വിറ്റാമിനുകൾ

വിറ്റാമിനുകളുടെ കുറവ് നിരന്തരമായ ക്ഷീണം, സന്ധികളിൽ വേദന, അല്ലെങ്കിൽ ഓർമ്മക്കുറവ് എന്നിവയ്ക്ക് ഇടയാക്കും. 

നാഡികളുടെ പ്രവർത്തനം, ചുവന്ന രക്താണുക്കളുടെ ഉത്പാദനം, ഡിഎൻഎ സമന്വയം എന്നിവയ്ക്ക് വിറ്റാമിൻ ബി 12 പ്രധാനമാണ്. ഇതിന്റെ കുറവ് ഗുരുതരമായ ആരോഗ്യ പ്രശ്നങ്ങൾക്ക് കാരണമായേക്കാം.
 

വിറ്റാമിൻ ബി 12 ലഭിച്ചില്ലെങ്കിൽ നാഡികളുടെ തകരാറും ഓർമ്മക്കുറവും ഉണ്ടാകാം. ആവശ്യത്തിന് വിറ്റാമിൻ ബി 12 ഇല്ലാതെ വരുമ്പോൾ ഞരമ്പുകൾ ദുർബലമാകാൻ തുടങ്ങുന്നു.

കണ്ണിന്റെ ആരോഗ്യം, രോഗപ്രതിരോധ പ്രവർത്തനം എന്നിവ നിലനിർത്തുന്നതിൽ വിറ്റാമിൻ എ ഒരു പ്രധാന പങ്ക് വഹിക്കുന്നു. ഈ വിറ്റാമിന്റെ അഭാവം വിവിധ ആരോ​ഗ്യ പ്രശ്നങ്ങൾ ഉണ്ടാക്കും.

വിറ്റാമിൻ എ ഹൃദയം, ശ്വാസകോശം, വൃക്കകൾ, മറ്റ് അവയവങ്ങൾ എന്നിവ ശരിയായി പ്രവർത്തിക്കാൻ സഹായിക്കുന്നു. പാൽ, മത്സ്യം, കാരറ്റ്, പപ്പായ, മാമ്പഴം എന്നിവയിൽ  ഉയർന്ന അളവിൽ വിറ്റാമിൻ എ ഉണ്ട്.

വിറ്റാമിൻ ഡി കാൽസ്യം ആഗിരണം, അസ്ഥികളുടെ ആരോഗ്യം, രോഗപ്രതിരോധ പ്രവർത്തനം എന്നിവയ്ക്ക് അത്യാവശ്യമാണ്. ഈ വിറ്റാമിന്റെ അഭാവം ഗുരുതരമായ ആരോഗ്യ പ്രശ്‌നങ്ങൾക്ക് കാരണമാകും.
 

ആവശ്യത്തിന് വിറ്റാമിൻ ഡി ഇല്ലാതെ വരുമ്പോൾ അസ്ഥികൾ ദുർബലമാകും. ഒടിവുകൾക്കും ഓസ്റ്റിയോപൊറോസിസിനും സാധ്യത വർദ്ധിക്കുന്നു.