ക്യാബേജ്

ക്യാബേജിലും കോളിഫ്ലവറിലുമുള്ള പുഴുക്കളെ കളയാനുള്ള ചില എളുപ്പവഴികൾ

കോളിഫ്ളവറിലും ക്യാബേജും വാങ്ങിച്ചാൽ അത് വൃത്തിയാക്കുന്നതിനെ കുറിച്ചാണ് ആദ്യം പലരും ചിന്തിക്കുന്നത്. കാരണം എത്ര കഴുകിയാലും അതിൽ ഒളിച്ചിരിക്കുന്ന പുഴുക്കൾ പോകാറില്ല.

ക്യാബേജിലും കോളിഫ്ളവറിലുമുള്ള പുഴുക്കളെ കളയാനുള്ള ചില എളുപ്പ വഴികളിതാ...

ആദ്യം കോളിഫ്ലവർ, ക്യാബേജ് എന്നിവ ചെറിയ കഷ്ണങ്ങളാക്കുക. ശേഷം ഉപ്പിട്ട് തിളപ്പിച്ച വെള്ളത്തിൽ ഇടുക.
 

കഷ്ണങ്ങൾ ഈ വെള്ളത്തിൽ 10-15 മിനുട്ട് നേരം മുക്കിവയ്ക്കുക. ഇങ്ങനെ ചെയ്യുന്നത് പുഴുക്കൾ ഇല്ലാതാകാൻ സഹായിക്കും.

മുറിച്ച് കഷ്ണങ്ങളാക്കിയ ക്യാബേജും കോളിഫ്ളവറും രണ്ടോ മൂന്നോ തവണ കഴുകുക.

ശേഷം കുറച്ച് വെള്ളത്തിൽ വിനാഗിരി ചേർത്ത് ക്യാബേജും കോളിഫ്ളവറും അര മണിക്കൂർ മുക്കിവയ്ക്കുക.  ശേഷം, കാബേജും കോളിഫ്ളവറും കഴുകുക.

വിനാഗിരി ഒരു സ്വാഭാവിക അണുനാശിനിയായി പ്രവർത്തിക്കുന്നു. ഇത് അണുക്കൾ, ബാക്ടീരിയകൾ, ഫംഗസ് എന്നിവ ഫലപ്രദമായി ഇല്ലാതാക്കുന്നു. 

ചൂട് വെള്ളത്തിൽ അൽപം മഞ്ഞളും ഉപ്പും ചേർത്തും കോളിഫ്ളവറും ക്യാബേജും കഴുകുന്നതും അണുക്കൾ നശിക്കാൻ സഹായിക്കും.