വിറ്റാമിൻ ബി 12ന്‍റെ കുറവ്; ശരീരം കാണിക്കുന്ന സൂചനകളെ തിരിച്ചറിയാം

വിറ്റാമിൻ ബി 12ന്‍റെ കുറവ് മൂലം ശരീരം കാണിക്കുന്ന സൂചനകള്‍ അറിയാം. 

വിറ്റാമിൻ ബി 12ന്‍റെ കുറവ് മൂലം അമിത ക്ഷീണം, തളര്‍ച്ച, പേശികള്‍ക്ക് ബലക്ഷയം എന്നിവ ഉണ്ടാകാം. 

കൈകളിലും കാലുകളിലും ഉണ്ടാകുന്ന മരവിപ്പും വിറ്റാമിൻ ബി 12ന്‍റെ കുറവിനെ സൂചിപ്പിക്കുന്ന ലക്ഷണമാകാം. 

നടക്കാന്‍ ബുദ്ധിമുട്ടും ബാലന്‍സ് നഷ്ടപ്പെടുകയും ചെയ്യുന്നതും വിറ്റാമിന്‍ ബി12-ന്‍റെ കുറവു മൂലമാകാം. 

വായ്പ്പുണ്ണ്, വായില്‍ എരിച്ചില്‍ എന്നിവയും വിറ്റാമിന്‍ ബി12-ന്‍റെ കുറവു മൂലമുണ്ടാകാം. 

വിറ്റാമിന്‍ ബി12-ന്‍റെ കുറവു മൂലം ശ്വസിക്കാന്‍ ബുദ്ധിമുട്ട് അനുഭവപ്പെടാം. 

വിറ്റാമിന്‍ ബി12-ന്‍റെ കുറവു മൂലം ചിലരില്‍ വിളറിയ ചര്‍മ്മം, ചര്‍മ്മത്തില്‍ മഞ്ഞനിറം എന്നിവ ഉണ്ടാകാം. 

വിഷാദം, മറ്റ് മാനസിക പ്രശ്നങ്ങള്‍, പെട്ടെന്ന് ദേഷ്യം വരുക എന്നിവയും ചിലരില്‍ ഇതുമൂലം ഉണ്ടാകാം. 

വിശപ്പില്ലായ്മ, അകാരണമായി ശരീരഭാരം കുറയുക, ദഹന പ്രശ്നങ്ങള്‍ തുടങ്ങിയവയും വിറ്റാമിന്‍ ബി12-ന്‍റെ കുറവു മൂലമുണ്ടാകാം. 

മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.