കുവൈത്ത്  

കുവൈത്തില്‍ കൊവിഡ് വൈറസിന്റെ ഡെല്‍റ്റ വകഭേദം കണ്ടെത്തി. ആരോഗ്യ മന്ത്രാലയത്തിലെ ഔദ്യോഗിക വക്താവ് ഡോ. അബ്‍ദുല്ല അല്‍ സനദാണ് ഇക്കാര്യം തിങ്കളാഴ്‍ച അറിയിച്ചത്. രാജ്യത്ത് ഏതാനും പേര്‍ക്ക് നിലവില്‍ ഡെല്‍റ്റ വകഭേദം ബാധിച്ചതായാണ് ഔദ്യോഗിക വാര്‍ത്താ ഏജന്‍സി റിപ്പോര്‍ട്ട് ചെയ്‍തത്.

കുവൈത്തില്‍ സ്വദേശി യുവാവിനെ തൂങ്ങിമരിച്ച നിലയില്‍ കണ്ടെത്തി. ജഹ്‍റയിലെ വീടിനുള്ളിലാണ് ഇയാളെ മരിച്ച നിലയില്‍ കണ്ടെത്തിയത്.

കുവൈത്തില്‍ 30 വാക്സിനേഷന്‍ കേന്ദ്രങ്ങള്‍ വൈകുന്നേരം മൂന്ന് മണി മുതല്‍ രാത്രി 10 വരെ പ്രവര്‍ത്തിക്കുമെന്ന് ആരോഗ്യ മന്ത്രാലയത്തിലെ പ്രൈമറി ഹെല്‍ത്ത് കെയര്‍ സെന്‍ട്രല്‍ ഡിപ്പാര്‍ട്ട്മെന്റ് ഡയറക്ടര്‍ ഡോ. ദിന അല്‍ ദബീബ് പറഞ്ഞു. രണ്ട് ലക്ഷം പേര്‍ക്ക് ആസ്‍ട്രസെനിക വാക്സിന്റെ രണ്ടാം ഡോസ് നല്‍കുന്നതിനുള്ള നടപടികളുമായി മുന്നോട്ട് പോവുകയാണെന്നും ഇതിനായി നിയോഗിച്ച ആരോഗ്യ, നഴ്‍സിങ്, അഡ്‍മിനിസ്‍ട്രേറ്റീവ് ജീവനക്കാരുടെ പട്ടിക തയ്യാറാക്കിയിട്ടുണ്ടെന്നും അവര്‍ പറഞ്ഞു.

കുവൈത്തില്‍ അനധികൃതമായി സിഗിരറ്റ് കടത്താനുള്ള ശ്രമം നുവൈസീബിലെ കസ്റ്റംസ് അധികൃതര്‍ പരാജയപ്പെടുത്തി. ഒരു ഗള്‍ഫ് പൗരനും ഒരു കുവൈത്ത് സ്വദേശിയും പിടിയിലായി.

കുവൈത്തില്‍ വിവിധ  കേസുകളില്‍ പിടിക്കപ്പെട്ട ഏഴായിരത്തിലധികം പേരെ ഈ വര്‍ഷം മാത്രം നാടുകടത്തിയിട്ടുണ്ടെന്ന് ആഭ്യന്തര മന്ത്രാലയത്തിന്റെ കണക്കുകള്‍ വ്യക്തമാക്കുന്നു. ഡ്രഗ്‍സ് കണ്‍ട്രോള്‍ ജനറല്‍ ഡിപ്പാര്‍ട്ട്മെന്റ് മാത്രം ഈ വര്‍ഷം 450 പ്രവാസികളെയാണ് നാടുകടത്താനായി ശുപാര്‍ശ ചെയ്‍തത്.

മൊഡേണ, ജോണ്‍സണ്‍ ആന്‍ഡ് ജോണ്‍സണ്‍ കൊവിഡ് വാക്‌സിന്‍ ഇറക്കുമതിയുമായി ബന്ധപ്പെട്ട് യുഎസ് ഫാര്‍മസ്യൂട്ടിക്കല്‍ കമ്പനികളുമായി കരാര്‍ ഒപ്പിട്ടതായി കുവൈത്ത് ആരോഗ്യമന്ത്രി ഡോ. ബാസില്‍ അല്‍ സബാഹ്.

