Asianet News

ലേലത്തില്‍ വിറ്റ 2.17 കിലോ സ്പാനിഷ് ചീസിന് ലഭിച്ചത് 27 ലക്ഷം രൂപ; ലോക റിക്കോര്‍ഡ് !

Web Team — Sat, 02 Sep 2023 14:02:54 +0530

ചീസ് ഉപയോഗിച്ചുള്ള പലഹാരങ്ങള്‍ കൂടുതലായും യൂറോപ്യന്മാരാണ് ഉപയോഗിച്ചിരുന്നത്. ബര്‍ഗര്‍, പിസ തുടങ്ങിയ വിഭവങ്ങളുടെ രുചി ഉയര്‍ത്തുന്നതില്‍ ചീസ് എന്ന പാല്‍ക്കട്ടിക്കുള്ള കഴിവ് അപാരമാണ്. സൂപ്പിലായാലും സാലഡിലായാലും തന്‍റേതായ കൈയ്യൊപ്പ് പതിപ്പിച്ചാകും ചീസ് കിടക്കുക. എത് ഭക്ഷണത്തില്‍ ചേര്‍ത്താലും ചീസിന്‍റെ കൈപ്പുണ്യം ഒന്ന് വേറെ തന്നെയാണെന്ന് പറയുമ്പോഴും ചീസ് അത്ര ചീപ്പായി വാങ്ങാമെന്ന് കരുതരുത്. അത്യാവശ്യം വിലയുള്ള ഒന്നാണ് ചീസ്. വില എത്രയെന്നാണോ ?

ജവാനിലെ ഗാനം 'ചലേയ'യ്ക്ക് ചുവട് വച്ച് പ്രത്യേക കഴിവുള്ള സ്ത്രീ; അഭിനന്ദിച്ച് നെറ്റിസണ്‍സ് !

സ്‌പെയിനിലെ ലോസ് പ്യൂർട്ടോസിൽ കഴിഞ്ഞ ദിവസങ്ങളിലായി ഒരു പ്രദേശിക ആഘോഷം നടന്നു. ആഘോഷത്തിന്‍റെ പേര് തന്നെ ചീസ് ഫെസ്റ്റിവലിൽ എന്നാണ്. ഈ ആഘോഷത്തിനിടെ വിറ്റഴിക്കപ്പെട്ട ഒരു ചീസാണ് താരം. ഒന്നും രണ്ടമല്ല, 32,000 ഡോളറിനാണ് ഇവിടെ നടന്ന ഒരു ലേലത്തില്‍ ചീസ് വിറ്റ് പോയത്. അതായത്, ഏതാണ്ട് 27 ലക്ഷം ഇന്ത്യന്‍ രൂപയ്ക്ക് തുല്യമായ തുകയ്ക്ക്.ഇതുവരെ ചീസിന്‍റെ വില്പനയിലുണ്ടാ്യിരുന്ന എല്ലാ റെക്കാര്‍ഡുകളെയും കടപുഴക്കിയ വിലയായിരുന്നു ആ സ്‌പാനിഷ് കാബ്രാലെസ് ബ്ലൂ ചീസിന് (Spanish Cabrales blue cheese) ലഭിച്ചത്.

ആയുധം കൈവശമുള്ളവർക്ക് ഭക്ഷണമില്ലെന്ന് കാലിഫോർണിയയിലെ അറബ് സ്ട്രീറ്റ് ഫുഡ് റെസ്റ്റോറന്‍റ് !

ചക്രത്തിന്‍റെ രൂപത്തില്‍ തീര്‍ത്ത 2.17 കിലോഗ്രാം ഭാരമുള്ള ഈ ചീസിന് ഇതുവരെ ചീസ് വില്പനയില്‍ രേഖപ്പെട്ടുത്തിയിട്ടുള്ള ഏറ്റവും ഉയര്‍ന്ന വിലയാണ് ലഭിച്ചത്. ഇത് പുതിയ ഗിന്നസ് വേള്‍ഡ് റെക്കോര്‍ഡ് കൂടിയാണ്. ഗില്ലെർമോ പെൻഡാസ് എന്നയാളാണ് തന്‍റെ കുടുംബത്തിന്‍റെ ബേക്കറിയില്‍ വച്ച് ഈ ചീസ് തയ്യാറാക്കിയത്. സ്പെയിനിലെ ഒവിഡോയ്ക്ക് സമീപമുള്ള എൽ ലാഗർ ഡി കൊളോട്ടോ റെസ്റ്റോറന്‍റിന്‍റെ ഉടമ ഇവാൻ സുവാരസിന്‍റെ പേരിലായിരുന്നു മുന്‍ റെക്കോര്‍ഡ്. 2019 ല്‍ അദ്ദേഹം ചീസ് വിറ്റത് ഏകദേശം 18.5 ലക്ഷം രൂപയ്ക്കായിരുന്നു. ഈ റെക്കോര്‍ഡാണ് ഇപ്പോള്‍ ഗില്ലെർമോ പെൻഡാസ് തകര്‍ത്തത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക്ക് ചെയ്യുക

സ്പെഷ്യൽ ഓപ്‌സ് 2 ട്രെയിലര്‍ : സൈബർ യുദ്ധത്തിന് ഒരുങ്ങി ഹിമ്മത് സിംഗും സംഘവും

Web Desk — Tue, 17 Jun 2025 11:10:47 +0530

മുംബൈ: 2020 മാർച്ച് 17-നാണ് ബോളിവുഡ് സംവിധായകന്‍ നീരജ് പാണ്ഡെ സ്പെഷ്യൽ ഓപ്‌സ് എന്ന സ്പൈ ത്രില്ലർ ഷോയിലൂടെ ഒടിടിയിൽ അരങ്ങേറ്റം കുറിച്ചത്. 8 എപ്പിസോഡുകളുള്ള പരമ്പരയിൽ കെ കെ മേനോൻ, കരൺ ടാക്കർ, വിനയ് പഥക്, വിപുല്‍ ഗുപ്ത, സയാമി ഖേർ, ഗൗതമി കപൂർ, പർമീത് സേത്തി എന്നിവർ പ്രധാന വേഷങ്ങളിൽ അഭിനയിച്ചിരുന്നു. കൊവിഡ് കാലത്ത് വന്‍ ഹിറ്റായിരുന്നു ഡിസ്നിപ്ലസ് ഹോട്ട്സ്റ്റാറില്‍ വന്ന ഈ പരമ്പര.

ഒന്നര വർഷത്തിലേറെ കഴിഞ്ഞ് 2021 നവംബർ 12 ന് ഈ സീരിസിന്‍റെ അണിയറക്കാര്‍ സ്പെഷ്യൽ ഓപ്‌സ് 1.5: ദി ഹിമ്മത് സ്റ്റോറി എന്ന പേരിൽ നാല് എപ്പിസോഡുകൾ ഉൾക്കൊള്ളുന്ന ഒരു സ്പിൻ-ഓഫ്/പ്രീക്വൽ പുറത്തിറക്കി.

കെ കെ മേനോൻ, അഫ്താബ് ശിവദാസനി, വിനയ് പഥക്, ആദിൽ ഖാൻ, ഗൗതമി കപൂർ, പർമീത് സേത്തി എന്നിവർ അഭിനയിച്ച ഈ പരമ്പര എന്നാല്‍ അത്ര അധികം ശ്രദ്ധിക്കപ്പെട്ടിരുന്നില്ല. ഇപ്പോള്‍ സ്പെഷ്യല്‍ ഓപ്സ് ആദ്യ സീസണിന് ശേഷം അഞ്ച് വര്‍ഷത്തിന് ശേഷം അതിന്‍റെ രണ്ടാം സീസണ്‍ വരുകയാണ്.

സ്പെഷ്യല്‍ ഓപ്സ് 2 ട്രെയിലറും റിലീസ് ഡേറ്റും പ്രഖ്യാപിച്ചിരിക്കുകയാണ് ജിയോ ഹോട്ട്സ്റ്റാര്‍. കെകെ മോനോന്‍ അവതരിപ്പിക്കുന്ന ഹിമ്മത് സിംഗ് എന്ന റോ മേധാവിയും സംഘവും ഇത്തവണ ഒരു സൈബര്‍ യുദ്ധത്തെയാണ് നേരിടുന്നത് എന്നാണ് ട്രെയിലര്‍ നല്‍കുന്ന സൂചന.

രണ്ടാം സീസണില്‍ പ്രകാശ് രാജും ഒരു പ്രധാന വേഷം ചെയ്യുന്നുണ്ട്. ജൂലൈ 11 മുതലാണ് ഈ സീസണ്‍ ഹോട്ട്സ്റ്റാറില്‍ സ്ട്രീം ചെയ്യാന്‍ ആരംഭിക്കുക.

'സ്ക്വിഡ് ഗെയിം' അവസാന സീസണ്‍ ശുഭാന്ത്യം ആയിരിക്കില്ല: വെളിപ്പെടുത്തി സ്രഷ്ടാവ്

Web Desk — Thu, 26 Jun 2025 21:32:06 +0530

മുംബൈ: ലോകമെമ്പാടും ആരാധകരെ സൃഷ്ടിച്ച ദക്ഷിണകൊറിയൻ ത്രില്ലർ സീരീസ് 'സ്ക്വിഡ് ഗെയിം' അതിന്‍റെ അവസാന സീസൺ ജൂൺ 27-ന് നെറ്റ്ഫ്ലിക്സിൽ റിലീസ് ചെയ്യാൻ ഒരുങ്ങുകയാണ്. എന്നാൽ, ഈ സീരിസിന് ഒരു ശുഭാന്ത്യം ആയിരിക്കില്ലെന്നാണ് സീരീസിന്റെ സ്രഷ്ടാവ് ഹ്വാങ് ഡോങ്-ഹ്യൂക്ക് വെളിപ്പെടുത്തിയിരിക്കുന്നത്.

ലീ ജംഗ്-ജേ, ലീ ബ്യൂങ്-ഹൻ, വി ഹാ-ജുൻ, പാർക്ക് ഗ്യു-യങ് എന്നിവർ അഭിനയിക്കുന്ന ഈ സീസണില്‍ പുതിയ ഗെയിമുകൾ, കഥാപാത്രങ്ങൾ, അപ്രതീക്ഷിതമായ ട്വിസ്റ്റുകൾ ഉണ്ടാകുമെന്ന് ഹ്വാങ് വ്യക്തമാക്കി. "ഈ സീസൺ വളരെ രസകരമായിരിക്കും, പക്ഷേ ഒരു ശക്തമായ സന്ദേശവും അതിലുണ്ടാകും" എന്നാണ് നേരത്തെ സീരിസിലെ പ്രധാന വേഷം ചെയ്യുന്ന ലീ പറഞ്ഞത്.

2021-ൽ റിലീസ് ചെയ്ത 'സ്ക്വിഡ് ഗെയിം' ഒരു പരിമിത സീരീസായാണ് ആരംഭിച്ചത്, എന്നാൽ ലോകമെമ്പാടും ലഭിച്ച അഭൂതപൂർവമായ സ്വീകാര്യത കാരണം തുടർ സീസണുകൾ നിർമ്മിക്കേണ്ടിവന്നുവെന്നാണ് അതേ സമയം പറഞ്ഞു. "ലോകമെമ്പാടുമുള്ള പ്രേക്ഷകരുടെ സ്നേഹം കാരണമാണ് ഞങ്ങൾക്ക് തുടർ സീസണുകൾ നിർമ്മിക്കേണ്ടിവന്നത്" സീരീസിന്റെ സ്രഷ്ടാവ് ഹ്വാങ് ഡോങ്-ഹ്യൂക്ക് പറയുന്നത്.

