ഇന്ത്യയുടെ വന്‍മതില്‍

ഇന്ത്യൻ ക്രിക്കറ്റിലെ സൂപ്പര്‍ താരങ്ങളാണെങ്കിലും ആഭ്യന്തര ക്രിക്കറ്റില്‍ വിരാട് കോലിക്കും രോഹിത് ശര്‍മക്കുമൊന്നും സ്വപ്നം കാണാനാവാത്ത നേട്ടം സ്വന്തമാക്കി ചേതേശ്വര്‍ പൂജാര.

ഫസ്റ്റ് ക്ലാസ് ക്രിക്കറ്റില്‍ 20000 റണ്‍സെന്ന ചരിത്രനേട്ടമാണ് പൂജാര ഇന്നലെ രഞ്ജി ട്രോഫിയില്‍ സ്വന്തമാക്കിയത്.

260 മത്സരങ്ങളില്‍ 61 സെഞ്ചുറികളും 78 അര്‍ധസെഞ്ചുറികളും ഉള്‍പ്പെടുന്നതാണ് പൂജാരയുടെ നേട്ടം.

ഫസ്റ്റ് ക്ലാസ് ക്രിക്കറ്റില്‍ 51.98 ബാറ്റിംഗ് ശരാശരിയുള്ള പൂജാരയുടെ ഉയര്‍ന്ന സ്കോര്‍ 352 ആണ്

ഫസ്റ്റ് ക്ലാസ് ക്രിക്കറ്റില്‍ 17 ഇരട്ട സെഞ്ചുറികളും പൂജരാക്ക് സ്വന്തമായുണ്ട്.

ഫസ്റ്റ് ക്ലാസ് ക്രിക്കറ്റിലെ റണ്‍വേട്ടയില്‍ ഗവാസ്കര്‍ക്കും(25896), സച്ചിനും(25396), ദ്രാവിഡിനും(23794) പിന്നിലാണിപ്പോള്‍ പൂജാര.

ഇന്ത്യക്കായി 103 ടെസ്റ്റില്‍ 19 സെഞ്ചുറിയും 35 അര്‍ധസെഞ്ചുറിയും ഉള്‍പ്പെടെ 7195 റണ്‍സ് പൂജാര നേടിയിട്ടുണ്ട്.

2023 ജൂണിലാണ് പൂജാര അവസാനമായി ഇന്ത്യക്കായി ടെസ്റ്റില്‍ കളിച്ചത്.

ഫസ്റ്റ് ക്ലാസ് ക്രിക്കറ്റില്‍ വിരാട് കോലി(11097)യും രോഹിത് ശര്‍മയും(8723) പൂജാരക്ക് ഏറെ പിന്നിലാണ്.