Abu Dhabi Airport  

വിദേശ രാജ്യങ്ങളില്‍ നിന്നെത്തുന്നവരുടെ യാത്രാ - ക്വാറന്റീന്‍ നിബന്ധനകളില്‍ മാറ്റം വരുത്തി അബുദാബി. ഡിസംബര്‍ 24 മുതല്‍ അബുദാബിയില്‍ വീണ്ടും അന്താരാഷ്‍ട്ര യാത്രക്കാര്‍ക്ക് പ്രവേശനം അനുവദിച്ചു തുടങ്ങുമെന്നും അബുദാബി മീഡിയാ ഓഫീസ് അറിയിച്ചു.

യുഎഇയില്‍ കൊവിഡ് രോഗികളെ കണ്ടെത്താന്‍ പൊലീസ് നായകളെ ഉപയോഗിച്ചുതുടങ്ങി. രാജ്യത്തെ രണ്ട് വിമാനത്താവളങ്ങളടക്കം മൂന്ന് എന്‍ട്രി പോയിന്റുകളിലാണ് ഇപ്പോള്‍ ഇത്തരത്തിലുള്ള പരിശോധന നടത്തുന്നത്. രോഗബാധ സംശയിക്കുന്നവരുടെ കക്ഷത്തില്‍ നിന്ന് സ്വാബ് ഉപയോഗിച്ച് ശേഖരിക്കുന്ന സാമ്പിളുകളാണ് ഉപയോഗിക്കുന്നത്.

മറ്റ് രാജ്യങ്ങളില്‍ നിന്ന് അബുദാബി വിമാനത്താവളത്തില്‍ എത്തുന്ന യാത്രക്കാര്‍ പ്രത്യേക റിസ്റ്റ് ബാന്‍ഡ് ധരിക്കണം. 14 ദിവസത്തെ നിര്‍ബന്ധിത ക്വാറന്റീന്‍ കാലയളവില്‍ ഇവര്‍ പുറത്തിറങ്ങുന്നുണ്ടോ എന്ന് പരിശോധിക്കാനുള്ള ട്രാക്കിങ് സംവിധാനമാണ് വാച്ച് പോലെ കൈയില്‍ ധരിക്കാവുന്ന ഈ ബാന്‍ഡ്. ഔദ്യോഗിക വിമാനക്കമ്പനിയായ ഇത്തിഹാദാണ് യാത്രക്കാര്‍ക്കുള്ള ഈ പുതിയ നിര്‍ദേശം അറിയിച്ചത്.

ഷാര്‍ജ, അബുദാബി വിമാനത്താവളങ്ങളില്‍ നിന്ന് യാത്ര ചെയ്യുന്നവര്‍ കൊവിഡ് നെഗറ്റീവ് സര്‍ട്ടിഫിക്കറ്റ് ഹാജരാക്കണമെന്ന് എയര്‍ ഇന്ത്യ എക്സ്പ്രസ്. ചൊവ്വാഴ്ച സോഷ്യല്‍ മീഡിയയിലൂടെ പ്രത്യേകം അറിയിപ്പുകളായാണ് കമ്പനി ഇക്കാര്യം അറിയിച്ചത്.

യുഎഇയിലേക്ക് മടങ്ങാനാഗ്രഹിക്കുന്ന പ്രവാസികള്‍ക്ക് സന്തോഷ വാര്‍ത്ത. ഇപ്പോള്‍ വിദേശ രാജ്യങ്ങളിലുള്ള പ്രവാസികള്‍ക്ക് അബുദാബി വിമാനത്താവളം വഴി യുഎഇയിലേക്ക് മടങ്ങിവരാന്‍ ഇനി ഐ.സി.എ അനുമതി ആവശ്യമില്ല. ഇക്കാര്യം അബുദാബി അന്താരാഷ്ട്ര വിമാനത്താവളം വിവിധ വിമാനക്കമ്പനികളെ അറിയിച്ചു.