'സ്ക്വിഡ് ഗെയിം'ന്‍റെ അവസാന സീസൺ കൂടുതൽ ഡാര്‍ക്കും ഗൗരവമേറിയതുമായിരിക്കുമെന്ന് ഹ്വാങ് ഡോങ്-ഹ്യൂക്ക് മുന്നറിയിപ്പ് നൽകി. "ലോകം ഇപ്പോൾ പ്രതീക്ഷകള്‍ കുറഞ്ഞ ഇടമായി മാറിയിരിക്കുകയാണ്. മനുഷ്യരാശിയുടെ അവസാന ആശ്രയം എന്താണ്? ഭാവിതലമുറയ്ക്ക് മെച്ചപ്പെട്ട ഒരു ലോകം നൽകാൻ നമുക്ക് ഇച്ഛാശക്തിയുണ്ടോ എന്ന് ഞാൻ ചോദിക്കാൻ ആഗ്രഹിക്കുന്നു" അദ്ദേഹം പറഞ്ഞു.

ഈ ചോദ്യങ്ങൾ സീരീസിന്റെ മുഖ്യ സന്ദേശമായി മാറും. മൂന്ന് സീസണുകൾ കണ്ടതിന് ശേഷം "എന്റെ ഉള്ളിൽ എത്ര മനുഷ്യത്വം അവശേഷിക്കുന്നുണ്ടോ?" എന്ന് പ്രേക്ഷകർ സ്വയം ചോദിക്കണമെന്ന് ഹ്വാങ് പറഞ്ഞു.

ലീ ജംഗ്-ജേ അവതരിപ്പിക്കുന്ന സിയോങ് ഗി-ഹുൻ എന്ന കഥാപാത്രം, ഒരു സാധാരണ വ്യക്തിയിൽ നിന്ന് ഒരു ധീരനായ നായകനിലേക്കുള്ള പരിവർത്തനം നടത്തുന്നത് മൂന്നാം സീസണിലും കാണാം എന്നും സീരിസ് മേക്കര്‍ പറയുന്നു. മൂന്നാം സീസണിൽ ഗി-ഹുൻ (ലീ ജംഗ്-ജേ) ഫ്രണ്ട് മാൻ (ലീ ബ്യൂങ്-ഹൻ) എന്നിവർ തമ്മില്‍ തങ്ങളുടെ വിശ്വാസ പ്രമാണത്തെ ചുറ്റിപ്പറ്റിയുള്ള ഒരു വലിയ ഏറ്റുമുട്ടൽ പ്രേക്ഷകർക്ക് കാണാമെന്ന് ഹ്വാങ് സൂചിപ്പിച്ചു.

"അവസാനം പ്രതീക്ഷിക്കാത്തതാണ് സംഭവിക്കുക. പ്രേക്ഷകർക്ക് വ്യത്യസ്തമായ പ്രതികരണങ്ങൾ ഉണ്ടാകുമെന്ന് ഞാൻ കരുതുന്നു. ഇത് തീർച്ചയായും ചർച്ചകൾക്ക് വഴിയൊരുക്കും" എന്നും സീരീസിന്റെ സ്രഷ്ടാവ് അഭിപ്രായപ്പെട്ടു. എന്തായാലും നെറ്റ്ഫ്ലിക്സില്‍ സീരിസിന്‍റെ റിലീസിനായി കാത്തിരിക്കുകയാണ് പ്രേക്ഷകര്‍.

പഞ്ചായത്ത് സീസൺ 4 വൻ വിജയം; ഔദ്യോഗിക പ്രഖ്യാപനമായി അഞ്ചാം സീസൺ വരുന്നു

Web Desk — Mon, 07 Jul 2025 17:23:53 +0530

ദില്ലി: ഇന്ത്യൻ ഒടിടി രംഗത്തെ ഏറെ ജനപ്രിയമായ വെബ് സീരീസായ 'പഞ്ചായത്ത്' നാലാം സീസണ്‍ വന്‍ വിജയമാണ് നേടിയിരിക്കുന്നത്. ആമസോൺ പ്രൈം വീഡിയോയിൽ ജൂൺ 24-ന് പ്രീമിയർ ചെയ്ത 'പഞ്ചായത്ത്' സീസൺ 4 ഈ സീരീസിന്റെ ചരിത്രത്തിലെ ഏറ്റവും വലിയ ഓപ്പണിങ് നേടിയതായാണ് റിപ്പോർട്ട്.

ലോകമെമ്പാടുമുള്ള 42-ലധികം രാജ്യങ്ങളിൽ, യുഎസ്, കാനഡ, ഓസ്‌ട്രേലിയ, യുകെ, യുഎഇ തുടങ്ങിയ രാജ്യങ്ങൾ ഉൾപ്പെടെ ലോഞ്ച് ദിനത്തിൽ തന്നെ ടോപ് 10 ടൈറ്റിലുകളിൽ ഈ സീരിസ് ഇടംനേടി. ഇന്ത്യയിൽ, ഈ സീരീസ് ഒന്നാം സ്ഥാനത്ത് ട്രെൻഡ് ചെയ്യുന്നുണ്ട്. 180-ലധികം രാജ്യങ്ങളിൽ ലോഞ്ച് ആഴ്ചയിൽ ഈ സീരീസ് സ്ട്രീം ചെയ്യപ്പെട്ടതായും റിപ്പോർട്ടുകൾ സൂചിപ്പിക്കുന്നു.

ഈ വൻ വിജയത്തിന്റെ ആവേശത്തിൽ, ആമസോൺ പ്രൈം വീഡിയോ 'പഞ്ചായത്ത്' സീസൺ 5-ന്റെ പ്രഖ്യാപനവും നടത്തിയിട്ടുണ്ട്. 2026-ൽ പ്രീമിയർ ചെയ്യാനിരിക്കുന്ന അഞ്ചാം സീസൺ ഇതിനകം സ്ക്രിപ്റ്റ് ഘട്ടത്തിലാണ് എന്നാണ് വിവരം. പ്രൈം വീഡിയോയുടെ ഔദ്യോഗിക ഇൻസ്റ്റാഗ്രാം അക്കൗണ്ടിൽ, “ഹായ് 5 , ഫുലേരയിലേക്ക് മറ്റൊരു യാത്രയ്ക്ക് തയ്യാറെടുക്കൂ” എന്ന കാപ്ഷനോടെ ഈ പ്രഖ്യാപനം പങ്കുവെച്ചിട്ടുണ്ട്.

'പഞ്ചായത്ത്' സീസൺ 4, ഉത്തർപ്രദേശിലെ സാങ്കല്‍പ്പിക ഗ്രാമമായ ഫുലേരയിൽ നടക്കുന്ന പഞ്ചായത്ത് തിരഞ്ഞെടുപ്പിന്റെ പശ്ചാത്തലത്തിലുള്ള കഥയാണ് പറയുന്നത്. മഞ്ജു ദേവി (നീന ഗുപ്ത)യും ക്രാന്തി ദേവി (സുനിത രജ്വാർ)യും തമ്മിലുള്ള രാഷ്ട്രീയ മത്സരം ഈ സീസണിന്റെ പ്രധാന ആകര്‍ഷണമാണ്. അഭിഷേക് ത്രിപാഠി (ജിതേന്ദ്ര കുമാർ) എന്ന സച്ചിവ് ജി, ഗ്രാമത്തിലെ രാഷ്ട്രീയ പോരാട്ടങ്ങള്‍ക്കിടയിലും തന്‍റെ വ്യക്തിപരമായ ചില വിഷയങ്ങള്‍ക്കിടയിലും പെട്ട് ഉഴലുകയാണ്.

ദി വൈറൽ ഫീവർ നിർമ്മിച്ച ഈ സീരീസ്, ചന്ദൻ കുമാർ, ദീപക് കുമാർ മിശ്ര എന്നിവർ ചേർന്നാണ് സൃഷ്ടിച്ചത്. അക്ഷത് വിജയവർഗീയ, ദീപക് കുമാർ മിശ്ര എന്നിവർ സംവിധാനം ചെയ്ത ഈ സീരീസിൽ ജിതേന്ദ്ര കുമാർ, നീന ഗുപ്ത, രഘുബീർ യാദവ്, ഫൈസൽ മാലിക്, ചന്ദൻ റോയ്, സാൻവിക, ദുർഗേഷ് കുമാർ, സുനിത രജ്വാർ, പങ്കജ് ഝാ എന്നിവർ പ്രധാന വേഷങ്ങളിൽ അഭിനയിക്കുന്നു.

പ്രിയമണിയുടെ 'ഗുഡ് വൈഫ്' റിലീസിന് എത്തുന്നു: പ്രീമിയര്‍ ഡേറ്റ് പ്രഖ്യാപിച്ചു

Web Desk — Mon, 30 Jun 2025 09:19:18 +0530

ചെന്നൈ : ദേശീയ അവാര്‍ഡ് അടക്കം നേടിയിട്ടുള്ള അഭിനേയത്രി പ്രിയമണിയുടെ തമിഴ് ഒടിടി രംഗത്തെ ആദ്യത്തെ സീരിസാണ് 'ഗുഡ് വൈഫ്'. ലീഗൽ ഡ്രാമയായി ഒരുക്കിയിരിക്കുന്ന ഈ സീരിസിന്‍റെ പ്രീമിയർ തീയതി ഇപ്പോള്‍ പ്രഖ്യാപിച്ചിരിക്കുകയാണ്. പ്രശസ്ത അമേരിക്കൻ ടിവി ഷോ 'ദി ഗുഡ് വൈഫിന്റെ' ഔദ്യോഗിക അഡാപ്റ്റേഷനായ ഈ സീരീസ്.

വെറ്ററൻ സംവിധായികയും നടിയുമായ രേവതി സംവിധാനം ചെയ്യുന്നു. 'ഗുഡ് വൈഫ്' 2025 ജൂലൈ 4-ന് ജിയോ ഹോട്ട്സ്റ്റാറിൽ സ്ട്രീമിംഗ് ആരംഭിക്കും. മലയാളം, തെലുങ്ക്, തമിഴ്, ഹിന്ദി, കന്നഡ, ബംഗാളി, മറാത്തി എന്നീ ഭാഷകളിൽ ഈ സീരീസ് ലഭ്യമാകും.

പ്രിയമണി ഈ സീരീസിൽ അവളുടെ ഭർത്താവിനെ നിയമകുരുക്കിലാക്കുകയും, പൊതുജന മധ്യത്തില്‍ അപമാനിതനാക്കുകയും ചെയ്യുന്ന സംഭവത്തിന്‍റെ ചുരുളഴിക്കാന്‍ ശ്രമിക്കുന്ന സ്ത്രീയുടെ വേഷത്തില്‍ എത്തുന്നു.

കോടതിമുറികളിലും ജീവിതത്തിലും പരീക്ഷണങ്ങളും, വലിയ മാറ്റങ്ങളും അഭിമുഖീകരിക്കുന്ന നായികയുടെ അവസ്ഥയാണ് തീവ്രമായ ഒരു ഡ്രാമയായി സീരിസില്‍ അവതരിപ്പിക്കുന്നത്. പ്രിയമണിക്കൊപ്പം സമ്പത്ത് രാജ്, ആരി അർജുനൻ, അമൃത ശ്രീനിവാസൻ എന്നിവർ പ്രധാന വേഷങ്ങളിൽ എത്തുന്നു.

രേവതിയും സിദ്ധാർഥ് രാമസ്വാമിയും ചേർന്ന് സംവിധാനം ചെയ്ത ഈ സീരീസില്‍ ഹലിത ഷമീം, ബനിജയ് ഏഷ്യ എന്നിവർക്കൊപ്പം നിർമാണത്തിലും പങ്കാളികളാണ്.

