ലൈറ്റ് ജീപ്പ് 10 (LJ10) എന്ന് വിളിക്കപ്പെടുന്ന കാറുകളുടെ പിൻഗാമിയാണ് സുസുക്കി ജിംനി.  1970 ഏപ്രിലില്‍ ജപ്പാനീസ് നിരത്തുകളില്‍ ജിംനി ആദ്യം പ്രത്യക്ഷപ്പെട്ടു.

പത്തുംപതിനഞ്ചുമല്ല, 50 വര്‍ഷത്തെ പാരമ്പര്യം. 1981 ല്‍ രണ്ടാം തലമുറയും 1998 ല്‍ മൂന്നാം തലമുറയും വന്നു.  2018ല്‍ അടിമുടി മാറ്റങ്ങളോടെ നാലാം തലമുറ

ജാപ്പാനിലെ ജിംനിയുടെ രണ്ടാം തലമുറയെ അഴിച്ചുപണിത് ജിപ്‌സി എന്ന പേരിട്ട് മാരുതി ഇന്ത്യയിലെത്തിച്ചത് 1985ല്‍.  മൂന്നുപതിറ്റാണ്ടോളം 'അനിയൻ ജിപ്‍സി' ഇന്ത്യ ഭരിച്ചു. 2019ല്‍ അരങ്ങൊഴിഞ്ഞു

660സിസി ഇരട്ട ടർബോ എഞ്ചിനോടുകൂടിയ ജിംനിയുടെ നാലാം തലമുറ മോഡൽ ജപ്പാനിൽ മാത്രം ലഭ്യമാണ്. മെഴ്‌സിഡസ്-ബെൻസ് ജി-ക്ലാസ് പോലുള്ളവയോട് പോലും മത്സരിക്കാൻ കരുത്തുള്ള ഓഫ്-റോഡ് മെഷീനാണിവൻ

അഞ്ച് ഡോര്‍ ജിംനി 2023 ജൂൺ 7ന് ഇന്ത്യയിലെത്തും. അഞ്ച് വാതിലുകളുള്ള ജിംനി ലഭിക്കുന്ന ലോകത്തിലെ ആദ്യ വിപണിയാണ് ഇന്ത്യ.  ഇന്ത്യയില്‍ പിറക്കുന്ന ജിംനി പല രാജ്യങ്ങളിലേക്കും കപ്പലേറും.
 

കെ 15 ബി പെട്രോൾ എഞ്ചിനാണ് ഹൃദയം. ഈ എഞ്ചിൻ 105bhp കരുത്തും 134.2Nm ടോർക്കും സൃഷ്‍ടിക്കും. 5-സ്പീഡ് മാനുവൽ, 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ട്രാൻസ്മിഷൻ ഓപ്ഷനുകള്‍