ഇൻഡോർ പ്ലാന്റുകൾ

ചെടികളെ വളർത്താൻ ഇഷ്ടമില്ലാത്തവർ ആരുമുണ്ടാവില്ല. മണ്ണിലും വെള്ളത്തിലും എളുപ്പത്തിൽ വളർത്താൻ സാധിക്കുന്ന ഇൻഡോർ പ്ലാന്റുകൾ ഇവയാണ്.

പടർന്ന് വളരുന്ന ചെടിയാണ് ഇംഗ്ലീഷ് ഐവി. ഇത് മണ്ണിലോ വെള്ളത്തിലോ നട്ടുവളർത്താൻ സാധിക്കും. തണുപ്പും ഈർപ്പവും ഇഷ്ടപ്പെടുന്ന ചെടിയാണിത്.

വെള്ളത്തിൽ തന്നെ പൂർണമായും വളർത്താൻ സാധിക്കുന്ന ചെടിയാണ് സ്പൈഡർ പ്ലാന്റ്. വേരുകൾ വളർന്നതിന് ശേഷം, ആവശ്യമെങ്കിൽ മണ്ണിലേക്ക് മാറ്റിനടുകയും ചെയ്യാം.

സാധാരണയായി മണ്ണിൽ വളരുന്ന ചെടിയാണ് പീസ് ലില്ലി. ആരോഗ്യമുള്ള വേരുകളാണെങ്കിൽ ഇത് വെള്ളത്തിലും നന്നായി വളരും. പീസ് ലില്ലിക്ക് വായുവിനെ ശുദ്ധീകരിക്കാൻ സാധിക്കും.

വെള്ളത്തിൽ മനോഹരമായി വളരുന്ന ചെടിയാണ് ലക്കി ബാംബൂ. ഇത് മണ്ണിലും നട്ടുവളർത്താൻ സാധിക്കും.

മണ്ണിലും വെള്ളത്തിലും എളുപ്പത്തിൽ വളരുന്ന ചെടിയാണ് ഫിലോഡെൻഡ്രോൺ. ഇതിന് പ്രകാശം ആവശ്യമാണ്.

മണ്ണിലും വെള്ളത്തിലും എളുപ്പത്തിൽ വളർത്താൻ സാധിക്കുന്ന ചെടിയാണ് ചൈനീസ് എവർഗ്രീൻ. ഇതിന് ചെറിയ വെളിച്ചമാണ് ആവശ്യം.

എളുപ്പത്തിൽ വളർത്താൻ സാധിക്കുന്ന ചെടിയാണ് മണി പ്ലാന്റ്. ഇത് വെള്ളത്തിലും മണ്ണിലും വളരുന്നു. നല്ല വെളിച്ചവും, നേരിട്ടല്ലാത്ത സൂര്യപ്രകാശവും ചെടിക്ക് ആവശ്യമാണ്.