മഹീന്ദ്ര തങ്ങളുടെ ഇലക്ട്രിക് വാഹന ശ്രേണി വിപുലീകരിക്കുന്നു, 2025 അവസാനത്തോടെ പുതിയ 7 സീറ്റർ XUV7e ഇലക്ട്രിക് എസ്‌യുവി അവതരിപ്പിക്കാൻ ഒരുങ്ങുന്നു. XUV9e യുടെ മൂന്ന് നിര പതിപ്പായ ഇത് നിരവധി സവിശേഷതകളും വലിയ ബാറ്ററിയും വാഗ്ദാനം ചെയ്യുന്നു.

മഹീന്ദ്ര ആൻഡ് മഹീന്ദ്ര തങ്ങളുടെ പുതിയ ഇൻഗ്ലോ മോഡുലാർ ലൈറ്റ്‌വെയ്റ്റ് സ്കേറ്റ്‌ബോർഡ് പ്ലാറ്റ്‌ഫോം അധിഷ്ഠിത ഇലക്ട്രിക് എസ്‌യുവികളായ ബിഇ 6 ഉം XEV 9ഇയും ഉപയോഗിച്ച് ഇവി വിഭാഗത്തിൽ സ്ഥാനം പിടിച്ചു. ഉയർന്ന ഡിമാൻഡ് കാരണം കമ്പനി 2025 മെയ് മാസത്തിൽ എക്കാലത്തെയും ഉയർന്ന പ്രതിമാസ ഉൽപ്പാദനവും (3,692 യൂണിറ്റുകൾ) മൊത്തവ്യാപാരവും (4,021 യൂണിറ്റുകൾ) രേഖപ്പെടുത്തി. ഈ ഇവികളുടെ ആകെ ഉൽപ്പാദനവും വിൽപ്പനയും എത്തി അഞ്ച് മാസത്തിനുള്ളിൽ 15,000 യൂണിറ്റുകൾ കടന്നു.

തങ്ങളുടെ ഇലക്ട്രിക് വാഹന ഉൽപ്പന്ന ശ്രേണി കൂടുതൽ വികസിപ്പിക്കുക എന്ന ലക്ഷ്യത്തോടെ, 2025 അവസാനത്തോടെ മഹീന്ദ്ര ഒരു പുതിയ 7 സീറ്റർ ഇലക്ട്രിക് എസ്‌യുവി അവതരിപ്പിക്കാൻ ഒരുങ്ങുന്നതായാണ് പുതിയ റിപ്പോർട്ടുകൾ. ഇതിന്റെ പ്രൊഡക്ഷൻ പതിപ്പിനെ 'മഹീന്ദ്ര XEV 7e' എന്ന് വിളിക്കാൻ സാധ്യതയുണ്ട്. ഇത് അടിസ്ഥാനപരമായി XEV 9e കൂപ്പെ എസ്‌യുവിയുടെ മൂന്ന് നിര പതിപ്പായിരിക്കും. മഹീന്ദ്ര XEV 9e 7-സീറ്റർ എസ്‌യുവിയുടെ ഔദ്യോഗിക വിശദാംശങ്ങളും സവിശേഷതകളും ഇതുവരെ വെളിപ്പെടുത്തിയിട്ടില്ല. എങ്കിലും, 5 സീറ്റർ പതിപ്പുമായി നിരവധി ഡിസൈൻ ഘടകങ്ങൾ, ഫീച്ചറുകൾ, പാർട്‍സുകൾ, പവർട്രെയിൻ തുടങ്ങിയവ ഇവി പങ്കിടുമെന്ന് പ്രതീക്ഷിക്കുന്നു.

