മൈലേജ് രാജാവാകാൻ കിയ ക്ലാവിസ്, ഫുൾ ടാങ്കിൽ മാരുതി വാഗൺആറിനേക്കാൾ കൂടുതൽ ദൂരം സഞ്ചരിക്കും
Follow Us
Synopsis
കിയ കാരൻസ് ക്ലാവിസിന്റെ ഔദ്യോഗിക മൈലേജ് കണക്കുകൾ പുറത്തുവിട്ടു. പെട്രോൾ, ഡീസൽ മോഡലുകളുടെ മൈലേജ് എത്രയാണെന്ന് അറിയാം.
ഇന്ത്യയിലെ 7 സീറ്റർ കാർ വിപണിയിൽ ഒരു പുതിയ ആഡംബര ഫീൽ നൽകിക്കൊണ്ട് അടുത്തിടെ കിയ കാരെൻസ് ക്ലാവിസ് എത്തി. ഇപ്പോൾ അതിന്റെ മൈലേജുമായി ബന്ധപ്പെട്ട വിശദാംശങ്ങളും പുറത്തുവന്നിരിക്കുന്നു. ഈ കാറിന്റെ എആർഎഐ പ്രകാരമുള്ള ഔദ്യോഗിക മൈലേജ് വിവരങ്ങൾ കഴിഞ്ഞ ദിവസം കമ്പനി പങ്കിട്ടു. കാറിന്റെ പെട്രോൾ, ഡീസൽ മോഡലുകളിൽ ഏതാണ് കൂടുതൽ മൈലേജ് നൽകുന്നതെന്ന് ഇത് കാണിക്കുന്നു. ഇതാ ഈ മൈലേജ് കണക്കുകൾ സംബന്ധിച്ച് അറിയേണ്ടതെല്ലാം.
കിയ കാരൻസ് ക്ലാവിസിനെ മൂന്ന് എഞ്ചിൻ ഓപ്ഷനുകളിലാണ് കമ്പനി അവതരിപ്പിച്ചിരിക്കുന്നത്. ഈ മൂന്ന് എഞ്ചിനുകൾ ഉപയോഗിച്ച്, ഈ കാർ വ്യത്യസ്ത മൈലേജുകൾ നൽകുന്നു. 6-സ്പീഡ് മാനുവൽ ട്രാൻസ്‍മിഷനോടുകൂടിയ കിയ കാരെൻസ് ക്ലാവിസിന്റെ 1.5 ലിറ്റർ ടർബോ പെട്രോൾ എഞ്ചിൻ ലിറ്ററിന് 15.95 കിലോമീറ്റർ മൈലേജ് നൽകുന്നു. അതേസമയം 7-സ്പീഡ് ഡിസിടി ട്രാൻസ്മിഷൻ 16.66 കിലോമീറ്റർ മൈലേജ് നൽകുന്നു. ഈ എഞ്ചിൻ 160 bhp കരുത്തും 253 ന്യൂട്ടൺ മീറ്റർ ടോർക്കും ഉത്പാദിപ്പിക്കുന്നു.
കിയ കാരൻസ് ക്ലാവിസിന്റെ ഒരു മോഡൽ 1.5 ലിറ്റർ പെട്രോൾ എഞ്ചിനിലാണ് വരുന്നത്. ആറ് സ്പീഡ് മാനുവൽ ട്രാൻസ്മിഷനുള്ള ഇത് ലിറ്ററിന് 15.34 കിലോമീറ്റർ മൈലേജ് നൽകുന്നു. ഈ എഞ്ചിൻ 115 bhp കരുത്തും 144 Nm ടോർക്കും ഉത്പാദിപ്പിക്കുന്നു.1.5 ലിറ്റർ ടർബോ ഡീസൽ എഞ്ചിൻ ഓപ്ഷനിൽ കിയ കാരെൻസ് ക്ലാവിസും കമ്പനി പുറത്തിറക്കിയിട്ടുണ്ട്. ഈ എഞ്ചിൻ 116 എച്ച്‌പിസി പവറും 250 എൻഎം ടോർക്കും ഉത്പാദിപ്പിക്കുന്നു. 6 സ്പീഡ് മാനുവൽ ട്രാൻസ്മിഷനിൽ 19.54 കിലോമീറ്ററും ഓട്ടോമാറ്റിക് ട്രാൻസ്മിഷനിൽ 17.50 കിലോമീറ്ററും മൈലേജ് നൽകുന്നു. കിയ കാരൻസ് ക്ലാവിസിന്റെ വിലകൾ മെയ് 23 ന് വെളിപ്പെടുത്തുമെന്ന് പ്രതീക്ഷിക്കുന്നു. അതിനുമുമ്പ്, കാറിന്റെ മൈലേജ് വിശദാംശങ്ങൾ വെളിപ്പെടുത്തിയിട്ടുണ്ട്. ഈ കാറിന്റെ ഡീസൽ മോഡലാണ് മികച്ച മൈലേജ് അവകാശപ്പെടുന്നത്.