ചാംപ്യന്‍സ് ട്രോഫിയില്‍ ഇന്ത്യ-ഓസ്‌ട്രേലിയ നേര്‍ക്കുനേര്‍ കണക്ക്; മുന്‍തൂക്കം ഇന്ത്യക്ക് തന്നെ

Web Desk — Tue, 04 Mar 2025 12:37:04 +0530

ദുബായ്: ചാംപ്യന്‍സ് ട്രോഫി സെമി ഫൈനലില്‍ ഇന്ന് ഓസ്‌ട്രേലിയയെ നേരിടാനിറങ്ങുകയാണ് ഇന്ത്യ. ദുബായ് ഇന്റര്‍നാഷണല്‍ ക്രിക്കറ്റ് സ്റ്റേഡിയത്തില്‍ ഉച്ചയ്ക്ക് രണ്ട് മണിക്ക് ടോസ് വീഴും. സ്പിന്നിനെ അകമഴിഞ്ഞ് പിന്തുണയ്ക്കുന്ന പിച്ചില്‍ ഇന്ത്യ നാല് സ്പിന്നര്‍മാരെ ഉള്‍പ്പെടുത്താന്‍ സാധ്യതയേറെ. കഴിഞ്ഞ മത്സരത്തില്‍ അഞ്ച് വിക്കറ്റ് വീഴ്ത്തിയ വരുണ്‍ ചക്രവര്‍ത്തിയെ ടീമില്‍ നിലനിര്‍ത്തും. രവീന്ദ്ര ജഡേജ, കുല്‍ദീപ് യാദവ്, അക്‌സര്‍ പട്ടേല്‍ എന്നിവരായിരിക്കും ടീമിലെ മറ്റു സ്പിന്നര്‍മാര്‍.

ഐസിസി ചാംപ്യന്‍സ് ട്രോഫിയില്‍ നാലു തവണയാണ് ഇന്ത്യയും ഓസ്‌ട്രേലിയയും നേര്‍ക്കുനേര്‍ വന്നിട്ടുള്ളത്. ഇതില്‍ 2 കളികളില്‍ ആണ് ഇന്ത്യ ജയിച്ചിട്ടുള്ളത്. ഒരെണ്ണം ഓസ്ട്രേലിയ ജയിച്ചപ്പോള്‍ മറ്റൊരു മത്സരം ടൈ ആയി. മിനി ലോകകപ്പിന്റെ പ്രഥമ പതിപ്പായ 1998ലെ ഇന്റര്‍നാഷണല്‍ കപ്പില്‍ ഓസ്‌ട്രേലിയയെ തകര്‍ത്തായിരുന്നു ഇന്ത്യയുടെ തുടക്കം. 128 പന്തില്‍ 141 റണ്‍സ് നേടുകയും സ്റ്റീവ് വോയും മൈക്കല്‍ ബെവനും അടക്കം 4 ഓസീസ് ബാറ്റര്‍മാരെ പുറത്താക്കുകയും ചെയ്ത സച്ചിന്‍ തെന്‍ഡുല്‍ക്കര്‍ വിജയശില്‍പ്പിയായി. രണ്ട്് വര്‍ഷത്തിനിപ്പുറം ഐസിസി നോക്കൗട്ട് ടൂര്‍ണമെന്റില്‍ ഗ്ലെന്‍ മഗ്രാത്തിനെ കടന്നാക്രമിച്ച സച്ചിന്റെ മറ്റരു മുഖം കണ്ടു ക്രിക്കറ്റ് ലോകം.

ഫിനിഷറായും ടോപ് ഫീല്‍ഡറായും യുവ് രാജ് സിംഗിന്റെ ഉദയം. സഹീര്‍ ഖാന്റെ യോര്‍ക്കറുകളും ഇന്ത്യന്‍ ക്രിക്കറ്റിന് പുതിയ കാഴ്ചയായി. 2006ല്‍ ഇന്ത്യ വേദിയായ ചാംപ്യന്‍സ് ട്രോഫിയില്‍ ഓസ്‌ട്രേലിയ പകരംവീട്ടി. 6 വിക്കറ്റ് ജയത്തോടെ ഇന്ത്യയെ കെട്ടുകെട്ടിച്ചു കംഗാരുക്കള്‍. 1998ല്‍ വെസ്റ്റ് ഇന്‍ഡീസിനോട് തോറ്റതിന് ശേഷം ചാംപ്യന്‍സ് ട്രോഫിയുടെ സെമി കടമ്പയില്‍ ഇന്ത്യ വീണിട്ടില്ല. കഴിഞ്ഞ നാല് സെമിയിലും ജയിക്കാനായി. ഓസ്‌ട്രേലിയ ആകട്ടേ 2000ലും 2002ലും സെമിയില്‍ തോറ്റെങ്കിലും പിന്നീടുള്ള രണ്ട് ശ്രമങ്ങളിലും ഫൈനലില്‍ കടന്നു.

ഓസ്ട്രേലിയയ്ക്കെതിരായ ചാംപ്യന്‍സ് ട്രോഫി സെമി ഫൈനലിനുള്ള ഇന്ത്യയുടെ സാധ്യതാ ഇലവന്‍: രോഹിത് ശര്‍മ്മ (ക്യാപ്റ്റന്‍), ശുഭ്മാന്‍ ഗില്‍, വിരാട് കോലി, ശ്രേയസ് അയ്യര്‍, അക്സര്‍ പട്ടേല്‍, കെഎല്‍ രാഹുല്‍, ഹാര്‍ദിക് പാണ്ഡ്യ, രവീന്ദ്ര ജഡേജ, മുഹമ്മദ് ഷമി, കുല്‍ദീപ് യാദവ്, വരുണ്‍ ചക്രവര്‍ത്തി.

റാണാ നായിഡു സീസൺ 2: കുടുംബകലഹങ്ങളും ബോളിവുഡ് പശ്ചാത്തലവും

Web Desk — Sat, 14 Jun 2025 08:16:08 +0530

മുംബൈ: റാണാ ദഗ്ഗുബതി, വെങ്കടേഷ് ദഗ്ഗുബതി എന്നിവര്‍ പ്രധാന വേഷത്തില്‍ എത്തിയ നെറ്റ്ഫ്ലിക്സ് സീരിസ് റാണാ നായിഡു കഴിഞ്ഞ ദിവസം നെറ്റ്ഫ്ലിക്സില്‍ റിലീസ് ചെയ്തു. സുർവീൻ ചൌള, അർജുൻ രാംപാൽ, ആശിഷ് വിദ്യാർത്ഥി, അഭിഷേക് ബാനർജി തുടങ്ങിയവരും പുതിയ സീസണില്‍ അഭിനയിക്കുന്നുണ്ട്. സീരിസില്‍ 8 എപ്പിസോഡാണ് ഉള്ളത്. ഒരു ഫാമിലി ഡ്രാമയ്ക്കൊപ്പം ആക്ഷനും ത്രില്ലറും സമന്വയിപ്പിക്കുന്ന ആദ്യ സീസണിലെ ശൈലി തന്നെയാണ് സീരിസ് പിന്തുടരുന്നത്. സമിശ്രമായ പ്രതികരണമാണ് സീരിസിന് ലഭിക്കുന്നത്.

ആക്ഷന്‍ കുടുംബമായ നായിഡു ഫാമിലിയിലെ കലുഷിതമായ ബന്ധങ്ങളും അവരുടെ ക്രിമിനൽ പശ്ചാത്തലവും ചുറ്റിപ്പറ്റിയാണ് കഥ. റാണാ നായിഡു (റാണാ ദഗ്ഗുബതി), ഒരു "ഫിക്സർ" ആണ്, ഹൈ പ്രൊഫൈല്‍ പ്രശ്നങ്ങൾ പരിഹരിക്കുകയാണ് ഇയാളുടെ ജോലി.

അവന്റെ പിതാവ് നാഗ (വെങ്കടേഷ്), ജയിലിൽ നിന്ന് മോചിതനായ ശേഷം കുടുംബത്തിന്റെ നിയന്ത്രണം തിരിച്ചുപിടിക്കാൻ ശ്രമിക്കുന്നു. സഹോദരന്മാരായ ജാഫർ (അഭിഷേക് ബാനർജി), തേജ (ആശിഷ് വിദ്യാർത്ഥി), പുതിയ ശത്രുവായ അർജുൻ (അർജുൻ രാംപാൽ) എന്നിവർ കഥയ്ക്ക് കൂടുതൽ സങ്കീർണത പകരുന്നു. കുടുംബത്തിന്റെ ഭിന്നതകളും ബോളിവുഡ് പശ്ചാത്തലവുമാണ് സീരിസിന്‍റെ കാതല്‍.

എന്നാല്‍ തെലുങ്ക് 123 പോലുള്ള സൈറ്റുകള്‍ സീരിസ് റേറ്റിംഗ് 2.75/5 ആണ് നല്‍കിയിരിക്കുന്നത്. അതേ സമയം വിവിധ റിവ്യൂകളില്‍ പൊസറ്റീവായി പറയുന്ന കാര്യം റാണാ ദഗ്ഗുബതിയുടെയും വെങ്കടേഷിന്റെ അഭിനയംമാണ്. അർജുൻ രാംപാൽ, സുർവീൻ ചൌള എന്നിവരും ശക്തമായ കഥാപാത്രങ്ങൾ അവതരിപ്പിക്കുന്നു. സീസൺ 1-നെ അപേക്ഷിച്ച് കഥാപാത്രങ്ങളുടെ വികാരങ്ങൾക്കും ബന്ധങ്ങൾക്കും കൂടുതൽ പ്രാധാന്യം നൽകിയിട്ടുണ്ടെന്നാണ് റിവ്യൂ. ഹിന്ദി, തെലുഗു, തമിഴ്, മലയാളം, കന്നഡ, ഇംഗ്ലീഷ് ഭാഷകളിൽ സീരിസ് ലഭ്യമാണ്.

അതേ സമയം ആദ്യ രണ്ട് എപ്പിസോഡുകൾ സാവധാനത്തിലാണ് നീങ്ങുന്നത് എന്നത് പ്രേക്ഷകരെ മടുപ്പിച്ചേക്കും എന്ന പ്രതികരണവും വരുന്നുണ്ട്. സീസണ്‍ 1ന് സമാനമായ രീതികള്‍ കഥാഗതിയിൽ ആവർത്തനം അനുഭവപ്പെടുന്നു എന്ന അഭിപ്രായവും ഉണ്ടാക്കുന്നുണ്ട്.

പഞ്ചായത്ത് സീസൺ 4: 'ഫുലേരയില്‍ തെരഞ്ഞെടുപ്പ് ചൂട്' പുതിയ സീസണ്‍ ആരംഭിച്ചു

Web Desk — Tue, 24 Jun 2025 11:29:34 +0530

മുംബൈ: ആമസോണ്‍ പ്രൈം വീഡിയോയുടെ ജനപ്രിയ പരമ്പര പഞ്ചായത്ത് സീസണ്‍ 4 സ്ട്രീംഗ് ആരംഭിച്ചു. വളരെയധികം ഫാന്‍ ഫോളോയിംഗുള്ള ഷോയുടെ നാലാം സീസൺ ജൂണ്‍ 24 മുതലാണ് ആമസോണ്‍ പ്രൈം വീഡിയോസില്‍ എത്തിയത്. ടിവിഎഫ് ആണ് ഈ പരമ്പര നിര്‍മ്മിക്കുന്നത്.

2020 ഏപ്രിൽ 3 നാണ് പ്രൈം വീഡിയോയിൽ ഈ ഷോ ആരംഭിച്ചത്. നാലാം ഭാഗത്തിനായി ആകാംക്ഷയോടെ കാത്തിരിക്കുന്ന ആരാധകരെ സന്തോഷിപ്പിച്ചാണ് അഞ്ചാം വാർഷത്തില്‍ സീരിസിന്‍റെ നാലാം സീസണ്‍ എത്തിയിരിക്കുന്നത്.

