഡിയോയിലൂടെ പങ്കുവെച്ചത്. ഒറ്റയ്ക്ക് യാത്ര ചെയ്യുമ്പോൾ സ്ത്രീകൾക്ക് എല്ലായ്പ്പോഴും അനുഭവിക്കാൻ കഴിയാത്ത ഒന്നാണ് ഈ സുരക്ഷിതത്വമെന്നും അവർ ചൂണ്ടിക്കാട്ടുന്നു.

ക്യാബ് ഓടിച്ചെത്തിയത് സ്ത്രീ

അപൂർവ എന്ന യുവതിയാണ് തന്‍റെ അനുഭവം ഇൻസ്റ്റഗ്രാം വിഡിയോയിലൂടെ പങ്കുവെച്ചത്. പുലർച്ചെ രണ്ടുമണിയോടെ മുംബൈയിലെത്തിയ അപൂർവ ക്യാബ് ബുക്ക് ചെയ്തു. അപ്രതീക്ഷിതമായി ക്യാബ് ഓടിക്കാനെത്തിയത് ഒരു വനിതാ ഡ്രൈവറായിരുന്നു. തികച്ചും സാധാരണമായ ആ യാത്ര സ്ത്രീകളും പുരുഷന്മാരും വ്യക്തിഗത സുരക്ഷയെ എങ്ങനെ വ്യത്യസ്തമായാണ് അനുഭവിക്കുന്നതെന്ന് ചിന്തിക്കാൻ തന്നെ പ്രേരിപ്പിച്ചുവെന്ന് അപൂർവ പറഞ്ഞു.

View this post on Instagram

A post shared by Apoorva (@portraitsbyapoorva)

'ഒരു പുരുഷനെപ്പോലെ തോന്നി'

"ഇന്ന് എനിക്ക് ഒരു പുരുഷനെപ്പോലെ തോന്നി" എന്നായിരുന്നു ആ യാത്രയെ കുറിച്ച് അപൂർവയുടെ വാക്കുകൾ. രാത്രികാലങ്ങളിൽ ഒറ്റയ്ക്ക് ക്യാബിൽ യാത്ര ചെയ്യുമ്പോൾ സുരക്ഷയെക്കുറിച്ച് നിരന്തരം ആശങ്കപ്പെടേണ്ട സാഹചര്യം തനിക്ക് ആദ്യമായി അനുഭവപ്പെട്ടില്ലെന്നും അവർ വ്യക്തമാക്കി. സാധാരണയായി രാത്രിയിൽ ഒറ്റയ്ക്ക് യാത്ര ചെയ്യുമ്പോൾ ക്യാബ് പോകുന്ന വഴി നിരീക്ഷിക്കുകയും താൻ എവിടെയാണെന്ന് സുഹൃത്തുക്കളെയോ ബന്ധുക്കളെയോ അറിയിക്കുകയും ചെയ്യാറുണ്ട്. എന്നാൽ, ഇത്തവണ അത്തരമൊരു ആശങ്കയുമില്ലാതെ യാത്ര ആസ്വദിക്കാനും വിശ്രമിക്കാനും കഴിഞ്ഞെന്ന് അപൂർവ്വ പറയുന്നു. വ്യക്തിഗത സുരക്ഷയെക്കുറിച്ച് നിരന്തരം ചിന്തിക്കാതെ യാത്ര ചെയ്യുന്നത് എങ്ങനെയായിരിക്കുമെന്ന് ഈ അനുഭവം തനിക്ക് മനസ്സിലാക്കിത്തന്നുവെന്നും അപൂർവ പറഞ്ഞു.

വീഡിയോ വൈറൽ

പുരുഷന്മാർക്ക് സുരക്ഷാ ആശങ്കകളൊന്നുമില്ലെന്നല്ല താൻ ഉദ്ദേശിച്ചതെന്നും മറിച്ച്, പ്രത്യേകിച്ച് രാത്രികാല യാത്രകളിൽ സ്ത്രീകൾക്ക് അധിക ജാഗ്രതയും മുൻകരുതലുകളും സ്വീകരിക്കേണ്ടിവരുന്ന സാഹചര്യത്തെ ചൂണ്ടിക്കാട്ടുകയായിരുന്നു തന്‍റെ ലക്ഷ്യമെന്നും അപൂർവ വിശദീകരിച്ചു. യുവതിയുടെ വിഡിയോ സമൂഹ മാധ്യമങ്ങളിൽ വലിയ തോതിൽ ശ്രദ്ധ നേടി. നിരവധി പേർ സ്ത്രീസുരക്ഷയുമായി ബന്ധപ്പെട്ട സ്വന്തം അനുഭവങ്ങളും അഭിപ്രായങ്ങളും പങ്കുവെച്ചു.

'ഇന്ത്യ എന്നാൽ മനുഷ്യരാണ്, സ്ഥലങ്ങളല്ല'; ഒരു വർഷത്തെ ഇന്ത്യൻ ജീവിതം നൽകിയ പാഠം! മടങ്ങിപ്പോകുമ്പോൾ ഹൃദയസ്പർശിയായ വീഡിയോയുമായി സഞ്ചാരി

Web Desk — Sun, 08 Nov 2026 21:26:00 +0530

ഒരു വർഷം ഇന്ത്യയിൽ താമസിച്ചതിലൂടെ ജീവിതത്തെക്കുറിച്ചുള്ള തന്‍റെ കാഴ്ചപ്പാട് തന്നെ മാറിയെന്ന് വെളിപ്പെടുത്തി വിദേശ സഞ്ചാരിയായ ലൂക്കാസ്. ഇന്ത്യയിൽനിന്ന് മടങ്ങുന്നതിന് മുന്നോടിയായി ദില്ലി വിമാനത്താവളത്തിൽവെച്ച് ചിത്രീകരിച്ച വിഡിയോയിലാണ് ഇന്ത്യയിലെ അനുഭവങ്ങളും താൻ പഠിച്ച പാഠങ്ങളും അദ്ദേഹം പങ്കുവെച്ചത്. 'ഒരു സ്ഥലത്തിന്‍റെ ഏറ്റവും വലിയ പ്രത്യേകത അവിടുത്തെ മനുഷ്യരാണ്' എന്ന ലൂക്കാസിന്‍റെ വാക്കുകൾ സമൂഹ മാധ്യമങ്ങളിൽ വലിയ ശ്രദ്ധ നേടി.