യുഎഇയില്‍ നിന്ന് ആദ്യ ഘട്ടത്തില്‍ തിരിച്ചെത്തുന്ന പ്രാവാസികളുടെ ദ്രുത ആന്റിബോഡി ടെസ്റ്റ് ദുബായ്, അബുദാബി വിമാനത്താവളങ്ങളില്‍ പൂര്‍ത്തിയാവുന്നു. നടപടികള്‍ സുഗമമായി പുരോഗമിക്കുന്നതില്‍  നന്ദി അറിയിച്ച് ഇന്ത്യന്‍ എംബസി ട്വീറ്റ് ചെയ്തു. വിമാനത്താവളത്തില്‍ കാത്തിരിക്കുന്ന യാത്രക്കാരെ പരിശോധനയ്ക്ക് വിധേയമാക്കുന്നതിന്റെ വീഡിയോ ദൃശ്യങ്ങളും എംബസി പുറത്തുവിട്ടിട്ടുണ്ട്.

കൊവി‍ഡ് 19 വ്യാപകമായതിന്റെ പശ്ചാത്തലത്തിൽ ഏർപ്പെടുത്തിയ യാത്രാവിലക്ക് മൂലം അബുദാബിയിൽ എയർപോർട്ടിൽ കുടുങ്ങി ഇന്ത്യക്കാരനും ഭാര്യയും. റാണ മുഖർജിയും ഭാര്യ ഉക്രെയ്ൻ സ്വദേശിനിയായ തെത്യാന പൊലൂനിയയുമാണ് എയര്‍പോർട്ടിൽ കുടുങ്ങിയത്. യുഎഇ റെസിഡൻസ് വിസയുടെ കാലാവധി കഴിഞ്ഞതിനെ തുടര്‍ന്നാണ് ഇവർ നാട്ടിലേക്ക് മടങ്ങാൻ തീരുമാനിച്ചത്.

നാല് ദിവസത്തേക്ക് അബുദാബി എയര്‍പോര്‍ട്ട് റോഡ് ഭാഗികമായി അടച്ചിടുമെന്ന് ഇന്റഗ്രേറ്റഡ് ട്രാന്‍സ്‍പോര്‍ട്ട് സെന്റര്‍ അറിയിച്ചു.

അബുദാബി വിമാനത്താവളത്തിന്‍റെ സിറ്റി ടെര്‍മിനല്‍ അടച്ചുപൂട്ടുന്നു.

കനത്തമഴയില്‍ വെള്ളം കയറിയതിനെ തുടര്‍ന്ന് കൊച്ചി അന്താരാഷ്ട്ര വിമാനത്താവളം അടച്ചതിനാല്‍ ഗള്‍ഫ് രാജ്യങ്ങളില്‍ നിന്നുള്ള നിരവധി സര്‍വീസുകള്‍ റദ്ദാക്കുമെന്ന് വിമാന കമ്പനികള്‍ അറിയിച്ചു. ഗള്‍ഫിലെ പെരുന്നാള്‍ അവധിക്കാലത്ത് നാട്ടിലെത്താനായി മുന്‍കൂട്ടി ടിക്കറ്റ് ബുക്ക് ചെയ്ത പ്രവാസികളുടെ യാത്ര മുടങ്ങുന്ന സാഹചര്യമാണ് നിലവിലുള്ളത്. അതേസമയം കാലവര്‍ഷക്കെടുതി രൂക്ഷമായ പ്രദേശങ്ങളില്‍ നിന്നുള്ള പ്രവാസികളില്‍ പലര്‍ക്കും ഉറ്റവരുടെ യാതൊരു വിവരവും ലഭിക്കുന്നുമില്ല.

അബുദാബി അന്താരാഷ്ട്ര വിമാനത്താവളത്തില്‍ പണികഴിപ്പിച്ച സര്‍വമത പ്രാര്‍ത്ഥനാകേന്ദ്രം ഉദ്ഘാടനം ചെയ്തു. എല്ലാ മതവിശ്വാസികള്‍ക്കും ഇവിടെ ഒത്തുചേരാനും തങ്ങളുടെ വിശ്വാസമനുസരിച്ചുള്ള ആരാധനാകര്‍മങ്ങള്‍ നിര്‍വഹിക്കാനും സൗകര്യമുണ്ടാകുമെന്ന് അധികൃതര്‍ അറിയിച്ചു.

