Agriculture
മുയലിനെ വളർത്താൻ താല്പര്യമുണ്ടോ? വീട്ടുമുറ്റത്തോ മട്ടുപ്പാവിലോ പ്രത്യേകം തയ്യാറാക്കിയ ഫാമുകളിലോ അങ്ങനെ എത്ര ചെറിയ സ്ഥലത്താണെങ്കില്‍ പോലും വളര്‍ത്താന്‍ പറ്റുന്ന ജീവിയാണ് മുയല്‍.
ആവശ്യത്തിന് വെളിച്ചവും, വായുസഞ്ചാരവും, തണുപ്പ് ലഭിക്കാനുള്ള സംവിധാനവും, ചൂടുനിലനിര്‍ത്താനുള്ള വഴികളുമുള്ള അടച്ചുറപ്പുള്ള കെട്ടിടമായിരിക്കണം. ഓടിനടക്കാനുള്ള സ്ഥലവും വേണം.
കുറഞ്ഞത് 1.1 മീറ്റര്‍ വീതിയും 3 മീറ്റര്‍ ഉയരവും 9.7 മീറ്റര്‍ സ്ഥലത്ത് ഓടിനടക്കാനുമുള്ള സൗകര്യവുമുള്ള കൂടായിരിക്കണം. രണ്ട് അറകളുള്ള കൂടാണ് അനുയോജ്യം. തടിയും സ്റ്റീലും ഉപയോഗിക്കാം.
അഞ്ച് ഡിഗ്രി മുതല്‍ 33 ഡിഗ്രി വരെ വ്യത്യാസമുള്ള അന്തരീക്ഷതാപനിലയില്‍ കുഴപ്പമില്ല. 10ഡിഗ്രി മുതല്‍ 26ഡിഗ്രി സെല്‍ഷ്യസ് വരെ താപനിലയുള്ള സ്ഥലം കൂടുതല്‍ അഭികാമ്യം.
നല്ല വായുസഞ്ചാരമൊരുക്കണം. ഇല്ലെങ്കിൽ അമിതമായ ചൂടുകൊണ്ട് മുയലുകള്‍ക്ക് അസ്വസ്ഥത ഉണ്ടാകാം. മുയല്‍ക്കുഞ്ഞുങ്ങള്‍ ചത്തുപോകുകയും ചെയ്യാം.
മുയലുകള്‍ക്ക് ശുദ്ധജലം ആവശ്യമാണ്. സാധാരണ മുയലുകള്‍ക്ക് 100 ഗ്രാം ശരീരഭാരത്തിന് 10 മി.ലി വെള്ളം എന്ന കണക്കിന് കുടിക്കാന്‍ നല്‍കണം.
വേനല്‍ക്കാലമാകുമ്പോള്‍ നീളമുള്ള മുടികള്‍ വെട്ടിയൊതുക്കാം. കൂട്ടിനുള്ളില്‍ ഐസ് ബാഗ് വെക്കുന്നതും നല്ലതാണ്. ശരീര താപനില കൂട്ടുന്ന തരത്തിലുള്ള ഭക്ഷണം മുയലുകള്‍ക്ക് നല്‍കരുത്.
തണുപ്പുകാലത്ത് ചൂട് നിലനിര്‍ത്തുന്ന കാര്‍പ്പെറ്റ് കൂട്ടിനുള്ളില്‍ ഉപയോഗിക്കാം. ശരീരത്തില്‍ ചൂട് നിലനില്‍ക്കത്തക്ക വിധത്തിലുള്ള ഭക്ഷണമാണ് തണുപ്പുകാലത്ത് നല്‍കേണ്ടത്.