പൈനാപ്പിള്‍ കൃഷി

സമുദ്രനിരപ്പില്‍ നിന്നും 1,500 മീറ്റര്‍ ഉയരത്തില്‍ വരെ പൈനാപ്പിള്‍ കൃഷി ചെയ്യാം. 15-30 c ആണ് അനുയോജ്യം. നല്ല വിളവിന് സൂര്യപ്രകാശം അത്യാവശ്യമാണ്.

മഴ കിട്ടുന്നതിന് മുമ്പ് ഏകദേശം 90 സെന്റീമീറ്റർ നീളത്തിലും വീതിയിലും 45 സെന്റീമീറ്റർ ആഴത്തിലും കുഴികൾ എടുത്ത് നടാനായി തയ്യാറാക്കണം.

വലുപ്പമനുസരിച്ച് വലുതും ഇടത്തരവും ചെറുതുമായ തൈകൾ തിരഞ്ഞെടുത്ത്, ഒന്നുരണ്ട് ദിവസം തണലിൽ വെച്ച് പാകപ്പെടുത്തിയ ശേഷം നടുന്നത് നല്ലതാണ്.

തനിവിളയായി കൃഷി ചെയ്യുമ്പോൾ 30 x 45 x 90 സെന്റീമീറ്റർ അകലത്തിൽ നടുന്നത് നല്ലതാണ്.

റബ്ബർ, തെങ്ങ് തോട്ടങ്ങളിൽ ഇടവിളയായി കൃഷി ചെയ്യുമ്പോൾ 30 x 45 x 150 സെന്റീമീറ്റർ അകലത്തിൽ നടാം.

കാലിവളം, ചാണകം, കോഴിവളം എന്നിവ കുഴികളിൽ മണ്ണുമായി കൂട്ടിച്ചേർത്ത് നൽകണം. മണ്ണ് പരിശോധന നടത്തിയ ശേഷം യൂറിയ, പൊട്ടാഷ് തുടങ്ങിയ രാസവളങ്ങൾ നൽകാം.

ചെടിക്ക് 2 കിലോയോളം വേപ്പിൻ പിണ്ണാക്ക് നൽകുന്നത് വിളവ് കൂട്ടാൻ സഹായിക്കും.

മഴ കുറവുള്ള സ്ഥലങ്ങളിൽ ചാലുകൾ നിർമ്മിച്ച ശേഷം ആവശ്യത്തിന് വെള്ളം നൽകണം. തോട്ടം കളകളില്ലാതെ വൃത്തിയായി സൂക്ഷിക്കണം.