ആദ്യകാല അസ്വസ്ഥതകൾ

ഇന്ത്യയിലെത്തിയ ആദ്യദിവസങ്ങളിൽ ഗതാഗതക്കുരുക്കും കടുത്ത ചൂടും തന്നെ ഏറെ അസ്വസ്ഥനാക്കിയിരുന്നുവെന്ന് ലൂക്കാസ് ഓർത്തെടുക്കുന്നു. എന്നാൽ സാഹചര്യങ്ങളുമായി പൊരുത്തപ്പെടാൻ അധികസമയം വേണ്ടിവന്നില്ല. ക്രമേണ ഇന്ത്യയുടെ ജീവിതരീതിയും വൈവിധ്യങ്ങളും മനസ്സിലാക്കാൻ കഴിഞ്ഞെന്നും അദ്ദേഹം കൂട്ടിച്ചേർത്തു.

View this post on Instagram

A post shared by Lukas (@viewfromlukas)

സന്തോഷവും ദേഷ്യവും സങ്കടവും ഒരേസമയം അനുഭവിക്കാവുന്ന രാജ്യമാണ് ഇന്ത്യയെന്നാണ് അദ്ദേഹത്തിന്‍റെ നിരീക്ഷണം. ചിലപ്പോൾ ഒരേ തെരുവിൽ, ഒരേ മിനിറ്റിൽ പോലും വ്യത്യസ്ത വികാരങ്ങൾ അനുഭവിക്കാനാകും. ഇന്ത്യയിലെ ജനങ്ങൾ തങ്ങളുടെ ഭക്ഷണവും വീടുകളും സംസ്കാരവും ജീവിതരീതിയും അദ്ദേഹത്തിന് പരിചയപ്പെടുത്തി. ഈ അനുഭവങ്ങളാണ് തനിക്ക് ഇന്ത്യയിലെ താമസത്തെ അവിസ്മരണീയമാക്കിയതെന്നും ലൂക്കാസ് കൂട്ടിച്ചേർക്കുന്നു.

സ്വന്തം താത്പര്യങ്ങൾ തന്നെ മാറി

തുടക്കത്തിൽ ഓരോ കാര്യവും കാണാൻ മനോഹരമാണോ എന്നായിരുന്നു അദ്ദേഹം ചിന്തിച്ചിരുന്നത്. എന്നാൽ, പിന്നീട് അത് മനസ്സിന് സന്തോഷം നൽകുന്നുണ്ടോ എന്നതിലേക്ക് ചിന്ത മാറി. ഇന്ത്യയിൽനിന്ന് ലഭിച്ച ഏറ്റവും വലിയ പാഠങ്ങളിലൊന്നായി ലൂക്കാസ് ഇതിനെ വിശേഷിപ്പിക്കുന്നു. ഒരു രാജ്യത്തെ ഓർത്തുവെക്കുന്നത് അവിടുത്തെ സ്ഥലങ്ങളുടെ പേരിലല്ല, പരിചയപ്പെട്ട മനുഷ്യരുടെയും അവരോടൊപ്പമുള്ള നിമിഷങ്ങളുടെയും പേരിലാണെന്ന് അദ്ദേഹം പറഞ്ഞു. ഇന്ത്യയ്ക്ക് നന്ദി അറിയിച്ച ലൂക്കാസ് വൈകാതെ വീണ്ടും സന്ദർശിക്കാനാകുമെന്ന പ്രതീക്ഷയും പങ്കുവെച്ചു.

അടുത്തെത്തിയതും അകാരണമായി മുഖത്ത് ഒറ്റ ഇടി! യുവതിയുടെ ഇടിയിൽ വീണത് മറ്റൊരു യുവതി, ഞെട്ടിക്കുന്ന സിസിടിവി ദൃശ്യങ്ങൾ, 35കാരി അറസ്റ്റിൽ

Web Desk — Sun, 01 Nov 2026 14:10:03 +0530

റോഡിലൂടെ സുഹൃത്തിനൊപ്പം നടന്നുപോകുകയായിരുന്ന യുവതിയെ യാതൊരു പ്രകോപനവുമില്ലാതെ മുഖത്തിടിച്ച് നിലത്തുവീഴ്ത്തി അപരിചിതയായ സ്ത്രീ. കാനഡയിലെ ഗ്വൽഫ് നഗരത്തിലാണ് സംഭവം. ആക്രമണത്തിന്‍റെ ദൃശ്യങ്ങൾ ക്യാമറയിൽ പതിഞ്ഞതോടെ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്. ഒക്ടോബർ 29 വ്യാഴാഴ്ച ഉച്ചയ്ക്ക് മൂന്നുമണിയോടെയാണ് സംഭവം നടന്നതെന്ന് റിപ്പോർട്ടുകൾ പറയുന്നു.

ഇടിച്ചിട്ട് ഒന്നും സംഭവിക്കാത്തത് പോലെ നടന്നു പോയി!

