പെയിന്റ് ചെയ്യുമ്പോൾ

വീട് പെയിന്റ് ചെയ്യുന്നത് കുറച്ചധികം സമയം ചിലവഴിക്കേണ്ടി വരുന്ന കാര്യമാണ്. അതിനാൽ തന്നെ എങ്ങനെ പെയിന്റ് ചെയ്യണം എന്നതിനെക്കുറിച്ച് നമുക്ക് അറിവുണ്ടായിരിക്കണം. 
 

വീടിന്റെ പല ഭാഗത്തും പെയിന്റ് ചെയ്യേണ്ടി വരുന്നതുകൊണ്ട് തന്നെ സുരക്ഷിതത്വം ഉറപ്പാക്കേണ്ടതുണ്ട്. വൈദ്യുതി ലൈനുകളും മറ്റും വീടിന് പുറത്തുള്ള ശ്രദ്ധിക്കണം.

വീടിന്റെ പുറം ഭാഗം പകൽ സമയങ്ങളിൽ പെയിന്റ് ചെയ്യുന്നതാണ് കൂടുതൽ ഉചിതം. നേരം വെളുക്കുന്ന സമയങ്ങൾ തെരഞ്ഞെടുക്കാം. എന്നാൽ അതിരാവിലെ പെയിന്റ് ചെയ്യാൻ പാടില്ല. 

കൂടുതൽ ഈർപ്പമുണ്ടാകുന്ന സമയങ്ങളിൽ പെയിന്റ് ചെയ്താൽ പെട്ടെന്ന് ഇളകിപോകാൻ സാധ്യതയുണ്ട്. കൂടുതൽ വെയിൽ ഉണ്ടാകുന്ന സമയത്തും പെയിന്റ് ചെയ്യാൻ പാടില്ല. 

പെയിന്റ് ചെയ്യുന്നതിന് മുമ്പ് വീട് കഴുകി വൃത്തിയാക്കേണ്ടത് പ്രധാനമാണ്. നന്നായി വൃത്തിയായില്ലെങ്കിൽ പെയിന്റ് ഇളകി പോകാൻ സാധ്യതയുണ്ട്. 
 

വീടിന്റെ പുറം ഭാഗം രണ്ടാമതും പെയിന്റ് ചെയ്യുമ്പോൾ ആദ്യം ഉപയോഗിച്ചിരുന്ന നിറം തന്നെ നൽകുന്നതാണ് നല്ലത്. ഇത് പെയിന്റ് ഇളകി പോകുന്നത് തടയുന്നു. 

അധിക ദിവസം പഴക്കമില്ലാത്ത പെയിന്റ് ആണെങ്കിലോ രണ്ടാമത് പെയിന്റ് ചെയ്യുന്നത് അതേ നിറം തന്നെയാണെങ്കിലോ പ്രൈമർ ഉപയോഗിക്കേണ്ടതില്ല. 

രണ്ടാമത് വീട് പെയിന്റ് ചെയ്യുമ്പോൾ ആദ്യമടിച്ചിരുന്ന പെയിന്റ് കളയാൻ വേണ്ടി എളുപ്പത്തിന് ചുരണ്ടാറുണ്ട്. ഇങ്ങനെ ചെയ്യുമ്പോൾ ചുമരുകൾക്ക് കേടുപാടുകൾ സംഭവിക്കാൻ സാധ്യതയുണ്ട്.