രാജമല ദുരന്തം  

ദുരന്ത ഭൂമിയിലെ കണ്ണീരുണങ്ങും മുമ്പ് പെട്ടിമുടിയെ കയ്യടക്കി മോഷണ സംഘങ്ങള്‍. ദുരന്തത്തില്‍ പൂര്‍ണ്ണമായി തകര്‍ന്ന വാഹനങ്ങളുടേയും മറ്റും വിലപിടുപ്പുള്ള ഭാഗങ്ങളാണ് രാത്രിയുടെ മറവില്‍ മോഷണ സംഘങ്ങള്‍ കടത്തികൊണ്ട് പോകുന്നത്. സംഭവം ശ്രദ്ധയില്‍ പെട്ടതോടെ കമ്പനി പെട്ടിമുടിയില്‍ രാത്രികാല കാവല്‍ ഏര്‍പ്പെടുത്തി.

രാജമല ദുരന്തത്തിന് കാരണം മേഘവിസ്‌ഫോടനമാകാമെന്ന് വിദഗ്ധര്‍. രാജമലയില്‍ നിന്നുള്ള മലവെള്ളം കൂടി താഴെയുള്ള പെട്ടിമുടിയിലേക്ക് എത്തിയതോടെ ഉരുള്‍പൊട്ടലില്‍ 14 അടിയോളം ഉയരത്തില്‍ വെള്ളമെത്തി. ശരാശരി ഒരു വര്‍ഷം കിട്ടേണ്ട മഴ ഒറ്റ ആഴ്ച കൊണ്ട് പെയ്തിറങ്ങിയതോടെ പെട്ടിമുടി ദുരന്തഭൂമിയായി.
 

വളരെ കുറഞ്ഞ സമയത്ത് ഒരു പ്രദേശത്തുണ്ടാകുന്ന അതിശക്തമായ പേമാരിയാണ് മേഘവിസ്ഫോടനം. ശരാശരി ഒരു വർഷം കിട്ടേണ്ട മഴ ഒറ്റ ആഴ്ച കൊണ്ട് പെയ്തിറങ്ങിയതോടെ പെട്ടിമുടി ദുരന്തഭൂമിയായി.

ഉരുള്‍പൊട്ടലില്‍ നിന്നും അത്ഭുതകരമായി രക്ഷപ്പെട്ട ഒരമ്മയും മകളുമുണ്ട് രാജമല പെട്ടിമുടിയില്‍. ജീവന്‍ രക്ഷപ്പെട്ടെങ്കിലും മകളുടെ വിവാഹത്തിനായി കരുതിവെച്ച സ്വര്‍ണമടക്കം എല്ലാം മലവെള്ളപ്പാച്ചില്‍ കൊണ്ടുപോയി. ഇനിയെന്തെന്നറിയാതെ ബന്ധുവീട്ടില്‍ കഴിയുകയാണ് ഇരുവരും.
 

പുഴയിൽ മണ്ണടിഞ്ഞ് നിരന്ന ഇടങ്ങളിൽ ചെറിയ ഹിറ്റാച്ചി ഉപയോഗിച്ച് പരിശോധന നടക്കുന്നുണ്ട്. ഇതോടൊപ്പം ലയങ്ങൾക്ക് മുകളിലെ മണ്ണ് നീക്കിയും പരിശോധനയും തുടരുന്നു.

പെട്ടിമുടിയിലെ ദുരന്തബാധിതര്‍ക്കെല്ലാം വീടുവച്ച് നല്‍കുമെന്ന് പെട്ടിമുടി സന്ദര്‍ശിച്ചശേഷം മുഖ്യമന്ത്രി പിണറായി വിജയന്റെ പ്രഖ്യാപനം. രക്ഷപ്പെട്ട കുട്ടികളുടെ പുനര്‍വിഭ്യാഭ്യാസമടക്കം പരിഗണനയിലുണ്ട്. ദുരന്തബാധിതര്‍ക്ക് വീട് നിര്‍മ്മിച്ചുനല്‍കും. കണ്ണന്‍ദേവന്‍ കമ്പനി നല്ല രീതിയില്‍ സഹായിക്കുമെന്ന് കരുതുന്നതായും മുഖ്യമന്ത്രി മൂന്നാറില്‍ മാധ്യമങ്ങളോട് പറഞ്ഞു.
 

പെട്ടിമുടിയിൽ 15 പേരെയാണ് ഇനി കണ്ടെത്താനുള്ളത്. കന്നിയാർ കേന്ദ്രീകരിച്ചുള്ള തെരച്ചിൽ ദൗത്യസംഘം ഇന്നും തുടരും. 55 മൃതദേഹങ്ങളാണ് പെട്ടിമുടിയിൽ നിന്ന് ഇതുവരെ കണ്ടെടുത്തത്.

