പാദങ്ങൾ വിണ്ടു കീറിയ നിലയിലാണോ?

പാദങ്ങൾ വിണ്ടു കീറിയ നിലയിലാണോ? എങ്കിൽ ഇവയൊന്ന് പരീക്ഷിച്ച് നോക്കൂ. 
 

ഇളംചൂടുള്ള വെള്ളത്തിലേയ്ക്ക് കുറച്ച് ഉപ്പ് ഇട്ടതിന് ശേഷം പാദങ്ങള്‍ അതില്‍ മുക്കി വയ്ക്കാം. 20 മിനുട്ട് നേരം പാദങ്ങൾ വെള്ളത്തിൽ മുക്കിവയ്ക്കുക. 

ഗ്ലിസറിനും റോസ് വാട്ടറും അല്‍പം നാരങ്ങ നീരും ചേര്‍ത്ത് മിക്‌സ് ചെയ്യുക. ശേഷം ഈ മിശിതം കാലില്‍ പുരട്ടി മസാജ് ചെയ്യാം. പതിവായി ചെയ്യുന്നത് പാദങ്ങള്‍ക്ക് നല്ലതാണ്.

ഇളം ചൂടുവെള്ളത്തിൽ ഷാംപൂ ചേർത്ത്, അതിലേയ്ക്ക് നാല് തുള്ളി നാരങ്ങാ നീര് ചേര്‍ത്തതിന് ശേഷം പാദങ്ങൾ മുക്കി വയ്‌ക്കാം. 30 മിനുട്ട് കഴിഞ്ഞ് പാദങ്ങൾ തുടച്ചെടുക്കുക. 

പാദങ്ങൾ വെളിച്ചെണ്ണ ഉപയോ​ഗിച്ച് അൽപം നേരം മസാജ് ചെയ്യുക. വെളിച്ചെണ്ണയില്‍ വിറ്റാമിന്‍ ഇ അടങ്ങിയിട്ടുണ്ട്. ഇത് വിണ്ടു കീറല്‍ കുറയ്ക്കാന്‍ സഹായിക്കും.

വിറ്റാമിൻ സി അടങ്ങിയ ഭക്ഷണക്രമം പാദങ്ങളിലെ വിണ്ടു കീറൽ തടയാൻ സഹായിക്കും.