പഞ്ചായത്ത് സീസൺ 4ല്‍ ജിതേന്ദ്ര കുമാർ, നീന ഗുപ്ത, രഘുബീർ യാദവ്, ചന്ദൻ റോയ്, സാൻവിക, ഫൈസൽ മാലിക്, ദുർഗേഷ് കുമാർ, സുനിത രാജ്വാർ, പങ്കജ് ഝാ തുടങ്ങിയവരാണ് അഭിനേതാക്കള്‍. പഞ്ചായത്ത് സീസൺ 3 കഴിഞ്ഞ വർഷം മെയ് മാസത്തിലാണ് പുറത്തിറങ്ങിയത്.

പഞ്ചായത്ത് ആമസോണ്‍ പ്രൈമിലെ ഏറ്റവും ജനപ്രിയമായ ഷോകളില്‍ ഒന്നാണ്. ഉത്തർപ്രദേശിലെ ഫുലേര എന്ന സാങ്കൽപ്പിക ഗ്രാമത്തിൽ ഒരു എഞ്ചിനീയറിംഗ് ബിരുദധാരി പഞ്ചായത്ത് സെക്രട്ടറിയായി ചേരുന്നിടത്താണ് കഥ ആരംഭിക്കുന്നത്.

ഇത്തവണ ഈ പഞ്ചായത്തിലെ തെരഞ്ഞെടുപ്പാണ് വിഷയം. "ഗ്രാമപഞ്ചായത്ത് തിരഞ്ഞെടുപ്പ് ശക്തമായ പോരാട്ടം ആയതോടെ പ്രധാനും ഭൂഷണും തമ്മില്‍ മൂർച്ചയുള്ള രാഷ്ട്രീയ നീക്കങ്ങള്‍ നടക്കുകയാണ്. പഞ്ചായത്ത് സെക്രട്ടറി എന്ന നിലയില്‍ അഭിഷേക് തന്റെ നിഷ്പക്ഷത ഉപേക്ഷിക്കുമ്പോൾ, അദ്ദേഹത്തിന്റെയും പ്രധാന്‍റെയും ഭാവി തുലാസിലാകുന്നു" എന്നാണ് പ്രൈം വീഡിയോ പ്രസിദ്ധീകരിച്ച സിനോപ്സില്‍ പറയുന്നത്.

പഞ്ചായത്ത് 4 നിർമ്മിക്കുന്നത് ദി വൈറൽ ഫീവർ ആണ്, ദീപക് കുമാർ മിശ്രയും ചന്ദൻ കുമാറുമാണ് ഇതിന്‍റെ ക്രിയേറ്റേര്‍സ്. ദീപക് കുമാർ മിശ്രയും അക്ഷത് വിജയവർഗിയയുമാണ് ഈ പരമ്പര സംവിധാനം ചെയ്യുന്നത്.

സിപിഒ അമ്പിളി രാജുവിന് എന്തുപറ്റി ? കണ്ടെത്താൻ മനോജ് ശ്രീധർ; അജു വർഗീസിന്റെ ക്യാരക്ടർ ലുക്ക്

Nithya Robinson — Tue, 10 Jun 2025 20:31:50 +0530

മലയാളത്തിലെ ആദ്യത്തെ വെബ് സീരീസ് ആയ കേരള ക്രൈം ഫയലിന്റെ രണ്ടാം ഭഗത്തിന്റെ ക്യാരക്ടർ ലുക്ക് പുറത്തുവിട്ടു. അജു വർഗീസ് അവതരിപ്പിക്കുന്ന മനോജ് ശ്രീധരൻ എന്ന പൊലീസ് ഉദ്യോഗസ്ഥന്റെ ക്യാരക്ടർ പോസ്റ്ററാണിത്. സീരീസ് ഉടൻ ജിയോ ഹോട്സ്റ്റാറിൽ സ്ട്രീമിംഗ് ആരംഭിക്കും.

കേരള ക്രൈം ഫയല്‍സ് ദ സെര്‍ച്ച് ഫോര്‍ സിപിഒ അമ്പിളി രാജു എന്നാണ് ഈ സീസണിന്‍റെ പേര്. ഒന്നാം ഭാഗം പോലെ വളരെ ത്രില്ലിംഗ് സ്റ്റോറിയാണ് രണ്ടാം ഭാഗത്തും എന്നാണ് നേരത്തെ റിലീസ് ചെയ്ത ട്രെയിലര്‍ നല്‍കുന്ന സൂചന. ആദ്യഭാഗത്തിലെ പ്രധാന താരങ്ങളായ അജു വര്‍ഗ്ഗീസ്, ലാല്‍ എന്നിവര്‍ക്ക് പുറമേ അര്‍ജുന്‍ രാധാകൃഷ്ണന്‍ സീരിസില്‍ പ്രധാന വേഷത്തില്‍ എത്തുന്നുണ്ട്. ഹരിശ്രീ അശോകന്‍, രഞ്ജിത്ത് ശേഖര്‍, സഞ്ചു, സുരേഷ് ബാബു, നവാസ് വള്ളിക്കുന്ന്, നൂറിന്‍ ഷെരീഫ്, ജിയോ ബേബി, ഷിബ്ല ഫറ, ബിലാസ് ചന്ദ്രഹാസന്‍ എന്നിങ്ങനെ വലിയ താരനിര ഈ സീരിസില്‍ അണിനിരക്കുന്നുണ്ട്.

ജൂണ്‍, മധുരം തുടങ്ങിയ ചിത്രങ്ങളിലൂടെ ശ്രദ്ധേയനായ അഹമ്മദ് കബീറാണ് ക്രൈം ഫയൽ സീസൺ 2 സംവിധാനം ചെയ്യുന്നത്. ആദ്യഭാഗവും ഇദ്ദേഹം തന്നെയാണ് ഒരുക്കിയത്. ഹിഷാം അബ്ദുൾ വഹാബ് ആണ് സംഗീതം ഒരുക്കുന്നത്. കേരള ക്രൈം ഫയല്‍- ഷിജു, പാറയില്‍ വീട്, നീണ്ടകര 2024 ജൂൺ 23ന് ആയിരുന്നു സ്ട്രീമിംഗ്. 2011ല്‍ ഏറണാകുളം നോര്‍ത്ത് സ്റ്റേഷന്‍ പരിധിയിലെ ഒരു പഴയ ലോഡ്ജില്‍ ഒരു ലൈംഗിക തൊഴിലാളിയായ സ്ത്രീ കൊല്ലപ്പെടുന്നതും അതിനെ തുടര്‍ന്ന് കേരള പൊലീസ് നടത്തുന്ന അന്വേഷണവും ആയിരുന്നു സീസൺ ഒന്നിന്റെ കഥ.

View this post on Instagram

A post shared by JioHotstar Malayalam (@jiohotstarmalayalam)

ജിയോ ഹോട്ട്സ്റ്റാറിന്‍റെ മലയാളത്തിലെ ഏഴാമത്തെ സീരീസ് ആണ് കേരള ക്രൈം ഫയൽ സീസൺ 2. കേരള ക്രൈം ഫയൽസ്, മാസ്റ്റർപീസ്, പേരില്ലൂർ പ്രീമിയർ ലീഗ്, നാഗേന്ദ്രൻസ് ഹണിമൂൺ, 'ലവ് അണ്ടര്‍ കണ്‍സ്ട്രക്ഷന്‍' എന്നിവയാണ് അവ. ഇവയ്ക്ക് മികച്ച അഭിപ്രായവും നിരൂപക പ്രശംസയും ലഭിച്ചിരുന്നു.

'അധികാരം ഉള്ളത് വരയെ ബഹുമാനവും ഉള്ളൂ': കേരള ക്രൈം ഫയല്‍സ് 2 ജൂൺ 20ന് ജിയോ ഹോട്ട്സ്റ്റാറിൽ

Nithya Robinson — Sat, 14 Jun 2025 15:54:00 +0530

മലയാളത്തിൽ ഏറെ ശ്രദ്ദേയമായ കേരള ക്രൈം ഫയല്‍സ് എന്ന സീരീസിന്റെ രണ്ടാം സീസന്റെ പുതിയ ട്രെയിലർ റിലീസ് ചെയ്തു. പുതിയൊരു കേസിന്റെ അന്വേഷണവുമായി ബന്ധപ്പെട്ട സംഭവ വികാസങ്ങളാകും രണ്ടാം സീസണിലും പറയുക എന്നാണ് ട്രെയിലർ നൽകുന്ന സൂചന. സീരീസ് ജൂൺ 20 ന് ജിയോ ഹോട്ട്സ്റ്റാറിലൂടെ സ്ട്രീമിങ് ആരംഭിക്കും. ട്രെയിലറിലെ ഇന്ദ്രൻസിന്റെ ഡയലോഗും പ്രകടനവും സോഷ്യൽ മീഡിയയിൽ ഏറെ ശ്രദ്ദേയമായിരിക്കുകയാണ്.

ജൂണ്‍, മധുരം തുടങ്ങിയ ചിത്രങ്ങളിലൂടെ ശ്രദ്ധേയനായ അഹമ്മദ് കബീറാണ് ക്രൈം ഫയൽ സീസണ്‍ 2 സംവിധാനം നിർവ്വഹിച്ചിരിക്കുന്നത്. ആദ്യ ഭാഗവും ഇദ്ദേഹം തന്നെയാണ് സംവിധാനം ചെയ്തത്. ഏറെ ശ്രദ്ധേയമായ കിഷ്കിന്ധാ കാണ്ഡം എന്ന ചിത്രത്തിന് തിരക്കഥ ഒരുക്കിയ ബാഹുല്‍ രമേശാണ് സീസൺ 2 ന്റെ തിരക്കഥാകൃത്ത്.

ഹിറ്റ് ചാർട്ടിൽ ഇടം നേടുകയും ഏറെ നിരൂപക പ്രശംസ നേടുകയും ചെയ്ത കിഷ്കിന്ധാ കാണ്ഡത്തിന്റെ രചയ്താവ് വീണ്ടും ഒരു ത്രില്ലർ ചിത്രവുമായി എത്തുമ്പോൾ പ്രതീക്ഷകൾ ഏറെയാണ്. ആദ്യ സീസണിൽ പ്രധാന വേഷങ്ങൾ അവതരിപ്പിച്ച അജു വർഗീസ്, ലാൽ എന്നിവർ ഈ രണ്ടാം സീസണിലുമുണ്ട്. അവർക്കൊപ്പം അർജുൻ രാധാകൃഷ്ണൻ, ഹരിശ്രീ അശോകൻ, ഇന്ദ്രൻസ്, നൂറിൻ ഷെരീഫ്, നവാസ് വള്ളിക്കുന്ന്, ഷിബ്ല ഫറ, രഞ്ജിത്ത് ശേഖർ, സഞ്ജു സനിച്ചൻ തുടങ്ങിയവരും രണ്ടാം സീസണിൽ പ്രധാന വേഷങ്ങളിലെത്തുന്നുണ്ട്.

മങ്കി ബിസിനസിന്റെ ബാനറിൽ ഹസ്സൻ റഷീദ്, അഹമ്മദ് കബീർ, ജിതിൻ സ്റ്റാനിസ്ലാസ് എന്നിവർ ചേർന്നാണ് സീരീസ് നിർമിച്ചിരിക്കുന്നത്. ഡിഒപി - ജിതിൻ സ്റ്റാനിസ്ലാസ് എഡിറ്റർ - മഹേഷ് ഭുവനാനന്ദ് സംഗീതം - ഹേഷാം അബ്ദുൾ വഹാബ് പി ആർ ഓ - റോജിൻ കെ റോയ് മാർക്കറ്റിംഗ് - ടാഗ് 360 ഡിഗ്രി.