മുഖ്യമന്ത്രി പിണറായി വിജയനും ഗവര്‍ണ്ണര്‍ ആരിഫ് മുഹമ്മദ് ഖാനും മണ്ണിടിച്ചില്‍ ദുരന്തമുണ്ടായ മൂന്നാര്‍ പെട്ടിമുടിയിലേക്ക് പോകും. നാളെ രാവിലെ ഹെലികോപ്റ്റര്‍ മാര്‍ഗം പോകാനാണ് ഉദ്ദേശിക്കുന്നത്. കരിപ്പൂരില്‍ പോയ മുഖ്യമന്ത്രി പെട്ടിമുടിയില്‍ പോകാത്തത് പ്രതിപക്ഷത്തിന്റെ ആക്ഷേപത്തിനിടയാക്കിയിരുന്നു.
 

രാജമല ദുരന്തഭൂമിയിലേ വേദനിപ്പിക്കുന്ന കാഴ്ചയാണ് കാണാതായ കുഞ്ഞുങ്ങൾക്ക് വേണ്ടിയുള്ള ബന്ധുക്കളുടെ കാത്തിരിപ്പ്. ആറ് മാസം പ്രായമായ കൈക്കുഞ്ഞ് അടക്കം 18 കുട്ടികളെയാണ് ദുരന്തം കവർന്നെടുത്തത്. 

രാജമലയിലെ ദുരന്തത്തിൽ ഇന്ന് 16 മൃതദേഹങ്ങൾ കൂടി കണ്ടെത്തി. പ്രതികൂലമായ കാലാവസ്ഥ കാരണം രക്ഷാപ്രവർത്തനം കൂടുതൽ പ്രയാസകരമാകുന്നുണ്ട്. 
 

കനത്ത മഴവെള്ളപ്പാച്ചിലില്‍ നിരവധി പശുക്കള്‍ ഒഴുകിപ്പോകുന്നതാണ് ദൃശ്യത്തില്‍. രാജമല ദുരന്ത വാര്‍ത്ത പുറത്തറിഞ്ഞതിന് പിന്നാലെയാണ് വാട്‌സ്‌ആപ്പ് അടക്കമുള്ള സാമൂഹ്യമാധ്യമങ്ങളില്‍ വീഡിയോ വ്യാപകമായി പ്രചരിച്ചത്.

രാജമലയിൽ രക്ഷാപ്രവർത്തനത്തിനെത്തിയ അഗ്നിശമന സേനാംഗത്തിന് കൊവിഡ് സ്ഥിരീകരിച്ചു. ഇതിനെത്തുടർന്ന് ആലപ്പുഴയിൽ നിന്നെത്തിയ 25 അംഗ സംഘത്തെ നിരീക്ഷണത്തിൽ വിട്ടു. 

''കരിപ്പൂരിൽ പത്ത് ലക്ഷം പ്രഖ്യാപിച്ചെങ്കിൽ, രാജമലയിലുള്ളവർക്കും പത്ത് ലക്ഷം തന്നെ സഹായധനം നൽകണം. ആളുകൾക്കിടയിൽ ആശങ്ക ഉയർന്നുവരുന്നു. അതിന് സർക്കാർ മറുപടി നൽകണം'', എന്ന് ചെന്നിത്തല.

രാജമല ദുരന്തത്തില്‍ വളരെയേറെ പ്രയാസമെന്ന് പ്രതിപക്ഷ നേതാവ് രമേശ് ചെന്നിത്തല. ദുരന്തത്തില്‍ മരിച്ചവരില്‍ പലരും വ്യക്തിപരമായി പരിചയമുണ്ടായിരുന്നവരാണ്. രക്ഷാപ്രവര്‍ത്തനത്തിന് ഇറങ്ങിയ എല്ലാവരെയും അഭിനന്ദിക്കുന്നു. ചികിത്സയില്‍ കഴിയുന്നവര്‍ക്ക് അടിയന്തര സഹായം സര്‍ക്കാര്‍ എത്തിക്കണമെന്നും രാജമല സന്ദര്‍ശിച്ച ശേഷം ചെന്നിത്തല പറഞ്ഞു.
 

രാജമലയിലെ ദുരന്തം കവർന്നത് രണ്ട് കുടുംബങ്ങളിലെ 30 പേരെയാണ്.  വനംവകുപ്പ് ഡ്രൈവറായ മയിൽസാമിയുടെ കുടുംബത്തിലെ 21 പേരും ചൊക്കമുടി മാടസ്വാമിയുടെ കുടുംബത്തിലെ ഒമ്പത് പേരും മണ്ണിനടിയിൽപ്പെട്ടു.