മഴക്കാല രോ​ഗങ്ങൾ

മഴക്കാലത്ത് വിവിധ രോ​ഗങ്ങൾ പിടിപെടാം. പ്രത്യേകിച്ച് കുട്ടികളിൽ. പനി, ചുമ, ജലദോഷം, തുമ്മൽ എന്നിവയാണ് പ്രധാനമായി കുട്ടികളെ ബാധിക്കുന്ന രോഗങ്ങൾ.

 പ്രതിരോധശേഷി കുറയുന്നതാണ് രോ​ഗങ്ങൾ പിടിപെടുന്നതിന് പ്രധാന കാരണം. 
 

കുട്ടികൾ ധാരാളം വെള്ളം കുടിക്കുന്നുണ്ടെന്ന് മാതാപിതാക്കൾ ഉറപ്പുവരുത്തുക. 

ചായയോ കഫീൻ അടങ്ങിയ പാനിയങ്ങളോ കുട്ടികൾക്ക് അധികം നൽകാതിരിക്കുക. ഇത് നിർജ്ജലീകരണത്തിന് കാരണമാകും.

വ്യക്തി ശുചിത്വം പാലിക്കുക എന്നത് വളരെ പ്രധാനപ്പെട്ട ഒന്നാണ്. സോപ്പും വെള്ളവും ഉപയോഗിച്ച് കൈ കഴുകുന്നത് മഴക്കാലത്ത് വയറിളക്ക രോഗങ്ങൾ തടയാൻ സഹായിക്കുന്നു.

പുറത്തുനിന്നുള്ള ഭക്ഷണ പാനീയങ്ങൾ പരമാവധി ഒഴിവാക്കുക. കഴിവതും വീട്ടിൽ ഉണ്ടാക്കിയ ഭക്ഷണം കുട്ടികൾക്ക് നൽകാൻ ശ്രദ്ധിക്കുക.

ഭക്ഷണത്തിൽ ധാരാളം പച്ചക്കറികളും പഴവർഗങ്ങളും ഡ്രൈ ഫ്രൂട്ട്സും, നട്സും ഉൾപ്പെടുത്തുക. 

മഴക്കാലത്തെ മറ്റൊരു പ്രധാന പ്രശ്നമാണ് കൊതുകുകൾ. അതിനാൽ വീടും പരിസരവും വൃത്തിയായി സൂക്ഷിക്കുകയും കുട്ടികളെ ഫുൾസ്ലിവ് കോട്ടൺ വസ്ത്രങ്ങൾ ധരിപ്പിക്കാനും ശ്രദ്ധിക്കുക.

ചെറിയ കുട്ടികൾ ഉണ്ടെങ്കിൽ നനവും ഫംഗസ് അണുബാധയും ഒഴിവാക്കാൻ കൃത്യമായ ഇടവേളകളിൽ ഡയപ്പറുകൾ മാറ്റേണ്ടതാണ്.

കുട്ടികൾ നനഞ്ഞ് വീട്ടിൽ എത്തിയാൽ ഉടൻ തന്നെ വസ്ത്രങ്ങൾ മാറ്റി ഉണങ്ങിയതും വൃത്തിയുള്ളതുമായ വസ്ത്രം ധരിപ്പിക്കുക.