A Woman Was Walking Peacefully in Canada Until a Stranger Suddenly Attacked Her! What Happened Next Is Shocking!

Hey @Grok Tell me full story https://t.co/HUxtKaL5pe

— Durgesh Shukla (@mydurgeshshukla) October 31, 2026

ഗ്വൽഫ് നഗരത്തിലെ വിൻഡ്ഹാം സ്ട്രീറ്റ് നോർത്ത്, മക്ഡൊണൽ സ്ട്രീറ്റ് എന്നിവ ചേരുന്ന ഭാഗത്ത് വച്ചായിരുന്നു ആക്രമണം നടന്നത്. സുഹൃത്തിനൊപ്പം നടന്നുപോവുകയായിരുന്ന യുവതി എതിർദിശയിൽ വന്ന സ്ത്രീയെ മറികടക്കുന്നതിനിടെയാണ് അപ്രതീക്ഷിതമായി ആക്രമിക്കപ്പെട്ടതെന്ന് റിപ്പോർട്ടുകൾ പറയുന്നു. പോലീസ് അന്വേഷണത്തിൽ പുറത്തുവന്ന വിവരങ്ങൾ പ്രകാരം, 35 -കാരിയായ പ്രതി യുവതിയുടെ കൺപോളയുടെ ഭാഗത്ത് ശക്തമായി ഇടിക്കുകയായിരുന്നു. ഇടിയുടെ ആഘാതത്തിൽ യുവതി റോഡിലേക്ക് വീണു. ആക്രമണത്തിനുശേഷം പ്രതി ഒന്നും സംഭവിക്കാത്തതുപോലെ നടന്നുപോയി. നിലത്തുവീണ യുവതിയെ സുഹൃത്ത് സഹായിക്കുന്നതും ദൃശ്യങ്ങളിൽ കാണാം. അപ്രതീക്ഷിതമായ ഇടി കണ്ട് ഭയന്ന് ഇടി കൊണ്ട യുവതിയോടൊപ്പമുണ്ടായിരുന്ന സുഹൃത്ത് ഓടുന്നതും വീഡിയോയിൽ കാണാം.

35yo woman SUCKER-PUNCHES STRANGER in ONTARIO, CANADA — sending her CRASHING TO THE GROUND

Viewers note she GLANCES at 2 PASSING MEN — then turns & STRIKES WOMAN instead

ARRESTED MINUTES LATER https://t.co/mSM19UGF6b

— RT (@RT_com) October 31, 2026

പ്രതി പിടിയിൽ, പക്ഷേ കാരണം അജ്ഞാതം

വിവരമറിഞ്ഞ് സ്ഥലത്തെത്തിയ ഗ്വൽഫ് പോലീസ് നടത്തിയ അന്വേഷണത്തിനൊടുവിൽ അധികം വൈകാതെ പ്രതിയെ സമീപത്തുനിന്ന് കണ്ടെത്തി അറസ്റ്റ് ചെയ്തെന്ന് റിപ്പോർട്ടുകൾ പറയുന്നു. ഇരുവരും പരസ്പരം അറിയാത്തവരാണെന്നും മുൻപരിചയമോ ബന്ധമോ ഇല്ലായിരുന്നുവെന്നും പോലീസ് വ്യക്തമാക്കി. 35 -കാരിയായ ഗ്വൽഫ് സ്വദേശിക്കെതിരെ ആക്രമണക്കുറ്റം ചുമത്തി. അതേസമയം പ്രകോപനമൊന്നുമില്ലാതെ നടന്ന ആക്രമണത്തിന്‍റെ കാരണം വ്യക്തമല്ല.

ഏഴ് മണിക്കൂർ നീണ്ട ആശങ്ക; വേർപിരിയലിനൊടുവിൽ കുട്ടിയാനയെ അമ്മയാനയ്‍ക്കൊപ്പമാക്കി വനംവകുപ്പ്‌

Web Desk — Mon, 26 Oct 2026 11:28:16 +0530

പശ്ചിമ ബംഗാളിലെ കുർസിയോങ് വനമേഖലയിൽ വാട്ടർ ടാങ്കിൽ വീണ കുട്ടിയാനയെ ഏഴ് മണിക്കൂർ നീണ്ട പരിശ്രമത്തിനൊടുവിൽ അമ്മയാനയോടും കാട്ടാനക്കൂട്ടത്തോടും വിജയകരമായി ഒന്നിപ്പിച്ച മനോഹരമായൊരു വാർത്തയും വീഡിയോയുമാണ് ഇപ്പോൾ മനം കവരുന്നത്. വനംവകുപ്പ് ഉദ്യോഗസ്ഥരുടെ സമയോചിതമായ ഇടപെടലാണ് കുട്ടിയാനയെ വീണ്ടും ആനക്കൂട്ടത്തിലേക്ക് എത്തിക്കാൻ സഹായിച്ചത്.