മലയാളത്തിലെ ആദ്യത്തെ ക്രൈം വെബ് സീരീസ് ആയിരുന്നു കേരള ക്രൈം ഫയല്‍- ഷിജു, പാറയില്‍ വീട്, നീണ്ടകര. 2024 ജൂൺ 23ന് ആയിരുന്നു സീരീസിന്റെ സ്ട്രീമിംഗ്. അജുവർഗീസ്, ലാൽ തുടങ്ങിയവർ കേന്ദ്രകഥാപാത്രങ്ങളായ സീരീസ് ഏറെ ശ്രദ്ധനേടുകയും ചെയ്തിരുന്നു. 2011ല്‍ ഏറണാകുളം നോര്‍ത്ത് സ്റ്റേഷന്‍ പരിധിയിലെ ഒരു പഴയ ലോഡ്ജില്‍ ഒരു ലൈംഗിക തൊഴിലാളിയായ സ്ത്രീ കൊല്ലപ്പെടുന്നതും അതിനെ തുടര്‍ന്ന് കേരള പൊലീസ് നടത്തുന്ന അന്വേഷണവും ആയിരുന്നു സീസൺ ഒന്നിന്റെ കഥ. ആഷിക് ഐമറായിരുന്നു രചന. എസ് ഐ മനോജ് എന്ന കഥാപാത്രത്തെയാണ് അജു വർഗീസ് അവതരിപ്പിച്ചത്. കുര്യന്‍ എന്ന സിഐയുടെ വേഷത്തിലെത്തിയത് ലാൽ ആയിരുന്നു.

‘സ്ക്വിഡ് ഗെയിം’ സീസൺ 3: നെറ്റ്ഫ്ലിക്സ് റെക്കോർഡ് തകർത്ത് കാഴ്ചക്കാരുടെ എണ്ണം

Web Desk — Wed, 02 Jul 2025 17:46:03 +0530

സോള്‍: കൊറിയന്‍ ത്രില്ലർ സീരീസ് സ്ക്വിഡ് ഗെയിം മൂന്നാം സീസൺ, ആഗോളതലത്തിൽ റിലീസ് ചെയ്ത് മൂന്ന് ദിവസത്തിനുള്ളിൽ 60.1 മില്യൺ കാഴ്ചകൾ നേടി നെറ്റ്ഫ്ലിക്സിന്‍റെ നിലവിലുള്ള വ്യൂവര്‍ഷിപ്പ് റെക്കോർഡ് തകർത്തു. ജൂൺ 27-ന് റിലീസ് ചെയ്ത ഈ സീസൺ 368.4 മില്യൺ മണിക്കൂർ വാച്ച് ടൈം നേടിയെന്നാണ് വിവരം. നെറ്റ്ഫ്ലിക്സിന്റെ വീക്ലി ടോപ് 10 ചാർട്ടിൽ ഏറ്റവും കൂടുതൽ കാഴ്ചകൾ നേടിയ നോൺ-ഇംഗ്ലീഷ് പരിപാടിയായി സ്ക്വിഡ് ഗെയിം മൂന്നാം സീസൺ മാറിയിരിക്കുകയാണ്.

നെറ്റ്ഫ്ലിക്സിന്‍റെ 93 രാജ്യങ്ങളിലെ ടോപ് 10 റാങ്കിംഗിൽ ഒന്നാം സ്ഥാനം നേടിയ ഈ സീരീസ് ആദ്യമായി എല്ലാ രാജ്യങ്ങളിലും ഒന്നാം സ്ഥാനത്തെത്തിയ നെറ്റ്ഫ്ലിക്സ് സീരീസ് എന്ന റെക്കോർഡും സ്വന്തമാക്കി. ‘സ്ക്വിഡ് ഗെയിം’ സീസൺ 2 നാല് ദിവസത്തിനുള്ളിൽ 68 മില്യൺ കാഴ്ചകൾ നേടിയിരുന്നെങ്കിലും, മൂന്ന് ദിവസത്തിനുള്ളിൽ 60.1 മില്യൺ കാഴ്ചകൾ നേടിയ മൂന്നാം സീസൺ ഏറ്റവും വേഗത്തിൽ ഈ നേട്ടത്തില്‍ എത്തുന്ന സീരിസായി.

ഗി-ഹൂന്റെ (ലീ ജങ്-ജേ) എന്ന കേന്ദ്ര കഥാപാത്രത്തിന്‍റെ പോരാട്ടമാണ് സീരിസിന്‍റെ കാതല്‍. അപ്രതീക്ഷിതമായ ഒരു ഹോളിവുഡ് താരത്തിന്‍റെ (കേറ്റ് ബ്ലാഞ്ചെറ്റ്) കാമിയോ, ഒരു അമേരിക്കൻ സ്പിൻ-ഓഫിനെക്കുറിച്ചുള്ള അഭ്യൂഹങ്ങൾ എല്ലാം പ്രേക്ഷകരെ ആകര്‍ഷിക്കുന്നുണ്ട്. എന്നാൽ, സീസൺ 3ന്‍റെ ക്ലൈമാക്സ് വലിയ തോതില്‍ ചില പ്രേക്ഷകർക്ക് നിരാശയുണ്ടാക്കിയെന്നും റിവ്യൂകള്‍ വരുന്നുണ്ട്.

'സ്ക്വിഡ് ഗെയിം' ഈ സീസൺ, ആറ് എപ്പിസോഡുകൾ മാത്രമുള്ളതും, സീസൺ 2-ന്‍റെ സംഭവങ്ങളുടെ തുടർച്ചയായാണ് മൂന്നാം സീസണ്‍. അതേ സമയം 'സ്ക്വിഡ് ഗെയിം' അമേരിക്ക എന്ന പുതിയ സീസണിലേക്ക് നയിക്കുന്ന ടെയില്‍ എന്‍റ് നല്‍കിയാണ് ഈ സീസണ്‍ അവസാനിക്കുന്നത്. പ്രമുഖ ഹോളിവുഡ് സംവിധായകന്‍ ഡേവിഡ് ഫിഞ്ചര്‍ ഈ സീരിസ് സംവിധാനം ചെയ്യും എന്നാണ് വിവരം.

'സെക്സ് ചെയ്യുക, ഇല്ലെങ്കില്‍ ജോലി പോകും'; മെക്സിക്കന്‍ ഡിജെയെ മുംബൈക്കാരന്‍ പീഡിപ്പിച്ചത് വര്‍ഷങ്ങളോളം !

Web Team — Mon, 04 Dec 2023 09:51:51 +0530

സങ്കീര്‍ണ്ണമായ ജീവിത സാഹചര്യങ്ങള്‍ തരണം ചെയ്യാന്‍ ഇന്ന് പണം ആവശ്യമാണ്. അതിന് കൃത്യമായ ശമ്പളമുള്ള ജോലിയും വേണം. എന്നാല്‍, പലപ്പോഴും ഈ സാഹചര്യത്തെ മേലധികാരികളോ സഹപ്രവര്‍ത്തകരോ ചൂഷണം ചെയ്യുന്നുവെന്നത് സംബന്ധിച്ച പരാതികളും ഉയരുന്നു. ഇരയുടെ സാമൂഹിക - ജീവിത സാഹചര്യങ്ങള്‍ മൂലം ഇത്തരം കാര്യങ്ങള്‍ പലപ്പോഴും പുറത്ത് വരാറില്ലെന്നാതാണ് യാഥാര്‍ത്ഥ്യം. ഒടുവില്‍ ധൈര്യസമേതം ഇത്തരം വിവരങ്ങള്‍ ഇര വെളിപ്പെടുത്തുമ്പോള്‍ 'ഇതുവരെ എവിടെയായിരുന്നു' എന്ന ചോദ്യമായിരിക്കും പൊതുസമൂഹത്തില്‍ നിന്നുമുണ്ടാവുക. ഇത്തരമൊരു സാഹചര്യത്തിലൂടെയാണ് ഒരു മെക്സിക്കന്‍ യുവതി കടന്ന് പോകുന്നത്.

ആ പഴയ 'പഞ്ചി'ന് മൂന്ന് കോടി രൂപ നഷ്ടപരിഹാരം വേണം; ഇടിക്കൂട്ടിലെ ഇതിഹാസത്തിന് പൂട്ട് വീഴുമോ ?

സംഭവം നടന്നത് മുംബെയില്‍. മുംബൈയില്‍ ഡിജെ (ഡിസ്‌ക് ജോക്കി) ജോലി ചെയ്യുകയായിരുന്ന മെക്സിക്കന്‍ യുവതിയെ അവരുടെ മാനേജര്‍ പീഡിപ്പിച്ചത് നാല് വര്‍ഷത്തോളം. അതും 'സഹകരിച്ചില്ലെങ്കില്‍ ജോലി കളയും' എന്ന ഭീക്ഷണിയുടെ പേരില്‍. കഴിഞ്ഞ ആഴ്ച യുവതി നല്‍കിയ പരാതിയുടെ പേരില്‍ ഒടുവില്‍ പോലീസ് ഇയാളെ അറസ്റ്റ് ചെയ്തു. 2019 മുതൽ ഇയാള്‍ യുവതിയെ ഇത്തരത്തില്‍ ബ്ലാക്ക് മെയില്‍ ചെയ്യുകയായിരുന്നെന്ന് മുംബൈ പോലീസ് പറയുന്നു. 2017 -ൽ സാമൂഹിക മാധ്യമങ്ങള്‍ വഴിയാണ് താൻ പ്രതിയെ പരിചയപ്പെട്ടതെന്ന് യുവതിയുടെ പരാതിയിൽ പറയുന്നു. 2019 ജൂലൈയിൽ ബാന്ദ്രയിലെ വീട്ടിൽ വെച്ച് ഇയാൾ യുവതിയെ ലൈംഗികമായി പീഡിപ്പിക്കുകയും പിന്നീട് ഒന്നിലധികം തവണ ബലാത്സംഗം ചെയ്യുകയും ചെയ്തുവെന്നും പരാതിയിലുള്ളതായി പോലീസ് പറയുന്നു.

'ആരും എന്നോടൊപ്പം കളിക്കുന്നില്ല'; നാല് വയസുകാരന്‍റെ ഏകാന്തതയില്‍‌ 'പൊള്ളി' സോഷ്യല്‍ മീഡിയ !

സഹകരിക്കാന്‍ തയ്യാറായില്ലെങ്കില്‍ പുതിയ വര്‍ക്കുകള്‍ ഏറ്റെടുക്കാതെ ജോലിയില്‍ നിന്ന് പുറത്താക്കുമെന്നായിരുന്നു ഇയാളുടെ ഭീഷണി. ഒപ്പം ചില സ്വകാര്യ ചിത്രങ്ങള്‍ പുറത്ത് വിടുമെന്ന് ഭീഷണിപ്പെടുത്തിയും ഇയാള്‍ തന്നെ നിരന്തരം ബലാത്സംഗം ചെയ്യാറുണ്ടെന്ന് യുവതി പരാതിയില്‍ പറയുന്നു. ലൈംഗിക ചുവയുള്ള ചിത്രങ്ങള്‍ അയച്ച് തരുന്നതും പ്രതിയുടെ വിനോദമായിരുന്നെന്നും യുവതി പരാതിയില്‍ പറയുന്നു. 2020-ൽ പ്രതി മറ്റൊരു സ്ത്രീയെ വിവാഹം കഴിച്ചിട്ടും അയാൾ തന്നെ പീഡിപ്പിക്കുന്നത് തുടര്‍ന്നു. യുവതിയുടെ പരാതിയില്‍ പ്രതിയെ മുംബൈ പോലീസ് അറസ്റ്റ് ചെയ്തു. ഇന്ത്യൻ ശിക്ഷാ നിയമ പ്രകാരം (ഐപിസി) 376, 377, 354, 506 എന്നീ വകുപ്പുകള്‍ ഉള്‍പ്പെടുത്തി ഇയാള്‍ക്കെതിരെ കേസെടുത്ത് അറസ്റ്റ് ചെയ്തെന്നും പരാതിയില്‍ കൂടുതല്‍ തെളിവ് ശേഖരിച്ച് കൊണ്ടുള്ള അന്വേഷണം നടക്കുകയാണെന്നും റിപ്പോര്‍ട്ടുകള്‍ പറയുന്നു.