ഈ കാറിന് മാരുതി വാഗൺആറിനെപ്പോലെ മൈലേജ് ഉണ്ട് എന്നതാണ് ശ്രദ്ധേയം. എങ്കിലും, കിയ കാരെൻസ് ക്ലാവിസും മാരുതി വാഗൺആറും തമ്മിൽ ഒരു താരതമ്യവുമില്ല. കാരണം രണ്ട് കാറുകളും വ്യത്യസ്ത സെഗ്‌മെന്റുകളിൽ പെട്ടവയാണ്. എന്നാലും, ഒരു കാറിന്റെ മൈലേജിന്റെ കാര്യം വരുമ്പോഴെല്ലാം, മാരുതി വാഗൺആർ അതിൽത്തന്നെ ഒരു മാനദണ്ഡമായി മാറുന്നു. കാരണം രാജ്യത്തെ ഏറ്റവും കൂടുതൽ മൈലേജ് ലഭിക്കുന്ന കാറുകളിൽ ഒന്നാണ് മാരുതി വാഗൺ ആർ.
മാരുതി വാഗൺആർ കാറിൽ 1.0 ലിറ്റർ പെട്രോൾ എഞ്ചിനാണ് ഉള്ളത്. ഓട്ടോമാറ്റിക് ട്രാൻസ്മിഷനുള്ള ഈ കാർ ലിറ്ററിന് 25.19 കിലോമീറ്റർ വരെ മൈലേജ് നൽകുന്നു. പെട്രോൾ ടാങ്കിന്റെ ശേഷി 32 ലിറ്ററാണ്. ഈ കണക്ക് അനുസരിച്ച് നോക്കിയാൽ ഈ കാറിന് ഒരു ഫുൾ ടാങ്കിൽ ആകെ 806 കിലോമീറ്റർ ദൂരം സഞ്ചരിക്കാൻ കഴിയും.
കിയ കാരെൻസ് ക്ലാവിസിന് 45 ലിറ്റർ ഇന്ധന ടാങ്ക് ശേഷിയുണ്ട്. ഡീസൽ വേരിയന്റിൽ ഇത് ലിറ്ററിന് പരമാവധി 19.56 കിലോമീറ്റർ മൈലേജ് നൽകുന്നു. ഈ രീതിയിൽ, ഫുൾ ടാങ്കിൽ അതിന്റെ ആകെ പരിധി 880 കിലോമീറ്ററാണ്. ഈ രീതിയിൽ, വലുതും ശക്തവുമായ ഒരു കാറാണെങ്കിലും, ഈ കാറിന്റെ മൈലേജ് ഏതാണ്ട് ഒരു ചെറിയ കാറിന്‍റേതിന് തുല്യമാണ്.
എങ്കിലും, വിപണിയിൽ കിയ കാരൻസ് ക്ലാവിസിന്റെ നേരിട്ടുള്ള എതിരാളി മാരുതി സുസുക്കി XL6 ആണ്. ഇത് ലിറ്ററിന് 20.97 കിലോമീറ്റർ വരെ മൈലേജ് നൽകുന്നു. ഇതിനുപുറമെ, മാരുതി എർട്ടിഗയ്ക്ക് ലിറ്ററിന് 26.11 കിലോമീറ്റർ വരെയും ടൊയോട്ട റൂമിയണിന് ലിറ്ററിന് 26.11 കിലോമീറ്റർ വരെയും മൈലേജ് ലഭിക്കുമെന്ന് കമ്പനി അവകാശപ്പെടുന്നു.