വാട്ടർ ടാങ്കിൽ അകപ്പെട്ട അമ്മയാനയെയും കുട്ടിയാനയെയും വനംവകുപ്പ് ജീവനക്കാർ രക്ഷപ്പെടുത്തിയെങ്കിലും, രക്ഷാപ്രവർത്തനത്തിനിടയിൽ കുട്ടിയാന അമ്മയിൽ നിന്ന് ഒറ്റപ്പെട്ടുപോവുകയായിരുന്നു. തുടർന്ന്, കുർസിയോങ് ഫോറസ്റ്റ് ഡിവിഷൻ സംഘം അമ്മയാനയെ തിരഞ്ഞുപിടിക്കാനുള്ള ശ്രമങ്ങൾ ആരംഭിച്ചു. ഏഴ് മണിക്കൂറോളം നീണ്ട കഠിനശ്രമത്തിനൊടുവിൽ അമ്മയാനയെയും കൂട്ടത്തെയും വനപാലകർ കണ്ടെത്തി.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

വനംവകുപ്പ് ജീവനക്കാർ കുട്ടിയാനയെ കാട്ടിലേക്ക് ശ്രദ്ധയോടെ തുറന്നുവിടുന്നതിന്റെ ദൃശ്യങ്ങൾ സാമൂഹിക മാധ്യമങ്ങളിൽ വൈറലാവുകയാണ്. കുട്ടിയാന കാട്ടിലേക്ക് നടക്കുമ്പോൾ കാട്ടിൽ നിന്ന് ഒരു ആന പുറത്തുവരുന്നതും, പിന്നീട് കൂട്ടത്തോടെ തിരിച്ചെത്തി കുട്ടിയാനയെ കൂടെ കൂട്ടിക്കൊണ്ടുപോകുന്നതും വീഡിയോയിൽ കാണാം.

ഇന്ത്യൻ ഫോറസ്റ്റ് സർവീസ് ഉദ്യോഗസ്ഥനായ പർവീൺ കസ്വാൻ ആണ് ഈ മനോഹര നിമിഷങ്ങളുടെ വീഡിയോ സോഷ്യൽ മീഡിയയിൽ പങ്കുവെച്ചത്. 'എത്ര മനോഹരമായ ദൃശ്യം! വനംവകുപ്പ് ഉദ്യോഗസ്ഥരുടെ ശ്രമം കൊണ്ട് മാത്രമാണ് ഏഴ് മണിക്കൂറിന് ശേഷം ഇവരെ ഒന്നിപ്പിക്കാൻ സാധിച്ചത്' എന്ന് അദ്ദേഹം കുറിച്ചു.

What a beautiful video.

A mother and calf fell into a water tank. Both were rescued but during rescue the calf got separated from mother. Kurseong division staff brilliantly tracked the mother. It took 7 hours but they reunited them.

Reaction of mother in last !! Gods work. https://t.co/CfsG1Ltb0q

— Parveen Kaswan, IFS (@ParveenKaswan) October 25, 2026

വീഡിയോ കണ്ട നൂറുകണക്കിന് ആളുകളാണ് വനംവകുപ്പ് ജീവനക്കാരുടെ ആത്മാർത്ഥമായ സേവനത്തെയും കാട്ടാനക്കൂട്ടത്തിന്റെ സ്നേഹത്തെയും പ്രശംസിച്ച് രംഗത്തെത്തിയത്. വന്യജീവികളെ സംരക്ഷിക്കാൻ വനപാലകർ നേരിടുന്ന വെല്ലുവിളികളും അപകടങ്ങളും വീഡിയോയ്ക്കൊപ്പം ചർച്ചയായി മാറിയിട്ടുണ്ട്.

10,000 രൂപയ്ക്ക് ഇന്ത്യ മൊത്തം ചുറ്റിക്കാണാൻ ഒരു പെൺകുട്ടി; വൈറലായി ബജറ്റ് ട്രാവൽ ചലഞ്ച്

Web Desk — Sun, 01 Nov 2026 22:25:40 +0530

വെറും 10,000 രൂപ ബജറ്റിൽ ഇന്ത്യ മുഴുവൻ യാത്ര ചെയ്യുക എന്ന ലക്ഷ്യവുമായി ഇറങ്ങിത്തിരിച്ചിരിക്കുകയാണ് ഒരു കണ്ടന്റ് ക്രിയേറ്റർ. ഇൻസ്റ്റാഗ്രാമിലും യൂട്യൂബിലും പങ്കുവെക്കുന്ന തന്റെ യാത്രാവിശേഷങ്ങളിലൂടെ സോഷ്യൽ മീഡിയയിൽ വൈറലായി മാറിയിരിക്കുകയാണ് ഈ പെൺകുട്ടി. വളരെ കുറഞ്ഞ തുക കൊണ്ട് ഇത്രയും ദൂരം സഞ്ചരിക്കാൻ കഴിയുമോ എന്ന് അത്ഭുതപ്പെടുകയാണ് നെറ്റിസൺസ്.

ഇതിനകം തന്നെ 2,000 രൂപ മാത്രം ചെലവഴിച്ച് ആറ് സംസ്ഥാനങ്ങൾ സന്ദർശിച്ചു കഴിഞ്ഞതായി അവർ വെളിപ്പെടുത്തി. "നിങ്ങൾ ചിലപ്പോൾ ഒരൊറ്റ സ്ഥലം സന്ദർശിക്കാൻ മാത്രം 10,000 രൂപ ചെലവാക്കുമായിരിക്കും. എന്നാൽ, ഇന്ത്യ മുഴുവൻ ചുറ്റിക്കാണുകയാണ് എന്റെ ലക്ഷ്യം. കേൾക്കുമ്പോൾ തമാശയായി തോന്നാം, പക്ഷേ ഇതൊരു തമാശയല്ല; ഞാൻ സ്വയം ഏറ്റെടുത്ത ഒരു വെല്ലുവിളിയാണ്. ഇതുവരെ 6 സംസ്ഥാനങ്ങൾ കവർ ചെയ്തു കഴിഞ്ഞു, ഇതിനായി ചെലവായത് വെറും 2,000 രൂപ മാത്രമാണ്" വീഡിയോയിൽ അവർ പറയുന്നു.