പഞ്ചായത്ത് സീസൺ 4 ട്രെയിലര്‍ പുറത്ത്; ഇത്തവണ കടുത്ത തെരഞ്ഞെടുപ്പ് പോരാട്ടം !

Web Desk — Wed, 11 Jun 2025 17:00:14 +0530

മുംബൈ: ആമസോണ്‍ പ്രൈം വീഡിയോയുടെ ജനപ്രിയ പരമ്പര പഞ്ചായത്ത് സീസണ്‍ 4ന്‍റെ ട്രെയിലര്‍ പുറത്തുവിട്ടു. വളരെയധികം ഫാന്‍ ഫോളോയിംഗുള്ള ഷോയുടെ നലാം സീസൺ റിലീസ് ഡേറ്റും നിര്‍മ്മാതാക്കളായ ടിവിഎഫും, ആമസോണ്‍ പ്രൈം നേരത്തെ പുറത്തുവിട്ടിരുന്നു. ജൂണ്‍ 24നാണ് സീരിസ് എത്തുന്നത്.

ക്രിപ്‌റ്റോകറൻസി നിക്ഷേപം; 22 -കാരനായ ഗൂഗിൾ ടെക്കിക്ക് 65 ലക്ഷം രൂപ നഷ്ടമായി !

Web Team — Tue, 19 Sep 2023 14:05:18 +0530

ക്രിപ്‌റ്റോ കറൻസിയിൽ നിക്ഷേപിച്ചതിലൂടെ തനിക്ക് 67 ലക്ഷം രൂപ നഷ്ടമായതായി 22 കാരനായ ഗൂഗിൾ ടെക്കി. ഗൂഗിളിൽ സോഫ്റ്റ്‌വെയർ എൻജിനീയറായ ഓറഞ്ച് കൗണ്ടിയിൽ നിന്നുള്ള എഥാൻ എൻഗുൺലി എന്ന യുവാവിനാണ് വൻ തുക ക്രിപ്റ്റോ കറൻസിയിലൂടെ നഷ്ടമായത്. റിട്ടയർമെന്‍റ്, ബ്രോക്കറേജ് അക്കൗണ്ടുകളിൽ ഒരു കോടിയിലധികം രൂപ ഇയാള്‍ മുടക്കിയിരുന്നു. കടം വാങ്ങിയ തുക ഉപയോഗിച്ചാണ് ഇയാൾ ക്രിപ്‌റ്റോകറൻസി വാങ്ങിയത്. റിപ്പോർട്ടുകൾ പ്രകാരം, കൗമാരപ്രായത്തിന് മുമ്പുതന്നെ, മാതാപിതാക്കളുടെ സഹായത്തോടെ എഥാൻ എൻഗുൺലി ഓഹരി വിപണിയിൽ നിക്ഷേപം ആരംഭിച്ചിരുന്നു.

'പണം എടുത്ത് ഓടുക' എന്ന് ചിത്രത്തിന് പേരിട്ട കലാകാരന്‍ ഒടുവില്‍ ഗാലറിക്ക് 60 ലക്ഷം തിരികെ നല്‍കി !

2021 നവംബറിനും 2022 ജൂണിനും ഇടയിൽ ക്രിപ്‌റ്റോയിൽ തനിക്ക് 67 ലക്ഷം രൂപ നഷ്ടപ്പെട്ടതായാണ് ഇപ്പോള്‍ എഥാൻ എൻഗുൺലി പറയുന്നത്. ഇതിൽ തന്‍റെ യഥാർത്ഥ നിക്ഷേപമായ 24 ലക്ഷം രൂപയും വെർച്വൽ സമ്പാദ്യമായ 41 ലക്ഷം രൂപയും ഉൾപ്പെടുന്നതായാണ് ഇയാൾ പറയുന്നത്. ബിറ്റ്‌കോയിനിലും എതെറിയത്തിലും താൻ ഇതിനകം 33 ലക്ഷം രൂപ നിക്ഷേപിച്ചിട്ടുണ്ടെന്നും ഇദ്ദേഹം പറഞ്ഞു. ഷിബ ഇനു, ഡോഗ്കോയിൻ തുടങ്ങിയ ആൾട്ട്കോയിനുകളിലും എഥാൻ നിക്ഷേപം നടത്തിയിട്ടുണ്ട്. തനിക്ക് പെട്ടെന്ന് ആവശ്യമില്ലാതിരുന്ന കുറച്ചു പണമാണ് താൻ ഇത്തരത്തിൽ നിക്ഷേപിച്ചതെന്നും എന്നാൽ 2021 അവസാനത്തോടെ, ക്രിപ്‌റ്റോ മാർക്കറ്റ് ഇടിഞ്ഞതിന് പിന്നാലെ ബിറ്റ്‌കോയിന്‍റെ വില 70 ശതമാനത്തിലധികം ഇടിഞ്ഞതാണ് ഇത്തരത്തിൽ വലിയൊരു സാമ്പത്തിക നഷ്ടം ഉണ്ടാകാൻ കാരണമെന്നും സിഎൻസിസിയോട് സംസാരിക്കവേ എഥാൻ പറഞ്ഞു.

'മഹ്‌സാ ജിനാ, നീ മരിച്ചിട്ടില്ല. നീ വിപ്ലവത്തിന്‍റെ താക്കോല്‍'; ഉയര്‍ത്തെഴുന്നേറ്റ് പ്രതിഷേധങ്ങള്‍ !

തനിക്ക് പണം നഷ്ടമായെങ്കിലും ഓഹരി വിപണിയെ സുരക്ഷിത സമ്പാദ്യം മാർഗ്ഗമായി തന്നെയാണ് താൻ ഇന്നും കാണുന്നതെന്നാണ് ഇയാൾ പറയുന്നത്. കോളേജ് ബിരുദം പൂർത്തിയാക്കിയതിന് തൊട്ടുപിന്നാലെ, സാമ്പത്തിക സ്വാതന്ത്ര്യം നേടാനുള്ള തന്‍റെ യാത്ര ആരംഭിച്ചതായും സമ്പാദ്യത്തിന്‍റെ പ്രാധാന്യത്തെക്കുറിച്ച് ബോധ്യപ്പെടുത്തിയത് തന്‍റെ മാതാപിതാക്കളാണെന്നും എഥാൻ മാധ്യമങ്ങളോട് സംസാരിക്കവേ പറഞ്ഞു. ഒരു സേവിംഗ്സ് അക്കൗണ്ടിൽ പണം സംഭരിക്കുന്നതിന് പകരം ഓഹരി നിക്ഷേപം എല്ലായ്പ്പോഴും മൂലധനം കെട്ടിപ്പടുക്കുന്നതിനുള്ള മികച്ച മാർഗമായാണ് താൻ കണക്കാക്കുന്നതെന്നും ബാങ്കുകള്‍ നൽകുന്ന കുറഞ്ഞ പലിശ നിരക്ക് ഫണ്ടിന്‍റെ മൂല്യം വർദ്ധിപ്പിക്കുന്നതിന് കാര്യമായി സഹായിക്കില്ലന്നും ഈ യുവ ടെക്കി അഭിപ്രായപ്പെടുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക്ക് ചെയ്യുക

ഈസ്റ്റ് ബംഗാളിനെ മറികടന്ന് കേരള ബ്ലാസ്റ്റേഴ്‌സ്! പോയിന്റ് പട്ടികയില്‍ കൊമ്പന്മാര്‍ ഒന്നാമത്

Web Team — Sat, 04 Nov 2023 22:34:43 +0530

കൊല്‍ക്കത്ത: ഇന്ത്യന്‍ സൂപ്പര്‍ ലീഗില്‍ കേരള ബ്ലാസ്റ്റേഴ്‌സ് ഒന്നാമത്. ഇന്ന് ഇസ്റ്റ് ബംഗാളിനെ ഒന്നിനെതിരെ രണ്ട് ഗോളിന് തോല്‍പ്പിച്ചതോടെയാണ് ബ്ലാസ്‌റ്റേഴ്‌സ് ഒന്നാമതെത്തിയത്. ദെയ്‌സുകെ സകൈ, ദിമിത്രോസ് ഡയമന്റകോസ് എന്നിവര്‍ നേടിയ ഗോളുകളാണ് ബ്ലാസ്‌റ്റേഴ്‌സിന് ജയമൊരുക്കിയത്. ആറ് മത്സരങ്ങില്‍ നാല് വിജയമാണ് ബ്ലാസ്‌റ്റേഴ്‌സിന്. മത്സരത്തില്‍ പന്തടക്കത്തില്‍ ഈസ്റ്റ് ബംഗാളിനായിരുന്നു മുന്‍തൂക്കം. എന്നാല്‍ കൂടുതല്‍ ഷോട്ടുകളുതിര്‍ത്തത് ബ്ലാസ്‌റ്റേഴ്‌സായിരുന്നു. രണ്ട് തവണ പന്ത് ഗോള്‍വര കടക്കുകയും ചെയ്തതോടെ ബ്ലാസ്‌റ്റേഴ്‌സ് വിജയമുറപ്പിച്ചു.

ആദ്യ രണ്ട് മിനിറ്റുകള്‍ക്കിടെ ഇരുവരും ഓരോ ഗോള്‍ശ്രമം നടത്തി. 11-ാം മിനിറ്റില്‍ ബ്ലാസ്റ്റേഴ്‌സ് താരം ഡാനിഷ് ഫാറൂന് മഞ്ഞ കാര്‍ഡ്. 18-ാം മിനിറ്റില്‍ ഈസ്റ്റ് ബംഗാള്‍ താരം ജോസ് അന്റോണിയോ പാര്‍ഡോയ്ക്കും മഞ്ഞ കാര്‍ഡ് ലഭിച്ചു. 22-ാം മിനിറ്റില്‍ മുന്‍ ബ്ലാസ്‌റ്റേഴ്‌സ് താരവും ഇപ്പോല്‍ ഈസ്റ്റ് ബംഗാള്‍ പ്രതിരോധ താരവുമായ ഹര്‍മന്‍ജോത് ഖബ്രയ്ക്കും മഞ്ഞകാര്‍ഡ് ലഭിച്ചു. 24-ാം മിനിറ്റില്‍ നാലാം മഞ്ഞകാര്‍ഡും മത്സരത്തിലുണ്ടായി. ഇത്തവണ പ്രിതം കോട്ടലാണ് കാര്‍ഡ് മേടിച്ചത്. വിരസമയാ ആദ്യ 30 മിനിറ്റുകള്‍ക്ക് ശേഷം മത്സരത്തിലെ ആദ്യ ഗോള്‍ പിറന്നു.

32-ാം മിനിറ്റില്‍ സകൈ ഗോള്‍ നേടുകയായിരുന്നു. അഡ്രിയാന്‍ ലൂണയുടെ അസിസ്റ്റിലായിരുന്നു താരത്തിന്റെ ഗോള്‍. ആദ്യപാതി ഈ ഗോള്‍നിലയില്‍ അവസാനിച്ചു. രണ്ടാംപാതിയില്‍ ഈസ്റ്റ് ബംഗാള്‍ തിരിച്ചടിക്കാന്‍ ശ്രമിച്ചു. 60-ാം മിനിറ്റില്‍ ഈസ്റ്റ് ബംഗാള്‍ താരം ജാവോ സിവേറിയോയുടെ ഹെഡ്ഡര്‍ പുറത്തേക്ക്. 85-ാം മിനിറ്റില്‍ ഈസ്റ്റ് ബംഗാളിന് ഒപ്പമെത്താനുള്ള അവസരമുണ്ടായിരുന്നു. ക്ലീറ്റണ്‍ സില്‍വയുടെ പെനാല്‍റ്റി ബ്ലാസ്റ്റേഴസ്് ഗോള്‍ കീപ്പര്‍ സുരേഷ് രക്ഷപ്പെടുത്തി.

