ബാക്കിവന്ന ഭക്ഷണം

വേവിച്ച ഭക്ഷണ സാധനങ്ങൾ ശരിയായ രീതിയിൽ സൂക്ഷിച്ചില്ലെങ്കിൽ പെട്ടെന്ന് കേടായിപ്പോകാൻ സാധ്യതയുണ്ട്.

ബാക്കിവന്ന ഭക്ഷണങ്ങൾ രണ്ട് മണിക്കൂറിൽ കൂടുതൽ പുറത്ത് വയ്ക്കരുത്. പാത്രത്തിലാക്കി അടച്ച് ഫ്രിഡ്ജിൽ സൂക്ഷിക്കുന്നതാണ് നല്ലത്.

വായുകടക്കാത്ത പാത്രത്തിലാക്കി അടച്ച് സൂക്ഷിക്കണം. ഇത് ഭക്ഷണത്തിൽ ഈർപ്പം ഉണ്ടാകുന്നത് തടയുന്നു.

കുറച്ച് ദിവസത്തേക്ക് ആണെങ്കിൽ 40 ഡിഗ്രി ഫാരൻഹീറ്റിന് താഴെ സെറ്റ് ചെയ്തതിന് ശേഷം ഫ്രിഡ്ജിൽ സൂക്ഷിക്കാവുന്നതാണ്. ദീർഘകാലം കേടുവരാതിരിക്കാൻ ഭക്ഷണം ഫ്രീസറിൽ സൂക്ഷിക്കുന്നതാണ് നല്ലത്.

പാകം ചെയ്ത ഭക്ഷണത്തിനോടൊപ്പം വേവിക്കാത്ത ഭക്ഷണം ഫ്രിഡ്ജിൽ സൂക്ഷിക്കാൻ പാടില്ല. വെവ്വേറെയായി അടച്ച് സൂക്ഷിക്കാൻ ശ്രദ്ധിക്കണം.

ബാക്കിവന്ന ഭക്ഷണം ഫ്രിഡ്ജിൽ നിന്നും പുറത്തെടുത്തതിന് ശേഷം ചൂടാക്കുമ്പോൾ ശ്രദ്ധിക്കണം. ഭക്ഷണത്തിന്റെ മുഴുവൻ ഭാഗങ്ങളും നന്നായി ചൂടായെന്ന് ഉറപ്പ് വരുത്തേണ്ടതുണ്ട്. 

കേടുവന്ന ഭക്ഷണ സാധനം ഉപയോഗിക്കാൻ പാടില്ല. നിറത്തിലോ, രുചിയിലോ എന്തെങ്കിലും മാറ്റം ഉണ്ടായാൽ ഭക്ഷണം കഴിക്കരുത്.

ബാക്കിവന്ന ഭക്ഷണങ്ങൾ സൂക്ഷിക്കുമ്പോൾ പാത്രത്തിൽ തിയതി ലേബൽ ചെയ്യാൻ മറക്കരുത്. ഇത് ഭക്ഷണം പാഴാകുന്നതിന് മുന്നേ ഉപയോഗിക്കാൻ സഹായിക്കുന്നു.