ഏതൊരച്ഛനും കൊതിക്കും, കല്യാണ അതിഥികളെ പിക്ക് ചെയ്യാൻ 'അംബാനിയച്ഛൻ' ഒരുക്കിയ ഈ സൂപ്പ‍ർ കാറുകൾ കണ്ടാൽ!
സെലിബ്രിറ്റി അതിഥികളെ വിമാനത്താവളത്തിൽ നിന്ന് ആഘോഷ വേദിയിലേക്ക് കൊണ്ടുവരാൻ ആഡംബര വാഹനങ്ങൾക്കുള്ള നിരതന്നെയാണ് അംബാനി ഏർപ്പെടുത്തിയിരിക്കുന്നത്. ഏതൊക്കെ സെലിബ്രിറ്റികൾ ഏതൊക്കെ വാഹനത്തിലാണ് എത്തിയതെന്ന് അറിയൂ
ശതകോടീശ്വരനായ മുകേഷ് അംബാനിയുടെ ഇളയ മകനായ അനന്ത് അംബാനിയുടെ പ്രീ വെഡിങ് പാർട്ടി അതിഗംഭീരമായി ആഘോഷിക്കുകയാണ് അംബാനി കുടുംബം. അനന്തിൻ്റെയും രാധികയുടെയും വിവാഹത്തിന് മുമ്പുള്ള ചടങ്ങുകൾ വളരെ പ്രത്യേകതയുള്ളതാണ്. രാജ്യത്തുടനീളമുള്ള നിരവധി പ്രമുഖരും ഇതിൽ പങ്കെടുത്തിട്ടുണ്ട്. രാധിക മർച്ചൻ്റിൻ്റെയും അനന്ത് അംബാനിയുടെയും വിവാഹത്തിന് മുമ്പുള്ള ആഘോഷം ഗുജറാത്തിലെ ജാംനഗറിൽ നടന്നു, ലോക നേതാക്കൾ, ബോളിവുഡ് സെലിബ്രിറ്റികൾ, കോടീശ്വരന്മാർ എന്നിവരുൾപ്പെടെ ലോകമെമ്പാടുമുള്ള നിരവധി ഉന്നത അതിഥികൾ ഉണ്ടായിരുന്നു. ഗ്രാമി അവാർഡ് നേടിയ ഗായിക റിഹാനയുടെ പ്രകടനത്തോടെയാണ് അംബാനികൾ ആതിഥേയത്വം വഹിച്ചത്.
ജാംനഗറിൽ മൂന്ന് ദിവസത്തെ വിവാഹത്തിന് മുമ്പുള്ള ആഘോഷങ്ങളിൽ പങ്കെടുക്കുന്ന അതിഥികൾക്കായി അംബാനി കുടുംബം വിവിധ ആഡംബരവും അതുല്യവുമായ സേവനങ്ങൾ ക്രമീകരിച്ചിട്ടുണ്ട്. മുംബൈയിൽ നിന്നും ഡൽഹിയിൽ നിന്നും ജാംനഗറിലേക്കുള്ള ചാർട്ടേഡ് ഫ്ലൈറ്റുകൾ, ലോകോത്തര ഷെഫുകൾ, വാർഡ്രോബ് സേവനങ്ങൾ, അതിഥികളെ കൊണ്ടുപോകുന്നതിനുള്ള ആഡംബര കാറുകളുടെ ഒരു കൂട്ടം, റിഹാന, അരിജിത് സിംഗ്, ദിൽജിത് ദോസഞ്ച്, അജയ്-അതുൽ എന്നിവരുൾപ്പെടെ നിരവധി പ്രശസ്ത കലാകാരന്മാരുടെ സംഗീത പ്രകടനങ്ങൾ എന്നിവ ഇതിൽ ഉൾപ്പെടുന്നു.