"എന്നാൽ ഇനിയും ഒരുപാട് സ്ഥലങ്ങൾ ചുറ്റിക്കാണാൻ ബാക്കിയുണ്ട്. ഈ 10,000 രൂപ ബജറ്റിൽ ഇന്ത്യ മുഴുവൻ എനിക്ക് കാണാൻ സാധിക്കുമോ എന്ന് എനിക്കറിയില്ല" എന്നും അവർ പറയുന്നു.

ആശയങ്ങളുടെ ഉത്സവം- അഗോറയില്‍ രജിസ്റ്റര്‍ ചെയ്യാൻ ഇവിടെ ക്ലിക് ചെയ്യുക

"10,000 രൂപയ്ക്ക് താഴെയുള്ള ബജറ്റിൽ ഇന്ത്യ കാണാൻ ശ്രമിക്കുകയാണ്! ഞാൻ ഈ യാത്രയിൽ അതിജീവിക്കുമോ അതോ പകുതിവഴിയിൽ ഉപേക്ഷിക്കുമോ എന്ന് അറിയാൻ ഒപ്പം കൂടുക. കാരണം ഇത് എളുപ്പമുള്ള ഒരു ചലഞ്ചല്ല, ഒരു വലിയ കഠിനാധ്വാനമാണ്" എന്നാണ് വീഡിയോയുടെ ക്യാപ്ഷനിൽ കുറിച്ചിരിക്കുന്നത്.

View this post on Instagram

A post shared by Flyying Fishh (@flyyingxfishh)

വീഡിയോ വൈറലായതോടെ നിരവധിപ്പേർ കമന്റുകളുമായി എത്തി. ഒരു വിഭാഗം ആളുകൾ ഇതിന്റെ പ്രായോഗികതയെ ചോദ്യം ചെയ്യുമ്പോൾ മറ്റു ചിലർ പെൺകുട്ടിയെ പിന്തുണച്ചു. "10,000 രൂപ ബജറ്റിൽ ഇന്ത്യ മുഴുവൻ യാത്ര ചെയ്യുക എന്നത് എങ്ങനെ സാധ്യമാകും? താമസവും ഭക്ഷണവും ഉറക്കവും ട്രെയിൻ ടിക്കറ്റുമെല്ലാം കണക്കുകൂട്ടിയാൽ പോലും ഇത് സാധ്യമല്ല. പ്രത്യേകിച്ചും ഒരു പെൺകുട്ടിക്ക് തനിയെ ഇങ്ങനെ യാത്ര ചെയ്യാൻ കഴിയില്ല, ഇതിന്റെ സത്യാവസ്ഥ വിശദീകരിക്കാമോ?" ഒരാൾ കമന്റ് ചെയ്തു.

എന്നാൽ ഈ അഭിപ്രായത്തോട് വിയോജിച്ചുകൊണ്ട് മറ്റൊരാൾ കുറിച്ചത്, "ഒരു രൂപ പോലും ചെലവഴിക്കാതെ ഇന്ത്യയിൽ യാത്ര ചെയ്യുന്ന നിരവധി ആളുകളുണ്ട്. പിന്നെന്തുകൊണ്ട് 10,000 രൂപ കൊണ്ട് ഇവർക്ക് യാത്ര ചെയ്തുകൂടാ? ബുദ്ധിപൂർവ്വം യാത്ര ചെയ്യാനുള്ള മനസ്സ് ഉണ്ടായാൽ മാത്രം മതി, തീർച്ചയായും ഇതിൽ വിജയിക്കാൻ കഴിയും" എന്നാണ്.

4 ദിവസം പൊലീസുകാരെ വട്ടം കറക്കി മാഗി, ഓടടാ ഓട്ടം, പശുവിനെ പിടികൂടാൻ സിനിമാസ്റ്റൈൽ രംഗങ്ങൾ

Web Desk — Tue, 27 Oct 2026 13:06:13 +0530

ന്യൂയോർക്കിലെ ഒരു ശാന്തമായ ഒരു കൊച്ചുപട്ടണം. അവിടെ വഴിയാത്രക്കാരെയും പൊലീസിനെയും ഒരുപോലെ വട്ടംകറക്കി നാല് ദിവസം നാലുവയസ്സുകാരി പശുവിന്റെ പരാക്രമം. 'മാഗി' എന്ന് പേരുള്ള പശുവാണ് ഫാമിൽ നിന്ന് ചാടിപ്പോയി ജനവാസ മേഖലയിലൂടെ ഓടിയത്. ന്യൂയോർക്ക് പോസ്റ്റ് ഉൾപ്പടെയുള്ള മാധ്യമങ്ങളാണ് ഈ ‌സംഭവം റിപ്പോർട്ട് ചെയ്തത്.

ന്യൂയോർക്കിലെ കർമൽ എന്ന സ്ഥലത്തുള്ള 'ലിറ്റിൽ കാബിൻസ് ഫാം' എന്ന സ്ഥാപനത്തിൽ നിന്നാണ് മാഗി ഓടിപ്പോയത്. എന്തോ കണ്ട് പേടിച്ച പശു ഫാമിൽ നിന്ന് പുറത്തേക്ക് ചാടുകയായിരുന്നു. തുടർന്ന് പ്രദേശത്തെ റോഡുകളിലൂടെ ഓടിയ പശുവിനെ കണ്ട വഴിയാത്രക്കാർ അത്ഭുതത്തോടെയാണ് ഇതിന്റെ ദൃശ്യങ്ങൾ ക്യാമറയിൽ പകർത്തിയത്. 'ദൈവമേ, ഇതൊരു പശുവാണ്! അത് എന്റെ കാറിന് നേർക്കാണ് ഓടിവരുന്നത്' എന്ന് സോഷ്യൽ മീഡിയയിൽ പങ്കുവെച്ച വീഡിയോകളിൽ ആളുകൾ വിളിച്ചുപറയുന്നത് കേൾക്കാം.

