Aramco Shares  

. അരാംകോ എത്തിയതോടെ ഓഹരി വിപണിയുടെ വിപണി വലുപ്പം 340 ശതമാനം വര്‍ധിച്ചു. ഈ ലിസ്റ്റിംഗിലൂടെ, ലോകത്തിലെ ഏറ്റവും മൂല്യമുള്ള സ്ഥാപനമായി (1.88 ട്രില്യൺ ഡോളർ) സൗദി അരാംകോ മാറി.

സൗദി അറേബ്യൻ ഓയിൽ കമ്പനി ‘സൗദി അരാംകോ’യുടെ ഓഹരികൾ സ്വന്തമാക്കാൻ മുന്നോട്ടുവന്ന വ്യക്തിഗത അപേക്ഷകരുടെ എണ്ണം 49,10,000. സൗദി പൗരന്മാരും രാജ്യത്തുള്ള വിദേശികളുമാണ് സൗദി സ്റ്റോക്ക് എക്സ്ചേഞ്ചിൽ (തദാവുൽ) ലിസ്റ്റ് ചെയ്ത ഓഹരി വാങ്ങാൻ ബാങ്കുകൾ വഴി പണമടച്ച് അപേക്ഷിച്ചത്. ഇക്കഴിഞ്ഞ വ്യാഴാഴ്ച വരെ 12 ദിവസ കാലാവധിക്കുള്ളിൽ വിപണി പ്രതീക്ഷച്ചതിലും വളരെയധികം ആളുകൾ ലോക എണ്ണ ഭീമന്റെ ഓഹരി സ്വന്തമാക്കാൻ തിരക്കുകൂട്ടിയിരുന്നു. 

ലോക എണ്ണ ഭീമൻ സൗദി അരാംകോയുടെ ഓഹരി വില്‍പന ആദ്യഘട്ടം ഇന്ന് അവസാനിക്കുന്നു. വ്യക്തികൾക്ക് ഓഹരികൾ വാങ്ങാനുള്ള അവസരമാണ് വ്യാഴാഴ്ചയോടെ അവസാനിക്കുന്നത്. അതേസമയം സ്ഥാപനങ്ങള്‍ക്ക് ഡിസംബർ നാല് വരെ സമയമുണ്ട്. മലയാളികളുൾപ്പെടെ വിദേശികളും സ്വദേശികളും ഓഹരിക്കായി വൻ തിരക്കാണുണ്ടാക്കിയത്. ആദ്യ ദിവസങ്ങളിൽ തന്നെ 100 ശതമാനവും ഓഹരികൾ വിറ്റുപോയിരുന്നു. എന്നിട്ടും ആളുകൾ ബാങ്ക് അക്കൗണ്ടുകൾ വഴി വാങ്ങൽ പ്രക്രിയ തുടർന്നു. എന്നാൽ ഡിസംബർ നാലിന് ശേഷമേ ഓഹരി അപേക്ഷയിന്മേൽ തീരുമാനമെടുക്കൂ. അപ്പോൾ മാത്രമേ ആർക്കൊക്കെ ഓഹരികൾ കിട്ടി എന്ന് ഉറപ്പിക്കാനാവൂ. 

ലോക എണ്ണ ഭീമൻ സൗദി അരാംകോയുടെ ഓഹരികൾ ആഭ്യന്തര വിപണിയിൽ എത്തിയതോടെ വാങ്ങിക്കൂട്ടാൻ ആളുകൾ തിരക്ക് കൂട്ടുന്നു. ഏറെ മലയാളികളും ഇക്കൂട്ടത്തിലുണ്ടെന്നതാണ് ശ്രദ്ധേയം. വീട്ടിലിരുന്ന് ഓൺലൈനിലൂടെ ഓഹരികള്‍ സ്വന്തമാക്കാനാവുമെന്നതാണ് ആളുകളെ പ്രചോദിപ്പിക്കുന്നത്. 

സൗദിയിൽ നിലവിലുള്ള വിദേശികളായ താമസക്കാര്‍ക്കും നിക്ഷേപകർക്കും ഓഹരി വാങ്ങാന്‍ അനുമതിയുണ്ടാകും. രാജ്യത്തെ പ്രമുഖ ബാങ്കുകള്‍ ഓഹരി വില്‍പനയുടെ ഭാഗമായി ഇന്ന് മുതൽ കൂടുതല്‍ സമയം പ്രവര്‍ത്തിക്കും.

ലോകത്തിലെ ഏറ്റവും വലിയ ഓഹരി വില്‍പനക്ക് സൗദി അറേബ്യയുടെ ദേശീയ എണ്ണക്കമ്പനി, അരാംകോ ഒരുങ്ങി. സൗദി അരാംകോയുടെ രണ്ട് വരെ ശതമാനം വരെ ഓഹരികളാണ് വിപണിയിലിറക്കുന്നത്. ആദ്യം ആഭ്യന്തര വിപണിയില്‍ മാത്രമാണ് ഓഹരി വില്‍പനക്ക് വെക്കുക. സൗദി സ്റ്റോക്ക് എക്സ്ചേഞ്ച് (തദാവുല്‍) വഴിയാണ് വില്‍പന. ഇതിനായി സ്റ്റോക്ക് എക്സ്ചേഞ്ചില്‍ രജിസ്റ്റര്‍ ചെയ്തുകഴിഞ്ഞു. അടുത്തയാഴ്ച ഓഹരികള്‍ വിപണിയിലെത്തുമെന്ന് കരുതുന്നു.