ദില്ലി അന്താരാഷ്ട്ര വിമാനത്താവളത്തില്‍ നിന്ന് അധികൃതര്‍ ക്ലിയറന്‍സ് നല്‍കാന്‍ വിസമ്മതിച്ചതിനെ തുടര്‍ന്ന് ഇന്ത്യക്കാരന്റെ മൃതദേഹം നാട്ടിലെത്തിക്കാനാവാതെ 12 മണിക്കൂറോളം വിമാനത്താവളത്തില്‍ കുടുങ്ങി. കഴിഞ്ഞ ദിവസം ദില്ലിയില്‍ നിന്ന് ഇറ്റലിയിലെ മിലാനിലേക്കുള്ള യാത്രയ്ക്കിടെ വിമാനത്തില്‍ വെച്ച് മരിച്ച രാജസ്ഥാന്‍ സ്വദേശി കൈലേശ് ചന്ദ്ര സൈനിയുടെ മൃതദേഹം നാട്ടിലെത്തിക്കാന്‍ ശ്രമിച്ചപ്പോഴാണ് അധികൃതര്‍ ക്ലിയറന്‍സ് നല്‍കാതിരുന്നത്.

അടുത്ത ഏതാനും ദിവസങ്ങളില്‍ ദുബായ്, അബുദാബി അന്താരാഷ്ട്ര വിമാനത്താവളങ്ങള്‍ വഴി യാത്ര ചെയ്യുന്നവര്‍ക്ക് മുന്നറിയിപ്പുമായി വിമാന കമ്പനികള്‍. ഇന്നലെ മുതല്‍ അസാധാരണമായ തിരക്ക് അനുഭവപ്പെടുന്ന സാഹചര്യത്തിലാണ് ഇത്തരമൊരു നടപടി. യുഎഇയില്‍ സ്കൂളുകളുടെ അവധിയും മറ്റ് പൊതു അവധികളും അടുത്തുവരുന്നതോടെ യാത്രക്കാരുടെ എണ്ണത്തില്‍ വലിയ വര്‍ദ്ധനവുണ്ടായിട്ടുണ്ട്.

അബുദാബിയില്‍ നിന്ന് ഇന്ത്യന്‍ എയര്‍ലൈനുകളില്‍ യാത്ര ചെയ്യുന്നവര്‍ക്ക് പ്രത്യേക സൗകര്യം ഒരുക്കിയതായി അധികൃതര്‍ അറിയിച്ചു. ആദ്യ ഘട്ടത്തില്‍ ഇന്റിഗോ വിമാനങ്ങളില്‍ യാത്ര ചെയ്യുന്നവര്‍ക്ക് ദുബായ് സിറ്റി ടെര്‍മിനല്‍ വഴി ലഗേജ് ചെക്ക് ഇന്‍ ചെയ്യാനാവും. യാത്രാ സമയത്ത്  വിമാനത്താവളത്തിലെ തിരക്കില്‍ നിന്ന് രക്ഷപെട്ട് വേഗത്തില്‍ ചെക് ഇന്‍ പൂര്‍ത്തിയാക്കാന്‍ ഇത് സഹായകമാവും. വിമാനം പുറപ്പെടുന്ന സമയത്തിന് 24 മണിക്കൂര്‍ മുന്‍പ് വരെയാണ് ഈ സൗകര്യം ഉപയോഗപ്പെടുത്താന്‍ സാധിക്കുക.

അബുദാബി: ദുര്‍മന്ത്രവാദത്തിന് ഉപയോഗിക്കുന്ന സാധനങ്ങളുമായി പ്രവാസി അബുദാബി വിമാനത്തവളത്തില്‍ പിടിയിലായി. യുഎഇയില്‍ നിയമ വിരുദ്ധമായ സാധനങ്ങള്‍ കടത്താന്‍ ശ്രമിച്ച കുറ്റത്തിന് ഇയാളെ അറസ്റ്റ് ചെയ്ത് കഴിഞ്ഞ ദിവസം കോടതിയില്‍ ഹാജരാക്കി.