88-ാം മിനിറ്റില്‍ ബ്ലാസ്റ്റേഴസിന്റെ രണ്ടാം ഗോള്‍ കണ്ടെത്തി. ബോക്‌സില്‍ സെന്ററില്‍ നിന്നുതിര്‍ത്ത ഷോട്ട് ഗോള്‍വര കടന്നു. ഇഞ്ചുറി സമയത്ത് ഈസ്റ്റ് ബംഗാള്‍ ആശ്വാസ ഗോള്‍ നേടി. പെനാല്‍റ്റിയില്‍ സില്‍വ ഗോള്‍ നേടി.

സെഞ്ചുറിക്കൊപ്പം റെക്കോര്‍ഡുകളുടെ മാല തീര്‍ത്ത് പാകിസ്ഥാന്‍ താരം ഫഖര്‍ സമാന്‍! പിന്നിലായത് ഇതിഹാസ താരങ്ങള്‍

പ്രായം വെറും തോന്നൽ മാത്രം; 62 -ാം വയസ്സിൽ സ്വന്തമായി ഹോട്ടലുമായി ഇന്ത്യന്‍ സംരംഭക

Web Desk — Tue, 29 Apr 2025 12:25:08 +0530

സ്വപ്നങ്ങൾ നേടിയെടുക്കാൻ പ്രായം ഒരു തടസ്സമേയല്ലെന്ന് തെളിയിക്കുന്ന നിരവധി ജീവിത സാക്ഷ്യങ്ങൾ നമ്മുക്ക് ചുറ്റുമുണ്ട്. അക്കൂട്ടത്തിലേക്ക് ഇതാ മറ്റൊന്ന് കൂടി. 62 വയസ്സിൽ സ്വന്തമായി ഒരു ഹോട്ടൽ തുടങ്ങി, പ്രായം ഒന്നിനും ഒരു തടസ്സമല്ലെന്ന് വീണ്ടും വീണ്ടും തെളിയിക്കുകയാണ് ചണ്ഡിഗഢിൽ നിന്നുള്ള ഒരു സ്ത്രീ. ഇന്ത്യൻ തനതുരുചിയിൽ തയ്യാറാക്കുന്ന ഭക്ഷണങ്ങളാണ് ഈ ഭക്ഷണശാലയിലെ പ്രത്യേകത.

പാചകം ചെയ്യാനും അത് വിളമ്പാനും ഏറെ താല്പര്യമുള്ള ഇവർ സ്വന്തമായി ഒരു സംരംഭം എന്ന സ്വപ്നത്തെയാണ് ഒരു സ്ട്രീറ്റ് ഫുഡ് കോർട്ട് സ്ഥാപിച്ച് കൊണ്ട് സഫലമാക്കിയത്. രണ്ട് മാസങ്ങൾക്ക് മുൻപാണ് ഈ ഭക്ഷണശാല ആരംഭിച്ചത്. ദഹി ഭല്ല, ഗോൾഗപ്പ, ആലു ടിക്കി, ചോലെ ഭാട്ടുരെ തുടങ്ങിയ പലഹാരങ്ങളാണ് പ്രധാനമായും ഇവിടെ വില്പന നടത്തുന്നത്. ഏതാനും ദിവസങ്ങൾക്ക് മുൻപ് ഒരു ഫുട്ബോൾ ബ്ലോഗർ തന്‍റെ സമൂഹ മാധ്യമ അക്കൗണ്ടിലൂടെ പരിചയപ്പെടുത്തിയതോടെയാണ് 62 -കാരിയുടെ ഈ ബിസിനസ് സംരംഭം ശ്രദ്ധ നേടിയത്.

Watch Video: 'ഇതല്ല ഇന്ത്യൻ സംസ്കാരം'; എയർപോർട്ടിൽ പടിഞ്ഞിരുന്ന് ഭക്ഷണം കഴിക്കുന്ന നടനെതിരെ രൂക്ഷവിമർശനം

View this post on Instagram

A post shared by Harry Uppal (@therealharryuppal)

Watch Video: കടലില്‍ ഒഴുകി നടക്കുന്ന ആടുകൾ, അവയെ പിടികൂടാന്‍ ബോട്ടുകൾ; വീഡിയോ വൈറല്‍

ഒരു വീട്ടമ്മയായ താൻ കഴിഞ്ഞ 50 വർഷക്കാലമായി ഭക്ഷണം പാചകം ചെയ്തു കൊണ്ടേയിരിക്കുകയാണെന്നും ഇപ്പോൾ അതിനെ ഒരു വരുമാന മാർഗമാക്കി മാറ്റിയെന്നുമാണ് പേര് വെളിപ്പെടുത്താത്ത ഈ 62 -കാരി വ്ലോഗറോട് സംസാരിക്കവേ പറഞ്ഞത്. നമ്മുടെ ഇഷ്ടങ്ങളിൽ നിന്നും വരുമാനം കണ്ടെത്താൻ കഴിയുന്നത് ഭാഗ്യമാണെന്നും ഏത് പ്രായത്തിലും സ്വപ്നങ്ങൾ നേടിയെടുക്കാൻ പരിശ്രമിക്കണമെന്നും അവർ കൂട്ടിച്ചേർത്തു. ഹൃദയസ്പർശിയായ ഈ വീഡിയോ വലിയ ശ്രദ്ധയാണ് സമൂഹ മാധ്യമങ്ങളില്‍ നേടിയത്. ഇതിനോടകം 3 ലക്ഷത്തിലധികം ആളുകൾ ഈ വീഡിയോ കണ്ടുകഴിഞ്ഞു. നിരവധി പേരാണ് ഇവരുടെ നിശ്ചയദാർഢ്യതയും കഠിനാധ്വാനത്തെയും അഭിനന്ദിച്ച് കൊണ്ട് അഭിപ്രായ പ്രകടനങ്ങൾ നടത്തിയിരിക്കുന്നത്.

Read More: 22 ലക്ഷം രൂപ മുടക്കി വാങ്ങിയത് മോഷണം പോയ സ്വന്തം കാർ; ഞെട്ടലിൽ യുകെ സ്വദേശി

കേരള ക്രൈം ഫയൽസ് സീസൺ 2: പുതിയ കേസ് ഇതാ എത്തി; സ്ട്രീമിംഗ് ആരംഭിച്ചു

Web Desk — Fri, 20 Jun 2025 08:12:27 +0530

കൊച്ചി: മലയാളത്തിൽ ഏറെ ശ്രദ്ധേയമായ കേരള ക്രൈം ഫയല്‍സിന്‍റെ രണ്ടാം സീസണ്‍ ജിയോ ഹോട്ട്സ്റ്റാറില്‍ സ്ട്രീം ചെയ്യാന്‍ തുടങ്ങി. പുതിയൊരു കേസിന്റെ അന്വേഷണവുമായി ബന്ധപ്പെട്ട സംഭവ വികാസങ്ങളാകും രണ്ടാം സീസണില്‍ ഈ സീരിസ് പറയുന്നത്.

ഹിറ്റ് ചാർട്ടിൽ ഇടം നേടുകയും ഏറെ നിരൂപക പ്രശംസ നേടുകയും ചെയ്ത കിഷ്കിന്ധാ കാണ്ഡത്തിന്റെ രചയിതാവ് വീണ്ടും ഒരു ത്രില്ലർ ചിത്രവുമായി എത്തുമ്പോൾ പ്രതീക്ഷകൾ ഏറെയാണ്. ആദ്യ സീസണിൽ പ്രധാന വേഷങ്ങൾ അവതരിപ്പിച്ച അജു വർഗീസ്, ലാൽ എന്നിവർ ഈ രണ്ടാം സീസണിലുമുണ്ട്. അവർക്കൊപ്പം അർജുൻ രാധാകൃഷ്ണൻ, ഹരിശ്രീ അശോകൻ, ഇന്ദ്രൻസ്, നൂറിൻ ഷെരീഫ്, നവാസ് വള്ളിക്കുന്ന്, ഷിബ്ല ഫറ, രഞ്ജിത്ത് ശേഖർ, സഞ്ജു സനിച്ചൻ തുടങ്ങിയവരും രണ്ടാം സീസണിൽ പ്രധാന വേഷങ്ങളിലെത്തുന്നുണ്ട്.

2011ല്‍ ഏറണാകുളം നോര്‍ത്ത് സ്റ്റേഷന്‍ പരിധിയിലെ ഒരു പഴയ ലോഡ്ജില്‍ ഒരു ലൈംഗിക തൊഴിലാളിയായ സ്ത്രീ കൊല്ലപ്പെടുന്നതും അതിനെ തുടര്‍ന്ന് കേരള പൊലീസ് നടത്തുന്ന അന്വേഷണവും ആയിരുന്നു സീസൺ ഒന്നിന്റെ കഥ. ആഷിക് ഐമറായിരുന്നു രചന. എസ് ഐ മനോജ് എന്ന കഥാപാത്രത്തെയാണ് അജു വർഗീസ് അവതരിപ്പിച്ചത്. കുര്യന്‍ എന്ന സിഐയുടെ വേഷത്തിലെത്തിയത് ലാൽ ആയിരുന്നു.

കൊല്‍ക്കത്തയുടെ കിരീട നേട്ടത്തിന് പിന്നില്‍ ഗംഭീര്‍ മാത്രമല്ല! വാഴ്ത്തപ്പെടാതെ പോയ പരിശീലകര്‍ കൂടിയുണ്ട്

Web Team — Tue, 28 May 2024 17:52:54 +0530

കൊല്‍ക്കത്ത: ഐപിഎല്‍ കിരീടം കൊല്‍ക്കത്ത നൈറ്റ് റൈഡേഴ്‌സ് സ്വന്തമാക്കിയപ്പോള്‍ താരങ്ങളെക്കാള്‍ നിറഞ്ഞു നില്‍ക്കുന്നത് മെന്റര്‍ ഗൗതം ഗംഭീറാണ്. എന്നാല്‍ കൊല്‍ക്കത്തയെ കിരീടത്തില്‍ എത്തിക്കുന്നതില്‍ ഗംഭീറിനൊപ്പം നിര്‍ണായക പങ്കുവഹിച്ച മൂന്നുപേര്‍ കൂടി പരിശീലക സംഘത്തിലുണ്ട്. ശ്രേയസ് അയ്യരും സംഘവും ഐപിഎല്‍ കിരീടം സ്വന്തമാക്കിയെങ്കിലും മുന്നിലും പിന്നിലും തിളങ്ങിനില്‍ക്കുന്നത് മെന്റര്‍ ഗൗതം ഗംഭീറും ടീം ഉടമ ഷാരൂഖ് ഖാനും.

കഴിഞ്ഞ സീസണില്‍ തകര്‍ന്നടിഞ്ഞ കെകെആറിനെ കൈപിടിച്ചുയര്‍ത്തിയത് ഗംഭീറിന്റെ വരവാണെന്നതില്‍ സംശയമില്ല. എന്നാല്‍ ഗംഭീറിനൊപ്പം മുഖ്യ പരിശീലകന്‍ ചന്ദ്രകാന്ത് പണ്ഡിറ്റും സഹപരിശീലകന്‍ അഭിഷേക് നായരും ബൗളിംഗ് കോച്ച് ഭരത് അരുണും വിജയ വഴിയില്‍ നിര്‍ണായക പങ്കുവഹിച്ചു. യുവതാരങ്ങളെ ടീമിലേക്ക് തെരഞ്ഞെടുത്തതും മത്സര സജ്ജമാക്കിയതും ആത്മവിശ്വാസം നല്‍കിയതുമെല്ലാം അഭിഷേക് നായര്‍.