XEV 9e യുടെ 7-സീറ്റർ പതിപ്പ് എന്ന നിലയിൽ, വരാനിരിക്കുന്ന മഹീന്ദ്ര XEV 7e 59kWh, 79kWh LFP (ലിഥിയം-ഇരുമ്പ് ഫോസ്ഫേറ്റ്) ബാറ്ററികളുമായി വരാൻ സാധ്യതയുണ്ട്, ഇവ യഥാക്രമം 286bhp, 231bhp ഇലക്ട്രിക് മോട്ടോറുകളുമായി ജോടിയാക്കിയിരിക്കുന്നു. MIDC സൈക്കിളിൽ, ചെറിയ ബാറ്ററി 542 കിലോമീറ്റർ അവകാശപ്പെടുന്ന റേഞ്ച് നൽകുന്നു. വലിയ ബാറ്ററി പതിപ്പ് പൂർണ്ണ ചാർജിൽ 656 കിലോമീറ്റർ വാഗ്ദാനം ചെയ്യുന്നു. എങ്കിലും, മഹീന്ദ്ര XEV 9e 7-സീറ്ററിന്റെ റേഞ്ച് അതിന്റെ 5-സീറ്റർ സഹോദരനുമായി താരതമ്യപ്പെടുത്തുമ്പോൾ അൽപ്പം വ്യത്യസ്‍തമായിരിക്കും.

മഹീന്ദ്ര XEV 7e യുടെ ക്യാബിൻ XEV 9e യുമായി വളരെ സാമ്യം ഉള്ളതായിരിക്കും. ട്രിപ്പിൾ സ്‌ക്രീൻ സജ്ജീകരണവും (ഓരോന്നിനും 12.3 ഇഞ്ച് വലിപ്പമുണ്ട്) രണ്ട് സ്‌പോക്ക് സ്റ്റിയറിംഗ് വീലും പ്രകാശിത ലോഗോയും ഇതിൽ ഉണ്ടാകും. രണ്ടാം നിരയിൽ ക്യാപ്റ്റൻ സീറ്റുകൾ പ്രതീക്ഷിക്കുന്നു. അതേസമയം പരമ്പരാഗത റൂഫ്‌ലൈൻ വിശാലമായ ഹെഡ്‌റൂം ഉറപ്പാക്കും. പ്രതീക്ഷിക്കുന്ന പ്രധാന സവിശേഷതകളിൽ ഇവ ഉൾപ്പെടുന്നു:

പനോരമിക് സൺറൂഫ്

ലെതറെറ്റ് സീറ്റും സ്റ്റിയറിംഗ് അപ്ഹോൾസ്റ്ററിയും

ഡ്യുവൽ സോൺ ക്ലൈമറ്റ് കൺട്രോൾ സിസ്റ്റം

ഇന്റീരിയർ ഓട്ടോ ഡിമ്മിംഗ് ഐആർവിഎം

വെന്‍റിലേറ്റഡ് മുൻ സീറ്റുകൾ

ഓരോ നിര സീറ്റിനും വയർലെസ് സ്മാർട്ട്‌ഫോൺ ചാർജർ

ഇന്‍റീരിയർ ആംബിയന്റ് ലൈറ്റിംഗും കാർപെറ്റ് ലാമ്പുകളും

ഓട്ടോ ലെയ്ൻ ചാർജും ലെയ്ൻ കീപ്പ് അസിസ്റ്റും

മുന്നിലും പിന്നിലും ക്രോസ് ട്രാഫിക് അലേർട്ട്

ഓഗ്മെന്റഡ് റിയാലിറ്റി എച്ച്‍യുഡി

ലെവൽ 2 ADAS

തത്സമയ റെക്കോർഡിംഗുള്ള 360-ഡിഗ്രി ക്യാമറകൾ

അഡാപ്റ്റീവ് ക്രൂയിസ് നിയന്ത്രണം

ഫ്രണ്ട് പാർക്കിംഗ് സെൻസറുകൾ

പ്രതീക്ഷിക്കുന്ന വില:

മഹീന്ദ്ര XEV 9e 7-സീറ്റർ എസ്‌യുവിയുടെ വില 21.90 ലക്ഷം മുതൽ 30.50 ലക്ഷം രൂപ വരെ എക്സ്-ഷോറൂം വിലയിൽ ലഭ്യമായ അതിന്റെ 5-സീറ്റർ പതിപ്പിനേക്കാൾ ഏകദേശം 2 ലക്ഷം രൂപ മുതൽ 2.50 ലക്ഷം രൂപ വരെ വിലക്കൂടുതൽ പ്രതീക്ഷിക്കുന്നു.