ആശയങ്ങളുടെ ഉത്സവം- അഗോറയിൽ രജിസ്റ്റർ ചെയ്യാൻ ഇവിടെ ക്ലിക് ചെയ്യുക

പശുവിനെ പിടികൂടാൻ ലോക്കൽ പോലീസും ഷെറീഫ് ഡെപ്യൂട്ടിമാരും സ്റ്റേറ്റ് ട്രൂപ്പർമാരും ഉൾപ്പെടെ വൻ പൊലീസ് സന്നാഹം തന്നെ രംഗത്തിറങ്ങി. സിനിമാരംഗം പോലെ പട്രോൾ കാറിന്റെ ജനലിലൂടെ പുറത്തേക്ക് ആഞ്ഞുനിന്ന് ഒരു പൊലീസ് ഉദ്യോഗസ്ഥൻ കയർ എറിഞ്ഞ് പശുവിനെ കുരുക്കാൻ നോക്കിയെങ്കിലും മാഗി സാമർത്ഥ്യത്തോടെ ഒഴിഞ്ഞുമാറി ഓട്ടം തുടരുകയായിരുന്നു.

മാഗിയെ അടുത്തിടെയാണ് മസാച്യുസെറ്റ്സിൽ നിന്ന് ഈ ഫാമിലേക്ക് കൊണ്ടുവന്നത് അതിന്റെ പരിചയക്കുറവും ഉണ്ടായിരുന്നു. എന്തായാലും, ഭക്ഷണസാധനങ്ങൾ കാണിച്ച് ആകർഷിച്ച് പശുവിനെ പിടികൂടാനുള്ള ശ്രമങ്ങളും പരാജയപ്പെട്ടു.

ഒടുവിൽ നാല് ദിവസത്തെ നീണ്ട ശ്രമങ്ങൾക്കൊടുവിലാണ് പശുവിനെ സുരക്ഷിതമായി പിടികൂടാൻ കഴിഞ്ഞത്. മാഗി ഇപ്പോൾ ഫാമിൽ തിരിച്ചെത്തിയെന്നും തന്റെ കിടാവിനോടൊപ്പം സുരക്ഷിതയായിരിക്കുന്നുവെന്നും ഫാമിന്റെ ഉടമകളിലൊരാളായ മരിയാന ബ്രോഫി അറിയിച്ചു. പേടിച്ചുപോയ പശു കാട്ടിലേക്ക് കയറിപ്പോയതിനാലാണ് പിടികൂടാൻ നാല് ദിവസമടുത്തതെന്നും അവർ വ്യക്തമാക്കി. സോഷ്യൽ മീഡിയയിൽ മാഗിയുടെ ഓട്ടത്തിന്റെ വീഡിയോ ഇതിനകം തന്നെ വൈറലായിക്കഴിഞ്ഞു.

ദീപാവലി രംഗോലി അബദ്ധത്തിൽ ചവിട്ടി, അല്പം മാഞ്ഞുപോയി, പിന്നാലെ ഡെലിവറി ബോയ് ചെയ്തത്; മനം കവർന്ന് വീഡിയോ

Web Desk — Sun, 08 Nov 2026 13:23:29 +0530

ദീപാവലി ആഘോഷങ്ങളുടെ ഭാഗമായി വീടുകളുടെ മുന്നിൽ മനോഹരമായ രംഗോലികൾ വരയ്ക്കുന്നത് പതിവാണ്. എന്നാൽ, താൻ ഏറെ കഷ്ടപ്പെട്ട് വരച്ച രംഗോലി അല്പം മാഞ്ഞുപോയത് കണ്ടാണ് ദൃഷ്ടി എന്ന യുവതി അത്ഭുതപ്പെട്ടത്. ഇതെങ്ങനെ സംഭവിച്ചു എന്ന് അവർക്ക് മനസിലായില്ല. ഒടുവിൽ അതറിയാനായി വീടിന് മുന്നിലെ സിസിടിവി ദൃശ്യങ്ങൾ പരിശോധിച്ചപ്പോഴാണ് ആ കൗതുകകരമായ കാഴ്ച അവരുടെ കണ്ണിൽ പെട്ടത്.

ഫ്ലിപ്കാർട്ടിന്റെ ഡെലിവറി ഏജന്റ് ഓർഡർ നൽകി മടങ്ങുന്നതിനിടെ അബദ്ധത്തിൽ രംഗോലിയുടെ അരികിൽ ചവിട്ടുകയായിരുന്നു. കോലം അല്പം മാഞ്ഞു എന്ന് മനസ്സിലായതോടെ അയാൾ അവിടെനിന്ന് മടങ്ങിപ്പോകാൻ തയ്യാറായില്ല. താഴെയിരുന്ന് തന്റെ കൈകൾ കൊണ്ട് ആ രംഗോലി പരമാവധി ഭംഗിയായി വീണ്ടും വൃത്തിയാക്കിയ ശേഷമാണ് അയാൾ മടങ്ങിയത്.

'അബദ്ധത്തിൽ സംഭവിച്ചതാണെങ്കിലും, അത് നന്നാക്കാൻ അയാൾ കാണിച്ച ആ മനസ്സ് എന്നെ ഏറെ സ്പർശിച്ചു. ആരും പറയാതെ തന്നെ ഓരോ ചെറിയ വിശദാംശങ്ങളും ശ്രദ്ധിച്ച് അയാൾ അത് ശരിയാക്കാൻ ശ്രമിച്ചു. ആരാണെങ്കിലും അദ്ദേഹത്തിന് എന്റെ നന്ദി' എന്ന് ദൃഷ്ടി കുറിച്ചു.

