ജൂലൈ ചെടികൾ

ഓരോ ചെടിയും വ്യത്യസ്തമായ കാലാവസ്ഥയിലാണ് വളരുന്നത്. ജൂലൈയിൽ വളർത്താൻ പറ്റിയ ചെടികൾ ഇവയാണ്.

പൂന്തോട്ടത്തിലെ ഒഴിഞ്ഞ് കിടക്കുന്ന ഒരു ഭാഗത്ത് ഗ്രീൻ ബീൻസ് എളുപ്പത്തിൽ വളർത്തിയെടുക്കാം. ചെടിക്ക് നന്നായി വെള്ളമൊഴിക്കാൻ ശ്രദ്ധിക്കണം. 60 ദിവസത്തിനുള്ളിൽ വിളവെടുക്കാൻ സാധിക്കും.

വിത്തിട്ട് എളുപ്പത്തിൽ വളർത്തിയെടുക്കാൻ സാധിക്കുന്ന ഔഷധ ചെടിയാണ് ബേസിൽ. നിങ്ങൾക്കിഷ്ടമുള്ള സ്ഥലത്ത് ബേസിൽ വളർത്താവുന്നതാണ്.

എളുപ്പത്തിൽ വളർത്തിയെടുക്കാൻ സാധിക്കുന്ന മനോഹരമായ ചെടിയാണ് ലാവണ്ടർ. എപ്പോഴും ചെടിക്ക് വെള്ളത്തിന്റെ ആവശ്യം വരുന്നില്ല.

ചൂടുള്ള മണ്ണിൽ വളരെ വേഗത്തിൽ വളരുന്ന ചെടിയാണ് വെണ്ട. കുറഞ്ഞത് 60 ദിവസത്തിനുള്ളിൽ ഇത് വളരും. നല്ല വിളവ് ലഭിക്കാൻ ജൂലൈയിൽ നട്ടുവളർത്തൂ.

ചൂടത്തും വെള്ളരി വളരാറുണ്ട്. കൃത്യമായി വെള്ളമൊഴിച്ചാൽ ചെടി നന്നായി വളരും. വിത്തിട്ട് മുളപ്പിച്ചെടുക്കാം. രണ്ട് മാസത്തിനുള്ളിൽ ഇത് വിളവെടുക്കാൻ കഴിയും.

മനോഹരമായ പൂക്കൾ ഉള്ള പെറ്റുനിയക്ക് അമിതമായ ചൂടിൽ വളരാൻ സാധിക്കുകയില്ല. ഹാങ്ങിങ് പോട്ടുകളിലോ, ജനാലയുടെ വശങ്ങളിലോ വളർത്താവുന്നതാണ്.

അതിവേഗത്തിൽ വളരുന്ന പച്ചക്കറിയാണ് തക്കാളി. 3 മുതൽ 4 അടി ഉയരത്തിൽ ഇത് വളരാറുണ്ട്. 5 ആഴ്ചക്കുള്ളിൽ ഇതിൽ തക്കാളി വരും.