എംസി കമറുദ്ദീനെതിരെ  

ഫാഷൻ ഗോൾഡ് ജ്വല്ലറി തട്ടിപ്പില്‍ എംസി കമറുദ്ദീനെതിരായ കേസുകൾ റദ്ദാക്കാനാകില്ലെന്ന് സർക്കാർ ഇന്നലെ കോടതിയെ അറിയിച്ചിരുന്നു. ജ്വല്ലറിയുടെ പേരിൽ നടത്തിയത് വ്യാപക തട്ടിപ്പാണെന്നും സർക്കാർ നിലപാടെടുത്തു

എം സി കമറുദ്ദീൻ ചെയർമാനായ ഫാഷൻഗോൾഡ് ജ്വല്ലറിയിൽ നിക്ഷേപ തട്ടിപ്പുകൾക്ക് പുറമേ നികുതി വെട്ടിപ്പും നടന്നിട്ടുണ്ടെന്ന് കണ്ടെത്തിയിട്ടുണ്ട്

എംസി കമറുദ്ദീന്‍ എംഎല്‍എ പ്രതിയായ ജ്വല്ലറി നിക്ഷേപ തട്ടിപ്പ് കേസുകളില്‍ തെളിവുകള്‍ ശേഖരിക്കുകയാണെന്നും അതിന് ശേഷം എംഎല്‍എയെ ചോദ്യം ചെയ്യുമെന്നും ക്രൈംബ്രാഞ്ച് എസ്പി കെകെ മൊയ്തീന്‍ കുട്ടി. കേസില്‍ മറ്റ് സമ്മര്‍ദ്ദങ്ങളൊന്നുമില്ലെന്നും അറസ്റ്റ് വൈകുന്നത് കൊണ്ട് തെളിവുകള്‍ നശിപ്പിക്കപ്പെടുന്ന സാഹചര്യം നിലവിലില്ലെന്നും എസ്പി പറഞ്ഞു. അതേസമയം നിക്ഷേപകരുടെ പരാതിയില്‍ എംസി കമറുദ്ദീനെതിരെ രണ്ട് വഞ്ചന കേസുകള്‍ കൂടി രജിസ്റ്റര്‍ ചെയ്തു.

 

ജ്വല്ലറി നിക്ഷേപത്തട്ടിപ്പ് കേസിൽ  എംസി കമറുദ്ദീനെതിരെ 23 ലക്ഷം രൂപയുടെ രണ്ട് കേസുകൾ കൂടി. ലീഗിന്റെ സ്വാധീന കേന്ദ്രങ്ങളിലൊന്നായ തൃക്കരിപ്പൂരിൽ നിന്നാണ് കൂടുതൽ കേസുകൾ വരുന്നത്. 
 

മധ്യസ്ഥ ചര്‍ച്ചയ്ക്കിടെ മായിന്‍ ഹാജി ജ്വല്ലറി പിആര്‍ഒയെ മര്‍ദ്ദിച്ചുവെന്ന് പരാതി. പരാതിക്കാര്‍ക്ക് ജീവനക്കാര്‍ അവരുടെ സ്വത്തുവകകള്‍ കൊടുക്കണമെന്ന് അദ്ദേഹം ചര്‍ച്ചയില്‍ പറഞ്ഞു. എംസി കമറുദ്ദീനെതിരെയും പൂക്കോയത്തങ്ങള്‍ക്കെതിരെയും നാല്‍പ്പത്തിയഞ്ചോളം കേസുകളാണ് കാസര്‍കോട്ടെ വിവിധ പൊലീസ് സ്റ്റേഷനുകളില്‍ രജിസ്റ്റര്‍ ചെയ്തിട്ടുള്ളത്.

നിക്ഷേപകരുടെ പരാതികളിൽ ചന്തേര പൊലീസ് നാല് വഞ്ചന കേസുകളും കാസർകോട് ടൗൺ പൊലീസ് അഞ്ച് വ‌ഞ്ചന കേസുകളും രജിസ്റ്റർ ചെയ്തു

എംസി കമറുദ്ദീന് എതിരെ ചെക്ക് കേസും. 78 ലക്ഷം രൂപയുടെ വണ്ടി ചെക്കുകള്‍ നല്‍കി എംഎല്‍എ വഞ്ചിച്ചെന്ന് പരാതി. കള്ളാര്‍ സ്വദേശികളായ രണ്ട് നിക്ഷേപകരാണ് പരാതി നല്‍കിയത്. എംസി കമറുദ്ദീന്‍ ഒപ്പിട്ട വണ്ടിച്ചെക്കുകളുടെ പകര്‍പ്പ് ഏഷ്യാനെറ്റ് ന്യൂസിന്.