വൈഭവ് അറോറയും ഹര്‍ഷിത് റാണയും രമണ്‍ദീപ് സിംഗുമെല്ലാം വിജയശില്‍പികളായി ഉയര്‍ന്നതിന്റെയും നിറംമങ്ങിയ വെങ്കിടേഷ് അയ്യരെ ഫോമിലേക്ക് എത്തിച്ചതും വരുണ്‍ ചക്രവര്‍ത്തിയുടെ ബൗളിംഗ് മൂര്‍ച്ച കൂട്ടിയതും അഭിഷേകിന്റെ പിന്തുണയോടെ. ടീമിനായി ഇന്ത്യന്‍ താരങ്ങളുടെ മികവ് പൂര്‍ണമായി ചോര്‍ത്തിയെടുത്തത് അഭിഷേക് നായരാണെന്ന് വെങ്കടേഷ് അയ്യര്‍ സാക്ഷ്യപ്പെടുത്തുന്നു. ബ്രണ്ടന്‍ മക്കല്ലത്തിന് പകരം മുഖ്യ പരിശീലകനായ ചന്ദ്രകാന്ത് പണ്ഡിറ്റ് നടപ്പാക്കിയ കര്‍ശന അച്ചടക്ക ശൈലി കൊല്‍ക്കത്തയെ കെട്ടുറപ്പുള്ള സംഘമാക്കി.

അവസാന ചിരി ഹര്‍ഷിത് റാണയുടേത്! ഹൈദരാബാദിന് ഫ്‌ളയിംഗ് കിസ് നല്‍കി പറഞ്ഞയച്ച് കൊല്‍ക്കത്ത നൈറ്റ് റൈഡേഴ്‌സ്

ടൂര്‍ണമെന്റില്‍ ഏറ്റവും കൂടുതല്‍ വിക്കറ്റ് വീഴ്ത്തിയ ടീം കൊല്‍ക്കത്തയാണെന്നത് ബൗളിംഗ് കോച്ച് ഭരത് അരുണിന്റെ മികവും വ്യക്തമാക്കുന്നു. ഫൈനലില്‍ സണ്‍റൈസേഴ്‌സ് ഹൈദരാബാദിനെതിരെ എട്ട് വിക്കറ്റിനായിരുന്നു കൊല്‍ക്കത്തയുടെ ജയം. ടോസ് നേടി ബാറ്റിംഗ് തിരഞ്ഞെടുത്ത ഹൈദരാബാദ് 18.3 ഓവറില്‍ 113ന് എല്ലാവരും പുറത്താവുകയായിരുന്നു. മറുപടി ബാറ്റിംഗില്‍ കൊല്‍ക്കത്ത 10.3 ഓവറില്‍ രണ്ട് വിക്കറ്റ് മാത്രം നഷ്ടത്തില്‍ ലക്ഷ്യം മറകിടന്നു.

'അവസാന പോരാട്ടം ഇതാ തുടങ്ങുന്നു': സ്ക്വിഡ് ഗെയിം സീസൺ 3യുടെ ഫൈനല്‍ ട്രെയിലർ

Web Desk — Sun, 15 Jun 2025 16:33:21 +0530

ദില്ലി: സ്ക്വിഡ് ഗെയിം സീസൺ 3യുടെ ഫൈനല്‍ ട്രെയിലർ പുറത്തിറങ്ങി. ഇതുവരെ സീരിസില്‍ വന്ന ഏറ്റവും തീവ്രമായ വൈകാരിക രംഗങ്ങള്‍ ഈ സീസണിലാണ് എന്ന സൂചനയാണ് ട്രെയിലര്‍ നല്‍കുന്നത്. സീസൺ 2 ന്റെ ഞെട്ടിക്കുന്ന അവസാനം മുതൽ ആരാധകർ കാത്തിരുന്ന സിയോങ് ഗി-ഹുൻ എന്ന പ്ലെയർ 456ന് എന്ത് സംഭവിക്കും എന്നതിനുള്ള ഉത്തരം ആയിരിക്കും സീസണ്‍ 3 എന്ന് വ്യക്തമാണ്.

ഇതായിരിക്കും നെറ്റ്ഫ്ലിക്സിന്‍റെ പാന്‍ വേള്‍ഡ് ഹിറ്റ് പരമ്പരയുടെ അവസാന സീസണ്‍ എന്ന് ട്രെയിലര്‍ തന്നെ വ്യക്തമാക്കുന്നുണ്ട്. 2024 ഡിസംബർ 26-ന് പുറത്തിറങ്ങിയ സീസൺ 2, ഏഴ് എപ്പിസോഡുകളാണ് ഉണ്ടായിരുന്നത്. സീസണ്‍ 2ഉം സീസണ്‍ 3യും ഒന്നിച്ചാണ് ചിത്രീകരിച്ചത് അതിനാല്‍ തന്നെ 2025ല്‍ ഷോ മൂന്നാം സീസണ്‍ ഇറങ്ങുമെന്ന് നേരത്തെ നെറ്റ്ഫ്ലിക്സ് വ്യക്തമാക്കിയിരുന്നു.

2021-ൽ ഷോയുടെ അപ്രതീക്ഷിത വിജയത്തെത്തുടർന്ന് ഏകദേശം മൂന്ന് വർഷമെടുത്താണ് സീസണ്‍ 2 വന്നത്. അതിന് പിന്നാലെ 2025 ജൂണ്‍ 27ന് മൂന്നാം സീസണ്‍ എത്തുന്നത്. ഡിസംബറിൽ റിലീസ് ചെയ്‌തതിന് ശേഷം, സ്‌ക്വിഡ് ഗെയിം സീസൺ 2 173 ദശലക്ഷത്തിലധികം വ്യൂവും 1.2 ബില്യൺ മണിക്കൂറിലധികം കാഴ്ച സമയവും നേടിയിട്ടുണ്ട്, നെറ്റ്ഫ്ലിക്‌സിൽ ഏറ്റവുമധികം ആളുകൾ കണ്ട രണ്ടാമത്തെ ഇംഗ്ലീഷ് ഇതര പരമ്പരയാണ് സ്‌ക്വിഡ് ഗെയിം.

അതേ സമയം ഇതുവരെ സീരിസില്‍ സംഭവിച്ച കാര്യങ്ങളും പ്രധാന കഥാപാത്രങ്ങളും ഒരു റീവൈന്‍റ് പോലെ അണിനിരക്കുന്നതാണ് ഫൈനല്‍ ട്രെയിലര്‍. ഇതിലൂടെ വ്യക്തമായ സൂചന പുതിയ സീസണിലേക്ക് സീരിസിന്‍റെ അണിയറക്കാര്‍ നല്‍കുന്നുണ്ട്. ഈ വര്‍ഷം നെറ്റ്ഫ്ലിക്സിന് ഏറെ പ്രതീക്ഷയുള്ള സീരിസാണ് സ്ക്വിഡ് ഗെയിം സീസണ്‍ 3.

പ്ലെയർ 456 ഉം, നിഗൂഢമായ ഫ്രണ്ട് മാൻ-വൺ എന്നിവ തമ്മിലുള്ള ഒരു ഭയാനകമായ പോരാട്ടമാണ് അവസാന സീസൺ അവതരിപ്പിക്കുക എന്നതാണ് ഇതുവരെ ഇറങ്ങിയ പ്രമോഷന്‍ മെറ്റീരിയലുകള്‍ നല്‍കുന്നത്.

സ്‌പെഷ്യൽ ഓപ്‌സ് 2 റിലീസ് മാറ്റിവച്ചു; പുതിയ തീയതി പ്രഖ്യാപിച്ചു

Web Desk — Wed, 09 Jul 2025 12:43:11 +0530

ദില്ലി: ആരാധകർ ആകാംക്ഷയോടെ കാത്തിരിക്കുന്ന വെബ് സീരിസ് 'സ്‌പെഷ്യൽ ഓപ്‌സ്' സീസൺ 2-ന്റെ റിലീസ് തീയതി മാറ്റിവച്ചു. സീരിസിലെ പ്രധാന നടൻ കേ കേ മേനോൻ പുതിയ സ്ട്രീമിംഗ് ഡേറ്റ് പ്രഖ്യാപിച്ചിട്ടുണ്ട്.

നേരത്തെ ജൂലൈ 11-ന് റിലീസ് ചെയ്യുമെന്ന് പ്രഖ്യാപിച്ചിരുന്നെങ്കിലും ചില സാഹചര്യങ്ങൾ മൂലം ഒരാഴ്ചത്തേക്ക് റിലീസ് മാറ്റിവയ്ക്കേണ്ടി വന്നതായി കേ കേ മേനോൻ തന്റെ ഇൻസ്റ്റാഗ്രാം വീഡിയോയിലൂടെ അറിയിച്ചു.

"സ്‌പെഷ്യൽ ഓപ്‌സിന്റെ എല്ലാ ആരാധകർക്കുമായി ഒരു വിവരം. സ്‌പെഷ്യൽ ഓപ്‌സ് സീസൺ 2 ജൂലൈ 11-ന് പകരം ജൂലൈ 18-ന് റിലീസ് ചെയ്യും... അതായത് ഒരാഴ്ച വൈകി," അദ്ദേഹം പറഞ്ഞു. എല്ലാ എപ്പിസോഡുകളും ഒരുമിച്ച് സ്ട്രീം ചെയ്യുമെന്നും അദ്ദേഹം വാഗ്ദാനം ചെയ്തു.

നീരജ് പാണ്ഡേയുടെ സംവിധാനത്തിൽ 2020-ൽ ആരംഭിച്ച 'സ്‌പെഷ്യൽ ഓപ്‌സ്' എന്ന ഈ സ്പൈ ത്രില്ലർ, ഇന്ത്യൻ ഒടിടി പ്ലാറ്റ്‌ഫോമുകളിലെ വന്‍ ഹിറ്റുകളില്‍ ഒന്നായിരുന്നു. 2021-ൽ പുറത്തിറങ്ങിയ 'സ്‌പെഷ്യൽ ഓപ്‌സ് 1.5: ദി ഹിമ്മത് സ്റ്റോറി'ക്ക് ശേഷം ഈ പുതിയ സീസണിൽ ഹിമ്മത് സിംഗും സംഘവും നടത്തുന്ന തീവ്രവാദികളുമായുള്ള സൈബർ യുദ്ധത്തിന്‍റെ കഥയാണ് പറയുന്നത്.

ശിവം നായർ സംവിധാനം ചെയ്ത ഈ സീസണിൽ പ്രകാശ് രാജ്, വിനയ് പാഠക്, താഹിർ രാജ് ഭാസിൻ, കരൺ ടക്കർ, സായാമി ഖേർ, മുസമ്മിൽ ഇബ്രാഹിം, ഗൗതമി കപൂർ, പർമീത് സേത്തി, കാളി പ്രസാദ് മുഖർജി, ദലിപ് താഹിൽ, ടോട്ട റോയ് ചൗധരി, ശിഖ തൽസാനിയ, രേവതി തുടങ്ങിയ വന്‍ താരനിര അണിനിരക്കുന്നു.

ബുഡാപെസ്റ്റ്, തുർക്കി, ജോർജിയ തുടങ്ങിയ അന്താരാഷ്ട്ര ലൊക്കേഷനുകളിൽ ചിത്രീകരിച്ച ഈ സീരീസ് വന്‍ ബജറ്റിലാണ് ഒരുക്കുന്നത്. ജിയോ ഹോട്ട്‌സ്റ്റാർ ഇൻസ്റ്റാഗ്രാമിൽ പോസ്റ്റ് ചെയ്ത ഒരു വീഡിയോയിൽ, "നിങ്ങളുടെ ആകാംക്ഷ മനസ്സിലാകുന്നു, പക്ഷേ ഒരല്പം കൂടി കാത്തിരിക്കൂ" എന്ന് പറഞ്ഞുകൊണ്ട് റിലീസ് മാറ്റിവച്ച വിവരം സ്ഥിരീകരിച്ചു.