അത്തപ്പൂക്കളം

ഓണത്തിന്റെ തുടക്കമാണ് അത്തം. ഓണത്തെ വരവേൽക്കുന്നത് തന്നെ അത്തപ്പൂക്കളമിട്ടുകൊണ്ടാണ്. അത്തത്തെ ചൊല്ലി പല ഐതിഹ്യങ്ങളും ഉണ്ട്. 

തിരുവോണം നാളിൽ പൂക്കളവും, സദ്യയും, ഓണക്കോടിയുമൊക്കെ എല്ലാമൊരുക്കുന്നതിന് വേണ്ടി വലിയ തയ്യാറെടുപ്പുകൾ തന്നെ വേണ്ടി വരും. അതിനുള്ള പാച്ചിലാണ് ഉത്രാടപ്പാച്ചിൽ.

26 മുതൽ 28 വരെ വിഭവങ്ങൾ ഓണസദ്യയിലുണ്ടാകും. എന്നാൽ, അത് ഓരോ വീട്ടിലും ഏറിയും കുറഞ്ഞുമിരിക്കുന്നു. ഉപ്പേരികളും ഒഴിച്ചുകറികളും, പപ്പടവും, പായസവും എല്ലാമടങ്ങുന്നതാണ് ഓണസദ്യ. 

മാവേലി നാടുവാണീടും കാലം... മുതൽ അനേകം നാം ഓണപ്പാട്ടുകൾ നാം കേട്ടിട്ടുണ്ട്. ഓണത്തെ കുറിച്ചും മഹാബലിയെ കുറിച്ചും ഒക്കെയുള്ള പാട്ടുകൾ ഓണപ്പാട്ടുകളിൽ പെടുന്നു. 

ഓണത്തെ കുറിച്ചുള്ള പഴഞ്ചൊല്ലുകളാണ് ഓണച്ചൊല്ലുകൾ. കാണം വിറ്റും ഓണം ഉണ്ണണം, അത്തം കറുത്താൽ ഓണം വെളുക്കും, ഓണത്തിന് ഉറുമ്പും കരുതും എന്നിവയെല്ലാം അതിൽ പെടുന്നു.

ഓണത്തിന് വെറും പൂക്കളമൊരുക്കലും സദ്യ കഴിക്കലും മാത്രമല്ല. വിവിധ കളികളും ഉണ്ട്. പുലികളി, ഓണത്തല്ല്, കുമ്മാട്ടിക്കളി, തലപ്പന്തുകളി തുടങ്ങിയവയെല്ലാം അതിൽ പെടുന്നു.