സ്പാനിഷ് കപ്പൽ

1715 -ൽ ഒരു ചുഴലിക്കാറ്റിനെ തുടർന്ന് മുങ്ങിയ സ്പാനിഷ് കപ്പലിൽ നിന്ന് ഒരു മില്യൺ ഡോളർ വിലമതിക്കുന്ന സ്വർണം, വെള്ളി നാണയങ്ങൾ കണ്ടെടുത്തു.

1715 ജൂലൈ 31 -നാണ് ദുരന്തം സംഭവിച്ചത്.

ഏകദേശം 400 മില്യൺ ഡോളർ വിലമതിക്കുന്ന സ്വർണ്ണം, വെള്ളി, ആഭരണങ്ങൾ എന്നിവയോടെ കപ്പല്‍ മുങ്ങിപ്പോവുകയായിരുന്നു.

ഇത് ഏറ്റവും വലിയ സമുദ്ര ദുരന്തങ്ങളിലൊന്നായിട്ടാണ് കണക്കാക്കപ്പെടുന്നത്.

ഫ്ലോറിഡയുടെ കിഴക്കൻ തീരത്തുവച്ച് മുങ്ങൽ വിദഗ്ധരാണ് 300 വർഷങ്ങൾക്ക് മുമ്പ് മുങ്ങിയ കപ്പലിൽ നിന്നും ഇപ്പോൾ ആഭരണങ്ങൾ കണ്ടെടുത്തിരിക്കുന്നത്.

അന്ന് 400 മില്യൺ ഡോളറിന്റെ സ്വർണ്ണം, വെള്ളി, ആഭരണങ്ങൾ നഷ്ടപ്പെട്ടതായിട്ടാണ് റിപ്പോർട്ടുകൾ പറയുന്നത്.

ഫ്ലോറിഡ സ്റ്റേറ്റിന്റെ അനുവാദത്തോടുകൂടി തിരച്ചിൽ നടത്തിയത് 1715 ഫ്ലീറ്റ് - ക്വീൻസ് ജുവൽസ് എൽഎൽസി എന്ന കമ്പനിയാണ്.

ക്യാപ്റ്റൻ ലെവിൻ ഷേവേഴ്‌സും സംഘവുമാണ് റിയൽസ് എന്നറിയപ്പെടുന്ന 1000 വെള്ളി നാണയങ്ങളും, അപൂർവ സ്വർണ്ണ പുരാവസ്തുക്കളും, എസ്കുഡോസ് എന്നറിയപ്പെടുന്ന 5 സ്വർണ്ണ നാണയങ്ങളും കണ്ടെടുത്തത്.