ഇസ്തിരി ഉപയോഗം

ശ്രദ്ധയോടെ ഉപയോഗിക്കേണ്ട ഉപകരണമാണ് ഇസ്തിരി. സൂക്ഷ്‌മതയില്ലാതെ ഇസ്തിരി ഉപയോഗിക്കുന്നത് ഊർജ്ജം പാഴാകാൻ കാരണമാകുന്നു.

ഓട്ടോമാറ്റിക് ടെമ്പറേച്ചർ കട്ട് ഓഫ് ഉള്ള ഇസ്തിരി ഉപയോഗിക്കുന്നതാണ് നല്ലത്. നിശ്ചിത താപനിലയിൽ എത്തിക്കഴിഞ്ഞാൽ ഇസ്തിരി താനേ ഓഫ് ആകുന്നു. ഇത് ഊർജ്ജം നഷ്ടപ്പെടുന്നതിനെ തടയുന്നു.

വസ്ത്രങ്ങൾ അയൺ ചെയ്യുമ്പോൾ ഒരാഴ്ചയ്ക്കുള്ളത് ഒരുമിച്ച് അയൺ ചെയ്യാൻ ശ്രദ്ധിക്കണം. ഇത് വൈദ്യുതി ഉപയോഗം കുറയ്ക്കുന്നു.

വസ്ത്രങ്ങൾ അയൺ ചെയ്യുമ്പോൾ ചൂട് കുറവുള്ളത് ആദ്യവും, കൂടുതൽ ചൂട് ആവശ്യമുള്ള വസ്ത്രങ്ങൾ അവസാനവും അയൺ ചെയ്യാൻ ശ്രദ്ധിക്കണം.

നനവുള്ള വസ്ത്രങ്ങൾ ഒരിക്കലും അയൺ ചെയ്യരുത്. വസ്ത്രങ്ങൾ ചൂടാക്കാൻ ഇസ്തിരി അമിതമായി പ്രവർത്തിക്കേണ്ടി വരുകയും ഇത് വൈദ്യുതി നഷ്ടത്തിന് കാരണമാവുകയും ചെയ്യുന്നു.

അയൺ ചെയ്യുന്നതിന് മുമ്പ് ടേബിളിൽ നല്ല കട്ടിയുള്ള വിരിപ്പിടാൻ മറക്കരുത്. ഇല്ലെങ്കിൽ വസ്ത്രങ്ങളിൽ ചുളിവ് പോവുകയില്ല.

ഇസ്തിരി ഇടുന്ന സമയത്ത് ഫാൻ ഉപയോഗിക്കുന്നത് ഒഴിവാക്കാം. ഫാനിൽ നിന്നും വരുന്ന കാറ്റ് ചൂടിനെ ഇല്ലാതാക്കാൻ സാധ്യതയുണ്ട്.

വോൾട്ടേജ് കുറവുള്ള സമയങ്ങളിൽ അയൺ ചെയ്യാതിരിക്കുന്നതാണ് നല്ലത്. നല്ല വോൾട്ടേജുള്ള സമയങ്ങൾ തെരഞ്ഞെടുക്കാം.