View this post on Instagram

A post shared by Drashtiiiiii (@drashtiisthisyouu)

ഡെലിവറി ബോയിയുടെ പ്രവൃത്തിയെ പ്രശംസിച്ച് നിരവധിയാളുകളാണ് പോസ്റ്റിന് കമന്റുകളിടുന്നത്. ഉപഭോക്താവ് പരാതിപ്പെടുമോ എന്ന ഭയം കൊണ്ടാകാം അവൻ അത് ചെയ്തതെന്നും, അടുത്ത സ്ഥലത്ത് എത്തുമ്പോൾ വൈകിയതിന് വഴക്ക് കേൾക്കാൻ സാധ്യതയുണ്ടായിട്ടും അതിന് സമയം കണ്ടെത്തിയത് അഭിനന്ദനാർഹമാണെന്നും ആളുകൾ കുറിച്ചു. അബദ്ധം പറ്റിയിട്ടും അത് തിരുത്താൻ കാണിച്ച യുവാവിന്റെ പ്രൊഫഷണലിസവും ആത്മാർത്ഥതയും ആളുകളെ എന്തായാലും ആകർഷിച്ചിട്ടുണ്ട്.

സെൻസർ ശബ്ദം അസഹനീയം; വനിതാ അഭിഭാഷകയുടെ കാർ പെട്രോളൊഴിച്ച് കത്തിച്ച് യുവാവ്! തീപിടിക്കുന്നത് ഫോണിൽ പകർത്തി, വീഡിയോ

Web Desk — Fri, 30 Oct 2026 17:09:14 +0530

കാറിന്‍റെ സെൻസറിൽനിന്ന് ആവർത്തിച്ചുണ്ടാകുന്ന ശബ്ദം അസഹനീയമായതോടെ അയൽവാസിയായ വനിതാ അഭിഭാഷകയുടെ കാർ പെട്രോളൊഴിച്ച് കത്തിച്ച് യുവാവ്. ഗുജറാത്തിലെ മോർബിയിലാണ് ഞെട്ടിക്കുന്ന സംഭവം. കാർ കത്തിക്കുന്നതിന്‍റെയും തീപിടിച്ച വാഹനം മൊബൈൽ ഫോണിൽ ചിത്രീകരിക്കുന്നതിന്‍റെയും ദൃശ്യങ്ങൾ പുറത്തുവന്നതോടെ സംഭവം സമൂഹ മാധ്യമങ്ങളിലും വലിയ ചർച്ചയ്ക്ക് ഇടയാക്കി.

പൂച്ച അടുത്തെത്തിയാലും നിലവിളിക്കുന്ന സെൻസർ!

ഗുജറാത്തിലെ മോർബിയിലെ വാഘ്പര മേഖലയിൽ ഒക്ടോബർ 28 -നാണ് സംഭവം നടന്നത്. അഭിഭാഷകയായ പുഷ്പ ഭട്ടിന്‍റെ ഉടമസ്ഥതയിലുള്ള മാരുതി സുസുക്കി സ്വിഫ്റ്റ് കാറാണ് അയൽവാസിയായ ശിഖർ ഗോഹേൽ കത്തിച്ചതെന്ന് റിപ്പോർട്ടിൽ പറയുന്നു. വീടിന് സമീപം പാർക്ക് ചെയ്തിരുന്ന കാറിന്‍റെ സെൻസർ, ആളുകളോ മൃഗങ്ങളോ വാഹനത്തിനടുത്തെത്തുമ്പോൾ തുടർച്ചയായി ശബ്ദമുണ്ടാക്കുന്നതാണ് പ്രതിയെ പ്രകോപിപ്പിച്ചതെന്നാണ് റിപ്പോർട്ട്. പൂച്ചയോ പട്ടിയോ മറ്റ് ചെറിയ മൃഗങ്ങളോ മറ്റോ വാഹനത്തിന് അടുത്തെത്തുമ്പോൾ കാറിന്‍റെ സെൻസർ വലിയ ശബ്ദം ഉണ്ടാക്കിക്കൊണ്ടേയിരുന്നു. ഇത് നിരന്തരമായപ്പോൾ ശബ്ദം ശല്യം സഹിക്കാൻ കഴിയാതെ യാണ് ശിഖർ കാറിന് തീയിട്ടതെന്ന് റിപ്പോർട്ടുകൾ പറയുന്നു.

Watch: A man set a woman lawyer’s parked car on fire after reportedly becoming irritated by its repeatedly beeping sensors in Morbi. CCTV footage of the incident shows the man pouring petrol on the car, setting it ablaze and then filming the act before leaving the scene. Morbi A Division Police have arrested the accused and initiated legal action.

— DeshGujarat (@DeshGujarat) October 29, 2026

MORBI, GUJARAT : A man allegedly set a woman lawyer’s parked car on fire after becoming irritated by its repeatedly beeping sensors. CCTV footage reportedly captured him pouring petrol on the vehicle. Morbi A Division Police have arrested the accused and initiated legal action.

