വീട്ടിലിരുന്ന് ലോക്കൽ ടോൾ പാസ്

ടോൾ പ്ലാസയിലെത്താതെ തന്നെ ഇനി മൊബൈൽ ഫോൺ ഉപയോഗിച്ച് ഡിജിറ്റൽ ലോക്കൽ പാസ് സ്വന്തമാക്കാം. പുതിയ സംവിധാനം എൻഎച്ച്എഐ അവതരിപ്പിച്ചു.

ടോൾ പ്ലാസയുടെ 20 കിലോമീറ്റർ ചുറ്റളവിൽ താമസിക്കുന്ന വാഹന ഉടമകൾക്കാണ് ഡിജിറ്റൽ ലോക്കൽ പാസിന് അർഹത.

രാജ്‍മാർഗ് യാത്ര മൊബൈൽ ആപ്പിൽ പുതിയ 'ലോക്കൽ പാസ്' സൗകര്യം ഉപയോഗിച്ച് വീട്ടിലിരുന്ന് തന്നെ അപേക്ഷ സമർപ്പിക്കാം.

ലോക്കൽ പാസ് ലഭിച്ചാൽ ബന്ധപ്പെട്ട ടോൾ പ്ലാസയിലൂടെ ഒരു മാസത്തേക്ക് പരിധിയില്ലാതെ യാത്ര ചെയ്യാം.

നേരത്തെ അപേക്ഷയ്ക്കായി ടോൾ പ്ലാസയിൽ നേരിട്ട് എത്തി രേഖകൾ സമർപ്പിക്കേണ്ടിരുന്നു. ഇനി എല്ലാ നടപടികളും ഓൺലൈനായിരിക്കും.

ഡിജിലോക്കർ, വാഹൻ പ്ലാറ്റ്‌ഫോമുകളുമായി പുതിയ സംവിധാനം ബന്ധിപ്പിച്ചിട്ടുണ്ട്. വാഹന വിവരങ്ങളും ഫാസ്ടാഗ് വിവരങ്ങളും സ്വമേധയാ പരിശോധിക്കും.

ടോൾ പ്ലാസയിൽ നിന്ന് 20 കിലോമീറ്റർ പരിധിക്കുള്ളിലാണോ താമസം എന്ന് ജിഐഎസ് സാങ്കേതികവിദ്യ ഉപയോഗിച്ച് പരിശോധിക്കും.

നിലവിൽ ഡൽഹിയിലെ അർബൻ എക്സ്റ്റൻഷൻ റോഡ്-2ലെ മുണ്ട്ക-ബക്കർവാല ടോൾ പ്ലാസിലാണ് സംവിധാനം ആരംഭിച്ചത്. പിന്നീട് കൂടുതൽ ടോൾ പ്ലാസുകളിലേക്ക് വ്യാപിപ്പിക്കും.

ഫാസ്‍ടാഗ്, കെവൈസി, റീഫണ്ട്, ലോക്കൽ പാസ്, വാർഷിക പാസ് തുടങ്ങിയ സേവനങ്ങൾക്കും പരാതികൾ നൽകാനും 'മാർഗ് മിത്ര' സഹായിക്കും.

ഡിജിറ്റൽ സേവനങ്ങൾ വ്യാപിപ്പിച്ച് ടോൾ നടപടികൾ വേഗത്തിലാക്കുകയും ദേശീയപാത യാത്ര കൂടുതൽ സൗകര്യപ്രദമാക്കുകയും ചെയ്യുകയാണ് എൻഎച്ച്എഐയുടെ ലക്ഷ്യം.