വയണ ഇല

വയണ ഇലയിൽ ധാരാളം ഗുണങ്ങൾ അടങ്ങിയിട്ടുണ്ട്. ഇത് കറയേയും അണുക്കളെയും എളുപ്പം ഇല്ലാതാക്കാൻ സഹായിക്കുന്നു.

പാത്രങ്ങൾ കഴുകി വൃത്തിയാക്കുന്നതാണ് അടുക്കളയിലെ ഏറ്റവും ബോറൻ പണി. മറ്റു ക്ലീനറുകൾ ഉപയോഗിക്കാതെ തന്നെ വയണ ഇല ഉപയോഗിച്ച് പാത്രത്തിലെ പറ്റിപ്പിടിച്ച കറ നീക്കം ചെയ്യാൻ സാധിക്കും.

വെള്ളത്തിൽ വയണയില ഇട്ടതിന് ശേഷം നന്നായി തിളപ്പിക്കണം. ശേഷം പാത്രങ്ങൾ ഈ വെള്ളത്തിൽ മുക്കിവെച്ചാൽ മതി. ഇത് കറയെ എളുപ്പം നീക്കം ചെയ്യാൻ സഹായിക്കുന്നു.

മുട്ട, മീൻ, മൽസ്യം, വെളുത്തുള്ളി എന്നിവയുടെ ശക്തമായ ഗന്ധത്തെ അകറ്റി നിർത്താനും വയണ ഇല മതി. കട്ടിങ് ബോർഡിലെയും, പാത്രങ്ങളിലേയും ദുർഗന്ധം അകറ്റാൻ വയണ ഇല ഉപയോഗിക്കാം.

ദുർഗന്ധത്തെ മാത്രമല്ല അണുക്കളെ തുരത്താനും വയണ ഇല നല്ലതാണ്. ഇതിൽ ധാരാളം ആന്റിബാക്റ്റീരിയൽ ഗുണങ്ങൾ അടങ്ങിയിട്ടുണ്ട്. അതിനാൽ തന്നെ അണുക്കളെ നശിപ്പിക്കാൻ വയണ ഇലയ്ക്ക് സാധിക്കും.

പാത്രങ്ങൾ കഴുകി വൃത്തിയാക്കാൻ സോപ്പ് പൊടി വാങ്ങേണ്ടതില്ല. അഴുക്കിനെ കളഞ്ഞ് പാത്രങ്ങൾ അണുവിമുക്തമാക്കാൻ വയണ ഇല മതി.

പലതരം രാസവസ്തുക്കൾ ഉപയോഗിച്ചാണ് സോപ്പ് പൊടികൾ ഉണ്ടാക്കുന്നത്. സെൻസിറ്റീവ് ചർമ്മം ഉള്ളവർക്ക് ഇത് അലർജി പ്രശ്നങ്ങൾ ഉണ്ടാവാൻ കാരണമാകുന്നു. പകരം വയണ ഇല ഉപയോഗിക്കുന്നതാണ് ഉചിതം.

അടുക്കളയിലെ ദുർഗന്ധത്തെ അകറ്റി, നല്ല ഗന്ധം പരത്താനും വയണ ഇല ഉപയോഗിക്കാവുന്നതാണ്.