കൊവിഡ് രോഗികള്‍ക്ക് സൊട്രോവിമാബ് ആന്റിബോഡി ചികിത്സ നല്‍കാന്‍ കുവൈത്ത് ആരോഗ്യ മന്ത്രാലയം അനുമതി നല്‍കി.

സ്വദേശിവത്കരണ നടപടികളുടെ ഭാഗമായി കുവൈത്ത് ആരോഗ്യ മന്ത്രാലയം 169 പ്രവാസി ജീവനക്കാരെ പിരിച്ചുവിട്ടു. ഒന്‍പത് മേഖലകളില്‍ നിന്നുള്ളവരെയാണ് ഒഴിവാക്കി പകരം സ്വദേശികളെ നിയമിക്കാനൊരങ്ങുന്നത്.

കുവൈത്തില്‍ ജൂണ്‍ ഒന്നു മുതല്‍ ഉച്ചസമയത്തെ ജോലികള്‍ക്ക് നിയന്ത്രണം. രാജ്യത്ത് ചൂട് കൂടിയത് കണക്കിലെടുത്ത് നേരിട്ട് വെയിലേല്‍ക്കുന്ന സ്ഥലങ്ങളിലെ ജോലികള്‍ക്കാണ് പബ്ലിക് അതോരിറ്റി ഫോര്‍ മാന്‍പവര്‍ വിലക്കേര്‍പ്പെടുത്തിയിരിക്കുന്നത്.

ഫൈസര്‍ വാക്‌സിന്റെ 19-ാമത്തെ ബാച്ച് കുവൈത്തില്‍ എത്തിച്ചു.

കുവൈത്ത് അന്താരാഷ്‍ട്ര വിമാനത്താവളത്തിലെ റണ്‍വേയിലും കിരീടാവകാശിയുടെ വിമാനത്തിലും അതിക്രമിച്ച് കയറിയ യുവാവ് അറസ്റ്റിലായി. കുവൈത്തിലെ പ്രാദേശിക ദിനപ്പത്രമായ അല്‍ റായിയാണ് സംഭവം റിപ്പോര്‍ട്ട് ചെയ്‍തിരിക്കുന്നത്.

കുവൈത്തില്‍ ആത്മഹത്യാ ഭീഷണി മുഴക്കിയ 20 വയസുകാരനെ സുരക്ഷാ ഉദ്യോഗസ്ഥര്‍ കീഴ്‍പ്പെടുത്തി. ജഹ്റ ഹോസ്‍പിറ്റലിനും തൈമയ്‍ക്കും ഇടയിലുള്ള പാലത്തിന് മുകളില്‍ കയറിയാണ് സൗദി പൗരനായ യുവാവ് താഴേക്ക് ചാടുമെന്ന ഭീഷണി മുഴക്കിയത്.

കൊവിഡ് വാക്സിന്‍ മോഷ്‍ടിച്ച് വില്‍പന നടത്തിയ കുറ്റത്തിന് കുവൈത്തില്‍ നഴ്‍സ് അറസ്റ്റിലായി. ജഹ്റ ആശുപത്രിയില്‍ ജോലി ചെയ്യുന്ന ഇന്തോനേഷ്യന്‍ സ്വദേശിയെയാണ് ക്രിമിനല്‍ ഇന്‍വെസ്റ്റിഗേഷന്‍ വകുപ്പ് ഉദ്യോഗസ്ഥര്‍ അറസ്റ്റ് ചെയ്‍തത്.

കൊവിഡിനെതിരായ പോരാട്ടത്തില്‍ ഇന്ത്യയ്ക്കുള്ള ഐക്യദാര്‍ഢ്യം ഉറപ്പിച്ച് ത്രിവര്‍ണമണിഞ്ഞ് കുവൈത്ത് ടവറുകള്‍.

ഹെഡ്ഫോണുകള്‍ക്കുള്ളില്‍ ഒളിപ്പിച്ച് മയക്കുമരുന്ന് കടത്താന്‍ ശ്രമിച്ച സംഭവത്തില്‍ യുവാവ് പിടിയിലായി. 35 വയസുള്ള സ്വദേശിയെയാണ് ജനറല്‍ ഡിപ്പാര്‍ട്ട്മെന്റ് ഓഫ് ഡ്രഗ് കണ്‍ട്രോള്‍ ഉദ്യോഗസ്ഥര്‍ അറസ്റ്റ് ചെയ്‍തത്.