ഗൗട്ടിനെ തടയാനും യൂറിക് ആസിഡ് കുറയ്ക്കാനും ഒഴിവാക്കേണ്ട ഭക്ഷണങ്ങൾ

യൂറിക് ആസിഡ് കൂടുതലുള്ളവര്‍ ഡയറ്റില്‍ നിന്നും ഒഴിവാക്കേണ്ട ചില ഭക്ഷണങ്ങളെ പരിചയപ്പെടാം.
 

ബീഫ്, പോര്‍ക്ക് പോലെയുള്ള റെഡ് മീറ്റില്‍ ഉയര്‍ന്ന തോതില്‍ പ്യൂറൈന്‍ അടങ്ങിയിരിക്കുന്നു. അതിനാല്‍ ഇവ ഒഴിവാക്കുന്നത് ഗൗട്ടിനെ തടയാനും യൂറിക് ആസിഡ് കുറയ്ക്കാനും സഹായിക്കും. 
 

മധുരമടങ്ങിയ പാനീയങ്ങള്‍, ജ്യൂസുകള്‍, സോഡ എന്നിവയുടെ അമിത ഉപയോഗവും യൂറിക് ആസിഡ് കൂടാന്‍ കാരണമാകും. 

സംസ്കരിച്ച ഭക്ഷണങ്ങളും അമിതമായി കഴിക്കാതിരിക്കുന്നതാണ് യൂറിക് ആസിഡ് കൂടുതലുള്ളവര്‍ക്ക് നല്ലത്.  
 

ചെറുപയറില്‍ പ്യൂറൈന്‍ ധാരാളമായി അടങ്ങിയിരിക്കുന്നു. അതിനാല്‍ യൂറിക് ആസിഡ് കൂടുതലുള്ളവര്‍ ഇവ അധികം കഴിക്കേണ്ട. 

സോയാബീൻസും യൂറിക് ആസിഡിന്‍റെ അളവ് അതിവേഗം വർദ്ധിപ്പിക്കുന്നു. അതിനാല്‍ ഇവയും ഒഴിവാക്കുക. 

മഷ്റൂമിലും പ്യൂറൈന്‍ ഉള്ളതിനാല്‍ ഇവയും അധികം കഴിക്കേണ്ട. 

ഞണ്ട്, കൊഞ്ച്, ചെമ്മീന്‍, ഓയ്സ്റ്റര്‍ പോലുള്ള കടല്‍ മീനുകളും യൂറിക് ആസിഡ് രോഗികള്‍ അധികം കഴിക്കാതിരിക്കുന്നതാണ് നല്ലത്.