— indiainlast24hr (@indiain24hr) October 29, 2026

തീയിട്ട് അയൽവാസി

28 -ാം തിയതി വൈകിട്ട് 4.45 ഓടെ പെട്രോൾ നിറച്ച കുപ്പിയുമായി എത്തിയ ശിഖർ കാറിന്‍റെ ബോണറ്റിലും മുൻഭാഗത്തും പെട്രോൾ ഒഴിച്ചശേഷം തീകൊളുത്തുകയായിരുന്നു. നിമിഷങ്ങൾക്കകം തീ ആളിപ്പടർന്ന് കാർ പൂർണമായും കത്തിനശിച്ചു. അതിനിടെ സംഭവസ്ഥലത്തുനിന്ന് മാറിപ്പോകുന്നതിന് പകരം തീപിടിച്ച കാറിന്‍റെ ദൃശ്യങ്ങൾ ഇയാൾ മൊബൈൽ ഫോണിൽ പകർത്തുകയും ചെയ്തു. സമീപത്തെ സിസിടിവി ക്യാമറകളിലും സംഭവത്തിന്‍റെ ദൃശ്യങ്ങൾ പതിഞ്ഞിട്ടുണ്ട്. കാർ ഏതാണ്ട് പൂർണ്ണമായും കത്തിയമർന്നതിന് പിന്നാലെ ഇയാൾ മറ്റൊരു കാറിൽ കയറി പോയെന്നും റിപ്പോർട്ടുകൾ പറയുന്നു. പുഷ്പ ഭട്ടിന്‍റെ പരാതിയിൽ പോലീസ് കേസെടുത്ത് അന്വേഷണം ആരംഭിച്ചു. സംഭവത്തിൽ 3.50 ലക്ഷത്തിന്‍റെ നഷ്ടം കണക്കാക്കുന്നതായി റിപ്പോർട്ടുകൾ പറയുന്നു.

Asianet News Malayalam

പൊന്നാങ്ങളയുടെ കിടിലന്‍ സർപ്രൈസ്; 14,000 കിലോമീറ്റർ താണ്ടി സഹോദരിയുടെ ബിരുദദാനച്ചടങ്ങിലെത്തി യുവാവ്

'നാടനി'ൽ നിന്ന് റാംപിലേക്ക്!

വേരുകൾ മറക്കാതെ...

രണ്ട് സാധ്യതകൾ മുന്നോട്ട് വച്ച് പൈലറ്റ്

വീഡിയോ വൈറൽ

നായ മൂത്രം 'അത്ര പ്രശ്നമല്ലെ'ന്ന് നെറ്റിസെൺസ്

566 ദിവസത്തെ കാത്തിരിപ്പ്, സർപ്രൈസായി മകൻ മുന്നിൽ, പൊട്ടിപ്പോയി; വൈകാരികം ഈ വീഡിയോ

കടയിലേക്ക് കയറിവന്ന് യുവാവിനെ കെട്ടിപ്പിടിച്ച് കുരങ്ങ്! തിരിച്ച് കെട്ടിപ്പിടിക്കൂവെന്ന് നെറ്റിസൺസ്; വീഡിയോ

വിവാഹ ഫോട്ടോഷൂട്ടിനിടെ പറന്നുയർന്ന് നവവധു! ഫോട്ടോഗ്രാഫറുടെ ഇടപെടലിൽ രക്ഷ, വീഡിയോ വൈറൽ

ഭയം നിറച്ചൊരു ബലൂൺ ഫോട്ടോഷൂട്ട്

ഡെലിവറി ബോയ്ക്ക് സർപ്രൈസായി പുത്തൻ സ്കൂട്ടർ; അനന്ത് അംബാനിയുടെ സമ്മാനം; വീഡിയോ

തിരക്കുകളിൽ നിന്നെല്ലാമൊഴിഞ്ഞ് ശാന്തത തേടി; ബെംഗളൂരു വിട്ട് ഗോവയിലേക്ക്, ദമ്പതികൾക്ക് ചെലവായത്

വെറും രണ്ടര വയസ് പ്രായം, തബലയിൽ 12 താളങ്ങൾ വായിച്ച് റെക്കോർഡ് നേടി സ്വരശ്രീ

ക്യാബ് ഓടിച്ചെത്തിയത് സ്ത്രീ

'ഒരു പുരുഷനെപ്പോലെ തോന്നി'

വീഡിയോ വൈറൽ

ആദ്യകാല അസ്വസ്ഥതകൾ

സ്വന്തം താത്പര്യങ്ങൾ തന്നെ മാറി

ഇടിച്ചിട്ട് ഒന്നും സംഭവിക്കാത്തത് പോലെ നടന്നു പോയി!

പ്രതി പിടിയിൽ, പക്ഷേ കാരണം അജ്ഞാതം

ഏഴ് മണിക്കൂർ നീണ്ട ആശങ്ക; വേർപിരിയലിനൊടുവിൽ കുട്ടിയാനയെ അമ്മയാനയ്‍ക്കൊപ്പമാക്കി വനംവകുപ്പ്‌

10,000 രൂപയ്ക്ക് ഇന്ത്യ മൊത്തം ചുറ്റിക്കാണാൻ ഒരു പെൺകുട്ടി; വൈറലായി ബജറ്റ് ട്രാവൽ ചലഞ്ച്

4 ദിവസം പൊലീസുകാരെ വട്ടം കറക്കി മാ​ഗി, ഓടടാ ഓട്ടം, പശുവിനെ പിടികൂടാൻ സിനിമാസ്റ്റൈൽ രം​ഗങ്ങൾ

ദീപാവലി രംഗോലി അബദ്ധത്തിൽ ചവിട്ടി, അല്പം മാഞ്ഞുപോയി, പിന്നാലെ ഡെലിവറി ബോയ് ചെയ്തത്; മനം കവർന്ന് വീഡിയോ

പൂച്ച അടുത്തെത്തിയാലും നിലവിളിക്കുന്ന സെൻസർ!

തീയിട്ട് അയൽവാസി

4 ദിവസം പൊലീസുകാരെ വട്ടം കറക്കി മാഗി, ഓടടാ ഓട്ടം, പശുവിനെ പിടികൂടാൻ സിനിമാസ്റ്റൈൽ രംഗങ്ങൾ