കടന്നലിനെ തുരത്താം

കടന്നലുകൾ നല്ലതാണെങ്കിലും ഇത് ആക്രമിക്കാൻ സാധ്യതയുള്ളത് കൊണ്ട് തന്നെ വീട്ടിൽ നിന്നും ഇതിനെ തുരത്തേണ്ടത് പ്രധാനമാണ്.

ബാക്കിവന്ന മധുരമുള്ള ഭക്ഷണങ്ങളും വെള്ളവും ഒരിക്കലും വീടിന് പുറത്ത് സൂക്ഷിക്കരുത്. ഇത്തരം സാധനങ്ങൾ കടന്നലുകളെ ആകർഷിക്കുന്നു.

മറ്റ്‌ മൃഗങ്ങൾ തുരന്ന് വെച്ചിരിക്കുന്ന ഹോളുകളിൽ കടന്നലുകൾ വന്ന് കൂട് കൂട്ടാറുണ്ട്. അതിനാൽ തന്നെ വീടിന് പുറത്ത് അത്തരം ഹോളുകൾ കണ്ടാൽ അത് അടയ്ക്കാൻ ശ്രദ്ധിക്കണം.

ഇടയ്ക്കിടെ വീടും പരിസരവും നിരീക്ഷിച്ച് കടന്നൽ കൂടുകൾ ഇല്ലെന്ന് ഉറപ്പ് വരുത്താൻ ശ്രദ്ധിക്കണം. ടേബിളിന്റെ അടിഭാഗം, കാർ പോർച്ച്, ഉപയോഗമില്ലാത്ത മുറികൾ തുടങ്ങിയ സ്ഥലങ്ങൾ നിരീക്ഷിക്കാം.

മുറ്റം എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കണം. കരിയിലകൾ കൂടി കിടക്കുന്ന സാഹചര്യം ഒഴിവാക്കാം. ഇത്തരം സ്ഥലങ്ങളിലാണ് കടന്നൽ കൂട് കൂട്ടുന്നത്.

കടന്നലുകൾക്ക് കർപ്പൂരതുളസിയുടെ ഗന്ധം മറികടക്കാൻ സാധിക്കില്ല. കടന്നൽ, കൂട് കൂട്ടാൻ സാധ്യതയുള്ള സ്ഥലങ്ങളിൽ ഇത് സ്പ്രേ ചെയ്യാവുന്നതാണ്.

വീട്ടിലുണ്ടാകുന്ന മാലിന്യങ്ങൾ എപ്പോഴും അടച്ച് സൂക്ഷിക്കാൻ ശ്രദ്ധിക്കണം. ഇതിൽ കടന്നലുകളെ ആകർഷിക്കാൻ സാധ്യതയുള്ള മാലിന്യങ്ങൾ ഉണ്ടാവാം.

പുറത്ത് നിന്നും വീടിനുള്ളിലേക്ക് കടന്നലുകൾ കയറിവരുന്നതിനെ തടയേണ്ടതും പ്രധാനമാണ്. ജനാലകളിൽ നെറ്റ് അടിക്കുന്നത് നല്ലതായിരിക്കും.