പോമറേനിയൻ നായ

വീട്ടിൽ വളർത്തുമൃഗങ്ങൾ ഉണ്ടെങ്കിൽ അവരുടെ കാര്യങ്ങൾ നോക്കാനും അവയെ പരിപാലിക്കാനും മാത്രമേ സമയം ഉണ്ടാവുകയുള്ളു. പോമറേനിയൻ നായയെ വളർത്തുമ്പോൾ ശ്രദ്ധിക്കേണ്ട കാര്യങ്ങൾ ഇതാണ്.

കാഴ്ച്ചയിൽ ചെറുതാണെങ്കിലും എപ്പോഴും സജീവമായി നടക്കുന്ന മൃഗമാണ് പോമറേനിയൻ നായ. സന്തോഷവും ഊർജ്ജവും ലഭിക്കാൻ വ്യായാമം ചെയ്യിക്കാൻ ശ്രദ്ധിക്കണം.

കട്ടിയുള്ള രോമങ്ങളാണ് പോമറേനിയൻ നായക്കുള്ളത്. കുറഞ്ഞത് 3 തവണയെങ്കിലും ആഴ്ച്ചയിൽ രോമങ്ങൾ ബ്രഷ് ചെയ്ത് വൃത്തിയാക്കാൻ ശ്രദ്ധിക്കണം.

എപ്പോഴും ജാഗ്രതയുള്ള വാച്ച്ഡോഗുകളാണ് പോമറേനിയൻ നായ്ക്കൾ. പരിചയമില്ലാത്ത ശബ്ദങ്ങൾ, ആളുകൾ എന്നിവ കണ്ടാൽ ഇവ നിർത്താതെ കുരയ്ക്കുന്ന.

മനുഷ്യരുമായി ഇണങ്ങുന്നവരാണ് പോമറേനിയൻ നായ്ക്കൾ. എന്നിരുന്നാലും കാണാത്ത ആളുകളും മൃഗങ്ങളുമായി അവ പെട്ടെന്ന് ഇണങ്ങുകയില്ല.

ചെറിയ ബ്രീഡുകളിൽ ദന്ത പ്രശ്നങ്ങൾ ഉണ്ടാവാനുള്ള സാധ്യത വളരെ കൂടുതലാണ്. അതിനാൽ തന്നെ എന്നും ബ്രഷ് ചെയ്യിക്കാനും ഇടയ്ക്കിടെ ഡോക്ടറെ സമീപിക്കുന്നതും നല്ലതായിരിക്കും.

നല്ല പോഷക ഗുണങ്ങളുള്ള ഭക്ഷണങ്ങൾ നൽകാൻ പ്രത്യേകം ശ്രദ്ധിക്കണം. അതേസമയം അമിതമായി ഭക്ഷണം നൽകരുത്. ഇത് പൊണ്ണത്തടി ഉണ്ടാവാൻ കാരണമാകുന്നു.

വളരെ പെട്ടെന്ന് കാര്യങ്ങൾ മനസിലാക്കാൻ പോമറേനിയൻ നായ്ക്കൾക്ക് സാധിക്കും. നല്ല രീതിയിൽ പരിശീലനം നൽകിയാൽ ഇവ അതിനനുസരിച്ച് കാര്യങ്ങൾ ചെയ്യും.