ഫുട്ബോളിൽ പകരം വയ്ക്കാവാത്ത ഇതിഹാസമാണ് ക്രിസ്റ്റ്യാനോ റൊണാൾഡോ. അടിച്ചുകൂട്ടിയ ഗോളുകളും റെക്കോർഡുകളും പുരസ്കാരങ്ങളും റൊണാൾഡോയെ ഇതിഹാസങ്ങളിൽ ഇതിഹാസമാക്കുന്നു.

അന്താരാഷ്ട്ര ഫുട്ബോൾ ചരിത്രത്തിൽ റൊണാൾഡോയെക്കാൾ ഗോൾ നേടിയൊരു താരമില്ല. 2003ല്‍ പോര്‍ച്ചുഗലിനായി അരങ്ങേറിയ റൊണാള്‍ഡോ ഇതുവരെ നേടിയത് 122 ഗോളുകള്‍.

രണ്ടോ മൂന്നോ വർഷംകൂടി സജീവ ഫുട്ബോളില്‍ തുടരുമെന്ന് സൗദി ക്ലബ്ബായ അല്‍ നസ്റിന് വേണ്ടി കളിക്കുന്ന ഇപ്പോഴും പോർച്ചുഗൾ ദേശീയ ടീമിലെ അംഗമായ റൊണാള്‍ഡോ.

ബൂട്ടഴിച്ചാൽ റൊണാൾഡോ എന്തു ചെയ്യും. പരിശീലകനാവുമോ. അതോടെ ഫുട്ബോൾ പണ്ഡിറ്റാവുമോ. ആരാധകരുടെ ആകാംക്ഷക്ക് അറുതിവരുത്തുകയാണ് റൊണാൾഡോ.

വിരമിച്ചാലും വെറുതെയിരിക്കില്ല. ഒരുപാട് പദ്ധതികൾ തയ്യാറാക്കിക്കഴിഞ്ഞു. പലമേഖലകളിലായി വ്യാപരിച്ച് കിടക്കുന്ന ബിസിനസ് സംരംഭങ്ങൾ നോക്കി നടത്തണമെന്ന് 37കാരനായ റൊണാള്‍ഡോ.

ബിസിനസ് മാത്രമല്ല ഫുട്ബോളുമായി ബന്ധപ്പെട്ട് വ്യത്യസ്തമായൊരു പദ്ധതിയും മനസ്സിലുണ്ടെന്നും ഇതെന്താണെന്ന് ഇപ്പോൾ വെളിപ്പെടുത്താനാവില്ലെന്നും റൊണാൾഡോ.

സി ആർ സെവൻ എന്ന ബ്രാൻഡിൽ റൊണാൾഡോ വിവിധ ലൈഫ് സ്റ്റൈൽ ഉത്പന്നങ്ങൾ മാർക്കറ്റിൽ ഇറക്കുന്നുണ്ട്.