സെലിബ്രിറ്റി അതിഥികളെ വിമാനത്താവളത്തിൽ നിന്ന് ആഘോഷ വേദിയിലേക്ക് കൊണ്ടുവരാൻ ആഡംബര വാഹനങ്ങളുടെ ഒരു നിര തന്നെയാണ് മുകേഷ് അംബാനി ഏർപ്പെടുത്തിയിരിക്കുന്നത്. ഏതൊക്കെ സെലിബ്രിറ്റികൾ ഏതൊക്കെ വാഹനത്തിലാണ് എത്തിയതെന്ന് അറിയൂ
റോൾസ് റോയ്‌സ് ഗോസ്റ്റിൽ കിംഗ് ഖാൻ
ജാംനഗറിൽ അനന്ത് അംബാനിയുടെയും രാധിക മർച്ചൻ്റിൻ്റെയും വിവാഹത്തിന് മുന്നോടിയായുള്ള ചടങ്ങിൽ ബോളിവുഡ് കിംഗ് ഷാരൂഖ് ഖാൻ എത്തിയത് റോൾസ് റോയ്‌സ് ഗോസ്റ്റിലാണ്. 10 കോടി രൂപയാണ് ഈ കാറിൻ്റെ വില. വിവാഹത്തിന് മുന്നോടിയായാണ് കുടുംബത്തോടൊപ്പം എത്തിയിരിക്കുന്നത്. ഷാരൂഖിൻ്റെ മകൻ ആര്യൻ ഖാന് വേണ്ടി നാല് കോടി രൂപ വിലമതിക്കുന്ന ലാൻഡ് റേഞ്ച് റോവർ എന്ന പ്രത്യേക കാർ അയച്ചുകൊടുത്തു എന്നതാണ് പ്രത്യേകത.
ബെൻ്റ്‌ലി ബെൻ്റയ്‌ഗയിൽ സൽമാൻ
ബോളീവുഡ് സിനിമാ വ്യവസായത്തിൻ്റെ നട്ടെല്ലായ സൽമാൻ ഖാനും ആഘോഷങ്ങൾക്ക് എത്തിയിട്ടുണ്ട്. ബെൻ്റ്‌ലി ബെൻ്റയ്‌ഗയിലാണ് സൽമാൻ വിവാഹത്തിനു മുമ്പുള്ള ചടങ്ങിൽ പ്രവേശിച്ചത്. അംബാനി കുടുംബം തന്നെയാണ് ഈ വാഹനം അദ്ദേഹത്തിന് വേണ്ടി ഏർപ്പാടാക്കിയത്. ഏഴ് കോടിയിലധികം രൂപയാണ് ഈ ആഡംബര സെഡാൻ്റെ വില.
രൺബീറിനും ആലിയയ്ക്കും റേഞ്ച് റോവർ
അനന്തിൻ്റെയും രാധികയുടെയും വിവാഹത്തിന് മുമ്പുള്ള ചടങ്ങിൽ പങ്കെടുക്കാൻ രൺബീർ കപൂറും ആലിയ ഭട്ടും എത്തിയിട്ടുണ്ട്. അവരെ കൊണ്ടുവരാൻ ഒരു റേഞ്ച് റോവർ എസ്‌യുവി ഏർപ്പാട് ചെയ്തു.
നീതു കപൂറിന് മെയ്‍ബാക്ക്
അനന്ത് അംബാനിയുടെയും രാധിക മെർച്ചൻ്റിൻ്റെയും വിവാഹത്തിന് മുമ്പുള്ള ആഘോഷത്തിൽ രൺബീർ കപൂറിൻ്റെ അമ്മ നീതു കപൂർ സിംഗ് എത്തി. നാല് കോടി രൂപ വിലമതിക്കുന്ന മെഴ്‌സിഡസ് ബെൻസ് മെയ്ബാക്കാണ് നീതുവിനായി അയച്ചത്.
അർജൻ കപൂറും കത്രീനയ്ക്കുമൊക്കെ എത്താൻ പ്രത്യേകം ആഡംബര കാറുകൾ അംബാനിമാർ അയച്ചുകൊടുത്തിട്ടുണ്ടെന്നാണ് റിപ്പോര്‍ട്ടുകൾ.
