ചിലന്തിയെ തുരത്താം

വീടിനുള്ളിൽ സ്ഥിരം എത്തുന്ന ജീവിയാണ് ചിലന്തി. വീട്ടിലെ ചിലന്തി ശല്യം ഒഴിവാക്കാൻ ഇങ്ങനെ ചെയ്ത് നോക്കൂ.

കർപ്പൂരതുളസി, ലാവണ്ടർ, സിട്രോനെല്ല എന്നിവയുടെ എണ്ണ ഉപയോഗിച്ചാൽ ചിലന്തി വരുന്നത് തടയാൻ സാധിക്കും. കുറച്ച് വെള്ളമെടുത്തതിന് ശേഷം അതിലേക്ക് രണ്ട് തുള്ളി എണ്ണയൊഴിച്ച് സ്പ്രേ ചെയ്യാം.

ചിലന്തി വരാൻ സാധ്യതയുള്ള ഇടങ്ങളിൽ വിനാഗിരി സ്പ്രേ ചെയ്ത് കൊടുത്താൽ മതി.

വെളുത്തുള്ളിയുടെ ഗന്ധത്തെ മറികടക്കാൻ ചിലന്തി കഴിയില്ല. അതിനാൽ തന്നെ ചിലന്തി വരുന്ന സ്ഥലങ്ങളിൽ വെളുത്തുള്ളി സ്പ്രേ ചെയ്യാം.

ഓറഞ്ച്, നാരങ്ങ എന്നിവയുടെ തൊലി ചിലന്തി വരുന്ന ഇടങ്ങളിൽ ഇട്ടാൽ ഇതിനെ തുരത്താൻ സാധിക്കും.

പുതിന, റോസ്മേരി, ലാവണ്ടർ തുടങ്ങിയ ഔഷധ സസ്യങ്ങളുടെ ഗന്ധം ചിലന്തിക്ക് പറ്റാത്തവയാണ്. ഇത് വീടിനുള്ളിൽ വളർത്തിയാൽ മതി.

വീടിനുള്ളിൽ സാധനങ്ങൾ കുന്നുകൂടി കിടക്കുന്നത് ഒഴിവാക്കാം. ഇങ്ങനെ കിടക്കുമ്പോൾ ജീവികൾ വന്നിരിക്കാനുള്ള സാധ്യത കൂടുതലാണ്.

സ്ഥിരമായി ചിലന്തി വരാറുള്ള സ്ഥലങ്ങളിൽ വെളിച്ചം ഒഴിവാക്കുന്നത് നല്ലതായിരിക്കും. കാരണം വെട്ടത്തിൽ വരുന്ന പ്രാണികളെ പിടികൂടാൻ ചിലന്തി വരാറുണ്ട്.